CLOSE WINDOW

Gpb040.010
བོད་ཡིག

bod skad du/ 'phags pa 'jam dpal rin po che gsang ba'i rgyud/ bcom ldan 'das dpal gshin rje gshed po la phyag 'tshal lo// 'di skad bdag gis thos pa'i dus gcig na/ rang bzhin lhun gyis grub pa'i gnas/ khyab brdal chen po'i klaung/ rgya yongs su ma chad pa dur khrod chen po rab tu 'jigs pa gtum pa'i tshal bam ro brtsegs pa'i pho brang mthing nag gru gsum 'bar ba'i dbyings na// bcom ldan 'das dpal khro mchog ya man ta ka za byed kyi yum chen mo pe ta li+e dang 'khril te/ gnyis su med pa mnyam pa chen po'i ngang las/ dus gsum gyi de bzhin gshegs pa thams cad kyi sku gsung thugs kyi bcud bsdus nas/ g.yo ba med pa'i ngang la snyoms par zhugs so// de'i tshe de'i dus na/ nyid las ma g.yos pa'i sprul pa rdo rje 'jigs byed dang/ dus gsum gcig pa'i sangs rgyas dang/ sa dang lam la gnas pa'i byang chub sems dpa' rnams dang/ gdug pa 'dul byed khro rgyal dregs pa can rnams dang thabs cig tu bzhugs te// 'di ltar ye shes kyi gshed bzhi dang/ khros pa'i yum bzhi dang/ thar byed chen po brgyad dang/ khram bdag chen po bcu gnyis dang/ shan pa chen po brgyad dang/ mdangs len gyi khro mo brgyad dang/ za byed kyi tshogs dang/ 'joms byed kyi tshogs dang/ gsod byed kyi tshogs dang/ khram thogs kyi bdud dang/ rtsis byed kyi ging dang/ zor thogs kyi ma mo dang sha za'i srin po dang/ srin mo la sogs pa dregs pa can thams cad dang thabs cig tu bzhugs so// de yi tshe 'khor de dag gi nang nas thugs kyi sprul pa 'jigs byed chen po bzhengs te/ bcom ldan 'das la 'di skad ces gsol to// ye nas ma skyes chos sku dag pa yis// mi rtog mnyam pa'i ngang las ma g.yos kyang/ gdug pa 'dul phyir rdzogs pa'i skur bzhengs la// thugs rje drag pos 'gro ba'i don mdzod cig/ ces gsol pas/ de nas bcom ldan 'das kyis/ mnyam pa chen po'i ngang las/ rol pa chen po gtum pa'i sku/ dregs pa can thams cad zil gyis gnon bar bzhengs te/ gdug pa gdul bar byed pa dpa' brtul 'bar ba'i ting nge 'dzin la snyoms par zhugs so// de yi tshe 'jig rten gyi khams thams cad g.yos par gyur/ rab tu 'gul zhing ldeg go/ 'khor du gtogs shing 'dus pa rnams 'gyel te/ rab tu gan te 'gyel bar gyur to// de nas thugs kyi sprul pa ya ma ra dzAs gsol pa// kye ma sangs rgyas kun gyi ngo bo rdo rje 'chang// mnyam pa'i ngang las 'jigs pa'i sku khros pa'i// dpa' brtul 'bar byed brtan pa ngo mtshar che// 'jig rten khams kun 'ur 'ur chem chem g.yos// 'khor du gtogs pa rab tu brgyal te 'gyel// 'khor rnams so so srog dang ldan par mdzod// ces gsol to// de nas yang bcom ldan 'das kyis/ chos thams cad ci yang ma yin pa zhes bya ba mnyam pa nyid kyi ngang la snyoms par zhugs so// de ma thag tu 'khor thams cad brgyal ba las langs te/ bcom ldan 'das la srog gi snying po dril te phul to// kye ho 'phags pa'i rgyal po gshin rje gshed// rab tu khros pas sems can dran pa nyams// rdzun 'phrul rmad byung ngo mtshar che// bdag cag 'khor dang bcas pa yis// rnam shes srog snying dril ba'i mchog/ bstan pa bsrung phyir mdongs gsol phul// dkyil 'khor chen po'i bsrungs ma bgyid// e ya ma me ta k+She/ ra dza sa to/ ru Na yo ni/ ra ya tsa ni/ zhes pa mdongs gsol du phul lo// de nas yang thugs kyi sprul pa ya ma rA dzas 'di skad ces gsol to// kye ma 'jigs byed chen po lags// gtum rngam 'khrugs pa'i nga ro yis// 'khor gyi dregs pa dbang bsdus nas// 'jam dbyangs khro bor zhugs pa nyid// gshed bdag dpa' bo sgrub pa dang// 'khor gyi shan pa bkol ba yi// las kyi rim pa bshad par mdzod// ces gsol to// de nas bcom ldan 'das kyis 'gro ba yongs su bstan pa'i ting nge 'dzin la zhugs nas 'di skad ces gsungs so// mi rtog mnyam pa chen po las/ bstan pa'i snying po nges par bshad// byin brlabs ldan pa gsang ba'i bcud// rnal 'byor chen po rtsa ba'i don// bstan pa rin chen rgya lam gcig/ thabs dang shes rab snying po'i bka'// nye bar gyur pa gsang ba'i don// dngos grub chen po nye ba'i mchog/ lus gcig yan lag bzhi dang ldan// mtha' sdud kha gso las kyis so// rnal dang lto dkrug bzlog pa yi// bsnyen bsgrub spogs