CLOSE WINDOW

Gpb040.005
བོད་ཡིག

rgya gar skad du/ Ar+ya many+dzu shrI ya mA na ta ka gu h+ya hri shi ban sho nA ma tan tra/ bod skad du/ 'phags pa 'jam dpal gshin rje gshed po'i gsang ba drug cu pa zhes bya ba'i rgyud/ 'phags pa 'jam dpal gshin rje gshed po la phyag 'tshal lo// 'di skad bdag gis thos pa'i dus gcig na/ chos kyi dbyings kyi snang ba'i ye shes chen po'i pho brang rin po che shin tu 'bar ba'i gnas na/ seng ge dang/ pad+ma dang/ nyi ma dang/ zla ba'i gdan stengs na/ 'phags pa'i rgyal po bcom ldan 'das bzhugs so// 'khor sa bcu'i byang chub sems dpa' bye ba phrag brgya la theg pa bzhi'i chos kyi 'khor lo bskor cing bzhugs so// thugs rje che la thabs mkha' pa des 'gro ba drug gis sems can la ye shes chen po'i spyan rnam par dag pas gzigs pas/ sems can rnams dug lnga dug gsum dang nyon mongs pas shin tu sdug bsngal zhing rnam par dag pa ri rab chen po'i 'gram/ rgya mtsho chen po'i gting na/ nga bdag nyid rtag pa las gol ba'i las kyi gshin rje chen po d+ha rma sa ha zhes bya ba de la chung ma tsa mun dra zhes bya ba dang sbyor ba byas pa'i bu tsha ming sring nyi shu rtsa brgyad yod de/ ya mA ra dza dang/ myos byed 'bar ba dang/ Ar+ya ma ru dang/ ral pa tshar dgu dang/ kong rtse brag 'joms dang/ a ba glang mgo dang/ ya ba ti dang/ phya sangs dang/ smigs pa dang/ tel pa dang/ lha mchog dud kha dang/ chos kyi rgyal po dang/ mig dmar dang/ bdud 'joms dang/ pho bcu bzhi ste/ mo yang rag ta'i dri mnam ma dang/ lcags kyi spyang mo mgo dgu ma dang/ ye shes mkha' lding mo dang/ 'bar ma dang/ srin mo mgo 'phyang ma dang/ mi bzang rdo rje ral gcig ma dang/ drang srong dkar skya'i mche ba can dang/ gshin rje'i yul gcig re ma ti dang/ nyam can khrag gi ral gcig ma dang/ klu mo nag mo lus 'gro ma dang/ rlung lta spyan gsum mche ba can dang/ gnod spyin bu mo e shan dang/ me lha rdo rje ral gcig ma dang/ pa la ma dre sna ma dang/ bu tsha nyi shu rtsa brgyad kyis bskor nas 'khod do// de'i 'khor yang pho bdun mo bdun kyis bskor nas 'khod do// de'i phyi rim na lha ma srin sde brgyad kyis bskor nas 'khod do// de'i phyi rol na ma mo'i tshogs dpag tu med pas bskor nas 'khod pa las/ las kyi gshin rje chen po des/ sems can thams cad kyi srog 'phrog par byed/ mdangs 'phrog par byed/ dbugs 'phrog par byed/ sha za/ khrag 'thungs/ rus pa 'cha'/ rkang bldag/ pags pa gon/ skye 'gro thams cad kyi srog gcod do// ma shi ba'i sems can de yang khram la 'debs shing gzir ro// byin 'phrog par byed cing 'khod pa las/ de 'phags pa 'jam dpal gyis gzigs pas/ sems can de la thugs rje skyes nas/ zhi bas mi 'dul khro bo'i rnam par sprul pa dgongs te/ zhi ba'i sku las khro bo gshin rje gshed por bsgyur te/ las kyi gshin rje de ci 'dra bar sprul nas/ 'khor yang kho'i 'khor de 'dra ba mang por sprul te/ kho'i sngas su gshegs te/ kho'i gnas thod pa skam rlon la sogs pa lha chen po'i gdung can mi ro gsar rnying mang po yod pa de kun bshig bral te kho rang zhabs 'og tu mnan te/ zhal nas hUM hUM dang/ phaT phaT dang/ oM a kro te ka ya mAn ta ka ha na ma ta b+ha ny+dza hUM phaT/ ces brjod pas/ las kyi gshin rjes/ kye ma 'o dpa' bo chen po sku gsung thugs/ glong 'tshal ma bsgral ces pa'i sgra 'bod pa de dpal chen po gshin rje gshed pos yum sgrol ma nyid khro mo e ka dza Di mar sprul te/ yab yum gnyis su med pa'i 'khor ci 'dra ba re re 'khor yang zhabs 'og tu gzir ba las/ 'khor thams cad kyang skad ngan 'don cing dpal chen po'i bka' ci stsol nyan zhes te/ las kyi gshin rje rang rang gi srog gi snying po phul ba ni/ ya ma me ta k+She rA dza sa to ru na yo ni ra la tsa ni/ zhes pa der phul lo// srog snying de nas dpal gshin rje gshed bos drangs te dam phog pa ni/ khyod kyis sngar sems can gyi srog phrogs pa ma legs te/ da yang sems can la ma 'tshe bar/ sangs rgyas kyi bstan pa la gnod pa'i dam la mi gnas pa'i srog phrog phrogs shig/ dus lnga brgya snyigs ma la/ bde bar gshegs pa'i bstan pa gang gis kyang mi 'dul ba'i dus su khyod kyis nga'i bka' ma gcag par bcol ba'i las gyis shig ces dam phog go/ dam phog pa'i gting la las kyi gshin rje che bar bskyung ba'i phyir gdan du mdzad do// de'i chung ma yang phrogs te gshin rje gshed po'i yum du mdzad do// 'khor thams cad kyang phrogs nas dbang du mdzad de de nyid 'khor du mdzad do// de ltar las kyi gshin rje 'khor dang bcas pa'i nga bdag gi che ba bskyungs te/ dpal gshin rje gshed po nyid yang dag pa'i sa la bkod de/ yum e ka dza Di dang gnyis kyis bsgral ba las/ las kyi gshin rje 'khor dang bcas pa dpal gshin rje gshed po'i 'khor du mdzad nas yang dag pa'i don ston cing gdan du byon nas bzhugs so// gshin rje'i rgyud gsang ba drug cu pa las/ gleng gzhi'i le'u ste dang po'o//// de nas yang dpal phyag na rdo rjes/ gshin rje gshed po la gsol pa/ he he 'jigs byed chen po lags// chos kyi dbyings kyi pho brang nas// chos sku zhi pa'i 'jam dpal des// 'khor ni sa bcu'i byang chub sems// theg pa bzhi yi chos ston pa// thugs rje las kyi gshin rje gzigs// khro bo nyid du sprul nas kyang// las kyi gshin rje gdul ba'i phyir// yum dang gnyis su sprul pa mdzad// las kyi gshin rje bsgral nas kyang// nyid la nyid kyi gdan du gting// chung ma sbyor ba'i yum du byas// de ltar mdzad spyod mdzad pa yi// thugs rje can gyi khro bo khyed// ma 'ongs pa yi sems can gyis// dngos grub bsgrub pa ji ltar sgrub// gshin rje gshed pos bshad du gsol// ces sdud po rdo rje 'dzin pas gsol pa'o// gshin rje gshed po'i rgyud gsang ba drug cu pa las/ gleng bslang ba'i le'u ste gnyis pa'o//// gshin rje gshed pos bka' stsal pa/ e ma rdo rje 'dzin pa po// 'das dang ma 'ongs da ltar gyi// dus gsum sangs rgyas thams cad kyi// sku gsung thugs kyi bdag po can// khro bo'i rgyal po gshin rje dang// dam la gnas pa'i rnal 'byor pas// thun mong mchog gi dngos grub dang// 'bras bu dam par 'dod pa yis// dang po dam tshig dbang nos la// de nas bsnyen dang bsgrub pa brtsam// gang 'dod pa'i las la bsgrub// de dag rim par bshad par bya// rdo rje 'dzin pa khro bo rgyal// gus pas yid kyis rab tu nyon// ces gsungs so// gshin rje gshed po'i rgyud gsang ba drug cu pa las/ ston pas rgyud zhal nas bshad par dam tshig bzhes pa'i le'u ste gsum pa'o//// de nas gshin rje gshed po yis// lag na rdo rje 'dzin pa la// dngos grub bsgrub pa kun gyi rten// dkyil 'khor grangs dang rdzas dang bstan// dkyil 'khor rnam pa bzhi ru bshad// rang bzhin dkyil 'khor chos kyi dbyings// nga bdag bral ba ye shes te// dus gsum sangs rgyas bzhugs gnas yin// rdzu 'phrul mdzad pa'i dkyil 'khor ni// nor bu 'bar ba'i khang bzang na// 'khor dang ston pa bstan pa dang// zhi dang khro bor bzhugs pa'i sku// phyin nang snod bcud thams cad do// ting 'dzin dkyil 'khor rnal 'byor pas// bskyed chog byas pa'i sems can lus// lta yi 'khor lo sprul pa'o// gzugs brnyan dkyil 'khor sa la bya// gru gsum zla gam gsum rgyan can// 'khor lo rtsibs bzhi rtsibs brgyad pa// 'khor lo nyis 'gyur rtsibs ni bcu drug pa// rdo rje ra thod pa'i rtsig pa dang// bar khyams sgo bzhi'i rgyan cha mang pos spags// dkyil 'khor rim pa de ltar bstan// dkyil 'khor de yi steng du yang// tshon gyi rim pa lha yi rigs dang sbyar// dkyil 'khor bris pa'i steng du yang// gshin rje'i sku gzugs phur pa yi ge dgod// gshin rje mchod pa gtor ma cha gsum dang// dza gad bdud rtsi rag ta dang// mchod pa lnga dang ldan par bya// zhing gi bla re zhing gi rgyal mtshan dang// ral gri me long mda' la dar btags ngang// dkyil 'khor de yi rgyan du dgram par bya'o// dngos grub bsgrub pa'i rten du bshad pa'o// gshin rje gshed po'i rgyud gsang ba drug cu pa las/ dngos grub sgrub pa'i rten dkyil 'khor gyi rim pa dang/ dam rdzas dgod pa'i le'u ste bzhi pa'o//// maN+Dal legs par bri ba dang// dngos grub rab 'bring tha ma dang// gang 'dod 'bras bu thob pa'i thabs// las kyi khog gzhung chen po bstan// rdo rje 'dzin pas rab tu nyon// zhes gsungs so/ rdo rje 'dzin pas shin tu gus pa yis// thal mo sbyar nas 'khod pa las// 'phrin las chen po'i khog gzhung gsungs// las kyi go rim bstan pa la// tshe 'dir bde gshegs sangs rgyas kyis// bla med go 'phang thob pa'i phyir// ting 'dzin gsum gyis rtogs par bsgom// zhes gsungs pa'i don bstan nas/ hU~M/ rtog med spros bral chos kyi dbyings// mi dmigs mkha' mnyam byang chub sems// dngos po mtshan mar mi dmigs pas// chos nyid ngang du ro gcig mnyam// oM ma hA shU n+ya dz+nyA na sa ma ti hU/ phyi dang nang dang 'khor 'das kun// stong pa nyid du bsgom par bya// blo 'phangs bstod pa 'di yang brjod// hU~M/ chu zla'i dkyil 'khor ji bzhin du// sgyu ma'i sems nyid de dang 'dra// mkha' la 'ja' tshon snang ba yang// nam mkha'i ngang du ro gcig mnyam// d+harma d+ha tu sa ma ya hU~M/ zhes pas/ chos rnams stong pa yin pa la// 'khrul pas nga dang bdag tu brtas// 'khrul pa'i sems can thams cad la// phyogs med pa'i snying rje bsgom// stong pa'i snying rje bla med nyid// cho 'phrul mdzad pa 'di bsgom mo// hU~M/ yod de yod pa ma yin te// gzugs dang kha dog yul las 'das// med de med pa ma yin te// stong pa nyid la cho 'phrul 'byung// dz+nyA na badzra swa b+hA ba hU~M/ rang sems gang yin mi snang ba// gsal ba'i hU~M du snang ba na// byang chub sems ni hU~M du gyur// hU~M gis 'phro 'du sbyor ba las// 'jig rten gsum po rab 'byams kun// rim gyis bsregs te yi gyis gtor// khaM las chu byang bkrus par bsam// zhes pas srid pa 'jigs pa'i tshul// zhig pas chags pa byas pa'i tshul// steng 'og 'khor lo pad+mar gnas// 'od 'dus thog ma'i gzugs la gzung// oM sarba ta thA ga ta bud d+ha gar+b+he laM/ steng du thabs kyi rang bzhin 'khor lo ste// rtsibs ni dpag tu med par bsam// oM pad+ma d+harma a b+hi Shiny+tsa a/ 'og tu shes rab rang bzhin pad+ma ste// dpag tu med pa'i 'dab ma bsam// thabs dang shes rab ldan pa la// chos rnams ma lus byung ba'i tshul// khams gsum 'khor ba'i sems can dang// rnal 'byor pa'i dug lnga pa'o// ma spangs gnas su dag pa la// 'byung ba brtsegs pa'i rim pa bsgom// zhe sngang 'bar ba'i nam mkha' la// phrag dog 'bar ba'i rlung nag 'khrigs// 'dod chags 'bar ba'i med dpung chags// nga rgyal 'bar ba'i keng rus brtsigs// gti mug 'bar ba'i sa gzhi chags// e a ga ne maN+Dal hUM/ shes pas nam mkha'i dkyil 'khor bsgom mo// yaM karma rak+Sha hUM/ zhes de'i steng du rlung gi dkyil 'khor sngo skya gzhu 'od ma 'dra ba mtha' dbus med par bsam/ raM badzra dz+wa la maN+Dal hUM/ zhes pas me'i dkyil 'khor dmar po mtha' dang dbus med pa yongs su khyab pa bsam// su rak+ta sa mun+ta maN+Dal hUM/ zhes pas de'i steng du chu'i dkyil 'khor te/ rak+ta'i rgya mtsho mtha' dang dbus med par bsam/ su tita badzra maN+Dal hUM/ zhes de'i steng gser gyi sa gzhi mtha' dbus med par bsam/ keng ni ri dz+wa la maN+Dal hUM/ zhes de'i steng du keng rus kyang ri rab rgya khyon dpag tu med par bsam/ 'byung ba rim pa de ltar brtsegs// srid pa chags pa'i tshul du bsgom// ri rab chen po'i steng du yang// lha yi bzhugs gnas bsgom pa'o// dur khrod 'bar ba'i gzhal yas khang// ye shes 'bar ba'i gnas chen po// mtha' dang dbus med nam mkha'i dbyings// phyi dang nang med chos nyid ngang// bruM bi shwa bi shud d+he/ zhes pas rin po che dang thod pa/ rgyan cha dang ldan pa'i bzhugs gnas ni// 'khor lo rtsibs brgyad sgo bzhir ldan// mu khyud gru chad lcags ri bcas// sbrul gyi rgya gram mtha' bskor te// rdo rje rgya gram thod 'phreng mdzes// dz+nyA tsakra maN+Dal hUM/ brjod pa'i sngags kyi mtha' las grub// rtog cing rtog pa'i rtog ge ba// theg pa 'og ma sa pa yin// dpag cing gzhal ba'i mtha' las 'das// gzhal yas khang pa brtsegs pa bstan pa'o// de lta bu yi bzhugs gnas de// dngos grub thob pa'i don du ni// lha gdan yang gding ba ste// gtso 'khor bcas pa thams cad la// hUM bdud dang mu stegs thams cad dang// gnod sbyin srin po gdan du bting// gshin rje pho mo khyo shug ste// ma he glang chen brdzis pa'o// ya ma hi ra baM/ zhes pa dang/ ma he maN+Dal/ ru tra ti ra baM/ yak+Sha ti ra baM/ rak+Sha ti ra baM/ de ba phra ti ri baM/ ma sUr+ya maN+Dal la hUM/ a tsan+d+ra maN+Dal hUM/ so so'i sngags kyis so so'i gdan du bsam// thun mong sngags kyis thun mong gdan du bsam// gdan thog de ru bdag gi hUM/ byang chub sems de gsal ba las// gdan stengs hUM gi 'phro 'du las// 'phro 'du lnga yi sbyor ba las// ya mAn+ta ka'i sku ru gyur// gshin rje yab yum 'khor bcas bsgom// hUM de yi 'phro 'du las// rdo rje rtse lnga gcig tu gyur// rdo rje rtse lnga 'od du zhu ba las// 'jam dpal sku chung gcig tu gyur// 'jam dpal 'od du zhu ba las// oM a kro te ka ya mAn te ka ha ma tha b+hany+dza hUM phaT/ ces pas ya mAn+ta ka'i skur gsal// dbu gsum phyag drug g.yas dkar g.yon// dmar dbus mthing nag rgyan char ldan// rdo rje TAM kha lcags kyu g.yas// ba su zhing chung dung khrag g.yon// nyi zla'i steng du thugs kha ru// ye shes sems dpa' rdo rje hUM// hUM las a kros bskor ba'o// thugs kha'i hUM las k+She dang ma 'phros pas/ sbyor ba dang sgrol ba'i yum gnyis sngags 'dis bsam/ oM be ta la rig sha rag sha man hUM phaT/ oM trig trig ser ser khu lu mu lu hUM/ yab yum sku ru bdag bsgoms te// sku gsung thugs su brlabs phyir snying po 'di yang bzlas// de bzhin gshegs pa rnams kyis byin gyis rlobs/ oM sarba ta thA ga ta ka ya badzra swa b+ha wa Ad+ma kou0f85 haM/ oM sarba tathA ga ta rbaka badzra swA b+ha ba A rma kou0f85 b+ha/ oM sarba ta thA ga ta ci t+ta badzra swA b+ha ma aram ko u0f85haMzhes brjod pas rdo rje'i gsung rdo rje'i thugs rdo rje'i sku ru byin gyis brlabs pa'o// de nas yab yum sbyor ba mdzad pa'i byang chub sems kyi byin rlabs las/ 'jig rten thams cad sprul par bkye// lha'i 'khor lo byin gyis brlabs// ya ma ra dza sa ho me ya/ ya me to ru na yo ta ya/ ya ta yo ni ra ya k+She ya/ ya k+She ya tsa ni rA ma ya/ oM hri sti ku ru dza la ni hUM phaT/ oM e hri te kun ru dza la ni hAM phaT/ oM ma hA pa ta hUM phaT/ oM de ri sha ti hUM phaT/ oM sarba tre ka hUM phaT/ oM sarba pa ta hUM phaT/ oM hri ti baM hUM phaT/ oM ar+ya d+harma hUM phaT/ ces lha pho mo rnams bstan// mo'i tshogs rnams lus dang grib ma'i tshul du pho'i zhor la bsam par bya// lha gtso bo rang ba la ye shes lnga'i dbang yang bskur/ oM bud+d+ha ku lan te he he ho hUM phaT/ hUM badzra ku lan te he he ho ho hUM phaT/ swa rang na ku lan te he he ho ho hUM phaT/ hre pad+ma ku lan te he he ho ho hUM phaT/ a karma ku lan te he he ho ho hUM phaT/ dpal gshin rje gshed po 'khor dang bcas pa la/ rigs lnga khrag 'thung lnga rgyas dbu brgyan te dbang bskur ro// gshin rje gshed po'i rgyud gsang ba drug cu pa las/ ting nge 'dzin gyi dkyil 'khor bskyed pa'i le'u ste lnga pa'o//// de nas rdo rje 'dzin pa yis// gshin rje gshed po khro bo la// 'di skad ces ni gsol pa las// dam tshig ldan pa'i rnal 'byor pas// rang bzhin dkyil 'khor chen po yi// dngos grub thob pa'i don du ni// snyan gsan dbab cing spyan drangs pa'o// chos sku zhi ba'i ngang las kyang// gzugs sku bzhengs su gsol ba la// tshig dang sngags dang ting 'dzin bstan// phyag rgya se gol brdabs pa'o// bzhengs shig chos kyi dbyings nas bzhengs// 'phags pa'i rgyal po khro rgyal gshin rje gshed// chos sku byang chub sems kyi byin brlabs las// byams dang snying rje sems kyis bzhengs nas kyang// bdag nyid khro bo 'bar ba'i skur bstan pa// tshangs pa brgya byin lha chen drug po rnams// gnyis med byang chub sems kyis sgrol bar mdzod// thugs rje chen po'i dbang gis bzhes su gsol// hri da ya hUM/ 'phags pa'i rgyal po khro rgyal gshin rje gshed// nye ring med par 'joms pa'i gshin rje gshed// thams cad rlag par mdzad pa'i gshin rje gshed// ma he'i steng na brkyang bskum tshul du bzhugs// rdo rje zhags pa nyid kyis bcings nas ni// las kyi dbyug pa dag gis rdul du rlog/ bdag dang mtha' yas sems can don slad du// rang bzhin grub pa'i gnas spyan 'dren na// thugs dam chen po'i dbang gis gshegs su gsol// chos nyid zhi ba'i ngang las kyang// gzugs skur bzhengs su gsol nas kyang// sngags dang phyag rgya'i byin rlabs kyis// bdag gis gnas su spyan yang 'dren// hUM/ gru gsum mthing nag 'bar ba'i dkyil 'khor nas// ya man ta ka yab yum gshegs su gsol// zhe sdang me ltar 'bar ba'i dkyil 'khor nas// ya ma rA dza yab yum gshegs su gsol// nga rgyal brag ltar gtams pa'i dkyil 'khor nas// myos byed 'bar ba yab yum 'khor bcas gshegs su gsol// 'dod chags chu ltar brub pa'i dkyil 'khor nas// Ar+ya ma ru yab yum 'khor bcas gshegs su gsol// phrag dog rlung ltar 'tshub pa'i dkyil 'khor nas// ral pa tshar dgu yab yum 'khor bcas gshegs su gsol// ru dra pho mo bsnol ba'i gdan steng nas// bdud 'joms 'khor bcas gshegs su gsol// dri za pho mos bsnol ba'i gdan steng nas// kong tse brag 'joms yab yum gshegs su gsol// me lha pho mo bsnol ba'i gdan steng nas// a ba glang go yab yum gshegs su gsol// grul bum pho mo bsnol ba'i gdan steng nas// yab ti yab yum gshegs su gsol// srin po pho mo bsnol ba'i gdan stengs nas// phya sangs yab yum gshegs su gsol// klu rgyal pho mo bsnol ba'i gdan steng nas// dmigs pa yab yum gshegs su gsol// rlung lha pho mo bsnol ba'i gdan steng su// tel pa yab yum gshegs su gsol// gnod sbyin pho mo bsnol ba'i gdan steng du// lha mchog dud kha yab yum gshegs su gsol// dbang ldan pho mo bsnol ba'i gdan steng nas// chos kyi rgyal po yab yum gshegs su gsol// sa bdag pho mo bsnol ba'i gdan steng nas// migs dmar yab yum gshegs su gsol// phyogs skyong gshin rje'i tshogs dang ma mo'i tshogs// 'khor dang bcas te gshegs su gsol// lcags kyu zhags pa lcags sgrog dril bu'i phyag rgya bcas la/ a gad tsha ya a gang tsha ya dzaHhUM baM ho/ zhes pas spyan drangs la bstim mo// ye shes kyi lha dang dam tshig gi lha la chu dang 'o ma bzhin du 'dres// tha mi dad par gyur ba la// brtan par bzhugs par bya ba ni// 'khor lo 'bar ba'i rtsibs stengs su// yi dwags 'bar ba'i khri stengs su// brkyangs bskum tshul gyis brjid par bzhugs// hriSh+ti bi kri tA na na ya hUM phaT/ sa ma ya stiSh+Tha lhan/ ye shes dkyil 'khor ma lus pas// dam tshig dkyil 'khor ma lus la// dngos grub gsol zhing dbang bskur mdzad// shin tu brtan par gyur pa'o// gshin rje gshed po'i rgyud gsang drug cu pa las/ rang bzhin gyi dkyil 'khor gyi le'u ste drug pa'o//// rdo rje 'dzin pas yang zhus pa// rang bzhin dkyil 'khor de dag la// 'bras bu 'dod pa'i rnal 'byor pas// ye shes lha tshogs mchod pa'i phyir// mchod pa'i rim pa ji ltar bgyi// zhes pas/ gshin rje gshed pos bka' stsal pa// ye shes lha tshogs mnyes pa la// mchod pa'i rim pa byas pa la// dang po phyag ni sngon du btang// de nas rdzas kyis mchod par bya'o// mi gnas mi dmigs chos sku dag pa la// bdud 'dul khro bo mchog gi skur ston pa// thugs rje gzi ldan gdug pa thabs kyis 'dul// khro bo gshin rje gshed la phyag 'tshal lo// mnyam nyid mthu mnga' gtum chen 'bar ba'i sku// dug gsum za byed bskal pa'i me ltar 'bar// ma rungs 'joms pa'i khro rgyal bgegs kyi gtso// mthar byed gzhon nu'i tshogs la phyag 'tshal lo// lhag pa'i ye shes spyan gsum rnam par dag/ thugs rje'i sbyan mnga' khro bo rab sdigs mdzad// mnyam nyid ye shes spyan la phyag 'tshal lo// khro mchog ye shes thabs kyi sku mnga' ba// dpag bsam shing ltar re ba skong mdzad pa// mchod pa'i sdig sbyang mthong nas bde thob pa// 'dod pa ma lus gtso la phyag 'tshal lo// khro gtum mi bzad rtsu ba pa'i sgrar ldan pa// khrod kyi mtshan mthong tsam gyi bgegs chen 'dul// 'bar ba'i sku mthong gsung sgra thos pa yis// dgra bgegs brlag par mdzad la phyag 'tshal lo// khro bo'i rgyal po gdong drug hUM sgra can// brjid pa'i sku la stag lpags na bzar gsol// mthu mchog bstan pa'i sprul nag sku la bcings// 'jigs byed mtha' yas sgrol la phyag 'tshal lo// 'od dpung stug po bskal pa'i me ltar 'bar// ye shes 'od kyis gti mug 'joms pa'i tshul// stong gsum dbang du sdud la phyag 'tshal lo// khro bo'i thod 'phreng cod pan dbu la mdzes// khams gsum ma lus dbang du sdud la phyag 'tshal lo// ye shes mkha' 'dra sngon po'i mchog tu gyur// sku mdog sngau nag dbyar gyi char sprin 'dra// dug gsum mun khang 'joms par dam bcas pa// dri med ye shes mche ba dkar po gtsigs// ma rungs sdigs pa'i mdzu mo bsgreng byas nas// thabs kyi zhags pas 'gro ba ma lus 'dren// mtshungs med thugs rje che la phyag 'tshal lo// 'di dang phyi ma gnyis ka bde 'tshal ba'i// lha mchog khyod la brten nas gzhan mi bzhugs// yun gyi lha ru khyed la gsol 'debs na// ri rab gser gyi ngos la bya gnas pa// bya yi rang bzhin bor nas gser du snang// thams cad khyod kyi sku ru bdag bsgoms pas// bdag gi rang bzhin bor nas khro bor gsal// mi phyed dad pas bstod de phyag 'tshal lo// yid bzhin mchod rten 'bar ba 'dra// nyid kyi sku mchod rim gro bgyid 'tshal na// bdag la sman mchog phun sum tshogs pa stsal du gsol// nang gi tshul mchog dag par tshul sbyar zhing// phyi rol dam rdzas gces par mi bgying kyang// mi gtsang dngos 'di 'phags pa mi gces kyang// bdag gis lus 'di 'phags la yongs 'bul na// rdzas dang gser gyis mchod de phyag 'tshal lo// khro bo'i rgyal po dri med ye shes sku// rab tu mi bzad khro bor gzir snang yang// chos nyid mnyam pa'i ngang la mi g.yo ba// thugs rje'i tshul gyis 'gro la phyag 