CLOSE WINDOW

Gpb043.026
བོད་ཡིག

rgya gar skad du/ badzra krid+hi pad+ma nri t+ye shwa rA ya/ bod skad du/ dpal pad+ma gar gyi dbang phyug la phyag 'tshal lo// rdo rje khro mo gzi ldan ma la phyag 'tshal lo// de nas yang dag bshad bya ba// gar gyi dbang phyug bde chen po// rnal 'byor gsang ba zhes bya ba'i// rgyud ni rab tu bshad par bya// gang 'di thos pa tsam gyis ni// lha dang klu dang gnod sbyin dang// dri za lha min gsang ba pa// srin po lto 'phye la sogs pa// gang 'di nyams su blangs gyur na// zhi dang rgyas pa'i las rnams 'grub// bsad dang bcings dang 'phang dang rgyal// dngos grub sbyor ba 'di yis 'grub// tshe rings yon tan phun sum tshogs// dam pa rgyal ba 'byung ba dang// mnan cing spar dang gzhan du 'gro// ma lus 'di yis 'grub par byed// gang gis ring por mi thogs par// rdzogs sangs rgyas ni bde ba che// yon tan rgya mtsho mchog mnga' ba// 'grub pa 'di las gzhan du min// gsang ba la ni dad pa dang// mos dang shes rab snying rje che// zhi dang mchog la brtag dka' ba// 'di ni dngos grub stsol byed 'gyur// sdom gnas yi rangs dbang bskur te// rang 'dod phyag rgya chen po bstan// ji ltar 'dod pa'i dngos grub kun// thogs pa med par 'byung bar 'gyur// theg pa chen po'i rigs can yang// gang gis sdom pa ma byin pa dang// dbang ma bskur bar ni nam yang dngos grub mi 'gyur// bdag nyid cho ga rdzogs pa yis// slob ma la ni snying rje zung// sdom pa gsum ni sbyin par bya// de nas gnang ba chen por 'gyur// dbang chen gar gyi dbang phyug gis// yum bcas dkyil 'khor chen por ni// mkhas pa cho ga rdzogs byas te// dbang bskur dngos grub snod du 'gyur// sa gzhi bzang po legs rnyed nas// gang gis rin gyis sbyor ba bya// bdag po la ni gtor ma sbyin// de la yongs su dag par 'gyur// dang po'i snod du ji bzhin 'gyur// de nas rang gi phyag rgya yis// kha dog sna tshogs rab ldan pa'i// rin chen 'bar ba rab tu 'phro// rab tu 'phro ba'i khang pa'i nang// yongs su rdzogs pa'i phyag rgya che// rdo rje bskul ba dang bcas pa// bzang po'i steng na yang dag gnas// de tshe drag po'i 'khor gyis dbul// rab tu drag po'i phyag rgyar langs// phyogs kun tu ni lta bya ste// khro bo'i khang pa rtsom par 'gyur// ba su ta yi 'phreng ba ni// byin brlabs bdud rtsi lnga yis mtshan// rdo rje srad bu'i phyag rgya che// gsang ba'i dkyil 'khor byed pa po// badzra d+harma tsakra hU~M/ rang gi dkyil 'khor chen po ni// thal ba mchog las byung ba'o// kha dog nyi shu rtsa lnga'am// lnga yis tshon gyis bri bar bya// gang gis dkyil 'khor chen po ru// yid 'ong cho ga rdzogs byas te// legs par brtag pa'i slob ma gzhug/ dngos grub dam pa sbyor bar byed// gar gyi dkyil 'khor chen po der// dmar po yis ni bdug byas te// bum pa nag pos ma gos pas// spyi bor dbang bskur byin gyis brlabs// dbu rgyan rdo rje dril bu dang// ming dang brtul zhugs la sogs pa// gang la dbang bskur tsam gyis kyang// rab mchog dngos grub bsgrub par byed// mkha' 'gro rigs 'dzin mar ldan pa'i// sbyor ba dam pa 'di dag kyang// bdag gzhan nyes pa bskyab pa'i phyir// rtag tu sbyin par bya ba yin// dbang chen rig pa 'dzin bcas pa// khro bo de bzhin nyid sbyor ba'i// dkyil 'khor chen po gsang ba'i dam// dngos grub dam pa kun gyi rgyu// phyag rgya gcig la 'khril ba'i tshul// gsang ba'i 'khor lo bde bar sbyor// gang gis zil gyis gnon pa yi// rab tu 'bar bas bsgom par bya// phyag rgya chen po'i bdag nyid kyis// kun tu yon tan ldan nas su// bum pa skyon dang bral bar ni// bdud rtsi tshe yi sgrub pa brtsam// sman dang 'bru dang rin po che// dkar gsum mngar ba gsum po dang// de bzhin du ni snum por sbyar// legs par rgyas btab dbus su gnas// bdag nyid 'khor lo chen po yis// snying po las ni snying por bsam// de nyis gsang ba'i tshul 'chang bas// bdud rtsi bcud