CLOSE WINDOW

Gpb044.006
བོད་ཡིག

/ g.yu mtsho'i mgul du shog ser dngos la zhus// ! thugs rje chen po la phyag 'tshal lo// nub phyaugs bde ba can gyi zhing khams na/ pad+ma las rdzus te skye ba las// skye ba gzhan gyi ming med pa// skyes nas 'chi ba med pa/ tshe dpag tu med pa/ sangs rgyas snang ba mtha' yas 'od dpag med bzhugs so// sangs rgyas des 'gro ba sems can gyi don dgongs nas/ 'gro ba rigs drug thams cad 'dul ba la dgongs te/spyan ras gzigs thugs rje che por sprul lo// 'gro ba'i don du u rgyan gyi slob dpon pad+ma 'byung gnas pad+ma'i sdong po las sprul lo// de yang byang chub sems dpa' 'phags pa spyan ras gzigs kyi pho brang ri po Ta la'i nub phyogs na/brag phug ma ra ti gar tshe'i rigs 'dzin bsgrubs pas/ sangs rgyas snang ba mtha' yas kyi zhal gzigs/ bdud rtsi'i bum pa gang gis dbang bskur te/tshe'i rigs 'dzin thob nas/ sku skye shi med par gyur to/ de'i tshe de'i dus na sangs rgyas snang ba mtha' yas la/ yang sprul pad+ma 'byung gnas kyis/ thug rje chen po yi dam lha'i lung zhus pa/yang dag par rdzogs pa'i sangs rgyas snang ba mtha' yas thams cad mkhyen pa/ thugs rje dang ldan pa/ thugs rje'i bdag po 'phags pa spyan ras gzigs kyi bsgrub pa'i thabs bka' stsal du gsol/ zhes zhus so/gleng gzhi'i le'u ste dang po'o//// de nas sangs rgyas snang ba mtha' yas kyis/ yang sprul pad+ma 'byung gnas la bka' stsal pa/ thugs rje chen po'i yang snying yi ge drug pa'o// oM AHhUM hrIH sku gsung thugs kyi yang snying dang bcas pa'o// yi ge 'bru gsum sku gsung thugs kyi gnad dang ldan te/ dus gsum gyi sangs rgyas thams cad kyi sku gsung thugs kyi ngo bo yin te/ oM longs spyod rdzogs pa'i sku/ rigs lnga ye shes lnga dang ldan/ A sprul pa'i sprul pa/ skye ba med las thams cad skyes/ hUM chos sku 'gyur ba med/ ma bcos rang bzhin lhun gyis grub/ yi ge 'bru gsum sangs rgyas thamasacad kyi sku gsung thug kyi ngo bor rdzogs so// sangs rgyas thams cad kyi sku gsung thugs kyi snying po yin te/ A+oM sku'i snying po sangs rgyas thamasacad kyi sku grub par byed/ A gsung gi snying po sangs rgyas thams cad kyi gsung grub par byed/hUM thugs kyi snying po sangs rgyas thamasacad kyi thugs grub par byed do/ khams gsum gyi sems can thams cad kyi lus ngag yid gsum gyi snying po yang yin te/ oM gyis lus kyi sgrib pa sbyaung/ A yis ngag gi sgrib pa sbyong/hUM gis yid kyi sgrib pa sbyong/ lus ngag yid yi ge 'bru gsum sku gsung thugs kyi gnad yod pas/ spyi dus gsum gyi sangs rgyas thams cad 'grub para'agyur la/ sgos thugs rje chen po'i sku gsung thugs kyi snying po yin pas/byin rlabs rgyun du 'byung ba'i gnad yin no/ hrIHni thugs rje che po'i yang snying yin pas/ thugs rje srog gi sa bon hrIH gnas pas/ bskyed pa'i sa bon yin/ yang snying 'gugs pa'i lcags kyu yin pas/thugs rje che po la mi 'byon pa'i dbang med pas myur du mi 'grub mi srid pa'i gnad yin no// thugs rje chen po'i nye