CLOSE WINDOW

Gpb040.001
བོད་ཡིག

rgyud kyi rgyal po chen po sgyu 'phrul dra ba zhes bya ba bzhugs so// rgya gar skad du/ mA yA dzA la mahA tan tra ra dzo mahA ya na g+ha ya b+hi ran ya gu h+ya par ma ra ha s+ya nA ma/ bod skad du/ rgyud kyi rgyal po chen po sgyu 'phrul dra ba/ theg pa chen po'i yang chen po'i tshul zab mo gsang ba'i mchog ces bya ba/ dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das gnas gtsang ma'i steng na/ khang pa brtsegs pa'i gzhal med khang chen po bkod pa/ rdo rje'i ka bas brgyan pa/ shin tu mdzes pa'i rin po che bkod pa rnam par bkra ba/ rdo rje dang dril bu 'khrol ba/ yid las byung ba'i mchod pa'i khyed par chen pos brgyan pa/ rdo rje 'khor los spras pa/ de bzhin gshegs pa'i sprul pa'i cha byad sna tshogs 'chang ba rnams kyis don gyi bya ba byas pa/ rnam par snang mdzad kyi snying po las yang dag par 'byung ba sna tshogs dang/ rdo rje dang/ rin po che chen po dang/ 'od dpag med kyi spyod pa bskyod nas/ sgo bzhi'i go skabs nas byung ba/ byang chub sems dpa' chen po'i tshogs dang/ rig pa'i lha mo rnams kyis brgyan pa/ khro bo'i rgyal po dang/ bran dang/ bran mo dang/ pho nya dang/ pho nya mo dang/ phyag brnyan dang/ phyag brnyan ma du ma'i 'khor gyis bskor cing/ mdun gyis bltas pas// ting nge 'dzin gyi ye shes kyi bde ba de'i bdag nyid la dmigs pa dang ma bral ba/ thugs rje chen pos mnyes gshin pa/ sems can thams cad bskul ba la brtson pa mdzad pa/ lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci la sogs pa mang pos brgyan pa ni/ bcom ldan 'das rnam par snang mdzad chen po rdo rje'i de bzhin gshegs pa bzhugs so// de nas de'i tshe bcom ldan 'das 'khor gyi dbus na/ byang chub sems dpa' sems dpa' chen po phyag na rdo rje la gzigs nas 'dzum pa mdzad do// 'dzum pa mdzad pa snang bar gyur ma thag tu/ byang chub sems dpa' sems dpa' chen po phyag na rdo rjes blo gos phrag pa gcig tu gzar te/ 'gying bag can du bltas nas rdo rje gsod te/ pus mo g.yas pa'i lha nga sa la btsugs nas lag pa thal mo sbyar te/ bcom ldan 'das la phyag 'tshal nas gsol pa/ sangs rgyas bcom ldan 'das rnams ni dgongs pa ma mchis par 'dzum pa mi mdzad na/ bcom ldan 'das kyis dgongs pa gang gi slad du gzigs pa dang 'dzum pa mdzad/ des na bdag dang 'khor rnams ngo mtshar du gyur lags na/ de'i slad du bcom ldan 'das kyis seng ge chen po'i sgra dbyangs kyis bka' stsal du gsol/ de nas byang chub sems dpa' sems dpa' chen po phyag na rdo rjes gsol ba btab ma thag tu/ bcom ldan 'das kyis rgyud kyi rgyal po chen po sgyu 'phrul gyi dra ba/ ye shes chen pos rnam par bsgyings pa/ rgyud thams cad kyi phyi ma'i yang phyi ma'i thabs bde ba/ rdo rje'i ye shes bsgrub pa/ rol pas mnyes bar bya ba'i thabs/ de kho na nyid thams cad kyi 'byung gnas/ stangs thabs kyis rnam par rgyal ba'i thabs dang shes rab chen po rdo rjes bsgol ba rol pas bzhad cing bsgyings pa zhes bya ba'i ting nge 'dzin la snyoms par zhugs nas/ sgyu 'phrul gyi dra ba'i rgyud kyi dam tshig dang/ dkyil 'khor dang/ ri mo'i gzugs dang/ bsgom pa dang/ bzlas brjod dang/ stangs thabs dang/ sbyor ba dgod pa dang/ ting nge 'dzin dang/ bskrad pa dang/ dgrog pa dang/ bcing ba dang/ brdeg pa dang/ bsdig pa dang/ nyam thag par bya ba dang/ bcad pa dang/ bsreg pa dang/ skam pa dang/ bskrun pa dang/ dbang bskur ba sbyin pa dang/ slob dpon dang slob ma yongs su gzung ba dang/ gsang sngags mang po'i rdzogs tshul rnams ngas bshad par bya/ de'i phyir thams cad kyis ting nge 'dzin mchog la snyoms par zhugs la de nyon cig/ de nas de bzhin gshegs pa de dag thams cad dang/ byang chub sems dpa' thams cad dang/ gzhan yang gang dag 'khor du 'dus pa de dag thams cad kyis/ chos kyis 'brel ba'i gtan mnyan par brtsams so// de la re zhig dang po dngos grub ni/ slob dpon gyi rjes su 'brang ba yin pas/ slob dpon med par gyur na ni// dngos grub thob par mi 'gyur bas// slob dpon mtshan nyid bshad par bya// ye shes snying po khyod nyon cig/ brtan zhing dul la blau gros ldan// bzod ldan drang zhing g.yo sgyu med// gsang sngags rgyud kyi sbyor shes pas// dkyil 'khor bri ba'i las bya'o// de nyid bcu ni yongs shes shing// sems can kun la mi 'jigs sbyin// theg pa che la brtag dka' ba// de ni slob dpon yin par gsungs// phyi rol bstan chos ye shes dang// nyan thos rnams kyi lam 'gro dang// gsang ba de nyid bsdu ba dang// theg pa chen po mi shes pa// snying rje yod pa ma yin dang// dad pa med dang brtson 'grus mi ldan la// rtag tu ngan pa'i tshul spyod dang// bstan bcos rnams la smod pa min// gong du bstan pa'i mtshan nyid dang// ldan pa slob dpon yin par gzung// de yis dkyil 'khor bri ba dang// de nyid kyis ni rgyud rnams bstan// de yis bstan pa'i gsang sngags dag/ 'grub 'gyur 'di la the tshom med// dge dang sgom la dga' ba dang// rtag tu bla ma la gus dang// rgyun du lha rnams mchod byed pa'i// yon tan bde ldan slob ma yin// slob dpon ji 'dra lta zhe na// bla ma sangs rgyas kun dang mnyam// de ni rtag tu rdo rje 'chang// de bzhin gshegs pa rin chen tog/ de ni ye shes rgya mtsho che// yid bzhin nor bu rin chen sbyin// slob dpon gyi ni yon tan gzung// skyon rnams kyang ni ma yin no// yon tan gzung bas dngos grub cing// skyon rnams kyis ni dngos grub nyams// de yi grib ma mi 'gom ste// mchod rten bshig dang 'dra bar gsungs// rgyu dang mi rgyu gsang ba yi// dam pa thams cad spangs par 'gyur// slob dpon smod par byed pa dag/ rmi lam du yang mthong mi bya// slob dpon smod pa gang yin te// bgegs dang log 'dren rnams kyis gzung// ngan pa gtum po'i las byed pa// mkhas pas rtag tu spang bar bya// mnar med shin tu skyi g.ya' ba'i// dmyal ba bstan pa gang yin pa// der ni slob dpon smod byed pa// gnas par 'gyur zhes rab tu gsungs// de phyir kun gyis rab bsgrims te// bsam yas 'bras bu smin byed pa// sangs rgyas 'bras bu 'dod pa yi// sems can dad pas de mchod cig/ rgyud kyi rgyal po chen po sgyu 'phrul gyi dra ba las/ 'jug pa'i rim par phye ba ste dang po'o//// de nas bcom ldan 'das rnam par snang mdzad chen pos rdo rje'i de bzhin gshegs pas/ thams cad dang ldan pa'i 'khor gyi dkyil 'khor la gzigs nas/ sgyu 'phrul chen po'i ye shes dgyings pa// gsang ba'i byin gyis brlabs kyi mchog rdo rje zhes bya ba'i ting nge 'dzin la snyoms par zhugs so// snyoms par zhugs nas kyang rdo rje 'chang la bka' stsal pa/ phyag na rdo rje rgyud kyi rgyal po chen po sgyu 'phrul dra ba'i dkyil 'khor gyi rgyal po chen po/ dkyil 'khor thams cad kyi phyi ma'i yang phyi ma/ ye shes chen po'i snying po 'bar ba/ rdo rje'i bsnyen bkur byed pa zhes bya ba'i dkyil 'khor 'dir dbang bskur na/ dkyil 'khor thams cad du dbang bskur bar 'gyur ba/ phyag na rdo rje sems dpa' gang la las mtshon cing mthong ba dag kyang/ de bzhin gshegs pa thams cad phyag byas pa dang/ mchod pa byas par 'gyur/ gang dag zhugs pa de dag ni de bzhin gshegs pa'i sangs rgyas kyi zhing du sangs rgyas nyid kyi grangs su 'gro bar 'gyur pa de nyon cig/ dang po kho nar sa yongs su gzung par bya ste/ slob dpon gyis lha nyid kyi stang stabs su 'dug la/ lag pa g.yas pas bsgrims te rdo rje gsor zhing/ lag pa g.yon pas dril bu gsil nas/ rdo rje'i 'gros kyis dkyil 'khor gyi sa brjid bag dang bcas pas yongs su bskor bar bya'o// rgyan rnams kun gyis rab brgyan la// khro bo nga rgyal hUM brjod cing/ sdang ba'i lha dang lha ma yin// gsang bar bcas pas bskrad par bgyi// khro bo'i sku ni bsgoms nas su// tshig 'di rab tu brjod par bya// slob dpon ming 'di zhes bya bas/ slob ma che ge mo zhig gis rdzogs pa'i byang chub thob par bya ba dang/ sems can thams cad bla na med pa'i ye shes thob par bya ba'i phyir/ sa phyogs 'dir dkyil 'khor gyi rgyal po ming 'di zhes bya ba 'bri yis/ lha dang/ lha ma yin dang/ gnod sbyin dang/ srin po dang/ yi dwags dang/ sha za dang/ brjed byed dang/ 'byung po dang/ mkha' 'gro ma dang/ gnon po dang/ nam mkha' lding dang/ mi'am ci dang/ rig sngags grub pa rgad po dang rgan mo g.yog dang 'khor du bcas pa gang dag 'khod pa rnams dengs shig/ 'di ltar rdo rje 'chang gi bka' thos nas myur ba nyid du dengs shig/ gang dag mi 'gro ba de dag ni/ phyag na rdo rje hUM zhes bya ba rab tu bos pa'i bzhin 'bar ba can gyis/ ye shes kyi rdo rje chen po rab tu 'bar bas mgo tshal pa brgyar 'gems par 'gyur ro// zhes lan gsum brjod nas stang stabs la gnas bzhin du/ sa gzhi rdo rje'i rang bzhin du byin gyis brlab par bya'o// g.yas brkyang dang/ g.yon brkyang dang/ seng ge'i 'dug stangs dang/ zlum po'i 'dug stangs dang/ mthun pa'i rkang stabs dang/ rus sbal gyi rkang stabs dang/ rdo rje brdeg pa dang/ rdo rje 'jo tshul dang/ rkang pa gcig gi stangs dang/ bung ba'i 'phur stangs dang/ seng ge'i stabs dang/ seng ge'i glal ba dang/ rdo rje sgrogs dang/ rdo rje gsor ba dang/ rdo rje'i ltang stabs dang/ rdo rje'i gar dang/ rdo rje'i 'jigs su rung ba dang/ rdo rje ro langs ma dang/ rdo rje tho ba dang/ sgo bzhi byin gyis brlabs dang/ rdo rje gdu bu dang/ bud med kyi sgyu 'phrul gyi stang stabs dang/ rdo rje dral pa dang/ rdo rje stobs po che brdeg pa dang/ rdo rje'i mche ba dang/ rdo rje gad mo dang/ rdo rje sgra dang/ ral gri'i thabs dang/ rdo rje'i thabs dang/ 'khor lo'i thabs dang/ gtun shing gi thabs dang/ ba dan gyi thabs dang/ zhags pa'i thabs dang/ pad+ma'i tshul dang/ be con gyi thabs dang/ mi 'jigs pa'i tshul dang/ lcags kyu'i thabs dang/ 'bras bu'i tshul dang/ mdung gi thabs dang/ gzhu'i thabs dang/ mda' gzung ba'i thabs dang/ mda' 'phang ba'i thabs dang/ thag mdung bskor ba'i thabs dang/ mchog sbyin pa'i tshul dang/ mdung thung gi tshul dang/ mtshon rtse gcig pa'i thabs dang/ phyag 'tshal ba'i tshul dang/ rdo rje 'dug stangs dang/ bsam gtan gyi tshul dang/ rdo rje skyil mo krung dang/ pad+ma'i 'dug stangs dang/ sems dpa'i skyil mo krung dang/ dpa' bo'i 'dug stangs dang/ bzang po'i 'dug stangs dang/ tsog bu'i 'dug stangs dang/ brtse ba'i stangs thabs dang/ mdun du snur ba dang/ phyir dged pa dang/ mtha' yas dang/ rnam par rgyal ba dang/ sprin sgra dang/ gsus po che dang/ rgyal pa'i phur bus gnas lnga bcing ba dang/ phur bu brdung ba dang/ dra bas mtshams bcad pa dang/ phyogs bcing ba de lta bus sa gzhi rdo rje'i rang bzhin 'od 'bar bas 'khrigs par bsgoms te gtan la dbab par bya'o// rang gi ming nas smos te/ hUM zhes bya ba'i gsang sngags kyi sgra 'di brjod na/ 'khor lo thams cad kyi bla na med par 'gyur/ de nas sa'i lha mo sta gon du gnas par bya ste/ skyob pa sangs rgyas thams cad kyi// spyod pa'i tshul gyi khyad par dang// sa dang pha rol phyin pa la// lha mo khyod ni dpang du gyur// dngos 'grub thams cad thob bya'i phyir// bdag gis dkyil 'khor bri bar bya// zhes lan gsum brjod do// de nas sangs rgyas dang byang chub sems dpa' thams cad sta gon du gnas pa ste/ thugs brtse phan pa'i dgongs pa can// sangs rgyas bdag la dgongs su gsol// sras dang thabs cig gshegs nas su// sa gzhi yongs su gzung bar mdzod// de nas 'khor lo'i dbus su spos kyi dkyil 'khor byas la/ mtha' kun tu yang mtshan nas smos te dkyil 'khor bya'o// de nas spyan drangs te mchod pas mnyes par byas nas phyir phyung ste phyogs kyi gtor ma sbyin no// de nas sems can sta gon du gnas par bya ste/ spos chus spyi bor bsang gtor byas nas/ lag pas snying khar byas nas su// rtse mo lnga pa rgya gram bya// g.yas la srung sad bcings nas su// lag mthil so shing ku sha sbyin// de nas 'dug ste gsum la skyabs su btang ba dang// sdig pa bshags pa dang/ bsod nams la rjes su yi rang ba dang/ bdag nyid dbul ba dang/ byang chub tu sems bskyed par bya'o// de la 'di ni skyabs su 'gro ba yin te/ dkon mchog gsum la skyabs su mchi// sdig pa thams cad bshags par bgyi// 'gro ba'i dge la yi rang ste// sangs rgyas byang chub yid kyis gzung// zhes lan gsum brjod do// de nas ci nus kyis ci 'dod pa'i chos bshad par bya'o// sngar bstan pa'i stangs thabs kyis/ mchod pa'i cho ga bya ba dang// rjes su dgyes pa legs byas la// de nas nang zhugs slar gshegs gsol/ de nas nang du zhugs la dkyil 'khor gyi sa gzhir glo g.yas pas nyan te// rmi lam bzang ngan bltas nas// phyi nyin dkyil 'khor bri bar bya'o// tshon dang thig la sangs rgyas rigs lnga'i ngo bo dag kyang sprul par bya// 'di ni chos dbyings dag pa ste// sems can khams ni rnam grol mdzad// de bzhin gshegs pa kun gyi gnas// rnam snang mdzad rgyal bdag byas te// nyes pa thams cad spangs pa yi// tshon rtsi dgye ba brtsam par bya// dang po slob dpon nyid kyis dgye// de nas slob mas kun tu bya// dang po sa gzhi yongs su bzung// gnyis pa sta gon gnas pa ste// nub gsum pa ni 'jug pa yin// tshon sna lnga pa'i srad bu yis/ khru stong ngam ni lnga brgya par// dkyil 'khor dam pa thig gdab bo// yang na khru lnga'am khru do pa// khru gang ba yi bar du bya// gru bzhi pa la sgo bzhi pa// rta babs bzhis ni brgyan pa yi// dbus su 'khor lo legs par bri// dkyil 'khor du rnam par snang mdzad gzhag/ shar phyogs su ni mi 'khrugs pa// lho phyogs su ni rin chen 'byung// nub phyogs su ni 'od dpag med// byang phyogs don yod rdo rje'o// 'khor lo'i grwa bzhir lha mo bzhi// dngos grub sbyin par mdzad pa bri// dbang bdag gi phyogs su ni spyan ma'o// me'i phyogs su mI ma ki'o// bden bral gyi phyogs ni gos dkar can no// rlung gi phyogs su ni lha mo sgrol ma'o// rdo rje shugs kyis phyir phyung nas// rim pa gnyis pa la/ shar phyogs su rdo rje sems ma/ lhor rdo rje rin chen ma/ nub tu rdo rje chos ma/ byang du rdo rje las ma rnams bri'o// grwa rnams su skul byed ma dang/ rin chen sgrol ma dang/ khro gnyer can dang/ rdo rje lu gu rgyud rnams so// de nas yang 'gyi bag tu langs te/ rdo rje shugs kyis phyir phyung nas/ rim pa gsum pa la/ shar phyogs su byang chub sems dpa' byams pa dang/ 'jam dpal dang/ spos kyi glang po dang/ ye shes tog rnams bri'o// lho phyogs su bzang skyong dang/ blo gros rgya mtsho dang/ blo gros mi zad pa dang/ spobs pa brtsegs rnams bri'o// nub phyogs su mthu chen thob pa dang/ ngan song thams cad spong ba dang// mya ngan gyi mun pa thams cad nges par 'joms pa'i blo gros dang// dra ba can gyi 'od rnams bri'o// byang phyogs su zla 'od dang// 'od dpag med dang// nam mkha' mdzod dang/ sgrib pa thams cad rnam par sel ba rnams bri'o// shar sgor ni gshin rje gshed byed do// lho sgo ni shes rab mthar byed do// nub sgor ni pad+ma mthar byed do// byang sgor ni bgegs kyi gshed byed do// grwa rnams su mi g.yo ba dang// 'dod pa'i rgyal po dang// be con sngon pa dang// stobs po che'o// zur rnams su rdo rje bri'o// sgo'i gong 'og tu yang rdo rje bri'o// 'khor lo'i tshon rtsi dkar pos bri'o// gnyis pa ni tshon rtsi dkar po dang/ ser po dang/ sngon po gsum gyis bri'o// gsum pa ni tshon sna lngas bri bar bya ste/ de lta bu'i dkyil 'khor chen po yin no// de nas dbang bskur don du dkyil 'khor gru bzhi pa sgo bzhi dang ldan pa rim pa gnyis par bya'o// dbus su ni pad+ma 'dab ma brgyad pa snying po dang bcas pa bri'o// snam bu gnyis pa la/ shar phyogs su rdo rje/ lho phyogs su rin po che/ nub phyogs su pad+ma/ byang phyogs su ral gri ste/ de lta bu'i dkyil 'khor bri bar bya'o// de nas slob dpon gyis lus legs par bkrus te/ spos kyis bkrus nas/ legs par bdugs pa'i me tog gi 'phreng ba mgo la bcings te/ mgul ba ras kyis bcings pa la// ldum bu yis ni kha bkab pa// rin chen sman 'bru sna lnga dang/ spos chu yis ni bkang ba yi// bum pa mngon par bsngags par bya// rnam rgyal bum pa'i dkyil 'khor gyi// bdag po lha mo rnams kyi gzhi// lha rnams kun gyi bum pa bzhi// sgo yi phyogs kyi bum pa ni// las kun byed par bzlas brjod de// sems can kun la bsang gtor bya// yang na ku sha'i chun po bya// de nas bum pa mngon par bsngags te/ lha bshos dang gtor ma phul nas/ me tog dang/ bdug pa dang/ dri dang/ 'phreng pa dang/ mchod yon dang/ zhabs bkru ba la sogs pa dbul lo// de dag phul nas bum pa rnams grwar gzhag par bya'o// rnam par rgyal ba'i bum pa ni dbus su spyan drang bar bya'o// de bzhin gshegs pa la sogs pa dkyil 'khor gyi lha'i 'khor rnams/ rdo rje lcags kyu 'bar bas spyan drangs nas bsal ba dang/ gzhug pa dang/ bsdam pa dang/ dbang du byas te/ phur bu dang/ ra ba dang/ dra bas phyogs bcing ba dang/ mtshams bcad pa byas la/ mchod yon dang/ zhal bsil dang/ gdan dang/ me tog dang/ bdug pa la sogs pa yang dngos su phul nas/ phyag rgya'i tshogs rnams rang rang la bstan par bya'o// bstod pa dang/ rdo rje'i glu dang/ dril bu gsil ba'i sgra dang/ sil snyan dang/ gling bu dang/ rgyud kyi sgra'i khyad par yang dbul lo// rol mo'i khyad par gzhan rnams kyis kyang bstod par bya'o// bstod nas bzod pa gsol te/ dngos grub thams cad kyi phyir gsol ba gdab bo// de nas slob dpon bdag nyid la zhugs te/ de'i 'og tu slob ma gzhug go/ de nas sems can thams cad dang/ snying po 'di dang/ phyag rgyas gnas lnga bsrung zhing cho ga yang bya'o// dzi na dzig/ rad na d+h+rig/ a ro lig/ badzra d+h+rig/ de nas tshigs su bcad pa 'dis gzhug par bya ste/ rdo rje ye shes thob byed pa'i// de bzhin gshegs pa thams cad kyi// pho brang dkyil 'khor snying po 'dir// bdag gis slob ma gzhug par bgyi// rdo rje sems mas me tog 'thor bar bya ste/ pra tits+tsha badzra ho/ tshigs su bcad pa 'dis gdong g.yog dgrol lo// de ring dad pa'i shugs kyis ni// dkyil 'khor deng 'dir blta bar bgyi// sangs rgyas gdung gi rigs su 'khrungs// sngags dang phyag rgyas byin gyis brlabs// dngos grub thams cad phun sum tshogs// dam tshig mchog tu 'gyur bar byed// pa sha badzra/ gang la me tog bab pa de ni de'i lha yin no// de nas dbang bskur sbyin bya ste// dri dang me tog 'phreng bas brgyan// gos dang rgyan gyis legs par mchod// steng du bla re bri bar bya// gdugs dang rgyal mtshan ba dan dang// lham dang tshangs pa'i skud pa dang// gdu bu dag dang ska rags dang// bkra shis yo byad rnams kyis klubs// slob ma sdig rnams bral ba dang// slob dpon gyis ni dbang bskur ro// dang po rnam rgyal bum pa yis// de nas lha mo bzhi rnams dang// lha rnams kun gyi bzhi po yis// bkra shis tshigs bcad glu sgra dang// rdo rje dril bu gsil ba yis// skyob pa kun gyis mngon sum du// til gyi gang bu bzhin gang ba'i// rgyal bas bum pa bzung nas ni// de nyid la ni dbang bskur bar// dkyil 'khor de nyid rig par bsam// de lta bu'i ni bsams nas kyang// chos kyi mtshan nyid bstan par bya// thur ma me long 'khor lo dang// dung dang rdo rje glegs bam dang// gser dag dang ni dngul rnams kyis// mi shes rab rib la sogs pa// ci nus par ni gsal bar bya// thur ma la sogs ma rnyed na// phyag rgya'i gzugs rnams bstan par bya// de nas dam tshig bstan par bya// de ring phyin chad bu khyod kyis// srog dang rus pa la bab kyang// dam pa'i chos dang byang chub sems// slob dpon la ni brnyas mi bya// rdo rje spun rnams bkur sti zhing// sdang la byams dang chags bral dang// nams kyang bya ba ma yin no// de ltar byas na sangs rgyas kyis// khyod ni dmyal me'i nang du 'dor// de nas bla mas yon blangs te// sa dang yid 'ong chung ma dang// rin chen gser dang nor bu 'bar// mu tig byu ru la sogs dang// lus