ni 'gugs par byed// oM pad+ma ma hA shri he ru ka hri pad+ma krod+hi shwa ri dza dza/oM hu lu hu lu hri hU~M phaT// e a ra li hri dzi/ A yu she hU~M// rang rang rtsa ba'i sngags rnams kyis// kun tu sgrub pa'i cho ga bya// gang gis rab tu sbyar byas nas// 'dod pa rab tu 'grub par 'gyur// zhes pa 'di ni de bzhin gshegs pa thams cad dang// de bzhin gshegs pa'i gsung rab tu sbyor ba zhes bya ba'i dam tshig chen po'o// 'od dang du ba me 'bar ba// ji srid 'gul dang g.yo ba dang// gang gis mtshan ma gzhan byung tshe// bdag nyid cho ga bzhin du bza'// pad+ma 'dab brgyad bcu drug ste// a las byung ba bcu drug bzhag/ nang du thung ngu'i sde ba ste// phyir ni ring po nyid yin no// snod chen po legs mdzad pa// gang gis legs pa'i rtags ldan pa// rnyed pa cho ga bzhin du bstod// bdud rtsi lngas ni gang par bya// gang gis yongs su dag pa las// thod pa'i rten du bsam par bya// bdag nyid 'khor lo chen po la// ji ltar 'dod pa'i sa bon gzhug/ 'di yis rnal 'byor gang 'dod pa'i// dpag med 'phel bar byed par 'gyur// zhes pa gsang ba chen po yongs su 'phel ba rdo rje zhes bya ba'i dam tshig chen pa'o// mtshan dang ldan pa'i legs mdzes pa'i// bu mo lnga'am nyi shu dang// rtsa lnga 'das par bcas pa gnas// rnal 'byor ldan pas btsal bar bya// 'dab bzhi pas ni legs mtshan pa'i// gdan ni re re'i gnas na gnas// dbus su dkyil 'khor chen po ste// dbang chen sku ni yang dag bzhugs// gang gis dus lngar legs par sbyar// gdan ni re re'i gnas na gnas// dbus su dkyil 'khor chen po ste// dbang chen sku ni yang dag bzhugs// gang gis dus lngar legs par sbyar// byang chub sems ni gnyis kar gdab// gang gis dus su de yi gnas// blug pa'i cho ga 'di dag bya// d+han da dkar po shu dag dang// tsan dug lha tsher bdud rtsi lnga// bud med b+ha gar legs rten te// bsgrub nas rnal 'byor pa yis bza'// gang gis dus su sdom pa kun la gnas// rigs pa'i cho gas rjes 'brengs nas// brtul zhugs la ni rab gnas te// rtag tu sgrub pa'i thabs gsungs pa// bdag med pa la byung ba yi// bum pa bzang po rin chen snod// de nang kun 'dus byang chub sems// bkug ste bdag nyid bza' bar bya// zhes pa 'di gang gis rab tu gsang ba'i bcud 'dod pa rgyas pa zhes bya ba'i dam tshig chen po'o// gdug cing gtum par gyur pa ste// zhi ba'i las kyis mi 'dul zhing// thabs gzhan sbyor ba don med pa// oM pad+ma ma hA shri he ru ja hri pad+ma krod+ha shwa ri dza dza/ oM hu lu hu lu hri hU~M phaT// e a ra li hri dza/ A yu she hU~M/ rang rang rtsa ba'i sngags rnams kyis// kun tu sgrub pa'i cho ga bya// gang gis rab tu sbyar byas na// 'dod pa rab tu 'grub par 'gyur// zhes pa 'di ni de bzhin gshegs pa thams cad dang// de bzhin gshegs pa'i gsung rab tu sbyor ba zhes bya ba'i dam tshig chen po'o// 'od dang du ba med 'bar ba// ji srid 'gul dang g.yo ba dang// gang gis mtshan ma gzhan byung tshe// bdag nyid cha ga bzhin du bza'// pad+ma 'dab brgyad bcu drug ste// a las byung ba bcu drug bzhag/nang du thung ngu'i sde ba ste// phyir ni ring po nyid yin no// snod chen po legs mdzad pa// gang gis legs pa'i rtags ldan pa// rnyed pa cho ga bzhin du bstod// bdud rtsi lngas ni dgang bar bya// gang gis yongs su dag pa las// thod pa'i rten du bsam par bya// bdag nyid 'khor lo chen po la// ji ltar 'dod pa'i sa bon gzhug/ 'di yis rnal 'byor gang 'dod pa'i// dpag med 'phel bar byed par 'gyur// zhes pa gsang ba chen po yongs su 'phel ba rdo rje zhes bya ba'i dam tshig chen po'o// mtshan dang ldan pa'i legs mdzes pa'i// bu mo lnga'am nyi shu dang// rtsa lnga 'das par bcad pa gnas// rnal 'byor nan tan gyis ni gsad par bya// gang tshe gsad par gyur pa na// bdag nyid la sogs phun sum tshogs// hom khung gru gsum gdengs pa la// rdo rje mda' gzhu ldan byas te// khrag dang dug gis byug