dang shi sa 'gro// phyi dang nang dang gsang ba yis// las kyi gshin rje'i grong khyer dkrug/ yan lag nye ba shan pa'i so// gsang sngags don gyi snying po 'di// rigs ldan nye ba'i sras kyi zung// bgrod pa gsum gyis bcud blangs te// yun du mi gtong rnal 'byor can// nyid kyi lta spyod gsang ba ste// bka' byin rlabs yun du bde// thabs kyis 'gro ba'i lam du yang// smod pa'i rgyal po lam gyi mchog/ zhe sdang gtum khro'i ngang tshul can// nye bar gyur pa'i lam du bshad// 'jam dpal gshin rje gsang ba'i rgyud las/ gleng gzhi'i le'u ste dang po'o//// de nas bcom ldan 'das kyis/ khro bo 'byung ba zhes bya ba nyid kyi dkyil 'khor chen po 'di gsungs so// rtog med spros bral chos kyi dbyings// dmigs med mkha' mnyam byang chub sems// dngos dang mtshan mar mi dmigs pas// chos nyid ngang du dbyer med mnyam// chu zla'i dkyil 'khor ji bzhin du// sgyu ma'i sems nyid de dang 'dra// mkha' la gzha' tshon snang ba yang// nam mkha' ngang du ro gcig mnyam// yod de yod pa ma yin te// gzugs dang kha dog yul las 'das// med de med pa ma yin te// stong pa nyid la cho 'phrul 'byung// sems nyid 'od kyi thig le las// 'ong 'phro 'dus nas hU~M du gsal// hU~M las 'khor lo b+h+ruM gyi sgras// rnam par dag pa yum gyi klong// skye ba med pa'i dbyings nyid las// thugs kyi byin rlabs chen po yis// ye shes lhun grub gzhal yas khang// phyi nang med par kun tu nang// gsar snying thod chen 'bar bas gtams// gru bzhi rin chen rgyu dang ldan// sgo bzhi gru chad bar khyams ldan// rta babs bzhi ngang rta ra na// dra ba dra phyed chun 'phyang sbrul// lha brgyad klu brgyad ka ba gdung// nyi zla rin chen gdan dang bro// gza' brgyad rgyu skar ldan pas klubs// rus sbal sbrul nag khyung gis mdzes// ban d+ha lcang lo kha bad can// ta la'i shing dang ro myags 'dam// dur khrod po'i gnas brgyad ldan// bde gshegs kun gyi rang bzhin gyi// yi ge hU~M gi byin rlabs las// lhun grub gzhal yas gsal ba'i dbus// ma mo gshin rje ded dpon gyis// dam tshig dran de gdan du bsnol// yi dwags ma he'i khri stengs na// gyad kyi 'jigs tshul brjid par gnas// sngags kyi yi ge bcu bdun pos// nga yi gzugs su gyur par byos// ro langs khro ma mthing skya'i sku// tri shul ban dmar phyag na bsnams// skyem mo'i khro mo smug gcig ste// mi snying spyang mor 'dzin pa gnas// ye shes thugs kyi sa bon las// smugs nag khros pa'i gshin rje ste// 'jigs byed ya ma rA dza dang// nag mo khrag gi mig can ma// mngag pa las kyi pho nyar bsam// thod khang gshin rje bdud dang ni// srin po gnod sbyin khro bo la// lcags mkhar khram bdag bcu gnyis ldan// dur khrod 'bar ba'i gnas brgyad nas// brda dang gar bsgyur rdo rje gdang// sprugs pa'i glu len dung 'bud dang// sha za khrag skyems rkan brdabs dang// khro dang rgod dang dar nag g.yab 'dor dang// dur khrod ro la 'thub zhing za ba dang// 'khor lo gdengs dang gnam lcags 'phen// 'o dod 'bod cing khrag chen 'thung// 'dzum pa'i mdangs 'don rngam pa'i sgra chen sgrogs// lce spyang ling du kang ka mchu rings sogs// dpag med dur khrod 'bar ba'i rgyan dang ldan// dkyil 'khor bsam 'das rtog med rdzogs pa chen// mi rtog dbyings nas thugs rje chen po yis// 'gro drug thabs kyis 'dul phyir khro bo'i sku// dbu gsum phyag drug 'jigs shing rngam par bgrad// rtag chad 'dzin rtog mtha' las 'das pa'i sku// phyag rgya chen po sgrol ba'i lam du gsungs// 'jam dpal gshin rje gsang ba'i rgyud las/ sku'i dkyil 'khor mngon du phyung ba'i le'u ste gnyis pa'o//// de nas bcom ldan 'das kyis/ drag po'i tshim rngam 'bar bas gdug pa 'dul ba'i phyir/ khro bo'i rgyal po gshin rje gshed kyi gsung gi de kho na nyid gsang sngags kyi yi ge 'di dag gsungs so// bsnyen dang nye ba rgyun gyi sngags// drag po'i mtshon cha rno myur ldan// lha srin srog gi rtsa ba 'di// ma yengs ting 'dzin 'phro 'du yis// mi yur mi 'khyams bsam gtan gyis// lho yi phyogs su kha bltas te// ku sha'i stan la 'dug nas ni// gshin rje'i sku la blta zhing bsgom// myur ba ma yin bul ba min// de bzhin yi ge 'dres pa min// shin tu gsal zhing