CLOSE WINDOW

Gpb041.011
བོད་ཡིག

rgya gar skad du/ shrI ya mAn+ta ka ya ma ra dza kA ya kro d+ha tan tra/ bod skad du/ dpal gshin rje gshed po ya ma rA dza sku khros pa'i rgyud/ bcom ldan 'das gshin rje gshed po la phyag 'tshal lo// 'di skad bdag gis thos pa'i dus gcig na/lho phyogs gshin rje'i 'jigs rten gyi// gshin ri phyin ci log gi rtsa// gshin gyi bla mtsho mer ba yod// dug mtsho khol ma'i nang gshed na// dug gi sdig pa nag po gnas// kha rlangs dug tu 'phros pa las// nag po gel ba 'jigs pa'i gzugs// lto chen mgrin pa yangs la rngam// thugs ni rgya mtsho'i gting na gnas// tshe srog kun gyi mnga' bdag mdzad// gsung gi nga ros 'jigs rten g.yo// srog dbugs kun gyi mnga' bdag mdzad// sku ni ri rab ngos la brten// 'chi bdag bdud kyi bdud chen po// gshin rje nag po zhes kyang grags// bdud mo khrag gi ral pa can// srid gsum zas su za byed pa// las kyis btun pa'i yum du gnas// mgo 'khor khrag skyug brgyal ba dang// gsod bar byed pa'i gshin rje yis// gnod cing 'khrug la bsteg cing 'thor// nag po bkrag med bdud kyi gtso// srog gcod shan pa ging gi gtso// khrag skyug zor thogs ma mo'i gtso// zhe sdang gdug pa gtum po'i tshogs// phung po lnga la dbang sgyur ba// pho gshed sum brgya drug cu yis// gsod par byed pa'i gshin rje byed// 'byung ba lnga la dbang sgyur ba// ma gshed sum brgya drug cu yis// bla srog 'gug pa'i gshin rje byed// ya ma bdun brgya nyi shu yis// nyin dang mtshan mo'i 'khor lo bskor// srid gsum sems can thams cad kun// 'khrig dang 'gugs dang gnas dang gsod// 'jigs byed gshin rje'i lto na gnas// zhal nas gdug pa'i nga ro yis// khams gsum 'khrugs par gyur pa las// 'jam dpal khros pas gshin rje gshed// ya ma rA dza khros pa des// sprul pas 'jig rten dbang bsdu'i phyir// gsang ba yum dang gnyis med las// sprul pa ye shes khro bo'i tshogs// nam mkha' khyab par gar byed cing// khro bo gyad kyi dor stabs kyis// tshangs pa'i yul sa rtse nas gnon// nag po gyel ba gtum po'i tshogs// rab tu gzir te 'phrog pa yis// las kyi ya ma gtum po des// gus dang lus gnyis gdan du phul// zhal gyis dmod pa drag po'i thun// srog gi snying po dril te phul// dkyil 'khor chen po bsrung ba yi// las dang bya ba khas blang ste// snyigs ma lnga yi dus nyid du// gshin rje mthar byed gang sgrub pa'i// rnal 'byor can gyi 'phrin las rnams// myur du sgrub par khas blangs nas// las kyi bdag por dbang bskur te// dmod pa kha thun drag po de// dug gi mtshon char byin gyis brlabs// sgrol ging bdag por mtshan gsol to// de nas rdo rje snying po yis// 'jigs byed sku la 'di skad gsol// 'jam dpal khro bo rngam pa'i sku// 'bar byed 'jigs pa'i gtum bag can// gdug pa 'dul ba de lta na// gshin rje dpa' bo sgrub pa dang// 'chi bdag shan pa bkol ba dang// las rim rdzogs pa ji ltar bgyi// de nas 'jam dbyangs khro bo yis// 'khor la nges par bka' stsal pa// skye med dbyings las rol pa yis// bstan pa'i snying po gsang don 'di// lus dang yan lag spu gri so// las kyi thus ka gsang ba yi// zhal gyi dmod pa dug gi ngar// rnal 'byor can la gnas bya'i phyir// bsnyen bsgrub rdzogs pa'i las mtha' ru// rnal dang bzlog dang lto dkrugs kyis// 'chi bdag bsnyen cing bod pa dang// lus srog dbye dang ma grub spogs// gshin rje bdun brgya nyi shu yi// yang snying dril ba'i dmod pa yis// drag po spad smad ar la gtad// gnan pa las kyi thus ka ru// klu bdud sbrul nag lto bsdebs bya// bskyod pa zor gyi mde kha ru// bdud kyi lcam mo khrag mig gdags// ya ma rA dza sku khros pas// gsang ba'i bka' rgyud snying po'i bcud// gsang ba don gyi snying po 'di// bgrod thob tshul khrims ldan pa yis// stobs ldan phyag rgya gsal ba yis// dmod pa'i rgyal po las kyi mchog/ thabs kyis grol ba'i lam can de// nye bar gyur pa'i don du bshad// dpal gshin rje ya ma rA dzA'i rgyud las/ gleng gzhi'i le'u ste dang po'o//// de nas rdo rje snying po yis// 'jigs byed sku la 'di skad gsol// 'jam dbyangs khro bo rngam pa'i sku// bsnyen cing sgrub pa ji lta bu// de nas 'jam dbyangs khro bo yi// ye shes lha dang las byed dang// bsnyen pa'i don du gsungs pa nyid// dur khrod chen po ma la ya// shan dmar ri dang ri nag sbungs// lho yi phyogs su kha bltas pa'i// brag dang sa phug dag dang ni// ri mo spungs pa'i sa phyogs dang// nags khrod stag dred 'grim pa'i gnas// nyams dga' sa phyogs dben pa ru// lta spyod gdeng ldan rnal 'byor gyis// dpa' brtul dpa' bo'i grogs khrid la// grub pa'i nyi ma brtsis la 'jug/ sa