nas ni// drag po'i mtshon cha dgram par bya// tsher ma can gyi shing dag dang// rmongs pa'i bsad pa'i rdzas rnams la// gang gis rab tu 'bar ba yi// ral gri la sogs bzhug par bya// rkang rjes khrag dang dri chu dang// sa la rab tu 'bad pa yis// zhags pa yis ni bsdam byas te// gan rkyal dag tu gzhag par bya// zhes pa 'di ni rdzas rab tu gsang ba zhes bya ba'i dam tshig chen po'o// de nas dgug par gyur pa ste// tsha ba'i shing la me sbar te// tsha ba'i rdzas kyi byug bya zhing// me 'bar ba la bskam par bya// oM dz+wa la dz+wa la mA ra ya hri dza/ pa tsa pa tsa mA ra ya hri dza/ da ra da ra mA ra ya hri dza/ de nas drag po'i khang par gzhug/rab tu 'bar ba'i tho bas mnan// des kyang nus pa gzhan pa rnams// rab tu 'joms par 'gyur ba yin// ces pa 'di ni rab tu gsang ba'i sbyor ba chen po'i dam tshig go/ 'khor ba chen po'i bdag nyid can// ting 'dzin gsang ba'i sbyor ba yis// rab tu gsang ba'i las rnams kun// thogs pa med par 'grub par 'gyur// las rnams rab tu sangs nas ni// 'jug 'gyur 'khor lo bdag nyid che// bdag nyid cho ga bzhin rgyas pas// 'dod pa rdo rje bzhin du 'grub// dbang chen sku ni gsang bar bya// gsung dang de bzhin thugs gsang na// bsad pa 'di'ang thogs pa med// ces pa 'di ni gsad pa'i sbyor ba'i dam tshig chen po rab tu gsang ba'o// tsan dan ga bur shu dag dang// tsan dug lha 'tsher bdud rtsi lnga// bud med b+ha gar legs rten te// bsgrub nas rnal 'byor pa yis bza'// gang gis sdom pa kun la gnas// reg pa'i cho ga rjes 'brangs nas// brtul zhugs la ni rab gnas te// rtag tu dpa' bo'i spyod pa bya// nyi ma zla ba gnas kyis bar// bdag nyid 'tsho bar the tshom med// rigs 'dzin rigs 'dzin ma rnams kyis// rtag tu srung bar byed par 'gyur// dmus long long ba rgyab sbrel yang// bstan pa'i don la gnas par byed// lhun rdzogs tshe yi dkyil 'khor la// gang gis gnas par gyur nas ni// rtag tu dngos grub chen po sgrub// dngos grub 'di la su gnas pa// dngos grub gzhan yang thogs pa med// yon tan dngos grub thams cad kun// thogs pa med par 'gyur ba med// gang gis rtag tu sbyor ba'i mchog/pad+ma 'di la rten gyur na// 'jig rten mi bder gyur pa'am// bde bar gzhan du 'pho bar 'gyur// rig pa'i brtul zhugs chen po yis// sdom pa gang dang gang la gnas// rigs 'dzin mchog gi sa bon can// ci phyir rol mo rgya cher gnas// dbang chen gar gyi dbang phyug gis// dngos grub gsang ba ji snyed pa// ma lu 'di yin thob par 'gyur// gzhan 'gyur yon tan smos ci dgos// zhes pa 'di ni gsang ba'i tshe'i sbyor ba'i dam tshig chen po'o// de nas yang dag bshad bya ba// lan bdun legs par btsal ba yi// sa yi zhag ni yongs rdzogs pa// gang gis legs par rnyed pa dang// mkhas pas grub pa chen po byas// zos nas 'dod pa de nyid grub// a ru ra ni bzang po pa// gang 'dir yongs su btsal gyur pa// he ru ka ni sbyor byas nas// bdag nyid cho ga rdzogs par 'gyur// yon tan rmad du gzhan yang 'byung// zhes pa 'di ni sbyor ba tshe'i dam tshig chen mo yin pa'o// gar gyi dbang phyug chen po yis// 'byung po bsgral ba'i cho ga ni// ri nag rtse mo gnam du mchong// yid mi dga' zhing 'jigs pa dang// ngam grog dang ni g.yangs sa dang// lam gyi mdo 'am shing gcig drung// rtsub pa'i sa ni tsha sgo can// srog chags thams cad 'chi ba dang// ral gri lta bu rab tu 'bar// bsad pa'i gnas kyi dam pa ste// der ni nye bar 'dug nas ni// bar chad bzlog cing mnyes par bya// bar chad gang gis bzlog 'gyur pa// de ni nan tan chen po byas// gang zhig bdag dang gzhan rnams la// yon tan 'byung ba ci 'dod pa// des ni thogs pa med 'gyur ba// 'grub phyir rab tu bsngags pa yin// oM hu lu hu lu hU~M phaT// e A ra li hri dza// che ge mo san ti mA ta ya dza// zhes pas 'di ni gang gis 'byung po rab tu bsad pa'i dam tshig chen po'o// gang gis tho rangs dus dag