6a4 / rtsal zer mtshan nyid cir yang snang// thog mar yun rings rig pa mgo rlung langs// phya sangs ban bun khyer te rig pa kun tu 'gyu// yin nam min gyi rnam shes skyes// ming med ming btags sems kyi
6a5 'dod pa skyes// kun 'tshol gtan 'bebs nges 'jog 'khor lo gsum// ji zhig ltar la rang ngo rang ma shes shing// ming med ma rtogs gting mtha' ma grol bas// ka dag ma rig skye med ma rtogs pa// de
6a6 phyir ma rig mun pa las// mun pa'i 'khor sgo rkyen du shar// rims 'khrul rig gzugs bag chags gzugs// sems kyi gsal cha lnga ru shar// gsal dang mi g.yo rgyu mchad// mi 'gyur g.yo zhing 'gul bas
6b1 te// thog ma sems la gsal cha lnga yod pas// gzhi lnga'i rtsal las rlung lnga ru shar// 'byung lnga'i rtsal las 'od lngar shar// 'od lnga'i rtsal las zer lngar 'khrul// zer lnga'i rtsal las shes pa'i snang tshul
6b2 lnga// shes pa yang dag don shes dngas ma lngar grol bas// ming med gting mtha' med par thog mar ye sangs rgyas// gong ltar 'khrul nas 'khrul rtsad chod// kun bzang bya rtsal med par ye sangs rgyas
6b3 so// 'gro drug khams gsum 'khor ba'o sems can rnams// dper na nam rlang cha las la chu zhu ba bzhin// de bzhin sems can 'khrul pa yang// byed mkhan med par rang bzhin shugs kyis 'khrul// thog ma
6b4 'od lnga rtsal lnga zer dang ldan yod pas// stong pa gsal ba 'gag med shugs 'byung lnga// ngo shes sku lnga ye shes lnga// rang bzhin ngo bo thugs rje las// ma shes dug lnga nyon mongs lnga// de lnga yod pas dug lngar
6b5 'khrul// de las 'byung ba lnga ru 'khrul// de las gzugs snang lnga ru 'khrul// de las 'byung ba lnga yis bsdus// de las don snying lnga ru 'khrul// de las nang rol slad ltar 'khrul// de las dbang po lnga ru
6b6 'khrul// de la dbugs dang rlung lngas brten par byas// de ltar 'khrul te mngal sgo 'drims// dngos pos sha khrag gzugs su 'khrul// pha zhe sdang rgyu las sha dang rus su chags// ma 'dod chags rkyen gyis khrag
7a1 dang chu ser bsdus// gti mug dug gsum rgyu yi gong bur 'dril// shes rig sems kyi ngo bo thig le'i gong bur tshud// thig le bag tsam cig las srid pa'i lte ba chags// zhag bdun lon nas
7a2 khad kyis je che 'gro// bdun gnyis nyi shu gcig nas yan lag thogs// bdun tsha gnyis na sdom tsam gcig/ de ltar rims kyis zla dgu ngo bcu nas// rum gnas sdug bsngal myong ste skye ba'i sdug bsngal
7a3 'byung// brag bar btsir snyam g.yang du lhung snyam byed// tsher ma'i dong du bcug snyam srid pa'i sems can skyes// skye 'gag med cing rgya ma chad pa las// sems can gcig la 'phel ba ltar du 'khrul// de rjes
7a4 mngal nas phyir thon dngos pos rkyen du 'khrul// dbang po lnga dang sgo lnga yul lngar 'khrul// 'dzin pa lnga yis nyon mongs lnga ru 'khrul// yul sems bdag gzhan dgag bsgrub spong len las// snang btags
7a5 bzung zhen chags sdang 'khrul ba yis// dgra gnyen phyogs ris yin min dbye bsal byung// de yis khams gsum 'khor bar 'khyams pa'i gzhi ma byas// skye ba na ba rgas shi'i sdug bsngal dang// snang ba
7a6 phyogs dang ris kyi sdug bsngal dang// lus ni na tsha'i sdug bsngal dang// sems ni zhe 'dod sdug bsngal lo// dgra dang phrad dogs gnyen dang bral gyis dogs// sems can rnams kyi sdug bsngal bsal las
7b1 'das// e ma khams gsum 'gro drug sems can rnams// rnam rtog 'khor ba'i rdzab nas thon dus med// kye ma yang dag don las grol ba'i sems can rnams// ma rig dug lnga'i dbang gis ni// rnam rtog
7b2 'gong po ngar 'dzin gyis// rmun long mun pa'i klong na 'khyams// rang 'bar sgron ma rang gis gsad// rang gi rang gnya' rang gis bcings// gzung 'dzin gnyis kyi sgrog tu bcug/ rnam rtog bdag tu 'dzin pa
7b3 yis// nan gyis nam mkha'i mdud pa byas// rang mgor rang gi rkang pa bzhag/ rang las me 'bar rang chen skyes// mdud pas bcings nas mtsho ru zhugs// dra bar 'thums nas rdza klong lhung// e ma khams
7b4 gsum 'khor ba'i sems can rnams// dngos gzhi cang med ming bral ma rtogs pas// rtsal snang cing yang snang ba'i 'khrul snang la// don dam bden par bzung bas 'gro drug 'khrul// rlung la zhon nas stong
7b5 khams rjes kyis 'gengs// ma bcol las byed rang sems thang mar yan// khyim du mi sdod rgyu 'grul don mangs pas// 'jigs pa dgra yis khyer ba ma tshor ro// e ma skyes tshad 'chi ba'i tshul mthong na// rtag
