CLOSE WINDOW

Gpb042.001
བོད་ཡིག

dpal gshin rje nag po 'khrul 'khor rgyal mtshan me long gi rgyud kyi rgyal po/ rgya gar skad du/ shrI ya ma kri sna tsakra ke tu A dar sha tan tra rA dza/ bod skad du/ dpal gshin rje nag po 'khrul 'khor rgyal mtshan me long gi rgyud kyi rgyal po/ 'phags pa 'jam dpal khro bo 'jigs pa can la phyag 'tshal lo// thams cad gsum ldan bde ba gcig/ zungs thub mtshan ma kun spangs pa// yon tan ma lus ldan pa yi// rdo rje 'chang la phyag 'tshal lo// 'di skad bdag gis bshad pa'i dus gcig na/ bcom ldan 'das 'og min gyi gnas/ dur khrod chen po lcang lo can gyi pho brang na/ yum chen mo dang gnyis su med pa'i b+ha ga la/de bzhin gshegs pa thams cad kyi sku gsung thugs kyi bcud bsdus nas/ byin gyis brlabs te bzhugs so// de nas bcom ldan 'das btsun mo gsang ba'i yum chen mo dang gnyis su med par gyur te/g.yo ba med pa'i ngang la snyoms par zhugs so// de nas nyid las ma g.yos pa'i 'khor sprul pa'i sku yis mi g.yo ba las bslang ba'i phyir gsol ba btab bo/ye nas ma skyes chos sku dag pa las// mi skye rnam dag ngang las ma g.yos kyang// rdzogs pa'i tshul du longs spyod skur bzhengs la// mnyam pa'i ngang las 'gro ba'i dom mdzod cig/ces bskur bas/ gsang ba'i rtsa g.yos te/ byang chub kyi sems rin po che'i 'od dang mnyam pa chen po'i sgra byung nas/ 'jig rten gyi khams rab tu g.yos te/'khor thams cad brgyal rab tu brgyal lo// de nas gshin rje'i rgyal po sprul pa'i sku yis/ 'khor rnams brgyal ba las bslang ba'i phyir/ bcom ldan 'das la gsol ba btab bo// cho 'phrul 'jigs par bstan pa ngo mtshar che// sangs rgyas rdzu 'phrul bsam yas dpag tu med// 'jig rten khams rnams 'ur 'ur chem chem g.yos// 'khor rnams 'khams nas lus kyang sa la rdebs// dbugs dang ma 'bral dran pa'i dbang po nyams// 'khor rnams srog dang ldan par mdzod/ ces gsol ba btab bo// de nas bcom ldan 'das kyis 'khor rnams brgyal ba las bslang ba'i phyir/dbugs dbyung ba'i ting nge 'dzin la snyoms par zhugs so// skad cig ma de nyid la 'khor thams cad brgyal ba las langs te/ lha ma srin phyogs bcu nas lhags pa de dag thams cad kyis/ bcom ldan 'das rdo rje 'chang la rang rang gi srog gi mdongs gsol du phul lo// kye ho bcom ldan khro bo rgyal// khros pas sems can dran pa nyams// rdzu 'phrul rmad byung ngo mtshar che// rang dam srog gi snying po rnams// bstan pa bsrung phyir mdongs gsol phul// srog gi snying po mdongs bzhes la// dkyil 'khor chen po sprul pa bgyid// ces zhus pas/ bcom ldan 'das dges pa chen por gyur te/ zhi khro dang/ gshin rje dang/ ma mo dang/ bdud pho mo dang/ srin po pho mo dang/ rgyal po dang/ gying pho mo dang/ btsan pho mo dang/ srog bdag dang/ sa bdag pho mo dang/ klu dang/ gnyan dang/ lha ma srin sde brgyad kyi srog gi snying po rang dam tshig gcig tu dril nas bsdus so// de yang ji ltar bsdus zhe na/ la las ni bsnyen bsgrub bzhir phye nas phul/ la las ni yan lag rnam gsum du phye nas phul/ la las ni rgyun gyi drag sngags su phul/la las ni sgrub pa'i drag sngags su phul lo// de nas bcom ldan 'das kyis srog dang las thams cad gcig tu dril te dbang du bsdu ba'i ting nge 'dzin la zhugs so// he/ 'khor na lhags pa'i srog chags kun// nus pa bsdus te srog dbang sdud// dregs ba'i tshul du las ngo long// dbang po bkrag mdangs dbang sgyur// zhes gsungs so// sangs rgyas thams cad kyang 'khor de nyid du lhags te/srog gi snying po thams cad nus pa dpag tu med pa'i mthur gyis brlabs te bsdus so// las thams cad sbyor ba sna tshogs yi mthu dang bcas par byin gyis brlabs te dbang du bsdus so// de yang ji ltar bsdus zhe na/yi ge gnyis kyi mtha' ru dril nas srid pa'i khyams khang dag tu bsdus so// de nas 'khor gyi gtso bo ya mA ra dzas/ bcom ldan 'das la 'khor 'di dag thams cad gdan dang bcas pa'i dkyil 'khor du dgod pa bshad du gsol zhes zhus so// de nas bcom ldan 'das kyis rang bzhin 'byung ba'i dkyil 'khor 'di bshad do// dur khrod chen po dben pa yi// gdug pa can dang lden pa ru// las la grub pa'i dkyil 'khor 'byung// chos kyi dbyings kyi pho brang du// rang bzhin gnas pa'i dkyil 'khor brtag/ phyi nang snod bcud dag pa ru// lhun gyis grub pa'i dkyil 'khor brtag/ de yi yon tan bsam mi khyab// yum gyi b+ha ga yangs pa ru// gsang ba drod kyi dkyil 'khor brtag/ lhun grub dkyil 'khor 'di lta ste// gru bzhi rin chen rgyu dang ldan// thod pa keng rus rtsig par ldan// sgo bzhi gru chad khyams dang 'gram// rta babs bzhi dang twa ra Na// lhun po bzhi dang ldan pa'i gnas// nor bu'i rin chen rkang rus kyis// ka ba brgyad dang de bzhin gdung// tshangs pa'i dral phyam zhig rus bcas// thod pa rgyu ma zhing chung gis// bla 'og thams cad spras pa'o// stag gzig seng ge ma he glang// chu srin gnam lcags sgo la mdzes 'dod yon lha mo dur khrod rgyan// yid 'ong mchod pas gang bar skras// rin chen pha gu thod pa zhing// dra ba dra phyed dril bu dang// zhing chung rgyan gyis mdzes pa'o// rdo rje me 'od khrag mtsho gling// dbus na gru gsum rtsibs bzhi pa// phyi rim rtsibs bcu sgo rtsibs bzhi// gshin rje ma he nyi zla'i gdan// phyi nang khor yug dpag bsam yas// de la gnas pa'i rim pa ni// gshed bdag gtso bo yab yum rnams// gru gsum dbus na drag po'i tshul// rtsibs bzhir gshed po yab yum bcas// rtsibs bcur phyogs skyong rtsibs mchan bdud// gru chad ro langs lce sbyang gnas// khyams la sha za pho mo'i tshogs// sgo bzhir sgo ma de bzhin gnas// phyi khyams khor yug sde brgyad dregs// 'bum phrag g.yog dang yang g.yog bcas// drug khri drug stong 'khod pa'o// rang sngags srog gis 'brel ba yi// dkyil 'khor bdag por gnas pa ni// 'khor du sngags pa kun 'dus pa'o// 'khor gyi ya mA rA dza la sogs pa thams cad mgu bar gyur te/bcom ldan 'das la ngag mthun par bstod do// mnyam pa'i ngang las dregs pa'i skur bzhengs nas// gdug pa can rnams ma lus dbang du sdud// bstan pa gnas phyir 'khor du sprul nas 'gyed// 'khor la brtse phyir dbugs phyung ngo mtshar che// de nas bcom ldan 'das kyis yum chen mo gsang ba'i b+ha ga las bzhengs nas/ dbugs dbyung ba'i ting nge 'dzin la bzhugs te/ 'khor rnams la gzigs nas dbugs phyir phyung ngo// 'khor thams cad rengs pa dang brgyal ba las langs nas/ yang bcom ldan 'das la ngag mthun bar gsol btab bo// kye ho/ rdo rje 'dzin pa khro bo rgyal// rnam dag chos sku gnyis med mkha'// cho 'phrul sna tshogs 'jigs pa'i skus// thugs rjes 'gro ba'i don mdzod cig/ skye 'gag dang bral ba'i don 'di bstan to// skye 'gro ma lus chos sku bde ba'i ngang// ye shes thams cad bde ba'i ngang las rdzogs// 'khor ba'i skyon bral bsam yas dpag med sku// 'dul ba'i dbang gis sna tshogs las gzugs bstan// zhes gsungs so// 'khor thams cad mgu bar gyur te/ bcom ldan 'das la ngo mtshar brjod do// 'gro ba las kyis rmongs pa las// gdung ba'i sku yis las rim bstan// bstan pa gnyis med mnyam sbyar bas// gdug pa bsgral thabs ngo mtshar che// de nas nyid kyi sprul sku gshin rje'i rgyal pos/bcom ldan 'das la 'di skad ces gsol to// e ma ho/ chos sku byang chub sems kyi rang bzhin las// 'phags pa'i rgyal po rdo rje 'chang rgyal po// 'gro ba'i don du khro bo gshin rje gshed// sku gsung thugs kyi 'phrin las mchog bsdus pas// mi dge mtshams med nyams pa kun sgrol ba'i// las kyi rgyal po sbyor ba smin pa'i mchog/ mchong chen gdug pa gnad tshul dregs pa yi// yan lag bcu gnyis bzhi dang yang bzhi dang// gzer thun nag po'i smod pa rgyas par mdzod// ces zhus pa gsan nas/ snying po byang chub sems bsdus nas// byin brlabs ldan pas gsang bcud bstan// 'jig rten khams na 'dul ba yi// 'gro ba ma lus dregs pas myos// bstan pa rin chen brgya lam gcig/ snying po 'phrul gyi sbyor ba gcig/ lus kyi las sbyaur brgya phrag brgyad// yan lag gnyis brgya stong bcu drug/ rtsa ba'i le grangs bdun cu bzhi// bsgrub pa'i dngos gzhi bzhi dang gcig/ bgrod pa'i rim pa drug phyed ldan// yan lag sngon dang bcas pa bzhi// rten gyi sbyor ba las bcu gnyis// 'dren pa gsang lam bcu gnyis ldan// sgo dgu gsang bcu e ka'i thog/ drag po'i sbyor ba bzhi dang brgya// dbang gi rim pa lnga dang bcas// phyi nang gsang ba gsang chen dril// rang bzhin sprul dang sgrub byed las// ye shes ya ma pany+tsa tri/las mchog thabs mchog gnyis dang rtsa// dkar nag las gsang nyis brgya bcu// gshin rje ma mo mkha' 'gro gying// bdud dang srin po sha za klu// smyo byed rgyal po dkor srun gza'// sa bdag sde brgyad srog bdag gnyan// rlag byed chu srin mu stegs sri// log 'dren 'byung po dur khrod bdag khrung khra bya rgod dur bya 'ug/ kha rgod lce spyang stag dom wa/ khyi sbrul bung ba sdig dom sbyang// 'jig rten dregs pa srog dbang 'phrog/thams cad bsregs shing las la myos// 'khor dang yang 'khor bcas pa yi// gshin rje gshed kyi dge 'dun kun// rgyud 'dir bstan pa kun 'byung bas// sbyor ba du ma'i bca' gzhir bshad// rgyal mtshan me long gi rgyud las// khro bo gleng gzhi'i le'u ste dang po'o//// de nas bcom ldan 'das kyis 'gro ba yongs su brtag pa'i ting nge 'dzin la zhugs nas/ 'brel ba'i don 'di bshad do// bde dang rang bzhin 'brel ba yi/ snod dang ngang tshul yul du brtag/ bde lam gsang sgo dregs pa yi// gter sgo yang thog sha za'i srog/ mtshon cha'i rgyal po 'khor lo can// brtan dag grol ba sems dpag med// dri med sems kyi rgya na ldan mchog/ 'joms byed ya ma sha za'i lus// mos pa dug gi spu gri can// dbang po brtan dang rdo rje me// ya ma brtan ma lus srin mo// rdo rje snying po stobs dpag med// me chu 'byung bzhi brtan dang 'pho// las kyis 'dren pa'i srog lus rgyan// dregs pa dbang phyug bde ba'i gnas// 'pho ba gsum gyi bdag nyid can// gsang lam yang dag don mi 'gyur// bde byed ya ma'i zhing khams nas// 'joms byed ya ma'i ka li srog/ 'dren pa stobs kyis lam du 'dzul// rkyen gsum lus gcig brda yis sbyar// shes pa gsum bsdus gcig la rten// dbye ba yi ni bcu gnyis brgyad// rgyal mtshan rgyud kyi 'khrul dang bcas// 'phen pa'i sbyor ba stobs dang sdud// rdo rje srin po'i sbyor ba gcig/ 'khor lo rin chen sgyu ma'i gter// dbang chen bran dang las dbang g.yog/ mun khang mtsho gling ya ma'i gnas// nam mkha' rgyal po khams dang chu// lo yi dgra dang rang dbang 'joms// gsang mchog rlung khams yan lag lus// gcod pas mtshon cha gshed mas thogs// me yis 'jigs pa yang dag bskyed// las kyi sprod pa'i snying po sa// don dang ldan pa'i las sbyangs la// las chen thig le nam mkha'i khams// rig pa'i phyag rgya chen po stobs// snying po gsum la yang dag sdud/ khams lnga dbyings su bde ba'i bcud// sangs rgyas kun bdag lnga yi ngang// lnga nyid stobs bdag rang gnas mchog/ gsang ba'i rig can rin chen mdzod// mchog gi las dang sbyor ba'i gnas// 'khor lo rgyal po bde ba'i gnas// 'phrul gyi rgyal po gsang ba'i gter// gsang ba dbang gi rang rgyas gdab// mi mthun lus la gnon byed gdon// dus dang len pa'i khams su sbyar// yul dang dbang po skye mched yul// dbab pa'i sbyor ba gcig dang bcas// gshin rje nag po bdud dang gshed// rang lus phyag rgya'i stobs dang ldan// che ba'i phyag rgya dregs pa khol// zil gnon phyag rgyas kun dbang sdud// las kyi phyag rgyas dbang rig brtsegs/khams gsum 'khor ba'i sems can kun// dug lnga'i nad kyis gdungs shing 'khyams// de la sngags kyi dmod pa dbab// lus la brnag pa'i sdig pa bzhugs// gsum bsdus dril la yul dbang dbrog/las kyi khol ba'i las la mngag/ lam sbyangs yul bgrod gnas dang sbyar// phyag rgya'i lus la gsum gyis rlab// sku gsung thugs kyi bde gnas su// chos sku'i 'od zer 'bar bcas 'khyil// 'phro 'du dang bcas rang dbang sgyur// dri ma gsum dang drug las smin// nus pa'i stobs kyis dbang po sdud// gcig gi khams dang thams cad sbyar// 'du ba nad kyi lus la smin// b+ha ga bde ba'i pho brang du// byang chub 'khor ba'i lam sbyangs nas// bde ba chen po'i gnas phab la// sems dang dri ma gnyis bsdus la// sa bon dag pa dbyings su 'phangs// bde ba dang bcas gnas su 'khyil// sngags dang mchog la gzi byin 'bar// zhing khams kun spros sbyang bgrod bsdu// nyi ma'i dkyil 'khor bde gnas spro// 'bar ba'i 'khor lo 'od 'bar gang// ye shes 'khor lo thig ler 'khyil// 'khor lo khro chung stong dpag med// dkrugs pas phyag rgya gzhan dbang bsgyur// lus bcud dngas ma sems dang bral// pho brang sgo ru brten gzhi dpral// dbus kyi pho brang e la bsdu// rdo rje snying po brda yi dkrug/ bde lam bde gnas dgu thog dang// gsang lam rdo rje bgrod la 'phang// tshul gsum sbyor ba bzhi dang ldan// stobs bzhi yan lag bzhi dang bcas// be bag ta yi khu ba dang// rdo yi mtsho gling gang 'phangs dang// bde ba gsang mchog rgyan lam bskyed// ya ma ka li'i zhing khams nas// ya ma rag+sha 'bar ba'i tshogs// dbang po snyigs ma yul la rol// dwangs ma'i srog mdangs bde gnas gsal// snyigs ma thod par bde gnas gsal/khams gsum bde ba'i yul dang sprad// don gsum thabs kyis grol bar bshad// rgyal mtshan me long gi rgyud las// brda gsum thabs kyi le'u ste gnyis pa'o//// de nas bcom ldan 'das kyis bde ba'i 'khor lo bgrod pa'i thabs 'di bshad do// rig pa'i 'khor lo 'di lta ste// bde ba'i 'khor lo ye shes can// 'khrul byed tsit+ta'i 'khor lor bca/ myos pa brten dang dpral ba nyid// srog gi dbang po kun bsdus la// tshe gnas rdo rje'i lam du sbyang// dbang po rdo rje yul la bstim// srog gi rdo rje dbang bsdus la// rdo rje srin po'i stobs la bstim// nyi ma'i rdo rje las dbang dkrug/ tshe gnas srog rten rdo rje 'joms// gnyis ldan rdo rje brda yis dbye// don gyi rdo rje phyag rgya'i sku// dbang po mchog gi rdo rjer 'gyur// don ldan rig pa'i chos sku'i klong// rdo rje rgyal po bcud la dbab// rang gnas tshe yi lam la gzung// 'jog po bde lam gyen bzlog 'phang// yul gyi dmigs par rang bzung// thaM thA thA thA wa na k+pa'u tha klu gnyan sa bdag gsum la gtad/sa g+ha'i sbyar ba tshul gsum/ 'phrul gyi 'khrul mig skabs kyis sbyar// las kyi 'khrul 'khor gnyis dang gcig/ rnal 'byor can la gnas bya'i phyir// 'khrul mig drag po'i 'khrul 'khor gyis// rgyu dang tshad dang gzer dang gnad// bsnyen dang bsgrub dang las dang gzer// dus dang gnas dang rdzas dang thabs// phyogs dang blang dang rgod dang 'pho// lhog dang 'khyam 'bral gcod dang ldog/ rdzas dang gnas dang rgyu dang mthun/rnal bzlog dkrug spogs gzir mnan blang// las dang dngos grub thun mong mchog/ lus dang yan lag thabs dang gnad// bde ba smin byed dbang bsdu 'phang// sangs rgyas kun mnyam mthu stobs bdag/rin chen rdo rje so ma ta// ut+pal ljon shing myu gu 'bru// me tog mdog ldan bcud bung ba// rtsi thog ma sbyar len dang 'khyam// rtsa ba dbang gis bgrod pa'i mchog/ mdangs bcas grol ba thams ldan blang// bcu drug bskyang pa bzhi ldan gcig/ mtshon cha'i 'khor lo bde dbang sgyur// 'bigs dang gcod la sogs pa'i las// bsrung dang skyob pa kun byed pa// 'phrul mig drag po'i gnyis dbang gcig/'khor lo mi 'gyur brtan pa yi// phyag rgya rdo rje sngags kyi gzer// mtshon cha'i lo ma spu gri'i gnad// 'phrul gyi 'khor lo gsang chen thabs// gnyis med mthun pa'i las nyid las// 'khor lo chos sku phyag rgyar gsal// zla shar 'khor lo gdan dang brjid// nyi ma'i 'khor lo 'od stong 'bar// sbyor ba'i 'khor lo du ma 'phro// mtshon cha'i 'khor lo rtsa lam gcod// sngags kyi 'khor lo srog cing sdud// ting 'dzin 'khor lo bskul gyin 'byed// rdo rje 'khor lo bde mchog gsal// gsang ba'i 'khor los gsang bcud len// sems dpa'i 'khor los rang dbang 'bebs// shugs kyi 'khor los rtsa dang ldan// bag chags 'khor los rten la bsdus// brnag pa 'khor lo lto bar gzhug/ 'byung ba'i 'khor lo stobs kyis mnan// gnyis ldan 'khor lo gcig gi ngang// bskul ba'i 'khor lo g.yo zhing 'phar// dmigs pa'i 'khor lo bde bas gang// bcud kyi 'khor lo sdud cing 'phel// bde ba'i 'khor lo rtsa lam rgyud// gsang ba'i 'khor lo bde bas gang// sa bon 'khor lo las kyis 'bab// 'khor lo sgra dang bcas nas 'khril// 'od zer 'khor lo phyag rgyar 'bar// thugs kyi sbyor ba bsam yas mchog chos sku phyag rgya 'od ldan gsal// 'khor lo gnas su 'khor lo bca'// gsang ba tshe yi 'khor lor 'bar// thabs dang shes rab gnyis ldan pa// las kyi 'khor lo sa ra pa// gshin rje nag po 'joms pa yi// bde ldan 'khor lo brtsegs pa yi// pho brang gnas dang sbyar ba'i lus// zhi ba'i gnas su las su sbyar// gnyis med sbyor ba'i 'khor lor bshad// rgyal mtshan me long gi rgyud las// gsang ba 'khor lo lta ba'i le'u ste gsum pa'o//// de nas yang bcom ldan 'das kyis rang rgyud thig le'i mchod pa 'di bshad do// de yi sbyor ba bgrod pa'i mchog/ bde ba brgyan gyi mchod pa dang// yid 'phrog klu yi dbang phyug rtsal// thabs dang shes rab gnyis med pa'i// las chen sbyor ba'i yul dbang sbyor// ting 'dzin shugs 'gro rgyun dang sgyur// byin brlabs mchog ldan mchod pa'i mchog/ rig pa rang dbang rgyun mi 'chad// g.yas nas bde lam sku la dbab// tshangs pa'i gnas su mchod rgyun 'khyil// bde chen mchod rgyun lhun mnyam gsal// sngags kyi stobs kyis rlung bskul la// drod kyi dbang po rtsa lam bzhu// rkyen dang ldan pas mchod rgyun 'bebs// g.yas nas bskul nas g.yon nas 'bebs// rak+ta chags pa'i mchod pa yin// g.yon nas bskul nas g.yas nas 'bebs// 'gu bin tri yi mchod pa yin// g.yas g.yon gnyis nas bskul nas su// dbu ma'i thig le rgyun shar pas// byang chub sems kyi mchod pa yin// rtsa gsum bskul nas gang zhing 'bar// sna tshogs ba li mchod pa yin// rtsa rnams bde bas mdzes gang ba// me tog rgyan gyi mchod pa yin// ye shes rang gnas 'od gsal ba// snang gsal 'od 'bar mchod pa yin// thams cad gnyis med ro mnyam gcig/ kun tu bzang mo'i mchod pa yin// ye shes thig le gcig tu 'khyil// sbyor ba dbang gi mchod pa yin// shes pa gnyis zin rtog bral ba// stobs chen shugs sgrol mchod pa yin// rdo rje 'od ldan phyag rgya yi// ye shes chen po rang nyams gsal// rang gnas thig le'i mchod pa yin// lnga rdzogs bde ba gcig tu 'khyil// lhun gyis grub pa'i mchod pa yin// bdag dbang rdo rje bstan pa'i sku// rang 'byung lnga dang mdzes pa'i ro// 'chi med bdud rtsi'i mchod pa yin// mtshan ma mi gnas dbyings su thim// gnyis su med pa'i mchod pa yin// mchod rgyun don ldan bgrod pa'i mchog/ bdag nyid bdag la rol zhing mchod// tshangs pa gser gyi sgo gnyis nas// ye shes nyi ma'i thig le dgug/ phyag rgya'i lus la bstim zhing mnan// gang yin dbang po legs sgor gzhug/ sgo gnyis rtsal sbyangs thig ler bstim// ya dang ma las dwangs ma bsdu// ya tshogs brgyad dang lnga drug gnyis// stobs gsum rdo rje'i lam bgrod nas// yang dag bde ba'i gnas su spro// bde bas gang na shes rab bskyod// gnyis med phyag rgya'i rang dbang gsal// rgyun dang bde ba'i mchod pa rol// rdo rje rgyal por bskyod pa yi// shri pany+tsa de ba yi/ de ba gu h+ya'i ra dza ya/bstan pa'i thig le'i bzlas pa bya// bde ba chen po'i sku la gsal// nyon mongs bde ba rang gnas 'bar// sgrol ba ye shes rang 'bar bcas// sbyor ba sgra yi thig ler dbab// gshin rje'i sku yi dbyings su thim// ngam gling dgu 'dus rdo rje'i rtse// b+ha ga brtsegs pa'i pho brang du// 'bru yi dwangs ma dril bsdus la// phyag rgya chen po bstan par bzung// byin dbab rdo rje ngang gis rdzogs// sbyor ba du ma skabs kyis brtsam// gang 'dod las la thog med 'jug thun mong mchog gi dgongs par ldan// gsang ba'i phyag rgya bgrod par bshad// rgyal mtshan me long gi rgyud las/ gsang ba thig le lta ba'i le'u ste bzhi pa'o//// de nas bcom ldan 'das kyis khro bo bsnyen pa'i gleng gzhi 'di bshad do// ye shes bsnyen pa'i sbyor ba la// bgrod pa'i rim pas sngon 'gro brtsam// zhi ba'i ting 'dzin sbyor ba las// khro bo'i rgyal po gshin rje gshed// myos par byed pa'i lus la gdon// 'khor lo brgya phrag sbyor ba gcig/ rim pa du ma las kyi gnad// yan lag rgyan gyi 'khor lo gsum// rdo rje srin po las mon gshed// khro bo rgyal po yang dag gzung// dbang gi gnas su phyag rgya 'bar// gzugs brnyan 'khor lo'i sbyor ba ni// zur brgyad mu khyud chun 'khor can// 'bar ba'i gzugs brnyan rdzogs par bya// dur khrod rten bcas pho brang mchog dbus mthing zla kham bzhi 'khor lo// gru chad mtsho gling ngam gling khrag/ sgo khyud sgo bzhi 'khor lor bcas// rdo rje thod 'phreng me ri 'bar// gnas kyi 'khor lo bcu bzhi ste// dkyil 'khor gru bzhi bzhi ldan bya// bam chen ma he nyi zla'i gdan// bla re zhing rgyan thod sprul bcas// 'phreng ba g.yer kha dra phyed brgyan// 'dod yon lha mo don khrag bam// mu khyud 'khor lo 'gram bzhir ldan// 'khor lo rtsibs bcu bzhi dang ldan// bar khyams dur khrod bam chen sprul// phyi rim yi dwags gzugs brnyan dgod// zhing dang zhing chung keng rus brgyan// dbus la sogs pa sogs rim bzhin// de la gnas pa'i rim pa ni// gshed bdag gtso bo yab yum dang// gshed bdag pho mo bzhi ldan bcas// mu khyud dang por dgod par bya// gnyis pa 'khor lo'i rim pa ni// phyogs skyong yab yum bcas pa dgod// bar du gshed kyi bdud rnams kyang// go nas 'dus pa'i tshul du bya// mu khyud sgo yi 'khor lo la// ya ma brtan ma la sogs dgod// bar khyams gru chad snam bu la// las kyi ya ma drug stong gnas// rten bzhi gnas kyi dang po la// rten ma lha yi 'khor lo brtan// ye shes byin brlabs stobs ldan bya// rjes su mthun pa'i cho gar ldan// rten rdzas gnyis dang mchod rdzas dgram/ rgyan rdzas rol rdzas gtor ma khrag/ bdag nyid gtso bo phyag rgya'i sku// thugs khar nyi zla'i snying po sngags// rang nyams 'od 'bar snying po gsal// skad cig sngags dang 'od la gsal// mi g.yo brtan pa'i shugs kyis drangs// 'phro 'du sbyor bas gzi mdangs bsdu// bde ba'i dum bu sems las blangs// sems kyi rdo rje bstan thob nas// ye shes phyag rgya drod la dbab// snying po shugs dang ngang gis drangs// nyi ma rdo rje chu rlung dang// pad+ma rin chen so ma ta// nam mkha' 'khor lo gsal dang bcas// dur khrod rten dang gzhal yas bcud// snying po gsum gyi brda dang sbyar// phyi nang gsang ba'i drod gzung la// grod ma'i tshad mas brtags la dbab// phyi nang gsang ba'i drod rnyed nas// las kyi ya ma'i bsnyen pa bya// lus kyi 'khor lo brten byas la// khro bo dka' thub ldan pa yis// dur khrod gnyan rar ya tshogs bzlas// sna tshogs me rlung 'khor lo can// 'bum phrag bkug la las sngags bzlas// zhag gsum ya ma dbang du bsdu// ya ma ka li'i bsnyen par bshad// rgyal mtshan me long gi rgyud las// bsnyen pa'i le'u ste lnga pa'o//// de nas bcom ldan 'das kyis gshin rje gshed kyis bsad pa'i 'khor lo rgyas par bshad do// dngos grub gnyis dang bde ldan na// drag po las kyi sbyor ba brtsams// dur khrod gnyan sa gdug pa ru// brnag pa thun dang 'khor lo rdzas// mthing nag dong bcas gru gsum rtsang// ling ga rgyu rkyen drug las ming// dong gzhug mtshon cha'i 'khor lo bca'// dur khrod gnas na dpa' bo yis// ka la ka ba ma ning tog/ gos su bcas pa'i rgyu blangs la// dur khrod ras la bam chen gyi// rme ba lnga yi thang ma bya// ni ra su yi thal ba yis// mtha' ma rgya dang skya bcad bya// mchog phran rkang gis pir byas la// bam chen don gyi khrag rnams kyis// gcod pa'i 'khor los rjes mthun bri// gcod pa'i 'khor lo ngar dang bcas// rdo rje 'chang chen dregs pas myos// khro rgyal kun gyi stobs dang sbyar// mthu stobs bdag po dbang phyug che// ras la rdzas kyis legs byugs la// rgyal la kun gyi thig ler bya// thugs kyi snying po stong dang sbyar// dbus mtshams gru bzhi mnyam brtags la// tshangs pa'i thig brgyad rgya gram gdab// mu khyud rim pa bzhi ldan bskor// gnyis pa zur thig bzhi ldan gdab// mtha' gnyis bcu drug bzhi bzhis lpags// yang logs 'phrul mig bcu gnyis ldan// de la dgod pa'i rim pa ni// dbus su gru gsum rtsibs bzhi la// 'khrul sngags drag po lnga dang ldan// phyi rim bcu gnyis 'khor lo la// me dbal gshed kyi 'bru bcu gnyis// de dag rjes su dgod par bya// phyi rim bcu drug 'khor lo la// sku gsung thugs kyi snying po ste// dgod pa gnas mthun lto sbyar dgod// yang logs rtsibs chen nyi shu la// gcod cing rnon po'i spu gri dgod// bcu drug nyi shu gzer dang mtshon// drag po mthu stobs ya la bsdu// 'khor lo rtsibs chen bzhi bcu brgyad// sngags ni me dbal 'khor los mtshon// 'khor lo me dbal mtshon chen gyis// zhing bcu ma lus gtan nas sreg/ de yi yon tan dpag med pas// byin brlabs mthu stobs sten dpag med// ye shes 'khor los brtan pa sbyin// myos pa'i rdzas kyis dbang bskur bya// dag pa'i gzhi las sna tshogs las// brgyad la sogs pa bsam dpag yas// rtsa ba bzhi las yan lag stong// 'byung bzhi gnas pa'i mtshon cha la// byin brlabs du ma skabs dang sbyar// me dbal sngags dang 'khor lo mtshon// gcod cing sreg pa drag po'i las// 'joms byed ya ma'i zhing khams nas// 'joms byed drag po zhe sdang mchog/'bar ba dug gi dum bu sdud// me 'bar nag po'i 'bru nyid la// sbyor ba'i rtsa ba 'phel zhing sdud// dbang sdud 'khor lo 'bar ba'i mchog/ khrag 'thung 'bar ba'i lus la gzud// drag po'i stobs dang mthu dbang 'phrog/sngags dang phyag rgya'i bstan pa sbyin// mkha' 'gro dbang phyug lto bar gzhug/ dbus dang mtshams kyi 'bub gnas su// 'dud pa'i dri ma kunabasdus la// ma lus kun gyi sdig pa bsgo// nye bar gyur pa'i yan lag yin// zhing bcu ma lus rten la bstim// thugs rjes rgyun gyi mthu stobs ldan// bsgrub bya gang dmigs gcig la bsdu// srog sdud snying po rten bcas yin// srog rten tshe gnas thig ler gzhug/ mi 'gyur brtan pa'i phyag rgya yin// sna tshogs dug gi khu ba yis// 'khor lo rgyal po ngar blud bya// rten 'brel stobs kyi nus pa yin// myos par byed pa'i rdzas kyis gdug/'khor ba'i nus pa tshad ldan yin// brnag pa kun gyi snying po mchog/ gcod pa'i 'khor lo me dbal yin// sreg cing gcod pa'i las rnams byed// dwangs ma tshe gnas thig ler gzhug/ 'byung ba bzhi yi mdangs bsdus la// snying po bde ba'i ngad dang sbyar// dag pa'i phyag rgya bstan pa sbyin// lhag ma snying po rjes shul la// sha za srin po stobs dpag med// de don snying po dag pa'i bdag/ 'jam dpal thugs kyi snying po 'di// stong pa'i ye shes dbus nyid byos// gsal ba'i ye shes bzhi ldan te// las dang 'bras bu smin pa'i mchog/ bde ba'i mtshon cha 'khor lo can// yul du snang ba gzugs brnyan yin// sgyu ma'i bsti gnas dbang po yul// de la stobs kyi las dang 'jug khams gsum sreg pa'i nyi ma yin// dug gsum gcod pa'i 'khor lo'o// 'jam dpal thugs kyi 'od zer gyis// sprul pa rang byung ngos shar zhing// dus gsum rgyal ba'i bka' rgyud pa'i// snying po'i thigs pa'i 'phrul mig 'di// bka' yi bdud sgo dngos grub ster// mtshon chen 'khor lo gter gyi mchog/ thabs rnams ldan dang mi ldan pas// bya ba kun grub brlag par 'gyur// gang zhig dug gi yan lag lus// smin cing rkyen dang ldan pa las// zos pas 'chi 'gyur gdon mi za// 'phrul mig bcu drug snying po 'di// rngam pa gzer gyi 'bru btus te// brtsam pa spu gri'i 'khor lo bcas// gsang ba sngags kyi 'phreng bas bskor// 'khrug byed bdud kyi 'khor lor brtag/ ha la nag po'i bdud srin gshed// gsang sgo gnyis kyi lam nas bton// 'byung ba khams kyi gnas su bstim// ya ma nri la snying po brten// srog rten dwadangs ma gnas su bsdu// ya la phab la thig ler gzhug/ thig le mi 'gyur ga bur gnas// lhag ma khrag dang rjen shun la// dregs pa pho mos myos shing rngams// rdo rje gzegs ma gcod pa'i las// srog ldan khams gsum ma lus pa'i// gshin rje rgyal po srog gi gshed// srog lus 'brel ba shar nyer bas// gshed shes bya ba'i las gnyer yin// 'byung sa bzhi dang rten sa bzhi// bla gnas bzhi 'joms nyi ma'i las// zhing bcu sreg pa'i nyi ma ste// ye shes 'od ldan bskul ba'i rkyen// nyon mongs lam grol las kyi mchog/ phra mo'i rgyun gcod mtshon cha'i las// de bsgrub bya ba gang yin pa// mtshan nam nyi ma bzhi bzhir bsgrub// de phyir nyi ma bzhi zhes bya// nyi ma las kyi rim pa bzhi// gnas pa bsgrub pa'i srog rten la// gnas pa'i snying po khams chen bzhi// 'byung ba 'degs dang spor ba la// sa dang me yi snying po gnas// g.yang dang rlan pa'i rtsa sgo ru// rlung dang chu yi snying po brtag/ rten gsum sbubs kyi srog shing la// rten dang sdud pa'i snying po bzung// rtsa phran brgyad dang 'dus bzhi la// bcu gnyis gzer gyi snying po gnas// mu khyud bar gyi mdud pa la// snying gzer bzhi yi dngas ma gnas// rtsa sgo sbubs dang bcas pa ru// 'khrug byed nag mo srin po'i lus// mkha' 'gro bdud mo brtan ma yin// snying po thig le gnas su 'pho// 'khor skyong dregs pa pho mo yi// snying po thig le gnas su 'pho// de yi sbyor ba bstan pa'i mchog/ 'jig rten 'das dang dregs pa yi// dbu ru yon tan rdzogs pa gzhag/ de 'og dbyangs kyi dang po ste// de rjes sgra yi dang po la// su mu ni yi gsum pa yis// de yi 'og nas nye bar sbyar// dbyangs yig bcu bzhi steng nas brgyan// de 'og bzhi pa'i dang po la// dbyangs yig bcu gcig gis steng brgyan// de 'og sgra yi dang po bzhag/ de rjes drug pa'i dang po ste// de 'og lnga pa'i mtha' ma bzhag/ der rjes bzhi pa'i dang po ste// de 'og sgra yi dang po bzhag/de rjes u sha'i mtha' ma ste// de 'og bzhi pa'i mtha' ma bzhag de 'og lnga pa'i mtha' ma bzhag der rjes gsum pa'i gnyis pa bzung// de 'og lnga pa'i gsum pa lnga// u sha'i mtha' ma 'og nas brgyan// de la gsum pa'i mtha' ma mnan// de 'og bzhi pa'i bzhi pa ste// de rjes sdud pa'i snying po gsum// de 'og skrod pa'i nag po gsum// ka yi 'phreng ba sku yi bcud// sngon 'gro lha yi gzi mdangs sdud// nyi ma shar ba'i tshul dang ldan// bsnyen pa'i sku yi 'phreng bar bshad// gsal ba gsung gi bcud bsdus pa// 'bru dgu sku yi thig le bzhin// de rjes sgra yi dang po ste// drug pa'i mtha' ma nye bar bsten// der rjes drug pa'i gsum pa la// dbyangs kyi lnga pa 'og nas brgyan// de 'og lnga pa'i dang po ste// de rjes gsum pa'i mtha' ma la// dbyangs kyi bdun pas steng nas brgyan// de 'og u sha'i gnyis pa bzhag de rjes sgra yi gsum pa la// dbyangs yig lnga pas 'og nas brgyan// de 'og drug pa'i gsum pa la// der kyang dbyangs yig lnga pas brgyan// sdud dang skrod pa'i yi ge drug/ gsung gi 'phreng ba sdud pa'i mchog/gsal ba'i 'phreng ba gsung du bshad// thugs kyi thig le bde ba'i mchog/ bdud 'joms bden pa dbu ru bzhag/ de 'og u sha'i mtha' ma la// drug pa'i gsum pa 'og tu dbug dbyangs yig gsum pas steng nas brgyan// der rjes lnga pa'i gsum pa la// 'og nas u sha'i mtha' mas phug/ de bzhin steng nas dbyangs kyi lnga// de yi sgra yi dang po la// drug pa'i gsum pas 'og nas mdzes// dbyangs kyi lnga pas steng nas brgyan// der rjes gsum pa'i dang po la// de 'og dbyangs kyi dang po ste// de rjes gsum pa'i mtha' ma gnyis// de 'og sdud pa'i yi ge gsum// skrod pa'i 'bru gsum mtha' ru brnag/thig le thugs kyi snying pa ste// brgya brgya sbyir rgyu rkyen gyi mchog/ bde ba thugs kyi snying po bshad// sku gsung thugs kyi kha gnon rdo rje stobs dpag med/ rdo rje rgyal po bde ba'i mchog/sngon 'gro bsnyen pa'i 'phreng bar bshad// rtsa ba me dbal gshed kyi 'bru// dbu ru yon tan rdzogs par bzhag/ de 'og drug pa'i dang po sten// der rjes lnga pa'i mtha' ma ste// 'og tu lnga pa'i mtha' ma la// dbyangs yig bcu gcig pas steng brgyan// de rjes gsum pa'i dang po bzhag/ de 'og u sha'i gnyis pa la// sgra yi dang pos 'bral bar bstan// steng nas bcu gcig dbyangs kyis brgyan// de yi drug pa'i gsum pa bzhag/de rjes gnyis pa'i dang po bzhag/ rjes su u sha'i gsum pa ste// de 'og gsum pa'i dang po la// bcu gsum dbyangs kyi steng nas brgyan// de 'og drug pa'i gsum pa la// dbyangs yig lnga pa 'og nas brgyan// de 'og gsum pa'i mtha' ma bzhag/ de 'og drug pa'i dang po la// dbyangs yig bcu gsum steng nas brgyan// de 'og gsum pa'i mtha' ma la// dbyangs yig gsum pas steng nas brgyan// der rjes drug pa'i sa bon bzhag/ de 'og drug pa'i dang po ste// der rjes gnyis pa'i dang po'o// de 'og gsum pa'i mtha' ma la// dbyangs yig bzhi bas steng nas brgyan// de 'og u sha'i mtha' ma la// dbyangs yig drug pa'i 'og nas ug/ steng du drug pa'i gsum pas mdzes// de steng lnga pa'i mtha' mas brgyan// de 'og gnyis pa'i mtha' ma gnyis// rtsa ba'i 'khor lo dril ba'i bcud// las kyi rim pa sna tshogs las// sbyar ba nyis brgya stong bcu drug kha gnon sbyor ba stobs dpag med// spu gri sbyor bas gcod pa'i sngags// dang po u sha'i mtha' ma la// steng 'og drug pa'i dang por 'brel// steng du dbyangs kyi gsum pas brgyan// de 'og u sha'i dang po la// 'og nas u sha'i mtha' mas brgyan// steng du dbyangs kyi gsum pas mdzes// de 'og lnga pa'i dang po la// 'og tu drug pa'i dang pos brgyan// de 'og lnga pa'i mtha' ma bzhag/de 'og de la dbyangs lngas 'og/ drug pa'i gsum pas de la 'brel// de 'og gnyis pa'i dang po bzhag/ de 'og drug pa'i gsum pa dang// sgra yi dang po gsum par 'brel// de rjes gsum pa'i dang po ste// rjes su gnyis pa'i dang po bzhag/ de 'og drug pa'i gsum pa btags// de 'og lnga pa'i mtha' ma'o// rjes su drug pa'i gsum pa ste// de 'og drug pa'i dang po bzhag/de 'og bzhi pa'i mtha' ma la// dbyangs kyi gsum pas steng du brgyan// der rjes u sha'i gnyis pa ste// sgra yi dang po'i gsum pa la// dbyangs kyi drug pas 'og tu brgyan// de 'og drug pa'i gsum pa la// dbyangs yig lnga pas 'og tu ug/ de 'og gsum pa'i mtha' ma la// dbyangs kyi bzhi pas steng du brgyan// de rjes lnga yi gsum pa la// drug pa'i gsum pas steng du 'brel// de la bzhi pa'i gsum pas mnan// de 'og drug pa'i dang po bzhag/ spu gri 'phreng ba gcod pas mtshon// sreg cing gnon pa'i b+h+yaM yaM raM// thim zhing sdud pas g+hu ra b+ha Sh+ta// drag pos gcod k+haM pa la// 'joms pa gsum gyis 'phen cing sdud// rtsa ba'i sbyor ba brgyad dang gcig/ drug gnyis yan lag sbyor ba'i mchog/ rnal bzlog dkrug mchongs 'gros stabs brgyad// dug rgyu 'byung ba tshad mas sbyar// drug gnyis 'pho ba las dmigs brtag/dril bas 'khor lo mtshon chen tshul// brgyab pas ya thogs bdud kyi stobs// rin chen stobs kyis ngar blud la// 'khor lo dug shing me la bdug/ rten la ye shes rab gnas bya// 'phan pa stobs kyi sbyor ba yis// brgyab na 'joms shing mi 'chor byed// drag po za byed myos pa'i sngags// ho ban srog 'dzin sbyor ba brgyad// dug 'joms srog 'joms tshe nas bstim// spogs pa rang gzir khugs dang gso// sgo yig rten gzugs sgo gsum mnan// nyi ma rten bzhi 'khor lo'i gnas// der 'joms bcu drug las kyi chad// gsang ba ngag sbyangs grang med lam// gsum nas bgrod pas rten dgu 'pho// snying po srog bdud bcud la dbab// sbyor ba gnyis kyis mnan par bya// 'pho zhing 'gyur ba med pa'i gnas// gzhan yang gdug pa nad gzhom na// gsang pa rdo rje kun po'i sngags// seng ge mche sbyar stag mo thob// ye shes dam tshig 'khor lo gnyis// gnyen po yan lag gzer dgu 'joms// des 'joms mtha' ru gnas par bya// drag po stobs kyi sbyor ba ste// gsad bas mchog gi sbyor bar bshad// rgyal mtshan me long gi rgyud las// yab kyi 'khor lo gsang ba'i le'u ste drug pa'o//// de nas yang bcom ldan 'das kyis ro langs nag mo'i 'khor lo 'di bshad do// de yi sbyor ba 'di lta ste// ye shes 'khor lo gsang ba yi// spogs pa las kyi sbyor ba ni// ro langs nag mo'i 'khrul 'khor gyis// yum gyi las rnams 'grub pa la// bdud mo dgug dang la rbad// bsad dang gzir gsum gnad la bor// ro khugs shi sa dam tshig bstan// byin brlabs gsos la 'khor lo dkrug/ rtsa ba'i 'khor lo'i snying po dang// ro langs nag mo'i lto dkrug ba// bdud sde ma lus 'dus pa'i mchog/ las kyi rtsa bar snying po sdud// dbyings sdud yum gyi 'khor lo la// dngos dang sbyar ba'i las dang tshad// 'khrul 'khor rim pa 'di lta ste// zhing ras lpags shun khru gang la// sbyor ba sna tshogs thang pa bya// gsum gnyis phan tshun cha mnyam thig/rgya gram mtshams sbyar thig gnyis te// ru thag gnyis te thig mdud brgyab// thig mdud rgya gram re mig skyong// sngags kyi sbyor ba brgya dang ldan// re mig 'khor lo cha mnyam bya// 'khor lo rim pa 'phreng ba rten// cha mnyam mu khyud rim pa lnga// dbus su drag pa'i 'khor lo brgyad// lte ba drag po'i 'bru gcig ste// 'phen pa kun gyi sbyor ba rten// phyi rim mu khyud re mig brgyad// 'khor lo sbyor chen 'phen pa'i sngags rtsa ba'i sa bon gnyis dang ldan/'khor lo 'phen pa 'bru drug brgyad// yang logs bcu drug rim pa la// 'khrug byed nag mo'i 'phreng ba dgod// mu khyud bzhi pa'i 'khor lo la// mi 'gyur thugs kyi 'phreng ba dgod// phyi rim mu khyud lnga pa la// sbyor ba gsung gi 'phreng ba dgod// rtsa ba'i yi ge lngar bzhin las// yab yum rjes su mthun par bkod// me dbal 'khor lo rjes mthun las// bzlog la 'bru rnams dgod par bya// mtshams bzhi'i re mig de bzhin du// yab yum bdud kyi sbyor ba'i ming// de bzhin rim par dgod par bya// sngags kyi 'phreng ba gral las bzung// yab kyi 'phreng ba sngar bzhin las// dang por stobs ldan b+h+yaM ma ya// 'u tri pri ta 'degs pa'i ma// su tri chags par ldan pa'i rag/ m+ni dra 'degs dang ldan pa'i mo// saha b+ha pra tra 'byung ba'i ma// de mthun ldan pa sdud pa'i ma// mu la rtsa ba'i 'khor lo la// 'phen pa'i ming gi yi ge drug mi 'gyur rtsa ba'i 'khor lor shar// rten pa sku yi 'phreng ba ni// ka sra su nir kyi dang dum// gnyis pa kar ma sahi ti shaM// gsum pa kro ma ya t+hi dun// bzhi pa ga bu li ti man// lnga ba ya krun tsan d+ha rag/ drug pa dU kra tsi tri rag/ bdun pa phatra kashar ya shahaM// brgyad pa kashaha druM ni pra pe// dgu pa tsa hi dzI ti ta/ bcu pa shaM ka yi ka li/ bcu gcig pa ra badzra rag bcu gnyis g+ho g+hon ya ma mo/bcu gsum dwa tu ta ki e/ bcu bzhi sar b+hi tsi ta ka bco lnga a g+hu shahi g+hin dzA/ mtha' ma phra ya kashre ma ti/ sku yi snying po sbyar ba'i mchog/ thams cad 'joms pa'i dril 'phreng 'di// 'dren pa kun gyi rtsa bar bshad// 'khrug byed tsit+ta'i 'khor lo ni// dang por ba lan ta na'i snying// gnyis par d+ha dang g+ha g+hon no// gsum par d+ha pa ra nan shahaM// bzhi par na ya g+ho sin tsi// lnga par pa ta te pin+ta// drug par pha gram gyi li rag bdun par b+ha ba b+he ha ta/ brgyad par b+ha mahru g+hu la rdubs/ dgu par ma ra yag rag ro/ bcu par ya pa ti gan tsa/ bcu gcig wa ya so men ramaga'u/bcu gnyis ra ga dur laM ramaga'u/ bcu gsum la shaM d+ha b+hi tsi/ bcu bzhi sa ra mu ri ro/ bco lnga sha ma be to shan/ bcu drug ba ra bi ti yabya/ thugs kyi snying po sbyor ba'i mchog gsal ba'i ye shes kun grub ldan/thugs kyi mi 'gyur 'phreng bar bshad/ mtha' ma gsung gi 'phreng ba yang/ dang por a dang khyab ro raM/ gnyis par e mA b+hu kri thum/ gsum par i mA g+he oM gzer/ bzhi par i ta nu bin badzra/ lnga par u tha ma nyag snying/ drug par u drum mug tsa ka bdun par ri mog ti ka rag brgyad par rA tsa ma ga sahaya hri/dgu par ri li lAM muM shwi/ bcu par lI sU par sho sU/ bcu gcig e saho nya kro rag bcu gnyis e saho pa ra shA/bcu gsum o d+he d+he ru nganre/ bcu bzhi aM saha lI tUM/ bco lngar laM duM oM g+ho yamyaM/ bcu drug a ud yah+yaM shahaM Ud/ de dag thugs kyi sbyor ba ste/ tsa ma sa ri du ba yin/ g+hu h+ya rA dza'i tsag kra ste/ de ba ki li tsakra'i mchog/kun 'byung rtsa ba'i 'phreng bar bshad// gcod pa spu gri'i 'phreng ba yang// dang por k+haM krid ma ti ya// gnyis par 'dom b+ha'i ta na ma// gsum par rag shaM tsa mun te// bzhi par khrag dum ra ya ma// lnga par rak+sha pra mA ru// drug par k+shi krin tsa ma lU// bdun par dzabahi rU+i b+hi samahi rbad// brgyad par ra ba sha na ya// 'bru brgyad drag po kun gyi mtshon// gcod pas spu gris mtshon lo ma// 'di dag bsad pa'i 'khor lo'o// snying po mtha' ma dgod cing bzung// rgyu rkyen sbyor ba'i 'phreng ba yis// g.yas g.yon rang gnad dkrug dang bcas// dang po dbus nas thog drangs la// rdo rje phyogs nas srog bzung ste// phya sangs yum gyi mtshams su bskyal// rin chen phyogs nas nyer bzung la// pad+ma ral gri'i phyogs mtshams bzhin// dril gtor phye dang sbyor ba phral// 'di yi sbyor ba gong bzhin las// khyad par drug dang brgyad bcu gnyis// rtsa ba brgyad dang yan lag brgya// sbyor ba phral na du ma 'byung// mnan pa drag po hoM gyi bya// gang sgrub las kyi mtha' sdud yin// spogs pa med pa'i sbyor ba mchog/ de bzhin las kyi mchong chen gdags// ye shes rig pa'i pho brang bca'// bde ba stobs kyi byin brlabs bstan// tshe gnas rdo rje'i lam du u0f84gzung// dag pa'i mkha' la shugs kyis 'phang// rin po che yi rgyal sa bgrod// mtshon chas bcad la srog gzungs dpral// dbus mtshams rten la shes pa bsdu// thod pa snying po bcud bsdus bya// 'byung ba ri rab rdo rjes mnan// mi 'gyur spobs pa'i las su bshad// rgyal mtshan me long gi rgyud las// ro langs kyi le'u ste bdun pa'o//// de nas yang bcom ldan 'das kyis ro langs nag mo'i las dril ba'i 'khor lo 'di bshad do// gshed bdag gtso mo'i sbyor ba las// ro langs nag mo'i nying mthus kyis// bsad pa'i sbyor ba gcig tu dril// gzer 'debs 'khor lo sbyor ba bshad// ma lus 'joms pa'i ngang tshul can// bdud mo gshin rje'i sbyor ba ste// khro mo rnams kyi srog bsdus la// nag mo'i sbyor ba dpag med las// gsang bar dril ba'i 'khor lo ni// dur khrod ras la dpa' bo yi// don khrag rme bas thang pa bya// thig le phan tshun rgya gram gdab// ru thig gnyis te le tshe brgyad// mu khyud gsum bskor rim gnyis mnyam// dbus su rtsa ba'i sa bon la/ khang pa brgyad du spu gri mtshon// drag po 'bru brgyad bkod pas gcod// mtshon cha'i khang pa bcu gnyis su// rtsa ba'i dril ba'i sngags rnams dgod// ya sogs bcu gnyis 'khor lo la// bskul zhing gnon pa'i snying po dgod// 'phrul gyu snying po gsang ba'i gter// drag po sngags kyi 'phreng ba ni// dbu ru dbyangs kyi dbang po la// dbyangs yig bcu bzhi steng nas brgyan// de steng mdzes pa'i thig ler ldan// de la lnga pa'i mtha' mas brgyan// de 'og g+hi sahi na da na grag/ 'og tu ma hA na ya na rag rjes su mu su t+hi b+ha sha/de 'og ya ma tsa b+hi rnying/ der yang 'bis smi ta na tsa/ de rjes ro kha tsa dri raM/ de 'og yaM raM srog g+hin thum/ de rjes 'dren dang ldan pa'i ro/ de 'og khrag dang 'brel ba'i shaM/ de 'og khrag la du shan rma ha su/ mtha' mar rtsi ra kha sni rbad/ gsad pa'i mchog gi sbyor ba bshad/ rbad cing gsad pa'i 'phreng ba ni/ dang por su tri ring por drag gnyis par mo gram da ba shig/ gsum par kro ma ya ti gzer// bzhi par phul ti ka thum// lnga par yag kru tsa da raM// drug par du kha tsi ti rmugs// bdun par pa gra ya gra ma// brgyad par kra dum nir pa ma// dgu par tsa ba'i 'dzin ti thun// bcu par k+shaM kri ti kra b+h+yo// bcu gcig badzra ra ga nan// bcu gnyis ya ma ti pra nan// 'phan pa'i 'bru brgyad sngar bzhin sbyar// sbyor ba gcig gis las kun byed// drag por bcas pa gnad kyi las// rgyab pas ya thog bdud kyi stobs// rgyu ba med pas gzer gyi mchog/rtsa bar bcas pa'i mtshon lo ma// myos pa'i khrag dang dug ngar blud// mtshan mo bskul zhing rten la bstim// gsod byed nag mo'i sbyor ba mchog/ las kyi rtsa bar bsdus par bshad// rgyal mtshan me long gi rgyud las// ro langs nying 'thus bca' gzhi'i le'u ste brgyad pa'o//// de nas bcom ldan 'das kyis skyin thang 'phrul gyi sbyor ba 'di skad bshad do// thog ser bdag mo bskul ba'i phyir// dregs pa pho mos bkol ba'i las// dbang chen bran du bkol ba dang// lo thog gzhom zhing ser thog dbab// las kyi rim pa'i sbyor ba mnan// zhing chen lpags shun khru gang la// gdong cig ser skya khrag gis byug/ni ra bag phye'i 'o ma yis// mtha' ma brgya dang rgya bcad la// sur bu'i bir gyis 'khor lo bri// snag tsha zhun ma dug chu sbyar// bcu gnyis rtsibs mchan 'khor lo la// dbus su las kyi rdo rje bri// de la dgod pa'i rim pa ni// dbus su ming gi dang po dgod// rgya gram ma me ta k+she bzhi// rtsibs la bzhu zhing sdud pa yi// mchan la gcod dang 'phen pa yi// bcu gnyis spu gri'i yig 'bru dgod// gsum gsum gtor dang gcig tu dril// nyin mtshan sbyor ba'i skabs kyis dbye// sa yi 'khor lo bcu gnyis la// dbus su me long dur bzhag la// gser dang bya rgod snying pos mtshal// spungs la gcig tu dril la bzlas// mtsho gling bzhi la mchog phran bzhi// phur bu rdzas kyi 'khor los brdeg/ 'phel lam 'gyur na gtor la bzlas// tsa lo ka yi thod pa ru// 'khor lo dril la hU~M gis bcad// dmigs pa'i rten la rta ma gzhug/zhu zhing chad dang zor du 'phang// sbyor ba sngags kyi 'phreng ba bkod// rtsa ba'i yi ge yab bzhi las// sgra yi dang po gsum pa la// gsum pa'i mtha' ma yang dag ldan// de 'og gsum pa'i gsum pa bzhag/der rjes lnga pa'i dang po bzhag/ de 'og gsum pa'i dang po la// dbyangs kyi gnyis pas steng du brgyan// sgra yi gnyis pas bzhi pa la// dbyangs kyi bzhi pas steng nas brgyan// de 'og drug pa'i mtha' ma bzhag/rjes su gsum pa'i mtha' ma la// drug pa'i mtha' ma yang dang sbyar// de 'og gsum pa'i dang po la// dbyangs yig bcu bzhis steng du brgyan// de 'og dbyangs yig dang po bzhag/der rjes lnga pa'i dang po bzhag/ rjes su u sha'i gsum pa gzung// 'og tu drug pa'i gsum pa bzhag/ de 'og gnyis pa'i bzhi pa bzhag/ sgrub pa'i sbyor ba dril bar bshad// 'phen pa drag po'i sbyor ba ni// sgra yi lnga pa'i bzhi pa la// 'og nas b+h+ya ma hA yis brgyan// dbyangs yig bcu gnyis steng nas brgyan// u sha'i gnyis pa gnyis bzhag la// drug pa'i gsum pa gnyis kyis mnan// de 'og u sha'i gsum pa la// sgra yi dang po lnga bas mnan// steng nas dbyangs kyi gsum pas mnan// de 'og sgra yi dang po la// drug pa'i gsum pas 'og nas 'brel// dbyangs yig bcu gsum steng du brgyan// de 'og u sha'i gnyis pa bzhag der rjes drug pa'i dang po bzhag de 'og lnga pa'i gnyis pa gnyis// drug pa'i gsum pa gnyis kyis 'brel// steng du dbyangs ky-i bcu gsum pas// gnyis la brgyan la thig ler mdzes// de stengs lnga pa'i mtha' mas 'brel// de 'og drug pa'i gsum pa la// steng du lnga pa'i mtha' mas mdzes// de 'og u sha'i gnyis pa la// drug pa'i gsum pas mnan la bzhag/ de 'og lnga pa'i gnyis pa la// steng du dbyangs yig bcu gsum brgyan// de la lnga pa'i gsum pas mnan// drag po'i phen pas sbyor ba'i mchog/ skyin thang las kyi 'khor lo mtshon// 'phrul gyi man ngag gsang chen gter// 'bras bu skye shing rtsi smad 'joms// skyin thang thog gi sbyor ba bshad// rgyal mtshan me long gi rgyud las/ skyin thang 'phrul gyi le'u ste dgu pa'o//// de nas yang bcom ldan 'das kyis lo thog gzhom pa 'di bshad do// mtshang chen dregs pa pho mo yis// 'bras bu lo thog rtsi sman kun// 'phrul gyi 'khor los gcod pa'i las// snying po 'khor lo gsang ba'i bcud// bcu thob brgyad spangs bdud kyi gzer// ki kaM las kyi brnag pa'i mchog/'di ni bde dang smin pa'i las// las kun dregs pa khong dregs can// ma lus 'joms pa'i stobs dang bcas// mkha' 'gro 'phrul gyi 'khor lo ni// bkra mi shis pa'i zhabs ma la// yul lha klu btsan rgyun srang la// rdzas la thang pa legs byugs la// bzhi brgyad bcu gnyis bcu drug rtsibs// de la gnas pa'i rim pa ni// dbus su khyab 'jug srog gi gzer// rtsibs brgyad bsnyen pa lha yi sngags// bcu gnyis phen pa stobs kyi 'bru// yang logs bcu gnyis khrag la bstim// nyin dril mtshan mo khrag la bstim// dbus nas thog drangs rkyang ba'i las// de yi snying po thig le ni// dbu ru rnam par snang mdzad bzhag/de rjes drug pa'i dang po ste// 'og tu gsum pa'i gsum pa la// dbyangs kyi lnga pa 'og tu brgyan// u sha'i mtha' dang lnga pa'i mtha'// de 'og gnyis pa'i bzhi pas sdud// bsnyen pa lha yi sngags su bshad// rnam par snang mdzad ldan pa la// chags pa'i snying po rgyud dang 'brel// drug pa'i gsum la dang po'i gsum pas mnan// lnga pa'i mtha' la bcu gsum dbyangs yig ste// gnyis pa'i dang po lnga pa'i gsum pas mnan// lnga pa'i mtha' ma de la dbyangs yig bcu gsum ste// rjes su lnga pa'i mtha' ma bzhag/ drug pa'i gsum la dang po'i gsum par ldan// gsum pa'i dang po drug pa'i gsum pas 'brel// de la sgra yi dang po'i gsum pas mnan// u sha'i gnyis pas gral la sdud// bdud dang 'brel ba'i snying por 'brel// lha dang bral ba dgug par bshad// bstim pa'i sngags kyi 'phreng ba ni// dbu ru rnam par snang mdzad de// drug pa'i gsum la dang po'i gsum pas mnan// lnga pa'i mtha' ma o yis mdzes// de yi 'og tu srin po'i mi// u sha'i gsum pa gnyis pa'i mtha' mas 'brel// de yi steng du i yis mdzes// de la dang po'i lnga pa mnan// gnyis pa'i dang po de 'og lnga dang po// 'og tu drug pa'i mtha' ma bzhag/ lnga pa'i gnyis pa drug pa'i gsum pas 'og nas 'brel// de la os brgyan lnga pa'i mtha' ma ste// u sha'i gnyis pa drug pa'i gsum pas brgyan pa gnyis// u sha'i mtha' ma drug pa'i 'og tu 'brel// drug pa'i mtha' mnan e steng brgyan// mchog tu dril zhing bstim pa yi// 'phreng ba sngags kyi sbyor ba'o// 'phen pa'i stobs kyi 'phreng ba ni// 'bru brgyad sbyor ba sngar bzhin las// sgra yi dang po sngar bzhin las// drug pa'i gsum 'brel dang po'i gsum gyis mnan// 'og tu drug pa'i mtha' ma bzhag de 'og lnga pa'i gnyis pa la// 'og tu drug pa'i gsum pas 'brel// o yis steng brgyan thig ler mdzes// de steng lnga pa'i mtha' ma bzhag chags pa'i snying po gong bzhin las// dril ba'i 'og dang yang 'og gsum// gsum pa'i gsum gnyis 'og tu u// dus kyi phan pa phan par bshad// las kyi rim pas 'joms par byed// dbus nas thog drangs rdo rje phyogs// ral gri'i phyogs su dril la bstim// bsnyen pa dril dang gcun phen sbyor// thod par bcug la klu gnas sar// rta ma sa yi gzer du gda'// sbyor ba gzugs ming sngags dang rdzas// las dang thun 'dzab 'dren pa'i mi// sngags dang nus pa rdzas la bstim// srid pa gsum phung 'byung ba'i bdag/ dregs pa pho mo gdug pa can// lus dang yan lag kun sgrub pa'i// nag po'i phyogs 'joms bdud kyi stobs// bdud sde ma lus dregs pa'i las// brgyab pas yang thog bdud kyi stobs// 'phar zhing 'dril 'phar srin po'i sngags// bdud srin 'dus pa gdug pa can// mkha' 'gro srin mo myos pa'i bcud// 'phrul gyi yan lag spu gri gdab// snying po thig le'i bcud la bsdu// dus dang tshad ma las dang yul// sregs pa srin mos dbab pa la// bsnyen dang chu srin dbab dang gzir// spogs pa'i 'khor lo rgya log bsgyur// sngags kyi go bzlog 'khor lo dkrug/ khrag la nyungs kar dug chu bstim// sbyor ba kun bsdu thod par gzhom// mthu bsdu rdzas sreg 'khor lo gsor// drag po stobs kyi sbyor ba ste// 'bras bu 'joms pa'i 'khor lor bshad// rgyal mtshan me long gi rgyud las// gdong mo snying gi 'khor lo 'bras bu 'joms pa'i le'u ste bcu pa'o//// de nas bcom ldan 'das gshed chen gyis gshed bzhi'i 'khor lo 'di bshad do// dregs pa las kyi 'khor lo bzhi// dug gsum rtsa ba sku gsung thugs// nyon mongs las sbyangs bde gnas lam// ye shes snying po thig ler sdud// phyag rgya chen po bde ba'i stobs// gsang ba gshed kyi 'phrul mig bcud// 'di de bde dang smin pa'i las// mchog dang thun mong bsgrub pa'i gzhi// lus can gcig las yan lag 'byung// 'di yi rim pa de thob na// thar pa'i lam la bgrod pa'i mchog drag po gshed kyi 'phrul mig ni// gru gsum thod mkhar lnga lngar ldan// gsod pa'i pan tsa'i ma hA thog/ yang logs gnam lcags thod pa'i mkhar// gzhan yang drag po gdug pa'i mkhar// bar khyams mtshon cha'i khang pa ru// gcod cing gnon pa'i drag sngags dgod// rnal ma bzlog dang lto dkrug gum// mkhas pas brdeg thabs shes par bya// bdud pa yab dang 'khrug pa gsum// gsod pa gshed la rdo rje'i mthu// gsang chen nges pa'i 'phrul mig lnga// sngags kyi sbyor ba bde dang ldan// dbu ru yon tan rdzogs pa ste// de 'og drug pa'i dang po bzhag/ derjes lnga pa'i mtha' ma ste// yang 'og lnga pa'i mtha' ma la// steng nas dbyangs kyi bcu gcig brgyan// de 'og gsum pa'i dang po bzhag/rjes su sgra yi dang po la// u sha'i gnyis pas 'og tu 'brel// de la e yis steng du brgyan// sdud pa'i snying pos thig ler bcas// mtha' ma gnyis pa'i gsum pas bzung// de la sbyor ba bcu gnyis lnga// 'brur 'gro mgo mangs 'gro stobs kyis// mgo gcig gdong lce bzhi ru 'gyur// dbus nas mgo drangs shar du bskyal// de bzhin sgo bzhi dbus su dril// mtha' ru gang 'dod spu gris gdags// mtshams su 'dod pa'i a mu ka// 'bru lnga'i sbyor ba bcu gnyis gcig/ ya ma ki li pan tsi'i thog dril bas bde ba'i 'bru bzhir dril// gshed bzhi'i dreg pas bdag dbang sdud// gshed po stobs kyi 'khor lo bshad// rgyal mtshan me long gi rgyud las// gsang ba gshed kyi le'u ste bcu gcig pa'o//// de nas bcom ldan 'das kyis sde brgyad dregs pa'i 'khor lo 'di bshad do// pho nya dregs pa'i 'khor lo ni// rgya shog khru gang gru bzhi la// dug dang tsha ba khrag gis byug/ mu khyud gsum dang dbus rtsibs bzhi// phyi rim rtsibs brgyad bcu gnyis ldan// dbus su lha yi snying po la// sde brgyad gnad kyi snying po gdags// phyi rim khang pa brgyad la dgod// bcu gnyis gcod cing gnon pa yi// drag sngags spu gri mtshon cha dgod// dregs pa brgyad la las gnyer gtad// srog gshed gying gi 'khrul 'khor ni// gsang ba me dang 'dra bas na// 'khor lo gzer chen gnad kyi las// dang po lha yi byin brlabs bskyed// snying po 'dren pa ngang gis drang// yon tan rdzogs pa dbu ru ste// rjes su drug pa'i dang po bzhag/de 'og gsum pa'i gnyis pa la// dbyangs yig lnga pas 'og tu brgyan// de 'og gsum pas 'og nas 'brel// dbyangs yig gsum pas steng nas brgyan// de rjes lnga pa'i mtha' ma la// 'og tu dbyangs yig lnga pas brgyan// gsum pa'i mtha' ma 'og tu gnan// de 'og u sha'i gsum pa la// steng du dbyangs yig bcu gnyis brgyan// de la'ang gsum pa'i mtha' ma gnan// de 'og gsum pa'i gsum pa la// dbyangs yig lnga pas 'og tu brgyan// de la bzhi pa'i mtha' mas gnan// de rjes u sha'i mtha' ma la// steng du dbyangs yig bcu gnyis brgyan// de 'og gnyis pa'i dang po la// de 'og sdud pa'i snying po gcig gnyis pa'i bzhi pa gnyis dang ldan// pho nya dgug pa'i sngags su bshad// sbyor ba de yi rim pa ni// rdo rje phyogs kyi dang po ni// 'bru rnams thig le bcud la bsdud// gsang ba ging gi thig ler gzhug/rin chen phyogs nas bgegs rgyal gyis// tshe nas srog 'joms nyi ma gnyis// pad+ma'i phyogs kyi khang pa nas// srog gshed 'bru yi thig ler bsdu// ral gri'i phyogs nas ka la'i 'bru// me yi mtshams nas legs ldan bzung// srog gi sten 'joms sbyor ba lnga// srin po'i phyogs nas dbang phyug che// tshe gnas rten 'joms sbyor ba drug rlung nag nag po spu gri yi// tshe gnas drag sngags sbyor ba bdun// ral gri'i rdo rje'i mtshams su yang// srog bdag 'bru yi thig ler rdzogs// de dag drag po'i rim pa ste// gsad pa'i mchog gi sbyor ba bshad// gcod pa spu gri'i mtshon cha gcig/ nyi ma brgyad kyis las rnams rdzogs// rgyu yi gnas su 'khor lo bcas// sbyor ba gsum gyi thang pa bya// ma lus kun gyis sdig pa sgo// stobs kyi mthu gzhug me la gdug/ dug chu myos pa'i khrag gis bran// phyi nang gsang ba'i thug 'khor lo// bsgrub pa rdzas dang sngags su sbyar// gsang ba'i sbyor ba las kyi mchog/ gsang ba'i 'phrul mig gshed kyi sngags// bsdu ba gsum gyi sbyor ba can// rig pa'i stobs min rgyu yi gnas// sbyong ba'i stobs med zhe sdang mchog/ pho nya brgyad la las gnyer gtad// gshed bdag gtso bo 'bru la bsdu// rgya gram rkang gcig phung sar mnan// brgya stong thun gyi 'khor lo bskor// sde brgyad sbyor ba'i 'khor lor bshad// rgyal mtshan me long gi rgyud las// sde brgyad dkrug pa'i le'u ste bcu gnyis pa'o//// de nas yang bcom ldan 'das kyis yang 'bru gcig gi 'khor lo 'di bshad do// drag po bsdus pa'i sbyor ba la// 'bru gcig stobs kyi thams cad 'joms// 'joms byed drag po'i rtsol ba'i 'bru// gshed bdag gtso bo yab yum gyi// drag po stobs kyis mthu dril ba// 'bru gcig sbyor ba brgyad du 'gyur// rnam grangs gsum dang ldan pa'i las// 'khor lo'i dam pa 'di gzung bya// rtsa dang rten 'brel rang rgyud gnas// nyi ma las byung sreg dang bcas// klad pa tsit+ta lte ba gsang// don khrag 'joms pas gsang ba'i gzer// bde dang smin par byed pa'i las// gsang sgo tsit+ta pho brang nas// bde ba chen po'i thabs spros la// 'joms byed ya ma'i zhing khams nas// 'joms byed nag mo'i mthu bsdus la// nag po'i 'bru la mthu stobs bsdu// ye shes nyi ma'i gnas su dril// rig pa stobs kyis sbyor ba 'phang// sman pa 'joms pa'i rgyud las sbar// rten las sbyor ba gsum gyis 'phro// nag po'i 'bru gcig bdud kyi las// rdo rje'i me yi snying po bcud// ye shes nyi ma'i dwangs ma las// dug gsum gsal ba'i 'od zer 'phro// me 'bar nag po'i 'bru la dril// tsit+ta'i 'khor lo dwangs ma lha// dwangs ma thig le'i bcu dang ldan// 'khor lo rten dang 'brel ba'i mthu// gcig las sbyor ba bzhi ru bsdeb// thad kar cal te thad du byung// dbus su drag po'i 'bru gcig nyid// rtsa ba bzhi yi sgo ru ya bzhi zung// mdud pa bzhi las 'byung ba yi// dngas ma gnad kyi ye ge btags// kun gyi mtha' ru nges sbyar ba// gcod cing gnon pa'i yi ge gzungs// ya bag sha yi sbyor ba bzhin// mtshams bzhi'i sbyor ba 'bru brgyad gcig/ drag po las kyi snying po mchog/dang po drug pa'i gsum pa bzhag/ sgra yi gnyis pa'i gsum pa gzung// de rjes lnga pa'i mtha' ma bzhag/ de 'og drug pa'i gsum pa la// lnga pa'i mtha' mas steng du brgyan// mtha' ru drug pa'i gsum pa la// lnga pa'i gsum pas 'og tu 'brel// de la gsum pa'i gsum pas gnan// 'phrul gyi snying po 'bru gcig la// 'dren sdud sregs gcod bskul ba'i rkyen// nyi ma'i zung brgyad bdud kyi las// gzugs brnyan dur khrod rgyu la bca'// sbyor ba du ma dang ldan pa'i// 'khrul 'khor lto sbyor me rlung 'khrug gsad pa'i brnag pa 'di de bsdam// ya bag sha yi las smin pas// brnag pa kun ldan mchog tu bshad// rgyal mtshan me long gi rgyud las// 'bru gcig gshed kyi le'u ste bcu gsum pa'o//// de nas bcom ldan 'das kyis drag po sngags rgod kyi sbyor ba 'di bshad do// ya ma lag na rdo rje yis// gsang ba'i bcud bsdus drag po'i sngags// nyams dang brda rtags 'joms par byed// sngags dang lha yi sbyor ba dang// rdzas dang stobs dang drag po me// rdo rje srin po gsang ba'i dam// gsang ba rdo rje sngags kyi tshig gsang ba'i stobs kyi 'bru// gsang ba bcud len bgrod pa'i lam// thar pa'i thar pa ma lus 'joms// bka' gsang drag po gsang ba'i bcud// nag po'i 'bru mthus bdud kyi 'bru// drag po bsdus pa rgod kyi ming// yan lag ldan pas ma lus bskyod// b+hi las khong 'dus khong dregs 'joms// rdo rje srin po'i bdud nag 'dus// stobs bdag chen po mkha' 'gro gying// pho nya shan pa las byed pa// de yis yon tan dpag med las// nyi zla dus kyi sbyor ba dang// kyi dang longs spyod gdul bya dang// gzhan gyi dpung dang stobs gzhol dang// rgyal po blon po stobs gzhom dang// bsod nams rgyun dang rkye rgyun gzhom// gzhan gyi gnod byed gzhom pa dang// lha klu gnod byed kha bcing dang// sde brgyad cham la dbab pa dang// gcan gzan gdug pa kha bcing dang// yul khams 'khrug cing 'bras bu 'joms// klu gnyan sa bdag stobs 'joms dang// ma lus 'joms byed rgod kyi sngags// rig pa'i sngags su sbyor ba'i rkyen// lus 'joms yan lag bshig pa yi// sngags rgod drag po'i sbyor ba 'dis// dbye zhing brabs la gshig pa dang// gzir zhing sbyor ba gcas pa dang// gsad cing lo thog gzhom pa dang// dbang po 'pho dang kha bcing dang// mkha' 'gro gzan la dbab pa dang// rang gshed rang la bskor ba yi// drag po'i yi ge ngos gzung ba// drag po rgod kyi 'bru las btu// tshe sdud srog gi bcud la dril// rgyu rkyen ma yin ngang gis 'joms// gsad pa drag po rgod kyis te/ kha gnon las kyis mtha' ru sbyar// rjes su mthun pa de bzhin bya// gnan pa rdo rje lcags kyi ste// stobs chen dbang drag las stobs yin// 'di yang drag po'i sbyor ba ste// rdo rje rnon po bltams byas la/ kha gnon rdo rje rnon po yis// gnan pa'i rim gyi dbye ba bya// sngags dang sbyor ba rdzas kyi dril// snying po thig le ye ger bcas// rdo rje rnon po'i rgyan mdud gzhug/ sngags kyi 'phreng bas gcod pa ni// dbyangs kyi dang po o dang ldan// drug pa'i gsum pa thig ler mdzes// steng du lnga pa'i mtha' mas brgyan// dbyangs kyi dang po e steng brgyan// las kyi sgra yi dang po ste// u sha'i tha ma e steng brgyan// las kyi 'dren pa'i dgra dang po// sgra yi gsum pa'i gsum pa la// 'og nas drug pa'i gsum pas sbyar// steng du ri dang yang dag ldan// de 'og lnga pa'i mtha' ma brtan// u sha'i mtha' ma e dang ldan// sgra yi dang po lnga pas mnan// sgra yi gsum pa'i dang po la// drug pa'i gsum 'og li steng brgyan// rjes su drug pa'i dang po ste// u sha'i mtha' ma e steng brgyan// sgra yi dang po mtha' mas mnan// drug pa'i gsum pa gnyis pa'i dang por 'brel// gsum pa'i dang po 'og nas u// drug pa'i gsum pas mnan la gzhag/ gsum pa'i gnyis pas de dang 'brel// sgra yi dang por lnga par 'brel// lnga pa'i gsum pa li yis 'brel// de la u sha'i gsum pas mnan// lnga pa'i mtha' ma yang dag brgyan// u sha'i gsum pa gnyis pa'i gsum dang 'brel// drug pa'i gsum pa lnga pa'i gsum pa 'og sgra yi dang po mtha' mas gnan// sgra yi dang po u yi ug de la u sha'i gsum pas 'brel// rjes su lnga pa'i mtha' ma bzhag/ gnyis pa'i gsum pa o yis steng du brgyan// gsum pa'i mtha' ma i yis brgyan// gnyis pa'i bzhi pa dang po'i mtha' mas brgyan// u sha'i gsum pa bzhi pa'i gsum pas gnan// sgra yi dang por nye bar bzung// drug pa gsum pa yang dag bzhag/ de 'og drug pa'i dang po bzhag/ lnga pa'i gnyis pa bzhi pa'i dang pos gnan// rtsa ba drug po kun 'byung ba'i// mi 'gyur drug cu rtsa gcig pa// rgyal ba kun gyi thig le mchog/ gsad dang gnan pa dpag tu bzlog/ spyi dang sgo gshig kha bcings dang// phyag rgya dgug dang ma mo 'pho// gzir dang drag po gnod sel bcas// kun gyi mtha' ru rdo rje lcags// sbyor ba'i sngon du sa ya bsnyen// thun mong yan lag khyad par gdags// rnam grangs sbyor ba lnga gnyis gcig/ rig pa gling las 'dren pa'i mchog/b+ha b+hu kh+ha ling ga li dang// ri mog shaM ka de ba tsa// phyag rgya bstan pa'i rim pa 'di// de dang smin pa'i las su bshad// rgyal mtshan me long gi rgyud las// drag sngags dbang sdud kyi le'u bcu bzhi pa'o//// de nas yang bcom ldan 'das kyis gab pa'i don 'di mngon du phyung ste bshad do// yang dag gab pa'i 'khor lo ni// rtsa ba kun 'byung srid pa'i gnas// rgyan sngags gzer zhing spu gri thems// ming bcas 'byung bas rtsa bar bshad// de yi rim pa 'di lta ste// tshe srog bdag po bdud gshin rje// bdud mo dregs pa kha lding bam// thugs khar badzra 'dzin gshed bdag badzra tsit+ta rus sbal gnas// rtsa bzhi 'byung ba'i dwangs ma la// srog gi kri kra lta bzhi bsnol// thig le mu khyud gsum gnyis dbus// phyi yi si ra lnga gnyis drug/ rgya log si ra bcu gnyis ldan// phyogs skyong nA ga lto rtsibs phye// si ra na ga ma hA brgyad// srog gi si ra dri dngas ma// kar dmar snum dang rang sgra'i nyams// phyi dang yang logs si ri'i grangs// bzhi bcu rtsa gnyis mda' yi gang// de dag srid pa'i 'khor lor bshad// de la gnas pa'i rim pa ni// dbus nas ma skyes 'dren pa la// bya rgod steng la bskyed pas mdzes// thugs kha dag las 'byung bar bshad// rus sbal mgo las skye med pa'i// chos rnams 'byung ba'i nam mkha' bstan// lta ba g.yas na las kyi mchog/lte ba rlung gi sa bon rten// lto ba g.yon dang sdud dang bskyed/ kha nas dges pa'i dngas ma bskyed// lag pa g.yas pa srog bdud brten// de bzhin rtsibs ltog chags pa'i brda// rkang pa g.yas pa srin po'i srog/gsang ba rkang g.yon bdud snying po// rtsibs g.yon 'dzin pa btsan gyi gzer// phyag g.yon gshin rje'i snying po rlung// rus sbal lus la rtsa ba yi// snying po drug gnyis gcig dang ldan// bcu gsum phyi rgyud rgyan gyis sngags// mu khyud dbang drag brgyad dbus na// mdun na ming gi dang po gnas// si ra'i mdud pa g.yas gcod pa// g.yas na srog gi 'brel ba la// de yi mdud par gzhan srog sdud// rgyab na sreg pa'i snying po me// si ra'i mdud pa rlung ste phul// g.yon na gzhan gyi rten 'brel gcod// gru gsum ya ma'i snying pos sdud// si ra'i mdud pa srog zungs 'brel// bdag skyob gzhan 'brel gnyis dang ldan// rtsa sgo dwangs ma'i sbubs bzhi la// rang gshed srog gi kri kra bzhi// lto na yon tan 'khrul 'khor te// gsad dang dbab pa mnan dang gshig/ gnas pa'i sngags rnams 'di lta ste// gnas pa sa yi dngas ma la// rgya gram dbus kyi lte ba la// dang po u sha'i gsum pa la// 'og nas drug pa'i gsum pas 'brel// dbyangs yig bcu bzhis steng du brgyan// sgra yi dang po gsum pas gnan// mdun gyi tsa la u sha'i gsum// 'og tu bzhi pa'i dang pos 'brel// dbyangs yig bcu bzhi steng du brgyan// lnga pa'i mtha' ma steng du gnan// g.yas pa'i rtsa la lnga pa'i gsum pa ste// rgyab rtsar drug pa'i dang por gnas// g.yon gyi rtsa la bzhi pa yi// mtha' ma gnyis dang yang dag ldan// thun mong gnas pa'i spu grir bshad// g.yas pa chu yi 'khor lo la// dbus men nang gi sa ri la// sgra yi gsum pa'i mtha' ma gnas// g.yas kyi si ra nang ma la// sgra yi dang po gsum pa brtag rgyab na u sha'i gnyis pa'o// g.yon du gsum pa'i dang po'o// 'og tu drug pa'i gsum pas 'brel// steng na lnga pa'i mtha' 'og u// de yi phyi rim mdun sgo la// drug pa'i dang po zhabs su u// de la drug pa'i mtha' mas gnan// mtshams la bzhi pa'i gsum pa i// de yang drug pa'i gsum pas gnan// g.yas dang mtshams la u sha yi// gnyis pa gnyis la drug pa yi// drug pa'i gnyis kyis gnan pa'o// rgyab na bzhi pa'i gsum pa la// 'og tu drug pa'i gsum pas 'brel// sgra yi dang po gsum pas gnan// gsum pa'i dang pos us brgyan mtshams// g.yon dang mtshams kyi rtsa sgo la// lnga pa'i gnyis pas gnyis la yang// 'og tu drug pa'i gsum pas 'brel// steng du dbyangs yig bcu gsum brgyan// lnga pa'i mtha' ma gnyis ldan gnan// drag po'i lo thog gzhom par bshad// dngas ma me yi 'khor lo la// mdun gyi nang ma dbyangs dang po// de nyid e yis brgyan pa'o// g.yas su sgra yi dang po gnas// de rgyab bzhi pa'i mtha' ma'o// g.yon du drug pa'i gsum pa la// steng du lnga pa'i mtha' mas mdzes// de yi phyi la drug pa'i dang po gnas// de 'og lnga pa'i mtha' ma gnas// de 'og u sha'i gsum pa la// sgra yi gsum pa'i gsum pas gnan// de 'og drug pa'i gsum pa lnga pa'i mtha' ma mdzes// de 'og drug pa'i gsum pa la// sgra yi dang po'i gsum pas gnan// de 'og u sha'i gnyis pas gnas// rgyab na lnga pa'i gsum pa la// u btags gsum pa'i mtha' mas gnan// de rjes mi yi sa bon ldan// de 'og u sha'i mata' ma la// bcu gcig dbyangs yig steng du brgyan// de 'og bzhi pa'i gsum pa la// u btags de yi mtha' ma gnan// de 'og gnyis pa'i gsum pas mdzes// mtshams der me yi sa bon no// bsreg pa me yi 'khor lor bshad// g.yon pa rlung gi 'khor lo la// stobs 'joms bskyed pa'i 'phreng ba ni// sgra yi drug pa'i dang po'o// g.yas su lnga pa'i mtha' ma ste// rgyab tu u sha'i gsum pa'o// g.yon du drug pa'i gsum pa la// 'og tu lnga pa'i gsum pas 'brel// phyi rim u sha'i gnyis pa ste// mtshams su gsum pa'i dang po la// drug pa'i gsum btags u dang ldan// steng du lnga pa'i mtha' ma bzhag/ g.yas su u sha'i gsum pa la// 'og nas bzhi pa'i dang por ldan// lnga pa'i mtha' ma steng du brgyan// de mtshams lnga pa'i gsum pa'o// rgyab tu drug pa'i dang po ste// de mtshams gsum bzhi'i mtha' ma gnyis// g.yon du gsum pa'i gsum pa la// drug pa'i gsum 'og e steng brgyan// sgra yi gsum pa'i gsum pas gnan// de 'og drug pa'i gsum pa la// 'og tu lnga pa'i gsum pas 'brel// de la gsum pa'i gsum pas gnan// mchog tu stobs 'joms gzhan 'pham pa'o// rlung khams 'khor los gshig par bshad// rtsa sgo sbubs kyi snying po ru// kri kar bzhi yi lte ba na// 'byung ba rten gyi 'khor lo bzhi// dril dang 'phral bas las grub pa'o// sa dang chu yi mdud pa la// bskyed pa ma mo'i srog gzer gnas// gsang mdzod nub khang mdud pa la// snyigs ma bag chags sa bon gnas// phyi yi mu khyud rim pa gnyis// rtsa bran sum cu rtsa gnyis la// phyi nang sbubs kyi si ra la// sbyor ba gzhan gshig thabs kyi 'bru// lha srin brda yi snying pos gnas// 'dren pa gnad dbus spu gri mtha'// gab pa sngon phyung sbyor ba'i mchog/ rtsa ba'i 'phreng ba drag po'i sngags// rtsa bar bcas pa'i lo ma can// 'khor lo rgyal po rtsa bar bshad// gzhan yang thabs kyi sbyor ba ni// tshogs brgyad sbyor ba'i 'khor lor bshad// rtsibs brgyad dbus zlam mu khyud bcas// dbus su gang 'dod gzugs rnams ldan// rtsibs la snying po 'bru brgyad dgod// mtshams dang mu khyud gang 'dod ming// phyi ru spu gri 'bru bzhi dgod// dur ma la sogs thod pa sbyar// rig pa'i 'bru gsum snying po gnyis// tshogs brgyad las byung 'bru brgyad sbyar// mtshams su 'dod pa'i u mu ka/ 'bru bzhi mtha' ru rten la dbab// stong gsum gcig gis las rnams bsgyur// brgyad cu rtsa gnyis ming gis dbye// gang rung rten la gung yol sba// ltas ngan 'gyur ba'i 'khor lor bshad// 'byung ba lnga yi dngas ma las// 'bru lnga'i sbyor bas bcu dbang sdud// 'khor lo rtsibs bzhi dbus su yul// mtshams la sbyor ba'i rtsibs mtshon cha// mu khyud drag sngags rtsibs spu gri// 'khor lo'i rgyal po gsum bcas la// mtshon cha'i rtse mo phrom brgyad na// dbus kyi yul la gdug pa'i gzugs// thod yul dang bcas gnyan ra'i gnas// mtshon cha phyir bstan sbyor bas gcod// sku yi 'khor los gzir zhing sdig/ rdzas drug phye la sreg cing brab// stobs chen phur bus dkrug cing gzir// dgu khri rdzas la gcig gis yul// drag sngags brgyad gnyis mtshams su sbyar// nya dgu brgyad la ki kam dbab// thog ser skyin thang drag po'i las// lo thog gzhom pa'i sbyor ba bshad// dug chen lnga yi 'khor lo yis// drag sngags bcu dang spu gri bcu// dbu ru rig pa'i 'bru gsum drang// thabs dang shes rab gnyis snying po// dug las byung ba drag po lnga// dregs pa gzhan gyi stobs gshig gnon// mtshams su gdug pa'i 'bru gcig ming// mtha' yi 'bru bcu dug mda' 'byin// rtsibs bzhi'i pho mo'i thems la blang// mtha' ru gang rung thod pas gnan// gdug pa'i las dang sbyar ba kun// gzir zhing gshig pa mtha' ru gnan// rang srung 'khor skyabs longs spyod spel// byas pa gshig pa'i 'khor lor bshad// srog bdud tshe bdag gshin rje yi// tsit+ta gsang ba'i dkyil 'khor nas// gsang sgo bzhi dang gser sgo yi// nam mkha' dbus kyi thig le las// drag po gab pa'i snying po lnga// steng sgo 'dab brgyad gcod pa yi// drag sngags drug gi spu gris gcod// lus can dran pa gnyis ka yi// rgyud dang thams cad dri la gnas// lhun grub tshe bdag rang bzhin gyis// lo rtog rkam chags sna tshogs yul// drag sngags snying po chos skur 'joms// bdag dbang stobs kyis tshe bdag gis// stobs chen drag po'i byin brlabs 'byin// las kyi ya ma tshe bdag gis// las rnams 'joms shing rtags rnams ston// gzhan la gnas pa'i snying po yis// drag po'i rkyen gyis bskul bstim na// snying pos dwangs snyigs 'byin cing 'pho// rang gi snying po srog bsdus nas// rkam chags snyigs mas gcod cing snyems// rten gyi 'khor lo thod pa la// mtshon cha drag po'i gdug pas sreg/'khrul 'khor bcas la ming yang rung// gdug pa'i khrag gam dug gis bya// las kyi rgyal po'i sbyor ba bca'// dur khrod ras ma'i mdzub gang la// snying po ming rus khams dang bcas// bris la gsang ba'i sngags kyis bskor// ra rog khrag gi sbyor ba bsku// snying po yang dang bcu bdun gyi// byang khram mtha' ma yang yang bskor// tshe bdag thugs kha'i sbal pa las// phyi ltar lto bar byang khram gzhug/thod chen dang bcas gdug par gnan// dregs pa sku yi phyi khyams na// lto dang yan lag sgo gnyis la// rgyan gyi yig 'bru bcu dang gsum// grangs med rtags dang 'gyur ba bzlog drag po las la sbyor ba min// rnam shes 'bru brgyad tshad mar sbyar// gang rung gnas su tshad mas 'bebs// 'byung ba lnga yi sbyor ba yis// 'bras bu 'joms pa'i shing lo ka'o// gsang ba thugs kyi sbyor ba yis// dbang po'i rigs min tshe srog 'joms// gsad pa drag po'i sbyor ba'o// dug lnga las byung 'bru lnga yis// sbyor ba drag po'i las gsum byed// rnal mas gzhan gyi las dbang gshig/ drag sngags go bzlog rang dbang gzir// drag po dkrugs la rang srog bskyal// byin rlabs dbang bskur bstan pa bskyed// drag po sngags kyi dbang po bskor// rten cig gcer bur gzir zhing brab// stobs chen nang gi sbyor ba gshig/dregs pa srog mthun thams cad la// sbyor ba gshig na gong ma bzhin// brda yi 'khor lo'i thun mong las// gab pa sngon du gral las byung// bam chen gsang ba'i dbang bskur bya// bsam gtan gnas pa'i 'khor lo la// ma sbyangs dag pa'i chos nyid brtag dbang bskur don gnyis khyad par 'phags// snying gsum bcas la nyams stobs bskyed// rdzas dang sbyor ba khyad par 'phags// lta stangs glang po che yis ni// bla med bde ba'i mchog la dmigs// gung mo phan pa'i lta stangs kyis// thams cad thugs rje chen pos gzung// ltom po rgod kyis lta stangs kyis// 'dod pa'i bsgrub bya mngon du bzung// myur ba seng ge'i lta ltangs kyis// thams cad zhi yang zil gnon sgrol// de bzhin lta bas khyad par 'phags// yang thog rgod kyi las rnams kyi// 'phrul gyi rtsa ba bsdus pa yin// snying po gab pa'i sbyor ba mchog tsit+ta gsang ba'i bde la gnas// drag po'i las rnams mngon du phyung// rtsa ba gcig las byung ba yi// rnam grangs du ma skabs dang sbyar// dur khrod rme ba'i ras ma la// dug dang myos pa'i rdzas kyis byug/ mdzub gang sor gnyis gru bzhir bya// dbus su gru bzhi sor bzhir gdab// nas gang phyir bsnur zlum pos bskor// yang logs sor gnyis mu khyud gnyis// zlum po'i bar du sor phyed tshad// mtha' ma gru bzhi rgyas pa la// thabs kyi ru sbal khra bo gnas// ser khra'i mdog la mdzub gang tshad// yan lag bzhi dang g.yas g.yon lto// mgo dang mjug ma'i gnas brgyad nas// ma hA na ga gdug pa brgyad// zhe sdang sbrul te kha dog gnag/mu khyud dbu ma mtshon cha yi// 'khor lo bcu gnyis dag dang ldan// dbus kyi gru bzhi 'khor ba'i gnas// dug lnga shes rab rtsad gcod mo// dmar nag mdog la sreg pa'i spu// lte ba sor gsum stong pa la// dbus su gang dmigs srung ba'i lha// lha dang grub pa'i srungs ma bri// de ltar sngags pa rgyal po rje// de phyir pho gdon mo sri yi// ming rus khams dang bcas pa rnams// ru sul mo yi lto bar bri// nas gang tshad la gnod byed gzhan// bcu gnyis rtsibs la drag po'i sngags// sor phyed mu khyud ral gri dang// rdo rje rgya gram bcu bcur ldan// dbus su gcod cing gnon pa yis// drag po'i spu gri 'bru bcu dgod// nA ga brgyad la stobs kyi ming// rtsibs can snying po 'bru gnyis ldan// thod pa kha sbyor steng dang 'og/ drag sngags ming rus ma nor bri/ kha sbyor dbus su sbyor bar dril// rgya shog dag la sbyor ba yi// rdzas kyi nus pa mthu yis sku// thog ser thod par yul ming 'pho// gang rung gdug pa'i gnyan la gtad// rtsa ba'i las te sbyor ba'i mchog/ yang thog drag po rgod kyi las// rdo rje srin po las kyi gnad// dregs pa pho mo sbyor ba'i mchog/ 'byung ba lnga yi mdangs bsdus pa'i// rdo rje snying po rang dam srog tshe gnas dang po dwangs ma bsdu// bde byed tshangs pa'i lam nas 'dren// 'bru nag gdug pa'i lus la gzud// me rung skyin thang 'bru yis 'jims// de ba mu ti'i rin chen 'phangs// gU b+hin dA'i sa rA ba/ b+h+yaM maM yaa+ya yaa+ya alhu khaha rluM/ pa wa thang nadad thA 'anan waH'go nathaM thA thaH[ u0f7f]sdud pa'i rgyal po sbyor ba'i mchog/ma ga gnad mda'i thabs mchog rgyal// nye ba'i yan lag kun dril ba'o// gsang ba'i sbyor ba kun 'das pa// de lam tshengs pa 'jog po'i gnas// gab pa thugs kyi sbyor ba bshad// rgyal mtshan me long gi rgyud las// gab pa'i 'khor lo'i le'u ste bco lnga pa'o//// de nas bcom ldan 'das kyis sngags kyi lus dang yan lag 'di bshad do// ya ma dregs pa bdud mor bcas// bsnyen bsgrub gsod gnon yogs pa yi// dril gtor khugs dang rang dbang gcun// snying po sngags dang 'phreng ba'i don// bdud dang srin po las kyi mon// gying dang pho nya shan pa la// stobs kyis bskul dang bcas pa yi// ngad dang ldan pa 'phreng ba'i mchog/don bsdus rtsa ba'i snying po mchog/ gsang ba'i sbyor ba dang po'i ming// rin po che yi 'phreng ba'i bcud// mi shig rdo rje'i las kyi mchog/ rgyu rkyen snying po mchog las byung// de nas bcom ldan 'das kyis sngags thams cad kyi lus dang yan lag 'di sku gsung thugs las bton to// ka kha ga g+ha nga/ tsa tsha dza dz+ha nya/ ta tha da d+ha na/ Ta Tha Da D+ha Na/ pa pha ba b+ha ma/ ya ra la wa sha Sha sa ha/ a A/ i I/ u U/ l-i l-I/ r-i r-I/ e A+e/ o au/ aM aHming gi dang po rdzogs par sbyar// las kyi rim pa'i rdo rje ni// mchog chen gsang ba'i las la dril// rgyu ni mtshan dang dpe byad ldan// rang las 'byung rgyu rgyu nyid rgyu// dang po ming bcas gnas pa'i rgyu// 'dren pa gsum gyi don gnyis ldan// rkyen dang ldan pas lus dbang sbyor// bod pa'i sgra dang yan lag dbyangs// dbyangs yig dang por rdzogs par 'dren// gsang la gser sgo thugs kha 'gur// shangs kyi bu ga snyan gyi 'khor// sum cu rtsa gnyis tshem 'phreng rgyud// gsang mgur gser gyi ljags la dril// sbyor ba bzhi yi yan lag bcas// phyag rgya bde ba'i lus nyid la// yan lag sbyar ba'i rkyen rnams mdzes// 'gros stabs brgyad kyis yang dag sbyor// bcu gnyis tshul gyis las rim brtag/ las ni sna tshogs pa las te// 'phen sdud 'bebs pa'i don dang bcas// rig pa gnyis kyi bde la gnas// nyi ma chu klung rdo rje dang// pad+ma rin chen so ma dang// rdo yis lcags brdus b+he b+ha ga ta// rlung gis mtsho gling ka 'phangs dang// su man ta yi khu bas bcud// de bzhin ri bo'i rA chen dang// rgya mtsho rlabs dang glang chen dbugs// gser gyi dgu thog kaM pa'i sba// spu gri sba dang lce 'bab me// bya rgod khrag chen gzan la dbab// gang stong 'phan sdud nyi shar tshul// mtshon cha'i rgyal po 'khor lo can// phyi nang gsang dang gsang chen thabs// rtsa ba gsum las yan lag stong// sbyor ba sa nyid brgya nyid dang// rnam grangs bcu drug brgya brgya lnga// las kyi rtsa ba gcig tu dril// gzigs pa bzhi yis don chen bsgub// rtsa ba gcig las thams cad 'byung// drag sos thams cad 'joms pa'i las// de ltar sngags kyi 'phreng ba nyid// rgyu rkyen re dogs rtsol sgrub ldan// bzlas pas the tshom med pa'i rgyu// thabs dang shes rab yi ger bshad// rgyal mtshan me long gi rgyud las// sngags kyi 'phreng ba'i le'u ste bcu drug pa'o//// de nas bcom ldan 'das kyis 'khor lo bca' ba'i rten 'di bshad do// mtshon cha'i rgyal po 'khor lo yi// yul gyi dbang po srog bsdus la// dwangs snyigs dbye ba'i rten bstan pa// yang dang rdzogs kyis 'di ltar brjod// bsgrub dang bsnyen pa'i 'khor lo ni// dbang byed las dang mthun pa ste// mthun pa'i chos dbyings gcod dang 'bigs// smyo 'bog la sogs mthar dbyung na// dbang drag stobs kyis gzugs dang sbyar// yang na dud 'gro'i lus la ste// mchog tu 'byung ba'i stobs las sbyar// rim pa bzhi dang ldan pa yi// bkod pa'i 'khor lo nyid du ste// gsad pa gshin rje nyid la yin// dbang ni btsun mo'i lto ru'o// rgyas pa nor bu'i gzugs su bya// zhi ba zla ba'i dkyil 'khor te// dbye ba rta dang ma he gnyis// bskrad pa rnga mo'i rgyab tu'o// lkugs pa lug gi rgyab tu bya// 'bog pa sha ba'i rgyab tu bya// smyo ba spre'u yi rgya ba tu yin// myos pa srog dang bral ba'i lus// rengs pa rgyan pa'i shing la bya// gzir ba stobs kyi bdag pos bya// thun mong gdug pa'i thod pas mnan// drag po'i sbyor ba ru sbal lto// bdud nag sbyor ba rgyu yi lto// mnan pa las kyi rgyal pos bya// gshig pa sbur nag stobs dang sbyar// bskyab pa rang gi rten gyis sbyar// dbang po gzhom pa chu srin te// gang yin dbang po'i sgo dang sbyar// yi dwags lus kyi longs spyod gzhom// lo thog gzhom pa lto 'phye'i gzugs// lus gzhom pa la sbrul gyi gzugs// 'bras bu 'joms la sa ga'i gzugs/ khams gsum gzhom pa me yi gzugs// kun kyang gcod pas 'khor lor bya// sa dang chu dang me dang rlung// nam mkha'i dbyings kyi khongs su gzhug/ci rigs las kyi bya ba yin// bsrung ba rang lus phyag rgyar bstan// khyad par bsam gtan 'khor los bya// 'khor lo rgyal po rten du bshad// rgyal mtshan me long gi rgyud las// gzugs brnyan gyi le'u ste bcu bdun pa'o//// de nas bcom ldan 'das kyis rang rgyud gnas pa'i 'khor lo 'di bshad do// nga yis bshad pa'i rgyud 'di ni// don dam dril ba'i ma hA yi// g+hu b+hi dri'i tsagra ma/ b+ha b+hA lhI d+hA yU b+hu rA/krA ma'aha tra'ahu ca'ahu rnya b+ha trA/ de yi 'ag+ha tsa bstan pa ni// dur khrod la sogs dgu 'dus sar// rdul dal bris la mtshan ma yi// rgyal ba kun gyi ye shes can// thob na kun 'dus mthun pa men// khro rgyal gshin rje yum mchog ldan// bdud bzhi brtan ma dur khrod mtsho// mu khyud rdo rje 'phreng ba can// rgyan rnams yang dag gzung pa men// yang na bsnyen sgrub 'khor lo ni// gzugs brnyan 'khor lo ma yin te// gang yin lus kyi 'khor lo la// snying gi rtsa bzhi gshed bdud bzhi// 'dus pa gsum la yab yum ste// phyi rim rtsa brgyad 'brel chen bzhi// bdud sgo bzhi dang ldan pa la// so so'i sgo ru yi ge btags// dur khrod brgyad dang mtsho gling bzhi// dmigs pa'i brnag pa rnyed ldan pas// bdag don don du mchog 'gyur la// 'khor lo dam par 'di bzung bya// bsgrub dang bsnyen pa'i skabs rnams su// rang sngags 'dren pa'i snying po dang// drag po las kyi sngags rnams bzung// rtsa sgo sbubs dang bcas pa la// me dang chu yi snying po brtag/ sa dang rlung gi srog gzung dpral// nam mkha'i dngas ma thim zhing 'pho// 'di ni mchog gi 'khor lo yin// rtag tu ma bral gdeng ldan na// mchog gi las la nye ba yin// bzlog cing dkrug dang rnal mar drang// gsad pa mchog las 'di sbyar ro// yang thog stobs dpag med pa'i las// gsang ba gab sbas thig le mchog ma ga gnas