CLOSE WINDOW

Gpb043.005
བོད་ཡིག

e man tra sarba tsi na tsakra rbad ma tan+t+ra nA ma tha/ bod skad du/ drag sngags thams cad 'dus pa'i 'khor lo drag sngags gcod pa'i rgyud ces bya ba/ bcom ldan 'das drag po 'jigs byed kyi rgyal po la phyag 'tshal lo// 'di skad bdag gis thos pa'i dus gcig na/ bcom ldan 'das 'jigs byed chen po gzir cing gnod byed kyi rgyal po/ dur khrod chen po'i gnas shin tu 'jigs shing skyi bung ba la yang ba'i gnas na/'khor nyid las mi zhan pa'i khro bo khro mo dang/ gzhan yang phyag na rdo rje la sogs pa byang chub sems dpa' rnams dang// dregs pa can gyi tshogs bdud dang/ smu dang/ rgyal po dang/ btsan dang/ mgon po dang/ gza' dang/ rdo rje legs pa dang/ klu la sogs pa dang/ gzhan yang ma mo'i tshogs mang po dang// bdud mo dang/ srin mo dang/ thams cad 'dus nas gnas so// de'i tshe bcom ldan 'das 'jigs byed chen po des dregs pa thams cad drag pos gzir cing yongs su gcod pa zhes bya ba'i ting nge 'dzin la bzhugs so// ting nge 'dzin de yi mthus sa gzhi thams cad rab tu g.yos so// lo ka thams cad rab tu g.yos pa dang/'gul ba dang/ rab tu 'gul ba dang/ ldeg pa dang/ rab tu ldeg pa dang/ 'od dang sgra la sogs pa sna tshogs byung ngo// de'i tshe phyag na rdo rje la sogs pa nyid las mi gzhan pa'i 'khor rnams kyis/dpal 'jigs byed chen po dang thabs shes rab gnyis med pa'i ngang las bzhengs nas drag po sngags thams cad kyi sbyor bas/ lha dang dregs pa can thams cad gzir bar byed pa/'phrog par byed pa dang/ gcod par byed pa dang/ 'jigs par byed pa'i gdon rnams dang// yang dag pa'i thugs las 'thon nas 'khor rnams la bka' stsol bar yongs su rtogs nas/ 'jigs pa med pa yongs su lhan ner gnas so// 'jig rten gyi dregs pa pho mo rnams 'jigs pa med par brgyal bar gyur to// de nas b+ha ga ban thugs zhi ba'i ngang las thugs rje chen pos 'khor rnams snod du rung bar bya ba'i phyir byin gyis brlabs nas/brgyal ba rnams slar dran pa rnyed nas bde bar gnas par mdzad do// de nas phyag na rdo rje la sogs pa nyid las mi gzhan pa'i 'khor rnams kyis rang rang gi gdan las bzhengs nas/mkhyen bzhin du b+ha ga ban la mgrin gcig tu 'di skad ces gsol to// b+ha ga ban 'jigs byed chen pos lo kar sa g.yo ba dang/ 'gul ldeg dang 'od dang sgra dang drag po 'di 'byung ba 'di ci'i rkyen lags zhes zhus pas// de nas b+ha ga ban gyis thabs shes rab gnyis med pa'i ngang las bzhengs nas/ phyag na rdo rje la sogs pa'i 'khor rnams la 'di skad ces bka' stsal to// rigs kyi gtso bo la sogs pa'i 'dus pa'i 'khor khyed nyon cig/yang dag nyid du ngas bshad kyis// lnga brgya dus kyi snyigs ma la// zas ngan lci ba za ba dang// gos ngan re ba gon pa dang// dge sdig 'chol par spyod pa dang// mtshon gyi bskal pa dar ba dang// nad kyi bskal pa byung dus su// rnal 'byor grong bsnyen dar ba'i dus// snang srid lha 'dre thams cad 'bod// lha 'dre dregs pa rtsal 'gran dus// sbyor ba nang 'thab rig sngags 'gran// lha 'dre 'khrug cing srungs ma ldog/ bkra mi shis pa 'byung 'gyur te// bsnyen bsgrub las sbyor snal thang la// nus pa 'byung ba'i long med pas// dkar po yongs su brgyangs pa dang// nag po nyal thag bcad pa'i phyir// ma 'ongs skal ldan don ched du// sngags kyi sbyor ba'i