tu// rab tu 'bar ba'i me btang ste// nag po sprin gyi sbyor bas ni// gang zhig byug pa 'grub par 'gyur// gzhan yang 'ug pa'i tsit+ta dang// gong ma'i sbyor dang ldan pa yis// rtag tu sgrub pa'i cho ga bya// de ni bltas chen thob pa yin// gang gis rtag tu gcer bur 'dug/ bdud rtsi lnga yi thod par gnas// gang 'di bsgrub pa tsam gyis ni// myur du 'grub par gdon mi za// bdag nyid cho ga kun rgyas pas// rig pa'i brtul zhugs chen po yis// gang la gnas nas rab 'grub pa// 'di ni gsang ba chen po yin// bdag nyid cho ga kun rgyas pas// 'dod pa kun gyi sbyor ba 'grub// gang la yid la byas pa yis// de nyid rab tu gsad pa yis// de nyid rab tu gsad pa yin// 'dod pa kun ni gang yin pa// de tshe mkhas pas 'dod pa 'grub// 'di ni brtul zhugs kyi dam tshig chen po rab tu grags pa'o// bdud rtsi lnga las byung ba'i las// dri zhim ril bu rab byas te// lcags gsum gyis rab tu dkris te// bsgrub pas rang gi rtags dang ldan// oM tsun d+ha tsun d+ha hri dza/ban d+ha ban d+hi hri dza/ pa ta pa ta hri dza/ ha na ha na hri dza/ da ha da ha hri dza/ gardza gardza hri dza/ ku ru ku ru hri dza// sngags 'di dag ni rab tu gsang ba'i ril bu sbyor ba'i dam tshig go/ gang zhig rtag pa'i bdag nyid can// 'khor lo chen po rab sbyor bas// rab tu gsang ba'i sbyor ba 'di// rab tu bsgrub par bya ba yin// ces pa 'di ni 'dod pa kun 'byung bzhes bya ba'i dam tshig chen po'o// gang zhig mngon sum gsal gyur nas// gsang ba sbyor ba'i theg chen gyis// ro langs gsod pa'i sbyor ba las// bsad gcad las rnams rab tu bya// tsa kra oM bruM// tsakra hU~M bruM// tsakra swa bruM/ tsakra ha bruM// ha na ha na mA ra ya mA ra ya/ na sha ya na sha ya hri dza dza/ zhes pa 'di ni 'byung po gsad pa'i drag shul chen po'i sbyor ba'o// phur bu dmar po dbang dang ldan// 'od chen rtags dang ldan 'gyur nas// gang gis dkar na mtshams su gdab// me dpung chen pos bsreg par byed// hri pad+ma shri he ru ka kI li kI la ya mA ra ya mA ra ya phaT// ces pa 'di ni rab tu gsang ba'i phur ba'i dam tshig go/ rab tu gnam lcags 'bar ba yi// ral gri yang ni bsam par bya// rkang pa nas ni mgo bo'i bar// de ni gtum po'i sbyor ba yin// gang zhig rab tu 'jigs pa yi// gar gyi dbang phyug chen po yis// gtum par gyur pa thams cad ni// lung gsum mdo ru sbas par bya// gang tshe gzhan pa'i gsang sngags kyis// sngags ni rab tu grub pa yin// ces pa 'di ni gnas pa'i las kyi dam tshig chen po'i de kho na nyid do// ra dug pa dang re'u lcag dang// gang gis tsan ti pa ya dang/ si ma du ni mnyam sbyar te// snga dro'i dus su brdeg par bya// ces pa 'di ni drag shul chen po'i rdzas kyis gdug pa can gsod par byed pa'i dam tshig chen po'o/ gang gi thod pa nag po'i nang// tsit+ta gsum dang mnyam sbyar te// gang gi gnas su bcug gyur na// myur du 'chi bar byed pa yin// ma me thod pa bzang po'i nang// rims kyi khrag dang bcas te blugs// gang gis phyogs su gtor ba yis// smyos 'gros dag ni byed pa yin// mu khaM ku ru b+han d+ha ya hri dza dza/ zhes pa 'di ni thugs kyi dam tshig chen pa'o// gang gi rengs par bya ba ni/ dri bo 'jigs pa'i gnas dag tu// gzugs ni gdug pa'i khrag gis byu ga/lho nub mtshams su bstan par bya// gang zhig thog pa med gyur ba'i// bdag nyid 'khor lo chen po ni// kun tu sbyor bar byed pa yin// lcags bzang rab tu 'bar ba'i snod// mkhas pa'i spyi nas rkang pa ra bzhag/phye ma gsum ni rab tu phreng// de yi nang du blugs cing sgrub/ ces pa 'di ni rab tu sgrub pa'i las kyi dam tshig chen po'o// gang gis ci 'dras ming nas bya// rab tu 'phro ba'i 'od zer gyis// stong gsum phyag rgya dgug par bya// phyag rgya yis ni rengs par gyur// zhes pa 'di ni rengs pa'i sbyor ba'i dam tshig chen pa'o// 'dod par gyur pa'i yi dags la// 'bar ba'i rdo rje sbyor ba yis// rab tu gsang ba'i