'tshal lo// mi rabs brgyud mar dad pas phyug 'tshal zhing// dad pa rab kyis 'phags mchog mi gtong na// 'gro la phan phyir khro rgyal bsgoms pa la// gnod par byed pa'i dgra bgegs thal bar rlog/ phyag 'tshal nas ni dam yang bca'// ye shes sems dpa'i lha tshogs la// khyed kyi mdzad spyod gang lags pa// mthun par rnal 'byor bdag bgyid do// sangs rgyas kun dang mnyam sbyar nas// sangs rgyas bzhin du bdag bgyid pas// khro rgyal 'dul ba'i dkyil 'khor 'dir// 'phrin las rdzogs par mdzad du gsol// ces so// rdzas dang phrag gi mchod pa yang// lha'i tshogs kyi sku mdog dang/ phyag mtshan dang/ ming nas brjod pa'o// rnam pa legs bsgoms rdzas kyis mchod pa ni/ rnal 'byor dam tshig ldan pa yis// byin gyis brlabs pa byas nas su// mchod pa 'di dag dbul bar bya'o// khro bo'i rgyal po gshin rje gshed// sngon tshe ye shes bsnyen pa'i lha// ar+g+ha bdag gis 'bul ba ni// khro rgyal yab yum rnams kyis bzhes su gsol// oM a ha ra ma hA ha ra khu khu re pe ga tod ga te swA hA/ khro bo'i rgyal po gshin rje gshed// sngon tshe ye shes bsnyen pa'i lha// dri chab bdag gis phul ba ni// khro rgyal yab yum rnams kyis bzhes su gsol// gan+d+he ma hA gan+d+he khu khu re po tong ga re swA hA/ khro ba'i rgyal po gshin rje gshed// sngon tshe ye shes bsnyen pa'i lha// bdug sbos bdag gis phul bas ni// khro rgyal yab yum rnams kyis bzhes su gsol// oM d+hu pe mahA d+hU pe khu khu re bra tod ga re swA hA/ khro bo'i rgyal po gshin rje gshed// sngon tshe ye shes bsnyen pa'i lha// me tog bdag gis phul ba 'di// khro rgyal yab yum rnams kyis bzhes su gsol// oM puSh+pe ma hA khu khu re phreng gad te swA hA/ khro bo'i rgyal po gshin rje gshed// sngon tshe ye shes bsnyen pa'i lha// mar me bdag gis phul ba ni// khro rgyal yab yum rnams kyis bzhes su gsol// oM A lo ke ma hA A lo ke khu khu re pra tod ga te swA hA/ khro bo'i rgyal po gshin rje gshed// sngon tshe ye shes bsnyen pa'i lha// lha bshos bdag gis phul ba ni// khro rgyal yab yum rnams kyis bzhes su gsol// oM dib bya bo tsi ni khu khu ni ro pra tod ga re swA hA/ khro bo'i rgyal po gshin rje gshed// sngon tshe ye shes bsnyen pa'i lha// gtor ma bdag gis phul ba ni// khro rgyal yab yum rnams kyis bzhes su gsol// oM ba li ta ma hA ba li ta khu khu re pre tod ga te swAhA/ khro bo'i rgyal po gshin rje gshed// sngon tshe ye shes bsnyen pa'i lha// bdud rtsi bdag gis phul ba ni// khro rgyal yab yum rnams kyis bzhes su gsol// oM a mri ta mahA' sArba pany+dza a mri ta khA hi/ khro bo'i rgyal po gshin rje gshed// sngon tshe ye shes bsnyen pa'i lha// rak+ta bdag gis phul ba ni// khro rgyal yab yum rnams kyis bzhes su gsol// oM rag ta ma hA' rag ta sa mun dra/ gshin rje gshed po'i rgyud gsang ba drug cu pa las/ ye shes lha tshogs la phyag 'tshal ba dang// rdzas kyi mchod pa'i le'u ste bdun pa'o//// rdo rje 'dzin pas thal mo sbyar// rdzas dang phyag gis la sogs mchod// bsgral ba'i mchod pa dug lnga ji ltar lags// gshin rje gshed la bdag nyan 'tshal// gshin rje gshed pos bka' stsal pa// 'khor la yongs bsgral mchod par 'bul// ma lus bsgral ba'i mchod pa dang// gtum 'cha' stobs dang ldan pa'i maM sa mchog/ rkang dang tshil bu bcad kyi mchog/ 'jam dpal gshin rje 'khor bcas dang// ma mo'i tshogs mchod par 'bul// oM mahA' maM sa tsa me tsa khA hi/ dug lnga'i mchod pa 'bul ba// bcom ldan yab yum rnams kyi spyan snga ru// bla med mchog gis mchod pa dang// sha khrag dmar gyi mchod pa dang// rme gtor rmad du byung ba'i mchod pa dang// bstan pa bshig pa'i dgra bgegs mchod par bzhes// rag sha dgra bgegs sha ni zan pas zhim// gti mug mchod pa bla na med// sku yi mchod par bzhes su gsol// rag sha dgra bo'i khrag ni chang bas zhim// 'dod chags mchod pa bla na med// gsung gi mchod pa bzhes su gsol// rag sha dgra bo'i dgra bo'i rus pa 'chos bo'i rus pa 'chos shing mngar// zhe ldang mchod pa bla na med// thugs kyi mchod par bzhes su gsol// rag sha dgra bo'i mkhris pa sman gyi rgyu// nga rgyal mchod pa bla na med// yon tan mchod par bzhes su gsol// rag sha dgra bo'i glo snying gsol ba'i rgyu// phrag dog mchod pa bla na med// 'phrin las mchod par bzhes su gsol// 'di ni dug lnga'i mchod pa ste// bcom ldan gshin rje yab yum rnams kyis bzhes su gsasol// hUM/ 'khor ba'i rgya lings chen po la// dus ngan tha ma'i snyigs ma la// dam sri sgrol ba'i las 'byung gis// bcom ldan gshin rje yab yum rnams kyis bzhes su gsol// sprul pa'i 'phra men rnams kyi sa dang ru chum// rnal 'byor dug gsum dpal gyi zhal du btab// bstan pa bshig pa'i bgra bgegs mchod par bzhes// oM sa ma ya many+dza shrI mu tra ya mAn ta ka pany+tsa te ro ni hUM dza/ ma hA maM sa/ ma hA rag ta/ ma hA ma kha kha/ ma hA ba su ta/ ma hA go ro tsa na/ ma hA tsit+ta khA hi/ zhes pa'o// gshin rje gshed po'i rgyud gsang ba drug cu pa las/ sgrol ba dug lnga'i mchod pa bstan pa'i le'u ste brgyad pa'o//// e ma gshin rje gshed po lags// ye shes dkyil 'khor mchod byas la// de yi bzlas pa ci ltar bya// zhes pas/ e ma lag na rdo rje 'dzin// mchod pa rnams kyis mchod byas la// khro bo'i snying po nus thang gis// bye ba sa ya khri yang bgrang// khro bo'i snying po zhal nas ni// oM a kro d+he ka ya// man ta ka ha na ma tha b+han hUM phaT/ ces pas sngags de nyid ni// mgon po nyid la gus byas la// sngags de stong stong thon pa dang// yang na khri tshar bstan byas la// bstod pa mchod pa 'bul bar bya'o// bzlas pa bya ba'i ting 'dzin la// sngags las 'od 'phros 'phags pa mchod// sems can kun gyi sdig sgrib sbyangs// 'od de slar la 'dus pa dang// bdag gis dngos grub thob par bsam// bzlas pa gtong bar 'dod pas na// rdzas kyi mchod pa mchod byas la// lha yi nga rgyal bdag gi gnas// bsnyen pa chen po'i don bstan pa'o// gshin rje gshed po'i rgyud gsang ba drug cu pa las/ 'phrin las chen po'i khog gzhung gis bsnyen pa chen po'i don bstan pa'i le'u ste dgu pa'o//// lag na rdo rje 'dzin pa yis// gshin rje gshed po khro bo'i rgyal// khyod kyi mdzad spyod mtha' yas na// 'phrin las rnam bzhi bshad par 'tshal// sems can 'dul ba'i dbang gis na// zhi ba'i 'phrin las ji ltar bgyi// zhes pas/ gshin rje gshed pos gsungs pa'i don// zhi ba'i gnas ni dkar po shar du bltas// dri bra gnas pa'i sa phyogs dang// nyams ni dga' ba'i gnas su bya// maN+Dal zlum po rtsibs byas la// ba yi lnga dang dri chus byug/ dkar la 'tshar ba'i maN+Dal bya// mchod pa'i rdzas rnams dkar pos bya// rdzas dang yo byad tshar ba dang// ting 'dzin rnam gsum byin rlabs yas// rgyu yi hUM ni dkar po las// lha mchog rangs pa dkar po las// zhi ba'i cha lugs mnga' ba can// thams cad zhi bar mdzad par bsgom// dkyil 'khor bskyed dang spyan drangs dang// phyag dang rdzas kyi mchod pas mchod// bzlas pa'i snying po 'di yang bzlas// oM a kro te ka ya mAn ta ka ha na ma tha b+hany+dza hUM phaT/ che ge mo zhi ba shAn+ti ku ru swA hA/ zhes pa'i bzlas pa byas pa yis// gang la bya ba zhi bar bsam// gshin rje gshed po'i rgyud gsang ba drug bcu pa las/ zhi ba'i las bstan pa'i le'u ste bcu pa'o//// zhi ba'i sa ni de lags na// rgyas pa'i las ni ji ltar lags// gshin rje gshed pos gsungs pa'i don// rgyas pa'i gnas ni ser po byang du bltas// gnod sbyin gnas pa'i sa phyogs su// yo byad tshang ba'i gnas su bya// mchod cing 'byor pa ser por bshams// rdzas dang yo byang tshang ba dang// ting 'dzin rnam gsum cho ga yis// rgyu yi hUM yang ser por bsam// lha tshogs rangs pa ser por bskyed// rgyas pa'i cha lugs mnga' ba can// thams cad rgyas par mdzad pa bsgom// dkyil 'khor bskyed dang sbyan drangs la// phyag dang rdzas kyis mchod pas mchod// bzlas pa'i snying po 'di yang bzlas// oM a kro te ka ya mAn ta ka ha na ma tha b+hany+tsa hUM phaT/ che ge mo puSh+taM ku ru hUM phaT/ ces bzlas pas/ gang la bya ba rgyas par bsam// gshin rje gshed po'i rgyud gsang ba drug cu pa las/ rgyas pa'i las bstan pa'i le'u ste bcu gcig pa'o//// rgyas pa'i las ni de lags na// dbang gi las ni ji ltar bgyi// gshin rje gshed pos gsungs pa'i don// dbang gi gnas ni dmar po nub tu bltas// lha btsan gnas pa'i sa ru byon no// ri bo'i rtse mo nyams dga' ba// maN+Dal zla gam byas nas ni// dri dang ba yi rnam lngas byug/ yo byad ci 'byor mang por bya'o// rdzas dang yo byang tshang ba dang// ting 'dzin rnam gsum byin brlabs nas// rgyu yi hUM yang dmar por bsam// lha tshogs rangs pa dmar por bsam// dbang gi cha lugs mnga' ba can// thams cad dbang du sdud par bsam// dkyil 'khor bskyed dang spyan drangs dang// rdzas dang phyag gi mchod pas mchod// bzlas pa'i snying po 'di yang bzlas// oM a kro te ka ya mAn ta ka ha na ma tha b+hany+dza hUM phaT/ che ge mo pa shang ku ru hUM phaT/ ces bzlas pa byas pa yis// gang la bya ba dbang du sdud// gshin rje gshed po'i rgyud gsang ba drug cu pa las/ dbang gi las bstan pa'i le'u ste bcu gnyis pa'o//// dbang gi las ni de lags na// drag po'i las ni ji ltar bgyi// gshin rje gshed pos gsungs pa'i don// drag po'i gnas ni nag po lho ru bltas// klu chen gnas pa'i sa ru bsgrub// chu mig yod sar maN+Dal gru gsum bya// khrag dang bdud rtsis chag chag gdab// gnag la 'tsher ba'i maN+Dal bya// mchod pa ci 'byor nag por bshams// rdzas dang yo byad nag por tshogs pa dang// ting 'dzin rnam gsum by-in brlabs las// rgyu yi hUM yang nag por bsam// lha tshogs rangs pa nag por bskyed// drag po'i cha lugs mnga' ba can// thams cad gsod dang spor bar bsgom// dkyil 'khor bskyed dang sbyan drangs dang// phyag dang rdzas kyi mchod pas mchod// bzlas pa'i snying po 'di yang bzlas// oM a kro te ka ya mAn ta ka ha na ma tha b+hany+dza hUM phaT/ che ge mo mA ra ya rbad hUM phaT/ ces bzlas pa byas pa yis// gang la bya ba bsgral bar bsam// gshin rje gshed po'i rgyud gsang ba drug cu pa las/ drag po'i las bstan pa'i le'u ste bcu gsum pa'o//// rdo rje 'dzin pas yang gsol pa// e ma gshin rje gshed po lags// 'phrin las rnam bzhi de ltar lags// sku gsung thugs dang yon tan dang// 'phrin las rnam pa lnga po yi// las kyi go rims bshad par 'tshal// gshin rje gshed pos gsungs pa'i don// gshin rje sku yi sgrub pa yang// gnas ni dur khrod dben pa ru// maN+Dal legs par byas pa dang// mchod dang bstod pa'i yo byad bshams// ting 'dzin rnam gsum rim pa nas// cho ga las gzhung chen po ltar// bzlas pa snying po 'di yang bzlas// oM a kro te ka ya mAn ta ka ha na ma tha b+hany+tsa hUM phaT/ ces pas sku yi las rnams bya// gang 'dod pa yi las rnams 'grub// gshin rje gsung gi bsgrub pa yang// gnas dang bya ba gong ma ltar// las gzhung chen po bshad pa'o// bzlas pa'i snying po 'di yang bzlas// ya ma me ta k+She ra dza sa to run yo ni ra ya tsa ni/ zhes pa'am/ yang na ru bskor brgyad pa bzhin// sum cu rtsa gnyis dril la bgrang// de ni gshin rje gsung gi las// gang 'dod pa yi las kyang 'grub// gshin rje thugs kyi sgrub pa yang// gnas dang bya ba gong ma ltar// las gzhung chen po bshad pa'o// bzlas pa'i snying po 'di snying po 'di yang bzlas// oM hriSh+ti bi kr-i ta nan sarba sha traM n+sha staM pa ya hUM phaT/ ces pas thugs kyi las rnams 'grub// gang 'dod pa yi las kyang 'grub// gshin rje yon tan sgrub pa yang// gnas dang bya ba thams cad kun// las gzhung chen por bshad pa'o// bzlas pa'i snying po 'di yang bzlas// oM sa ma ya many+dzu shrI mu tra ya mAn ta ka ya ma rA dza ma ma e ka dza Ti sa ma ya dza dza/ zhes pas yon tan las rnams 'grub// gang 'dod las la sbyar bar bya'o// gshin rje'i 'phrin las bsgrub pa la// gnas dang bya ba gong ma ltar// las gzhung chen por bshad pa'o// bzlas pa'i snying po 'di yang bzlas// sku gsung thugs dang yon tan gyis// sngags ni gang dang gang gdags pas// drag po sham bur gdags par bya// rkyang bar bya ba shes par bya// thig ni gcig med gnyis phrag brgyad// bcad dud 'phrom gnam mthongs phye lcags sgrog khrol/ mi ris song rgya rje rgya lo cu ru 'od ta pa ta ya hUM phaT/ ces pa bzlas pa bya ba dang// gang 'dod pa yi las dang sbyar// gshin rje gshed po'i rgyud gsang ba drug cu pa las/ sku gsung thugs yon tan 'phrin las lnga'i sgo nas sgrub thabs bstan pa'i le'u ste bcu bzhi pa'o//// rdo rje 'dzin pas yang zhus pa// las kyi bye brag de rnams dang// phyi nang gsang ba gang la gtogs// gshin rje gshed pos bka' stsal pa// las kye bye brag de rnams kun// nang du bsnyen pa'i thabs su bstan// phyi ltar bsnyen pa bya thabs dang// 'di ltar shes par byas la brten// dben zhing nyams dga'i sa phyogs su// byi dor byas pa'i gnas dag tu// maN+Dal khru do byas pa la// dri dang ba yi rnam lngas byug/ gtor ma dkar po bshams pa dang// khrag dang ar+g+ha byas pa yang// mchod pa lnga po tshang bar bsog/ dang por stong pa nyid du bsgom// ma hA shU n+ya ta sa ma ya ti/ de nas snying rje chen por bsgom// d+harma d+hA tu sa ma ti hUM/ de las rang sems hUM du gyur// muMlas b+h+ruM 'phros gzhal yas khang// rin chen rnam lnga las grub pa'i// mtha' dbus dpag tu med par bsam// 'khor lo rtsibs bzhi rtsibs brgyad pa// sgo bzhi par khyams ldan pa la// kha dog ser po rigs dang sbyar// de dbus seng ge nyi zla dang// pad+mo'i gdan dang ldan pa la// muM de 'od du zhu pa las// 'jam dpal sku ni ser por 'gyur// zhal gcig phyag ni gnyis pa la// g.yas pa ut+pal g.yon pa po ti 'o// thugs khar nyi zla'i steng na ye shes sems// de'i thugs kar nyi zla'i steng rdo rje la// lte bar muM las 'od 'phros phyogs bcu'i rgyal pa spyan drangs la/ oM badzra sa ma ya dza zhes se gol brdab/ gzhal yas khang du brtan par bzhugs// phyogs bcu'i rgyal ba sras bcas la// mchod pa byin gyis brlabs la dbul// oM a ha ra a ha ra sarba pi tar pu dza swAhA/ zhes pas ar+g+haM dbul/ oM badzra puSh+pe hUM/ me tog dbul/ oM badzra d+hU pe hUM/ spos dbul/ oM badzra A lo ke hUM/ mar me dbul/ oM badzra gan+d+he hUM/ dri chab dbul/ oM badzra nai wi d+ya hUM/ lha bshos dbul/ oM badzra shap+ta ho/ rol mo dbul/ oM badzra ba ling ta hUM/ zhes pas gtor ma dbul/ phyogs bcu'i rgyal ba 'khor bcas la// mchod pa de ltar phul byas na// 'jam dpal skur ni gsal bsgoms la// oM wA gI shwa ri muM/ zhes pa 'bum mam bye ba bzlas par bya'o// khri'am stong gi bar dag tu// mchod pa yang nas yang du dbul// dus drug dag tu mchod pa bya// bzlas pa bya ba'i ting 'dzin yang// muM las 'od 'phros dus gsum rgyal ba mchod// sems can ma lus sgrib pa sbyangs// 'od de tshur 'dus bdag la thim// dus gsum rgyal ba'i dngos grub dang// sems can ma lus kun bsdus nas// bdag gis dngos grub thob par bsam// de ltar rim pa phyi ltar bsnyen pa yin/ gshin rje gshed po'i rgyud gsang ba drug cu pa las/ phyi ltar bsnyen pa bya ba'i le'u ste bco lnga pa'o//// yang rdo rje 'dzin pa yis// phyi ltar bsnyen pa de lags te// gsang ba'i bsnyen pa gang la bya// zhes pas/ gshin rje gshed pos bka' stsal pa// gsang ba'i bsnyen pa bya bar 'dod pas// dur khrod dben par song nas ni// maN+Dal byas la bri ba dang// rdzas dang yo byad tshang bar gsog/ dang po stong pa byang chub sems// de nas snying rje byang chub sems// de las rang sems hUM du bsam// de las b+h+ruM byung gzhal yas khang// gshin rje ma he'i gdan dang hUM gis byin brlabs nas// 'od kyis bkug la gdan du bting// phyogs skyong dregs pa nyi zla dang// pad+ma'i gdan yang bsam byas la// dbus kyi gdan la hUM las khro bor bsam// rgyan dang cha lugs ldan pa las// 'khor dang yab yum ting nge 'dzin gyis bskyed// spyan drangs la sogs ting 'dzin gyis// mchod pa byin gyi brlabs la dbul// tshogs dang sgrib pa ma yin te// sngags dang phyag rgya yid kyis dbul// bzlas pa bya ba'i ting 'dzin yang// tshig dang sgra la ma brten bzlas pa la brtson par bya'o// theg pa 'og ma'i rtog pa can// gsang sngags don rnams ma mthong bar// de dag kun la gsang bar bya'o// sgro skur 'debs pa'i skye bo dang// dregs pas bsnyen pa'i rgyal po dang// bar chod byed pa rnams la gsang// rnal 'byor pa dag ranganyid kyis// dngos grub ma thob bar du gsang// tshig dang sgra la mi gtso bar// ting 'dzin zab mo dang du blang// bzlas pa'i snying po gtso bor bzung// de la gsang ba'i sgrub pa bya'o// gshin rje gshed po'i rgyud gsang ba drug cu pa las/ gsang ba'i bsnyen pa bya ba'i le'u ste bcu drug pa'o//// rdo rje 'dzin pas yang gsol ba// bsnyen pa bya ba de dag gis// sngon du 'gro las bshad du gsol// gshin rje gshed pos bka' stsal pa// bsnyen pa bya ba'i sngon 'gro las// dang po gnas ni dben pa dang// dur khrod la sogs mtshan ldan dang// sgrub pa po yi rigs 'dzin gyis// sa sbyangs pa dang sa slong ni// sa yi lha la gtor ma dbul// dang po tsha tshwa chu gtor btang// spang kong klong cing nyams chag bskang// gtor ma cha gsum dbul ba dang// gnas kyi phyogs bzhi gtsug tor bzhi// rgyal chen bzhi ru mnga' gsol la// gtor ma phul la mtshams bcad// gser skyems gtang la 'phrin las bcol// gang la 'dod pa'i smon lam gdab// maN+Dal 'dom gang gru bzhi brtsigs// ba yi rnam lngas zhal zhal bya// chag chag rnam gsum tshang bar gdab// thig ni ma nor bur gdab// sa tshon byin gyis brlabs pa dang// sa tshon legs par bri ba dang// lha yi rnam pa dgod pa dang// dam rdzas tshang bar dgram pa dang// gtor ma cha gsum bdud rtsi dang// rag+ta'i mchod pa rnam lnga dang// lha rnams mnyes par bya phyir bshams// mchod pa dal du bkram byas la// las kyi sdon du 'di ltar bya// dang por rang sems a ru bsam// a las 'od 'phros phyin nang snod bcud bsregs// a yi 'od 'dus bdag gi rnam rtog dang// rnam par smin pa'i las kyang bsregs// a las 'od du zhu nas hUM du gyur// hUM las yi dam lha ru gyur pa ste// lha de'i snying po brjod pas gsal bar bsgom// yi dam lha yi thugs ka nas// hUM gi 'od byung ya man ta ka'i sku'i bcud// che ba'i byin brlabs kun bsdus te// 'ong de thim pas yi dam lha// gshin rje gshed por gyur pa ste// a kro brtan zhing gsal bar bsgom// gshin rje gshed po'i thugs ka nas// rdo rje chung du sprul pas nang mtshams bcad// nyi zla'i dkyil 'khor steng du ni// sa ma ya dza dang se gol sgra// dus gsum rgyal ba spyan drangs la// cha nyams sdig pa bshags pa dang// mchod pa'i yo byad byin gyis brlabs// dam bca' ba dang byin phab la// nyi zla'i steng gi lha tshogs kye// bdag la byin gyis brlabs pa'i phyir// bdag gi tshangs pa'i bu ga ru// 'od du zhu nas hUM la thim// de nas las la 'jug par bya// sngon du bya ba'i las bstan pa'o// gshin rje gshed po'i rgyud gsang ba drug cu pa las/ sngon du 'gro ba'i thabs bstan pa'i le'u ste bcu bdun pa'o//// rdo rje 'dzin pas yang gsol ba// bsnyen pa bya ba lha rnams kyis// rnal 'byor pa ni gang dag gis// mtshan ma'i ting 'dzin bsgom pa la// sku mdog phyag mtshan bzhugs phyogs kyi// rnam pa ma lus bshad du gsol// ces pas/ gshin rje gshed pos bka' stsal pa// lha yi 'khor lo dag gi ni// sku mdog phyag mtshan bzhugs phyogs kyis// rnam pa bdag gis bstan pa las// de la gshin rje gshed po'i sku mdog sngo nag zhal g.yas dkar/ g.yon dmar ba'i mdog can no// phyag drug g.yas pa gsum na rdo rje lnga dang// kha TAM ga rtse gsum dang/ lcags kyu bsnams pa/ g.yon pa gsum na ba su ti'i rgyu zhags dang/ zhing chung gi dbyug to dang/ dung dmar gyis bkang ba gsol ba'o// yum e ka dza Ti ma sku mdog sngon mo g.yon tri shU la bzung nas yab la 'khyud pa// g.yas ban+d+ha dmar gyis bkang ba gtso la stob pa'o// yum be ta le sku mdog sngon mo g.yas tri shU la bzung nas yab la 'khyud pa// g.yon dung dmar gyis bkang nas gtso la stob pa'o// gshed po ya ma rA dza sku mdog sngo nag phyag g.yas pa ma tra ro dbyug 'phyar ba/ g.yon pa 'khor lo bskor bas gsod par byed pa'i sha rus 'joms pa la/ srung bar byed pa brten zhing mi g.yo bar byed/ shar phyogs la dbang byed pa'o// nyo byed 'bar ba sku mdog ser nag/ phyag g.yas na ma trang ro dbyug thogs pa/ g.yon me'i 'khor los gsod par byed pa/ bsregs pas srung bar byed pa'o// smin cing rgyas par mdzad pa/ lho la dbang mdzad pa'o// a r+ya ma ru tse sku mdog dmar nag g.yas pa ma tang gi ro dbyug 'phyar ba g.yon pa chu'i 'khor los gsod par byed pa/ rmugs par byed pa/ srang bar byed pa/ gang 'dod pa'i 'bras bu sdud cing/ dbang byed nus pa'o// nub la dbang mdzad pa'o// ral pa tshar dgu ser nag g.yas pa ma tang ro dbyug 'phyar ba/ g.yon rlung gi 'khor lo bskor bas gsod par byed pa/ dbugs 'phrog pa dang gso ba'i las so// srang bar byed pa gang 'dod pa'i gnas su phyin par byed pa'o// byang la dbang mdzad pa'o// bdud 'joms sku mdog nag po g.yas dgra sta/ g.yon 'khor lo bskor ba'o// steng la dbang mdzad pa'o// kong rtse brag 'joms sku mdog dkar po/ phyag g.yas pa lha chen po bsnams pa/ g.yon pa 'khor lo bskor ba'o// shar la dbang mdzad pa'o// a ba glang mgo sku mdog ljang khu g.yas tri shU la/ g.yon 'khor lo bskor ba'o// shar lho la dbang byed pa'o// ya ba ti sku mdog ser nag phyag g.yas lcags kyu/ g.yon 'khor lo/ lho la dbang mdzad pa'o// phya sangs sku mdog mthing kha g.yas ral gri/ g.yon 'khor lo gsor ba'o// lhau nub la dbang mdzad pa'o// dmigs pa dmar nag phyag g.yas thod 'phreng/ g.yon 'khor lo bskor ba'o// nub la dbang mdzad pa'o// tel pa sngon mo phyag g.yas pa na dbyug tho/ g.yon 'khor lo bskor ba'o// nub byang la dbang byed pa'o// lha mchog dud kha ljang gu phyag g.yas thod pa/ g.yon 'khor lo bskor ba'o// byang la dbang byed pa'o// chos kyi rgyal po sku