mtha' las chen rgyal// rgyal ba kun gyi thig ler bshad// rgyal mtshan me long gi rgyud las// 'khor lo rang gnas kyi le'u ste bco brgyad pas 'o//// de nas bcom ldan 'das kyis thun mong gi sbyor ba 'di bshad do// stong gsum ya ma'i zhing khams su// mtshon chen me dbal dug mda'i mchog/ 'khrul gyi 'khor lo gter gyi bcud// nyi ma labyung sreg dang ldan// ye shes me dbal 'phrul gyi rgyu// rigs chen sems dpa' chen po la// 'khor lo rgyal po yun du gnas// bde ba'i las can 'khor lo bcud// brnag pa'i snyings ma gsang lam sbyang// bde ba'i gnas la bla med 'phang// rgyu rkyen sbyor bas gnyis don can// rgyud kyi rgyal po 'phrul gyi gter// mchongs chen 'phrul gyi sbyor ba mchog/ 'phrin las thams cad sgrub pa'i las// sbyor ba du ma'i las gsungs pa// ma hA nag po dug 'dzin 'dra// bdag dang ldan pas 'di sbyar na// sgrub pa'i las su yang dag gsungs// rig pas mngon du btags gnas la// rdzas dang sbyor ba kun ldan na// bsnyen pa gsum la sbyor ba dkrug/gdengs nyams phyag rgya'i rtags tshad mas// mchog tu ma ra ya ra tsa// thun mong gnas pa'i sbyor bar bshad// rin chen ga'u yo thod pa ru// ma shi dbugs chad don khrag ldan// rten drug me rlung sa chu'i bcud// nri ma sa rdo rje'i khrag/ sgo rten bcu drug sor brkos la// rdzas rnams sbas pa sbyor dang po// gtad khram las kyis sbyor bar bshad// pad+ma rus pa'i ga 'u ru// drug la bcu gnyis sor gzugs gcig/dmar nag ha la cha gsum chus// bskus la rten gsum ral gris bshag/ bam gud gdams la ga 'ur gzhug/ gsum gnyis gcig mthar ga bur dril// bcud kyi dkyil sba thal chen dgab// de yi sbyor ba bcu dgu gcig/rdzogs nas gsad pa'i sbyor ba bshad// nya phyis ru sbal ga 'u ru// khyi dom phag sbrul rta lug khrag/ mdzo tol dre'u rten drug bsre// nyungs kar zangs lcags dug thun brag/ khyi stong brgya yi las sbyor grangs// snying po dang bcas ga 'ur gzhug/ g.yas 'gram 'dom do tshad khru gang// sbas la stag zil rdo bas mnan// sbyor ba bco lnga bzhi gnyis ldan// de yis mchog tu gsod par bshad// mtshan med phyal ba'i ga 'u ru// drug pa bcu drug dang ldan gzugs// skyer lcags mchog phran gsum sor bzhi// spyi snying gsang gsum phur gsum gzer// phungs gsum du ga 'u sba// pha mes bla rus steng du bzhag/sbyor ba khri gcig stong du bshad// dud pa med pa'i me khang nas// ur mo bcag dang rkyen blangs la// rna med khrag dang lto 'gros sha/ klu gnas bre'o lkog ma'i khrag/ rkang mangs 'degs pa'i lus dang sbyar// dmigs pa'i lus sam gos la bsku// lo dang zla ba'i dus na 'joms// 'bum gcig stong gi sbyor ba rdzogs// sbyor ba pan tsa dri ru bshad// mu zi nag po'i bla rkang du// pes bya stag mo mon gyi sbrul// gser bya klad pa u tsus khrag/ rme ba gsum dang snum chen drug/ rdzas la sbyar ba gsum gyis dril// lam sbas bgoms pas sbyor ba 'du// rdzas la thabs kyis sbyar par bshad// rkyang sha nya sha mu zi slum// tsha dang chang bran zhag dgu sba// bton la kun btags drod dang bsre// nye bar za na dus na 'joms// de la sbyor ba bcu drug lnga// sngags kyi nus pa brgya stong gcig drag po sngags kyi sbyor bar bshad// ra khrag rkyang rngog zer mo klad// sran chu bag phye chang gis sbru// gong bzhin gnon la zos na 'joms// thun mong yan lag sbyar bar bshad// chu khu dud pa nya spy-in sbyar// dgu drug gsum du drod la tsa/spyang sha dang bsres chang la gdab// zla ba dus kyi sbyor ba bshad// rgas ba'i khrag dang nya bya'i sha// nyung ba mar khu zer mo klad// rkang mangs 'degs pa'i lus dang sbyar// rten drug pho ba'i sbyor bar bshad// skyer chu 'om bu thar nur chang// lum shing dud pa thar nu chang// phye mar btags la sbas la mnan// rul nas sran chan slum dang bsre// sngags bzlas zos na nye bar bshad// me tog bcud blangs bung ba'i sha/ma thon 'bu dang sbrang ma'i chang// spyang dug rtsa ba kyi lce ba// bsres la ra yi khrag gis sbru// drod bcud dang sbyar sprad na 'joms// sbyor ba bcu bdun gcig mthar ldan// mo rigs 'pho ba'i sbyor bar bshad// chu rlangs rdo dreg nya rul sha/ ra dang phag khrag sngo sna tshogs// rdo rje'i chu dang mar khu chang// ba yi drod dang kyi tsha sram// bag phye mar khu drod dang bsre// yul dang sprad na 'joms par bshad// yam shing dud pa bong ldad chang// zhun mar snying po mar khu tsha// sha su sa khu ba mar khu bra bo'i phye// drod dang sbyar na sbyor ba'i mchog/ rgyal blon stobs chen 'joms par bshad// g+hU b+hI d+ha la'aha na b+hU'i tsI/ shU krA b+haM zhun tsa ra'i don/ti tsa sbyar bas thams cad 'joms// drag po brda yis 'joms par bshad// rdo khrag shing khrag sa yi dbugs// srin chad 'brug rgyugs glog gi rjes// khram thod bcug la 'gram 'og sba// mkhar de 'pho dang 'jigs par bshad// bdud rtsi mngar dang 'o ma chang// khyi sha dang bsres drod la gtad// bsgrub pa'i yan lag gnyis brgya gcig/ sbyor ba du ma las kyi gnad// de yi sbyor ba dpag med las// thugs kyi 'phreng ba'i thig le bcud// dbu ru dbyangs kyi dang po la// dbyangs yig bcu bzhis steng du brgyan// der rjes mdzes pa'i thig le can// der yang lnga pa'i mtha' mas gnan// de 'og drug pa'i dang po la// der rjes sgra yi dang po'o// drug pa'i gsum pas 'og tu sbyar// steng du lnga pa'i mtha' mas mdzes// de 'og gsum pa'i gsum pa la// dbyangs yig lnga pas 'og nas brgyan// de 'og drug pa'i gsum pa la// steng du lnga pa'i mtha' mas brgyan// der rjes gnyis pa'i dang pos mdzes// de 'og u sha'i dang po la// lnga pa'i mtha' mas steng du brgyan// de 'og gsum pa'i dang po bzhag/ rjes su gsum pa'i mtha' ma'o// de 'og lnga pa'i mtha' ma bzhag/ de 'og drug pa'i gsum pa btags// de 'og drug pa'i dang po'o// de 'og gsum pa'i dang po la// dbyangs yig gsum pas steng du brgyan// de 'og sgra yi dang po la// dbyangs yig bcu bzhis steng du brgyan// drug pa'i gsum pas 'og tu 'brel// de 'og drug pa'i dang po la// lnga pa'i mtha' mas steng du gnan// de 'og drug pa'i gsum pa la// 'og tu lnga pa'i gsum pas 'brel// gsum pa'i gsum pas yang dag ldan// sngags kyi sbyor ba'i 'phreng ba 'dis// sbyor ba nyis brgya stong nyid 'grub// las 'di brtsams na the tshom med// thabs mchog ldan pa'i sbyor bar bshad// rgyal mtshan me long gi rgyud las// sbyor ba'i thun mong gi le'u ste bcu dgu pa'o//// de nas yang bcom ldan 'das kyis me skyogs chu skyogs kyi sbyor ba 'di bshad do// thugs kyi 'phreng ba dang sbyar la// me shel drod la 'ug me bdug/ stag bya'i sha dang pu shud snying// dur khrod sol chen rgya shug spre// sha snying bsres la sgo ngar rdzas// bdun stong sbyor ba stan la bstim// sha ba'i rdzas la 'gul tog bya// nyi ma'i drod bsdu sbyor ba bstim// nya gsum gung la sgo nga 'phang// sngags kyi sbyor ba brgyad dang bdun// grong khyer chen po me yis 'jig// bcu nas nyi shu gsum gyi bar// rabs chad thod par chu shel bcug/gzhan yang gnyan rar dmigs gu'i chu// nya sbrul sha dang bya so khrag thod par blugs shing sbyor ba dril// de yi sbyor ba rgyas bstan pa// rgyu rkyen 'dren pa dbyangs dang sgra// dang por dbyangs yig de nyid la// o yis steng brgyan lnga bas mtha' mdzes u sha'i 'og/ sbyor bas snying po yon tan rdzogs// drug pa'i gsum pas lnga pa'i mtha' mas mdzes// gnyis su bos la drug dang po// lnga pa'i mtha' ma sgra dang po// drug pa'i gnyis pa drug pa'i gsum pa sbyar// de la u btags mtshams su sbyar// snying po sdud pa gsum dang sbyar// nyin mtshan khri khri rdzas la dbab// nyi shu bdun nas gnam stong du// gsum spangs lnga pa'i gsum pa la// b+h+ya ma hA yis 'og nas brgyan// steng nas o brgyan khri tsho bzhi// thon na ston zla ra ba'i stong// tho rangs sbyor ba gsum gyis 'phang// gang dmigs rten la skyin thang 'bebs// drag po'i yan lag ma lus rdzogs// de mo'i lus la zhing lpags bsgrubs// srin bya'i sgo ngar sha dang khrag/ brdzangs la de mo'i skye ru gdags// khrag gi klong du bya gzhag la// 'phang ba bor la sbyor ba zlog/bdun 'bum me chu snying po blang// rtags dang sbyar la rten la dbab// rtsa ba'i las la spobs pa bya// bam gyi 'gul tog de mo 'phang// me rlung skyin thang las kyi 'khrug/ byi la'i gsob shun phung sa chu// rgya sri shing la mi mthun gzugs// sen gang mos pa'i khrag gis bris// bdud dang lnga ru sbyor ba dril// dbu ru yon tan rdzogs pa'i 'bru// drug pa'i lnga pa'i mtha' ma gnyis// drug pa'i gsum pa// sgra yi dang po gsum pas ug/lnga pa'i mtha' ma o steng brgyan// lnga pa'i mtha' ma bsnan la bod// sgra yi dang po u sha'i gnyis pas 'og/ rgyan la steng la e yis mdzes// drug pa'i gsum pa gsum pa'i dang por sbyar// gsum pa'i bzhi pa'i lag tu u// drug pa'i gnyis pa ri yis brgyan// u sha'i mtha' ma u sha'i gsum pas gnan// lnga pa'i dang po o steng brgyan// de la lnga pa'i gsum pas gnan// gong mas bsdus la 'og mas dbab// tha chung bzhi yi nya la sbyar// stobs chen dregs pa srin mo yi// brgya bcu gnyis dang rten la sbyar// dus tshod sbyor ba'i gnad la dbab// 'gram rtsa them 'og mal lam bras// sbas la sbyor ba gsum gyis dbab// chags pa'i snying po gsum dang ldan// las kyi mtha' ru dgu skor gnan// mchog gi las dang gcig tu sbyar// gri thod khrag gsum nA ga yul// bcug thun gsum snying po bstim// stong gcig khri bzhi brgya phrag gsum// zla ba dgun dang dpyid ston sbyar// khrag thod gsur gsum mtha' ru sreg/ bsdu dril dbab pa 'bras bu 'joms// gzir ba gsum dang ming dang sbyar// mgo spangs drug pa'i dang po rlung// sgra yi dang po u sha'i gnyis pas ug/ steng du es brgyan rlung steng o// gsum pa'i mtha' ma dang po o dang ldan// sdud pa gcig dang ming du gzir la gzir// gsum spangs lnga pa'i dang po gnyis// drug pa'i gsum pas 'og tu brgyan// steng du o gnyis lnga pa'i mtha' mas mdzes// steng du es brgyan rlung steng o// gsum pa'i mtha' ma dang po o dang ldan// sdud pa gcig la ming du sbyar la gzir// gsum spangs lnga pa'i dang po gnyis// mtshams su gnyis sbyar dril gnad mchog/ kun ldan mtha' ru u sha'i dang po gnyis// drug pa'i gsum pa gnyis gnan la// gsum pa'i mtha' ma dang po'i gsum pa nye// u sha'i gsum pa dang po'i mtha' mas ug/ las rgyan sgra yi dang po'i mtha' mas gnan// gzir ba gsum pa'i mtha' gnyis gnan// lnga pa'i dang po os steng brgyan// de la lnga pa'i gsum pas gnan// gnyan ra gdug par gnan sreg gzir// dbab pa sbyor ba 'joms par bshad// rgyal mtshan me long gi rgyud las// sbyor ba gsang ba'i le'u ste nyi shu pa'o//// de nas bcom ldan 'das kyis dbang gi gleng gzhi 'di bshad do// rdo rje srin po'i sbyor ba la// 'khor lo rten gyi byin rlabs mchog/ rdzogs pa'i 'khor lo legs bsgoms na// ye shes 'khor lo byin gyis brlabs// lha yi 'khor lo legs thob nas// las kyi 'khor los phrag brgyad bskor// brgyad gnyis bcu drug 'khor lor sbyor// byin brlabs 'khor los bdag dbang bskur// dbang gi gnas su bstan pa'i phyir// 'khor lo dbang phyug mi 'gyur brtan// rin chen thod pa'i bum pa ru// ye shes chu dang bcu phyed snum// rigs dang khyad par las bskyed la// rtsa ba las dang sid+d+hi bzlas// bzlas pa'i mtshan ma rnyed pa dang// bdag dang slob ma dbang bskur la// dngos grub bcud kyi bum pa blang// nus pa skyed phyir pan tsi'i dbang// nyi shu rdzas kyi rnam pa gcig/ rgyan dang drag po'i dur khrod kyi// sngags dang phyag rgya rab brtan la// rigs dang ldan pa'i dbang phyug gis// rgyal ba'i gdung tshob rnams la sbyin// las la thog med phan pa'i dbang// dregs pa pho mos las kyi dbang// bskur zhing bde ba'i lam la gzud// gsang ba gzungs ma'i phyag rgya blang// rigs dang dngos grub kun sbyar la// yab yum mnyes pa'i byin rlabs las// rten gyi 'khor lo drug bsgyur la// thabs dang bcas pas rgyan sbyangs la// bde chen 'khyil ba'i byang chub bcud// gnyis med bde ba'i sgra dang 'byin// thogs med grub pa'i dbang du bshad// yum gyi pad+mor bde phab la// shes rab gnas mchog dam pa yi// ye shes bskyed pa'i dbang bskur bya// b+ha ga gsang ba'i gzhal yas su// rig pa'i bde ba'i sems bskul la// si ri'i lam sbyangs pad+mar 'khyil// rig pa rgyan gyi byin rlabs blang// rig pa'i 'khor lo rang dbang bskur// ye shes 'khor lo thob par bshad// thams cad ma 'dres mnyam rdzogs pa'i// mnyam nyid bde ba chen po yis// sku gsum 'bras bu lhun rdzogs dbang// sgyu ma snang stong ye shes sku// ma bskur bskur med rgyu 'bras 'das// thams cad bde ba chen por rdzogs// 'jam dpal ye shes sems dpa' yi// rig pa rang dbang byin rlabs mchog/ chos nyid rdzogs pa'i dbang du bshad// rgyal mtshan me long gi rgyud las// dbang yongs rdzogs rtsa ba'i le'u ste nyi shu rtsa gcig pa'o//// de nas bcom ldan 'das kyis thun mong dang khyad par gyi dbang 'di bshad do// chos sku byang chub sems kyi ngang nyid las// 'jam dpal mi gnas zung du med pa'i sku// mi gnas khro bo ya man ta ka dang// gshin rje gshed kyi phyag rgya rab bstan pa// bsrung bar bya ba'i dam tshig 'di lta ste// sngags pa kun gyi dam tshig srog/ byang chub bde ba'i gzugs yin pas// srog ldan dam pas 'di srungs bya// sbyor ba sngags kyi 'khor lo la// ma yengs bsam gtan ting 'dzin bstan// gsang ba'i lam min gzhan mi 'gro// ri pa'i brda min phyag mi btsal// sbyor ba las kyi rgyun zhugs na// gtam mi bya zhing sha chen bza'// g.yang gzhi stag lpags ro ras bgo/ dur khrod rgyan dang 'phreng ba bgrang// dung rnga gling bu rdza rnga dang// rak+ta bdud rtsi spyug glu blang// smug chen smug chung don dang gsur// sngags kyi 'khor lo rtag tu bskor// me rlung las kyi 'khor lo blta// mtshon cha sku mdog sna tshogs gnag/ 'dzab rdzogs dgongs pa gsang bar drang// bsrung ba sngags kyi 'khor lo bca'// bsam gtan sems kyi 'khor lo blta// shes rab gsang ba'i 'khor lor 'jug/ thabs kyi 'khor lo bde ba spro// byang chub 'khor lo sa bon drang// bde ba'i 'khor lo b+ha gar bskyil// shugs kyi 'khor lo dbugs las dbyung// 'phro 'du'i 'khor los kun sbyang bsgrub// brgyud pa'i 'khor los bsreg sbyang bgrod// sangs rgyas 'khor los stong phrag 'byung// 'khor lo'i dam tshig srog ltar bzung// de las yon tan byin rlabs 'byung// chu chen 'brug na sngon mi bzlog/ yul gsad ro la blo yis blang// yugs sa rabs chad nag po dang// mu za'i bam chen rtag tu blang// don dang ka ba sbas la bcar// mon gyi tsit+ta ban+d+ha sems// rjen shun dbang po sngon du blang// ro la rtag tu byams shing rten// dpa' bo don khrag mtshon ldan 'tshal// khyi dom rta snying dur khrod shing// rtsub mo rdo sol lus la brten// sangs rgyas mchod rgyun bla ma bzung// sngon du 'gro bas bag bcas bsdam// byang chub lcam dral rgyun mi gcad// ya man ta ka rtag tu bsgom// ya tshogs chu bo rgyun mi gcod// lam du zhugs rnams mngon par sbyar// snying rje phan sems brtson pas sbyin// dkon mchog bla ma'i rgyal srid bca'// bstan pa rin chen gter la bsdu// snying po ngad dang shugs kyis drang// mtshan ldan gzungs ma byin rlabs bzung// bkra shis phyag rgya'i gzungs ma spyad// sems kyi me tog bde ba blang// byang chub sa bon gzhan mi spro// gsang ba'i don du smra mi bya// dam ma 'dres sogs gsang mi bsgrags// mkha' 'gro gzhan tshogs byams shing gdung// dbang po rno la ting 'dzin bstan// phyag rgya gsal la nyams rtogs ldan// dam tshig sngags kyi 'phreng ba bzung// thun mong dam tshig bsrung bar bshad// khyad par dam tshig bsrung ba ni// spyi dang lhag pa'i dam tshig gnyis// spyi yi dam tshig bcu gnyis gcig/ gcan gzan rgyal po gsad pa min// za ma tog gi kha mi dbye// gangs kyi zhun chu btung mi bya// snod ngan bdud rtsi bcud mi blug/ nor bu rin chen rgyan mi dpog/rin po che'i lha bran mi bsrel// rdo rje gtams pa'i rdzong mi gshig/ byang chub sa bon bsreg mi bya// rdo rje ra ba'i dbang mi gshig/ phyag rgya chen po'i rgyan mi dgrol// mun pa gsal ba'i sgron mi gsad// rdo rje chu ba'o bka' mi bcag/ 'byung ba lnga yi dngas mi bsdu// gzhan la rang gi sngags med zug pa mi gdon// sngags kyi dug mda' khong nas mi gdon// rin po che'i rgya sa mi gshig/ sgyu ma'i phung po'i ri mi bsnyil// bya rgod dkar po'i gshog pa mi bcag bya khyung sder mos rgya mtsho'i gting mi dkrug rang gi zhe sdang lam mi dgag sgyu ma snang ba'i sgron mi gsad// gsang dam phyag rgya'i brda mi dgrol// rin po che yi sgron mi gsad// phyi yi dam tshig bsrung bar bshad// lhag pa'i dam tshig rnam pa lnga// dang du blangs shing gdams par bshad// 'dun pa gsum gyi bstan pa brtag/ yin pa bzhi yis lhag par brtag/lta ba bzhi yis nyams stobs ldan// dbang bskur gnyis kyis gtan mi dgrol// gsang ba gsum gyi rang dbang bsdu// lhag pa'i dam tshig lnga ru bshad// rgyal mtshan me long gi rgyud las// dam tshig gzungs kyi le'u ste nyi shu gnyis pa'o//// de nas bcom ldan 'das kyis gnad dgu gzer gyi sbyor ba 'di bshad do// sbyor ba sngags kyi 'khor lo mtshon// gnad dgu thabs ldan gcod dang 'bigs// gsang gsum las kyi mtha' ru bca'// srog rten gzer bzhi'i thebs la blangs// bdag nyid kun bdag de bzhin gshegs// ma lus 'dus pa'i khro gnyer can// 'dus pa bzhi yi sbyor ba can// gsang ba'i sgron ma brda yis brdeg/ dbang can dregs pa dmod pa'i bdag/ myos byed pho mo'i lus la gzud// 'dus pa'i thig le yid kyis bzung// lus kyi ri bo khro gnyer la// lhun po ri rab brtan ltar brjid// khros pa'i yis kyis kun bzlog nas// rang gnas phyag rgya chen po yi// lus la ye shes 'khor lo bcas// khro bo 'khor lo nyi ma brtan// gtum chen rngam brjid rdo rje 'bar// ya ma kun 'dus rin chen yum// kun 'dus rin chen sgo yi sgo// longs spyod mgrin pa bde lam gnas// bde chen rin chen rgya mdud oM// skyed rtsa dgu 'am gsang gnas su// nyi ma'i dkyil 'khor bde ba lnga// khrag 'thung yab yum gzi brjid 'bar// spyi bo gser gyi sgo gnyis dang// dgu mdud 'dus pa'i khung bu dang// thugs ka lag pa g.yas g.yon dang// gsang sgo rkang pa g.yas g.yon gnyis// smin mtshams lhag pa rdo rje'i brda// nyi ma'i dkyil 'khor 'bar bcas pa'i// khro rgyal kun gyi thig ler bya// dbu la khrag 'thung dbu rgyan lnga// nyi ma'i dkyil 'khor nyid dang ldan// nyi ma'i dkyil 'khor bcu dang gcig/ khro rgyal kun bdag khrag 'thung rje// gshin rje mkha' 'gro yi dwags bdag/ sha za srin po gying srog bdag/ 'das dang ma 'das kun gyi yab// zhing bcu sdig can kun sgrol mtshon// khro chung sprul pa gzer ltar 'khrug/tshangs pa kun khyab nyi ma can// nyi ma gsang lam 'od stong 'bar// stong gsum gang ba'i 'khor lo 'bar// dgu 'dus sdig pa gnas nas 'pho// rten drug gnas sbyangs ya tshogs sdud// rtsa lam srog dang rlung gis 'byed// byin rlabs bstan pa'i mtshon chas srun// phyag rgya chen po'i sems dang ldan// thun mong sems dpa' khyad par can// rtsa bzhi 'byung lnga gnad dgu dbab// drag pos 'phangs la sngags dgu gzer// rgyu rkyen 'joms pa'i nyi shu bdun// las gsum sbyor pa dgu nyid dgu/ spyi gcod mtshon cha spu gri me// bdag la 'joms pa gyen la gzud// gzhan gyi sbyor ba rim bzlog bya// sbyor ba sngags kyi rim pa bzlog 'phreng ba sngags kyi rim pa bzlog phyag rgya mtshon cha'i rgyal po bzlog sku yi cha lugs rgyas pa bzlog thugs kyi snying po thig le bzlog 'khor lo rgyal po rim pa bzlog rin chen sngags kyi gnad dgu bsdebs// bla gnas rten gyi yul dgu la// sbyor ba gzer gyi sngags dgu dbab// sgo dgu dbye dang tshul dgu'i brtag/ gzer dgu gdab pa'i rim dgu bzlog/ sbyor ba gsum yin bzlog pa'i gnad// 'khor lo 'bar na sngags kyi gnad// 'pho zhing g.yo ba med pa'i gnad// sbyor ba'i rim pa las kyi gnad// skabs 'dzin chu srin rdo rje'i gnad// rim bsdus gcod pa dar ldan gnad// sbyor ba gsum gyi gnad dgu sdebs// nyungs kar rgyal po snying gzer gnad// nyungs nag stobs ldan klong gzer gnad// ske tshe nyen slong lus sbrid gnad// mi khrag myos pa lhad pa'i gnad// rta khrag 'byed pa sems g.yang gnad// khyikhrag gdug pas dbugs sdud gnad// spyan dug mtsho chen rtsad gcod gnad// rag dug me 'bar sreg pa'i gnad// dug rgod khrag skyed tshad pa'i gnad// gnad dgu 'dus pas rten 'joms gnad// bla gnas rten dgu'i brda gzugs dgu// rkyen dgus bskul la rta dgu 'phang// sgo dgu phye la rten dgu dbab// rdo rje sngags bsdus tsit+ta'i gnad// sku yi sngags bsdus klad pa'i gnad// thugs ka'i gzer sngags zhe sdang gnad// yon tan rdzogs pa longs spyod gnad// gsung gi dri med 'dod chags gnad// las rdzogs gsang ba rgyud gcod gnod// las kyis sreg pa dgu 'dus gnad// gshin rje'i bdud nyid gti mug gcod pa'i gnad// skye med rdo rje rtsa dbugs gcod pa'i gnad// rim pa'i du ma sbyor ba'i mchog/ gnad gsum bzlog pa'i sbyor ba yin// sngags kyi dbal dang 'bar ba'i 'od// phyogs dang mthun par sreg byed de// gong mas 'phen cing 'og mas gcod// de bzhin rim pa kun ldan nas// drag po'i spogs pa'i skabs dang sbyar// las dang 'dren pa'i skabs dang gnyis// gzhan yang 'khor la spogs pa dang// dgu skor drag po spogs pa'i las// skabs kyis las kyi 'byed par sbyar// stag mo mche sbyar rdo rje rme// seng ge kha thab gnam lcags sdebs// stobs chen drag po'i sbyor tshul can// rdo rje srin po me yi sngags// spogs pa'i skabs su drag po sbyor// drag po sngags kyi 'khor lo nyid// rtsa bar bcas pa'i lo ma can// snying po gcig las yan lag rdzogs// sbyor ba bye ba phrag yas pa// bsdus pas stong gnyis bcu drug gcig/ gsum dang bzhi lnga drug bdun brgyad// dgu dang bcu dang bcu gcig gnyis// rtsa ba gcig la bdun cu gnyis// 'phen pa'i drag sngags dum mar 'gyur// sbyor ba byed na dpag tu med// bdun brgya nyi shu las kyi skabs// las kyi rgyal po 'khrul 'khor yin// ya bag sha yi sbyor ba ste// las ni du ma rtsa ba gcig/ 'dus pas mtshon kha me lce yi// dril ba'i sngags kyi 'phreng ba gcig/brjod pas des par mi 'jog gcod// 'phreng ba sngags kyi sbyor ba nyid// 'phen pa'i snying po dngas ma rlung// 'phangs pas sman dri 'du ba'i thog/ drag po ma hA'i 'bru nyid kyis// dril ba'i bde ba'i klong nas 'byed// 'gugs pa'i sngags kyi skye bo yis// rten gsum sbyor bas dmigs pa 'gugs// lus srog dbang po shes rgyud 'brel// bla dang sprul pa yang sprul 'gugs// yul dbang bsten gsum sgo ru dbye// dbus dang mtshams kyi 'bub gnas su// dri ma'i lus la srog bsdus la// mu tra dang bcas gzir la gsad// mchog gi las dang gnyis su bya// spro ba gsum dang thim pa gnyis// 'jug pa gnyis kyis rten dgu 'joms// rgyu bzhi las kyi rnam grangs gsum// tshul gsum dmigs pa 'byed cing 'joms// phyag rgya chen po brtan pa sbyin// bgrod pa gsum gyi lam dang sprad// gnad thabs kyi sbyor bar bshad// rgyal mtshan me long gi rgyud las// gsang ba gnad kyi le'u ste nyi shu gsum pa'o//// de nas bcom ldan 'das kyis rten dang ling ga'i yul 'di bshad do// sbyor ba'i rten la las dbab pa// las chen mchog gi dbye ba ste// sbyor ba kun gyi yul du brtag/ de yis dngos dang sbyor ba ni// thun mong spyi dang khyad par gyis// bsgrub byed dmigs dang bcas pa'i yul// bdag gi 'khor lo mthu bcug la// lha yi 'khor lo legs thob nas// byin rlabs 'khor los mthu brtan la// ye shes 'khor los byin gyis rlob// yul la 'jug pa'i sems brtags la/ phyi nang gsang ba gsum du brtag/ phyi rgyud yul la dmigs pa ni// thugs kyi 'phreng ba sbyor ba khri// ming dang bcas la phyag rgyas dgug bkra mi shis pa'i thod pa ru// mtshon cha'am rus pa'i thur ma yis// rgyu rkyen drug blangs dbang po gzir// re ba zhabs ma 'khor nag dril// dbang po bsdams la zil gyis gnan// zhag gsum gzir la ling ga bca'// snying kha dpral be byang khram gdags// bcu gnyis sor gzugs dbang po thod// lag pa snying kha rid la gnag/dug chu tsha ba khrag gis bsku// sngags kyis gzir zhing be chen bca'// 'khor lo dbus dang mtshams dag tu// 'dod pa'i gzugs dgu dang ling ga bzhag/ ming gi dang pos bskul la bskyed// las kyi pho nya yang yang rbad// bskul tshig dang bcas shes pa dgug kun me dud pas lha dang dbye// bdag gi dbang bsdu gzhan dbang dbrog/ ling ga'i gnas su dbang po bsdu// sngags dang mtshon cha'i thims la blang// sngags kyi sbyor ba dkrug cing gsad// ling ga dang bcas 'khor lo dril// byang du bcug la dbang po gzir// thod par bcug la mtshon cha bskyed// spyi brteg stobs kyis gnan pa bya// bla sems mtshon dang chags pa'i brten// phyi yi ling ga mtshon par bshad// de bzhin nang gi ling ga ni// dud 'gro'i lus la dbang po la// gnas lngar byang khram mtshon skud gdags// rkyen lnga sngags bcas dbang por brtag/tsit+ta'i dkyil du srog bsdus la// 'pho ba gsum gyi rten dang bcas// sngags kyi 'od dang zer 'phros pas// drag po'i gnas su gan rkyal gzhag/ sngags dang pho nyas bla bkug la// lha dang phye la drag sngags dkrug/gzugs la mtshon brdeg dbang po 'pho// yan lag bcas la bstab par bya// tsit+ta phyung la gnan pa bya// rgyu rkyen dgongs pa snga ma bzhin// rten 'brel 'pho ba ming dang bcas// nang gi ling ga rten par bshad// de bzhin gsang ba'i ling ga ni// bdag nyid chen po dbang sgyur ni// rgyu ni bcud kyi dwangs ma bdun// rkyen ni 'du 'phrod g.yo dang bskyod// 'bras bu las dang grub pa'i gzugs// dbang po srog gzungs rang gis 'brel// gdug pa rang bcas gsad pa'i rten// de la yul gyi dmigs pa bca'// rtsa sgo sbubs dang bcas pa ru// 'byung ba dngas ma'i snying po gnas// rtsa sbubs bzhi la drags po'i sngags// mdud pa gcod pa'i spu gris brgyan// drag sngags 'od zer nang nas 'phro// 'phen pa dbugs kyi sngags kyis 'phang// shes rgyud rtsa sgo srog rgyun gcod// 'byung ba bslang dang de bzhin dkrug/ rtsa gcad shes pa gcig tu bsdu// dngas snyigs phye la rten dang 'brel// thod pa snying po ming bcas bri// sngags kyi 'od zer bskul zhing spro// 'byung bzhi bcu drug bcu gnyis brgyad// bzhi gnyis dbus kyi pho brang nas// yul dang shes pa spro ba yi// rang dang shes pa bskul zhing dgug/ bdud dang gshin rje'i ki kaM tshogs// rang dam snying pos rang la bsdus// mchod pa stabs la rag+ta brlab// spyug glu blangs la dung khrag sbreng// nyes legs dbang gzugs gdung ba blang// dun ting ka yi sngags brjod la// dmigs pa'i yul la gshin rje rbad// sbyor ba'i sngags dang gshin rje yis// gsang lam sgo dgu gnas phye la// dbang po dgu yi rten phyung la// zhing bcu sdig can dmigs pa'i yul// dbang po rnam shes bkrag mdangs bsdu// sngags pa rgyal blon stobs can// lus la gdug pa'i srog bsdus la// bdud sgo gsang ba'i lam nas zhugs// gdug pa sgra yi 'khor lo brtag rtsa gsum dbus kyi srog shing la// g.yas na chags pa las kyi 'bru// g.yon na sdud pa srog gi rten// dbus na ming gi dbang po gnas// rtsa bzhi dwangs ma'i sbubs bzhi na// rang gshed krI krA lta bzhi 'bar// mdud pa bzhi la gcod pa yi// spu gri mtshon cha'i rgyal po'o// si ra brgyad dbus srin mo'o// gcod dang gnon pa'i mtshon cha'o// rtsa bran sbubs dang nang khrol la// yab yum bdud srin stobs dpag med// 'degs dang slan gyi rtsa sgo ru// sa dang chu yi snying po bstan// 'degs bskyod drod kyi rtsa sgo ru// me dang rlung gi snying po brtag/ srog sgo tsit+ta'i rtsa mo la// tsha grang las kyis 'joms pa'o// de dag gsang ba'i ling gar bshad// gsang ba lte ba snying mgrin dang// sha khrag rus khrag dbus rus pa// klad pa gser gyi sgo dgu na// ra tsa khrag sbal lcags sdig pa// nri dang ra ga ya ma ha// snying po bskyod dang drod yar la// chags dang rten las khrag tu gzhu// bkug la srog bsdu snying khar gzhug/ khrag sbal bzhu la rgyu bzhi bstim// me mar gsad la mgrin par bsdu// sbyor ba bzhi bzhi bcu drug dkrug/ dwangs ma thig le ya la bsdu// tshangs pa gser gyi sgo nas dbyung/ thun mong sems dpa'i phyag rgyar bskyed/ yid la dbang bskur byin gyis brlab/ phyag rgya chen po'i brten pa sbyin/thig la byang chub bde lam bgrod/ dman pa'i lus la gnad gzer dbab// kun 'dus sdigs pa'i khams dang sbyar// shes pa bral na stod cing khyer// gnad dgu mi gnad 'joms sdud yin// gnas rab 'byongs pa'i thabs dang sbyar// bdud srin sha za ki kaM bkye// pho brang thod khar bcug la gdab// brnag pa kun gyi snying po bsdu// sku gsung thugs kyi lto bar gzhug/ mi g.yo chos nyid phyag rgyas gzir// brda gzugs mtshan ma'i brten la bstim// bdud dang gshin rje srin po dang// ma mo bdud mo srin mor bcas// sha za gnod sbyin ki kaM gi/ 'khor lo rdo rje srin po'i bdag/ ma lus rten gyi rgyu la gnas// khyams khang dur khrod mtsho gling du// spu gri bar dang mtshan mo la// pho mos las kyi sbyor ba rten// rten la rang gnas rgyud la tshang// g+hu ya rak+Sha ya ma'i klong/ b+h+yaM ha baM dza/ stAM krA sI rA d+ya log gamana' drA gatshas/yul gyi dmigs pa rten la sbyar// bde ba'i gnas dang sprad pa yi// yul dang rten la rgyas par bshad// rgyal mtshan me long gi rgyud las// yul la brtag pa'i le'u ste nyi shu bzhi pa'o//// de nas bcom ldan 'das kyis chos nyid mi 'gyur ba'i don bshad do// 'jam dpal yeshes sems dpa'i ya// rang nyid chos sku byang chub sems// ma g.yos bde chen thig le'u sku// sku gcig mi g.yo cir yang snang// khyab gsal bde chen 'gyur med ngang// sna tshogs ye shes sgyu ma'i sku// lhun grub phyag rgya cir yang gsal// thabs kyis 'dul ba'i 'gro don mdzad// zug rngu mi mnga' cir yang dgongs// mtshan dang dpe byad tshad las 'das// rig pa'i rgyal po longs spyod rdzogs// 'khro 'du sbyor len sprul pa'i sku// nang rgyud dag pa'i sku ru bshad// byang chub bde ba chos kyi sku// pad+ma bde spro longs spyod sku// sna tshogs sgyu ma sprul pa'i sku// phyi rgyud dag pa'i sku ru bshad// rtse 'dus thig le chos kyi sku// si ra gang gsal longs spyod sku// snang srid 'khor lo rim drug spros// thabs rigs don byas sprul pa'i sku// slar 'dus thig le bde chen sku// gnyis su med pa byang chub sku// ro mnyam mi gshig rdo rje'i sku// thabs dang shes rab phyag rgya'i sku// thams cad yongs rdzogs khyab gsal sku// gsang ba thabs kyi sku ru bshad// dus gsum 'gyur ba med pa nas// bde ba'i rgyal po sngon shar kyang// dge bcu ma yengs rgyun mo gcad// thabs kyi rgyal po 'di bshad do// dus gsum mnyam nyid brdal ba yi// rig pa'i rgyal po byang chub sems// snang srid chos rnams kun gyi gzhi// sna tshogs ngos gzung med par bshad// rgyu med 'bras bu lhun gyis grub// chags sdang la sogs lam gyi brgyan// sems las ma byung sangs rgyas gtso// ye shes myu gu dbus mtha' rdzogs// lung med man ngag yang gsang mchog/ khyab gsal dkyil 'khor yongs rdzogs yin// thams cad sku gsung thugs kyi rgya// mi zad rgyan gyi 'khor lor rdzogs// g.yo ba med pa'i rgyas thebs na// sangs rgyas kun pas bgres pa'o// lta ba mnyam rdzogs 'gyur med bshad// rgyal mtshan me long gi rgyud las// chos nyid gtan la dbab pa'i le'u ste nyi shu lnga pa'o//// de nas nas bcom ldan 'das kyis khyad par gyi thun gyis gsad pa 'di bshad do// khro bo rgyal po dregs pa yi// sku las sprul te sbyor ba ston// dur khrod sa la khru gang ba'i// dkyil 'khor nag po thod 'phreng dang// dur khrod rgyan dang me ri bya// dbus su ya las bskyod pa yi// gshin rje nag po bdud kyi gzugs// zhal gsum phyag drug ma he ro// yum dang bdud mo 'khyud pa'i tshul// mon pa'i thod par don khrag dang// lug nag ra ro don khrag blugs// brnag pa'i gzugs dang ming yang gzhug srog bskul thun dbab las gzhan dbab// snying po'i sbyor ba ngang gis drang// yon tan rdzogs pa dbu ru bzhag/dbyangs kyi dang po nye ba ru// sgra yi dang po las can la// 'og nas drug pa'i gsum pas 'brel// steng nas o yis brgyan pa'o// drug pa'i dang po lnga pa'i mtha' ma nye// gsum pa'i gsum pa os steng brgyan// lnga pa'i mtha' ma e dang ldan// mtshams su 'dod pa'i a mu ka u sha'i gsum pa drug pa'i gsum pa yang dag 'brel// de la os brgyan dang po'i gsum pa nye// lnga pa'i mtha' ma drug pa'i gsum pa dang// drug pa'i dang po drug pa'i gsum pa la// lnga pa'i gsum pas 'og nas brgyan// bzhi pa'i gsum pas yang dag 'brel// gnyis su bos la gsum pa yi// gnyis pas 'og nas u yis brgyan// de la gsum pa'i mas 'brel// 'og tu lnga pa'i gsum pa la// 'bya ma ha yis brgyan pa'o// bskul tshig dang bcas brten la dbab// rngam tshig lus bskyod drag tu brab// ri rgyal rbab chen dril ba bzhin// smod pa'i rgyal po 'di bshad do// gsung gi sprul pa dregs pa'i las// thun gyi dbang po lus 'joms pa// dur khrod gdug pa'i dben gnas su// grog mkhar sa dmar ba yi lci// ro sreg sa la khru do rtsig/ khrag dang dug gi chag chag gdab// thal chen re ga dbus mthing nag/ thod pa dgu 'phreng sgo 'khor lo// dkyil 'khor dmar nag khrag mtsho can// gtor ma sha chen gsur dang khrag/ mi rta ra khrag dug nyungs kar// thod tshal blugs la thun du dbab// gri thod nang du ling ga gzhug/ gug rgyal chus bkru rab gnas bya// thun dbab lus bskyod gsur chen btang// dbus su khro bo'i sku bskyed la// ya las zhal gcig phyag gnyis pa// sku mdog dmar po khrag gis brgyan// g.yon na sngo nag 'jig tshul 'khyud// rngam tshig ldan pa'i thugs ka nas// 'od zer 'phro 'du nyi ma'i tshul// de yi 'phreng ba 'di lta ste// yon tan rdzogs pa dbu ru bzhag/drug pa'i dngos po lnga pa'i mtha' mas sbyar// de 'og drug pa'i gsum pa la// sgra yi dang po gsum pas gnan// u sha'i gnyis pa lnga pa'i mthar// o steng gsum pa'i mtha' bas gnan// rjes su gsum pa'i dang po'o// lnga pa'i gsum pa lnga pa'i mtha' steng mdzes// drug pa'i gsum pa li steng drug pa'i mtha' ma gzhan// gsum pa'i dang po drug pa'i gsum pas ug// dgra yi dang po gsum pas 'brel// de 'og lnga pa'i mtha' ma la// gsum pa'i mtha' mas 'og nas brgyan// lnga pa'i gsum pas ming dang 'brel// de 'og drug pa'i gnyis pa brten// rjes su gsum pa'i gnyis pa la// us brgyan gsum pa'i mtha' mas brgyan// de 'og drug pa'i gsum pa la// lnga pa'i dang po gsum pas gnan// drug pa'i gsum pa sgra yi dang po'i gsum pas gnan// 'og tu u sha'i dang po'o// de 'og gong bzhin bod pa 'o// lnga pa'i mtha' ma o yis brgyan// sgra yi dang po gnyis pa dang// drug pa'i gnyis pas brkyang pa'o// de 'og gsum pa'i gnyis pa la// us mdzes gsum pa'i mtha' mas mnan// drug pa'i gsum pa lnga pa'i gsum pas 'brel// de la gsum pa'i gsum pas mnan// de 'og lnga pa'i gsum pa gnyis// steng du o o 'og tu b+h+ya ma hA yis mdzes// gsum gi 'phreng ba bcud dril nas// drag po'i thun dbab lam du gzhug/ bskul tshig dang bcas mtha' ru sbyar// thon nas bdag bsrun gzhan dbang 'phrog/ mngag pa gsung gi las su bshad// gab pa thugs kyi drag po'i thun// g.yul bkye sa la maN+Dal bya// dbus su dpal gyi gtor ma bzhag/ ba ling bcud kyi gzhal yas su// ya las gshin rje nag po'i sku// zhal gcig phyag gnyis yum dang bcad// g.yas pa dung chen thod khrag g.yon// glang chen stag dang dur khrod sbrul// thugs khar nyi zla'i snying po sngags// bsnyen pa sa ya 'phro 'du thim// gshin rje ma mo dbang bsdus la// gtor ma nang du 'gying bag rngam// me 'bar du ba 'gyur ldeg khol// rtags dang sbyar la ba ling bsngo// bsdu ba gsum gyi brtan pa bya// de nas brnag pa'i rten dang rdzas// gri khrag khyi khrag rta nag khrag/ sna tshogs dug dang nyungs kar gyis// nad dang mtshon cha'i char du 'bebs// sna tshogs sha za mi mthun zugs// gtor ma thun dbab brnag pa'i khams// rgyud la lan dang dal du 'bebs// mi mthun myos dang dbang po 'chal// smyo 'bog mdze shu rims su 'bebs// drag tu bskul zhing yul la rbad// dmigs pa'i rtsa dang srog rgyun gcod// bla dang bag chags bkug cing 'tshang// shes rgyun dran pa myos shing skyems// thon nas rlangs 'phro gtor ma 'phang// dur khrod mchod khang lha rten gnas// skra bcings chas 'god gsur dud btang// gling bu bus la spyug pa bod// de yi sbyor ba thugs kyi bcud// dbu ru yon tan rtogs pa gzhag/ de 'og u sha'i mtha' ma la// 'og tu drug pa'i gsum pa 'brel// dbyangs kyi bzhi pas steng ru brgyan// de 'og u sha'i gsum pa la// gsum pa'i dang po 'og tu 'brel// dbyangs kyi gsum pas steng du brgyan// drug pa'i dang po lnga pa'i mtha' mas te// rjes su drug pa'i gsum pa la// gnyis pa'i mtha' mas 'og tu 'brel// steng du is brgyan nga yis gnan// de 'og gsum pa'i mtha' ma la// 'og tu us brgyan mtha' mas gnan// 'og tu gnyis pa'i bzhi pa gnyis// mtshams su 'dod pa'i ming dang sbyar// spu gri gong dang mthun par sbyar// srog la rbad rbad thun b+h+yo zhes// dbab dang 'phang ba'i sbyor ba ni// chu bo rlung chen 'bab pa dang// ri rgyal rbab chen 'dril ba dang// gser gyi gu thog brgyab pa ltar// dmigs pa'i yul dang dbang po 'joms// lus la shes pa'i dwangs snyigs 'byed// mgo dang tsit+ta phung po 'gas// snying khrag klad khrag drangs shing za// myos pa srog dang 'bral bas na// thabs kyi rgyal po mchog tu bshad// rgyal mtshan me long gi rgyud las// sbyor ba thun gyi le'u ste nyi shu drug pa'o//// de nas bcom ldan 'das kyis drod rtags 'di bshad do// bsnyen pa dang bsgrub pa'i skabs rnams su// drod rtags phyi nang gsang ba gsum// de bzhin bsnyen bsgrub yan lag gsum// kun 'grub rtsa ba gcig dang bcas// rtags kyi rim pa 'di lta ste// dang por ltas kyi so pa ni// bdag nyid phyag rgya 'bar ba dang// chos sku'i 'od zer gsal ba drang// rang sems mi g.yo nyams dang ldan// 'od 'bar sku yi thon pa dang// nyams stobs ldan zhing dbang po gsal// gzugs dang sgra la sogs pa rnams// snga na med pa'i rnam pa myong// nyon mongs shes pa yul la 'bar// rang dbang med par 'tshig cing rdeg/ 'dod pa'i yul la shin tu 'tshig sngags rnams gsal zhing 'bar zhing 'drel// blo ni mi g.yo don bzhin 'joms// lce lkog tsha la g.ya' ba dang// dpral ba'i dkyil nas kha yi rtsa// 'brum bu phra mos khengs pa dang// lus la 'du ba'i nad med cing/ kha zas ro dang bde ba myong// rdul dang thims thibs shes par rags/ khong khro dregs shing dbang po rno// lus la drod dang g.yo ba'i rlung// skad cig sngags dang 'od la 'bar// bde ba'i dum bu snying las lte// bsnyen pa drod kyi rtags su bshad// 'od dang du ba rlung sgra 'brug/ thog dang ser ba bu yug 'tshub// 'khor lo 'gyur dang thod pa 'char// ro dom 'chol dang me 'bar lteb// rgod dang glung dang spyugs pa 'bod// sgrub khang g.yo zhing 'tsheg la 'gyur// yams dang dal gyi bu yug rlog/ bya dang gcan gzan 'thab cing 'khor// sku dang phyag rgya mngon du gsal// rten pa'i rdzas la si d+hi 'bebs// sgrub pa drod kyi rtags su bshad/ khams gsum bdag po ma lus pa// phyag 'tshal bskor zhing mchod pa dang// bdag gis 'jig rten dbang sdud dang/ khams gsum byo bzlog byed pa dang// gcan gzan bdag sgo srun pa dang// nyi zla 'gag tu 'char ba dang// mi 'bying chu la 'gro ba dang// mtshon cha zas su za ba dang// me yi 'khor lo bskyed pa dang// rgya mtsho chen po spyil ba dang// rgyal blon pha ma slob dpon dang// khyi dang gcan gzan mang po kun// byis pa'i sems can rigs mi mthun// de dag mngag pa'am pho nyar 'khol// dngos mi mthun pa'i srog chags rnams// rang rang cha byad 'dzin pa yis// ji bzhin de bzhin gzugs ston pa// dngos dang sprul pa'i pho nya ste// gzhan yang go chas lus brgyan dang// dmag dpon byed dang dgra dgug dang// mtshon cha lag na 'bar ba dang// gru dang glang po zhon pa dang// gdugs dang rgyal mtshan sgra sgrogs dang// rin chen 'dogs dang rdo rje gsor// rjes su mthun par bskul ba dang// nyams dang rtag bar sten pa rnams// drod rtags las la sbyor bar bshad// g.yag dang sha ba ri dwags kun// ma lus dngos dang mi mthun gzugs// spa byed 'dogs dang gsod pa dang// sha la longs spyod 'dod la rol// g.yul 'gyed mtshon rdeg grong khyer bshig/ dngos su za zhing rol pa rnams// gsad pa mchog gi drod rtags bshad// bya spre khyi phag glang lug sbrul// 'dod chags zhe sdang gti mug rgyal// rA dza ya ma skabs dang sbyar// bsnyen dang nye bar bsgrub pa dang// sbyor dang rtags kyi dmigs rtags la// phyi nang gsang dang gnad bor bas// srog dbrog gzir dang shi sa yi// bla dang sprul dang yang sprul la// skabs dang sbyar nas 'jug pa ni// drod rtags gtan la dbab par bshad// rgyal mtshan me long gi rgyud las// rtags kyi la'u ste nyi shu bdun pa'o//// de nas bcom ldan 'das kyis gshin rje gshed kyi sku gsung thugs kyi 'khor lo bstod pa'i yon tan 'di bshad do// e ma ho/ chos sku byang chub sems kyi rang bzhin las// ma g.yos thugs rje chen po bsam mi khyab// ma skyes skye med chos dbyings dag pa la// skye ba'i cho 'khrul sras mchog gshin rje gshed// 'gag med bde klong thugs rje'i thabs kyis rol// mi g.yo nyams rdzogs sprul sku bsam mi khyab// che ba'i yon tan mtshan dang dpe byad ldan// yon tan kun gyis rdzogs pa'i sku la 'dud// e ma ho/ che ba'i yonatan kun la khyab pa dang// ngang gis khro bar bstan pa 'di lta bu// 'gro ba ma lus bsgral nas smin pa'i mchog/ rin chen pad+ma rgya mtsho lhun ltar brjid// gnyis med 'dus pa'i sras mchog gshin rje gshed// skye dang bcas pa'i gzugs bsgral mtshon dpag dka'// thugs kyi sprul pa khams gsum nyi ma'i 'od// bde ba chen po mnyam pa'i sku la 'dud// e ma ho/ dang po nyid nas gsang ba kun shes nas// rig pa gsum ldan ga pa dgu yi gnas// sbyor ba gsum gyis yang dag bsdus nas 'phen// bla med 'chog la don gnyis bsdus nas len// nam mkha' rin chen 'bar byed cing// dus gsum 'jig rten mnyam pa'i sku// ma lus bstan pa'i snying po don// stong phrag bdun dang brgya phrag lnga// ma lus 'dus pa'i snying po mchog la 'dud// e ma ho/ phyogs bcu kun nas 'dus pa yi// ye shes rgyal po thig le 'di// gsang chen rmad du byung ba 'di// rgyu 'bras las la zhen pa la// 'phrul gyi snying po rno dpal mtshon// kam pa'i spu gri so le ma// rdo rje be con sdigs mdzub chu// bzhi dang yang bzhi rdzogs la 'dud// e ma ho/ 'gro ba las kyi myos pa yis// rgyu drug 'khor ba'i sems can rnams// ye nas lhun gyis grub pa yi// ma skyes gdod nas rnam par dag/ ye shes lhun gyis grub pa'i bcud// thams cad ma lus chos kyi dbyings// don dam spros pa kun las 'das// ye shes rgyal po rdzogs la 'dud// e ma ho/ phyogs bcu dus gsum snang srid kun gyi gzhi// skye med g.yo 'gul bde dang sdug/ bcu dang bzhi sogs sdig pa can// las dang shugs kyis 'khyams ba'i 'byung dang rten dbang bzhi// lnga dang drug brgyad gnyis bsdus nas// sdud pa ma la gcod pa yi// gsang bcud len pa'i mchog la 'dud// e ma ho/ dug gsum e yi pho brang du/ khams gsum mchog gi las bsdus nas// srid gsum gnad kyis gdung ba yi// 'gro ba las kyis mi khom pa// phung po rdo rje rtsa dwangs ma// snyigs ma'i 'dod lha mnyes mchog skong// ma yengs goms pa'i las dang sprad// las kyi rgyal po rdo rje 'dud// e ma ho/ 'gug pa 'gug dang bkug nas 'gugs// sgrol zhing sgrol la sgrol mchog bsgral// sbyong zhing sbyong la gnas sbyang sbyong// grol nas sbyangs pas gnam thob rdzogs// oM gyi ye shes las byung bas// sku dang rigs dang ye shes rdzogs// ya yi ye shes las byung ba// don dang rang gi mtshan nyid rdzogs// ma yi ye shes las byung ba// sgrol sbyor sdud dang phyag rgya rdzogs// me yi ye shes las byung ba// bde ba sdud ba'i yon tan rdzogs// ta yi ye shes las byung ba// thugs rjes sgrol ba'i chags pa rdzogs// k+She yi ye shes las byung ba// snang dang bskyod pa'i 'phrin las rdzogs// ra yi ye shes las byung ba// sreg dang smin pa'i drod dbang rdzogs// tsa yi ye shes las byung ba/ khams gsum gsal ba'i nyi ma rdzogs// sa yi ye shes las byung ba// dri la thogs med dbang po rdzogs// lto yi ye shes las byung ba// dwangs ma sdud pa'i yon tan rdzogs// ru yi ye shes las byung ba// ro rnams rgyas dang gsal ba rdzogs// na yi ye shes las byung ba// stobs chen drag pos 'joms pa rdzogs// yo yi ye shes las byung ba// sku dang cha byad dregs pa rdzogs// na yi ye shes las byung ba// dus gsum mi g.yo mnyam pa rdzogs// ra yi ye shes las byung ba// tshor ba dri yis 'joms pa rdzogs// ya yi ye shes las byung ba// ro mchog 'dod ldan bde ba rdzogs// tsa yi ye shes las byung ba// spyan dang ldan pa'i gsal ba rdzogs// na yi ye shes las byung ba// sgra dang lnga pa'i dbang po rdzogs// hU~M gi ye shes las byung ba// sdud pa dbyings su thim pa rdzogs// dza yi ye shes las byung ba// 'gugs shing rang dbang 'dren pa rdzogs// phaT kyi ye shes byung ba// mngag pa las kyi pho nya rdzogs// sngags kyi yon tan bsam dpag dka'// 'dren pa las kyi sbyor 'phreng gcig nus pa phye na du mar 'dren// yon tan du ma e ka thogs// rgyal po 'bru thus gser gyi las 'bru// yon tan rdzogs pas seng ge 'dren// sbyor ba khra spyang kyo pa ta// 'phreng sngags rin chen ming bcas yul// dbang sdud phyag rgya stobs dbang 'phrogs// rten pa'i snying po chong chen brda// me rlung mtha' gcod spu gri sba// mda' thogs 'khor lo ral gri zer// stobs chen sa gzhi ri rab brtag/'byung ba'i rdo rje las sna tshogs// sha za srin po las dbang sdud// sngags kyi 'phreng ba brjod ming bca'// 'byed pa'i tshul gsum las mtha' rdzogs// sbyor ba'i stobs chen dpag tu med// phyi rgyud gzugs brnyan 'khor lo la// rgyu rkyen thabs kyi yon tan rdzogs// rtsa rgyud nang gi 'khor lo la// dwangs la 'dus pa'i yon tan rdzogs// gsang ba dbyings kyi 'khor lo la// lam dang thabs kyi yon tan rdzogs// lhun gyis grub pa'i 'khor lo la// snod bcud 'jig rten 'byung ba rdzogs// rten 'brel srid pa'i 'khor lo la/ khams dang skye mched dbang po rdzogs// dkar dmar brda yi 'khor lo la// dbang dang byin rlabs sbyong bgrod rdzogs// sman pa yul gyi 'khor lo la// rno sbal sngags dang mtshon cha rdzogs// ru sbal gdug pa'i 'khor lo la// ma lus gso 'joms yon tan rdzogs// mnan pa thod pa'i 'khor lo la// snying po bsdus don rab tu rdzogs// rkyen dang thabs kyi 'khor lo la// 'brel ba gsum gyi yon tan rdzogs// yon tan rin chen rgya mtshor bshad// rgyal mtshan me long gi rgyud las// 'khor lo chen po la bstod pa'i le'u ste nyi shu brgyad pa'o//// de nas bco ldan 'das kyis las kyi shan pas gsad pa'i sbyor ba 'di bshad do// dang por mos pa'i sa phyogs su// dur khrod rgyan dang zhing bshams la// dpa' bo don snying khrag dang sha/sha chen gtor ma dud chen gsur// gshin rje sku dang thod pa'i gzugs// stegs bu gru bzhi dbus drag po// 'brub khung rtsang dang rgyu rkyen drug/ bcas la sku yi bsnyen pa 'bum// thon nas las kyi bsnyen pa bya// sa ya'i grangs la dgug pa 'bum// zhing lpags gdan la khro bo'i sku// rgyan dang byin rlabs dbang bskur bstan// mchod bstod la sogs gsang sngags dang// las kyi ya ma 'bum sde yang// gshed po lto 'phyang sku la bsdu// gtso dang gshed po 'du pa yang// tsit+ta'i gsang ba'i zla dkyil nas// ya ma hU~M las khro bar bya// rin po che yi steng sgo nas// gsang lam pa thag rtsa brgyud pas// bcu bdun snying po 'od du 'phro// dus gsum gshin rje thugs khar thim// sku gsung thugs kyi yon tan las// slar 'dus sgo gsum bag chags sbyangs// bde gshegs sku dang gnyis med brtan// sku dang ye shes gong bur bstan// grangs kyi tshad ma thon pa dang// ya dang ma las rno dang myur// lcags kyu lta bu'i sbyor ba yis// srog gcod gshin rje lto 'phyang dang// ma mo gtum mo thal mdog ma// 'bum sde 'khor dang bcas pa rnams// nus pa lus dang bcas pa yi// tsit+ta'i snying po dwangs ma dkrug/ khro bo'i dbang du bka' nyan 'dus// thod pa'i gzugs brnyan rten la bstim// lus kyi dbang po gnag la rtsub// lto 'phyang mgrin pa yangs la rngam// yan lag rags la gdug pas brgyan// zhal gcig mche ba gtsigs shing bzhed/ kham nag ral pa thod sprul brgyan// mcho ma kha chu rak+ta dug/ g.yas g.yon me rlung 'khrug pa yi// rtsibs stong ldan pa'i 'khor lo rnams// thugs khar gdug pa'i rims nad bskyed// sku la g.yang gzhi thod sbrul stag/ gtum mo smug nag dug hrul gyon// thod sbrul gyen du skra brdzes ma// phyag na 'khor lo ba dan bsnams// dug gi rlangs pa nad kyi sprin// mtsho 'khrug pho mo'i dbus na 'gying// yab yum phyag rgya gsal bar bsgom// phyi nang drod dang ldan pas na/ sbyor ba drug po'i las la 'jug/ gang rung thod pa kha sbyor la// steng 'og thod pa 'khor lo bri// dang por gtsang mas thod pa bkru// skams la sme ba lnga yis byug/ rten drug rdzas kyi thang pa bya// tsha ba gsum dang dug chus gnan// de'ang gcod pa'i 'khor lo ni// gnag tsha gdug pa'i khrag dang dug/ g.yas pa'i mchog chen thur mas bri// yang na gsad pa'i smyug mas bri// rang gi dbang pos sbyor ba bsdam// dang po mu khyud gsum du bskor// lte bar gru gsum oM dang ya// khyud dang po 'khrul mig brgyad// phyogs bzhi'i dang por 'jug pa ma// gnas gsum rnal mar ra tsa bdun// mtshams su gru gsum nri dang ming// phyi rim 'khrul mig bcuganyis la// g.yas phyogs rnal ma'i bskor phyogs su// ting rmugs kha rag shrI de ma ra ma ya rbad// yab yum snying po sbyor ba ni// bsad cing mnan pa mtha' yis bod// phyi rim bcu drug yang logs la// 'khor lo rgya gram ral gri bsnol// mtshon chen dbus na gsad pa dang// gnon bar sbyor ba'i sngags rnams gnas// 'bum tsho bzhi ru gsad la sbyar// thod mkhar rten sbyor khro tsho gcig/ rko ba stong ste gnon pa brgya// 'khor lo bar du sten pa'i ming// gro ga dag la khrag gis bri// gsod pa bar du kha sbyar bca'// 'og ma g.yon bskor sngags rnams bzlog/ ming rus thod pa dar gyis gril// dbye dgug gsad pa'i sbyor ba bya// sngags kyi sbyor ba'i lus gcig la// yan lag 'dod pa bzhin du brdeb// de nas bcom ldan 'das kyis nyid kyi sku gsung thugs ye shes rngam pa las sngags 'di bton to// oM ya ma rA dza dun ti rmugs kha rag shrI de ma dum ra ma ya hU~M dzA dzA/oM ya ma rA dza dun ti rmugs kha rag shrI ma dum ra ya rbad/ u mu ka nI A kar+sha ya hU~M dzA dzA/ a mu ka srog mA ra ya rbad/ oM a mu ka srog stam pa ya nan/ dang po'i sbyor ba'i gzhan du gnas/'khrul 'khor sbyor bas gsad pa ste/ ya yum 'dus pa'i pho brang na// bskul ba'i gshed kyi snying po dbyung// mtshon cha'i rgyal po gcod pa'i mda'// bcu bdun sngags kyi lus po la// 'bru lnga gcod pa me dang 'dra// mtshams su a mu ka la bsdu// ting 'dzin stobs kyis gzhu bdungs la// sbyor ba gsum gyi gnad kyis 'phen// 'bru lnga 'dod pa'i stobs kyis gnan// gnan pa'i sa ni gnyan bo'am// bka' rten rab gnas ro khang du// khru do khra bo stobs kyis gnan// dur khrod g.yam pa gru bzhi la// rgya gram 'khor lo ri rab bri// nam mkha'i phyogs nas 'khor lo gnas// pho brang ri rab 'byung ba'i stobs// las kyi rdo rje dang bcas bskyed// bar du brgya stong khri yis g.yo// gsad pa mchog la sbyar bar bshad// rgyal mtshan me long gi rgyud las// las kyi gshin rje nag po yab yum gyis gzer te gtad pa'i le'u ste nyi shu dgu pa'o//// de nas bcom ldan 'das kyis gshin rje de'i yang 'khor bdud gsod byed nag po'i sbyor ba 'di bshad do// dur khrod dben pa'i sa phyogs su// maN+Dal dug dang khrag gis byug/lug gam mon pa yang na rta// gri ru gsad pa'i snying sbram la// rgya shog sngags kyi sbyor bas dril// phyi rim bzlas pa'i snying pos bri// sngon po'am mthing nag dur khrod dar// snying gi sbyor ba tshas byas la// mtshon sna lnga yi dra bar gzhug/ g.yag ru dang bcas dbus su gzhag g.yas su gshin rje'i gtor ma ste// bdud kyi gtor ma gru gsum la// nag po'i snying snas brgyan pa g.yon// rgya shug dang bsres gsur chen gtang// rang lus gshin rje'i skur bsgoms la// sngon du 'gro ba 'bum du bzlas// thon nas bdud sgrub byed dus su// maN+Dal nub tu drag po'i nas// khru gang brkos la skyer tsher bstan// dur khrod sol bas nag por byug/ 'og tu dung chen gling bzhi la// rdzas kyi sbyor ba gong bzhin byug steng du khram gyi thod pa la// rdzas kyi sbyor ba de bzhin las// nag po tshogs pa'i khrag gis byug/dbus su rdo rje rgya gram la// lte ba drag po e yi gnas// phyi rim 'khor lo rtsibs bcu gnyis// steng la ri rab mtha' mar ldan// 'og gi mtha' mar drag pa'i gnas// gru gsum lnga la ming rus bri// 'og ma'i phyi ru me rlung 'bru// steng ma'i phyi ru nan zhes bskor// dri ma drug gi ling ka la// ra khrag ming yang ldan par gzhug/ 'khor lo thod pa'i bar du gzhug kha sbyar nang nas thun rdzas brab// steng du bdud kyi gzugs brnyan gzhag/de la sku bskyed nag la khros// snum la rab tu 'tsher bag che// spyi bcings 'od nag thod du bcings// g.yas su spu gri khram shing g.yon// 'od gnag gos dang 'ja' tshon brgyan// rlung nag tshub ma'i steng na gnas// yum dang srin mo'i bu mo ni// dmar nag mchi ma khrag tu 'dzag/ g.yas pa gri gug g.yon pa snying// khra sprad lto ba sbyar bar gnas// tsit+ta gnyis la snying po gnas// bzlas pas bskul bas bka' bzhin nyan// lci 'thibs rul la khro na rtags// than nas sgra sgrub sbyor ba bya// dug dang nyungs kar ske tshe yis// thun brab 'khor lo'i mtshon cha bskyon// gong bzhin khri tsho bzhi bzlas la// mtha' ru dmigs pa'i mkha' rim ni// mu ma bcud kyi dkyil du gnan// sgra sgrub rgyun gyi dmigs pa ni// bdag lus 'od kyi gong bu las// bzlas pas gzas pa'i spyi bo nas// gnam lcags zhun ma'i gser btab nas// myos shing khrag ru skyug par byed// bskul bas bdud kyi sngags spros nas// gzas pa'i tsit+ta gnam sgo phye// mtshon cha'i thog dang lce phab nas// srog dang snying gi rtsa sgrog bcad// dran pa mi gsal shes pa 'pho// shes pa yi ge gnyis la thim// ang ku sha zhes gnas su dgug/ pra be sha yis lha dang dbye// A kar+sha yis rten la bstim// rag ga hU~M gis khrag tu bzhu// srog la rbad kyi sbyor bas bsad// hU~M/ ston pa gshin rje bdag la bstim// bkrag dang gzi mdangs 'phrog la gso// nri dang ling ka 'khor los gcod// gsad pa'i sbyor bas smra gcad la// rtsa ba bzhi la yan lag brgyad// sbyor ba skabs dang ldan pa'o// de nas bcom ldan 'das kyis gsad pa'i sngags 'di bton to// hU~M ru thuM dun baM rag shwa ma la baM ril dza/ srog ni dun rbad/ 'khor lo mtshon cha bcu gnyis lus/ mtshams su 'dod pa'i a mu ka/rgya gram gnon pa'i spu gri bzhi// hU~M ni srog nan dbang po stam pa ya phrol khug e nan/ lus dang mtshams su 'dod pa sbyar/ rten gyi snying khar phur pa gdab// rten dang byang khram bcings la gzhug/thod pa dar dang re bas gril// dur khrod gling du sa sros gtad// bdud dang gshin rje'i pho brang gdab// gsang ba'i las kyi mtshon chas bcod// gsod byed pho mo'i sbyor bar bshad// rgyal mtshan me long gi rgyud las// bdud nag po srog gcod pa'i le'u ste sum cu pa'o//// de nas bcom ldan 'das kyis kha stong nag po'i sbyor ba 'di bshad do// ngam gling brag dang sa phug tu// stegs bu gru bzhi pho brang gdab// steng du gru gsum chag gang brtsigs// gzhi ma ser po de steng dmar// gru gsum nag po'i thod pas bskor// zur gsum rtsang gi rtse mo snying// zhing gi bla re zhing chung 'phen// sbrul dang thod tshal keng rus brgyan// sha chen dang bcas gtor ma bsham// lho yi phyogs su gshin rje la// dug dang rme khrag sna tshogs 'bru// sbyar ba'i gtor ma ma mo la// gru bzhir rak+ta'i ban d+ha bzhi// steng gi sa gzhi zlum po la// rme khrag yug mi bsad pa'i khrag/nyungs kar ske tshe tsha ba'i rdzas// thal chen dug dang lcags phye rnams// thod tshal gsum du blug la bskor// bal tshon sna lngas thun kha bcad// gru gsum dbus su thod pa ya// mon nam mtshon ngan gling mangs su// dmigs pa'i ling ga byang khram bcas// sngon dmar bsdams la thod par gzhug/ khrag gis bkang la tshon sna lngas/ kha nas rgya gram dag tu bcungs/ steng du mdzes pa'i lcang lo ru// snying dang bdud rtsi na chung khrag dar gyis kha bcad ma mo bstan// ma mo bos la mchod pa btab// khri tshe lha bsnyen dgongs pa bya// lcang lo mdzes pa'i pho brang du// ro yi gdan la sa bon ma// bskyed pa'i gsang sngags 'di brjod la// ru traM baM ma ma kha rag dun ting b+h+yo// bskul ba'i rkyen gyis sku bskyed la// smug nag 'gying ma mo lpags gon// sbrul dang thod pas dkris shing brgyan// ral pa nag po za ru khrag/spyan mig gru gsum mchi ma dug/ zhal dang mche ba spu gri so// snyan cha sbrul la shangs nas rlung// ba spu chu la smin ma me/ kha dang snying kha ste gsang nas// nad do cog gi rlangs pa 'pho// rngam pa'i sgra ni b+h+yo dang rbad// sha chen khrag la rol cing za// thugs kar zla ba rdo rje ma// bzlas par bya ba'i 'bru yis bskor// khro bo'i sngags dang 'phro 'du bya// mun nag mtsho yi dkyil nas dgug/ bsnyen pa'i grangs ni sa ya bya// de nas bcom ldan 'das kyis sku gsung thugs las rtsa ba'i bsnyen pa 'di bton to// oM ma ma snying khrag rtsa la mug mug dun dun b+h+yo dza dza/ rdzas la bos la gzugs la bstim// las kyi ma mo srin mo'i tshogs// sha za mo dang gnod sbyin mo// klu mo dri za mo yis bskor// gtso la phyag byed snying po dbul/// bsnyen pa'i rtags de rab tu bshad// rbad pa 'bum du sbyor ba bya// dam rdzas gtor ma kha che la// khrag brlab 'o dod ma mo bod// brnag pa'i rus dang rus la rbad// de nas bcom ldan 'das kyis sku gsung thugs las rbad pa'i sngags 'di bton to// ma ma rtsa srog snying la breng breng// sham sham dgra bo'i srog la dun rmugs b+h+yo b+h+yo b+h+yo/nag mo 'khor dang bcas pa yis// dmigs pa'i lus phung gshig nas kyang// tsit+ta phyung zhing lo ma stobs// de tshe gsad pa'i sbyor ba brtsam// yang na dmag gi ru mtshon 'phyar// las la tshud pa'i rtags su bshad// dam rdzas ban d+ha shar phyogs su// gzhag la thod par thun rdzas brab// dmigs pa dag dang ma mo'i tshogs// mtshon chas gtubs shing khrag gis bran// rdzas rnams mtshon cha'i char du dbab// ma mo brnag pa byad du tshud// mtha' ru srog gcad tsit+ta 'byin// ma la brnag pa'i byang khram btab// thun gyi rdzas rnams bsres la brab// khrag la rlangs 'phros gzugs la thim// dmigs pa'i snying du bu ga gnas// nang gi rtsa bcad khrag tu mdzag/ gsang sngags khri tsho bdun du bzlas// de nas bcom ldan 'das kyis sku gsung thugs las gsad pa'i sngags 'di bton to// ma ma snying la dun rmugs// dgra bo'i srog myogs rbad// rang dang ma mo'i sbyor ba las// ma mo zla mtshan rgyu dus su/// bsnyen pa'i dgongs pa ldan par bya// khri tsho bdun gyis las la sbyar// brdeg cing 'phang ba'i sngags 'di bzlas// gsad pa'i mgo dang mjug gi zor// thun mtsham drag tu khrag la bstim// de nas bcom ldan 'das kyis sku gsung thugs las thun sngags gsang ba 'di bton to// ma ma snying rtsa dun mugs// srog la breng breng shag thun b+h+yo// thon nas ling ga gtor ma btab// thun khrag thod par zor du 'phang// nam phyed gung chung sa sros la// dbang gzugs thun lam lus bskyod 'phang// lus la khro bo'i sngags kyis bsrung// ma mo'i klad dkyil ste gsang snying// khrag mda' thun gyi lpag chen brdeg/ thun sngags sbyor bas gsad par bshad// rgyal mtshan me long gi rgyud las/ kha tong nag po thun gyi le'u ste sum cu gcig pa'o//// de nas bcom ldan 'das kyis nag mo'i zhal gyi bsgrub pa 'di bshad do// gsang ba'i gsang bcud sbyor ba'i mchog/ gsang bcud dngos grub rin po che// 'jig rten thun mong phan pa'i bcud// mtshon cha'i rgyal po khrag gzer dbal// nag mo len byed srin mos gsod// sbyor bas gsad pa'i mchog tu bshad// de yi sbyor ba 'di lta ste// gnyan ra gdug pa'i dben gnas su// dur khrod sa la stags bu khrag gis byug paM skud bsangs la sngags kyis thig gdab brtsam// gru gsum zla kham thod pa'i 'phreng ba zlum// rgya gram dbus kyi snying po drag po gnas bzhi ldan// thod skam 'phreng bas mdzes pa'i gru chad sgo// rdo rje me ri tshon sna gsum dang ldan// zhing gi bla re 'phan phran rus pa khrag/ dar nag g.yang gzhi yol dang mthing nag gur// sna tshogs g.yang gzhi klubs pa gru bzhi rgyan du dgram// mtshon ldan lcang lor snying gsum lnga dang gzugs// zhing ras dbang bskur ldan pa'i pho brang dbus// dpa' bo'i don dang snying khrag ban d+ha shar// ku ku na chung don khrag ban d+ha lho// tsa ra shel nag don khrag can dang nub// khyi nag snying dang nag khrag can dang byang// gzugs la rab gnas ldan pa rten du dgram// ma dang rag mo bzhi las sku ru bskyed// gtor ma dang bcas mchod pa'i yo byad bsog/ khyad par dbang po lnga dang ne le su tra'i sha/'bru sna shing thog bag zan dang bcas la// drag po'i gtor ma snying gis brgyan pa lnga// rak+ta gsur dang byang shar gru chad ldan// thod pa khrag sna byang khram brnag pa'i gzugs// bskul ba'i snying pos brab pa'i sbyor ba drug/ gdab pa'i rdzas lnga sbyor ba'i mtshams su 'pho// dbang po lnga la gzer gdab drag tu bskul// gru bzhi ban d+ha rgya gram phur pa khrag/ mtha' mthun rdzas thos pa'i ling ka dbus// bskul ba'i snying po 'dod pa'i mtshams su sbyar// lha yi bsnyen pa rdzogs pa dang// bdag gi rang bzhin ya ma'i sku// zla bar 'bru gnyis sngags kyis brgyan// rten la 'bru gcig zla bar bcas// 'phen len sbyor ba 'phro zhing thim// gnyis kyi sku la rang dbang bsdu// gtso bo mchod la khrag la bod// ma mo mchod bstod dam tshig dbog/ ba su thugs kha'i rtsa mal spro// drod dang rtags la phab la bsdu// thon nas dgra sgrub khrag la thim// dam rdzas snying sna dbus su sogs// dbus kyi ban d+ha steng du gzhag/ 'og tu drag po'i thod pa gzhug gzugs brnyan 'phos la phur pa dgod// rgya gram ban d+ha khrag dang ldan// gru chad bzhi la gzhag la brab// mtshan mo dang por rbad la dgug/ dbus kyi drag po rten la bstim// gung dang nyin mo thun du dbab// drag tu bskul zhing dbang du bsdu// khrag khrol rlangs pa 'phro na 'phang// de nas bcom ldan 'das nyid kyi sku gsung thugs las gsang sngags kyi mchog 'di rnams bton to// oM tad+ya thA rag mo trag rag+sha ma hi srog la dza dza/ trag rag sha ma hi dun b+h+yo/ re ma ti dgra bo'i snying la thum ri li li b+h+yo/trag rag sha ma ti dun mugs dgra bo thum ri li li dza srog mA ra ya rbad rbad/ trag rag sha snying khrag rtsa rbad rbad baM ril thun b+h+yo/ bdag dngos ya ma ka la ya'i// phyag rgya chen po rab gsal bya// snying po bskul la lha mo dgug/ dregs pa chen po'i nga rgyal bskyed// ma mo dbang bsdu brnag pa dbab// mA ra ya yis myos shing dpral// srin mo tshogs bcas gtod cing za// dgra bo'i lus srog bsdus shing 'brel// rnam smin sbyang phyir bskang gso bya// mdos dang mkha' lding shel nag rgyus// ma mo rang dam gtang rag gso// sre'u la sogs gso ba kun// mdos dang mkha' lding bdud rtsis mchod// tshogs dang gtor ma dus drug bsngo// sbyor ba rnal ma'i mchog tu bshad// ma mo'i dbang du bdag song na// rkyen dang cho 'phrul la slar log na// maN+Dal gru gsum sba gam bshan// mthing nag dmar po mtha' ma ser// rtsang dang snying sna ldan pa la// bag zan ma mo chag gang gzugs// ral pa che ba nag mo la// snying khar gru gsum mtheb gang bru// ma dang srog gi snying gi gzhug/ steng du ban d+ha snying sna gzhag/mdos dang rak+ta maN+Dal brgyan// rak+ta brlab cing ma mo bod// gzugs la phab la ma mo gzir// dam dbog mna' chu bdud rtsis gso// srog dbrog gzi mdangs bskyed la rbad// de nas bcom ldan 'das kyis nyid kyi sku gsung thugs las drag po'i gsang sngags 'di bton to// ya ma rag mo trag rag+sha// ma ma hri hri dza dza/ shrI ya ma a pa ye dun hril/ ma ma trig nan srog gzir/ ya ma rag mo ma ma sa ma ya tsit+ta ho/ma ma trag rag+sha/ nag mo srog dun dun breng breng khams rmugs ma ma hU~M dza dza/ trag rag+sha mu tra snying phyur baM ril/ srog tig breng shag rtsa srog dbugs khyer kha tham rbad/ khyad par gsad pa'i sbyor ba yis// ma mo rang dam gzir zhing rbad// snying kha'i sngags gdon ming byang gzhug/ mtha' ru gzugs te byang shar dgram// dam rdzas bkram la rtag tu mchod// gzugs la brab la dgra la rbad// brnag pa'i gzugs phung me ru 'bar// srin mo gcod cing sbyor bar bshad// rgyal mtshan me long gi rgyud las// nag mo zhal gyi thun sgrub kyi le'u ste sum cu gnyis pa'o//// de nas bcu gnyis kyis bsgrub pa'i rtsa ba 'di bshad do// gsang ba'i gsang bcud 'di la ste// las kyi rgyal po 'khrul 'khor 'di// gsang ba'i lam chen bcu gnyis bsdus// gsang sngags brda yi phyag rgyas dgrol// 'brug byed tsit+ta'i sbyor ba dang// 'joms pa'i 'khor lo mtshon cha can// snying po gsum gyis bdud pa'i mchog/ bcu gnyis tshul gyis rim pas dbye// brgyad dang drug gnyis rten bcas pa'i// sbyor ba 'phen pas ya la spro// snying po bsdus pas ma yi thog/bde bas spros pa'i gnas su bstim// rag+sha ya ma'i baM klong nas// gsang ba'i bdag pos 'dod pa'i ming// bskyed pa las kyi rgyal po yis// gsang ba'i 'khor lo rgyas par mdzad// thabs kyi rgyal po stong nyid drug/ bcu dang ldan pa'i las gsungs pa// gsal bas rig pa'i sgrol ma'o// de yi rim pa las kyi mchod chen kyang// bstan pa 'jig pa'i dgra de la// drag po las kyi mthar bya na// dus ni rang byung rtsol ba la// bskul ba bzhi dang sbyor ba gsum// yul la dmigs pa'i bsnyen sgrub mthar// dngos grub sid d+hi gsum mthar sbyar// bdag dbang bstim dang sbyor ba brtsam// tsakra su r+yas ya ma'i dkar// ma hA gu h+ya man tra'i bstan// phyi nang 'khor lo gsang ba'i 'dus// rgyu dang rkyen dang sgra dang las// bca' ba'i thabs de lnga ru bshad// yul la phyi nang gsang ba gsum// dbang po dod pa'i ngo bo dang// rgyu dang bcas dang sgra dang las// don lngas mtshon pa brnag pa'i las// de bzhin gsang sngags 'byung ba'i rgyu/ ngo bo sgra dang drang dang dkrug/ las dang gdags pa mtha' ru sbyar// phyi nang gsang ba gsum du gsungs// de bzhin su r+ya gsum dang lnga// sgra dang ngo bo gnas dang las// rgyu yi tshul te nyi ma bshad// gshin rje phyi nang gsang ba gsum// ya ma gsum 'dus thugs kyi bdag rang gi ngo bo rgyu dang sgra// las dang gnas dang gsod pa'i tshul// de yis gshin rje'i grong khyer du// 'gro ba bkug cing khrid nas 'chang// srid gsum 'jug sa ya ma'i gnas// byin brlabs 'byung phyir ting 'dzin gtso// ya ma ra yi d+ha sgras 'joms// pho mo'i mtshan nyid g.yas dang g.yon// 'gro ba'i mchod sbyin sbyor bas gcod// sngon 'gro 'od dang gsal me tshig/ gsang rgyud brda yis bshad pa'i lung// bsnyen bsgrub las mthar spogs dang sbyar// lus ni nyon mongs spyad pa las// dngos grub mchog dang 'jig rten nye// dus ni lo'am zla ba 'am// de skabs lo phyed dag tu bya// bka' thub gsum dang ldan gyur na// dus kyi bsnyen pa rnam grangs te// sngon du 'gro dang las la sbyor// ya ma dgug dang mtshan ma gsum// dus tshod nges par 'grub par bshad// de bzhin grangs kyi bsnyen pa dang// bye ba'am khri stong brgya'i grangs// 'di dag tu ni grangs kyi dbye// bsnyen pa las sbyar gsad pa dang// thod pa bca' dang gnan pa'i skabs// na ya grangs kyi tshad mar bshad// 'od sgra du ba bzhad pa rnams// de yi rnam pa bshad pa lta// bsnyen pa dang ni nye bsnyen dang// bsgrub dang bsgrub pa chen po rnams// bsgrub pa dngos kyi skabs dang sbyar// dgongs pa'i don chen gang la yang// bsnyen na dngos grub rnam gsum thob// de ma yin na dngos mi 'grub//// drag po las kyi mtha' bya na// tha chung bzhi yi mar ngo rab// dngos grub thob baM bsnyen pa rdzogs// 'khor lo me dang gnan la sbyor// de ma yin na rang la ldog ma la ya dang dgu 'dus rtse// dur khrod chu gling gnyan ra'i shing// bde gnas mchog tu ya ma'i klong// nag po dug gi snying po dang// yi ge 'bru shag grong khyer na// mun nag 'dra ba'i gshed po yi// de yi lto ba dag na gnas// srid pa gsum yang de na gnas// de phyir srid gsum 'jug par bshad// 'khor ba thog ma tha ma med// 'jam dpal dpal gyi sbyor ba yis// ma rig sgo nga'i sbubs 'byed cing// srid pa'i dra ba 'joms pa po// bcu pa'i sbyor ba'ang rgyu yi tshul// ting 'dzin sbyor ba rkyen du bstan// thabs ldan spyi rgyug bar bar sbyar// shing rta 'am chu yi 'khor lo bzhin// rgyu dang rkyen gyi sbyor bas 'khor// g.yon bskor 'og nas gcod pa ni// chu yi 'khor lo dag dang 'dra// g.yas bskor steng nas gcod pa ni// mtshon cha'i 'khor lo dag dang 'dra// de yi rkyen gyis lte ba 'khor// lte ba'i stobs kyis rtsibs dag 'khor// gcod pas mtshon cha'i rgyal po'o// bgrod pa gsum gyi gdeng ldan pa'i// lha yi rnal 'byor thob pa yis// drag po gsad pa nyid la sbyar// de man bskal pa med pa yis// lha ni gnad la dbab pa dang// ro langs srid pa'i lto dkrugs dang// rim bzlog sngags kyi gnad dgu bsdeb// mtha' ru spyi brdeg gam 'greng hol// ye shes rdo rje 'khyud pa yi// lcags sogs las kyi mtha' ru sbyar// thod par rabs chad nag po'am// ngag dig klan klen bkra mi shis// mu za mdze can yugs mo phag mdzo rtol ra tsa dred thod pa// sngo dmar mkhar nag sum bsgril skra// chu dar zhabs ma re thums gzhug lha khang mchod rten ri khang mu// dur khrod gnyan sa go mal them// lam srang khang srul cher snod sar// snying po ri rab dang bcas pa'i// ya ma sku gsung thugs kyi ltor// dmigs pa gang yin legs par gzhug/ phyag rgya stobs dang zil gyis mnan// sbyor ba sngags kyi rim pa ni// yi ge slang dang gzer bzhi gdab// lha bskyed mnga' dbul 'khor lo gso// mtshon cha ngar blud byin gyis brlab// bsrung dang dbye ba'i las la sogs// ting 'dzin rgyal po rkyen gyis 'grub// the tshom le lo g.yeng ba yis// sbyor ba brtsams na don mi 'grub// 'khor lo ldog pa'i rgyu bshad pa// lhag chad rnal 'byor nor dang 'bres// re ga thig 'byor dri ma gos// rgyu rkyen 'byor men ldog par bshad// de bzhin khyam pa'i rkyen bstan pa// gsang sngags nan chungs 'dzab ma rdzogs// bsnyen pa'i bka' bsgo las gnyer chung// las tshogs yan lag gtad spogs nyams// las mi byed de 'khor lo khyams// bsnyen bsgrub dkyil 'khor la brten nas// gsad pa'i 'khor los gsad byas na// gnan pa'i sbyor bas nan tan bskyed// des kyang dmigs pa gcod par byed// des kyang gcad bya ma chod na// las dang sbyor ba'i spogs pa bya// gsang sngags mtha' rdzogs gnyan por gnan// sbyor ba des kyang ma chod na// ro langs nag po'i sbyor bas dkrug/ rang las skyes pa'i sems bton la// dmar nag yul la 'khor lo bca'// thabs dang shes rab lto bar gzhug/ 'gros stabs brgyad kyis dkrug cing sbyar// mtha' ru drag po'i hom gyis mnan// rtags rnams byung yang ma bton na// dmigs pa bzad kyang rtag tu 'khor// mi mnyam mgo log re mig nor// lta ba'i sbyor ba bzhi ma bzlog/ gnad dgu ma yengs gnyen po g.yengs// 'phrul gyi 'khor lo sbyor ba bzhi// rdo rje rgyal po sbyor dang bcas// yang dag gab pa'i 'khor lo min// sbyor ba rgyu yi brda gzugs can// bde ba gcig gi lam dang ldan// thabs mchog gsum la 'di sbyar yin// 'di man sbyor ba nyams par 'gyur// thabs ldan sbyor ba'i mchog tu bshad// rgyal mtshan me long gi rgyud las// sgrub pa'i gzhi bstan pa'i le'u ste so gsum pa'o//// de nas bcom ldan 'das kyis khrag 'thung rtsa ba'i dkyil 'khor 'di bshad do// ya ma ka la'i las dmigs la// rtsa ba yan lag bcas pa yis// dbang dang 'brel ba'i rim pa la// sngon 'gro rtsa ba'i dkyil 'khor ni// sbyor ba kun la 'di bshad do// gshin rje nag po sgrub 'dod pas// lho yi phyogs su kha bltas pa'i// shin tu dben pa'i dur khrod dam// brag dang sa phug dag tu ni// dkyil 'khor mthing nag gru gsum la// phyi rim zla kham dmar po bzhi// 'khor lo rtsibs bcu ldan pa bri// skam rlon thod pa'i 'phreng ba dang// sgo bzhi rgyan dang ldan pa la// rdo rje dang ni me ri 'bar// dbus kyi gru gsum mthing nag la// 'jigs pa'i rgyal po gshin rje gshed// sku yi gzugs brnyan dgod par byed// g.yas su sgeg mo ral gcig ma// g.yon du za byed pe ta li// yab yum sku mthun 'khril ba bskyed// mdun du ya ma rA dzA yang// sku mdog sngon po 'jigs tshul can// thugs ka dag na gnas pa bskyed// spyi bo lkog mar phyag rgya'i gzugs// dmar nag yul dang bcas pa'o/// zla kham dmar po mdzes pa la// kri tra ta bzhi yab yum bcas// gong nas 'dus pa'i tshul du bskyed// bla 'gugs pho nya bcu po yang// 'khor lo bcu yi rtsibs dag la// rdzogs pa'i tshul du gzugs brnyan dgod// rtsibs chen bdud po de bzhin gnas// sgo bzhir bse mo de bzhin dgod// des ni gzugs brnyan dgod pa yin// yang na snying po yig 'bru la// khrag 'thung 'khor bcas skur bskyed do// de ltar dkyil 'khor bshams nas ni// gtor ma gsum dang a dkar bcas// rgyan dang ldan par dgram par bya// yod byad thams cad yongs rdzogs dang// sngags pa chas gos nag po gon// lho yi phyogs su kha bltas pa'i// skur bskyed rgyan dang ldan pa yi// khro bo sngags kyis mtshams bcad de// ting 'dzin rnam gsum rims gyis bsgoms// khrag 'thung dkyil 'khor rdzogs par bskyed// spyan drangs mchod dang bstod pa dang// bshags pa dag ni gzhung bzhi bya// bsnyen pa'i drod dang lung thob nas// gtor ma btang la dkyil 'khor bsdu// dur khrod dpa' dang bcas pa yi// shun chen gos dang thod pa la// tshogs par sbyar ba'i snag tsha yis// kang ka'i sgro'am bya rog sgros// dgra yi rkang rjes chu phud dang// bong bu'i bdud rtsi mchil snabs dang// ba yi lci ba sa dmar dang// mkhar dkongs rnams la 'bag ru bya// phyi rol ra yi khrag gis byug ri sho dang ni gro ga la// de yi rus dang ming bris la// gshin rje yab yum 'og tu gzhug/ tshon gyi skud pas bcings nas su// mtshan ngan ban d+ha kha sbyor du// bcug la bud med yugs sa mo'i// skra yi thag pas bcings la gzhag/ gtor ma la sogs gzhung bzhin bsham// gsur chen dud pa rgyun mi 'chad// de nas ting 'dzin rnam gsum gyis// khro bo rgyal po gshin rje gshed// snying po sngags kyi yum dang bcas// rtsa ba khrag 'thung rdzogs par bskyed// rang bzhin gnas nas spyan drangs la// gnyis su med par stim par bya// bstod cing mchod pa phul nas ni// ji ltar 'dod pa'i 'phrin las bcol// mar zhag bgrangs pa'i tshes brgyad de// nyi shu gsum nas drug tu ste// zhag ni bzhi yi bar du ste// ya ma ta ka'i bsnyen pa bya// dgongs dang tho rangs gtor ma gtang// nyi shu bdun nam gnam stong du// zhag ni bzhi yi bar du ni// gsad pa las kyi sbyor ba bsdeb// bdag nyid khro bo'i skur bsgoms te// sprul pa gzhan tshogs las la dgye// lho phyogs kha bltas mdun du ni// hom khung gru gsum rtse mo lho// chag gang thur du brkos pa la// ri mo bsregs pa'i sol ba yis// kha dog nag po dag tu bya// de yi nang du ban d+ha gzhug/ de yi steng nas thod pa dgab// bar du gcod pa'i 'khor lo bca'// dmigs pa'i bsgrub bya gnas su gzhag/ gshin rje dbang du bsdu ba'i phyir// khro bo zhabs ni g.yon pa yis// rdo rje'i phur pa rtse gcig par// bsgoms te gshin rje'i snying khar gnan// dgug cing dbang du bsdu ba yi// snying po sngags kyi bzlas brjod ni// nyin mtshan phye la mtshan mo bzlas// gshin rje nag po 'khor dang bcas// rang dbang med par dbang du 'gyur// ji lta bcol ba'i las kyang byed// snying po sngags kyi bar bar du// khro bo'i bstod pa gtang bar bya// rak+ta bstabs te mchod pa 'bul// gshin rje'i las la btsud nas ni// dgra bo myur du gsad pa'i phyir// ban d+ha'i dkyil 'khor thog tu gzhag/ bcol ba'i las kyi sngags bzhi ni// nyin mtshan phye la nyin mo bzlas// sngags kyi bzlas brjod bar bar du// rdza rnga brdungs te gshin rje bod// rak+ta sbrengs te mchod pa bstab// 'khur ba bus te spyugs glu blangs// dun ting ka yi sngags brjod la// dgra bo de la gshin rje rbad// phur pa btab la ral gris gtub// dug lnga gcod dang bstabs pa bya// gtor ma btang la lha rnams bsdu// tshes gcig tu ni brtsis pa yi// nyin mtshan gnyis kyi mtshams su ni// gnan pa las kyi sbyor ba bya// steng la snying po 'og tu ming/ kha sbyar gcod pa'i 'khor lo'i bar// 'jigs byed ya ma rA dza yi// mchog gi phur pa sor gsum la// gnan cing gzir ba'i sngags bzlas la// rdo rje phur pa rtse gcig par// bsgoms te ling ga'i snying khar gdab// gshin rje yab yum lto ru gzhug/mtshan ngan ban d+har bcu gnas su// snga ma bzhin du thag pas bcings// gnan pa'i ban d+ha de nyid la// ri rab bang rim gsum pa na// snying po lam dang bcas pa bri// gnyan ra la sogs gdugs par gnan// las kyi gnas smin sbyang ba'i phyir// bskang gso cho ga rgya cher bya// thod pa drag po kun gyis bskyod// ma grub spogs pa bzlog pa bskor// 'khor lo hom 'brel drag pos gcad// ye shes 'khor lor phyag rgya bsrung// dkyil 'khor kun gyi rtsa bar bshad// rgyal mtshan me long gi rgyud las// rtsa ba'i dkyil 'khor bstan pa'i le'u ste sum cu rtsa bzhi pa'o//// de nas bcom ldan 'das kyis las drag po'i sbyin sreg 'di bshad do// mchog gi sbyor ba las gsungs pa// sa gzhi nag po dug chus bran// khru gang gru bzhi'i stegs bu la// khrag dang dug gi byi dor bya// hom khung gru gsum kha khyer gsum// nyi shu rtsa drug bcu gnyis tshad// rtsang dang thod pa rdo rjes bskor// gru chad sgo bzhi dur khrod brgyan// phyi rim mi rdo rje ri ldan// gru gsum dbus su rgya gram la// phyag mtshan tri shul rtse gsum dgod// sna tshogs sme ba'i rdzas kyis byug/mchod pa'i rdzas rnams nag por dgram// dug shing bse shing tsher ma can// rtse mo zur gsum nyi shu gcig/ sbams la khrag bsku ming byang gdags// 'khar nag bcings la dbus su gzugs// bag phye dug phye ri lu brgya// ming byang re dang ldan par bya// sha chen mar khu til mar khu// tshil sna ling kha bsreg rdzas ldan// nyungs kar nyungs nag til shang tshe// rdo phye lcags phye zangs phye thal// khrag sna dug sna thun gyi rdzas// zhun chen nim pa bong bu'i chu// bya tshil phag sha dri chen skra// dri chu rus pa bla sha mar// bsres la ri lu lha yi grangs// gzugs dang ming yang gong ma bzhin// lha bskyed rtsa ba'i khrag 'thung bsgom// me lha gsos la spyan drangs mchod// bsreg rdzas phul la bstod pa bya// pho nyas bkug la ling ga gtub// bstab pa'i tshul gyis ri lu dbul// khrag dang mar khu dug chus bran// sngags bzlas gsang ba'i 'phreng ba gdon// dbu ru yon tan rdzogs pa gzhag/ de 'og u sha'i mtha' ma la// drug pa'i gsum pas 'og nas 'brel// dbyangs kyi gum pas steng du brgyan// de 'og u sha'i gsum pa la// gsum pa'i dang pos 'og tu 'brel// dbyangs yig bzhi pas steng du brgyan// lnga pa'i gsum pas bdun pa'i mtha' mar 'brel// dbyangs kyi brgyad pas steng du brgyan// sgra yi dang po drug pa'i gsum par 'brel// steng du dbyangs yig bdun pas brgyan// gsum pa'i dang po gsum pa'i mtha' gnyis te// sdud pa'i snying po gnyis dang ldan// skrod pa'i nag po yi ge gsum// thugs kyi 'phreng ba bsreg pa'i lus// kun gyi dbu ru lus te khri// drag po'i dus su sbyor ba'i gnad// de yi 'phreng ba 'di lta ste// dang po u sha'i gsum pas bstan// drug pa'i dang po lnga pa'i gsum par 'brel// gsum pa'i mtha' ma u sha'i gnyis dang nye// der yang drug pa'i dang po bsnan// u sha'i gsum pa gsum pa'i dang por 'brel// thig le'i steng du lnga pa'i mtha' mas brgyan// lnga pa'i gnyis pa rlung gi snying por nye// mtshams su 'dod pa'i a mu ka/ spu gris gcod pa'i sbyor ba ni// 'bru dgus gcod pa'i gong ma bzhin// bsreg pa'i 'bru bcu rkyen dang ldan// drag po dur khrod gtsug mer spar// thal ba la sogs gnan la zor// 'phang ba 'bru gsum gnad pa drug/de yi las kyi mtha' ru rdzogs// drag po bsregs pa'i sbyor bar bshad// de nas bcom ldan 'das kyis tshe bsgrub pa 'di bshad do// 'jam dpal thugs kyi dkyil 'khor du// rigs dang bcas pa'i ga'u la// steng du sku yi bcu bdun la// tshe yi 'bru drug 'dod pa'i gsum// nyi shu rtsa dgu'i yig 'bru gang// dmar ya dngas pa'i snag tshas bris// 'og mar tshe yi rten lnga bcud// rang 'byung 'chi med snum dang 'bru/ kha sbyar 'bru lngas rgyas gdab dril// gzhal yas khang gdan dang lha rnams bskyed// spyan drangs la sogs pU dzas mchod// tshe yi bsnyen pa khri tsho brgyad// nyin mtshan thun gsum mchod bstod bzlas// tshe yi snying po gnas nas drang// 'od 'bar dri dang dud rlangs sku// thob nas tshe yi ga bur bstim// dngos grub bdud rtsi dbang bskur la// snying pos bskul zhing sbyor bas bstim// phyag rgya chen po brtan par sbyin// bkra shis tshe yis glu dbyangs brjod// 'jam dpal tshe yi bsgrub par bshad// de nas bcom ldan 'das kyis kha 'chings kyi sbyor ba 'di bshad do// lnga brgya dus kyi snyigs ma la// yang dag don bor log lta spyod// bka' yi bstan pa bsrung ba dang// lha yi nus pa ya ma byin// srin po sde brgyad ma mo'i yams// mu stegs sngags byad mdze rigs thogs// sbrul gdug ser ba gcan gzan klu// dus min 'chad pa gsul 'gyed dgra// lto bzlog yang snying bka' bzlog 'ching// dus min 'byung ba nang 'khrugs dang// lta log phyag rgya'i stobs zhan na// 'khor lo chags lugs phyag mtshan thun// phyag rgya rgyan cha 'dug stangs bzlog/gnod byed thar bskyal dug mnga' dbyung// mkha' 'gro gzan dbab rang gshed bskor// de yi sbyor ba'i 'phreng ba ni// dbu ru yon tan rdzogs pa gzhag/ sgra yi dang po gnyis pa'i dang por nye// dbyangs kyi dang po e dang ldan// gsum pa'i dang po lnga pa'i gnyis par nye// drug pa'i mtha' mar u sha'i gsum par nye// gsum pa'i dang por drug pa'i gsum par 'brel// lnga pa'i gsum pa gnyis pa'i gsum par nye// drug pa'i gsum pas 'og nas 'brel// lnga pa'i mtha' ma drug pa'i gsum dang po// lnga pa'i gnyis pa e stengs rgyan// gsum pa'i dang po lnga pa'i mtha' ma gnyis// 'og ma us brgyan u sha'i mtha' ma bsnan// sgra yi dang po'i gnyis pa'i steng bdud brgyan// drug pa'i gsum pa gnyis pa'i dang por 'brel// lnga drug bar gyi khyung 'phyang bstan// gsum pa'i dang po drug pa'i gsum par 'brel// gnyis pa'i gsum pa drug pa'i mtha' mar nye// skrod pa'i nag po bsnan pas yang dag brtan// gdug pa'i kha'am gcan gzan kha// bzlas pas nus pa'i stobs rnams 'ching// rang gi phyag rgya bstan pa yang yang bskyed// sngags pa'i 'og gam ya ma'i lto bar gnan// gdug pa'i kha 'chings lto log sbyar bar bshad// de nas bcom ldan 'das kyis drag po kha 'chings kyi sbyor ba 'di bshad do// de yi sbyor ba 'di lta ste// khyad par rdo rje gsang ba yi// snying po 'khrul gyi sbyor bas bcings// rdo rje srin po gshin rje bdud// ma mo dregs pa gnod byed kun// lo dgra rims gshed 'byung ba 'khrugs// gcan gzan gdug pa srog chags 'ching// dang por skye med rdzogs par bstan// de 'og nam mkha' chos 'byung las// rlung sdud dges byed skar ma'i 'bru// las kyi mthu sdud chu yi rgyun// gshin rje ma mo srog mdangs