dag par smra// yid bzhin nor bu'i 'phreng ba ste// rnam pa yi ge ngo bo lha// rang bzhin stong pa nus pa me// ya man ta ka'i ngo bo nyid// oM a kro te ka ya man ta ka ha na ma tha b+hany+dza hU~M phaT/ 'phags ba'i nang nas 'jam dpal nyid// 'chi bdag gshin rje bshan rje bshan pa'i tshogs// rdo rje khrau mo khrag mig ma// nag mo ral pa 'bebs pa'i tshogs// bsnyen cing bsgrubs na gang yang 'grub// oM sa ma ya many+dzu shrI mu tra/ sa man ta ka pa tsa te ro ni hU~Mdza/ oM sa ma ya many+dzu shrI ya man ta ka ya ma rA dza/ ma ma e ka dza Ti dza dza/ traka ragi sha mu tra snying kha rag ma b+h+yo/ rag mo te kuM dza dza/ kha la kha la ma hi b+h+yo b+h+yo/ ya ma lon tsin dan ma la b+h+yo dza/ snying khar rag srog la b+h+yo b+h+yo/ 'chi bdag gshin rje'i smod pa ste// mtshon cha'i ya gi dug gi ngar// ye shes lha dang las byed dang// srog gi rtsa ba'i 'di lta bu// oM ya man ta ka ya ma rA dza sa ho me ya/ ya me to ru Na yo to ya/ ya ta yo na ra yak+She ya/ yak+She ya tsa ni ra ma ya hU~M phaT/ oM oM ya ma rA dza sa to me b+h+yo/ ru lu ru lu che ge mo hU~M phaT/ baM ri li li rbad nan/ oM nub dur nub dur/ che ge mo tshal pa tshal ba nan/ oM snying gshogs snying me kha la mu lo tsa thun nan/ oM sa ti ru ru gong bkra ra tsa nan/ che ge mo mA ra ya nan/ oM a kro te ka many+dzu shrI kak+Sho la rU pa sha ya nan/ baM rbad ru lu ru hU~M dza/ ru lu tshal pa yin/ sta sha ru ni nan che ge mo mA ra ya nan/ oM ya man ta keM ar+ya a tsa la k+ShaM/ oM ma dug tsa tsa/ tshal pa tshal pa rbad rbad/ ma dug k+ShaM/ ya man k+ShaM/ che ge mo srog rtsa mugs ti rbad/ tsa tsa ra dza rbad/ ma mo khrag la gshin rje khram/ dun ting rngubs/ srin po rus la chom chom tshal/ lhan lhan thob/ dgra bo khram ka khraM ri li li ni dza rbad/ oM muM ya/ oM mugs te subs/ che ge mo la cho cho/ bal hub bal hub/ bal yu bal yu/ snying mgo ma thun nan/ ma thun nan/ che ge mo nan/ khrag thun khong khreg la ya/ raka mo shen pa mA ra ya/ mgo 'phyangs ma dza dza/ dug mun bla rtsa la dza dza/ rtsa bo che la dun rmugs nang khrol smad la lnga rtsa ba thun baM/ thums ri li li rbad rbad/ gsang ba'i kha thun brnag pa'i so// khrag dang phur ba nyungs kar sngags// 'khor lo gcod pa'i sngags su 'gyur// sngags kyi grong khyer sgrel byas pa// spyi rgyugs dus mtha' brtul bar byed// gsang sngags drag po thun gyis so// zhes gsungs so// 'jam dpal gshin rje gsang ba'i rgyud las/ gsang ba sngags kyi le'u ste gsum pa'o//// de nas bcom ldan 'das kyis/ 'bar ba'i dkyil 'khor la bstod pa 'di gsungs so// hU~M/ gtum chen dregs pa chen po thams cad 'joms pa'i lha// dbang byed bdud 'dul dur khrod chas kyis brgyan// khro rngam gdug par srid gsum thal bar rlog/ sgrol byed sku mchog ma mo 'bangs su 'khol// gtum chen rab 'bar gshin rje 'joms mdzad lha// 'jigs byed ya ma rA dza'i sku la phyag 'tshal bstod// nyi ma 'bum bas lhag pa'i 'od stong phyogs bcur 'gyed// gdug byed mtshon cha mang po bskal pa'i me ltar 'bar// rab brjid gshin rje 'joms la phyag 'tshal lo// rdo rje'i sku la sku dbang rab brgyan cing// gcan gzan gdug pa'i lpags rlon na bzar gsol// sha za 'ug pa'i tshom bus dbu yi thod du bcings// khro bo'i rgyal po zhal gsum phyag drug hU~M sgra can// phaT kyis khams gsum stong mdzad zhabs drug gshin rje 'joms// brkyang bskum brjid pas gshin rje ya ba ti'i snying kha gnan/ ljags 'dril tshems kyi gseb nas thog phab bas// 'khor gyi ma mo rnams kyang bran du 'khol// tsham rngam khro bo'i rkan sgra brdabs pa yis// 'khor gyi ma mo rnams kyang 'dar cug bcug/ tshangs pa 'khor bcas rdul gyi thigs 'dzag cing// lha chen khyab 'jug mahA de ba gnon// phyag na ban d+ha rlon pa rab bsnams shing// dngos grub 'khrug cing klad khrag zhal du gsol// khyung dang 'ug pa lta bu'i khrag bsnams shing// dam las ldog pa rnams la gtong par mdzod/ e ka dza Ti gu ya ral gcig ma// mi pham khro gnyer g.yu yi ral gcig ma// ral pa sprugs pa'i skra gseb re re nas// khro chung zhal gsum phyag drug stong khams khengs par 'gyed// kun kyang mi