phyogs zhi bar byas nas ni// mi ro spungs pa'i sa blangs la// stegs bu brtsigs la khrag gis byug/ mchod pa lnga dang b+hi lam gsum// dgos rdzas tshogs par byas nas ni// sngon du bsod nams tshogs khas gas nas// de nyid ye shes tshogs chen rdzogs// dur khrod ro yi gos blangs la// char sprin nag po 'dra ba yi// yab yum sras dang bcas pa bri// lho phyogs dmigs pa'i rten du dgram// rang gi rim pa byang chub sems// skye med sems nyid don gyi lha// ngang la rdzogs pa khro bo'i sku// 'khor ba mi gnas mya ngan 'das// ma bcos rnal 'byor ngang la gnas// grangs dang dus dang mtshan ma yis// 'jig rten 'jigs rten 'das pa'i rigs// dgos pa'i don ni gang yang rung// bsnyen na dngos grub thob par 'gyur// bzlas pa'i ye ge bcu bdun po// khro bo nyid kyis gsungs pa dag/ mi smra mi yur mi 'khyams par// 'bum phrag lnga gnyis chig rdzogs bya// de tshe mtshan ma yul la 'bar// 'od dang sgra dang lung ston dang// rmi lam rtags ni du ma 'byung// gal te grub par ma gyur na// bsgrub rdzas gtar la bsnyen pa spogs// gtso bo'i bsnyen pa grangs thim nas// lha yi mtshan ma ma mthong na// bsnyen pa'i yi ge lto nas bzlog/ lha nyid gnad la dbab pa ste// de rtags sngon du gter ba yin// lha rtags mngon du gyur ba'i tshe// dngos grub blang ba'i cho ga bya// rgya che sa yi maN+Dal la// rak+ta chen pos byug par bya// dpal dang ma mo'i gtor ma bshams// gshin rje pho mo'i dam rdzas dang// snang srid ma mo bsdu ba'i phyir// rak+ta dmar gyi arga dgram// dngos grub dam shis blang ba'i phyir// bkra shis phun sum tshogs pa dang// tshe dang gal phyi la sogs pa// spyad pa'i yo byad sna tshogs dgram// sngags pas chas gos legs gyon la// ku sha'i stan la 'dug nas ni// lho yi phyogs su kha bltas la// rnam par rtog med chos kyi dbyings// de yi ngang las snying rje'i shugs// rtog med kun tu brdal khyab 'od// de las rgyu yis rnam par ldan// 'od zer 'phro 'du'i sbyor ba las// 'byung lnga ye nas dag pa yi// lhun grub gzhal yas pho brang du// dregs pa'i gdan la brjid pa'i sku// rdo rje sku la khro bo'i gzugs// rang gi tshig gis bskul ba yis// nga yi gzugs su grub par byos// khro bo'i rgyal po gshin rje gshed// mthing nag 'jigs pa gtum bag can// mthing nag zhal gsum phyag drug la// kham nag sku la sbyan dgu bgrad// zhal gdangs mche gtsigs ljags slob cing// smin mtshams rlob cing 'od du 'phro// 'brug glog tshub ma 'thor zhing 'byin// ni dbyug dgra sta ral gri g.yas// sdigs mdzub mdung dang thod khrag thogs// rigs bzhi'i rgyan mdzes dpal chas brgyad// thod sbrul nyi zlas sku la spros// ma he smug po'i khri stengs na// gyad kyi 'jigs tshul brjid par gnas// rdo rje sku yi byin rlabs las// skye med chos dbyings sbyor ba'i yum// gyen du skra brdzes gsus mo che// tri shul ban dmar thogs nas kyang// gtso la 'dud pa'i tshul du bzhugs// dug gsum rtsad gcod khros ba'i yum// mthing nag me dpung nang na bzhugs// mi snying spyang mo 'jigs ba'i gzugs// rab tu khros pa'i tshul du gnas// 'jigs byed thugs kyi byin rlabs las// 'jigs byed ya ma rA dza dang// nag mo khrag mig khro gnyer can// brnag pa las kyi pho nyar bsam// gzhan yang sprul pa yang sprul tshogs// dpag tu med pas bskor ba yis// bdag nyid rnam par gsal ba ni// yang dang yang du bsgom bar bya// 'jam dbyangs rdo rje'i hU~M sgra yis// sku rgyan gcig pa'i dkyil 'khor la// bstod cing gsal gdab sprul pa yis// gdug pa'i dgra bgegs bsgral ba'i phyir// drag po sngags kyi tsham rngam brjod// gru gsum mthing nag 'bar ba'i gzhal yas nas// ya mAn+ta ka spyan drangs nas// mchod cing bstod pa dag kyang bya// rtag pa chu bo'i rgyun bzhin du// sngags kyi yi ge rim par bya// dngos grub chen po bsgrubs byas la// ji ltar 'dod pa bzhin du blang// gsang sngags yi ge'i 'phreng ba la// gsod pa'i spu gri'i sngags btags la// nyi ma bzhi ru las la sbyar// thun gyi kha gso rgyun du bya// zhes gsungs so// gshin rje ya ma rA dza sku khros pa'i rgyud las/gshin rje dpa' bo bsnyen cing sgrub pa'i le'u ste gnyis pa'o//// de nas 'jigs byed chen po de// yid bzhin nor bu lta bu yi// sngags kyi nges pa bshad par bya// oM sa ma ya many+dzu shrI mu tra ya man+taka pa tsa te ro ni hU~M dza/oM sa ma ya many+dzu shrI ya man+ta ka/ ya ma rA dzA/ ma ma e ka dza ti dza dza/ trag rak+sha mu tra snying kha rag ma b+h+yo/ rak+mo te kuM dza dza/ kha la ma hi b+h+yo b+h+yo/ ya ya lon tsin dan ma la b+h+yo dza/snying kha rag srog la b+h+yo b+h+yo/ 'phags pa'i nang nas gshin