ma// thams cad snying gzer rang dbang sdud/kha 'ching stobs gnon snying po gnan// drag po sngags kyis kha 'chings shing// rdzas kyi sbyor ba tshogs pa dang// mtshan ma rtags kyis phebs pa yi// lus la gsal ba'i rgyas thebs na// dus gsum rgyun du kha 'chings yin// 'di ni drag po'i sbyor ba bshad// de nas bcom ldan 'das kyis pho mo dbang po 'pho ba'i sbyor ba 'di bshad do// ni rang chen po'i sogs pa la// khro bdag chen po'i sku bris la// shes rab phyag rgyas mchod dbang bskur// khro gcig sbyor ba gnyis su bya// sa gsum pho mo dod pa'i gzugs// sor brgyad bcu gnyis pho mos dod// dbang po dang bcas 'dod pa'i ming// sku yi ltor gzhug gdug pas bcings// dkar dmar sngo ba'i chas kyis dril// ga'u bcug la drag sngags bzlas// bdun khri thon nas khri yis sba// go mal them srang bla gnas sar// srod dang tho rangs nyin mtshan phyed// pho mos 'dod pa'i yul dang sprad// nyi zla gang 'dod bsdebs la sbyar// sems phyi dri ma dkar nag bca'// 'dod pa sngags kyi 'phreng ba ni// he ka du na ra ma dzA ya sarba ni dun tri pa ha nan phaT/ya du ka he ru na dza ma ra wa sha trun ni dza bung nan/ nyi ma pa sangs mig dmar phur// rgyal smad smal po smin drug khrums// tshes gsum bdun dgu bco brgyad stong// pho mos 'dod pa'i sbyor ba nye// ma yi g.yas g.yon sngas dang 'phongs// gcog bu spyi gtsug gnam par bstan// lus can dbang po 'pho ba ni// phyag rgya gsang ba'i bdag dbang bsdu// tshe dbang 'dod pa'i ming nas bod// gzugs khams ma yi lus la gzud// thabs rnams ldan dang mi ldan las// bya ba kun 'grub thabs kyis mchog/ pho mo 'dod pa 'pho bar 'gyur// rgyal mtshan me long gi rgyud las// mchog gi sbyor ba'i le'u ste sum cu rtsa lnga pa'o//// de nas bcom ldan 'das kyis rang bdug rang la bskor ba'i sbyor ba 'di bshad do// drag po stobs dang dbang dbrog pa'i// sbyor ba'i rgyal po rang dbang 'joms// gnad dgus thabs mchog ldan par byed// gsang ba'i gsang ba sngags kyi gnad// rdo rje srin po sbyor ba'i gnad// lto zlog srid pa rang 'joms gnad// rang bdud mtshon cha bzlog pa'i gnad// dregs pa dbang chen dgug pa'i gnad// stobs kyi bdag pos gzir ba'i gnad// gzhan sngags rkyen gyis bskul ba'i gnad// phyag rgya rang dbang dbrog pa'i gnad// mkha' 'gro gzan la dbab pa'i gnad// gnad dgus mi nag 'joms sdud yin// sbyor ba'i sngon 'gro rten gsum dang// sa gsum tsha ba dri chu khrag/ sbyar la 'phul gyi 'khor lo bca'// yugs sa pho mo'i zhabs ma la// rme ba lnga yi thang pa bya// mtshon cha'i rgyal po 'khrul 'khor bca'// snying po bcu bdun skabs kyi pho// dam rdzas bcu bdun rten dang sngags/// 'pho dang sbyor ba skabs kyi 'gyur// mtshon cha byin brlabs ngar blus gso// gshin rje nang gi bdud bskor na/ kha gnon gshed kyi sbyor ba sdebs// dbang sdud spu gri bzhi ltor sbyar// dbus su gzir la ya la bsdu// rang gnad bzlog la dbus nyid gsad// ya nas drangs la a mu ka/ spu gri mtha' ru ya la bskyal// rnal mar sbyor ba nyi ma bzhis// gshin rje'i rgyal pos sngags pa 'joms// yang dag 'pho ba nam mkha'i khongs// mtha' ru gam 'greng dgu bskor gnan// gshin rje'i rang gshed bskor bar bshad// ma mo thams cad ma la ba bskor// ya yi gnas su ma bzhag la// de bzhin ma yi gnas su yang// rgya tshil bung bu gtor ma rdzas// bcu bdun 'khyil ba sbrul gyis 'gros// ma nas grangs la sgo bzhir 'jug/ nyi ma bzhi la 'pho ba bzhi// mtshams su 'dod pa'i a mu ka/ spu gri dang bcas ma la bstim// ma dang shes pa nam mkha'i khongs// mtha' ru drag po hol gyis gnan// thun gyi 'khor lo bskul zhing gso// rims dal yams kyi char du 'bebs// ma mo rang gshed bskor bar bshad// bdud kyi sbyor ba slar bskor na// ya yi gnas su da 'phos la// da de ya la dbang po 'pho// da nas gtor la nyi ma bzhir// lus srog dbang po 'joms shing 'pho// mtshan mo dril la rbad cing dgug dbye ba dang bcas gzugs la bstim/ gnan pa rdo rje'i lcags dang sbyar// da dang shes pa mi g.yo brtan// bdud kyi rang gshed bskor bar bshad// srin po sbyor bas rang 'joms na// ya dang ra de go rjes 'pho// ra nas mgo drangs bar la bskyal// bcu bdun dril la sgo bzhir 'jug/ mtshan mo rbad dang dgug pa dang// dbye ba spu gri skabs su gdags// sbyor ba bzhi brgya mtshan gsum sdebs// nyi ma bzhi yis gsad dang 'pho// a mu ka dang spu gri sbyar// ra dang shes pa 'byung ba bsdu// nam mkha' rdo rje'i dbyings su 'phang// gnan pa stobs kyi bdag pos bya// srin po'i rang gshed bskor bar bshad// btsan gyi sbyor ba rang 'joms ni// tsa dang ya ru go brjes la// tsa nas sbyor ba bzhi ru drangs// mtshan mo dril ba nyin mo gtor// sgo bzhi la sogs gong ma bzhin// gnan pa po tshul de bzhin bya// btsan gyi rang gshed bskor bar bshad// de bzhin sbyor ba kun la sdeb// the rang k+Sha ya nam mkha'i khongs// zhi khro oM dang ya la sbyar// phur pa mkhan la ta dang ya// bcu bdun pa gnyis lto sdebs la// rgyal ba kun gyi thig ler gzhug/ phu bdag ru dang de bzhin ya// rigs 'dzin yo da ya la sbyar// srog dang mdangs 'phros gnas la sbyar// rgyal blon slungs can ni dang ya// slungs rta khams kyi ka pa bcag/ gzir gsum drug gnyis gsad pa'i las// bsdeb pa bcu gnyis mtha' ru bskyal// bdud mo me dang de bzhin la// mu stegs do dang ya la sbyar// sa bdag sa dang de bzhin ya// gnyan dang klu la nA ga sbyar// gri thod btsan la rma gri sbyor// nal thod lha rten rnol thog sbyar// phag thod dmar mchog gdug pa'i sar// mdze dang lhog pa phol la sbyar// khram thod gnyan la smyo 'bog sbyar/kha sbyor bka' rten rims dal sbyar// spyang khu thod chen zhabs ma blang// the rang sum mdo rgya gram sar// pho log gzer thabs lkugs dang g.yang// sbyor ba gcig gi rkyen bzhi slong// bcu gnyis tshul gyi rkyen drug 'joms// de dag rdo rje gsang ba yi// sbyor ba kun gyi mchog tu sngags// las kyi rgyal po rdo rje yi// ma hA gnad mda'i sbyor tshul bstan// rten drug pho mo lto sbyor lus// pho tshul gsum gyis las mthar sbyar// rang nyid phyag rgya bdag po'i lus// stobs chen dregs pa'i sku gsal bya// ye shes khro bo 'khor lor bcas// nyi ma'i dkyil 'khor 'od stong 'bar// brjid pa'i sku la bstan pa bskyed// khro bo sngags kyis bka' thub bsrung// thun mong sgrub pa'i bca' bzhi brtsam// khyad par sku dang sngags kyis gzir// ye shes nyi ma'i 'khor lo brlab// gzer bzhi gdab pa'i sngags bzhir bsgyur// sku gsung thugs kyi lto bar gzhug/ khyad par drag po'i gnad dgu yin// rang gshed bskor ba'i 'khor lor bshad// rgyal mtshan me long gi rgyud las// rang bsdud rang la bskor ba'i le'u ste so drug pa'o//// de nas ya ma ro langs kyis// rdo rje 'chang la gus btud nas// spyi bo zhabs la phyag 'tshal te// bka' yi bstan pa rgyas pa'i phyir// rtsa ba'i sbyor ba bshad du gsol// zhes zhus so// de nas bcom ldan 'das kyis mi g.yo ba'i ting nge 'dzin las bzhengs nas 'khor la gzigs te/gshin rje gshed rtsa ba'i sbyor ba 'di bshad do// 'khor lo rgyal po mtshon chen 'di// dkon mchog rgyal po'i sku dgra la// rim pa lnga dang ldan pa yi// gshed bdag chen po'i 'khrul 'khor bskor// sbyor ba'i rgyal po 'bru bsdebs la// kam pa ral gri spu grir bcas// me chu stobs dang rlung gis 'pho// de yi sbyor ba 'di lta ste// bsgrub pa las kyi bsnyen pa ni// e du na yi srin gnas bzhin// shri man dza 'brel bsdebs la// mgo gcig nag po dbus nas gzung// rlung me chu sa nam mkha' gdab// mu khyud gnyis po'i sgo nas bzung// me dang lto 'phye sna dang chu// lce dang rna ba lus dang dus// me dang rlung dang lta byed dus// rnal mar rjes su bskor bas ni// rdo rje mkha' 'gro sngags sbyor yin// dbus nas mtha' ma bdun pa'i par// rims nad rims kyi mgo drangs te// yon tan rdzogs pa rgyal ba'i 'bru// kun gyi dbu ru ldan par bzhag rlung dang me dang me lta byed// sna dang chu dang de bzhin sgra// nyi ma dang po'i drag sngags bdun// de bzhin me gnyis lta byed sna// chu dang sgra dang de bzhin rlung// gsum pa me dang lta byed sna// chu dang sgra dang rlung dang me// bzhi pa lta byed sna dang chu// me dang sgra dang me dang rlung// lnga pa sna dang chu dang sgra// rlung dang me gnyis lta byed brtag drug pa chu sgra rlung dang me// me dang lta byed de bzhin sna// bdun pa sgra dang rlung med gnyis// de bzhin lta byed sna dang chu// nyi ma dang po drag sngags bdun// gnyis pa nye ba'i sbyor ba dang// gsum pa gnad kyi sbyor ba dang// bzhi pa rdzogs pa'i sbyor ba yis// gsad pa drag po'i sngags su bshad// de bzhin dbus kyi klong bu mig/ 'brur 'gro 'gro mangs 'gro stabs kyis// drag po gshed kyi mtshod chas gcod// rin chen yi ge gser gyi 'bru// dril bas ngar blud ur mo'i thog/ bsdebs pas rgyal po las rtog 'grub// de yi sbyor ba rgyas bshad pa// rlung dang me sgra reg bya gnan// gnyis pa rlung sgra de bzhin reg/ de bzhin nam mkha' me la sbyar// gsum pa rlung dang nam mkha' me// de bzhin sgra dang reg byar sbyar// bzhi pa rlung dang reg bya gnam// de bzhin me dang sgra ru bsdeb// nyi ma bzhi yis 'joms pa'i las// mtshan mo nam mkha' reg bya sgra// me rlung dril bas nub dang po// gnyis pa reg bya nam mkha' sgra// me dang rlung gi de bzhin thog/ gsum pa sgra dang nam mkha' reg/me rlung sbyar ba gong ma bzhin// bzhi pa me dang nam mkha' reg/ sgra dang rlung gi las rnams rdzogs// dbus kyi stag chen 'jug rum gyis// gshed bzhi gsad pa'i sbyor ba bshad// sbyor ba'i yan lag drag po ni// dus kyi sbyor ba bzhi pa ste// sgrub pa gnad la phebs pa la// rin chen rgyal po gser gyi 'bru// sbyor ba drag po thabs kyis sdebs// dril bas 'khor lo mtshon chen tshul// brgyab pas ya thog bdud kyi las// rin chen stobs kyis ngar blud pas// bde ba'i stobs kyis 'phangs gyur na// su zhig gang yang 'joms par byed// drag po ngar blud stobs kyi 'bru// stag mo mchong ba'i stobs tshul gyis// bsdebs pa'i sbyor ba 'di lta ste// seng ge kha thab mche sbyar ba'i// drag po'i 'bru btus 'khor lo'i sngags// chu srin rgyal mtshan brdabs pa bzhin// gzung zhing brgyab pas mi 'chor byed// drag po'i rdo rje mo yi sngags// bskor ba'i 'khor lo de bzhin te// phyogs nas phyogs te phyogs bzhir dril// mtshams nas mtshams te theg gzugs su// rims kyis de bzhin bskor ba ste// thog mar dbus nas thog drangs te// rlung dang me ru nye bar sbyar// de nas thad kar phyogs gcig te// 'joms byed rdo rje lcags su sbyar// de nas rim pas g.yon phyogs te// rin po che yi yi ge bzung// de nas de bzhin phyogs su ste// spor ba mi yi gsal byed blang// de nas thad ka'i phyi rim phyogs// las kyis sprod pa'i rlung du sbyar// de nas thad ka'i phyogs mchongs te// las kyis sdud pa'i yi ge blang// de bzhin rim pas g.yon phyogs kyi// 'degs pa'i snying po yi ge sbyar// de nas de bzhin phyogs su ste// ya ma las kyi snying po blang// de bzhin thad ka'i mtshams su ste// sdud pa nag po'a'i snying por sbyar// de nas de bzhin thad logs la// ho ban srog yin las gnyis bzung// de 'og de bzhin rim pa las// the mo las kyi snying po bzung// rim pa de bzhin phyogs 'gro las// rtsa ba sdud pa'i yig 'bru sbyar// de 'og de bzhin thad logs la// gan tsi ti ngan yig 'bru sbyar// de nas nag po'i yig 'bru nyid// rgyal mtshan 'dzugs pa'i yi ge bzung// de 'og kun gyi bskul ba yi// 'dzin pa spros pa'i yi ge blang// der rjes de bzhin tshul can las// ho ban drag po'i snying por sbyar// de yi dang po'i sbyor bar byed// gnyis pa nye bar sbyor ba dang// gsum pa gnad kyi sbyor ba dang// bzhi pa rdzogs chen sbyor ba yis// 'phen sdud 'khor phyogs de bzhin te// de ni rnal ma'i sbyor ba ste// stag mchongs drag po'i 'khor lor bshad// de bzhin g.yas su bgrod pa ni// dbus su ta la 'gro stabs kyis// mgo gcig rims kyis 'phen par sbyar// rdo rje gsang ba kun po'i sngags// drag po sbyor ba'i rim pa yin// stag gi mchongs pa'i sbyor stabs nyid// rim pa gzhan yang mchog nyid de// gsang ba rdo rje sngags kyi tshig/ gsang ba rgyud kyi bcud len la// thar pa'i thar pa ma lus 'joms// bka' yi gsang ba 'khor lo 'bru// nag po 'bru thus bdud kyi tshig/ drag po bsdus pa sbyor ba'i mchog/ yan lag ldan pas ma lus bskyed// b+hi la'i khong 'dus khong dregs can// 'di yi sbyor ba'ang sngar bzhin te// dbus nas thog drangs phyogs dang phyogs// mtshams la sogs pa thad tshul rims// snga ma de bzhin rjes 'jug ste// thad logs stag gi mchod pa dril// de nyid rim pa bzhin du ni// phyir la de bzhin bskor bya ste// 'khor lo'i 'phreng ba'ang g.yas su dril// sbyor ba'i rgyal po stag mchongs 'di// de nyid rim pa 'di lta ste// b+h+ya ran b+ha b+hi b+h+yaM ya ka pra pa r+Shi dang ni a k+Sha dang/ b+h+ra ni dang ni d+ha na ha/ag ni dang ni rna dang gaa ne sbyar/ de bzhin b+hu ra dang ru dang/ tsan khrU dang ni g+ha n+ta ni/ rims kyis dzi ta hu ru pa ste/ de bzhin thad dkar dmar n+ha sahar sbyar/ de nas tsit+ta ma bu ste/ de dag de bzhin rim sbyar te// rdo rje srin po'i sbyor ba yin// de bzhin lhag ma'i sbyor ba yang// rin chen gser gyi yig 'bru la// rdo rje srin po'i yig 'brus bskor// drag po rgod kyi yig 'brus btu// mthun pa'i stobs sbyar tshig gi lam// drag po'i sbyor bas gnad dgu byed// rim pa snga ma de bzhin te// g.yas logs rta lam nag po 'gros// nag po 'bru gcig thog 'gro ste// dbus kyi 'bru bzhi rim pa yis// 'bru 'gro mgo mangs stobs kyis brdeg/phyag na rdo rje'i 'khrul 'khor 'di// gnod sbyin srin po'i 'khor lo yin// drag sngags gsum gnyis gsum dang ldan// spu gri 'khor lo rim sbyar te// skabs kyi sbyor ba bstan par bya// btab pa'i thig gis 'joms byed pa// rten drug gnas nas gdon pa'i phyir// thog ma'i 'bru gnyis dor byas te// 'bru drug sbyor ba bzhi ru bya// gnad lngas sgo lnga gzhom pa'i phyir// 'bru lnga 'bru bzhi'i sbyor bzhi bya// rtsa gsum gnad dang rten bzhi gsum// 'joms byed drag po'i yig 'bru gsum// bde byed tshangs pa'i gnas nas 'debs// sbyor ba gsum gyi rtsa bar bshad// de yi sbyor ba rgyas pa las// yon tan rdzogs pa rgyal ba'i 'bru// kun gyi thog mar sbyar la drang// me dang lta byed sna dang chu// sgra dang de bzhin rlung du sbyar// mtshams su 'dod pa'i a mu ka/ nyi ma dang po'i sbyor ba yin// gnyis pa chu lce rna ba lus// reg bya rlung la 'dod pa sbyar// gsum pa lus dang dus dri ro// nam mkha' rlung la 'dod pa'i ming// bzhi pa ro yid gzugs dang dri// de bzhin me dang rlung du sbyar// 'dod pa'i mtha' ru dgu bskor gnan// tshogs drug dgag pa'i 'khor lor bshad// rten lnga 'bru lngas 'joms pa ni// dang po lta byed sna dang chu// de bzhin sgra dang ro la sbyar// gnyis pa lce dang rna ba lus// de bzhin reg bya rlung la sbyar// gsum pa gzugs dang dri dang ro// de bzhin nam mkha'i rlung la sbyar// bzhi pa yid gzugs dri dang me// rlung dang a mu ka ru sbyar// phung po lnga yi rten bcom nas// bde ba'i gnas dang sbyar bar bya// dug gsum sbyor ba gzhom pa'i las// dang po dri dang me dang ro// gnyis pa chu dang sgra dang rlung// gsum pa lus dang reg bya ro// bzhi pa ro dang nam mkha' rlung// 'dod pa'i ming dang spu gri sbyar// dug gsum gzhom pa'i 'khor lor bshad// rgyu bzhi rtags kyi sbyor ba ni// dri dang mi dang rlung dang dri// yid dang me dang rlung dang gzugs// rlung dang me dang dri dang ro// me dang rlung dang dri dang me// sbyor ba bzhi yi las rdzogs pas// bya phag khyi sbrul bla rtags 'joms// drag po stobs kyi 'khor lor bshad// dang po'i las la shis pas te// phyogs bzhi mtha' nas dbus la sbyar// drag po dgu yi gnan pa bya// 'phen pa med pa'i rdo rjer gsungs// rgyu ba med pa'i 'khor lo yin// 'dzin byed ma lus 'ching ba po// gsad pa mchog gi sbyor ba ste// rim pa rnal ma'i 'bru bsdebs pas// drag po mchog gi las 'grub yin// ma ra ya ni gsad pa'i mchog 'phrul mig lnga'am bcu bdun la// dang por rgyu bzhi'i 'khor lor bsdeb// bslang dang dkrugs dang bsdu ba'i las// rten las shes pa 'pho ba ste// dang po rlung me sgra reg bya// nam mkha'i rgyal po 'dod par sbyar// gnyis pa rlung sgra reg bya gnam// me la gang 'dod a mu ka/ gsum pa rlung dang reg bya gnam// me dang sgra la 'dod pa sbyar// bzhi pa rlung dang nam mkha' me// de bzhin sgra dang reg bya sbyar// 'byung ba khams kyi nad bzhi yis// khrag rlung bad kan mkhris pa slong// rgyu bzhi rtsa ba'i 'khor lor bshad// gnyis pa rgyu bzhi dkrug pa ni// me dang nam mkha' reg bya sgra// sgra dang nam mkha' reg bya me// reg bya nam mkha' me dang sgra// nam mkha' me dang reg bya sgra// drag po spu gri bzhi sbyar na// rgya bzhi dkrugs la khams bzhi dbab// rgyu bzhi dkrugs pa'i 'khor lor bshad// brtan pa bzhi yi dwangs ma bstim pa ni// sna dang rna ba me dang dri// 'dod pa spu gri chu la skyel// gnyis pa chu dang reg bya sgra// lce dang 'dod pa me la bstim// gsum pa me dang nam mkha' yid// lta byed spu gri rlung la bstim// bzhi pa rlung dang dri dang lus// dus dang spu gri nam mkhar bstim// dwangs ma bsdus la nam mkha'i khongs// skye med bde ba'i lam dang sprad// mchog gi sbyor ba'i 'khor lor bshad// sbyor ba las kyi stobs zhan na/kha gnon stobs kyis 'khor lo bskor// ye shes ya ma'i phyag rgya bstan// dam tshig 'khor lo bstan par bzung// lha yi 'khor lo legs thob nas// ye shes 'khor los byin gyis brlab// de yi rim pa rgyas bshad pa// phyi rim kha gnon gsum pa ni// 'bru bsdebs 'phreng ba'i sbyor ba ste// rim pa du ma nus pa yin// phyi nang bar dang ldan pa yi// de dag so so dang po'i sgra// 'phreng ba sku yi sbyor ba ste// de nyid 'phreng ba rim pa bzhin// bskod pa ji bzhin sbyar ba ni// rgyal blon sha za gang yang rung// dkar po'i phyogs la sdang ba rnams// myur la bskrad cing med par 'gyur// rengs pa la sogs kun kyang byed// a kro te ka ha na ma tha ya man ta ka b+han dza hU~M phaT/rkyen dang ldan na sbyor ba'i mchog de dag kun gyi kha gnon yin/ de bzhin dang po'i phyogs nyid nas// mtha' ma de nyid thug gi bar// re re bor zhing gsum par bsdebs// bcu bdun rdzogs pas mchog gi las// a ha kro na te ma ka ta ya ban man dza ta ka hU~M dza dza/ nyi ma shar ba'i stobs bzhin du// ye shes dkyil 'khor dgug pa'i mchog/ de bzhin gnyis por gsum pa nas// re re bor zhing gsum par bsdebs// bcu bdun rdzogs pas mchog gi las// te man ha ta hU~M kro ya ka ma dza ya ka ta na ban phaT dza// srog bdud gshin rje stobs chen rnams// ma lus bsnyen pa'i mchog yin te// rgya mtsho rlabs bzhin shugs kyis drang// dang po'i mtha' ma gnyis gnyis dor// de bzhin rdzogs par bsdebs bya la// mchog dang thun mong dngos grub rnams// ma lus 'gugs par byed pa ste// dbang du bya ba mchog tu bsngags// te ban da dza ta man ya kro ma ka ta na ta na phaT/ hU~M oM/ de yi rim pa tshul rnams kyis// skabs dang sbyar bas ma lus 'gugs// pho nya mgyogs byed bsngags shing 'brel// khyad par sbyor ba dgug pa'i mchog/ khyad par sku yi 'phreng ba yis// ku pa ta yi rim bzhin du// gsad pa'i sbyor ba nyi ma bzhis/// sku yi rtsa ba mchog bsdus yin// lus cig sbyor ba bzhi ru bsdeb// ma te ta na/ ya ka ban ni/ man dza hU~M phaT/ kro d+ha kA ya/ rno dpal spu gri bzhi dang ldan// mtshams su 'dod pa'i a mu ka/ sbyor ba'i bdag po kun bdag nyid// khro bo bcu dang srog bdud bzhi// mchog gi mchog nyid yab yum bcas// ma lus 'khor bcas 'dzin pa ste// bsdus pa gcig gi sbyor ba yan// sbyor ba'i stobs dang rkyen brel na// drag po'i 'khor lo rim bzlog bya// mchog tu las byed 'jug byed de// gzhom pa'i stobs dang ldan pa yin// spogs pa'i skabs su sbyor ba ste// rnal ma'i sbyor ba'ang stobs kyis 'grub// de dag 'phen pa'i sbyor bas 'grub pa'i las// de bzhin phyogs kyi dang po nas// gnyis gnyis bor zhing bzhir bar bsdebs// kro ma ka ru ni/ ma lus dbang du bsdu ba'i mchog/ gsum gsum bor nas bzhi bar bsdeb// ma te ta la pa/ rten gcig rgyud las dbye ba'i mchog/ de bzhin bzhi bor lnga bar bsdeb// a ka bag ni// thams cad myos par byed pa'i mchog/ bzhi pa dor nas drug par bsdeb/ sha ni ru pa hU~M phaT/ bkug pa ra byed pa mchog gi las/ 'gro dang dbus dang mtha' bcas la// ma lus rdzogs par bsdeb pa ni// las drag 'dzin pa'i dmigs yin te// yan lag mchog gi sbyor ba las// rim pa bzhinadu byed pa'o// gzhan yang thugs kyi sbyor ba'o// rdo rje phyogs kyi dang po nas// gnyis par gsum dang bcu pa bsdeb// b+hi na hU~M phaT/ bskrad pa'i sbyor ba kun la shis// dang por bor la gnyis pa dang// bzhi pa drug pa brgyad pa bsdeb// sti kri a na/ dbye zhing smyo ba'i las la shis// dang po lnga pa bdun par bsdeb// skrod pa'i yi ge dag dang ldan// hri ta na phaT/ 'bog cing dbang po 'chal la shis// de bzhin gcig bor gnyis blangs la// bcu phyed sbyor bas gsad la sbyar// sti kri a na phaT// gsad pa mchog la shes pa'o// yan lag brgyad dang rtsa ba gsum// bsnyen dang nye bar bsnyen pa gnyis// mchog gi sbyor ba bcu gsum ni// ma lus nye bar sgrub pa yin// 'di dag sbyor ba dam pa ste// nam mkha'i dngos ltar kun khyab cing// rgya mcho'i 'jing ltar bsam dpag dka'// nyi ma'i 'od ltar yongs gsal te// chen po bzhi ltar kun smin byed// rin po che bzhin gang 'dod 'byung// thog mar rgyu rkyen ldan pa yi// 'bru btus sbyor ba'i 'phreng ba nyid// yon tan ma lus rdzogs pa ste// gzhan ni phyogs dang phyogs la rten// sbyor ba kun kyi sngon 'gro'i mchog/ ma lus 'grub pa'i mchog tu bshad// bzhi pa spu gri'i 'khor lo ni// gcod cing sreg pa kaM pa las// thim zhing gnon pas sa gzhi bzhin// sdud cing 'joms pas kur pa sha/ 'byed cing 'gugs pas kyo pa ta// 'di ni chu srin mche ba ltar// 'dzin pa'i stong par mi byed pas// drag po me yi sbyor ba yin// de yi rim pa rgyas par bshad// phyi rim sbyor ba'i 'khor lo nyid// brgyad gnyis bzhi dang ldan pa'i 'bru// rdo rje phyogs kyi dang po nas// rnal ma'i tshul du rjes su bskor// phyogs kyi dang po nas bzung ste// de nyid thug pa'i rim pa ni// ma lus dril ba'i 'phreng ba gcig/ a mu ka yi ming bcas pa'i// 'bras bu 'joms dang longs spyod dang// gzhom pa'i yan lag kun// hri sti pra ma mur tsa rag+ta tsa ra mA ra ma ra ya a mu ka ni sha ra ru ni rbad ya hU~M phaT/ de bzhin phyogs kyi dang po nas// rim pa kun la thog drangs te// a g+ha yu dang 'dra ba yin// de 'og gsum la sogs pa yin// re mig bcu yi 'bru bcu ni// 'khor lo dam pa'i so dang dkyugs// bcun dang brgyan dang sngags dang 'dra// skabs kyi 'gyur zhing 'phel ba yin// hri sti pra ma mur tsa rak+ta rbad/'gugs pa kun gyi mchog tu bshad// gzhan yang rim pa 'di lta ste// thog mar phyogs kyi 'bru gnyis la// gsum pa lnga pa bdun pa rnams// rim par sbyar zhing de bzhin bsdeb// pra mur rag tsa ma ma tsa ta ra ra ya a mu ka ni sha ku ru ni rbad/bcu yi bar du rdzogs par sbyar// dbang po lnga ni 'joms byed de// mchog tu skyes pa bu mo yi// dbang po gnyis pa 'joms byed de// lkugs shing si'u ta ru bshad// de bzhin rim pas gnyis gnyis dor// bzhi pa rim pas sbyar bya ste// 'bru bcu ma lus dril ba ni// cha byad sbyor ba ma lus pa'i// pra tsa ra mur tsam ma rag ra ma ni sha ga ru ni rbad ya/ dbye dang dkrugs pa'i las su bshad// de bzhin phyogs kyi dang po nas// bzung ste gnyis dor 'bru bcu'i rims// pra ma mur tsa rak+ta tsa ra mA ra ya a mu kaM rbad/ dbang po chal dang 'bog par bshad// de bzhin rim pa de nyid las// gsum gsum bor nas rim par bsdeb// ma ra tsa rak+ta ya ra ma a mu ka ni sha ku ru ni rbad ya/ bskrad pa'i sbyor ba kun la shis// de bzhin bzhi bzhi dor bya ste// de ltar rdzogs par bsdeb pa yin// ma ta tsa ma tsa rak+ta mur ya a mu ka ni sha ku ru ni rbad ya/ smyo ba'i las la shis par bshad// drag po rtsa ba'i sbyor ba las// gsad pa nyid la shis pa ni// ha la nag po tsa ma ri// rko ba'i sbyor ba ji bzhin du// bag dang ldan pas sbyar bar bya'o// gsad pa mchog gi sbyor ba yi// gdags pa'i rim pa 'di lta ste// phyogs kyi dang po'i 'bru gnyis dang// de bzhin gsum pa bzhi pa rnams// rim bsdebs de blangs de dor bya'o// mtha' ma'i 'bru brgyad rim pa ru// rjes su thim par sbyar ba ste// hri sti pra ma ya ni sha ku ru ni rbad ya// de dag dang po'i rim par bshad// de bzhin thog ma'i 'bru gnyis dang// gnyis dor lnga pa drug pa gnyis// der rjes mtha' ma'i 'bru dgu gdags// hri sti mur ra tsa ya ni sha ku ru ni rbad ya/ de ni sbyor ba gnyis par bshad// de ltar thog ma'i 'bru gnyis dang// bdun brgyad dgu dang bcu pa'i rims// mtha' ma'i 'bru brgyad de bzhin bsdeb// hri sti rak+ta tsa ra ya ni sha ku ru ni rbad yA/ de dag sbyor ba gsum par bshad// thog ma'i 'bru gnyis de rjes su// tha ma'i 'bru gcig 'bru sbya ra ba// hri sti ma ra ya ni sha ku ru ni rbad ya/ sbyor ba'i rim pa bzhi pa ste// gsad pa nyid la brjod pa yin// dus mtshams sbyor ba bzhi dang ldan// rno ba spu gra'i so bzhin te// gcod pa mtshon chen 'khor lo ltar// gang yin de nyid de bral 'gyur// gang dag ldan pa de thogs med// 'di dag gsad la sngags par bshad// gzhan yang rim par byed pa ste// thog ma'i 'bru gnyis bzhi pa dang// drug bdun brgyad dgu bcu pa dang// bcu gcig de bzhin bcu gnyis te// de bzhin bcu gsum par bsdebs pa// hri sti mu rak+ta tsa ra ma ra ya a mu ka ni sha ku ru ni dza dza/ mtha' rten skabs dang ldan par sbyar// dgug pa'i las la shis par bshad// de dag spu gri'i 'khor lo ste// 'bigs dang gcod par byed pa yi// rdo rje 'khor lo spu gri yin// de dag rtsa ba'i sbyor bar bshad// rgyal mtshan me long gi rgyud las// rtsa ba'i sbyor ba'i le'u ste sum cu rtsa bdun pa'o//// de nas bcom ldan 'das kyis yan lag gi sbyor ba 'di bshad do// yan lag mchog dang sbyor ba las// bcu drug gnyis dang dril 'phreng ngacig/ sbyor ba skabs dang ldan pa yin// sbyor ba'i yan lag ldan pa ni// 'phrul mig ag sha mu la rnams// 'khor lo sbyor ba'i rim pa gnyis// phyogs kyi dang po nas gzung ste// rim par rnal mar rjes su bskor// dbus kyi 'bru gcig thog mar sbyar// rjes su phyi rim gsum gsum blang// der rjes nang gi 'bru rer bsdebs// de bzhin rim par sbyar ba ni// lo thog gzhom la shis pa ste// skyed shing rtsi thog 'bras bu 'joms// bag dang ldan pas shes par bya// de nyid sbyor ba rgyas bstan pa// rlung me gzugs dang yid du sbyar// de rje nam mkha' ro dri dus// reg bya lus dang sna ba lce// sgra dang chu sna mig tu sbyar// las kyi bye brag sbyor ba yis// las rnams de bzhin byed pa yin// phroM phro shar shar hril phroM drug spu gri skabs kyis bzhi 'bum sbyar// chu dril sngon 'gro'i sbyor bar bshad// 'phang zhing dbab pa'i sbyor ba ni// 'byung ba'i stobs kyis dkrug pa ste// mchong chen rin chen gser gyi 'bru// nye bar gzung ba 'di lta ste// rlung dang sa dang sgra reg bya// nam mkha' yid gzugs dang po'i rlung// mtha' ma gnyis la sbyar bya ste// de dag de bzhin rims sbyar ba// de ni bdag dbang bsdu ba ste// spu gri'i sbyor ba skabs kyis gdags// b+h+yo phroM shar hril srog gzir hur thums/ ha la yam phog rim pa'i cho ga yul dang sbyar// dbab pa drag po'i sbyor bar bshad// gzhan yang rims kyis shes bya ste// yan lag sbyor ba sngon 'gro bas// rdo rje me yi 'khor los bya// shis pa'i 'bru rnams skabs kyis bsdeb// rlung sgra reg bya nam mkha' sa// lce dang me dang lta byed rlung// 'bru bsdebs sbyar la 'dod pa'i ming// spu gri skabs kyis shes par bya// rim pas rjes su gzung ba ni// rgyal po 'am blon po gdug pa can// nag po gdug pa'i sems 'chang kun// tho bal 'phar ma'i yul dag tu// bskrad pa mchog gi sbyor ba bshad// de bzhin rim pa gzhan yang sbyar// drag po'i stobs kyi 'bru bsdebs pa// rlung dang reg bya nam mkha' sa// sgra dang lce dang de bzhin sna// rim pas de bzhin sbyar ba ni// de yis myos shing 'bog par bshad// gzhan yang thabs kyi 'bru bsdeb pa// b+hi ka ya 'phreng 'byed pa ni// stobs kyi 'phreng ba 'di dag yin// rlung dang nam mkha' sa dang sgra// reg bya dus dang dri rnams te// thog ma'i rlung ni mthar gyis te// rim pa de bzhin sbyar byas la// sdang byed gnod byed ma lus pa// mi mthun phyogs dang thams cad kun// las kyi dbye ba ma lus kun// rang la rang yang 'joms par byed// sha za mgo bzhi gdong lce gnyis// sbrul chen gdug pa'i 'khor lo yis// stobs kyi bdag po thams cad dang// rigs can rgyud gcig gnyis su 'byed// dbye ba mchog gi las su bshad// gzhan yang stobs kyi 'bru bsdeb pa// rlung dang nam mkha' ro yid gzugs// me dang lta byed sna dang chu// sgra dang de bzhin thog ma'i rlung// rim pa ji bzhin nyid sbyar ba// dregs pa'i lha dang gdug pa'i gdon// ma mthun stobs can gzir bar bshad// de bzhin las kyi rim pa ni// stobs dpag med pa'i 'bru brdebs pa// rlung dang sgra dang chu dang me// rna ba lus dang dus dang dri// ro dang nam mkha' de bzhin rlung// rim pa bzhin du stobs sbyar ba// gsal po'ang lkugs pa'i mchog tu bshad// khyab ho ha yi rim par bsdeb// ha mu gnon pa'i b+he ga ta// shri ra man dza b+he la ba// de yi g+ha tsa sbyor ba ma// rlung dang sa me lta byed sna// chu sgra de bzhin thog ma'i rlung// smyo zhing dbang po 'chal bar bshad// de bzhin gyen pa'i shing ltar te// b+he ga ta yi so ma gling// b+h+ya mya ha'i sah+yo b+hu ta// de rim sbyar ba 'di lta ste// rlung dang reg bya lus dang dus// dri dang ro dang yid dang gzugs// me dang sa dang thog ma'i rlung// 'don pa'i ming dang spu gri bsdeb// g.yo ba med cing rengs par bshad// rim pa de bzhin las kun gyis// mchog tu sbyor ba 'di bsngags pa'o// dbus nas 'bru bcu dang po'i sa// me dang lta byed nam mkha' dri// ro dang rna ba lce dang sna// thog mtha' rlung gis 'phul gyin sdud// spu gri sbyor ba skabs dang sbyar// 'dod pa'i rten la mtshon cha bca'// rim pa de yi las bsdebs pas// bya ba so sor bsgrub par byed// rkyen dang sbyor ba gzhan la'ang 'jug/ sbyor ba'i mchog dang dam pa yin// de dag bzlog pa'i dam pa yin// mi rgyu g.yo ba med pa dang// 'jug med bzlog pa med pa'i las// mchog tu gsang ba'i gzhi yin te// rnal 'byor bde la gnas pa yin// sprad nag la te de med 'ching// sdug bsngal sna tshogs 'grub par 'gyur// stobs med las kyis gnyis ka 'ching// 'ching med grol ba'i stobs kyis bya'o// 'di dag yan lag sbyor ba ste// drug gnyis las kyi skabs su bshad// rgyal mtshan me long gi rgyud las// yan lag gi sbyor ba'i le'u ste sum cu rtsa brgyad pa'o//// de nas bcom ldan 'das kyis drag po spogs pa'i sbyor ba 'di bshad do// gal te sbyor dang rkyen bral nas// ma khugs sbyor ba'i stobs med pas// ye shes bsnyen pa'i dkyil 'khor nyid// sbyor ba stobs kyis dgug bya ste// rten la ye shes rab gnas bya// bdag gi rang bzhin stobs bskyed nas// sbyor dang sngags bzlas drag por bya// de dag sbyar la ma grub na// spyi bsdus bar gyi rtsa ba yin/kha gnon 'khor lo sgyur byas te// bzlog sngags drag po gnad la bor// spyis bsdus par gcig snying po yin/ kha gnon las la 'jug byed de// rjes su mthun pa de bzhin bya// lhag ma'i sbyor ba sngar bzhin te// rnal ma'i rjes su mthun par bya// 'di yang drag po'i sbyor ba ste// gnan pa'i rdo rje lcags kyis te// de dag stobs kyi gnan pa yin/ kha gnon stobs kyis spogs pa yin// rdo rje rnon pos bsdams par bya'o// 'khor lo rdo rje brgya phrag gcig/ lnga brgya las kyi sbyor ba yin// 'brel ba rdo rje 'phreng bas 'dzin// rten 'brel stobs kyi rig pas sbyor// bya ba'i don chen kun 'grub pa// rin chen rgyal mtshan ltar byed pa// rin chen 'khor lo mtsho chen 'di// 'khor lo dbang phyug mi 'gyur na// thog mar dam tshig dbang bskur nas// dam tshig 'khor los thog tu dbab/ kha gnon rin chen 'phreng ba nyid// rdo rje rnon po'i spogs pa yin// rig pa'i rgyal po 'phreng bas gnan// gzhan yang zegs ma'i las byed na// rdo rje snying po rin chen 'bru// lnga bdun snying po bcu dang gnyis// bcu bdun snying po 'khor lo'am// gcig dang nyi shu sum cu gnyis// dril nas drug cu rtsa gnyis kyi// 'khor lo'i sbyor ba gang byed kyang// ye shes dam tshig gsal byas la// lha yi 'khor lo legs thob nas// snying po thig le kun bsdus la// 'khor lo yig 'bru'ang thig ler bya// ye shes snying po'ang nyid du gzhug/ drag po'i sbyor ba bzlog nas ni// las gsum sbyor ba shes par bya// rig pa klong gi nam nas 'phang// yang na 'khor lo mgo dgu nyid// rdo rje rnon po rgya mdud bya// gnan pa rdo rje lcags dang bsdebs// spyi brdeg stobs kyis gnan par bya// rim pa ji bzhin bzlog pa ste// gnad gsum bzlog pa'i sbyor ba yin// sngags kyi gnan dang 'bar ba'i 'od// phyogs dang mthun par sre byed de// gong ma'i 'phel zhing 'og mas gcod// 'khor lo 'bar na sngags kyi gnad// gang yin ji bzhin rim pa las// gcig dor gnyis dang gsum de bzhin// rim pa gzhan la 'jug byed pa// 'pho zhing g.yo ba med pa'i gnad// sbyor bzhi sbyor ba brkyang ba dang// rnal mas khugs bar ma gyur cing// sbyor ba'i rim pa las kyi gnad// mthar dang thog mar ma yin cing// stobs ldan brda dang ldan pa la// rI mo g+ha khya b+ha saho t+ho mA ta// ya ma kA lI bde klong brdal// b+h+ya rA pA yI nA b+hu sti// rA mA dzA ri g+hu rnam khrag/ sbyor ba dam pa'i las 'di ni// skabs 'dzin chu srin rdo rje'i gnad// 'dus pa'i ye shes thig ler ldan/// thig le bde bas gang zhing 'bar// las kyi thig le dpag med las// stobs ldan rgyu ba med par gsal// mtshon cha'i rgyal po ngar bcas 'di// rin chen bde bas gang zhing 'bar// las kyi thig le dpag med las// stobs ldan rgyu ba med par gsal// mtshon cha'i rgyal po ngar bcas 'di// rin chen yig 'bru snying por ldan// skad cig sngags dang 'od stong 'bar// g.yo med phyogs mtshams dbang bsdus pas// ma lus pa la mthun par thim// stobs ldan nag po 'bru gcig yin// rims 'dus gcod par ngar ldan gnang// ya bag sha yi sbyor tshul gyis// g+hu li ya ma'i bde klong du// snying po rdo rje gsor ba'i gnad// de nyid nges par 'jug byed pa'i// las rnams sbyor bar smin pa ni// ma 'gyur las kyi rdo rje'i gnad// de bzhin rim pa kun ldan nas// drag por spogs pa'i cho ga ste// bzlog sngags drag pos spogs pa ni// dang por rlung sa me dang gzugs// rnam shes ro dang nam mkha' dri// 'jug pa'i yan lag rim pa bzhin// skabs dang bcas nas dbus su sbyar// rim pa dang por sbyor ba ste// de bzhin gnyis pa'ang rjes su 'jug/ rlung dang nam mkha' ro dang dri// dus mtshams lus dang reg bya dang// yan lag skabs kyis de bzhin sbyar// gsum pa rlung dang reg bya lus// rna ba lce dang chu sgrar sbyar// stobs ldan dpag tu med par bya// bzhi pa'ang 'di ltar de bzhin te// rlung dang sgra dang chu dang ni// sna dang mig me sa ru bsdeb// yan lag lhag ma snga ma bzhin// skabs dang rjes su mthun par sbyar// 'di dag sbyar ba gsang ba ste// sbal mgo khrag mig srin mo yi// sngun mo chu srin kun 'gro ma// 'gros kyi sbyor bas 'di dang bshad// sh+shi k+sha shri pan tsa yi// 'gros kyis de ltar rim bzlog pa// drag po drag sngags bdun pa ste// las kyi sbyor bas gcod pa yi// mchong chen dregs pas 'joms par bshad// de bzhin 'khyil pa sprul sngags kyang// chu srin ka yi la yi 'gros// rims nad rims kyis dril byas te// spogs pa drag po'o ro khugs yin// drag sngags bcu bdun dril 'phreng cig/ rgyu ba med pa'i las su byed// de yi sbyor ba 'di lta ste// rlung sa nam mkha' reg bya dang// sgra dang me gzugs rnam shes ro// de bzhin dri dang dus mtshams lus// rna ba lce dang sna chu mig/ drag po'i 'khor lo'i gnad 'gugs yin// spogs pa'i sbyor ba dus mtshams bzhi// drag po dril ba'i 'phreng ba ste// ru khugs chen po'i sbyor bar bshad// de bzhin bzlog sngags drag po yang// 'brur 'gro mgo mangs 'bru ded pa'i// drag sngags bzhi dang lnga pa'am// sbyor ba ma lus rdzogs bya ste// skabs kyis las kyi byed par sbyar// dang po rlung dang nam mkha' me// de bzhin sgra dang reg byar bsdeb// gnyis pa chu sna lta byed me// gsum pa dus dang lus sna lce// bzhi pa gzugs byed ro dang dri// drag po gsad pa'i mchog tu bshad// seng ge mche sbyar stag mo'i 'gros// stobs chen drag po'i sbyor tshul can// 'bru mthus rdo rje me yi sngags// spogs pa'i skabs su drag por sbyar// drag po'i sngags kyi 'khor lo nyid// stag mchongs sbyor ba 'phreng ba me// rlung nas bzung nas gzugs la bskal// yid dang de bzhin me la bzung// sgra dang de bzhin ro la bskal// dus dang reg bya skabs kyis bzung// nam mkha' lus dang rna ba me// lta byed lce dang chu snar sbyar// yan lag sbyor ba bzhi sbyor na// stag mchongs drag po gsang pa bshad// gsum dang bzhi pa lnga dang drug/ skabs dang bcas pa drag po'i spogs// dang po rlung dang nam mkha' rlung// gnyis pa rlung dang reg bya lus// gsum pa rlung sgra de bzhin chu// bzhi pa rlung me de bzhin dri// yan lag skabs dang ldan pa ni// dug gsum spogs pa drag por bshad// de bzhin rtags las spogs pa'i las// dang po me dang dri rlung me// gnyis pa rlung dri me dang rlung// gsum pa yid rlung me dang yid// bzhi pa dri rlung me dang dri// yan lag sbyar ba skabs su bsdeb// rtags bzhi chags dang skabs su bsdeb// drag po drod la spogs par bshad// phung po lnga yi rten 'brel la// sngags bzlog drag po spogs pa ni// dang po rlung dang me dang dri// dus dang yid du bsdebs la bsdeb// gnyis pa rlung dang nam mkha' ro// dri dang de bzhin dus su bsdeb// gsum pa rlung dang reg bya lus// rna ba de bzhin lce dang bsdeb// bzhi pa rlung dang sgra dang chu// sna dang lta byed yan lag bsdeb// phung po lnga yi rtsa ba gcod// 'bru lngas gcod pa 'khor lor bshad// tshogs drug dang po rten drug la// shes pa 'jug pa'i sgo dgag na// dang po rlung me dri dang gzugs// yid dang dang po rlung dang bsdeb// gnyis pa rlung dang nam mkha' ro// dri dang lus dang lus su bsdeb// gsum pa rlung dang reg bya lus// rna ba lce dang chu ru bsdeb// bzhi pa rlung sgra chu dang sna// lta byed dri dang yan lag bsdeg dbang po drug gi sgo dgag nas// 'bru drug sbyor ba 'joms par bshad// de bzhin sbyor ba gzhan dang spogs// bdun dang dgu dang bcu dang gcig/ rtsa thig bcu bdun la sogs pa// 'phen pa'i drag sngags du mar 'gyur// sbyor ba phyi nang dpag tu med// las kyi rgyal po'i 'phrul 'khor yin// zegs ma kha gnon dpag tu med// gnan pa rdo rje lcags kyis te// 'khor lo gzhung dang ldan pa la// drag po 'bru gcig 'phen pa'i tshul// 'bur bzhi khung gi 'byung sa ste// lcags chen 'bar ba'i dpal nyid kyis// khyab bdag ye shes me gzugs can// 'gyur bas stobs chen bdag po'i tshul// dgu bskor drag po rdo rje lcags// 'od 'phro 'bar bas khyab pa yi// spyi brdeg stobs dang ldan pa ni// thabs ldan bag chags sbyor ba yis// ta lA kri sna tsA mA rI/ g+hu pi rA tsA ma ha hA yA/ k+k+ru k+kA ra yah+yaM ti b+b+hu krA/ bka' yi sman dang grub pa'i bcud// rten dang bcas pa'i drag po'i las// nyams stobs ldan na las gsum sbyar// tsit+ta'i bde klong du// las kyi rgyal pos byin brlab dbab// rig pa klong gi lam nas 'phang// mi 'gyur rdo rje'i gnas la 'phangs// rdo rje gsang ba'i gnas nas 'don// yang na 'khor lo mgo dgu nyid// 'jug pa'i sbyor ba 'phrul gsad min// sgo rten 'bru gzugs sngags kyis 'joms// 'bru gnyis stobs dang bag chags smin// dwangs ma bzhi bsdus nam mkha'i klong// snying pos srog dang bcas pas bsdus// thod khar bcud la thig le bstim// skabs kyi drag por spogs la bzlog/ bdag nyid kun bdag de bzhin gshegs// ma lus 'dus pa'i khro gnyer can// 'dus pa bzhi yi sbyor ba can// 'dus pa'i thig le yid kyis bzung// thig le bde ba'i gnas nas bskul// de nyid skyed rtsa rgyud gsum gcod// bde ba'i thig le rang gnas gsal// lus kyi lhun po ltar brtan brjid// thig le nyi ma'i 'od stong 'bar// 'phro 'du'i stobs ni khyab gsal bcas// khros pa'i yid kyis kun bzlog nas// lus la ye shes 'khor lo bca'// gtum rngom 'bar ba'i rdo rjer 'gyur// sbyor ba kun gyi go bzlog nas// gnad dgu nyi ma'i bstan bzhir bsdu// bdag skyob srun dang gzhan skyob sreg sa yi rten pa'i snying por sdud// ngar 'dzin zhe sdang dregs pa 'joms// lus kyi ri bo rten dang 'brel// chu yi snying po dbang gsum sdud// sngon pa'i bag chags rtsa ba bskyed// che ba'i nga rgyal rmugs pa 'joms// lus kyi rten 'brel dbang po gshig me yi nyams stobs smin cing rgyas// yul la myos pa'i 'dod chags 'joms// drod kyi rtsa gcad ljon shing skyems// rlung gis srid pa'i rten 'brel bskyed// phrag dog gzhan dbang rkam chags bcom// yul las g.yo ba'i tshogs drug bkag/ dwangs ma khyab gsal gzung 'dzin 'brel// me mar gsad la rlung la bsdu// skye med chos 'byung thig ler gzhug/ thig le mi 'gyur gsal bar brtag/ gnas kyi thig le bde bas gang// bde ba'i lus la 'pho ba gzhug/ phyag rgya gsal ba'i ye shes bskyed// drag po gnad dgu bzlog pa brdeg/ mi 'gyur g.yo med rang gsal bgrod// drag po mi 'gyur mchog tu bshad// gzhan yang de bzhin zegs ma'i las// 'phros pa'i yis kyis sbyor ba bstan// rgyal ba kun gyi bdag nyid can// khro rgyal yum mchog 'bar bcas 'khyil// gshin rje mkha' 'gro bdud srin po// ma mo bdud mo yi dwags bdag 'das dang ma 'das kun gyi yab// khro chu nyi ma stong dpag dka'// las rnams g.yo ba med par 'grub// spyi gcod me dbal 'khor lo dang// mu la rtsa ba'i 'khor lo gnyis// de bzhin rnal ma'i sbyor ba rnams// ma lus rim par bzlog par bya// 'khor lo spyi la bskor nas ni// sbyor ba sngags kyi rim bzlog cing// 'phreng ba sngags kyi rim bzlog nas// thugs kyi snying po 'khor lo rnams// rim pa ji bzhin bzlog pa ste// gnad gsum bzlog pa'i sbyor ba yin// sngags kyi dbal dang 'bar ba'i 'od// phyogs dang mthun par sreg byed da// gong mas 'phen zhing 'og mas gcod// 'bar ba'i 'khor lo sreg pa'i las// sbyor ba bzhi yi yan lag can// rnal ma'i stobs zhan drag pos spogs// sbyor ba kun bzlog las kyi mchog/ mtshams su bya ba'i don chen yin// stobs chen phyag rgya 'od 'bar gsal// dam tshig gsum gyis srog bzung bya// rdo rje rgyal po'i bzlas pa ste// chu srin gre bar tshus pa ltar// zin pa mi gtong thams cad 'joms// mi 'gyur rdo rje srin po'i las// bsdu ba bzhi yi sbyor ba can// rgyu rkyen rtsa ba thig ler 'joms// ye shes bde ba'i khams dang sprad// rgyu drug gnas gsum las kha grol// chos sku bde ba'i stobs dang ldan// bag chags mi rgyu rkyen bral gsal// snying po ma lus ngang la rdzogs// yon tan dpag med rin po che// srog ldan kun 'dus snying po 'dus// rno dbal mtshon cha'i rgyal por bshad// rgyal mtshan me long gi rgyud las// sbyor ba spogs pa'i le'u ste so dgu pa'o//// de nas bcom ldan 'das kyis ro langs ma'i sbyor ba 'di bshad do// g.yo med grol bas chags pa yi// pho mo gnyis su gsungs pa ste// 'khrul 'khor rim pa lto dkrug pa// brgyad gnyis de bzhin gcig yin te// sbyor ba'i bye brag las kyis 'byed// phan tshun gnad kyi lto dkrugs pa// yab yum gnyis su 'du ba ste// las kyi mchog tu phan pa yin// 'di de mi zad hol gyi las// bdud nag 'bur gyi 'khor lo 'am// ha la nag po'i sbrul 'dzin bzhin// stobs dang ldan pa'i rgyal po yis// seng ge'i 'du shes nyer bzhag ste// bag dang ldan pa'i sbyor ba bya// bdud 'gyur rig pa'i pho brang las// bka' yi 'khor lo stobs chen gyis// pho mos bdud kyi gnad dkrug pa// ma lus las chen 'grub byed de// sbyor ba kun gyi rgyal por bshad// ro langs nag mo'i lto dkrug pa// bdud mo mkha' 'gro 'dus pa'i mchog/ las rnams kun gyi rtsa ba ste// gsang chen bde ba'i lam sbyangs pa// thams cad bde ba'i thig ler bsdu// rig pa klong gi gnas nas sprad// yul btags sbyor ba'i ming blangs la// tshangs pa'i gnas su rten la bstim// sna tshogs las kyi rim sbyar ba// 'bar ba rten gyi mtshon cha la// dbang bskur byin rlabs 'od zer dbab// 'bru rnams gsos la rang bzhin bskyed// sbyor ba'i rgyal po ming dang sbyar// bdag pos dbang chen bstan par bskyed// rdo rje bkra shis dbang bskur nas// mtshon ma'i rgyal po rang blud bya// myos pa'i khrag dang dug chu bran// dug shing rus chen me la bdug drag bzlog gyen gyi las la gzung// dkrug cing phral la rten du dbab// bsdu ba'i 'bru la sbyor ba dbab// yul dang rten gyi dmigs pa dbral// ye shes rigs pa'i nyi ma la// srog dbugs 'brel ba'i 'khor lo bca'// rlung dang me la dgos pa bsdu// 'bru drug kun gyi 'bru ru sbyar// rin chen 'bru rnams sbyor ba'i lus// 'dod pa'i a mu ka dang sprad// 'bru gnyis spu gri rnal ma bzhin// 'bru brgyad gcod pa kun gyi mthar// yab yum 'dus pas mi 'jigs gcod// 'jogs pa bde lam rgyan bskyed pa'o// rten 'brel lte ba'i 'khor lo la// rgyu rkyen thabs kyi sbyor bar bsdeb// lam chen rgyun gyi nyi ma bzhi// bskor bas de 'bral rtsa srog gcod// khrag dang bag chags rtsa ma skyems// longs spyod bde ba'i 'khor lo la// dbugs lam dgag pa'i sbyor ba bsdeb// lam chen rgyun gyi nyi ma bzhi// bskor bas srid pa'i rgyun lam gcod// bag chags khrag dang bcas pa sreg bde chen klad pa'i 'khor lo la// myos par byed pa'i sbyor bas bsdeb// tshangs pa kun khyab nyi ma bzhi// bskor bas tshangs pa'i sgo gnyis 'byed// rtsa dang srog dbugs bcad nas bskyed// gsang ba drod kyi 'khor lo la// 'du 'phro sbyor ba las bsdebs la// dbang po gnyis 'dzin nyi ma bzhi// skye ba'i rgyun gcod bag chags skyems// de dag yan lag 'khor lo yin// 'dod pa kun gyi don chen 'grub// 'bras bu smin par byed pa yin// thabs kyis grol ba'i 'khor lor bshad// yon tan las dang sku 'khor gyi// rdzogs pa'i sbyor ba 'di lta ste// thog ma'i sbyor ba dang po ste// rtsa ba'i sa bon yi ge gnyis// me dbal ming gi 'khor lo la// rig pa ming gi yi ge bzhi// 'dus pas sbyor ba bdud kyi ming// rnal mas bskor ba'i phyogs kyis sbyar// mchog gi yi ge 'bru lngar ldan// kun gyi thog mar sbyar bya sta// phyir la dbus nas bskor byas nas// me dbal yab kyi 'khor lo bzhin// rnal ma bzlog pa'i rim pa yis// ming gi 'jug la gdags bya ste// rjes su mthun par bzhi sbyar na// bya ba kun gyi sngon 'gro ste// sbyor ba kun gyi rtsa ba yin// mtha' rten las kyi skabs kyis 'jug/oM ya ma rag mo ma ma ma me ta k+she duM snying raM thun ro gsham gzer badzrA dzi man a mu ka pra ma ya ya ma de ma b+h+yo ru lu rbad ya/ nyi ma dang po sbyor ba yin/ ra ni tsa ya drag ta snying kha rag sha i ta rag trab+ha rag rdubs se a mu ka mur tsa ya ya ma de ma b+h+yo ru lu rbad ya/oM ya ma rag mo ma ma ra ni yo n+ta ro shwi swa tsa lI rag mugs mo a mu ka rak+ta tsa ra ya ya ma de ma b+h+yo ru lu rbad ya/ oM ya ma ra mo ma ma ru to/ sa tsa e tsid+he dramahA ro ka dza sh+na ya maha' Ung yama' ti a mu ka ma ra ya ya ma de b+h+yo ru rbad ya/de dag rtsa ba'i sbyor ba ste/ sngon du 'gro ba'i las su bstan// mtshan mo rnal mar dril la brdeg sbyor ba kun gyi rtsa bar bshad/ de bzhin k+sham k+sha shi ban tsa'i/'gros kyis 'bru ded bdun pa'i sngags/ rjes su mthun pa'i de bzhin bsdeb/ ya k+she ta me ma ra ni dun man trag rag shaa'aM pe ta li rag mo e ka dza ti/ k+she ta me ma ra ni tsa shaM rUn mAn trag rag shaa'aM/pe ta la rig mo e ka dza ti druM/ ta me ma ra ni tsa ya dran mAn trag rag shaa'aM/ pe ta li rag mo dza e ka dza ti d+hi shahaM/ me ma k+she ra ni yo na man trag rag shaa'aM pe ta li rag mo e ka dza ti d+huM shahaM d+hun man/ma k+she ta ru to sa tsa trag rag ahaaM pe ta li rag mo e ka dza ti duM shaM hUn man pa tsa ra ni tsa ya k+she ya rag shahaM pe ta li rag me e ka dza ti duM shaM dun man rag ra ni tsa ya k+she ya ma shahamaM pe ta la rag mo e ka dza ti shaM dun man trag rag de dag nyi ma dang po'i las// sku yi snying po ji bzhin du// mu khyud lnga pa'i nyi ma gnyis// nyi ma gsum la mu khyud drug/ bzhi'ang nang ma'i lto nas bsdeb// yab kyi drag sngags snga ma bzhin// bdun pa bdun bskor sgo bzhis 'jug 'khyil ba sbrul dang ru sbal dang// chu srin ki la'i 'gros// 'brur 'gro mgo mangs stag mo'i 'gros// 'bru bdun nyi ma bzhi la sogs// kun gyi sbyor ba mgo dang mtha'// 'bru drug 'bru brgyad snga ma bzhin// yab kyi spu gri rnal ma bzhin// 'dod pa'i a mu ka dang bsdeb// drag po lto dkrug bdun par bshad// rnal ma'i sbyor ba 'di lta ste// thog mar de bzhin drug pa'i ming// drangs pa de bzhin kun la bya// mtha' rten 'jug pa'i sngags nyid ni// drag po ma hA ya nyid la// spu gri 'khor lo 'dam pa bzhi// dgod pa'i 'phreng ba ji bzhin sbyar// lus dang yan lag kun bsdebs la// 'phen pa'i 'bru brgyad mtha' ru sbyar// yi ge sngar bzhin bzlog bskor na// sbyor bas gsod pa ma lus pa// 'jug po nye bar btags pa yin// dbus kyi sbyor ba rkyang par bsdeb// oM ya ma rag mo ma ma ya k+she ma me ta ra ni tsa ya ra ni yo na ru to sa tsa a mu ka pra ma ya ya ma de ma b+h+yo ru lu rbad ya/ 'bru drug 'bru brgyad snga ma bzhin/ d+hUM shaha'u d+hun man trag rag shaaM pe ta la'i rag mo e ka dza ti a mu ka mur tsa ya ya ma de ma b+h+yo ru lu rbad ya/snying ro shan tsi ta rag ta rngubs ro tsa rmugs rmugs tsi ro shaM spyaM a mu ka rag ta tsa ra ya ya ma de ma b+h+yo ru lu rbad ya/ raM thun gzer badzra snying kha rag hri shrI saha'u rag shaku d+d+ra yamya dalhu ud a mu ka ma ra ya ya ma de ma b+h+yo ru lu rbad ya/drag po gnad kyi phan pa ste// rnal ma'i 'byor pa rkyang pa bzhi// gsad pa'i las kun so sor bsgrub// brnag pa kun gyi mchog tu bshad// phyi nang dbus mtha'i rim pa ni// drag por dril zhing las bsdebs pa// bdud mo gshin rje'i sbyor ba ste// khro mo rnams kyi snying po yin// de yi sbyor ba dpag med las// mkha' 'gro drag mo'i sbyor ba ste// gnad bzlog drag po'i rim pa yis// rengs dang 'gugs pa ma lus byed// las gsang gnyis dang kun rdzogs yin// de yi rim pa 'di lta ste// ta b+hi ta yi 'gros kyis bsdeb// 'khor lo 'phreng ba dril ba'i las// de bzhin phyogs kyi dang po nas// re mig drug gnyis de bzhin gcig/ rim pas 'khor lo'i 'phreng ba gcig/ mu khyud lta bur dril la brdeg thog ma'i sbyor ba sngar bzhin bsdeb// yab kyi 'bru bzhin mthun bar bsdeb// mkha' 'gro'i 'bru la gshin rje gdags// dang por mu khyud drug pa nas// 'bru bzhi ro la ra~M` dang bsdeb// ra~M` thun gzer badzra snying kha rag hrI shwi p+hu rag shakaha ra ni tsa ya/ du~M` sha~M` dun ma na trag rag shaa~M`pe ta li rag mo ra ni yo na/ snying ro shan tsi ta rag ta rngubs ro sa rmugs mugs ru to sa tsa/ d+h+we dala' yamyaha ud tsaM ro sh+naM yam e ka dza ti ma k+she ta me/ de bzhin yum gyis dkrug pa ste// pho mo las kyi lto dkrug yin// mkha' 'gros gsad pa'i mchog tu bshad// bkan bzlog sbyor ba'i 'khor lo nyid// thog mar dbus nas bdud kyi las// 'bru drug dang por de bzhin drang// yab kyi 'bru gsum rdo rje'i phyogs// mkha' 'gro phyogs kyi 'bru drug bsdeb// ral gri mtshams su 'bru drug blang// rtsa la bsdus pa'i thig ler gzhug/ spu gri'i sbyor ba snga ma bzhin/ dang po ma ra ni duM shahaM ra~M` snying raM/ snying raM thun gzer dzA/tsi shan dun man tsa/ gnyis pa k+she nas 'bru drug bya// de bzhin pad+ma'i mtshams nas bsdeb// ni las bsdus la thig ler gzhug/ k+she ya ra rag+ta rag snying kha rag hrI/ rngubs ta pe shaahaM ni/ de bzhin ta nas pad+ma'i phyogs// de bzhin rin chen mtshams nas dril// ru la bsdus la thig ler gzhug/ ta la yo ni tsa ro shI sahu rag k+sha rmugs mugs rag mo ru/ bzhi pa me nas rin chen phyogs// de bzhin rdo rje mtshams su dril// tsa la bsdu zhing thig ler gzhug/ me sa to e ka tsi ro d+hA dralaha yam ud sh+ni yam dza ti tsa/ mgo bzhis 'bur 'gros gdong lce bzhi// de bzhin sbal 'gros phyogs mtshams dril// yang gsang mchog gi sbyor bar bshad// gzhan yang sbyor ba'i rim pa ni// mkha' 'gro 'bar ma dbyings sdus ma// snying po dam dang drag po'i srog/ yon tan las kyi rims dang gsum// gcig gis phyogs nas dril pa ste// sbyor ba 'phral nas sbyor bsdebs na// ma lus las na byed pa yin// de dag sbyor ba rkyang pa yi// re re bcu drug phral bsdebs na// thog ma'i 'bru drug mtha' yig brgyad// gcig las phye ba'i sbyor ba ste// rkyang ba'i sbyor ba 'bru gsum bsdebs// 'dod pa'i las re 'brub pa yin// yan lag 'khor lo'i mtha' dad 'di// phyi nang bar gyi 'phreng ba nyid// sbyor ba phye na du mar 'gyur// drug bcu'i 'bru nyid re re la// de las gzhan yang byin brlabs te// gsum gsum dor nas gcig blangs te// gsum dor gcig blang rdzogs par bsdeb// de yi rim pa 'di lta ste// tsi shan ta rag rag trag ta man/ rngubs rag ro ling/tsa ta/ rmugs pe/ sahu tra/ mug dza/ tsi ka ro A+e/ shan mo/ de ba da ra la/ ya dun snying sham/ ro dun shan+ti/ ma ga su/ a sha ha ma/ su pa ra/ de dag sbyor ba phra ba ste// thog mar mtha' ma snga ma bzhin// dpal gyi ma mo bde byed ma// tshangs pa'i gnas bzhi 'joms par byed// gang brtsams las kun 'grub par bshad// de bzhin gsum dor gcig blangs bsdeb// gnas skabs nyid du rgyas par brjod// de bzhin stobs dang ldan pa'i 'bru// sbyor ba dam pa 'di lta ste// phyogs bzhir so sor dril sbyar la// sdom dang rkyang pa'i bye brag gis// gnyis gnyis dag tu dbye ba ste// me dbal 'khor lo'i sbyor ba bzhi// brnal ma bzlog pa'i rim pa ste// 'bru brgyad dbus kyi ya dang dgu// 'phen cing sdud pa'i 'khor lo yin// 'bru drug 'bru brgyad snga ma bzhin// rdo rje phyogs nas dang po bsdebs// 'dod pa'i ming dang spu grir bsdeb// sbyor ba dang po 'di lta ste// ma ra duM snying ri run rA+o/ shahaM ni ya/ gnyis pa ral gri'i phyogs su ste/ de bzhin 'phen sdud 'khor lo'i tshul/ k+she ya trag ta snying kha rag ra ya/ gsum pa pad+ma'i phyogs su bsdeb/ta yo ta ro shwi sahu tsa li/ na ya bzhi pa rin chen phyogs su bsdeb/ me to e tsa d+he dralhA ro ka sa ya/ phyogs kyi sbyor ba nyi ma bzhis// mchog gi sbyor ba ma lus 'grub// mtshams bzhi sbyor bas snga ma bzhin// rdo rje ral gri'i mtshams su bsdeb// tsa dun shAn gzer badzra tsi man ya// gnyis pa ral gri pad+ma yi// mtshams su 'phen sdud sbyor ba bsdeb// ni shahaAM ta rag d+h+ril rngubs pe ya// gsum pa pad+ma rin chen gyi// mtshams su sbyor ba 'phen sdud bsdeb// ru rag rmugs rag shaka mug ma mo ya// bzhi pa rin chen rdo rje'i mtshams// ho pan srog yin rdzogs par bsdeb// tsa dzA sh+naM yamyaM ud yam ti ya// mtshon cha'i 'khor lo nub mo bzhir// sbyor ba btud la bsdeb gyur na// khyad par drag po'i las su bshad// gzhan yang sbyor ba'i rgyal po ni// thog mar 'bru drug mi sbyin te// der rjes me dbal 'khor lo yang// phab kyi rnal ma'i sbyor ba bzhi// mtha' ma bzlog la de la bsdeb// 'dod pa spu gri snga ma bzhin// de bzhin gzhan yang sbyar ba ste// dang po'i yab dang phyi rol phyogs// re mig bdun bdun bsdebs par bya// phyi rol mtha' nas bskor phyogs su// rim pas re mig bzhi bzhi bzung// de bzhin 'og dang yang 'og gsum// snga ma bzhin te phyogs mthun bsdeb// rin chen phyogs nas mgo drangs te// rdo rje mtshams su bskyal bar bya// ya ma me k+she trahA dralhA yamah+ya// gnyis pa ral gri'i phyogs nas bzung// ra tsa sa to snying kha rag gsum pa rdo rje'i phyogs nas bzung// ru na yo ni raM thun gzer// bzhi pa pad+ma'i phyogs nas bzung// ra ya ra tsa ni shi su rag de yi sngags pa rgyal blon 'joms/ ma me ta k+she tsi ro shan/ ra tsa sa to ta rag ta/ ru na yo ni snying ro shan/ ra ya tsa ni ro rmugs/ ma me ta k+she e ka dzA/ ra tsa sa to trag rag shaAM/ ru na yo ni d+huM sh+taM d+huM/ ra ya tsa ni ta li rag sbyor ba'i yan lag de dag gis// nyan thos mu stegs 'joms par byed// sbyor ba mchog gi mchog tu bshad// gzhan yang sbyor ba'i rim pa ni// thad tshugs phyogs kyi sbyor ba bzhi// re mig dgu dgu mtshams su yang// de ltar re mig bcu pa rnams// drag po'i phyogs kyis 'joms par byed// mgo drangs phyogs nas phyogs dril// thog mtha'i sbyor ba snga ma bzhin// de rims tshul bzhin rjes mthun sbyar// de bzhin phyi rims mtha' phyogs su// de ltar go rims bzhin du bsdeb// ral gri'i phyogs nas mgo brtsams te// rin chen phyogs su bskyal bar bya// snying ta rag ya k+she ya sa ka ro dralhA// gnyis pa de de ji bzhin du// pad+ma'i phyogs nas mgo drangs la// rdo rje'i phyogs su bskyal bar bya// re mig grangs kyang snga ma bzhin// shwi ro ta ya yo ta ya ni shaM ro thun// gsum pa rin chen phyogs nyid nas// ral gri'i phyogs su de bzhin bskyal// d+he tsi e to me ya ra rag rag kha// bzhi pa rdo rje'i phyogs nas drangs// pad+ma'i phyogs su bskyal la bsdeb// raM snying hU~M ra ma ya na li tsa sahu// phyogs kyi sbyor ba brgya ba ste// thad tshugs nyi ma bzhi bsdeb pas// rjes dang yul spangs 'joms par byed// de bzhin mtshams bzhi'i thad tshugs ni// re mig ya dang brgyad bsdeb la// thog mtha' 'bru drug 'bru brgyad bsdeb// ral gri'i mtshams nas mgo drangs te// rdo rje'i mtshams su dril la bsdeb// rag ta shahaa ni ya ti yamya yud// gnyis pa gzer nas k+sha la bskyal// gzan shan dun tsa ya ma mo mugs shakA// gsum pa rin chen pad+ma'i mtshams// yamah+ya sh+naM dza tsa ma pe rngubs d+hi// bzhi pa pad+ma'i mtshams nas drang// ral gri'i mtshams su bskyal la bsdeb// rag rmugs rag ru ya man tsi badzra// mtshams bzhi'i sbyor ba thad tshugs kyis// dmangs dang rigs ngan 'joms par bshad// gzhan yang gdul bya ma lus pa// dbang po bcu dang bdun bzlog pa// drag po'i yan lag bcu drug 'joms// rdo rje'i phyogs nas mgo drangs te// mtha' nas dbus su dril la bsdeg/ dang po phyogs nas nye bar bzung// rdo rje ral gri'i mtshams su bsdeb// de yi sbyor ba rgyas pa ni// dang po'i sbyor ba drag po yis/// dbugs kyi sbyor ba 'joms par byed// ya la bsdus la thig ler gzhug/ raM snying dum ra ma ya/ gnyis pas de bzhin ngag snyan dang// rna ba'i rnam shes 'phrog cing 'joms// na la bsdu zhing thig ler gzhug/ sahu tsa li na/ gsum pa dran rtog chags pa yi// yid kyi 'du shes ma lus gcod// ma la bsdu zhing thig ler gzhug/ d+he tsi e to myo/ bzhi pas mdangs kyi dbang po dang// shes pa gnyis 'dzin go 'byed gcod// k+she la bsdu zhing thig ler gzhug/snying ta trag ya k+she/ rten pa'i sa yi snying po 'joms// srog shing gsum gyi ba gcod// ta la bsdu zhing thig ler gzhug/ shwi ro ta yo ta/ lus srog gzungs bcud phral nas// lus kyi rnam shes 'joms par byed// ni la bsdu zhing thig ler gzhug/ thuMn ri sha ni/ de dag sna tshogs 'gyur byed cing// don gyi dbang po nyams par byed// sa la bsdu zhing thig ler gzhug/ dralhA ro ka sa// mig gi rnam shes bkrag mdangs 'joms// gzer sh+naMn dun tsa/ tsa la bsdu zhing thig ler gzhug/ lce yi rnam shes bkrag mdangs 'joms// ya la bsdu zhing thig ler gzhug/ badzra tsi man ya/ rtsa yi rnam shes zhen chags 'joms// ni la bsdu zhing thig ler gzhug/ rak+ta shaAM ni/ rten pa lus kyi dbang po dang// phung po lnga yi rtsa ba gcod// ta la bsdu zhing thig ler gzhug/ hri rngubs pe ma ta/ lce dang dbang po gsal bcom nas// mi 'dod ro ni sna tshogs bsgyur// ru la bsdu zhing thig ler gzhug/ ra ga rmugs rag ru/ chags sdang lnga yi rtsa ba dang// sgra rnams mi gsal ldib cing 'joms// me la bsdu zhing thig ler gzhug/shaka rmugs mo mo me/ de bzhin mig gi rnam shes dang// yul la 'dzin pa'i dbang po 'joms// rtsa la bsdu zhing thig ler gzhug/ yamya sh+na dzA tsa/ de bzhin drod kyi dbang po dang// dwangs ma skyed pa'i sa bon 'joms// ma la bsdu zhing thig ler gzhug/ Ud yam ti ma/ 'di dag drag po'i yan lag ste// gsad pa mchog gi sbyor ba min// thabs kyi sbyor ba dam par bshad// gzhan yang drag po'i yan lag nyid// brgyad gnyis de bzhin shes bya ste// bzhi pa lnga yi rim pa bsdeb// phyogs kyi dang po rdo rje yi// rin chen mtshams nas mgo drangs te// dang po phyogs nas mgo drangs la// rin chen mtshams nas go bzlog la// mgo dang mtha' rten snga ma bzhin// shaM du ti dzA shi yamyaM snying ro// rin chen phyogs nas pad+ma'i mtshams// de bzhin nyi ma bzhi ru brdeb// ka ye mo rag rmugs mug sa tsi ro// ti la pe shaM ta rngubs ro tsa// rag trag man dun shan tsi ta rag/ de dag sbyor ba rnal ma yin// gsad pa'i las la spogs par bshad// ma lus dngos po 'joms byed de// drag po mchog gi sbyor ba yin// sngags kyi sbyor ba du ma rnams// so so'i rim pa phral byas la// bya ba'i 'dod pas so so bsgrub// khyad par lnga bdun sbyor ba cig/ rim pa sna tshogs las kyis gnad// mkha' 'gro rnams kyi srog dbang sgyur// bdud mo dregs pa'i las dbang 'phrog/srin mo ma mo ya ma mo// sha za kye kam mi mthun lus// rdo rje srin po sha za'i tshogs// sahu khrag rgya mdud ya ma'i klong// ah+yaM rab+h+yaM b+habya smyI haha' stiha' kashra/ n+ha g+ha b+ha dkih+yA gdab/ de yis ma lus 'joms byed de// sbyor ba'i rgyal po mchog tu bshad// rgyal mtshan me long rgyud las// ro langs nag mo stong bskor rtsa ba'i le'u ste bzhi bcu pa'o//// de nas bcom ldan 'das kyis yan lag gi sbyor ba 'di bshad do// gzhan yang drag po'i yan lag ni// ri mig rim par bskor min par// thad kar bcal te tha dad dbyung// 'di la sbyor ba'i rim pa brgyad// phyogs bzhi sbyor ba yig 'bru bcu// mtshams kyi sbyor ba 'bru bdun dgu// dbus kyi drag po 'bru gcig nyid// kun gyi mtha' ru nges sbyar te// 'bru gcig sbyor ba brgyad du 'gyur// ya bag sha yi sbyor ba yis// phyogs mtshams 'dra ba nyid du bshad// de yi sbyor ba brgyad yin te// 'grub par nges te the tshom med// de dag rim pa 'di lta ste// phyogs kyi dang po mtha' de nas// pad+ma'i phyogs kyi ngos kyi mtha'// drag po'i las kyi 'du ba ste// dbang du sdud pa'i sbyor ba'i mchog/raM snying hU~M ra ma na yi tsa 'a sahu ya snying kha dza ra ang ku sha dza/ thog mar 'bru drug sngar bzhin te// mtha' ma dbang gi snying po sbyin// las la sbyar ba'i mtha' can gdags// lhun po rgyu bzhi dbang 'gyur na// shes ldan rnams la smos ci dgos// dbang du bya ba sbyor ba'i mchog/ de nas rang bzhin phyogs bskor te// pad+ma'i phyogs nas rdo rjer bskyal// shri ro ta yota ni shahi rathuMn ya a mu ka pra ni ha sta hU~M phaT/thad khar rim par bsdebs pa yis// gsal po'ang lkugs par byed pa yin// pad+mar dbang phyug bde ba yang// lkugs par byed pa'i mchog 'gyur na// srog chags rnams la smos ci dgos// gsum pa de bzhin sbyar ba ni// ral gri'i phyogs kyi dang po nas// rin chen phyogs su 'bru bcu bsdeb/ kha rag rag ra me tog a tsi d+h+we ya/ hu lu rma ya hU~M pra bi sha phaT/ dbye ba'i rim pa mchog yin te// 'bru drug thog mar de bzhin sbyin// mtha' yas dbye ba'i spu grir gdags// sbyor ba rkyen dang ldan gyur na// rgyud gcig shes pa'ang gnyis su 'byed// rgyud gnyis dbye ba'i mchog tu bshad// rin chen mchog gi dang po nas// ral gri'i phyogs su bzhi pa bsdeb// dralA ro ka sa k+she ya trag ta snying ya a mu ka dza li ya ma pra bi na ya hU~M phaT/ gyen pa'i shing ltar srog ldan kun// rengs par byed pa'i mchog tu bshad// mtshams bzhi sbyor ba'i rim pa ni// rdo rje ral gri'i dang po'i mtshams// mgo drangs rin chen mtshams su bsdeb// gzer shan du tsa mo mo mugs shakA ma a mu ka thibs mo ma myogs yar ma hU~M phaT/ 'bogs bar byed pa'i las su bshad// gnyis pa rin chen pad+ma'i mtshams// mgo drangs ral gri'i mtshams su bskyal// rag rmugs rag ru man dzi badzra ya mun kraM du myogs hU~M phaT/ rmugs par byed pa'i las su bshad// gsum pa'i ral gri'i mtshams nas bzung// rdo rje'i mtshams su nye bar bsdeb// rag+ta shahaAM ni ti yam ud ya a mu ka go ma gi sahi ha hor hU~M phaT/ myos shing brlabs pa'i las su bshad// bzhi pa rin chen mtshams nas bzung// pad+ma'i mtshams su brtsi bar bya// amah+ya sh+ni dza tsa pe rngubs hri ya a mu ka dzu na li b+ha hub ta hU~M phaT/ 'ching bar byed pa'i dam par bshad// phyogs mtshams brgyad kyi sbyor ba yis// go rims bzhin du las re bsgrub// gsad pa'i sbyor ba 'di ma bshad// yan lag brgyad kyi las dmigs te// che ba'i mchog tu gcig tu'o// gzhan yang drag po'i sbyor ba nyid// brgyad du de bzhin shes bya ste// bzhi pa lnga pa'i rim bsdebs la// phyogs kyi dang po rdo rje yi// dang po'i phyogs kyi 'bru brgyad nyid// dbus kyi ya la sbyor ba dril// sbal 'gros mthun par rim pa bzhin// phyi rim mtha' nas dbus su dril// re mig dgu dgu ya dang bcu// ru sbal 'gros kyi drag por bsdeb// dang por sbyor ba rdo rje'i phyogs// mgo drangs dbus su thug par bsdeb// thog mar 'bru drug snga ma bzhin// las dang mthun par mtha' mar ldan// raM thun snying ro dum shwaM ra ni ya/ a mu ka ha ho ta ra yah+yaM yamyaM hri hU~M phaT/ smyo bar byed pa'i las su bshad// gnyis pa ral gri'i phyogs nas brtsi// rnal mar ma yin sbal 'gros tshul// snying kha ta rag trag rag sha ra ya a mu ka dzA lan ga hu staM nan/ tsi dzi dz+wal 'bar ba'i nad// sbrul nag pho mo'i lto ru gzhug/ nyam nga'i nad ni gtang ba'i mchog/ gsum pa pad+ma'i phyogs nas bsdib// shri sahu ro tsa ta li yo na ya a mu ka srog nan hur thums/gzir ba'i las kyi thams cad do// bzhi pa rin chen phyogs nas brdeb// dwe dralha tsi ro e ka sa to ya a mu ka khrag rngubs dza ya hU~M phaT/ yul khams dbang po bkru ba'i mchog/rdo rje ral gri'i mtshams su bsdeb// gzer badzra shinaci dun man tsa ya a mu ku mu thum ro myags/ yams dal rims kyi sbyor bar bshad// gnyis pa ral gri pad+ma'i mtshams// rag dahahi ta rngubs shaaM pe ni ya a mu ka staM ba ya hu nan/thams cad gnan pa'i mchog tu bshad// gsum pa pad+ma rin chen mtshams// rag shakraM rmugs mugs rag mo ru ya sarba du nan a pa ra hU~M phaT/ bdag dang 'khor yug bsrung ba'i mchog/bzhi pa rin chen rdo rje'i mtshams// yamya mUd sh+naM yam mu la du ri yaM ti hU~M phaT/ gso ba kun gyi mchog tu bshad// de bzhin drag po'i sbyor ba nyid// brgyad gnyis de bzhin shes par bya// bzhi pa lnga pa'i rim bsdebs la// phyogs kyi dang po rdo rje yis// rin chen mtshams nas mgo drangs te// dang po phyogs kyi 'bru brgyad nyin// lnga pa'i dang po bzhi yi mtha' mas sbyar// snying yamya sh+naM ro tsi mugs rmugs rtsa dum// dus kyi sbyor ba nyi ma bzhir// gong ma ji bzhin drug gnyis sbyar// thog mar 'bru drug mtha' mar 'bru brgyad de// a mu ka zhes 'dod pa'i mtshams su sbyar// zhing dang skyed shing sman dang rtsi sman sogs// ma lus 'joms pa'i mchog tu bshad// de bzhin rigs kyi ma lus kun la sbyar// lnga pa'i gnyis pa bzhi pa'i gsum par sbyar// ya ti gnas dang rten yul 'joms par bshad// de bzhin rjes su 'jug pa ste// lnga pa'i gsum pa bzhi pa'i gnyis par sbyar// sh+naM draha'uM/ srog dang ldan min longs spyod kun// 'dod pa'i snying po ma lus 'joms par bshad// sngar bzhin sbyor ba bzhi pa yang// lnga pa'i mtha' ma bzhi pa'i dang por sbyar// yamA dun/ rta dang glang po bzhon pa 'joms// de yi sbyor ba rnam kun la// thog mtha' 'bru drug 'bru brgyad de// mtshams su 'dod pa'i a mu ka/ sbyor ba bzhi bzhi bcu gnyis te// rngubs ta rak+ta ta tsi shan ro snying dum// nyi zla dus kyi sbyor ba 'joms par byed// de bzhin gnyis pa'i rimapa ni// lnga pa'i gnyis pa bzhi pa'i gsum pa sbyar// ta rak+ta ta tsi shan ro snying ti/kyi dang longs spyod srog chag 'joms par bshad// de bzhin gsum pa'i sbyor bar bshad// rak+ta tsi shan ro snying yamA sh+nAM sh+nA/ gzhan gyi stobs dpung 'joms par bshad// bzhi pa'i mtha' ma'i sbyor ba ni// yamyaM sh+naM ro tsi mugs rmugs tsa ro dum/ rgyal po blon po dmangs rnams 'joms// de bzhin rin chen phyogs nas drangs// thog mar 'bru drug 'bru brgyad sbyar// tsa mugs rmugs tsa ro rngubs ta rag mo// bsod nams rgyun dang skye rgyun 'joms par bshad// de bzhin gnyis pa'i sbyor ba ni// mugs rmugs tsa rngubs ta rag mo// gzhan gyi gnod byed 'joms par bshad// de bzhin gsum pa'i sbyor ba ni// yamA sh+nA ro tsi mugs rmugs tsa ro dum// gcan gzan gdug pa'i kha rnams bcings par bshad// de bzhin bzhi pa'i sbyor ba ni// rak+ta tsi shan ro snying yamA sh+nAM dum// yul khams 'khrug cing 'joms par bshad// ma lus 'joms par byed pa ni// sbyor ba de rims de dag gis// go rims ji bzhin sbyor ba ni// rim pa'i sngags dang sbyor ba'i rkyen// 'khor lo rten dang 'brel ba'i mthu// rgyu dang rkyen du stobs bsdebs pa// yan lag drag po'i sbyor ba ste// rten 'brel bcu gnyis stobs kyis 'joms// ma ra ya ni mchog men pa'o// rim pa gnyis kyis 'grub par bshad// gzhan yang mchog gi sbyor ba ni// phyi rim mtha' nas nang logs su// de dag rtsa ba'i las bshad pa// bya ba kun gyi gtso bor gyur// 'brel ba'i rten stobs sbyor ldan pas// de dag rim pas 'di ltar sbyar// re mig rim pas bskor min par// yab dang bzhi pa'i mu khyud bsdebs// phyogs mtshams bsdebs pas 'bru dgu 'joms// re mig dgu dgu ya nas drangs// ye shes nyi ma'i dkyil du bca'// thog mar 'bru drug de bzhin sbyin// mtha' ma las kyi mtha' can gdags// rdo rje phyogs de de mtshams dril// ya mar du sh+nam dun man tsa ni ya// sarba dri hur nan rbad// bgegs rnams gzir zhing gzhom pa'i mchog/ gnyis pa ya nas ral gri'i phyogs// mtshams dang bsdebs la gsang sngags bsdebs/ ya k+she ya trag rag shahaaM pe ni ya sa na ga hur thums rbur nan thul rbad/ gdug pa gzir zhing gzhom pa'i mchog/ gsum pa dbus nas pad+ma'i phyogs// mtshams dang bsdebs la spu gri gdags// ya ta yo ta li tag mo ru ya phraM shar dud phroM ni pa dang shar shar phob/ lo ka 'pho zhing lo thog 'joms// sbyor ba'i rgyal po gsang ba yin// bzhi pa dbus nas rin chen gyi// phyogs mtshams bsdebs la bsrung ba bya// ya me to e ka dza ti ya sarba sha trUM stam pa ya hU~M phaT// lo thog 'bras bus bsrung ba'i mchog/ yan lag kun gyi sbyor ba bshad// rgyal mtshan me long gi rgyud las// ro langs nag mo yan lag gi sbyor ba'i dbye ba'i le'u ste zhe gcig pa'o//// de nas bcom ldan 'das kyis ltas ngan gyi sbyor ba 'di bshad do// 'gyur ba stobs kyi sbyor ba ni// rdzas dang gnas khang la sogs bsgyur// sbyor ba bsgyur bas ma lus 'joms// thod pa dur ma kha phye la// spre dang byi la'i spu dang nya// mi snyan skad 'byin bya sha spu// thod par brdzangs la sbyor ba bsdebs// yab yum rtsa ba'i sbyor ba bsdebs// zhag grangs lnga 'am bdun na gnan// mkhar gyi g.yas 'gram spus gang sba// thod pa 'phar dang mkhar de 'jig/ sog po gdong nag cha lugs bsgyur/ khang thog 'tsheg dang 'od sgra 'byin// du ba 'khyil dang thod pa smra// sems can mi mthun mngon du ston// gzhan yang sbyor ba'i las bshad pa// rgya bo mig bzhi'i thod pa ru// sna tshogs bya yi sha dang spu// brdzangs la rgya 'gram khru gang gzhug/ steng du stag tshil rdo bas gnan// srin bya 'ug pa sgra 'byin 'thag kha skeg bstod cing mchu 'jing za// khra dang ro skeg bshad 'gros ldang// gong sreg mkhar la skad 'byin 'chags// dur bya de mo sder mo 'dzing// mkhar la chags shing 'phrin lon byed// sram thod nya sprul sram sdig pa// gnyen chu dgu sbyar dang dug/ bag phyes gzugs byas mdze thod gzhug/ mal bres shul du thod pa sba// klu yi cho 'phrul lnga gnyis byung// gnas khang mi mthun klu yis gang// zhag dang zla bas gzugs rnams 'gyur// tsha ba lnga dang drod sbyar la// gsang sngags bzhi bcu'i bcu pa gsum// sbyor ba gsum gsum dbyungs sbyar na// mi la sogs pa'i mi rigs la// drod pa phye bo kha med rngubs// rgyas pa dbang po ma dor phyed// dbang po lhag ma'i dmus long shor// 'gyur ba bcu dang yang dag ldan// zas la sngags bzlas zos gyur na// sems la mya ngan g.yeng dang 'phyongs// smra dang dbang po 'chal dang nyams// mi thub sgul zhing zhus srid rdebs// bcu yis lus sems sgyur bar byed// sngags rengs 'gyur ba'i las re 'grub// spre dang sram gyi thod pa ru// mi mthun rdzas kyis rnam par dgang// sngags kyi sbyor ba khri dang stong// bzlas la gang 'dod yul la dbab// sbrul sram wa spre nya sbal bya// ri dgas gzugs bzhi tshub ma me// rim pas mkhar la 'dzeg dang bskor// 'bru brgyad sbyor ba bcu yis dbab// mi mthun gzugs bcu sgyur bar byed// tsha ba gsum dang bcud kyi 'bru// sbyar la sngags gdab bcud la sbal// thod chen dang ni rme thod sbyar// gang 'dod brgyad bsdebs sbyar byas na// shing dang srog chags rdo dang rus// sgo nga klad dum sha dang khrag/ mi mthun sngo na'am thar pa shul// bcud la bsgyur ba'i las bcu dbab/ khams chen lnga yi glang thod la// tshon sna lnga yis gzugs bris la// gsang sngags 'bru brgyad bsdebs la sbyar// thog mar 'bru drug de bzhin sbyor// mtshams su gang 'dod a mu ka/ mtha' ma spu gri 'bru bzhi bsdeb// smra dang ldeg dang 'phar zhing 'bod// 'od dang gzugs ston bla thod 'thab// rus pa'i lus la mgo skam mthong// bsgyur na ru dgod bcu gnyis 'gyur// thog mtha' bzhi la sbyar byas la// grangs phyed re mig brgyad du bsdebs// sgo bzhir sbyor ba gnyis gnyis bsdeb// g.yas g.yon mtshams kyis bsdebs la brtsi// de dor rim gyis rdzogs bsdebs nas// gcig las 'dren pa'i bye brag rnams// sbyor ba kun la brtsi ba yin// hor rta chu srin d+he'u las// sbyor ba stobs kyis bsgyur te 'jug/ rdo rje phyogs kyi dang po nas// rin chen mtshams kyi dbus su bsdebs// yab kyi 'bru gsum thog mthar te// drag po'i 'bru las drang ba yin// ma ra duM snying ri mug ud yamA ti tu ling has phob// de bzhin phyogs kyi dang po nas// ral gri'i mtshams su bsdebs la dril// nI shahaM ro thun gzer shan dun tsa a mu ka du ling phas phob/ ral gri'i phyogs bskor snga ma bzhin// k+she ya trag ta snying ba badzra tsi man/ra rag rag rag kha rag ta shaaha ni/ de bzhin pad+ma'i phyogs su bsdeb// ta yo ta ro shwi r+hi rubs pa// ni la tsa stu rag rmugs rag tu// mtha' ma rin chen phyogs su bsdeb// me to e tsi d+h+wi kashahA mugs mo// sa ka ro dralA yamA shamA dz+wa tsa// rdzas dang gnad khang la sogs bsgyur// ltas ngan brgya rtsa gnyis kyi las// thog mtha' rang rkyen snying por ldan// sbyor ba bsgyur nas ma lus 'grub// dang por 'bru drug mtha' mar bzhi// mtshams su gang 'dod a mu ka/ sngags kyi dbal dang sbyor ba'i rkyen// sbyor ba bsdebs na las gang 'grub// 'gyur ba las kyi mchog tu bshad// rgyal mtshan me long gi rgyud las// ltas ngan brgya bcu rtsa gnyis dbab pa'i le'u ste zhe gnyis pa'o//// de nas bcom ldan 'das kyis drag po'i sbyor ba 'di nyid spogs pa 'di bshad do// ma khugs sbyor ba'i rkyen med la// mkha' 'gro gsang ba'i drag po yi// tsit+ta sbal pa'i 'khor lo bskor// drag pa'i 'khor lo dbang sgyur la// dug shing rme ba'i dud pas bdug/ myos pa'i khrag dang dug chus bran// dam rdzas rten rdzas rgyan rdzas dgram// mchod rdzas rol rdzas rag+ta bstab// gsur chen dud pa rus pas bsreg/ 'khor lo ling gabyang khram bca'// thod pa khrag sna thun rdzas brag/ lha yi stobs gzhug bdag dbang bstim// lus la ye shes 'khor lo bca'// phyag rgya chen po'i rten pa bskyed// dam tshig 'khor lo gsal la byas// ye shes 'khor los byin gyis brlabs// lha yi 'khor los rang dbang bsdu// dam tshig 'khor los thog tu dbab// de yi rim pa 'di lta ste// spyan drangs yab kyi 'od zer mdangs// ye shes rig pa'i dkyil 'khor dgug/ phyag rgya brda yis dbang du bya// mkha' 'gro las can dam la bsdu// las kyi srin mos mthu'ang gzhug/rtsa ba'i 'bru lnga bcu gnyis sbyar// oM ya ma me ta k+she/ ra tsa sa to ru na yo/ ni ra ya tsa ni/ yang logs thugs sku gsung mthar sbyar/ mgo dang mtha' rten yang dag ldan// sngon 'gro sbyor ba'i gsad la min// ma khugs sbyor ba'i stobs med na// spyan drangs mtshan ma gsum gyi dgug/ ye shes phab la dam tshig bstim// bcu bdun mtha' ru mtshan ma gsum// brtags la sbyor ba lngab kyis dgug/yang dag dgug pa'i stobs zhan na// mu la thugs dang mtshan ma gsum// sbyar la ya ma ang ku sha/ stong brjod phyag rgya'i mthu dang ldan// ma khugs sbyor ba'i stobs zhan na// ma nas drangs la ud la bskyal// sha dza dun gyis ya la bstim// khugs kyang las la ma tshud na// drug brgyad yangs la g.yas bskor du// thugs sku gsum la bcu bdun g.yas// 'khor lo rgya log dbus su dril// khugs chen gnad kyi sbyor bas dgug/khugs dang las byed bdag 'khu na// bzhi bzhi lnga lnga'i yig 'bru la// mtha' nas dbus su gnyis gnyis dril// mgo spangs mtha' rten gzir gsum bsdeb// bdag gi dbang du ma mo bsdu// gang yang las la 'bral med na// sbyor ba drag po'i btsan thabs kyis// ma mo gzir la shi sa bstan// khyad par las la ma tshud na// srog dbrog ma mo'i dam tshig bstan// bdag dbang stobs bsdu sbyor ba brgyad// gsad pa ma yin sbyor ba mchog/ phyag rgya chen po'i sems bstan la// bdag gi mi mthun phyogs dbang bsdu// mi 'jigs seng ge lta bus bya// mtha' ru drag po las la sbyar// las kyi sbyor ba'i stobs zhan na// sku yi 'khor lo rgya log bsgyur// spu gri 'bru brgyad snga ma bzhin// gsung thugs 'khor la bkan bzlog bsdeg/ rtsa ba'i sa bon rlung dang por// sbyor ba'i mtshams su a mu ka/ de bzhin gzhan yang rims kyis te// bdun pa bdun bskor bzlog la spogs// sgo bzhir sbyor ba bdun bdun bsdeb// dbus nas go bzlog dum nas ti// mtshams bzhi'i sbyor ba mtshan mo ste// bzlog sngags drag pos gnad la dbab// drag po bdun gyi spogs pa yin// phyag rgya brgyan dang 'dug stangs bzlog/ 'khyil ba sbrul dang 'gros stabs kyis// re mig bcu gnyis nyi ma bzhi// yab kyi 'bru bzhi mtha' ru bsdebs// mgo dang mtha' rten snga ma bzhin// dang po ral gri'i phyogs nas bsdeb// gnyis pa rdo rje mtshams su bsdeb// rin chen pad+ma go rims bzhin// thams cad mi mthun mthun rnams brdeb// de yi rim pa mi mthun gzugs// bcu bdun mtha' nas bzlog la bsdeb// ta lang 'gros bzhis bsnol mar bsdeb// re mig gcig por gcig blangs pas// yig 'bru bcu drug bcu drug bsdeb// dbus nas mgo drangs thob thang brtsi// 'dod pa'i mtshams su a mu ka/ sha za mkha' 'gro'i sbyor ba ni// dbang sdud srin mo'i las yin te// kye kam las kyi 'khor lo bca'// mkha' 'gro 'bar ma'i bcud la dril// mtha' nas dbus su ya la bsdu// dang po rin chen mtshams nas drang// 'bru gsum mtha' ru yab kyis bsdeb// rin chen pad+ma phyogs mtshams te// ral gri'i phyogs mtshams rdo rje'i mtha'// sems kyi rtsa ba bcud bsdus nas// sa yi khams bsdus chu la thim// chu khams bsdus la grod la bstim// me yi khams bsdus rlung la thim// rlung dbugs rgyun chad nam mkhar bsdu// bsdus nas thig le 'bru gnyis la// steng 'og me chu gsad cing 'pho// de bzhi thad tshugs sbyor ba brgyad// snga ma de bzhin rim bzlog bsdeb// re mig grangs dang snga ma bzhin// mtha' nas dbus su spogs pa ste// dmar nag gnyis kyis sbyor ba bsdeb// sbal 'gros lta bur dbus su dril// rgyu yi dwangs ma dbyings su bsdu// bde ba'i lam nas 'dod pa'i mkha'// tshangs pa'i gnas su 'od zer spro// tshe gnas bzlog 'khor ya la bsdu// dbus kyi ya la shes pa bstim// de bzhin sbyor ba kun shes na// drag po gnad kyi spogs pa yin// gzhan du 'ching 'gyur don med 'gyur// srog dang bral ba nyid yin te// drag po 'phrul gyi 'khor lo las// drag po'i 'khor lo bzlog pa yin// sbyor ba mchog gi las su bshad// rgyal mtshan me long gi rgyud las// drag po spogs pa'i le'u ste zhe gsum pa'o//// de nas bcom ldan 'das kyis thog bdag bsgrub pa'i sbyor ba 'di bshad do// skyin thang 'phrul gyi sbyor ba las// maN+Dal sa yi dkyil 'khor la// don gnyis sgrub pa 'di lta ste// gnas ni ri gsum rtse mo 'am// brag nag chu mdo dur khrod sa// dbyen gnas chen por tshogs bsags la// tsha gsum chu dang thod pa gsum// phyi mtshams gcad la bar mtshams gnan// lha yi bsnyen pa bye ba yis// ma mo dbang du bsdus la bsnyen// maN+Dal gru bzhi mdzes pa la// khrag sna gsum gyis chag chag gdab// dkyil 'khor gru bzhi lham par gdab// dbus na thig skor gsum du bskor// dbus su gru gsum nag por bya// phyi rim rdo rje rgya gram ldan// yang logs 'khor lo rtsibs drug bya// skam rlon thod 'phreng thams cad ldan// gru chad bzhi dang khyams kyis bskor// sgo bzhi rta babs mdzes pas brgyan// 'dod yon nor bu chun 'phyang dar// zhing bcu rgyu ma thod pas spras// zhing gi bla re de bzhin 'phen// rdo rje dang ni me rir ldan// chos kyi pho brang drag po la// me long nang du gser dngul nas// bya rgod snying dang nal bu'i snying// gnam lcags khro chu thig gi me// sprul dang snying sna 'o ma zhag/ zla kham gsum la khrag sna dang// nyungs kar lcags phye thal chen dug/ dung bu khrag dang thod tshal bzhag gru chad bzhi la dgod pa ni// dpal gyi gtor ma ma mo'i rdzas// rak+ta bdud rtsi ldan byas la// dbus su lcags phur ya ma'i skur// yab yum rgyan dang bcas pa ru// hU~M dang ma la rdzogs par sgom// rgya gram mdzes pa'i gzhi la yang// lcags phur bzhi las skur bskyed pa// ma las gnam sman thog bdag bzhi// smug nag ser nag dmar nag ljang// sku stod 'brug gi grag pa la// g.yu yi dril bu sbrul gyis brgyan// sku smad stag dang dar nag la// srin mo'i thod pa er kas brgyan// g.yas pa thod 'phreng ban d+ha g.yon// zhing rkyang gdan la rdzogs par bskyed// rdo rje rgya gram mtshams bzhi la// e maM laM haM 'bru bzhi la// seng ldeng phur pa dbang chen bskur// zhing lpags stag sham thod sbrul brgyan// g.yas na zhing chung ban d+ha g.yon// de bzhin zhing rkyang gdan la bskyed// phyi yi 'khor lo rtsibs drug la// phyogs bzhir skyer phur bzhi bkod la// ma ra tsi sha 'bru bzhi las// mgo brnyan gdong mo bzhi yi sku// ber nag g.yang gzhi thod sbrul brgyan// g.yas pa zor pa ban d+ha g.yon// mtshams gnyis 'khor lo'i rtse mo la// ya dang hU~M las sku bskyed pa// khyab 'jug dbang phyug dregs pa bskyed// lha rnams sde brgyad phyogs mtshams gnas// gong nas 'dus pa'i tshul du bsgom// bskyed pa'i gsang sngags 'di brjod do// nag mo bdun b+h+yo brgya rtsa gcig de ltar dkyil 'khor rdzogs par bskyed// spyan drangs bstim la mchod par dbul// khro bo gshin rje'i bstod ra btang// khro bo'i thugs kar hU~M gsal bya// rgyal chen gdan las gsang sngags spro// dkyil 'khor ba la nyi dkyil na// ma dang bcas pa'i sngags gsal btab// 'dzab bzlas phyogs bcur 'od spro dgug/ma mo 'khor gyi tshogs bcas dgug/ rang dam rang gi snying pos dgug/ phyag 'tshal dkyil 'khor lha la bstim// gtso la srog snying dngos grub dbul// rak+ta rlabs la mchod pa dbul// snying po spel la 'dzab la 'jug/ de nas bcom ldan 'das kyis nyid kyi sku gsung