mdog smug po phyag g.yas khraM baM/ g.yon 'khor lo bskor ba'o// byang shar la dbang byed pa'o// mig dmar sku mdog dmar po phyag g.yas sho rde'u/ g.yon 'khor lo bskor ba'o// 'og la dbang byed pa'o// rnams yum kun yang sku mdog rang rang gi yab dang mthun pa las/ phyag g.yas kun na tri shU la re thogs nas yab la 'khyud pa'o// g.yon kun dmar gyis bkang ba thogs nas yab so so la stob pa'o// 'jam dpal gyi thugs las sprul pa'i las la grub pa'i lha yo ga'i sku ni rang rang gi skabs kun tu shes par bya'o// gshin rje gshed po'i sku mdog phyag mtshan bzhugs tshul dang de dag gi rim par byed pa'o// sku mdog ni rnam par dag pa bstan pa la/ sku mdog mthing ka chos nyid 'gyur ba med pa'i don ston// sku mdog dkar ba ni chos kyi dbyings la skyon gyis ma gos pa dang zhi ba'i las grub pa'o// sku mdog dmar bar bstan pa ni/ thugs rje chen po'i sems can gyi don la chags pa khams gsum dbang du sdud pa dbang gis las grub pa'o// sku ser bar bstan pa ni/ che ba'i yon tan rgyas pa dang/ rgyas pa'i las grub pa'o// sku gnag par bstan pa ni chos nyid las mi 'gyur ba dang drag po'i las grub pa'o// sku ljang bar bstan pa ni/ chos nyid kyi don phyogs gcig tu bstan pa dang/ las sna tshogs par mdzad pa'o// sku mdog dkar nag gis zhi ba dang drag po'i las 'grub pa'o// dkar ser gyis zhi ba dang rgyas pa'i las 'grub pa'o// dkar dmar gyis zhi ba dang dbang gi las 'grub pa'o// dkar sngo chos nyid zhi ba las 'gyur ba med pa'o// dkar ljang gis zhi ba las tshang bar mdzad pa'o// sku ser nag gis drag po dang rgyas pa'i las 'byung ba'o// dmar nag gis dbang dang drag po'i las 'grub pa'o// sngo nag chos nyid 'gyur ba med pa ste drug po mi 'gyur ba'o// ljang nag 'phrin las sna tshang bas mi 'gyur ba'o// smug nag ni dbang drag gi las 'grub pa'o// dmar ser ni rgyas pa'i las des dbang du sdud pa'i rtags so// ser ljang ni rgyas pa'i las sna tshogs mdzad pa'o// dmar ljang ni dbang gi las sna tshogs mdzad pa'o// phyag mtshan gyi rnam pa la rdo rje rtse lnga'i don ye shes lnga'i don thugs su chud pa'i rtags kyi phyag mtshan ni/ kha T+wAM ga rtse gsum ni bdud las rgyal ba'i rtags so// lcags kyu bsnams pa ni 'khor ba nas 'dren pa dang/ dgra bgegs 'gugs pa'i rtags so// rgyu zhags ni 'khor bar sems can mi gtong ba dang// gnas nas 'dren pa'i rtags so// zhing chung gi dbyug pa bsnams pas nyon mongs pa phra mo 'joms pa'i rtags so// dung dmar gyis bkang ba zhal du gsol ba dang stob pa ni 'khor ba nyon mongs pa zad par bya ba'i rtags so// tri shU la thogs pas sku gsung thugs kyi don bstan pa'i rtags so// gshin rje ma tang ro dbyug thogs pa ni 'khor ba nyid kyis nyid 'joms pa'i rtags so// 'khor lo bskor ba ni srid pa gsum la dbang byed pa dang/ nyon mongs pa gsod pa'o// dgra na thogs pas dgra bgegs gtubs pa dang// nyon mongs pa 'bral ba'o// lha chen po rdo rje phyag na bsnams pa ni dregs pa can 'joms pa'o// ral gri thogs pa ni shes rab ma yin pa dang/ nyon mongs pa gcod pa la thogs pa med pa'o// thod 'phreng thogs pa ni 'khor pa zad pa med pa 'dren ba'i rtags so// khram bam bsnams pa ni skye 'gro'i tshe dang srog dbang mdzad pa'i rtags so// sho rde'u bsnams pa ni legs nyes stangs rtsi ba dang skye 'gro'i tshe srog la rtsis byed pa'o// gshin rje gshed po'i rgyud gsang ba drug cu pa las/ lha rnams kyi sku mdog dang/ phyag mtshan dang/ bzhugs tshul gyi rnam dag bstan pa ste bco brgyad pa'o//// rdo rje 'dzin pas yang zhus pa// lha rnams de dag thams cad kyi// rgyan dang chas dang gdan dang bzhugs tshul dang/ zhes pas/ gshin rje gshed pas gsungs pa ni// lha rnams de dag thams cad kun// dur khrod rgyan chas rgyan dang ldan// so sor rang rang gdan la bzhugs// g.yas bskum g.yon ni brkyang nas bzhugs// gti mug ma spangs gnas su dag/ glang chen ko rlon sku stod gsol// zhe sngang ma spangs gnas su dag/ sprul rigs lnga yis brgyan pa'o// 'dod chags ma spangs gnas su dag/ stag gi pags pas sku smad g.yogs// nga rgyal ma spangs gnas su dag/ zhing gi g.yang gzhi sku stod g.yogs// phrag dog ma spangs gnas su dag/ thod pa tshar gsum se ral byas// thugs rje 'gro ba'i don la chags// rag ti'i thig le dgu yis brgyan// don dam sems can sgrol ba yi// zhag gi tshom bu gsum dang lngan// gang la gang 'dul 'phrin las mdzad// thal chen zo ris bco lngas brgyan// bar chod bgegs kyis mi tshugs me 'od 'bar// bdag gis thun mong khyad par ldan// las kyi gshin rje gdul phyir gtso bo'i gdan// gong na che ba med phyir ma he gdan du bting// ru dra gdul phyir ya ma ra dzA gdan du gting// mu stegs gdul phyir myos byed 'bar ba'i gdan du bting// srin mo gdul phyir Ar+ya ma ru tse'i gdan du gting// gnod sbyin gdul phyir ral pa tshar dgu'i gdan du gting// phyogs skyong che ba bskyung ba dang// de yi 'khor kun dbang du bsdu ba'i phyir// srin po bcu gdan du gting bar bya// thabs kyi rol pas bsam yas nyi ma'i gdan// shes rab rol bas mtha' yas zla ba'i gdan// chags pa'i skyon dang bral bas pad+ma'i gdan// nang gi yon tan phyi ru bstan pa'o// g.yas pa bskum pa'i bzhugs tshul gyis// chos nyid thugs su chud pa'i rtags// g.yon pa brkyang ba'i bzhugs tshul gyis// sems can ma lus don mdzad rtags// zhes gsungs so// gshin rje gshed po'i rgyud gsang ba drug cu pa las/ rgyan cha dang/ gdan dang/ bzhugs tshul gyi le'u ste bcu dgu pa'o//// rdo rje 'dzin pas yang gsol pa// gshin rje gshed po khyed kyi 'khor// spyi dang khyad par 'phrin las kun// so so'i dam du ji ltar bca'// zhes pas/ gshin rje gshed pos bka' stsal pa// gtso bo'i 'phrin las dbang dang ni// dpag tu med pa bsam yas ston// spyi yi 'phrin las sems can don dang ldan// bstan pa gshig pa'i dam nyams sgrol// khyad par so so'i khas blangs pa// gshin rje gshed po'i spyan snga ru// ya ma ra dzas zhe sdang rtsad gcad de// nyi ma dang po mgo 'khor ba'i las bya bar dam bcas// myos byed 'bar bas nga rgyal rtsad nas gcad de/ nyi ma gnyis pa la yid 'khrug par dam bcas/ Ar+ya ma rus 'dod chags rtsad gcad de/ nyi ma gsum pa rgyal ba'i las bya bar dam bcas/ ral pa tshar dgus phrag dog rtsad gcad de/ nyi ma bzhi pa la dgra bo de gsad par dam bcas pa'o// bdud 'joms kyis srid pa'i skos gdab par dam bcas/ kong rtse brag 'joms kyis srid pa'i cho 'phrul gtang bar dam bcas/ a ba glang mgos bran du dam bcas/ ya ba tis sprul pa'i ltas ngan gtong bar dam bcas/ phya sangs kyis srid gsum gyi bya ra bya bar dam bcas// smig pas srid pa'i bla 'gugs par dam bcas// tel bas srid pa'i dbugs 'phrog par dam bcas/ lha mchog dud khas srid pa'i mdangs 'phrog par dam bcas/ chos kyis rgya pos srid pa'i srog 'phrog par dam bcas/ mig dmar gyis srid pa khram la gdab par dam bcas te/ de rnams kyis dam bcas pa de yang srid ba gzhan ma yin te/ sangs rgyas kyi bstan pa 'jig pa dang/ dam tshig la mi gnas pa la khyed kyis khyad par du las des dbang du bgyis pa las/ gzhan la gnod pa ma byed ces 'khor rnams la dam dbog go/ gshin rje gshed po'i rgyud gsang ba drug cu pa las/ 'khor rnams kyi spyi dang khyad par gyi las bya bar khas blangs/ gtso bos dam phog pa'i le'u ste nyi shu pa'o//// rdo rje 'dzin pas yang zhus pa// gong du bstan pa'i las de dag/ bsnyen pa zhes su khyod kyis bshad// sgrub pa'i las la sbyor dus su// nye ba bsnyen pa ji ltar bya// zhes pas/ gshin rje gshed pos bka' stsal pa/ nye bar ba snyen pa bya ba yang// gnas dang cho ga'i rim pa yang// las gzhung chen po blta bar bya// bzlas pa'i rim pa 'di ltar bya// ya ma me ta k+Sha rA dza sa to ru na yo ni ra ya tsa ni/ zhes pa'i gsang sngags bzlas pa ni// bdag nyid ya man+ta kar bsgom// thugs ka'i sngags kyi 'phreng ba de// nyi zla'i ye shes sems dpa' de// thugs ka'i rdo rje'i lte ba las/ yig mgo phyi ru bstan byas la// bzlas pa'i yi ge'i 'phreng ba de// lce yi steng du bsam byas la// gsang sngags de nyid brjod tsam na// bdag kyang gtso bor gsal byas la// sngags las 'od 'phros thugs ka dang// lce yi steng du 'phro bar bsam// sngags kyi 'od kyis dus gsum gyi// rgyal ba rgya mtsho'i thugs dam bskul/ bdag la dngos grub gsol ba dang// dbang bskur ba dang byin gyis rlobs// sngags kyi 'od kyi byin rlabs kyis// gshin rje'i 'khor tshogs thugs dam bskul// gang la bya ba'i las de 'grub// las kyi gshin rje dbang med bkug/ gang la bya ba'i las de la// thogs chags med par byed par bsam// srid pa'i lha srin sde brgyad dang// las kyi gshin rje'i 'khor yin pas// gang la bya ba'i dgra bgegs la// 'ching dang 'dzin dang srog gcod dang// sha za khrag 'thung rus pa 'cha'// med dang rdul du rlog par byed// de lta bu yi ting 'dzin gyis// khri khri smra ba bcad pa yi// 'bum dang bye ba thon pa dang// nye bar bsnyen pa bya ba ste// sgrub pa la 'jug gong du ni// 'khor lo bskor khar khri lam 'bum// shin tu bsgrims te bzlas par bya'o// sngags kyi grangs thim pa dang// sngags kyi nus pa thob pa dang// mtshan ma ma nor byung ba dang// 'khor lo bskor sngags 'di ni// nyin zhag phrugs gcig bar du bsam// skad cig ma yengs thang cig gam// bar ma chad par gsal la bzlas// ya ma k+She te me ni tsi ya ra ni yo na ru to sa rA dza ra/ zhes pas ni// gsang bar byed pa'i sngags so// ro ni ldang ba mi srid de// langs pa zhes kyang bya ba yi// sngags su gshin rje gshed pos gsungs// bzlas pa sngas na sngags pa 'chi// bzlas kyang 'bras bu med pa'o// slar la gsang sngags bzlog par 'gyur// des na bsnyen pa 'bad par bya// bsnyen pa ma grub ma thob par// bsgrub dang las la sbyar ba ni// gcer bu ral ka byas pa 'dra// de nas bsnyen pa'i gsang sngags te// the tsom med par mang du thon// bsnyen pa zhes su gsungs pa yang// lha yi sku gsungs thugs dang ni// rnal 'byor lus ngag yid gsum bsnyen// bsnyen pa zhes ni de ltar yin// lha yi sku gsung thugs dang ni// bdag gi lus ngag yid gsum bsnyen/ bsgrub pa bya ba'i mtshan nyid kyang// de ltar shes par byas la sgrub// gshin rje gshed po'i rgyud gsang ba drug cu pa las/ bsnyen pa dang/ nye bsnyen dang/ bsgrub pa'i nges tshig bstan pa'i le'u ste nyi shu rtsa gcig pa'o//// gshin rje gshed po nyid kyis kyang// bdag la bstan pa bsrung par khas blangs pa// nyid kyi dam bca' zhal nas gsungs// thugs dam dbang gis 'di gsungs so// lnga brgya tha ma dus kyi snyigs ma la// dus ngan las ngan spyod pa'i tshe// rigs 'dzin kun kyang dngos grub yal// gshin rje thar byed gang zlos pa// nga ni de la thugs brtse 'o// dge bcu dag kyang nub pa'i tshe// 'di yi chos rnams 'phel bar byed// dam tshig nyams pa mang ba'i tshe// nga yi bstan pa srung bar byed// gos ngan re ba gyon pa'i tshe// zas ngan lci ba za ba'i dus// de tshe nga yi dngos grub byin// nga ni dus gsum mngon du byung// nga ni da lta mngon pa'i lha// nga ni dus gsum phyis kyang 'byung// su zhig nga la gang sgom pa// su zhig gang la gang mchod pa// dkyil 'khor thams cad 'grub par 'gyur// mdor na 'phrin las rnam bzhi 'grub// 'phags pa'i nang nas 'jam dpal nyid// lha mo'i nang nas 'od zer can// 'di gnyis ma gtogs dngos grub gzhan// rigs 'dzin kun kyang dngos grub yal// khro bo'i rgyal po 'di yis ni// dang po 'das dang da ltar gyis// phy-is ni 'byung ba gang yang med// dgra bo'i stong dang 'bum yang rung// de ma thag tu gsod par byed// ji ste dgra bo mang sod na// khrag gis char yang 'bebs par byed// ces dam bcas nas/ thugs dam las mi 'da' bar sngags 'di yang bzlas so// oM sa ma ya many+dzu shri ya mAn ta ka pany+tsa te ro ni ra hUM dza dza/ zhes pa'o// gshin rje gshed po nyid thugs dam las mi 'da' bar zhal gyis bzhas pa'i le'u ste nyi shu gnyis pa'o//// rdo rje 'dzin pas gsol ba ni// bsnyen pa bya thabs de lags na// bsgrub pa bya thabs bshad du gsol// ces bya ste/ gshin rje gshed pos bka' stsal pa// bsnyen pa de ltar byas nas kyang// bsnyen pa'i gtor ma btang ba dang// ma btang ba yis rim pa yis// bsnyen pa maN+Dal sa tshon phyag/ chag chag rnam pa gsum kyang gdab// hUM/ rdo rje dri chen chags chag 'di btab pas// chos kyi dbyings kyi rang bzhin te// snang byed kun gyi rang bzhin te// stong pa nyid kyi sku ru gsal// rdo rje dri chen dri chu yis// gsang ba'i maN+Dal chag chag gdab// ma hA ba su ta gu h+ya maN+Dal/ de nas byang chub sems kyi chag chag gdab pa ni// ma nor byang chub sems kyi rang bzhin la// gzi byin don dam thig le che// khyab brdal byang chub sems kyi ngo bo'o// gsang ba'i maN+Dal chag chag 'debs// oM bo d+hi tsit+ta gu h+ya sa ma ya maN+Dal hUM/ de nas rak+ta'i chag chag gdab pa la// hUM/ shesarab yum gyi rag+ta 'di// thams cad bskyed pa'i rgyu yin te// khams gsum dbang du sdud pa'i phyir// gsang ba'i maN+Dal chag chag 'debs// rag ta gu h+ya sa ma ya maN+Dal la hUM/ zhes pas maN+Dal chag chag btab la/ thig gdab ni/ gshin rje gshed po yab yum gyi sbyor mtshams nas/ las mkhan khye'u chung sngon po byung/ lag pa g.yas g.yon nyi zla'i dal du bsam la/ thig skud bkal/ hUM/ 'jam dpal sku yi dkyil 'khor du// dur khrod 'bar ba'i gzhal yas su// gdug pa'i tshogs rnams ma lus bsgral slad du// byang chub pho brang gzhal yas lhun gyi grub// oM dz+nyA na tsakra maN+Dal la hUM/ zhes pas/ steng 'khor lo'i dkyil 'khor du gshin rje'i lha tshogs kyis gtams par bsam mo// ye shes kyi thig btab pa'o// las kyi thig btab pa la/ thig skud rak+tas sbyangs la/ hU~M 'jam dpal sku yi dkyil 'khor du// dur khrod 'bar ba'i gzhal yas su// 'dug pa'i tshogs rnams ma lus bsgral slad du// pho brang gzhal yas lhun gyis grub// gshin rje'i pho brang bzhugs gnas dor// ma hA rak+ta'i sa thig gdab// yeM karma tsa kra maN+Dal hU~M/ 'og phyogs kyi maN+Dal du sal gyis byung bar bsam mo// gnam thig btab pa'o/ N+Dal/ sa thig gdab pa yang bdag ya mAn ta kar bsgoms la/ slob ma khye'u chung sngon por bsgyur la gdab po// many+dzu shrI spu ti ka la hUM/ bya ba yis gdab ste/ tshangs thig zur thig 'grus med gdab// tshangs pa'i thig g.yas g.yon la/ sor lnga pa la lta ba bya// sor gsum pa la rdo rjes bskor// mdzub gang btab la rtsibs bzhi bya// sor gnyis pa la thod pa gtang// mdzub gang ba la rtsibs bcu drug/ sor gnyis pa la thod tshar btang// sor gcig pa la gru chad btang// sor lnga pa la lha snams bya// sor bzhi pa la sgo khyud bya// sor gsum pa la sgo logs bya// sor gnyis sgo yi ya phubs bya// sor bzhi me ri lcags ri bya// sgo rgyan la sogs byed pa la// spyi yi skal las bstun la bya ba'o// thig kyang logs par spyi ltar gdab// 'dod yon pha gu drwa ba dang// drwa phye dar bu kha la sogs// de la sogs pa'i rgyan cha dang// rta babs gdugs dag chos kyi 'khor lo'o// ka ba zla phyed ri dwags dang// mdzes pa'i rgyan gyis spras pa yi// maN+Dal 'dom gang mtho gang la// mkhas pas thig de gdab pa'o// de nas sa tshon bri bar bya// dbus su zla kham dmar po bya'o// 'khor lo rtsigabs bzhi rigs dang bstun// bcu gnyis 'khor lo dmar por bya'o// bcu drug 'khor lo ser po bya// rtsibs mtshan thams cad sngon po'am// yang na rigs dang sbyar ba bri// rdo rje drwa ba thod pa'i mtshon dang ni// ci rigs par ni bri bar bya// lha rnams ser dang phyogs dang bstan// sgo bzhi phyogs dang bstan pa bya// sgo rgyan la sogs ci mdzes bya// lcags ri gnag la me ri dmar// de ltar dkyil 'khor bris byas la// lha yi dkyil 'khor dgod pa yang// 'khor lo re la phur bu re// dbus su gshed po yab yum dgos// rtsibs bzhi las kyi gshed po bzhi// bcu gnyis las kyi rtsibs bsal bri// rtsibs bcu la ni 'chi bdag bcu// bcu drug rtsibs las ging gis bskor// lha rnams pho nya gsum po dang// dur khrod lce spyang la sogs dgod// sgo ba zhir bse mo bzhi po dgod// gra bzhir dur khrod kun gzungs dgod// lha rnams dgod pa'i rim pa'o// bsgrub ba'i rdzas su bya ba yang// sha sna tshang ba'i rgyan byas pa'i// gtor ma cha gcig ye shes lha la dbul// gtor cha gcig las kyi gshin rje la// gtor ma cha gcig ma mo mkha' 'gro la// thugs dam bskang ba'i ched du bya// khrag sna sna tshogs mang po dang// mi khrag b+han+d+ha gang yang bzhag dza gad bdud rtsi b+han d+ha gang// rkang gi gling bu gsur gyi dud pa dang// tshil chen maM sa ha sta'i g.yab mo dang// zhing gi bla re sha 'phreng gdags/ phur bu ral gri mthun rdzas bshams// 'khor lo dgu yi tshogs byas la// mar gyi tshes lnga bsgrub la 'jug/ gshin rje gshed po'i rgyud gsang ba drug cu pa las/ lha dgod pa'i rdzas dgram pa'i le'u ste nyi shu gsum pa'o//// rdo rje 'dzin pas zhus pa'i don// bsgrub pa'i maN+Dal bris pa dang// lha dgod pa dang rdzas bstan nas// 'khor lo br-i ba ji bzhin bya// zhes pas/ gshin rje gshed pos bka' stsal ba// 'khor lo bri ba'i las la yang// dang po 'khor lo'i rgyu bstan pa dang// drag po 'khor lo bya ba'i rgyu// phyi ltar ro ras dag la bya// nang du thod pa mtshan ngan yin// gsang bar zhing gi pags pas bya// ro ras 'khor lo bri ba la// ka phyi ta'am ba phyi gus// legs par bgyangs la bskam par bya// 'khor lo bri ba'i snag tsha yang// bong nga spyang dug bse shing dang// dug gi rnam pa tshang ba dang// mi khrag ra khrag khyi khrag dang// khrag gi rnam pa mang po yang// snag tsha rang gi dngos po dang// sgong nga bsres la sbyang bar bya// gshin rje gshed por bdag bsgoms pa// pho nya btang la dgra bo dgug/ dgra bo shes pa snag tshar bstim// g.yon ba bsdigs pa'i mdzub mos gnan// g.yas ba bsdigs pa'i mdzu ba mo mnye// sngags 'di brjod cing snag tsha mnyes// oM a kro te ke du man ta ka ra hUM/ sna tsha legs par zin pa dang// smyu gu 'di yis 'khor lo bris// bya rog 'ug pa khwa ta yi// sgro rtsa smyug gu kha la gzhug/ srin lag gnyis kyis smyu gu gzung// dbus su sor ni bcu drug par// bskor ba nang gi 'khor lo yin// sor bcu drug pa de yang// tshangs pa thig gi g.yas g.yon la// sor brgyad bskor ba byas nas kyang// tshangs thig g.yas g.yon cha mnyams la// thig bzhi gdab pa'i ling tshe dgu// dbus kyi ling tshe gru gsum gnag/ phyogs bzhi'i ling tshe 'khor rtsibs bzhi// de nas sor bzhi zlum por bskor byas la// de nas bcu gnyis 'khor lo bya'o// de nas sor bzhi zlum bor bskor byas la// de la bcu drug 'khor lo bya'o// de nas sor tshad brgyad btang la// gshin rje'i gzugs kyang mdzes byas nas// de ltar 'khor lo'i sa bcad nas// sngags kyi rim pa dgod pa ni// 'khor lo'i dbus su ya bkod la// shar gyi ling tsher ma bris la// lho yi ling tsher me yang bri// nub kyi ling tsher da yang bri// byang gi ling tshe k+Ne yang bri// mtshams kyi ling tshe bzhi bo de// ling ga bzhag pa'i gnas su bya'o// phyir rol 'khor lo bcu gnyis la// dang po shar nas brtsams pa la// rtsibs rer yi ge re re bri// rA dza sa to ru na yo na ra ya tsa ni/ zhes pa'i yi ge bcu gnyis dgod// de yi phyir rol 'khor lo bcu drug tu// hri ti'i sngags dang bsgrub bya yi// ming rus bcas pa spel la bri// pho bskor bzhin du mo bskor yang// 'khor lo bri ba byas nas ni// mo yi gzugs kyang byas nas su// yi ge phyin ci log tu bri// de ltar bris ba yab yum gyi// 'khor lo yi ge 'grig par 'gyur// 'khor lo yi ge ma 'grig na// yab yum cho rol song bas na// 'bras bu med la rlag par 'gyur// des na 'grig par bya ba gces// 'grig par bya ba'i thabs su ni// 'khor lo bri ba'i gzhi ma ste// mchu dang zheng mnyam 'dra byas la// 'khor lo bri ba'i rang nas ni// zlum po thig gis bskor tsam na// rim pa re re bskor bskor ba'i// pho yi 'khor lo bri ba ni// snag tsha ma bskams rlon pa de// mo yi 'khor lo de la sbyar// snag tsha gos pa'i shul de ni// de nas ri mo dod par bri// pho'i zlum po re re skor tsam na// phogs re dag la mo yi 'khor lo sbyar// yi ge re la phogs re sbyar// snag tsha ma bskams par byas la// snag tsha gos shul legs par bri// de ltar byas pa'i sbyar ba yis// 'khor lo'i re ga re ga mnyam// yig 'bru yig 'bru mnyam pa la// ya dang ya yi bar dang ni// dza dang dza yi bar dang ni// 'khor lo'i bar du dgra yi ming rus gzhug/ 'khor lo rang la ldog par 'gyur// de ltar 'khor lo bcas pa dang// dgra yi gzugs dang ming rus la// dgra bo dgug cing lha dang dbral// gu gul dud pas par bya// de nas gshin rje'i lha tshogs la// mtshan nas brjod cing phyag kyang 'tshal// gshin rje gshed po khyed kyi bka'// gsang sngags bden pa'i byin brlabs te// bdag gis yongs su 'grub gyur cig/ bdag gi dgra bo las ngan 'di// gshin rje'i rgyal po 'khor bcas kyi// dus 'di tshe na sho ra re// dam tshig chen po dus la bab// de nas 'khor lo bcas pa dang// bzhi dug shing bzhi brgyangs la// pho yi 'khor lo yas 'phyang ba// mo yi 'khor lo mas dgram bya// mtshams bzhi ling tshe stong pa la// dgra yi gzugs dang ming rus gdags// de ltar 'khor lo bris nas 'grem// 'khor lo bri ba'i thabs bstan pa'o// gshin rje gshid so'i rgyud gsang ba drug cu sa las// 'khor lo bri ba'i thabs kyi le'u ste nyi shu bzhi pa'o//// rdo rje 'dzin pas zhus pa ni// 'khor lo bri thabs de legs te// 'khor lo bskor thabs bshad du gsol// gshin rje gshed pos gsungs ba'i don// de ltar 'khor lo bris pa dang// rgya chen sa yi dkyil 'khor du// 'khor lo steng nas dgram byas la// las gzhan rim pas gzhung bsrang nas// gshin rje gshed po'i thugs ka nas// bdag nyid bdun du byung byas la// gtso bo dbus su bzhugs byas la// bdag nyid ya ma rA dzar bsgom// gshed po cha lugs gsal ba yi// thugs kar ya las sngags kyis bskor// dgra bo bkug la lha dang dbral// gnyis pa ri rab rtse shar nas// dmar thag chad pa'i bar du ni// gsang sngugs 'di ni bzlas par bya'o// ya ma rA dza