CLOSE WINDOW

Gpb042.007
བོད་ཡིག

/// gshin rje char ka nag po sha po ru 'dzings kyi rgyud ces bya ba rdzogs so//// rgya gar skad du/ sarba b+h+yid d+ha ra dz+wa la ma hA rA dza tan+t+ra/ bod skad du/ rgyud kyi rgyal po chen po thams cad 'joms byed 'bar ba/bcom ldan 'das dpal mi pham he ru ka la phyag 'tshal lo// 'di skad bdag gis thod pa'i dus gcig na/ bcom ldan 'das dpal khrag 'thung thams cad kyi sku dang/ gsung dang/ thugs kyi bdag nyid dpal chen po sku brjid pa'i stobs dang ldan pa/ gzhan 'jigs pa'i gzugs 'joms pa/ gsung drag po'i mdangs ngar gyis/ gzhan gdug pa'i tshogs 'joms shing/sgra skad sna tshogs du ma gsung ba/ thugs mnyam pa ye shes kyis/ dran rtog phyin ci log thams cad dbyings rnam par dag pa'i ngang du sdud pa'i bdag nyid can de/ gsang ba'i gnas khams gsum yum mchog ma'i b+ha ga'i sku gsung thugs kyi bdag nyid can/nyon mongs pa'i dri mas ma gos pa'i ma chags pad+mas mtshan cing yum bzhi'i b+ha ga'i 'phrin las bzhi'i dkyil 'khor/ sku ye shes grub par byed pa'i yi ge'i 'phro 'du las grub pa'i gzhal yas khang/ye shes rang bzhin phyi nang kun tu gsal ba'i bdag nyid can dbus 'bar ba'i rtsibs bzhi pa/ rgyan rnam pa sna tshogs pa du mas spras shing brgyan pa/ sgo bzhi na 'bar ba'i rgyal mtshan rnam pa bzhi las rgyal ba'i rtags btsugs pa/ nyon mongs pa'i dri mas ma gos pa'i steng/ thabs dang shes rab gsal ba'i gnas na sku rab tu brjid cing 'bar ba'i cha lugs su bzhugs so// de'i tshe 'khor der 'dus pa'i gtso mo ni sems can thams cad yang dag pa'i ngang du sdud cing chos nyid kyi sgra sgrogs pa'i stag srin mo dang/ ma rig pa'i mun pa sel cing ye shes kyi snang ba ston pa'i bam srin mo dang/sems can thams cad kyi kun rtog gi las dang/ nyon mongs thams cad 'joms pa'i rkong srin mo dang/ sems can thams cad la chos nyid kyi ngo bo yang dag pa ston par byed pa'i 'brog srin mo dang/gzhan yang de dag ngang tshul 'thun pa'i ma mo/ ha ha hi hi'i sgra sgrogs shing sha khrag la rol cing spyod pa mang po dang/ gzhan yang de dag gi 'khor na mche ba can gyi tshogs stag dang/ dom dang/dreg dang/ seng ge dang/ gzig dang/ spyang khu dang/ wa dang/ zer mo la sogs te/ bags 'dral zhing sha zab mang po dang/ gzhan yang gshog pa can gyi tshogs snying dang rgyu ma 'dren cing za ba/ nang grol thams cad za bar byed pa/khra dang/ bya rgod dang/ 'ug pa dang/ srin bya dang/ wa dang/ skye ga dang/ bung ba dang/ kang ka la sogs pa mang po dang thabs cig tu bzhugs so// de'i tshe lha mo rdo rje bya ba mo ni bcom ldan 'das kyi spyan snga na rgyan pa sna tshogs pas mdzes shing mig zim pa'i tshul gyis nyi ma'i gdan la spogs pa can du gnas so// de nas bcom ldan 'das dpal mi pham he ru kas lha mo rdo rje bya ba mo gzigs te/nyid kyi sku gsung thugs rdo rje las 'di gsungs so// e ma ho/ dbyings nyid rnam dag rang bzhin las// sku gsum ye shes yon tan ni// 'gro rnams kun la so so'i snang// de nyid don dam bden pa'i dbyings// zhes gsungs so// de bzhin nyid la dmigs te cang mi gsung bar bzhugs so// rgyud kyi rgyal po chen po 'joms byed 'bar ba las/ gleng gzhi'i le'u ste dang po'o//// de nas lha mo rdo rje bya ba mos bcom ldan 'das la mchod pa'i bye brag mang pos mchod de/lus ngag yid gsum gyis phyag btsal nas 'di skad ces gsol to// e ma ho bcom ldan bde ba che// 'gro rnams kun gyi don gyi phyir// sngon gyi thugs rje chen po yis// thams cad kun la khyab par mdzod// ces gsol pas/ bcom ldan 'das thugs rjes g.yo ba zhes bya ba'i ting nge 'dzin la zhugs te/ 'di skad ces bka' stsal to// e ma ho/ nga ni thugs rje'i rang bzhin gyis// zag med sku yi rang bzhin gyis// sems can kun la khyab pa ni// nam mkha'i mtha' yis sgrun du med// ces gsungs so// de nas yang lha mo bya ba mos// zag med thugs rje'i ngo bo las// brjid pa'i sku mchog bstan du gsol// de nas bcom ldan 'das kyis sku mi zad par snang ba zhes bya ba'i ting nge 'dzin la zhugs te/ 'di skad ces gsungs so// e ma ho/nga ni ma bcos dbyings nyid las// sngon gyi smon lam thugs rjes skul// so sor snang ba'i ngo bo las// mdzes pa'i sku mchog bstan pa yin// zhes gsungs so// de nas bcom ldan 'das yum mchog snang ba zhes bya ba'i ting nge 'dzin la snyoms par zhugs te 'di skad ces gsungs so// e ma ho/ khams gsum yum mchog b+ha gar bdal// 'phrin las bzhi yi dkyil 'khor mchog/ 'khor lo rtsibs bzhi mu khyud bcas// ye shes phyogs bzhi sgo khyud ldan// sgo khang khyams dang rta bab dang// ka gdung dral drab kar khung dang// bla ri 'phan dang za ra tshags// ldang lding har hur 'phreng ba dang// rgyal mtshan 'dod yon ka ra se// ye shes lnga yi 'od zer ni// 'bar dang 'phro dang 'du ba'o// zhes gsungs so// rgyud kyi rgyal po chen po thams cad 'joms byed 'bar ba las/ gleng bslang ba'i le'u ste gnyis pa'o//// de nas yang lha mo rdo rje bya ba mos 'di skad ces gsol to// kye kye bcom ldan thugs rje'i bdag/ don dam dbyings la gnas pa yi// 'gro ba kun la brtse dgongs pa// mgon po khyod la bdag zhu 'tshal// bsnyen bsgrub las kyi dngos grub mchog/thob gzhi rkyen 'gyur bdag la gsungs// de skad gsol pas bcom ldan 'das// mi pham rgyal po he ru kas// gsung ni 'di skad bka' stsal to// bsnyen bsgrub las sgrub slob dpon ni// bla ma mnyes byas dbang mchog thob// thos mang bka' la thogs med dang// dpa' brtan rtogs med stobs dang ldan// brtson 'grus ldan zhing snying rje che// dgon par dga' zhing g.yeng ba spong// gzhan la byams par spyod pa las// blang dor med pa'i rnal 'byor pas// mtshan ldan bkra shis gnas mchog btsal// gangs dkar rtse'am brag khung nags phug gam// spang ri zlum po'i 'gul dag ni/ bsnyen cing bsgrub pa'i gnas mchog yin// dur khrod ma mo 'du ba'i gnas// brag dmar brag phug kha gnam blta// chu gling lha 'dre rgyun srang phug/ ngam grog khang stong gnod sbyin gnas// las rnams grub pas rab tu shis// de 'dra'i mtshan ldan rnyed pa dang// dad ldan bla ma la gus shing// dngos grub 'dod phyir lus srog la// phangs med sems kyis gtong ba dang// rta dang glang po 'byor ba'i yon// bla ma'i dgongs pa skong byed pa// dad ldan bu mchog de yi phyir// rdzas dang gtor ma tshig bden pas// bdag po gnyis las bslang bar bya// de nas dkyil 'khor bzang por bya// gru bzhi bar nas khrug gang tshad// gru bzhi mnyam zhing legs par bya// mtho rnams btsugs te phyi mtshams gcad// chos skyong gtor ma rgyas par btang// mtshan ldan gzungs mas bkal ba yi// thig skud skyon med gnyis kyi tshad// cho ga rnams ni rdzogs byas la// thig gdab pa yi sbyor ba bya// dkyil 'khor rab mdzes rtsibs bzhi pa// sgo dang sgo khyud bar khyams dang// rta babs ka gdug 'dod yon dang// chos kyi 'khor lo me ri dang// rdo rje'i ra ba'i cha rnams ni// ma bcad gsal bar gdab par bya// dam tshig thig dang de bzhin no// de nas tshon gyis bri ba ni// dkar ser dmar ljang kha dog lngas// shin tu mdzes shing dod par bri// de la dgod pa'i rdzas rnams ni// bzhi yi dbus su thod pa ni// bdud rtsi lnga dang sman lnga dang// rin chen lnga yis bskang la bzhag/ mtshan ldan bum pa bzhi nang du// dam rdzas nges pa'i khrag bcas gzhag/sgo bzhir rang gi phyag 'tshal dgod// zhing chen bla re yol ba dang// zhing phran 'phan dang gdugs su bya// ba su ta yi rgyan rnams dang// rak+ta'i argaM tshil chen spos// dbang po me tog zhu rkang phring// dri chab bdud rtsi rnam pa lnga// don snying sna lnga gtor ma dang// ltag sprod lnga dang rkang rkang gling bu dang// dkyil 'khor mnyes phyir bsog par bya// de nas bla ma dam pa des// dkyil 'khor nyid la 'jug par bya// rnam gsum ting 'dzin bdag gnas la// dkyil 'khor dam pa byin gyis brlabs// de dbus sngags kyi bdag po ni// zhal gsum phyag drug zhabs bzhir bgrad// dkar nag dmar nag mthing nag zhal// dgod dang gshe dang 'jigs pa ston// rdo rje kha T+wA rde'u chung g.yas// pad+ma rgyu zhags sdigs mdzub g.yon// zhing chen stag dang glang chen shun// snabs dang sham thabs ya ba kor// thod pa skam rlon 'phreng ba dang// sbrul nag stong gi lhu tshigs brgyan// g.yon na khams gsum yum mchog ma// mthing skya sngo dmar chags dang ldan// g.yas dril yab 'khyud gnyis med sku// zhing gdan me ri klong na bzhugs// de yi thugs kyi snying po ni// bskyed dang bzlas pa gnyis ka'o// oM shrI he ru ka ma hA kro d+hi shwa ris ma ya ru lu ru lu hU~M phaT/ shar phyogs 'khor lo'i rtsibs stengs su// ma las ra ka me zhes brjod pas// khram kha stong gi dbang mo che// shar gyi stag srin zor ba gdong// sku mdog dkar nag 'bar ba la// g.yas na rdo rje zor ba thogs// g.yon pa dug khrag smug po'i tshul// sna nas 'brug gi sgra sgrogs pa'o// lho yi 'khor lo'i rtsibs stengs su// ra las ru ru zhes brjod pas// ri rab gling bzhi dbang mo che// lho yi baM srin dred mo'i gdong// ser nag 'bar ba'i sku mdog la// g.yas na rin chen zor ba thogs// g.yon na dung khrag bgrad pa'i tshul// sna nas glog gi 'od 'khyud pa'o// nub kyi 'khor lo'i rtsibs stengs su// tsa las tsam mo zhes brjod pas// sa gzhi 'degs pa'i dbang mo chen// nub kyi rkang srin ba glang gdong// dmar nag 'bar ba'i sku mdog la// g.yas na pad+ma'i zor ba thogs// g.yon na dung khrag 'gying ba'i tshul// sna nas me 'od 'phro 'du 'bar ba'o// byang gi 'khor lo'i rtsibs stengs su// sha las sha ma zhes brjod pas// rgya mtsho gting gi dbang mo che// byang gi 'brog srin chu srin gdong// ljang nag 'bar ba'i sku mdog la// g.yas na rgya khram zor ba thogs// g.yon na dung khrag 'tshir ba'i tshul// sna nas bu yug 'tshub pa'o// shar sgor aM gu sha dza las// dkar mo lcags kyu bsnams pa'o// lho sgor pa sha hU~M zhes pa las// ser mo zhags pa bsnams pa'o// nub tu po ta baM zhes pa las// dmar mo lcags sgrogs bsnams pa'o// byang sgor gan d+he ho zhes pa las// ljang khu dril bu bsnams pa'o// dkyil 'khor de dag thams cad la// rang rang mgo yi sham bu dang// sbrul dang zhag gi zo ris dang// ral pa rak+ta'i thig le dang// rgyan rnams thams cad rdzogs pa'o// de la mchod bstod cho ga ni// tshogs dang bzlas pa yan chad bya'o// zhes gsungs so// rgyud kyi rgyal po chen po thams cad 'joms byed 'bar ba las/ gnas dang dkyil 'khor bstan pa'i le'u ste gsum pa'o//// de nas yang lha mo rdo rje bya ba mos/ rab tu mdzes pa'i mdangs phyung nas bltas te/ 'di skad ces gsol to// kye ma bcom ldan 'gro ba'i mgon// nyid kyis gsungs pa'i der// bsnyen bsgrub las kyi dngos grub mchog/ thob phyir dbang bskur thabs rnams kun// rdzogs par bdag la bka' drin gsungs// de skad lha mos gsol gsan nas// ma 'ongs 'gro la thugs brtse'i phyir// gsung ni 'di skad bka' stsal to// rdo rje slob dpon khyad par can// dbang thob dam tshig ldan pa des// dar sogs dur khrod chas