thugs las srog gi snying po 'di bton no// oM gan d+ha pa sti ga na pu ti sarba big+ha nan pa ma hU~M dza dza/ khri tsho re yin mchod bstod brlabs// dngos grub rab 'bring tha ma gsum// dkyil 'khor dbus su me 'bar dang// rdzas rnams zhu zhing 'chad na rab// ma mo mdangs dang sku ston dang// phyag 'tshal bkur sti byed na 'bring// sgrub khang g.yo 'gul khrag khol na// ma mo dbang du bsdus la rbad// gtor ma btang la dam rdzas mchod// drag po gsad pa'i sbyor ba brtsam// rab 'bring rtags dang drod thob nas// dbus kyi gru gsum sbag mar brtsig mthing nag rtsang dang snying snas brgyan// thod pa'i ling gas ming rus brnag/ zhag bdun rbad cing drag pos bskul// rak+ta brlabs la gling bus 'bud// khri khri 'bad la bla dang dbral// bdag dang ma mo dmag 'dren na// gsang sngags brgya brgya thun la dbab// pho nya bskul la gzir sngags bzlas// bla dang 'brel na phur pa gdab// skya rings rta la zor skyon 'phang// thod pa dur khrod gling du gnan// de nas bcom ldan 'das kyis nyid kyi sku gsung thugs las gsang sngags 'di dag bton to// a pa phye sha ru lu ru lu nag mo srog la dun dun ma ma hU~M dza/ ma ma da mun b+h+yo/ yag mo yag mo sod/ thor ma ma rmugs rgyob/ yag+sha nag mo snying la rgyob/ rag mo b+h+yo/ badzra ka ru na rbad/ snying khrag tshal pa rbad/ rngubs rtsi ta la rbad/ myogs mugs rbad/ snying khrag kha la rbad/ tshal bu se na sin du rbad// srog la hur thums ya ya rbad// b+ha ru rag+sha srog la nan// gsad pa'i las ni lnga dang ldan// gsad pa thun gyi las su bshad// gzhan yang thog ser dbab pa'i las// dong bu khrag sna thod pa mda'// 'bum bzhi khri yis byin brlabs 'phang// nya stong dgu gsum bcu gcig brgyad// bzhi gnyis las mthar rta zor bskyon// gsang sngags sbyor ba'ang gnyis su bsdeb// de nas bcom ldan 'das kyis nyid kyi sku gsung thugs las gsang sngags 'di bton no// oM ma hA tsan+Da pa ta ta na ta ka dzA la dzA la raM raM/ rag sha rag+sha baM/ he dan ra ya phroM phroM/ pa sa ra na hril hril/ a pa sha ya dun dun/ dza ti khu raM b+h+yo/ b+h+yo phroM shar sing krol ma rag raM shar b+h+yo phroM/ 'di dag sbyor ba dam ste/las kyi rgyal po kun bsdus yin// ya bag sha yi sbyor bsdus nas// de ba ra tsa'i mkha' dang sbyar// nA ga 'gu lin da la sba// rten gsum yul gyi lus la bsdeg/ sbyor ba'i dam pa mchog tu bshad// rgyal mtshan me long gi rgyud las// skyin thang thun gyi le'u ste zhe bzhi pa'o//// de nas bcom ldan 'das kyis gnod sbyin gdug pa can gyi srog dril ba 'di bshad do// lha 'dre'i rgyun srang ngam lha khang du// dkyil 'khor phung shul sa la bya// dug chu khrag gis chag chag gdab// chos kyi pho brang zlum por bya// rtsibs bzhi mu khyud thod pa sbrul// gru chad bzhi dang ldan pa la// dam rdzas snying sna bzhi la rten// ka li sho na tsa ra spu ra'i don// ka li ka pha thom nag tu// rgyal chen sa yi gdan la dgram// rtsibs la mda' bzhi dar dang dkor// stag gzig gser dngul ldan pa sta// gru chad b+ha li khru re dbus// dkar dmar nag gsum dkor chas brgyan// zla kham mthing nag rtse mo khrag/ thun rdzas thod pa lcags phur bzhi// byang shar gru gsum ma ra ni// steng na khwa rgod g.yag rnga shun// dpal gyi gtor ma rak+ta phyi// rgyan dang mchod pa rdzogs bshams la// dkyil 'khor pa yi lha ru bsgom// rgyal chen sa yi dkyil 'khor du// bdag nyid yo dam gsal bsgom la// shar du li byin dkar po rta// za 'og stag gzig zangs gri mda'// khra dang spyang khu 'grim zhing 'khrol// lho ru dge bsnyen gying chen ljang// za 'og rin chen seng ge zhon// rdo rje rgyal mtshan gcan gzan 'grol// nub tu yab bdud snya la gnag/ zhun khrag thod pa rta nag zhon// blon po bdun dang pho nya 'grol// byang du btsan dmar dar dkar rta// bse khrab bse mdung mda' dmar sdog/ byang dang byang sman btsan 'phreng 'grol// da tsa dza ra a tri las/ bskyed la bka' nod rtsibs la bzhag/'bru sna shing thog chang dang mngar// rgya chos dkar cha 'bras kyis mchod// lha 'dzab khri la srog snying bod// rang dbang med par dbang du bsdu// grub pa'i rtags ni rnam pa gsum// bya dang gcan gzan gtod cing za// 'gro phyir 'grol zhing bdag sgo srung// phyi yi rtags de nang du bsdu// rgyal blon ban d+he skya shar kun// bkur sti phyag dang las byed na// me 'bar drod skye nyams stobs che// gsad rtags mthong na sbyor ba brtsams// steng bzhi bskul zhing rbad sngags bzlas// bla dang sprul pa khugs par bsam// 'brub khung gzugs la thun gyis brab// khugs pa'i rtags ni dud 'gro'am// bya dang ri dwags gsod cing sha// dmag dpon byed sgra 'gugs na// gsang sngags dril la gzugs la brdeg shes pa 'phel ba'i drod rtags ni// nyams dang 'chal dang thibs dang lkugs// mtshan brdeg g.yul 'gyed mkhar 'bebs na// ru thom nang du rten gzugs bsdu// ru thom kha gcad dar gyis gril// rgya gram mun pa'i bcud la gnan// yi dam lha yi stobs dang sbyor// sngags kyi sbyor ba bzhin du bsdeb// de nas bcom ldan 'das kyis nyid kyi sku gsung thugs las dmod sngags drag po 'di bton to// oM dang khrag tu mun/ tsa shu la ha ti dzA/ hri dzA gri ba ra baM hU~M/ badzra sA du ra baM hU~M dza dza/ du kri ra tsa gri ba bi ta ya sarba du sta ni pa ri b+h+yo/myogs rbad/ rmugs thibs/ har hur thun rbad/ srog breng shag thun rbad/ ku ma ra tsa srog la shag rbad/ dgra bo thum ril/ zhung khyer srog la shag rbad/ srog khyer hab dang du nan/ ra tsa phye shag khra nan tsa shu la nan/hur thums srog gzir nan/ bya ba kun gyi sngon 'gro ba/ bdag dngos snying po nyi shar 'od// phyogs bcu zhing khams bde bas gang// slar 'dus bzhi snying gcig tu dril// bka' nod ci bcol las rnams byed// mtshon cha thogs nas dmigs pa gsod// sgrol ging bzhi yis khyer zhing bstod// dbang po 'chal nas yan lag gcod/ khong gshags nang khrol bton nas za// don khrag 'thung zhing bla tshe 'chang// srid pa gsum phung spu gri rno// gsod byed drag po'i sbyor bar bshad// rgyal mtshan me long gi rgyud las// srog bzhi dril nas bsad pa'i le'u ste zhe lnga pa'o//// de nas bcom ldan 'das kyis srog bzhi dril nas lo thog gzhom pa 'di bshad do// sa phug lha khang yul btsan sar// maN+Dal khrag sna gsum gyis byug/ khyi spyang mi yi thod pa la// gar 'bebs yul gyi ming bris la// sha khrag skam po'i gtor mas dgang// maN+Dal gru chad bzhi la dgod// dong bu thod can 'brong chen rwa// gla dang bcas pa bzhi bshams la// khrag snas bkang la dbab sngags gzhug/ maN+Dal logs bzhi brten bshams la// g.yas ngur bdud bskyed thod chen gying// spyang thod rgyal po glang ru btsan// bsnyen pa dang bcas chu dril bstim// grub pa'i rtags ni srin la gzung// shing 'dra bar nub nas bsring// byang nas khams nag skyo skya lho/kham nag dud kha shar nas 'phung// bka' 'dren lug dang bya yi tshogs// grub pa'i rtags de dbab pa brtsam// lha rten klu gnyan brag btsan la// thod pa gsum gyi rta ma zhug/ yul mthong rtse nas zor gyis dbab// 'khyag pa'i ro rgod drag po 'bab// gsang ba'i sbyor ba snang snang min// sbyor ba btud na mngon du 'byung// de nas bcom ldan 'das kyis nyid kyi sku gsung thugs la dril zhing dbab pa'i gsang sngags 'di bton no// oM du phrag tu mun phroM dza/ tsa shu la ha ste phroM dza/ hri dza 'gri pa ra ba hU~M phroM dzA/ badzra sa du ra ba hU~M phroM dzA dzA/ a mu ka phroM phroM shar shar yaM yaM 'ur kham thog thog hril hril kha har shar shar b+h+yo/mdzes pa'i rgyan dang bsdebs gyur na// bdud btsan gying rgyal srog dril bas// chu rgod ri ltar btibs pa yin// 'bras bu 'joms pa'i sbyor bar bshad// rgyal mtshan me long gi rgyud las// srog bzhi dril la dbab pa'i le'u ste zhe drug pa'o//// de nas bcom ldan 'das kyis khrag thun gyi sbyor ba 'di rgyas par bshad do// gnyan ra gdug pa'i bde gnas su// dkyil 'khor khru gang gru bzhi la// dbus su mthing nag zla kham gsum// rtsibs bzhi thod pa rkam rlon 'phreng// sgo bzhi gru chad 'dod yon khyams// dur khrod sbrul dang chu srin brgyan// gtor ma gsur dang snying gsum rdzas// mchod pa la sogs bsnyen pa 'bum// mthing nag dbus su mon thod gzugs// ming rus dri ma brnag pa'i khams// nag gsum khrag dang yugs sa bsnol// khrol bu dug gi chu yis bkru// ya ma rag sha khams rbad las// sha za ki kaM mon gyi gzugs/ khams gsum gang bas khyab par bsam// brgyad nas dbu gzugs bcu drug gdon// nyi shu gnyis nas stong gi bar// zhag dgu thun sgrub srog la rbad// bcu bcu grangs gzung khrag la bstim// sha za pho mo rngam pa kun// zhal nas sngags zlos rlangs pa 'phro// gdug pa'i mtshon chas brnag pa 'joms// phyag brnyan drod 'phros ar+ya bskul// sa chu me rlung 'byung ba bzhi// rgyu yi tshul gyi pho nya rbad// me mar gsad phyir khrag thun dbab// drod dbang gzhom phyir chu khams dkrug/ dug gsum gzhom phyir gnad gsum bsdeg/ rgyu gnyis gsad pa'i shes pa dbral// phung po khams dang dbang po yul// 'joms byed gdug pa'i drag sngags brdeg/ 'ja' tshon me tog lha yi rtags/ khol lam lud na 'phang ba'i drod// rnyog gam 'phro na khugs pa'i rtags// rngam tshig nyon mongs yul la 'bar// gsad pa drag po'i drod yin pas// bskul zhing bstim la lam du gzhug/ de nas bcom ldan 'das kyis nyid kyi thugs las thun sngags 'di bton to// ya ma rag shaM baM ri li li khrag la mu sha tsit+ta hur thum rag sha tsit+ta baM srog la thun b+h+yo/sngags pa chas bzlos thig le gdab// dpang gzugs lam dbye spyi bcings 'phang// khrag thun drag po'i sbyor bar bshad// rgyal mtshan me long gi rgyud las// khrag thun gyi le'u ste zhe bdun pa'o///// de nas bcom ldan 'das kyis nyungs kar thun gyi sbyor ba 'di bshad do// maN+Dal dbus su gtor ma rdzas// ya ma'i skur bsgoms bsnyen pa 'bum// gru gsum rtsang bcas thod par gzugs// lho ru bris sku g.yang gzhi 'phan// byang nub gri thod nyungs kar thun// khrag dang dug bskus sha za'i gzugs// spyang mo rngum pa pho nya bla// khyi dom rgyug pa sprul pa drod// khyung khra dur bya klad khrag srog/bdud dang mon pa shan pa len// sbrul nag gdug 'gro blo snying rtsa// sha za'i tshogs rnams rngam zhing rol// khri tsho dgu ru bla la rten// dril zhing nyungs kar spog la 'phar// de byung gzugs ya brdeb cing brab// bdud dang mon gyi pho nya mngag/ de nas bcom ldan 'das kyis sku gsung thugs las thun sngags 'di bton to// shrI ya ma rag sha dun mugs rtsa la yaM yaM srog la 'dun b+h+yo/ stag bya'i rgod ngar nyungs kar blug/rgyud med gzhu yis dgra la 'phang// drag po 'joms pa'i sbyor bar bshad// rgyal mtshan me long gi rgyud las// nyungs kar thun sgrub pa'i le'u ste zhe brgyad pa'o//// de nas bcom ldan 'das kyis dug thun gyi sbyor ba 'di bshad do// spyang dug ra dug nim pa dug/ bong nga thar nu re lcag pa// 'om mo byang pa skye khrag dug/ gri bo'i thod pa sbyar la brnag/ ling ka ming yang thod par gzhug/ 'thom nag gsum gyi kha la brdeg/mthing nag yol ba zhing lpags gur// gshin rje'i sku bsgoms bsnyen pa 'bum// bdud dang sha za mon pa bskul// thun sngags brgya rgya thod par brdeg/ shan pa'i tshogs rnams thun khrag rlob// thun brdeg dgra la dug zor 'phen// thun sngags brgya yis shan pa bskul// thun la rlangs pa 'phro na 'phang// de nas bcom ldan 'das kyis nyid kyi sku gsung thugs las thun sngags 'di bton no// ya ma kha la da rod tsa la baM ril tsa ma ri ha la snying khrag hur baM srog la thun b+h+yo/ gsang sngags 'chad la dril la brdeg/ 'od byung me 'bar khol nas 'phang// mda' yis lam dbye thod pa 'phang// 'thom chen gsum gyis ra zor 'phang// gsur chen gtang la sha za bskul// sbyor ba drug gi mchog tu bshad// rgyal mtshan me long gi rgyud las// dug thun gyi le'u ste zhe dgu pa'o//// de nas bcom ldan 'das kyis mda' thun gyi sbyor ba 'di bshad do// ri sogs dben pa'i dur khrod du// dkyil 'khor gru bzhi rgyan dang ldan// dbus su gru gsum zla kham bzhi// phyi rim rtsibs bcu sgo bzhi me// dur khrod rgyan dang gtor ma rdzas// dbus su zhing bsnol ma he'i gdan// gshin rje nag po rab 'jigs sku// sngo nag dbu gsum phyag drug pa// dur khrod chos sku me ri klong// 'khor lo kha T+wAM be con g.yas// zhing chung dgra sta thod pa g.yon// sngo nag gtum mo g.yon nas 'khyud// zla kham gsang ba'i drod 'dzin bzhi// thod pa thon khrag rlob cing 'phen// zhing chung sbrul nag sku la gsol// rtsibs la bdud po mi zan bcu// sgo bzhi bse yi skyes bu bzhi// bse khrab bse rmog thod sbrul brgyan// g.yon pa bse gzhu dug mda' g.yas// bse yi rngam khri 'brug la zhon// dug mda' ltas ngan sgro bzhis bsgron// dkyil 'khor dbus su rgya gram bzhag/'og tu ling ka ming byang brnag lha bskyed spyan drangs mchod mthar dbul// mda' bzhi 'gul 'gul thun brdeg bskul// khrag gis bran la dug ngar blud// nya gsum drag po'i tshes la 'phang// de nas bcom ldan 'das kyis nyid kyi sku gsung thugs la thun sngags 'di bton to// ya man ta ka dun mugs/ ya ma rA tsa tsit+ta rbad/ kha la yag mo yag sha ma ra dun ni dza rbad/ dun sni baM/ hur hur ling ling thuM thuM hri shag thun b+h+yo/gsang sngags sbyor ba'i rgyal po yis// rtsa rgyud dbugs lam gcod cing 'joms// rab tu brnag pa'i sbyor bar bshad// rgyal mtshan me long gi rgyud las// mda' thun gyi le'u ste lnga bcu pa'o//// de nas bcom ldan 'das kyis phur thun gyi sbyor ba 'di bshad do// yid mthun dben pa'i dur khrod du// dkyil 'khor gru bzhi sgo bzhi la// gru gsum rtsibs gzhi rtsibs bcur ldan// dbus su yab yum gri lcags 'gying// rtsibs bzhir gshed bdag mchog chen bzhi// yang logs gdug pa'i mngag 'phur bcu// khyams la las kyi gdab phur khri// mu ran kha khyer ke sing rtsang// sgo bzhir sgo ma'i mgyogs phur dgod// zhing rkyang re'am gru gsum la// rdzas kyi phur pa lha ru bskyed// spyan drangs mchod pa byin gyis brlab// sngags kyis dbang bskur phyag rgya bstan// gtso la khri khri 'khor la stong// rdzas la me 'bar drod thob na// byang nub 'brub gnas gtsang bcas bca'// thod pa ling ka byang khram brnag/ pho nya bsngags la dbang po dgug/ rten gyi gzugs la sbyor ba dbab// gnas lnga yan lag drod la brdeg/lhag ma byin brlabs mchod pa bsngo// dug lnga'i mchod ma/ ye shes lha yi gnas la dgod// dbang bskur byin brlabs brtan pa bskyed// lhag ma rjen shun ro khang gnan// drag po thun gyi sbyor ba yis// btab ba'i kun rlag gdon mi za// de nas bcom ldan 'das kyis thugs las thun sngags 'di bton to// ya man ta ka srog la hur thum rbad/ ya ma me ta k+she srog la gzer thum rbad/ ra tsa sa to ka pa ling myogs rbad/ra na yo na tsit+ta khaM rbad/ ra ya tsa ni tsa la breng shag rbad/ ma ma snying thun rag mo raM thun ru lu ru lu ki la ya srog la thun rbad/ brnag pa'i rgyal po sngags kyi thun// don gnyis kun thar bstab pa bya// bkrag dang gzi mdangs shes pa bsdu/ 'joms thog chen gzer// drag po'i phur thun gsang bar bshad// rgyal mtshan me long gi rgyud las// phur thun gyi le'u ste nga gcig pa'o//// de nas bcom ldan 'das kyis gsang thun gyi sbyor ba 'di bshad do// dur khrod rme ba'i rdzas la sogs la// phungs gsum gyi stegs bu la// dbus su gru gsum 'thom nag gzhug/ nang du rig po'i tsit+ta la// byang bu dmar nag gnyis bres la// dgra bo pho rgyud mo rgyud gzhug/ dur khrod ras la sngags bris la// rog po'i tsit+ta'i phyi nas dril// ra dang bcas pa dar gyis dgab// gtor ma brnag pa'i steng du bca'// khrag dang dam rdzas gsur gyis bskor// khrag gsum thun brdeg 'bru gsum brab// phye gsum dug gsum de bzhin bstim// thun brdeg snying gshog rtsa yang gcod// gsad pa'i drod dang dngas ma 'brel// de nas bcom ldan 'das nyid kyi sku gsung thugs las thun sngags 'di bton to// ya ma kha la rag sha da rod yaM yaM thun/ ya ma rmugs ni rmugs sni tsit+ta shag ya ma kha la ma ting shaM shaM rtsa la rbad/ bal thun snying thun myags srog la thun b+h+yo/ rnam shes brgyad dang dwangs ma bzhi// dbang po bkrag mdangs tshangs pa'i rtsa// gcod cing 'joms par byed pa'i sngags// gsang ba thun gyi rgyal po 'di// rang dbang 'dus nas rang zor 'phang// brnag pa'i yul mkhar gzugs la brdeg/ dpang gzugs 'o dod bden pa brjod// gsang thun sngags kyi rgyal por bshad// rgyal mtshan me long gi rgyud las// gsang thun gyi le'u ste nga gnyis pa'o//// de nas bcom ldan 'das kyis gdong drug pa'i sbyor ba 'di bshad do// sa gzhi brnag la rtsub pa yi// lho yi phyogs su kha bltas pa'i// brag dang sa phug gnyan sa ru// dkyil 'khor mthing nag gru gsum la// 'khor lo rtsibs bzhi thod rlon bskor// phyi rim rtsibs chen bcu gnyis la// thod skam 'phreng ba rak+ta 'dzag gru chad sgo bzhi zhing brgyad 'degs/ tshangs pa'i gdung la zhing chung ldan// nyi zla la sogs rin chen mdzes// dbus ru tra pho mo bsnol// ma he nyi zla'i gdan la hU~M// yan lag sbyor bas ya ma'i sku// nag po rngam khro brjid pa la// zhal drug g.yas dkar g.yon dmar te// 'og ma'i g.yas ser g.yon pa sngo// dbus mthing 'og ma'i dud kha rngam// spyan gsum mche gtsigs ag tshom ser// thod pa he ru sbrul gyis brgyan// phyag mtshan bcu gnyis sbom la rags// 'khor lo ral gri kha T+wAM mda'// dgra sta dbyug tho g.yas bar bsnams// ban d+ha tri shul lcags kyu gzhu// zhags pa zhing chung g.yon na bsnams// zhabs brgyad brkyang bskum dor thabs tshul// rigs bzhi brgyan pa lhu tshig gnyan// glang chen stag lpags g.yang gzhi blugs// bdud srin mgo gcad do shal spras// g.yon na sgeg mo sgo nag gtum// tri shul ban d+ha 'khyud nas stob// thugs kar ya ma rA tsa yang// sku mdog sngon po sbrul gyis brgyan// zhal gsum phyag drug sha khrag za// g.yas pa 'khor lo be con zhing// g.yon pa zhags pa dgra sta snying// sprul pa'i thugs khar nyi ma hU~M// yab yum thabs dang shes rab las// srog gi tri ta bzhi gnas// rtsibs bzhi zhing bsnol ma he'i gdan// phyi rim 'khor lo bcu gnyis la// zhing brkyang ma he'i gdan steng na// kong tshe gsod byed lha mchog dmar// shar la sogs pa'i phyogs bzhir gnas// tel pa phya sangs dmigs pa glang// shar lho la sogs mtshams bzhi gnas// nag po nag 'joms steng 'og gnas// khram thogs rtsis 'debs rtsibs gnyis la// thams cad yum rnams g.yon nas 'khyud// sgo bzhir be con lcags kyu dang// tho ba ral gri thogs pa bzhi// khro mo gtum khro rgyal chen bcas// lhun po bzhi dang bcas pa dgod// dam tshig dkyil 'khor brtan byas la// ye shes dkyil 'khor phab la bstim// bya ba'i rim pa kun rdzogs nas// lha yi bsnyen pa rdzogs par bya// thon nas gang 'dod las la sbyar// 'khor lo sbyin sreg thun gyi mthar// thod pa 'khor lo brnag pa gnan// tshe dang 'dod pa'i sid+hi blang// de nas bcom ldan 'das kyis nyid kyi sku gsung thugs las sngags kyi sbyor ba 'di bton// oM shrI many+dzu a kro te ka ya man ta ka pe la rig+sha man hU~M dza dza/ ya ma rak+ta du raM tsit+ta thun mA ra ya rbad/srog la nan/ 'khor lo sbyor ba brgya phrag gcig bsdus pas rtsa ba bcud dang gcig sbyor ba kun gyi mchog tu bshad/ rgyal mtshan me long gi rgyud las/ zhal drug pa'i le'u ste nga gsum pa'o//// de nas bcom ldan 'das kyis zhal gsum pa'i sbyor ba 'di bshad do// dug gsum sbyor ba gzhom pa'i phyir// lho yi phyogs su kha bltas pa'i// shin tu dben pa'i dur khrod dam// phug dang sa phug dben pa ru// dkyil 'khor mthing nag gru gsum la// zla kham bzhi dang ldan pa bri// thod 'phreng me ri phyi ru 'bar// lho yi phyogs kyi zla kham la// 'jigs pa'i rgyal po gshin rje gshed// sku yi gzugs brnyan bzhugs su gsol// g.yas su sgeg mo ral gcig ma// g.yon du za byed pe ta li// g.yas g.yon gnyis kyi zla kham la// sku yi gzugs brnyan dgod par bya// yang na snying po yig 'bru las// sku yi gzugs brnyan bzhugs su gsol// yang na snying po yig 'bru las// skur bskyed de ni bsgom par bya// byang gi phyogs kyi zla kham ste// snying po yi ge bris pa las// 'jigs byed ya ma rA dza yis// skur bsgoms mchog phur sor gsum gzugs// gshin rje yab yum lto ba ru// 'tshogs par sbyar ba'i ya thags kyis// kang ka'i sgro'am bya rog sgros// yi btags kyi ni gos la bri// 'khrul 'khor sbyor ba sngar bzhin las// dgra yi rkang rjes la sogs pa// ling ga sor brgyad tsog pur bzhag ri sho dang ni gro ga la// de yi rus dang ming bris la// snying kha dag tu glan te bzhag/ gshin rje yab yum bar du gzhug/tshon gyi skud pas bcings nas su// mtshan ngan ban d+ha kha sbyar du// bcug la bud med yugs sa mo'i// skra yi thag pas bcings par bya// mthing nag gru gsum steng du gzhag/ gtor ma gsum dang arga bcas// byas te dkyil 'khor 'gram du bzhag gsur chen dud pa gtang bar bya// de ltar dkyil 'khor bcas nas ni// sngags pa chas gos nag po gon// lho yi phyogs su kha bltas la// khro bo sngags kyis mtshams bcad la// ting 'dzin rnam gsum rim bzhin bsgom// khrag 'thung yab yum bskyed nas ni// spyan drangs mchod dang bstod pa bya// bshags pa dag ni gzhung bzhin bya// ma shar bgrangs pa'i tshes brgyad de// nyi shu gsum nas drug tu ni// zhag ni bzhi yi bar du ni// ya man ta ka'i bsnyen pa bya// dgongs dang tho rangs gtor ma gtang// nyi shu bdun nas gnam stong du// zhag ni bzhi yi bar du ste// gsad pa yi ni las bya ste// bdag nyid khro bo'i skur bsgoms la// lho ru kha bltas mdun du ni// ha khung gru gsum rtse mo lhor// chag gang thur du brkos pa la// ming rus bsregs pa'i sol ba yis/ kha dog nag po dag tu bya// de yi nang du ban d+ha gzhug/ gshin rje dbang du bsdu ba'i phyir// khro bo zhabs ni g.yon pa ni// rdo rje phur pa rtse gcig par// bsgoms te gshin rje'i snying khar gnan// dgug cing dbang du bsdu ba yi// snying po sngags kyi bzlas brjod ni// nyin mtshan phye la mtshan mo bzlas// gshin rje nag po 'khor dang bcas// rang dbang med par dbang du 'du// ji ltar bcol ba'i las kyang byed// snying po sngags kyi bar bar du// khro bo'i bstod ra gtang bar bya// rag ta bstabs te mchod pa 'bul// gshin rje las la btsud nas ni// dgra bo myur du gsad pa'i phyir// ban d+ha dkyil 'khor thog tu bzhag/ bcol ba'i las kyi sngags bzhi ni// nyin mtshan phye la mtshan mo bzlas// sngags kyi bzlas brjod bar bar du// rdza rnga brdungs te gshin rje bod// rak+ta bsgreng ste mchod pa btab// 'khur ba bus te spyugs pa blang// dung ting ka yi sngags brjod la// dgra bo de la gshin rje rbad// tshes gcig tu ni brtsis pa yi// nyin mtshan gnyis kyi mtshams su ni// gnan pa yi ni cho ga bya// lha klu gdug pa'i 'dugs dang// ro yi khong du song nas ni// gnan pa'i ban d+ha de nyid la// ri rab bang rim gsum pa dang// snying po lam dang bcas pa bri// snying po sngags dang ri rab bskyed// ri rab kyi ni 'og tu gzhug/ steng du lha yi pho brang gdab// 'jigs byed ya ma rA dza yi// mchog gi phur pa sor gsum pa// gnan pa'i sngags ni stong bzlas la// rdo rje phur pa brtse gcig tu// bsgoms te ling ka'i snying khar btab// gshin rje yab yum lto bar gzhug/mtshan ngan ban d+har bcug nas ni// snga ma bzhin du thag pas bcings// ro yi khung bur sbas te bzhag gshin rje nag po'i lag tu gtad// ya man ta ka'i sngags kyis gzir// gdon mi za bar gsod par byed// las kyi gnas smin sbyang ba'i phyir// bskang gso'i cho ga rgya cher bya// de nas bcom ldan 'das kyis nyid kyi sku gsung thugs las gsang sngags kyi sbyor ba 'di dag bton no// oM shrI many+dzu a kro te ka ya nam ta ka de bI kro d+hI shwI yag+sha dza dza/ma ma e ka dza ti sa ma ya stom ru lu ru lu hU~M b+h+yo hU~M dza dza/ oM a kro te ka ya man ta ka ha na ma tha pan dza hU~M/ ya ma snying sha sha dzA dzA dun yam snying ru pa sha ya ma A kar+sha ya hU~M dza dza/oM hri Sh+ti bi kri tA na a mu ka sha trun nA sha ya hU~M phaT/ ya ma me ta k+she a ka pra ma ya rbad ya rA dza sa to a mu ka rak+ta ra tsa ya rbad ya/ ru na yo ni a mu ka mur dza yA rbad ya/ ra ya tsa ni a mu ka mA ra ya rbad ya/ oM shrI many+dzu che ge mo ka la rU pa stam pa ni hU~M phaT/ hU~M ya man ta kri ta badzra ma hA kro d+ha hU~M/ stam pa ya nan nan/ gsad pa mchog gi sbyor bar bshad// rgyal mtshan me long gi rgyud las// zhal gsum pa'i le'u ste nga bzhi pa'o//// de nas bcom ldan 'das kyis zhal gcig pa'i sbyor ba 'di bshad do// gzhan yang zhal gcig sgrub pa ni// dur khrod chen po'am gnyan ra ru// gtor ma bdud rtsi sha chen snying// mchod pa rak+ta dur khrod rgyan// bshams la zhing bsnol ma he'i gdan// hU~M las khro bo gshin rje'i sku// zhal gcig phyag gnyis sku mdog nag/ spyan gsum dbu skra sbrul gyis bcings// stod nas me 'bar glang chen gyon// smad nas khrag 'dzag stag lpags sbrul// bdud dang ma mo mgo bos brgyan// mu stegs snying 'phreng do shal byas// snyan cha mgur chu gdub sor kun// rigs bzhi sbrul gyi brgyan pa'o// g.yon na mi zad gtum khro ma// mthing nag zhing gi gos zu can// thod pa rin chen sbrul gyis brgyan// g.yas pa kha T+wAM tri shul 'khyud// g.yon pa be con thod khrag yab la bstob// thugs ka'i sa bon hU~M dang ma// sngags dang ldan pa mdun du bskyed// sngags pa ya nan ta kar bsgom// sngags kyis spyan drangs mchod la bstod// rak+ta sbrengs la mchod pa dbul// mdzo rtol spre'u'i thod pa ru// brnag pa'i ling ka ming rus gzhug/ mkhar nag skud pas thod par bsdam// rme ma 'am bsnol ma'i zhabs mas gril// mthing nag gru gsum nang du gzhug/ snol khrag gri khrag yugs sa'i khrag/ rdo phye lcags phye zangs phye gsum// nyungs kar skye tshe bra bo'i thun// phur pa ral gri brnag pa'i mtshon// thun bzhi'i sbyor bas brab cing gsad// nya gsum mtha' ru klu la gtad// drag po thun gyis bzlas brjod dang// nyin mo gtor ma nub mo dril// gshin rje nag po'i lag tu gtad// dregs pa mtsho 'khrugs stobs kyis gnan// drag po sngags kyis gzir la bca'// lha yi pho brang brtan par brtab// de nas bcom ldan 'das kyis nyid kyi sku gsung thugs las gsang sngags kyi sbyor ba 'di dag bton to// oM a kro te ka ya man ta ka pe ta li hU~M dza dza/ ya man ta ka ma ma hri sti srog la ling thun/ ling thun rbad/ ma ma kro d+ha tsit+ta breng shag rbad/ ka li rag mo tsit+ta phrig phrig shaM ni rbad/ya ma me sa ma ya srog la thum thum nyal nyal rbad/ ya man ta ka ma ma hri ti che ge mo'i srog la gzir nan/ mchog tu sngags pa'i rgyal blon 'joms// thun bzhi las kyi sbyor bar bshad// rgyal mtshan me long gi rgyud las// zhal gcig bsgrub pa'i le'u ste nga lnga pa'o//// de nas bcom ldan 'das kyis gshed bzhi'i sbyor ba 'di bshad do// gsad bcu rtsa ba'i man ngag mchog/ de yi sbyor ba 'di lta ste// ri nag 'ja' tshon chu gling du// dkyil 'khor dug gi chag chag gdab// dbus su gru gsum rtsibs bzhi ldan// thod 'phreng gru chad rgyan rnams mdzes// sgo bzhi mtsho gling dur khrod 'dud// gnas kyi dkyil 'khor rab 'jigs pa'o// dbus na yi btags ma he'i gdan// snying sna don khrag thod par bcas// ya man ta ka rdzogs par bskyed// rang 'dod yan lag 'khyud pa'i yum// gtso dang gnyis med 'khyud pa las// rtsibs bzhi gdan la kri kra bzhi// gcer bu zhal gcig phyag gnyis pa// thod skam dbu rgyan gdengs ka sbrul// thod rlon do shal rigs bzhi'i brgyan// phyag g.yas zhing chung 'khor lo g.yon// smug nag ser nag dmar nag ljang// yum yang yab la 'khyud nas stobs// tsit+ta ban d+ha g.yas dang g.yon// rdzogs pa'i tshul du gdan la dgod// spyan drangs mchod dang rag ta btab// bsnyen pa'i drod rtags gcer bu 'bum// gdug pa'i sngags bzlas mtshon cha brdeg gsad pa'i ro la za yin rol// 'od sgra mthong nas 'khor lo bskor// gshed kyi sbyor ba bcu gnyis gcig 'og nas bshad pa'i sbyor ba bsdeb// las kyi mtha' btul gnyan la gtad// sngags kyi sbyor ba gsum du brdeg/ de nas bcom ldan 'das kyis nyid kyi sku gsung thugs las gsang sngags kyi 'phreng ba 'di bton no// oM ya ma me ta k+sha hU~M dza dza/ rgyal mtshan me long gi rgyud las/ gshed bzhi'i bsgrub pa'i le'u ste nga drug pa'o//// de nas bcom ldan 'das kyis 'jam dpal zhi ba'i sbyor ba 'di bshad do// sa gzhi snum la 'jam pa'i phyogs// skyed mos tshal dang bde gnas su// dkyil 'khor gru bzhi spos dang ldan// chos kyi pho brang zlum por bya// nor bu'i 'phreng ba zlum por bskor// phyi rim pad+ma 'dab brgyad mdzes// dra ba dra phyed 'dod yon spras// rin chen chun 'phyang dril bus brgyan// rdo rje me 'od bum pas mdzes// rin chen me tog 'phreng bas brgyan// phyi khyams sems dpa'i gdan dang ldan// sgo bzhi rgyan dang ka pas 'degs// ba dan dril bu yid 'ong bskyod// gtor ma mchod rdzas lcang lo rten// bkra shis rdzas dang bdud rtsis dgang// dkar dmar dar dang hU~M rgyas gdab// gtso bo'i mdun du gzhag par bya// lha yi gzhal yas mdzes par bshad// chos kyi pho brang seng ge'i gdan// pad+ma'i gdan la hU~M las bskyed// sku mdog dkar ser gzhon nu'i tshul// rin chen dbu rgyan snyan cha brgyan// mgur chu tshangs skud do shal can// sems dpa'i skyil krung dbus nas 'gying// zhal bzhad tshems bzang smin mtshams 'brel// dbu skra lcang lo mthon mthing kha// phyag gi 'khor lo rab tu mdzes// 'gying bag 'khril ldem gzhon tshul can// g.yas pa ral gri po ti g.yon// thugs kha'i sa bon dang ldan pa'o// 'dab brgyad pad+ma'i gdan stengs na// shar la sogs pa'i phyogs bzhi ru// sems dpa'i rin chen chos dang las// rigs lnga'i dbu rgyan do shal mdzes// phyag mtshan ming gis mtshon pa'o// mtshams bzhir lA s+ya mA le dang// glu gar lha mo bzhi dang ldan// gra bzhir dbyangs nas mchod ldan ma// tsar tsi ka dang phag mo bzhi// dkar 'jam rgyan ldan bum pa thogs// gtso la phyogs shing gzhom tshul ldan// khyams la sems dpa' bcu drug ldan// sgo bzhir rdo rje be con dang// ral gri gtun shing thogs pa yis// gtum mo ro langs yag sha hri// rdo rje gsod byed byang du dgod// spyan drangs mchod mthar dbang bskur brlab// sngags pas thun bzhir bzlas pa bya// sngags kyi bar bar mchod dang bstod// gang 'dod dngos grub 'phrin las bcol// skye med gnas nas snying po bskul// sngags bzlas spros la khams gsum sbyang// mtha' ru zhi ba'i sbyin sreg dbul// sngags pas bkrus la dngos grub blang// de nas bcom ldan 'das kyis nyid kyi sku gsung thugs las sngags 'di bton to// oM shri many+dzu ma hA shAn+ti ku ru hU~M dza dza// thab khung pho brang dkar la zlum// bsregs shing bsreg rdzas de bzhin sbyar// gsang chen sngags bcus mchod pa dbul// dngos grub gang 'dod thob par bshad// rgyal mtshan me long gi rgyud las/ 'jam dpal zhi ba'i le'u ste nga bdun pa'o//// de nas bcom ldan 'das kyis thar byed 'byung ba'i sbyor ba 'di bshad do// dang po'i sbyor ba 'di lta ste// gshin rje gshed kyi sbyor ba las// thar byed 'byung ba'i 'phrin las 'di// myos dang mgo 'khor brlams pa dang// yid 'khrug khrag tu skyug par byed// sgrub pa'i mthar byed drug tu bshad// ya ma thar byed sbyor ba ni// yi btags gos la thang ba bya// thig bzhi btab las sum brtsegs bskor// 'khrul mig brgyad dang bcu gnyis dang// mtha' ma bcu drug ldan par bya// bcu bdun sngags kyis mdzes byas la// bcu drug dbyangs kyis legs par bskor// hri sti sngags dang lto sbyor la// ya ma rA dza'i tshogs bkug la// byin brlabs bstan pa'i ngar dang ldan// gsang mdzod bzhi dang 'bub gnas su// bsgral ba'i zhing bcu bkug la bzhag/ bdag nyid gshin rje thar byed sku// yum dang bcas pa bsgom byas la// phyogs bcu'i ya ma thams cad kun// ma lus rngam mam dregs pa'i tshul// bzlas pa'i snying po ma nor bar// sgra dang 'du byed rab spangs te// rab tu sdang mig sdang sems bcas// g.yeng dang bcas pa'i sems spangs la// nyin mtshan rgyun du dka' thub brtan// bar bar bskur zhing las gnyer gtad// bcol ba'i las kyis sngags bzhi yang// nyin mo bzlas shing pho nya rbad// hri sti mtshan mo rbad cing dgug/ rigs kyi rgyal pos brgyan byas la// dbang sdud drag po'i las dang sbyar// mi dmigs gtso bo'i sngags rgyas gzir// sgrol dang mthar phyin gnas la dgod// khro bos rigs kyi ting 'dzin brgyun// sgyu ma'i dbang bskur ting 'dzin rten// go 'phang bla med sbyor bas bgrod// rjes su brten cing cho 'phrul ldan// thugs rjes zhe sdang gnas su sgrol// shes rab sbyor bas 'dod chags sgrol// ye shes sgrol mas gti mug sgrol// yon tan bde bas nga rgyal sgrol// gtang snyoms lhag pas phrag dog sgrol// me dang 'od dang sbrang bu'i tshul// me lce drod kyis sbrang rtsi ltar// bdud dang mu stegs rgyal po dang// log pa'i sems 'chad dgra dang bgegs// shes rab thabs kyis gzir nas sgrol// tha dad sbyor ba'i 'brel ba yis// yid 'khrug khrag skyug sgrol ba mchog/ ral gri thog mtha' spu gri'i sngags// gnas dang gnad pa ma yin rten// nyon mongs las dang sdug bsngal srog rgyu dang rgyu min bag chags bla// bsgral nas thar pa'i gnas su sgrol// de la drag po'i stobs dang ldan// las dang bya ba'i rtsol ba rnams// nyams kyi drod dang ldan par sbyar// mi 'am phag gi mgo bo la// gi haM rgya skyegs khrag gis bris// rgya gram ri rab gru gsum la// 'og nas 'byung ba'i gsang sngags dang// gang yang dmigs pa spel byas la// rak+ta dug gi chu yis bran// dgra dang mu stegs gnod byed kun// bdud dang srin po ma lus rnams// gzir zhing mnan pa drag tu bya// mi mthun phyogs su 'dul byed 'du// skur bsgoms thams cad bsgral zhing brnag kha sbyor thod pa sngar bzhin bca'// zhe sdang gtum khro'i phyogs su gnan// de nas bcom ldan 'das kyis nyid kyi sku gsung thugs las sngags kyi sbyor ba 'di dag bton to// hri Sh+ti pi kri tA na na hU~M che ge mo sha trun nA sha ya mA ra ya rbad/ ya sogs bcu bdun snga ma bzhin/ hri Sh+ti tA na na b+hi a ti nan hU~M che ge mo sha truM nA sha ya staM b+ha ya nan/bya ba kun rdzogs ya ma'i las// mthar byed 'byung ba dang por bshad// rgyal mtshan me long gi rgyud las// gshin rje mthar byed kyi le'u ste nga brgyad pa'o//// de nas bcom ldan 'das kyis log 'dren thar byed kyi sbyor ba 'di bshad do// rang bzhin grub pa'i gnas btsal ba// bdud dang srin mo rngam pa'i tshogs// mu stegs dgra dang dmigs pa'i gdon// gdul phyir log 'dren thar byed bsgrub// 'phrin las rgyal po 'khrul 'khor bca'// 'khor lo snga ma bzhin bris ya// 'khor lo dbus kyi lte ba la// bdud rnams bsngags pa'i snying pos bskor// shar du dri za'i snying po bri// lho ru grul bum de bzhin bri// nub tu klu yi snying po bri// byang du gnod sbyin rgyud grol gnas// du na big+h+nan/ rak+sha kra hU~M/ tir rgya ka ta tsa/ nA ga hri ta nan/ da pa ra hU~M yaM/ gsang mdzod bzhi yi mun khang du// srog dgug dbye dang gsad gzir bzhi// snying po mda' dang bcas pa dgod// ni dza A kar+sha ya/ ni ba spu phaT/ nri mA ra ya rbad/ nri srog la big+h+nan/ thod pa rlon pa bris byas la// mu khyud thod pa'i 'phreng bas gtams// phyi rol sbrul gyis yongs su bskor// rnam par tshe ba'i gzugs byas la// khyi spyang dar ma'i thod par ldan// yang na kham pa'i ga 'ur bca'// dar ram skud pa dmar pos bcings// gru gsum dbus su bzhag par bya// rtse gcig phyag rgya'i skur bsgoms la// gtum mo mi zad mi ro za// g.yas pa ral gri lcags kyu g.yon// gnod sbyin lpags pa'i thod pas rgyan// rlung ngam yid kyi rta la zhon// gzhon nu nor bus brgyan pa'i yul// bcas la zhag gsum drag por bzlas// bgegs dang log 'dren dbang du 'du// gzhan yang de bzhin khro zhing rngam// dkar dmar ser dang smug ljang nag/ so so'i cha lugs rngam pa'i gzugs// mgon po gshin rje nag po yis// bgegs dang log 'dren gzir zhing rbod// rngam pa'i zhal du za yin rol// nyin zhag gsum gyis bzlas pa rdzogs// yang nas yang du gzir zhing gnan// lan grangs stong rtsa gcig tu brdeg gtad pa gong gsum rgya gram sar// ma yengs brtson 'grus brgya stong mthar// bde ba med pa'i gzugs rnams gnan// de nas yang bcom ldan 'das kyis nyid kyi sku gsung thugs las sngags 'di bton to// du na b+hi na nan/ rak+shaM kra hU~M/ tir rgya ka ta dza/ nA ga hri da nan/ da pa ra hU~M yaM ni mA ra ya rbad/ sbyor ba bzhi dang ldan par gdags/ rgyal mtshan me long gi rgyud las/log 'dren mthar byed kyi le'u ste nga dgu pa'o//// de nas bcom ldan 'das kyis gnod sbyin mthar byed kyi sbyor ba 'di bshad do// zhing ras rgyu la 'khor lo bca'// mu khyud gsum bskor thig bzhi gdab// 'khrul dmigs brgya dang bcu gnyis gdab// mtha' ma bcu drug gcod pa'i gnas// ya ste tsa ba la las skyed// me la srog ste ta la sdud// g.yo byed k+she la khyab par gsal// rtsa ba'i 'khor lo klong bu mig ra ste srog byed tsa la sdud// sa te skyed pa to te smin// ru yis 'phul zhing na la 'bebs// yo la g.yo med ni la srog/ ra ste spor byed ya yis bskyod// tsa de dbang byed ni la thim// gshed bdag 'khor los gcod cing 'bigs// mtha' ma drag po spu grir ldan/ kha sbyar ming rus thod par ldan// mthing nag dbus su brnag pa gzhug/ rang nyid gnod sbyin mthar byed sku// yab yum yan lag rdzogs par bsgom// gnyis med byang chub sems spros pas// yum gyi pad+mar 'khyil zhing 'dril// 'phros pas sangs rgyas byang chub mchod// bdag dang bcas pa'i gzugs bsgral nas// slar 'dus yum dang bcas la myos// gdug pa 'dul phyir 'od zer spros// khro bo chen po'i dgra ston pa// las kyi mthar byed 'phrin las bskul// sdang byed gnod sbyin mthar byed ltar// bar chad med par spro zhing dgug/ de dag zil gyis gnon cing 'joms// de yis dngos dang sku yi mdangs// nag po chen po gnod sbyin 'khol// dbu skra kham nag gyen du 'khyil// thod pa sbrul mgo'i dbu rgyan can// phyag g.yas zhing chung ban d+ha g.yon// spyan gsum mche gtsigs brkyang bskum bzhugs// mi mthun bgegs dang sdang ba'i dgra// ma lus 'phrin las mchog gis 'joms// dregs pa khyo shug gdan la 'dug/ zhing chen g.yang gzhis brgyan byas nas// glang chen stag dang thod sbrul brgyan// 'dren pa'i stobs kyis 'gugs shing 'ching// las kyi rgyal pos sgrol gyin stobs// 'gro ba'i shes pa ri pa dbyings la dgod// zhe sdang thugs 'chang khro bo'i rgyal pos gnan// gdug par gyur pa'i sa ru thod mkhar gdab// nga rgyal la sogs dug gsum lto bar 'chang// ye shes ngang las thams cad rdzogs par byed// rtag tu gsod cing gnan pa'i snying po bzlas// de nas bcom ldan 'das kyis nyid kyi sku gsung thugs las gsang sngags 'di bton to// oM hri Sh+ti bi kri tA na na tsa ya ra ma ta hU~M phaT/ ba yu yaM khaM me dra hri sti a mu ka mA ra ya rbad/ 'khor lo bskor zhing gsang sngags bzlas// gsang sngags mi bul mi drag par// bzlas na yig 'khrug myos shing gsod// rab tu brgyal nas thal bar 'jig/ gnan pa gdug pa'i sa ru bshad// rgyal mtshan me long gi rgyud las// gnod sbyin mthar byed kyi le'u ste drug cu pa'o//// de nas bcom ldan 'das kyis yi btags mthar byed kyi sbyor ba bshad do// mthar byed 'byung ba'i dkyil 'khor ni// gru bzhi dbus su pho brang brtsam// me thab e yi phyogs can la// bang rim sum brtsegs kha khyer can// ngos la mi yi 'phreng ba gdags/ kha khyer rdo rje ra ba la// mu ran thod pa'i 'phreng ba ste// bsregs shing ming rus shing dang sbam// me la kha dog shin tu gnag/rid pa zhugs gling bgrang 'phreng bsnams// mthar byed be con thod pa thogs// tshul bzhin spyan drangs mchod dang bstod// gang ltar 'dod pa'i 'phrin las bcol// sbyin sreg mchod rdzas brnag pa'i gzugs// dug dang lam tshwa thar nu khrag/ skye tshe sbrang rtsi nyungs nag tshil// gu gul nag po lcags phye rus// bdag nyid lnga yi skur bsgoms la// mchod pa gsang sngags brgya yis dbul// phyag rgya zil gnan mtshon chas gtub// dkyil 'khor bskor gin gsang sngags bzlas// mar khu chen po gsum gyis dbul// de nas bcom ldan 'das kyis nyid kyi sku gsung thugs las gsang sngags 'di bton to// oM hri sti par kha na raM raM laM khaM a mu ka raM mA ya hU~M phaT/ rgyal mtshan me long gi rgyud las/ yi btags mthar byed kyi le'u ste re gcig pa'o//// de nas bcom ldan 'das kyis klu mthar byed kyi sbyor ba 'di bshad do// srin po klu dbang kun bsdus nas// mthar byed 'byung ba'i 'phrin las brtsams// dkyil 'khor gru bzhi pho brang zlum// zla kham bzhi dang ldan pa la// dkar nag sbrul dang thod pas brgyan// dbus su ya ste shar du ta// yo ni lho la ru ni nub// byang du ra dgod zla kham steng// bdag nyid 'ching byed byad kyi sku// dbu gsum phyag drug dkar dmar gnag/ ba spu gsal zhing lcags kyu g.yas// chu gri ka ta rgya gram g.yon// glang chen stag sham zhing chung brgyan// dur khrod klu dbang rgyan mchog ldan// ma lus sku la sogs pa la// gdug pa 'dul ba'i glu 'di blang// mi shigs rdo rje gar gyi bdag/rdo rje gsang ba gshin rje yi// 'phrin las rgyal po grub pa'i las// mtshan ma gsum gyis byin rlabs la// gsang sngags bzlas pa'i 'od zer gyis// nam mkha' dang ni 'od kyi lus// phaT ces brjod las bskul zhing 'pho// 'jig rten khams rnams 'od kyis 'gengs// ye shes me yis sreg cing sbyong// stong zhing gang zhing 'od 'phros nas// shes rab ye shes me bo che// kun gyi bag chags sbyong bar byed// nam mkha' nyid las 'od zer 'byung// sngags kyi 'od zer 'phro zhing 'du// sems las byung ba'i nam mkha' sreg/ 'phrin las gdon mi za bar 'grub// de nas bcom ldan 'das kyis nyid kyi sku gsung thugs las gsang sngags 'di bstan to// oM ma hA nA ga ya ni smig ta bur be ya ra ne dza che ge mo'i srog la mA ra ya rbad/ gsang sngags spel na 'phrin las mchog/ mthar byed 'byung ba'i gnan par bshad// rgyal mtshan me long gi rgyud las// klu mthar byed kyi le'u ste re gnyis pa'o//// de nas bcom ldan 'das kyis ro langs nag mo'i sbyor ba 'di bshad do// dang po shin tu dben pa yi// brag dang dur khrod sa phug tu// sa gzhi gnag la rtsub pa la// khru gang mda' gang legs par bsham// dbus su gru gsum nag po la// rtsibs bzhi sprul gyi chun pos rgyan// sgo bzhi thod pa dril bu bzhi// gtor ma sha chen dug sna 'bru// me tog khrag sna dug chu chang// bshams la lcang lo lnga dang ldan// dbus su bdud rtsi pad+ma'i khrag/ gsur dang mchod pa dur khrod brgyan// bshams la mthing nag gur gyi gdab// rtsibs bzhir ban d+ha bya rgod snying// gser dang sbrul gyi phye ma dang// ser ba phyi nang chu yis dgang// thog thag bzhi yi rdzas su bsham// dbus su ro langs nag mo'i sku// 'gying bag rngam tshig nu ma 'bur// yan lag rags la tshigs mig zlum// spyan gsum khrag gi mchi ma 'dzag zhal gdangs mche gtsigs dug rlangs 'phro// g.yas pa brtse gsum ban d+ha g.yon// sku la zhing lpags sbrul gyis mdzes// thod pa rdo rje rgya gram gtams// zhabs gnyis ma stang nyi ma'i steng// rtsibs la dregs pa'i thog bdag bzhi// ma la sku bskyed ral pa can// smug nag 'jigs pa'i zhing lpags gsol// dbu la gser dang mu tig brgyan// g.yas pa ral gri ban d+ha g.yon// sbrul dang thod rlon kun la mdzes// dri za klu 'bum klu dbang dang// gnod sbyin gdan ya rim bzhin dgod// sgo bzhir khro bo khrag gis dgang// bsnyen pa'i drod dang rtags phab la// ba su'i sbru su ma la gdags// gri lcags gzar bus rme khrag brlab// gsur dang rgya shug dud pas bdug phyag 'tshal bskor ba byed na bsdu// rgyang lam sbyo ba byed na dbye// khro tshig me rlung phyag rgyas gzir// cha lugs mi sdug gnag na brab// mi shi sa ltas log shis gzir// dkar mo mdzes na bzhad na blang// 'o byed sbyor ba byed rab// sbyor ba mdangs kyi mchod pa dbul// pho brang dbus su dam rdzas bsdu// g.yog mo bzhi la phyag rgya bstan// bran mo'i tshul du las la bsngags// rgyal ba'i bka' nod yun du srun// gsang ba bcud kyis drod blangs la// ma mo srin mo sha za mo// pho nya mo dang las byed ma// kun gyi snying po gsang sngags brdeg/ling ka thod pa ming rus la// nyungs kar thal bas dong du brab// thun sngags sbyor bas rims nad 'bebs// gsang sngags sbyor ba gsum du sbyar// de nas bcom ldan 'das kyis nyid kyi sku gsung thugs las gsang sngags kyi sbyor ba 'di bton to// oM rag mo te kun snying kha rag ma breng breng/ tsa dun hrI dza/ rag mo tsa la baM ril srog la hur thums/ tsit+ta he he ma d+ga la b+h+yo/ ma ma snying kha rag mo dgra la thun rbad/ rag mo rag sha tsit+ta la rbad/ khug thang tsa rbad/ ru lu khaM myags srog la rbad/ bod pa me 'bar drod la brtag rbad pa bla dang bkrag mdangs dbye/ gsad pa mngon byung mtshon brdeg ltar/b+h+yo yis btab la drag tu 'phang/ lus dang yul dbang 'phrog cing gsod/ g.yo med spogs pa med par bshad/ rgyal mtshan me long gi rgyud las/ ro langs nag mo sgrub pa'i le'u ste re gsum pa'o//// de nas bcom ldan 'das kyis ro langs dmar po'i sbyor ba 'di bshad do// brag dang chu gling mchog gi sar// sa sna gsum la stegs bu bya// khrag sna gsum gyi chag chag gdab// dbus su zla kham kha sprod bri// thod pa dgu yi 'phreng bas bskor// phyi rol rgya gram rtse mo bzhi// rigs dang mthun pa'i kha dog la// mu ran thod pa gong ma bzhin// gru chad sgo bzhi rgyan dang ldan// dbus su zhing bsnol nyi ma'i gdan// sha las ro langs dmar po'i sku// gtum khro mo bzad khrag gi klong// sku stod zhing lpags g.yang gzhi la// thod pa rdo rje rgya gram rgyan// sku smad dred sham dril bus brgyan// snying gi 'phreng ba do shal tshul// rin chen dbu rgyan sbrus mgos gdengs// g.yas pa 'khor lo ban d+ha g.yon// rgya gram zhing rkyang zla ba'i gdan// mkha' 'gro mgo brnyan bzhi yi sku// smug nag ser nag dmar nag ljang// g.yang gzhi thod sbrul sbrul pa'i mgo/g.yas pa gri khug g.yon ban d+ha// brgya yis bos la khri yis bsdu// gsang sngags sbyor ba snga ma bzhin// thod pa'i phyi rol gsang sngags ldan// nang du ming rus khrag dang dug gsang sngags bzlas shing rag tas mchod// grub nas rbad la thun gyis brab// srod gcod shan pas las gnyer gtad// de nas bcom ldan 'das kyis nyid kyi sku gsung thugs las gsang sngags 'di dag bton to// oM rag mo ma hi badzra snying kha rag ma srog la rngubs rngubs dza/ rag mo snying rtsa shon baM ril li b+h+yo/ tsit+ta gshogs rak+sha khaM rbad srog la thun yaM sho na thun mugs nri rbad/ phyi nang gsang ba'i drod la brtag/snga ma bzhin du las kun brdeg/ thod mda' khrag gi sbyor bar bshad// rgyal mtshan me long gi rgyud las// ro langs dmar mo'i le'u ste re bzhi pa'o//// de nas bcom ldan 'das kyis// lha mo nag mo'i gsang sngags kyi sbyor ba 'di bshad do// gzhan yang lha mo nag mo yi// gsang ba sngags kyi sgrub pa yang// ri gsum rtse dang chu gling mdor// nag po gsang ba'i dmod pa yang// maN+Dal khru gang chag chag gdab// gru bzhi mdzes pa ro dang bcas// dbus su gru gsum zod pas bskor// phyi rim rdo rje rgya gram la// thod pa'i 'phreng ba dag dang ldan// gru chad mtsho gling bzhi dang bcas// sgo bzhi dur khrod zhing gis sbras// mchod pa'i rgyan dang dra bas mdzes// gnas kyi dkyil 'khor rgyan dang ldan// gtor ma rag ta mchod pa'i rdzas// bdud rtsi gling bu gsur chen spos// bse khab dung sgo g.yu bad brgyan// dar dang ba dan zhing chung 'chang// de mo bzhi dang snying 'phreng bskor// steng du lho mo dre nag zhon// nad dang mtshon sprin thod pa sbrul// dur khrod chas dang nor bus brgyan// mdung dang ban d+ha thogs nas rngam// sbrul nag ral pa rgya gram sbrul// nyi ma g.yang gzhi do shal can// re lde khro chu rin po che// bse mkhar dbus kyi steng nas 'gying// shar la sogs pa'i phyogs bzhir ni// srin mo gsod par byed pa bzhi// seng ge stag chen glang chen 'brug zhon nas g.yang gzhi thod sbrul brgyan// g.yon pa thun gyi thod pa thogs// g.yas pa kun gyi tsit+ta 'dod// ban d+ha re dang bcas pa'o// dkyil 'khor dbus su dgod par bya// mdun du ban d+ha lcang lo ru// snying gsum 'bras bu dbang po lnga// bdud rtsi dang bcas rten pa'i rdzas// rgya gram bzhi la ban d+ha re// snying khrag dang bcas dgod par bya// dkyil 'khor sgo yi nang 'khor du// mi nag bcu gsum dar dang ldan// 'brang rgyas shal nag zla kham bya// bshos bu nag po bzhi yis bskor// tha ma yol dang steng nas gur// zhing chung bzhi dang bla res brgyan// lha dang rdzas rnams rdzogs par dgod// dkyil 'khor lho nub 'brub khung du// mtshan ngan ban d+ha ling ka ming// bcug la thun gyi rdzas kyis skor// phur pa khrag sna nyungs kar dug/ tsha ba'i rgyal po bskus la dgram// brnag pa rten gyi sbyor ba'o// sngags pa gshin rje nag por bsgom// thugs kar snying po sngags dang bcas// gtso bo'i thugs kar zla ba la// bzlas pa'i sngags rnams 'od du 'phro// ba spu gser gyi sbu gu nas// 'od 'phros ma bskul phyogs mtshams gang// mchog gsum bsdus nas spyan drangs mchod// rak+ta sbrengs la gdung bas bod// rdzas la brten te dngos grub dbab// dkyil 'khor dbus su nag mo'i sku// khro gnyer 'jigs ma bzhad cing 'ong// me yi phung po spor zhing thor// khrag dang rgya mtsho bskyil zhing rlob// rgyal ba'i bka' nod rab tu blta// 'o byed rgyan byed sbyor ba ston// glu gar dmag 'dren 'bring du bstan// lci thibs 'od sgra sgrub khang 'tsheg rgyal ba'i grub rtags mtha' mar bshad// 'dod pa mthong na drag po brtsam// ban d+ha dbus sam gru chad 'phro// rgya gram bzhi la lcags phur dgod// gru gsum dbus su lha mo'i gzugs// phab la snying khar ming rus gzhug zhag bdun rbad sngags gtor chung re// drag tu bskul zhing lha dang dpral// srin mo bzhi la las gnyer gtad// zhag gsum gsang sngags thun gyis brab// phur pa btab la mtshon chas gtub// lha mo nag mo'i tshogs la btab// dgra la ban d+ha zor du 'phang// ling ka ming rus thod par gzhug thod pa dur khrod gtan la gnan// mdos dang gtor ma byang shar gtang// dkyil 'khor phyags la zor du brdeg de nas bcom ldan 'das kyis nyid kyi sku gsung thugs las gsang ba'i sngags 'di bton to// oM tad+ya thA/ rag mo trag rag sha ma hi srog la dza dza/ ma ma rag mo ka ling srog dun dun dza/trag rag sha ma hi srog la breng breng thum ri li li b+h+yo/ trag rag sha ma hi dun b+h+yo re ma ti/ dgra bo'i srog la hur hur thum thum mA ra ya rbad/ gsang sngags sbyor ba rdzogs pa dang// ri lu'i nang du ming rus gzhug ri lu'i zhing ras sngags kyis dril// phag mo'i lto bar bcug la gnan// gzugs de 'gul khug 'og tu gnan// brgya phrag bzhi yi sbyor ba yis// sbyor ba'i brda de rdzogs par btul// ra ba bzhi la mdos kyis bskang// tha chung bzhi la zor gyis bskul// nag mo dug mda' gsang ba 'di// spu gri dug gi nags tshal la// mdzes pas kun gcod mi 'chor byed// dug sbrul nag po'i sbyor ba bzhin// 'dzin pa mi gtong khong dug skems// sbyor ba'i ro bzhin bdun brgyud du// dbang po lnga dang bcas pa skyems// dug mda' lha mo gsang ba'i dug/ mtshon cha dug me spu gri dug/ dug gi dug 'joms sbyor ba mchog/bsdus pas mchog gi snying por bshad// rgyal mtshan me long gi rgyud las/ lha mo gsang ba dug mda'i le'u ste re lnga pa'o//// de nas bcom ldan 'das kyis bdud kyi sbyor ba 'di bshad do// gsod byed bdud kyi las 'di yang// dur khrod me ri 'bar ba yi// gyel pa'i shing dang brag nag spungs// dgon pa chen po gnas dag tu// dkyil 'khor tshad dang ldan pa bya// dbus su gru gsum zhing bsnol gdan// phyi rim 'khor lo rtsibs bcu la// zhing rkyang gtum pas bcas pa'i gdan// sgo bzhi rgyan dang ldan pa la// rdo rje dang ni me rir ldan// gtor ma gnyis dang rag ta gsur// mchod pa'i rdzas dang dam rdzas dgram// khyi dom ka li ta dang lug dom snying bshams la g.yag rur gzhug dbus su gshin rje nag po sku// yum dang bcas pa rdzogs par bsgom// rtsibs la lcags phur bcu las bskyed// dang la bdud kyi rgyal po bcu// zhal gcig phyag gnyis sku mdog gnag/ sku la zhing chen thod pa sbrul// dbu skra spyi bcings sbrul gyis bsdams// ral gri zhags pa g.yas dang g.yon// rang rang yum dang 'gu ba'i mdangs// g.yas pa tsit+ta ban d+ha g.yon// sgo bzhir bdud kyi pho nya bzhi// gcer bu mi thod do shal can// tshe 'phrog srog len bla la rku// bkrag mdangs phral nas gtso la stob// lcags kyus drangs shing tsit+ta g.yon// bdud kyi sprul pa gcer bu 'bum// zhags pas gzung nas khram la 'debs// bkug cing bstim la rak+ta bstab// dur khrod mi yi sog pa la// ming rus bris la g.yag rung gzhug/ mtshon gyi skud pas kha bcad cing// zhing lpags dril las 'og ru gzhug/ dug gi thun brdeg gzugs la brdeg/ bsgo bzhi bskul la shes pa dpral// nam gyi 'jing la ra zor 'phang// g.yag ru dur khrod ro khang du// bdud kyi khram la btab la gnan// de nas bcom ldan 'das kyis nyid kyi sku gsung thugs las gsang sngags 'di bton to// oM ya ma dun dun kha la yal yal/ dam dam ha ba ta kri hU~M dza dza/ kri yaM dun kring bla tsa la thuM thuM b+h+yo tsa la nyal srog la rbad/sgo dgu sngags kyi 'od kyis dgang// lcags kyi sdig pa rtsa la 'jug/ rtsa gcad khrag skems blo snying 'dral// bdud bsgrub sbyor ba'i las su bshad// rgya mtshan me long gi rgyud las// bdud nag po'i le'u ste re drug pa'o//// de nas bcom ldan 'das kyis dmu bdud kyi sbyor ba 'di bshad do// rA dza ka la'i sbyor ba ni/ nyams dga' dben pa'i sa phyogs su// maN+Dal mda' gang khrag gis byug/dbus su dam rdzas bsnyen pa'i snying// dung chen bkra shis zhal bu ru// snying gsum mthing nag hU~M gis rgya// dpal gyi gtor ma rak+ta phyi// nag po zur gsum bshos bu la// thod pa ling ka ming byang mthun// phur pa khrag sna mtshams su bzhag sngo sna khrag sna thod pa rten// rgyu zhags sbu gu snying po rta// rta 'brug don gnyis gang bsgrub bcibs// sku mdog nag po zhal gcig pa// dbu skra sprin nag gseb na klong// g.yas pa gri gug ban d+ha g.yon// sku la g.yang gzhi sbrul gyis brgyan// chu yi snying po 'dril zhing pen// yum ni sngo nag spyan gsum khrag/ tsit+ta stob cing ban d+has mchod// bsnyen pas bos la khrag gis bsad// dregs pa 'khor bcas dbang du bsdu// bdag gi snying po spros la bsdu// ba spu gser gyi sbu gur drang// rang dbang med par bkug cing bstim// dri las byung ba'i gzugs la dbab// dam rdzas brten pa'i mchod pa bstab// drod dang ldan na drag po brtsam// pho nya bskul la shes pa dpral// sbyor ba bsdus la lha dang dbye// gzugs la phab la phyag rgyas gzir// thun gyis brab la phur pas gdab// thod pa dang bcas dgra la 'phang// rta gzer sbyor ba las kyis dbye// gdug par 'os pa'i lag tu gtad// sbyor ba bris la thod pa bca'// chu dril drod rtags zor dang gzir// khrag dang sngo sna thabs kyis rdzas// chu mig gnyan la bskul zhing dbug/ dus dang nye ba'i mtshams su sbyar// phyi nang gsang ba gsum du bsdeb// spogs pa gsum gyi las dang sbyar// 'bras bu gnyis kyi rtsa ba gcod// de nas bcom ldan 'das kyis nyid kyi sku gsung thugs las gsang sngags 'di ston to// oM mun mun mun thibs thibs thibs/ thum ril thum ril hU~M dza/ de nan thum ril rtsa thang dun rmugs srog la hur kha b+h+yo/mu sti srog la myogs rbad/ hU~M raM dun dun gzir nan/ hU~M ya nA nan gzir phob/ du na mun kri ya phroM phroM/ hU~M shar shar phroM phroM/ hril b+h+yo// ya ma ye u nan sa ma ya srog la dun mugs/ khaM yaM yaM raM raM hu gzir shar shar 'phob/mun mun mun thibs thibs thibs/ thuM ril srog breng breng dun dun mun thibs thum ril dza dza/ don gnyis mtha' ru srog phrogs la/ las kyi rgyal pos las kun byed/ sbyor bas don gnyis 'grub par bshad/rgyal mtshan me long gi rgyud las/ rA dza ka'i le'u ste re bdun pa'o//// de nas bcom ldan 'das kyis bdud kyi sbyor ba 'di bshad do// srog gcod shan pa'i bdud rnams la// las gnyer gtad pa'i 'khor lo ni// dur khrod la sogs dben pa'i sar// gtor ma snying sna rak+ta bshams// 'brub khung ling ka ming rus khams// thod par bcug la re bas gril// gsad pa las kyi mtshon cha ni// chu dar zhing ras rgya shog la// dur khrod rdzas kyi thang pa bya// dug chu tsha ba khrag gis byug/ ni ra chen pos skya gcad la// khro ba thugs kyi gsang sngags bzlas// 'thoms pa bdud kyi srog snying drang// nya gsum mtha' ru 'khor lo bris// mu khyud bzhi dang ldan par bskor// dbus su drag po'i spu gri'i mkhar// gnyis par 'khrul mig lnga gnyis ldan// mtha' ma rdo rje rgya gram bcu// de la dgod cing gnas pa ni// dbus su ming gi dang po ni// bod pa'i brda yi 'bru gnyis gnas// rtsibs bcu drag po bdud kyi sngags// rtsa rgyud gcod pa'i 'bru rnams dgod// rdo rje rgya gram rwa bcu la// gcod cing gnon pa'i spu gri dgod// mtshams dang 'khor lo'i mu ran la// ming rus khams dang ldan par bri// gsod byed pho mos lto sbyor la// sngo dmar sbrul gyis bsdams la brgyan// thod pa'i steng du rtsang gis brdeg/ dug shing me la bsdugs la bran// sngags kyi rgyal po bcu pa dang// 'thoms pa bdud kyi drag sngags bzlas// lha dang mtshon char byin gyis brlabs// brgyad dam bcu ru sbyor pa dkrug/ sngags pa gshin rje'i skur bsgoms la// snying po bskul zhing 'od spros pas// bdud kyi pho nyas dmigs pa dgug/ bkrag mdangs dang po nri dang bla// rang dbang med par dbang du sdud// dud pa gsum dang ba bi sha/ lha dang phye la gzugs la dbab// 'khor lo gdugs la sbyor ba gzhom// srog gcod bdud kyi 'khor lo bskor// mtshon cha'i rgyal pos dmigs pa gcod// de yi sbyor ba 'di lta ste// ya yi 'phangs la ma yis bsdu// ru dang drag tu bod pa'i thun// ling gis srog len myogs kyis dkrug/ dun gnyis bar du ling gis gsod// rmugs kyis myogs nas ti yis gnan// srog ces dmigs pa'i yul la gcod// rtsa zhes rang dbang dbugs dang 'brel// mtshams su 'dod pa'i a mu ka/ yan lag sbyor ba bzhi ru brdeg/ dza yis srog dang rang dbang dgug/ pra be sha yis lha dang dbye// mA ra ya rbad gcod cing skyems// stam pa ya nan mtha' ru sbyar// ma yengs brtan pas bzlas na bcud// 'bru gnyis dwangs snyigs tshul du dbye// brnag pa thon nas klu la gtad// sbyor ba drag po'i lam du gzhug de nas bcom ldan 'das kyis nyid kyi sku gsung thugs las drag sngags kyi sbyor ba 'di bshad do// ya ma ru thums srog ling myogs// dun dun rmugs ti srog ling// ling srog ti rmugs dun dun myogs ling thum ru ma ya/ ya thum myogs ling dun ti ro ling mugs/du ma srog mA ra ya rbad dza/ pra be sha phaT/ stam pa ya nan/ mtshon cha'i drag sngags rnal ma yis// lus dang yan lag gcod par byed// bzlog sngags drag po nang khrol dang// gsang ba lte ba klad mgrin 'dzoms// khyad par drag sngags lto dkrugs pas// rang dbang med par shan pa'i tshogs// 'byung ba bzhi dang rgyu bzhi gcod// dngas ma bsdus nas mkha' la phen// bag chags nas kyis rtsa ba bskyed// spobs pa med par khrag bskams nas// mtshon cha sngags kyis dbang du sdud// bdud dang srog gcod shan par bsko// 'gyur ba med pa'i las su bshad// rgyal mtshan me long gi rgyud las// bdud nag po'i drag sngags kyi le'u ste re brgyad pa'o//// de nas bcom ldan 'das kyis khyab 'jug zla ba nag po'i sbyor ba 'di bshad do// ri sogs dben pa'i dur khrod du// khyab 'jug bsgrub pa'i gnas btsal la// gtor ma sha chen ba lang snying// 'brug dang seng ge don khrag sha/ dug dang chu rgod gnam lcags thun// khyung dang rma bya 'ug pa'i sha/ gri thod mon pa tsa lo'i mgo/ brnag par bya ba'i gzugs dang bcas// zhing chen drag po 'khor lo'i rgyu// sngags pa gshin rje nag po'i rgyu// bsgom la spyan drang mchod pa dbul// 'bum tshe lnga ru lha bsnyen bya// khri yis gshin rje dbang du bsdu// rang dbang med par dbang du 'gyur// dregs pa bsnyen pa sa yang 'bum// thon nas gsad pa'i sbyor ba brtsam// dug gi khu bas 'khrul 'khor bri// dus dang gza' skar stod la bsnyen// mar gyi ngo ya 'khor lo bskor// dbus nas thig bzhi rgya gram gdab// mu khyud rim pa gsum du bskor// mu khyud gnyis pa thig bzhis gnan// gsum par de bzhin thig brgyad gdab// brgyad dang bcu gnyis bcu drug la// 'khrul 'khor sngags kyis gang bar gnas// mtha' ma rlung gi rgya gram ldan// de la gnas pa'i rim pa ni// rim pa ji bzhin bsnyen dang sgrub// las kyi rim pa bkod pa bzhin// dug dang khrag gi gnag tshas bris// oM dang ya ni pho brang dbus// lte ba 'phen sdud gtso bor bzhag mu khyud dang po'i 'khor lo la// drag po stobs kyi snying po bzhi// ru thuM baM dang ra zhes dgod// ma yis bskyed la ling zhes dbang// tsan tra hring zhes rang dbang dgug/ma ma yum gyi dbang po 'phrog/ ka dang li yis brnag pa rdzogs// srog ces drangs la ling zhes 'phrul// dza yis rang dbang med par dgug srog ni gzas pa'i tsit+ta 'dren// la yis bkar la thun gyis brdeg/las kyi rgyal po b+h+yo yi mngag/ dmigs pa'i yul la rbad pa ste// lus dang phung po bla 'gugs pa'o// srog ni dwangs ma bdun po dang// rtsa sgo 'dzin pa'i dbugs rgyun la// ma lus bsdus nas sreg cing thim// ma dang ra li don gnyis 'grub// ya yis phul nas dwangs snyigs 'byed// rbad pa'i stobs kyis srog rgyun gcod// rim pa ji bzhin gsad pa'i mchog/ srog ces rgyu bzhi 'dzin cing 'chang// gtam gyis 'gyur ba med par sdems// ba yis khrag dang mun pa bskyed// ya las rdo rje rgya gram gyis// rlung gis deng nas stobs kyis gnon// nan zhes las kyis brnag pa gzhug las kyi rgyal pos gnan par bshad// a mu ka dang ya las bskyal// bcu drug pa yis spu gri yis// dug gsum rtsa ba gcod cing 'joms// drag po sngags kyi gnad gsum gyis// drag po'i stobs kyis dbang du sdud// oM dun kri 'bru sbyar na// pho mos dregs pa 'khor dang bcas// lag cha dang bcas dbang du 'gyur// nye ba'i rkyen dang rten drug sdud// 'khrul 'khor pho mo'i bar du gzhug/ snying po dang bcas thod pa bca'// drag po stobs kyis 'phen cing sdud// rno dbal drag po'i mtshon cha yin// de nas bcom ldan 'das kyis nyid kyi sku gsung thugs las sngags 'di ston to// oM dun tri ru thuM baM ra ma li tsan+ta s+t+ri ma ma ka li srog liM dza/ srog la thun b+h+yo mA ra ya rbad/stam ba ya nan/ gcig la du ma'i las rdzogs pas// khyab 'jug 'khor lo lto sbyor la// sngon dmar rgya gram thod pa bca'// gdug pa'i gnyan la stobs la gtad// nyi zla dus kyi sbyor bas 'joms// rten gcig sbyor ba gnyis su bshad// rgyal mtshan me long gi rgyud las// zla ba nag po'i 'khor lo lto sbyor gyi le'u ste re dgu pa'o//// de nas bcom ldan 'das kyis rgyal po li byin gyi gsang ba spu gri'i sbyor ba 'di bshad do// lha yi khang pa gnyan dang dpen// bde gnas gsum du maN+Dal bsham// gtor ma sha khrag mchod pa dbul// ya ma ta ka'i bsnyen pa bya// rdo rje thod pa mtshan ldan du// sha chen rak+ta dpa' bo snying// dkar gsum sha khrag tsit+ta'i shun// pad+ma rag ta bdud rtsi mngar// shing thog klu sman sna tshogs blugs// zhing ras kha bcad dbus su bzhag/ de la rten cing bsnyen pa bya// sngags pa gshin rje'i skur bsgoms la// gtsang ma'i ras la rgyal po'i sku// zhal gcig phyag gnyis yum dang bcas// sku la zhing chen rgya gram 'brug/ thod pa rin po che yis brgyan// sku smad dril bu sbrul dang rngam// g.yas pa 'gying mkhar don snying g.yon// ngang pa gser mdongs phyibs dang ldan// snying khar snying po nyi ma'i sngags// bsgoms la bka' nyan mdun du gnas// tri tshe la sogs bzhi dang bcas// shel mkhar dar gur nang du bsgom// dam rdzas bsnyen pa sha khrag mchod// rak+tas bstabs la gtor ma gtang// a mu ka yi ling ga la// ming rus dang bcas 'khor lo'i bar// yang ling ga 'bru gsum dbab// sngags kyi 'khor lo dam rdzas te// pho nyas bkug la thun gyis brab// brun gsum rdo gsum bcu par brdeg/ mtshon cha'i 'khor lo brgyangs la bskor// ka li sho na ci t+ta la// dmigs pa kun rdzogs sngags dang rten// bris la tsi t+ta'i phyi dang nang// dril zhing bcug la lcags thun brdeg/ drag sngags ling ga'i gnas su brdeg/ snying dang bcas te zor du 'phang// thod pa rgya gram 'khor lo gnan// rgya tshe ru ring mdangs kyis bskang// gsang mdos sku mkhar lnga dang gcig kha dog so so dar dang gzugs// gying gi mchod pa gsang bshos dgu/ nyi zla kyi sbyang skyes pa mo// bya dang rgyu gnyis rta dang nya// bcu gsum lnga gnyis gcig gi bskor// pho nya re yi snying kha ru// gru gsum re la snying kha ru// gru gsum re la ming rus re// bcas la gsad pa'i mtshon gyis brdeg/ mkhar de brnag pa'i phyogs su gdab// nam mkha' 'od kyi lto ru gzhug/rten 'brel srod pa'i rtsibs la bskyon// de nas bcom ldan 'das kyis nyid kyi sku gsung thugs las gsang ba spu gri'i sngags 'di bton to// oM dri tsi pa la a shug me swA hA/ dri sha ma ma ga rtsa sha ma bri sha ma tsa hA swA hA/oM khri sna ra ma tri rag mo ru lu dri sha b+h+yo/ bri sha ma hA rA tsa trig sho trig sho tsu ru thuM thuM ling gug tsa ra ling tsit+ta shag rbad/ rag mo rag mo khrag 'dzag ma snying kha la thums srog la s+b+ho ni dzA 'drim rbad/dri tsa ma le dri tsa ma le srog la thum rbad/ tsi shu ling ling thum rbad/ tsin yang tsin yang thuM ling rbad/ shu na tri yaM snying la thun rbad/ ba tsa le hur hur tsit+ta rbad/ dri tsa la me dri tsa la me thum rbad/thuM rbad/ tsin yang tsin yang thuM snying rbad bu nan dgra bo mA ra ya rbad/ ra tsa ma hA rbad ril trag shig ling rbad/ tsit+ta ling snying tshal pa ling dri chuM ling rag mo rbad/ dgra bo dun ling kI la ya rbad/ srog la thuM thuM ril ril rbad/drag sngags brgyad kyi bkar la brdeg/ drod dang srog gi mdangs gcad nas// nyi ma'i gung la gsod par byed// dril las rbad cing mun la brdeg/ gdab pa'i sngags kyis phur pa brdeg/bskul zhing sgra skad drag tu yul la rbad// rgyal ba'i sku yang 'jig par nges// srog chags kun la gang brtsams 'grub// sbyor ba kun gyi mchog tu bshad// rgyal mtshan me long gi rgyud las// li byin gsang ba'i spu gri'i le'u ste bdun cu pa'o//// de nas bcom ldan 'das kyis gying gi sbyor ba 'di bshad do// lha 'dre rgyu ba'i dben gnas su// maN+Dal dbus su gtor ma khrag/ shar du dmigs pa'i gzugs bris la// sku mdog sngon po sbrul ris can// g.yas na rdo rje rtse dgu thogs// g.yon pas don snying spar gyis 'debs// seng ge dkar po chibs su chibs// na bza' za 'og sngo khra la// le brgan dmar po'i cha ga can// sbrul dang rin po che yis brgyan// snying po sbrul gnyis thugs khar bsten// tsa ra'i dbang po shun la brten// 'bru lnga'i bcud dang sha khrag la// khru gang dar dang me long 'bru// rgyal mtshan gsum dang tsa ra'i snying// bla rdo snying po 'ug sgong bca'// ling ga ming rus sbyang thod brnag/ ri lu nyungs kar dug chu thun// sha sna bdud rtsi rgya shug bsreg/ thod chen dang bcas 'khor lo bca'// 'khor lo mtshon cha ming rus bri// mu khyud rim pa bzhi ru bskor// dbus su gru gsum 'khrul mig brgyad// phyi rim 'khrul mig bcu drug bca'// phyi rim rtsibs chen nyi shu ldan// de la dgod pa'i rim pa ni// dbus su 'khrul mig brgyad po la// gsad pa rtsa ba'i 'bru dgu dgod// phyi rim 'khrul mig bcu drug la// gzir ba'i sngags dgod gzugs la brdeg/ tha ma'i rtsibs chen nyi shu la// rbad pa'i 'bru dang a mu ka/ gsad pa'i spu gri 'bru lnga dang// de bzhin gnan pa'i 'bru gsum dgod/ kha sbyar bar snang bteg la brtsam// khrag sna gsum gyis gzugs la brab// sngags kyi snying dbrog thugs khar bsdu// rbad pa'i sngags kyis shes pa dgug/gzugs la phab la lha dang dbye// phyag rgyas gzir la phur bas gdab// drag tu bskul ba'i sgra skad brjod// zor thun mtha' ru thod pa bca'// lha khang mgon po'i 'og tu gnan// bsnyen pa sa ya rbad pa 'bum// dril ba bdun khri 'phang ba stong// gzir ba khri gsum rbad pa gcig/ gnan dang spogs pa khri gcig mtha'// gcun pa brgya las bcu yis gso// stong gis gzir la drag tu rbad// shi sa rang gnad 'khor lo dgug/bzlog pa brgya yis gnas su 'phangs// sngags kyi rgyal pos bsrung ba bya// de nas bcom ldan 'das nyid kyis sku gsung thugs las sngags 'di bstan to// oM badzra sa ma ya ra ya baM srog la dza dza/badzra sA du ra baM ni srog la b+h+yo/ badzra sA du dri myags tsit+ta thuM ril dgra ba'i srog mA ra ya rbad/ badzra sA du tri yaM khaM rag sha snying phyung tsa la thun srog gzir dgra bo stam pa ya nan/ badzra sA du sa ma ya na rag tsit+ta nan/sngags rnams me rlung skyin thang dug/ las kyis shan pa mngag cing rbad// dug tu bskul la mna' dam gzir// shan pa srog gi sbyor ba bshad// de nas yang bcom ldan 'das kyis lo thog gzhom pa'i sbyor ba 'di bshad do// lha srin gdug pa'i dben gnas su// gtum chen drag po'i bsnyen pa 'bum// thod pa rgyan dang shul rgyal mtshan// khrag dang dug dang brun lnga bsngo// ri lu bdun gsum brnag pa bsham// gtor ma gsang bshos dkor cha 'chang// rgya shug tshil dang shul rgyal mtshan// khrag dang dug dang brun lnga bsngo// ri lu bdun gsum brnag pa bsham// gtor ma gsang bshos dkor cha 'chang// rgya shug tshil dang spos bsregs la// brnag pa'i yul dang ming sogs bri// sbyor ba gzhom pa thog par gzhug/ gshin rje thugs kha'i sa bon spro// A kar ma hA he ru ka ljang nag rgya gram lcags kyu bsnams/ badzra karma Ta ki dza/bskul kha gying chen bkug la gnan// sku mdog sngon po ngur smrig gon// 'ja' dang glog gis dbu la brgyan// rdo rje thod pa 'khrug cing 'thor// snying kar sa bon 'bru gnyis ldan// sa ya drug 'brum bsnyen pa 'dra// nam mkha' sprin dang du ba 'ja'// 'brug sgra tshub ma khug sna 'thibs// g.yul 'gyed dmag 'dren rtsi thog nyag/ mtshan rtags ldan nas thugs dam bskang// chu 'dril 'bum phrag brgya yi bar// nyungs kar brgya bar khrag la bstim// rta gsum tha chungs yul du bskyal// khri bcu gcun zhing drag tu dbab// ma phebs sbyor ba'i stobs gzhan na// lha klung gdug pa gzir zhing gcun// ya ma sngags zlos 'bum khri sdeb// gnad gsum bar du chu 'dril brdeb// khrag dang dug chu phur pas gdab// stobs chen drag po'i nga rgyal bstan/ khang pa gsum gyi sa yis brab// nye ba'i sbyor ba drag tu dbab// de nas yang bcom ldan 'das kyis nyid kyi sku gsung thugs las lo thog gzhom pa'i sngags 'di ston to// oM badzra sA du ma ya hril hril ra baM hU~M dza dza/ badzra sa twas sa ma ya hrel hril phroM phroM ya tri phroM/ badzra ga ra ba phroM/ badzra ga ra pa phroM/badzra sing kri phroM/ badzra sa twa sa ma ya hri la shar phroM b+h+yo/ tri du ya ya nan hril shar/ nA ga tri loM nan/ tri ya nA ga gzir phroM/ sha la sha ltar phra shar ya nan phrob/ gdug pa'i gzugs la gzir zhing dbab/shun brdab thod pas sgrol gying bsdigs/ shan pa gying gi sbyor bar bshad/ rgyal mtshan me long gi rgyud las/ gsad pa gying gi le'u ste don gcig pa'o//// de nas yang bcom ldan 'das kyis gzir thabs btsan gyi sbyor ba 'di bshad do// brag dmar srin phug tsha go can// gong gsum rgyun drang dben pa ru// ya ma sku yi bsnyen pa 'bum// las kyi bsnyen pa sa ya brtsam// maN+Dal gri khrag dug gis byug/chos kyi pho brang drag po'i gnas// zla khaM thod 'phreng de bzhin zlum// phyi rim rtsibs bzhi rdo rjes bskor// gru chad khrag mtsho sgo bzhi brgyan// gtor ma thun rdzas mchod pa dgram// dbus su dregs pa ya ma'i sku// yum dang bcas pa hU~M las bskyed// zla kham gsum la nam gru ma// khrag thogs thun 'bebs ma las bskyed// rtsibs bzhi shan pa gsod byed btsan// gcer pu spyi bcings ral gri zhags// dmar skya mgyogs byed dza las bskyed// sgo bzhir ltas ngan sgro bzhi mda'// khrag sna dug chus bskus la gzugs// bshos bu chang dang shing thog mngar// thugs dam bskang ba'i rten du bsham// ling ga ming rus sbyang thod dang// 'brub khung gnas su ma ra brnag/ tshes dang zla ba nag po brdam// zhag grangs dus tshod ngan pa gzung// drod rtags phyi nang gsang bar gzung// dar sbyangs g.yul 'gyed dmag dpon byed// 'brug sgra 'od dang skar mda' 'byung// mtshon brdeg sing gcod nang ging rtags// khro tshig lus bskyod rngam zhing gtum// yul la 'bar na gsang bar gzung/// shan pa bskul la dmigs pa dgug brnag pa'i rten la bstim la brag/phye gsum brun gsum 'bru gsum brdeg mda' yi lam dpye zor du 'phang// brnag pa'i gzugs la gzir zhing brab// rten la mda' dang phur thun brdeg/ mtha' ru thod pa ling ga dril// gong gsum btsan gyi rgyun sar gnan// gtor ma dang bcas ri rtser gtang// bdun nam lnga ru bskyed la bsgrub// rme gri gzer thabs rims su 'bebs// brnag pa kun gyi mchog tu bshad// de nas yang bcom ldan 'das kyis nyid kyi sku gsung thugs las sngags 'di bton to/// oM 'gri ba dzi tri shu li bi tring gying ka ra ya dza dza/ gying kar ya 'gri ba da ri thur ril sne man sbe man kha long ka hring b+h+yo/'gri ni hra sha mA ra ya dza/ tsa shu be le tsit+ta thu ril rbad/ shi te bi ri dgra bo mA ra ya rbad/ nri sti sta srog la gzir nan/ bsnyen pa drod thob shan pa rbad/ bla khugs nyams lon brab cing gsad/ zor 'phang mtha' ru gnan pa bya/bskang so'i cho ga rgya cher bya/ gzir thabs btsan gyi sbyor bar bshad/ rgyal mtshan me long gi rgyud las/ shan pa btsan gyi le'u ste don gnyis pa'o//// de nas yang bcom ldan 'das kyis klu la gtad pa'i sbyor ba 'di bshad do// 'khor lo'i sngags kyi mtha' sdud du// gdug pa'i lus dang khams la gtad// rigs ni nges dang ma nges gnyis// nges pa rigs bzhi dman pa lnga/kha 'khor drug dang gdol ba gcig/ rgyal rigs ser bkra shar bltas sa// rje rigs lhor lta dkar khra me// bram ze dmarakhra nub lta chu// dmangs rigs ljang sngo byang ltas rlung// 'jug pa'i nad dang gdug pa'i dug/rgyal rigs mgo nad rims nad bskyed// rje rigs lag g.yas tsha ba bskyed// bram ze rkang g.yon khrag chu bskyed// dmangs rigs rkang g.yas zha drum g.yon// gdom pa rkang g.yon snag pa'i nad// ba su rigs drug rtsa nas 'jug/ tsha ba dmu chu phol 'bras g.yo// sman dang phye bo rlung sgor 'jug/ mdze rlung khrag bskyed tsha grang 'khrug/ rkang gcig bu ga rtsa gnyis 'jug/ gzhogs skems subs pa nas kyis rgyu// gel ba sa dang sreg la 'jug/ lci thibs skom nad glang po gtong// 'thoms pa tshig mgo zha drum skyems// mgo mangs kha zas ro la 'jug/ le yi dbang po ro la 'brel// gdug pa chen po snying la 'jug/smyo 'bog 'chal mdze sdug bsngal myong// sa yams rje shul rdzi la 'jug/ nang khrol lnga la mdze nad skyed// lto 'phye rtsa bzhi sbus las 'jug/ bad kan khrag rlung mkhris nad mdze// skyo dub sems g.yang 'chal dang 'thibs// sha rus g.yang ba'i rtags lnga 'byung// klu bdud chu srin lgangs dang 'thib// glang thabs grum dang pho srin nad// ma mos rims nad snyoms dal sdong// rgyal pos smyo 'bog 'chal dang sdong// btsan gyi gzir nad dri dang sdong// the brang blo bur hur thums sdong// nad bdag 'jug dang ltas su bshad// de nas yang bcom ldan 'das kyis nad de dag gdon pa'i sbyor ba 'di bshad do// sngags dang 'khor lo bsregs pa'i las// 'jug pa'i rjes gcod sngags kyis gdon// mgo la sogs pa'i gdug pa la// dril btor 'khor lo lto sbyor bsdeb// sbyor ba'i rgyal po gsum gyis gdon// mgo la shi phrad nyin dang mtshan// lto bsdebs gtor ba'i sbyor bas gdon// lag g.yas zhugs la snying gzer dgu// de bzhin g.yon pa nyi shu gcig/ rkang pa g.yas la bdun pa ste// g.yon pa gdug pa lto dkrugs gdon// bu ga dgu la bcu gcig pa// rtsa brgyad zhugs nas 'bru brgyad shis// dbugs dang rdzi la bcu gcig gtor// rjen shul zhugs na gnyis gnyis bsdeb// drod la zhugs na lnga tsho brdeb// rlung rta zhugs na gnyis por tri// rtsa lam bcu gcig bor la 'phang// sa me rtsa la sum sdebs dkrug/ rtsa bzh-i gdug pas 'byung ba'i nad// dkugs na phyag rgya chen pos gdon// tshigs mgo bdun la dgug bdun bsdeb/kha zas zhugs la shing phrad bsdeb// tsit+ta zhugs la phyag rgya dkrug/ klu bdud klu srin bdun pa dkrug ru me 'bru dgu'i sbyor ba bsdeb// ma mo la sogs rims dal gcod// rtsa dri 'bru dgu'i sbyor ba yis// smyo 'bog la sogs 'dzems pa'i mchog/ dza yi 'bru bcu dkrugs bsdebs pas// gzer dang gri yi sbyor ba gdon// ro nri bcu yi 'bru bsdebs pas// blo bur nad dang mdze yams gdon// mchog dang snying po'i man tra las// dmar len sngags kyi snying las gzung// kun 'joms rtags rnams brten men pa'o// 'khor lo thod pa rdzas kyis bdug/ phag thod sbyor ba steng dang 'og/ bcu gcig yang gsang mchog tu bstan// dmar len thun min sngags kyi snying// gdug pa nad kyi dbye bar bshad// rgyal mtshan me long gi rgyud las/ rigs dang nad dbye ba'i le'u ste don gsum pa'o//// de nas yang bcom ldan 'das kyis sdig pa chen po'i lus kyi tshad brtag pa'i sbyor ba 'di bshad do// stobs chen ya ma myos byed mo// sgrol gying drag po nus pa rdzas// drag po mtha' ru klu la gtad// mi mthun klu la rigs bzhi drug/rgyal rigs lhor lta rje rigs shar// bram ze nub lta dmangs rims byang// dkar la chu 'khrags sngo la dal// rtsa dmar 'phung dmar ljang dmar mgyogs// thung mongs rigs kyi dbye bar bshad// gzhan yang rigs min brtag pa'i rigs// 'khyil dang lkugs dang mgo mangs gcig/ chu mig shar 'bab klu mgo nub// de bzhin nub 'bab gan rkyal shar// byang du 'bab na klu mgo lho// lhor 'bab byang du mgo zug pa'o// lus ni 'breng la dud 'gro'i mgo/ gnas pa'i rgya khyon las kyi tshad// bcu gnyis khru tshad ldabs kyis spags// spyi bo nas mar mgo khru do// skye la sor brgyad snying ske'i bar// khru gang snying la sor bcu gnyis// snying kha dag gnas lte ba'i bar// khru do sor brgyad dag gi tshad// lte ba'i sor bzhi lte gsang bar// khru do pas te chu yi tshad// gsang ba khru gang bla de bzhin// sor brgyad bcu gnyis dag gis 'phags// rje ngar khru do sor brgyad tshad// rkang pa'i dpangs su rtse sor brgyad// spyi gtsug rkang mthil bcu gnyis rdzogs// las kyi dmigs dang gtad pa'i sa// rigs dang shi sa'i rgyud du brtsal// mgo khyim khru gang rgya// bcu gnyis sor gyi tshad du gnan// sngags pa stobs kyis sbyor ba bsdeb// sa bdag btsan po gtad par shis// las kyi rlung gi mtha' ru skyel// ra sgong khru gang rtse khru do// rje dang yul srungs dag la shis// gsad dang 'pho ba'i las su sbyar// ra khrag khru gang sor bzhi ldan// lha bon rigs man dag la shis// mig gnyis khu re mdzub gang gnan// rigs rgyud 'phel ba'i slungs la shis// sna la 'khor yug khru gang du// kag khams gnan na smyo 'bog shis// rna ba khru gang sor bzhi la// 'u khams gnan na gang brtsams shis/ kha la khru gang sor brgyad du// ji khams gdengs dang che bar gnan// dri dang g.yeng ba'i nad kyis 'joms// skye la sor brgyad bshang khams gnan// mdze dang phol 'bras yams la shis// snying dang ske bar khru gang tshad// snying khar bcu gnyis sor gyi sar// ku khams gnan pas gsad pa'i mchog/lag sor nang du sor bcu gnyis// bran dang shan pa rigs ngan gnan// skye brgyud bcad pa'i las su shis// byang khog khru gang pho rgyud gnan// gri dang lkugs pa'i las su shis// de bzhin lte bar mo rgyud gnan// rgyud du ma ning dbang po gnyis// ltas ngan dag gi las su shis// gsang bar chags pa'i gzhi bsdus la// sbyor ba kun bzlog thams cad 'joms// rabs chad pho mos ka sbyar gnan// lto dang rkang par rigs ngan dang// shan pa smad 'tshong btso blag mkhan// mdzo rtol dre'u yi thod par bcug zha drum mdze dang yams nga'i nad// rme thog brtol gyi las la shos// dbye dgug la sogs las kyi rims// sdig pa chen po'i las la sbyar// de yis spogs pa med par bshad// gzhan yang mgo gcig phyogs bzhir brtag/ rigs su mi dbye stobs kyis sbyar// sngags kyi tshad ma tho ba na 'grub// lcags dang rdo yi 'khor lo la// khrag dang dug gi 'khor lo bri// steng gi phyogs su sbyor bas gnan// sa yam gru gsum nag por brtag gang rung gcig tu pus gang rko// thod pa pho mo go mi bzlog/bzlog na sngags pa rang dbang sdud// las kyi rgyal po'i stobs kyis sbyar// klu nad sdig pa'i sbyor bar bshad// rgyal mtshan me long gi rgyud las/ klu nag sdig pa'i tshad brtag pa'i le'u ste don bzhi pa'o//// de nas yang bcom ldan 'das kyis khrol bu brtag pa'i sbyor ba 'dis bshad do// mgo mangs phyogs kyi gdug pa la// mgo dang rkang lag dgu lnga gsum// gnas pas chu lnga'i 'od dang brtag/dmar la 'dril zhing mang la mdzad// snyoms la rgyun du 'bab na mig/ nyi lcib subs la bring bu 'degs// gsher la mi 'dzeg nya mig sna// brag shing rtsa la glan na ldud// bri ma dmar la shing tsa sbo// bya dang 'khar sgongs srin chen chags// g.yas g.yon stud pa kha ru brtag/ gnam 'greng skyes shing de nyid thim// rjen shun med par gsal bar brtag/ mi mngon gsol dang mtshan ltar 'dzag/ yang na mgo gcig zha lag dgu// yang na chu bran mang dus thim// lte ba dag tu rnam par sbyar// mig la sogs pa'i chu lnga la/ khams chen lnga dang sbyar ba'i gnan// mig la bu khams dur ma bla// 'thom nag g.yas pa'i rtse mor gnan// sna la ji khams rabs chad kyi// thod pa kha sbyar khyu mchog gnan/ kha la kag khams mon thod gnan/ kha mes bla rus steng du gnan// lte ba bshang khams dag dig gi/ thod pa 'dzo mo phur pas gnan// gsang bar kung khams mdze gri yi// thod pa rnol ma'i dor rtas gnan// yang na mdze shu phol 'bras mig/ smyo 'bog g.yang dang 'chal la sna// rna bar myos sing 'thibs dang lkugs// yams nad rims dal lte bar sbyar// skye rgyud gcod la gsang ba'i gnad// dbang chen dregs pa'i stobs dang sbyar// yang na pho rgyud mig la sbyar// pha mes rna ba mig cha sna// mo rgyud lte bar gsang bar lta// bsrub pa kun bral stobs kyis bya// rgyus chen zhabs ma re bas gril// sbyor ba lnga yis rim pas gcad// rdo rje rgya gram brtsegs mas mnan// don yod grub pa'i pho brang gdab// ri rab 'khor lo brtsegs mas gnan// gdug pa'i chu lnga brtag par bya// rgyal mtshan me long gi rgyud las/ khrol bu las kyi dmigs pa brtag pa'i le'u ste don lnga pa'o//// de nas yang bcom ldan 'das kyis rus sbal khra bo'i sbyor ba 'di bshad do// 'khyil dang lkugs pa rus sbal gnas// de la gtad pa'i rim pa ni// lo dang khams su nye bar sbyar// dbang chen dregs pa rgyu dang gshed// rlung rta srog lus tshe gnas khrus// shis pas srog gcod rus sbal lus// gshed bdag chen po'i sbyor bas gnan// ya nga nad kyi dal dang rims// de yi sbyor ba 'di lta ste// yan lag lnga dang dbang po brgyad// nang khrol smad lnga tshigs mgo brgyad// lus kyi bang mdzod bcu drug bzhi// gnan gzor pho brang 'og dang bar// bzhi bcu rtsa gcig dmigs brtags la// rus sbal khra bo'i gsang mdzod gshed// tha chungs bzhi la shar du lta// 'bring po bzhi la lho phyogs su// ra ba bzhi la nub phyogs su// nur dang stod la byang du lta// dus bzhi rtag tu ka bub gnas// nyi phyed nam gung gan rkyal gnas// lo gshed bstad pa'i sbyor pa ni// 'dod pa'i bsgrub bya bstan pa yin/ kha ru sbrul gtad ra g.yas 'brug/lag g.yas yos bu mchan g.yas