CLOSE WINDOW

Gpb043.010
བོད་ཡིག

shrI yak+Sha tsan+t+ra gu h+ya tan+t+ra ma ru tse ra ga so ri mA ra ya tan+t+ra/ bod skad du/ dpal gnod sbyin zla gsang dmar po'i rgyud/ sgrol ging ma ru tse shan pa spu gri reg chod/ gnam lcags thog gi sta re/ bse mdung dmar po/ drag sngags dug mda' nag po/ rmod pa'i mtshon cha/ 'phrin las kyi mdo rgyud/ bcom ldan 'das 'jam dpal gshin rje gshed po la phyag 'tshal lo// 'di skad bdag gis thos pa'i dus gcig na/bcom ldan 'das kun tu bzang po chos kyi sku chen po las gzugs sku stong gsal yongs la khyab pa'i thugs rje bstan te/ de yang gdul bya'i skabs kyis 'gro ba ji ltar 'dul ba bzhin don mdzad pa las// de'i tshe de'i dus na chos kyi sku snying po byang chub la snyoms par zhugs pa las/ snying po byang chub las stong pa nyid du rnam par bshig ste/ 'gro ba rigs drug thugs rjes ji ltar mos par 'dul ba'i 'od zer khyab pa gzugs kyi sku dang sprul skur bzhengs nas gnas so// 'gro ba rnams la theg pa che chung gang ltar 'tsham pas don mdzad pa las/ phyin ci log tu kha bltas pa las kyi srin po gdong dmar dang/ dam las log pa'i dam nyams dam sri de ni 'dul bar ma gyur te/slar bstan pa'i dgra gyur pa las/ yang de yi tshe de yi dus na gzugs kyi sku las gnod sbyin zla gsang dmar po 'dul ba'i ting nge 'dzin la snyoms par zhugs te/gang gsang sngags mos pa spyod pa'i sems can rgyud ma dag pa thams cad ji ltar mos pa ltar 'dul bar dam bcas te drag po'i dgongs pa la bzhugs pa las/ de'i tshe de'i dus de na bdud sa 'dzin gyi rgyal po zhes bya ba/rab tu zhe sdang che ba dkar po'i bstan pa mi dad pa/ 'khor mang po dang dbang ldan pa gcig gnas pa 'khams 'khrugs te/ bdud kyi dmag dpung 'khor bye ba sa ya dang bcas te bar du gcod pa'i thabs rnam pa sna tshogs pa'i las byed par gyur to// de yi tshe dus kyi rgyal po des ting nge 'dzin gyi sprul pa zhig bkye ste/ bdud sa 'dzin gyi sprul pa rab tu zhe sdang 'khrug cing gdug pa/rdo rje'i thegs la smod pa/ sangs rgyas kyi bstan pa la bar du gcod pa/ gang na 'jig rten gyi khams 'di na/ dkar po'i las la dad pa dang/ gsang ba'i thag pa la zhugs pa thams cad kyi bdud gnyen po bar chod kyi bdud du 'jig rten khams khebs par ting nge 'dzin gyi cho 'phrul bkye'o// de nas yang bdud kyi dmag dpung chan po bstibs te/ gang na dus gsum gyi sangs rgyas kyi sprul pa chos gtan la 'bebs pa de ma thogs par 'dul bar gzas pa las/de nas yang de ma thag tu dus gsum gyi sangs rgyas thams cad kyis gzigs te/ 'jig rten gyi khams kyi sems can thar pa'i lam bkag cing 'gegs par gzigs/de zil gyis gnon pa'i phyir snying po byang chub las thugs rje chen por bzhengs te/ thugs rdo rje yi ge hU~M gcig tu bsdus te gnas so// de las oM hri Sh+tiHbi kr-i tA na na hU~M hU~M phaT/ ces brjod pas/bdud rje dregs pa can thams cad 'dul ba'i gshed po khro bo ya man ta kar sku bstan te/ oM a kro te ka ya man ta ka ha na ma thA ban dza hU~M phaT/ ces bsgrogs shing gzugs kyi sku mi bzad rgyan gyi 'khor lor gyur pa las/de nas oM shrI many+dzu ya ma rA dza ma ma e ka dza ti dza dza/ zhes bsgrags pas yum dang sras mchog bcas par lhun gyis grub bo// de dag gis bdud de la dmigs te sprul pa'i tshogs bsam gyis mi khyab pa bkye ba las/de dag gis dkar po'i phyogs la dang pa'i lha srin dregs pa can ma rungs pa kun dbang du bsdus te/ de kun dang thabs gcig tu gnas nas/ de yi tshe bdud kyi rgyal po'i sprul pa gzhom pa'i phyir/oM many+dzu shrI ya man ta ka ma ru tse te pa ta ye hU~M phaT/ ces brjod pas sras mchog ya ma rA dza de srin po dang/ gshin rje dang/ bdud po dang/ gnod sbyin gyi gtso bo ma ru tse bzhis dregs pa can thams cad kha lo rang dbang med par bsgyur bar byas so// oM a kro te ga shrI many+dzu ya man ta ka hU~M phaT/ ces brjod pas/ stong gsum gyi stong 'jig rten gyi khams kyi bdud thams cad kyi bso sgra dang cho lang zil gyis gnon pa'i sgra 'brug stong lding ba lta bu bsgrags so// oM be ba sa ta e a mu khaM hU~M mA ra ya phaT/ ces pas/ thugs las sprul pa'i khro bo bdud sa 'dzin gyi sprul pa 'jig rten gyi khams khebs pa thams cad la 'chi bdag gshin rje gshed dmar gnyen por sprul te btang ba de dag la/mtshon cha be con byin dang ldan pa de nyid byin te btang ngo// de tshe dkar po'i phyogs la gnas pa'i lha dang/ klu dang/lha ma yin dang/ mi'am ci dang/ lto 'phye chen po la sogs pa/ gzhan yang lha ma srin sde brgyad thams cad kyang bdud kyi cho 'phrul 'khrug pas 'jig rten gyi khams khengs par mthong zhing/ nyid ston pa yang de nyid kyis ma rungs par byed par mthong nas/la la ni sems dpa' zhing nga rgyal gyi dregs pas gzhom du chas so// la la ni dpung mang po bsdus te gzhom du chas so// la la ni mthus 'dul ba'i 'dul thabs kyis rmod pa la zhugs so// la la ni yid sdug bsngal bar gyur to// la la rab tu bred do// la la ni 'khor du skyabs rje la 'dus so// la la ni rang dbang med par dran pa dang bag med par zhabs 'og tu phyin par gyur pa las/de nas de ma thag par yang bdud kyi rgyal po de gdul ba'i ched du gsang ba'i bdag po dpal phyag na rdo rje lcang lo can gyi gnas mchog dam pa nas bzhengs nas gnas der yud tsam gyis phyin par 'ongs te/drung na gnas nas 'di skad ces gsol to// bcom ldan 'das de bzhin gshegs pa thams cad kyi 'phrin las kyi yon tan kun 'dus pa/ dpal ldan dbang phyug chen po/ bdud kyi tshogs 'di rnams gdug cing zhe sdang che ba/dad pa med cing log pa'i dad pa can rdo rje theg pa la smod pa 'ba' zhig ste/ yongs kyang 'jig rten gyi khams na gnas nas kyang ma rungs pas blo bsgyur la/ rgyud kha lo phyin cig log tu bsgyur te/rdo rje'i theg pa la gnas pa thams cad ma rungs par byed pas/ rdo rje theg pa yun ring du spyod pa'i skal ba dang ldan pa'i ched du bdud kyi dpung tshogs 'dul ba'i thabs bstan du gsol/rigs lnga'i dngos grub yal cing/ phur bu dang/ ma mo dang/ 'jam dpal nyid kyang yal cing ring bar gyur ba'i tshe/ de dag gi mthu byin mi yal cing mi ring myur ba'i phyir/ bcom ldan 'das gnod sbyin gshin rje dmar po'i mthu dang 'phrin las bshad du gsol/ces gsol bas/ bcom ldan 'das khro bo ya man+ta ka sras 'jam dpal ma ru tse la spyan seng ge ltar gzigs te cang mi gsung bar ting nge 'dzin rol pa'i ngang du bzhugs so// de'i byin brlabs las bcom ldan 'das 'jam dpal ru tse thugs kyi 'khor lo bskor cing bka' stsal pa/ legs so legs so// rab tu legs so// gsang ba'i theg pa la gnod pa bdud kyi sde thams cad gdul ba'i phyir zhus pa legs so// da ngas bshad kyis nyon cig ces gsungs te/ shin tu dbang drag rol pa'i ting nge 'dzin la snyoms par zhugs te/ dbus kyi lcags mkhar chen por de ma thag tu snang bar byas so// de nas phyogs kun tu 'khor kun la rab tu seng ge'i lta stangs kyi bltas te/ sku'i sprul pa dang/ gsung gi grags pa dang/ thugs kyi mtshon cha dang/ yon tan gyi dbang phyug dang/'phrin las kyi rol pa zhes pa'i gsang ba dam pa lnga rab tu bsgrags pas/ slar bdud kyi sde dkar po'i phyogs la mi dad pa thams cad rab tu myos te gnas so// la la ni dkar po'i las la gus pas 'khor rnams dang stabs gcig tu gnas so// la la ni dbang med par dad pas 'dun cing res 'ga' ni las la nyan/ res 'ga' ni mi nyan par bsam zhing gnas so// la la ni dbang med par lhan ne gnas so// de yi tshe rang byung gi ye shes rig pa byang chub sems las ting nge 'dzin gyi cho 'phrul thams cad khro bo dang khro mo'i tshogs dpag tu med par sprul te/ 'khor dang bcas pas rngam pa'i gsung sgra bsgrags par/yul chen po gshin yul rme nag ces bya bar/ gshin gyi bla mtsho mer bar de rab tu yang mer mer 'jigs par gyur/ gshin gyi ro blo dmar po'i thang ni rab tu yang slo bar gyur/ gshin ri phyin ci log ni rab tu yang phyin ci log tu snang bar gyur/zam kha ro lam khung bu ni sub cing med la khad par gyur/ 'jig rten gyi khams thams cad 'gul ba dang/ ldeg pa dang/ ya ma yo ma dang/ mer mer dang/shig shig pa dang/ tor tor dang/ mtho ba dang/ dma' ba la sogs pa bltas chen po bco brgyad bstan pa las// de nas yang de ma thag tu gnod sbyin dang/ srin po dang/ gshin rje dang/ bdud dang/ ma mo dang/ bal mo dang/ ging dang/ bgegs kyi tshogs thams cad kyang 'dus nas/ de ma thag tu rang gi ston pa la 'dun to// ston pa chen po gshin rje'i rgyal po la gsol pa/ e ma ho/ dregs pa chen po rnams 'di lta bu'i cho 'phrul ni ngo mtshar che ba'o// 'di lta bu'i cho 'phrul ni 'byung bar dka' ba ste/ 'di ni gsang ba chen po rdo rje'i theg pa chen po'i cho 'phrul lags so// bdud thams cad 'dul ba'i dus la bab par 'byung ba ste/re zhig na bdud kyi rtsod pa yod pa 'dul bar nges so// bdag 'khor dang bcas pa la thugs rdo rje'i cho 'phrul chen po bstan nas/ 'dren pa'i thabs kyi sgo mang po mdzad de bde ba la bkod pa bzhin/gzhan yang phyis kyang bde ba la 'god par nges pas/ gshin rje'i rgyal po'i 'khor na g.yog dang/ bran dang/ yang bran dang bcas pa dkar po'i phyogs la dam tshig dam bcas pa rnams myur du 'dus shig/ces brjod pas/ de ma thag tu gshin rje dang/ srin po dang/ bdud dang/ gnod sbyin dang/ ma mo la sogs pa 'khor dpag tu med pa dang bcas pa 'dus te bka' stsal nyan par gyur to// de nas gshin rje'i rgyal po yis/ gsang ba'i bdag po la gsol pa/ gsang ba chen po lag na rdo rje gsor ba/ kye gsang sngags rdo rje'i theg pa ni bskal ba dpag tu med pa las kyang lan 'ga' las mi 'byung ste/bskal pa de dag thams cad la bar bar du mun pa'i bskal pa 'ong zhing/ bar bar du sgron ma'i bskal pa 'ong bar bdag cag gis thos so// mun pa'i bskal pa'i chen bdud kyi rgyal po'i bstan pa smin pa ste/sgron ma'i tshe bdud rab tu 'pham pas bdud kyi bsam pa rab tu ma smin pa'o// de lta bas na bdag 'khor dang bcas pa sngon bskal pa sgron ma'i tshe/ rdo rje sems dpa'i gsang ba rdo rje'i sgrub thabs la zhugs pas/de'i rgyu dang 'bras bus 'jig rten na dbang dang mthu che bar skyes pa lags te/ res 'ga' ni bdud kyi tshogs dang chas mthun du spyod par gyur te/ sngar ma shes par spyad pas rgyu de las 'bras bu de ltar gyur pa'o// de lta bas na sngon sten pa'i stobs kyis rdo rje theg pa la dga' zhing skyong ba dang srung bar gyur te/ 'dzin cing bde ba'i sa la gnas par gyur bas/ gang na thugs rje'i cho 'phrul g.yos pa de rab tu 'du ba lags pas/gsang ba'i bdag po/ gsang ba'i rdo rje theg pa'i ltas dang cho 'phrul 'di rgyu gang las byung/ rkyen cis byas/ 'dul ba'i zhing gang nas nges par byung/ bdag cag gis sngar khye'u sngon po nam mkha' lding la dam tshig nos ba'i tshe/gsang ba'i bdag pos las kyi slob dpon dang grogs kyi dam pa mdzad pa lags pas/ da yang bdag 'khor dang bcas pa la nges pa 'di lta bu'i cho 'phrul ston pa 'di'i don cig la ston pa la/gsang ba'i bdag po khyod ni sangs rgyas gang+gA'i klung gi bye ma snyed kyis rjes su snang ba dbang bskur bas gsang sngags dang gzung sngags rig sngags thams cad la dbang bsgyur te/ bdag 'khor dang bcas pa la yang dbang bskur cig/ ces gsol pas/ bcom ldan 'das gsang ba'i bdag po phyag na rdo rje gsor zhing bka' stsal pa/ gshin rje'i rgyal po dri ba rab tu legs so// dad pa dang ldan par nges so// sgrib pa dag par nges so// lung bstan thob par nges so// las 'phro sad par nges so// de lta 'jig rten gyi khams 'dir bdud kyi rgyal pos 'dzin gyis bsam pa ngan pa cig btang bas/ bdud kyi tshogs dpag cing gzhal ba las 'das pa rdul phra rab tsam gyis 'jig rten gyi khams thams cad khyab nas gnas pa las/ de rnams kyis 'gro ba kun kyang kha lo log par bsgyur te/ gang na byang chub sems dpa' gnas pa rnams la bar du gcod pa'i bdud du gyur pas/de lta bu'i cho 'phrul rdzogs pa'i sangs rgyas rnams kyis gzigs par gyur pa las/ snying po byang chub las bzhengs te/ stong pa nyid du bshig nas thugs rje chen po'i ye shes chen po bskyed nas cho 'phrul sprul pa ting nge 'dzin gyi rol pas/bdud sde thams cad bzlog cing tshar gcad pa'i phyir cho 'phrul bstan pa'o zhes gsungs so// de nas yang gshin rje'i rgyal pos gsol pa/kyai gsang ba'i bdag po bdud de rnams ji ltar bar du gcod pa la 'du/ ji ltar byung ba lags/ de lta bu'i bdud de rnams bdag 'khor dang bcas pas gdul bar dbang skur cig/ces gsol pa las// gsang ba'i bdag po chen pos bka' stsal pa/ gshin rje'i rgyal po ma ru rtse nyon cig/ dper na ston ka'i lo thog rgyas par byed pa la/ sems can srog chags dang/ mi dang/mi ma yin pa dang/ 'byung po la sogs pa ma snyom pas gnod pa'i dgra mang du 'du ba lta bur/ gang na byang chub dang phyag rgya sgrub pa'i rnal 'byor pa la bdud kyi tshogs kyis bar du gcod du 'byung ngo// gang na snying po byang chub la bzhugs pa dang/ gsang ba rdo rje theg pa la spyod pa la bar du gcod pa'i bdud mang du 'byung ba ni/ gshin rje'i rgyal po 'di ltar 'byung ste/ gzhan 'phrul dbang byed kyi gnas na bdud kyi rgyal po dga' rab dbang phyug ces bya ba'i 'khor na bdud kyi blon po bzhi yod do// btsun mo pad+ma'i 'phreng ba can zhes bya ba la/ yid kyi me tog gi mda' yod de/ me tog de ni dug gi me tog yin te/ gang la phog pa dam tshig dang 'bral bar byed pa'o// 'jig rten gyi mi dang/ mi ma yin pa dang/ 'dre srin thams cad sdongs te bdud kyi rgyal po dang blon po ji ltar 'dod pa bzhin bsams pas dbang bsgyur te bar du gcod du 'ong ngo// gang na gsang sngags rdo rje theg pa la zhugs pa dang/ byang chub sems dpa'i spyod pa la zhugs pa rnams/ don dam par sgrub pa la zhugs pa'i dus su blon po 'du shes bzlog pas log lta skyed par byed do// yang blon po g.yeng byed kyis g.yeng ba gtong bar byed do// yang blon po chags byed kyis chags kyi sems kyi tshogs mang po skyed par byed do// yang blon po 'thab byed kyis rtsod pas 'khrug par byed do// bdud de dag gis gang don dam pa'i sgrub pa 'dor 'jug ste/ phung po'i bdud dang/ nyon mongs pa'i bdud dang/ 'chi bdag gi bdud dang/ lha'i bu'i bdud du gyur te/ de ltar shes pas na bdud bzhi bzlog par 'dod pas lha'i bdud kyi cho 'phrul bzlog na kun bzlogs so// de bzlog pa'i phyir khyed 'khor dang bcas pas gsang ba'i theg pa la sdang ba'i dgra dang bgegs thams cad 'dul bar dbang bskur bar bya'o zhes bka' stsal to// de nas yang dregs pa chen po de dag la gsol pa/ kye kye dregs pa'i rgyal po rnams/ gang na bstan par dar ba'i bstan pa'i sdang byed thams cad phung bar bya ba'i phyir/so so rang rang gi srog gi snying po las kyi 'dul skal dpa' bo chen po la smos shig/ ces gsungs pas/ dregs pa'i rgyal po 'khor dang bcas pas gsol pa/ gsang ba'i bdag po bdag 'khor dang bcas pa phyi nang gsang ba'i lha ma srin sde brgyad du gyur pas ni/sngar dpa' bo chen po dang gsang ba'i bdag po la/ rang rang gi srog rgyud dang 'phrin las phul zin pa de bzhin te/ da de las brjod du yod na na ra skan 'gyur re skan no// dpa' bo chen pos byin gyis brlabs nas/ dregs pa can thams cad la rtog pa'i rang rgyud brjod kyis mi lang bar gnas so// bdag gis dpung dang bcas pa ma ru rtse la yang rtog pa 'bum sde dpa' bos byin rlabs de yod pa de ltar bsgrub pas na/'di lta ste/ las sgrub pa'i phyir gnam lcag thog gi sta re/ sgrol ba'i mtshon cha ngar dang ldan pa'i thabs kyi las yod pas/ bdag 'khor dang bcas pas dpa' bo chen po gtso bo khyod la smra bar bya'o// zhes gsol te zhus pa/ kye ma ho bcom ldan dges chen po// 'jam dbyangs zhi ba chen po dang// de bzhin gshegs pa'i dkyil 'khor lngas// rang bzhin med pa'i chos gsungs pas// 'khor ba'i rgya mtsho rtsa ba'i drung// dbyung zhing phyin pa rab dga' bas// rgyal ba'i bstan pa nub ka'i tshe// dus kyi tha ma tha ma'i tshe// mtshams med las ngan dar bar 'gyur// sangs rgyas bstan la mi nyan pa// bdud kyi cho 'phrul rab smin te// gnod sbyin gdong dmar dbang chen 'gyur// bdud kyi dmag dpung sprin gtibs nas// cho 'phrul sna tshogs ston pa la// sangs rgyas thugs rje 'dul ba yi// rab 'jigs chen po ma bstan na// sems can kha lo log pa yis// 'khor ba'i sdug bsngal 'phel ba'i phyir// bdud kyi gnyen po bstan du gsol// zhes gsol pas// de nas 'jam dpal ya man ta ka thugs su gsol de mnyam pa las bzhengs nas/ rdo rje lag na 'dzin pa la sogs pa la bka' stsal pa/ kye kye nga'i rigs dang sder gyur pa thams cad 'dus shig/ ces lan gsum bsgrags pas/'khor ye shes dang las la grub pa bye ba dung phyur 'dus so// de'i tshe bdud lha sbyin dang dga' rab dbang phyug 'khor bcas kyang rab tu dregs pa che bas/ 'gran gyi do med pa srid pa gsum 'dul bar byed pa kun bka' nyan par gnas te/de bdud kyi yul mkhar dang dpung la gsang sngags kyi thabs dang lta spyod ldan pa'i mthus khrag gi zor rgyogs 'phang ba'i phyir/ zor btang ba'i las bcol lo zhes lang ka'i bdag po dge slong char kha nag po zhes bya ba/bdud thams cad kyi rje bo slar log pa daM la 'di skad ces gsol to// kye bdud ru dra chen po grub pa lang ka'i bdag po/ bdud kun gyi gnyen po khyod yin pas/ bdud 'di rnams kyi sangs rgyas kyi bstan pa la gnas pa ma rungs par byed pa dang byas pa 'di rnams kyi bsam sbyor ngan pa'i sprul pa dang rbod gtong bzlog tu gsol/ zhes 'khor de dag gis smras pas/ bdud kyi rgyal bos tshig gsan te/ slar ma ru rtse bzhi la sogs pa lan smras pa/ 'jig rten khams 'di dag tu bdud kyi cho 'phrul dang mthu bzlog pa'i thabs yod de/ gang gis thabs 'di shes par gyur na sngags kyi las thams cad 'grub ste/gshin rje 'bum gyi chad pa dang/ ma mo 'bum gyi dal kha dang/ bdud nag 'bum gyi khram kha dang/ btsan po 'bum gyi shod sde dang/ nag po klu 'bum chad ka dang/ki kang gza' yi gdug rtsub dang/ sngags mkhan bdag po 'bum gyi smod pa yang bzlog par 'gyur te/ gang na bdud sa 'dzin gyi sprul ba bsam pa ngan pa thams cad lta ci smos zhes te/las 'di dge slong char kha nag pos nyi ma phyed na bdud kyi rgyogs khrag gi zor shan pa dmar nag gi las stabs bcas te/ nam phyed na dregs pa can thams cad dmag dpung du bsdus nas bdud kyi dpung tshogs la 'phangs pa/sha ri b+h+yo/ shar phyogs nas mon pa dang pra ma rA dza ma rA dzi srin po'i 'khor tshogs dang bcas dug zor 'phangs so// ma ri b+h+yo/ lho phyogs nas ma mo 'bum gshin rje ya ma rA dza dang bcas pas 'phangs so// khrag la ma ma b+h+yo/ ma mo srid pa'i rgyal po'i ngad las nad kyi 'ja' tshon lnga nyi ltar 'khyil ba las/ ma tshogs bdud pho mo sde lnga dang bcas pas khrag zor 'phangs so// tsa ra'i snying la b+h+yo/ shan pa'i ging bdud gnod sbyin snying 'phro gis mtshon zor du 'phangs so// snying la b+h+yo/ ma tri thod khrag dza/ ging mo ma bdud e ka dza ti ming sring mon mo dang ging gi tshogs kyis snying zor 'phangs so// khrag ti snying la ya/ma bdud re ma ti spun bzhi 'khor dang bcas pas rdo zor 'phangs so// ni sri chod do// phung gsum khrag gdong dug gi mchi ris can tshogs kyis 'phang zor shag stong me zor du 'phangs so// nA ga chod/ klu bdud kyi rgyal po klu gnyan sa bdag btsan dmar 'bum dang bcas pas dug tog sna tshogs zor du 'phangs so// mu lo chod/ bdud yam yul lha'i 'khor dang bcas pas mi kha'i sbyor ba sna gu zor du 'phangs so// sha lo chod/ gza' bdud chen po gza' dang skar ma'i 'khor dang bcas te dud pa dang bal phur du 'phangs so// sha la kying kying b+h+yo b+h+yo/ gdong mo bzhi mo khrag gi ser ba gtong ba dang/ tha ba mo bzhi nad kyi kha rlangs khrag phor 'thor ba dang ging pho mo ma rungs pa dang bcas te spang skams khrag dang bcas pa'i zor 'phangs so// sa ma yA sho na mu ka dang/ bdag nyid chen mo dang/ bse mo la sogs pa dam can kun gyi phur bu dar gyi cod pan dang rtsang zor 'phangs so// a ti kra ma ni/ lha'i rgyal po tri shu la sogs pa lha