sa to me ya che ge mo a mo kam pra ma ya hUM phaT/ ces pa'i gsang sngags de bdag gis bzlas par bya'o// ting nge 'dzin ni thugs ka'i ya dang sngags las kyang// 'od dang mtshon cha'i bar spros// bsgrub bya'i tshangs pa'i rtsa bcad de// thal bar rlags par bsam par bya// tshangs pa'i rtsa bcad rlag pa des// nyi ma dang po mgo 'khor ba'o// gong ma'i gsang sngags brgya tshad la// 'khor lo bskor zhing thun yang brdeg/ sngags ni khri khri smra ba bcad la bzlas// nyi ma dmar thag chad pa dang// 'di skad bskul la 'phrin las bcol// gshed chen ya ma rA dza la// sha khrag mnyes pa'i gtor ma dbul// 'di skad brjod la 'phrin las bcol// hUM/ bcom ldan dpal chen khro rgyal gshin rje gshed// bskal pa rgyad khri bzhi stong pha rol na// thod chen mang po'i gzhal yas na// rta ro 'bum ni gcal du bkram// mi ro 'bum gyi khri steng na// dbu gsum phyag drug zhabs bzhir bgrad// sku mdog nag po dug chen 'khyil ba 'dra// hUM gis sgra bsgrags khams gsum dbang du sdud// phaT kyi sgra bsgrags ma mo dbang du sdud// bdud kyi bdud gcig khro bo gshin rje gshed// 'chi bdag mi yi bdud du khyed las lhag pa med// mi bzang yun gyi lhar yang bdag mi gtong// gru gsum mthing nag 'bar ba'i dkyil 'khor 'dir// sha khrag dmar gyi gtor ma 'di 'bul gyis// rnal 'byor bdag gi 'phrin las grub par mdzod// bskal ba brgyad khri bzhi stong pha rol na// khro bo'i rgyal po ya ma rA dza ni// sku mdog nag po dug chen 'khyil ba 'dra// sha khrag sgrol la dbang sgyur bdud kyi gtso// mi sha rta sha ma yin gzhan gyi sha mi za// mi khrag rta khrag ma yin gzhan gyi khrag mi 'thung// 'gro ba mi yi bdud du khyod las lhag pa med// gzas pa pho mo gdan du bting ba ni// 'gro kun snying rje med par za bar byed// gshin rje pho mo gdan du bting ba ni// bdud dang gshin rje'i tshogs la dbang sgyur zhing// 'gro ba kun gyi snying khrag dron mo 'thung// ma he glang chen gdan du bting ba ni// 'dzam bu gling bzhi gzir gnon byed pa'i rtags// zhabs bzhi brkyang bskum tshul du bzhugs pa ni// skye ba rnam bzhi nyam thag gcod pa'i rtags// sprul nag stong gis tshigs rnams brgyan pa ni// sa bdag klu srin stong la dbang sgyur zhing// gling bzhi mdze dang lhog pas 'gengs pa'i rtags// stag lpags rlon pas sku la brgyan pa ni// gdug pa srid gsum zil gyis gnon pa'i rtags// me dpung 'bar ba sku la gsol ba ni// za byed khro bo gzhan pas spags pa'i rtags// ba glang dmar po'i ko ba gsol ba ni// bdud dang gshin rje pho nyar 'gyed pa'i rtags// gcad gcang las la brtson pas 'gro ba'i snying khrag 'thung// zhing chen mang po g.yang gzhir gsol ba ni// dur khrod gnas su rgyu zhing legs nyes zhal lce gcod// sprul nag thod pas sku la brgyan pa ni// gling bzhir rim gy-is rgyu zhing 'gro ba'i snying khrag 'thung// sha chen zas su za zhing tshil chen dri la snom// raka ta skom du 'thung zhing ya bdud pho nyar 'gyed// 'gro la khros pas khro bo'i snying sha za// gtum khro gdug pas dmar po gcer bu 'don// khro bo'i dbyug pas ma bdud pho nyar 'gyed// g.yas dkar g.yo dmar dbus mthing zhal// dbus mthing mche ba rngam pas khro bo'i zhal// spyan rtsa dmar po bzlog cing sgyur ba yis// phyogs bcu'i 'chi bdag bcu la dbang sgyur zhing// rbad pa'i tshe na lha yang phung bar mdzad// rkan sgra tog tog mdzad cing dgra bo'i snying khrag 'thung// spyan rtsa rig rig mdzad cing nyes legs zhal lce gcod// bdud kyi chas su chas shing khams gsum khram la 'debs// smin ma me ru 'bar zhing ltas ngan sprul pa 'gyed// dbu skra kham nag nad kyi rlangs pa 'thor// 'gro ba mi yi bdud du khyod las lhag pa med// gang zhig bstan pa gzhig pa'i dgra bo dam nyams 'di// bdun rgyud rtsad nas gcad nas gcad pa'i dus la bab// khyo sdug gong nas khrol la chung sdug 'og nas phrol// bu sdug mchan nas dbral ba'i dus la bab/ 'khor lo bskor ba'i dus la bab// ya ma rA dza de ltar bskul// myos byed 'bar ba dang/ Ar+ya ma ru dang/ ral pa tshar dgu dang/ thugs dam bskul zhing 'phrin las bcol// rag+ta spreng zhing gsang sngags bzlas// 'khor lo bskor zhing thun yang brdeg/ nyi shu drug gi tho rangs kha nas// nyi ma rgas rgas bar du bya'o// nyi ma dang po bya ba'i las// gshin rje ya ma rA dza bya// nyi ma dang po nub mo de// las gzhung rdzogs par byas pa dang// ya ma rA dza bsgom pa dang// sngags kyi 'phro 'du ting 'dzin dang// nyin mo bzhin du nub mo bya// nub mo'i gsang sngags bstan pa ni// ya ma rA dza ni tsa ya k+She ya ya k+She ya ra ni yo ta ya// ya ta yo ni ru ma ya/ ya ma sa tsa ra ma ya/ che ge mo a mo kam pra ma ya hUM phaT/ ces pa'i sngags de/ nub mo mtshan thag bzlas par bya// nam gyi brgyad cha yod na yang// ya ma rA dza'i yum yang bskul// shar gyi phyogs nas bzhugs pa ni// lha mo chen po'i dkyil 'khor nas// dpal ldan mdangs 'phrog nam mkha'i dbyings// dung ral gsigs pas spyan nas khu 'phangs 'bebs// snyan nas bu yug 'tshub cing shangs nas nyi zer 'chang// bzhad pa'i zhal nas khrag gi ngan skyugs 'thor// spyi gtsug zhe sdang 'bar ba'i 'od zer skye// skar mda'i phyag gnyis rol cing bzhad zhags skyong// g.yas pa rag ta dung chen thogs// dri za'i mgo bcud b+han dar thogs// khyod ni mdangs 'phrog chen mo yin// klad pa'i gnam rtsa bcad nas ni// klad khrag dmar la dri snom ma// sdang ba'i dgra bo thal bar 'thor// ces pas ya ma rA dza'i yum bskul// yum gzhan yang gsum po bskul lo// gshin rje nyin nub dang po las// ya ma rA dza yab yum gyis// gang la bya ba'i gzas pa de// klad pa'i rtsa nas nyams nas kyang// mgo bo 'khor bar byas pa'o// gshin rje gshed po'i rgyud gsang ba drug cu pa las/ nyi ma dang po'i 'khor lo'i thabs kyi le'u ste nyi shu lnga pa'o//// nyi ma gnyis pa'i don gsungs pa// nyi shu bdun gyi tho rangs kha// las gzhung 'phrin las gzhung bsrangs nas// gshin rje gshed po'i thugs ka nas// bdag nyid mdun du 'byung byas la// gtso bo dbus su bzhugs byas la// bdag nyid myos byed 'bar bar bsgom// de yi cha lugs ldan pa ni// thugs kar ya las sngags kyis bskor// nyi ma gnyis pa'i sngags kyis so// dgra bo'i ling ga nub kyi le'u le// lcags kyu yi ni phyag rgyas bzhag/ de la shes pa bkug la bstim// lha dang dbral pa byas nas ni// nyi ma ri rab rtse shar nas// dmar thag chad pa'i bar du ni// gsang sngags 'di ni bzlas pa bya// ya me to ru na yo ta ya/ che ge mo a mu kaM mA ra ya hUM phaT/ ces pa'i sngags 'dis/ bdag gis brjod pa'i ting 'dzin ni// thugs ka'i ya dang sngags las kyang// 'od dang mtshon cha'i char du 'phros// bzlas pa'i mgrin pa'i rtsa de ni// thal bar rlag par bsam byas la// mgrin pa'i rtsa bcad khrag skyugs bsam// nyi ma gnyis pa khrag skyug pa// gong ma'i gsang sngags brgya brgya la// 'khor lo bskor zhing thun yang brdeg/ sngags ni khri khri smra bcad bzlas// nyi ma dmar thag chad pa dang// 'di skad bskul la 'phrin las bcol// gshed chen myos byed 'bar ba la// 'di skad brjod la 'phrin las bcol// sha khrag mnyes pa'i gtor ma dbul// gshin rje gshed po bgegs kyi rgyal// khro bo'i cha lugs sku la rdzogs// phyag na srid pa'i 'khor lo bsgyur// rgyal ba'i bka' phyang ya mtshan che// sku mdog nag cing 'od dbung gnag/ bka' las 'das pa'i sdig can brdungs// ral pa lcang lo sprug pa yis// sprul pa'i kha lo gyen du bsgyur// ya mtshan che ba'i 'od zer las// 'od zer zhags pas 'phro 'du gtongs// bka' las 'das pa'i sdig can sreg/ sbyan gyis cir yang khams gsum 'asreg/ gzigs pa tsam gyis gzigs ma 'bar// khro bo 'bar ba'i cha lugs can// rgyal ba yongs kyi phyogs kyang 'dzin// bsgrub pa po la las yang bstan// dam tshig can gyi grogs kyang mdzad// thugs dam dbyings la mchod pa mdzad// ha ha bgyis pas 'dre srin gtub// he he bgyis pas zhal du gsol// hUM hUM bgyis pas dbang du sdud// shangs kyi rlung mchog chen po yis// hUM dag phaT kyis gtor ba la// khams gsum 'jig rten bcu mdzad nas// dgra bgegs ma lus 'thor bar mdzad// srid pa gsum gyi bu yug 'dul// rdo rje thog 'bebs lams se lams// dug gsum dpal gyi 'phan khar 'grim// gdug pa sprul gyi zhags pa las// ya mtshan rmad kyi rlung sgrom can// phaT kyis gtor bas yang bar mdzad// nya pa'i snyan khung rba klong yangs// lha srin gdug pa rdul du lhogs// dam nyams dgra bo bzhes su gsol// gshin rje gshed po bgegs kyi rgyal// grags pa'i rgyal po rnon po'i dpal// lha yi dbang po man chad nas// na rag dmyal khams yan chad du// khyod kyis mi thub gang yang med// gshin rje'i rgyal po'i dus la bab// g.yon pa bsdigs pa'i mdzub mo yis// dmyal ba'i gnas nas gnas su sprul// sdig pa'i bag chags spags shun ral// sha dang rus pa rkang dang ni// sha rus rkang rus nyi li li// zhing chen lhun rdul khra la la// rag ta'i rgya mtsho khyi li li// gshin rje gshed po bgegs kyi rgyal// ya mtshan rmad kyi mthu rtsal can// gshin rje gshed po'i dang ru la// gshin rje rgyal po'i sngags kyis gdab// sdang dgra gnod bgegs kha long la// zhal gyis ri rab brjid pa yis// rim pa gsum po sa la zhon// klu srin gdug pa'i gnas su bskyal// dgra bgegs sdig can gnas su bskyal// dmyal ba'i khang dpon chen po de// bsdus shing 'joms pa'i las su mdzad// snying rje med pa'i me dpung 'bar// la la khro bo bgegs kyi rgyal// gshin rje rgyal po'i dang ru chum// dam nyams dgra bgegs rdul du mthong// dug gsum dbang du sdud pa dang// rig pa gsum gyi gnas chen du// ci la thogs pa med par sgrol// de yang gshin rje gshed pos te// dam tshig 'bum sde'i dus la bab// dgra bgegs gang yin rdul du thong// myos byed 'bar ba bskul ba'o// de nas Ar+ya ma ru dang// ral pa tshar dgu ya ma rA dza bskul// thugs dam bskul zhing 'phrin las bcol// rag ta sbreng zhing gsang sngags bzlas// 'khor lo bskor zhing thun yang brdeg/ nyi shu bdun gyi tho rangs nas// nyi ma rgas rgas bar du bya// nyi ma gnyis pa bya ba'i las// gshin rje myos byed 'bar bas bya// nyi ma gnyis pa'i nub mo de// las gzhung rdzogs par byas pa dang// myos byed 'bar ba bsgoms pa dang// sngags kyi spro zhing ting 'dzin gyis// nyin mo bzhin du nub mo bya// nub gnyis pa'i gsang sngags so// ya ma ra dza ni ya k+She ya/ ya k+She ya ra ni yo ta ya/ ya ta yo na ru to me ya/ ya me to sa tsa ra ma ya che ge mo a mu kaM rag ta tsa ra ya hUM phaT/ ces pa mo'i gsang sngags te// nub mo mtshan thag bzlas pa bya// nam gyi brgyad cha yod na yang// myos byed 'bar ba'i yum yang bskul// lho yi phyogs nas bskul ba ni// lcags kyi spyang mo mgo dgu ma// ya ma gshin rje'i dkyil 'khor nas// ya ma de zhes brjod pa las// dpal gyi phyag brnyan khrag 'phrog ma// lcags kyis spyang mo mgo dgu ma// me dpal 'bar ba'i ral pa can// sbyan nas me dpal dmar po 'bebs// snyan nas me yi tshub ma 'tshubs// shangs nas me yi phung po 'thor// bzhad pa'i zhal nas khrag gi ngan skyugs 'thor// spyi bo'i gtsug nas khrag gi ral ba 'gyed// skar mda'i phyag gnyis skyong zhing zhags pa 'gyed// g.yas pa khro chung phyag char thogs// gshin rje'i b+han da mgo bcad du// mkhal ma mgrin pa'i rtsa 'gro ma// khyod ni khrag 'thor chen mo ste// mkha' mgrin khrag la dri snom zhing// mkhal ma dang ni mgrin pa'i rtsa// da ltar drang pa'i dus la bab// ces myos byed 'bar ba bskul ba'o// nyi ma gnyis pa'i 'khor lo la// gshin rje nyi ma gnyis pa la// myos byed 'bar ba yab yum gyis// gang la bya ba'i dgra bo de// mgrin pa'i rtsa nas drangs nas kyang// nyi ma gnyis pa khrag tu skyug/ gshin rje gshed po'i rgyud gsang ba drug cu pa las/ nyi ma gnyis pa'i 'khor lo bskor thabs kyi le'u ste nyi shu drug pa'o//// nyi ma gsum pa'i don gsungs ba// nyi shu brgyad kyi tho rangs kha// las kyi 'phrin las gzhung bsrangs la// gshin rje gshed po'i thugs kha nas// bdag nyid mdun du phyang byas la// gtso bo dbus su gzhugs byas la// bdag nyid Ar+ya ma rur bsgom// de yi cha lugs ldan pa yis// tugs kar yal ga sngags kyis bskor// nyi ma gsum pa'i sngags kyis ni// dgra bo'i ming rus byang gi ling ga la// ling tsher lcags kyu'i phyag rgyas bzhag/ de la shes pa bkug la bstim// lha dang dbral ba byas nas ni// nyi ma ri rab rtse shar nas// dmar thag chad pa'i bar du ni// gsang sngags 'di ni bzlas par bya// ya ta yo ni rak+She ya/ che ge mo a mu kaM mur tsa ya hUM phaT/ ces pa'i gsang sngags dam pa des// bdag gis brjod pa'i ting 'dzin yang// thugs kha'i sngags dang ya las kyang// 'od dang mtshon cha'i char du spro// gzas pa'i snying gi rtsa de ni// brtsad nas bcad par bsam par bya// lte ba'i rtsa gcad brgyal bar bsam// nyi ma gsum bas brgyal bar bsam// gong ma'i gsang sngags brgya brgya bzlas// 'khor lo bskor zhing thun yang brdeg/ gsang sngags khri khri smra bcad bya// nyi ma dmar thag chad pa dang// gshed chen Ar+ya ma ru la// sha khrag mnyes pa'i mchod pa dbul// 'di skad brjod la 'phrin las bcol// ye shes thugs kyi byin brlabs las// sprul ba'i pho nya las kyi mtshon// nye bar bsnyen pa ging gi bdag/ sgrol ging bdag po ma ru rtse// khro rgyal dpal chen yab yum gyis// 'dod chags dgra bo bsgral bar dbang bskur gyis// sgrol cig gnod sbyin ma ru rtse// dbu la 'jigs pa'i sbrul gyis brgyan// sa bdag lha klu dbang du sdud// dbu skra dmar po srid rtser 'bar// nam mkha'i khams kun dbang du sdud// spyan gsum khrag mig dmar bor blta// stong gsum sha khrag dbang du sdud// lcags kyi mche ba gtsigs pa yis// stong gsum dgra bo'i tshe dpal 'dren// snyan cha mgur cha rna chas brgyan// thod skam thod rlon 'phreng bas brgyan// srid gsum ma lus dbang du sdud// phyag na rdo rje be con gyis// gang la dmigs pa'i lung srog 'brel// g.yon pas sdigs mdzub rgyu zhags kyis// dmigs pa'i mgo dang yan lag 'ching// zhabs dang zhabs kyis dor stabs kyis// yi dwags bdud kyi rgyal po gnon// yi dwags dbang med skad ngan 'don// tshe srog 'phrog cing 'o dod 'bod// gang la dmigs pa rdul du rlogs// sku la sdo ba'i dgra bo 'di// dbang du sdud cig sa ma ya// sngon gyi tha tshigs nyams sa re// bcol ba'i 'phrin las grub par mdzod// Ar+ya ma ru bskul ba'o// de nas ral ba tshar dgu dang// ya ma rA dza myos byed 'bar ba bskul// thugs dam bskul zhing 'phrin las bcol// rag ta sbreng zhing gsang sngags bzlas// 'khor lo bskor zhing thun yang brdeg/ nyi shu brgyad kyi tho rangs nas// nyi ma rgas rgas bar du bya// nyi ma gsum gyi bya ba'i las// gshin rje Ar+ya ma rus bya'o// nyi ma gsum pa'i nub mo de// las gzhung rdzogs par byas pa dang// ar+ya ma ru bsgom pa dang// sngags kyi 'phro 'du ting 'dzin dang// nyin mo bzhin du nub mo bya'o// nub gsum pa'i gsang sngags so// ya ma rA dza ni dza yak+She ya/ ya k+She ya ra ni yo ta ya/ ya ta yo na ru to me ya/ ya me to sa dza ra ma ya/ che ge mur tsa ya hUM phaT/ ces pa'i sngags des/ nub mo mtshan thag bzlas par bya// nam gyi brgyad cha yod na yang// Ar+ya ma ru'i yum yang bskul// hUM/ nub kyi phyogs nas bskul pa ni// kla dbang gdug pa'i dkyil 'khor nas// na ga de ma brjod pa las// ye shes mkha' lding mi mo dmar// dpal gyi phyag brnyan khrag 'dom ma// khrag 'dom bse yi ral ba can// khrag gi ral pas stong khams khengs// phyag nas khrag gi char yang 'bebs// snyan nas bskal ba 'brug stong di ri ri// shangs nas bu yug tshub ma 'tshub/ bzhad ba'i zhal nas khrag gis ngan skyug 'thor// spyi gtsug me yi zhe sdang dmar po skye// me yi phyag gnyis gar stabs lings se lings// me yi zhabs gnyis lams se lams// phyag g.yas med dpung 'bar ba la// g.yon pa me dpung 'bar ba'i zhags pa 'degs// lte ba bzhugs pa'i rtsa 'gro ma// khyod ni drod 'phrog chen mo yin// drod dang dbral ba'i dus la bab// ces Ar+ya ma ru tse'i yum yang bskul// yum gzhan gsum yang bskul// gshin rje nyi ma gsum pa'i las// Ar+ya ma ru yab yum gyis// gang la bya ba'i gzas pa de// lte ba'i rtsa nas drangs nas kyang// nyi ma gsum pas brgyal bar byed// gshin rje gshed po'i rgyud gsang ba drug cu pa las/ nyi ma gsum pa'i 'khor lo bskor ba'i le'u ste nyi shu bdun pa'o//// nyi ma bzhi pa'i don gsungs pa// nyi shu dgu yi tho rangs kha// las kyi gshin rje'i las gshung bsrang// gshin rje gshed po'i thugs ka nas// bdag nyid bdun du phyung byas la// gtso bo'i dbus su bzhugs byas la// bdag nyid ral pa tshar dgur bsgom// de yi cha lugs ldan pa yis// thugs kar ya la sngags kyis bskor// nyi ma bzhi pa'i sngags kyis so// dgra bo'i ling ga byang shar gyi// ling tsher lcags kyu'i phyag rgyas gzhag/ de la shes pa bkug la bstim// lha dang dbral ba byas nas ni// nyi ma ri rab rtse shar nas// dmar thag chad pa'i bar du ni// gsang sngags ya k+She ya tsa na ri ma ya// che ge mo a mu gaM mA ra ya hUM phaT/ ces pa'i gsang sngags dam pa des// bdag gis brjod pa'i ting 'dzin ni// thugs ka'i ya dang sngags las kyang// 'od dang mtshon cha'i bar du spro// gzas pa'i rtsa ni bcad par bsam// snying gi rtsa de gsang par bsam// nyi ma bzhi pas gsad pa yi// gong ma'i sngags ni brgya brgya la// 'khor lo bskor zhing thun yang brdeg/ gsang sngags khri khri smra bcad bya// nyi ma dmar thag chad pa dang// gshed chen ral pa tshar dgu la// sha khrag mnyes pa'i gtor ma dbul// 'di skad brjod la 'phrin las bcol// 'phags pa'i rgyal po khro bo gshin rje gshed// 'jam dpal gshin rje gshed ni dregs pa'i brjid dang ldan// ma mo kun la gshin rje dbang sgyur zhing// rtag tu bdag la lha mchog grogs mdzod cig/ srin mo sha za stong ni bran dang 'khor po yin// ging chen lcam dral bran dang g.yog tu byas// klu chen pho mo rnams ni sku yi rgyan du byas// sha za gdug byed rnams ni chas rnams dag par ston// khro bo gshin rje nyid ni gdug pa'i nga ro can// khro mo yum dang bcas te sku ston cig/ gshin rje'i sku yi thugs rjes bdag la dgongs// bcom ldan gshin rje'i rgyal po sku bskyod la// gshin rje'i sku ni bdag la dgongs su gsol// g.yas na yum bskyed e ka dza Ti ma// g.yon na yum bskyed spyang mo mgo dgu ma// gnyis ka'i sku mdog dbus kyi gtso dang mthun// yab gcig 'jam dpal sku yi cha lugs ni// ral ba dmar nag srid pa'i rtse mo 'bar// yab cig 'jam dpal spyan gyi cha lugs ni// spyan gsum gzigs pas bskal ba'i me dpung 'bar// yab gcig 'jam dpal shangs kyi cha lugs ni// nyon mongs bag chags 'thor ba'i tshub ma 'thor// yab gcig 'jam dpal zhal gyi cha lugs ni// nyon mongs bag chags khrag gi rba klaung 'khyil// yab cig 'jam dpal thugs kyi cha lugs ni// nyon mongs dug gsum bag chags rtsad nas gcod// yab cig 'jam dpal phyag mtshan cha lugs ni// g.yas pa gdug pa 'joms mdzad thod dbyug bsnams// bar pa gcod cing gtub pa'i dgra sta sngon po bsnams// tha ma nyon mongs 'joms byed shes rab ral gri bsnams// g.yon gyi dang po gdug 'thor byed sdigs ba'i mdzub mo bsnams// bar ma zhe sdang 'bugs byed mdung thung bsnams// tha ma thugs rje chags pa'i thod khrag bsnams// gdug pa 'gying stabs zhabs drug byung ba ni// zhabs gnyis gyad kyi dor stabs srin po srin mo 'dul// zhabs gcig gyad kyi dor stabs ma mo 'dul// zhabs gnyis gyad kyi dor stabs chos kyi dbyings dang sbyor// yab cig 'jam dpal sku yi cha lugs ni// sku stod gdug pa 'dul phyir glang chen ko rlon gsol// sku smad gdug pa bsgral phyir stag gi sham thabs gsol// thod rlon 'phreng ba mang pos sku yi rgyan du byas// thod skam sku yi rgyan du byas// thod rlon 'phreng bas sku yi ske rags byas// dkar khra sprul gyis sku yi rgyan du byas// ser khra sprul gyis dbu yi se ral kha// dmar khra sprul gyis sku yi rgyan du byas// nag khra sprul gyis yan lag lhun tshigs brgyan// bskal pa me ltar 'bar ba'i klong dkyil nas// hUM dang phaT kyi sgra ni 'brug stong ldir ba bzhin// 'jigs byed 'bar ba'i khro rgyal gshin rje gshed// rang bzhin grub pa'i gnas nas sbyan 'dren na// gzugs brnyan dkyil 'khor 'di ru bzhugs su gsol// sgrub pa po yi dgra dang bgegs// dbang du bsdus la bsgral du gsol// zhes ral pa tshar dgu bskul lo// de nas ya ma rA dza dang// myos byed 'bar pa dang/ Ar+ya ma ru bskul/ thugs dam bskul zhing 'phrin las bcol// rag ta sbreng zhing gsang sngags bzlas// 'khor lo bskor zhing thun yang brdeg/ nyi shu dgu yi tho rangs nas// nyi ma rgas rgas bar du byas// nyi ma bzhi pa bya ba'i las// gshin rje ral ba tshar dgu bya// nyi ma bzhi pa'i nub mo de// las gzhung rdzogs par byas pa dang// ral ba tshar dgu bsgoms pa dang// sngags kyi 'phro 'du ting 'dzin dang// nyin mo bzhin du nub mo bya'o// nub bzhi ba'i gsang sngags so// ya ma ra ni dza ya k+She ya/ ya k+She ya ni yo te ya/ ya ta yo na ru to me ya/ ya me tos tsa ra me ya// zhes pas mo'i gsang sngags de// nub mo mtshan thag bzlas pa bya'o// nam gyi brgyad cha yod na yang// ral pa tshar dgu'i yum yang bskul// byang gi phyogs nas bskul ba ni// gnod spyin dregs pa'i yul rtse nas// kha rag de ma brjod pa las// dpal gyi phyag brnyan dbugs len srog 'phrog ma// sku mdog ljang khu sprin gyi ral pa can// spyan nas dkar chen 'od zer 'phro// snyan nas rlung nag bu yug 'tshub// shangs nas rlung nag bu yug 'tshub// bzhad pa'i zhal nas thog dang ser 'bebs// spyi gtsug rlung gis phrag dog ljang khu ste// rlung gi phyag gnyis gar stabs lings se lings// 'du ba'i zhabs gnyis langs se langs// g.yas par ral gri rgya gram 'debs// g.yon pa srog gi snying bror thogs// khyod kyi longs spyod dbugs yin phyi// dbugs len srog 'phrog dus la bab// ces pa ral pa tshar dgu'i yum bskul lo// gshin rje nyin nub bzhi yi las// tshar pa tshar dgu yab yum gnyis// gang la bya ba'i gzas pa de// snying rtsa dmar po rtsad nas gcod// dbugs ni kun la phyung nas