CLOSE WINDOW

Gpb043.007
བོད་ཡིག

ma rgyud don gyi man ngag bstan pa'i rgyud rdzogs so//// rgya gar skad du/ many+dzu shI ya mAn+ta ka tsin+ta ma Ni nA tan tra gu h+ya/ bod skad du/ 'jam dpal gshin rje gshed po yid bzhin nor bu'i rgyud ces bya ba/'jam dpal ya mAn ta ka khros pa'i sku la phyag 'tshal lo// 'di skad bshad pa'i dus na/ bcom ldan 'das 'jam dpal ya mAn ta ka nyid/ 'og min chos kyi dbyings kyi pho brang na yum chen mo pe ta li'i b+ha ga bde ba chen po'i gnas na 'khor ye shes dang las la grub pa dpag tu med pa dang thabs cig tu bzhugs so// de'i tshe de'i dus na bcom ldan 'das 'jam dpal chen pos ye shes 'bar ba'i spyan gyis gzigs pas/las kyi gshin rje yi rtags chen po yis 'gro ba thams cad la 'tshe zhing gnod par gzigs nas// yum pe ta li dang gnyis su med pa'i ngang las sras ya mA rA dza sprul nas/las kyi gshin rje'i grong khyer gzir ba las srog gi snying po phul nas/ zas skal du bstan pa la gnod pa'i srog dbugs byin te/ bstan pa bsrung bar khas blangs te dam la btags so// 'jam dpal yid bzhin nor bu'i rgyud las/gleng gzhi'i le'u ste dang po'o//// de nas bcom ldan 'das 'jam dpal chen po de la/ sras mchog ya ma rA dzas gsol pa/ kye ma bcom ldan 'das 'jam dpal chen po nyid kyi sku dang/gsung dang/ thugs kyi cho 'phrul gyi don bshad du gsol zhes gsol pas/ bcom ldan 'das kyis bka' stsal pa// nyon cig 'dus pa'i 'khor dang sras// de bzhin nyid dang kun tu snang// rgyu yi ting 'dzin cho 'phrul las// gzhal yas khang dang 'jam dpal sku// yab yum cho 'phrul snang ba dang// 'phro 'du la sogs snang ba kun// snang tsam nyid na skye med ngang// ye shes chos sku nyid du snang// zhes gsungs so// 'jam dpal yid bzhin nor bu las/ 'jam dpal sku gsung thugs kyi cho 'phrul gyi don bstan pa'i le'u ste gnyis pa'o//// de nas yang sras ya ma rA dzas gsol pa/ kye ma bcom ldan khros pa'i sku// 'jam dpal khros pa'i de nyid kyi// bsgrub pa'i yid bzhin nor lta bur// rim par bdag 'dud bshad du gsol// zhes gsol pas/ 'jam dpal nyid kyis bka' stsal pa// stobs ldan bsgrod pa thob pa yi// rnal 'byor dbang phyug chen po yis// lho phyogs brag gam dur khrod gnas// dben zhing nyams dga'i gnas dag tu// tshul ldan shis pa'i grogs khrid de// dur khrod sa la maN+Dal brtsig/bsgrub dang mchod pa'i rdzas bkod la// dur khrod ras la dpa' bo'i gzugs// tshon rtsi sbyin med bzang po yis// khros pa'i gzugs la sprin nag mdog/ mkhas pas yab yum sras bcas bri// rab tu gnas pa'i cho ga bya// sngon du bsod nams tshogs bsags la// sngags kyi rgyal po bcu bdun po// 'bum phrag bcu gcig rdzogs par bya// de tshe mtshan ma yul la 'bar// 'od dpung 'khyil dang lung ston sgra// rmi lam rtags rnams mang du 'byung// mtshan ma bstan po byung ba dang// dngos grub blang ba'i cho ga bya// rtags rnams sngon du ma byung na// dam tshig bshad la bsnyen pa spogs// dka' thub ldan pas brtul zhugs spyad// mi smra