CLOSE WINDOW

Gpb044.002
བོད་ཡིག

/// rgya gar skad du/ rak+ta ag+sha ne ma hA tan+t+ra/ bod skad du/ krod+ha khrag 'thung rol pa'i rgyud chen po// bcom ldan 'das dbang sdud kyi rgyal po pad+ma he ru ka la phyag 'tshal lo// 'di skad bdag gis thos pa dus gcig na// 'og min gyi gnas mchog dam pa de na// bcom ldan 'das dbang gi rgyal po de don skye ba med pa las// rtags 'gag pa med pa'i cho 'phrul gyi sku ru bzhugs so// de nas sangs rgyas 'jig rten mgon gyis// dbang gi rgyal po la gsol ba// kye ma sangs rgyas 'dus pa rnams kyi yab chen po// mi mthun gnyen pos gzhom pa dang// 'gro ba gnas la dgod pa'i phyir// bcom ldan dbang gi gtso la bdag nyan 'tshal// ces gsol to// de nas bcom ldan 'das dbang gi rgyal pos bka' stsal pa// nyon cig sangs rgyas 'jig rten mgon// mi mthun gnyen por gyur pa ni// 'dod chags zhe sdang gti mug deng// nga rgyal phrag dog la sogs te// sa bon rtsub mos des 'phangs nas// 'bras bu ma dang rgyur gyur te// bdud dang srin po gnod sbyin dang// lha chen dang ni gdug pa klu// de yis 'jig rten phung bar byed// de dag ma rungs 'dul bar 'os// zhes gsungs so// khrag 'thung rol ba'i rgyud chen po las// gleng gzhi'i le'u dang po'o//// de nas bcom ldan 'das rgyas po des// ma la ya bya'i ri gnas de nas// cho 'phrul gyis sgra gsum brjod pas/ bdud dang srin po la sogs pa'i ru dra sde 'khor dang bcas pa thams cad 'ub 'ub 'dus nas sgra mi mthun pa grag go sngon ma byung ba'i sgra bsgrags pas// gdug pa'i tsho 'phrul sna tshogs pa mdzad de// 'dod chags kyi rgya mtsho ni bskyil// nga rgyal gyi lde'u btsugs/ gti mug gi mun pa ni gtibs/ zhe sdang gi dbal ni gdar/ phrag dog gi zung rngu ni phyar// gdugapa'i lus la rno ba'i mtshon thogs 'khor ba bzhin gtibs// nga ro mi snyan pa'i sgrogs che ba'i nga rgyal 'byin cing 'dug go/ de nas bcom ldan 'das rta'i rgyal po des// lus kho dang tshul mthun pa la// dbu'i gtsug nas rta'i mgo bo phyung// dregs pa ga la ba der byon pas// dregs pa de dag sgra re la de nga ru lu'i sgra sgrogs shing// thams cad nga'i gnas dang rigs la// 'di lta bu'i rta rigs kyi mgo can nga la 'gran pa zer to// kha TAM dang mtshon 'khrol zhing byung// 'khor thams cad mda' dang// dbyig pa dang/ sta re dang/ gtun shing dang// rtse gsum dang/ mdung dang// ma rta dang/ tho ba dang/sog le thogs te// rta'i rgyal po la mtshon gyi char phab// sgra'i khun btab ste byung ba las// mtshon thams cad kha sdugs// gang yang ma phed bas// rta'i mgo can mdangs dang ma bral bas// dregs pa'i rgyal po bdud rigs 'khor dang bcas pa na re// nga las che ba med pa la// 'di la rgyab pas mi phed// gsad pas mi sod pas 'di ci'i sprul pha yin zer// yang ru dra de lus ri rab tsam la lag pa bcu drug/rkang pa brgyad// mgo lngar sprul// mgo lnga las dbang phyug chen po la sogs pa gdug pa can lnga rngam par sprul// gshog pa g.yas g.yog du gdengs te// g.yas kyi sgro de'u la bdud ris kyi dmag dpung// g.yon gyi gshog pa'i de'u la gnod sbyin gyi dmag dpung// g.yas pa'i lag pa brgyad na gdug pa'i klu bsnams pa// g.yon pa brgyad na gtug po klu brgyad rngam pa// de kun kha nas sprul pa 'gyed pa// rkang