dmag 'bum phrag gis nyungs zor dang mtshe zor 'phangs so// pa ra pa tri mA ra ya bzlog/srid pa gsum gyi bdag po srog bdag chen po srog bdag chen pos srid pa gsum gyi dbang chen pos srid pa gsum gyi dbang can dang bcas pas bsdus te/ dpa' bo khro bo ya man ta ka dang/ khro mo e ka dzA ti ma sras mchog sprul pa'i pho nya shan pa ra khrid dang kyi khrid la sogs pas de rnams thams cad kyi las dril te khrag gi kong bu gru gsum gtor dang 'phangs so// de ltar lan bcu gsum du dregs pa sde tshan bcu gsum gyis dge slong sngags bdag char kha nag pos las mkhan byas te rgyogs 'phangs pas/thams cad kyis kun nas dpung dril te 'phangs pas/ sa 'dzin kun khyab bdud lha sbyin gyi sprul ba mang po 'bros pa'i sa gang du bros pas kyang 'bros sa ma rnyed par khrag zor me dpung gi rgyogs bab ste phung bar byas so// ging rje chen po bzhis 'phangs pa/ ti bur shag b+h+yo/ ti pur shag b+h+yo/ ti pur tsan+t+ra tsakra b+h+yo/ ti pur me shul rtsur ni b+h+yo/ti pur ma ra na b+h+yo/ zhes shar dang/ lho dang/ nub dang/ byang gi ging tshogs kyis mda' zor 'phangs so// par phi dan tsin de tsin da la b+h+yo/ ma ma rag rak+Sha mu tra snying kha rag thun b+h+yo b+h+yo bzlog bzlog/sngags bsrungs kyi bdag mos phyogs thams cad du khrag zor 'phangs te/ snying sha ku ru thun/ b+h+yo b+h+yo mA ra ya bzlog bzlog/ ces pas bdud kyi dpung bya nag la rdo rgyab pa bzhin gyur to// de nas dge slong sngags kyi bdag po char kha nag pos gsol pa/bcom ldan 'das dpa' bo chen po bdud bzhi bcom mo// yon tan dang ldan no// mtha' gnyis rtog pa las grol bas bdud kyi skyon las 'das so// bdag ni gzhan gyi dpal mgon du gyur to// log par ltas pa'i lus sems chom non no zhes pas/ de nas dpa' bo chen po sku zhal gsum phyag drug zhabs bzhi par bstan te/ sku dang zhal gsum mthing la rngam pa/rdo rje zhing gi dbyug pa dang dgra sta ral gri g.yas na bsnams pa/ sdig zhags dang mdung thung thod rlon g.yon na bsnams pa/ gshin rje pho mo ma hes brdzis pa'i steng na bzhugs te/ me dpung gi klong dur khrod kyi rgyan chas dang zhal gsum dang sku mthing la rngam pa/spyan dang tshems bgrad cing gtsigs pa/ ye shes kyi me 'bar ba/ sha khrag rus pa zhal du rol pa'i ting nge 'dzin thabs cig mdzad pa tsam las/ gshin rje pho mo thams cad dbang du 'dus pa ni/ dper nam mkha' la sprin 'dus pa lta bur gyur te/ bdud mi snying la zhugs nas bar chod byed pa de rnams thams cad kyi lus dang ngag sems kyi gdug rtsub tul gyis tshig par gyur to// zhabs ri rab kyi steng du mnan te brkyang bskum du bas bdud ma rungs pa thams cad rang dbang med par zhabs 'dril ba'i 'og tu gnas par gyur te/ 'jig rten gyi khams kyi bdud thams cad mnan par gyur to// de nas kun khyab sa 'dzin bdud kyi rgyal po'i snying la gzer te/ sprul pa 'phrom nus par gyur te/ bdud mthud dpung dang bkrag nyams te lhan ne gnas par gyur to// de nas dge slong sngags kyi bdag po char kha nag po dang/ gshin rje'i rgyal 'khor dang bcas pa stabs gcig tu gnas te/ gsang ba'i bdag po la gsol ba/ kye gsang ba'i bdag po ma 'ongs pa'i don bstan pa bsrungs pa phyi rabs kyi ched du/bdud kyis log par 'drid ba/ rdo rje theg pa la snang ba rnams 'dul ba'i phyir/ las kyi sbyor kha gshin rje dmar po dregs pa can rnams kyis dregs pa can rnams kyi 'phrin las dpal ya man+ta ka gtso bo chen pos gang bshad pa de kho bzhin 'grub bas zhu ru gsol/zhes gsol te/ dpal khro bo ya man ta ka'i thad ka drung du phungs phungs der 'dus te/ yang gsol pa/ dpa' bo chen po bdag cag gis las thams cad sgrub pa'i phyir/ sngar gsungs pa'i rtog pa la rnol ngar gyis gdags pa shes par bya ba las kyi thug mtha' 'di dag bdud sa 'dzin gyi 'khor dang sde tshan gcad pa bzhin phyis kyang gcad pa dang/rdo rje theg pa'i las la spyod pa'i don du 'dod pa'i bya ba sgrub pa'i las byin gyis rlobs shig/ ces smras so// de nas dpa' bo khro bo chen pos bka' stsal pa/ gshin rje'i rgyal po ma ru rtse tshogs legs so// rab tu legs so// 'jig rten gyi khams 'dir bdud/ sa 'dzin gyi rgyal pos sprul pa bkye nas/ kun tu khyab nas gnas pa las/ da lta da nyid kyis dbang du bsdus zil gyis mnan te/bdud de rnams gsang sngags rdo rje'i theg pa rgyud dang/ lung dang/ man ngag la spyod pa'i rnal 'byor sgrub pa la 'du shes bzlog pa dang/ 'thab pa dang/ g.yeng ba dang/ chags pa la sogs rnam par ma dag pa'i rgyud la zhugs te/bar du gcod du 'ong ba ngas bltas te de tshar phyis kyang gcad pa'i phyir/ dregs pa can thams cad kyi mdo rgyud chen po/ rmod pa kun 'dus pa'i 'phrin las/ gsang ba'i rgyud dang sngags kyi rgyud so so'i rtog pa ma ru rtse 'bum sde 'dod pa bzhin bshad pa'o// de lta bu'i las 'di dag dus lnga brgya tha ma la rab tu gces par 'gyur bas/ khyed rnams kyi 'jam dpal gshin rje dmar po'i dge 'dun du gnas pa'i don du dregs pa can thams cad kyi mdo rgyud gsang ba dang/sngags kyi tan tra las su rung bar bya ba dang/ dregs pa shan pa thams cad kyi rmod pa kun 'dul gyi las kha bsgyur ba'i las/rang gi las kyi 'dul skal du/ sgrol ging dmar po'i mtshon cha rno la ngar gyis bslud pa// rmod sngags byin gyis brlabs te dbang bskur bar bya'o// gsang ba'i bdag po phyag na rdo rjes kyang dbang bskur ba dang byin gyis brlab pa gyis shig/ces bka' stsal to// gnod sbyin zla gsang dmar po/ bse mdung dug mda' nag po/ dmar po spu gri rag chod kyi rgyud/ gnam lcags thog gi sta re las/ gleng gzhi'i le'u dang khrag gi zor rgyogs kyis bdud dpung bcom pa'i le'u ste dang po'o//// de nas dregs pa can thams cad kyi bdag po rgyal po gshin rje ma ru rtse zhes bya ba/ srin po ma ru rtse dang/ bdud ma ru rtse dang/gnod sbyin ma ru rtse dang/ gnod sbyin mo gdug pa can dang/ bal mo bse mo gdug pa can dang/ ging pho mo rang rang gi 'khor dang bcas pa bye ba dung phyur gyis bskor nas/ sgrol ging gi khro mo 'phrin las kyi bdag mo re ma ti dang bcas te/bdag nyid kyi ston pa 'jam dpal dmar po dang khro mo e ka dza ti mngon par phyogs nas bltas te/ khye'u sngon ya man ta ka la 'di skad ces gsol to// dpa' bo chen po dpal ldan chen po 'jam dpal ma ru rtse/sgrol ging gi rgyal po/ ye shes dang las la grub pa'i gtso bo/ sku bstan pas kyang dregs pa can kun 'dul bar gyur te/ rdza 'phrul bstan pa'i phyir dbu gsum phyag drug pa'i las kyi las kyi sbyor kha dang/dbu gcig phyag gnyis pa'i las sbyor ston cig/ de ltar du ni bdag gis rigs 'dzin tshogs kyis lus ngag yid gsum gyis brlab par bya ste/ de yi sgrub thabs bstan du gsol/zhes gsol pas/ bcom ldan 'das 'jam dpal gshin rje khro bo chen pos bka' stsal pa/ dregs can chen po phyogs bcu dus gsum gyi sangs rgyas thams cad kyi ngo bo sangs rgyas sku gsum bzhi bcu rtsa gnyis su 'dus pas de zung zhig/de nyid bdud ru dra'i sde 'dul ba'i phyir thugs khros pa khrag 'thung sum cu tham par gyur te/ ma sring nyi shu rtsa brgyad dbang du bsdus te khro bo spros pas de zung zhig/ de dag kyang bdud dang srin po log 'dren 'dul bar thugs rdo rje srin por sprul te/thugs ye shes kyi rol pa phyogs bcu'i khro bo bstan pas de zung zhig/ de nyid thams cad kyi sku mchog yon tan thams cad 'dus pa ste/sku gsung thugs yon tan 'phrin las thams cad 'dus pa'i sku 'jam dpal ye shes sems dpa' ste/ de thugs zhi ba chen po 'jam pa'i dbyangs las khro bo ya man ta kar sprul te/ bgegs rigs mi srun pa kun btul ba'o// de lta bu'i khro bo ni phyi ltar bstan pa gdong drug dang/ nang ltar bstan pa gdong gsum pa dang/ gsang ba ltar bstan pa gdong gcig du yang bstan cing/ stong bye ba sa ya la sogs par yang cho 'phrul bstan pa'o// de'i phyag kyang bcu gnyis dang/ drug dang/ gnyis dang/ zhabs kyang drug dang/ bzhi dang/ gnyis la sogs pa phyi nang gsang bar bstan te/ stong bye ba sa ya la sogs par yang cho 'phrul bstan to// dpa' bo chen po de'i thugs kyi sras su gyur pa ya ma rA dza zhes bya ba dregs pa thams cad kyi gnyen po ging dang ma mo thams cad las la 'dzud pa'i skur gyur pas/ las kyi bdag po de'i phyag mtshan ni 'di lta ste/ res 'ga' ni spu gri dang lcags kyu bsnams te ging dang sku mchog dmag dpon thams cad las la 'dzud do// res 'ga' ni me dang rlung gi 'khor los gtso bo bzhi las la 'dzud do// res 'ga' ni be con dang zhabs pa can de 'chi bdag kun 'dul lo// res 'ga' ni rdo rje dang sdigs mdzub kyis skyes bu ging pho mo thams cad 'dul zhing 'byung po yongs kyang 'dul ba/don dam par thugs kyi sras mchog ye shes shes rab kyi ral gris phyin ci log gi lta ba ngan pa 'joms pa thams cad gcod par mdzad de/ thugs rje'i zhags pas gang dang gang la bab pa thams cad 'dren no// rgyal ba'i sras po de la rtog 'dzin mi mnga' yang/ ji ltar mos pas 'dul ba ltar cho 'phrul gnyen por snang ba'o// de lta bas na dregs pa kun 'dul ba zhes bya ba las thams cad grub pa'i ston pa ni sku gsum ye shes drug dang ldan zhing rdzu 'phrul gyi rkang pa bzhis/skye ba bzhi bdud bzhi dbang du song ba gnon te/ dug gsum rtsad nas gcod cing rgyu drug gnas su sbyang ngo// skye ba bzhi tshar gcad nas de'i phyir ngas cho 'phrul 'di lta bu sngar yang bstan to// da ltar yang bstan to// phyis kyang bstan par bya'o// 'dus pa'i dge 'dun rnams kyis gang rnal 'byor la zhugs pa rnams la las gang 'dod pa bsam pa ltar sgrubs shig/da ngas bshad kyis nyon cig/ lha bdun pa'i las su zung zhig/ dngos ma ru rtse mched lnga'i sgrub par zung zhig/ bsnyen pa nag po la bya'o// sgrub pa dmar po la bya'o// las sbyor ging la bya'o// sngar bstan pa'i nang gi phyogs la zhugs te/sngon du bsnyen pa 'di bye ba gcig 'bum ri mo la rten de bya'o// oM a kro te ka ya man ta ka ha na thaM ban dza hU~M phaT/ nye ba'i snyen pa ni/ oM sa ma ya many+dzu shrI ya man ta ka pa tsa te ro ni hU~M dza/sgrub pa ni/ oM sa ma ya many+dzu shrI ya man ta ka ya ma rA dza ma ma e ka dza ti dza dzA/ trag rak+sha mu tra snying kha rag mo b+h+yo b+h+yo/ raka mo te kuM dza dza/ kha la ma ting b+h+yo/ ru lu ru lu ma hi b+h+yo/ ya ba lon tsin dan ma snying khrag srog la b+h+yo b+h+yo/las kyi bsnyen pa ni/ oM AHhU~M/ ya ma rA dza sa do me ya ya me do ru Na yo ta ya/ ya da yo ni ra yak+she ya/ yak+she yats+tsha ni ra ma ya hU~M phaT/ dus rtag tu mchod pa ni/ oM ya man ta ka dza khA hi/ya ma rA dza hu khA hi/ gu ya dz+nyA na muM khA hi/ ya ma ya tsa khA hi/ ma gshin tshogs kyi zhal du khA hi/ dmar nag ma ging gshin rje ma lus 'dul ba'i phyir dus rtag tu dran par bya'o// rtog pa ni rang rgyud du khrol cig/ces gsungs so// de'i phyir zla gsang zhes bya'o// bse yi mdung dmar du mda' dmar po/ spu gri reg chod kyi rgyud/ gnas lcags thog gi sta ri las/ gleng bslang zhing bsnyen pa nag po la bya ba don du zhus pa'i le'u ste gnyis pa'o//// de nas gshin rje gshed po yis// 'khor rnams 'dus pa'i don ched du// 'jam dpal dam tshig bdag po'i sku// bse mkhar dmar po chen po ru// gshin rje dam tshig sgrub pa'i thabs// ging bdud la bgzhug pa dang// 'khu ldog thams cad mi 'byung dang// 'phrin las bka' rnams nyan pa'i phyir// dbus kyi lcags mkhar chen po'i las/ 'chi bdag ya ma rA dza'i thun/ kha thun nag po zhes bya ba// gsad pa las kyi brnag pa bshad// de nas myur du las grub phyir// zangs khang bse mkhar dmar por bsgyur// dam tshig bse mkhar sgrub pa bshad// dben drag bkra shis gnas btsal te// dam rdzas gtor ma sha khrag dang// khrag chang 'byor tshad bdud rtsi dbul// dkyil 'khor gru gsum 'bar ba bca'// gsad pa'i ling ga drag po thun// bse mkhar bca' zhing bcang bar bya// ba glang dmar po'i sha khrag dang// 'o ma dam tshig blangs te bsrungs ting 'dzin stong nyid snying rje hU~M// lha ni dmar po yab yum sgom// sku bskyed pa dang bskul ba dang// rgyun gyi snying po nyid mtshan drang// sngags ni ma 'khrugs pa ru bzlas sngags kyi thun kha dbab par bya// dmar po srog la shan par rbad// lha sgom sngags bzlas las la bskul// phur pa gdab cing zor thun dbab// bsregs nas btab ste gtor ma btang// rlung la bskur te brlag par smon// reg chod rdo rje spu gri yin// sgrub ba'i thabs bstan pa dang las kyi sbyor ba'i le'u ste gsum pa'o//// de nas drag sngags yang dag pa// mkhas pas de don shes par bzung// oM ya ma rA dza ging baM hU~M/ yaM kro d+hi shwa ri be ta li baM hU~M/ ya ma rA dza sa twa me ya snying la to ru na baM ril rbad/ ma ma trag rak+sha snying la thuM ril rbad/ sku bskyed pa dang bskul ba'o// oM shrI many+dzu ya ma rA dza sa twa me ya/yaM yaM thums thums/ gshin rje nag po'i snying khrag la thun b+h+yo/ ma ru tse tsa la hur thums/ tri ling shang ka du tri za yag sha rbad pu phye ma kha 'dar/ ru ru pra pra dum dum shig shig/ dgra bo nr-i mA ra ya/ tsa tsa rA dza rbad/rgyun gyi snying po nyin par drang// oM shrI many+dzu u tsus rma rnal ma rnal te b+h+yo/ gshin rje nag po'i snying khrag la tshal b+h+yo/ kuM kuM ta ki nri/ ta kiM nri/ haM haM ma ra gi dza/ rgyun gyi snying po mtshan mo drang ya ma rA dza sa ta me yaM/ya ma rA dza gshin rje mug to me yaM/ ya ma rA dza gshin rje kha to me yaM/ ya ma rA dza gshin rje kha thun nag po thun dzubs/ ya ma rA dza gshin rje nag po sum b+h+yo/ gshin rje nag po dun dun b+h+yo/kring kring rA dza ma ni snying shad shad b+h+yo/ nri dzA dzA nri dzA dzA/ snying kha rag snying kha rag/ rak+sha du na thu lu lu shag/ rak+sha mun tang ni dza b+h+yo/ ru lu ru lu dgra bo la las kyi thun phob/ khrag nad phob/ rims nad phob/badzra yak+sha mA ra ya thun b+h+yo/ dmar po rak+sha snying khrag la khug ril rbad/ mngag tsing thun kha dbab pa dang/ dmar po srog la rbad par bya// bsnyen dang nye bar bsnyen pa dang// sgrub dang bsgrub pa chen po bya// bsnyen pa nag po dag la yang// rab tu byas na ging bdun 'khol// sgrub pa dmar po dag la yang// rab tu byas na dmag dpung 'bebs// las sbyor ging chen pho mo la// rab tu byas na srid pa 'khrug/dam tshig bse mkhar gyi bdag po gsang sngags kyi le'u ste bzhi pa'o//// de nas bstod cing las la bskul// hU~M/ mthing nag gru gsum 'bar ba'i dkyil 'khor du// gshin rje dmar po yab yum gshegs su gsol// rak+ta rba glong 'khrugs pa'i maN+Dal na// srog bdud dri za bsnol ba'i gdan stengs su// thugs kyi sras mchog 'jam dpal dmar po ni// dbu gsum phyag drug zhabs bzhi brkyang bskum bgrad// sku mdog dmar po me yi ral pa can// ral pa'i rtse la ban+d+ha lcang los brgyan// spyan nas me yi tsha tshas dgra bgegs bsreg/ shangs nas rlung 'byung sa gzhi bar snang 'khrug/ snyan nas 'brug ldir srid gsum zil gyis gnon// 'bar ba'i ag tshoms nag po glog stong 'gyu// dgra bgegs snying nas 'dren mdzad mche ba gtsigs// g.yas kyi dang po be con dbyug pa thogs// g.yon gyi dang po zangs kyi spu gri bsnams// dgra bgegs spu gris gtubs la dbyug thos gtogs// g.yas kyi bar ma me yi 'khor lo bsnams// g.yon gyi bar ma rlung gi 'khor lo bsnams// dgra bgegs me yis bsregs la rlung gis gtor// g.yas kyi tha ma bdud khram dgra sta bsnams// g.yon pa sdigs mdzub dung dmar zhal du rdub// dgra bgegs mgo lus gshogs la snying khrag 'thung// bdud kyi khram la thob la zhags pas chings// myur bar sdigs mdzub tshugs la dbang du bsdus// sku stod ko rlon zhing gi g.yang gzhi gsol// sku smad dpa' brtul stag gi sham thabs can// sbrul nag stong gis sku dang yan lag brgyan// mche ba gtsigs shing dgra sha rlon pa za// khro bo'i rgyan cha sna tshogs sku la brgyan// srin po gshin rje bdud dang gnod sbyin dang// ma mo bal mo ging bdud las la gtong// me dpung dmar nag 'bar ba'i gdan la bzhugs// dbang drag khros pa'i sku la phyag 'tshal bstod// yon tan bye bas brgyan pa'i lha khyod la// mchod cing bstod 'bum rtag tu khyod la 'dud// yun gyi lhar yang khyod la gsol 'debs nas// thugs rje'i spyan gyis rtag tu bdag la gzigs// ri rab gser gyi ngos la bya gnas pa// bya yi rang bzhin bor nas gser du snang// lha mchog khyod la gang dag su rten pa// mi yi tha ma rnams kyang mchog tu 'gyur// thams cad khyod kyi skur ni gsal bsgoms na// bdag gi rang bzhin bor nas khro bor gsal// 'di dang pha rol gnyis ka bder 'tshal nas// srog gi phyir yang lha mchog mi gtong na// byams pa'i zhal bzangs sngon du btang ba dang// bdag la gnod par byed pa'i dgra ngang bgegs// zung zhig chings shig sgrol cig rnam par non// khyod ltar bdag gyur de phyir bstod phyag 'tshal// 'jigs byed khro bo'i thugs dam dgyes bskul ba// gshin rje'i yum la bdud kyi lcam gcig ma// mi srin nag mo srin mo mgo 'phyangs ma// dre nag chibs shing mi lpags rlon pa gsol// mi mgo stong gis ral pa'i zar bu brgyan// mig nas khrag 'dzag khrag nad rgyu gzer gtong// sna nas dbugs phyung phyugs nad phyags mas 'debs// zhal nas me 'bar mtsho skems rims nad gtong// klu bdud pho nyar 'gyed cing mdze nad gtong// lag na lcags kyu khra bam nad rkyal thogs// dam nyams zung la khram thob nad kha phob// sha za lce spyang dam nyams bla la rbod// nyams pa'i snying phyung snying khrag gtso la stob// dgra bo dbang du bsdu ba'i dus la bab// gshin rje dmar po sgrol ging yab yum gyis// brnag pa'i dgra bgegs tshogs rnams brlag par mdzod// 'jam dpal thugs las sprul pa yang sprul ni// sku yi sprul pa gshin rje ma ru rtse// nga rgyal tshul gyis nga rgyal 'joms par mdzad// nga rgyal khros pa sdang ba'i dgra bgegs gshed// bka' 'khor gshin rje 'bum ni las la 'gyed// gsung gi sprul pa srin po ma ru rtse// zhe sdang tshul gyis zhe sdang 'joms mdzad pa// zhe sdang khros pa dam nyams dgra bo'i gshed// bka' 'khor srin po 'bum ni las la 'gyed// thugs kyi sprul pa bdud po ma ru rtse// 'dod chags tshul gyis 'dod chags 'joms par mdzad// 'dod chags khros pa dam nyams dgra bo'i gshed// bka' 'khor bdud po 'bum ni las la 'gyed// las kyi sprul pa gnod sbyin ma ru rtse// phrag dog tshul gyis phrag dog 'jom par mdzad// phrag dog khros pa dam nyams dgra bo'i gshed// bka' 'khor gnod sbyin 'bum ni las la 'gyed// mon mo khros pa ma mo gdug pa can// e ka dzA ti nag mo re ma ti// gnod sbyin ma mo gdug pa 'bum dang bcas// gshin rje dmar po'i 'phrin las grub par mdzad// bal mo khros pa bse mo gdug pa can// yang byin de byin bse byin phag byin ma// gtso mo blon mo bran dang yang bran bcas// nyis brgya lnga bcus dmar po'i las mdzad ma// dmar po mched bzhi sprul pa bka' nyan bzhi// bse yi skye bu gtum po mched de bzhi// sku mchog dmar po bco brgyad ging dang bcas// dmar po shan pa'i dkyil 'khor bsam mi khyab// gshin rje dmar po'i phyi yi dge bsnyen ni// mgon po 'dul mdzad ma hA ka la'i sku// rgyal po 'dul mdzad srog bdag spyan gcig pa// gtsan gong 'dul mdzad rdo rje legs pa'i sku// klu srin 'dul mdzad yam shod dmar po'i sku// sku bzhi khro bo sgrol gang byin pa bzhi// rang rang 'khor g.yog sprul pa grags mang yang// gtsor ni 'gong po dpun dgu las la gtong// dam nyams dgra la phung dkrugs 'bebs par mdzad// 'jig rten 'das dang ma 'das dregs pa'i tshogs// ye shes las dang las kyi khro bo'i tshogs// 'jig rten dregs pa bka' yi las mdzad pa// gshin rje dmar po gtso 'khor kun 'dus tshogs// bcol ba'i 'phrin las ma thogs myur du mdzod// ces gsungs so// 'di sgrub pa'i rnal 'byor bas rtag tu bse mkhar bcas shing bsnyen sgrub byas pas bsam pa yid bzhin du grub par 'gyur ro// bse mdung dmar po/ dug mda' nag po/ spu gri reg chod kyi rgyud gnam lcags thog gi sta ri/ gnod sbyin zla gsang dmar po'i rgyud las/ dam tshig bse mkhar gyi bdag po las la bskul ba'i le'u ste lnga pa'o//// de nas bcom ldan 'das gshin rje gshed pos gshin rje dmar po rtsa