kyang 'bul du gzhug par bya// bla ma la ni gus pa yi// slob mas de bzhin kho nar bya// bla ma de bzhin mgu bar bya// bla ma mgu bas dngos grub kyi// gzhan du min zhes thub pas gsungs// de nas slob ma slar steng sangs rgyas thams cad kyi spyan sngar mchod pa byas te/ sbyin sreg gi las bya'o// de nas cho ga mthong bas las byas nas// sbyin sreg bzlas brjod mchod pa dang// de bzhin bsgom pa'i rim pa'i tshul// zhi dang rgyas pa'i rim pa yis// lha rnams thams cad tshim par byed// de nas dus gsum gshegs pa yi// rgyal ba thams cad gshegs su gsol// bsgroms te tshon rtsi rnams bsdus nas// chu klung chen por bkur ba dang// ba yi lci bas byug par bya// dkyil 'khor gyi ni yo byad kun// slob dpon nyid kyis bkur bar bya// slob mas cung zad mi bkur te// de ni dam tshigs nyams par 'gyur// slob dpon gyis kyang ci rigs par// bdag nyid 'dod pa spyod par bya// rgyud kyi rgyal po chen po sgyu 'phrul gyi dra ba las/ dkyil 'khor rim par phye ba'i le'u ste gnyis pa'o//// de nas bcom ldan 'das rnam par snang mdzad chen pos rdo rje'i de bzhin gshegs pas yang gsang sngags kyi 'khor lo la 'jug pa'i rdo rje zhes bya ba'i ting nge 'dzin la snyoms par zhugs so// snyoms par zhugs nas phyag na rdo rje la bka' stsal pa/ phyag na rdo rje gsang sngags kyi snying po'i yi ge rnams nyon cig/ phyag na rdo rjes gsol ba// sems can thams cad la sman pa'i slad du/ bcom ldan 'das kyis bshad du gsol/ bde bar gshegs pas bshad du gsol/ oM a/ rnam par snang mdzad do// oM hUM/ mi 'khrugs pa'o// oM traM/ rin chen 'byung gnas so// oM hri/ 'od dpag med do// oM khaM/ don yod grub pa'o// oM ga ga na lo tsa na/ spyan ma'o// oM ki ri ki ri mA ma ki hUM/ mA ma ki'o// oM ka te bi ka te/ ka te ka te swAhA/ gos dkar mo'o// oM tA re tud tA re tu re swAhA/ sgrol ma'o// oM sad twa badzri hUM/ rdo rje sems ma'o// oM rad na badzri hUM/ rdo rje rin chen ma'o// oM d+harma badzri hUM/ rdo rje chos ma'o// oM karma badzri hUM/ rdo rje las ma'o// oM tsa le tsu le tsu nA d+he swAhA/ skul byed ma'o// oM rad na li ka rid na tsa li ni swAhA/ rin chen sgrol ma'o// oM b+h+ri ku ti bring/ khro gnyer ma'o// oM badzra shring kha le hUM phaT swAhA/ rdo rje lu gu rgyud do// oM mai tri/ byams pa'o// oM mu/ 'jam dpal lo// oM sa man ta b+ha dre hUM/ kun tu bzang po'o// oM gan d+ha ha ti ni hUM/ spos kyi glang po che'o// oM dz+nyA na ke to dz+nyA na ba ti hUM/ ye shes tog go/ oM b+had tra ba ti b+had tra pa le hUM/ bzang skyong ngo// oM sa ga re mahA sa ga re hUM/ sngo gros rgya mtsho'o// oM ag k+sha ye phu phu a sha sha ya karma a ba ra na pa ri sho d+ha ni swAhA/ blo gros mi zad pa'o// oM pra ti b+ha ne pra t-i b+ha na klu te hUM/ spobs pa brtsegs pa'o// oM s+tha me ma hA s+tha me sa ma b+ha ti swAhA/ mthu chen thob bo// oM sarba a pa ya dza he sarba pA paM sho d+ha ne hUM/ ngan song thams cad spong ba'o// oM sarba sho ka ta mo mar g+ha ta ma ti hUM/ mya ngan thams cad kyi mun pa 'joms pa'i blau gros so// oM dzA li ni ma hA dzA li ni hUM/ dra ba can gyi 'od do// oM su d+he ni shri ye hUM/ nor bzangs so// oM tsan dre su tsan dre tsan dra bya ba lo ke ti swAhA/ zla 'od do// oM a mi ta pra b+he a mi ta ma ti hUM/ 'od dpag med do// oM ga ga ne ga ga na bar lo tsa ni hUM/ nam mkha' mdzod do// oM sarba na b+ha ra na bishoka ma b+hi ni hUM/ sgrib pa rnam par sel ba'o// oM ya man ta ka hUM/ gshin rje gshed do// oM pradz+nyAn+ta ka hUM/ gzhan gyis mi thub pa'o// oM pad+ma ka ta hUM/ rta mgrin no// oM a mri ta ku Da li bi ga g+ha na ta ka hUM/ bdud rtsi thabs sbyor ro// oM a tsa la hUM hUM/ mi g.yo ba'o// oM kra ki rA dza hUM/ 'dod pa'i rgyal po'o// oM ni la dan ra ma hA dan ra hUM/ be con sngon po'o// oM kro d+ha na hUM dza/ stobs po che'o// dkyil 'khor du dgod pa gsang sngags kyi yi ge ni de dag go/ 'di dag la brten nas/ ting nge 'dzin gyi khyad par las nges par 'byung ba'i gsang sngags bye ba phrag du ma gsungs so// de bzhin gshegs pa la sogs pa thams cad ni lcags kyus spyan drang ngo// byang chub sems dpa' rnams ni rdo rje'i phyag rgyas so// rig pa'i lha mo rnams ni rigs kyi yum rnams so/ khro bo rnams ni zhal gyi phyag rgyas so// bran rnams ni zhags pa'i phyag rgyas so// pho nya rnams ni lcags kyu'i phyag rgyas so// de dag la sogs pa spyan drang ba'i sbyor bas so// rgyud kyi rgyal po chen po sgyu 'phrul gyi dra ba las/ gsang sngags rim par phye ba ste gsum pa'o//// de nas bcom ldan 'das rnam par snang mdzad chen pos rdo rje'i de bzhin gshegs pa ye shes chen po'i stobs kyi rnam par 'phrul pa'i rdo rje zhes bya ba'i ting nge 'dzin la snyoms par zhugs nas/ phyag na rdo rje la 'di skad ces bka' stsal pa/ phyag na rdo rje ras sa ma rtsig pa la sogs pa la gzugs brnyan grub pa/ dmigs pa gang gis gsang sngags 'chang rnams kyi ye shes rdzogs par 'gyur zhing/ ye shes rdzogs pas sangs rgyas nyid bde blag tu thob par 'gyur na// dngos grub gzhan lta smos su ci dgos pa'i gsang sngags kyi tshogs thams cad kyi ting nge 'dzin sang chen bshad par bya nyon cig/ oM gyis ye shes kyis bsgrubs pa// rgyal chen rnam par snang mdzad ni// shes rab ye shes rab brgyan pa// sangs rgyas kun gyi mchog gis mchod// zhi ba thor tshugs cod pan 'chang// zhal gsum gyis ni rnam par mdzes// gser gyi mdog can phyag drug pa// dang po bsam gtan phyag rgya can// bgrang 'phreng ldan zhing mda' yis brgyan// g.yon gyi lha mo ku tsa 'dzin// rdo rje'i bzhugs stangs chas pas rnams// lha rnams bred cig khams mdzad pa// 'bar ba'i 'od kyis brgyan pa la// sangs rgyas kun gyi sprin 'phro ba// rab tu byung zhing legs 'khyud pa// nang gi gsang sngags bzlas brjod cing// de nyid spyod yul sgom par gyis// ting nge 'dzin thams cad kyi stobs rdzogs par byed pa'i ye shes zhes bya ba'i ting nge 'dzin no// a zhes bya ba tshogs kyi lam// 'jig rten dbang phyug 'dod chen bsam// thor tshugs cod pan 'chang ba'i lha// dbu rgyan thams cad mkhyen pas rgyas// rgyan rnams kun gyis brgyan pa ste// gtso bo zla ba'i gzugs dang 'dra// zhal gsum spyan gsum 'bar ba la// phyag drug 'dug stangs zhi ba can/ phyag gnyis pad+ma 'jo tshul ldan// g.yas na bgrang 'phreng rdo rje 'chang// de bzhin g.yon pas pu tsa 'dzin// ril pa spyi blugs gsum pa na// gzugs brnyan thams cad 'phro mdzad cing// kun nas 'od zer 'phreng ba can// lag nas mtshon char 'jigs 'khrug pa'i// bgegs 'gyel pa la lta byed pa// de 'dra'i tshig gis ma bsgoms na// ring por mi thogs sangs rgyas thob// rnam pa thams cad kyi mchog yangs pa'i chos kyi rgyal po zhes bya ba'i ting nge 'dzin to// zla ba'i gzugs la hUM zhes pa// sems kyi rdo rje bsgom par bya'o// mthing shing bzang po lta bu'i mdog/ rgyan rnams kun gyis rab klubs pa// sangs rgyas mi 'khrugs cod pan can// rin chen kun gyis yongs su brgyan// zhal gsum ldan pa spyan gsum ldan// cung zad bzhad cing 'jo sgeg can// phyag brgyad kyis ni brgyan pa la// rdo rje dam pa gsor ba dang// gnyis pa yis ni ral gri gdengs// lcags kyu bzang po gsum pa na// bzhi pa yis ni mda' yang gsor// de bzhin g.yon na dril bu bsnams// de bzhin gnyis pa nu ma 'khyud// gsum pa ni na zhags pa ste// bzhi pa lha rdzas gzhu yang 'dzin// rol pa'i stings su legs par bzhugs// rdo rje 'chang ba'i sprin rnams 'bro// de bzhin sangs rgyas sprin gyis 'bar// 'di 'dra gang zhig rtag sgom pa// de yi rdo rje sems brtan zhing// ring por mi thogs byang chub 'thob// rga bzhi rnams kyi pha rol 'gro// sems kyi stobs mtha' yas pa rdzogs par byed pa'i ting nge 'dzin gyi rgyal po chen po rdo rje shugs zhes bya ba'i ting nge 'dzin to// traM gi ye shes las grub pa// rin chen 'byung ba bdag nyid do// zhal ras gsum la spyan gsum pa// thor tshugs cod pan rnams kyis brgyan// bde ba chen po kha dog dmar// ting 'dzin phyag rgyar rnam par bzhugs// sems dpa'i skyil krung bcas pa ste// phyag g.yas na ni rdo rje dang// g.yon pas rin chen yongs su 'dzin// 'od zer ser po rab tu 'phro// rin chen 'byung gnas sprin chen las// byang chub sems dang de bzhin gshegs// rin chen 'phro ba char ltar 'bebs// rin chen mngon par mthong ba po// ye shes kyi rdo rje zhes bya ba'i ting nge 'dzin to/ khaM gyi ye shes las grub pa// don yod rdo rje bsam par bya// ting 'dzin phyag rgyar legs zhugs pa// mar gad 'di yi 'od ltar 'bar// g.yas pa'i phyag na ral gri dang// g.yon pa yis ni lcags kyu nyid// sangs rgyas rnams kyi sprin 'phro zhing// legs par 'grub phyir slar yang sdud// 'od zer chen po rab gsal zhing// ye shes rgya mtsho'i 'od dang mtshungs// 'di 'dra rtag tu sems byed pa// nam mkha'i snying po thub pa che// 'du byed thams cad spangs pa yi// mkha' dang mnyam par der 'gyur ro// nam mkha' snang bar byed pa'i ye shes kyi rdo rje zhes bya ba'i ting nge 'dzin to// la yi yig 'bru bsgrubs pa ste// rgyal ba thams cad kyis kyang brgyan// lha mo spyan gsum phyag brgyad pa// zhal gsum gser gyi mdog dang mtshungs// sgeg pa'i cha lugs legs 'chang ba// cung zad bzhad pa 'dod chen ma// dang po'i phyag na mchog sbyin mdzad// de bzhin gnyis pa mi 'jigs sbyin// phyag gsum pa na rdo rje ste// bzhi pa na ni mda' yang gsor// g.yon pa sdigs mdzub zhags pa can// rin chen snye ma gnyis pa na// gsum pa na ni bgrang 'phreng ste// bzhi pa gzhu yis rnam par brgyan// 'od dmar 'od zer 'phreng ba can// lha rnams 'jigs bas sems myos te// lag pa thal mo sbyor bar byed// sangs rgyas rnams kyi sprin 'phro bar// ye shes rdo rje spyan ma bsams// byang chub yan lag 'bras brgyan pa'i// lha mo 'di 'dra bsgom par bya// ye shes kyi spyan gyi snang bar byed pa'i rdo rje'i 'jo tshul zhes bya ba'i ting nge 'dzin to// ma yi ye shes las bsgrubs pa// rdo rje gdan can mA ma ki/ lha mo zhal gsum phyag drug pa// dgod cing zhal ras khro dang bcas// ut+pal sngon po'i mdog 'dra ba// 'od dmar shin tu dmar ba can// dang po mi 'jigs sbyin pa'i phyag/ gnyis pa legs par rdo rje bsnams// gsum pa yis ni mda' yang gsor// g.yon pa sdigs pa'i mdzub mo ste// gnyis pa zhags pa legs par bsnams// gsum pa yis ni gzhu yang 'dzin// rdo rje can ma sku gsum 'chang// dngos med ngo bo'i mtshan nyid can// sangs rgyas rnams kyis sbyin 'phro ba// 'di 'dra sgom pas bsgom par bya// sgyu 'phrul 'byung ba stobs kyi ye shes zab mo zhes bya ba'i ting nge 'dzin to// pa yi ye shes las bsgrubs pa'i// zla ba'i mdog dang ldan pa'i yum// ming ni gos dkar mo zhes bya// spyan gsum dag gis rnam par brgyan// zhal ras gsum pa dga' mdzad pa// phyag drug mi 'jigs sbyin mdzad pa// gnyis pa na ni rdo rje ste// gsum pa mda' yis rnam par brgyan// g.yon pa pad+ma bsnams par bya// gnyis pa na ni bgrang nor 'phreng// gsum pa na ni gzhu bsnams shing// rol pa'i stabs su legs par bzhugs// pad+ma'i sprin la sangs rgyas kyi// sku rnams 'byung bar bsgrub par bgyi// gal te byang chub mchog 'dod na// rin chen skur ni bsgom par bya// pad+ma'i gzugs kyi 'jo tshul sangs rgyas kyi rgyal ba dran pa ye shes kyi rdo rje zhes bya ba'i ting nge 'dzin to// ta yi ye shes las bsgrubs pa// lha mo sgrol ma rdzu 'phrul che// 'jo sgeg cha lugs la gnas pa// zhal ras gsum pa spyan gsum pa// phyag drug sems dpa'i skyil mo krung// bzhad pa mar gad 'od dang ldan// dang po mi 'jigs sbyin pa'i phyag/ gnyis pa na ni rdo rje bsnams// gsum pa yis ni mda' yang gsor// g.yon pas sdigs pa'i mdzub mo ste// gnyis pa na ni ut+mal nyid// gsum pa yis ni gzhu yang 'dzin// 'od zer dmar po 'bar ba can// sangs rgyas 'phro bas rgyas mdzad pa// dga' mdzad sems can kun gyi ma// rtag par rgyun du bsgom par bya// sems can thams cad dbang du 'gro zhing dga' bar byed pa'i ye shes rdo rje zhes bya ba'i ting nge 'dzin to// skyes mchog rgyal ba'i bsrung pa yi// sems ma bzhir ni gsungs pa'i ming// sems ma dang ni rin chen ma// chos ma rdo rje las ma ste// rol pas rjes su mnyes mdzad ma// de dag ji ltar rigs par bsgom// de dag kyang ni bsgoms pa yis// ring por mi thogs byang chub 'thob// sems can rab tu dga' bar byed pa'i 'phags ma bzhi'i ting nge 'dzin to// tsung gis ye shes las bsgrubs pa// ming ni skul byed ces pa'i gzungs// sku gsum rgyal ba bye ba phrag/ bdun gyis gsang sngags glu 'dis bstod// yi ge dgu pa thabs dgu can// lha dgu rnams kyi gnas kyang yin// zhal gsum ston ka'i 'dam bu'i mdog/ rgyan rnams kun gyis brgyan pa ste// na chung skal ldan dar la bab// rig sngags thams cad grol mdzad ma// dang po'i zhal ni cung zad tsam// bzhad cing spyan gsum ldan pa ste// g.yas kyi zhal ni gnam gdangs pa// u t+pal sngon mo'i 'dab ma'i 'od// mche ba zla ba tshes pa bzhin// lce ni glog bzhin ljib par mdzad// g.yon pa kha dog ser po ste// tshems kyi sgros ni rnam par mnan// rol pa'i stabs su legs par bzhugs// gdu bu rnam pa sna tshogs kyis// brgyan pa'i phyag nyi shu rtsa drug la/ phyag gnyis kyis ni rtsa ba'i phyag rgyas snying kha'i gnas rnam par brgyan pa'o// g.yas pa gnyis pa ni mi 'jigs pa sbyin pa'o// gsum pa ni ral gri'o// bzhi pa ni rin po che sbyin pa'o// lnga pa ni shing thog bi dza pu ra'o// drug pa ni mda' gsor ba'o// bdun pa ni dgra sta'o// brgyad pa ni dbyug tho'o// dgu pa ni tho ba'o// bcu pa ni lcags kyu'o// bcu gcig pa ni rdo rje'o// bcu gnyis pa ni se gol gtogs pa'o// bcu gsum pa ni bgrang 'phreng ngo// g.yon pa gnyis pa na yid bzhin gyi nor bu'i rgyal mtshan no// gsum pa na pad+ma'o// bzhi pa na ril ba spyi blugs so// lnga pa na zhags pa'o// drug pa na gzhu'o// bdun pa na mdung thung ngo// brgyad pa na 'khor lo'o// dgu pa na dung ngo// bcu pa na sdigs pa'i mdzub mo'o// bcu gcig pa na bum pa bzang po'o// bcu gnyis pa na thag mdung ngo// bcu gsum pa na shes rab kyi pha rol tu phyin pa'o// 'od zer dmar po'i dkyil 'khor can// pad+ma la bzhugs bsgom par bya// la yi shing chung bgos pa yi// stong nas rgyan bkra btags pa ste// smad g.yogs na bza' tshi gu btags// cho 'phrul rnam pa sna tshogs dang// sangs rgyas rnams kyi sku gzugs 'phro// sum cu'i lha rnams ltung ba dang// bgegs rnams shin tu 'jigs skrag dang// thal mo sbyor bar byed pa ste// 'di 'dra gang zhig rtag sgom zhing// bsgrims nas gsang sngags brjod pa des// sangs rgyas myur du thob 'gyur na// dngos grub gzhan lta ci zhig smos// ting 'dzin ngo bo thob 'gyur na// sdig pa kun las rnam par grol// rgyal ba mtha' yas ye shes skul bar byed pa'i stobs kyi rdo rjes rnam par rgyal ba zhes bya ba'i ting nge 'dzin to// ra'i ye shes las grub pa'i rin po che'i sgron ma zhes bya ba'i gzungs/ zhal ras gsum pa spyan gsum pa// phyag drug gser gyi mdog dang ldan// lang tsho dar la bab pa'i tshad// zhal ni cung zad bzhad pa ste// phyag na rin chen gdu bus gtams// phyag gnyis rin chen thal mo ste// 'od kyi 'od zer 'phreng ba 'khrug/ g.yas pa'i phyag na mi 'jigs sbyin// gsum pa mda' ni rnam par gsor// g.yon 'jug ma rungs rnams la sdigs// gsum pa yis ni gzhu yang 'dzin// 'od zer dmar po legs par 'bar// rol stangs stabs kyis zhabs kyis gnon// sangs rgyas sprin ni 'phro zhing sdud// chos mdzad yid du 'ong ba yi// lha mo 'di 'dra bsgom par bya// sangs rgyas rin chen gyi sprin gyi dra ba snang bar byed pa zhes bya ba'i ting nge 'dzin to// b+h+ring gi ye shes las bsgrubs pa// 'jigs las sgrol ba'i khro gnyer can// zhal ras gsum pa spyan gsum pa// ston ka'i zla ba'i 'od dang mtshungs// phyag drug pad+ma la bzhugs pa// rol pa'i stangs la brtson pa ste// zhal ni khro dang bcas par bzhad// legs par 'bar ba'i rtser ldang can// g.yas pa'i phyag na rdo rje ste// gnyis pa be con 'dzin par mdzad// phyag gsum pa na mda' yang gsor// g.yon pa sdigs pa'i mdzub mo can// gnyis pa ril ba spyi blugs bsnams// gsum pa na ni mtshon cha gzhu// sangs rgyas rnams kyi sprin 'phro zhing// de bzhin gzhan dag legs sdud pa// nyal dang 'dug dang 'greng ba na// lha mo 'di 'dra rtag tu bsgom// 'jigs pa thams cad sgrol bar byed pa'i ye shes kyi rdo rje zhes bya ba'i ting nge 'dzin to// hUM gi ye shes las bsgrubs pa// ming na rdo rje lu gu rgyud// thams cad 'ching bar skyed pa ste// sems can ma rungs phung bar byed// zhal ras gsum pa spyan gsum pa// phyag drug sngo bsangs gzugs bzang ba// zhal ni cung zad bzhad par mdzad// lag pa g.yas pa rdo rje ste// gnyis pa rdo rje lu gu rgyud// gsum pa na ni mda' yang bsnams// g.yon pa sdigs pa'i mdzub mo ste// gnyis pa na ni zhags pa gsungs// gsum pa gzhu yang thogs par brtson// sangs rgyas rnams kyi sprin 'phro ba// rdo rje lu gu rgyud bsgoms na// byang chub skad cig gis thob na// dngos grub gzhan lta ci zhig smos// rdo rje sgrog gi ye shes kyi rdo rjes lta ba zhes bya ba'i ting nge 'dzin to// ma yi ye shes las bsgrubs pa// thub pa skyes mchog byams pa ni// zhal ras gsum pa spyan gsum pa// de yi 'og ma pad+ma ste// sems dpa'i skyil mo krung du bzhugs// phyag bzhi dag gis rnam par mdzes// phyag gnyis chos 'chad phyag rgyas brgyan// g.yas pa yi ni phyag gnyis pa// sems can skyob pa mchog sbyin mdzad// g.yon pa lha rdzas klu shing gi/ me tog ze'u 'phro'i mgo lcogs bsnams// sangs rgyas byang chub sems dpa' yi// sprin rnams de bzhin 'phro bar mdzad// byams pa'i stobs kyi ye shes kyis rdo rjes rnam par brgyan pa zhes bya ba'i ting nge 'dzin to// muM gyi ye shes las grub pa// gzhon nu 'jam pa'i tshig gi lam// shes rab ye shes mchog thob pa// zab mo'i tshul ni ston pa po// zhal gsum spyan gsum zur phud gsum// gzhon nu'i rgyan gyis brgyan pa ste// cod pan bzang po mi 'khrugs can// me tog sna tshogs rnams kyis klubs// 'og ma pad+ma chen po las// sems dpa'i skyil mo krung du bzhugs// 'jo sgeg thabs kyis rol pa ste// zhal ni cung zad bzhad pa la// dpa' bo chen po phyag drug pa// dang po mi 'jigs sbyin par bya// gnyis pa na ni ral gri nyid// gsum pa na ni mda' yang gsor// de bzhin g.yon na shes rab 'chang// gnyis pa na ni u t+pal thogs// gsum pa na ni gzhu nyid do// shes rab yon tan mchog gis klubs// 'phra bar sangs rgyas 'dod pa sgom// 'jam pa mchog gi shes rab dang// ye shes kyi rdo rje snang ba zhes bya ba'i ting nge 'dzin to// spos kyi glang po ye shes tog/ de bzhin du ni bzang skyong dang// blo gros rgya mtsho blo gros dang// mi bzad pa dang spobs brtsegs nyid// ngan song kun spong mthu chen thob// mya ngan kun myur 'joms pa'i blo// nor bzangs dang ni dra ba'i 'od// de bzhin zla 'od dpag med dang// nam mkha' mdzo dang sgrib kun sel// de ltar de sogs grangs med pa'i// byang chub sems dpa' skyob pa kun// sa bon yig 'bru rnams las 'khrungs// ye shes phyag rgya'i sbyor ba can// zhal ras gsum pa spyan gsum pa// sna tshogs thabs kyis rol pa mdzad// byang chub sems dpa' 'di yi rgyu// gsang sngags zlos pa bsgom par bya// mdog ldan 'du zhing 'phro mdzad pa// rnal 'byor can gyis rtag tu bsam// hUM gis ye shes las bsgrubs pa// gzi brjid ldan pa 'jam dbyangs kyis// gshin rje'i sgra zhes rnam grags pa// bskal pa me ltar 'bar ba ste// mdog ni dbyar gyi char sprin 'dra// zhal drug pa la phyag drug pa// de bzhin zhabs drug mi'u thung 'dra// gsus 'khyil shin tu che ba ste/ kha gdangs drag po chen po yin// ljags 'dri la rdo rje'i mche ba can// sbrul gyi rgyan gyi zhags pa ste// stag lpags kyi ni sham thabs bgos// rol pa'i