CLOSE WINDOW

Gpb035.009
བོད་ཡིག

rgya gar skad du/ bo d+hi tsit+ta kha sa man ta a lam ka ra san ti ma hA gu h+ya tan tra rA dza nA ma/ bod skad du/ byang chub kyi sems nam mkha' rgya mtsho rdzogs pa chen po gsang ba rgyud kyi rgyal po zhes bya ba/ dpal kun tu bzang po snying po byang chub kyi ngo bo la phyag 'tshal lo// 'di skad bdag gi thos pa'i dus gcig na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas snying po byang chub dpal kun tu bzang po ma bcos pa bde ba chen po lhun gyi grub pa'i mnga' bdag/rgyal ba'i rgyal ba dus gsum kun gyi ngo bo/ ngo bo nyid kyi rtag pa/ chos thams cad kyi ngo bo/ ma nor mi 'gyur nges par gsungs pa ste/ye 'byam rmad du 'byung ba'i gzhal yas nor bu rin po che dang 'dra ba/ dra ba phyed pa dang/ dar dang/ ba dan gyis klubs pa/ rgyan gyi byed brag mtha' thug pa med pas rnam par brgyan pa na/ stug po bkod pa'i rgyal ba grangs med pa dang/ phyogs bcu 'jig rten gyi khams gad+gA'i klung gi bye ma snyed dang mnyam pa'i rgyal ba grangs med pa dang/ byang chub sems dpa' sems dpa' chen po rdul phra mo snyed kyis brjod kyis mi lang ba dang thabs cig tu bzhugs te/thugs rje chen po'i byin gyis brlabs kyis// jo mo pu ri gzhal yas khang// 'od zer 'bar 'phreng 'khrigs ldan pa'i// byin brlabs rgyan cha bsam mi khyab// snam rten rta babs tsong tsong 'khril// rin chen 'bar ba'i 'od zer can// bum pa dbyings su 'khyil bar gnas// 'khor ni dga' rab 'jog la sogs// lhun grub dman pa ming med par// gsang ba 'di ni rab tu bshad// de nas bcom ldan 'das snying po byang chub kyi ngo bo las ma g.yos par// dgongs pa mnyam pa la snyoms par bzhugs so// de'i tshe kun tu 'joms pa zhes bya ba'i 'od kyi dra ba chen po kha dog sna tshogs pa phyung ste/phyogs bcu'i 'jig rten gyi khams gad+gA klung bye ma snyed gyis snang bar byas nas/ 'ur 'ur/ rab tu 'ur 'ur/ chem/ rab tu chem/ kun tu rab tu chem mo// gtor/ rab tu gtor/kun tu gtor bar 'gyur/ shig/ kun tu shig/ rab tu shig go/ 'gul/ rab tu 'gul/ kun tu 'gul lo// mtha' mtho ba dbus dma'/ dbus mtho na mtha' dma' bar gyur te/ thams cad rgyal ba'i sras su bskyed// ngan 'gro thams cad gtan bcom nas// theg pa chen po'i yang chen po// gsang ba'i yang gsang ba// rnam mkha' ltar khyab cing rgya che ba rgya mtsho ltar zab pa'i don gsal bar phye nas/ ma bsgrags par snang bar mdzad de/kun kyang bdag las gzhan ma yin par kun tu snang bar rtogs pa'i ngo bo byin gyis brlabs nas/ slar yang 'dus te bcom ldan 'das kyi dbu la bskor te sbyi bor thim par gyur to// de'i tshe bcom ldan 'das mi 'gyur/ mi 'pho/ mi gnas/ mi snang/ mi rlag/ snying po byang chub las ma g.yos bar bzhugs te/ gdul bya'i tshul gyis snang ba ni bsam gyis mi khyab ste/ dper na chu tha dad pa'i nang gi gzugs brnyan lta bus/rang rang la brda skad tha dad pas/ mos pa tha dad pa la chos tha dad par snang zhing/ don dang mthun par snang ste 'gyur pa med do// rgyal ba'i rgyal ba rnams kyi sku// snying po byang chub dpag tu med// nam mkha' lta bur bsam du med// gzugs med brjod bral nam mkha'i ngang// yongs la khyab pas 'dod dgur bsgyur// rgya mtsho lta bu'i byin brlabs che// 'di ni ston pa gnas 'khor dus// dbyings su gcig pas dbye ba med// dpag med nam mkha'i dkyil na dam// 'da' ba med pa'i dam tshig go/ zhes gsungs so// byang chub kyi sems nam mkha' rgya mtsho'i rgyud las/ rgyud kyi rgyu bstan pa'i le'u ste dang po'o//// de nas de'i tshe