man ngag rnams// nga nyid gsung ba'i rtags yin no// zhes gsungs so// de'i tshe dreg pa pho mo rnams rang dbang med par 'jigs pas// b+ha ga ban la gsol pa/ bdag cag snying gi dkyil dag na// rang rang gsod pa'i sngags dang brdeg/ gzhan dag gsod pa'i sngags dang brdeg/ de dag ston pas bka' stsal 'tshal// zhes zhus so// drag sngags gcod pa'i rgyud las/ gleng gzhi'i le'u ste dang po'o//// de nas bcom ldan 'das la 'di skad ces gsol to// ma lus kun gyi sngon du ni// bsnyen pa tshad du bskyal nas kyang// bsnyen nas nye bar mi 'gyur zhing// bsgrubs kyang gang yang mi 'grub na// sangs rgyas bstan pa bsrung ba'i phyir// rnal 'byor ji lta bu yis 'grub// gnas kyi mtshan nyid ji lta bu// khyad par rdzas ni ji lta bu// dus kyi khyad par ji ltar lags// ting 'dzin rim pa ji ltar lags// srog dang mtshon cha la sogs pa'i// mgo dang lus dang rkang dang ni// dmag dang go dang mtshon dang ni// ngar dang gri dang tsha la yi// man ngag so so ji lta bu// sngags kyi byung tshul ji ltar lags// sngags kyi sbyor ba gang zhig lags// sangs rgyas bstan pa gang gis bsrung// sbyor ba'i dbye ba ji ltar lags// smod mo rnam pa du zhig mchis// drag sngags rig sngags ji ltar lags// bcad thabs rnam pa du zhig mchis// bcad pa'i nus pa gang dang ldan// ma bcad rkyen ni ji ltar lags// sngags kyi bzlas lugs ji ltar lags// bzlas pa'i tshad ni gang gis 'grub// sngags kyi tsakra ji ltar bskor// 'khor lo'i dbye ba ji ltar lags// mtshan ma'i rtags ni ji ltar 'byung// rang gi lha sngags log na ji ltar bgyi// gzhan gyi rig sngags mtshon zugs ji ltar bshig/bdag gis ma 'tshal bshad du gsol// drag sngags gcod pa'i rgyud las zhus pa'i le'u ste gnyis pa'o//// de nas bcom ldan 'das dpal chen pos de skad gsol bar gnang nas kyang// 'khor gyi tshogs la bka' stsal pa// nyon cig rigs kyi gtso bo khyed// ma 'ongs skal ldan don ched du// sngags kyi man ngag bshad par bya// lnga brgya dus kyi tha ma la// drag sngags gcod pa'i tsakra 'di// kun gyi bya ba thun mong min// 'di nyid bsgrub pa'i rnal 'byor 'di// gsang sngags snod du rung ba dang// tshe rabs gong nas sbyangs pa yi// las dang thugs rje ldan pa'i mis// dad pa che zhing shes rab rno// zhen chags chung la ser sna med// brtson 'grus che la dam tshig srung// bla ma bkur cing mnyes pa 'bul// thob pa che la man ngag ldan// sngags kyi don la ma rmongs mkhas// da lta'i gang zag dag gis bya// de lta bu yi dam pa des// chos dang mthun pa'i gnas btsal te// brag dkar rdo rje gdengs pa dang// rin chen spungs pa 'dra ba dang// gser gyi mchod rten 'dra ba dang// glang chen seng ge sgrigs 'dra dang// rtsi shing nags tshal yod pa dang// gnam ni tsakra 'dra ba dang// sa ni pad+ma'i dbyibs su gnas// de dag gnas kyi mtshan nyid ni// bkra shis yid 'ong gnas su gsungs// yang na 'di 'dra'i gnas su bsgrubs// brag ni dmar nag sna ngo skya// lung gsum mdo dang ri gsum rtse// dgung rde mi ro spungs pa 'dra// dur khrod gnas dang shing gcig tu// gnod sbyin gdon gyi gnas su bsgrub// yang na rang nyid gnas pa yi// nyal sa dben pa'i gnas su bya// khyad par rdzas kyi rim pa ni// drag po e yi dkyil 'khor bri// phud dang bdud rtsi rak+ta dang// sman gtor dang ni dug gtor