CLOSE WINDOW

Gpb040.004
བོད་ཡིག

gu h+ya tsan+d+ra shri/ ka li tan+t+ra/ bod skad du/ dpal zla gsang nag po'i rgyud/ dpal 'jigs byed kyi rgyal po gshin rje gshed la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi sku gsung thugs kyi bdag nyid/ 'jigs byed kyi rgyal po che ba kun gyis bdag nyid/ zab mo'i gsung brjod du med pa'i/ sgra skad sna tshogs su gsung pa/ dran rtogs thams cad ye nas lhun gyis grub pa'i dgongs pa las mi g.yeng ba'i sar// rdo rje'i ngang tshul brten pa'i bdag nyid kyis/ snang ba'i ngang ma bcos pa'i stobs dang ldan pa'i dbyings nas/ thams cad gsal ba'i 'od kyi nyi ma lta bu'i dkyil 'khor gyis/ srid pa'i bags ma lus par bsregs pa mdzad pa'i 'ong yang sang ba ste/ 'og min gyi gnas/ dbus mtha' med pa'i gzhal yas khang/ ye shes rin po che dur khrod kyi rgyu las byung ba/ 'jig rten drug gis phyogs bcu thams cad dur khrod gdal ba chen po'i dkyil 'khor gyi rang bzhin/ khrag gi rgya mtsho rba klong 'khrug pa'i klong nas/ keng rus chen po'i ri rab steng du/ rdo rje me dpung klong du 'khyil ba'i steng// 'og rdo rje rgya gram mig mangs ris su bris pas tams pa ma rungs pa// srin po bsgral ba'i sa zhes bya/ srog chags bsad pa'i khrag rjes dang/ g.yul bgos pa yi mkhar nyil dang/ mang po bsad pa'i phung sa dang// brag dang srin po 'dus pa 'dra// ri ni thal phung nyil ba 'dra// lung pa me yis bsregs pa 'dra// rtsi shing rkang thang 'bros pa 'dra// sgo nga mi ro sbas pa 'dra// de ni 'jam dpal drag po'i gnas// da lta bu yi gzhung mthun du// yun du bsrings na gdon mi za// dam tshig ma nyams ting 'dzin gdeng// de dang ldan pa'i rnal 'byor pas// mtshams bcad byin brlabs gtor ma sbyin// zhag grangs 'di tsam bya ba nas// drag po'i las 'di ma grub par// gnas 'dir rnal 'byor sgrub pa pos// gtor ma byin pa 'di long la// ma grub bar du gzhan du dengs// gtor ma btang la bsgo tshigs bsgrags// de nas gzhung du maN+Dal brtsigs// dam rdzas chag chag tshul du gdab// tshon rtsi byin brlabs dgye ba tsam// 'jam dpal pho brang gang yin bri// lha dgod spyan drangs pU dza dbul// drag po gnas kyi rim pa ni// man ngag gi tan+t+ra zla gsang nag po'i rgyud las// gnas kyi rim pa'i le'u ste gsum pa'o//// da ni bsgral ba'i dmigs bstan te// bsgral ba'i dmigs ni bdun du gsungs// dam las nyams dang srog las nyams// don las nyams dang bka' las nyams// mtshan las nyams dang las kyi nyams// 'dod pa log pas nyams pa'o// de dag so so'i mtshan nyid ni// srog las nyams pa mkhan po gsod// slob bu gsod cing ngan rme byed// dam las nyams pa slob ma slu// sngags dang phyag rgya rgyun gcod pa// gsang ba'i man ngag gzhan du spel// bka' las nyams pa'i mtshan nyid ni// dam la btags na sku mtshang 'bru// bsgrub la bsgrun na ya kha 'dogs// man ngag bstan na skur pa 'debs// bden par bstan na log par srid// don rtogs bstan na log pa 'dzin// don la nyams pa bya ba de// bya ru mi rung sna tshogs byed// rdzas dang lag cha mngon du 'dzin// stan 'gan sbyor sgrol dngos su spyod// lta ba ting 'dzin rgyab tu bor// spyod pa rlang po mngon du 'byin// khro gtum nga rgyal rang la gtong// don gyi man ngag log par go/ phyin ci log gi don la mkhas// bka' gzhu bor nas rtsom par byed// log par spyod pa kha dag yod// las kyis nyams pa'i mtshan nyid ni// bsgrub pa las kyi blor 'ongs pa// sngon chad mkhan mkhon 'ong med par// dpung pa bsnyems nas klan ka 'tshol// brgal ba med par rang la rgol// 'phrogs sa med par bdag la phrogs// bdag nyes ma byas gnod pa 'dzugs// bdag la mthu rtsal 'ded pa de// las kyi nyams pa bya ba yin// gzhan yang las kyis nyams pa ni// gal mi che bar ya ga 'dogs// phan rgyu med par bdag la 'tshe// 'ong rgyu med par sgrub para'ong// mtshan mas nyams pa'i mtshan nyid ni// chos la phyogs char bzung bas nyams// lta ba sgro skur btab pas nyams// mtshan ma can gyi chos bzung nas// lha srin bran du ngas 'khol lo// mthu 'gran byed pa su yod kyang// nga yi nyams su dpal chen byung// zer ba mtshan mas nyams pa ste// 'dod pa nyams pa'i mtshan nyid ni// shes pa med par chos nyan zer// la 'ur mthu che rtsal 'dod pa// spyod pa rlang po mi mgo thogs// ral bsigs dmar gtor glo la 'dogs// zhing lpags phrag bkal sgro nag khur// gzhung bor bya ru mi rung sna tshogs// khrag gis gdong byugs tho bor byed// gzhung bor de yi rkang 'dren byas// phur pa btags kyang sngags pa 'joms// dug tu song yang lto ru za// thob tu 'dod na dpe kun byed// zas su bsgrub pa'i longs spyod za// 'di dag 'dod pas nyams pa ste// de dag bsgral na rnal 'byor btsun// bstan pa gnyan la bar chad nyung// 'di dag myur du ma bsgral na// mtho ris 'grib la dmyal khams 'phel// rnal 'byor bsgrub la bar chad byed// gsang sngags thag pa'i mthu dpung dar// dngos po rang du bsgral na btsun// legs pa'i yon tan brjod pa las// ting 'dzin lta ba ldan par bsgral// de bsgral byang chub myur du thob// man ngag gi tan tra la// zla gsang nag po'i bsgral ba'i dmigs bstan pa'i le'u ste bzhi pa'o//// da ni ston pa la sdud pa pos zhus pa/ ston pa lags/ gang bsgral/ gang du bsgral/ ji ltar bsgral/ gang gis bsgral/ ci'i phyir bsgral/ bsgral bas 'bras bu gang thob/ sa dang lam ni gang thob bshad du gsol// zhes gsol ba btab bo// ston pas gsan te/ nyon cig 'jam dpal rnon po khyod// nga yis bsgral ba'i don bshad kyi// gang bsgral nyams pa bdun po bsgral// gang du bsgral ba lho nub mtshams su bsgral// ji ltar bsgral na thabs kyis bcings pa'i rnal 'byor pas// rigs drug sa bon 'bru drug po// gnas pa'i yi ge drug bkod de// kha yi myug ma shes par bya// bdag gi khong du tshur 'dus te// sgrib pa rnam gsum sbyang bya ste// shel sgong ltar byas byas dag par te bsgral bar bya// gang gis bsgral na las kyi gshin rjes bsgral// rang gis khrag 'thung sha rus zos// nag la ring pa gsus khyim che// thod pa theng khrol lha ru bsgom// dkyil 'khor dkyil du dgod par bya'o// de nas rdzas de sbyin sreg bya// bros sman smon lam rgyas par gdab// ci'i phyir bsgral na nyams pa de rnams bsgral ba'i phyir// bsgral bas 'bras bu bla med thob// sa dang lam rim gang non na// sa ni skye shi med pa'i sa// lam ni mthar thug bar chad med// ces gsungs so// yang zhus pa// shes pa'i spar lugs ji ltar lags// zhes zhus pas/ yang ston pas gsungs pa// nyon cig 'jam dpal rnon po khyod// rang bzhin dbyings su sbyor ba yin// yaM las rlung bskyad shes pa bskyod// phaT kyis skye med gnas su 'phangs// 'phen tshul rdo rje rtse sems tshul// skye shi med pa'i sa dang thob// gsungs so// kha yi tsit+ti'i pho brang dbul// thod tshal rus pa nang khrol rnams// dbang po rnam shes dal du dgod// lha ru bskyed la bsgrub pa bya// lhag lhog med la sbyin sreg bya// man ngag gi tan tra zla gsang nag po'i tan tra las// bsgral ba dang sbyor ba'i le'u ste lnga pa'o//// da ni bsrung ba mtshams kyi las bshad par bya'o ste/ yang zhus pa/ 'khor ba rtogs pas bcings pa la// bar du gcod pa'i bdud dang bgegs// 'di dag bsrung rim ji ltar bgyi/ zhes zhus pas// ston pa nyid dregs pa can 'dul ba'i ting nge 'dzin la snyoms par zhugs so// de ru sad dang/ nyon cig 'khor rnams dang bar nyon// mtshams zhes bya ba'i rnam grangs ni// spyi ru bsdus pa rnam gsum ste// dang po phyi mtshams gsang bar bsdu// bar du gsang mtshams nang du gdon// tha mar nang 'thams phyi ru gdon// lta ba ting 'dzin/ mu tra dang// sngags dang/ rdzas dang/ lag cha dang/ tshig dang mtshang ngam gtum tshig gis// log par rtogs pa mtshams bcad do// mtshams kyi dgongs pa 'di ltar bshad// rang nyid khro bo gshin rje gshed// dbang bskur byin brlabs nga rgyal skyed// rang sems rdo rjer bcas nas ni// dug lnga me ri rtogs par bzlog/ thugs khar rdo rje rgya gram dgod// ljags la rdo rje zla tshes bsam// smin mtshams rdo rje 'od du 'phro// spyi gtsug rdo rje me lnga 'bar// ma 'dres so so gsal bar gnas// smin mtshams rang rang gnas su bsdu// stong gsum ril gyis me yis khengs// bgegs zhes bya ba ming yang med// bsgrags pa'i gtum tshig 'di lta ste// hUM/ rdo rje ri rab lhun po'i rtse brgyad nas// 'bar ba'i lha brgyad dbang chen bka' stengs na// shin tu mi bzad gtum chen ha la'i gzugs// gshin rje ma trang ro yi dbyug pa 'phyar// gang la ci 'dul tsit+ti'i 'phreng ba bsnams// 'phra men brgya khri mang po'i tshogs kyis bskor// bskal pa'i me ri smug nag 'bar bas gtams pa la// me yi 'khor lo 'bar ba la// rdo rje rgya gram 'bar ba'i me gtor bas// steng gi me lce 'bar ba 'og tu 'phro// me ri dgon pa dag gis phyogs na// me yi dam tshig gang lags gang mi lags// dur khrod mtshan mo'i me na smug cing gdang// zhe sdang 'joms pa'i me ni sngo nag 'bar// nga rgyal 'joms pa'i me ni ser nag 'bar// 'dod chags 'joms pa'i me ni dmar nag 'bar// phrag dog 'joms pa'i me ni ljang nag 'bar// gti mug 'joms pa'i me ni smug nag 'bar// dbang drag gdug rtsub me ni kham nag 'bar// dur khrod 'bar ba me yi mtshams las gang 'da' ba// rdul tshub phra mo bzhin du brlag par bya'o// sngags/ phaT/ raM/ he raM/ dz+wa la raM/ trag kha raM/ hUM hUM/ phaT phaT/ gsang ba bas kyang ches gsang ba// yang gsang rmad du byung ba'i dkyil 'khor du// gsang sngags nyan zhing lta ba mi dbang pas// thos shing mtho ba'i skal dang mi ldan pas// bgegs dang log 'dren ma 'dug gnas su dengs// phaT raM dz+wa la raM hUM dang// drag po thal mo lan gsum gdab// thams cad skrag na brgyal bar 'gyur// man ngag gi tan tra zla gsang nag po'i rgyud las// mtshams gcad pa'i le'u ste drug pa'o//// da ni zhi khro'i dkyil 'khor bshad par bya ste// sa gzhi shin tu nyams dga' bar// sa yi las rnams gzhung du bsnyeg/ phyi skongs sgrib pa sbyang ba dang// tshogs bsags don du 'bum bshags bya// gser skyems gtang la dam bdar bya// khrus dang sa gsang gzhung du bsnyeg/ phyi gtor gtang la stegs pu brtsig/ tshad ni rang khru rgyal khru do// dpangs su khru gang brtsig par bya// dang la zhi ba'i maN+Dal bzhi ru gsungs// rdo rje rtsibs bzhi bya ba dang// rin chen 'dab bzhir bya ba 'am// yang na pad+ma 'dab bzhi pa// yang na rgya khram rtsibs bzhi par// byas te rdul tshon thig chog bya// rdul tshon dbus mthing rigs dang bstun// sgo rtsegs bya 'am rkyang pa'o// sgo ba lha mo bzhi srung ngo// dbus su 'jam dpal sems dpal 'o// rtsibs la dgod pa'i yig 'bru ste// de nas lhar bskyed spro bsdu bya// zhe sdang 'jam dpal sku mdog dkar// nga rgyal 'jam dpal sku mdog ser// 'dod chags 'jam dpal sku mdog dmar// phrag dog 'jam dpal sku mdog ljang// lha dgu pa ru rab tu grags// sngags dang phyag rgya bshad bya ba// 'jam dpal sku mdog dkar po ste// phyag rgya ting 'dzin glegs bam 'dzin// sngags ni panyapa de ros bskyed// byin rlabs dbang bskur ye shes dgug/ zhe sdang 'jam dpal bud dung ste// nga rgyal 'jam dpal rdor dril bsnams// 'dod chags 'jam dpal ut+pal 'dzin// phrag dog 'jam dpal tri shul 'dzin// sgro ma dzaHhUM ba ho// sngags ni pany+tsa de ro d+ha gi/ hUM d+h+rig swAhA// traM d+h+rig swAhA// hri d+h+rig swAhA// ha d+h+rig swAhA/ dza d+h+rig swAhA// hUM d+h+rig/ baM d+h+rig/ ho badzra d+h+rig/ pU tsa rim pas dbul bar bya// las kyi lhag ma gzhung du bsnyag/ man ngag gi tan tra las// zla gsang nag po'i zhi ba'i lha bshad pa'i le'u ste bdun pa'o//// da ni zhi bas mi 'dul ba'i dregs pa rnams drag pos gdul bar bstan te// nyon cig 'khor tshogs ma lus kun// 'gro ba'i don du dkyil 'khor ni// bsnyen bsgrub drag po'i maN+Dal te// lha lnga pa ni bsnyen pa'i dus// sgo rkyang dag tu gsungs pa'o// bsgrub dus dkyil 'khor bcu bdun pa'o// sgo brtsegs dag tu gsungs pa'o// drag po lcags mkhar sgom med pa'o// tha ma lcags ris bskor ba ste// lha rabs sum cu rtsa gnyis pa'o// rdul tshon dag la skyon pa ste// 'khor lo bskyon te bsad pa'o// 'og skor steng du gcod pa ni// dper na chu yi 'khor lo 'dra// mo 'khor dag tu shes par bya// zung bzhi gdug pa'i ka ba bzhi// mda' gang tshad du bya ba'o// sked pa rdo rje gdung bzhi bri// steng du pho 'khor dbub bar bya// stong 'khor 'og tu gcod pa'o// dper na mtshon cha'i 'khor lo 'dra// ka bzhi'i rtse mor dar nag dbub// dar nag stong du ming yang gdags// de ni drag po'i las sbyor ro// rdul tshon bri ba rigs dang mthun// gshin rje'i grong khyer dag tu bshad// las kyi btson rar tshud pa'o// zla gsang man ngag gi tan tra las// khro bo bsnyen bsgrub shan dbye ba'i le'u ste brgyad pa'o//// da ni ji ltar yin pa dang// mu tra'i rim pa 'byung ba ste// sku bskyed mi 'gyur rtsa ba'i sngags// bcu bdun sngags kyi rgyal po ste// gsang ba srog gi snying po bshad// oM a kro te ka ya man ta ka ha na ma tha bany+dzu hUM phaT// sku mdog mthing nag zhal gsum phyag drug go/ g.yas dkar g.yon dmar dbus mthing zhal// ma he gdan dang byi bcings pa// phyag mtshan thod pa 'khor lo ral gri dang// tho ba ri rab phur bu bsnams// skye 'gro yum dang gnyis med 'khril// gtso bo yab yum bshad pa'o// 'khor gyi sku mdog phyag mtshan dang// mtshan bstan mu tra'i skabs su bstan// sngags rnams thugs nas bton pa 'di'o// gdan du gyur pa'i rig sngags ni// ru tra ti ra baM/ rag sha sti ra baM/ ya ma sdi raH ma he maN+Da la hUM// ma sU r+ya maN+Dal hUM// a tsaN+d+ra maN+Da la hUM// paM pad+ma maN+Dal la hUM// gdan gyi sngags su gsungs pa'o// rtsa ba'i sngags rnams gsungs pa ni// yum gyi/ oM AHhUM/ pe ta li rag sha ma na hUM phaT/ oM trig trig ser ser ku lu mi khu hUM/ oM sarba ta thA ga ta bA ka sid+hi aM/ oM sarba ta thA ga ta tsit+ta sid+ha hUM// ya ma rA dza sa to me ya// ya me to ru na yo ta ya// ya ta yo ni ra ya k+She ya/ yak+She ya tsa ni ra ma ya// oM hri ku ru dz+wa la ni hUM phaT/ oM e hri kri ya hUM phaT/ oM A r+ya d+ha rma hUM phaT/ oM ma hA pa ta hUM phaT/ oM sarba ting ha hUM phaT/ oM sarba de ba hUM phaT/ oM a sa mi pany+tsa hUM phaT/ oM hri sti baM hUM phaT/ oM raM dza la ni hUM phaT/ oM bu d+ha ku lan he he ho ho a b+hi Shiny+tsa hUM maM/ oM badzra ku lan he he ho ho a b+hi Shiny+tsa hUM maM/ oM rat+na ku lan he he ho ho a b+hi Shiny+tsa hUM maM/ oM pad+ma ku lan he he ho ho a b+hi Shiny+tsa hUM maM/ oM karma ku lan he he ho ho a b+hi Shiny+tsa hUM maM/ badzra ku lan/ rat+na ku lan/ pad+ma ku lan/ karma ku lan// zla gsang nag po'i rgyud las// lha bskyed pa'i sngags dang dbang bskur byin brlabs kyi le'u ste dgu pa'o//// yang rdo rje rnon pos gsol ba// thams cad mkhyen pa'i 'jam dpal khyod// ma rtogs pa yi sems can la// ting 'dzin maN+Dal bskyed pa dang// lha bskyed ting 'dzin dgongs pa rnams// khyed kyis 'khor la bshad du gsol// bka' stsal pa// nyon cig 'jam dpal rnon po pa// maN+Dal brtsig pa 'di lta ste// rtogs pa dag la mi dgos te// ma rtogs pa la ngas bshad kyis// thugs las bton te 'bru drug po// dug lnga rtog pa bzlog pa'i phyir// e yaM raM khaM suM kaM b+h+ruM bton te// dbang chen gzhal yas bskyed pa'o// bdud bzhi gdan du bting pa'o// lha yi ting 'dzin bstan pa'o// mi shig rdo rje gar gyi bdag/ rdo rje gsang ba'i gshin rje bdag/ 'phrin las rgyal po grub po'i las// yang dag nges par 'di bstan no// rtogs med spros bral chos kyi dbyings// mi dmigs mkha' mnyam byang chub sems// dngos po mtshan mar mi dmigs pas// chos nyid ngang du dbyer med mnyam// oM ma hA shu n+ya ta dz+nyA na sa ma ti hUM// chu zla'i dkyil 'khor ji bzhin du// sgyu ma'i sems kyang de dang 'dra// mkha' la 'ja' tshon snang ba yang// nam mkha'i ngang du ro gcig mnyam// d+harma d+hA du sa ma ti hUM// yod de yod pa ma yin te// gzugs dang kha dog yul las 'das// med de med pa ma yin te// stong pa nyid las cho 'phrul 'byung// dz+nyA na sa ma ti hUM/ yang gsol pa/ 'jig rten zhes pa ji ltar sbyang// gzhal yas bdag gis ma rtogs pas// gsal gdab bskyed lugs ji ltar lags// zhes zhus so// yang bka' stsal pa// nyon cig rnon po khyod rnams nyon// zhen pa raM yaM khaM gis sbyang// gzhal yas dbang chen bskyed pa ni// rtsa sngags lnga ru rab tu grags// rkyen du sngags 'di gdon par bya// e a ga ni maN+Dal// yaM karma rag sha hUM/ raM dz+wa la maN+Dal hUM// raM rak+ta dz+wa la maN+Dal hUM// su badzra sti ta maN+Dal hUM// keng ni ri ti dz+wa la ni hUM// zhe sdang 'bar ba'i nam mkha' la// phrag dog 'bar ba'i rlung nag 'khrigs// 'dod chags 'bar ba'i me chur chags// gti mug 'bar ba'i sa gzhir chags// nga rgyal 'bar ba'i keng rus brtsegs// yang gsol pa// thams cad mkhyen pa'i ston pa khyod// bdag cag ma rtogs ma gsal bas// dbus kyi dkyil 'khor gsal bar 'tshal/ yang bka' stsal pa/ dur khrod 'bar ba'i gzhal yang khang// ye shes 'bar ba'i gnas chen po// mtha' dang dbus med nam mkha'i dbyings// phyi dang nang med chos nyid dang// b+h+ruM bi sha bi shud d+hi haM/ 'khor lo rtsibs bzhi sgo bzhi ldan// mu khyud gru 'degs lcags rir bcas// sbrul gyi rgya graM mtha' bskor te// rdo rje rgya graM thod 'phreng mdzes// dz+nyA na tsakra maN+Dal hUM/ yang gsol ba// gdan du gding ba ma 'tshal na// nyi ma'i 'dings sam rkyang pa lags// bka' stsal pa// bdud dang mu stegs thams cad dang// gnod sbyin srid po gdan du bting// gshin rje pho mo khyo zhugs te// ma he glang chen brdzis nas bzhugs// steng du ru tra sbags te bting// de stengs lha rnams dgod par bya// zla gsang nag po'i rgyud las// ting nge 'dzin gyi dam bskyed pa'i le'u ste bcu pa'o//// rnon pos yang zhus ba// ston pa thams cad mkhyen pa po// pU tsa rim pa ji ltar dbul// bkal stsal pa/ mchod pa phyi nang gsang ba gsum// bka' gzhung mthun pas ma gsungs so// mchod pa dbul bar dam yang bca'// sangs rgyas kun dang mnyam sbyor nas// 'jam dpal gsang ba'i maN+Dal 'dir// bdag dang gnyis med bzhugs su gsol// smug chen smug chung byi la'i gcin// sha chen mar khu sbrang rtsi dang// khrag dang 'o ma thal chen dang// sha snang snying sna 'byor tshad dbul// chas gos nag po thod sngon bcings// dpral bar me long rgya long gdags// be shing bzang po seng ldeng gi/ 'khar ba 'dom tshad rtag tu bcang// rang nyid khro bo nyid du bsgom// rag sha bgrang zhing bgrod dkar 'gro/ sdigs mdzub sgreng zhing snying po bzlas// mi dang phrad na lam mi gzur// zla gsang nag po'i rgyud las// pU tsa dang spyod lam bstan pa'i le'u ste bcu gcig pa'o//// yang zhus pa/ ston pa thams cad mkhyen pa khyod// bdag cag ma rtog blo ngan na// las kyi them yig bshad du gsol// gsungs pas// nyon cig 'khor rnams dad par gyis// las kyi them yig ji ltar bshad// zla gsang nag po'i tan tra 'dir// mi bskyed mi rung lha gsum ste// zhi ba'i dus su 'jam dpal nyid// drag po'i dus su gshin rje gshed// sprul pa'i dus su ma ru rtse// mi bsgom mi rung lha gsum la// sbyor ba'i yum ni pe ta li// sgrom yum e ka dza ti ma/ sbrul pa'i yum ni re ma ti// rgyun du gdon pa'i sngags gsum yod// sku yi sngags ni a kro gdon// gsung gi sngags ni many+dzU gdon// thugs kyi sngags ni hriSh+ta gdon// mi bcang du mi rung ba'i rdzas gsum yod// ut+pal ral gri mu tra dang// dbyug tho bsdigs pa'i mu tra dang// sdigs mdzub brdeg pa'i mu tra'o// dam tshig las ngan phyag rgya che// gzhung du gsum du dgod pa'o// mi btang mi rung pho nya gsum// rtel pa ral pa tshar dgu dmigs pa gsum// dbugs len bla dgu skos len gsum// mi dag mi rung phyag brnyan gsum// ya ba sti bsi lha snyen 'debs// a ba glang mgo snying du 'dzud// mig dmar gyis ni srog rtsa gcod// mi bkol du mi rung bran gsum ste// gshin rje dung gi bya rgod mgo/ lcags kyi spyang mo seng ge'i mgo/ bse yi kang ka bya glang mgo/ mi mchod mi rung dam rdzas gsum// bsgrub dus me mar tshil chen rgyun mi gcad// bsnyen pa'i dus su gsur chen gtang// drag po'i dus su sha chen rgyun mi gcad// mi srung mi ring dam tshig gsum// bsgrub ba'i dus su phyag mi btsal// lam mi gzung ba thug phrad bya// gtam dang tshig gi bar mi gcad// bsnyen pa'i dus su bzlas thabs gsum// bsnyen dus bzlas thabs 'bum du gdon// las sgrub dus su khri khri gdon// rgyun du nar mar lcogs tshad gdon// bar du chad na don mi 'grub// 'jug dus gsum dang gdon dus gsum// ya man ta ka nya la 'jug/ 'khor gyi 'chi bdag dgu la 'jug/ srid pa'i ma mo bcu la 'jug/ dgu dang bcu dang nyi shu gdon// mnan sa gsum dang bsrung sa gsum// dur khrod rgya gram lam 'og gam// tsha tsha rab gnas byas pa 'am// them 'og gnyan sar gnan par bya// zla gsang nag po'i tan tra las// las kyi them yig gi le'u ste bcu gnyis pa'o//// yang gsungs pa/ sbyan drangs phyag 'tshal bshad par bya// nyon cig 'khor tshogs dad par gyis// rtogs pa'i blo la drang mi dgos// ma rtogs pa la spyan drangs 'tshal// 'phags pa'i rgyal po khro rgyal gshin rje gshed// chos sku byang chub sems kyi byin brlabs las// byams dang snying rje thugs kyis bzhengs nas kyang// bdag nyid khro bo 'bar ba'i sku ston pa// tshangs pa brgya byin lha chen drag po rnams// gnyis med byang chub sems kyis bsgral bar mdzod// thugs rje chen po'i dbang gis gshegs su gsol// oM hriHSh+ti ya hUM dza/ 'phags pa'i rgyal po khro rgyal gshin rje gshed// nye ring 'joms par mdzad pa'i gshin rje gshed// thams cad rlag par mdzad pa'i gshin rje gshed// ma he'i stengs na brkyang bskum bzhugs// rdo rje zhags pa nyid kyis bcings nas ni// las kyi dbyug pa dag gis rdul du rlog/ bdag dang mtha' yas sems can don slad du// rang bzhin grub pa'i gnas nas sbyan 'dren gyis// thugs rje chen po'i dbang gis gshegs su gsol// hUM/ gru gsum mthing nag 'bar ba'i dkyil 'khor nas// ya man ta ka yab yum gshegs su gsol// zhe sdang me ltar 'bar ba'i dkyil 'khor nas// ya ma rA dza yab yum gshegs su gsol// nga rgyal brag ltar gtams pa'i dkyil 'khor nas// myos byed 'bar ba yab yum gshegs su gsol// 'dod chags chu ltar 'khrugs pa'i dkyil 'khor nas// ar+ya ma ru yab yum gshegs su gsol// phrag dog rlung ltar 'tshub pa'i dkyil 'khor nas// ral pa tshar dgu yab yum gshegs su gsol// ru tra pho mo bsnol ba'i dkyil 'khor nas// bdud 'joms yab yum gshegs su gsol// dri za pho mo yab yum gshegs su gsol// kong rtse brag gyon yab yum gshegs su gsol// me lha pho mo yab yum gshegs su gsol// a ba glang mgo yab yum gshegs su gsol// grub bum pho mo gshegs su gsol// yab ti yab yum gshegs su gsol// srin po pho mo yab yum gshegs su gsol// phye sangs yab yum gshegs su gsol// klu brgya pho mo yab yum gshegs su gsol// dmigs pa yab yum gshegs su gsol// rlung lha pho mo gshegs su gsol// rtel pa yab yum gshegs su gsol// gnod sbyin pho mo gshegs su gsol// lha mchog pho mo gshegs su gsol// dbang ldan pho mo gshegs su gsol// chos kyi= sa bdag= mig dmar=/ g.yas pa gsum na tri shul te// na mo bud d+ha ya/ d+ha rma saM g+ha te b+h+ye/ bi ri ya/ a gats+tsha ya/ hUM dza/ zla gsang nag po'i tan+t+ra las// spyan drangs pa'i le'u ste bcu gsum pa'o//// yang zhus pa// thams cad mkhyen pa'i ston pa lags// phyag rgya mchod pa ji ltar lags// zhes zhus pas// bka' stsal pa/ nyon cig/ mnyes pa phyag rgya'i mchod pa 'di// ngag tu brjod pa thams cad snying po yin// bsgul bskyod thams cad phyag rgya yin// spyod yul thams cad dkyil 'khor yin// de ltar rtogs na 'di mi dgos// ma rtogs pa la 'di dgos pa// phyag rgya bcas dang snying po bzlas// drang don dag tu 'di skad gsungs// gshin rje nag po'i rgyud dag las// dbus kyi gshin rje'i phyag rgya ni// zhal gsum phyag drug sku mdog mthing// g.yas dkar g.yon dmar dbus mthing zhal// g.yas pa gsum na bsnams pa ni// 'khor lo ral gri tho pa bsnams// g.yon pa gsum na bsnams pa ni// thod pa sdigs mdzub phur pa bsnams// sku la 'khril ba'i yum rnams ni// g.yas na e ka dza ti ma// g.yon na nag mo pe ta li// g.yas pa gnyis ni gtso la 'khyud// g.yon pa rak+ta gtso la stobs// yab yum gnyis su med pa bsnams// brda dang gar gyi mchod pa bzhes// ya ma rA dza'i phyag rgya ni// zhal gcig phyag gnyis sku mdog smug/ g.yas na ma traM ro dbyugs phyar// g.yon pa srid pa'i 'khor lo bskor// myos byed 'bar ba'i phyag rgya ni// zhal gcig phyag gnyis sku mdog ser// g.yas pa kha TAM g.yon 'khor lo// Ar+ya ma ru'i phyag rgya ni// zhal gcig phyag gnyis sku mdog dmar// g.yas pa ma TAM g.yon 'khor lo// ral pa tshar dgu'i phyag rgya ni// zhal gcig phyag gnyis sku mdog ljang// g.yas na ma TAM g.yon 'khor lo// khro mo yum gyi phyag rgya ni// sku mdog so so'i gtso dang mthun// g.yas pa rnams ni gtso la 'khyud// g.yon pa rak+ta gtso la stob// phyag rgya gar gyi pU tsa 'di// dkyil 'khor le tshe'i phyi rol na// ya man ta ka yab yum la// 'khor gyi gshin rjes bskor ba ni// steng gi bdud 'joms phyag rgya ni// zhal gcig phyag gnyis sku mdog nag/ g.yas pa'i phyag na be con bsnams// g.yon pa srid pa'i 'khor lo skor// kong rtse brag gyon phyag rgya ni// zhal gcig phyag gnyis sku mdog dkar// g.yas kyi phyag na brag kyang bsnams// g.yon pa srid pa'i 'khor lo skor// a ba glang mgo'i phyag rgya ni// zhal gcig phyag gnyis sku mdog ljang// g.yas pa'i phyag na tri shul bsnams// g.yon pa srid pa'i 'khor lo skor// ya ba ti'i phyag rgya ni// zhal gcig phyag gnyis sku mdog ser// g.yas pa'i phyag na lcags kyu bsnams// g.yon pa srid pa'i 'khor lo skor// gshin rje phya sangs phyag rgya ni// zhal gcig phyag gnyis sku mdog mthing// g.yas pa'i phyag na ral gri bsnams// g.yon pa srid pa'i 'khor lo skor// gshin rje dmigs pa'i phyag rgya ni// zhal gcig phyag gnyis sku mdog dmar// g.yas pa'i phyag na thod 'phreng bsnams// g.yon pa srid pa'i 'khor lo skor// gshin rje rtel pa'i phyag rgya ni// zhal gcig phyag gnyis sku mdog sngo// g.yas pa'i phyag na dbyug tho bsnams// g.yon pa srid pa'i 'khor lo skor// lha mchog dud kha'i phyag rgya ni// zhal gcig phyag gnyis sku mdog ljang// g.yas pa'i phyag na tho pa bsnams// g.yon pa srid pa'i 'khor lo skor// chos kyi rgyal po'i phyag rgya ni// zhal gcig phyag gnyis sku mdog smug/ g.yas pa'i phyag na khraM baM bsnams// g.yon pa srid pa'i 'khor lo skor// gshin rje mig dmar phyag rgya ni// zhal gcig phyag gnyis sku mdog dmar// g.yas pa'i phyag na shod d+he bsnams// g.yos pa srid pa'i 'khor lo skor// khro bo yum gyi phyag rgya ni// g.yas pa rnams ni gtso la 'khyud// g.yon pa rak+ta gtso la stob// brda dang gar gyi mchod pa bzhes// sgo ma rnams kyi phyag rgya ni// gsang ba'i lha mo bse mo bzhi// sku mdog cir yang ma nges te// g.yas pa'i phyag na phur ba 'dril// g.yon pa rdo rje lcags kyu bsnams// brda dang gar gyi mchod pa bzhes// 'jam dpal dngos grub stsal du gsol// zla gsang nag po'i rgyud las// phyag rgya mchod pa'i le'u ste bcu bzhi pa'o//// yang zhus pa// thams cad mkhyen pa'i ston pa po// dbang bskur byin brlabs ji ltar lags// brtan par bzhugs pa ji ltar lags// phyag gi rim pa ji ltar mchis// ston pas bdag la bka' stsal 'tshal// zhes pas// nyon cig 'khor tshogs khyed rnams kun// dbang skur byin brlabs bya ba la// gsum gsum dag tu ngas bshad kyis// dbang la phyi nang gsang ba gsum// phyi dbang dag la gsum du bshad// yi ge 'bru lngas bskur ba dang// sku lnga phyag mtshan lnga yis bskur// nang dbang dam rdzas lnga yi dbang// gsang dbang byang chub sems kyis bskur// byin brlabs dag la gsum du bshad// yi ge 'bru gsum bskur ba dang// sku gsung phyag mtshan gsum gyis brlab/ ka ya wAka tsit+ta brlab// 'di yis brtan par bzhugs pa ni// 'khor lo 'bar ba'i rtsibs stengs su// phyogs skyong bsnol ba'i gdan stengs su// yi dwags bsnol ba'i gdan stengs su// ma he glang chen gdan stengs su// stiSh+Tha lhan// da ni phyag dang mchod pas mnyes pa ste// srid gsum gdug pa 'dul ba dang// nga rgyal dregs pas 'joms pa dang// chos sku ma skyes zhi ba'i gnas// khro gtum gdug pa tshogs rnams dang// thugs rjes gdug pa 'dul mdzad pa// 'jam dpal khro bo'i tshogs la phyag bgyid do// zla gsang nag po'i tiSh+Tha las// byin brlabs dang phyag dang brtan par bya ba'i le'u ste bco lnga pa'o//// yang zhus pa// thams cad mkhyen pa'i ston pa po// thugs dam bskul ba ji ltar lags// zhes zhus pa las// yang ston pas 'khor gyi dang po la bka' stsal pa// bsnyen po'i dus su gtso bo bskul// bsgrub pa'i dus su sbags te bskul// las sbyor drag po bskor dus su// shan pa mon pa bdud po bskul// gtso bo gshin rje gshed po ste// rang nyid khro bor bsgom par bya// rak+Sha rus 'phreng bgrang ba dang// chas gos nag sde sdigs 'dzub bsgreng// tsham rngam bcas chos nyid kyi ngang// lag tu be shing bzang po 'am// seng ldeng 'khar ba 'dom tshad pa// thogs te rkang pa bgrad tshul bstan// stong gsum sprul pas kheng bya ste// dmigs pa'i yul rnams 'gugs par bsam// mdun du dmigs la don po yi// snying khar be con gtad la bskul// las la bskul ba 'di lta ste// hUM gru gsum mthing nag 'bar ba'i dkyil 'khor nas// ya man ta ka yab yum gshegs su gsol// gtum chen rab 'bar gshin rje 'joms mdzad lha// nyi ma 'bum bas lhag pa'i 'od ldan khyod// phyag mtshan mang pos bskal pa'i me ltar 'bar// rang 'bar gshin rje 'joms mdzad lha la phyag 'tshal lo// kun tu 'ur 'ur 'brug gi nga ro rab sgrog pa// lha mchog ya man ta ka ma lags sam// bka' bzhin brnag pa'i dgra po rdul du rlog/ lha mchog ya man ta ka ma lags sam// 'bar ba nag po glog gi 'phreng ba can// lha mchog ya man ta ka ma lags sam// 'bar byed bdud 'dul dur khrod chas kyis brgyan// lha mchog ya man ta ka ma lags sam// zhal bgrad rdo rje'i mche ba gtsigs// lha mchog ya man ta ka ma lags sam// g.yas dkar g.yon dmar dbus mthing zhal// g.yas kyi dang po khra dang rdo rje rde'u chung bsnams// tha ma rdo rje lcags kyu bsnams// g.yon gyi dang po dung chen dmar gyi bkang// bar ma ba su ta yi rgyu zhags bsnams// phyag drug g.yon gyi tha ma la// zhing chung dbyug pa sngon po bsnams// dur khrod 'bar ba'i chas kyis brgyan// sku mdog sngo nag dbyar gyi char sprin 'dra// mthing nag 'bar ba'i ral pas srid gsum khengs// dri med ye shes mche ba dkar po gtsigs// ma rungs sdigs mdzub 'phyar zhing klad la bskor// srog gcod las kyi be con bsnams// lnga brgya dus kyi snyigs ma byung ba'i tshe// bstan pa bsrung bar nyid kyis zhal mches pa'i// zhal mches bzhin du bcol ba'i las rnams mdzod// gtso bo bskul ba'i rim pa'o// da ni gshed rnams bskul ba ste// yab cig 'jam dpal nag po ni// sku mdog mthing nag ral pa can// mthing gi ral pa shar ra ra// ral ba 'bum la gshin rje 'bum// gshog zer stong la ma mo stong// chibs su gshin rje 'bum gyi khri la bzhugs// 'khor du ma mo dmar nag 'bum gyis bskor// smug nag dgra 'dul las la khye// dam nyams dgra bo khug la shog/ shar phyogs ya ma rA dza ni// sku mdog mthing nag ral pa can// lcags kyi ral ba shar ra ra// ma mo gshog sgra di ri ri// ral pa 'bum la gshin rje 'bum// gshog zer stong la ma mo stong// chibs su chu glang sngon po chibs// 'khor du nag mo 'bum gyis bskor// nag mo dgra 'dul las la khye// dam nyams dgra bo 'dir khug la// dgra bo rnams kyi gshed ma mdzod// lho phyogs myos byed 'bar ba ni/ sku mdog ser nag ral pa can// khrag gi ral pa shar ra ra// chibs su drel rta rkang gsum chibs// 'khor du ma mo phya sangs 'bum gyis bskor// dmar nag dgra 'dul las la khye// dam nyams dgra bo 'dir khug la// nub phyogs gshin rje ma rung rtse// sku mdog dmar nag ral pa can// bse yi ral pa shar ra ra/ chibs su lkugs pa lug la chibs// 'khor du ma mo dmar nag 'bum gyis bskor// dmar mo nad gtong las la khye// dgra bo de yi gshed ma mdzod// byang phyogs ral pa tshar dgu ni// sku mdog mthing nag ral pa can// khro chung ral pa shar ra ra// ma mo gshog sgra di ri ri// chibs su sbrul nag chibs su chibs// 'khor du ma mo ser nag 'bum gyis bskor// smug nag dgra 'dul las la khye// dgra bo 'di yi gshed ma mdzod// hUM/ lnga brgya dus kyi snyigs ma la// ya man ta ka'i spyan snga ru// 'khor gyi gshin rje gshed po yis// bstan pa bsrung bar khas blangs la// thugs dam bzhin du bdag bskul na// khyed kyi dam tshig dus la bab// 'og gi rgya mtsho'i gting rum nas// rdo rje gtams pa'i steng shed na// gser gyi rus sbal khri la ni// 'chi bdag ral pa tshar dgu bzhugs// sku yi sprul pas klu rnams 'dul// thugs kyi sprul pas dmyal ba 'dren// gsung gi sprul pas dge sdig ston// srid pa'i skos 'debs mthu mo che// thugs dam bzhin du bdag bskul na// gsung phur gdab pa'i dus la bab// hUM/ mnar med dmyal ba'i khang pa na// khyod chung lcags kyi khang pa na// 'chi bdag a ba glang mgo can// chu srin mgo dgu chibs su chibs// sku mdog dbyar gyi char sprin 'dra// phyag na gdug pa'i mtshon cha bsnams// thugs dam bzhin du bdag bskul na// gsang phur gdab pa'i dus la bab// 'chi bdag gshin rje ya ba ti// chibs su za byed spyang khu chibs// sku mdog ma nges cir yang snang// phyag na sprul pa'i ltas ngan 'bebs// cho 'phrul gtong ba'i mthu bo che// thugs dam bzhin du bdag bskul na// gsang phur gdab pa'i dus la bab// 'chi bdag gshin rje dmig dmar ni// sku mdog dmar po 'jigs pa'i sku// phyag na gcod byed ral gri bsnams// srid pa'i srog gcod mthu po che// thugs dam bzhin du bdag bskul na// gsang phur gdab pa'i dus la bab// 'chi bdag gshin rje dmig dmar ni// chibs su spyan rno 'ug pa chibs// srid pa'i bla rkun mthu bo che// bdud kyi zhags pa g.yon gyis 'phen// btsan gyi shod rde'u g.yon gyis 'grems// srid pa'i skos 'debs mthu bo che// thugs dam bzhin du bdag bskul na// gsang phur gdab pa'i dus la bab// 'chi bdag gshin rje rtel pa ni// gdug pa phag rgod chibs su chibs// srid pa'i dbugs len mthu bo che// bdud kyi zhags pa g.yon gyis 'phen// phyag na thog gi bu yug 'thor// thugs dam bzhin du bdag bskul na// gsang phur gdab pa'i dus la bab// 'chi bdag gshin rje phya sangs ni// tshangs pa lha yi 'khor na gnas// dbang sdud bya khung chibs su chibs// 'phrul gyi me long g.yas kyis gzer// nyi zer zhags pa g.yon gyis gzigs// srid pa gsum gyi bya ra mdzad// thugs dam bzhin du bdag bskul na// gsang phur gdab pa'i dus la bab// 'chi bdag gshin rje chos kyi rgyal po ni// sku mdog skyon med gdan la bzhugs// sku yi sprul pas stong gsum khyab// gsung gi sprul pas 'gro ba 'dren pa'i dpal// thugs kyi sprul pas gshin rje 'dul// srid pa srog gcod mthu bo che// bdud kyi zhags pa g.yon gyis 'phen// thugs dam bzhin du bdag bskul na// gsang phur gdab pa'i dus la bab// 'chi bdag gshin rje brag gyon rje// dpa' brtul stag gi khri la bzhugs// srid pa grong gi mthu bo che// phyag na bdud kyi thog 'bebs pa// zhal nas nad kyi rlang pa 'thor// thugs dam bzhin du bdag bskul na// gsang phur gdab pa'i dus la bab// 'chi bdag dud kha lha mchog ni// gtum pa dom gyi khri la bzhugs// zas su mi sha rta sha za// skom du mi khrag rta khrag 'thung// bdud po bcu gsum pho nyar 'gyed// ma bdun rgyal mo sprul par gtong// thugs dam bzhin du bdag bskul na// gsang phur gdab pa'i dus la bab// phyogs skyong skul ba'i rim pa'o// yum gyi thugs dam bskul ba ni// g.yon gyi phyogs nas gshegs su gsol// e ka dza ti gshegs su gsol// pe ta nag mo gshegs su gsol// nag mo mig can dbyings nas bzhengs// sprul pa nag mo re ma ti// nam mkha'i dbyings nas spyan 'dren gyis// chos kyi dbyings nas sku bzhengs la// pho brang 'di ru spyan 'dren gyis// thugs dam dbang gis gshegs su gsol// gshed bzhi yum mchog srin bran ma// mi snying za zhing mi khrag 'thung// rtag tu sring gsum sha khrag gsol// khams gsum ma lus khram 'debs ma// bcol ba'i las 'di myur du mdzod// phyogs skyong bcu yi srin mo'i ngang// dgra bgegs lto ru za mdzad ma// srid gsum phyag mas thong la shog/ nga yis bcol ba'i khram la thob ci srin mo rnams// da ni 'khor lo bskor tsam na// mon pa bzhi bskul ba ste// hUM/ 'jam dpal nag po thugs kyi sprul pa ni// mon pa nag po= dmar po= sngon po= ser po= bzhi rbad de=/ hUM lcags kyi mon pa nag po ni// zhal gcig phyag gnyis sku mdog nag/ sku la drag po'i 'bru slag gsol// sku smad dug sbrul sham thabs can// lcags kyi ral pa'i nyi li li// dung gi smin ma khyug ge khyug/ lcags kyi dmig rtsa 'u ru ru// lcags kyi skad sgra tog ge tog/ ag tshom me 'bar ya la la// mche ba zla tshes thams se thams// zhal na gdug pa'i drag sngags zlos// g.yas pa ma trang ro dbyugs bsnams// g.yon pa srog gi 'khor lo bskor// ya ma ra dza srog gi bdag/ lha srin kun la mnga' mdzad ma// srid pa shar gyi mnga' bdag mo// sngags kyi byin rlabs khyod kyis bskyed// bcol ba'i las rnams grub par mdzod// khyod kyis mi 'dul gang yang med// bstan pa gnyan po bshig byed pa/ srog la dug gi rlangs pas bdugs// lus srog dbral ba'i dus la bab// oM badzra tsit+ta baM ril zhun thun che ge mo zhig/ a mu ka pra ma ya hUM phaT// hUM/ gser gyi mon pa ser po ni// zhal gcig phyag gnyis sku mdog ser// sku stod zhe sdang stag lpags gsol// sku smad chu sbrul sham thabs can// gser gyi ral ba si li li// g.yu yi smin ma khyug ge khyug/ gser mig ser po khyi li li// gser gyi rngog thag phya ra ra// mche ba dkar po thams se thams// zhal nas gdug pa'i ngan sngags zlos// g.yas pa ma traM ro dbyug 'phyar// g.yon pa srid pa'i 'khor lo bskor// ma ra nag po srog gi bdag/ lho phyogs srid pa'i mngal mdzad ma// gsang sngags gdug pa'i dpal bskyed cing// bcol ba'i las rnams grub par mdzod// khyod kyis mi thub gang yang med// bdud dang mu stegs ru tra 'dul// srog la gshed kyi sngags kyis gdug tshe srog dpral ba'i dus la bab// tri zhing rbad khaM a mu ka mur dza ya// hUM/ bse yi mon pa dmar po ni// zhal gcig phyag gnyis sku mdog dmar// sku stod glang chen ko rlon gsol// sku smad sbrul gyi