7b6 tu re ba sgyid pa bskyur// 'dus pa 'bral ba'i dpe mthong na// grogs snying sdug 'tshol ba sgyid pa bskyur// bsags tshad lus pa'i dpe mthong na// nor rdzas sogs pa sgyid pa bskyur// ser sna can la snying re
8a1 tshim// rdzas po che la khyer dbang med// e ma rtag tu re ste gcig mi sdod// e ma de bas cis kyang ma phan bla ma'i gdams ngag zhus// snyan rgyud zhus la ri khrod dgon pa 'grims// bya ba thong la
8a2 gcig pur nyams su long// yul nor gnyen 'dun 'brel ba kun chod la// e ma chos dang sems su bsres dang skal ldan kun// thams cad bor nas gcig pur 'gro tsam na// skyabs che skyel ma 'gro ba'i
8a3 gnas rtog gam// kye ma skal ldan rnam 'byor kun// bla ma'i gdam ngag bcud 'thung la// cis kyang byar med gcig pur ri khrod 'grims// ci la'ang mi lta mu mtha' grol par ltos// ci yang ma bsgom ming med
8a4 gting mtha' yas par zhog/gang la'ang ma spyod so ma rnam ma zang ka bshis ma bcos pa'i klong du dal bar sdod// de ltar go na 'bras bu gzhan na med de rang sangs rgyas// zhes gsung so// nam mkha' nyi zla'i
8a5 rgyal po mu med mtha' yas kyi rgyud las// 'khor ba'i sems can ji ltar 'khrul par bstan pa'i le'u ste bzhi pa'o//// de nas kun byed rang grol gyis// ming med spyi phud ston pa la// sangs rgyas sems
8a6 can skyon yon gang gis byas// zhes zhus pa dang// ston pas 'khor la bka' stsal pa// de gnyis skyon yon ngas bshad kyis// 'khor rnams ma yengs gus pas nyon// kun bzang sangs rgyas yon tan ni// yon
8b1 tan grangs dang tshad las 'das// re zhig yon tan bgrang ba ni// snod la rang gi de nyid ngo shes pas// ming med mtha' stongs ka dag klong du gyur// rang grol rang sangs thog mar ye sangs rgyas// bya brtsal
8b2 rtsol ba ma byas par// rgyu rkyen med par kun bzang sangs rgyas so// sangs rgyas de yi yon tan yang// ji snyed mkhyen pa'i yon tan dang// ji ltar mkhyen pa'i yon tan dang// mchog mkhyen pa yi yon tan
8b3 dang// rnam pa thams cad mkhyen pa'i yon tan no// bdag gis gzhan mkhyen mkhyen bya mkhyen byed med// yon tan phyogs cha med pas mkhyen pa'i mchog tu gsungs so// sems can skyon gyi rtsa ba gcig pu
8b4 la// rnam rtog bdag tu 'dzin pa rang las byung// nga bdag mgo rlung langs pas skyon gyi rtsa ba byas// mun pa'i rmang du 'thums pas skyon gyi rtsa ba byas// gnas don ma rtogs skyon gyi rtsa ba byas// ming med ma
8b5 shes skyon gyi rtsa ba byas// ka dag ma rtogs skyon gyi rtsa ba yin// mu mtha' yas pa ma rtogs skyon gyi rtsa ba yin// rtsal zer rol par snang ba la// rang grol sangs rgyas ma shes skyon gyi rtsa ba yin// ma rig gti
8b6 mug skyon gyi rtsa ba yin// rig pa 'gyur ba sems rtog skyon gyi rtsa ba yin// ngo bo rang bzhin thugs rje las// ma rtogs 'khor lo rnam gsum skyon gyi rtsa ba yin// mun pa'i 'khor sgo skyon gyi rtsa ba yin// gnyis
9a1 med gnyis su bzung ba skyon// yul sems gnyis su bzung ba skyon/ bdag gzhan gnyis su bzung ba skyon// dgag bsgrub spong len gnyis su bzung ba skyon// bzang ngan dbye bsal gnyis su
9a2 bzung ba skyon/yin min rtsis gdab gnyis su bzung ba skyon// med las yod 'dzin skyon chen yin// mi rtag rtag 'dzin skyon chen yin// mi bden bden 'dzin sems can skyon// sdug bsngal bder 'dzin
9a3 sems can skyon// 'khrul pa yang dag 'dzin pa skyon// cha yod bzhin du sdig spyod sems can rnams// btags snang bzung zhen skyon gyi rtsa ba yin// sems can skyon gyi bye brag brjod mi lang// zhes gsungs
9a4 so// nam mkha' nyi zla rgyal po mu med mtha' yas kyi rgyud las// skyon yon bstan pa'i le'u ste lnga pa'o//// de nas kun byed rang grol gyis// ming med spyi phud ston pa la// 'khor 'das dbyer med ji ltar
9a5 grol// ces zhus pa dang// ston pas 'khor la bka' stsal pa// yang ti ming med mtha' bral du// gzhi rlung dbyer med gnyis su med// 'byung lnga 'od lnga dbyer med grol/ zer lnga rtsal lnga dbyer med
9a6 grol// shes med mtha' yas ming med grol// ma rig ye shes gnyis med grol// rig skyes rig pa ngang dngas klong du grol// ngo bo rang bzhin thugs rje yang// sku gsum skye med klong du grol// stong pa gsal ba
9b1 'gag med kyang// mu mtha' bral ba gsum du grol// yid 'khor rnam gsum 'khrul pa yang// dkyil 'khor gsum gyi klong du grol// 'gyu ba rlung rkyen mun pa'i 'khor sgo yang// 'gyur med rig med gsal
