CLOSE WINDOW

Gpb036.024
བོད་ཡིག

/ mi bskyod ye shes zhing dag tu// rgyal ba'i sras su skye dbang thob/ khyod ni khams gsum dbang sdud de// sangs rgyas bdag nyid he ru dpal/ khyod la sangs rgyas lung bstan no// he ru ka sarba ta ta thA ga s+t+waM/khams gsum bdag po dpal ldan rang byung khyod// bdud kyi tshogs rnams bcom nas kyang/ khyed kyi thugs rje gzhan don mdzod// seng ge sgra las/ lta ba dang/ nyan pa dang/ bshad pa dang/ sgrub pa dang/'phrin las rdzogs nus pas/ nus pa'i dbang bcu thob pa'i le'u ste zhe gsum pa'o//// kye/ bcom ldan thugs rje thabs kyi bdag/ rgyan dang cha lugs 'chang dgos pas// bdag med chos rtogs mkha' 'gro 'og/dam tshig don nyid dran pa dang// rten 'brel dngos grub rgyu yin kyang// phyir mi ldog par bya ba'i phyir// bum pa dkyil 'khor chu rgyun mtshon// mtshan nyid sku gsum mi 'gyur bas// mi ldog dad pas bdag gis gzung// slob dpon bdag nyid ting 'dzin gyis// sku gsum dkyil 'khor chen po mtshon// slob bu khri la gzhag nas ni// rang nyid sa la bgrod zin mtshon// bum pa spyi bor babs pas ni// ye shes chu rgyun rang babs mtshon// chos kyi sku nyid bde chen rang dbang rang la thob// oM su pra ti tsit+ta badzra hU~M/ de nyid sku gsum skal ldan rang chas rang dbang rang la thob// rnal 'byor de nyid don rtogs pas// sangs rgyas kun gyi bdag nyid la// rang nyid rnal 'byor de nyid yin// de phyir rnam pa thams cad du// bdag nyid sku gsum che ba'i mchog/ chos rnams ye shes sgyu ma ste// rten cing 'brel ba'i chos dang ldan/khams gsum rtogs nas gnyis med spyod pa gyis// zhes seng ge sgra'i rgyud nyi zla kha sbyor las/ bum pas mtshon pa'i dbang rdzas dam tshig bcang ba'i le'u ste zhe bzhi pa'o//// kye/ bcom ldan thugs rje thabs kyi bdag/gsang ba'i dbang ni gsum pa dang// tshig dbang bskur ba ji ltar lags// bka' stsal pa/ gsang dbang mtshan pa 'di lta ste/ yab yum thabs dang shes rab mtshon// rang rig byang chub sems nyid mtshon// de las ye shes skur shar ba// gsang ba'i dbang du mtshon pa yin// shes rab mas ni ye shes mtshon pa'i dbang// ye shes zung du zhugs pa yis// bde chen byang chub ye shes shar// rig pa 'od gsal zung 'jug gis// bde chen mtshon pa'i dbang zhes bya// tshig dbang bla ma'i gdams ngag rgyud// slob bu de nyid smin par mdzad// dbang bzhi rdzogs par mtshon pa'o// seng ge sgra nyi zla kha sbyor las/dbang bzhi rdzogs pa'i le'u ste zhe bzhi pa'o//// kye/ bcom ldan thugs rje thabs kyi bdag/ dbang gi ngo bo nges tshig ji ltar lags// bka' stsal pa/ dbang gi ngo bo rang dbang rang gis chod pas dbang// rang byung gzhan dbang ma gyur dbang// nges tshig 'khor 'das chos la ni// mnga' mdzad rang dbang bskur bas dbang// dbye na thun mong khyad par te// phyi ltar rdzas la brten pa dang// nang ltar rdzogs lugs rang chas bstan// gsang dbang dam rdzas bdud rtsir mtshon// bdud rtsi lnga nyid spyi bor blangs pas bum pa'i dbang// de nyid rnam lnga zhal du gsol bas gsang ba'i dbang// bdud rtsi lnga nyid rgyan du bde bar spyad pa shes rab dbang// dug lnga rtsir bsgyur ye shes don rtog tshig dbang thob// dper na rgyal srid glang po mnga' bsgyur 'dra// rang dbang thob ste rgyal sa zin pa 'dra// gsang dbang dam rdzas bdud rtsi 'di// nga yi gzhi la ye nas dbang bzhi rdzogs// dbang gi chu bzhi yas babs pa// thugs rje gdul bya ma 'gags pa// gdul bya bzhi la thugs rje gzung// yid kyi rnam shes rang byung pas// shes rab 'byung ba'i gzhi ma 'gags// lce yi rnam shes sprul pa'i sku// tshig rnams rang rang don la sbyar// zhes seng ge sgra'i dgongs pa las/ dbang nges tshig ngo bo'i le'u ste zhe lnga pa'o//// kye/ bcom ldan thugs rje thabs kyi bdag/ theg pa'i dbye ba ji ltar lags// bka' stsal pa/ theg pa'i ngo bo shes rab snying rje la// de gnyis che chung theg pa che chung dang// theg pa nges tshig 'degs dang skyed pa'o// dbye na gsum ste/ nyan thos rang rgyal byang sems dang// kri ya u pa yo ga dang// ma hA a nu a ti yo// bsdu na/ rgyu rkyen lam khyer mtshan nyid theg pa dang// 'bras bu lam khyer gsang sngags theg pa'o// seng ge sgra las/ theg pa dbye ba'i le'u ste zhe drug pa'o//// kye/ bcom ldan thugs rje thabs kyi bdag/ theg pa'i gol sgrib ji ltar lags// bka' stsal pa/ gol ba'i ngo bo rig pa'i don ma chod// nges tshig gong mas gong ma ma mthong bsgribs// gong ma 'og ma don spyod gol zhes bya// dbye na mang yang bsdu na bzhi// lta sgom spyod pa 'bras bu bzhi// a ti blo 'das ngo bo la// gol dang ma gol blo las 'das// gol sgrib rang bzhin rnam par dag/ ye nas rang byung gnyis med pas// rgyu rkyen 'dus pa gol sgrib med// theg brgyad 'og nas snang ba yang// nga yi thugs rje mdzad spyod yin// dbyer med shes rab rtogs pa'i ngang la gnas// ma 'dres yongs su rdzogs pa'i ye shes la// 'byed pa med pa'i shes rab rang gsal ba// gol sgrib gnyis su dbye ru med// ces seng ge sgra'i dgongs pa las// gol sgrib le'u ste zhe bdun pa'o//// kye/ bcom ldan thugs rje thabs kyi bdag/ rgyud kyi don nyid gsung du gsol// bka' stsal pa/ rgyud ces bya ba'i ngo bo ni// rang rig ye shes yin par zlos// nges tshig 'brel dang ma tshang med// gcig la gcig brgyud rgyud ces bya// rgyud la dbye ba bsam 'das kyang// sku gsum 'phrin las rnam pa lnga'o// dbang rnams ngo bo rang dbang rang la thob// dam tshig kun gyi ngo bo ni// sku gsum rang ngo shes pas dam// rnam rtog bag chags sreg pa tshig/ dkyil 'khor kun gyi ngo bo ni// sku gsum gtso 'khor 'du 'bral med// 'phrin las kun gyi ngo bo ni// sku gsum ma btsal lhun gyis grub// mchod pa kun gyi ngo bo ni// rang ngo shes pas rgyal ba mnyes// rnal 'byor kun gyi ngo bo ni// sku gsum ma bcos ye nas 'byor// sngags rnams kun gyi ngo bo ni// sku gsum 'khor ba'i don la sngags// phyag rgya kun gyi ngo bo ni// rang ngo shes pas ma rig sangs// sku gsum phyag rgya chen po la// dbyings dang ye shes dbye bral med// dam tshig 'od gsal chos nyid la// thugs rje don mdzad dam tshig phyag rgya'o// a ti theg brgyad gsal bar ston pas mig dang 'dra// a ti theg pa thams cad theg pas sa gzhi 'dra// a ti theg pa thams cad shong pas nam mkha' 'dra// thams cad 'dus pas rgya mtsho 'dra// des na a ti nam mkha' mnyam zhes bya// seng ge sgra nyi zla kha sbyor las/ rgyud don nges par 'byed pa'i le'u ste zhe brgyad pa'o//// kye/ bcom ldan thugs rje thabs kyi bdag/ a ti rdzogs lugs bshad du gsol// bka' stsal pa/ rdzogs pa chen po'i ngo bo ni// rig pa byang chub sems zhes bya// byang chub sems su ma rdzogs na// sems can 'khor ba lte chad 'gyur// lam nyid byang chub sems nyid rgyun// rang rig lam du mi 'gyur na// 'khrul pas byang chub gang la yin// snang ba 'od snang sku gsum zer// rang gi 'od snang ma yin na// gzhan snang rtag pa lung dang 'gal// 'byung bas rang byung ye shes byung// gzhan 'byung nyag gcig don dang 'gal// a ti zhes su gsungs pa yang// bka' yi rdzogs pa chen po dang// don gyi rdzogs pa chen po'o// bka' don gnyis su ma 'brel na// bka' nyid don dang 'dzol ba'i skyon// theg pa kun gyi ngo bo ni// sku gsum rtogs pa che chung yin// rtogs pa che chung ma yin na// chos rnams mnyam nyid don dang 'gal// rgyud rnams kun gyi rang bzhin ni// don rgyud sku gsum rgyun du gnas// rtags rgyud gzung 'dzin glo bur byung// dpe rgyud tshig dang ye ger gnas// don rgyud ma rtogs sku gsum don mi phrad// rtags rgyud ma bstan gang zag yid mi ches// dpe rgyud bka' rgyud med na bstan pa'i snying po 'gro lam stor// a ti gtan tshigs le'u ste zhe dgu pa'o//// kye/ bcom ldan thugs rje thabs kyi bdag/ theg pa bsdu na ji ltar lags// bka' stsal pa/ theg pa che chung gnyis su 'dus// theg pa gnyis su ma 'dus na// pra yas pa yi skyon gyis sgrib// ngo bo rang byung 'od gsal stong par 'dus// rig pa 'od gsal ma yin na// kun tu 'od kyi sa las 'gal// rang bzhin snang stong dbyer med ma yin na// mu stegs rtag pa ther zug skyon// sku gsum 'od gsal rang grol zhes// 'od gsal rang grol ma yin na// mu stegs chad pa'i skyon du 'gyur// rang byung lhun grub ma yin na// gzhan 'byung nyan thos skyon du 'gyur// skal ldan bden pa da lta mthong// bden pa da lta ma mthong na// theg pa chen po'i don dang 'gal// 'bras bu rjes dpag skyon du 'gyur// sku gsum lhun grub 'du 'bral med// 'du 'bral med pa ma yin na// sku gsum tha dad skyon du 'gyur// sku gsum lhun grub ma yin na// sku gsum re 'jog skyon du 'gyur// sku gsum rang la rtogs par 'char// rang la 'char ba ma yin na// sku gsum yid smon sgom pa'i skyon// sku gsum rang grol 'gro don mdzad// sku gsum 'gro don mi mdzad na// gnod sbyin srin por sku gsum gol// theg pa bsdu ba'i le'u ste lnga bcu pa'o//// kye/ bcom ldan thugs rje thabs kyi bdag/ theg brgyad a ti rol pa ma 'gag pa// a ti ngo bo lung la ji ltar rdzogs// bka' stsal pa/ a ti nga yis rang byung la// sa la sbyang med bgrod mi dgos// rang byung ye shes rdzogs pa'i don la ni// yon tan sa lam thams cad ngo bo don la rdzogs// rgyud lung man ngag kun gyi don bsdus nas// ngo sprod rnam bzhis tshe 'dir bden pa mthong// de ni rab tu dga' ba'i sa zhes bya// man ngag don gyis blo yi the tsom bsal// rang rig rgyud la nges pa'i shes pa skyes// dri ma med pa'i sa zhes de la bya// sems ni ye shes dbang du 'dus// ye shes rtsal du shes pa ni// shes pa'i don brjod rag ma lus// gsum pa 'od 'phros sa zhes bya ba yin// de don kun la rang gsal bas// bzhi pa 'od byed pa'i sa zhes bya// lnga pa dug lnga dug gsum ngang du dag/ drug pa sbubs gsum skabs su sku gsum gsal// bdun pa theg brgyad don la rab tu 'phags// dgu pa yon tan rang la rdzogs par mkhyen// bcu pa chos rnams kun la thogs med sprin// bag chags sbubs la rtog pa skye lugs yin// rtogs lugs 'khrul ba'i snang ba 'gags pa'i tshe// chos nyid klong du ye shes 'od du gsal// bcu gcig kun tu 'od kyi sa la gnas zhes bya// de tshe rang snang yin pas mkhyen pa khong nas 'char// shes rab skye ba'i stobs kyis sku gsal ba// tshom bu lnga la chos kyi spyan drug 'char// gsal la mi gnas ma chags pad+ma spyan gyis// gsung gi ngo bor rang byung yi ge drug/ ljags las 'od 'phros sprul pa'i skur gyur pa// bcu gsum yi ge 'khor lo tshogs chen sa// sprul pa'i sku yis 'gro don rdzogs mdzad pa// rdo rje 'dzin pa bcu bzhi'i sar bshad pa// ye shes sbubs su rdzogs sangs rgyas pa yin// thugs rje'i gnas nas sgrol zhing rang rang bzhi don sbyor// gsang ba don gyi sbyor sgrol zhes su btags pa yin// rang byung ta tha'i chos lngas zhi ba mya ngan 'das// rin chen sbubs su sku gsum klong du 'khyil// de ni mi gnas ye shes klong du 'khyil// zhes bya sa yi don gyi ngo bo ni// chos nyid 'gyur ba med pas sa'o// sa yi mtho dman ngo bo ni// shes rab snying rje che chung ngo// sa la dbye ba gnyis yin te// 'jig rten pa yi sa dang ni// 'jig rten 'das pa gnyis yin no// 'das pa la yang gnyis yin te// theg chung nyan thos sa dang ni// theg pa chen po'i sa yin no// sa zhes nges tshig mi 'gyur gnas// rim pa'i dpe ni mchod rten bzhin// zhes seng ge sgra'i dgongs pa las/sa nyid rdzogs tshul bshad pa'i le'u ste nga gcig pa'o//// kye/ bcom ldan thugs rje thabs kyi bdag/ lam gyi bye brag bshad du gsol// bgrod cing 'jug tu med pa'i lam// lam med lam du lta ba rnams kyi gnad che ba// phyin par 'dod pas ri dwags smig sgyu snyeg pa 'dra// bgrod med lam la rab gnas pa// 'du 'bral med pa'i dgongs pa la// bgrod du med do chos nyid byang chub sems// rtsol bas bgrod na ye shes mtha' la ring// 'jug tu med do rang rig ye shes lam// 'jug pa'i rtsol bas sdug bsngal lam du ring// 'on kyang ma bshad go bar mi 'gyur bas// bgrod du med lam rtogs pa'i thabs bstan pa// sgra mthun don la 'phags pa'i lam lnga bshad// bla ma bsnyen bkur yongs rdzogs nas// dam pa mi 'bral drung gnas pa// tshogs lam rdzogs pa'i lam zhes bya// bla mas gdams ngag don bshad nas// rig pa dri med de sbyor ba// sbyor ba'i lam du bshad pa yin// ngo sprod bzhi yi sgo nas ni// tshe 'dir nges pa'i bden pa mthong// mthong ba'i lam du shes pa yin// sgom dang sgom med lam 'das nas// sku gsum ngang la gnas pa ni// sgom pa'i lam du bstan pa'o// sangs rgyas dgongs pa sde chen drug/ mi gnas tshul gyis mthar phyin pas// mthar phyin lam du bshad pa yin// lam gyi ngo bo rang byung 'du 'bral med// lam gyi nges tshig rnal 'byor don la bgrod pas lam// dbye ba rnam pa gnyis yin te// rgyu yi lam dang 'bras bu'i lam// rgyu yi lam ni theg dman lam// dper na 'gro ba'i lam dang 'dra// 'bras bu lam du byed pa las// lha sku lam du byed pa dang// stong nyid lam du byed pa dang// 'od gsal lam du byed pa'o// rtsol 'bras ye shes lam gyi dpe// mkha' la khyung chen lding ba 'dra// seng ge sgra nyi zla kha sbyor las/ lam gyi le'u ste nga gnyis pa'o//// kye/ bcom ldan thugs rje thabs kyi bdag/ sgra mthun don la 'phags pa yin// pha rol phyin bcu ji ltar lags// bka' stsal pa/ snying po sku gsum ye sangs rgyas// rtsol ba'i bsam pas dbyings mi bskyod// rtsol bcas lta spyod ting 'dzin ye shes sku gsum sgrib// rang byung sku gsum ma bsgribs kun tu gsal// lhun grub bzhi rdzogs ma rtogs na// nges pa'i pha rol phyin pa ni// ci phyir yang dag nges don 'di// ngo bo nam mkha' lta bu las// yon tan char snang phyogs med 'char// shar yang rang rig rnam par dag/de nyid sbyin pa'i phar phyin yin// rang byung ye shes dri med rnam dag pa// de nyid tshul khrims phar phyin yin// 'khrul med sdug bsngal grol bas bzod phar phyin// mi brjed rang la shar bas brtson 'grus phyin// g.yos pa med pas bsam gtan phyin// 'gag sgrib med pas shes rab pha rol phyin// byas rtsol med pas thabs kyi pha rol phyin// 'gran zla med pas stobs kyi pha rol phyin// yon tan rab rdzogs gzhan mi smon pa smon lam phyin// rang byung ye shes gzhir gnas ye shes pha rol phyin// pha rol phyin pa'i nges tshig ni// tshu rol las 'di 'das pa'o// dbye ba rnam grangs bcu dang drug/ dbye ba rnam pa gnyis su bshad// rgyu yi pha rol phyin pa dang// 'bras bu'i pha rol phyin pa'o// dpe ni brten chu sgrol ba'am// skyes bu mtheb mos mda' nyid skyod pa ltar// lam pa grub pa mthar phyin sa la gnas par byed// ces seng ge sgra'i dgongs pa las/phar phyin bcu yi le'u ste nga gsum pa'o//// kye/ bcom ldan thugs rje thabs kyi bdag/ rang byung sku gsum rnam grol ye shes chos sku la// grol sa ma mchis bshad du gsol// sku gsum gzhi dag nyon mongs spong mi dgos// bsod nams ye shes tshogs gnyis ye rdzogs pas// sku gsum ye shes tshogs gnyis gzhi la bsag mi dgos// rang byung ye shes sgrib pa ye dag 'od gsal bas// las dang nyon mongs sgrib pa sbyang mi dgos// rang byung ye shes sku gsum gzugs skur rang snang bas// kri yog lta bur dkyil 'khor bri mi dgos// sku gsum lhun grub ye sangs rgyas pa la// yo ga lta bu rtsol bas sgrub mi dgos// rgyud lung man ngag don dang 'dres// rang shar dgos pa rang rig ngo shes pas// rang dbang rang thob ma hA la// dbang ma ltar du dbang mi bskur// rang byung ye shes rigs stong lhun grub pas// a nu ltar du lta ba rtogs mi dgos// rang byung ye shes ma bcos mtha' grol bas// theg brgyad lam ltar lta spyod bcos su med// lhun grub bde chen ngang la grol ba'i lam// zhes seng ge sgra nyi zla kha sbyor las/le'u ste nga bzhi pa'o//// kye/ bcom ldan thugs rje thabs kyi bdag/ sems de rang rgyud ji ltar grol/ bka' stsal pa/ rang byung ye shes khyab bdal de// sku med sku de ye shes sku// gsung med gsung la 'gag med zer// thugs kyi rig pa 'od gsal rdo rje a// thabs kyi rgyal po 'phrin las yongs la khyab// 'gro ba kun la rig pa'i nyi ma shar// sems de kun gyi rang rgyud la// sangs rgyas ye shes sku gnas pa// sku ni rnam dag 'od kyi sku// dngos po'i mtha' las grol bar gnas// sems de 'gro ba'i rang rgyud las// sangs rgyas 'od zer gsung gnas pa// gsung ni 'gag med tshangs pa'i dbyangs// brjod pa'i tshig las 'das pa yin// sems de kun gyi rang rgyud la// sangs rgyas thugs kyi rig pa gnas// nyi ma rdo rje 'pho 'gyur med// snying po 'gyur med sku gsung thugs// rdo rje lta bu sku brnyes pa// bcom ldan rdo rje mi bskyod bya// sku gcig kun la khyab pa'i sku// nyi ma'i snying po lta bur gnas// man shel lta bur rang dag pas// gzhan snang bye brag cir snang yang// sku gsum ngo bo 'gyur ba med// ye shes chu bo rgyun bzhin gnas// ye shes lnga snang 'du 'bral med// rdo rje 'dzin pa nges par nyon// sku gsum bde ba chen po'i don// 'gro ba yong med kun la khyab// kun gyis rtogs shing mi rig ste// lha la sogs pa'i 'gro drug dang// byang chub sems blo yis 'di mi rig/ theg brgyad blos rig pa min// lam bgrol btsal bas 'di mi rnyed// sangs rgyas btsal bas grub min pas// de nyid rgyu rkyen 'das pa yin// thugs kyi dkyil 'khor rang byung ba// de nyid dus gsum rtag par bzhugs// sangs rgyas kun gyi ye shes sku// dri med rang byung 'od gsal ba// 'gro ba'i rgyud la snang bya ba// ye shes me long dpe don rtags kyis mtshon// phyi nang snod bcud ma lus kun// ye shes chen po la yang bzla// zhes seng ge sgra las/ sems de rang rgyud sku gsum rang gnas lung bstan pa'i le'u ste nga lnga pa'o//// kye/ bcom ldan thugs rje thabs kyi bdag/ sku gsum 'gro la rang gnas dpe don rtags kyis ji ltar srid// bka' stsal pa/ nga ni sems de kun gyi gsos// 'di don nad rnams kun gyi sman// shel ltar ye shes dri med sku bstan dpe// 'gag med rig pa ye shes 'od gsal sku// rang la gnas pa mngon sum yul la bstan// ye shes 'od sku chu zla'i tshul// thugs rig 'gag med nyi ma ltar// gdung sgra zer 'od brag cha bzhin// sku gsum rtogs pa'i klong du su 'gris pa// rtag chad tshig las 'das pa yin// chos can blo 'das ye shes dri ma med// ma bskyed ye shes dkyil 'khor sgyu ma rnam dag klong// klod pa med par chos nyid rang shar ro// de nyid ye nas nam mkha' 'dra// rnam dag nam mkha' mtshon la bstan// de nyid ye nas rdo rje 'dra// skye 'jig med pas mtshon la bstan// de nyid ye nas rgya mtsho 'dra// mkha' klong gting mi 'gyur bas mtshon la bstan// de nyid ye nas nyi ma 'dra// gsal 'grib med pas mtshon la bstan// de nyid ye nas man shel 'dra// rkyen med 'od lnga nang 'char mtshon la bstan// de nyid ye nas pad+ma 'dra// rnam dag ngo bor mtshon la bstan// 'ja' tshon mar me 'dra 'bag dang// 'od khang me long ngos mtshon nas// ye shes chen po sku gsum mngon du sprad// ces seng ge sgra nyi zla kha sbyor las/ sku gsum thugs ngo sprad pa'i le'u ste nga drug pa'o//// kye/ bcom ldan thugs rje thabs kyi bdag/ sku gsum thugs su ngo sprod pa// gdams ngag gnyis su bstan pa de// thugs rje'i dpe rnams ji ltar 'byung// ngag gi chos rnams ji ltar gsungs// bka' stsal pa/ rang byung chos sku nyi ma lta bu las// zer 'od thugs rje 'phros pas pad+ma kha 'bus tshul// thog ma'i sangs rgyas nyag gcig las// rdo rje sems dpa'i sku nyid ni// u dum ba ra'i me tog las// snying po'i rang bzhin gzugs skur 'khrungs// shes rab mthar phyin tha snyad rnam par dag/ rig pa'i khu byug gsung gi sgra yang bsgrags// rang byung ye shes ma 'gags 'od zer phyogs bcur 'phro// rdo rje sems dpa' sangs rgyas kun gyi gtso// thabs mkhas thugs rje stobs nyid mkhyen mnga' bas// 'gro la byams pa gsung gi yi ge drug/ rang byung sgra yi yi ge zhes bya ste// sa sha ha a 'a ma// des thugs rje mnyam sbyor don drug bstan/ sa/ lhun gyis grub pa'i don la sbyor// sha shes rab 'gas med don du sbyor// ha/ rten med ye shes dbyings la sbyor// ma/ chos rnams mnyam pa'i don du sbyor// a/ skye med 'od gsal ye shes sbyor// sa/ spros pa nye bar zhi bar sbyor// yi ge drug gi ye shes gnas bskyal ba// ma/ ye shes gnyis su med par bskyal// sa/ chos nyid bar do 'od gsal bskyal// sha/ thabs la mkhas pa'i klong du bskyal// ha/ ye shes gnyis med dbyings su bskyal// a/ rig pa ye shes gnyis med bskyal// 'a/ mtha' lasa'adas pa'i dbyings su bskyal// gzhi chos la 'das pa ye shes thugs rje yi ge drug ces bya// sa/ dbyer med ye shes ngang du 'das// a/ byas rtsol med pa'i ngang du 'das// 'a/ tshig dang brda dang sgra las 'das// ma/ thugs rje ye shes chags pa'i sgra// sha/ shes rab ye shes rtsal sbyong sgra// ha/ rdzogs pa ye shes rang la shar ba'i sgra// yi ge drug las zer gyi sku lnga ni// thugs rje gsung gi zhal chems sprul pa lnga// byams pa'i chos ston sangs rgyas rnam pa lnga// 'gro ba'i ston pa gzhag nas bka' ma nyams// rdo rje sems dpa' thugs kyi dpal be'u nas// sangs rgyas mi mnyam mgon po rang byung sku// dbu yi gtsug tor 'khor lo rtsibs brgyad nas// sangs rgyas 'jam dpal dri med snying po byung// mdzod spu bde ldan mgon po spyan ras gzigs nyid byung// shangs nas phyag na rdo rje ljags la byams pa rnam par gzigs// sku gsung thugs dang yon tan gyi// rtsa ba'i rgyud lnga gsung gi zhal chems so// phyag g.yas 'khor lo rin chen zur brgyad las// sangs rgyas gtsug tor dri med rang byung sku// phyag g.yon pad+ma 'dab brgyad la// sangs rgyas byams pa kun gzigs byon// zhabs g.yas pa yis ni rgya gram las// sangs rgyas kun grol ye shes rang byung ni// zhabs g.yon ut+pal nam mkha'i snying po byung// de rnams rtogs pa'i ye shes chos la dbang sgyur ba// snyan rgyud bzhi bshad zer du 'phros pas sangs rgyas stong dang dbye ba yis// bka' 'di mi nub chos kyi rgyal mtshan btsugs// brgyad khri bzhi stong rgyal ba'i zhal chems bzhag/ thugs rje sprul sku shes rab rang byung ba// byams pas chos bstan gang la ci 'dul ba// mos pa rgyan gyi dkyil 'khor bshad// seng ge sgra nyi zla kha sbyor las/ bka' mi nub rgyal mtshan gsung zhal chems bzhag pa'i le'u ste nga bdun pa'o//// kye/ bcom ldan thugs rje thabs kyi bdag/ rtogs pa bskyed phyir sku yi rten// brda dpe mtshon pa ji ltar lags// bka' stsal pa/ 'gro ba rtogs pa bskyed pa sku yi rten// dbu yi gtsug nas ring bsrel mngon phyung ba// mar me mdzad pa dbu yi gtsug phud bya bar grags// spu yi chos ston gling bzhi'i rtog pa sel// sku rten lho yi 'dzam gling rin chen brtsegs pa'i sku gdung bzhag/ ba glang spyod du dga' ba brtsegs pa'i rang byung sku gdung bzhag/sgra mi snyan du btang snyoms rgya gram brtsegs pa'i sku// shar gyi lus 'phags byams pa rdo rje brtsegs pa'i sku gdung bzhag/ de bzhi sku yi 'dra 'bag mtshon pa'i dpe bzhag go/sangs rgyas sku gsum bzhugs par dper mtshon no// sku gdung de las zer 'phros rten btsugs pa// rdo rje gdan gyi phyogs bzhi mtshams brgyad du// sku yi brdar mtshon sku gdung phyogs bkod pa// ma ga d+ha yi dur khrod bsil ba ru// sku gdung ring bsrel bde chen brtsegs pa byung// sing ga la yi dur khrod sku la rdzogs pa ru// sku gsung ri bo tams 'bar byung// kha che dur khrod he chen bdal// sku gdung ka ni ka ni rang byung byung// sa la gsang chen rol pa'i dur khrod du// sku gdung 'og bu do shal byung// bal yul dur khrod lhun grub brtsegs// mchod rten byar rung kha shor byung// au rgyan dur khrod pad+ma brtsegs// sku gdung gzi byin brtsegs// za hor dur khrod lang kar brtsegs// sku gdung bde byed gzhon nu byung// li yul 'jig rten brtsegs pa'i dur khrod byung// sku gdung mgon dar sham mo// sku gdung brgyad ni rnam par snang mdzad sprul pa ste// tri yog chos bstan rigs 'dzin phyi pa'i rtog pa bskyed// dur khrod brgyad ni rnam shes dul brgyad brdar mtshon// dur ni sdud par byed pa la// khrod ni ye shes dbyings su rol// rdo rje gdan ni rig pa thugs kyi brdal// sangs rgyas thugs kyis zer 'phros rdo rje sems dpa' sprul// gsang sngags chos bstan rigs 'dzin nang gi rtogs pa bskyed// de rnams zer du mchod rten chen po brgyad kyang spros// byang chub sems dpa' rnams kyi rtogs pa bskyed// rdo rje sems dpa'i smin mtshams mdzod spu nas// sangs rgyas mtha' yas mngon du byung// de yi smin mtshams mdzod spu nas// 'od zer bye ba drug cu drug cur spros// man shel sku gdung khri 'phang lnga pa byung// sprul sku thub pa drug gi rtogs pa bskyed// de nas lha yi dbang po mkhar gyi yang rtser ni// ta ri ka ka bya ba'i rtse la babs// lha dang byang sems rnams kyi rtog pa bskyed// de nas rgya yi ri bo rtse lngar babs// byang sems rigs lnga mgon po'i rtogs pa bskyed// de nas rdo rje gdan gyi rtse la babs// d+harmA sid+hi mu tra a zhes smras// ro langs bde ba dga' rab rdo rje phyag tu babs// paN+Di ta lnga brgya rtogs pa der bskyed// de nas te se gangs la babs// dgra bcom lnga brgya'i rtog pa sel// ye shes ngo bo ston pas skal ldan rtog pa bskyed// rdo rje sems dpa' me long zhes pa ltar gzhag pa// sku yi zhal chems yid ches bskyed pa'i gdung// su 'chang skal ldan rtogs pa tshe 'dir bskyed// rdo rje sems dpa'i thugs kyi dpal be'u nas// sangs rgyas 'jam dpal dri med snying po rang byung shar// de yi thugs las nyi ma'i snying po shar// sku gsum dbyer med khyab bdal mkha' la gsal// yi ge med pa'i brda bzhi don du ni// nyi ma khang par gnas par bar snang gsal// 'gro drug skal ldan rnams kyi rtog pa sel// rnal 'byor rtogs ldan rnams la nges shes bskyed// 'jig rten sgron ma 'gro ba'i gdung ba sel// brgyad khri bzhi stong chos nyid ma dang sprod// bye ba dpag med sangs rgyas bstan pa mthar 'don// thabs dang shes rab brda mtshon nyi zla 'gro don mdzad// de yi 'od zer bye ba phrag brgya yang// gling bzhi bye ba phrag brgyar 'gro don mdzad// snying po'i don ston mun pa'i rtog pa sel// zhes seng ge sgra sgrogs theg dman zil gyis gnon pa ye shes zung 'jug nyi zla kha sbyor dgongs pa'i rgyud rgyas pa las/ ngo sprod me long dpe brdar ji ltar byung ba'i le'u ste nga brgyad pa'o//// kye/ bcom ldan thugs rje thabs kyi bdag/ rtogs ldan dgongs pa ji ltar lags// bka' stsal pa/ bcom ldan seng ge rnam par bsgyings pa'i ting 'dzin las bzhengs nas// tshig bshad seng ge 'brug gi sgra ltar bsgrags// rdo rje lta bu rig pa'i ye shes ni// nam mkha' lta bur dag po med// 'od gsal dri med ngang gi ngo bo la// gnyen pos mi shigs rkyen gyis mi 'gyur bas// dge dang sdig pa de yi spyod yul min// rang dbang thabs kyis rdzogs pas rtsal gsum lus la tshang// mtho dman gling du gyur pas ye shes thabs kyi sku// sa dang lam mi bgrod pas bde 'byam ye shes dbyings// rgyud la byang chub 'dod pa sdig pa'i las// su la snying rje ma bzang sdig pa'i bag yod min// ci ste srog med srog bcad sdig 'gro na// ye nas chad pa su la sdig/ snying rje ye grol thugs rje gang la bya// mchod dang dge bya 'dzin pa'i las// gang dang grol ba rang sar lhun grub grol// bya bral ngang la gnas pa'i skal ldan ni// rdo rje mi 'chang sngags dang rdzas mi rten// dben par mi 'dug mchod gtor 'og ma'i las// gang la mi brten rang grol rang shar ba// seng ge sgra yi dgongs pa mthar skyol zhes// nyi zla kha sbyor las/ seng ge sgra dgongs pa theg dman zil gyis gnon pa'i le'u ste nga dgu pa'o//// thugs rje byams pas bka' stsal pa// khyung chen gshog pa rdzogs ting nge 'dzin las bzhengs nas// gnyis su med pa chos dbyings byang chub sems// brjod pa'i tshig 'das kun bzang chos kyi sku// 'gyur med ye bdal bde chen lhun gyis rdzogs// snang srid gzhan snang bltas pas ngo bo rkyen gyi gol// srid gsum ma lus kun tu bzang po la// rol pa'i mdzad spyod ye nas rnam par dag/ don dam 'gyur med bde chen byang sems la// yang dag lhun rdzogs smra bsam yul las 'das// nam mkha' mtha' dang mnyam par la bzlas pa// sa