sham thabs can// bse yi ral pa shar ra ra// shel gyi smin ma khyug ge khyug/ bse mig dmar po lhang ma lhong// bse yi ag tshoms phya ra ra// mche ba brnon mar thabs se thabs// zhal nas gsod ba'i ngan sngags zlos// g.yas pa ma TaM baM chen bsnams// g.yon pa gshed kyi 'khor lo bskor// ya ma na te srog gi bdag/ lha 'dre kun gyi mnga' bdag po// nub phyogs srid pa'i mnga' bdag po// gsang sngags gdug pas da sgrol cig/ bcol ba'i las rnams grub par shog/ khyod kyi mi'adul gang yang med// gang zhing 'gal ba rdul du rlog/ dam nyams srog la bar chod thong// bcol ba'i las rnams grub par mdzod// oM ba yu rbad ti du ba la yab yum su ru che ge mo ya// ma khas rag ta tsa ra ya hUM phaT// hUM g.yu yi mon pa sngon po ni// zhal gcig phyag gnyis sku mdog gnag/ sku stod zhing gi g.yang gzhi gsol// sku smad dam sri'i sham thabs can// g.yu ral sngon po gsig pa yis// gshed kyi ma mo kun kyang 'dul// ma mo 'dus pas bla tshe 'gugs// bla tshe 'gugs pa'i bdag po ni// gser gyi smin ma brang nge brang// g.yu mig sngon po lhangs se lhangs// g.yu yi rdog thag chems se chems// mche ba bsnon mar khrigs se khrigs// zhal nas gshed kyi ngan sngags zlos// gshed kyi byug pa phyu ru ru// g.yas pa bdud kyi be con brdeg/ g.yon pa srid pa'i 'khor lo bskor// ya ma na te ku be ra// gnod sbyin gdug pa'i gshed ma ste// srid pa byang gi skos bdag po// gsang sngags dug dang 'dra ba'i bdag/ dam nyams dbang dang chung srid phrogs// bcol ba'i las rnams grub par mdzod// gang zhun pa tri zhung tshul// gri raM baM pra be che ge mo mA ra ya hUM// mon pa bzhi bskul ba'i rim pa'o// zla gsang nag po'i rgyud las// bskul ba'i le'u ste bcu drug pa'o//// yang zhus pa// ston pa thams cad mkhyen pa po// drag po sgrol ba'i bskul ma gang// thun zhes bya ba du tsam mchis// zhes zhus pas// bka' stsal pa/ spyir ni thun la mang du gsungs// bsad pa srog gi thun// dgug pa dug gi thun// dbye ba rdzas kyi thun// 'phang pa zor kyi thun dang// 'di ni bsad pa srog gi thun te// thun gyi rnam grangs brgyad du bshad// lcags phye zangs phye rdo phye dug/ phur thun mda' thun khrag thun dang// nyungs thun man ngag thun dang dgu/ thun kyong rabs chad thod pa 'am// shin tu mi shig snod du bya// dug thun ha la ha la te// phog pa tsam gyis 'chi bar 'gyur// lcags dang zangs phye rdo phye yis// khong nad 'dzud cing lo nad gtong// phur pas gnas su gdab par bya// g.yas chen bsad na bzhin du gtong// mda' ris dpag chen mda' ltar brdeg/ nyungs thun ri rab ltar du brdeg/ khrag thun ma mos sprul pa yis// thod bcings zor thogs stong khams khengs// gzas pa'i gzugs la 'phen par bsam// rang nyid khro bor gsal bar bsgom// thun sngags ring po spyir byas la// mtha' yi sham bu so sor gdags// thun bskul tshig ni 'di ltar ro// bskal pa gsum gyi pha rol na// thun gyi bdag po bdag bskul gyis// stong gsum thun gyi sprul pas gang// dam nyams dgra la thun 'bebs pa// so so rang rang gnas nas thugs dam bskul// thun gyi bdag po khyed rnams la// las su dgra bgegs bsgral bar mdzod// e raM he raM dza la raM hUM phaT/ lcags phye zangs phye rdo phye dug/ mud ka ra yi chu dang sbyar// khrag las sbyar ba'i gtor mas brab// mtshon cha lnga yi char gyis brab// skud pa dkar nag byang du gzhud// dug thun mgo la khyab par rgyob// khrag 'thung kha nas lkugs su chug/ rdo thun klad pa'i rgyas su rgyob// lcags phye zangs phye khong bar lud// mda' thun snying gi dkyil du rgyob// phur thun gnas lnga dag tu rgyob// nyungs thun yan lag bzhi la rgyob// man ngag bla la bzla'o// skyes bu go mtshan brdar ba dang// seng thog rgyab dang spu gri ltar// lcags kyi gzer chen btab pa dang// bya rgod gzan la 'jums pa 'dra// bcu bdun pa yi btu yig la// sham bur btags la brab cing gdab// btab bas de la thar thabs med// thun bskul mon dang shan pas bya// zla gsang nag po las// thun gyi las thabs dang bca' lugs bstan pa'i le'u ste bcu bdun pa'o//// yang zhus pa// thams cad mkhyen pa'i ston pa po// mchod rdzas byin rlabs 'tshal mi 'tshal// ma rtogs 'khor la bshad du gsol// bka' stsal pa/ shes rab chan la bshad mi dgos// ma rtogs med la bshad par bya// ting 'dzin sbyang lugs bka' dang mthun// b+h+ruM las ban d+ha lcang lo ru// bdud rtsi rak+ta gtor ma phud// mar me dam rdzas la sogs brlab// sngags rnams mthun te ma gsungs so// chen po dam pa 'di skad do// oM las 'khor lo rtsibs brgyad 'bar// 'bar nas dri chen bdud rtsir zhu// hUM las rdo rje rtse lnga 'bar// 'bar nas byang sems bdud rtsir zhu// sa las rin chen bdud rtsir 'bar// 'bar nas sha chen bdud rtsir zhu// paM las pad+ma 'dab brgyad 'bar// 'bar nas rak+ta bdud rtsir zhu// ha las rdo rje rgya gram 'bar// 'bar nas bdud rtsi dri chur bdud rtsir zhu// oM gyis ye shes me byung bas// AHyis mes sregs thal bar gyur// hUM la dag pa'i bdud rtsir gyur// stong gsum tsam gyi dur phor du// rgya mtsho tsam gyi rag ta bskyil// mu la rak+ta rtsa ba'i khrag/ chu dang ma 'dres dwangs ma'i khrag/ khrag sna stong gi rak+ta 'di// ci bde ba ru bzhes su gsol// stong gsum baM gyi gtor gzhong du// bcud kyi gtor ma snod du sbyar// sha sna snying sna 'bru sna las// sbyar ba'i gtor ma bzhes su gsol// 'bru bcud stong las sbyar ba'i dza gad 'di// chu la chang gi rang bzhin med// mkhas pas thabs dang 'bru sbyar bas// mnyam pa nyid kyi phud du gyur// ci bde ba ru bzhes su gsol// zla gsang nag po'i rgyud las// pU tsa brlabs pa'i le'u ste bco brgyad pa'o//// yang rdo rje rnon pos// ston pa 'jam dpal la gsol ba btab pa// ston pa lags// las sbyor drag po byed dus su// shan pa bskul ba ji ltar lags// bskul ba'i mkhan po gang gis bgyi// bka' stsal pa/ nyon cig rdo rje rnon po khyod// shan pa bya ba bzhi yod de// gshin rje ma mo bdud dang ging// bzhi ru tan+t+ra 'di dag gsungs// bskul ba'i las mkhan bya ba de// rang rang gshed bzhi rang gis bskul// sngags pa chas gos ji lta bu// gshed bzhi chas gos ji lta bu// dus tshod sa mtshams ji lta nas// zhus pas/ bka' stsal pa/ chas gos nag po dar nag thod// seng ldeng 'dom tshad mi 'bral bas// gshed rnams chas gos zhing lpags bgo/ gon la khro bo tsha rngam dang bcas te// bden pa brdar zhing ma nyes bgrang// kho yi nyes bgrang gzu dpang gsol// dus tshod nam phyed nyid phyed do// 'khor lo bskor tsam dus su bskul// 'jig rten lha srin sde brgyad dang// gshin rje lha rabs sum cu rtsa// gnyis kyi khong snying bkol ba yi// shan pa bya ba bzhi yod de// gshin rje'i shan pa dang/ ma mo'i shan pa dang/ bdud kyi shan pa dang/ ging gi shan pa'o// bzas pa'i rdzas ra rus blangs la// gru gsum 'brub khung du bcug la// dgug dbye'i las byas la/ rang nyid gshin rje'i nga rgyal du bsgom/ dran sngags bzhi ni brab par bya// nyungs kar thal chen bsres la brab// oM badzra mu ha la da ha// pa tsa pa tsa tshal pa tsun tsha tshal pa// tsun tsa tsun tsa sarba pu tsa ka ya// rak+Sha rak+Sha sa pre ta bi sha tsa// kun pan da pu ta na// ka ta pu ta na sa ra sa na hUM/ a mu ka ma ra ya phaT/ trag rag sha kha mu tra b+h+yo// ru tra rbad/ rag sha rbad// ma ma snying rbad/ kha thuM kha thuM rbad/ tsi ta tsi ta rbad/ bal phur bal phur/ ma ma dun rbad/ du yaM tsa yaM ru thuMs/ yang na rbad hUM phaT/ tri ling shang ka dun dri za yag sha rbad/ phye ma kha dar ru ru pra pra duM duM shig/ drag po mA ra ya/ pa shang mi ki ra hUM la/ a ta ta ta ba ma ra shal te hUM phaT/ da ni gshin rje'i shan pa bskul// hUM mi bzad rgyal po hUM sgra can// mthing nag gru gsum 'bar ba'i dkyil 'khor nas// gsod byed ya ma rA dza drag shul can// tshe la dbang ba'i 'jig rten gshin rje gshed// zhal gsum po la phyag drug po// g.yas ni dkar la g.yon ni dmar// dbus ni mthing la rngam pa'i zhal// g.yas pa gsum na bsnams pa ni// 'khor lo ral gri dbyug tho bsnams// g.yon pa gsum na bsnams pa ni// thod pa sdigs mdzub phur ba bsnams// gshin rje gshed po dgra bo'i gshed// nyon mongs skye shi rtsa ba gcod// log rtog 'joms pa'i mthu bo che// shan pa kha chan mi zad pa// khong nas 'khyil ba'i phung po 'joms// rno drug po la rtse gsum po// zug par byed pa'i kha TAM kha// snying la brdeg pa'i tho ba yin// tshe dang phung po bcas la 'joms// dmar po mi sdug lcags sgrog dang// snying nas 'dren pa'i lcags kyu dang// dgra bgegs snying gi rtsa nas drongs// rdul du rlog cig gshin rje gshed// khyod las lhag ba'i mthu che med// 'di dag longs spyod rkyen du 'bul// snying khrag rkang khrag 'dod pa rnams// gsol ba'i don du gsol du gsol// de la khyed kyi longs spyod kyis// mi mthun dgra bgegs thal bar rlog/ bdag ni rnal 'byor bsgrub pa po// bsgrub pa po la dgra byung gis// bcol ba'i las rnams grub bar mdzod// ma mo'i shan pa bskul ba'o// hUM dur khrod 'bar ba'i dkyil 'khor nas// khro mo chen mo gshegs su gsol// gdong gsum mig gsum khros pa'i tshul// rab tu 'joms pa'i khro gnyer can// skye 'gro kun gyi tshe srog bdag/ ral ba'i zar bus stong gsum khengs// lus la me yis tshub mas 'tshub// ma mo yongs kyi bkrag kyang 'phrog/ g.yas kyi phyag na khram bam bsnams// g.yon na nad rkyal khraM shing thogs// zhing chan bsgral ba'i gdan stengs na// brkyang bskum tshul du brjid par bzhugs// ma mo chen mo bos pa'i tshe// nag mo khyod kyi mtshan nyid ni// sku la mi lpags rlon pa gsol// mi lpags thang la zhol lo lo// mi mgo'i 'phreng ba sku la brgyan// mi mgo thal ba phu ru ru// chibs su rlung nag ser bu chibs// zas su mi sha rlon pa za// skom du mi khrag mngar mo 'thung// sha za khrag mngar mo 'thung// sha za khrag 'thung snying la rol// snying khrag dron mo zhal du gsol// srid pa gsum la b+h+yo zlog byed// zhal nas khrag 'dzag zu lu lu// mi nad phyug nad kun gyi bdag/ chibs su drel rta rkang gsum chibs// dur khrod kun tu rgyu ba'i mthu mo che// ma mo kun gyi gtso mo ste// dgra bgegs kun gyi shan pa mo// gsang sngags rnal 'byor dam tshig can// sngon gyi dam tshig gnyan po rjes dgongs nas// gsang ba'i dkyil 'khor gnyan po 'dir gshegs shig/ drongs shig khug cig dgra bo khug/ shan pa chen po'i dus la bab// srog bdag chen po'i dus la bab// da ni ging ging shan pa bskul te// hUM gru gsum mthing nag 'bar ba'i dkyil 'khor nas// dug gsum gnas nas len pa'i mthu bo che// khams gsum dbang du sdud pa'i drag shul can// srid gsum zil gyis gnon pa'i lha// 'phrin las kun gyi bdag po khyod// srid gsum gnon pa'i rtse mo mchog/ srid pa gsum gyi rtsal 'chang khyod// dam tshig nyams pa'i gnyan po khyod// skye 'gro yongs kyi mnga' bdag po// khams gsum yongs kyi tshe 'dzin po// shin tu gdung zhing bskul ba'i tshe// skye 'gro yongs kyi dbang sdud mthu bo che// sku la mdzes pa'i rgyan cha sna tshogs gsol// 'khor ba'i bag chags 'joms pa'i mthu bo che// dug gsum nad kyi bdag po khyod// spyan yang shin tu bgrad pa ste// 'jig rten me stag 'bar ba'i 'od// zhal yang shin tu bgrad pa ste// 'byung po dregs pa'i mnga' bdag po// sgrol ging bdag po dam tshig can// khyod kyis mi 'dul gang yang med// khyod kyis mi thub gang yang med// mdor na dregs pa thams cad khyod kyis thul// dbang phyug chen po'i dus la bab// dbang sdud chen po da tshur gshegs// dbang sdud chen po sa ma ya// bcol ba'i las rnams grub par mdzod// da ni bdud kyi shan pa bskul// 'jigs byed chen po rA hu la// khyab 'jug chen po rA hu la// lus po gcig la mgo bo dgu/ mgo lus med par mig gis khengs// ro stod mi la ro smad sprul// mi rnams kun gyi srog gi bdag/ klu rnams kun kyang 'khrugs shing klong// lus la brjid pa'i dud kha ba// lag na chu srin zhags pa thogs// pha ni srin po ma ni klu// klu srin 'tshogs pa'i mthu bo che// lho nub mtshams nas sku bzhengs la// zla ba'i rjes gcod shar du rgyu// nyi mi'i rjes gcod nub tu rgyu// nyin mo rgyu zhing mtshan mo 'joms// bar snang khams na rgyu tsam na// 'jig rten khams kun sreg par byed// lo nyes 'khrug pa rims nad gtong// rgya mtsho'i gting na gnas pa'i tshe// klu rnams kun kyang 'khrug cing klong// thog ser ki kang sa g.yos 'bebs// ming brgya po la mtshan stong po// dus tshod tshes grangs kun gyi bdag/ lha 'dre kun gyi dmag dpon byed// mi rnams kun gyi tshe 'phrog pa// shan pa chen po'i dus la bab// bdud rgyal chen po'i dus la bab// srog bdag chen po'i dus la bab// bcol ba'i las rnams grub par mdzod// las 'di yang// ra rog po 'am/ dkar po gnya' nag sker dgra'i ming btags la/ sngags khri khrir bzlas// lam rgya khraM maM// gnod sbyin rgyun srang du gnan// rgyun du yi ge bcu bdun pa// las su shan pa bzhi bskul la// 'khor lo bskor ba'i dus su bskul// zla gsang nag po'i rgyud las// drag po las kyi thus ka'i dus su thun bskul shan pa'i le'u ste bcu dgu pa'o//// yang zhus pa// ston pa lags// rtags kyi la nye ji ltar lags// bka' stsal pa/ nyon cig 'khor tshogs ma rtogs pa// nyams kyi rtags dang la nye ni// bsnyen bsgrub drag po byed dus su// gza' skar mda' 'phen brtsi brtsi la// ma nor gnas su 'jug par bya// rtags kyi la nye gsum bshad de// grub rtags chu chen ri nag po// rlung 'tshub than de grub pa'o// mi reng skya shar go gon rab// mon nag phyag byas ling ga 'gul// gas shing me 'bar bdar ba dang// skra dang sen mo byung na rab// gos dum bsnal ma sems can rab// don po rang dang sdong po gcad// rtsig pa bshig tsing g.yas ra gsad// pho sgrub mor 'ong mo sgrub pho// zhib rtsan bud med can de zhang blon dang// pha khu mo rigs dmag 'dren dang// shing gcod rkang rkong len pa dang// mkhar 'bebs me gtong sngon byed dang// shan pa byed dam mtshon thogs dang// dge slong mang po gnod sbyin gzugs// mon pa mon mo dgra sna tshogs// bdag la de kun bkur sti byed// g.yul rgyal mtshon bzung grub brgal ba// 'brug thog zhing 'chu chos 'chad pa// rgyan rgyal stobs bzang zas ster ba// gtam snyan thos shing nyams dga' bar// dri zhing phra med snying pa dang// mkhar spe brtsig dang dgra bsad dang// de ni bzang rtags lha rtags yin// ngan pa'i 'dre rtags bshad pa la// mun khang nang nas mi thar pa// brlan zhi 'thibs dang rta bong rmi// lug rta bshas dang khang pa zhig/ chu yis khyer dang btson du bzung// g.yul ngo 'pham dang phyugs kyis brdungs// mtshon rgyab brdungs dang rkang rkong chag/ shwas khyer rbab tu song ba dang// phrum zer spu zing gnyid song dang// mi de kho rgyal rab 'pham pa// rgyan 'pham bang bul cho long 'pham// sems can mi thub rang yan shor// lag cha chag dag gtong ba de// ngan rtags dag tu bshad pa yin// rtags kyi la nye bshad pa la// lam zhugs la nye brtags pa la// las thabs brnag pa gang byed dang// rta bong ded dang bud med phrad// mi ring lag yu mul srang dang// bya bye khras btab shor ba dang// kha la sprin ni rab rib bo// mi phyugs zha grum sgra mi snyan// dgra dang phrad cing blo bur ngan// su khung nang du brag btags pa// 'o rjes bya rjes phyugs rjes ngan// sbrang ma byung na 'bru khugs ngan// bzang ba'i la nye rngon pa dang// dmar dang shan dmar khur ba dang// tshub can kha ba gcan gzan rgyu// khra dang spyang khus btab pa dang// mdze sprang bskyas dang phrad na ngan// ngan ba byung na 'bru 'ded gtang// zla gsang nag po'i rgyud las// rtags kyi le'u ste nyi shu pa'o//// yang zhus pa// ston pa lags// las kyi shan dbye ji ltar lags// yang gsungs pa// skye shi med pa'i dbyings nyid nas// byang chub sems kyi rig ba shar// nyon mongs 'khor ba'i phung po lnga// rgyu yi gzugs bzhis bskyed pa la// khams dang skye mched rnam shes yul// de ye zhen pa bzlog pa'i phyir// dug gsum rtsad bcad sku lnga ste// 'bras bu ye shes lnga ru smin// gnyen po gshed bzhi gtso mchog ste// khams dang skye mched zhen pa ste// phyogs skyong 'khor gyis bzlog par gsungs// dal gyis bzlog ba'i rtsibs bcu gnyis// skye mched zhen pa dag dang sbyar// dbus kyi le tshe lnga dang dug lnga sbyar// rdul tshon dang ni phung po lngar// rim gsum lus ngag yid du brtsi// de bzlog don du las thabs brgyad// brtsam pa dbang ldan phyogs nas brtsams// brdeg pa gnod sbyin phyogs nas brdeg/ dbye ba rlung lho phyogs nas dbye// gnan pa klu rgyal phyogs su gnan// dgug pa srin po'i phyogs nas dgug/ gtad pa gshin rje'i phyogs su gtad// bsreg pa me yi phyogs su bsreg/ dma' ni dri za'i phyogs su dbab// de ni spyi yi las brgyad do// 'dug stangs gnas la bstan pa bas// des byas las rnams shis par gsungs// de yi dus kyi cho 'phrul bzhi// 'jam dpal sprul pa bstan pa la// lus po sbrul du 'dug pa la// mgo bo bya rog mgo dgur skyes// mgo lus mig gis khengs par 'dug/ sbrul la sring mo bzhi ri byung// ya man te kas ming la rog ti nag por btags// ya man ta kas dam stsal te// khyod cag lnga po 'di lha srin sde brgyad nal bu yin// khyod kyis rgyal khams phung bar nges// de bas nga yi rdzas sbyin gyis// nga yis bcol ba'i thog ser thong// byas te bdud rtsi gtigs// khong par ma bzod ngo tsha nas// lan cig brgyal te shi tshul bstan// 'jam dpal gshin rjes ral gri kha T+wAM kha thogs te// lus po dum bu brgyad du gtubs// ri rab ri yi phyogs bzhi ru// steng dang 'og tu sbas te bzhag/ de nas sba ru ma btub nas// lus de dum bu re re la// sprul ba'i ki kang re re byung// 'jig rten yongs ni phung la khad// ri rab kyi ni shar lho nas// drang srong chenapo ra hul byung// nub nas du ba mjug rings byung// shar nas srin po bya ti pa tri byung// bya rog mgo brtsegs lus po la// bya la mgo dgu brtsegs pa byung// lho nas khyab 'jug chen po byung// shar nas byin nu rA dza byung// nub nas dmag dpon ljang sngon byung// byang nas ra dza ka byung ngo// de rnams sba ru ma btub bo// sring mo bzhi yang ri rab zung bzhi yin// 'jam dpal ya man ta ka yin// ri rab kyis ni gzir te bzhag/ phyogs bzhi mtshams bzhir bstod de bzhag/ sring mo bzhi po mtshams bzhir 'dod// dmag dpon brgyad ces bya ba'o// zla gsang nag po'i tan+t+ra las// shan dbye ba'i le'u ste nyi shu rtsa gcig pa'o//// yang zhus pa/ ston pa lags/ bsgrub bsnyen drag po byed dus su// gsang sngags brda 'di 'tshal mi 'tshal// rmongs pa rnams la bstan du gsol// bka' stsal ba// nyon cig nga yis brda bshad kyis// sbyir ni brda la mang na yang// lus brda ngag brda yid kyi brda// gsang ba'i yig 'bru brda chen dang// bsgom bsgrub thun mtshams sgra yis gcad// brda tshig rkyen gyi ting 'dzin gyis// bsgrub na dngos grub myur du thob// gsang sngags skyon yod ma yin te// bar chad bgegs la shin tu gsang// gsang phyir brda tshogs sna tshogs bstan// lhur yang lag brda shes pa shin tu gces// gong du bzlas pa'i grogs mched kyis// byas na thams cad shes par 'gyur// rang la rnal 'byor gtam zer na// lag gi brda yis brda bar bya// zas skom 'dod na lag gi blangs// smras na dngos grub yal ga'i rgyu// gsang sngags brda yis ma brjod na// gsang sngags dngos grub yal bar 'gyur// log rtogs 'phral la skyed pa'i phyir// brda don smra zhing ting 'dzin bsal// bar chad mi 'byung dngos grub myur// de phyir brda la nan tan bskyed// de phyir brda sgo brda phyag gsungs// lag brda byed na g.yas g.yon sor mo bcu yis bya// gcig ni g.yas kyi mdzub mo bsgreng// gcig ni g.yon gyi srin lag bsgreng// de gnyis mdzub mo bsnol mar bstan// thal brdebs se gol gang yin brdab// sbyan mdog mchu 'gros ngag gi bya// zla gsang nag po'i rgyud las brda le'u ste nyi shu gnyis pa'o//// yang zhus pa// thams cad mkhyen pa'i ston pa khyod// sngags zhes bya ba ji ltar lags// mgo la bzhag pa ji ltar lags// tha mar brda yi ji ltar lags// sngags 'byung ba yi gzhi ni gang// dbye ba ni ji ltar dbye ba bshad du gsol// bka' stsal pa// nyon cig rdo rje rnon po khyod// gsang sngags bya ba'i mtshan nyid ni// bshad na rnams pa gsum du bshad// sgra dang dbyibs dang bshad pa e baM ma ya ste// dug lnga gdan kyi dkyil 'khor te// lha yi dkyil 'khor dbyings su bshad// don du bsad pa mkhas pa'o// ngo la rang rig yin par bshad// de ni don gyi bshad pa'o// sgra ru bshad pa bya ba de// dang po sngags kyi pha ma bstan// tan+t+ra 'di nas 'di skad gsungs// sngags kyi gzhi dang pha ma ste// mtshan dang dpe byad yi ge ste// a li shes rab yum gyi ngang// ka li thabs kyi mu tra ste/ de gnyis 'dres pa'i byin rla bas las/ 'jam dpal gsang sngags 'byung bar byed/ de nas zhi khro lha tshogs bskyed// sngags rnams 'byung ba'i rgyu bstan pa// khog pa mgrin pa rkan dang lce// sna dang spyi bo so dang mchu// spyi dang re re cha dag las// phrad dang cung zad phrad pa dang// dog pa dang ni yangs pa dang// drang po bkug dang bgreng ba dang// bstod pa dang ni smad pa dang// grims pa dang glod pa'i nga ro byung// sde tshan rnam pa brgyad du grags// sngags la dbye na gsum du gsungs// brjod pa tshig gi sgo nas mtshon pa'i sngags// mtshon pa sngags kyi sgo nas mtshon pa'i sngags// rten pa phyag rgya'i sgo nas mtshon pa'i sngags dang gsum// rten pa phyag rgya'i sgo nas mtshon pa'i sngags bya ba de// gnas phyal pa dag la bzhugs pa'i sngags bya ba de pho brag na bzhugs pa'i sngags/ lding khang na bzhugs pa'i sngags so// brjod pa tshig gi sgo nas mtshon pa'i sngags bya ba de gsum ste/ rang bzhin gyis bzhugs pa'i sngags bya ba dang/ bya ba byed pa'i sngags dang/ ma bcos lhun gyis grub pa'i sngags gsum mo// mtshon pa sngags kyi sgo nas mtshon pa'i sngags bya ba la gsum ste/ kun btags rang bzhin gyi sngags bya ba dang/ bya ba byed pa mi slu ba'i sngags dang/ spros bral rang bzhin gyi sngags dang gsum mo/ spros bral rang bzhin la gsum ste/ rang bzhin gyi sngags bya ba dang/ ngo bo nyid kyi sngags dang/ byin rlabs skye ba'i sngags so// byin rlabs skye ba la gsum/ bde ba byin gyis brlabs pa'i sngags bya ba dang/ tshig gis byin gyis brlabs pa'i sngags dang/ ye shes kyis byin gyis brlabs pa'i sngags dang gsum mo// ye shes kyis byin gyis brlabs pa'i sngags la gnyis te// rig sngags dang/ gzungs dang/ gsang sngags gong du bshad do// gzungs sngags la gsum/ mtshan ma 'joms pa'i sngags/ gnyen pos sbyong zhing gnon pa'i sngags/ de dag dgongs pa bsdu ba'i sngags so// rig sngags la gsum/ rgyu ma nor ba rtsa ba'i sngags/ skyed pa rkyen gyi sngags/ bzlas pa 'phrin las kyi sngags so// 'ub bsdus rnam pa gnyis su grags/ byin brlabs dbyings su grub pa'i sngags/ 'od zer rgyud sbyor rab tu gnas dang gnyis te/ de ni man tra'i dbye ba'o// dang po oM gzhag 'di ltar gzhag/ oM ni sku gsung rigs lnga'i bdag/ nor bu 'dzin pa'i gzungs thag ste// ye shes skye ba'i rgyu yin pas// kun gyi thog mar 'gro ba'o// ya ni ma skyes yan lag bzhi// sngags rnams kun gyi mes po yin// de phyir kun gyi dbu la gzhag/ oM dam bca' pa dang bkra shis pa'o// nor bu 'dzin pa'i snying po ste// sngags rnams kun gyi thog mar gzhag/ mtshon pa gzungs kyi yi ge yin// a ni yan lag lnga dang ldan// don rnams 'byung ba'i rgyu yin pas// sngags rnams kun gyi mgo bo yin// tha mar gdags yin bya ba de// rang rang las thabs gang byed pa'i// sham bu nyid ni gdags par bya// hUM bsdu phar spro b+h+yo yis 'phang// dzas dgug swA hA zhi bar bshad// rtsegs mar byung bas gnan pa'i las// rgyas par puSh+t-i ku ru la// dbang la ba shaM ku ru'o// drag po dag la mA ra ya// gnan pa dag la lang zhes bya// mtha' 'gyur gzhan la nges pa med// zla gsang nag po'i rgyud las// sngags bshad pa'i le'u ste rtsa gsum pa'o//// rdo rje rnon pos gsol btab pa// thams cad mkhyen pa'i ston pa khyod// ma rig ma rtogs thams cad la// rgyud kyi rnam grangs mang po ru// bdag gi rna bar grags pa de// de don ma 'tshal shan dbye 'tshal// nyon cig dad pa rab tu legs// shin tu legs so rigs kyi bu// 'di la gol sa khyad par che// shes rab can kyi bshes gnyen gyis// ming gi rnam grangs tha dad bstan// gang zag 'dul ba'i don ched du// drang don dag tu ngas bshad kyis// blo la long la 'khor la ston// btags pa'i rgyud ces bya ba yin// rnam grangs tan tra grags pa'o// 'khor lo 'dum pa bya ba dang// pra khog snang bya ba de// lha min drang srong ma thos par// mdun gyi bar snang khams shed na// mkha' 'gro ma dang mi ma yin// rgya yis btab ste ma grags so// ro langs drug cu'i tan tra dang// rag sha srin po'i tan tra de// klu yi yul du rkus te bros// mi yi yul du ma grags so// rak+Sha tshe srog bya ba'i rgyud// lcags sde khram gyi tan tra ni// lha ma yin gyi yul du khyer// mi yul dag tu ma grags so// mi yul grags pa'i dum bu rgyud// 'jam dpal gsang rgyud bya ba de// phyi nang gnyis su bshad pa ste// ha la ma la gter bsgrub bshad// nag po 'dus pa'i tan tra de// 'jam dpal spyi yi thun du gsungs// dgra 'khor nag po bya ba de// yi ge btu ba'i rgyud la bzhag/ las bzhin 'khor lo bya ba de// zhi rgyas dbang drag las su bshad// 'jam dpal spyi yi las su bshad// me lce 'bar ba'i tan tra de// gshin rje dmar po'i rgyud du bzhag/ 'khrul 'khor rgyal mtshan bya ba de// 'jam dpal spyi yi ming du btags// lhur yang 'khor lo cha rkyen no// 'phrul gyi me long bya ba de// 'jam dpal spyi yi shar bur bstan// lcags kyi me long bya ba de// sra bas lcags su 'dug pa'o// don rnams gsal bas me long ngo// don la ming du btags pa yin// gsang ba nyi shu bya ba de// dgra sta ral gri sor rtub dang// dngul gyi dong tshe la sogs pa// go mtshon dmag dang me tog sgrub// de lta bu gsang nas bsgrub pa nyi shu la// gsang ba nyi shur btags pa yin// gsang ba bzhi bcu bya ba de// de yi ma tshang kha skong ba// bzhi bcu ston pas bzhi bcu'o// nag po zla gsang bya ba 'di// sgrub thabs man ngag rgyud du gsungs// bya rog mgo brtsegs bya ba 'di// rog ti mdo rgyud grags pa yin// mdor du mdor rgyud gsang rgyud gnyis// gza' gdong rgyud du grags pa yin// phal che ba la ming du btags// chos rnams cha cha dag nas kyang// de yi phyir na dkrugs pa yin// de phyir 'khrugs sdebs bstan pa yin// ra chod mkhan la dkrugs pa yin// mkhas pa'i ngo la gsal bar yod// mi mkhas pa la le ldebs byas// zla gsang nag po'i tan+t+ra las// rgyud du grags pa'i shan dbye ba'i le'u ste rtsa bzhi pa'o//// yang sdud pa pos gsol ba btab ste// ston pa lags// bdag cag rmongs pa'i 'khor rnams la// 'jam dpal dag tu grags pa'i sgrub don// sgrub thabs 'di yi shan dbye 'tshal// nyon cig rdo rje rnon po khyod// nyon la 'khor la rgyas bar ston// da ltar grags pa'i ne se ka/ ming du grags pa bsam yas kyang// bshes gnyen can gyis byas pa mang// ma 'ongs don du 'di ltar bshad// thar byed gzungs zhes bya ba de// nag po spyi yi khog gzhu yin// mtha' byed brgyad ces bya ba de// sde brgyad 'khor gyi sgrub thabs yin// rgyal rtags spyi lugs bya ba de// drag po dbang bskur sgrub thabs yin// gshin rje bla mtsho bya ba de// 'jam dpal bsgrub pa'i gnas la thogs pa yin// bar snang khams su bsgrub pa yin// 'jam dpal nag po spyi yi las// khyad par gyur ba cang yang med// nag po kha thun bya ba de// dmar nag gnyis kyi sgrub pa yin// mdo ru drug sngags thun la sgrubs// gshin rje las tig bya ba de// sgrubs thabs khrigs su bstan pa yin// nag po spyi yi las su bstan// khyad par phyi ba rdul tsam med// ming gi khyad par bstan pa bas// nag po 'bru gcig bya ba de// de lag gsum du bstan pa la// 'bru gcig ba dang khyi lud dang// nag po seng ge'i bsgrub pa'o// mdor na nag po gcig tu bsgrub pa yin// rgyan gcig pa yi bsgrub pa ste// mdor na skyed ldeng yang sgrub dang// bzhi ni 'khor lo mi dgos man ngag go/ nag po phye bo bya ba de// bdun 'gyur sngags kyi tshad ma ste// 'bru ded yi ge zad pa dang// zas zad tshe zad dbang thang zad// gcig zad gnyis zad phye bo 'gros// phye bo lugs zhes de la bya// a mu dgu bskor bya ba de// phyi nang gsang ba gsum po la// gsum du phye bas dgu skor yin// las brgya rtsa gcig bya ba de// 'jam dpal spyi yi kha skongs yin// las thabs bcu gnyis bya ba de// 'khor lo bca' ba'i rim pa dang// so so'i ngo bo bstan pa yin// gshin rje las brgyad bya ba de// rang rang las kyi byed dus su// gnas sa 'dus sa bstan pa yin// nyi ma bzhi pa bya ba de// drag po bsgrub pa'i dus// nyi shu drug la zhugs nas ni// gnam stong dag la 'don pa ste// zhag bzhir nyi ma bzhi la bskor// nyi ma dang po mgo 'khor byed// gnyis pa khrag/ gsum pa brgyal bar byed/ bzhi po don po gdon mi za/ des na nyi ma bzhi ru grags/ thugs kyi gzer bu bya ba de// gshin rje dmar po bsgrub pa ste// ming du btags pas 'khrul pa ste// yang dag nyid du btags su med// gshin rje mgon po nag po'i rgyud// par bu nag po thebs zlog dmar po gnyis// gyim sham ga'u dmar nag gnyis// zla gsang rgyud kyi yan lag yin// zla gsang nag po'i rgyud las// rgyud kyi rnam grangs 'go ba'i 'khor la rgyud don ma 'dres gsal bar shan phye nas bstan pa'i le'u ste rtsa lnga pa'o//// yang zhus pa ston pa chen po lags/ 'khor lo bya ba'i mtshan nyid dam/ de la dbye na du tsam mchis/ bka' stsal pa/ nyon cig 'khor rnams gus par nyon/ spyi na 'khor lo rnam pa bzhi/ rtags dbye ba'i 'khor lo dang/ brda don dgrol ba'i 'khor lo dang// dran 'brel dbye ba'i 'khor lo dang/ bskul ba las kyi 'khor lo dang/ bzhi ru dbye bar bshad/ brda don dgrol ba'i 'khor lo la/ dbye na 'khor lo dag la bcu/ cho 'phrul mngon 'byung 'khor lo dang/ 'phrul pa mngon 'byung 'khor lo dang/ phyag rgya lha yi 'khor lo dang/ mdzad pa thugs rje'i 'khor lo dang/ bka' lung sde sdod rgyud pa'i 'khor lo dang/ don rtags chos nyid kyi 'khor lo dang/ gnas la dbang sgyur gyi 'khor lo dang/ rigs la dbang sgyur gyi 'khor lo dang/ ye shes la dbang sgyur gyi 'khor lo dang/ 'byung ba la dbang sgyur ba'i 'khor lo dang/ rtags la dbang sgyur ba'i 'khor lo dang/ rdul tshon gyi 'khor lo dang/ ras kyi 'khor lo dang/ gnan pa'i 'khor lo dang bcu gsum/ cho 'phrul mngon 'byung 'khor lo la phye bas bcu gsum// phyi ma'i 'khor lo dang/ spyi don 'brel ba'i 'khor lo dang/ rang don nges pa'i 'khor lo dang/ no be ka 'phrin las kyi 'khor lo dang/ man ngag yig chung gi 'khor lo dang/ 'phyong drug gter gyi 'khor lo dang/ rgyud drug bzhi'i 'khor lo dang/ rang rgyud spyod pa'i 'khor lo dang/ rig pa thugs kyi 'khor lo dang/ rtogs pa phyag rgya'i 'khor lo dang/ 'bras bu sprul sku'i 'khor lo dang/ dam rdzas rdzas kyi 'khor lo dang/ bka' lung brgyud pa'i 'khor lo dang/ phye bas dgu'o// drag po bsad pa'i 'khor lo la/ zhe sdang khram gyi 'khor lo// mdze nag spu gri'i 'khor lo dang// mdze nag mgo gsum hom 'brel gyi 'khor lo dang// nag po khram gyi 'khor lo dang/ gtad pa gzir ba'i 'khor lo dang// mdor ba bkod pa sa bdag srog gi 'khor lo dang/ bzlog pa byad zor gyi 'khor lo dang/ kha 'thab 'dzing sgril gyi 'khor lo/ bzlog pa mdung thung gi 'khor lo/ sgrol ba sbyor ba'i 'khor lo/ brdeg ba thun gyi 'khor lo/ bsrung ba las bzhi'i 'khor lo/ bsdigs pa bya khyung gi 'khor lo/ dbub pa nag po stong gi 'khor lo/ mtha' sdud sngags kyi 'khor lo/ nag po dbubs kyi 'khor lo// gtad rgya bsrung ba'i 'khor lo bcu drug ste/ 'khor lo dbye ba'o// nges tshig don du bshad do// gang yang mi 'khor 'khor zhing 'gro ba dang/ rnam pa gzhan du 'phro yin 'gro/ rtsa bar 'khor zhing rtse mor gcod// 'khor lo zhes su grags pa yin// zla gsang nag po'i tan tra las// 'khor lo dbye ba'i le'u ste rtsa drug pa'o//// yang bka' stsal pa// nyon cig ma rtogs ma go ba// dril bas man ngag lung du grangs// mdo don spyi don gnyis su gsungs// sngags zhes bya ba'i don go dang// bzhi snying sbag mar ma shes na// dam can mkha' la ci la 'du// srog snying 'khor lo ma shes na// man ngag gtan la ci la phebs// gsang sngags 'byung 'jug ma shes na// dam nyams khram la ci la thebs// 'debs pa'i dus kyang ma shes na// dmigs pa'i don dang ci la phrad// rgyud bzhi gdan 'khor ma shes na// ling ga gnad la ci la phebs// drod tshad rtags ngo ma shes na// byas pa'i las la 'bras bu med// ting 'dzin 'khor lo ma shes na// bsgrub bsnyen sbyor ba ji ltar byed// lha yi tshad ma ma shes na// gnas skabs sa tshigs ci yis 'dzin// 'khor lo tshad ma ma shes na// 'khor lo grub rtags ci la 'dzin// sngags kyi tshad ma ma shes na// dbye bshags bzlas lugs ji ltar 'dod// sngags rnams btu ba ma she na// sngags kyi nges don ci yis 'dzin// lha ngo 'dre ngo ma bzung na// bab bcol bzlas su ci la 'dod// mtshams kyi dgongs pa ma dag na// byas pa'i las rnams don mi 'grub// rtsa ba nyi shar ma bzlas na// las sgrub byas kyang rtags mi 'byung// rang nyid bsgoms ma rnyed na// 'khor lo bskor kyang rang la bzlog/ gnan pa byas kyang rang nyid gnon// lha yin tshad dang ma shes na// 'jam dpal khog gzhung phung ba yin// dper na byas pas mar dag sbyin// bsres kyang 'dres par cang 'gyur ram// de phyir gdams ngag rab tu gces// man ngag khong du ma chud na// dam can 'khol du ci la 'dod// zla gsang nag po'i tan+t+ra las// ston pas thugs kyi man ngag dril nas bstan pa'i le'u ste rtsa bdun pa'o//// ston pa ngo mtshar gyi ston pa la re'o ho// zhes brjod de 'khor rnams dad pa skyes so// ston pa la 'khor gyis bskor ba lan gsum du byas te// pU tsa nam mkha' gang ba phul te skra bkrol te bstod pa/ hUM mi bzad 'jam dpal khro rgyal gshin rje gshed// skad cig gsol spyod khams gsum mthur ldan pa// 'jam dpal gshin rje gshed la phyag 'tshal lo// rdo rje'i sku la klu dbang rab brgyan zhing// gcan gzan gdug pa'i pags rlon na bzar gsol// sku yi rgyan du sbrul dang thod pa bzhag/ tshems kyi gseb nas rdo rje thog 'bebs shing// nad stong srin mo'i tshogs kyang 'dar yed yed// 'jam dpal gshin rje gshed la phyag 'tshal lo// zhal bgrad mche gtsigs 'od rtsub du mtha'i me// bdag spyan bzlog smin ma bsgrengs nas// gdug pa dma' dbab bran du mdzad la 'dud// dur khrod 'bar bar mtshan mor rab rgyu zhing// mi shig mgo nas chem chem za byed pa// 'jam dpal gshin rje'i tshogs la phyag 'tshal lo// mthing nag ma he'i zhal dgu ni// 'jig pa'i spyan rnams bgrad cing spyan rnams bzlog kha kha byas pas dgra bo snying gsol zhing/ srog rtsa dmar nag snying nag dro 'jib ma// nyid kyi rgyud rlog dgra bo gsod mdzad pa// ston pa 'jam dpal khyed bstod a la la ho// zhes gsol ba btab bo// zla gsang nag po las 'khor rnams kyis ston pa la bstod pa'i le'u ste rtsa brgyad pa'o//// yang zhus pa// ston pa lags// rnal 'byor dme 'thab ji ltar lags// nyon cig rnal 'byor rnams ngas bshad kyis// yang ston pas gsungs pa/ 'jam dpal dme 'thab bstan pa'o// nang 'thab seng phur stag 'thab dang// ming gi rnam grangs bstan pa la// seng 'thab/ stag 'thab/ rus sbal 'thab/ sder 'thab/ mche 'thab// 'jing 'thab// mdor bsdus rnal 'byor dme 'thab yin// sngags pa nang 'gras dag la gsum// khyad par las kyi bya lugs la// dkyil 'khor rim pa 'di ltar ro// dbus su le tshe dgu pa ste// rim gnyis bskor te bcu gnyis bri// tha ma bcu gnyis rtse sprad la// bar bar du yang mi yang gzhug/ rtse sprad nang du gsang mtshan gzhug/ sgo ni dkyil 'khor spyi dang mthun// lha rgod ma yin dag tu bya// drag po'i dbang gzugs so// dam can la yang dbang gzugs so// ma srid rnams la dam yang brdar// de ni bya lugs bstan pa'o// bon po bud med skye bo yi// ming yang 'khor lo'i nang du gzhug/ sngags pa'i ming yang lto ru gzhug/ slob dpon dang ni srin ba'i lha// 'jam dpal lha la dpang yang gzugs// de ni dpang gzugs rim pa'o// da ni sngags dang sgom pa ston// ma yi dag tu shes par bya// mchod bstod bskul ba gzhan dang mthun// bzlas lugs phyi nang gsang ba gsum// nyin gtor mtshan dril la bzlas// nyi ma dang po la bzlas pa'i sngags// pra ma ya hUM phaT// gnyis pa/ mur dza ya phaT/ gsum pa la/ rag tra ra tsa ya hUM phaT/ bzhi pa la/ mA ra ya hUM phaT/ sham bu bzlas te rtsa ba snyag/ bsgrub pa'i sngags su gsungs pa la// yang gsang rag sha nag po yis// sngags pa bshad pa'i gsang sngags gsum// ya ma rA dza sa to me ya nag po rag sha che ge mo rbad/ ya ma ta/ ril baM ril rbad ya// ya mi to ru na/ yo ta ya// rag sha che ge mo snying la to ru me baM ril rbad ya// ya ta yo ni ra ya k+She ya/ ar+ya rag sha che ge mo baM ril rbad ya// yak+She ya tsa ni ra ma ya// trag rag sha shig che ge mo thum ril rbad ya// bsad pa'i sngags su gsungs pa'o// gsang mtshan yod na rab tu legs// med na ming dag la bya// de la thun gyis brab par bya// bzlas pa'i dus la nyin mtshan gnyis// mtshan mo zhi ba'i sngags gsungs pa// oM ru ru trag rag sha/ mo te rtsi snying kha rag tre tre rag sha dam nyams srin mo ru ru dun b+h+yo/ oM sing tsa du kha shag snying la rbad// tsa du dam nyams lce lbibs rag sha tsa pa pra ma la// oM tsa ti ka ma ru rak+Sha pa le dam nyams traM traM srid mo kha la rbad// oM rag mo ru ru tsa pa la// trag mo tro ti sha ri snying la mA ra ya rbad ya// nyin skor mtshan ni skor ro// thabs dang shes rab gnyis med kyis bshad// seng phur kha 'thab ston pa'i thugs las byung// skor ba'i dus su shan pa mon pa bzhi brgyad bskul// gsang sngags dme 'thab gnag pa 'di// sems kyi btsas su bzhag pa yin// las su rtag tu shan pa bskul// ngag tu a kro rgyun du 'don// zla gsang nag po'i rgyud las// seng phur kha 'thab pa'i le'u ste rtsa dgu pa'o//// yang ston pa la zhus pa// ston pa lags// drag po'i las la du tsam mchis// zhus pas// ston pas gsungs pa/ nyon cig rdo rje rnon po khyod// don dam chos sku zhi ba la// dus 'dir 'jam dpal khro bo nyid// gshin rje dgra zhes grags pa la// 'khor lo bskor ba'i cho ga bshad// de dang ldan pa'i man ngag la// 'byung ba bzhin du cho ga yis// dur khrod dben pa la sogs par// maN+Dal tshad du bri bar bya// ba byung dri yis byi