kyang// nyi ma bzhi bas gsad pa drug cu pa las/ nyi ma bzhi ba'i 'khor lo bskor ba'i le'u ste nyi shu rtsa brgyad pa'o//// nyi ma bzhi pa'i las de las// nyi ma bzhi pa de dag re re// grogs kyi las ni 'di dag bya'o// dang po 'phrin las gzhung bsrang la// gtso bo gshin rje gshed po la// 'khor gyis bstod pa'i don te// gtum chen bstod pas gtso la bstod// lcags kyu'i phyag rgya bcas pa yang// rtsa ba'i gsang sngags gang yin la// badzra A kar+Sha yas dgug/ a shag shag ni shag shag/ ya ma phye rA dza// zhes pa dang/ gu gul ra gzhob bsregs la lha dang phral// phyogs skyong bcu yang bskul ba dang// khram thogs bdud kun bskul ba dang// gri thogs ging yang bskul ba dang// pho nya rnam pa gsum yang bskul// nyes legs gnyis kyi stang yang brtsi// sngon gyi drang srong bsgrub pa ni// dmod pa drag po rnams kyang bor// lha srin sde brgyad thams cad kyi// dmod pa drag po lcogs tshad bor// nyi ma bzhi pa de dag ni// las kyi lhag chad 'di yis bskang// gnam stong tho rangs las gzhung bsrang// bdag nyid gtso bor bsgom byas la// drag sngags 'di dag bzlas par bya// oM many+dza shrI a kro ti ka ya mA n+ta ka/ ka la rU ba nir sha ku ru hUM phaT/ ces pa'i gsang sngags bzlas/ bzlas pa bya ba'i ting 'dzin ni// bdag nyid gsang sngags brjod pa yis// lha rnams so so'i rang rang kun// rang rang drag sngags zlos par bsam// dgra bo bsgral ba'i sha rus la// lha yi gtso bo 'khor bcas kun// la la sha za khrag 'thung zhing// la la rus 'cha' khrol za/ la la bags ba rlon pa gon par bsam// rtod cing rtod cing za bar bsam// yab yum 'khor dang bcas pa kun// bstod dang thugs dam bskul bar bya// 'byor tshogs mchod dang thugs dam bskul// mchod dang bshags pa bya ba dang// ling ga bcas la bsgral ba dang// ling ga bsgral ba'i dum bu de// gtor mar bstabs la sbyin steg bya// lha yi dkyil 'khor gsal btab la// mchod pa rnams kyis legs mchod la// bcol ba'i 'phrin las grub par bsam// oM sa ma ya many+dza shrI ya mAn ta ka/ pan+tsa te to ni hUM dza sa ma yang shrI/ byin gyis brlab tu gsol/ shrI a kro te ka ya mAn ta ka kA ma rU dza dza/ oM shri tri tri ha ha b+h+yo lam thums ni dza 'gal byed sod/ sa ma ya many+dza shrI ku ga te hUM/ de thums thums te sti dam dam// sa ma ya khug thum ril/ dgra bo dam nyams pa rtsa ba chod/ sa ma ya ma rang sho ra re// rtags mngon du phyung zhig/ dgra bo nub gcig dam nyams pa'i steng nas rdo rje'i thog pho ba cig/ bka' nan du gyur cig/ big nan du gyur cig/ las kyi rlung dmar gyis rgyab nas phul cig/ 'jigs pa'i mun nag gis mdun nas bsu cig/ snying a dza ka'i dog pa bzhin du khos shig/ kha so sil bur thong zhig/ snying khrag kha ru lhugs shig/ dpal ya mAn+ta ka'i dmod ba chen po sdigs shig/ yum e ka dza ti dang pe ta nag mo'i dmod pa chen po sdigs shig/ shing ta la'i mgo bcad pa bzhin du gyur cig/ sa bon mes tshig ba ltar rtsa ba chod cig/ khyungs nam mkha' stong par ma dbyung/ dus 'jig rten phyi mar ma gdab/ bcol ba'i las rnams grub par mdzod cig/ byas la drang srong gi dmod pa bor ba'o// de nas lhag ma mchod pa dang las la grub pa'i dkyil dang 'khor la mchod do// gnan pa'i 'khor los gnan pa dang// lha yi dkyil 'khor mchod nas gshegs// ting 'dzin dkyil 'khor rang la bsdu'o// rang nyid ya man ta ka las// spyod lam rnam bzhir ma nges par bsam// gshin rje gshed po'i rgyud gsang ba drug cu pa las/ nyi ma bzhi pa'i 'khor lo kha bskang ba'i le'u ste nyi shu dgu pa'o//// rdo rje 'dzin bas yang zhus pa/ nyi ma bzhi pa'i 'khor lo bskor ba'i thabs ni ji tsam yod// gcig yin nam du mar bgrangs su mchis/ zhes pas/ gshin rje gshed pos bka' stsal pa// gshin rje'i nyi ma bzhi pa la// 'khor lo bskor thabs bsam yas so// bsdu na rnam pa gnyis su 'dus// gnam skor thog 'dra bya ba dang// 'khrul 'khor lcags 'dra bya ba'o// rnam skor la yang rnam pa gnyis// 'khrul 'khor skor thabs dgu ru bya'o// phyi nang gsang ba gsum gsum dgu'o// de yi las dag ldan par bya// phyir drang ba'i nyi ma bzhi po bzhi pa las/ ya ma rA dza sa to me ya/ a mu kaM ni sha ku ru ni hUM phaT/ nyi ma gnyis pa/ ya me to ru na yo ta ya/ a mu kam rag ta tsa ra ya ni sha ku ru ni hUM phaT/ nyi ma gsum pa/ ya ta yo ni ra ya k+She ya a mu kaM mur tsa ni sha ku ru ni hUM phaT/ nyi ma bzhi pa la/ ya k+She ya tsa na ra ma ya/ a mu kaM mA ra la hUM phaT/ nyin gtor mtshan dril/ phyi dril nang dril du dril la/ ya ma rA dza sa to me ya/ ya me to ru na yo te ya/ ya ta yo ni ra ya k+She ya/ ya k+She ya tsa ni rA ma ya/ a mu kaM pram ya hUM phaT/ nyi ma gnyis pa la/ ya ma rA dza sa to me ya/ ya me to ru na yo ta ya/ ya ta yo ni ra ya k+She ya/ ya k+She ya/ ya k+She ya tsa ni ra ma ya/ a mu kaM rag ta tsa ra ya hUM phaT/ nyi ma gsum pa la/ ya ma rA ya dza sa to me ya/ ya me to ru na yo ta ya/ ya ta yo ni ra yak+She ya/ ya k+She ma tsa ra ni ra ma ya/ a mu kaM mu ra tsa ya hUM phaT/ nyi ma bzhi pa la/ ya ma rA dza to me ya/ ya me to ru na yo ta ya/ ya ta yo ni ra ya k+She ya/ ya k+She ya dza ni ra ma ya/ a mu kaM mA ra ya hUM phaT/ nyin dril la g.yas bskor// nub dril la g.yon bskor/ sum cu rtsa gnyis dril ba'i 'khor ba'o// phyi yi gsang ba drang ba la/ ya me ta k+She/ hri sti a mu kaM pra ma rbad ya/ nyi ma gnyis pa la/ ra dza sa to hri sti a mu kaM/ che ge mo rag+ta tsa ra ya rbad ya/ nyi ma gsum pa la/ ru to yo ni hri ti a mu kaM mur tsa ya rbad ya/ nyi ma bzhi pa la/ rA dza ya ni hri sti che ge mo mA ra ya rbad ya/ nub bzhi dril te/ ni tsa yar ni yod ru to sa tsa ra/ k+She ta me ya hri sti a mu kam che ge mo bra ma ya rbad ya/ nub gnyis pa/ ni tsa ya ra ni yo na ru to sa tsa ra k+She ta me ma ya/ hri sti a mu kaM/ che ge mo rag+ta tsa ra ya rbad ya/ nub gsum pa ya/ da dza ya ni/ ra ni yo na ru to sa tsang k+She ta me ma ya/ hri sti a mu kaM che ge mo mur tsa ya rbad ya/ nub bzhi pa la/ ni dza ya ra ni yo na ru to sa tsa rak+She ta me ma ya/ hri sti ka ba ye che ge mo ma ra ya rbad ya/ nang du gsum du phye ba la/ phyi ltar a kro te ka yi ge bcu bdun pa la bya'o// nang gi nang ni/ ya ma me ta k+She/ rA tsa sa to ru na yo ni ra ya dza ni/ zhes pa'o// nang gi gsang ba/ ya ma k+She ta me ni dza yar ni yo na ru sto sa dza ra/ a mu kaM bra ma ya rbad ya/ zhes pa'o// gsang ba gsum du phye ba la// gsang ba phyi ltar drang ba la/ nyi ma dang po la/ ya ma rA dza sa to me/ ma ra tsa sa to me ya ma rA dza/ to me ya ma ra/ sa me ya ma rA dza/ to me ya ma rA dza ya/ me ya ma rA dza sa to/ che ge mo phra ma pra ma ya rbad ya/ gnyis pa la/ ya me to ru na yo ta ya/ me to ru na yo ta ya ma me/ yu ma yo ta ya me to/ na yo ta ya me to ru/ yo ta ya me to ru na/ ta ya me to ru na yo/ che ge mo rag ta tsa ra ya rbad ya/ nyi ma gsum pa la/ ya ta yo ni ra ya k+She/ ta yo ni ra ya k+She ya/ yo ni ra ya k+She ya ta/ ra ya k+She ya to yo na/ ya k+She ya ra yo ni ra/ k+She ya yo ta ni ra ya/ che ge mo mu tsa ya rbad ya/ nyi ma bzhi pa la/ ya k+She ya tsa ni ra ma/ k+She ya tsa ni ra ya k+She/ tsa ni ra ma ya k+She ya ni/ ra ma ya k+She ya dza ni/ ma ma k+She dza ni ra/ che ge mo rbad ya/ zhes nyi ma bzhi pa'i las so// gsang ba'i nang ni// nub mo'i las la bya ste/ nub dang po la/ me to sa tsa ra ma ya/ to sa tsa ra ma ya me/ me to sa tsa ra ma ya me to sa ca ya me to sa tsa ra ma ya to sa tsa ra ma/ che ge mo bra ma ya rbad/ nub gnyis/ ta yo na ru to me ya/ yo na ru to me ya ta na ru to me ya ta yo/ ru to me ya ta yo ni ru/ me ya ta yo na ru to/ che ge mo rag ta tsa ra na rbad ya/ nub gsum pa la/ k+She ya ta ni yo ta ya/ ya ra ni ra ta ya k+She/ ra ni yo ta ya k+She ya/ yo ta ra ya/ k+She ta ra ya/ ta ya k+She ja ni yo/ ya k+She ya ra ni yo ta/ che ge mo mur tsa ya rbad ya/ nub bzhi pa la/ ya ma ra ni tsa ya k+She/ ma ra ni tsa ya k+She la/ ra ni tsa ya k+She ya ma ni dza ya/ k+She ya ma ra tsa ya/ k+She ya ma ra ni tsa ya/ ya ma me na dzi k+She/ che ge mo mA ra ya rbad ya/ rnam thugs 'brug ded ces kyang byas/ bya rig 'khung 'phrog ces kyang bya/ stag mo 'phyongs pa zhes kyang bya// gsang ba nang ltar drang ba'o// gsang ba'i gsang ba ltar drang ba ni/ ya me to sa ra tsa ra ma ya/ hri sti a mu kaM che ge mo phra ma ya rbad/ gnyis pa la/ ya ta yo ni ru tome ya/ hri ste a mu kaM rag ta tsa ra ya rbad ya/ nub gsum pa la/ ya k+She ya ra ni yo ta ya/ hri sti a mu kaM che ge mor mur tsa ya rbad ya/ bzhi ba la/ ya ma ra na dza ya k+She ya/ hri sti a mu kaM che ge mo mA ra ya rbad ya/ zhes ba khri khri bton la/ mi tshig gis bar mi gcad pa dang/ sgyid snyoms ra ro gnyid kyang spang// brtul zhugs dgongs pa bsal la bya'o// 'khrul 'khor chen po lcags 'dra'o// 'khor lo bskor thabs bstan pa'o// gang la bya ba gdon mi za// gnam bskor thog 'dra 'khor lo yis// bskaur thabs gnyis pa bstan cing bshad pa la/ nyi ma dang po la/ ya me sta me ta k+She ra tsa sa to ru na yo ni ya dza ni/ hri sti a mu kaM che ge mo sra ma ya rbad ya/ nyi ma gnyis pa la/ ya me me to k+She/ rA dza sa to ru ni yo ni ra ya tsa ni/ hri sti a mu kaM che ge mo rag+ta tsa ra ya rbad ya/ nyi ma gsum pa la/ ya ma me ta k+She/ rA dza sa ho ru na ya/ ni ra ya tsa ni/ hri sti ya mu kaM che ge mo mur tsa ya rbad ya/ bzhi pa la/ ya ma me ta k+She ya rA dza sa to ru na yo ni ra ya k+She ya ya tsa ni/ hri sti a mu kaM che ge mo mA ra ya rbad ya/ pho bskor ro// mo skor la yang nyin/ mo'i sngags bzlog pa'o// ni dza ya ra ni/ yo na tsa ra ya rbad ya/ nub gsum pa la ni/ ni tsa ya ra ni/ yo na ru to sa ra tsa ta k+She ta me ma ya/ hri ti a ma kaM che ge mo mu ra sa tsa ya rbad ya/ bzhi pa la/ na tsa ya ra ni yo ni ru to sa tsa ra k+She ta me ma ya/ hri sti a mu kaM che ge mo mA ra ya rbad ya zhes pa ni gnam bskor thog 'dri pho bskor dang/ mo bskor gnyis kyi skabs so// gshin rje gshed po'i rgyud gsang ba drug cu pa las/ 'khor lo bskor thabs kyi grangs bstan pa'i le'u ste sum cu pa'o//// rdo rje 'dzin pas yang zhus pa// 'khor lo bskor thabs de lags na// 'khor lo'i rnam grangs bshad du gsol// gshin rje gshed pos bka' stsal pa// 'khor lo'i rnam grangs mang bar bshad// bsdu na rnam pa gsum du 'dus// gnas pa chos kyis 'khor lo dang// de las byung ba'i 'khor lo dang// sprul pa las la byung ba'i 'khor lo dang// rnam pa gsum du bshad pa las// gnas ba chos nyid kyi 'khor lo ni// snang srid snod bcud thams cad kun// 'khor ba mya ngan 'das pa yi// rnam rtog dang ni gzung 'dzin dang// nga dang nyon mongs thams cad dang// zug rngu'i sgrib pa kun bcom pas// gcad rgyu gzung 'dzin gnyis yod pas// gzung 'dzin mtshon ma ma lus pa// chos nyid ngang du chos nyid shar// de lta bu yi rang bzhin la// gnas pa chos nyid 'khor lo bya'o// de las byung ba'i 'khor lo ni// chos nyid gnas pa'i byin brlabs dang// chos nyid ngo bo'i byin rlabs dang// theg pa gsum dang gsang sngags kyi// bsnyen dang bsgrub pa mang pa bstan// glo bur bag chags rim gyis gcod// chos nyid ngang las ma g.yos pas// de las byung ba'i 'khor lo bya'o// sprul pa las kyi 'khor lo la// dbye na rnam pa gnyis su bstan// 'khor lo 'khor ba'i 'khor lo dang// mi 'khor ba yi 'khor lo'o// 'khor ba'i 'khor lo de la yang// ma bskaur ba yi 'khor lo dang// bskor yang phan med 'khor lo 'o// bskor yang phan med 'khor lo ni// bsnyen pa tshad du ma skyol na// 'khor lo bskor yang phan med pas// bskor yang phan med 'khor lo 'o// ma bskor 'khor ba'i 'khor lo ni// bsnyen pa tshad du skyol ba ste// bcad rgyu gang la yang bya ba yi// dgra dang bgegs la bya ba'o// des ni dgra bgegs 'joms par byed// mi 'khor ba yi 'khor lo ni// zhi dang rgyas dang dbang dang ni// drag po las kyi 'khor lo ni// 'phrin las bzhi pa thams cad kyang// spros nas las bcu 'khor lo ste// bsdus na pho skor mo skor ro// 'khor lo bri ba'i rgyu dag dang// bcu gnyis rtsa bas can 'khor lo 'di// yi dwags kyi ni gos la bri// 'khor lo bri ba'i gzhi ma yang// gsad pa gshin rje'i lto ru bri/ dbye ba'i 'khor lo rta dang ma he'i rgyab tu bri// rmongs pa'i 'khor lo lug gi lto ru bri// bskrad ba'i 'khor lo rnga mo'i rgyab tu bri/ smyo 'bog sha dmar rgyab tu bri// de las drag po'i las bzhi pa// zhi pa zla ba'i dkyil 'khor la// rgyas pa'i 'khor lo glang po'i rgyab tu bri// gnan pa'i 'khor lo ri rab 'og tu chud pa bri// gnyis pa de yi rgyus pa'i las// dbang du bya ba'i 'khor lo chung ma'i snying khar bri// dgu pa'i 'khor lo ded dang seng ge'i rgyab tu bri// gnyis pa de ni dbang gis las su bya'o// 'khor lo de dag snag tsha yang// ro bsregs thal ba dug sna tshogs// til dang yungs nag mar khu dang// dgra bo'i phyis ra khrag dang// drag bo'i snag tshar bshad pa'o// ma dkar skye tshe lan tshwa zhi ba'i snag tsha'o// tsan dan gi'u wang rgya skyegs dbang gi snag tsha'o// ldong ros gur kum rgyas pa'i snag tsha'o// bri ba'i smyu gu bstan pa la// zhi ba'i smyu gu 'ug pa la// bya rog 'ug pa khra yi sgro bcug la// drag po'i smyu gu rus pa bkas la bya// sgro gsum po yang gang yod gzhug/ 'khor lo de dag gzhug pa'i snod// drag po'i 'khor lo pho thod mo'i thod par gzhug/ gzhan ma'i 'khor lo 'jim pa la// ga'u legs bar so btang du// 'khor lo de dag gang byed gzhug/ 'khor lo zhes ni bya ba yang// gcod ba'i phyir ni 'khor lo ste// gcad rgyu rnam pa gsum yod pas// 'khor lo rnam pa gsum du bstan// phyi yi dgra bo dgra bo dngos su gcod pa dang// dgra bgegs bar du gcod pa ste// nang gi dgra bo glo bur skyes pa yis// rnam rtog nyon mongs bag chags so// gzung 'dzin nga bdag zhen pa yi// yi ni shes bya'i sgrib pa ste// gnas pa chos nyid 'khor lo yis// chos nyid don de rtogs pa yis// gzung 'dzin shes bya'i sgrib pa nyid// chos nyid 'khor lo shar ba yin// de las byung ba'i 'khor lo yis// chos nyid rol pa ma 'gags pas// zhes pa bsam yas don 'byung bas// glo bur rtogs pa ngang gis spangs// sprul pa las kyi 'khor lo yis// bde gshegs bka' las 'das pa yi// bgra bgegs gang yin dbral ba yin// gshen rje gshed po'i rgyud gsang ba drug cu pa las/ 'khor lo rnam grangs dbye ba dang/ so so'i thabs bstan pa'i le'u ste gsum cu gcig pa'o//// rdo rje 'dzin pas yang zhus pa// 'khor lo de dag thams cad kyis// gnan pa bya ba'i thabs gsungs 'tshal// zhes pas/ gshin rje gshed pos gsungs pa'i don// gnan pa'i las ni 'di gsungs pa// 'khor lo ga'u'i nang du gzhug/ gong du bris pa'i 'khor lo de// mtshams kyi re mig stong pa der// dgra bo'i ming byang bris ba dang// 'khor lo bcu drug rtsibs la yang// hri sti'i sngags dang ming rus gnyis// spel la bri bar bya ba dang// de lta bu yi 'khor lo de// thams cad mon mdze dre'i thod pa'o// thod pa mtshan ngan gang yod la// spyi bor 'chi bdag gshin rje'i gzugs// chung ma dang bcas pa bris la// lam gyi thod pa 'khor lo zi// de yi mtha' mar sprul gyis bri// de ltar bris ba'i thod pa de// nyi ma dang po kha nas bshams// gnam stong nam gyi brgyad cha nas// gong gi ro ras 'khor lo de// pho skor ma skor kha sbyar la// bar du dgra bo'i ming rus gzhug/ 'khrul ba med par dril byas la// la cha spra tshal rgya yis gdab// bag zan gril la la chas g.yogs// 'khor lo'i yig 'bru de rnams ni// yig 'bru ye shes lha yi ni// rgyal chen sa yi dkyil 'khor la// lha tshogs bkug nas thim nas bzhugs// 'khor lo yig 'bru bcu bdun no// las kyi 'chi bdag gtso 'khor du// bsams la de yi gang 'dod pa'i// ming rus bzhugs pa'i dgra bo de'i// 'khub dbang med par 'gug byas nas// sha za khrag 'thung rus pa 'cha// dngos po med par gzir par bsam// 'khor lo la chas dril ba de// thod par bcug la zhabs mas gril// sngon dmar skud pas bcings byas nas// mchod rten 'og gam lha khang nang// mchod khang them par gnan par bya// gong gsum lam chen rgya gram du// 'khor lo chen po them pa'am// dur khrod la sogs gang rung du// thod pa de yi nang du yang// sgrub pa'i phud gtor 'phrugs pa dang// bzlas pa'i yungs kar phud blugs la// gnan pa brgyad po de dag gis// lha 'dre gdug pa gang yod ni// de dang mthun pa'i rdzas blugs la// bdag nyid gshin rje gshed po bsgom// gnan pa gang du byed pa der// lha yi nga rgyal gsal byas la// gtor ma cha gcig sha khrag dang// rag ta phud kyis bskang byas la// mdun du bzhag pa'i byin rlabs la// las kyi 'chi bdag bod par bya// ri rab 'bar pa gshags la bod// ri rab chen po gshags pa yang// bdag nyid gshin rje gshed por bsgoms pa des// lag pa g.yon pa sdigs mdzub bya// g.yas pa be con phyag rgya ni// sor mo gzhan ma gshibs pa yis// mthe bong par chang bcug nas kyang// phyag rgya de dag sngags 'di yis// ri rab gshags par bya ba de// oM na mo bu d+d+ha ya/ d+ha rma saM g+he b+h+yaHta thA ga ta kro d+hi bi dza ya/ a nir dza li ta pa rtsa shi ka pra ta ya hUM phaT/ ces pas/ sa ni dpag tshad brgyad khri bzhi stong dang// chu ni dpag tshad brgyad khri bzhi stong dang// me yi dpag tshad brgyad khri bzhi stong dang// gnam sa yang drug 'bum gshags nas// de yi 'og na sgo med pa'i// lcags mkhar nag po bcu gnyis nas// las kyi gshin rje des yongs nas// de la gtor ma de byin la// oM ya ma garma pra b+ha ta ba li ta khA hi/ zhesas pas lan bdun gyis gtor ma de byin gyis brlabs la// gong gi thod pa mtshan ngan de// de yi lag tu gtad byas la// skal pa bzang po'i sems can 'di// 'chi bdag khyod kyi zas skal du// nga yis gtad do dam nyams 'di// lus sems ma bral bar du gtad// ces pas 'phrin las bcol te/ khyod kyi lto na srid pa gsum yod pas/ dam nyams 'di gtad do sho ra re byas la thod pa'i 'og tu khru do rkos la thod pa gzhug/ rdo ba sngon po leb mo la// rdo rje rgya gram gzugs bris la/ sraM dang laM gyis bskor la mnan// steng du don yod grub pa yab yum bsgom// las kyi gshin rje ral pa tshar dgu la// gang du gnon kyang dngos su de la gtad// chu mig dag tu gnon pa ni// klu yi rigs ni nag po la// gtor ma klu sman dkar mo la// na ga rA dza pus ba ba li ta khA hi/ zhes pas gtor ma byin gyis brlabs la dbul// gong gi 'khor lo glang ru ru/ klu sman dang po 'o mas bskang la/ glang ru'i kha la bas bka' la// la lce bye sas dril// ras nas dkar rtsa phul gang yang/ chu dkrugs pa'i klu de la ngas ma nyes zhes dpang btsugs la de ru gtad/ bdag nyid gshin rje gsal byas la// snying po bzlas shing gnan pa bya// rtsa de chu mig phugs su sba// lag pa bkrus la rtsi sman byugs la sba// sngags dang phyag rgyas gnan pa dang// ting 'dzin bsgoms pas gnan pa dang// gtad khram tshig gis gnan pa'o// 'bras bu thon nas 'khor lo dbyung// 'khor lo 'bras bu ma byung yang// bton pas sbogs pa byas pa yang// gnam sa gzhan du spos la yang// 'bra bu byung nas 'khor lo dbyung// tha ma 'khor lo ma byung na// dgra bo brlag par gyur pa dang// tha ma rnal 'byor rang la gnod pa dang// de nas 'khor lo tha ma ni// 'bras bu byung nas 'khor lo gdon// yum kun sngags bzlas 'o ma rtsi sman gyis// 'khor lo bkrus la dbyung ba'o// gshin rje gshed po'i rgyud gsang ba drug cu pa las/ 'khor lo gnon pa'i le'u ste so gnyis pa'o//// de ltar 'khor lo gnan pa der// rtags rnams byung nas slar yang dbyung// rtags byung 'khor lo ma bton na// tha mar rang dang rigs brgyud dang// 'jig rten phyi mar gnod pas na// 'khor lo gdon pa'i thabs gsungs pa'o// gnon pa'i lha 'dre de la yang// de'i mthun rdzas dang gtor ma byin// las kyi 'chi bdag de la yang// gtor ma byin la gtang rag btang// 'khor dang yum rnams so so yi// sngags bzlas 'o ma klu sman gyis// 'khor lo bkru zhing gdon par bya'o// oM ma ma e ka dza ti trag rag sha sa ma shin+ti ku ru swA hA// oM aHhUM pe ta le rag sha rag sha man tra shan ting ku ru swA hA/ oM badzra kro d+hi he ma de shIn+ta ku ru swA hA/ oM badzra kro d+hi ya ma de bi shin+ta ku ru swAhA/ oM badzra kro d+hi na ga de ma shin+ta ku ru swA hA/ oM badzra kro d+hi kha rag de ma shin+ta ku ru swA hA/ oM badzra kro d+hi kha la da rong b+h+yo ru lu ru lu shin+ta ku ruswA hA/ oM badzra kro d+hi kha la nga rod b+h+yo ru lu ru lu shin+ta ku ru swA hA/ oM badzra kro d+hi pra ti da rod ma b+h+yo ru lu ru lu shin+ta ku ru swA hA/ ma ma kha la b+h+yo da rod ma b+h+yo ru lu ru lu shin+ta ku ru swA hA/ rag sha kha la rod ma b+h+yo ru lu ru lu shin+ta ku ru swA hA/ na ga kha la da rod ma b+h+yo ru lu ru lu shin+taku ru swA hA/ pra te da mnA ga da rod ma b+h+yo ru lu ru lu shin+ta ku ru swA hA/ kha yak+Sha da la da rod ma b+h+yo ru lu ru lu shin+ta ku ru swA hA/ ma ma dun b+h+yo ru lu ru lu shin+ta ku ru swA hA/ ma ma dun b+h+yo ru lu ru lu shin+ta ku ru swA hA/ ma ma he dun du ru e ne dun dun shin+ta ku ru swA hA/ oM badzra dun dun ma ti shin+taku ru swA hA/ oM badzra kro d+ha rag sha mu ka shin+ta ku ru swA hA/ zhes pas yum rnams kyi sngags te/ 'khor lo 'o ma dang sman sbyar bas bkru zhing gdon pa'o// 'khor lo de ni bton byas nas// ye shes can dang las can gyi// lha tshogs yongs la btang rag gtong// 'khor lo rnying pa de yang ni// rdzas dang bcas pas sbyin sreg bya// sbyin sreg thal ba rlung la bskur// dgra bo rlung la bskur ba'o// gshin rje gshed po'i rgyud gsang ba drug cu pa las/ 'khor lo gdon pa'i thabs bstan pa'i le'u ste so gsum pa'o//// rdo rje 'dzin pa yang gsol pa// 'khor lo gsad pa'i sgrub pa de gang lags// 'brub khung sgrub pa'i sgrub pa ji ltar bca'// zhes gsol pa dang// gshin rje gshed pos bka' stsal ba/ 'brub khung rten pa'i sgrub pa ni// thabs ni ji