173a3 rgya gar skad du/ A r+ya many+dzu shrI a ti ti la tan tra ma hA nA ma/ bod skad du/ 'phags pa 'jam dpal lta ba thod rgal chen po'i rgyud ces bya ba/ dpal kun tu bzang po la phyag 'tshal lo// 'di skad
173a4 bdag gis thos pa'i dus gcig na/bcom ldan kun tu bzang po dang/ 'khor gyi rdo rje sems dpa' dang/ mkha' 'gro rab tu mdzes ma nyi ma'i 'phreng ba dang thabs cig pa'i mkha' 'gro ma rnams dang/ bcom
173a5 ldan 'das 'phags pa spyan ras gzigs dbang phyug dang/byang chub sems dpa' dpa' bar 'gro ba dang thabs cig tu bzhugs so// gnas ni chos kyi dbyings rgya ma chad pa zhes bya'o// bstan pa ni rab tu
173a6 mdzes pa dri med 'byung ba'o// dus ni rang byung tshogs pa rang snang gi dus so// de'i tshe mkha' 'gro ma nyi ma'i 'phreng bas/ bcom ldan 'das kun tu bzang po dang/ 'jam dpal dri ma med pa
173b1 dang/phyag na rdo rje dang/ spyan ras gzigs dbang phyug dang/ lag na be con can dang/ don yod zhags pa dang/ mi g.yo ba dang/ sgrol ma dang/ de dag la sogs pa'i gtso bo kun tu bzang po la bskor ba lan du ma byas te/ pus
173b2 mo g.yas pa'i lha nga sa la btsugs nas/thal mo sbyar te phyag byas nas/ lha rdzas man da ra ba la sogs pa/ phyi nang gsang ba'i mchod pa phul lo// ston pa kun tu bzang po la// phyi yi mchod pa rin po che// snang
173b3 srid rnam dag mchod pa phul// mkha' 'gros byin gyis brlab tu gsol// skye med rang snang dngos grub gsol// nang gi mchod pa rin po che// snang srid rnam dag mchod par 'bul// rang grol thig le'i dngos
173b4 grub gsol// gsang ba'i mchod pa rin po che// rang byung bdud rtsi mchod par 'bul// rang snang ye shes dngos grub gsol// yang gsang mchod pa bla na med// tshe srog sbyor sgrol mchod par 'bul// thig le
173b5 rang snang dngos grub gsol// bcom ldan kun tu bzang po la// 'jam dpal bdag la lta ba thod rgal zhu// mkha' 'gro ma yi mchod pa bzhes// zhes mchod pa bsam gyis mi khyab phul// de yi byin gyis
173b6 brlabs dag las// ti la tan tra ma hA zhes pa'i sgra// kun tu bzang po'i byin rlabs bstan// ces gsungs so// 'jam dpal lta ba thod rgal gyi rgyud las/ gleng gzhi'i le'u ste dang po'o//// de nas
174a1 rdo rje mkha' 'gro dang// dbyings kyi mkha' 'gro la sogs pas// bcom ldan kun tu bzang po dang// 'jam dpal dri med nyid la ni// lta ba thod rgal ji ltar lags// spyod pa thod rgal ji ltar
174a2 lags// sgom pa thod rgal ji ltar lags// 'bras bu thod rgal ji ltar lags// go 'phang dbang la rag lus pas// dbang bskur thod rgal ji ltar lags// dam tshig thod rgal ji ltar lags// zhes zhus
174a3 pas/kun tu bzang pos bka' stsal pa// 'jam dpal dri ma med pa dang// mkha' 'gro'i tshogs rnams legs par nyon// dri med dbang bskur bstan pa ni// rgyal po kun gyi 'byung gnas te// rgyal rigs chen
174a4 pos dbang bskur bas// mtshan dang dpe byad rang las byung// nor bu rin chen mdzes pa de// mdzod spur shar bas mun pa choms// nor bu'i rang gdangs 'bar ba yis// nyin mo mtshan mo'i snang ba
174a5 nub// ces brda bstan no// mkha' 'gro nyi ma'i 'phreng ba des// kun tu bzang pos brda dgrol zhu// kun tu bzang pos bka' stsal pa// rgyal po kun gyi 'byung gnas ni// chos sku rang la yod pa'i rtags// rgyal
174a6 po chen por dbang bskur bas// thig ler rang grol dbang gi rgyal po yin// mtshan dang dpe byad rang byung bas// chos sku'i dbang thob sku gnyis 'byung// nor bu rin chen mdzes pa ni// thugs rje'i byin rlabs
174b1 phyogs med yin// mdzod spur shar bas mun choms pa// thig le rang grol 'khor ba grol// nor bu rang 'od 'bar ba de// rang byung ye shes khong nas shar// nyin mtshan med par gsal ba de// chos min ye