dang// zhing gi bla ri la sogs pa// dug khrag dang ni thig le dang// lcags phye zangs phye rdo phye dang// nyungs kar nyungs nag thun gyi rdzas// gang 'gugs pa yi rten bcas la// thod pa ling ga la sogs pa// khyad par rdzas kyi rim pa'o// khyad par dus kyi rim pa ni// dus kyi snyigs ma shar tsam na// rnal 'byor grong bsnyen byed pa'i tshe// bsnyen bsgrub las sbyor gang byas kyang// 'dod pa'i rtags kun med pa ru// rang gi lha dang rig sngags log/de dus sngags kyi sbyor ba bya// gzhan gyi rig sngags zug gyur na// mtshan ma'i rtags kun ngan gyur ma// de tshe sngags kyi sbyor ba bya// dus min pa ru bya ba min// dus min pa ru byas na ni// rnam smin 'bras bu rang la 'byung// zhes gsungs so// drag sngags gcod pa'i rgyud las/ khyad par sngon 'gro le'u ste gsum pa'o//// de nas yang dag bshad bya ba// ting nge 'dzin gyi rim pa ni// bsrung ba'i tsakrar bsam byas la// bsod nam tshogs ni rnyed pa dang// ye shes chogs ni bsags pa'i thabs// ting nge 'dzin gyi bya ba'o// ye shes bka' yi 'khor lo la// gang mos pa la bsnyen pa bya// mi rtog stong pa'i ngang las ni// ting 'dzin gsum po bsgom pa dang// 'byung ba rim brtsegs bskyed pa dang// gzhal yas gdan gyi rim pa dang// rang gi sa bon yig 'bru las// bskyed pa'i sngags kyi lha bsgom dang// dbang bskur byin gyis brlab pa dang// spyan drangs bzhugs su gsol ba dang// mchod dang bstod pa'i rim pa kun// ting nge 'dzin gyis bya ba'o// khyad par rang gi lha bsgoms nas// rang gi sngags ni bzlas par bya// bsod nams tshogs ni rgya cher bsag/ cis kyang 'grub par ma gyur na// sngon bzhin lan gsum bar du bskyar// de ni ting nge 'dzin gyi rim pa 'o// bsnyen dang bsgrub pa las la sbyar la sogs pa'i man ngag ni// mgo bo lus dang rkang par ni// dmag dang go dang mtshon dang ni// ngar dang gri dang tsha la dang// sbyor ba 'di bzhin ldan gyur na// bsnyen na rang dbang med par nye// bsgrubs na rang dbang med par 'grub// sbyor na rang dang med par 'byor// bsnyen bsgrub las la sbyar ba ni// nang ngam phyi ru 'gro ba na// rnal 'byor kun gyi bya ba yin// dmag dang go dang mtshon cha ni// gtso sngags gying sngags dmag yin te// de yi mtshon sngags ma lus gos yin no// gcod pa'i yi ge mtshon cha'o// ngar dang gri yi mtshan nyid ni// mgo la ngar te mjug tu gri// lo ka'i sngags ni ngar yin te// de yi mtshon cha'i sngags ni gri yin no// gzas pa pho mo'i srog ni tshal la yin// mi chod gcod pa'i sngags ni ngar yin te// chod par byed pa'i sngags ni gri yin no// bsnyen bsgrub las sbyor rnal thang gis// man ngag 'di bzhin shes par bya// des kyang grub par ma gyur na// sa ma ya rtags 'bum tsho gcig/ de yis myur du mtshan ma ston// zhes gsungs so// drag sngags gcod pa'i rgyud las/ ting nge 'dzin gyi bsnyen bsgrubs rnal thang le'u ste bzhi pa'o//// de nas yang dag bshad bya ba// drag sngags rig sngags mtshan nyid ni// bsnyen sngags gang yang rung ba rnams// hU~M gis drangs nas drag sngags yin// bsgrub pa yin ni drag dang// las sbyor gyi ni drag sngags rnams// drag sngags don ni 'di ru bcad// gang yang rung ba'i drag sngags la// u ni gnyis dang ldan pa ni// e hur thums tsa tsa sogs// bu rn-i dza dang tsit+ta kha raka dza// snying khrag