9b2 dag klong du grol// sems kyi gsal cha rnam lnga yang// ye shes lnga yi klong du grol// gzugs lnga sku lnga'i klong du grol// dug gsum sku gsung thugs su grol// dug lnga ma spangs sku lngar grol// sems can ma
9b3 spangs sangs rgyas nyid du grol// 'khor ba ma spangs myang 'das nyid du grol// snang srid 'khor 'das dbyer med nyid du grol// rnam rtog chos nyid chen por grol// snang ba sor bzhag chen por grol// srid pa
9b4 rang bzhin med par grol// 'khrul snang rang sangs chen por grol// snang btags bzung zhen med par grol// rig sems ngang dngas chen por grol// sems nyid ming med gting mtha' zad par grol// yul
9b5 sems gzung 'dzin med par grol// bzang ngan spong len med par grol// yin med dbye bsal med par grol// dgag bsgrub blang dor med par grol// dgra gnyen phyogs ris med par grol// nga dang bdag
9b6 gzhan 'dzin pa med par grol// blos btags chos rnams blo 'das chen por grol// ming tshig brjod pa'i chos rnams ming med chen por grol// mtshon pa'i chos rnams mtshon du med par grol// dngos gzhi'i
10a1 chos rnams dngos med klong du grol// snang ba'i chos rnams stong pa'i klong du grol// rig pa'i chos rnams rig med klong du grol// sems dran chos rnams sems kyi dran pa med par grol// mtshon
10a2 btags brno bsam bsam med klong du grol// 'od rtsal zer rnams snying po'i klong du grol// yan lag chos nyid klong du grol// ma 'gag rol pa skye med klong du grol// cir snang cir srid snying po'i klong du
10a3 grol// cang med cir snang cang med klong du grol// stong pa'i klong byung stong nyid klong du grol// med las sna tshogs dngos med rang du grol// dngos kun dngos gzhi med par grol// sgo lnga gsal mdangs chen
10a4 por grol// yid lnga zang thal chen por grol// yul lnga dbye bsal med par grol// tshogs brgyad rtsis gdab med par grol// snang srid chos rnams mu mtha' yas par grol// dper na 'byung ba nam mkha'i
10a5 klong du 'byung lnga grol// nam mkha' rgyal po'i klong dkyil du// thog ser char sprin gza' skar sna tshogs pa// gzhan du ma bkol nam mkha'i klong du grol// dper na phyi yi rgya mtsho chen po ru// 'ag+ha 'ag+ha na ra pag+shu
10a6 si ti chu bran ji snyed rnams// gzhan du ma bkol rgya mtsho'i klong du grol// yod med rtag chad snang srid 'khor chos ming med klong du grol// gno tshad bsam tshad snying po'i klong du grol// ces gsungs so// nam
10b1 mkha' nyi zla'i rgyal po mu med mtha' yas kyi rgyud las// de gnyis dbyer med klong du grol lugs bstan pa'i le'u ste drug pa'o//// de nas kun byed rang grol gyis// ming med spyi phud ston pa la// 'gro
10b2 drug g.yang sa ji ltar gcad// ces zhus pa dang// ston pas 'khor la bka' stsal pa// 'gro drug g.yang sa gcad thabs la// bcad pas chod pa ma yin te// ma bcad rab grol bzhag pas chod// rtsol ba byas
6a4 pas mi chod de/rgya gar skad du/ sarba ta thA ga da saM gra ha mU la ta n+t+ra a/ bod skad du/ de bzhin gshegs pa thams cad sdus pa khu byug rtsa ba'i tan tra/ skye ba med pa/ dpal kun tu bzang po la phyag 'tshal lo// de
6a5 bzhin gshogs pa thams cad kyi thugs mi gnas pa'i ye shes bde bar gegs pa'i snying po/rnam par dag pa'i lam/ mya ngan las 'das pa'i yang dag pa'i 'jings/ yum gyi mkha' klong rnam par dag
6a6 pa'i thig le'o// sna tshogs mi gnyis mya ngan 'das// 'khor ba mya ngan 'das snying po// bla med theg pa chen po ni// pad+mo ge sar yum gyi mkhar// zla ba bcu gnyis dus kyi tshor rig pa// bya rgyal khu byug dbyar zla
6b1 'bring po la// snyan pa'i sgra sgrog dbyar gyi cha 'dzin pa// dpal la bslab pa ma yin de nyid la'o// mi gnas theg chen theg pa'i snying po ni/ theg pa ma lus kun gyi bgrod ste// rgyu nas mi stsol 'bras bu'i ngo bo
6b2 yin// theg pa kun gyi lta mig cha 'dzin pa// dpral la 'bras bur ma byas ye nas so// khu byug dus tshigs mi 'da' de nyid las// rang dbang med par dus la gnas pa ste// dus de mi 'gyur de na gnas pa
6b3 ltar// chos kyi snying po mchog tu gyur pa nyid// yon tan phun sum tshogs te rgyu dang bral// rkyen gyis mi skyed rang gis rang bzhin gnas// gzhan tu mi 'gyur dus med rnam thar gnas// yon tan mchog ldan
6b4 ngal ba nyid kyang yin// khu byung bya rgyal gsung gi gdangs dang ldan/ rje btsan dus bzhi'i dus la dbang byed pas// sgra snyan sgrags pas kun rgyud yid tshim nas// dus kyi bya ba thams cad byed par ltar// rdzogs