stabs can ma he chibs// de yi 'og tu pad+ma bya// mi thod 'phreng can skra 'khyil ba// ag tsom ser la sgra chen 'byin// mgo bo'i steng ma mi 'khrugs pa// sku gsum la ni rnam par bzhugs// 'jam pa'i dpal gyis legs par rnam par brgyan// g.yas pa'i phyag na ral gri ste// gnyis pa na ni rdo rje nyid// gsum pa yis ni mda' yang gsor// g.yon pa sdigs mdzub zhags pa can// gnyis pa yis ni pu tsa 'dzin// gsum pa gzhu ni bdungs pa yis// shin tu legs par rnam bar brgyan// lha mo yis ni g.yas nas 'khyud// gnyis pa yis ni ut+pal thogs// g.yon pa zla ba ltar snang ba// pad+ma dkar po thogs par bya// 'og tu lha dang bgegs kyi rnams// bdar ma bred nas phyag kyang 'tshal// 'od zer dmar po 'bar dang bcas// sangs rgyas sprin rnams 'phro zhing sdud// rnal 'byor gang gis bsgoms nas su// bsgrims nas gsang sngags zlos pa ste// 'dug dang 'chag dang nyal ba na// legs par sems dpa' kun zlos shig/ 'dod pa lnga la longs spyod kyang// nam mkha' lta bur gos mi 'gyur// gshed byed thams cad slong bar byed pa'i ye shes kyi rdo rje gshin rje gsod pa'i 'dul ba la 'jug pa zhes bya ba'i ting nge 'dzin to// pra ba'i ye shes las bsgrub pa/ khro bo gzhan gyis mi thub pa// zhal ras gsum pa spyan gsum pa// phyag drug gis ni rnam par mdzes// mdog ser mi'u thung gzugs can la// 'od zer dmar po'i dkyil 'khor can// pad+ma la bzhugs rol pa'i stabs// sbrul gyi rgyan gyis brgyan pa la// dang po'i zhal ni rnam par bzhad// de bzhin g.yas pa rnam par bsgyur// g.yon pa tshems kyi sgros kyang gnon// sna tshogs tshul gyis 'bar ba ste// lag pa g.yas na rdo rje thogs// gnyis pa na ni dbyug to ste// gsum pa na ni mda' yang thogs// g.yon pa sdigs mdzub zhags pa can// gnyis pa yis ni pu tsa 'dzin// gsum pa gzhu can yin par gsungs// spyi bo'i steng na mi 'khrugs pa// rim bzhin 'phro dang sbud pa ste// 'di 'dra goms par bsgom byas na// zlos pas sangs rgyas nyid kyang 'thob// gzhan gyis mi thub pa'i ye shes rdo rje zhes bya ba'i ting nge 'dzin to// ha yi ye shes las bsgrubs pa// khro bo pad+ma thar byed pa// zhal ras gsum pa spyan gsum pa/ kha dog dmar po phyag brgyad pa// sku ni sbrul gyis dkris pa ste// pad+ma la bzhugs rol pa'i stabs/ khro bo lta bas rtogs mdzad pa// dang po'i zhal ni rnam par bzhad// g.yas pa lcags ni 'dril ba ste// g.yon pa tshems ni sgros mnan pa// stag lpags gsol zhing khro ba la// g.yas pa'i phyag na rdo rje ste// gnyis pa na yang dbyug par gsungs// gsum pa na ni mtshon rtse gcig/ bzhi pa na ni mda' yang gsor// g.yon pa sdigs pa'i mdzub mo ste// gnyis pa yis ni pu tsa 'dzin// gsum pa la ni pad+ma ste// bzhi pa na ni gzhu nyid do// de yi cod pan mi 'khrugs pa// sangs rgyas gzugs ni mang po dag/ 'phro zhing 'du ba bsgom byas na// 'grub par 'gyur te gzhan du min// rta mchog gi ye shes kyi rdo rje zhes bya ba'i ting nge 'dzin to// hUM gi ye shes las bsgrubs pa// ming ni khro bo bgegs kyi gshed// me yi dkyil bzhugs grub pa sbyin// lag na rdo rje'i rjes 'breng ba// zhal ras gsum pa spyan gsum pa// bgegs rnams 'joms mdzad phyag drug can// dang po'i zhal ni bzhad pa ste// de bzhin g.yas kyi zhal gdangs pa// g.yon pa tshems kyi sgros mnan khro// ut+pal sngon po'i 'dab ma'i mdog/ zhabs kyis bgegs ni mnan pa ste// gnyis pa pad+ma'i steng na bzhugs// g.yas kyi phyag na ral gri ste// gnyis pa na ni dgra star gsungs// gsum pa na ni mda' yang gsor// g.yon pa sdigs mdzub zhags pa can// de bzhin gnyis pas ku tsa 'dzin// gsum pa na ni gzhur yang gsung// sangs rgyas rang bzhin sprin 'phro bar// ye shes mkhas pas bsgom par bya// bgegs thams cad 'dral ba'i ye shes kyi rdo rjes rnam par rgyal pa zhes bya ba'i ting nge 'dzin to// haM gi ye shes las grub pa// mi g.yo byis pa'i gzugs dang ldan// zhal ras gsum pa spyan gsum pa// gzhon nu'i rgyan gyis brgyan pa la// dang po'i zhal ni bzhad pa ste// de yi g.yas phyogs zhal gdangs pa/ khrag gis brlan pa'i ljags kyang 'dril// g.yon pa tshems kyi sgros mnan khro// [¿]hUM gi snying kha'i phyogs kyang bkang// mthing shun gyi ni mdog can de// rin chen ri steng pad+ma la// rol pa'i zhabs kyi stabs kyis bzhugs// thub pa bgegs kyi chu 'jigs 'joms// phyag drug 'bar ba 'phreng ba yi// 'od bzang dmar po'i dkyil 'khor can// g.yas pa'i phyag na ral gri ste// gnyis pa na ni rdo rjer gsungs// gsum pa na ni mda' yang gsor// g.yon pa sdigs mdzub zhags pa can// gnyis pa yis ni pu tsa 'dzin// gsum pa gzhu ni bdungs pa la// chang pas bzung ste lta ba dang// sna tshogs me tog gis bcings pa// cod pan dang ni dbu rgyan thogs// zur phud g.yon pa bung ba'i mdog/ mi 'khrugs pa yis rnam par brgyan// sangs rgyas rang bzhin sprin dag gis// cho 'phrul chen po du ma 'phro// de dag rtag tu rnal 'byor gang// sgom pas sgom par byed pa de// bla na med pa'i byang chub kyi// them skas la ni 'dzeg par 'gyur// de bzhin gshegs pa thams cad sangs rgyas kyi bka' bzhin byed pa la/ mi g.yo ba'i ye shes kyi rdo rje bsgyings pa zhes bya ba'i ting nge 'dzin to// hUM gi ye shes las bsgrubs pas// ming ni 'dod pa'i rgyal po ste// zhal ras gsum pa spyan gsum pa// phyag drug pa zhes bya bar grags// dbu rgyan sangs rgyas kyis brgyan pa'i// thor tshugs cod pan bzang po 'chang// dang po'i zhal ni bzhad pa la// g.yas pa yi ni rnam par bsgyur// g.yon pa tshems kyis sgros mnan khro// dpral ba khro gnyer rim pa can// 'bar ba char sprin lta bu'i mdog/ dkyil 'khor dmar por 'bar ba can// phyag gnyis 'dod pa'i phyag rgyar ldan// g.yas pa na ni rdo rjer gsungs// gnyis pa mda' yis rnam par rol// g.yon pa sdigs mdzub zhags pa can// gnyis pa yis ni pU tsa 'dzin// gsum pa phyag na gzhu yang bsnams// pad+ma la bzhugs rol pa'i stabs// 'og tu bgegs rnams rnam par mnan// sangs rgyas lang long 'phro mdzad pa// ting nge 'dzin gyis bsgoms byas nas// bla na med pa'i ye shes thob// snying thams cad 'gugs par ye shes kyi rdo rjes rnam par rgyal ba zhes bya ba'i ting nge 'dzin to// hUM gi ye shes las bsgrubs pa/ khro bo be con sngon po can// zhal ras gsum pa spyan gsum pa// phyag drug gis ni rnam par brgyan// dang po'i zhal ni 'jo sgeg bzhad// de bzhin g.yas pa rnam par gdangs// g.yon pa tshems kyis sgros kyang mnan// sku ni ri sngon 'dra ba ste// lus ni sbrul gyis rnam par brgyan// skra tshugs lcang lor 'khyil ba ste// dbu rgyan la ni sangs rgyas bzhugs// pad+ma la bzhugs rol stangs mdzad// g.yas pa'i phyag na rdo rje ste// gnyis pa na ni be con nyid// gsum pa mtshon cha mda' dang ldan// g.yon pa sdigs mdzub zhags pa ste// gnyis pa yis ni pU dza 'dzin// phyag gsum pa na gzhu nyid bsnams// dkyil 'khor dmar po 'bar ba can// sbyor ba'i ye shes kyis bskrun pa'i// sangs rgyas sprin ni rnam par 'phro// bgegs rtog pa'i ye shes kyi rdo rjes rnam par rgyal ba zhes bya ba'i ting nge 'dzin to// hUM zhes gsungs pa'i khro bo ni// ye shes dam pa stobs po che// zhal ras gsum pa spyan gsum pa// phyag brgyad kyis ni rnam par brgyan// sprin gyi kha dog 'dra ba ste// sbrul gyi rgyan gyis rnam par klubs// mig dmar sgra 'bar gyen du brdzes// mgo bo la ni mi 'khrugs bzhugs// dang po'i zhal ni rnam par bzhad// de bzhin g.yas pa rnam par gdangs// g.yon pa tshems kyis sgros mnan pa// pad+ma la bzhugs 'gying bag can// drag po tshad ma stang stabs can// phyogs bcu'i lha rnams phung bar mdzad// 'bar ba rnams kyis yongs bskor ba'i// nyi ma'i dkyil 'khor nang na bzhugs// g.yas pa'i phyag na rdo rje ste// gnyis pa be brtsaun thogs par brtson// gsum pa yis ni ral gri gdengs// bzhi pa mda' yis rnam par brgyan// g.yon pa sdigs mdzub zhags pa can// gnyis pa yi ni pU tsa 'dzin// gsum pa na ni tho ba nyid// phyag bzhi pa na gzhu can la// sangs rgyas rang bzhin sprin 'phro ba// sgom pa mchog gis bsgom par bya// mnol ba med pa'i ye shes kyis rdo rje'i stobs kyis rnam par brgyan pa zhes bya ba'i ting nge 'dzin to// bruM gyi ye shes las bsgrubs pa// gtsug gtor 'khor los sgyur pa ste// sku gsum ldan pa zhal ras gsum// gser gyi mdog can 'od bzang ba// 'dom gang 'od kyis rnam par brgyan// ting 'dzin phyag rgyar rnam par gnas// rin chen ri steng pad+ma la// rdo rje skyil mo krung du bzhugs// rigs kyi yum ni bzhi po rnams// gzugs dang yan lag kun mdangs can// zhal ras 'jo sgeg tshul gyis brgyan// gos dang rgyan gyis klubs pa ste// phyags phyir spro zhing rtsol ba can// phyag rgya rin chen snye ma dang// rdo rje pad+ma ut+mal ldan// lha mo so so'i phyogs na bzhugs// gtsug tor 'od zer lnga pa can// kun tu 'khor lo'i 'phreng ba dang// 'khor lo'i bar na rdo rje gnas// 'od zer 'phreng bas rnam par brgyan// sangs rgyas rang bzhin sprin 'phro bas// nam mkha' thams cad 'gengs par mdzad// byang chub snying po don gnyer bas// 'di 'dra'i 'khor lo can bsgom zhing// bsgrims nas rnal 'byor sgom pa yis// ring por mi thogs 'dod pa thob// byang chub snying po thams cad kyi rgyan gyi ye shes kyi 'khor lo zhes bya ba'i ting nge 'dzin to// dzaM gyis ye shes las skrun pa// gnod sbyin gnod gnas sku gsum can// zhal ras gsum pa phyag gnyis na// be dza bu ra ne'u le can// pad+ma'i gdan la rnam bzhugs shing// de bzhin bzang po'i 'dug stangs gnas// ngos na rgyan rnams thams cad kyis// brgyan pa'i gnod sbyin mo bzhi dag/ rin chen char pa 'bebs par byed// mgo bo'i steng na sangs rgyas lnga// de yi cod pan bzang po yis// g.yogs na phyogs rtse bran yang chag/ sangs rgyas rnams kyi sprin 'phro zhing// rin chen char ba 'bebs par mdzad// gang gi nor rdzas 'dod pa yis// gnon gnas 'di 'dra bsgom byas na// de yi sa chen nor rdzas kyis// ring por mi thogs gang bar 'gyur// lag nas rdo rje bdud rtsi yis// chu yang rtag tu dbul bar bya// rin po che'i sprin sbyin pa'i char 'bebs pa'i ye shes kyi rdo rje zhes bya ba'i ting nge 'dzin to// ma yi ye shes las bsgrubs pa// nyi ma'i dkyil 'khor 'od zer can// rta bdun ldan pa'i shing ltar bzhugs// 'bar ba'i dkyil 'khor snang mdzad pa// zhal ras gsum pa spyan gsum ldan// phyag drug kha dog ser po snang// phyogs bcu bsrung bar brtson pa ste// 'jo sgeg tshul du zhal yang bzhad// na chung rgyan ni g.yo ba can// cod pan rdzogs pa'i sangs rgyas la// thor tshugs me tog rnams kyis brgyan// g.yas pa'i phyag na rdo rje ste// gnyis pa na ni kha bskud bsnams// gsum pa na ni mda' yang gsor// g.yon pa sdigs mdzub zhags pa bsnams// gnyis pa a sho'i yal ga ste// gsum pa na ni gzhu nyid do// gzugs brnyan mang po 'phro ba yis// sdang ba'i sems can 'ching ba dang// mig dang kha ni 'drub par byed// gsang sngags bzlas brjod 'bad pa dag/ gal te byang chub mchog 'dod na// lha mo hUM mdzad bsgom par bya// 'di ni sgom par byed pa yi// dbang du sems can rab tu 'phro// sdang ba thams cad kyis mi tshugs par byed pa'i ye shes kyi rdo rje'i mchog rab ces bya ba'i ting nge 'dzin to// ba yi ye shes las bsgrubs pa// rig pa ri khrod shing lo can// zhal ras gsum pa spyan gsum pa// zhal ras bzhad cing khro dang bcas// rgyan rnams kun gyis brgyan pa ste// na chung gzhon nu phyag drug ma// g.yas pa'i phyag na rdo rje ste// gnyis pa na ni dgra sta nyid// gsum pas mda' ni rnam par gsor// g.yon pa sdigs mdzub zhags pa can// gnyis pa shing lo bim pa ste// phyag gsum pa na gzhu nyid do// thor tshugs me tog 'phreng bas brgyan// de steng kha dog lnga po dag/ rab tu 'dren pa'i sangs rgyas bzhugs// pad+ma dkar po'i gdan la gnas// mdog ser 'bar ba chen po ste// dkyil 'khor dmar po 'bar dang bcas/ khro bo'i sprin 'phro sdud mdzad cing// gdon gang skye dgu'i nang gnas pa// de dag khro bo'i mes kyang bsregs// phyir yang bsregs las sangs rgyas kyis/ kha dog bdud rtsi'i char 'bebs mdzad// de 'dra rnal 'byor gyis bsgoms na// mi ngas thams cad zhi bar 'gyur// nad thams cad nye bar zhi bar byed pa'i ye shes kyi rdo rjai 'bar ba zhes bya ba'i ting nge 'dzin to// dza yi ye shes las bsgrubs pa// rig sngags mtshan ni dug sel ma// sbrul mgo bdun gyi gdengs kas brgyan// nor bu 'bar bas brgyan pa ste// zhal ras gsum pa spyan gsum pa// gzhon nu'i mtshan ni 'bar ba can// bzhad cing khro dang bcas pa ste// sbrul gyi ske rags dag gis brgyan// phyag drug rol pa'i stabs stangs can// mgo yi steng na mi 'khrugs bzhugs// g.yas phyag na ni rdo rje ste// gnyis pa ral gri thogs pa bcom// phyag gsum pa na gar thabs kyi// stangs thabs tshul gyis mda' yang gsor// g.yon pa sdigs mdzub zhags pa can// gnyis pa dug gi me tog ste// phyag gsum pa na gzhu nyid do// dbu rgyan me tog rnams kyis brgyan// gser mdog pad+ma'i gdan la bzhugs// 'od ni dmar po'i dkyil 'khor can// mdza' rnams 'phro bas bskor ba ste// kun nas 'bar ba rnams kyis khebs// sangs rgyas gzugs brnyan 'phro ba can// phyag bzang bum pa'i zla 'dra ba'i/ kha ni dza yis rnam brgyan pas// dug gis phog pa rnams la lugs// rtag tu sku gsum dug sel ma// dug gis phog pa rnams la bsgom// de ltar bsgom pa byas pa yis// ring por mi thogs byang chub 'thob// nyon mong thams cad kyi dug sel ba gdengs ka'i dbang po'i rdo rje ye shes kyi phyag rgya zhes bya ba'i ting nge 'dzin to// d+ha yi ye shes las bsgrubs pa// sku chen ha la ha la ste// zhal ras gsum pa spyan gsum pa// thor tshugs cod pan rnams kyis brgyan// zla ba tshes pa bsnams pa'i lha// dbu rgyan thod pa dag gis byas// thor tshugs rgyal ba'i sku gzugs bzhugs// rgyan rnams kun gyis brgyan pa ste// pad+ma dkar po lta bur snang// sems stobs ldan pa 'jo tshul can// phyag brgyad zhal yang bzhad pa ste// smad g.yogs stag gi pags pa bsnams// g.yas pa'i phyag ni mchog sbyin mdzad// gnyis pa bgrang 'phreng nor bu can// gsum pa yis mi mda' yang gsor// g.yon pa pad+ma rnam par brgyan// gnyis pa yis ni pU dza 'dzin// gsum pa na ni gzhu nyid do// g.yas na mdung rtse gsum pa la// sbrul gyis yongs su dkris pa ste// g.yon na thod pa dri zhim pa'i// me tog sna tshogs kyis bkang pa'i/ pad+ma dmar po la bzhugs shing// rol pa'i stang stabs tshul du gnas// rin chen ri phug nang bzhugs par// rnal 'byor sems dpas bsgom par bya// sangs rgyas rang bzhin gzugs dang ni// cho 'phrul chen po sna tshogs 'phro// rnam par mi rtog ting 'dzin gyis/ kha zas thams cad za byed cing// nang gi bzlas pas sngags brjod na// rim bzhin rnal 'byor gyis bsgoms na// byang chub myur du thob 'gyur zhing// bla na med pa'i bde ba 'dren// 'dod pa thams cad par sgrub pa// ha la ha la yongs su mnyes par byed pa'i ye shes kyi rdo rje zhes bya ba'i ting nge 'dzin to// ba yi ye shes las bsgrubs pa// srin mo 'bar ba'i glog can ma'am// ming ni dngul dkar las skyes ma// stobs po che la pha rol gnon// gsus pa 'phyang ba// mche ba gtsigs pa/ skra ser po'am kham pa gyen du brdzes pa/ thor tshugs dang cod pan gyis brgyan pa/ spyi bo la mi 'khrugs pa bzhugs pa// phyag bco brgyad pa/ mgo bcu gnyis pa/ spyan gsum pa/ thod pa'i 'phreng ba dang ldan pa/ drag mo lag na khrag gis bkang ba'i thod pa thogs pa/ smad g.yogs la seng ge'i pags pa bcings pa/ sbrul gyi mchod phyir thogs pa/ ral gri dang/ lcags kyu dang/ 'khor lo dang/ gtun shing dang/ mdung rtse gsum pa dang/ dril bu dang/ ba dan dang/ ltag dbyug dang/ mdung dang/ mchog sbyin pa dang/ gzhu dang/ mda' dang/ mdung thung dang/ be con dang/ zhags pa dgra sta thogs pa/ skra kham pa gyen du 'khyil ba/ lus rgyan thams cad kyis brgyan pa/ mdog nag pa/ pad+ma'i gdan la rol pa'i stabs su bzhugs pa/ sdang ba 'dul ba zhes brjod pa 'di lta bu/ rtag tu hUM gis hUM mdzad pa// bzlas brjod yang dag ldan par bsgom// sems can kun don phun tshogs pa'i// byang chub ring por mi thogs 'thob// sems can thams cad 'ching bar byed pa'i mchog rab byang chub kyi snying por rnam par rgyal ba'i stobs zhes bya ba'i ting nge 'dzin to// k+shing zhes bya bas bsgom pa'i gzugs// rgyan rnams kun gyis brgyan pa ste// lang tsho gzhon nu'i 'jo tshul can// mgo yi skra tshugs phyed du gzugs// de bzhin du ni stod g.yogs dang// la dkar sengs pa bgos pa ste// de yi skra la me tog ni/ kha dog lnga pa rnams kyis brgyan// gser gyi mdog can bzhin 'dzum pa// phyed gzugs pas rnams rnam par rol// dpag bsam shing gis brgyan pa ste// rin chen ri la legs par 'dug/ 'jam dpal rdo rje khro bo yis// de yi mgo bo mnan nas bzhugs// mtha' ma thog thag gnod sbyin mos// nam mkha' gang bar bsgom par bya// gnod sbyin mo thams cad sgrub par rdo rje mchog rab ces bya ba'i ting nge 'dzin to// ma u A/ yi ge gsum pa mig gsum gzugs/ khyab 'jug lha chen mis po che// gdong gsum rang gi mtshon thogs pa// rdo rje hUM mdzad kyis bskul zhing// rdo rje ting 'dzin gyis bsgoms na// mod la dngos grub thob par 'gyur// 'jig rten thams cad bsgrub pa mig gsum pa rnam par rol ba'i rdo rje zhes bya ba'i ting nge 'dzin to// gzhan yang gsang sngags yi ge yi// sa bon gang yin sbyar byas te// rdo rje yig 'bru rnams bzung na// de dag ma bsgrubs bzhin du 'grub// 'phrog ma 'phrog byed las skyes pa'i// bu ni lnga brgya po rnams dang// lnga rtsen dpag chen ma la sogs// myur ba nyid du 'grub par 'gyur// rgyud kyi rgyal po sgyu 'phrul gyi dra ba las/ ting nge 'dzin rim par phye ba'i le'u ste bzhi pa'o//// de nas bcom ldan 'das dpal rnam par snang mdzad chen pos rdo rje'i de bzhin gshegs pa thams cad la bltas nas/ zhi ba rdul dang bral ba'i mchog ces bya ba'i ting nge 'dzin la snyoms par zhugs so// de bzhin gshegs pa thams cad kyi yum/ bya ba sna tshogs nyid kyi ye shes skyes pa/ rdo rje sems kyi dam tshig rnams las phyung ba'o// oM b+ha ga ba ti ru ru pu ru dza la taSh+Thi sid d+ha lo tsa ni sarba ar+tha sA d+ha ni swAhA/ de nas 'di ni gsungs tsam gyis// las rnams thams cad rab tu rdzogs// sangs rgyas rnams ni thams cad dang// byang chub sems dpa' mkhas rnams dgyes// bdud kyi dpung rnams 'dar gyur te// sangs rgyas rdo rje rjes dran byed// zhi ba sangs rgyas rnams kyi yum// rdo rje dam tshig gis bskul na// shi ba rnams la srog sbyin mdzad// ma grub pa rnams grub pa stsol// de nas bcom ldan 'das sku gsum 'bar ba'i mchog/ dam tshig gi rdo rje zhes bya ba'i ting nge 'dzin la snyoms par zhugs nas/ rdo rje 'chang mchog thams cad skyed pa'i yum/ rdo rje dkyil 'khor thams cad kyi dngos grub rab tu sgrub par byed pa 'di phyung ngo// oM shaM ka re shang na ti ka re/ g+hud ta g+hud ta/ g+hud ta ni/ g+ha ta ya g+ha ta ya/ g+hu ta ni swAhA/ de nas 'di ni gsungs tsam gyis// rdo rje gsum las skyes gyur pa// thams cad kyi ni mig phye nas// rdo rje thugs ni rjes dran gyur// grub pa thams cad srung mdzad ma// de bzhin las rnams sgrub pa yin// sdig pa thams cad 'joms ma ste// zhi dang rgyas pa 'phel mdzad ma'o// de nas bcom ldan 'das 'dod chags chen pos 'dren pa pad+ma gar gyi rnam par 'phrul pas 'thor ba'i dam tshig gi rdo rje zhes bya ba'i ting nge 'dzin la snyoms par zhugs nas/ chos thams cad 'dzin pa'i mchog gi yum 'di rdo rje gsum las byung phyung ngo// oM ka te bi ka te ne ka te ka tang ka te/ ka ro ta/ bi d+ye swAhA/ de nas chos kyi rgyal mtshan mchog dam pa 'di gsungs tsam gyis/ ting nge 'dzin gyi mig phye nas// rdo rje pad+ma rjes dran byed// rgyas pa chen po'i yum yin te// chos mdzad rnam par 'phel mdzad ma// bsgoms shing brten te bzlas brjod na// rgya cher bsrung ba mdzad pa