dor bya// phyi nang pU tsa tshul du dgram// tshogs kyi 'khor lo bskor bar bya// 'khor lo bri ba tu spo ba brtsam// sngags pa rnal 'byor ldan pa yis/ kha ni lho phyogs ltas te 'dug/ dam tshig rjes su dran par bya// bcu bdun pa yis sngags 'di gdon// 'khor lo bskor ba'i rim pa brtsam// dbus ni sor ni bcu drug par// kun tu zlum pos bskor bar bya// 'di yi nang gi sa gcod do// rim gsum bskor te rim gsum po// lho ru chud pa'i brda ru bstan pa'o// dbus ni le tshe dgu ru bya// bar pa bcu dang gnyis pa'o// tha ma bcu dang drug pa'o// dbus su ya man ta ka'o// phyogs bzhir las kyi gshin rje gshed// bcu dang gnyis la 'chi bdag bcu// bcu dang drug la ging gis bskor// gdug pa'i rtsang mar phur pa dgod// sgo bzhi bse mo mched bzhi dgod// yig 'bru sngags dgod byin rlabs chud// des na lha grangs tshang bar dgod// lha srin sde brgyad du ma 'dus// man ngag bdag por dbang yang bskur// las 'phro ldan pa'i mi la gtad// lnga brgya dus kyi snyigs ma la// gos ngan zas ngan gnas ngan brtsigs// dam dgra sku dgra 'dul ba'i phyir// 'jam dpal drag po'i 'khor lo bskor// sbas shing gab pa'i man ngag ste// shin tu sba zhing spyad par bya// da ni sbas pa'i sngags rnams 'byung// ma ni ra tsa k+She ya pra ma ni rbad ya// k+She ra ya ni da yo da ma/ ta na yo ru me to ya/ ma ta to tsa ma ra ya/ oM ka ya tri ta tsi pra ma ya rbad ya/ oM ya tsa pri ta mA ra ya rbad ya// oM ya de ba ti sa ma ya phaT ya/ dbus gnag shar gyi le tshe dkar// lho ser nub dmar byang phyogs ljang// bcu gnyis dmar la bcu drug ser// gong ras sngon po gru chad dmar// lcags ri nag la sgo rig bstun// zur bzhi gdug pa'i ka ba gzugs// de stengs pho bskor dgab par bya// de stengs 'khor lo dar nag dbub// gzer bzhi btab ste sgo lcag gzhug/ dbus 'dug kha ni lho ru blta// smra gcad sngags bzlas thun yang brab// 'khor lo 'gros kyis bskor zhing bzlas// be con thogs te tsham rngam bya// las grub nag po phyogs su rba// sngags su nag po spu gri bzlas// snod ldan bu la sbyin par gsungs// bstan na rgyal khams phung bar nges// khong du sbos shig spel ma min// 'khor lo 'khrul ba'i 'khrul skyon ni// 'khor lo tshad mar shes par gsungs// bstan pa srung zhing gdug pa 'dul// de don bsgral ba'i las 'di gsungs// ming gi mtshan nyid bstan pa'o// gsod pa spu gri btags pa'o// zla gsang nag po'i tan+t+ra las// gsod par spu gri'i le'u ste sum cu pa'o//// yang ston pas gsungs pa// sbyor ba mdung thung bshad par bya// dus ngan tha ma bstan pa'i snyigs ma la// yang dag bor te log ltar spyod// bstan pa gnyan po bskyang ba'i phyir// sngags kyi 'khor lo 'khrul 'khor sgyur// man ngag drag sngags stong bzhugs kyang// bsad pa'i man ngag 'di las med// sbyor ba'i sngags kyi mdung thung 'dis// ston pa chen po bdag po des// 'khor gyi dang po bdag la gtad// chu srin kha ru rin chen chud pa ltar// bskal par 'khyams kyang khar mi dbyung// bstan pa'i yang snying bskol ba 'di// lha srin sde brgyad man ngag bsdus// sbas tig 'khor lo rgyal mtshan ni// sngags su bya ba'i don 'di dag/ oM ya ma rA dza sa to me ya/ pra ma ya rbad ya// oM me ru do na da yo ya// mur tsa ya rbad ya// oM ta ni yo na k+She ya ya// rag+ta rtsa ra ya rbad// yak+She ya tsa ni ma ra ya// dgra bo mA ra ya rbad ya/ 'di yang seng phur kha 'thab ste// zla gsang nag po las man ngag yig chung gi tan tran ste 'jam dpal la bsnyen pa 'bum du gdon// sngon du lha bsnyen tshad du dbyung// grub nas las la sbyar bar bya// grub nas dur khrod khar song nas// 'khor lo 'di na bri bar bya// spyi ru bstan na ro ras so// nang du bshad na thod par ro// gsang bar bya na zhing lpags so// de dang ldan par bri bar bya// rgyal chen sa yi maN+Dal ni// mkhas pas gsang ste nub mo bri// thig bzhi btab pas le tshe dgu/ bar ma bcu dang gnyis pa'o// mtha' ma bcu dang drug pa'o// phyi ru lcags ri sgo khyud dang// gdeng dang ldan pas bri bar bya// dbus su e gzhag 'khor lo bzhi// bcu gnyis bcu drug rtse sprad de// de yi bar du ming yang gzhag/ gru bzhi la ni zhal bzhi bri// phyag dang zhabs ni 'khor bar bri// sbrul gyi rgya gram gru ma gtad// mtha' ma rgya gram rdo rjes bskor// rdo rje'i bar du gsang mtshan gzhug/ las zin 'khor lo lto ru gzhug/ phur btab dgra la gnan pa bya// de bas bstan pa bsrung ba yi// gser dang 'dra ba'i man ngag 'di// snod ngan bu la mi sbyin no// zla gsang nag po'i rgyud las/ sbyor ba mdung thung gi le'u ste so gcig pa'o//// yang ston pa la zhus pa las// yang snying rnam gsum bka' stsol cig/ bzlog phung sngags rnams bstan par zhu// bka' stsal pa// yang snying bya ba'i don de la// las kyi yang snying bya ba de// sngags kyi 'khrul 'khor bya ba yin// g.yas bskor pho/ g.yon bskor mo/ ste rlung la bskur ba'o// las kyi yang snying bya ba ni// bya tsa ye/ sing nga ye/ du ru ye/ las kyi pho'o// mo'i yang snying ni/ tsi ta ye/ pri ta ye/ ha la ye/ don gyi yang snying bya ba/ rdal la ye/ ma la ye/ kyi pho ye/ grub pa'i yang snying/ a pa ye/ U pa ye/ a pa ye/ ra na dza dza/ yi ge 'bru bzhi pa'o// yang snying yi ge dgu pa ni/ mu ge ye/ a pa ye/ las kyi yang snying/ sing nga ye/ bya tsa ye/ dur ru ye/ pho yi'o// mo'i/ tsit+ta ya/ pri ta ye/ ha la ye/ ha la ye/ de rnams bzlas na/ tshe zad/ dbang thang zad/ bsod nams zad/ lo/ zla ba/ zhag/ za ma/ yi ge/ zla gsang nag po'i rgyud las/ 'phrul gyi me long gi le'u ste so gnyis pa'o//// yang zhus pa/ ston pa lags/ dbye dgug sngags rnams ji ltar lags// bka' stsal pa// las kyi sham bur bstan pa ste// rang dbang med par dgug pa la// hUM sa ma ya many+dzu kun tu hUM/ a nu ra na ga ya/ ya man ta ka hUM/ de byi thums thums// ha ha dam dam// sa ma ya dam dam/ baM ril rbad/ hur hur/ rni sti rni sti/ sod sod/ chod chod/ stong du bzlas so// dmigs pa gang yin pa dang/ kha dog dang tshul ci 'dra ba de khugs par bsam zhing dgug go/ da ni lha dang dbye ba/ oM rag+sha rag+sha/ ra ra ga sha phyung phyung/ oM de ba shan ting ku ru swAhA/ oM tsit+ta ye shan ting ku ru swAhA/ rig shan tsin da shag/ tri sha shag/ kha sa ni shag mur tin shag ma ni hri pri ta ya phrol cig/ dbye ba dang dgug pa'i las so// da ni bsgrub pa'i las gsungs te// rang nyid khro bor bsgom bya mgul du btags sam/ bzlas pa bya/ oM a kro te ka ya man ta ha na ma tha b+hany+dza ra na hUM phaT/ oM ha he na hA tri ta ya pra ha ra ni che ge mo'i byad zor bzlog b+h+yo b+h+yo/ sa ma ya bzlog bzlog b+h+yo b+h+yo phra mo de b+h+yo b+h+yo/ nang 'gras na 'di zor la bzlas la 'phang ngo// zla gsang nag po'i rgyud las// man ngag dbye dgug gi le'u ste so gsum pa'o//// yang zhus pa/ thams cad mkhyen pa'i ston pa khyod// las kyi bya thabs bsam yas kyang// las kyi dmigs sel ji ltar lags// bka' stsal pa// 'khor lo dgu ru bya ba la// ras dang rdo thal myu gu snag tsha rnams// 'khor lo dgu ru rab tu grags// lha bzhi gang bzhi dus tshod bzhi// nyin gung mtshan gung nangs nub bzhi// dang pos las la bskul/ gnyis pas las la gzung/ gsum pas don rnams 'grub/ bzhi pas don rnams gdon mi za// don gyis gnad bzhi yod pa la// mi tshig dag gis bar mi gcad// stan gcig la ni mi 'dug cing// 'du 'dzi spangs te rdzas rnams bsog/ 'khor lo dag la zur bzhi ste// hUM ya ma rA dza du sta mA ra ya hUM phaT/ hu ya ma be sha ra mA ra ya phaT/ ya ma tsit+ta mA ra ya phaT/ hUM ya ma snying da ra ti mA ra ya phaT/ 'khor lo sngags kyis gzer btabs pas// khong du don po bcug pa ste// de la thar par ga la 'gyur// lcags mkhar sgo med bcu drug par// 'jam dpal gshin rje'i grong khyer yin// de la sngags kyi gzer bcu drug ste// a A/ i I/ e A+ai/ u U/ o au/ ri rI/ li lI/ aM a/ lcags mkhar sgo yi gzer du gsungs// ling ga dag la gzer bzhi ste// ya ma snying/ ya ma khrag/ tshal pa baM ril dum pa dum// ling kha gzer du gzhag pa yin// 'khor lo bzhi la man ngag bzhi// sgrub dus yi ge mgon nang du bstan// bsad dus yi ge phyir ru bstan// thun dus sngags ni dgrol la brab// rdul mtshon phyag la don la brab// thun rdzas gshin rje ma mor sprul// man ngag bzhi ru bshad pa'o// mu tra bzhi ru grags pa la// be con ral gri 'khor lo dang// spu gri dag dang bzhi ru grag/ gnan pa rnam pa bzhi yod de// dur khrod mdun sa lha khang dang// rgya gram them 'og klu gdug gnas// gnas sa bzhi ru gnan pa bya// dbye ba'i rdzas la rnam pa bzhi// gu gul rwa gzhob rgya tshil dang// mu zi tshil chen dag dang bzhi// dbye ba'i rdzas su gsungs pa'o// gnan pa'i thabs la rdzas bzhi yod// 'khor lo rgya gram ri rab dang// phur ba dag la gnan pa bya// brab cing brdeg rdzas rnam pa bzhi// nyungs kar thal chen khrag dang dug/ rdzas dres brabs nas gdon mi za// brten pa'i rdzas ni bzhir gsungs te// mi snying rta snying bya nag snying// khyi nag snying dang bzhi ru gsungs// rten pa'i rta bzhi yod pa la// lug nag smug nag khyo nag bzhi// rten pa'i rta bzhir gsungs pa'o// brdeg pa'i dus tshod bzhi gsungs te// ston zla bor ba tha chung bzhi// brdeg pa'i zla bar shis pa yin// sngags pa mda' 'phen zla ba yin// dmigs pa'i 'phen bzhi yod pa la// ras kyi 'khor lo ling ga dang// rkang rjes tsa ra rog po bzhi// dmigs pa'i 'bem bzhi bya ba yin// man ngag dus bzhi yod pa la// 'khor lo bri ba dus bzhi dang// dus tshod lta phyogs smug gu dang// snag tsha bzhi ras dgos pa bzhi// stim pa bzhi bzhi dag tu gsungs// ting 'dzin dgongs pa rnams la brgyad// las rnams gtan la 'bebs pa ste// phur pa ri rab dag tu bsgom// khrag gi rgya mtsho khol mar bsgom// ras ni rlung nag tshub ma bsgom// ling ga me ltar 'bar bar bsgom// thod pa lcags kyi khang par bsgom// re ba phyar thums gtums par bsgom// mtshon khar sbrul gyis dkris par bsgom// las kyi gshin rje sde brgyad rnams// hab stob byed cing za bar bsgom// ri rab brjid ldan gnan par bsgom// ting 'dzin bsgom pa'i rim pa'o// zla gsang nag po'i rgyud las// 'jam dpal sbyan sel gyi le'u ste so bzhi pa'o//// yang zhus pa/ ston pa lags// hoM sbrel sbyin sreg ji ltar lags// rgyas par bdag la bstan du gsol// bka' stsal pa// drag po hom du sreg pa yi// dang po stegs bu brtsig pa la// sa gzhi nag po subs can la// khru do rgya ru dpangs mtho do// dbus su gru gsum thur du bru// kha khyer chu zheng sor bzhi pa// dbus su 'jim pa bzang po la// tri shul rtse gsum byas la gzhag/ bang rim gnyis la phyi nang du// thod pa rdo rje rgya gram gtang// zla kham dmar po'i nang du byung// tha ma zlum pos bskor bar bya// bri 'am rtsig gam 'dam ka'o// phyogs bzhir rdo rje rgya gram bri// sgo dang rgyan rnams spyi dang mthun// rdzas rnams bsags pa'i rim pa la// lcags phye zangs phye rdo phye dug/ khrag dang nyungs kar ldong ros dang// lha bshos nag po zur gsum pa// tsha ba'i rdzas dang gdug pa can// bshams te rab tu shes par bya// rdzas kyi rim pa bshad pa'o// hom du bya ba'i yaM shing ni// bil ba ka ra dag dang ni// kho bo dang ni nim pa la// dri mi zhim pas bskus nas ni// 'di rnams med na mthun pa'i shing bus bya bar gsungs// mthun zhing gdug pa tsher ma can// skyer pa la sogs sor bcu'i tshad// bsreg shing bya rog khra tshang dang// 'ug tshang bye tshang gdug pa'i shing// sor bcu yi ni tshad du bya// zur gsum gzhog la nag pos bku// nyi shu rtsa gcig dag tu bsham// thun snod lcags kyi phru bar bya// de ru sbyar la hom gzar gyis bcus te// ske tshe brdungs la nang du blug/ lha yi grangs dang bstun te bsreg/ khyal bar bsreg rdzas nyungs kar dang// ske tshe nim pa lo ma dang// thal chen rkang rje blangs la brab po// bong du rnga mo phya sra dang// phub ma bya rog tshil bu dang// gos sra dri chen chu dang// tsher ma can gyi shing dang ni/ rus pa bu 'gram bla ba'i sha// bsre ba'i 'os dang bsres la dbul// dug dang lan tshwa mang du bya// khrag dang rgya skyegs khu ba la// don po'i gzugs bris lha dbral bya// rtsa sngags dug dang 'dra ba 'di// mgo la a kro bton te bzhag/ gzhug tu gdags pa'i sngags 'di lta ste/ oM hriHSh+ti bi kri tA na na hUM hUM phaT phaT/ sarba sha tru na sha ya/ staM pa ya/ mu de tsa ya hUM phaT/ che ge mo mur tsa ya phaT/ che ge mo rag+ta tsa ra hUM phaT/ mu ra tsa ya phaT/ mA ra ya hUM phaT/ tsa mun hUM dza/ e ka tsa ya mA ra ya hUM phaT/ rak+ta yang sbreng/ rtsa sngags la/ a mu dza khaM mA ra ya shan// tri ku ru dza/ byas la rdzas dbul/ smre sngags gdon// bsreg rdzas rim pa dang dbul ba bstan pa'o// thab khung me lha bskyed pa ni// yi ge raM las bskyed do dza// phaT dz+wa la raM gyis spre// saM ha ra hUM gis bsdus so// skur grub ra kham pa chibs pa// zhal gcig phyag gnyis pa/ dam tshig me la bskyed pa'o// de nas ye shes me lha spyan drangs te// yaM shing nag po zur gsum po// drag po rigs lnga me spar te// skye ba med pa rang zhes bya// phaT dzA la raM hUM phaT/ dzA la raM hUM phaT/ bstan pa bya ba'i don bshad de// me lha rgyal po khyed rnams kyang// sngon dang da ltar yod bdag ched// rdzas chen dbul bas gdan la bzhugs// dges shing brtan par bzhugs su sol// stiSh+Tha pad+ma sa ma ya lhan// dzaHhUM baM hos bstim par bya// me lha pU tsa'i rim pa dbul bar bya// bsreg rdzas dbul ba'i tshig bshad 'di'o// drang srong chen po sngon chad ma gtang ba'i// shin tu gdug pa'i yam shing tsher ma can// bsreg rdzas dug dang 'dra ba'i rdzas dbul gyis// dam nyams dgra bgegs zhal du bzhes su gsol// oM a kro te ka ag ne a mu kha shan ting ku ru mA ra ya phaT/ rang re sngags sham bu la// a mu ka mA ra ya ni kun la btags// me bstod rim pa 'di ltar bstod/ tshangs pa 'jig rten mgon gyi sras// me lha'i rgyal po drang srong mchog/ 'jig rten yongs la bskyab pa'i phyir// 'dul ba'i dbang gis sku sprul pa/ gsang sngags 'chang zhing rig sngags bsrung// phyag mtshan bcud ldan gun d+he bsnams// thabs dang shes rab gnyis med pa// 'jam dpal sprul pa khyod la bstod// yang zhus pa/ lha la sbyin sreg dbul mi dbul// bka' stsal pa/ dkyil 'khor lha la tshang bar dbul// me lha lho ru skyed pa dang// me lha mdun du bskyed pa gnyis// spyan drangs bstim dang mchod pa dbul/ de nas sreg rdzas rim pa dbul// dbul ba'i tshig bshad 'di lta ste// chos nyid brdal ba'i hoM khung du// rig pa byang chub sems kyi me sbyar te// dam nyams dgra bgegs bsgral ba'i phyir// 'jam dpal lha tshogs kun la dbul// drang srong rdzas 'di 'bul gyis// dgra bgegs ma lus rlag par mdzod// zla gsang nag po'i rgyud las// drag po hom gyi le'u ste so lnga pa'o//// yang zhus pa// ston pa lags// drag po 'khor lo bskor tsam na// las kyi char ka 'tshal mi 'tshal// 'tshal ba lags na bshad du gsol// yang ston pas gsungs pa// las rnams rdzogs pa'i ting thogs la// las bzhi 'dzab ni khri khrir bya// brgya tshar re la sman mchod bya// btab pa re la smon lam re// dug gi brab cing nyungs kar brab// ske tshe thun dang brab par bya// 'khor lo kha dbye ling ga brab// mon bzhi shan pa bskul bar gtang// bzlas pa'i sngags ni 'di lta ste// sku gsung thugs dang 'phrin las dang// yon tan sngags su gsungs pa la// oM a kro te ka ya man ta ka ha na ma tha b+hany+dza hUM phaT// oM ka la ru pa hUM phaT a/ oM hriSh+ta bi kri tA nan hUM phaT/ mu tra be con phyag rgyas bcas// nyi ma dang po ya ma ra dza bsgom// dza sa to me ya/ che ge a mu kaM pra ma ya ni/ sha ku ru ni hUM phaT/ thun ni nyungs kar dug gis brab// smon lam btab la bro ri btang// thun kun mon dang shan pa bskul// nyi ma gnyis pa myos byed bsgom// ya me to tu na yo ta ya/ che ge mo a mu kaM rag ta tsa ra ya ni/ sha ku ru hUM phaT/ smon lam btab bskul gong dang mthun// nyi ma gsum pa ma ru rtse// ya ta ya no ra ya k+She ya/ che ge mo srog rtsa a mur tsa ya ni sha ku ru ni hUM phaT/ nyi ma bzhi pa ral pa tshar dgu/ yak+She ya tsa ni ra ma ya/ che ge mo a mu ka mA ra ya ni sha ku ru hUM phaT/ thun rdzas brab cing bskul stab bro/ yang dang yang du bya bar gsungs// oM many+dzu shri a kro te ka ya man ta ka kA la ru pa ni sha ku ru ni hUM phaT/ nyi ma bzhi pa las kyi mtha' sdud do// sa ma ya many+dzu shri mu tra// ya man ta ka pany+tsa de ro ni hUM dza/ many+dzu shri a kro te ka ya man ta ka kA la ru pa ni sha ku ru ni hUM phaT/ oM many+dzu shrI mu tra ya man ta ka/ a kro te ka ya man ta ka che ge mo rbad thuM ri li li// rnirAmA ra ya/ ya ma ra du/ ya ma snying/ ya ma khrag/ ya ma dun/ ya ma rbad/ tshal pa tshal pa/ baM ril staM pa nan/ dum bu dum bu/ hu duM hu duM/ shig shig phul/ glong bu shig shig phrul/ a sti staM pa ya a mu rkaM rbad/ thuM ri li li b+h+yo/ de ba ro ta na nan/ big nan to ha nan lang lang to ta nan ma hA do da nan/ 'jam dpal las kyi mthar thug pa// las rdzogs rting la gnan pa bya// 'khor lo man ngag bsad pa'o// snod ngan mi bstan blo gting sba// byang chub 'dod pa'i gang zag la// 'jam dpal tsha tshwa gdab par gsungs// rang nyid ya man ta kar bsgom// 'jim pa rig chen sna lnga las// rin po che yi skor bur bsgom// bdud rtsi bsangs te 'bi 'bi bya// lag pa thabs dang shes rab bsgom// lag mthil gnyis su yig 'bru bsam// g.yas su oM ste g.yon du oM// de gnyis bar du 'jim pa bsam// yig 'bru 'jim pa'i nang du thim// de las 'od 'phros don gsum byas// slar 'dus 'jim pa dag la thim// a kro bzlas pas sku ru grub// phar 'phros don byas dbyibs bsdus te// tshur 'dus sku yang 'od du zhu// kor bu bcug la a kro bzlas// a kro 'od zer spro bsdu las// bcud bsdus 'jim pa sku ru grub/ las bzhi gang byed dbyibs su gyur// btab la dkyil 'khor steng du bzhugs// maN+Dal khrus gang gru bzhi pa// dbus su zlum po gsum rim bya// dbus su me tog phung po dgod// de la lha lnga dgod par bya// bar bar tsha tshwa gzhag par bya// ma shong ba rnams mtha' mar gzhag/ pU tsa lnga yang dbul bar bya// rang bzhin lha tshogs spyan drangs te// spos thogs badzra sa ma dzas// se gol gtog cing lcags kyus dgug/ bdud rtsis bsang la dkyil 'khor gzhug/ dbang bskur byin brlabs pU tsa dbul// bdug spos me tog mar me dang// dri chab zhal zas sil snyan mchod pa'i dbyangs// rol mo glu gar rgyal mtshan gdugs// lhab lhub gser dngul rin po che// bai DUr+Ya dang dung bud gsur// na bza' bca' ba bgo ba dang// 'dod yon lnga yi mchod pa dam pa 'di// dkyil 'khor lha la mchod pa 'bul// thugs dam dbang gis dgyes par mdzod// oM sarba ta thA ga ta ud kham s+pha ra na// sa ma ye hUM/ byas te da ni gtor chung dbul// spyan drangs lha la bstod pas bstod// tsha tshwa la thim ste 'od du zhu// 'khor ba ma stongs bar du bzhugs// rab du gnas pa zhes su grags// rang nyid ya man ta kar bsgom// snying po la kro rgyun du 'don// bskyed pa'i lha rnams rang la bsdu// bdag don gzhan don gnyis su bsdu// man ngag gi rgyud las/ tsha tshwa gdab pa'i le'u ste so drug pa'o//// yang zhus pa// ston pa thams cad mkhyen pa po// las bzhi man ngag ji ltar lags// dbul ba'i dgos pa ji ltar lags/ bka' stsal pa/ nyon cig rdo rje rnon po khyod// thabs kyi rim pa bka' gzhung mthun// dgongs pa'i rim 'di lta ste// dri ni thugs kar dbul bar bya// zho dang bza' ba zhal du dbul// mar me spyan la dbul ba'o// yon chab dbu la zhabs bsil zhabs// me tog thams cad dbu la 'bul// dgra dang don po khog tu dbul// de ni dbul ba'i dgongs pa'o// yang zhus pa/ ston pa lags// bsreg rdzas rim pa ji ltar lags// tshad dang snod ni gang gis bgyi// lho phyogs bud shing dang// rnam bzhi me ni gang nas blang// zhes zhus pas// bka' stsal pa// de rnams bya bar ngas bshad kyis// yam shing rim pa bya ba de// drag po yam shing sor bzhi pa// sboms su cha gang rtse mo cha// dug chur byugs te dbul bar bya// dbang gi yam shing bya ba de// chu ru sor bzhi sboms su chag gang ba// bdud rtsir bsangs la dbul bar bya// rgyas par bya ba'i yam shing de// chu ru khru gang sboms cha gang ba// bdud rtsir bsang la dbul bar bya// dbus kyi cha las byung bas bya// ldong ros bskus la dbul bar bya// zhi bar bya ba'i yam shing la// rtse mo chang las byung ba ste// chu ru mdzub gang sboms su cha gang// sbyang rtsir spangs la dbul bar bya// yam shing rim pa bstan pa'o// bud shing bya ba'i rim pa'o// gdug pa'i shing gi nag po dang// tsan dan shing ngam dmar po dang// lcang dkar blang ma dkar po'i shing// ser po shing la bya ba 'am// yang na kha dog bsgyur la bya// bud shing bya ba'i rim pa'o// dus tshod bya ba'i rim pa de// drag po nam phyed nyin gung dbang// rgyas pa nam langs nyi phyed zhi// dus tshod rim pa bstan pa'o// rnal 'byor kha yi lta lugs ni// drag po byang la kha ni nub// rgyas pa lho ste zhi ba shar// rnal 'byor kha lta'i rim pa'o// drang po rdzas rnams g.yon tu gzhag/ gsum po bka' gzhung gzhan dang mthun// rdzas rnams gzhag pa'i rim pa'o// rdzas rnams dbus pa'i rim pa ni// sngon la gang dbul rim pa la// zhi ba la mar gyis drang// dbang la ud pa la yis drang// rgyas pa la zho yis drang/ drag po dag la tsher ma can// sngon du gang 'dul rim pa'o// snod kyi rim pa bstan pa la// zhi ba'i snod ni 'khar raM dngul// rgyas pa dag la gser phor ro// dbang la zangs su bya ba de// drag po dga' la lcags phor bya// las bzhi snod kyi rim pa'o// me yi rim pa bya ba de// drag po shan pa'i khyim nas blangs// dbang ni chos ma'i khyim nas blangs// zhi ba gtsub shing dag la gdon// rgyas pa rgyal po'i khyim nas blangs// de ni me yi blang thabs so// bsang ba ku shas bsang bar bya'o// sbar ba dz+wa la raM gyis sbyar// bstod pa las kyi dmigs dang sbyar// zla gsang nag po'i rgyud las// las bzhi'i le'u ste so bdun pa'o//// yang zhus pa/ 'khor lo med pa'i man ngag mchis sam ma mchis// mchis na ma rtogs bdag la bstan du gsol// bka' stsal pa// ston pas gsungs pa// 'jam dpal/ mgul gug dag ni bsad pa ste// don po yi ge ya yi gzhug/ don po tshangs pa'i bu gar yang// yi ge ya gcig bsam par bya// ya las 'od 'phros// bcud bsdus yi ge ya yang thim// ya ni 'od du zhu ba las// yi ge rtsa ru gyur par bsam// tsa las 'od 'phro don byas nas// slar 'dus yi ge tsa la thim// de las ya man ta kar gyur// tshad ni tshon gang dag tu gyur// gzas pa yi ni klad dkyil na// rang nyid klad dkyil 'dug par bsam// rtsa sngags dgu pa brjod par bya// 'jam dpal sku ni tsho gang po// don po klad pa dkrugs par bsam// des ni mgo bo 'khor ba'o// de nas khro bo srog rtsar zhugs// phyag mtshan bskor bas snying khrag 'dzag/ sngags ni a mu ka bzlas// gnyis pa khrag tu// de na don po khrag 'dzag la// dam tshig sngags 'bru brgyad btab pas// ya mAn ta ka'i 'khor gnas pa'o// thams cad khrag 'thung myos shing brgyal// shi ba 'dra bar 'dug pa la// gsum pas brgyal bar bya ba'o// de nas las kyi sngags 'di brdeg/ las sngags brgya pa khro bo de// de yi rang bzhin gshen rje gshed// sha tshugs mi sdug pa ru gyur// 'khor ni mi bzad mang po yis// don po de ni brdungs bsnyags nas// sha rus yo yis zos par bsam// don po gtan nas brlag par bsam// bzhi pa mA ra ya gdon mi za// de la thun brab rdzas bstan pa// lcags phye zangs phye skye tshe nyungs kar// 'khor lo med de 'khrul 'khrug rba// de la yang dang yang du brab// dgu pa'i sngags ni 'di yis brdeg/ a pa ya// du ra tsa sha na la/ yang snying/ mu ka ye/ a pa ye/ ka pa ye/ dam tshig 'bru brgyad pa/ hriHSh+tiH bi kri ta mon ta ya// bya tsa ye/ sing nga ye/ tsat+ti ye/ du ru ye/ kri ta ye/ ha la ye/ che ge mo myag thum ril rbad ya/ 'di ni thugs kyi yang thugs te// khrag skam dug gis brab par bya// dgug sngags// kA la ru pa ni sha ku ru// A kar+Sha ya/ A kar+Sha ya/ thed la thod ma// hriHSh+ti mu ka'o// u ne u ne/ mA ra ya dza dza/ dbye ba'i sngags// hriSh+ti ki pa ye/ e dza la e dza la/ ra dza phye ra dza phye// a shag shag/ ya ma phye/ ya ma phye/ dbang du bsdus pa/ pu ta baM/ hriSh+ti bi kri maM hri/ a ka ye/ dza la ye/ mA ra ya/ u ne u ne/ 'jam dpal a ra la gtad pa yi// du ne du ne/ khraM khraM ni sha mA ra ya/ hriSh+ti mu ka ye/ a ne a ne/ thib mA ra ya/ zla gsang nag po'i rgyud las/ 'khor lo skyed steng ba'i le'u ste so brgyad pa'o//// yang zhus pa/ ston pa thams cad mkhyen pa po// las sna hom gyis thus ka ste// las gzhug gcod pa ji ltar lags// bka' stsal pa// nyon cig ma go sems can khyod// las gzhug chig bzhi 'di chos gcad// ho/ yi shes klong yangs 'khyil ba'i hoM khung du// drag po sreg rdzas dam pa 'di// drang srong chen po khyed rnams la// bdag cag ding gi rnal 'byor dang// dus ngan snyigs ma'i gang zag gis// rdzas kyi khyed la 'bul bas dges mdzod la// mi mthun pa yi bgegs nad dang// 'phral gyi rkyen dang sngon gyi las// zhi zhi tshe ring dbang thang rgyas// tshe ring dpal skyed bsod nams 'phel// gzi brjid zla ba yar gyi ngo bzhin du// 'phel zhing rgyas par mdzad du gsol// yo byad ma 'byor 'khrul la sogs// ma 'byor ma dag bsod par gsol// bdag cag sems la dbang sgyur ba// ma 'ongs gang zag dbang ma thob// des na ma skyes dbang gis ni// me lha khyed la bzod par gsol// las su bcol ba'i 'phrin las mdzod// khyed cag ma 'ongs 'khor rnams kyis// de la btab pas 'bras bu 'byung// dper na nas sran ma btab na// 'bras bu 'byung ba ci la 'byung// de phyir hom thab byas pas sdig sgrib sbyong// smon lam btab pas sngon na sdod// smon lam ma btab nges pa med// des na 'di la nan tur skyed// btab pas dngos grub gdon mi za// sngar gyi sangs rgyas rnams kyis kyang// smon lam dag la brten nas 'grub// de yang 'khor tshogs khyed rnams kyang// nga yis bstan pa'i ngag 'di nyon// btab pas las bzhi'i 'bras bu 'byung// dbang drag gnyis kyis gzhan don 'grub// zhi rgyas gnyis kyis bdag don 'grub// dper na zar ma'i lo legs 'dra// zla gsang nag po'i rgyud las// man ngag sgrub thab hom gyi le'u ste so dgu pa'o//// yang zhus pa// ston pa lags// ma 'ongs sems can don ched du// gnas kyi rim pa ji ltar lags// maN+Dal stegs bu ji ltar lags// lhag par gnas pa ji ltar lags// gnas kyi dgongs pa ji ltar lags// dbang bskur don ni ji ltar lags// tshogs kyi bya lugs ji ltar lags// cha 'das skyel sa ji ltar lags// bka' stsal pa/ ho/ nyon cig 'jam dpal rnon po khyod// shin tu legs so rigs kyi bu// gnas zhes bya ba'i cho ga la// sa chog gsang sngags khog lto yin// khyad par phye ba 'dir ma bshad// sa rko dul ba gnyis yod de// sa rgod ma dul sa gzhung bya// rgyas pa bya ste bka' brgya mthun// 'di ru legs par ma bkod do// stegs bu dal mnyam bdud rtsi byug/ bsnyen rdzogs maN+Dal rtsig lha gnas bya// lha grangs me tog phur bus bya// de la snying pos lha rnams dbab// mchod bstod bka' gzhung gzhan dang mthun// gtor ma rgyas par gtang bar bya// rdzas dang slob ma lhag gnas bya// slob ma khrus byas chas rnams bskon// stegs bu thog bshams mtshams gcod bya// de yis gsol btab bka' lung nod// yan lag bdun pa tshul du bya// gdams pa byas te mtshan nyid dri// srung skud btags shing tshems shing brim// slar la gtang la snying la bri// de ni slob ma gnas pa'o// skabs su kha bskang zhi ba'i hom thab bya// hom gyis lhag chad bskang ba'o// da ni gnas kyi bsgrub pa brtsam// stegs bu rnam pa bdun brtsegs bya// dang po khro ba'i dkyil 'khor bya// gnyis pa maN+Dal zlum po bya// 'khor lo rtsibs brgyad sgo gcig pa// de 'og maN+Dal khru gang ba// zhi ba'i maN+Dal bri bar bya// de 'og zlum po sgo gcig pa// pad+ma 'dab brgyad bri bar bya// de 'og zlum po mthing nag gdan// bting ste rten gyi dri ma gzhag/ de 'od drag po hom dkyil du// gshin rje gshed rnams 'phrog par bya// gnas kyi phyi rol yangs pa ru// lhag chad gdug pa zhi bya'i phyi// zhi ba'i me thab brtsig par bya// bri bar ma gsungs dkar zhal bya// maN+Dal bdun par gsungs pa'o// gnas kyi dgongs pa bya ba de// 'jam dpal las gzhung gnyis srang ste// skabs la bab na gshed dang bral// zlum po dag tu ngan song sbyang// dag byed sngags kyis mtha' bsgyur bkru// zlum po 'dab ma'i steng gzhag ste// zhi ba'i dkyil 'khor gzhug dbang bskur// phyi yi dbang lnga spyir snyag go/ zhi ba'i tshogs phran de 'phrad do// de yang sgrib pa bkru bshags bya// de yang lan gcig bde bar phyin// de nas maN+Dal gong 'og tu gzhag ste// khro bo'i dkyil 'khor 'jug par bya// me tog gtor la gsol ba gdab// lha tshogs de yi mtshams kyang gcad// tshe 'das bskor zhing bsrung ba bya// khro bo mtshams kyi maN+Dal la// de nas drag po khro bo dbang// dam rdzas lnga yi gzhi blangs la// gang mtshams dbang rnams bskur bar bya// dbang rdzogs tshogs kyi 'khor lo bskor// sgra bkrol dri btul stang stabs bya// bgegs bsad 'jam dpal tshogs phrin gdag/ ru 'dis gnas kyi dgongs pa bya// las mkhan tshogs kyi pU tsa dbul// byan pas tshogs kyi dbye bshag bya// tshogs gsum bshar te bgo bsha' bya// tsho gcig dkyil 'khor lha la dbul// tsho gcig phud phul tsho gsum dbye// tshe gcig las bzhi sbyin sreg bya// tsho gcig mi zad gter du sba// tsho gcig mkha' 'gro mtha' dag mchod// gsum bgos cha gcig cha gnyis te// cha gcig rnal 'byor pa rnams rol// cha gcig mtha' yi 'khor la dbye// de bzhi tshogs kyi dbye bzhag go/ tshe 'das rgyal ba 'di ltar bya// rdo rje rtse mor ming bya gdag/ khro bo dal nas bstan par bya// 'jam dpal ye shes sems dpa' yis// yab yub lhums su bstab par bya// 'bru drug sbyangs nas rgyal ba lngar// lan cig bstan te bde bar phyin// de nas skye shi med par bskyal ba dang// yab yum lhums su 'phang ba'o// yab yum 'khar ru 'phen na ni// rlung la bskyon te kha ru bzhu// de las rigs kyi 'jam dpal gang rung zhig/ bskyed de dbang dang byin brlabs nas// 'go ba mtha' dag don gyi bar// bsgom la sems can don la gtang// tshe 'das pa yi rim pa'o// de nas mtshan byang me la bsreg/ mthar phyin lam du bskyal ba'o// tshogs kyi lha mo spyan drangs te// sgra dkrol rdo rje'i glu yang blang// g.yon pa bsdigs bsgreng rkang pa bsgrang// g.yas pa rdo rje brdeg tshul 'phyar// gdung ba'i byug pa blang zhing bstan// brgyang la yar la 'tshal bro brdung// de nas tshogs la sbyin sreg bya// las bzhi blo yis dga' glu blangs// de nas phyi nang bsdu ba ste// mi ltung rtog med ngang du bsgom// zla gsang nag po'i rgyud las// tshe 'das gnas kyi cho ga'i le'u ste bzhi bcu pa'o//// yang zhus pa// ston pa lags// tshe phyir 'dod dang rus pa yi// tsha tshwa gdab pa ji ltar lags// bka' stsal pa// nyon cig rdo rje rnon po khyod// tshe phyi 'dod pa'i tsha tsha dang// rus bu 'debs pa'i tsha tshwa la// zur tsam mi mthun ma yin pa// khyad par 'dug pa ngas ma mthong// tsha tshwa gdab pa'i bya lugs la// yid dga' ba yis phyogs der// bde ba'i stan la 'dug nas ni// sa bdag gnyis las sa blangs te// mi gnang ba la gtor ma sbyin// byin la gsol ba gdab par bya// gnang la tshig gis blang bar bya// blangs la lto 'phye brtags byas la// lha mo bton la dpang por gzhag/ pU tsa phul te gsol ba gdab// khru tshad gang byed slob dpon khru// khru btsal stegs bu brtsig par bya// khru gang dpangs su brtsigs byas la// chag chag rnam gsum rim par gdab// ro lnga bsal la byin brlabs bya// b+h+rUM las rin chen gzhal yas khang// gser gyi sa gzhi byin brlabs bya// tshim nas me tog tshom bu dang// dri yi thig le legs par bya// de la lha rnams snying po bstim// lhag par gnang ba tshul bzhin bya// mchod bstod byas la tshang thig brtsam// bsgrub pa brtsams te maN+Dal bya// dkyil 'khor 'dab gang grub bzhi la// rim gsum bskor ba'i lte ba la// sna tshogs pad+ma 'dab brgyad bri// lte bar 'jam dpal sems dpa' bzhugs// bskyed pa sa bon d+hi las bskyed// sngags ni// oM bA gI shwa ri muM gyis bskyed// spyan drangs de la bstim par bya// byin brlabs dbang bskur gzhan dang mthun// rim gnyis pad+ma'i gdan stengs su// tsha tshwa btab ste sku ru bsgom// de nas gdan la bzhugs su gsol// spyan dbye byin brlabs dbang yang bskur// de pa spyan drangs sku la bstim/ de ni rab tu gnas pa'o// tshogs chung gtor ma zhal zas kyis// pU tsa phul nas bstod pa bya// 'debs dus bsgom pa 'di ltar bya// pad+ma rin chen sna lnga las// sngags 'dis tsha tshwa gdab par bya// oM bA gi shwa ri muM// he b+ha ga ban many+dzu shrI ku ma ra ga rtse swAhA// de nas mkhas pas gdab par bya// shes rab po ti thugs rtags can// chos rnams thams cad ston pa po// skye med ngang las zug rngu spangs// 'jam dpal chos sku nyid la bstod// 'khrul pa mi mnga' nor ba spangs// the tshom thams cad gcod mdzad pa// thams cad mkhyen zhing de nyid ston// nyi zla lta bu mun rum sel// 'jam dpal ye shes khyed la bstod// 'dod pa'i don grub dgos don gter// yid bzhin nor bu dgos 'dod ster// dbus po ser snas bcings pa yis// de yi bsam pa thams cad 'grub// de yis ser sna gcod mdzad pa// thams cad mkhyen zhing de nyid ston// nyi zla lta bur mun rum sel// 'jam dpal ye shes khyod la bstod// 'dod pa'i don grub dgos 'dod ster// yid bzhin nor bu dgos 'dod ster// dbul po ser snas bcings pa yis// de yi ser sna gcod par byed// thams cad mkhyen zhing de nyid ston// nyi zla lta bur mun rum sel// 'jam dpal dgos 'dod bskongs la 'dud// byams pa'i thugs rje shugs dang ldan// rtag tu snying rje don dang ldan// shes rab ral gri mda' gzhu thogs// mi shes bzlog ba'i thugs rje can// 'jam dpal thugs rjes ldan la 'dud// las kyi sems can bdag tu skyes// las kyi rnam smin dgra ru langs// 'jam dpal bka' gzhung bden mod kyang// brtson 'grus zhan pas rngo ma thogs// bstod pa'i sems kyi khyod la bstod// zla gsang nag po tan+t+ra las// tsha tshwa gdab pa'i le'u ste zhe gcig pa'o//// yang zhus pa/ ston pa lags// ma rtogs pa yi gang zag la// tsha tshwa gdab pa'i rjes 'jug la/ spyan dbye mnga' gsol ji ltar lags// bka' stsal pa/ spyan dbye mnga' gsol 'di ltar bshad// nga yis drang don 'di ltar bstan// lam la zhugs pa'i rnal 'byor pa// spyan dbye ba yi tshig bshad la// dang po sku khrus gsal bar bya// rgyal ba'i sku la mdangs lhar gsal ba'i sku// 'jam dpal sku la dri ma mi mnga' yang// 'gro ba'i dri ma bsal phyir rnga yab dang// kha tshar ma nyams ras kyis sku byis pas// sems can dri ma bag chags byang gyur cig/ nir ma kA ya shud d+ho haM/ gser gyi gtsag bus spyan bsal bas// rgyal ba'i mkha' la byon ba'i gser mdog can// 'jam dpal spyan la rab rib mi mnga' yang// rnal 'byor rnams kyi bag chags sbyang slad du// gser gyi gtsag bus sbyan gyi ling tog bsal// sems can mun pa thams cad gsal gyur cig/ nir ma kA ya tsag shu pra be sha phaT/ thang sku byed na ras la bya// gzo bo smyur bar gnas par bya// gzhon nu'i tshul 'chang ro brgyad pa// zur phud can la gser mdog sku// phyag na ral gri po ti 'dzin// mkhas pa'i gtso bo de la spyan dbye dbang bskur bya// 'du 'dzi spangs te gnas pa dang// maN+Dal me tog gcal bkram ste// a ka ru dang du ru ka/ bzang po dris bdug sbrin btul la// mar dkar me yang rgyun mi gcad// drag pa'i rdzas rnams 'dir mi bsnyen// pU tsa rim pas dbul bar bya// 'gro drug 'khyams pa'i sems can la// tshad med bzhi dang ldan par bsgom// oM swa b+hA bi shud d+ha/ sarba d+harmA swa b+ha bi shud d+ho haM/ thams cad stong pa nyid du bsgom// sems kyi cho 'phrul d+hi dang hi// 'phro 'du byin brlabs sku ru gsal// oM bA gi shri muM/ yang na a pa ra byi du/ brjod pas zla ba'i dal stengs su// hri las 'jam dpal sku ru gsal// bzang po 'dug stengs gzhon nu'i sku// gser mdog zur phud po ti ral gri bsnams// gzhon nu lo brgyad pa yi tshul// rgyun du 'don pa'i snying po la// bA gi shwa ri muM/ a ra pa tsa na hriH oM hUM aM/ tri byin brlabs sngags// de yi thugs kar bsam bya ba// ye shes sems dpa' mtshon gang bo// de yi thugs kar ting 'dzin sems// rdo rje las 'od 'phros rnams byas// slar 'du thugs ka'i hri la thim// de yi mtha' ma bzlas yig bskor// de las 'od 'phros de ba drangs// drangs pa de dang gnyis med bstim// drang ba'i tshig ni 'di yis bsgrags// hUM/ mi dmigs pa yi zhing khams nas// thabs kyi cho 'phrul bskur bstan pa// 'jam dpal spros bral bdag gzhan dpal// gzhon nu tshul 'chang gtsug phud can// 'od bzang ston ka'i zla ltar gsal// shes rab ral gri po ti 'dzin// ma rig mun sel shes rab 'od// 'gro la phan phyin gnas 'di ru// sems can don la brtser dgongs te// thugs rje'i dbang gis gshegs su gsol// lcags kyu mu tra bcas la dgug/ dzaHhUMHbaM hoH A be sha ya// gnyis med thim ste pU tsa dbul// bstod pa'i rgyal po 'di yis bstod// 'jam dpal dpal dang ldan pa'i mchog/ 'od zer ston ka'i zla ltar dkar// nyi ma 'char ba'i 'od ltar gsal// phyag sor 'brel la sen shan dmar// rtsa gnyis mtshan 'chang khyod la 'dud// shes rab ldan pa'i skad cig gis// chos kun khong du chud par mkhyen// mi shes g.yul ngo thams cad sel// sems can kun la byams ldan bstod// mi shes mun sel ral gri dang// smad tsher dag gis snyan gsal bas// 'jam dpal dbyangs la 'gag pa mi mnga' yang// gser gyi gtsag bus snyan bsal bas// srid sgra thams cad thos gyur cig/ swa b+ha wa shud d+ho haM/ zangs khab dmar pos shangs bsal nas// 'jam dpal shangs la 'gag ba mi mnga' yang// sems can rnams kyi bag chags sbyang slad du// zangs khab dmar pos shangs kyi dbang po bsal// khams gsum dri rnams tshor gyur cig/ sarba shud d+ho haM/ tshems shing dag gi tshems bsal bas// 'jam dpal tshems la rnol brtul mi mnga' yang// sems can 'gro ba'i bag chags sbyang slad du// tshems shing rnon pos tshems kyi nyes pa bsal// khams gsum sems can sdug bsngal chod gyur cig/ badzra du kha tshe da swAhA// dung gi so mangs dbu bshad de// 'jam dpal dbu la nyes pa mi mnga' yang// dung gi so mangs gtsug gi nyes pa bsal// khams gsum dri ma ma lus dag par shog/ rat+na shi khi swAhA/ sku