6b5 pa mi 'gyur bla na med pa la// sku gsung thugs ldan theg pa kun gyi rje// dus bzhi'i lhun rdzogs dus gsum 'gyur ba med// 'od zer phyung bas theg pa kun bsdus nas// dus me dus gsum rang gi rang bzhin
6b6 gnas/de skad ces bcom ldan 'das bde ba'i dbang phyug gis/ 'khor rnams gsol pas// klog 'od brtan pa rgyal po dza dang/ rgyal po lnga sgra gcan 'dzin dang/ gnod sbyin byang chub dang/ 'khor rnams kyis
7a1 pus mo g.yas pa'i lha nga sa la btsugs te/bcom ldan 'das zhes mgrin gcig tu sdebs nas/ phung po lnga so sor 'chad pa'o// de bzhin du rnam par shes pa la sogs pa rnams kyang de bzhin no/
7a2 zhes zhus pas/ bcom ldan 'das bde ba'i dbang phyug gis/ zag pa med pa'i ting nge 'dzin la snyoms par zhugs nas/ bcom ldan 'das gzugs kyi phung po dang/ bcom ldan 'das tshor ba'i phung po dang/
7a3 bcom ldan 'das 'du shes kyi phung po dang/ bcom ldan 'das 'du byed kyi phung po dang/ bcom ldan 'das rnam par shes pa'i phung po la sogs pa ni byang chub bo// de bzhin gshegs ma snang ma dang/ de bzhin
7a4 gshegs ma sram dang de bzhin gshegs ma sdud ma dang/de bzhin gshegs ma dro ma la sogs pa lnga ni de dag 'khril ba'o// dbang po lnga ni yum lnga dang 'khril te/ yum sbas pa'i tshul du gnas so/ skyes bu bcu
7a5 gnyis ni rten khang bco brgyad la zha'o// dbang phyug lha la sogs pa dang/ thag bzangs ris dang bum rna dang/ ha nu ma ta la sogs pa// skyes bu rten gyi tshod ldan zhing// bcu sbas 'khril ma'i tshogs ldan te// so
7a6 sor phye ba ma yin te// sbas ma yum gyi tshogs su gcig/ dper na khu byug mang po nyid// sgra skad snyan pa kun sgrogs shing// dus kyi tshod sdud bstan gyis kyang// khu byug gcig pu 'dus bzhin no// rol mo sgra la
7b1 sogs pa kun// lha mo yum gyi lhums su yal// e e e/ a a a/ ra ra ra ri la sogs// de las byung nas de la'ang rdzogs// a yang a'i a la rdzogs// thub drug bstan pa bsam yas pa'ang// de bzhin
7b2 de yi gnas su son// rnam thar sgo mtha' yas pa'ang// gsang ba'i lha mo mkha' las byung// rigs drug so sor snang ba yang// gong ma rnams bzhin byung nas rdzogs// mkha' la de bzhin gshegs zhes
7b3 bya// byang chub sems dpa' bcom ldan 'das// gsang ba sbas pa'i lha mo yis// mkha' la de bzhin dus med gnas// dper na khu byug dus tshigs las// mi 'da' de bzhin dus de las// brtan bar byed pa
7b4 ji bzhin no// e ma'o sangs rgyas bcom ldan 'das// btsal bas rnyed pa'i yul med de// pha rol phyin pa bcu las byung// mya ngan 'das dang rgya la ba'i yum// bcu po de nyid yin pa'i phyir// rgyal bsras dang
7b5 yab yum ni// yi ge yin te a nyid do// ngo mtshar rmad kyi chos nyid ni// rdzogs pa'i sangs rgyas rnams kyis kyang// btsal bas mi rnyed dngos po med// dngos po med pa'i dngos nyid las// mi 'gyur gnas pa
7b6 drang srong yin// dper na khu byug dus tshigs las// dus mi 'da' bar 'ongs nas ni/ sgra skad snyan pa kun bsgrags pa yi ngag/ snyan pa'i sgra nyid sgra mthar stong// a nyid yin par de bzhin no// ting nge 'dzin
8a1 dang bsam gtan dang// rnam thar mang po'i sgo mtha' yas// de bzhin gtsug lag bsam mi khyab// nye bar gzhag pa mang po yang// dus tshod 'dzin pa'i khu byug gis// skad snyan khu byug nyid la
8a2 ni// byung nas de la rdzogs pa ltar// spas pa lha mo nyid yum nyid las// bsam mi khyab pa'i sgo byung nas// de la 'dus phyir yum zhes bya// tshogs kyi sgo dang sems dpa' dang// lha mo mang po khro bo dang// khro
8a3 mo'i phyag rgya'i tshogs bcas dang// 'khor lo pad+ma ral gri dang// dkyil 'khor ji snyed yod pa kun/ gsang ba'i lha mo las byung nas// de la 'dus phyir yum zhes bya// tshogs kyi sgo dang sems dpa' dang// mi
8a4 gsungs mnyam bzhag sngags chig go/mchod stod dbul dang bskul ba dang// rgyan dang byug pa gdugs la sogs// de bzhin khrus dang sku bskyed pa// gshegs su gsol dang spyan drangs dang// spyan mig dbye
8a5 ba la sogs pa// gsang ba'i lha mo'i mkha' dkyil du// brtan par byas nas yan lag rdzogs/ khu byug gcig gi skad gcig la// mang po kun gyi sgra bsgrags kyang// khug skad gcig la rdzogs pa ltar// so
8a6 so'i yan lag bsam yas kyang// de bzhin gsang ba'i gnas su rdzogs// sngon 'das pa yi sangs rgyas kyang// de las de bzhin byung bas ni// bdud bzhi ma lus bsad pa'i phyir// rgyal ba sangs rgyas zhes bya