yin// de nas bcom ldan 'das kyis thams cad dbang du bya ba khong du chud pa rdo rje gsum mnyam pa nyid kyis dga' bar byed pa'i ting nge 'dzin zhes bya ba la snyoms par zhugs nas// ye shes las 'jug par byed ma// sna tshogs thams cad 'chang ba'i yum mchog sgrol ma mchog 'di gsungs so// oM tA re tud tA re tu re swAhA/ de nas 'di ni gsungs tsam gyis// sangs rgyas kun dang sras kyi rnams// spyan che rnam par gdangs nas su// ye shes rdo rje ldan pa dran// lha mo bzlas brjod byas tsam gyis// skye dgu rnams ni mngag gzhug gyur// de nas bcom ldan 'das kyis de bzhin gshegs pa thams cad kyi ye shes la 'jug pa zhes bya ba'i ting nge 'dzin la snyoms bar zhugs nas/ 'di rdo rje gsum las phyung ngo// na ma ti badzra nan/ oM kha kha khA hi khA hi/ sarba shan da ma ka/ a si mu sa la par shu pa sha hasta/ tsa tur pu dza/ tsa tur mu kha shang tsa ra/ na gad dza gad dza/ mahA big g+ha/ g+ha ta ka bi kri ta/ a nan/ sarba bud ta ba shang ka ra/ ad tad ta ha sa na di ti/ bya gral tsarma ni bas na ku ru ku ru/ sarba kang ra mi ni/ tshin d+ha tshin d+ha/ sarba man traM/ b+hin d+ha b+hin d+ha/ pa ra mud traM/ a kar she ya a kar sha ya/ sarba bud taM/ nir ma tha ya/ nir ma tha ya/ sarba du sh+taM pra be sha ya pra be sha ya/ man Da la man d+he/ be ba satwa/ dzi bi taM ta ka ra/ ku ru ku ru/ i man kar+yan/ da ha da ha/ pa tsa pa tsa/ ma bi lam b+ha ya/ sa ma ya ma nu sma ra hUM hUM phaT phaT/ spo ta ya spo ta ya/ sarba a shi pa ri pu ra ka he he b+ha ga b+han/ ki na tsi ra ya si/ ma ma sarba ta arta satwa ya swAhA/ de nas khro 'di gsungs tsam gyis// sangs rgyas byang chub sems dpa' kun// 'dar zhing 'jigs pa skyes gyur nas// gtso bo rdo rje rnam snang mdzad// ye shes sna tshogs rdo rje yis// ra ba dra ba rnams la lta// srubs gcig pa'am srubs gnyis pa'i// thod pa bzang po rnyed pa dang// rkang rjes sa yi cho ga la// lha mo bzhi yi sbyor ba dang// sangs rgyas lnga yis byin brlabs te// sku gsum dbyer med bsgoms nas su// myur bar khugs kyi bar du ni// rkang pas mnan te de la bzlas// zhes bcom ldan 'das rnam par snang mdzad chen pos bka' stsal to// de nas bcom ldan 'das kyis ye shes kyi rdo rje mchog gi sprin chen po dam pa rdo rje bdud rtsi khro bo zhes bya ba'i ting nge 'dzin la snyoms par zhugs nas/ rdo rje gsum rnams la snying po 'dis phyung ngo// na ma sa man d+ha bud d+ha nan/ na mo badzra kro d+ha ya/ daMSh+to ka Ta b+hai ra ba ya/ a si mu ral par shu pa sa ha ta ya/ oM a mr-i ta kuN+Da li/ kha kha kha/ khA hi khA hi/ tiSh+Tha tiSh+Tha/ ban d+ha ban d+ha/ ha na ha na/ gardza gardza/ bi po ta ya bi po ta ya/ sarba big g+ha big na ya ka/ mahA ga na bi ti/ mahA ga na pa ti dzi bi ta an ta ka ra ya swAhA/ khro bo chen pos gsungs pa yis// grags chen sangs rgyas thams cad ni// yid byung nas ni bsgrags par 'gyur// log 'dren dag dang bgegs rnams 'dar// sku gsum ye shes mchog mnga' ba// rdo rje rnam snang mdzad pa dran// de yi rkang rjes sa dang ni// rlung gis btsugs pa'i shing lo la/ khro bo'i 'khor los gzir nas su// tshogs bdag rkang pa'i drung du gzhag/ hUM dang phaT kyis bskul nas su// bskrad pa'i sbyor ba byas pas ni// sangs rgyas rdo rje can yang bskrad/ de nas bcom ldan 'das de bzhin gshegs pa rdo rje rin chen gyis/ rin chen sgron ma 'phro ba'i ye shes rdo rje zhes bya ba'i ting 'dzin la snyoms par zhugs nas/ rdo rje zhes bya ba'i khro bo chen po sku gsum rnams las phyung ngo// na ma sa man ta bud d+ha nan/ oM dzi nar ti ta hUM hUM/ phaT phaT swAhA/ de nas khro bo 'di brjod pas// sangs rgyas byang chub sems dpa' rnams// 'jigs par gyur cing skrag gyur nas// gtso bo rnam par snang mdzad dran// srin po 'byung po mkha' 'gro dang// skem byed gdon rnams gzir ba las// rdo rje'i gzir ba sbyor ba yis// hUM tsam gyis kyang las byed do// de nas bcom ldan 'das de bzhin gshegs pa rdo rje mtha' yas kyis/ yon tan rin po che dpag tu med pa kun nas brtsegs pa'i rdo rje zhes bya ba'i ting nge 'dzin la snyoms par zhugs nas/ rdo rje pad+ma'i khro bo chen po 'di sku gsum rnams las byung ngo// oM hUM hUM hUM/ ta ru la bi ru la sarba bi sha sha g+ha ta ka/ dza li ta/ bi pu ling gi/ ad ta ha se ke sa ri/ sa ta to pa badzra/ khu ra ni rag+ha ta/ tsa tsa li ta ba su ta/ ta la ni sha sa/ ma ru stod kyi pa ta/ d+ha ra ni d+ha ra/ bi sha na/ ad tad ta ha sa/ a pa ra mam/ ba la par kra ma/ ar+ya b+hi ta b+hud ta ga na/ bud d+ya b+hud t+ya ha ya gri ba/ kha da kha da/ pa ra man traM/ bin d+ha bin d+ha/ sid d+hi ma mi dri shi/ a be sha ya a be sha ya/ dzar bi sha tsa/ sarba gra he sh+ya/ a pra ti ha to b+ha pa/ badzra daM sh+ta ki mA ra ya si/ i da tu sh+ta gra ha na/ dush+ta sarba ma ba/ d+hu na d+hu na/ ma tha ma tha/ ma ta ma ta/ ban d+ha ban d+ha/ b+hud d+ha d+harma/ saM ga a nu dz+nya taM/ karma ku ru shi g+ha ne/ ha ya gri pa ya phaT/ badzra ra ya phaT/ badzra g+ha tra ya phaT/ badzra ne tra ya phaT/ badzra dang shah+ya phaT/ badzra khu ra ya phaT/ badzra khu ra ni rag+ha tra ya phaT/ pa ra man tra bi na shan ya phaT/ tre log kya b+ha yang ka ra ya phaT/ sarba kar me sh+ya a a pra ti ha ti ye phaT/ badzra ku la traM sa na ya phaT/ hUM hUM hUM phaT phaT phaT swAhA/ de nas khro chen byung ba yis// rdo rje pad mchog las byung rnams// yid ni 'jigs shing skrag par 'gyur// 'khor rnams 'jigs pas rnam 'khrugs nas// byang chub tshogs ni dran byed cing// ye shes rdo rje rjes dran gyur// lag pa la ni pad+ma dang// ha zhes bya ba mchog 'bar bsam/ khro rgyal ting 'dzin la gnas nas// rdo rje gsum yig 'dzin pa yin/ khams gsum dag kyang khyab byed pa'i// mi zad dug ni drang bar bya// de nas bcom ldan 'das de bzhin gshegs pa don yod grub kyis/ don yang dag par grub pa'i rgyan mtshan gyi mchog nor bu'i rdo rje zhes bya ba'i ting nge 'dzin la snyoms par zhugs nas/ khro bo'i rgyal po chen po be con sngon po can 'di rdo rje gsum rnams las phyung ngo// na ma sa man ta bud+d+ha nan/ oM e h+ye hi b+ha ga ban/ ni la dan Da/ badzra d+han ta/ tu ru tu ra/ hu lu hu lu/ ha ha gu lu gu ru/ gu la pa ya/ kra ma kra ma/ b+ha ga b+han/ pa yu be ge na/ b+hu tan shri g+h+ran/ da ha da ha/ da ra da ra/ ba ha ba ha/ pa tsa pa tsa/ pa ta pa ta/ pA ta ya pA ta ya/ pa ta la ta ya/ ma ta ma ta pa ya/ sarba karma ni/ tshin d+ha tshin d+ha/ b+hag k+Sha ya/ b+hag k+Sha ya/ me d+ha ma sa ya/ ru d+hi ra mas s+ya/ me ta ma ta dza/ ru d+hi ra pa ya/ a h+ye hi b+ha ga ban/ sarba b+hig g+ha ni/ sarba b+hig g+ha ni/ sarba b+hi da d+h+ye ni/ sarba mu la karma ma na/ sarba mu la gra ha na/ ha na ha na/ b+han dza b+han dza/ ma ra d+ha ma ra d+ha/ i na me ka r+yang sa d+ha ya/ hUM hUM na la ya/ ni la dan Da badzra ya/ tu ru tu ru b+hig g+han/ na sha ka ya/ hu ru hu ru/ dib ta tsan ta ya/ sarba sha truM na na/ hri ta ya ni/ bi ta ya/ tshin da bid d+ya nan/ che da ka hUM/ byid t+ya nan/ shi ta karma ra sa ma yan/ badzra d+ha ra pa tsa na na/ ma rma ni ni krin tra hUM/[ ¿]/ hUM na ha na/ da ha da ha/ tu ru tu ru/ ku ru ku ru/ phaT phaT/ hUM hUM/ kri tan tra ya de ba/ ri shi bdi tra pa ka ya badzra dan de na swAhA/ khro bo chen po'i mchog gsungs ma thag tu bdud kyi ris thams cad dang/ sangs rgyas kyi zhing khams rab tu g.yos te/ sku gsum gyi mchog gtso bo rnam par snang mdzad dran par gyur to// sangs rgyas thams cad kyi sbyor ba'i cho gas bskul nas/ brgya rtsa brgyad bzlas brjod byas pa tsam gyis mod la khro bo chen pos gsod par byed/ de nas bcom ldan 'das rdo rje'i de bzhin gshegs pa mi 'khrugs pas/ bkod pa kun tu rnam par 'phro ba'i rdo rje zhes bya ba'i ting nge 'dzin la snyoms par zhugs nas/ stobs po che 'di rdo rje gsum las phyung ngo// na ma sa man ta bud d+ha nan/ oM hUM hUM hUM phaT phaT phaT/ u tra shu la pa ni/ hUM hUM hUM phaT phaT phaT/ oM dz+yo ti ni ri na da/ hUM hUM hUM/ oM oM oM phaT phaT phaT/ oM mahA pa la swAhA/ de nas khro 'di gsungs tsam gyis// gdengs ka yis ni bskor ba kun// yid ni shin tu 'jigs skrag ste// rdo rje rnam par snang mdzad dran// gsang sngags rgyal po bzlas pa yis// las kun rab tu grub par byed// char pa che na gcod 'gyur la// char pa chung na rab tu 'bebs// de nas bcom ldan 'das kyis kun tu 'bar ba'i snying po zhes bya ba'i ting nge 'dzin la snyoms par zhugs nas/ khro bo chen po 'dod pa'i khro bo 'di sku gsum rnams las phyung ngo// na ma sa man ta bud d+ha nan/ oM ta ka hUM dza/ de nas khro bo gsungs pa yis// sangs rgyas thams cad rab tu 'dar// byang chub sems dpa' rnams kyang rab tu skrag/ bdud kyi dpung rnams lhung bar 'gyur// rkang g.yas sna tshogs rdo rje yi// sbyo bar mtshan pa mtshan nas su// sku gsum ye shes stobs ldan pas/ khro gnyer rim pa gnyer byas te// gsang sngags kun gyis bkug nas ni// sems can thams cad dbang du byed// de nas bcom ldan 'das rnam par snang mdzad chen pos/ rdo rje rab tu 'bar zhing 'phro ba'i ye shes rab tu 'bar ba zhes bya ba'i ting nge 'dzin la snyoms par zhugs nas/ rdo rje khro bo mi g.yo ba gtum po 'di rdo rje sku gsum rnams las byung ngo// na ma sa man ta bud d+ha nan/ oM a tsa la ka na/ nad ta nad ta/ mod ta mod ta/ sad ta sad ta/ ti ta ti ta/ a bi sha a bi sha/ ma ha ma ha/ mad ta pa la ka/ d+hu na d+hu na/ ti ni ti ni/ kha da kha da/ b+hig g+ha na/ mA ra ya mA ra ya/ duSh+Than/ rak+Sha rak+Sha maM/ sarba na ku ru ku ru/ ki ri ki ri/ mahA bi sha ma badzra phaT/ spo ta ya spo ta ya/ hUM hUM hUM/ tri ba li/ ta rang ga/ a nan ta ka/ oM hUM hUM hUM/ a tsa la tse ta/ spo ta ya spo ta ya/ hUM a sa man ti ka/ traM ta mahA ba la sha ta ya/ sa ma ya na/ traM maM haM/ shud d+h+ya du lo ka/ tu sha tu sha/ badzra na mo tu/ a pra ti ha ta/ ba le b+h+ya dza la ya tra ta/ a sa ha na ma swAhA/ de nas rdo rje mi g.yo ba// khro bo stobs chen 'di gsungs pas// lha dang klu kun mngag gzhug byed// gnod sbyin srin po lha ma yin// 'jigs pa thob nas brgyal bar 'gyur// bdud kyi sde rnams lhung nas su// tshig gcig rab tu zhum bzhin du// gtso bo rdo rje snang mdzad dran/ khro bo'i rgyal po 'di yis ni// 'jigs pas nyen rnams 'gugs byed cing// gtso bo rnam par snang mdzad nyid// sna tshogs las rnams myur du mdzad// de nas bcom ldan 'das de bzhin gshegs pa rnam par snang mdzad chen pos sku gsum gyi rdo rje ye shes 'bar ba'i 'od zer gyis/ 'jigs pa chen po'i rdo rje zhes bya ba'i ting nge 'dzin la snyoms par zhugs nas/ rig pa'i rgyal po gnod mdzes 'di gsungs so// oM suM b+ha ni suM b+ha hUM/ gr-i ha na gr-i ha na hUM/ gr-i ha na pa ya gr-i ha na pa ya hUM/ a n+ya ho b+ha ga ban/ bi d+ya rA dza hUM phaT/ de nas khro 'di gsungs pa yis// lha yi bu mo thams cad ni// skra tshugs zhig cing gcer bur gyur// mig rtsa rig rig byed pa dag/ sku gsum rdo rje'i mchog mnga' ba// zhabs kyis nu ma gnyis mnan pas// gtso bo rdo rje rnam snang mdzad// ye shes kyis 'joms dran par byed// lcags kyu yis ni rnam dral te// rdo rje zhags pas bcings nas su// bu mo thams cad dgug bya ba// bu mo dgug pa'i mchog yin no// de nas bcom ldan 'das ye shes chen pos rnam par bsgyings pa'i dga' ston ces bya ba'i ting nge 'dzin la snyoms par bzhugs nas/ sku gsum gyi mchog rdo rje 'chang skyed par mdzad pa 'di sangs rgyas dang byang chub sems dpa' rjes su dran par mdzad do// 'khor lo che la rnam gnas nas// sangs rgyas rnams kyi sprin dag dang// de bzhin rdo rje 'chang ba'i sprin// rdo rje lcags kyu zhags thogs 'byin// kun mkhyen ye shes las byung gtso// gsang sngags skyes bur bdag bsgoms na// sangs rgyas kun kyang 'gugs byed na// rdo rje 'chang sogs ci zhig smos// bud med lha min bu mo dag/ rlung la rkang pa gzhag nas su// lcags kyus snying las drangs ni// sems can kun kyang 'gugs 'gyur te// 'di la spyad pa cung zad med// rdo rje rnam par snang mdzad ni// sku che zla ba'i kha dog na// zla ba'i dkyil 'khor la gnas pa// rdo rje bdud rtsi 'babs bsams te// lan grangs bcu ni brjod pa yis// de ni gdon mi za bar khugs// rdo rje dkyil 'khor las byung ba// rdo rje lcags kyu sku chen po// 'bar ba'i 'od zer 'phro ba yis// gzhon nu ma dag nges par 'gugs// rdo rje gsum 'khrungs khro bos ni// rdo rje sa 'og gnas pa ste// lha ma yin kun nges sreg cing// lha min bu mo rjes chags pas// gsal shing gis ni bsgyel nas su// rdo rje lcags kyu zhags pa yis// drangs nas lha min bu mo 'gugs// btsag dang thod lo skor dang ni// ba bla 'byor pa gang yang rung// gzas zin tshe na khar bcug ste// rdzas rgyal rdo rje lcags kyus bsgrub// drag po rlung dang khyab 'jug dang// klu mo gnod sbyin gnod sbyin ma// mngag gzhugs bcas pas 'jigs skrag ste// ming bris kun na rtag tu 'gugs// sangs rgyas 'khor lo legs zhugs te// 'jam pa'i rdo rje rnam par bsgom/ khro bo chen po gshin rje gshed// lag na rdo rje lcags kyu thogs/ khros shing 'bar ba 'phros pa yis/ gnod sbyin pho mo bkug nas spyad// phyag rgya gsang sngags sbyor ba dang// bsam gtan 'khor lo sbyor ba yis// dgug par bya ba'i tshig gsungs pa// gzhan du byas na 'grub mi 'grub// rgyal po'i zhabs drung kun gnas pa// rdo rje sems dpa' sems dpa' che// kun gyi sems rab rdzogs byed pas// yang dang yang du bskul bar bya// de nas bcom ldan 'das rnam par snang mdzad chen pos rdo rje de bzhin gshegs pas/ ye shes kyis rnam par rgyal ba zhes bya ba'i ting nge 'dzin la snyoms par zhugs nas/ rgyal mo chen mo rnam par bskul ba'i rdo rje 'di rdo rje gsum rnams las phyung ngo// oM shu la ni swAhA/ de nas 'di ni gsungs tsam gyis// klu mo dbang chen grags pa dag/ gos dang bral zhing tshig pa bzhin// gtso bo rdo rje snang mdzad dran// gsang sngags rig pa 'di yis ni// klu rnams thams cad 'gug par byed// bsam gtan rdo rje mthu dang ni// gsang sngags bzlas brjod byas pa yis// gser gyi gdub rgyan g.yon par ni// klu mo mig yangs bkug nas su// 'dod pa'i yon tan lngas chags pa'i// klu mo nye bar spyod par byed// de nas bcom ldan 'das kyis nam mkha' chen po'i shugs rgya mtsho 'phro ba'i dam tshig ces bya ba'i ting nge 'dzin la snyoms par zhugs nas/ skul byed chen mo'i gzungs kyi rigs sngags chen mo 'di gsungs so// na ma sarba ta na nan/ sarba saM bud d+ha kro d+hi nan/ tad+ya thA/ oM tsa la tsu le tsun de swAhA/ de nas rig sngags che gsungs pa// sangs rgyas zhing rnams rab tu g.yos// byang chub sems dpa' rnams kyi lus// ting nge 'dzin las g.yos par 'gyur// bdud rnams brgyal zhing tshig nas su// thams cad cho nges 'debs par byed// sa yi 'og gi bu mo dang// lha min mo dang klu mo dang/ gsang dbang bu mo rnams 'khrugs nas// gtso bo rdo rje snang mdzad dran// rig sngags 'di ni bzlas pa dang// bsgom pa yi ni sbyor ba yis// bzlas pa tsam gyis 'grub 'gyur zhing// bkug nas rab tu longs spyod byed// de nas bcom ldan 'das kyis nam mkha' mdzod kyi rdo rje rnam par rgyal ba'i mchog ces bya ba'i ting nge 'dzin la snyoms par zhugs nas/ chos bdud rtsi'i dam tshig gi rdo rje khro gnyer 'di rdo rje sku gsum rnams las phyung ngo// oM b+ha ya na sha ni tra sa ni tra se tra sa ya/ b+h+ri ku ti ta ti/ be ta ti be ta ti/ be ra ti be ra ti/ shwai ti shwai ti dza ti swAhA/ de nas 'di ni gsungs tsam gyis// rig sngags 'chang dang lha rnams kun// g.yos shing 'jigs pa thob par 'gyur// bdud rnams 'jigs pas rnam 'khrugs te// yid ni gcig tu dran par byed// gtso bo rdo rje rnam snang mdzad// yid gcig tu ni dran par byed// nor bu'i gdub rgyan g.yo ba ni// rig sngags 'chang ba klu mor bcas// lha min mo dang gsang ba yi// bu mo kug nas spyod par byed// 'di ni las kun byed pa dang// mkha' 'gro ma rnams 'jig par byed// yang na gsang sngags thams cad ni// skye bo med pa'i nags tshal du// sngags pas bye ba bzlas nas su// las rnams thams cad bya bar gsungs// gang gzhan slob dpon smod pa dang// theg pa chen po sun 'byin dang// mi gang gsang sngags rgyud 'di dag/ sbyor ba la ni 'phya byed pa// de yis dngos grub thob mi 'gyur// de ni rtag tu gdon gyis zin// bsgrims nas bsad par bya ba'am// yang na lus ni gzhig par byed// sngags pas 'di ltar byas nas ni// byang chub dngos grub legs par 'grub// phyogs bcu'i sems can thams cad ni// sku gsum ye shes las byung bar/ khyad par du ni bsgom bya ba// dgra la'ang 'dir ni the tshom med/ khrag gam chu yis brlan pa'am// dur khrod thal ba'am bshang gci 'am// brlan pa'i gos ni bgos nas kyang// rkang pas mtshan ma mnan nas su/ khro bo'i rgyal po sbyar byas te// gsang sngags brgya rtsa brgyad bzlas nas// sangs rgyas kyang ni nges par 'dzin// chus brlan pa yi gos bgos te// khro bo'i mdun du bcings nas su// rkang pa g.yon bas mnan nas ni// sangs rgyas nyid kyang nges par 'dzin// bshang gc-i yis ni sbang ba'i gos// rul pa'i dri can smad pa dag/ bgos nas gsang sngags bzlas brjod na// mod la 'chi'am bskams par 'gyur// dur khrod thal chus bskus pa'i gos// bgos nas khro bo 'khrugs pa yis// lan grangs stong du brjod na ni// rdo rje sems dpa' rnam par 'jig/ skra ni lhug par bshig nas su/ kha bzhin rnam par bsgyur byas te// rkang pas mtshan ma mnan nas ni// nam mkha'i khams kyang 'jig par 'gyur// ma mo'i gnas sam dur khrod dam/ kha stong lam ni bzhi mdo 'am// mtshan ma gcig gam shing gcig gam// drag shul spyad pa brtsams par bya// de yi rkang rjes sa la ni// mi rus las byas phur bu dag/ sor brgyad tsam gyi tshad tsam la// lan grangs brgya rtsa brgyad brjod pa'i// phur bu yis ni btab nas su// dgra yi khyim sgor bgor te gzhug/ sangs rgyas sku gsum mchog sbyin pa// shes dang mi shes spangs pa yang// zla phyed nya yi nang rol tu// 'jig pa'am ni 'jig par 'gyur// mkhas pa'i thob pa yongs tshang ba/ khyad par can ni rnyed pa dang// de la gsang sngags tshig bris te// rdo rje'i tshig gis bzlas brjod nas// dgra yi sgo kha'am yang na ni// grong du sbas na nges par krid// ta la'i 'dab ma'am gzhan la'ang rung/ khro bo gsang sngags legs bris te// dgra yi khyim mam sgo khar na// sbas na 'chi ba'am bskams par 'gyur// zhes bcom ldan 'das rdo rje rnam par snang mdzad chen pos bka' stsal to// de nas bcom ldan 'das kyis de bzhin gshegs pa thams cad kyi sku gsum rdo rje'i phur bu'i ye shes kyi rdo rje zhes bya ba'i ting nge 'dzin la snyoms par zhugs nas/ khams gsum thams cad kyi ye shes sku dang gsung thugs rdo rje'i phur bu zhes bya ba 'di nyid kyi sku gsung thugs rdo rje rnams las phyung ngo// oM g+ha g+ha g+hA ta ya g+hA ta ya/ sarba duSh+ta na phaT/ kI ya ya kI la ya/ sarba pA paM phaT swAhA/ hUM hUM badzra kI la ya/ badzra ha ri Adz+nyA pa ya ti/ kA ta bA ga tsit+ta/ badzra na kI la ya hUM phaT/ de nas 'di ni gsungs tsam gyis// rdo rje dbang cher grags pa kun// brgyal nas 'di gsungs skyes te// rdo rje rnam snang mdzad pa dran// bi rus pa yi phur bu yi// yang na seng ldeng las byung ba'am// lcags las byas pa'i phur bus ni// rdo rje sems dpa' rnam par 'jig/ rdo rje sems dpa' mnyam gzhag ste// 'od bzang me stag 'khrug pa can// sku gsum rdo rje mthas gtugs pa// gzugs brnyan la ni bsams nas sbyar// rnam snang phyag rgya chen po'am// yang na 'dod chags rdo rje can// phyag rgya chen po gshin rje gshed// 'dod pas khro ba nyid du ni// rdo rje'i phur bu bsam par bya// bdag nyid chen po stobs po che// bdud rtsi thal sbyor