rnams yas kyis bcad pa'i mchong po che// snang srid gsal bar byed pas 'od zer che// srid gsum rtogs par shar bas shes rab che// chos nyid mi 'gyur ye shes rig pa'i ngang// gzung 'dzin yul 'das mtha' dbus khyab pa che// nga dang bdag med phyogs ris nam mkha'i klong// yid bzhin nor bu 'dam nas thon bzhin gzhi rtsa chod// mi 'gyur dbyings kyi rig pa'i nyi ma shar// de nyid ye nas ji bzhin gnas pa ni// lus 'das chos nyid sems 'das sangs rgyas ni// kun gzhi la 'das chos skur shar ba de// khyung chen gshog rdzogs dgongs pa mthar skyol zhes// seng ge sgra las/ khyung chen gshog rdzogs dgongs pa'i le'u ste drug cu pa'o//// thugs rje byams pas bka' stsal pa// bcom ldan nam mkha' rnam dag ting 'dzin las bzhengs nas// re dogs rnam dag mtha' bral chos nyid bstan// rdo rje thugs la ye shes sku// tshig gcig mtshon pas don chen spungs// rnam dag lam chen bgrod med rang grol gnas// ma skyes gsang ba'i dkyil 'khor 'gro ba kun la rdzogs// don nyid 'gro kun ma rig pas// lam rgyud lnga yi 'khor bar 'khrul// de phyir mgon po dri med ngas// ye shes lhun rdzogs dri med 'od gsal ba// rang byung me long ye shes lnga bcas dpe// mtshon byed sku gdung man shel zur lnga pa// 'gro ba kun don rgyal bas lung bstan to// sna tshogs 'khrul gzhi ngo bo ni// nam mkha' la ni sprin bzhin du// rang grol spros bral chos nyid ngang du dwangs// e ma sangs rgyas ye shes sku// rtogs par dka' ba snying po'i don// tshig dang yi ge'i spyod yul min// rang rig gdod nas ma skyes pas// e ma mnyam nyid rig pa'i glong// ming du btags pa'i chos kun yang// mnyam pa nyid de nam mkha'i ngang// e ma ho chos sku rang rig rtsal// ye nas snang la 'gag med pa// de nyid dag pa'i rang gdangs la// mkhas pas ji ltar sgom snang 'grub// chos sku nam mkha' rnam dag klong// rang gi ngo bo brjod bya med// sku dang ye shes rol ba kun// nam mkha'i klong na ji ltar snang// nam mkha' rnam dag dgongs pa mthar rdzogs// zhes seng ge sgra yi rgyud las/ nam mkha' rnam dag dgongs pa'i le'u ste re gcig pa'o//// yang thugs rje byams pas bka' stsal pa/ bcom ldan 'das nyi zla kha sbyor gyi ting nge 'dzin las bzhengs nas/chos rnams 'gag med zung 'jug bstan// rang byung ye shes shes rab rtogs grol ba// rang grol sbrul gyi pags pa bzhin te gzhan 'gyur gnas ma yin// bag chags sbubs nas rig pa gsal 'char ba// thabs dang shes rab nyi zla kha sbyor tshul// ye shes sgo lnga 'jug pa'i sgo lnga nas// zung 'jug 'gag med khang khyim mthong khungs nam mkha' 'dra// thugs rje rtse gcig ye nas gnas pas dag/byas pa'i chos min sku gsum ye rdzogs shar// theg brgyad blo yis ye rdzogs mi mthong ste// rus sbal mig gis nyi ma mi mthong bzhin// rig pa'i gsang rtags ye shes mtshon gang ba// rtogs pa klong du su 'gris pa// 'di nyid mi gnas mya ngan 'das// rang bzhin rnam dag sku gsum la// sgrub dang rtsol bas ma yin mkha' la nyi shar tshul// rgyu rkyen 'das pa'i 'bras bu chos sku la// rtsol bas sa lam bgrod nas thob 'dod pa// ldongs pa nam mkha' snyegs pa dag dang mtshungs// nyi zla ngo bo 'od kyi rang bzhin la// rtsol bas 'od zer 'od gzhan la btsal min te// shes rab sku gsum rig par ye rdzogs la// rna ba mnyan te tshig rten sgrub pas min// skye 'gag bral ba'i snying po sku gsum la// byang chub ngo bo 'khrul yang rang bzhin dag/ ma rig 'khrul pa'i snang ba zla grib tshul// rtogs pa'i ye shes nyi ma shar bas gsal// rdo rje mi bskyod ye shes snying po ni// rig pa nyi ma'i snying po dus gsum rgyun du bzhugs// rnam rtog mi gnas ye shes dri med ngang// de dang de nyid zung 'jug nyi zla kha sbyor klong// kun tu bzang po'i ngang la ye shes rgyun gnas pa// de nyid khyad par can gyi grogs shes bya// 'khrul pa sgyu ma rnam dag ye shes klong// de nyid khyad par can gyi thabs zhes bya// rdo rje tshig gcig dgongs pa la dor ba// skad cig klong gcig dril ba'i thugs rig pa// bdag rig gzhan rig thams cad rtogs pa'i rang shar te// nyi zla kha sbyor dgongs pa mthar skyol ba'i// seng ge sgra las/ nyi zla kha sbyor dgongs pa'i le'u ste re gnyis pa'o//// thugs rje byams pas bka' stsal pa// rin chen kun 'byung ting 'dzin las bzhengs nas// rang byung ye shes yon tan zad med pa// sems nyid rin chen gter gyi dbyig ces bya// skyed med klong nas rang bzhin 'od gsal ba// bag chags sbubs nas sgron mar rang shar gsal// nam mkha'i klong nas nyi ma shar ba 'dra// sku gsum dbyer med gsal ba ye shes klong// gsal yang dngos med dag pa chu zla 'dra// snang la dngos med bar snang 'ja' tshon tshul// sku gsum rig pa'i ye shes rdo rje thugs// tsat+ti'i shing la gel ba'i 'bras bu dang// ye shes me tog 'bras bur bcas// 'gro ba dug lnga nad las sel ba'i sman// rang byung rang gnas nor bu rin po che// phyi nang snod bcud ngo bo rang la grol// gzhan las ltos gyur chos ma yin// glang chen 'dam du bying ba dang// 'gro ba ma rig rang bcings gnyis// gzhan gyis yang dag gang bar 'gyur// chos kyis yang dag don la brjod nus kyang// tshig gis yang dag don la gnas mi nus// de phyir dge spyod rnam smin ye shes don la bsgribs// chos kyi blo yis spros bcad chos la gnas// man shel dag pa dri med ltar du rang rig zhog/ tha mal shes pa blo yis bcos pa ni// de yi nor bu rin chen 'dam du bying// ye shes rang snang ngo bor shar ba la// bslad par bya ba'i chos ni sgrib pa yin// thabs kyi rgyal po stobs kyi rig pa shar// che ba'i yon tan gzhan la dpag tu med// rig pa'i ye shes chu bo rgyun gnas la// dngos po mtshan ma de la bar ma bcad// chos rnams ye nas rang rtsal snang ba rtogs// nor bu dgos 'dod rang byung dgongs pa tshad du skyol// zhes seng ge sgra las/ nor bu rin po che dgongs pa'i le'u ste re gsum pa'o//// thugs rje byams pas bka' stsal pa// bcom ldan 'das rgya mtsho klong yangs ting nge 'dzin las bzhengs nas/ bde 'au yangs so rgya mtsho'i klong// rgya mtshor gza' skar shar ba ma 'dres so sor gsal// de bzhin chos nyid rnam dag spros bral rig pa'i ngang nyid la// skye med klong nas ye shes ma 'dres so sor gsal// sku gsum rgyal ba'i dgongs pa rgya mtsho 'dra// a ti yangs pa'i klong na rnam dag pa// ye shes ngang las sprul pa'i skur bstan yang// thugs rje rtsal gyis 'gro ba'i don mdzad de// rtsal 'khrul chos min skad cig mngon sangs rgyas// de phyir sangs rgyas chos la gnas ma yin// chos ni sems de gnas pa'i rnam rtog yin// mtshon tshig byang chub chos rnams kyang// brdas 'grol tshig la byang chub don ma yin// kye rigs kyis bus nges par zungs// de phyir mgon po dri med pas// sku gsum rang byung ye shes thugs rig pa// chos la ma brten rang byung dbyings la shar// de phyir chos kyi sangs rgyas ma bshad de// chos ni tshig la 'brang zhing tshig la gnas// rang byung ye shes ngo bo tshig mtha' 'das// de phyir yang dag don la tshig med yi ge med// sems de tshig la brten nas bden lam tshol ba yang// chos rnams ngo bo ma bcings rang grol lo// ye shes rgyal ba tshig las 'das pa'i don// smra ba'i khyu mchog gzhan gyi dring mi 'jog/ nga ni dri med ye shes sku nyid la// dge sdig la 'das gdod nas snying po'i don// rtsol bas mtho dman 'bras bu rtsis las 'das// nga nyid stong pa ye shes snying po can// bde sdug rang grol 'od gsal rig pa'i sku// dbyer med 'du 'bral med pa ngo bo nyid// rtsal gyi rol pa thugs rje rgyan shar ba// ma 'dres so sor gsal yang dbyer med rgya mtsho'i ngang// rgya mtsho klong yangs dgongs pa mthar skyol zhes// seng ge sgra yi dgongs pa'i rgyud nyi zla kha sbyor las/rgya mtsho klong yangs dgongs pa'i le'u ste re bzhi pa'o//// kye/ bcom ldan thugs rje thabs kyi bdag/ bzhi lam 'bras bu'i gnas lugs la// so sor gnas lugs tha dad gcig/sku gsum dngos dang dbye ba dang// lam pa'i gang zag rnams la ni// bdag dang rtogs pa'i don dang ni// dgongs pa rang shar gnas lugs dang// nyams su len pa'i lam rim rnams// tha dad gcig pa gsung du gsol// bka' stsal pa/ kye rdo rje 'dzin pa nges par zungs// gzhi yi gnas lugs bstan pa ni// ma byung ma skyes sngon rol nas// thog ma'i sangs rgyas 'od dpag med/ kun gyi 'byung gnas chen por ni// khyab bdal nam mkha'i mtha' dang mnyam// chos dbyings khyab bdal ye shes dwangs ma'i sku// sa ni thabs mchog ldog pa'i gdangs// ma ni shes rab chos kyi dbyings// gdangs kyi snying po sku gsum rang la shar// lhun grub rang byung snying po 'od kyi dkyil 'khor la// bkod pa lha yi dkyil 'khor sgom mi dgos// nyi shu rtsa brgyad gnyis pa ni// ngo bo nyid la ngo bo nyid shar ba// srog med longs sku rigs lnga 'khor// sems dpa' sems ma dbang po yul shar ba// ma g.yos dbyings na 'ja' tshon 'bar ba'i sku// 'ja' tshon skyil krung ye shes snang ba lam me pa// gzhi sku rang byung gnas lugs spyi sa'o// lam pa'i gang zag rnams la ji ltar bzhugs pa ni// dkyil 'khor lnga yi dbu nyid la// mi gsal ba yi tshul du bzhugs// snang srid dbyings kyi dkyil 'khor na// da lta sems de thams cad bzhugs// sgron ma 'od kyi dkyil 'khor na// rig pa chos sku zang thal bzhugs// tsit+ta thugs kyi dkyil 'khor na// longs sku rtsa brgyad 'ja' tshon 'od gsal ba// kun tu bzang po chos nyid mi 'gyur ba// kha dog sna tshogs dbyings dang ye shes yab yum tshul// mnyam gzhag mtshon gang tshad du gnas// rtags kyi gsang sgo sgron ma mtshon gang ngo// rigs lnga thig le 'od las dwangs ma'i rtsal du rdzogs// phung po lnga yis cha gzung mi gsal sku// phyag rgya dran rig tshor bar bcas pa'o// kun gzhi sems kyi me long gzung 'dzin dran rig pa// 'od lnga pho brang ye shes lha yi gnas// 'jug pa sgo lnga thugs rje 'gro ba 'dul ba'i dkyil 'khor gnas// sems dpa' sems ma zer du 'phros pas na// sems dpa' sems ma mi gsal zer la rol par bzhugs// 'bras bu sku gsum ye shes rtsal rdzogs bzhi bcu rtsa gnyis ni// gsal 'tsher lhun sdug ye shes 'od gsal sku// de yi sprul sku thugs rje thub pa drug/ gang la gang 'dul chos can 'tsham par ston// mi gnas ye shes chos sku dbyings la thim pa'i tshe// de bzhin gshegs pa'i chos lnga dag tu mya ngan 'das// gzhi la lam du mi bya te// rang rig ma shar skyon du 'gyur// gzhi la 'bras bur mi bya ste// spyir yang 'khrul pa'i skyon du 'gyur// 'bras bu lam du mi bya ste// 'khor ba rang grol skyon du 'gyur// 'bras bu gzhir ni mi bya ste// ye shes mkhyen rtsal med par 'gyur// lam la gzhir ni mi bya ste// ye shes mtshon du med par 'gyur// lam la 'bras bur mi bya te// nyams blang rtsol med thal mar 'gyur// chos sku longs skur mi bshad de// chos sku gzhan snang rtog par 'gyur// chos sku sprul skur mi bshad de// chos sku gdos bcas 'jig par 'gyur// longs sku chos skur mi bshad de// ye shes thugs rje stong par 'gyur// longs sku sprul skur mi bshad de// 'od snang chos dbyings rnam dag skyon// chos sku thugs su mi bshad de// de nyid thugs su bshad pa na// khyab bdal ye shes sku 'gag 'gyur// longs sku'i skur ni mi bshad do// dran rig gdos bcas skur mi 'gyur// sprul sku 'gro bar mi bshad do// thugs rje rdzu 'phrul med par 'gyur// sangs rgyas thugs mchog rig pa dri med la// ngo bo stong pa gdangs 'od gsal// mtshan nyid dbyer med yon tan 'gyur ba med// sku ni dri med 'od gsal la// snang du yod la reg pa bral// sku gsum rang gi ngo bo ni// gcig pa ma yin tha dad min// de nyid gzhan du brjod med dang// sku gsum 'bral med nyi ma'i zer 'od tshul// gcig dang gnyis pas tha dad grol bar gnas// brda don sprad pa'i ye shes rtogs pa dang// thugs kyi shes rig shar ba'i dgongs pa ni// gcig pa ma yin tha dad don mi rnyed// rgyal bas thabs kyi rim par bstan pa yin// rtogs pa'i blo de dgongs pa ma yin te// de nyid dgongs pa tha snyad tshig tu 'gyur// gdams ngag phrad pas ga la grol// nyams len dgongs pa ma yin te// dgongs pa dran rig glo bur 'gyur// 'dus byas dran rig ye shes rtog bral ga la thob// dgongs pa rtogs pa ma yin te// ye nas rang shar lung dang 'gal// dgongs pa nyams len ma yin te// bya btsal bral ba'i lung dang 'gal// rtogs byed gdams ngag gzung 'dzin thabs// rang la shar ba brda phrad don// dgongs pa rang shar rig pa gsal// nyams len gzung 'dzin rang grol la// dran pa'i rgyun gyis 'od gsal bstan// dri med rig pa rang shar gsal// lam du byed pa nyams su len zhes bya// tha mal blo las grol ba'o// rig pa rang bzhin dag pa'i gsal ba dang// nam mkha' stong pa 'gag med gsal ba ste// ye shes 'od gdangs 'od gsal gsal ba gsum// rig pa dri med nam mkha' 'gag med de// rig pa dri med 'od gdangs gsal ba med// gcig la min la tha dad min// gcig dang tha dad dag las grol bar gnas// nam mkha' rig med stong pa dang// 'od gdangs zer gyi gsal stong gnyis// gcig pa ma yin tha dad min// gcig dang tha dad dag las grol bar gnas// rig pa rang gsal ngo bo ni// dpag dang gzhal las 'das pa'i 'od gsal rang shar ro// stong rig dbyer med 'od gsal rang bzhin te// 'gyur med sems de kun gyi sgron mar gsal// zhes seng ge sgra'i dgongs pa las/ gzhi 'bras lam pa'i rnam bshad le'u ste re lnga pa'o//// kye/ bcom ldan thugs rje thabs kyi bdag/ a ti don nyid bshad nas kyang// dgongs pa'i khyab bdal ji ltar lags// nges par nyams su gang ltar blang// bka' stsal pa/ rang bzhin dag pa'i nam mkha' la// chos nyid dag pa nam mkha' kun la khyab// chos nyid dag pa'i nam mkha' la// rig pa ye shes nam mkha'i nyi ma shar// phyogs ris med pa kun tu 'od gsal ba// yid kyi rnam rtog ci byung ci 'gyur yang// ma pham mtsho la gser gyi nya mo ltar// chos nyid rig pa ye shes don la g.yos pa med// ma 'gags rig pa gnyis med 'od gsal ba// brtags de ngo bor gzung yang mthong rnyed rtogs bral med// zab mo'i cha shas rtog pa'i yul las 'das// man shel sku ltar rang rig rgyud dag pas// sgron ma phyi nyid gsal ba rig pa'i nang// dri med zang thal dag pa chos kyi sku// sa chu me rlung nam mkha' snang ba yang// ma rtogs blo la mtshan mar snang mod kyang// rtogs pa'i blo la rang bzhin yongs kyi med// zang thal 'od gsal gdangs su snang ba shar// dper na/ nam mkhar snang ba 'ja' tshon shar ba yang// mkha' las logs na med kyang logs ltar snang// nam mkha'i nang na gnas shing de las mi bskyod kyang// log lta byis pa'i snang bas so sor phye// chos nyid chos sku dbyer med nam mkha' khyab bdal la// sgron mar log rtog shar yang zang thal 'gag pa med// gsal la rtog med ye shes chos kyi sku// rang la rang gsal snod bcud ye sangs rgyas// las dang thugs rje mtha' gnyis rtogs pas rnam par dag/ sa dang rnam thar byang chub mchog la rig/ bgrod du med pa'i chos nyid byang chub lam// bgrod par 'dod pas ye shes mtha' la sgrib// ma bsags bzhin du tshogs gnyis ye rdzogs pas// ma sbyangs bzhin du sgrib gnyis ye dag la// ma skyed ma skyes 'od kyi pho brang nas// ye shes lha sku spyan drangs bzhugs mi dgos// rang shar rang snang dgongs par chod pa la// mi rtog stong nyid sems la dmigs mi dgos// a oM hU~M gi rang bzhin ni// zer 'od rgyun chad med par ye gnas pas// gsung gi bzlas pas rtsol pa bskyal mi dgos// 'gyur ba gzung 'dzin rang grol zang thal la// dug lnga bkag la dge ba spyad mi dgos// sku gsum 'od gsal ngo bor shar ba la// kun tu 'od la rim gyis bgrod mi dgos// ched du byar med ye nas lhun grub lam// dper na mar me snying po rang gi 'od la gnas pa ltar// rang rig 'od gsal ye shes rang gdangs gnas// 'das dang ma byon da ltar sangs rgyas kyang// gnyis med ro gcig ye shes gdangs// skal ldan lam pa rnams kyang dgos pa de la blta// gnyis med ro gcig chu la chu bzhag bzhin du grol// rang rig 'od gsal ye shes rang la 'char// de las gud pa 'od gsal gzhan mi btsal// zhes seng ge sgra yi dgongs pa'i rgyud las/ dgongs pa'i khyab brdal 'gro 'ong kun la khyab par 'char ba'i le'u ste re drug pa'o//// kye/ bcom ldan thugs rje thabs kyi bdag/sku gsum gdangs kyi ye shes snang ba ste// skal ldan sgron ma ngo bo ji ltar gnas pa gsung du gsol// bka' stsal pa/ yul dang yul can mi gcod de// skad cig rang gis 'od gsal ba// ngo bor mi 'dzin bag chags rjes mi gcod// bde sdug blo yis mi sdud rang gdangs gsal ba'i ngang// ye shes rang shar sems las ma 'dres pa// sngar 'byung bzhin snang sems dang ma 'dres te// rtog pa 'khrul pa 'dzin pa gsum ma yin// phyis byung las 'bras sems dang ma 'dres te// nyon mongs bag chags sdug bsngal sems ma yin// da lta ngo bo sems dang ma 'dres pa// 'khrul snang log snang rnam shes blo zur sems ma yin// rang rig 'od gsal zang thal rang shar de// yid min sems min skad cig rang gsal ba// so sor rang rig mi g.yo bde ba che// de yi ngo sprod rang bzhin bstan pa ni// bla ma'i brda yis ston pa'i tshig/phyi snang ba sgyu ma zang thal sprad pas ni// 'khrul pa rang grol sku gsum 'od gdangs 'char// bar sgron me'i gdangs la ngo sprad pas// nyon mongs gdos bcas ye shes ngang du grol// nang sku gsum skad cig ngo sprad pas// ting gsal rig pa 'od gsal gdangs la lhag gis rtogs// sprad thabs phyi nas blo yis ngo sprad nas// lam du sgron ma'i ye shes gdangs la bcar// rtogs pa'i mkhyen pa ye shes nang gsal 'char// sku gsum rig pa'i ye shes la// chos sku ngo bo nyid du rang zhal rang gis mthong// sems can dus na sangs rgyas dgongs pa chod// dus ma 'gyur bar sor snang zang thal 'gyur// mngon shes rang rig rdzu 'phrul stobs kyang 'char// de dus rgyu ba ye shes shar ba'i snang ba la// gnyis su med pa'i spyod pas yi dam lus blangs la// rig spyod gnyis su med pas mkha' spyod grol// ye shes rtogs lugs rang bzhin ni// phyi rig pa'i snang ba zang thal sang nger rtogs// bag chags gdos bcas 'dzin rtog rang sar grol// 'gro drug lus su skye gnas mtshams mi sbyor// bar nyon mongs sgron mar 'od gsal bas// hrig ge sa le ma rig dbyings su dag/ mkhyen pa'i ye shes ngang la gsal yang btab// nang gzung 'dzin zang thal rig par grol// sku gsum lhag ge spros bral rig pa'i gdangs// ye shes snying po rdo rje 'chang gi srog tu zin// des kun tu 'od la sku gsum mthar ma skyol// skal ldan sgron ma lta stangs rang bzhin no// ye shes gdangs la rtsol ba grogs su mi bcar te// rig pa rtsal dang bcas pas gdangs stod la// chos sku rang dang chas sa le blta// 'od gsal gdangs sgron mas hu re bltas pa'i tshe// snang ba mdangs thon zang thal 'od la lhag ger 'char// rtog pa rags pa dag pa'i mi rtog ye shes la// chos nyid rang gdangs 'od snang 'char ba nges// rtog pa phra ba dag pa'i rang rig ye shes la// mkha' 'gro rig pa'i snang ba mngon shes rdzu 'phrul 'char// bag la nyal ba rang grol ba'i snang ba las// snying po chos min ye shes chen po 'char// spyi dang rang gi mtshan nyid gsal bar mkhyen// phyi nang rig pa gdangs kyi rang bzhin ni// phyi yi snang ba 'od gdangs dang// bar sgo lnga ye shes zer gdangs dang// nang sku gsum rig pa'i rang gdangs ni// dbyer med gcig ste rtsal gyi ngang// gcig pa ma yin tha dad min// gcig dang tha dad dag las grol bar gnas// ye shes chen po'i gdangs su gsal// chos nyid mkha' la shar ba'i tshe// phyi nyid nang la nang nyid phyi// rig pa rang ngo shar ba'i dgongs par nges// ngang la rang bzhin bdag nyid chen po'i don// rang bzhin dag pa'i nam mkha' la// ye shes gsal ba'i sgron ma ru// rtog dang bral ba'i rig pa gsal// dbyer med 'od gsal mi rtog pa// ma bcos rang shar dgongs pa'i ngang du zhes// rang bzhin dag pa'i nam mkha' dang// chos nyid dag pa'i nam mkha' dang// rig pa gsal ba'i nam mkha' gsum// dbyer med stong zhing bdag med pas// dgongs pa rang shar sku gsum rang bzhin zhes su bya// rang rig ye shes gsal ba dang// rang bzhin gdangs gsal nam mkha' la// ma 'gags sgron ma'i gdangs gsal ba// gsal ba zang thal rang bzhin stong// dbyer med dgongs pa'i bdag nyid chen po'o// mdor na ye shes rang shar ngo bo ni// sku gsum ye shes snying po rig par gnas// rig pa'i ye shes nam mkha'i gdangs la sgron mar gsal// sku gsum lhun grub rig pa'i thig le'i 'od gsal bas// gzung 'dzin rnam rtog phra rags 'khor ba'i sa bon no// bag la nyal sogs ye shes ngo bor grol// rang rig spros bral ye shes chos kyi sku// sku gsum mkhyen pa mtha' ru bskyal nas ni// mkhyen pa'i ye shes rnam lnga de ru 'char// shes bya phyi nang med par rang grol mkhyen// zhes seng ge sgra'i dgongs pa theg dman zil gyis gnon pa nyi zla kha sbyor rgyud las/ skal ldan ye shes rang shar ba'i don rgyas par bshad pa'i le'u ste re bdun pa'o//// kye/ bcom ldan thugs rje thabs kyi bdag/sems can log snang ye shes gdangs 'khrul ba// yul snang ma rig gzung 'dzin brtas// bag chags las kyis mtha' sbyar nas// snang ba 'khrul pa'i nga bdag bcings// bag chags sbubs 'khyams 'khor ba bgrod pa'i phyir// skal ldan rig pa lam du ji ltar dgrol// kye/ rigs kyi bu dag nges par zung// gdangs la rig pa 'khrul pa ni// rig pa ma 'khrul zer gyi 'dzin pa 'khrul// rab rib can gyi mig bu bzhin// med par log snang 'dzin pa zhugs// dngos su grub pa ma yin te// rtog pa rags pa phyi nang dang// bar gyi nyon mongs nang gi gzung 'dzin rten// gdos bcas bag chags sha khrag sbubs kyis 'gro drug 'khor bar brgyud// de yis 'gro drug sdug bsngal lam la spyod// phyi rgya nang rgya gsang ba rgya// rgya gsum rang sar grol ba'i gdams ngag ni// rgya gsum rang grol kha sprod khrid kyis bstan// sgyu ma rmi lam 'ja' tshon tshul du ni// snang stong dngos med rang bzhin blta// rtogs par gyur pa'i skal ldan ni// snang ba zang thal dngos med pas// rig pa'i rang gdangs ngang du grol// zhes seng ge sgra dgongs pa las/ rtogs pa rgya 'grol le'u ste re brgyad pa'o//// kye/ bcom ldan thugs rje thabs kyi bdag/ sgyu mar snang ba 'ji ltar blta// zhes bka' stsal pa/ 'od snang rtogs pa brtas pas dngos med sgyu ma 'jig/'byung snang dus kyi sgyu ma dbyar dgun lo zlar 'gyur// rang bzhin rdul 'dus zang thal sgyu ma dngos ma grub// rmi lam lam pas blta ba ni// rmi lam rtag par snang ba bden pa'i dus// 'khrul par snang ba rmi lam rdzun pa'i dus// rmi lam 'od gsal zang thal rtogs pa'i dus// sems kyi byung tshor 'ja' tshon bzhin du blta ba ni// sems rtog 'gyur ba mi rtag rang rgyud 'dzin pa'i dus// sems rtog 'gyur ba mi rtag dus// de nyid rig pa 'od gsal gdangs su grol ba'o// de ltar phyi nang rtogs bcas nyon mongs dang// nang gzung 'dzin 'khrul pa ye shes gdangs la nges 'das 'khrul pa sel// snang ba dngos med rgyu med stong pa'i ngang du grol// bar nyon mongs sgo lnga gsal ba'i gdangs la yal// nang gzung 'dzin nam mkha'i 'ja' bzhin ye shes ma la thim// rgya gsum rang grol kha sprod kyi le'u ste re dgu pa'o//// kye/ bcom ldan thugs rje thabs kyi bdag/ sgyu mar rtogs pas ji ltar bgyi// bka' stsal pa/ rtag pas sgyu ma mi rtogs chad pas de mi rtogs// dbu ma stong pas sgyu ma'i don mi rtogs// sgyu ma'i don nyid rtogs par dka' ba ni// sangs rgyas brgyud pa med pa'i gang zag la// bka' lung blos bcos lung thos sgyu ma'i don mi rtogs// log rtog snang ba sgyu ma ngo bo yin yang rtog pas bsgribs// rmi lam sgyu ma sad pas rtog pa sel ba ltar// bla mas sgyu ma'i snang ba ngo sprod gces// sna tshogs sgyu mar rtogs pa rgyal ba kun gyi lam// sgyu ma lta bu'i ye shes snang ba la// sgyu mar mtshon pa'i gdams ngag tshig brjod pas// mi 'gyur rig pa'i don nyid brtan par rtogs// rang byung ye shes sku gsum sgyu ma la// snang du yod la reg tu med par ngo yang sprad// ting 'dzin rtsal sbyong nyams len rnams// ye shes sgyu ma'i rol pa rang shar brtag/ spyod pa'i dus su gnyis med sgyu ma blta// 'khrul rtog phra rags gzung 'dzin kun// sgyu ma rmi lam ngo bor dngos med rtog pa sel// skye 'jig lam pa'i sems can rol pa sgyu ma'i ngang// bskyed rim khams dang skye mched sgyu ma la// 'chi ba khams dang skye mched rdzogs rim mo// bskyed rdzogs zung 'jug ye shes sgyu ma'i 'od// rang rig sangs rgyas ngo bo la// rtog ge'i yul min bka' 'di bstan// lam pa rang rig sprul sku thugs rje ngang// chos nyid bar de chos sku khyab bdal la// ye shes rtogs par shar ba longs spyod sku// gar yang gyur yang rol snang sgyu ma'i ngang// 'khor ba'i rnam sprul sku gsum sgyu ma rol pa'i rtsal// dper na sgyu ma mkhan gyis cir sprul yang// dngos su ma grub stong nyid sgyu ma'i ngang// sgyu ma mkhan gyi rol pa'i rtsal du shar// 'khor 'das dbyer med sku gsum rol pa'i rgyan// zhes seng ge sgra'i dgongs pa las/ sgyu ma'i ye shes kyis rtog 'dzin des gcad pa'i le'u ste bdun cu pa'o//// kye/ bcom ldan thugs rje thabs kyi bdag/ lam pa'i rnal 'byor skal ldan ma// nyams su blangs na ji lta bu// ma blangs skyon ni gang ltar lags// bka' stsal pa/ rang byung ye shes gnas lugs la// rtogs pas nyams su ma blangs na// lam la gnas pa'i gang zag ni// sku gsum lhun grub yin mod kyang// da rung ye shes rtsal ma rdzogs// bag chags sbubs su yang brgyud srid// gang zag rtsol bas mi sgrub na// rtogs pa'i tshig la 'chel ba ni// dper na rgyal po'i dkor mdzod la// dbul pos bsngos kyin btab kyang ni// 'byor pa'i longs spyod thob mi 'gyur// de bzhin ye shes bzhi yi don// brtson pas nyams su ma blangs na// ye shes mkhyen pa rtsal mi rdzogs// sku gsum sbubs la zha bar 'gyur// ye shes gzung 'dzin ngang la yal// nges pa'i 'bras bu mi thob pas// ma rig mtshang can skyar la gdon// gzung 'dzin smyon pa lam du gzung// gzhon nu rig pa gdong la blta// yul dang gzung 'dzin sdong thug ya nga bral// lus ngag yid gsum 'dod yon lngas mi g.yeng// rnam shes lnga ni dug lnga'i dbang mi gtang// 'dus byas kha 'dzin bya ba gtang// thos phros 'gyu byed btson rar gzung// dngos kyi rtog bcas dge sdig lam du mi bya zhing// bden dang rtag pa'i ngo bo stong nyid mi sgom ste// rtsol bas 'ching ba'i don la sbyor ba ma yin pas// chos sku mtshan mar mi lta bar// rnal 'byor zag med shes rab kyis// nam mkha' bzhin du dngos bral lta// rang rig nyams su len pa ni// ye shes rang bzhin 'gag med la// rang snang rang shar gzung 'dzin bral// me long gzugs brnyan ltar du sprad// rtog pas nyams su blang pa ni// bya bral lhun rdzogs gshog rgyangs 'dra// rang rig rang gsal ngang la gnas// dgongs pa ye shes nyams len ni// dper na chu bo gad+gA bzhin// rgyun gyi ngang la nyams su blang// 'bras bu la zlos nyams len ni// nyi ma'i 'od zer shar ba bzhin// sku gsum 'bral med ngang la blang// rnal 'byor lam gyi nyams len ni// shes rab chen po don las ni// dgongs pa ma yengs nyams su blang// rnal 'byor lus kyi nyams blang ba// dang por dben par sems gzung nas// rtogs nas rig pa'i rtsal sbyang ste// nges shes rtogs pa shar na gnyis med spyod pa bya// zhes seng ge sgra dgongs pa'i rgyud las/nyams su long zhig par gdams pa'i le'u ste don gcig pa'o//// kye/ bcom ldan thugs rje thabs kyi bdag/ nyams su blang ba'i gang zag rnams// cig car rtogs sam rim gyis bgrod// rtsol bas grub bam btsal med shar// bka' stsal pa/ a ti cig car rtogs pa'i dgongs pa yang// yin don cig car rig pa'i don// go rtogs dus grol dus su rim gyis dpyad// dbang po bag chags lus 'di gcud la sgril// dbang po rang yan bkug pas rtogs grol bde ba lus la 'char// bar du gsengs la shes rig ngang la gcu// de lus ngag gi byin rlabs nus pa skyes// tha ma shes pa glod la 'gyu ba rang yan gtang// gzung 'dzin gcud la bor bas rig pa rang gsal 'char// shar ba'i tshe na lhag de rang dgar mthong// lhag ge sa le ngang la 'bral med bya// 'di ni ye shes rang yan bde ba