phyis dar gyis bkab// skabs 'dir dbang rgyas par bskur// zhal zas 'byor tshad mnga' gsol bya// spyan drangs te bstim la gzhag/ rtag tu bstim tshig 'di dag ste// 'jam dpal dpal dang ldan pa'i mchog/ bdag cag sgrib pa sbyang ba dang// ma 'ongs rnams la sman pa dang// ma chags pad+ma'i gdan la bzhugs// pad+ma tiSh+ta lhan a A/ zla gsang nag po'i rgyud las// spyan dbye mnga' gsol gyi le'u ste zhe gnyis pa'o//// yang zhus pa// ston pa lags// ma 'ongs pa yi sems can la// dngos grub sgrub na ji ltar bsgrub// bsgrub na bsgrub lugs du tsam mchis// bka' stsal pa// nyon cig rdo rje rnon po khyod// dngos grub bsgrub pa bsam yas te// bsdus pa rnam pa 'di lta ste// ro langs gser du bsgrub pa dang// be con 'khor lo ral gri dang// lcags kyu dgra sta thod pa dang// tri shul zhags pa nyungs kar dang// thod pa brtul zhugs sdigs mdzub dang// gser gyi sor gdug mig 'phrul dang// zangs lcags gser dngul dag las ni// sku gzugs tshad ldan byas nas ni// bsgrub bam yang na bya ba ni// ras la bris la bsgrub par bya// ci 'dod thams cad ster bar 'gyur// rkang mgyogs rdzu 'phrul mngon shes bsgrub// sngon du bsnyen pa rdzogs pa dang// gang gi gang byed dal thog tu// bsgrubs na dngos grub ci 'dod grub// rtags rnams ma 'dris tha dad do// mkhas pas bsgrubs na mchog tu 'gyur// bcu dgu dag tu ngas bshad kyis// spyi rgyud a kro dag la snyeg/ bsnyen pa grub na gdon mi za// bla ma'i gdam ngag shes rab kyis// yanalag rgyas par ngas ma bshad// 'khor 'dra yod kyis nyams su long// rgyas par khyed la bshad mi dgos// bsgrubs pa'i 'bras bu tha dad 'byung// 'jig rten dngos grub bya ba yin// rgya mtsho skam dang chu bran bskol// ri bo nyil dang mnos par phyir// dbang du thams cad 'du bar drang// yid la bsam ba'i las rnams byed// ci 'dod gter rnams mnga' ru 'du// mi ro skad 'byin langs nas 'gro/ dreg pa yo ka dbang du sdud// ma nos sa ru phyin par byed// nam mkha' rangs par go mtshon gang// thod pa nang nas gter kha dbye// sdigs mdzub btsug pas ri bo nyil// sor gdub bsgrubs pas nor bu rnyed// lcags kyus rang dbang med par 'gug/ be con rgya bas 'chor mi srid// dgra stas thams cad klad pa 'gems// ral gris thams cad gcod cing mtshon du 'gyur// nam mkha' rangs pa mtshon gyis khengs// sku gzugs bris skus rig bzhi yis// thun mongs dngos grub dka' ba med// rkang mgyogs mnos pas phyin par byed// tri shul gdug pas dug gsum gcod// lcags kyus mdza' bo mdza' mo 'gug/ zla gsang nag po'i rgyud las// dngos grub bsgrub ba'i le'u ste zhe gsum pa'o//// yang zhus pa// ston pa thams cad mkhyen pa po// lha yi tshad ma ji ltar lags// ma rtogs pa la bshad du gsol// gsungs pa// lha yi tshad ma gnyis su gsungs// bris sku'am lugs ma 'bur du brkos// de yi lus la tshad btsal ba// tshad ma zhes su bshad pa la// bsgrub bsnyen lha la btsal ba dang// gsungs te// nges par gsungs bya ba// rnam pa lnga ru nges par gsungs// yi dam dag gi lha yin te// bsgrubs bsnyen dag gi lha ma yin// las kyi lha dag yin pa la// bsgrub bsnyen dag gi lha ma yin// las kyi lha yang yin pa la// bsnyen bsgrub lha yang yin par bshad// gnan pa dag gi lha yin te// bsgrubs bsnyen dag gi lha ma yin// bsnyen bsgrub dag gi lha yin te// drag po dag gi lha ma yin// de shes bla ma'i gdam ngag yin// las kyi shan dbye gtan la 'bebs// lha yi tshad ma dag tu bshad// 'khor lo tshad ma ji ltar lags// 'khor lo tshad ma bya ba de// ngo bo nges tshig rgyu dang rkyen// go rim dgos chen las rnams ston// lding ba dang/ rmugs pa dang/ kha bral pa dang/ yan dang 'khrig dang lhog pa dang/ lnga ru rgyas par ngas bshad de// rgyas par 'og tu shes par bya// spyi ru don po phyogs su 'khor// mu drug khams gsum khyab par 'khor// rang ga'i skad par 'khor// ma 'byar ba yi lhag par 'khor// ru ru ra yi dbyings su 'khor// de 'khor don po'i 'khor du 'khor// rjes can rjes med gnyis su 'khor// mi 'khor 'khor zhing 'gro ba dang// rnam pa gzhan du 'pho yi 'gro/ rtsa bar 'khor zhing rtse mor gcod// de phyir 'khor lo zhes su grag/ 'khrul zhing 'khor bas 'khor lo ste// dper na rdzas rnams tshang na ni// 'khor lo dag ni 'khor du btub// ma tshang 'khor lo bskor mi btub// dper na shing rta'i 'khor lo bzhin// cha rkyen tshang na 'khor du btub// yan lag ma tshang mi 'khor lo// de phyir man ngag tshang bar 'khor// 'khor lo zhes su grags pa yin// mdor bsdus bshad pa de ltar ro// rgyas par bshad na 'di lta ste// kun rdzob dag tu 'khor lo yang// bri lugs rnam pa mang bshad kyang// phyi mo 'khor lo rim gsum par// bris te rim gsum bstan pa ci yi don// khams gsum sems can ma lus kun// gshin rje'i lto na yod rtags su// rim pa gsum du bris pa yin// 'khor lo ldog dang 'khor lo 'khyam// 'khor lo khrig dang gcod pa dang// rtag tu 'khor dang kha bral dang// de phy-ir rgyas par lnga ru gsungs// 'khor lo ldog pa bya ba de// yi ge chad lhag nor ba dang// yi ge shad 'dres rnal 'byor dang// re la rten tshig mtshams ma 'byar// lus kyi grib ma gos pa bsnams// de ni 'khor lo ldog par gsungs// 'khor lo 'khyams pa bya ba ni// bzlas pa nan tur chung pa dang// 'dzab zlos tshad du ma phyin pa// gnyen po bka' mgo ma byas pa// cho ga 'phrin las yan lag chad// gtar yang nan tur chung pa dang// ri rab bsgom thabs ma byas pa// las mi byed de 'khor lo 'khyam// 'khor lo gcod pa bya ba de// tshig 'bru bsnyen pa rdzogs pa dang// sgrub pa'i maN+Dal la brten nas// bsad pa'i 'khor lo bsad byas nas// gnan pa'i las la nan tur skyed// des kyang 'khor lo gcod par 'gyur// des kyang 'khor lo ma chod na// 'phrin las sogs dang 'khor lo sogs// gsad pa'i sngags la nan tan bya// gnan pa'i gnan sa shes par bya// des kyang 'khor lo gcod par 'gyur// des kyang 'khor lo ma chod na// phyogs gsum brkyang bas las rnas 'grub// 'khor lo rtag tu 'khor ba ni// rtags rnams byung nas ma bton na// de ni 'khor lo dag tu 'khor// don po zad kyang rang la 'khor// tha ma rnal 'byor nyid la 'khor// rang gi brgyud rnams phung bar byed// 'khor lo kha bral bya ba de// yi ge so so'i mi mnyam dang// mgo log pa dang re kha nor// bsgrubs kyang mi 'grub thang sha chad// yi mug chos la dang mi skye// kha bral zhes ni de la bya// 'khrul 'khor 'khor lo'i tshad ma yin// dus ngan las kyi mnar ba'i gang zag la// dam chos smod cing rnal 'byor sku la bsdo// rnam smin ngan song 'gro ba thugs rjes gzigs// 'jam dpal thugs kyi 'khor lo bskor ba ni// srid gsum rmongs pa'i 'khor ba rtsad nas gcod// khyed kyi thugs kyi 'od zer 'phros pa ni// ma rig mun nag 'joms pa'i sgron ma yin// khyed kyis thugs kyi ral gri yis// skye ba rnam bzhi rtsa nas gcod// 'khor lo yon tan zhes ni de la bya// khyed kyi thugs dam thams cad sgrol// zla gsang nag po'i rgyud las// man ngag sgrub thabs kyi 'khor lo 'i tshad zhes bya ba'i le'u ste zhe bzhi pa'o//// yang zhus pa/ ston pa lags/ bdag cag ma 'ongs sems can la// tshe bsring cho ga ji ltar lags// ston pa khyed la bdag cag zhu// yang gsungs pa// nyon cig/ tshe sring cho ga ngas bshad kyis// stegs bu khru gang rtsibs bzhi la// yi ge b+h+ruM las bskyed par bya// rigs lnga tshe buM nang du bsgom// rtsibs la 'jam dpal gshed bzhi bsam// yang na bum pa'i gdan du bya// snying po rnam pa lnga bzhugs te// sku gsung thugs dang yon tan 'phrin las lnga// mtshon bya tsam du gzhug par bya// chang ni bcud ldan byang chub sems// mgul chings ras ni pa ling ka/ kha rgyan tsa du ma hA mu tra'o// gzugs thag u pa ya pa ra mi trang// 'brang rgyas thugs rten dpal be'u// nang na byang sems rdo rje gnas// gtso bo thugs ka dpal be'u// nang du bcom ldan tshe dpag med// de yi thugs khar nyi zla bsam// de stengs yi ge a dmar gnas// tha ma A yu dz+nyA nas bskor// de spros rgyal ba'i thugs dam bskul// sems can sdig sgrib kun sbyangs nas// rgyal ba'i bcud bsdus thugs ka'i b+h+ruM la thim// de zhu phar 'phro tshur 'dus pas// phyi yi lha srin sde brgyad kyi// lag na yod pa'i bcud phrogs te// tsha la gar spyi tshul du 'dus// bcud rnams tshur 'dus 'od du zhu// rgya btab rdo rje rgya gram gyis// kha gnan nang du 'bru gsum bsam// bcud ldan sum sdeb brgya dag bzhin// bsrung ba byas te khro bor bskor/ skabs su bcol bskul pho nya btang// 'phra men sprul pa bsam yas bskul// de kyang g.ya' ri gangs ri dang// 'jig rten g.ya' ri thams cad nas// tshe g.yang zas nor ji snyed pa// bkug ste tshe bum nang du stim// da ni skabs su bzlas pa bya// gzungs thag bzung la 'dzab la 'jug/ oM sa ma ya many+dzu shri a kro te ya man ta ka/ A yu pha la si d+d+hi b+h+ruM// 'bum du bzlas shing bskul ma bya// pho nya 'jam dpal lha tshogs bskul// 'dzab grangs cho ga rdzogs pa dang// lha rnams thams cad 'od du zhu// zas kyi bcud la thim par bya// bcud ldan pa yi tshe bum gyis// rnal 'byor mched lcam dag la tshe'i dbang bskur// gnas lngar bstim la che ba brjod// de ltar byas pas tshe ring ba// longs spyod 'khor rigs 'phel bar 'ongs// zla gsang nag po'i rgyud las// man ngag sgrub thabs kyi las mkhan tshe'i le'u ste zhe lnga pa'o//// yang zhus pa/ ston pa lags// ro bsreg phung po sbyang ba ji ltar lags// stegs bu me thab ji ltar lags// byin brlabs dgongs pa ji ltar bgyi// gsungs pas// ro sreg phung po sbyang lugs te// sa chog rim pa gzhan dang 'thun// las bzhi gang byed gzhung du me thab brtsig/ dkyil 'khor 'dom gang grub bzhir brtsig/ bsreg khang 'jam dpal khro bo'i dkyil 'khor bskyed// nang du lha bskyed dbus su ro// 'jam dpal zhi ba steng du gzhag/ khru gang gis kyang mtho bar gdab// de ni me khang bskyed pa'o// da ni ro yi sbyar lugs ston// bdud rtsi'i khrus byas ras kyis gril// de la gnyen po yig 'bru dgod// 'dog lugs las bzhi gang byed kyi// yi ge gnas lugs gdags par bya// rang nyid las rnams gang byed kyi// sngags kyi lha bskyed ras sdong sbrags la// tshe 'das gnas su gdags// zhi bar byed pa 'jam pa'i dbyangs// spyi bo'i gtsug tu gdags par bya// zhe sdang gshin rje lte bar gdabs// nga rgyal 'jam dpal lce rtsar gdags// 'dod chags 'jam dpal gsang bar gdags// gzugs sgra dri dang reg bya ma// mig dang rna ba sna bug dang// ma nor ba ru gdags par bya// sgo ma bzhi po lag pa g.yas g.yon dang// rkang pa g.yas g.yon dag tu dgod// rigs lnga sa bon gnas drug tu// spyi bo rkang mthil dpung pa dang// snying kha lte ba gsang ba dgod// tshe 'das kyi ni phung po lnga// 'byung ba lnga dang khams lnga brgyad// skye mched bcu gnyis rtag chad bzhi// dug gsum dug lnga rten 'brel bcu// tshe 'das lus la khyab par gdags// de nas stegs bu thog tu gzhag/ de ni zhi ba'i lhar bsreg pa'o// 'jam dpal khro bos sreg na 'di ltar bya// stegs bu gang dpangs su bya// rgya ru khru gsum tshad du bya// dbus su gru gsum brus te bang rim gsum// tha ma rtsibs bzhi mu khyud can// grub bzhi sgo brtseg bri bar bya// gnyen po dag byed yi ge dgod// 'jam dpal bcu bdun pa yi sngags// rang sdong de dang sgrag la gdags// gdags pa'i gnas kyi nges pa ni// spyi bo lte ba lce dang ni// gsang ba'i gnas dang mig g.yas pa// rna ba g.yas dang sna bug g.yon// lce rtsa g.yas dang mig rtsa g.yon// rna ba g.yon pa sna bug g.yon// lce rtsa g.yon la lag pa g.yas// lag g.yon rkang pa g.yon pa dang// rkang g.yas srogs phrag snying kha dang// rkang mthing dpung pa lte ba ru// ma 'dres gsal bar gdags par bya// gzhan ma zhi ba dag dang mthun// sreg khang brtsams nas sa chog bya// rnying pa yin na bya mi dgos// rkang bzhi zur bzhi dag tu gzugs// gdung bzhi btang la me khang brtsig/ phung po btsug la stang thabs kyis// bsreg khang bskor zhing bshed ma brab// de nas zhi khro las gzhung bsrang// tshogs byang med yi sbyin sreg bya// me lha lto bar sreg khang gi/ lha tshogs bskyed la sbyin sreg bya// zhi ba bya 'am khro bos bya// rim pa bzhin du bsreg par bya// bsreg rdzas so sor ma 'dres par// sreg rdzas rim pa song ba bas// spyan drangs me la 'di lta ste// shan pa nag po'i khyim nas me blangs te// yam shing nag po dag la me spar nas// drag po sreg rdzas sngon mar mnga' gsol gyis// phar 'phro tshur 'phro me yi las mdzod cing// srid gsum skye bar snang ba'i yam shing la// rang rig rtogs pa'i me chen rab spar te// chos nyid brdal ba'i hom khung du// dug lnga gnas su dag pa'i me spar te// me yi ngo bo chos nyid yin// yi ge raM gyi 'phro 'du yis// sku bskyed 'di ru spyan 'dren gyis// ma 'ongs don du gshegs su gsol// oM ag ne de ba ri shi kaM hUM dza// lhag ma mkha' 'gro rgyas par bskyang// 'jam dpal rdzogs pa'i smon lam gdab// zla gsang nag po'i tan+t+ra las// ro sreg pa'i le'u ste zhe drug pa'o//// yang zhus pa// ston pa lags// go rtog med pa'i sems can la// sngags kyi don rnams ji ltar lags// phyi nang gsang gsum ji ltar lags// gsungs pa// sngags shes bya ba don de la// ya na ya man ta ka ste// ma na ya ra tsa yin// me na myos byed 'bar ba yin// ta na ma ru rtse zhes bya// k+She na ral pa tshar dgu ste// ra na bdud 'joms bya ba'o// dza na ko tsa brag gyon te/ sa na gshin rje phya changs te// to na rtel pa yin pa ste// ru na lha chog dud ka ste// na na bdud 'joms yo na rtel pa'o// ni na chos kyi rgyal po ste// ra na a ba glang mgo can// ya na e ka dza ti ma// tsa na dmigs pa dag tu bshad// ni na gshin rje mig dmar te// lha ngo bzung ba'i rim pa'o// ya na gshin rje ma na ma mo// me na sha za/ ta na dri za'o// k+She na bdud de// ra na srin po'o// tsa na dmu bdud// sa na sa bdag/ to ta 'gong po// ru na rlung lha'o// na na me lha'o// yo na sa srin te// ni na lha min te// ra na srin po'o// ya na gshin rje// ta na bdud btsan te/ lha 'dre ngos bzung rim par gsungs// hriH Sh+ti sngags kyi don bshad pa// oM na skye ba'i yi ge ste// hri na mi 'da' dam tshig go/ Sh+ti na mi ldog pa zhes bya// bi na bcom pa dag tu gsungs// kri na bsod pa'i yi ge'o// trA na shig shig pa ru bshad// na na sod cig pa ru bshad// hUM na bsdus shig pa ru bshad// phaT sod la thor cig pa rgyu gsungs// hri Sh+ti sngags kyi don bshad pa'o// ka pa ye bstim par gsungs// ye na 'dus te thim par gsungs// as ni skyed pa'i yi ge ste// kas ni las rnams byed pa'o// pa yis las rnams 'grub par byed// e las grub pa'i mtha' 'o// seng nga ye 'khub dbang med// bya tsa ye las byed// du ru yes las 'grub pa'o// gzhan rnams slabs ma bshad do// yang snying sngags kyis bshad pa'o// mtha' 'gyur sngags kyi don bshad pa'o// oM las dras pas yi ge lnga// lnga rim dag tu ngas bshad do// brjod pa gnyis med rang byung dang// mtshon pa na da yi ge lnga// lnga yis oM ni gtan la 'bebs// phaT las drangs pa thugs mchog ste// hUM las drangs pa ye shes lnga// oM hUM phaT tri yi ge ni// lha bsgrub sngags su bshad pa yin// a dang phaT brtsegs gsang sngags yin// dzas 'gugs ma ras gcod pa'o// me ni mched pa'i sngags su bshad// ras ni klad pa 'gems pa yin// lis ni 'grub par byed pa yin// swAhA zhi bar gyur cig pa'o// A ni dbang du sdud pa yin// is ni thams cad 'gugs pa yin// us ni 'khub dbang med pa yin// es ni gsod par byed pa yin// ras ni rlab par byed pa yin// lis ni sgrubs pa yin// oM gyis yi ge rgyas pa yin// as ni khyab byed zhi ba yin// gu gus 'gugs par byed pa yin// zhabs skyes dbang du sdud pa yin// 'greng bus gcod par byed pa yin// na ros sgom par byed pa yin// spyir gu gus bstims par byed pa yin// zhabs skyed 'gug par byed pa yin// 'greng bu gcod par byed pa'i yi ger gsungs pa yin// na ros gso ba'i yi ger gsungs pa'o// a ste skye ba'i yi ge yin// byo brtsegs 'phang ba'i sngags su gsungs// las bzhi mtha' 'gyur ma bshad do// bka' gzhung kun tu gsal bar bshad do// yi ge ngos zung zur tsam mo// ngos bzung 'bru bshad rim pa'o// phyi nang gsang gsum don bshad pa// yang snying nyi ma bzhi pa ni// phyi nag gsang ba gsum du gsungs// phyi ru mi 'gyur a kro bshad// nyi ma shar bzhin sngon du 'gro/ nang du bsgrub sngags yang dag pa// ya ma me ta k+She la sogs// nyi ma gsum pa man chad 'dre// de ni nang du bshad pa'o// ya ma me te k+She la sogs pa'i// nyi ma gsum pa man 'dre// de ni gsang ba'i sngags su gsungs// gsang ba'i drag sngags bdun pa ni// ya ma ra dza sa to me ya// ma ra tse sa to me ye// ra tsa sa to me ya// tsa sa to me mA ra ya// sa to me yi mA ra ya// sa to me ya ma ra tsa/ to me ya ma rA dza sa/ me ye ma rA dza sa to// nyi ma gnyis pa man chad 'dre// gsang ba'i yang ni gsang ba ni/ ya ma ra ni rA dza k+She// ma ra ni tsa ya k+She ya ma// ra ni tsa ya k+She ya ma// ni tsa ya k+She ya ma ra ya/ tsa ya k+She ya ma ni// yak+She ya ma ra ni tsa/ k+She ma ma ra na tsi ya/ gsang ba'i drag sngags bdun bskor ro// phyi yi nang du bshad pa la// ya ma ra tsa sa to me ya/ nyi ma gsum pa man chad 'dre bar bshad// phyi yi nang du bshad pa'o// phyi yi gsang bar gsungs pa ni// ya mA rA dza ni tsi ya k+She ya/ gnyis pa man chad gong mas 'dre// rtsa ba'i sngags so// dam tshig sngags dang yang snying ngo// las sbyor sngags dang bzhi snying dril// drag sngags dag dang drug tu bshad// nang gi yang snying bya ba de// a mu ka zhes bya ba'o// nang gi gsang ba bya ba de// ka pa yo zhes bya ba'o// gsang ba'i nang gi yang snying bya ba de// bya tsa ya// sing nga ye/ du ru ye// gsang ba'i yang snying ni// tsa ta ye// ha la ye// nye yang las byed du ma 'dod na// ar la gtad de bzla bar bya// tshig ces bya ba'i rtsa ba ni// de'i sngags ni 'di lta ste// rA dza sa to me ya// to ru na yo ta ya// yo ni ra ya k+She ya/ ya tsa ni ra ma ya/ dam tshig rtsa ba'i sngags zhes bya// sngags kyi yig 'bru lnga pa ni// phung po lnga la brdeg par bya// rtsa ba'i sngags ni 'di dag go/ tsas to me ya// ru na yo ti ya// ru na yo ti ya// ni rak+Sha ya/ tsa ni ra ma ya/ lus ngag yid gsum brdeg pa'i sngags// yi ge 'bru gsum bya ba de// ra ma ya/ to me ya/ yak+She ya/ 'bru gsum brdeg pa'i man tra'o// rus zhes bya ba'i lo ma ni// dam tshig sngags dang yang snying// las sbyor sngags dang dril ba'o// ming ni rnam par shes pa'i tshogs// phung po lnga dang lus ngag yid// de la brdeg cing 'ben du bcas// lo langs bya ba gsang ba'i sngags// 'bus bsad nas ni gsos pa'o// dug gsum gnas su dag pa'i sngags// gti mug byung na yang rdeg ste// brdeg pa'i sngags ni 'di dag ste// ya ma me ta tsa ni tsa ra// sa to ru na// yo ni ra ya/ zhe sdang byung na rtsa rdeg ste// ya ma ma te/ ya ma ma te/ ni ra tsa sa/ 'dod chags byung na ra rdeg go/ ya ma me ta k+She/ ra tsa ni tsa/ tsa sa to ru// na yo ra// dug gsum rtsa bar rdeg pa'o// lha 'dre dag la rdeg pa'i sngags// ya ma me ta k+She/ ma ra ya me ta k+She/ me ya da k+She ma/ ta ya k+She ya ma me/ k+She ya ma me ta/ ra ya ma te ta/ tsa ya ma me te ta/ sa ya ma me ya/ yo ta ya ma me ta/ ru ya ma me ta/ na ya ma me ta/ yo ya ma me te/ ni ya ma me te/ ra ya ma me te/ ya me ta k+She/ tsa ya ma me ta/ ni ya ma me ta/ nyi ma gnyis la man chad 'dre// bzhi bzhi dag tu dbye ba'o// phyi nang gsang gsum sngags rnams ni// 'jam dpal las sngags shan dbye ba// man ngag dag tu ngas bshad do// zla gsang nag po'i tan tra las// 'jam dpal phyi nang gsang sngags 'phrul gyi lde mig ste sngags ngos bzung ba'i le'u ste zhe bdun pa'o//// yang zhus pa/ ston pa lags// nag po gza' yi kha zol la// sngags kyi dbye bsal ji ltar lags// sde brgyad bya ba'i dkrug yig gang// bsnyen bsgrub dus su gdon thabs dang// rgyal dang brdung brdung dang// las sbyor 'phang ba ji ltar lags// sngags kyi bya ba lugs bya ba de// bsnyen pa bsgrub pa las kyi sngags// ril pa ma nor bzlas par bya// bsnyen rdzogs rting la bsgrub pa brtsam// rdzas tshogs ma nyams lcang lor blugs// de nas khrol bu bzlas par bya// sham bu btags la 'di ltar ro// khrol bu dag la dang po oM// 'thag pa dag la de bzhin te// tha ma thags kyis shis par bya// sbyor ba dag la phyi yis sngags// bsrung dang rgyal hUM gis bya// des nas bsgrubs la 'dres mi tshugs// rgya rnams tshul du btab la bzhag 'thag pa dag la de bzhin de// re ba dag la dar nag gis// ban d+ha'i kha nas dgab par bya// gzung thag btags la bzlas pa bya// seng ldeng phur pa sor brgyad pa// sna cig btags la yi ge hUM// de bzlas rgya yis btab la bzhag/ de nas rtags la phebs pa dang// rtsa ba'i sngags la zor gyi sngags// b+h+yo dang ldan par btags nas su// rang nyid pa ta pa ltar ri bsgom// dmigs pa'i yul yang de bzhin te// g.yas pa'i 'dzub la sa bon sgom// skad cig ting 'dzin yi dam sgom// bsdigs shing 'dzub ris gar 'dod gtang// lam bstan mu tra sngags bstan pa'o// bsnyen dus gsum gnyis gcig la gdags// sgrub dus spel mar gdags par bya// mtha' rdul zhes ni de la bya// sde brgyad 'phrul gyi mig tshad yin// 'jam dpal sde brgyad spyi khyug yin// gza' bdud ma mo gshin rje bzhi// lcam sring nye 'khor rgyud khongs gcig/ sngags dang byang lug bya ba de// dkyil 'khor dbus su grub gsum brtsig/ gru gsum nang du rta thod gzhug/ bca' lugs bri lugs// phyi yi gsang bar gsungs pa ni// bzhi snying gcig tu dril bar bzlas// g.yon bskor zang mar bzlas pa'o// nang gi phyi ru bstan pa ni// a kro yig 'bru bcu bdun pa'o// nang gi nang du gsungs pa ni// las la sbyor ba'i sngags khrir bzlas/ ya ma me ta k+She/ ra tsa sa to ru na/ yo ni ra ya ra na/ bcu bdun pa ni nub mo bzlas// brtul sngags dag ni 'di gdags so// many+dzu shri a kro te ka ya man ta ka kA la ru pa/ rnir sha ku ru na hUM phaT/ bzhi pa las kyi mtha' sdud do// phyi yi nang du gsungs pa ni// yi ge sum cu rtsa gnyis pa// dril nas drangs pa nang du bshad// nang gi gsang bar gsungs pa ni/ nag po phye bo 'gros zhes bya// gsang ba'i 'phrin las gsad pa'i sngags// yi ge 'bru ni bcu bdun pa// nub mo bskor zhing bzlas pa'o// gsang ba'i phyir ltar bskor ba ni// drag sngags bdun pa g.yon bskor du// nub mo bdun bskor drang bar bya// nyin mo dang po drang ba ni// ya ma rA dza sa to me ya/ ma ra dza sa to me ya/ ma ra dza sa to me ya/ ra dza sa to me ya ma ra// dza sa to me ya ma ra/ sa to me ya ma ra/ dza sa to me ya/ ra dza sa to nyi ma bzhi la khri khri bzlas// gsang ba'i nang du gsungs pa na// g.yon bskor 'og gcod gsang ba'i gnas// gsang ba'i drag sngags bdun pa ste// nub mo bdun bskor bzlas pa ni// steng gcod g.yas su bskor ba ste// ya ma me ta k+She// hriHSh+tiH ka pa ye dgra bo mA ra ya rbad ya// nub gnyis pa la drang ba ni// rA dza sa to/ hriHSh+tiH ka pa ye dgra bo trag tra tsa ra ya rbad/ ya/ nub gsum pa la drang ba ni// ru na ya ni/ hriHSh+tiH a pa de dgra bo mur tsa ya rbad ya/ nyi ma bzhi pa la drang ba// ra ya tsa ni/ hriHSh+ta ka pa ye dgra bo mA ra ya rbad ya/ khri khrir bzlas te drang ba ni// gsang ba'i nang du gsungs pa'o// gsang ba'i gsang bar gsungs pa ni// rtsa ba dam tshig yang snying las la sbyor ba bzhi snying dril ba// de bzlas gsang ba'i gsang bar gsungs// a mu ka yi dgu bskor ro// 'jam dpal rnam dus zhes kyang bya// dus zad las zad tshe zad pa// skal zad yi ge zad pa dang// ru khugs chen po zhes kyang bya// 'bru ded ces kyang de la bya// stag ma 'phyongs zhes kyang de la bya// bya rog khu 'phrig ces kyang bya// mi dang chos tshul tha dad bstan// dgu bskor drangs pa sham bu'i ming// nga yis bstan gyis 'khor tshogs rnams// drangs thabs ming ni 'di skad bshad// rtsa ba nyi ma shar bar 'dra// a kro yig 'bru bcu bdun pa'o// bya rgod gzan la 'jums ltar drangs// ya ma me ra k+She ya bcu bdun pa la// btson lcags su bcug pa ltar drang// dam tshig yi ge 'bru drug pa// hriHhriHSh+ti yi ge 'bru drug pa'o// btson lcags su bcug pa ltar drang ba// bsgrub pa bzhi snying dril ba dang// dbyangs yig bcu drug bzlas pa'o// skyes bu go mtshon ltar ba ltar drang ba// g.yon du bdun bskor drang// nyin bdun drang zhing nu mo gril// a ka ye ya sngags tsho bzlas so// lcags kyi gzer chen btab pa ltar drang ba// a mu ka dgu bskor drang// gser gyi thog brgyab pa ltar drang ba// gas ni ka pa ye yi sngags so// spu gri so ltar 'debs pa ltar// nyi ma bzhi pa sgo sgo yi// 'jug la gdags pa'i bzlas sngags so// bdag gi tshad ma rtogs pa yi// gang zag rnal 'byor bsgrub pa pos// drag sngags nyin gtor mtshan dril// lha bsnyen ma grub g.yas bskor 'grub// mgo rul chung zos gnyis ka phung// sngags dgus bskor ba'i dus 'di ru// las rnam 'di rnams shes par bya// dang po mgo ni 'khor bar bya// gnyis pa khrag tu skyug par bya// gsum pa don po brgyal par bya// bzhi pa mA ra ya gdon mi za// bcu gnyis 'khor lo rtsibs mchan 'di// yi dags kyi gos la bri// da ru ra'i khu ba dang// ma ru ra yi khrag dang ni// rnir sa ma pra rtsi bog/ thal chen til nag la sogs pa// lan tshwa ske tshe sa dkar po// sgro rtsa myu gu dgol ba dang// bri thabs ldan phyogs sbyar thabs so// zhi ba zla ba'i dkyil 'khor la// rgyas pa rta dang ma he gnyis// dbang ni chung ma'i snying khar bri// ma ra gshin rje dngos la gter// dgu pa dre se sha pa'o// dbye ba rta dang ma he gnyis// smyo 'bros shan dmar rgyab tu bya// kha gnan lug gyi khong du gzhug/ bskrad pa rnga mo'i rgyab tu bya// gnan pa'i ri rab ngos la bya// dus ni rlang dang 'tshub mas gdab// zhi ba'i dus ni snga dro bya// rgyas pa dag ni nyi phyed na'o// dbang gi dus tshod srod la bya// drag po nyin mtshan gung la bya// dgug pa'i dus ni srod la bya// dbye ba nyi ma gung la bya// smyo 'bros tho rangs nam langs kha// nyos srod nam gyi phyed ni bya// gnan dus tho rangs skya rings shar// de rnams gang byed kyang// ya man ta ka gsal bar bya// dgu bskor sngags de yi las// zla gsang nag po'i rgyud las// 'jam dpal mu a ka dgu bskor gyi le'u ste zhe dgu pa'o//// yang zhus pa// ston pa lags// ting nge 'dzin mnyam pa'i maN+Dal la// rang bzhin spyan drangs 'tshal mi 'tshal// thugs dam gnad nas skul pa la// bskang gso rgyas par 'tshal mi 'tshal// rmongs pa rnams la bka' stsal 'tshal// yang bka' stsal pa// nyon cig 'jam dpal rnon po pa// bzang rtog can la bshad mi dgos// ngan rtog can la ngas bshad kyis// ting 'dzin bskyed pa'i lha rnams la// rang bzhin spyan drangs bstims la bzhag/ phyag 'tshal bstan pa'i cho ga bya// bskang gso dam can bskang ba la// mthing nag shel gyi pu tsa dang// rmad du byung ba'i gtor ma dang// rtsa brgyad stong las sbyar ba'i bdud rtsi dang// rak+ta dmar gyi argaM dang// 'jam dpal lha tshogs kun gyi thugs dam bskang// 'jam dpal zab mo bka' srun ma// rgyan gyis sgeg pa'i ban dmar lcang lo can// rak+ta dmar gyi 'du 'phro me ltar 'bar// zhing lpags rlon pa'i g.yang gzhi mun ltar gtibs// khrag chen thig le tshom bu skar ltar 'khrug/ man ngag brgyan gyis sgeg pa'i dri chen gyis// gshin rje gshed po yab yum thugs dam bskang// tshar gsum sgeg pa'i ban dmar lcang lo la// rak+ta dmar gyi rgya mtsho gzi ldan zhing// longs spyod lnga ldan pu tsa dam pa 'dis// gshin rje bdud 'joms yab yum thugs dam bskang// rus chen mang po'i thal chen brdal ba dang// rdo rje rlung nag tshub ma mun ltar 'thibs// maM sa sha chen rak+ta argaM dang// dung 'bud gsur chen dam rdzas bcu gsum gyis// ko tse brag gyon yab yum thugs dam bskang// rak+ta mtsho ltar 'khyil zhing rkeng rus ri ltar spungs// nang khrol bcud la za zhing zhing lpags g.yang gzhi rba// a ba glang mgo yab yum thugs dam bskang// rak+ta dmar dang maM sa zhing chen dang// bdud rtsi sman kyi pu tsa dang// ya ba ti yab yum thugs dam bskang// rak+ta dmar gyi tshom bu me ltar 'bar// zhing lpags g.yang gzhi khrag gi thig le bsgregs pa 'di// phya sangs yab yum thugs dam bskang/ gzi ltar longs spyod dung 'bud gsur chen dang// rkang tshil zhag la sogs pa'i longs spyod dang// snying rtse mkhal ma go ro tsa na dang// dam rdzas sgrub pa gzhung las byung ba yis// smig pa yab yum thugs dam bskang// tsit+ta dmar po zhing gi mchog sgros shing// maM sa gzhung bzhin bsgrub pa'i snying po dang// rak+ta mchod du sgegs pa'i arga dang// gzhung bzhin bsgrub ba'i go ro tsa na yis// rtel pa yab yum thugs dam bskang// dam rdzas longs spyod gzhung bzhin spyod pa'i go ro tsa na dang// ba lang sna dang rgya long dkar po dang// rak+Sha dmar dang sha chen longs spyod dang// bskul zhing mchod pa nyid du rab tu bshams// lha mchog yab yum thugs dam bskang// dri chen tshil dang maM sa sha chen 'di// chos kyi rgyal po yab yum thugs dam bskang// tsit+ta khrag dang go ro tsa na dang// dmar chen arga bdud rtsi sman rnams kyis// mig dmar yab yum thugs dam bskang// longs spyod sna tshogs sbyar ba'i dam rdzas 'di// dkyil 'khor sgo ma bzhi yi thugs dam bskang// mdog gsal ba yi dug snying dang// rgyu long 'ug ltar 'tsher ba'i dug snying dang// ltas ngan rkyen bzlog pa yi srin bya dang// 'jo 'dor thabs la mkhas pa wa sha dang// ku ku rak+ta gsang ba'i tsit+tayis// bdud mo yab yum thugs dam bskang// zla gsang nag po'i rgyud las// thugs dam bskang ba'i le'u ste lnga bcu pa'o//// yang zhus pa// ston pa lags/ rol pa za byed tshogs cig/ lhag ma 'jug sdud ji ltar lags// yang bka' stsal pa// za byed tshogs la lnga ru grags// ye nas lhun gyis rdzogs pa'i tshogs dang gcig/ dag pa dbyings kyi tshogs dang gnyis// 'gram pa lha yi tshogs dang gsum// shes rab skal ldan 'dul ba'i tshogs dang bzhi// ye shes rol ba'i tshogs dang lnga// shes rab skal ldan 'dul ba la// rnam pa gsum du nga yis bshad// skal ldan lha yi tshogs dang gcig/ 'byor ldan mi yi tshogs dang gnyis// skal ldan lha yi tshogs dang gsum// 'byor ldan tshogs la byin brlabs bya// phrin gdags gsang ba spyan drangs dbul// dzaHhUM baM hos spyan drangs la// hUM/ gshin rje yab yum rgyal po dang// ma mo mkha' 'gro'i tshogs chen dang// lha dang lha min rnal 'byor rnams// thugs dang 'thad pa'i gnas 'di ru// thugs dam bzhin du gshegs su gsol// shri many+dzu snying kha rag mo kha la dun b+h+yo/ argaM pra ti dza hUM dza// khro bo chen po rnam par rgyal// ya man+ta ka gshin rje gshed// dbu gsum phyag drug g.yas dkar pa// g.yon dmar dbus mthing zhabs bzhi pa// sku chen zhing bsgrel gdan la bzhugs// brkyang bskum tshul bzhugs khro gnyer can// za byed chen mo pe ta li// mig gsum gdong drug khro gnyer can// lus ni me chen 'bar ba la// gtum mo rab tu gsod gyon ma// zhing chung bsgrel ba'i gdan stengs su// brkyang skum tshul du sbyor ba mdzad// me dpung 'bar ba'i dkyil 'khor nas// 'khor lo thogs med btsan thabs can// yid la phal pa'i maN+Dal 'dir// gshegs shing byon pa'i gnas su yang// bsnyen zhing bsgrubs pa'i lha lags kyis// sdang ba'i dam nyams bsgral ba dang// tshogs kyi longs spyod bsnams su gsol// kha raM yo gi kha hi kha hi// bstod de gshegs pa bstan par gsungs// lhag ma 'jug sdud rim pa ni// byin brlabs spyan drangs gsang ba bya// tshogs gsum bgo ste dbye ba dang// gcig bsreg gcig dbul gter du sba// dang po phud kyis mi mchod du// gshin rje yab yum phud kyi bdag/ bar du tshogs la mi brten du// bdud dang gshin rje tshogs kyi bdag/ bcom ldan 'jam dpal yab yum la// 'khor du gshin rje ma mo 'bum gyis bskor// rgyun gyi gtor ma 'di long la// bcol ba'i=/ 'dres so// ya ma rA dza yab yum la// dri za pho mo 'bum gyis bskor// bka' yi=/ bcol ba'i=// gshin rje phya sangs yab yum la// grul bum=// bka'i=// bcol ba'i=// gshin rje myos byed 'bar ba yab yum la// 'khor du bdud po 'bum gyis bskor// bka'i=/ bcol ba'i=// a r+ya ma ru yab yum la// klu bdud pho mo=// bka'i=// bcol ba'i=// gshin rje myos byed 'bar ba yab yum la// gnod sbyi=// bka'i=// bcol ba'i=// yab cig 'jam dpal gshin rje la// phyogs skyong bcu yis bskor ba ni// gshin rje bdud 'joms yab yum la// 'khor du lha bdud 'bum gyis bskor// bka'=// bcol ba'i=// ko tse brag gyon=// brgya byin pho mo=// bka'i=// bcol ba'i=// a ba glang mgo=// 'khor du gshin rje=// bka'i=// bcol ba'i las=/// gshin rje phya sangs=// 'khor du srin po'i=// bka'i=// bcol ba'i=// gshin rje dmigs pa=// 'khor du klu bdud=// bka'i=// bcol ba'i=// gshin rje lha mkhar=// 'khor du gnod sbyin// bka'i=// bcol ba'i=// 'og gi gshin rje mig dmar la// 'khor du sa bdag=// bka'i=// bcol ba'i=// ya man ta ka yab yum la// thar byed brgyad kyis bskor ba ni=// dmyal ba yi dwags byol song dang// srin po dam sri gnod sbyin dang// lha klu thar byed brgyad po la// bka'i=// bcol ba'i=// lhag ma kha chus mi gdab tu// la la bran la la la g.yog/ tro ta ni hUM phaT// dbyings gsum bsras te mkha' 'gro bskyang// zla gsang nag po'i rgyud las// tshogs lhag gi le'u ste nga gcig pa'o//// yang zhus pa// ston pa lags// 'jam dpal thod zor 'phang ba la// pra brtag rim pa 'tshal mi 'tshal// de yi bzang ngan ji ltar lags// yang gsungs pa/ ma rtogs pa la ngas bshad kyis// thod zor pra brtag 'di ltar bshad// don po phyogs su 'phang tsam na// zangs kyi song nas g.yas bltas na// don po rgan rim gsum la ngan// g.yon du bltas na bud med 'chi// ya ye med par don phyogs su// ltas na pho mo bdun la ngan// don po phyogs su kha bub na// bdun brgyud rtsa ba 'chad pa'i rtags// phyi gan dag tu bltas na ni// don po phyogs su gsum la ngan// rnal 'byor rang la cung tsam rtsub// spog ste slar yang 'phang bar bya// shar du ltas na phur bzlog yod// slar la bzlog ste 'phang bar bya// phur bzlog pa yang 'chi bar bshad// lho ru kha bltas gshin rje dang// ma mor bsdongs nas las byed// nub tu bltas na sa bdag dang// klu ru bsdongs te khros pas na// de la gso ba'i cho ga bya// byang bltas rang gi 'khor la ngan// shar lhor bltas na me lha dbang du 'dus// thams cad zil gyis gnon pa'i rtags// lho nub bltas na srin po 'dus// las rnams grub par brgya yis bcad// nub byang bltas na rlung lha dbang du 'dus// yang dag chos kyi dbyings dang ldan// byang shar bltas na dbang ldan 'dul// ma bcos chos nyid don dang ldan// kha zhes bya ba'i rtag pa ste// gang du bltas kyang bzang bar bshad// tshur bltas kha log thod log ste// sngags pa rang la ngan par bshad// 'jam dpal sle nag rta bro brdung// thod pa rang yang gnan la gzhag/ 'jam dpal thod zor dmar nag gis// zla gsang nag po'i rgyud las// thod zor pra'i le'u ste nga gnyis pa'o//// yang zhus pa// ston pa lags// drag po las sbyor byed dus der// 'bram gsum rim pa ji ltar lags// gsungs pa// drag po dus kyi 'brab gsum ste// sha 'brab snying 'brab dbug 'brab ste// zangs ling shi la pra tra ni// srin po mthong ngam mi zan dang// srin mo khams gsum rlung rgyug ma// mi la sogs pa'i sems can la// rkang pas mi 'ded sems can kun// gsod cing 'chi ba'i sngags yod de// sha 'brab snying 'brab dbug 'brab ste// de gsum gtad gnan rlungs kyis za// de lta bu yi pho mo yod// dpal 'bar zla ba'i 'od zer can// bya ba'i dregs pa can gcig gis// srin po pho mo gnyis gam du// tshub pur sprul lo yang ni zer// nyi zla gnyis su sprul nas ni// pho mo gcig la nyan du phyin// kho ba 'bab tri bzlos pa thos// kho bo 'brab gnyis bzlos pa bdag gi zin// bdag gi bsad pas don rnams 'grub// gdab mthu bya ba'i man ngag go/ srin po pho mo bzhin du 'grub// thad kar bstan pa bsrung ba yi// man ngag dag tu gzhag pa yin// bcom ldan phyag na rdo rje dang// dpal gyi mkha' 'gro mas kyang nos// de nas rim pas man ngag shor// ya ma ra dza sgra rgyug la// rab tu gnyan pa'i sngags su bshad// khro bo phyag na rdo rje'i bka' srung pa// bral ze nag po lce dgu pa// ya ma rA dza'i las brgya rtsa gcig mkhyen// de yi nang nas nyung du bsdus// rus mig nang nas tshil bu ston// drag sngags gdab pa'i ngan sngags 'di// 'jam dpal gshin rje'i ya bkab 'di// btsan dug mtshon rnon 'dra ba'i sngags// 'bram gsum rim pa 'di grags so// ya ma rA dza hriHSh+ti b-i kri gron da mo ha che ge mo tri ti hri hri sa hri hri sarba thum sbur ya sbur ya dza dza// ya ma dza pa tsita ta be sha rbad che ge mo sbur ya dza dza// ya ma rA dza gshin rje nag po mA ra ya// thuM sbur ya sbur ya dza dza// de bzlas don po de la btab// 'di shor mi rgod lag tu mtshon bskur 'dre// 'di ni rgya mtsho gting gi rdo 'dra ste// gzhan la bstan par ma gsungs so// srog rtsa gcad pa'i gdab sngags 'di// ya ma snying// ya ma khrag/ ya ma du// ya ma rbad// tshal pa tshal pa// paM ril stam pa nan// duM bu du bu// lhu gtubs// lhu gtubs// lhu thum shig/ phrul ya rbad ni dza// ston zla rab 'bring nyi shu lnga// de la bzlas pa'i mgo yang gzugs// tshes gsum nyi ma la gdon par bya'o// tsa ra rog pa ra gnyis pa// glang ma'i mtshan yang bris la gdags// ser ldeng phur ba sor brgyad pa// phur pa de la ra rog gdag/ nyi shu dgu yi nub mo la// ra la phur bu gdab par bya// ra bsgral pags pa slud bur bya// da ci'i mtshan yang de ru gzhug/ slud pu de rang gnyan sar gnan// zla gsang nag po'i rgyud las// gdam ngag gdab mthu 'bral gyi le'u ste nga gsum pa'o//// yang zhus pa/ ston pa lags// 'jam dpal las kyi Ti ka ji ltar lags// bcu bdun pa dang sum cu gnyis// lha rabs snga ma'i gzhung rnams ni// bcal lugs lha grangs bshad du gsol// yang gsungs pa// dang po gnas 'tshal dur khrod dam// sa sbyang cho ga gzhung du bya// rog po dpa' stobs ldan pa btsal// bsgrub pa 'jug pa'i dus tshod ni// nya dang nyi shu gcig dang bdun// yo byad mi snying ta snying khrag/ dpal dag gshin rje ma mo la// gtor ma gsum du byas la bsham// nyi shu rtsa gcig nub mo la// 'khor lo bcas te bri bar bya// thig bzhi btab pas le tshe dgu/ pho thod mo thod gnyis po la// yang na ro ras la 'khor lo bya// bag chus btang ste ka ra phyi// de nas