rje gshed// rdo rje khros pa 'jigs pa che// 'chi bdag gshin rje shan pa'i tshogs// 'khor ni nag po 'bum dngabacas// bsnyen cing bsgrubs na gang yang 'grub// skye med dbyings las sprul pa yi// shes skyob las rnams grub pas na// gsang sngags yi ge'i rim pa bya// oMshrI many+dzu ya mAn+ta ka/ ya ma rA dzA sa to mi ya/ ya me to ru na ta ya/ ya ta yo ni ra yak+She ya/yak+She yata tsa ni ra ma ya hU~M phaT/ ye shes lha yi bsnyen pa ste// 'jig rten dregs pa kun gyi srog/ ma lus 'dus pa'i stobs dpag med// rang bzhin stong ba spros dang bral// ye shes rigs pa'i klong du brdal// smin cing grol ba'i thabs mchog ste// spros bral rnal mas shes skyob nyid// sngags ni gang yin ming yin la// mtshan dang dpe byad yongs rdzogs pas// phyag rgya chen po shes skyob nyid// 'di dag bde ba'i lam can yin// nam mkha' rin chen rgya mtsho sa// rnam rtog seng ge khyung chen me// kam pa kyob so sa ma ri// raM yaM baM laM tsa ma ri// nA ga de ba ra ka sha dang// a dang khyab ho bu bu ta// ya ma ka li bde ba'i klong// yid bzhin 'phreng ba lta bur bshad// yon tan mtha' yas shes skyob nyid// dregs pa'i srog dang 'gro drug sems// dus gsum bde gshegs rgyal ba'i thugs// dngos gzhi ma bcos rnal ma yis// rtsa ba mi 'gyur byang chub sems// gcig ni kun gyi rang bzhin yin// khro bo nyid kyis gsungs pa yi// thugs kyi snying po gsang ba ste// dug pa'i yi ge mtshon ste// yid dang dbang po rang grol gyis// ri mo la ni sems gzhag ste// myur bul yi ge 'dres spangs te// rgyun gyi spyod lam thams cad kun// sku gsung thugs kyi 'khor lo yis// yan lag ma nyams bde bar bzlas// phyag rgya brtan dang dmigs pa thob// bde ba'i ye shes skye ba ste// grol ba'i phyag rgya yang dag lam// 'di de bde dang smin pa'i mchog/ bgrod dang phyag rgya stobs med cing// bla ma'i bka' lung ma thob na// ji srid bzlas brjod brtson pa dag/ sun 'byin grol med 'chi ba'i gnas// sngon med 'gro ba'i lam mchog bral// bde med rang 'ching mnar med spyod// de bzhin skyon spangs yon tan ldan// yid sbyin nor bu lta bu ste// ma lus dgos pa kun don sgrub// ces gsungs so// dpal gshin rje gshed po sku khros pa'i rgyud las/ gsang sngags bstan pa'i le'u ste gsum pa'o//// de nas rdo rje snying po yis// gsang sngags rim pa de ltar na// drag po'i 'phrin las sbyor ka yi// brnag pa'i kha thun ji ltar bca'// las kyi 'khor lo ji ltar bskor// 'jam dbyangs khro bos nges gsungs pa// snyigs ma lnga yi dus nyid du// sangs rgyas bstan ba 'jig pa yi// nyams pa bdun po bsgral ba'i phyir// dur khrod ma lings gnas mchog tu// stobs ldan mchog tu gyur ba yis// byed pa 'ching ba gsum spangs shing// dman pa'i snyigs ma gsum dor na// bde ba'i rigs pa gsum rnyed de// drug dar gsum dang ldan pa'o// rnal 'byor bde ba'i lam can des// mi 'jigs seng ge lta bur bya'o// dur khrod chen po'i sa bdag la// rtags kyi tshad ma thob pa des// maN+Dal mda' gang gru bzhi la// sme khrag sna tshogs byug bar bya'o// dbus su drag po'i 'brub gnas la// dug dang khrag gis byug par bya// kha khyer gdug pa'i rtsang gis bskor// yi dags kyi ni gos dag la// nyams pa'i gzugs brnyan bri bar bya// rnam shes gnad kyis 'gugs pa yi// dza yi bar du yi ge nr-i// bod cing 'grogs par byed pa nr-i// ming dang rus kyang bri bar bya// gdug pa'i khram la 'debs pa'o// mtshon cha'i yi ges bskor bar bri// sngags dang ting 'dzin pho nya yis// rnam shes bkug la gzugs la bstim// gu gul sbyar ma'i dud pa yis// lha lnga myos shing 'tshubs par byed// lha lnga bskrad cing zhabs mas bsdam// sngon dmar skud bas ske nas gdags// dur khrod gnas nas 'khor lo'i rgyud// rabs chad mon dngamu su ru// nag po mi shes mgo blangs la// gug rgyal dri dang chu yi bsad// ma nor thod ba gzhag par bya// stag pa'i phyogs na gnas pa yi// srid pa rang grub gshin rje btsal// nag po gyel ba'i seng ge'i tshul// zhal bgrad mche ba gtsigs pa ste// srid gsum zas su za ba'i tshul// brtag pa'i 'chi bdag zhal dbye'o// nag po gyel pa 'jigs pa che// dngos ni bye ba gung rings so// de yi snying khar yi ge'i ya// rdo sol nag pos bri bar bya// zhal nas kha thun ngan sngags ni// 'chi bdag mtha' ma 'khor bar bri// khrag gi gzugs kyi kha nas bri// zhal gyi dmod pa drag po ste// 'khor lo thun bsdebs bsgral ba'i las// thod pa'i nang du ro langs bri// lto 'am yang na 'khor lo bri// khams gsum srid gsum grong khyer gsum// yum gyi lto na yod pas na/ khang khyud rim pa gsum du bskor// thod mkha' lnga dang btson khang