ba'i snying po yin pas/ thug rje chen pos gang zlos pa la thugs brtse bas rtse gcig tu rgyun chad med par dgongs pa yin no// gzhi snying po gnad kyi le'u ste gnyis pa'o//// yi ge drug pa thugs rje chen po'i yang snying yin pas/ snying po gzhan yang mi 'dra ste/ 'gro drug g.yang sa gcod pa yin no// nyon mongs pa drug gtso bor byas pas 'gro ba rigs drug tu skye ste/ nga rgyal gyi 'bras bu lhar skye/ nga rgyal gyi yal ga khong khros lha ma yin du skye/ 'dod chags kyi 'bras bu mir skye/gti mug gi 'bras bu byol song du skye/ ser sna'i 'bras bu yi dags su skye/ zhe sdang gi 'bras bu dmyal bar skye'o// de ltar 'gro ba rigs drug gi g.yang sa gcod pa yang/ oM ma Ni pad+me hUM/ zhes pa'i yi ge drug pa 'di yin te/ oM gyis lha ltung ba'i sdug bsngal zhi nas/ nga rgyal rang sar grol nas lha ltung ba'i g.yang sa chod/ mas lha ma yin 'thab rtsod kyi sdug bsngal zhi nas/ khong khro rang sar grol te/ lha ma yin du skye ba'i g.yang sa chod/ Nis mi'i sdug bsngal zhi nas/ 'dod chags rang sar grol te mir skye ba'i g.yang sa chod/ pad kyi byol song bkol spyod kyi sdug bsngal zhi nas/ gti mug rang sar grol nas byol song du skye ba'i g.yang sa chod/mes yi dags kyi sdug bsngal zhi nas/ ser sna rang sar grol te yi dwags su skye ba'i g.yang sa chod/ hUM gis dmyal ba tsha grang gi sdug bsngal zhi nas/ zhe sdang rang sar grol te dmyal bar skye ba'i g.yang sa chod do// yi ge 'bru drug gis 'khor ba'i g.yang sa chod nas/ 'khor ba gnas stongs pa yin no// 'gro drug g.yang sa gcod pa'i le'u ste gsum pa'o//// de ltar yi ge 'bru drug gi 'khor ba'i g.yang sa chod tsam na gsang ba'i dgra gsum sod de/phyi yi dgra sdang ba'i dgra dang gnod pa'i bgegs yin te/ rang sems thugs rje chen po'i dgongs par rtogs pas stong nyid snying rje snying po can rgyud la skyes pas// rang gzhan 'khrul pas dgra bgeg snang bas 'khrul pa log pas dgra bgegs rang sar grol/ phyi dgra rang sar bsad/ nang gi dgra na tsha sdug bsngal yin pas/ lus lhar gsal bas gdos pa'i phung po rang sar grol nas/lus kyi 'byung pa cha snyaums nas/ 'byung ba bzhi'i na tsha zhi/ sems kyi sdug bsngal rang sems byed mkhan yin pas/ sem la dngos po grub pa'i ngo bo med pas sdug bsngal byed mkhan rang sar grol// sdug bsngal ngo bo brlag/ nang gi dgra bo rang sar bsad/ gsang ba'i nga bdag 'gong pau yin pas dug lnga sems las byung nas ma 'gags rtsal du shar bas/ skye sa sems las skyes nas dngos med sems la thims pas skye grol dus gcig zhi/nga bdag 'dzin pa chags pa'i sdang yul las shar yang chags sdang byed mkhan sems yin/ sems la 'dzin mkhan med/ nga bdag 'gong po rang sar grol nas nga bdag 'gong po gsang dgra bsad do// gsang ba'i dgra gsum bsad pa'i le'u ste bzhi pa'o//// de ltar dgra gsum sod pa dang/ 'jigs pa'i bdud bzhi gzhom ste/ lus lha thugs rje chen por gsal/lha la bgres shing rgud pa med pas/ rnal 'byor pa'i lus na tsha med pas/ rgas