bzad 'jigs byed lcags kyu can// lcags kyu btab pas dgra bo'i rtsa ba gcod// gtum khro 'jigs byed yab yum tshogs la bstod// ces bstod par gyur to// de nas bcom ldan 'das kyis 'bar ba'i dkyil 'khor de dag la/ mchod pa 'bul ba 'di dag gsungs so// mthing nag gru gsum 'bar ba'i dkyil 'khor nas// mthing nag kham pa ral pa gyen du 'khyil ba'i lha// ral pa kham nag gyen du 'khyil ba yis// sum cu rtsa gsum lha rnams kun kyang 'dar spyug spyug/ spyan dgu sdang mig gyen du bzlog pa yis// phyogs bcu'i khro bo kun yang gan bub bsre// smin ma glog stong 'od du 'bar ba yis// sprul pa'i pho nyas srid gsum gang bar 'gongs// mche ba zla tshes dkar po gtsigs pa yis// dam nyams dgra bo'i srog rtsa gtsod par mdzad// zhal nas khro bo'i gad rgyangs bsgrags pa yis// khams gsum srid gsum 'gul zhing ldeg/ phyag drug mtshon cha mang pos dgra bgegs thal bar lhogs// thugs dam bskul gyis gnas 'dir gshegs su gsol// 'jigs byed ya ma rA dza'i thugs dam dgyes bskul ma// e ka dza Ti 'jigs byed dpal gyi yum// dad pa dang ni dam tshig gis// tshur gshegs tshur gshegs ma gcig rdo rje lha mo dam tshig ma// sku stod g.yu yi dril bu 'bum gyis brgyan// sku smad stag lpags rlon pa 'bum gyi cha ga can// g.yu yi ral pas dur khrod khams kun khyab// 'jigs byed ya ma rA dza'i thugs dam bskang phyir gshegs su gsol// sha khrag dmar gyi mchod pa bsnams su gsol// bdud rtsi sman gyi mchod pa dang// rag+ta dmar gyi gtor ma 'bul// 'jam dpal gshin rje gsang ba'i rgyud las/ pho brang dkyil 'khor chen po la bstod pa dang mchod pa'i le'u ste bzhi pa'o//// de nas bcom ldan 'das kyis/ las kyi ru tra bsgral ba'i phyir/ 'phrin las kyi rgyal po yi dags 'khor lo nag po gsad pa las kyi spu gri 'di gsungs so// thog mar shes bya blo sbyangs shing// dad dang dam tshig ldan pa yis// lta spyod gdeng ldan rnal 'byor gyis// dur khrod chen po rab 'jigs pa'i// gsar rnying mi ro spungs pa 'am// lho yi phyogs su kha bltas pa'i// brag ri nag po ha la'i mdog/ 'chi bdag pho mo sgrub pa'i gnas// sngon du bsod nams rdzogs pa yis// dur khrod sa la maN+Dal bya// rme ba'i khrag gis rab byugs la// byang chub sems dang rab ldan pas// mi smra mi yur mi 'khyam par// bzlas pa'i yi ge bcu bdun no// bye ba sngon du rdzogs par bya// khyad par gshin rje bsgrub pa'i dus// snang srid rak+ta'i gzhal yas su// dpal dang ya ma'i gtor ma dang// gshin rje pho mo'i dam rdzas bsham// snang sring ma mo 'du ba'i phyir// rak+ta dmar gyi arga dgram// sngags pa chas gos ldan pa yis// lha yi ting 'dzin gsal ba'i rten// bu don lho yi phyogs su dgram// ting 'dzin rnam gsum rim pas bsgom// ya man ta ka 'khor bcas bsgom// dbyings nas spyan drangs mchod pa dbul// de nas drag po'i sbyor ba ni// drag po'i 'khor lo bskor ba'i dus// dur khrod ras la sngags bstims te// las la sbyor ka'i bsnyen pa bya// ras la dug dang sme khrag byug/ srid gsum lto na yod rtags su// 'khor lo rim pa gsum du bskor// dbus su mu la'i yi ge ya// phyogs bzhir ma me ta k+She bri// phyi rim khang pa bcu gnyis su// me dbal yi ge bcu gnyis dgod// ya logs khang pa bcu drug la// sngags kyi rgyal po bcu pa bri// nag po 'jigs pa'i lto bar gzhug/ phyi rim smod pa nag po'i mtshon// sde brgyad dug gi spu gri dgod// rgya chen sa yi dkyil 'khor yang// rme khrag gsum gyis rab byugs la// thig bzhi btab ba'i le'u tshe dgu// phyi rim 'khor lo rtsibs bcu gnyis// thal chen gyis ni bri bar bya// dug dang mtshon cha'i yi ge dgod// yi dags ro yi gos blangs la// bla sems chags shing nyams par byed// dmigs pa'i lus ni ci 'drar bri// rnam shes gnad kyis dgug pa'i phyir// dza yi bar du yi ge nri// bod par byed pa'i ming rus bri// rnam shes bkug la gzugs la bstim// gu gul sbyar ma'i dud pas bdug/ lha bskrad bya phyir zhabs mas bsdam// sngo dmar skud pas ske nas gdags// dur khrod khrag gi maN+Dal du// 'khor lo rtsang dmar kha la skyon// yi dwags gshin rje nag por bskyed// bdag nyid ting 'dzin ldan pa yis// sa gzhi gshags cing rgya mtsho dkrug/ las kyi gshin rje bkug la bstim// dngos