stag/ rkang g.yas glang gtad gsang g.yas phag/ gsong g.yon byi ba rkang g.yon gyi// lto g.yon bya ste mchan khung sprel// lag g.yon lug gtad ra g.yon rta// gshed bdag lag tu gtad pa ni// byi phag ya ma rA dza la// bya spre myos byed 'bar ba'o// rta sbrul ar+ya dmar po la// glang lug khyi 'bru tshar dgu'i lag/ 'du ba'i nad gzhi bskyed cing gcod// lo gshed gcod pa'i sbyor bar bshad// ru sbal gsang mdzod phyogs bzhi la/ khams chen lnga yi srog lus sbyar// 'og phyogs byi kha tsha ba gtad// mjug mar 'u ste chu yi khams// g.yas su kag ni shing gi khams// g.yon du bshang lte lcags kyi khams// yan lag kung ste gtad pa'i khams// 'byung ba lnga la sbyor ba brtsam// bdag po bzhi la gshed mar bsko// ru sbal srog slungs gsang mdzod 'chang/khams chen phyogs kyi sbyor ba bshad// mig la rgyal po rna ba rje// kha ru sngags pa ra la dmangs// lha rnal bon po sgroms su lha// yul srungs snying kha blon po ste// 'gran zla stobs kyis gcod pa'i las// rnam shes dbang po'i sbyor bar bshad// snying la gsad pa glo la smyo// mchin pas 'bog 'thibs rgyu bas rims// mkhan mas lha dang dbye ba'i las// thod pa drag po nam mkha'i stobs// gang 'grub las la thogs pa med// nang khrol sbyor ba'i mchog tu bshad// 'chi ba'i bar du gsad par bya// skye ba rengs dang lkugs dang sbyar// sogs pa gnis la gri dang thog/ byang khog dbang du bsdu ba'i las// rdzing la brnol dang de bzhin rme// rgyu zhabs rims dal snyom bu'i las// gsad par skye rgyud gcod dang 'phro// chu shul gnan na las kun 'grub// mdze can thod par sbyor ba bsdu// rus mgo bdun la gtad pa'i las// mdze can dmar gcod thod pa ru// drag po'i sbyor ba kun bsdus la// gnan na ya ma'i las la shis// gtad pa kun gyi mchog tu bshad// rgyal mtshan me long gi rgyud las// ru spal khro ba'i le'u ste don drug pa'o//// de nas yang bcom ldan 'das kyis// klu 'phye bo la gtad pa'i sbyor ba 'di gsungs so// lkugs pa 'phye bo gnas pa'i sa/ kha dog sngo nag 'thibs la smug/ de la gnas pa 'di lta ste// mi lus glang mgo bgrod pa'i mjug/lag pa me rlung 'byung ba 'khrug/ rwa dang sder mo mtshon chas gcod// sogs dang ba spu rno dbal me// rna ba'i grong khyer klu brgyas gtams// lta zhing rdzi la bsnams pa 'dzin// de la gtad pa'i rim pa ni/ kha dang rna ba sna dang mig rwa dang lag pa byang khog mgo/ snying dang lte ba rgyu ma'i mdzod// lnga gnyis gcig la gtad pa ste// rim pa ji bzhin stobs kyis sbyar// sngags pa gtsang po blon po rje// bon po mu stegs yul bsrungs dmang// rigs ngan nyan thos bsrungs pa'i lha// ji bzhin de bzhin sbyar ba ni// mdze can dman gcod thod pa ru// gang sgrub mtha' ru las 'di brtsam// 'khor lo dang bcas tshas dang ldan// sa ya gru gsum khru gang rko// thod khar la sogs pho brang gdab// mdze yams dbab pa'i sbyor bar bshad// rgyal mtshan me long gi rgyud las/ klu 'phye ba la gtad pa'i le'u ste don bdun pa'o//// de nas yang bcom ldan 'das kyis klu'i las thor bu 'di bshad do// gang rung las kyi mtha' sdud la// sbyor pa kun smin gtad pa btsam// mchog tu ma ra ya nga'i las// de yi sbyor ba 'di lta ste// mdze can dmar gcod thod pa ru// las kyi 'khor lo thod pa bca'// zhing ras rgyu la rim bzhin bskor// dbus su drag po sbrul gyis bskor// dbus dang mtshams kyi 'bub gnas su// ming rus dug dang khrag gis bri// bcu drug ya tshogs bcu bdun dgod// bdud dang rlung dang lho sbyor dgod// phyi rim 'khrul mig bcu drug mdzes// yang logs rtsibs chen nyi shur bya// sdud pa'i snying po mchog sdud dgod// gdug pa'i gseb tu spu gri dgod// thabs dang shes rab gnyis su bya// rlung dang ya ma'i lto ru bri// sngags dang dril gtor nyin mtshan bsdeb// brgya brgya mtshon chas bsnol mar bcad// klu dang gshin rjes bkug cing gcod// tshe srog dbang po bstod cing 'chang// nyi ma bzhi dang mtshan mo bzhis// las kyi rgyal pos lto sbyar brtsam// sngags kyi mtshon cha drag tu bzlas// de nas bcom ldan 'das kyis sngags kyi mtshon cha 'di bton to// ya ma me ta k+She/ rA dza sa twa/ ru na yo ni ra ya tsa ni/ bra ma mur rak+ta tsa ra ma ra ya ni/ sha ku ru ni rbad la/ nA ga pu ta ya/ sa na hri da yA/ hug rmugs ti dz+wa/myags thuM u ta nan/ srog la ni yaM shag la rbad/ las 'di mtha' ru rdzogs pa na// sha khrag drod dang dbral ba'i phyir// klu dang gshin rje dkrug cing rbad// phyogs mtshams brgyad la brgya brgya dkrug/ las kyi mtha' ru kha bskang yin// 'khor lo thod pa mun pas dril// gdug pa rang gis byad du gzhug/ gang rung gdug pa'i sa ru gnan/ klu dang ya ma nyid la gtad// pho brang ri rab 'byung bar bskyed// brnag pa'i rgyal po'i las 'di la// shu ta ya ma'i bde klong du// dbang po kun 'dus kha la 'phang// b+ha sa ka la'i sbyor bar bshad// rgyal mtshan me long gi rgyud las// 'khor lo lte sbyor gdug pa kha 'thams kyi le'u ste don brgyad pa'o//// de nas bcom ldan 'das kyis klu sbrul nag por sbyor ba 'di bshad do// gzhan yang gnan pa'i sbyor ba ni sngags kyi mtshan ma thob pa dang/ dur khrod dar dang mnyel ma'i gos// phur pas brgyangs la rmo ba byug/tsha ba gsum dang dug chus bsku// pad+ma rak+tas 'khor lo bri// thig bzhi btab pas le'u tshe brgyad// phyi rim 'khor lo bcu gnyis rtsibs// yang logs bcu drug rtsibs dang ldan// dbus su sbrul gyi ra bas bskor// gshed bzhi gnas su thod pa sbrul// gsang mdzod ru sbal lto bar ming// bcu gnyis rgya gram sbrul dang me// bcu drug mtshon cha rgya gram sbrul// sbyor ba na ga nri rmur nan// 'khor lo gdug pa'i lus kyi gseb// bsgrub bya'i ming rus nri rbad dgod// gshed bzhi sngags kyi sbyor ba dang// gdug pa klu yi sngags su bsdeb// nyin mtshan gsang sngags dril gtor brdeg/ gcod pa'i spu gri rnal mas gcod// gdug pa bsdigs bcing las la mngag ya ma nA ga ma ra nri// ha mu ji la'i sbyor tshul yin// mdze can nag po'i thod pa ru// mu zi nag po'i blang rkang gzhug/ pho mo gang yin steng 'og dbye// yang na thod pa nyams dang sbyar// steng du nan tu drag pa'i sngags// 'og mar dmigs pa'i rus dang ming// khrag gis bris la dug mes bdug/ thod pa mdze can khrag gis bsku// sbrul nag pho mo'i lpags shun du// 'khor lo dril la dmigs pa gzhug dug chu tsha ba khrag nad kyis// sbrul nag pho mo'i lus la bsku// mkhar nag sngo dmar mtshon gyis gril// sbrul nag thod pa'i nang du gzhug/ dar gyis g.yogs la rgya yis dril// mdze can pho mos zhabs mas dril// las kyi mtha' ru thod mkhar gdab// gang 'dod dmigs pa'i ming dang sbyar// gnyan ra gdug pa'i dkyil du gnan// dmod sngags gang rung stong gis sba// stong phyir gzir la brgya yis bcag/ klu chen ya ma'i pho brang gdab// steng du ri rab 'khor lo bskyed// rdo rje rgya gram stobs kyis gnan// steng du lha yi pho brang gdab// phyogs bzhir phyi 'gros bdun bdun bya// phyogs phur sor bzhi ba re gdab// dbugs ma shor bar rkyang 'gros bskor// mtshams bzhi rdo nag rtags sur gtad// lam du zhugs ya rgya gram gcad// chu shul dag gam ri rtser 'gro// zhag bdun bar du slar mi 'gro// mkha' lding dang bcas drag sngags gzir// klu la phyag rgya bstan zhing bsdigs// phyag rgya lus dbang sngags 'khor srung// ma lus sbyor ba'i mchog tu bshad// rgyal mtshan me long gi rgyud las// klu sbrul nag po stobs kyi gnan pa'i le'u ste don dgu pa'o//// de nas yang bcom ldan 'das kyis klu'i lto sbyor 'di bshad do// gzhan yang gtad pa'i rim pa ni// gnyan ra gdug pa'i gzugs blangs la// sngags kyi rgyal pos byin gyis brlab// rus chen thur mas sbal ba bshu// sha khrag sngags kyi byin bskyed la// phyag rgyas nA ga'i dbang po dgug/ gsob shun sngags kyis bus la brgyangs// rang nyid lha yi nga rgyal bsgom// thod pa dag dig bkra mi shis// gnyis pa gnyan pa'i 'khor lo bri// steng du ri rab rgya gram oM// 'og mar gru gsum ma ra sbrul// me rlung las kyi snying po gzugs// bris la dug dang dri mas bdug/ rur khrod ras la ming rus bris// rta nag bsnol khrag phyi nang byug/ ming byang bris la gnas su bzhag/ drag po sngags kyi sbyor ba bsdeg/ mchog tu na dang ya la bstim// snga ma ji bzhin dril gtor dkrug/ sbyor ba thon nas thod mkhar bca'// sbal pa'i sha khrag skams la bsreg/ thal ba ming rus ri lu bya// ri lu sbal pa'i gsob tu gzhug/ sngags kyi sbyor bas thod pas bca'// dug chu bskul la dar gyis gril// lcags kyi phag pa'i lto bar gzhug/ sna tshogs khrag gis thig le bya// phag pa thod pa'i ga'ur bca'// thod pa mun pa sbrul gyis bsdam// zhag gsum thun bzhir thod pa gso// sa sros bar du gnan la gtad// gnyan ra gdug pa'i pho brang du// brgya yis bskos la bcu yis gzhug/ brgya yis bskyed la de nyid bcag/ bsrung ba sngar bzhin sbyor ba bca'// dpang gzugs gdug pa'i lag tu gtad// klu yi lto sbyor sngags kyis dkrug/ mdze rims drag po yams su 'bebs// nA ga gdug pa'i sbyor bar bshad// rgyal mtshan me long gi rgyud las// klu nag lto sbyor gyi le'u ste brgyad cu pa'o//// de nas bcom ldan 'das kyis mdze rims drag po'i sbyor ba 'di bshad do// gzhan yang gtad pa'i sbyor ba 'di// stobs chen drag pos gzir pa'i lus// rang nyid phyag rgya bstan bsgoms la// mchog phur ya ma ra dzar bskyed// byin gyis brlab cing sbyor ba dkrug mdzo tol phag pa'i thod pa la/ mdze can khrag gis gdug pa bri// mdze can dmar gcod thod pa la// gug rgyal ma yi chu yis bsang// don yod grub pa'i stobs kyis bkru// re thum bcug la drag pos breb// de nas rgya shog mdzub gang la// rme ba lnga dang drug gis byug/ sbrul dang sbal pa'i khrag gis byug/ rus chen sa dkar cong zis bsku// brtag pa kun gyi ming rus bri// mdze mo gnyis kyi thabs su gzhug/ de nyid mi nyen tshas kyis gril// gri lcags sbubs su dmigs pa gzhug/ thod pa'i nang du sbyor ba bca'// mchog phur ya ma rA dza ru// bsgoms la stong bzlas gzer du gdab/ kha bcad thod pa'i bcud la bsdu// sngags kyi sbyor ba thon nas brtsom// gang bsgrub 'khor lo kha sbyar la// phyi rim dar dang re thugs gzhug/ sbyor ba'i khrag dang 'bru gsum brab// gshin rje yang yum lto bar gzhug/ klu'i kha 'am mig la gtad// ya ma rA dza'i lag tu gtad// gshin rje rgyal po stobs kyi gnan// drag po gdug pa'i dmod pa por// ral gri dbyug tho 'khrigs pas bsdigs// klu rnams dkrugs la phyag rgya bsdam// gsang sngags smod pa'i mtshon chas gdab// sangs rgyas kun gyi stobs bsdus la// lha yi pho brang bstan par bya// zhing bcu bsdigs pa'i stobs bsdus la// thod pa snying po bcug la bstim// khro bo tshogs kyis sngags bsdus la// gang dmigs bsgrub bya'i khams dang dbral// bdag gi dbang po zhing ras dril// khyung gi dmod sngags drag pos gzir// stong gsum nyi ma'i bcud bsdus la// dbang po gnas bzhir gzir zhing 'joms// sha za srin po'i sbyor ba 'di// gdug pa klu yi stobs dang sbyar// gtad pa'i las su shis par bshad// rgyal mtshan me long gi rgyud las// ya ma rA dza mdze can gyi le'u ste gya gcig pa'o//// de nas bcom ldan 'das kyis gtad khram las kyi mtha' sdud 'di bshad do// gzhan yang gtad pa'i sbyor ba 'di// gnod byed pho mo'i sbyor ba kun// thod can nang du gzugs dang ming// khrag gis bris la zhabs mas gril// bka' rten dkyil 'khor sngags pa bog/ gang rung phyag rgyas zil gyis gnan// srung ba'i lha yis srog skyob na// lta bdun lnga bzhi gang dmigs kyi// gzugs dang ming rnams khrag gis bri// gdug pa'i sngags kyis mtha' ma bskor// du ba brgyad kyis bdun cing brab// khyu mchog rme yi zhabs mas gril// dur khrod ro khang 'og tu gnan// lo khengs skeg dang slungs dar nas// gcad bya mngon du ma khugs na// lo la gshed bsko khams la gcad// skye chen bdud kyi rlung rta gshig/ de yi sbyor ba 'di lta ste// rang lo gcad bya dbus su bri// lo yi gshed bzhi mtha' mar bri// ya ma da rong kham shag rbad// gshed bzhing kha nas 'byung bar bri// sngags kyi thun dbab zhabs mas gril// khyi phag dar ma'i thod par gzhug/dmigs pa gang yin mu la gnas/ khams chen nang gi gcod pa ni// dmigs pa gang yin ming dang rus/ khams de bris la bla rus gzhug/ gcod pa'i gshed du khams nyid bsko// chu gshed sa de shing gshed me// me gshed chu ste shing gshed lcags// lcags gshed me ste sa gshed rlung// sa tshogs brgyad de phag rus gnan// gang yin dgra lnga thod par gzhug/ gang dmigs ngur mchad nang du gnan// keg dgra lo zla zhag za ma// gang bab dus su thod zor bsreg/ 'khor lo gnan pa dag dang bsdeb// gang dmigs rlung rtas srog bskyabs nas// ming rus lo khams sbyor ba kun// khyi phag dar ma'i thod par gzhug/ya ma srog la khams shig dang// ma drag srungs la yam shod bri// dur mchad rten gyi 'gram la gnan// bdag nyid kun bdag ya ma'i sku// sgo dgu rten gsum srog slungs bshigs// gtad pa kun gyi dgongs par bshad// rgyal mtshan me long gi rgyud las// gtad khram mtha' sdud kyi le'u ste gya gnyis pa'o//// de nas yang bcom ldan 'das kyis phyag rgya chen po bsrung pa'i sbyor ba 'di bshad do// gzhan yang bsrung pa'i sbyor ba 'di// rim pa lnga dang ldan pa ste// sngon du lhog na phyag rgyas bsrung// chos sku bde ba chen po las// cho 'phrul zil gnod lhun gyis grub// yan lag rdzogs pa'i thugs ka nas// sprul pa'i 'od zer nyi ma'i zer// rtsol med shar bas gdug pas gzir// sbyor ba'i rdzas ni ldog pa na// phyag rgya rang bzhin lhun grub bstan// khri tsho sngags kyi 'khor lo dang// thod pa'i ming rus dbang bskur brlab// dug chu myos pa'i khrag gis byug/ tshil gsum brun gsum dud pas bdug/ de yis gdug pa zhe gcod gzir// thugs phrad rtsol bas ldog pa na// phyag rgya brtan pa gsal byas la// gdug pa'i nus pa stong gis gzir// dbang po lnga la phur pa gdab// thod pa stobs kyis 'og tu gzir// de yis gdug pa zhag bdun brgyal// sangs nas rjes med rten la gcod// sbyor ba'i rgyal po de med na// gal te rjes nas ldog pa na// lha yi skur bsgoms byin rlabs bstan// stobs kyi lha bsnyen dbang du bsdu// lus la mtshon cha'i 'khor lo bca'// tshogs mchod gtor ma rgyun mi bcad// bsnyen pa chu rgyun mtha' ru gso// gzir ba gsum dang rten la brab// rta gsur btang la rdo nag sba// khro bo bsrung ba'i mtshon cha bskyed// klu rgyal phyag rgyas zil gyis gnan// khro bo'i sngags kyis las rnams gtad// tshe srog dbang po bsdus las brab// rten dang dbye ba yang yang bya// thod 'khor thog tu zor thun dbab// raka ta brlab cing gdung ba brnag 'khur ba bus la sbyugs glu blang// gshin rje bos la dgra la rbad// dun ting sngags dang gzir gsum brab// gzhan gyi go bzlog dbang po bsdam// lus dang yan lag bag chags dril// dud pa gsumadang sngags kyis dbyug/ 'byung ba lnga yis dwangs ma gzung// pho brang dbus su rten la mchod// 'khor la sngags bsrung sbyor bas bsrung// longs spyod bde lam sngags kyis brgyan// tsham ngam drag po'i sbyor ba bzlog/ srid gsum tshe dbang lus la bsdu// de yis lus dbang 'khor rnams brtan// phyis bzlog sbyor ba bzlog pa ni// phag thod nang du ming rus khams// dmigs pa yod med kun bcug la// thod pa dug chu khrag gis byug/ rme khrag dri khrag brnol khrag brdeg khyi phag sbyang khu'i brun tshil bdug/drag po'i stobs dang gang sgrub sngags// brgya par dkrugs la khri bar brdeg/ thod mkhar rten du yang gnan brtsam// gtad pa'i klu la phyag rgya bsdigs// phyis 'byung sbyor ba bsrung bar bsad// rgyal mtshan me long gi rgyud las/ phyag rgya chen po srung ba'i le'u ste gya gsum pa'o//// de nas yang bcom ldan 'das la// dbangaphyug chen pos mtshan ma sgyu rtsal gyi sbyor ba rgyas par mdzod ces gsol ba btab bo// de nas yang bcom ldan 'das kyis sbyor ba'i don 'di rgyas par bshad do// dang po brnal ma'i las la 'jug bsnyen pa'i tshad ma thob pa dang// nye ba'i snying po dngos grub blang// thon nas bsgrub pa dngos la 'jug/lam ma grub na bsnyen pa yi// 'khor lo rgya log bsgyur ba bca'// gsad pa'i sbyor ba stag mo'i tshul// nad kyi sbyor ba zlog la bskor// mtha' ru gal 'greng hol gyis gnan// las kyi sbyor ba ma grub na// lo langs nag mo'i sbyor ba brtsam// bsnyan pa rgya log mtha' nas bsgyur// 'khor lo rdzas la byin rlabs bskyed// sngags kyi rang bzhin bstan pa sbyin// ngo bo mi 'gyur sgyu ma'i sku// phyag rgya bstan pa'i dngos brtags la// 'bru rnams gsol la dbang bskur brlab// ye shes dam tshig gnyis med bste// myos pa'i rdzas la dud bas bdug/ mtha' nas dbus su sbyor ba dkrug sbu gri ming bcas dbus su dril// mtshams su yan lag sbyor ba brtsam// rnal 'byor skal ba mi ldan pas// las brtsam 'bras bu mi 'byung na// bsgrub pa thod mkhar rten la bca'// gzer gsum mtha' ru sbyor ba sbobs// de ma grub na 'khor lo 'pho// de brtsams don med thod mkhar 'pho// gshed bdag las kyi 'khor lo bca'// mthu bril gsad pa'i 'khor lo bca'// mtha' ru mchog sdug gnan pa bya// 'bras bu mngon du ngar rnams dbyung// srod dang tho rangs yul la sprad// las ma grub na mtha' ru brtsam// gsang ba'i sbyor ba dbye bar bya// lnga brgya'i mtha' ru bskang gso'i las// gang yang brtsams la dngos med na// rdzas kyi nus pa sngags kyis bskyed// yang gsang sbyor ba rang la brag/ thun mong spyad na bstan pa 'jig 'di la bag ldan thabs gsang na// las kyi gcong chen drag po yis// sbyor ba me rlung skyin thang mtsho// gsang ba'i gnas su gang gsang spyod// de yi rim pa gsang ba bi// ston zla gsum la dbugs bral ba'i// mgyogs byed rkyang gi mtshan pa la// sbyor ba rten gyi gnas bcas la// bsnyur bu'i snying la khu le bya// 'tsho byed rgyal po'i sum cha la// tsha ba gsum dang bsres la btags// drod kyi rgyal po dmar nag la// sum gnyis tshad du sgar la bsrog/ drod kyi rkyen bzhi gcig dang sbyar// dbyar dpyid tha chung brgyad gsum la// dmigs pa'i rten dang 'phrad pa na// nyi shu bco lngas rkyen blangs nas// zla ba gsum na sbyor ba smin// 'bras bu bzhi yi ngo la smin// rang yang bag med spyad pa min// gzhan yang dpyid zla tha chungs kyi// sra ba gzhung nag nang cha bru// bdun nam lnga ru drod la bca'// 'tsho byed ga bur sum cha la// ha la nag po sum gnyis bsres// nya drod btags la skabs la brtag/ zla ba'i stod la snum la rten// zhag grangs lnga 'am bdun na ldang// lo gsang tshes pa'i dbyar zla la// 'bras bu nus pa phyi ru 'byin// rang yang gdug pa'i lus su bsam// gzhan yang gsod byed bya yi khrag/ mkhar sgong srin can srad chung rtsa// tsha chus bran la lam gyi 'og/bdun nam dgu btsas sngo yi drod// dgun zla gang rung stod la sprad// ston zla gang rung dus la 'byin// zhag grangs bcu bdun dag na ldang// las 'di snang snang bya ba min// gzhan yang 'khyag pa dar dus kyi// thar nu srang chung re lcag pa'i// rtsa ba ma gnad gsum blangs la// 'khyags pa mi nyen nyi mas skam// dpyid zla tha chungs tsha dang brtag/ zho gnyis srang gi khu les bsgar// tshang ngam yang na nad gyi khrag/ bsras la yul dang nya la sprad// bcu'am yang na nyi shu na// mkhris pa dar ba'i tshul du ldang// lo phyed yang na lo dus na// rtsa sbubs mkhris pas rgyas nas 'byin// bka' bor spyad na nyams mi 'grub// gzhan yang chud khu'i rdo reg dang// mu gzi gnas pa'i me reg dang// sbrul gyi sha rus sos kha bse// zhag bdun gyi ni drod la sba// bton nas phabs dang khu les bsgar// sbyor ba bzhi gsum bzhi la phab// lo dus bar du dud khang ngam// yang na bu ma'i mal du bca'// dus kyi zla ba stod la sbrad// chang ngam yang na sha rul tsha// sbyar bas zla phyed yang na gcig/ bad kan skyang sgangs ldang ba'i tshul// zla ba bdun nam yang na bcu// dus las mi 'da' mngon du 'byin// sngon du bka' la don med na// las 'di bya yis gzhan du nyams// gzhan yang me tog rgyas pa yi// ra khrag zhun tshil mar khu bsre// mchin pa dang sbyar chang yor tsa// dgu na bton la nyi mas gdungs// lo phyed chang dang sbyor la gnan// dgun min gang min stod la sbrad// lo yi dus su tsha ba skyed// lo gcig zla ba gnyis na 'byin// dbang po rno la brtson par bya// gzhan yang bra bo sngo zhar sbrang// sran ma tsha dang mar du bsrul// dgra bcom pa bas kyis man nal bslang// sbyor ba gsum skabs brtags la brtsa// slum gyi sbubs su zhag grangs lnga// de nas ga bur bzhi cha bsre// gang rung snang snang gcig la brten// ston zla gsum gyi stod la sprad// lo dus zla ba'i stod nyid la// tsha grang 'dar bu lus sbrid nas// bdun nam zhag grangs bcu bzhi na// rkyen dang drag tu ldan pas 'byin// rgyal mtshan me long gi rgyud las/ mtshan ma sgyu rtsal gyi sbyor ba lo dus na 'pho ba'i le'u ste gya bzhi pa'o//// de nas yang bcom ldan 'das kyis dus tshod zla ba'i dus su 'pho ba'i sbyor ba 'di gsungs so// gzhan yang mtshan ma'i sbyor ba ni// dmar nag ha la chen po dang// ga bur la sogs bsil ba'i dug phyed ma'i thog tu nyungs 'bru'i tshad// nag po nyid dang lga bsres btag dus med gang ru cig la sprad// zhag grangs gsum na nang khrol dang// mgrin pa'i rtsa la sbyor ba 'du// zla ba phyed nas rkyen langs nas// 'og ma'i zla ba'i dus na 'pho// dri ma che ba'i shing du sbyar// drag po nyid kyi sbyor bar bshad// gzhan yang lto ba'i phung ba 'pho// dbyar zla ra ba'i me tog bcud// nag po dag la blangs pa'i sha/ tsha ba gsum dang bag zan gyis// phyi dang yang log tshas byas la// bdun nam lnga du drod la bca'// nyi ma ma yin drod la bskam// btags la blon pa'i sha la rten// 'khyag pa med pa'i drod la sprad// zhag grangs bdun na khong du sbo/ kha nas lbu skyug yi ga 'ching// zla ba gsum mam ngo bzhi na// mi gsal 'thibs shing rten las 'pho// dam par ma zung bka' las 'da'// bung ba khong 'joms sbyor bar bshad// gzhan yang drag pa'i rim pa ni// sos ka'i bung ba drod blangs la// zer mo khrag dang klad pas bca'// chang ngam sha btsos rlangs bas gnan// ston zla 'bring po'i bung ba la// 'bras bu gsum dang hong len btag ra yi 'o ma ka ras gnan// zla ba phyed na ston la bskam// 'bras bu gsum gyi bcus la sbyar// nam mam nyi ma dros la sprad// zla ba'i dus na lce rtsa skam// ro la bcud med lus po sprid// dkar skyur kha zad 'dod pa bskyed// zla bo gnyis sam gsum du 'dzin// bzhi yi ngo la brten la 'pho// 'chol bar spyad na dam tshig nyams// dogs pa med pa'i sbyor bar bshad// gzhan yang lu ma'i mi 'bab chu// rdo dreg rtsa rtse me tog skyags// tsha pa gsum dang shing rul bsre// rtsi thog rgyas pa'i khrag 'dzin bsre// zhag dgu btsas la zla phyed skam// nyi ma ma yin dus pa la// zla ba'i stod la blangs pa'i rten// brtags la dmigs pa'i rten dang sprad// nyi shu gcig gam gnyis na slong// dus kyi zla ba gsum na 'pho// dkon mchog mchod dang dam tshig gso// 'gyur ba med pa'isbyor bar bshad// gzhan yang skyer ba'i chu bskus la// mngar dang so bya'i sha khrag bsre// chu dgu sbos pa'i tsha dang sbyar// bong ldang rtsa ba bsres la brtag/ shing shun gla rtsi snum dang sbyar/ kha zas 'dod pa gang la 'ang// 'dod pa yod pas nye bar sprad// zla ba'i dus na sgang zhing sdo// rlung nad lta bur zla dus gnas// dus tshod zla ba'i gnyis gnas 'pho// rdo rje sems dpa'i ngo bor brtag dus kyi sbyor ba nye bar bshad/ rgyal mtshan me long gi rgyud las/ mtshan ma sgyu rtsal gyi sbyor ba las zla ba'i dus na 'pho ba'i le'u ste gya lnga pa'o//// de nas yang bcom ldan 'das kyis dus tshod nye bar 'pho ba'i sbyor ba 'di gsungs so// gzhan yang sbyor ba'i rim pa ni// drag po til gyi 'bru tsam dang// nya dang sbyang mkhris bskams la bsre// drag po drod kyi rkyen dang sbyar// nyi mas spros la sga yis bdug/ rten dang sprad na gsum na ldang// nyi shu gsum nan lnga la 'pho// 'gyur ba med pa'i sems nyid brtag/ gzhan yang glang po'i mchin pa'am// gcan gzan gdug pa'i mchin khrag la// yung ba ldum shing rwa tsha bsreg/ tsha ba gang rung brten dang sbyar// zhag drangs nyi shu gsum na 'pho// ya ma ka li mun tra stom// gzhan yang rtsi thog rgyas pa yi// khrag dang sbyang tsher me tog go/ snying po rkyang gi rkang sungs gsum// bsres la nang rod bgrangs la sprad// zhag grangs bco lnga dag na 'pho// brtson 'grus pa sam gtan rig pa bskyed// gzhan yang me tog sna tshogs la// bong ldad rtsa ba bsres la skam// chang gis bran cing ston kha btsa'// zhag grangs bdun na bton la btag/ drod gsub sha dang sbyar la sprad// bcu 'am zhag grangs dgu na 'pho// chos sku bde ba'i nyams dang sbyar// gzhan yang ba spu smin ma yi// 'bras bu lga dang bsres la brtag/ khyi lce'i rtsa ba brtags la sbyar// 'bru mar til mar dag la brten// zhag grangs du ma mdun na smra// ngag gi dbang po mi gsal 'chi// tho rangs nyi ma'i rtan las 'pho// thams cad thugs rje chen pos gzung// gzhan yang bcud rgyas sngo sna tshogs// chang gis bran la kyi tshang gnan// bcu gsum mtha' ru bskams la brtag/sha btsos btsags la rdzas rnams blugs// rten dang phrad nas brgyad gsum na// 'khru dang bshal te nyams chung 'pho// rag sha ya ma'i klong du bstan// gzhan yang sbyor ba'i dus bstan pa// sha yi dngas ma drod ldan la// chang gis sbangs la zhag bdun sba// bdun nam dgu la rten la 'pho// de dag sbyor ba dam pa ste// zhag grangs dus kyi sbyor bar bshad// rgyal mtshan me long rgyud las mtshan ma sgyu rtsal gyi sbyor ba dus nye bar 'pho ba'i le'u ste gya drug pa'o//// de nas bcom ldan 'das kyis gnyan pa'i sbyor ba 'di gsungs so// gangs chu g.ya' chu'i 'o ma la// 'bras bu gsum dang ga bur bsre// brtags la gong ma'i chu la sbyar// lnga 'am bdun du gnan sprod na// zhag grangs zhugs pa'i sbyor ba 'pho// gzhan yang skyer chu 'o ma'i chu// grang bskus byas la ga bur bsre// zla bar zhugs pa'i sbyor ba 'pho// gzhan yang seng phrom mtshe rtsa bsku// skye tshe dang sbyar yang yang gnan// lo dus 'pho ba'i sbyor ba 'joms// ye shes rig pa'i gnas dang sprad// gzhan yang rin chen dri chu gsal ba'i mdangs// dwangs snyigs phye la skar chu sbyar// thun dgu yul dang nyar bar sbyar// sbyor ba sna tshogs las kun 'joms// drag po sngags kyi brda dang sbyar// de dag thun mong stobs can de// lnga bdun zhag gi mchod pa dang// sngon du gnyen po bcu pa na// nye bar 'joms pa'i gnyen por bshad// gzhan yang mngar zhing kha ba dang// 'bras bu nag po smin pa dang// sha bu bsregs la gsil dang rtag/ stong pa gsum gyis dus su sprad// ha la drag po nye bar 'joms// brtan pa rig pa'i klong nas 'phang// gzhan yang hor len me tog ser// sreg cing g.yeng ba'i 'khor lo bca'// rtsibs ni mtshon cha bcu gnyis la// lte bar dmigs pa'i ming rus yul// rtsibs la gang 'dod bzlas pa'i sngags// rtsibs mchan yi ri phaTa? kyis bskor// gzugs la brnol khrag sme bas bsku/ kha na mche ba bsnol mar bsham// g.yas na phyag shing rlung g.yab gson// skra dang sma ra rtsub la li// ba sbu smin ma rno la gshor// sha mdangs gnag la gnyer ma gyong// skye dang lag pa ring la 'phra// 'og nas chu klung 'khrug cing skyom// lus la lcags kyi zhun khrab gsol// sog po gdong rings gdug pa'i lus// 'khor ba srung byed nag pos bya// phung sri pho mo 'bum gyis bskor// rten gyi gzugs la bod kyin bstim// snying po sngags kyi sbyor ba gsum// bod skad g.yang ba'i sbyor bas bya// lus dang gzugs de 'dar ba dang// gzugs de 'phar ram ldog na 'grub// 'bru gsum yan lag 'dod pa yis// dmigs pa'i yul la 'bum du bzlas// nam gyi phyed dang gung yol na// g.yas bkram 'og tu khru gang sba// steng du stobs kyis 'khor los gnan// dur khrod ras la thugs kyis sngags// rtsibs bzhi dbus dang ldan par dgod// ga 'u 'am ni thod par gnan// rten gyi gzugs de so btang la// sngags dang ldan pa'i sbyor bas bya// de nas bcom ldan 'das kyis sngags 'di bton to// ya ma rag+sha dun dunadri ma sha baM// dri dza che gar mo la phaT b+h+yo yengs khrol// stobs can nag po yul khams kyi// gnod byed gdug pa'i mkhar dang 'brel// phyag rgya chen pos stobs kyis bkol// khyad par stobs kyi sbyor bar bshad// rgyal mtshan me long gi rgyud las// gdug byed nag pos mkhar dang bral ba'i le'u ste dgu bcu pa'o//// de nas yang bcom ldan 'das kyis gsang thabs kyi sbyor ba 'di bshad do// dkon mchog smod pa'i sku dgra la// sprul pa'i sbyor pa 'di lta ste// sprel dang byi la khyi sbrul bya// wa sram sbu dang khrag bsrel la// rme thod khram thod sram thod khram// yang na pha mes bla thod rab// de med phyi ba'i thod pa ru// phung sa gsum la mi shis rdzas// blugs la bal tshon sna lngas dkri// sre nag gsum du 'bru sna gsum// g.yas g.yon khrag sna dbus su 'bru// steng du rdzas kyi phung po gnyis// g.yas g.yon gnyis su phyi ba'i mgo/ steng nas dar nag gur bkab la// 'bum tsho bdun du gsang sngags bzlas// de nas bcom ldan 'das kyis gsang sngags 'di bton to// ya ma kha la ma ra ti// druM ru shag druM shi phaT// thon nas byi ba phug ron la// brnol khrag bskus la sbyor ba 'phang// sbyor ba'i rdzas rnams gsum du bcad// phug ron byi ba thod par sbyar// nya gsum skya rengs lam du gzhug/ nam mkha' bar snang sa la sbyar// gsang sngags khri gnyis sbyor la dbab// ru yaM ti sham ti shag b+h+yo nag rbad// dus kyi dbye ba gsum du sbyar// ra ba gang rung stod la bsgrub// tha chungs gang rung smad la bca'// tha chungs stod kyi nam smad gzhug/ gza' skrar sbyor ba'ang gsum du dbye// rgyal dang smal po mgo la sgrub// lag sor dbyug pa gang rung bca'// sta pa shan pa gnyis la gzhug/ gza' yi rgyal po gnyis la bsgrub// blon po rkos mkhan gnyis la bca'// las byed shan pa gnyis la gzhug/ dus dang bza' dang gcig la sbyar// sbyor ba stobs kyi las su bshad// rgyal mtshan me long rgyud las// gsad pa'i sbyor ba gnas dang bral ba'i le'u ste go gcig pa'o//// de nas yang bcom ldan 'das kyis drag po'i sbyor ba 'di bshad do// dur khrod mi sogs thod chen la// rma ba lnga dang ldan par bya// ma ra ba yi gzugs bris la// mgo la ming bris bla la rus// snying khar mA ra ya thum rbad// lus dang sen men sog thur rbad// bkod la dug chu tsha ba dku// dmigs dang gos dang rdzas kyis dril// sogs ba thod pa'i nang du gzhug/ gsang sngags 'bum cho bdun du stim// tsha ba gsum gyi thun gyis brab// thon na dmigs pa'i dur khar sba// khri yis gzir la brgya yis gnan// sngags kyi spu gri gsum du sbyar// de nas bcom ldan 'das kyis nyid kyi sku gsung thugs las gsang sngags 'di ston to// hri da ya ba ti ya sa ma ya sa ma ya sen men srog la thun mA ra ya rbad/tsit+ta pri pri sha sha ya gzir thum/ stam pa ya nan/ tha chungs gang rung mar ngo la// ya man ta ka'i sbyor ba brtsam// gsad pa las kyi gnad du bshad// rgyal mtshan me long gi rgyud las// sbyor ba drag po'i le'u ste go gnyis pa'o//// de nas yang bcom ldan 'das kyis mdze yams drag po'i sbyor ba 'di bshad do// ya ma las kyi las brtsams pa// yugs sa mo 'am brnol mo'i zhabs ma la// dbus su dmigs pa'i gzugs rnams bri// mtha' mar lo gshed bzhi dang sbrul// bris la sbyor ba'i rdzas kyis byug/ nad khrag brnol khrag phag khrag dug/ tsha ba gsum dang rme ba lnga// brnag pa'i gzugs la ming rus bri// gshed bzhi'i ru gsad pa'i sngags// sbrul gyi gseb tu gnan pa'i sngags// bris la rdzas de khar nag gril// khyu mchog rwa yi nang du gzhug/ 'bum tsho dgu ru gsang sngags bzlas// zangs lcags rdo yi thun gyis brab// thon nas gdug pa'i gnyan la gtad// sbyor ba lo yi dus na smin// de nas bcom ldan 'das kyis nyid kyi sku gsung thugs las gsang sngags kyi sbyor ba 'di bton to// ka ba du ru ma ya me dza la kra ti mA ra ya thum ril hur yarba/ni dza la ya gzir nan// drag tu khri khris las gnyer gtad// mdze yams drag po'i las su bshad// rgyal mtshan me long gi rgyud las// mdze gril gsad pa'i le'u ste go gsum pa'o//// de nas yang bcom ldan 'das kyis lo thog gzhom pa'i sbyor ba 'di bshad do// dur stag seng ge'i thod pa la// brnol dang rme khrag thig le bya// yul gyi sa chu sngo sna'i ming// shing la bris la thod par bzhag/ sngags kyi sbyor ba tshad mas gzung// thon nas dmigs pa'i yul dbus sba// gsang sngags bstim la rta thog brdeg/ 'bras bu lo thog thabs kyis 'joms// dgu dang bcu gcig nya dang bzhi// bcu dgu nyi shu dgu la brtsam// de nas bcom ldan 'das kyis gsang sngags 'di bton to// ya ma ra dza phroM ma hi rdubs drag b+h+yo seng khrol drag chems nA ga tri ling gzir nan/ hur thums ta phroM phroM shar shar tog chems b+h+yo/ yam gtum po'i skur bsgoms la// lan grangs gsum mam lnga ru brtsam// 'bras bu lo thog 'joms par byed// rgyal mtshan me long gi rgyud las// lo thog 'joms pa'i le'u ste go bzhi pa'o//// de nas yang dbang phyug chen po yis gsol ba btab bo// bsregs pa'i me yis sbyor ba dang// 'khor lo las thor bu bsdebs pa'i sbyor ba dang// ro langs gsang ba'i sbyor ba bshad du gsol// zhes zhus so// de nas yang bcom ldan 'das kyi sbyin sreg gi sbyor ba 'di bshad do// sngon du bsnyen pa'i drod thob nas/ khams gsum zhi bar bya ba'i phyir// sa phyogs snum la gzhol ba ru// stegs bu gru bzhi 'thas pa la// 'o ma sman gyi chag chag gdab// dbus su me thab zlum po la// steng 'og mdzub re brkos la rtsig/ dbus su las kyi rdo rje bri/ kha khyer dkar po rdo rjes gtams// phyi rol pad+ma 'dab brgyad mdzes// sgo dang gru chad rdo rje me// bum pa bzhi dang ldan par bri// 'o ma can gyi shing dag la// ldum bu mdzub re brgya rtsa brgyad// lo ma me tog shing thog 'bras// mngar dang snum 'khur mchod pa bsham// hom shing zlum pos thab bkang la// gshin rje'i sbyor ba dang ldan pas// pad+ma'i lte bar me lha bskyed// 'dab brgyad mchod pa'i lha mo brgyad// steng ru 'jam dpal de bzhin gshegs// kun kyang sku mdog dkar la 'jam// gzhon tshul ldan pa'i lhar bsams la// bkra shis gzungs mas me spar bas// lha dang me lha spyan drangs bstim// mchod pa lnga dang bsreg rdzas dbul// gsang sngags sbyor ba bcu yis dbul// bstod dang 'dod pa'i las rnams bsgo// lan grangs dus gsum bcu bdun dbul// de nas bcom ldan 'das kyis dbul ba'i gsang sngags 'di bton to// oM many+dzu shri ba tsa de ro ya ma che ge mo shAn+tiM ku ru swA hA/ag ne tib bya swA hA/ dz+wa la raM che ge mo shan+tiM ku ru swA hA/ bkra shis 'phel zhing zhi ba'i mchog/ 'dod pa'i 'bras bu gang 'dod blang// me lha rten pa zhi bar bshad// rgyal mtshan me long gi rgyud las// sbyin sreg zhi ba'i le'u ste go lnga pa'o//// de nas yang bcom ldan 'das kyis rgyas pa'i sbyor ba 'di bshad do// nyams dga' dben pa'i skyed mos tshal// mdzes par dben pa'i sa phyogs su// gser ram rin chen sna lnga la// dkyil 'khor gru bzhi lham par bya// dbus su khru gang chag gang dbangs// gru bzhi kha khyer sor bzhi sor// nang du 'khor lo rtsigs bzhi la// lte bar pho brang gru bzhi ser// phyi rim 'khor lo rtsibs bcu la/ kha khyer pad+ma 'dab brgyad mdzes// bskor ba sgo bzhi pad+ma bzhi// rdo rje dang ni me ris bskor// yaM shing khru gang gru bzhi ser// brgya rtsa brgyad dang bdud rtsi spang// shing thog 'bras bu 'bru yi chan// la phug snum khur mar dang zho// mchod pa lnga dang bsang gtor bsham// ya man ta ka'i sbyor ba yis// hoM shing dag la spel pa'i sngags// rin po che dang me tog dgram// nor dang rig rgyud dbang thang srog/ gang 'dod bris la dbus su gdags// pho brang dbus su ta ma'i sku// rtsibs bzhi gshed bzhi phyogs skyong phyi// sgo ma mchod pa'i lga mo mdzes// kun kyang ser po rin chen brgyan// 'khor lo rin chen snye ma phyag/ 'gying bag rgyas pa'i snying po bzlas// spyan drangs mchod mthar sreg rdzas dbul// gsang sngags bcu bculha de la// phul la gang 'dod rgyas par bsgo// bstod dang las rim spyi dang sbyar// de nas bcom ldan 'das kyis nyidakyi sku gsung thugs las sngags 'di bton to// oM a kro te kA ya mAn ta ha na ma tha b+han dza hU~M ya ra na phaT/ puSh+tiM ku ru swA hA/ ag na ti bya dzA la spa ra na phaT puSh+tiM ku ru phaT/sku yis sngags bzlas yan lag rgyas// lus dang yan lag gang 'dod brtsam// thal ba ming bcas ga bur tsa// rin chen 'bras bu snying po bcud// skyed mos tshal dang ljon par gnan// thams cad rgyas pa'i sbyor bar bshad// rgyal mtshan me long gi rgyud las thams cad rgyas pa'i le'u ste go drug pa'o//// de nas bcom ldan 'das kyis dbang gi sbyor ba 'di bshad do// dkyil 'khor mda' gang gru bzhi la// rak+ta tsan dan chag chag gdab// thab khung zla kham dmar po la/ kha khyer mtho gang lcags kyus bskor// phyi rim 'khor lo rtsibs bcu la// pad+ma'i lte bar rdo rje bri// mtshams su pa shaM ku ru bri// gar 'dod dmigs pa bar dang 'og hom shing yam shing tsan dan dang// seng ldeng rgya skyegs rak+tas bsku// rgun 'brum me tog go la mngar// mar nag pad+ma rak+ta mtshal// sha sna mchod pa'i yo byad bsham// ya mAn ta ka'i sbyor ba yis dbus su gshin rje'i rtsibs la bdud// gru chad 'gugs byed sgo ma sgom// spyan drang mchod la me sbar dbul// gang 'dod dbang bsdu 'phrin las bcol// sku 'khor dmar la lcags kyus dgugs// sngags kyi 'od zer 'phro zhing 'gugs// me lha mdun brtag mchod cing bstab// gsang sngags bcu yis brgya ru dbul// gang 'dod dbang du 'du bar 'gyur// de nas bcom ldan 'das kyis nyid kyi sku gsung thugs las gsang sngags kyi sbyor ba 'di bton to// oM hriH Sh+ti bi kri ta na na ba shaM ku ru hU~M dza dza kha hi/ hri ti ag ne ti bya dz+wa la raM pa shaM ku ru dza ho kha hi/ gang dmigs lus dang yan lag kun// rang dbang 'dus nas gang 'dod sgrub// zangs dang bse yi ga 'u ru// thal ba ming yang bcug la gnan// gang 'dod 'gugs pa'i sbyor bar bshad// rgyal mtshan me long gi rgyud las// thams cad dbang du bya ba'i le'u ste go bdun pa'o//// de nas yang bcom ldan 'das kyis drag po'i sbyor ba 'di bshad do// dur khrod gdug pa'i dben gnas su// phung shul gsum gyi sa blangs la// stegs bu dug chu khrag gis bran// dbus su me thab drag po la/ kha khyer gsum dang ldan par brtsig/ rgya sol dag gis nag por byug kha khyer thod pa me ra'i rtsang// dbus su brnag pa'i ling ka la// phyi rim rtsibs bzhi bcu gnyis bri// sgo dang gru chad thod pas brgyan// rdo rje ra ba me ris bskor// gzugs la hom shing tsher ma can// zur gsum nag po dug can gzugs// steng du ya mAn ta ka sgom// rtsibs la gshed bzhi phyogs skyong bcu// gtso bo'i bka' bstod me lha bdud// sgo ma 'khor skyong rdzogs par bsgom// phyi nang mchod sogs gtor ma phud// sha chen sha sna khrag sna dug/ mar khu til 'bras so ba shang// skye tshe nyungs nag dug shing dbul// spyan drangs la sogs spyi dang sbyar// gsad pa'i sbyor ba stong du bya// gsod pa'i 'khor lo stong du bca'// zhing ras rgyu la rma bas byug/ thig bzhi btab pas rim bzhin bskor// brgyad dang bcu gnyis bcu drug dang// mtha' ma nyi shu 'khrum mig bya// dbus dang phyogs kyi rtsibs bzhi la// 'khrul sngags drag po lnga dang ldan// phyi rim rtsibs chen bcu gnyis la// drag sngags bcu gnyis me dbal gshed// yang logs khang pa bcu drug tu// bsreg pa me yi snying po dgod// mtha' ma rtsibs chen nyi shu la// gcod cing gnan pa'i spu gri dgod// 'khor lo dug shing me la bdug/ myos pa'i khrag dang dug chus bran// rabs chad thod pa kha sbyor du// gsad pa'i 'khor lo kha sbyor gzhug/ bar snang sreg pa'i rten du bca'// nyin mo mtshon cha'i 'khor lo bskor// mtshan mo dgug cing thun gsum bsreg/'khor lo me dang sdebs pa yis// drag po mchog gi sbyor ba 'grub// thon nas thod pa gnyan la gtad// 'khor lo me thab bsgyer cing brtsam// brnag pa stobs chen lus srog dbral// de nas bcom ldan 'das kyis nyid kyi sku gsung thugs las gsang sngags 'di bton to// ya ma me ta k+She/ ra tsa sa to/ ru na yo ni/ ra ya tsa ni/ hriSh+ta aM ku sha dzA la raM thun dz+wa la raM ag+ne hri dza/ hriSh+ti bra ma mur tsa rak+ta tsa ra mA ra ya rbad/staM b+ha ya naM/ dang po dbus nas thog drangs la// rnal ma nyi ma bzhi ru bskor// spogs pa bcu bdun bzlog pa bzhi// gnad la bor nas dkrugs la gsad// las rnams kun gyi sbyor ba'i mchog/rgyal mtshan me long gi rgyud las// drag po lto sdebs kyi le'u ste go brgyad pa'o//// de nas bcom ldan 'das kyis 'khor lo mthun sdebs kyi sbyor ba 'di bshad do// dur khrod gnyan ra gdug pa ru// sbyor ba drag po'i las la 'jug/ dur khrod gnas nas rgyu blangs la// sbyor ba rdzas kyi thang la bya// 'khor lo mu khyud bzhi ru bskor// thig bzhi dbus nas rgya gram gdab// thig bzhi btab pas le tshe brgyad// dbus kyi 'khrul mig glong bu yin// phyi rim thig bzhi gnan la gdab// bcu gnyis gshed kyi khang pa yin// yang logs bcu drug thig brgyad bsnan// gcod pa'i mtshon cha'i khang pa yin// mtha' ma 'khrul mig nyi shu bzhi// bskyod pa thun gyi khang pa yin// drag po 'khrul mig lnga bcu bdun// bka' bzlog drag po'i mtshon cha yin// de la gnas pa'i rim pa ni// dbus kyi 'khrul mig lnga po la// 'phen pa rtsa ba'i 'bru lnga dgo/phyi rim 'khrul mig bcu gnyis la// rA tsa la sogs bcu gnyis dgod// yang logs bcu drug khang pa ru// gcod pa spu gri'i sngags rnams dgod// tha ma nyi shu rtsa bzhi la// bskyod pa thun gyi sngags rnams dgod// 'khor lo mtshon cha me dbal sngags// dal rims 'byung pa dkrug cing gsod// dkrugs la sngags rnams me rlung dgod// bkod pa ji bzhin nyin mo gtor// mtshan mo thun sngags dril la dbab// rims nad tsa sbubs me ltar mched// 'khor lo rgyal po srog rtsa gcod// de nas bcom ldan 'das kyis nyid kyi sku gsung thugs las sngags 'di ston to// ya ta me k+she ma/ ra sa to tsa/ ru ni yo na/ ra ni yo na/ra ni tsa ya/ hriSh+ti a mu ka pra ma ni sha ku ru ni thum shag rbad/ ma ma kha la rag mo thun b+h+yo/ badzra snying kha rag ma tsit+ta thun rbad/ mugs ti rag rngubs srog la thun shag rbad/ mtha' ru 'khor lo thod pa bca'// dred mo ral pa gnyigs pa yis// khrag gis bskus la zhabs mas gril// gting bdud mun pa'i gling du gnas// 'khor lo thun sdeb sbyor bar bshad// de nas bcom ldan 'das kyis 'khor lo byad stems kyi sbyor ba 'di bshad do// dur khrod rgyu la thang ba bya// 'khor lo rim pa gsum du bskor// dbus su gsang mdzod khang pa brgyad// yang logs rgya gram rlung ri'i sngags// phyi rim phyogs kyi khang pa bzhi// de la gnas pa'i rim pa ni// dbus dang phyogs bzhir rtsa ba'i 'bru// gsang mdzod mtshams bzhir ming dang rus// rgya gram spu gri'i lo khams bar/ khang pa bzhi la smyo dang 'bog/ rengs dang lkugs pa'i sngags rnams dgod// 'khor lo yab yum lto bar bri// dug chu rme khrag smyo 'bog khrag/ bskus la sbyang khu'i thod par gzhug/ gsang sngags nyin mtshan brgyad du sdeb// rtsa ba'i sngags la bzhi ru dkrug/mtshan mo byad kyi spu gri gdags// nyin mo dbang po 'chal ba'i sngags// mtha' ru gong gsum g.yeng sar gnan// de nas bcom ldan 'das kyis nyid kyi sku gsung thugs las sngags 'di bton to// ya ma me ta k+she/ya me ta k+she ma/ ya ta k+she ma me/ ya k+she ma me ta/ ma me ta k+She ya/ me ta k+She ma ya/ ta k+She me ma ma ya/ k+She ma me ta ya/ ya k+She ta me ma/ ya ta me ma/ ya ta ma me k+She/ ya me k+She ta ma/ ya ma k+She ma/ ya ta me/ ya ma k+She ya me ta/hri sta ha na/ hri ta na phaT/ sha ni ru pa hU~M phaT/ ya bag ni/ ma ta tsa ma tsa rag mur tsa ya a mu ka ni sha ka ru ni rbad ya pra ma mur tsa rak+ta tsa ra ya a mu ka rbad/ pra ma mur tsa rak+ta tsa ra ya a mu ka thuM ril rbad/tsa ma pra ya mur a mu ka hri da ya hU~M phaT/ de dag sbyor ba dam pa ste// thabs kyi rgyal po 'phrul gyi bcud// 'khor lo byad stems gsang bar bshad// de nas yang bcom ldan 'das kyis 'khor lo shod sdebs kyi sbyor ba 'di bshad do// zhing ras sam ni rgya shog la// rdzas dang sbyor bas legs byug la// 'khor lo rim pa gsum du bskor// dbus nas phyogs bzhir thig bzi gdab// 'khrul mig brgyad dang bcu drug brtag/phyi rim nyi shu gnyis su bya// de la gnas pa'i rim pa ni/ kha nga pa lnga ru dgod pa ni// ya me ta k+She ma rnams dgod// de yi phyi rim bcu drug la// sngags kyi rgyal po hri Sh+ti dang// dgra bo mA ra ya rbad dgod// phyi yi nyi shu rtsa gnyis la// dkar nag shod kyi snying po dgod/ kha sbyor bcas la du bas bdug/ rme thod khram thod nang du gzhug/ thod pa ling ga ming rus kun// re thums 'khar nag dong du gzhug/dong kar sle nag zhing lbags gdang// rde'u dkar nag rgya mtsho gnyis// dug lnga blud la lpags khud spung// bar du brnag pa'i ming rus gzhug/ gshin rje'i sbyor ba dang ldan pas// zhing lpags gon la sha chen mur// spyugs glu glang gin shod r+d+wa bgrang// 'khor lo brgya bar shod sngags bcu// sbyor ba gsum du lto sdebs la// dkar pos lta dgug nag pos gsad// yang na nyin mtshan brnol mar brdeg/ ya tshogs hri sti brgya brgya yis// dmigs pa'i brnag pa rnol mar bcad// 'khor lo thod pa bdug cing bran// mtshan mo shod rde dkar nag 'grem// bcu yis dkar po bgrang cing bkug/ nag po brgya pa gzugs la brab// dbang gzugs 'o dod cho nges gdab// thod pa shod nag gnyan la gtad// dkar po lus bsrung stobs dang sbyar// sngags kyi sbyor ba tshad mas gzung// de nas bcom ldan 'das kyis nyid kyi sku gsung thugs las sngags 'di bton to// ya me ta k+She ma dgra bo mA ra ya rbad ya/ hri Sh+ti bi kri ta nan hU~M phaT/ dgra bo mA ta ya rbad ya/ ya ma kha la da ros hril myags thum ril tsit+ta hur yaM dza dza/ dgra bo mA ra ya rbad/ skabs dang sbyar na mchog tu bshad// rgyal mtshan 'khor lo'i rgyud las// 'khor lo sbyor sdebs gsang ba'i le'u ste go dgu pa'o//// de nas yang bcom ldan 'das kyis ro langs nag mo las mkha' 'gro brtsegs pa'i sbyor ba 'di bshad do// drag po'i las la stobs med na// yang dag bde ba'i gnas mchog tu// rdo rje zegs ma'i las mchog brtsam// phyag rgya chen po'i brten thob nas// nye ba'i bsnyen pa tshad mas bzung// las kyi 'khor lo stong phrag bskor// ro langs nag mo'i sbyor ba brdeb// ro ras rme bas legs byugs la// phan tshun thig drug legs btab la// ru thig gnyis te re mig skyong// mu khyud rim pa lnga ru bskor// dbus su drag po'i 'khor lo brgyad// gcod pa yum gyi spu gris mdzes// phyi rim rdo rje rgya gram la// yab kyi drag sngags 'bru lngas gang// mtshams bzhir gsad pa'i spu gris mdzes// sku gsung thugs kyi bcu drugal// mkha' 'gro gsod byed snying po dgod// yang logs sku yi bcu drug la// mkha' 'gro gtum ma'i snying po dgod// mtha' ma 'akrul mig bcu drug la// gsod byed nag mo'i snying po dgod// 'khor lo sbyor ba'i sngags kyis gang// 'bar zhing bod 'bar khro zhing sdud// gcod pa'i skam chags sreg cing gnon// chags pa bde byed grol ba'i lam// sngags rnams rin chen 'od 'bar gsal// de nas bcom ldan 'das kyis nyid kyi sku gsung thugs las 'khor lo dgod pa'i sngags 'di bton to// ya ma me tA k+She/ pra ma ya rbad/ mur tsa ya rbad/ rak+ta tsa ra ya rbad/ mA ra ya rbad/ snying re sh+Ya ma duM tsit+ta ta ra ga ra rdubs ro tsa rmugs mugs kha rag hri/raM thun gzer badzra snying kha la rag sha hri sha hI su drag rag sha baM/ drag rag sha snying ra rag ma rag mo hi dun rmugs tsit+ta sha ya ma de ma b+h+yo ru lu rbad ya/de dag sngags kyi sbyor ba ste// bcu gnyis brgyad dang yang dag ldan// dang po 'phen pa'i rlung nas drang// gshed kyi 'bru bzhi dkrugs la bskor// rdo rje phyogs nas rin chen mtshams// yab yum 'bru dgus lto dkrug yin// nyi ma dang po las kun byed// ya ma ta k+She me snying ri shan duM// gnyis pa rin chen phyogs nas brtsams/// pad+ma'i mtshams su 'bru dgus sbyor// ya ta k+She ma me tsi t+ta rag ta// gsum pa pad+ma'i phyogs 'gro ste// las kyi mtshams su de bzhin bskyal// ya k+She ma me ta/ rdubs ro tsa rmugs/ bzhi pa las phyogs rdo rje'i mtshams// 'bru dgu rdzogs pa'i sbyor ba yin// mkha' 'gro 'bar bas dbyings sdud yin// rtsa ba'i sbyor ba mchog tu bshad// de bzhin mtshams bzhi'i sbyor ba yang// 'khrul mig brgyad brgyad bsnol mar bsdeb// rdo rje phyogs nas sngar bzhin rtsi// raM drag rag thun gzer sha snying badzra/ snying kha rag la ma rag rag sha mo ma hri shiha hi dun su/ drag mugs tsit+ta rag+sha ta shag baM/ mtshan mo brdeg pa ba rnag pa'i mchog/ rtsa ba'i sbyor ba dang por bshad// gzhan yang thabs kyi sbyor ba ni// phyogs kyi dang po gnyis par dril// dang por yab kyi 'bru gnyis blang// mtshams su 'dod pa'i a mu ka/ spu gri spags pa rim bzhin sbyar// phyogs bzhi sbyor ba nyi ma bzhi// mtshan mo mtshams kyi de bzhin bsdebs// ya ma snying raM drag rag thun ro// ya ta tsit+ta snying ka rag ta// ya k+she rdubs sha mo ma hri ro// la me mug tsi rag kha// 'dod pa'i spu gri snga ma bzhin// mtshams bzhi'i sbyor ba 'di lta ste// 'phen pa'i ya nas 'khrul mig drug/rdo rje rin chen mtshams nas brdeb// ya shan gzer ma sning badzra rum// ya rag la ma rag rag ta/ ya tsa shrI hrI dun su rmugs/ ya rag sha ta shag baM hril/ mtshan mo 'phen zhing dbang po 'joms// rig pa stobs kyi sbyor bar bshad// gzhan yang thad tshugs drag po'i las// phyogs ngan phyogs de phyogs bzhir dril// rdo rje phyogs kyi dang po nas// ral gri'i phyogs su rdzogs par brdeb// drag raM snying ma ya k+She ro hi ma// mo sha rngubs k+She ma ma ro thun rag kha snying tsat+ti ya me kha rag tsi// rmugs drag rmugs me ya ta kha rag/ nyin bzhir spu gri snga ma bzhin// mtshams bzhi'i thad tshugs mtshan mo bzhir// rdo rje mtshams nas rdzogs par bsdeb// sha gzer shan ya rmugs su dun// hiha shiha rtsa ya dum badzra snying// ma la rag ya hril ba shag/ ta shag rag ya rag rag mtshams kyi 'bru bdun sbyor ba bzhis// mtshan mo dril zhing bkug nas 'joms// mkha' 'gro drag mo brtsegs pa yi// las mchog sbyor ba rgyal por bshad// dbus nas mgo gcig gdong lce lnga// sngags 'phros spal 'gros lta bu yi// phyogs dang mtshams su nye bar brtsi// rdo rje phyogs nas rin chen gyis// phyogs la nyi ma bzhi yi las// 'bru bdun sbyor bas 'joms pa yin// ya ma snying ro thun raM drag rag/ ya ma shan dum badzra gzer sha snying// ya ta tsit+ta kha snying kha rag ya ta rag ta rag ya ma rag 'dod pa'i smu gri sngar bzhin sbyar// rten bzhi dbang po nyi mas 'joms// de bzhin mtshan mo 'joms pa'i las// sbal 'gros bskor phyogs rim par bsdeb// ya k+She rngubs ro hri sha mo ma/ya k+She rtsa rmugs su shiha ha dun/ ya me rmugs kha rag rmugs ci/ ya ma rag hril bam sha ta shag phyogs mtshams sbyor ba bsdebs pa yi// drag po'i gnad dgu 'joms par bshad// drag po 'bru gcig 'phen pa'i stobs// gshed bzhi dril la yum la 'phro// yab kyi 'bru lnga bcu gnyis brdeb// 'khyil ba sprul gyi 'gros stabs kyis// nyi ma bzhi bsdebs rgyal blon 'joms// ya ma mo kaShe ta/ snying ro shan dum tsat+ti rdubs/ro rtsa rmugs/ ya me k+She ta ma rmugs/ kha rag hril raM thun gzer badzra snying kha la rag ya k+She ta ma me/ sha hri shaa sU rag rag shom baM drag rag sha snying/ ya ta ma mo k+She kha rag ma rag mo ma hi dun rmugs tsit+ta shag thabs rnams dril ba'i sbyor ba yis// rgyal po blon po stobs can 'joms// sbyar ba kun ldan mchog gi mchog/ thabs gsang bag bcas sbyor bas bya// gzhan du gnyis ka 'chang bar 'gyur// srid gsum las kyi lto dkrugs yin// rgyal mtshan me long gi rgyud las// mkha' 'gro brtsegs pa'i le'u ste brgya tham pa'o//// de nas bcom ldan 'das kyis ro langs nag mo tsit+ta gsang ba'i sbyor ba 'di dag go/gzhan yang zes ma'i sbyor ba ni// mnyam pa'i rgyal pos sbogs pa'i las// phyogs mtshams kun nas srog bsdus la// mkha' 'gro gsang ba'i 'khrul 'khor bca'// zhing lpags rgya shog rag ta zhun// mi dbang spu ra sU tra don// sho na'i tsit+tas legs byugs la// rim pa lnga dang ldan pas bskor// dbus su thig bzhi rgya gram gdab// gcod pa spu gri'i 'khor lo yin// gnyis pa rdo rje'i rgya gram la// phyogs bzhi'i rwa la thig lngar drang// 'khrul mig bzhi bzhi bcu drug ldan// gshed bdag las kyi 'khor lo yin// gsum pa 'khrul mig bcu gnyis pa// kun khyab sku yi 'khor lo yin// bzhi ba de bzhin bcu gnyis ni// 'od 'bar thugs kyi 'khor lo yin// mtha' ma lnga yi mu khyud ni// gsal ba gsum gyi 'khor lo yin// de dag gsod byed nag mo yi// tsit+ta gsang ba'i 'khor lo yin// de la gnas pa'i rim pa ni// dbus na rtsa ba'i sa bon ya// 'phen pa drag po'i 'bru gcig yin// phyogs mtshams drag po'i 'khrul mig la// gcod pa spu gri 'bru brgyad dgod// phyi rim rlung ri rgya gram la// me dbal mig 'bru bcu drug dgod// rlung ri mtshams kyi khang pa bzhir// yab kyi spu gri sde bzhi dgod// gsum pa bcu gnyis khang pa ru// sku yi snying po rdzogs par dgod// bzhi pa lnga par thugs dang gsung// bcu gnyis gsal zhing 'phro ba yis// srog ldan snying po mdzes par dgod// sngags kyi 'od 'bar spu gri'i khang// de yis las rnams kun byed yin// mchog tu gsang ba'i sbyor ba ni// yab yum gnyis su 'du ba ste// rang gnad phram dang lkugs pas 'joms// dkrug pa'i sbyor ba gsum dang ldan// pho yi sbyor ba me dang 'dra// mo yi sbyor ba chu yi khams// pho mo gnyis 'dus rlung gi tshul// srid gsum lto ba dkrugs pa yin// de yi sbyor ba rgyas pa ni// dril dang gtor bsdebs gnas gsum 'joms/ khams gsum las kyi srog 'joms yin// thad tshugs stag gi mchongs par dril// gsang ba rdo rje kun po yin// bsad pa'i sbyor ba dril ba'i las// nag mo lto dkrug mchog tu mngag/ dang por sbrul gyi sngags bzhin spro// yab kyi 'bru lnga yum gyi brgyad// spu gri lto sdebs thabs kyis gcod// nyi ma dang po'i sbyor ba yin// gnyis pa gnad kyi sbyor ba dang// gsum pa thabs kyi sbyor ba ste// bzhi pa rdzogs pa'i sbyor ba rnams// yab kyi 'bru bzhi sngar bzhin sbyor// ya ma me ta k+She/ snying kha rag rag mo dun ti tsi a mu ka pra ma ya srog la rmugs thum/kham yengs shag rbad/ ra tsa sa to ta hur thums dza drag rag sha kha/ ru ma yo ni mu tra rag mo kha la hring sha ra ya tsa ni rag mo snying tsa thang thang ka mu le rtsa la thums/ thun mongs stobs kyi sbyor ba ste// dmangs dang rigs ngan kun 'joms yin// yum gyi 'bru dgu mtha' nas dril// yab kyi 'bru bzi ya la bsdu// 'dod pa'i spu gri sngar bzhin sbyar// rdo rje phyogs nas gsum gi sngags// nyi ma bzhi dang ldan pa yin// rag mo snying rtsa thang thang mu la nu ma ma ya/ rtsa la thums drag rag sha dra k+she ra tsa sa/ rag mo kha la sring shag snying ka rag to ru na yo/ rag mo dun ting tsit+ta hur thum dza ni ra ya dza/ yum gyi thabs kyi lto dkrugs pas// rje dang yul srungs 'joms pa yin// gzhan yang yum gyi 'bru dgu la// 'dod pa spu gri thun bsdebs pa// las kyi rgyal po rab 'joms yin// snying kha rag mo dud ting tsit+ta/ hur thums dza drag rag sha kha mu tra/rag mo kha la hring shag rag mo snying/ tsa thang thang ka mu le rtsa la thuM/ ro langs nag mo gzir thags kyis// btsad po nyan thos 'joms pa yin// de bzhin dbus nas phyogs bzhi ru// stag gis mchongs pa dris 'gugs pa// gsang ba kun po nyi ma bzhi// rig pa stobs kyis phen par sbyar// ya ma ru ra tsa rtsa snying ti hu ra rag drag kha la rag kha rtsa rtsa/ ya ra ya me na dza dun thuM rag kha rag thum thang/ ya ru me tsa ra dun dza rag ta sha la rtsa shag snying rtsa/ya ya tsa ra kha la mo la kha la/ de dag stobs kyi 'khor lo ste// sngags pa stobs can 'joms pa yi// gzhan yang bslog sngags drag po yi// las kyi rgyal po spogs pa ni// 'bru drug 'bru bzi ya yis 'phen// 'dod pa'i spu gri'i mtshams su sbyar// ya ta me snying drag rag thums rag sha dza ni ma/ ya dza ya thums hril rtsa la hur ra ni/ yan yo ta kha le mu rtsi ro to/ ya sa tsa dun ta thang thang mu mo to ru/ las ma grub na spogs pa dang// 'khor lo lto dkrugs gnad la dbab// sbyor ldan bde ba'i lam la 'apangs// tshangs pa 'jog po'i gnas su brdeg/ gsang chen thabs kyi sbyor bar bshad// rgyal mtshan me long gi rgyud las/ ro langs nag mo tsit+ta gsang ba'i le'u ste brgya gcig pa'o//// de nas bcom ldan 'das kyis ro langs nag mo gsang ba thugs ka'i sbyor ba 'di bshad do// sbyor ba drag po'i thus ka ru// nag mo'i 'khor lo thun bsdebs bca'// de yi sbyor ba 'di lta ste// dur khrod rgyu la thang pas byug/ rim pa gsum dang ldan par bskor// dbus su thig bzhi rgya gram la// dbus kyi pho brang phen pa'i ya// 'phrul mig brgyad pa spu gri'i mtshon// gnyis par phan tshun thig gsum gsum// rgya gram nyid du legs btab la// ru thig gnyis btab bcu drug mig/ nag mo gsod byed mkha' 'gro'i tshogs// gsang ba'i yig 'bru bcu drugadagod// tha ma 'phrul mig drug tu gdab// skyed pa thun sngags drag po dgod// drag po 'khor lo thun bsdebs pas// rngam tshig gsang ba kun 'joms yin// de nas yang bcom ldan 'das kyis nyid kyi sku gsung thugs las gsang sngags 'di bton to// ya dun shaM dun man tsit+ta rag ta 5 thun zer/ snying tsa ro myags ut+ma ma tsit+ta kha la rag sha thun b+h+yo/ ma ma dum bu duM bu tshal pa tshal pa ha na ha na thun b+h+yo/ ma ma har yaM ling rbad thun b+h+yo/ ma ma a bran brag ni mi sha ling thun b+h+yo/ ma ma thuM thuM rub rub tsit+ta yaM shag thun b+h+yo/ ma ma kha la rag mo tsal breng shag thun b+h+yo/ sbyor ba brgya brgya thun sngags bcu// nyin mo gtor la mtshan mo dril// rdo rje phyogs kyi dang po nas// rin chen mtshams su 'bru bzhi brdeb// mgo la 'bru gcig drag pos 'phen// mtshams su 'dod pa'i a mu ka/mtha' ru spu gri 'bru brgyad gcod// nyi ma dang po'i sbyor ba yin// spu gri 'dod pa kun la brdeb// gnyis pa rin chen phyogs nas drang// pad+ma'i mtshams su nye bar bskyal// mgo dang mtha' rten snga ma bzhin// ya tsit+ta rak+ta/ gsum pa pad+ma'i phyogs nas drang// ral gri'i phyogs su rdzogs par brdeb// ya raM thun zer snying/ rdzogs pa ral gri'i phyogs nyid nas// rdo rje'i phyogs su rdzogs par bsdeb// ya za ro myags ud/nyi ma re la khri tsho res// drag po gsang ba'i 'khor lo bskor// mtshams su thun sngags bcu bcu gtor// mtshan ma thun dang 'khor lo'i las// brgya brgya dril la bsnol mar bcad// las ma grub na 'khor lo spogs// thun drug dril la gzugs la brab// de yi sbyor ba 'di lta ste// mtha' nas bzlog la 'bru bzhi sdeb// mgo dang mtha' rten snga ma bzhin// 'dod pa'i 'bru gsum mtshams su sbyar// ya ud mug ro tsa/ nyi ma dang pos rten 'brel 'joms// sa yi snying po chu la thim// yang snying gzer thum ram/ gnyis pas sman gyi gzugs la gcod// chu yi snying po me la bstim// ya ta rak+ta tsi/ gsum pas drod kyi rtsa gzugs gcod// me yi snying po rlung la bstim// ya man dun shan duM/ bzhi pa bskyod pa'i rtsa gzugs gcod// rlung gi snying po thig ler gzhug/ thig le skye med bde ba'i klong// yang dag khyab pa'i dbyings su rdzogs// phya rgya chen po'i bstan pa yin// bag chags snyings ma mtshon chas gtems// thod pa dang bcas klu la gtad// ro langs na mo'i thugs khar bshad// rgyal mtshan me long gi rgyud las// ro langs nag mo gsang ba thus kha'i le'u ste brgya gnyis pa'o//// de nas yang bcom ldan 'das kyis ro langs kyi sbyor ba 'di bshad do// las kyi gshin rjai ma khugs sam// las mi byed cing ldog pa na// ro langs drag po'i sbyor ba bcas// dngos grub gang 'dod tsam pa na// baM chen rten la 'dod pa blang// sngon du rnal 'byor bde ba yis// mtshan ma'i bsnyen pa rdzogs pa na// dpa' rtul ldan pa'i grogs dag dang// snying po gsang ba'i gzungs ma yis// lha yi sbyor ba gsum rten la// dur khrod gnas nas bam chen blang// khro 'gying stabs kyis gar bzlog la// bsrung ba kun dang bgegs rnams bskrad// sngags kyi chu yis khrus byas la// maN+Dal bdud rtsis chag chag gdab// yi btags phal chen dkyil 'khor bri// rgyan dang dam rdzas gtor ma dgram// mchod pa'i yo byad ldan par bsham// pho brang dbus su bam bzhag la// bum pas bkrus la sngags kyis sbyang// de nas lha yi bsnyen pa bya// baM gyi phung po 'byung ba khams// khrag 'thung dkyil 'khor rdzogs par bskyed// de bzhin tsit+ta'i pho brang du// yab yum 'khor bcas rdzogs par bsgom// sku gsung thugs kyi 'khor lo rdzogs// sku yi bsnyen pa'i dngos grub blang// tshogs dang mchod pa khrus dang ldan// drod rtags thon na 'dod pa blang// lus bskyod pa na rgyal sa thog/ yan lag 'gul na las la sbyar// sgo rnams g.yon gsang sngags 'grub// sgra 'byin skad dang tshogs de bzhin// lha dang 'phar na las rnams 'grub// dug rlangs 'pho na ma mo 'grub// dri bsrung 'od 'byung shan pa 'grub// dri bsung ldan na 'og min bgrod// phyag 'tshal thal sbyor ya ma'i 'khor// thugs khar 'od spros sangs rgyas sar// khas bub ngu 'bod mi shis ltas// bsnyen pa lngab kyis drag pos gzir// de byung dkyil 'khor lho phyogs su// gru gsum rtsegs ma'i me thab bca'// drag po'i yam shing gtsub med spor// tsit+ta bton la shugs bra brtag/ thod pa mdzes ldan bum pas sbyang// dbang po lnga dang bcas pa bca'// bkra shis 'dod pa'i dam rdzas gnag/ shun chen mkha' lding gling bu rkang// dkyil 'khor rdzas kyi rgyan dam yin// sha khrag dngas ma gtor ma dbul// lhag ma rkang dang rjen shul la// drag po'i mchod pa rgyun du bya// lan grangs brgya'am nyi shu gcig/ tha na lan gsum sbyin sreg bya// dkyil 'khor gsumagyi lha la mchod// ma lha dang bcas bdag la bsdu// las kyi gshin rje gzir zhing bsdigs// dbang du bsdus la pho nyar mngag/ las kyi rgyal po'i 'khor lo bca'// bam gyi gos sam lpags shun la// gcod pa sngags kyi 'khor lo bca'// mu khyud pho brang bzhi ru bskor// dbus su rtsibs bzhi rtsa ba'i sngags// phyi rim rlung gi rgya gram la// me dbal ming gi snying por ldan// phyi rim 'khrul mig bcu drug la// lto dkrug sngags kyi spu gri gnas// 'phen pa ya la gcod pa gshed// sdud pa ma la shan pa gying// srid pa las kyi lto dkrugs nas// brnag pa kun gyi dwangs snyigs 'byed// mtshon cha'i brdeg thabs rnam pa gsum// rnal ma bzlog dang lto dkrugs kyis// mtshon cha'i rgyal po yul dbang gcod// de dag zad mthar yang dag sbyar// de nas bcom ldan 'das kyis nyid kyi sku gsung thugs las sngags 'di bton to// ya ma me ta k+she/ ra tsa sa to ru na yo ni/ ra ya tsa ni/ hri Sh+ti ya shag nri duM srog chod ro lid gzir nan/ kham shag rbad/dang po 'bru ded rnal ma yi// nyi ma bzhi yis thams cad gcod// ya ma me ta k+She a mu ka hri sti ya shag sbyar/ spu gri 'dod pa mthun par sbyar// lus dbang myos shing mgo la bskor// nyi ma dang po'i las su mngag/ra tsa sa to/ de bzhin spu gri rdzogs sbyar ba// gsang lam mgrim pa'i rtsa la bskor// nyi ma gnyis pa las su mngag/ ru na yo ni tsit+ta lan/ srog gi rtsa la 'khor bskor// dwangs snyigs brkam chags rten 'brel gcod// nyi ma gsum pa'i las su mngags// ra ya tsa ni/ 'dod pa'i spu gri snga ma bzhin// mthun pa'i kun la bsdebs pa yis// srid pa chags byed lte bar bskor// nyi ma bzhi pa'i las su mngags// mtshan mo rnal mar dril bsdebs la// spu gri gong bzhin sbyar ba yis// skyed rgyud gcod byed gsang bar bskor// rnal mas gsad pa'i sbyor bar bshad// ma grub spogs na bzlog la bskor// ya k+she ta me ma/spu gri rnal mas sngar bzhin sbyar// brtan pa sa yi dwangs ma sdud// si rag cad nas rak+ta skyems// ni tsa ya ra/ zhen pa sa yi rtsa gcad nas// 'degs dang bskyod pa'i dngas ma sdud// ni yo na ru/ zhen chags me yi rtsa gcad nas// smin byed drod kyi dwangs ma sdud// to sa tsa ra/ zhen pa rlung gi rtsa gcad nas// g.yengs dang bskyod pa'i dwangs ma sdud// sa dang me dang chu dang rlung// nam mkha' dbyings kyi khongs su 'jug/rten 'brel skye med dbyings su dag bzlog sngags drag po'i sbyor bar bshad// las mi byed dang rtags log na// las kyi gshin rje'i grong khyer dkrug/ gshed po yab yum lto ba dkrug/de yi sbyor ba 'di lta ste// ya ma ra yo ni/ khams dang dbang po dkrugs nas bskul// ya ma to sa tsa/ skye med 'byung ba dkrugs shing bskul// ya ta yo tsa ru/ phung po rnam shes dkrugs shing bskul// ya k+she ni ra ya/srog dbugs bkrag mdangs dkrugs shing bskul// mtshams su 'dod pa'i a mu ka/ spu gri'i sbyor bas sngar bzhin bsdebs// srog zungs gcad nas dwangs snyigs 'brel// las kyi rgyal po'i brnag par bshad// rgyal mtshan me long gi rgyud las/ ro langs nag po'i le'u ste brgya gsum pa'o//// de nas bcom ldan 'das kyis bdud kyi 'khor lo'i sbyor ba 'di bshad do// na ring chen po'i lpags shun la// shal nag cang shes ka ling dang// ku ku ka li'i rak+ta byug/ dbus nas mu khyud gsum du bskor// dbus nas thig bzhi rgya gram gdab// dbus kyi kha rgyud le tshe dgu// phyi dang yang logs thig brgyad gnan// 'khrul mig bcu drug bcu drug ldan// 'di la gnas pa'i rim pa ni// dbus nas 'phel ba'i sa bon ya// drag po gnas brgyad spu gri dgod// gnyis pa'i 'phrul mig bcu drug la// 'khrug byed bdud mo'i 'bru rnams dgod// yang logs de bzhin bcu drug la// 'thoms pa bdud kyi 'bru rnams dgod// sngags kyis bskul zhing 'khor los gcad// snang srid srog dang las la dbang// pho mo lto sbyor las nyid dkrug/de yis ma lus 'joms par byed// de nas bcom ldan 'das kyis nyid kyi sku gsung thugs las sngags 'di bton to// ya du baM te ma hed/ ru thu kha la shag da rod sho kyi kyi baM ti/ du mun/ drag rag sha ka li rag mo srog thig tsat+ti ba ril srog la yaM shag thuM rol rtsa rbad/pho mo nyin mtshan bsnol mar brdeg/ mtshams su 'dod pa'i a mu ka/ spu gri 'bru brgyad mthun par sbyar// kun 'joms bdud kyi 'khor lor bshad// rgyal mtshan me long gi rgyud las// bdud kyi 'khor lo kha sbyor gyi le'u ste brgya bzhi pa'o//// de nas yang bcom ldan 'das kyis bdud kyi thun bsgrub 'di bshad do// de yi sbyor ba 'di lta ste// gzhan yang rig gsum gdug pa'i sar// stegs bu gru bzhi khrag gis byug/ dbus su dpal gyi gtor ma la// mchod pa dam rdzas ldan par bzhag/ nub tu bdud kyi gtor ma la// sho na cang shes ku ku dang// mkha' lding ka yis rgyan la bzhag/ byang du bdud mo srog gcod kyis// dug sna khrag sna'i gtor ma gzhag/ lho nub 'brub khung mthing nag la// rtsang dang snying nas brgyan pa ru// ling ga ming byang g.yag ru gzhag/mtha' ma thun gyi rdzas kyis bskor// las rim sbyor ba rtags kyis gzung// ya man ta ka'i bsnyen pa bya// las kyi rgyal po bdud sgrub btsal// gshin rje'i thugs kha'i sa bon bskul// bdud po yab yum 'khor dang bcas sngags kyis bkug la dbang du bsdu/ thon nas thun sngags bzlas shing brab// mtha' ru zor gyis bdud rnams sngags// brnag pa'i khams la bdud du dbab// de nas bcom ldan 'das kyis sku gsung thugs las sngags 'di bton to// ru thum kha yal dun ting srog la shag rbad/ ma ma tsit+ta breng shag hur thuM srog la thuM rbad/ rag sha rbad tsit+ta thums/ ba ti kha long yaM/hri da khas da nan thun b+h+yo/ hed ma hed hed b+h+yo/ du muM rbad/ khaM tig hur nan/ hab tang srog tig nan/ du ya tsa rag mo srog la thun rbad b+h+yo/ yab yum khri khri 'khor la brgya/ bcu bcu rten la rdzas kyis brab/'thom nag khri yi lam du gzhug rA zor brnag pa'i sbyor ba 'di/ pho mo bdud kyi gnad dkrug yin/ rgyal mtshan me long gi rgyud las/ bdud kyi thun bsgrub pa'i le'u ste brgya lnga pa'o//// de nas bcom ldan 'das kyis bdud kyi rtsa ba'i dkyil 'khor gyi sbyor ba 'di bshad do// sa phyogs gnyan la rtsub pa'i sar// bdud bcad sa dang grog mkhar la// dkyil 'khor gru bzhi mnyam par brtag/ dbus su gru gsum nag por bya// zla kham thod pa'i ra bas btams// phyi rol 'khor lo rtsibs bzhi la// de bzhin sbrul gyi ra bas bskor// yang logs 'khor lo rtsibs bcu la// rdo rje rkyang pa'i ra bas bskor// gru chad khyams dang sgo bzhi bya// mtha' ma rdo rje'i me ris gtams// de la dgod pa'i rim pa ni// dbus su bdud kyi rgyal po dang// bdud mo mi zan snying rkun gnyis// dregs pa'i gdan la 'khyud par bsgom// rtsibs bzhir bdud mo bla rkun dang// tshe phrog gzer 'debs dbugs sdud bsgoms// rtsibs bcur bdud po mi zan bcu// rngam tshig dregs pa'i tshul du dgod// gru chad khrag mtsho thod pas mdzes// sgo bzhir ltas ngan shan pa bzhi// gcer bu sder chen srog gcod bsgom// khyams la sprulapa bdun tshe bdun// rang rang las ngo len cing rngam// dmigs pa'i rgyud la gcod cing rol// de ltar dkyil 'khor rdzogs pa dang// spyan drangs mchod sogs bsnyen pa brtsam// drod rtags thon nas las la bsngags// bsnyen pa'i tshad ma thon par bya// de nas bcom ldan 'das kyis sku gsung thugs las bsnyen pa'i sngags 'di bton to// oM rag sha 'bas ti ka ru thums kha yal du mun ma tsit+ta hring hrim dza/ nyin mtshan gsum stong dag la sbyangs// gtso la bstod cing mchod pa 'bul// bdud la mchod btab rak+ta rlab// 'dod pa'i las kyang gsum du byar// shan pa las kyi rgyal por bshad// rgyal mtshan me long gi rgyud las// bdud kyi rtsa ba'i dkyil 'khor gyi le'u ste brgya drug pa'o//// rgyud bar pa rdzogs so//// de nas dbang phyug chen po yis// bcom ldan 'das la 'di skad ces gsol to// gshin rje'i sbrul pa mon pho mo'i sbyor ba phye ste bshad du gsol zhes zhus pas/ bcom ldan 'das kyis mon pho mo la sogs pa'i smod sngags phyi nang gsum du phye nas bshad do// ri gsum rtse dang brag nag spungs// 'ja' tshon spungs dang lho phyogs su/ kha bstas dben pa'i dur khrod du// bdud chad sa dag rgya gram ro// phung sa gsum la maN+Dal bya// gru bzhi khru gang khrag gis byug/ tshangs pa'i thig bzhi rgya gram gdab// phrur thig la sogs cha chen brgyad// phyogs bzhi dag tu lags btab la// phyi nang rim pa gnyis gnyis bskor// tshon gsum kha dog so sor phye// dbus su gru gsum nag po las// zla kham gsum la thod rlon bskor// 'khor lo rtsibs bdun nag po la// the ba dmar po bdun du bri/ de yang thod 'phreng skam dang ldan// gru chad khrag mtsho sgo bzhi ldan// nor bu rin chen thod pa bzhi// zhing gi ka ba tshangs pa'i gdung// ru thal ka gdan chu srin dbyibs// dur khrod mkha' 'gro 'dod yin mdzes// zhing chung 'phan dang nyi zlas brgyan// de la gnas pa'i rim pa ni// dbus su zhing bsnol chu glang gdan// hU~M las zhal gsum phyag drug pa// glang chen zhing lpags stag lpags sbrul// thod pa me ri dur khrod brgyan// lha klu ma mo mgo gcad nas// ya mAn+ta ka'i dbu gsum brgyan// be con ral gri dgra sta g.yas// tri shul sdigs mdzub rgyu zhags g.yon// sku mdog nag po me ris brgyan// zhabs bzhi gdan la brkyang bskum bzhugs// g.yon na bdud mo gshin rje yum// zhing rkyang mdzo mi'i gdan la 'khyud// sbrul nag thul ba thod pa zhing// rin po che yi chun 'phyang brgyan// g.yas pa khraM shing gtso la 'khyud// g.yon pa nan kyi rkyal ba rdebs// gli snying nang khrol tha zhing bstab// g.yas su sgeg mo ral gcig ma// mthing nag zhal gcig phyag gnyis rngam// g.yas pa spu gri srog rtsa gcod// g.yon pa tsit+ta khraM baM bsnams// khrag gi ral pa mu tig rgyan// spyan gsum nyi zla 'tshub nag 'khyil// baM chen gdan la brkyang bskum bzhugs// thugs mchog ya ma rA dza'i sku// sngo nag gtum khro yan lag rags// zhal gcig phyag gnyis mi ro gsol// g.yas na be con dug sdong g.yon// sku la yab bdud g.yang gzhi 'brum// dbu la bdud kyi thod pa sbrul sbul// dbu skra yan lag stan cha sbrul// zhal gdangs mche ba zla tshes gtsigs// bdud dang mu stegs 'brug gi gdan// ye shes thugs kyi sa bon las// sbrul pa ya dang ma spros pas// mon pa bdun dang mon mo bdun// zla kham rtsibs dang ze bar dgod// sgo bzhir mon pa nag po bzhi// sprul dang thod pa zhing chung brgyan// sha khrag za zhing rkan sgra brdebs// zhal nas gdug pa'i sngags bzlos shing// thams cad be con ral gri thogs// dmigs pa'i dgra bo rdul du rlogs// yang sbrul 'bum phrag bla la rgyug bsnyen pa lha yi dkyil 'khor bshad// sgrub pa'i dkyil 'khor zla kham bdun// snying po sngags la khrag 'thung bskyed// me rlung 'khor los 'gugs shing 'ching// bla dang sprul ba tshe bkrag 'chang// sgrub pa drod kyi dkyil 'khor bshad// drag po'i dkyil 'khor gru gsum bdun// ling ga phur pa thun dang sngags// mtshon tsha nad dang bu yug glog/ srog gcod nang khrol glo snying za// gdug pa'i sngags dang mtshon cha brdeg/ sku mdog sngo nag me dang 'dra// sha rus khrag la gtod cing za// 'phrin las gsad pa'i dkyil 'khor bshad// gtor ma gsum dang rag+ta gsur// zhing rgyan mchod pa snying sna dgram/ bdud bcad sa dang rdo phye khrag/ skyin thang shwa shul tsha ba dug mon dang rus sbal thod pa bca'// ming rus khams bcas ma ra ni// byang nub 'brub khung nang du brnag/ khrag gsum phe gsum 'bru gsum thun// lho nub la sogs de bzhin bskor// khrag thun dkyil 'khor rdzogs par bsgom// thugs kha'i sa bon bskul zhing bzlas// drod gsum bar du bzlas pa yis// tshad mar brten pa byas la bsten// thon nas drag po'i sbyor ba brtsam// gcod pa sngags kyi 'khrul 'khor bca'// ro ras zhing lpags khru re la// rdzas kyi thang ba legs byugs la// nyi shu drug la ldan pas bri// don khrag gsum dang dug chu yis// mu khyud rim pa bzhi ru bskor// thig bzhi btab pa'i le'u tshe dgu// dbus su rtsa ba'i 'khrul mig lnga// phyi rim mtshon cha'i rtsibs chen bdun// yang legs 'khrul mig bcu gnyis ldan// mtha' ma chu yi khang khyud zlum/ kha sbyor bcas la yi ge dgod// 'bru bzhi dbus kyi khang pa ru// rtsa ba'i yi ge 'bru lnga dgod// phyi rim 'khor lo rtsibs bdun la// drag sngags bdun pa pho mo dang// dgos pa gnas mthun lto sbyar dgod// yang logs 'khrul mig bcu gnyis la// mi dbal sngags 'bru bcu gnyis dgod// mtha' ma'i mu khyud zlum po la// gdug pa'i thun sngags rdzogs par bskor// pho skor g.yas la mo skor g.yon// ngar bcas dbus su bar snang 'degs// zhag bdun nyin mtshan pho mos brdeg nyi ma bzhi yis las gnyer gtad// sgo bzhi'i sngags kyis shes pa dprog gdug pa'i drag sngags lam du gzhug phyi nang gsang ba gsum du bzlas// las kyi mtha' ru mnan pa bya// drag po mtshon cha'i 'khor lo bshad// de nas bcom ldan 'das kyis nyid kyi sku gsung thugs las phyi nang gsang ba'i sngags 'di ston to// oM shri many+dzu kro d+ha ya mAn ta ka la ma rA dza ma ma e ka dza Ti dza dza/ ya mAn ta ka mon ta nag po rag sha dgra bo ni rbad ya/ya mAn ta ka mon ta snying la lto ru dgra bo ni baM ril rbad ya/ ya mAn ta ka mon ta Ar+ya rag sha dgra bo ni baM ril rbad ya/ ya mAn ta ka mon ta drag shig dgra bo ni baM ril rbad ya/ ya mAn ta ka rag sha mon ta nag po dgra bo ni thuM rmugs bla rtsal rbad ya/ya mAn ta ka mon ta ka nag po dgra bo na srog rtsa rmugs ti rbad ya/ mon ta rag mo snying la to ru ma ma thun rbad/ mon ta khrag la rmugs ti rag sha thun rbad/mon ta ru thums/ ma ra ya za srog ni ma ma thun rbad/ mon ta dun mug tsit+ta la thun rbad/ mon ta raM thun ma ma rag sha thuM rbad/ mon ta thu ma bla rtsa la rbad/ mon ta yag mo baM ril kha long thun rbad/ ya mAn ta ka ra ga sha snying la baM ril rbad ya/ya mAn ta ka ar+ya rag shig rbad ya/ ya mAn ta ka rag sha thun rmugs rbad ya/ ya mAn ta ka srog la dun rmugs rbad ya/ ya mAn ta ka snying la ling thum rag sha ni rbad ya/ ya mAn+ta ka mon+ta ru thums rbad ya/ ya mAn ta khaM thums ni rdza rbad ya/ ma ma mugs ti srog la rbad/ ma ma bla rtsa khug srog la rbad/ ma ma thuM r-il srog la rbad/ ma ma rngubs tsit+ta la rbad/ ma ma dun mugs srog la rbad/ ma ma khrag la thum ril srog la rbad/ ma ma rag sha ni dza srog la rbad/ mon ta snying la dun baM ril rbad/ mon ta srog rtsa ling yi rbad/ mon ta rmugs ti rtsa thang rbad/ mon ta shig shig tsit+ta rbad/ mon ta ra g+sha baM ril sogs la ya rba/mon ta khams shag du mun tsa la rbad/ mun ta hur long ro myags rbad/ ma ma rag sha mugs ti srog la rbad/ ma ma thum rmugs shaM du na srog la rbad/ ma ma tsit+ta gzer thum srog la rbad ma ma drag shig ro thum srog la rbad/ma ma dun rmugs khyer b+h+yo srog la rbad/ ma ma kha rag dun ting yaM yaM srog la rbad/ ma ma tsit+ta breng shag tshal pa srog la rbad/ gsang sngags phyi yi smod pa yis// bskul zhing drag tu bzlas gyur na// 'od zer nag pos stong khams khyab// sha za bdud dang mon gyi tshogs// be con ral gri tho ba thogs// rbad na brnag pa'i rten yul las// bla dang sprul pa bkug cing 'chang// lus dang yan lag gcod cing bra// gsang mdzod drag po'i gnas su 'chang// gtum pa sku yi lto ru gzhug/ ri nag gyen po'i shing la gtad// gsod pa phyi yi sngags su bshad// de bzhin drag po nang gi sngags// pho mo nyin mtshan bsnol ma yis// bzlas pas 'od zer dmar nag 'phro// las kyi ya ma mon dang bdud// shan pa'i tshogs dang pho nya'i tshogs// sna tshogs lus dang mtshon cha yis// gzas pa'i phung po rnam shes 'gugs// tshe srog 'chang zhing dngas snyigs 'byed// sha za khrag 'thung rus la gtod cing rol// dmigs pa'i gnas su 'chang zhing gsod// 'bar ba gsung gi lto ru gzhug/ dur khrod mon pa'i gling du gnan// smod pa nang gi sngags su bshad// gsang ba thabs dang shes rab las// gnyis med rol pa'i byin brlabs las// 'od zer gdug rtsub 'phros pa las// bdud dang mon pa mon mo'i tshogs// sprul pa yang sprul mon pa bzhi// ya ma rag mo rag sha'i tshogs// sku mdog nag po 'tsher bag can// gdugs pas drag sngags 'brug ltar zlos// thog dang spu gri ral gri sbab// thog thog 'ur 'ur chem chem brdeg/dwangs ma bzhi dang rtsa gsum gcod// bkrag dang gzi mdangs phral zhing 'chang// glo snying za zhing don khrag 'thung// ye shes 'od dang las kyi mes// lus dang bag chags khong khrag sreg/ lha dang bsrung ba bdud du 'bebs// mtshon cha 'bar ba'i rtsibs la bskyon// mi g.yo thugs kyi lto ru 'chang// gdug pa klu dang gnyan la gtad// khyams kang gnas las mi 'chor te// gdug pa'i sngags rnams gsang bar bshad// de nas yang bcom ldan 'das kyis nyid kyi sku gsung thugs las drag po thun gyi sngags 'di bton to// ma ma rtsa la mu sha thun b+h+yo// ma ma sha sha ling ling srog la thun b+h+yo// ma ma dug sni baM ril srog la thun b+h+yo// ma ma tsit+ta du ru ma ru la srog la thun b+h+yo// ma ma kha lo nri dza srog la thun b+h+yo// ma ma khrag la 'ub ling nri da srog la thun b+h+yo// ma ma rag sa mug khyer nri dza srog la thun b+h+yo// ma ma ha la ha la ye yaM tsit+ta breng shug thun b+h+yo// ma ma sha sha shu shu rtsa thang rtsa thang breng shag thun b+h+yo// ma ma tang tang kring kring khrag la breng shag thun b+h+yo// ma ma mugs mugs shaM shaM srog ni breng shag thun b+h+yo// ma ma dza dza snying khyer phyung phyung breng shag thun b+h+yo// ma ma trag trag thung thung breng shag thun b+h+yo// ma ma gzir nan nri srog breng shag thun b+h+yo// yang sprul mon mo bcu bzhi yang// lag na dug thun khrag zor brdeg smos pa'i thun sngags nad dal 'bebs// myos shing dran pa brlabs nas gsod// dong du brdeg cing srog len byed// dus gsum kun tu 'joms pa'i sngags// dug mda' thun gyi sbyor bar bshad// rgyal mtshan me long gi rgyud las// mon pa thugs kyi brnag pa'i le'u ste brgya bdun pa'o//// de nas bcom ldan 'das kyis las kyi rjes gcod sbyin sreg gi sbyor ba 'di bshad do// lha khang dur khrod skyed mos tshal// yid mthun bde ba'i gnas dag tu// stegs bu gru bzhi mthas pa la// spos chu bdud rtsi 'o ma dug/ chag chag btab la dkyil 'khor bri// dbus su 'phrin las gang bsgrub bca'// thab khung gru bzhi zla kham zlum// hom shing dbyibs dang gong ma bzhin// bsreg shing mar dang bu ram khrag dbye ba gsum dang spyi yi rdzas// gla ba shing kun 'o ma sbrang// 'bras chen shing thog me tog spos// mchod rdzas rgyan dang ldan par dgram/ kha khyer rdo rje me ri phyi// hom shing gtso bo yab yum 'khor// gtso bo'i bka' nod me lha ser// bsnyen pa sa ya las rims rdzogs// dmar ser dkar pa'i skur bsgoms la// drag sngags phyi nang gsang ba gsum// smod sngags bdun pa gang bsgrub la// rbad spongs shan+tiM puSh+tiM pa shang sbyar// sngags mtshan bcu bcus rdzas re dbul// gang bsgrub gnas su thal 'jim sba// zhi rgyas dbang gi sbyor bar bshad// don gnyis dreg po'i sbyor ba la// gru gsum khru gang chag gang la// kha khyer so bzhi dmar dang ser// dbus su rdo rje rgya gram bri/ kha khyer rtsang dang thod pas bskor// zla kham gsum la gzugs dang ming// phyi rim thod pa'i 'phreng bas zlum// yang logs 'khor lo rtsibs bdun nag khor yug thod pa rdzas dang me// rgyu rten drug dang dri ma la// don gnyis gang 'dod ling ga ming// rgya gram steng du gan rkyal gzhag/ hom shing zur gsum sor bcu gnyis// dug chu bskus la snying khar gzugs// 'khor lo drag po sngags kyis dgang// de yi phyi rim 'khor yug la// thod pa bcu ru sreg rdzas dgram// dug sna bag phye'i ril bu ming// lha yi grangs tshad bcu byas dgram// sha chen rta sbrul nya sbyang sha/ gri brnol yug sa nag gsum khrag/ nim pa thar nur dur rgod chu// 'o ma sbyang dug ba spu'i chu// til nag nyungs kar sran ma tse// rdo phye lcags phye zangs kyi phye// chang dang mar nag gru mo brgyan// khyi phag spyang khu bya tshil zhu// thod pa tshal re khor yug bzhag/ rang nyid gshin rje nag po'i sku// ye shes 'khor lo bcas pa bsgom// bsreg shing ya las gshin rje'i sku// yab yum yan lag rdzogs par bskyed// g.yas su bdud nag yab yum bskyed// g.yon du me lha dmar ser bskyed// rtsibs la sprul pa yang sprul phyir// bskyed la spyan drangs mchod bstod bya// drag po sngags kyi bzlas pa 'bum// bsnyen pa khri dang ldan par bya// mtha' ru zhag gsum sreg pa'i las// lan dgu'i sbyor ba 'di ltar bya// pho nyas bkug la gzugs la bstim// phur pa btab la mtshon chas gtub// shan pa bskul la drag tu bzlas// bcu bcu'i mtha' ru bsreg rdzas dbul// bskul las gzugs rnams bstab ba bya// 'og tu thod pa'i ling ga gzhug/ bar du hom shing rten gzugs bca'// steng du gcod pa'i 'khor lo bca'// khrag dang dug chus ngar blud bran// mtha' ru thod pa 'khor lo bca'// zhe sdang gdug pa'i klu la gtad// thal ba sreg rdzas steng du dgag/ sbyor ba las kyi mtha' sdud 'di// drag po'i don gnyis rdzogs par bshad// rgyal mtshan me long gi rgyud las// 'khor lo hom sprel gyi le'u ste brgya brgyad pa'o//// de nas bcom ldan 'das kyis mon pho mo dgra la gshed bskor ba 'di bshad do// hU~M thugs mchog ya ma rA dza khye'u chung sngo// thugs ni nam mkha'i dkyil na bzhugs// gos su nam mkha'i khams kun gon// zas su de ni klu za zhing// skom du dam nyams khrag la 'thung// thugs la gser gyi 'khor lo bskor// ma 'phangs par yang 'jig rten bkrag/ phyag g.yas gser gyi be con gyis// dam nyams dgra bo rdul