chen po'i klong// rang byung ye shes chos su gzhi bzhengs la// lta ba rtogs pas 'di la ci zhig lta// rig pa 'od gsal lam du shar ba la// sgom pa'i sems 'dzin 'di la ci zhig sgom// kun tu bzang po dogs pa med dbyings la// rig pa'i rgyal po'i ngang la rang grol thabs// spyod pa dka' thub 'di la ci zhig bya// snying po sku gsum lhun grub rang chas khyab// rtsol bas bgrod nas 'bras bu ci zhig tshol// dgongs pas mtshan ma rang grol te// nyams la dus mi 'gyur yang snang ba 'gyur// bde chen ye shes shar ba'i drod tshad yin// chos sku ye shes sgo lnga rang shar la// snang ba ngo bor dag pas rtsal snang rang grol lo// dgongs pa rang la shar bas shes rab rgyun// bag chags bag la zha bas sgrib med lung// snang ba rnam dag gzhi snang chen po la// rang byung sku gsum byas pa'i chos ma yin// 'od gsal sgrib med rtog pa med// sku gsum rang la rdzogs pas 'bras bu rtsol ba med// snying po nang gsal chos sku'i snang ba la// sgo lnga 'od gsal longs sku yul snang ngo// sprul pa'i snang ba ye shes zang thal te// shar ba thams cad sgrib med ye shes bkrag/snang ba thams cad dngos med 'od gsal gdangs// nyams len thams cad ma bcos 'od gsal ngang// rtog pa thams cad zang thal nam mkha'i mtha'// lus ngag spyod pa rang shugs bar snang rlung// yon tan thams cad ma btsal rgya mtsho'i rlabs// 'bras bu sgrub med ye shes nyi ma'i dkyil// 'khor ba rang grol byang chub rin chen gling// rtogs ldan don la ji ltar spyad kyang snying po'i don// 'khor 'das thams cad chos sku 'gag med rtsal// 'on kyang gzung 'dzin rtag par lta bas 'khor bar 'ching// seng ge sgra las/ dgongs pa bca' ba'i le'u ste don gnyis pa'o//// kye/ bcom ldan thugs rje thabs kyi bdag/dus bzhi mnyam par ji ltar sbyar// bka' stsal pa/ rig pa lta bu bag chags sbubs na gsal dus su// chos sku bag chags sbubs na 'thums zhes bya// longs sku tsit+ta dpal be'u'i nang gsal ba// sprul sku 'dod pa'i sgo gsum rang grol yang// sku gsum gdangs kyi 'od gsal sgo lngar zang thal shar// shar ba gsal ba ngo ma shes pas sgrib pa byung// zang thal ngo ma shes pas rtog par bzung// rang grol ngo ma shes pas sdug bsngal rgyud la bsags// snying po ye shes gsal ba'i gnad kyis sgrib pa med// thugs kyi rtsal rdzogs snang ba zang thal 'khrul pa med// sku yi rtsal rdzogs longs sku ngo bor shar// rang grol 'od gsal shar bas sdug bsngal gdung ba grol// ngo bo 'gyur med chos sku rang sa zin// 'od gsal rang la shar bas sgrib pa yongs su dag/ de yi dus su dus bzhi mnyam par nyams su blangs pa ni// dbang po gnas sdud phyi sgo gcad pa'i dus// de mtshon rang grol rang rig rtogs// shes bya bum 'jug ye shes nang gsal dus// bying rmugs gti mug ye shes ngang la bzla// rig pa rang gsal ye shes nang sgo 'byed pa'i dus// ye shes rang snang rang rtsal phyal bar mi gtong ba// snang ba rgya yan rtogs gsal zang thal dus// 'khrul rtog ye shes ngo bor shar bas zhen pa'i skyon yang bsal// nyin mtshan kha sbyor chu bo rgyan gyi gnas// 'khrul pa gzung 'dzin ngo bor mtha' grol ba'o// mtshan mo gti mug yid lus la// 'khrul pa yid 'khrul rmi lam dus// mthong snang rig byed rang snang rang grol gces// de don ma rtogs ri dwags smig rgyu 'ded pa 'dra// 'khrul pa da lta sha khrag lus 'di la// ye shes rang shar snang ba rang grol gces// de don ma rtogs rtog ge chos rnams spyod pa ni// bye rdzab 'dab rdzab bsnan dang 'dra ste skam dus med// bar du 'od gsal lus la ni// 'od gsal rtogs pa'i gzer med na// dmus long thang la gcod pa 'dra// bag chags le lo thibs non nas// phyin pa'i yul med srid pa'i bar dor 'khyams par 'gyur// zhes seng ge sgra'i dgongs pa las/ dus bzhi mnyam par dgongs pa sbyor ba'i le'u ste don gsum pa'o//// kye/ bcom ldan thugs rje thabs kyi bdag/dgongs pa dus bzhi mnyam par sbyar byas nas// dgongs pa nyams kyi drod rtags ji ltar 'byung// bka' stsal pa/ rnal 'byor sku gsum ji ltar yid ches nga// sems can dus na sangs rgyas dgongs par shar// 'khor ba'i blo la 'khrul pa rang ngor log/ dus la 'gyu ba med kyang ye shes snang ba 'char// 'khrul pa nga bdag snang ba ngo bor zad// 'jig rten gnas kyang kun tu 'od kyi sa non te// 'khrul pa'i sdug bsngal bde ba chen por grol// mngon shes phra mo med kyang thams cad mkhyen pa'i shes rab shar// 'khrul pa rang dag 'khor ba rgyun chad do// der brda don sprad pas rang ngo shes// 'gro don las la mtshams mi sbyor// ma rig dbyings su dag nas mkhyen pa'i 'char sgo bye// sku gsum snying po 'gyur med pas// 'dzin rtog zang thal shar bas rdzu 'phrul mngon shes ldan// phyi yi snang ba dag snang 'gro drug sgyu mar grol// 'gro drug skye gnas 'khor ba'i sgo yang 'gags// thugs rje 'od du gsal bas 'gyu byed rtog sgrib dag/ 'khor ba skye ba'i rkyen med mngon sangs rgyas// chos sku rang ngo shes pas rtogs pa'i yul la shes rab shar// ma rig rig par dag pas mkhyen pa'i ye shes thob// thugs rje zer du 'phro bas rdzu 'phrul rtsal yang rdzogs// longs sku rang la shar bas ye shes ngang la gsal// thugs kyi rtsal rdzogs mkhyen pa gsum yang shar// 'gag med gsung gi rtsal rdzogs chos rnams thogs med mkhyen// rnal 'byor lam gyi drod tshad mtha' ru skyol// zhes seng ge sgra las/ rnal 'byor drod tshad bstan pa'i le'u ste don bzhi pa'o//// kye/ bcom ldan thugs rje thabs kyi bdag/ nyams su blang dus ji ltar lags// bka' stsal pa/ rnal 'byor nyams su len dus lnga// da lta 'khrul ba'i snang ba la// rang snang ye shes lam du bcar// thun mong ting 'dzin gsal ba las// ye shes rang shar lam du bcar// rmi lam snang ba nying 'khrul la// ye shes sgyu mas ye shes sgyu ma blta// chos nyid bar do dag pa'i snang ba la// sangs rgyas bden pa'i rang sa de ltar gzung// der mkhyen pa'i gsal ma thebs na// blo dman srid pa'i bar dor ye shes spongs gdab bya// rtogs pa tha ma skye ba rgyud las grol bar 'gyur// ye shes rang snang lam du byed pa ni// 'dug yang chos nyid gdangs las ma g.yos la// 'gro yang ye shes rang gdangs rang snang ma 'gags te// nyi ma mer ma rang snang gdangs dang chas nas 'gro ba bzhin// nyal yang rig pa'i ngang las ma g.yos klong// nang nub rig pa zang thal rtsal gyi ngang la 'dug/ gzung 'dzin phra rags dngos med rang ngo grol// mtshan ma rang sar grol ba ye shes rnal 'byor che// spyod lam rnam bzhi ci spyad kyang// ye shes gdangs las mi 'da' zhing// chos nyid ngang las ma g.yos pas// bya gar 'phur mkha' las mi 'da' ltar// rtogs ldan rnal 'byor ngang las g.yos pa med// ces seng ge sgra'i dgongs pa las/rnal 'byor nyams myong dus bstan pa'i le'u ste don lnga pa'o//// kye/ bcom ldan thugs rje thabs kyi bdag/ rnal 'byor lam gyi rnam gzhag tu// sku gsum dang po ye shes rtsal du gang las byung// gnas dang grol ba'i rim pa ji ltar lags// bka' stsal pa/ thog ma rang rig chos sku ngo bo las// ye shes rtsal lnga thog ma gang las shar// 'di nyid rigs kyi bu yis nges par zung// shes rab rtsal ni ma btsal rang shar te// dang po byung yang sku gsum rtsal las byung// bar du gnas yang shes rab rtsal la gnas// tha ma grol yang 'dus thim sku gsum ngang du grol// ma btsal rang shar lnga nyid bshad pa ni// rig pa chos nyid stong pa dang// de nyid 'gag pa med pa dang// de gnyis dbye ba med pa dang// de ltar shes pa'i shes rab dang// de las thogs med 'od zer lnga// de lnga mtshan nyid 'dzin pa'i ye shes lnga shar ro// ye shes lnga ni 'od lngar shar ba yin// 'od lnga rigs lnga longs sku lngar shar ro// rigs lnga dbyings la yum lnga ma 'gags shar// yab yum sems dpa' sems ma ma 'gags te// sems dpa' sems ma dbang po ma 'gags pa// de ni ye shes rang shar dgongs pa'o// rang shar rang snang gzhan snang rtog pa de la med// de ltar 'byung lnga phung po sgo lnga dang// rig pa 'od gsal dbyer med rtsal gyi gdangs las shar// de nyid ye shes gdangs su rtogs pa ni// bla mas gdams ngag rkyen gyis snang bas na// 'od kyang don shes gnas 'gyur ma yin te// dper na khang khyim nang gi nam mkha' ni// sgrib byed ra bas bcad gyur kyang// mthongs kyi nang na zang thal nam mkha' dbyer med do// de bzhin sems can bag chags sbubs kyis bcad mod kyang// don gyi ye shes sgo lnga zang thal shar// rtog pa'i ye shes sgrib med zang thal lo// de phyir rnal 'byor sku gsum yin pa'i ngang las bdag med do// de yi ngang la dus gsum sangs rgyas thams cad bzhugs// 'byed med gsal ba shes rab rtogs pa med// de yi chos sku rig pa'i rang sa zin// stong nyid rdo rje lta bu'i sku thob pa// longs sku de las 'gag med thugs rje shar// sprul sku thugs rje ye shes dbyings kyi mngal sdud ces// seng ge sgra'i dgongs pa'i rgyud las/thog ma ye shes kyi rtsal gang las byung ba dang/ bar du sangs rgyas sems can ji ltar gnas pa'i le'u ste don drug pa'o//// kye/ bcom ldan thugs rje thabs kyi bdag/ dang po byung yang ye shes rtsal las byung// tha ma ye shes dbyings su ji ltar sdud ce na// bka' stsal pa/ longs snang sprul pa'i zhing khams 'gro drug nas// 'dod pa'i yon tan yul lnga yang// sgo lnga dbang po lnga yi ngang du grol// sems dpa' sems ma sgo lnga de// sku lnga phung po lnga dang yul lnga 'byung ba lnga la grol// rigs lnga 'od lnga ye shes lnga yi ngang du grol// ye shes lnga yang rig pa'i mtshan nyid lnga yi ngang du grol// mtshan nyid lnga yang 'dzin med rig pa'i 'od la grol// de la dbang po gnas sdud dgongs pa zhes su gsungs// de las grol nas ngang la ma g.yos pa// chos nyid chos sku dbyer med bum pas bya// ye shes rang rig mar me lta bus gsal// de la shes bya bum 'jug dgongs pa zhes su bya// thams cad byung yang sku gsum rang las byung// thams cad snang yang rang snang thim pa rang la grol// thams cad gsal ba rang gsal ngo bor mched// thim dang grol ba ye shes ngang du sdud// dper na nam mkha' sprin dang khu rlang ci byung yang// nam mkha'i ngang byung gnas thim nam mkha' bzhin// skal ldan rnal 'byor sku gsum ngang nas sku gsum klong du skyel// dbang po ya rab gyur pa la// ye nas zang thal chen po bas// bar do med cing skad cig med// da lta nyid du lus ngag sku gsum shar// rang bzhin dag pa'i nam mkha' la// chos nyid dag pa'i ngo bor gnas// de la snang ba zang thal shar// rig pa'i ye shes phyi nang med// ma 'gags gsal sgo zang thal 'od gsal lo// dper na nam mkha' zang thal phyi nang med pa la/ khang khyim ra bar byas pas nam mkha' gud du bcad// khang khyim nang gi nam mkha' dang// rang bzhin khyab pa'i nam mkha' gnyis// mthongs kyi nang na gnyis med sgrib med zang thal ltar// bag chags sha khrag sbubs kyi rig pa dang// chos nyid ye shes dbyings kyi rig pa gnyis// ye shes sgron ma'i sgo yis mtshams sbyar nas// ye shes zang thal chen po rtogs pa yis// bar do skye dang 'gag med par// thabs ma 'gags pa'i ye shes dang// shes rab 'gyur ba med pa'i chos// rtogs pa'i don chen de ldan na// seng ge mchongs ltar sa bcad pa// rin chen sbubs su ma btsal chod// gdangs kyi snang ba 'od snang shar// mkha' 'gro snang ba 'ja' tshon las// longs sku tshom bu mkhyen pa rang la shar// chos nyid snang ba chos sku bdal khyab mthong// rtsol bas rtogs par rdzogs par mngon sangs tshe 'dir rgyas// snang ba rgyas 'debs pa dgongs pa des mthar skyol// zhes seng ge sgra yi dgongs pa'i rgyud las/sku gsum rtsal gyi snang ba dbyings ye shes la sdud par bstan pa'i le'u ste don bdun pa'o//// kye/ bcom ldan thugs rje thabs kyi bdag/ dngos grub thob pa ji ltar grol// le lo can gyi gang zag la// bar do grol ba ji ltar lags// bka' stsal pa/ mkha' spyod dngos grub thob pa ni// ye shes sgyu ma'i snang ba la// gnyis med spyod pas mkha' spyod grol// bar do grol ba'i grol lugs la// 'khrul pa'i snang ba ji ltar 'gag/ rang la shes pa ji ltar 'jug/ 'chi rtags rim pa ji ltar 'byung// ye shes snang ba ji ltar 'char// dbang 'bring grol lugs ji ltar lags// bka' stsal pa/'jig rten 'khrul pa'i snang ba 'di// dang po rang la shar bas na// tha ma rang gi ngang du grol// gzhan snang 'khrul pa 'gags dus su// mtshan ma rang sar grol gyur pa// 'byung ba'i rang rtsal bzhir 'dus te// yul lnga sgo lnga'i gnas su sdud// sgo lnga 'byung ba lnga la sdud// 'byung lnga yum lnga bum pa'i dbyings su sdud// gzung 'dzin sems rtog ye shes lnga la sdud// ye shes gzung 'dzin bral ba'i ngo bo chos kyi sku/ kha dog sna tshogs 'bar ba rang gdangs 'od du 'dus// mkha' la 'ja' tshon gsal ba lta bu de// ye shes gsal ba mtha' dbus med par khyab// de tshe rin chen nyi zla kha sbyor klong na bzhugs// 'byed med shes rab ye shes klong dril nas// skad cig dang po bag chags sbubs na gnas dus so// rig pa 'od la 'jug pa bstan pa ni// dwangs ma 'byung ba rnam pa lnga// chos nyid snying po'i 'od la shar// phyi yi snang ba'i 'byung ba lnga// mi snang rang rang ngang du thim// rin chen rtsa nas rig pa ni// 'od la sgron mar zhugs nas kyang// bag chags sbubs ni zla ba lta bu nas// chos nyid nam mkha'i dbyings la ni// rang bzhin dkyil 'khor nyi ma lta bur 'pho// ye shes rang sa rtogs pa'i shes rab kyis// kun tu 'od la sku gsum mthar bskyal gces// nyi zla kha sbyor gdams pa rtogs par bya// seng ge sgra las/ snang ba 'gags pa dang rig pa sgron mar 'jug pa'i le'u ste don brgyad pa'o//// kye/ bcom ldan thugs rje thabs kyi bdag/ bag chags sha khrag sbubs nas ni// ye shes sbubs su 'pho ba la// rtags kyi rim pa ji ltar lags// bka' stsal pa/lus kyi 'byung ba thim zhing 'du// sa nyid sa thim 'degs pa'i rtsal nyams te// lus lci shes pa thim pa yin// de nas chu la chu thim ste// sdud pa'i nus nyams kha sna skam la med// me la me thim drod nyams pa// lus kyi drod 'pho rkang pa grang// rlung la rlung thim g.yo ba'i nus pa nyams// lus kyi shes pa rdib cing skyod pa'i nus pa nyams// rnam shes nam mkhar thim nas tshor ba bde sdug rtog bral lo// 'byung ba thim pas 'khrul pa 'gag pa ni// 'degs pa sa yi rlung ni tshogs pa la gnas te// de nyid nyams pas 'degs pa'i nus pa med// chu yi rlung ni lus kun bkrag dang gzi mdangs gnas// de nyams bkrag dang gzi nyams mdangs med lus phra 'dar// me dang mnyam rlung pho bar gnas te drod 'chor zas mi 'ju// rlung gi rlung ni steng sgo 'og sgor gnas bcas nas// dwangs snyigs 'byed de thig le dri chu mchil snabs 'dor// de nyams shas lji shes pa bying la myos// snying rje med pa las kyi rlung zhes pa// 'khor rlung srog rtsa glo nas rgyu ba ste// srog 'dzin yin pas ji srid gnas par srog 'dzin no// rnam shes rig pa ye shes rlung// skyod pa tsit+ta sgron mar skyod byed do// 'od lam dar skud rtsa nas skyod// rtags kyi gsang sgor phyin pa dang// dper na shar rir nyi shar bas// 'od nyid nub rir 'byung ba ltar// phyi yul zer 'od snang ba ni// rig pa ye shes sgron ma nas// chos nyid nam mkha' yul gsal 'od// ye shes 'od zer zang thal ba// thugs rje 'od kyi rgyun lam 'char// rang gi gdangs la zer 'phro ba// skar ma lta bu'i snang ba'am// srin bu me khyer du ba'am// 'ja' 'am smig sgyu lta bur zer phran 'char// zhes seng ge sgra las/ 'byung ba rtags kyi le'u ste don dgu pa'o//// kye/ bcom ldan thugs rje thabs kyi bdag/'byung ba'i 'chi rtags shar nas ni// dbang po so so snang ba yin// 'khrul pa yul snang ji ltar 'gag/ ye shes zhi la 'bros pa'i rtags// rlung rnams rim gyis zhi gyur nas// las kyi rlung gis ye shes mkha' la skyod// 'chi bdag rlung gi grong khyer nas// bdud kyi so pa chas sam brtag/ lus kyi dbang po sa yi rlung 'gags pas// spyod lam rnams 'gag ngo tsha bral bar byed// lce yi dbang po rlung nyams pas// zas kyi ro yi tshor ba 'gag/ sna yi dbang po me yi rlung nyams pas// dri yang tshor bar mi 'gyur la// dbugs kyang rab tu thung zhing brtsegs// rna ba'i dbang po rlung nyams pas// sgra yang mi thos log sgrar thos// rnam shes nam mkha'i rlung nyams pas// gzugs 'gag mi ngo shes par mi 'gyur ro// 'byung ba lnga yang dwangs ma lnga la 'dus// dwangs ma lnga nyid longs sku 'od la 'du// sa yi dwangs ma nya mig tsam// rdo rje sems dpa' 'od zer dkar por thim// chu yi dwangs ma bye'u lan pa'i mgo tsam la// rin chen 'byung ldan 'od zer ser por thim// drod kyi dwangs ma me long nyid 'od tsam// snang ba mtha' yas 'od zer dmar por thim// rlung gi dwangs ma gser sa 'og ngad pa tsam// don yod grub pa 'od zer ljang khur thim// 'byung ba 'od la 'dus te rigs lnga chos skur thim// de nas ye shes sku gsum 'dzin pa'i zer rlung dang// las rlung 'byung ba srog 'dzin snying rje med pa gnyis// thag pa zer du chad nas dbugs ni sna sgor 'das// rig pa chos sku sgron mar zer zhon nas// sgron ma 'od zhon chos sku chos nyid mkha' la bskyod// gcig skye gcig 'gag ye shes snang ba 'phreng ba brgyud pa'i tshul// de tshe chos nyid ngo bo nyid// rang bzhin dag pa'i nam mkha' dang// gnyis med gcig med don nyid khyab bdal lo// zhes seng ge sgra'i dgongs pa nyi zla kha sbyor las/ snang ba 'gag pa'i le'u ste brgyad cu pa'o//// kye/ bcom ldan thugs rje thabs kyi bdag/ ye shes gdangs kyi rim pa'i snang ba ji ltar 'char// bka' stsal pa/chos sku sgron ma yul nas ye shes lam zhon nas// chos nyid bar dor rang snang rim par rdzogs tshul ni// dang po rang bzhin rim par 'char// zla 'od shar ba lta bu ste// skya yal ba'am dkar yal 'od 'char ro// de phyir rtog pa bzhi bcu 'gag par 'gyur// de nas mched pa'i 'od gsal ni// ye shes snang ba 'ja' ltar kha dog lnga// skad cig dang po mthing kha yul du 'char// rig pa ngos gzung bral ba chos kyi dbyings// ye shes rang shar snang ba gsal// de nas skad cig gnyis pa la// dkar po yul du snang ba'i tshe// rig pa 'gag min me long ye shes chod// skad cig gsum la ser po yul du snang// rig stong dbyer med mnyam nyid ye shes chod// skad cig bzhi la 'od gdangs dmar po yul du snang ba'i tshe// so sor rtog pa ye shes gdangs su chod// skad cig lnga la ljang khu yul du snang ba'i tshe// rang snang bya ba grub pa'i ye shes gdangs su chod// ye shes mched pa'i snang ba rim gyi skye ba nam langs 'dra// chos pa rtogs pa re re thad kar chod// gzung 'dzin rtog pa med pas shes bya gud gcod med// de nang rtog pa sum cu rtsa gsum 'gag pa'o// ye shes lnga yi snang ba rdzogs nas thob pa'i 'od gsal ni// shes rab kyi ngo bo mthar phyin pa// skad cig chos nyid 'od gsal dkyil 'khor na// thob pa'i ye shes 'od gsal sku gsum lhun mnyam pa// phyag rgya ma 'gags gzhi rdzogs chos kyi sku// ye shes sgo lnga ma 'gags nyi ma shar ba lta bur thob// thob pas gsang rtog bu bdun 'gags so// de nas chos nyid bar do thob pa'i 'od gsal zhes su bya// seng ge sgra sgrogs theg dman zil gyis gnon pa nyi zla kha sbyor rgyud las/ ye shes snang ba 'char ba'i le'u ste gya gcig pa'o//// kye/ bcom ldan thugs rje thabs kyi bdag/ chos nyid bar do de nyid las// rtogs pa'i shes rab skal ldan rang shar bas// bzhi bcu rtsa gnyis rdzogs sangs ji ltar rgya// bka' stsal pa/ chos sku kha dog sna tshogs 'od 'bar bas// ngo bo nyid kyi sku las ni// ngo bo nyid kyi skur shar ba// 'od bum lnga la rig pa'i ye shes bzhugs// mthong ba'i gzugs yod rig min longs sku lnga// tshom bu sems dpar bcas pa rim 'jug skad cig 'char// ngo bo nyid rang dang 'dra ba rdo rje sems dpar shar// ye shes snang ba me long lta bur rtogs// des skye med chos sku'i srog kyang bzung// rin 'byung snang la so sor rtogs pa shar// ye shes so sor gsal bas dpe byad brgyad cu dang// mtshan bzang sum cu rtsa gnyis stobs ni bco brgyad ldan// stobs lnga ni byang chub yan lag rdzogs// mtha' yas rang las shar bas mnyam nyid ye shes gsal// der sangs rgyas gzigs pa bsam gyis mi khyab gsal// rnam dag thugs shar zhing khams sku gsum bcas pa mthong// 'gro drug snang ba rdul dang rdul phran gzigs// rgya mtsho thigs par bgrang dang skye gnas sdug bsngal mthong// 'gro drug rnams kyi las dang bsam pa kun kyang mthong// ngo bo nyid las don yod grub pa shar bas ni// bya ba grub pa'i ye shes rang la shar// skad cig 'khor 'das gar 'gro 'phrin las grub// ngo bo nyid las rnam par snang mdzad shar// chos kyi dbyings kyi ye shes rang la rdzogs// des sku lnga ye shes lnga rdzogs rang la rang nyid snang// des sems dpa' sems ma sgo ba rang shar gnas// man shel lta bur sku gsum phyi nang med// rang la snang bar mdzad pas rnam snang chen pos bya'o// rig pa'i lha mo'i sgo la 'jug pa'i tshe// ye shes rig pa ma pang bu rgyug 'dra// ye shes rang snang 'dam gyi pad+ma 'dra// rang sa zin pa nyi ma'i snying po 'dra// der mkhyen pa thob pa'i drug pa rdo rje 'chang// thugs rje 'byung ba yi ge drug gi 'gro don mdzad// thub drug 'gro don zad nas sems dpa' las zad nas// thugs rje mtha' zad ye shes klong du grol// zhes seng ge sgra'i dgongs pa las/ rnal 'byor mngon sangs rgyas par bstan pa'i le'u ste gya gnyis pa'o//// kye/ bcom ldan thugs rje thabs kyi bdag/ bar do ngo bo nges tshig dang// dbye ba bye brag ji ltar lags// bka' stsal pa/ bar do ngo bo ma 'dres sku gsum la// nges tshig sems can lnga lus bor// phyi ma sems de ma blangs pas// bar na sku gsum rang shar na// rgyu rkyen med pa snga phyir bar na sangs rgyas de bos bya// dbye ba mang yang chos nyid bar do srid pa bar do'o// mtshan nyid 'byung lnga mal zha rnam shes dbyings su thim// bag chags bag la nyal// gzung 'dzin gyi rkun sgor thon// byung tshor rgyun chad dge sdig cha mnyam// de dus chos nyid bar do rang bzhin ni// rang byung dkyil 'khor nam mkha' shar zhes bya// rnal 'byor rang ngo shes pa grol ba'i sa// yun dus ji tsam gnas ngan ni// sems can tshe bral dus su yang// zhag lnga bar du bde dang ldan// de yi dus na tshor ba bde sdug bral// khyung phrug dang ni seng phrug ltar// rnal 'byor lus rgya grol zhes bya// tshe bral skye gnas mod mi len// len na sems can nyid rgyud pas// bka' lung 'gro la phan mi thogs par 'gyur// rnam shes gzhir thim snga phyi lus ma blangs// lus med phyir na sems skye srog rtsa med// lus med phyir na sems rten tsit+ta med// de yi phyir na sems sam sgo gsum med// de phyir sems rda dbugs kyang med// de phyir sems kyis 'gro drug gnas mi len zhes bya// des na chos nyid bar do ye shes dbyings kyi gzhi// skyon gyis ma gos spyi yi yon tan ni// sku gsum rtogs pa ma shar mkhyen pa'i sar mi gnas// bag chags mtshams ma sbyar bas bar dol mi gnas// sa lam rang sa snga bas sa dang lam mi gnas// skye ba ma blangs 'gro drug la mi gnas// mi gnas gzhi yis sku gsum rang ngor gsal// snga phyi lus med sgrib pa ma sbyangs dag/ rnam shes gzhir thim nyon mongs ma spangs dag/ skye gnas ma blangs 'khor ba ma spangs dag/ rang byung dkyil 'khor rang shar snang srid dag/dag pa gzhi yis sku gsum dri med bstan// snga phyi lus kyi sgrib shing med// sku gsum chos nyid sgrib pa'i dbang ma song// rigs drug lus sems med pas nyon mongs dbang ma song// dge sdig sems ma bskyed pas bag chags dbang ma song// 'gro drug lus ma blangs pa las kyi dbang ma song// dbang du ma song gzhi yis sku gsum spyi sa bstan// 'gro drug ma blangs skye gnas bar ma gcad// bag chags mtshams ma sbyar bas bar dor bas ma gcad// sa lam ma bgrod sa lam bar mi gcad// bar ma gcad pas sku gsum dkyil 'khor rang sar bstan// de ltar bar do spyi yi yon tan ni// bco lnga yongs la khyab par bstan pa'o// zhes seng ge sgra nyi zla kha sbyor las/ bar do spyi yi bye brag rnam par bshad pa'i le'u ste gya gsum pa'o//// kye/ bcom ldan thugs rje thabs kyi bdag/ spyi sa bar do ye grol gnas// gdams pa bar dor rang grol bstan// de yi gdams ngag ji ltar lags// rang bzhin gnas kyi bar do la// rgyud lung kun gyi don bkrol la// ngo sprod gsum gyis gtan la dbab// rang rig rtogs pas thag bcad nas// dgongs pa rang shar gsal ba dang// chos nyid bar dor ye shes ngos gzung la// longs sku rdo rje 'dzin par mngon sangs rgyas par bya// srid pa bar dor las kyi 'phro bzlog la// rdo rje sems dpar sems kyang gdab// blo dman skye ba phyi mar bag chags rjes grol bya// tshe bral mod du skye ba mi len pa// chos nyid bar do 'gro kun 'char nges der// skal ldan grol ba'i gdams pa bka' stsal pa// ye shes rang snang skyon med 'dam gyi pad+ma la// rig pa rang sa nyi ma'i snying po lta bur gzung// chos nyid gnas lugs snga phyi lus kyi sgrib pa med// sku gsum 'od gsal 'ja' tshon lta bu gcer bur gnas// yin lugs gzung 'dzin gzhir thim rig par gcer bu'i thugs// 'char lugs las rlung lus sems 'brel med 'od zer gcer bur gnas// gcer bu rnam gsum ma shes na// bag chags sbubs ni nyi zla gzas zin 'dra// 'khor du 'khor sa med pa gzhan snang dag pa'i rang snang shar// gol du gol sa med pa rang nyid dkyil 'khor shar// 'khrul du 'khrul sa med pa gdams ngag rtogs pa'i shes rab shar// gegs sel rnam gsum ma shes na// lam 'bras sa lam tshol byed pa// byang thang lus pa'i mgron bu 'dra// sku gsum 'od gsal ye shar bas// kun tu 'od la gnas pa'i sa// mi thob rang dbang med pa'i gnad// ngo bo sku gsum ye sangs rgyas// skye shi rgyun chod nges pa'i gnad// ye shes sgo lnga zang thal bas// mthong ba'i yul la gdams ngag rang ngo mi rtog dbang med gnad// gdams ngag gnad gsum ma shes na// gying ling sgrog tu bcug pa 'dra// 'bras bu rang sar ga la phyin// rang snang pho brang zer 'od gsal yang btab// sku gsum ngo bo'i snang bas gsal yang btab// rig pa gdams ngag rkyen du shar bas gsal yang btab// gsal 'debs rnam gsum ma shes na// me long g.ya' yis bsgribs pa 'dra// 'od zer lam ston yid ches rdeb pa'i gzer// sku gsum don chod 'khor ba ru log gzer// rang shar dgongs pa 'gyur med rgyun du bcas// ye shes sgo lnga rang ngo rang la mi gsal thabs med gzer// gzer bu rnam gsum ma shes na// ko skya med pa'i gru ba 'dra// rang snang chos dbyings pho brang ni// kun gzhi me long zang thal bas// phyi yi snang ba gzung yul med par mngon sangs rgyas// rang byung sku gsum dkyil 'khor ni// 'od gsal chos dbyings me long ste// zang thal shar bas lus kyi sgrib shing med// 'khor ba'i rtod phur med par mngon sangs rgyas// thugs kyi rig pa chos nyid rang shar bas// thugs rig pa'i me long gzung 'dzin bag chags dag/ 'gyur byed zang thal rig par mngon sangs rgyas// me long rnam gsum ma shes na// mun pa srod pa'i skar ma dang 'dra// de ltar don nyid bco brgyad kyis// rtogs pa'i shes rab thams cad mkhyen par 'char// rang gsal dkyil 'khor de la rgyu rkyen med// rang grol rig pa de la bcos ma bslad// rang shar dgongs pa sems kyis ma gzung ste// sku gsum rang sa dngos las 'bras bu'i spogs mi tshol// lhun grub ye shes de las 'pho 'gyur gnas mi sod// de yi gnad dang gzer gsum bstan pa ni// phyi yi snang ba chos nyid rang gdangs shar// 'khor bar lus sems 'tshogs sa med pa'i gzer// thugs kyi mkhyen pa ye shes gdangs su shar// gzung 'dzin sems su 'gyur mi srid pa'i gzer// gsung gi zer gdangs 'od zer zang thal bas// lus sems las kyi rlung gis sgra mi srid pa'i gzer// rang snang zang thal rtog sgrib med// rang rig rang gsal mkhyen par shar// sgo lnga 'od gsal sgrib med rang sar grol// bgrod du med pa'i grol ba'i gzer zhes bya'o// mkhyen pa longs sku ye shes rdzogs par 'char ba'i gzer bstan pa// rang gsal sku yi khyab bdal sku nyid mkhyen par shar// ngo bo nyid chos kyi sku las ni// ngo bo nyid kyi sku shar ba// rang dang mnyam bzhi lha bzhi bcur shar// rang shar thugs