byang chub sems dpa' sems dpa' chen po nam mkha'i snying po zhes bya ba des/ bcom ldan 'das la mchod pa rnam pa du mas mchod nas 'di skad ces gsol to// bcom ldan 'das snying po byang chub kyi sems ni nam mkha' lta bu rgya mtsho lta bu lags na/ kun gyi thun mong ma yin pa zab mo gsang ba'i ngo bo/ skye ba med pa nges pa chen po/ rdzogs pa chen po nam mkha'i ngo bo/nam mkha' rgya mtsho'i rgyud chen po bshad du gsol/ bde bar gshegs pa bshad du gsol// zhes gsol pas/ bcom ldan 'das snying po byang chub kyi ngo bo des/ nam mkha' lta bu'i skur bzhengs nas 'di skad ces gsungs so// kye sems dpa' chen po/ snying po byang chub kyis ma khyab pa med pa ni ji ltar nam mkha' lta bus te/ de yang dag par bshad kyis nyon/ chos nyid bdal khyab nam mkha'i ngang// btsal sgrub med de ye nas bsgrubs// nam mkha' rgya chen nam mkha'i ngang// sangs rgyas kun dang mnyam sbyor ba'i// gcig bu bde chen rdul bral ba// snying po byang chub bya bral mchog/ mi gnas mi rtog lam dang bral// mi bsam mi spyod gang yang min// sgrub med zin chags rtsol ba med// chos sku dpag med khyab pa'i klong// nor bu rin chen yon tan mdzod// mi dmigs tshig gi yul las 'das// bsngo ba'i lam dang ye nas bral// sbubs dang ma sbubs yul 'das la// gang zhig blo zhan 'chal ba yis// btsal bas tshe chad don las gol// ji ltar snang yang byang chub mgon// sems dpa' 'od 'bar bde ba'i klong// sku tri mtshan ma'i tshigs las 'das// bsam spyod bral ba'i ye shes la// dpyad pa zhugs pas rtog pa'i bzhi// rgyal ba'ang spyad par mi mdzad cing// gtan la phebs par ga la 'gyur// lung dang rig pa gtan tshigs dang// thun mong rjes dpag lta bu yis// 'di las gzhal zhing dpag bral te// kun tu rgyu dang khu ljo ltar// mthong ba ma yin snying po'i don// kun 'dus kun shong snying po'i don// rdzogs mchog mkha' la nyi shar bzhin// ji ltar snang yang 'da' ba med// ji bzhin snying po byang chub la// rnam rtog ma btsal bral ba'i phyir// bde chen dbyings nas btsal sprugs pas// rol ba'i byin brlabs cir yang snang// don las 'da' med yongs su snang// btsal bas bde chen don dang bral// btsal bas rtogs pa'i nad kyis zin// gdod nas dag pa'i snying po la// bya bral ngang la rtsol bas gnyer// yang dag bcing ba'i mdud pa yis// rab tu dam phyir don mi mthong// mi bsam de bsam de rtog pa// rtsol ba'i chu bor rab tu bying// gza' gtad bral ba'i don chen la// mtshan rtog spyod pas ci btsal ba// btsal zhing bshad cing rtog la zhen// ji ltar spyod pas rtog pa'i klong// don gyis don btsal don mi rnyed// nam mkha' mtha' thugs med pa la// mtha' dbus gzhi rtsa gang btsal yang// rnyed par mi 'gyur dmigs dang bral// rgyal ba nyid kyis rjod par dka'// phyi dang nang kun chos kyi dbyings// rnam par dag pa'i spyod yul la// sangs rgyas sems can gnyis med la// lam gyi bcom su ga la yod// bcom med sems la bya btsal med// gnyis med gcig med mtha' dang bral// 'jug med 'byung med bya bral lam// skye 'gag med pa chos kyi dbyings// mkha' ltar yangs dog med pa'i ngang// kun 'dus kun shong bla na med// 'pho med 'gyur bral rtag pa'i mchog/ mi 'gyur mi bcos nam mkha'i ngang// 'khrul pa'i 'byung 'jug yod tan nam mkha'i mtha' dang mnyam// mnyam dang mi mnyam las 'das shing/khyab dang ma khyab nyid kyi sku// dpag tu med pa'i sku 'chang ba// yon tan rin chen gter dang ldan// ma bcos 'phel 'grib 'gro 'ong bral// tshig dang dbang po mtshon las 'das// mi 'gyur nam mkha'i