8b1 zhing// da ltar phyis byung drang srong rnams// gsang ba'i yum la lta ba la// de bzhin gsang ba'i yum de snang// dper na khu byug ji snyed pa dang// snga phyi gsum du 'byung bde// lus ngag yid gsum dus tshod
8b2 rnams// 'gyur ba med gnas pa ltar// dus gsum sangs rgyas ma lus pa/ gsang ba sbas pa'i lha mo la// snga phyi dus gsum dus med de// sku gsung thugs ldan dus med par// mi 'gyur gnas pas rgyal ba
8b3 yin// rigs brgya rigs gsum rigs lnga ni// gsang ba byang chub las phyung ba// rigs mchog chen po gcig tu'o// rigs de mkha' de yum yang yin// dper na bya rgyal khu byug dag/ bar snang mkha' la 'phyo
8b4 ba yang// phyin pa'i lam la rjes med bzhin// drang srong sgom mkha' rnal 'byor pa// rgyal ba yum la ltas nas ni// rnam par mi rtog sgom pa dang// yum gyi mkha' la sbyor ba'ang// lta sgom sbyor ba rjes med
8b5 na// byang chub sems dpa' kun gyi yab// gcig las yon tan gyi tshogs mang po byung ba'i skabs rdzogs so/ khu byug yun rings lam bgrod nas// dus kyi tshad la nyam thag pa// don med dal ba chud gsan te/
8b6 dus kyi bya ba byed pa bzhin/ bden bzhi'i sgor zhugs nyan thos kyis// brgya phrag phyed dang gsum bsrung zhing// rgyun zhugs 'bras thob brgyad bgrod kyang// dgra bcom sa thob ngal ba'i sa// dper na khu byug
9a1 de nyid kyis/zla ba bcu gnyis kha rgyud de/ dbyar zla 'bring la dus bsrungs pa// zla ba bcu gnyis tha mal te// sdug bsngal kha rgyud don med ltar// rang sangs rgyas pas lam bgrod la// rten
9a2 'brel bcu gnyis lugs bzlog ste// zab mo'i cha shas rtogs pa de// bzhi rtsa brgyad pas ngal don chung// dper na khu byug de nyid kyis// 'gro 'ong gnyis su dus bzung ste// zla ba bcu bgrangs bcu gcig
9a3 la// 'bras bu 'gro 'ong tshod 'dzin pa// bgrangs pas ngal ba don med ltar// gnyis zhugs gsum dur shes rab thabs// phyin pa bcu bgrod bskal par yang// yun rings bgrod pas bgrod pa'i
9a4 sa// bgrod mi dgos par bgrod pa mthong// bgrod pa'i lam la phyin mtha' med// sgo phugs phye ba ngal ba'i rgyu// sa bgrangs 'bras bu 'dod pa gol// dper na khu byug de nyid kyis// 'bad de 'dug pa tshang
9a5 bsags nas// bu rgyud sgo nga der bzhag kyang// ma rnongs khu byug mi 'ong ltar// dag pa'i sgor zhugs gsum 'dod do// bcu gcig gi ni skur bskyed pa// bzlas pa'i khang pa gtsang khang byas// 'bad de khrus
9a6 byas yan lag gi/bdag nyid skur bskyed ye shes sems// dpon g.yog tshul du lta byas te// 'bras bu rdo rje'i rigs 'dod kyang// zhi ba ma mthong 'dod pa gol/ khu byug dus kyi dus tshigs las// 'da' bar
9b1 byed pa med pa de// khur bar byed pa bya yi rje/ rje dang 'bangs kyi khyad par du// bya de gnyis dang ldan pa la// don med dus tshigs bsrung ba ltar/ phyag rgya bzhi ldan spyi dang khyad par gnyis// byin rlabs las
9b2 byung rtsa ba'i yan lag bzhi// byang chub lnga yi sgo nas thob 'dod pa// dag pa nyid la lta bar spyod byed cing// lha spyod gnyis ldan u pa ya nyid ni// gnyis la bzung bas don med byang chub gol// dper na khu byug
9b3 don gyi mchog/rang gi las su dus tshigs bsrung// nga la zhing chad de dman pa ltar// yo ga rnam gnyis dam tshig gi/ bsrung ba 'bad rtsol nyams su len// sbyor sgrol sdom bsrung nyi shu brgyad/ nyams su len pa
9b4 dman pa'i rgyu// bcu drug don rdzogs ngal ba ste// bsgom par bya ba lta mig bral// rdzogs chen theg pa kun gyi mkhar// mkhar 'gram zhabs nas ma 'grams na// yon tan lus lhun gyis rdzogs// dper na khu
9b5 byug bya rgyal de// bya gzhan zil gnon 'dab gshog rdzogs// bya bran kun gyis 'khur ba ltar// rdzogs pa a ti yo ga ni// theg pa kun gyi rgyal po ste// ri yi rgyal por rab bzhin// ri rgyal zil gnon bya rje
9b6 'dra// theg pa gzhan gyi khur du khur// lta ba'i ngo bo don gyi mchog/ drang srong bsgom 'dod sgom pa la// 'du 'dzi spangs nas dgon dben bzung// bstod pas rgyal ba 'dod pa ni// dper na khu byug sa mtshams
10a1 las// grong las dben par gnas bcas kyang// gcig pu mi 'dug de bzhin khu// 'du shes bzan chu sgom pa 'dra// dper na bsgoms pa'i sgom chen rnams// rus sbal khog gor nang nas
10a2 ni// brkyang bskum 'gro 'dug byed pa de// sus kyang mi mthong de nyid na// 'dug 'gro gzhan gyis mi mthong ltar// lus dben sems dben gnas dben par// mi mthong 'dug pa rgyal ba yin// dper na bya