gon la// skal dang ldan pa'i dad can de// zhing lpags g.yang gzhis dbang po bsdam// thugs kha'i yi ge 'od zer gyis// ye shes dkyil 'khor spyan drangs la// de yi snying khar bcug nas ni// bdud rtsi rnam pa lnga yi chus// mna' yi rdo rje sbyin par bya// bka' yi tshig tu 'di skad bsgo// nyon dang dad mos rigs kyi bu// dpal chen khrag 'thung he ru ka'i// ma mor bcas pa'i dkyil 'khor cig/ khyod kyi snying la zhugs 'gyur gyis// khyod kyi dbang rnams ma thob pa'i// drung du brjod par ma byed cig/ khyod kyis brjod par gyur na ni// snying la zhugs pa'i dkyil 'khor de// de nyid du na bzhud par 'gyur// oM pany+tsa a mr-i ta na rag kan hU~M/dus 'di nas bzung thams cad du// dpal chen khrag 'thung nga yin gyis// bu khyod lus ngag yid gsum gyis// nga la mnyam zhing spyas ma byed// gang zhig nga la byas pa na// khyod kyis nyon mongs ma spongs pas// dus med par ni srog zad nas// rdo rje dmyal bar 'tshod par nges// dang por slob ma dam bcas la// sems bskyed bshags dang sdom pa bzung// de nas bla ma dam pa des// dad ldan slob ma de bzung la// zhing lpags yol ba'i phyi rol nas// dbang po me tog 'thor du gzhug/ gang la de phog gzung bar bya// de nas bla ma dam pa des// bka' yi tshig tu 'di skad bsgo// sngon gyi 'tsho byed gzhon nu yis// gser sogs rin chen thur ma des// mig gi rab rib gsal ba bzhin// khyod kyi ma rig mun pa bsal// oM kro d+ha dz+nyA na tsak+ShU pra be sha phaT/ de skad brjod la gzhung bzhin dgrol// de rjes lha dang dkyil 'khor gyi// don rnams ma lus bstan par bya// de nas dad ldan bu mchog des// bla ma'i zhabs la phyag byas la// gser la sogs pa'i rin chen dang// rta dang glang po nor rnams dang// bu dang chung ma dgos pa'i tshogs// phangs med sems kyis dbul byas la// slob dpon dam pa dgongs su gsol// las rnams kun la thogs med phyir// dur khrod rdzas kyi dbang mchog rnams// di ring bdag la gnang bar zhu// de nas slob dpon dam pa des// rang bzhin dkyil 'khor spyan drangs nas// dur khrod dbang mchog rdzogs par bya// de nas dad ldan bu mchog des// khrus byas gos mdzes rgyan la bzhag/ de nas rnal 'byor ldan byas la// thog mar bum pa'i dbang bskur te// bka' yi tshig tu 'di skad bsgo// ye shes lnga ni yongs rdzogs shing// bdud rtsi rnam pa lnga bskang ba'i// nyon mongs lnga sbyong bum pa 'dis// di ring khyod la dbang bskur ro// oM badzra kro d+ha ka la k+Sha mar se a b+hi Shany+tsi hU~M/ de skad brjod la bum chu blud// bum pa'i dbang mchog thob pa'o// de nas kha T+wAM kha rtse gsum pa byin te/ bka' yi tshig tu 'di skad bsgo// 'di ni khrag 'thung thams cad kyi// sku gsung thugs kyi 'phrin las kyis// dus gsum 'joms pa'i phyag mtshan 'dis// de ring khyod la dbang bskur ro// oM badzra kha kha T+wAM ka mu tra mA ra na a b+hi Shiny+tsa hU~M/kha T+wAM phyag mtshan dbang thob pa'o// de nas thod pa'i 'phreng ba byin// bka' yi tshig tu 'di skad bsgo// 'di ni khrag 'thung thams cad kyis// gdug pa zil gyis gnon pa'i rgyan// thod pa skam rlon 'phreng ba 'dis// di ring khyod la dbang bskur ro// oM badzra ka pA la bag sha a b+hi Shiny+tsa hU~M/ mgo la bskon zhing 'phreng bar gdags// thod pa'i dbu rgyan dbang thob pa'o// de nas b+han d+ha stag sprod kyi rnga byin te/bka' yi tshig tu 'di skad bsgo// 'di ni khrag 'thung thams cad kyi// shes rab dbyings kyi sgra sgrogs pas// thams cad dbang du sdud pa'i rnga// di ring khyod la sbyin par bya// oM badzra d+harma ru ba ba ti badzra kro d+hI shwa ri a b+hi Shiny+tsa hU~M/gsang ba'i rnga'i dbang thob pa'o// de nas bla ma dang des// lag pa g.yas pa spyi bor bzhag/ 'di ni khrag 'thung thams cad kyis// ma 'ongs dus na lung bstan phyir// rdo rje khro bo che ge mo// de ring nga yis bod par bya// oM badzra kro d+ha na ma che ge mo sarba mar na a b+hi Shiny+tsa dza hU~M/ lan gsum bar du bos nas ni// rna ba g.yas par gshibs te bzlas// ming gi dbang mchog thob pa'o// de nas ral gri sbyin par bya// bka' yi tshig tu 'di skad bsgo// 'di ni khrag 'thung thams cad kyi// shes rab ral gri rang bzhin gyis// nyon mongs dra ba gcod mdzad phyir// di ring khyod la sbyin par bya'o// las kyi dbang mchog thob pa'o// de bzhin dur khrod rdzas rnams kun// thams cad bskur du rung bar bshad// snod dang ldan la dbang mchog ni// nyam nga med par sbyin par bya// deng nas brtsams te bu khyod kyis// bsnyen bsgrub las kyi rim pa rnams// nyams su blangs te bsgrub par gyis// rang gi don du ma yin pa// dkon mchog spyi che bla ma'i dgra// chos 'khor dben ris 'joms pa dang// sems can kun la 'tshe byed cing// sngags 'chang dngos grub 'phrog pa yi// bka' gcog dam dral sdig can la// gsad dang dbab pa'i las rnams kyis// snying la nad kyi bskal pa phob// zhing la lo nad ser ba phob// gsad dang dbab pa'i las rnams kun// rmongs byed sems kyis brtson par byos// des dang zhabs la phyag 'tshal te// bdag gi bsnyen bsgrub las rnams kun// dkon mchog 'joms dang bla ma'i dgra// bka' gcod dben ris rlag phyed dang// sngags 'chang nyams len kun la 'tshe// dam nyams sdig can bsgral zhing bzla// snying la mtshon gyi bskal pa dbab// lo la thog ser skyin thang dbab// bstan pa 'dzin pa'i mi rnams la// gso spyad las la 'bad par gyi// de dag bde bar gshegs pa'i bka'// bdag gis brtul zhugs spyad de bsgrub// tshogs kyi mchod pa chen po bya// gshegs bsdu mchod pa rdzogs byas la// thig dang sa tshon dbyings su bsdu// de skad bcom ldan nga nyid kyis// sems can don du bshad pa yin// zhes gsungs so// rgyud kyi rgyal po chen po thams cad 'joms byed 'bar ba las/ dbang gi le'u ste bzhi pa'o//// de nas rdo rje bya ba mos// rab tu mdzes pa'i mdangs phyung nas// phyag byas mgon la 'di skad gsol// kye ma bcom ldan thabs mkhas bdag/ bsgral zhing nyams pa'i yul phyogs 'dir// ser chen dbab na ji ltar dbab// 'bebs pa'i las mkhan gang gis bgyi// dbab pa'i las thabs du zhig mchis// bsnyen bsgrub rim pa ji ltar lags// dpa' bo chen po bka' gsal gsungs// de skad lha mos gsol gsan nas// gsung ni 'di skad bka' stsal to// nyon cig rdo rje bya ba mo// bstan la gnod ba'i zhing khams su// thog ser 'bebs par 'dod pa de// dngos po bdun ni shes byas la// rdzas la sogs pa'i rten 'brel rnams// nus pa yod phyir bsog pa dang// snying rje chen po ldan pas dbab// dbab pa'i thabs ni rnam pa gsum// phyi dang nang dang gsang ba gsum// bsnyen bsgrub las kyi rim pa yang// thams cad de bzhin shes par bya// las mkhan dbang byed gdong mo bzhi// ri rab gling bzhi dbang sgyur zhing// sha khrag bkrag mdangs srog dbugs bdag/ de dgu de yi bsnyen pa la// dkyil 'khor de'i gong du zhugs pa'i sa// snying sna bzhi dang khrag sna bzhi// gdong gcig ma yi dor ma dbang// gzhan yang snying khrag sna tshogs dang// dam rdzas bdud rtsi mchod pa la// ting 'dzin sngags dang phyag rgya'i tshig/de bkug dam tshig bstim pa la// bstod de zil mnan 'dis phyag 'tshal// nam mkha' stong pa mnga' mdzad cing// 'jig rten yongs la dbang sgyur ma// ma chen khyod la phyag 'tshal lo// gling bzhi kun la mnga' mdzad ma// kun 'byams chen mo mthu mo che// dbang sgyur nyid la phyag 'tshal lo// sa gzhi 'debs pa'i dbang mo che// snang srid kun la mnga' mdzad ma// khros pa'i yum la phyag 'tshal lo// rgya mtsho'i gting na bzhugs shing klu rnams dbang du sdud// klu srin dbang sdud sbrul gyi gdengs ka can// klu bdag nyid la phyag 'tshal lo// mchod pa'i gnas ni hU~M gis brlab// dam rdzas tshogs kyi gtor ma rnams// bdud rtsir byin brlab bsnyen pa yis// shar phyogs nam mkha'i dkyil yangs nas// shar gyi stag srin zor ba gdong// nam mkha'i dkyil nas 'brug sgrogs ma// 'dir gshegs mchod pa dam pa bzhes// lho phyogs nam mkha'i dkyil yangs nas// lho yi baM srin dred mo gdong// bar snang khams nas glong 'byin ma// 'dir gshegs mchod pa dam pa bzhes// nub phyogs nam mkha'i dkyil yangs nas// nub kyi kong srin ba glang gdong// ri rab rtse nas thog 'bebs ma// 'dir gshegs mchod pa dam pa bzhes// byang phyogs nam mkha'i dkyil yangs nas// byang gi 'brog srin chu srin gdong// rgya mtsho'i gting nas sel 'dris ma// 'dir gshegs mchod pa dam pa bzhes// de skad brjod de gtor ma de// rang rang sngags bcas sbyin par bya// nyungs kar gu gul ldan byas la// rak+mo zhes pa'i rtsa sngags bzhi// bdun 'bum bye ba sa ya'i bar// mtshan ma byung gi bar du bzlas// mtshan ma brtan par gyur pa dang// g.yon du 'brog srin chu srin gdong// sku mdog phyag mtshan gzhung bzhin bri// rdo rje khrag 'thung 'bar ba yi// dbus sam yang na sla khab pa'o// yi dags gos ni gru bzhi la// 'khor lo rtsibs bzhi mu sgo bcas// dbus su hU~M dgod thugs kyi snying// bsnyen bsgrub las kyi sngags rnams ni// 'khor lo rtsibs dang mu khyud la// dug dang sbyar ba'i khrag gis bri// seng ldeng phur pa sor brgyad la// rgya mdud steng du yi ge oM// thugs kyi snying pos bskor la bzhag/ logs la srog gi snying po bzhi// rang gi phyogs ni ma nor bri// lte bar yang snying las sngags dpal// dmigs pa'i ming dang bcas par bri// rang gi sngags la yang snying gdags// bar du ming dang bcas pa ni// gsung dang thugs kyi dkyil 'khor la// nyis 'bum du ni bzlas bya ste// de nas yang snying las sngags kyis// bar du ming dang rab sbyar la// 'bum tsho gcig ni bzlas par bya// sku yi dkyil 'khor bskul ba yin// pho nya gsum mam drug tu bskul// de nas phur pa'i gnan gzir te// mchod byed rgyal ba'i mgo la gdag/ 'khor lo nyungs kar dris byas la// bsrun pa gzhom phyir 'gram rtsar rbad// thod pa'i khrag gzer chen po de// gang yin skyed mos tshal du mnan// de yis rta gzer gnyis rdzogs pas// las rnams gong bzhin 'grub par byed// ces gsungs so// rgyud kyi rgyal po chen po thams cad 'joms byed 'bar ba las/ dbang byed gdong mo bzhi bsnyen cing bsgrubs nas ser chen dbab pa'i le'u ste lnga pa'o//// de nas rdo rje bya ba mos// 'gro ba'i mgon la 'di skad gsol// kye ma bcom ldan thugs rje'i bdag/ dbang byed gdong mo thog ser bdag/ nang du bstan pa'i ngo bo las// gang zhig bsgrub pa ji ltar bgyi// bsnyen bsgrub dkyil 'khor bdag la gsungs// de skad lha mos gsol gsan nas// gsung ni 'di skad bka' stsal to// dur khrod la sogs gnas su ni// dkyil 'khor 'dom gang gzhung bzhin brtsigs// bdud rtsi rak+tas chag chag gdab// thig dang tshon gyis bris pa ni// rtsibs bzhi sgo dang kha dog bcas// de la dgod par bya ba'i rdzas// bra nas 'bras sran 'bru rnams la// dbyibs dang kha dog so sor bya// snying sna bzhi dang khrag sna bzhi// dbye'am yang na ming bye ste// mchod pa'i rdzas ni nag po'i khrag/ ban d+ha mtshan ldan lcang lo can// rgyal po gu gul nag po dang// bdud rtsi rnam lnga'i mchod pa dang// ske kha 'ug pa srin bya