dbrog pa'i drag sngags yin// badzra tra tha nA sha ya// drag tu brdeg pa thub pa'i drag sngags yin// myags dang thum ril rbad ces pa// gzir ba dag gi drag sngags yin// mA ra ya daM ma ra na// 'di gnyis gsod pa'i drag sngags yin// tha ma rbad dang 'brel ba yi// gzir zhing gcod pa'i drag sngags yin// A kar+Sha ya hU~M phaT ni// gsod dang brlag pa'i drag sngags yin// sngags kyi sgra ni man+t+ra te// skyobs pa yod cing byin brlabs 'byung ba'o// sngags kyi sgra 'gyur bshad pa ni// mo sngags mtha' la b+h+yo 'byung ba// zhi ba nyid du rbad pa'i sgra// dza byung ba ni bod pa'o// hri hri drag tu bod pa'o// baM rak+Sha rdzas la bod pa'o// hU~M dang dza la brtags pa ni// thugs rje dbang gis bod pa'o// b+h+yo dang dza dang hring dang ni// tsa tsa la sogs sngags rnams ni// bde bar 'gro ba'i sngags sgra yin// gsod pa'i sngags ni mA ra ya// gzir ba'i sngags ni myags thum ril// dgug pa'i sngags ni aM gu sha/ gnad la dbab pa'i sngags ni thun ya ste// thub pa'i sngags kyi sgra ni nA sha ya// bsrung ba'i sngags kyi sgra ni// rak+Sha karma kar+yaM yin// de ba b+hang na lha yi sgra// nr-i yaM byung na dgra ming ste// tr-i yaM byung na bgegs la'o// myags dang myogs dang thum ril ni// thun gyi sngags kyi sgra yin no// sngags kyi yig 'bru'i sna rnams ni// mkhas pas yang dag shes par bya// drag sngags gcod pa'i rgyud las// sngags kyi sgra 'gyur bshad pa'i le'u ste lnga pa'o//// de nas yang dag bshad bya ba// srog gi snying po sprul lta bur gnas pa ste// de la sngags kyi 'byung 'jug ni// yas mar bzlog nas 'khyil ba ni// dbus nas mtha' ru 'jug pa'o// sngags ni srog gi snying po ste// srog med 'chi la snying med dran pa nyams// srog snying zhes su bshad pa yin// tsit+ta rin po che yi dkyil// nyi zla ga 'u kha sbyar nang// dwangs ma lnga yi ngo bo can// kha dog nges pa med pa cig/ yi ge'i gzugs su rang grub nas// rjes mthun yi ge ming du gdags// de ni gnas pa'i srog ces bya// gnas srog snying pos bskor ba ni// rang dbang med pa'i srog ces bya// 'khrul pa'i gzugs su snang ba de// phan dang gnod pa ngos 'dzin pas// mi 'gyur ba yi srog ces bya// mi 'gyur ba yi srog la bzhi// lha ru mi 'gyur hU~M dang de ba yin// 'dre ni mi 'gyur yig 'bru tri// bsrung bya mi 'gyur yig 'bru maM// dgra la mi 'gyur sha tro te// bzlas pa'i sngags kyis mtha' bskor bas// snying po zhes su bshad pa yin// de la sngags kyi byung 'jug ni// ye shes lha yi bsnyen sngags dang// lo ka las mkhan srog snying rnams// drag las gang byed las kyis so// mkhas pas sdeb pa shes par bya// mgo med mgo bo brtags pa dang// mgo can mgo bo bcad pa dang// long ba rgyab sbrel btang ba dang// 'dug sa gong 'og sbo ba dang// rang gi dug skyon dbyung ba dang// rang sngags zhen nas blang ba dang// nyin nub gnyis su dbye ba dang// mang po gcig tu sbam pa dang// me chu 'gal ba bsog pa dang// mtha' rten yi ge brtags pa dang// 'di dag rnam pa gnyis yin te// rang gi bsrung ma log pa dang// gzhan gyi srungs ma zug pa'o// rang gi bsrung ma log gyur na// dam brdar yi ge gzhug par bya// lha sngags rang chas sbyor ba ni// ming gi yi ge dang po la// trig nan btags te las la sbyar// rang sbyin drag pos sbyar ba'o// rang dbang