rdo rje dang// rdo rje yi ni rnal 'byor gyis// sdang dang gtum po gcad par bya// sangs rgyas bdag nyid chen po yang// thugs nas zhabs la thug bar du// rdo rje'i phur bu rnam par bsgom// rdo rje'i ting 'dzin sbyor ba yis/ sangs rgyas dag kyang nges par gnon// 'di ni phur bu'i thur brlabs te// steng 'og lha yi dam tshig yin// rgyal chen rdo rje sems dpa' dang// sangs rgyas thams cad gnas pa yi// ting 'dzin sbyor ba 'di yis ni// myur du 'chi ba'am bskams par 'gyur// de nas bcom ldan 'das de bzhin gshegs pa rdo rje'i rnam par snang mdzad chen pos/ de bzhin gshegs pa'i sku'i ye shes rnam par bsgyings pa'i rdo rje zhes bya ba'i ting nge 'dzin la snyoms par zhugs nas/ rdo rje'i sku gnyis su med pa'i dam tshig gis phur bu'i gsang sngags 'di nyid kyi rdo rje'i sku dang/ gsung dang/ thugs rnams las phyung ngo// oM tshin da tshin da/ da ha da ha/ di ba ta tsakra hUM phaT/ phan tshun bzlas pa'i tshul gyis ni// mthe bo'i ngos ni drung du bsdu// snang mdzad zhabs kyis mnan nas su// rdo rje phur bus gdab par bya// btab pa tsam gyis sems dpa' che// sku gsum ye shes las byung ba// dam tshig mchog gi bzhed par mdzad// gzhan du byas na brlag par mdzad// de nas bcom ldan 'das kyis rdo rje thugs kyi ye shes chen po rnam par bsgyings pa'i rdo rje zhes bya ba'i ting nge 'dzin la snyoms par zhugs nas/ dam tshig chen po'i stang stabs kyi phur bu zhes bya ba'i gsang sngags 'di nyid kyi rdo rje'i sku dang/ gsung dang/ thugs rnams las phyung ngo// oM badzra rA dza hUM/ rtse mo lnga pa bcings nas su// me stag 'phro ba bsgom byas te// rdo rje'i phur bus gdab par bya// btab pa tsam gyis rgyal po che// sku gsum ye shes las byung ba// dam tshig mchog gis bzhengs par mdzad// gzhan du byas na brlag par 'gyur// de nas bcom ldan 'das kyis 'jig rten dbang phyug gi dam tshig mchog rnams bsgyings pa'i rdo rje zhes bya ba'i ting nge 'dzin la snyoms par zhugs nas/ gsung dam tshig gi stang thabs kyi phur bu'i gsang sngags 'di nyid kyi rdo rje'i sku dang/ gsung dang/ thugs rnams las phyung ngo// oM hri oM b+hur b+hu pa/ rdo rje sor mo bcum pa'am// pad+ma kha phye 'bar ba yi// 'dod chags rdo rje'i zhabs kyis mnan// rdo rje phur pus nges par gdab// btab pa tsam gyis rgyal po che// sku gsum ye shes las byung ba// byang chub mchog gang bzhengs par mdzad// gzhan du byas na brlab par 'gyur// sku gsung thugs kyi chags pa yis// cho ga bzang po tsam gyis ni// rdo rje mkha' dbyings mthas gtugs pa// mnan 'gyur 'di la the tshom med// ces bcom ldan 'das rnam par snang mdzad kyis rdo rje'i phur bu'i tshig gi rnams bka' stsal to// de nas sangs rgyas sku gsum mchog/ sems can khams la phan bzhed rnams// dgyes shing mgu ba brnyes nas su// rdo rje'i dbyings kyis 'di skad gsung// kye ma'o gsang ba'i tshig gi mchog/ kye ma'o gsang ba kun 'dus pa// kye ma zhi ba'i chos kyi tshig/ ye shes rdo rje'i phur bu rmad// gsang sngags kun gyi phur bu 'di// bde gshegs bka' yi rjes su byed// de dag sangs rgyas kun gyi ste// phur bu de nyid rnams las byung// de nas bcom ldan 'das kyis chom rkun thams cad lhongs par byed pa'i rdo rje zhes bya ba'i ting nge 'dzin la snyoms par zhugs nas/ rig sngags kyi rgyal mo chen mo 'od zer can zhes bya ba 'di gsungs so// oM ma ri ts+ye de ba ta ye swAhA/ rin chen gsungs pa'i mdo la ni// dbang chen grags pa'i sangs rgyas kun// thugs ni dgyes shing mgu bar 'gyur// sras bcas kyi ni spyan yang phyed// 'di ni las rnams thams cad ma// chom rkun sdang ba 'ching mdzad ma// 'di yi sbyo ba la gnas na// 'gro ba'i tshe na mthong mi 'gyur// de nas bcom ldan 'das kyis gnod par byed pa thams cad gdul ba'i rdo rje zhes bya ba'i ting nge 'dzin la snyoms par zhugs nas/ srin mo glog 'bar ba'i bsgyur ba'i snying po 'di gsungs so// oM ro tri na/ pra ku pa ti tsan de/ ma hA be g+he d+ha ri bid ru dzi he/ ma ho da ri ro tre ka pa la ma ma la d+ha ri/ dza ta ma ku ta man ti te/ nan pra ha ra na d+ha ri/ hUM hUM phaT phaT/ ta thA ga ta ya sa ma ya/ ma nu smar/ hUM hUM/ pra mar d+ha ya/ sarba sha tru nan/ sho na ti bi ba tsan de ba ga d+ha ri// pa tsa ta pa te/ sha ta ya hUM/ bi ka ra bi ka ra hUM/ da ha da ha/ sarba sha tru na/ sarba duSh+taM ni krin ta/ tra sa ta yaM hUM/ mahA be ga ba ti/ dza la dza la hUM phaT phaT/ che ge mo zhig me ba sha ma na ya swAhA/ de nas srin mo 'bar ba'i glog/ rig sngags chen mo 'di gsungs pas// bdud kyi gnas rnams tshig par 'gyur// dgra rnams kyi ni snying ya bskams// dur khrod kyi ras la srin mo'i bcag gis bris nas legs par sbas te/ gu gul gyis bdug pas bsreg cing/ lan brgya rtsa brgyad bzlas brjod byas la/ me tog dmar po dang/ dri dmar po dang/ gtor ma dang lha bshos dmar po byas pa byin nas/ dur khrod du bskor bar bya'o// de'i steng du ming nas smos shing brgya rtsa brgyad bzlas brjod byas pa'i yungs kar gyis gtor ro// brkos pa'i mod la phyir rgol ba dang dgra thams cad bcings par 'gyur ro// mnan pa dang rmongs pa dang bar 'gyur ro// de nas bcom ldan 'das kyis nad chen po thams cad las rnam par rgyal ba'i ye shes kyi rdo rje zhes bya ba'i ting nge 'dzin la snyoms par zhugs nas/ mi ngas chen po nye bar mdzad pa'i rig sngags kyi ri khrod kyi lo ma can 'di gsungs so// oM bi sha tsi pa rna sha ba ri/ sarba ma ri pra sha ma ni hUM/ de nas rig sngags che gsungs pas// sangs rgyas zhing rnams rab tu g.yos// gnod byed nad 'go srin po dang// sdang ba rnams kyi sres kyang zags// yaM shing lo ma can dang til// 'o ma dur bas zhi bar 'gyur// nam mkha' kun nas rig sngags kyi// rgyal mo legs par bkang nas su// bdud rtsi char 'bebs bsams na ni// mod la gnod pa zhi bar 'gyur// de nas bcom ldan 'das rnam par snang mdzad chen po rdo rje de bzhin gshegs pas sdang ba thams cad rnam par 'joms pas/ sems can sgrol bar byed pa'i ye shes chen po'i stobs kyis rnam par rgyal ba'i ting nge 'dzin la snyoms par zhugs nas/ stong pa chen po rab tu 'joms pa'i sngags kyi rgyal mo 'di gsungs so// oM ha ra phra mar d+hi/ ne bar sid de da yi ge ma ni/ badzre hUM phaT swAhA/ de nas rig sngags che gsungs pas// sangs rgyas zhing rnams rab tu g.yos// byang chub sems dpa' thams cad dang// bdud kyi ris rnams g.yos par gyur// gtso bo rdo rje snang mdzad la// thams cad tshig bzhin 'dud nas su// bcom ldan rig sngags mthu stobs kyis// gnod bgyid thams cad gzir lags so// gang na rig sngags stobs po che// pha rol gnon pa 'di zlos pa/ der ni bdag cag mi mchi zhing// der ni srung ba dag kyang bgyid// sa yi ye shes las bskrun pa// stong chen rab tu 'joms mdzad ma// lha mo nad kun 'phrog ma ste// sdang ba'i sems rnams 'joms mdzad ma// phyag stong ldan zhing zhal stong la// spyan gsum dag gis rnam par brgyan// bcon chen phyag brgyad khro bo dang// steg ba'i thabs kyi dgongs pa can// phyag g.yas mchog sbyin lha rdzas kyi// ral gri lcags kyu mda' dang ldan// phyag g.yon pad+ma rdo rje nor// zhags pa gzhu dang sta re dang// mdog dmar zhal ras bzhi pa ste// bgegs stong 'joms par mdzad pa yin// rang gi rnal 'byor la brtson pas// nam mkha'i mthas gtugs 'jug cing spro// glang po rta dang skyes pa dag/ za bar mdzad ma 'bar 'phreng can// de yi las kyis bskul ba ni// gsang sngags dpa' bos gdon par bya// rnal 'byor dbang phyug las 'dod pa'i// 'di byas pas ni srung bar 'gyur// dpung chen po la rnam par lta ba'i thams cad srung ba'i stobs kyi mchog/ stong chen mo rnam par 'joms pa'i ye shes kyi rnam par rgyal ba'i rdo rje zhes bya ba'i ting nge 'dzin to// de nas bcom ldan 'das rnam par snang mdzad chen po rdo rje'i de bzhin gshegs pas// brgya byin mngon par mtho ba'i stobs lha ma yin rnam par 'joms pas rnam par rgyal ba'i ting nge 'dzin la snyoms par zhugs nas/ rgyal mtshan gyi rtse mo'i dpung rgyan gyi gzungs chen mo 'di gsungs so// oM b+ha ga ba ti hA tsag kra/ ke yu re ba ra sen/ bid dan sa na ka ri/ swa sen pa ri pa ri pa la ni/ u la kha mu khi kha kha khA hi/ pa ra s+ye n+ye ma/ a naM ta mu khe na/ a nan ta bu tso na/ pra ha ra ha ha ra hUM phaT phaT swAhA/ de nas rig sngags che gsungs pa// sangs rgyas zhing rnams g.yos par 'gyur// byang chub sems dpa' rab g.yos shing// bdud kyi rnams ni tshig par 'gyur// gnod sbyin srin po gos bral nas// 'jigs shing skrag par 'gyur ba yis// gtso bo rdo rje rnam par snang mdzad dran// bcom ldan 'das kyi rig sngags kyi rgyal mo'i gzi brjid kyi tshig lags te/ bdag cag dam tshig la gnas par 'tshal lags na/ mgon mdzad cing lus thams cad rab tu sgrub tu gsol/ oM zhes bya bas bskyed pa'i mdzub mo'i phyag rgya can/ drag mo chen mo zhal bzhi pa// spyan gsum dang phyag brgyad kyis rnam par brgyan pa la/ ral gri dang/ gtun shing dang/ 'khor lo dang/ mda' bsnams pa/ mdung rtse gsum pa dang/ rdo rje dang/ gzhu dang/ chom rkun la mdzub mos bsdigs pa ste/ rdo rje'i ro langs 'byung ba dag/ mthong bas dpung rnams bcom gtor la// lha mo rtag tu bsgoms nas ni// ring por mi thogs byang chub 'thob// 'jig rten gsum rnam par 'joms pa la mkhas pa mchog gi rtse mo'i rdo rje zhes bya ba'i ting nge 'dzin to// de nas bcom ldan 'das rnam par snang mdzad chen po rdo rje'i de bzhin gshegs pas// mngal thams cad yang dag par bskyed pas khyab pa'i rdo rje zhes bya ba'i ting nge 'dzin la snyoms par zhugs nas/ rig sngags kyi rgyal mo chen mo so sor 'brang ma 'di gsungs so// oM ma Ni d+ha ri badzra ni mahA pra ti sa re swAhA/ rig sngags chen mo gsungs pa dang// rig sngags rgyal mo'i mthu yis ni// mi yi skye dgu mtsho byed pa// mthu chen mngal ni 'phrog pa dang// log 'dren kun dang sdang ba rnams// mi bzad me lces tshig gyur nas// 'jigs pa dang ni skrag pa dang// rdo rje rnam mdzad drung lhags te// zhabs la gtugs te tshig smras pa// bdag cag dam tshig gnas par 'tshal// rig sngags dam tshig rtag gnas pa// gang gi mngal yang mi 'phrog cing// rtag tu mngal ni spel bar 'tshal// pra yi ye shes las bsgrubs pa// stobs mo che pha rol gnon par mdzad/ spyan gsum phyag brgyad kyis rnam par brgyan pa/ phyag g.yas na ral gri dang/ 'khor lo dang/ mdung rtse gsum pa dang/ mda' dang/ phyag g.yon na rdo rje dang/ zhags pa dang/ dgra sta dang/ gzhu bsnams pa/ zhabs bzhi pa/ 'jol ba dang/ dpa' bo'i thabs kyis rol pa/ sku gsum 'phro ba dang ldan pa/ 'bar ba'i dkyil 'khor gyi nang na bzhugs na/ sdang ba'i bgegs rnams ltung bar mdzad par bya'o// bu mi 'tsho ba dang mo gsham dag gsang ba'i dkyil 'khor du bcug nas/ lha rnams kun gyi bum pa yis// slob dpon gyis ni dbang bskur zhing// de yi mngal du byis pa ni// 'jam pa'i gzugs can 'jug pa bsam// zhags pa'i phyag rgyas mtshan ngan nas// skyes pa'i gzugs can dbyung ba dang// bral bya sdig pa bral nas kyang// mngal ni bsod nams dag gis spel// mngal thams cad la rnam par lta ba so sor 'brang ba ye shes kyi rnam par rgyal ba zhes bya ba'i ting nge 'dzin to// de nas bcom ldan 'das rnam par snang mdzad chen po rdo rje'i de bzhin gshegs pas/ nor gyi rgyun gyi yang dag par 'dzin pa'i ye shes kyi rdo rje zhes bya ba'i ting nge 'dzin la snyoms par zhugs nas/ rig sngags kyi rgyal mo chen mo nor gyi rgyun 'di gsungs so// oM ba su da re ma hA ba su bri sh+ti ni pa ta ni ba su swAhA/ nor gyi rgyun ces bya ba yi// rin chen gsungs pa'i mod la ni// bgegs dang log 'dren thams cad dag/ yid ni 'jigs shing skrag gyur nas// rdo rje rnam par snang mdzad kyi// drung du nye bar 'ongs nas su// dam bca' ba yi tshig smras pa/ bcom ldan nor rgyun ces pa yi// mtshan ni mi mchog sgrogs bgyid na// de la nor gyi char dbab cing// nor chen dag dang ldan par bgyi// lha mo nor gyi blo gros ma// ba yi ye shes rol pas bskrun// gzi can gser gyi mdog can la// phyag drug lang tsho dar la bab// rgyan rnams kun gyis brgyan pa ste// 'jo sgeg thabs mkhas 'bar ba can// de yi phyag g.yas mchog sbyin mdzad// gnyis pa 'bru yi snye ma can// gsum pa yis ni mda' yang gsor// phyag g.yon yid bzhin nor bu dang// rin chen char 'bebs gzhu yang 'dzin// grogs mo'i skye bos yongs bskor cing// mngag gzhug gnod sbyin mo yi gzugs// rin chen char pa 'bebs par mdzad// nor kun gyi ni char pa dag/ 'bebs par byed par bsam par bya// nor gyi blo gros chen po ni// de ltar sngags pas bsgoms na des// dpag tshad bdun ni rgyas pa yang// nor gyi cher gyis khyab par mdzad// byang chub sbyin mchog sbyin mchog dam pa ma// de ltar rnal 'byor bdag nyid bsgom// nor gyi rgyun gyi char chen po rab tu 'bebs pa'i ye shes kyi rdo rje zhes bya ba'i ting nge 'dzin to// de nas bcom ldan 'das kyis 'phrog ma'i dga' ston gnod sbyin ma'i tshogs dga' bar byed pa'i dngos grub kyi rdo rje zhes bya ba'i ting nge 'dzin la snyoms par zhugs nas/ rdo rje chen po'i 'phrog ma'i gsang sngags 'di gsungs so// oM ha ri tri mahA yak+Sha ni ye/ ha ra ha ra/ sarba na ba baM/ k+Shing sarba ya k+Shi na/ pra pe sha ni swAhA/ de nas 'phrog dga' 'phrog ma ni// gnod sbyin chen mo gsungs pa dang// gnod sbyin ma kun g.yos nas su// dngos grub phyir na mngon phyogs gyur// khro bo'i 'khor lo gnod sbyin ma// brgyad dbus 'phrog mas brgyan byas te// lcags kyu 'bras bu le'u le can// gnod sbyin brgyad kyis klubs nas su// gnod sbyin ma kun bsgrub par bya// rgyud kyi rgyal po chen po sgyu 'phrul gyi dra ba las/ gsang sngags ye shes rnam par bsgyings pa rim par phye ba ste lnga pa'o//// de nas bcom ldan 'das rnam par mdzad chen pos rdo rje'i de bzhin gshegs pas/ phyag na rdo rje la 'di skad ces bka' stsal to// sku gsum gyi ye shes kyi rdo rje las yang dag par 'byung ba las phyag rgya tha dad pa rnams/ mnyam par bzhag pa'i sems kyis nyon cig/ gang zhig bcing ba tsam gyis ni// sdig pa kun las rnam grol zhing// 'di ni lus kyi byin rlabs te// rang gi gzugs ni rnam bsgom na// sangs rgyas nyid kyang thob 'gyur na// dngos grub gzhan lta mos ci dgos// lag pa gnyis khu tshur bcangs pa las/ mthe bong gnyis bteg pa ni/ de bzhin gshegs pa'i ste/ sku byin gyi rlabs pa'i phyag rgya'o// de nyid las g.yon pa'i mthe bong nang du bkug ste g.yas bteg pa ni/ 'jig rten dbang phyug ste/ gsung byin gyi rlabs pa'i phyag rgya'o// de nyid las g.yas pa'i mthe bong nang du bcug ste/ g.yon pa'i mthe bong bteg pa ni/ rdo rje 'chang gi ste/ thugs byin gyi rlabs pa'i phyag rgya'o// lag pa g.yas pa'i khu tshur bcangs pa las/ g.yon pa'i mdzub mo bsgreng ba'i thor tog yas pa'i khu tshur gyis bzung ba ni/ rdo rje rnam par snang mdzad ces bya ba'i phyag rgya'o// sems dpa'i skyil mo krung du 'dug nas/ lag pa g.yon pa pang par bzhag nas g.yas pa sa gnon pa ni/ mi 'khrugs pa'i phyag rgya'o// de nyid las g.yas pa'i mchog sbyin par mdzad pa ni/ rin chen 'byung gnas kyi phyag rgya'o// de nyid las lag pa gnyis bsam gtan gyi tshul du byas pa ni/ 'od dpag med kyi phyag rgya'o// de nyid las g.yas pa mi 'jigs par sbyin par byas pa ni/ gdon mi za bar grub pa'i phyag rgya'o// lag gnyis rdo rje bcangs par byas pa las gung mo gshibs cing bsgrengs pa ni/ rdo rje sems ma'i phyag rgya'o// de las gung mo'i tshigs dang po bkug ste rin po che'i tshul du byas pa ni/ rdo rje rin chen ma'i phyag rgya'o// de nyid las gung mo pad+ma'i 'dab ma ltar gdu bu tshul du byas pa ni/ rdo rje chos ma'i phyag rgya'o// de nyid las gung mo nang du bskum pa ni/ rdo rje las ma'i phyag rgya'o// lag pa gnyis thal mo khong stong du sbyar ba las/ mdzub mo gnyis gdu bu ltar byas te mthe bo'i rtse mor mig gi tshul du byas pa ni/ sangs rgyas spyan gyi phyag rgya'o// rdo rje bcings pa las gung mo bsgrengs pa'i tshigs gsum las/ mdzub mo gnyis rdo rje'i tshul du bzung ba ni// mA ma ki'i phyag rgya'o// lag pa gnyis thal mo khong du sbyar te pad+ma kha ma bye ba'i tshul du byas pa ni/ gos dkar can gyi phyag rgya'o// lag pa gnyis thal mo khong stong du sbyar ba las/ mdzub mo gnyis bkug pas sor mos gung mo'i sen mo mnan te/ mthe bong gnyis dbus su bzhag nas cung zad bkug pa/ sgrol ma'i ut+pa la'i phyag rgya'o// lag pa gnyis thal mo sbyar te/ mdzub mo gnyis gung mo'i tshigs dbu mar gdu bu'i tshul du byas nas/ mthe bo dag glor bzhag pa 'di ni/ bkul ma gzugs kyi phyag rgya'o// de nas rdo rje bcing ba byas nas mdzub mo gnyis mthe bo'i rtse mor bkur ba 'di ni/ rin chen sgrol ma'i phyag rgya'o// lag pa gnyis brkyang ste/ mthe bos so so'i mthe'u chung gis sen mo mnan te/ lhag ma rdo rje'i mtshan nyid du byas pa 'di ni/ khro gnyer can ma'i phyag rgya'o// lag pa gnyis so sor khu tshur bcangs pa las/ mdzub mo dang mthe'u chung lu gu rgyud du bcings pa 'di ni/ rdo rje lu gu rgyud kyi phyag rgya'o// lag pa gnyis khu tshur bcangs pa las/ gung mo dang srin lag gnyis bsgrengs te rtse mo tshul du byas la/ gung mo'i rgyab tu srin lag bsnol ba mdzub mo gnyis gdu bu'i tshul du byas pas dkris nas/ mthe bong gnyis mdun du bzhag pa las cung zad bkug ste kha'i tshul du byas pa 'di ni/ gshin rje gshed kyi phyag rgya'o// lag pa g.yon pa rdo rje'i khu tshur bcangs pa las/ khro bo'i mdzub mo snying khar gzhag la lag pa g.yas pa thal lcag gi tshul du byas pa 'di ni/ khro bo gzhan gyis mi thub pa'i phyag rgya'o// lag pa g.yon pa rdo rje'i khu tshur bcangs pa la/ khro bo'i mdzub mo snying khar bzhag la/ lag pa gnyis kyi mthe bong mthe'u chung gi sen mos mnan nas/ dpung mgo'i drung du rdo rje bcings pa'i tshul byas te khros pa ni/ bdud rtsi thabs sbyor gyi phyag rgya'o// rdo rje khu tshur gnyis las mthe'u chung lu gu rgyud ltar 'dud nas mdzub mo gshibs te bsgrengs pa las bzlog ste dpral bar bzhag pa ni/ rta mgrin gyi phyag rgya'o// lag pa gnyis kyi mthe bos srin lag dang mthe'u chung gi sen mo mnan la/ ral gri shubs nas dbyung ba'i tshul du byas pa ni/ 'phags pa mi g.yo ba'i phyag rgya'o// lag pa gnyis rdo rje khu tshur bcangs pa la/ rgyab rtse sprad de mthe'u chung gnyis lug gu rgyud ltar bcings nas/ mdzub mo gnyis bsgrengs pa las zhags pa'i tshul du byas pa ni/ 'dod pa'i rgyal po'i phyag rgya'o// lag pa g.yon pa rdo rje khu tshur gyi mdzub mo snying khar bzhag la/ g.yas pa khro bo'i sor mo be con gyi tshul du 'phyar ba ni/ be con sngon po can gyi phyag rgya'o// lag pa g.yon pa rdo rje'i khu tshur snying khar bzhag la/ lag pa g.yas pa'i rdo rje'i khu tshur brdeg stangs dang bcas pa 'phyar ba ni/ stobs po che'i phyag rgya'o// lag pa gnyis sor mo khur tshur bcangs pa la/ mdzub mo dang gung bsgreng ste sprad nas me tog gi tshul du byas pa ni/ byams pa'i phyag rgya'o// lag pa gnyis thal mo khong stong du sbyar ba las/ mdzub mo gnyis kyis srin lag gnyis kyi sen mo mnan nas/ ut+pal kha bye ba'i tshul du bzhag pa ni/ 'jam pa'i dbyangs kyi phyag rgya'o// lag g.yon pa phang par bzhag la/ lag pa g.yas glang po che'i sna ltar byas pa ni/ spos kyi glang po che'i phyag rgya'o// g.yon pa'i rdo rje khu tshur nam mkha' la bsgrengs la/ lag pa g.yas pa'i khu tshur ba dan gyi tshul du byas pa ni/ ye shes tog gi phyag rgya'o// bzang po'i 'dug stang su 'jug ste/ thal mo khong stong du 'dug ste snying khar bzhag pa ni/ bzang skyong gi phyag rgya'o// lag pa gnyis chu rlabs kyi tshul du brkyang ba sor mo rnams chu rlabs ltar drang ba ni/ blo gros rgya mtsho'i phyag rgya'o// g.yon pa rdo