174b2 shes zang thal yin// dbang bskur rgyal po rang byung dbang// lam gyi rgyal po ye shes sku// rlung dang thig le rtsa gsum po// lhan cig skyes pa dbang gi rtags// de yi bskur thabs rang byung dbang// de yi thob
174b3 tshul rang rig dbang// rang dbang yin pas gzhan mi tshol// rang byung dbang gi rgyal po yin// rang la dbang bas gsang dbang yin// ma lus 'du 'bral med par shes// de ni thabs kyi dbang bskur
174b4 yin// rig pa snang ba rang grol shes// de ni shes rab dbang bskur yin// rang la rdzogs pas bum pa'i dbang// tshig gcig bstan pas dbang thob pa// de ni tshig dbang rin po che// zhes gsungs so// 'jam
174b5 dpal lta ba thod rgal gyi rgyud las/dbang gi le'u ste gnyis pa'o//// de nas rdo rje mkha' 'gro rnams kyis ni// bcom ldan kun tu bzang po lags// dam tshig bsrung lugs gsung du gsol// zhes zhus
174b6 pas/kun tu bzang pos bka' stsal pa// nyon cig mkha' 'gro 'khor tshogs rnams// blon po kun gyi bshes gnyen la// seng ge dkar mo'i rta yod de// blon pos zhon nas phyin pa la// seng ge rtsal gsum
175a1 rdzogs pa yin// gom pa gcig la sa gcad pas// blon pos skad cig sa gcad pas// blon pos skad cig don sar sleb// ces brda gsungs so// blon po kun gyi bshes gnyen ni// bla mas rang
175a2 byung ye shes ston// seng ge dkar mo'i rta po ni// dper na rin chen man shel ltar// dam tshig sel med rang byung bas// de ni dam tshig rtsa ba yin// blon pos de la zhon pa ni// rang byung ye shes rang gis
175a3 bsrungs// seng ge rtsal gsum rdzogs pa ni// chos sku rang snang rdo rje 'dra// de las 'das ni 'tshig par 'gyur// longs sku rang snang pad+ma 'dra// de las 'das ni 'ching bar 'gyur// sprul sku rang snang rin chen
175a4 'dra// de las 'das na brlag par 'gyur// gom pa gcig gis sa gcad pa// chos sku rtsod bral dam tshig yin// skad cig don sar sleb pa ni// ma bsrungs mi 'da'i dam tshig thub cing bsrung du grol// dam
175a5 tshig shel gyi 'phreng ba 'di// thams cad dri med zang thal la// nyams dang bskang ba bya mi dgos// ci ste rang la mi 'da' bas// rgyal po rang rtags dam tshig yin// rin chen shel gyi 'phreng ba yin// zhes
175a6 gsungs so// dam tshig shel 'phreng lta ba thod rgal gyi rgyud las/ dam tshig shel 'phreng gi le'u ste gsum pa'o//// de nas mkha' 'gro ma'i 'phreng bas// bcom ldan kun tu bzang po la// lta ba thod rgal
175b1 gsung du gsol// ces zhus pas/ kun tu bzang pos bka' stsal pa// nyon cig rdo rje mkha' 'gro ma// phyi yi lta ba thod rgal dang// nang gi lta ba thod rgal dang// sbas pa bla na med pa'o// de ni nga yis bstan
175b2 par bya// legs par nyon cig mkha' 'gro ma// phyi yi lta ba thod rgal ni// snang ba rang grol ngo bo'i sku// rgyu rkyen med pas mkha' ltar gsal// rang byung chos sku kho na la// lta ba stong nyid thod rgal bas// 'od
175b3 gsal chos nyid don gyis 'phags// gnyen po med pas rang byung sku// nam mkha' gdangs dang chas pa ltar// rang byung chos sku 'od las grol// rang snang thig les khyab pas na// phyi yi lta ba thod rgal
175b4 yin// 'byung ba skyes pa bud med sogs// rgya mtsho dar dang rlabs sna bzhin// thig le dag las 'das pa ni// phra rab rdul yang mi rnyed do// lta ba thod rgal rang byung shar// stod kyis byung bas rtse mor phyin// nyi
175b5 zla brtsegs pas grib ma med// 'og ma'i grub mtha' yas rgal bas// seng ge dkar mos 'og rta byed// theg dgu'i rtse mor phyin pa yin// zhes gsungs so// lta ba thod rgal gyi rgyud las/ phyi lta ba thod rgal gyi