kyi khyab bdal rig pa'i rang gdangs mkhyen par shar// thugs dang mnyam pa'i rig pa ye shes longs sku khyab par zhugs// rang grol gsung gi khyab bdal zer gdangs chos kyi sgo mor shar// brjod med don dang mnyam pa'i sgra dang tshig/zer 'od sgo mo brgyad khri bzhi stong 'char// sku gsung thugs kyi rnam dag mkhyen pa rnam dag phyogs med do// de ltar rnal 'byor grol ba'i sa tshad ni// chos nyid bar do srid pa'i la tshig yin// rnal 'byor rtog pa klong gyur dus mnyam bdun gyis grol// 'jug dang snang dang shes pa dang// thob grol mkhyen pa thugs rje mnyam// zhes seng ge sgra sgrogs theg dman zil gyis gnon pa'i rgyud las/ bar dor mngon sangs rgyas pa'i gdams ngag gdab ba'i le'u ste gya bzhi pa'o//// kye/ bcom ldan thugs rje thabs kyi bdag/ grol ba'i sku gsum mkhyen pa de// skyon bral dag pa ji ltar lags// bka' stsal pa/ ye shes sgrib med ma rig rang grol ba// 'od gsal zang thal shar bas rtsal gyi sgrib pa med// lhan cig skyes pa'i ma rig pa las grol// mthong ba'i yul la rtogs pa'i shes rab shar// des bag chags bsgribs pa med// bag chags rgyun med rmongs pa'i ma rig pa las grol// sku gsum dkyil 'khor rang shar bas// kun tu brtag pa ma rig pa las grol// ye shes sgo lnga zang thal shar ba yis// nyon mongs sgrib med ma rig pa las grol// sku gsum rang ngo shes pas 'khor ba yi// gting thag las dang las kyi sgrib med ces bya// sgrib pa med pa mkhyen pa rang sar bstan// de ni 'khor ba'i 'khrul pa zhig pa yin// rang snang sku gsum ye shes rtogs pas gzhan snang 'khrul ba zhig/sku gsum skye 'jig med pas lus kyi 'khrul pa zhig/ gsung gi nyi 'od zer 'phro bas ngag gi 'khrul pa zhig/ thugs la mkhyen pa rig pas gzung 'dzin yid sems 'khrul ba zhig/rlung gis sems sgral ba med pas 'byung ba'i 'khrul pa zhig/ srid par sbyor ba med pas skye gnas 'khrul pa zhig/ ye shes nyi ma shar bas gsal 'grib nyi nub 'khrul pa zhig/zhag dang lo zla 'das pas dus kyi 'khrul pa zhig/ chos nyid pho brang thig ler 'khyil bas phyogs kyi 'khrul pa zhig/ ces seng ge sgra'i rgyud las/ grol ba mngon gyur sangs rgyas sgrib pa dag ste ma rig pa grol nas 'khrul pa zhig mkhyen pa thob pa'i le'u ste gya lnga pa'o//// kye/ bcom ldan thugs rje thabs kyi bdag/ gang zag skal ba zhan dang blo dman dang// theg dman blo yi bcos dang rtsol ba zhan// chos nyid bar dor rtogs par ma gyur na// thabs kyi lam gyis ji ltar grol bar bgyi// bka' stsal pa/ kye rdo rje 'dzin pas nges par zungs shig/ shes rab rtogs pa'i blo can gyis// mchog gi 'od gsal chen po la// rig pa zang thal shar ba gces// de yis tshe 'dir bar do med par grol// skyes bu las dang skal ldan ni// mchog gi 'od gsal chung ngu de// chos nyid ma yi bar do la// mkhyen pa'i shes rab shar ba gces// srid pa'i bar do med par grol// blo dman bar dor rim 'jug la// rig pa'i rang sa zin pa gces// des kyang sa lam med par grol// rigs drug 'khrul pa'i 'od drug la// rig pa 'gro ldog shes pa gces// de yis srid pa bar do ye shes sogs kyang thebs// de yis gdams ngag gsal 'debs dus// rig pa mngon du shar ba gces// de yis yi dam rdo rje sems dpa'i srog kyang zin// chos nyid bar do 'da' ba ni// ngo bo chos sku thugs kyi zer// yum gyi rang bzhin bum pa lnga la yid kyi 'gyu ba zhugs// dang po som nyi mtshams sbyor te// ci yin mnyam pa'i yid tsam 'gyus// de nas bag chags rtog sgrib spogs 'debs te// dus kyi snyigs ma kha drag lam dang 'dra// srid pa'i skye gnas dug gi me tog 'dra// 'khor bar 'jug pa zo'i chu khyud mo 'dra// som nyi rang 'od zer las bar do 'od lus blangs// ci yin snyam pas yin min shes pa zhugs// chos nyid bar do nyi ma shar ba lta bu la// rtog pa phra ba gsang rtog bdun skyes pas// chos nyid ye shes snang ba dag pa la// nam mkha'i sprin lta bu yi srubs la byung// de las ngan rtog sum cu rtsa gsum ji rags snang// de nyid chos nyid bar do nyi ma rtog pas nam srod lta bur nub// de nas phyi rtog bzhi bcu spogs// mun pa srod pas skar ma shar ba ltar// 'gro drug grong khyer gsal ba rum tser byung// de la 'od gsal chung ngu gdams pa ye shes sogs gdab pa// 'di ni skal ba zhan dang blo dman le lo can// chos nyid bar dor rang grol ma thob na// gsang lam bsegs lam thabs kyis grol ba'i lam zhes bya// 'di la skyel bsu yin par shes pa gnad yin te// bla ma lung ldan gdams ngag skyel ma dang// rang gis nyams su longs te rtogs pa'i skyel ma dang// 'chi khar gsal 'debs grogs kyi skyel ma gces// zer gyi bsun mas 'od zer lam bstan nas// 'od lnga bsun mas zhing khams dag par skyel// sgra yi bsun ma sku gsum dkyil 'khor thob// chos nyid 'das pa yin par shes nas ni// srid pa bar do sngon gzugs srid pa'i sha gzugs can// dbang po kun tshang 'od kyi lus de la// yi chad drug 'byung shi ba dran nas skye gnas tshol// las kyi dge sdig gshin rje'i snang ba ston// de dus gdams pa yin par shes par bya// srid pa'i bar do de ni rang bzhin las// chos nyid bar dor rtogs pas ma grol na// nges par bar do 'od lus len dang gcig/ sngar gyi bag chags rtog pa dran dang gnyis// sngar dran phyis skye de rang shes pa'i shes rab gsum// yid lus 'od kyi sgo lngas 'gro drug mthong nges bzhi// sgyu ma ye shes lus yin dran gsal blo rno lnga'o// de yang sems de sku gsum brgyud nas brgyud mar gnas pa na// ci ste da ltar bag chags sbubs nas sprul sku ste// skad cig mi grol ye shes lam la sbyangs// rin chen zang thal sbubs na chos skur gnas// skad cig dang po ngang la dus mnyam rtog pas grol// longs sku sgyu ma 'od kyi sbubs la skad cig gsum gyis grol// sgyu ma 'od lus srid pa'i sha gzugs la// rtog pa rkun bu bag la nyal ba de// dran pa'i som nyi kun nas ldang ba'o// kun nas ldang ba'i yid sems de// snga phyi da lta'i rtog pa shes rab skyes pa'i dus// shin tu blo rno dran pa gsal bas na// de la grol ba'i gdams pa gsang lam bsegs lam btsal// gdams ngag nyams su blangs pa sngar shugs kyis// rang dbang dran pa mngon du 'gyur ba yin// de tshe rtogs pa khyad par skye dus yin// sngar gyi nyams len gdams ngag rnams// de tshe mi dran mi srid do// der sngar byas mi dran mi 'byung na// dge sdig las kyi 'bras bu mi 'byung dgos// las mi 'byung bar gyur pas na// las kyis 'gro drug mi 'khor 'gyur// des na bka' yi gdams pa dran par nges// khyad par rtogs pa nyams len dang ni rgyal ba'i ngag/dge sdig las ni shin tu gsal ba'i dus// bar do 'od lus yin pas thams cad rang gsal lo// gdams pas ji ltar lam btsal na// 'gro drug grong khyer dran pa dang// skye ba len sgo dgag pa dang// bar do yin pa dran gsal gdab// de rang sgyu lus yin pa dran pa dang// gnyis med spyod pas sgyu lus bsgyur btub dran// des rdo rje sems dpa' yi dam lhar bsgyur ba dran pa'o// 'od lus sgyu mar shes pas gnyis su med// gar yang bsgyur du btub par shes pa'o// rdo rje sems dpar lus 'phos pas// lam pa'i rdo rje sems dpas bar do rang srog gzung// skye ba mi len bsam la skye ba 'phos pas khegs// der rdo rje sems dpa' de nyid 'od gsal sku// de rang shar dgongs pa zung zhugs pas// rdo rje rigs 'dzin sa la de nyid bsegs lam thob// sgo lnga ye shes zang thal 'od gsal las// gsang lam zung du bcug pas rdo rje lta bur thob// de la gsang lam dag pa'i gzer gsum ni// ye shes sgyu lus rdo rje sems dpa' de// rang rig gzhan rig rig pa'i thugs gsal bas// 'od gsal sgrib med ye shes spogs kyang thebs// sku gsum 'od gsal rang snang dkyil 'khor spogs kyang thebs// bla ma'i gdams pa rang shar dgongs pa spogs kyang thebs// de gang zhig rtogs se zhes pa na// byang chub sems lam rigs 'dzin sa yin pas// chos nyid can ni cha gang tshad du shar// mngon par shes dang mi rtog ting 'dzin yod// mngon par shes pas gdams ngag snga phyir shes// ting 'dzin rdo rje sems dpa' lam gyi srog kyang 'dzin// dgongs pas srog ni ji ltar 'dzin zhe na// mtshan bcas 'od lus lhar bsgyur nas// mtshan med rig pa'i 'od gsal rang grol chos// stong gsal rang shar 'gyur med ngang la srog kyang gzung// 'gro drug grong khyer 'khor ba zang thal shes// des ye shes lus la skye ba gzhan mi len// bar do rten 'brel sgyu lus 'od gsal bas// 'dod pas len pa'i skye gnas gzhan mi tshol// sku gsum lhun grub rang la rtogs pa pas sa lam rang grol chod// des mchog gis 'od gsal spogs thebs mngon sangs rgyas// zhes seng ge sgra nyi zla kha sbyor las/ 'od gsal chung ngu ye shes sman du byung ba'i le'u ste gya drug pa'o//// kye/ bcom ldan thugs rje thabs kyi bdag/ chos nyid bar do ye shes lam la ma grol na// blo dman bag chags sad de skye ba brgyud nas grol lugs ji ltar lags// bka' stsal pa/'gro ba de yi skye gnas len lugs ni// zhag lnga skad cig lnga la chos nyid bar do la 'das na// skad cig drug la som nyi za bar byed// skad cig bdun na bar do 'od lus len// de nas yi chad shi ba rjes su dran// chos nyid bar do ye shes nyi ma'i dmar thag chad// bdun nam bcu bzhi nyi shu rtsa gcig bar// kun tu tshol ba'i yid kyis dran nas thogs med skye gnas tshol// 'gyu byed nya mig tsam gyis 'khrul snang skar ma tsam pa mthong// ye shes mun srod 'gro drug 'od kyi lam// tshom bu dar 'phyang tsam lnga shar gyis 'byung// me 'od lam dmar po cog tu zhugs pa snang// mngal gyi grong khyer dug gi me tog 'dra// der tshud dga' dang bde ba las// 'dod pa'i bag la nyal nas 'dug tsa na// pha yi sa bon klad pa'i rtsa las babs// ma yi sa bon snying gi rtsa las dmar la dwangs// dmar dwangs dkar 'dril srid pa'i lus la g.yogs// sngon 'byung srid pa'i lus de las kyi shugs kyis gon// pha la zhe sdang ma la chags gyur te// rang gi lus kyi chags lugs dang// dbang po don snying chags lugs shes// de ltar bar do lus zhig nas// nor bu rin chen rgya mtsho gting tu krog gis ltung// snying po'i don nyid sna tshogs 'bad pa'i sku// 'od lnga 'bar zhing zer la ldan// rig pa nyid las 'od lnga bum pa 'phro// ye shes rtsal ma rdzogs pas de la zer phran 'phro// zer nyid dkar po nya mig tsam las sa yi dwangs ma chags// zer nyid ser po chu yi dwangs ma bye'u len pa'i mgo tsam chags// brtan par byed pa sa yin te// sdud par byed pa chu yis byas// krug gis 'dres pa mar ma mer du gnas// zer nyid dmar po drod kyi dwangs ma ni// me long nyi mas tshig pa'i ngang tsam byung// des lus kyi ngo bo rtsa 'dab brgyad du chags// de nas zer nyid sngon po las// rlung gi dwangs ma gser sa 'og rlangs kyi ngad tsam byung// ngad de rtsa yi nang du zhugs gyur to// de nas 'og kyi dwangs ma ni// dngul dkar zhun ma thigs pa 'dra ba gcig/ snying po'i don la 'ja' tshon lnga yis bskor// rtsa 'dab brgyad kyi dbus nyid du// snying po'i gnas su chags snga ba// sa yi dwangs sems snying chags so// de nas me yis dwangs mas pho mcher chags// de nas chu yi dwangs mas mkhal ma chags// rlung gi dwangs mas glo mchin der chags so// tsit+ta dbus kyi rtsa ni gser gyi ba thag tsam// shel gyi sbu gu dkar 'jam khog stong nang// rig pa 'od gsal sgron mar rgyu bar byed// gro sog tsam gyi rtsa yis snying dang glo ba sbril// glo ba khog sbugs 'dod pa'i sgo gsum sbrel// kun gzhi sems kyi me long 'od lnga'i pho brang la// gzung 'dzin zer rlung zhon nas glo bar rgyu// don lnga rten bcas lus kyi khog sbubs chags par byas// de nas dbang po chags lugs bstan pa ni// snying po rig pa'i 'od zer ni// rig pa'i 'od lnga bum pa lnga ru shar// de yi zer dkar po yar 'phros pas// shel gyi sbu gus rtsa lam byas// sgal pa'i rten la mig gnyis chags// dran rig zhe sdang rnam gnyis yar la rgyu// zer 'od dmar po mar la rgyus// tshor ba 'gro mdo'i rten la pho mos dbang rten chags// tshor ba'i 'dod chags gnyis ni mar la rgyus// yar mar rgyu gnyis tshom bu lte ba sbrel// snying po rig pa'i g.yas na yar// rtsa lam kham ser ngan ngan yar// lce yi rten chags nga rgyal rgyu// snying po rig pa'i g.yon na yar// rtsa lam ljang khu nang na yang// rna ba'i rten chags phra dog rgyu// snying po rig pa'i mdun na yang// rtsa lam mthing kha nang na yar// sna yi rten chags gti mug rgyu// de nas lus su grub pa ni// snying la gzugs kyi phung po skyed// pho mcher 'du shes phung po skyed// mkhal mas tshor ba'i phung po skyed// glo mchin 'du byed phung po skyed// mchin pas rnam shes phung po skyed// sa yi dwangs mas rus pa chu rgyus skyed// chu yi dwangs mas khrag las sha skyed do// me yis drod dang rlung gis srog rten skyed byed do// nam mkha' go phye 'byung ba'i lus su grub// rig pa'i zer 'gyus rlung gis sems kyi rta byas nas// 'byung ba'i lam rgyu rtsa byung sbubs nas dwangs ma rgyu// snying po rig pa sems kyi sbubs tshud las rlung dbugs phyir rgyu// de ltar chu yi lha mo bum 'dzin ma yis gzugs su bsdus// me yi lha mo 'od gsal ma yis smin// rlung gi lha mo 'degs byed ma yis bteg nas gnas// de nas phyi rol mthong snang ma la skyes// sha khrag sbubs la brten nas dug gsum ngang la spyod// thugs rje lan cig las kyi 'phro sad nas// bcu bzhi lon nas dad pa rjes su dran// bla mas rjes su dran pas rgyal ba'i bka' dang phrad// lus ngag sku gsum dug lnga ye shes lnga ru rtogs// sum cu rtsa bzhi dag la chos sku chos nyid rgyas thebs te// longs sku rtogs pa'i don la rgya yis thebs// sprul sku sgyu ma'i sa la mi rtog ye shes rgya yis thebs// grol ba'i dgongs pa rang la rang shar te// snang ba sgyu mar grol nas smig sgyu tsam du bun tser 'char// nyon mongs rang grol lan tshwa chur zhu bzhin du ltems tser 'gro// sprin bral nyi ma bzhin du rig pa lhag tser 'char// shes rab spyan gyis phyir ltas snang ba'i yul ma bcings ma grol me long gzugs brnyan ltar// snang la rang bzhin med par 'dzin pa bral// shes rab spyan gyis nang du bltas pa'i tshe// nyid kyis nyid bshad nyid kyis nyid la bshad// nyid kyi ngo bor rtogs shing nyid kyis ngo bor grol// spyi mdun nam mkha' mtha' la ye shes lam du bkrol// gsang rdzogs phyag rgya chen po'i rang sa de// de nas tshe 'di'am bar do nas ni// grol ba sku gsum stobs che ba// ye shes 'od zer dag tu mya ngan 'das// 'gro ba sku gsum sa la grol bar nges// zhes seng ge sgra'i dgongs pa'i rgyud nyi zla kha sbyor las/ skye ba brgyud nas grol ba'i le'u ste gya bdun pa'o//// kye/ bcom ldan thugs rje thabs kyi bdag/ rab 'bring grol lugs ji ltar lags// bka' stsal pa/ ye shes nyi zla kha sbyor las// 'jug pa rim gyis 'ju ba las// 'char ba cig car 'char bar 'dod// zhi gnas ye shes la brten nas// rang shar lhag mthong 'char ba yin// dran rtogs de la brten byas nas// mi rtog ye shes mngon par 'char// des snying po chos min blo las 'das// 'khor 'das dag la brten byas nas// mya ngan 'das pa mngon du thob// dgongs pa dag la ma brten na// mkhyen pa'i ye shes thob mi 'gyur// tha ma grol lugs sku gsum lus rdzogs mthar// mthong ba'i yul la rtags pa'i shes rab shar// nga yi chos sku rnam dag la// thams cad mkhyen pa'i ye shes shar// longs sku ma bskyed lhun gyis rdzogs// chos sku rnam dag rang byung rtogs bral shar// 'bring gi grol lugs bstan pa ni// dang po phyi nang rtog pa 'gags// gnyis pa rang gdangs ye shes snang ba 'od du gsal// gsum pa de la skad cig gnas// bzhi pa rang snang de la shes rab skyes// bzhi bcu rtsa gnyis mngon sangs rgyas// nam mkha'i mthongs nas nyi shar ltar// rnam pa kun la mkhyen pa'i ye shes shar// rab kyi grol lugs bstan pa ni// skal ldan sprul pa'i sku yin pas// skad cig drug la mya ngan 'das// ye shes rlung gi stobs rnams kyis// gzugs sku'i ngang la chos skur skyod// tha ma gtso 'khor rim pas thim// sprul sku 'byung lnga 'od lnga'i ngang du thim// de lnga ye shes lnga yi ngang du grol// dang po ma la shar bas ma yi ngang du zha// chos nyid ngang la shar bas ngang du thim// spyan gsum rnam dag 'gyur med gcig tu gsal// chos nyid rig pa'i ye shes gnas// phyi mi gsal ye shes nang gsal lo// bum pa nang gi mar me gsal ba bzhin// de tshe 'gyur med sku gsum rang sa zin// rab ni sprul sku rdzogs ldan chen pos bya// 'bras bu rdzogs sangs rgyas pa'i la dor ro// zhes seng ge sgra'i dgongs pa las/ rab 'bring grol lugs kyi le'u ste gya brgyad pa'o//// kye/ bcom ldan thugs rje thabs kyi bdag/ sku gsum rol pa'i mkhyen pa ji ltar lags// mngon shes drug ldan spyan gsum 'char// chos kyi spyan gyis yar la chos sku rin chen lta bur gzigs// gzigs su med pa'i yul gzigs so// thad kar longs sku tshom bu snang ba gzigs// mar la sprul sku gnas lugs rtogs// bag chags sbubs nas ji ltar gnas pa gzigs// snyan gyi mngon shes yar la ni// chos sku'i zhing na rtse gcig thugs kyi gleng ba gsan// thad ka longs sku brda yis gsung yang gsan// mar la sprul sku'i zhing khams na// 'gro ba kun gyi sgra skad gsan// thugs kyi mngon par shes pa yis// yar la rin chen sbubs kyi chos sku// 'byed med shes rab 'dzin med rang gsal ba// rang snang rtog med rig pa'i 'od gsal mkhyen// thad ka tshom bu dgongs pa mi 'gag gsal// mar la sems de rtog pa so so thams cad mkhyen// gnas kyi mngon shes sku gsum bzhugs lugs ni// chos sku chos dbyings longs sku 'od snang dang// sprul sku 'gro drug skye gnas mtho dman mkhyen// las kyi mngon par shes pa ni// sngon dang da lta phyis 'byung 'gro ba kun// ji ltar spyod 'byung las 'bras rnam smin mkhyen// spyan zhes pa yi brjod pa ni// gsal ba mi rtog 'gro don mdzad// thugs rje'i mngon par shes pa ni// 'gro drug rang rang mthun pa ru// sprul sku yul gzigs thub drug 'chad// yi ge drug ldan sprul sku 'char// ma sa sha a ha 'a dang drug/ rigs kyi yi ge drug ces bya// chos sku don du bzhugs pa las// longs sku spyan las yi ge sprul par 'phro// skal ldan lus dag 'du 'phro'i bar// dkar dmar rnam gnyis lus bsgyur byas// yi ge drug pos rig pa sems su brten// lus kyi rgyu la sems kyi rten shar ba// dkar dmar rig pa gnas pa ni// gnas la gnas gab lus la sems kyi tshul// des 'gro ba 'dren pa sprul sku mdzad// 'gro ba ma lus thams cad la// rang rig ye shes khyab gnas pas// snying po 'gyur med ye shes 'gag pa med// de don nges pa'i chos kun 'gro la ston// thugs kyi dgongs pa 'gro ba kun la 'char// ston pa'i dgongs pa longs gyur nas// thugs la thugs 'dres bcud la bcud gab 'gyur// de nas 'gro bas rtogs nas grol bar 'gyur// zhes seng ge sgra'i dgongs pa las// mkhyen tshad dang thugs rje 'byung tshul gyi le'u ste gya dgu pa'o//// kye/ bcom ldan thugs rje thabs kyi bdag/ thugs rje sprul sku mya ngan ji ltar 'da'// bka' stsal pa/ de nas skad cig drug pa la// ye shes rlung gi stobs ldan gyis// dang po gzugs sku chos skur skyod// de nas gtso 'khor rim par thim// ye shes rlung gi chos nyid ngang la spyod// de tshe 'byung ba mtshan ma rang sar grol// sprul sku'i 'byung lnga 'od lnga'i ngang du thim// 'od lnga ye shes lnga yi 'byung lngar grol// dang po chos nyid ma la shar bas ma yi ngang du zhi// stobs ldan ma dang shugs 'chang ma// gnyis su med par sbyor bar byed// dper na nyi ma'i snying po ltar// rig pa'i rang rtsal sku dang ye shes shar// tha ma 'khor rnams gtso la sdud// gtso bo lnga yang chos sku rin chen sbubs su gshegs// rtsol dang bcas nas bskyod pa ma yin te// ngang gi 'gro ba phyir na shugs 'chang ngo// de dus chos sku rin chen lta bu ste// gdos pa can gyi chos med de// chos nyid nam mkha' lta bu dang// chos sku nam mkha' lta bu gnyis// gnyis med ye shes zang thal te// mi 'byed sang nge gnas pas 'degs byed ma// de tsam dus kyi ngo bo na// rlung gis ye shes ma g.yos brtan mas bya'o// de rnams mtshan nyid gcig la gnas pa'o// 'byung ba ma la zha ba'i mtshan nyid lnga// 'khrul pa'i sa chu me rlung lnga// ye shes 'byung lnga'i ye shes gdangs la 'dus// ye shes lnga yi 'od gdangs yang// rang byung 'byung ba lnga la 'dus// de tshe rdo rje gya gram bkod legs gdan// dus der g.yo ba med pa rgya gram ltar// des ni g.yos pa med par bskyod pa'o// chu shes 'khor lo brtsegs legs te// 'byed med shes rab klong gcig 'khyil// gsher ba med pa'i chu zhes bya// de nyid rnam dag dbyings nyid brtsegs legs so// dbyings kyi rnam dag yan lag ni// rig pa gsal stong dbyer med do// de yi sa na ye shes spyan ma 'gags// ye shes 'od gsal bum pa lngar shar ba// de yi snying po rigs lnga gsal bkram brdal// des na sra ba med pa'i sa brtsegs legs// kye rigs kyi bu nges par zung// rang gsal 'dzin med sa nyid la// sra ba med pa'i ngang du grol ba mi 'gyur ba// ma 'dres yongs rdzogs mchod rten ltar// bzang ngan yangs dog che chung khong snyoms pas// 'dug tshul sku yi ye shes las// snang tshul sku yi shes rab shar// rtogs pa gnyis med ye shes tshul// 'byed pa med pa'i tshul shes so// de yis dus nyid tsam na ni// tsha bcas ma yang tsha med me yi ngang du grol// rang rig ye shes gzhan snang rtog pa med// dri med rig pa 'gyur med gnas// me nyid pad+ma'i dra bas smin par byas// rig pa 'thung lnga 'das pa'i rang gdangs la// 'od las 'das pa'i ye shes dang// yid las 'das pa'i shes rab klong// nam mkha' khyab pa med pa'i gdangs can las// skye 'gag nub pa med gnas pa// rgyal mtshan rtse mo ltar du mthar bskyal lo// de ltar 'byung lnga dbyings dang ye shes dbyer med shar// de nyid de yi ngang du dag cing thim// so sor rtog pa'i ye shes las 'das shing// gzigs snang yul las 'das nas gnyis med pas// ye shes rtse gcig ngang las gsal ba las// ye shes spyan gyi ngo bo rnam par dag/ de tshe shes rab spyan dang chos kyi spyan// ye shes spyan gsum ngo bo dag nas gcig tu 'khyil// kye rigs kyi bu nges par zung zhig/ye shes dbyings su thim pa yang// stong pa byang chad ma yin te// chos dbyings ye shes thig le la// gsher med chus med nang du bsdus// sku dang ye shes nang gsal ngang du gnas// shes rab mkha' la 'khyil ba zhes su bya// rgyas par bstan na mtshan nyid bzhi// sku dang ye shes dbyings thim nas// rig pa rang gsal dbyings na ma 'gags pa// ngo bo thim la ma rmugs pa zhes bya// ma rmugs sems rtog rnam dag ste// rang snang ye shes 'od gsal la 'das na// gzhan snang rtog 'dzin mi mnga' dag/ 'byed pa med pa'i shes rab 'gag med pas// rig pa'i yon tan rang gi klong gsal ba// yum gyi bum pa lnga na ye shes sku lnga gsal// rang snang gzhan snang dag kyang ma 'dres so sor gsal// rig pa'i rang sar gnas pa chos sku'i ngang// stong nyid rdo rje lta bu'i sku thob nas// chos sku'i klong na ye shes longs sku ye shes spyan// ma 'gags gsal bas sku gnyis rgyan du che// g.yung drung lta bu tshe la ni// 'byed med shes rab klong gcig 'khyil// thun med thun chen gcig gi ngang du grol// rgyun gyi ting 'dzin rtse gcig ngang la gnas// de tshe yul gnyis snang ba las grol nas// rang snang gzhan snang rtog pa ngo bor dag/ sku gnyis 'das nas rin chen sbubs nyid gcer bur gnas// spyan gnyis 'das nas ye shes rtse gcig go/shes rab mkha' la 'degs pa yis// ma bskyod shugs kyis bskyod pa yin// 'byung ba ma la zha ba yis// mtshan ma rang sar grol bar byas// ye shes dbyings su thim pa yis// rtsal stobs bzhi la thim par ston// shes rab mkha' la 'khyil ba yis// sku gsum ye shes nang gsal lo// rig pa rang sa zin pa yis// dgongs pa 'gyur med mtha' ru skyol// der sku gnyis chos skur mya ngan 'das// mya ngan 'das pa'i ngo bo ni// ngo bo mi gnas ye shes chen po yin// nges tshig sdug bsngal mtha' las 'das pa ste// mi rtog bde chen gnas pa'o// dbye ba zag bcas mya ngan 'das// zag med mya ngan 'das pa'o// mtshan nyid mtha' bzhi las grol 'das// 'khor ba'i chos la mi gnas grol ba'i ngo bor shar// grol ba rang ngo so so ste// rang gdangs chen por gsal ba yin// lus las grol ba'i ngo bo ni// rtog med rig pa'i gnas lugs yin// rig pa grol ba'i ngo bo ni// rtsol ba'i chos las rab 'das shing// 'khrul pa gsum gyis ma bcings grol// dper na sbrul mdud bor ba'am// rnga ma dag pa'i mdud pa bzhin// ngo bo nyid las ngo bor grol// sku gnyis ye shes klong bskyod pa// rdzogs sangs rgyas pa shes su bshad// seng ge sgra nyi zla kha sbyor las/ sprul sku mya ngan 'da' bar bstan pa'i le'u ste dgu bcu pa'o//// gnas gsang chen dur khrod rol pa der// me ri 'bar ba'i brag phug na// gzhon du dpa' bo stobs ldan des// lag na rdo rje nyer gnas byas// rtse gsum mkha' 'gro rol mo dang// Da ma ru yi sgra dbyangs dang// ka pA la yis zhal bu dang// bdud rtsi lnga dang sha lnga longs spyod dang// rus pa'i rgyan gyis mtshon nas ni// 'khor gyi mkha' 'gro bsdu ba mdzad// byang chub sems dpa' rnam drug dang// mkha' 'gro phyi nang 'khor bsdus pa// mkha' 'gro pu rna nye bar zhi ba dang// mkha' 'gro tshangs pa dud mgrin ma dang// drang srong chen po zla 'od dang// khyung gi sder mo can dang bzhis// de rnams yon bdag byas nas ni// snang ba ston pa dam pa'i chos// bdud rtsi yang zhun thigs pa 'di bshad do// rgyud 'di ni seng ge sgra sgrogs dgongs pa theg dman zil gyis gnon par yang zungs shig/ ye shes zung 'jug nyi zla kha sbyor zhes bya bar yang zung/ngo sprod ston nyi snang ba'i sgron mar yang zung/ sku gsum mngon rdzogs rgya rtag gser gyi me long bya bar yang zungs shig ces rgyud gtad pa'i le'u ste dgu bcu gcig pa'o//// mkha' 'gro rdo rje zhe sdang ma dang// nga rgyal rdo rje ma dang/ gti mug rdo rje ma dang/ 'dod chags rdo rje ma dang/ phrag dogs rdo rje ma dang/ byang chub sems dpa' 'khor shugs can dang/ stobs kyi glang po dga' byed gzhon nu/ting 'dzin bzang po/ lag na rin po che/ lag na cod pan// lag na rdo rje la sogs/ gser 'od dam pa sgra sgrogs pas thugs so sor tshim nas dga' mgu yi rangs te/ mgrin gcig tu thabs kyi rgyal pos yang gsang rgyud bshad pa/e ma ho/ sangs rgyas ma bkag ma sbyangs par// ma btsal bde chen ngang la grol ba ngo mtshar ro// 'di tshig kun la bshad pa'i thugs rje yis// thabs mkhas thugs rje stobs mnga' byams pa khyod la 'dud// e ma thugs rje thabs kyi bdag/ snying po gsang ba don gyi rgyud gsungs pas// snod kyi 'jig rten dbyings su dag/ bcud kyi sems rtog ye shes rig par grol// lus ngag yid gsum sku gsum ngo bor dag/dug lnga ye shes lngar shar nas// bdag cag rnams kyang mi gnas ngang du mchi// zhes mi rtog pa'i ngang du gshegs so// ston pa rdo rje sems dpa' la/ zhu ba po phyag na rdo rjes zhus/dga' rab rdo rjes mjug bsdus so// seng ge sgra'i dgongs pa nyi zla kha sbyor las/ rjes su yi rangs bstod pa'i le'u ste go gnyis pa'o//// paN+Di ta bi ma la dang lo tsa ba gnyags ku mA ras mchim phu bre'u dge'ur bsgyur cing zhus te gtan la phab pa'i rgyud/seng ge sgra'i dgongs pa nyi zla kha sbyor zhes bya ba'i rgyud/ yang gsang rmad du byung ba bklags pas go ba'i bshad rgyud rdzogs so//// gsang/ gsang/ gsang rgya rtags//// rgya gar skad du/ /// a ra li rnyog pa med pa'i rgyu zab mo rdzogs so//// rgya gar skad du// d+ha rma rbA r+tha de sha// bod skad du// chos thams cad kyi don bstan pa// ka dag ye rdzogs ngang la phyag 'tshal lo// 'di skad bdag gis bstan pa'i dus gcig na// gnas 'og min chos kyi pho brang du// ston pa rig stong kun tu bzang// longs sku rdo rje 'chang du sprul// zhal phyag rnam par sku bzhengs nas// 'khor ni zhi khro sangs rgyas dpag tu med// khyad par sku yi 'khor ni 'di lta ste// rdo rje rigs dang rin chen rigs// pad+ma'i rigs dang las kyi rigs// bde gshegs rigs la sogs pa dang// sangs rgyas chos dang dge 'dun dang// byang chub sems dpa' dpag tu med// phyi ba'i 'khor ni 'di lta ste// dbang phyug chen