snag tshas las rnams brtsam// dug khrag dang ni sbyang dug phag/ ske tshe nyungs kar dur khrod sol// sla nga'i nang du snag tsha bya// skad cig ma yi ting 'dzin gyis// ya man ta kar gsal bsgoms la// pho nyas bkugs la shes pa bstim// sla nga'i nang du bcug nas ni// g.yon pa sdigs mdzub gnan nas ni// g.yas pa sdigs mdzub dag gis ni// 'di dag bzlas shing mnye bar bya// hUM du ma ra ya hUM phaT// smyu gu bya rog 'ug pa yis// sgro rtsa'i nang du smyu gu gzhug/ 'khor lo bri ba'i mu tra ni// srin lag bar bu bcug la bri// dbus su thig bzhi le tshe dgu/ shar dkar dang ser ba dang dmar bya dbus nag grwa sngo ba// phyi rim 'khor lo bcu drug gnyis la// de yi phyi rim bcu drug khri// 'jam dpal zhal bzhi zur bzhi// de ltar 'khor lo sa bcad nas// da ni sngags rnams dgod par bya// ya ma rA dza/ sa to me ya ya me to ru na yo ta ya ya ta yo ni ra ya k+She ya ya k+She ya tsa ni ra ma ya/ dbus su ya bris phyi mas bskor// ya dang ma yi bar du ni// don po mi rus gzhug par bya// dza dang dza yi bar du gzhug/ a A// i I/ u U/ e ai/ o au/ r-i r-I/ l-i l-I/ oM au/ de la sogs te yi ge kun// g.yas su bskor la bri bar bya// yi ger ga ma reg par bri// ri mo zin pas phyag gsum btsal// de nas pu tsa gtor ma dbul// smon lam grub par gyur cig bya// thod par pho bri ras la mo// phung shing gsum zhes bya ba yin// rang nyid ya man ta kar bsgom// sku gsung thugs kyi 'dzab la 'jug/ sku yi sngags ni a kro te// gsung gi sngags ni ka la ru pa ste// yi ge 'bru dgu gsung gi sngags// yig 'bru bcu gcig thugs kyi sngags// hriH Sh+ti yi ge 'bru la sogs// bsnyung bar gnas la ma thog bar// mi tshig dag gis bar mi bcad// khri bzlas brgya tshar sman mchod re// smon lam re dang btab sreg re// khrag thun nyungs kar ske tshe brab// 'khor lo phye zhing gzugs la brab// brgya tshar re zhing 'khor lo bskor// tshon skad dag gi ling ga bsnams// dgra yis rdzas bslang ling ga bya// 'khor lo kha sbyar nang du bzhug/ be con thog la sngags la 'jug/ nyi ma bzhi pa'i las bya ste// bsgom thabs drang po kha tsar zhib// le ston nang du blta bar bya// thugs kyi sngags ni 'di dag go/ sa ma ya many+dzu shri mu tra ya man ta ka pa na tsa de ro ni hUM dza// many+dzu shri a kro te ka man ta ka la ru pa// ni sha ku ku ru ni hUM phaT/ 'phrin las sngags ni 'di dag ste// oM many+dzu shri a/ la sogs pa gdon// bzlas pa'i dus tshod nam phyed na// las kyi gshin rje nyid 'ongs nas// nga yi ci bya 'bod pa ste// zer nas gam du 'ongs pa la// 'di skad gshin rje rgyal po khyod nyid kyi// lto na srid pa gsum yod pa// khyed kyi mi 'dul gang yang med// bstan pa gshig pa'i dgra bo 'di// sod cig zo zhig zhal du rdubs// de skad byas te kho la btab// lhag ma hom du sbyin sreg bya// thal ba ming yang gnan pa bya// zla gsang nag po'i rgyud las// 'jam dpal las kyi Ti ka zhes bya ba'i le'u ste nga bzhi pa'o//// yang zhus pa// ston pa lags// sangs rgyas bstan pa bsrung ba la// rdzas kyi sbyor thabs ji ltar lags// bka' stsal pa// bstan pa srung ba'i don du gsungs te// gnod bya gnod byed gnyis ka bshad// bsnyo dug sbyar ba'i bya thabs la// rje ngar nang du chang blugs la// sgyed bu 'og tu dong brus la// nang du sre ste bting ste rje'u gzhug/ 'og nas me gtang zla gsum bzhi// dus su bton na chang dug ste// chang bra gang la sgo nga re// btang na sman gyis mi sos so// lo lon nad kyis brdungs nas 'chi// yang na bya thabs 'di lta ste// sman ni da ra spyang dug dang// phye dang sbyar te chang la btab// de yang sman gyis mi sos so// khrag tu skyugs nas 'chi bar bshad// yang na 'di ltar dag tu bya// sgog skya sbrang rtsi gnyis su bsres// bsres la zhag ni lnga drug tu// byibs gnan nas drod la gzhag/ de nas sbrang gi nang du blugs// nya mo zas btab na rkan// zla ba lon nas 'chi bar bshad// yang na bya thabs 'di ltar bya// skyer pa'i 'dab ma dmar po la// bung bu ri 'ong sha bsreg la// sha drod de la gro chang du// bcug ste phyogs bzhi nang du bsrubs// de nas bcos te re lcag pa// de nas phyung ste nya mo la// btang na zla drug dag na 'chi// bong ba dkar nag bsres pa dang// mar du bsres la phur ma bya// chang gi nang du phur ma de// zla ba gcig tu bzhag nas ni// bton te nya mo de la blud// lus po drang zhing drang bar 'chi// pra te ba'i rtsa ba dang// skyer ba'i 'dab ma dag la ni// srin bya'i sha bsres khyi lud bsdus// mal 'og dag tu zhag dgur bsub// bton de nya mo chang la btab// phag pa'i sna dang dre'u yi snying// bud sbre'u ni btsos nas ni// ra rog chu ru zhag drug gzhag/ bton te nya mo chang la btab// bzhi mo me tog 'bras bu dang// ba yi lce ru sbyar ba dang// bong sha na zan rkyag par sbyar// bud med nu zho sbyar byas la// ba yi chu ru btsos te gnan// zhag brgyad gnan te gdon par bya// nya mo chang la btab na ra// yang pre te sba ba bzhi mo dang// dud pa bsres la chang la btab// gso ne 'o ma 'thungs pas mchog/ yang na 'o ma rtsa ba dang// sho mangs rtsa ba dang// skyer ba'i khu ba chang dang sbyar// btsan dug go/ sug ba spru dang 'om bu'i rkang dang bsres la pho rog sha dang sbyar// zar ma'i khu ba btsos nas btang// zla gsang nag po'i tan+t+ra las// 'jam dpal zas sbyor gyi le'u ste nga lnga pa'o//// yang zhus pa/ ston pa lags// khram gtad gtad khram sel ba ji ltar bgyi// bka' stsal pa/ drag po gtad khram 'di lta ste// gza' skar lo gshed dar rgud rtsi// shis pa'i dus dang khams su sbyar// dgra bo'i ming yang bris la sgrom du gzhug/ gos dum dri ma phyi ma rkang rjes dang// gtums te sa rtsa'i khong du sba// yang na brag dang chu 'thab pa'i// chu mig rdo can phu rdugs su// yang na lam cen rgya gram gnan// gnan sngags dag ni 'di dag ni// oM rbad rbud duM ri li li/ 'bum du bzlas te bgegs la gtad// klu la gtad na// chu kha shar dang lho ltas klu dkar po gnas// byang nub bltas na klu nag gnas// sa rdo ser na klu ser gnas// sa rdo dmar na klu dmar gnas// ngams nag na klu nag po gnas// brag dmar gnag na klu btsan gnas// lho shar byang shar bltas na sa srin gnas// byang dang lho ru bltas na ser rigs gnas// sa dbyibs dkar na klu sman gnas// de ni klu gnas rtag pa'o// sngags pas 'jam dpal gshin rjer bsgom// spyi bor bya khyung bsgom par bya// gshog pa g.yu la mchu ni rdo rje'o// mig ni ser la sder mo lcags kyu// klu yi gnyer por de bsgom mo// bsgom pa'i sngags ni de bzlas so// oM khyung ka ra khyung ka ra hUM// oM badzra sod sod// mig la sod// ba di srog srog la/ sa ma ya phaT phaT// klu'i snying po 'di dag ste// oM mA ga ra dza ya/ oM badzra kro d+ha sa ma ya// ya man ta ka phaT/ ngo 'bag gon la stong du bzlas// dus tshod nam gyi gung la bya// 'jug pa'i 'dom tshad 'di lta ste// rgyal rigs dag ni 'dom bzhi ste// byang na gnas shing ji yis khams// mdog ni dmar khrag yod pa ste// de la 'u khams gtad par bya// rje rigs dag ni 'dom do de// shar na gnas shing gshang gi khams// mdog ni dkar po gnas pa ste// de la gtad de gnan pa ste// bram ze'i rigs ni 'dom gsum ste// nub na gnas te shing gi khams// mdog ni dmar khrar yod pa ste// de la gshang khams gtad par bya// dmangs rigs dag ni 'dom gang ngo// lho na gnas te 'u yi khams// mdog ni nag po yod pa'o// dbus na rgyal rigs gnas pa'o// 'o na mtshams bzhi dag na gnas pa ni// shar lho shar du bsdu bar bya// yang na de kun rgyal rigs dag tu shes par bya// rigs bzhi dag la gtad pa ste// 'dom tshad gzhal ba'i rim pa'o// yang na chu mig dag la gtad// yang na ming rus mdzes mtshan ro'i nang du sba// yang na dkyil 'khor 'og tu mnan// yang gru gsum e nang du// sle nag dri la dong du sba// rtsa ba'i sngags ni 'di dag ste// oM tsi ta dum tsi dum baM ri li mA ra ya mA ra ya// 'bum du bzlas la gnan te gzhag/ kho rang zla gshed dag la bya// yang na bra ma lang ling ni gsing can// sgo phug khral khrol nang du sba// yang dag don du 'di ltar bshad// yang na las thabs 'di ltar bya// chags gang ba yi dong brus la// dgra bo'i ming rus shing la bris// phyi thod nang du bcug nas ni// phag gi 'gram tshal cig dang sgrags// da ci'i dong du de bcug la// zhag bcu sbas la thugs dam bskul// lcags kyi spyang mo rbad par bya// lcags kyi sbyang mo mgo dgu ma// rtag tu dam nyams sha la rol// yid la bzhag pa'i dgra bo 'di// rtsa rgyud chod cig sa ma ya// byas te dgra bo dur du gnan// pha gcig bu brgyud rabs 'chad do// yang na ngan thabs rim pa 'di ltar bya// rabs 'chad thod pa snod ngan du// dgra bo'i gos dum dri ma dang// ming rus bris te thod par gzhug/ gnam stong dag la bsnyen pa gzugs// chu mig byang ltas ngams nag pa// khru gang skyed la dong brus te// thod pa sngo dmar thag pas gdags// rang nyid bya khyung dag tu bsgom// sos bzung chu mig dong du bskyur// zhag ni bcu bdun rtags chen 'byung// des kyang mi phung rtsa ba gcod// yang ni ngan thabs 'di ltar bya// rabs chad pa'am mon thod dam// phyag rgya chen po rab dbang bskur la// 'bru nag phye la klu nag gzugs/ shog bu dag la sbrul gzugs bri// ming rus sngags dang sbrel te bri// na pe he ge a rta rta// de dang sbrel te bri bar bya// de ni na ga'i snying po'o// de rnams sbrul gyi khar bcug la// de ni thod pa'i nang du bcug/ gza' ni mig dmar dag la gtad// dgra bo dur du sbas ti gnan// klu nag pho brang de ru btab// rtsa rgyud rbad kyis chad pa'o// yang ni bya thabs zab mo kho'i pha mes mgo blangs la// 'bru nagapo la sbal ba'i gzugs bya// de yi snying khar ming rus gzhug/ de nas thod pa'i nang du gzhug/ thod pa mkhar nag thod pas dkri// klu nag gnas pa'i chu mig tu// rang nyid byang khyung gshogs pa rdengs// dbang du bsdu ba'i snying po ni// oM ba gi tsa gi sa ki sha ra la tsu mu la sha sha/ shu shu thu ti thum rbad// tig khu ting khu byas la chu mig gnyan sar sba// thams cad mdze nad dag tu 'gro/ rtsa ba bsrungs nas rlung la sbar ro// yang bya lugs 'di lta ste// kho yi ming rus bla phur tshags byas te// khams dang mi rig shes par bya// dgra bo ji khams pa yin na// phag thod bcug ste mig dmar la// lag pa dar ba'i dus su gnan// gru gsum brus la sol bas dgab// de dus dong du thal bas dgang// kun ta ras la ming rus te// ri bong thod par bcug ste gnan// sben pa gyod dang pur bur dar// de dus dong du thal bas dgang// de yi nang du sba bar bya// gshang khams dang 'gras mi rung ste// rta thod bcug la pa wa sangs// gyod pa'i dus su bya ba dang// mig dmar dar ba'i dus su sba// so mal 'og tu sba bar bya// 'u dang 'gras na khyi glang thod par bya// nang du bcug la lag pa gyod// spen pa dar la gzhug par bya// ka ga khams dag dang 'gras pa na// phur pa gyod rgud pa wa sangs// dar ba'i dus su sba ba yin// gsang ba'i ngan thabs yang dag go/ gshed la gtad pa'i bya thabs la// dgra bo lo ni byi lo na// sbre mong thod par ming rus gzhug/ sa ngan rgya gram stong lam sba// dgra bo glang na nga stag yin// 'brong ni dar ma'i thod par gnan// ming rus bcug ste gnan pa bya// stag dang khyi lo dang 'gras na// phag dang ra rog thod par gzhug/ spre'u dag 'gras na lug nag thod par bcug/ yongs lug 'dra ste spyang thod bya// phag lo yin na khyi ra thod par bya// sbrul lo yin na khyi phag thod par bya// 'brug lo yin na seng ge 'am// khyi dkar thod par ming byang gzhug/ bya lo pa la lug thod shis// 'di spe la stong gsum rlung la bskur// sbal pa seng ge sna mgo dang// sdig pa'i rwa brag klu yi ra// khams dang brtsis la pho brang gdab// gza' skar rgud pa dag la bya// kho yi pha mes rus pa rab// med na ming rus dag la rten// bla phur bcang ba shin tu gces// don po 'di yi pha mtshan gyi// rgyal srid di ring phan chad du// 'di ru bstan no ma nyes so// rlung nag khram gyis thebs pa yin// kag gi gza' ni phur pa dag la gtad// ji ni mig dmar dag la gtad// kun ni spen pa dag la gtad// gshang ni pa wa sangs la gtad// 'u khams pa ni zla ba dag la gtad// de ltar gshin skar dgu la gtad// dgun zla gsum la me dar te// gza' ni mig dmar dar ba'o// zla ba de ni rgud par bshad// dpyid zla gsum la lcags dar te// pa wa sangs dang phur bu rgud// ston zla gsum la shing dar te// spen pa phur bu dar ba'o// pa wa sangs ni rgud par bshad// zla ba dar la nyi ma rgud// gza' ni dar rgud rtsis nas ni// rus chen bzhi ni gtad par bya// sel phran smon pa rnon po yin// 'od la byed pa klad pa khos// yang ni ngan thabs khram btab bo// zla ba mar gyi ngo la bya// rus ni ji khams gtogs pa'i gshed// phag dang byi ba'i lo ba yin// zla ba dgun zla ra 'bring nge// gza' gshed dag ni lag pa'o// skar gshed khra sgreg za nye'o// zhag gshed brgyad dang bco brgyad do// dus tshod sod khor nam phyed do// thod pa rabs chad thod pas bya// gnan pa'i sngags ni 'di dag go/ tsi dum tsi dum nan// de yis thams cad gnan pa'o// rus kung yin na gshed stag sos// zla ba dpyid zla rab 'bring ngo// tshes grangs kyi ni gshed de ni// zhag ni gcig dang gnyis dang gsum// gza' gshed phur pa skar gshed snar ma'o// dus tshod tho rangs thun dang po// thod pa kag thod rabs chad do// oM dum ri li li// thuM ri li li// stong du bzlas te sba bar bya// 'u khams glang lo gshed kyi 'brug lug/ zla gshed tha chung bzhi// gza' gshed spen pa skar gshed rta chung rgyal// tshes ni bcu bdun nyi shu bdun// dus tshod de ni nam phyed do// thod pa 'u khams rabs chad kyi'o// oM ma ra ni ma ra ni/ stong du bzlas// kag gi khams kyi lo gshed ni// bya dang spre 'ur gsungs pa yin// zla gshed ston zla rab 'bring ngo// gza' gshed pa wa sangs su gsungs// skar gshed rta chen bra nye lag/ dus tshod nyi nub srod du gsungs// thod pa gshang thod rabs chad do// oM rbad rbad rbud rbud// stong du bzlas// rus gshang khams gshes rta dang sbrul// zla gshed dbyar zla rab 'bring ngo// gza' gshed nyi ma mig dmar ro// skar gshed smin drug rta chung la'o// zhag gshed drug dang bcu drug go/ dus tshod nam phyed nyi phyed do// thod pa rabs chad thod pas bya// oM badzra kro d+ha ya phaT// stong du bzlas te gnan pa bya// ming dur 'debs pa'i ngan thabs so// yang na thabs kyi khram bshad de// don po pha mes dur sa ru// khams kyis rtsis pa'i thod pa 'am// rus ni mon sog rabs chad pa'o// thod pa ro yi gang rnyed pa/ don po'i thod rus dag dang brje// don po mgo 'am rus sam// sha ba spyang khu byi ba dang// de rnams thod pa yod pa dang// bya rog sgro tsa sol ba dang// ming rus phad rog nang du brdzangs// gshed kyi long pa chu mig tu// byang du bltas pa'i bra ma can// de lta bu ru sba ba 'am// yang na gzhan ma kho'i dur du sba// don po mi thod klu la gtad// yang don po ming rus thod pa yi// yi ge skyer pa la bris te// gshed kyi lo la rdzing bur ram// brag gnyen po yi nang du sba// gza' skar zlos pa'i dus su sba// sdi cig rlung gis thor gyis 'khyer bar bshad// rabs chad grir shi'i rtag chad la// spre'u'i sbur ni gtums pa dang// byi ba ze nga ma dang sha ba'i ra rtse dang// rnga mo shu rus bal bu shing// de la ming rus bris la// zer phor bcug la re bar gtums// skar ma rtogs pa dbyug pa la// don po khyim gyi shar phyogs su// brtsig pa'i rmang ngam mu ma'i dkyil// sbas na mtha' med rtsa ba brlag/ sngags 'di bzlas la gnan pa bya// muM rig muM rig hUM zhung thuM thuM ma ma ni thums thums// nyi shu rtsa gcig bzlas nas gnan// yang na khams dang rgal ba las bya na// kungs dang 'gras pa na// kag shing khams rabs chad thod pa la// bu dri mo yi 'dol mo dang// ming rus bris te mdzo ru gzhug/ lo ni stag yos lo la bya// zla ba dpyid zla rab 'bring gnyis// gza' ni phur pa skar ma lag/ gshed kyi zla ba 'brug dang khyi// zla gshed ston dpyid tha chung ngo// yang na don po pha mas mgo chung la// shar gyi shing phur rtsar sbas la// shing phur dag la rtsa kun bzlas// gnan pa'i 'og tu btab la gzhag/ des kyis rtsa rgyud 'chad par nges// gshang khams dag dang 'gras pa na// lo ni rta dang sbrul lo la// zla ba dbyar zla rab 'bring gnyis// gza' skar mig dmar bya 'u 'o// gshed lo dag ni glang lug ste// gshed zla dbyar dgun tha chungs so// don po pha mes mgo phyung la// lho phyogs bra ma rtsa ru sba// sngags ni gong du song ba bas// rtsad chad rlung gis 'khyer ba'o// 'u khams pa dang 'gras pa na// lo ni glang lug dag la ste// zla ba gshed kyi tha chungs so// gza' skar sa ga spen pa'o// gshed kyi lo ni khyi 'brug go/ gshed zla ston dpyid tha chung ngo// don po pha mes mgo rus la// khri lam stong shul sum mdo ru// khru gang brus la gan rkyal bzhag/ sa bre gang gis gnan la gzhag/ rtsang kun sngags kyis btab la bzhag/ kag khams dag dang 'gras pa na// lo ni spre'u dang bya gnyis so// zla ba ston zla rab 'bring gnyis// gza' skar lag dang pa wa sangs// gshed po khyi dang 'brug lo ste// gshed zla ston dpyid tha chung ngo// don po pha mes mgo rus la// nub phyogs brag mtho rtsa ru sba// rtsang kun sngags kyis btab la bzhag/ tha ma rlung ni rdo rke khyer// rus pa ji dag 'gras pa na// lo ni phag pa byi ba gnyis/ zla dgun zla ba rab 'bring gnyis// gza' skar khrums stod lag pa'o// lo yi gshed ni khyi 'brug gnyis// zla gshed ston dpyid tha chungs gnyis// de la don po mgo rus la// byang phyogs chu mig lho bltas sba// rtsar kun sngags kyis btab ste sba// spyir na de rnams rtsig 'og chud na rab// tha ma 'am 'dom gang chud na legs// khang sel dur sel zhing sel gsum// bla ma'i gdams ngag dag tu gsungs// dgra gshed bskor te gsang thabs la// glang lug khyi 'brug dgrar byung na// tha chungs bzhi la mi bya'o// dpyid zla gsum la rgud pas bya// dpyid zla tha chung mi bya'o// phag lo ba ni dgrar byung na// dgun zla gsum la mi bya ste// kho yi srog ni chu dar bas// dpyid zla gsum la bya bar bshad// shing du zhugs pa yin pas so// dgun zla tha chung rgyud bas med// stag yos dgra ru byung ba na// dpyid gsum srog shing dar bas na// de la mi bya dbyar gsum bya// shing dur zhugs pas bya'o// dpyid zla tha chung rgud pas bya// rta sbrul bdag la dgra byung na// dbyar gsum srog med dar bas na// de la mi bya ston gsum bya// shing dur zhugs pas bya'o// dgun gsum rgud pas mi bya'o// bya spre dgra ru byung bas na// ston gsum srog lcags dar bas na// de la mi bya shing dur zhugs pas bya// dbyar gsum dag la mi bya'o// stag yos dgra ru langs pa na// bya spre gnyis kyi lo la bsad// shing dgra lcags yin pas// rta sbrul dgra ru langs pa na// byi phag la bsad// me dgra chu yin pas so// byi phag dgra ru langs pa na// glag lug khyi 'brug bzhi la bsad// chu dgra sa yin pas// bya spre dgra ru byung ba na// rta sbrul lo la bsad// me lcags 'ju// gshed bzhi dgra ru byung ba na// stag dang yos bu'i lo la bsgrubs te bsad par bya// sa dgra shing pas// dgra gshed rtsis te bsad pa'o// 'jam dpal zla gsang nag po'i rgyud las// nag po gshed khraM gyi le'u ste nga drug pa'o//// yang zhus pa// ston pa lags// 'di ru grags pa'i sprul pa sde brgyad bya ba gang lags// rang rgyud sde brgyad bya ba dang// the tshom zos pas bstan du gsol// nyon cig 'jam dpal rnon po khyod// sde brgyad bya ba'i rnam grangs 'di// rang rgyud pa dang sprul pa'o// gnyis su nga yis bshad par bya// rang rgyud bya ba bskyed pa yin// sprul pa la yang rnam gsum ste// sku gsung thugs las sprul pa gsum yod de// skabs 'dir sku yis sprul pa yin// lo gzan gnod sde brgyad yin// mthu stobs phyag na rdo rje yin// rkang mthing dag nas klu 'byung ngo// gnod sbyin phrag pa gnyis nas 'byung// ma mo lag sor rnams nas 'byung// gshin rje bya ba mig nas ldang// rmu bdud bya ba spyi bo nas ldang// btsan rigs thams cad sna bug nas// sa bdag yul bdag lte ba nas// 'byung po thams cad khyad par ldang// lo gcig khyi khor zla ba bcu gnyis la// sprul pa sde brgyad rgyu ba la// rgyu dang gnas dang ldog dang gsum// gdong tshugs dag tu bya bar shis// klu rnams dpyid zla gsum la ldang// yul bdag rnams ni dbyar zla gsum la ldang// ma mo ston zla gsum la ldang// rmu bdun ston zla gsum la ldang// 'byung po rnams zla dus na ldang// ldang ba'i dus tshod dag tu bshad// mchog tu gces pa'i zla ba ni// ston zla gsum gyi zla ba yin// dbab pa'i zla ba bya ba ni// ston zla ra ba khrus bya ba'i zla ba yin// dus der klu rnams ldang bas gso// 'bring po yul bdag btsan rgyu bas// der ni las rnams bya ba'o// tha chung yar ngo mar ngo ldang// dus der bya bar gsungs pa'o// da ni sprin gyi mtshan nyid bstan// sde brgyad dag la sprin brgyad de// kha dog dbyibs ni brgyad du 'byung// 'brug gi sgra yang brgyad du 'byung// sa yi rtags kyangabargyad du 'byung// lo thog za ba'i sprul pa yin// zla ba gcig la thengs brgyad rgyu// kun gyis khur nas grogs la 'ong// ma ldings pa rnams phur pa rkyen// las rnams mi 'grub tshe yi rkyen// de dag thams cad 'di ru thud// zla gsang nag po'i rgyud las// 'jam dpal sprul pa sde brgyad kyi le'u ste nga bdun pa'o//// yang zhus pa// ston pa lags// sku yi sprul pa'i cho 'phrul ji ltar lags// gsungs so// sku sprul cho 'phrul gnyis su gsungs// dbugs can dbugs med gnyis su gsungs// nag po sku sprul ltas ngan 'bebs// man ngag gsang ba 'di la gsum// spyang khu wa la bong bu bskyon// 'ug pa srin bya pho rog gi/ kha ru phur pa gzhug pa dang// ba'i khong par sbrul skye ru gzhug pa dang// ra dang lug tu skye ru gzhug pa dang// bud med khong par khyi skye ru bzhug/ dong ba'i nang du sbrul btang ba// mi mgo rgyug cing 'gro ba dang// 'phral du bsnyo ru bzhug pa dang// rengs te 'gro ba mi nus pa// khra la bong bu bskyon la btang// dang la spyang khu btang ba'i rdzas// thod pa'i nang gi rdzas sogs la// khrag dang nyungs nag sbal ba yin// snying khrag sbrul gyi skye 'am sha khrag la// sngags khris bsgrub zor 'phang ngo// ltas ngan gong gi de rnams 'bebs// de yi gsang sngags 'di lta ste// oM pri du yan// pra ti ya ma// ti slas mi pra ti ya/ pu mi de ba/ pu ya ma ni/ srog pra ti ya/ slas mi 'bri thus/ snying sho sha yaM/ pra ma ni yaM/ hUM hUM phaT phaT swAhA/ sngags khri 'am 'bum bzlas la// rdzas rnams lus la bsres la bya// dgra dang 'gras pa'i gdong du gtor// gong gis ltas ngan 'bebs par 'gyur// 'ug pa srin bya pho rog dang// ba yi khong bar sbrul skye dang// ra la lug tu skye ba dang// de rnams rdzas ni phag rog snying// khyi ni gong dkar snying// de rnams bsre yi nang du bzhug/ mtheb skyu bdun gyis tha ma bskor// de la bsgrub ste sngags 'di'o// oM sha pra ma ni/ ya thun ya thun// pra thun pra thun// ling thibs// khug ling// pra ma ni srad// snying gur pa ling/ sha sha na/ shu shu shu/ pra dun pra dun/ ya ma ni swAhA// 'bum khri bzlas nas dgra phyogs su// gos brdab lha phyag btsal nas ni// ltas ngan bskul nas 'bebs par nges// bud med la ni khyi skye ba// sngags su mi mgo gtang ba dang// dong ba'i nang du sbrul skye dang// rengs shing bsnyo ru gzhug pa'o// de yi rdzas la kham phor du// gur gum ga bur 'ug pa dang// srin bya'i sgro rnams kham phor du// bcug ste bsgrub par bya// sgrub sngags dag ni 'di dag go/ oM tra yen da ma// pu par pa ta ya/ khra dud ye pa de/ pri du ya/ ma ti ni pra ma ni/ pra ma ni/ sa ra sa ra/ he dud pra ya hUM hUM phaT phaT swAhA/ 'bum khri bzlas nas dgra la dgab// bsnyo dang ltas ngan sna tshogs 'ong// rang nyid 'jam dpal gshin rjer bsgom// yang na phyag na rdo rje bsgom// bskul ba dag ni 'di dag ste// bcom ldan khro rgyal gos sngon can// sku la rigs bzhi sbrul gyis brgyan// nyid kyi 'khor rnams rab tu 'dul mdzad pa// phyag na rdo rje bsnams shing// rigs bzhi dgra la cho 'phrul gtong// ltas ngan cho 'phrul sna tshogs btang ba'i dus la bab// lha srin sde brgyad zhabs 'og bcug nas ni// klu chen brgyad kyi cho 'phrul btang ba ni// dud 'gro rnams kyi mngal du sbrul gtong ba// bdag po khyim du skye zhing ltas ngan cho 'phrul gtong// sna tshogs sprul pas khams gsum g.yo bar byed// khyed kyi thugs dam rgyud bskul bas// lha rnams kyi ni dmag drangs shing// cho 'phrul chen po gtong bar byed// pho nyar lha srin sde brgyad 'gyed/// snang srid thams cad g.yo bar byed// srin po brgyad rnams bran du 'khol// phyag na sdigs mdzub zhe la gnon// 'gro ba thams cad dpal chen khyed la phyag 'tshal bstod// de lta bstod la nya la gtor mas mchod// dbug can cho 'phrul bstan pa'o// bsnyo ba'i sbyor thabs 'di lta ste// gla rtsi gu gul shu dag dang// sbrang dang g.yer shing spru dkar po// sbrang gis sbrus te sran ma tsam// ri lu byas te skam du rtsal// de nas nad pa'i skra ni spyi bor bsdus// de nas lag pa bzung nas su// ri lu sna nas gtugs pa yis// gang yin ci 'dod smra bar 'gyur// gdon ngos gzung zhing smra ba'o// sku yi sprul pa cho 'phrul bstan pa dag gdon ngos gzung ba'i le'u ste nga brgyad pa'o//// yang nor gyi rgugs 'chor pra bstan te// 'jam dpal pra rtags 'di lta ste// nor dang rus pa rkun pa la// pra 'di skor te 'tshal ba'o// phud rgod ma nyams gtsang ma ru// rang gi zas snod rabs chad thod par bya// rabs chad thod pa tshan chus bkrus// zhag ni bco lngar stong par gzhag/ de nas zhing sa'am ldum ra ru// sa 'og bcug ste byis pa gtsang ma yis// zhing sa mu ma'i dkyil du sba// lus rtsis thod par byas te gzhag/ nas ni dkar mo gsum dang sngon mo gsum// zo ba dang ni gsum du gdab// thod pa'i nang du blugs lugs la bskyed// ston zla tha chungs nya gsum la brda// skud pa dkar nag dag gis bcings// mi ni 'gong can 'dre can// de yi rnal ma'i khud du phur// glang ma'i cho long gsum yang btsal// sa ser dag la mi yi rkang// phyin ci log tu byas pa la/ de rnams mdzod kyi yang phugs su// phying pa phyed dkar phyed nag cig/ de la 'gron bu cig gdags te// 'om bu cig kyang btags te gzhag/ nas 'bru bzhi lnga tsam phyung la// rang gi gong gug btsal gdags// chang phud gtsang mar rtsal la// sngags 'di bzlas// snang srid thams cad sa le 'od// tri sum du tra// du shol za thog la dun// zhing ka ye/ tri sum tri men su// pra phob ya// byas la chang phud gtor ro// nor gyi rgugs 'chor pra'i le'u ci// ltas ngan dag tu smra bar byed// yang zab mo pra'i le'u ste// ltas ngan pra yi rdzas lugs la// gri ru shi'i thod pa der// tshan chus bkrus te g.ya' gong rtsal// zhag ni bco lnga sbas te bzhag/ zhag de lon nas phyung ba dang// zhing mu ma'i dkyil du kha gnam du bstan te sba// thod pa'i nang du nas ni dkar mo gsum dang zo ba gsum sngon mo gsum ste thod nang du// btab ste sngags 'di bzlas// tre suM ru tre// dun shel za luM dum zhig ya// sun tre men tri// tri su phob ya// byas te las la bsngags te thod par gzhug/ thod nag gan rkyal dag tu gzhag/ zhing sa de yi sa yis kyang// thod pa bkang ste mi mthong bar// sbas te thod par nas de bskyed// bcu rkud dag gi thod par bya// de nas snyi ma byung ba dang// ston zla tha chung nya gsum la// snyi ma skud pa dkar nag gis// bcings la sngags 'di bzlas par bya// ku mo su tri thun mi ti rtsi tu si ya/ dri za dri kho lo tri// de skad bzlas te snyi ma de// 'gong po can gyi khang par gdags// de men yang na khang stong gdags// de nas bsnyil te phur ma bya// 'gong can 'dre can rnal mar phur// nyams pa 'bog can gyis ma tshor bar// ras ma'i khyud du glang ma'i cho long// chu rgyun gsum yang rtsal// phur ma mdzod sgo yang phugs kyi// nang rol dag la gdags par bya// de nas sa ser 'dam pa la// mi gzugs rkang pa phyin log bya// de la phur ma de nyid ni// phying ba lag pa tsam cig tu// phyed dkar phyed nag steng du bzhag/ nas de re re gnyis gnyis gsum gsum byung// re re gnyis gnyis nor tshol rung// rus pa tshol yang rung// re re gnyis gnyis chang phud dang// mnyam phud kyi nang du btsal// chang phud nang du sngags bzlas te// 'thungs nas gar gtad sa ru snang srid 'chad// mig ser can gy-i nor rku 'chor// man ngag gting du gsungs pa'o// zla gsang nag po'i rgyud las// zab mo pra'i le'u ste nga dgu pa'o//// yang zhus pa// ston pa lags// smyo zhing 'bog pa'i las rnams gang// zhus pas// bka' stsal pa/ yang na bya thabs 'di lta ste// rta thod nang du nyungs kar dang// dug sna tshogs la 'di skad do// rbad su rbad/ khrag ti rma ra na rbad// nyos na ling ga 'gyel na rlag/ phu rlag tu rlag so 'gram// byas te dgra bo ming dang bcas te de ru gzhug par bya// don po gang la gnas pa'i sa// sa dar shin tu mnan pa dam par bya// zhag ni bco lnga dag nas rtags chen 'byung// smyo zhing 'gogs pa khyad par che// yang na pha bang gdong la brdeg/ nyungs kar thal chen nyungs nag dang// ske tshe bsres la sngags 'dis brdeg go/ ru thum ril lu ling/ gug thum ling/ nyam rbad/ sha rbad/ gur tshar ling/ mugs rbad/ smyogs gug/ tshar ling swAhA/ byas te brgyab nas myos nas 'gyel/ gar song byas na sdig tu 'gyur// mi rgod jag chings bya bar bshad// yang thabs mchog bya ba khyad par bya ba la// ma thod rta thod mtshal chen g.yung drung bris// nang du gu gul blugs la/ sngags stong du bzlas par bya// badzra seng sangs srin la rten// sa las tshe'u thul thul// sngags bzlas khyim du chud la legs// g.yas su dong brkos nang du sba// thogs kyang zhag ni bco lnga nas// smyo zhing 'gog pa'i las byung ngo// shin tu rnam smin che che 'dra// thugs rje'i cho 'phrul bya bar bshad// zla gsang nag po'i rgyud las// cho 'phrul bstan pa'i le'u ste drug bcu pa'o//// yang gsungs pa// rgyal ba'i bstan ba bsrung ba la// skyin thang thog ser dbab pa bstan// 'jam dpal gtsug na me 'bar gyis// gshin rje byi na ya ga bya ba des// dbu gtsug dag na me 'bar bas// ngan sngags ser ba tshigs khrid du// 'bebs pa'i sgom pa 'di lta ste// sku mdog dud kha dbus mthing ba// zhabs bzhi dbu yi gtsug na ni// me 'bar dud pa sprin du chags// phyogs bzhir glog 'gyur 'brug sgrogs pa// g.yas kyi dang po rdo rje rtse dgu bsnams// 'og ma gnam lcags stegs pu bsnams// g.yon gyi dang po ban d+ha dmar gyis bkang ba bsnams// 'og ma zhags pa 'dogs tshad thogs// kha nas khrag gi ser ba 'bebs// 'jigs byed sku la dur khrod rgyan gyis brgyan// khams gsum thams cad dregs pas bkang// thams cad dbang du sdud par bsam// bsnyen pa gong de dag nas kyang bya// khrag dang ming 'bral de la bzlas// nyungs kar thal chen dag la bzlas// phyogs su gtor zhing nyungs kar 'phang// ra grod nang du khrag blug la// bud med dag gam sbrang long la// khrag bskur snyung gis bu gar btsags// gar 'bebs sa ru 'dzag tu gzhug/ gzugs byas mgo ni shar du bstan// rkang pa nub tu bstan par bya// snying khar hoM gzugs bsreg par bya// ra rog khrag dang khyi brgya'i khrag/ de dag sbyar te tshil chen// grong pa'i khrag ni khyor gang la// sbyin sreg bya/ bsnyen pa'i sngags dag 'di lta ste// oM badzra phri tsa ni/ de ni bsnyen pa'i sngags su gsungs// sbyin sreg sngags ni 'di lta ste// oM bi na ya ka u nan/ dar du zir nan/ khugs shi mu phub swA hA// ku hi ku hi la'-i ku dza dzi/ du rten nan/ dgra nan nad zir/ khug cig/ su su he su hi/ sha khrag nan dad si nu su ti/ ke kha khu nan/ su tri su tri/ kring kring mi tsi ri swAhA// sngags shing gong mas g.yang gzhi brdab// phyogs su gtor zhing 'bum lnga klog/ rang nyid 'jam dpal gshin rjer bsgom// spyi gtsug steng du bya khyung bskyed// yi ge krung las bskyed par bya// zhal gcig phyag bzhir bskyed par bya// rgya mtsho'i steng du rdo rje'i brag/ brag thog gshin rje bzhugs par bsam// byang khyung kha nas thog ser rgyu// sna dang mi nas thog dang 'brug/ grag cing skyin thang 'bebs// 'jam dpal zhal nas thog ser 'bebs// phyag na khyung phrug mang po 'phro// khyung phrug kha nas thod ser 'phro// thugs rjes bstan pa bsrung zhing skyong// gza' skar dag la mi ltos te// rnal 'byor nang rtags rdzas la 'byung// byung dus rang du brtul zhugs kyis// gnyan sar drag po las sbyor bya// bya khyung cog rdungs pra ba yin// zla gsang nag po'i rgyud las// cho 'phrul thog ser dbab pa'i le'u ste drug cu thams pa'o//// yang zhus pa/ ston pa lags// nag po klu ser ji ltar lags// ston pas gsungs pa// 'jam dpal klu nag ser ba la// dbab lugs mi mthun gnyis su bshad// nA gi skyin thang thog ser la// man ngag spyi yi bya lugs la// chu mig kha byang bltas pa dgu pa ru// ngams nag rdo dreg yod pa na// de na klu ni nag po gnas// de ru gru gsum e'i dkyil 'khor gcig/ byas la de yi zur gsum du// rdo ni dkar po glang dmar rwa// de gsum sgyed phur byas la ban d+ha bkal// sked pa mi yi khrag gis byug/ de ru mi khyi ra khrag gsum// thod par blug ste sgyed bur bkal// sbrul mgo bdun ba'i gzugs byas la// bag phyed dag la bya bar gsungs// rdo dkar steng du sbrul de bzhag/ rang nyid bya khyung ting nge bzhugs// klu rnams dbang du bsdu// nyungs kar ske tshe dag la sngags 'di bzlas// oM nA ga shu nan shu na na ga ba yu/ khu ya ba dang// rag sha ga ru Da phaT// da ni bya khyung bskul bya ste// hriHdpag bsam shing la gzhengs pa'i bya khyung ka ru Da// ye shes mig la gser gyi gshog pa can// ri rab rtse nas rgya mtsho'i gting du mchu bsleb ma// klu rgyal gdan du 'dings shing klu phrug zhal du gsol// de phyir klu rnams thams cad bka' las ma 'da' zhig/ klu rnams nga yi bka' las 'das gyur na// klu yi gnas rigs phung zhing rlag gam re// bya khyung mu babs te// oM tsho bzlas// mu tra bcas la zil gyis gnan// de nas me btang thod pa bskol// khrag bskol thod pa kha sbub bo// thog ser spags pa'i pra rta dbab// lug nag lhas su lhogs pa 'dra// ser ba phyings pa bkab pa 'dra// shin tu gab par gdams pa'o// bya thabs klu yi pra rta la// lung gsum sum mdo mdo gsum du// sgyed sdo gsum du bya ba la// klu rdo gro bo gcig po la// ma mo gang rungs snying po bri// rta yi khrag gis bri bar bya// zhing lpags dag la klu yi yang snying bri// chu mig gting du sba bar bya// yang na klu sbrul nag po mgo gcig pa// sbal po nag po gcig dang gnyis// byas la chu mig gting du sba bar bya// sba ba'i sngags ni 'di dag ste// yi dam lha ru 'jam dpal bsgom// bzlas pa'i dus su bya rgyal khyung// oM ga ru Da pa ti badzra hUM tsi ri pra sha phaT// an tra man tra/ tsin tra/ tsin tra dun tra/ na ga lo dum pa le hUM phaT/ byas te gtor ma gnyan sar gtor// pra rta dkar mo skyin tang 'ong// btsan thabs bya ba'i man ngag go/ man ngag rgyud dus ngas bshad do// snod ngan bu la mi sbyin no// shin tu bsdigs par gsungs pa'o// yang gsungs pa// shin tu zab pa'i 'jam dpal klu ser 'di// khyad par du yang bstan par bya// gnas ni chu mig dgu pa la// byang bltas rdo dreg nag po can// lha klu nag po gnas sa ru// e la mthing nag zur gsum bru// zur gsum zur du sgyed rdo re// dkar nag glang dmar ra dang gsum// sgyed bu byas te ban d+ha dag la// phyi ru khrag gis phugs te nang du rdzas// ra khyi mi gsum khrag blugs la// 'og tu gdug pas me spar te// rang nyid rta mgrin dbu la khyung// lus la sbrul ni dkar nag brgyan// mdun na khrag gi rba rlabs 'khrug/ snang srid ma mo bka' non bsam// de nas seng ldeng phur ba sor brgyad pa// gu gul nag po'i dus bas bdug/ sngags ni stong du bzlas par bya// na mo bud d+hA ya/ oM ki li ki li tsan tra tsan tra na ga b+han d+ha ya phaT phaT swAhA// bzlas shing gu gul du bas bdug/ bya khyung spyan drangs klu rnams dbang du bsdu// 'jam dpal dbu stengs bya khyung bsgom// hriHdpag bsam shing las gzhengs pa'i byang khyung ka ru na// ye shes spyan la gser gyi gshog pa can// rdo rje sder mos thogs med lcags kyu can// ri rab rtse nas rgya mtsho gting du mchu mos snyeg/ klu rgyal gdan du 'dings shing klu bran zas su za// de phyir klu rnams nga yi dam las ma 'da' zhig/ nga yi bka' las 'das par gyur pa na// klu rnams kun ka gnas rigs kun ka phung la brlag par 'gyur// khyung gi mu tra bcas pa dang// me tog bag chu dag la bzlas// klu rnams dbang du bsdu'o// da ni dbang bsdus zil gnon bzlas// oM badzra ba ki ka tru na hUM hUM hUM/ mi ri tsi mi ri sri tsa hUM hUM phaT phaT swA hA// de bzlas thams cad dbang du sdud// de stengs a kro tshan chen gdon// klu yi snying po 'di bzlas te/ badzra nA ga rA dza phud/ ces bzlas// drag por phob// bag zan 'byin pa la ming gzugs byas// sbrul nag mgo bdun gcig byas la// ri mo sngon mo bri bar bya// rang nyid 'jam dpal dbu la khyung// mdun du rta mgrin bsgom par bya// de bsgoms klu rnams gdung bar bya// sgyeg rdo dkar po cig tsam la// rdo tshan steng du sbrul bzhag la// mgo la blugs sngags 'di bzlas// oM badzra ma tim mar ti tsa krugs krugs// ma ma sri srog drag tu phob// nA ga nA ga go la khrag la nA ga drag po phob// stong bzlas phog byas ser ba dbab// klu gzugs sbrul mgo bdun yod pa// nag po gal chag brjid pa'o// de bsgoms kha nas glog 'khyug pa'o// kha nas khrag gi ser ba 'ong// des dkrugs ser ba rang dbang med par 'ong// 'bab ste phying ba bkab pa 'dra// des kyang ma phebs srid na yang// bdag gi rta mchog skur bsgoms la// khyi lud khyi lce rtsa ba dang// glang du bsregs la dud pa btang/ ske tshe khrag skam sngags 'di bzlas// oM gshu na gshu na gshu ha gshu ta// ba yu ba yu/ ba khu yu ba khu yu// ba ti ba ti/ ta ti phaT/ brgya rtsa brgyad du bzlas pa// sbrul gzugs khrag dang ban d+har blugs// dur khrod ras sam bud med zhal ma// nang du gril la dkar nag gis gril la dkri// chu mig gting du sbas te gnan// seng ldeng phur bu rtse mo la// til mar tshil chen dag gis byugs// rtsa brgyad sngags bzlas gdab par bya// de ni thog ser skyin tang 'bebs// dus ni skya rings shar tsam na// yang na nyi shar nyur 'ub dbab// gza' la mi ltos nya la dbab// ston zla ra ba'i nya la shis// rgyal khams phung ba'i bra rtags