pa brgyad las phyo gas mtshams kyi skyong ba bcu rngam pa// ma mo dang/ sha za dang/ 'khor ma rungs pa'i dmag dang bcas te// rta'i rgyal po la gsad do// ra la ru lu gyo ba gyo ba zer zhing rgal te// zhing khams ni nga'i// dmag nga'i// rte rid po gsad do zer te ma nyan to// de nas bcom ldan 'das rta'i rgyal po des// bcom ldan 'das 'khor dpag tu med pa// rigs kyi yab dang// rigs kyi yum dang// khro bo dang/khro mo dang/ sems dpa' dang/ sems ma dang// de dag thams cad kyis zhi ba'i las la ma bab ste// de bzhin gshegs pa thams cad bka'i 'gro ba mdzad pa las// 'di zhi bas 'dus pa ma lags te// drag po'i dbang du bsdus la 'khor ba bsgral ba'i dus la bab ces bgros te// de bzhin gshegs pa thams cad dgongs pa cig tu gyur nas// der zhi ba las khro bor bsgyur// gdan tshom chen por ni bcas// bcom ldan 'das dbang gi rgyal po de// dbu lnga pa rigs kyi he ru ka re re sprul// he ru ka'i gtsug nas rta mgo lnga byung// phyag g.yas pa brgyad// ke'u ri khro mo brgyad// g.yon pa srid nga 'phra men brgyad// zhabs dmar po zang ma brgyad// rdo rje gshog pa g.yas g.yon du gdengs pa// de dang 'dra ba'i sprul pa bsam gyis mi khyab pa mang po sprul// thugs kha nas ye shes kyi sems dpa' las zhe sdang rdo rje zhal gsum phyag drug tu sprul// ma dad pa'i drung du byon te// dbang gi rta skad lan gsum du 'tsher bas// ri rab kyi 'gram shing zer// rgya mtsho chol chol byung// gdug pa'i sgra mi mthun pa byung bas// der ru dra'i 'khor thas cad skyes bu lce gcad pa bzhin gzhom// bred cing bskrad la la'i rna bar gsod cig par// la la'i rna bar rtog cig bar// la la'i rna bar ma gtang bar go/ ma dad pa'i ru dra de 'dar shig shig tu 'dug pas// dbang gi rgyal po des ngag dbang du bsdus// ru dra de yi yid dbang du bsdus// lus dbang du bsdus// da ni 'khor bsgral lo byas pa las// der ru dra na re// dpal dbang gi rgyal po drag po che// nga thod rab tu thong// khyod thugs rje chen po dang ldan pa'i mdzad spyod de'am// zhes zer te kha TAM'akhrolazhing bros so// der dbang gi rgyal po brtul zhugs ni mdzad// rdo rje'i dri bar ma dad pa bcug/gdug pa'i mtshon cha lnga'i char phab// rdo rje byin chen 'bar ba gsor zhing brgyab pas// lus slang tshogs bzhin thal byung// ye shes yag gi 'phan ni khro bo bcas// dus gsum gyi sangs rgyas thams cad kyis zhi ba las khro bor bsgyur te ra mda' byas// ru dpon ni dbu'i he ru ka lngas byas// khams gsum 'khor ba ma rungs pa 'dis ni bdud rigs thams cad la skams la byas/ kun tu bzang mo'i mkha' dbyings ni zla gam dbang gi dkyil 'khor la khro bo'i rdo rje go gon pa ni// lha rnams gsang ba nas khro bor bkod pa la bya// rta skad rngam pa'i ngang la rol pa na// dbang gi rang bzhin la gnas pa dang// ma dad pa tshar gcod pa'o// phyogs bzhi nas brtul zhugs bzhi'i bros gdir// sgo bzhi nas sgra sgrogs shing mtho bkod// de ltar bsgral te// sems kyi bya rgyu med par bsgral lo// bsgral pa'i sngags 'dis bsgral lo// 'byung po khraM dza/ ma ra ya dza/ daM sri ga pa ri dza/ ru dra pre dza// mA ra ya dza// lhu gdum// b+h+yo gdum// lhu gduM/ b+h+yo gduM/ shig shig phul shig/ a hU~M a hU~M/ tri hu