ba'i sgrub lugs 'di gsungs so// dur khrod gnas sam sum thog rtse// yang na brag ri dgon pa ru// sa chog byas te maN+Dal bsham// thod ngan dag la dgra gzugs bri// maN+Dal khongs su pho brang gdab// dmar po'i pho brang btab par dmigs// de nas zhi khro'i bsnyen pa bya// ya man ta ka yang ni bstod// de nas dmar po'i las la 'jug/rnal 'byor gang la mos pa'i las// gtsor ni de bzhin dam rdzas sgrub// srog la sgrub pa'i srog sgrub dang// zhal la sgrub pa'i zhal sgrub dang// thun la sgrub pa'i thun sgrub gsum// yan lag grogs dang bcas pa bsham// srog ni tsi ra dag yin te// ra dang ra mgo ra snying la// srog dang srog sgrub srog thun bya// zhal ni thod pa 'khor lo ste// gshin rje'i zhal phyung thod 'khor la// zhal dang zhal sgrub zhal thun bya// thun ni dug khrag nyungs rdzas te// ban d+ha nag po rar bcos nas// thun dang thun sgrub thun zor bya// dmar po phur pa'i sgrub pa dang// dmar po hom nag sgrub pa dang// dmar po dkyil 'khor sgrub pa dang// srog sgrub zhal sgrub thun sgrub la// las kyi grogs su shes pas spyad// bcom ldan 'jam dpal gshin rje gshed// sngar ni bsnyen pa mthar phyin pas// de nas dmar po 'khor dang bcas// bsnyen dang sgrub dang las la bskul// dang po gtso bo bsnyen par bya// las la bskul dang bsnyen sgrub ni// stong nyid ngang las snying rjer bzhengs// rig pa hU~M dmar gcig tu dmigs// chu las chu bur rdol ba ltar// rak+ta'i mtsho dkyil zla stengs su// dmar po zhal gcig phyag gnyis pa// me rlung 'khor lo thogs pa bskyed// de las ci yang mi sgom par// sku gsung thugs dang yon tan las// go bzlog bsnyen pa'i rim pa bya// mtshon cha gter dang nyo dang brdung// grub pa'i rtags mtshan mthong ba dang// bsnyen pa brgya brgya rtsa brgyad kyis// nyin dang mtshan gyi mgo drangs nas// gnod sbyin dmar pos dmag dpung dbab// rtag tu btsun chen rtags mang nas// srin pos dgra bo ngos 'dzin gtang// rang rgyud dmar po grub pa yin// sngags rgod rim pas rtags tshad bsnyen// go mtshon mi bshar mang mthong nas// gtso bo las kyi sngags rgod dang// gnod sbyin srin po gshin rje dag/ nyin dang mtshan du dril byas la// nang nub rgyun gtor btang zhing bskul// yid ches rngam pa'i sems drod 'byung// de nas bdud po rgyan du gtang// bdud kyi cho 'phrul nges par 'byung// de nas de la rim pa yis// nyin mtshan phye nas mo sngags sgrub// mi rta khyi yi snying rten cing// sha chen rak+ta sman phud dang// gtor ma breng nge btang bar bya// 'phrin las las la sbyor ba'i tshe// gzas pa mgar ba a lags gis// gzugs brnyan ming rus rten bcas nas// dug gtor sgro dang hom phur dang// dam rdzas gtor ma drag po rnams// dkyil 'khor la bkod sgrub pa bya// ra 'am ra thod ra snying ngam// ra yi sog pa g.yas pa la// bsnyen pa rab 'bring tha ma yis// sngags kyi 'phrin las drag tu phyar// rtsa ba'i lha lnga dmar po'i sgrub pa'i le'u ste drug pa'o//// bcom ldan 'jam dpal gshin rje yis// bse dmar srog tig brnag pa'i las// srog gi chan pa'i las 'di bshad// de yang snying po sngags rgod ni// bod rbad gsad pa drag sngags rnams// mkhas pas gtso 'khor rtsa ba las// rim pa shes pas drang ba las// ci dgar bzlas na rang phung zhing// ma nyes bstabs na tshur la gdon// kun la na chad pa 'ong// dben gnas yid 'ong nyams dga' bar// dkyil 'khor mthing nag gru gsum bya// zla kham 'khor lo bar 'khyams dang// sgo khyud la sogs tshul bzhin bri// dbus su gshed po yab yum dang// thugs kyi sras mchog dgod par bya// bse mo bzhi dang blon mo dang// bse yi skyes bu la sogs pa// mchog phur lcags phur bya phur zangs// tsan dan la sogs phur bu la// mngags te rim pas dkyil 'khor dgod// srin mo ging gi rtsang phur dang// 'o ma khrag dag sbrang rtsi dang// mar khu phyar ba'i dam rdzas dgod// dpal gyi gtor ma zla gam la// dug tor gru gsum rtse la dgod// tsa ra rog po zangs ltag can// dmigs pa'i ming byang bcas la bzhag/rnel dri ru stongs la sogs su// so so'i rdzas dang thun rdzas bsags// dbus su bse mkhar phab nas kyang// ting 'dzin rnam gsum tshul bzhin sgom// bskang ba'i rgyu mchog dam rdzas dang// sman rag dza gad gtor tshogs bcas// dang po zhi khro bskang bshags te// bstod cing mchod nas drag po 'jug/ bdag nyid gshed por gsal bsgoms nas// yum gnyis lus dang grib bzhin bskyed// yab yum gnyis med byin rlabs las// yi ge hU~M ni dmar nag las// sgrol ging bdag po ma ru rtse// sku che yan lag rags pa bskyed// oM badzra yak+sha ma ru tse dun dun/ ben con g.yas paM sdigs mdzub g.yon// bdud kyi gdan la brkyang bskum bzhugs// de la dza dang ma 'phros las// sku gsung thugs dang 'phrin las te// spyan shangs ljags thugs yan lag bzhi// ma ru rtse dang bse mo bskyed// spyan drangs bstim ste mnyes mchod dbul// bstod cing thugs dam rgyud bskul nas// bod rbad gsad pa'i las la 'jug/ oM sa ma ya shrI many+dzu ya man ta ka ya ma rA dza ma ma e ka dzA ti dzA dzA/ trag rak+sha mu tra kha mu ru lu ru lu ru b+h+yo// oM shrI many+dzu ya ma rA dzA sa twa me ya yaM yaM thum thum/ gshin rje nag po snying khrag la dun b+h+yo/ ma ru rtse tsa la hur thums// sbugs la thums/ srog la yaM yaM dzA dzA/ oM su tri ba ya/ bar tsit+ta yo gi sha ri ya ma tsit+ta hU~M phaT/de nas khyi khrid btang/ ma ma ma la yaM btang/ oM tsi bi ri tsikra ba na sa ma yA tshal pa a nir tri mA ra ya/ oM gu sha dzA dzA nA ga ma ra dza/ shu shu rak+sha ya/ oM la gus ma du hu lu lir myos na rgal ga gzer ga sna ya/tri ling shang ka du tang/ gzhan yang drag sngags rnams ci rigs gtang ngo// bdag nyid lha yi dkyil 'khor sgom// sring mos bkug cing ming pos bsgral// rang gi bzlas pa dgra la bsam// glang chen sna nas khrid pa bzhin// bkug ste dmod pa'i sngags kyis gsad// ming sring gdug pa'i ngan sngags 'di// nyin mtshan med par thun du dbab// pho nya bskul nas phur pa gdab// snying dang g.yas g.yon yab yum sras// yan lag bse mo gsang ba'i ging// dmar pos btab ste thun khrag spyo// ra bsgral snying du ming byang gzhug/ hri ti bzhis bskor bzlas te mnan// brag chu 'thab par gtad gnyer bya// dmar nag bse yi srog tig sngags// nyes med la rbad dam tshig nyams// drag po dgos na bzlas par bya// rung rung thong chor bzlas na ni// dam tshig chen po nyams pa yin// de bas sgrub pa'i sngags tshan bcu// sngags kyi rgyud nas gsungs pa bzhin// chu bo'i rgyud ltar drang bar bya// zhes so// bse dmar snying zan ma'i gsad las bstan pa'i le'u ste bdun pa'o//// de la drag sngags rtsa ba ni// lha gcig gnyis gsum bzhi dang lnga// drug dang bdun dang lha bcu'i sngags// mkhas pas rim pas bsnyen pa dang// don ldan lha bcu dril te sgrub// oM shrI many+dzu ya ma rA dza ma ma e ka dza ti nri dza dza/ 'jam dpal dmar po'i spu gri yin// na mo rat+na tra ya yA/ na mo bai shra ma na s+ye ha/ ma hA rA dza s+ye ha/ na mo na ta ku pa ra s+ye ha/ gu ya ga te pa te du pa ya na/ ta ku pa ra ma ta'i sha mi/ a nu ru pa/ su ru pa na ta/ ku pa ra tsan tra kha na tsa khaM/he mo kha sa ka na ta ku pa ra na he ma kan/ gu ha ka tsa la tsa la/ pa tsa pa tsa/ phu lu phu lu swAhA/ gnod sbyin dmar pos smras te phul ba'o// oM rnal ma rnal te gsod la rngam bshol la mer spris la chum thu bsi thu lcags kyi skra dgra bo mA ra ya hU~M phaT/srin po dmar bos phul ba'o// oM tri ling shang ka du dri za yag sha rbad pu phye ma kha 'dar/ ru ru bra bra duM duM shig dgra bo mA ra ya hU~M phaT/ gshin rje dmar pos phul ba'o// bdud pra ma ya/ bdud mA ra ya/ snying mgo chod du ru du ru/ har ti har ti dgra bo'i snying la dza/ nag po ti ba tsa ba tsa dgra bo'i snying la pa tsa bam ral rbad/ nA ga kro d+hi shwa ri snying la ba tsa la/ trag ma trag shig dgra bo'i snying la kha raM khA hi/nag po shag pa ti ba tsa baM ril rbad/ nag po her haM baM ril rbad/ nA ga snying mgo chod kha la zo snying mgo chod// tsa la rog pa dgra bo'i snying la dza dza/ dgra bo'i snying la hu ra be ra baM ril rbad/hu ya hu ya dgra bo'i snying la dur dur/ blo tsa la baM ril rbad/ yang na myos shing lkugs su chug/ yang na smyo zhing 'bog tu chug/ yang na rtsa ba bdun rgyud chod// ces bdud po dmar pos phul ba'o// trag rak+sha kha mu ru lu ru lu hU~M b+h+yo hU~M/ rag mo te kuM dza dzA kha la ma hi b+h+yo/ ru lu ru lu ma hi b+h+yo/ gnod sbyin mos phul smras pa'o// oM khyi khrid ra khri ro la khrag 'thung/ kang kang keng keng kying kying tsan da ma ro la khrag 'thung// kaM kaM keng keng gying gying sha za ba snying 'byin pa khrag 'thung ba/ dbugs 'phrog pa/ srog gcod pa/ sha za ba'i tsit+ta me ri sha tang par lang thong sha la kyi khye kra he ka he hU~M phaT phaT/ bal mo bse mos smras te phul ba'o// oM shel gyi ru gnyan dkar po thuM ril rbad/ srog la khug thum ril rbad/ oM ma tri rak+sha mu thuM trag dral dun dun yaM yaM/ ling kar ling rak+sha baM ril rbad// bse yi skyes bu rang rgyud pa bzhis smras pa'o// oM tro ta ni tro ta ni pa tra pa tra/ k+shu la k+shu la/ d+ha sha gri ba d+ha sha gri ba hU~M phaT/ dmar po gyad pa chen po bzhis smras pa'o// oM ni tro ta ni ni tro ta na hu ru hu ru hU~M phaT/ sku mchog dmar pos smras so// oM tri tsi pa la a shug ma/ ma tsa pa la a shug me hU~M phaT/ ging pho dgu mo dgus phul ba'o// oM shrI mahA kA la tri yaM dza dza tri tsa la ag me shug me baM laM shaM tri dza ya du/ mgon po dge bsnyen ging dang bcas pas phul ba'o// tri pa sha mi sa ma ya b+h+yo/ a ni yo ga tsa ra ging tsa ra ging tsa ra ging tsa ra/ ging chen tsa ra ging chen tsa ra/ bar ba ta bar ba ta/ su ka dkar po cho cho/ srog bdag ging dang bcas pas smras te phul ba'o// de nas 'khor rnams kyis/ gtso bo chen po la gsol pa/ bcom ldan 'das bdag cag rnams kyi srog gi snying po de rnams kyi byin gyis brlabs te/ byin rlabs dang ldan par mdzad du gsol/ ces gsol pas/dpa' bo chen pos rig pa'i mthu dang ldan pa'i ting nge 'dzin du zhugs te bod rbad gsad pa thams cad 'grub par byin gyis brlabs so// dregs ba'i rtsa ba sngags kyi le'u ste brgyad pa'o//// de nas yang sngags de rnams kyis 'phrin las thams cad grub pa'i phyir mtshon cha ngar thabs gsungs pa/nyon cig sgrol ging ma ru rtse// drag sngags las kyi snying po ni/ oM badzra kI li kI la ya/ dza la ma re ka re ya/ oM dzA la dza la pra dza la pra dza la/ spu ta spu ta/ sarba nA ga ta ba na ni/ sa ra sa ra/ byi sa ra byi sa ra/ sarba duSh+taM/ hri da ya sho to ya hU~M hU~M phaT phaT/ an d+ha ra ban d+ha ra tsan d+ha ra kan d+ha ra swAhA/ na ma sa man ta bi sho ta ya bing bing hU~M phaT/oM hriSh+ti bi kri tA mon ta dgra bo mA ra ya ma ra du/ ma ra nan/ ma ra yaM/ oM mdzod ta bkri ta sod sod/ dgra bo nri sod ma ra na b+ho b+ho yaM yaM/ oM ru ta ru ta ma ra yaM/ ma ra du/ dgra bo nri mA ra ya phaT/ma ma ma la yaM gro lo Ne tse gran g.yas pa la/ ti te rbad na thuM ril/ ma ti ta rbad na thuM ri li li/ sha sti sta rbad na thuM ri li li/ kha chum ni ya sti sta rbad na thuM ri li li/ yak+sha ni ya sti sta rbad na thuM ri li li/ dgra bo ni ya sti sta rbad na thuM ri li li/phur pas gdab dang bal mos rol// mon mo 'khor gyis gsad pa dang// dmar pos mnan dang gtad pa dang// las gzhug gcod pa'i sngags rgod yin// de yang rbad cing las la gzhug/gsad pa'i mtshon cha 'di lta ste// gtum po yaM yaM/ sgrol ging yaM yaM/ ma ru rtse las la yaM yaM/ rtsa la hur thums srogs la ya/ du na dzA du na ling khrad de khrad de dza dzA/ tsakra raM tsit+ta gu lu nan/ sod tri kha raM sum tri ni shaM tri ni/ni tri dzA dzA/ oM ya ma rA dza klu ling b+ha sang sang/ kun b+ha sang sang/ klu ling sang ku ta nan/ yo lcags sang ku ta ki hU~M phaT/ na mo rat+na tra ya yA/ tsa la tsa la/ pra tsa la pra tsa la/shrI ga ga mi ni swAhA/ ta ku ta ku par par ma sta ni dzA/ ni mA ra ya/ ma ra du/ ya ma snying/ ya ma khrag/ tshal pa bam ril dam pa dum bu hU~M phaT/ ni sha ku ru ni sha ku ru kha sob tri yaM/ ru ti yaM/ sen men yang/ snying tshal pa rbad/ dun dun mug pa shang/ ha la ha la tsa la tsa la/ pa tsa pa tsa/ hi li hi li/ rba na rba na/ rbad pu ling rbad bu ling/ me sha ya me sha ya/ mA ra ya mA ra ya/ sta na sta na/ rba na rba na/ rbad na rbud rbad na rbud/snying shos ya/ snying shos ya/ 'ur 'ur rab tu 'ur/ chem chem rab tu chem/ yaM yaM las la yaM/ pri li li pri li li/ ya ya rgyob rgyob/ bod cing spyan drang mchod pa bya ba ni/ e ma ha sa ka nan na ta ka pa/ re s+ya dza hU~M baM ho/badzra sa ma ya dzA/ oM shrI many+dzu ku ma rA dza khA hi/ a nu ru pa khA hi/ pu ru pa khA hi/ ti ku pa ra ma ta khA hi/ ma hA maM sa/ rak+ta tsit+ta/ go ro tsan/ ba su ta khA hi/ sarba pany+tsa a mri ta khA hi/ ma hA b+ha ling ta khA hi/ tri du ni srog dung dbugs dung dral dral ma dum shaM ma dum shaM srog khyer dbugs long srog srig srig ya/ dmar po rak+sha srog la khug thum ril rbad b+h+yo/ ma hA sa ma ya hU~M/ ma hA rak+ta hU~M/ ma hA tsit+ta hU~M/ ma hA ki ku sa ma ya hU~M/de la sogs pa sngags rnams ni// phyi nang gsang ba drang dang// dbang du bsdu dang 'dril bya dang// gnad la dbab dang rbad dang dgug/ bsad dang mnan pa la sogs pa// 'brub khung ra thod ling ga la// dug thun drag po hom phur mngags// pod thod pa nag por dug khrag la// thun gyi drag sngags dril te sgrub// oM a ba ta lo ka te ya na ma sho/ hri sti snying kha la rak+sha ga du na ga du na/ a ka ne rbad/ tri kha ra lang ma ru dra hU~M thuM ru lu ru lu ma he b+h+yo/gur ti shi na ling/ ra ti shi na ling/ khu ti shi na ling/ ling ti shi na ling/ snying ti shi na ling/ shi ta shi na ling/ 'od dang sgra dang 'tsheg dang khol/ rtags de byung nas thun las bya// bstan pa 'jig pa'i dgra bo de// spu gri reg chod sngags 'dis sgral// yaM du snying khrag ni sha ku ru/ kha so pa tri yaM/ ru ti yaM sen men yaM/ sen yang snying tshal pa rbad/ srog tsa mA ra ya/ ya ma rA dza ni mA ra ya/du ma ra ya sa ma ra du/ ya ma khrag/ snying lam khrag yaM rbad/ yaM tshal pa yaM baM ri la/ ya ma dam pa dum bu mA ra ya hU~M phaT/ dmar po rak+sha srog la kug thuM ril rbad b+h+yo/ dmar po spu gri reg chod sngags 'di ni gsad tig kho na'o// i u a sa ma ya thibs thibs/ ling shar nges sod/ thig nig gcig med gnyis trag/ brgyad gcad gnam mthong phye/ lcags sgrog khrol/ mi rang sod/ glang thob thog dril mthongs brtol// gnad chod rgyun stobs gzugs chom dpung shig/ lhu phyung ya rgyob dur phug spugs/ tsakra raM tsit+ta gu lu nan/ sod tri kha raM/ suM tri ni shaM tri ni/ ni tri chod/ a yu chod/ dz+nyA na khog mA ra ya/ drag sngags gsang thig shod rde brab// oM tro ta ni tro ta ni/ pa tra pa tra/ haM sham tri gtum po yaM yaM/ sgrol ging yaM yaM/ ma ru tse las la yaM yaM/ rtsal hur thums/ srog la yaM yaM/ du na dza du na ling khrad de khrad de/ ging ka ra ging ka ra/rak+shu rak+shu/ dzA len tra dza len tra/ dzu len tra dzu len tra/ tro ta ya tro ta ya/ ni tro ta ya/ ni tro ta ya/ pa tra pa tra/ k+shu la k+shu la/ da sha gri ba da sha gri ba/ yak+sha gri ba yak+sha gri ba/ kar cha rak+sha sod dgra snying la thun b+h+yo/sngags rgod drag po de dag gis/ rtsa ba'i sngags drug po ji ltar 'dod pa'i las la kha bsgyur bar bya'o// las kyi drag sngags zab mo bstan pa'i le'u ste dgu pa'o//// de nas srog sgrub zhal sgrub dang// thun sgrub 'khor lo hom sgrub rnams// de dag sgrub pa'i 'phrin las bshad// phyi ni srog chags la rten sgrub// nang du thod pa la rten sgrub// gsang ba thun la rten te sgrub// srog chags sbubs la rten pa dang// 'khor lo sku gsung thugs la rten// drag po hom la rten pa dang// bse mkhar sku la rten pa dang// gcan gzan thod pa la rten dang// thod chen zhal la rtan pa dang// ra thod ra snying sog pa g.yas// drag sngags ling ga la rten dang// drag po phur pa la rten dang// de la sogs pa gang mos bya// dam rdzas hom phur dug gtor sgro// snying dang dam rdzas bla rdo gzung// phur pa gtsang la sku rten bzung// srog chags mdangs la 'ben rta bzung sum cu gsum dang bdun phrag gsum// sgrub dang 'phrin las drag tu gzugs// lhi bdun bskor 'khor lo dang// sngags kyi rim pa sbyar bar bya// 'khor lo'i rim pa bdun bskor dang// drag sngags lto bar tshud par bya// thun gyi rim pa bdun bskor dang// 'phrin las las mthar bsdu bar bya// de la lha yi bdun bskor ni// gtso bo dpal dang gnod sbyin dang// gshin rje srin po bdud po dang// ma mo bal mo sngags bskor bya// de la 'khor lo bdun bskor ni// ging pho las byed zhal gyi dkyil 'khor dang// gnod sbyin dmar po zhal gyi dkyil 'khor dang// srog bdag g.yang gzhi'i dkyil 'khor dang// bal mo ro rkun dkyil 'khor dang// tsit+ta mkha' dbyings dkyil 'khor dang// ma hA de ba hom nag bdud zhal dkyil 'khor dang/ 'chi bdag ma traM dkyil 'khor te// so sor sgrub dang yang na dril// de la thun gyi bdun bskor ni// dbye ba las kyi dug sgro'i thun// brab pa drag po s+ye thun dang// pags pa g.yang gzhi bsha' ba'i thun// don snying phur pa gtab pa'i thun// 'brub khung e la brub pa'i thun// 'bar ma me dpung hom gyi thun// gnan gtad thun du dbye bar bya// thun bdun zer yang srog thun te// dug khrag nyung phur thal chen dril// drag po lha sngags bdun bskor gyis// rtags kyang rnam pa bdun du 'byung// de la dus tshod bdun du brtag/ dus bdun shes pas las la sbyar// dang po las byed byon pa'i dus// mi bshar mi reng skya bshar tshogs// rdigs dang 'bring dang 'grogs pa 'byung// las byed las la cha ba'i dus// btsun chen dang ni zhu bas can dang// 'khrug pa'i ru bskos rko klog byed// go gon mtshon cha thogs par 'byung// las byed las la zhugs pa'i dus// mon dang a tsar dmag 'dren dang// yul mkhar 'jigs dang ra g.yag khrid// las byed las byed lto ba'i dus// sha khur gsod 'god za ba 'byung// las byed las ni zin pa'i dus// dus 'debs thun brdeg 'o dod 'bod// dngos po gsad pa'i rtags 'byung ngo// las byed ngo so ngoms pa'i dus// 'od dang sgra dang drags pa byung// las byed gsang gtam brda ston dus// las dang bya ba thams cad kun// mkha' 'gro brda yi lung ston 'byung// de dag bdun la dus bzung ba// stag shar kha gdangs pa yi dus// phud gtor bstab cing sngags tshan bskyed// gshin rje stong rub byed pa'i dus// sha khrag snying btab rbad sngags btab// bdud po dmag la chas pa'i dus// rgyun gtor dbul cing drag tu rbad// gnod sbyin sha 'thog pa yi dus// phud mang btab cing gsang sngags gdags// ma mo khrag 'thor ba yi dus// gtang rag khas blangs 'phrin la spogs// ging po chu srin du rgyug dus// rgyun gtor dbul cing bla dam blang// 'chi bdag ral pa gsig pa'i dus// spyod pa bsrung zhing mtshan ltas rtag/legs nyes thams cad rngas lung ston// 'phrin las sbyar so'i dus bdun la// dregs pa gzan la rgyu ba'i dus// nang nub mchod pa dbul bar bya// sgrol ging las la rgyug pa'i dus// dribs so 'ubs la phur pa gdab// dgra bo bla rtse 'khyam pa'i dus// srod kyi dus la bla tshe dgug/ dgra bo myos te brgyal ba'i dus// nam gung gsang sngags drag tu gdab// ro langs las la rub pa'i dus// tho rangs drag tu rbad bar bya// bgegs chen lha srungs myos pa'i dus// nyi phyed lha dbye gzir gnan bya// 'bru sgra tshub ma langs pa'i dus// thun 'phang dbang gzugs dus kyang gdab// dang po rdzas kyi drod ldan pas// ting nge 'dzin gyi drod thob bya// dus kyi drod la drag sngags 'jug/ sngags kyi drod tshad shes par bzlas// mtshan ma rtags kyi drod tshad brtag/ 'phrin las drod tshad mthar phyin bya// sha sna khrag dang snying sna dang// dam rdzas gtor ma bdud rtsi phud// gtsang phur drag po srog thod sogs// gsad pa'i rdzas dang