khra// gshog pa dang ru gsob kyi sker// dar sna kha dog mtshon gang bzhi// bod pa'i gsang sngags bris la gdags// tsa ra mthing ka rta ru gzugs// de nas rnal 'byor dbang ldan des// dkyil 'khor nyid la 'jug par bya// dang po chos nyid rnam par dag/ gnyis pa snying rje rang bzhin la// gsum pa rgyu yi rnam pa can// rang nyid mos pa'i yi ge'o// rgyu ru gnas pa'i dus nyid na// 'od zer 'phro 'du sbyor ba yis// bsrung ba'i gnas ni byin gyis brlabs// de nas a 'phros ban d+ha yi// gzhal yas khang ni rim bzhin brtsig/de nas ra las rak+ta yis// rgya mtsho 'khrug par rab tu brtag/ de steng b+h+ruM las 'khor lo ni// phyogs bzhi kha dog rim pa dang// 'bar ba'i me dang bcas par bsam// de nang rgyu yi rnam pa las// 'od zer 'phro 'du'i rim pa yis// rang gi lha nyid gsal bar bsgom// thugs kha'i ye shes sems dpa' dang// yig 'bru sngags kyi 'phreng ba dang// 'khor lo nyi zla'i dkyil 'khor ni// gsal bar yid kyis bsam par bya// rang gi cho ga rdzogs pa dang// bstod pa gang gis lha nyid bstod// de nas bdag gi rig pa las// yi ge mar tsa sha bzhi// shar lho nub byang phyogs bzhi ru// rim pa bzhin du byung ba las// stag srin baM srin kong srin dang// 'brog srin chen mo'i gzugs rnams ni// dkar nag ser nag dmar nag dang// ljang nag chen mo mdog 'dzin cing// zor ba khrag skam lcags kyu dang// nyungs kar thog dang ser ba g.yas// pho log gzer thabs glang thabs dang// lhog pa'i nad rnams g.yon pa na// sna nas 'brug dang glog 'byung zhing// me dang lcags kyi bu yug 'tshub/ kha nas gnam lcags khrag sar dang// bse dang dung gi ser ba 'bebs// bgrad dang rgyug dang 'tshil dang 'gying// khros pa'i tshul du spyan bzlog nas// srin mo'i tshul du 'jigs pa'i gzugs// gdug pa sbrul gyis lhu tshigs brgyan// sku stod rang rang g.yang gzhis brlabs// sku smad rak+ta'i mtsho na gnas// thugs kha'i sa bon 'bru bzhi las// rang re'i sngags kyis bskor bar bya// a las gyur ba'i snod nang du// mchod pa'i rdzas ni thams cad kun// yab yum dkyil 'khor der brtags la// yig 'bru lnga yi sbyor ba yis// bdud rtsi lnga ru byin gyis brlabs// rang bzhin las kyi mnga' bdag bzhi// srin mo'i tshul du gdung ba rnams// rdo rje 'od kyis lcags kyu dang// rang rang bod pa'i sngags kyis dgug/ thogs pa med pa'i gzugs dang bcas// mdun gyi mkha' la 'ongs pa de// zhags pa'i phyag rgyas dam bcings te// rang gi sngags kyi hU~M dang bcas// brjod de nang du gzhug par bya// srog gi phyag rgyas dam bsdams te// baM bcas sngags kyis gnyis med bstim// dam tshig dril bu'i phyag rgya yis// brtan par bzhugs shig gsol ba gdab// bstod de gshog pas zil gyis mnan// phyag 'tshal ba dang mchod pa dang// bshags pa'i rim pa rdzogs pa dang// bstod de sngags kyis bzlas pa bya// mtshan ma rdzogs pa'i rjes thogs la// bsgrub pa'i las la 'jug pa ni// rabs chad nges pa'i thod pa de// slangs te bdud rtsi'i chu yis bkru// nang du khrag gi dkyil 'khor ni// sgo dang mu khyud bcas par bri// de dbus dpal chen sa bon hU~M// rtsibs bzhir ma ra tsa sha bzhi// mu khyud rtsa ba'i gsang sngags ni// dug chus bris skor yang na ras// nang du nyungs kar khrag bcas dug/ blugs nas ro ras dag gis gdab// seng ldeng phur pa legs byas la// dmigs med sku gsung thugs su brlab// logs bzhir srog snying bzhi bris la// rgya mdud gnyis la oM bzhi snying// zur logs las kyi du ru phrom// dmigs pa'i ming bcas bar du'o// tshil chen gyis byugs sum 'bum bzlas// sa yi dngos po gnyis su gzer// gcig tu ra dug sman kha rta// khyi lud dud pa yul lha'o// dur khrod ras sam g.yam pa las// 'khor lo rdo rje rgya gram bri// dur phrom bzlas pa'i kha yang bcad// ma ma badzra du taM/raka sha kro d+ha laM staM/ sngags kyis bzlas pa drag tu bya// rdo rje 'gros kyi mnan pa bya'o// de rdzogs las kyi sbyor ba bya'o// zhes gsungs so// rgyud kyi rgyal po chen po thams cad 'joms byed 'bar ba las/dbang byed gdong mo bzhi phyi ltar bsgrub ba'i le'u ste drug pa'o//// de nas rdo rje bya ba mos// rab tu dga' ba'i mdangs phyung nas// gsang ba'i bdag la 'di skad gsol// e ma bcom ldan thugs rje gtso// gong du gsungs pa'i dkyil 'khor las// khyad par gsang ba'i sgrub pa mchog/ 'gro la rtse dgongs bdag la gsungs// de nas bcom ldan gsang bdag gis// rdo rje lha mo'i tshig gsan nas// gsung ni 'di skad bka' stsal to// khyad par gsang ba'i bsgrub pa ni// tsit+ta gsang ba'i dkyil 'khor du// g.yas g.yon mdun rgyab sa gzhi la// rnam shes srog snying bzhi la 'gro bsams te// de las bskyed pa'i ma mo ni// mdun gyi rtsa la gnas pa ste// zhe sdang las grub stag gi zhal// dkar nag srin mo gtsug 'dra la// g.yas na gnam lcags gri thogs shing// g.yon pa stag gi tsit+ta za// g.yas pa'i rtsa la gnas pa ni// nga rgyal las grub dred kyi zhal// ser nag 'jigs pa'i gzugs 'dzin cing// g.yas na glog gi zhags pa thogs/ g.yon pa dom gyi tsit+ta za// rgyab kyi rtsa la gnas pa ni// 'dod chags las grub ban glang zhal// dmar nag 'gying ba'i gzugs su gnas// g.yas pa thog gi 'khor lo bsnams// g.yon pa dang gi tsit+ta za// g.yon pa'i rtsa la g.yas pa ni// phrag dog las grub chu srin zhal// ljang nag khros pa'i gzugs 'dzin cing// g.yas na ser ba'i 'phreng ba thogs// g.yon na nya yi snying za zhing// rgyan rnams gong gi tshul bzhin du// sha khrag dngas ma'i snying pos bskyed// tsit+ta dkyil 'khor rdzogs pa dang// phyogs bzhi mkha' la gnas bcas pa// chags sdang klu srin tshogs pa'i bu// 'jig rten phung byed dam can bzhi// rjes dran srog gi snying po dgu/ bod tshig gong ma las shes bya// bstim dang zil mnan phyag btsal yang// gong ma nyid las shes par bya// sna tshogs snying ngam rang gi snying// ji tsam sbyor ba'i yo byad kyis// ye shes bdud rtsir byin brlabs la// gnyis med bstim la de la sbyin// rang dbang med dgug snying po ni// tsit+ta 'am e 'dus 'dir bsngags la// bsnyen pa'i sngags te dbye bar bya// mtshan ma mthong bstan bar du bzlas// gang zhig mtshan ma mthong ba dang// sdong gcig nag mo'i snying slangs te// zhing ras kha dog bzhir bsgyur la// rjes dran srog gi snying po bzhi// rang rang khrag gis bris byas la// phyogs bzhir kha dog ma nor gdags// nang du nyungs kar nag po'i khrag/ ma mo'i sprul pa'i rang bzhin dang// gang dmigs pa yi yul der bzhugs// mchog phur gong ma bzhin du bya// gnya' gnon phur pa'i rang sngags dang/ khog par rang dbang med bsngags par// dmigs pa der bcug 'bum phrag gcig/bzlas te gdab pa gong ma la'o// de nas sngags kyi khog pa dang// mchog gis las rnams gnyis bar du// dmigs pa der bcug 'bum phrag gcig/ bzlas te gang yin gnas su gdab// 'bum phrag gcig ni gtor ma la// spro bsdu las bsngags dmigs la bzlas// gang gi gnas der 'phang bar bya// 'di la rnal 'byor bsam gtan gces// de min gzhan gyi bya ba min// zhes gsungs so// rgyud kyi rgyal po chen po thams cad 'joms byed 'bar ba las/gdong mo bzhi gsang bar bsgrub pa'i le'u ste bdun pa'o//// de nas lha mo bya ba mos// 'gro ba'i mgon la phyag byas nas// dkyil 'khor rnams kyi dam rdzas la// the tshom skyes nas 'di skad gsol// kye ma bde gshegs thams cad mkhyen// dkyil 'khor gsum du gsungs pa de'i// dam tshig rnams ni ji ltar lags// mthun pa'i dam rdzas gang gis bgyi// de skad gsol pa'i tshig gsan nas// gsung ni 'di skad bka' stsal to// klu srin tshogs pa'i phung byed bu// dbang du sdud phyir dkyil 'khor ni// phyi nang gsang bar gsungs pa de'i// dam tshig mchog rdzas shin tu gces// dang po dkyil 'khor gzhung rnams kyis// dam tshig grangs ni brjod las 'das// 'on kyang dam tshig mdo tsam bstan// sku yi dam tshig bsrung bya ba// rdo rje slob dpon 'khor bcas dang// rdo rje spun grogs 'khor bcas la// sku smad lus kyi las mi bya// rang gis dang por bcas pa yi// lha yi phyag rtag par bsgom// sems can gzugs su snang ba la// log pa'i lus kyi spyod pa yang// 'di ni sku yi dam tshig go/ de bzhin ngag gi las mi bya// bsnyen bsgrub las kyi sngags rnams ni// skabs kyi stobs kyis shes byas la// gzhan gyis mi gcad rgyun du drang// 'di ni gsung gi dam tshig go/de bzhin gong dang gong rnams la// ngan sems gnod sems bcas pa'i sems// skad cig tsam yang bya ba men// dam 'dres pa yi mi rnams la// bsgom thabs bsgrub pa'i rdzas mchog dang// man ngag sngags dang phyag rgya rnams// byin na rdo rje dmyal bar skye// srog gcod sku dang mi tshangs spyod// rdzun dang tshig rtsub 'khyal pa dang// nyon mongs lnga rnams mi spang ngo// bdud rtsi lnga rnams rab tu brten// gsum dang bco lnga nyi shu lnga// ma yengs pa yi sems kyis bsrung// de bsrungs yon tan brjod las 'das// dbab gcad las rnams gdon mi za// gzhan yang rdzas kyi dam tshig la// mthun pa'i rdzas rnams bsog pa ni// stag dom ba glang nya yi snying// khrag bcas gsang ba'i mchod pa'o// mthing nag shar phyogs mtshams kyi gdan// khrag bcas 'khor ba'i rgyu dang ldan// de bzhin de yi mdog 'dra la// lcags kyi sder mo zangs kyi mig/thong kha sham bu gser gyis brgyan/ kha nas gsod pa'i mtshon cha 'bar// tsan dan dmar po rang 'byung ba'o// mgrin rings skad rings sna tshogs mdog/ lto ba mthing gi bum pa 'dra// gtsug nas nor bu rin chen 'bar// sa 'og ga pur ldan pa ste// ha la nag po 'joms pa'o// gdong gcig ma yi rnam shes snod// de yi tsan dan rang byung ba// dbye na rang gi dam rdzas yin// nyin nyal mtshan ldang spu ru can// 'dzin shes gsod dga' sder mo can// gcig pu nyal ba'i 'o dod 'bod// phyogs shes lto bkra rnga ma ring// thams cad ldan pa'i phyi yi 'o// chu dang sa dang shing gi mi// byi lag cha shugs 'chang snying// gzhan yang snying khrag mang po dang// sha sna tshogs pa'i gtor ma sbyin// gang yin dmigs pa'i rdzas rnams ni// rang rang las kyi dus su sbyor// rnal 'byor dam tshig mi ldan zhing// mthun pa'i rjas rnams ma bsogs na// 'jigs rten dbang byed gdong mo bzhi// bos kyang 'ong bar mi 'gyur ro// de bas dam tshig la gnas bya// zhes gsungs so// rgyud kyi rgyal po chen po thams cad 'joms byed 'bar pa las/dam tshig rnam par bkod pa'i le'u ste brgyad pa'o//// de nas rdo rje bya ba mos// rab tu dga' ba'i mdangs phyung nas// gnyis med gtso la 'di skad gsol// kye ma bcom ldan lta ba'i bdag/gong gsungs pa yi rim pa rnams// spyad cing bsgrub pa ji ltar blta// gnyis med bdag pos bdag la gsungs// de skad lha mos gsungs gsan nas// gsung ni 'di skad bka' stsal to// nyon cig lha mo bde ba che// dkyil 'khor 'dir zhugs rnal 'byor pas// dang po sems kyi ngo bo nyid ni// rang bzhin gnas pa chos kyi dbyings// gnyis med bdal ba chos kyi sku// grangs su gsod pa ye shes la// chos nyid 'khor ba mya ngan 'das// mtha' bral gnyis med ye nas dag/ bde chen kun bya ba chen po ni// dpag cing gzhal du yod ma yin// de