tri lu/ kyi hu kyi hu/ khaM ru khaM ru/ ban b+ha ban d+ha/ dz+wa la dz+wa la/ grih+na grih+na/ tshin d+ha ya tshin d+ha ya/ swa da ya swa da ya/ su ru ya su ru ya/ ha d+ya thA tat+ya thA/ snying la phur ba b+h+yo// des ru dra la btabs pas/ dngas ma rtsad bcod// lus shig/ ngag bcad// dbang po phyung ngo// de nas yang 'khor rnams rim par bsgral te// bdud dang gnod sbyin srin po klu rnams bsgral lo// ru dra'i lag cha thams cad dbang gi rgyal po la rgyal du ma zhabs so// ru dra bsgral ba'i khog pa gzhal yas khang du byas so// mgo bo lho nub tu por ro// rkang pa byang shar du gtad do// de nas rgyal ba rtags kyi glu bro 'di skad blangs so// 'gri na 'gri na sngon tsat+ta drangs pa las ni// dpal rta mgrin gyi thugs rje lcags kyus snying dkar nag nas drangs nas// rol pa'i dbang gi dkyil 'khor du bzhag nas bro 'di skad brdungs so// 'gri na 'gri na sngon tsat+ta drangs pa las// thar pa chen po brgyad kyis bro brdungs te// khrang 'thung 'khrugs pa'i nga ro las// dug gsum rtsad nas gcod pa'i 'phrin las mdzad// pus ting ku ru hi/ ha ya gri ba ha na pa ha'i// de nas yang lang khar mgrin sngon gyi mgo bo bcad nas// dbang gi zhal bur spungs nas// rgyan dang sman gyi spras nas 'di skad brdungs so/// lang kha mgrin mgon ban d+ha spungs la// tshor ba chen po brgyad kyis bro brdungs te// pad+ma khrag 'thung 'khrugs pa'i nga ro yis// gzugs dang gzugs med khams gsum dbang du sdud// klu dang lang ka'i tshogs rnams zil gyis gnon// nir sti ku ru d+hi// ha ya gri wa ha'i/ de nas bdud ri byed dmar po dbang gi rgyal pos bsgral te nang grol thams cad dur khrod kyi rgyan du bkram nas rgyu mas spungs pa la 'di skad bsgrags so// ri byi'u dmar po ngan grol spungs pa la// 'du shes chen po brgyad kyi bro brdungs pas// srid gsum khams gsum ma lus rdul du byed// rin chen khrag 'thung 'khrugs pa'i nga ro yis// ri bye'u dmar po 'khor bcas smos ni dgos// ha ya gri ha ba sum b+ha ni hU~M/ de nas rta'i rgyal pos des/ lang kha mgrin sngon gyi rtsib ma gung shing du bsnol// rgyan 'phreng bkab na sa 'di skad brdungs so// lang kha mgrin sngon rtsis ma bsnol ba la// za byed chen po brgyad kyi bro brdungs te// karma khrag 'thung 'khrugs pa'i nga ro yis// na ra ya na mthu chen dbang sdud na// lang kha mgrin sngon 'khor bcas smos ci dgos// ha ha ru lu hU~M/ dbang gi rgyal po des bdud shor ba gzhon nu bsgral nas lcang lo gzings gtibs nas 'di skad brdungs so// shor ba gzhon nu lcang lo gzings pa la// dur khrod ma mo brgyad kyi dkyil 'khor bcas// tshangs pa chen po brgyad kyi glu blangs pas// steng gi gtum pa ma lus dbang bsdus nas// shor ba gzhon nu 'khor bcas smos ci dgos// zhes pa brjod do// de nas ru dra chen po'i g.yang gzhi gdan du gting la 'di skad sbreng ngo// ma hA ru dra'i g.yang gzhi bting ba la// ki ru'i sha la dgyes pa'i bro brdungs pas// sdang ba'i dgra bgegs ma lus rdul du lhogs// de nas 'grin 'gri na sngon gung shun bsnol ba las// mu ka khrag 'thung brgyad ki bro brdungs pas// dgod dang gshed par 'jigs pa byed pa dang// ngo mtshar rmad du grags pa'i blo gros gdir// zhes dbyangs sbreng ngo/ ma drang