yin// phur bu ma phyung bar du 'ong// dus ni srod la nyi zer la// oM hUM phaT b+h+yo b+h+yo dam nyams yul du phob// 'jam dpal thugs kyi ny-ing khu yin// zla gsang nag po'i rgyud las// thog ser dbab pa'i le'u ste re gcig pa'o//// yang zhus pa/ drag po las kyi byed dus su// thebs pa'i zlas dus ji ltar lags// ldog pa'i dus tshod ji ltar lags// ma 'ongs pa yi sems can la// thugs rjes gzigs la bstan du gsol// yang gsungs pa// nyon cig 'khor tshogs yang dag par// drag po las sbyor byed dus der// phan gnod gnyis su bshad pa la// thebs dang ldog pa gnyis su bshad// thebs pa'i dus tshod 'di lta ste// drag po las thabs gang byed dang// dus tshod nges pa 'di lta ste// dpyid zla ra ba'i bcu bzhi la// brtan ma rul te thebs pa'i dus// 'bring po tshes ni bcu drug la// bdud rnams nyul te thebs ba'i dus// dpyid zla tha chungs nyi shu gnyis/// ma bdun nyul bas thebs pa'i dus// dbyar zla ra ba'i tshes brgyad la// gza' brgyad nyul bas thebs par gsungs// 'bring po'i tshes ni bco lnga la// klu yi rigs ni thebs par gsungs// tha chung ris la mi bya ste// ston zla ra ba'i nya gsum la// ma mo nyul bas thebs par bshad// 'bring po tshes ni bcu bdun nas// gnam stong bar du rgyu skar nyul// de la thebs par rab tu gsungs// tha chung tshes brgyad gnam stong la// lha chen brgyad po nyul bas thebs par bshad// dgun zla ra ba'i bcu gsum la// bcu drug bar du gnod sbyin nyul// dus der thebs pa dag tu bshad// 'bring po'i nyi shu gnyis nas ni// gnam stong gi bar du 'khor// gshin rje nyul bas thebs par bshad// tha chung nyi shu dgu dag la// lha srin nyul bas thebs par bshad// mi thebs ldog dus 'di lta ste// dpyid zla ra ba'i bcu bdun dang// bcu dag la ni ldog par gsungs// 'bring po gcig dang nyi shu brgyad// dus der ldog par rab tu gsungs// tha chung gnam stong dag la ldog/ dbyar zla ra ba'i gnyis dang lnga// dus dair ldog pa dag tu gsungs// 'bring po tshes ni bcu drug ldog/ tha chung tshes grangs bcu la ldog/ ston zla ra ba nyi shu lnga la ldog/ 'bring po tshes ni gsum la ldog/ tha chung tshes ni gnyis la ldog/ dgun zla ra ba'i bco lnga ldog/ 'bring po nyi shu dag la ldog/ tha chung nyi shu bdun la ldog/ ldog pa'i dus tshod bstan pa'o// zla gsang nag po'i rgyud las// drag po las kyi dus tshod brtsi ba'i le'u ste re gnyis pa'o//// yang zhus pa// ston pa lags// dbang bskur rim pa ji ltar lags// bka' stsal pa// dbang la rnam pa gsum du grags// thun mong rig pa'i dbang dang gcig/ khyad par rdzas kyi dbang dang gnyis// dam rdzas lnga yi dbang dang gsum// rig pa dbang rnams bka' rgyud mthun// rdzas lnga dbang bskur 'di lta ste// byin brlabs byas te rdzas rnams dbang bskur te// ban d+ha dbang bskur 'di lta ste// mtshan mas spros bral rdzas mchog 'di// skal ldan rnal 'byor 'di la dbang bskur te// de bzhin gshegs pa'i dngos grub thob// ban d+has dbang bskur ba ni// chos sku skye ba med pa'i don rtogs nas// chos dbyings ye shes ldan gyur cig/ oM a b+hi Shiny+tsa muM/ skye med byang chub sems kyi rdzas mchog 'dis// skal ldan rnal 'byor pa la dbang bskur na// 'jam dpal dngos grub thob nas kyang// me long ye shes ldan gyur cig/ tsit+ta a b+hi Shiny+tsa ma/ khams gsum bsgral ba'i rdzas mchod sha ches 'dis// skal ldan rnal 'byor 'di la dbang bskur na// rin chen rigs kyi dngos grub thob par gyur// a b+hi Shiny+tsa maM/ gsang mchog rak+ta rdzas mchod 'di// skal ldan khyod la dbang mchog 'di bskur bas// pad+ma rigs kyi dngos grub thob gyur cig a b+hi Shiny+tsa maM// las mchog bsgrub pa'i dam rdzas dri chu 'dis// skal ldan rnal 'byor 'di la dbang bskur na// gsung mchog gsung gi dngos grub thob gyur cig/ a b+hi Shiny+tsa maM// da ni rdzas chen pos bskur bar bya ste// thod pa dbyug tho phur pa dang// zhing dang rngai'u chung ral gri dang// thig le gsum gyi dbang bskur bas// phas rgol bas ni mi tshugs dang// rang rgyud grol zhing byang chub rgyu// 'jigs pa brgyad las thar par shog/ 'jam dpal sku gsung thugs mchog gi/ rgyan gyi 'khor lo'i dbang thob shog/ oM bud+ha kun+Da lan a b+hi Shiny+tsa maM// 'phreng ba sha chen be con dang// stag lpags ral nag chas kyi ni// khyed la dpa' rtags dbang bskur don dang ldan// 'gro don mthar phyin gdug pa 'dul// dregs pa 'dul zhing yi dam mi 'bral bas// mthu rtags ldan pa'i dbang thob shog/ bu tha ka la hUM maM/ sngaun 'gro tshems shing ku sha dang// srung skud rmi lam pra yang brtag/ khrus bya gsol gdab me tog gtor// 'jug rim bka' gzhung gzhan dang mthun// yon dbul dam tshig bsgrags par bya// gzhan yang dam rdzas tshang bar bskur// rtsa ba'i dkyil 'khor dag nas 'dom gang du// dbang stegs 'dom do'i maN+Dal bya// rang nyid 'jam dpal rnal 'byor pas// rtag tu las rnams bya bar gsungs// dbang gi 'jug sgo rgyas par bya// zla gsang nag po'i rgyud las// 'jam dpal dbang bskur ba'i le'u ste re gsum pa'o//// yang zhus pa/ ston pa lags/ 'jam dpal spyir las kyi spyi rgyugs rtsa ba'i man ngag ji ltar lags/ bka' stsal pa/ las kyi spyi rgyugs rtsa ba 'di ltar bshad de/ sangs rgyas bstan pa mi gnas shing// chos nyid bden pa mi 'dul te// dge 'dun btsun pa mi gnyan na// nga yis bstan pa der 'byung ngo// nga yi dus gsum sngon du 'byung// sangs rgyas kun gyi mngon du byung// nga ni dus gsum da ltar 'byung// nga ni lnga brgya tha ma'i tshe// de tshe nga yi bstan pa 'byung// bstan pa thams cad nub pa'i tshe// de tshe nga yi bstan pa 'byung// las ngan tha ma spyod pa'i tshe// de tshe nga yi bstan pa 'byung// zas ngan lci ba za ba'i tshe// de tshe nga yi bstan pa 'byung// gos ngan dug hrul gon pa'i tshe// de tshe nga yi bstan pa 'byung// gnas ngan mkhar sbe rtsig pa'i che// de tshe nga yi bstan pa 'byung// dge 'dun dag ni nub pa'i tshe// de tshe nga yi bstan pa 'byung// dam tshig nyams pa mang ba'i tshe// de tshe nga yi bstan pa 'byung// nga ni dus gsum 'byung ba'i sku// nga ni da ltar mngon ba'i lha// nga ni rab tu gsang ba'i rgyud// nga ni srid gsum sngon du 'byung// ji ltar bur ni zhi 'gyur yang// thams cad zhi ba nga yi sku// ji ltar bur ni khros gyur kyang// thams cad 'phrog pa nga yi sku// dkon mchog gsum ni gnas pa dang// de yi bka' ni bskyang ba'i phyir// bcu gnyis rtsibs chen 'khor lo 'di// yi dwags kyi ni gos la bri// gzhal med thal ba sol ba gnyis// da ru ra yi khu ba dang bsres te// nim pa la yi lo ma dang// ka na kha yi khu ba dang// ni yi mang sa sra rtsi pog/ dug ni rnam pa sna tshogs dang// til nag nyungs kar mar khu dang// ra khyi khrag dang dri chu dang// rnyed na khyi khrag ra khrag dang// lan tshwa skye tshe sa dkar ro// tsan dan rgya skyegs gi haM dang// ldong ros gur kum spu bas bri// ma ra gshin rje dngos la ste// dbang ni chung ma'i snying khar bri// zhi ba zla ba'i dkyil 'khor te// rgyal pa lta yi rgyab tu bri// dbye ba rta dang ma he// dgug pa dred dang seng ge/ rmigs pa lug gi khong du gzhug/ bskrad pa rnga mo rgyab tu bya// smyo 'bros shan mar rgyab tu bya// gnan pa ri rab 'og tu bya// las kyi bye brag thams cad la// bstan pa bzhin du shes par bya// de rnams chos mthun brtsis te bri bar bya// bya rog sgro rtsas smyu gu bya// ga 'u kha sbyar nang du gzhug/ mchod rten nag po btab nas su// rab tu dben pa'i gnas su sba// la kha dang ni ma la kha// ri rtse dang ni skyed mos tshal// dgon pa chen po'i sa phyogs dang// lha klu gnod sbyin dri zar sgrub// de nas rigs 'dzin nan tan gyis// sa ni yang dang yang sbyangs te// gang du yid dang dga' ba ru// 'bum phrag gcig ni yan chod bzlas// las su bya ba'i bsnyen pa ni// khri khri smra ba bcad la bzlas// phyag mi btsal zhing lam mi gzur// mi smra ba dang dbang po bsdams// dbyig pa thogs shing sdigs mdzub bsgreng// stag lpags gyon zhing bgrod dkar 'gro/ rigs 'dzin dag ni rtag par ni// lag pa'i sor mo thams cad kyis// mthe bong legs par sbas nas ni// rab tu bsdams pa bzang po bcing// las kyi bye brag gang byed dang// ya man ta ka khugs par bya// lha yi sku mdog phyag mtshan ni// zhi khro las kyi dmigs dang sbyar// pU tsa rnam pa lnga dang ni// mchod sbyin gtor ma cha gsum gtang// rang gi lan tshwa a mr-i tas// dus drug dag tu pU tsa dbul// nyur bar dang ni bul ba dang// yi ge mtshams ni 'dres par ni// nam yang smra bar mi bya'o// shin tu gsal bar smra bar bya// skabs su brda yi tshig mtshams sbyar// thog mar byang chub rtsa ba brten// shes rab de lta bu yang bsgom// sems kyang rnam par mi rtogs pas// nga yi gzugs su gyur par byos// dang po rdo rje las la bskul// gnyis pa gshin rje las la gzud// gsum pa gshin rje las rnams bsgrub// bzhi pa las rnams 'grub par byed// dus ni 'brug dang tshub mas gdab// 'brug sgra thog dang ser ba dbab// lha klu gdug pa 'dul ba dang// nges par gnod pa'i dkyil du bskyal// rab tu dben pa'i sa phyogs sba// yang na dge ba byed pa'i gnas su sba// dus dang gza' skar gtad la bsgrub// thon nas so so'i sbyin sreg bya// hom dang 'khor lo sbrel bar bya// zla gsang nag po'i rgyud las// las spyi rgyugs bstan pa'i le'u ste re bzhi pa'o//// yang zhus pa// ston pa lags// nad ngan mdze nad kyi don bstan du gsol// ston pas bka' stsal pa// de yang sngon la de mi 'byung// dang la bsrung ba brgyad brtan 'khor lo 'byung// rang nyid bya khyung du bsgom bya ste// yang na phyag na rdo rje 'am// gang rung sku ru bskyed de bya// de la rgyab rten mdze nag sgrub// mdze nag bsgrub pa'i btsa' thabs la// dkar nag gnyis kyi bya thabs te/ de yang nag po mdze sgrub la// dang la rdzas dang bcab gzhi bstan// de yang gsum du gsungs pa la// ya rtags bcab bzhi bstan pa dang// gnas dang bya thabs bstan pa dang// ya ma rA dza klu nag las 'di la// lung gsum mdo dang brag chu 'thab// brag kha byang du kha bltas pa// sngaun na tswa shing gdug pa can// chu mig kha ni byang nub bltas// klu 'am klu srin ma sgrungs pa// dud tshod dbyar zla gsum la bsgrub// ya rtags dgra bo pha mes kyi// mtshal bu yod na rab tu legs// rje dpon rabs chad thod pa'am// de min rabs chad thod pas bya// khyi thod nang du ra brgya'i khrag dang khyi rgya'i khrag/ bud bu'i bdud rtsi dang sgom kha'i thigs pa dang// grogs ma'i zhing sa// srid pa'i lo ma byi la'i spu// de rnams gro ga'i shing lpags sam// shing gi tsan dan shug pa 'am// pha mes sogs pa la 'us bri// chu mig gnyan po'i khar song la// sa ni chag gang mar brkos la// de stengs skyer phur btsugs nas ni// dur khrod kyi g.yam pa la// 'khor lo bcu tri bris nas ni// dbus su dgra ba'i ming rus bsnol// sa khams pa la sbrul nag po// sa mig dmar kha nas me 'bar ba// kha ru dgra yi ming rus gzhug/ pha mes thod pa la sogs rtsal// mgo nas me btang thod khrag bskor// bra ma'i phur pa sor bzhi dang// nang gi ling ga dag la dbab// nam gyi sgor phyed shing phyed na// da ni rdo phug hom khung du// btsug la 'chi bdag nag po mgo dgu ba// dbang bskur byas la gnan pa bya// kha phor mchu lnga pa zhig tu// klu sman sna tshogs blugs te bzhag/ klu dang mthun pa'i ya rtags bsham// sbrul dang sbal pa'i dud pa bsad// sbal nag sbrul nag yod na bzang// de min khams pa'i 'dam pa la// rus sbal nag po'i gzugs byas la// dgra bo pha tshan nye bzhi ming rus te// bse byang dmar po gcig bris la// rus sbal de yi kha ru bzhag/ ro tshas ras kyi kha bcad la// 'chi bdag klu nag mnga' gsol la// rdo phug nang du sbas te bzhag/ ma nyes dpang gzugs bden pa bdar// ya rtags bsham pa'i gleng gzhi'o// da ni spyod pa'i bya lugs bstan// dang po gtor ma gzhung bzhin btang// klu yi cho ga gzhung du bgyi// klu mchod byas la dpang yang gzugs// de ni gzhal yas khang du bskyed// oM phe ka ru brum// zhes brjod pas// sbrul nag gzhal yas khang// chu srin gyi thog phug/ rus sbal gyi ya them ma them byas pa'o// don po gcal du dgram par bsgom// oM nag po ti// pa tsa sarba rgyu pa tsa pa be ru sha hUM// zhes brjod pas rang nyid snying khar hUM// mthing nag ha la ha la'i dug/ 'dra ba'i don 'di ni sngon dmar 'phros// de lta bu ru bsgom par bya// nag po ti pa tsa ya kha ya sha hUM ya hUM ya// ra hu ya sha hUM/ brjod pas sbrul nag mgo dgu pa// kha nas me 'bar mig dang sna// khrag dang chu zer 'dzags par bsam// sbrul nag lag pa brgyad ldan pa// lag g.yas sbrul nag zhags pa thogs// gzas pa pho mo 'ching bar byed// lag g.yon nad kyi rkyal pa sdebs// mjug ma rgya mtsho'i gting du brkyang// gzugs phud ri rab dag la brten// dbu ni bar snang khams la 'phyo// lag pa stong gsum thams cad nyab// de lta bu ru bsgom par bya// oM na ga rag sha/ phes can pus sha/ pa lag sha hUM phaT// brjod pas klu mo nag mo de// sku stod bud med nag po'i cha lugs la// sku smad sbrul nag 'khyil ba 'dra// sku la sbrul nag thul ba gsol// ral pa sbrul nag mdzes pa la// mdze dang shu ba 'od 'phro ba// mig nag khrag 'dzag sna nas nad rlangs 'byin// zhal nas sbrul nag cho 'phrul 'gyed// lag g.yas sbrul nag zhags pa thogs// thogs te gtso bo'i sku la 'khyud// lag g.yon mdze shu'i rkyal pa thogs// phyogs bzhir nad sna sna tshogs 'thor byed pa// gzas pa po'i sha khrag brabs nas// gtso bo'i zhal du stobs// de 'dra ba ru bsgom par bya// oM phe ra ka sha dz+wa la hUM// bstod pas 'jig rten khams rnams kun// klu bdud sa bdag chu srin dang// klu btsan du mar gyur pa ste// gzas pa pho mo rkang pa bzhag pa'i sar// shul nag mdze dang shu ba'i tsha tshwa 'phro// nad kyi rlangs pa bsam mi khyab// oM nag po ti pa na ga ra ka sha che ge mo ti phu// le phe// shan phos// shig shig chum chum hu ya hu ya// klu nag po mgo dgu pa// dgra bo ma rA ya dza// byas pas las nad gtong sha yang zos// la las khram btab khrag 'thungs// la las yan lag bcings te gre bar bcug/ la las mchon brgyab rlung la bskur// lag tu phur thogs thugs dam bskang// hUM/ bskal pa'i rlung nag 'khyil pa'i hoM khung du// rig pa'i rgyal po 'chi bdag mgo dgu pa// bdud kyi bdud bdag 'chi bdag klu yi bdag/ dgra bo klu yi bdud du khyod las lhag pa med// mi bzad yun gyi lhar yang bdag kyang mi gtong na// rgyal rten dpung gnyen du yang khyod las mi tshol na// gru gsum mthing nag 'bar ba'i dkyil 'khor 'dir// mthun ba'i zhal zas 'di gsol la// dgra bo 'khor dang bcas pa rnams// gdung rgyud klu la mdze dang lhog pa mthong// oM nag po ti pa tso pe ra ka shang u shan te// u traM na na// Na Na la shan ku ru tsa ya// oM mA ra ya dza dza// byas te bro yis gnan te bzhag/ zla gsang nag po'i rgyud las// mA ra ya mdze can gyi le'u ste re lnga pa'o//// yang zhus pa// 'jam dpal drag sngags gdon pa bdog mi bdog/ bdog na bdag cag rnams la bstan du gsol// yang gsungs pa// drag sngags gdon pa 'di lta ste// 'jam dpal 'bru gsum bya ba de// don po zhag gsum gyis bsad pa// ngan sngags nyid khu 'di// maN+Dal cha gcig byas la// dbus su gru gsum gting du brko// gru gsum grwa ru gshin rje dgod// shar gyi gra la gan pa ti dgod// lho phyogs gra ru gshin rje stobs mchog dgod// byang du gshin rje dgab rgyal dgod// don po ling ga bya ba'i rgyu// rkang rjes chu shul grog mkhar sa// bag phye bsres la ling ga bya// ming rus de yi snying khar bri// mgo bo shar du bstan de bzhag/ gru gsum dbus su gan rkyal gzhag/ dkyil 'khor mtha' ma khrag gi phor pa drug gis bskor// nyungs nag nyungs kar khyor gang dag tu bzhag/ de nas nub mo dang po la// lcags phur gcig ni lag tu thogs// rang nyid 'di ltar bsgom par bya// rang nyid ga na pa ti ste// sku mdog mthing kha// dbus mthing kha spyan dmar ba// phyag g.yas lcags phur bsnams pa// phyag g.yon lcags kyi 'khor lo bsnams pa// de ltar bsgom zhing sngags 'di bzlas// oM badzra ki li kI la badzra bya tri ka ta// a ha hUM mi tri// ha mi lca// nyu tu ta pa nri// badzra grim ra nu ga ged rbad rbad thum ri li li// shag pa ti mA ra ya phaT// sngags de dang po khri bzlas te// phur pa la sngags de tho rang kha skya rengs shar ba tsam na dpral ba'i skra mtshams dag tu gdab// ting nge 'dzin gyi dgongs pa la// sngags grangs phur bu she dag gyur// dgra bo mgo lus yul thebs par bsam// de nas nub gnyis pa la rang nyid gshin rje stobs mchog bsgom// sku mdog sngon po spyan dmar ba// dbus dkar g.yas seng ldeng phur pa bsnams pa// phyag g.yon zangs kyi 'khor lo bsnams// de ltar bsgoms pas sngags 'di bzlas// oM badzra ki li kI la badzra bi ga de ya// ba ga ta ka hUM// ku ku ta su hi ga ma thuM ri ri li li rbad dza he b+h+yo// ka ma li shag/ snying kha rag ya// de badzra bi ni mA ra phaT/ nub gnyis pa la khri bzlas la// phur pa sngags te rkang pa g.yon// bol gong dag tu gdab par bya// dus tshod skya rengs shar tsam na// ting 'dzin sngags la 'od zer 'phros// sngags zer phur pa dag tu gyur// mgo lus mjug ma thems par bsam// nub gsum gyi tha ma la// rang nyid gshin rje rga rgyal// sku mdog dmar po spyan rtsa dmar// dbu ni dmar nag ngag dang ldan// phyag g.yas gser gyi mchog phur bsnams// g.yon pa zangs kyi 'khor lo bsnams// de ltar rang nyid bsgom par bya// zhal nas ngan sngags 'di dag bzlos// oM a kro te ka ya ka rdza ni ga ya hUM phaT/ mu ti sa ting snying kha raka rbad// ka ma la snying rbad// mgo gshogs r+g+ri mA ra ya phaT// phur pa la khri re bzlas te gdab par bya// rkang pa g.yas na skya rengs shar tsam na// gdab pa rab tu brgyal pa gsungs// sgom thabs gong dang 'dra bar gsungs// de nas nyi ma shar tsam na// phur pa phyung la/ nyungs kar la rang sngags kyi brgya rtsa brgyad// bsngags shing phur bu shul brdeg/ de nas nyi ma phyed tsam na// rgya tshil me btang sbyin sreg bya// mgo gtums khrag ni thigs re dang// ming byang spel zhing sbyin sreg bya// sngags ni brgya rtsa brgyad du gdon// ming rus smos shing bsreg par gsungs// las zin thal ba rlung la phyar// tshan cig chu yi nang du mkha'// zhag bdun lon nas nyal gyis 'gro/ gong du lhag bsgrub tshad du lon// de nas gsum po rgyun du bgrang// bsgrubs la zhugs pas rtags rnams 'byung// drag sngags 'bru gsum rdzogs par bya// rgya yi btab la glo snying sba// rtags su mi shar ban d+he dang// me dang 'od dag cho 'phrul 'byung// zla gsang nag po'i lto tshil yin// 'jam dpal 'phrul gyi 'bru gsum po// zla gsang rgyud las drag po 'bru gsum gyi le'u ste re drug pa'o//// yang zhus pa// ston pa lags// skyin thang dbab thabs man ngag la// 'jam dpal khyung gis dbab pa dang// ston pas gsungs pa// 'jam dpal khyung gis dbab lugs la// rang nyid 'jam dpal lha bsnyen bya// bsgrub dus bya khyung dag tu bsgom// yang bca' lugs 'di ltar ro// bag phye sbrul dang sbal pa bya// khra bo dang ni ser por bsgyur// khyung gi gzugs brnyan shog bu bri// sku mdog smug nag sder mo lcags kyu bri// sder mo sum rim yod pa'o// mig nas me 'bar sna nas dud pa 'thul// lag gi sbrul ni bzung pa la// lus kyi mgo dang mjug ma la// lcags rtse 'gram gsum rtsigs la spungs// mchu dang sna ni lcags su 'dug/ de ltar bu yi gzugs bris la// rang nyid bsgom pa bya ba yang// de ltar bu ru bsgom par bya// de nas bslugs ma'i nang du ni// khyi yi khrag che blug pa dang// bya pho khrag kyang khyor gang blug/ gam du yang khyor gang gzhag/ sbrul dang sbal ba slug mar bcug/ de la sngags 'di brab bar bya// oM a kro d+hi ka ya mAn ta ka/ e ha re sha ni khra hUM tshe// mud nyid khu bas ni// he phu he kha she/ u ni sta// ra hi u nyid na hi/ gzir ming shi tshe nyi// hu hi na hi ta ka dza swAhA// sngags de bzlas shing rma bya yi// sgro de khrag tu bcug la ni// slug ma'i sbal ba de la brab// ting 'dzin sngags la 'od zer 'phros// thams cad bya khyung dag tu gyur// klu rnams khyung gis gzir bar bsam// ya man ta kas bya khyung gzir// kha nas thog ser 'bab par bsam// de nas chu mig chu blangs la// de yi nang du sbal pa gzhug/ khrag de chu yis dag par bkru// klu rnams bya khyung ngang gis bya// bsad par yang dag yang byas la// bcom ldan de yi byin rlabs kyi// nga nyid kyis ni zar ma ste// nga nyid kyis ni gzir bas bsam// 'di ring khyod kyi ser ba phob// byas te chu mig dag tu ni// mu tra rdo rje gshog pa yis// brlab cing chu mig nang du bsgyur// sbal pa gcig ni rta dmar bzung// nam phyed gting la bkrus te chu mig nang du bsgyur// zla gsang nag po'i tan tra las// bya khyung ser ba'i le'u ste re bdun pa'o//// yang zhus pa// ston pa lags// gzhi yi 'khor lo ji ltar lags// gsang ba srog snying ji ltar lags// rtsa ba'i gnas lugs ji ltar lags// bslab gzhi bslab bya ji ltar lags// bka' stsal pa// nyon cig 'khor gyi dang po ba// srog snying gsang ba ji ltar lags// lha bu gsum// shes pa gsum// mi 'gyur rtsa ba'i srog snying ste// srog ces bya ba rlung yin te// rlung ni rtsa ba gnas pa yin// rtsa ni lnga 'dus mu tra yin// de la gzung zhing bcad du med// srog snying zhes su grags pa yin// 'khor lo zhes su bya ba de// phyi mo bzhi ru grags pa la// snang srid gzhi ma 'khor lo dang// skye gnas gshig pa'i 'khor lo dang// 'jam dpal lto yi 'khor lo gsum// gsod pa mtshon cha'i 'khor lo bzhi// gzhi lam phyi mo'i 'khor lor grags// snang srid bzhi ma 'khor lo de// snod bcud 'khor lo gnyis su grags// snod kyi snang srid 'khor lo ste// bslab bzhi 'khor lo dag tu gsungs// mngon pa ko shar shes par bya// bcud kyi snang srid 'khor lo de// bslab bya dag tu shes par bya// srid gsum sems can thams cad la// thun mong thabs su rang rgyud gnas// srid gsum sems can ma lus pa// snang srid gtan la 'bebs pa ste// gshin rje lto na yod rtags su// rim pa gsum du byung ba yin// srid gsum sems can thams cad la// skye mched bcu gnyis yod rtags su// rtsibs ni bcu gnyis 'byung ba yin// srid gsum sems can thams cad la// khams ni bcwo brgyad yod rtags su// bcu bdun pa dag sprul pa'i yum// bcwo brgyad du ni byung ba yin// srid gsum sems can thams cad la// rnam shes tshogs brgyad yod rtags su// rtsibs brgyad dag tu byung ba yin// srid gsum sems can thams cad la// sdug bsngalabacu drug yod rtags su// lcags mkhar bcu drug byung ba yin// srid gsum sems can thams cad la// thabs dang shes rab 'brel rtags su// A li ka lir byung ba yin// srid gsum sems can thams cad la// phung po lnga ni yod rtags su// le tshe lnga ru byung ba yin// srid gsum sems can thams cad la// sgrib pa sum cu rtsa gnyis yod rtags su// yig 'bru sum cu rtsa gnyis 'byung// skye rga na 'chi yod rtags su// tshad med sgo bzhi byung ba yin// srid gsum sems can thams cad la// 'byung ba bzhi po yod rtags su// las bzhi 'khor lo 'byung ba yin// srid gsum sems can thams cad la// gnas dang sa gzhi yod rtags su// 'khor lo bzhi dang rgyu rnams 'byung// srid gsum sems can thams cad la// las thabs sna tshogs byed thabs su// 'khor lo bskor thabs sna tshogs 'byung// srid gsum sems can thams cad la// yan lag lnga po yod rtags su// tshangs pa'i yan lag lnga ru byung// srid gsum sems can thams cad la// rtsa bzhi rtsa brgyad yon rtags su// tshangs pa'i ka bzhi gdung brgyad byung// srid gsum sems can thams cad la// nyi ma bzhi ru grags rtags su// bskor thabs bzhi ru grags pa yin// srid gsum sems can thams cad la// dug gsum dug lnga yod rtags su// dug gsum la brdeg byung ba yin// srid gsum sems can thams cad la// gnon pa'i dgra bgegs yod rtags su// rten gyi ling ga byung ba yin// srid gsum sems can thams cad la// 'thab rtsod gsod pa yod rtags su// drag po las thabs byung ba yin// snang srid nang gi 'khor lo la// de ltar rgyal ba'i bka' lung gis// nang rtags phyi ru 'khor lo 'byung// bcud kyi 'khor lo bslab byar grags// snod kyi 'khor lo brlab gzhi ste// snang srid nang gi 'khor lo gtan la 'bebs pa yin// 'khor lo kun gyi phyi mo yin// rtsa zhes bya ba'i gnas lugs la// mi mthun gzhung rnams so sor ston// 'jam dpal rtsa yi gnas lugs la// 'byung ba grub pa'i phung po la// rtsa ba'i bdud pa bsam yas kyang// 'di ni rtsa gnas bcu bdun te// che chung gnyis dang dpral rtsa gnyis// mkhal rtsa gnyis dang ru thung gnyis// snying rtsa srog rtsa gnyis te bcu// mchin rtsa glo rtsa mcher rtsa dang// mkhris rtsa dang byin gzhug gnyis// glo rtsa a so li ka gnyis// rtsa rnams nang du 'od dpung gnas// de la lha rnams 'od du zhu thig ler gnas// rnal 'byor can gyi 'od zer gyis// shin tu phra ba blo yi brtag/ de la rtags rnams nges par 'byung// phyi nang gsang ba'i rtags rnams 'byung// rang bzhin med pa'i bde ba skyed// mthar thug rdzogs pa'i rim pa ste// sna ba ma bkag stong pa mthong// med pa ma rtsal lhun gyis grub// don dam gtan la 'bebs pa'i mchog/ snying po med pa'i snying po yin// don dam lta so khyad med pa'i// dngos po ngo la khyad par med// kun rdzob lam rim khyad par yod// don dam rgyu 'bras ngo bor mthun// man ngag zla gsang nag po'i tan tra las// 'khor lo phyi mo'i le'u ste re brgyad pa'o//// yang zhus pa/ ston pa lags/ gdon gyis btab pa'i gang zag la// phan gdags rim pa bdog mi bdog/ ston pas bdag la bstan du gsol// yang gsungs pa// phan gdags rnam pa gnyis su gsungs// rten 'brel rdzas kyi nus mthus gdul ba dang// sman sbyar mthu yis gdul bar gsungs// rten 'brel rdzas kyis gdul thabs la// rdzas ni gla rtsi gu gul shu dag dang// sbrang dang g.yer shi spru dkar po'o// sbrang gis sran ma tsam du dril byas te// bskams te brdungs la du bas bdug/ nad pa skra ni spyi bor bsdus// lag pas skra bzung du pas bdugs// lha 'dre gang yin gang yang min smra// yas 'dod kha ni shin tu smra// de la yas byin brang thod tu// re ba chur bcug brang du bkab// steng du 'dag bas zur gsum rtsig/ nang du lha 'dre'i snying po gzhug/ steng du bra ma'i me nag sbar// 'jam dpal hom ni lugs su sbar// sgoms su hom nag sbar bar bya// mnya' sgra rtser gyis 'gro bar nges// bzlas pa'i sngags ni 'di dag go/ oM a kro te ka stam la ya// gran pa ya// ru tri nyal ti swAhA// rna ba'i nang du gdab par bya// sngags kyi 'dis khyor chu sngags la blud// lus la brab cing dral brdab bya// oM a kro te ka b+ha ga ban de ru tra ya// da ra ni ta la ni/ he he man te/ so ga ba li swAhA// yang na bya thabs 'di lta ste// nad pa skye ni rkang pas mnan// ra po gcig ni sna mig blug/ lus la yang ni bsku zhing mnye// yang na ra yi 'o ma dang// sgog pa sgog skya gsum sbyar te// nad pa'i mig tu blugs par bya// yang na zhu mkhan nyungs kar dang// shing ni nim pa la ni// ra dug gcig tu bsres la yang// de yi mgo lus bkru bar bya// des kyang thul te gdon mi za// pi pi ling dang na le sham// tsi tra kha dang zhu mkhan dang// chang skyur bsres la btang bar bya// mig dang rna bar blugs par bya// des kyang gnya' sgra tser gyis 'gro/ nang du rta yi shing kun dang// nas dang glang gi dmigs pu dang// rta dmigs spu dang kha spu dang// khyi s+phu phag rdub de bsres te// nad pa'i lus la bsku bar bya// des kyang thul te gdon mi za// yang na smen rtsa dkar po dang// pi pi ling dang na le sham// bca' sga g.yer ma ba gcig sbyar// sbrang rtsi sbyar la mig la bsku// des kyang thul te gdon mi za// yang na gu gum nag po dang// khyi lud 'bob zhur sbyar// sna ru bdugs te sngags rnams gdab// snying khar sbyin sreg tshul bzhin bya// de ni rten 'brel rdzas kyis bsrung ba'o// sman gyis bsrung ba 'di lta ste// nad pa'i lta lugs smra lugs dang// zas kyi za lugs mdog la brtag/ 'di yi man ngag bgol ba bas// zla gsang nag po'i rgyud las// nad pa gdon gyis btab pa'i le'u ste re dgu pa'o//// yang zhus pa/ ston pa lags/ mchu bsnyung mdze'i 'khor lo ji ltar lags// bka' stsal pa// nyon cig rdo rje rnon po khyod// mdze nad mchu bsnyung bya thabs la// dang po rang nyid 'jam dpal bsgom// zhi ba'i cha byad dag tu bsgom// dam tshig sngags 'di stong du gdon// gdon zhing gla ba tsan dan chus// kha bkru lag bsnyal lus kyang bkru/ des ni dam la gnas par bya// tad+ya thA// oM tsan ta tsan ta/ bi tsa ta bi tsa ta/ pa tsa ta pa tsi swAhA// de khyung gi sbyor ba bya ba// 'dab brgyad pa yi maN+Dal te// steng du bum pa bkang la bzhag/ chang zan gtsang ba'i gtor ma bya// pU tsa rnam lnga dus su dbul// rang nyid khyung gi rnal 'byor bya// khyung bsnyen bzlas pa khri tsho gcig/ nyungs kar dag la bzlas te gdab// bum pa'i nang du blug par bya// tha ma bum pa'i khrus bya'o// oM badzra di ga ru da// be ge hUM hUM dza dza ra dzi/ sri dza hUM phaT/ rgyab rten khyung gi 'khor lo'o// klu gtad pa 'di lta ste// bca' thabs rim pa 'di lta ste// shog shog gro ga la sogs pa// 'khor lo rtsibs ni brgyad pa bri// de dbus ming rus bri bar bya// rtsibs la nag po ti pa bri// dril bu dril bus glang ru gzhug/ de steng zil gnon 'khor lo bzhag/ de stengs dri ma gang rnyed blug/ kha ni la cha'i rgya yis gdab// kha dog lnga yi skud pas bcings// rtsi sman 'o ma nang du blug/ ma nyes dpang gzugs smre sngags gdon// gsum pa nag po khri tsho gcig/ brjod la gar snyed sa ru gnan pa bya// oM nag po ti pa tsa na ga ra ka sha ting khu la phe shan phos shig shig chum chuM chuM hU ya hU ya na ga ma ra ya dza dza hUM dza/ gzhug chad rigs bzhi 'dom tshad do// 'dom tshad btags la gzhugs pa'o// gdug pa'i ra dang za ba kha// lta ba mig dang lte ba ru// de ru brus te gtad par bya// 'jam dpal las bzhi'i bro yis gnan// rang rje gom bdun go phyogs bskyal// lcags kyi rdo rje rtse lnga ba// phad rog bcug te rang rjes bsub// bya khyung gzugs gcig shog bu la// bris te kho phyogs kha yang bstan// rang phyogs rgyab rten btsugs te bzhag/ de ni bsrung ba khyung gi lha// rang la mi ldog sgo srungs yin// mdze nag las kyi rim pa las// rus sbal khyung gi 'khor lo'o// mdze nag khrag nag mchu bsnyung la// gtad pa rus sbal 'khor lo ste le'u bdun cu pa'o//// yang zhus pa/ ston pa lags// 'jam dpal rdzogs pa'i rim pa ni// ston pas bdag la bstan par zhu// bka' stsal pa// nyon cig rdo rje rnon po khyod// shin tu dka' bas ngas bshad do// nyams su longs zhig 'khor tshogs rnams// rdzogs pa'i rim pa bya ba de// shin tu dkon pa'i man ngag ste// khyed la nga yis bstan par bya// skar ba gyis la pU tsa phul// gsungs pas/ 'khor rnams kyis shin tu dang ba skyes te// phyi nang gi pU tsa bsam yas pa phul te bskor ba byas// sgra sna tshogs bsgrags// zhabs la spyi bos gtugs te// a la la ho// zhes thams cad dam pa phul te// ngo mtshar ba brjod de 'khod do// der ston pa dges pa'i mdangs phyang ste bka' stsal pa// spyir na 'jam dpal gyi chos la// rnam pa gsum du ngas bshad kyis// phyi nang gsang ba rnams pa gsum// 'di la sgrar bshad mang na yang// rnal 'byor lus la dgod pa la// ma 'dres phyi nang gsang ba gsum du gsungs so// a kro rtsa ba'i bshad pa 'di// rtogs tshad tsam zhig dgrol bar bya// phyi ltar 'di ltar bshad par bya// oM a kro te ka ya man ta ha na ma tha b+hany+tsa hUM phaT/ gtso bo sku bskyed phyi ru bshad// gtso bo thugs khar gdan sum rim// thog tu yig 'bru dgod par bya// oM dkar// a nag/ kro ljang ste// ta dmar// ka ser/ ya mAn ta ka sngo// ha na ma tha dmar po ste// b+han d+ha mthing nag/ hUM phaT sngo// yi ge phyi bshad dag tu nges// oM skye med// a ni thams cad 'byung ba'i rgyu/ kro na las te/ te na srid pa gsum la dbang byed pa'o// kas ni klad khrag 'khrugs pa ste// yang na snying khrag 'byin pa'o// man na sa gzhi theg pa'o// tas na rang dbang med par byed// kas ni yan lag 'ching bar byed// has ni bla phur thob cig pa'o// nas ni gnan pa gyis shig pa'o// man ni khrag tu skyugs shig pa'o// thas ni myos su chub pa'o// ban gyis thogs pa med par rgyob// rdzas ni khug la drongs shing pa'o// hUM gis gnas por byed pa'o// phaT nis 'then par byed pa ste// 'og min gnas su 'phangs pa'o// 'bru bshad pa ste che bshad pa'o// thabs lam nang du dgyer ba la// rnal 'byor lus la lha dgod dang// yang na yig 'brur dgod pa ste// spyi bor oM la/ dpral bar a/ lte bar krol/ kha ru te/ snying khar ka la/ dpung par ya/ sta zung ma ste/ g.yon du na/ bus g.yas ka ste/ g.yon du ka// lte bar ha ste/ gsang bar na/ rkang mthil ma/ nam mtshong tha ste/ rgyab tu ban ltag bar dza ste/ mchan khung hUM/ 'khur bar phaT/ dgod pa'o// lus kyi gnas su yi ge dgod pa'o// bcu bdun pa'i gnas bstan pa'o// de ltar bstan pa nang bshad do// rnal 'byor 'dzab kyi dgongs pa'o// da ni gsang bar bshad pa'o// rang nyid kyi lus nyid la// ro smad drag po'i 'khor lo ste// ro stod yan chad lha yi dkyil 'khor la// skad pa rdo rje maN+Dal te// gshang sgrom rlung dang me yi dkyil 'khor// bzhi btul byas te bsgom par bya// tsit+ta rin chen gzhal yas su// 'khor lo rtsibs bzhi shes par bya// skad par 'od 'phros 'khor zhing ldog/ gzer gyi gzas pa 'gugs par byed// yas 'khor mas 'khor bskyed par bgyi// bla ma'i ngag la shes par bya'o// bzlas dang bsgom pa'i dus su'o// ro smad khri yi rkang pa 'dra// bzhi ru gyes gshes bzhin gnas// de yi nang du zur brgyad de// de re steng na pad+ma bzhi// 'dab ma re la yig 'bru gnas// ta ka ha na ma tha b+ha na dza hUM phaT/ yi ge bcu bdun 'od dpung gnas// yi ger med de 'od du yod// phyogs skyong bcu yi sa bon no// gzugs su med de 'od du gsal// so sor ma 'dres tshon gyi gru gu 'dra// khyad par gsang ba'i don bstan pa'o// zla gsang nag po'i rgyud las// 'jam dpal phyi nang gsang ba gsum rdzogs rim du bstan pa'i le'u ste don gcig pa'o//// yang ston pas ma 'ongs 'gro ba rnams la// phyi nang gsang ba gsum rtogs na// 'dzab dgongs gnas kyi nges pa dang// don rnams bstan la mi 'bebs pas// don 'di khong du chud pa gces// rtogs na 'gro nyal 'dug ldong rung// rnal 'byor pa la nyam nga med// lha dang don dang yi ge dang// 'bras bu 'byung ste 'dod pa ste// rtsibs bzhi dbus su ming yang gzhug/ sngags dang ming byang sbel te bri// 'brub khung nang du ming yang gzhug/ rang nyid phyi nang gsang gsum bsgom// phyi nang gsang ba mi go bar// 'jam dpal byed pa rang rgyud rlag/ 'khrul khrug bca' zhing don rnams bsgom// spyir na a kro te ka bskyed la// sngags ni sgra ru bshad bya na// oM ni ye shes lnga yi bdag/ nang du bshad na srog pa rtsa// gsang bar bshad na byang chub sems// a ni phyi ltar skye ba med// nang du bshad na thams cad 'byung// gsang bar rang bzhin skye ba med// kro ni phyi ru khro ba la// nang du bshad las khro bo yin// gsang bar bshad na gnyis su med// te ni phyi ru 'od phung ste// nang du bshad pa mtshon cha yin// gsang bar bya na ral gri ste// ka ni phyi ltar mig sel ba'o// nang ltar rgyal po// gsang bar 'bras bu// ya phyi ru ste ba// nang du srid pa gsum gsang bar smin pa med// ma phyi ru skyes par byed// nang du rgod ma// gsang bar smra byed pa// nang phyi ru dal byed// nang du mi 'gyur ba/ gsang bar snying chen mo// ta phyi ltar bdud du 'bab/ nang du za byed pa/ gsang bar sngags zlog pa// ka phyi ru na gru gsum// nang ltar zla kham/ gsang bar thig le/ ha phyi ltar gso ba/ nang ltar chags pa/ gsang ba ltar dag pa/ ma phyi ru gti mug/ nang ltar chos nyid/ gsang ba na dbyings/ tha phyi ru zhe sdang/ nang du rdo rje/ gsang bar gnyis su med pa/ ban na phyi ltar na phrag dog/ nang ltar bu tsa/ gsang ba na sbas pa'i don/ dza phyi ltar dgug pa/ nang ltar du bsad pa/ gsang bar na rig shes/ hUM phyi ru sdud pa/ nang du dngos grub/ gsang bar na srog/ phaT phyi ru spro ba/ nang du bsreg pa/ gsang bar gdams pa'o// da ltar a kro phyi nang gsang ba gsum du bshad/ bcu bdun pa'i bshad pa rdzogs so// lam rim pa rnam gsum ma go bar/ 'jam dpal gshin rje shan mi phyed// de la 'bras bu ci la 'byung// dper na sa bon mes tshig bzhin// bsgrubs kyang 'bras bu ci la 'byung// zla gsang nag po'i rgyud las// a kro bcu bdun pa'i yi ge rdzogs rim bstan pa'i le'u ste don gnyis pa'o//// yang zhus pa/ ston pa lags// gying chen gsang ba'i pra rta dkar po 'di// bstan pa bsrung phyir bdag la bstan du gsol// sngags dang rdzas dang bya thabs gang// bka' stsal pa/ ging chen ldog med ser ba/ bya thabs sngags dang rdzas bshad kyis// snod ldan rnams kyis yid la chongs// dang po kho nar bca' lugs la// rten du dar dmar rgod mda' gcig/ rna ba 'am g.yag ru cig dang// mkhar khong drung cig rtsa ru bzhag/ sa dkar pos lte dkar gyis// gzugs bris mgo ni shar du bstan// mtshon nag rkang pa nub du bstan// lte bas sa dkar dkar pos bris// tha ma phur pa bcu yis bskor// khro bo bcu ru byin brlabs bya// snying khar shing kar a ka bya bri// steng du spru yi spyang cher hom gyis bya// rtsi shing snar ma gang rung gis// so bya spu dang rta nag khrag des na sbyin sreg bya bar gsungs// srog snying rgyun 'breng rgyun du gdon// lha bsnyen drang ba'i rim pa'o// ser ba bsnyen pa drang ba'i sngags// oM he sa a tri sems la dza du he/ se ma tre sems pa dza du/ kha la ya ya sho sems pa dza du/ kha la ya sho me/ kye pra la ya sho/ e me ke tra kha la ya sho a tro sems pa dza/ hUM raM ging dza dza dun b+h+yo/ badzra gar ba phrom/ nyid dril/ dud phroM phroM/ thog thog/ tsheM tsheM/ kyi gang dgra la phob/ thog ser dgra la phob/ de bsnyen pa'i sngags su bstan pa'o// da ni sgrub pa'i sngags su gsungs pa la/ kha la mu nyid ya man ta ka ke dgra bo'i yul du thog ser phob ya/ dza ti khai she ya man ta ka/ dza tri khe she ma man ta ke/ hUM dza hUM dza/ dgra yul du ser ba phob la/ dze khe khe dze ta ya/ a tri sems pa kha tri kha tri dgra bo'i yul du ser ba phob ya/ ting 'dzin phya thabs la/ rdor legs shal nas ser ba rgyug pa/ stong gsungs khengs 'phro/ phyag g.yas na lcags kyi ber ka thogs pa/ g.yon na shel gyi dbyug tho thogs pa/ lcags kyi ser bas stong