bcas pa gcas// ting 'dzin rnam gsum cho 'phrul sku// bskyed pa gsal ba'i tshad thob gces// nyams dga' bskor ba byed pa dang// nyi shar nam mangs slob dpon 'grogs// gcer bu mi reng mdza' bo grogs// lo zhabs dbyar tha dgun tha dang// nya dang nyer gnyis nyi shu dgu// 'jug gdon skar ma gza' drag gces// bsnyen dang sgrub dang 'phrin las sngags// bod rbad gsad pa'i las 'brel gces// sa rko shing gcod ra g.yag gsod// khyim phug lag cha khrogs pa gces// 'phrin las sbobs pa med pa yis// mnan gtad mtha' ru phyin pa gces// zhes man ngag dam pa yang dag pa bshad pa'o// drag sngags sgrub pa'i man ngag thabs dang drod tshad du bstan pa'i le'u ste bcu pa'o//// de nas gzhan yang yang dag bshad// las la bskul zhing bod pa'i tshe// oM ma hA yak+sha dza'i/ oM hU~M phaT/ ma nyes pa ma yo'o// re re dag la lan bdun du// dbyangs su blang zhi 'o dod bod// gtor ma dam rdzas bsag byas te// dus gsum bstan las len pa yi// 'dza' dang dbyangs su bod cing bskul// de nas khro bo brjid 'gyings nas// g.yas g.yon thabs dang shes rab zhabs// ling ga gom pas mnan gzir cing// sprul pa'i pho nya las kyi gtso// nye bar gnyer ba'i bdag bskul// 'di la man ngag gnad gsum ste// nag po'i brnag pa rkang mthil bya// dmar po'i brnag pa lce stengs bya// dkar po'i brnag pa lag par bya// de nas dmag dpon gtso bo bzhi// pho nya bka' nyan la sogs pa// rim pa bzhin du las la bskul// zhes gsungs so// nag po bskul ba'i dus su ma he gshin rje'i 'og tu mnan pa dran par bya'o// dmar po bskul ba'i dus su mche bas tsit+ta drangs te lce stengs na rngam par za ba dran par bya'o// dkar po bskul ba'i dus su zhabs pas 'ching zhing lag gis tsit+ta 'byin pa dran pa gces so// 'tshang tshig gnad nas bskul ba'i thabs gnad kyi le'u ste bcu gcig pa'o//// de nas gzhan yang yang dag bshad// mtshan dang ldan pa'i thod pa ru// bdud rtsi 'dza' gad rag+ta phyar// lha rnams mchod pa'i rjes su yang// hU~M/ dmar chen mtsho dang maM sa dri// pany+tsa a mr-i ta dang sbyar// bsre ba'i mchog ste srog gi snying// snying dang snying gi grogs po bya// sngags pa bdag gi las mdzod cig/ oM ma hA ku ku sa ma ya hU~M/ hU~M ma hA rak+ta sa ma ya hU~M/ hU~M ma hA tsit+ta sa ma yahU~M/lan gsum dbul zhing rang gi lce thog tu yang bzhag/ dus bzhir snying gsum gtor mar 'dar// snying 'byin par ni dbang yang bskur// bskur ba'i dam tshig thub par bya'o// tha tshig gnyan po dam bsre ba'i le'u ste bcu gnyis pa'o//// gtor mar sman rag 'dza' gad bsgrengs te dus gsum dang ma ru rtse bskul nas dregs pa ngar blud de/ ho/ sgrol ging gi bdag po sa ma ya// sgrol ging dam tshig gi bdag po khyod// khyod kyis mi 'dul ba yang gang med de// dregs pa kun gyi bdag po khyod// khyod kyis mnga' mi mdzad pa gang yang med// khyod kyis mi sgrol ba gang yang med// khyod kyis mi thub pa gang yang med// khyod kyi bka' mi nyan pa yang gang yang med// ri rab yang khyod kyis snyil bar mdzad// rgya mtsho yang khyod kyis skams par mdzad// gnam lcags thog ser 'bebs pa yang khyod kyis mdzad// 'jig rten du sa g.yo ba dang/ shwa rgyug pa dang/ chu 'gyur ba yang khyod kyis mdzad// mdor na dregs pa thams cad kyi bdag po chen po khyod yin te// khyod kyis thugs dam dus la bab bo// de skad brjod la las dmigs gtad// dam tshig bsre zhing tha tshig bca'// snying btab snying gi snying po gnod// snying 'byin pa ru dbang bskur bya// ye shes lnga dang sku gsung thugs// rang la rang gis dbang bskur nas// dregs pa can la dbang bskur bya// zhes gsungs so// dregs pa dregs thabs kyi le'u ste bcu gsum pa'o//// de la gshin rje dmar po yis gsungs pa// lta ba stong pa nam mkha' las// rnam rtog sprin gyi dri ma byung// nam mkha' ngang gis sprin yin te// gzhan nas dngos po 'ongs pa med// sems nyid stong gsal bde chen la// de bzhin sems la rtog pa byung// sems nyid rang las byung ba las// dngos po gzhan dbang grub pa med// rtog pa ngo shes slar la ni// snang stong dbyer med ye shes shar// bde 'o lta spyod rab tu bde 'o// zhes gsungs so// de nas dpa' bo chen pos bka' stsal pa/ kye kye nga yis gtso 'khor bcas pa bshad pa'i rgyud// ma gshin gshin rje dmar po dang// shan pa sgrol byed ging phor bcas// kun gyi spyod yul ma yin te// nges pa de nyid de kho na// nga yis 'khor la yang dag par// las dang bya thabs bshad pa ni// ma lus 'dul ba'i sde rgyud bzhi// tsha ba shod kyi mchod rten dang// e yi gtsug lag khang dag tu// rgyal mo mkha' 'gro gtso 'khor gyis// tshig dang yi ge'i snang byas te// byin gyis brlabs kyis sbas par bya// lan cig myur du ma thogs par// bstan pa mar ldan dus dag tu// 'gro rnams rab tu nyon mongs shing// rdo rje theg pa la sdang tshe// sprul pa cig gis de yi don// rgyud dang yan lag las phra mo// so sor nges pa'i don mthong nas// skal ldan rnams la so sor ston// ces gsungs so// rgyud dang sgrub pa man ngag lung bstan pa'i le'u ste bcu bzhi pa'o//// de nas dpa' bo yang dag dpal// phyi mar don la rab dgongs nas// sngags kyi rgyud dang gsang ba'i rgyud// rtsa ba'i mdo rgyud chen pos las// gsal ba'i sgron ma'i man ngag 'di// phyi rabs rnal 'byor mtshon cha ru// gces pa'i dmigs sel 'di ltar btus// 'dus pa'i tshogs la bstan pa 'di// las dang las 'phro rab ldan pa'i// gshin rje dmar po'i dge 'dun des// dregs pa can gyi mdo gsang rgyud// sngags kyi sbyor ba bsam yas la// dmar po'i dmar po rtsa ba lnga// lha lnga'i rtsa ba las sgrel ba// lha sngags sgrub pa bod rbad gsad// thugs mtha' las kha la sogs pa// gces pa'i don 'di rab shes na// gcos pa'i spu gri ngar thabs yin// sngon du dbang lung ma thob na// bsam pa 'grub par ga la 'gyur// blo dang ldan pa'i skal ldan des// yon tan ldan pa'i bla ma btsal// ya man ta ka'i dkyil 'khor du// zhugs te las kyi gshin rje la// dbang bsgyur bsnyen sgrub rdzogs par bya// bla ma dam pa gshed po des// rigs su nges pa'i bu de la// yi dwags phal chen dkyil 'khor du// phyi nang gsang ba'i bdang bskur nas// sgrol ging dmar po gtor ma'i dbang// bsnyen cing bsgrubs nas drag po'i rdzas// rigs kyi bu la dbang rnams bskur// bu yis dbang dang dam tshig dag/ legs par thob nas bsrung zhing sgrub// nag po bsnyen pa ma shes na// ma gshin ging bdud ga la 'khor// dmar po sgrub pa ma shes na// dregs ba'i dmar dpung gnas bzlogs// ging gi las sbyor ma shes na// shan pa srog la ga la 'jug/ e ma dmar po'i dge 'dun nyon// te pa ta yis ma bskyed na// sku gsal lus rdzogs ga la 'grub// gsung sgra'i snying po ma bsgrags na// grags pa thon par ga la 'gyur// be ba sa ta ma brdungs nas// thugs kyi phyag mtshan ga la ldan// kra ma rA dza ma bzlas na// phun sum tshogs par ga la 'gyur// shrI many+dzu ma bzlas na// 'phrin las dngos grub ga la thob// sku lnga bsnyen pa ma rdzogs nas// yid bzhin bsam grub ga la 'grub// sku gsum bsnyen pa ma byas na// dregs pa khol por ga la 'khol// e ma dmar po'i dge 'dun rnams// bai shra ma ma bzlas na/ dmar po'i dmag dpung ga la phebs// snal ma bsnal te ma bzlas na// byin rlabs thebs pa rag la 'gyur// tri ling shaM ka ma bzlas na// dmar po 'chun par ga la 'gyur// de gsum lus snying dbang po ste// e ma dmar po'i dge 'dun nyon// gnod sbyin chu bor ma drangs na// gnod sbyin lta bur ga la 'grub// srin bos ngo bo ma rtags na// khram la thebs par ga la 'gyur// dgra rnams ngos zin ma 'khyams na// gshin rje'i lag tu ma gtad na// dmar kha byed par ga la 'gyur// dgra dpung pha tshan dpung langs na// pra ma ya ni ma bzlas na// phung shig nag po bla spungs dang// srog la bdud gcod ga la phebs// trag rak+sha ma bzlas na// ma mo'i dmag dpung ga la phebs// su khri khyi khrid ma bzlas na// bal mo bse mo ga la 'khol// rtsa dang drug skor ma shes na// gzi brjid thob par ga la 'gyur// rkyang ba rno bsdebs ma shes na// dregs pa gzan la ga la phebs// e ma dmar po'i dge 'dun nyon// rtsa ba las su ma sgrel na// las rnams myur du ga la 'grub// sgo phugs med par ma btugs na// gtso 'khor ging tshogs ga la 'khor// ta gu ta gu ma bkug na// lha dang dgra bo ga la khugs// e ma lha zhes ma bos na// ji tsam bos kyang ga la byon// spu gri gdags thabs ma shes na// rno la ngar du ga la ldan// sngags rdzogs las la ma sbyar na// las de grub par ga la 'gyur// dun dun mug pa la sogs pa// rnon po ngar dum btang na// srog rtsa myur du ga la chod// dril gtor rno bsdebs ma shes na// dregs pa gnad la ga la phebs// bram ze lce dgug ma btab na// sde brgyad khol phor ga la 'gyur// e ma dmar po'i dge 'dun rnams// dam tshig tha tshig ma bsrungs na// gzhung dang ldan par ga la 'gyur// bsre ba'i snying grogs ma bsres na// snying gi grogs su ga la 'gyur// dregs pa dregs thabs ma shes na// nga rgyal snyems par ga la 'gyur// gtum pos gtum por ma rbad na// las la 'gro bar ga la 'gyur// tsakra raM ni ma bzlas na// las la 'jug par ga la 'gyur// ni sha ku ru ma bzlas na// lus srog 'byed par ga la 'gyur// glung ling sang sang ma bzlas na// lha dang phyed par ga la 'gyur// rat+na tra tsal ma bzlas na// legs par so sor ga la 'brel// tri du dung sngags ma bzlas na// snying khrag 'thung bar ga la 'gyur// mtshan tshig gnad nas ma bskul na// las ngo len par ga la 'gyur// mnyes pa'i thun rdzas ma 'tshogs na// byon kyang gnas su ga la sdod// a nu ru bas ma mchod na// thugs dam sgrol bas ga na bskongs// e ma lus kyi rnal 'byor pa// dmar po'i dge 'dun 'dus pa nyon// rgyal po'i rgyab rten ma btsal na// bran rnams nyan par ga la 'gyur// blon po'i mdun sa ma bzung na// dmangs rnams cham la ga la 'phebs// dmag dpung dmangs kyis ma byas na// dgra rnams cham la ga la phebs// dza la ma ras ma btab na// lung 'dir phur bu ga la thebs// hri s+t+ri hri bzhis ma bskor na// dgra dpung non par ga la 'gyur// thugs dam thugs snying ma bzlas na// thugs kyi brnag pa ga la 'grub// spyi dang sgo sgor ma bsgrubs na// gdams ngag thob par ga la 'gyur// gtor dril rno bsdebs ma shes na// drag sngags bzlos la ga la dbang// bsnyen sgrub las sum phye na// mthu rtags dngos grub ga la thon// bod rbad gsad gsum ma 'brel na// dregs pa las la ga la tshud// gnan bsreg 'phang gsum ma she na// las kyi 'phrin las ga la rdzogs// 'phrin las rdzogs par ma gyur na// spogs pa med par ga la 'grub// ma grub lan gsum ma spogs na// sngags ma'i las rnams la 'grub// spogs kyang ma grub ma gtad na// las kyi 'phrin las ga la rdzogs// grub kyang ma nyen ma gsad na// rgyal pos dmangs kyang ga la 'chun// bla rdo srog rten ma bzung na// bkra ni shis par ga la 'gyur// pho mo sdeb par ma shes na// dregs pa gnad la ga la phebs// dam tshig thub par ma bsrungs na// don de 'dod par ga la 'gyur// lta ba'i ri la ma bros na// thar pa thob par ga la 'gyur// spyod pa'i 'phrin las ma spyad na// thun mong dngos grub ga la thob// ting 'dzin mkhar du ma zhugs na// lus kyi rje bor ga la mthong// lta spyod ldan pas ma bsgrubs na// tshe srog mtha' ru ga la phyin// bsam pa dag pas ma bsgrubs na// bdag gzhan don rnams ga la 'grub// e ma gshin rje dmar po'i tshogs// chad pa che la drag shul che// ma yengs gtso ru len shes na// bsam pa gang yang mi 'grub med// drag po'i sngags ni gang bzlas kyang// de dag 'ong bar the tshom med// byung ba tsam gyis mi 'khol bas// des na gnad kyi man ngag gces// gshin rje dmar po 'di rnams la// 'di las mthu che dregs pa can// gzhan na yod pa ma yin te// 'di la dbang rtsal che ba yi// dregs pa can kyang gzhan na med// shin tu 'di las 'grogs bde dang// rgyud 'jam pa yang gang yang med// 'di las 'grogs pa ma bde dang// 'di las rgyud rtsub pa yang med// 'di las lha srin dpung che ba// dregs pa rnams kyi nang na med// de bzhin shis dang ma shis pa// 'dod pa grub dang mi grub pa// rang ngam rang la rang lus de// 'di yi sgor zhugs rnal 'byor pas// bsnyen sgrub dang po mtha' rdzogs par// gzhung bzhin nyams su longs pa gces// bsnyen sgrub rdzogs dang ma rdzogs pas// skyon dang yon tan de dag 'byung// gtso 'khor rim pa ngo shes pas// sgom sgrub bod rbad ngo shes bya// zhes 'dus pa'i 'khor la gsungs te/ mdo rgyud chen po sngags kyi dgongs pa 'bru btus te gal 'geg bstan pa'o// man ngag ma lus bstan pa drag sngags kyi spu gri ngar slud pa'i thabs kyi le'u ste bco lnga pa'o//// de nas yang dag bsgom bya bshad// chos nyid spros dang bral ba yi// nam mkha'i dbyings ni bsam bya ste// snying rje sems can dran par bya// cho 'phrul byang sems hU~M dmar sgom// de yi byin rlabs g.yos pa ni// ra las 'og phyogs rak+ta'i mtsho// a las tsan+t+ra'i maN+Dal bcas// de stengs yi ge hU~M de sgom// spro bsdus 'khor lo hU~M ldan bsam// de nyid bdag nyid ma ru tse// dmar po zhal gcig phyag gnyis pa// g.yas g.yon me rlung 'khor lo bskor// ral pa kham nag 'ban snyims te// spyan bzlog zhal bgrad mche ba gtsigs// me dpung nang na gnas pa las// tsakra bruM zhes brjod pa las// 'khor lo'i gzhal yas lhag gis bskyed// dza bzhi spros pas phyogs bzhi ru// dmar po bse yi skyes bu bzhi// kun kyang bya khra dmar po bzhin// 'od kyi zhags pa bse mdung dang// ral gri bse yi mda' gzhu rnams// gtum po mched bzhis bskor ba bskyed// ma las mon mo bal mo bzhi// kun kyang bse khrab ral pa can// rdo rje phur pa lcags kyu thun// ma mo e ka dza ti yang// smug nag spyang mo mi snying can// yab kyi g.yon na gnas pa bskyed// de las ting 'dzin spros bsdus pas// de rnams thams cad rang du bsdus// bdag dang gnyis su med par thim// dbang du bsdus nas las rnams mdzad// mchod bstod bya zhing gtor ma 'bul// oM a kro te ka ya man ta ka dza la kA ya dza la ka ya hU~M phaT/ oM a kro te ka ya man ta ka bag sha na hU~M ha na ha na hU~M phaT/ oM a kro te ka ya man ta ka tsit+ta ban tsin+d+ha tsin+d+ha hU~M phaT/ sku gsal nyid la sku gsal sgom// sku gsung thugs kyi bsnyen pa 'di// byin rlabs can du yang dag 'gyur// de nas rang la de spros te// gang la bya ba'i las la dgye// ting 'dzin spu gri ngar thabs kyi le'u ste bcu drug pa'o//// de nas yang dag bshad bya ba// bzlas dang sgom rdzogs bstod pa bya// rgung la thog thog mi bzod pa// dpal 'bar dbang phyug chen po la// bstod de mchod pa 'bul bar bya// 'jam dpal gshin rje dmar po'i lha tshogs la// bdag gis bla med mchod pa dam pa 'bul ba ni// mthun pa'i sha khrag rus pa'i mchod pa dang// rme gtor rmad du byung ba'i mchod pa 'bul// bstan pa 'jigs pa'i dgra bgegs stabs so khA hi// e ma yang dag dpa' bo che// nyon mongs ru dra bsgral ba dang// maM sa rak+ta rus pa'i tshogs// dug gsum rnam dag mchod pa bzhes// dpa' bo sgrol ging ma ru tse// dam nyams su dra brlag bya'i phyir// dug lnga rtsad gcod mchod par bzhes// phyi nang gsang ba'i mchod pa ni// sbyor sgrol bdud rtsi'i mchod pa ste// 'dod pa'i yon tan lnga brgyan nas// khyed kyi dbang po lnga la 'bul// rak+sha dgra bgegs sha na zan bas zhim// gti mug mchod pa bla na med// bla med mchod pa 'di bzhes la// sku yi dngos grub stsal du gsol// rak+sha dgra bgegs khrag ni chang bas zhim// 'dod chags mchod pa bla na med// bla med mchod pa 'di bzhes la// gsung gi mchod par bzhes su gsol// bzhes nas gsung gi dngos grub stsol// rak+sha dgra bgegs rus pa mar bas zhim// zhe sdang mchod pa bla na med// bla med mchod pa 'di bzhes la// thugs kyi mchod par bzhes su gsol// bzhes nas thugs kyi dngos grub stsol// rak+sha dgra bgegs zhag dang mkhris pa sman bas zhim// nga rgyal mchod pa bla na med// bla med mchod pa 'di bzhes la// yon tan mchod par bzhes su gsol// bzhes nas yon tan dngos grub stsol// rak+sha dgra bgegs blo snying gsol zhing zhim// phrag dog mchod pa bla na med// bla med mchod pa 'di bzhes la// 'phrin las mchod par bzhes su gsol// bzhes nas 'phrin las dngos grub stsol// 'di ni dug lnga bdud rtsi'i mchod pa ste// gshin rje dmar po 'khor dang bcas pas bzhes// gshin rje dmar po yab yum 'khor bcas la// dug lnga gsad pa'i las byung gis// sprul pa'i 'phra men rnams kyis myur bar chum// rnal 'byor dam can rnams kyi 'phan khar 'grim// brnag pa'i 'phrin las myur du grub par mdzod// bdag gi 'phrin las myur du mdzad du gsol// zhes mchod cing las bcol lo// de skad ces gsungs pa las// 'khor rnams kyang rab tu yi rangs te mnyes par gyur to// dpa' bo chen pos las sna tshogs grub par bya ba'i dgongs pa la zhugs so// gnod sbyin zla gsang dmar po'i rgyud las/ ma ru tse dam rdzas btab cing mchod de bskul ba spu gri ngar thabs kyi le'u ste bcu bdun pa'o//// de nas gshin rje'i rgyal po la sogs pa de rnams kyis gsol pa/ kye dpa' bo chen po gsang ba'i bdag po/ bdud sa 'dzin gyi sde pa rigs 'dzin kha lo log pa phung bar bya ba'i phyir/drag sngags kyi sgrub pa ni gnad kyis gtem dgos pas/ man ngag gi thems bshad du gsol/ de nas dpal chen khro bo yi// phyi ma'i don du bka' stsal pa// dmar po gtso 'khor ging bdud la// tshogs drug sdud ni ma shes na// yul med nags su phyin pa 'dra// dmar po las la bsam yas kyang// srog sgrub ra sgrol ma shes na/ kha 'ug mda' yis brgyab pa 'dra// shan pa'i las la bsam yas kyang// mtha' sdud thun nag ma shes na// mtshon cha med par g.yul 'jug 'dra// dmar nag sbag thabs ma shes na// phyug po ser snas bcings pa 'dra// thod mkhar che chung ma shes na// smyon pa 'dun ma byed pa 'dra// gnod sbyin khrag skyug ma shes na// khyi rgan 'dab chags rnyeg pa 'dra// mo la ma rten pho sgrub na// 'khor la ngan pa'i jo bo 'dra// pho la ma rten mo sgrub pa// khyi mo nang zan byed pa 'dra// nyi ma bdun bskor ma shes na// don med stong khams bskor ba 'dra// lha lnga mdo sdud ma shes na// la cha bse ru sgrub pa 'dra// lta ba'i gyabs gcod ma shes na// gong bus ri rtser phyin pa 'dra// lha sgrub dngos dbang ma shes na// sprang po slong mos 'tsho ba 'dra// srog thod thun phur ma shes na// dmag sa ra dmag dpon grongs pa 'dra// sku gcig sgom sgrub ma shes na// dpa' bo go mtshon med pa 'dra// sngags kyi rnob tus ma shes na// 'khor la ngan pa'i jo bo 'dra// rang la dbang bskur ma shes na// rgyal po gdan sa ma thob 'dra// rgyud lnga bsnyen thabs ma shes na// blon po bka' nyan med pa 'dra// bka' 'khor sgrub pa ma shes na// dmag dpung med pa'i dmag dpon 'dra// ging pho rno btus ma shes na// shing gri khyer nas shing gcod 'dra// ma sdud las brgyad ma shes na// tshong dpon med pa'i tshong pa 'dra// dam tshig sgrub pa ma shes na// rang srog rang gis gcod pa 'dra// dril lugs rnam gsum ma shes na// chu bran rgya mtshor ma sleb 'dra// sgrub lugs rnam gsum ma shes na// thog ser ri kha 'grims pa 'dra// de la sogs pa bsam yas pa// sngon du 'gro dang dngos po sgrub// las kyi mtha' sdud thams cad la// ma nor las khrigs thems su brtsi// mthar thug las kha bsgyur ba ni// gsad dang babs logs yul spo dang// dkrug dang cha 'phrul blangs spungs dang// dbab dang rang btsan shis par bya// ben+d+ha zor bzlog nang rmes gsad// bon po brag srin lha khang gsad// bud med klu gnyan gnas su gsad// skye bo btsan bdud brag gis gsad// mu stegs rtag chad rdzing du gsad// rtags mgor btsun pa rgyal khang gsad// de la sogs pa gsad bya rnams// 'brub khung ling ga thun gyi gsad// khyim tshes dgrar langs khang sal bya// nye ba dgrar langs snying dkrugs bya// yul mi dgrar langs bla dpungs bya// byes mi dgrar langs drag ser dbab// mi nag dgrar langs smyo 'bog dbab// dkor la 'bags na cho 'phrul dbab// rang btsan bkra shis las lnga sgrub// dbang dang dngos grub tshe dang nor// sri btsan 'dul ba'i