10a3 rgyal khu byug gis// dus bzhi'i 'brel pa byed pa de/ gzhan gyis byed du bcug min te// dus bzhi'i 'brel pa ldan pa bzhin// rdzogs pa chen po bla na med// yon tan kun gyi 'byung gnas gter// theg pa kun
10a4 gyi 'byung khungs pa// 'byung khung byed du bcug min te// thams cad ma lus lhun gyis rdzogs// chos rnams ma lus bla na med// gsang sngags rig sngags byang chub dang// phyag rgya la sogs ma lus
10a5 rnams// bsod nams nor bu rin po che// sems kyi khu byug 'di la rdzogs// bsgom 'dod drang srong mkhan po pa// rnam par dag pa'i lam 'di la// bla med byang chub gter 'grub na// sems kyi khu byug 'di
10a6 nyid la// bltas na bla med gnas su son// don dam bde ba chen po'i lam// yang dag 'ba' zhig 'di la lta// byang chub sems rgyud kyi rgyal po khu byug yul lang ka spu rir 'khor phal po che brgya la// bcom
10b1 ldan 'das bde ba'i dbang phyug gis bka' stsal pa rdzogs so//// slob dpon rgya gar gyi mkhas pa chen po gtsug na me 'bar gyis 'grel pa mdo bkrol ba zhigs bzhugs te/ dgun zla 'bring po'i nya gsum
10b2 la bton te/snod dang ldan pa'i mi/ byang chub sems dpa'i mi dag rnyed na/ rtsa ba sngon la kun gyi de bzhin byin la// mdo 'grel phyis sbyin no// de ltar ma byas na bka' dam pa khyad du bsad de/ mod la ster
6a4 mkhan khrag tu skyugs la dmyal bar ltung ngo// ngon song gsum gyi rba la mchong// smyon pa rang gi srog gcod ltar// rang sdug rang gis las byas myong// gzhan rkyen mi dge byed pa'i yul// phan gnod las kyis gang sgrub pa// rnam smin yul gyi
6a5 'dzin pas grub// dge sdig byed yul bsam 'das kyang// mchod sbyin rang dang gsum la med// mchod 'os bstod 'os phyag gi gnas// phyag byar 'os pa bla ma'i rab// sangs rgyas chos dang dge 'dun
6a6 dang// mkhan po slob dpon rig 'dzin grogs// dngos dang gzugs brnyan bkur bya'i 'os// pha ma la sogs drin ldan dang// bstan la gnod byed lci ba'i yul// phan dang brtse ba'i nus pa yis// dngos dang
6b1 rgyud pa kun bu ru// sdug bsngal mgon med gyur pa yis// dbul 'phongs nyam thag dman pa'i rigs// nad pa la sogs snying rje'i yul// gshin po dri za'i sems can 'bring// rang dang mnyam nyid 'gran zla
6b2 bcas// chung ngu yin par shes par bya// gzhan rkyen yul gyis bslang byas kyang// rang bzhin gnyis kyi mi dge chung// phung po tshe 'di'i bdud kyis bslus// lha bu bdud kyis tshe 'dir bcings// 'chi bdag
6b3 bdud kyis tshe 'di phrogs// nyon mongs bdud kyis sdug bsngal mnar// thar pa'i bde la bar du bcad// mun pa'i smag la sangs dus med// rang bdun rang la langs pa yin// bdud ni ngar 'dzin rnam
6b4 'phrul te// bdag 'dzin gtang na bdud rnams choms// bdag med seng ge'i sgra dang ldan// mu stegs rigs dang ngan song 'joms// dpa' bo bdud las rnam par rgyal// bdud bzhi'i 'jigs pa sel bar
6b5 byed// bcom ldan 'das kyi ye shes sku// ma rig rtogs tshogs las 'bras rnams// rgyu mthun gnas skabs de nyid du// log snang zhe sdang gdug rtsub che// rdo rje slob dpon bdud du babs// mgon dang bshes
6b6 kyang gshed du che// nye ba 'khor kun dgra ru sdang// rang srog rang gis gcod par 'gyur// 'dod chags rgyu mthun sred zhen che// ser snas 'jungs pas dbul zhing 'phongs// gzhan las brnabs pas rang
7a1 rdzas 'chor// dang khar mi 'ong zas la sred// gti mug rgyu 'thun dran pa nyams// rang gis mi shes gzhan mi nyan// rtag tu rmongs shing gnyid par 'gyur// mi dge dran pas sdug bsngal
7a2 skye// dbang gis zhe sdang rigs can rnams// dgra choms 'ong ba'i yul 'dzin 'gyur// 'dod chags pa la zhag med yul// gti mug mtha' 'khob gcong rong du// grogs med pa la zhen chags skye// gzhan la
7a3 byas pa'i rnam smin te// rang gis byas pas rang la 'ong// chen po dmyal ba'i dmyal bar skye// 'bring po yi dwags dmyal bar skye// chung ngu byol song yi dwags skye// phra mos dud 'gro lha min skye// mi dge'ang chung
7a4 ngu byas gyur kyang// mi khom rigs las thar mi srid// mi dge rnam smin rang snang la// gzhan gyi yul du bros sa med// rang snang log pa sdug bsngal yin// nyon mongs las kyi sdug bsngal rnams// rab ni myur
7a5 ba tshe 'dir 'byung// 'bring ni bar skabs phyi ma la// tha ma lan grangs gzhan la smin// smin par nges dang ma nges pa// rgyu rkyen tshogs dang ma tshogs byed// dge sdig sman dug lta bu la// gnyis kyis gcig