gsum khengs par bsgom// rgya po bcibs pa 'khor du dza la ma stong gis bskor bar de rnams bsgrub pa dag tu bshad// da ni las sbyor bya bar gsungs// badzra sa d+hu sa ma ya// a tri sems dpa' dza b+h+yo/ sa bya sbu dang rta nag khrag/ ra rog khrag dang sbags la bsreg/ oM dug tra ya ni/ sa ma ya du ya sha/ laM raM/ dgra raM/ du raM/ sho sho ri ri raM raM tseg tseg swAhA/ tri tsa pa la a shug me bya/ trig shog trig shog/ tsa ru thuM ru thuM raM/ gug thum ling/ gur tsar ling/ tri tsa rbad/ tri tsa pa la/ a ba me shub me/ baM la shuM tri tsa byo byo byo/ thal ba gtor zhing 'phang ngo// zor sngags la/ badzra se d+hu sa ma ya dgra bo yul du gnam g.yengs/ sha phrom phob ya/ hring hring dgra bo lo thog la rgyob ya/ jo bo chen po gnam rum rje hring hring/ lo thog la rgyob la/ jo bo chen po rgum rje lo thog lo phob ya/ 'ur 'ur lo thog la rgyob ya/ sha ra ra cha li li lo thog la rgyob ya/ badzra sa d+hu sa ma ya hring hring byo byo/ lo thog la rgyob ya/ chem chem nal nal lo thog la rgyob la/ byas la zor 'phang/ rdzas gdab thal ba gtor ro// cho brang gdung zhing ma nyes gzugs// byang bu cig la gar 'bebs sa ru ming rus dang// yul du ming gdags// mi ni che ge'i ming rus bri// ra yi skye ru gdags par bya// gtang rag gtang phud sprod te// 'o ma la lo thog khrag tu bsres// ra sogs bcus shing lo tog gtor// bskul ba drag tu bya zhing sbyor ba bya// hUM/ kun bzang sku la khyed bskul te/ bdud rje rgya dang khyod mtshungs mthu bo che// 'jig rten khams 'dir ser ba'i mnga' bdag mdzad// dgra yul 'dir yang thog ser thong// ser ba'i bdag po 'jig rten mthu bo che// stong gsum las 'gyur mthu bo che// 'jig rten khams 'dir bsar ba'i las mdzad pa/ dmu dang bdud kyi ming btags rdo rje zhal// btsan dang bdud kyi phur bzung rdo rje legs// sku la khrag gi rdo rje bsnol mar brgyan// g.yas na shel gyi ldem mkhar thogs// g.yon na lcags kyi dbyug tho thogs// kha nas lcags kyi ser ba rgyug/ btsan dang bdud kyi bu bzung ming btags pa// rdo rje legs pa lags// ma mo btsan gyi bu bzung 'jigs pa'i gzugs// 'jigs pa gzugs chen rdo rje legs pa ste// badzra sa d+hu sku chen po// lcags tho bsnol mar gzung// kha nas me 'bar mig nas mtsho chen khol// 'jigs pa'i gzugs can dred mo'i gzugs// lag pa thog sgrog kha nas me 'bar ba// rdo rje dkar mo mtshon gang lte bar skyes// 'a ma rgyan gyi rgyal mos ming btags pa// 'jigs pa'i gzugs can rdo rje lte dkar po// a pa btsan chen mgo yag kha bdud po// pha yi ming btags badzra sa d+hU ste// mi tri mi'i yul du bu bzung ba// a te rgyal mo ba ka ra tsa dang// rgyal mo g.yu ma rga mchog kha 'bar sras// mi yi bu la shes kyi skas chen cig/ lag g.yas lcags kyi tho ba thogs nas ma'i rum na gnas kha la pha ni smu yi bu yin// shel skra la 'bab ser nas lag g.yon rdo rje thogs nas lan gsum gsor// spyi bo'i gtsug nas rin chen rgyal bu skyes// kha nas lcags kyi ser ba tal tal rgyug/ pha dang ma yis bu la ming btags pa/ gser ba lus la rin chen rgyal bu can// slob dpon bu la gsang ba'i spyan sngar ming nos nas// zer nas rus ming dbang bskur// ji ltar ji legs rdo rje lus brgyan pa// nga yi rdo rje 'di yang lag tu long// ming la rdo rje legs par btags// badzra a du a tri sems dpa' dza// lan mang du bzla bar bya// ging chen gsang ba'i bskul mar gsungs// zla gsang nag po'i rgyud las// ging chen ldog med gsang ba'i pra rta dkar po'i le'u ste don gsum pa'o//// yang zhus pa/ ston pa lags// 'jam dpal spyir gyi man ngag mdo 'drel ji ltar lags// ston pas bka' stsal pa// nyon cig rdo rje rnon po la// man ngag lho mig bya ba de// rus mig nang nas tshil bton pa// khong khrag skyug pa 'di lta ste// dang po gang zag rigs brtag pa// gang zag lnga ru rab tu grags// gang zag theg pa chen po'i rigs can dang// gang zag theg pa chung ngu'i rigs can dang// gang zag rigs ni ma nges pa// gang zag rigs chad bya ba dang// zhe sdang can gyi rigs dang lnga// 'jam dpal ni zhe sdang can gyi rigs kyi bya// dbyibs dang kha dog brtag pa la// kha dog gnag la skra rtse 'khyil// mig skyus dmar la smin ma ring// khro gnyer lag pa chu bya'i lag/ theg pa chen dang zhing mos// des ni 'khor lo bri bar gsungs// mi rigs shis pa brtag pa'o// gang zag des ni bri ba yi// dus tshod nges pa bstan pa la// dus la nges pa gsum du yod// bri dus snyu gu snag tsha'i dus// bris dus nya yi mar ngo la// snag tsha dpyid zla 'bring po la// lha mo dbu ma mkha' car dus// snyu gu smin drug sa 'og song dus su// 'khor lo bca' dus nges pa ni// bsnyen bsgrub rtags thon rdzogs tsam na// 'khor lo rgyu ni bzhi ru bsog/ thig dang sa tshon du// bsnyen dus thig ni ras bal te/ bsgrub dus thig ni rgyu 'phreng ngo// drag po'i thig skud srog pa rtsa// bsad dus thig skud rgyus chen yin// sa tshon rim pa 'di 'dra ste// bsnyen pa'i dus su rin chen sna lnga ste// bsgrub dus drag pos bsad dus su// 'bru sna lnga dang lcags sol gyis// des kyang zi bar gsungs pa'o// bri ba'i dus tshod nges par bstan// bsnyen pa nyi shar tsam na bri// bsgrub pa nam phyed dag la bri// drag po nyi phyed bsad dus dgongs// bsnyen dus seng ldeng 'dom tshad pa// bsgrub dus shing gdug phur pa lcags sna lngas// bsad dus phur pa mchog phur ro// rang nyid khro bor rgyud du bsam// mi 'bral rgyun gyi dam tshig go/ 'khor lo bris pa'i dus tshod ni// par ti ka yi nyi ma la// bcwa lnga tshes kyi dus su shis// 'dri ba'i dus su zas bstan pa// gang zag bsgom dus bstan pa dang// las bzhi dmigs dang sbyar te bya// bgegs kyis zin pa'i 'khor lo dang// gdug pas zin pa'i 'khor lo dang// rang rang gzhan su 'khor lo rdzas// dgod pa nyid du go bar bya// dmigs pa'i lus laM yi ge dgod/ rtsa bzhi gzer bzhi shes par bya// las bzhi 'khor lo sba lugs te// gzhi ma dus tshod gzungs thag ste// ji ltar yin pa nga yis bshad// dar dkar mdzes pa'i gzhi ma la// tsi ta ka yi nyi ma la// zhi ba'i 'khor lo bri bar bya// dge rtags ldan pa'i yul du sba// ma tra ka yi bags pa la// gur kum ser po byug par bya// ma gad dge yi nyi ma la// rgyas pa'i 'khor lo bri bar bya// rgyal rigs yod pa'i yul du sba// bral zer mi rgod pags pa la// mtshan ldan ma yi rag+tas byug/ ke ko ta yi nyi ma la// dbang gi 'khor lo bri bar bya// skyid rtags can gyi tsher mar gzhug/ dregs pa nag po mon pags la// rgya sol rdo nag thal bas byug/ ko ta ka yi nyi ma la// drag po 'khor lo bri bar bya// sngags pa mda' 'phen zla ba la// rtsibs la mi phung brlag par mnan// yang na gdug pa yod par sba// las bzhi bri ba'i gnan pa bsdung// bram ze mi rgod pags pa la// sog po khros pa'i sog pa la// bon po ban+De bsad pa bri// las sngags bar du ming rus dang// gsang mtshan spel te bri bar bya// bya thabs 'jam dpal me thab lags// zla gsang nag po'i rgyud las man ngag spyi rgyug bstan pa'i le'u ste don bzhi pa'o//// yang zhus pa/ ston pa lags// rgyal ba'i 'dzab bsnyen rdzogs tsam na// 'dzab bsnyen mchod 'bul ji ltar lags// ston pas bka' stsal pa// nyon cig 'jam dpal rnon po khyod// 'dzab bsnyen rdzogs pas dngos grub 'byung// drin lan mchod bstod 'di ltar dbul// bdud rtsi rag ta gtor phud rnams// rim pas tshig gis dbul bar bya// sku mdog sngo nag dbyar gyi sprin lta bu// dus gsum mun khang 'joms pa'i mthu bo che// mthu chen mtshungs med 'gran gyis zla med pa// rag ta dmar gyi mchod pa 'di 'bul gyis// thugs dam bskangs so dgra la sa ma ya// rab sbas gsang ba'i yum gcig ma// thal bar lus rnams kun byugs shing// dpa' tshad khrag gi thig le can// dur khrod rgyu ba'i mthu chen ma// rag+ta dmar gyi pU tsa 'di 'bul gyis// thugs dam bskong ngo dgra la sa ma ya// ya ma 'khor na gnas pa'i dam can ma// rang srog phul ba'i ma mo mthu chen la// rag+ta dmar gyi mchod pa 'di 'bul gyis// thugs dam bskongs las dgra la sa ma ya// sman phud gtor ma 'di bzhes la// rnal 'byor bsam pa 'grub gyur cig/ de ltar rgyal ba rnams la yang// stong pu tsa dbul bar bya// de nas bstod pa 'di bstod de// dges par bya ba'i phyir na bstod pas bstod// hUM/ gtum chen rab 'bar gshin rje 'joms mdzad lha// nyi ma 'bum bas lhag pa'i 'od ldan khyod// phyag mtshan mang po bskal pa'i me ltar 'bar// rab brjid gshin rje 'joms la phyag 'tshal lo// rdo rje sku la klu dbang rab brgyan zhing// glang chen ko rlon 'jigs pa'i na bzar gsol// gcan gzan gdug pa'i pags rlon na bzar gsol// dam las 'das pa sna tshogs zhal du gsol// brkyang bskum zhabs kyi rab brjid gshin rje gnon// mi bzad khro bo'i rgyal po zhal drug hUM sgra can// phaT kyis bsgras te khams gsum dbang du sdud// sha za mgo can dbu yi thod du bcings// spyan bzlog rdo rje ser chen 'bebs// ljags 'dril tshems kyi gseb nas rdo rje thog 'bebs pa// ma mo rnams kyang gcer bu 'dar zhes 'khros// rkan sgra brdabs pas lha chen khyab 'jug kyang// 'bum 'gyel bcas pas khrag 'thung nyid la bdud// stong khams med pas gzhan yang zhal gdangs pa// tshangs pa 'khor bcas rgyun gyi thigs 'dzags shing// nad gtong srin ma'i tshogs rnams 'dar zhing 'bros// phyag na mi mgo rlon pa rab bsnams shing// dngos grub mchog gis klad khrag zhal du gsol// gnod sbyin bse yi mgo can 'phreng bas sku la gsol// dur khrod 'bar bas mtshan mo rab rgyu zhing// sha za mgo nas chem chem za byed ma// ngam thang can gyi rma 'bab zhabs la gtugs// de bas bzod pa dka' ba bdag bdud do// gdug pa'i sems kyi gdug pa dang// gnod par byed pa'i mi chen gang yang rung// rgyob cig gtogs shig gzir nan gyis// gar mdzad gshin rje gshed la da bu 'dud// yun gyi lhar yang khyod la gsol 'debs na// khyod phyir bdag 'gyur de phyir bstod phyag 'tshal// ri rab gser gyi ngos la bya gnas pa// de phyir kha dog bor nas gser du snang// lha mchog khyod la su dag gang rten pa// mi yi tha ma rnams kyang mchog tu 'gyur// de bas 'di dag phyi ma gnyis ka ru// srog gi phyir yang lha mchog mi gtong na// byams pa'i zhal bzang bdag la bstan pa dang// thugs rje can gyis rtag tu bdag la gzigs// 'dzab bskul byas te da ni bstod// hUM/ lnga brgya dus kyi snyigs ma la// mtshams med lnga ni kun spyod kyang// dus ngan las ngan spyod pa'i tshe// rigs 'dzin kun kyang dngos grub yal// gshin rje thar byed gang zlog la// da ni de la thugs dges so// lha mo'i nang nas 'od zer can// 'phags pa'i nang na 'jam dpal nyid// 'di nyid ma rtogs dngos grub gzhan// rigs 'dzin kun kyang dngos grub yal// khro bo'i rgyal po 'di yis ni// nges par dbang du ma gyur par// dngos su 'das dag da ltar gyis// phyis 'byung ba ni gang yang med// dgra bo stong ngam 'bul yang rung// de ma thag tu gsod par byed// ji srid dgra po ma gsod na// de srid 'khor pa stongs sam ci// bden pa khyad du ma bsad par// las bcol bden pa grub par gyis// thugs dam bskul lo 'phrin las gzhol// rnal 'byor bstan pa rgyas par mdzod// 'dzab bsnyen dbul lo dge par mdzod// 'jam dpal thugs kyi dngos grub gsol// zla gsang nag po'i rgyud las// 'dzam bskul bstod pa'i le'u ste don lnga pa'o//// yang zhus pa// ston pa lags// sngags rnams btu ba ji ltar lags// bka' stsal pa// nyon cig rdo rje rnon po khyod// sngags btu pa la gsum du gsungs// lcags khang nan nas btu ba dang// rin po che'i 'bru btus bya ba dang// nor bu lugs su btu ba dang// gsum du nga yis bshad par bya// btul ba'i gzhi ma pha ma gnyis// sgra yi dbyangs yig skar ma 'dra// de las thams cad btu bar bya// dang la lcags mkhar nang nas btu bar bya// btu ba'i 'grel po 'khor lo yin// 'khor lo nang nas btu ba bya// ka kha ga g+ha nga/ tsa tsha dza dz+ha nya/ Ta Tha Da D+ha Na// ta tha da d+ha na// pa pha ba b+ha ma// ya ra la wa/ sha Sha sa ha k+Sha/ a A/ i I/ u u/ r-i r-I/ l-i l-I/ e ai/ o au/ aM a/ don dam chos sku zhi ba ni// gang 'di khams gsum rnam rgyal te// gshin rje dgra zhes grags pa la// yi ge btu ba'i rim pa bshad// bsnyen pa tshad ldan byas nas ni// 'khor lo bris la yi ge btu// btu dang drang dang sre dang spo// dgod pa dag ni brtsams par bya// sngags pa rnal 'byor ldan pa yis// lho yi phyogs su kha bltas te// dam tshigs dran pa'i sngags 'di bzlas// oM badzra sa ma ya s+t+waM ya// 'di dran 'khor lo bri bar bya// dbus nas gru chad bcu drug pa// dbyibs ni zlum pos bskor ba ni// 'di ni nang gi 'khor lo ste// rim gsum dag tu bskor ba la// sgo med lcags mkhar bcu drug bya// 'di ni gshin rje'i grong khyer yin// srid pa gsum ni 'jug pa yin// de yi phyi rol mu khyud gsum// kun tu lcags ris bskor ba ste// mu khyud de dag re re la// khang pa sum cu gnyis dang ldan// 'gro drug nyon mongs gcod pa yi// 'khor lo 'di ltar bris nas ni// phyi rim mu khyud tha ma la// yi ge a sogs da yi mtha'// nga nya bsal nas dgod par bya// yi ge d+ha srog k+Sha yi mtha'// 'khor lo nang du bri bar bya// lcags khang nang nas btu bar bya// mu khyud dbu ma dag la ni// dbyangs yig bcu drug gnyis 'gyur dgod// btu sogs dgod pa rtsol ba na// mtshan ma 'di dag shes par bya// zla ba mig dag yon tan dwangs// rigs byed mda' can dbang po dang// rgya mtsho bkra shis bza' dang phyogs// dregs pa'i nyi ma yan lag pa// tshes zhes bya bar rab tu grags// phyi rol mu khyud tha ma la// shar gyi phyogs nas brtsams nas ni// tshangs pa'i thig nas brtsam par bya// rim men gza' can khang pa nas// yi ge bkra shis rtsam brlangs ste// nang gi ngos kyi mu khyud kyi// tshangs thig gi ni ngos dag nas// phyogs bzhi mig gi tshad du sbyin// rim med phyogs can khang pa nas// yi ge mig gi tshad blangs te// nub kyi tshangs thig nas bgrangs pa'i// rgya mtsho can gyi khang pa nas// dbyangs yig bcu drug ldan pa yis// mig gis dang du blangs nas ni// lho yi ngos pa de bzhin no// nub nas rin chen khang pa nas// zla ba can gyi khang pa nas// dbyangs yig bcu gsum par ldan pa'i// mig gi tshad du blangs nas ni// lho ru de rjes sbyin par bya// de nyid dbyangs yig gsal ba ni// mig gis tshad du blangs nas ni// sngon bzhin nub kyi ngos la sbyin// nub nas bkra shis khang pa nas// dbyangs yig bcu gsum par ldan pa// mig gi tshad du blangs nas ni// nub kyi ngos la de bzhin sbyin// byang nas bkra shis khang pa nas// dbyangs yig bcu gsum par ldan pa// mig gi tshad du blangs nas ni// byang gi ngos la de bzhin sbyin// rlung gi sa bon zhes bya ba// mig gi tshad du blangs nas ni// byang gi ngos la de bzhin sbyin// mda' can khang pa la gnas pa// 'od kyi kong bur byas pa la/ zla ba'i tshad du blangs nas ni// byang shar mtshams su de bzhin sbyin// de nyid nas ni bgrangs pa yi// za can khang pa nas gnas pa// dbyangs kyi yi ge bcur ldan pa// zla ba'i tshad du blangs nas ni// byang shar mtshams su de bzhin sbyin// rgya mtsho can gyis khang pa nas// dbyangs yig gnyis dang ldan par bya// zla ba'i tshad du blangs nas ni// shar lho mtshams su de bzhin sbyin// rin chen yon tan khang pa nas// zla ba'i tshad du blangs nas ni// shar lho mtshams su de bzhin sbyin// rim min bkra shis khang pa nas// dbyangs yig lnga dag ldan pa sbyin// zla ba'i tshad du blangs nas ni// lho nub mtshams su de bzhin sbyin// yan lag can gyi khang pa nas// zla ba'i tshad du blangs nas ni// lho nub mtshams su de bzhin sbyin// rin min tshes can khang pa nas// dbyangs yig gsum par ldan pa yi// zla ba'i tshad du blangs nas ni// byang nub mtshams su de bzhin sbyin// rim min bkra shis khang pa na// zla ba'i tshad du blangs nas ni// nub byang mtshams su de bzhin sbyin// de ltar dgod par byas nas ni// de nas dra ya brtsam par bya// shar gyi tshangs thig sor gnyis nas// yi ge zungs ldan drangs nas ni// dbus kyi khang par gzhag par bya// phyogs thig mtshams thig ngos dag nas// de bzhin zungs ldan drangs nas ni// de bzhin dbus kyi khang par gzhag/ de nas shar gyi yi ge la// zung ldan gnyis pa drangs nas ni// rim pa gnyis pa'i khang par gzhag/ phyogs gzhan du yang de bzhin no// shar gyi zung ldan gsum pa yang// rim pa gsum pa'i khang par dra bar bya// phyogs gzhan du yang de bzhin no// mtshams kyi yi ge ya bral ni// rang rang gnas su drangs par bya/ de dag byung ba'i khang stong du// dbyangs kyi yi ge drang bar bya// dbyangs kyi yi ge shul du ni// ming gi yi ge drang bar bya// ming gi yi ge'i gzhi la ni// so sor dal dang mthun pa yi// sku yi yi ge dgod par bya// bsad dang bskrad pa dbye ba la// yi ge phaT ni gzhag par bya// gnas pa la ni yi ge lam// zhi ba la ni yi ge oM// rgyas pa la ni yi ge swa// dbang la baM gyis brgyan par bya// dgug pa dag la yi ge dza// zhi ba chu ste rgyas pa sa// dbang ni rlung ste drag po me// dbye dgug bskrad pa dbang dang mthun// gnan pa ri rab 'og tu gnan// cho ga yan lag brgyad kyis gnan// drang ba'i sbyor ba byas nas ni// bsre ba'i las rnams brtsam par bya// gnyis med sngags dang ldan pa yi// dbus kyi bkra shis yi ge yang// zla ltar 'od kyi kong bur gnas// 'od kyi kong bu de nang du// 'dod pa'i bsgrub bya gzhag par bya// de yi dkyil du rang ming gzhug/ phyogs bzhi khyim na gnas pa yang// yi ge gzung ba thams cad kyi// de tshe 'od kyi kong pur bsdu// sngags kyi rgyal po bcu pa yang// bcu gnyis khyim du spel te bri// byin rlob hUM zhes pa yang// khang pa bzhi la zung re mdzes// dag par byas te dgod par bya// mchod bstod gtor ma byas nas ni// spo ba dag ni brtsam par bya// las kyi dbye ba ji ltar bya// 'khor lo ras ni brlab bya ste// zhing ba dang ni rgyas pa la// shin tu dge ba'i ras la bya// dbang dang dgug la smad 'tshong sogs// bsad dang dbye dang bskrad pa dang// mnan pa la ni dur khrod ras// g+hi haM gur gum zhi rgyas la// dbang dbang dgug la tsan dan dmar// gnan pa la ldong ros sogs// bskrad pa bya rog khrag gis bya// dbye ba rta dang ma he sogs// bsad pa dag la dug gis shis// dge ba'i las la bzang po shis// mi dge ba la rus pa dang// lcags la sogs pas bri bar bya// zhi ba shar te dbang la nub// byang du rgyas pa drag po lho// zhi rgyas dbang drag la sogs pa// sa skor rim bzhin dgod par bya// gnam skor dag ni rim par bzlog/ bsad dang bskrad dag dbye dang mnan// sa skor rim pas bzlog pa ste// gnam skor dag ni rim bzhin bri// 'di dag legs par ma bris na// 'khor lo rang la ldog par 'gyur// de phyir nan tan bskyed la bya// ras kyi 'khor lo legs zin nas// sa yi maN+Dal gnas der ni// rang gi 'khor lo spyan drangs te// rdo rje bsdu ba'i sbyor ba yis// sa yi maN+Dal bsdu bar bya// ras kyi 'khor lo mchod nas ni// bden pa'i byin rlabs dmigs par bya// ji ltar gsungs pa'i cho ga bzhin// 'khor lo sba ba byas nas ni// gsang sngags bzla ba brtsam par bya// oM badzra sa ma ya s+t+waM// dam tshig gi sngags// oM badzra be ga hUM/ rdo rje shugs kyi sngags// oM a sa me tri sa me sa ha sa ma ya ye swA hA// yi ge bsre ba'i sngags// oM badzra sa ma ya dza// 'khor lo spo ba'i sngags// oM ya ma rA dza la sogs bcu bdun pa'o// las thams cad pa'i sngags so// oM hriSh+tIH bi kri tA na na hUM phaT/ 'di ni gsang sngags te las thams cad pa'o// zhi ba shan ting ku ru ste// rgyas pa puSh+ti ku ru'o// dbang la pa shang ku ru ste// bsad pa dag la mA rA ya// dbye ba te sha ya phaT/ bskrad pa/ tam pa hUM laM phaT/ gnan pa/ ni ra ya ka ra sha ya hUM phaT/ gshegs gsol// oM mu ho// zla gsang nag po'i rgyud las/ lcags khang nas yi ge btu ba'i le'u ste don drug pa'o//// yang zhus pa/ ston pa lags// 'di yi dgongs pa'i lus dam tshig/ mdo ru dril ba ji ltar lags// lung du drang ba ji ltar lags// bka' stsal pa// nyon cig rdo rje rnon po khyod// dgos don lung du dril ba 'di lta ste// mang la nyung ngu mdor dril ba// a li ka li'i grong khyer du// gsang sngags 'byung ba rtsa ba ste// kun gyi gzhi dang pha ma yin// las kyi btson ra dag tu gsungs// yi ge btu ba'i min na ni// gdang sngags sgra rnams log par 'gyur// yi ge tshang bar ma bkod na// gsang sngags sgra ni nyams par 'gyur// gsang sngags brda yis ma bkod na// gsang sngags dngos grub med par 'gyur// drang ba dag ni ma byas na// shin tu 'khor bar mi 'gyur ro// yi ge bsre ba ma byas na// bcu gnyis khang pa don med 'gyur// skor phyogs log na don mi 'grub// rig sngags nyams dang log pa ni// lha min g.yul las 'pham pa dang// dbang po sgra yis sgra bsad bzhin// 'khor lo spo ba ma byas na// cho ga dag ni nyams par 'gyur// rgyu yin ba dang sbyor ba dang// dad pa brtan pos 'grub par 'gyur// de phyir nan tan bskyed de bya// dril bas lung du drangs pa'o// zla cig mi gnyis yon tan gsum// rigs bzhi mda' lnga dbang po drug/ rgya mtsho bdun dang bkra shis brgyad// gza' dgu phyogs bcu dregs pa bcu gcig dang// nyi ma bcu gnyis yan lag bcu gsum pa// sa na bcu bzhi tshes na bcwa lnga la// btu yin yan lag shes par bya// man ngag dag gis gtan la dbab// bcu bdun pa yi bcu yig ste// 'gyur med gsang ba'i sngags su gsungs// btu ba'i mtshan ma lcags khang nas// bcu bdun pa las ma btus so// 'khor lo 'grel pa'i bcu yig go/ nor bu lugs su btu ba ni// lhag ma rangs pa btu ba ste// shin tu sla bas 'dir ma bkod// shog phran gud du ston pa bas// de ni nor bu lugs su btu ba'o// gdams ngag dag tu go bar shes par bya// rin po che'i 'bru btus bya ba la// dang po rnam par snang mdzad de// ya man ta ka yin par bshad// de 'og cig pa'i dbu dgus gzhag/ de 'og dang po'i dang po gzhag/ drug pa gnyis pas 'og tu spras// dbyangs kyi bcu gsum pa yis brgyan// de 'og dag po'i bzhi pa ste// de 'og dang po'i dang po gzhag/ de 'og brgyad pa'i tha ltag gzhag/ dbyangs kyis gnyis pas 'og tu spras/ de 'og gsum pa'i tha ma gzhag/ de 'og lnga pa'i tha ma gzhag/ de 'og gsum pa'i gnyis pa gzhag/ dbyangs kyi gnyis pas 'og tu brgyan// de 'og lnga pa gsum pa la// de la tri pa'i lnga pas brgyan// de 'og dbyangs kyi gnyis pas gzhag/ de 'og gnyis pa gsum pa la// 'og tu ni yis spras pa'o// de 'og brgyad pa'i tha ltag la// dbyangs kyi bcu drug pa yis brgyan// de 'og lnga pa'i gnyis pa gzhag/ de la gsum pa'i dang po mnan// mi 'gyur a kro bcu bdun pa// rgyal ba nyid kyi zhal nas gsungs// lhag chad med par bya ba dang// gsang sngags gtan la dbab pa'i phyir// rtsa ba'i sngags su btus pa'o// yun gyi gsang sngags btu bar bya// 'chug med mi 'gyur nges pa'i phyir// oM gzhan thog mar gzhag pa ste// dang por lnga pa'i dang po ste// dbyangs ni gcig pa yis brgyan// de 'og drug pa'i gsum pa gzhag/ de la dbyangs kyi gsum pas brgyan// de 'og brgyan pa'i tha ltag la// dbyangs yig bcu gcig pa yis brgyan// de 'og drug pa'i gnyis pa gzhag/ de 'og dang po'i tri pa la// de 'og bdun pa'i dang po gzhag/ nyis 'gyur mtha' ru hUM phaT gzhag/ mi 'gyur yum gyi sngags su bshad// hrISh+ti yi ge 'bru bcu po// dang po ya man ta ka te// de 'og brgyad pa'i tha ltag la// drug pa gnyis pas 'og tu brgyan// dbyangs kyi gsum pas steng du brgyan// de 'og bdun pa'i tha ma gzhag/ de la dbyangs yig gsum pas brgyan// de 'og lnga pa'i gsum pa gzhag/ dbyangs kyi bzhi pas de la brgyan// de 'og dang po'i dang po gzhag/ drug pa gnyis pas 'og nas spras// dbyangs kyi gsum pas steng nas brgyan// de 'og bzhi pa'i dang po gzhag/ de 'og brgyad pa'i tha ltag gzhag/ dbyangs kyi bzhi pas 'og nas brgyan// bcwa lnga pa yi steng du mdzes// de 'og lnga pa'i gnyis pa gzhag/ de 'og gsum pa'i dang po sbyin// 'gyur med nges pa'i sngags su gsungs// gzhan dag rangs pas nor bu lugs// btus te shog phrad dag tu blta// btu yig med par byin rlabs med// gsang sngags nges pa med par 'gyur// ma btus 'bras bu mi 'byung ste// dper na sdong po khong rul lam// sa bon mes su tshig dang 'dra// de phyir gsang sngags btu yig gces// zla gsang nag po man ngag yig chung gi rgyud las// 'jam dpal 'them yig btu ba'i le'u ste don bdun pa'o//// yang zhus pa/ ston pa lags/ 'jam dpal mtshong zhes bya ba ste// de la rnam grangs du tsam mchis// ston pas gsungs pa/ nyon cig 'khor tshogs thams cad nyon// 'jam dpal las phran 'phyor zhes bya ba/ lnga bcu rtsa gsum dag tu gsungs// mi 'da' ba dam tshig gi mchong/ rtogs pa lta ba'i mchong/ la dor ba spyod pa'i mchong// gzhi 'dzin man ngag gi mchong/ skrod pa dbang gi mchong/ nyams len ting 'dzin gyi mchong/ lam rin 'khor lo'i mchong/ phul du byung ba 'phrin las kyi mchong/ las 'jug sreg pa'i mchong/ mtha' brtul gnan pa'i mchong/ phan bya bsrung ba'i mchong/ mi 'gyur rgyun gyi mchong/ dbye ba gnas kyi mchong/ bod thabs sgra yi mchong/ dbye ba ming gi mchong/ bskor ba 'khor lo'i mchong/ dbab pa thog ser gyi mchong/ gzhug pa rta yi mchong/ bsags pa rdzas kyi mchong/ bsnyen pa lha yi mchong/ bsgrub pa rtags kyi mchong/ bsad pa las kyi mchong/ gzhi ma rgyu dang snag tsha'i mchong/ dgyer lugs lam rim gyi mchong/ tshad ma rnams sum bka' gzhung gi mchong/ brdeg pa thug kyi mchong/ mi snyel gzungs kyi mchong/ bsre ba man ngag gi mchong/ lo rgyus gtan tshigs kyi mchong/ m-i 'gyur gtan la 'bebs pa'i mchong/ bsrung bsgom 'bras bu'i mchong/ cho 'phrul thugs rje'i mchong/ rdzas sbyor bsrung ba'i mchong/ bod thams sgra yi mchong/ ma 'dres ngos gzung gi mchong/ 'khyam med brgya yi mchong/ don 'byung ma 'dres sgrub pa'i mchong/ bsrung ba 'khor lo'i mchong/ mi 'bral phyag mtshan gyi mchong/ 'chug med gdeng gi mchong/ dom khyor lha yi mchong/ nges pa rgyun gyi mchong/ pho rgyud mo 'dra'i mchong/ mo rgyud pho 'dra'i mchong dang// drangs thabs kyi mchong/ sbyar thabs sman gyi mchong/ brgyud pa gnas kyi mchong/ mi mthun dbyibs kyi mchong/ nges tshig yi ge'i mchong/ bsgrub lugs tha dad rtags kyi mchong/ yid brtan rtags kyi mchong/ la nye mtshan ma'i mchong/ 'jug don gza' skar gyi mchong/ gnan gtad mdzes nag gi mchong/ de don gtan la 'bebs pa la// dngos grub 'byung ba'i don rnams grub// man ngag sgrub thabs tan tra bya// zla gsang nag po'i mchong zhes bya// kha char mchog srung kyi mchong zhes bya ba'i le'u ste don brgyad pa'o//// yang zhus pa/ ston pa lags/ ma 'ongs lam pa'i rnal 'byor pa la/ zas kyi bza' thabs sman du bsgyur ba ji ltar lags// bka' stsal pa/ nyon cig 'khor rnams dang bar gyis// nga yis yang ni bshad bya yis// rnal 'byor zas kyi bsgyur thabs te// sngags pa rtag tu bza' zhing bsgom// sngags pa'i spyod lam dam pa ste// rus pa'i 'o ma zhes bya ba// de bzhin 'od kyi lo ma dang// 'jim pa skam po nyid dang ni// de bzhin me yi khu ba dang// sgra snyan gyi ni rdzas dgos te// 'di rnams rtag tu rten na ni// rang bzhin gyis ni nad med cing// tshe ring dbang thang rgyas par 'gyur// rtag tu lang tsho dar la bab// lha rnams kyis kyang byin gyis rlob// 'di spyad par ni mi bya ste// mthu dang ngo bo rang gis 'byung// ting 'dzin sngags kyi byin rlabs las// las kyi rnam smin byang bar 'gyur// rig pa 'dzin pa'i sa thob 'gyur// de phyir cho ga bzhin du rtag tu brten// tshes gcig skya rengs shar ba la// snod la ma reg rus sbal bzho// drod ma yal bar gtang bar bya// yang na nyi ma'i sbu gus btung// mar gyi ngos la tshes gcig la// 'od kyi lo ma btsal nas ni// de nyid nas ni bzung nas su// zhag gsum skya rengs shar ba la// lo ma de bzhin bza' bar bya// yang na nyi ma'i sbu gus btung// 'jim pa bzang po sbyar nas ni// zhag gsum chu yi nang du bskams// de nas bskams te phye mar btags// phye ma byi ba'i bar chad gang// ba yi 'o ma dang sbyar nas// sngags pas rtag tu btung bar bya// me yi sdong po sar ba ni// sa yi mar gyis gril bya ste// kha sbyor snod dang ldan bya ste// me chung sa yi btsir nas ni// btung ba nyi ma sbu gus btungs// lan tshwa bral ba'i skra dang ni// zhag gsum bsgrub pa'i sgra snyan rdzas// nam gyi gung la blangs la gtad// snang srid sgo ste zhag gsum bzhag/ rtse mo chang ni byugs bya ste// dbu ma'i cha ni bdud rtsi nyid// rtsa ba'i cha ni dor bar bya// 'di rnams so sor brten pas ni// tha mal 'bras bu gsum gyis dbye// byi la'i ser tshad re dang sbyar// ma sbyar na yang nyes pa med// 'tshogs pas byas na nges par bshad// dam rdzas re re bsten kyang nges pa med// 'jam dpal gyi dam rdzas rmad du gyur pa// de yi sgrub pa'i grogs bshad pa// zhi ba'i las grogs zla ba yin// rgyu yi grogs su mig tu bsgrags// dbye ba'i grogs su yon tan te// dbang grogs byed pa rig byed yin// dgug pa'i las la de bzhin mda'// bskrad dang gnan pa'i dbang po yin// bsad pa'i las ni rgya mtshor 'dod// las rnams de dag re re yang// bde gshegs mchod la dang por bshad// nyi ma gnyis pa gtor ma sbyin// gsum pa la bzlas 'bad par bya// lnga ba las kyi 'khor lo bskor// drug pa bsam gtan rtse gcig bya// bdun pa las kyi lhag chad bskangs// rigs kyi las kyi khyad par du// las kyi gtso ru gang bsgrub pa'i// 'khor lo bskor te nyi ma bzhi// las kyi rim pa 'dir shes na// zhi bas 'jigs pa brgyad la skyob// rgyas pas yon tan drug dang ldan// dbang gis mos pa de rnams bsgyur// dbye bas gas ste brgyad dang dbye// gnan pas dbang po snga ka 'chings// gzhan rnams kyang ni las rnams byed// spyad na dngos grub mi 'byung ste// gal te yid gnyis za 'gyur ram// bsam pas 'gyur ram dad pas nyams// de tshe dngos grub nye ba yang// phyir ldog 'gyur bar gdon mi za// dad pa brtan pos bsgrubs pas na// nam mkha' med par gyur na yang// sngags kyi dngos grub med mi srid// lha dang drang srong gis bzhengs pa'o// rigs sngags slu bar mi srid na// 'dod pa bral ba'i bshad pa yi// gsang sngags sbyor ba slu ba ste// chos nyid bsam gyis mi khyab pas// don la the tshom med pa yis// mkhas pa la ni dngos grub nye// yang na blun po dad pas brtan// de la sbyor ba'i dngos grub nye// rtogs shing spyod na dngos grub de// de la shin tu dngos grub ring// man ngag dam pa byin gyur kyang// slob ma yid gnyis yod pa la// de la dngos grub rim par bshad// bla mas man ngag sba byas kyang// slob ma yid gnyis mi za zhing// bla ma'i gdams ngag dam pa gces// gces sprad byas na 'grub par 'gyur// de yi phyir na sngags pa yin// rang gi yid gnyis spangs pa'i phyir// bla ma gnyes pa'i bya ba gces// bkur sti byas pas nus pa che// gsang de brjod pas bar chad med// yon chen phul bas man ngag thob// 'bras bu rin chen gter kha phye// slob dpon btsun la rang dbang che// dgos 'dod thams cad 'byung rgyas shing// de phyir slob dpon mnyes par bya// yon chen phul bas rang yang gnyan// de phyir bla ma spyi bor khur// bsngags pa dag tu ma byas na// dper na nor bu rin po che// gang la bsngags pa byas pa der// de don dgos don mi ster ro// de phyir bla ma mnyes par 'bul// ma chags phul na gter dang 'phrad// dad pa rtag tu bkur bar bya// dad pa dkon mchog gsum yin no// rang sems dad pa bskyed pa'i phyir// shin tu gdung bar bla ma bkur// ma khur ba yi slob ma la// 'jig rten 'di ru sdug bsngal 'phel// tha ma rdo rje dmyal bar ltung// zla gsang nag po'i rgyud las// rnal 'byor pas dam rdzas bdud rtsir bsgyur ba dang bla ma mnyes shing gdams pa'i le'u ste don dgu pa'o//// yang zhus pa/ ston pa lags/ dam tshig gnyan po bsrungs pa la// 'jam dpal dam tshig ji ltar bsrung// bdag cag rmongs pas ma rtogs na// bka' stsal pa/ nyon cig rdo rje rnon po khyod// spyir dam tshig 'bum sde sa ya ste// bsdus pas nyi shu rtsa brgyad de// 'dir grags le tshe byas pa la// 'jam dpal dam tshig rtsa gnyis bshad// 'di ni khyad par dam tshig dag tu bshad// mi shigs pa ni seng ge ste// gcan gzan rgyal po yin pas so// za ma tog gis 'dod pa gter// dug sbyor bya ba mi rigs pa// rin chen smyu gu lcug phran dag/ de ni dregs par rigs par min// gangs kyi zhun chu khol ma dag/ mkhas pas btung bar bya ba min// pad+ma ze 'bru kha mi dbye// zla tsher ma yin kha mi dbye// ma rtags bug rdol can gyi snod// kha mi dbye zhing bcud mi blug/ don dang mi ldan bcos mi dgos// bsril zhing spyad par bya ba min// shel gyi mchod rten 'od 'bar ba// mgul nas gdags par bya ba min// khyung chen nam dpangs spyod pa yang// gshog pa g.yas g.yon gcod mi bya// bai DUr+ya yi rdo rje dag/ ra bcag sdig pa bsam mi khyab// rin chen 'bar ba za ma tog/ dug sbyor ba yi sems tsam bya mi rung// rin po che yi lcug phran rnams// cung zad snang bar spong mi bya// rdo rje 'phreng ba rgyun thag ni// 'dres shing spyan par bya ba min// spu gris gtams pa'i tshig pa dag/ sus kyang dral bar bya ba min// dgos pa 'byung ba rin po che// bsreg pa'i dras gros bya mi rung// dung dang bcas pa'i me tog dag/ nam yang dbul bar bya ba min// gser gyi lcags kyus ma bzung ba'i// nya sha nam yang bza' mi bya// nags khros stong pa'i phyogs dag tu// rnal 'byor mig ltar mi rung ngo// ma yis sbyar ba'i rtsi sman dag/ the tshom med par rgyun mi gcad// 'phrul gyi me long snang ba'i g.ya'// rtag tu phyi zhing blta bar bya// dug sbrang 'thung dang tshong bsam gyis// 'gro nyal mi bya mar me gtang// sdom la gnas pa'i rnal 'byor pas// 'dod pa'i 'bras bu rnam gnyis so// the tsom med par rnyed par 'gyur// de phyir 'bad de bsrung bar bya// 'di yi gdams ngag bla ma'i ngag/ yi dam klu yi le'u dang// 'jam dpal ting 'dzin le'u gdon// nyin gsum mtshan gsum gdon pa'am// yang na ra ba gsum la gdon// gtor chung re dang tsha re gdab// rgyun gyi spyod lam dag tu gsungs// rtag tu rang nyid ma yengs par// a kro gdon zhing yid mtshams gcad// rang gi ltag pa'i bdud sgo na// car langs nag po bya yi bdud// nyung lo ma ru rtag tu gnas// des na khro bo gsal bar bya/ shel dkar rin chen sgo nga dang// 'dam bu'i rdzas su bsub mi bya// seng ge dkar mo'i 'o ma dag/ dug can snod du blugs pa min// rin chen nor bu rin po che// bsreg par bya ba yongs ma yin// khyung chen gshog pa 'khor brgyad pa// de dag bcag par bya ba min// gnam lcags me yi rdung mo dag/ brdab par bya ba ma yin no// stag zil 'grol ba'i sa las bya// las kyi lhag ma bsdu mi bya// rdo rje brag chen gtams pa'i gzhi// de dag gshigs par bya ba min// rdo rje ra yi go chas ni// bsdam bya brlag par bya ba min// bud shing bsregs pa'i sgron ma dag/ 'thor rlung drag pos bskyar mi bya// rdo rje tshig gi chu rgyun dag/ 'ol kha gcag par bya ba min// rgyal ba'i bka' rtags phyag rgya ni// nam yang spyad par mi bya'o// rdo rje pha lam gtam pa'i mkhar// rmad nas bzlog bar mi bya'o// gtsug gi nor bu 'bar ba dag/ rgyal mtshan rtse nas dbog mi bya// 'jam dpal rtags tu bsgom dang phyag tu be con bcang// ma yengs rgyun du rag sha bsgrangs// lam mi gzur zhing bgrod dka' 'gro/ tshig gis bar mi gcad par dang// rang nyid rtag tu khro bor bsgom// stag lpags gyon zhing sha chen mur// rtsa ba nyams pas yan lag rlag/ dper na bca' sogs sems btang bzhin// thams cad rlag par gyur pa'o// sku yi sa ma ya nyams na// dper na sol sdong de bzhin no// de la myu gu ci la skye// gsung gi dam tshig nyams gyur na// sa bon dbang mes tshig bzhin no// thugs kyi nyams na sad khyer 'dra// dpe don bshad de rdong du zhog/ zla gsang nag po'i dam tshig bsrung thabs bstan pa'i le'u ste brgyad cu thams pa'o//// yang zhus pa/ ston pa lags/ rgyun du mi 'bral ting 'dzin gang// rdzas kyi rim pa ji ltar lags// zhus pas/ bka' stsal pa/ nyon cig nga yis bshad par bya// rang nyid 'jam dpal gshin rje gshed// ma yengs rgyun du drang bar bya// bcu bdun pa dang mi 'bral zhing// 'dzab bstod stong tshogs mchod pa dbul// seng ldeng 'dom tshad be con nam// yang na be shing bzang po la// lhar bsgom mi 'bral phyag mtshan de// g.yon pa sdigs mdzub mu tra la// g.yas pa seng ldeng 'dom gang la// mi 'bral rtag tu bcang bar bya// des ni nus mthus mod la 'byung// mdun du bzas pa pho mo la// tsham rngar byas pas brgyal bar byed// be con brgyab pas 'chor mi srid// des na nus pa yod pa'i shing// phyag mkhar dag tu rgyal bas gsungs// mi shis pa yi rdzas rnams dang// gdug pa can gyi shing rnams ni// drang po rdzas su shis par bshad// 'brub khung rdul tshon 'khor lo bri// rnal 'byor pa yis las rim yin// btu bkod yo dang drang ba ni// 'jam dpal sngags kyi thems zhes grags// rdzas shes bya ba'i rim pa la// seng ldeng phur pa 'dom gang la// mi rkang 'phreng ba rtag tu bgrang// zhing gzhab bzhi dang chas pa bgo/ tsit+ta tshil chen bsku mnye bya/ go ro tsa na sha chen brten// rgyu 'phreng khrag chen rgyun du bca'// 'khor lo gu gul nyungs kar dang/ dug sna thun sna brgyad pa bsogs// sems can lbugs can lbugs med khrag/ zhing gi stan te spre spu dang// rang gi bsgom thabs ma nor bsgom// skye tshe thun rdzas mon bzhi bskul// rgyun du a kro nyi shar bzhin// brjed med dag tu gdon zhing bskul// snying khar nyi ma'i dkyil 'khor bsam// de stengs a kro bcu bdun pa// de yi dbus su oM bsgoms te// oM kyi dbus na rtsa spu'o// de yi nang na phar rgyas pas// 'jam dpal bdud kyi drag sngags bdun// khong nas brgyud de// khung gi dkyil na gzas pa yod pa yi// snying slad dkyil du bzhus btsugs te// sbud pa sol mar bras pa bzhin// gzas pa'i dkyil du rdzas rnams spungs// de la sngags kyis bud pa yis// gzas pa lcags nag bzhu pa bzhin// rnal 'byor lag chas tho ba bzhin// brdungs pas rdul phran bzhin du brlag/ brlag pa'i thed shul gnyen sar gnan// lhag ma 'jam dpal hom du bsreg/ thal ba rlung po kha la phyar// rtsa ba 'chang la khyim du brlag/ 'di yi las su ni 'jam dpal gyis// bdud kyi drag sngags bdun pa// kha thun nag pos bsad pa ste// rdzas dag sngags dang lag ca gsum// rgyun du yi dam bya bar bshad// de yi drang sngags 'di lta ste// sngon du a kro brgya tshar gdon// gting la gdon pa 'di lta ste// oM ga ro ni sha na snying shag rbad/ tsa ro pa sha na shag rbad// mu ga ga du na shag