rje khu tshur snying khar bzhag pa las/ g.yas pa mchog sbyin pa ni/ blo gros mi zad pa'i phyag rgya'o// g.yon pa rdo rje'i khu tshur pang du bzhag pa las/ g.yas se gol gtogs pa'i tshul byas pa ni/ spobs pa brtsegs pa'i phyag rgya'o// lag pa gnyis pad+ma cung zad kha phye ba ltar byas pa ni/ mthu chen thob kyi phyag rgya'o// lag pa gnyis 'dor ba'i tshul du byas pa ni/ ngan song thams cad spong ba'i phyag rgya'o// lag pa gnyis thal mo khong stong du sbyar ba las bsnun pa'i tshul du byas pa ni/ mya ngan thams cad kyi mun pa nges par 'joms pa'i blo gros kyi phyag rgya'o// lag pa gnyis bskang nas 'phro ba'i tshul du byas pa ni/ dra ba can gyi 'od kyi phyag rgya'o// g.yas pa mchog sbyin ltar byas la/ g.yon pa zla ba'i tshul du byas pa ni// zla 'od kyi phyag rgya'o// lag pa gnyis bum pa'i tshul du byas nas dbang bskur ba ni/ 'od dpag med kyi phyag rgya'o// g.yon pa rdo rje khu tshur du byas/ g.yas pa'i khu tshur nam mkha' la bskor ba'i tshul du byas pa ni/ nam mkha' mdzod kyi phyag rgya'o// g.yon pa sa la brkyang nas lag pa g.yas pa'i mdzub mo dang mthe bong sprad nas zhu ba'i tshul du byas pa ni/ sgrib pa thams cad rnam par sel ba'i phyag rgya'o// g.yon rdo rje'i khu tshur las khro bo'i mdzub mo snying khar bzhag la/ hUM zhes bya zhing lag pa g.yas pa'i rdo rje khu tshur brdeg stangs dang bcas par phyar ba ni/ ri khrod lo ma can gyi phyag rgya'o// lag pa g.yon pa'i sor mo brkyang ba las/ mdzub mo dang mthe bong skam pas 'dzin pa'i tshul du byas pa/ lag pa g.yas pa khab kyi tshul gyis 'tshe bar byed pa rnams kyi kha mig drub pa ni/ 'od zer can ma'i phyag r gya'o// lag pa gnyis spyi bor sbrul mgo gdengs ka'i gdugs ltar byas nas/ phaT ces brjod pa ni/ dug sel ma'i phyag rgya'o// 'dod pa'i rgyal po'i phyag rgya nyid las/ mdzub mo gnyis bsgrengs pa ni/ rdo rje hUM mdzad kyi phyag rgya'o// de nyid las lag pa g.yas pa'i khro bo lcags kyus dza zhes bya bas dgug pa ni/ rdo rje khro bo'i lcags kyus dgug pa ste/ de bzhin gshegs pa thams cad spyan 'dren pa/ rdo rje khro bo'i lcags kyu'i phyag rgya'o// rdo rje khu tshur gnyis kyi mthe'u chung mche ba'i tshul du byas pa las bsnol te 'gram pa gnyis su bzhag la/ lce lcib cing khro bo'i lta bas blta bar byas pa ni/ rdo rje mche ba'i phyag rgya'o// de nyid las mthe'u chung gnyis bkug la/ mdzub mo gnyis lcags kyu'i tshul du byas nas kha'i grwar bzhag ste/ hUM zhes bya ba'i khro bo'i lta bas lus bcu pa ni/ rdo rje mkha' 'gro ma'i phyag rgya'o// lag pa gnyis rdo rje khu tshur bcangs la/ mdzub mo gnyis brkyang ste bsnol nas gyen du 'deg pa ltar bya ba ni/ dkyil 'khor gyi phyag rgya'o// de nyid las khrig ma gnyis bsnol te btod cing bteg pa ni/ sgo dbye ba'i phyag rgya'o// lag pa gnyis rdo rje khu tshur bsnol nas mchan khung du bsdams te/ khro bo'i lta bas 'gyur ba dang bcas pa ni/ gdon thams cad bskrad par bya ba'i phyag rgya'o// lag pa g.yon pa brkyang ste kha phub la/ de'i steng du g.yas pa bzhag nas/ lag pa gnyis ka'i sor mo bskyod pa ni/ lha ma yin gyi sgyu dang/ 'khrul 'khor dbye ba dang/ lha ma yin gyi bu mo bu smra gzhug pa'i phyag rgya'o// lag pa gnyis kyi mthe bong dang mthe'u chung gnyis lu gu rgyud ltar bcings te bzhag la/ lhag ma ba dan rtse gsum pa'i tshul du byas nas/ stang thabs dang bcas par hUM zhes bya ba'i khro bo rdo rje sa 'og gi phyag rgya'o// g.yon pa rdo rje khu tshur gyi khro bo'i mdzub mos bsdigs pa ni/ rdo rje nag mo'i phyag rgya'o// rdo rje bcings pa las mdzub mo gnyis brkyang ste phur bu'i tshul du byas pa ni/ rdo rje phur bu'i phyag rgya'o// g.yas pa'i rdo rje khu tshur brdung ba'i tshul du byas pa ni/ rdo rje tho ba'i phyag rgya'o// lag pa gnyis rdo rje khu tshur bcangs pa las/ mdzub mo gnyis brkyang ste rdo rje mdud pa bor ba'i tshul du byas pa ni/ de bzhin gshegs pa thams cad kyi rdo rje bcing ba'i phyag rgya'o// lag pa gnyis rdo rje khu tshur bcangs te sog le drang ba'i tshul du byas pa ni/ rdo rje sog le'i phyag rgya'o// lag pa gnyis zla ba'i tshul du byas te gdong g.yog cing brkyang la khro bo'i mig tu byas nas a la la zhes bya ba ni/ rdo rje srin mo'i phyag rgya'o// lag pa gnyis lu gu rgyud du bcings la mdzub mo dang mthe bong gnyis chen po'i tshul du byas pa ni/ sprin thams cad gtub pa chen po'i phyag rgya'o// lag pa gnyis khu tshur bcangs pa las// mdzub mo gnyis gdu bu ltar byas te/ skam pa'i tshul du dpung pa brkyang ba ni/ 'khrul 'khor gyi phur pa dbyung ba'i skam pa'i phyag rgya'o// lag pa gnyis kyi mthe bong lag mthil du bzhag ste/ lhag ma rnams 'dab ma ltar g.yab cing rkang pa ya gcig sa la btsugs la/ gcig rgyab tu bskum nas/ khro bo'i lta bas lce lcib bcing hUM phaT ces bya bas rim gyis bskyod nas ni/ rdo rje nam mkha' lding gi phyag rgya'o// 'di bcings pa tsam gy-is khams gsum khyab pa'i dug kyang skad cig gis sel bar byed do// rdo rje khu tshur gnyis mda' gzhu dag pa'i tshul gyis phyogs bzhir mda' 'phangs te 'phags pas pha rol dpung gzhig pa ni/ mnyes par byed pa'i mda'i phyag rgya'o/ khu tshur gnyis la gung mo gnyis gshibs te bsgreng ba las rin po che'i tshul du bkug la/ mthe bong brkyang ba'i steng du mdzub mo gnyis gdu bu'i tshul du byas pa ni/ sangs rgyas 'khor lo can gyi phyag rgya'o// g.yul las sgrol bar byed pa'o// lag pa g.yon pa'i mthe bos sor mo mnan te gung mo bsgreng la g.yas pa pad+ma kha bye ba'i tshul du byas pa ni/ ha la ha la'i phyag rgya'o/ khu tshur gnyis kyis mthe'u chung gnyis dkris la/ mdzub mo gnyis gshibs te bsgrengs nas bzlog la 'phrar bar bzhag pa ni/ rdo rje khrag 'thung gi phyag rgya'o// dur khrod du 'dzug pa nam mkha' 'gro rnams 'jigs par byed pa'o// g.yon pas thod pa bzung la g.yas pas mdung rtse gsum thogs nas/ ral pa bcings te zla bas brgyan cing mtshan ma bsgreng la mig gsum pa gar byed pa ni/ gar thabs kyi phyag rgya'o// 'di ni bde byed kyi phyag rgya'o// phyag g.yas pa mi 'jigs par byas pa la sor mo rnams cung zad phye ste/ mthe bong lag mthil du bzhag la/ de bzhin du g.yas pa'i khu tshur dbyug tho 'dzin pa ltar byas pa ni/ khyab 'jug gi phyag rgya'o// lag pa gnyis brkyang nas pad+ma'i tshul du byas pa ni/ tshangs pa'i phyag rgya'o// lag pa gnyis thal mo khong stong du sbyar te me tog ltar byas pa ni// ma mo rnams kyi phyag rgya'o// rdo rje khu tshur gnyis kyis ni// rgyab tu mdud pa ltar 'dod zhing// rdo rje sems ma la sogs pa'i// rin chen cod pan 'phreng dbang bskur// ting 'dzin gnas pa 'khor lo can// 'khor lo mnga' ba'i lha rnams la// sangs rgyas sa ni rab 'gengs pa// gsang ba'i mchod pa 'byung bar bsam// 'gyur zhing chub zad 'jo tshul can// sgeg mo yi ni phyag rgya yis// gar gyi tshul du bskyod nas kyang// hUM zhes bya ba glur blang zhing// de nas sangs rgyas kun dgyes pa// rdo rje'i rgyud ni bsgreng bar bya// de na 'phreng tshul 'phreng ba yis// lha rnams kun la bcing bar bya// 'jo sgeg thabs la spro ba yis// lag gnyis bskor zhing dgrol ba dang// g.yas nas g.yon du bskor ba yis// gar thabs byas nas mgo la gzhag/ me tog dbul ba'i tshul du ni// gar gyi me tog thal mo sbyar// bdug spos rtse mo'i sbyor ba yis// gung mo gnyis ni bzlog ste bsgreng// stang stabs bskor zhing bsgyur ba yis// mthe ba gnyis mar me'i tshul du bzhag/ dung gi tshul du lag bsgyur nas// dung phor lta bur mchod yon 'bul// de nas lha rnams kun la yang// lag pa'i gar gyis byug tshul bya// de nas sil snyan tshul gyis su// lag gnyis sil snyan legs par brdung// dung dang gling bu 'bud pa dang// lag pa yis ni rnga yab g.yab// bsil yab tshul gyis bsil yab dang// rtse mo gnyis kyi rgyal mtshan bya// mtshon dgyes che na lcag phran ltar// bskyod cing tshon phye 'phreng ba dgye// lag g.yon snod kyi tshul byas la// g.yas pa yis ni lha bshos dbul/ khang pa brtsegs pa bzhag nas su// gos kyi tshul gyi rnam pa dang// gdu bu do shal rkang rgyan dang// rna cha gnas lnga rnams su gzhag/ de nas gdugs kyi tshul gyis su// lha rdzas gdugs ni legs par gzugs// bsam gtan tshul gyi lag pa dag/ nam mkha' la ni mdzes bskor na// sangs rgyas zhing bar 'gengs byed pa'i// bla re rnam pa sna tshogs 'gyur// gar ni pad+ma'i 'phreng ba dang// dril bu g.yer ka'i dra bas brgyan// gsang sngags 'dis ni cho ga bzhin// rdo rje dril bu gsil ba yis// sgo 'phar dag kyang dbye bar bya// oM badzra gan d+he rat+na/ pra rat+na sa ma pra rat+na/ sarba bud+d+ha k+She traM/ pra tsa li re/ pra dz+nyA pa ra mi ta na da swa ba be/ badzra da ra hri da ya/ A ba to sha ni/ hUM hUM hUM/ lag pa g.yas pa rdo rje gsor// sna tshogs khugs su 'gyur ba yi// rdo rje glu yis bstod par bya// rdo rje theg pas mnyes byed pa// 'di ni don dam mchod pa yin/ gang gis rnam rtog rnam spangs te// byang chub sems ni rnam bsgoms pas// lus ngag sems ni rnam dag pa// de yi mchod pa bla na med// sems can gang gis dbu ma yi// theg pa bsgoms pas ma bsgoms shing// theg pa dman la lhag mos pa// de yi mchod pa kun rdzob bo// sangs rgyas dbang chen grags kun gyis// mchod pa de dag gsan pa dang// ngo mtshar gyur pa'i spyan phye nas// legs so zhes ni rab tu gsungs// byang chub slad du sangs rgyas ni// kun gyi thabs kun ngo mtshar che// rdo rje bsgom par byas pa yis// nyon mongs med par byang chub 'thob// rdo rje'i theg chen legs pa ste// sangs rgyas rnams kyi bstan pa legs// zab cing rgya chen legs pa ste// rdo rje rin chen kun 'dus legs// de nas ye shes kyi sku gsum las byung ba'i byang chub sems dpa' de dag gi/ sangs rgyas thams cad kyi rdo rje'i theg pa'i bsngags pa thos nas/ dga' bas spu zing zhes byed par gyur nas/ gtso bo rdo rje rnam snang la// dga' ba'i yid kyis bstod pa byed// thog ma med cing skye ba med// 'gyur ba med cing gnas pa med// mkha' bzhin rnam rtog las grol ba// rtogs pas de rnams rnam par brtags// thabs su brtag pa gang yin pas// ye shes kyi ni sras po kun// rdo rje theg pa bsgom pa yis// sangs rgyas pa yang thob par zhes smras so// bde ba las 'khrungs rdo 'chang ba yis// dngos po dngos med 'byung gnas chen por mkhyen// gang du dang po rnam par snang mdzad ni// dag cing dri med blos ni oM du sprul// gzugs mang tshul gyis 'phreng bar bskor ba yi// sgyu 'phrul dra ba khyod la phyag 'tshal lo// gsung snyan yi ge kun la khyab pa yis// spros med gsung du 'jig rten dbang phyug bzhugs// mig gsum lha mo dang bcas 'dul mdzad pa// rdzu 'phrul tshul dang ldan pa 'ga' ma mchis// gang du bde chen rang bzhin rjes chags pa// na chung dag dang lhan cig bzhad cing bzhugs// g.yas pa'i phyag gis rdo rje gsor nas su// g.yon pa'i phyag gis dril bu 'khrol// lha mo mtha' dag btsun mor gyur pa yis// dam tshig rnams kyis bya ba byas par 'gyur// gcig gi lag pas kun nas 'khyud pa ste// gnyis pa rjes su chags phyir bde ba'i mthu// gsum pa mi bzad me tog 'phreng ba 'thor// bzhi pa bde ba'i mda' yang 'phen// gang zhig glu 'di len par byed pa dag/ bde ba'i rdo rje can dang mnyam par 'gyur// 'di ni sangs rgyas thams cad mnyes par byed pa'i rdo rje'i glu yin no// oM a nud ta ra sarba bu dza me g+ha ud ga te pha ra na hri mngag ga na khang hUM phaT swAhA/ 'di lan gsum brjod pas mchod pa'i sprin rab 'byams thams cad byin gyis brlabs par 'gyur ro// rgyud kyi rgyal po chen po sgyu 'phrul dra ba las/ phyag rgya'i mchod pa rim par phye ba ste drug pa'o//// de nas bcom ldan 'das rnam par snang mdzad chen pos sku dang/ gsung dang/ thugs rdo rje de bzhin gshegs pa la/ de bzhin gshegs pa thams cad dang/ byang chub sems dpa' thams cad kyis tshig mthun par sgra dbyangs gcig gis gsol ba btab pa/ bcom ldan de bzhin gshegs kun gyis// ye shes gcig pa dri ma med// byang chub sems ni rin po che// bla na med pa bshad du gsol// de nas bcom ldan 'das de bzhin gshegs pa thams cad kyis gsol pa btab par thugs su chud nas/ byang chub sems dpa' thams cad la 'di skad ces bka' stsal to// sems ni lus kyi rnam pa yin la/ lus kyang sems kyi rnam pa yin zhing/ sems kyang tshig gis rab tu brjod pa yin no// de nas byang chub sems dpa'i de dag gis/ de bzhin gshegs pa thams cad kyi sku dang/ gsung dang/ thugs kyi rnam par sbyor ba thos nas/ ched du brjod pa 'di brjod do// kye ma'o kun tu bzang po ni// sku gsung thugs kyi rdo rje can// chos rnams skye ba med pa ste// yi ge med cing gnas med la// rtog dang spyod pa'i tshul spangs 'di// bskyed par bya zhes rab tu gsungs// de nas bcom ldan 'das de bzhin gshegs pa mi 'khrugs pas/ gsung spros pa med pa'i rdo rje zhes bya ba'i ting nge 'dzin la snyoms par zhugs nas/ byang chub kyi sems 'di gsungs so// dngos po 'di dag ma skyes te// chos can med cing chos nyid med// nam mkha' bzhin du dmigs med pa// byang chub sems ni brtan pa yin// zhes bcom ldan 'das rdo rje'i de bzhin gshegs pas gsungs so// de nas bcom ldan 'das de bzhin gshegs pa rin chen 'byung gnas kyis/ de bzhin gshegs pa thams cad dmigs su med pa zhes bya ba'i ting nge 'dzin la snyoms par zhugs nas/ byang chub kyi sems 'di gsungs so// dngos po 'di dag dngos med de// chos kyi mtshan nyid spangs pa yin// bdag med chos la legs byung ba'i// byang chub sems ni brtan pa yin// bcom ldan 'das de bzhin gshegs pa rin chen tog gis gsungs so// de nas bcom ldan 'das 'od dpag med kyis me lce 'bar ba zhes bya ba'i ting nge 'dzin la snyoms par zhugs nas/ byang chub kyi sems 'di gsungs so// dngos po skye ba med pa la// dngos po med cing bsgom du med// nam mkha'i go 'phang thob nas su// de ltar dngos rnams rab tu brjod// ces bcom ldan 'das de bzhin gshegs pa 'od dpag med kyis gsungs so// de nas de bzhin gshegs pa don yod grub kyis// de bzhin gshegs pa thams cad kyi bla ma'i rdo rje zhes bya ba'i ting nge 'dzin la snyoms par zhugs nas/ byang chub kyi sems 'di gsungs so// chos rnams rang bzhin 'od gsal ba// gdod nas dag cing rnyog pa med// sems can med cing srog kyang med// sangs rgyas nyid dang byang chub med// rmi lam sgyu ma ltar snang ba'i// byang chub sems ni brtan pa yin// zhes bcom ldan 'das de bzhin gshegs pa don yod grub kyis gsungs so// de nas yang byang chub sems dpa' sems dpa' chen po byams pa la sogs pas/ de bzhin gshegs pa thams cad kyi sku dang/ gsung dang/ thugs rdo rje de bzhin gshegs pa'i byang chub kyi sems rnam par dag pa thob nas/ ngo mtshar skyes par gyur te/ ched du brjod pa 'di brjod do// kye ma'o sangs rgyas kye ma'o dag/ kye ma'o chos ni ston pa rnams// bdag med chos la legs byung ba// byang chub sems la phyag 'tshal lo// byang chub tshogs kyi bsgom pa yis// mi g.yo yi ge las byung ba// rmi lam sogs ltar de bzhin skyes// rdo rje sems la phyag 'tshal lo// gnas dang stan ni rnam bsams te// sems dpa'i skyil mo krung bcas nas// dang po rang bzhin dag pa'o zhes// dag pa'i chos kyis tshul la gnas// yid kyis hUM byas rdo rje can// rdo rje sems mas byin gyis brlabs// rin chen lus su nga rgyal bya// lag pa lcags kyu yis ni spyan yang drang// byon nas dang por phyogs bcings te// dam tshig dag kyang dbul bar bya// gdan rnams so sor phul nas su// mchod yon dbul ba'i sbyor ba byas// dbang bskur mtshon cha go cha sogs// sil snyan mchod sogs ngo bo bya// rnam pa kun gyis mnyes bya ba// rnal 'byor bdag nyid can gyis brtags// rnal 'byor rnam gsum shes bya ste// byin gyis brlabs dang ye shes brtags nas su// gzugs nyid rdzogs par gyur pa ni// rnal 'byor yin zhes sangs rgyas gsungs// sngags kyis byin rlabs nga rgyal bskyed// rnal 'byor byin rlabs yin par gsungs// byang chub sems ni dag pa dang// gsang sngags sa bon skye ba'i tshe// phyag rgya'i tshigs su btags pa yis// rim gyis gzugs ni rdzogs byas la// de yi rtags par brjod pa ste// rnal 'byor cho ga yin par gsungs// bsdu dang spro bar bya ba las// rnam pa'i mchog kun ldan pa dag/ skad cig ye shes kyis rdzogs pa// rdzogs pa'i rnal 'byor zhes brjod do// dang po'i dam tshig byin rlabs par// rnal 'byor spyod pa dag gis btags// rab tu rdzogs par bya ba dag/ 'di ni rnal 'byor cho gar bshad// nyon mongs dri mar byas pa'i sems// byang chub sems kyis dag bya ste// de ni rang bzhin dag pa'o zhes// brjod cing thal mo gsum gyis sbyar// dag gyur de nas blo yis ni// sems la so sor brtag par bya// sems la so sor brtags nas su// phyi rol rang bzhin stong bar bya// sems tsam gyis ni gnas nas su// byang chub phyogs kyi bag chags des// bsgom par bya ba'i ngo bo dag/ zla ba'i gzugs su rnam par brtag/ pa yi pad+ma la gnas pa// oM gyi myu gu bskrun pa yi// yan lag kun gyi mtshan nyid gzugs// rdo rje'i sku ni bsgom par bya// A zhes bya ba spros med gsung// sems ni hUM zhes bya bar sprul// yi ge gsum gyis byin rlabs lus// snying la gnas pa'i zla ba'i gzugs// de la rang gi yi ge ni// mdog gzugs 'od ni byed bsams te// nga rgyal bskyed nas de la ni// rdo rje bdag nyid bdag yin brjod// rgyan kun yongs su rdzogs pa dang// 'od kyi dkyil 'khor gyis brgyan pa// cha shas kyi ni dra ba can// ye shes sems dpa' rdzogs par brtag/ de'i 'og lag pa'i phyag rgya yi// go cha mtshon cha la sogs bya// rdzogs sangs rgyas lngas dbang bskur te// cod pan 'phreng ba rnams kyis klubs// de nas de 'og sangs rgyas kyi// sprul pa mdzad pa'i sgyu ma spro// yan lag bzhi pa'i dpung ldan pa'i// phyogs bcur khro bo bcu dag dang// bsnyems ma dang ni tog ldan ma// mtshon cha ma dang rtsed mo dang// sgyu ma'i cha byad rnams mang po// rnam par 'phrul ba byin gyis brlabs// kun la khyab par byed pa yi// sna tshogs dbus su gzhag nas ni// de nyid chen po'i bdag nyid lngas// phyogs bzhi 'khor los khyab byas te// dga' bar dga' byed bzhi yang spro// ting 'dzin kun gyi dga' ba la// longs spyod pa yi sngags pa yis// 'khor lo la ni rdo rje'i gzugs// pad+ma'i gzugs las de dag ni// 'khor lo kun la pad+ma yi// ngo bo yis ni rol pa dang// e zhes bya ba 'phros pa las// mdog ldan bdag gi gzugs su bya// mdzes pa'i rgyan rnams kun ldan pa// nyid kyi gdan la bzhugs pa lta// sgeg mo glu dang gar rnams dang// rgyal mtshan la sogs mtshon dgye dang// sil snyan mchod pa'i rnam pa ni// sna tshogs rnams kyis mchod pa bya// rnam pa kun dang ldan par ni// bdag nyid kyi ni lus bsgoms na// myur ces pa dang bul ba dang// mi gsal gug skyed nyams pa dang// rtog pa ngan pa rnams spangs nas// de nas gsang bsngags bzlas brjod bya// bzlas pa skyo na lag g.yas kyis// bsgrims te rdo rje gsor nas kyang// g.yon pas rdo rje dril gsil zhing// rdo rje'i glu tshul sna tshogs dang// ba dan tshul du byas pas mchod// bzlas pa'i mjug ni bsdus nas kyang// gshegs su gsol te bdag nyid bsrung// lus dang ngag dang sems bsgoms te// brtan po ci bder 'gro bar bya// bar chad du yang gyur na yang// yi ge brgya pas byin gyis brlab// de ltar bsgom pas sgom byed pa// rdo rje theg pas rab rdzogs pa'i// byang chub sems ni myur thob nas// zla ba'i dkyil 'khor lta bur snang// sna tshogs las kyi thog 'dren cing// rin chen rgyal mtshan rab dga' byed// rgyal chen pad+ma'i gdung rgyud can// gnas chen 'jig rten dbang phyug 'gyur// dpal ldan rig sngags kun gyi gtso// dga' chen 'dod dgu'i lcags kyur 'gyur// sgyu ma bshig pa kun shes shing// dregs pa 'joms byed khro bar 'gyur// rgyud kyi rgyal po chen po