ni 'chi bdag bdud chen yin// dbang du bsdus la dam rdzas sbyin/ zhes gsungs so// de nas yang bcom ldan 'das kyis/ nyin bzhi 'khor lo bskor ba'i gsang sngags 'di dag gsungs so// a ma dza ra sa to me ya/ che ge mo zhig a mu ka pra ma ya hU~M phaT/ ya me to ru na yo da ya/ che ge mo zhig a mu kham mur tsa ya hU~M phaT/ yad yo ni ra yak+She ya che ge mo zhig a mu ka rak+ta tsa ra ya hU~M phaT/ yak+She ya tsa ni ra ma ya che ge mo zhig a mu kaM mA ra ya hU~M phaT/ nyin bzhig dgongs kyi kha skongs su// thun sngags nyin bzhir phyed la bzlas// spyi rgyugs sngags kyi phu sprugs kyang// stong stong bar du dril la drang// reg chod drag sngags dril ba yis// 'khor lo gcod pa'i grogs su 'gyur// mtshan mo rgyun 'dzab thun du dril// gal te grub par ma gyur ram// las kyi thus ka'i dus dag tu// sngags rnams bzlog cing ar la gtad// tshogs drug gzhom zhing lnga phung gcad// dug gsum shes pa ar la gtad// 'khor lo rdzogs dang gnan sngags bzlas// tshes gcig dag tu brtsis pa yi// nyi ma dmar thag chad pa la// shis pa'i sa 'am gdon yod sar// 'khor lo mnan pa'i cho ga bya// drag po'i 'khor lo las sbyar mthar// thun gyi kha gso rgyun ma gcad// dus mtha' myur du brtul bar byed// ces gsungs so// 'jam dpal gshin rje gsang ba'i rgyud las/ yi dgos 'khor lo nag po'i las bsten pa'i le'u ste lnga pa'o//// de nas bcom ldan 'das kyis/ las myur du bya ba'i phyir/ 'chi bdag thod pa nag po gsang ba'i kha thun 'di gsungs so// gdeng gsum ldan pa'i sngags pa yis// dur khrod gdug pa'i gnas phyin la// dur khrod sa la maN+Dal bya// rme ba'i khrag gis rab byugs la// dbus su 'bru ba khung brtseg cing bru// kha sgyer dug shing rtsang gis bskor// gtor ma gsum dang rak+ta dang// 'chi bdag pho mo'i dam rdzas bsag/ lho yi phyogs su kha bltas la// ting 'dzin gsum po rim pa yis// gshed bdag khro bo yab yum bskyed// yang dang yang du gsal bar bsgom// 'jam dbyangs rdo rje hU~M rings kyis// sku rgyan gcig pa'i dkyil 'khor la// bstod cing gsol gdab byin rlabs kyis// gdug pa'i dgra bgegs bsgral ba'i phyir// drag po sngags kyi tsham rngam brjod// gru gsum mthing nag dkyil 'khor nas// ya man+ta ka 'khor dang bcas// dbyings nas spyan 'dren dbyer med bstim// mchod cing bstod pa dag kyang bya// rgyun du gsang sngags dril la bzlas// lha rtags mngon du gyur pa'i tshe// dngos grub blang ba'i cho ga bya// de nas drag po'i las la 'jug/ rabs chad mon dang mu su ra// thod pa nag po de blangs la// gug rgyal chu dang dri yis gsang// ma nor thod pa gshags par bya// ltag pa'i phyogs na gnas pa'i bdud// 'chi bdag gdug pa seng ge mgo/ zhal bgrad mche ba gtsigs pa ste// srid pa gsum po lto na 'chang// de yi gzugs brnyan legs brtags la// rims dang khrag tu sbyar ba yis// gshin rje'i zhal ni dbyung bar bya// dngos ni bye ba gung rings so// de yi snying khar yi ge ya// rdo sol nag pos bri bar bya// zhal nas kha thun g.yas bskor du// 'chi bdag mtha' ma 'khor bar bri// zhal gyi smod pa nag po yin// thod pa gong ma'i nang dag tu// ro langs lto bar mu khyud gsum// glong dgu bcu gnyis lcags khang du// drag po'i yi ge bcu bdun dgod// rag sha nag po 'jigs byed ma// dngos ni sr-in mo nag mo ste// dus mtha' brtul byed ma ru gsungs// de nas 'khor lo kha sbyar te// 'brub gnas bzhi ru ling kha bri// thod pa nag po'i rtsang la bskyon// gsang ba'i drag sngags rgyun du drang// zla ba nag po tha chung la// drag po thun gyi 'khor lo bskor// mtshan mo thun gyis brab par bya// khram la gdab dang thun gyis gsang// nyin mtshan sngags ni ma nor bar// bla rkun sngags kyis bla 'gugs te// spyi rgyugs sngags kyis dus mtha' brtul// 'khor lo nag po mA ra ya// gsang ba'i las su 'di shes bya// ya ma me ta k+She/ ni ra tsa sa/ to ru na yo ni ra ya dza/ dgra bo mA ra ya hU~M phaT/ ya ma k+She ta me/ dza ra ni ra/ ya ra ni yo/ na ru to sa/ che ge mo a mu kaM ma ra ya hU~M phaT/ ya ma me ta k+She/ ni ra ya tsa/ ni ra sa to/ ru na yo dza/ che ge mo a mu kaM mA ra ya hU~M phaT/ ya ma k+She ta me/ na ru to sa/ dza ra ni ya/ ri ni yo