du rlog/ phyag g.yon dug gi sdong pau thogs// dam nyams dgra bo'i snying yang 'byin// chibs su 'brug mo ral chen chibs/ kha nas glog dmar khyugs se khyugs// g.yu yi mchod rten khri 'phang dgu// khye'u chung sngon po de na gnas// khyod kyi dam tshig dus la bab// khye'u chung thugs kyi sprul pa las// bka' nyan mon pa nag po bdun// mon pa nag po byi la zhon// mgyogs pa rlung gis bskyod du med// byi la zhon nas dur khrod rgyu// zhal nas me 'bar dgra snying sreg/ spyan nas khrag 'dzag zu lu lu// phyag g.yas dug gi be con thogs// gang la dmigs pa brdul du rlog dri ni mon dug chi li li// skad ni mi go ldab ma ldib// brda ni mi 'phrod lho pal mon// dam tshig nyams pa sgrol zhing spyon// mon pa nag po stag la gzhon// ral gri rdebs shing nags la rgyug dam nyams dug gsum gtan nas 'phen// zhal nas mi khrag rta khrag 'dzag/ spyan nas khrag 'dzag zu lu lu// dri ni mon dug chi li li// skad ni mi go ldab ma ldib// brda ni mi 'phrod lho bal mon// dam tshig nyams pa sgrol zhing spyon// mon pa nag po 'brug la zhon// glog dmar thogs nas dgra la 'phen// phyag g.yas ye shes ral gri yis// dam nyams srog rtsa gtan nas len// zhal nas me 'bar dug gsum sreg/ spyan nas khro chu'i mchi ma 'dzag/ dam tshig nyams pa sgrol la spyon// mon pa nag po sprul la zhon// dug sdong thogs nas sman la gdo// phyag g.yas be con nag po thogs// dam nyams dgra bo thal bar rlog/ zhal nas khrag 'dzag dgra snying rngubs// mig ni bse 'od lams se lams// dam tshig nyams pa sgrol las shog/ mon pa nag po chu la zhon// phyag g.yas dug gi be con thogs// phyag g.yon chu srin zhags pa 'phen// dgra bo dug gsum gtan nas len// dam tshig nyams pa bsgrol las shog/ mon pa nag po rlung la zhon// phyag g.yas be con nag po thogs// phyag g.yon lcags mda' dgra la 'phen// dam nyams dgra bo srog rtsa gcod// zhal nas mi khrag rta khrag 'dzag/ spyan ni nyi ma'i 'od bas 'tsher// dam tshig nyams pa sgrol las shog/mon pa nag po khyung la zhon// phyag g.yas ye shes ral gri yis// dam nyams dgra bo'i mgo lus gshog/ g.yon pa zhags pa dgra la 'phen// zhal nas me 'bar rgya mtsho skems// spyan nas khrag 'dzag zu lu lu// dus kyi snyigs ma byung ba la// sngags pa'i sku dgra myur du sgrol// mon mo nag mo shel mig ma// gser gyi rna cha khrag la la// mthing gi ral pa sha ra ra// khrag gi zar bu phru lu lu// dug gi kha rlangs phyu ru ru// phyag na dug gi phur bu 'dril// zhal nas khrag gi skyugs pa 'thor// sngags pa'i sku dgra myur du sgrol las shog/ mon mo nag mo snying 'byin ma// gnas ni srid pa gsum na gnas// dgongs pa par snang khams na mdzad// pho nya rgya mtsho'i gting nas 'gyed// sku la zhing lpags thod pas brgyan// dbu la thod sbrul gyi gdengs ka gsol// g.yas na rdo rje khro bo rnams// g.yon pa nad kyi rkyal ba thogs// bstan pa srung bar zhal 'ches ma// sngags pa'i sku dgra myur du sgrol las shog mon mo nag mo gser mig ma// sbrul nag ral ba shigs se shigs// phyag na gser gyi phur bu 'dril// sngags pa'i sku dgra myur du sgrol las shog/mon mo nag mo g.yu mig ma// gser gyi lan phran sha ra ra// gse yi rna cha khra la la// g.yon na bse yi phur pa 'dril// zal nas khrag gi skyugs pa 'thor// sngags pa'i sku dgra myur du sgrol las shog/mon mo nag mo mchong mig ma// khrag gi ral pa sha ra ra// byi ru'i rna cha khra la la// phyag na byi ru'i phur pa 'dril// sngags pa'i sku dgra myur du sgrol las shog/ mon mo nag mo zangs mig ma// khrag gi ral ba sha ra ra// zangs kyi rna cha khra la la// phyag na zangs kyi phur pa 'dril// zhal nas nad kyi rlangs par 'phro// sngags pa'i sku dgra myur du sgrol las shog/ mon mo nag mo 'ug mig ma// mthing gi ral pa sha ra ra// mthing gi cod pan pu ru ru// zhag gi rba rlabs chi li li// khrag mda' khrag phur dgra la 'debs// sngags pa'i sku dgra myur du sgrol las shog khye'u chung thugs kyi sprul pa ni// bla rkun khyo mo nag mo bdun// khyi mo nag mo gser mig ma// bar snang rgyu zhing dgra snying 'byin// dgra bo bla dang khrol las shog/ khyi mo nag mo g.yu mig ma// bar snang rgyu zhing lha rnams bskul// dgra bo bla dang phrol las shog khyi mo nag mo mchong mig ma// sa gzhi rgyu zhing klu rnams bskul// dgra bo bla dang phrol las shog/ khyi mo nag mo zang mig ma// dur khrod rgyu zhing dgra srog gcod// dgra bo bla dang phrol las shog/ khyi mo nag mo mkhar mig ma// chu gzhung zhon nas chu srin bskul// dgra bo bla dang phrol las shog khyi mo nag mo dung mig ma// dam tshig srung zhing rdzu 'phrul 'gyed// rgyal ba'i bka' dam bla ma rku// dgra bo bla dang phrol la shog/khyi mo nag mo lcags mig ma// bang ni bar snang glog bas mgyogs// yid ni chu bo'i gzhung bas ring// 'dzam bu'i gling la mnga' mdzad ma// dgra bo bla dang phrol la shog/ khye'u chung thugs kyi yang sprul ni// dgra bo'i srag gcod mon pa bzhi// nyi ma shar gyi mon pa ni// dung gi mon pa gtum 'bag can// gnod sbyin snying phrog sprul par 'gyed// sku ni zhe sdang gtum khro che// khrag dang zhag gi thig le can// zhe sdang sbrul gyis dbu zhabs brgyan// spyan gsum bzlog pas me stag 'phro// mche ba gtsigs pas dri za 'dar// phyag na ralagri lcags kyu bsnams// snying las drongs las srog la chod// sha khrag gsol zhing rkan sgra rdebs// ha ha hi hi rgod bag can// rngam sgra phyogs bcur 'u ru ru// khyod ni srog len shar gyi bdud// sngags pa'i sku dgra myur du sgrol las shog nyi ma lho yi mon pa ni// gser gyi mon pa gtum bag can// grul bum srog gcod sprul pa 'gyed// sku ni ser nag 'bar ba la// khrag dang zhag gi thig les brgyan// thod rlon sbrul gyis dbu la brgyan// zhal chen bgrang bas me stag 'phro// phyag na ral gri lcags kyu bsnams// snying nas 'dren cing srog rtsa gcod// ha ha bzhad cing snying khrag 'thung// 'dul zhing gsod pa'i mthu bo che// khyod ni bdud gcod lho yi bdud// sngags pa'i sku dgra myur du sgrol la shog nyi ma nub kyi mon pa ni// zangs kyi mon pa gtum bag can// klu bdud srog gcod sbrul pa 'gyed// sku ni dmar nag 'jigs pa la// thod sbrul gtams pa'i dbu rgyan can// khrag dang zhag gi thig les brgyan// zhal gdangs mche gtsigs tsha tsha 'phro// ha ha bzhad cing rkang rus 'cha'// phyag na ral gri lcags kyu bsnams// snying nas 'dren cing srog rtsa gcod// sgra bo sgrol zhing gdon rnams 'dul// gsod byed gshin rje'i sprul pa mon// rkan sgra brdabs pas tsha tsha 'phro// ha ha bzhad cing don snying 'byin// klu bdud 'bum sde brgyal zhing skrag khyod ni gsod byed nub kyi bdud// sngags pa'i sku dgra myur du sgrol la shog/ nyi ma byung gi mon pa ni// dug gi mon pa gtum bag can// thod sbrul gtams pa'i dbu rgyan can// sku la g.yang gzhi 'bum gyis klubs// phyag na ral gri lcags kyu bsnams// snying nas drongs la srog rtsa chod// gnod byed dgra bo rdul du rlogs// gnod sbyin srog gcod sbrul pa 'gyed// sha khrag gsol la rkan sgra bsdebs// ha ha bzhad cing sa bdag 'dul// khyod ni srog gcod byang gi bdud// sngags pa'i sku dgra myur du sgrol la shog/de nas bcom ldan 'das kyis thun gyi mon mo srog dmar len ma bskul ba 'di bshad do// khye'u chung sngon po'i thugs kyi yang sprul ni// shar gyi mon mo dre slag can// zangs phye lcags phye ru sbal khrag/ru sbal thod par sbyar byas nas// dong du bcug cing ga ru bud// mdze g.yan gtong ba'i mthu mo che// sdang ba'i dgra bo dam nyams la// mdze g.yan gtong ba'i dus la bab// khrag mda' dug thun snying zor rgyab// bla dang tshe srog phrol las shog lho yi mon mo dom slag can// bong nga skye tshe dom gyi thod par sbyar byas nas// dong du brdeg cing kha ru bus// dmu chu gtong ba'i mthu mo che// sdang ba'i dgra bo dam nyams la// khra mda' dug thun snying zor rgyob// dmu chu thong zhig dgra la b+h+yo// nub kyi mon mo glang slag can// mtshal chen rkya skyegs ba glang khrag ba glang thod par sbyar byas nas// dong du brdeg cing kha ru bud// mkhris nad gtong ba'i mthu mo che// sdang ba'i dgra bo dam nyams la// khrag mda' dug thun snying zor rgyob// mkhris nad thong la tshe srog bsdus// byang gi mon mo sbyang slag gcan// rims dang mkhris pa sbyang dug khrag/sbyang mo'i thod par sbyar byas nas// dong du brdeg cing kha ru bud// rlung nad gtong ba'i mthu mo che// sdang ba'i dgra bo dam nyams la// khrag mda' dug thun snying zer rgyob// rlung nad thong la tshe srog bsdus// shar lho'i mon mo stag slag can// bcos dang bse zho stag mo'i khrag/ stag gi thod par sbyar byas nas// dong du brdeg cing kha ru bud// rgyu gzer gtong ba'i mthu mo che// sdang ba'i dgra bo dam nyams la// khrag mda' dug thun snying zer rgyob// rgyu gzer thong la bla tshe khug/ lho nub mon mo spre slag can// thal nur dug chu spre 'u'i khrag/ spre 'u'i thod par sbyar byas nas// dong du brdeg cing kha ru bud// bal nad gtong ba'i mthu mo che// sdang ba'i dgra bo dam nyams la// khrag mda' dug thun snying zor rgyob// bal nad thong la bla tshe khug/ nub byang mon mo g.yag slag can// 'ol mo skyer bu 'brong bu'i khrag/ 'brong bu'i thod par sbyar byas nas// dong du brdeg cing kha ru bud// 'phol 'bras gtong ba'i mthu mo che// sdang ba'i dgra bo dam nyams la// khrag mda' dug thun snying zor rgyob// 'phol 'bras thong la tshe srog bsdus// byang shar mon mo dred slag can// go ro thal chen khyi khrag dug/ spre 'u'i thod par sbyar byas nas// dong du brdeg cing kha ru bud// skrangs nad gtong ba'i mthu mo che// sdang ba'i dgra bo dam nyams la// khrag mda' dug thun snying zor rgyob// skrangs nad thong la tshe srog phrol// steng gi mon mo 'brug slag can// ser rgya thal chen seng ge'i khrag/ seng ge'i thod par sbyar byas nas// dong du brdeg cing kha ru bud// gnam lcags 'bebs shing chad pa gcod// sdang ba'i dgra bo dam nyams la// khrag mda' dug thun snying zor rgyob// thog zer thog la tshe srog phrol// gangs kyi mon mo se slag can// dug rgod mon khrag ba glang mchin// mon pa'i thod par sbyar byas nas// dong du brdeg cing kha ru bud// sdang ba'i dam nyams dgra bo la// khrag mda' dug thun snying zor rgyob// dgra bo'i rlung rta rmang du phob// chu yi mon mo srin slag can// rgya rus nya mkhris dug khrag cha// chu srid thod par sbyar byas nas// dong du bcug cing kha ru bud// 'brum nag gtong ba'i mthu mo che// sdang ba'i dgra bo dam nyams la// khrag mda' dug thun snying zor rgyob// 'brum nag thong la tshe srog phrol// dur khrod mon mo zhing slag can// rwa dug dug rgod mi yi khrag nyams pa'i thod par sbyar byas nas/ dong du brdeg cing kha ru bud// smyo 'bog gtong ba'i mthu mo che// sdang ba'i dgra bo dam nyams la// khrag mda' dug thun snying zor rgyob// smyo 'bog thong la rnam shes phrol// brag gi mon mo 'ug slag can// do ba dbyig dug 'ug pa'i khrag/ dri bo'i thod par sbyar byas nas// dong du brdeg cing kha ru bud// pho lhog gtong ba'i mthu mo che// sdang ba'i dgra bo dam nyams la// krag mda' dug thun snying zor rgyob// pho lhog thong la tshe srog phrol// gsang ba'i mon mo sbrul slag can// dug sna bal nyungs sbrul nag khrag/ la mo'i thod par sbyar byas nas// dong du brdeg cing kha ru bud// mdze nag gtong ba'i mthu mo che// sdang ba'i dam nyams dgra bo la// khrag mda' dug thun snying zor rgyob// mdze nad thong la tshe srog phrog/ gab pa'i mon mo phag slag can/ nyungs nag bya ba phag khrag dug/ phag pa'i thod pa sbyar byas nas// dong du brdeg cing kha ru bud// mkhris nad gtong ba'i mthu mo che// sdang ba'i dam nyams dgra bo la// khrag mda' dug thun snying zor rgyob// mkhris nad thong la rnam shes phrol// la la khrag gi bu yug rlog/ la la rkang mgyogs bla dang 'brol// la la skya ring rlung la zhon// la la thabs kyis slu 'brid gsod// la la gling 'debs khyo mo 'gyed// la la bla kun khyung chen 'gyed// la la srog gcod sbrul nag 'gyed// la la tshe sdud rus sbal 'gyed// la la srog gcod bdud dang sdong// la la gong gsum btsan dang 'grim// la la khong nas tsit+ta 'byin// la la srog gcad shan pa 'gyed// kun kyang srog rtsa dmar le nas// bla dang tshe srog phral nas 'chang// sngags pa'i sku dgra myur du sgrol las shog/rgyal mtshan me long gi rgyud las// sprul pa'i tshogs la gshed bskor ba'i le'u ste brgya dgu pa'o//// de nas yang bcom ldan 'das kyis drag sngags bdun pa'i rtsa ba'i srog dmar len gyi ngan sngags 'di bshad do// de yi rim pa 'di lta ste// rtags 'gor las rnams mi byed na// srog gcod rgyal po gsang ba yi// gsang ba sngags kyi rno dbal mtshon// dmar len srog gi spu gri 'di// lnga bcu gcig gis las mchog bsdus// shan pa gtso byas snying po 'dris// gsad pa'i sngags su yang dag sngags// sbyor ba'i rgyal po dmar len brtsam// dur khrod gnyan ra'i dben gnas su// phung sa gsum la maN+Dal bya// dbus su brnag pa'i 'brub gnas brnag/ gru gsum rtsang bcas phur pa khrag/ thod pa bla byad khrag sna dug/ mthing nag dar dgab dam rdzas snying// bla khrag gtor ma sha chen gsur// sho na ka li brnag pa'i rten// snying kha lte ba gsang ba mgo/ skye dang kha ru byang nag dmar// khyim re gro ga ri sho ras// bris la tshon skud dang bcas gdags// 'brub khung rtsa ru 'gying phung gdags// 'jigs byed ya ma'i skur bsgoms la// smod pa sngags kyi gsang thun dbab// zhag bdun dug dang nyungs kar brdeg/ de nas sho na brnag par brtag rgyu de 'gyel las yan lag bzhi// tshon skud btags la phung bzhi brgyang// dgongs 'dzab drod dgug rgyu la bstim// nyin zhag mtshan phrugs rngam tshig bzlas// rtsang phur grod dang rtsa la brdeg/ rang nyid bdud kyi shan par sgom// mtshon cha rgya yis ngar blud na// phyogs bzhir btab la drag tu bskul// sbram por brnag pa'i phyogs su 'phang// lan gsum sgrims la shug pra brtag/ bra ngan drag mo'i sngags kyis bzlog/ tsit+ta bton la phyogs bzhir bstabs// thod par bcug la gsangs thun dbab// rgyu yi sha khrag dwangs mas bskang// tshogs dang gtor mas gzhan tshogs mchod// dmar chen sngags kyi rgyal po bzlas// de nas bcom ldan 'das kyis nyid kyi sku gsung thugs las dmar len sngags kyi rgyal po 'di bton to// ga pA nA ling srog la hur thum rbad// tsit+ta ro myags srog la ling ni shag rbad// ro ling kham tsa na bshag rbad// tsa pa ku ling ni shag rbad// ru tsa thum dza ni srog la shag rbad/ru thuM yaM shig ni shag rbad/ khaM khaM hur shaM baM ni shag rbad/ bdud gsum bzlas la bdun gcig brdeg/ zhag gsum rol la gcig gis 'phang// mgo dang bcas pa mnan pa bya// byang khram dang bcas gzir zhing brab// rgyu lu rdzing dang mdzod phugs lam// gang rung tsit+ta bcug la bca'// mgo dang bcas pa shun gyis ril// rgyang lam dbus yul brten la gnan// dmar len brgya gsum gcig dang sbyar// khri yi thun dbab brgya yis 'phang// mgo dang lto sbyor rgyun du gtong// sbyor ba'i rgyal po gab par bshad// de nas bcom ldan 'das kyis bdud kyi srog dbrog pa dang gzir ba 'di bshad do// srog gcod pho mos gang sgrub kyang// ma lus lta log ldog dang 'khru// nyam chung brlabs shing rmugs thibs 'chal// ro med 'dod bral drod dang lci// rtags med cho 'phrul mang na brtsam// dur khrod dben pa'i bde gnas su// gru gsum spags ma kha khyer gsum// phyi nang chag gang dbus mtho gang// dmar ser dkar ba rtsang phur me// mthing nag dbus su mon dang bdud// gru chad gtor ma dam rdzas khrag/ drag po'am ya ma'i bzlas pa 'bum// drag sngags gang sgrub khri yis dgug/ 'khor bcas pos la stong gis gzir// stobs kyi sngags dang phur pas bsdigs// btsan thabs drag po'i gzir bar bshad// yang na gang sgrub gzugs byas la// snying khar gru gsum snying po sngags// bris la dong du gan rkyal bsnyal// lha sgrub byas la rang srog dbrog/ gru gsum gzugs la phab la bstim// rngam pa'i nga ros dbang du bsdu/ sngags rgod khri bzlas phur pa gdab/rang gzir khri bzlas gzi mdangs dbral/ bdud la sogs pa dar zhing 'phyag kha ru rak+ta mna' chu blud/ gzugs de sngags pa'i zhabs 'og gzhug/ kun gyi tshe srog bdag po bskul// bdun nam nyi shu rtsa gcig bar// phyag 'tshal las byed dngos grub ster// drod thob gsos la bdud rtsi bskyed// snying kha'i sngags gdon gnan pa gzhug/ gang sgrub drag sngags bzlas shing bskul// ling ga rgyu la phur pas brdeg/ thun zor mtha' ru gzugs de gnan// dgu 'am bcu gcig gnan pa bya// de nas bcom ldan 'das kyis nyid kyi sku gsung thugs las srog 'phrog pa dang gzir pa spu gri'i mtha' sgyur gyi sngags rnams bton to// ya ma ro ga mu sha rtsa myags mon ta phur tir/ tsit+ta rmugs gzer/ thum srog breng breng/ tsit+ta dun dun hri shag hur thums shag shag dza dza/ ro sha ya mu ka ma phu tir ru tsit+ta sha la gzir srog la hur thums ro myags gzir nan/shag rbad ri shag hur rbad/ shag thun b+h+yo/ shag nan shag raM shAn tiM ku ru swA hA/ shag raM puSh+tiM ku ru phaT/ shag raM ba shang ku ru hri dza/ shag hri wa nga gzir rbad nan/gsad srog thun zer gnan pa drag zhi rgyas dbang ste mi yi sngags/ thun zer las gzir bzhi gnyis rdzogs/ drag sngags bdun pa'i mtha' brgyad bshad/ rgyal mtshan me long gi rgyud las/ dmar len sngags kyi le'u ste brgya bcu pa'o//// de nas bcom ldan 'das kyis gdug pa'i 'khrul 'khor 'di bshad do// gdug pa gnas pa'i dben gnas su// klu chen brgyad la gtor ma bsngo// las gnyer gtad la mtshams dang sbyar// ro ras dbag chen khru gang la// gdug pa'i khrag dang dug chus bsku// mi khyud zum po lnga ru bskor// dbus su drag po'i gsang mdzod bzhi// sbrul nag pho mo ra bas bskor// gnyis pa 'khrul mig drag po brgyad// gsum par bcu drug drag po gnas// bzhi par mtshon cha rtsibs bcu gnyis// mtha' ma sna tshogs gdugs pa'i gzugs// kha sbyar tshad mnyam legs bcas las// sngags rnams dgod pa'i rim pa ni// gru gsum bzhi la ming yang gzugs// 'khrul 'khor brgyad la drag po'i sngags// nang sa pa ra nA ga pu ta dgod// drag po'i 'khrul mig bcu drug la// nA ga dri ta ya hri da ya phu ti myags myogs khaM thun ra li dgod/mtshon cha'i rtse mo bcu gnyis la// dgra bo'i srog la thun myags// rtsa gcod tsit+ta shag ya ma shig rbad// nA ga sa sbur rtsa nan// sbyor ba gnyis kyi spu gri dgod// sbrul dang rus sbal phag dang stag/ bya dang khyi spyang mgo brnyan la// lta 'phye rus kyi rwa bar bya/ kha sbyor dug dang nya yi mkhris// gdug pa sna tshogs khrag gis byug khasbyor dril la rus sbal ltor// gnan pa'i sbyor ba thod chen bca'// sngags dang nyin mtshan phye la brdeg brgyad dang bcu drug skabs kyis blang// 'dod pa'i rtsa srog spu gris gcod// phyag rgya chen po'i brten pa bskyed// 'bru brgyad dril la bcu drug gtor// nyin mtshan ya ma'i las bzhir sbyar// sgrol gying 'khrul 'khor steng du bca'// nA ga'i 'khrul 'khor 'og tu bca'// sprul pa kha sbyor rno dpal mtshon// rang rang phral dang gnyis dril bca'// me tog dril lasasmyo mdze phral// de nas bcom ldan 'das kyis nyid kyi sku gsung thugs las gsang sngags kyi sbyor ba 'di bton to// nang sa pa ra na nA ga su ta dgra bo srog la thum myags/ rtsa chod tsit+ta shag yaM shag shig rbad/nA ba kri ta ya hri da ya phu ti myags myogs kham thun ra li/ brgyad dam bcu gnyis 'khor lo bskor// rdzogs nas sngags dril gnan pa gdags// mtshams su 'dod pa'i a mu ka// thod pa 'khrul 'khor sbyor ba dril// sa sros gdug pa nyid la gtad// klu chen brgyad kyi pho brang gdab// klu la las bcol rgya yis gnan// gdug pa klu yi sbyor bar bshad// de nas bcom ldan 'das kyis sgrol gying srog gcod rgyal po'i drag sngags kyi 'khrul 'khor 'di bshad do// shin tu dben pa'i bde gnas su// stegs bu khrag dang dug gis byug/ snying na drug dang bshos bu rdzas// ba ling ta dang pU dza bsham// shog bu rme ba dang bcas pa// mu khyud gsum bskor thig bzhi gdab// dbus su gru gsum brnag pa bri// phyi rim 'khrul mig bcu drug drag po'i sngags// mtha' ma'i 'phrul mig nyi shu rtsa brgyad la// drag po'i spu gro rdzogs par gnas// drag sngags 'khor lo lugs dang lugs min gnyis// bcas la dug chu rten du byug rgyal po bdud mo'i lto bar bca'/ kha sbyor gri thod spyang thod gzhug/ byang shar gru gsum dong du gzhug/ de bzhin brnag pa'i ling ga gzhug/sngags pa ya ma'i skur bsgoms la// gying rnams rbad cing drag sngags brdeg/ bcu bcu thun dbab 'brub khung brab// drag sngags rnal ma bzlog dang dkrug/sprul pa rbad la shes pa dgug/ 'khrul 'khor sngags bzlas sgrol gying bskul// phyag rgyas dbang sdud mtshon chas brdeg/ dngos dang bsrung pa gnyen byung rab// 'dab chags dud 'gro bsad na 'bring// rmi lam spyod yul 'gyur na mtha'// mngon khugs shes pa 'bar dang tshig/ me chu 'khrug lhud 'gyur ldeg 'phar// skye shing nags tshal bcad na mchog/ drod thob gnan pa'i sbyor ba bya// srog bdag sgrol gying shan pa bsko// drag sngags smod pa gsum du brdeg/ rnal ma phyi yi gzugs phung yul la brdeg/ myong shing rlabs nas lus srog yan lag 'jig/ yab yum 'khor bcas sha khrag drod las rol// 'khor lo'i thod pa rgya gram gong gsum gnan// drag sngags rtsa ba go bzlog spu gri rnal// nang dang thun gyis lus bral mgo dang tsit+ta gshog bu ga dgu nas khrag 'dzag thung gin myos/ bsgral nas sha rus gzugs phung dur khrod 'chad par gnan/gsang bar thabs dang shes rab sbyor ba las// srog bdag rang gzir gsad pa mchog gi las// drag sngags dkrugs la rkang pa gnyis su brdeg sgrol gying rnams kyis rtsa gcad tsit+ta 'don/srog dang dbang po dwangs ma ston nas kyang// shes pa bsdus la gdug pa'i gnyan la gtad// srog bdag shan pa drag po'i sbyor bar bshad//// de nas bcom ldan 'das kyis nyid kyi sku gsung thugs las drag sngags 'di bton to// a shu rtsa ba gri na pa la dri ling dun du khri shag ru dri/ dgra bo'i srog la li dza khaM myogs ru shag rtsa rbad thum ling khyer b+h+yo/ nri khug srog hur long rbad kham mugs yengs tsit+ta shag rbad dri ru shag khram dun dun ling dri la pa na gri na pa tsa shu a/a shu gri na dri liM dun dun dgra bo'i srog ni dza liM liM thun mugs khyer b+h+yo/ khram shag pa tsa pa la 'du tri dgra bo'i srog khaM myogs tsit+ta shag ni/khug ru khaM rtsa rbad srog hur longs yengs rbad/ klu dang rgyal po lto sbyar na/ mdze rigs rme lkugs yams su 'bebs/ rgyal mtshan me long gi rgyud las/ drag sngags lto sbyor gyi le'u ste brgya bcu gcig pa'o//// de nas bcom ldan 'das kyis gsang sngags thams cad 'byung ba'i sbyor ba 'di phye ste rgyas par bshad do/ phaT raM he raM dz+wa la raM khaM rag sha raM/ e yaM raM rwa laM suM keng b+huM/ oM AH hU~M/ ya ma hU~M/oM a kro te ka ya mAn ta ka hU~M phaT/ oM aHhU~M/ oM pe ta li rag sha yag sha hU~M/ drig drig ser ser khu lu mu lu hU~M phaT/ oM AMHhU~M/ kA ya wA ka badzra tsit+ta hU~M/ bud d+ha ku lan/ badzra ku lan/ ku lan/ pad+ma ku lam/ karma ku lan/ hU~M ha ha he he ho/ hU~M pa sa ma ya ho/ sa ma ya staM/ ra ha ho haM/ ra ga ya mi/ ya ma ra mA ya/ ya me to ya/ ra ya tsa ni ya k+she tsa ya/ hri gu ru dz+wa la ni hU~M phaT/ ya ma rag sha ya hU~M phaT/e hri sti ya hU~M phaT/ de pa hri sha ya hU~M phaT/ da ra ya ma hU~M phaT/ Ar+ya rag sha ya hU~M phaT/ hri ka ta ya hU~M phaT/ a mi pany+tsa ya hU~M phaT/ hri sti sta ma ya hU~M phaT/ hri pa ma ma hA ya hU~M phaT/ de nas yang bcom ldan 'das kyis nyid kyi sku gsung thugs las spyan drang ba dang/mchod pa dang/ bsnyen pa'i gsang sngags rnams phye ste ston to/ hri stis sa ma ya hU~M dza dza/ oM shri many+dzu a kro te ka ya mAn+ta ka ya ma ra tsa ma ma e ka dza Ti de bI kro d+hi shwa ra ya ga sha dza dza/sa ma ya s+t+waM/ ru lu ru lu hU~M b+h+yo hU~M dza dza/ a ti pu ho/ pra ti pu ho/ sa ma ya s+t+waM/ e ka dza Ti ya man ta ka b+hi sa ra b+hi sa ra swA hA/ e ka dza Ti ya man+ta ka rag+sha sa ma ya swA hA/ e ka dza Ti d+hU ba prid ya ya swA hA/ti bya sreg ma la da re ye puSh+ba swA hA/ ti bya sha ta shad dad dI pe swA hA =rag tsi ti sha dad gra ha gan+d+te swA hA/ sarba a mi bya ba da ri ye swA hA/ sarba pany+tsa a mri ta pra ti dza khA hi/ mu dra dz+nyA na pu dza sa ma ya swA hA/ma sa rak+ta tsit+ta san tsa pa ri ye swA hA/ g+hu ha rak+ta/ gu h+ya bo d+hi tsit+ta pU dza swA hA/ ma hA ba liMta khA hi/ shrI many+dzu ya mAn+ta ka hri sti ka la ru ba kA ya a la la ho/ sha ra laM ga tsa me/ e sa hU~M/ pe sa hU~M/ shrI sarba rU pa kA ya hU~M/shrI sarba pa ti a ra li hU~M/ shrI sarba du ba du hU~M/ shrI sarba b+ha ling ta hU~M/ shrI sarba pi te/ ya na hU~M/ oM a kro te ka ya man ta ka ha na ma tha b+han dza hU~M dza dza/ oM a kro te ka ya mAn ta ka kA la rU pa ni/ sha ku ru ni ni ni sha ku ru ni/hU~M dza dza/ oM hri Sh+ti bi kri ta na na hU~M dza dza pe ta li rag sha/ oM ya ma me ta k+she ra tsa sa to ru na yo ni ra ya tsa ni hU~M dza dza/ oM ya me ta k+she hU~M dza dza/ oM ya ma rag mo ma ma rag mo snying kha rag duM shaM snying ro thuM raM ya ma b+h+yo hU~M dza dza/oM ma ma e ka dza Ti trag rag sha li rag sha man+ta dza dza/ rag mo ta kuM ma ma dun du shaM de ma b+h+yo dza/ kha rag hring shri de ma b+h+yo dza dza/ oM ya du dri mun sen dun he tsa hU~M dza dza/ kA ya badzra wA ka tsit+ta sa ma ya hU~M dza dza/ya ma snying sha sha dza dza dun b+h+yo/ ya ma snying ru ba sha/ ya ma A kar+Sha ya hU~M dza dza/ de nas yang bcom ldan 'das kyis nyid kyi sku gsung thugs las sngags du ma phye ste bton to/ ya ma rA dza sa to me ma ra tsa sa to me ya ya ma/ra tsa sa to me tsa sa to me ya ma ra/ sa to me ya ma rA tsa/ to me ya ma rA tsa sa/ me ya ma rA tsa sa to/ ya me to ru na yo ta/ me to ru na na yo ta ya/ to ru na yo ta ya me/ ru na yo ta ya ma me to/ na yo ya ya me to ru/sa nA ga sny-ing gzir rtsa la rbad/ sa nag snying gzer u nan rbad/ sa nA ga snying gzer e nan rbad/ sa nA ga snying gzer srog la dun dun shag rbad/ sa nA ga snying gzer tsit+ta ru thums rbad/ rigs bzhi rgyud la zhan pa dang// ba so kha 'khor gdug pa kun// bskam chags dbang gis dug zhus pa// drag po sngags kyi dug 'byin 'joms// gdug pa thams cad 'joms pa yis// yang gsang 'khrul gyi 'khor lor bshad// de nas yang bcom ldan 'das kyis gdug pa 'dul ba'i phyir snying gzer dgu'i sbyor ba 'di bshad do// snying po 'phrul gyi man ngag bcud// gsang chen rtsa ba dril pa'i las// drag po mngon phyur sbyor ba'i mchog snying gzer gdug pas thams cad 'joms// shi phrad sngags kyi 'khor lo yis// bdag skyob gzhan bsrungs gdug pa 'joms// ma mo bdud mo rgyal po btsan// klu gnyan sa bdag the rang tri// ma lus 'joms byed dgod kyi sngags// b+hi la'i kheng 'dul khong dregs can// 'bar ba nag po e ma'i klong// yang gsang mchog gi sbyor bar bshad// de yi sbyor ba 'di lta ste// dur khrod zhing ras ro ras la// mu khyud dang ldan rus sbal ltor// dug khrag snag tshar sbyar la bri// dbus su gru gsum zla kham gsum// phyi rol 'khrul mig thod par bzhi// de 'og lcags mkhar bar rim brgyad// yang logs gnas pa'i rtsa sbubs dgu// phyi rim rtsibs chen bcu drug 'obs// srid pa rus sbal lto ba ru// drag po sngags kyi 'khrul 'khor bca'// de la dgod pa'i gnas pa ni// dbus na gdug pa'i snying po ming// zla kham ma mo rgyal po btsan// the brang gshin ngog snying po ming// 'khrul mig bzhi la gnas pa ni// 'dren pa stobs kyis 'bru bzhu dgod// phyi rim lcags mkhar brgyad po la// dregs pa stobs kyi 'bru brgyad dgod// yang logs rtsa sbubs dgu po la// snying po gsum mthar sbu gri dgu// 'bru rnams rdzogs pa'i tshul du dgod// phyi rim mtshon cha bcu drug la// shi phrad kun 'joms snying po dgod// gnyis bcas dug khrag tsha ba bsku/kha sbyar sngo dmar mthing nag gril// 'khrul mig mtshon cha me dbal sngags/ zlos shing 'byin pas shugs kyi mchog/ gcod cing 'bigs pas spu gri'i mtshon// sreg cing g.yeng bas me chu rlung// sdud cing 'chang bas skyo ba'i mkhar// gzir zhing gnon pas thog ser sa// rtsa bar bcas pa'i mtshon lo ma// bdag skyob gzhan bsrungs go cha'i mchog/ las dang sbyor ba gcod pa'i mtshon// 'bar ba nag po zhe sdang mchog/sngags kyi rgyal po dug ngar bcas// 'bar ba dug gi du ma bur sdud// bdud nag rag sha ya ma'i klong// de yi pho brang thod pa'i gnas// ngur ma'i phyi ru rus sbal gzugs// mchod rten rin chen mtshon cha'i spu// tshangs pa'i bu ga rgya gram e// 'khrul 'khor dang bcas re bas gril// hom khung dang bcas stong stong bzlas// gsal ba khyad par stobs kyi lha// rdzas dang lta sbyor ba sdeb// bdun pa mchog dang yin pa brtag nya stong sbyor ba drag po brtsam// thun mong bsrung ba'i sbyor ba brgyad// mngon zhugs sbyor ba drag po nyid// drag po thog chen snying gzer mchog/ gser gyi dgu thog gnam lcags sba// ri rgyal lca ba chen spu gri'i me// yang gsang mchog gi sbyor ba'o// de nas bcom ldan 'das kyis nyid kyi sku gsung thugs las snying gzer dgu'i spu gri bton to// sa nA ga ma trag snying gzer rbad/ sa nA ga du me snying gzer rbad/sa nA ga tsa tri snying gzer rbad/ sa nA ga k+sha tri snying gzer thum tsit+ta breng shag rbad/ snying gzer spur nan rbad/ dragazer rbad/ sa nA ga dug phyung snying gzer rbad/sa nA ga kham shag snyig gzer rbad/ sa nA ga sning gzer srog tig rbas/ sa nA ga snying gzer thuM ril rbad/ sa nA ga snying gzer sbur nan rbad/ sarba u nan kham shag ga po med dbal gcod pa'i mtshon/ gdug pa'i tsit+ta yo ta ya me to ru na ta ya me to ru na yo/ya ta yo ni ra ya k+she/ ta yo ni ra ya k+she ya/ yo ni ra ya k+she ya ta/ ni ra yak+she ya ta yo/ ra ya k+she ya ta yo ni/ ya k+she ya ta yo na re/ k+she ya ta yo ni ra ya/ yak+she ya tsa ni/ ra ma ya/ ya tsa ni ra ma ya k+she/tsa ni ra ma la k+she ya/ ni ra ma ya k+she ya tsa/ ra ma ya k+she ya tsa ni/ ma ya k+she ya tsa na ra/ ya ma me ta k+she rA tsa sa to ru na ra ya tsa ni/ ya ma me ta k+she/ ya me ta k+she ma/ ya ta k+she ma me/ ya k+she ma me ta/ ya mo me ta k+she ra tsa sa to ru na yo ni ra ya tsa ni/ya me ta k+she ma to ru na yo ni ra ya tsa na ri ya tsa ni ra sa/ ya ta khye ma me yo ni ra ya tsa ni ra tsa sa to ru na/ ya k+she ma me ta ya tsa ni ra tsa sa to ru na yo ni ra/ ya ma ta k+she me/ to ya yo ta ni tsa sa ru na ni ra tsa/ya me k+she ma ta/ ra yo ya to/ tsa ru ni sa tsa na ni ma/ ya ta ma me k+she to ya ra yo ni sa ra ru/ tsa na ni la/ ya k+she me ta ma yo ra to ya sa ra tsa na ru na tsa ya/ ra tsa sa to me ya/ to ru na yo ta ya/ yo ni ra ya k+she ya/ya tsa ni ma ya/ tsa sa to me ya/ ru na yo ta ya/ ni ra ya k+she ya/ tsa ni ra ma ya/ ra ma ya/ to me ya/ yo ta ya/ ya k+she ya/ ya ma ya ra/ tsa ma la tsa/ ya ma ra ya/ ma ya ra ma/ ya ra ni dza k+she ya ra ni tsa yo na ru me to sa tsa ya/ru tra phroM dung phroM shud ti phroM dkar phroM ya ma phroM ya/ ma hur shar shar phob/ ya ma me ta k+she tsa ni la/ ya tse ti hi hU~M ka ya ma me ta k+she ma ra tsa ya/ ya ta k+she ma me ru na ya/ ya k+she ma me ta ni ra ya/ ya k+she ya tsa ni ra tsa sa to me ya/ya me to ra na yo na ra ya k+she ya/ ya ma ra tsa sa to ru na yo ni ya/ ya ta yo ni ra ya tsa ni ra ma ya/ de nas bcom ldan 'das kyis gshed bzhi'i sbyor ba'i sngags 'di bton to/ ya ma me ta k+she srog la ya dun b+h+yo/ya ma me ta k+she/ ya me ta k+she ma/ ya ta k+she ma me/ ya k+she ma me ta/ ya ma k+she ta me/ ya k+she ta me ma/ ya ta k+she ma me/ ya me ma k+she ta/ ma me ta k+she ma/ me ta k+she ma ya/ ta k+she ma me ya/ k+she ma me ta ya/k+she ta me ma ya/ ta me ma k+she ya/ me ta k+she ma ya/ ma k+she ta me ya/ ya ma me la/ ya me ta ya/ ya ta k+she la/ ya k+she ma ya/ ya ma ta/ me ya k+she/ ta ya ma/ k+she ma me/ ya ta k+she me ma/ ya ta ma me k+she/ ya me k+she ma ta/ya k+she me ma ta/ ya k+she ma me ta/ ya ta me ma k+she/ ya me ma k+she ta/ ya ma k+she ta me/ ya ma me la/ me ya ta ya/ ta ya k+she ya/ k+she ma ya/ ma me ta k+she ya/ me ta k+she ma ya/ ta k+she ma me ya/ k+she ma me ta ya/ ya ma ta ya/ me ya k+she ya/ ta ya ma ya/ k+she ya me ya/ ya ma me ya ma/ ya me ta k+sha ya ma/ ya ta k+she ya ta/ ya k+she ma ya k+she/ ya k+she me ma ta/ ya ma sa ma ya/ hU~M gzir nan/ ya ma phaT/ ya me phaT/ ya ta phaT/ ya k+she phaT/ k+she ya hU~M dza/ ma ya hU~M dza/ ta ya hU~M dza/ me ya hU~M dza/ ya tsa ya rbad ya ma ya rbad/ ya ra ya rbad/ ya na ya rbad/ ya ni ya a mu kaM ya rbad ya/ ya ma sa na ga tsa rbad/ sbur nan/ e dun ya ma nA ga snying gzer/ na ga dun tiM phroM/ shar shar drag tu phob/de nas bcom ldan 'das kyis drag po'i sngags kyi rtsa ba 'di nyid sku gsung thugs las 'thon to/ e ka ya ma he ka gri ma he kaM tsa dur he thar ka snying bi sma bu ta dz+wa raM dza khaM g+ha d+ha rang ra ga saM pra ma khrag sam b+he ta kus sma tal yam hri sang thi ba dun/rag sha thum/ sag ru tsa kring hab tang rmugs dri li nA ga rbad/ de nas bcom ldan 'das kyis nyid kyi sku gsung thugs las sngags kyi spu gro 'di bton to/ hri ti pra ma ya/hri ti mur tsa ya/ hri ti rag ta tsa ra ya/ hri sti ma ra ya/ a mu kaM/ ni sha ku ru ni rbad ya/ ka pa ye stam b+ha ya nan/ ya ma de ma b+h+yo ru lu rbad ya/ hri sti ya du ni/ badzra te dza srog la thun rbad/hri sti kri ta b+hu ta srog la thun rbad/ hri sti ka la badzra da na gzer thun rbad/ hrid sti rad na gar+b+ha srog la 'di thun rbad/ hri sti pad ma ta kri ta tri myags thum rbad/ hri sti karma rag sha srog la thun rbad/ hri sti ra ga badzra dun ri tsit+ta rbad/ hri sti ya ma srog ling thuM rtsa breng thun rbad/ hri sti gri na badzra tsa kra ra srog yaM thun rbad/ hri sti te tsa badzra u nan hri mA ra ya thums rbad/ de nas bcom ldan 'das kyis dregs pa thams cad las la rbad pa'i sngags 'di bton to/shri many+dzu ya mAn ta ka ka liM b+h+yo/ be ta li rag mo snying la dun ti b+h+yo/ ma ma e ka dza ti rag sha srog la dun tang b+h+yo/ e ka he dun dun ya ma tsa srog snying la dun ti b+h+yo/ ya ma ra za hri kri ta sog la dun ti b+h+yo/ yar+ya rag sha mon ta ru thums tsit+ta dun ti b+h+yo/ ya ma hri sti kri ta mon ta ya ga sha rag mo srog la dun ti b+h+yo/ ya ma b+hi na ya mon ta snying ka rag ma rtsal dun ti b+h+yo/ ya ma rag sha hri phri baM mon ta rag mo snying rtsa ya ma dun ti b+h+yo/ya ma kri ta ya baM mon ta khrag la mu sha ma dun ti b+h+yo/ ya ru thum tsit+ta mun yag mo rag mo srog la dun ti b+h+yo/ ya ma hri krin ta/ rag sham hi brag la mu sha dun ti b+h+yo/ ya ma ra li kro d+ha mun ma ma hed hed dgra bo'i srog la dun ti b+h+yo/ya ma ra dun dza baM ka li mun rag mo kha lo rtsa la dun taM b+h+yo/ ya ma karma sha truM rtsa thun mun ma ma rtsa la thang thang din ti b+h+yo/ ya ma kha la hri myags mun rag mo ru ta rtsal dun ti b+h+yo/ya ma ru ba thang thang mun ma ma ha ba shaM srog la dun ti b+h+yo/ ya ma sha baM hri sti mun rag mi snying rtsa dun ti b+h+yo/ ya ma b+his ma rtsa myogs mun rag mo tsit+ta breng breng dun ti b+h+yo/ ya ma khrag la rmugs tsit+ta mun rag mo rag mo a pa da ra srog la dun ti b+h+yo/de nas bcom ldan 'das kyis nyid kyi sku gsung thugs las mchog gi thun sngags 'di bton to// ya mAn ta ka hri ti ka la rU pa ya ma ra tsa hri hring thuM ril rtsa rbad/ srog ling thun b+h+yo/badzra kro d+ha ya man ta krid hri sti kA ya rU pa ya shaM srog nan khyer b+h+yo/ rtsa chod myags myogs srog la dun rbad/ ya ma ra tsa mon ta nag mo a pa ye/ ka pa ye du ru ye bya tsa ye mu ka ye srog la dun mugs rtsal myogs rbad/hri sti ya man ta ka tsit+ta breng sham kA ya la rU pa a ne a ne u ne u ne/ du ne du ne ya ne ma sha srog la thuM ril rbad/ hri hur sti yaM b+hi kraM ya nan klad pa la ha re ha re mu phub yam shig bya tsa ye du ru ye mu sha srog shag shag thun rbad/ya ma ra tsa shaM to na rin baM ru to yo me kha sa k+she pa tsa khas srog la ling thuM tsa la thuM rbad/ rag mo ru thuM ka rag shri de ma b+h+yo/ yaM yaM thuM thuM tsit+ta thuM myags rtsa rbad/ rag mo rtsa rtsa raM thun snying ro shaM duM myags tsit+ta phrig phrig srog la thun rbad/dun shaM snying ka rag ma ru lu ru lu rig mo te tsa khrag la mu sha ma srog thun rbad/ badzra snying kha la yed yed bra ma khrag ting ting hur hur long bam thun myogs rtsa nan rbad/da mun ha sbyaM du sti rag sha ya tsa thuM thuM ra dri ru shag gying ka ra shu la man baM ti mang du ru dgra bo ro myags thun b+h+yo/ 'ur ba tsit+ta baM zi lo ki nan dri ling dri ling ku dri ku dri drir dri tsa mun tri srog thug thug ya rbad/snying khrag rtsa nan ra ya ma ni thuM thuM b+h+yo/ de ltar gsang sngags sbyor ba yang// don gnyid sbyor ba brnag pa'i las// 'khor lo thun sngags bsregs pa'i sngags// rtsa ba bsnyen bsgrub sngon 'gro'i mchog/gzir ba la sogs bdag gzhan srun// thun mongs sngags ni du mar bshad// bcu drug rtsa ba gcig gis bsdus// drag po kun 'byung mchog gi sngags// bde ba bgrod cing smrin par byed// don gnyis mngon du 'grub pa'i sngags// drug cu gnyis las kun 'byung yin// 'di na bgrod cing smin pa'i sngags// thun mong gsang sngags drug tu bsdeb// mtshon cha'i rgyal po 'khor lo dang// gshin rje gshed dang g.yas su bsdeb// bdud kyi khram de de bzhun bsdeb// ma mo khrag skyug thun dang bsdeb// rims nad sbyor ba brgyad dang bsdeb// dal dang smyo 'bog hom dang bsdeb// lo tog 'joms pa zor du bsdeb// bsnol thog bu yug ya mar bsdeb// rmi gri ya ma bdud dang bsdeb// chu klung hur thums g.yeng ba'i las// sngags rgod ya ma lto sbyor bsdeb// smyo 'bog gzer thabs ra tsar bsdeb// mdze yams phol 'bras gang 'dod la// nA ga gdug pa drag po yi// 'khor dang yab yum gsum du bsdeb// khyad par gsum du sngags pas bsdeb// mtshon cha'i rgyal po gsum du bsdeb// brnal ma bzlog dang lto dkrugs yin// 'phen sdud dbye gcod mnan pa lnga// drag po'i las te sbyor ba'i mchog kun 'byung sngags kyi rgyal por bshad// rgyal mtshan me long gi rgyud las/ gsang sngags 'byung ba'i le'u ste brgya bcu gnyis pa'o//// de nas yang sa'i lha mo brtan mas/ bcom ldan 'das la gsol ba btab bo// kye ho bcom ldan 'gro ba'i mgon// khro bo 'byung ba'i gleng gzhi dang// drag po sngags kyi dug mda' la// smod pas bsad gso dbab pa dang// drag sngags las kyi rnam grangs dang// smod pa smin pa 'bras bu dag/ thabs kyi rim pas rgyas pa dang// shugs kyi 'gro ba'i thabs dang rim// gshin rje gshed kyis las grangs tshad// mtshon cha'i rgyal po'i dbye ba dang// sngags dang ni ma bshad du gsol// zhes gsol ba btab bo// de nas bcom ldan 'das kyis sgyu ma lta bu'i yon tan mngon du bshad do// 'phrul gying snying po'i gsang rgyud 'dir// gshin rje grangs dang las dbang tshad// ngo bo yon tan gnas dag rgyan// 'khor lo la sogs 'dir bshad do// gshin rje'i don lnga de bzhin lnga// rang bzhin ye shes sgrub byed sprul// lhun grub las kyi ya mar bshad// rang bzhin gshin rje'i ngo bor sems// lhun grub gshin rje 'byung ba lnga// sprul pa'i gshin rje ting 'dzin sngags// sgrub byed gshin rje lho phyogs gnas// rig pa'i rgyal po gshin rje yi// de don rgyas pa 'di lta ste// rang bzhin chos sku spros dang bral// snang srid chos rnams 'byung ba'i gzhi// ma byung ma skyes skye med las// nam mkha'i dpe ltar sna tshogs snang// byang chub sems te ngo bo'i gshis// mi 'gyur rang bzhin spros med las// cho 'phrul gzugs brnyan lta bu'i sku// nyon mongs snang byed ye shes sku// brkam chags lnga yi 'din pa 'joms// rang snang len spong med pa'i rje// sdug bsngal 'byung byed rig pa'i ngang// rnam rtog zhen chags gnyis med sgral// dug lnga'i nad dang brtsol ba'i sman// thugs rje byang chub dbyings su bsgral// las can ldan pa'i gshed du bshad// dag dang ma dag thams cad kyi// gzhi rten rtsa ba byang chub sems// rang bzhin chos sku'i gshin rjer bshad// 'byung ba lnga dang sna tshogs chos// chen po lnga yi ngang las rdzogs// lhun mnyam gshin dang ldan par bshad// chen po lnga las grub pa na// yul las skur gsal mnyam par gnas/ kha dog dbyibs las gsal ba'i sku// gzung 'dzin las 'joms dag pa'i rje// khro bo stobs kyi ngo bo yis// ngar 'dzin 'khor ba'i zhen par gcod// dwangs ma 'bras bu phyag rgya'i sku// gshin rje'i rgyal po rA dza yas// 'dzin pa sa yi zhen pa 'joms// dwangs ma 'bras bu phyag rgya'i sku// drod kyi dwangs ma myos byed kyis// sreg byed tsha ba'i zhen pa 'joms// sdud par byed pa'i phyag rgya las// 'phags pa'i rgyal po chags pa'i sku// dwangs ma chu yi zhen pa 'joms// bskyod pa'i g.yeng ba'i dwangs ma las// ral tshar dgu yi phyag rgya yin// bskyod pa rlung gi zhen pa 'joms// 'bras bu dwangs ma lnga rtogs pas// zhen pa 'joms pas gshed du bshad// dwangs ma lnga yi lus nyid las// phyi nang gzung 'dzin chos dang sems// spong len med pa'i rdzogs pa yi// lhun gyis grub pa'i gshin rjer bshad// chos kyi dbyings kyi pho brang na// stobs chen 'dzin pa 'gyur ba'i sku// zhi bas 'gro 'dul thabs bsam yas// mi shig thugs kyi pho brang nas// las dang 'bras bu 'byung ba bzhi// ngo bo 'gyur ba med par bshad// shugs kyi phyag rgya gar bsgyur bas// dbu gsum rngam pa'i zhal gdangs nas/ khams gsum bag chags zil gyis gnon// pha rol phyin drug las drug las// mtshon cha sna tshogs 'bar ba yis// rgyu drug 'khor ba zil gyis gnod// rgyan cha 'dug stangs rngam pa yis// dbang can kun 'dul las kyi 'khor// snyig po dwangs ma gtso la 'bul// dregs pa kun gyi rje ru bshad// dbang bcas rdam pa'i pho mo yis// 'khor ba gdungs pa'i zhen pa 'joms// ye nas skye med chos nyid las// rig pa gsum gyi don rtogs pa// mi 'gyur bas na gshin rjer bshad// sprul pa'i gshin rje rnam pa gsum// ngo bo nyid kyi sprul pa dang// khro bo dgongs rgyud sprul pa dang// dgongs pa drod kyi sprul pa'o// ngo bo chos sku'i byin rlabs las// skye ba'i cho 'phrul 'jam pa'i dbyangs// zhi ba'i sku la rngam pa'i thugs// rgyas pa'i phyag g.yon g.yas pas 'joms// lam dang thabs kyis bya ba rdzogs// sems dpa'i sprul pa 'khor ba'i rje// ral gri glegs bam 'khor ba yi// las dang nyon mongs bag chags 'joms// thugs rje 'joms byed zhi ba'i gshed// dgongs rgyud sprul pa'i rdo rje 'chang// gsang ba sprul pa'i 'khrul 'khor du// snying po nges pa'i byin rlabs sdud// las dang sbyor ba du ma'i gzhi// rigs dang rigs min 'khor rnams la// drag pos 'joms pa'i sbyor ba bstan// sangs rgyas sems can gnyis med rje// sha za ki kaM srin po klu// dkor srung byad gtems gying dang gza'/gshin rje'am ma mo pho nya yis// srog dbugs 'brel cing dbang po 'pho// snyigs ma gsum sdud dbang po 'joms// gshed bdag chen po'i las su bshad// rnam lnga drod kyi byin bskyed la// 'bru gnyis btags la brdas bskul bstim// rtog pa gnas 'gyur bskyed pa'i gzhi// snying po gnyis bskul thugs mtshan bskyed// gang dmigs phyag rgya chen por gsal// rang lus phung po skye mched kyi// gnas lnga byin ldan 'khor gyi rje// rtsa ba'i bdud bzhi gnas su 'joms// log par brtags pa go bzlog bshed// sprul pa gsum gyi gshin rjer bshad// sgrub byed gshin rje khams gsum bdag/ srid pa gsum gyis gzhi rten 'chang// nyon mongs bag chags sog cing smin// ma la ya yi zhing khams na// lto 'phye mgrin pa yangs la gnag/ lus dang yan lag tshigs mig zlum// lto na skye shi na dang 'pho// kun gyi srog la dbang sgyur rje// dwangs mas bskyed la snying pos dgug/ bsnyen bsgrub mtha' ru srog bskul na// gang dmigs yul dang dbang po 'joms// las dbang sgrub byed gshin rjer bshad// don grub gshin rje bzhi ru bshad// thun 'bebs stobs chen gshin rje dang// 'khor los gcod byed gshin rje dang// mtha' sdud sbyor ba'i gshin rje dang// dregs pa stobs kyi gshin rje'o// thun drug sbyor ba'i las byed pa// sha za las kyi gshin rje rnams// khyad par lnga yi thun 'bebs pa// sprul pa 'joms pa'i gshin rjer bshad// thugs kyi 'khor los gcod pa ni// rang rgyud gnas pa'i gshin rje bshad// lus kyi 'khor los gcod pa ni// rang las zad pa'i dbang btsan nas// lha cig skyes pa'i gshin rjer bshad// phyag mtshan 'khor los gcod pa ni// sngon byas rang gi gnas smin la// rgyu rkyen stobs kyi bdag po ste// dman pa 'khrul pa'i gshin rjer bshad// rdzas kyi 'khor los gcod pa ni// yi dwags rgyal po'i stobs can la// srog snying pos la rdzas la brten// gtor ma dam rdzas rak+tas bskul// srog sdud las kyi gshin rjer bshad// mtshan ma sbyor bas gcod pa ni// dmigs pa'i rgyu la sngags kyi rkyen// rgyu rkyen 'brel ba grub pa ni// mtha' sdud gsang ba'i rdo rjer bshad// dbang sdud sngags kyi gcod pa ni// 'byung ba bzhi yi rngam 'og na// sngon du 'gro ba'i sbyor ba yis// stobs kyi bdag pos bsnyen bsgrub la// ka bcings bka' bzlog gshig gzir la// mtha' ru dbye ba drug cu mnan// de yis las kyi mtha' sdud pa// tshe srog sdud pa'i gshin rjer bshad// bcu gsum rgyan gyi yig 'bru la// mtha' ru zhi rgyas bsreg ldan pa// bdag gzhan ltas logs go cha brgyan// rang nams stobs kyi gshin rjer bshad// sngags rgod gab pas gcod pa ni// snang srid srog dbugs dbang po 'chang// las la sbyor ba myur brtsams na// lus can dmigs pa gang byas nus// bdag srun gzhan gshigs las dbang gcod// mtha' ru gdug pa gnyan bsreg gnan// kun gyi stobs dang rang dbang sdud// 'byung ba lnga yi bdag po ste// lhun gyis grub pa'i gshin rjer bshad// rno dbal sngags kyi gcod pa ni// las kyi shan pa pho mo kun// srog snying dril nas mtshon char bsdeb// btsan thabs gzir zhing don gnyis 'grub// mgo dgur stobs kyis lus srog 'brel// 'chi bdag rgyal po gling khams 'khor// srog gcod las kyi gshin rjer bshad// smod ba drag pos gcod pa ni// gdug pa'i sngags la rno dpal mtshon// kun gyi snying po tshe srog bdag/ khyams khang gsang mdzod lto ba ru// kun gyi bkrag mdangs sdud cing 'chang// khyad par sbyor ba gshig cing gcod// gdug pa gzing zhing dug gsum sreg/ thun mong khyad par gnyis kyis gsod// mtha' ru phag mo khog yan gnan// phyag rgya chen po zil gnon gyis// rang byung stobs chen gshin rjer bshad// don gyi gshin rje gsum du bshad// skye 'gag med pa'i gshin rje dang// mtshan dpe ldan pa'i gshin rje dang// sna tshogs 'gyur pa'i gshin rje 'o// ma bcos mnyam nyid dag pa la// 'phra ba'i bag chags 'byung ba yang// thig le bde ba'i ngang du rdzogs// sna tshogs snang la ngos gzung med// chos kyi sku yi gshin rjer bshad// 'jam dpal khro bo gzhal med dpag las 'das// nang gi rtsa lam dag pas 'gro don mtha' ru spyod// mtshan dang dpe byad yon tan dpag tu med// phyi yi rgyan rnams dur khrod gdug pa'i chas// phyag mtshan la sogs nus pas 'gro ba'i rmongs pa sel// longs spyod rdzogs sku'i gshin rje bshad// sprul pa gsum du gshed bzhi phyogs skyong bcu// 'gro ba 'dul phyir khro bo sha za'i lus// cho 'phrul mngon phyung 'jigs pa'i cha lugs ston// sprul pa sku yi gshin rje gshed du bshad// gshin rje gshed kyi rtsa ba gnyis su bshad// 'khor ba sgyu ma lta bu'i gshin rje dang// ye shes sgyu ma lta bu'i gshin rje'o// dmigs pa'i lus la bstan pa'i byin bskyed pa// nyi ma'i snying po dag las 'od 'byung ltar// bstan pa'i phyag rgya gsal ba'i thugs kha nas// dmigs pa'i lus la ye shes rgyun gyi dbang bskur nas// dmigs pa med pa'i sku ru gsal// nam mkha' rin chen rgya mtsho ltar// dag pa'i ngang las mtshan ma 'byung ba ni// sprin dang khu rlangs rlabs dang 'khyags pa bzhin// ye shes snang med brjod las 'das pa la// sna tshogs 'khor ba'i chos rnams 'byung 'dra yang// rgyu rkyen 'das na gnyen pos bcos mi dgos// 'dzin pa ma grol gzing ba'i yul la zhen// yul sems gnyis 'dzin bag chags stug pa'i gzhi// las kyi 'bras bu 'khor ba'i gshin rjer bshad// lung gi rgyal po 'khrul gyi bshad pa 'dir// 'khor ba sgyu ma rtags na snang med dbu mar gsal// gzung dang 'dzin pa ye shes gnyug mar grol// chags sdang las dang spyad pas bgrod pa med par phyin// rang lus brtan pa rnyed pas ye shes yin pa skyes// gnyis med ye shes rol par gsal// ye shes sgyu ma lta bu'i gshin rjer bshad// don dam gshin rje rtsa ba gcig tu bshad// mi 'gyur rig pa byang chub snying po'i bka'// rang sems rtsal dang ldab pas ye nas gshin// ting 'dzin drod ldan yus sems kun gyi rje// gzung 'dzin chos skur bsgral bas ngang gis 'joms pa'i gshed// kun 'byung rig pa'i ye shes bsam yas kyang// thig le chen po gcig gi ngang du rdzogs// rtsa ba byang chub sem kyi gshin rjer bshad// 'joms byed rtsa ba bgrod pa'i rgyud las gnas// snying kha la brten 'bru gnyis sdud dang sog rang gi shes pa 'pho ba don gyis gshin// rkyen gyi sngags kyis 'byung ba'i khams dkrugs nas// shes pa'i sgrib byed las dbang drag po'i rje// dwangs ma bzhi yi rtsa ba nam mkha'i khongs su bsdus// bag chags rten pa'i rtsa bcad 'bru gcig snyigs ma bsregs// lus sems 'brel ba rang rgyud 'pho ba'i gshed/// brnag pa rang la gnas pa'i gshin rjer bshad// ya ma lag na rdo rje yis// gshin rje'i rnam grangs dbye bar bshad// gshin rje phyi nang gsang ba gsum// 'byung ba bzhi yi rngam 'og nas// las kyi gshin rje tshe srog sdud// thod mkhar gnas kyi gshed po bzhis// 'du ba bzhi yi las dbang sdud// bcu gnyis 'obs srun phyogs skyong gis// yul gyi dmigs pa dbang du sdud// lcags mkhar bcu drug sha za'i 'khor// phung po rten dang bcas nas 'gugs// sngags kyi dbang du ming la 'bebs// phyi yi gshin rje'i las su bshad// gling bar mun khang khyams nas ni// yi dwags rgyal po 'chi bdag gnas// srog bskul rbad na dbang po 'phrog za byed bdud po khram thogs bcas// dmigs pa'i gzas pa khram la 'debs// bdud mo bcus ni myos par byed// 'khor gyi bdud dang sha za rnams// rang rang lag chas gsod par byed// za byed gshin rje'i las su bshad// dur khrod dbus kyi pho brang nas// thod rus gtams pa'i gzhal yas kang// mthing nag me 'od gdan stengs na// gsod byed ya ma'i lto 'changs kyis// rten 'brel srid pa'i bla tshe 'chang// myos byed srin po dregs pa bcus// phung po lnga nang 'byung ba yi// rten gyi bla dang sprul pas 'gugs// srin mo rlung gi shugs can bcus// lan lag lnga yis chags par 'brel// 'khor gyi ki kang pho mo yis// bdun rgyud rtsa ba gcod cing 'joms// gsod byed gshin rje'i las su bshad// gru gsum e yi pho brang nas// skye rgyun gcod pa'i shin rje yis// skye ba dbang gi rtsa sgo gcod// dud 'gro mtsho yi dregs pa dgugs// dbang po dgu yi sgo yang 'gegs// mtshon 'khrugs rgyal po brgyad po yis// shes pa brgyad kyi rtsa sgo 'gegs// 'khrugs par byed pa'i ma mo bzhis// lha bzhi 'byed cing rten la sdud// thar byed mon dang gshin rje'i 'khor// myos byed 'pho ba'i las su bshad// ma la ya yi 'jig rten la// dbang byed khro bo gshin rje yis// srid gsum shes rgyud lto bar 'chang// ya ma'i 'khor dang ma mo yis// mngags na thogs pa med par 'gugs// gshin rje drug khri drug stong dang// ma mo khri phrag drug cu yis// klu dang gnod sbyin pho mo 'khol// dam rdzas srog dbugs rgyu la brten// tshul gsum ya ma lus la rbad// rje bran grogs ltar shes par bya// lta spyod nyams ldan grogs kyi tshul// dam rdzas rgyu dang drod la brten// rten gsum pa yi yul la dmigs// gang 'dod rang lus rje ltar zhugs// mi yongs stobs ldan brtul zhugs drag/ byin rlabs dbang ldan rnal 'byor ba// gdeng gsum mchog gi sbyor bas 'joms// bran g.yog 'khor skyong las kun byed// de min brtsams nas gzhan dbang sdud// phyi yi gshin rje'i las su bshad// nang gi gshin rje si ra'i mtshan// 'khor lo chos sku'i dbus nyid na// sbyor ba gsum gyi rgyal po gnas// rnam pa yi ge'i gzugs brnyan la// byin brlab rang bzhin phyag rgya'i gzugs// dbus na gshin rje nyid kyi sku// ya yi sa bon 'phen pa'i 'bru// sbro bsdu yan lag lnga dang ldan// snying po thig le'i lto ba ru// dri ma la brten dbang po 'chang// thod mkhar gling bzhi 'bru bzhi yis// yan lag sbyor ba bcu gnyis kyis// rgyu bzhi dkrugs nas nad bzhi slong// ling ga dag la shes pa 'pho// bla chen bzhi dang bcas pa gzugs// gshed po bzhi yi lto bar 'chang// phyi yi bcu gnyis spu gri mkhar// rten pa'i rA dza la sogs pa// phyogs bcu'i bdag po mgon po bcu// 'gugs byed pho nya gsod pa'i gying// bla yi sprul pa bcu gnyis 'gugs// mi g.yo gsung gi lto bar 'chang// bcu drug lcags mkhar ye shes kyi// gsung thugs sku yi snying pa yis// las kyi ya ma mig yo brten// nyi shu spu gri'i mtshon cha yis// bla gnas ling ga'i rten gshig nas// bla rtags sprul pa yang sprul 'joms// dmar nag gdug pa'i 'bru rnams las// mkha' 'gro brtsegs pa'i dkyil 'khor rdzogs// mi 'gyur spogs pa'i las rnams byed// dregs pa'i 'bru rnams de bzhin gnas// byin brlabs dbang bskur gdugs bran na// 'khor lo'i sbyor ba brgyad brgya byed// nang gi gshin rje'i las su bshad// gsang ba gnas pa'i gshin rje ni// zhing bcu kun sgrol shes rgyud la// tsit+ta dbus kyi rtsa sbubs nas// gdug pa'i yi ge dmar nag ya// g.yas g.yon rtsa la ra dang ma// 'dab ma bzhi la snying po bzhi// rtsa bran 'bru brgyad mdud pa bzhi// rtsa go spor byed khrag dang rlung// 'brel chen bzhi la rdzogs pa ru// gcod pa'i 'bru dgu bzhi ru bsnol// ra tsa sa to 'bru brgyad kyis// shes pa brgyad kyi rtsa gcad nas// 'bru u0f84bzhis rtsa yi sgo yang gcod// ma la brgyad dam drug bsdus nas// ma de chags pa'i ya la thim// khrag dang nri yi rnam pa yis// lus dang rtsa sbubs khams gsum gang// dbus dang g.yon gyi 'bru gnyis las// me rlung 'khrungs pas rgyu bzhi bslad// 'bru dgus rtsad bcad gcig gis bsregs// dwangs ma rlung gi sa bon las// bsdus na gshin rje'i sku ru bskyed// phyag rgya chen po bstan pa sbyin// snyigs ma phung po'i rjen shul rnams// mchod par byin brlabs nges par bsngo// las dbang rang gis lus sems 'brel// las kyi rgyal pos gsad pa'i mchog/ gsad pa gshin rje'i las su bshad// phyi nang gshin rje'i gtso 'khor gyis// yan lag sbyor ba du ma byed// gsang ba'i gshin rje smyo 'bod dang// rengs dang lkugs pas rmongs par byed// las ni rtsa ba yan lag 'byin// sbyor ba kun gyi bdag po yin// gsang bar sbyar nas las kun nye// gshin rje'i dam par 'di gzung bya// bde ba rang nyams phyag rgyar bstan// gshin rje gshed kyi las su bshad// rgyal mtshan me long gi rgyud las// gshin rje gshed kyi las dang rnam grangs bstan pa'i le'u ste brgya bcu gsum pa'o//// de nas yang sa'i lha mos bcom ldan 'das la// las kyi gshin rje bkol ba dang// rgyal po ma mo bkol ba dang// srog bdag pho mo bkol ba dang// de dag gzing zhing shi sa dang// srog dbrog ru khugs ji ltar bgyi// bcom ldan 'das kyis bshad du gsol// zhes gsol ba btab pas// bcom ldan 'das kyis dregs pa pho mo thams cad bkol ba'i sbyor ba 'di rgyas par bshad dpa// las kyi ya mas gsad pa yi// 'phrul gyi 'khor lo 'di lta ste// gsang bar bya ba'i gshed skor ni// bri dang dgod pa'i thabs bshad pa// 'jam dpal thugs kyi snying khu las// gru gsum dbyibs las thig rkang lnga// lte ba phyogs med gsang mdzod gsum// dbus su ya bzhag rdo rja bzhi// sku gsung thugs dang 'phrin las rdzogs// rtse mo gcod pa'i mtshon cha bzhi// mtshon cha de yi rtse mo la// ya me ta k+she yig 'bru bzhi// der bzhag gshed bzhi'i gnas su 'dod// gsang mdzod gsum la bsgrub bya yi// snying po ming dang rus kams gnas// gsang mdzod mun khang gnan pa yi// ma ra ya sogs spu gri'i gnas// mtshon cha'i gseb tu ming dang rus// gnam lcags 'obs chen bcu gnyis yin// me rlung spu gri ral gri'i mkhar// de yis gcod cing gnon par byed// mtshon cha'i rgyal po gnyis bcas la// dug khrag myos pa rdzas kyi ngar// byin dbab lha bskyed ting nge 'dzin ngar// las sngags mthu dril sngags kyi sngar// blud cing dug shing me la bdug/ 'khor lo 'od 'bar sngags kyi gnas// bsgrub bya ma lcags 'bar// der bzhag bla sems chags pa'i gnas// ya ma ra tsa tshar dgu gnyis// gtad pa'i las su gcig pas na// des na gsang mdzod gcig tu 'dod/ khang khyud gsum la bsrung ba 'obs// gnam lcags thod mkhar bcu ba ru// thugs kyi snying po spyi rgyug dgod// rtag tu bzlas shing bskul mi bgos/ khang khyud bzhi pa mtshon cha'i mkhar// rdo rje rgya gram bcu gnyis la// lte bar gcod cing gnobakug la lto bar gzhug yang na gnas pa sems kyi lta// bsrung ba'i lha phral rang la 'pho// lha de dag gi go char gyur// bdag zlos go cha'i lha yang zlos// gsang ba gshed kyi yi ge bskul// rgyud bzhi gnad kyis 'byung bzhi bslang// rgyu bzhi dkrugs pas rtsa bzhi gcod// sa chu me rlung mkha' la bsdu// hU~M dang bcas pas mkha' la 'phang// nri dang snyigs ma'i 'khor lo bcas// las kyi ya ma lto bar 'pho// thod par bsdus la gnan pa bya// bla rtags mtshan mar gzugs byung na// dug gsum la sogs skabs kyis brdeg// phyi nang gsang ba dgu ru sbyar// steng du rdo rje rgya gram dang// gshed kyi yi ge bcu ru bri// gnyis gnyis bar du bsgrub bya gzhug/ 'khor lo la sogs thod par dril// klu gnas sdig pa'i lus la gtad// dril gtor nyin mtshan skabs kyis sbyar// nyi shar bya rgod khra sbu gri// dgu thog ri rgyal sa gzhi sbyar// drug 'bum sum 'bum gcig 'bum dang// stong tsho gcig dang brgya ru sbyar//// de nas bcom ldan 'das kyis sku gsung thugs las sngags kyi 'phreng ba 'di phye ste ston to// oM ya ma me ta k+she hU~M dza dza// oM kA ya badzra wA ka tsit+ta dza dza/ ya ma me ta k+she dgra bo'i snying la ya b+h+yo/ nri A kar+Sha ya hU~M dza dza/ ya ma me ta k+she ka ba ye che ge pra ma ya rbad ya/ ma me ta k+she ya ka ba ye/ che ge mo ra tsa ya rbad ya/ ya ta k+she ma me ka pa ye che ge mo rak+ta tsit+ta ya rbad ya/ ya k+she ma me ta ka pa ye che ge mo mA ra ya rbad/hri sti pra ma mur dza ra ga tsa ra ma ra ya ni sha ku ru ni ku ru ni rbad ya/ sa ma ya hU~M gzir nan/ stam b+ha ya nan/ de ltar sngags kyi sbyor ba yang// bcu gnyis gcig tu sbyor ba dbye// gsad pa gshed kyi 'khor lor bshad// de nas bcom ldan 'das kyis gshed kyi sbyor bas lo tog gzhom pa 'di bshad do// dur khrod dben pa'i gnan ra ru// maN+Dal mda' gang khrag gis byug tshon sna gsum gyi dkyil 'khor bri// dbus su gru gsum zla kham dmar// thod 'phreng mthing nag pho brang brtag phyi rim rtsibs bzhi sbrul gyis bskor// gru chad sgo bzhi gling dang mthun// rgyan rnams mdzes byas phur pa dgod// smug chen smug chung dung chen dbus// zhing chen zhing chung rgyu zhags te// sha chen keng rus gsur dang khrag/ gtor ma la sogs dam rdzas dgram// bdag nyid gshin rje'i skur bsgoms la// gzhal yas gdan dang lha rnams brtag spyan drangs la sogs mchod bstod mthar// thugs kyi snying pos phyogs bcur spro// snying dang hU~M la nus pa bsdu// zhing khams khro chung thog ser gyis// gang bar bsams la sa la gdon// ye shes lha bsnyen las dbang bsdu// dregs pa bcud cing chu dril bstim// 'phro 'du nyi ma'i zer lta bus// phyi nang gsang ba'i drod rtags 'byung// dur khrod gnas nas dpa' bo yis// gos su bcas pa'i rgyu blangs la// sme ba lnga dang ni rang sus// thab ba byas la kha dog byug/ mchog phran skra dang ldan pa'i pir// khrag dang rgya skyegs dug chu yis// 'khrul 'khor rim pa lnga ru bskor// dbus su zla kham rgya gram bzhi// rlung ri rgya gram sdud cing 'phul// phyi rim lcags mkhar bcu gnyis ldan// skyin dang las kyi sdud cing dril// mu khyud gsum pa'i lcags mkhar ni// ba mig bcu drug drag po'i stobs// dbang drag stobs kyis 'bras bu 'joms// yang log mu khyud khor yug la// gdug pa'i gzugs brnyan gzir ba brten// thogs pa med par 'joms pa'i mchog/ de la dgod pa'i rim pa ni// dbus su yang bzhag sdud cing 'phen// rgya gram bzhi yi rtse mo la// ma me ta k+she snying po mchog kun gyi rtsa ba yon tan 'phel// rlung ri rgya gram rtse mo las// shar gyi lugs mkhar mig gsum du// ma las snying po gsum 'phros pas// ya dang ma dang phrom dang gsum// shar du me tog 'bras bu 'joms// rlung ri rgya gram rtse mo la// chu ri lho yi khang ba ru// me las yi ge gsum 'phros pas// ru dang ta dang phrom dang gsum// bang mig gsum pa'i 'od zer gyis// lho ru me tog 'bras bu 'joms// rlung ri rgya gram rtse mo la// chu ri nub kyi khang pa ru// ta las yi ge gsum 'phros pas// dud dang dkar dang phrom dang gsum// lcags mkhar gsum gyi 'od 'phros pas// nub kyi me tog 'bras bu 'joms// rlung gi rgya gram byang phyogs nas// chu ri byang gi khang pa ru// k+she las yi ge gsum 'phros pas// shu dang ti dang phrom dang gsum// lcags mkhar gsum pa'i 'od 'phros pas// byang gi lo tog 'bras bu 'joms// gshed bzhi'i mthu dril dbang du sdud// sgo bzhi'i mjug la 'bru gsum btags// dril gtor khri tsho drug tu bzlas// rnal mas 'byor bas khrag la bstim// phyi rim khang rgyud gsum pa yi// shar gyi khang mig bzhi pa ru// dbab sngags 'bru bzhis drag 'phros pas// yang dag ma dang phrom dang shar// de bzhin lho ru bzhi 'phros pas// rag dang dud dang shar dang phrom// de bzhin nub tu bzhi 'phros pas// khrag dang la dang mu dang sha/ de bzhin byang du bzhi 'phros pas// ma dang hril dang dza dang b+h+yo// 'phen pa'i sngags kyi 'phreng ba yis// chu rgod gang dmigs gnas su 'bebs// k+She nas go bzlog ya la dril// mtshams su gang dmigs yul gyi ming// mtha' ru bcu drug gab pa'i 'bru// rtag tu dril pa'i gsang sngags bzlas// mi 'gyur brtan pa'i las su bshad// yang logs mu khyud bzhi pa la// gzir pa drag po'i yig 'bru gnas// gzir ba kun gyi mtha' ru sbyar// mtshon cha 'khrul 'khor kha sbyar la// thod pa sbyor ba kun gzhoms bri// 'khor lo thod pa dbus su bzhag/ thun rdzas sngags bcas khrag la bstim// rdzas kyi 'khrul 'khor bar snang brdeg/ las kyi mtha' ru dbab pa brtsam// dus tshod nges par gtan gzung dbab// ma phebs sbyor ba'i stobs zhan na// lcags phur ya man ta kar bsgom// sngags rnams bkod la rten la gzir// sbyor ba'i rgyal po gzir pa'i mchog/ de nas bcom ldan 'das kyis sku gsung thugs las sngags kyi rgyal po 'di phye ste bton to// oM ya ma me ta k+she sa ma ya dza hri ta ya ma phroM phroM hril dza dza/ya ma me ta k+Sha ya ma phroM/ ru tra phroM/ dud dkar khroM/ shu ti khro/ ma me ta k+Sha ya/ ya ma phroM/ me ta k+Sha ma yA/ ru tra phroM/ ta k+Sha ma me ya/ dud dkar phroM/ k+She ta ma me ya/ shu ti phroM/ k+She ta ma me ya/ ya ma phroM sha ra/ rag dud shar phroM/ khrag la mu sha mi hril shar b+h+yo/ ya k+Sha ta me ma nA ga tsit+ta thuM/ gzir shar shar hril nA ga du sta hril phob/ sngags kyi sbyor ba lo tog 'joms/ 'bras bu 'joms pa'i 'khor lor bshad/de nas yang bcom ldan 'das kyis gnod sbyin thams cad kyi rgyal po li byin har gyi sbyor ba 'du rgyas par bshad do/ ri sogs dben pa'i gnas mchog tu/ maN+Dal khrag gi byi dor bya/ mdos dang gtor ma lug la brten/mda' dang za 'og rin chen 'bru/ gsang bshos lug snying shing thog 'chang/ ling ga thod pa ming rus thun/ dar dang rin chen lug la gdags// bod rbad gsad pa skabs dang sbyar// maN+Dal dbus su gtor ma bshos// mtha' ma bshos bu brgyad kyis bskor// ya ma'i skur bsgoms sngags spros dgug/ sgrol gying brgyad dang bcas par dmigs// bka' bsgo dam 'bogs las gnyer gtad// 'od 'dril gzugs ston phyag byed blta// gtor ma dang bcas bshos bu btang// gtor chung lug dang tsa ras brgyan// srod dang tho rangs rgyun du btang// ling ga thod pa dong du gzhug/ rbad sngags brgya brgya gsad sngags khri// thun brdeg bkug la thod par bral// rdzas kyi ga 'ur gsad thar bca'// yul la rbad cing bla kun mngag/ mtha' ru zor dal 'phangs pas 'joms// de nas bcom ldan 'das kyis sku gsung thugs las sngags rnams phye ste ston to// oM rA tsa srog la hing rag mo snying rtsa rbad/ srog la dza ti dun dun badzra sa tri shu la gri pa tsa pa la a shu me hU~M dza dza/ srog la me tri shu la pa ta rwa tsa cha tsa me rag sha dgra la b+h+yo/ra tsa srog la myogs/ rag mo snying rtsa ni la rbad/ a shu rtsa ri snying khrag rngubs/ ru mun ro la yi yi rbad/ tri liM rbad tsit+ta rbad/ yag sha gri thuM ri la rbad ro myags rtsa la thum ling tri ta ma rA ya rbad/ dril gtor sngags kyi sbyor bar gnyis/ rno dbal ka sbyor srog gi spu gri lta bu sbyor ba 'di/ li ba ni las la mngag par bshad/ de nas yang bcom ldan 'das kyis bdud mo dam ma la sgrol gying bzhi dang srin mor bcas pa'i sbyor ba 'di rgyas par bshad do// de yi sbyor ba 'di lta ste// dur khrod la sogs dben gnas su// man+Dal gru bzhi khrag gis byug/ chos kyi pho brang zlum po la// 'khor lo rtsibs bzhis rab tu mdzes// phyi nang skam rlon thod pas bskor// sgo bzhi gru chang rgyan dang ldan// rgyal chen sa yi pho brang du// mthun pa'i rdzas ni rab tu grags// spu ra ma ti rak+ta snying// li li spu tra ma sa snying// ku ku rak+ta su pan dag lcang lo mthing nag ldan par dgram// gling bu keng rus mtha' mar dgram// pho brang zhing bcu rgyal mtshan bzhi// de dag bkram la bsnyen pa bya// dbus su lha mo'i rten bzhag la// dug mtsho'i nang nas 'gying bag can// be drod zhon nas gtso la lta// rtsibs bzhi bur ba srin mo bzhis// sgo bzhir phyi yi sgrol gying bzhi// mda' bzhi dar gyis brgyan la gzug/ gshin rje'i rgyal po'i skur bsgoms la// snying pos bskul bas dbus nyid du// lha mo'i thugs kar sUr+ya la// ma dang bcas pa'i srog snying bsam// bar ma chad pa srog nas drangs// srin mo bzhi dang sgrol gying bzhi// pho brang 'khor du 'bum sde lhags// dngos grub rnam gsum 'bebs shing ston// des ni mtshan ma rnam gsum 'byung// rab dang 'bring dang mtha' mar 'byung// nag mo khro gnyer ral gcig ma// bzhin mi sdug pa sba thabs byed// dkyil 'khor dbus su me 'bar dang// rlung tshul mthong dang ser ba 'byung// des ni ci 'dod las rnams 'grub// mtshan ma de dag mthong nas kyang// dkyil 'khor rdzas kyi mchod pa pa bya// 'dod pa dag ni 'byung gyur na// drag po las kyi sbyor ba brtsam// dbus su gru gsum sbag mar rtsig/ gru chad bzhi dang ldan par bya// rtsa dang rgya sol de bzhin ldan// gru gsum sbag ma'i nang logs su// ma ra ni ya ling ga brnag 'ba' hu nyungs kar thod tshal shar// lhum shing thal ba nyungs nag lho// dug dang rme khrag lan tshwa byang// tsha tsha gnam lding gung la brdeg/ de nas bdag nyid lus bsgyur te// ha nag po mi bsrun ma// mig gsum gdong dang khrag gis bsku// tri shUl ban dmar phyag na bsnams// mche ba gtsigs shing srog snying 'dren// rdzas la bsngags la gzugs la bsdeg srin mo bzhi dang sgrol ging bzhi// dmigs pa'i rtsa dang srog bcad nas// sha la stod cing khrag la 'thung// drag tu bskul gyin dgra la rbad// spogs na 'khor lo'i gnan pa bya// de nas bcom ldan 'das kyis sku gsung thugs las gsang sngags 'di bton to// badzra karma ra ga sha du tri hri hri dza dza/dgra bo'i srog la ling ling thum thum b+h+yo/ ha la ha la yam yam khams sum mugs/ snying baM/ khaM ha raM baM/ ru tra/ trag thums/ ra tri khaM/ dgra bo'i srog mA ra ya rbad/ dgra bo'i srog la thun mugs rbad b+h+yo/stam b+ha ya nan/ trag shig hal yam/ dgra bo tsit+ta gzer thun rbad/ rag mo ka lo baM ril dgra bo tsit+ta gzer thun rbad/ rag mo rag sha breng shag dgra bo tsit+ta gzer thun rbad/ rag mo trag sha thums dgra bo tsit+ta gzer thun rbad/rag mo rtsa thang srog la breng/ dgra bo tsit+ta gzer thun rbad/ thibs kam shag dun dgra bo tsit+ta gzer thun rbad/ hri ba tsa shul yaM dgra bo tsit+ta gzer thun rbad/ du tri badzra baM ril dgra bo tsit+ta gzer thun rbad/ra tri khaM tsit+ta shag dgra bo tsit+ta gzer thun rbad/ rtsibs brgyad 'khor lo sngags dang ldan// steng la gzer sngags 'og la dril/ kha sbyar bar du brnag pa gzhug/ thod pa dang bcas gnan pa bya// las rnams kun gyi mchog tu bshad// de nas yang bcom ldan 'das kyis sgrol gying dmar po las la bsngags pa'i sbyor ba 'di bshad do// lha 'dre che la dben pa'i sar// khyi dmar ra dmar bya dmar snying// ske tshe nyungs kar nyungs nag dang// zangs lcags rdo yi phye ma thun// dri ma drug gi ling ga dang// phur pa bshos bu mda' dmar dar// bshams la sngags spro sgrol gying dgug/ dmar po bsre khrab bsre rmog gon// tsit+ta zangs gyi lag na thogs// bka' gnod phyag byed dgra la rbad// 'brub khung bkug las thun gyis brab// bsad la thod pa ling ga gnan// de nas bcom ldan 'das kyis sku gsung thugs las sngags 'di phye ste bton to// oM ging kA ra ag sha gri ba gying mo snying kha rag tro tra tro ta ni/ pa tra pa tra/ shu la shu la/ 'da' sha gri ba ma rA ya hU~M dza/ tri ti tri ti/ dor dor shaM shaM rtsa la yaM/ sang sang tri da dum b+h+yo ya/tri tri ling rbad/ ra tri rbad/ tri du rbad/ yu tri yu tri rbad/ dun tri shag tri dgra bo'i srog la yaM rbad/ zla gcig bdud dang dgu ru sbyar// srog bdag spu gri'i sbyor bar bshad// de nas yang bcom ldan 'das kyis ma mo thams cad gzir zing srog dbrog pa'i sbyor ba 'di bshad do// dngos grub 'dod pa las brtsams dang// 'bras bu med dang cho 'phrul mang// snying mi dga' zhing 'khor du skyon byung na// las kyi mtha' 'am bar bar sbyor ba brtsam// de yang gsum de ma mo nyams pa na// rang bzhin btsan thabs drag po gzir dang gsum// dang po phyag rgya chen po ya ma'i sku// nag po 'jigs tshul dur khrod chas dang ldan// lcags kyu phur pa thogs pa'i sprul pa yis// ma mo bkug la snying kha mgrin pa ru// gzung zhing gzir la bsnyen pa stong dang bcas// gnyis pa ma mo gzugs byas la// snying khar snying po mtha' ma sngags kyis bskor// stong bzlas gshin rje'i phur pas gzir zhing bsdigs// ma mo'i mdangs phrogs bka' nan 'dar zhing phyag/ bsgro ba las kyi gnyer gtad bcol// drag po las kyi mtha' ru gzir ba ni// dur khrod shin tu dben pa'i bde gnas su// dkyil 'khor gru gsum sum brtsegs me ri can// bar khyams zlum pi gru chad bcas// ne le'i rgyan dang dam rdzas gtor ma bsham// mthing gur le brgan dmar po'i yol// gru gsum dbus su lcags phur ya mar bskyed// sku yi sngags bri rtse mor dza phaT nan// byang shar rtse mor ma mo dur khrod bri// snying khar ma dang rang gi bsnyen pas bskor// de yi mtha' mar sku yi bcu bdun pas// rtse mo gnyis la brnag pa'i gzugs dang thun// sngon du bkug la gzugs dang ma la bstim// gnyis pas gzir zhing lcags phur ya mas bsdigs// gsum pas bkrag mdangs 'phro ba'i dbang du bsdu// bzhi pas gsol la dam tshig mna' chu blud// gtor ma rag ta bdud rtsi btab cing mchod// srog dbrog dbyig bskyed thun brdeg ling ga gtub// zor dal mtha' ru sbyin sreg mnan pa bya// de nas bcom ldan 'das kyis sngags kyi 'phreng ba 'di bton to// ya ma e kram ka pa ye du ru ye ra ga sha rag mo ma srog la dza dza/ gzir nan thu ma ril/ ya ma rag sha du ru ye bya tsha ye a pa ye ka pa ye bri da ye ma ma srog la dun dun dza gzing nan/shi a kroM ya ma ya ma ma srog la breng breng/ dza ma mo srog la trig nan rbad/ ya ma sa ma ya trag rag sha kha raM dun na pu tsa kha kha'i/ ma ma rag mo srog la rmugs te kha raM sha ru thums tsit+ta breng breng shag shag dza/ma mo las kyi mthar sdud 'di// sbyor ba mchog gi rgyal po ni// sbyor ba gzhan tshogs rgyas pa kun// rang rang bsgrub pa'i las gzhung btsan// las kyi mchong chen drag po 'di// nag po stobs kyi sbyor ba yin// ma mo mi ldog gsang ba yi// sbyor ba bzhi dang ldan par bshad// de nas yang bcom ldan 'das kyis gshin rje'i 'khor gnod sbyin dregs pa can thams cad gzir zhing srog rang dbang med par dbrog pa'i sbyor ba 'di bshad do// khro bo'i dka' thub ldan pa yis// rtsub 'gyur bde ba'i rgyud gnas su// maN+Dal mda' gang khrag gis byug/ dbus su gru gsum sum brtsegs la/kha khyer dang po rtsang gis bskor// bar ma 'gying phur gsum dang ldan// tha ma zor thun rdzas kyis bskor// dpal gtor lho ru thun rdzas bya// sa mar mkhar sgongs pung shul sa// sa sbyin bsres la gang byed gzugs// mdzub gang dbang po dod pa yi// snying khar gru gsum sor gcog 'bru// gro ga 'am ni shog bu la// gang bsgrub snying po 'bru re bri// mtha' ma bsnyen pa'i sngags kyis bskor// dril la snying kha'i dong du gzhug/steng du bshos bu mtho gang bzhag/ dam rdzas la sogs dkor chas bskor// gsur dang rak+ta mchod pa bsham// bdag nyid gshin rje'i skur bsgoms la// lha yi bsnyen pa khri 'bum bya// gang bsgrub srog drang snying kar bstim// dbang du bsdus la phyag rgyas gnan// gzugs la phab la drag tu gzir// 'gying 'phur khro bo'i skur bsgoms la// dril zhing bsdigs la snying kar brdeg/ mdangs dang phral la 'dar bar bsam// sngags pa'i 'og nas bka' nod cing// ci bgyi las kyi dmigs ston smra// rang dbang med par srog phrogs la// khro bo'i thugs kar bkrag mdangs bsdu// de nas snying kha'i sngags bton la// bdud rtsi btigs la bsnyen pa gso// snying khar gnag pa'i ming yang gzhug/ gzugs de bslang la dgra la bstan// nyin mtshan rbad dang gsad pa'i las// zhag grangs dgu yis rdzogs par bya// de nas yang bcom ldan 'das kyis sku gsung thugs las sngags 'di phya ste bton to// ya ma sa ma ya ru tsa da na di thums tri sha pi ra srog la dun dun hU~M dza dza/ ya ma ka li a pa ye a ne u ne thum ling a mu ka srog gzir trig nan ru thuM/oM a kro d+hi ti sa ma ya ya ma ye a mu ka du gram sarba tsit+ta breng shag srog la dun dun thum ril dza dza/ gang sgrub las kyi dmigs dang sbyar// dregs pa gzir pa'i sbyor bar bshad// rgyal mtshan me long gi rgyud las// rno dbal kha sbyor gsang ba don gyi le'u ste brgya bcu bzhi pa'o//// yang bcom ldan 'das la sa'i lha mos zhus pa/ ye shes lha dang las byed kun// snying po srog bsdus dmod pa la// drag po'i sbyor bas gsad pa dang// gso ba'i las dang snying gzer gyis// klu gnyan sa bdag ji ltar gzir// drag po mngon byung rgyas par mdzod// de nas bcom ldan 'das kyis drag po dmod pa rgyas par bshad do// nyams dga' dben pa'i sa phyogs su// dpa' brtul sngags kyi dmod pa bor// shog bu gru bzhi mtho gang la// thig skor bzhi dang ldan par bskor// gru gsum bla sems ming dang rus// phyi rim 'khor lo rtsibs bcu gnyis// rtsa ba'i snying po me rlung skyin dang gnas// de yi phyi rim mu khyud zlum po la// sgrub pa gzhan gyis rbad dag gsad pa'i sngags// yang logs 'khrul mig lcags 'khor bcu gnyis la// ral gri rdo rje rgya gram bsnol mar gnas// ral gri gsod pa'i spu gri rgya gram gnon pas mdzes// de nyid ru sbal khra bo'i lto bar bri/ kha sbyor bcas la dug dang khrag gis byug mtshon cha'i mtshams dang zla kham gru gsum la// brnag pa'i ming rus mA ra ya rbad bri// sngon dmar dang bcas thod pa'i nang du gzhug/ pho thod nang du ma ra ya rbad bri// thod pa'i 'og mar brnag pa'i ming rus bri// rtsang bcas gru gsum kha khyer sum brtsegs gzhug/tshe bdag bsgoms la ye shes 'khor lo bca'// zhag gsum drag sngags dmod pa rngam tshig ldan par bzlas// bar bar drag tu bskul zhing brnag pa'i rgyud la rbad// de nas nyin gcig thod pa gzir zhing bca'// 'khor lo ru sbal phag mo'i thod par bca'// dar dang re ba skud pas thod pa bsdam// klu gzir gdug pa'i gnyan la thod khar gdab// dmar thag chod nas nam phyed tshun chad du// tshes gcig bdag dang bcu ru dus su gnan// sa chu 'byung ba bzhi yi lto gshags la// khru do brkos la thod par de bzhin gnan// steng du 'byung ba bzhi dang ri rab pho brang bskyed// sngags bzlas dpang gzugs phyag rgya'i brjid kyis mnan// zla brgyad lom nas ru tra brlag pa bzhin// nya stong dag na dmod pas drag tu gsad// drag sngags dmod pa rtsa ba'i sbyor ba 'di// zhi khro gshin rje phur pa ma mo dang// bdud dang mu stegs rgyal po the rang btsan// gnod sbyin srin po lha mi dud 'gro sri// klu gnyan sa bdag dkor spungs grum bum gyi// las dang srog gi snying po bcud du bsdus nas dril// shes rab rtsal dang btul zhugs ldan pas sbyad// blo chung rtog pas rang 'ching mnar med myong// lha srin kun gyis mthu dril drag por bshad// de nas yang bcom ldan 'das kyis lo tog gzhom pa'i sbyor ba 'di rgyas par bshad do// dur khrod ras sam shog bu gru bzhi la// dbus su ru sbal khong stong dbyibs dang zlum por bri// yan lag lnga dang mjug ma lto ba nas// gcod pa drag po'i 'khor lo rtsibs bcu gnyis// byung bar bris la rtsa ba'i drag sngags dgod// de yi phyi rim 'khrul mig bcu gnyis la// srog bzhi gnad kyi 'bru dang chu dril dbab par dgod// sbal pa'i lto ba'i dbus su yul gyi ming dang ser ba phob ces bri// byang khog stod du gza' yi gzir sngags bri// mjug mar yul lha de bzhin gzir sngags bri// lto ba g.yas su ma mo'i gzir sngags bri// lto ba g.yon du sa bdag klu gnyan gyi// rang gnad gzir la dbab pa'i drag sngags bri// mtshon cha dug dang khrag gi ngar blud la// sbal pa pho mo'i sbyor ba thod pa'i nang du gzhug/ dgun zla gsum gyi nya stong nyin zhag phrugs re bzlas// dpyid zla gsum la zhag gsum chu dril bzlas// dbyar zla gsum la rten bzhi legs bcas la// thod pa dung phur khrag dang dug chu blugs// nya dang stong la nyin zhag lnga ru bzlas// tha chungs stong la rta ma rten la gzhug/ rtse skad dbus dang kha 'dren tshul// zor thab du ba drag pos gzir// tshig gsum brun gsum sbyor ba'i rdzas// drag sngags lus la srog bzhis gzir// gza' dang ma mo lha btsan dang// sa bdag klu gnyan gzir la dbab// drag po thog ser 'khor lor bshad// de nas yang bcom ldan 'das kyis sbyor ba drag pos gsad pa'i 'khrul 'khor 'di bshad do// yang dag gsang ba'i sbyor ba ni// sems nyid dben pa'i bde gnas sam// dur khrod gnyan ra gdug pa ru// dur khrod dar ram zhing ras la// mu khyud bdun dang ldan pas bskor// dbus su grub gsum drag po la// gzas pa pho mo'i ming rus bri// zla kham gsum la srung ba'i lha// mtshon cha 'khor lo rtsibs bzhi la// 'dren pa stobs kyi 'bru bzhi dgod// phyi rim 'khor lo rtsibs brgyad la// khro bo'i stobs kyi 'bru gcig dang// tshe srog sdud pa'i snying po gcig khong khrag 'brel ba'i 'bru lnga la// rlung gi snying po ldan par dgos// phyi rim mu khyud bzhi pa la// rigs bzhi sbrul gyis chun 'khor bya// gseb tu gnan pa'i spu gri dgod// lnga pa thod pa'i 'phreng ba la// 'phen pa thun gyi spu gri dgod// drug pa sreg pa'i me ri la// gsod cing gcod pa'i spu gri dgod// de dag tshe srog 'chang ba yi// ru sbal lton gnad pa'o// srod gsum lto bar 'chang cing gsad// tshe srogs bdag po'i lto ba na// mi 'gyur gnas pa sngon du bca'// thod pa rgya gram me ri'i 'og/ sbyor ba gzhan tshogs snga ma bzhin// dregs pa stobs kyi sbyor bar bshad// de nas yang bcom ldan 'das kyis gnas pa'i 'khor lo 'di rgyas par bshad do// bsam gtan sems kyi 'khor lo 'di// tshe bdag thugs kar gsod byed gnas// de thugs rdo rje 'chang chen po// dregs pa de thugs srid pa'i mdzod// ru sbal mi zan rtsa bzhi la// sbubs na khong khrag 'brel pa'i 'bru// nang gi mdud pa 'dren pa'i stobs// phyi yi mdud pa spru gri mtshon// rtsa bran brgyad la bsrung ba'i mchog steng sgor snying la 'og sgor dun// chos nyid khrag ces yon tan ra// ye shes na ste rang rgyud rtsa// chos nyid rtsa mdun e gnas yin// de bzhin yon tan bka' 'bru// ye shes ya las rang rgyud ma// bzhi brgya rtsa mdud bzhi po la// gsad pa mchog gi spu gri gnas// phyi yi rtsi bran brgyad po la// gzir gshig byad grol zhen pa bzlog dug dbyung gsang lam drag por gzir// snying gzer dag dang spu gri brgyad// nang gi mtshams bzhi srog bzhi gzir// lo thog 'joms pa'i spu gri gnas// gsang mdzod dbus na kun gyis srog/ snying po 'bru re bkrag mdangs 'chang// srog shing dmar nag ya yi stobs// me chu rlung gis 'gugs shing 'byed// 'du ba'i nad smin sreg cing gcod// rnal mas gsad pa'i 'khor lo ni// tha chung bzhi yi mar ngo la// nyams dga' dur khrod dben gnas su// dur khrod rdzas sam shog bu la// sme ba dang ldan 'khrul 'khor bre// mu khyud bzhi bskor gru gsum dbus// phyi rim rtsibs bzhi srog las bsdus// rngam pa'i 'bru dang bdud kyi 'bru// 'bru bzhi bkod pa mtshon cha'i mkhar// de yi phyi rim rtsibs brgyad la// ming gi snying po 'bru gnyis dang// khong khrag 'brel ba'i 'bru drug dgod// phyi rim 'khrul mig bcu bzhi la// ming bcas spu gris gsod cing gnon// gzhan gzir gsang ba'i 'bru bcu bzhi// dgod pa gnas mthun lto sbyor dgod// phyir rim rigs bzhi sbrul gyis bskor// de bzhin ru sbal lto ru bri// rgyu rten rdzas dang sbyar la bsku// sbyor ba gzhan tshogs snga ma bzhin// rnal mas gsad pa'i sbyor bar bshad// de nas yang bcom ldan 'das kyis lto dkrugs spogs pa'i sbyor ba 'di bshad do// dpa' bo rnel gri'i gos dag la// rim pa bzhi dang ldan par bskor// dbus su gru gsum brnag pa'i gzugs// 'khrum mig bzhi la e dang dun// he dang ka te 'bru bzhi dgod// yang logs 'khrul mig brgyad po la// khrag snying rtsa ma ya da ra// mtshon cha'i rtse mo bcu gnyis la// gcod cing gnon pa de bzhin dgod// sbrul bzhi de bzhin ru sbal ltor// nyin mo g.yas nas drag sngags bzlog/ nub mo de bzhin g.yon nas bzlog bar khyams gling bar ming rus gzugs// brnag pa kun 'jom drag po'i las// lto dkrugs sbobs pa'i 'khor lor bshad// de nas bcom ldan 'das kyis 'khrul 'khor de dag gi thod pa bca' ba 'di bshad do// thabs dang shes rab thod pa la// steng du rdo rje rgya gram dang// ri rab ru sbal me ri bri// snying po 'bru bdun nan gyis bskor// thabs kyi thod pa stobs dpag med// 'og ma gru gsum bzhi dang sbrul// rigs bzhi'i tshul du ske bsnol bsdam/ kha khyer gdug pa chen pos bcings// ling ka ming rus khams dang ris// pha mes la sogs lo slungs bri// snying po raM yaM laM gyis bskor// dug chu tsha ba myos pa'i khrag/bskus la 'khrul 'khor bar du gzhug tshas chas sbyor ba snga ma bzhin// drag po las kyi gsad pa yis// sbyor ba kun la sbyor bar 'os// gnan pa thod pa'i 'khor lor bshad// de nas bcom ldan 'das kyis sku gsung thugs las rtsa ba drag po'i sngags 'di bton to// e ka he dun ya ma snying khrag ra ma tsa ya// dgra bo'-i srog la myogs mA ra rbad// dgra bo'i srog stam pa ya nan// dgra bo'i srog la dun b+h+yo// ma hA de ba sa nA ga phroM phroM shar shar hril drag tu phob// ma