las sogs bya// de la sogs pa'i las sogs kun// gang gis skabs la bab pa bya// drag sngags spyi ru sgrub pa dang// drag sngags sgos su sgrub pa dang// drag sngags spu gri so bsdebs ni// nga rgyal dpa' bo gshed po yis// mdo rgyud gsang rgyud phra rgyud du// man ngag ma lus bstan pa yin// le lag sgrub thabs mang bshad kyis// gang la gang mos de la 'bad// zla gsang dmar po'i mdo rgyud ces// rang gi zla la gsang ngo// thabs kyis don rab tu dbye ba'i le'u ste bco brgyad pa'o//// de nas yang dag bshad bya ba// gsang sngags yi ge'i 'phreng ba ni// 'jig rten lha srin yongs kyi srog/ sngags ni yid bzhin rin po che// rkyen gyi ting 'dzin lta yis ni// ji ltar dmigs pa bzhin du 'grub// sngags ni mtshon cha'i 'khor lo ste// gang la dmigs pa gcod par byed// sngags ni dug gi me dpung ste// sreg cing srog dang 'brel ba'o// sngags ni nad kyi mtshan nyid de// 'du ba rnam bzhin da kun 'debs// sngags ni cho 'phrul rtags 'byung ste// bzlas pa tsam gyis mngon mtshan skye// shan pa rA dza'i drod rtags kyang// sbri zhing 'jol dang nyal ba ni// lha dbral dbye dgug drag tu bya// gnam lha 'tshab cing drag skad 'byin// skyob pa yod pas drag tu gzir// 'dar cing 'khun na las 'grub ste// phyi pra tshad mar phebs pa dang// reg chod sngags kyis rgyud mchog bsgral// snying dang sogs pa mchin pa la// nang gi rtags tshad bzung bar bya// sog pa mkhar drug sa rtsis te// chag grum ka ba chad pa dang// rmu thag chad dang rdol ba dang// mdung shing 'dra dang brul rjes dang// har hor rtsab rtsub byung ba na// rtsa ba brlag par nges pa yin// mchin pa bstan dang rgya thigs dang// pags pa bye dang khrag rdol gnyis// bkra mi shis dang rigs dal 'ong// nyag nyeg har hor gang yang bzang// mkhris skams byugs dang rdzas nor brlag/ snying khrag mangs na khrag tu skyug/ chu yis khengs na snying nad 'ong// har hor nyag nyeg babs logs 'tshi// srog rtsa bug med skye rgyud 'chad// bzang ngan rtags tshad gang nges kyang// drag sngags brab cing mnan gtad bya// sngags kyi rang bzhin dang tsa re'i ltas bstan pa'i le'u ste bcu dgu pa'o//// de nas gzhan yang bshad bya ba// rtsa ba snal ma'i sgrub pa la// ma grub bar du nan tan gcos// lan gsum bar du spogs par bya// de yi mtshan ma rtags mthong nges// gang la bya ba gsad pa po// rgyu khyer drag po'i las thabs kyis// rgyun gyi drag po'i las la 'jug/ dmar po so so rtsa ba las// rang rang sbyor ba gsad pa tsam// las mtha' srog gi sgrub pa la// dril te bsgrubs na nges par brlag/las rnams kun gyis ma grub na// bshags pa byas la bsnyen pa spogs// rtags kyi drod tshad tshad mas bzung// rtags dang 'phrin las rim pa sbyar// yang snying drag po'i sbyor ba yang// tsit+ta dgug pa'i 'khor lo bca'// bse byang gnyis ni lding du gzhug/ bsgral ba g.yang gzhi'i 'khor lo bca'// zhag gsum bar du re re la// gdug pa'i drag sngags lto ba bzlog/ lha yang gnad la dbab pa ste// shi sa bstan pa las yin pas// bya ba sngas na rang srog gcod// dang po dza nas drangs pa la// oM gyi mtha' btul gtso bo'o// de bzhin skra nas snal du bzlog/ shig nas ling trir te bzhin te// ha nas na ru bzlog pa dang// rbad nas bdud du de bzhin no// nyin gyi las su shes par bya// de bzhin b+h+yo nas drag tu bzlog/ hU~M nas su ru bzlog pa dang// de bzhin gzhan yang shes par bya// tsit+ta nang gi ming byang la// pho mo nyin mtshan brnol te brdeg/ pho sngags lto nas dkrug pa dang// mo sngags lto nas dkrug pa la// snying phye khrag thun brdeg bya zhing// gshin dmig bzlog cing bskor ba bya// gos kyang log par gon pa yin// lha yang gnad la dbab pa 'di// las kun brdug na bya ba'o// rnal 'byor dgongs pas ma non na// 'khor du bkra mi shis pa dang// sgrol ging las ni mi byed na// skabs su bzlog sngags bzlas par bya// las 'di sngas na dam tshig rnams// spogs pa dang shi sa bstan pa'i le'u ste nyi shu pa'o//// de nas gzhan yang bshad bya ba// shod rde drag sngags brdeg pa ni// chu yi 'gram nas byung ba yi// shod rde dkar nag nyi shu la// ma nyes shod rde dkar po bgrang/ khos nyes nag po bgrangs la brab// rang gi ma nyes grangs bgrang zhing// gzu dang dpang du kun la gsol// nyes pa bgrangs pa'i nag po de// drag sngags bzlas te gzugs la brdeg/ rang gis nyes na shod rde bshol// de yang shod de brab pa'i dus// nyi ma shar nas dros bar du// srin po bskul zhing sngags drangs la// drag sngags kun gyis brab par bya// nyi ma phyed nas dgongs yol du// gshin rje bskul te sngags drangs la// drag sngags thams cad tshang bar brab// nyi ma nub nas sa sros bar// bdud po bskul zhing sngags drangs la// drag sngags kun gyis brab par bya// srod khyer nas ni nam phyed du// gnod sbyin bskul te sngags drangs la// drag sngags kun kyang bzlas la brab// kun gyi thog mar yab yum sngags// shod rde 'jug la rdzas kun brab// brab pa zin nas smon lam gdab// bdud po'i drag sngags mang du gdab// bdud mo yang ni de bzhin no// tho rangs drag tu bskul bar bya// shod rde'u brab pa'i le'u ste nyer gcig pa'o//// de nas gzhan yang bshad bya ba// ging bdud ma lus 'dul ba'i las// ging chen gsang ba ldog med ni// 'chi bdag gshin rje dmar po'i zhal// gdeng dang ldan pas bsgrub par bya// yi dwags kun gyi ded dpon po// gson gshin gnyis kyi zam ka ba// ma mo ging gi tshogs rje'o// gson po bskos la 'debs pa po// shi ba kun gyi gshin bu rje// sdig pa can gyi chad kha'i bdag/ dge ba'i grogs dang stang 'dzin pa// srid gsum lto na gnas pa de// srog can lus kyi mgo bo la// kun la rang bzhin grub gnas pas// rig pas brtags la kha dog bsgyur// dmar po dag gam sngo bsangs su// dmar nag gang mos sku mdog la// spyi bor rdog pas brdzis pa bzhin// gel bag mjing pa btungs te gnas// smin ma ser po spyan ni khro// sma ra nag po mche ba dkar// lag na be con 'khor lo thod// rang gi thugs ka dag tu bzung// zhabs ni bgrad de mthil sprad la// rang byung gnas pa'i 'chi bdag de// rang bzhin grub pa'i chung rlung bar// lho yi phyogs de gshin rje'i yul// thod pa lcags mkhar grong na gnas// rang bzhin grub pa spyan drangs la// thugs kha'i ya la bstim par bya// de la rab tu gnas par bya// phyag 'tshal mchod dbul 'phrin las btsol// thod pa skya bo ma chag pa// de yi ya thod ma thod la// 'og la 'chi bdag rang byung gnas// steng la 'khor lo rtsibs bzhi srid// srid pa'i lto ba bzlog nas kyang// bstan pa'i dgra bo kha na za/ khams dgra 'dul bas phyogs mtshams lta// de la gtor ma ling ga re// nang nub zas su bsngo bar bya// khri'am rtsang gis bteg nas kyang// dkyil 'khor dbus kyi e la bzhag/ mi yi rgyu mas dril bar bya// rabs chad nag po'i thod pa ru// dug khrag sbyar te thun kyang bca'// nyungs kar rgyal po thun du mngag/se dang tri ling drangs nas kyang// yab yum 'phrin las sngags kyi bskul// rgyun gyi sngags la rtags byung nas// tro ta thun b+h+yo thog mtha' can// sgo phugs med pa bsgrub bar bya// las rtags byung nas 'brub khung nang// ling ga la ni sgro thun dbab// ling ga mer bsregs thal ba dang// thod pa bsgrags la mnan pa bya// klu gnyan gnas sam dur khrod du// drang srong smod pa smod te mnan// thal ba cha gcig rlung la phyar// las 'dis 'phrin las dam pa yin// ging sgo phugs med pa 'chi bdag zhal gyi sgrub pa'i le'u ste nyer gnyis pa'o//// lha rnams drag pos dbral bya ba// rme ba'i dud pas dbral ba dang// ging gi dug chu dbral ba dang// 'phra men ma yis dbral ba bya// bya rog gung ru g.yas pa dang// 'ug pa'i gung ru g.yon pa la// mi dang lha ni a ni bri// bar du 'phra men gzugs kyis gzhug/ sgro gnyis rtsa ba tshon skud bcing// shing rings rtse la btags nas kyang// rlung po che la 'thab tu gzhug/ sa dang nyungs kar sngags bzlas te// sgro la brab cing 'phra men bskul// ma ma trag rak+sha mA ra ya phye/ ma ma trag rak+sha ru tra mA ra ya phye/trag kha lding mA ra ya dzA/ tra kha lding mA ra ya khug/ a ni trag rak+sha mA ra ya phye/ de nas rme dud sna lnga yis// du bas bdug cing sngags 'di brdeg/ oM laM ku sa ma du hu lu ling myos na rgal/ ga gzer ga sna ya/las de rnam gnyis yang yang bya// de nas dug chu'i bsgrub pa bya// dug sna tshogs pa'i lhug gu la// chang dang chu snas sbyangs nas kyang// klu ling b+ha sang 'bum du gdab// de nas sgro yis blangs nas kyang// rat+na tra ya pra tsa la/ de brtags gzugs la dug chus bran// snangs ni nyin zhag gcig tu bya// yang dus 'tshams kun tu'o// de ltar byas pas lha lnga 'bros// de nas bla bkug gzugs la bstim// bla ni zhag gsum bar du dgug/ de nas las sbyar the tshom med// lha yang bdud du dbab pa ni// mchod brten nag po khru gang pa// de yi lcags ri nang dag tu// 'jim pa dang ni gro ga la// khyi yi khrag gis lha srungs bca'// gla ba'i khrag gis dgra gzugs bca'// shan pa byol song srog pa ltar// byang du bcug ste lcags phur gyis// de yi snying la 'debs shing zhon// khros pas thun kyang nyin gung dang// mtshan mo gung la brab cing brdeg/ kha kha hu lu'i dang rus brab// oM shrI many+dzu ya ma rA dza ma ma e ka dza Ti tra dzi dza bdud pra ma ya ha ra tra ga du ya ma rA dza ru pe de ba gzar/ ma hA nA ga ru pa de ba gzir// ma hA pa la de ba gzir/ rA dza gzir/ pag shu gzir/ ya ma gzir/ sa du gzir/ ma ra ya gzir/ khri phrag bzlas shing lha bdud dbab// bzlog tu med pa'i ngan thabs yin// lha dang dbye ba dang lha bdud du dbab pa'i le'u ste nyer gsum pa'o//// de nas gzhan yang reg chod tsam// bsdus shing dug chus bran nas kyang// khru gang pa yi hom yang bca'// hom khung gru gsum nang du gzugs// ma hA de ba'i snying khar bya// thun dang phur pa rtsang gis bskor// dam rdzas gtor ma rak+tas mchod// bsnyen pa sngon du song ba yis// sgrub pa'i drag sngags 'di dag drang// oM ku ma ra ha na ha na ku ma ra many+dzu shrI ku ma ra mu khu kha rbad yak+sha gdong dmar mA ra ya/oM many+dzu shrI ku ma ra du te 'grim/ yak+sha kha la yu ti rbad gdong dmar mA ra ya/ oM many+dzu shrI de ba ta ta many+dzu shrI 'grim ka la yu ti rbad/ gdong dmar mA ra ya/ oM many+dzu shrI de ba grim kha la shag snying mgo chod/yu na dun ting rbad/ dgra bo mA ra ya/ oM de ba many+dzu shrI ku ma ra da du sa ta ka ra ti ni kha la shag snying kha la yaM mgo rbad dgra bo mA ra ya/ khri'am 'bum ni bzlas par bya// de nas las bzlas brgya'am stong// 'bar ba'i me la sbyin sreg dbul// de nas hom bsregs gsur sha kun// cha gcig sman rag dang sbyar te// dpal gyi gtor mar lha la bstab// rang nyid kyang ni zas su bza'// cha gcig mnan pa'i rdzas dang bcas// ma rungs gdug pa gnas par gtad// cha gcig lha srin dbang btsugs te// rlung po che la mtha' med bskur/ oM hriSh+ti bi kri tA mon ta dgra bo mA ra ya/ oM hriSh+ti bi tri tA mon ta dgra bo mar du/oM hriSh+ti bi kri tA mon ta dgra bo ma ra nan/ oM hriSh+ti bi kri ta mon ti dgra bo ma ra yaM/ oM mdze ta ba kri ta sod sod/ oM ru ta ru ta ma ra yaM/ ma ra du/ ma ra ni/ dgra bo ni mA ra ya phaT/ bsnyen pa 'bum phrag dril sngags drang// las ni nyi ma bzhi dag go/ yang na zhag gcig thun bzhi brtsam// ya ni dang po gnyis pa du// gsum pa nan te bzhi pa yam// mtshams su mdzo rta ru ta bzlas// mnan par bya ba'i man ngag go/'chi bdag gshin rje dmar nag kun// ma lus nan la bor ba'i sngags// las gzhug mnan cing gtad pa'o// lha dbang nyid la btab kyang non// hom nag dang mnan btad kyi le'u ste nyer bzhi pa'o//// de nas yang dag bshad bya ba// gnod sbyin ma mo sgrub pa ni// brag ri dgon pa gsum thog rtse// chu gling la sogs dben gnas su// sa bdag bgegs rigs ma lus pa// mchod sbyin gyis ni mnyes byas nas// maN+Dal gru bzhi zla gang rtsig/ gru gsum mthing nag zla gam dmar// zlum po dkar po gru bzhi ser// bar khyams sgo khyud ldan par bri// ga bu sa las bya ba 'am// yang na rabs chad rnel dri dang// mu sur 'am gri thod du// dug thun khrag thun snying thun dang// nyungs kar pho mo'i thun yang bca'// dbus kyi gru gsum ka la yang// phur thun sbams te bzhugs su gsol// nang du a lag ling ga gzhug/dug sna dgu phyag dug thun ni// rabs chad thod par zla gam dgod// snel dri thod par khrag thun bsham// gri rgod snying du dmigs pa gtsang// snying sna tshogs dang bcas pa bshad// grags so nyungs mo'i thun dang bcas// zla gam gru chad rim pas dgod// bam gsar snying dang bya nag snying// sna tshogs snying sna me long dang// ltas ngan sna tshogs snying gzugs gsol// chang phud rak+ta bdud rtsi rtsal// rmad du byung ba'i gtor ma bsham// bya mo nag mo rtar gzung nas// rta snying bya dkar ra dkar dang// ri bong byi la bam gsar snying// ming po'i rdzas su snying phye dang// glo phye sman phye bsres la blug/ bya dkar rtar bzung g.yab dar dkar// me long dar dmar gdags par bya// bshos bu 'brang rgyas zla tshes mchod// ming byang tshan pa gsum du bya// bya dkar g.yas dang bya nag g.yon// bya rgod sgron pa'i mda' la gzugs// sngags la lcam dral chas zhugs te// de bzhin nyid dang kun tu snang// rgyu yi ting 'dzin hU~M dmar sgom// de las dbang chen gzhal yas khang// rak+ta zhing gdan bcas pa bskyed// hU~M las 'jam dpal dmar po sgom// ma las nyi ma'i gdan stengs su// trag las ma mo ral gcig ma// g.yas na zhing chen tsit+ta bsnams// g.yon na g.yu yi spyang mo bsnams// bud med nag mo khros pa'i sku// zhabs gnyis dor stabs spyan rtsa dmar// sku dang ral pa'i skra gseb nas// spyang mo las ngan bya yi tshogs// tshang bcas nas ni pho nyar 'gyed// g.yu yi spyang mo dgu 'bum khri// thugs las sprul pa pho nyar 'gyed// mdun du hU~M las srog bdag ni// dkar po rta dkar chibs pa'i sku// seng ge dkar po'i gong slag can// dar dkar ral ka sku la gsol// spyan gcig so gcig khro bag can// ral pa dkar po sprin ltar gtibs// zangs gri g.yas la bdud khram g.yon// gang gi las su pho brgya gsod// nub brgya mo brgya'i sris srid sku// nyin mo mi phyugs phyags mas 'debs// sa gzhi spral pas gang bar byed// nam mkha' sgra dang 'od kyis 'gengs// mig nas me yi 'od 'gengs shing// ltas ngan bya yi than pa yis// bar snang sna tshogs 'gengs bar byed// smyo dpa' 'bog dang gri thabs dang// blo bur babs log gsod par sgom// dmar po dmag dpon mched bzhi dang// ging chen bco brgyad ging phran 'bum// bal mo bzhi dang ma mo bdun// ma tshogs 'bum gyis bskor ba rnams// sgrub pa'i stongs la byon par bsam// yab yum dril ba'i srog snying dang// ma mo'i srog sngags bdun 'bum bzlas// pho yi dug thun sgrub cing gsad// de bzhin khrag la drangs nas kyang// dmar 'byin bzhi yis khrag thun tsam// de bzhin snying thun drangs nas kyang// gshin rje snying 'byin snying thun bya// de bzhin phur bu drangs nas kyang// phur sngags drag pos phur thun gdab// sngags mda' nyungs mo thun gyi mngag/ so sor sgrub pa sgo sgrub dang// spyi ru dril ba spyi sgrub ni// rang rang gang mos de bzhin bya// nang gi thun ni 'brub khung bteg/ phyi thun dngos dang yul mkhar brdeg/ gtor ma btang zhing mnan bsreg bya// zhes gsungs so// sngags srungs ma mo thun sgrub kyi le'u ste nyer lnga pa'o//// de nas dam nyams sun 'byin pa cho 'phrul gyi drag sngags 'di gsungs so// oM e hi dun/ mu rin dun/ nga ling dun/ pri ling dun/ yu ma shi ling dun/ ma re ma ra dun phob shog zer/ ces bzlas so// oM mi dun dza/ mi she shi shim dza/ ci pi li dun dza/ yu ma li shim dza// ling yak+sha du ru dza/ zhes bzlas so// oM ga he he ma dun tse kyang kyeng phob ya/ yaM shing shaM ling/ ma sha shaM dza/ mi sha dun dza cho ya/ 'ur 'ur rgyab rgyab/ tib tib kying kying/ phob ya ci pi li du rak+sha ni du ru/ srid pa dun rtse phob ya/ 'di yis las dang bya thabs ni las rgyud gzhan du lta'o// cho 'phrul dbab pa'i drag sngags zab mo'i le'u ste nyer drug pa'o//// de nas gzhan yang bshad bya ba// bse mo wa thod dkyil 'khor ni// dur khrod ras la bri bar bya// gcan gzan dar ma'i thod pa dril// nang du zla gam dmar po bzhi// shar du su tri ba ya dgod// lho ru ba ra tsit+ta dgod// nub tu yo gi sha ra dgod// byang du ya ma tsit+ta dgod// bar du zla kham nag po bzhi// shar du kyi khrid ya yi bar// lho ru tsit+ta ya yi bar// nub tu snying za ya yi bar// byang du btang bar rbad kyi bar// gru chad zla gam bzhi la yang// shar du rtsi bi dza yi bar// lho ru nA ga dza yi bar// nub tu shu shu tshal pa'i bar// byang du a be dza dza'i bar// sgo bzhi zla gam bzhi po la// dang po ltar ni bri bar bya// dkyil 'khor la yang de bzhin bri// rdul tshon stengs su 'khor lo brgyad// dkyil du wa thod gzhug par bya// gro ga shog la ming rus bri// hU~M phaT swA hAs bskor bar bya// thod pa nang ngam lkog mar gdags// dug dang khrag dang nyungs kar nag/ mtshan ngan thod pa ru dong dang// snyug dong nang du thun du stsal// sha khrag rus pa zhag dang sbyar// mar khu pri tshal 'o ma yang// 'bru zan gtor ma dag la brgyan// dbus kyi 'phrin las rnam bzhi yis// drag po e la ling ga gzhag/ byad thag phur pa dag la brtod// gcig ni sngags pa'i lag tu gzung// gcig ni gtor ma dag tu bstab// sngags ni dril gtor shes par bya// gtor mtshams gtor de so yi// zla gam dag la bzlas par bya// oM su tri ba yi/ ba ra tsit+ta yo tri sha ra/ ya ma tsit+ta hU~M phaT swAhA/ bsnyen pa'i dus su dril la drang// sgrub pa'i dus su gtor la bzlas// phyogs phyogs dkyil 'khor bskor zhing bzlas// oM kyi khrid ra khrid rol khrag 'thung kang kang keng keng ka ka ma ya/ de ni rdo rje ya byin thun// sa ya bzlas na dngos su 'ong// bye ba yis kyang grub par 'gyur// 'bum phrag gis kyang grangs kyang rdzogs// 'on kyang bdun 'bum bzlas par bya// tsin da ma rol khrag 'thung kang kang keng keng kaM ka ya/ de byin rdo rje'i thun sngags so// sngags kyi tshad ni gong bzhin no// snying za ba'i tsit+ta la sha ro la khrag 'thung kang kang keng keng kaM ka ya/ bse byin sngags te gong bzhin no// tang bar la to sha la kying kying hi hi hU~M phaT tsa tsa ra tsa tsa rbad ya/ phag byin sngags te gong bzhin bya// dril ba'i sngags ni rgyun du drangs// oM tsi bi tsi tsikra pa nas ma ya tshal pa a nri tri mA ra ya aM gu sha dza dza/ ya byin no// nA ga ra dzA tshal pa a nri tr-i mA ra ya aM gu sha dza dza/ bse byin no// shu shu rak+ta tshal pa a nri tri mA ra ya aM gu sha dza/tsi byin no// a be sha tshal pa a nri tri mA ra ya thun ya// phag byin no// dang po bzhi la bar bar du/ mA ra ya ni thun la gdags/ badzra ma hA yak+sha mA ra thun ya/ thun gyi dus su rgyun du drang/sgrol sngags 'di yang spyir dbang bzlas/ ma ra ya to da pa/ ta ki ni stod pa/ snying la bstod pa/ rnam shes stod pa/ gzugs phung bstod pa/ 'khor bcas bstod pa/ dun ting bstod pa/ rag rak+ta mA ra thun ya/'phang ba'i sngags 'di brgya rtsa brgyad// tsi ba ri mA ra ya thun ya/ a pra ni tra mI ra ya thun ya/ nA ga ma ra ya thun ya/ k+shu tri ri mA ra ya thun ya/ seng ldeng zangs phur bya rgod rus// lcags phur gyis ni thun phur gdab// hom dang mnan pa thun zor bya// gnod sbyin zla gsang dmar po'i rgyud las/ bse mo wa thod kyi le'u ste nyer bdun pa'o//// de nas yang gshin rje 'khor gyi rgyal pos gsol pa/kye dpa' bo chen po gsang ba'i bdag po/ bstan pa'i dgra 'dul ba'i phyir/ ban+d+he'i sde dang// bon po dang/ bud med dang/ mu stegs dang/ sdig can gyi sde dang/ rtags 'gor ba gsad pa'o// cho 'phrul dbab pa dang/yul nas dbyung ba dang/ dpung bshig pa dang/ gnyen 'khrus gdul ba dang/ ru shed smad pa'i bla dpungs dang/ ser ba dbab pa dang/ gyad pa'i b+ha lhog gtang ba la sogs pa ni gnod pa'i las so// phan pa'i las ni/ tshe sgrub pa dang/ nor sgrub pa dang/ sri'u