ltar shes pa bya// bsnyen pa nye bsnyen tshad phyung la// rgya chen po'i dkyil 'khor ni// mkhas pas shin tu bri bar bya// 'khor lo de yi byang shar du// 'brub khung gru gsum sum rtseg bya// nang kun sol bas nag por bya// 'brub khung de yi nang dkyil du// dri ma drug tu gnas phye la// sprus pa'i ling ka mdzub gang bya// ming rus snying kha dpral bar glan// sngon dmar thags pas ske rags btags// phur ba gshin rje dmar por bsgom// de la btags la legs par sbyar// sgrub rdzas 'khor lo bzhin du bshams// khyad par phur ba bcwo lnga dgod// phur pa gshin rje gshed po dang// gshed bzhi phyogs skyong bcu ru bsam// las gzhung rim par bya ba yang// bcu bdun snying po nus tshad bzlas// lha kun thugs dam bskul byas nas// dgra bgegs gang yin 'di yis dgug/ lcags kyu'i phyag rgyas bcas la dgug/ oM badzra A kar+Sha ya che ge mo dza dzaH/ zhes bdag gi thugs ka nas// lha mo lcags kyu thogs pa spros// dgra bgegs snying nas bzung nas kyang// ling ga de la 'di skad gdab oM badzra bra be ya phaT/ ces kha phye la/ a be sha a be sha yas bstim// gu gul ra gzhob tshil chen dang// me la bsregs pa'i dud pas bdug/ a ni shag shag du ri pra ma ni de ba phye/ zhes lha dang dpral/ zhes lta dang dbral/ de nas bden pa brdar la yang lha dang dbral// de nas gtso bo yab yum dang// gshed bzhi yab yum brgyad ka bskul// phyogs skyong bcu yang bskul bar bya// de yi yum yang bskul bar bya// pho nya rnam pa gsum yang bskul// ging dang bdud dang shan pa dang// mon pa mon mo thams cad bskul// phyogs skyong bcu po bskul ba ni// shar gyi phyogs kyi mgon po dang// gshin rje ko rtse brag 'joms ni// dung khrab khra bo ldems se ldems// thod rus chags pa brengs se brengs// de na kong rtse brag 'joms bzhugs// sku la lus khrab khra bo gsol// dbu la khro chu'i zla zhun gsol// phyag na gnod 'dul brag kyang bsnams// bzhugs kyang rdo rje brag la bzhugs// kong rtse brag 'joms 'khor bcas kyis// dgra bgegs ma lus rdul du rlogs// shar phyogs a ba glang mgo can// zhal ni bgrad cing 'jigs pa'i gzugs// smin ma ser la dbus yang ser// char sprin nag po'i kha dog 'dra// sku la zhing lpags rlon pa gsol// sku smad stag gi sham thabs can// sbrul dang thod pas sku la brgyan/ chibs su dre rta rkang gsum chibs// phyag ni tri shUl rtse gsum bsnams// sdang dgra gnod bgegs thal bar rlogs// lho yi phyogs kyi ma gon po ni// gshin rje'i rgyal po ya ba sti// dbu skra kham gnag gyen du 'khyil// sma ra bskal pa'i me ltar 'bar// smin ma nam mkha'i glog ltar 'khyug/ zhing lpags rlon pa na bzar gsol// stag lpags rlon pa'i sham thabs can// chibs su ma he nag pa/ chibs// phyag na 'dzin pa'i lcags kyu bsnams// dgra bgegs ma lus thal bar rlogs// lho nub mtshams nas dgra 'gugs pa// gshin rje'i rgyal po phya sangs ni// zhal gcig bgrad cing 'jigs pa'i gzugs// smin ma ser po dbu yang ser// char sprin ser po'i kha dog 'dra// sprul dang thod pa rgyan du byas// sku la zhing lpags rlon pa gsol// sku smad stag gi sham thabs gsol// chibs su srin rta phya sangs chibs// phyag na shes rab ral gri bsnams// dgra bgegs ma lus dbang du sdus// nub kyi phyogs nas dgra 'gugs pa// gshin rje'i rgyal po smigs pa ni// dbu skra kham nag gyen du 'khyil// sma ra bskal pa'i me ltar 'bar// smin ma nam mkha'i glog ltar 'gyur// glang chen rlon na bzar gsol// stag lpags rlon po'i sham thabs can// thod pa skam rlon 'phreng bas brgyan// chibs su chu glang nag po chibs// phyag na thod pa'i 'phreng ba bsnams// gshin rje smigs pa 'khor bcas kyis// dgra bgegs ma lus thal bar rlogs// nub byang mtshams nas dgra 'gugs ba// gshin rje'i rgyal po rtel pa ni// zhal ni bgrad cing 'jigs pa'i gzugs// smin ma ser po dbu yang ser// char srin ser po'i kha dog 'dra// thod pa dag gis rgyan du byas// spyan gsum dbu yang gye na du brjes// zhal gcig pa la mdangs kyang gsal// sku la zhing lpags rlon pa gsol// sku smad stag gi sham thabs can// chibs su rlung rta ru ldems chibs// phyag na rdung pa'i dbyug tho bsnams// dgra bgegs ma lus rdul du rlogs// byang gi phyogs nas dgra 'gugs ba// gshin rje'i rgyal po lha mchog dud kha ni// dbu skra kham nag ral ba gyen du 'khyil// smra ra bskal ba'i me ltar 'bar// smin ma nam mkha'i glog ltar 'gyur// zhing lpags rlon pa'i bza' la// stag lpags stong gi sham thams can// chibs su rnga mo sngo nag chibs// lag na gdug pa'i spu gri thogs// dgra bgegs ma lus thal bar rlogs// byang shar mtshams nas dgra 'gugs pa// gshin rje chos kyi rgyal po ni// zhal ni bgrad cing 'jigs pa'i gzugs// smin ma ser po dbu yang ser// char sprin ser po'i kha dog 'dra// thod pa dag gis rgyan du byas// spyan gsum dbu yang gyen du brdzes// zhal gcig pa la mdangs kyang gsal// sku la zhing lpags rlon pa gsol// sku smad stag gi sham bu can// chibs su ma he sngon po chibs// lag na gcod gzho khram bam thogs// dgra bgegs ma lus rdul du rlogs// steng gi phyogs nas dgra 'gugs pa// gshin rje'i rgyal po bdud 'joms ni// zhal ni bgrad cing 'jigs pa'i gzugs// sning ma ser po dbu yang ser// char sprin ser po'i kha dog 'dra// thod pa dag gis rgyan du byas// spyan gsum dbu yang gyen du brdzes// zhal gcig pa la mdangs kyang gsal// sku la zhing lpags rlon pa gsol// sku smad stag gi shab bu can// chibs su ma he sngaun po chibs// lag na gtub pa'i sta ri bsnams// dgra bgegs ma lus thal bar rlogs// 'og gi phyogs nas dgra 'gugs pa// gshin rje'i rgyal po mig gamar ni// zhal ni bgrad cing 'jigs pa'i gzugs// smin ma dmar po dbu yang dmar// char sprin dmar po'i kha dog 'dra// thod pa dmar pos rgyan du byas// spyan gsum dag ni gyen du brdzes// zhal gcig pa la mdangs kyang gsal// zhing lpags rlon pa sku la gsol// sku sma da glog gi sham thams can// zhal nas lcags kyi tsha tsha 'phro// tshems nas rdo rje ser chen 'bebs// g.yas na shes rab ral gri bsnams// g.yon pa rlung gi 'khor lo thogs// ljags la khrag gi rba klong 'khyil// dam nyams dgra bo dbang du sdus// phyogs skyong bskul ba'o// de ni gshed po'i yum bzhi bskul lo// lha mo chen po'i dkyil 'khor nas// he ma de zhes brjod pa las// dpal ldan mdangs 'phrog nam mkha'i mdangs// dung gi ral pas gzigs shing spyan nas khu 'phang 'bebs// snyan nas bu yug 'tshub cing shangs nas nyi zer 'char// bzhad pa'i zhal nas khrag gi ngan skyugs 'thor// spyi gtsug zhe sngang dkar po'i 'od zer skye// skar mda'i phyag gnyis rol cing 'ja'i zhags pa skyong// g.yas pa dung chen rag ta thogs// dri za'i mgo bcad man dar thogs// khyod ni mdangs 'phrog chen mo yin// snying gi rtsa chen spros nas ni// snying khrag dmar la dri snom ma// sdang ba'i dgra bgegs thal bar rlogs// lcags kyi spyang mo mgo dgu ma bskul ba// lho yi phyogs nas bskul ba ni// ya ma gshed kyi dkyil 'khor nas// ya ma de ma brjod pa las// dpal gyi phyag brnyan skra 'phrog ma// lcags kyi spyang mo mgo dgu ni// me dpal dmar po'i ral ba can// spyan nas me yi ser ba dmar po 'bebs// snyan nas me yi 'tshub ma 'thor// bzhad pa'i zhal nas khrag gi ngan skyugs 'thor// spyi gtsug khrag gi ral pa dmar po skye// skar mda'i phyag gnyis skyong zhing 'ja' zhags 'phen// g.yas pa khro chu gtsags cha thogs// gshin rje'i ban dang mgo bcad du// mkhal ma'i rtsa chen spros nas ni// khyod ni khrag 'phrog chen mo yin// mkhal ma'i rtsa la dri snom zhing// dgra bo'i mkhal rtsa drang ba'i dus la bab// nub kyi phyogs nas bskul ba ni// klu dbang gdung ba'i dkyil 'khor nas// na ga de ma brjod pa las// ye shes mkha' lding ma mo dpal// dpal gyi phyag brnyan khrag 'phrog ma// khrag mdog bse yi ral ba can// khrag gi ral pas stong khams khengs// spyan nas khrag gi char pa 'bebs// snyan nas bskal pa'i 'brug stong ldi ri ri// shangs nas rlung 'byung tshub ma 'tshub// bzhad pa'i zhal nas khrag gi ngan skyugs 'thor// spyi gtsug me yi zhe sdang dmar mo skye// me yi phyag gnyis gar stabs lings se lings// g.yas pa me dpung 'bar ba la// g.yon pa me yi zhags pa 'debs// tshigs pa gzhung gi rtsa 'phrog ma/ khyod ni dronga'aphrog chen mo yin// drod dang dbral ba'i dus la bab// byang gi phyogs nas 'byung ba ni// gnod sbyin dregs pa'i dkyil 'khor nas// kha rag de ma brjod pa las// dpal gyi phyag brnyan dbugs len srog 'phrog ma// rlung mdog nag mo sprin gyi ral pa can// spyan nas dka' chen 'od zer 'phro// snyan nas rlung nag bu yug 'tshub// shangs nas rlung nag bu yug 'byor// bzhad pa'i zhal nas thog dang ser ba 'bebs// spyi gtsug rlung gi phrag dog ljang gu skye// rlung gi phyag gis gar stabs lings se lings// 'du ba'i zhabs gnyis langs se langs// g.yas pa ral gri rgya gram 'debs// g.yon pa srog gi snying rtsa thogs// khyod kyi longs spyod dbugs yin te// dbugs len srog 'phrog dus la bab// dar lam ma b+h+yo ru lu/ yunganag bsregs la lan nyi shu rtsa gcig bzlas so// gshed mo bzhi'i 'khor bzhi bskul ba ni/ hUM/ byang shar mtshams kyi dgra 'dul mo// stag smad zor 'dong chen mo ni// chibs su lto yi stag ma chibs// 'khor du stag gzig 'bum sde rol// g.yas g.yon stag gzig sha ra ra// shul nas gcan gzan mang po 'brang// g.yas pa lcags kyi gre pa thogs// khro chung 'bum khri phrag la bkal// me yis tsit+ta phrag mar bcug/ byang shar dgra 'dul dus la bab// nub byang mtshams kyi dgra 'dul ma// nag mo dung tshub mche bcan// chibs su byang gi brong la chibs// 'khor du nam gru stong gis bskor// g.yon na mdzo zhon shar ra// shul na gnod sbyin 'bum gyis bskor// gser gyi mdung dmar g.yas na chems// sti ra'i g.yang gzhi g.yon na gdengs// nub byang dgra 'dul dus la bab// lho nub mtshams kyi dgra 'dul ma// khri sman thog ldem chen mo ni// chibs su gnam gyi dkar po chibs// 'khor du lho sprin lang ling bskor// g.yas na sman brgya shar ra// g.yon na glog 'gyu ljibs// thog sman rol pa sman nas 'breng// g.yas g.yon 'brug dang gnam lcags thog/ lho nub dgra 'dul dus la bab// shar lho mtshams kyi dgra 'dul ma// mtshan ni ba lam de snam// chibs su drod kyi phag la chibs// 'khor du gza' dang rgyu skar bskor// g.yas g.yon rnga zhon bong zhen 'bum// bud med 'bum phrag slad nas 'brang// g.yas g.yon skor mda' gza' chen 'phen// shar lho'i dgra 'dul dus la bab// gshed mo bzhi 'khor dang bcas pa bskul lo// da ni phyogs skyong gi yum bcu bskul ba 'di skad do// hUM/ 'dod pa'i bu mo khas len ma// nam mkha' dang ba'i sku mnga' ba// ting 'dzin zla ba'i gsung mnga' ma// ye shes nyi ma'i thugs mnga' ba// sku khri stong gi rgyal po yis// 'dod chags rgya mtsho'i gdan du bting// phyogs mtshams stong gi rgyal mo yis// thugs dam ri rab rtse la bzhengs// thugs kyi sbyor ba'i sras bltam pa// 'dod pa'i bu mo brgyad du bltam// shar phyogs khams kyi mnga' bdag mo// nam mkha'i bu mo dkar shar 'dod// mi bzang rdo rje ral gcig ma// dkar mo'i mdog la bzhad mo che// spyan dkar mche ba cha lugs can// dung gi dre'u rkang gsum ni// myur ba'i tshad ni glog pas mgyogs// nyi zer zhags pa sdogs shing 'phen// lag na snying 'dzin khu ru 'dzud// snying rtsa drang ba'i dus la bab// badzra kha la da rod b+h+yo/ ru lu ru lu/ hUM/ 'dod pa'i bu mo khas len ma// shar lho mtshams kyi mnga' bdag mo// drang srong dkar skya mche ba can/ dkar ba'i gzugs dang ldan zhing mnga' mdzad ma// dkar ba'i mdog la bzhad mo che// gza' skar thod 'phreng g.yang gzhi can// zla zer zhags pas ldogs cing 'phen// skar mda'i chibs ni glog pas mgyogs// sdang ba'i dgra bo'i mdangs 'phrog ma// mkhal ma'i snying phyung zhal du stobs// mkhal rtsa drang ba'i dus la bab// phu tra kha rod ma ru lu ru lu/ 'dod pa'i bu mo khas len ma// lho yi phyogs nas bskul ba ni// gshin rje'i yum gcig re ma ti// rgya mtsho'i gzugs la 'bar ba'i sku// sngo skya'i sku la nam mkha'i mdog/ sprul nag g.yang gzhi sku la brgyan// rus sbal chibs ni glog pas mgyogs// sdang ba dgra bo'i mdangs 'phrog ma// rtse chung g.yas g.yon rtsa drangs nas// lce rtsa drang ba'i dus la bab// ya ma kha la rod ma ma b+h+yo ru lu ru lu/ 'dod pa'i bu mo khas len ma// lho nub mtshams nas bskul ba ni// dred mo'i gzugs ldan 'bar ba'i sku// nyams can khrag gi ral gcig ma// sku mdog smug gnag mdangs bzang ma// dred mo'i g.yang gzhi sku la brgyan// rnga mo gwa chibs glog bas mgyogs// sdang ba'i dgra bo'i stod gzer ma// blo rtsa g.yas g.yon rtsa nas drangs// rag shad rod ma mo b+h+yo ru lu ru lu/ 'dod pa'i khams kyi khas len ma// nub kyi phyogs la mnga' mdzad ma// klu mo nag mo bus 'gro ma// rus sbal gzugs ldan klu mo'i sku// dmar nag sku la mdangs bzangs ma// chu srin mgo dgu glog 'gyu chibs// sdang ba'i dgra bo mes len ma// nang khrol rtsa chen drang du gsol// na ga kha la da rod ma ma b+h+yo ru lu ru lu/ 'dod pa'i bu mo khas len ma// nub byang mtshams nas mnga' mdzad ma// rlung lha spyan gsum mche ba can// klu mo nag mo bus 'gro ma// nag mo'i lus la sprin gyis brgyan// smug nag 'thibs pa'i cha lugs la// rlung gi sha ba ljang khu la/ myur ba'i tshad ni glog bas mgyogs// bdung dang ba dan bsdig cung 'phen// lag na yid 'phrog bkag dang 'brel// mchin pa'i rtsa chen drang du gsol// pa ta de ma na kha rod b+h+yo ru lu ru lu/ 'dod pa'i bu mo khas len ma// byang phyogs las la mnga' mdzad ma// gnod sbyin bu mo e ka shan// gnod sbyin nag mo'i gzugs ldan ma// nag mo'i sku la gzugs mi sdug/ mi lpags g.yang gzhi sku la brgyan/ lcags kyi dre rta mgo dgu chibs// myur ba'i tshad ni glog bas mgyogs// lag na spyang lo 'phyar zhing 'phen// skye rgyud rtsad nas gcad pa'i phyir// tshigs pa'i rtsa chen drangs du gsol// kha na rod ru lu ru lu/ 'dod pa'i bu mo khas len ma// byang shar mtshams kyi mnga' bdag mo// me lha rdo rje ral gcig ma// dmar mo'i sku la me yis brgyan// me dbal mched pa'i cha lugs can// ra skye chibs ni glog pas mgyogs// lag par me dpung 'bar ba thogs// lugs ngag yid gsum dbral ba'i phyir// sregs shing me dpal dmar pos bsregs// ma du b+h+yo ru lu ru lu/ ma ma yed dun dun/ ye ka dza ti dang/ ba la ma dre sna ma gnyis gong ma dang gzhan nas 'dre'o// de skad bskul nas dgra bo dgug/ lha tshogs rangs pa bskul zhing 'gug/ ling gi'i dra ru ming byas la// thun dang phur pas gdab par bya// tha mar ling ga ral gris gtub// ling ga dum bur gtubs la bsreg/ gnan pa bya ba gang yang rung// phogs gsum byas la las rnams 'grub// phyi yi ling ga rkang rjes la// dri ma rdugs la byas pa de// nang gi ling ga ming rus la// gsang ba'i ling ga rtsa ra rog/ de ltar byas pas las rnams 'grub// gshin rje gshed po'i rgyud gsang ba drug cu pa las/ 'brub khung bsgrub par bya ba'i thabs bstan pa'i le'u ste so bzhi pa'o//// gshin rje gshed pos gsungs pa'i don bstan pa/ 'khor lo 'brub khung gnyis pa'o// thun rdeg skabs su 'di ltar brdeg/ dug sna tshang ba'i thun de la// drag sngags 'di yis bsngags shing brdeg/ ya ma rtsa khrag thibs rbad/ ya ma rA dza mugs thibs rbad/ ya mA ra dza gling du ya rbad/ ya ma ra dza myags tshal bi ma ya 'ub 'ub thum snying mgo chod kha so tshal snying tsa ro la gam ril rbad/ ces pas dug thun brdeg pa'i// 'khar phor zangs phor lcags phor du// ra dug re lcag thar nu dang// spyang ngag spyi mong sbyar la brdeg/ khrag sna tshang ba yod na rab// ra khrag mi khrag khyi khrag phag pa'i khrag/ drag sngags 'di yis bsngags shing brdeg/ zangs kyi phor bur bsngags shing brdeg/ ya ma rA dza snying 'dod pa khung thum ril rbad/ snying khrag bam ril rbad/ ya ma rA dza snying rtsa rtsa nan/ srog srog mug mug che ge mo thum ril rbad/ yungs kar yungs nag ske tshe dang// til nag po dang de rnams la// drag sngags 'di yis bsngags la brdeg/ lcags phor nang du bsngags la brdeg/ ya mA rA dza che ge mo hri sti ya ta ka/ snying khrag la bam ril rbad// ya ma rA dza la glo rtsa la ral me bam ril ril rbad/ ya ma rA dza glo rtsa bam mchin rtsa rul snying rtsa la// t+ti ral rtsa rol bam/ snying rtsa rgyu rtsa snying rtsa sra ma ya/ srog bral de bar rtsa snying rtsa la rbad/ snying rag thum khum gzer snying rol bam ril rbad/ thun gsum las kyi sham bu yis// nyi ma bzhi pa'i 'khor lo yi// bar mtshams dag tu ling ga la// bsngags shing brdeg par bya ba yi// ling ga bsgral bar bya ba la// drug sngags 'dis kyang gdab pa'o// ya man ta ka kA la ru pa ni/ sha ku ru A ka rA ya/ zhes pas dgu pa'o// ya man ta ka nri sha ku ru shag da ya ma/ phye nas lha dang dbral ba'i sngags so// ya man ta ka hri sti mu ka ye ma ya ma ne da ra tha thum ril tsa kra rbad/ tsa ma ra ya da ra thibs rbad/ mig la brgyab pa'o// ya man ta ka hri sti mu ka ye a ne u ne ma da ra ya mugs thibs rbad/ rna ba la brdeg pa'o// ya man+ta ka hri ti mu ka ye u ne ma ra da ra ya su bas ril tsa kra rbad/ sna la brdeg pa'o// ya man ta ka hri gi ka pa ye ne da ra ya ldibs ldibs rbad rbad/ lce la brdeg pa'o// ya man ta ka hri ti mu ka ye u ni ye rtsa dgra bo'i do spags pa myags thum ril rbad rbad/ lus kyi spyi bo la brdaig pa'o// ya man+ta ka hri sti mu ka ye/ a ra ra ku ru ma ru ya rtsid ti ku ru ku ru bya rtsa yo rbad rbad/ yid kyi rnam par shes pa la brdeg pa'o// ya man ta ka hri ti mu ka ye mu ne mo mo ma ra ya ni sha ku li li du ru ye ta ya/ a tsan da ye pra ma rta ni ya snying mgo chod da ra ya sha ti sta rbad rbad/ kun gzhi'i yid kyi rnam par shes pa la brdeg pa'o// ya man+ta ka hri sti ka ba pa ye e ra ra ku ru ma ra ya a rtsi te ku ru sing nga ya tsit+ta pa ye rbad rbad/ nyon mongs pa can gyi yid la brdeg pa'o// ya man ta ka hri sti mu ka ye u ni ti tsa dgra po'i don myags thum ril rbad/ tshogs drug drag po'i las/ dgra'i rnam par shes ba'i tshogs brgyad bkag la bsgral ba'i thabs so// gshin rje gshed po'i rgyud gsang ba drug cu pa las/ 'khor lo dang 'brub khung gi las bstan pa'i le'u ste so lnga pa'o//// de ltar bsgral ba'i rjen shul de// sbyin sreg bya ba'i thabs gsungs ba// rgya chen sa yi dkyil 'khor gyi// shar lhau mtshams su me thab bya// gru gsum zur ni gting du brko// nang du gru gsum bkod pa la// zur gsum khru ni gting du brko// nang ni nag pos byug pa'o// thab khung kha'i steng du ni// pad+ma nyi ma zla ba gsum// brtsegs pa'i gdan ni sum cu gnyis// lha yi gdan du bsam byas la// gdug pa'i shing ni khru gang la// thab khung mtshams pa bzhag byas la// bya rog 'ug tshang gi shing// de dag thab tu bzhag byas la// rigs ngan khyim nas me blangs la// thab khung nang du me btang la// gcod pa'i rdzas su byas pa yang// mchod pa bdud rtsi rag ta dang// 'bru sna tshogs dang sman sna tshogs// mar dang mar khu tshil chen zhun// dgra bo'i ming dang rus byang la// mchod pa rnam pa lnga po dang// ling ga gtubs pa'i dum bu dang// de dag rims pas bsres la sreg/ sreg pa'i thabs ni 'di ltar bya'o// dang po me lha spyan drangs la// ag+ne bya badzra sa ma ya dza/ zhes pas spyan drangs la/ thab khung du zhugs pa la/ a ni ye shes sems dpa'i snying po'o// so so'i sngags kyis dbul bar bya// ag+ne ye a ha ra ma hA/ a hA ra khu khu ri pri stod ga te swAhA/ zhes ar+g+ham dbul/ mtshod pa rim pas mchod byas la// ag+ne ye d+hU be mA hA d+hU pe khu khu re pre tod ga te che ge mo ma rA ya phaT/ ces spos dbul lo// ag+ne ye puSh+pe ma hA puSh+pe khu khu re pro tod ga te che ge mo ra ya phaT/ ces me tog dbul/ a g+ne ye A lo ke mahA A lo ke khu khu ri srai tod ga te che ge mo mA ra ya phaT/ ces mar me dbul/ ag+ne ye gan+d+he ma hA g+d+he khu khu ri pre tod ga te che ge mo mA ra ma ya phaT/ ce dri chab dbul/ ag+ne ye ba le ta khu khu ri srai tod ga te che ge mo mA ra ya phaT/ ces pas gtor ma dbul// ag+ne ye nai wi te ma hA nai wi te khu khu pre tod ga te che ge mo mA ra ya phaT/ ces pas lha bshos dbul/ ag+ne ye rag ta ma hA rag ta khu khu ri pre tod ga te che ge mo ma ra ya phaT/ ces pas khrag sna tshogs dbul/ ag+ne ye maM sa ma hA maM sa khu khu re bre tod ga te che ge mo mA rA ya phaT/ ces sha sna tshogs dbul/ ag+ne ye a mri ta ma hA a mr-i ta/ zhes pas mar khu dang/ mar dang/ tshil chen dang/ rkang gi zhun dang/ sa'i 'bru sna tshogs dang/ rangs pa bsregs la gtor mar dbul lo// rdzas de rnams dgra'i ling ga dum bu re dang/ ming dang rus pas su spel zhing bsregs la me lha mchod pa dbul lo// bstod pa bya pra bstod byas la// me lha shar lho'i thab khung kha ru dpang por bzhugs pa'o// de nas rgyal chen sa'i dkyil 'khor gyi lha tshogs rangs pa me thabs kha'i pad+ma nyi zla'i gdan stengs su lcags kyu'i phyag rgyas dgug/ mchod pa'i yo byad de dag gis// so so'i rang rang rtsa sngags la// mchod pa'i sngags ni bdag la mchod// lha re la brgya rtsa brgyad nyi shu rtsa gcig yang na bdun// tha ma sku gsung thugs la bdun// ci 'byor pa yi mchod pa dang// de nas lha la bstod pa bya// slar yang lcags kyu'i phyag rgya yis// dkyil 'khor thog tu spyan drangs bzhugs su gsol// rdzas kyi lhag mas me lha mchod// slar yang me lha gnas su gshegs// 'dod pa'i don yang bcol bar bya/ ag+ne badzra ma dza/ zhes pas me lha gshegs su gsol// las kyis lhag chad kha bskang ba dang// lha rnams mnyes par bya ba dang// bdag gis dngos grub thob pa dang// dgra bgegs brlag par bya phyir dang// sbyin sreg bya thabs gsungs pa'o// de nas las rnams ma lus bya'o// gshin rje gshed pa'i rgyud gsang ba drug cu pa las/ sbyin sreg bya ba'i thabs bstan pa'i le'u so drug pa'o// de nas rdo rje 'dzin pa des// gshin rje lnga'i grub pa'i thabs ni khyed kyis gsung du gsol ces pa ni/ gshin rje gshed pos gsungs ba'i don// gnas dang dam rdzas phyi dang 'dra'o// rim pa 'di ltar bsgom par bya'o// dang po nyid du bsgom pa ni// stong pa byang chub sems su bstan// de nas snying rje byang chub sems// de nas hUM du rab bsams la// hUM las b+huM 'phros gzhal yas khang// raM las ma g.yos gzhal yas khang// dug lnga dag pa'i rim pa brtsegs// yum lnga mkha' klong dag pa yi// gzhal yas khang brtsegs bsgom par bya'o// gnas der gdan yang bsam par bya'o// hUM las rdo rje las yab yum gyi sku ru bskyed// yab kyi sku las yum gyi sku ru bskyed// yab yum sbyor ba mdzad pa'i sbyor mtshams nas// ya ma ra dza myos byed 'bar ba dang// Ar+ya ma ru dang/ ral pa tshar dgu dang/ yum dang bcas te so so'i gdan la bsgom/ 'di skad brjod la bsgoms pa spyan yang drangs la mchod pa dbul// hUM/ ting 'dzin rnam gsum 'phro 'du las// bsdus pas yi ge hUM du gyur// hUM chen mthing nag 'phro 'du las/ gsal nas rdo rje rtse lngar gyur// rdo rje rtse lnga'i 'phro 'du las// yi ge ya yi sku ru bskyed// yi ge ya las sku bzhengs te// khro bo'i rgyal po rnam par rgyal// ya man ta ka gshin rje gshed// dbu gsum pa la phyag kyang drug/ g.yas ni dkar la g.yon ni dmar// dbus ni mthing ka rngam ba'i zhal// sku mdog stag zil bcag pa 'dra// zhal bzhad rdo rje mche ba brtsegs// dbu skra kham nag gyen du 'khyil// phyag drug g.yas kyi dang po na// gser gyi rdo rje rgya gram bsnams// bde gshegs rgyal ba thugs kyi mchog/ phyag drug g.yas kyi bar pa na// kha TAM kha dang rnge'u chung bsnams// ma mo mkha' 'gro dam la 'du// phyag drug g.yas kyi tha ma na// rdo rje lcags kyu sngon po bsnams// nyon mongs gnas nas 'dren pa'i rtags// phyag drug g.yon gyi dang po na// ba su ta yi rgyu zhags bsnams// bdud dang dgra bgegs 'ching ba'i rtags// phyag drug g.yon gyi bar pa na// zhing chung dbyug to sngon po bsnams// bdud dang dgra bgegs rdul du rlogs// phyag drug g.yon gyi tha ma na// dung chen dmar gyi bkang ba bsnams// nyon mongs chags pa dam la 'du// sku yang che ste rngam ril bzang// glang chen ko rlon na bzar gsol// zhing chen rlon pa'i ya ba bskor// stag lpags rlon pa'i sham thabs can// sprul nag stong gis lhu tshigs brgyan// 'phags pa'i khro rgyal gshin rje gshed// gtan gyi lhar yang gsol 'debs na// ri rab gser gyi ngos la bya gnas pa// bya yi rang bzhin bor nas gser du snang// lha mchog khyed kyi sku ru bdag bsgoms pas// bdag gi rang bzhin bor nas khro bor gsal// khro mo yum dag bcas te skur ston cig/ g.yon na yum bskyed khro mo nyer bag ma// za byed nag mo chen mo pe ta le// gtum mo dug hrul gos gyon mo// gdong nas mig gsum khros pa'i tshul// mig gsum gdong ni khro gnyer can// za byed gzi chen rab tu sdigs par byed// gyen du skra rdzes gsus po che// rab tu 'jigs pa'i kha yang bgrad// lus ni me lce 'bar ba 'dra// g.yas pa'i phyag na tri shul bsnams// bdud dang dgra bgegs rdul du rlogs// g.yon pa'i phyag na bsnams pa ni// thod rlon dmar gyis bkang ba bsnams// stob pa yab kyi zhal du stob// yid tsam gtso la 'dud pa'i tshul// bde gshegs yab kyi bka' bstod ma// zhing chung bkram pa'i gdan stengs 'dir// brkyang bskum tshul du brjid par bzhugs// me ri 'bar ba'i dkyil 'khor 'dir// 'khor ni thogs med tsan thabs dang// khro mo kai ri brgyad kyis bskor// sing ha 'phra men brgyad kyis bskor// thar byed chen mo brgyad kyis bskor// ma mo nag mo'i tshogs ni sprin ltar gtibs// dbang phyug ma mo'i tshogs dang ldan// yi dwags bal chen gnas 'di ru// byonacig gshegs pa'i gnas ngan yang// bsnyen cing bsgrub pa'i lha lags kyis// yal gam can rnams brtse dgongs la// rnal 'byor bdag gi don la gshegs su gsol// oM many+dzu shri ya ma badzra ta u tsuSh+ma kro d+ha po ta li la/ zhes pa'i sngags bzlas/ g.yas nas yum bskyed e ka dza ti ma// gnyis ka'i sku ni dbus kyi gtso dang mthun// srid pa gsum gyi gtso ni thod pa'i 'phreng ba can// 'khor ni rnga zhon mang po dang// g.yer dang shel gyi rnga mo la// g.yu yi rta sga wang se wangs// g.yu yi na bun thibs se thibs// mu men gur chen khyi li li// snga 'phreng mdzes pa'i do shal ma// phye 'phreng g.yas nas g.yul zlog ma// phyag na mdung dmar chems se chems// bran g.yog mang po'i 'khor dang bcas// khyod kyi 'khor ni rab tu mi srun te// nga rgyal drag shul che zhing bdud kyi bu smad 'khol// gsod pa don du gnyer zhing dgra snying tshal par gshog/ dbang phyug chen mo bskyed tsam na// nam mkha'i rgyal po gsheg su gsol// bzlog cing bsgyur ba'i dus la bab// bdud kyi khram bam dgra la bsgyur// nad ka rims kha dgra la thong// sdang dgra gnod bgegs thal bar thong// oM badzra shrI ya ma ra dza ma ma e ka dza ti dza// zhes spyan drangs la mchaud pa dbul// phrin las bcol// gshin rje ya ma ra dza dang// myos byed 'bar ba At+ya ma ru dang// ral pa tshar dgu yab yum brgyud// gnas 'di brtse phyir gshegs su gsol// ya ma rA dza/ sa twa me ya/ ya me to ru/ na yo ta ya/ ya ta yo ni ra yak+She ya/ ya k+She ya tsa ni ra ma ya/ zhes pas sbyan drangs la// ga pur gsum dang dri zhim spos// a ka ru dang du ru ka/ dzA ti pha la gur kum mchog/ gshin rje'i tshogs la mchod par 'bul// oM a ha ra d+hu pa puSh+pe A lo ka gan+d+he d+hu pe sad/ gan+d+he pa tsa kra sa ma ya/ zhes mchod pa rnam lnga dbul/ dza gad 'bru bcud dpa' bo yis// rtsa ba brgyad la lo ma stong// sangs rgyas yongs kyi thugs dam 'di// gshin rje mamo'i tshogs la 'bul// oM AHhUM/ sarba pany+tsa a mr-i ta khA hi/ sman dbul/ bdud rtsi bcud ldan zhal zas ro mchog 'di// gzugs dang sgra dang dri dang ro// reg bya la sogs mchod pa 'di// gshin rje ma mo'i tshogs la mchod par 'bul// rag+ta khA hi khA hi/ zhes 'dod yon lnga'i mchod yon dbul lo// ma lus bsgral ba'i sha sna dang// gtubs gtor ldan pa'i maM sa sha yi mchog/ rkang dang tshil bu bcud kyi rgyud// gshin rje ma mo'i tshogs la mchod par 'bul// oM maM sa ma tsa rag+ta ba liM ta kha hi/ zhes sha khrag gi gtor ma dbul lo// 'khor ba'i mgo bcad ban da mtshan dang ldan// 'dod chags khrag gi rgya mtsho khyi li li// dmar chen dam pa ma mo'i dam rdzas mchog/ gshin rje ma mo'i tshogs la mchod par 'bul// ma hA rag+ta sa mun tra kha hi/ zhes khrag dbul/ de nas hUM gtum chen gyis bstod/ lnga brgya tha mas thugs dam bskul/ bzlas pa bya'o// bsnyen pa dang ni sgrub pa yang// 'phrin las chen po'i gzhung dang mthun// gshin rje gshed po'i rgyud gsang ba drug cu pa las/ gshin rje lnga'i sgrub pa'i thabs kyi le'u ste so bdun pa'o//// rdo rje 'dzin pas yang zhus pa// gshin rje gshed po khyod kyis ni// dngos grub myur bar bya ba'i thabs// ras ri sgrub pa'i thabs gsungs te// zhes pa ni mtshan ma can la dad pa dang// ting 'dzin g.yel ba spangs pa dang// 'bras bu ma yengs sgrub pa'i phyir// ras ris grub pa 'di ltar bya// lha yi bsnyen pa 'di ltar bya// ras sam dar dkar gzhi ma la// lha bzo mkhas pa dam tshig can// tshon rtsi legs par bya ba'i phyir// pho brang bzhugs skur bri ba dang// bzhengs skur bri ba gang rung bya// dbus su gtso bo bri ba dang// g.yas yum gnyis bri ba dang// gshed po phyogs skyong yab yum dang// ging dang bdud kyi pho nya dang// dbus nas rim par ji bzhin bri// sku mdog phyag mtshan gdan khri dang// bzhugs tshul rgyan cha la sogs pa// rgyud 'dis bshad pa bzhin du bri// ri mo legs par zin pa dang// rnal 'byor bdag gi mdun du ni// lho nas bris sku dgram par bya// mdun du maN+Dal legs par bya// maN+Dal ba byung dri yis byug/ chag chag legs par bya ba dang// maN+Dal steng du mchod pa ni// gong du bshad pa dgram par bya// 'phrin las dmigs pa gzhung bzhin du// zhag lnga bsnyen pa bya ba dang// zhag bdun nub mo bris sku ste// bdag nyid lha ru gsal ba las// thugs ka'i hUM las 'od 'phros pas// bris sku'i dngos po mtshan ma sbyangs// bris sku stong par gyur pa de// hUM gi gzugs su gyur ba las// hUM las bruM chad bris sku'i gnas su gyur// hUM nyid rdo rje rtse lngar gyur ba de// rdo rje chen por brjod pa las// ya man+ta ka'i sku ru gyur// yum la sogs pa'i lha rnams kun// stong pa'i ngang las yi ge hUM du gyur// hUM nyid rang rang phyag mtshan gyur// phyag mtshan rang rang sku ru gyur// so so rang rang sku de la// ye shes sems dpa' sbyan drangs la/ lcags kyu'i phyag rgyas dgug pa dang// zhags pa'i phyag rgyas ye shes sems dpa' rnams// dam tshig bris sku'i lha la gzhug/ lcags sgrog phyag rgyas gnyis med bstim la bcings// dril bu'i phyag rgyas bris sku la// dam tshig dbang gis bzhugs par bsam// oM many+dzu shrI ya man+ta ka de ba pi na nre trang sha gsha' badzra/ zhes bris sku'i lha thams cad la ye shes kyi spyan rnams par phye la/ ye shes sems dpa' dang bris sku'i lha gnyis su med pa la/ mchod pa thams cad kyis mchod la/ bris sku la dmigs la/ rnal 'byor pa nyid ya man+ta kar bsgoms la bzlas pa bya'o// bzlas pa'i ting nge 'dzin bdag gi thugs ka'i nyi zla'i steng na ye shes sems dpa'/ de'i thugs ka'i nyi zla'i steng na rdo rje rtse lnga pa/ rdo rje'i lte ba la hUM/ hUM gi mtha' ma a kros bskor ba'o// mdun gyi bris sku'i thugs kar yang de ltar bsam/ de ltar byas la bzlas pa bya'o// bdag gi thugs ka nas 'od 'phros te/ bris sku'i thugs dam bskul// mchod par bsam// bris sku'i thugs ka nas 'od phyung bdag la thim sgrib pa sbyangs dngos grub thob par bsams la bzlas pa bya'o// de ltar mchod dang bstod byas nas// bzlas pa dus gsum rgyun du bya// bris sku de la dmigs byas la// bris sku 'dzum yal g.yo ba dang// gang 'dod dngos grub thob par bya'o// gang 'dod las la the tshom med// lha tshogs rangs pa bri ba dang// gtso bo gcig tu bri ba dang// lha lnga sgrub pa bri ba dang/ gang ltar sgrub pa de ltar bya'o// gshin rje gshed po rgyud gsang ba drug cu pa las/ ras bris la sgrub pa'i thabs kyi le'u ste so brgya pa'o//// rdo rje 'dzin pa de lta bas na 'jam dpal gshin rje'i dkyil 'khor du// slob ma gzhug cing dbang bskur ba'i// thabs ni bshad par bya ba la// rdo rje 'dzin pa'i slob ma de// gong du 'jam dpal gshin rje yi// spyi dang khyad par dam tshig kun// sku srung thub pa mi thub pa// slob ma de la bri par bya'o// thub pa khas ni len pa ni// dbang gi rim pa bskur ba ni// gu ru bsnyen pa tshad phyung la// bsgrub pa'i dkyil 'khor bri ba dang// mchod pa tshang bar bya ba dang// las kyi khog gzhung bya ba dang// bzlas pa bstod pa tshig gi 'khor lo dang// mchod pa byas pa'i slob ma de// gdong g.yogs nang du 'ongs pa dang// lha tshogs rangs pa'i mtshan smos la// lha phyag phyogs bzhir btsal ba dang// bar chod bgegs kun bsal ba dang// dam tshig sdom pa dbog pa dang// me tog 'thor du gzhug pa dang// me tog gang la 'phog pa'i lha// lha de bsgom du gzhug pa dang// lha de nyid kyi skur mi brjid 'phreng ba 'am// ye shes rnam lnga rdo rje'i dbang// gsung thabs grol ba dril bu'i dbang// nyan pa'i dbang ni rin po che// bshad pa'i dbang ni rin po che// bshad pa'i dbang ni 'khor lo dang// snod bcud snod du ban d+he'i dbang// rtog pa 'joms pa zhing chen dbang// dam tshig mi srung bdud rtsi'i dbang// dgra bgegs 'dul phyir phur ba'i dbang// sems nyid rtog med me 'bar dbang// dngos grub thob phyir zhal zas dbang// rnam rtog bkru phyir bum pa'i dbang// rigs 'dzin sa thob ming gi dbang// dregs pa can rnams 'dul phyir du// dur khrod chas brgyad dbang yang bskur// de yang dbang bdag la ma lus thob pa dang// bsgom dang bsgrub pa byas gyur na// dngos grub myur te byin rlabs che// rig pa 'dzin pa'i sa la gnas// de nas dbang dang dam tshig thob// de nas las rnams grub par bshad// dam tshig dbang dang mi ldan na// dngos grub thob par mi 'gyur ro// gshin rje gshed po'i rgyud gsang ba drug cu pa las/ dbang gi le'u ste so dgu pa'o//// de nas dam tshig bstan pa las// spyi yi dam tshig rnams kyang ma nyams bsrung// khyad par dam tshig bstan pa las// sku yi dam tshig gshin rje rgyun du bsgom// gsung gi dam tshig snying po rgyun du bgrang// thugs kyi dam tshig spros pa gzhan spongs la// spyod pa'i dam tshig chos spyod ci nus bya// mi spang dam tshig lha yi blang dor spang// dang du blang ba'i dam tshig dus gsum mchod pa bstan par bya// shes pa'i dam tshig bsnyen bsgrub las la mkhas// bsgrub pa'i dam tshig gshin rje'i dngos grub thob// gzhan ma rnams la phyag mi 'tshal// lam khar mi gzur drang por 'gro// gzhan dang gtam yang mi bya'o// dam rdzas phud ni ma nyams dang// mchod pa'i yo byad bzang po dang// khas blangs dus su bya ba dang// snying rje'i sems dang ldan pa dang// spyod pa ras chod spangs pa dang// nyams pa'i cho ga bya ba spang// dam rdzas ma tshang sgrub pa spang// bsam pa log pa'i cho ga spang// gnyid kyis non pa'i bzlas pa spang// de rnams khyad par dam tshig go/ dam tshigs gzhi lta bu ste// dngos grub 'byung ba'i rgyu yin pas// dam tshig ma nyams bsrung ba gces// de ltar dam tshig tshul bzhin bsrungs// gshin rje gshed po'i rgyud gsang ba drug cu pa las/ dam tshig gi le'u ste bzhi bcu pa'o//// de nas gshin rje gshed pos bsgrub pa'i spyod pa dka' thub bstan pa// tha ma spyod pa gzhan dang mi mthun par bya'o// bsnyen pa'i dus kyi spyod pa ni// snying rje ting 'dzin tshul bzhin spyad// dus drug mtshan brjod 'don pa dang// tsha tshwa 'grub tshad gdab pa dang// chu gtor cha gsum btang ba dang// bsnyen pa byed pa'i nub mo kun// dge ba'i grogs ni ci nus bya// stong tshogs mchod pa gzhung ltar spyad// bsnyen pa'i 'dzab ni ci nus bzlas// bsgrub pa'i dus kyi mchod pa ni// phyag mi 'tshal ba gzhan ma la// lha yi nga rgyal gnas pa yi// che ba nyams su dogs pas na// lam yang mi gzur gtam mi smra// bsgrub pa chen po byed dus tshe// g.yal pa gzhan ma rangs pa spang// lag pa g.yas pa seng ldeng gi/ dbyug pa thogs la 'khar ba bya'o// g.yon pa sdigs mdzub bsgreng bar bya'o// zhing dang glang chen pags pa gon// stag gi pags pa'i sham thabs bya'o// ri yi khrod nas ri khrod 'gro// sa che pa dang chung pa spyad// khams gos so ba'i thun mtshams su spyod pa de dag bya'o// gnas su yang 'ong lha'i sku/ gsal bar bsgoms la mchod pas mchod// phyag rgya be con phyag rgya bca'// g.yas pa 'phreng ba bgrang bar bya// khri khri smra ba bcad la bzlas// bzlas pa myur la rags pa ni// yi ge'i mtshams 'dres byin brlabs chung// bzlas pa bul na grangs mi thon// myur la bul ba ran par bya'o// shin tu gsal bar smra ba'o// dka' thub drag pos spyad par bya'o// bsgrub pa thon nas spyod pa yang// lha yi rnal 'byor ma nyams pas// spyod pa gar bde gar skyed bya// chos spyod snying rje che bar bya// gang la gang ci mthun par bya// rgyun gyi spyod pa bya'o// gshin rje gshed po'i rgyud gsang ba drug cu pa las/ spyod pa'i le'u ste zhe gcig pa'o//// gshin rje gshed po bsgom pa'i rnal 'byor pas// 'di ltar snang ba srid pa gsum// gshin rje'i lto na yod bar lta// snod kyi 'jig rten lha yi dkyil 'khor te// bcud kyi sems can mkha' 'gro lta bur lta// 'jig rten khams nas 'dod pa lnga// lha tshogs mchod pa'i rdzas su lta// kun rdzob lta ba de ltar ro// don dam lta ba 'di ltar ro// lha yi 'khor lo thams cad kyang// snang la rang bzhin med pa chu zla 'dra// gsal la rtog pa med de gzha' tshon 'dra// thugs rje phyogs dang bas nyi zla 'dra// lha yi sku mdog phyag mtshan yang// lhang nge sal le rang bzhin med// rtag pa'i mu mtha' spangs pa'o// skye ba med pas nam mkha' lta bu las/ skye ba'i cho 'phrul 'ja' dang na bun lta bu la// skye ba med pa'i cho 'phrul las// skyai ba'i cho 'phrul 'jam dpal gyi// gshin rje'i lha tshogs sku ru gsal// de yang mtshan ma'i skyon dang bral// chad pa'i mu mtha' spangs pa'o// rtag chad spangs pas lha yi dkyil 'khor lha// ye shes gshin rje dus gsum sangs rgyas yin// las kyi gshin rje dus kyi sangs rgyas yin// sangs rgyas sems can gnyis su med par lta// gnyis med snang ba thugs rje'i mdzad spyod de// sems can gdul ba'i tshad du bstan// yang dag nyid la gnyis su med// ma rtogs pa la drang don du// gdul bya 'dul byed gnyis su bstan// gshin rje gshed po'i rgyud gsang ba drug cu pa las/ lta ba bstan pa'i le'u ste zhe gnyis pa'o//// gshin rje gshed pos sdud pa po rdo rje 'dzin pa la yang gsungs pa/ pho yis gsad dang mo yis gsang// rme thab dkrugs nas gsad pa dang// chos skus gdas pa thabs bstan pa'o// zhes gsungs so// gsad thabs dang po bshad pa la// pho gsad thabs bstan pa la// cho ga bzhin du bsnyen pa bya// dur khrod dben bar 'khor lo bri// rgya chen sa yi 'khor lo bri// yig 'bru dgod dang phur bu dgod// 'khor lo legs bris par snang la// yas mar 'phyang dang mas 'degs pa// sngon dmar btags la yas mar 'phyang// sngags kyi thun mtshams shes par bya// ma ni rA dza k+She ya/ pra ma ya rbad/ nyi ma dang bo'o// k+She ya to ta yo ya/ mu rtsa ya hUM phaT/ nyi ma gnyis pa'o/ ya ya ru to me ya/ rag ta tsa ra ya rbad/ gsum pa'o// me sa to tsa ma ya/ mA ra ya dgra bo mA ra ya rbad/ nyi ma bzhi pa'o// nub bzhi pa'i sngags so// oM a kro ri ra rtso mA ra ya rbad// oM ma tsa sri ra ma ra ya rbad// oM ma te yi ti ga sa mA ra la rbad/ oM ya kha du ru mA ra ya rbad ya/ nyi ma bzhi pa'i las tshang na// phur bus gdab pa dang gnan pa'i las bya// las kyi gshin rje nag po'i phyag tu sba// gshin rje gshed po'i rgyud gsang ba drug cu pa las/ sgrol ba spu gri'i le'u ste zhe gsum pa'o//// yang gsad pa'i thabs gsungs pa/ ma mo'i 'khor lo logs byas la// dang po lha bsnyen tshad phyung la// de nas sgrub pa bya ba ni// mkhas pas dur khrod dben pa ru/ ma mo'i 'khor lo bri ba ni// phyi ru bstan pa thod pa'o// gsang ba de nyid drang ba'o// bsnyen pa sgrub pa bris byas la// rgya chen sa yi dkyil 'khor yang// mkhas pas gsang la nub mo bri// thig bzhi btab pas le tshe dgu/ dbus su e bzhi 'khor lo bri// bcu gnyis bcu drug rtse sprad de// rtse sprad bar du ming rus bri// 'khor lo gru bzhi zhal bzhi yang// phyag gis 'khor lo bskor ba'o// ming gi ma ltor 'khor lo gzhug/ 'khor lo'i thun mtshams spyi dang mthun// oM ya ma rA dza sa me to ya bra ma rbad/ nyi ma dang po'o// oM me to ru na ta yo ya/ rag ta tsa ra ya rbad ya/ gnyis pa'o// oM ta ni yo ra k+She ya ya/ mu ra tsa ya rbad ya/ gsum pa'o// oM k+She tsa ya ni mA ra ya// dgra bo mA ra ya rbad ya/ nyi ma bzhi pa'o// nub bzhi pa'i/ e rag ni sha ma hUM phaT/ oM ma pa ra tsa tra ni sha ya hUM phaT/ oM ma tra tsi sa ra ni sha ya hUM phaT/ oM mkhas li ni sha ya hUM/ zhes nyin mtshan dr-il phur bus gdab dang mnan pa bya/ gshin rje gshed po'i rgyud gsang ba drug cu pa las/ sbyor ba mdung thung gi 'khor lo bskor ba'i le'u ste zhe bzhi pa'o//// gsad thabs rme thab gsungs pa ni// dang po bsnyen pa tshad phyang la// de nas 'khor lo bri ba ni// dbus su a bzhag rtsibs bzhis bskor// bcu gnyis bcu drug rtse sprad bri// rtse sprad bar du ming rus bris// de yi phyir rim rdo rje 'khor lo bri// de yi bar du gsang mtshan gzhug/ srid pa'i lha srin ma mo la// dam yang bdar la dbang yang gzugs// nyin mo gtor la mtshan mo dril// ya ma rA dza sa to me ya nag mo rag sha che ge mo bam ril rbad/ ya k+She ya tsa ni ra ma ya/ trag rag sha shig che ge mo thum ril rbad ya/ nub bzhi pa'i sngags/ oM ru ru kha rag ma de tsa snying kha rag tre tre ra ga sha dam nyams dun b+h+yo/ oM sing nga tsa dur kha rag snying la rbad ya/ tsad dam nyams lce sdibs/ drag rag sha tsa pa la phra ma rbad/ oM badzra ti ka ma du raka sha po le dam nyams traM traM srin po kha la rbad/ oM rag mo ru ru tsa ba la trig mo tro tro sho ri snying la ma rA ya rbad ya/ zhes pa ni re ma ti dang/ rmu lugs nag mo dang rag sha nag mo dang/ e ka dza ti dang/ ma mo bzhi yi sngags dang/ e ka dza ti'i sngags kyis mgo bo drangs la bzlas la/ nyin mo pho skor la mon pa bzhi bskul/ mtshan mo mo skor la ma mo bzhi bskul/ thun mtshams 'khor lo spyi dang mthun// phur bu gdab dang mnan pa bya// gshin rje gshed po'i rgyud gsang ba drug cu pa las/ sngags pa rme thabs kyi le'u ste zhe lnga pa'o//// yang gsad pa'i las gsungs pa ni/ lha yi rnal 'byor ldan pa yi// dang po gtor mas bdag dang// sa yi lha mo bstan ma dang// mchod pa lnga dang ldan pas mchod// sa blang ba dang gzu dpang bya'o// oM many+dzu shrI kI la ya hUM phaT/ byas la phur ba lnga khro bo lngar gshin rjer bsgoms la gdab/ oM many+dzu shrI kI la ya hUM phaT/ ces pas 'phags pa 'jam dpal du gyur/ des lag par rig par byas la/ oM A hUM/ tre yad ta sarba ta thA ga ta hri da ya/ sug rme su ga rma shan+ta shan+ta dan+de na la ku lu ya sho ba ti bi shu b+he sa hA/ zhes pa lan bdun bzlas la bdag gi thugs ka nas 'od 'phros te/ 'phags pa'i thugs dam rgyud bskul nas// 'od tshur 'dus te 'jam dpal la thim pas// 'od phung de nas 'od phung gcig tu btags la// bsam pa ni chos kyi sku'i rang bzhin yin pas ni byin gyis brlabs so// 'od phung la 'bri 'bri dang tsha tshwa gdab/ oM many+dzu shrI shrI ska ni swA hA/ zhes pa'i snying po gang rung gdab/ tsha tshwa de shes rab gnyis su med pa'i thabs/ lha ya man+ta ka'i sku ru krong krong byung bar bsams la/ de nas rten 'brel snying po brjod la/ mchod pa mang pos mchod par bsam/ ya man+ta ka la sogs pa lha/ bcu bdun bsams la/ so so'i snying po brjod la gdab/ gzhan thebs dang sprul pa dang/ yang sprul dang/ snang bar bsams shing gdab bo// dkyil 'khor zlum po rim pa gsum// dbus su gru gsum gsum bya'o// bar ma'i gru gsum zlum po la yang gru gsum bcu/ gru gsum nag po bcu