ma kha la rag sha rag mo shar gzir nan phob ya// ra hu la bi bi shar shar nan gzir phob ya// sa nA ga ra hur thums gzir shar shar phob ya// de ba yu nan gzir shar shar phob ya// e dun he ka ma ya khrag snying tsa mA ra yA ra ya// 'di dag bsad pa drag po ste// nye bar gyur pa'i sbyor ba yin// drag po las stobs dgod kyi sngags// sbyor ba kun gyi rtsa bar bshad// de nas yang bcom ldan 'das kyis gso zhing bsrung pa'i sbyor ba 'di bshad do// gab pa sngon byung sbyor ba'i rgyal po las// khyad par byas pa gshig cing sbyor ba gzhom pa dang// las dang nus pa'i stobs rnams gzir ba ni// drag po mtshon cha'i 'khrul 'khor bcas pas 'grub// mu khyud gsum ba ru sbal lto bar bca'// gru gsum dbus su gang dmigs mong rnams bri// phyi rim drag po 'khrul mig bcu pa la// e nas grangs la ya yi bar du dgod// de yi phyi rim mtshon cha'i rtse mo bcu// gshig pa drag po spu gri'i 'bru bcu dgod// dug dang tsha ba khrag gis 'khrul 'khor bsku// ming dang snying po bris la thod par gzhug mdun nas lnga ru sngags bzlas mtha' ru gnan// drag po byas pa gshig pa'i 'khor lor bshad// zug pa dbyung ba'i 'ukhrul 'khor ni// rgyu dang sbyor ba gcig tu bya// mu khyud gsum skor dbus gru gsum// lcags mkhar drug gnyis gcig gi mtha'// rtsa ba'i drag sngags thams cad ldan// spu gri sbyor ba so sor bsdeb// phyi rim bcu gsum spu gri dgod// ngar bcas sbyor ba thod par bca'// thun brdeg kun 'byin thun dang bsdeb// zug pa 'byin pa'i 'khor lor bshad// zhen pa bzlog pa'i 'khor lo yang// mu khyud gsum pa pho brang drag po'i gnas// de yi phyi rim 'khrul mig drug gnyis pa// rtsa ba'i sngags te yig 'bru bcu gnyis dgod// rtsibs bcu dmod pa spu gri b+h+yo zhes bzlog/ ngar bcas sbyor la thod pa 'thun 'phang bzlog dregs pa stobs kyi 'khrul 'khor gyis// zhen chags sbyor ba mngon zhugs gcod// rno nyur spu gri 'bru bcu yis// rgyud gcig shes pa gnyis su 'byed// khyu mchog dang bcas gzer thebs na// stobs can kun kyang myos shing gzir// zhen pa bzlog pa'i 'khor lor bshad// dug mda' g.yung ba'i 'khor lo ni// thod pa'i rgyu la steng 'og dbye// mu khyud bzhi skor gsang mdzod gzugs// sbrul dang me ri dang ldan 'go khrag dang dmigs pa'i ming gis dgang// gling bzhi steng mar de bzhin bzhi// pho brang zlum la 'bru drug ldan// bzhi dang brgyad la rtsa ba'i sngags// rtsibs bcu spu gri gnyis sbyar la// rdo lcags zangs phur thod khung dbab// khrag bton thod pa zor phang gnan// dug mda' gsang ba'i 'kho lor bshad// gru gsum sum sbrag 'dom tshad ldan// rtsang dang me ri gzugs bcas yaM raM ming// rtsibs bcu zla kham thod par me rir bcas/ kha sbyor 'khor lor mu khyud gsum gyi dbus// las kyi rdo rje bcu gnyis 'khrul mig phyi// mtshon cha bcu gnyis spu gri drag pos bskor// me rlung rgya gram bcu gnyis rtsa ba'i sngags// sngags sam gdon gyis bud du bcug pa la// drag po rnal ma btsan thabs gsum gyis dgrol// 'brub khung sa yi 'khor los drag po sreg cing myos// bar snang sngags kyis 'khor los gdug pa'i zhen chags dgrol// gsang ba thugs kyi 'khor los ma lus las rnams 'grub// drag po byad 'grol gsang ba'i 'khor lo bshad// mu khyud bzhi ldan 'khrul 'khor pho brang zlum// phyi rim rtsibs bzhi rtsibs brgyad rtsa ba'i sngags// bcu gnyis spu gri mtha' ma gsang lam 'gegs// rtsibs mchan ming bri stobs can gsum dang sbyar// lam srang them 'og gsum du sbyor bas gnan// drag po gsang lam dgag pa'i 'khor lor bshad// drag po srung ba'i mtha' sdud du// thams cad gzir zhing sdud pa yi// drag po 'akrul gyi 'khor lo bca'// dur khrod rgyu dang 'khor lo'i rkyen// mar gyi phel ba bri dgod bya// rang yang drag po'i sku ru gsal// gzhan tshogs dbang bsdu de bzhin gsal// 'khrul 'khor bang mig nyi shu brgyad// gsang mdzod mun khang dbus dang lnga// mu khyud khor yug bzhi dang bcas// dbus su gru gsum drag po'i gnas// phyi rim lcags mkhar 'bar ba'i gzho// yang logs gnam lcags khang khyud brgyad// mtha' ma lcag mkhar bcu drug bca'// srid gsum 'chang ba'i lto na gnas// lcags mkhar rlung dri chun 'khor bcas// gsang mdzod mun khang me dang rlung// mtshon chas spu gri thog gzer can// skyin dang las kyi myos shing sdud// de la gnas pa'i 'bru rnams ni// bzhi ni dbus kyi lcags mkhar la// 'dren pa stobs kyis 'bru bzhi gnas// phyi rim mtshon gling lcags mkhar brgyad// rgyas dang bsdus dang snying khrag 'byin// yig 'bru brgyad de bzhi dang sbyar// rtsa ba'i drag sngags kun gyi mgo// lcags mkhar bcu drug dregs pa'i gnas// mtshon cha'i rgyal po spu gri dgod// thams cad sreg cing stobs kyis gnon// drag tu gzir dang gdug rtsub 'byin// srog dbugs sdud cing drag por gnon// rang dam srog nas gang dmigs 'dren// nus pa 'brel zhing sbyor ba gcod// der bzhag stobs chen spu gri'i gnas// mtshon cha nus pa stobs dpag med// gsang mdzod lnga pa dmigs pa'i ming// bsdus la kha sbyar bzhi yis gdeg/ dben gnas gsum du gzir zhing bskur// 'khor lo stegs bzhi dril zhing spa// sbyor ba rtsom na bcas la gzir// drag po thams cad gzir la bshad// de nas bcom ldan 'das kyis sku gsung thugs las rtsa ba dang spu gri'i sngags 'di phye ste bton to// e ka ya ma ka dun dza ri rag sha ru thum/sarba sha truM stam pa ya nan rtid rbad/ man ta guh+ya sarba du ma nan/ drid phyung ya ma ta ra tsa sa nA gA tri sarba du yaM b+h+yo phyung/ sarba sha hrun e nan yaM trid b+h+yo b+h+yo/ man tra dum ma hA rag du raM thuM ling rbad/sarba du raM tri ya drid phyung srog la gzir/ nan phyung/ sarba du raM yu nan gzer phyung sbur nan srog la myogs rbad/ de nas bcom ldan 'das kyi klu gnyan sa bdag gsum gzir zhing gzhom pa'i sbyor ba 'di rgyas par bshad do// lto dkrugs gzir ba 'di lta ste// shog bu gru bzhi cha gnyis la// mu khyud gsum ldan gru gsum dbus// rtsibs chen bcu gnyis rtsa ba'i sngags// phyi rim bcu bdun lto dkrugs gzir// ru sbal lto sbyar dug myos khrag zhag bdun sngags bzlas rten la bstim// lha sgom rtsang bcas thod pa gsal// lto dkrugs gzir ba'i 'khor lo bshad// klu gnyan sa bdag gdug pa yis// mdze rim drag po'i yams dar na// snying gzer bdun gyi 'khor lo bca'// sbyor ba sna tshogs rdzas kyis byug srid pa ru sbal lto bar bri// drag po'i gnas su snying po bsdu// mthing nag dar dang thod par bca'// bsgom bskul dong gzhug rtsang bcas sngags// dmod pa thun dbab hom shing bsreg/ zor thun mtha' tu gnan gzir bya// de yi sbyor ba 'di lta ste// 'khrul 'khor mu khyud rim pa gsum// dbus su gru gsum snying po ming// 'khrul mig bcu gnyis rtsa ba'i sngags// phyi rim rtsa sbubs drag po bdun// snying gzer bdun pa mtshan re gnas// ru sbal lto ru kha sbyor bca'// rang gi phyag rgya bris sku dgram// rang yang phyag rgya gsal bar sgom// gnas pa'i 'khor lo rtsa sbubs na// dwangs ma bcu gnyis snying gzer bdun// phyi nang rtsa yi sbubs na gnas// snying gzer dbus na snying po gsum// de yis klu gnyan sa bdag 'joms// snying gzer bdun pa'i 'khor lo bshad// sbyor ba bdug pa bsreg pa'i las// spogs pa med par 'joms pa 'di lta ste// dben gnas chen po'i gnyan ra ru// gar gnod sa la maN+Dal bya// dbus su gru gsum mthing nag la/kha khyer gsum dang ldan pa brtsigs// phyi nang chag gang dbus mdzub gang// rtsibs la kha khyer sor bzhi bya// mu khyud nang du zla kham gsum// phyi rim 'khor lo rtsibs bcu gnyis// yang logs rtsibs chen nyi shu gnyis// bzhi pa mu khyud zlum po la// ban d+ha skam po bcu gcig dgod// lnga pa me ri'i 'phreng bas bskor// de la dgod pa'i rim pa ni// dbus su gru gsum mthing nag la// sa chur sbyar ba'i sbal pa bzhag/ snying khar hom shing khru gang gzugs/ kha khyer gsum dang zla kham la// klu gnyan sa bdag gzugs brnyan gzhag/ rtsibs la rtsa ba'i drag sngags dgod// phyi rim mtshon cha'i rtse mo la// sreg cing gcod pa'i spu gri dgod// mu khyud bzhi pa'i ban d+ha ru// sbal ba sbrul dang nya sogs sha/ gnyis pa sha chen tsha ba gsum// bzhi ba dug gi ri lu brgya// lnga pa bya pha ka chil bu brun// drug par mi rta khyi yi tshil// bdun par mar khu dug chu brgyad// dgu par khrag sna chang sdo bcu// bcu gcig dug rdzas sna tshogs bzhag dur khrod ras sam zhing ras la// gong bzhin bris la rdzas kyis bsku// bdun nam dgu ru steng nas dag ba// dmod pa bzlas shing bskor ba bya// drag tu bskul gyin me spar la// gzugs la mtshon brdeg bstabs la sreg/ gdug pa'i sha sogs rim bzhin bsreg nyin mtshan thun drug sbyin sreg bya// gdug pa rjes gcod kyi 'khor lor bshad// de nas yang bsrung ba thams cad bstan par bya ba'i sbyor ba 'di bshad do// drag po gdug pa bsrung ba la// mi ldog pa yi 'khor lo bca'// rgya shog gru bzhi cha gnyis la// dbus na mu khyud drug tu bskor// dbus su gru gsum thod pas bskor// gnyis par 'khrul mig bcu gnyis la// thod pa'i 'phreng ba gong ma bzhin// gsum par 'khrul mig nyi shu la// de bzhin thod pa'i 'phreng ba bya// bzhi pa rtsibs chen sum cu gnyis// yang logs phyi rim thod 'phreng me// yi ge dgod pa 'di lta ste// dbus su gang dmigs gzugs dang ming// gnyis par rtsa ba'i drag sngags dgod// gsum pa khyad par drag po yi// gzir 'joms srog dbrog nyos shing gnon// bzhi pa'i rtsibs chen bcu gnyis la// shi phrad gu thal drag po'i 'bru// yang gsang mchog gi drag sngags dgod// ru sbal lto bar rdzogs par bca'// 'khrul 'khor rgyal po'i gzugs brnyan la// bdud rtsi'i 'o ma khrag gis byug kha sbyor tshon skud thod sgong gzhug lto sbyor khri yis ngar blud la// sngags pa'i steng 'og bar snang bca'// de yis thams cad bsrung ba yin// shi phrad stobs kyi 'khor lo bshad// de nas bcom ldan 'das kyis sku gsung thugs las gdug pa gzir ba'i sngags 'di bton to// sa nA ga tsa tri du me srog la breng breng tsa la dun dun sbur nan kham shag rbad/sa nA ga tsit+ta ro myags rbad/ srog la mug ti rbad/ dug phyung khram shig rbad/ tsi tra ma dbugs la thang gzer rbad/ srog la thun rbad b+h+yo/ sa nA ga du raM/sa nA ga u nan gzer phung srog la dun raM tsit+ta breng shag thun rbad e raM/ sa nA ga snying gzir du raM i nan drid phyung sa nA ga tsit+ta thuM ril rbad/ sa nA ga snying gzer sbur nan rbad/ sa nA ga snying gzer sbur nan rbad/sa nA ga snying gzer drid phyung rbad/ sa nA ga snying gzer srog la myogs rbad/ sa nA ga snying gzer du raM rbad/ sa nA ga snying gzer yaM bzlog rbad/ sa nA ga snying gzer tsit+ta la rbad/ sa nA ga snying gzer sarba u nan gzer phyung rbad/de nas yang sa'i lha mos bcom ldan 'das la las kyi tshe bdag shan pa'i sbyor ba thams cad rgyas par mdzod ces zhus pas/ bcom ldan 'das kyis rgyas par bshad do// de'i las kyi rim pa 'di lta ste// dur khrod dben la shin tu gdug pa'i sar// dur khrod sa la maN+Dal khrag gis byug/ dbus su gru gsum rgyas sol dug chu bsku// phyi rim zla kham myos pa'i khrag gis bsku// sbrul dang thod pa me ri ldan par bskor// mtha' ma khrag dang dug gis dmar nag dag tu bya// gdug pa'i shing la rtsang mar byas la bskor// zhing lpags keng rusabris sku dung chen dgram// dpa' bo rta nag khyi nag shel nag snying// bam chen dbang po ban d+ha dung chen dgab// bdud rtsi dang bcas dbus su mthing nag ste// dpal bshos nag po snying gi sha khrag dang// me tog nag po la sogs byang dang lho ru dgram// dur khrod ras sam zhing ras gru bzhi la// dur khrod gnas nas bam gyi rgyu blangs la// sme ba lnga dang tsha bas thang pa bya// ni ras su yis brgya dang skya bcad la// dbus nas thig skor zlum po bzhi ru bskor// dbus su gru gsum zla kham bzhi dang ldan// de yi phyi rim 'khrul mig lcags mkhar bzhi// mtshams bzhi gnam lcags rdo rje'i ka ba can// mtha' ma thod rlon brgyad gnyis ra bas bskor// de yi phyi rim lcags mkhar bcu drug la// mtshams su rin chen ka ba de bzhin si ra'i mtshams// de yi phyi rim sbrul drug chun bos bskor// srid pa ru sbal khra bo'i lto na gnas pa bri// de la dgod cing gnas pa'i rim pa ni// dbus su brnag pa'i ming rus ling ga dgod// zla kham dgra yi pha mes dur du song ba'i ming dang rus// brnag ba bya ba'i snag tsha khrag gis bri// gcig la phas kyi srungs ma grub pa bri// zla kham gcig la bsrung ba'i lha rnams bri// phyi rim 'khrul mig bzhi po la// drag po gsad pa'i spu gri ming bcas mtshan bzhir dgod// de yi phyi rim 'khrul mig bcu drug la// drag po srog sdud las kyi rgyal po gnyis// khro bo rngam pa'i dgra dang bdud kyi snying po gnyis// gshin rje nyid dang ma mo'i snying po gnyis// chags byed ma dang srin po'i snying po gnyis// shan pa btsan dang dmu yi snying po gnyis// shan pa las mkhan sgrol byed snying po gnyis// dregs pa can dang mkha' lding snying po gnyis// srog bdag pho mos gsod pa'i snying po gnyis// rang rang lcags mkhar 'bar ba'i gnas re nas// drag tu bskul gyin shan pa dgra la rba// 'khor lo mtshon chen drag sngags me dpal dug/'khrul 'khor me rlung spu gri me rlung spu gri thog chen 'dis// lus bshig rtsa bcad khrag dang bag chags skyems// nad bslang 'byung ba bsdus nas thim// shes ba rten dang dbang po yul las 'byed// rten gcig lus la shes pa kun bsdus bstim/ kha sbyor 'khrul 'khor thod pa'i ga bur gzhug/ nyin mtshan dril gtor ming bcas spu grir sbyar// thod pa'i gser tu thun gyi spu gri dgod// ri rgyal kha nas rbab chen 'dril ba 'am// gser gyi dgu thog rgyab bzor thun mthar// sbrul gyi gser tu gnan pa'i spu gri dgod// gser gyi sa gzhi ri rab brtan ltar bzlas// gru gsum nang du brnag pa'i rten rnams gzhug/mthing nag kha gcad gsad pa'i sbyor ba brtsam// dur khrod gzhal yas rin chen gru bzhi la// sgo bzhi glang chen 'brug dang seng ge stag chu srin gnam lcags khro chung thog chen gzer// lha klu tshangs pa nyi zla rus pa khrag zhing rus thod pa bla ri 'phan 'phran bcas// sbrul dang thod pa me ri brten ltar gnas// dbus na gnam lcags gru gsum spu gri'i gnas// phyi rim dug mtsho thod mkhar gling bzhi'i dbyibs// yang logs 'ob chen bcu gnyis mtshon cha'i mkhar// mtha' ma lcags mkhar bcu drug pho nya'i gnas// dbus na klu 'bum gnyan khri sa bdag stong// lto 'phye bzhi gling ma he phyogs skyong brgyad// nyi zla brtsegs pa gtso bo'i gdan du rdzogs// mdun gyi zla kham sa bdag klu gnyan dang// dregs pa pho mos ma he nyi zla'i gdan// thod khar dregs pa pho mo ma he nyi zla'i brtsegs// 'obs dang lcags mkhar zhing bsnol ma he nyi zla'i gdan// sgo bzhir zhing bsnom stag dang seng ge dom// dbus su gtso bo zil gnon stobs kyi lha// dbu gsum phyag drug mthing nag zhabs bzhir bgrad// glang chen zhing stag thod sbrul dur khrod brgyan// rigs bzhi sbrul rigs khrag 'thung bya khyung stag/ seng ge gdug pa khro chung bdud mo g.yon// gsod byed dregs pa ru sbal srog dbugs 'chang// zla kham mdun na tshe bdag mgo dgu pa// sku mdog sngo nag gtum khro rngam la brjid// dbu dgu phyag kyang bco brgyad zhabs brgyad brkyang bskum tshul// dbu gsum steng rngam mkha' lding bya yi dbu// khyung chen rma bya dur bya klu gnyan glo snying za// dbu gsum bar pa g.yas dkar g.yon dmar mthing// gdug pa'i sbrul dang mi ro rta ro sbrul// spyan dgu khrag 'dzag dbu skra ag tsom ser// zhal gdangs mche gtsigs ljags 'dril rngam pa'i dbu// zhal gsum 'og ma sha za dud 'gro'i dbu// stag dang seng ge ma he dbus na 'gying// snying dang rgyu ma zhing chung za yin rngam// spyan rtsa bsgrigs nas mche ba gtsigs shing za// dbu dang snyan cha mgur dang lhu tshigs la// rigs bzhi sbrul dang skam rlon thod pas brgyan// phyag dgu g.yas na mtshon cha 'bar ba yi// 'khor lo ral gri rdo rje kha TAM mdud// mnga' chen zhing dbyug rgya gram phur bu bsnams// g.yon pa be con gtun shing rgyu zhags sbrul// thod pa sdigs mdzub dgra sta gzhu// sku stod glang chen dur khrod chas// sku smad stag lpags rat+ka'i chu rgyun 'bab// g.yon na bdud mo khrag gi ral pa can// sku mdog mthing nag zhal gcig phyag gnyis ma// zhing lpags thod pa re lde sbrul gyis brgyan// tri shul ban d+ha yab la 'khyud cing stobs// thugs kar gsod byed 'khor lo tsit+ta bsnams// dbu la bya khyung gnam lcags nyi zla'i spyan// bya dang gcan gzan sha za 'ug pa'i tshogs// thod mkhar srog gshed phyi rim phyogs skyong bdun// lcags mkhar nang na drug khri drug stong 'khor// sgo bzhir tshe srog bla la rku// dbugs len ma dang mdangs 'phrog bzhi yis brgyan// gong nas 'dus shing rdzogs pa'i tshul du gnas// nyi shu bdun nas gnam stong du// zhag bzhi'i bar du gsang sngags bzlas// nyin bzhi gtor la mtshan bzhi dril// bar bar bskul zhing yul lha rbad// gshin rje bod kyin sbyugs glu blang// pho thod mo thod rgya gram dang// ru sbal gru gsum me ri bri// steng 'og drag sngags ming rus sbrul// rdzas sogs sbyor ba klu dang sbyar// bsnal ma gsad pa'i sbyor bar bshad// las kyi tshe bdag mgo dgu yi// mchog gi sbyor ba 'di lta ste// dur khrod ras sam shog bu la// sme ba lnga yi thang ba bya// ru sngal lto bar thig skor bzhi// dbus dang gru gsum lcags mkhar bcas// yang logs rtsibs chen bcu drug bca'// phyi rim sbrul bzhis ra bas bskor// de la gnas pa'i rim pa ni// dbus su nri dang ming rus rbad// gnyis pa'i 'khrul mig bcu drug la// snying po srog bsdus las bsdus gnyis// bdud dang khro bo'i chags byed gsum// srin po dregs pa ma mo gshin// btsan dang mkha' lding srog bdag dmu// sgrol byed rgyal po ging gi 'bru// 'khrul mig re la gnas par dgod phyi rim rtsibs chen bcu drug la// gsod cing gnon dang thun zor gyi// drag po spu gri gsum du gnas// ru sbal yan lag lto ba la// ling ga sgrub bya bcu gsum gnas// 'khor lo mtshon cha med dpal sngags// gcod cing gnon pa'i 'khor lo yin// sbyor ba gzhan tshogs snga ma bzhin// lto dkrugs gab pa'i 'khor lo bshad// lo thog gzhom pa 'di lta ste// dur khrod ras sam shog bu gru bzhi la// thig gsum bskor la dbus su yul gyi ming// zla kham sbyor ba gzhom pa'i 'bru// lcags mkhar bcu drug es drangs rtsa ba'i sngags// rtsibs chen nyi shu chu drul zor dang gzir// ru sbal lto bar tsha ba dug chu khrag kha sbyar thod pa zhabs ma thun gyis bskul// dam rdzas stegs bu dar dang g.yang gzhi dag ba// bsgom bskul sngags la thod pa rta mar gzhug khrag la nyungs kar zor la khri bzhis bstim// rten gsum dmigs la phur pas klu la gzir// sbyor pa sngags kyis spu gri bzhi ru bsdeb// dregs pa kun gyi mthu dril dbab bar bshad// de nas las kyi tshe bdag gis// bsrung zhing gzir ba 'di lta ste// thams cad dril ba'i sbyor ba ni// 'khrul 'khor rim pa gsum du bskor// srid pa ru sbal lto bar bri// dbus su gru gsum drag po'i gnas// gang gnod dmigs pa'i yul rnams bri// phyi rim 'khrul mig bcu gnyis la// rtsa ba'i sngags te 'bru bcu gnyis// 'bru bzhi 'phos la shi sa dgod// yang logs rtsibs chen bcu bzhi la// spu gri drag po 'bru rnams dgod// las ni sna tshogs rtsa ba gcig zla kham lo thog bsrung ba'i 'bru// bcu bzhi bkod la skabs dang sbyor// khrag dang tsha ba dug chu bsku// thod par bcug la sbyor ba brtsam// zhag bdun sngags bzlas drag tu bskul// bsrung ba thams cad dril pa yi// sbyor ba rgyal po mchog tu bshad// de nas bcom ldan 'das kyis sku gsung thugs las las sngags sbyor ba 'di phye ste bton to// e ka he dun ya ma rag sha mun tri shaM ma kring shu snying dgra bo'i srog la ni sha truM mA ra ya rbad// srog stam pa ya nan// srog la thun myogs b+h+yo// e ka dun he rag sha ya raM dza shu kring snying mun tri tsa// dgra bo'i srog la myogs mA ra ya rbad// phroM phroM shar shar hril b+h+yo// nA ga ma'i snying gzir phroM phroM shar shar phob// e ka he dun ya ma rag sha dza// muM tri shaM raM kring shu snying// sarba du raM u nan gzer phyung sbur nan// srog la myogs rbad// ser ba sha truM stam pa ya nA sha ya hU~M phaT// de dag sbyor ba'i rgyal po ste// thugs dam bsnyen pa rgyu la brnag rgyal mtshan me long gi rgyud las// dmod pa ngan sngags kyi le'u ste brgya bco lnga pa'o//// de nas yang sa'i lha mos// bcom ldan 'das la// yang dag gsang ba'i gsang rgyud 'dir// gsar ba mchog dang gzir ba dang// klu nad dkar ru bcad pa dang// sbod gtong dmad dkrugs gshig pa dang// rang gshed rang la bskor ba yi// sbyor ba rgyas par bshad du gsol// zhes zhus so// de nas drag po sngon phyung gi rtsa ba'i sbyor ba mchog gi las// yang gsang 'khrul gyi snying po bcud// gcig ru dril ba rgod kyi sngags// gsang chen gsad pa'i sbyor ba dril// de yi rim pa 'di lta ste// dur khrod bde ba'i gnas btsal la// dpa' brtul sngags kyi 'khrul 'khor bca'// dur khrod ras sam shog bu la// cha gnyis byas la bskor ba ni// thig skor rim pa bdun dang ldan// dbus su gru gsum drag po'i gnas// phyi ru 'phrul mig bzhi dang ldan// yang log 'khrul mig lcags mkhar brgyad// bzhi par mtshon cha rtsibs bcu gnyis// lnga par thod pa'i 'phreng bas brgyan// drug pa gdug pa sbrul gyis brgyan// bdun pa me ri raM dang ldan// gcod byed tsit+ta'i 'khrul 'khor yin/// de la dgod cing gnas pa ni// dbus su brnag pa'i ming yang bri// zla kham gsum la bsrung ba'i lha// 'khrul mig bzhi la dgod pa ni// 'dren pa stobs kyi 'bru bzhi dgod// de bzhin 'khrul mig brgyad po la// khong khrag 'brel ba'i 'bru lnga dang// srog sdud 'byed pa'i 'bru gsum dgod// mtshon cha'i rtsibs chen bcu gnyis la// gcod cing gnon pa'i spu gri dgod// thod pa'i gseb tu pho gdon bri// sbrul gyi gseb tu mo gdon dang// gdug pa'i sa bdag klu gnyan bri// ru sbal kha bo'i lto bar bri// dug chu khrag dang tsha ba bsku// kha sbyor sngon dmar dar gy-is gril// thod par bcug la gru gsum bzhag gsal gsum bsgoms la zhag gsum bzlas// sbyor ba thon nas mnan sngags bzlos// 'khor lo sbal pa'i lto bar gzhug de yang phag mo'i lto bar bca'// thod pa ru sbal rgya gram bri// 'khrul mig bcu la tshas kyis gril// gdug pa'i klu la gzir la gtad// khru do brkos la thod pa gzhug sa bcag dbang chen pho brang bskyed// dbang gzugs 'o dod cha nges gdab// de nas bcom ldan 'das kyis sku gsung thugs las drag po'i sngags 'di bton to// e ka ya ma snying khrag ra ma tsa thum ril shag/ dgra bo'i myogs mA ra ya rbad// drag po sbyor ba med bal mtshon// yang gsang mchog gi 'khor lo bshad// drag po mngon phyung sbyor ba'i rgyal po las// yang gsang mchog gi 'khrul 'khor 'di bshad do// sngags dang 'khor lo man ngag bsdebs pa'i las// gcig tu dril te bca' ba 'di lta ste// nyams dga' dur khrod bde ba'i sa phyogs su// dur khrod ras sam shog bu gru bzhi la// sme ba lnga dang thal ba mdog bton la// dbus nas drangs nas thog skor lnga ru bskor// phyogs bzhi tshangs pa'i thig gnyis rgya gram gdab// dbus su gru gsum 'khrul mig bzhi dang ni// matsams bzhi drag po'i gsang mdzod bzhi dang ldan// de yi phyi rim 'khrul mig bzhi gnis la// lcags mkhar bar khyams gshes kyi khang pa yin// de yi phyi rim mu khyud dbang sdud drag po la// stobs dang ldan pa'i sbyor ba 'joms pa'i gnas// yang logs mu khyud bzhi po lum po thun mong rten pa la// khyams khang chen po sgrub pa'i snying po rdzogs// mtha' ma'i 'khrul mig drag po bcu gnyis pa// mtshon cha'i rgyal po me rlung skyin thang gnas// myos pa stobs 'brel rno dbal kha sbyor yin// de dag dgod cing gnas pa'i rim pa ni// dbus dang mtshams kyi gsang mdzod gru gsum lngar// bla sems 'chags pa'i snying po ming rus bri// lcags mkhar bzhi dang phyi rim brgyad po la// rtsa ba'i drag sngags me rlung drag sngags dgod// de yi phyi rim 'khrul mig nyi shu bzhir// thams cad gzir dang gshig pa'i spu gri dgos// de yi rim pa sum cu rtsa gnyis la// gang bsgrub bsnyen pa rbad dang gsad pa'i sngags// phyi nang mgo bstan skabs dang sbyar la dgod// mtha' me'i 'khrul mig nyi shu la// dgug dang thun brdegs gsad dang gnon pa yi// drag po sbyar ba'i spu gri dgod// drag sngags me dbal 'khor lo mtshon// 'khor lo mtshon chen me dpal gyis// zhing bcu ma lus gtan nas sreg 'khrul mig dgu bcu las mthar gsum// drag po khyams khang mchog gi gnas// de yis thams cad 'joms shing 'pho// 'khor lo'i lto bsdeb me dang rlung// spu gri mtshon chen gcod dang 'bigs// bsrung dang skyob pa kun byed pa'o// ngar stobs ldan pa'i 'khor lo la// dug dang khrag bsku kha sbyor bya// gang sgrub las sngags drag po gnas// lto bsdeb drag po'i 'khor lo bshad// stobs chen lha rnams tsit+ta la// snying po 'bru re sgra ru gnas// de la rtsa ba'i drag sngags dang// gang sgrub dbang can pho mo yi// sgrub sngags drag po'i phyi rol tu// 'od kyi tshul du gsal bar bsgom// bsnyen pa nang du mgo bstan dang// drag po gsang sngags skabs dang sbyar// man ngag thugs kyi bsdebs su bshad// zhal gyi dmod pa bzlas pa'i tshul// e nas drangs la spu gri spang// gang bsgrub bsnyen pa sbyar la dgug/spyan drangs la sogs gzhung dang sbyar// rbad pa stong stong gong bzhin bsdeb// de bzhin gsas dang gnan pa la// skabs dang sbyar bas las kun byed// 'dod pa'i ming bcas dbus su bsdeb// rno dbal spu gri kha sbyor yin// dmod pa sngags kyi sdebs su bshad//// de nas yang bcom ldan 'das kyis gsad pa thams cad kyi sbyor ba rtsa ba gcig tu dril ba 'di bshad do// drag po nye ba'i sbyor ba 'di// dur khrod gnyan ra'i dben gnas su// 'brel ba gsum dang ldan pa yi// grogs dang dpa' brtul gnod pa bca'// de yi sbyor ba 'di lta ste// gsang ba'i gsang rgyud 'phrul gyi bcud// yang gsang mtshon cha gsad pa'i mchog nye bar gcig tu dril bsdebs pa'i// las kyi 'khrul 'khor chen po ni// zhengs ras la sogs rgyu bzhi la// thig skor gsum ldan de bzhin bzhir// bar khyams sbrul bcas rdzogs byas la// dbus la sogs pa'i phyogs bzhi dang// de bzhin phyogs mtshams brgyad du brtags// srid pa'i khyams khang lto ba na// rgya gram rlung dri sbag mar gnas// dang por tshangs pa'i thig gnyis dang// zur bzhi de bzhin cha snyams la// dbus su gru gsum zla kham gsum// phyi rim phyogs bzhir rdo rje yi// rA bzhi rgya gram nag po la// dbus kyi snying po phyogs bzhi ru// 'khrul mig mkhar nag rnam gsum gnas// rgya gram mtshams bzhi khrag gi mtsho// yang logs mu khyud zlum po chu// skom zhing g.yeng bas sdud cing smin// lte sbyor gab pa'i 'khor lo yin// yang logs dbus mtshams gling brgyad du// rlung ri rdo rje rtse mo re// kha dog 'phrin las ljang khu la// snying po 'phrul mig gnyis gnyis ldan// las rnams rdzogs pa spu gri'i gnas// rlung ri gshed kyi 'khor lo yin// lto bsdebs ma yin mu khyud spang// zur brgyad mu tig chun 'khor bcas// gsod byed drag po rngam pa yi// gab pa'i thugs kyi 'khor lo yin// byang khram snying po spu gri'i sngags// 'phrul gyi rtsa ba dril ba ni// gru gsum ming rus zla kham lta// bsrung ba kun ldan rdzogs par bri// rgya gram bzhi yi 'khrul mig la// rtsa ba'i snying po drag sngags dgod/ khor yug rbad dang gsad pa'i sngags// gang bsgrub lo sbyar gnas mthun dgod// phyi rim rdo rje rtse brgyad la// ming gi 'bru gsum dang por bri// gsod cing gnon dang 'phen pa yi// spu gri sa gsum rdzogs par dgod// mtsho gling bar khyams rwa dbus la// sdang dang gnod pa de bzhin bri// ming gi 'bru gnyis srog dang sbyar// gang 'dod mtshams su de bzhin sbyar// 'bur nag gdug pa'i ha la'i mtshon// b+hi li khong 'dus khong dreg can// ya ma ka li'i karma tsa// kyo pa kaM pa gur pa sha/ yaM raM e dbus tsa ma ti/ ma ra ya yi sbyor ba'i mchog/ lto sbyor bcas la thod par gzhug/ sbyin sreg brnag pa'i 'og tu gzhug/ zhag gsum sngags bskul sbyor ba dril// ru sbal phag mos 'khrul 'khor bca'// thod pa rgya gram ru sbal ltor// sbyor ba kun ldan klu la gtad// tshul gsum sbyor ba gong ma bzhin// sngags gyi rtsa ba dril la brdeg/ zhag gsum nyin gcig zhag gnyis// gsad dang gnan pa zor gyi dus// rig pa bde ba yang ma'i klong// 'khrul 'khor dam pa 'di gzur bya// de nas bcom ldan 'das kyis sku gsung thugs las rtsa ba dang spu gri'i sngags 'di bton to// e dun he ka snying khrag ya ma tsa ma ra ya/ dgra bo'i srog ma ra ya myogs rbad// sbyor ba gnyis po snga ma bzhin// yang gsang 'phrul gyi bcud bsdus pa// gsad pa la sogs sbyor ba'i mchog/ 'phrin las thugs ka'i 'khor lor bshad///// de nas yang bcom ldan 'das kyis seng ge'i khog gshig gi sbyor ba 'di bshad do// byin can bde ba'i gsang gnas su// gsang ba mchog gi sbyor ba brtsam// b+hi la'i khong 'dus khong dreg can// ha la nag po tsa ma ri// be ta ta yis 'jig rten nas// ya ma rag sha'i bde klong du// sgyu ma'i phung po gnas sbyangs la// rin po che yi rgyal sa ru// thugs kyi bde ba gnyis med 'phang// de yi sbyor ba 'di lta ste// 'dul khrims nyams pa'i gos blangs la// rdo lcags zangs phye dug chu bsku// cha gnyis byas la thig gdab brtsam// zil gnan phyag rgya dbang gzugs sam// drag sngags dmod pa stong dang sbyar// tha chung bzhi yi mar ngo la// nyi shu drug nas 'khrul 'khor bca'// dbus mas thog bskor bzhi ru bskor// dbus kyi gru gsum brda gnas su// sku yi gzugs brnyan ming bris la// zla kham gsum la bsrung ba'i lha// phyi rim bcu gnyis rtsa ba'i sngags// yang logs khor yug rbod rbad gsad// bri dang phyi nang gong ma bzhin// mtha' ma'i 'khrul mig bcu drug la// gsod cing gnon pa'i spu gri dgod// srid pa ru sbal lto na gnas// dug dang khrag gis ngar blud la// rje'am yul srungs kyi thod par gzhug/ rtsang bcas dong du mthing nag dgab// dmigs med ngang las ye shes kyi// rol pa phyag rgya chen por 'phro// drag tu bskul zhing shugs kyis drang/ kha khyab rdo rje'i sbyor bas bsdeb// dmod pa'i lus la spu gri bsdeb// ming rus ming byang khams la bcad// rgya mdud brtsegs pa'i lto ru mnan// yang na dkyil 'khor chen po yi// 'og tu bka' yi byin bsdus la// rin po che yi lto ru gnan// bshags dang dge ba rgyun mi gcad// 'byung ba lnga yi mdangs bsdus la// rin po che yi rgyal sar brtan// rgyu yi snyigs ma srog bsdus la// dbus kyi 'bub gnas gzugs la bstim// sa dang chu dang me dang rlung// nam mkha' dbyings kyi khongs su gzhug/ dmigs pa dag pa'i tshad ma gdon// de nas bcom ldan 'das kyis sku gsung thugs las sngags kyi spu gri 'di bton to// gu ru ni srog la myogs thum ril ma ra ya rbad// stam pa ya nan// bgrod pa med pa'i phyag rgyar brtan// seng ge khog pa gshig gi 'khor lor bshad// de nas yang bcom ldan 'das kyis rdo rje rme 'thab kyi sbyor ba 'di bshad do// yid mthun bde ba'i gnas rnams su// dur khrod gnas nas dpa' ba yi// zhing sogs ras dang rgyu blangs la// sbyor ba gsum dang ldan par bya// de las gcod pa'i 'khor lo bri// dbus thig skor la lnga ru bskor// dbus su gru gsum zla kham bzhi// phyi rim 'khrul mig lcags mkhar bzhi// mtshams su zhing gi ka ba can// yang logs 'khrul mig lcags mkhar brgyad// mtshams la de bzhin ka ba sbrul// bzhi pa 'khor yug bsrung ba'i gnas// mtha' dmigs 'khrul mig nyi shu la// gsod cing gnon pa'i spu gri gnas// dbus dang zla khams bsgrub bya'i gnas// bcu gnyis rtsa bar drag sngags gnas// 'khor yug nang du bsnyen pa'i sngags// bar du rbad sngags gsad sngags mtha'// phyi ru mgo bstan brgya brgyas bskul// bsnyen pa khri yis bos la gzir// sngags ni me dbal 'khor lo mtshon// 'khor lo me dbal mtshon chen gyis// zhing bcu sdig can sreg cing 'joms// 'khrul mig rtsa ba nyi shu gnyis// gtsang mdzod mun khang gnam lcags 'bar// ru sbal lto na mtshon cha me// 'od kyi gong bus dme 'khrug byed// de nas bcom ldan 'das kyis nyid kyi sku gsung thugs las drag po'i spu gri 'di bton to// nri srog la dun rmugs sa ma ya myogs ma rA ya rbad// nri srog gzir stam pa ya nan// sngags kyi 'od dang 'bar ba'i dbal// gdug pas rang gshed rang la 'bebs// mtshon cha ngar blud me la bdug khri bzhi'i sbyor ba dril la phang// thon nas rtsang bcas thod pa gnan// zil gnon phyag rgyas gzir cing dbab// 'khor lo gnan la snga ma bzhin// rtsa ba gcig las yan lag 'byung// dam tshig mna' chu zer gsum mtha'// drag po'i sbyor ba yang yang brtsam// dme thab drag po'i 'khor lo bshad// de nas yang bcom ldan 'das kyis stag mo kha 'thab kyi sbyor ba 'di bshad do// shog bu gru bzhi mdzub gang la// rme ba lnga yi thang pa bya// nir su yi thal ba yis// mtha' ma rgya dang skya bcad la// thig skor zlum po bzhi ru bskor// dbus su gru gsum ming dang rus// zla kham srung ba'i lha dang gdon// 'khrul mig bcu gnyis rtsa ba'i sngags// mu khyud stong pa bod rbad gsad// rtsibs chen bcu bzhi spu gri gnas// myos pa'i stobs dang dbral ba yi// drag po stobs kyi 'khrul 'khor yin// nag po'i ga'u mun pa'i gling// de nas bcom ldan 'das kyis sku gsung thugs las drag po'i spu gri 'di bton to// dgra bo mA ra ya rbad// mtshon cha'i rgyal po 'khor lo can// gcod pas skam pa spu gri'i tshul// gzir ba stobs ldan bsam dpag dka'// ma lus kun 'joms sbyor ba'i mchog kha 'thab drag po'i 'khor lo bshad// de nas yang bcom ldan 'das kyis seng ge mche sbyor gyi sbyor ba 'di bshad do// rgya shog cha gnyis gru bzhi la// smre ba lnga dang tsha ba bsku// mu khyud bzhi ldan ru sbal ltor// drag po gnas su brnag pa'i ming// 'khrul mig bcu gnyis rtsa ba'i sngags// yang logs bcu drug spu gri'i gcod// phyi yi mu khyud sgrub pa'i sngags// bod rbad gsad pa nyis stong brgya// mu za'i khram thod sran mo'i sgrom// sbyor ba sngar bzhin gnan ba bya// de nas bcom ldan 'das kyis sku gsung thugs las seng ge mche sbyor gyi spu gri 'di bton to// dgra bo'i srog la myogs mA ra ya rbad// lto gshag dbang chen pho brang bsam// seng ge mche sbyor gyi 'khor lor bshad// de nas yang bcom ldan 'das kyis gzhan gyi pho nya rkang mgyogs slar bzlog pa'i sbyor ba 'di bshad do// gnyan ra gdug pa'i bde gnas su// rigs min gzhan gyis sbyor ba 'joms// gzir bzlog drag pos gzhan dbang bskur// mu stegs can gyi lus srog dbral// de yi sbyor ba 'di lta ste// dred mo ral pa bsnyigs pa yis// zhabs mas 'khor lo'i rgyu byas la// sa dkar cung zi rus pa yis/ kha dog phyung la 'khor lo bri// lnga ru bskor la dbus gru gsum// brnag pa'i gzugs bris spyi tshugs gzhag/ zla kham ming rus de ba bri// mu khyud sbrul gyi ra bas bskor// 'khrul mig bcu gnyis rtsa ba'i sngags// phyi rim rdo rje rgya gram la// srog la dug rmugs b+h+yo// srog la kham shag b+h+yo// srog la breng shag b+h+yo// srog la yam shag b+h+yo// rang sngags ming bcas bskor la bri// phyi rim rtsibs chen bcu drug la// gsod cing gnon pa'i spu gri dgod// sbyor ba thams cad snga ma bzhin// dag gig glan glen thod pa ru// sbyor ba dril la bdag dbang bsdu// sngags pa'i 'og tu gnan pa bya// pho nya bzlog pa'i 'khor lor bshad// de nas bcom ldan 'das kyis drag po nang 'thab kyi sbyor ba 'di bshad do// rang sems dben pa'i gnas mchog tu// dam tshig srog gi mtshams bcad la// zhing ras pags shun khru gang la/ sbyor ba'i rgyal po gsum sbyar la// mdog dang ldan par rgya bcad la// zhing gi srad bus thig gdab brtsam// thig bskor lnga ldan dbus drag po// phyi rim phyogs bzhir thig rkang gsum// thig mdud rgya gram 'khrul mig bzhi// phyogs bzhi 'khrul mig bcu drug gcod// mtshams bzhir gsang mdzod drag po'i gnas// yang logs nyi shu rtsa ba'i mkhar// phyi rim 'khrul mig bzhi bcu gnyis// lcags mkhar 'khrul mig brgya bcu drug/gsang mdzod mtshams bzhir dbus dang lnga// srid pa'i ru sbal lto na gnas// dbus dang mtshams bzhir bsgrub bya'i ming// dri ma dang ldan tshe srog sdud// phyogs bzhir 'khrul mig bcu drug la// thun dang gsod pa'i spu gri gnas// yang logs 'khrul mig bcu drug la// gab pa'i 'bru bcu gcod dang bcas// de bzhin brgyan gyi bcu gsum la// gcod cing gnan pa'i spu gri ldan// lnga pa mtha' yi bcu bzhi la// thun bzhi sngags kyi sbyor ba gnas// gang byed skabs dang sbyar la bzlas// dug chu myos pa bskul la bdug kha sbyar rgyus chen sngo dmar dam// sngags pa ra tsa'i thod pa ru// ru sbal rgya gram ming rus sngags// rtsang bcas lha sgom dgod pa bzlas// thon nas zil gnon ye shes bsam// 'khor lo sbal pa phag mor gzhug/ sbyor ba dril la thig le la// ru bzhi rdo rje rgya gram gyi// tshul dang sbyar la gnan pa bya// drag sngags nang 'thab kyi 'khor lo bshad// de nas bcom ldan 'das kyis rang gshed rang la dbab pa'i sbyor ba de dag gcig tu dril pa'i 'khrul 'khor 'di bshad do// yang dag 'khor lo dam pa 'di// shog bu rgyu la sme ba lngas// thang pa byas la kha dog dbyung// tshangs pa'i thig gnyis rgya gram gdab// ru thig gnyis te re mig skyong// thig skor mu khyud lnga dang ldan// dbus su gru gsum le tshe brgyad// phyogs bzhir 'khrul mig gsum gsum drang// mtshams kyi gsang mdzod mun khang bzhi// gsum par las kyi rdo rje la// rgya gram sbyor ba bzhi dang ldan// bzhi pa mtshon cha bdun gnyis rtsibs// lnga rigs bzhi ra bas bskor// 'khor lo'i dam pa 'di gzung bya// de la dgod pa'i 'bru rnams ni// dbus su gu ru'i phyag rgya sku// brjid pa'i tshul gyis skyil krung bzhag gzhan la gcer bu spyi tshugs rid// zla kham ming rungs gsang mdzod bzhi// bsgrub bya 'chang ba spu gri'i mkhar// phyogs bzhi'i 'khrul mig bcu gnyis la// 'og phyogs me rlung nam mkha'i 'bru// mjug mar bya khyung bdud mo dregs// g.yas su bdud dang gshin rje khyung// las kyi rgyal po ma mo srin// 'bru gsum sbyor ba bcu gnyis 'bru// g.yas g.yon rnal ma de bzhin bzlog rgya gram bzhi yi snying po la// 'og phyogs srog phrog thams cad 'gugs// mjug mar lha dang lus sreg 'byed// g.yas su gzan la dbab pa'i 'bru// g.yon gyi ra la gzir ba'i sngags// bod rbad gsang dang bsrung ba'i sngags// sgrub dang thun mong go rims sbyar// rtsibs la thams cad gsad pa yi// yang gsang spu gri bcu gnyis mchog/ thams cad sbrul gyis bskor ba'i tshul// sbyor ba gzhan ma snga ma bzhin// de nas bcom ldan 'das kyis sku gsung thugs las yang gsang mchog gi spu gri 'di bton to// ya ma ta ra dun dun sarba tsit+ta breng shag ka dun rak+sha e ya srog la dun dun dza dza/ sarba tsit+ta ru thuM sbur nan/ gzer thun trig nan/ kha nan/ e ka dz+wa ri ya ma tsit+ta breng shag bra bi sha ya phaT/ ya ma tsit+ta/ dgra bo'i srog la dun rmugs thun b+h+yo yaM raM b+h+yo/ dgra bo'i srog la dun rmugs tsit+ta breng shag mA ra ya rbad/ lu ma 'khyil par rkang 'dom rer// phyogs bzhir thod pa khyung mchog dbus// ru bzhi rdo rje rgya gram gyi// gnan pa mi shigs brtan pa'i mchog/ sbyor ba'i rgyal po dril bar bshad// de nas yang bcom ldan 'das kyis las dang nus pa thams cad bshig pa'i sbyor ba 'di bshad do// brnag pa stogs kyis las gshig pa// dregs pa stobs kyi lha rnams kyi// 'khrul 'khor drag po'i me rlung stobs// snying po me dpal stobs kyis 'joms// dmod pa'i mtshon cha 'di lta ste// dur khrod zhing ras shog bu la// mu khyud rim pa bzhi dang ldan// rlung ri las kyi 'khrul 'khor la// dbus su gru gsum zla kham gsum// phyi rim lcags mkhar bang mig bzhi// de yi phyi rim 'khrul mig brgyad// zhing gi ka bas matsams brgyad 'degs// yang logs mtshon cha'i rtsibs bcu gnyis// las kyi me ri 'bar ba'i tshul// mtshon cha'i khang pa de dag la// gnas shing dgod pa 'di lta ste// dbus na brnag pa'i snying po ming// zla kham de bzhin rdzogs par bri// lcags mkhar bzhi yi khang pa ru// srog dang las bdud bya khyung rdud// 'bru bzhi sbyor ba kun gyi mchog khang khyung lcags mkhar brgyad po la// gshin rje ma mo'i snying po gnyis// mkha' lding dre sa btsan ma mo// ru sbal gshin rje'i snying po rdzogs// lcags mkhar bang mig re la dgod// mtshon cha'i khang pa bcu gnyis la// dug lnga'i sbyor ba gshig pa yi// drag po spu gri'i mtshon cha dgod// me lha snying po spor ba dgod// 'khrul 'khor mtshon cha me dbal sngags// sbyor ba'i rgyal po kun 'joms 'di// me rlung las kyi mtshon chas gcod// rdzas rnams kun la kha sbyar dril// dur mar bcug la re bas gril// rtsang bcas gru gsum bskyed pa'i bstan// zhing lpags steng nas hom shing gzug lha bsgom sngags bzlas thun brab bsreg du ba'i rdzas la bdug cing brab// drag tu bskul cing yul la rbad// bdun nam lnga ru nya stong brtsam// sbyor ba thon na 'khrul 'khor dril// tshes gcig dag dang bcu drug la// spobs pa med pa'i gnan pa bya// zhi khro phur pa gshin rje rnams// 'khor lo ru sbal thod chen gzhug dkyil 'khor chen po'i 'og tu gnan// mkha' lding dregs pa klu rgyal rnams// 'khrul 'khor tshe bdag lto bar gzhug 'brong chen thod par ro khugs gnan// ma mo bdud mo srin mo rnams// 'khrul 'khor nyan thos thod par gzhug bka' rten byin can 'og tu gnan// bdud dang mu stegs mgon po rnams// 'khrul 'khor g.yag ru g.yas par gzhug/ ro khang sgo srungs 'og tu gnan// rgyal po dge bsnyen dkor srungs rnams// sbyang ku dar ma'i thod bar gzhug kyi tshang lam ka'i 'og tu gnan// btsan dang srog bdag dri bo rnams// sha ru sbyang thod gong gsum gnan// klu bdud ma bdud phug bdag rnams// bon po'i thod par lha khang gnan// the rang chags 'gong shing ngog rnams// glang rur bcug la lam mdir gnan// sa bdag klu gnyan mdze 'dre rnams// 'khor lo phag mo'i thod par gzhug phag thod bka' rten 'og tu gnan// bon po rigs gnyis 'dzin pa rnams// khyi thod bcug la kyi tshang gnan// sri gcan chu thod them 'og gnan// rigs 'dzin sbyor ba bdag dbang bsdu// sa gzhi'i sbyor ba gnan pa'o// bar snang ming bcas mchod rten gnan// nam mkha'i bsam gtan mchog gi las// 'khrul 'khor me rlung skyin dang mtshan// drag po gshig pa'i las mthar sbyar// de nas bcom ldan 'das kyis sku gsung thugs las drag po gshig pa'i spu gri 'di bton to// sarba rtsa sbur srog nan// snying gzer breng shag yaM rbad// las kyi rgyal po kun 'joms 'di// 'khrug byed tsit+ta'i las yin pas// drag po gshig pa'i sbyor bar bshad// de nas yang bcom ldan 'das kyis snying gzer nyi shu rtsa gcig pa'i sbyor ba 'di bshad do// drag po nye bar sbyor ba ru// gab pa thugs kyi 'khrul 'khor bca'// rten pa shog bu grub bzhi la// cha gnyis dur khrod sme bas byug ru sbal lto bar thig skor bzhi// bskor la dbus su gru gsum la// zla kham sbrul gyi ra bas gtams// de yi phyi rim 'khrul mig bzhi// thod khar rdo rje ka ba me// phyi rim 'khrul mig lcags mkhar brgyad// yang logs rtsa sbubs nyi shu gcig gdug pa sreg byed ye shes me// 'od kyi gong bur gnas pa 'phro// de la gnas pa'i rim pa ni// gru gsum dbus na snying po gsum// gang gnod ming dang bcas la dgod// zla kham gsum la gang gnod ming// lcags mkhar brgyad dang thod mkhar bzhi// rtsa ba'i yig 'bru bcu gnyis dgod// rtsa sbubs nyi shu rtsa gcig la// snying gzer nyi shu rtsa gcig dgod// drag sngags 'khrul 'khor me dbal mtshon// 'khor lo mtshon chen me dbal sngags// drag po sngags dgod gdug pa'i mtshon// thog chen dril 'phreng drag po'i stobs// nam mkha'i rin chen rgya mtsho sa// mtshon cha kha sbyar dug chu ngar// sngo dmar dang bcas phag mo'i ltor// dug khrag bskus la thod par gzhug mi rkang sgyed dbu lcags khris 'degs// gsal gsum dang ldan gsum stong bskul// nya stong me ra gyi ngo la sbyar// tha chungs bzhi la rab tu brtag zhag gsum shin tu gnod par bca'// de nyid dong gzhug thod par gnan// mi ldog gyad dang dregs pa bsgom// thod mkhar steng du gdug pa'i rtsang// nyi shu gcig pus mchog phur bstan// gang gnod gzugs blang snying khar brdeg/ rgyun du drag sngags brgya brgyas bsrung// yag sha b+hi la'i sbyor tshul can// snying po ngang dang shugs kyis drang// dug snga brkam chags rtsa ba gcod// ha la nag po'i zhen chags 'brel// gdug pa gzhan lta smos ci dgos// sngags kyi rgyal po kun 'joms 'di// drag la dril zhing sgra spangs la// dgra ni gtum zhing lci bar bshad// drag po gtum chen dregs pa'o// de nas yang bcom ldan 'das kyis sku gsung thugs las gdug pa thams cad gzhom pa'i phyir snying gzer nyi shu rtsa gcig gi spu gri 'di bton to// sa nA ga snying gzer dza/ sa nA ga snying gzer dug phyung/ sa nA ga snying gzer dug tsit+ta rbad/ sa nA ga snying gzer thun rbad/ sa nA ga snying gzer dun rbad/ sa nA ga snying gzer yaM rbad/ sa nA ga snying gzer ri thun rbad/ sa nA ga snying gzer srog la rbad/ sa nA ga snying gzer myogs rbad/sa nA' ga snying thum ril rbad/ sa nA ga snying gzer du ra rbad/ sa nA ga snying gzer nan 'drir rbad/ sa nA ga snying gzer breng bshag rbad/ sa nA ga snying gzer khas rbad/ sa nA ga snying gzer thibs rbad/sa nA ga snying gzer sbur nan rbad/ 'am si ra la/ rang gcod sbyar ba'i rgyal po ste// snying gzer dgu yi 'khor lor bshad// de nas yang bcom ldan 'das kyis dz+wa la drag po bsrung ba'i rgyal po 'di bshad do// klu gnyan sa bdag zhugs pa yi// ya nga ba yi nad dar na// dmod pa drag po'i snying po bca'// de yi sbyor ba 'di lta ste// rgya shog rgyu la lto sbyar bri// dbus nas thig skor bzhi ru bskor// dbus su drag po 'bub gnas bzhi// ma mo rgyal po mdze tri can// rtse yi 'bub gnas gsum la bri// sa dang nA ga dbus su bri// zla kham gang gnod ming rnams bri// phyogs bzhi rtsa ba'i 'phrul mig ni// lcags mkhar gsum gsum rgya gram la// rtsa ba'i drag po'i lus dang ldan// mtshams kyi gsang mdzod mun khang bzhir// gdug pa gsum gyi gzugs bris la// lus srog 'phrog pa'i 'bru dgu bri// mu khyud gsum par gdug pa'i gzugs// mtha' ma phyi yi mu khyud la// 'khrul mig rtsa sbubs bcu gcig gnas// dmigs pas bkug cing mtshams su gzir// shi khrag drag sngags bcu gcig gnas// ru sbal rtsa ba'i 'khor lo ni// yon tan 'brel sgrib sna tshogs 'byung// dug dang tsha ba rdzas bsres la/ kha sbyor bdug cing thod pa bca'// dkyil 'khor dbus su rtsang bcas gzhug/ phyag rgya zil gnon skur bsams la// dmod pa nyin mtshan brgya brgya bzlas// 'khor lo thod pa gdug cing brab// cha lugs bzlog pa bsnol khrag brdeg/ shi phrad bcu gcig srog lus kyi// dug gsum gnad dang zhen chags 'brel// gdug rtsub zhen chags gzir cing gcod// yid kyi dbang po 'khrul ba'i yul// rka ma chags rgyun gyis srog phrogs la// gsang mdzod mu khyud gzugs la sdud// me rlung stobs kyis khrug cing sdud// rkyen min sbyor ba'i stobs dpag gis// srid pa'i khyams khang lto ru 'chang// mngag gnad mda' yi sbyor ba yin// mgo gcig gdong lce gnyis pa'i tshul// rgyud gcig dngas snyigs sngags kyis 'byed// yang gsang mchog gi snying po bcud// drag po me dbal stobs dpag med// sbyor ba phag thod steng dang 'og rdo rje rgyal po'i bzlas pa bya// de nas bcom ldan 'das kyi sku gsung thugs las yang gsang mchog gi sngags 'di bton to// sa nA ga srog breng deng dun dun thuM ril nA ga dza// sa nA ga srog la breng breng dza dza thuM ril shag sa nA ga srog la dun dun thuM ril shag sa nA ga tsit+ta thuM ril shag sa nA ga rtsa li rbad thuM ril shag sa nA ga duM ling kas thuM ril shag sa nA ga srog la hur thum ril shag sa nA ga tsit+ta la thuM ril shag sa nA ga snying gzer rbur nan thuM ril shag du me ma ma srog gzir thuM ril shag tsa ti thul gzer nan thuM ril shag ro ni tri yaM shig nan gzir thuM ril shag drag sngags me dbal 'khor lo mtshon// 'khor lo me dpal mtshon chen gyis// sbyor ba gcod cing gdug rtsub bsreg bdag skyob gzhan bsrung bstan pa'i lus// ya ma ka la'i dregs pa yi// ha mo gnon po'i be ga ta// 'di min sbyor bas rang 'ching yin// drag po snying gzer bcu gcig gi/ yang gsang thugs kyi 'khor lo bshad// de nas bcom ldan 'das kyis sbyin sreg drag po sa'i 'khor los gsad pa'i sbyor ba 'di bshad do// gsang chen sngags kyi rtsa ba ru// 'khor lo sbyin sreg lto bsdebs nas// gsod dang 'bigs la sogs pa'i las// bsrung dang skyob pa kun byed yin// thabs rnams ldan dang mi ldan las// bya ba kun 'grub brlag par 'gyur// 'di dag bde dang smin pa'i las// gsang chen 'khrul gyi 'khor lo 'di// 'byed cing bsnyad pa'i rim pa ni// gnyan ra gdug pa'i bde gnas su// dang po shes ldan smin byed pa'i// 'khrul 'khor rim pa 'di lta ste// rgyu la rdzas kyi thang ba bya// bar snang 'khor lo las kun byed// thig skor gsum ldan ru sbal ltor// dbus su gru gsum mu khyud ser// zla kham dmar po gru gsum gnag phyi rim rdo rje rgya gram la// snying po 'khrul mig gsum ldan gnas// rtsa ba'i drag sngags kun gyi lus// ya logs rdo rje'i rwa brgyad la// de bzhin 'khrul mig gnyis gnyis ldan// gsod cing gnon pa'i spu gri gnas// mtshams dang zla kham dbus rnams su// don gnyis bsdus la ming sogs bris// rdzas dang kha sbyar nam mkha' bzhag las kyi rgyal po'i 'khrul 'khor yin// phung sa la sogs stegs bu la// khrag dang dug gi byi dor bya// bam gyi srad dbus lnga ru bskor// drag po zla kham sum brtsegs dbus// dmar dang dkar dang nag po la// rtsang dang thod pa de bzhin me// mthing nag ling ga hom si shing dbus// phyi rim rgya gram phur pa ming// yang logs rtsibs la rtsa ba'i sngags// phyi rim thod 'phreng me ri mtha'// dmar dang ljang dang nag po rims// de dag ru sbal lto bar bri// dug gi khrag gi rme ba can// sha sna tshil sna mar khu 'chang// nyungs kar nyungs nag til shangs skye// lcags rdo zangs dang ling ga ming// thun brab bskul la bstab cing bsreg drag sngags bcu yis mtshon brdeg brtan// rgya gram rwa yi 'dab brgyad du// bsreg pa'i spu gri gzugs rnams dgod// de nas bcom ldan 'das kyis sku gsung thugs las drag po lto sbyar gyi sngags 'di bton to// nri ti rbad// dgra bo'i srog la dun rmugs dza// tsit+ta hur thums dz+wa la ram// dgra bo'i srog la breng shag rbad// 'khor lo thod pa ling ka gnan// snying po 'phrul gyi rtsa bar bshad// de nas bcom ldan 'das kyis dregs pa chen po rnams las sna tshogs la bskul ba 'di bton to// chos kyi dbyings kyi pho brang nas// drag po e yi gzhal yas nas// klu 'bum gnyan khri sa bdag stong gi gdan// phyogs skyong ma hes brdzis pa'i khri// thabs dang shes rab nyi zla'i gdan stengs na// dug lnga rkam chags 'joms pa'i lha// srog sdud tshe bdag nag po ni// gtum chen dus mtha' bskal pa'i me ltar 'bar// sku mdog nag po dug chen bsgyil ba 'dra// sku yang che la rngam chen dregs pa'i sku// dbu gsum phyag drug zhabs bzhir bgrad// g.yas dkar klu brgyad zhal du gsol// g.yon dmar gnyan khri klu 'bum gsol// dbus kyi mthing nag rngam pa yis// sku dgrar 'ongs pa'i las ngan dang// sa bdag sde brgyad lha srin gyi// dbang po lnga dang tsit+ta gsol// phyag drug mtshon cha 'bar ba yis// zhe sdang klu gnyan sa bdag dang// dgra bgegs mgo lus tsal bar gshog/sku la dur khrod rgyan cha dang// klu chen brgyad kyi mgo bcad nas// do shal snying gi 'phreng bas brgyan// dbu la bdud dang srin po dang// btsan dang mu stegs rgyal po yi// mgo bcad thod pa'i 'phreng bas brgyan// rgyal rigs gnyan gyi grong khyer brgyan// rje rigs mgur chu tshangs skud brgyan// bram ze rigs kyi phyag gdung bya// dmangs rigs zhabs gdub lhu tshigs brgyan// rigs na gdol pa zhabs 'og bting// ba su rigs drug zas su za// mche ba rgyu ring rtsang phur gtams// spyan nas dug gi tsha tsha 'phro// dbu skra sma ra ba sbu las// gdug rtsub dmar nag me chen 'bar// dam nyams dgra bo sdig can dang// gdug pa'i klu gnyan sa bdag bsreg/ gang la bya ba khyod shes kyis// dmigs pa gang yin mngon du sgrol// zhe sdang dregs pa'i sbyor ba chom// lus srog dbang po rten dang phrol// g.yon gyi phyogs nas yum cig la// bdud mo gsod byed rgyal mo ni// sku mdog mthing nag brjid pa la// dbu la sbrul nag ral pas gtibs// ral pa'i za ru re re las// gser dang mu tig rgyan 'phyang ma// gdol ba'i klu dang thod pa yis// dbu dang phyag gdub lhu tshigs brgyan// zhal nas mi ro rta ro 'brul// spyan nas khrag 'dzag zu lu lu// shangs nas rlung nag tshub ma 'khyil// g.yas pas dgra bo'i snying phyung rbad// g.yon bas rba glong snying khrag stob// drag tu bskul zhing rbad pa'i tshe// ma mo ki kang dgra la 'bebs// mo gdon 'bum sde gzir zhing 'joms// gang la bya ba khyod shes kyis// dmigs pa gang yin myur du sgrol// tshe bdag thugs kyi dkyil 'khor nas// thugs kyi sbrul pa mngon phyung ba// gsod byed ya ma rA tsa ni// sku mdog smug nag 'jigs tshul can// rngam zhing dregs pas dgra bgegs 'dul// rna ba'i grong khyer sbrul gyis brgyan// tshangs pa'i mgo can do shal byas// bdud dang mu stegs rgyal po yi// tsit+ta'i 'phreng bas rgyan du spras// g.yas pa 'khor lo rtsibs bcu bsnams// nyams pa kun gyi mgo lus gshog/g.yon pas tsit+ta bton nas bsnams// ngam zhing dregs pa'i cha byad kyis// sde brgyad kun gyi sbyor ba 'joms// bskul zhing drag tu rbad tsam na// bdud dang rgyal po don snying 'byin// btsan dang sa bdag dbang po 'joms// dug lnga 'dul bar bskul tsam na// sa bdag klu gnyan gzir zhing sreg gang la bya ba khyod shes kyis// dmigs pa gang yin mngon du sgrol// ya ma thugs kyi dkyil 'khor nas// thugs kyi sprul pa sngon phyung ba// dregs pa chen po rngam pa'i sku// sku mdog ljang nag brjid pa ni// 'phrin las sna tshogs mdzad pa'i rtags// zhal gcig rngam zhing 'tshims pa ni// dregs pa can dang gnod sbyin kun// srog dang phral nas gsol ba'i rtags// tshams dang mche ba gtsigs pa ni// klu brgyad zas su za ba'i rtags// zhal gcig skan sgra 'debs pa ni// gnyan dang sa bdag klu bdud kun// dbang po bsdus nas gsol ba'i rtags// tshems dang mche ba'i bar bar nas// gdug pa'i sbrul dang mi ro 'brul// snyan cha mgur chu gdub sor kun// sbrul dang rin po che yis brgyan// shangs kyi rlung sgras klu srin 'thor// dbu la rin chen 'bar bas brgyan// g.yas pa gser gyi rdo rje rtse dgu bsnams pa ni// sdang dgra gnod bgegs mgo lus gshog pa'i rtags// g.yon pas tsit+ta'i 'phreng ba bsnams pa ni// dbang chen dregs pa bran du 'khol ba'i rtags// zhabs gnyis bsnol nas 'gying stabs bzhugs pa ni// klu gnyan 'bum sde gdan du bting ba'i rtags// zhal gdangs mche bar rab tu gtsigs pa ni// dug gsum skye shi rtsad nas gcod pa'i rtags// spyan rtsa dmar la sdang mig bgrad pa ni// 'dod chags chen pos gdug pa 'dzin pa'i rtags// gang la bya ba dregs pa khyod shes kyis// dmigs pa gang yin mngon du sgrol las shog/ dregs pa chen po'i thugs kyi dkyil 'khor nas// thugs kyi sprul pa mngon phyung ba// ru sbal rngam pa'i mi zan ni// chags sdang lnga yi rtsa ba gcod// 'byung ba lnga yi 'bras bu skyems// lus srog gnyis kyi rtsa mdangs 'brel// skye ba med pa'i khams la sdud// dwangs ma bkrag gi snying po 'chang// thugs kyi gsang mdzad 'bar ba ru// bkrags mdangs bcud kyi snying po chongs// dkon mchog dbu 'phangs dmod pa dang// rgyal ba'i bka' dam gcod pa dang// sdang ba'i dgra dang gnod pa'i bgegs// sku dgrar 'os pa ma lus kyang// gshed kyi gsang mdzod 'bar bar chug/rtag tu 'khyams pa'i gnas su 'chongs// rtsa bzhi sngags kyi stobs kyis gzir// dmod pa drag po'i mtshon chas gcod// yan lag lnga dang gsang ba las// mchod rten drug gis dgra bgegs gnon// dgra bgegs las ngan gdug pa rnams// spu gri'i gnas nas sho ra re// tshe bdag nag po'i spyi gtsug nas// gser gyi bya khyung ga ru Da// bya khyung rgyal po dam tshig can// bya khyung rgyal po mthu po che// 'khor lo 'bar ba'i gshog rtsa yis// klu gnyan sa bdag mgo lus gshogs// ral gri 'bar ba'i gshog pa yis// gdug pa gsum gyi sbyor ba gcod// spu gri 'bar ba'i thed gshog gis// dgra bo nyams pa'i srog dbugs phrol// ye shes 'bar ba'i gshog zer gyis// nyon mongs dug gsum rtsad nas sreg/ spu bran spu gri dpal chen gyis// nyams pa kun gyi srog rtsa gcod// spyan gnyis nyi zlar sgyil pa yis// zhe sdang klu mtsho gting nas skems// gnam lcags 'bar ba'i sder mo yis// klu gnyan sa bdag drangs kyin gsol// gnam lcags 'bar ba'i rdo rje mchus// sa bdag klu bdud klu srin gsol// khyung gi gshog pa brdabs pa yis// gdug pa'i gnas khang rmang nas gshig khyung chen rngam pa'i nga ro yis// klu gnyan sa bdag zil gyis gnon// gang la bya ba khyod shes kyis// dmigs pa gang yin mngon du sgrol// yang sprul dug gi khyung chen gyi// mtshon cha 'bar ba'i gshog pa yis// gdug pa'i rkam chags gcod cing za// gdug pa 'dul ba'i las ngo long// stag dang seng ge rngam pa yis// nyams pa'i sha khrag drod las rol// zhe sdang dug sbrul nag po yis/ kha nas me 'bar dug lnga sreg dgra bo mkhar gyi rmang nas gshig dug sbrul nag po lus srog 'brel// dregs pa can rnams dgra la b+h+yo// de nas yang bcom ldan 'das kyis dregs pa chen po'i 'khor srog gshed kyi mon pa bzhi las sna tshogs las bskul ba 'di gsungs so// yab cig tshe bdag nag po thugs kyi sbrul pa ni// shar gyi phyogs nas bla rku ba// dug gi mon pa rdo rje rigs kyi gtso// sku stod zhing gi g.yang gzhi thod pa 'bum gyis brgyan// sku smad stags gi sham bu mu tig chun gyis brgyan// sbrul nag gdug pa sku yi rgyan du byas// snying dang thod pa'i 'phreng bas do shal dregs pas brgyan// zhal nas dug gi rlangs pa nad thun sprin ltar gtibs// shangs nas dug gi tshub mas stong khams phyags mas 'debs// snyan nas rngam pa'i 'brug sgras zhing bcu zil gyis gnon// phyag g.yon lcags kyu zhags pa 'khrigs pa yis// gang la dmigs pa'i dgra bgegs bla yang 'gugs// phyag g.yas shel gyi rdo rjes mgo lus gshog mon pa chen po drag tu bskul tsam na// chibs su seng ge chibs nas dgra bgegs tshe srog sdud// g.yas na gshog pa can gyi pho nya srog la lding zhing 'debs// g.yon nas gcan gzan gdug pa'i pho nya rngam zhing rol// stod nas me 'bar bla mtsho gting nas skems// smad nas khrag 'dzag dal gyi bu yug glog dug gi mon pa sdang ba'i dgra la b+h+yo// mon pa nag po sku yi g.yon phyogs na// dug gi mon pa bla rkun rngam pa'i gdong// sku la dar nag ber chen sbrul gyis brgyan pa gsol// dbu la dug sbrul cod pan khrag gi za ru can// zhal nas gdug pa'isbrul dang mi ro rta ro 'brul// spyan nas dug dang khrag gi rba glong chi li li// g.yas pas snying 'byin yab kyi sku la 'khyud// g.yon pa dug zor dug mda' dgra la 'phen// yab yum gnyis su med pa'i sprul pa ni// dug gi mon pa gcer bu 'bum// dug mda' lcags gzer dgra bgegs snying la thob// spyi gtsug dug gi bya khyung ga ru Da// rdo rje gshog pas dug gi me lce 'bar// rdo rje mchu dang sder mos klu gnyan drangs shing za// klu nad mdze shu dkar ru gcogs shing skyems// rdo rje rigs kyi sprul pa sdang ba'i dgra la b+h+yo// lho yi phyogs nas dgra bo'i bla 'gugs pa// lcags kyi mon pa nag po rngam pa'i gdong// sku stod lcags kyi zhun khrab thod pas brgyan pa gsol// sku smad stag sham g.yu yi dril bus brgyan pa gsol// dbu ral nag po nam mkha'i sprin ltar gtibs// kha nas me 'bar khrag gi rgya mtsho skems// mche ba dgu ris dgra bo nang ril 'brab// spyan rtsa dmar la sdang mig dgra la gzigs// g.yon pa rlung gi 'khor los dgra bo lus srog 'byed// g.yas pas me yi 'khor los dgra bgegs rtsa rgyud sreg/ mon po nag po drag tu bskul tsam na// stags la zhon nas dgra yul phyags mas 'debs// me yi bskal pa stong zhing dgra bo'i bla mtsho skems// zhal du sbrul dang mi ro za zhing rngam// mon pa nag po sku yi g.yon phyogs nas// mon pa nag po g.yu yi ral pa can// dgra bo bla sku yid la jag 'gyed ma// spyan nas khrag 'dzag zal nas mi ro 'brul// sku la mthing nag sbrul gyis brgyan pa gsol// g.yas pas snying 'byin mon pa gtso la 'khyud// g.yon pas dug zor nag po sdang ba'i dgra la 'phen// yab yum gnyis su med pa'i sprul pa ni// lcags kyi mon pa nag po gsum// ri klung rgyug cing tshe bkrag sdud// lag na lcags mda' gzer chen dgra yi snying la 'debs// rngam pa'i nga ro stong gsum zil gyis gnon// gcer bu 'bum gyis dgra bo sgrol las shog/mon pa nag po dbu yi spyi gtsug na// bya khyung rgyal po mtshon cha'i gshog pa can// rin chen cod pan me yi bskal pa gtong// zhe sdang klu mtsho gting nas skems shing 'thung// mchu dang sder mo rin chen 'bar ba yis// klu gnyan sa bdag 'dzin cing zhal du gsol// khyung gi gshog pa brdabs nas 'od zer spros pa yis// klu nad mdze shu dkar rus gcod cing skyems// rin chen rigs kyi sprul pa sdang ba'i dgra la b+h+yo// nub kyi phyogs nas sdang ba'i dgra 'gugs pa// bse yi mon pa gtum chen dregs pa can// sku stod bse khrab thod pas brgyan pa gsol// sku smad stag lpags sham bu pad+ma 'bum gyis brgyan// dbu skra kham nag khrag gi gzar bu can// zhal nas khrag gi skyugs pas dgra bo khrag tu skyug/ spyan nas me 'bar dgra bo'i dug gsum sreg snyan nas stong gsum 'bru sgras zil gyis gnon// klu brgya'i mgo bcad thod pas do shal byas// phyag g.yon sbrul zhags nag pos dgra bo'i yid nas 'gugs// phyag g.yas ral gris dgra bo'i srog rtsa gcod// bse yi mon pa drag tu bskul tsam na// ban glang dmar po zhon nas stong gsum phyags mas 'debs// khrag gi rgya mtsho rlobs cing khrag nad char ltar 'bebs// klu dang sa bdag 'bum sde zas su za// rngam pa'i nga ros stong gsum zil gyis gnan// sprul pa chen po rngam zhing dgra bo 'dul// mon pa chen po sku yi g.yon phyogs na// mon mo tshe phrog khrag gi ral pa can// sku la rma bya'i 'jol ber gsol// pad+ma 'bum dang sbrul gyis brgyan// spyan nas khrag 'dzag zhal nas mi ro 'brul// g.yas pa sting 'byin mon pas yab la 'khyud// g.yon pas khrag mda' gzer chen dgra la 'debs// yab yum gnyis su med pa'i sprul pa ni// bse yi mon pa gzer bu 'bum// khrag gi skyugs pa dgra la spros// ral ba bse 'od me ltar 'bar// me yi bskal ba dgra la stong// khyed kyi lag pa g.yas g.yon nas// zangs mda' gzer chen dgra la 'debs// rngam pa'i nga ros stong gzugs zil gyis gnon// gcer bu 'bum gyis dgra bgegs sgrol las shog/ mon pa chen po dbu yi spyi gtsug nas// bse yi bya khyung ral gri'i gshog pa can// zangs sder zangs mchus klu gnyan sa bdag za// pad+ma stong gi spu bran me ltar 'bar// spyan nas khrag 'dzag klu gnyan sa bdag myos// pad+ma rigs kyi sprul pa dgra la b+h+yo// byang gi phyogs nas dgra bo'i bla 'gugs pa// mon pa rngam chen srid pa'i srog gshed ni// ser nag mi bsrun dug gi kha rlangs 'phro// ral pa sbrul nag khrag gi zar bu can// spyan nas khrag 'dzag na bun char ltar 'bab// sku stod zhing sngags rgya gram stong gis brgyan// sku smad stag sham thod pa'i cha ga can// bya dang gcan gzan gdug pa'i tshogs kyis bskor// phyag g.yon zhing gi zhags pas dgra bo gnas nas 'dren// g.yas pa rdo rje rgya gram dgra bgegs mgo lus gshog mon pa chen po drag tu bskul tsam na// dred la zhon nas dgra bgegs phyags mas 'debs// kha nas me 'bar dgra yi dug gsum bsreg rngam pa'i nga ros dgra bgegs zil gyis gnon// mon pa chen po sku yi g.yon phyogs nas// mon mo chen mo bla rkun snying la gzer 'debs ma// sbrul nag ral pa khrag gi zer bu can// sku la ljang nag ber chen thod pas brgyan pa gsol// zhal nas gdug pa'i sbrul dang mi ro rta ro 'brul// spyan nas khrag 'dzag dug gi chu bo 'bab// snyan dang phyag zhabs sbrul nag 'bun gyis brgyan// g.yas pas snying 'byin mon pa yab la 'khyud// g.yon pas 'brong chen rwa zor dam nyams dgra la 'phen// yab yum gnyis su med pa'i sprul pa ni// mon pa dgra bo bla dang phrol las shog mon pa ser nag gcer bu 'bum// lcags mda' gzer chen dgra la 'phen// rkang pa rgyug cing lag pa rje// tshe srog dbang po bkug cing gsod// bla dang sprul pa phral zhing 'chang// dgra bo bla dang phrol las shog/ mon pa ser nag dbu yi spyi gtsug nas// gser gyi rgyal po bya khyung ga ru Da// rdo rje rgya gram gshog pa 'od zer 'phro// rgya gram mchu dang sder mo lcags kyu yis// klu gnyan sa bdag drangs shing zas su za// gshog pa rgya gram las kyi rlung chen gyis// klu gnyan sa bdag klu bdud phyags mas 'debs// spyan gnyis nyi zlas sdang zhing bzlog pa yis// klu nad mdze shu dkar ru gcogs shing skyems// khung gi rngam sgra skrom skrom drag tu bsgrags pa yis// klu gnyan sa bdag zil gyis gnon cing gzir// las kyi sbrul pa chen po sdang pa'i dgra la b+h+yo// kun 'dus rig pa'i pho brang nas// stobs chen dregs pa 'khor skyong rnams// sna tshogs las mthar sbyar ba dang// gshed kyi las gnyer bskor bar bshad// de nas sa yi lha mos bcom ldan 'das la gsol ba btab pa// drag po sngags dgod dmod pa'i rgyal po yis// khyad par srung zhing bsam gtan chen po dang// gsad pa mchog gi sbyor ba ji ltar bgyi// zhes gsol ba btab bo// de nas bcom ldan 'das kyis phyag rgya chen po zil gyis gnon pa bshad pa'o// bdud kyi gsad dang dbab dang bdag bsrung dang// bcu dang srog dprog bshad du gsol// zhes zhus pas/ bcom ldan 'das kyi drag sngags bdun du dril te bshad do// srog gcod bdud kyi sbyor ba ni// dur khrod gnan ra'i dben gnasasu// dpa' brtul sngags kyi dmod pa bca'// maN+Dal byi dor dug chu khrag gru gsum dur khrod rgya sol byug kha khyer dmar po rtsang dang snying// rgyu rten khrag bcas ming dang gzugs// rog po'i rgyu la rten du bya// byang khram g.yas g.yon srog brag kha// dbang po lnga dang skye ru gdags// tshon skud dag bcas dbus su gzhug mkha' lding gsum dang rgyu yi snying/// ban d+ha bdud rtsi steng du rdzas// gri lcags seng ldeng phur pa rtsang// yan lag rnam shes drod la dgab// nyungs kar dug sna khrag thun brdeg/ nag po ka li b+ha laM bshos// gshin rje nag po'i cha lugs sgom// bka' sdod pho nya mdun na rngam// nyi shu rtsa gcig drag sngags bzlas// b+ha ling mchod mthar sbyor ba tsam// nyin mtshan pho mos phye la brdeg// rten la thun dbab drag tu bskul// mtha' ru dus tshod drag sngags brdeg thun brab mtshon brdeg brnag pa bsgral// ling ga thod pa rgya gram gnan// pho nyas bkug la rten la bstim// rgyu de brnag pa'i khams su bya// tsha tsha dgu lding thog ser dbab// thugs dam rgyu yis bstabs pa bya// de nas bcom ldan 'das kyis sku gsung thugs las drag sngags bdun pa 'di pho mo phye ste bton to// ga ro ni sha na sha rbad// tsa ro ba sho na shag rbad// mu ga ga du na shag rbad// dzA la pho tra na shag rbad// 'dun 'bur tir na shag rbad// rag ti phug na shag rbad// wa ka sha ling na shag rbad// ma mA tsit+ta la thum rbad// ma mA rtsa thang thuM ling rbad// ma ma srog la gzer thung rbad// ma mA dza la shag thuM rbad// ma mA srog la hur rbad// ma ma rtsa srog zer thums rbad// ma ma tsit+ta gzer thum rbad// drag sngags dmog pa'i thun phab na// dregs pa kun kyang myos shing brgyal// brnag pa kun 'joms yul dang sprad// bstan pa'i rgyud la mtshon cha 'pho// thod pa la sogs ming dang sbyar// rgyu yi sbyor ba bdun par bshad// de nas bcom ldan 'das kyis drag sngags bdun pa'i sbyor ba 'khrul 'khor 'di rgyas par bshad do// brnag pa bdud kyi 'khrul 'khor ni// dur khrod ras sam zhing ras la// rdzas kyi sbyor bas thang ba bya// phyogs mtshams mnyam la thig bdun gdab// de bzhin dbus nas bdun du bskor// 'khrul 'khor rtse mor rdo rje'i 'gram// rtsa ba chu la ral gri'i gdung// lte ba gru gsum drag po'i gnas// 'khrul 'khor lcags mkhar lnga bcu la// dbus nas ming rus gnag pa'i mda'// 'khrul mig pho mo drag po'i sngags// 'bru bdun mtha' nas dbus su dril// srog gcod pho mo lto bar bca'// dug dang tsha ba'i rdzas byugs la/ kha sbyar thod pa'i ga bur bca'// 'khrul 'khor mtshon cha drag sngags me// pho nya bskul zhing dbus su brnag nyin dang mtshan mo phye la bskor// mar gyi ngo la nyi shu gcig drag sngags sbyor ba gsum du brdeb// khrag dang du chus ngar blud la// bla dang sbrul pa bkug cing bstim// thod pa bka' yi rten la gtad// drag sngags sbyor ba gong bzhin bsdab// 'pho ba med pa'i las 'di yang// srog gcod pho nya 'khor skyong ging// mtshon cha bdud kyi 'khor lor bshad// de nas yang bcom ldan 'das kyis gsang ba ya stig gi sbyor ba 'di bshad do// mthing nag dbus su mon thod brnag rog gsum tsit+ta rtse mo gshag brnag pa'i ming byang shing la bri// zhing ras drag sgags dug gis bru// tsit+ta'i phyi nang ldan parabya// thod par bcug la mthing nag dgab// lcags phye zangs phye rdo phye khrag/ dug gi ngar blud thod pa thun// gshin rje'i stobs kyis lha bsgoms la// gshin rje bdud dang mon pa rbad// bla kun drod dang sbyor la mngag bcu drug dbus gzugs stong la gdon// khri tsho bdun dang drag sngags gso// de dag tshes kyi dkar po la// ba ling dang bcas rak+ta gsur// brnag pa'i gzugs la drag sngags mtshon// bla khugs nyams su lon na brdeg thun gyi mtshon cha rgya yis dbab// dril gtor rtags dang nams kyis blang// dur khrod rgyu ba'i sha za kun// dmod pa'i las la rngam zhing gtod// snang snang sbyar na dmyal khams 'gro// dmod pa'i yang tig dug gis mtshon// cha yis sbyor na las rnams rdzogs// gshed bdag ka li dmod pa smin// 'bras bu rang nyams drod la rtag/ya dang ma yi ma ra brnag/ dug khrag 'o ma sngo sna ming// sbyor ba glang po thabs kyi rdzas// lcags phur sngags bkod dug gi ngar// drag po gzir la dbab pa'i rdzas// dur khrod rdzas ldan rgya shog la// thog skor mu khyud zlum po lnga// dbus nas brtsams te rim par bskor// dbus su cha bsnyams thig gnyis gdab// zur thig btab pas 'khrul mig bzhi// phyi rim 'khrul mig brgyad du dbab// yang logs bcu gnyis rtsibs dang ldan// de bzhin tha mar bcu drug rtsibs// de la gnas shong dgod pa ni// dbus su yul du ser bsrun lha// sbyor ba gzhom phyir ming rnams bri// 'khrul mig bzhi la dgod pa ni// ga sha ro ni 'byung ba bzhi// de yi phyi rim brgyad po la// tsa ra du mun rag ling dang// ma dang sha ko rtsa ba'i sngags// yang logs rtsibs chen bcu gnyis la// phroM phroM shar shar da ling hril hril dz+wa ya// chu dril khrag la bstim pa dgod// phyi rim rtsibs chen bcu drug la// gzir zhing dbab pa'i gsang sngags te// phro shar hril b+h+yo// yaM phroM sha raM drag phob// nA ga snying gzer hril shar// kha sbyar thod pa gsum bcas la// tha chungs dgun dpyid rtsa ba 'bum// chu dril tha chungs khri bdun sbyar// nya dang stong la rta ma gzhug lha rten klu rten rgya gram du// ston la gsum la dbab pa bri// chu dril stong gi spyi rgyug bya// bdud dang sprul pa yul lha rbad// dang por zor dal gnyis pa thab// gsum pa gzir la las mtha' dbab// lo thog 'joms pa'i sbyor ba 'di// nag po bdud kyi 'khor lo bshad// rgyal mtshan me long rgyud las// yang gsang mchog gi le'u ste brgya bcu drug pa'o//// de nas yang bcom ldan 'das kyis dbang gi gleng gzhi 'di bshad do// 'jam dpal thugs kyi dkyil 'khor du// dang po slob ma gzhug pa yi// rim pa lnga dang ldan par bya// bkra shis nyams dga'i bde gnas su// phyi nang gsang ba'i mtshams bcad nas// sa phyogs snums la bshol ba ru// grangs kyi tsha dam thob thob tu// gzo la bye ba 'khor la 'bum// sku gsung thugs kyi bsnyen pa bya// khro bo'i dka' thub ldan byas la// gtor ma dang bcas mchod bstod bya// rnal 'byor nams pa tshogs kyis bskang// slob ma tshig dang tshogs kyis bshags// bkra shis dri ldan sa sna la// dkyil 'khor gru bzhi mdzes par bya// rgyan dang ldan pa'i lha rnams dgos// bum pa dung chen gling bzhi ru// bdud rtsi lnga yi chus bkang la// mthing nag ma nyams mgul pa dkri// dbugs ma chad pa'i skra yis brgyan// nyi ma'i gdan la ma ston la// gtso bo yab yum phyag rgyar bskyed// lhag pa'i bzlas pa 'bum du bya// rin chen bum pa lha yi grangs// mnyams mdzes pas brgyan la bzhag/ lcang lo mdzes pa'i bum pa ru// bdud rtsi zhun ma snum gyis dgang// hU~M rgyas gdab la dar gyis bcad// bcu bdun mtha' ru sing+hi dang// mtshams su brgya brgya spa ra nas// spel zhing byin rlabs brtan par bya// rig pa'i thugs kyi snying po 'bum// bum pa'i bya ba rdzogs pa dang// dbu rgyan la sogs byin ldan bya// chu srin stag dang seng ge dom// bya rgod khyung khra 'ug pa bsnol// dregs pa'i khro chu 'bum dang bcas// de nas dbang gi stegs bu tsam// lho phyogs gshin rje'i 'jug go'u// gru bzhi khru gang dbus su zlum// 'khor lo rtsibs brgyad ser dang ldan// sa gzhi dmar po 'dab brgyad dkar// me tog mthing nag chu yis bkru// mtshams gcad brda phyag gsol ba gdab// spro ba bskyed de slob ma gzhug lung bstan dam tshig sdom pa dbog bya ba sngon 'gro kun rdzogs nas// hU~M gis gshon rje'i sras su bskyes// dbang stegs 'khor lo gdan la bzhag/snying kha nyi zla'i rdo rje gzhug lus la bsrung ba'i phyag rgya dgod// de nas bum pa'i bya ba brtsam// khyad par bum pas bdag dbang blang// rigs kyis de bzhin slob ma la// ye shes chu yis khrus nas dbyung// dag pa'i 'bras bu phyag rgya'i sku// rin chen 'bru lnga nyi zla'i gdan// 'bras bu gshed bzhi gtso bo'i sku// spro ba bskyed la bstan pa sbyin// sbrul dang thod 'phreng gdengs kar ldan// thabs dang shes rab phyag rgya sbyin// sbyor ba du ma'i bcas gzhi bstan/ khams gsum bdag por dbang bskur la// dbugs dbyung gzengs bstod lung bstan bya// me tog blangs la gsang mtshan bsgrags// phyag rgya bkrol la mna' chu blud// dam tshig bsgrags la gtags pa bya// sangs rgyas thugs kyi bcud bsdus la// khro bo brtul zhugs rdo rje sbyin// thun mong bcas pa'i las skal bsgo// thun mong bsgrub pa'i bca' bzhi bstan// gsang ba bsgrags na snying mgo 'gas// tshogs dang sbyor ba'i longs spyod dgye// dkyil 'khor lha bcas lus la bstim// nus pa thun mong dbang du bshad// de nas bcom ldan 'das kyis dur khrod rgyan gyi dbang gi don bshad do// dur khrod gsug pa'i sa phyogs su// khro bo rtags kyi bsnyen pa brtsam// dur khrod gdug pa'i sa rnams la// yi dwags chen po bsnol ba yi// mthing nag zla kham dkyil 'khor bri// gtor ma gsum dang rak+ta bsham// zhing chen rgyan dang keng rus 'phan// dung rnga gling bu lhu gdum gsur// rgyan dang mchod pa'i rten bshams la// dbus su ru tra pho mo'i gdan// zla kham srin po mgo bsnol gdan// rtsibs la mu stegs zhing rkyen brtsegs// sgo dang gru chad yi dwags ro// mgo dang lhug gtum phyi khyams rkang// dbus su ma he brgyad gling gdan// thabs dang shes rab pad+mas mdzes// gzhan du nyi ma'i gdan dang ldan// dbus su khro bo gshin rje'i sku// dbu gsum mdzes pa'i phyag drug can// ral pa che ba spyan rtsa dmar// yum dang gnyis su med par rtag/ yab yum gnyis kyi byin brlabs las// 'phro du phro chung nyi ma'i zer// thugs kar 'od kyi gong bu gzhug/ gsang lam b+ha ga'i gnas su 'khyil// gdan la phyag rgya gsal ba'i sku// gshed bzhi phyogs skyong sgo srungs 'khor// rang rang smin nas mtshan mar gsal// rgyan dang phyag mtshan sku mdog dmar// kun kyang 'od kyi gong bu spro// dbang stegs gru gsum mthing nag la/ ma he bsnol ba'i gzugs bris la// slob ma bdud rtsi'i khrus mas gdon// 'jug pa'i rim pa rdzogs pa dang// dngos grub bskul bas las la 'jug/ rdzas rnams hU~M bcas byin gyis brlabs// dam bcas dam tshig lta ba srog/ phyag rgya sbyor ba nus pa bskyed// rang sems brtan pas sangs rgyas sku// dbang bskur byin rlabs rdzas las 'byung// slob ma zhal drug bcu gnyis phyag/ yum dang bcas pa'i skur bsgoms la// dbang gi gnas su stan du bzhag/ a dang bru gyi sa bon las// dbu la thod pa'i gzhal yas khang// gdan dang bcas pa lnga bskyed la// gnam sgo dbus su nyi ma'i gdan// steng du khrag 'thung lnga yi sku// dbu la de bzhin khro bos brgyan// lce la nyi ma'i gdan stengs su// pad+ma khrag 'thung he ru ka/ thugs kar nyi ma'i gdan stengs su// 'jam dpal rnon po mtshon gang ba// ya man ta ka sku la thim// sku gsung thugs kyi dbang du spyad// dug lnga ye shes lnga yi dbang// be con rtags kyi phyag rgya sbyin// sku gsung thugs gsum bsrung ba'i dbang/ kha T+wAM ka yi rtse gsum sbyin// nyon mongs ye shes rang gnas dbang// shes rab chen po'i ral gri sbyin// thugs rje'i dbyings su sgrol ba'i dbang// sbyin pa chen po'i phyag rgya'o// 'khor pa dbyings su gcod pa'i dbang// dgra sta'i phyag mtshan 'debs pa'i tshul// nyon mongs rig pa 'dzin pa'i dbang// lcags kyus mtshan pa'i phyag mtshan no// 'khor ba chos skur 'khor los grol ba'i dbang// ba dan 'khor ba ye shes lhug par gsal ba'i dbang// zhags pas 'khor ba dbyings su 'dren pa'i dbang// sti ra'i dbyug pas dug lnga gnas su 'joms pa'i dbang// sdogs mdzub gdug pa pho mo zil gyis gnon pa'i dbang// mda' gzhus 'khor ba mda' yis sgrol ba'i dbang// mdung gi 'khor ba'i ye shes gnyug mar 'bigs pa'i dbang// phyag mtshan bcu gnyis sgrol ba'i dbang du bshad// dur khrod chas kyis 'khor ba chos nyid du// skye shi med pa'i don gyis khyab pa'i dbang du bshad// skam rlon tshar bu'i thod pa yis// sku gsung don dang ldan pa'i dbang du bshad// rigs bzhi sbrul gyi rgyan cha yis// thogs pa med par gnyen po slob pa'i dbang du bshad// g.yang gzhis bdud dang mu stegs 'dul pa'i dbang du bshad// gti mug sel ba'i ko rlon dang// phrag dog stag gi sham bu dag rdo rje gshog pas thabs dang shes rab rtogs// me 'od 'bar bas dug gsum gtan nas bsregs// khro bo dur khrod rgyan gyi dbang du bshad// zhing gi khog pas phyi nang gsang ba yi// dur khrod gzhal yas mtshon pa'o dbang du bshad// ro dang sregs pa dbang can 'dul pa'i rtags// ma hes chos nyid g.yo ba med pa'i rtags// nyi zla thabs dang shes rab thig ler shar ba'i rtags// thabs 'og gdan gyi yon tan dbang du bshad// bdag pos phyag rgya bstan pa'i dbang/ khams gsum sgrol bas dbang can bran du 'khor// nan bshad sgom pa'i dbang bskur bas// re dogs gnyis kyis mtha' bsal nas// 'das dang ma 'das kun gyi rje// thun mong mchog gi dngos grub bstan// thogs pa med pa'i dbang du bshad// 'phrin las rnam pa'i dbang bskur bas// rtsa ba bzhi dang las phrag brgyad// yan lag nyis brgya stong bcu drug sbyor ba gsum dang las mchog gsum// las rnams thogs pa med par bshad// dam rdzas bzhi yis dbang bskur bas// dregs pa pho mos mtshan 'dres nas// bsad pa'i las ma myur bar bshad// thabs dang shes rab dbang bskur bas/// yab yum gnyis su med pa yi// snang stong gnyis med ye shes sku// gang 'dod dngos grub myur bar bshad// byang chub sems kyis dbang bskur bas// 'khor ba chos skur ro mnyam nas// ye shes 'khor lo brtan par bshad// sta spyod 'brel ba'i dbang bskur bas// rig pa rang la shar bar bshad// lus sems gnyis la dbang bskur bas// las kyi gshin rje pho mo dang// pho nya bran g.yog 'khor dang bcas pa rnams// las la nye ba'i dbang du bshad// dam tshig mna' yi snying po sbyin// thun mong phyi yi sbyor ba bstan// gcod pa'i rdzas kyi 'khor lo bca'// thun drag mtha' ru sbyin sreg gnan// phyi dang nang gi sgrub pa brtsam// dur khrod rgyan gyi dbang du bshad// de nas yang bcom ldan 'das kyis nang gi dbang gi sbyor ba 'di bshad do// shin tu dben pa'i dur khrod du// 'du 'dzi dben pa'i sa rtags la// ting 'dzin bstan pa'i lha mo dang// rig pa'i rgyal po gnyis sbyar la// gnyis su med pa'i sbyor ba yis// lus dang yan lag bsangs la dgram// gsum pas slob mas khrus nas gdon// bum pa gsum dang longs spyod dgram// thabs dang shes rab rdzas su bstan// yol bas gcad la slob mas drang// dang por rdzas kyi bum pa ni// bkra shis mtshan ldan bum pa ru// bdud rtsi chu dang nyi zlas dgang// thugs kyi snying pos byin gyis brlabs// bdud rtsi chu dang bum pas bkra// mgo la gshed bzhi'i bdag po bsgom// bkra shis rdzas kyi bum par bshad// thabs kyi bum pa bde chen sku// 'khor lo drug gi rim rgyud la// byang chub bdud rtsi lam du drangs// thugs khar lha yi 'khor lo rtags// bde chen gnas nas mchod rgyun dbab// lus dang lha yi dkyil 'khor la// slob ma phyi yi 'jug pa brtsam// sems kyi dkyil 'khor kha phye la// 'khor lo rim gyis gso zhing rgyud// rdo rje gsang ba'i lam du drang// oM gyis bde ba'i lam du bsgyil// rdo rje slob ma'i lus nyid la// bdud rtsi bsangs la dbang bskur bya// lce yi pad+ma 'dab brgyad bsam// ge sar 'dren pa'i dza bsams la// bung ba me tog tshul du'o// nang gi rang rgyud 'khor lor bstan// ye shes bsnyen pa'i 'khor lo brtag/bde chen nang gi bum par bshad// phyag rgya ma yi gsar ba la// dkyil 'khor bzhi dang ldan par brtag/ gzungs ma gtsang ma'i chus bkrus la// me tog bkram pa'i maN+Dal du// spro ba bskyed la gsang mtshan bsgrags// b+ha ga'i dbus su 'dab brgyad bskyed// pho brang lte bar gtso bo dgod// 'dab brgyad mdzes pa'i lha mor brtag/ rdo rje pad+ma mnyam sbyor la// 'khor lo mi rgyud rtsa lam drang// bdag dang lha ru mnyam sbyar la// mi dmigs bde ba'i ro mnyam bsgyil// thabs dang shes rab bde ba yis// yab yum mnyes pa'i mchod rgyun 'khyil// bde ba chen po'i 'od du gnas// thabs kyi srin lag spu gu nas// slob ma'i rtse la sems 'jog pa// nang gi bum dbang rdzogs pa yis// gzungs ma lha dang slob ma la// tshogs dang bcas pa'i 'byor ba 'bul// 'khor lo sems kyi rgyal po brten// shes rab bum pa'i dbang du bshad// bum pa gsum gyi brda brtan pas// mchog gi sbyor ba gsum dang ldan// rgyan mtshan me long gi rgyud las// thun mong gi dbang ba'i le'u ste brgya bcu bdun pa'o//// de nas yang bcom ldan 'das kyis gsang ba'i dbang 'di bshad do// dgon pa chen po'i dben gnas su// 'dod pa'i longs spyod kun bshams nas// slob ma dbang gzhan rdzogs pa la// thabs mchog bde ba chen po yis// yum gyi pad+mo bde phab la// shes rab gsang mchog dam pa yis// ye shes bskyed pa'i dbang bskur bya// gsang ba'i dkyil 'khor dkyil 'khor mchog/ de la 'jug pa'i las tsam bya// rig ma sbyang dang sems bskyed tsam// phyag rgya ma yi brda bstan pa// lo grangs bcu gnyis nyi shu'i bar// lhan cig skyes dang grogs mo dang// sman mo bu mos bya ba min// sems sbyang dag la sngags ngo shes// gsang thub bkra shis dal 'byor ldan// ut+pal ljon shing kha dog dbyibs// bde chen phyag rgya ma yi mchog/ lha yi lung bstan zhing skyed ma// sngags kyi byin brlabs byas pa ni// gshin rje sras kyi gzungs mar bstan// lha dang dkyil 'khor rdzogs par bskyed// dang por bde chen rdzogs pa yi// tshul du dbang gi sbyor ba bya// sbas pa'i 'khor lo gnyis brtags la// rtsa ba'i 'dab ma brgyad gnyis la// thabs la kA li 'bru bzhis bkang// shes rab A li 'bru gnyis bsnol// dbus kyi gsang lam chen po na// 'bru gsum sa bon sku gsung thugs// g.yas na chags pa'i 'bru gnyis rgyu// g.yon na bskyod pa'i 'bru gnyis