sgyu 'phrul gyi dra ba las/ byang chub sems bsgom pa'i ye shes bsgrub pa rim par phye ba ste bdun pa'o//// de nas bcom ldan 'das rdo rje'i de bzhin gshegs pa rnam par snang mdzad chen pos/ de bzhin gshegs pa thams cad kyi bka'i 'khor lo rab tu bsgrub pa'i ye shes kyi rdo rje zhes bya ba'i ting nge 'dzin la snyoms par zhugs nas/ phyi nang gi 'khor lo thams cad rab tu bsgrub pa'i las kyi sbyor ba rab 'byams 'di bka' stsal to// lha ni gang yang rung pa zhig/ 'khor lo'i dbus su gzhag na ni// de yi ming smos rdo rje yi// dkyil 'khor yin zhes sangs rgyas gsung// zhi dang rgyas dang drag shul dang// dbang gis las la sbyor ba ni// 'khor lo'i rgyal po rnam bsgoms nas// bdag po nyid kyi rab tu bya// zhi ba spyan dang skul byed ma// rgyas pa rin chen gos dkar mas// dbang la sgrol ma lu gu rgyud// yams dang gnod pa gzhig pa'i phyir// 'od zer can dang ri khrod mas// drag shul spyad na mA ma ki khro gnyer can ma dag gis bya// 'di dag shes rab ral pa ste// chags pa rdo rjes rjes chags pa// gsang sngags de nyid kyis bskul na// gdon mi za bar 'phrin las mdzad// spyan dang lha mo bskul byed ma// dbang po zhi ba zla 'dra ba// phyag gnyis na ni bgrang 'phreng dang// ril ba spyil blugs kyis brgyan pa// dang por ting 'dzin gyis sprul nas// bum pa zla ba'i mdangs ldan pa// bdud rtsi 'o mas rab bkang ste// lag gnyis pad+ma'i gdub mchog gis// rnam par snang mdzad zhabs drung du// nad pa la ni gtugs par bsam// rin chen ma dang gos dkar can// sku che kha dog ser po ste// lha mo ser por snang ba la// phyag na rin chen pad+ma can// dang po ting 'dzin gyis sprul nas// yid 'ong rgyas par 'dod pa yis// rin chen 'byung ba'i zhabs drung du// bdud rtsi rab tu dgang ba dang// bla med rin chen char phab na// rgyas pa mtshungs med mdzad par 'gyur// lha mo sku chen mdog dmar ba// sgrol ma de bzhin lu gu rgyud// kun nas 'od dmar 'bar ba can// lha rdzas lcags kyu zhags thogs pa// rab tu bzhad cing spyan phye nas// 'od dpag med pa'i zhabs drung du// bsgrub bya rgyags pas myos pa dag/ bkug ste mda' yis bsnun nas ni// skad cig nyid la dbang du mdzad// mi ngas gnod pa gzhig pa'i phyir// sku chen nam mkha'i kha dog can// 'od zer can dang ri khrod mas// rdo rje don yod zhabs drung du// mkhas pas sngar bshad tshul du ni// bdud rtsi yis kyang rnam par bzlog/ lha mo khro gnyer mA ma ki/ ma rgad lta bu'i mdog can la// hUM zhes bya ba'i sgra sgrogs pa// rdo rje sdigs par brtson pa yis// rdo rje mi 'khrugs zhabs drung du// khros nas rdo rje me yi char// 'bebs par rnam par bsam par bya// rdo rje rab tu 'bar ba des// bsgrub bya tshig nas myogs zhes byed// sbyor ba 'di yi mod la ni// de ni 'chi bar 'gyur ba'am// yang na lus ni 'jig par mdzad// byin rlabs dam tshig dbang bskur la// rdo rje sems ma rin chen 'chang// chos dang rdo rje las ma bzhi// sbyor ba rnams ni rab tu sbyar// sems dpa' chen po bcu drug kyang// bla med 'khor lo byed pa ste// rang gi phyogs gnas las byas nas// 'bras bu don yod sbyin par byed/ khro bo'i lus la legs gnas te/ khro bo'i rgyal po sbyor ba bya// dam tshig la sogs cho ga bzhin// der ni rdo rje bsgoms nas bskul// rkang pa'i rjes kyi sa blangs la// dur khrod thal ba dag dang bsre// de yi rab blangs mi rus dang// chu 'gram gnyis kyi sa dag ni// btags nas lung bong gcin gyi bkru// de nas dgra bo'i gzugs byas la// de tshe gzugs brnyan bcing bar bya// dug dang ske tshe lan tshwa dang// 'bru mar tsha ba rab spros te// dgra bo'i tshe ba bskyed pa'i phyir// de yis lus nang rab tu dgang// de nas rnam shes rlung 'dra ba'i// lcags kyu yis ni bkug nas kyang// sprin bu me khyer 'dra bcug ste// zhags pa yis ni dam du bcing// de ni rdo rje'i sgrog tu gzhug/ bsgrims nas de yi ming smos te// dgra bo'i lus ni ma lus par// ma da pa yi tsher mas dbug/ mi rus las byas phur bu'am// yang na seng ldeng las byung bas// dpral ba snying mgrin dpung mgo gnyis// gnas lnga dag tu bsgrims te gdab// nim pa'i shing la spar ba yis// me 'bar ba la bskam par bya// mkhas pas rkang pa nas brtsams te// mtshon cha rnon pos gtubs nas ni// 'bar ba'i lus can khros pa yis// de yi dum bu sbyin sreg bya// las 'di la yang ni lhag par yang// ru sbal gyi ni rkang stabs sbyar// nyi ma gung ngam nam phyed na// las 'di nyid ni bsgrub par bya// las 'di byas na nges par ni// gang zhig rgyal bas bsrungs na'ang des// nges par 'chi na khyab 'jug dang// lha chen tshangs pas ci zhig smos// phyi rol gyi drag shul spyad pa'i cho ga'o//// gsod pa'i ye shes las sprul pa// nang gi yang na bshad par bya// bsgrub bya yid kyis bsrungs nas su// cho ga bzhin du dgug par bya// lag na mtshon cha ral gri dang// be con rdo rje gtun shing zhags// lag na 'khor lo mda' gzhu can// khro bo sna tshogs bsams nas des// bsgrub bya zhags pas bcings nas su// rdo rje yi ni khro bo yis// lho yi phyogs su khrid pa dang// rdo rje gzhan gyis rdog bzhin du// de yi ral gris gtubs pa dang// rgyu ma lang long nar bar bsam// oM hUM badzra rak+Sha swAhA/ bag k+Sha ya tha phaT/ rdo rje srin por bsgoms nas kyang// bya rog wa dang bya rgod kyis// kun nas yongs su bskor nas su// de dag bza' rtog byed par ni// bsgom zhing ming nas bskul bar bya// rlung gi dkyil 'khor la gnas pa// rdo rje'i rnga mo rnam bsams te// bsgrub par bya ba yongs brtags pas// de yi rgyab tu zhon nas su// rdo rje khro bos gzir nas su// lho phyogs su ni bkri bar bya// de yi rkang rjes sa dang ni// rlung gis gtsubs pa'i shing lo la// de yi ming nas brjod byas te// rdo rje sna yon rkang drung sa// de lta bur ni sbyor ba'i las// bsgom zhing cho ga bzhin byas nas// brgya byin nyid kyang bskrad 'gyur na// sa stengs skye bo smos ci dgos// de'i ming gsang sngags dang spel te// 'ug pa'i sgro la bris nas ni// dge sbyong bram ze'i skras dkris te// sa yi 'og tu brkos nas gzhug/ rdo rje khro bo gnyis kyis ni// thal mo 'gyed par bsam par bya// de ltar bsam pa'i sbyor ba yis// 'dod pa bzhin du byed par 'gyur// hUM zhes bya ba'i gang ba yi// rdo rje phra mo bsgom byas nas// sna yi rtse mo nas bton te// bsgrub bya'i lus ni dgang bar bya// lus kyi tshigs ni thams cad du// sna tshogs rdo rjes bcings nas su// rdo rje 'bar ba 'phros gyur pa// de ni lus kyang bskam par bya// rdo rje mkha' 'gro ma bsgoms te// kun nas kyang ni gzhib par bya// oM badzra DA ki ni a mu kas s+ye/ rag te ma sha kar sha/ tsu sha ya hUM phaT/ sbyor ba'i rim pa 'di yis ni// bskams 'gyur 'di la the tshom med// mkhas pas rlung gi phyogs song ste// dkyil 'khor gru bzhir byas nas ni// spos kyi thig le bdun byas te// de dag kham pa'i phor pas gdab// de ni ri rab thams cad bsam// rtse mo brgyad par sprul byas te// rdo rje 'phro bas brgyan pa yi// de dag rnams ni gnas par bya// yaM zhes bya ba'i skyed pa'i rlung bdun rnams// la zhes bya ba mtshan ma'i dbang chen gyi// nang du rlung rnams nges par chud par bya// de yi sbyor bas 'jigs pa'i rlung rnams bcings// pad+ma 'dab brgyad bsgom la// de'i 'dab ma la// klu brgyad bkod dbus ma'i tshogs 'bar ba can// rdo rje khro bo'i sku yi zhabs mthil gyis// klu rnams mnan na char sprin char pa 'bebs// hUM zhes bya ba gnyis dbus klu rnams kyis// snying po yongs bcug spel mas gzir nas su// hUM zhes bya bas bzlas brjod byas nas ni// 'jig dus char pa lta bu'i char pa babs// nyi ma'i mdog ltar dmar po'i 'od bzang zhal// nam mkha' khyab par rnam par gdangs nas ni// kun nas char chus yongs su gang ba'i sprin// hUM zhes bya ba'i 'bar ba'i lce yis bldag/ dbugs rngubs pa yis bkug nas 'byung ba yis// shing bal bzhin du rab tu gtor bar bya// yang na rang gi phyag rgya'i tshogs 'bar pa// btags pas skad cig la ni gcad gtubs te// hUM zhes bya bas bsdig pa byas na ni// nam mkha'i dkyil 'khor dag kyang ston ka'i dus ltar snang// me yi dkyil 'khor la gnas snang mdzad kyi// zhal drug 'phra dbyes nas byung mi g.yo bran// bdud las rnam rgyal phyag drug mda' gzhu dang// ral gri zhags bsnams rdo rje char 'bebs pa/ khro bo grangs med pa yis yongs bskor nas// bgegs rnams skrag mdzad hUM gi sgras bkang nas// 'jig rten gsum po gang ba'ang rnam par 'jig/ rkang rjes sa dang khyi yi khrag dag las// mi yi gzugs byas mi rus phur bu la// 'od zer can gyi gsang sngags bsgrags pa yis// lan grangs nyi shur mngon bsngags mig tu gdab// tshogs kyi bdag po'i khar ni mi bcug nas// phyi sbyin rdo rje gtun shing dag gis bsrung// oM sum b+ha badzra mu sa len/ tsu ra na ya/ na ra byig ga na hUM phaT/ las 'di bsams pa'i mod la ni// mi yi bgegs kyang bzlog par 'gyur// stang zil kha dog lta bu'i nam mkha' lding// lus la sbrul stong dag gis brgyan byas pa// mkha' la 'dug nas gdengs ka stong ldan pa'i// klu brgyad dag dang char sprin dag la bsgo// brgya byin bka' ni de dag gis thos nas// sprin tshogs bum pa'i char gyis me yang gsod// nam mkha' lding gi 'dab mas bkab nas ni// mchus brkos chu klung gis ni mtshams kyang gcad// oM badzra na ra ya na/ nir b+ha pa yA/ bAn d+hi na bAm bu me ge hUM/ zhal ras gsum pa ston ka'i zla ba'i mdog/ phyag bzhi 'od dmar sna tshogs 'bar ba'i 'od// lha mo bzhi pa bsnyems ma byams ma dang// chu sprin rgyal mtshan me tog rol pas bskor// g.yas pa'i phyag gis rdo rje legs gsor cing// g.yon pas rdo rje dril bu rked par bzhag/ ldem bag 'jo sgeg tshul gyi rol pa ste// sems pa 'byung ba'i sprin dang rnam par 'brel// rnam pa kun gyis rnam brgyan cing// rin chen cod pan dbang bskur bas// nam mkha' las ni dbab pa yi// thog thog rnam par bzlog par bya// oM ma hA su ka badzra che ge mo dza zhes bya ba dang/ hUM zhes byas nas/ su ra ta ban d+ha hUM phaT/ sbyor ba 'di ni byed pa yis// bla med byang chub rgyas par 'gyur// de nas bcom ldan 'das rdo rje'i de bzhin gshegs pa rnam par snang mdzad chen pos/ mi 'khrugs rin chen 'od dpag med// don yod gsang sngags rgyal rnams dang// bzang po rnam pa bcu drug po// kun nas drag po'i ting 'dzin las// gnas pa yi ni khro bo dang// gsang sngags rdzogs mdzad rigs rgyal ma// rnam pa kun dang ldan pa dag/ rims bral rang gi ting 'dzin gnas// thams cad ldan pa'i 'khor rnams la// gzigs pa chen pos rnam gzigs nas// sku gsung thugs kyi rdo rje can// smin ma mdzes par bskor nas su// yan lag 'phrog ba'i 'dzum mdzad nas// thugs kyi sems ni dga' bar mdzad// dga' bar mdzad pa'i mong la ni// sangs rgyas mchog kun gyis mchod pa// shes rab chen po'i thog 'dren pas// bsgrims te rdo rje gsor nas des// bde chen ting 'dzin la gnas te// ldem bag 'jo tshul gyis bltas nas// lag gnyis pad+ma'i tshul bsgyur te// spyi bor thal mo sbyar byas nas// ye shes lam ni rab ston pa// rgyal chen rnam par snang mdzad la// lag na rdo rje stobs po che// yid rgyas pa yis tshig gsol pa// ci slad rnam pa thams cad du// zur gyis rnam par gzigs pa dang// smin ma bskyod bcas 'dzum mdzad pa// ye shes rnam par bsgyings pa gsungs// byang chub chen po'i rdo rje can// lag na rdo rjes gsol mod la// brtan zhing zab mo'i gsung gi ni// sangs rgyas rnams kyi rol pa mdzad// bsgom pa'i lam las legs byung ba// rdo rje ye shes rnams kyis thabs// bde bas byang chub thob 'gyur ba// sangs rgyas kun dang sangs rgyas kyi// rjes su 'brang ba'i 'khor nyon cig/ gang la dngos rnams dngos med cing// mtha' gnyis kyis ni mtshan ma med// dbus la'ang spyod pa med pa dag/ dus gsum 'das pa nam mkha' 'dra// thabs dang shes rab rnam spangs pa// de la byang chub ji ltar rtogs// rtog par 'dod pa de dag gi/ thabs rnams nga yis bshad par bya// phung po dngos po dngos med pa'i// byang chub sems ni grogs gyur pa'i// sprul pa dang ni bsdu ba yis// sku gsung mchog gis mchod par bya// sems kyi sku ni 'thob 'gyur zhing// sems kyis chos rnams bstan pa yin// sems kyi byang chub 'thob 'gyur bas// de bzhin yid kyi rnam pa bsgom// sems ni sgyu ma'i rnam pa ste// byang chub kyang ni sgyu ma 'dra// dper na sgyu ma'i mkhan po la// gyo mo la ni sngags bzlas te// legs par byas pa'i gzugs dag las// sbyor bsgoms pas ni bsnun na ni// rkang bzhi pa la sogs pa'i gzugs// zhes pa'i sems la snang bar 'gyur// de bzhin bsod nams ye shes las// byung ba'i tshogs kyis bsgom pa'i sems// sems can rnams kyi bsam pa la// bla med byang chub snang bar byed// dngos po'i don dam mi shes pa// phyi rol dngos la mngon zhen pas// ngan par rtog pa'i rnam rtog gis// rin chen sems ni dri mar byas// 'byung ba chen po bzhi rnams dang// dngos po thams cad ldan zhes gsungs// de la gtsang dang mi gtsang sogs// mi shes pa yis yongs su brtags// bdag tu 'dzin la mngon zhen pas// don dam phyi rol byas pa yis// theg pa sman pa pa rnams kyis// bla med byang chub ji ltar 'thob// byang chub rnam pa gnyis gsungs te// lhag ma dang bcas lhag ma med// lhag bcas phung po'i ngo bo ste// nyon mongs pa rnams yongs su bsregs// lhag med bag chags med pa ste// mkha' ltar dri ma med pa yin// bla med byang chub 'di lta bur// sangs rgyas kyis ni rnam par bshad// de yi byang chub sel ba'i phyir// las kyi tshul ni sna tshogs yin// rnal 'byor can gyi gsang sngags gdang// ye shes sems dpa' zhabs drung du// rtag tu mnyes byas ma grub pa'i// lhag ma nga yis bshad byas te// de ni bde rlag thabs kyis su// tshar gcad nas ni bsgrub pa bshad// rdo rje'i lcags kyu rgyal po che// rdo rje zhags pa rab gdung byed// rdo rje khu tshur gzi brjid che// rdo rje phur bu rnam 'dril byed// rdo rje tho ba brdung ba ste// rdo rje nag po cher 'bar ba// lha rnams kun la 'jigs pa bskyed// phyag rgya rnam pa sna tshogs 'di// bsgoms nas las la sbyar ba ni// dam tshig rgyal bas bstan pa'i phyir// mtshungs pa med pa'i las byed do// gsang sngags rig pa hUM zhes pa'i// lcags kyu btab nas zhabs drung dgug/ 'dis ni gal te sangs rgyas sam// rdo rje 'chang ba'ang snying las 'gugs// dam tshig 'dis ni khug pa dang// rdo rje bcing bas bcing bar bya// rdo rje khu tshur gyis gzung na// rdo rje nag mos kun tu bsdigs// rdo rje yi ni phur bu yis// gzugs brnyan gyi ni gnas lnga po// dpral ba mgrin pa snying kha dang// de bzhin dpung pa gnyis su btab// rdo rje tho bas brdung bar bya// cho ga'i sbyor ba 'di yis ni// sangs rgyas nyid kyang nges par mnan// bsdig la sogs pa'i sbyor ba yis// gzugs brnyan mi g.yor gyur ba dang// sangs rgyas byang chub rab rdzogs pa'i// dngos grub de tshe sbyin par mdzad// 'di ni mthu yi bsgrub pa yis// sbyor ba gcig tu gsang chen yin// de nas thams cad dang ldan pa'i 'khor de dag gis gsang ba'i bsgrub pa thos nas/ mgrin gcig tu thams cad kyis legs so legs so zhes gsol to// gtso bo rdo rje rnam snang mdzad// dpa' bo chen po legs so zhes// zab mo chos kyi mchog gyur pa// dam pa bshad par mdzad pa legs// sems can phan phyir thugs brtse ba'i// lcags kyu kun nas 'bar ba legs// bdag med chos rnams bsgrub pa yi// ye shes snying khu 'bar ba legs// gsang chen thams cad brtan pa yi// rdo rje theg pa dge bar gsung// theg pa'i tshul 'di la gnas na// bla med byang chub bde bar 'thob// oM badzra A 'gu sha/ a kar sha ya hUM/ oM badzra pA sha ban d+ha hUM/ oM badzra ka la tar tsha ya hUM/ oM badzra mu ti gri na hUM/ oM badzra ki li ki la hUM/ oM badzra mud ga ro a kro Ta ya hUM/ ye shes kyi snying gus snying po can du gyur pa'i gsang sngags dag pa'i mchog tu gyur pa/ don yod pa'i las grub pa 'di dag su la yang bstan par mi bya'o// rgyud kyi rgyal po chen po sgyu 'phrul gyi dra ba las/ sbyor ba'i thabs kyis bsgrub pa rim par phye ba ste brgyad pa'o//// de nas bcom ldan 'das rdo rje'i de bzhin gshegs pa rnam par snang mdzad chen po/ sbyor ba'i las thams cad kyi rjes su 'brang ba'i rdo rje zhes bya ba'i ting nge 'dzin la snyoms par zhugs nas/ 'bab pa la sogs pa'i las bya ba 'di bshad do// oM zhes bya ba mgor gzhag ste// AHni bzhin gyi sar ma las// hUM ni bskul nas snying khar bzhag/ ya yi rlung gi dkyil 'khor la// gzhag nas bsgrims te bteg byas na// 'gro ba dang ni gnas pa yi// 'gro ba thams cad 'bab par 'gyur// dbab snod skul byed gzugs de yi// gzugs kyi ngo bor bsams nas su// rdo rje 'chang ba'i nga rgyal gyis// gsang sngags snyems dang bcas bar brlag/ brjod par bya ba thogs pa med pa'i 'phreng ba ni/ na ma sa man ta na na/ saM myag saM bud d+ha ya kro Ti nan tad ya tha/ oM tsa le tsu le tsun de swAhA/ brtson 'grus chen mo thogs pa med par 'dul ba/ stobs chen pha rol gnon pa che/ phyag na ral gri dang/ dgra sta dang/ zhags pa bsnams pa/ khro bo chen mo khro mo'i dbang phyug drag po'i gzugs can ma/ zhal ras mtha' yas ma/ phyag stong mnga' ma/ ma 'pham ma/ gzhan gyis mi thub ma/ don yod pa 'dul bar dka' ba/ mig stong ma/ de bzhin gshegs pa thams cad kyis byin gyis brlabs pa/ lha thams cad kyis phyag byas shing mchod pa/ rab tu bsgrub ma rdo rje'i sna mo can/ rdo rjes 'dren pa/ rdo rje'i mtshon cha can/ rdo rje'i sku can ma/ rdo rje'i spyan gdangs pa'i stang thabs can/ drag shul can ma lags kyang/ drag shul can gyi gzugs su bsgyur ba/ sku rdo rje dang baiDUr+Yas brgyan pa/ oM b+ha ga b+ha ste tsun de/ du tri tri tri/ mri mri ru ru sru sru ru ru/ gr-i na gr-i na/ a be sha ya/ a be sha ya/ gri n+ha pa ya gri n+ha pa ya/ ha ra ha ra/ ma ra ma ra/ mA ra ya mA ra ya/ ha ra ha ra/ b+han dza b+han dza/ ma ra ma ra/ mA ra ya mA ra ya/ pa tsa pa tsa/ da ha da ha/ gri n+har gri n+har/ sdang ba'i gdon dang/ rims zhag gcig pa dang/ zhag gnyis pa dang/ zhag gsum pa dang/ zhag bzhi pa dang/ rtag pa'i rims dang/ yud tsam pa dang/ 'byung po dang/ ro langs dang/ gnod sbyin dang/ srin po dang/ grul bum gyi gdon mngal nas skyes pa dang/ las las skyes pa dang/ 'gro ba dang/ gnas pa 'di dag dang/ sdang ba gang dag bdag la 'tshe ba de dag thams cad/ sa d+ha ya sa d+ha ya/ mar d+ha ya mar d+ha ya/ sho Sha ya sho Sha ya/ pa ta ya pa ta ya/ ud sa d+ha ya ud sa d+ha ya/ ha na ha na/ badzre na sa ra sa ra/ dam Te Na ma ra ma ra khad ge Na/ hUM hUM hUM/ tsung tsung tring tring tring/ oM tsa le tsu le tsun d+he/ sarba sad+ha ya swAhA/ de ni rdo rjes bskul nas su// rdo rje dril bu gsil ba'am// rdo rje'i bcing ba bskyod par bya// dbang chen dkyil 'khor la gnas oM// dbus su pad+ma 'dab brgyad dang// 'brel ba'i pad+ma bzhag nas su// a zhes bya ba brgyad kyis brgyan// dbus su bsgrub bya bzhag nas su// hUM bzhi yis ni mdzes par bya/ kham phor kha sbyor nang bcug ste// steng du rdo rje 'chang bas gnan// bsgom zhing gsang sngags bskul tshig gis// bzlas brjod dag ni bya ba dang// ba zhes bya ba'i theg pa yis// kun nas kyang ni dkri bar bya// 'di ni sku gsung las byung ba'i// lha dang mi kun mnan bar 'gyur// sngags la mkhas pa bdag nyid ni/ kha dog dmar po rdo rje can// 'dod chags che dang ldan pa'i gzugs// 'dod pa'i lha dang lhan cig bsam// sku gsung ldan pa mda' thogs shing// g.yon pa yis ni gzhu yang gzung/ oM hUM/ bud med spyi bor bsam nas ni// 'dod pas snying zag dregs bdo pa// mdog dmar thal mo sbyar nas ni// 'dud bzhin du ni mdun bzhag ste// rdo rje mda' yis bsnun na ni// pad+ma dag nas zil pa 'dzag/ rdo rje mda' yi sbyor ba yis// 'dod chags can la 'dzag par 'gyur// rnal 'byor can gyi dbang bya'i phyir// 'dod chags rdo rje can yangs