gso ba dang/ ngan dgu bzlog pa dang/ ngan sngags bzlog pa dang/ ser ba bsrung ba dang/ mi phyugs thams cad bsrung ba dang/ bgegs bskrad pa la sogs pa ni phan pa'i las so// las phan pa dang gnod par bya ba thams cad bdag cag gi dam tshig ste/ de'i las don yod par 'gyur ba'i phyir/ phyi rabs pa'i don du bshad du gsol/ bdag cag gis nges par gzung bar bya'o// zhes gsol to// de nas bcom ldan 'das khro bo ya man ta kas/ gsang ba'i bdag po la 'di skad ces gsungs so// gsang ba'i las de rnams grub pa'i thabs cho ga bstan gyis/khyed 'khor dang bcas pas gus par zung zhig/ ces bka' stsal pas/ gsang ba'i bdag pos gsol pa/ khro bo dpa' bo chen po/ bstan pa 'di yi rjes ma 'ongs pa'i dus su chos kyis mi 'dul zhing/rnal 'byor pa'i mthus 'dul ba'i dus 'ong bas/ sgrub pa'i don yod pa'i phyir bdag 'khor dang bcas pas gzung bar bya'o// de lta bu'i las phan pa dang gnod pa ni rab tu ngo mtshar che bas nges pa de kho nas bka' stsol cig/ces gsol to// de nas bcom ldan 'das ya man ta kas bka' stsal pa/ nyon cig gsang ba'i bdag po dang// sgrol gi gshin rje dmar po'i tshogs// khyod kyi dam tshig las de rnams// grub pa'i thabs dang cho ga ni// ngas bstan pa la nges par thud// rdo rje nang rme byung dogs nas// ro langs gsang ba'i drag sngags 'di// bstan pa bsrung ba'i btsas su bzhag/ maN+Dal dang ni ro ras la// 'khor lo rtsibs bzhi rtse sprod bri// dbus su ma ru rtse yang bri// 'khor lo bzhi la dmar po bzhi// phal 'khyams bzhi la bal mo bzhi// 'brub khung nas du ling ga gzhug/ ro ras la yang de 'dra bri// dbus su ya man ta ka bri// shar du sgrol yum bri bar bya// lho ru ma ru tse yang bri// byang du mgar ba a lag bri// phyi rim 'khor lo bzhi po la// snying du dang ni khrag du dang// srog khug dang ni ma ra dza// rim pas klag phyogs bri bar bya// mu su ru 'am spyang thod du// mi nag sor rdum thal ba dang// wa rus khyi khris spre lce dang// dom khrag se pyi byi la'i rus// dug sna tshogs dang mngal khrag stsal// drag po'i rdzas la sngags 'dis brab// oM shrI many+dzu ya ma rA dzA e ka dza Ti dzA/ sa ma ya/ oM shrI many+dzu snying la chum/ dbugs la b+h+yo/ srog rtsa khug mA ra ya thun b+h+yo/ gar ba nri dza dzA/ snying du khrag tu srog khug sa ma ya dza/ tsa khrag tsit+ta phyung/ dmar po rak+sha srog la hur thums rbad rbad/ bud med dang ni zhubs can dang// dmag dang mon pa ltas byung nas// zhag lnga bzlas te 'khor lo thod// brag dang chu 'thab bar du mnan// zla ba phyed na rtags kyang 'byung// na mo rat+na tra ya yA/ dza rak+sha tshal pa rbad/ srog la hur thum snying la shos// thod pa re bas gril ba ni// lha khang mchod rten 'og tu mnan// reg chod rdo rje nang rme 'di// mi bas lha la yang mi bstan// ban d+he gsad pa'i le'u ste nyer brgyad pa'o//// bon po gsad pa'i drag sngags ni// bstan pa bsrung ba'i btsas su bzhag/ maN+Dal gru gsum sum brtsegs bya// spre'u dang ni sbal ba dang// bya gsob thod pa'i nang du yang// dug dang rta khrag sbal sbrul khrag/ ra khyi nag po'i khrag blug la// drag po'i rdzas la sngags 'dis gdab// oM rnal ma rnal te gsod la rngam b+h+yo/ sa ma ya/ oM shrI many+dzu lcags kyi skra che ge mo mA ra ya phaT/snying thun rdeb trig nan srog la thur thur gshogs rbad rbad/ stag dang spyang khu'i ltas byung nas// zhag gsum bzlas te ling ga rdzas// re rul shwa grog grog phugs mnan// zla ba gsum na smyos te 'chi// shri rak+sha tshal pa rbad/ 'gro lo ke tshe 'gran g.yas pa la ya/ dgra bo'i snying la hur ber baM ril rbad/ sha sti sta rbad na thum ri li li/ de bzlas mchod pa'i rten la mnan// bon po gsad pa'i las gzer 'di// mi bas lha la yang mi bstan// bon po gsad pa'i le'u ste nyer dgu pa'o//// bud med gsad pa'i drag sngags 'di// bstan pa bsrung ba'i btsas su bzhag/ maN+Dal gru gsum me ri can// phyi rol rdo rje rgya gram bskor// wa 'am khyi nag thod pa ru// dug dang khrag dang bye sdug dang// bra bo ram bu ling ga brtsal// drag po rdzas la sngags 'dis brab// oM shrI many+dzu ku ba ra tsa tsa khaM/ ru lu ma b+h+yo sa ma ya/ oM shrI trak+sha ma ma ru lu srog la b+h+yo/dpris la chum gu gu thul/ mA ra ya baM ril rbad/ thum this snying rtsa 'dus 'dus srog snying shad ma b+h+yo/ gnag dang ba lang ltas byung nas// zhag gsum bzlas te ling ga rdzas// brag dang chu 'thab bra skyur can// chu mig nya lcibs can du mnan// zla ba phyed na lcebs pa'am// blo bur thog pa med par 'chi// shrI rak+sha ku ba tsan+t+ra rtsa khaM thum ril sa ma ya/ rak+sha khug thum rbad/ kha so ba ti yaM/ lan cig gram lam du mnan// bud med gsad pa'i gzer kha 'di// mi bas lha la yang mi bstan// bud med gsad pa'i le'u ste sum cu pa'o//// skye bo sdig can gsad pa ni// bstan pa bsrung ba'i btsas su bzhag/maN+Dal 'khor lo bcu gnyis rtsibs// dbus su 'brub khung ling ga bzhag/ 'khor lo bcu gnyis rtsibs re la// hri sti bcu gnyis yig 'bru re// oM hrISh+ti bi kri tA mon ta hU~M phaT/ sre mo stag gam bya thod nang// khrag dang srin bu 'ug pa'i mchu// spyang khu'i mche ba dug sna dang// mtshon cha sna tshogs bdar la rtsal// drag po rdzas la sngags 'dis gdab// oM shrI many+dzu bdud phra ma ya/ bdud ma ra snying mgo chod// du ru du ru/ ha ra ti ha ra ti dgra bo'i snying la dza/ oM tsa ro pa srog la khug snying du yaM/ dbugs la thum/ nA ga kro d+hi shwa ri bam ril rbad/ nA ga rA dza trag trag srog 'ubs rbad// myags rbad/ mi reng sprang po khra byung nas// zhag lnga bzlas te ling ga rdzas// ri gsum rtse la btsan bdud gtad// zhag bcu brgyad na gri thabs 'chi// oM ni sha ku ru tri sha ku ru kha so ba ti yaM/ ru ti yaM/ sen men yaM snying tshal pa rbad/ dgra bo'i snying la hu ra be ra baM ril rbad/hu ru ya hu ya dgra bo ni ya sti ta rbad na thum ri li li/ chu bo chen po'i 'gram du mnan// skye bo gsad pa'i gzer kha 'di// mi bas lha la yang mi bstan// skye bo sdig can gsad pa'i le'u ste so gcig pa'o//// mu stegs log lta gsad pa'i thabs// bstan pa bsrung ba'i btsas su bshad// maN+Dal gru gsum bcas pa ni// bud med grir shi thod ba'i nang// rims kyis shi ba'i khrag blug ste// dbyi khrag grum khris grir shi khrag/dug nag btsal la sngags 'dis gdab// oM shrI many+dzu tri ling srog khug myos ling sa ma ya/ oM shrI ba tsa srog pa sha la kha thun pa tsa baM ril thun b+h+yo rbad khug/ ti ra ti ra ma ra la myogs snying tshal pa rbud rbud/btsun pa ltas su byung ba dang// zhag gsum bzlas te ling ga rdzas// rdzing chen nang ngam rdzing 'og gnan// zla gcig mu stegs lkugs nas 'chi// oM mdzod ta ba tri ta sod sod/dgra bo nri sod/ ma ra na b+h+yo b+h+yo yaM yaM/ oM ru ta ru ta ma ra yaM/ mar du/ dgra bo ni ma ra ya phaT/ kha chum ni ya ti sta rbad na thum ri li li/ lan cig ri gsum rtse la mnan// mu stegs gsad pa'i sngags gzer 'di// mi bas lha la ya mi bstan// mu stegs gsad pa'i le'u ste so gnyis pa'o//// rtags mgor gsad pa'i las dag ni// bstan pa bsrung ba'i btsas su bshad// maN+Dal gru gsum sum brtsegs bya// me ri phur pa rdo rjes bskor// de ltar maN+Dal gnyis bcas nas// de gnyis bar dang mtshams dag tu// phag gam dom gyi thod pa ru// dug sna khrag sna dom mkhris dang// stag phag wa khyi'i mkhris pa dang// byi la'i snying khrag btsal nas kyang// nyungs kar thal chen ke tshe la// sngags 'dis brdeg cing mngag par bya// dmar po yab yum 'phrin las kyis// ban d+he nang 'gras gsad par bya// brag bya 'ug pa'i gzugs su brub// srin pos lha gsal bon po gsad// bya wang bon pos gzugs la brub// gnod sbyin pho mos bud med gsad// lha bya gong mo'i gzugs la brub// skye bo sdig can bdud kyis gsod// bya khra hor ba'i gzugs la brub// srog bdag shan pas mu stegs gsad// btsun pa dge bsnyen dur bas gsad// rgyal po khu byug gsob tu gsad// blon po pu shud gsob tu gsad// gab tshe kye ka'i gsob tu gsad// de la sogs pa gsad pa rnams// rigs kyi bya rnams gsob gzugs la/ de dag bstun cing bsad cing mnan// lha rnams dmag dpung bskyed byas la// dgug dang gnad la bor ba dang// gsad pa'i sgags bzlas mnan gtad bya// oM ma hA rA dza s+ye ha/ na mo na ta ku pa ra s+ye/ dri za yak+sha rbad pu phye ma kha 'dar bshol mer dpris la chums/ nag po ti pa dgra bo'i snying rtsa la baM ril rbad/ yak+sha ni ya ti sta rbad/thum ri li li/ bdag nyid 'jam dpal dmar po sgom// sprul pa dmar po mched bzhin rbad/ trag ma trag sha snying la chum// dmar po rak+sha srog la chum// maN+Dal shan ting sa ma ya// rme ba'i re gos gril la gtad// sngags bzlas stod bskul drag tu bya// btsun chen btsan po sngags pa bsdu// rmangs tsam sdig can khongs su bsdu// byis pa rigs can khongs su bsdu// gsad pa reg chod man ngan 'di// hril gyis dril nas gsad pa 'di// mi bas lha la yang mi bstan// rtags mgor bsad pa'i le'u ste so gsum pa'o//// de nas gzhan yang bshad bya ba// srid pa'i srog bdag pho nya ste// mon pa'i sprul pa shan pa'i bran// mgon po dgra lha'i mngag pa ste// dge bsnyen rgyal po'i sprul pa yin// ltas ngan cho 'phrul btang ba 'di// nor phyir rjes gcod don du bshad// dkor srungs sgra 'then nag po zhes bya ba// rjes gcod snying po phul ba 'di yin no// shan dung dung 'dus/ oM shang ka te le/ te shang ku tri khug ni khug ni khu rgyug/ la 'ur rgyug/ nam gyi gung la rgyug/ shang ka ta le nga'i rdzas che ges khyer ba khyer shog/shang ka de ba te shang gul nga'i ka cha khyer la shog/ nag po he he nag po he he ma ra tsi dum bu ling/ kham bu ltar ltar srog khyer/ nam sha dum bu ling/ la la shig ma sha ka la tra ru na snying breng breng nang srog chod/sbugs 'gul/ nang khrol khrog khog sha rus khrol/ skad ldong na ra long/ dud mi ding ding da rgyug/ ra la tsi ri snyam zo/ zo na da khyer/ cib cib na ra long/ da ha da ha pa la hi/ lag yug ngan khyer shog/ dub bun rkang rengs// reng reng nad shig/ ra'i dbang po sna lnga mo mtshan gyi gtor ma byas la/ zhag rtsa gcig tu sbyin sreg bya zhing gtor ma 'bul/ na ra ngan te so ri/ ru pe ru pe ni la ye/ b+ha la mi so de si te/gtor ma dus gsum du gtong ngo// oM te shang ku ru mon pa nag po hU~M dza/ i sran da'o// nga'i ka cha khyer la shog/ maN+Dal steng du ma trang bca'// snying khar gru gsum brus byas te// dmigs pa'i ming rus rkang rjes gzhug/rgod bra gsum la mon pa gsum// thugs kyi mon pa chen po bzhi// snying po hri sti bzhis bskor bzlas// skyer ba'i hom la sbyin sreg bya// mon pa nag po skra 'then gyi// skyes bu nor rnyeg phung byed sngags// brab cing mang cing gtor ma btang// oM te shang ku ru mon pa nag po rbad/ tsit+ta 'ur chum ha ra rbad nan/ oM mon pa nag po hU~M dza/ ma kha rag ma mon mo nag mo hU~M dza/ oM shan shan 'dar 'dar/ to tso pa la phaT phaT/ sha truM nor khye shog/ oM te shang ku ru mon pa nag po b+ha ling kha'i/ mon pa las la rgyug/ oM te shang ku ru mon pa nag po ka cha khyer la shog/ mi 'dis gtang ngo gyis shig/ nor skur khur la khyer shog/khyi nag rta ru bzung nas kyang// hom nag thal bzor kha bya// gtor ma gtor zhing rbod gtong bya// skyes bu nor rnyeg rjes gcod 'di// mi bas lha la yang mi bstan// mon pa nag po ging rgyal kun gyi pho nya/skyes bu nor rnyeg gi le'u ste so bzhi pa'o//// dam nyams sun dbyung cho 'phrul ni// bstan pa bsrung ba'i btsas su bshad// oM tro ta ni tro ta ni/ pa tra pa tra k+shu la k+shu la da sha gri ba da sha gri ba yak+sha gri ba yak+sha gri ba/ging kha rag la b+h+yo/ ma ru lu ru lu snying kha rag snying kha rag/ ma trag sha ma trag sha trag sham/ rag mo snying te ke mdun te dza/ dan te dza/ i dang b+ha ling du pa mang sa bi ga la khan ni khu ni phye ta ga ta ma hA b+ha li kha raM khA hi/trag rak+sha kha mun ta mu ru lu ru lu hU~M b+h+yo hU~M/ rag mo te kem tsa tsa kha la b+h+yo/ ru lu ru lu ma hi b+h+yo/ yaM laM shaM laM sha dzA/ mi sha dun dza cho ya/ trag he mdun tse ya/ traM traM sril dun tsa ya/ kyang kyang phob ya/'ur 'ur tab tab thib thib kying kying dun dun phob ya/ tsi pi li du ru yak+shi du ru sri la dun tse phob ya/ rgya rgya phob ya/ rgya rgya phob ya/ che ge mo'i khyim du bya khu dza he phaT/ ya ya yA/ bu chung gsob baM re nag gsob// re bong bya pho mtshal bu'i mgo/ brtags te ltas ngan sna tshogs pa'i// sha spu gzugs brnyan bskor la bzhag/ gru gsum dbus su bzhag nas kyang// lho smyug tshigs dgu pa la gdags// mtha' mar bag phye brdal byas la// me long steng du gzhag par bya// snying khrag sha chen a mr-i ta// sman phud dam rdzas gtor ma bsham// gnod sbyin ma mo'i sgom sgrub bya// ming po ging lha dkar po bod// khrab can mi reng bud med sogs// byung nas cho 'phrul drag sngags bzlas// ting 'dzin bsar te ging tshogs gzir// cho 'phrul dngangs pa 'byung ba'o// dam nyams sun dbyung cho 'phrul 'di// mi bas lha la yang mi bstan// dam nyams sun dbyung ba'i cho 'phrul gyi le'u ste so lnga pa'o//// de nas gnas nas spo ba'i las// rang gi zla la yang gsang ste tsam// khyim mdzes dgra ru langs pa la// gnas nas bskyod par bya ba ni// rta thod lha zhal dkyil 'khor la// gshin rje dmar po'i rgyal mkhar bca'// dmar po gyad pa'i pho brang gdab// yul de dang po phrog nas gdon// maN+Dal ma trang gzugs bcas te// snying gar gru gsum zla gam gsum// dbus su sku mchog dmar po dgod// gnam the g.yas la yam shod g.yon// mdun du tshangs pa dgod par bya// 'brub khung nang du khu le dgod// snying sna la sogs rten pa'i rdzas// smyug rgod btsugs la rten pa tsam// phyi phag dmar khra'i sha khrag dang// snying sna gsum bcas gtor ma bsham// tro ta b+h+yo yi thog mtha' can// rtags la ma phebs bar du bzlas// de nas thod par dug khrag rtsal// ming rus gzugs dang rjes sa rtsal// na mo rat+na tra ya yA/ tsa la tsa la pra tsa la/ snying nA ga mi rbad pu khrag ti rbad/ rmang kha rbad/ snying kha rbad/ 'gyel na brlag/ pu brlag du brlag pa sham po kam mo// thod par nyung thun brab par bya// sri phung shag b+h+yo/ bram b+h+yo te b+h+yo/ a ni byo/ ma byo ming po byo sring mo byo/ mu hrim mu hrim/ trag tu rang drag tu rang/ drag tu hur drag tu hur/ dza la shag dza la shag/ pra la shag/ smyo na ling/ 'gyel na brlag/ pu brlag/ du brlag/ shos la khaM/ sod la khyer longs/ de de khyer/ de la bod ya/ gtor ma gser skyems btang zhing rbad// lha sbyin khang pa'i 'gram g.yas la/ dmar po gyad pa'i pho brang gdab/yul khar srog la gdon pa yin// nyi shu gcig gis brlag par 'gyur// tshangs pa lha yi pho brang 'dis// srog bcad nas ni yul 'phrog pas// mi bas lha la yang mi bstan// dgra bo yul phrogs te gdon pa'i le'u ste so drug pa'o//// khyim tshes dgra ru langs pa de// shar phyogs srog gi bdag po'i 'khor// 'gong po dpun dgu'i lag khrid kyis// gnas nas gzhan du bskyod pa ni// ra dang khyi dang phag pa wa// rnga mo la sogs spre lo dgu/ kha mig stod la gdong nag byug/ ltag skra bcas la cho long bskur// pha ba long bu'i rta la skyon// bra sran nas nag sngon cha dang// snya lo chu lo zil pa'i chu// lo sto la tsa dang sbrang sprul dang// 'o shi la sogs mchod pa 'bul// oM tri pu sha tri pu gang ti bu bung bu btang btang/ tri bu shar shar chuM ri li li/ kim ta kim ta khug/ shel ni ra dza srog la b+h+yo/ rbad pu mA ra ya/ rA dza kyi kre srog long/ rA dza ka b+h+yo/ shan ta ka ra b+h+yo/ rA dza la las la b+h+yo/ badzra pA Ni thang thang shi shi rbad/ trang ril trang ril thums/ 'gong po las la b+h+yo/ mon po nag po da 'dong chos// mon mo nag mo da 'dong chos// 'gong po dpun dgu da 'dong chos// 'gong po spun dgu'i shar rgyugs kyis// lha sbyin khang pa'i rtsig pu rgyur// 'gong po spun dgu'i mdun tshang bca'// la ga nas khrid de gdon pa yin// zhag dgu gsum gyis phung bar byed// 'gong po phung mkhan he dom 'di// mi bas lha la yang mi bstan// nya ba dang dbral cing dgra bo yul nas 'gong pos las tshar du khrid de gdon pa'i thabs kyi le'u ste so bdun pa'o//// khyim tshes dgra ru langs pa dang/ 'gong po'i rta la bskyon byas nas// gnas nas khur te skyes ba ni// seng ge dkar mo'i gzugs byas la// khong par yul 'dre rgyal 'gong grub// che ge gdan bskyod sha khrag rol// snying chos 'gro snying 'khyer ba dang// sems kyi gzer bu gdon pa dang// bskyon te dgra bo gdan bskyod pa// oM dun tri ba ra ba ratsit+ti gar pa sha yag pa// tig tig zho 'thung/ tri tsit+ta gar ba sha yag ba tsan tsit+ta gar ba sha yag pa/dza na tsit+ta gar ba sha yag pa/ beg te che ge mo skyol skyol/ dung skyong skyol/ nor rdzas bgrangs la de ru rbad// 'byung po yi dwags bkugs bstims nas// zhag gsum bsgrubs te gnas su bskyal// dgra yi khyim dang pho brang du// sprang tshang 'chas pa'i ltas 'ong ste// grub pa yin pas rdzas rnams skyal// seng ge rgyal rta gdan bskyod 'di// khyim bdag khur te gdon pa yin// rgyal 'gong khung khur sprang tshang 'di// yul mkhar mthar med rlag byed pas// mi bas lhal yang mi bstan// rgyal po 'byung pos dgra bo yul nas khur te gdon pa yin// rgyal 'gong khung khur sprang tshang 'di// yul mkhar mthar med rlag byed pas// mi bas lhal yang mi bstan// rgyal po 'byung pos dgra bo yul nas khur te gnod pa'i las dang thabs kyi le'u ste so brgyad pa'o//// de nas 'gong po'i dmag bzlog ste// de la 'gong po'i las thabs kyis// dgra bo'i dur dang dgra bo'i mkhar// dgra bo'i mu ma brten dbral ba// rabs chad nag po'i thod pa ru// srid pa'i lha 'dre snying po bri// phung bar byed ba'i smod pas bskor// khrag gis byugs nas byur gyis g.yog/ dgra bo myos pa'i dus dag tu// mu ma zhing la rgyal byas nas// srid pa'i lha 'dre la yang gtad// mtha' med sprang por de nyid 'gyur// dur la btab na mtha' rabs gcod/khang pa la btab 'chor 'gas 'gyel// mi bas lha yang phung bar 'gyur// glang dang lug dang dag gi glen// khyi'am rabs chad mdze thod du// srid pa'i snying po smod pa can// dmigs pa'i nor rdzas ming rus bcas// khrag gis byugs nas dung zhabs bzhugs// dgra dag pha tshan rangs pa phung// mi nag kha gdangs ral pa can// lha 'dre'i snying po smod pa ldan/ khang zur bzhi'i gtad phung bar byed// oM badzra sag ti ya/ ma tri tri ya/ badzra kha ta kha ta ya/ badzra shan ti ku ru ya/ badzra zhung zhung ya/ tri sha e ka ya/ yang saM si sa ya/ badzra bong bong ya/ badzra ra tri ya/ badzra zhung zhung ya/ badzra ma tri ma tri ya/ chu ha na tri tsa ya/ma ra tri trir dza ya/ tri laM ru ya/ tri laM tri ya/ nan tri ya/ badzra shan shan tre ya/ tri laM tu ya/ badzra dza shaM ya/ ya bdud ma bdud btsan po dang// dri btsan 'gong po rnam the dang// brgya byin brag srin sa srin dang// chu srin the brang dri pho mo// srin po srin mo sa bdag dang// thabs 'dre byur 'dre dam sri srin// spyi ru bos nas sgo gtor gtad// ka la ka la kri thad lang lang du kaM kaM kaM/ yaM yaM yaM/ ya ya ya/ srog gcod las kyi spu gri ste// gnyan dgu gtor phur phur rdzas gtad// 'di ni las la rab bstan pas// bstan pa bsrung ba'i ma gtogs pa// gzhan du bstan par mi bya ste// mi bas lha la yang mi bstan// yul 'khor nor dang 'brel cing tshe srog gcod pa las kyi spu gr-i'i drag sngags pa dang/dur khang mu ma phung bar bya ba'i le'u ste so dgu pa'o//// de nas gzhan yang yang dag bshad// dgra dpung gshig pa'i phung gshed ni// bstan pa bsrung phyir bshad par bya// tsa su ra'am ra tsa rog po'i mgor// dgra rnams ming dang gzugs bcug ste// 'brub khung nag por brubs byas nas// rtsang dang phur bas mtha' bskor te// lha bdun sngags dang drag sngags kyis// phur pa gdab cing zhag gsum grub// lha dpung bskul cing dmar gtor bzlog/ phud mangs btab zhing phyogs su rbad// las bdag ma mo nyi