128a4 / e ma don la ye nas chags sdang med// chags sdang thams cad 'khrul ba'i blo// de bas chags sdang yod kyi bar// 'khor 'das gnyis su shes par gyis// zhes chags sdang
128a5 gcod pa'i gsang thigs bstan pa ste bcu bdun pa'o//// bcom ldan 'das lhun grub bya bral ngang la phyag 'tshal lo// 'jam dpal bshes gnyen gyis rang gi 'dod pa zad pa'i tshig don du brjod pa// des
128a6 'tshal des 'tshal des 'tshal lo// ji srid bdag dang 'dzin pa yod kyi bar du na// thams cad 'ching ba'i dngos por bdag gis so// ji srid bdag gzhan gnyis su med pa na// bya bral lhun rdzogs chos sku
128b1 nam mkha' bzhin// rang byung ye ses spros bral yin par go/ chos kyi sku la bdag gzhan med pa la// ma rig pa bdag dang gzhan du 'khrul par go/ bdag gzhan med pas 'khor ba zad par go/ de rang nyid
128b2 la sangs rgyas gsung bar nges// de las gzhan pa'i sangs rgyas med par nges// lta sgom 'bras bu la sogs thams cad kyang// de rang yin ni gzhan ni min par rig/ de las gzhan pa thams cad grol bar
128b3 nges// bya ba bral bas lhun gyis grub par nges// gzhan gyis rtogs mnyam bdag ni mi bgyid do// de ma rtogs na grol ba med par nges// de bas bya bral rdzogs chen che bar nges// yang dag don la rtogs
128b4 'bras sgrib par go/sangs rgyas sems can gnyis su med pa la// sangs rgyas ming du btags pa yis// mi mkhas pa dag bcing bar nges// sangs rgyas med par bstan na yang// mi mkhas pa dag bkrag par
128b5 nges// sangs rgyas sems can gnyis med la// bdag ni the tshom ma mchis so// bdag med the tshom su yi yin// yul med the tsom gang la za// de bas som nyi ma mchis so// bdag med chags dang rmongs pa
128b6 'dod// de ltar su 'dod bdag dang bcas// de lta bas na sangs rgyas dgongs pa yin// dug gi bum pa 'o ma'i kha// khro chu'i lus la btsan dug sems// rgyun can dmyal ba'i rgyu can la/ nam yang sprel ba
129a1 bdag mi bgyid// ma rig rkyen gyis dbang song nas// gal te 'gal bar bstan gyur na// bdag 'jam dpal bshes gnyen gyis lus yang dum bur gyur cig/ mgo yang tshal ba stong du khos
129a2 shig/zas su khro chu skom du me mar du song zhig/ ces rang dam rang gis bcas te// chags sdang zad pa'i gsang thigs bstan pa ste bco brgyad pa'o// rdzogs so// #//
128a4 nyams kyi gdams ngag lhug pa rin po che sgron me zhes bya ba a ti spyi rgyud de rdzogs so//// rgya gar skad du/ be hU te tsakra tan+t+ra/
128a5 bod skad du/ rtsod pa'i 'khor lo'i rgyud/ bcom ldan 'das ro langs bde ba la phyag 'tshal lo// rin po che rtsod pa sgra'i 'khor lo/ 'jam dpal bshes gnyen la bshad pa// gnas ni byang chub shing drung
128a6 du// ston pa dga' rab rdo rje yis// 'khor ni paN+Di ta nyis brgya la// dus ni rtsod pa sgra yi dus// bstan pa d+ha he na'i 'du khang du// rtsod pa'i 'khor lo 'di bstan to// rtsod pa'i gzhi la gnyis su 'dus// gzhi yi
128b1 don la rtsod pa dang// lam gyi chos la rtsod pa'o// rdzogs pa chen po'i rtsod pa 'di gzhi chos nyid thig le nyag gcig tu dam bca'// gtan tshigs ci yi phyir zhe na// gnyis snang med pa'i phyir zhes bya// gnyis su
128b2 snang ba'i skyon gtong la// khyod rang la gnyis su snang ngam// nga yi grub mtha' la skyon gtong// nga la skyon gtong na// rig pas gtong ngam// tshad ma'i gzhal byas gtong// rig pas gtong na// chos nyid kyi
128b3 rig pas gtong ngam// 'thad pa sgub pa'i rig pas gtong ngam// bya ba byed pa'i rig pas gtong ngam// ltos pa'i rig pas gtong// chos nyid kyi rig pas gtong zer na// chos dang chos nyid rig pa gsum du
128b4 'dod dam// gcig tu 'dod dam// zhes phar 'bri'i// rig pa'i rgyab gnon phar la bya'o// gsum du 'dod na// rig pa las chos byung ngam// chos las rig pa byung// nyid las rig pa dang chos byung// de
128b5 gsum khyod rang yin nam logs pa yin// zhes 'dri ste/ gang yang khas mi len na// gong du ma bcas// swA hA/ chos las rig pa byung zer na rgya chad ba dang// yul las rig pa byung ba'i skyon// 'gal lo nyid
128b6 las rig pa byung zer na// rgya chad pa'i skyon btang ngo// ci ste zer na/ nyid kyi go ba 'dri'o// nyid la rgyu rkyen yod nas byung ngam med na byung 'dri'o// rgyu rkyen yod na nyid ma yin pa'i skyon 'byung ngo// rgyu rkyen med na
129a1 med nas 'byung na// nam mkha' la me gtong bar 'byung bar thal lo// ci ste gzhi med pa las 'byung ba'i phyir ro// de bas kyang 'di lta phar 'dri'o// rig pa khyod gnyis gcig nas gtan la
129a2 'bebs sam// mi gcig kyang gtan la 'bebs// gcig zer na rig pas rig pa gtan la 'bebs// 'bebs na thug med du thal lo// rig pas rang gtan la 'bebs na 'brel med du thal lo// gcig
la 'bebs mkhan med par thal lo/

CLOSE WINDOW