bzhi// lcags khang bcu gnyis bcu drug tu// mkhas pas gshin rje'i grong khyer bya// dbus su 'phel byed mu la ya/khang pa'i phyogs bzhi 'byung ba bzhi// gshed kyi yi ge dgod par bya// bcu gnyis med dbal yi ge la// bcu drug kha gnon gsang sngags bri// mun dang nang du dgug pa yi// klu yi 'khor lo bri bar bya// de yi phyi rim dag tu yang// dmod pa dug gi spu gri ste// 'chi bdag dmod mo zhes su grags// de nas thod pa kha sbyar la// rdza rnga brdung zhing gshin rje bod// tshil chen me dang gsur dud gtang// khur ba bus te spyugs glu blang// rak+ta dmar gyi arga dang// smug chen smug chung snying la bod// 'chi bdag bskyed dang spyan drangs bstim// dbang du bsdus la 'phrin las bcol// mchod bstabs 'phrin las gshed dmar bskul// dur khrod ras sam rgya shog la// gcod pa nam mkha'i 'khor lo bri// rim pa gsum ldan mtshon cha dag/ thod dbyug ral gri be con dang// rgya gram la sogs sna tshogs bri// rtsang bzhi hoM khung kha la dgram// rnam shes gcod cing 'gugs ste// mtshon cha'i 'khor lo zhes kyang drangs// rabs chad dang ni mon thod du// sme khrag gsum dang dug sbyar la// drag po'i sngags ni bstim shing bsag/gsang ba thun gyi 'khor lo yin// de nas 'khor lo bskor ba dag/ phyi nang gsang ba'i las rim gyis// tshogs brgyad 'joms pa'i ya tshogs brgyad// dril gtor sngags kyi mtshon cha ste// phyi yi 'khor lo yin par 'dod// gnad dgu 'joms pa drag po'i 'bru// gzer dgu 'debs pa mtshon cha'i so// gnan bzlog gnad kyi 'khor lo nang// bcu bdun drag po rus sbal 'gros// gsad pa'i sngags su de ltar bshad// yang gsang drag po gnad kyi gcod// rnal ma bzlog ba lto dkrug pa// yang gsang thugs kyi mtshon cha bshad// ngan sngags dug gi mtshon cha ste// rtsa ba spu gri gcod pa'i ngar// mtshon cha las kyi nges par bshad// ya ma ra ya dza sa to me ya/ ya me do ru na yo ta ya/ ya ta yo ni ra yak+She ya/ yak+She ya tsa ni ra ma ya/ che ge mo zhig a mu kaM pra ma ya oM phaT/ rak+ta tsa ra ya hU~M phaT/ mur tsa ya hU~M phaT/ mar ya hU~M phaT/ rA dza sa to ru na yo ta ya/ ra ni tsa ya/ ra ni yo tsa ya/ to ru na yo ni ra ya k+She ya/ to sa tsa ra ni tsa ya k+She ya/ yo ni ra ya tsa ni ra ma ya/ yo na ru to sa tsa ra ma ya/ sa tsa ni rA dzA sa twa me ya/ ya ra ni yo na ru to me ya/ che ge mo a mu kaM/ snying baM rul rbad ya/ ya tra sa la mu tra rbad/ ru sa ta nan khraM ti rbad ya/ mA ra ya khraM du rbad ya/ ya ma me tak+She/ rA dza sa twa/ ru na yo ni/ ra ya tsa ni/ ka ba bzhi yi 'khrul 'khor gyis// nyin dang mtshan mor las bya ba// gsang ba'i 'khor lo bshad pa yin// yang gsang snying po'i bcud dang 'bru// ya ma me ta k+She/ ni ra tsa sa/ to ru na yo/ ni ra dza/ drag po dug gi 'bru thus te// 'chi bdag las la bod pa yis// rnal ba'i las su bshad pa yin// ya ma k+She ta me/ dza ra ni dza/ ya ra ni yo/ na ru to sa/ drag po gnad gcod dug gi mtshon// gtad pa'i las sngags te// dkrugs pa'i sngags su yang dag bshad// mA rA ya yi so gdags sam// yang na nyin bzhi'i go rims bzhin// drag po'i 'khor lo bskor bar bya// che ge mo a mu kaM/ srog la trig shag rbad/ tsit+ta breng sha ka dzra/ srog la thums mugs rbad/ tsit+ta breng shag dza/srog la thun shag rbad/ nr-i tsit+ta breng hur thums dza/ srog la gzir shag rbad/ tsit+ta breng shag dza/ srog la breng breng dza/ nr-i srog la dun dun rbad/ khaM shag tsa la rbad/ srog la myos rbad/ khyer phung mugs ti ling shag lo dza/srog rtsa khrag ti snying phyung thum ril raM shag rbad/ gsod pa spu gri'i mtshon cha ste// lus srog 'byed pa'i sngags su bstan// zla ba tha chung mar ngo la// drag po'i las la sbyar bar bya// 'khor lo'i mtshon cha me dbal gyis// rtsa srog shes pa 'brel bar byed// sngags kyi bstod tshigs bar bar du// spyi rgyugs sngags kyi phu sprugs bya// dgongs kyi ro longs rub dus su// drag po kha thun sngags kyis gdab// rgyun gyi 'dzab kyis khog phub la// gshin rje nag por khram la gdab// nyungs kar sngags kyis bla dgug cing// dug khrag thun gyis bsnun cing gsad// 'khor lo gcod pa'i grogs su 'gyur// las kyi sbyor ba rdzogs pa dang// tshes gcig dag tu brtsis pa yi// nyi ma sa 'og song ba la// dur khrod gnas sam klu yi grong// 'byung bo'i gnas su gnan pa bya// gnan pa'i las rnams rdzogs pa dang// zor gyi kha gso rgyun mi gcad// ces gsungs so// dpal gshin rje gshed po ya ma ra dza sku khros pa'i rgyud las// kha thun nag po 'khor lo gcod byed kyi le'u ste bzhi pa'o//// de nas rdo rje snying po yis// kha thus 'khor lo nag