gi khog pa gzhal yas khang gi nang du// zhing phran thams cad gdan du gding nas// bdud rigs thams cad tshar bcad// mi mthun rnyen pos bcom mo// khrag 'thug rol ba'i rgyud chen po las// de bzhin gshegs pa thams cad kyis zhi ba las khro bor bsgyur// ma dag dad ba'i ru dra'i sde 'khor bsgral// tshar bcad 'dul ba'i bro brdungs shing tshar bcad pa'i le'u ste gnyis pa'o//// de nas dbang gi rgyal po la// de nas sangs rgyas 'jig rten mgon gyis// bcom ldan dbang mchog bde ba'i mchog/ 'phrin las dam pa bdag nyan 'tshal// ston pa mtshog gi bshad du gsol// ces gsol to// de bas dbang gi rgyal pos gsol ba'i don thugs su chud nas/ ting nge 'dzin la bzhugs so// chos thams cad stong pa'i ngang las sgra 'di skad brjod do// oM ma hA shu n+ya ta dz+nyAn badzra swa b+ha wa at+ma kou0f85haM// de nam khyam pa'i snying rjes bsgoms nas// oM d+harma d+ha tu swab+ha wa at+ma kou0f85haM// de nas snying rje'i ngang las hU~M rgyu ru shar/ de las 'byung ba rims su c hags nas// dbang gi gzhal yas khang du zla gam 'khor lo sgo dang bcas pa'o// ru dra krod+ha ti ra baM/ zhes brjod pas// bdud ris thams cad gdan du gding ngo// kraud+ha baM// khro bo ya gding rin po che khri rkang brgyad kyi bar ni gser gyi seng ge brgyad 'od du 'bar ba'o// de'i steng du hU~M dmar la bkra ba bab pa las// hU~M badzra d+h+ri ka ya da ti na badzra A hU~M mahA ra dza raka sha hU~M// nyi ma'i dkyil 'khor gyi steng du zhe sdang rdo rje zhal gsum phyag drug sku mdog dmar por bskyed nas// zhal nas hU~M bcu brjod nas// hU~M bcu las khro bo bcu'i sku bskyed la mtshams bcad// hU~M pad+ma da ra d+hi pad+ma shri he ru ka pad+ma krod+hi krod+hi pa ma la si ba hU~M/ de nas dbang gi rgyal po sku bskyed do// oM e pe ka te pe ka te ka te ma dang ka te swAhA/ de nas yum gzi ldan ma bskyed do// de nas sbyong ba las 'khor rnams sngags brjod pa'i sgo nas sku drang drang bskyed do// sku bzhi gcig tu 'dus bas kun tu zhal// phyogs bzhi rigs bzhir 'bar ba'i skur bstan pas// spyi mthun sngar snang nam mkha'i rgyan du ston// rigs kyi dbang rnams rdzogs pas thams cad ma lus sgrol// hU~M mdzad khro bo chen po brgyad kyi snying// bcad bar bcug nas rgyu ma bsres te gsol// byams dang snying rje ldan pa'i tshul mnga' bas// rdo rje lcags kyu sbrul gyi zhags pa bsnams// be con rde'u chung can dang shel gyi rnge'u chung 'dzin// thod rlon khrag dang nang gi bsres te gsol// phyogs bcu rgyan du hU~M gi sgra sgrags pas// rdo rje byin chen 'bar ba gsor cing gdeg/ gdub bu dpung rgyan sbrul nag mi bsrun pa'i// hU~M gi sgra sgrogs bskal pa'i me lce 'bar// sdig pa'i mdzub mo rtse la bskal ba'i me 'bar bas// ma rig rmongs pa'i mun nag thibs po sel// mi ldog sa la 'gro ba 'dren pa'i rtags// thabs kyi zhags pa rdo rje lu gu rgyud// rdo rje rin chen las byung gshog pa ni// nyi ma 'bum gyis brgyan pa'i the gshog can// zhi rgyas dbang drag mngon spyod 'phrin las kyis// thams cad bla med byang chub gnas su sgrol// ces bskyed cing spyan drangs sngags kyis bstim// zla gam dmar po dbang gi dkyil 'khor nas// dbang gi rgyal po pad+ma he ru ka/ dbu lnga phyag kyang bcu