med par gsod pa yi// mgo dang mjug ni rnal thang la// lus kyi go rims bzlog cing las sbyar ba ni// srid pa'i phred nyal dam tshig rjes dran yin// rnam smin 'bras bu yongs su rtogs nas ni// gang la sbyar ba'i nus pa ma lus 'don bar byed// gsang ba spogs pa'i cho ga ni// shi sas mtha' ru 'gro ba ni// yi ge 'bru log las la sbyar byas na// dregs pa pho mo gnad la 'bebs byed cing// phyag rdor mthu yang rang dbang med par 'phrog/ las rnams thams cad myur du 'grub par byed// oM badzra shrI he ru ka hU~M phaT/ oM trig nan badzra shrI he ru ka trig nan hU~M phaT// oM shro te badzra ru he hU~M phaT/ phaT hU~M ka ru he shri badzra oM/ 'gyur ba las kyi lha la de bzhin shes par bya'o// 'jig rten dregs pa thams cad kyi srog la yang ni 'di bzhin shes par bya'o// de drag sngags sbyor ba 'di// dus min pa ru bya ba min// dus min pa ru byas gyur na// rnam smin 'bras bu rang la 'byung// dus la bab nas byas gyur na// sgra mi snyan gyi mi rnams kyang// dus min pa ru 'chi bar 'gyur// lus 'phags po yi mi rnams kyang// lus po tshad bas chung bar 'gyur// ba lang spyod kyi mi rnams kyang// longs spyod sngon pas chung bar 'gyur// 'dzam bu gling la lta ci smos// 'di 'dra'i drag sngags mi bzad pa// thams cad rdugs pa'i las yin pas// dus ma yin par sbyar byas na// rnam smin 'bras bu rang la 'byung// yig 'bru sngags dang spel bar bya// log non dang ni dril thems dang// ar la gtad pa gnad la dbab// shi sa dang ni gso ba rnams// 'byung 'jug mkhas pas shes par bya// rang bzhin gzhan gyi sdebs pa yis// rgyal lam gnod pa byung ba na// sngon la ye shes lha bskyed la// rtsa sngags mi shigs rka bas brgyan// dbu ru rab 'byung mi shigs dmag/ rang lus bsrung zhing bzlog pa ni// sngags dang rdzas dang ting 'dzin gyis// byas pa bshig cing zug pa dbyung// gsang lam dgag cing mkha' 'gro gzan la dbab// bzlog dang dkrug dang gtor ba yis// rang gshed rang la dbab par bya// de dag sngags kyi 'byung 'dzud do// drag sngags gcod pa'i rgyud las// srog gi snying po'i gnas lugs dang srog snying dbye ba'i sngags kyi le'u ste drug pa'o//// de nas yang dag bshad bya ba// sngags kyi sbyor ba 'di lta ste// rang bzhin drag po btsan thabs kyis// dregs pa can la dbab pa dang// spu gri me dpung sbyor ba yis// dregs pa brlag par bya ba dang// sngags kyi sbyor ba rnam brgyad kyis// yi dam lha la dbab pa dang// dgra bgegs gnyis la dbab pa'o// dang po yi dam lha la dbab pa ni// dang por rang bzhin dag tu bya// de yis 'thems par ma gyur na// drag po dag tu bya ba yin// de bzhin gzhan ma rim gyis sbyar// mgo rtsa log na rnam smin 'byung// de nas yang dag bshad bya ba// bsnyen bsgrub tshad dang ldan nas kyang// mtshan ma ston par ma gyur na// rang sngags bzlog pa'i man ngag ni// phyag rdor nyid kyang 'jig par 'gyur// gzhan ma ma lus smos ci dgos// las la sbyar na 'bras bu rang dbang med par 'grub// 'jig rten pa dang 'jig rten 'das pa yi// bsnyen bsgrub mi 'grub dbang med phyir// sngags kyi smod pa'i sdebs rnams kyis// myur du 'grub par the tshom med// drag sngags gcod pa'i rgyud las/ badzra he ru ka'i sbyor ba'i le'u ste bdun pa'o//// de nas yang dag bshad bya ba// gshin rje gshed kyi sngags sbyor ni// de