po yi// las kyi rim pa de lta na// 'chi bdag las kyi gshin rje rnams// gshed ma srog la rbad pa dang// drag po thun gyis gsad pa yi// thun gyi ngan sngags ji lta bu// 'jam dpal khros pas nges gsungs pa// gdug byed gshin rje pho mo rnams// 'di nas byang phyogs ri bo'i rmang// dpag tshad brgyad khri mar 'das na// rgya mtsho'i gling gi bar dag na// thod pa lcags kyi mun khang na// gshin rje yongs kyi sde dpon po// ma mo kun gyi tshogs rje bo// klu bdud yongs kyi srin po ste// gson gshin gnyis kyi zam kha pa// gson pho brkos la 'debs par byed// shi ba kun gyi gshin bu rje// gshin rje nag po dgra bo'i gshed// bdud po mi zan skye 'gro'i bdud// bye ba gung ring sus mi zlog/ me lce klog gi 'phreng ba can// lag na be chen 'khor lo thogs// zas su dam nyams srog dbugs za// ma he nag po zhon nas rgyu// thog dang ser ba zhal nas 'bebs// bstan pa 'jig pa'i dgra bo 'di// khram la thob la ltong la u0f84rgyus// be chen rgyob la 'khor lo skor// bdud mo khrag gi ral pa can// srid gsum lto na 'chang ba mo// sha khrag srog dbugs bdag mo ste// las kyi rlung dmar zhon nas ni// lag na thod pa'i khrag spyo zhing// 'du ba rnam bzhi'i nad gtong ma// bstan pa 'jig pa'i dgra bo 'di// khram la thob la stong la rgyus// khram mda' bu yug char ltar phob// sprul pa gshin rje nag po'i tshogs// pho brang lcags mkhar glong dgu nas// 'chi bdag gshin rje las la rgyu// gshin rje chos kyi rgyal po ni// mthing nag ma he sngo nag chibs// lag na ral gri zhags pa thogs// bka' nyan gshin rje phya sangs ni// dkar skya zla ba'i 'khor lo zhon// lag na tshe srog bum pa thogs// mgo 'khor byed pa'i gshin rje dang// tshe srog sdud pa'i gshin rje yis// tshangs pa'i rtsa chen gcad pa'i phyir// khram la thob la stong la rgyus// mtshon chas gtubs la 'khor los skor// gshin rje'i rgyal po ya ba ti// sngo nag chu glang sngon po zhon// lag na ral gri dgra sta thogs// bka' nyan gshin rje rtel pa ni// nag po rnga mo rlung la zhon// lag na gsod byed mda' gzhu bsnams// khrag tu skyug pa'i gshin rje dang// srog dbugs len pa'i gshin rje dang// mgrin pa'i rtsa chen gcad pa'i phyir// khram la thob la ltong la rgyus// mtshon chas chod la 'khor los skor// gshin rje a ba glang mgo ni// dud kha dre rta rkang gsum zhon// lag na lcags kyu zhags pa thogs// bka' nyan gshin rje smigs pa ni// sngo nag rlung sha rwa bcu zhon/ lag na ber kha zhags pa thogs// rgyal bar byed pa'i gshin rje dang// bla srog len pa'i gshin rje yis// lte ba'i rtsa chen gcad pa'i phyir// khram la thob la ltong la rgyus// mtshon chas gtubs la 'khor los skor// gshin rje ral ba tshar dgu ni// ljang nag gdug pa sbrul la zhon// lag na zhags ba dbyug pa thogs// bka' nyan gshin rje mig dmar ni// dmar po lkug la zhon// lag na spu gri zhags pa bsnams// gsod bar byed pa'i gshin rje dang// srog rtsa gcod pa'i gshin rje yis// snying gi rtsa chen gcad pa'i phyir// khram la thob la stong la rgyus// mtshon chas gtubs la 'khor los skor// gshin rje'i khraM khraM khraM la thob// gsod byed gshin rje'i chung ma ste// nag mo ral ba 'bebs pa mo// bdud kyi lcam mo khrag mig ma// mon mo gser gyi rna cha can// nyams pa'i dgra bo bsgral ba'i phyir// khram la thob la ltong la rgyus// myos pa khrag gi thun phob cig/ gsod pa dug gi thun phob la// gsod byed gshin rje'i gnas su khrid// mtshon cha'i 'khor lo'i rtsibs la skyon// gshin rje'i khraM khraM khraM la thob// gdug byed gshin rje pho mo rnams// gshed dmar srog la bskul bar bshad// de nas bcom ldan 'das kyis ngan sngags 'di dag gsungs so// oM ya ma rA dza sa to me b+h+yo/ru lu ru lu hU~M phaT/ baM ri li ri li rbad nan/ oM dub nur dub nur/ che ge mo tshal pa tshal pa nan/ oM snying gshogs snying me kha la mu lo b+h+yo/ rtsa thun nan/ oM sa sti ru ru gong tra ra dza nan/ che ge mo mA ra ya nan/ oM mun ya mugs ti subs/ che ge mo la cho cho/ bal hu bal hu/ bal yu bal yu/ snying gong rtsa thun nan/ rtsa thun nan/ che ge mo nan/ khrag thun khong khrag che ge mo'i khong khrag la thum ril ril b+h+yo/myos pa khrag la gsod ba dug/ gdug pa'i mda' la dri la brdeg/ zhal gyi dmod pa dug mda' ste// 'khor lo'i kha ni thun gyis gcad// dpal gshin rje gshed ya marA dza sku khros pa'i rgyud las/ gshed dmar srog la bskur zhing thun gyis gsad pa'i le'u ste lnga pa'o//// de nas rdo rje sny-ing po yis// gdug byed 'chi bdag bskur ba dang// thun gyis gsad pa de ltar na// las rnams kun gyis ma grub na// gsad pa