drug zhags brgyad ldan// pad+ma gzi ldan yum dang bcas pa la// rnam dag bdud rtsi'i dam rdzas mchod pa 'bul// a mr-i ta khA hi/ ba ling ta khA ti/ rak+ta khA hi/ phyi nang gsang ba'i mchod pa dag par bzhes// sku gsung thugs 'phrin las yon tan gyi sgo nas mthol lo bshag/thun mong dang thun mong ma yin pa'i dngos grub rtsol cig/ 'phrin las rnam pa bzhi 'grub par mdzod cig/ de nas yig 'bru nyi shu rtsa bzhi pa'i bzlas pa bya'o// de nas yang yig 'bru bcu gsum pa yang gdon no// de nas las kyi ma mo'i bzlas pa bya'o// yum gzi ldan ma yig 'bru bcu gsum bzlas so// de nas drag po'i sngags sgrol bas bsgral lo// tshogs la spyan drang ba ni// tshogs rje tshogs bdag dpal dang ldan// tshogs kyi slob dpon gshegs su gsol// dbang gi zhing khams skyong mdzad pa// khro tshogs bcas pa tshogs la gshegs// gzugs dang sgra dang dri dang ro// reg bya chos la sogs pa yi// 'dod yon lnga yi mchod pa 'di// bde bar gshegs pa rnams la 'bul// bstod dang bshags dang ling ga bsgral// de nas lhag ma mchod par bya// bruM las gsal gdab mchod pa'o// dang po phud kyis mi mchod du// dbang gi rgyal po phud kyi bdag/ bar du tshogs la mi rol du// ma mo mkha' 'gro tshogs la dgyes// tha ma lhag mas mi mchod du// dbang gi spyan sngar dam bcas 'bangs su phul// lhag ma'i mkha' 'gro sum cu gnyis// sku las sprul pa mi zad ma// 'bum phrag g.yas g.yon mkha' 'gro dang// nyi shu rtsa brgyad gser gyi seng ge'i tshogs// mchod pa dam pa 'di bzhes la// las bcol 'bras bu mchis par mdzod// ces bya'o// de nas yang ma mo rnams kyi las bya'o// khrag 'thung rol ba'i rgyud chen po las// nyams su blang ba 'phrin las kyi le'u ste gsum pa'o//// de nas yang sangs rgyas 'jig rten mgon gyis// dbang gi rgyal po la 'di skad ces gsol to// kye ma sangs rgyas kun gyis yab// dbang bskur dbang gi rgyal po gtso// sbyin sreg las ni ji ltar lags// 'gro ba nyon mongs ji ltar sbyang// bde gshegs mnyes pa gang gis bgyid// dge ba'i stobs ni ji ltar gdab// dbang gi rgyal pos bka' stsol cig/ ces gsol pas// gsol ba'i don de dbang gi rgyal pos thugs su chud nas// byang chub kyi rgyun ma chad pa snying po'i don bstan pa dang// dge ba'i stobs thebs par bya ba'i phyir// nyon cig sangs rgyas 'jig rten mgon// sbyin sreg las rnams bsten pa ni// dang por sngon du 'gro bar bya// sa sbyang la sogs rim pa bzhin// phyogs dang mthun pa'i rtsa de ru// thab khung zla gam dbyibs su bya// 'khor lo rtsibs bzhi bri ba'o// de ru me thab brtsig par bya// me thab sgo yang nub tu bstan// 'og ni khri bo 'gro ba 'dul ba'i dkyil 'khor yin// steng na zhi ba rdo rje dbyings kyi dkyil 'khor te// 'khor lo rtsibs bzhi dbus dang lnga// gru chad khyams dang sgo ru ldan// sku'am gsung dang phyag rgya thugs// rim par de la bkod nas ni// me thab steng nas bskyon pa'o// dbu rgyan 'phreng ba dar dbyangs dbang// del rim par bskur bar bya// khrus dang gsang ba dbang yang bskur// me lha bskyed dang spyan drangs bstim mchod bstod// de nas 'phrin las gzhung du rnyeg/ 'dzab dbul ba dang sbyin sreg dbul// thal ba sku gzugs mchod rten no// de nas dbang ni bskur bar bya// bum pa zlum po chos