ltar yang dag shes par bya// bsnyen bsgrub las sbyor gsang sngags la// rang bzhin drag po btsan thabs rnams// nus pa'i tshod dang sbyar ba dang// dug dang ser 'jug dug dbyung rnams// de bzhin yang dag shes par bya// rang bzhin drag po gnyis ka la// dkrugs la bzlog thabs rnam pa gnyis// 'bru yi dkrug bzlog bstan pa ni// sde yi dkrug bzlog bstan pa'o// de la 'bru yi dkrug bzlog bstan pa ni// grong khyer stod nas dkrugs pa dang// grong khyer smad nas dkrugs pa dang// de rnams rnal thang sngags dang gsum// 'bru bzlog btsan thabs sngags dang bzhi// mkhas pas sbag ma rkyang par dbye ba'o// de ltar sngags rkang brgyad du shes par bya'o// rnal thang bzhi yi ngos bzung ba// rnal thang bzhi la drag po bzhi// de yi bye brag 'di lta ste// oM a kro te ka ya man+ta ha na ma tha b+hany+dza hU~M phaT/ de ni rnal thang zu lu yin// mas bzlog btsan thabs 'di lta ste// oM hU~M dza ban tha ma na ha ka ta man ya ka te kro a phaT/ grong khyer stod nas dkrugs pa ni// stod nas yig 'bru gong 'og spo// oM a kro te ka ya man+ta ka ha nas ma tha b+hany+dza hU~M phaT/grong khyer smad nas dkrug pa ni// sngags de mas yar bzlog pa ste// oM hU~M b+hany+dza ma tha ha na ta ka ya man+te ka a kro hU~M phaT/ de ni rnal thang dkrugs bzlog bzhi'o// drag po'i las la'ang dkrugs bzlog bzhi'o// de yis ngos bzung bstan pa ni// rnal thang sngags de phyed mar bcad// man ngag stod nas spel bar bya ste// oM gyi 'og ma de 'og nas// gcig por gcig zhug shes par bya// oM a ha kro na te ma ka tha ya ban ma dza ta hU~M ka phaT/ de ni dkrug pa drag po yin// drag po mas bzlog 'di ltar ro// oM AHhU~M ta dza man ban ya tha ka ma te na kro a phaT/ drag po stod nas dkrug pa ni// stod nas yig 'bru gong 'og spo// oM ha an kro ma te tha ga b+hany+dza ma hU~M ta phaT ka/ drag po smad nas dkrug pa 'di// dkrug pa'i dkrug pa yin par bshad// mas bzlog sngags ni btsan thabs te// dus su bzlas pa'i drag sngags yin// dus min pa ru bzlas pa min// 'bru yi dkrug bzlog bstan pa'o// sde yi dkrug bzlog bstan pa ni// bsnyen bsgrub las kyi sngags rnams ni// mgo mjug bzlog la bzlas pa dang// dkrug pa rnams ni shes par bya// yas mar dkrugs pas dngos grub 'byung// mas yar dkrugs pas las rnams byed// phyi ltar dkrugs pas don rnams 'grub// yang na lha 'dre so so yi// dkrug bzlog go rims 'di lta ste// gcig mgo gcig gis sbyang ba dang// dbus ni rang sar gzhag par bya// lus kyi go rim zlog pa nas// yig 'bru lhag ma mtha' ru dbyung// gnyis sdebs dag kyang shes par bya// mtha' yi sngags ni rang sar bzhag/'di ni sde yi dkrug bzlog bstan pa'o// rang gi sngags ma lus pa dkrug bzlog bya// phas kyi sngags la mgo mjug kun// dkrug zlog so sor shes par bya// phas kyi bsnyen bsgrub la sngags la// phyed mar gtub dang dum bur gtub// de yi bar du srog snying ming rus gzhug/ gzir dang mnan dang myos su gzhug/ rang gi las sngags mtshon chas brdeg/ yang na sngags rkang brgyad pa brdeg/ gang 'dod sngags kyi so rnams brdeg/thun dang zor sreg mnan pa bya// de dag man ngag mdo bsdus pa// ring na drag po btsan thabs dang// rkang 'then dang ni nor bu lugs// duM duM khrigs su bzlas par bya// drag sngags gcod pa'i rgyud las/

CLOSE WINDOW