mi yur mi 'khyab par// lho yi phyogs su kha bltas te// ku sha'i stan la 'dug nas ni// ri mo dag la sems blta zhing// bzlas pa'i thabs ni rim par bya// bying nas shes pa rmugs par 'gyur// 'jam pa'i dbyangs kyis rab bskul te// gsang sngags dbyangs dang bstod pa bya// rgod cing g.yengs par gyur pa na// mgo ni rma bya bzhin bkug la// mtshan ma lha yi sku la brtag/ ji srid yid ni mi skyo'i bar// rtse gcig sems kyi bzlas pa bya// be shing seng ldeng thogs nas ni// zhing lpags gon zhing dom lpags gdings// bgrod dka' dur khrod gnas su 'grim// myur ba ma yin bul ba min// de bzhin yi ge 'dres pa min// shin tu gsal zhing dag par bzlas// sngags kyi bzlas grangs bar bar du// 'jam dpal khros pa bstod ra btang// rak+ta dmar gyi ar+g+ha dbul// lha srin sde brgyad srog gi ni// rtsa ba 'dul bar byed pa ni// a kro yi ge bcu bdun pa// yid bzhin nor bu 'phreng ba ste// rnam pa yi ge ngo bo lha// rang bzhin stong pa nus pa med// nyi zla lhun po rgya mtsho me// ya mAn+ta ka'i ngo bo nyid// 'bum phrag bcu gcig rdzogs byas nas// dpa' bo 'jig rten gsum rgyal 'gyur// zhes gsungs so// 'jam dpal yid bzhin nor bu'i rgyud las/ de nyid gsang ba bsnyen pa'i rim pa'i le'u ste gsum pa'o//// de nas sras mchog ya ma rA dzas gsol pa/ kye ma ho 'jam dpal khros pa'i sku// 'jam dpal yid bzhin nor bu las// sngags kyi rim pa bshad du gsol// de skad gsol pa gsan nas kyang// 'jam dpal khros pas bka' stsal pa// oM A kro te ka ya mAn ta ka ha na ma tha b+hany+dza hU~M phaT/ khro bo sku'i snying po'o// oM kA la rU pa hU~M phaT ta a/ khro bo gsung gi snying po'o// oM hrIHSh+t+riHbi kr-i tA na na hU~M phaT/khros pa thugs kyi snying po'o// oM sa ma ya many+dzu shrI mu tra ya mAn+ta ka ba tsa te ro ni hU~M dza/ oM sa ma ya many+dzu shrI ya mAn+ta ka ya rA dza ma ma e ka dza ti dza dza/ trag rak+ShaM mu tra snying khar/ ma ma b+h+yo b+h+yo/ rak+mo te ku mdza dza/kha la ma hi b+h+yo b+h+yo/ ya ya lon tsin d+han ma la b+h+yo b+h+yo dza dza/ kha rag srog la b+h+yo b+h+yo/ 'jam dpal yon tan gyi snying po'o// ya mAn+ta ka ya ma rA dza sa to me ya/ ya me do ru na yo ta ya/ ya ta yo ni ra ya k+She ya/ yak+She ya tsa ni ra ma ya/ a mu ka mA ra ya hU~M phaT/ oM rnal ma rnal te gsod la sngams gshogs la mer dkris la chums thugs b+his thum b+his/ lcags kyi sku gcig mas dgra bo'i snying phyung shig/ de nyid ni 'phrin las chen po'i snying po'o// oM ya mAn+ta ka pe ta li sa ma ya dza/ spyan drang ba'i snying po'o// oM e h+ye hi ya mAn+ta ka pe ta li dza hU~M baM ho/ gnyis su med par bstim pa'o// oM ya mAn+ta ka pe ta li tiSh+Tha badzra/ bzhugs su gsol ba'o// oM ya mAn+ta ka pe ta li shrI na maH phyag btsal ba'i sngags so// oM ya mAn+ta ka pe ta li pany+tsa a mr-i ta khA hi/ bdud rtsi dbul ba'i snying po'o// oM ya mAn+ta ka pe ta la bi li khA hi/ gtor ma dbul ba'o// mahA rak+ta khA hi/ bdag gi dgra bo che