bzhin longs spyod chen po yang// me long chu zla'i ngo bo bzhin// 'brel rkyen las byung dngos med ltar// zag med las kyi rnam par bas// dngos por grub pa yod ma yin// 'di shes rnal 'byor ba yis 'grug/ gzhan yang spyod pa'i lta ba ni// spyod lam kun tu ma yengs par// bdag nyid sngags bdag he ru ka/ g.yon na khams gsum yum mchog ma// g.yas g.yon mdun rgyab phyogs bzhi ru// dbang byed las kyi gdong mo bzhi// ci bsgo ba yi las byed blta// snod kyi 'jig rten gzhal yas khang// rtsi shing nags tshal thams cad kun// dam can gnas kyi rgyan du blta// 'og g-i khrag gi rgya mtshor 'khyil// keng rus brtsig par bltams pa la// steng gi zhing chen g.yang gzhi klubs// ka gdung zhing chen dral cham zhing gis mdzes// bcud kyi 'jig rten ma mo'i 'khor// rgyan rnams thams cad rdzogs par blta// bza' btung bcas dang bgo ba dang// longs spyod tshogs rnams thams cad kun// mchod dang rten pa'i rdzas su blta// de ltar rang bzhin gnyis med las// gnyis su brtags pa'i 'khrus sems kyis// dngos por spyod la zhen pa yis// zhe sdang 'di ni gdug sems can// rang bzhin ma rtogs bstan pa bshig/gnyis med ma rtogs chos 'khor 'joms// 'di ni 'khor bar ltung bas na/ thams cad mnyam pa'i dang nyid du// bltas te gnyis med bsgral bar bya'o// de lta'i las shes sangs rgyas nyid// de med zhe sdang sbrul lta bus// drag po'i las rnams gang byas dang// rang nyid 'khor ba'i g.yang sar ltung// de bas lta ba tshogs la 'bad// ces gsungs so// rgyud kyi rgyal po chen po thams cad 'joms byed 'bar pa las/lta ba dmigs bstan pa'i le'u ste dgu pa'o//// de skad gsungs pa'i mod la ni// nam mkha' la ni sprin yang 'khrugs// sa gzhi las ni rlung yang 'tshubs// rgya mtsho las ni 'od dang 'bar// bar snang la ni sgra yang byung// bu yug ser ba'i phyogs dang 'khrugs// thog dang mtshon ni char du phab// rims dang dal gyi na bu gtibs// 'jig rten gsum ni phung la khad// de lta bu yi cho 'phrul gyis gdungs pa yis// sems can rnams kyis smre ngag 'di// kyi hud sdug bsngal 'di las ni// skyob par nus pa su zhig mchis// de la bdag cag skyabs su mchi// de skad lha mos smras thos pas// 'gro ba'i mgon la 'di skad gsol// kye ma bcom ldan thugs rje'i bdag/ khams gsum phung 'gyur cho 'phrul 'di// gdug pa'i sems can gang gis lags// sems can rnams la phan gdags phyir// 'di dag gdul ba'i 'phrin las mdzod// sems can srung pa'i 'phrin las gsungs// de skad lha mos gsol gsan nas// gsung ni 'di skad bka' stsal to// nyon cig lha mo snying rje'i bdag/'jig rten gsum ni phung byed pa// pha ni srin po zhe sdang bdag/ ma ni klu mo 'dod chags bdag/ ma mdzes yid kyi bu sring lnga// ming po khyab 'jug chen po ni// ro stod ba pha srin po 'dra// ro smad 'am klu mo 'dra// lag na chu srin zhags pa thogs// nyin zhing mtshams bzhi 'joms par byed// nub mo phyogs bzhi 'joms par byed// de yi sring mo'i chen mo ni// srid ba shar la dbang byed ma// srin mo stag srin zor pa gdong// nam mkha' dkyil nas 'brug dang sgrogs// pho log nad kyi bdag mo ni// de 'og baM srin dred mo gdong// srid pa lho la dbang byed cing// bar snang khams nas glog dang 'byed// gzer thabs nad kyi bdag mo yin// de 'og kong srin ba glang gdong// nub phyogs gling la dbang byed cing// ri rab rtse nas thog 'bebs ma// glang thabs nad kyi bdag mo yin// tha ma 'brog srin chu srin gdong// byang phyogs gling la dbang byed cing// rgya mtsho'i gting nas ser 'bebs ma// lhog pa nad kyi bdag mo yin// de rnams 'khor dang bcas pa yis// 'jig rten phung 'gyur de yi mthu// de ni nga yi 'khor yin te// bka' las 'gal byed sems can las// thams cad kun la gnod mi byed// de yang ji lta bu zhe na// 'das pa'i dus na sngon byung tshe// rgyal mo'i bu mo spun bzhi ni// dge slong skar ma'i 'od ces pa// sangs rgyas 'od zer bstan pa la// theg pa chen por sems bskyed nas// dam pa yid la byed pa las// nyes med kha na ma thos phog/ rgyal po'i chad pa byung ba las// rang gi srog gcad smon lam dag/log par btab pa'i rnam smin gyis// de ltar gdug pa'i lus su skyes// sems la zhe sdang me ltar 'bar// de dbang sngon yang 'jig rten phung// nga smon lam stobs shugs kyis// sngags dang phyag rgyas byin gyis rlabs// sngon du nga yi dbang du 'dus// bstan pa srung bar gnyer yang gtad// de tshe rang rang khas dang blang// gal te gnod par gyur rnams la// srung ba'i thabs mchog nga yis bshad// dar dkar gro ga shing shun la// gang gis khyu dang rab mnyams te// de la 'khor lo rtsibs bzhi pa// mu khyud rim pa gnyis kyis bskor// snam bu sgo dang sgo khyud dang// rgyan rnams thams cad rdzogs par bri// dbus su hU~M la sngags kyis bskor// de phyi ming po'i sngags kyis spras// rtsibs la sring mo'i srog sngags bris// sgo ru rang gis phyag rgya bzhi// grwa bzhir rdo rje rtse lnga bri// nang gi mu khyud rim pa la// ming po'i yang snying sa ha'i bar// gang zhig srungs shig sbyar la bri// phyi rim sring mo de bzhin no// de nas rnal 'byor ldan byas// dus gsum du ni legs mchog do// khri chags su ni bzlas par bya// gang zhig srung ba'i mgul du gdags// sangs rgyas khros pas 'jigs mi 'gyur// dregs pa gzhan lta smos ci dgos// thog srung ser bsrung ba ni// dkyil 'khor 'dom gang tshad du ni// dur khrod sa la gru bzhir bya// tsan dan dmar po ga bur byug/su pa ra yi thig skud kyis// dkyil 'khor gong ma bzhin du gdab// sa tshon sna lngas legs bris la// dbus su rdo rje rtsibs bzhi la// rdo rje la sogs mtshon gri bzhi// sgo ru lcags kyu zhags pa dang// lcags sgrogs dril bu'i phyag mtshan dgod// tsha go la yi bum pa ru// rin chen 'bru dang bdud rtsi sman// ka shi ka yi chus bkang la// me tog 'phreng dang ras kyis brgyan// lha yi rnal 'byor ldan pa yis// zas lnga ldan pa'i gtor ma sbyin// mchod pa'i yo byad 'byor tshad dbul// bum chus gang 'dod sa ru gtor// phyogs mtshams saM bu tis byas la// de la bum pas dbang yang bskur// sgra yi bye brag mang po bsgrags// sngags ni gong ma de bzhin te// sar pa shan ting swAhA'i mthar// 'bum phrag gsum ni so so yi// bsnyen bsgrub las su phye la bzlas// dbang bskur lngas ni skabs su 'ong// thal chen ke tshe nyungs kar la// bzlas pa rab tu bsgrims te bya// tsan dan phur pa sor bco brgyad// lnga'am dgu ni legs byas la// bzlas pa drag bzlas phyogs mtshams gdab// gcig ni gang gi dbus su'o// yungs kar la sogs re re gdags// de yis srung ste 'bab mi nus// srung ba'i mchog tu de 'gyur ro// de nas rims nad bsrung bya ba// shin tu dben pa'i sa phyogs su// bsnyen pa 'bum phrag bdun du byas// bsgrub pa'i dkyil 'khor bzang po ni// dang po'i tshad ni brgyad kyi bar// thig gdab tshon gyis bri ba ni// rtsibs bzhi sgo dang sgo khyud gsal// dbus su thod pa khrag dang bcas// shar lhor stag dred nub byang du// ban glang chu srin gzugs su dgod// thod pa khrag bkang re re bzhag/ sgo bzhir rang gi phyag mtshan dgod// yo byad ldan byas byin gyis brlab// drug khri bar du ldan byas te// shi sa ra yi dus de ru// tshogs kyi 'khor lo chen po bskor// gtor ma phul la las dang bcol// bum pas dbang bskur bgegs bskrad bya// yul gyi mtshams su seng ldeng gi/ phur pa tshon sna lnga yis bskor// gsang sngags gong ma'i tshul bzhin du// zhi bar 'gyur ba'i gsang sngags bzlas// rims nad bzlog pa'i las mchog ste// 'di ni srung ba'i mchog tu bshad// ces gsungs so// rgyud kyi rgyal po 'joms byed 'bar ba las// dbang byed ming sring gi cho 'phrul bstan pa bzlog cing bsrung ba'i le'u ste bcu pa'o//// de nas rdo rje bya ba mos// las kyi gtso la 'di skad ces gsol// kye ma bcom ldan 'phrin las bdag/ gong du gsungs pa'i dkyil 'khor gyi// ser chen dbab pa'i cho ga yi// las kyi sbyor dang ting 'dzin mchog/ 'gro la brtse dgongs dge la gsungs// de skad gsol ba'i tshig gsan nas// gsung ni 'di skad bka' stsal to// bsnyen bsgrubs rdzogs pa las bya ba// gangs chu 'tshar chu ram gyi chu// lcags phye zangs phye dug sna tshogs// las kyi rdzas rnams thams cad bsogs// rnam pa gsum mam skad cig mas// bdag nyid dbang gi rgyal por gnas// mchod bstod gong ma nyid shes bya// bzlas pa'i sngags ni bsgrub pa ya'i// ma tha brlangs te drag tu bzlas// zor dang sbyin sreg ber ga yi// las bya 'phangs pa bdun dang sbyar// gang zhig mi sring dbrog pa na// pha rgyu ma rgyu bu rgyu la// me long chu dang smyug rgod dang// rkang pa'i 'khor lo rab bsgyur la// dus tshod nges par de gzung ste// nim pa'i lo mas gnas su gzhug/ dam rdzas gtor mas gdong nas dbul// slar log las kyi sbyor ba bya// ting 'dzin bye brag bshad bya ba// dang po bsnyen pa'i ting nge 'dzin// lha yi dkyil 'khor gsal byas la// snying khar 'khor lo rtsibs bzhi bsam// dbus su thugs kyi snying po la// rtsibs bzhir ma ra rtsa sha bzhi// rang rang sngags kyis bskor bar bsam// bdag nyid snying kha'i yi ge las// 'od 'phros ma mo'i snying khar thim// sngon gyi khas blangs des dran bya// rno la myur ba'i lcags kyu yis// snying gi rtsa nas bzung nas ni// rang dbang med par de bkug ste// dam tshig ma mo la bstim la// bdud rtsi dam tshig rdo rje sbyin// sngags kyi 'od zer rab 'khor bas// phar thim bdag gi bka' nyan bsam// tshur 'dus snying khrag rab drangs pas// ma mo'i dbang dang ldan par bsam// skabs kyi 'od zer 'phro 'du yis// las kyi ma mo yang bkug bstim// de ni ting 'dzin skabs kyi'o// dang po bsnyen pa'i ting 'dzin yin// bdag nyid yid ma lha las ni// khros pas dud khar bsgyur byas la// bstod de zil gyis gnan par bya// sngags kyi 'od kyis rab bskul bas// las kyi ma mo bsam yas kyis// dmigs pa'i yul ni rab bskang ste// phyag mtshan gnam lcags zor ba yis// sngo rnams rnga zhing brdungs par bsam// bdag las sprul pa'i khro bo yis// bsrun pa'i lha ni rab gzer bas// bdag gis grogs su de gyur bsam// mtshon cha'i char ni de phab nas// sngo rnams rnga zhing brdungs par bsam// gsung gi dkyil 'khor dag 'phros te// gong ma'i stobs su gyur par bsam// bsgrub pa'i dus kyi ting 'dzin yin// de nas gong gi ting 'dzin des// skabs kyi las kyi ting 'dzin bya// bdag nyid dbang gi rgyal po yis// ma mor bcas pa'i zhabs 'og tu// dmigs pa'i yul ni rab bsams la/kha nas sprin phung dud kha yi// gseb nas thog dang ser ba dag/ dmigs pa'i sa ru rab phab pas// sngo rnams brdungs shing brlags par bsam// sngags kyi 'od zer bskul byas pas// las kyi ma mo rab khros te// dmigs pa'i yul ni rab bkang nas/ kha nas gnas lcags dug dang ni// bse dang khrag gi ser ba 'bebs// yang sprul ma mo bsam yas kyi// thams cad bsnol zhing brlag par bsam// za zhing spyod pa de bzhin no// de grub las mkhan dmigs med bya// rigs bzhi dbyings su de bzhin gshegs// dam tshig thugs khar bsdus nas ni// rang bzhin gnas pa'i don shes