rkyen// rtsa gsum rtse la gcig tu gnas// thabs kyi rang rgyud 'khor lo la// sku gsung thugs kyi drag sngags so// de sems mchog gi dkyil 'khor ro// me tog ldan pa'i maN+Dal du// rgyan dang gos bskon dris byugs la// tshogs dang sna tshogs mchod pa bya// rang rang mos pa'i lha ru bskyed// rkyen gyi sbyor bas rdo rje gsor// dben pa'i gnas su yol bas gcad// gsol ba btab la pad+mas brtag/b+ha ga brtsegs pa'i gzhal yas su// rdo rje slob ma gzhug par bya// sems kyi lha ngo bstan pa dang// mna' yi snying po gsang mtshan sbyin// dbang bskur dam pa mchog la sbyar// chags pa'i glu dang dga' ba'i gar// chags pa'i mtshan nyid 'phreng pa'i dbang// chu byung mtshan ma bkrus chu'i dbang// bag btsums skra bzung dbu rgyan dbang// pad+mar rdo bcug rdo rje'i dbang// de nyid bskyod pa dril bu'i dbang// dam tshig dbugs phyung ming gi dbang// bltas pa rdo rje'i brtul zhugs dbang// sngags sgra dril bu brtul zhugs dbang// gnyis med 'khyud pa phyag rgyar bshad/ kha sprad dbugs dbyung dam pa'o// mnyam par gnas pa lung bstan yin// pad+ma bag 'dzums phyir mi ldog/ rgyal chen bu dang bcas pa gnyis// dus mnyam yol bas bar du gcod// dbang gi sbyor ba thon pa dang// zhing rkyang nyi ma'i khri stengs su// phyi nang gsang ba'i mchod pa 'bul// lha dang gzungs ma tshogs kyis mchod// snying po 'byin la lha ngo bstan// rang nyid lhag pa'i bstod pa bya// gsang ba'i 'khor lo thob pa yin// gsang ba'i dbang gi rim par bshad// rgyal mtshan me long gi rgyud las// gsang ba'i dbang gi le'u ste brgya bco brgyad pa'o//// de nas yang bcom ldan 'das kyis mnyam pa nyid kyi dbang 'di bshad do// thams cad chos sku bde ba'i dbang// chos nyid ma bcos rang bzhin gnas// sna tshogs sgyu ma lhun gyis grub// gnyis su med pa'i don bstan pas// sna tshogs chos rnams snang med stong// mnyam pa nyid kyi ngo bo ni// chos sems gnyis med ye shes sku// chos dang sems ni ye nas gnyis su med// phung po mi gnas mya ngan 'das pa'i sku// don gyi man ngag nges pa'i lung 'dir bshad// sku dang phyag rgya yig 'bru sngags tshig la// zhen pas rtag par 'dzin pa la// chos nyid rig pa ma skyes pa ru bshad// 'bras bu don la mi gnas 'chad par lta ba la// dkyil 'khor grangs dang sgu mdog phyag mtshan dang// rgyan cha snang la rang bzhin med par bshad// mi gnas sku yi phyag rgya gsal bar bshad// mi g.yo gsung gi chos nyid gsal bar bshad// thugs kyi rang bzhin sna tshogs ngos gzung med// mnyam pa'i dbang thob rang sems don rtogs yin// sangs rgyas lhun grub mnyam pa'i rgyal por bshad// dug gsum mi spang rang bzhin spyad du med// sku gsung thugs su lhun gyis grub pa'i dbang// gti mug mi gnas chos kyi sku// zhe sdang longs spyod rdzogs pa'i sku// 'dod chags len med sprul pa'i sku// phrag dog 'gyur med rdo rje sku// nga rgyal mngon par byang chub sku// dug lnga sku lnga lhun gyis grub par bshad// tsit+ta gsang ba'i gzhal yas nas// zla kham mthing nag gnam sgo gcig pa'i dbang// le brgan ljang khu mtshon gang 'od du 'khyil// hU~M dang ya ma nyi zla brtsegs pa la// sngags kyi 'od zer me lce nyi zer 'phro// snang srid kun bsregs 'od kyi gong bur thim// bkrag dang gzi mdangs ye shes lnga yi sku// snang med dbu ma'i bde ba chen po yi// mtshan dang dpe byad thams cad rgyan du rdzogs// sangs rgyas kun pas bgres par mngon sangs rgyas// gshin rje'i rang bzhin mi gnas chos kyi sku// mnyam pa chen po bde ba'i dbang du bshad// de nas yang bcom ldan 'das kyis bam chen gsang ba brtul zhugs rab 'byam gyi dbang 'di bshad do// sems nyid dben pa'i bde gnas su// rang sems mnyam pa'i rgyal po bstan// thugs kyi sprul pa phyogs bcu spros// dur khrod gnas nas bam chen blang// zhag gsum sngon 'gro khrus dang sbyar// tsit+ta 'od kyi pho brang du// gtso bo dang bcas lha ru brtag/ phung po khams dang skyed mched rnams// sha za 'khor sogs rdzogs par gnas// bsgrub pa'i gzhu btsan tshogs dang sbyar// nyin gsum mtshan gsum 'byor ba dbul// rak+ta bdud rtsi mchod rgyun bsham// bam chen dregs pa'i stobs kyis bsgral// sha khrag longs spyod mchod pa'i rdzas// slob ma stobs kyi lhar bskyed la// tsit+ta gsang ba'i lha ngo bstan// rme ba lnga yi brtul zhugs bskur// drag po nye ba'i sngags dang sprad// yang na gsang ba'i gzungs ma la// bya ba sngon 'gro gong ma bzhin// tshogs dang mchod pa rgyun mi gcad// b+ha ga gsang ba'i pho brang du// gtso bo dang bcas lha rnams brtag rtsa lam rgyu la bde ba dbab// phyag rgya 'jug pa'i lha ngo bstan// me tog dkar dmar sems 'dres nas// mthing nag yol bas mtshams bcad nas// slob ma brtul zhugs nod par sgo// dpe gsum tshul gyis brtul zhugs sbyin// drag sngags dmod pa'i brtul zhugs bslab// gzhan du nyams pas gsang mu bsgrags// snying ngam sems la 'od bsdus la// dregs pa kun gyi mthu dril nas// dbang rnams kun gyi don 'dir rdzogs// de la drag po'i sbyor ba bstan// drag sngags bstan pa'i drod nyams brtags// bam chen gsang ba'i dbang du bshad// rgyal mtshan me long gi rgyud las// dbang gi rtsa ba bstan pa'i le'u ste brgya bcu dgu pa'o//// de nas bcom ldan 'das kyis gshin rje gshed kyi tshad la sogs pa lnga bshad do// gshin rje'i tshad ni don dam kun rdzob gnyis// don dam 'gyur med dus gsum sangs rgyas sku// dpag tu med pa'i mtshan dang dpe byad ldan// kun rdzob drag po'i yi dwags rdzu 'phrul can// mi dge bcu yis yi dwags lus su smin// gti mug mun pa'i nang nas khong khro dregs pas ldang// gnas lugs gnyis kyi 'khor 'das tshad du bya// ngo bo las kyi skabs dang ngo bo nyid kyi sku// las kyi sku gsung thugs kyi spyod pa'o// sku ni sgyu ma'i phyag rgya cir yang snang// gsung ni khro bo rngam sgra lnga dang ldan// thugs ni sna tshogs 'phrul gyi mtshon cha bzhin// las kyi skabs kyis phye ba'i ngo bor bshad// ngo bo nyid kyi chos sku skye ba med// skye ba'i cho 'phrul snang la rang bzhin med// yon tan ye shes mtshan dang dpe byad ldan// snying po 'gyur ba med pa'i ngang las 'chad// dper na rin po che yi phyag rgya lta bur bshad// gnas ni phyi nang gsang ba'i dur khrod nas// lho phyogs phyi yi dur khrod ma la ya// skye med byang chub sems kyi dur khrod nas// gsang ba'i b+ha ga yangs pa'i pho brang dur khrod gnas// don dam chos kyi pho brang la// 'gyur ba med pa'i ye shes gnas par bshad// phyi nang gsang ba gsum gyi rgyan stan pa// phyi yi khro bo dregs pa'i rgyan// dur khrod chas dgu yon tan dgu dang ldan// 'jam dpal sku la mtshan dang dpe byad brgyun// byang chub sems la rnam shes du mas brgyan// b+ha ga'i pho brang pad+ma'i thig les brgyan// chos nyid mi 'gyur don gyi phyag rgya la// ye shes rang 'byung gsal ba'i phyag rgyas brgyan// rigs 'dzin phyag rgya bgrod pa dbang gis brgyan// gshin rje grong khyer rgyan dang ldan par bshad// rgyal mtshan me long gi rgyud las// gshin rje'i mtshan nyid bstan pa'i le'u ste brgya nyi shu pa'o//// de nas yang bcom ldan 'das kyis 'khor lo'i dbye ba 'di bshad do// 'khor lo rnam pa gnyis yin te// rang rgyud gnas pa'i 'khor lo dang// las rnams 'grub pa'i 'khor lo'o// rang rgyud gnas pa'i 'khor lo gnyis// thabs dang shes rab 'khor lo'o// ngo bo thabs kyi 'khor lo gnyis// gnyug mar gnas pa'i 'khor lo dang// dregs pa gnas pa'i 'khor lo'o// gnyug mar gnas pa'i chos sku la// log par zhen pa'i don med 'khrul// bag chags stug po'i las zad 'khor// lung gi rgyal po gdin rnams dang// sna tshogs snang ba chos sku'i ngang// shugs snang longs spyod sprul mtha' yas// ngo bo thabs kyis 'khor lor bshad// dregs pa 'khor lo rnam pa gnyis// sna tshogs srid pa'i 'khor lo dang// lhun grub gnas pa'i 'khor lo'o// ngo bo mnyam nyid kun 'dus la// rgyu rkyen bya btsal mtha' las 'das// bde chen lhun gyis grub pa lal// rgyu rkyen du mar bzung bas 'khrul// snang stong gnyis med ye shes la// gnyis su 'dzin pa'i blo yis 'khrul// don dam kun rdzob gnyis med la// bzang ngan 'dzin rtog zhen pas 'khrul// sna tshogs sgyu ma lhun grub la// yang dag shes par 'dzin pas 'khrul// thabs rnams ye shes rol pa las// gnyen po gzhan rten spong len 'khrul// srid pa'i 'khor lo dbye bar bshad// lhun grub gnas pa'i 'khrul 'khor ni// drag po sngags kyi rten gyi gnas// srid pa'i ru sbal lto na gnas// rtsa bzhi dwangs ma'i ye shes la// nga bdag rten 'brel 'byung bas 'khrul// rgyu bzhi rkyen du ldang ba la// sbyor pa'i rtsol ba rang 'ching 'khrul// rtsa sbubs las kyis gcod pa la// sngon 'gro'i sbyor bas rtsom pas 'khrul// 'byung ba chos skur thim pa la// thun zor mtshon brdeg rtsol bas 'khrul// rtsa bran yon tan lhun grub la// sbyor ba gzhan dbang rten pa 'khrul// tshe srog dril bsdu sngon byas la// pho nya 'gugs 'dren byed pas 'khyal// sku gsum snang ba ye shes la// gzhan la brten pa khams gsum 'khor// lhun grub 'khrul 'khor gyi dbye bar bshad// shes rab rang rgyud 'khor lo yang// gnas pa rang las 'char ba drug bde chen longs spyod chos dang sprul// rjes su 'jug dang gsang ba drug bde ba chen po bcu gsum gnyis// dbus na snying po haM gnyis ldan// 'dab ma ka li'i 'bru yis dgang// spyi bo tshangs pa'i mgo la gnas// longs sbyod brgyad gnyis lte rtsibs dbus// A li bcu drug kA bA tsi// sbubs na shes rab 'bru yis dgang// mgrin pa bskyod pa'i lam la gnas// chos kyi 'khor lo 'dab ma brgyad// brgyad dbus dwangs ma bzhi dang 'brel// dbus nas sa bon nam mkha' hU~M// yon tan drag sngags du mas dgod// tsit+ta rin po che la rten// sprul pa rgya mdud 'khor lo ni// bcu drug bzhi yi dbus na oM// nus pa rgyu yi yig 'brus dgang// rin po che yi rdzing la brten// rdo rje gsang ba'i 'khor lo ni// bcu bzhi 'dab ma'i dbus na raM// bod pa gsum gyi yig 'brus dgang// rdo rje gsang ba'i mtshams la brten// rjes su 'jug pa'i 'khor lo ni// drug gis bgrod pa'i sI rA ti// ra ma ya yi 'bru yis dgang// thig le rten la srog shing tshul// steng sgo 'og sgo'i sbyor ba yis// 'phel 'grib srog sbyong thabs dang ldan// shes rab sbyor ba'i 'khor lo yang// rkyen dang ldan pas 'bras bu skyed// rang gnas bsam gtan rten 'brel ni// rang rgyud gnas pa'i 'khor lo bshad// las kyi 'khrul 'khor gsum du bshad// rnal ma drag po na ga'o// rnal ma'i 'khor lo gsum du bshad// gshin rje yab kyi 'khor lo dang// ro langs ma yi 'khor lo dang// gsang ba gshed kyi 'khor lo'o// gshin rje yab kyi 'khor lo la// dbus na rtsa yi 'khrul mig lnga// gsang mdzod gshed kyi mun khang bzhi// bcu gnyis 'khrul mig me dbal gshed// yang logs bcu drug kha ton stobs// phyi rim nyi shu gcod dang gnon// lto sbyor dril gtor gnyis su bya// rtsa ba gcig la yal ga stong// rno dbal mtshon cha'i rgyal po ni// stobs dang yab kyi 'khor lor bshad// ro langs 'khor lo gnyis su bshad// thun mong dang ni khyang par ro// thun mong 'khor lo bzhi ru bshad// mkha' 'gro brtsegs pa'i 'khor lo dang// skyin thang 'phrul gyi 'khor lo dang// gdong mo snying gi 'khor lo dang// nag mo thugs kyi 'khor lor bshad// khyad par mkha' 'gro brtsegs pa la// tsit+ta gsang ba'i 'khor lo'o// de dag ro langs nag mo yi// mi 'gyur spogs pa'i 'khor lor bshad// gshed bzhi'i 'khor lo gnyis su bshad// nus pa bsdus pa'i 'khor lo dang// rang rang gnad kyi 'khor lo'o// nus pa gshed kyi 'khor lo bzhi// srog gshed gsang ba'i 'khor lo dang// lo thog gzhom pa'i 'khor lo dang// sde brgyad dkrug pa'i 'khor lo dang// 'bru gcig ya yi 'khor lo rnams// las kyi rgyal po sgrub pa ste// gsang ba gshed kyi 'khor lo bshad// rang gnas 'joms pa'i 'khor lo dag/ dbye ba bcu gnyis dag tu bshad// dregs pa las la sbyor ba ni// khyab 'jug nag po'i 'khor lor bshad// dregs chen bran du bkol ba ni// gnod sbyin nag po'i 'khor lor bshad// gnam the srog la 'bebs pa ni// sems dpa' dkar po 'khor lor bshad// gying chen gnad la dbab pa ni// gsang ba'i gying chen 'khor lor bshad// thoms pas khram la gdab pa ni// nag po bdud kyi 'khor lor bshad// gnyen po las la mngag pa ni// za byed srin po'i 'khor lor bshad// myos pa'i khrag la dbab pa ni// khram kha nag mo'i 'khor lor bshad// lha srin stongs su gdab pa ni// dmu bdud nag po'i 'khor lor bshad// gzhan yang gnad la dbab pa ni// rang gshed bzlog pa'i 'khor lor bshad// gnod sbyin gnad nas mngag pa ni// bgegs kyi rgyal po'i 'khor lor bshad// slungs can stobs dang bral ba ni// sprul pa gyad kyi 'khor lor bshad// gdug pa'i mtshon cha de rnams la// phyi nang gsang ba gsum du bshad// gang bsgrub gcig la'ang gsum du bshad// rtogs pa gnas 'gyur lha yi 'khor lo dang// sbyor ba rten 'byed rdzas kyi 'khor lo dang// dwangs snyigs 'byed pa sngags kyi 'khor lo'o// de dag gzugs brnyan phyi yi 'khor lor bshad// de las bzlog pa'i 'khor lo gsum du bshad// bsnyen pa ye shes rang gnas 'khor lo dang// gsod byed gdug pa dgra yi 'khor lo dang// gnan pa gdug pa thod pa'i 'khor lo'o// bsnyen pa'i 'khor lo gnas pa gnyis su bshad pa dang// bsam gtan phyag rgya lus kyi 'khor lo dang// bsam gtan tsit+ta gsang ba'i 'khor lo'o/// gdug pa dgra yi 'khor lo gsum du bshad// gnad dgu 'joms pa'i yi ge'i 'khor lo dang// drag pos gcod pa sngags kyi 'khor lo dang// gnas bzhir gcod pa mtshon cha 'khor lo'o// gnan pa thod pa'i 'khor lo gsum du bshad// snying po bcud la bsdus pa'i 'khor lo dang// dregs pa stobs kyis gnan pa'i 'khor lo dang// thod pa log then sbyor ba'i 'khor lo'o// man ngag gsang ba thugs kyi 'khor lo bshad// gcod pa sngags kyi 'khor lo gnyis su bshad// thun mong dang ni khyad par 'khor lo'o// thun mong sbyor ba'i 'khor lo gnyis su bshad// dbang sdud gtad khram thod pa'i 'khor lo dang// thun mong bsrung ba'i gzugs brnyan 'khor lo'o// drag sngags dbang sdud sbyor ba'i 'khor lo bshad// khyad par 'khor lo rnam pa gnyis su bshad// tshe bdag gab ba'i 'khor lo dang// sbyor ba dril ba'i 'khor lo'o// sbyor ba dril ba'i 'khor lo ni// mu khyud drug dang ldan pa la// thugs khar ru sbal raM yaM e// rtsa ba bzhi yi sbubs na gshed po bzhi// rtsa bran brgyad la klu chen brgyad// yang logs rtsa 'dab nyi shu bzhi// sreg cing 'joms pa'i sbyor ba drug dang ldan// lnga pa rtsa yi 'dab ma bcu gnyis drug thugs kyi 'bru gnyis sgrub pa'i bdun dang bcu// sngags kyis bskyon te dug lnga'i 'bru dang ldan// drug pa 'dus pa'i 'dab ma bcu gnyis la// snying gzer lnga dang gsad pa'i 'bru bdun pa// sbyor ba byed na bcu drug mtha' ru rdzogs// ru sbal snying kha lte ba gsang ba ru// me rlung skyin 'dang 'brug gnyis e dang ldan// gshed po bzhi yi lto ba na// dwangs ma bzhi yi 'khor lo gnas// sa khams gsang ba'i 'khor lo la// 'phrul mig bdun cu rtsa dgu pa// gsod cing gnon pa'i sngags kyis dgang// rlung khams bshig pa'i 'khor lo ni// 'phrul mig brgya dang nyi shu gnyis// gzhan gshig stobs kyis 'bru yis dgang// me khams bsregs dang snying gzer klu// 'khrul mig drug cu rtsa lnga pa// 'bru rnams sbyor ba gsum gyis dgang// chu khams 'bras bu 'joms pa ni// 'khrul mig bzhi bcu rtsa lnga la// 'bras bu rtsi thog 'joms pa yi// drag po sngags kyi 'bru yis gang// thun mong bsnyen pa la bstan nas// las kyi mtha' ru sbyor ba ni// las kyi gshin rje'i lto na gnas// dbang sdu sngags kyi 'khor lor bshad// tshe bdag gab pa'i 'khor lo gsum du bshad// khyad par gnas pa lus kyi 'khor lo dang// sbyor ba sna tshogs gab pa'i 'khor lo dang// rtsa ba drag po khyad par 'khor lo bshad// lus kyi 'khor lo mu khyud bdun pa la// thugs ka dag na drag po stobs chen gnyis// stobs can thugs kar srid pa'i ru sbal gnas// rtsa bzhi dwangs mar kri ka ta bzhir bsnol// lte bzhi rgyas pa'i 'khrul mig chen po la// rgyan gyi yig 'bru bcu gsum stobs chen phyi nas 'char// bdag skyobs ltas bzlog sbyor ba gnyis dang ldan// 'khrul mig dbang drag gcod pa'i 'bru brgyad brten// gshed bzhi'i lto na gnon sreg gshigs dang 'joms// gzhan gyi sbyor ba bzhi dang bcu par ldan// rang rgyud tshe bdag lto na gnas pa ste// khyad par srid pa'i 'khor lo dag tu bshad// gab pa'i 'khor lo phan gnod gnyis su bshad// bsad pa'i 'khor lo gcod dang gnon pa gnyis// gsad pa'i 'khor lo mu khyud gsum dang ldan// rtsibs bdun spu gri'i rtsibs dgu rtsa ba'i sngags// gnan pa'i 'khor lo steng la mu khyud bzhi// dbus na rgya gram phyi rim sbrul bzhi bsnol// gsum par thod pa bzhi par me ri sngags// 'og ma gru gsum bzhi la sbrul brgyad bsnol bas bsdams// de bzhin rigs bzhi'i sbrul dang me ri raM// gsad pa drag po gab pa'i 'khor lor bshad// sbyor ba'i 'khor lo gab pa bzhi ru bshad// gdug pa 'joms pa'i 'khor lo dgang// yab yum gsang ba mkha' la gnas// 'bru brgyad lus la spu gri gdags// snying gzer gdug pa'i 'khor lor bsad// gshig pa dug lnga'i 'khor lo ni// me rlung gsang ba rtsa la gnas// 'khrul mig rtsa ba rtsibs la mtshon// sbyor ba gshig pa'i 'khor lo sa// 'byung ba lnga yi lo tog 'joms// phyi yi shu lo ka la gnas// rta ma dbab pa'i 'khor lo gnyis// lo tog gzhom pa'i 'khor lor bshad// tshogs brgyad 'gyur ba'i 'khor lo ni// gsang lam bgrod pa'i rtsa la gnas// ltas ngan bcu yi 'khor lo bshad// khyad par rtsa ba'i 'khor lo gsum du bshad/// drag po sngon phyung gsod pa'i 'khor lo dang srog bzhi dril ba ser ba'i 'khor lo dang// sbyor ba sna tshogs srung pa'i 'khor lo'o// drag pos gsad pa'i 'khor lo gnyis su bshad// pho mos lto sbyar bdud kyi 'khor lo dang// drag po sngags dgod stobs kyi 'khor lo'o// drag po stobs kyi 'khor lo thun mong khyad par gnyis// thun mong gsad pa'i 'khor lo gnyis su bshad// ye shes 'khor lo las kyi 'khor lo gnyis// ye shes 'khor lo sbyor ba gsum du bshad// mu khyud gsum pa'i dbus na chags pa'i ru sbal mo// gru bzhi rgyas pa de bzhin zla kham dbang// rtsibs dang 'khrul mig drag po nyi shu bzhi// srid pa'i ru sbal lto na mtshon cha gnas// yan lag lnga dang lto gnyis mjug ma nas// zhe sdang gdug pa'i sbrul brgyad stobs kyis 'byung// rtsa ba drag po gsad pa'i 'khor lo bshad// mu khyud drug pa'i dbus na drag po bla sems 'chang// 'khrul mig bzhi dang brgyad las rtsa ba'i sngags// rtsibs chen bcu bzhi spu gri gsum gyis gang// thod 'phreng gdug pa'i rwa ba ru sbal sto na gnas// yang gsang gsad pa mchog gi 'khor lo bshad// mu khyud lnga pa'i dbus na gru gsum ming// rim pa gnyis la bcu gnyis rtsa ba'i sngags// rtsibs chen nyi shu gnyis la spu gri lnga// gdug pa'i rwa ba ru sbal lto la rdzogs// drag po nye bar gsad pa'i 'khor lor bshad// mu khyud lnga ldan gru gsum rtsibs bzhi brgyad// sbrul dang thod rlon 'phreng ba me ri ru sbal ltor// rgyal blon stobs bcad bsad pa'i 'khor lo bshad// mu khyud bzhi pa gru gsum rtsibs bcu gnyis// 'khor yug lto sdebs 'khrul mig rgya gram mtshon// rtsa ba spu gri'i lto na gnas// rtsa ba sbyor ba'i gsad pa'i 'khor lor bshad// mu khyud lnga pa drag po'i 'khrul mig bzhi// phyi rim rtsa bzhi rtsa 'dab bzhi dang ldan// 'khrul mig brgya dang sbrul bzhi ru sbal ltor// rnal ma bsad pa bsam gtan 'khor lor bshad// mu khyud lnga pa gru gsum rtsibs bzhi brgyad// 'khrul mig bcu bzhi sprul bzhi bsnol mar bsdams// srid pa'i lto bar dkrug pa'i 'khor lo bshad// las kyi 'khor lo mu khyud bzhi dang ldan// gru gsum zla kham 'khrul mig spu gri bzhi// bcu drug lcags khar rtsa ba'i sngags te sbrul// ru spal lto na rnal ma'i 'khor lor bshad// mu khyud gsum pa gru gsum zla kham gsum// 'khrul mig bcu drug de bzhin rtsibs bcu drug ru sbal yan lag bsgrub bya bcu gsum ro// lto dkrug gsad pa drag po'i 'khor lor bshad// khyad par gsad pa'i 'khor lo bcu ru bshad// mu khyud bzhi pa ru sbal lto na gnas// gru gsum sku yi gzugs brnyan zla kham srung pa'i lha// 'khrul mig bcu gnyis rtsa sngags 'khor yug sgrub pa'i sngags// 'khrul mig bcu drug gu ru spu gris 'joms// seng ge khog pa gshig pa'i 'khor lor bshad// 'khrul mig lnga la thod pa sbrul gyi mtshams// lcags mkhar bzhi dang gru gsum 'khrul mig brgyad// 'khor yug de bzhin 'khrul mig nyi shu ba// rdo rje rme 'thab gsad pa'i 'khor lor bshad// mu khyud lnga pa phyogs bzhir lcags mkhar bzhi bzhi ldan// gsang mdzod bzhi dang dbus na snying po ming// 'khrul mig nyi shu phyi dang yang logs bzhi bcur gnas// drag sngags sbyor ba lnga yis mdzes par gang// drag sngags gnam lcags 'khor lor bshad// mu khyu gsu pa gru gsum zla kham brgyad// 'khrul mig bcu gnyis mu khyud rtsibs bcu drug seng ge mche sbyar stobs kyi 'khor lor bshad// mu khyud bzhi pa 'khrul mig bcu gnyis ldan// phyi rim khor yug de bzhin rtsibs bcu drug stag mo ka thab gsad pa'i 'khor lor bshad// mu khyud lnga pa gru gsum ling ga ming// zla kham phyi nang sbrul gnyis rwa bas bskor// 'khor mig bcu gnyis rgya gram rtsibs bcu drug pho nya bzlog pa gsang ba'i 'khor lo bshad// mu khyud gsum pa gru gsum zla kham dbus// rgya gram snying pos 'khrul mig gsum gsum ldan// rdo rje'i rwa brgyad 'khrul mig gnyis gnyis ldan// ru sbal lto ru kha sbyor ming rus bsdu// dril las gsad pa dbab pa'i 'khor lor bshad// mu khyud bzhi pa gru gsum gsang mdzod bzhi// phyogs bzhi lcags mkhar bzhi la 'khrul mig gsum gsum ldan// de yi phyi rim rdo rje rgya gram mdzes// rtsibs chen bcu bzhi sprul gdug rwa bas bsdams// thams cad dril te gsad pa'i 'khor lor bsad// mu khyud lnga pa tshangs thig bzhi dang ldan// 'khrul mig bzhi brgyad drag po gsang mdzod lnga// phyi rim lcags mkhar nyi shu bzhi ru gnas// yang logs khor yug lto sbyar sgrub pa'i sngags// mtha' ma 'khrul mig nyi shu spu gri'i gnas// lto sbyar gab pa thugs kyi 'khor lor bshad// mu khyud lnga pa sa yi 'khor lor bca'// dbus su gru gsum kha khyer gsum dang ldan// zla kham phyi nang rdo rje rgya gram mdzes// de yi phyi rim rtsibs chen bcu gnyis gnas// thod pa'i 'phreng ba me ris ru sbal lto bar bca'// drag pos gsad pa mchog gi mtha' sdud yin// drag po sngon phyung sbyor ba'i rgyal po las// sbyin sreg gdug pas gsad pa'i 'khor lor bshad// lto sbyar bdud kyi 'khor lo gnyis su bshad// gsad pa mchog dang lo thog gzham pa'o// mu khyud brgyad ldan ral gri rdo rje'i chu// mtshams kyi ka bas bcad pa 'khrul mig bzhi bcu dgu// srog gcod pho mos bdud kyi 'khor lor bshad// mu khyud lnga pa tshangs thig gnyis// zur thig gnyis ldan 'phrul mig bzhi// thig bzhi mnan pas phyi log brgyad// yang logs bcu gnyis rtsibs dang ldan// de bzhin mtha' mar bcu drug rtsibs// bcud kyi sbyor ba drag po yis// lo tog 'joms pa'i 'khor lor bshad// drag po bsrung ba'i 'khor lo gnyis su bshad// gdug pa bsrung dang sbyor ba bsrung ba'o// sbyor ba kun bsrung 'khor lo bdun du bshad// byas pa bshig dang zhen pa bzlog/zug pa dbyung dang gsang lam 'gag/ thams cad gzir dang dug mda' dbyung// byad dgrol gsang ba'i 'khor lo'o// mu khyud bzhi pa dbus gru gsum// 'khrul mig bzhi brgyad rtsibs bcu gnyis// rdo rje ka bzhi zhing rkyang brgyad// ru sbal lto na rdzogs par gnas// byas pa gshig pa'i 'khor lor bshad// mu khyud gsum dbus gru gsum bzhi// rtsibs bcu khor yug b+h+yo yis gang// zhen pa bzlog pa'i 'khor lor bshad// mu khyud gsum pa ru sbal ltor// gru gsum gnam lcags rtsibs bcu gnyis// phyi rim rtsibs chen bcu gsum pa// zug pa dbyung ba'i 'khor lor bshad// mu khyud bzhi dbus zhi ba'i gnas// rtsibs bzhi rtsibs brgyad rtsa ba'i lus// rtsibs chen bcu gnyis spu gri mtshon// gsang lam dgag pa'i 'khor lor bshad// mu khyud bzhi dbus dbang drag gnam// lcags mkhar brgyad dang bcu drug 'obs// mtha' ma bcu drug spu gri'i gnas// thams cad gzir ba'i 'khor lor bshad// mu khyud bzhi ldan dbus zlum drag/ rtsibs bzhi rtsibs brgyad rtsibs bcu gnyis// snying po sngags bcas steng du bca'// khor yug drag sngags sbrul chud me// 'og mar bcas la kha sbyar dkrug dug mda' dbyung ba'i 'khor lor bshad// mu khyud gsum pa sa la bri// gru gsum kha khyer gsum dang ldan// zla kham phyi nang thod pas bskor// rtsibs chan bcu gnyis me ri 'bar// sa yi 'khor lo brnag pa'i rten// de bzhin gru gsum rgya gram yaM// 'khrul mig bcu gnyis rtsibs bcu drug mtha' ma gru gsum me ri raM// bar snang 'khor lo stobs dpag med// byad dgram gsang ba'i 'khor lor bshad// mu khyud gsum ldan gru gsum dbus// 'khrul mig bcu gnyis rtsibs bcu drug/ las kyi tshe bdag mgo dgu pa'i// btsan thabs gzir ba'i 'khor lor bshad// gdug pa bsrung ba'i 'khor lo yang// gsang ba'i rgyud 'dir bdun du bshad// mu khyud gsum pa gru gsum dbus// rtsibs chen bcu gnyis bcu bzhi phyi// gdug pa lto dkrug 'khor lor bshad// mu khyud gsum pa ru sbal ltor// 'khrul mig bcu gnyis rtsa sbubs bdun// gru gsum brgyad ldan zla kham gsum// snying gzer bdun pa'i 'khor lor bshad// mu khyud drug pa ru sbal ltor// dbus su gru gsum zla kham sbrul// thod mkhar bzhi la rdo rje mtshams// rgya gram brgyad dang ra bas sbrul// rtsa sbubs nyi shu rtsa gcig me// snying gzer nyi shu'i 'khor lor bshad// mu khyud lnga pa dbus gru gsum// 'khrul mig bzhi brgyad rtsa ba'i sngags// rtsa sbubs rgyu la snying por mtshon// rtsibs su bcu drug shi phrad sngags// snying gzer dgu pa'i 'khor lo bshad// mu khyud bzhi dbus gru gsum bzhi// phyogs bzhir 'phrul mig gsum gsum gnas// gsang mdzod bzhi la gdug pa'i gzugs// mu khyud klu gnyan sa bdag gzugs// rtsa sbubs bcu gcig sbyor ba'i sngags// snying gzer shi phrang 'khor lor bsad// mu khyud lnga pa'i dbus gru gsum// 'khrul mig bcu gnyis rtsibs nyi shu// thod pa dang ni me ri ldan// sbyin sreg sa yi 'khor lor bshad// mu khyud de bzhin dbus gru gsum/ kha khyer gsum la gdug pa'i gdug zla kham gzugs brnyan rtsibs bci gnyis// phyi rim nyi shu bzhi yi rtsibs// yang logs khor yug thod par rdzas// mtha' ma me ri sreg pa'i 'od// drag po mtha' sdud 'khor lor bshad// lo thog gzhom pa'i 'khor lo ni// mu khyud gsum pa rus sbal dbus// ru sbal yan lag mjug ma dang// lto gnyis dag nas 'byung ba yi// mtshon cha'i 'khor lo rtsibs bcu gnyis// phyi rim 'khrul mig bcu gnyis la// srog bzhi gnad kyi snying po 'du// srog bzhi gzir ba'i 'khor lor bshad// de dag drag po'i sngags dgod kyis// 'khor lo rgyal po dbye bar bshad// sde brgyad gnad kyi 'khor lo yang// dbye ba rnam pa gsum du bshad// mu khyud gsum pa tshangs thig bzhi// 'khrul mig sum cu rtsa gsum pa// gsad pa drag po'i 'khor lor bshad// mu khyud de bzhin 'khrul mig sngags// bzhi brgyad bcu gnyis bcu drug la// lo tog gzhom pa'i 'khor lor bshad// mu khyud de bzhin tshangs thig bzhi// le'u tshe dgu la rtsa ba'i sngags// phyi dang yang logs zur bzhi thig bsnyams pas le'u tshe nyi shu bzhi// bar du snying po 'bru re la// gang dmigs ming dang spu gris bskor// mtha' ma spu gri 'phen pa'i babru// sde brgyad cham la dbab pa yi// drag po gnad kyi 'khor lor bshad// gdug pa'i 'khor lo bzhi ru bshad// sdig pa lus kyi 'khor lo dang// sa bdag srog gi 'khor lo dang// klu bdud sbrul gyi 'khor lo dang// mdze nad las kyi 'khor lo'o// lus dang yan lag rwa gnyis la// sbyor ba thun mong gnan pa ni// sdig pa'i lus kyi 'khor lor bshad// mu khyud gnyis dbus gru gsum ming// rtsibs bzhi'i rtsibs brgyad drag po'i 'bru// sa bdag srog gi 'khor lo bshad// mu khyud gsum la tshangs thig bzhi// 'khrul mig bzhi la gru gsum sbrul// gsang mdzod bzhi la ru sbal bzhi// phyi rim 'khrul mig bcu gnyis la// las kyi rdo rje'i dbus na sbrul// mtha' ma'i 'khrul mig bcu drug la// sbrul gyi ra ba gru gsum sngags// 'khrul mig sum cu rtsa bdun pa// klu bdud sbrul na'akhor lor bshad// mu khyud bzhi la sbrul gyis bskor// tshangs thig bzhi dang zur thig bzhi// 'khrul mig sum cu rtsa gnyis la// drag po'i mtha' ma gdug pa'i gzugs// mtha' ma gsang sngags dbus snying po// mdze nad las kyi 'khor lor bshad// las ni gsod dang bsrung zhing 'joms// gnan pa la sogs rtsa ba bzhi// yan lag stong dang drug cur bshad// grangs dang dbye ba brgya dang bcu// yan lag 'khor lo rnams grangs stong// las kyis skabs kyi du mar 'gyur// thun mong bsrung ba'i 'khor lo gsum// ma rtogs rtogs par dka' ba'i 'khor lo gcig/'khor lo rtsa ba nyis brgya rdzogs par bshad// rgyal mtshan me long gi rgyud las// 'khor lo gtan la dbab pa'i le'u ste brgya nyi shu gcig pa'o//// de nas bcom ldan 'das kyis sngags kyi dbye ba 'di bshad do// yul dang shes pa spro ba gsum// ngo bo nyid kyis gnas 'gyur bas// gsang ba sngags kyi sbyor ba la// rig pa gsum du shes par bya// gsang sngags rig sngags gzungs sngags so// yul ni dmigs pa dang po ste// khro bo khro mo dregs pa'o// shes pa srog gi snying po la// spro ba rig pa'i rtsal sbyong ba// ngo bo kun gyi rtsa ba ni// skye ba med pa'i sems nyid do// gnas pa bdag gzhan thams cad la// 'gyur ba yon tan 'phel 'grib byed// gsang ba bgrod pa me pa la// sngags kyi sbyor ba bstan pa ni// dbang lnga'i bgrod pa thob pa la// rig pa sngon dang phyis 'byung ba// sdebs kyi sbyor ba shes pa'o// gsang ba srog gi snying po la// sngags ni sbyor ba'i rkyen rnams so// srog gi snying po gsum du bshad// rang bzhin gsang ba'i srog gi snying po dang// dgug pa rang dbang med par srog gi snying po dang// nus pa spro ba srog gi snying po'o// bde gshegs 'dus pa sprul pa'i sras// khro bo rgyal po gshin rje dang// ma mo sha za mkha' 'gro bdud// srin po kem kam gnod sbyin klu// rgyal po dkor srungs srog bdag gza'// kun gyi thugs dang sems kyi bcud// dwangs ma snying po 'bru gsum po// skye ba med pa'i chos nyid la// cho 'phrul srog gi snying po 'byung// srog gi dwangs ma 'dzin pa yin// 'byung ba snang med rang bzhin stong// 'bru gcig snying po a zhes bshad// snying po bod pa'i dang po ni// skye ba'i cho 'phrul bstan pa ste// ya dang ma las byung ba'o// yod dang med pa'i mtha' gnyis dang// rang bzhin snang stong dbyer med pas// ngo bo 'gyur ba med pa'i don// rang bzhin srog gi snying por bshad// dgug pa lha dang bsgrub bya ste// lha dang dgug pa gsum du bshad// bdag lus dmigs pa'i tsit+ta nas// rin po che yi sgo phye la// dngas ma'i hU~M las dza 'phros pas// yab yum bcas pa'i thugs ka ru// rang rang sku gsung thugs kyi sngags bskul zhing bzlas pas slar 'dus nas// bdag gi lus ni 'od kyi tshul// gong bu 'dus pa'i gtsi mdangs kyis// byin brlabs sprul pa'i bdag por bstan// sngon du 'gro ba'i bsnyen par bshad// ya yis sa bon spros pa las// dregs pa pho mo'i snying kha nas// nyi zla'i gdan la 'byung ba yi// ya ma'i snying po rang sngags bskul// bzlas pas lus dang shes rab bcas// gnas dang phral nas mngon du bkug phyag 'tshal snying po lag cha ston// dmigs pa'i las rnams mtha' ru bsgrub// las la sbyar ba'i bsnyen par bshad// phyag rgya bstan pa'i thugs ka nas// ya dang ma las rgyu blangs la// sngon du 'gro ba'i lus nyid las// dgug pa gsum gyi yan lag btags// snying khrag 'dus nas dbang du 'gyur// rang dbang bsdu ba'i bsnyen par bshad// bsgrub bya dgug pa'i snying po gnyis// pho nya bskul gyis las sngags la// 'bru bdun a mo ka dang sbyar// bzlas pas dmigs pa'i snying kha nas// lcags kyu zhags pas 'khrigs pa yi// dbang po rten dang bcas nas dgug/ yang na lha dang phral nas 'gugs// yang na gnas rten yul mkhar mgugs// mngag pa srog 'gugs sbyor bar bshad// khro bo thugs kyi snying po la// bcu bzhi'i mtshams su a mu ka/ sbyar na drag tu stong bzlas pas// dmigs pa'i lha dang lus phye nas// dkar nag tsit+ta'i gnam sgo nas// 'od zer chu la chu thim ltar// dwangs snyigs hU~M dang ni nri bsdus nas// bre la lcags ni 'dus pa'i tshul// tsit+ta'i sbubs nas 'bru gnyis bton// mtshon cha'i gnas su dbye dgug gsod// snying po dgug pa'i sbyor bar bshad// de ltar 'od dang 'od bzhi'i tshul// dgug pa srog gi snying por bshad// bdag dang lha yi 'phro 'du yis// dman pa'i rgyu dang shes pa las// nus pa spro ba'i snying po ste// gsang ba srog gi snying por bshad// gzungs sngags don ni bzhi ru bshad// srog dang dbang po rtog pa dang// shes pa gzung ba'i sngags rnams so// srog la dwangs ma gzhug pa dang// snyigs ma gzung ba'i sngags su bshad// 'byung ba'i dwangs ma kun bsdus nas// thig le 'dzin pa'i 'bru gcig ni// dngas ma gzung ba'i sngags su bshad// rtsa lam khrag dang bcas pa yi// rtsa sgo sbubs nas 'bru bton nas// 'gro ba'i snying po drog bsdus te// thod pa'i bcud la sbyor ba ni// snyigs ma gzung ba'i sngags su bshad// dug gsum bya sbrul khyi phag la// bla rtags sprul pa'i khams btags nas// 'bru bzhi sbyor bas 'dzin cing 'joms// rtog pa gzung ba'i sngags su bshad// tshogs drug dbang po 'bru drug gis// sgo 'gags shes pa mi gtong 'dzin// dbang po gzung ba'i sngags su bshad// shes pa drug gam brgyad bsdus nas// 'bru gcig don dang nam mkhar dbye// dwangs ma thig ler 'dzin pas na// shes pa gzung ba'i sngags su bshad// gnad dgu'i sbyor ba ma shor bas// don cig tshul gyis gzungs sngags bshad// rig sngags dmod pa'am mtshon cha ste// las kyi skabs kyi du mar sbyar// sngon du 'gro ba'i dus dang tshad// lo yi skor phyed dag tu bya// lha yi lung bstan sku mthong ngam// rang lus yan lag sgra byung na// dam rdzas tshogs dang gtor ma dgang// sku gsung thugs kyi snying po ste// gang rung gcig tu ngag blo sbyangs// dam tshig gsum dang mi 'brel bas// ldan pa'i rnal 'byor rdzogs par bshad// las la sbyor ba'i dus dang tshad// lo phyed lus kyi dben gcad la// zhing chen ro ras stag lpags bgo myos byed rak+ta bdud rtsi btung// sha chen dang ma dbang po bza'// dung rnga gling bu rdza rnga rngub// bam chen gsur chen rme bas mchod// bton mi bya zhing las mi gzur// phyag mi btsal zhing lung mi bstan// gzungs ma rten gyin gzhan mi sbyar/kha zas yul dang bdud rtsir sbyar// me dang rlung gi 'khor lo bskyod// khro bo dka' thub rdzogs par bsrung// dben gnas chen po gsum du bya// bris sku dur khrod gdug pa'i gnas// mchog gsum tshang ba'i bde gnas su// khro gtum rngam tshig bde gnas su// khro gtum rngam tshig rang lus sbyar// 'gyur ldeg me 'bar 'chad dang khol// du ba 'phar ba rdzas dang sbyar// 'od sgra g.yo 'gul gnas dang sbyar// ma rdzogs las rtsom don med yal// las la tshud pa'i sbyor ba ste// gshin rje'i dka' thub rdzogs par bshad// zla phyed dus kyi bsnyen pa ni// srog bdud ya ma dbang du bsdu// spyugs glu'i 'o dod cho nges gdab// rak+ta brlab cing 'khur ba bud// dbang po bsdus shing gzugs la dbab// nus pa dbang du 'dus par bshad// gsad pa'i sngags ni gang rung sbyar// gnan pa dgu bskor spyi brdeg sbyar// skabs skabs thun drug gshen 'debs bya// rnal mas gsad pa'i sngags su bshad// spogs pa'i sngags rnams ru zlog la// rgya log sgyur na 'gugs shing gcod// lus gcig yan lag du mas 'grub// sngags kyi yon tan brgya dang gsum// drag sngags rtsa ba yan lag gnyis// sngags kyi rtsa ba rnam pa gsum du bshad// dbang sdud drug cu rtsa gcig dang// gab pa'i yig 'bru rtsa ba bcu// drag po bcu gnyis kun gyi sngon 'gro ba'o// dbang sdud sum cu rtsa gcig pa// spyi gshig sbyor ba'i rgyal po yin// yan lag dbang po lnga ru phye ba ni// thun mong gsad pa'i drag sngags yin// dril dang dbab pa'i yan lag drag po ni// 'bras bu lo tog 'joms pa'i sngags// bcu bdun lus la spu gri bcu btags pa// thun mong byas pa bshig pa yin// rkang pa sum cu rtsa gnyis la// gnod byed pho mo'i snying po ste// ming dang mtshams su sbyor ba ni// dbang sdud gab pa'i gcad bya yin// lus med yan lag dbye bar bshad// snying po 'bru re ming dang sbyar// drag po mthar thug gcad bya yin// sbyor ba kun gyi mtshams su ste// dbang bgrod sngags pa'i yul du bshad// gsad dang gzir ba'i sbyor ba gnyis// gdug pas gzir ba'i drag sngags yin// gdug pa yi ge sum cu pa// gnan pa rdo rje lcags kyis sngags// dbang sdud sngags kyi dbye bar bshad// bcu gsum sngags kyi sbyor ba yis// lus kyi go dang las dbang srun// ltas log srun pa'i dbye ba gnyis// spyi rgyud lus la 'byung ba yi// bcu gsum drag po'i sngags su bshad// 'bru dgus ya ma gzir bar bshad// bcu pa de bzhin ma mo gzir// 'bru brgyad gdug pa gsum po gzir// bcu gcig dregs pa pho mo gzir// gzir bzhi'i yin lag sngags su bshad// 'bru lngas dmigs pas gnon pa'i sngags// nyi shu gcig pa drag po'i sngags// bcu bdun skabs sbyor sreg pa'i sngags// drag po sbyor ba'i spu gri bzhi// tsit+ta gsad pa'i 'bru bcu yis// lo thog 'joms pa drag po'i sngags// 'bru brgyad lus la gar gshig gdags// gdug pa snying gzer drag po'i las// gshed bzhi dngas ma'i rig sngags te// gab pa'i sngags kyi dbye bar bshad// spu gri bcu gnyis lus la sbyar// drag po'i sbyor ba gshig pa yin// rtsa ba'i yig 'bru bcu gnyis la// spu gri'i sbyor ba nyi shur dbye// skabs kyi mtha' 'gyur ming dang bcas// gsad pa drag po dgod kyi sngags// bcu gnyis lus la srog bzhi gzir// lo thog 'joms pa drag po'i sngags// spu gri bcu drug thams cad gzir ba'i sngags// spu gri bcu bzhi dug mda' 'byin// bcu pas sngags kyi gsad lam 'gogs// spu gri bco lngas zhen pa bzlog yig 'bru nyi shu byad 'grol sngags// bcu gcig b+h+yo btags zug pa 'byin// nyi shu gcig gis sngags bdag gzir// bcu bzhis btsan thabs gzir ba'i sngags// yig 'bru bcu dgus nang stobs gshig/ sbyor ba sna tshogs spu grir bshad// gdug pha gzir ba'i drag sngags dgu/ yig 'bru bcu dgus gdug pa gsum// lto dkrug drag pos gzir ba yin// yig 'bru bzhi bcu rtsa gnyis pa// gdug pa'i snying gzer bdun pa'o// yig 'bru bdun cu rtsa lnga pa// gdug pa'i snying gzer dgu pa'o// yig 'bru bcu drug shi phrad yin// brgya dang drug cu rtsa bzhi'i 'bru// snying gzer nyi shu rtsa gcig bsngags// khyad par yig 'bru bcu gnyis pas// klu gnyan sa bdag gdug pa rnams// rang dbang med par srog dbrog pa'o// brgya dang yig 'bru bzhi pa yis// gdug pa'i klu gnyan sa bdag gi/ snying gzer bcu gcig shi phrad kyi// yang gsang mchog gi drag sngags yin// yig 'bru nyi shu rtsa bzhi yis// thun mong gdug pa bsreg pa'i sngags// de bzhin nyi shu bzhi pa yis// las kyi mtha' sdud khyad par gyi// drag po'i sbyor bas sreg pa'i sngags// de dag drag po mngon phyung gi lus dang yan lag drag po'i sngags// rtsa ba gcig las 'byung bar bshad// bdud kyi drag po bzhi ru bshad// srog dang ser bas ltas ngan dang// drag pos srung ba'i gsang sngags so// yig 'bru bzhi bcu rtsa dgu pa// pho yi drag sngags bdun pa yin// ma las drangs pa'i drag sngags bdun// bzhi bcu rtsa dgu mo yi sngags// drag sngags bdun la 'bru bzhi btags// yig 'bru bdun cu rtsa bdun pa// gsang ba yang stig drag sngags yin// de bzhin bdun cu rtsa bdun 'brus// dus tshod bdun la brdeg pa ni// mtshan mo gcig la rdzogs pa yin// de dag gsad pa'i sngags su bshad// yig 'bru nyi shu rtsa gnyis kyis// bdud dang bdud mo pho nya bdun// rang dbang med par srog dbrog yin// yig 'bru nyi shus lus dbang srun// de bzhin nyi shus gcun cing gzir// bcu bzhi 'bru yis ltas ngan 'bebs// sbyor ba sna tshogs sngags su bshad// yig 'bru bcu gnyis rtsa ba'i sngags// bcu gcig 'bru btags chu dril yin// 'bru bzhi gang 'dod zor gyi sngags// de bzhin 'bru drug thabs kyi sngags// 'bru drug gdug pa gzir nas 'bebs// de dag drag sngags gdug pa yis// lo thog gzhom pa'i sngags su bshad// rang gnad 'joms pa'i rig sngags la// bsnyen pa gsad pa gnan pa zor// sngags kyi yan lag bzhi bzhi yang// bzhi bcu rtsa brgyad dag tu bshad// gzhan yang ro langs dmar nag gi/ bod rbad gsang ba sngags gsum dang// rang srog dbrog dang gzir bar bshad// me chu thabs kyi sbyor ba gnyis// byin gyis brlab dang 'phang ba'i sngags// spogs pa'i rten dang gsum du bshad// bsrung ba bcu gnyis 'bru dag dang// gnyis don sbyar ba 'grub par bshad// srog sngags sum cu rtsa brgyad 'brus// gshin rje stobs kyi rgyal po yis/kha chings sbyor ba bzlog par bshad// thun mong sbyor ba brgya dang bcu// byin gyis brlabs dang rtsa ba'i sngags// dbye ba gnyis kyis 'grub par bshad// gsang ba'i sbyor ba nyis brgya la// gsad dang gso ba'i nyis rdzogs te// gsad pa mthu gzhug rtsa ba'i sngags// de'ang gnyis su bsrung ba gnyis// sngags dang rdzas la bslab pa'o// gsang ba sbyor ba sngags su bshad// mkha' 'gro spyi yi bsnyen pa dang// nye ba'i bsnyen pa gnyis su bshad// gsad pa'i rig sngags nyi shu gcig de dag rtsa ba'i dbye bar bshad// yan lag sbyor ba'i rig pa lnga// 'bru gcig phral dang mthun par bsdeg dbang po bcu drug tshe nas bstim// pho mos dkrug pa'i sngags su bshad// rgyal blon la sogs gdug pa rdzogs// 'bru gnyis sbyor ba las bcu drug tshe gnas bstim pa'i sngags su bshad// dbye dgug la sogs bcu gnyis la// 'bru brgyad spu gri gdod pa'i ming// yan lag dbye ba'i sngags su bshad// bsnyen pa bsgrub pa 'phang ba gsum// skyin 'dang thig gi sngags su bshad// bsnyen dang tshu dril dbab dang rta// gza' gdong ser ba'i sngags su bshad// bod rbad gsad dang gnan pa sngags// nag mo thun gyi sngags su bshad// bsnyen pa chu dril 'phang dang gsum// 'khor lo dkrug dang rten la gzir// gshed bzhi ser ba'i sngags su bshad// 'bru gcig ya la 'gros gnyis ming// spu gri dang bcas sbyor ba brgyad// 'bru gcig gsad pa'i sngags su bshad// bod rbad gsad pa'i zor gnan pa// shi sa gzir dang dbye ba lnga// lha mo srin mo'i sngags su bshad// bsnyen pa 'bru bcu gcig dang ldan// 'bru dgu brtags pa rbad pa'i sngags// nyi shu ming bcas 'bru bzhi gcod// ming bcas 'bru brgyad zor du 'phang// 'bru bzhis gnan pa mtha' ru sbyor// snying zer dgu yi 'khor lo bca'// lha mo dme ma sring mo bzhi// sgrol gying bzhi dang lto sdebs pa// rno dbal kha sbyor sngags su bshad// yig 'bru sum cu gnyis kyis bod// bco brgyad 'bru yis yul la rbad// lnga bcu rtsa gnyis gsad pa'i 'bru// yig 'bru bcu bzhis rang srog 'phrog de dag li byin yul dang bcas// sgrol gying brgyad dang rno dbal sbyar// li byin har gyi sngags su bshad// sum cu rtsa lngas bsnyen pa bod// nyi shus gang dmigs yul la sprad// nyi shu rtsa lnga yig 'brus gsod// yig 'bru bcu bdun srog 'phrog yin// de dag sgrol gying dmar po yi// sngags kyi dbye ba bzhi ru bshad// nyi shu bzhi yi yig 'bru yis// ma mo rang bzhin gzir ba'i sngags// nyi shu brgyad kyis btsan thabs gzir// yig 'bru nyi shus drag po gzir// yig 'bru bco lngas dam tshig bstan// nyi shu'i yig 'bru ma mo rnams// rang dbang med par srog 'phrog yin// rang gnas dbab pa'i sngags su bshad// yig 'bru nyi shu rtsa gnyis kyis// gnod sbyin dbang du bsdu ba yin// de bzhin nyi shu gnyis pa'i 'brus// gzir zhing shi sa bstan pa yin// yig 'bru sum cus gnod sbyin kun// rang dbang med par srog 'phrog yin// de dag dregs pa'i pho gdon rnams// rang gnad sngags kyi dbye bar bshad// rgyu ni thabs te ka la sogs// sum cu gnyis las 'byung bar bshad// rkyen ni shes rab a la sogs// yan lag rgyan du 'dren par bshad// rgyu rkyen gnyis las smon pas sngags// 'dus byas bskyed pa'i yi ge la// dam rdzas gtor ma'i 'phro 'dus dgug brtan dang mthu bcug byin gyis brlabs// dbang bskur mthu rtas gsod cing 'joms// bsnyen pas kha g.yogs rgyun mi gcad// rgyun dang bran na las mi 'grub// grod pa g.yang sa'i mthar lhung bas// bde ba'i rgyal pos mngon mi mthong// ngo bo yi ge'i gzugs brnyan yin// las ni rkyen dbang gzhan la rten// sbyor ba gsum gyi rgyu rkyen gtso// yan lag nyams na g.yang sa dgod// sgrub pa rkyen gyi sngags su bshad// drag po mchog gi sngags dgod ni// rgyu dang rkyen la rag ma lus// bsnyen grub byed rtsol mthar mi lhung// re dogs rtag chad mtha' las 'das// rdzas dang gtor ma gzhung mi btsan// 'phro 'du sbyor ba'i rkyen las 'das// khyad par gzhan la rten mo 'cha'// ngo bo chos sku'i rang bzhin lha// rnam pa sngags yig rno dpal mtshon// las ni sna tshogs sbyor ba me// nus pa dug sbal kyin dang chu// 'gugs pa rlung la rten pa sa// 'byed pa lus la 'chang ba srog/ 'phen pa dbugs la bshig pa stobs/// srun pa lha la gcod pa sngags// ngo bo chos nyid longs spyod lha// sprul pa'i sbyor ba bsam phrag yas// 'byung ba rang las nus pa gshed// gso ba rang lus bsrung ba 'khor// 'bras bu mi gnas chos kyi sku// drag sngags ye shes rig pa'i rtsal// rig pa'i ngang las rang bzhin 'char// rol pa gsum gyi rtsal dang ldan// sngags dgod drag po'i rang bzhin bshad// gsang sngags gzugs sngags rig sngags gsum// rgyu rkyen bral bcas gnyis su bshad// rgyal mtshan me long gi rgyud las// sngags thams cad gtan la dbab pa'i le'u ste brgya nyi shu gnyis pa'o//// de nas bcom ldan 'das kyis khro bo chen po la bstod pa 'di bshad do// bcom ldan dpal chen khro rgyal gshin rje gshed// bzhugs ni me dpung 'bar ba'i klong na bzhugs// gshin rje gdan du 'dings shing ma he gdan du 'dings// sku la me dpung 'bar ba'i rgyan gsol zhing// dbu gsum phyag drug zhabs bzhi bgrad// g.yas dkar g.yon dmar dbus mthing zhal// drag shul rngam pa'i stobs kyis gshin rje dbang du sdud// khro gtum gdug pa'i stobs kyis ma mo dbang du sdud// dbu skra kham nag ral pa gyen du brdzes// me yi bskal pa gtong zhing 'jig rten yongs kyang skrag/ ya bdud khol por 'khol zhing ma bdud gcer bur 'don// stong gsum zas su za zhing phyogs bcur sprul pa 'gyed// dgra bgegs snying khrag 'thung zhing mi sha zas su za// dung chen rak+tas bkang ba'i mchod pa 'di bzhes la// gshin rje dbang du bsdus la dgra bgegs bsgral du gsol// 'jam dpal nag po'i sku la phyag 'tshal bstod// rgyal mtshan me long gi rgyud las// khro bo la bstod pa'i le'u ste brgya nyi shu gsum pa'o//// de nas bcom ldan 'das kyis snang srid thams cad tshe srog gi bdag po las sna tshogs la bskul ba 'di skad bshad do// hU~M/ bskal pa brgyad khri bzhi stong 'khor ba'i gzhal yas nas// 'jam dpal nag po sku yi sprul pa yi// srog bdud 'jam dpal tshe bdag nag po ste// sgo med lcags mkhar bcu drug 'bar ba'i nang shed nas// mun khang 'ob chen bcu gnyis nang shed nas// thod mkhar 'bar ba bzhi yi dbus phyogs nas// gnam lcags spu gri 'bar ba'i dbus phyogs nas// sa bdag klu gnyan bsnol ba'i gdan stengs nas// dregs pa pho mo ma hes brdzis pa nas// thabs dang shes rab rtags kyi gdan stengs nas// sku yang rngam chen dregs pa'i cha lugs ni// nag po dug chen 'gyil ba dregs pa'i sku// dbu gsum phyag drug zhabs bzhi bgrad// g.yas dkar g.yon dmar dbus mthing zhal// g.yas na nyi zla'i 'od zer 'phro// g.yon na khrag gi rgya mtsho 'khrug/ dbus na mun nag dug mtsho bskyil// phyag g.yas dang po 'khor lo yis// dam nyams mgo lus tshal par gshog g.yas kyi bar pa ral gri yis// nyams pa'i srog rtsa rtsad nas gcod// tha ma gnam lcags rdo rje yis// spyi bo'i gtsug nas brgyab nas kyang// rkang pa'i mthil du thal bar thon// phyag g.yon dang po be con gyis// nyams pa'i zhe sdang go yang gnon// bar du gtun shing dbang po 'joms// mtha' ma sdigs mdzub 'bar ba yis// nyams pa'i dug gsum rtsad nas sreg/sku stod glang chen ko rlon gyis// sa dgu rngam pa zil gyis gnon// sku smad stag gi sham bu yis// sha za mngag pa dbang du sdud// zhing gi g.yang gzhi thod sbrul gyis// 'jig rten dregs pa che ba tsan 'dul// tshe bdag nag po mthu bo che// srog gshed bzhi po las la bskul// bdud mo gsod byed mthu bo che// ma mo ki kang dgra la phob// thugs kyi sprul pa dregs pa can// gdug pa za byed bka' yi bdag rdo rje bka' nyan las la bskul// tshe bdag nag po spyi gtsug nas// gser gyi bya khyung ga ru Ta// bya khyung rgyal po dam tshig can// bya khyung rgyal po mthu bo che// 'khor lo 'bar ba'i gshog rtsal// ral gri 'bar ba'i gshog ba can// chu gri 'bar ba'i the shog la// ye shes 'bar ba'i gshog zer can// spu yi nyag ma re re las// mtshon chen spu gri'i dpal 'bar bas// nyams pa'i srog rtsa gtan nas len// gnam lcags 'bar ba'i sder mo yis// klu bdud klu srin gnas nas 'dren// gnam lcags rdo rje mchu yis ma lus 'joms// gang la bya ba khyed shes kyis// dgra bo las ngan sdig can 'di// 'khor lo 'bar ba'i rtsibs la skyon// gdug pa gnyan sreg nang du chug gshed kyi gsang mdzod bzhi ru chug/ rtag tu 'khyams ba'i gnas su khrid// rgya mtsho chen po'i gting du spos// 'byung ba gtan bzhi rngams kyis non// tshe bdag nag po dun ting ka/dgra bo'i snying la ya ya b+h+yo b+h+yo// dregs pa las la bskul bar bshad// de nas yang bcom ldan 'das kyis las kyi tshe bdag la gshed bskul pa 'di skad bshad do// hU~M/ las kyi sprul pa tshe bdag chen po ni// 'byung ba brtan gzhi rngams kyi 'og shed nas// dug mtsho lba tsha ting khol 'gyur// zhe sdang dug mtsho'i nang shed na// dur khrod gdug pa'i gzhal yas nas// sha za rngams pas brgyan pa'i pho brang nas// sgo med lcags mkhar bcu drug dbus phyogs nas// 'obs chen bcu gnyis 'bar ba'i dkyil 'khor na// thod mkhar 'bar ba bzhi yi dbus phyogs na// pho brang gnam lcags spu gris gtams pa na// klu gnyan sa bdag lto 'phye bsnol ba'i gdan stengs na// dregs pa pho mo ma hes brdzis pa na// thabs dang shes rab nyi zla'i gdan stengs na// lcags kyi mon pa tshe bdag mgo dgu pa// sku mdog sngo nag ro yi dud pa 'dra// sku la glang chen dur khrod chas kyis brgyan// stag gi sham thabs thod pa'i do shal can// snyan dang mgur chu phyag zhabs sbrul gyis brgyan// zhal gsum mkha' lding bya yi mgos// gdug pa gsum dang dgra bo'i glo snying za// zhal gsum gtum rngam khro bo'i mgos// gdug pa'i sbrul dang mo ro rta ro 'brul// gsum ni sha za rngam pa'i mgos// nyams pa'i sha khrag nang khrol za// g.yas kyi phyag dgus bsnams pa ni// dang po 'khor los mgo lus gshog gnyis pa ral gris srog rtsa gcod// gsum pa rdo rjes dbang po 'joms// bzhi pa kha T+wAM rtse gsum gyis// dgra bo dug gsum rtsad nas gcod// lnga pa mdung thung snying khrag 'byin// drug pa mda' chen snying gzer 'debs// bdun pa zhing chen dbyug tho 'phyar// brgyad pa rdo rje rgya gram gyis// 'phrin las sna tshogs mdzas pa'i rtags// dgu pa gnam lcags phur pa yis// dgra bo'i srog dang rtsa la 'debs// phyag g.yon dang po be con gyis// dgra bo zhe sdang mgo yang gnon// gnyis pa gtun shing dbang po 'joms// gsum pa rgyu zhags dgra bo 'gugs// bzhi pa sbrul zhags byad du chug/lnga pa sdigs mdzub dug gsum sreg/ drug pa tri shul rtse gsum gyis// lus ngag yid kyi rtsa srog chod// bdun pa dgra stas mgo lus gshog brgyad pa gzhu yis gdug pa 'dul// dgu pas tsit+ta 'byin cing za// zhabs gnyis gyad kyi dor stabs bdud dang mu stegs gnon// zhabs gnyis gyad kyi dor thabs klu gnyan sa bdag gnon// zhabs gnyis gyad kyi dor thabs ma he nyi zla gnon// zhabs gnyis brkyang bskum thabs dang shes rab tshul// dbu skra ba spu dug gi rlangs pa 'phro// srog bdag nag po sdang ba'i dgra la b+h+yo// gang la bya ba dregs pa khyed shes kyis// dam nyams gang yin lus srog myur du phrol// g.yon na bdud mo khrag gi ral pa can// ya mtshan bud med rngam pa'i gdong// nyid kyi sku mdog mthing nag la// ral pa khrag gi zu ru can// spyan nas khrag 'dzag zu lu lu// zhal nas mi ro rta ro 'brul// sku stod zhing gi g.yang gzhi la// nyi ma 'bum gyi rgyan gyis brgyan// sku smad stag dang re ldes klubs// thod pa ma mo'i do shal la// sbrul nag 'bum gyi rgyan gyis brgyan// phyag g.yas tri shul rtse gsum gyis// dgra bo dam nyams srog rtsa chod// g.yon pa ban d+ha khrag gis bkang// dgra bo'i khong du dug mda' skyol// gang la bya ba khyod shes kyis// ma mo ki kang dgra la phob// 'chi bdag chen po'i thugs ka nas// thugs ka'i sprul pa gsod pa'i gshed// ya ma rA tsa 'jigs tshul can// smug nag bdud 'dul rngam pa'i gdong// zhal gcig phyag gnyis srog rtsa gcod// g.yas pa rdo rje gri gug gis// dgra bo'i mgo lus sha lpags gshog tsit+ta phyung zhing zhal du gsol// g.yon pa lcags kyu zhags pa yis// dbang po lus srog drangs shing 'chang// bla dang sprul pa dkrug cing gsol// zhal gdangs mche ba gtsigs shing bgrad// tsit+ta nang khrol drangs shing za// ba spu sma ra ag tshom las// 'od zer sprul pa phyogs bcur 'phro// tshe gnas dbang po bkug cing 'chang// gsod byed chen mo dregs pa can// gang la bya ba khyed shes kyis// dgra bo'i khong nas tsit+ta phyung// ya ma rA tsa dgra la b+h+yo// tshe bdag nag po'i spyi gtsug na// bya khyung rgyal po ga ru Ta// gser gyi lus la gnas lcags 'bar ba'i mchu// spyan gnyis nyi zlar bsgyil ba yis// dgra bo'i bla mtsho gting nas skems// 'khor lo 'bar ba'i gshog rtsa yis// dgra bo'i mgo lus tshal par gshog/ ral gri 'bar ba'i gshog pa yis// dgra bo nyams pa'i srog rtsa gcad// the gshog spu gri me ltar 'bar// klu gnyan sa bdag rtsad nas skems// g.yas kyi sder mos klu chen brgyad kyang gnon// g.yon pas klu brgyad sa bdag gnon// gnam lcags sder mos srog gi dbang po 'dren// sku ni gtum rngam brjid pa'i cha byad kyis// sa bdag klu gnyan lto 'phye zil gyis gnon// khyung gi gshog brdabs gdug pa'i gnas khang gshig/ gang la bya ba mkha' lding khyed shes kyis// bya khyung rgyal pos brnag pa'i lus srog phrol// tshe bdag nag po dun ting ka/ dgra bo'i srog la ya ya b+h+yo b+h+yo// rgyal mtshan me long gi rgyud las// sprul pa chen po las sna tshogs las bskul ba'i le'u ste brgya nyi shu rtsa bzhi pa'o///// de nas yang bcom ldan 'das kyis gshed bzhi la bskul ba 'di bshad do// yab yum thugs kyi sprul pa ni// gshed po mon pa nag po bzhi// shar gyi phyogs nas sku bskyod pa// gshed po ya ma rA tsa ni// sku mdog smug nag 'bar ba la// gcer bu ral pa gyen du brdzes// g.yas pas ma tang ro yi dbyug tho bsnams// g.yon pa'i phyag na 'khor lo bskor// yum chen nag mo re ma ti// smug nag dgra 'dul mthu mo che// g.yas pa thabs kyis yab la 'khyud// g.yon pa dung dmar gtso la stob// yab cig 'jam dpal bka' byung gis// dung chen rak+tas bkang ba'i mchod pa 'di bzhes la// klad pa gshogs la klad khrag 'thung// lho yi phyogs nas sku bskyod pa// gshed po myos byed 'bar ba ni// sku mdog ser nag 'bar ba la// gcer bu ral pa gyen du brdzes// thod pa skam po dbu rgyan la// thod rlon mang po se ral kha// rigs bzhi'i sbrul gyi rgyan cha can// g.yas pa ma trang ro yi dbyug tho bsnams// g.yon pa'i phyag gi 'khor lo bskor// myos byed thugs kyis dgyes bskul ma// sbal mgo khrag mig ser nag 'bar// g.yas pa thabs kyis yab la 'khyud// g.yon pa dung dmar gtso la stob// yab cig 'jam dpal bka' byung gis// dung chen rak+tas bkang ba'i mchod pa 'di bzhes la// tsit+ta gshogs la snying khrag 'thung// nub kyi phyogs nas sku bskyod pa// gshed po ar+ya dmar po ni// sku mdog dmar nag gcer bu la// thod pa mang po'i rgyan cha can// g.yas pa gshin rje ma tang ro yi dbyug tho bsnams// g.yon pa'i phyag na 'khor lo bskor// yum chen srin mo mgo 'chang ma// dmar nag sbrul gyi chun 'khor can// g.yas pa thabs kyis yab la 'khyud// g.yon pa dung dmar gtso la stob// yab cig 'jam dpal bka' byung gis// dung chen rak+tas bkang ba'i mchod pa 'di bzhes la// mgrin pa chod la don khrag 'thung// byang gi phyogs nas sku bskyod pa// gshed po ral pa tshar dgu ni// sku mdog ljang nag 'bar ba la// gcer bu ral pa gyen du brjod// thod pa skam po'i dbu rgyan la// thod pa rlon pa'i do shal can// g.yas pa ma trang ro yi dbyug tho bsnams// g.yon pa'i phyag na 'khor lo 'khor// g.yon na yag sha nag mo ni// ljang nag sbrul gyi cod pan can// g.yas pa thabs kyis yab la 'khyud// g.yon pa dung dmar gtso la stob// yab cig 'jam dpal bka' byung gis// dung chen rak+tas bkang ba'i mchod pa 'di bzhes la// dam nyams srog rtsa rtsad nas chod// de nas bcom ldan 'das kyis phyogs skyong bcu'i gshed bskor ba 'di bshad do// shar gyi phyogs nas 'gugs byed pa// gshin rje'i rgyal po dmar po ni// dbu gsum phyag drug zhabs bzhir bgrad// sku la me dpung 'bar ba'i rgyan gsol cing// chibs su mgyogs byed sha ba chibs// mchong gi ral pa sil li li// spyan mig dmar po glog ltar 'gyu// phyag na mchong gi zangs grib bsnams// g.yon pa bdud kyi zhags pa thogs// stong gsum srog la dbang sgyur ba// khyod kyi ming dang mtshan gsol ba// shar gyi btsan 'gong dmar pos bya// rgya lnga de ni ban d+ha drug zhing chen sha dang khrag la za// khyod kyi 'phrin las dus la bab// rak+ta dmar gyi mchod pa 'di bzhes la// sdang ba'i dgra la khrag nad thong// shar lho'i mtshams nas 'gugs byed pa// gshin rje'i rgyal po dmigs pa ni// dbu gsum phyag drug zhabs bzhir bgrad// sku la me dpung 'bar ba'i rgyan gsol cing// chibs su sdig byed dred mo chibs// phyag na thod 'phreng rlon pa bsnams// 'khor ni me lha 'bum gyis bskor// pho log gtong ba'i mthu bo che// drang srong bsgral ba'i sha la za// khyod kyi dam tshig dus la bab// dung chen rak+tas bkang ba'i mchod pa 'di bzhes la// sdang ba'i dgra la kho log thong// lho yi phyogs nas 'gugs byed pa// gshin rje'i rgyal po mig dmar ni// dbu gsum phyag drug zhabs bzhir bgrad// sku la me dpung 'bar ba'i rgyan gsol cing// chibs su smyo byed sha ba chibs// 'khor du phung sri 'bum gyis bskor// sa bdag stong la dbang bsgyur zhing// phyag na khram byang dkar nag 'khrol// mi dur gshed kyi ral pa can// sa bdag sha dang khrag la za// sha khrag gtor ma 'di bzhes la// sdang ba'i dgra la smyo 'bog thong// lho nub mtshams nas 'gugs byed pa// gshin rje'i rgyal po lcogs pa mgo dgu ni// dbu gsum phyag drug zhabs bzhir bgrad// sku la me dpung 'bar ba'i rgyan gsol cing// chibs su lkugs pa lug la chibs// phyag na rdo rje be con bsnams// 'brum nag gtong ba'i mthu bo che// 'khor du bdud nag 'bum gyis bskor// zas su bdud kyi sha la za// khyod kyi dam tshig dus la bab/// sdang ba'i dgra la 'brum nag thong// nub kyi phyogs nas 'gugs byed pa// gshin rje'i rgyal po a ba glang mgo can// dbu gsum phyag drug zhabs bzhir bgrad// sku la me dpung 'bar ba'i rgyan gsol cing// phyag na gcod byed ral gri bsnams// bzhugs ni rol mtsho'i nang na bzhugs// chibs su sems can pir la chibs// lus ni sbrul nag chen po la// byol song glang gi mgo bo can// klu rnams kun la dbang bsgyur zhing// zas su klu yi sha la za// 'khor du klu bdud stong gis bskor// mdze dang lhog pa'i sna 'dren ma// khyod kyi dam tshig dus la bab// sha khrag gtor ma 'di bzhes la// sdang ba'i dgra la mdze dang lhog pa thong// nub byang mtshams nas 'gugs byed pa// gshin rje'i rgyal po ya ba ti// dbu gsum phyag drug zhabs bzhir bgrad// sku la me dpung 'bar ba'i rgyan gsol cing// chibs su mgyogs byed rta la chibs// yab bdud stong la dbang sgyur zhing// nag po spyi chibs bdud kyi bu// phyag na bdud kyi khram byang thogs// 'khor ni yab bdud stong gis bskor// zas su mi sha rlon du za// gzer nad gtong ba'i mthu bo che// sha khrag gtor ma 'di bzhes la// khyod kyi dam tshig dus la bab// sdang ba'i dgra la gzer nad thong// byang gi phyogs nas 'gugs byed pa// gshin rje'i rgyal po gtel pa ni// dbu gsum phyag drug zhabs bzhir bgrad// sku la me dpung 'bar ba'i rgyan gsol cing// chibs su phung dri rnga mo chibs// phyag na nad kyi rkyal pa thogs// nad do cog gi bdud gcig po// mi dur gshed kyi ral pa can// dmu bdud stong la dbang sgyur cing// phung sri 'bum sde pho nyar 'gyed// smyo 'bog gtong ba'i mthu bo che// 'khor du ma bdud 'bum gyis bskor// zas su phung sri'i sha la za// sha khrag gtor ma 'di bzhes la// khyod kyi dam tshig dus la bab// sdang ba'i dgra la smyo 'bog thong// byang shar mtshams nas 'gugs byed pa// gshin rje'i rgyal po cha sangs ni// dbu gsum phyag drug zhabs bzhir bgrad// sku la me dpung 'bar ba'i rgyan gsol cing// sku mdog dkar po ral pa can// stong gsum srid pa zas su za// stong gsum srid pa skom du 'thung// na bza' dkar po nam mkha'i sprin ltar gtibs// spyan mig dmar po nam mkha'i glog ltar 'gyu// 'khor du ya bdud 'bum gyis bskor// phyag na glog gi zhags pa thogs// glang nad gtong ba'i mthu bo che// khyod kyi dam tshig dus la bab// sha khrag gtor ma 'di bzhes la// sdang ba'i dgra la glang nad thong// 'og gi phyogs nas 'gugs byed pa// gshin rje'i rgyal po stag mgo nag po ni// dbu gsum phyag drug zhabs bzhir bgrad// sku la me dpung 'bar ba'i rgyan gsol cing// sbrul mgo brtsegs pa'i thod gdeng can// chibs su ba glang dmar po chibs// phyag na zhing gi zhags pa thogs// stong gsum klu la dbang sgyur zhing// zas su klu srin sha la za// mdze dang lhog pa'i sna 'dren pa// khyod kyi dam tshig dus la bab// sha khrag gtor ma 'di bzhes la// sdang ba'i dgra la mdze dang lhog pa thong// steng gi phyogs nas 'gugs byed pa// gshin rje'i rgyal po nag 'joms ni// dbu gsum phyag drug zhabs bzhir bgrad// sku la bskal pa me ltar 'bar ba'i rgyan gsol cing// chibs su 'brug mo ral can chibs// dbu skra kham nag sprin ltar gtibs// phyag na be con dbyug tho bsnams// zas su gza' yi sha la za// 'khor du lha bdud 'bum gyis bskor// bal nad gtong ba'i mthu bo che// khyod kyi dam tshig dus la bab// sha khrag gtor ma 'di bzhes la// sdang ba'i dgra la bal nad thong// de nas bcom ldan 'das kyis bdud po bcu la bskul ba 'di bshad do// 'jigs byed sprul pa'i pho nya ni// steng gi phyogs nas 'gugs byed pa// bdud kyi rgyal po mi bzad brang dkar rje// phyag na bdud kyi rta nag 'byam pa thogs// 'phyar zhing dgra bo'i mgo la brdeg dam las 'das pa'i brnag pa la// dus la bab bo khram la thob// shar gyi phyogs nas 'gugs byed pa// bdud kyi rgyal po ma he khro bdag rje// phyag na bdud kyi ral gri 'byam pa thogs// dam las 'das pa'i brnag pa la// dus la bab bo khram la thob// shar lho mtshams nas 'gugs byed pa// bdud kyi rgyal po tho yo tho nag rje// phyag na bdud kyi spu gri rnon po thogs// dam las 'das pa'i brnag pa la// dus la bab bo khram la thob// lho yi phyogs nas 'gugs byed pa// bdud kyi rgyal po rngam chen thog bdag rje// phyag na dung chen dmar gyis bkang ba thogs// dam las 'das pa'i brnag pa la// dus la bab bo khram la thob// lho nub mtshams nas 'gugs byed pa// bdud kyi rgyal po dmu bdud ral pa rje// phyag na bdud kyi khram byang thod pas brgyan pa thogs// dam las 'das pa'i brnag pa la// dus la bab bo khram la thob// nub kyi phyogs nas 'gugs byed pa// bdud kyi rgyal po rag sha mi dur rje// phyag na bdud kyi sog le 'byam pa thogs// dam las 'das pa'i brnag pa la// dus la bab bo khram la thob// nub byang mtshams nas 'gugs byed pa// bdud kyi rgyal po stong ri mgo nag rje// phyag na bdud kyi gri gug thod pa thogs// dam las 'das pa'i brnag pa la// dus la bab bo khram la thob// byang gi phyogs nas 'gugs byed pa// bdud kyi rgyal po nag po gsod sbyong ste// phyag na bdud kyi shan pa gri rings thogs// dam las 'das pa'i brnag pa la// dus la bab bo khram la thob// byang shar mtshams nas 'gugs byed pa// bdud kyi rgyal po rngam pa 'gro bdag rje// phyag na bdud kyi dri shul rtse gsum thogs// dam las 'das pa'i brnag pa la// dus la bab bo khram la thob// 'og gi phyogs nas 'gugs byed pa// bdud kyi rgyal po sa toM nag po rje// phyag na gti mug phag gi mgo bo thogs// dam las 'das pa'i brnag pa la// dus la bab bo khram la thob// 'phrin las kun gyi sbyor ba la// bstod bskul byas na don gnyis 'grub// rtsol pas smin pa'i las su bshad// rgyal mtshan me long gi rgyud las// 'khor gyi gshin rje la gshed bsgo ba'i le'u ste brgya nyi shu lnga pa'o//// de nas bcom ldan 'das kyis bdud pho mo las bsngags pa 'di bshad do// phyogs phyogs tsam gcig ya gi na// sum cu rtsa gsum gnam gyi ya stengs na// bdud yul nag po mthong khyab na// bdud mkhar nag po lcags mkhar sgo dgu na// bdud ye med 'khrul gyi rgyal po bzhugs// sku la bdud gos 'od nag 'khyil ba gsol// phyag na bdud kyi zhags pa nag po bsnams// 'dzam bu gling gi 'gro ba mi la 'debs// g.yas na bdud kyi rtsis byang chen mo bsnams// 'dzam bu gling gi mi rnams khram la 'debs// chibs su bdud rta ngar chen 'brug la chibs// chibs kha dgra bo'i yul du bskyod la gshegs// sngags pa'i sku dgra myur du sgrol las shog bdud po mi zad snying rkun ma// sku ni mthing nag 'jigs tshul can// sku la dar nag na bza' zhing dang sbrul gyis brgyan pa gsol// dbu ral nag po khrag dang thod pas brgyan// g.yas pa'i phyag na ral gri sdig can bsnams// dgra bo phung byed srog rtsa chod las shog g.yon na ban d+ha lcang lo khrag gis bkang ba bsnams// dgra bo'i yul du khrag mda' khrag zor 'phongs// chibs su dre rta rkang gsum thod pas brgyan pa chibs// chibs kha dam nyams dgra la bskyod las gshegs// sngags kyi sku dgra myur du sgrol las shog/ bdud kyi blon po drang khar rngam pa rje// bdud rta nag po srog med rta ru zhon// sku la gser gyi slag pa gsol// phyag na gser gyi 'gying dkar bsnams// g.yon na bdud kyi rtsis byang bsnams// sngags pa'i sku dgra myur du sgrol las shog bdud kyi blon po tho yo mtho mtshams rje// chibs su bdud rta nag po rting dkar chibs// sku la dar nag thod pas brgyan pa gsol// g.yas pas bdud kyi ral gri kha mangs bsnams// g.yon na bdud kyi zhags pa nag po bsnams// sngags pa'i sku dgra myur du sgrol las shog/ bdud kyi blon po snya le ngag btsan rje// chibs su bdud rta 'brong chen 'gying ba chibs// sku la mun ba'i na bza' 'ja' yis brgyan pa gsol// phyag g.yas bdud kyi gze ma kha mangs bsnams// g.yon pa zhing gi zhags pa dgra la 'debs// sngags pa'i sku dgra myur du sgrol las shog/ bdud kyi blon po gsod sbyong rje// chibs su bdud kyi dur bya nag po chibs// sku la zhing chen slog pa gsol// phyag g.yas zhing gi dbyug pa bsnams// g.yon pa glog gi zhags pa dgral 'debs// sngags pa'i sku dgra myur du sgrol las shog/ bdud kyi blon po mi dur so dar rje// sku la nam mkha' 'od nag 'khyil ba gsol// chibs su lcags kyi sdig pa kha dgu chibs// phyag g.yas sprul pa'i bdud bya stag gzig rngam pa bsnams// g.yon pa yid dang rlung gi zhags pa dgra la 'debs// sngags pa'i sku dgra myur du sgrol las shog/ bdud kyi blon po kha yal 'thom po rje// sku la lcags kyi zhun khrab gsol// chibs su lcags kyi phag par chibs// phyag g.yas lcags mda' gzer chen bsnams// g.yon pa bdud gzhu 'od ma bsnams// dgra bo'i snying la lcags gzer 'debs// sngags pa'i sku dgra myur du sgrol las shog/ bdud kyi blon po rngam pa klu 'dul rje// sku la chu srin slog pa sbrul gyis brgyan pa gsol// chibs su chu glang sngon por chibs// phyag g.yas lcags kyi 'khor lo bsnams// g.yon pa tsit+ta'i 'phreng ba bsnams/ khong nas tsit+ta thon las shog/sngags pa'i sku dgra myur du sgrol las shog/ bdud mo blon zan kha che ma// sku la mthing nag go zu lu// thod chen sbrul gyis brgyan pa gsol// chibs su chu bo'i gzhung la chibs// g.yas pas snying 'byin g.yon pas stob// bdud mtsho mer ba gting nas 'khrug yid la jag 'gyed blo snying brku// sngags pa'i sku dgra myur du sgrol las shog/ bdud mo kha 'bar ral gcig ma// sku la re lde gnam phyed gsol// chibs su cang shes bong bu chibs// g.yas pas snying 'byin g.yon pas stob/ kha nas dug gi skyugs pa 'thor// dug mtsho khol ma gting nas rlob// bla la jag 'khye snying la brkus// sngags pa'i sku dgra myur du sgrol las shog/rdo rje mche gtsigs lha gdon 'dul// sku la re nag rus pas brgyan pa gsol// chibs su lcags kyi sdig pa chibs// g.yas pas snying 'byin g.yon pas stob// spyan nas khrag 'dzag mchi mar 'dzag/khrag mtsho'i 'khyil ba'i gting nas rlob/// dbugs la jag khye snying la brkus// sngags pa'i sku dgra myur du sgrol las shog/ gtum mo khrag 'thung dri za 'dul// sku la zhing gi g.yang gzhi gsol// chibs su rtol mo ru rings chibs// g.yas pas snying 'byin g.yon pas stob// zhal nas khrag gi za ru 'dzag bdud mtsho smug nag gting nas rlob// khrag la jag byed snying la brkus// sngags pa'i sku dgra myur du sgrol las shog/bdud mo mi zad khrag skams ma// sku la chu srin slag pa sbrul gyi brgyan pa gsol// chibs su ru sbal khra bo chibs// g.yas pas snying 'byin g.yon pas stob// spyan nas khrag 'dzag zhal nas mi ro 'brul// klu mtsho smug nag gting nas rlob// sha za jag khye snying la brkus// sngags pa'i sku dgra myur du sgrol las shog/ bdud mo rag sha srin mo 'dul// sku la dom nag g.yang gzhi gsol// chibs su so bya rog po chibs// g.yas pas snying 'byin g.yon pas stob// mchi ma khrag dang dug tu 'dzag/ srin mtsho mer ba gting nas rlob// rus la jag khye snying la rkus// sngags pa'i sku dgra myur du sgrol las shog/bdud mo phung byed sa bdag 'dul// sku la dar nag gza' skar brgyan pa gsol/ kha nas me 'bar rgya mtsho skems// chibs su kye le gdong drug chibs/ kha gdengs so 'dar lag pa brdze// g.yas nas snying 'byin g.yon nas stob// rim gyi rgya mtsho gting nas rlob// rtsa la jag khye snying la brkus// sngags pa'i sku dgra myur du sgrol las shog/ de nas bcom ldan 'das kyis mon pho mo las la bskul ba 'di bshad do// mon pa nag po dred la zhon// phyag na dung gi be con bsnams// nyams pa kun gyi gzugs phung bshig g.yon pas dam nyams tsit+ta 'byin// sku la dar nag ber chen gsol/kha rlangs na bun sprin du gtibs// so 'dar ljags 'dril tsit+ta gsol// dam nyams dgra bo sdig can gyi// rnam shes bkrag mdangs drod dang 'brel// sngags pa'i sku dgra myur du sgrol las shog/ mon pa nag po 'brug la zhon// sku la nam mkha'i 'od nag gza' yis brgyan pa gsol// dbu yi ral pa nam mkha'i sprin ltar gtibs// snyan nas 'brug sgra stong gsum zil gyis gnon// phyag nas thog dang skar mda' dgra la 'phen// spyan nas dug gi ser ba drag tu 'bebs// dam nyams dgra bo sdig can gyi// rnam shes bkrag mdangs drod dang 'brel// sngags pa'i sku dgra myur du sgrol bar shog/ mon pa nag po khyung la zhon// sku la g.yang gzhi'i ber chen gsol// dbu skra stong gsum mun nag gtibs// phyag nas nyi ma'i 'od zer sdang ba'i dgra la 'gyed// bar snang rgyu zhing dam nyams yid la 'dzin// dam nyams dgra bo sdig can gyi// rnam shes bkrag mdangs drod dang 'brel// sngags pa'i sku dgra myur du sgrol las shog/ mon pa nag po glog la zhon// sku la 'od kyi na bza' gsol// dbu skra sbrul nag mun ltar gtibs// zhal nas mi ro rta ro 'brul// phyag na ral gri dgra la 'debs// g.yon pa tsit+ta 'bying cing gsol// dam nyams dgra bo sdig can gyi// rnam shes bkrag mdangs drod dang 'brel// sngags pa'i sku dgra myur du sgrol bar shog/mon pa nag po stag la zhon// sku la dar nag ber chen gsol// dbu skra dug gi sprin du gtibs// dug gi kha rlangs bun de bun// phyag na rdo rje rgya gram bsnams// dam nyams dgra bo'i mgo lus gshog/g.yon pas nyams pa'i tsit+ta 'byin// sha za khrag 'thung rtsa la 'jib// dam nyams dgra bo sdig can gyi// rnam shes bkrag mdangs drod dang 'brel// sngags pa'i sku dgra myur du sgrol bar shog/ mon pa nag po chu srin zhon// sku la chu srin slag pa gsol// dbu ral rgya mtsho mun ltar gtibs// sbal pa stong gi rgyan gyis brgyan// phyag na me 'bar rgya mtsho skyems// dgra bo dug gsum rtsad nas sreg/ rgya mtsho'i gting nas ser ba 'bebs// dam nyams dgra bo sdig can gyi// rnam shes bkrag mdangs drod dang 'brel// sngags pa'i sku dgra myur du sgrol las shog/ mon pa nag po sbrul la zhon// sku la zhing gi g.yang gzhi gsol// dbu la khrag gi zar bu 'bab// spyan nas khrag gi mchi ma 'dzag/ phyag na zhing gi dbyug tho bsnams// g.yon pa dgra bo'i tsit+ta gsol// dgra bo'i khong nas tsit+ta 'byin// dam nyams dgra bo sdig can gyi// rnamashes bkrag mdangs drod dang 'brel// sngags pa'i sku dgra myur du sgrol las shog/ mon pa nag po dom la zhon// gcer bu mi thod phyag na bsnams// sprul pa gcer bu 'bum sde 'gyed// dam nyams dgra bo sdig can gyi// klad pa gshog la klad khrag spyos/ khong nas snying phyung snying khrag 'thung// gzugs phung gshig la bkrag mdangs 'phrol// sngags pa'i sku dgra myur du sgrol las shog/mon pa nag po khro gnyer can// dar nag ber chen sku la gsol// thod pa 'bum gyi cha ga can// sbrul nag stong gi rgyan cha klubs// ral pa dug gi phur pas brgyan// g.yon na ban d+ha khrag gis bkang// g.yas pas thun rlob chi li li// khrag mda' bu yug dgra la 'bebs// thun gyi mon mo lag rings ma// dam nyams dgra la snying thun b+h+yo// mon mo nag mo bla rkun ma// lag na sha za'i tsit+ta bsnams// zhabs gnyis bgrad nas lag pa brdze// gsang ba'i snying gzer dgra la b+h+yo// mon mo nag mo tshe 'phrog ma// lag na rme khrag rims nad 'phen// rims nad dgra la me ltar spros// gsang ba'i snying gzer dgra la b+h+yo// mon mo nag mo snying rkun ma// bgaSha dug zer dgra la 'phen// dal gyi bu yug char ltar 'bebs// dgra bo myos shing rlams su 'dzud// gsang ba'i dug zor dgra la b+h+yo// mon mo nag mo dgug sdud ma// lag na 'brong chen rwa zor bsnams// smyo 'bog lhog rgal dgra la 'bebs// dbang po 'chal dang gzer du chug/ rwa zor brnag pa'i dgra la b+h+yo// mon mo nag mo thun 'bebs ma// lag na phur zor dug thun bsnams// mdze shu lhog pa yams su 'bebs// klu gnyan sa bdag pho nyar 'gyed// dug zor phur mda' dgra la 'phen// gsang ba'i dug zor dgra la b+h+yo// mon mo nag mo gzer 'debs ma// lag na lcags mda' snying gzer bsnams// bsnol thog rme gri dgra la 'bebs// shan pa srog gcod pho nyar 'gyed// rme gri shan dmar dgra la thong// gsang ba'i snying zor dgra la b+h+yo// de nas yang bcom ldan 'das kyis pho brang chen po la bshags pa 'di bshad do// 'phags pa'i rgyal po khro rgyal gshin rje gshed// chos sku byang chub sems dpas ma g.yos pa'i// yab yum sras dang 'khor bcas dgongs su gsol// bdag cag dkyil 'khor 'di la mngon du zhugs pa rnams// nongs pa mchis nas 'gyod pas dam du bcas// thugs rje che dgongs 'gyod pas mthu dang dngos grub gsol// ya man ta ka khro bo'i tshogs kyi gtso// sbyor sgrol yum mchog gsang ba'i ma tshogs bdag/ gnyis med e yi gdan las dgongs su gsol// kun tu bzang po mchod pa che ba'i don ma rtogs// phyag rgya ye shes mchod pa'i rgyud ma grol// phyi yi mchod pa yul la rtag par bzung// yab yum khyed kyi thugs dang ci 'gal ba// thugs rje che mnga' khyed la bzod par gsol// khro chen sprul pas sku gsung thugs kyi rgya// dregs pa yab yum dngos grub rtags kyi lha// lus ngag yid kyi rtog sbyong dgongs su gsol// rang 'byung bdud rtsi rgyu rkyen rtsol bas nyams// sta na sgrol mchog mchod pa'i byin chungs shing// 'ga' na sbyor mchog mchod pa'i gnas ma stob// sprul pa pho mo'i thugs dang ci 'gal ba// sku gsung thugs kyi 'da' dka'o// ya ma rA dza gshed po tshogs kyi gtso// lha mo nag mo bdud mo tshogs kyi gtso// sgrol ging shan pa pho mo dgongs su gsol// sha khrag dmar gyi mchod pa byin chungs pas// phyi dang nang gi bskang ba brten ma 'byongs// phyi nang gsang ba'i mchod pa gnas ma stob// gshed pho gshed mo'i thugs dang ci 'gal ba// dwangs ma'i dkyil 'khor lhun gyis grub pa'o// gshed po nag 'joms pho nya'i tshogs kyi gtso// bdud po ma zin rngam pa'i tshogs rnams dang// thar byed chen po dgu rnams dgongs su gsol// mchod rdzas rgyan rdzas phyi rdzas rten rdzas dang// nang gi dam rdzas brten rdzas brnag pa'i rdzas// 'khor lo sbyor rdzas gsang ba'i dbang rdzas rnams// bka' dang byin nyams pho nya dbang ma 'dul// pho nya gsod byed thugs dang ci 'gal ba// yan lag grub pa lhun gyis grub pa'o// ro langs nag mo ma mo'i tshogs kyi gtso// ro langs dmar mo srin mo'i tshogs kyi gtso// sgrol ging lce spyang rngam pa dgongs su gsol// longs spyod chung bas tshogs kyi yan lag nyams// 'dod yon lnga yis lha mo rgyud ma grol// sngags dang ting 'dzin phyag rgya rgyud ma grol// rngam pa pho mo'i thugs dang ci 'gal ba// rtsa rgyud pho brang gnas su dag pa'o// bka' nyan mon dang mon mo'i tshogs rnams dang// sha za kye kam drug khri drug stong dang// ya ma brtan ma sgo ma dgongs su gsol// lhag ma'i gnas ri stabs dang dug lnga nyams// las kyi kha ma thus pas dngos grub rtags ma phyin// bran dang g.yog 'khor thugs dang ci 'gal ba// snang stong sgyu ma lhun gyis grub pa'o// grol byed ging dang ke seng gnas yul brgyad// mche ba sder mo gshog pa za byed tshogs// rgyud rgyal 'phrul gyi rigs 'dzin rnams// ma lus 'khor dang bcas pa dgongs su gsol// phyi dang nang gi mdangs rnams kyang// rang dam gdug pa rdzas rnams dbye sri nyams// phyi yi 'khor dang longs spyod ma dag pa// snang stong sgyu ma lhun gyis grub pa'o// dngos po bdun dang bsnyen bsgrub yan lag bcas// sbyor ba du ma drag po gsum dang gcig/ dbang dang byin rlabs dngos grub don ma rtogs// rig pa'i rgyal po rig pa gsum dang 'brel// lung gi rgyal po sbyor ba'i yan lag gtams// tshig lung ma 'dres brda yi sgo ma phye// mtshan ma skye med dbyings las shar ba'o// rgyal mtshan me long gi rgyud las// bdud pho mo las la mngag pa dang mtshan ma dbyings su bshags pa'i le'u ste brgya nyi shu drug pa'o//// de nas bcom ldan 'das kyis 'khor thams cad la gdams pa'i don 'di bshad do// e ma'o chos sku byang chub sems// e ma'o zhi ba'i rang bzhin gnas// e ma'o 'gro ba 'dul ba'i phyir// e ma'i khro bo rngam pa'i sku// mya ngan 'das pa'i dbyings nyid las// 'khor lo dag pa'i rgyun du sprul// ye shes rig pa'i phyag rgyar gsal// mtshan dang dpe byad ngang gis rdzogs// chags sdang lnga nyid sbyor ba'i lam// yon tan sna tshogs 'byung ba'i gzhi// mtshon cha'i rgyal po gdug pa'i dbal// gcod dang slar ldog lto bar 'khyam// e ma sbyor ba du yi gzhi// rang bzhin gnyis ka'i dmigs pa 'du// nges pa'i don med skyon de dag/ yon tan du ma lhun gyis grub// dngos med dngos po dag las 'das// brjod med brjod dang bral ba'ang min// 'jig rten 'khor ba'i khams ma yin// mya ngan 'das pa dngos dang bral// sa khams 'byung ba'i sa las dbang// mi shigs rdo rje'i sbyor ba'o// rtag chad kha dog phyag mtshan zhal// snang stong gnyis med pa'i bde ba'i sku// sangs rgyas che ba'i yon tan ldan// bdun dang lnga sogs thams cad kyis// sbyor ba du ma'i mtshon cha 'di// bcom ldan 'das kyi sku gsung thugs// phyung nas rdo rje'i gsang lam brgyud// longs spyod 'khor gyi sangs rgyas dang// sprul pa 'khor gyi rdzu 'phrul dang// dngas ma lhun grub gnas pa'i 'khor// lha mi dregs 'khor rdzu 'phrul can// byang sems bka' dang lung bor min// slob dpon yul la brnyas mi brjod// sangs rgyas bka' dang mchod pa'i rgyun// 'da' bar ma yin rtag tu gnas// gnas mchog gzungs ma sems mi spang// bdag gzhan byang chub sems mi gsad// yongs su ma sbyang tshad ma sbyor// tshogs lam don gyi lam gtor la// gsang ba'i brda dang dbang mi smra// phung po dngos med chos mi brnyas// dad ldan mi ldog phyag rgya brtag bka' la tshad ma sgras mi gzhal// dam rdzas gzungs ma dregs pa bsten// rnal 'byor mi brtag gsang sngags bzlas// bla ma dam tshig dam rdzas lung// cung zad 'das na de yis ni// dkyil 'khor tshogs kyi bskang gso bya// dad pa'i sgo gsum sdom la gnas// sems kyi rten pa skye med brtags// gshin rje gshed kyi dka' thub bsrungs// brtul zhugs rig pa'i rdzas la spyad// sems kyi 'khor lo rtag tu blta// gdug pa'i snying po dbang du bsdu// las kyi rnam grangs du ma brtsam// gshin rje'i phyag rgya don dang sbyar// de nas bcom ldan 'das kyis che ba'i don du bshad do// e ma'o gsang ba'i gsang bcud 'di// 'khor lo rgyal po mtshon chen 'di// rgyud rgyal me long rgyal mtshan 'di// las kyi rgyal po mtshon cha yin// khyung chen nam mkha' dbang sdud yin// seng ge rtsal bsgoms sems can zil gyis gnon// dregs pa'i rgyal pos bde ba'i gnas la bgrod// lhun po nam mkha' rin chen rgya mtsho me// gsang rgyud bshad pa 'phrul gyi bka'// shes rab dbang gi rtsal mi ldan// 'khor gyi rigs dang rigs min kun// nga yi snying po bcud bsdus pa'i// sna tshogs 'phrul gyi sbyor ba 'di// shes rab dbang gi rtsal dang sbyong// sangs rgyas bka' yi byin brlabs nas// gsang ba'i bdag pos rab tu bshad// phyag rgya chen po'i bde ba bstan// byin gyis brlabs dang ldan pa yis// log pa'i sems 'chang 'dul byed bka'// gsang lam sbyor ba'i dag pa 'di// sangs rgyas stobs dpag med pa'o// mngon par rdzogs par sangs rgyas dang// gshin rje gshed po'i dge 'dun rnams// lha dang lha min gsang ba'i bdag ma mo myos byed khrag 'thung 'bum// mkha' 'gros smyo byed byad stems sam// bdud dang srin po sha za'i tshogs// srin mo las byed gnod sbyin klu// mu stegs ke ka byad stems gnyan// nyi zla dbang phyug dkor srungs gza'// rgyal po sngags pa ging srog bdag stobs chen 'jig rten dregs pa'i tshogs// mu stegs log pa'i nus pa 'joms// kun kyang gshin rje gshed po'i 'khor// rab tu mi bsrun 'jig rten dregs// bde ba'i 'khor du 'dus pa rnams// bde ba'i snying po lam can 'di// khro bo rgyal po dregs pa 'khor// khro bo gshin rje gshed po ni// sangs rgyas sku gsung thugs kyi bcud// bsdus nas rdo rje lam las phyung// gsang ba'i pho brang gnas su bsgyil// snying med thugs kyi snying po las// 'khor gyi khro tshogs pho mo rnams// lnga brgya dus kyi snyigs ma la// nga yi 'phrul gyi gsang rgyud 'di// ma 'ongs dam can sgrub byaid na// nga yang dam las mi yol srung// 'khor gyi dregs pa pho mo dang// dbang chen sangs rgyas chos srungs rnams// lnga brgya dus kyi snyigs ma la// skal ldan bsgrub pa'i bcud len dang// rgyud kyi snying po 'dzin pa la// de tshe gshin rje gshed po yis// dam tshig 'byung dang thugs brtse ba'o// de nas bcom ldan 'das kyis gsungs pa la 'khor thams cad rjes su yi rangs te mngon par bstod do// 'khrul 'khor rgyal mtshan gyi me long gi rgyud las// yongs su btad pa'i le'u ste brgya dang nyi shu bdun pa'o//// bshad pa'i rgyud chen po gshin rje thams cad 'byung ba 'khrul 'khor rgyal mtshan sbyor ba du ma'i bcas gzhi rdzogs pa'o//// sngags dang mtshon cha bka'i bdag po gsum gyi rgyas gdab pa'o/

CLOSE WINDOW