ge mo kha hI/ rak+ta dbul ba'i sngags so// zhes gsungs so// 'jam dpal yid bzhin nor bu'i rgyud las/ gsang sngags bstan pa'i le'u ste bzhi pa'o//// de nas yang sras mchog ya ma rA dzas gsol pa/kye ma bcom ldan khros pa'i sku// nyid kyi gsang sngags bstan byas na// las sgrub rim pa ji ltar lags// zhes gsol bas/ 'jam dpal nyid kyis bka' stsal pa// yid bzhin nor bu'i don nyid la// bsnyen pa bsgrub pa las sbyor gsum// bsnyen pa gong du bshad pa ltar// yi ge bcu bdun drang ba ste// sku la dmigs pa'i snying po'o// gsung dang thugs kyang shas tsam drang// bsgrub pa yon tan snying po ste// shas tsam dag tu bzlas pa bya// las la sbyar ba'i dus nyid du// mon nam rabs chad thod pa la// gsang sngags sum cu rtsa gnyis la// las sngags bzhi dang bcas pa bri// ling ga khar bcug thun gyis brab// yab yum sras dang 'khor bcas bskul// thun 'jug thugs kyi snying po bzlas// spyod lam lha yi nga rgyal bya// rtags byung dur khrod dag tu mnan// 'jam dpal khros pa'i 'phrin las la// 'khor lo thun du bshad pa las// 'khor lo bskor ba bkra mi shis// thun chen thod nag las byas na// gang la dmigs pa sgrol bar 'gyur// zhes gsungs so// 'jam dpal yid bzhin nor bu'i rgyud las/las la sbyar ba'i le'u ste lnga pa'o//// de nas yang dag bshad bya ba// 'jam dpal khros pa'i rnal 'byor pas// rtags dang mtshan ma ci byung yang// mi smra gsang la re dogs spang// sgyu ma lta bur gzung bar bya// sems dpa' bstan pa'i nga rgyal gyis// dpa' brtul sngags kyis spyod pa bya// drag po thod pa'i bsgrub pa la// bri ba'i sngags ni 'di ltar brtag/ yi ge sum cu rtsa gnyis pa// 'bru brgyad bzhi ru byas pa yi// mjug la rtags te bri bar bya// a mu kaM pra ma ya hU~M phaT/ a mu kaM mur tsa ya hU~M phaT/ a mu kaM rak+Sha tsa ra ya hU~M phaT/ a mu kaM mA ra ya hU~M phaT/ de nas dam tshig snying po ni/oM hrIHSh+ti bi kri tA na na hU~M phaT/ sa ma ya sa ma ya/ zhes gsungs so// 'jam dpal yid bzhin nor bu gsang ba'i rgyud las/ gsang ba man ngag gi le'u ste drug pa'o//// de nas yang 'jam dpal khros pa la/sras ya ma rA dzas gsol pa/ kye ma bcom ldan khros pa'i sku// 'jam dpal don nyid bsgrub pa la// don gyis man ngag ji ltar lags// khros pa nag pos bka' stsal pa// 'jam dpal ya mAn+ta ka la// don rtags rnam pa gnyis su bstan// don ni gnas pa'i 'khor lo ste// chos nyid ngang du thag chod pa'o// rtags ni 'khor lo rnam pa gsum// ya mAn ta ka'i ngo bor gsal// de nyid bsgrub phyir dur khrod kyi// sa la 'phrin las bzhi ldan bri// sku'am gsung ste thugs rten dgod// dpal gyi mchod tshogs bsham zhing dbul// rnal 'byor phun sum tshogs bya'i phyir// 'jam dpal tshe yi bsgrub pa bya// de yi snying po 'di yin te// bzlas pa'i skyon spangs rtse gcig go/ oM a kro te ka ya mAn ka ka la rU pa A yu pha la sid d+hi hU~M dza/ dngos grub blang zhing dbang yang bskur// de nyid 'chags phyir dam tshig bsrung// lta bas chos nyid thag