bsgom// mi thod las byas cang te'u la// spre'u'i bags pas g.yogs nas ni// ngos gnyis la ni pad+ma bri// bud med khrag gis mdzes par bya// snying po la ni kreng bris te// mi yi skra yis btags nas ni// thing ril gyi ni rkang rus kyis/ khreng hUM ming nas brjod de brdung// lam gyi sum mdor dkyil 'khor ni// rkang pa g.yon pa'i mthe bos bris// grwa ni bum mo zas sbyin ma// 'gug par brtson pa'i lcags kyu bya// gtso bo khrag 'thung cha lugs kyis// gzugs can gyi ni rnying par brdung// 'dis ni khams gsum rnams gnas pa'i// bu mo zas sbyin 'gugs par 'gyur// gang yang rung ba'i gzugs brnyan la// gnas pa yi ni nga rgyal gyis// rnal 'byor 'khor lo rdzogs 'gyur na// tshig gi rnam pa tsam gyis kyang// lha dang lha min la sogs rnams// rnal 'byor can gyis thams cad byed// gang tshe dbang nyid la gnas pa// de tshe thams cad mngag par 'gyur// bltas pa tsam gyis 'chi ba'am// ma tsam gyis kyang mchod pa'i mchog/ sgyu ma'i ye shes kyis bskul na// rnal 'byor can gyis glu dang gar// ji lta ji ltar bsgom byas pas// de ltar 'gro ba rab tu dbye// sbyin sreg de nyid la gnas pa'i// me ni lha yi zhal yin pas// sna tshogs las rnams grub byed pas// sbyin sreg las ni rab tu bshad// sbyin sreg gis ni lha rnams tshim// tshim par gyur na dngos grub ster// gsang sngags lhag chad gang yin pa// thams cad sbyin sreg dag gis skongs// de phyir sku gsung mkhas mchog gis// sbyin sreg rab tu bsngags pa mdzad// gtsub shing las ni byung ba'i me// dge ba yi ni las rnams byed// gdol ba'am dur khrod nas byung ba'i// me yi las rnams rab tu bsgrub// thab khung zlum po gru bzhi dang// zla gam dang ni zur gsum pa// dkyil 'khor zur gyi kha khyer la// rdo rje mtshan ma dag gis brgyan// sbyin sreg de nyid tshul rig pas// thab khung rnams kyi dbus su ni// pad+ma'i steng gnas gtsug tor dang// rdo rje rin chen pad+ma gzhag/ ji ltar rigs par 'dug nas su// lag gnyis pus mo'i bar bzhag ste// dgang gzar mar gyis bkang nas ni// blugs gzar bkang ste de bzhin bsreg/ sbyin sreg la dgos g.yas su gzhag/ g.yon du chu yi snod dag go/ las kun byed pas bzlas nas su// bsang gtor gyi ni 'thor khud bya// ku sha tse mos non pa yis// thab khung khor yug bskor bar bya// me ni 'bar bar shes pa dang// g.yas pa mi 'jigs mtheb bskyod cing// gsang sngags 'dis ni cho ga bzhin// me yi lha ni spyan drangs so// tshur byon tshul byon 'byung po che// lha dang drang srong bram ze'i mchog/ sreg blugs zhal zas bzhes nas kyang// 'di nyid du na bzhugs su gsol// oM ag ne ye dib pya di phya/ a bi shi mahA hri ye/ hab bya kab/ bA ha na ya swAhA/ lag g.yon rdo rjes bsang gtor te// mchod yon mchod pa rnam lnga dbul// me yi phyogs nas bod pa ni// gsus po che la mig gsum pa// gdong bzhi lag pa bzhi dang ldan// 'od dmar ral pa thor tshugs can// me yi dkyil 'khor la gnas shing// las kyi 'od zer rnams kyis brgyan// lag pa dang po mchod sbyin la// gnyis pa na ni sngags nor 'phreng// g.yon na ril ba spyi blugs te// gnyis pa na ni be con nyid// mdog dmar rgyan ni med pa la// drang srong rnams kyis yongs bskor ba// 'di lta'i gzugs ni bsams nas kyang// thab kyi dbus su bzhugs su gsol// de la sbyin sreg la dgos pa// kun nas lan gsum sreg blugs dbul// de nas thor 'thung byas nas su// 'bar ba'i rnam par grub par bya// rim pa 'di yi tshul gyis ni// mkhas pas lha rnams tshim par bya// legs par tshim byas bzod gsol te// 'dod pa'i dngos grub gsol ba gdab// bum pa rgyal mtshan rdo rje gdugs// pad+ma lcags kyu'i rnam pa dang// me lce mdog dkar snang ba dang// 'khyil ba'i mtshan ma mkhas par brtag/ des na myur du 'grub 'gyur bas// bsgom dang bzlas la 'bad par bya// zhi dang rgyas dang dbang la ni// oM zhes pa dang swAhA mthar// dbyangs kyi rgyud ni bsring ba dang// bar chad med pa'i dbyangs kyis sbyar// zhi ba'i sems kyis zhi ba la// 'byor pas rgyas pa mngon par spel// dregs bdo'i stangs tshul bcas pa dang// dbang du gyur pas dbang bya'o// drag shul spyod tshul la gnas pas// hUM zhes pa dang phaT dang bcas// lus ni me lce 'bar ba dang// 'jig rten gsum po bzar bsams nas// bskul ba'i tshig dang spel ba yi// gsang sngags yi ge nges par sbyar// sngags sgrub cho ga shes pa yis// sbyin sreg cho ga thams cad la// sna tshogs las dang ldan pa'i lha// gang dag yin pa mchod pa bya// sbyin sreg de nyid kyis bskul zhing// dang por gang blugs bsreg cing dbul// phyis ni rim bzhin rnam par spel// zhi dang rgyas dang dbang rnams la// dge ba'i rdzas rnams sbyin sreg bya// bshang gci khrag rkang rus pa dag/ sha chen dag kyang sbyin sreg bya// ci ste ye shes sems dpa'i zhal// mi gtsang pa yi bkang na ko/ ji ltar sdig pa skye mi 'gyur// gal te sdig 'gyur 'bras bu gang// sems can mi shes pas rmongs nas// thabs dang shes rab rnams sangs shing// phyi rol dngos la mngon zhen pa// rnam rtog dra bas blun byas gang// de dag gis ni dge sdig gi/ phung po gnyis su rnam par brtags// chos 'di rang bzhin gyis dag ste// skye ba med cing gnas kyang med// sems can shes pa spel ba'i phyir// sangs rgyas rnams kyi thabs kyis bstan// dam pa'i don du dge spangs na// bsod nams men pa ci zhig smos// dper na chus gang chu klung gis// pha rol 'gro ba'i sems can dag/ rtswa dang shing la sogs bsdus te// chu las brgal ba'i gzing byas nas// de la zhugs te legs brgal nas// bor te bde bar 'gro ba ltar// de bzhin 'khor ba'i pha rol gyis// chos kyi lam ni bskyod byas kyang// chos dang chos min rnam spangs la// byang chub bde ba 'thob pa bzhin// de phyir rnam rtog dra spangs la// zab mo yi ni chos spel te// de bzhin gshegs pas gsungs lam la// sngags rig rnam rtog ma byed cig/ rnam rtog rmongs pa chen po ste// 'khor ba'i rgya mtshor ltung byed pas// nam mkha' lta bur dri med pa'i// rnam par mi rtog ting 'dzin mnos// dbang po gnyis ni mnyam sbyor te// lus dang ngag dang sems bsdus nas// nga 'o snyam par gzi bskyed gzugs// rnam pa kun gyis rnam brgyan na// rnal 'byor ldan pa tshe 'di la// ye shes rdzogs pa nyid du 'gyur// las las byung bar rnam brtan pa'i// skyes pa bud med gzugs mang la// brnyas pa nyid du mi bya yi// rdo rje lus can dam tshig yin// ngan rtog bzang rtog dra ba yi// sems kyis sems can rnams la ni// sna tshogs gdung bas sun mi dbyung// rdo rje sems ldan dam tshig yin// srid pas bskyed rtsub phra ma yi// tshig dang rnam par mi smra zhing// mnyam par bde ba 'dod pa 'di// rdo rje ngag can dam tshig yin// rnam par snang mdzad cher 'khungs mchog/ sha yi khams la gnas pa yi// rkang la mi 'khrugs rgyal po ste/ khrag la rin chen 'byung ba gtso// sems can rnams kyi rus phung ni// rus gong la ni 'od dpag med// rtsa yi tshigs pa rnams 'dren la// thub pa skyes mchog don yod pa// dam tshig shes pa rnams la ni// gsang chen nga yis bstan pa 'di// blo ldan rdo rje sems kyis ni// rtag tu bstan zhing bsgom par bya// 'dod chags zhe sdang de bzhin rmongs// srid dang 'du byed rnam spangs pa'i// chos ni rnam pa lnga po 'di// thub pa skyes mchog rnams kyis gsungs// bshang gshi khu chu mchil ma khrag/ 'dzag par 'byung ba bzhi bsdus pa// bsgom pa'i blo gros rdzogs pa yis// dam tshig brtan par bya ba ste// rtag tu bza' zhing sbyin par bya// rdzas thams cad grub pa'i dngos grub sgrub pa'i rgyud kyi rgyal po chen po sgyu 'phrul gyi dra ba las/ sbyin sreg rim par phye ba ste dgu pa'o//// de nas bcom ldan 'das rdo rje'i de bzhin gshegs pas/ ting nge 'dzin thams cad kyi dngos grub dam pa'i rdo rje zhes bya ba'i ting nge 'dzin la snyoms par zhugs nas/ dam tshig thams cad kyi rdo rje chen po'i mchog dngos grub 'di bka' stsal to// lag na rdo rje gsang sngags bsgom pa'i rnal 'byor gyi mchog yang dag par bskul nas/ rdzas thams cad grub pa'i dngos grub bsgrub pa'i thabs gsang chen nyon cig/ rnam par snang mdzad ting 'dzin la// gnas shing sku gsung thugs bsgom ste// mdun du 'khor lo legs par gzhag/ sku gsung rdo rje can gyi gzugs// 'bar ba'i 'phreng ba 'khrig pa'i 'od// 'khor lo'i nang du zhugs gyur pas// bsgom zhing 'khor lo bsgrub par bya// me yi 'od ltar 'bar ba'i 'od// 'khor lo chen po 'phags par 'gyur// spyan ni bzlas brjod brjod bzhin du// bla med 'khor lo blang bar bya// rgyal chen 'khor lo grub pa dag/ 'od ni rnam par snang mdzad bzhin// lam gsum 'jug pa'i sems can la// chos kyi 'khor lo bskor bar 'gyur// mi 'khrugs pa ni rnam bsgom zhing// rdo rje mdun du gzhag nas ni// rim pa bzhin du bskul na 'dis// sku gsum rnam par 'phel gyur zhing// 'bar ba'i 'phreng chen mnyam pa'i 'od// rdo rje chen po 'phags par 'gyur// mA ma ki ni zlos bzhin du// rdo rje bla med blang bar bya// rdo rje rgyal po blangs par bya// gtso bo rdo rje 'chang nyid 'gyur// gtso bo chen po sangs rgyas dang// byang chub sems dpas yongs bskor nas// sems can kun sems la gnas pa'i// lag na rdo rje rdo rje 'chang// 'jig rten khams su rnam rgyu zhing// kun gyi bsam pa yongs rdzogs byed// rin chen 'byung ba bsgoms nas ni// rin po che ni mdun bzhag ste// sbyor ba'i rim pa rnam spel na// rin chen chen po 'phags par 'gyur// rin chen sgron mas zlos bzhin du// 'od bzang gzi brjid 'bar ba can// phyogs kun snang bar byed pa yis// nor bu rgyal po blang bya bar// lha rdzas nor bu blang ba yis// rin chen 'byung gnas gnyis par 'gyur// de ni sems can thams cad kyi// yid bzhin nor bu chen po sbyin// rin chen 'bar ba rab 'bebs shing// sems can rnams kyi dbul ba 'joms// gtso bo yid bzhin nor bu can// sangs rgyas zhing du rnam par rgyu// 'od dpag med pa rnam bsgom nas// pad+ma chen po mdun bzhag ste// rim bzhin gzi brjid gzengs bstod nas// 'dab ma bye bas rnam brgyan pa// 'od bzang gser ltar 'bar ba can// pad+ma chen po 'phags par 'gyur// gos dkar can ma'i gsang sngags kyis// yid las byung ba'i pad+ma blang// pad+ma'i rgyal po blangs pa yis// 'od dpag med pa gnyis par 'gyur// chos mdzad rnams kyi thog 'dren cing// sems can rnams la bdud rtsi stsol// sangs rgyas zhing rnams snang byed gtso// bde ba can gyi rgyan du 'gyur// don yod grub pa rnam bsgom nas// ral gri mdun du rnam bzhag ste// rnal 'byor rim pa 'di yis ni// bsgom pa de nyid kyis bskul na// rdo rje 'bar ba lta bu'i 'od// ral gri chen po 'phags par 'gyur// sgrol ma'i gsang sngags zlos bzhin du// ral gri bla med blang bar bya// des ni ral gri mchog blangs pas// don yod grub pa gnyis par 'gyur// sangs rgyas zhing du rnam 'gyur zhing// sems can rnams kyis mi shes gcod// rtag tu dri med snang 'gyur zhing// chu yi nang gi ston zla bzhin// rdzas kyi dngos grub bstan nas ni// rnal 'byor che la rnam gnas pas// de bzhin gshegs pa'i btsun mo che// zhe sdang rigs ni 'dren mdzad ma// rdo rje gdan can mA ma ki/ rin chen 'byung dang lha mo dang// lha mo sgrol ma dbang mdzad cing// mkhas la longs spyod spyod mdzad ma// rim pa bzhin du nga yis bshad// de nas bu mo mig yangs ma// lo ni bcu drug lon pa la// gzugs dang mdangs dang lang tshor ldan// gser gyi rna cha g.yo ba can// gcig gcig bsgrims te btsal nas su// lha mo byi dor legs byas te// rigs lnga yi ni tshogs can ma// las kyi rjes su bsgom byas nas// bzhag ste sprad pa'i sbyor ba yis// pad+ma la ni rdo rje bzhag/ sprod pa dang ni 'khyud pa yis// rdo rje dang ni pad+ma bsgul// gar gyi tshul du bsgyur ba dang// de bzhin spro dang bsdus ba yis// mod la sgyu mas dregs nyos nas// rdo rje las ni bdud rtsi 'byung// rnal 'byor ldan pa'i shes rab khas// pad+ma la ma gnas bdud rtsi btung// rnal 'byor ldan pa'i kha yis ni// 'thungs pas de bzhin gshegs pa yi// skur ni yongs su 'gyur ba thob// nam mkha' 'dra ba'i chos kun la// thabs dang shes rab rnam par 'phel// 'di de sangs rgyas thams cad kyi// sku yi snying po bsgrub pa ste// 'dod lnga'i yon tan rjes 'jug pa'i// byang chub bde bas bsgrubs na ni// rdo rje pad+mas byin brlabs pas// rjes su chags pas thob par 'gyur// grub chen gsang ba'i dngos grub ni// sdug bsngal med pa bde ba'i thabs// rjes su chags pa mnyes pa yi// rdo rje theg pas 'grub par 'gyur// sbyor ba'i khyad par 'di yis ni// lan gsum 'jug pa'i gsang sngags dang// las kyi phyag rgya ngas bshad dang// de bzhin lag pa'i phyag rgya dag/ ye shes phyag rgyas rab bskul bas// dam tshig mchog gis 'grub par 'gyur// thugs chen sna tshogs gzugs mnga' ba'i// sna tshogs 'phrin las mdzad par 'gyur// de nas phyag na rdo rje khams gsum gyi dam tshig gi 'khor lo 'di rdo rje'i sku dang/ gsung dang/ thugs rdo rje las phyung ngo// sa ni spyan du brjod pa ste// chu khams mA ma ki zhes brjod// sgrol ma me zhes kun tu brjod// gos dkar can ma rlung du bsgrags// rdo rje dam tshig nam mkha'i dbyings// bstan pas rdo rje 'chang bas bshad// ches de bzhin gshegs pa thams cad kyi sa'i dbang phyug/ bcom ldan 'das rdo rje sems dpa' chen pos gsungs/ de nas bcom ldan 'das rdo rje'i de bzhin gshegs pas/ de bzhin gshegs pa thams cad kyi rdo rje'i sku dang/ gsungs dang/ thugs de bzhin gshegs pa thams cad dang mnyam pa nyid du gnas pa zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi 'khor gyi dkyil 'khor la rnam par bltas nas cang mi gsungs bar gyur to// de nas byang chub sems dpa' sems dpa' chen po byams pas/ de bzhin gshegs pa thams cad la phyag 'tshal nas 'di skad ces gsol to// bcom ldan 'das de bzhin gshegs pa thams cad kyi sku dang/ gsung dang/ thugs gsang ba 'dus par dbang bskur ba'i slob dpon la/ de bzhin gshegs pa thams cad dang/ byang chub sems dpa' thams cad kyis ji ltar blta bar bgyi lags/ rigs kyi bu de bzhin gshegs pa thams cad dang/ byang chub sems dpa' sems dpa' chen po thams cad kyis// 'di ni rdo rje'i byang chub sems su lta bar byed/ de ci'i phyir zhe na/ byang chub kyi sems dang rdo rje slob dpon 'di gnyis su med pa'i phyir zhes bya ba'i bar nas/ mdor bsdus nas bshad par bya'o// phyogs bcu'i 'jig rten gyi khams na sangs rgyas dang byang chub sems dpa' bzhugs shing gzhes pa'i bar de dag thams cad dus gsum du byon nas/ slob dpon la de bzhin gshegs pa thams cad kyi mchod pas mngon par mchod nas 'di skad ces/ bdag de bzhin gshegs pa thams cad kyi pha yin no// bdag cag de bzhin gshegs pa thams cad kyi ma yin no// bdag de bzhin gshegs pa thams cad kyi ston pa yin no// zhes rdo rje'i yi ge gsung phyung nas slar yang rang gi sangs rgyas zhing du gshegs par 'gyur ro// rigs kyi bu dper na sangs rgyas bcom ldan 'das phyogs bcu na bzhugs pa de dag gi sangs rgyas bcom ldan 'das rnams kyi rdo rje'i sku dang/ gsung dang/ thugs kyi bsod nams kyi phung po bas ni/ slob dpon gyi ba spu'i khung bu gcig gi bsod nams kyi phung po ches khyad par du 'phags so// de ci'i phyir zhe na/ rigs kyi bu byang chub kyi lam ni sangs rgyas thams cad kyi ye shes snying bor 'gyur ba'i bar nas// thams cad mkhyen pa'i ye shes kyi 'byung gnas yin no// de nas byang chub sems dpa' sems dpa' chen po byams pa 'jigs shing skrags pa'i yid kyis// cang mi smra bar gyur to// de nas de bzhin gshegs pa 'khrugs pa dang rin chen byung ba dang// don yod grub pa dang de bzhin gshegs pa 'od dpag med dang// de bzhin gshegs pa rnam par snang mdzad rnam rdo rje 'chang thams cad kyi dam tshig la// dmigs pa'i rdo rje zhes bya ba'i ting nges 'dzinal// snyoms par bzhugs nas byang chub sems dpa' de dag la bod te/ shes ldan byang chub sems dpa' thams cad nyin cig phyogs bcu dus gsum du 'byung ba'i sangs rgyas bcom ldan 'das rnams slob dpon gyis drung du byon nas/ 'chod mdzad cing phyag 'tshal bar mdzad do// de'i ci phyir zhe na/ de bzhin gshegs pa thams cad dang/ byang chub sems dpa' thams cad kyi ston pa yin pa dang/ bcom ldan 'das rdo rje 'chang de nyid ni/ sangs rgyas dang byang chub sems dpa' thams cad kyi bdag po yin pa'i phyir ro// de nas byang chub sems dpa' de dag gis/ de bzhin gshegs pa de dag la 'di skad ces gsol to// bcom ldan 'das de bzhin gshegs pa thams cad kyi rdo rje'i sku dang/ gsung dang/ thugs kyi dngos grub gang la gnas/ de bzhin gshegs pa thams cad kyis bka' stsal pa/ rdo rje'i sku dang/ gsung dang/ thugs kyi gsang ba gsum ni/ rdo rje slob dpon gyi lus dang/ ngag dang/ yid la gnas so// byang chub sems dpa' thams cad kyis gsol pa/ rdo rje'i lus dang/ ngag dang/ sems kyi gsang ba gang la gnas/ gang du yang ma yin no// de nas byang chub sems dpa' chen po de dag ngo mtshar du gyur nas/ cang mi zer bar 'khod do// dkyil 'khor dang/ ting nge 'dzin dang/ phyag rgya dang/ stang stabs dang/ 'dug stangs dang/ bzlas brjod dang/ sbyin sreg dang/ mchod pa dang/ las la sbyar ba dang/ slar bsdu ba rnams ni gsang sngags kyi tshul la de kho na nyid bcu yin par gsungs so// dus gsum du 'byung ba'i rgyal ba thugs rje'i ro gcig pa rnams kyis/ gsang ba dang/ gsang chen dang/ ye shes rnam pa gsum gyi snying po bstan pa bdag ni/ slob dpon gyi kha nas bla ma la gus pa'i slob mas shes par bya'o// bla mas dam tshig ci ltar lta ba'i dbang du byas nas bshad par bya'o// bsgrims nas sems can rnams la rnal 'byor dang/ lhag pa'i rnal 'byor dang/ rnal 'byor dang/ rnal 'byor chen po dang/ go rim bzhin du bshad par bya'o// 'di mtha' dag ni rgyud thams cad kyi spyir shes par bya ba yin no// de kho na nyid kyis dngos po mtha' dag yongs su mi shes par/ gsang sngags smra ba nga yin no// zhes mngon pa'i nga rgyal gyis gsang sngags kyi cho ga 'chad par byed na dam tshig nyams par 'gyur ro// dam tshig las nyams na bdud kyis gzung bar 'gyur ro// skyes bu shi nas mi bzad pa chen por 'gro bar 'gyur ro// sems can rnams la bsten to// byang chub 'thob par 'gyur bas sems can rnams la bslu bar mi bya'o// zhes shes par byas nas/ de bzhin gshegs pa'i lam de nyid la sems can de dag sbyar bar bya'o// gang zhig 'di dag la brtson par ma byas pa de dag gis ni lag pa dang/ rkang pa dang/ mig sbyin pa'i dka' ba spyod pa dang/ dka' thub ci lta bus kyang sdig pa gzhom pa dang/ bdud rtsi'i ro thob par mi nus so// rnal 'byor gcig khong du chud nas dben par song ste bsgom pa byas na/ sdig pa las grol zhing tshe 'di nyid la sangs rgyas kyi yon tan rnams dang chos bdag med par bsgom pas/ thams cad 'byed pa'i rnal 'byor khong du chud par bya'o// shes rab dang ye shes kyi 'jo tshul gyis/ gsang ba lnga'i bdag nyid kyi gtso bo la mchod par bya'o// dngos bo thams cad dngos med par// bzhi bcu'i don ni rtogs pa dang// rdo rje pad+ma dbang bskur bas// bdud rtsi lngas ni dga' bar byed// gsang ba bya ba'i chos gsang ba// gsang zhing sbas te gzhag par bya// 'dod yon lnga yi rnam pa ni// gzugs sgra dri ro reg rnams ni// rnal 'byor sems pas dpyad bya zhing// de bzhin bza' zhing btung byas na// bltas dang khu tshur rnam pa yis// sems can thams cad dbang du byed// rgyud kyi rgyal po chen po sgyu 'phrul gyi dra ba las/ chos thams cad bstan pa rim par phye ba ste bcu pa'o//// bcom ldan 'das kyis de skad ces bka' stsal pa dang/ lha dang/ mi dang/ lha ma yin dang/ dri za dang/ thams cad dang ldan pa'i 'khor de dag yi rang ste/ bcom ldan 'das kyis gsungs pa la mngon par bstod do// rgyud kyi rgyal po chen po sgyu 'phrul gyi dra ba theg pa chen po'i yang chen po/ tshul zab mo ches gsang ba bas kyang ches gsang ba rdzogs so////

CLOSE WINDOW