dza/ che ge mo a mu kaM ma ra ya hU~M phaT/ nyin gyi 'khor lo de ltar bskor// dug shing khram byang dag la yang// khram sngags bris la khram la gdab// mtshan mo rgyun 'dzab khob phub la// kha thun sngags kyis brab par bya// sngags kyi brgya bar stong bar du// khrag thun dbab pa'i las kyang bya// nyung kar sngags kyis bla dgug cing// 'chi bdag bshan pa'i dmag dpung dbab// gal te las de ma grub na// 'khor lo dkrug cing shi sa bstan// 'chi bdag ya ma rA dza dang// bdud kyi lcam mo rtag tu rbad// spyi rgyugs sngags kyi char phab la// 'khor lo thod pa re bas dril// shis pa'i sa 'am klu gnas mnan// thun gyi kha gso rgyun du bya// de ltar byas na lha yang 'chi// 'jam dpal gshin rje gsang ba'i rgyud las/ thod pa nag po 'chi bdag kha thun gyi le'u ste drug pa'o//// de nas bcom ldan 'das khrag 'thung chen po des/ 'phrin las kyi rgyal po gshed chen po ma traM gsang ba'i las rim 'di dag gsungs so// lha yi rnal 'byor ldan pa yis// dpa' brtul can gyi sngags pa des// dur khrod gdug pa'i gnas phyin la// dpa' bo gri ru shi ba yis// zhing chen pags pa rab bshus la// gsang ba sngags kyi 'khrul 'khor yang// dug khrag rdo sol sbyar ba yis// mi rkang rgyus pa skra shad pa ri ldan pas 'khor lo bri bar bya// bcu gnyis bar du a mu kaM/ mkhas pa dag gis bri bar bya// 'chi bdag gshin rja nag po yi// zhal phyag ldan pas shes par bya// rabs chad nag po'i thod par gzhug/ lho yi phyogs su phyag rgya'i rten// mig gi rten du mngon par dgram// zhing lpags gzhi 'am yan lag la// smu nag ser nag dmar nag ljang// zhing dbyug 'khor lo bsnams pa yis// gshed bdag khro bo 'jigs pa bzhi// tshon rtsi spyin med dam ldan pas// mkhas pas bris la phyogs bzhir dgram// mi rtogs dbyings nas thugs rje'i sku// bskyed de dbyings nas spyan drang mchod// gnyis su med pa'i yang snying la// mi smra rgyun gyi bsam gtan bya// de nas bcom ldan 'das kyis ma traM nag po gsang sngags kyi 'khrul 'khor 'di gsungs so// ya ma rA dza sa to me ya/ nag po rag sha che ge mo baM ril rbad ya/ ya me to ru na yo ta ya/ nag po raka sha che ge mo snying baM ril rbad ya/ ya ta yo ni ra yak+She ya/ ar+ya che ge mo rbad ya/ yak+She ya tsa ni ra ma ya/ raka sha che ge mo thum ril rbad ya/ sngags dang 'khor lo'i bar dag tu// bod par byed pa'i ming rnams gzhug/ nyin bzhi'i 'khor lo'i sngags su gsungs// mtshan mo'i srog sngags ma bzhi yis// gsang ba'i thun gyis brab par bya// re ma ti dang snying 'phrog ma// dza Ti ma dang raka sha ma// gsang ba'i yang snying 'di lta ste// oM ra ma ti rung trag kha rag mo snying kha rag trag ra kasha/ dam nyams che ge mo srin mo ru b+h+yo/ oM tsa du kha sha ka snying la rbad/ tsa du mA ra ya che ge mo lce ldibs/ raka sha tshal pa la pra ma ya/ oM dza ti ka ma ru raka sha ga ta che ge mo traM traM srin mo kha la rbad/ oM rag mo ru ru tsa pa la trag trag mo kro d+hI shwa ri snying la rbad ya/ gsang ba rag sha nag po ste// ma traM nag po gsad pa'i mtshon// nyungs kar gsang ba bla dgug cing// khram la gdab dang khrag thun dbab// gshed bzhi khram bdag bskul ba dang// spyi rgyugs las kun rdzogs par bya// dgongs dang tho rangs dus dag tu// rmad du byung ba'i gtor ma gtang// mtshan mo'i dus su yang snying dang// srin mo bzhi yi smod pas gdab// thun dbab srog phur sngags kyis brab// shis pa'i sa ru mkhas pas mnan// gal te las de g.yel ba na// 'khrul byed ro langs dril ba'i sngags// mtshan mo bzhi la bzlas pa bya// las 'jug 'khor los bzlog cing gzir// 'khrug pa'i gsang sngags 'di dag bzlas// ya ma rA dza snying ro shan/ sa tome ya krod+hI shwa ri/ ya mo to ru tsit+ta ro la shan ting/ na yo ta ya sa ma ya dza/ ya ta yo ni ro tsa rmugs/ ra yak+She ya sa ma ya dza/ yak+She ya tsa snying khrag chod/ ni ra ma ya srog srog mA ra ya phaT/ snying rtsa dgra bo mA ra ya/ brnag ba'i rgyal po gsang ba ste// ro langs rno myur ldan pa 'di// 'jig rten mgon gyis gsang bar gdams// 'jam dpal gshin rje gsang ba'i rgyud las/ rag sha nag po ma traM bsgral ba'i le'u ste bdun pa'o//// de nas bcom