CLOSE WINDOW

Gpb038.025
བོད་ཡིག

Ta nra rwa twa klu/ T-i Ta tha by-i/ rnA TA TA+o/ rgya gar skad du/ sarba b+he la tri d+harma d+ha du/ bod skad du/ rang byung gis chos tshig thams cad drang shar ba'i glegs bam/ bcom ldan 'das ka dag smra bsam brjod tshig mtha' dang bral ba la phyag 'tshal lo// chos kyi dbyings dmigs gtad dang bral ba'i klong na/ mtshan ma yul gnyis dang bral ba'i gzhal yas bzo min kha dog dang bral ba'i gdan khri la/ zhal phyag phyogs gzhan las 'das pa'i ston pa kun tu bzang pos/thugs rje sna tshogs su 'phrod pa'i rang shes rig gi mdangs dgrod la/ 'khor 'das gnyis su mi phye phye ba mi mnga' ba'i dus su bka' stsal pa/ a a a/stong khyab gsal rig bzod pa med// snang khyab lhug pa thal le ba// ming med yul bral ma 'gag cing// go 'byed rang 'byung snang gsal phye// rang rtsal ma rig gzhi snang 'thas// stong ngo rang bzhin gsal char zhen// thugs rje snang zhugs 'byung lngar 'thas/ khams gsum rigs drug dug gsum 'thungs// de grol kungs chen lta 'dod na// snang ba bkod pa'i phyi dbyings nang// sku gsum rdzogs ldan tshom 'od zer// 'phra bsnyan gsal 'tsher dkyil 'khor rdzogs// shel 'ja' me long nya phyis gsum// dbang bzhi rdzogs pa'i dpe ru bzhag/ mun nag sgo gsum bya ba btang// a 'a sha sa ma ha bzlas// rdo rje gdengs pa mi g.yo zhing// 'byung bzhi phyi nang rtog rtsa bcad// gdod ma bzhi la ngang bab na// g.yo med klong du drug cu bsnal// sems dang ye shes rtsa lam sgo// so sor dbye la gcig tu bsre// chos sku rang grol phyag rgya'i// sgron ma rnam bzhi longs spyod cig/ snang bzhi gdeng bzhi sa zin nas/ khams gsum mig med ye rdzogs rgyas// snang dang stong dang dbyer med chos// 'khor 'das chos tshig der zad do// rang byung sho log gnyis pa 'di// tshig dang yi ger ma byung ste// mkha' la 'ja' zer bzhin du 'khyil// bstan pa kun gyis thog ma'o// zhes gsungs dgongs pa'i rgyud// rin po ches bris te mgul du bcangs pa'i mi ni dran sangs rgya ba'o// sngags kyi srungs mas bka' 'di srungs la/ skal ldan gyi bu la gtod cig/ s+ya s+ya s+ya/ h+ya ga Ta r+tha/ kaA ca 'a//// rgya gar skad du/

CLOSE WINDOW