kyi sku// phyi nang snod bcud thams cad kun// thig le chen por rgyas btab pas// sems can thams cad sangs rgyas yin// de yi dbang mchog thob par shog/ rat+na bruM a/ sangs rgyas kun gyi rin chen che// dpag tu med pa'i 'od dang ldan// rigs mchog phyag rgya lngar ldan pas// khams gsum bdag po dbang bskur ro// rat+na kun Da a b+hi Shiny+tsa traM traM traM traM// byang chub yan lag me tog thogs// rgyal ba kun gyi mchod pa ste// khams gsum btsan pa'i rgyal po dang// 'bras bu chos la dbang bskur ro// rat+na ta ni maM/ rgyal ba chen pos byin brlabs pa'i// thugs rje dar dpyangs chen po 'dis// shes bya thogs med gdug pa zil gyis gnon// de yis dbang bskur thob par shog/d+harma ni hU~M// de nas 'bras dang 'bru mar mar khu mar dkar chang// shag the'u shug the'u ma la sogs// de yis me lha mchod pa'o// dang po hU~M las bskyed pa ste// oM a ka ni de ba ri Shi ka hU~M// dad pa dang ni dam tshig gis// tshur gshegs tshur gshegs 'byung po che// me lha'i rgyal po drang srog mchog/ sreg khang 'bar ba'i gnas su bzhugs// a ka ni de ba ri Shi ka dza dza/ ag ni de ba na mA ya/hU~M sngon chad drang srong chen pos ma gtang ba'i// lha yi zhal zas dkar gsum mchog/ dag cing gtsang mar sbyar te dbul lags na// ye shes thugs rjes dgongs nas bzhes su gsol// oM a ka na de ba ri Shi ka ni pu tsa khA hi/a ka ni a bya ti ba bya pu tsha ma hA shan ting ku ru ye swAhA/ me lha'i rgyal po drang srong mchog/ sangs rgyas kun gyi thugs rje'i lha// tshangs pa 'jig rten mgon gyi sras// ag ni rgyal po drang srong mchog/'byung po yongs la bskyab bya'i phyir// drang srong chen po 'khor la bstod// de nas sbyin sreg bya ba ste// hU~M 'dod chags rtsa ba dag par bya// dbang gi dbu stengs na// rdo rje dbyings kyi dal la sbyin sreg bya// hU~M 'dod chags tshul nas 'dod chags sbyong mdzad pa// 'dod chags dbang chen pad+mo he ru ka/ ye shes klong yangs khyil ba'i hom khung du// dam rdzas sbyin sreg 'bar ba'i mchod pa 'bul// oM hu lu hu lu shan ting ku ru swAhA/ dbu steng gzhal yas lte ba la/ bcom ldan rdo rje rigs kyi gtso// sems dpa' che la sbyin sreg mchod pa 'bul// de bzhin rigs dang rin chen rigs mchog dang// pad+ma'i rigs dang las ky-i rigs mchog dang// rigs kyi rgyal ba bzhi rnams la// dam rdzas sbyin sreg 'bar ba'i mchodapa 'bul// rgyal ba yab kyi thugs dam mnyes mdzad pa// bzang mo spyan dang ma ma dam tshig sgrol// rigs kyi yum mchog lnga la sbyin sreg mchod pa 'bul// hU~M badzra d+h+rig muM d+ha ri shwa ri shan ting ku ru ye swAhA/ 'gro ba'i don la rab tu brtson mdzad pa// byang chub sems dpa' brgyad rnams la// sbyin sreg 'bar ba'i mchod pa 'bul// thugs rjes byams pas nyon mongs gnas nas 'dren// rjes byams pas nyon mongs gnas nas 'dren// 'gro don mthar phyin sems ma brgyad rnams la// dam rdzas sbyin sreg 'bar ba'i mchod pa 'bul// chos kyi dbyings nas rgyal ba'i skur bzhengs pa// kun bzang yab yum che la sbyin sreg mchod pa 'bul// hU~M aHswAhA/ 'gro rnams 'thun phyir sku sprul pa// bcom ldan thub pa drug la sbyinasreg mchod pa 'bul// 'phrin las rnam bzhi ye shes mthar phyin pa// sgo ba rnams la sbyin sreg mchod