po dang// mu stegs mur thug rgyang 'phen dang// lha dang lha min dri zas bskor// gsung gi 'khor ni 'di lta ste// nyan thos rang rgyal byang chub sems// kri ya u pa yo ga dang// ma hA a nu a ti dang// rdul dang rdul phran snying stobs gsum// phyi yi rtag chad mu bzhis bskor// thugs kyi 'khor ni 'di lta ste// gsal stong dang ni snang stong dang// bde stong dang ni grags stong dang// rig stong dag dang rnam lngas bskor// thabs cig tu ni bzhugs pa'i tshe// bcom ldan rdo rje 'chang chen ni// mi g.yo pa yi ngang nyid las// lhang nge lham me lhan ner bzhugs// de tshe de yi dus nyid du// 'khor rnams kun nas lhags pa'i lha// gzhon nu nyid ni khro gnyer can// bla gos phrag pa kha la bkal// pus g.yas lha nga sa la btsugs// ston pa nyid la 'di skad zhus// chos rnams kun gyi mthar thug ni// theg pa rnams la thug pas na// 'di yi ma brjed dbye ba ni// bdag cag rnams la gsung du gsol// de skad ces ni zhus pa dang// de nas ston pas bka' stsal pa// kye ma gsang bdag legs par nyon// ngas bstan yid kyi rtog pa sel// khyod ni rtse gcig yid kyis nyon// des na ye shes klong yangs las// 'od kyi yul dang rig pa'i gnas// sku yi mkha' la gsung gi zer// thugs kyi dbyings nas shes rab pho brang du// de skad ces ni rab tu gsung// 'di skad bdag gi thos pa yi// dus dang dran pa'i tshe na ni// theg pa dbye ba 'di lta ste// mdo dang rgyas pa chen po dang// shin tu rgyas pa chen po'o// brgyad khri bzhi stong bsam mi khyab// rgya che grangs mang chen po ste// bsam mi khyab ste gzhal du med// brjod med bsam 'das chen po 'o// rgyas pa chen po 'di lta ste// dbye ba rnam pa dgu ru 'dod// nyan thos dang ni rang rgyal dang// de bzhin byang chub sems dpa' 'o// kri ya dang ni u pa yi// de bzhin yo ga dag dang gsum// ma hA a nu yo ga dang// de bzhin rdzogs chen a ti'o// de ltar rnam pa dgu pa ni// chos rnams kun gyi bstan pa chen po yin// de skad ces ni bdag gis thos// yang cig gzhon nu khro gnyer can// ston pa nyid la 'di skad zhus// kye ma ston pa rdo rje 'chang// theg pa'i rnam grangs de ltar na// theg pa'i bshad lugs gsung du gsol// ston pas lan du bka' stsal pa// kye ho gzhon nu khro gnyer can// nga yi theg pa bsam yas kyang// bshad lugs rnam pa gnyis su 'dus// 'khor ba dang ni myang 'das so// de yang 'khor ba 'di lta ste// log lta dang ni dag lta gnyis// dang po log pa'i theg pa bshad// 'jig tshogs gsum brgya drug cur 'dod// sum brgya dbyings las bshad par bya// drug cu'i lta ba 'di lta ste// legs par rnam grangs yid la zung// grangs can log par smra dang gcig/ bye brag rang gi rgyur smra gnyis// ku ma ra yi grub mtha' gsum// gol ba dag tu smra dang bzhi// rna ma phug par 'dzin dang lnga// gsang ba me lnga bstan dang drug/ me ras til maralus bsreg bdun// mdung rtse gsum pa'i dka' thub brgyad// tshong dang tshogs pa'i dka' thub dgu// sha khel lus la bya thog bcu// khyi yi cha byad spyod pa dang// mngon shes phra mo gtsor byed dang// sangs rgyas byin rlabs cir snang dang// log pa'i dka' thub spyod pa dang// byed pa rgyur smra dag dang bco lnga'o// byed pa lam du 'khyer ba dang// rtag pa don mtshon chen po dang// ther zug 'gyur med smra ba dang// gnas skabs rtag par lta ba dang// 'bras bu rtag par 'dod dang nyi shu'o// rtag pa lam la ltos pa dang// spyod ba rtag par 'dod pa dang// don la rtag med chad lta dang// tshad med ngan sngags gtsor byed dang// mo dang pra la gtsor byed dang// rdzu 'phrul mo la gtsor byed dang// rtsod pa lhu ru len pa dang// log pa'i dka' thub spyod pa dang// 'jig rten 'di la zhen pa dang// rang gi bya ba 'dzin pa dang sum cu pa'o// la ba can dang so gcig go/ mi pham ras gos can dang ni// phyag mtshan gtso bor byed pa dang// bya ba ltos par smra ba dang// rig pas pha rol sun 'byin dang// rgyu med chad par smra ba dang// lam chad ye shes chad lta dang// tshad med ther zug chen po dang// lam chad 'bras bu gtan chad dang// log pa'i sems kyi gtan chad dang bzhi bcu pa'o// chad pa stong pa chen po'o// rig byed gsang bar smra ba dang// cha mthun gol ba'i mu stegs dang// 'khrul ba snang ba'i mu stegs dang// zhe sdang bskyed pa'i mu stegs dang// cha byad sems kyi mu stegs dang// 'dzin pa don med mu stegs dang// kha tshig gol ba'i mu stegs dang// rtag pa don med mu stegs pa dang lnga bcu pa'o// ka ni kha yi grub mtha' dang// ser sna pa dang nga gnyis so// b+ha sir dang nga gsum mo// si d+ha ra dang nga lnga'o// d+ha si pa dang nga drug go/ ka pi ra dang nga bdun no// sang pa ba dang nga brgyad do// she ka ri dang nga dgu 'o// rdo sha dang drug cu tham pa'o// de ltar lta log sum brgya drug cu yod pa'o// sum brgya de yi khongs su 'dus// drug cu tham pa'i rkang grangs legs par bstan pa ste spyi sdom gleng gzhi le'u ste// rdo rje 'chang gis legs par bshad// 'khor rnams rjes su yi rang ste// bcom ldan 'das kyis gsungs pa la mngon par bstod// spyi sdom gyi le'u gcig pa'o// sa ya ya// gter rgya// sbas rgya// zab rgya// lta log sum brgya drug cu grangs med par bstan kyang// mdo rnam pa gnyis su 'dus pa'o// de'ang rtag par lta ba gcig/ chad par lta ba dang gnyis su 'dus pa'o// de las 'jigs tshogs kyi 'dra ba grangs med 'phro so// 'ji tshogs kyi lta ba 'di rnams ni// lha mi'i lta ba ste// 'jig rten pa'i theg par rtog pa'o// rigs kyi bu dad pa dang ldan pa rnams ni// log pa'i lam du zhugs kyis dogs pa'i phyir// 'jig tshogs kyi lta ba bsdus te bshad pa'o// 'jig rten theg pa'i le'u ste gnyis pa'o//// yang cig gzhon nu stobs ldan gyis// ston pa nyid la 'di skad zhus// kye kye ston pa rdo rje 'chang// lta log sum brgya drug cu yi// rang rang 'dod gzhung gsung du sol// de skad ces ni zhus pa'i lan// rdo rje 'chang gis lan gsungs pa// ngas bstan legs par yid la zung// lta log drug cu'i thog ma ni// grangs can log par smra ba'i 'dod gzhung 'di lta ste// rdul dang mun pa snying stobs gsum// rtag pa log par 'dzin pa'o// de yang gti mug gis gzhi byed par 'dod// 'dod chags kyis bde ba skye bar 'dod// zhe sdang gis bdud dpung bzlog par 'dod pa'o// de ni grangs can log par smra ba'i 'dod gzhung ste// lta log le'u gcig pa'o//// bye brag rang gis rgyur smra ba// de yi 'dod gzhung 'di ltar ro// phyi yi phung po khams dang skyem ched kun// rdul dang rdul phran dag tu lta// de yang dngos po 'dzin pas gzungs nas// rdul dang rdul phran du bgrang nas// 'di ni 'jigs pa'i rgyu ru 'dod// 'di ni stong pa ci yang med rgyu can no// 'di ni stong pa'i rgyu med rgyu can no// lus po 'di ka bor ba dang// sems ni nam mkha'i bag la zha// lus 'di 'byung pa'i bag la zha// cang med stong pa'i mu la gnas// byung yang nam mkha' rang las byung// thim yang nam mkha' rang la thim// thams cad stong pa phyang chad do// bye brag pa yi 'dod gzhung ngo// lta log le'u gnyis pa'o//// ku ma ra'i grub mtha' 'di ltar 'dod// sems med pa'i lus su 'dod// lus la sems med// de sems med// thon dus lus kyang med do// lus sems gnyis ka med tsam la// stong pa ci yang med par 'dod// sems med pa yi dus su lus 'dug gam// sems med lus kyang yod ma yin// ces so// ku ma ra yi 'dod gzhung ngo// lta log le'u gsum pa'o//// gol bar smra ba'i grub mtha' ni// lta spyod sgom sgrub thams cad kun// 'gyang pa can du 'gro ba ste// lta ba lta rgyu med pa'o// sgom pa bya rgyu med pa'o// spyod pa spyad rgyu med pa'o// 'bras bu byas med byung med yin// yar sangs rgyas la mi re// mar 'khor bar mi dogs// bar dge sdig gis phan gnod mi byed pa'o// 'di ni gol ba'i 'dod gzhung ngo// lta log le'u bzhi pa'o//// rna ma phug pa'i grub mtha' 'di lta ste// snang ba 'di la gnas skabs kyi rtag par mthong la// don dam pa la snang ba 'di mi rtag par 'dod pa'o// tshe phyi ma'i snang ba la phya'ang dbang phyug gi 'khor du rtag par 'dod pa'o// rna ma phug pa'i 'dod gzhung ngo// lta log le'u lnga pa'o//// gsang ba me lnga bstan pa'i grub mtha' ni// sangs rgyas rnams kyis sprul pa'i zhing 'dir gnas pa'i gang zag gis// zhen pa med pa mer btang bas// ye shes lnga'i snang sangs rgyas par 'dug pa// mngon par shes pa phra mos mthong ste// me lnga la spyod pa'o// de yang tsan dan gyi sdong po la til mar gyis byugs nas// me'i phung po'i phyogs bzhi dbus dang lngar btang nas// rang lus 'od bsreg byas pas// gang gi phyogs su 'gyel ba de la ye shes re re'i 'bras bu thob par 'dod pa yod do// de ni me lnga pa'i 'dod gzhung ngo// lta log le'u drug pa'o//// me ras pa'i grub mtha' 'di ltar ro// ras yug til mar nang du snab pas// rang lug dril nas me yang sbar// dbang phyug rten gyi drung du langs// 'bras bu 'od gsal thob pa dang// rang lus gces 'dzin bral bar 'dod// me ras pa yi 'dod gzhung ngo// lta log le'u bdun pa'o//// mdung rtse gsum pa'i grub mtha' ni// kha TAM rtse gsum sa la btsugs// g.yangs kyi kha nas de ru mchongs// g.yas pa sku g.yon sprul sku// bar ma zug na chos sku thob// gsum ka zug na sku gsum thob// mdung rtse gsum pa'i 'dod gzhung ngo// lta log le'u brgyad pa'o//// tshong dang 'tshogs pa'i grub mtha' ni// tshong dus sam mi 'tshogs chen po'i dus// rang lus ngag dang yid gsum la// chags zhen e 'dug ltos shig zer// brag la mchongs nas rang lus rlag/ phyi yi dbang phyug 'khor du skye// tshong dang tshogs pa'i 'dod gzhung ngo// lta log le'u dgu pa'o//// sha 'khol pa yi grub mtha' 'di ltar ro// log pa'i cha 'dzin spyod pa ni// rang gi dpung pa g.yas g.yon dang// spyi gtsug sha 'khol me long tsam bton nas// rang lus dong na bcug nas ni// dur bya'i rigs kyis za ru 'jug// sbyin pa'i pha rol phyin par 'dod// lta log le'u bcu pa'o//// khyi yi cha byad spyod pa ni// log pa dud 'gro'i spyod pa ste// khyi yi chas su zhugs nas ni// khyi yi spyod pa sna tshogs spyad// gtsang sme'i rtog pa lam du khyer bar 'dod// log par spyod pa'i le'u bcu gcig pa'o//// mngon shes phra mo'i grub mtha' ni// dper na shing mkhan mkhas pa yi// skyes pa dang bud med kyi gzugs 'di ltar tha dad par mngon par sprul nas// bya ba'i las thams cad byed pa ltar// chos la sogs pa kun kyang rang gis mngon shes kyi bya ba byas nas// phya'am dbang phyug gi 'khor du skye bar 'dod pa'o// lta log le'u ste bcu gnyis pa'o//// sangs rgyas byin gyis rlabs cir snang ba'i grub mtha' ni// mthu dang// stobs dang// nus pa dang// rdzu 'phrul dang// 'od dang// 'od zer thams cad sangs rgyas pas lhag pa'i yon tan// rtsol sgrub mi dgos par 'byung ba dag kyang yod do// sangs rgyas kyi byin rlabs cir snang yang// 'di las lhag pa med do// zhes pa'o// lta log le'u bcu gsum pa'o//// log pa'i grub mtha' 'di lta ste// rdzu 'phrul stag la sogs dud 'gro ru sprul nas// sangs rgyas yon tan 'di rang yin zer nas// dud 'gro'i spyod pa sna tshogs spyod pa dag kyang yod do// dud 'gro log pa'i 'dod gzhung ste// lta log le'u ste bcu bzhi pa'o//// byed pa rgyur smra'i grub mtha' 'di lta ste// dper na snang srid 'khor 'das kun// bsgoms so bya yi byas pa yin// bskos bzhag thams cad phya yi byas// de bzhin da lta'i chos la sogs// sku dang zhing khams thams cad kyang// byas pas phya'am dbang phyug gi 'khor du skye bar 'dod pa'o// lta log le'u ste bco lnga pa'o//// byed pa lam du khyer ba'i grub mtha' ni// 'jig rten 'di la khyim la sogs pa'i spyod pa spyad pas// phya'am dbang phyug gis rang gi mdun bsu nas// ri rab kyi bang rim la gnas par byed pa'o// lta ba log pa'i le'u ste bcu drug pa'o//// rtag pa don mtshon grub mtha' ni// don rang gis rtag par 'dzin la// gzhan la chad pa phyam chad du ston pa'o// de ltar go log bshad pa ste// rtag pa don mtshon 'dod gzhung ngo// lta log le'u bcu bdun pa'o//// ther zug 'gyur med grub mtha' ni// don rtag pa 'gyur med chen po// rang bzhin ma nges par 'dod pa'o// lta log le'u bco brgyad pa'o//// gnas skabs rtag par lta ba'i grub mtha' ni// rgyun chad pa la gnas skabs kyis rtag par lta ba ni// rgyu rtag par lta ba ste// rang gi snying gi dkyil du rgyu'i dngos po ste// dbyibs zlum pa/ kha dog dkar ba// che chung gi tshad sran ma tsam// pha'i rgyu las ma byung zhing// ma'i rkyen gyis ma bskyed par// dus thams cad du rtag par lta ba yod do// lta log le'u bcu dgu pa'o//// 'bras bu rtag par 'dod pa'i grub mtha' ni// rgyu mi rtag ste sems la dngos po med// 'bras bu rtag ste phya'am dbang phyug yod zer ba'o// lta log le'u nyi shu pa'o//// rtag pa lam la ltos pa ni 'di ltar ro// rgyu mi rtag ste sems dang dngos po med// 'bras bu mi rtag ste phya'am dbang phyug gi sar grogs med par mi phyin te// lam rtag phya'am dbang phyug gi lam ni ri rab kyi steng na gnas te// de ltar lam rtag nas rgyu 'bras gnyis mi rtag par 'dod pa'o// lta log le'u ste nyer gcig pa'o//// spyod pa rtag par 'dod pa'i grub mtha' ni// rgyu dang 'bras bu mi rtag ste// spyod pa rtag pas sangs rgyas par 'dod de// yul dang khang pa thams cad rtag pa'i dngos po yin// snang ba 'di gang yang rtag par 'dod pa'o// spyod pa rtog pas thams cad spyod pas rtag pa'o// lta log le'u nyer gnyis pa'o//// don la rtag med chad mtha'i grub mtha'i grub mtha' ni// don la chad par lta bas te// 'di nyid la rtag pa'i grub mtha' spyod do// lta log le'u nyer gsum pa'o//// don la rtag med chad mtha'i grub mtha' ni// ngan sngags gcig pu la gtsor ston nas phung ba'i las drag po byed pa ni// nag po gcig tsugs su smra ba ste// de la mngon par zhen cing 'bras bu 'dod pa dag kyang yod do// lta log le'u nyer bzhi pa'o//// mo dang pra la gtsor byed ni// 'jig rten 'di'i bde ba 'ba' zhig la zhen nas// phyi gang byung la rgyab gtod pa dag kyang yod do// lta log le'u ste nyer lnga pa'o//// rdzu 'phrul phra mo byed pa'i grub mtha' ni// 'jig rten 'di'i mig 'phrul la sogs pa// dmag dpung la brten pa dang// gzi brjid la brten nas// phyi ma'ang dmag dpung dang rdzu 'phrul gyis zil gyis mnan nas// phya dang dbang phyug gi 'khor du skye bar 'dod pa yang yod do// lta log le'u nyer drug pa'o//// rtsod pa lhu ru len pa'i grub mtha' ni// rang gi bden pa khongs su bcug ste// pha rol gyi bden pa sun 'byin pa dag kyang yod do// lta log le'u nyer bdun pa'o//// log pa'i dka' thub spyod pa ni// srog rnams bcad nas dge bar 'dod// rdzun du smas nas bden par 'dod// log nor spyod pas chos par 'dod// blo rnams brkus nas drang por 'dod// bdag bstod gzhan la smod pa yi// zhun 'bu la yi byang sems spyod// lta log le'u nyer brgyad pa'o//// 'jig rten 'di la zhen pa'i grub mtha' ni// 'jig rten rgyang 'phen zhes bya ba ste// bya ba thams cad tshe 'di'i bya ba spyod// rang gi bden pa khongs su bcug nas su// gzhan rnams khyad du sod par byed// lta log le'u nyer dgu pa'o//// rang gi bya ba 'dzin pa'i grub mtha' ni// gzhan la phan pas khas blangs nas// don la rang don rtse gcig sgrub pa// la la rku phrog rlom sems 'chang// gzhan la mi dgos par rang la dgos// mu stegs log pa'i lta ba ste// le'u sum cu ru bshad//// la ba can gyi mu stegs grub mtha' ni// cha lugs dag gis don tshol te// ral pa ring po dag gis ni// mgo la la thod dag tu bcings// rgyan dang chas gos bzang po dang// sma ra ag tsom bshad pa ni// don gyi snying po yod par sgom// tshad pa'i yul du ras rkyang re// nga la nang la bde drod yod zer// mu thug gom pa'i ras gos dang// rdzas la brten pa'i ras rkyang byed pa dag kyang yod do// lta log le'u so gnyis pa'o//// phyag mtshan gtsor byed grub mtha' ni// kha T+wAM kha dang DA ru dkrol// rang gi rang gzengs bstod nas su// nga ni rtogs ldan sprul sku yin no zer// phyag mtshan can gyi 'dod gzhung ngo// lta log le'u so gsum pa'o//// bya ba bltos par smra ba ni// khyod kyi dge ba ci byas pa// nga la phan no zer zhing du// don nyid de la tshol ba yod// lta log le'u so bzhi pa'o//// rig pas pha rol sun 'byin grub mtha' ni// rang gis rig pas pha rol gyi rig pa sun phyung nas// nga'i bya ba yin no zer zhing// don de la bltos pa yang yod do// lta log gi le'u so lnga pa'o//// rgyu med chad par smra ba'i grub mtha' ni// rgyu chad de nam mkha' lta bur phyam chad do// phyam chad de rang lus yang stong ngo// zer ba dag kyang yod do// rgyu yang chad// 'bras bu yang chad pa ni// rgyu chad de sems can dngos por gzung du med// 'bras bu chad de phya dang dbang phyug med zer ba dag kyang yod do// lta log le'u so drug pa'o//// lam chad ye shes chad lta'i grub mtha' ni// yang lam chad de sun ma med// ye shes chad de sangs rgyas med pa'o// lta log le'u so bdun pa'o//// chad pa ther zug chen po'i grub mtha' ni// rgyu yang med la 'bras bu dag kyang med de stong ngo// phyam chod zer ba dag kyang yod do// lta log le'u so brgyad pa'o//// lam chad 'bras bu chad pa'i grub mtha' ni// lam la gnas skabs kyi chad pa de la 'bras bu yang gtan nas chad zer ba dag kyang yod do// lta log le'u so dgu pa'o//// log pa'i sems kyi srog bcad nas// de la don go 'byung bar 'dod// mi yi khrag gis khrus byas nas// de yis dri ma dag par 'dod// bsad pa thams cad phya dang dbang phyug gi 'khor du skye bar 'dod pa dag kyang yod do// lta log le'u bzhi bcu pa'o//// chad pa stong pa chen po grub mtha' ni// chad pa thams cad stong pa yin// cis te khyod yang chad lang yang chad pa'i phyir// stong pa can med ming dang kha dog tshad bzung thams cad dang bral lo// zer ba dag kyang yod do// lta log le'u zhe gcig pa'o//// rig byed gsang bar smra ba'i grub mtha' ni// don dam stong pa ji bzhin du// stong pa phyam chad de yod par dngos por med// chab gcig yod de// dbang po la snang du rang ba ni gang yang med do// zer ba dag kyang yod do// lta log le'u zhe gnyis pa'o//// cha mthun gol ba'i mu stegs kyi 'dod gzhung 'di ltar ro// nang pa sangs rgyas pa dang cha mthun pa las gol te// nang pa sangs rgyas pa'i grub mtha' las log pa sha stag go/ci'i phyir na// cha lugs thams cad nang pa dang mthun la// don go log tu spyod pa'o// lta log le'u zhe gsum pa'o//// mngon snang sems kyi mu stegs grub mtha' ni// thams cad mngon snang sems kyi cho 'phrul lo// zhes bya bar rtogs te// thams cad sems kyi cho 'phrul zhes bya bar ston pa dag kyang yod do// lta log le'u zhe bzhi pa'o//// 'khrul snang pa'i mu stegs grub mtha' 'di ltar 'dod// 'khrul pa'i snang ba 'di dag bden pa yin la// don dam med pa'i phyir zer bdag kyang yod do// lta log le'u zhe lnga pa'o//// zhe sdang bskyed pa'i mu stegs grub mtha' 'di ltar ro// zhe sdang drag pos 'byung po tshar gcod pas// rigs kyi bu zhe sdang la gnas par bya'o// zer ba dag kyang yod do// lta log le'u zhe drug pa'o//// cha byad sems kyi mu stegs grub mtha' 'di ltar ro// cha byad du sems 'di rang sangs rgyas yin// 'di la bcos su med zer ba dag kyang yod do// sems sangs rgyas su 'dod pa'i le'u ste zhe bdun pa'o//// 'dzin pa don med mu stegs grub mtha' 'di ltar 'dod// lha'i sku bsgom pas su// 'byung bzhi'i brten cir bsgom yang chog// lha yang 'byung bzhi las grub pa yin la// dmigs brten gang la byas kyang chog// zer ba dag kyang yod do// lta log le'u zhe brgyad pa'o//// kha tshig gol pa'i mu stegs grub mtha' ni// nga mu stegs yin pas mu stegs kyi nus pa thams cad dang ldan pa yin no// mu stegs rgod po lta smra ba dag kyang yod do/ lta log le'u zhe dgu pa'o//// rtag pa don med mu stegs ni// rtag pa 'di kho na yin pas// 'di la cir yang byar med do// bzo dang bcos ma mang na don dang 'gal ba yin// ces pa yang yod do// lta log le'u lnga bcu pa'o//// ka ni ba'i grub mtha' 'di ltar 'dod// don dam pa 'di la phyal bar 'dod pa// kun rdzob don can du 'dod pa'o// lta log le'u nga gcig pa'o/ ser sna ba'i mu stegs grub mtha' 'di ltar 'dod// snang ba 'di zad cing stongs kyis dogs pa'i sdug bsngal dang ldan pa 'o// lta ba log le'u nga gnyis pa'o//// b+ha pa ri'i grub mtha' ni// mchog khyad par gyi don ni gang yang med// thun mong gi don ci yang yod par 'dod pa'o// lta log le'u nga gsum pa'o//// ka b+hi sha'i grub mtha' ni// thun mong don ci yang med pa la// khyad par mchog gi don ci yang yod par 'dod pa'o// lta log le'u nga bzhi pa'o//// si d+ha ra'i grub mtha' ni// thun mong khyad par gnyis ka la don ci yang med par 'dod pa'o// lta log le'u nga lnga pa'o//// d+ha pis pa'i grub mtha' ni// thun mong khyad par gnyis ka la don ci yang yod par 'dod pa'o// lta log le'u nga drug pa'o//// ka b+haM pa zhes bya ba'i grub mtha' ni// don ci yang yod pa la dbugs chad pa dang don thams cad chad par 'dod pa'o// lta log le'u nga bdun pa'o//// sang g+ha pa'i grub 'tha' 'di ltar 'dod// nga dge 'dun gyi cha byad la zhugs pa rang gis chog// don ci yang byar med do// zer ba dag kyang yod do// lta log le'u nga brgyad pa'o//// sha ka ra'i grub mtha' ni/ rmams par mi rtag bden pa'o// lus rnams par mi rtag par mi rtag bden pa ni// phya 'am dbang phyug bden pa'o// lta log le'u nga dgu pa'o// mdo sha ka yi grub mtha' ni// thams cad kyi mdo phya dang dbang phyug chen po la ma 'dus pa med do// 'di gnyis la ma 'dus pa gcig kyang med do// phya dang dbang phyug chen po ri rab kyi kha la yod nges zer ba dag kyang yod do// de ltar na lta log drug cu thams cad kyi 'dod gzhung dang// grub mtha' bstan pa'i le'u ste drug cu tham pa'o// sa ma pa: gter rgya: sbas rgya: zab rgya: spyi sdoms khog dbub kyi le'u ste gsum pa'o// rgya lta log drug cu tham pa yang// bsdu na rnam pa gnyis su 'dus// rtag pa dang ni chad pa'o// chad par lta ba'i don ni 'di ltar ro// phyam chad mu med thams cad stong pa che// rgyun chad nam mkha' stong pa bzhin// chad par rang bzhin med par lta// chad pa'i don ni stong pa'o// rgyu dang 'bras bu gnyis ka chad// lan dang su ma med par chad// thams cad phyal ba nyid du 'dod// stong pa med pa'i rtag pa ni// rtag pa'i grub mtha' 'di ltar 'dod// rgyu rtag dngos po 'di ltar ro// rang gi snying gi dkyil shed du// pha yi rgyu las ma byung zhing// ma yi rkyen las ma brten par// che ste che na sran ma tsam// chung ste chung na yung 'bru tsam// yang chung skra yi rtse mo tsam// snum la 'dril la dkar la dwangs// de bzhin rgyu 'am rang bzhin te// ye nas mi 'gyur rtag par 'dod// de yang bag chags phung po 'di// mi 'bral gcig tu gnas pas na// rgyu yang rtag pa'i grub mtha' yin// 'bras bu rtag pa 'di ltar ro// phya dang dbang phyug chen po ni// brten cing mchod pa'i yon tan gyis// dang po'i lus 'di bor nas kyang// rang rang sa la skye bar byed// phya 'am dbang phyug chen po ni// byas te 'bras bu rtag par 'dod// rtag dang chad pa rnam pa gnyis// rang rang don la mi mthun pa'i// de la sogs te lta log rnams// rnam pa bzhi ru 'dus par bshad// mu stegs dang ni mur thug gnyis// rgyang 'phen pa dang phyal ba bzhi// de yang bshad pa 'di lta ste// mu stegs rtag pa ther zug go/ mur thug phyed rtag phyed chad do// phyal ba chad pa phyam chad do// rgyang 'phen 'bras bu chad pa'o// de ltar sum brgya drug cu yang// rnam pa bzhi ru 'dus pa'o// de yang rtag chad gnyis su 'dus// de yang don med phyal bar 'dus// 'jig rten theg pa'i rkang grangs so// rkang grangs gong du bshad na yang// bsdus don zur tsam bshad lags kyang// rgyas par 'dod gzhung rim par bkrol// de yang bca' ba bzhi ru bstan// de yang rtag chad gnyis su bstan// de yang stong nyid chad ltar bstan// gang zag lam sna nor dogs nas// 'jig rten lha mi'i theg par bshad// 'jig rten theg pa'i rnam grangs kyi le'u ste bzhi pa'o// sa ma ya: gter rgya: sbas rgya: gtad rgya:yang cig gzhon nu stobs ldan gyis// rdo rje 'chang la yang zhus pa// 'jig rten theg pa de ltar na// rim dgu'i theg pa bshad du gsol// de skad ces ni zhus pa'i lan// rdo rje 'chang gis bka' stsal pa// kye ho gsang ba'i bdag po nyon// gzhon nu stobs ldan khyod nyid kyis// theg pa'i sgo rnams yid la zung// nga yi don bsdus khyod la bstan par bya// nyan thos theg pa 'di lta ste// 'jug pa'i sgo ni bden pa bzhi// nyan thos spyi yi 'jug sgo yin// de yang dbye ba gnyis su 'dod// bye brag pa dang mdo sde'o// bye brag pa yi lta ba ni// phung po khams dang skye mched la// g.yag rnga ne'u gsing tshul du 'dod// rang gi blo yi bltas gyur na// rdul dang rdul phran tshul du 'dod// de bzhin rnam pa gzhig nas ni// stong pa nyid du bsgom pa'o// mdo sde pa yi lta ba ni// kha thon byas pa'i rang bzhin dang// thos pa bsam pa bsgom pa gsum// shes rab rnam gsum goms pa yi// sa bcu'i 'bras bu thob par 'dod// nyan thos phyi yi bsgom pa ni// bden pa rnam pa bzhi bsgom zhing// 'bras bu rnam bzhi 'dod pa'o// de yang bsgom lugs 'di lta ste// 'gog pa bsgom par 'dod pa la// kun 'byung spang bar 'dod pa'o// 'gog pa bsgom lugs 'di lta ste// phyi yi 'byung ba 'di dag la// mi chags gnas su zhugs nas ni// dang po zas la goms par byed// zas la goms par gyur pa dang// bsam gtan ting 'dzin sgom par byed// bsam gtan mi rtog gcig tshug bsgom// rgyal ba byams pa'i bstan pa la// 'bras bu thob par 'dod pa'o// kun 'byung spong ba 'di ltar ro// zas kyi 'du shes bral ba dang// kun 'byung rgyun thag gcod par 'dod// de yang zhe sdang gnyen por sgom// nyon mongs thams cad spongs pa'o// sal sgom pa 'di lta ste// 'dod chags gnyen por bsgom pa dang// gti mug gnyen por bsgom pa dang// de bzhin lam gyi sgom pa ni// sdug bsngal spong bar 'dod pa'o// lam gyi sgom lugs 'di lta ste// 'dod chags gnyen por 'di ltar sgom// rang gi dpral ba'i dkyil 'khor du// keng rus dkar po mthe bong tsam// dkar po 'od chags sgom pa las// de la bskyed nas mgo bo tsam// de nas lus po tsam pa sgom// de nas rang gi tho phyi tsam// de nas cer snang thams cad sgom// de ltar stong gsum dkar pos te// de lta dkar por goms gyur na// 'dod chags sdug bsngal spongs pa'o// gti mug sdug bsngal spongs ba ni// rang gi spyi bo'i gtsug tu yang// mar me gsal la dwangs pa gcig/ sgom pas shes pa gsal pa dang// sems ni stong par 'dod pa'o// des ni gti mug sdug bsngal spongs// de ltar rnam bzhi sgom pa yin// 'bras bu rnam pa bzhi thob ste// 'bras bu rnam bzhi gang yin na// 'gog pa bsgoms pa'i 'bras bu ni// rgyun du zhugs pa thob pa ste// sa dang po rab tu dga' ba nas// de yang sa bdun man chod do// kun 'byung bsgoms pa'i 'bras bu yi// lan cig phyir mi 'ongs ba thob// sa brgyad man chad thob pa'o// lam bsgoms pa yi 'bras bu ni// dgra bcom 'bras bu thob pa ste// sa bcu mthar phyin thob pa'o// sa dang lam la gnas pa'i tshe// nyan cing thos par byed pa'o// sa bdun man chad sems dpa' ni// rang rang dpon la nyan pa'o// sa brgyad man chad sems dpa' ni// sprul pa'i sku la nyan pa'o// de yang dngos por mthong med do// byin gyis brlabs kyis thos pa'o// rgyud chen dri med zla shel las// nyan thos theg pa'i grub mtha' ste le'u ste lnga pa'o//// de nas gzhon nu stobs ldan gyis// rdo rje 'chang la 'di skad zhus// kye kye bcom ldan theg chen bdag// nyan thos theg pa de ltar na// rang rgyal theg pa gsung du gsol// ces zhus so// de nas ston pas bka' stsal pa// kye ho gzhon nu stobs ldan nyon// rang rgyal mdo sde'i grub mtha' ni// 'jug sgo rten 'brel bcu gnyis so// rtogs pa'i lta ba 'di lta ste// gang zag bdag tu med pa ste// chos la bdag tu med par lta// tshul khrims gnyis brgya lnga bcu bsrungs// bsgom ni mi rtog chos nyid bsgom// phyi dang