shu brgyad// zor bdag mo la las bcol nas// pho yi zor khas dmag sna drangs// mo yi dmag dpung gting byas nas// me yis las dang mi zor bya// so mtshams rgya gram lam du gnan// b+h+yo nyi shu rtsa brgyad dang sbrags te zor kha bya'o// las des dgra dpung non par 'gyur ro// phung shigs nag po'i rgyud dpung mnan pa'i le'u ste bzhi bcu thams pa'o//// de nas gzhan yang yang dag bshad// rnal 'byor dbang phyug chen po la// nyes pa med par 'gran nga ba// gnad du 'dzugs pa'i sems can de// nyams pa bla rdungs ru smad pa// de yi ming dang gzugs bris la// ho ma la sbyir tshar gdags par bya// zhag gsum bar du lha dpung bzlog/zor bdag pho mo grogs su bsdu// bla tshe dgug cing gshed bskul te// brnag pa rkang mthil lce stengs byang// dmar po nag po dmar po bskul// dang po dkar po lag mthil las// de la brnag pa nag dmar bya// kugs pa'i drod tshad rtags byung nas// phur pas gdab ste gdung bar bya// dum bu dum bu a pa tse/ a pa tse ru pa tsa tri na ta na/ dud sha kha la thun/ tsa ra tsa ra ka rug sha thun/ kha thun ma kha thun ma/ nA sha staM pa ya/ rak+sha staM pa ya/ phye ma phye ma rdul phran rdul phran/ nyams pa'i ling ga bsdu bya zhing// gnod sbyin pho nya drag tu bskul// ho ma la me spar sngags rnams brab// thal ba rlung bskur ling ga gcig/byin ldan gnas sam lam la mnan// lus sems nus stobs 'jigs pa dang// blo sems gzhan gyis dkrug par 'gyur// nyams pa'i bla shed brdungs pa 'di// mi bas lha la yang mi bstan// nyams pa'i bla brdung ba'i rgyud sems kyi thang ru 'gyel ba'i le'u ste zhe gcig ba'o//// de nas gzhan yang yang dag bshad// rnal 'byor dbang phyug chen po la// gnyen drung dgrar langs gnya' bcog na// ging chen phung dkrugs btang ba ni// smyug rgod rten dang srog bdag zhal// khyi dkar snying dang bya dkar gsob// nyams pa'i ming dang gzugs su bsgrag/ gzugs blung sder cha bshos bu dang// gtor tshogs chang phud dam rdzas mchod// thugs kyi reg chod srog snying dang// nang rtags rang la byung ba dang// skya rings thod du smra gcad nas// phyogs su kha bltas rbad par bya// ha ti ha ra hur b+h+yo/ su ka dkar po cho cho/b-i+-i ni b+h+yo/ gsha' ni b+h+yo/ brlag ni b+h+yo/ su ka dkar po cho cho/ tho rangs kha dang zer gsum la// lha dpung bskul te las la mngag/ ting nge 'dzin gyi bsam pa yang// gnam the dgra bo'i gnas song ste// yi ge srog snying trir gnas pa// dgra bo'i snying srog nri la thim// dgra bo rnam the dkar po gyur// log pa'i las rnams sna tshogs pa// phung ba'i phung srod gyur par bsams// de yi nor rdzas brlag pa dang// bu smad dpung dang spyod pa 'chal// ma rungs pa yi las rnams byed// phyogs su kha bltas rbad pas 'grub// gnyen la phung dkrugs dbab pa 'di// mi bas lha la yang mi bstan// ging phur dkrugs dbab pa'i rgyud// rgyal po snying dkrug gi le'u ste zhe gnyis pa'o//// de nas gzhan yang bshad par bya// rnal 'byor dbang phyugs chen po la// rgyal khams yul kar dgrar langs na// gnod sbyin dmar po'i thog ser 'di// bstan pa bsrung ba'i las su bshad// byang phyogs ri bo ma la ya// gnas lcags yod pa'i khang pa ru// gnod sbyin dmar po gar mkhan mchog/ gshin rje dmar po snying zan dang// bdud po dmar po thugs nag dang// srin po dmar po ging rje dang// klu dang gza' dang ra hu la// bse mo gdong mo bgegs chen dang// gnod sbyin lto 'phye la sogs pas// gnod sbyin phyag na rdo rje la// sngags rgod drag ser smra pa 'di// srid pa spub cing rlag par byed// oM tri byi ri shag tra ma ya b+h+yo/ tri ling shag shar ser hril b+h+yo/ 'bru ti khe ser hril shar b+h+yo/ dza ra ma kri hril shar b+h+yo/ bre du pre shag shar shar b+h+yo/gi trang b+ha ra hri la shar b+h+yo/ pra ma ya gar ti phebs b+h+yo/ oM oM oM oM oM oM oM/ bsnyen par drang ngo// ka ka ka ka ka ka ka/ sgrub par drang ngo// phroM phroM phroM phroM phroM phroM phroM/ las sbyor las mgo drang/ tshig hril shar b+h+yo/ tri tri badzra sA du sa ma ya hril shar shar b+h+yo/ kye pha d+ha la phob/ rak+sha pa ni tsa mo phob/ gur pa tsan+d+ha trag rak+sha phob/ ma ki raM ba du ru phob/ bdud kyi rgyal po phob ya ya/ a be sha ya/ gnod sbyin drag po'i sngags rgod 'di/gnon sbyin stag sna zor ba gdong// dge bsnyen lcags kyi me kha can// las 'di bsgrub pa bya ba 'di// ra pho rog po'i thod pa dang// g.yas pa'i ra bzhi rma bya'i sgro// seng ldeng phur pa bya nag sgong// nyungs kar nyungs nag gu gul dang// sha sna khrag sna 'byor tshad bsag/ ra khrag nyungs kar nyungs nag la// mngag cing bsnyen pa rtag tu bya// 'khyags pa chu dang zor thogs dang// rtsas ma rtsa ba'i ltas byung na// ra thod dmar por byugs nas kyang// nyungs dkar gnod sbyin dmar por sgom// bar chad med par bzlas shing dgang// ban nag bon po rnga brdung dang// mon nag mtshon thogs be'u ldang/ kha la 'brum chud thor thor byung// gnas kyi tho phyir ser ba 'bab// de nas dgra yul rdzas blangs nas// bdun dang bcu bzhi rtsa gcig tu// thod pa'i nyungs dkar bstim zhing mngag/ de nas dus tshod drag po la// gnam gzer sa gzer bar gzer gdab// klu dang yul lha ser srung la// phur pa btab nas zor thun bya// khrag ser dmar pos yul khams 'joms// gnod sbyin dmar po snying zin dang// dge bsnyen stag sna zor ba gdong// gnon sbyin 'bum dang bcas pa yis// ser ba nyi mtshan phyad par 'bebs// gnod sbyin gsang ba'i drag ser 'di// bstan pa bsrung ba'i don ched las// gzhan du smras na sdug bsngal myong// chu 'khyags thog rgyug dbab ba'i le'u ste zhe gsum pa'o//// de nas gzhan yang las dag bshad// yul mi dpung drag dgrar langs na// gyad pa'i b+hab ldogs btang ba ni// dkyil 'khor mthing nag gru gsum rtsig/thod pa nag por dug chang dgang// nre dza phyogs bzhi dbus su bri// re bas gril la dbus su bzhag/ khrag sna nyungs kar nyungs nag mngag/ rta thod rgyal mkhar bris ba'i nang// dgra bo ming rus 'khor bcas gzhug/bdud rtsi chang phud khrag chen dang// gtor phud argas dus drug sbreng// dmar po gyad drug srog nas drang// de nas sgo phugs med pa'i sngags// drag tu btsun zhing thun kha dbab// gang la bya ba'i yul phyogs su// babs log gsod cing phung sri langs// phung sprugs dgra kha spos pa dang// mi rigs 'jig cing blo bur 'chi// gtor thun 'phang zhing las sbyor bya// gnod sbyin bse yi skyes bu bzhi// thun nag dug mda' nag po sgrub// thun rtags byung nas ging gis 'phangs// yul gyi shar phyogs brag sdong la// rta thod bskyal te grim ma yis// yul mi 'khor bcas phung bar 'gyur// srid pa'i bdag po rbad bya zhing// yul mi kun khyab dkrugs la dbab// rnal 'byor yul mi ma rungs na// mi nor phyugs dang 'khor thams cad// gyad pas byad 'joms b+habs lhogs yin// srod dang tho rangs rtag tu rbad// de ltar byas na phung bar 'gyur// gsang ba rab tu gnyan pa dang// gsang bar spyad cing bstan pa srung// gzhan la mi bstan phung bar 'gyur// bla pungs gyad pa'i b+hab lhogs btang ba'i le'u ste zhe bzhi pa'o//// de nas gzhan yang yang dag bshad// rnal 'byor dbang phyug chen po yis// rang btsan bkra shis pa yi phyir// rdo rje tshai yi bsgrub pa bya// rtag tu 'jam dpal dmar po sgom// bstod pas bstod cing mchod pa bya// tshe yi bum pa gtsang ma ru// tshe skyems tshe 'bras bcas la gzhag/ tshe yi snying po drang bar bya// oM brum badzra A yu she hU~M a/ rnal 'byor pa la tshe dbang dang// dngos grub stsol cig smon lam btab// gnas gsum rgyud la rab bstims nas// nre tse a yi ngo bor gyur// ye shes rigs lngas rgyas gdab bya// tshe sgrub pa'i le'u ste zhe lnga pa'o//// de nas gzhan yang yang dag bshad// nor bur 'byor tshogs sgrub 'dod pas// gnod sbyin chen po rnam thos sras// gser mdog rin chen dbyug to can// nor bu ne ba'i rkyal pa bsnams// rin chen seng ge'i khri la bzhugs// ku bai ra dang gar mkhan mchog/mdun na bka' nyan gnod sbyin bcas// nor bdag bco brgyad yab yum dgu// gtor mas mchod cing chu yang dbul// na mo rat+na tra ya yA/ na mo bai shra man ye swAhA/ oM dzaM b+ha la dza len tra ya swAhA/ oM na mo rat+na tra ya yA/na mo bai shra ma na s+ye/ ma hA rA dza s+ye/ na mo na ta ku mar s+ye/ hU~M hU~M hU~M phaT swAhA/ bum pa gU za ma tog/ rin chen lnga dang 'bru lnga sogs// dngos grub rdzas dang gsol byang rtsal// rtag tu gnod sbyin dmar po sgom// snying po ku ma rA dza drang// rgyun dang skabs dang dus 'tshams sbyar// nor bu gsang ba'i snying po bzlas// na mo rat+na tra ya yA/ na mo bai shra ma s+ye hU~M/ ma hA ra dza s+ye hU~M/ na mo na ku mar s+ye hU~M/ rat+na sri d+ha puSh+ting ku ru swAhA/sid+hi sid+hi hU~M hU~M hU~M/ nor dang 'byor ba'i dngos grub stsol// sgrub pa zhag gsum rdzogs byas la// bang mdzod sbas la spyad par bya// dngos grub nor bu spyad cing gso// des ni nor bu rin chen 'grub// nor bu sgrub pa'i le'u ste zhe drug pa'o//// de nas gzhan yang las bshad bya// rnal 'byor dbang phyug chen po yis// sri'u gso ba'i las bya ba// zla ba re re'i ngo re la// srid pa'i srog bdag srid chog gzung// dkar po bya dang ra dkar rta// med pa rtsal phyir rten du bzung// shi 'phrog gcad ba sri can 'dul// ma mo rnams la mdos kyis mchod// lha tshogs rnams la gtor ma dbul// yon tan sgrub cing zor sngags bzlas// mchod cing bstod nas las gnyer gtad// srid pa'i lha mo bu rdzi bya// bgegs la zor brdegs mnan bzlog bya// bum pa bum rdzas brgyan dang bcas// tshe dpag med pa'i bsnyen pa dbul// bdud btsan yul lha ma mo dang// klu dang rgyal po kun tu rgyug/ dgra lha bse mo dam sri sgrib// skyung kha 'ug pa bzang mo dang// gla rtsi sri mo pags pa dang// dri mo dkar dang khwa ta'i sgro// rta dkar sha snying wa sha rnams// phur ma byas te lags la gdags// khrus byas bsrung skud sbyin par bya// srid bsrung ba'i le'u ste zhe bdun pa'o//// de nas gzhan yang yang dag bshad// de nas gshin rje gshed po'i 'khor// de yis las ni bshad pa ni// 'khor rnams rgyas par bya ba'i phyir// tsa mun ti yi sprul pa ste// ma ru rtse yi ma dang srid// bu rdzi ma la las btad de// srid pa'i srog bdag tshangs pa mchod// rab tu dar ba'i yul sa gnas// rgyal gyi nyin par sa blangs te// maN+Dal gru bzhi ser por bya// phyi ma phyogs mtshams rin chen brgyad// zlum po dkar po bar 'khyams ser// lcags ri sgo dang bcas pa bris// dbus su sku gzugs dam rdzas bzhag/ gru chad bzhi la dpag bsams shing// 'ding zhing 'khyil ba'i lo 'dab rgyas// bri ba dang ni dgod par bya// dmar gtor tshogs kyi mchod pa dang// dkar gsum mngar gsum gtsang ma'i phud// tshe dang 'brang rgyas gru bzhi rnams// maN+Dal dkyil 'khor brgyan du dgod// gtor ma drin can zhal khab can// chu phud gtsang mar bcas pa rtsal// de nas snying rje chen po'i ngang// byams pa chen po ched du sgom// tshangs pa'i gnas bzhi sgom pa dang// rang ging yi dam lha bskyed nas// lha mo dag gi sgrub pa tsam// e h+ya hi lha mo bu rdzi mo// sku gsung thugs las 'khor rnams sprul// gnyis med ma tshogs sprul nas kyang// dky-il 'khor lha ru spyan 'dren pa// gnas 'dir rtse phyir gshegs su gsol// rgyas mdzad lha mo bu rdzi mo// ser mo gser gyi gshog pa can// gser bong rtag gzhon lcags kyu bsnams// nyid las sprul pa'i 'khor gyis bskor// rgyas par mdzad la phyag 'tshal lo// rgyal mdzad lha mo bu rdzi mo// ma tshogs ma lus sprul pa'i tshogs// rang bzhin gnas nas sgrub gnas 'dir// spyan 'dren brtan par bzhugs su gsol// 'jam dpal dmar po'i lcam mo ste// sems ma tsa mun ta'i thugs dkyil nas// srid pa'i lha mo bu rdzi mo// rdo rje gser gyi gshog pa can// na che ba ser po zangs yag 'bar// rgyas pa'i las la rab tu brtson// rdzu 'phrul gser 'od rta ru zhon// g.yas pa gser gyi lcags kyu bsnams// tshe dang dbang thang bsod nams 'gugs// sgrub pa po la stongs byed cing// g.yon pa yid bzhin nor bu bsnams// rnal 'byor bsam pa grub par byed pa dang// rgyas mdzad lha mo bu rdzi mo// rnal 'byor bsrung zhing rgyas pa dang// che ge mo la bu srid sid+ha sid+ha hU~M// bdag cag rnams ni dam tshig dang// dam par bgyid cing mchod dbul gyis// tshe ring bsod nams bskyed pa dang// dbang thang chung srid la sogs pa// mthu dang grags pa myur du gsol// khyod las sprul pa'i 'khor brgyad ni// lha mo rin chen bskyed mdzad ma// lha mo shes rab sgrol ma 'dzin// lha mo rab tu rgyas mdzad ma// lha mo me tog chun 'chang ma// lha mo zhi ba'i bdud 'dul ma// lha mo bdud rtsi kun d+ha li// lha mo 'byung ba don ston ma// lha mo phyag rgya rgyas 'debs ma// nyid kyi sprul pa sprul pa brgyad// kun kyang gser gyi bu mo la// gshog pas bar snang khyab par khebs// rdo rje 'bar ba'i mche ba can// gser gyi cog trong rta ru zhon// phyag na nor bu rin chen 'bar// skye gro thams cad bde la 'god// rnal 'byor pa la sring ltar gdungs// bkol ba'i tshe na brag bas sra// srid pa yongs kyi bu 'tsho ma// bu 'di tshos shig tsha 'di bsrungs// de skad bod bstod mchod pa dbul// gtor ma btang zhing las dmigs bcol// zhes sgrub cing spyan drangs pa dang// bstod pa'i las sil snyan gyis bod cing bstod do// de nas snying po gsang ba bshad// oM du ti za sa ma ya pa shang ku ru ye swAhA/ du tir za nri tshe dza badzra A yu She hU~M dza dzA/ du ti za pe ta da la rak+she sa tsa to a par hri che ge mo sid+hi sid+hi hU~M/ sa ha ra na hU~M/ du ti zab shang ku ru sa ma ya dza dzA/du ti za ba shad ku ru na mo a ti pU ya yA/ du ti za pa shang ku ru sa ma ya ti sta lhan/ du ti za pa shang ku ru b+ha lim ta pU tsa khA hi/ oM du ti za sa ma ya pa shang ku ru ye swAhA/ oM du ti za sid+hi sid+hi hU~M hU~M hU~M/ snying po gsang ba'i sngags kyis dgug pa ni// smra gcad kyi bzlas par bya'o// de nas rtags mtshan rtag pa ni/ ma dang sring mo bu mo dang// bud med bkur sti byed pa 'byung// 'bri dang brnag tshogs 'byung ba na// khros pas thugs dam bskang ba bya/kha ba bu yug byung ba na// nyams pas gos pas bshags ba bya// bu dang bu mor 'byung pa na// bu srid grub ste dngos grub gtor// mtshan ma ltas ni brtags pa'o// nges par gtan la phebs par byos// de nas dngos grub blang ba ni// zla ba ston tha 'bring po dang// skar ma rgyal la dug zug nas// lnga 'am gsum mam zhag gcig sgrub// lha mo'i ming dang sngags spel te// chu phud gtsang la sngags bzlas nas// skyor mo'i grangs su btung bar bya// rnam shes bsdu ba'i dgongs pa yis// bud med lhums su ba bsdu 'o// tshe bstim tshe dbang bskur bar bya// dam tshig khrus bya kha mi bsre// mi gtsang nyams pa dang mi 'grogs// dkyil 'khor bsdus te spyod lam bya// srid kyi dngos grub blang ba'i le'u ste zhe brgyad pa'o//// de nas sngags bzlog nag po bshad// mchod pa'i rdzas kun bsogs nas kyang// ting 'dzin rnam gsum gshed po sgom// thugs kar pad+ma nyi stengs su// rdo rje lte bar mthing nag ya// oM hriSh+tiH bi kri ta na na hU~M phaT/ 'od zer 'phreng bas bskor bar bsgom// 'od 'phros 'phags pa spyan drangs te// bdag dang gnyis su med par bstim// bzlas bas 'od zer byol sngags 'phro// bsnyen pa bdun 'bum par du bya// de nas las la sbyar ba ni// dkar po'i dus la zor bshams te// nag po'i dus la 'phang bar bya// yang na nyi phyed nas brtsams nas// nam phyed dus la 'phang bar bya// dur khrod sa la dkyil 'khor rtsig/ dbus su gru gsum bsnol ma bri// phyi rim zlum pos bskor bar bya// gru chad sgo khyud ldan par bya// dbus su dkar dmar phyed ma la// gru gsum e dang ldan par bya// dgra dang bgegs kyi srog rtags dgod// 'khor lo rtse la yig 'bru hU~M// mu khyud nag po b+h+yo yis bskor// khrag zor kor bu gru gsum pa// dmar nag bdun nag bcu gsum dang// yang na nyi shu rtsa gcig brgya rtsa brgyad// rab 'bring tha mar bsham par bya// nyungs ka nyungs nag brag nag tshe// dpal bshos gtor ma mar me dang// spos sdong mda' rtsang phur pa dang// me tog nag po sha khrag dug/ bra sran sbang ma nas nag dang// bal phur dud ral mi kha'i rdzas// khrag gi gong bur btsal bar bya// gtor ma chen po'i mtha' ma skor// rdzas rnams so sor phral nas kyang// phur kha mkhan gyi ming byang gzhug/ dgra yi phyogs sam lho phyogs su// sngags pa bdun po kha bltas te// nyungs kar nyungs nag ske tshe la// byol sngags rgyun ma chad par drang// brgya phrag re la kong bur brab// de la drag sngags dam pa 'di// mi tshig ma 'dres bzlas par bya// sha ri b+h+yo/ ma ri b+h+yo/ khrag ma ma b+h+yo/ tsir snying b+h+yo/ snying b+h+yo/ ma k+Shi thod khrag rdza/ khrag ti snying la ya/nri tri chod/ nA ga chod/ mu lo chos/ sha lo chod/ sha la kying kying b+h+yo b+h+yo/ a ti pra ma ni mA ra ya bzlog bzlog/ pa ra bi dan ts+tshin+d+ha ts+tshin+d+ha b+h+yo/ dmar nag lha rnams bskul nas kyang// gtor ma btab cing phyogs su rbad// ti pur shag b+h+yo/ ti pur tsan+t+ra tsakra b+h+yo/ ti pur me shum tsur ni b+h+yo/ ti pur mA ra ya ni b+h+yo/ ma ma trag rak+sha mu dra snying kha rag thun b+h+yo/ bzlog bzlog/ ni sha ku ru thun b+h+yo bzlog bzlog/dmag dpung phur bu med rtse dang// drag por gyur pa'i gza' skar la// spre ta'i bur rdo sbrul du bsam// g.yas su bskor zhing phyogs su 'phang// mahA b+ha laM ta gren khA hi/ rtsa ba'i sngags btags gtor ma btang// yang na me yi glong du bsreg/ yang na mchod rten nag pos mnan// yang na ma trang ya trang bzlog/ mchod rten gsum kyang rten du gzugs// yang na rdo nag bdun kyang 'phang// las 'dis ngan pa dgu thub ste// rmi ngan mo ngan ltas ngan dang// seng ge kha 'thab nang 'gras dang// 'chi ba bzlog dang mi phyugs bsrung// ser ba bzlog dang sri'u gso// mdze nag gcad pa la sogs pa// las la bsam pa thams cad kun// bsam pa ji bzhin 'grub par 'gyur// byol zor nag po'i le'u ste zhe dgu pa'o//// de nas gzhan yang las tshogs bshad// bdag la ngan shags 'gyed pa na// tshes brgyad dang ni bcu bzhi la// mi snyan shags rgod 'debs pa ni// dur khrod sol bas de gzugs bri// de yi lce yang drangs nas kyang// steng du tsan+ta'i dkyil 'khor brgyad// rdo rje rgya gram ri rab sgom// de stengs bdag nyid dkyil 'khor bskyed// oM hriSh+t+wiH bi kr-i ta na na hU~M phaT/ oM lang ngag nan bstam pa nan ku ru nan/ de yi ming bcug de skad ces bzlas na smra mi nus par 'gyur ro// ngag mnan pa'i le'u ste lnga bcu pa'o//// de nas gzhan yang las bshad pa// bdag la mi kha klog pa ni/ kha bcing ba yi las kyang bya// phyug dang pha tsan che ba yi// thod par mi yi klad pa dang// rgod ma'i spri gser khar bcug nas// skud pa sngo dmar kha bcings te// bdag nyid lha yi skur gsal nas// mchil ma khong du mi btang bar// rta mgrin phyag rgya bsgyur zhing bzlas// oM snal te snal srab chugs// sho las med thu las thu lcags kyi sra thed swAhA/ che ge mo kha tham smra lce chod/drags sems rmugs/ bsam pa 'dun phyung zhig/ gtor ma rgyun la kha bsgyur te// gang dag sma ba rgod pa de// rta mgrin gar gyi phyag rgyas gdul// yul khams smra ba kha 'chings te// sems can gang smra'i kha yang 'ching// dgra bo ngan phyar gtong ba kha bcing ba'i le'u ste nga gcig pa'o//// de nas gzhan yang las bshad pa// bgegs bskrad 'grul thag gcad pa'i thabs// mkha' la nyi ma'i sa bon gdab// de stengs hU~M las khro bo bsam// g.yas pa be con phyag rgya ni// mthe bong nang bkug khu tshur bcang// g.yon pa sdigs mdzub sdang mig lta// mchog gi phur bu sor bzhi dang// skyer pa'i phur pa sngags btab ste// las sngags dang thugs kyi brnag/ phur pa'i thun dang phur srungs mngag/ pa ra pi ra tsakra a pa na ye swAhA/ phur pa sgo lhad gdab par bya// oM kI li kI la ya che ge mo zhig u tsa ta ya u tsa ta ya phaT/skyer phur gyis ni drag tu bskrad// be con phyar te bgegs de gdab// sdig mdzub gzir cing mchog phur gdab// sdig mig me 