las kyi thus kha ru// 'chi bdag gshin rje spang smad kyi// dmod pa'i drag sngags ji ltar bsgrub// 'jam dpal khro bos nges gsungs pa// 'chi bdag gshin rje nag po yi// gsad pa las kyi thus kha ru// drag po sbad smad ar la gtad// zhal dang 'khor lo'i dmod pa yis// ma grub sbogs dang shi sa bstan pa yis// gsang ba'i drag sngags bstan pa yin// thog mar byang chub sems ldan pas// dur khrod dgon pa de dag tu// mi bsad g.yul gyi phung sa la// maN+Dal mda' gang gru bzhi la// dbus su gru gsum chag gang rtsig/ bang rim gsum ldan nag po byug/ gtor ma bdud rtsi rak+ta dang// gshin rje pho mo'i dam rdzas bsag/mon dang snrel dri'i thod pa la// mkhas pas gshags la 'chi bdag bri// pho dang mo yi drag sngags ni// g.yas dang g.yon du ma nor bri// beb sa ti sang ha'i mgo/ bskyed la spyan drangs dbang bsdu mchod// lto ru a mu rni dza gzhug/ tshas ldan dar nag re bas gtum// 'brub khung bcug la ro lam brgyad// ting 'dzin rnam gsum rim pa las// gshin rje gshed po gsal bar bya// las kyi gshin rje gsal bar bya// bskyed dang spyan drangs mchod pa dbul// gshed dmar srog la rbad par bya// de nas nyin mtshan dmod par bye// dgongs kyi grob so byung ba dang// ro langs las la rub dus su// dmod pa sngags kyi phu sprug bya// las rdzogs brag dang chu 'thab bam// 'on te 'byung po'i srang du gnan// thod sbrul drag po'i las su bshad// gzhan yang pho mo'i thod pa'am// dur khrod ro ras de dag la// mkhas pas 'khor lo bris byas la// pho mo gzhan gyi dmod pa dgod// nyi ma bzhi ru las sbyar na// las rnams grub bar dpa' bos bshad// nyin mo gdug pa pho yi sngags// mA ra ya yis dgra bo sgrol// mtshan mo gdug pa mo yi sngags// mA ra nr-i dza'i sgra las drang// gsang ba sngags kyi spu gri las// rno dbal sngags kyi so brdar la// dmod pa nyin mtshan bsnol mar drang// spyi rgyugs sngags kyi char phab la// bla dgug khram la gdab par bya// myos ba'i thun gyis rab snyugs la// gdug pa can nam shi sar gtad// gzhan yang dmod pa'i las bya na// rab chad thod par gru gsum e// dug khrag ldan pas bris byas la// drag po'i dmod pa dril ba'i mchog/ bzlas shing gzugs la trag tu brab// las rdzogs lung dang mthun par gnan// drag po sngags kyi grangs rdzogs kyang// lus srog mngon du ma phye na// sngags kyis yi ge lto nas zlog/dkrugs pa'i sngags kyis shi sa bstan// de nas bcom ldan 'das kyi 'chi bdag dmod pa dug gi spu gri 'di dag gsung so// ya ma rA dza gshin rje sa to yam// ya mA rA gshin rje mug to yaM/ ya mA rA dza gshin rje kha to yaM/ya ma rA dza gshin rje snying to yaM/ ya ma rA dza gshin rje khrag ti yaM/ ya ma rA dza kha thun dus bsdus/ ya ma rA dza sum b+h+yo/ gshin rje nag po dun b+h+yo/ kring kring ma ra tsa ma ni/ snying shad shad nr-i dza/klad pa go ro tsa na gshogs// snying kha rag snying kha rag/ rag sha dug thun du ru shag/ rag sha ma tang ni dza b+h+yo/ ru lu ru lu/ sdang ba'i dgra bo la/ ma mo las kyi thun phob/ khrag nad rim nad phob/ dmod pa spu gri'i sngags su bshad/oM many+dzu shrI ya ma dza sa to me ya/ ya ma snying to me ya/ ya ma khrag to me ya/ ya ma mu to me ya/ nag po ya ma ri dza/ nag po d+ha ri dza/ nag po rag sha dgra bo mA ra ya baM ril rbad ya/ traka raka sha mi ti/rag mo nri sha ku ru thums/ rbad rbad mA ra ya myos myos/ long long rbad rbad 'dar yed yed/ thums ling ling/ dgra bo mA ra dza rbad ya/ las kyi gshin rje'i dmod pa ste// yab yum gsang ba'i dril sngags yin// gzhan yang las kyi brgya kha ru// 'chi bdag ar la gtad par bya// dbyar dgun gnyis kyi tha chung la// zhag grangs bcu gnyis gcig tu bsgrub// dkyil 'khor mthing nag gru gsum la// tha ma thal chen spar khab gtang// thod ngan ro ras ga 'u la// drag po sbad smad 'khor lo bri// thod pa'i nang du a mu kam// thod pa bya rog rjes can du// gtor ma bshams la 'chi bdag mchod/ 'od dang sgra dang rdo 'phen dang// dkar shal ma dang nyi zla dang// mkhar la mi gzugs 'phungs pa'o// de la 'jigs pa'i sems spangs te// 'chi bdag drag sngags bzlas shing brdeg/ kram ha ra/ byi sha ya ma/ ma rag tra ya/ b+h+yo ru lu ru lu he ya me/ san tsa ya kro ti/ ya ma ma ra ya snying kha raka tra/ sha sha me sen tsa/ ya ma ma mA ra ya snying kha rag/ raka tra ya su ma ti/ ya ma ma ka li/ hU~M tra la ra ya tsa dang/ kha rak+ta ya/ ma ma ka la/ko ta mA ra ya tsit+ta du ha ma dza dzA/ 'chi bdag rgyu ba'i dus su brdeg/ rdzogs dang gnan gtad rim par bya// zhes gsungs so// ya ma rA dza sku khros pa'i rgyud las/ drag po spad