bya// ting 'dzin mi ldan de grub men// de bas ting 'dzin mchog la 'bad// ces gsungs so// rgyud kyi rgyal po chen po thams cad 'joms byed 'bar ba las/ las dang ting 'dzin gyi le'u ste bcu gcig pa'o//// de nas rdo rje bya ba mos// mchod pa du mas mchod byas te// thams cad gtso la 'di skad gsol// gzhung dang mthun pa'i gnas dag tu// kye ma bcom ldan thabs kyi bdag/ gong du gsungs pa'i don rnams kyi// dbab pa'i rim pa gsungs lags na// gsad pa'i las thabs bdag la gsungs// de skad gsol pas tshig gsan nas// gsung ni 'di skad bka' stsal to// gzhung dang mthun pa'i gnas dag tu// rdzas dang yo byad tshang bar bsogs// phyogs de'i gdug can ma lus la// gtor ma byin la las kyang bcol// chos skyong gtor ma gzhung bzhin btang// 'jig rten lha srin sde brgyad la// gser skyems rgyas par rab byin la// ma nyes dpang gzugs 'o dod bod// mtho gzugs phyi mtshams bcad par bya// dkyil 'khor 'dom gang gru bzhi bya// rtsibs bzhi dbus su khru gang tshad// brkos la bdud rtsi rak+tas byug/gdug pa'i rtsang ni sor brgyad la// rak+tas byugs la snying po ni// rang rang phyogs ni ma nor bri// mtshan ldan ban d+ha lcang lo can// dug dang rak+ta thun rdzas kyis// bkang la lho yi phyogs su bzhag/mon nam rabs chad thod pa ru// dri ma drug byas ling ga gzhag/ sdong cig ma yi rak+ta yis// ras sam gro ga shing shun la// ming rus bris la snying khar gzhug/ gru gsum nag po'i nang du gzhug/ skyer pa'i rtsang ni 'dom gang bzhi// khrag gis byugs la gru bzhir gzugs// shun nam mthing nag gur cig dbub// de nas rnal 'byor bdag nyid kyis// mthing nag 'bar ba'i skur bsgoms la// thugs ni tsit+ta rin chen smug/dbang du bya phyir rta mgrin bskyed// de dbus 'khor lo rtsibs bzhi la// dbus su hri yam hU~M mthing nag/ rtsibs la ma ra tsa sha bzhi// rang rang snying pos bskor bar bsams// ma mo'i dkyil 'khor gong bzhin bskyed// mchod dang dgug bstod gong bzhin no// pho nya bskul zhing las la rbad// sngags kyi yan lag ma nyams par// gsum 'bum dag tu rab bzlas te// sngags kyi 'od zer lcags kyu yis// snying gi rtsa nas rab drangs nas// gzugs brnyan ling kha'i shes rab gzhug/ las ni ma mo bsam yas pa// stag dreg la sogs zhon nas ni// dmigs pa'i yul ni rab bkang ste// lcags kyu la sogs phyag rgya bzhis// nyams pa'i yan lag rab bsdams nas// rlung ltar bkug la gzugs la bstim// mngon du khugs dang ling ga 'gul// mtshan ma byung nas las rnams bya// bdag nyid las kyi lhar bsgoms la// sgos chen dud btang bden par bdar// gu gul bsreg cing lha dbral bya// sngags kyis srog gi lha dang bral// dri yis pho yi lha dang dbral// pho nyas bsrung ba'i lha dang dbral// de ltar lha dang rab phral nas// bdag nyid mdun na nyams pa ni// shin tu rid cing skem pa dang// bu ga dgu nas khrag 'dzag cing// shed dang bral bar rab tu brtag/ gsad sngags khri khri nyungs kar la// bzlas shing thun gyi rdzas la bstim// de ltar bzlas shing bstim byas la// nyungs kar 'od kyis rab bskul bas// sna tshogs nad du gyur par bsam// de nas dmigs pa'i ling ga la// pho nya rbad cing sngags kyis brdeg/ stag srin la sogs ma mo'i tshogs// bsam mi khyab pas bskor nas ni// gdug pa'i rtsang ni sor brgyad pas// gzugs brnyan ling ga'i steng du brdeg/ ma mos bsgral zhing bzir bar bsam phyag mtshan gnam lcags zor ba yis// la la klad khrag 'thung zhing za// la la snying khrag 'thung zhing za// la la rgyu khrag 'dren cing za// la la gzugs phung 'thung zhing za// stag dred la sogs yang sprul gyis// bstod cing za bar rab tu brdeg/stong stong bzlas shing rab tu brdeg/ lhag ma dkyil 'khor lha la stab// 'khor dang bcas pas gsol bar bsam// thun dang bcas pa'i gtor ma de// dur sa khang sa nyal sa la// ma mo bskul zhing zor du 'phang// bsgral ba'i ling ga'i dum bu de// dum bu bzhi ru bsgo byas la// gzugs byas khrag gis gsher bar byug/ rtsang dang bcas pa'i thod pa de// dur khrod ma mo'i gnas su mnan// gcig ni sbrul sngon kha ru mnan// gcig ni seng ge'i mgo la gtad// gcig ni stag skya kha la gtad// de ltar byas pas 'grub par 'gyur// dkyil 'khor thugs bsdu rdzas rnams rbad// bdag nyid bzlas pa rgyun mi bcad// bsad pa'i las su nga yi bshad// ces gsungs so// rgyud kyi rgyal po thams cad 'joms byed 'bar ba las/ gsang ba'i le'u ste bcu gnyis pa'o//// de nas lha mo bya ba mos// thams cad mkhyen la 'di skad gsol// kye ma bcom ldan kun mkhyen gtso// srin mo las thabs de lags na// ming po'i dbab gsad bdag la gsungs// de skad gsol pas dpa' bo yis// gsungs ni 'di skad bka' stsal to// ming po las bshad lha mo ni// khyab 'jug bsgral ba'i dkyil 'khor bya// sha rus khrag rus bcos ma btsos// dkar nag til dang ba dmar mo// ra mchin gu gul dkar nag dang// sha khrag sna tshogs 'bras kyi chan// bsnyen pa'i dus su mchod pa yin// rta nag khrag dang gsur chen dang// khyi nag khrag dang klu sman rtse// dkar nag ra yi 'o ma khrag/ bag phye nyungs kar snyug ma'i dus// yul gyi snga sngo ling kha kun// bsgrub pa'i dus su btab pa'o// nyungs kar thal chen nyungs nag dang// ske tshe shangs tshe khrag dang til// dug chu nas nag brab pa'i rdzas// las kyi dus su btsog pa'o// bdag nyid rnal 'byor gsal byas la// yi ge ti dud 'phro 'du las// khyab 'jug chen mo'i gzugs su brtags// las kyi khyab 'jug bkug la bstim// mchod de las kyi gnyer yang gtad// rgyu ba'i dus su sbyin sreg ni// shar gyi lha rdo dkar po dang// nub kyi klu rdo gro bo dang// byang gi srin rdo dmar po gsum// thab khung khru gang khru gsum tshad// zur gsum dkar gsum zur gsum la// rdo gsum sgyed pu de ru gzugs// spyan drang nim pas de gzung la// mchod de slar logs drag sngags kyis// ling ga dmigs pa'i gzugs la brab// drag shul thabs kyis 'grub pa yin// gang zhig gdong nas las byas na// smyo 'bog gzer thabs pho log dang// mdze dang shu ba g.yan pa yis// sngags pa 'khor bcas brlag par 'gyur// gang zhig 'jug nas las byas na// grogs med las kyang don med 'gyur// de bas dus tshod shes byas la// grims byung stobs kyis 'bad par bya// zhes gsungs so// rgyud kyi rgyal po chen po thams cad 'joms byed 'bar ba las// ming po bsgrub pa'i le'u ste bcu gsum pa'o//// de nas rdo rje bya ba mos// 'jig rten gtso la 'di skad gsol// kye ma bcom ldan rigs kyi bdag/ las rnams 'grub cing mthar phyin pa'i// sngags kyi rim pa mi 'tshal lam// so so'i bsnyen bsgrub gsang sngags rnams// 'gro la rtse dgongs bdag la gsungs// de skad lha mos gsol gsan nas// gsung ni 'di skad bka' stsal to// bsnyen bsgrub las kyi rim pa la// sngags med grub pa thob mi 'gyur// sngags kyi rim pa ngas bshad kyis// nyon cig lha mo bde ba che// rag sha dam can khong snying ngas drangs tshe// rgyal ba'i sras su bya phyir rang rang srog rgyud phul// 'jig rten phung byed klu srin rag sha bu// blo bur skying thang 'bebs pa'i drag sngags lung// khrag skam nyungs nag gu gul nag po la// yid la dmigs shing dbab pa'i yang snying drang// oM pa sha mi ki du ru ma ti dza la ti swAhA/ dza pa la ra hu la kro d+ha kra pad+ma ra sha ra shal ta hU~M phaT/tri li shang ka bu dri za/ raka sha thun 'bum 'dril shin bim pa ti/ kha yag zhung tri kha du hril/ ri tri shum tri shig a mu ka phra ma ya hU~M phaT/ ming sngags so// oM badzra ma ting pa ling phram ya dza hU~M/ oM badzra laM pa ag shu meg badzra dug phring dza hU~M swAhA/oM badzra gA tA gA ma dza badzra ya ka sha kri kri raM dza hU~M swAhA/ oM badzra ka ling b+hi tsa li ho pa ya dza hU~M swAhA/ oM badzra ma ting la po a ga tra badzra ki li pi ma ro kro dza hU~M/ oM rag mo rag mo snying rtsa sha ma lam b+h+yo/oM raka mo ru ru ro ru tsa pa la snying kha rag ma byo// oM rak+mo rak+mo tsam mo tsam mo khrag la mu sha ma b+h+yo// oM rag mo raka mo trag mo shig shig snying kha rag ma b+h+yo// raka mo snying tsa ru ru tsab snying kha rag gu si dan ma/sha mu sha ma b+h+yo/ oM ma ma snying kha rag mo raka mo ma ra tsa sha tsi ta sa du sa ma ya hring b+h+yo b+h+yo sa ma ya dza dza/ bsnyen pa'i sngags so// oM shrI he ru ka rag sha ma hA bag tsakra oM ka staM pa nan// gzir ba'i sngags so// dud phroM/ kar phroM/ shu tri phroM/ yug ti smin/ shar shal ta snyil b+h+yo/ traka du tsar hril b+h+yo/ trag du tsar hril b+h+yo/ ma ma hril shar tra trag ru tsa ru tsa shu ti phroM tsa mun phroM sa man+ta a kar du ru du ru phroM phroDa/ phyi'i las sngags so// wa ri sha ya pa ta ra ku ru ma ma ha 'od sta a be sha ya a a da ra ku shu me sarba ga swAhA/ thig nig cig med shu ti phroM/ gnyis drag brgyab bcad dud phroM// nam mthongs phye lcags sgrog khrol/mi rang sod kyang rjes kyang mo tsu ru phaT// 'od sta pa Da pa Da ya/ nang gi las sngags so// e 'dus b+h+yo 'dus b+h+yo 'dus ru pi ru pi/ e tsab tsab tsub tsub thibs thibs ri ri sa ma ya/ raka mo raka mo hring hring ma ma snying kha raka/lo thog la 'ol 'ur yaM yaM/ ri libs libs nga mug thang nga mug thang/ rag mo sa sa me pi pi ri ri li li thor thor sa ma ya a me hri hriM b+h+yo seg reng tri sib sib b+h+yo b+h+yo/ gsangs pa'i las sngags so// gu si dan ma dgra la b+h+yo b+h+yo/ u tsus ma sha dgra la b+h+yo b+h+yo/ khrag ga shag rbad dgra la b+h+yo b+h+yo/ ma ma rag sha dgra la b+h+yo b+h+yo/ ma ma rag sha dgra la b+h+yo b+h+yo// ma ma ril ri li b+h+yo b+h+yo/tsab mo tsab mo ma ma ril ril b+h+yo b+h+yo/ khrag la mu sha ma ma ril ril b+h+yo b+h+yo/ dgra bo snying kha rag ma ma ril ril b+h+yo b+h+yo/ thams cad 'phang kyi sngags so// ka kha ga g+ha/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/sha Sha sa/ hak+Sha/ a u/ u U/ r-i r-I/ l-i l-I/ e ai/ o au/ aM aH thabs dang shes rab gzhi mo'i sngags so// ma ra tsa sha ti sta lhan/ sa bon dang bstim pa'i sngags so// dzaHhU~M baM ho/ sgo dang gzhug pa'i sngags so// mA ra ya rbad/ gsad pa'i sngags so// puSh+tiM swAhA/ nan ting swAhA/ b+ha sham swAhA/ hU~M hU~M hU~M hU~M dza dza/ 'phrin las thams cad kyi sngags so// badzra kro d+ha/ laM taM pa na Na hU~M phaT swAhA phaT/ gnan pa'i sngags so// lag gnyis sor mo nang du bsnol// ting pa sbyar nas bkug pa ni// thod pa'i gzhal yas bskyed pa'i rgya// lag gnyis thal sbyar gung gnyis bsgreng// srin lag mthe'u chung bsnol te bsdam// mdzub gnyis gung mo rgyab tu btsugs// mthe bong gzhibs te gung par gtad// dam tshig ma mo bskyed pa'i rgya// lag gnyis rgyab sprad mthe'u chung sbrel// mdzub gnyis lcags kyu nang du bkug/ mthe bong srin lag gung rtse sprad// gnas nas dgug pa'i phyag rgya yin// de bzhin mdzub mo drang po bsgreng// nang du gzhug pa'i phyag rgya yin// de bzhin mdzub gnyis sbrel bzhag la// sgrog gi phyag rgyas bstim pa'o// gong ma bzhin du sbrel ba las// mthe bong gung srin phye ba