pa 'bul// rdo rje rigs mchog la sogs bdud bzhi/ 'dul ba'i tshogs// rigs kyi khrag 'thung lnga rnams la// dam rdzas sbyin sreg 'bar ba'i mchod pa 'bul// ye shes klong yangs 'khyil ba'i hom khung du// dam rdzas sbyin sreg 'bar ba'i mchod pa 'bul// dpal chen khrag 'thung yab lnga mnyes mdzad pa// rigs kyi khro mo lnga la sbyin sreg mchod pa 'bul// 'gro ba malus mthun par 'dren mdzad pa// ke'u ri la sogs khro mo brgyad rnams la// dam rdzas sbyin sreg 'bar ba'i mchod pa 'bul// dur khrod gnas las grub pa'i 'phra men brgyad// dam rdzas sbyin sreg 'bar ba'i mchod pa 'bul// chos kyi dbyings las ma g.yos 'gro ba'i don mdzad pa// dbang phyug nyi shu rtsa brgyad la// dam rdzas spyin sreg 'bar ba'i mchod pa 'bul// tshad med mtha' phyin 'gro ba'i don mdzad pa// ye shes sgrol ma bzhi la sbyin sreg mchod pa 'bul// gdug pa'i tshogs rnams zil gyis gnon mdzad pa// khams gsum rgyal po dkyil 'khor ma lus pa// dam rdzas sbyin sreg 'bar ba'i mchod pa 'bul// ye shes don rtogs dur khrod gnas mkhyen pa// zhabs kyi khro tshogs 'bar la sbyin sreg mchod pa 'bul// rgyal ba'i dkyil 'khor zhing du grags pa yis// ye shes las kyi pho nya tshogs rnams la// dam rdzas sbyin sreg 'bar ba'i mchod pa 'bul// ces sbyin sreg/ dbul ba'o// khrag 'thung rol ba'i rgyud chen po las// sbyin pa ro sreg pa'i le'u ste bzhi pa'o//// de nas yang sangs rgyas 'jig rten// mgon gyis zhus pa// dbang gi rgyal pos bka' stsal pa// 'khor ba gnas nas drang ba na// gnas kyi 'phrin las bsam yas kyang// byang sems don la gcig las med// sten pa'i sems can de la// tshe 'das par gsal ba de la// sbyi bor a gnas// dpung bar su gnas// gsang bar Ni// snying khar tri/ lte ba la bri/ rkang mthil du du/ de bsams la/ de lta bu'i steng du yi ge lnga sgom ste// hU~M sems can khyod kyi rkang mthil na// yi ge du gcig nas pa de// dmyal bar skye ba'i rgyu yin te// dmyal ba'i gnas su khyod mi gtang// du yi steng du ha bsgom pas// ha yi 'od kyis du yang bsregs// du dang ha gnyis gnyis su med// de las don yod grub pa'o// sangs rgyas thugs rje che ba yis// dmyal ba'i gnas su khyod mi gtang// sems can khyod kyi lte ba la// yi ge pri gcig gnas pa ni// yi dwags skye ba'i rgyu yin te// yi dwags gnas su khyod mi gtang// pri yi steng du swa gcig bsam// swa yi 'od kyis pri yang bsregs// de las rin chen 'byung ldan te// thugs rje dmyal ba'i gnas su khyod mi gtang// sems can khyod kyi snying kha na// yi ge tr-i gcig gnas pa ni// byol song skye ba'i rgyu yin te// de yi steng du oM bsgom ste// oM gi 'od kyis ti yang bsregs// de las snang ba mtha' yas te// sangs rgyas thugs rje che ba yis// byol song skye ba'i gnas su khyod mi gtang// zhes pas sbyang ba'o// khrag 'thung rol ba'i rgyud las// gnas kyi le'u ste lnga pa'o//// de nas yang dbang gi rgyal pos bka' stsal pa// sems can tshe'i dus byas na// de la baM gyis sbyang ba'o// dang po sing nga mas ro btsal// de nas ke'u rims 'dul thabs bya// de nas brtul zhugs bzhis bdud bzhi tshar bcad// de nas dbang gi zhing du sbyangs pa dang// dang po dbang gi lha la bskos su gdab dang bskang bar bya// de nas hu lus bsnyen