rang bzhin la// rnam rtog rlung gis ga la 'gro// dug dang bdud rtsi dbyer med phyir// brtags pas phye yang ngo bos gcig/ gcig phyir mtha' dbus kun dang bral// 'di zhes mtshon par mi rung phyir// rgyal ba nyid kyis 'da' bar dka'// zhes gsungs so// byang chub kyi sems nam mkha' rgya mtsho chen po'i rgyud las/ bde ba chen po'i le'u ste gnyis pa'o//// kye sems dpa' chen po/ btsal zhing bsgrub tu med pa'i don la btsal bar mi bya ste/'di lta ste/ btsal du med de byang chub snying po'i don// sgrub tu med de snang srid ye sangs rgyas// mtshon du med de ye nas tshig las 'das// spyad du med de ye nas lhun gyis grub// rdzogs mchog bya bral bde chen yangs pa'i lam// ma bcos mi g.yo snying po byang chub sku// rdzogs chen 'gyur med g.yung drung bdal ba'i ngang// mi 'gyur mi shigs rnam dag pad+ma'i rlung// ye rlung byar med sgrub rtsol yul las 'das// mi gnas mi dmigs nam mkha' lta bu'i dngos// chos sku mi gnas 'gyur med rnam par dag/ tshig bral yul 'das mnyam nyid rig pa'i gter// yang 'jig med yang thob bla med rtse// dpa' bo g.yul ldog 'khor ba'i g.yul las rgyal// mtshan ma kun bcom bdag rtog mtha' las 'das// 'das dang ma 'das tshig gis mtshon du'ang med// ma byas ma bslad ma brtags sgros skur med// skyon med yon tan bral bas legs pa'i mchog/ mkha' ltar gnas pas gang du ma khyab med// dmigs pa'i mtha' las 'das pas stong pa'i mchog/ stong pa nyid de stong pa 'ang med// chad du med de chad kyang chad dang bral// rtag tu med de sa brtan snying po can// mtshan mas mi rnyed stong chen rig pa'i mkha'// 'khrul pa'i spyod pas sgrub bgrod chen rtsol ba// sbyin dang tshul khrims bzod dang brtson 'grus dang// bsam gtan shes rab dge ba'i rtog spyod bcu// spyod pas mi 'grub ngal tshi 'chad par 'gyur// mtshan mas mtshan 'tshol ba rtog pa'i rlung// bdud rtsi dug tu 'khrul pas byang chub don mi rnyed// gcig la tha dad 'khrul par rtog mtha' mangs// bshad pas don mi mthong ste bsgoms pas dmigs dang bral// spyad pas lam mtha' ring ste ngal ba'i rgyu// phul bas mi mnyes byin rlabs mi 'byung zhing// ri dgas smig sgyu lta bur 'khrul ba'i phyir// gang ltar btsal yang don med g.yeng ba'i rgyu// nam mkha' rtsas su btsal bas rnyed pa med// nam mkhas nam mkha' mi btsal yal bar bzhag/rnyed med mthong med don 'di yid la bzhag/ ma bcos ma bsgrubs mi gnas don 'di la// sgrub med btsal sprugs smin lam bral ba'i// mkha' khyab nyi ma 'bum brdal 'od mchog ste// ma byas ma bsgrubs lhun grub de nyid don// bdag gzhan dbyer med snang stong kun med de// rtog dpyod rnam dag gnyis med chos nyid la// nyon mongs bde chen byang chub snying po'i don// bde chen chos kyi dbyings las gzhal med phyir// log rtog byis pa'i spyod pas ci zhig bslu// ma bcos thig le rtse bzhin rno ba la// log 'khrul don med ya nga'i spyod pa yi// gnyis med bde chen sems can kun spyod pa// 'khrul pa'i lam du nor bas bstan pa yang// gong du bstan pa'i lam chen de las mi gnyis pas// mnyam par shes pas sangs rgyas kun gyi rje// spong len med pas mnyam nyid rol ba'i klong// gzung 'dzin bral bas bdag nyid gcig pu mchog/mi skye mi 'gag nam mkha'i ngo bo can// dgos dgu rang las 'byung bas yon tan mchog/ mi gnyis dbyings nas chos nyid rtsal sprugs pas// ma bkag kun la ji ltar de ltar ston// chos sku mnyam nyid ngang las rtsal sprugs pas// mtha' yas sgron ma 'dul dbang de ltar grags// ma bcos rang byung byang chub snying po