ni// brtan bzhugs dril bu'i phyag rgya yin// lag pa g.yas g.yon bsnol brkyang ba// zil gyis gnon pa'i phyag rgya yin// lag pa thal mo sbyar byas pa// ma mo mnga' gsol phyag rgya yin// lag gnyis sor mo rkyang yig dgug/ mthe'u chung bsnol ma snod 'degs tshul// gtor ma sbyin pa'i phyag rgya yin// lag gnyis sor mo rgyab bsnol te// so so'i sor mo rtse mthil sprad// mthe bong gnyis ni g.yas mthil bzhag/ thog ser dbab pa'i phyag rgya yin// g.yon pa mdzub bsgreng chag pa bsnam// g.yas pa ral gri 'thub pa'i tshul// gtub cing dral ba'i phyag rgya yin// g.yas pa tho ba 'degs pa'i tshul// g.yon pa rtsang phur dbab pa'i tshul// dril zhing gtsang phung gdab pa'i rgya'o// g.yas pa thod pa snying khar bzung// g.yon pa sdigs mdzub bsgreng ba ni// zor du 'phang ba'i phyag rgya yin// g.yas pa sdigs mdzub gong bzhin bya'o// g.yon pa pho sogs khem gyi tshul// g.yas g.yon sogs pa log shes pa// zor 'phang ba yi phyag rgya yin// g.yas pa 'phyang tshul dbyug pa thogs// g.yon pa sdigs mdzub bsgreng ba ni// dbug pas dbab pa'i phyag rgya yin// de la sogs te phyag rgya'i tshogs// thams cad sgrub par byed pa'i rgyu// bsam mi khyab pa'i tshogs chen ni// thams cad phyag rgya chen por gsal// sngags kyi yan lag ma rdzogs shing// phyag rgya ldan par ma gyur na// rdzas rnams tshogs dang de nyid men// zhes gsungs so// rgyud kyi rgyal po chen po 'joms byed 'bar ba las/ sngags dang phyag rgya bstan pa'i le'u ste bcu bzhi pa'o//// de nas rdo rje bya ba mos// mchod pa'i bye brag mang pos mchod de// kye ma bcom ldan thabs kyi bdag/ gong du gsungs pa'i don rnams kyis// dngos grub mtshon gyur mtshan ma gang// mi grub rkyen 'gyur mtshan ma gang// bdag la so sor bka' stsal gsol// de skad gsol pas dpa' bo des// gsung ni 'di skad bka' stsal to// nyon cig rdo rje bya ba mo// dngos bdun nyams med rnal 'byor pas// bsgrubs na mtshan ma 'byung bar nges// dang po bsnyen pa'i dus su ni// gso zhing sngon 'gro sgro bskul dang// gling bzhi mdog gsal phyi yi'o// mngon du 'ongs nas dbang bskur dang// thog ser mngon la sa g.yos dang// bud med gzugs gdug bdag la bskor// legs smra 'khyag 'thor chu sngon 'brug/ nang gi dus su 'byung bar nges// snying gi don rnams 'grub snyam pa// rang gi ma yin shugs kyis 'byung// bar snang las ni sgra 'byung ste// rmi lam mngon du sngags rnams smra// gsang ba'i dus su 'byung ba'o// dang po bsnyen pa'i dus kyi'o// bdag gis dmag dpon byas nas ni// dmag rnams drangs nas sngo 'debs dang// bud med gzugs mdzes sna tshogs kyis// bdag gi gnas su sngo spung dang// 'khor lo phur pa ta'od 'bar dang// tsit+ta 'bar zhing thod pa 'gul// bsgrub pa kun gyi mtshan ma yin// nyungs kar me 'bar gtor ma 'gul// gnas der thog ser mngon du 'bebs// 'di ni 'dod pa'i mtshan ma'o// gang zhig mnyam pa'i mtshan ma ni/ kha ba chen po 'bab rmi ba// ting 'dzin mi gsal mtshan ma yin// snod stong thogs shing mo mtshan ston// dam rdzas ma tshang mtshan ma yin// mi snyan sgra yi rnam pa smra// gsang sngags nor bar gyur pa yin// bu yug 'ja' dang na bun gtibs// nyams pa'i grib ma byung ba yin// chung ma phyi mo'i gzugs su ston// lta ba nyams pa'i mtshan ma yin// sems can sna tshogs gzugs su ston// sdigs dang khro ba sna tshogs byed// 'gro zhing khro la snying mi dga'// spyod pa nyams par gyur pa yin// de las bzlog pa'i mtshan ma rnams// 'dod par gyur pa'i mtshan ma yin// ma dang sring mo bran mo ston// lta bas dbang bsdus don rnams 'grub// 'di don shes pa'i rnal 'byor pas// thams cad 'grub par gdon mi za// zhes gsungs so// rgyud kyi rgyal po chen po thams cad 'joms byed 'bar ba las/ mtshan rnam par dbye ba'i le'u ste bco lnga pa'o//// de nas lha mo bya ba mos// bcom ldan mi pham he ru ka la// mchod de tshig 'di zhu ba gsol// kye ma bcom ldan thabs kyi bdag/ nyams med thabs kyis las mi 'grub// gzir ba'i thabs kyis dbang bsdu phyir// de yi rim pa bdag la gsungs// de skad zhus pas gsan nas ni// gsung ni 'di skad bka' stsal to// nyon cig lha mo bya ba mo// zhes bos nas/ bsnyen dang nye bar mi 'gyur zhing// bsgrubs dang grub par mi 'gyur la// bcol ba'i 'phrin las mi byed na// mo mo gzir ba'i las thabs bya// dur khrod chu gling la sogs su// nya gsum tshes grangs gang bzang la// dkyil 'khor tshad ldan gru bzhi bya// dbus su gru gsum tshad du brko// de nas yi dwags gos gru bzhi// rtsibs bzhi rtsibs la yig 'bru ni// ma ra'i mtha' ma snying pos bskor// gsum la lcags sgrog seng ldeng phur// rigs gsum khro bor byin brlabs bzhugs// gru bzhir mda' me long bcas// steng gu zhing la yol dar bris// srin po dam rdzas sna tshogs shing// bdud rtsi rak+ta gsur chen bsog/ bdag nyid ting 'dzin legs zhugs la// pad+ma dbang chen skur byed thugs// hri dmar mtha' ma snying pos bskor// dam tshig phyag rgyas gnas lngar bsrung// rang sngags snying po 'bum khri bzlas// de nas ma mo'i snying po ni// 'bum phrag gsum du bzlas pa bya// b+h+yo b+h+yo ma sha mu ma ra ga sha si tsi ta ma tsam trag ru ru pa tsa las ma ya dza dzA/hri yi 'od zer dmar nag gis// las kyi ma mo dbang bsdu ste// mar thim ma mo lus mdog gnag/ rang rang mche gtsigs kha bgrad cing// mtshon cha thogs nas 'thun gnas 'gyur// dam tshig nyams pa'i nyes pa bsgo// de yis las rnams 'grub par 'gyur// des dang grub par ma gyur na// sngags 'di rang sngags mjug la btags// pa tsa pa tsa tshal pa tshal pa b+ho d+hi tsit+ti ma ra na phaT/khro bos dbugs mnan mdangs phral te// bco lnga'i zla ba gza' byin ltar/ kha dog rnams ni nyams 'gyur 'gyel// sku gsung thugs kyi phur pas gdab// rak+ta'i mtsho la gnas pa yi// ngan sngags bdag po khyed bzhi yang// dam tshig nyams pa'i nyes pa yis// lus ngag rdo rje rdul du lhogs// phur gdab snying khrag zhal du drang// rnal 'byor bsam gtan ldan pa la// rang gis snying po phul dam bca'// dam tshig nyams de 'phrin las bgyid// de skad zer nas byung ba dang// phur pa ston la sngags 'dis gso// sa ma ya a mri tha na ra ka kan rag mo kha hi hU~M/ gangs ri dkar la nyi shar bzhin// mdog dang ldan par gyur pa la// dam rdzas snying po gtor ma gtang// de nas 'phrin las gang yin bcol// rang snying dam tshig nyams pa yis// las 'di brtsams nas rang srog bcad// de bas bsnyen bsgrub yun du srid// de byas gang yin 'grub par 'gyur// zhes gsungs so// rgyud kyi rgyal po chen po thams cad 'joms byed 'bar ba las// ma mo gzir ba'i le'u ste bcu drug pa'o//// de nas rdo rje bya ba mos// mi pham mgon la 'di skad gsol// kye ma bcom ldan 'gro ba'i gtso// don rnams 'grub phyir gsang sngags kyi// btu ba rnams ni bdag la gsungs// de skad gsol pas bcom ldan 'das// mi pham rgyal po he ru kas// gsung ni 'di skad bka' stsal to// nyon cig rdo rje bya ba mos// sngags kyi btu ba ma byas na// sngags kyi sgra rnams nyams par 'gyur// de dbang bzlas pa tshig chad pas// bsgrubs dang don med yal bar 'gyur// de phyir sngags kyi btu ba gces// thabs dang shes rab yi ge las// sngags rnams thams cad de las 'byung// shar phyogs yi ge bcu drug la// sku dang ldan pa'i yi ge mgo/dbang po lag gi mtshon cha gnyis// lnga tha skyed pa'i sa bon ye// gsum dang da mtha' i dang ldan// lnga dang a ste drug gsum la// dang mtha' gzhag pa i dang ldan// lnga gnyis drug gnyis mgo spras A// lnga mtha' drug dang rkyang gnyis a// gnyis gsum a ste brgyad mtha' rtag/ o rgyan ang gi steng du mdzes// swA hA bsreg pa'i dus su sbyar// sku yi dngos po gong ma ste// dbang po'i mtshon cha de bzhin no// drug gsum shes rab a dang ldan// lnga dang o yi yan lag go/ shes rab dang po dang gsum a// bdun dang u yi yan lag go/ lnga mtha' dang gsum bzhag pa e// dbang po'i mtshon cha a dang ldan// gsum pa'i gsum la lnga gsum sbyin// shes rab u yis yan lag 'og/ lnga gnyis drug gnyis 'og nas spras// dang mtha' bzhag pa i dang ldan// gnyis gsum shes rab a dang ldan// tha ltag shes rab bco lnga steng// shes rab u yi yan lag go/ swAhA gong ma nyid shes bya// yi ge nyi shu lho yi'o// nub kyi yi ge nyi shu la// sku yi rang bzhin dbang po mtshon// gong ma nyid las shes par bya// dang gsum shes rab a dang ldan// gsum dang drug gnyis 'og spras a// dang gsum lnga mtha' rkyang pa a// gnyis gsum dbang po mtshon cha ni// shes rab a ste drug dang la// dang gsum bzhag pa a yin no// bdun dang a te yan lag med// dang gnyis drug gnyis 'og tu spras// i gnyis yan lag gong du'o// drug gnyis shes rab bco lnga ste// me ste shes rab a dang ldan// gnyis gsum a ste mtha' tha brteg/shes rab bco lnga steng 'og U// swAhA gong ma las shes bya// sku dang dbang po'i mtshon cha ni// gong ma nyid la shes par bya// dang po'i dang po i dang ldan// drug gsum i yi yan lag steng// lnga dang shes rab i dang ldan// gnyis dang shes rab a dang ldan// drug gsum shes rab i dang ldan// brgyad tha ltag ni shes par oM// lnga bzhi shes rab a dang ldan// drug dang shes rab a dang ldan// gnyis gsum shes rab a dang ldan// brgyad tha ltag ni shes rab u// shes rab bco lnga steng du'o// swA hA gong ma bzhin te// yi ge bco lnga byang gi sde// bsnyen pa'i dus kyi gsang sngags yin// phyi yi dus su sbyar bar bya// sku dang dbang po'i mtshon cha ni// kun gyi 'og ste thog mar 'gro// dang po yi ge drug cu la// gsum bzhag de 'og yi ge gsum// gsum pa yi ge nyi shu la// gsum bzhag de 'og yi ge gnyis// de 'og gsum bzhag da steng gnyis// mtha' ma'i gsum gzhag de 'og gsum// de 'og dang po mas bzlog nas// lnga bzhag bskyed pa'i sa bon no// de 'og tha ltag mas bzlog nas// bzhi por bskyed pa'i sa bon la// gnyis pa'i yas mar bzhi bzhag la// lnga par grags pa'i yi ge la// tha ma'i yas mar bzhi bzhag la// lnga pa'i gu gu de la sbyin// dgug gzhug sa bon kun gyi'o// yi ge nyi shu rtsa gcig ni// yang snying phyi yi bsgrub pa'o// nang ni dang po yi ge ni// bco lnga sku yi sa bon 'go/ drug gnyis dang gsum byin pa thabs// shes rab a ste thabs lnga'i mtha'// shes rab o ni yan lag steng// de 'og gsum ni gong ma bzhin// thabs kyi bdun mtha' 'og tu ni// gnyis mtha' 'og tu rgyan pa thabs// shes rab i yi yan lag steng// thabs kyi dang thabs de la sbyin// gnyis dang drug gnyis stong bzhag thabs// shes rab a dang ldan pa'o// bdun dang lnga mtha' drug gsum thabs// thabs kyi lnga mtha' yi ge bzhi// thams cad shes rab a dang ldan// thabs kyi lnga gsum brgyad mtha' lhag/ thabs drug dang pos 'og rgyan o// shar nas bod pa'i gsang sngags yin// lho phyogs yi ge nyi shu gcig/ sku yi sa bon gong ma bzhin// yi ge drug po de bzhin gong// thabs drug gnyis pa'i ye ge bzhi// gong gnyis shes rab u U la// 'og gnyis shes rab o Us mdzes// thabs kyi gnyis dang lnga yi dang// thabs