'od spro bar bya/ khams gsum dregs pa thams cad kyang// rdul phran bzhin du nges par 'gyur// dgra bo la btab lha rnams 'bros// 'khyams dang ni sbogs bskrad pa 'grub// bskrad pa'i le'u ste nga gnyis pa'o//// de nas gzhan yang las bshad pa/ chags 'dre bkar dang 'brul phyi dgag/de yi las sbyor thabs bstan pa// lam chen rgya grams blangs la// 'dre bdag rkang rjes bsre bar bya// glang gi sha dang spu bsres te// ming byang btsag gis bris byas nas/ khong du bcug nas re bas gril// ming dang dgug pa las sbyar te// mdun du bkug par bsam nas kyang// gzugs brnyan brdog pas gnan par bya// oM ka la ha nan ba spo ta nan/ mchog phur sor brgyad la bzlos gdab// kA la ru pa sha che ge mo mA ra ya phaT/ stong ngam brgya dang rtsa brgyad bar// gshed po thugs kyi brnag pa la// ma yengs par bzlas thod par grub// lha 'dre mi srun gnas sa dang// rgya gram lam du mnan pa bya// nyungs kar rgyal po la sngags te// gang la gnas pa'i phyogs su 'phang// bgegs kyi 'drul thag gcad pa'o// gza' yi 'drul thag gcad pa'i thabs// de nas gzhan yang las bshad pa// char chu ser pa bsrung ba ni// oM chag gril chag gril snying log snying log dmar po la he lo te dun pa yan b+h+yo/ nyungs kar thal chen la bzlas te// ser ba rab tu g.yo ba'i tshe// nam mkha'i dbyings su nyi ma bskyed// steng du bdag nyid khro bor sgom// nam mkha'i khams kun me 'od gang// rdo rje lce la hU~M bzhag ste// de las raM 'phros me rir 'bar// char chu 'khyags dang sprin dbungs skam// rdo rje lce yis bzhu bar bya// yang na lce stengs yaM las rlung// bus pas sprin rnams gtor bar bya// ral gri'i phyag rgyas char sprin dang// klu dang gza' gzugs gcad cing btub// yang na me yi 'khor los bsreg/ rlung gi 'khor lo bskor cing gtor// sdigs mdzub bskor zhing hriSh+tis 'phangs// ser ba ur na ma ni ye swAhA/ ser ba bsrung ba dang bgegs kyi 'drul thag gcad pa'i le'u ste nga gsum ba'o//// de nas gzhan yang las bshad pa// zhi ba'i las ni grub 'dod pas// tsan dan dkar po'i me tog dang// se ba'i shing dang me tog gi/ sbyin sreg mchod cing sngags 'di bzlas// oM hriSh+ti bi kri tA nan hU~M swAhA/ che ge mo zhi bshan ting ku ru swAhA/zhi bar bya ba'i hom gyi las snga dro bya'o// rgyas par bya ba'i las dag ni// me tog ser po skyer pa'i shing// sbyin sreg bya zhing sngags 'di bzlas// oM hriSh+tiH bi kr-i tA na na hU~M phaT/ che ge mo puSh+ti nga ku ru swAhA/rgyas par bya ba'i las nyin gung la bya'o// dbang du bya ba'i las dag ni// me tog dmar po seng ldeng me// du ba med pas sbyin sreg bya// oM hriSh+tIH bi kri tA na na hU~M phaT/ che ge mo ba shang ku ru hU~M phaT/ dbang gi las nyi ma nub pa la bya'o// drag po'i las rnams bya ba ni// me tog nag po dug shing tshe// sbyin sreg bya zhing drag sngags gdab// oM hriSh+tiH bi kri tA na na hU~M phaT/ che ge mo ma ra ya dz+wa la raM phaT/ drag po'i las bya hom gyi las nam gung la bya'o// sbyin sreg gi le'u ste nga bzhi pa'o//// de nas gzhan yang las dag bshad// nad pa'i gdon bgegs bsrung ba ni// bdag nyid 'jam dpal ting 'dzin gyis// me dpung 'khrigs pa'i 'od dpung gis// bgegs dang nad tshe tshig par bsam// oM na mo mu mul le sa le sruM swAhA/ kI la ya kI la ya/ tsa ka tsa ka/ pri pa pri/ pha ki re pha ki re/ rgyob rgyob sod sod/ ci li ni la da re du re du da le swAhA/nad pa la nyungs kar brab cing bsrung skud gdags// nad pa bsrung ba'i le'u ste nga lnga pa'o//// de nas gzhan yang bshad bya ba// bdag nyid 'jam dpal dmar po'i sku// rab tu dmar ba mdangs ldan sgom// snag sad dmar po dbang du sgom// srid pa'i bgegs kyang dmar por sgom// se phung na s+ye phur na oM badzra tshig go go nan/ thub thub bya su ra nan/ khyung su ra nan/ g+hi ripa ti nan/ na da ka chod chod dgu dgu nan/thub thub b+h+ya swAhA/ bar chad med pa stong bzlas te// srid pa'i ma mo bskang ba bya// lag mthil lha gnas byol bzlog bya// ma mo'i rims dal bzlog par 'gyur// rims dal thams cad srung ba'i le'u ste nga drug pa'o//// de nas gzhan yang las rnams bshad// gang ni dbang du bsdu ba de'i// gzugs dang mig dang gzugs bris nas// sram gyi mig dang nya yi gshog/ brag phug byang bltas rdzas bsres la// nyungs kar rgyal po thal chen ni// sngags btab ming byang tshon skud bcing// rkang mthil bar du bcu gnas bzlas// oM bar ba sha che ge mo zhig pa shang ku ru swAhA/ pa ra tso ta na ma/ ma ba ta na laM laM/hU~M du che ge dbang du sdus shog/ ming swAhA/ oM badzra ni la snying kha rag trag rak+sha hri hri hri/ dbang du sdus shig/ mi gang dbang du bsdu ba dang/ yul phyogs dbang bsdu ba'i phyir// khyim mam yul phyogs rdzas rnams gtor// dbang du bsdu ba'i le'u ste nga bdun pa'o//// de nas gzhan yang las bshad pa// rmi ltas ngan sngags bzlog pa ni// ril ma brgya rtsa brgyad re la// spen ma sor re gzugs bar bya// bong pa brgya rtsa brgyad bcas te// sngags 'di brgya rtsa brgyad re gdab// chu la bor te smod kha bsgyur// oM nam pri hring tsi sring/ nyi ma byin d+ha ya/ tri ta ya/ dza la dza la/ na ma kar dzA/ i pra dza la/ pu ta pu ta sarba ga ga na ni ba su ni sa rag si ra/bi sa ra/ sarba duSh+tan/ byi ta na sho ta ni hU~M phaT swAhA/ a ti me ti me rus te ta swAhA/ mo ngan rmis ngan ltas ngan dang/ dgra dang bgegs kyi bsam ngan kun// ril ma bzhin du chus khyer cig/bong ba bzhin du chus shig cig/ spen phyags kyis phyags cig ces brjod// phyi mig mi lta stong nyid sgom// mtshan ma ngan pa bzlog pa'i le'u ste nga brgyad pa'o//// de nas gzhan yang las bshad pa// mtshan ltas bstan par brtag pa ni// tho rangs skar chu gtsang ma dang// ku sha rtswa mchog dag pa dang// lan bdun sngags bzlas smod btsugs la// gnod sbyin sde dpon chen po bzhi// lag na rdo rje drag po che// bcom ldan 'das la phyag 'tshal te// tad+ya tha/ mu ri tsi ni swAhA/ mu kha se swAhA/ mo ha ni swAhA/ da na ti ri swAhA/ oM tad+ya tha mu tsa ni hU~M// ki si ni hU~M/ bra ma ni hU~M/ bzang nang ston cig smon btab nas// g.yas pa'i blo phab nyal bar bya// rtog pa med par snal ba bya// de nas bzang ngan ltas mthong 'gyur// snying po rig pa 'bum bzlas na// thogs pa med par thams cad mthong// rmi lam brtag pa'i le'u steng dgu pa'o//// de nas gzhan yang las dag bshad// 'byung po 'gong po pho mo yang// sgrub pa po la bar chod byed// dam sri pho mo gdul ba ni// kyi spyang spre'u yi thod pa ru// ming gzugs bla rdo bla shing gzhug/tri dza du me srog bris te// dam sri ru tri trig nan dgod// dmar pos dgug cing gshin rjes gsad// bal mos sha khrag rol bar bya// tri rA dza du med/ rgyal 'gong dam sri mA ra ya rbad/ rA dza trig nan rA dza hUr thums/patsa 'dri ma thi/ ba rwa dza tsa sbyar srog nan/ snying gzer breng shag yaM rbad/ nyungs kar nyungs nag ske tshe la/ mngag cing thod pa nang du brab// tsa tri du me srog la breng breng// tsa la du na dun sbur nan kham shag rbad/tsit+ta ro myags rbad/ srog la thun rbad b+h+yo/ dug phyung khraM shig rbad/ tsa tri ma ma dbugs la thang gzer rbad/ khri thon pa'am rtags mthong nas// spyang dug spyang tsher gu gul gdug/ rgya gram lam dang mchod rten rmang// yang na them pa'i 'og tu gnan// yang na dgra yi mkhar la bskyal// sngags kun phu sprugs brab par bya// 'byung po kha spo ba dang gdul ba'i le'u ste drug cu pa'o//// de nas gzhan yang las bshad de// zho dang chang yang bsrung ba ni// oM a man ta ka han pa tsa pi dan sa ya pa tsa pa tsa/ ha na pa tsa/ rat+na pa ni/ gar pa gu shi ya man ta ka swAhA/ dri chen mtheb gang sbyangs pa la// khyor gang chu la dung tshogs gdab// bdun bdun sngags chus bran pa bya// gnod sbyin gsus pa ri rab tsam// ral pa kham khag gyen rdzes pa// g.yas pa ral gri g.yon sdigs mdzub// so ni gangs dkar ltar gtsigs pa// bsrung ste rgya yang btab par bsam// zho chang bsrung ba'i le'u ste re gcig pa'o//// de nas gzhan yang las bshad pa// drag po shing ngam mchog phur la// gu gul bdug cing byin brlabs bya// sngags kyi mjug la las 'dis gdab// lha phyin hri ma ra ya rbad/ rgyun srang laM maM ldang la// btab na bgegs kyi 'drul thag gcod// rnal 'byor bsam pa mthar phyin 'gyur// bgegs kyi 'drul thag gcad pa'i le'u ste re gnyis pa'o//// de nas gzhan yang las bshad pa// mi rgod dzag chings bya ba ni// mi yi snying khrag yungs kar dang// gu gul dkar po bsags byas te// phye ma btags la thum po bya// oM tad+ya thA hi ri mi ri sti ta ban to// bra ti ta la kar ma hA pa la ming du 'gram/ tsar myogs thums thibs// de nas lam du zhugs pa'i tshe// mthe bong g.yas la sngags btab ste// dgra bsam sor mo lcags sgrogs bsam// dgra rnams myos te bcings par bsam// de nas re 'dar drag byas te// bkug cing bstim na rengs par 'gyur// da ta yi mi da ra pra be sha phaT/ dgrol sngags so// hri ti mi ti tis ta ban d+ha si ta sa kar ma ha pa la tha/bsnyen pa nyi shu drug la dbul// lam du zhugs nas ting 'dzin bya// skyabs su gsol nas las gnyer bsgo// mi rgod jag chings kyi le'u ste re gsum pa'o//// de nas bcom ldan 'das ya man ta kas/gshin rje'i rgyal po 'khor dang bcas pa la bka' stsal pa/ kye dregs pa can rnams bstan pa bsrung ba'i phyir rgyud 'di snying la zung zhig/ rgyud 'di bcangs pa'i yon tan ni// bdud kyi rgyal po'i sna 'dzin gyis bkye ba'i sprul pa 'gong po pho mo thams cad 'joms shing las la slar 'khor bar 'gyur ro// gzhan yang bdud sa 'dzin gyi 'khor rnams/ rdo rje theg pa la spyod pa la ma rugs pa byed cing mi snying bskul nas yul 'khor 'joms par byed pa'i phyir/da lta nga nyid kyis dregs pa can thams cad kyi gtso bo las la bkol te/ dregs pa bsam gyis mi khyab pa'i las dang sprul pa'i gnyen po bstan te btul ba yin no// kye gsang ba'i bdag po don de rnams thams cad bsdus te phyir mi la gnang bar gyis shig/ ces bka' stsal to// de nas dregs pa can thams cad kyis gsol pa// kye dpa' bo chen po bdud sa 'dzin gyi cha 'dzin pa 'gong bo ma rungs pa slar sa 'dzin gyi cha 'dzin pa'i mi dag phung ba'i sri dbab pa ji ltar lags/zhes gsol pas/ bcom ldan 'das khro bo'i rgyal pos bka' stsal pa/ dgra rnams phung las phung sris phung bya ba// skya rings chas su gcug nas kyang// dbyings su pho brang glig bzhi pa// sgo dgu pa yi rgyal mkhar bri// zhal dang g.yung drung ris bris te// 'gram pa gnyis la nyi zla bris// so la gza' dang skar ma bri// lcags spyang zangs kyi wa mo yang// sna 'ug gnyis su bri'am gzhug/ ltag par phung sri snga mo bri// bdud sgo khung par dbang yang bskur// srog bdag dkar po spyan gcig pa// gzugs zhal mi srog bcas pa dang// nyams pa mgar ba'i ming gzugs bya// snying dang khrag sna dug sna rtsal// he dom pho nya spun dgu yang// chas su bcug la mtha' ma bskor// dmar po sha khrag snying snas mchod// gyad pa rgyal po sder chas mchod// he dom sbang brung 'phrul gtor mchod// dmar po gyad pa bsgrubs byas te// sku mchog gyad pa srog bdag rbad// he dom spun dgus phung sri dbab// bag phye rme khrag sbrus pa yis// ril bu brgya rtsa brgyad byas te// nang du srid pa'i lha 'dre srog/ bcu te rmod bor nam gung brdeg/ sa sna lnga la khang pa'i dbyibs// nang du mi nor bcas pa'i ming// lha 'dre rnams kyi ming srog gzhug/rgyun srang chen po btsal la gtad// bya rog 'ug pa'i thod pa ru// dug sna sha sna khrag sna dang// snying sna ming rus brub pa bya// dgra yis gdung gseb dregs bcas bskyal// dgra yi bu sring rus pa dang// rta nag bre nag rmig pa g.yas// shes shing phur pa lha srin srog/ rang 'thag ma khod dum bu sgrag/ ma hA de ba las byed bod// srog chom yul phyung nor srogs shig/ 'khor zhig smod pa bor nas kyang// lha 'dre dang bcas mkhar la bskyal// ngar bu kha gdangs ral pa can/ khong par lha 'dre'i srog snying brub// yul mkhar phyogs dang grub bzhir gtad// gshed kyi thod pa la sogs pa// mon nam rabs chad mdze thod sgrag/lo zla zhag dang dus brtsis te// bdag dar dgra bo rgud pa la// dur mkhams ngan dang yul mkhar la// rdzas rnams gtad de smod pas gdab// srid pa'i lha srin kun rbad de// dur dang mkhar dang mu ma zhing// rgyun srang phung ba'i gnas la gtad// phung bar the tshom med par 'gyur// bdud sa 'dzin gyi cha 'dzin thams cad la phung ba'i phung sri dbab pa'i le'u ste re bzhi pa'o//// de nas gzhan yang ngas bshad pa// dang po bsnyen pa rdzogs par bya// bar du sgrub bas bsnyen pa bya// tha ma ting 'dzin sngags bzlas pas// las rnams thams cad 'dod pa bzhin// ji ltar dmigs pa da ltar sgrub// las 'di thams cad grub 'dod pas// smra gcad rnam pa lnga yang bya// dngos po don gyi gnas lugs la// 'gal 'grel med de phyogs bral bas// lta ba sgro 'dogs med pa'i phyir// che chung blo yi rtsal yin pas// gzhan la skur pa mi gdab pa'i// smra gcad dam pa thub par bya// nyon mongs rnams rtog gdul ba yi// gnyen po ting 'dzin mjug 'dul la// rtogs pa ngan pa phyir log g.yeng// las ngan bar cha med pa yi// smra gcad dam bca' thub par bya// ston pas sgron ma gsungs pa'i sgo// rgyud dang lung dang man ngag la// gnyer gtad gdams pa'i bka' brgya la// snod ngan blo ngan blags gcod pa'i// bar chad med par smra gcad bya// ngag gi bzlas pa'i mchod bstod dang// rdo rje chu yi 'ol ka la// tha mal tshig gis ma chod par// bar chad med pa'i smra gcad bya// sems nyid drang por thig btab de// lus ngag gzhan du spyod pa la// rnal 'byor g.yeng bar mi 'gyur bar// grogs ngan bdud dang mi phrad par// rtag tu smra bcad dam tshig bya// de ltar ldan pa'i rnal 'byor la// dngos grub bdud kyi lag tu ni// nam yang 'chor bar mi 'gyur ro// de lnga mi srung rnal 'byor ni// rnal 'byor pa yi ming tsam ste// ming tsam 'dzin pa'i rnal 'byor la// dngos grub bdud kyi lag shor bas// gang yang mi 'grub ngan song ltung// de bas 'dus pa'i dge 'dun gyis// don de la ni gnas par bya'o// de ltar dam bcas bsrung ba ni// 'di don phun sum tshogs pa dang// phyi mar zhing khams dag par gnas// dngos grub thams cad grub pa'i phyir// smra gcad bya ba bstan pa'i le'u ste re lnga pa'o//// de nas yang gsol pa/ bcom ldan 'das rgyud 'di gzhung du sgrub pa'i rnal 'byor pas dngos grub ji ltar thob par 'gyur/ zhes gsol pas/bcom ldan 'das khro bo'i rgyal pos bka' stsal pa/ gzhung 'di ma nor don bsgrub pas// dngos grub sku gsung thugs thob ste// 'jam dpal dmar po'i sku sprul pas// sku yi dngos grub tshe dpag med// 'khor 'dab rgyas shing longs spyod 'phel// 'jam dpal dmar po'i gsung bsgrubs pas// gsung gi dngos grub grags pa ste// legs shing snyan pa'i sgra yang thob// 'jam dpal dmar po'i thugs bsgrubs pas// shes rab thogs med ye shes skye// bcu gsum sa lam bgrod thob non// 'jam dpal 'phrin las bsgrubs pa yis// dgra rnams thul zhing thub pa med// yon tan bsam pa yid bzhin 'grub// ces gsungs so// dngos grub 'bras bu bstan pa'i le'u ste re drug pa'o//// de nas yang bka' stsal pa/ 'di ni snod pa'i drag sngags te// smod pa rang rgyud rang ka ma// gang zhig nyon mongs kha drag pas// smod pa'i sgrib pa ma dag na// mi snyan mi kha rdza ltar klong// phyi ma las kyi 'byung por skye// de 'phos na rag dmyal khams myong// de phyir don dang ldan par spyad// sgrib pa sbyang ba shin tu gces// smod pa'i ngan sgrib sbyang ba'i phyir// rnal 'byor chen po'i don 'di sbyar// bdag nyid sngags bdag yi dam lha// lce'i dkyil pad+ma'i dkyil 'khor ni// 'dab brgyad yi ge aM gyis mtshan// rdo rje gsung gi rang bzhin 'di// 'od 'phros rgyal ba sems can gyi// gsung dang ngag gi che ba bsdus// skyon bcom bdag gi lce la gzung// rtag tu goms par ngag sbyangs na// 'jig rten snyan grags sgra tshig dang// chos kyi sgra dang bden tshig nyan// brdzun dang phra ma tshig rtsub sogs// ngag gi sgrib pa thams cad 'byang// dpe yi yon tan snyan grags 'gyur// srid pa gsum la dbang che dang// 'jig rten 'di yi grags pa thob// ngag gi nyes skyon dgag bya zhing// dri ma nyes pa sbyang ba dang// mi snyan sgrogs pa'i ngag gnan dang// mi kha glog pa kun 'dul phyir// ting 'dzin bsam gtan las 'di bya// zhes gsungs te/ bcom ldan 'das dgongs pa chos nyid la bzhugs par gyur to// ngag gis smod pa'i sgrib pa dang nye pa'i skyon sbyong ba'i khrus lung gi le'u ste re bdun pa'o//// de nas bcom ldan 'das khro bo'i rgyal po ya man ta kAs 'chi bdag rang byung dag/gshin rje'i rgyal po 'khor dang bcas pa la gtad cing gdams pa 'di bka' stsal to// kye kye dregs pa can chen po rnams nyon cig/ dus lnga brgya'i tha ma la 'di nas byang phyogs su bstan pa dar bar 'gyur te// de'i tshe lha sbyin gyi cha 'dzin pas bstan pa 'jig pa mang du 'ong ste/ de'i tshe bstan pa gnyan po bsrung bar bya dgos te/ bstan pa bsrung ba'i nang na mchog ni/ 'jam dpal gshin rje dmar po mi sring lcam dral yin te/de'i phyir da lta ngas bshad pa'i drag sngags kyi rgyud rnams 'di zung zhig/ dus der ma ru rtse'i rgyud sgrub pa rnams kyang dus rtag tu dbang blang bar bya'o// dam bsre bar bya/ dam tshig bsrung bar bya'o// ngag sngags kyi rnal 'byor du bya'o// yid chod nyid kyi rnal 'byor du bya'o// bsgral ba'i 'phrin las la mkhas par bya'o// brtson 'grus dang ldan par bya'o// ting nge 'dzin dang ma bral bar bya'o// rgyud 'di khyed la gtad do// rab tu zung zhig/ 'di bzung ba'i yon tan rab tu che'o// zhes bka' stsal to// gdams pa bzhag pa'i le'u ste re brgyad pa'o//// de nas yang de dag gis gsol pa/ bdud sa 'dzin gyi sprul pa dang rigs 'dzin pa/ rdo rje theg pa'i bstan pa 'jig pa bsrung ba'i phyir/ dregs pa can rnams las la bkol te las kyi gnyer gtad pas/ bdud kyi cho 'phrul pas 'grol ba gang/ blo phyin ci log tu bsgyur ba de/ mtshams med pa lnga'i las byed kyang/ de la rang dbang med de phur bar bya'o// bcom ldan 'das rgyud 'di ji ltar gzung bar bya/ mtshan bstan du gsol// zhes gsol ba la// bcom ldan 'das khro bo'i rgyal pos bka' stsal pa/ rgyud 'di ni rdo rje theg pa'i bstan pa bsrung ba'i phyir mtshon char gzung bar bya'o// rgyud 'di'i mtshan ni sgrol ging dmar po shan pa spu gri reg chod kyi rgyud ces kyang bya'o// gnod sbyin zla gsang dmar po'i rgyud ces kyang bya'o// glog 'phreng dmar po gnam lcags thog gi sta ri'i rgyud ces kyang bya'o// bse mdung dmar po'i drag sngags ces kyang bya'o// dug mda' nag po'i smod sngags zhes kyang bya'o// mtshon cha rnon po ngar dang ldan pa thabs kyi rgyud ces kyang bya'o// 'di bzung ba ni rdo rje theg pa 'dzin cing skyong ba'i rnal 'byor pas/ rdo rje theg pa'i bstan pa bsrung ba'i phyir mi spang bar gzung bar bya'o// de'i phyir na rgyud 'di khyed la gtad do zung zhig/ ces gsungs so// rgyud gtad cing gzung ba'i nan tan rgyun dang bcas pa dus gsum du gtad pa'o// de skad ces gsungs pas bdud kyi bzhin ni mog mog por gyur to// 'khor rnams ni dpa' bo'i mtshon cha thog ste mi 'jigs pa'i mkhar du zhugs par go zhing/ nga rgyal dregs pa bsnyems nas bzhin dkar por gyur to// gsang ba rdo rje theg pa pa'i don la yang rab tu dga' ste// bar chad thams cad bsrung bar dam bcas so// gsungs pa'i don la yang rjes su yi rangs te mngon par bstod do// rgyud gtad cing bzung ba dang rjes su yi rangs pa'i le'u ste re dgu pa'o//// dpal gnod sbyin zla gsang dmar po'i rgyud/ sgrol ging ma ru rtse shan pa spu gri reg chod kyi rgyud ces bya ba/ gnam lcags thog gi sta ri/ bse mdung dmar po'i drag sngags/dug mda' nag po smod pa'i mtshon cha/ 'phrin las kyi mdo rdzogs so//// rgya gar gyi paN+Di ta shan ting gar b+ha dang/ bod kyi lo tsa pa snubs sangs rgyas ye shes kyis dur khrod chen po ha chen brdal du bsgyur zhing zhus te gtan la phab pa'o/

CLOSE WINDOW