smad ar la gtad pa'i le'u ste drug pa'o//// de nas rdo rje snying po yis// gsang ba'i mthus ka de ltar na// bskyod pa zor gyi thus ka gang// 'jam pa'i dbyangs kyis nges gsungs pa// bdud kyi lcam mo khrag mig ma// srin mo 'jigs byed re ma ti// srog thig gsang ba'i thun sgrub brtsam// ri gsum rtse 'am chu gling du// dug las sprus pa'i maN+Dal bya// mthing nag gru gsum thod 'phreng mdzes// rgya gram thod pa gru chad ldan// sgo bzhi dur khrod ldan par bya// dbus su bse mkhar dar 'phen can// bya na bzhi dang tsit+ta brgyan// ma mo dre zhon mdung thung 'dzin// dur khrod rgyan ldan ral pa can// spyi gtsug rgya gram nyi ma can// thod 'phreng zhing chen g.yang gzhi dang// re lde sbrul nag khro chung 'bar// phyogs bzhir gsod byed srin mo bzhi// seng ge stag chen glang dang 'brug/ kun kyang snying 'byin thod khrag 'dzin// dkyil 'khor lho nub 'brub gnas su// mtshan ngan ban d+har dug khrag bsres// nyungs kar nyungs nag ske tshe bstim// thod ngan ling kha bcas la brab// sngags pa gshin rje gshed bsgoms la// thugs kha'i snying po sngags bcas pas// gtso bo'i thugs khar bzlas pa 'am// bzlas pa'i sngags kyis srog phrogs la// 'phrin las bdag mor de mngag go/ gtor ma rak+ta bdud rtsis mchod// srog snying bzlas shing dam rdzas btab// dkyil 'khor dbus su nag mo'i sku// khro gnyer 'jigs par bshad pa dang// me yi phung po 'thor ba dang// khrag gi rgya mtsho 'khyil dang rlom// lci 'thob 'od sgra sgrub khang 'tsheg/ 'dod pa mthong nas gsad pa brtsam// zhag gsum bdun nam bcu bzhi yis// gsad pa drag po'i las rnams brtsam// phur gdab zor 'phang mtshon gyis gtub// ling ga dur khrod mun gling gnan// dkyil 'khor 'thun rdzas dgram pa yang// gsang ba thus ka'i las su bshad// de nas bcom ldan 'das kyis drag po thun gyis sngags 'di gsungs so// oM sa ma ya many+dzu shrI ya mAn ta ka ya mA rA dza ma ma a ka dza ti dza dza/ raka mo te kum dza dza kha la ma hi b+h+yo b+h+yo/snying kha raka srog la b+h+yo b+h+yo/ oM tad+ya thA/ rak+mo trag rak+sha/ ma hi srog la dza dza/ ma mo rak+mo ki li srog la dun dun dza// trag rak+sha ma hi srog la breng breng/ thum ri li li b+h+yo/ trag sha ma hi dun b+h+yo/ re ma ti dgra bo'i srog la hur thums thums mA ra ya rbad rbad/spyi dang khyad par bsnyen pa ste// drag po gsad pa'i las rdzogs pa// srog tig yang tigs gsad pa yin// mgo 'phyangs ma dza dza/ dun mugs bla rtsa la dza dza/rtsa bo che la dun mugs/ nang khrol smad lnga la rtsa bo// thun baM thun ri ri li li rbad/ bla srog 'gugs shing gsod pa ste// 'bar ma nyungs thun sngags su 'dod// khram sngags nag mo 'dis kyang gdab// oM ya mAn+ta ka k+ShaM/ Ar+ya a rtsa la khram ma dug tsa tsa tshal pa tshal pa rbad rbad/ ma dug k+ShaM/ che ge mo srog rtsa la mugs ti rbad/ tsa tsa ra tsa rbad/ ma mo khrag la dun ti rdubs// srin po rus la choM choM tshol/gshin rje'i khram la lhan lhan thob/ dgra bo khraM kha ri li li nri dza rbad/ phur pa ya mAn+ta ka'i sku// khrag mig ma dang bcas pa bsam// nyin mtshan dus drug dag tu 'am// dus ni 'brug sgras tshub mas gdab// rtsa dang lus srog 'brel bar bshad// dpal gshin rje nag po ya ma rA dza sku khros ba'i rgyud las/ bdud kyi lcam mo sgrub pa'i le'u ste bdun pa'o//// de nas rdo rje snying po yis// bskyod pa'i zor kha de ltar na// gnan pa las kyi thus ka ru// klu bdud nag po ji ltar sgrub// 'jam dpal khro bos nges gsungs pa// gnan pa'i las kyi thus kha ni// 'chi bdag klu bdud nag po yis// nyin bzhi'i 'khor lo rdzogs byas nas// gnyis ra gdug pa'i sa phyogs gnan// klu gnas grong ngam dur khrod du// sngags kyi tshad ma thod pa yi// rnal 'byor ting 'dzin ldan pa des// dur khrod ras la sme khrag byug/ tsha ba gsum ldan dug chus byugs// pad+ma rak+tas 'khor lo bri// thig bzhi btab pas le'u tshe dgu// bcu gnyis bcu drug mu khyud gsum// dbus su sbrul gyi ra bar ldan// gshed bzhi'i gnas su thod pa sprul// btson khang rus sbal lto ru ming// bcu gnyis rgya gram sbrul dang me// bcu drug mtshon cha rgya gram sbrul// na ga klu yi sngags kyis bskor// gshed bzhi'i gsang sngags tshan bzhi la// spu gri gsad gnan nyin mtshan bsnol// skabs su thun sngags spyi rgyugs bzlas// rdzogs dang mdze can thod pa 'am// klu mkhar sbrul nag lto ba ru// dmigs pa 'khor lo dril te gzhug/ dar nag gtums la rgya yis gdab// gnyan ra gdug pa'i sa phyogs ni// byang phyogs gdol ba'i gnas su gnan// klu sbrul nag po'i ting 'dzin gyis// lto yis gzir la rgya yis gcag/ klu bdud