ldan 'das dpal khrag 'thung chen pa des// 'phrin las kyi brnag pa srog bdag g.yang gzhi la sgrub pa'i sbyor ba 'di gsungs so// dur khrod bdag po'i gnas dag tu// bdud bcad sa la maN+Dal bya// ra ro khrag gis chag chag gdab// dbus su gru gsum rgya bcad de// ni rang shu dang dug gis bri// 'khrul mig bcu bdun gsang sngags dgod// zag pa zad pa'i rdzas btus la// ra khrag sbyar te shog shog la// dmigs ba ci 'dra'i ling ga bri// gnang dang mtshon cha'i yi ge dgod// pho nya gtang zhing bla tshe dgug/ rnam shes bkug la gzugs la bstim// lha lnga bskrad phyir rdzas rgod sreg/ sngon dmar thag pas rab btags la// lho phyogs gshin rje nyid la gdags// rog po lte dkar dmigs pa'i rten// khrag byang bcu gsum mar la gdags// ting 'dzin gsum las gshed po bskyed// mchod dang bstod pa rdzogs pa dang// drag sngags 'khor lo bskor bar bya// srod dang tho rangs dgongs kha rnams// 'phrin las bcol ba'i las kyang bya// nyi ma ri la babs pa'i tshe// nyi ma bzhi pa'i 'khor lo bskor// rdzogs dang ra bsgral g.yang gzhi bshu// dbus su e la'i yi ge ni// phyi rol 'khrul 'khor rdzogs bris la// snying dang ling kha g.yang gzhir bshu// dmar nag drag sngags dril ba bzlas// rdzogs dang 'khor lo mnan pa bya// thun gyi khaM gso shes par bya// de nas bcom ldan 'das nyid kyi sku gsung thugs rdo rje las gsang sngags 'di dag gsungs so// ya ma rA dza sa to me ya/ ya me do ru na yo da ya/ ya ta yo ni ra yak+She ya/ yak+She ya tsa ni ra ma ya/ che ge mo pra ma ya hU~M phaT/ raka ta tsa ra ya/ mu ra tsa ya mA ra ya hU~M phaT/ rnal ma rnal to gshod la rngam gsol la mer mer/ spris la chum/ thu pis thu pis/ lcags kyi dgra/ dgra bo mA ra ya nri rbad/ nyin mtshan sngags kyi 'khrul 'khor dbye// nyin ni so sor gtor ba ste// mtshan mo dril lA mA ra ya// rnal ma rnal te'i sngags kyis gdab// bla dgug myos pa'i khrag gis bran// gshin rje nag pa'i khram la gdab// gsang ba'i 'khor lo rdzogs pa dang// g.yang gzhi ling ga kun dril te// lam po che 'am dur khrod khyim// stag gi kha 'am klu gnas su// mkhas pas gtad ba'i rim pa bya// rdzogs dang ra khrag dug rdzas bsre// kha thun sngags kyis kha gsos la// brnag pa'i phyogs su 'phang bar bya// rnal 'byor dbang phyug chen po yis// bkra shes tshe yi cho ga bya// las kyi rnam smin sbyang ba'i phyir// bskang gso'i cho ga rgya cher bya// zhes gsungs so// 'jam dpal gshin rje gsang ba'i rgyud las/ srog bdag g.yang gzhi la rten te sgrub pa'i le'u ste brgyad pa'o//// de nas bcom ldan 'das dpal khrag 'thung gi rgyal bo yis/ ro langs nag mo gsang ba'i 'khrul 'khor 'di dag gsungs so// las rnams kun gyis ma grub na// 'khrug byed dus mtha' brtul byed ma'i// 'khor lo thun bsdebs brnag pa'i las// las kyi thus kar ro langs bsgrub// dur khrod 'jigs pa'i gnas dag tu// dur khrod sa la maN+Dal bya// khrag gis byug la dam rdzas dgod// dur khrod ro yi gos blangs la// ni rang su yis mdog bton la// sme khrag dug sbyar gnag tsha yis// gshin rje'i lto bar 'khor lo bris// mu khyud rim pa gsum pa yis// dngos su lcags mkhar gling dgu bya// phyi rim lcags khang bcu drug tu// tha ma re cha drug dang ldan// de la gnas pa'i rim pa ni// dbus su mu la'i yi ge ste// mtshon bya'i yi ge 'bru brgyad dgod// bcu drug mkha' 'gro rtsa ba'i sngags// khang pa drug tu thun drug bri// maN+Dal dbus su rtsang la bskyon// rabs chad mon gyi thod pa ru// snying khrag dug sbyar thun yang sbyar// 'khor lo yig 'bru lhar bskyed la// mchod dang 'phrin las dag kyang bcol// nyi shu bdun nas gnam stong du// nyi ma bzhi pa'i 'khor lo bskor// dmod pa drag po dmo ba dang// sngags kyi phu sprugs dag kyang bya// mtshan mo dril dang thun drug sngags// mtshon cha bsnol ma brgya phrag gdeg/ khrag la gdab cing khrag thun dbab// 'khor lo thod pa re bas dril// bi ro tsan gyi khu ba 'am// klu yi pho brang yod sar mnan// gal te grub par ma gyur cing// ro langs las la g.yel ba na// 'khor lo bzlog cing dkrug par bya// de ltar byas na lha yang 'chi// de nas bcom ldan 'das kyis ro langs nag mo gsang ba'i sngags