CLOSE WINDOW

Gpb041.005
བོད་ཡིག

Ar+ya ma rA dza kro d+hi rA dza tan+t+ra/ bod skad du/ khro bo gshin rje'i rgyal po'i rgyud/ dpal 'jigs byed rgyal po la phyag 'tshal lo// 'di skad bdag gis thos pa'i dus gcig na/ 'og min gyi gnas na dpal rdo rje srin po bzhugs te/de yi tshe dpal phyag na rdo rjes/ khro bo'i rgyal po ta ki ra dzas bstan pa/ bsrung ba'i bdag po bstan pa'i thabs bstan du gsol zhes zhus pas/ dpal 'jigs byed chen pos bka' stsal pa/bstan pa ni thugs kyi snying po'o// gnod byed 'joms pa'i thabs ni bsrung ba ste/ bcom ldan 'das gshin rje'i rgyal po ta ki'i rA dza de yi thabs dang man ngag gang du bstan pa ni/ khro bo ta ki rA dza dngos po de yi thabs bstan pa ni/ gsad pa'i thabs dang/ gso ba'i thabs dang/ dbab pa'i thabs dang/ gcad pa'i thabs dang bzhi'o// de la gsang pa'i thabs ni// khro bo ta ki ra dza sku mdog mthing nag la nyi zla pad+ma'i gdan la bzhugs pa/stag gi sham thabs dang/ chu srin gyi g.yang gzhi dang/ sbrul gyi chun bu dang/ dur khrod kyi chas brgyad kyis rab tu brgyan pa dang/ phyag g.yas na shel gyi gri bsnams/g.yon na lcags kyu spar shad bsnams pa ste dgra bgegs kyi 'bigs pa'o// de'i thun rdzas ni nyungs kar la bsngags la gtor ma la thun brab/ ling ga gsar rnying gnyis/ rang dri mi gtong bar/ snying khar ming/ dpral bar rus/ lte bar mtshan/ de yi sgoms su gsad pa'i ma rA dza/ lha 'dre gnyan sar sbas gnan la/ zhag bdun dag tu bsgrub par bya// de yi sgrub pa'i drag sngags bstan pa ni/oM ta ki rA dza tsit+ta hU~M phaT/ ces 'bum tsho bdun du bzlas so// gsad pa'i le'u ste dang pa'o//// gso ba'i rim pa bstan pa ni/ gu gul dkar po la me gtang la/ nad pa'i dri ma bkru zhing chu la bsngags la lus mgo 'jug khyab par byug go/bsrung ba'i drag sngags ni/ oM ta ki rA dza hU~M phaT/ gso ba'i le'u ste gnyis pa'o//// yang dbab pa'i thabs bstan pa ni/ khrag sna mang po tshogs tshad dang// dam nyams dmigs pa'i sngo sna dang// gangs chu la sogs pa'i chu snatshogs la sngags bzlas te/ zhag bdun na 'bum tsho bdun la dgra yul du sngo gseb tu gtor ro// ser ba'i sngags ni/ oM ta ki ra tsa tsan d+ha ka hU~M phaT/rA dza du li shag trang phroM hril/ na ga rA dza dud phroM shar phob/ ces pas chu mig med par ser ba phebs so// thog ser dbab ba'i le'u ste gsum pa'o//// ser ba gcad pa'i thabs ni 'di dag go/khro bo'i rgyal po ka ti rA dzas stong khams me'i rang bzhin du khyab pas/ sdang mig bgrad pa na mche ba gtsigs pa/ kha nas me'i 'od 'phro ba/ g.yon pa sdigs mdzub gyen la bsgreng ba/ g.yas pa yungs kar dril nas 'phen pa'i drag sngags ni/oM ta ki rA dza tsin+d+ha tsin+d+ha kharga hU~M phaT/ ces gcad pa'i le'u ste bzhi pa'o//// yang de yi dpal rdo rje sems dpa' rdo rje srin po la/ dpal phyag na rdo rjes zhus pa/ smyo 'bog gi thabs dang sbyor thabs bstan du gsol/ rdo rje srin pos bka' stsal ba/ bstan pa'i snying po la gnod pa byed pa la/ tshes gsum gyi chu dang yungs kar la sngags brdeg ste/ oM ta ki rA dza tsit+ta karag kharag hU~M phaT/ces pas dgra yi them pa'i 'og gam khang rtsar gtor na nges par nyams par 'gyur ro// smyo 'bog gi le'u ste lnga pa'o//// de nas yang