nang gi rten 'brel rnams// goms nas mtha' ru phyin pa dang// 'bras bu mthar phyin tshad du 'dod// de yang dpe mtshon 'di lta ste// dper na dur khrod mi ro bzhin// rim pa ltar du khrid pa ni// rang gi bu slob rjes 'jug rnams// dur khrod chen por khrid nas su// ro rnams bstan la 'di skad do// ro 'di dang po gang las 'byung// bar du gang ltar gnas pa yin// da ltar 'di yi dngos po ci// zer nas dpe yi mtshon pa dris// de yang byung lugs 'di lta ste// ro 'di dang po ma rig pa las byung// ma rig pa las 'du byed do// 'du byed rnam par shes pa'o// rnam par shes las ming byung zhing// ming las gzugs kyi rang bzhin byung// gzugs la skye mched rnam drug byung// skye mched drug las reg pa byung// reg pa las ni tshor ba byung// tshor ba las ni sred pa byung// sred pa dag las len pa byung// len pa las ni srid pa byung// srid pa las ni skye ba byung/skye ba las ni rgas pa byung// rgas pa las ni na ba byung// na ba las ni shi ba byung// de bzhin rten 'brel bcu gnyis bsgom// de ltar bsgoms pa'i yon tan gyis// sa bcu'i sa ni 'bras bu thob// 'jug sgo gcig la 'di ltar ro// mi sdug rnam pa brgyad sgom ste// dur khrod chen por phyin nas su// rang gi lus la 'di ltar bsgom// dang po rnam par bsngo bar bsgom// de nas thams cad dmar bar bsgom// de nas thams cad brnag par bsgom// de nas thams cad rul bar bsgom// de nas thams cad 'bu zhugs bsgom// de nas 'thor nas dngos med bsgom// de nas thams cad gcig la bsdu// de nas thams cad dkar por bsgom// de bzhin 'dod chags gnyen po ru// mi sdug rnam pa brgyad bsgom mo// nyan dang thos pa med pas te// de phyir rang rgyal grub mtha' yin// rgyud chen dri med zla shel las// rang rgyal theg pa'i grub mtha' ste// rgyud tshig le'u drug pa'o//// yang cig gzhon nu stobs ldan gyis// rdo rje 'chang la 'di skad zhus// kye kye bcom ldan rdo rje 'chang// rang rgyal theg pa de ltar na// byang chub sems dpa'i grub mtha' dang// theg pa'i 'dod gzhung ji ltar lags// zhus pa'i lan du bka' stsal pa// kye ho gzhon nu stobs ldan nyon// ngas bstan legs par yid la zung// byang chub sems dpa'i grub mtha' ni// 'jug pa'i sgo ni rnam pa gnyis// don dam dang ni kun rdzob bo// bsrung ba'i tshul khrims yan lag ni// sdom pa brgyad cu rtsa lnga bsrung// rtogs pa'i lta ba 'di lta ste// stong pa nyid kyi ye shes bsgom// don dam kun rdzob 'di lta ste// kun rdzob rnam pa gnyis su 'dus// log pa dang ni yang dag go/ log pa'i kun rdzob 'di lta ste// rtag par snang ba thams cad dang// mthun par snang bas don byed nus// brtags na ngo bo nyid kyis dben// don ni med pa ltar snang ngo// de ni log pa'i kun rdzob bo// yang dag kun rdzob 'di lta ste// dge ba bcu yi las rnams dang// dkar por gyur pa'i bsam pa dang// mos pa'i bsam pa ji snyed pa// yang dag kun rdzob chen por 'dod// sbyin pa la sogs tshul khrims dang// de bzhin ting 'dzin la sogs rnams// yang dag kun rdzob chen po'o// don dam la yang rnam pa gnyis// mtshan ma tshig gi don dam dang// yang dag sems kyi don dam mo// mtshan ma tshig gi don dam gyis// thams cad sun 'byin rtsod pa'o// de yang mtshan ma'i rig pa la// gang de nyid la de ltar snang// tshig gi stong pa chen po la// don la stong zhing ma rtogs pa'i// mtshan ma tshig gi don dam mo// yang dag sems kyi don dam ni// stong pa cad med sgom par 'dod// dper na nam mkha' stong pa las// stong pa'i don nyid de bzhin no// stong nyid phyam chad mu med do// zhes ni spyod cing lags pa'o// lam ni 'di ltar 'dod pa ste// sa lam sbyong bar 'dod pa'o// de yang drod rtse bzod pa dang// rtse mo 'jig rten chos mchog go/drod la rnam pa gsum gyis bstan// phyi dang nang dang gnyis ka'o// phyi yi drod skyes 'di lta ste// sa gnyis dri ma med pa la// dang po'i snang ba stong par skye// de ni ting 'dzin nyams len te// sa gnyis dag la skye bar 'gyur// nang gi drod ni drug pa la// stong pa rig byed dag tu rtogs// gnyis ka'i drod ni 'di lta ste// sa bdun dag la skye bar 'gyur// sa brgyad bzod pa thob pa ste// sa dgu rtse mo mthar phyin no// sa bcu ting 'dzin chos kyi mchog/ de bzhin sa bcu thob par 'dod// de ni byang chub theg pa ste// stong pa tshig med yi ge med// cang med stong par 'dod pa'o// rgyud chen dri med zla shel las// byang chub sems dpa'i theg pa ste// rgyud tshig le'u bdun pa'o//// yang cig gzhon nu stobs ldan gyis// ston pa nyid la 'di skad zhus// kye ho ston pa rdo rje 'chang// mtshan nyid byang sems grub mtha' dang// theg pa'i bye brag de ltar na// kri ya'i theg pa gsung du gsol// zhus pa'i lan du 'di ltar ro// kri ya theg pa'i grub mtha' ni// 'jug pa'i sgo ni dag pa gsum// khrus dang gtsang sbra mchod pa'o// srung ba'i dam tshig 'di ltar ro// lung gcig chu la mi 'thung zhing// ma yengs ngang la spyod pa'o// bya ba dag pa rnam gsum byed// dag pa rnam gsum gang zhe na// lha dang dkyil 'khor dag pa dang// rdzas dang yo byad dag pa dang// sngags dang ting 'dzin dag pa'o// rtogs pa'i lta ba 'di ltar ro// lha dang rnal 'byor dag pa gnyis// rje dang 'bangs kyi tshul du lta// spangs pa'i rim pa 'di lta ste// nya dang sha dang sgog pa dang// de bzhin chang la sogs pa spangs// ting nge 'dzin la zhen pa'o// rgyud chen dri med zla shel las// kri ya'i grub mtha' bstan pa dang// u pa ya yi spyod pa bstan pa ste// rgyud tshig le'u brgyad pa'o//// yang cig gzhon nu stobs ldan gyis// rdo rje 'chang la 'di skad zhus// a ho ston pa rdo rje 'chang// kri ya'i theg pa de ltar na// u pa'i theg pa gsung du gsol// zhus pa'i lan du 'di skad do// gzhon nu stobs ldan legs par zung// u pa'i theg pa 'di ltar ro// lta ba yo ga dang mthun// spyod pa kri yar spyod pa'o// de phyir gnyis ka'i rgyud ces grags// u pa gnyis ldan de la zer// rgyud chen dri med zla shes las// u pa ya yi grub mtha' dang// gnyis ldan gyi le'u dgu pa'o//// lha dang bdag nyid dpon g.yog lta// lus ngag yid gsum phyag rgya bsgom// rang bzhin mi dge bcu po spangs// 'bras bu rdo rje 'chang gi sa// u pa gnyis ldan grub mtha' 'o// sa ma yA// yang cig gzhon nu stobs ldan gyis// kye kye ston pa rdo rje 'chang// u pa'i grub mtha' de ltar na// yo ga'i grub mtha' gsung du gsol// zhus pa'i lan du bka' stsal pa// kye ma gzhon nu stobs ldan nyon// yo ga'i grub mtha' 'di ltar ro// 'jug pa'i sgo ni byang chub lnga// lha dang bdag gnyis spun grogs lta// bsrung ba'i dam tshig ma khrel rnam gsum bsrungs// spyod pa dgag sgrub med par spyod// mngon byang byang chub lnga po ni// gdan gyi sgo nas byang chub dang// sku yi sgo nas byang chub dang// phyag mtshan sgo nas byang chub dang// bskyed pa'i sgo nas byang chub dang// yig 'bru'i sgo nas byang chub ste// de ltar byang chub lnga la spyod// ma khrel gsum po 'di lta ste// yi dam lha yi ma khrel dang// slob dpon mched kyi ma khrel dang// rang gi sems kyi ma khrel gsum// dam tshig yin pas dam du bsrungs// lha dang rnal 'byor bdag nyid kyang// spun dang grogs po'i tshul du 'dod// lha yi dkyil 'khor thams cad kun// bdag dang gnyid med gcig tu bsgom// lha nyid rang la rang nyid lha// de ltar bdag dang lha yi 'phro 'dur 'dod// de ni yo ga'i grub mtha' 'o// rgyud chen dri med zla shel las// yo ga'i theg pa bshad pa dang// grub mtha'i le'u ste bcu pa'o//// yang cig gzhon nu stobs ldan gyis// ston pa nyid la yang zhus pa// kye ho ston pa rdo rje 'chang// yo ga'i grub mtha' gsung na yang// ma hA'i grub mtha' gsung du gsol// zhus pa'i lan du 'di skad do// ma yengs legs par yid la zung// ma hA'i grub mtha' 'di lta ste// de bzhin nyid kyi ting 'dzin sogs// 'jug sgo ting 'dzin rnam gsum mo// rtogs pa'i lta ba lha dang lha mor lta// bsrung ba'i tshul khrims rtsa ba gsum yin te// lus ngag yid dang gsum du 'dus// 'bras bu thabs shes gnyis su med// ting 'dzin rnam gsum 'di lta ste// de bzhin nyid kyi ting nge 'dzin// rtog med sang nge sal le'o// kun tu snang gi ting nge 'dzin// gsal la yengs pa med pa sgom// de bzhin rgyu yi ting nge 'dzin// hUM las sems dpa' gsum brtsegs sgom// bdag nyid dam tshig sems dpa' la// phun sum tshogs pa bzhi dang ldan// ting 'dzin yig 'bru'i sems dpa' la// gsal ba rnam pa gsum dang ldan// ting 'dzin sems dpa' 'di lta ste// zhi ba dang ni khro bo yin// rgyu yi ting 'dzin 'di lta ste// yaM las rlung gi dkyil 'khor bsgom// raM las me yi dkyil 'khor bsgom/ khaM las chu yi dkyil 'khor zlum// ra las ra k+ta'i rgya mtsho 'khyil// sum las gser gyis gzhi bdal// keM las rus pa'i ri rab steng// b+h+ruM las rat+na'i gzhal yas khang// paM las pad+ma 'dab stong ldan// a las zla ba'i dkyil 'khor rgyas// ma las nyi ma'i dkyil rgyas// sang ha ra na hUM zhes pas tshur la bsdus shing bstim pa'o// pha ra na phaT kyis phar la 'phros// yig 'bru 'od zer bsam mi khyab// rab tu sprul nas nga rgyal ldan// rnam pa lha dang stong gsal lo// de ni ting 'dzin gsum du 'dod// dam tshig rnam gsum 'di lta ste// lus kyi sgo nas srog gcod pa// ma byin len dang mi tshangs spyod// de ni sku yi dam tshig yin// ngag gi sgo nas brdzun dang phra ma spangs// de ni gsung gi dam tshig yin// yid kyi brnab sems gnod sems dang// log lta bsam ngan spang bar bya// de ni thugs kyi dam tshig yin// thabs dang shes rab 'du 'bral med par rtogs// de ni hA'i grub mtha' yin// rgyud chen ni dri med zla shel las// ma hA yo ga'i 'dod gzhung ste// rgyud tshig le'u bcu gnyis pa'o//// yang gcig gzhon nu stobs ldan gyis// ston pa nyid la yang zhus pa// kye kye ston pa rdo rje 'chang// mahA'i grub mtha' de ltar na// lung chen a nu'i grub mtha' gang// zhus pa'i lan du bka' stsal pa// kye ho rdo rje 'dzin pa nyon// lung chen a nu'i theg pa'i grub mtha' ni// dbyings dang ye shes rnam pa gnyis// 'du 'bral med pa'i rdo rjer 'dod// 'jug sgo cig car rims kyis gnyis// rtogs pa'i lta ba 'du 'bral med// cig car 'jug sgo gang zhe na// lha rnams ma bskyed snying po dran pas rdzogs// rim kyis 'jug pa gang zhe na// dbyings dang ye shes rim zhugs nas// rdor 'dzin sa la 'bras bu thob// bsrung ba'i dam tshig 'di ltar ro// gsang sngags don ston rtag tu bstod// ci 'byor ba yi mchod pa 'bul// slob dpon dang ni de bzhin gshegs// khyad med gcig gi ngo bor gnas// mdor bsdus dbyings dang ye shes so// lung chen a nu'i grub mtha' 'o// rgyud tshig a nu'i le'u ste bcu gsum pa'o// sa ma yA: yang cig gzhon nu stobs ldan gyis// rdo rje 'chang la yang zhus pa// a nu'i grub mtha' gsungs na yang// a ti'i grub mtha' gsung du gsol// zhus pa'i lan du 'di skad gsungs// nyon cig gzhon nu rdo rje 'dzin// rdzogs chen a ti'i grub mtha' ni// theg pa mdor bsdus bshad par bya// lta ba phyin ci ma log pa// rdzogs chen a ti yo ga la// gcig rdzogs gnyis rdzogs thams cad rdzogs// gcig byung gnyis byung thams cad byung// gcig skyes gnyis skyes thams cad skyes// gcig med gnyis med thams cad med// de bzhin rdzogs chen a ti la// byas pa'i chos ni ka nas dag/ bya dang byed pa med pa'o// rdzogs pa chen po'i don nyid la// dam tshig bsrung du med pas te// ye nas bsrung dang bral ba'o// med pa phyal ba lhun grub che// nyag gcig zang thal nyid du 'o// gsang sngags kun gyi dgongs pa che// rdzogs chen a ti yo ga ni// dper na gcan gzan seng ge bzhin// rang rig gtan la phebs pa ste// theg dman zil gyis gnon pa'o// rang byung rang la thim pa'i sku gsum don// skye med dbyings las sgom med chen po'o// bsgom bya sgom byed gnyis dang bral// 'dzin pa med pa'i rang grol ni// dper na sbrul gyi mdud pa bzhin// rang grol rang sangs chen po'o// de bzhin mtshan ma'i bsam pa rnams// rang grol rang sangs chen po'o// rdzogs chen a ti'i theg pa la// re dang dogs pa ga la yod// re dogs yod na ltung ba'i rgyu// de bzhin 'dzin med rang grol lo// dper na mtshan mar snang ba yang// rang las byung zhing rang la thim// de bzhin rdzogs chen a ti la// sgrub med sgrub dang bral ba'o// byas med byung sa med pa'o// 'gag med khyab gdal 'ub chub bo// 'gyur med klong yangs chen po'o// chos med sangs rgyas med pa'o// gnas med ye shes med pa'o// sems med yid med sangs rgyas med// de ni a ti'i grub mtha' 'o// rgyud chen dri med zla shel las// theg pa rim dgu'i 'dod gzhung dang// don rnams bsdus nas dbye ba bstan// theg pa rin chen don bsdus kyi// phyi dang khyad par bstan pa yi// rgyud tshig le'u bcu bzhi pa'o// ston pa nyid kyi bstan pa'o// sa ma yA/ gter rgya sbas rgya zab rgya/ de nas gzhon nu stobs ldan gyis// ston pa rdo rje 'chang chen la// 'di skad ces ni zhu ba phul// kye ma ston pa rdo rje 'chang// theg pa'i dbye ba bstan na yang// grub mtha' mdor bsdus bshad na yang// sems can rnams kyis mi go bas// ma grub thog ma'i gong dag tu// kun khyab ye shes gnas pa la// 'khrul med 'khrul dang gnas pa'i tshul// lam dang 'char sgo yul gang gsal// nyams len gong 'phel grol ba'i rtags// rkyen dang bar chad su dang 'phrad// ston pa nyid kyis legs par gsungs// de skad ces ni zhus pa'i lan// ston pa nyid kyis bka' stsal pa// nyon cig gzhon nu dpa' bo che// stobs dang ldan pa tshur nyon cig// ma grub thog ma'i gong dag tu// kun khyab ye shes 'di ltar ro// thog ma'i ka dag gsal stong khyab// ngo bo stong la rang bzhin gsal// thugs rje kun tu snang nus pas// de yang ye shes chen po nyid// thog ma'i ka dag gsal stong la// rang bzhin nyid ni 'di lta bu// sus kyang ma byas rang gsal nyid// ye nyid nas ni rang bzhin khyab// rang byung ye shes rang las byung// ma bcad pa yi yul can yin// sngar 'das phyis 'byung da lta med// las dang bag chags ma rig med// yid dang 'khor ba shes rab med// myang 'das dag kyang yod ma myong// rig pa nyid kyang yod ma yin// ye shes su yang snang ba med// kye ma rig stong nyag gcig nyon// rang byung ye shes srog med pas// dge sdig gnyis kyi mtha' las 'das// rang byung ye shes byed dang bral// dbyings rig gnyis las 'das pa'o// rang byung ye shes mi g.yo bas// snang ba'i rtog pa chod pa'o// rang byung ye shes 'du 'bral med// sku dang ye shes mngon snang nyid// rang byung ye shes snang mtha' bral// yul dang yul can kun las 'das// rang byung ye shes rtsis med pas// gzung 'dzin gnyis las 'das pa'o// rang byung ye shes phyi nang med// skyon dang yul can lan las 'das// rang byung ye shes 'khrul pa med// ka dag yin min mtha' las 'das// rang byung ye shes chos med mtha' las 'das// rang byung ye shes 'gyu byed shes rab med// rang byung ye shes chen po'i snang ba la// stong pa snang ba ma spangs rdzogs// ngo bo nyid kyi snang ba la// ngo bo nyid kyi sku shar te// chos sku thig le nyag gcig go/ngo bo nyid kyi snang ba ni// ye shes lhun grub chen por bzhugs// de yang 'di lta nyid du gnas// rgya chad med pa'i ye shes dang// lhun gyis grub pa'i ye shes dang// spros dang bral ba'i chos nyid dang// mtha' dang bral ba'i rig pa dang// dag pa chen po'i snang ba dang// phyogs lhung med pa'i lta ba dang// spang thob med pa'i 'bras bu dang// yangs pa gsal ba mi 'gyur ba// zang thal ye shes ma 'gags pa// mi 'khrul ba yi chos nyid do// phyi yi rgya yang ma ral pa// nang du 'od lnga ma 'gags pa// sku dang ye shes 'du 'bral med// ngo bo stong pa chos kyi sku// rang bzhin gsal ba lhun grub sku// dgongs pa yangs pa ye shes sku// thugs rje kun khyab sprul pa'i sku// bzhi ldan chos sku'i tshul du bzhugs// de ltar chos sku ka dag ni// nam mkha'i dkyil ltar 'pho 'gyur med// ri bo lta bur g.yo 'gul med// rgya mtsho lta bur kha gting med// gser dngul lta bur 'gyur ba med// 'di nyid chos sku ka dag yin// de yi snying po ye shes ni// ye shes zang thal nyid du gnas// ye shes zang thal bkrag mdangs gsal// rang byung ye shes 'od skur shar// dper na nyi ma'i snying po 'dra// de yang chos sku ye shes la// mdun rgyab med par zang thal le// ye shes lus can de bzhin gshegs// ye shes lus te lus kyi mchog/ye shes lus la sha khrag med// rin chen 'od 'bar sku ru bzhugs// ye shes spyan la gsal 'grib med// gsal dag zang thal chen por khyab// ye shes 'od la phyi nang med// ye gsal zang thal nyid du gnas// ye shes thugs la yangs dag med// stong gsal gdang lnga nyid du bzhugs// de yang dngos por ma grub pas// rtag pa ther zug can du min// rgya chad du yang ma yin te// rang bzhin 'od gsal tshul du bzhugs// stong gsal yin pas gnyis mtha' zad// rtag chad gnyis kyi mtha' las 'das// ngo bo nyid kyi snang ba ni// rang bzhin bkrag mdangs me re re// gsal 'tsher lhun sdug ce re re/ nor bu 'od 'bar tshul du bzhugs// gsung ni rang gsal don gyi gsung// grags stong chos kyi sku ru gnas// thugs ni rtogs med ngang la gnas// nga dang bdag tu 'dzin pa med// dbang po lnga la rag ma lus// nyon mongs pa yi yid ma skyes// bde sdug myong tshor med pa'o// yid kyi rnam par shes pa med// rig pa sgo lnga dag la yan// rnam par shes pa tshogs brgyad bral// nyon mongs ma skyes chos nyid ka nas dag// sgrib med ye shes gsum dang ldan// ngo bo ka dag ye shes dang// rang bzhin lhun grub ye shes dang// thugs rje rang snang ye shes gsum// 'bral med gcig gi ngo bor gnas// ngo bo ka dag ye shes ni// ma rig rtog pa kun dang bral// rang bzhin lhun grub ye shes ni// 'khrul ba tshig gi tha snyad bral// thugs rje rang snang ye shes ni// thams cad dbyings rig gcig tu snang// ye shes rang la rang gnas phyir// gsum gyi tshul du dbyer med do// rnam grangs kun gyi mtha' las 'das// rnam pa thams cad mkhyen pa yi// ye shes chen po gcig tu bzhugs// ye shes de yi 'phrin las ni// sku lnga dang ni ye shes lnga// 'od lnga dang ni zhing lnga 'phrin las lnga// rigs lnga yum lnga la sogs te// lnga mtshan sum cu so lnga ni// ye shes gcig gi ngo la rdzogs// chos sku'i klong nas thog med shar// longs sku'i ngos nas ma 'gags shar// sprul sku'i ngos nas sna tshogs shar// mi mdzad sna tshogs 'char ba'i sgo// mdzad pa ltar snang ngo bor rdzogs// de yang gnas lugs 'di lta ste// rig pa'i ngo bo sku lngar bzhugs// sku lnga'i snying po ye shes lnga// ye shes bkrag mdangs 'od lngar shar// bzhi yi mtshan nyid ye shes lnga// sku lnga dag ni 'di lta ste// thig le nyag gcig sku dang gcig// 'od zer mi 'gyur sku dang gnyis// rig pa kun bzang sku dang gsum// rang bzhin lhun grub sku dang bzhi// gzhon nu bum pa'i sku dang lnga// snying po ye shes rnam lnga ni// chos sku'i ngo bo stong pas na// chos kyi dbyings kyi ye shes zer// stong pa'i rang mdangs gsal bas na// me long lta bu'i ye shes zer// stong gsal gnyis su med pas na// mnyam pa nyid kyi ye shes zer// yon tan thams cad so sor shar bas na// so sor rtogs pa'i ye shes zer// de dag thams cad bzhi la grub pas na// bya ba grub pa'i ye shes zer// de yi bkrag mdangs 'od lngar shar// chos sku mi 'gyur 'od zer mthing// rig pa dri med 'od zer dkar// rig pa 'od ldan 'od zer ser// rig pa bde gsal 'od zer dmar// rig pa 'gag med 'od zer ljang// 'od zer de dag snang tshul ni// phra la dwangs shing gsal la 'tsher// rang bzhin bkrag mdangs ma nyams pas// sos ka'i smig sgyu lta bu ru// rgya mtshor gza' skar shar pa 'dra// bltas pas mi ngom mtshan dper ldan// ye shes 'od dang kha dog lnga// bco lnga gcig tu 'dus pa la// ka dag babs kyi sangs rgyas zer// de yi gnas tshul shes pa la// ye ji bzhin pa'i sangs rgyas zer// de yi mtshan nyid shes pa la// rang bzhin lhun grub sangs rgyas zer// de yis rtogs tshul shes pa la// rtogs pa mngon gyur sangs rgyas zer// ngo bo nyid kyi snang ba la// ngo bo nyid kyi skur shar bas// ye ji bzhin pa'i sangs rgyas zer// thams cad gshis la grub pas na// sangs rgyas sku lnga'i snying po can// rtag chad gnyis kyi mtha' las 'das// rang grol mtha' bzhi'i dri ma sangs// rgyu rkyen kun las 'das pa'o// lhun grub re dogs kun las grol// ka dag yin phyir kun las grol// ngar 'dzin med pas nyon mongs grol// gzung 'dzin med pas rnam shes grol// skye 'gag med pas sgo lnga grol// bcos bslad med pas rtog pa grol// dri ma med pas 'byung bzhi grol// 'od gsal stong pas sku lngar ldan// de ni gzhi yi bzhugs tshul yin// chos sku ye shes chen po ni// mtshan nyid rnam pa gsum dang ldan// ngo bo rang bzhin thugs rje gsum// chos kyi sku yi mtshan nyid yin// mi 'jigs gdangs dang gsal ba dang// bya ba thams cad rdzogs pa ni// chos kyi sku yi nges tshig yin// 'gyur med 'gag med khyab pa gsum// gsal dang mdangs dang ma 'dres gsum// chos kyi sku yi yum yin no// dpag med dmigs med 'dzin pa med// chos kyi sku yi gnas yin no// 'gag med zhen med chags pa med// chos kyi sku yi spyod pa yin// lhan ne lhang nge yengs pa med// chos kyi sku yi sgom pa yin// ltar med bltas zin lta ba rdzogs// chos kyi sku yi lta ba yin// byas med byung med byung sa med// chos kyi sku yi 'bras bu yin// sgrub med sgrub zin sgrub dang bral// chos kyi sku yi 'phrin las yin// gcig byung gnyis byung thams cad byung// chos kyi sku yi yon tan yin// 'gags med gsal dang ngo bo stong// chos kyi sku yi snang ba yin// phyi med nang med dbyibs su med// chos kyi sku yi rang lus yin// 'gro med 'ong med gnas pa med// chos kyi sku yi rang rtags yin// nyi zla pad+ma rgya mtsho bzhi// chos kyi sku yi mtshan dpe yin// chos sku ye shes de ltar gnas// longs sku'i ye shes lnga ldan ni// dbye ba bsam gyis mi khyab kyang/ kha dog med par so sor gsal// mtshan dang dpe byad 'od zer 'dra// yab yum sku yi cha lugs 'dzin// longs spyod rdzogs sku'i mtshan nyid yin// skye med 'chi med rdo rje'i sku// 'od lnga sku lnga ye shes lnga// yab lnga yum lnga tshom bu lnga// zhing khams rtogs pa lnga dang ldan// gzhi lnga lam lnga 'bras bu lnga// gnas lnga yul lnga ngo bo lnga// longs spyod rdzogs sku'i ngo bo yin// chos nyid ngang la gnas pas longs// gsal la ma 'dres khyab pas longs// ye shes lnga dang ldan pas longs// thabs shes gnyis su med pas longs// 'dzin med rang sar rol pas spyod// sal le sing nge snyam pas spyod// gnas shing sprul pa 'gyed pas spyod// sku don mthar phyin rol pas spyod// rang byung rang la byung zhing spyod// bya byed kun las 'das pas rdzogs// dmigs med don la gnas pas rdzogs// phyogs lhung 'gro 'ong med pas rdzogs// byas pa med pas rang byung rdzogs// gsal stong ye shes rdzogs pas pa// rgyan dang cha lugs 'dzin pas pa// 'dzin med rang sar dag pas sku// kun snang thugs rje 'char ba'i sku// lhun grub longs sku'i bzhugs tshul lo// thugs rje sprul sku'i bzhugs tshul ni// bya ba rdzogs dang bya ba byed// phyi nang bya ba rdzogs pas te// bya ba rdzogs pas sprul pa'i sku'i// gang la gang 'dul tshul du ni// de la der ston mthun par snang// thugs rje nyi 'od kun la khyab// 'gro ba yongs la snang nus pas// sprul pa sku yi bzhugs tshul lo// ye shes rang rtsal phyogs bcur khyab// sku gsum ngo bo gcig gi ngang// ye shes gsum gyi rang bzhin can// gzhi yi gnas lugs de ltar ro// gzhi la mang du bshad lags na// ngo bo nges tshig dbye ba mthun dpe bzhi// ngo bo thig le nyag gcig yin// nges tshig gzhi la rtsal rdzogs pas// kun gyi kun gzhi zhes kyang bya// dbye ba rnam pa gsum yin te// ye don dang po'i kun gzhi dang// sna tshogs sogs pa'i kun gzhi dang// sbyor ba don gyi kun gzhi'o// 'di ni ye don kun gzhi ste// mtshan nyid bzhugs tshul dbye ba dang// sku gsum ye shes gsum ldan du// nyag gcig rang gnas bzhugs lugs so// gzhi gnas chos sku ka dag la// rig rtsal rdzogs lugs bshad par bya// rlung dang rig pa nam mkha' gsum// bya ba grub pa'i ye shes bzhi// dbyer med gcig gi tshul du bzhugs// ye shes rlung ni g.yo 'gul med// rig pa dri med gcer bur bzhugs// nam mkha' stong la bsnan phri med// bya ba grub pa'i ye shes ni// ye shes lnga yi dwangs ma ste/ 'od ni ljang gu khra ldems ldems// rig pa'i ngo bor gnas pa'o// gzhi la g.yo 'gul med pa ste// bya grub ye shes nang la gsal// shes pa bcud du dril ba ste// rlung dang rig pa'i rtsal la spyod// rdzogs ldan chen por bzhugs pa'o// da ni gzhi yi mthun dpe bshad// stongs pa yangs pa khyab pa ste// nam mkha' lta bur gnas pa'o// dri med gsal dag zang thal le// man shel dri med lta bur gnas// ma grub thog ma'i gong dag tu// kun khyab ye shes gnas tshul dang// thogs ma'i spyi gzhi 'dug tshul ste// rgyud tshig le'u bco lnga pa'o// sa ma yA/ gter rgya/ sbas rgya/ zab rgya/ de nas gzhon nu stobs ldan gyis// rdo rje 'chang la 'di skad gsol// thog ma'i spyi gzhi bstan pa dang// kun khyab ye shes gnas lugs bshad// legs par rgyas par gsung na'ang// 'khrul med 'khrul tshul gsung du gsol// de skad ces ni bshad pa'i lan// rdo rje 'chang gis bka' stsal pa// nyon cig gzhon nu stobs dang ldan// gong ltar gzhi la 'khrul med kyang// 'khor 'das gnyis su 'khrul pa yi// gzhi yi klong nang 'gyus lugs bstan// gzhi yi ye shes rang rlung dang// gzhi yi rig pa gcer bu dang// gzhi yi nam mkha' gsal stong dang// gzhi yi bya grub ye shes bzhi// dbyer med gcig gi rang bzhin te// rgya zho chags pa lta bur gnas// 'di la g.yo 'gul 'di ltar 'byung// ye shes rlung gis rig pa bteg// rig pa'i sgo ni nam mkhas phyes// bya grub rig rtsal ma 'gags te// g.yo 'am mi g.yo bag tsam g.yo// 'gyu 'am mi 'gyu bag tsam 'gyu// gzhi la g.yo 'gul med mod kyang// rig pa'i rtsal las g.yo 'gul byung// 'gyu ba de la yid ces zer// de yang ye shes rig rtsal yin// rig rtsal ci tsam 'gyus pa de// gser sa 'og yod pa yi rlangs pa 'am// bye'u chung gi kha rlangs tsam// bya phod rkyen med 'gul ba'am// rta rnga brgya gshags cha tsam gcig/ rig pa nyid kyang yid du 'gyus// rig pa de la mthong snang ni// phra rag rtog pa mang po shar// 'od khyim kha dog lnga ldan ni// nam mkha' stong pa'i klong du shar// rig pa 'gag ste yid du 'gyus// 'od khyim de la rtag dpyad btang// rtog pa phra mo mang po skyes// 'od khyim pha gi nga yin nam// pha gi nga las byung ngam ci// nga nyid pha gi yin nam ci// gnyis 'dzin rtog pa mang po shar// ye shes nyid las ma rig 'khrul// rang snang rang gis mi rig pas// lhan cig skyes pa'i ma rig pa// gang du skyes nas chos sku'i klong du skyes// su yi su nyid ma rig na// dper na me long dkyil 'khor la// bdag po rang gis bltas pa'i tshe// rang gzugs yin par ma rig ste// 'od byad yul snang so sor bzung// 'od byed yul snang rtog dpyod rnams// dus gcig snga phyi med pa ste// lhan cig skyes pa'i ma rig dpe// de bzhin nam mkha' stong pa la// rig dang ma rig 'od snang dang// rig pa ye shes rtsal nyid rnams// snga phyi med par lhan cig skyes// lhan cig skyes pa'i ma rig pa// yul dang yul can gnyis su 'khrul// ye shes gsal ba'i yul drug la// gnyis 'dzin sems de byung ba'o// dung la ser po mthong ba dang// gser la nag por mthong ba rnams// gnyis snang rtog pa'i cha las 'khrul// ngo bo rang bzhin thugs rje gsum// dngos su yod kyang ma rig pas// rgyu rkyen 'bras bu gsum du byung// yul snang chos nyid ma rig 'khrul// mdor na 'khrul pa rtsad gcod la// rgyu yi rkyen dang dmigs pa'i rkyen// bdag po'i rkyen dang mtshungs pa'i rkyen// rkyen bzhi 'dus pa'i 'khrul ba ni// rgyu yi rkyen ni chos nyid dang// dmigs pa'i rkyen ni 'od snang nyid// bdag po'i rkyen ni rig pa nyid// de gsum dus mtshungs mtshungs pa'i rkyen// 'khrul pa de ma thag ces zer// 'khrul pa'i dus ni 'di ltar ro// rig dang ma rig gnyis 'dzin