ya ma'i pho brang gdab// steng du ri rab 'khor lo bskyed// rdo rje rgya gram 'gros kyis gnan// mchog phur bdun gyis sa la gdab// lam du zhugs nas rgya gram bcag/ zhag bdun bar du slar mi 'gro// sku la phyag rgyas bsdigs dang rbad// las rnams ma lus 'grub par gsungs// de nas bcom ldan 'das kyis klu sbrul nag po'i ngan sngags// gsang ba'i dug mda' 'di sku gsung thugs rdo rje las 'thon to// ya ma me ta k+She/ dgra bo mA ra ya rbad/ ya ma me ta k+She ma/ dgra bo mur tsa ya rbad/ya ta me ma k+She/ dgra bo rak+ta tsa ra rbad/ ya k+She ma ye ta/ dgra bo mA ra ya rbad/ ya ma me ta k+She/ nA ga khams thums myags/ dgra bo nri sbur rbad/ ya me ta k+She ma/ nA ga khams thums myags/ dgra bo'i srog la nri sbur rbad/ ya ta k+She nas me/ mA ga khams thums myags dgra bo'i srog nri sbur rbad/ ya k+She ma me te/ nA khams thums myags/ dgra bo'i srog la nri sbur rbad/ nyin mtshan sngags ni ma nor bzlas// thun sngags drag pos skabs su brab// nag po baM tsi tsi rgyas/ trag thur snying 'gul myags myags/ rtsa bzhi bskum/ shan shan srog la shan sbur sod swAhA/ drag sngags sbyor ba rdzogs pa dang// klu la nges par gtad pa na// klu sbrul nag pos nges par 'dzin// dpal gshin rje nag po ya ma rA dza sku khros pa'i rgyud las/ klu bdud sbrul nag 'khor lo'i le'u ste brgyad pa'o//// de nas 'jam pa'i dbyangs kyis ni// rdo rje can la nges gsungs pa// nyon cig rdo rje snying po che// rang bzhin rnam dag spros med las// bstan pa'i snying po nges pa'i don// gsang ba'i bka' rgyud rol par bshad// ma nor las kyi thus kha ru// thod pa nag po 'chi bdag gis// rang rgyud gshin rje bsgrub pa'i lung// 'khor lo gsum dang phyi nang gsum// gsang ba'i yang tig brnag pa'i so// las rnams kun la nges par 'phags// gsad pa'i zor dang gnan pa yi// las kyi thus ka gsang ba 'di// rdo rje can gyis nges par long// rtsa ba yan lag gnyis yin te// sgrub dang spogs pa'i rim par 'dod// don dam skye med spros las 'das// ngang la rdzogs pa khro bo'i sku// 'bar byed khro bo gtum bag can// rang rgyud gshin rje sgrub pa'i lugs// 'khor lo tun bsdebs bsgral ba'i las// gsang ba don gyi snying po 'di// bgrod thob phyag rgya rtogs ldan nam// dngos grub thob dang bsnyen pa rdzogs// don dang ldan pas 'khor lo bskor// de ma yin par rang la sdog/ dus kyi zla ba tha chung bzhi'i// mar ngo dag la bya ba yin// yi ge 'bru shag grong khyer nyid// srid pa gsum gyi lto na gnas// de phyir 'chi bdag rang rgyud kyis// 'khor lo rnam pa gsum du bshad// thod pa zhal gyi 'khor lo dang// gcod pa nam mkha'i 'khor lo dang// drag po thun gyi 'khor lo'o// thebs ldog nges pa'i tshad ma dag/nges par bshad pa 'di lta ste// thabs ldog 'byams dang 'gor ba'o// de las 'khor lo thebs pa'i rgyu// bgrod thob lha gsal bsnyen pa rdzogs// ka bzhi tshugs dang gdung bzhi bris// gcud phur bzhi ldan gzer bzhi thebs// rnal 'byor dkrug pa'i las rnams rdzogs// de yis nges par gcod cing thebs// de bzhin ldog pa'i rgyu bzhi ni// yi ge lhag chad nor ba dang// shad 'dres sna dbyar thig mtshams 'byar// re ga la rten dri mas gros// drag po'i 'khor lo ldog ba'i rgyu// de bzhin 'byams pa'i rgyu bstan pa// sngags la nan chung 'dzab ma rdzogs// las mchog nyams dang gtad yar chungs// gnyen po ma bskaur ri rab kyi// bsgom thabs ma byas 'khor lo 'khyams// de bzhin 'khor lo 'gor ba dag/ yi ge so sor mi mnyam dang// mgo log yi ge nor ba dag/bsgrubs kyang mi 'grub las rnams 'gor// de phyir tshad mas gtan la dbab// drag chen 'khor lo bskor bya zhing// thun gyi kha gso rgyun du bya// yan lag spogs pa chen po ste// zhal dang dmog pa'i 'khor lo yis// drag po spad kyi mtha' sdud bya// de yis las rnams 'grub par 'gyur// de nas yang ni bshad bya ba// rnal 'byor bla na med pa'i rgyud// lus dang yan lag spu gri'i rgyud// gsang sngags nges pa'i rno dbal 'di// thugs las gsang ba'i lam du phyung// 'di las 'jigs rten dngos grub mchog/ gsang ba'i nges don 'di yin pas// ma 'ongs dam can sgrub byed na// nga ni de la thugs brtse'o// zhes gsungs pas/ 'khor rnams dga' mgu yi rangs te mngon par bstod do// dpal gshin rje nag po sku khros pa'i rgyud las// gtad cing yi rang ba'i le'u ste dgu pa'o//// de nas gshin rje zla gsang nag po las kyithus ka'i rgyud la/ya ma rA dza sku khros pa rdzogs so//// bal yul rgyal po b+ha su d+ha ra dang/ bod kyi ban chung sangs rgyas bdag 'dra yis// bal yul b+ha ra sa ru bsgyur ba'o// bod 'bangs yongs la mi brdal bar/

CLOSE WINDOW