las// rtog pa'i gdeng chen ma yengs rtsal sprugs pas// mkha' ltar mnyam pa'i don la rtse gcig gnas// nga dang bdag tu brtags pas mu rtegs 'khrul pa'i lam// skyil krung ngag bsdams dbang po ngan sdud pa// rtags pa'i don tshol rdo dang gser ltar min// byis pas bslus te sgro tri don spyod pa'i// bcu shod bcu zhen mtshan ma g.yeng ba'i rgyu// gang gis de la zhen phyir de 'dzin pa// phyin pa'i lam med rtogs pa'i dus med de// chos nyid chos 'tshol rnyed par ga la 'gyur// zhes gsungs so// byang chub kyi sems rgya mtsho chen po'i rgyud las/ bde ba chen por rtsal sprugs pa'i le'u ste gsum pa'o//// kye sems dpa' chen po/ ma bcos ma byas pa'i ngo bo na ming tshig brda las 'das pa ste// gang yang dmigs par mi 'gyur ba ni// 'di lta ste/ gang la mi rtog mi 'jug mnyam pa nyid// mi mnyam kun mnyam cha mnyam zhi mnyam pa// gang yang yod pa ma yin kun la yod// ma sbas ma mthong ma khyab brdal ba'i mthu// mi snang kun la rig pa'i cho 'phrul can// gang yang mi dmigs pa las dmigs pa'i snying po 'byung// dmigs pa nyid na dmigs pa med de de bzhin nyid// ma dpyad ma btsal ma bstan go ba'i phul// gang na'ang mi gnas phyogs cha med pa gnas med klong// ming tshig brda las 'das pa mtshon du'ang med// ri rgyal rtse nas stibs po'i gtibs 'og tu// mtshan ma rdul du brlag ltar theg dman pa// btsal med nam mkha'i ri bo'i gtibs 'og tu// dman pa'i shes pa rdul phran ltar du brlag/ lhun pos zil gnon kun tu gsal ba la// rtse rgyal rtogs pas dman pa zil gnon cing// thun mong 'byed kyang nam mkha' mtha' ltar gnas// 'di la bya dang mi bya cung zad med// btsal dang mi btsal bde sdug nam mkha'i ngang// mkha' dang 'ja' snang gza' skar glog lta bur// ma bcos ngang gis dag pas thabs kyi mchog/thig le skye 'gag med pa rdo rje dbyings// thams cad 'byung ba'i rten chen zad med mkha'// bdag gzhan rigs chad mnyam pa'i don dang 'gal// mtho dma' bzang ngan chos dbyings don mi mthong// sgyu ma lta bur 'dzin pa nyid kyang rtogs// rtogs pas don mi nus te bslu bar 'gyur// thig le gcig tu gnas pas spro ba med// nam mkha'i mtha' ltar khyab pas bsdu ba med// spro bsdu bskyed skyung rtogs pa'i ngo bo bas// rtogs pas rtogs pa 'byin thug pa med// lam la rim pas bgrod pas nam mkha'i mtha' tshol 'dra// sa la rim 'dod 'bras bu blang 'dod pa// bdag la med phyir btsal bas tshi chad 'gyur// sgom pa rtogs pa yin phyir sgom du'ang med// ma bsams rang bzhin bdag pas blang dor med// bzhag tu med pa'i don la blo 'jog pa// 'dir bzhag 'di ltar bzhag ces dmigs med pas// gzhag tu med pa'i don la gyi nar bzhag/ mi 'gag mi bsam mi dor mi bsam zhing// ngang gis ma bcos yongs kyis 'od gsal ba// rgyal ba kun gyi snying po byang chub yin// dgon par mi gnas phyag rgya mi bca' zhing// bzlas pa mi bya dbang po yal bar 'dug/ dus tri ma brjed yengs bral gsal ba'i phul// nyi ma'i 'od zer lus la 'char ba'i rtogs// snang med drag med rig med sku gsung thugs// ma khyab med de ye zin 'phrin las yon tan te// byas zin mthong zin grub zin rtogs pa'ang zin// thob zin bsgoms zin spyod zin grol ba'ang zin// de bzhin nyid du'ang mi bsam gang du'ang min// mi bgrang mi bsngo yid la dran pa med// byung tshor rjes su ma yin mnyam pa'i ngang// tsit+ta dpal gyi be'u dpal gyi snying po las// chos 'phrul nyi ma'i 'od zer 'bum shar ba// kun la snyoms pa'i thugs rje ya mtshan can// rtse gcig kun la brdal ba'i lhan ne ba// thogs med 'gyur ba med