shing rgud pa med pas phung po'i bdud choms/ snang ba yi dam lha thugs rje chen po'i ngo bor mthong/ de rmi lam sgyu ma lta bur snang la rang bzhin med par mthong/ de la chags shing zhen pa med pas lha'i bu'i bdud choms/ pha dang/ ma dang/ bu tsha dang/ grogs dang/ gnyen dang/ rdzas dang/ yo byad la sogs par 'khrul snang sgyu mar shes nas chags pa chod/dgra dang sems kyi 'khrul par shes/ zhe sdang zhi nas snying rje skyes pas nyon mongs pa'i bdud choms/ sems la skye 'chi med pa'i gdeng rnyed pas/ khams gsum 'khor bar skye dogs med pas/rig pa chos skur btsan sa zin pas 'chi bdag gi bdud choms so// 'jigs pa'i bdud bzhi 'joms pa'i le'u ste lnga pa'o//// de ltar 'gro ba rigs drug gi g.yang sa chod/gsang ba'i dgra gsum gsod/ 'jigs pa'i bdud bzhi choms// 'khor ba'i gdos thag chod/ dus de tsam na rnal 'byor pa de lus mir 'dug kyang sems sangs rgyas pa yin no// de la thugs rje chen po'i chos 'di/chos gzhan pas khyad par du 'phags te/ gzhan gyi lta ba la grub mtha' phyogs 'dzin gyi 'dod pa yod// thugs rje chen po'i lta ba la grub mtha'i ltos chos med/ phyogs med rang sar grol bas lta ba'i gnad dang ldan te/lta ba gzhan las khyad par du 'phags so// thugs rje chen po'i bsgom pa gzhan las khyad par du 'phags te// gzhan gyi bsgaum pa la mnyam bzhag rjes thob sgom byed kyi rtsol ba yod/thugs rje chen po'i bsgaum pa la stong gsal rang byung rang la gnas pas/ nyams dang rtags kyis ltos chos med/ bsgom bya dang sgom byed med pas rang sar grol bas/ bsgom pa'i gnad dang ldan te gzhan las khyad par 'phags so// thugs rje chen po'i spyod pa gzhan las khyad par du 'phags ste/ gzhan gyi spyod pa la zhe 'dod spong len gyi rtsol ba yod/ thugs rje chen po'i spyod pa la byed spyod ma 'gags shugs la spyod pas rkyen snang bde sdug rang sar grol bas/spyod pa gnad dang ldan te spyod pa gzhan las khyad du 'phags so// thugs rje chen po'i 'bras bu gzhan las khyad du 'phags te/ gzhan gyi 'bras bu la sangs rgyas logs nas 'dod pa'i bsgrub bya yod// thugs rje chen po'i 'bras bu la/ rang sems rtogs na 'bras bu sangs rgyas pas/ sems skye 'gag med pa ye nas chos sku yin pas/ 'bras bu gzhan las khyad par du 'phags so// lta sgom spyod pa 'bras bu bzhi khyad du 'phags pa'i le'u ste drug pa'o//// thugs rje chen po'i dam tshig gzhan las khyad par 'phag te/ gzhan la dam tshig bsrung mtshams kyi rtsol ba yod de/thug rje chen po la dam tshig bsrung mtshams med de/ ye bsrungs ye dag chain po la/ rang sems dri ma med pa gsal dag chen po la dam tshig bsrung mtshams med de/ dam tshig gzhan las khyad par 'phags so// thugs rje chen po'i dbang skur gzhan las khyad par du 'phags te/ gzhan la dbang bskur bya dang skur byed dbang thob bya'i 'dod pa yod/ thug rje chen po'i dbang rig pa'i rgyal po rang dbang thob par bskur bas/ye dbang chen po ye nas bskur bas dbang bskur gzhan las khyad par du 'phags so/ thugs rje