175b6 le'u ste bzhi pa'o//// de nas rdo rje mkha' 'gros gsol ba/ bcom ldan kun tu bzang po lags// nang gi lta ba thod rgal ji ltar lags// zhes zhus pas/ kun tu bzang pos bka' stsal pa// me long
176a1 g.ya' dang bral ba la// ji ltar gnas pa'i gzugs snang ngo// tshogs drug rang snang gsal ba 'di// rgyu dang rkyen gyis ma skyed pas// lha la sogs pa'i rigs lnga kun// rang snang thabs su grol
176a2 tsam na// sku gsum brtsegs pa'i rtse mor phyin// spyan snga rang sa'i rgya las grol// ye shes mig gcig rtse mo sleb// mthong bya yul de rang grol bas// sangs rgyas sdud pa rin po che// dbang bskur brtsegs pa
176a3 dbang gi mchog/dbang mchog rang byung thig ler brdal// 'byung ba lnga dang rigs lnga 'od// dug lnga la sogs snang ba kun// 'khyags pa'i dus na chu nyid la// chu nyid 'khyags pa'i ngo bor snang// rang snang chu
176a4 yi thod rgal yin// 'byung ba lnga sogs gang snang ba// rang snang thig ler rang byung yin// rang byung ston pas thod rgal yin// spyan gsum rnam dag rgal ba de// ye shes mig gcig thod rgal yin// dug gi rgyal
176a5 po ngo bo yis// dug nad can la btang gyur na// dug gi nad las grol bar 'gyur// ji ltar tshogs drug rang sar bzhag/ 'khor ba'i nad las grol bar 'gyur// ma bcings pa ni chos min sku// ma bslad pas
176a6 na ye shes te// ma sgrubs pas na 'bras bu'o// lta ba gol bas thod rgal min// rang sa ma shes man ngag min// 'dus byas 'bras bu gnas skabs chos// ma byas rang sar ma shes na// lta ba thod rgal dam tshig
176b1 nyams// zhes gsungs so// lta ba thod rgal gyi rgyud las/ nang lta ba'i thod rgal gyi le'u ste lnga pa'o//// bcom ldan kun tu bzang po yis// mkha' 'gro rnams la bka' stsal pa// sbas pa'i lta ba 'di lta
176b2 ste// btsun mo bde ba skyong ma la// mtshan mo skyes pa brgyad khri dang// bzhi stong dag gis chags pa spyad// slar la 'dod pa skyes nas su// ji tsam spyad kyang ma tshim nas// slar la bde ba tshol du phyin// yul ni
176b3 glang chen rin chen gling// gser gyi nyi ma bya ba yod// de na mtshan mos stong gsum sleb// sdun du su byung rang sar sbyor// de dang mo gnyis phrad pa las// pho mtshan mthong bas yid 'byung ngo// de bde don ni
176b4 'di lta ste// btsun mo kun gzhi sbyangs ma la// skyes pa nyon mongs brgyad khri dang// bzhi stong las gyur pa yi// chags pa 'khor ba'i snang ba'o// slar 'dod skyes pa 'gro ba drug/ ji tsam 'khor kyang mi grol
176b5 te// skye shi zo zhing rgyud nas tshol// chos nyid klong chen sku gsum gnas// 'gyur med ye shes gser lta bu// phyi nang med pas kun tu khyab// bla mas don bstan rang la shar// rang shar ye shes ngo shes
176b6 pas// rang sgo mthong bas zhe 'dod med// tshogs drug rol pa rang grol las// ye shes thig le rgyun chad med// chags sdang 'dod yon 'ub chub kun// rtse gcig dgongs pa rang sar sleb// thig le brtsegs
177a1 pa'i rtse mo na// rang byung ye shes chos min la// lta ba thod rgal rdo rje brtsegs// chags sdang rang byung rang grol bas// nyams myong drod rtags rang sar grol// gal te gser 'dod rnyed pa
177a2 la// gser 'dod sla ba dag la rten// me nyid 'dod pas med dang phrad pa na// du ba'i rnam pa med stong mi 'gyur// rang grol thod rgod rang shar bas// lta rtogs stong pa nyid la rag ma lus// zhes gsungs
177a3 so// lta ba thod rgal gyi rgyud las/ gsang lta'i le'u ste drug pa'o//// bcom ldan kun tu bzang po yis// mkha' 'gro'i tshogs la bka' stsal pa// bla med thod rgal bstan gyis nyon// ces gsungs
177a4 so// de la ston pas bka' stsal pa// sangs rgyas sems can gnyis med pas// lta ba stong pa'i yul las grol// rang bzhin dag pa'i nam mkha' ni// 'byung ba kun gyi mes po yin// rang byung thig ler rang