rbad// dza la po ta na shag rbad// 'bru gsum na sa na shag rbad// raM ti pu na na shag rbad// kha ga sha la ni shag rbad// mi 'gyur bdud kyi 'bru bdun pa// 'jam dpal kha thun 'bru bdun pa// sngon du bsnyen pa'i sngags su bshad pa'o// gsang sngags bdud kyi 'bru brgyad pa// ga ro na ni sha na snying shag rbad// tsa ro pa na snying shag rbad// mu ga gu du na snying shag rbad// dza la po tra na snying shag rbad// 'bru tri na snying shag rbad/ wa kha sha la ni snying shag rbad/ de ni gsad pa'i sngags su gsungs// snying shag rbad ni dgra 'dzab ste// snying shag zer na snying kha phye// rbad na snying rtsa chod cig pa'o// lha 'dzab dgra 'dzab gnyis dril la// sngags kyi 'khor los zin pa bya// dgra 'dzab gcig pu gdon pa ni// mthu ni sbod gtong byed pa ste// rnal 'byor sba ba bsgyur ba 'dra// bdud kyi drag sngags bdun pa yis// 'brub khung dag la rten pa dang// rdzas su 'bru sna lnga la gtor ma bya// lug nag 'ug pa'i mgo bo dang// gser dngul dung dang byu ru dang// khyi nag thod pa snying nag dang// lug nag bya nag rta nag gsum// de gsum snying rtsa ba dang ma bral ba// de yi nang du ming rus gzhug/ 'brung khung zur gsum dag tu ni// shar du bya rog dag dgod do// nub tu skyung khrag gsob dag dgod// kha ni dgra bo'i phyogs su bstan// shin tu zab pa'i 'jam dpal gyis// bdud kyi drag sngags bdun gyis ni// don po bsgral ba'i man ngag ni// drag sngags bdun pa spu gri so// 'jam dpal gshin rje'i tan tra las// man ngag yig chung rgyud ces bya ba/ bdud kyi drag sngags bdun pa zhes bya ba// rdzas dang/ sngags dang/ lag ca la rten te sgrub pa zhes bya ba// bdud kyi spu gri nag po mtshon rnon po 'dra ba'i sgrub pa'o// bdud kyi drag sngags bdun pa'i le'u ste gya gcig pa'o//// yang zhus pa// 'khor rnams la mdong gsol du gsungs te// nyon cig 'khor rnams ma yengs par// da rung dgos don ngas bshad kyis// khyod kyis nga la pU tsa phul// yang 'khor rnams dang ba skyes te// bskor ba lan stong byas// me tog gtor// pU tsa phul te gsol ba btab pa// ho ho ston pa lags/ kye ma ho ngo mtshar to legs so// kye kye bkur sti dang bsti stang du// bgyid do// bla mar bgyid do// mnyes par bgyid do// phu dud bgyid do/ rim gror bgyid do// kye ma ho rab tu legs so// bdag cag rnams la de'i don bstan du gsol// bka' stsal par gsol to// nyon cig 'jam dpal rnon po ba// 'jam dpal nag po'i las thabs la// bya lugs bsam gyis mi lang yang// dgos 'dod 'grub pa 'di ltar bshad// 'jam dpal gshin rje gshed po la// mgon pos bskor te bsgrub lugs gsum// thugs kyis gdungs pas 'di las med// 'jam dpal dgon pos bskor ba// srog ti nag po zhes bya ba// rang nyid ya man ta kar bsgom// thugs kar ma hA kA la bsgom par bya// rten thabs gri rgod yag pa'i snying// dar sna nag pos snying brgyan te// mnga' bya rgod bum sgrom bya// de la snying de gdags par bya// tshe dang nyungs kar chang phud dang// rme khrag dag dang ban d+har sbyar// byin rlabs bsgom pa ji bzhin du// snang srid hril gyis ma hA ka lar bsgom// byin rlabs rgyun du gdon pa'i sngags// ma hA kA la trag shag rbad// ma hA kA sa si ti ye shes du dza/ de brjod yon tan dgra snying 'dren// bzas pa'i bdud du 'di sbad de// bskul ba'i ya rtags 'di rnams so// rta khrag bong gcin dud pa dang// nyungs kar rgyal po rab chad thod// rbad pa'i rdzas tsho 'bed du bca'// dgra bo ci smos srid pa gsum yang phung// srog thigs nag po'i sngags la// oM thib byi no snying nas/ su tri tsi ti rbad/ ma hA pa la hUM hUM phaT phaT/ bzlas pa ting 'dzin las su rung// nyams rtags byung nas thugs dam bskul// ma hA ka la spyan drang ba// hUM/ dad pa dang ni dam tshig gis// tshur gshegs tshur spyon srog bdud chen po lags// mngon shes rdzu 'phrul thabs kyi gtso// rngam pa'i zhal gdangs gtum pa'i sku// mthing nag mon pa'i g.yu sku la gsol// dug gi sdong po phyag na thogs// zhal nas nad kyi rlangs pa gtong// dug gi ngan skyugs char du 'bebs// tshe dang srog la dbang byed pa'i// srog bdud chen po 'phrin las dus la bab// mtshan ni rdo rje ma hA kA la ste// lha chen bdud po ma rungs pa/ bcol ba'i 'phrin las grub par mdzod// rbad sngags dag tu bya ba sngags// oM pa tsa tri ya b+h+yo ni tshil pa/ tri ya dza/ hUM/ mngon shes rig pa'i rdzu 'phrul can// bdud po chen po mi bzad pa// mngon shes rig pa'i thabs kyi gtso bo ste// phyag na bdud kyi khram yang bsnams// bdud po rnams kyi gtso bo ste// khro bo'i rgyal po gshegs su gsol// dred mo dag ni sbyang bu la// seng ge sngon po'i gong slag can// lag na mi snyig khrag thogs shing// snying rje med par 'du zhing srog gi dbugs la rngam// dgra bo srog dbugs dang po 'brel bar byed// lha chen mgon po nag po ste// lha mo nag mo dges par 'khril// lha mo gnyan dang gnyis su med// byang shar mtshams su gnas bcas shing// thod pa 'bar ba'i sku mkhar la// rin chen gser gyi sgo mo rtsal// mthing zab g.yu yi skas btsugs shing// lha chen lcam dral gshegs kyi gnas// gnas rab bam ril thod pa'i mkhar// zhe sdang bdud kyi rgyal po mkhar// logs cig sems can mi yi thod pas byas// logs cig sems can lug gi thod pas byas// logs cig sems can spre'u'i thod pas byas// lcags kyi bdud de bzhin mkhar na// sku mkhar de yi nang shed na// jo bo bdud po rgyal po mnga' bdag bzhugs// dam tshig can gyi grogs la brtson// dam tshig nyams pa'i rtsa rgyus gcod// mna' zan po yi srog dbugs 'phrog/ lha chen khyab 'jug ma hA kA la ste// srog la rngam zhing bdud kyi lcam// ma chags thabs kyi rol pa mdzad// srog la rngam pa bdud po kun gyi gtso// bcol ba'i las rnams mdzad du gsol// rin chen gser gyi khri stengs na// mi ro rta ro gcal du bkram// zhal nas mi zhag rta zhag 'dzag/ chibs su dre rtag sngon po chibs// bdud kyi zhags pa sngo bkra 'phen// bcol ba'i 'phrin las grub par mdzod// cha'o cha'o dgra la cha// gshin rje mgon po las mdzod cig/ man ngag yig chung sgrub thabs kyi rgyud las// 'jam dpal zla gsang gi tan tra las// gshin rje la mgon pos bskor te bsgrubs pa'i le'u ste gya gnyis pa'o//// yang gsungs pa// nyon cig 'khor rnams ma yengs par// bcol ldan 'jam dpal gshin rje la// lug nag mo mgo nag la 'ben bca'// a kro rtsa ba mi 'gyur gdon// lug la brab cing sngags 'di bzlas// ni la dza la dza la hUM phaT// u duM ma ni na tib hUM phaT// oM ya sha sha na hUM phaT// oM ka ru hUM phaT// ra tri sha na dzu na hUM phaT/ gtad pa ya ma dam sri la// oM sho na ni gri na hUM phaT/ a sho mu tra na hUM phaT// ma hA kA la// sa ma la ya// sa ma lo/ gi b+h+yo mo ni hUM phaT// rgyun du gdon pa'i snying po'o// ming rus bris te khyi thod gzhug/ dgra bo dur dkyil bcug ste lug na bskor// sha khrag khro bo la pU tsar dbul// de nas 'jam dpal gshin rje dang// mgon po nyid la phud rgod ma nyams pa'i nang du gser dngul brdar// lug po khrag dang bsres te gtang rag gtang// ma mnyes na dgra snying bum pa'i khar bzhag la// gshin rje dang ni mgon po dag la dbul// khyed kyi lto ru dgra bgegs lta ci dgos// 'dzam gling bzhi yang khyod la bcol// se na se zhes bzlas la rang bzhin gnas su gshegs su gsol// yong zhing sems da dung ma khugs na// bram ze sha zan bya ba'i thabs// pho nya 'dis ni mngag gzhug dgye// dug spyod ma yi las la gtang// hUM// shar phyogs shel gyi zhing khams na// mon mo nag mo shel mig ma// ral pa gsigs pa'i stong khams khyab// ral pa re zhing phur pa re// phur bu re zhing khro bo re// khro bo re zhing khro mo re// bdag gi dgra bo ma thul na// mon mo nag mo rab zla zlog/ de sang nam gyi gung la bab// dgra bo gnyid kyi thum la bab// gnyid log rtsa na bla mkhyen gyis// dgra bo bla tshe khug la shog/ shar lho bse yi zhing khams na// mon mo nag mo bse mig ma// ral pa gsigs pas stong khams khyab// ral pa re la phur pa re// phur pa re la khro bo re// khro bo re la khro mo re// bdag gis dgra bo ma thul na// mon mo se mig stongs la gshegs// dgra bo rtsa rgyud chod la shog/ lho phyogs g.yu yi zhing khams na// mon mo nag mo g.yu mig ma// ral pa gsigs pas phur pa re// phur pa re la khro bo re// khro bo re la khro mo re// phur bu dgra la gdab re ran// nub phyogs 'bar byed zhing khams na// mon mo nag mo 'khar mig ma// ral pa gsigs pas phur pa re// phur pa re la khro bo re// khro bo re la khro mo re// dgra bo dam nyams khrid la shog/ byang shar gser gyi zhing khams na// mon mo nag mo gser mig ma// ral pa gsigs pas phur pa re// phur pa re la khro bo re// khro bo re la khro mo re// dam nyams dgra bo khrid la shog/ steng gi nyi ma'i zhing khams na// mon mo nag mo nyi mig ma// ral ba gsig pas phur pa re// phur pa re la khro bo re// khro bo re la khro mo re// nyi zer phur bus dgra la gzer// dam nyams dgra bo khrid la shog/ 'og gi dngul gyi zhing khams na// mon mo nag mo dngul mig ma// ral pa gsigs pa phur pa re// phur pa re la khro bo re// khro bo re la khro mo re// dam nyams dgra bo khrid la shog/ de skad bskul te mon mo bcu gsum bskul// rten rdzas lug nag mon mgo 'am// bya nag mon mgos thugs dam bskul// gser skyems cha dgus gser g.yu brdar// de la rta dang 'ben du bca'// las bcol bsgral la nan pa bya// zla gsang nag po'i sgrub thabs man ngag gi tan tra las// 'jam dpal mon mo bcu gsum gyis bskor te bsgrub pa'i le'u ste gya gsum pa'o//// yang gsungs pa/ nyon cig 'khor rnams ma lus pa// bcom ldan 'jam dpal gshin rje la// mgon po drag sngags bdun pa yis// bskor te bsgrub pa'i rim pa bstan// lha chen ma hA kA la la// drag sngags bdun pa bskur te// bskor khang srung par dbang bskur te// kun gyi bdud kyi blon por bskur// drag sngags 'bru bdun gdab par bya// ling kha gnas bdun dag tu gdab// 'brub khung gru gsum bdun byas te// de de'i nang du ling ga gzhug/ rang nyid 'jam dpal dag tu bsgom// ma hA kA las las mkhan bya// gnan pa las kyi gshin rje'i lho ru gnan// mchod rten nag por byas la gnan// gro ga shing shun dum bu bdun// ming byang bris te ling khar blan// de re la ni phur bu re// de la brtan sngags 'di lta ste// srog ti nag po 'bru bdun pa// 'jam dpal spu gri nag po'i sngags// oM shrI hi hi dza ni shag hUM phaT/ mu ri tsi ti ni hUM phaT/ re gro sho ni shag hUM phaT// mu ru tsit+ta tsa ta ni shag hUM phaT/ ya me ti she ni shag hUM phaT// bi sha tri sha ni shag hUM phaT/ ma hA ra tri ni shag hUM phaT/ ngan sngags 'bru bdun spu gri 'dis// bstan pa bsrung phyir bdud kyi rgyal po dag la gtad// 'bru bdun bdud kyi spyan pas rgyu skar bzlog/ de nas blon po bdud la gtad// blon pos spyan nas ri rab bsnyil// de ru 'bru bdun cang thebs nas// slar la bdud kyi ma hA ka la la phul// ma hA ka las gshin rje 'bangs su blangs// ming du srog ting nag po 'bru bdun par// ming btags dbang bskur dam la btags// chu bo chen po yang gyen du zlogs so// de ltar chos skyong bsrung mar dam du bcas// nor rdzas rjes su 'breng bar byas// sngags 'chang nor la me ru 'bar// smyo 'bog nor gyi rjes su 'gro/ mon pa la mon mor brdzu zhing yong// dgra nor kun gyi rjes gcod rtags 'don no// ming gsang mtshan mon pa dug spyod ces bya ba// 'di yang 'khor du mon mo bdun 'ongs te// mon mo mthu rtsal 'gran te// mon mo gser mig mas ni sngags 'di bzlas// mA ra ya hUM phaT/ 'bru bdun sngags kyi sham bur byas// drag sngags pho bdun mo bdun sngags// ma mo dngul mig ma sa ni// srid pa gsum la mnga' mdzad de// mthu rtsal de las che ba med// mon mo nag mo zangs mig mas ni// sa gzhi sgyur zlog byed de de las mthu rtsal che ba med// mon mo nag mo 'khar mig mas// sbrul zhon chu la zhog zhing 'gro ste// mthu rtsal che mon mo shel mig mas ni// srid pa kha zhabs bzlog/ mthu rtsal de ni sa sa nas// shin tu khyad par che bar bshad// drag sngags bdun pa mngon du grub ste// dam nyams dgra bgegs thams cad bskul// drag sngags 'bru bdun sha zan gyis// srid pa brlag par byas pa ste// gnan pa gzhung dang mthun par bya// 'jam dpal zla gsang nag po man ngag yig chung sgrub thabs kyi rgyud las// 'jam dpal drag sngags pho bdun mo bdun gyis bskor te bsgrub pa'i le'u ste gya bzhi pa'o//// yang gsungs pa// nyon cig rdo rje rnon po khyod// rnal 'byor dam sri 'dul thabs 'jam dpal gshin rje gshed po la// mgon po ma hA kA las bskor// dang la bya thabs bshad par bya// maN+Dal grub bzhi khru gang ba// dbus su nag po bdun brtsegs par// byas te ro sol nang du byug/ kha ru gtsang mar mda' gzhu gtang// tha ma me ri tsher mas bskor// dbus su thod pa rabs chad la/ ma hA kA la mgon po'i snying po bri// log la 'jam dpal a kro bri// bzas pa gro ga la ming rus bri// khyi nag thod pa mkhar nag gis bsdams// thod chen thog tu khas bu gzhag/ lan cig khyi thod gnan pa bya// de yi mtha' mar thod tshal bdun gyis bskor// de yi mtha' ma yang khyi nag mo bdun gyis bskor// bag zan dag la gzugs byas te// mtshon gyi bsgyur te bskor bar bya// thod pa'i dbus su gshin rje bsgom// mdun du ma hA kA la bsgom// dgra bgegs khyi thod nang du gzhug/ khyi mo nag mo kang ka mas za zhing mthu rtsal de las che ba med// khyi mo nang mo gdong rgya mas// dgra bgegs bla tshe 'gugs// mthu rtsal che zhing chu srin no// khyi mo nag mo dngul mig mas// dgra bo glo snying 'dren par byed// mthu rtsal de las che ba med// khyi mo nag mo phag gdong mas// rnam par shes pa hUM gis 'dren// mthu rtsal de las che ba med// khyi mo sngon mo spyang sngon mas// dgra dang bgegs kyi dbugs 'phrog ma// khyi mo nag mo shes rab mas// khro chus zhal la rdo rje sku// mu tra bsgyur zhing rdo rje rtse gsum gsor// de ltar bsgrubs pas dgra bgegs rnams// ci smos gnyal thag 'chad par 'gyur// nag mo khram skad 'byin zhing ri rab bskor// lhang lhang ngu zhing dur khrod gnas nyul ma// srin gcan gdul ba'i mthu mo che// rgya mtsho dang la skyems par byed// klu rnams kun kyang sku la 'byung// de ltar klu yi ma mo hab sham mas// ma hA kA la nyid la gsang ba'i mdangs phul te// ma chags thabs kyi rol pa mdzad// byang chub sems kyi rig pa shar// rgya mtsho 'gros bkros pa thams cad 'dar yed yed// klu yi bu mo hab sham mas// 'jam dpal gshin rje nag po las// srog gi thigs pa bdun zhus pas// gnang ste phyag rgya rgya yis btab// be con btsugs te rgyas btab bo// nyungs kar bsngags te gnan te gzhag/ ma hA kA la khro bo dpal// nyungs kar rgyal po spyan gsum pa// lha chen khyed la skyabs su mchi// bcol ba ci bsams 'grub par 'gyur// ri rab kun gyi rmang du sba// bstan pa'i rdzas su gsungs pa la// gri rgod yag pa'i snying rtse dang// dar sna nag po lnga pas brgyan// mda' ma bya rgod sum sgron cig/ de la de rnams gdags par bya// chang phud gtsang mar nyungs kar tshe// rme khrag dag dang ka pA lar// sbyar te byin brlabs tshul du bya// rang nyid ya man+ta kar bsgom// snang srid skye 'gro ma lus la// de yi bdud du gyur par bsgom// rgyun du gdon pa'i snying po ni// a kro bsnyen pa lha bsnyen no// ma hA la'i bsnyen pa la// ma hA kA la trag sha/ ma hA kA la srid+hi yam du dza// brjod pas sku che yan lag rags// stag lpags bkram pa'i steng du zhal bgrad de// phyag na tri shul mi mgos brgyan pa bsnams// g.yon pa gzas pa'i snying khrag 'thung// bsnyen pa tshad du phyin tsam na// lha rnams 'dre rtags rtod cing 'ong// kho la mchod pa'i ya rtags su// rta khram bod nag gcin khu dang// nyungs kar rgyal po rabs chad thod pa// 'di ni pU tsa rgyun du dbul// dbugs sngags dag ni 'di lta ste// oM blab byi ni snying nal// su tri tsi ti rbad// ma hA pa la hUM hUM phaT phaT/ bzlas te rdzas rnams dbul bar bya// nyams dang ting 'dzin gsal bar 'byung// rus pa rngub cing bstan pa bsrung// 'jam dpal gshin rje zla gsang nag po'i rgyud las// man ngag yig chung gi rgyud las 'jam dpal mon mo bdun dang khyi mo bdun gyis bskor te bsgrub pa'i le'u ste gya lnga pa'o//// yang zhus pa/ nyon cig 'jam dpal rnon po khyod// srid pa'i ma mo las la bskul// ma bskul rang la ldog par gsungs// des na 'di skul rab tu gces// yab dang gnyis med 'khril ba'i yum// chos kyi dbyings las sku bzhengs pa// pho brang dag tu sku bskyod cing// mi bzad sgeg mo ral gcig ma// bdud kyi lcam la gshin rje'i yum// 'dod pa khams kyi dbang phyug ma// nam mkha' khams kyi dbang phyug ma// nam mkha' kyi glog ma sprin// sgeg mo ral gcig ma yin nam// mthu rtsal phyung ba'i dus la bab// seng ge gnyan gyi rtsal sprul ma// rdo rje gnyan gyi khro mo 'dzam// rak+ta gnyen gyi khro bo 'dzam// sgeg mo ral gcig ma yin nam// lha mo gnyan kyi re ma ti// klu mo gnyan gyi re ma ti// dpal ldan gnyan gyi re ma ti// sgeg mo ral gcig ma yin nam// e ka gnyan gyi re ma ti// bdud mo gnyan gyi re ma ti// bdud kyi bu mo ma yin nam// gsang bdag gnyan gyi re ma ti// 'gu ta gnyan gyi re ma ti// srin mo gnyan gyi re ma ti// dbang phyug gnyan gyi re ma ti// sgeg mo ral gcig ma yin nam// gcer bu nag mo bong zhon ma// lha mo nag mo glog gyur ma// 'dzam gling grong khyer ltas khyab ma// chibs su dre rta rkang gsum chibs// lha mo nag mo 'bum sdes bskor// nad kyi rkyal ba gong bu bkal// mtshon gyi rkyal ba 'phongs la btags// mdzo mo khal du khrid// kha nas mi ro rta ro skyug/ stong khams sha khrag mnga' mdzad ma// srid gsum 'gro ba'i sha khrag bdag/ sgeg mo ral gcig ma yin nam// gshin rje rgyal po kun gyi yum// bka' bzhin bsgrub pa'i rnal 'byor pa// sku la bdo ba'i dgra bo 'di// ming po bdag la bsnyes pa dang// sring mo khyod la phod btsugs kyis// gzugs phung shing la tshe yi 'du byed bskul// gnam gyi 'ju thag bcad du gsol// sa yi rten phur dbyung du gsol// ma gcig ral gcig ma yin nam// trag shag sha snying kha rag ru lu ru lu rag mo ting lam b+h+yo/ sa ma ya phaT/ skabs su nyi ma bzhi pa'i sngags// rdzas la bzlas la brab par bya// gshin rje gshed po nya la 'jug/ dgu 'am nyi shu dgu la gdon// ya man ta ka'i las dag la gdon// ya man ta ka'i las dag ni// tsa ra rog pa'i ma mkhal la// mgul du ming rus bris btags te// sgrub khang stegs bu'i rtsa ru gdags// sngaun dmar thag pas gdags par bya// skye nas khar nag skud pas gdags// de la sngags brdeg tshad du dbyung// dmigs par de bsgral// sha khrag lha la mchod pa dbul bar bya// tsit+ta'i nang du ga 'u gzhug/ tsat+ti sngags dang bcas pa dag/ ra mgo dag gi khar bcug ste// lam chen rgya gram dag tu mnan// las bzhi bro yi gnan pa bya// ya ma rA dza nyi shu rtsa gcig la 'jug/ nyi shu dgu la gdon par bya// nyungs nag thal chen sbyar bu'i rdzas// ya ma rA dza'i las dag ni// dur khrod ras la dpe chung bri// gu gul btugs te stegs bur dgram// thal chen keng rus phur bus bskor// steng nas bud med zhabs mas dgab// sngaun dmar byad thag gdags par bya// gang yin de la bkug bstim nas// ra yi mgo yi nang du gzhag/ phyi ni re ba'i thum por gzhug/ mgo re gro re ta ren pa/ sa rbed de sa rbed de bo ho na// de bas ta na mA rA ya hUM phaT// dbang phyug chen po nya la 'jug/ bdun pa tshes ni bdun la don// nas sran til nag dbang phyug rdzas// dbang phyug chen po'i las dag ni// rma bya dag gi rgyal mtshan la// dmigs pa'i ming rus mgo ru gzhug/ snyug rgod gtsang ma sor bzhi la// brgyad bzhogs rgyal mtshan mgul du gdags// phying dkar gtsang ma gru bzhi gcig/ stegs bu steng du bting nas ni// shar du nas sngon phul gang spung// dkyil du rgyal mtshan btsugs nas ni// nyin mtshan bzlas shing brab bar bya// nub mo sngags bzlas til gyis brab// rdzogs nas ri gsum rtse mor song ste// dong brkos ming byang der bcug ste// rtsang dang mnyam pa'i phyed khung brkos// rtsang la rim pas sngags bzlas shing// dgra phyogs rtse bstan re mos gzhug/ 'jam dpal khyed la las bcol lo// 'o thod lan gsum drag tu bod// rig gsum rtse la gnan pa bya// ha na stam pa// ma ra hUM b+h+yo/ pra dud mA ra ya nan/ de ba da na mA ra ya hUM phaT/ ma mo bcu dgu dag la gdon// nyi shu dag la 'jug par bya// nyungs nag zhing g.yab ma mo'i rdzas// srid pa'i ma mo las dag ni// zhing chen ras ma dag la ni// sha sna snying sna khrag sna gsum dag gi/ dmigs pa'i ming byang bris nas su// sha khrag snying sna'i gtor ma dbul// ga'u kha sbyar nang du ni// rten dang bcas nas bcug nas ni// gang la dmigs pa bkug la bstim// gar gnyan sa ru gnan// las gzhi dur khrod dkyil du gnan// de ba tra na ma ra yan// khyab 'jug rgyu ba'i dus su 'jug rgyu ba'i dus su 'jug/ gdon pa'i yang rgyu ba'i dus su gdon// mngar gsum klu sman nya sha khrag/ rul pa khyab 'jug rdzas su bya// ra hu la yi las thabs ni// sbrul sngon dag gi lhags pa ru// nang du ming rus bris te gzhug/ bse kha kha sbyar nang du ni// 'khyil ba'i tshul du bcug la bzhag/ mngar ti klu sman sna tshogs kyis// sngags btab nyin bzhi brab par bya// sha rul nya rul khrag rul gyis// de la sngags bzlas tshan bzhi gdab// thon nas ri gsum rtser song nas// khung brkos nang du rtsas bcug ste// de stengs thod chen dag gis brtsig/ gser skyems rgyu ba'i phyogs su btang// las bcol 'o thod drag po thod// dang por ya ma rA dzA'i las// zhe sdang rang sngags drag sngags phul// ya ma rA dza'i las dag ni// yi dwags kyi ni dgongs la bri// dug dang ske tshe lan tshwa 'dis// khrag sna gsum dang sbyar ba la// bya rog sgrog rtsa snyu gu yis// dmigs pa dpe chung bris la// phyi bshags gtor ma gzhung du bsrang// dbang gzugs dam brdar lha dang dbral// gu gul gyis bdugs stegs bu dgram// thal chen keng rus phur bus bskor// sngon dmar gyis bskor zhib mas dgab// mchod pa'i dam rdzas tshogs par dgram// bsnyen mchod thugs dam gzhung bzhin bya// sngags dang pho nyas dgug 'dren bya// shes pa bstim ste ting 'dzin bsal// mtshan mo bsnyen bsgrub rgyun mi bcad// nyin mo bsad pa'i sngags kyis brab// smra bcad zhe sdang bskyed de bsgrub// hoM khung snying par gnan te gzhag/ gshin rje dmar po'i las su gsungs// nyi shu gcig la 'jug ste nyi shu dgu la gdon// rdzas su nyungs nag thal chen sbyar// ya ma rA dza'i rdzas su gzhag/ nub ni dang po dung phor snying khar gzhag/ de yis de yi lus la bsku// bsad sngags bzlas shing dug gis brab// gnyis pa gsum yang de bzhin bya// thal chen nyungs nag ske tshe la// nyin mtshan med par bzlas shing brab// dmar po dag gi las su bshad// 'jam dpal gshin rje'i tan tra las// zla gsang nag po'i rgyud man ngag yig chung gi rgyud las// so sor bstan pa'i le'u ste gya drug pa'o//// yang gsungs pa// nyon cig 'khor rnams dad par gyis// mon mo mchu bsnyung ngan thabs ni// bya lugs nyi shu thams par gsungs// bcom ldan 'jam dpal gshin rje yis// 'khor lo nang du sba ba yang// bya thams tha dag bstan pa ste// 'brub khung chag gang ba gcig brkos// thod pa gar rnyed pa gcig tu// ming rus bcug ste 'brub khung du// kha bub dag tu mnan pa bya// khyi khrag thog tu gtig par bya// oM du na sha rda le ya dud le de// a ri a da re da ni gnyis cig de bi ma la swA hA// sngags des gnan pa dag tu bya// zla dus gdab ba'i man tra'o// smyo 'bogs khrag tu skyugs nas 'chi// thugs po dro po'i g.yang gzhi la// snying dang khrag la gtor ma bya// dkyil 'khor thog tu dkram bya ste// ming rus gro ga dag la bri// sha lag g.yas pa brdeg cing bsngag/ rang nyid gos nag bgo bar bya// a kro yi dam gdon par bya// sa ma ya sti ta baM/ ma ru thibs thibs/ thab pra nur kha sha la/ thul ri li li/ rtags ni zla ba bdun rta 'ong/ gri ru shing ste khrag tu skyug/ lha khang them 'og gnan la gzhag/ yang ngan thabs bya ba'i las thabs la// g.yag po grus tsam rA btsal la// de yi nang du mda' bcug ste// sul mangs bzhi bcu rtsa gnyis la// dgra bo du yod ming rus gdags// de nas rwa yi nang du gzhug/ thum ri li li/ sha thum sha thum// sha sha thum sha sha thum// mda' dang g.yag ru dgra phyogs su// phogs bdun bar du 'phang bar bya// rtags ni mda' dang gri yis 'chi// zhag ni bcu bdun dag nas 'chi// yang na gnan pa gzhung du bgyi// yang na ngan thabs bdun mo'o// rdzas dang bya lugs 'di lta ste// lha bshos 'dom gang tshad du bya// ngos cig khrag gis bsku bar bya// ngos cig dmar te ngos cig sa nag bsku// de la mda' khra bcu drug gzugs// bag zan dag la nya gzugs bya// bcu drug byas te khong du ming g.yang bcug ste mda' la gdags// ming rus tshon gang byas la gdags// lha bshos steng du me mar lnga// sngags ni bsnyen pa 'di dag go/ thig nag cig med// gnyis drag brgyad bcas dang/ gnam thongs phye/ ram mi rang sod/ de nas ya rtags ming rus kyang// lag mthon po 'am rgyal po'i sang// de lta bu ru bskyal la gnan// khyil du 'od du 'bar nas 'chi// zhag ni brgyad cu rtsa lnga la// smyo 'bogs lkugs nas 'chi bar gsungs// yang na ngan thabs bya ba la// rdzas dang bya lugs 'di lta ste// mche ba can gyi thod nang du// dgra bo du yod rdzas bcug ste// ri lu sum cu rtsa gnyis byas// gro ga dag la ming rus bris byas te// bzlas pa'i sngags ni 'di dag go/ sha ram du ra ling/ zhing zhing la thum ril/ brjod de nyungs kar de la brab// de la phur la brab par bya// thal 'dag dag gis kha bcad de// re bar gtums te thod par gzhug/ ri brag seng 'dra'i kha ru sba// pha tshan thar gyis rlung gis khyer// rims nad byung bas nyal gyis 'gro/ yang na ngan thabs 'di lta ste// lug dar spu gsum g.yang gzhi la// de stengs dgra yi ming rus gzhug/ sha lag g.yas pas ming rus brdung// sngags su drag sngags 'di lta ste// sprung dzu sha la shig/ shu du shu du rbad// byas shing ming yang sha lag gis// brdungs la gnyan sa sbas la gzhag/ rtags ni zla ba gsum na 'ong// ltas 'dar khrag nad gzer nas 'chi// yang ni ngan thabs 'di lta ste// dgra bo pha mes thod pa des// dur nas blangs te thod nang du// bag zan dag la sbal lcong gzugs// byas te thod pa'i nang du gzhug/ thod pa'i mig nas tshon skud dag gi gzugs// glang la bskor la chu mig tu gzhug/ lho ru kha bltas nang du gzhug/ zhag na nyi shu rtsa gsum na// mdze yis zin te the tshom med// zla ba gnyis na mdze ru smin// yang ni ngan thabs bya thabs la// bram ze lce 'phro sngags shes pa// de yi rdzas dang bya thabs la// ro shun ras la ming rus bri// de nas nyungs kar brab par bya// phung khung mang pos de la gdab// sngags ni 'di dag yin pa ste// sha sha hab hab// rbad rbad du du nan nan// ji ltar na ba sos pa dang// khrag dang mkhris pa skyug cing 'chi// 'khor lo nang du bcug la gnan// zhag ni bcu na cho 'phrul 'ong// nyi shu dgu na 'chi bar gsungs// yang ni bra rta dkar mo bsrung bcad gsungs// 'jam dpal gshin rje gshed po yis// phan gnod gnyis su gsungs pa yin// pra rta dbab pa'i bya thabs la// gru bzhi phyogs bzhi ru// rdo rje rtse gsum pa re bri// 'bus su dbab sngags bri bar bya// 'khor lo nang gi gru bzhir ni// yi ge khri zhes bya ba bri// de'i nang du sngags bri ba// oM na mo b+ha ga wa ti/ rig drung mi ri ya hUM phaT/ de ltar sde tshan drug tu bri/ sngags kyi ldang pu tra yam pa ta ya pa ta ya zhes pa bri/ ser ba'i ming dang dbab bar gyur cig bri// sngags kyi 'og tu bri ba la// yul che ge mo bya ba bri// sngags dang// 'khor lo snag tsha ni// drag po bri ba dag dang mthun// mchod rten nag po zur gsum gcig/ byas te de la rnam lnga dbul// de yi nang du 'khor lo gzhug/ dgra bo'i yul dbu zhing dbus su// [}]gas te gnan la gzhag pa'o// las sbyor dus su lho ru lta// ma byung bar du thog ser dbab// phying ba bkab pa 'dra ba'am// rdza bkram bzhin// lug la khus gdab bzhin du dbab// ser ba rnam kho dag tu 'bab// bsnyen pa'i sngags su gsungs pa la// oM ba ga ta ba ti/ rig khyung mi ri a hUM/ yul che ge mo pra rta ram pa ta ya pa te// rtags dang mtshan ma grangs kyis 'byung// de ni dbab pa'i ser ba ste// re dogs med par gsungs pa'o// yang ni phan bya bsrung ba bstan// 'khor lo bri ba gong dang mthun// 'khor lo'i dbus su sngags bri ba// mtshams bzhir khri zhes bya ba bzhi bris la// dbus su sngags bri 'di ltar ro// oM nag mo ba ga 'di/ rig khung mi ri ya hUM/ sde tshan drug tu dbus su dgod// sngags kyi lhad du yul che ge mo zhes bya ba bri// sngags kyi 'og tu pra rta ma ra ya bya ba bri// sngags dag 'khor lo snag tsha ni// zhi ba bri ba bdag dang 'thun// mchod rten dkar po zlum po gcig/ byas te nang du 'khor lo gzhug/ yul gyi dbus kyi khang thog tu// bzhag ste bzlas na pra rta mi 'ong ngo// bzlas pa byed pa'i dus tsam na// rnal 'byor kha ni byang dang shar// bltas te bzlas pa 'bad par bya// ser ba'i rkyen gyis ser ba thub nges// las dang lo thog la zab yi// 'di gnyis rkyen ser bzlog par bya// phyag cha lnga la yang hUM gis bslab par bya// rdo rje nag po hUM gi sgra// de las 'byung ste rdo rje'i rnga// de las gyur ba skad cig gis// sna tshogs rdo rje'i bla red gyur// nam mkha' khyab par kun tu bsam// rnga de dag la bzlas te brdung// rnga yi skad kyis thog ser 'bebs// 'bab pa rangs pa rbad kyis 'chad// de lta sgra yi bye brag rnams// yod tshad brdung dkrol ser ba dbab// de ni bsrung ba dag tu gsungs// bsrung pa'i rdzas su nyungs kar dang// dbab pa'i rdzas su snying sna khrag sna dang/ sha sna lo thog gangs kyi chu// nyungs nag dag dang bya bar shis// 'jam dpal par du nag po yi// las thabs bya lugs bstan pa la// maN+Dal khru gang zur gsum ba// de yi steng du par bu kha sbub la// 'og tu hom khung zur gsum brko// de yi kha ni sbar bus dbab// nang du ming rus bris pa gzhug/ bar du bya bar rabs chad kyi// be mo gar rnyed thod par gzhug/ rang gi za ba'i snod kyang bya// mang du btsal te spyad par bya// de min thod pa gar rnyed pa// maN+Dal zur du khyi thod gsum// zur gsum dag la dgod par bya// de yi nang du yang ming rus gzhug/ sbar bu dag la nyungs kar brab// yi dam lha ru gshin rje bsgom// thugs khar ma hA de ba bsgom// des las mkhan bya bar gsungs// 'brub khung nang du dgra bo yod par bsam// dgra bo dgug sngags 'di lta ste// dang la a kro lha bsnyen gdon// de nas ngan sngags spu gri bzla bar bya// oM shaM oM shaM/ hUM traM tri mA ra ya phaT/ thuM thuM khro shaM swAhA/ hUM hUM ha ha// he he ma ra na swAhA/ ha hu khri swAhA/ oM shaM shaM swAhA/ sha sha shu shu/ ra ra ru ru mA ra ya phaT/ a gad tse A gad tse ma ra ya hUM phaT swA hA/ shi khraM shi khraM sa ha ra na mA ra ya hUM phaT/ haM haM hang hang dgra bo ma ra ya hUM phaT swA hA/ ha thuM huM thuM trang hri mA ra ya hUM phaT swA hA/ hUM hUM hri hri ya traM ma ra na sba hUM phaT swA hA/ oM shang hUM trang ha oM swAhA/ ha li hu li ma ra na swAhA/ hUM sha hUM ljang ha hUM khraM swAhA/ skor ba phyin phyogs dag tu bya// sgrub pa zhag ni gsum du bya// de nas ming yang khyi yang nang du gzhug/ brag rtsa 'am mchod rten rnying pa'i sa ru gnan// chu mig ngams gnag shing gcig gam// gad pa nag po rtsa zhabs bsam// lha 'dre 'grul srang sogs gnan// des kyang ma grub zhag gsum bya// des kyang ma grub zhag dgur bya// gnan pa snga ma bzhin du bya// zhag dgu lon nas bar bu rtags rnams 'byung// sngags pa rang nyid khrus nas gdon// lus bsrung lha bsnyen tshad du bya// bstan pa bsrung ba'i don ched du// 'jam dpal bar bu ngan sngags 'di// shin tu khyad par 'phags pa yi// man ngag gser thar bar bu 'di// bstan pa bsrung ba'i don du bstan// 'jam dpal zla gsang nag po'i rgyud las// ngan sngags kyi bar/ bse sgrom kha dbye ba'i le'u ste gya bdun pa'o//// 'khor rnams kyis ston pa la phyag 'tshal mchod pa phul te// bskor ba lan stong du byas te/ gsol ba btab ste/ e ma ho// ston pa lags/ khyed kyis gsungs pa'i tan tra 'di/ dbu zhabs kyi don ril bdag la bka' stsal pa sku drin che'o// ngo mtshar lags so// rjes su yi rang lags so// spyi bor bskur bar bgyi'o// bsnyen bkur dang bsti stang du bgyid do// yid la bcang zhing bklag par bgyi// bri bar bgyi/ mchod par bgyid do// ho ho hi/ tan tra 'di yi don ston pa chen po lags gang la gdams par bgyi// gang la gtad par bgyi/ gang du bsgrags par 'gyur// 'di yi bdag po ni gang gis bgyi// dus ni ji tsam na 'byung ba lags// gnas ni gang du bzhugs pa lags// 'khor ni gang la ston pa lags// mtshan ni ji ltar gdags par bgyi/ ston pa lags bdag cag 'khor rnams la bka' stsal par gsol// zhes gsol ba btab bo// ston pa ting nge 'dzin las bzhengs te/ bka' stsal pa/ nyon cig 'jam dpal rnon po la sogs 'khor// dad par gyis la rjes su 'brang// da yang gdams kyis ma yengs par// dbang po yan par ma gtang bar// shin tu dang bas nyan par gyis// shin tu dad pas nyan par bgyis// dang pa'i 'khor la bshad par gyis// gang la gdams na 'khor gyi dang po khyod la gdams// gang la gtad na sdud pa po rdo rje rnon po khyod la gtad// gang du gtad na me ri 'bar ba'i gnas su gtad// gang du sgrogs par 'gyur na// mi yul 'di ru bsgrags par bgyi// 'di yi bdag po ston pa 'jam dpal gyis bgyi/ dus ni da ltar 'byung/ des kyang dus gsum du 'byung ngo zhes// gnas ni 'dzam bu gling 'dir bzhugs so// 'khor ni sngar gyi zhi khro dang// da lta mos pa'i 'khor la ston// mtshan ni zla gsang nag po'i rgyud// man ngag sgrub thabs rgyud ces bya// ma mos pa dang dad pa med// dam nyams dam log dpe 'khyud byed// bka' slu dpe rkun zag sog can// byil ma nor chung g.yo sgyu can// ma 'dres 'phyar pa ya ga 'dogs// dbang dang rim pa ma byas par// tho chor byed cing zin par khyer// dam rdzas man ngag mang sar ngom la dga'// zab mo khrag tshongs byed pa'i mi// med mthong ma thos rdzun du smra// med par yo la yod zer ba// pha rol nor rdzas thabs kyis 'dru// rang bstod bla ma dam pa smod// thob tu 'dod na ci btub byed// gdon med grong du bsnyen pa byed// dam rdzas gnyan po gong du ston// rnga sgra dril sgra grong du bsgrogs// dmar dong dmar po glo la 'dogs// gtor ma stegs med khyi gseb 'thor// grong du mkha' 'gro gtor ma skyong// shing 'phreng gog po glo ga 'dogs// rnam 'byor spyi yi rkang 'dren yin// bla ma slon dpon spun grogs la// tshig rtsub 'byin zhing brdzun du smra// 'jig rten 'di ru sdug bsngal 'tshed// bsgrub pa thams cad don med 'gyur// rang la med par ngom mthu byed// rtags med kha skad sna tshogs smra// lung tshig thar thor blo la gzung// bla ma'i gdams ngag ma nos par// dbang rim tshul bzhin ma byas par// bya ru mi rung sna tshogs byed// grong du lha 'dre chen po 'dul// srid ba'i lha 'dre gnyen po la// phud 'thor bden pa brdar ba tshugs// tshul 'chol mi nag rmongs pa 'dul// gdeng med gnas khang srung ba tshugs// 'phreng ba bgrang zhing zhib pa skad// mda' tshad khur zhing phod ka ring// zha chen gon zhing 'jol ber che// 'gying zhing gong ma mi 'khur ba// sna la gral gyi co la 'phyong// bden pa med par che dag smra// grub pa med par 'dul thabs smra// gzugs 'dzin med cing che ba smra// rang shes med par pha rol smod// slob dpon med par slob bu ris// sgom rgyu med par sgom tshul ston// rang la mi phan mkhas pa smod// mi mchongs pa ru chags dpon byed// man ngag mnyan pa ma byas par// rmongs pa'i gang zag dag la 'chad// kye ma sems can snying re rje// 'di lta bu yi gang zag la// mang ngag gsang ba'i tan tra 'di// mthong zhing thos pa mi bya'o// 'di bstan dmyal bar mi thar bzhin// rdo rje dmyal bar ltung bar nges// 'di la rgyud 'di bstan mi bya// shin tu yid la gcags par bya// shin tu mi bsgrags rgya yes btab// 'o na gdams shing bstan pa'i snod// shes rab rnam gsum rab sbyangs pas// bla ma slob dpon dam pa la// dkar ba chen du byas pa'i mi// dpar rim phyag ni yun du byas// yun du rjes su be bzhin 'brangs// bla ma'i rig pa rim bzhin 'khur// nor dang zas dang 'khor rnams kyis// rtag tu 'khur zhing bla ma bsten// bka' mi gcog cing bu bzhin byed// shin tu snying nye chags pa med// zab mo 'di zhing snod ldan 'dam// sgrub la brtson zhing dgon par 'dug/ 'du 'dzi spangs te chos spyod byed// sngaun du 'gro ba rgyun mi 'chad// dam rdzas lnga dang mi 'bral bar// rigs 'dzin gdung zhing dngos grub spel// mnos pa'i don ni gdon mi za// dam can thams cad grib ma bzhin// 'khor lo 'khor zhing 'dod pa 'grub// dus btab dus su char ltar 'bab// skul ba'i dus su glog ltar mgyogs// byin rlabs 'dod pa zhar la 'ong// zar ma legs pa'i 'bras bu 'dra// de phyir rka ba sngon la 'byung// tshul bzhin byas pas 'bras bu 'byung// des na gnas khang dben pa srung// sgom sgrub chos spyod nar mar byas// dam tshig gzhung srong sku tshe ring// 'dod pa rin chen gter bzhin 'byung// de yi byin rlabs brjod mi lang// de phyir bla ma dam par bskur// de ltar byas pas don rnams 'grub// blon po mi chos dor ba bya// dor bas rin chen gter dang 'phrad// de lta bu yi snod ldan la// tan tra zla gsang nag po'i rgyud// gtad kyis snying gi dkyil du phul// snod dang ldan la 'di sgrogs la// mi nub rgyal mtshan bya bar thogs// snod med dam med ma bsgrags shig/ rdo rje dmyal bar skye bar nges// mos 'dul rna mas la rgyun du sgrogs// shog cig ston cig sdud pa po// dpal ldan 'phags pa 'jam dpal la// 'khor gyi dang po rdo rje rnon po yis// ma 'ongs sems can dad pa la// gsol ba btab nas zhus pa'o// 'jam dpal gshin rje zla gsang gi man ngag yig chung sgrub thabs kyi rgyud du bshad pa'i man ngag gi// rgyud du grags pa// tan tra gtad pa'i le'u ste gya brgyad pa'o// rgyud 'di gnyis su bzhugs pa yin// 'di ni man ngag rgyud du gsungs// shin tu dkon pa'i mi rabs bzhi// khams nas dur nas drangs pa yin// sku 'gyur sum pas gnang ba lags// rgyud kyi zla gsang bya ba lags// le'u brgyad cu rtsa brgyad pa// kun la yod na ngo mchar chung// rgyud kyi kha byanganangan 'dug pa yi// rgyud ces bya ba 'di la zer// spel bar ma gsungs gter du sba// 'khyags sgur rgab las byas pa yin// i tu/ a khro////

CLOSE WINDOW