chen po'i 'phrin las gzhan las khyad par du 'phags te/ gzhan la zhi rgyas dbang drag 'phrin las rnam bzhi'i 'dod pa yod/thugs rje chen po'i 'phrin las la// dug lnga dug gsum gnas su zhi// rang byung ye shes ma rtsal khong nas rgyas// rnam rtog phra rags ma 'gags dbang du 'dus/bdag 'dzin dgra bo ma btul rang sar gsod// 'phrin las rnam bzhi gzhan las khyad par 'phags// dam tshig dbang bskur 'phrin las gsum gyi le'u ste bdun pa'o//// thugs rje chen po'i chos spyod gzhan la khyad par 'phags te/gzhan las chos spyod sgrib sbyaung gi rtsol ba yod/ thugs rje chen po'i chos spyod la smra brjod thams cad chos kyi sgra yin pas/ klog 'don kha ton rang sar grol// 'dod yon ma spangs ye shes rol pa yin pas mchod pa rang sar grol/ snang ba thams cad zhing kham dag par shes pas/ dkyil 'khor maN+Da tsha tsha rang sar grol/ chos nyid stong gsal ye nas gsal bas mar me rang sar grol// rig pa rang dbang rang la bskor bas bskor ba rang sar grol// rang byung chos sku ye nas yod pas sku gdung mchod rten rang sar grol// cir snang 'dzin chags med par gtong bas gtor ma rang sar grol// rang sems sangs rgyas su rtogs pas// yon tan rang la shar bas mchod bstod rang sar grol/ gang yang 'dod pa med pas byas chos thams cad rang sar grol// chos spyod gzhan las khyad du 'phags so// chos spyod zhan las khyad du 'phags pa'i le'u ste brgyad pa'o//// thugs rje chen po'i byang chub sems dpa'i mdzad spyod kyi chos yin pas/ lta ba gdeng dang ldan yang gtong ba phyal bar mi gtong ba'i gnad yin/sgom du ci yang med kyang nyams kyi rtsis zin pa'i gnad yin/ spyod du ci yang med kyang 'gro 'dul thabs kyi spyod pa'i gnad yin/ 'bras bu la re dogs med kyang rang sems chos skur bstan par byed pa gnad yin/dam tshig bsrung mtshams med kyang/ rang sems gtsang sar 'don pa gnad yin/ dbang bskur la bskur thob med kyang/ rig pa ngo shes nas rang dbang thob pa'i byed pa gnad yin/'phrin las la byas rtsol med kyang/ byed spyod 'gro don byed pa gang la gang 'dul byed pa gnad yin/ thun mong chos spyod la rtsol ba 'dod pas ching yang thabs kyi yan lag yin pas/gang yang mi 'gegs par byed pas gnad yin no/ hril gyi dril bas thugs rje chen po'i chos la/ thabs shes rab gnyis med/ dbyings ye shes gnyis med/ don dam dang kun rdzob gnyis med/ bskyed rim dang rdzog rim gnyis med/gnyis med tsam du 'dzin pa yang med// 'dzin med phyogs med/ phyogs su ma lhung/ rgyar ma chad/ gnyis 'dzin gyi mtha' las grol ba ni thugs rje chen po'i dgongs pa'i gnad yin no// skal ldan rnams kyis go bar gyis/ gdams pa gnad kyi le'u ste dgu pa'o//// thugs rje chen po'i rnal 'byor pas/ chos thamasacad chos nyid mnyam pa ris med du rtogs par byas la/ chos gang la yang skur pa mi gdab/ khams gsum gyi sems can snying rje mnyam pa rigs med du bsgoms la/ nga bdag gi 'dzin pas mi gzung/ sdug bsngal la blo yis mi gzung/ byed mkhan gyi rang ngo brtag nyon