177a5 shar bas// lta ba kun gyi mes po yin// dbyings dang ye shes gnyis med pas// snang srid kun gyi mes po yin// thabs dang shes rab dbyer med pas// rgyal ba yab yum mes po yin// sems dang yid dang
177a6 rnam shes rnams// de med rnam rtog ma grub pas// sems can mes po yin// rtog pa grol ba'i yul med pas// sangs rgyas kun gyi mes po yin// rgyu dang rkyen las ma byung bas// 'dus ma byas kyi mes
177b1 po yin// snang srid 'khor 'das pa'i gdams// snang srid kun gyi mes po yin// 'bras bu thod rgal yul med rang grol yin// spyod pa thod rgal snang srid gzhi bzhengs yin// bsam gtan thod rgal bying rgod
177b2 rtsal gcod yin// lam rnams thod rgal rang snang rnam dag yin// zhes gsungs so// lta ba thod rgal gyi rgyud las/ bla med thod rgal gyi le'u ste bdun pa'o//// de nas rdo rje mkha' 'gro mas// ston pa
177b3 kun tu bzang po lags// spyod pa thod rgal gsung bar zhu// zhes zhus pas/ kun tu bzang pos bka' stsal pa// nyon cig mkha' 'gro nyi ma'i 'phreng// spyod pa thod rgal bstan pa na// ma byas spyod pa rang
177b4 byung thod rgal ni// phyi nang 'od la spyod shes na// longs sku rang gdangs phyogs med spyod// spyod pa rang shugs la shar// ma bkag rang byung spyod pa thod rgal yin// rang snang lus skye med spyod shes na// chos sku
177b5 rang phyogs med spyod// spyod mkhan rang snang spyod yul grol// ma bsgrubs rang shar spyod pa thod rgal yin// gsang snang 'gyu ba yid dag la// rang shar spyod pa sprul sku khong nas shar// spyad rgyu rang gdangs 'od
177b6 gsal phyogs ris med// spyod pa thod rgal cir snang sprul pa'i sku// thams cad spyod par shar bas 'khrul pa'i mig ma thogs// spyod pa thod rgal thabs la re mi ltos// rang grol thabs la mi brten pas// spyod
178a1 pa thod rgal zhes su bshad// ces gsungs so// lta ba thod rgal gyi rgyud las/ spyod pa thabs la ma byung ba'i le'u ste brgyad pa'o//// de nas rdo rje mkha' 'gro mas// sgom pa thod rgal gsung
178a2 du gsol// ces zhus pas/ kun tu bzang pos bka' stsal pa// nyon cig rdo rje mkha' 'gro nyi ma'i 'phreng// sgom pa thod rgal bstan pa ni// sgom nyams las thod rgal bas// rang byung ye shes kun tu
178a3 brdal// sgom mkhan 'gyu bar rang gdangs bas// rang rig ye shes khong nas shar// sgom rgyu'i gdams ngag thod rgal bas// lhag mthong rang byung khong nas shar// sgom pa'i yul med thod rgal bas// gnyis
178a4 med ye shes khong nas 'bar// sgom pa'i 'bras bu thod rgal bas// thig le nyag gcig khong nas 'bar// nyams myong thod rgal bying rmugs med// ye shes thod rgal snang srid thig le 'bar// zhes gsungs
178a5 so// lta ba thod rgal gyi rgyud las/ sgom pa thod rgal gyi le'u ste dgu pa'o//// 'bras bu thod rgal bstan pa ni// 'bras bu thod rgal rnams spyod dus las grol// re dogs thod rgal rang snang thig ler
178a6 'bar// snang srid thod rgal bar do'i yul las grol// 'khor 'das thod rgal thig le rang sa zin// bar mtshams thod rgal thig le gcig bzhag sku// thob mkhan thod rgal yul med rang la shar// thob
178b1 rgyu thod rgal ye nas rang sar grol// thob bya thod rgal snang srid thig ler brdal// phyi nang med pas nyag gcig yin// zhes gsungs so// lta ba thod rgyal gyi rgyud las/ 'bras bu'i rang sgo'i le'u ste bcu
178b2 pa'o//// de nas mkha' 'gro mas bskor ba du ma byas nas/ bcom ldan kun tu bzang pos/ 'jam dpal dri ma med pa lta ba thod rgal bstan pas/ bdag cag rjes su yi rang ngo// sdud pa po 'jam
178b3 dpal dri ma med pa/zhu ba po mkha' 'gro ma nyi ma'i 'phreng bas zhus pa/ lta ba thod rgal gyi rgyud ces bya ba rdzogs so//// rgya rgya rgya/ gsang ngo////


CLOSE WINDOW