gnyis// chos nyid yul la shar dus 'khrul// ye shes kha dog 'byung ba lnga// gdod nas ye shes rtsal nyid du// 'bral ba med de ma rig 'khrul// 'od khyim kha dog rnam lnga la// rtog dpyod byas pas 'byung lngar 'khrul// gzhi dag pa me long ye shes la// rtog dpyod byas pas chu ru 'khrul// gzhi dag pa mnyam nyid ye shes la// rtog dpyod byas pas sa rdor 'khrul// gzhi dag pa sor rtog ye shes la// rtog dpyod byas pas me ru 'khrul// gzhi dag pa bya grub ye shes la// rtog dpyod btang bas rlung du 'khrul// gzhi dag pa chos dbyings ye shes la// rtog dpyod btang bas nam mkhar 'khrul// ye shes lnga yo gzhi yin te// rtog spyod byas pas yul lngar bzung// ming med ming du bos pa ltar// 'byung lnga med bzhin rim gyis chags// phyi yi 'byung lnga dag la ni// nang gi sems kyi nga dang bdag/ gnyis su bzung bas 'od lnga ni// gsal bar ma nus 'byung bzhis sgrib// ma rig pa de sems yin te// de las byung ba 'byung ba'o// sems la dran bsam byung bas na// ngo bo nyid kyi rtog pas btum// da ni bcud kyi 'khrul lugs ni// 'khrul gzhi ye shes rnam lngas byas// 'khrul rgyu ma rig gnyis kyis byas// 'khrul rkyen skad cig lnga yis byas// 'khrul pa'i 'bras bu yid kyis byas// ye shes ma rig yul la bzung// der 'dzin rlung sems 'dus pa las// 'byung ba lnga yi sbubs su chud// rlung sems yid du 'gyus pa las// shugs ldan sna tshogs rgya gram rlung// de las ye shes drod rlan 'byung// rgya mtsho chen po de nyid las// chan la phab rtsi btab pa ltar// sa yi rnam pa snyoms par chags// de la dud rlangs lag ngar tsam// de yi dwangs ma 'od skor ni// sba phu ba tsam pa gsum du byung// 'od gcig snang la rang bzhin med// de la skye mched mu bzhi chags// 'od gnyis mtho ras gnas bcu chags// de nas yid kyis rtog dpyod btang// yid kyi spyan gyi gzigs pas na// srid pa 'od kyi sgo ngar mthong// de nyid mdzes par mthong nas su// yid kyis sbyor ba byas pa las// mdzes pa'i chags sems sgo ngar 'thum// nyi ma rab snang drod byas te// nor bu dri med rlan byas so// phyi ltar shed bu shed la rog/ nang ltar 'dod chags bya sgong dang// zhe sdang sbrul gyi sgo nga zer// gsang ba ltar na thabs shes gnyis// de dus za ba'i zas med pas// 'dod pa'i yon tan lnga la spyod// sa la brten nas gzugs rnams byung// chu la brten nas sgra rnams byung// me la brten nas dri rnams byung// rlung la brten nas ro rnams byung// nam mkhar brten nas reg rnams byung// de nas rig pa'i kha lo de/ kha lo la phyir bltas pa yis// 'dod yon lnga la yul lngar song// shes pa nang du log pa yis// dug lnga dag la brten pa las// nang gi 'dzin pa'i sems su song// nyon mongs lnga dang dug lngar shar// sa la brten nas gti mug byung// chu la brten nas 'dod chags byung// me la brten nas zhe sdang byung// rlung la brten nas phrag dog byung// mkha' la brten nas nga rgyal byung// de nas dug lnga'i rtsal la ni// 'gro ba rigs drug dpag med smin// zhe sdang cha las bsad bcad byas// 'bras bu tsha grang dmyal ba myong// 'dod chags cha las ser sna phrag dog byas// 'bras bu yi dag bkres skom byung// gti mug cha las le lo blun rmongs byas// 'bras bu byol song glen lkugs byung// nga rgyal cha las nga bdag 'dzin pa byas// 'bras bu brel 'phongs lha mi byung// phrag dog cha las khong khro nga rgyal byas// 'bras bu lha ma yin du smin// 'gro ba rigs drug de dag la// snang srid lha 'dre thams cad byung// lha med pa la lha ru mchod// 'dre med pa la 'dre ru bkar// ming med rnams la ming du btags// rnam rtog 'dre ru bzung bas byung// dmyal ba rnams la gshin rje byung// yi dwags rnams la mo 'dre byung// pho 'dre thams cad zhor las byung// byol song rnams la klu gnyan byung// mi la gnod sbyin thams cad byung// lha la phya dang dbang phyug gza' skar byung// lha ma srin la gza' srin byung// 'gro ba rigs drug de dag la// tshe tshad lus tshad longs spyod dang// bde sdug skye ba rnam bzhi dang// nad rigs bzhi brgya rtsa bzhi dang// bgegs rigs stong phrag brgyad cu dang// nyon mongs brgyad khri bzhi stong byung// rgyud chen dri med zla shel las// phyi snod nang bcud 'khrul lugs kyi// rgyud tshig le'u bcu drug pa'o// yang cig gzhon nu stobs ldan gyis// ston pa nyid la 'di skad zhus// kye kye ston pa rdo rje 'chang// 'khrul med 'khrul tshul gsungs na'ang// 'byung ba dwangs snyigs dbye ba dang// gnas tshul ye shes gsung du gsol// zhus pa'i lan du bka' stsal pa// nyon cig gzhon nu stobs dang ldan// 'byung ba dwangs snyigs dbye ba dang// phyi dang nang dang gsang pa gsum// dwangs snyigs 'di ltar phye bar bya// phyi sa rdo ri brag snyigs ma yin// de yi dwangs ma nyi ma rtse shing nags tshal dang// 'bras bu rtsi thog dwangs ma yin// 'byung ba chu 'di snyigs ma yin// de yi dwangs ma chu zla yin// 'byung ba me 'di snyigs ma yin// de yi dwangs ma nyi ma yin// 'byung ba rlung 'di snyigs ma yin// de yi dwangs ma rang sgra yin// nam mkha' stong pa snyigs ma yin// dwangs ma 'ja' dang gza' skar yin// da nang gi 'byung ba dwangs snyigs dbye// sha rus spu lpags snyigs ma yin// de yi dngas ma ka ti tsa// shel dkar skud pa snying la gnas// khrag dang chu ser snyigs ma yin// de yi dwangs ma khrag thig ni// mthe bong tsam cig snying nang gnas// lus po'i drod 'di snyigs ma yin// de yi dwangs ma rang drod ni// nyi 'od tsam cig snying du gnas// 'byung 'jug dbugs 'di snyigs ma yin// dwangs ma rta rnga tsam cig snying du gnas// byang khog rtsa sbugs stong pa 'di// snyigs ma'i tshul du 'dod pa'o// dwangs ma thig le khra yi mig// stong gsal snying gi dkyil du gnas// gsang ba'i dwangs snyigs dbye ba ni// nang ye shes rnam lnga dwangs ma yin// phyi ru shar ba'i 'od snang lnga// snyigs ma ming du btags pa yin// don la sku lnga ye shes lnga// 'od lnga kha dog lnga dang ldan// dbyer med snying gi dkyil du gnas// rgyud chen dri med zla shel las// 'byung lnga dwangs snyigs dbye ba dang// gnas tshul zur tsam bshad pa ste// rgyud tshig le'u bcu bdun pa'o// sa ma yA// yang cig gzhon nu stobs ldan gyis// ston pa nyid la 'di skad zhus// kye ma ston pa bcom ldan 'das// 'byung lnga dwangs snyigs dbye ba dang// gnas tshul zur tsam bshad na yang// sems can rnams kyis mi go bas// gnas tshul chags tshul rgyas par zhu// de skad ces ni zhus pa dang// ston pa nyid kyis lan gsungs pa// nyon cig gzhon nu stobs dang ldan// lhun grub ye shes rig pa dang// rang byung lus kyi gnas lugs ni// legs par bshad kyis yid la zung// brten bzhi lus kyi cha lugs ni// rang dbang can du 'khor ba dang// rang dbang med par 'khor lugs so// rang dbang can gyi 'khor lugs ni// 'od zer mthing kha phyi la thon// ljang khu nang du log pas te// ye shes khong gsal chen por gnas// de ni chos sku lhun grub yin// dran bzhin skye ba len pas te// longs spyod rdzogs pa'i 'khor lugs so// dran bzhin 'gro don byed pas na// sprul pa'i sku yi 'khor lugs so// me tog la sogs rdzus te skyes// dag pa'i mngal du dran bzhin 'jug/ de rnams rang dbang can yin no// rang dbang med pa'i 'khor lugs ni// dge ba can ni yar la 'khor// sdig pa can ni mar la 'khor// de yang sdig can 'khor lugs ni// rlung dang rnam shes snang ba 'di// las kyi dbang gis gzugs snang shar// dbang po kun ldan phyogs med du// zas dang skom dang skyabs gnas tshol// stong gsum thams cad se gol gcig la 'khor// sdug bsngal tshor ba mang po myong// de la skye ba rnam bzhi ste// mngal skyes sgong skyes drod gsher skyes// rdzus te skyes dang rnam pa bzhi// ma yi mngal du 'di lta ste// bar do'i rnam shes 'khyam pa dang// pha ma'i 'dod sred rten 'brel 'dzom// bsod nams mthun cing las 'brel ldan// rgyu rkyen phun tshogs mngal du 'jug/ 'jug sgo dag dang ma dag gnyis// lnga 'dus mtshan ma sbyor ba la// nyon mongs lnga dang yid drug dang// ye shes lnga yi bdag nyid do// ye shes rang ngo ma shes te// der 'dzin dri mas 'byung ba 'dus// de nas lus grub rga shi'i bar// 'khor bar 'khyam zhing 'byung ba 'dus// chos nyid bar do ngo ma shes// der 'dzin dug lnga dug gsum rgyas// yul drug dag gis 'dzin pa yis// pho mo sbyor ba byed pa la// der 'dzin skyes pas ye shes rtsal// rig pa yid du 'gyu ba de// pha ma bde ba gnyis mnyam dus// der 'dzin 'dres pas mngal rgyar 'thum// de yang 'thum lugs 'di lta ste// pha yi thig le zla ba'i tshul// ma yi khu khrag nyi ma'i tshul// nyi zla ga'u kha sbyar bar// bar do'i rnam par shes pa 'di// yi ge a yi tshul du tshud// chu la chu bzhag tshul du thim// dran pa'i byung tshor thams cad 'gags// bde ba chen po'i ngang la gnas// sems yid thogs pa can du song// mi lus len pa rlung sems dang// pha ma'i sa bon bzhi po 'dres// rgyu rkyen de bzhi 'dzom pa rnams// 'byung ba bzhi yi las su song// de yang byed las 'di lta ste// zhag ni bdun phrag dang po la// srub byed rlung gi rab srub nas// nyi zla ga'u de dag ni// mer mer zho rlan lta bu ste// yungs 'bru brgya yi cha tsam chags// 'byung ba chu yi byed las so// zhag ni bdun phrag gnyis pa la// nur nur zho dang khrag 'dres tshul// 'byung ba bzhi yi yi ge dang// rang bzhin yi ge bzhi bcu ni// rta rnga bcu yi cha tsam chags// thig le yungs 'bru'i cha tsam chags// 'byung ba sa yi byed las so// zhag ni bdun phrag gsum pa la// 'byung ba me yi bskyed pas te// gor gor po ni zho ltar chags// rang bzhin yi ge rtsa yi tshul// rnam pa brgyad du snang bar 'gyur// thig le yungs 'bru'i bcu cha tsam// gor gor po ru chags pa'o// zhag ni bdun phrag bzhi pa la// 'byung ba rlung gi rab tu gtor// ltar ltar dngul chu lta bu ste// yungs 'bru phyed kyi tshad du byas// de dus rtsa rnams rags par bskyed// zhag ni bdun phrag lnga pa la// mkhrang gyur chu yi rab bsdus te// brten par yungs 'bru tsam cig byas// de dus rtsa 'dab bcu drug chags// rtsa yi rtse mor thig le ni// nya yi mig tsam gcig tu chags// de la brten nas snying kha ru// de nas lte ba sprul pa yi// 'khor lo yis ni gzhi ma chags// zhag ni bdun phrag bdun pa la// me rlung gnyis kyi smin par byas// yungs 'bru gnyis kyi cha tsam cig// khyab 'jug nya yi tshul du chags// de dus rtsa dkar rtse mo la// thig le nya mig tsam cig chags// de la brten nas snying kha ru// chos kyi 'khor lo'i gzhi ma chags// zhag ni bdun phrag bdun pa la// 'byung ba char gyis bsdus pa yis// yungs 'bru gsum gyi cha tsam bskyed// mer mer rus sbal lta bu ste// chu yis bshig cing sa yis mnan// me yis sdud cing rlung gis gtor// yang cig 'byung bzhi 'dus pa yi// nyi shu rtsa bzhi yi ge dang// lte ba dag nas bskyed pa yi// ro ma rkyang ma kun dar ma// rta rnga tsam du yar chad nas// snying khar 'khris nas mgrin pa ru// longs spyod 'khor lo'i tshul du chags// de nas rtsa gsum rtse mo la// thig le nya mig tsam pa la// brten nas spyi bo bde chen chags// de la brten nas mig gnyis chags// 'byung ba bzhi yi dwangs ma bzhi po ni// snying gi dkyil du 'gyur med bzhugs// zhag ni bdun phrag brgyad pa la// chu yi rab tu bsdus pa las// sran ma bcu cha tsam du byas// de dus snying gi dwangs ma lnga// rtsa chen lnga po phyir shar te// nang gi don snying rnam lnga chags// thig le'i dngas ma snying yang chags// snying rtsa yar song rtse chags so// de las gyes nas mgo bo chags// rtsa chen bzhi ni snying du 'dus// mcher pa'i rtsa la mchu chags so// de la bsten nas lus chags so// de nas lag pa g.yas pa chags// de nas mkhal ma g.yas g.yon chags// mkhal rtsa yar song snyan gnyis chags// de nas rkang pa g.yas pa chags// de nas mchin rtsa mchin pa chags// mchin rtsa yar song spyan gnyis chags// de nas lag pa g.yon pa chags// rlung gi dwangs ma glo ba chags// glo rtsa yar song sna gnyis chags// de nas rkang pa g.yon pa chags// de nas smad kyi nang rol chags// lus kyang sbal pa lta bu'o// zhag ni lnga bcu nga drug ste// bdun tshan brgyad du lus rnams bskyed// 'khor lo bzhi yi rtsa 'dab dang// rang bzhin yi ge spyan dang bcas// lus kyi sha rus thams cad ni// cha rnams tshang bar chags pa'o// zhag ni bdun phrag dgu pa la// 'khor lo bzhi dang rtsa chen brgyad// rnam shes rmi lam lta bu chags// 'byung ba sa yi sra bar byas// zhag ni bdun phrag bcu pa la// lus la srin bu'i grong khyer dang// phyi rol sha lpags bar rnams kun// rtsa yi drwa ba drwa phyed kyi// thams cad 'brel ba'i rnam pa chags// gong gi de dag thams cad kun// rims kyis bskyed cing rim kyis chags// gal te pha ma skyon can nam// dbang po ma tshang lus skyon zhugs// de la chags lugs 'khrul pa'o// 'khor lo bzhi la spyan gnyis gnyis// thabs shes tshul du spyan brgyad chags// zhag ni bdun phrag bcu gcig la// ma la rmi lo 'di ldangs te// mgon skyug bro dang 'ga' 'gag/ rtsa rnams drwa ba lta bur chags// gzugs kyang sbal pa lta bu ste// mtho gang dag tu rag par chags// 'byung ba chen po 'dus pa yi// rlung gis phyis shing chu yis bsdus// sa yis bzung zhing me yis smin// rtsa gsum 'khor lo bzhi la sogs// lus kyi rten 'brel tshang mar chags// zhag ni bdun tshan bcu gnyis la// lte ba sprul ba'i 'khor lo yi// rtsa mdud thams cad rdzogs par chags// zhag ni bdun phrag bcu gsum la// pha yi sa bon rus pa chags// zhag ni bdun phrag bcu bzhi la// ma yi sa bon sha rnams bskyed// zhag ni bdun phrag bco lnga la// sha rus dwangs ma rkang mar chags// zhag ni bdun phrag bcu drug la// lpags pa kris ma thams cad chags// zhag ni bdun phrag bco brgyad la// lus kyi yan lag gsal bar dod// zhag ni bdun tshan bcu dgu la// nya sum thams cad sbrul ltar 'khyil// zhag ni bdun phrag nyi shu la// rtsa rnams drwa ba'i tshul du g.yogs// zhag ni bdun tshan nyer gcig la// me khams snying ni bra bo tsam// zhag ni bdun tshan nyer gnyis la// lcags khams glo ba gangs ri chags// zhag ni bdun phrag nyer gsum la// shing khams mchin pa nags ltar chags// zhag ni bdun phrag nyer bzhi la// mcher pa sa khams spang ltar chags// zhag ni bdun phrag nyer lnga la// ku ya dar gyi yol ltar chags// zhag ni bdun phrag nyer drug la// klad pa zho phor lta bur chags// zhag ni bdun phrag nyer bdun la// rgyu ma 'dom pa gsum du chags// zhag ni bdun phrag nyer brgyad la// rgyu ma'i khug pa tshil bu dang// shin tu rags par chags pa'o// zhag ni bdun phrag nyer dgu la// pho ba rang gi snyim gang chags// zhag ni bdun phrag sum cu la// grod pa rang gi byin pa tsam// zhag ni bdun phrag so gcig la// long ka rang gi lag ngar tsam// zhag ni bdun phrag so gnyis la// lte ba sprul pa'i rtsa kha dbye// ma yi zas skom bu la phan// zas kyi dwangs ma pho bar song// lte ba sprul ba'i 'khor lo nas// srub byed rlung gis dngas snyigs phyes// dwangs ma me yi khams la ni// mkhris pa rang gi khyor gang chags// snyigs ma bad kan chu yi khams// khyor ba gang ni pho bar chags// zhag ni bdun phrag so gsum la// rlung mkhris bad kan gsum gyis ni/ khams kyi nus pa skyed par byed// brten pa sa yi khams kyis ni// lus zung thams cad gso bar byed// rlan pa chu yis lus zung bsdus// g.yo ba rlung gis lus zung sdom// dro ba me yi lus rnams smin// zhag ni bdun phrag so bzhi la/ khams kyi dwangs ma 'char ba ste// snying ni me khams yin pas na// ro yi myong ba tshor bar byed// glo ba lcags kyi khams yin pas// dwangs ma rna ba gnyis kyi ni// sgra yi don kun tshor bar byed// mchin pa shing gi khams yin pas// dwangs ma mig gnyis gzugs snang shar// mcher pa sa yi khams yin pas// dwangs ma sa yi dri rnams tshor// mkhal ma chu yi khams yin pas// dwangs ma rdo rje pad+ma yi// bde ba thams cad myong bar byed// zhag ni bdun phrag so lnga la// rtsa yi lam rnams dod par byed// zhag ni bdun phrag so drug la// rlung dang rnam shes 'phrad par byed// zhag ni bdun phrag so bdun la// bde sdug myong tshor drag po skyes// zhag ni bdun phrag so brgyad la// lus kyi stobs rnams skyed par byed// zhag ni bdun phrag so dgu la// rnam shes byung tshor phyi la 'brangs// zhag ni bdun phrag bzhi bcu la// skye ba snga phyi thams cad dran// de ltar bdun phrag bzhi bcu la// zla ba dgu dang zhag po brgyad// spyir na zla dgu ngo bcu la// mngal 'di btsog pa'i 'du shes shar// phul byed rlung gis mar la bdas// mgo mjug log nas phyi la thon// de ltar mngal gyi rgya dang bral// sngar gyi bag chags srab tu song// phyis kyi nyer len ngo ma 'phrad// shes pa sngar bas mi gsal cing// rtsa rlung kun gyi stobs ma skyes// khams kyi dwangs ma ma byed pas// nad gdon mi mthun phyogs rnams sdang// de nas khams kyi zas zos pas// dwangs mas khams kyi nus pa bskyed// snyigs mas lus kyi stobs bskyed nas// rim kyis lus rnams bskyed par 'gyur// de ltar rdzogs ldan mi lus la// rus dum sum brgya drug cu yod// sha ni spar tshad lnga brgya yod// khrag ni rang gi snyim pa drug/ rtsa ni ni khri chig stong yod// nya sul chen po drug yod do// klad pa rang gi snyim pa gang// rgyu ma rang 'dom gsum yod do// dbu skra brgyad khri bzhi stong yod// ba spu bye ba gcig yod do// so ni sum cu rtsa gnyis yod// sgal tshigs nyi shu rtsa brgyad yod// rtsibs ma bcu drug la sogs te// 'dom gang gru bzhi'i lus la rdzogs// rang lus rgyal ba'i dkyil 'khor 'di// shubs nas thon te sprul pa'i sku// 'byung ba lnga las lus grub ste// thabs shes sku ni 'du 'bral med// bdun tshan rnams ni rtags tshad de// zla ba dgu ni theg pa dgu// zla ngo bcu ni sa rnams bgrod// ces so// rgyud chen dri med zla shel las// 'byung bzhi lus kyi chags tshul te// rgyud tshig le'u bco brgyad pa'o// yang cig gzhon nu stobs ldan gyis// ston pa nyid la 'di skad zhus// kye ho ston pa rdo rje 'chang// lus kyi grub tshul gsungs na yang// rtsa yi gnas lugs gsung du gsol// zhus pa'i lan du 'di skad do// kye ma gzhon nu khro gnyer can// hril gyi dril nas 'di ltar ro// ma rig gnyis snang 'dzin pa yin// ye shes rtsal kyang 'byung bzhir 'dus// 'byung bzhi las kyi gzugs su grub// lus dang mnyam por rtsa rnams grub// rtsa dang dus mnyam thig le grub// thig le grub pas sku dang ye shes grub// thams cad dbyer med lhun grub yin// de yang lus dang dus mnyam du// 'byung bzhi lus kyi rtsa rnams grub// spyir na ba spu'i grangs dang mnyam// grangs can rtsa ni stong phrag brgyad cu gnyis// de yang bsdu na 'di lta ste// lus kyi 'khor lo bzhi ru 'dus// skyed byed drug cu rtsa bzhi gnas// dran pa sum cu rtsa gnyis gnas// ro 'dus brgyad gnyis bcu drug gnas// rnam bkod sum brgya drug cu gnas// spyir ni 'khor lo bzhi po la// rtsa yi grangs ma bshad pa ni// bzhi brgya bdun cu rtsa gnyis ldan// de ni bsdus te grangs can no// 'khor lo bzhi po de yi dbus// rtsa gsum ka ba'i tshul du gnas// shel rlung gis bskyed// shel sbugs can ni me yis bskyed// ro ma lte ba'i g.yon du ni// byang sems 'bab pa'i rten byed do// rkyang ma snying rtse g.yon pa nas// mgrin pa'i rtse nas sna gnyis nus pa phyes// rtse chung gnyis nas thod pa ru// dar skud ba men rwa 'dra'i cha// rtsa ni mig gi 'bras la zug// ye shes snang ba 'char ba'i lam// kun dar ma ni dbus su gnas// rtse mo gsum du yar song nas// g.yas g.yon rna ba gnyis la zug/dbus ni tshangs pa'i gnas su zug/ rtsa yi mdud pa de dag tu// rang bzhin yi ge 'od dang bcas// rlung lnga ye shes rnam lnga dang// thig le 'od 'bar tshul du gnas// de ni rtsa yi spyi bshad yin// da ni so so'i rtsa gnas bshad// dang po skyed byed lte 'khor gyis// srid pa chags pa'i gzhi ma byas// dgongs pa'i don ni rnal du phebs// mgrin pa longs spyod 'khor lo yis// snang stong gnyis la longs spyod do// spyi bor bde chen 'khor lo yis// bde ba chen po'i rnal du 'jog/ de yang mi 'gyur 'di lta ste// lus mi 'gyur rtsa yi thems su bzhugs// ngag mi 'gyur yi ge'i thems su bzhugs// rtsa yig rnams ni lus ngag yid// de rnams lte ba dag nas bskyed// da ni skyed byed rtsa gnas bshad// de la rtsa dang yi ge'o// rtsa 'dab brgyad cu rtsa bzhi dang// rang bzhin yi ge de dang mthun// yi ge 'od kyi gong bur gnas// 'od kyi nang du rang bzhin sku// kun tu bzang po so gnyis dang// kun tu bzang mo so gnyis ni// thabs dang shes rab gnyis su med// de las thams cad skyed par byed// skyed byed bya ba de la zer// sgron ma'i spyan dang 'byung bzhi'i spyan// sa dang sa yi mtshan mar gnas// khyad par lus srog smin pa'i rtsa// grangs can nyi shu rtsa brgyad yod// thig le'i spyan rtsa bcu drug yod// sgron ma'i rtsa ni bcu gnyis yod// de la yi ge re re gnas// a raa ha u nya raM naM na dza de sa kha raM yaM pho mo'i rtsa bcu drug yod// :yA ha Sh+ta Ta pham k+Sha hi dza pha su dza hUM// sgron ma me yi thig rtsa bcu gnyis ni// yi ge 'od kyi gong bur gnas// lte bar 'byung ba'i sa bon te// yi ge su ser tshul du gnas// dbu ma ro ma rkyang ma gsum// rtsa gsum ka ba'i tshul du gnas// de nas lte ba sprul pa'i rtsa// 'dab ma drug cu rtsa bzhi ni// ljon shing yal ga gyes 'drar gnas// de ni skyed byed de yi gnas lugs so// sa ya urgya hUM da ni dran byed 'khor lo bshad// lte ba dag nas so brgyad par// snying kha'i rtsa rnams yal ga'i tshul// rtsa 'dab sum cu rtsa gnyis ni// rang bzhin yi ge dag dang bcas// 'od dang thig le'i tshul du gnas// 'khor lo de yi lte ba ru// chu yi yi ge khams dkar gnas// yab yum yi ge ni dang hri// 'od kyi gong bu'i tshul du gnas// rtsa yig rnams ni 'di ltar ro// kha tsa ta ta pha ya sa taH ka g+ha b+ha dz+nya te d+ha ra tsaH/ lhag ma rnams la a gnas so// de ni kun bzang yab yum yin// sa ma ya u rgya loM//// da ni ro 'dus longs spyod kyi// rtsa dang yi ge'i gnas lugs bshad// rtsa 'dab grangs ni bcu drug la// rang bzhin yi ge re re gnas// dbus su me yig raM dang ni// yab yum yi ge re dang rtsa// 'od kyi gong bu'i tshul du gnas// rtsa yig rnams ni 'di ltar ro// ra twa li lI e a A A a A e A a A// da ni rtse mo rnam bkod kyi// rtsa dang yi ge'i gnas lugs bshad// rtsa 'dab sum brgya drug cu yod// de yang bsdu na sum cu gnyis// rang bzhin yi ge re re gnas// dbus su yi ge yaM ljang dang// yab yum yi ge ha dang ra// 'od kyi gong bu'i tshul du gnas// rtsa yig rnams ni 'di ltar ro// pha phA phi phI// mi mI ba bA bi bI nya nyA nyi nyI kha khA ga g+ha tsa tsha tshA da d+hA tha thA sa sA na mA a a// rtsa 'dab rnams ni gdugs rtsibs ltar// rtsa yi gtso bo gsum las gyes// de ltar lus kyi 'khor lo bzhir// rtsa dang yi ge'i gnas lugs rdzogs// rgyud chen dri med zla shel las// lus la brten nas rtsa 'khor bzhi// gnas tshul bstan pa'i rgyud tshig le'u bcu dgu pa'o// sa ma yAH yang cig gzhon nu stobs ldan gyis// ston pa nyid la 'di skad zhus// kye ma ston pa rdo rje 'chang// rtsa yi gnas lugs gsungs na yang// ye shes rlung gi gnas sa gsum// legs par yang dag nyid du gsungs// zhus pa'i lan du 'di skad do// ye shes rlung gis kun la khyab// rlung la rnam grangs mang na yang// las kyi rlung dang ye shes rlung// ye shes rlung ni sems dang 'dres// sems ni las kyi rlung dang 'dres// rlung sems gnyis su med pa ste// de phyir rlung gis las kun byed// rlung ni rtsa gsum nang du rgyu// sa rlung lnga stong bzhi brgya dang// me chu gnyis kyang de tsam cig/ nyi khri chig stong drug brgya 'gyu// gyen rgyu thur sel las rnams byed// snang srid thams cad rlung la brten// thams cad rlung gi byed las so// sa la rlung gis ma khyab na// 'degs pa'i rtsal shugs ga la yong// chu la rlung gis ma khyab na// 'bab pa'i rtsal shugs ga la yong// me la rlung gis ma khyab na// 'bar ba'i rtsal shugs ga la yong// rlung la rlung gis ma khyab na// 'gro ba'i rtsal shugs ga la yong// nam mkhar rlung gis ma khyab na// bkrag dang yon tan ga la 'char// spyir na 'di ltar shes par bya// rtsa dang rlung dang sems dang gsum// tha dad bshad kyang gcig tu 'dus// ye shes med na sems mi 'byung// sems 'di med na rlung mi 'byung// sems gcig byung na ye shes grub// ye shes rtsal las ma 'gag 'char// rtsa rlung thig le ye shes med na sems// thams cad dbyer med gcig tu 'dus// de ltar ma shes so sor bzung// ming med ming du song ba ltar// ye shes lnga dang 'byung ba lnga// dug lnga nyon mongs la sogs pa// gcig la mang por bzung bas 'khrul// yang dag don la nye ba med// spyir na thams cad ye shes rlung gi rtsal// dbyer med gcig tu shes pa ni// rang sems nyid las rang grol te// zag bcas nyid kyang mi snang bar// ye shes klong du sangs rgyas so// ye shes rtsal gyi lus nyid la// rlung ni spyi dang bye brag gnyis// mang du bshad kyang lnga ru 'dus// 'degs byed rlung zhes bya ba ni// 'od dmar tshul du snying la gnas// mcher pa'i rtsa nang phar song ste// lus rnams kun la khyab par chags// khyad par lhu tshigs bzhi la gnas// sha dang rus pa'i stobs rnams bskyed// bkrag dang gzi mdangs bskyed pa'i rlung// 'od zer tshul du snying du gnas// mkhal ma'i rtsa mar song nas// lus kyi mgo mjug kun la khyab// khyad par smin 'phrag bar la gnas// khrag dang chu ser bkrag mdangs bskyed// drod 'bebs me dang mnyam pa'i rlung// 'od dmar tshul du snying la gnas// mchin pa'i rtsa la phar song ste// lus kyi mgo mjug kun la khyab// khyad par pho ba'i nang du gnas// zas rnams 'ju zhing lus drod bskyed// dwangs snyigs 'byed pa'i rlung zhes pa// 'od ljang tshul du snying la gnas// glo ba'i rtsa nas phar song ste// lus rnams kun la khyab par gnas// khyad par kha gnyis bar la gnas// zas rnams dwangs snyigs gnyis su phye// dwangs mas phung khams skye mched bskyed// snyigs ma dri chen dri chur phye// snying rje med pa'i las rlung ni// 'od mthing tshul du snying nas gnas// rig pa dag dang gnyis su med// de rtsal srog pa rtsa la zhugs// lus rnams kun la khyab par gnas// khyad par srog rtsa lce la gnas// gsal stong 'chang ba'i gzhi ma'o// de ni rlung lnga ye shes lnga// dbyer med gcig tu gnas tshul bstan// da ni bye brag 'khor lo bzhir// rlung lnga'i gnas tshul bshad par bya// dang po lte ba skyed byed du// rlung gi dbyibs ni 'od ma'i gzhu// chang zung til gyi sgang bu ltar// rab tu rgyas te thig les brgyan// spyan gyi rnam pa lta bu ste// de ni srog 'dzin rlung yin no// chang zung 'og tu snying rje'i rlung// bye'u lan ma yi ltar gnas// de yi g.yas su me rlung mnyam// thig le sprin gyi rnam par las/ byi ba'i kha rlungs lta bur gnod// de yi g.yon du khyab byed rlung// chu la bu bor rdol tshul gnas ma// gzhu rgyud dkyil du dwangs snyigs rlung// lcags tshags spyan gyi rnam par gnas// 'di ni thog mar chags pa ste// srid pa chags byed lte ba yis// rlung lnga ye shes gnas tshul lo/// da ni dran pa 'dus ba ru// rlung lnga ye shes gnas tshul bsten// tsit+ta rin chen zur brgyad tshul// dbus su srog 'dzin rlung zhes pa// thig le sran sgang lta bur gnas// de yi 'og tu las kyi rlung// mtshon drug tshul du gnas pa'o// de yi rtse mor thig le sku yi tshul// kun la khyab par gnas pa'o// de yi g.yas su dngas snyigs rlung// thig le sku yi gang bar gnas// de yi g.yon du khyab byed rlung// thig le yab yum tshul du gnas// me mnyam rlung ni thig le dang// thig phran tshul du gnas pa'o// da ni ro 'dus rlung lnga bshad// rlung gzugs lce spyang lce 'drar gnas// dbus su srog 'dzin rlung zhes pa// thig le spyan mig dgu brtsegs gnas// de yi 'og tu las kyi rlung// nya yi mig ltar gnas pa la// phyogs bzhi mtshams bzhir thig le brgyad// sbra yi chun thag brgyangs pa ltar// g.yo 'gul med par gnas pa'o// g.yas su me dang mnyam pa'i rlung// thig