kyi 'khrul 'khor 'di dag gsungs so// oM sa ma ya many+dzu shrI ya ma rA dza/ ma ma e ka Ti dza dza/ traka rag sha ma tra sting kha rag ma b+h+yo/ srog la rbad/ nyi ya ya lon tsin dan ma ma b+h+yo/ snying kha rag srog la b+h+yo b+h+yo/ ya dum sham dun man tsit+ta rak+ta/ raM thun gzer snying/ rtsa ro myags ud/ che ge mo a mu ka/ srog la thum shag mA ra ya rbad/ nyin mtshan sngags ni dril gtor sdeb// ma ma tsit+ta kha la rak+Sha dun b+h+yo/ ma ma dum bu dum bu tshal pa tshal pa/ ha na ha na thun b+h+yo/ ma ma hur yaM ling rbad thun b+h+yo/ ma ma brag brag ni mi ni li thun b+h+yo/ ma ma thum thuM rub rub/ tsit+ta yaM shaka thun b+h+yo/ ma ma kha la rak+mo tsa la breng shag thun b+h+yo/ yang ud ro myags tsa/ yang snying gzer thun ri/ ya ta rak+ta tsi/ ya man dum shan dum/ a mu ka srog thum shag mA ra ya rbad/ ya ma me te ma b+h+yo ru lu rbad/ ro langs las la g.yel ba na// bzlog cing dkrug ba'i gsang sngags te// ya ba sha yi las su gsungs// 'jam dpal gshin rje gsang ba'i rgyud las/ ro langs gsang ba'i le'u ste dgu pa'o//// de nas yang bcom ldan 'das dpal khrag 'thung gi rgyal pos srog tig phur zor nag po zhes bya ba/ mkha' 'gro gsang ba'i las 'di gsungs so// gsung dang mthun pa'i gnas dag tu// maN+Dal legs par bshams nas kyang// pho brang gsang ba'i zhal phyung la// drag po'i zor kyang rdzogs par bya// mkha' 'gro gsang ba'i dam rdzas bsag/ sngags pa chas gos nag po gon// ya man+ta kar gsal byas la// gnyis su med pa'i yang snying bzlas// phur gdab zor 'phang mnan pa bya// spyug pa'i glu blang ma mo bod// rdza rnga brdung ste gshin rje rbad// rak+ta dmar gyi arga sbreng// bla rtags lon dang phur bus gdab// grub rtags byung nas zor yang 'phang// de nas bcom ldan 'das kyi sku gsung thugs rdo rje las/ gnyis su med pa'i yang snying khyad par du bzlas pa 'di dag gsungs so// oM sa ma ya many+dzu shrI ya man+ta ka ya mA rA dza/ ma ma e ka dza Ti dza dza/ rak+mo te kun dza dza/ kha la ma hi b+ho b+h+yo/ snying kha rag che ge mo srog la b+h+yo b+h+yo/ nag mo baM ri li li/ nag mo khrag la ri li li/ nag mo snying la ri li li/ nag mo srog la ri li li/ nag mo srog la cho cho/ nag mo baM ri li li/ dza dza re ma ti pa sha tsa pa la dza dza/ nag mo dgra bo'i snying la thum ril rbad/ nag mo dgra bo'i rtsa la baM ril rbad/ nag mo dgra bo'i srog la hur thums rbad/ nag mo dgra bo'i khrag la thum ril rbad/ pa tsa pa tsa mA rA ya thum ril rbad/ nag mo snying la thuM ril rbad/ nag mo srog la baM ril rbad/ nag mo sha la staM pa ril rbad/ nag mo rtsa la khug ril rbad/ nag mo dbugs la hur thums mA ra ya rbad/ srog phur gsang ba'i yang snying ste// gsang ba'i brnag par yang dag bshad// 'jam dpal gshin rje gsang ba'i rgyud las/ mkha' 'gro gsang ba'i le'u ste bcu pa'o//// de nas bcom ldan 'das kyis/ yogs su bskor ba'i 'khor rnams la gsang ba'i rgyud 'di gtad do// nyon cig 'khor du 'dus ba'i tshogs// e ma yang gsang rnal 'byor che// dbyings dang ye shes rol ba'i don// nye bar gyur pa gsang ba'i rgyud// 'khor lo thun bsdebs bsgral ba'i lung// brnag pa'i rgyal po gsang ba'i bcud// gnas dang srid pa sprul pa gcod// gnas pa'i 'khor lo sems la 'dus// sems las sems byung chos kyi sku// gsum gnyis lnga dang gnyis su yang// gnyis med gnyis su med par rdzogs// sprul pa'i 'khor la rkang la 'dus// gom pa bgrod pas 'gro drug gnas// srid pa'i 'khor lo lus la te// lus med lus te lus kyi mchog/ gcod pa'i 'phrin las dngos nyid de// stong phrag bdun dang brgya phrag brgyad// ye shes sgrol ba'i rtags kyis sgrol// 'phrin las du mar shar ba'o// gnang dgu gzer chen rgyu dang ni// bcu gnyis tshul dang 'gros lugs brgyad// phyi dang nang dang gsang ba dang// 'od zer brgyad kyis yang dag rdzogs// de dag dngos grub nye ba'i mthar// dus nyid rang 'byung rtsol ba la// bskul ba rnam bzhi sbyor ba gsum// bgrod stobs phyag rgya ldan pas brtsam// tsakra sUr+ya ya ma kar// mahA gu h+ya man+t+ra ste// phyi nang 'khor lo gsang bar 'dus// rgyu rkyen dgra las bca' ba'i thabs/

CLOSE WINDOW