kyi drug gsum so sor bzhag/ thams cad shes rab a dang ldan// thabs kyi bdun tha 'og tu ni// gnyis mtha' 'og mdzes shes rab i// steng bzhag thabs kyi dang mtha' bzhin// thabs kyi dang gnyis shes rab sa// thabs kyi drug gnyis thabs dang gsum// sbyin bya thabs kyi lnga tha ma// thams cad shes rab A dang ldan// thabs kyi lnga gsum brgyad tha ltag/ thabs kyi drung dang 'og nas mdzes// shes rab o yi yan lag steng// lho nas bod pa'i snying po yin// sku dang yi ge drug po la// gong ma nyid las shes par bya'o// thabs kyi gnyis dang thabs lnga yi// gsum sbyin shes rab a dang ldan// thabs lnga'i mtha' ma shes rab o// gnyis su brjod ma gong ma ste// thabs dang gnyis la thabs drug gis// gnyis kyis 'og spras thabs dang gi/gsum sbyin shes rab a dang ldan// thabs kyi drug gsum shes rab a// thabs kyi lnga mtha' shes rab u// thabs kyi bdun dang thabs lnga'i mtha'// 'og spras shes rab a dang ldan// mtha' yi yi ge gong ma bzhin// yi ge nyi shu tham pa ste// nub nas bod pa'i snying po yin// byang gi yi ge nyi shu gcig/ sku dang yi ge drug po yin// gong ma nyid las shes par bya// thabs kyis gsum dang 'og tu ni// thabs kyi drug gnyis spras dang gsum// lnga mtha' shes rab oM steng ldan// thabs kyi bdun dang thabs dang gi/ gsum byin shes rab i dang ldan// gnyis su brjod pa gong ma bzhin// thabs kyi bdun mtha' thabs gnyis kyi// tha ma 'og brgyan dang tha mdzes// shes rab i yi yan lag steng// thabs kyi dang gnyis shes rab a// thabs kyi drug gnyis thabs dang gsum// byin pa shes rab a dang ldan// thabs kyi mnga' mtha' shes rab a// mtha' yi yi ge gong shes bya// byang nas bod pa'i snying po ste// bsnyen pa nang gi dus su'o// de nas bsgrub pa'i bsnyen po ni// thabs drug gnyis dang thabs dang gsum// thabs lnga'i tha ma shes rab o// kun gyi thog mar 'di bskul lo// dang po yi ge bco lnga la// mas bzlog yi ge lnga bzhag pa// ma dkrugs yig gsum so sor bzhag/ gnyis pa'i yi ge nyi shu gcig/ma bzlog yi ge bcu gnyis gong// nges pa'i yi ge gnyis gzung bya// gsum pa'i yi ge nyi shu la// mas bzlog yi ge brgyad kyi gong// nges pa'i yi ge gnyis shig gzung// tha ma'i yi ge nyi shu gcig/ mas bzlog yi ge gnyis kyi ltag/ nges pa'i yi ge lnga ru bzung// phan bdun sngags kyi dang po yi// yi ge lnga ni nges par bzung// mas dang bzlog pa yas mar bod// de rting lho phyogs nyi shu gcig/tha rtag yi ge gcig tu bzung// lho nas byang du phyin byas la// mas bzlog yi ge bdun bor la// shes rab yan lag spangs pa yis// yi ge gnyis ni nges par bzung// byang nas nub tu phyin byas la// nub kyi yi ge mas bzlog pa'i// gnyis bor gong gnyis yas mar bod// nub nas shar du phyin byas la// shar gyi yi ge mtha' gnyis bzung// yas mar bor ba yang snying ste// yi ge nyi shu rtsa bdun ni// bsgrub pa nang gi snying po yin// bskyed pa'i sa bon 'bru bzhi ni// bcu gnyis pa dang bco brgyad pa// bcu gcig pa dang bcu gsum pa// shes rab yan lag med pa ste// phyogs bzhir rang rang rims su ltung// phyi yi gzer chen las kyi sngags// yi ge sum cu rtsa bzhi pa// sku yi snying po rdzogs par ldan// thabs kyi bzhi yi gsum pa ni// shes rab u yi yan lag 'og/ thabs kyi bzhi ba byin pa'o// thabs lnga'i gnyis pa thabs drug gnyis// 'og spros mnga' mthar byin pa o// thabs dang thabs drug gnyis ldan a// yi ge gsum ni gong bzhin no// thabs kyi bdun dang shes rab u// thabs kyi gsum dang shes rab i// de 'og yig gsum gong ma bzhin// thabs kyi drug dang thabs dang gsum// byin pas shes rab u 'og ldan// thabs bzhi'i dang po shes rab i// thabs kyi bdun mtha' thabs lnga'i mtha'// 'og spras thabs kyi bzhi mtha' sbyin// shes rab a yi yan lag steng// thabs kyi bdun dang thabs drug gnyis// so sor shes rab ya dang ldan// thabs kyi bdun dang thabs drug gsum// byin pas shes rab a dang ldan// thabs drug gsum la thabs bzhi dang// 'og tu spras pas shes rab a// thabs drug gnyis la thabs gnyis mthas// 'og spras thabs kyi gru gsum sbyin// shes rab i yi yan lag steng// thabs kyi lnga gsum thabs drug dang// brgyad tha ltag dang ldan pa yis// 'og brgyan shes rab o ster ldan// thabs kyi gsum dang thabs drug gnyis// 'og spras thabs kyi dang gsum sbyin// shes rab a ste thabs bzhi dang// 'og tu shes rab u yan lag/ thabs gnyis dang la thabs drug gnyis// byin pas shes rab a dang ldan// thabs kyi brgyad dang thabs drug gnyis// 'og spras thabs kyi gru gsum sbyin// shes rab i yi yan lag ste// thabs lnga'i gsum la thabs brgyad ltag/ thabs drug dang pos 'og nas brgyan// shes rab oM yi yan lag steng// rta ma bsgrubs pa'i dus su sbyar// dbab sngags su bstan pa ni// de bzhin de las gzhan ma ni// thabs bzhi gnyis la thabs dang gsum// byin pas shes rab i steng ldan// thabs gsum mtha' la thabs dang bzhi// byin te shes rab i steng ngo// dang po'i grangs ni yi ge gsum// shes rab i yi yan lag steng// thabs lnga'i mtha' la thabs bzhi gsum// byin pas shes rab i dang ldan// thabs kyi mdun dang shes rab u// thabs kyi bdun dang shes rab u// thabs kyi bzhi dang shes rab i// thabs kyi lnga gnyis thabs drug gnyis// 'og spras thabs kyi lnga mtha' sbyin// shes rab o yi yan lag steng// de 'og dgra ni yi ge gsum// shes rab i yi yan lag steng// thabs bzhi'i gsum la thabs drug gnyis// 'og spras thabs dang gsum byin a// thabs lnga'i gsum pas thabs dang gsum// 'khrul pas 'og tu thabs drug dang// brgyan byas steng du thabs drug gnyis// bkod de thabs bzhi'i gsum pa byin// shes rab a dang ldan pa'o// gtug pa'i sgra ni shes rab a// thabs kyis bzhi gsum shes rab kyi// u 'og bzhi gsum de nyid bzhin// thabs lnga'i gnyis la thabs drug gnyis// 'og spras thabs lnga'i mtha' ma bzhin// shes rab o yi yan lag steng// thabs bzhi mtha' la thabs lnga'i mtha'// byin pas shes rab a dang ldan// thabs lnga'i mtha' yis bzhi yi gnyis// phul te thabs kyi dang mtha' dang// thabs bdun mtha' sbyin yi ge bzhi// shes rab o steng gcig pu bod// thabs lnga'i gnyis 'og thabs drug dang// brgyan pas shes rab i dang ldan// dgrol ba'i yi ge bcu yi grangs// dang gsum shes rab a dang ldan// de 'og yi ge bzhi ni thabs// gsum ni steng 'og spras pa steng// cig ni dkyus su byin pa la// shes rab o yi yan lag steng// dang po'i gsum la drug gnyis brtseg/thabs kyi gru gsum de la sbyin// shes rab o yi yan lag steng// de rting thabs kyi lnga mtha' la// shes rab gnyis 'og 'og nas mdzes// shes rab i yi yan lag steng// thabs kyi drug gnyis thabs dang mtha'// byin te shes rab a dang ldan// thabs kyi bdun mtha' thabs bzhi gsum// byin pas shes rab o dang ldan// de rting thabs kyi dang po la// thabs drug dang pos 'og nas mdzes// thabs drug gnyis pas steng brgyan a// thabs kyi dang mtha' de la sbyin// de steng yi ge gnyis brtsegs ni// dbang po mtshon byed gcad po sgra// de rting gong ma nyid shes bya// thabs kyi mnga' mtha' shes rab o// thabs kyi gnyis dang shes rab u// thabs kyi drug gnyis shes rab u// thabs kyi lnga gnyis thabs gsum dang// byin pa shes rab a dang ldan// thabs bzhi'i gsum ni 'bum bcas pa// shes rab oM yi yan lag steng// thabs bdun mtha' la thabs bzhi dang// 'og spras shes rab a dang ldan// thabs lnga'i dang po thabs gsum dang// gnyis su brjod pa so so bzhi// thabs kyi drug dang thams cad kun// shes rab aM yis khyab pa'o// yi ge brgya bcu thams pa ni// nang gi rtag las bzlas bsngags te// sgrub pa'i dus su sbyar bar bya'o// 'od sta don gyi tha yin te// bdun cu rtsa ba thabs la byung// steng 'og dkyus su bgrangs pa ni// nang gi bsgrub pa grangs kyi tho// srog snying thabs kyis steng 'og brgyan// bskyed pa'i sa bon bzhi bsnan tho// thabs bdun tha ma'i yi ge la// thas rtag yi ge bzhis brgyan thabs// las bzhi don grub don gyi tho// phan tshun gnyis ka'i tho ru bshad// de nas las sngags mchog gi mchog/ thabs kyi drug gnyis steng du i// thabs kyi bdun dang shes rab a// thabs kyi drug dang shes rab a// thabs kyi lnga dang thabs bzhi gnyis// thabs kyi drug gnyis so so gsum// thams cad shes rab a dang ldan// thabs kyi dang po thabs drug gnyis// gnyis ka shes rab u mgo ldan// thabs kyi lnga mtha' shes rab e// thabs kyi mnga' mtha' thabs tha ltag/ so so'i shes rab a dang ldan// thabs kyi bzhi bzung 'phul dang bcas// shes rab o yi yan lag steng// thabs bdun mtha' la thabs bzhi dang// 'og spras shes rab a dang ldan// shes rab dang cig bzhag pa yin// thabs kyi mnga' gsum steng du e// thabs kyi bdun dang shes rab A// thabs kyi drug dang shes rab a// de gting shes rab dang po gnyis// so so'i bzhag la drag tu bod// thabs bzhi tha ltag shes rab a// thabs drug gnyis ni shes rab a// thabs kyi dang po shes rab u// thabs kyi bdun dang de bzhin ni// thabs lnga'i mtha' ni shes rab e// thabs kyi bdun mtha' aM dang ldan// thabs lnga'i mtha' la thabs drug gnyis// 'og spras thabs dang gsum byin a// thabs bdun mtha' la thabs brgyad ltag/'og spras shes rab a dang ldan// tha ltag shes rab as khyab pa// las sngags kun gyi mchog yin te// yi ge sum cu rtsa gsum ni// bsgrub pa'i yang snying grangs kyi tho// phan tshun gnyis shes nang gi tho// gzhan yang phyi yi las sngags mchog/ dkrugs pa'i nang gi las kyi sngags// brgya bcu tshan pa lnga ru bgo// steng 'og bor ba bcu gsum ni// dkyus su bgrangs pa dang po'o// gnyis bco lnga gsum pa la// steng 'og pa dang bzhin no// bzhi pa la yang bco lnga ste// lnga pa brgyad du shes par bya// phyi yi gzer chen las kyi bsngags// yi ge bzhi bcu rtsa lnga pa// drug cu rnam par bgo bar bya// dang po dkyus bgrangs bzhi ru shes// de 'og de gnyis de gting yang// bzhi ru shes bya de gting lnga// tha ma thang ltag brgyad brgyad do// so sor phye la gcig btu ba// dang po bcu gsum bdun 'og gcig/ bcu gsum 'og ma'i dang 'og gnyis// yan lag byin med so sor bzhag/ drug tha brgyad kyi tha ltag gnyis// byin pa de ltar brgyad gong gi/ dang po dang 'og sdom la gzhag/ bco lnga dang po'i gsum 'og gcig/ drug tha brgyad kyi dang gnyis bzhag/bco lnga tha ma'i mtha' gnyis ltag/ drug pa'i mtha' brgyad gsum 'og gzung// de gting gnyis ni de bzhin no// bzhi gsum tha ma'i phyed stod gzung// bzhi tshan dang po'i phyed smad bzung// drug tshan mtha' brgyad bzhi ltag gzung// lnga tshigs bcu gsum dang po gnyis// gong 'og bzlog pa'i gong ma la// tha ltag bco lnga'i mtha' gnyis ltag/ lus med zhabs bskyed 'og tu sbyin// de rting dang 'og bco lnga pa'i// tha ma'i yi ge bzhi gzung bya// de 'og lnga tshigs bcu gsum pa'i// gnyis 'og bzhis te tha ma darog/ de rting de yi dang po gnyis// gong 'og bzlog la bzhag par bya'o// de gting lnga tha brgyad tha ltag/shes rab dang po gnam btus bzhag/ bzhi tshan dang 