le lnga brtsegs mu khyud lngar// dar lce phyar ba lta bur gnas// g.yon du dwangs snyigs 'byed pa'i rlung// thig le thig phran spungs par gnas// 'og tu kun tu khyab byed rlung// thig le drwa ba'i ris su gnas// rtse mo rnams bkod rlung lnga ni// 'khor lo rtsigs lnga mu khyud lnga// lte bar srog 'dzin rlung zhes pa// thig le zhal gsum phyag drug gnas// de yi 'og tu las kyi rlung// khro bo zhal gsum phyag drug pa// me rlung nang du bzhugs par gnas// phyogs mtshams brgyad du thig le brgyad// re thag 'then 'drar gnas pa'o// 'khor lo'i rtsibs ni gnyis pa la// thig le rma bya'i mdongs ltar gnas// g.yon gyi rtsibs la dwangs snyigs 'byed pa'i rlung// thig le nya yi mig ltar gnas// lhag pa'i rtsibs ni gnyis pa la// thig le za 'og gur khyim gnas// rtsibs mchan rnams su lhag pa'i rlung// smig sgyu lug rgyud tshul du gnas// lte bar sa yi rlung gnas so// dran pa chu yi rlung gnas so// ro 'dus me yi rlung gnas so// rtse mor rlung gi rlung gnas so// rgyud chen dri med zla shel las// khyad par 'khor lo bzhi yi rtsar// rlung lnga ye shes gnas lugs kyi// rgyud tshig le'u nyi shu pa'o// sa ma yAHgter rgya/ sbas rgya/ yang cig gzhon nu stobs ldan gyis// ston pa nyid la 'di skad zhus// kye ho ston pa rdo rje 'chang// rlung lnga'i gnas tshul bshad na yang// thig le'i gnas lugs gsung du gsol// zhus pa'i lan du bka' stsal pa// kye ma gzhon nu stobs ldan nyon// ye shes rtsal gyi lus grub pas// de la rtsa grub de la thig les khyab// rgyu yi thig le yi ger gnas// de la sku dang ye shes kyis// thig le dag ni gnas pa'o// de yang spyi dang bye brag go/ spyi ni 'od ltar gnas pas te// rtsa re'i nang du rlung re gnas// rlung dang ye shes thig le ni// yungs 'bru tsam gyis rtsa rnams khyab// pho la thig le dngos su 'bab// mo la snyoms 'jug khams rgyas dus// sna'u g.yas su 'bab par 'gyur// kun rdzob thig le de nyid ni// 'byung ba lnga yi dngas ma yin// yum chen lnga po dngos dang mthun// mkha' 'gro rnams kyi srog yin no// de la ye shes thig le gnas// don dam kun rdzob thig le gnyis// dbyer med gcig gi rang bzhin no// klad pa rkang mar rus pa rnams// pha yi thig le dkar po bskyed// rus pa rtsa dang chu rgyus dang// zhag dang tshil lu thams cad bskyed// sha khrag chu ser spu lpags rnams// ma yi thig le dmar pos bskyed// de nas lus rnams rdzogs pas te/ kha mig rna ba can du byon// bye brag thig le'i gnas lugs ni// khyad par 'khor lo bzhi yi rtsa mdud du// pha ma'i thig le yungs 'bru tsam// dngul chu rgya skag mdog ltar gnas// de yang kha dog lnga dang ldan// yi ge'i gzugs su gnas pa'o// de yang 'khor lo bzhi dang mthun// grangs can rtsa dang grangs med rtsa// ba spu'i bu ga thams cad du// pha ma gnyis kyi thig le khyab// thig le gnyis kyang ye shes rtsal las byung// 'byung lnga 'dus pa'i dwangs ma ni// 'das ma 'das gnyis kyi srog yin no// sku dang thig le gnyis su med// rang lus kun la khyab par gnas// thig le de dag ngo sprod ni// ma yengs 'di ltar shes par gyis// phyi rab rnams kyis nyams su long// phyi nang gsang ba yang gsang nyid// phyi ltar 'byung ba rnam lnga yin// nang ltar yum chen rnam lnga yin// gsang ba ltar na ma rig lnga// yang gsang ltar na ye shes lnga// phyi ltar 'od zer lnga yin no// nang ltar thig le lnga yin no// gsang ba ltar na yi ge lnga// yang gsang ltar na ma rig lnga// phyi ltar dbang po lnga yin la// nang ltar nyon mongs dug lnga yin// gsang ba ltar na sku lnga ste// yang gsang ltar na ye shes lnga// de ltar yin pa'i yon tan gyis// rgyu yi thig le ma spongs bsgrub// rgyu yi thig le spangs gyur na// gsang sngags dam tshig nyams nas su// bskal pa 'bum khrir na rag spyod// de phyir thig le ma nyams srungs// rgyu yi thig le nyams gyur na// mkha' 'gro khri 'bum ngu skad 'don// mi mthun rkyen dang bar chad 'byung// de phyir thig le ma nyams srungs// thig le ma nyams srungs gyur na// 'das dang ma 'das thams cad kun// dbang du 'gyur bar the tshom med// 'khor 'das kun gyi srog yin no// de phyir thig le ma nyams par// mtshan ldan ma la bde ba bskul// phab zlog 'dren dang 'grem pa dang// bcu drug phyed phyed thig le sbyangs// phung po khams dang skye mched kun// rgyal ba'i dkyil 'khor chen por sgom// dbang po'i 'dod yon thams cad kun// phyi ru mi 'bul nang du 'bul// de ltar mi shes blun po rnams// yi dam phyi nas sgom pa dang// ye shes phyi ru tshol ba dang// thig le spong dang thabs shes bral// tshogs mchod 'dod yon phyi la 'bul// lta sgom spyod gsum phyi nas tshol// sangs rgyas phyi la re ba rnams// bskal pa zhing gi rdul snyed du// bsod nams bsags kyang grol mi 'gyur// ci phyir ye shes rang gsal ni// rang la rang gsal yod pa'i phyir// rang lus rgyal ba'i dkyil 'khor du// sku dang ye shes thig le rnams// sku gsum rang la rang chas gnas// de phyir rang la rang spyod do// rgyud chen dri med zla shes las// thig le'i gnas lugs bstan pa ste// rgyud tshig le'u nyer gcig pa'o// sa ma yA/ gter rgya/ sbas rgya/ zab rgya/ ta/ taca/u0f7f yang cig gzhon nu stobs ldan gyis// ston pa nyid la yang zhus pa// kye ma ston pa rdo rje 'chang// thig le'i gnas lugs bshad na yang// byis pa rnams kyis mi go bas// ye shes gnas lugs gsung du gsol// bzhugs tshul mtshan nyid ji lta bu// zhus pa'i lan du bka' stsal pa// nyon cig gzhon nu bum pa can// lus la ye shes gnas tshul ni// dag dang ma dag rnam pa gnyis// ma dag nyon mongs gnas tshul dang// dag pa sku dang ye shes kyi// gnas pa'i tshul dang ngo sprad pa// rnam pa gnyis su ngas bshad do// dang po nyid ni 'di ltar ro// ma dag nyon mongs gnas tshul ni// rlung can glo ba'i grong khyer du// ma rig pa dang sems dang yid// rnam pa gsum du gnas pa'o// de yang ma rig pa zhes pa// dngos po'i gshis la sgrib par byed// sems kyis ye shes nyid la sgrib// yid kyis rig snang nyid la sgrib// de la nyon mongs bag chags dang// kun gzhi dang ni 'dzin pa 'byung// nyon mongs dag la rnam lnga ste// gnas lugs don go ma shes na// gti mug mun pa lta bus 'thib// de yang ma grub med bzhin du// sems ma rig pa'i cha la zhe sdang byung// rang gzhan don la sgrib pas na// nga rgyal brag ri lta bu rgyas// bde ba'i don la sgrib pas na// 'dod chags rang kha ma ru song// gzhan la 'gran pas phrag kyang dog/ de la de rten nyon mongs ni// brgyad khri dang ni bzhi stong byung// bag chags 'thug po'i sbugs su chud// bag chags nyid ni 'di lta bu// sngar zhen bag chags rmi lam 'dra// phyis 'byung bag chags sgyu ma 'dra// da lta'i bag chags gar phyin 'dra// ci phyir bag chags mtshan nyid ni// las rnams kun gyi 'tshams sbyor cing// 'go ba sla zhing 'gog pa dka'// kun gzhi la yang rnam pa gsum// ye don kun gzhi bya ba ni// rig pa'i snang ba sdud cing sogs pa dang// sbyor ba don gyi kun gzhi ni// nyon mongs sna tshogs sog par byed// sna tshogs sogs pa'i kun gzhi ni// phung khams rnams la brten byas nas// nyon mongs dug lnga'i rten gnas byed// dper na rigs ngan khye'u bzhin// 'dzin pa dang ni dbang po yi// sgo lnga'i yul la sems kyi gzung// snang yul du ma nyid du gzung// de phyir khams gsum khang pa ru// 'khor ba nyid nas 'khor bar 'khyams// gzung 'dzin thag pas dam du bsdams// the tshom dbang gi rgyu 'bras log/dung la ser por mthong ba'am// thag pa sbrul du mthong ba'am// mtho yor mi ru mthong ba 'am// rgyal bu rkang 'khyam sprang por 'khrul/ 'di rnams ma dag gnas lugs so// dag pa ye shes gnas lugs ni// chos sku ye shes chen po de// tsit+ta rin chen zur brgyad du// kun khyab ye shes ngo bo ni// sa bon yi ge'i tshul du gnas// de yang gnas lugs 'di lta ste// zas rnams kun gyi dwangs ma ni// rgya mtsho gser gyi nyi ma can// dwangs ma lnga 'dus dbus na bzhugs// bzhugs tshul ji ltar bzhugs pa ni// chos sku ye shes chen po ni// ngo bo rang bzhin thugs rjer ldan// ngo bo ye shes zang thal te// stong pa ye shes snying po can// gsal ba 'od kyi snying po can// rang byung rig pa'i snying po can// sgrib g.yog med par zang thal le// phyogs mtshams med par khyab gdal te// gsal 'grib med par dang sang de// ngos lkog med par rjen che re// stong gsal khyab pa chen por bzhugs// de yang lnga ldan chen por bzhugs// stong pa ye shes snying po can// yang dag rdzogs pa'i sangs rgyas te// thig le nyag gcig sku ru bzhugs// gsal ba 'od kyi snying po can// thog ma'i sangs rgyas 'od mi 'gyur// 'od zer snying gi sku ru bzhugs// rang byung rig pa'i snying po can// rig stong kun bzang chos skur bzhugs// bag chags sgrib pa med par zang thal le// ye shes chen po'i rang bzhin du// rang bzhin lhun grub sku ru bzhugs// chos sku'i klong du gzugs sku zhing khams rgyas// ma 'dres yongs su rdzogs pa ru// rgya mtshor gza' skar shar ba 'dra// sos ka'i smig rgyu thang bkram bzhin// sku dang ye shes 'od dang gsum// 'du 'bral med par bzhugs pa yin// gzhon nu bum pa'i sku zhes pa// de yang thog ma'i ka dag ste// thog ma'i ka dag ye shes lnga// de la dbyer med sku lnga ste// de gsal 'od lnga de yum lnga// rlung lngas bskyod pas 'byung ba lnga// 'byung lnga de yi dwangs ma lnga// de la phung po dwangs snyigs lnga// yi ge mkha' 'gro shes rab lnga// de yang gzhi gnas ye shes lnga// phyi nang gsang ba gsum du bshad// de yang gzhi lam 'bras gsum mo// dang po gzhi yi ye shes lnga// rang thog nyid du ngo sprad pas// gzhi yi rig pa gcer bu 'di// 'khor 'das gang yang ma grub ste// dri med kun khyab ma 'gags gsal// de ni me long ye shes yin// skyon gyis ma gos rang gdangs ni// 'od zer dkar po'i tshul du gsal// de lta bu yi ye shes de// ngo bo gang du ma phye zhing// grub pa med par kun la snyoms// de ni mnyam nyid ye shes yin// de yi yon tan rdzogs pas su// 'od zer ser po'i tshul du gsal// ngo bo mnyam nyid de nyid la// blo yi bye brag so sor shar// de ni sor rtogs ye shes yin// de la rang rtsal drod dang ldan// 'od zer dmar po'i tshul du gsal// gang ltar shar ba'i yon tan rnams// bya btsal med par rang la grub// bya ba grub pa'i ye shes yin// 'gag pa med pa'i rang gdangs ni// 'od zer ljang ku'i tshul du gsal// ye shes bzhi po de dag kyang// thams cad chos nyid dbyings su 'dus// thams cad chos dbyings stong pa yi// rang rtsal nyid las ma 'das te// de ni chos dbyings ye shes yin// 'gyur med 'od zer chen po ni// mthing kha nyid du gsal ba'o// da lam dang sbyar na 'di ltar ro// rig pa'i ye shes zang thal 'di// dri med long g.ya' dag ltar// gsal la dri med sing nge ba// yengs ba med pa'i sgom pa 'di// me long ye shes 'jug pa'i lam// de la che chung 'pho 'gyur med// mtho dman nye ring mtha' dbus med// brjod bya kun dang bral ba de// bla ma nyid kyis ngo sprad nas// rig pa tshad phebs srang la chur// phyogs lhung med par sgom pa ni// mnyam nyid ye shes 'jug pa'i lam// ngo bo mnyam nyid de nyid kyi// gsal cha so sor snang ba rnams// gang shar 'dzin med sgom pa 'di// sor rtogs ye shes 'jug pa'i lam// de ltar 'char tshul bsgom pa la// dka' thub chen po mi dgos te// thams cad ngang la grub pas na// bya grub ye shes 'jug pa'i lam// bsgom bya sgom byed bral ba ni// chos dbyings ye shes 'jug pa'i lam// de ni lam dang sbyar ba'o// 'bras bu ltar du bshad pa ni// de ltar 'byung lnga'i dwangs ma ste// ye shes rig pa zhes bya ba// phyi ltar 'byung ba lnga ru snang// nang ltar phung po lnga ru snang// gsang ba ltar na dngas ma lnga// yang gsang ltar na yi ge lnga// bla med ltar na ma rig lnga// de ltar du mar phye gyur kyang// rig pa ye shes nyid la rdzogs// shes rab drug tu ngo sprad na// rig pa nyid las 'khor 'das gzhi byung bas// ma phye pa yi shes rab yin// de yang rig pa nyid yin pas// sdud pa'i shes rab ces kyang bya// rig pas kun la khyab pas na// kun tu khyab pa'i shes rab yin// de nyid gsal cha ye shes gsal// rlung gis bskyed par nus pas na// skyed par byed pa'i shes rab yin// 'khor 'das gnyis ni ye shes su// rang srog gcod par yin pas na// sgrol bar byed pa'i shes rab yin// thams cad ye shes rang yin pas// rang byung ye shes rig pa'o/ khams gsum sems can thams cad la// snying po ye shes gsum brtsegs nas// gsum du dbye yang gcig tu rdzogs// rig pa rtog med chos sku yin// rig pa 'gag med longs sku yin// rig pa cir yang snang bas te// sprul pa sna tshogs sku yin no// du mar bstan kyang lus sems gcig// lus can sems kyis khyab pa'i phyir// sangs rgyas ma yin sems can med// 'khor 'das chos rnams thams cad kun// lus sems gnyis la tshang ba'o// lus ni sku gsum lus yin te// sku gsum yi ge gsum dang ldan// khyad par rin chen zur brgyad na// sku dang ye shes 'od dang gsum// sku ni mi 'gyur rang bzhin don// 'phro ba yangs pa mi g.yo ba// zhi ba'i sku ni yungs 'bru tsam// mtshan dpe'i spyan ni phul thag tsam// sna tshogs gcer grol nyid du gnas// thabs shes gnyis med yab yum tshul// yab kyi cha 'dzin sems dpa' brgyad// yum gyi cha 'dzin sems ma brgyad// sgo ba yab yum brgyad dang thu ba drug go/kun bzangs yab yum rigs lnga yab yum bcu// bzhi bcu rtsa gnyis bum sku'i tshul// lnga ldan tshom bu'i dkyil 'khor rdzogs// de rtsal klad pa dung khang du// khrag 'thung lnga bcu rtsa brgyad bzhugs// he ru yab yum bcu po la// ke'u ri brgyad dang sing ha brgyad// sgo ma bzhi dang dbang phyug nyer brgyad do// khrag 'thung lnga bcu rtsa brgyad ni// sku ni yungs 'bru tsam pa la// mkhyen spyod ma 'gags mtshan dpe'i spyan// phul thag tsam ni phyi nang med// zang thal rtog med ye shes khyab che'o// 'od ni mtshan nyid dngos po bral// 'byung lnga'i dwangs ma kha dog lnga// ma 'dres rang gsal nyid du ste// sku la ye shes 'od du byung// rig pa'i sku ni bum sku 'dra// ye shes bum nang mar me 'dra// 'od zer mar me'i 'od dang 'dra// gnas tshul 'od kyi gong bur bzhugs// de dag sku dang ye shes 'od// gsum brtsegs tshul du bzhugs tshul lo// rgyud chen dri med zla shel las// gzhi dngos po gshis kyi gnas lugs kyi// snying po rang rig ye shes 'di// 'di ltar ngo yang sprad par bya// ye shes sku lngar ngo sprad pa// de yang rig pa'i ye shes 'di// rnam pa sna tshogs snang bas na// rnam snang chen po'i sku yang yin// rig pa'i don mi 'gyur bas// mi bskyod rdo rje'i sku yang yin// rig pa dgos 'dod 'byung bas na// rin chen 'byung ldan sku yang yin// thugs rje kun tu snang bas na// snang ba mtha' yas sku yang yin// shes bya thams cad rang grub pas// don yod grub pa'i sku yang yin// rang gi rig pa ye shes 'di// rigs ni lnga ru ngo sprad na// gzhi yi rig pa gsal stong 'di// sangs rgyas kun gyi gshegs shul te// de bzhin gshegs pa'i rigs kyang yin// rig pa mi 'gyur brtan pas na// sra brtan rdo rje'i rigs kyang yin// rig pa yon tan ldan pas na// rin chen 'bar ba'i rigs kyang yin// rig pa skyon gyis ma gos pas// ma chags pad+ma'i rigs kyang yin// rig pa rtsal shugs ldan pas na// las kyi rigs kyang yin pa'o// rang rig ye shes gsal stong 'di// spros pa'i mtha' dang bral bas na// chos kyi dbyings kyi ye shes yin// rig pa'i gdangs lnga gsal ba 'di// me long lta bu'i ye shes yin// chos rnams thams cad gnyis med mnyam// mnyam pa nyid kyi ye shes yin// rang rig snang stong gnyis su gsal// so sor rtogs pa'i ye shes yin// chos rnams 'bad rtsol mtha' las 'das// bya ba grub pa'i ye shes yin// rang rig 'od lnga ro dang ngo sprad na// rang rig ye shes dri ma med// 'od zer dkar po'i tshul du shar// rig pa yon tan rdzogs pas na// 'od zer ser po'i tshul du gsal// rang gi ma btsal bzhag pas na// 'od zer dmar po'i tshul du shar// bya ba thams cad rdzogs pas na// 'od zer ljang ku'i tshul ku shar// rang rig mi 'gyur khyab pas na// 'od zer mthing kha'i tshul du shar// rang rig ye shes gsal stong 'di// yul lnga dag dang sbyar ba na// rang rig snang bzhin ma grub pa'i// gsal cha ma 'gags shar ba 'di// ye shes snang stong gzugs kyi yul// rna bar sgra rnams ma 'gags thos// thos kyang mtshan nyid grags stong ngang// sgra grags stong pa rna ba'i yul// sna yi yul du dri sna tshogs// gang ltar bro yang rang bzhin stong// drir 'dzin stong pa sna yi yul// lce yi yul du ro sna tshogs// gang ltar bro yang gzung yul stong// ro snang stong pa lce yi yul// lus la reg bya gang snang yang// 'dzin byed shes pa'i rang bzhin stong// sems la bde sdug gang shar yang// rang shar rang grol nyid du ste// shar grol dus mnyam yid kyi yul// bde sdug thams cad dran stong yul// thams cad gcer grol phyi nang yul// rang rig ye shes gsal stong ni// 'byung ba lnga dang sbyar ba na// rang sems cir yang ma grub ste// 'byung ba nam mkha' nyid dang 'dra// sems kyi gsal cha sna tshogs g.yo// rang rtsal rdzogs pas rlung dang 'dra// ye shes 'char bas me dang 'dra// yon tan skye bas chu dang 'dra// ngo bo brtan pas sa dang 'dra// rang rig ye shes zang thal 'di// rlung lnga dag dang sbyar ba na// rig pa ye shes drod dang gnyis su med// me dang mnyam pa'i rlung yang yin// rig pa 'khor 'das srog yin pas// srog 'dzin pa yi rlung yang yin// rig pas 'byung ba dwangs snyigs 'byed// dwangs snyigs 'byed pa'i rlung yang yin// rig pas 'khor 'das gnyis su phye bar byed// rig pas kun la khyab pas na// kun tu khyab byed rlung yang yin// rig pas 'khor ba'i srog bcad nas// myang 'das sa la skyel bas na// snying rje med pas skal pa yi// las rlung drag po zhes bya'o// rang gi dwangs ma lnga yang yin// rig pa gsal stong ngang gnas phyir// nam mkha'i khams ni dwangs ma yin// rig rtsal 'gyu ba dwangs sangs pas// 'byung ba rlung gi dwangs ma yin// rig pa rang bzhin bag dro bas// 'byung ba me yi dwangs ma yin// rag pa bde drod ldan pa ste// 'byung ba chu yi dwangs ma yin// rig mdangs kha dog lnga ldan te// 'byung ba sa yi dwangs ma yin// rang rig ye shes gsal stong 'di// lus dang grib ma'i tshul du ni// dag pa ye shes gnas lugs dang// ma dag 'khor ba'i gnas lugs gnyis// so sor phye ste ngo sprad dang// khyad par rin chen zur brgyad mdzod// sku dang ye shes 'du 'bral med// zhal phyag rdzogs pas bum sku'i tshul// lhun grub 'od kyi gong bu ru// rang chas nyid du bzhugs tshul dang// gnas lugs gtan la phab nas su// ngo sprod nyid du yang yang bstan// kun tu bzang po'i dgongs tshig rnams// ston pa rdo rje'i thugs la gnas// rdo rje 'dzin pas nges zhus nas// legs par gtan la phab pas te// rgyud tshig le'u nyer gnyis pa'o// sa ma yaHgter rgya/ sbas rgya/ zab rgya/ yang cig gzhon nu stobs ldan gyis// ston pa nyid la yang gsol ba// sems can kun gyi rang rgyud la// dag pa ye shes gnas lugs dang// ma dag 'khor ba'i gnas tshul dang// khyad par snying la gnas tshul rnams// legs par gong du bshad gyur kyang// sems can rnams kyis mi go bas// de ltar gnas pa'i ye shes de// lam ni gang la zhugs pa yin// zhus pa'i lan du bka' stsal pa// a ho gzhon nu stobs ldan nyon// snying la gnas pa'i ye shes de// lam ni rtsa bzhi yin lags kyang// khyad par ka ti shel sbug can// rtsa ni dar dkar skud pa 'dra// khrag dang chu ser med pa ru// snying gi rtse mor yar zug nas// sgal pa'i 'dab ma g.yas pa nas/ kha prag gnyis su yar gyes te// rtse chung g.yas g.yon gnyis na yar// rna 'dab g.yas nas klad par zug/klad rgya'i nang nas mig la 'brel// rtsa sna rgyal mo gnyis la zug/ rgyal mo'i ming ni 'di skad do// rgyang zhags chu yi sgron me zer// ye shes snying gi dkyil du gnas// dar dkar skud pa lta bu yi// rtsa yi lam la ye shes 'char// ye shes de yi rang 'od ni// me long dkyil 'khor lta bu dang// dper na nya yi mig bzhin gnas// snang bar nus pa'i 'gyu byed rlung// ro rkyang gnyis po rlung gi lam// kun d+har ma ni byang chub lam// shel sbugs can ni sgron me'i lam// 'od dang zer du 'char ba'o// de ni dag pa'i ye shes lam// yang dag pa ni ston pas gsungs// ma dag 'khor ba'i rtsa lam ni// srog gis bsdus pa'i sems can la// nyon mongs ma rig shas che ste// brten ni gzugs phung lus la brten// glo snying gnyis kyi bar shed du// rtsa srog dmar po bya ba ni// sogs sbug rtsam gyi nang nas yar// rig pa rkyang pa ma yin te// sems zhes bya ba chags sdang can// yid ces bya ba rtog pa can// gsum du 'dus pa ma rig pa// dug lnga dug gsum bcas pa rgyud// rtsa de sgal tshig g.yon pa nas// rtsel chung g.yon pa dag nas yar// dbugs zhes rlung gi rta la zhon// sgo ni kha dang sna la rgyu// de la shes pa sna tshogs 'char// nyon mongs 'khor ba'i rmang rdo byed// de ni ma dag pa yi lam// 'jug sgo yin par ngas bshad do// rgyud tshig le'u nyer gsum pa'o// sa ma ya rgya rgya rgya yang cig gzhon nu stobs lda gyis// ston pa nyid la 'di skad zhus// kye kye ston pa rdo rje 'chang// dag pa ye shes lam dang gcig/ma dag 'khor ba'i lam dang gnyis// legs par yang dag gsungs na yang// phyi rabs rnams kyis mi go bas// dag pa ye shes 'char ba yi// sgo ni gang yin legs par gsungs// ma dag sgo yang zhar 'byung zhu// de skad ces ni zhus pa dang// ston pas lan du 'di skad gsungs// kye ho rdo rje 'dzin pa nyon// ye shes 'char ba'i sgo nyid ni// lus bcud sgo la kun 'dus pa'i// tsak+Shu zhes pa'i sgo la gsal// 'khor 'das gnyis kyi snang ba ston// dar skud ba man rwa 'dra'i ba// a 'bras zhes byas dkar nag phyed// nam mkha'i mthongs su bgrad pa yin// ye shes snang ba lhug par 'char// shes pa'i rang rtsal rdzogs par ston// 'di ni mngon sum mthong bas te// sgron ma bzhi yang 'di la 'char// mig gnyis rgyang zhag chu sgron yin// gzugs sogs ngo bo nyid du sdud// don rnams rig cing go bar byed// shes rab rang byung sgron ma'o// theg pa rnams kyi the tshom gcod// yin ni nam mkha' stong pa yin// chos rnams mnyam pa nyid du ni// bsdus te rang snang 'dzin par byed// 'di ni bag chags 'brel rgyun gcod// dbyings kyi dwangs ma sdud pa dang// chos nyid mngon sum snang ba 'char// thig le stong pa'i sgron ma yi// 'khor 'das bsre ba'i 'tshams sbyor byed// 'dis ni las kun byed pas te// mig la brten nas 'ja' 'od 'char// rlung gis bkrag dang gzi mdangs bskyed// bsgyur cing ye shes snang ba ston// dag pa dbyings kyi sgron ma yi// rnal 'byor nyams kyi sa bon 'debs// 'od snang zhing khams nyid du 'char// sgron ma'i mtshan nyid mang bshad kyang// mngon sum mthong ba nyid yin no// snang ba yis ni 'char byed lam// rkyen gyis ma bsgribs sems can mig// rgyal mo'i dkyil 'khor sgo nas ni// nyi ma'i dkyil 'khor bzhin du yangs// rang gi 'od kyi zer bzhin du// rang chas bzhin du rnam par snang// chos nyid mtshan nyid ye shes lnga// kha dog ma 'dres mtshan nyid ldan// sku dang ye shes snang ba ni// rang bzhin snang ba ma 'gags shar// rig pa'i sku ni lha khang 'dra// sgron ma bzhi ni mthong khung 'dra// rang rig ye shes mar me 'dra// sgron ma bzhi yang dbyings su 'dus// gnyis kyi dbyings la 'dus pa'o// rgyang zhig gis ni gzugs rnams 'dzin// shes rab kyis ni don rnams shes// thig le dbyings dang gnyis su med// 'od snang thams cad rim bzhin 'char// de dag ye shes 'char sgo'o// ma dag nyon mongs 'char ba'i sgo// kha sna gnyis dang rna ba'o// khyad par kha sna gnyis po ni// las dang nyon mongs bag chags sdud// rnam g.yengs bag chags thams cad sdud// de ni ma dag 'khor ba'i sgo// rgyud chen dri med zla shel las// 'khor 'das 'char ba'i 'char sgo bstan// khyad par ye shes 'char ba'i sgo// yang dag bstan pa'i rgyud tshig le'u nyer bzhi pa'o// yang cig gzhon nu stobs ldan gyis// ston pa nyid la yang zhus pa// de ltar 'char ba'i ye shes de// yul ni gang du 'char ba la// zhus pa'i lan du bka' stsal pa// kye ho yang dag legs par nyon// yul rkyen bral gsum la 'char// bdag rkyen gzhan rkyen 'byung bzhi'i rkyen// khyad par nam mkha' dwangs pa la// rlung dang ser bu khu rlung med// dbyar ma ston dang dgun byung dus// 'dzin pa med pa'i bar snang la// 'od dang kha dog dbyings nyid dang// ye shes lnga yi rang snang 'char// zhe 'dod med pa'i sgron ma ni// thig le stong pa'i sgron ma shar// gnyis med gcig gi rang mdangs la// thig le sku dang ye shes nyid// 'khrul snang dag pa'i zhing khams ni// ngo bo rang bzhin gnyis med par// stong gsal 'gag pa med pa ru// rdzogs ldan chos sku'i snang ba mthong// rdzogs ldan 'od kyi mu khyud zin// yul bral sgyu ma gzugs kyi sku// rigs stong gsal ba chos longs rdzogs// 'pho 'gyur med par lhang nger shar// rang rig rang gsal ngo mtshar che// lta ba rang byung ye shes te// sgom pa dbyings rigs rang ngo zung// spyod pa sgron ma bzhi ldan spyod// 'bras bu sku gsum rang ngor rdzogs// phyi dbyings nam mkha' stong pa las// nang dbyings rig pa ye shes shar// sgron ma bzhi ni lam du 'dod// don gyi snying po gang yin pa// rkyen bral nam mkha' nyid la brtag// dbyings rig 'du 'bral med pa yi// rig pa rdo rje lu gu rgyud// dbang po'i sgo nas legs don te// chos nyid mngon sum snang ba ni// rkyen bral gsum la gsal bar 'gyur// sus kyang byas pa med pa yi// gsal dag chen po'i rang dbyings las// phyi nang med par ngo mtshar che// stong pa chen po'i 'byung gnas las// ye shes chen po'i 'od zer 'bar// kun la yod pa'i 'od po che// nyi ma'i dkyil 'khor dngas pa la// 'od zer kha dog shar ba ltar// rnam dag stong pa'i nam mkha' la// don gyi snying po ma 'dres pa// tshom bu lnga yi dkyil 'khor la// ma bskyed rdzogs pa'i tshul du gsal// 'od phung nam mkha'i mtha' dang mnyam// bag chag gzugs la rab brten nas// thig le stong pa'i ye shes ni// dag pa dbyings kyi ngang la sbyor// ye shes sgron ma rang snang 'od po che// ye shes sgron ma ldan pa kun gyi gzhi// ye shes sgron ma yul snang rnam par dag/ 'di ni yid dpyod ma yin pas// mngon sum rang thog phab pa'o// ci phyir mngon sum zhes pa ni// sgo dang yul dang rig pa gsum// 'du 'bral med par gnas pa'o// chos nyid mngon sum snang ba 'di// mthong ba tsam gyis shes pa dang// shes pa tsam gyis rtogs pa dang// rtogs pa tsam gyis grol ba dang// grol ba tsam gyis phyir mi ldog/ rig pa ye shes lu gu rgyud// ye nas gzhi la gnas mod kyang// bar du rkyen med rkyen gyis gsal// mngon sum rang thog nyid du phebs// 'di ni yang dag don nyid do// rig pa'i ngo bo lu gu rgyud// 'das dang ma 'ongs da ltar bar// sus kyang byas pa med pa ru// ye nyid nas ni rang gsal lo// rig pa rdo rje lu gu rgyud// lu gu rgyud kyi mtshan nyid ni// rnam par rtog pa kun dag nas// ma grub pa yi sangs rgyas so// mngon sum bstan pa'i skal ldan la// khams gsum 'khor ba'i ming med pas// srid gsum gdar sha chod pa'o// rang gi rdo rje lu gu rgyud// 'di la yon tan bsam mi khyab// mdo don zab mo'i ngang du bsdu// snang ba rang lugs 'char bas na// yul snang 'dzin pas ci zhig bya// rang bzhin snang ba'i ngo bo la// chos kyi sku yi mun pa sangs// chos kyi sku ni gcig yin pas// bya byed dri ma gnyis las 'das// rig pa'i snang ba rang rdzogs pas// chos kyi me long nyid du snang// gsal ba'i 'od snang sna tshogs 'byung// dri ma'i skyon dang 'di bral bas// sku gsum rang rdzogs nyid du snang// bya byed bral bas rang sar grol// chos sku dri ma mi gnas pas// 'dzin pa sad pa'i thig ler shar// thig le nyag gcig snang ba la// rtog pa'i yid ni ga la yod// dbyings kyi sgron ma rgyan bzang bas// chos nyid yul gyi snang ba la// sna tshogs snang ba bsam mi khyab// chos nyid rgyan bzang a la la// nga yi chos la tshig med pas/

CLOSE WINDOW