sbyor byas nas// rengs par 'gyur ba gdon mi za// rengs pa'i 'gyur ba'i sbyor ba ni/ mkhas pa gang gis spyad gyur na// de ni rengs pa de yi las// thog pa med par 'gyur ba yin// gang gis zla ba dman pa la// phye ma gsum dang tsha ba gsum// ji ltar sbyor ba legs byas nas// de ni ma lus myur du 'grub// las kyi cho ga mthong ba yis// rnal 'byor dbang phyug phyag rgya che// gsang chen dam pa 'grub par 'gyur// phyag rgya gsang ba chen po yi// gzi ldan mngon 'gyur phyag rgya yis// gang la bsad pa brtsams byas nas// des ni bsod nams dman 'gyur zhing// sdig pa chen po byed pa yin// mngon par 'grub pa chen po 'di// gang la byas pa tsam gyis ni// rtag tu de yi las rnams 'grub// ces pa 'di ni myur du sbyor ba'i dam tshig chen po'i sbyor ba'i gsang ba'o// gsal ba'i bdag gi sbyor ba yis// gang gis smra ba gtor byas nas// ri rab 'bar ba bsgom bya na// des ni smra ba nyams par 'gyur// zhes pa 'di ni ngag mnan pa'i dam tshig chen po'i gsang ba'o// spyod pa rdo rje sbyor ba'i mchog/ lag pa g.yas pa'i sor mo l a// hri zhes bya ba lnga gzhag bya// gang gis byams shing gzung byas na// de ni myur du nyams par 'gyur// de bas rab tu gsang bar bya// bya ba chen po zhes bya ba'i dam tshig chen po'o// gzhan yang gang gis ngag ni mnan byas shing// lus kyang mnan pa tsam gyis ni// ngag gis 'gum pa nyams pa dang// rmongs par yang ni 'gyur ba yin// ces pa ni man ngag mnan pa'i dam tshig go// gang gis 'di ni byas pa yis// d+ha d+hu ra yi khu ba dang// tsan dug ra dug la sogs pa// rtag tu sbyar la lus la byug/ ces pa 'di ni lkug par 'gyur ba'i las rab tu gsang ba'i dam tshig chen po'o// gang gis nyi ma yol nas ni// las 'di dag la 'jug par bya// bdag gis sbyor ba de yi ni// mtha' yas 'gug par 'gyur ba yin// gang zhig dgug pa 'di byas na// gang zhig 'jog par byed pa yin// snod med rnams la spel byed dang// rtag tu som gnyis ldan pa dang// med par 'dzin dang sgro 'dogs pas// bsgrub kyang 'grub par mi 'gyur te// rang gi sdom pa nyams pa'i phyir// gang gis yon tan phun sum tshogs// mtha' yas ring du sangs pa yin// rgyal ba'i byin brlabs chen po bral// bdag nyid 'dod pa med 'gyur zhing// mi 'dod pa ni sna tshogs 'du// byang shar kha ltas khang pa ru// gang gis phyin par gyur nas ni// gcod pa'i bsgyings pa'i sbyor ba yis// 'dod pa dag gis gzung bar bya// 'di ni bdag nyid rab tu gsang ba sgrub pa dang drag po gzung ba'-i las kyi dam tshig chen po gsang ba'o// de nas byang shar mtshams su bstan// rnal 'byor cho gas bsrungs nas ni// rang gi rab tu sbyor ba yis// rtag tu 'dod pa bzhin du bya// zhes pa 'di ni mthu chen po yongs su sgrub pa'i dam tshig go/ bdag las sprul pa'i khro bo'i tshogs// dpag med pa ni sprul byas te// gang gis de yi sprul pa dag/ phye ste gzhan du bstan par bya// bdag nyid dang 'dra ba'i dpal chen po'o// snying po nang du zhugs nas ni// gang gis gang gi rjes su sbyor// de ni rab tu bsam par bya// oM dza la pa ya// dza la pa ya/ badzra dza la pa ma hri dza dza// tan+t+ra ya hi pad+ma shrI pad+ma he ru ka krod+hi shwa ri dza dza/ zhes pa ni rab tu 'byed par byed pa'i dam zhig chen po rab tu gsang ba'o// gang gis gsang sngags drag po yis// rab tu gsang ba'i las byed pa// bskrad 'gyur rdzas kyis grub pa ste// ni dang ya yi sbyor ba yis// bskrad pa'i sbyor ba 'di dag gis// gang du las rnams byas gyur na// de yi 'grub pa gdon mi za// gzhan 'gyur sbyor ba dam pa'am// gang zhig de yis na'agrub par 'gyur// bdag nyid chog 'di lta bus// yongs su bskrad pa'i sbyor byas na// gang zhig myur du bskrad par 'gyur// zhes pa 'di bskrad pa'i las kyi dam tshig chen po'o// gang zhig dbye bar bya ba ni// rta dang ma he'i sbyor ba la// gar gyi dbang phyug legs gnas te// rtag tu bskul zhing 'phang bar bya// gang 