7a6 bcom zad par byed// gcig gis gcig mnan smin mi nus// gcig zad gcig 'phel chen por 'gyur// snga phyi'i 'dus la snga phyi dang// che chung 'bras bu de dang mtshungs// mi dge 'khrul pa'i bya ba la// zhe
7b1 sdang las skyed sbyor dngos tshang// mchod bya'i zhing du gyur rnams dang// de mthun pa la chen por brjod// 'dod la skyes shing gang rung tshang// snying rje can la 'bring du 'byung// snyoms las cha re tshang ba
7b2 yin// phrag dog can rnams chung ba ste// rang 'dod med pa'i sdig pa rnams// rnam smin 'bras bu phra ba yin// rang bzhin kun gyi snang ba ru// gang byas las kyi 'bras bu de// che ba khrom gyi mi bzhin du// kun
7b3 gyis snang zhing yongs su grags// 'bring po grong mi tha ma yang// dgon pa'i mi bzhin snang bar 'gyur// mi mngon mi dmigs ma mchis so// sdug bsngal las skyes sdug bsngal bdag/ sdug bsngal chu bo'i rgyun
7b4 bzhin gnas// spros dang bral ba'i chos nyid de// rang gi sems su ma rig pas// med bzhin du ni gzung 'dzin gyi// bdag dang gzhan du 'khrul pa yis// rtog pa rnam pa sna tshogs pa// sems nyid gcig gi
7b5 ri mo ste// tshon rtsi ri mo sna tshogs kyang// mkhan po gcig gis bris pa bzhin// sna tshogs sems kyi rang snang yin// rang las logs na byed mkhan med// med bzhin bdag 'dzin ma rtogs pas// rgyu ni ma
7b6 rig gnyis 'dzin la// rang rkyen dug lnga'i lam chud nas// der zhen der gzung de yi gzugs// sems la snang zhing 'gro lnga skyes// gang skyes kun gzhi snam bu la// rang rkyen rtog pa'i bzo 'chos byas// de dang
8a1 de yi snang ba la/khams gsum sems can nyon mongs khams// gzhan dbang dbang po sgo lnga la// 'dod srid rags pas 'dod khams pa// rang gzhan 'od kyi gzugs brnyan la// nyon mongs phra
8a2 ba gzugs khams yin// gzugs med 'du shes yid yul na// rang med gzhan snang yul rnams la// nyon mongs bag la nyal ba ni// gzugs med pa yi sems can khams/ khams gsum pa ni sems tsam
8a3 ste// sems kyi rtog pa rnying pa la// a 'thas 'gag pa 'chi ba zhes// rtog pa gsar bu byung ba la// zhen pa 'phel ba skye bar rtags// skye shi gnyis ka ci la rgyud// mtshams sbyor bar ma do de la// skye ba snga phyi rang
8a4 gzhan gyi// gnyis snang med pa'i gzung 'dzin can// bag la nyal ba'i sems can khams// rkyen gyis bsgyur na skye 'gag 'byung// sems nyid skye ba med pa la// skye med chos de sna tshogs ston// sprin med
8a5 mkha' la sprin byung 'dra// sems can gcig gi rtog pa la// snang srid thams cad skye 'gag byed// gzhan du gyur pa ma yin par// sems kyis ri mo bris pa yin// ma rig 'khrul pa'i sems nyid de// rang gis
8a6 rang la bzos byas pas// rang gzugs dbyibs dang kha dog sogs// khams gsum sems can spyi btsan la// thun mong ltar na ci 'dra ba// yul du snang ba'i rnam shes ni// go 'byed nam mkha'i klong dkyil
8b1 du// dang po srid pa sems kyi rtsal// snod kyi 'jig rten mas kyis chags// rang bzhin mi g.yos rtog pa g.yos// rlung rngams sa ya drug 'bum la// rgya ni tshad med rdo rje 'dra// chu rngams 'bum phrag bcu gcig
8b2 dang// stong phrag nyi shu rtsa lnga pa'o// de stengs gser gyi dkyil 'khor rngams// sum 'bum nyi khri chig stong dang// rgya ru sa ya 'bum phrag bcu gnyis dang// sum stong phyed dang lnga brgya'o// khor yug sum 'gyur lnga
8b3 yis brgyan// rnam shes rin chen sprin las su// phyi nang char rgyun snod bcud gnyis// rin chen lnga las lhun po ni// tshangs pa'i gnas ni man chad nas// dmyal khams bcu drug yan chad la// 'og tu chu nang
8b4 brgyad khri nub// steng du brgyad khri yang chags so// de yi phyi rim gser ri bdun// gnya' shing lhun po'i phyed nas su// rim bzhin 'phang du phyed phyed bri// de rnams 'phang dang zheng du mnyam// de bar rol mtsho
8b5 bdun dang bcas// rol mtsho nang ma brgyad khri zhing// phyi ma rnams ni phyed phyed bri// khor yug sum 'bum sum khri'o// gling bzhi shar gyi lus 'phags so// shel las grub pa zla gam gzugs// dpag tshad stong
8b6 dang lnga bcu ste// 'dzam gling gser la sogs kha'i dbyibs// dpag tshad nyis stong phyed dang bzhi// ba lang spyod ni rA ga las// zlum po stong phrag phyed dang brgyad// in dra ni la sgra mi snyan// gru bzhi dpag tshad