bcad la// phyag mi btsal sogs spyod pa bya// dben gnas 'dug pa'i ting 'dzin sbyang// ji lta ba bzhin bsgrub byas na// 'jam dpal nyid du sngon du 'gyur// de phyir mtha' drug ldan par bya// zhes gsungs so// 'jam dpal yid bzhin nor bur gsang ba'i rgyud las/ sngags kyi mtha' drug bstan pa'i le'u ste bdun pa'o//// de nas sras ya ma rA dzas gsol pa/ 'jam dpal nag po khros pa'i sku// 'phrin las rim pa bshad du gsol// de skad gsol pa gsan nas ni// 'jam dpal khros pas bka' stsal pa// 'jam dpal che ba'i yon tan du// 'phrin las rnam pa bzhi ru gsung zhi rgyas gnyis kyis gso bar bya// dbang drag gnyis kyis gsad par bya// de nas drag po mngon spyod ni// thun gyi 'phrin las nyid dang bsrung bzlog bya// de yang mar ngo dag las drag po'i dus// gzas pa'i bsod nams 'grib pa yin// dus ni rang byung lo zla yi// drag dar dus su las sbyor bya// yid bzhin nor bu las rung nas// shIn+ta ku ru'i sgra btags te// gang ltar 'dod pa zhi bar 'gyur// de bzhin rgyas sogs rim par sbyar// 'jam dpal khros pa'i nga rgyal gyis// sde brgyad la sogs thams cad kun// gdod nas dag gis bran du blta// tshil chen sha chen snying sna'i gtor ma dang// rak+ta'i mchod pa mi 'bral bya// bsnyen bsgrub rgyun 'dzab ma yengs bzlas// sngags pa mda' 'phen la sogs dus// drag po thun gyis 'phrin las bya// de dus shin tu khros pa ni// ngang ngam shugs kyis sgrub bya la// khro gtum tshub ma ldang bar bya// rnal 'byor rang gi 'khor nyid du// khro gtum ngang bzlog zhi bar bya// rnal 'byor 'dod pa'i bsam pa 'grub// ces gsungs so// 'jam dpal yid bzhin nor bu'i rgyud las/ 'phrin las drod tshad nyams kyi le'u ste brgyad pa'o//// de nas bcom ldan 'das khros pa la/ gsang bdag dang sras la sogs pa'i 'khor gyis bstod pa ni/ yab cig lha yi rgyal po 'jam dpal gshed// 'jam dpal sku yi cha lugs 'jigs par ston// shin tu brjid cing gtum rngam drag shul can// thams cad 'dul mdzad khros pa'i sku la bstod// ces bstod par gyur to// 'jam dpal khros pa'i rgyud yid bzhin nor bu las/ 'khor gyis bstod pa'i le'u ste dgu pa'o//// de nas bcom ldan 'das 'jam dpal khros pas bka' stsal pa/ kye ma 'dus pa'i 'khor rnams kun// 'jam dpal rgyud rgyal mang bshad kyang// rgyud nyid kun gyi rtsa ba ste// yid bzhin nor bu lta bur bzung// zhes bka' stsal pa dang/ 'khor thams cad yi rang bar gyur to// 'jam dpal yid bzhin nor bu'i rgyud las// rgyud yongs su gzung ba'i le'u ste bcu pa'o//// 'jam dpal le'u khri drug stong pa 'jam dpal gyis gsungs pa las/ bsnyen pa las sbyar thun du bsgrub pa'i rgyud yid bzhin nor bu zhes bya ba rdzogs so//// slob dpon ba su d+hA ra dang/ rdo rje yang dbang gter gyis 'od ma tshal du bsgyur bar byas pa las bsgyur du ma btub nas/dur khrod nas ro blangs te tshogs mchod byas nas bsgyur ro// phyi rabs pas gar thod thod mang du spel na mkha' 'gro dngos su yod pa'o// rgya rgya rgya//// rgya gar skad du/

CLOSE WINDOW