mongs pa thod rgal du mi gtong/rang sar yal du gzhug/ lta ba'i bdud phyogs rig yin pas/ phyogs 'dzin gyi mtha' dang phrol/ sgom pa'i bdud sems 'dzin gyi blau bsgom yin pas/ rig pa gsal stong ngang la sdod/spyod pa'i bdud tshul 'chos yin pas/ chos brgyad mgo snyoms/ 'bras bu'i bdud re dogs yin pas/ sangs rgyas sems su rtogs/ dka' thub kyi bdud 'dod pa yin pas/ 'gro don snying rjes zin par gyis/nyams myong gi bdud bsgom la chags pa yin pas/ sems la rten ma cha cig nyams len gyi bdud le lo dang snyoms las yin pas// brtson 'grus bsgrims pas chos nyid ngang las sbyaungs/ byin rlabs kyi bdud the tshom dang bla ma la yid ma ches pa yin no// mos gus gyis/ gsol ba thob// the tshom gyi sgrog khrol/ chos kyis bdud nyams len dred nas tha mal du shor ba yin/ las dang po'i dus su srangs su chug cig/sbyin pa chud zos su 'jug pa'i bdud 'bras bu longs spyod thob tu re ba yin pas/ dmig med pa rgya yis thob/ tshul khrims chud zos su 'jug pa'i bdud tshul 'chos yin pas/ rgyu med rang sems gtsang mar/bzod pa chud zos su 'jug pa'i bdud 'khor ba'i sdug bsngal dang du len pa yin pas/ sdug bsngal la blo bzlog la ma chags/ brtson 'grus chud zos su 'jug pa'i bdud sdod bya long yod snyam pa yin pas/mi rtag pa sngon la bsams pa chos nyid yid kyi don bsgom bsam gtan chud zos su 'jug pa'i bdud bying rgod sems kyi g.yeng ba yin pas/ sems chos nyid klong du glod/ shes rab chud zos su 'jug pa'i bdud ma rig pa rang ngo ma shes pa yin pas/sems nyid rig par chos skur ngos gzung/ mi lus chud zos su 'jug pa'i bdud chos ma dran pa yin no// chos med mi tshe stong log yin no// mdo don du chos la dril cig/ bdud dang bral ba'i le'u ste bcu pa'o//// thugs rje chen po nyams su len pa'i rnal 'byor pas/ sems bag chags ma bral gyi bar 'khor ba dang dbyer mi phyed pas sems stong par rtogs/'khor ba chos nyid kyi skye med du ma rtogs bar du/ rigs drug gi lam mi 'gags pas/ sems ngo bo skye med du rtogs/ gnyis snang gi rtog pa rang sar ma grol bar du/ bdag gzhan gyi gzung 'dzin mi 'dzad pas gang yang rang sar grol du chug/tshogs drug chos nyid rang sar ma shes na/ sems 'dzin gyi sa mi chod pas snang ba rang sar grol du chug/ 'khor ba la skyo ba ma skyes bar du chos mi 'ong bas/byas pa don med ma byed/ chos nyid kyi don sbyongs/ 'jig rten chos brgyad dang ma bral bar du 'khor ba dang blo mi phrel bas/ 'jig rten 'di yis khe grags thams cad dgos med du shes par gyis/ chos ming med blo 'das tshig las 'das pa gcig tu ma go bar du chos tshig dang yi ge la zad pa mi 'ong bas/ chos tshig dang dpe phyir ma 'breng/ bya med blo 'das su go bar bgyis/ gdams pa'i le'u ste bcu gcig pa'o//// sangs rgyas snang ba mtha' yas kyis/ slob dpon pad+ma 'byung gnas kyi don rgyud du gsungs pa/ rdo rje rtse mo'i rgyud jo mo mkhar chen bza' mtsho rgyal dang/ lha sras khri srong lde btsan la gsang sgor rgyas btab pa'o/

CLOSE WINDOW