'di byas par 'gyur pa yis// rtag tu bya rog 'ug pa la// gnas pa'i bdag nyid bsam byas te// khro bo 'phro ba'i sbyor byas na// de ni 'thab par 'gyur ba yin// kun tu 'thab 'gyur gsang sngags kyis// gang la bya ba'i gdul bya kun// 'thab 'gyur cho ga 'di nyid de// rgyal ba sbas par gyur pa yin// 'di ni 'thab pa'i las kyi dam tshig chen po'o// gang la gang gis gzugs byas te// nub phyogs su ni kha ltas nas// gang gis 'khor lo rtsom byed pa// drag po'i sbyor bas 'ong bar 'gyur// 'dod pa kun kyang 'gug pa dang// 'chi ba dag kyang de bzhin te// de dag gsang ba dam pa yin// gzhan 'gyur sbyor ba smos ci dgos// 'dod pa gsang ba 'gug pa'i las kyi dam tshig go/ dur khrod dgug pa'i cho ga ni// steng nas khro bo bskul byas te// gang gis 'khor lo chen po yis// rab tu 'gug par byed pa yin// 'di ni legs par gnas pa yin// bdag nyid cho ga kun rgyas te// gang gis dur khrod thams cad kun// rab tu 'gug par byed pa yin// ces bdun 'gro 'gug pa'i dam tshig chen po'o// gang zhig legs pa'i rdzas rnams la// 'dod pa rnams ni legs par bcing// gang gis rab tu 'dzin pa yi// phyag rgya 'di ni legs par bsam// 'dod pa bsam pa mthu chen po// gang yang gsang 'dzin gang zhig gis// gang gis las rnams kun spyad la// 'bras bu sna tshogs 'grub par 'gyur// zhes pa 'di ni las kyi sbyor ba'i dam tshig go/ glang zhig 'og gi bu mo dgug/ mthun pa'i rdzas la gzung bar bya// dpal ldan rab tu sbyor ba yis// gsang ba de nyid rab tu gnas// oM sarba ta thA ga ta kA ya bAka tsit+ta badzra nA na/ pad+ma mahA shri he ru ka pad+ma kro d+hi shwa ri hri/ dza dza/ dz+wa la dz+wa la/ dz+wa la pa ya dz+wa la pa ya hri dza/ da ha da ha badzra pad+ma da ri dza dza/ pa tsa pa tsa mA hA pad+ma ban d+ha hri dza dza/ma ra ya ma ra ya/ na sha ya na sha ya/ hri pad+ma he ru ka hU~M/ kI li kI la ya tshin d+ha tshin d+ha ma ra ya/ pad+ma shri he ru ka hU~M/ muM tig sna mA ra ya d+hi na ya tshin d+ha tshin d+ha hri ma ra ya dza/ staM pa ya staM pa ya mahA staM pa ya hri dza/u za te ya u tse ta ya pad+ma shrI ma hA ra ga sha hri dza/ A kar sha ya A kar sha ya/ ku ru ku ru nag tsag hri/ shab+ha na d+ha ku ru hri dza/ ya ti ti sha b+han d+ha ru pi ni hri dza/ u tsa ta ya u tsa ta yi pad+ma shrI mahA// oM hu lu hu lu hU~M phaT// e a ra la hri dza// oM a be sha ya a be sha ya/ pra be sha ya pra be sha ya/ ku ru b+han d+ha gu ru b+han d+ha hri dza// oM di pa ku ru b+han d+ha sho ri kha'i sho ri kha'i// tsa sha ya sha ya b+han d+ha dum bu sho na dza dza// oM hri pad+ma b+han d+ha dza/ mo ha ya mo ha ya/ ku su ma ni ya sha na ga bi ra san ti na hri dza/ pad+ma karma na mA ra ya hri dza/ pad+ma pa nA ga mA ra ya hri dza/ pad+ma pa mo rta hri dza/ tsan d+ha tsan d+ha u sa da na du dza ya/na mo tra ta mA ya mA ra ya/ na sha ya na sha ya/ hri dza dza/ sarba sha truM ku ru mA ra ya tshin d+ha tshin d+ha/ hri dza dza/ oM hri ha he pad+ma krod+ha ya hri dza/ yak+Sha a pa sma ra ya/ mA ra ya mA ra ya sha hU~M dza dza/ ku sha'i dam tshig chen po ni// gang gis mchog tu rab tu bshad// gsang ba'i don mchog 'di dag gis// bsrung bar rab tu 'grub pa yin// gang gis gang zhig gang dag gis// rab tu sbyor ba dam pa ni/ 'dod pa mchog gi byed pa yin// ces pa 'di ni bsrung ba'i dam tshig chen po'o// u dum ba ra'i shing dag la// rdo rje me yi cho ga yis// rab tu sbyang ba byas nas ni// 'dod pa ma lus 'grub pa 'gyur// oM ha bya ka bya ti pa na a ga na ye swAhA/badzra ba ba pa pa na swAhA/ ku ru ku ru badzra/ ma bi ya swAhA/ zhes pa ni bsrung ba'i dam tshig chen po'o// bdag nyid phyag rgya chen po yis// gang gis ma lus pa// gdug pa'i dug la sbyor byas na// 'grub par 'gyur ba gdon mi za// gang gis 'di ni rab tu gsang// ma gsad pa la dngos grub med// sbyor ba de ni rmad du