bdun la// lha'i tsha tshwa bcu bdun pa'o// dbus nas rim par dgod pa'o// gzhan yang tsha tshwa thebs tshad gdab// de yi phyi rim bskor la bzhag/ gnas dang mchod rdzas gzhan dang 'dra// dam tshig tsha tshwa btab pa la// ye shes lha tshogs spyan drangs te// phyag rgya bzhi yis bstim byas la// mchod pa dang ni bzlas pa dang// bstod pa la sogs pa yang bya// pho thod mo thod 'khor lo dang// dgra yi ming rus bcas pa dang// gnan pa'i 'khor lo bya nas kyang// chos sku'i 'og tu gtad khram bya// dam nyams pa la lha bdud phob// gshin rje gshed po'i rgyud gsang ba drug cu pa las/ chos sku nan po 'od 'bar gyi tsha tshwa gdab pa'i thabs bstan pa'i le'u ste zhe drug pa'o//// rdo rje 'dzin pas yang zhus pa// gsad pa'i thabs bzhi po de lags na// gso ba'i thabs gsum po gang ltar lags/ zhes pas/ gshin rje gshed po'i gsungs pa'o// gso thabs bzhi yang bstan pa'o// sri'u gso dang nad pa gso// dpal gso ba dang tshe gso ba'o// dang po sri'u gso ba de// lan chags gnod pa byed pa la// lha klu che ba thams cad la// mthun pa'i glud kyis bslu bar bya// de nas bsnyen pa tshad du bya// lha yi bsnyen pa bzlas pa'i srung skud gdags// ma dang bu yang chu yi bum pas bkru// de nas sgrub pa'i dkyil 'khor bri ba ni// lha dang dam rdzas tshang bar dgod// byang shar mtshams su 'brub khung bya// byang du spre'u de la gnod pa'o// bgegs kyi gzugs dang ming dang ni// ra sogs khyi dang phag gi gzugs// yang na dar zan gzugs byas la// 'bru khung nangadu gzhag par bya// khyi bal dkar nag skud pa yis// ske nas btags la phur pa la// ma ru tser bsams de la gdags// dam srid dgug cing bstim par bya// rgyab rten bya ba'i lha 'dre gdug pa lnga// gser skyems btang la bden pa bdar// thun gyis brab la phur pa gdab// sgrub pa byed pa'i bar du ni// yang nas yang du thun gsum du// dam sri bsgral zhing btab pa dang// sbyin sreg bya dang gnan pa bya// gang byed las ni byas pa dang// ma la 'phags pa gshin rje yi// snying po phog la zlos su gzhug/ dam tshig theg chen srung du gzhug/ de ltar byas pas las de rnams// 'grub bar dpa' bos gsungs ba'o// gshin rje gshed po'i rgyud gsang ba drug cu pa las/ sri'u gso ba'i le'u ste zhe bdun pa'o//// yang gso ba'i thabs gsungs ba/ nad par gyur pa gso ba la// lha yi rnal 'byor pa byas la// nad pa de la gnod pa yi// lha 'dre gang yin gdon pa la// glu dang zang zing sbyin pa bya// gnod pa'i bgegs ngan gdul ba dang// yang nas yang bskrad par bya'o// bden pa bdar zhing glung kyang dbul// nad pa'i skye ru srung skud gdags// khrus dang me tog me yi cho ga bya// gshin rje gshed la gtor ma yang nas yang du btang// dbul bar byas la 'phrin las bcol// nad pa rang gi lha de la// gsol mchod byas la las kyang gcol// de ni phan par bshad ba'o// gshin rje gshed po'i rgyud gsang ba drug cu pa las/ nad pa gso ba'i thabs kyi le'u ste zhe brgyad pa'o//// yang gso ba'i thabs gsungs pa/ dpal ni bu tsha yod par byed pa'o// dang po lha bsnyen bya ba yang// bud med de la srung skud gdags// bud med khrus byas gos gtsag bskon// srid la gnod pa'i dam sri gdul// lha 'dre gdug pa che ba la// skyin glud byin la bden pa bdar// gshin rje gshed kyi dkyil 'khor du// dam tshig phog pa'i dbang yang bskur// 'jam dpal sku ru bsgom du gzhug/ gshin rje gshed por dbang bskur nas// snying po 'di dag zlos su gzhug/ srid thag nye bar bshad pa'o// gshin rje gshed po'i rgyud gsang ba drug cu pa las/ dpal bskyed pa'i le'u ste zhe dgu pa'o//// yang gso ba'i thabs gsungs pa/ tshe gso ba ni/ gang zhig tshe nyams pa de bsring bar bshad// ban d+ha lcang lo mdzes pa ru// chang dang bdud rtsis bkang byas la// snying po rnam lnga byug byas la// khrus phye bre gang byas pa yi// tshe yi 'brang rgyas byas ba yi// rtsi thog rgyas pa'i mar yang byug/ ban d+ha steng du bzhag byas la// ban d+ha'i dkyil 'khor dbus su ni// rin po che yi snod nang du// nas bre gang blug de ru gzhag/ mchod pa legs pa bshams pa dang// cho ga rim par byas nas ni// bzlas pa bstod pa mang du bya// tshe yi ban d+ha'i nang du ni// 'jam dpal yab yum bskyed byas la// dbu la tshe dpag med pas brgyan// mchod pa kun gyis mchod byas la// snying po 'di ni bzlas par bya// oM pu Nehaya pu Nehaya ma hA a pa ra mi ta pu Nehaya dz+nyA na sam pa ro pa tsi te swAhA/ zhes a kro te ka dang bsgrags la bgrang/ gang bsrung ba de'i tshe nyams pa bsrung ba dang// tshe yar ba gzhug pa dang/ tshe ldegs bstan par bya ba dang// sngags kyi 'od kyi byin brlabs dang// sngags kyi tshe thams cad dang/ g.yang thams cad rdzas la bsdu/ rdzas kyi nus pa mi la thim/ gshin rje gshed po'i lha tshogs drangs pa yis/ mtshan nas brjod cing tshe khug bya// gshin rje gshed po'i rgyud gsang ba drug cu pa las/ tshe bsring pa'i le'u ste lnga bcu pa'o//// rdo rje 'dzin mas bstan pa bsrung ba'i ched du/ ser ba dbab pa'i thabs gsungs pa/ mon nam rabs chad thod pa ru// sha sna snying sna khrag sna dang// 'bru sna tshang ba'i sngo khu klud// dug sna blugs la chang gis bsing// lha yi bsnyen pa tshad phyung nas// drag sngags 'di yis bsngags la bzlas// rtse ba'i snying po gang grub la// gsang sngags 'di btags gdab pa yi// thig ni gcig med khrag brgyad bcad// dud phrom nam mthongs phye/ lcags sgrog khrol/ mi rengs sod/ rkyang rje rkyang mo cu ru ma/ 'do pa to ya yul/ che ge mor phob byas la/ rdzas sngo'i gseb tu gza' rgyu ba'i dus su gtor la gtang ngo// gshin rje gshed po'i rgyud gsang ba drug cu pa las/ ser ba dbab pa'i le'u ste nga gcig pa'o//// gshin rje gshed pos ser ba bsrung ba'i thabs 'di/ dam tshig ldan pa'i rnal 'byor pas// dang po lha bsnyen rdzogs par bya// de nas bsrung bar bya// de nas bsrung bar bya ba ni// zha shing gi byang bu sor bzhi la// sngags 'di klong bzhir bcad la bri// bsrung mtshams so sor mthong ba'o// rdo rje sgro ma bu nang du gzhug/ g.yam pas bcad la nang du gzhug/ oM a kro te pa la mahA si ka shag su pa sing gi rbad nan/ bzlog cig khaM b+h+yo/ shag hru tri khram b+h+yo/ oM mur shi kung tsud ka swAhA/ gshin rje gshed po'i rgyud gsang ba drug cu pa las/ ser ba srung ba'i le'u ste nga gnyis pa'o//// de nas yang gshin rje gshed po la/ 'khor rnams la sogs pa gshin rje'i tshogs dang bcas pa bstod pa/ de lta bu'i sgrub thabs mang po zhal nas gsungs pa la/ de dag ngo mtshar bas bstod pa ni/ gtum chen rab 'bar gshin rje 'joms mdzad lha// nyi ma 'bum bas lhag pa'i 'od ldan khyed// phyag mtshan mang po bskal pa'i me ltar 'bar// rab 'jigs gshin rje gshed la phyag 'tshal bstod// rdo rje'i sku la klu dbang rab brgyan cing// gcan gzan gdug pa'i pags rlon na bzar gsol// mi mgo thod khrag mi bzad sku la gsol// brkyang bskum tshul gyis gshin rje zhabs kyis gnon// mi bzad khro bo'i rgyal po gdong drug hU~M sgra can// phaT kyis khams gsum sgra sgrog dus gsum dbang du sdud// sha za ma go bcad 'phreng ba sku yi rgyan du byas// spyan zlog tsam gyis rdo rje ser ba 'bebs// ljags 'dril gseb nas rdo rje thog chen 'bebs// 'khor gyi ma mo rnams kyang sgren mor 'don// rkan sgra gtogs pas lha chen khyab 'jug kyang// gan bub brgyal byas khrag 'thung nyid la 'dud// stong khams khebs par byed pa'i zhal gdangs nas// tshangs pa'i 'khor bcas rdul ba'i thig mdzad cing// nad gtong srin mo rnams kyang 'dar zhing 'bros// rgyu 'phreng khrag dang bcas pa thogs nas kyang// phyag mtshan mi mgo rlon pa rab bsnams shing// dngos grub mchog gi klad khrag zhal du gsol// gnod sbyin ma rungs mgo bcad 'phreng bas sku la brgyan// phyag na khyung dang 'ug pa lta bu'i khra bsnams shing// dam las ldog pa rnams la gtong bar mdzad// dur khrod chen por mtshan mo rab rgyu zhing// mgo gcad so yis chem chem 'cha' ba yang// khyod mthong tsam gyis zhabs la gtugs// de bas bzod par dka' la yang dag 'dud// gdung ba'i sems kyis bdag gi 'khor du gtogs pa la// gnod par byed pa'i mi dang mi min gang yang rung// zung zhig chings shig rgol cig gar mdzad lha gshin rje gshed// yun gyi ltar yang khyod gsol 'debs na// ri rab gser gyi ngos la bya gnas la// bya yi rang bzhin bor nas gser du snang// lha mchog khyed kyi sku ru bdag bsgoms pas// bdag gi rang bzhin bor nas khro bor snang// lha mchog khyod la su dang gang brten pa// mi yi tha ma rnams kyang mchog tu 'gyur// de bas 'di dang pha rol gnyis ka ru// srog gi phyir yang lha mchog mi gtong na// byams pa'i zhal bzang sngon du bstan nas kyang// thugs rje'i dbang gis bdag la gzigs su gsol// khro mo yum dang bcas te skur ston cig/ g.yon nas yum bskyed khro mo'i sku// gtum mo dug hrul gos gyon ma// g.yas nas yum bskyaid e ka ti ma// chags gzhi chen mo khrag mdog ma// gnyis ka'i sku ni dbus kyi gtso dag mthun// sdang ba'i dgra dang gnod pa'i bgegs// thal bar thog la rlung la phyor// ces 'khor rnams kyis gtso bo la bstod do// thabs mang po bstan pa la ngo mtshar gyis bstod pa'o// gsang ba drug cu ba las/ gtso bo la 'khor gyis bstod pa'i le'u ste nga gsum pa'o//// de nas gshin rje gshed po'i lha tshogs la tshogs 'bul ba gsungs ba/ zan dang mar dang sha dang chang// zho dang chab mig chod ma la// byin gyis brlab pa byas la ni// spyan drangs la sogs bya ba ni// hUM/ chos kyi dbyings kyi pho brang nas// 'khor 'bar ba'i sku ru gnas// 'jam dpal gshin rje 'khor bcas kun// rnal 'byor longs spyod tshogs la gshegs// ri rab chen po'i rmang 'og nas// gshin rje chos kyi rgyal po ni// 'chi bdag ma mo'i tshogs dang bcas// rnal 'byor longs spyod tshogs la gshegs// rig pa 'dzin pa'i sa la gnas// sngags kyi sdom la gnas pa yi// rig 'dzin 'khor bcas tshogs la gshegs// zhes spyan drangs so// de nas phud gsum du spros la// dang po la mchod pa/ hUM/ gzugs kyi bye brag mang po dang// sgra yi rnam pa mang po dang// dri yi rnam pa mang po dang// ro yi rnam pa mang po dang// reg bya'i rnam pa mang po kun// 'jam dpal gshin rje 'khor bcas la// mchod par 'bul lo bzhes su gsol// bar ma la bshags pa// lus kyi spyod pa rtsings pa mthol lo bshags// ngag gi cho ga lhag chad shor ba mthol lo bshags// sems kyi ting nge 'dzin g.yel bar gyur pa mthol lo bshags// chang dang gnyid dbang gyur pa mthol lo bshags// zhes pas bshags pa bya'o// tha ma la ling ga bcas la bsgral bar bya'o// de nas tshogs la rol/ gshin rje gshed po'i rgyud gsang ba drug cu pa las/ tshogs 'bul ba'i le'u ste nga bzhi pa'o//// gshin rje gshed po las kyi rim pa rgyun du gtor chung gtang ba ni/ gtor ma'i snod ni mdzes pa ru// mtheb kyu lnga'am bdun byas la// hU~M gi gtor ma'i bag chags spyangs// oM gyis bdud rtsi'i rgya mtshor brlabs// oM gyis 'dod pa'i yon tan lnga lta bur bsam// mang zhing rgya che bar bya ba'i sngags ni// oM AHhU~M/ ba ling ta te dz+wa ba li ni/ la ba te gu h+ya rag ta sa ma ye swA hA/ zhes pas by-in gyis brlab bo// las kyi lha dang ye shes lha// 'jam dpal 'khor tshogs ma lus dang// gshin rje 'khor tshogs ma lus dang// ma mo'i 'khor tshogs mkha' 'gro ma lus dang// ging bdud gnod sbyin ma lus dang// rig 'dzin dam can ma lus kun// mchod spyin gtor ma 'di long la// bcol ba'i las rnams grub par mdzod// oM many+dzu shri ya man+ta ka ba ling ta kha hi/ zhes gtor chung dbul lo// gsang ba drug cu pa las/ rgyun du gtor chung gtang ba'i le'u ste nga lnga pa'o//// rdo rje 'dzin pas yang gsol pa// gshin rje gshed pos gsungs ba'i don// nga yi dus kyi bstan pa ni// sangs rgyas bstan pa mi gnas shing// chos nyid bden pas mi 'dul ba// dge 'dun btsun sar mi gnas na// nga yi bstan pa de ru bsrung// nga ni dus gsum mngon du 'byung// nga ni dus gsum da ltar 'byung// lnga brgya'i snyigs ma byung tsam na// de tshe nga yi bstan pa 'byung// bstan pa thams cad nub pa'i tshe// de tshe nga yi bstan pa 'byung// dge bcu dag ni nub pa'i tshe// de tshe nga yi bstan pa 'byung// dam tshig nyams pa mang po tshe// de tshe nga yi bstan pa 'byung// nga ni dus gsum 'byung ba'i sku// nga ni da ltar mngon pa'i lha// nga ni rab tu gsang ba'i rgyud// nga ni srid gsum mngon du 'byung// dam tshig sems pa ston nas ni// dkon mchog dbu 'phang smod pa la// nga yi bstan pa 'byung bar byed// dben ri 'joms la bab chol spyod// nga yi bstan pa de bsrung bcas// 'khor gyi lha tshogs rangs pa yang// dus der bstan pa srung bar gyis/ zhes so// gshin rje gshed po'i rgyud gsang ba drug cu pa las/ gshin rje gshed po'i bstan pa'i dus nam 'byung ba'i le'u nga drug pa'o//// gshin rje gshed po'i las de dag thams cad kyis dngos grub 'grub pa'i le'u'i thabs gsungs ba/ ban da mtshan dang ldan pa la// bdud rtsi chang gis sprus byas la// 'brang rgyas zla gam byas pa yis// bdud rtsi chang gis kha bcad la// dkyil 'khor shar du zan bzhag la// lho ru khur ba nub tu sha// byang du cha ni bzhag byas la// zhal zas snod kun yum gyi b+ha gar bsgom// zhal zas rang kun 'dod yon lnga// bdud rtsi lnga ru byin brlabs la// rnal 'byor yongs kyi bsnyen sgrub las tshang nas// 'dzab bstod byas la dngos grub blangs// bsnyen pa'i snying po bcu bdun pa la// ka ya wa ka tsit+ta sa ma ya stiSh+ta a yu ti/ su si ti dza ya sid+hi sid+d+hi sa ma ya dza dzaH/ zhes bzlas pas/ sangs rgyas dang 'gro ba rigs drug thams cad kyi byin gyis brlabs dang bcud bsdus nas// sgrub pa'i zhal zas de dag la// mtsho la sbrang ma 'dus tshul du// thams cad 'dus shing thim par bsam// bzlas pa nus tshad thon pa dang// 'jam dpal lha tshogs 'khor bcas la// dngos grub blang ba 'di skad do// hU~M/ lta ba yangs la ye shes 'khyil ba ni// thig le byang chub snying po bsam yas pa// rang bzhin sna tshogs sku yi dkyil 'khor du// 'jam dpal gshin rje'i sku mchog lhun gyis grub// 'jam dpal rigs kyi lha tshogs kyis// sku gsung thugs kyi dngos grub bsam mi khyab// sku thugs kyi dngos grub stsal du gsol// dus ni gzhan du ma yin pas// do nub nyid stsal du gsol// 'jam dpal thugs las sprul pa'i sras// skye ba med pa'i skye ba'i cho 'phrul bstan// ya ma rA dza myos byed 'bar ba dang// Ar+ya ma ru ral pa tshar dgu dang// gshed bzhis 'phrin las sna tshogs mdzad// 'phrin las sna tshogs dngos grub stsal du gsol// hU~M/ phyogs skyong dregs pa gdul ba'i phyir// 'jam dpal thugs las sprul pa'i sras// bdud 'joms ko tse brag 'joms dang// a ba glang mgo ya ba ti// phya sangs smigs pa tel pa dang// lha mchog dud kha chos kyi rgyal po dang// mig dmar la sogs phyogs skyong bcu// dregs pa dgra bgegs tshar bcad phyir// dregs pa gdul ba'i dngos grub stsal du gsol// shes rab chos dbyings 'brel pa dang// khams gsum dbang du bsdu ba'i yum gyi tshogs// gshin rje ma mo'i tshogs kyis byin gyis brlabs// dngos grub ma lus bdag la gsol// dgra bgegs bsgral phyir thugs las sprul// sgrol ba'i bdag po ma ru tsi+e// dpal gyi phyag brnyan khrag gi dri bsnams ma// lcags kyi spyang mo la sogs pho nya gsum// dgra bgegs bsgral ba'i dngos grub gsol// 'jam dpal sgo bzhi'i srungs ma dam can ma// ya sbyin de sbyin phyag sbyin la sogs sgo ma bzhi// khyed kyis dngos grub stsal du gsol// 'jam dpal bka' nyan ging chen bco brgyad dang// mon pa bzhi dang shan pa bzhi// gse yi skyes bu gdug pa bzhi// ma mo mkha' 'gro ma lus rnams// khyed kyi mthu rtsal dngos grub gsol// zhes dgos grub gsol/ ban da bdud rtsi bdag gis dngos grub blang ngo// bdud rtsi'i dngos grub len pa'i sngags dang ting nge 'dzin 'di ltar blang ngo// zhal zas zla gam de'i tshul du bsams la// dngos grub blang ngo// zhal zas kyi bye brag gzhan ma kun tshogs kyi tshul du byas la// dngos grub blang ngo// phud la mchod/ de nas slob dpon la/ de nas mched dang lcam dral yongs kyi spyan du drang ngo// lag pa g.yas par chang bzung// g.yon pa kun gyis zhal zas bzung// slob dpon gyis smon lam gdab pa'o// 'jam dpal sku gsung thugs kyi dngos grub thob par gyur nas/ thun mong mchog gi dngos grub thob par gyur cig/ a ho sid d+hi sid d+hi/ byas la zhal zas bza' 'o// de nas las rnams thams cad kyi// dngos grub blang ba'i thabs su bstan// gshin rje gshed pos dngos grub blang ba'i thabs su gsungs// gshin rje gshed po'i rgyud gsang ba drug cu pa las/ dngos grub blang ba'i thabs bstan pa'i le'u ste nga bdun pa'o//// gshin rje'i dngos grub sgrub pa dang/ sgrub pa'i thabs mang po bstan pas/ 'bras bu ci thob na/ 'jam dpal gshin rje sgrub pa'i rnal 'byor pa gang zhig gis/ 'bras bu dpag tu med pa thob/ 'jam dpal skur ni bsgoms pa yis// rnal 'byor pa de 'jam dpal gyi// sku yi ngo bor gyur nas kyang// mtshan dang dpe byang ldan pa dang// gzhan gyis thub par dka' ba dang// dregs pa ma lus tshar gcod dang// rgas dang rgud pa med pa dang// chu la bying ba med pa dang// mkha' la bya ltar 'gro ba dang// chu la nya ltar 'dzul ba dang// brag dang ri la zangs thal dang// sku yi dngos grub gzhan ma dang// dpag tu med pa thob pa'o// 'jam dpal gsung du gsal ba ni// a kro la sogs snying po 'di// rgyun du drang ba'i bzlas pa yis// 'jam dpal gshin rje gshed po yi// gsung gi dngos grub thob nas kyang// 'gro ba sems can ma lus la// chos kyi sgo mo bsam yas ston// drang ba'i don dang nges pa'i don// theg pa dpag tu med pa ston// 'jam dpal gsung dang dbyer med 'gyur// 'jam dpal thugs su gsal bas ni// ting 'dzin klong du gyur pa de// zhi bar gyur dang drag por gyur// che bar ston dang chung bar ston// mang ba dang ni nyung ba dang// gang ltar mos bston pa dang// snang ba dang ni stong pa dang// ting 'dzin dpag tu med par ston// dgongs pa chos nyid don la phebs// ting 'dzin ma yengs rtse gcig bsgrub// 'jam dpal gshin rje gshed po dang// tha mi dad par 'gyur ba dang// gang ltar byas pa'i las kyang 'grub// las kyi gshin rje bran du 'khol// ma mo mkha' 'gro dam la 'du// ging pho ging mo sprul par 'gyed// pho nya mang po las la 'dzud// lha srin sde brgyad dam la 'dogs// rgyal po blon po la sogs pas// mchod cing bkur sti byed pa dang// srid pa gsum na thub dbang med// 'khor dang yo byang phun sum tshogs// 'jam dpal gshin rje sgrub pa yis// 'bras bu de dag thob bar 'gyur// gshin rje gshed po'i rgyud gsang ba drug cu pa las/ sgrub pa'i 'bras bu bstan pa'i le'u ste nga brgyad pa'o//// gshin rje gshed po'i rgyud thams cad kyang// drag po las su sgrub par gsungs ba ni// rgyud kyi rgyal po 'di las kyang// 'phrin las rnam bzhi sgrub pa bstan// 'phrin las rnam bzhi thams cad kyang// drag po'i las su bstan pa'o// sku dang gsung dang thugs dang ni// yon tan 'phrin las lnga ru bstan// thams cad sku yi sgrub pa'o// 'jam dpal de bzhin gshegs pa'i rigs// dus gsum sangs rgyas sku yi dngos// sku yi sprul ba bsam yas pas// 'phrin las thams cad drag por ston// las rnams so so gang bsgrub kyang// 'jam dpal gshin rje bsgrub par bya// las kyi gshin rje gcun la bya// de yis lha srin rags pa 'khol// zhes pa'o// gshin rje gsang ba drug cu ba las/ rgyud 'di sku'i rgyud yin pa dang/ drag po'i las bstan pa'i le'u ste nga dgu pa'o//// gshin rje'i 'khor mon pa bzhi dang/ shan pa bzhi dang// ging dang/ bse mo la sogs pas rang rang gi sgrub pa khyad par de dbul lo// gshin rje gsang ba drug cu pa las/ 'jig rten gyi cha 'dzin pa'i 'khor rnams kyis/ rang ra'i sgrub thabs phul ba'i le'u ste drug cu pa'o//// gshin rje gshed po la/ rdo rje 'dzin pa la sogs pa'i 'khor dang bcas pa yis rgyud gtad pa ni/ rnal 'byor dam tshig ldan pa dang// lha ba gdeng dang ldan pa dang// spyod pa don dang ldan pa dang// dkyil 'khor don dang ldan pa dang// 'phrin las don dang ldan pa dang// ting 'dzin yengs med ldan pa dang// dbang rnams thob dang ldan la gtad// de skad ces gsungs nas/ oM badzra muHzhes pa'i sgras/ chos kyi dbyings kyi ye shes kyi dkyil 'khor du gshegs so// dam tshig gi dkyil 'khor de dag chos nyid rtag par lta ba'i mtha' bsal ba'i phyir na 'od du lam gyi zhu nas 'od de bdag ya man+ta kar sgom pa la thim// ya man+ta ka thugs ka'i ye shes sems dpa' la thim/ ye shes sems dpa' thugs ka'i rdo rje la thim/ rdo rje lte ba'i hU~M la thim/ hU~M zhabs kyu la thim/ zhabs kyu 'a la thim/ 'a zla tshes la thim/ zla tshes thig le la thim/ thig le stong par bsgom/ stong pa de yang skye ba med pa las/ skye ba'i cho 'phrul hU~M zhig tu bsam/ hU~M de las rdo rje rtse lnga pa zhig tu gyur/ rdo rje a kro ta brjod pas/ ya man+ta ka'i sku ru gyur/ de las lus bsrung/ go bgo byas la/ rigs lnga khrag 'thung gis dbu brgyan par bsgom mo// des 'gro ba rigs drug gi don mdzad pa dang/ drag pos gdul ba la drag po'i las/ zhi bas 'dul ba la zhi ba'i las/ rgyas pas 'dul ba la rgyas pa/ dbang gis 'dul ba la dbang gi las/ dus rtag tu ya man+ta ka'i spyod pa las ma nyams pa'o// gshin rje gshed po chos kyi dbyings// ye shes dkyil 'khor gshegs pa des// 'gro ba'i don la ye shes kyi// sprul pa bsam gyis mi khyab pa// 'gro ba'i don ni mdzad nas bzhugs// gshin rje gshed po'i rgyud gsang ba drug cu pa las/ rgyud gang nas ye shes sems can gyi gnas su gshegs pa'i ngang las/ dam tshig gi dkyil 'khor bsdus nas slar 'gro ba'i don mdzad pa'i ting nge 'dzin gyi le'u ste re gcig pa'o//// las kyi thig pas mdor bsdus pa// gsang ba'i bya thabs drug cu bstan// le'u re la man ngag re// de na gsang ba drug pa'o// rgyud ces bya ba dkrugs pa yin// gshin rje gshed po'i rgyud gsang ba drug cu pa las/ gshin rje nag po'i rgyud rdzogs so//// le'u khri drug stong gi bcud phyung ba'o//// rgya gar skad du/

CLOSE WINDOW