pas sgrib pa sbyang// de nas spros la snying gi dbus gzhag la// tha ma sha rnams tshom bur dgrod// smon lam dang bstod tshigs su bcad pas mchod par 'bul ba'o// de yis phung po byang ba bstan// khrag 'thung rol ba'i rgyud chen po las// bam bsgrub pa'i le'u ste drug pa'o//// de nas yang dbang gi rgyal pos bka' stsal pa// mchod rten zla gam dmar po la'am// yang na dmar po bkra shis sgo mangs bya// yang na tshul mthun gang mos la tshad med bzhi'i 'gram du bya// ye shes bzhi'i khri 'phang bya// bum pa zlum po chos sku la// de la dbang gi lha zhugs te mi gshegs par dus rtags tu mchod pa'i rten du bzhugs so// khrag 'thung rol pa'i rgyud las/ mchod pa'i rten gyi le'u ste bdun pa'o//// de nas dbang gi rgyal pos yang bka' stsal pa// dbang gi lha rnams ma lus la// za ba rgyun gyi ting 'dzin du// mdzes pa'i gtor ma bshams nas su// bdag nyid dbang gi rgyal por gsal// mdun du gtor ma de bzhin gzhag/ raM yaM khaM gis bsreg/ sbyangs bkrus// dngos po'i bag chags kun sbyangs nas// ma hA ba ling ta te dzo b+ha ling ta b+ha la wa te gu h+ye sa ma ye swAhA// zhes ni lan drug brjod pa yis// 'dod yon drug gi lha mor gsal// oM hu lu hu lu hU~M phaT// e a ra la d+hi dza pa ling ta kha hi// brjod pa las// lha rnams dgyes shing tshim par bsam// de nas 'dod pa'i smon lam gdab// khrag 'thung rol pa'i rgyud chen po las// za ba rgyun gyi ting nge 'dzin bstan pa'i le'u ste brgyad pa'o//// de nas yang bka' stsal pa// dbang gi lha rnams bskang ba na// bya mo smug nag dmar 'gro 'am// mgo smug mgo dmar lug gis bskang// gsang zhing dag par bya ba dang// nyes pa bshags par byas nas ni// bskang gso rgya cher bya ba'o// hU~M/ 'di yi kun gzhi dag pa yis// dbang chen he ru thugs dam bskang// yid ni gnas su dag pa ste// gzi ldan pad+ma thugs dam bskang// 'di yi phung po lnga dang 'byung ba dang// rnam shes yul dang yid chos dang// nyon mongs drug dang rtag chad bzhi// zhi ba rdo rje dbyings kyi thugs dam bskang// 'di yi gzhungs pa spyi gtsug gis// rta mgrin dbang gi thugs dam bskang// 'di yi dbang po dngas ma yis// ye shes sems dpa'i thugs dam bskang// nyon mongs gnas su dag pa yis// 'gro ba 'dul ba'i thugs dam bskang// 'di yi dpung mgo g.yas g.yon gyis// khams gsum rgyal po'i thugs dam bskang// glo snying yul dang dag pa yis// hU~M mdzad chen po'i thugs dam bskang// 'di yi nang khrol smad lnga yis// dur khrod chen po'i thugs dam bskang// 'di yi sreg thag g.yas g.yon gyis// ngan song sbyong ba'i thugs dam bskang// 'di yi tshigs pa'i mkhar rnams kyis// lhun gyis grub pa'i thugs dam bskang// pags dang sha tshil skrags dngas kyis// ma mo mkha' 'gro'i thugs dam bskang// khrag 'thung rol ba'i rgyud las// bskang bshags kyi le'u ste dgu pa'o//// de nas sangs rgyas 'jig rten mgon gyis// dbang gi rgyal po la yi rangs nas bstod do// de nas dbang gi rgyal po bcom ldan 'das kyis// 'jig rten mgon po la sogs pa la// nga'i rgyud 'di zung zhig/chongs shig/ lhogs shig ces gtad do// de nas 'khor rnams bcom ldan 'das kyis gsungs pa la yi rangs nas rang rang gis la 'khod do// khrag 'thung rol ba'i rgyud las/

CLOSE WINDOW