byung// 'di ni rab tu gsang ba'o// dug chen po yi dam tshig go/ gang zhig gsang ba 'dzin po de// bsam gyi mi kyang don dang ldan// gsang chen sbyor ba 'di nyid kyis// de ni ba yi khu ba yin// mkhas pas ral gri dag la sbyar// gang gis sbyor ba'i cho ga yis// nam mkha' la ni 'gro bar 'gyur// zhes pa 'di ni ral gri'i sbyor ba'i dam tshig chen po'o// gang gis mkha' lding gtso mo yi// snying po'i rta dang bcas pa yis// dag pa las kyis sbyor byas na// myur du dam pa 'grub par 'gyur// 'di ni mkha' lding gtso mo'i sbyor ba'i dam tshig chen po'o// gang gis nam mkhar 'gro ba yi// sbyor ba 'di ni rtag tu bsam// mkhas pas cho ga bzhin gnas na// dam tshig gsang ba 'grub par 'gyur// bdag nyid phyag rgya dam pa che// gsang ba gang gis gang la gnas// 'di ni bdag nyid phyag rgya che// 'dod ba kun 'byung rdo rje bzhin// ces pa 'di ni nam mkha' la 'gro ba'i dam tshig chen po'o// gang gis sgrib par byed pa'i rdzas// gang zhig rnyid par gyur nas ni// khar teb+ha ra'i sbyor ba yis// rtag tu dam pa 'grub par byed// 'di ni mi snang ba'i dam tshig go/ bdag nyid bstan pa dam pa yis// yon tan dam pa 'di las 'byung// zhes pa 'di ni sram gyi sha'i dam tshig go/ pad+ma ku ru ku ru hri dza/ pad+ma ha la ha la hri dza/ pad+ma tsan d+ha tsan d+ha hri dza/ gang gi 'ug ba'i sha khrag dag/ dur khro gcig pa'i thod par stsal// bsgrub na dam pa gsang ba yi// dngos grub 'di ni 'byung bar 'gyur// pad+ma shri he ru ka ma hA tsan d+ha tsan d+ha sarba duSh+tan ta ka ha na da ha pa tsa hU~M phaT/ ha na da ha pa tsa hU~M phaT// hu lu hu lu ga rba hu lu hu lu hU~M phaT// 'di dag ni 'ug pa'i dam tshig chen po'o// spyang mo mig rings sha dang khrag/ mtshan ldan snod du gzhag nas ni// legs par byin gyis brlabs byas na// gang 'dod dngos grub 'byung bar 'gyur// sho na rag sha ku ru ban d+ha hri hri dza dza/ gang gis dang por rang lha mchod// gnyis pa yis ni blangs pa'i lha// gsum pa me la gnas pa'i sde// bzhi pa kun tu rgyu ba'o// 'di dag ni sbyang mo la sogs pa'i kun 'byung ba'i dam tshig chen po'o// de ni ram nye ba bal sogs pa rab tu gsang ba'i smin gyi sbyor ba bshad pa'i rgyal po bshad par byas te// ram nye ba yi dam tshig ni// yun ring gang 'dod 'grub 'gyur bas// 'di ni dkar mo brten pa ste// gang la gnas nas 'dod pa 'byung// oM a mri ta ya a mri ta ya/ ta sha ya ta sha ya hri dza/ 'di dag ni ram nye'i dam tshig chen po'o// nye'u shing dam tshig chen po ni// dkar mo dang ni rab sbyar te// zas med 'dod pa kun ru 'byung// yon tan dam pa thob par 'gyur// oM a mri ta ya a mr-i ta ya/ be lo ka ya be lo ka ya// pad+ma gar b+ha hri dza/ 'di dag ni nye shing pa'i dam tshig go/gzhon nu ma yi legs mdzes pa// dus rnams kun tu bdag gis bcad// bzang po'i dmar dang lhan cig tu// bdag nyid phyag rgya chen pos bzang// oM a mr-i ta ya a mr-i ta ya/ badzre na swAhA/ 'di dag ni gzhon nu'i dam tshig chen po'o// lha min khrag gi sbyor pa ni// bzang po'i mar dang lhan cig bza'// gang gis rtag tu brtsams pa yi// lus ni g.yu yi mdog tu 'gyur// oM a mri ta ya a mr-i ta ya/ rag sha badzra swAhA/'di dag ni lha min khrag 'thung gi sbyor ba'i dam tshig chen po'o// gang gis sa yi zhag dag ni// legs par brtul te sbyar byas nas// rtag tu zos na 'dod pa 'grub// oM a mri ta ya -i mra ta ya tsin d+ha kaM swAhA/'di dag ni sa'i zhag gi dam tshig chen po'o// a ru ra dang san ti ka/ dur ma ti ni rab sbyar te/ gang gis rtag tu zos gyur na// de tshe lus ni gsang bar 'gyur// -i -i mr-i ta ya -i mr-i ta ya// gan d+ha ku ru b+h+yaM swAhA/'di dag a ru ra dang san te/ sbyar ba'i dam tshig chen po'o// sbrang rtsi srang ni bdun btsal te// ti ya ba ti yi sbyar byas byas te// gang gis lag na gnas gyur pa// 'dod pa rdo rje bzhin du 'gyur// oM a mr-i ta ya i mr-i