9a1 stong phrag ni// bco lnga gnyis 'gyur mtha' skor ni// 'phang du dpag tshad stong stong ngo// gling bzhi bar gyi gling g.yog brgyad// lus dang lus 'phags shar gyi g.yog/ lho yi rnga yab rnga yab
9a2 gling// nub kyi g.yog ldan lam mchog 'gro// byang gi sgra dang sgra mi snyan// kun la lcags ri nag pos bskor// 'og dang gling bar rgya mtshos bskor// dngas ma rin chen rnam lnga las// snyigs ma sa yi gling
9a3 rnams grub// kha dog dkar ser dmar ljang la// nam mkha' baiDUr mdangs can 'od// mthor sdud smin byed skyed pa yis// rlung dang 'byung ba'i rang rtsal las// yan lag gnyis su gsal ba yi// ri rab lhun
9a4 po'i phyed sked la// drod bsil 'od ldan nyi zla gnyis// dpag tshad lnga bcu rtsa gcig go/ sa bcud rin chen rtsi shing ni// me tog 'bras bu dri ro'i bdag/ mkha' la sprin phung skar tshogs dang// khu rlangs 'ja'
9a5 tshon char gyis brgyan// 'byung ba stobs kyis zad 'phel gyis// dkar nag rgyu rkyen ring thung dang// che chung lo zla zhag za dang// dus gzugs tshig smras skad cig rdul// yi ge gcig ni rin che dang// mang po
9a6 mtha' phyogs bye brag bstan// rnam shes srid pa'i rtse mo nas// bcud kyi sems can chags lugs ni// dang po 'od gsal gzugs med nas// gzugs khams yum la nyon mongs kyi// rnam rtog rags su song
9b1 ba las// lhun po 'og na tsha ba'i mtsho// mnar med sems can dmyal ba'i gnas// de steng dmyal khams rim pa ru// chu bur can gyi bar du yod// dmyal ba'i sgo bzhi 'dzam gling gi// ma dros mtsho 'og dpag
9b2 tshad ni// nyi khri dmyal ba'i 'jug sgo la// nyi tshe nye 'khor de yi lam// tshad med tsha grang sna tshogs snang// ri rab rmang dang thang 'khob na// yi dwags rigs tshogs sum cu drug/ bkres skom 'dod sred yid la
9b3 gdangs// sa steng sa 'og mun pa'i gling// byol song bye ba so drug la// gti mug gsod rdung sdug bsngal snang// ri rab bseng na lha min rnams// 'thab rtsod smas pa'i duHkha spyod// gling bzhi mi la 'du byed
9b4 rkyen// skye rgas na 'chi sdug bsngal snang// 'dod lha rigs drug 'chi 'pho dang// dang po chags nas bsam gtan gsum// man du me bdun chu gcig rlung// gtor nas bskal pa che chung gis// 'jig rten
9b5 chags 'jig stong gnas kyi// mi rtag rkyen dbang bde sdug dang// gzugs khams bcu bdun gzugs med bzhi// khams gsum 'khor ba'i srid pa na// 'dod khams nyon mongs ye shes che// 'byung lnga yul lnga
9b6 sgo lnga yis// 'gro lnga 'gro ba so so rnams// gzugs sgra dri ro reg bya chos// ma rig rnam shes sna tshogs 'di// rang snang bzhin du kun la snang// dbang po sngos dang yid 'gyu la// snang srid rtag pa nyid du
10a1 'dod// sems can rtog pa so sor gzung// 'gro kun spyi btsan de ltar bzhed// lha min la sogs 'ga' zhig la// rigs drug drang ba'i snang bar 'ong// dman pa'i rigs ni phal che la// rang
10a2 snang min pa gzhan mi snang// rang snang log pa'i rtog tshogs de// gzhan snang 'khrul pa'i sems can la// yod do mnyam du rtog pa de// spyi mthun snang ba gcig tu med// rang snang bzhin du gzhan ma la// sems
10a3 can rigs su gcig pa la// skye ba rnam pa bzhi ru byung// la la'i dug la la la'i sman// la la'i dgra la la la'i gnyen// la la'i nub la la la'i shar// la la'i mtshan la la la'i nyin// la la'i skyabs la la
10a4 la'i gshed// la la'i snang ba la la'i mun// mdor na dbang po'i sgo rnams la// 'byung ba phyi nang skye 'gag rnams// don gcig nyid la tha dad pa// chu la rigs drug so so yis// mi gcig so sor mthong ba
10a5 bzhin// kun kyang de bzhin nyid du shes// 'ga' zhig mnar med dmyal bar skye// 'ga' zhig bla med byang chub 'thob// 'ga' zhig 'khor ba'i gnas mthong ste// 'ga' zhig rgyal ba'i zhing du gsal// sems
10a6 can blo rigs so so la// snang ba bden pa gcig tu med// ma nges rtog pa sna tshogs pa// gcig tu ma rig bden par gzung// 'khor 'das gyes pa de las byung// yang dag don la gnyis su med// rang rig
10b1 ci 'dra 'gro ba kun// de 'dra chos kun thams cad shes// snod bcud gnyis po lhan cig skyes// rang 'khrul tsa na kun kyang 'khrul// 'khor ba min pa'i snang ba med// rang grol dus na kun kyang grol// 'od
10b2 gsal min pa'i yul ma grub// sna tshogs gzugs can yid las skyes// gzugs rnams thams cad snang ba'i dpal// sna tshogs snang ba ngo mtshar che// 'khrul snang rtog pa tha dad yin// nyin mtshan gnyis kyi bye
brag ltos/

CLOSE WINDOW