'og dang gnyis bzhag/ drug pa'i dang po de gting ngo// lnga yi tha ltag bco lnga pa'i// tha ma gnyis bzhag de'o gcig/ de gting de nyid gnyis ka sbyin// bzhi tshan gsum pa'i mtha' gnyis bzhag/ lnga yi tha ltas bco lnga'i mtha'// gnyis bzhag phyi yi las sngags yin// yi ge bzhi bcu rtsa lnga ni// phyi yi las sngags gcig gi tho// phan tshun gnyis ka nges pa'i grangs// ma mthun gnyis ka skyon zug pas// mi 'grub the tshom bzhi ru 'gyur// de nas gsang ba'i sngags btub// dang po'i sku dang yi ge ste// srog snying dang po gzhug nas bzlog/ gcig por gnyis bzung gsum bor la// bzhi bzung so sor bzhag par bya// tha ma mas yar bzlog pa las// lnga bor gnyis ni bzhag par bya// gnyis pa 'jug nas mas bzlog na// gnyis bor gsum ni bzung byas la// sngar btus 'og tu bzhag par bya// de rting yi ge drug gzhag pa// kun gyis bod par shes par bya// de nas bskyed pa'i sa bon bzhi// tsit+ta zhes pa'i sa bon gnyis// rang rang ma nor bzhag par bya// thabs bdun mtha' la thabs bzhi gsum// so sor bzhag pa'i 'og ma la// shes rab u yi yag lag 'og/ dam tshig yi ge gsum yang bzhag/ hriM gnyis b+h+yo gnyis bzhag pa la// dam tshig 'bru gsum snying po bzhag/thabs gnyis gsum pa'i yi ge gnyis// tshe gcig bcad de so sor bzhag/ gsang ba'i bsnyen pa'i snying po yin// shar lho bskyed pa'i sa bon gnyis// thabs kyi drug dang yi ge gsum// so sor bzhag pas gsod par 'gyur// thabs kyi lnga gsum steng du ni// thabs kyi drug gnyis bzhag byas la// thabs kyi gzhi yi gsum pa sbyin// gsad pa btub pa'i snying po yin// dzaHhU~M baM ho yi ge bzhi// phyag rgya bzhi yi snying po yin// gang zhig smos pa'i ming bcas pa// thabs kyi bdun mtha' 'og tu ni// thabs kyi bzhi dang spros byas la// thabs kyi lnga mtha' sbyin par bya// thabs kyi lnga gsum gzhag byas la// de gting thabs kyi bzhi mtha' la// thabs kyi gsum mtha' sbyin par bya// thams cad shes rab a dang ldan// srun pa gzir ba'i snying po yin// e 'dus 'phang bdun ming po yin// sngags rnams gzhan du gsungs pa nges// btu mi dgos pas 'dir ma gsungs// de la sogs te sngags kyi rnams// bsam mi khyab par gsungs pa kun// de yi yon tan bsam mi khyab// ma btus sngags la the tshom skyes// sngags kyi dgra ni the tshom ste// the tshom spangs te bsgrub byas na// de tshe dngos grub mchog thob 'gyur// zhes gsungs so// rgyud kyi rgyal po chen po thams cad 'joms byed 'bar ba las/ sngags btu ba'i le'u ste bcu bdun pa'o//// de nas lha mo bya ba mos// mchod pa du mas rab mchod nas// rgyal ba'i gtso la 'di skad gsol// kye ma bcom ldan 'phrin las bdag/ dngos grub myur du bsgrub bya dang// las rnams mtha' ru phyin 'gyur ba'i// 'phrin las rnams ni bdag la gsungs// de skad gsol pas gsan nas ni// gsung ni 'di skad bka' stsal to// dkyil 'khor bzang po bya ba ni// dbus su zla khaM khru gang tshad// zabs su khru phyed bang rim ldan// phyi rol 'khor lo rtsibs bzhi la// bang rim gnyis ni mu khyud bzhin// bdud rtsi lnga dang rak+ta lngas// dkyil 'khor chag chag legs par byug/ dbus su rdo rje phyogs bzhi bri// phyag mtshan dgod pa'i rim pa'o// yaM shing rta rga'i shing bu ni// cha gang sngo yi chu la sbang// bud shing ro yi shing bu la// pho brang dbyibs bzhin brtsig par bya// bdud rtsi lngas bkang ban d+ha ni// bdag nyid mdun du bzhag par bya// me tog la sogs rnam lnga bsham// yaM shing rak+tas sna drangs la// sngo rnams dang ni 'o ma bzhag/ de nas rnal 'byor bdag nyid kyis// las kyi nga rgyal ldan byas la// b+h+ruM las 'khor lo 'bar ba bskyed// de steng hri las dbang gi lha// thams cad rdzogs par bskyed par bya// de la mchod pas mnyes par bya// thugs kha'i hri las 'od byung bas// yab yum gnyis med 'od du zhu// 'od dpung las ni hU~M du gyur// de las me lha yab yum bskyed// rgyan rnams thams cad rdzogs pa dang// thugs khar ma mo'i 'bru bzhi las// stag srin la sogs ma mo bzhi// sku mdog phyag mtshan gsal bar bskyed// bdud rtsi'i chu yis gsang bar bya// ye shes me lha dgug pa ni// phyag rgya bzhi yi las bya yin// de la mchod pa rdzogs byas la// bstod de ma mo'i mchod pa yang// rdzogs par gong ma nyid shes bya// mchod pa'i sngags ni rang rang gi/ ming dang bcas pa bdun bdun dbul// bstod de bcol ba'i las rnams bya// thal 'jim dmigs pa'i phyogs su 'phang// ye shes spyan drangs mchod byas la// gshegs gsol dam tshig thugs khar bsdu// dbang steng dbab pa'i las la shis// de nas gsad pa'i rim pa ni// gru gsum e yi dkyil 'khor la// mthing nag 'bar ba'i skur bsgoms la// gsad pa'i las su sreg bya ba// dkyil 'khor gru bzhi gong ma'i tshad// dbus su gru gsum khru gang la// zabs su khru phyed bang rim la// sor bzhi pa yi tshad du gnyis// thod pa dang ni rdo rjes brgyan// nang du 'khor lo rtsibs bzhi ni// rnam lngas sbrus pa'i 'jim pa la// khrag sna lnga dang ro bsregs sol// dug dang sbyar ba'i chu yis byug/ bud shing gdug pa'i shing bu ni// dkyil 'khor rtsibs bzhin brtsig par bya// yaM shing tsher ma can gyi shing// ring thung tshad ni mdzub gang ste// phyag gang khrag gi chu la spang// rdzas kyi kha dog nag por byug/ sha khrag sna tshogs dug sna tshogs// bsreg pa'i rdzas ni thams cad bsham// dmigs pa legs byas ling kha de// bdag nyid rkang pa'i 'og tu gzhug/ las kyi dam tshig ldan byas la// thab khung bdud rtsi chu yis bsang// de nas srin po'i me blangs te// ra las bskyed pa'i me sbar la// me dkyil a las gzhal yas khang// de nang dam tshig ma mo bskyed// las kyi ma mo spyan drangs la// bstim la bdud rtsi chu yis bsang// mchod pa'i rim pa rdzogs pa dang// bstod de yongs su gyur pa las// me lha yab yum rdzogs par bskyed// ye shes me lha gnas nas dgug/ gong ma'i sngags kyis las rnams bya// bstim nas mchod pa rnam lnga dbul// de yi thugs khar mchod pa'i gnas// sa bon las ni rdzogs par bya// mchod pa'i gnas ni raM gyis so// de la mchod pa'i rim pa ni// rang rang sngags kyis dbul bar bya// de nas zhabs 'og gzugs brnyan la// gang yin bkug la der bstim la// sngags bzlas mtshon gyis gtubs byas la// ming rus sngags sgrags byas nas ni// dum bu me yi lha la dbul// 'khor dang bcas pas gsol bar bsam// spyan drangs dam tshig gnyis phye la// mchod de bstod la gshegs su gsol// dam tshig bdag gi thugs khar bsdu// 'di ni rlag pa'i las mchog ste// gsad pa'i las la rab tu shis// de nas zhi ste bzlog bya ba// dkyil 'khor gru bzhi dkyil nyid du// dbus su cha gang khru phyed ni// bang rim bcas pa zlum por bya// 'khor lo pad+ma lce bzhi ni// tsan dan dkar po'i chu yis byug/ yaM shing dkar la bsnyen pa yis// 'o ma can gyi shing bu dang// tsan dan dkar po'i chu la spang// bud shing dkar po'i shing bu nyid// dkyil 'khor dbyibs bzhin brtsig par bya'o// zho dang 'o ma dkar ba'i rdzas// mchod pa'i rdzas ni thams cad bsog/ las kyi lha ni gsal byas la// thab khung bdud rtsi chu yis bsang// gtsub shing las byung me sbar la// me dkyil paM las pad+ma bskyed// de steng rang gi lha bskyed la// mchod pa'i rim pa rdzogs pa dang// 'od du me lha yab yum bskyed// thugs khar gnas pa yongs rdzogs te// ye shes me lha 'khor bcas dgug/ bdag nyid mdun du dmigs bsam la// bdud rtsi chu yis bsang bar bya// de la mchod pa rdzogs par dbul// sngags la srungs shig ming dang bcas// bdag nyid blo yis bslang bar bya// spyan drangs me lha 'khor bcas te// mchod pa phul la gshegs su gsol// dam tshig lha ni thugs khar bsdu// bsrung ba'i gsang sngags rgyan du bzlos// 'di ni gcas pa'i mchog yin te// zhi ba'i tshul du bsregs byas na// bsrung ba'i las la rab tu shis// de nas rgyas par gsad bsrung ba// dkyil 'khor bzang po dkyil nyid du// dbus su gru bzhi khru gang bya// zabs su khru phyed bang rim gnyis// thod pa rdo rjes bskor bar bya// dbus su 'khor lo rtsibs bzhi la// gur gum ser po'i chu yis byug/ yaM shing ser po'i shing bu ni// ring thung zhi ba'i tshul du bya'o// bud shing ser po'i shing bu la// dkyil 'khor dbyibs bzhin brtsig par bya// mchod pa'i rdzas ni rims bzhin dgod// las kyi lha ni gsal byas la// thab khung dud rtsi'i chu yis bsang// rgyal po'i khyim nas me blangs te// me sbar me dkyil b+h+ruM bsam la// de las 'khor lo gzugs su gyur// de stengs rang gi lha bskyed la// mchod pa rnams ni rdzogs par bya// bstod de 'od du me ltar gyur// thugs khar lha ni yongs su rdzogs// de rjes ye shes me lha dgag/ bdud rtsi chu yis bsang bar bya// bstims la mchod pa yongs rdzogs bya// bdud rtsi chu yis khrus byas la// gsang sngags de yi mgul du gdags// mtha' yi 'phrin las bcol ba ni// me lha'i rgyal po ag+ne dang// las kyi ma mo khyed rnams kyis// bdag gi 'phrin las 'di lta bu// khyed rnams yongs kyis grub par mdzod// de skad brjod la spyan drangs te// mchod cing bstod la de gshegs bya// dam tshig bdag gi thugs khar bsdu// srung ba'i phyir na rgyas pa yin// zhes sungs so// rgyud kyi rgyal po chen po thams cad 'joms byed 'bar ba las/ 'phrin las rnam pa bzhi'i le'u ste bco brgyad pa'o//// de nas 'khor rnams kyis ston pa dang/ rdo rjes bya ba mo la 'di skad ces bstod do// e ma ho bcom ldan he ru ka/ bde gshegs kun gyi che ba'i mchog/ sku gsung thugs kyi bdag nyid gtso// ye shes sku la phyag 'tshal bstod// ston pa dang ni dbyer med pa'i// sku gsung thugs las sprul pa khyod// the tshom thams cad gcod la mkhas// don 'byin khyod la phyag 'tshal bstod// sku gsung thugs kyi dkyil 'khor nas// so so rang rang gzugs kyis 'dul// don rnams thams cad 'grub byed pa// gsang ba'i yum mchog khyod la bstod// de nas rdo rje bya ba mos/ bcom ldan 'das la 'di skad ces gsol to// kye bcom ldan 'das/ bdag cag gis rgyud 'di la ji ltar blta bar bgyi// gang ji lta bu'i don shes par bgyi// bshad cing gsungs pa'i don ji lta bu lags// bcom ldan 'das kyis bka' stsal pa/nyon cig rdo rje bya ba mo/ ngas bshad cing brjod pa ni gang yang med do// de ci'i phyir zhe na/ chos thams cad kyi rang bzhin ni/ de bzhin gshegs pa thams cad kyis gsungs par rung ba ma yin no// de bas kun rdzob sgyu ma tsam du gyis shig/ nor bu rin po che lta bur bzung bar gyis shig/ de skad ces gsungs te/ bcom ldan 'das rdo rje he ru ka ni mnyam pa nyid las dmigs te cang mi gsung bar bzhugs so// rdo rje bya ba mo ni bcom ldan 'das kyi thugs bzhugs par gyur to// 'khor ma mo rnams ni mnyam pa'i ngang du mi snang bar gyur ro// 'jig rten gyi ma mo rnams ni dam pa chos skyong ba'i bsrung mar gyur to// rgyud kyi rgyal po chen po thams cad 'joms byed 'bar ba las// rgyud gtad pa'i le'u ste bcu dgu pa'o//// rgyud kyi rgyal po chen po thams cad 'joms byed 'bar ba zhes bya ba dngos po bstan pa rdzogs so//// bram ze mchog sred zla bas saM skr-i ta'i skad las/

CLOSE WINDOW