phan pa'i thabs bstan du gsol zhes zhus pas/ dpal rdo rje mchang gi bka' stsal pa/ 'jig rten rims nad tshub ma lta bur byung yang/ ban+d+he sngags pa'i rus pa dang/ yungs kar dang/ khrag zor la sngags la brdeg ste/ oM ta ki rA dza tsin+d+ha karag kharag hU~M phaT/ ces yungs kar dang rin po che sna tshogs la 'bum bzlas nas mgul du btags na thub bo// sre'u gso ba'i le'u ste drug pa'o//// yang ngan sngags kyi dug mda' 'phangs na/ yungs kar dang/ khrag sna dang/gtor ma la ngan sngags bzlas te/ oM ta ki rA dza tsin+d+ha karag kharag hU~M phaT/ ces pas dgra phyogs su 'phang ste/ b+h+yo/ chos kyi chos zor 'phen pa slar la bzlog/ rgya yi ngan sngags 'phen pa slar la bzlog/bon gyi bon zor 'phen ba slar la bzlog/ b+h+yo rang gis rang la zo/ rang sngags kyis rang phung du chug/ rang mtshon rang la zug/ rang gi dmod pas rang phung du chug/ ces so// ngan sngags dug mda'i le'u ste bdun pa'o//// de nas dpal chen pos bka' stsal ba/ hU~M bcom ldan dpal chen gshin rje gshed// khro bo'i rgyal po ta ki ra dza ni// mthing nag me ltar 'bar ba'i 'od ldan zhing// sku smad stag gi sham thabs brgyan// chu srin g.yang gzhi lhabs se lhabs// phyag g.yas shel gyi gri gug bsnams// dam nyams dgra bgegs gshog pa/ dam rdzas bdud rtsi 'bar ba 'di gsol la// sdang dgra gnod bgegs rdul du lhogs// hU~M/ srin po 'dul mdzad khro rgyal btso// smug nag me ltar 'bar ba'i dkyil 'khor nas// rdo rje ral gri sbyor bas gdug pa 'dul// thogs med nam mkha' lta bu'i zhal mnga' ba// be con zhags pas dgra bgegs snying nas 'dren// mthing nag me yi dkyil 'khor 'od kyis kun tu bskor// gri gug 'bar ba phyag na bsnams pa yis// las ngan dgra bgegs snying khrag dron mo 'dren// shangs na dbugs byung rlung nag tshub mar 'tshub// sbyan rtsa dmar po bzlog pas stong gsum me yis bsreg/ zhal nas khrag 'dzag stong gsum 'tshig/ sku bskyod tsam gyis ma mo dbang du sdud// bstan pa gnyan po bsrung ba'i bya ra byed// dam rdzas bdud rtsi 'bar ba 'di gsol la// thugs dam dus la bab bo sa ma ya// ma g.yel bcol ba'i 'phrin las mdzod// ces bskul ba'i le'u ste brgyad pa'o//// de nas yang thod pa mtshan dang ldan pa ru// rten 'brel nus mthu tshangs bsogs pa// gru gsum zla gam gru bzhi'i nang du ni// rdzas gsal nas ni zhag grangs nyi shu rtsa gcig bzlas na gdon mi za'o// lha 'dre'i rgyu srang yod na/ gnyan po gang yod sa ru sba// sgo ru khru gang brkos nas ni// sbas te g.yam pas kha yang gcad// las kyi rdo rje rkang pa mnan// bcing ba phyag na rdo rjer sgom// hU~M/ nga ni khro bo'i rgyal po ste// ta ki rA dza yin nges pas// sbyor ba 'di ni bya bar gsungs// mnan ba'i le'u ste dgu pa'o//// sbyor ba 'di yi man ngag kyang// rang gi srog bzhin ma bcangs na// snod dang mi ldan spel ba na// na rag chen por lhung bar 'gyur// de bas nan tan cher bskyed la// rin chen lta bu'i gang zag la// mna' dam bcas la gtad par bya// zhes gsungs so// khro bo 'dod pa'i rgyud bka' khyad par can// don gyi man ngag snying po'i rgyud// rgyud gtad pa'i le' ste bcu pa'o//// 'phags pa'i rgyal po gshin rje gshed khro bo ka ti rA dza'i rgyud tshogs rdzogs so////

CLOSE WINDOW