ta ya/tri ni sad+h+ye d+h+ye swAhA/ 'di dag ni sbrang rtsi'i dam tshig chen po'o// tar ya'i khu ba'i srang gnyis ni// nyin re cho ga bzhin du btung// bdag nyid gsang ba'i cho ga yis// rab tu sbyor ba dam pa 'grub// oM a mr-i ta ya a mr-i ta ya/ a tsi ta te sh+Ye swAhA/ 'di dag ni ltar ya'i dam tshig chen po'o// bdag ni gar gyi dbang phyug gi/ phyag rgya che dang ldan gyur nas// gang 'dod rang gi gnas dag tu/ kha dog cho ga sbyar bar bya// oM a mri ta ya a mri ta ya/ gar+b+ha te du sh+tsA+e swAhA/ 'di dag ni gar gyi dbang phyug gi dam tshig chen po'o// kun tu gar gyi dbang phyug sgrub// gtor ma chen po btang bar bya// oM a mri ta ya/par sha ya par sha ya gar+b+ha sa ma ya hU~M swAhA/ 'di dag ni gtor ma btang ba'i cho ga chen po'o// de nas bdag gi cho ga rdzogs// mda' 'gro'i dus su 'phang bar bya// gnyis byas gcig ni lha gnas te/ gcig ni rab tu bsreg par bya// oM gan d+he swAhA/ 'di dag ni 'phang bar bya ba'i dam tshig chen po'o// gang zhig gang las gang dag gis// sbyor ba'i cho ga rab tu bya// gu lang rdzas ni mang du btsal// de ni rab tu bsgrub par bya// zhes pa 'di ni rab tu gsang ba'i sbyor ba chen po'o// 'od kyi sbyor bas gang dag gis// rdzu 'phrul ldan pa'i byin brlabs kyis// bdag nyid cho ga rdzogs pa yis// rab tu 'bar ba'i sbyor ba bya// bdag nyid cho ga kun rdzogs nas// rgyal ba'i sbyor ba chen po yis// rdo rje gsang ba dam pa 'grub// de nas btsan gyi gnas su phyin nas ni// gang gis rme ba'i rdzas sreg ste/ rdzas de dril zhing 'phang bar bya// mig ni rab tu 'dzum pa'i tshul// ces pa 'di ni sdigs 'dzub chen po'o// lo bdun pa ni shi ba yi// lag pa g.yas g.yon btsal bar bya// gnam lcags khro chu'i phye ma yi// khrag dang bcas pas 'phang bar bya// zhes pa 'di ni bum pa ro nye ba'i 'phreng ba'o// bdag nyid kun ru rab rdzogs nas// phyag rgya'i sbyor ba mkhas pas bya// ma byin pa yi bum pa la// nang 'ol ldang lding byung nas ni// gang gis legs pa'i snod du bzhag/phyis ni dril te gdab par bya// zhes pa 'di ni bdag nyid du nus pa'i sbyor ba'o// gang gis drag pos gnas chen du// lag pa'i dkyil du sbyor ba yis// gang gis bsreg na 'bab par 'gyur// zhes pa 'di ni bdag nyid drag po gsang ba'i las kyi dam tshig chen po'o// gang zhig zangs dang lcags bcas pa'i// ri lu lan tshwa dag dang bcas/ kur ba na yi khu bar ldan/ rab tu thor bas 'byung bar 'gyur// zhes pa 'di ni phye ma drag po'i las kyi cho ga'i dam tshig chen po'o// gang gis gang du rab 'grub pa'i// cho ga'i sbyor ba dam pa ste// rtag tu dam pa'i ma lus 'gyur ba ni// de ni bdag gis bshad par bya// gang gis bdag nyid gsang ba yi// 'khor lo bskur ni rab tu 'gyur// de nas yang dag bshad bya ba// pho mo mtshon gyis phog pa yi// khrag ni nam mkha' snod du bzhag/ de nas rang gi mtshon cha gdab// phyis na yang dag gnas par 'gyur// zhes pa 'di ni gsang ba sbyor ba'i dam tshig tshen po'o// de nas yang dag bshad bya ba// byang lta'i chu mig lkugs pa ru// bcug nas ma phyung bar du 'bab// de ni rigs min gnas min te// 'gro ba dam pa gang zhig gis// bdag nyid cho ga rdzogs byas nas// gang 'dod las rnams 'grub par 'gyur// zhes pa 'di ni gnas pa'i sbyor ba'i dam tshig chen po'o// gang gis ji ltar gyur pa yis// gser ni mkhas pas blang bar bya// gang zhig cho ga phun sum tshogs// gser 'gyur gyi ni rtsir yang 'gyur// zhes pa 'di ni bdag nyid yon tan gsang ba'i dam tshig chen po'o// de nas rgyal po gsang ba'i bdag/ gang zhig gsang ba'i don 'di dag/ rnyed dka' rab tu bshad pa yin// ngas smras don 'di yid la zung// gser ni sangs rgyas thams cad kyis// 'da' bar dka' ba gsang ba'i bdag/'di la rjes su yi rangs nas// bstod de 'khor rnams gnas su dengs// de bzhin gshegs pa thams cad kyi gsang ba'i rtog pa'i rgyal po rdzogs so////

CLOSE WINDOW