pa'i klong du thim// zhes gsungs so// byang chub kyi sems nam mkha' rgya mtsho chen po'i rgyud las/ chos kyi dbyings kyi ngo bo'i le'u ste bzhi pa'o//// kye sems dpa' chen po/ rtogs par byar ba med pa yin pa'i phyir/ gang la'ang bshad cing brtag par mi bya'o// de yang 'di lta ste/ kun gyi ma yin 'ga' yi spyod yul te// brtag cing dpyad par mi bya yal bar bzhag/ 'di la rigs brgyud kha dog dbyibs med phyir// gang yang mi rtog mi bsam ched bya ste/ bdag nyid grol dang ma grol snang mi snang// bdag nyid chos sku mnyam nyid brnyes pa ni// cir yang bsgyur zhing ngo bo gcig tu 'du// kun bzang lam du ngo bos ye nas gcig/ brtag par phye yang don la gnyis pa med// thog ma tha ma med de dus kyi mchog/ grol dang ma grol snang dang mi snang ba// rtog dang mi rtog ma lus tha snyad yin yin// 'di la tha snyad med// de ji bzhin nyid// nyon mongs byung tshor rtog pa mtshan ma rnams// bdag med gzhan med gnyis ka nam mkha'i ngang// ma btsal ma bsgrubs bde chen rtsol dang bral// mkha' la 'ja' sogs snang ltar dbye ba med// ji ltar mkha' la yod 'dzin med rtsod pa// de nyid shes rab 'chal phyir rtog pa med// 'di la lung rigs tshad mas ci smras kyang// phebs par mi 'gyur ngal pa don med yin// rtog dang dpyod mtha' mangs phyir don dang 'gal// gsang sngags rgya mtsho nam mkha' lta bu la// lung dang rig pas gtan tshigs rjes dpag gis// rtogs par mi nus gsang sngags rtogs par dka'// ji ltar dmus long mkha' la mthos 'jal 'dra// mkha' 'dra rgyal ba gcig pu'i spyod yul la// rtsol bas don dpog don mi rnyed de gol// 'das dang ma 'das de bzhin nyid kyis don// snga phyi bzung bas ri dwags rgyar tshud 'dra// 'bru dri bcud nas gser gyi nyi shar ba// gzhan du ma yin ga'u'i nang na gnas// dag par byas la mnyam pa'i steng du bzhag/ri bo nyi ma rtsal chen rin po che// rdo rje ka la ping ka rgya mtsho ltar// gang ltar spyad kyang mnyam nyid gdeng ldan gnas// gang ri med dpung par bzhin nam mkha' dang// chu bo me long rlung dang sgron ma dang// bdud rtsi lta bur snang phyir yon tan mchog/ rang byung ye shes 'gyur pa med pa'i dbyings// chu shel bai DUr+Ya yi mdog ltar snang// pad+ma phag ltar snang ba'i don nyid la// ma bsam ma btsal don de blo la gnas// rtsa gcig yan lag lo 'dab 'bras bu rnams// bgrang las 'das phyir bsam yas snang ba yang// kun kyang rtsa ba nyid du kun 'dus legs// 'di la nyams dang drod rtags gzung ba byed// ched du mi gzung bzhag par bya ba'ang med// mi btsal gyi nar 'dug pa nyid kyang med// sa lam bgrod rtsol 'bras bu thob pa'ang med// snang med brjod las 'das pa dam pa la// chos brtags ldan pas rig pa klungs su phebs// theg dman ku jo rnams kyi spyod yul ma yin phyir// gang la ma rag rten 'cha' ma yin mngon du med// yod de rtag tu med pa'i snying po'i don// gang yang ma yin pa nyid ci yang ma yin pa ste// gang de gdeng ldan dus gcig gsal ba mchog/ mi sbyang ye nas dag pas bsgrib tu'ang med// phyogs dang khyab med kun tu bdal khyab pas// phyogs dang ris med kun kyang nga yi dbyings// lta bas bsgrib tu med pas bdag nyid snang// ched du mig gnyer ma 'gag mi gzung zhing// yal bzhag mi gnas yul shes 'dzin dang bral// chos sku longs spyod sprul pa cig char rdzogs// sku drin che ba'i yon tan kun 'chang ba// ye nas rtsa bral thig le gcig gi ngang// mtha' bral kun kyang yid spyin nor bu'i tshul// che mchog rje btsan bla na med pa'i sa// rdo rje 'chang ba 'bar zhing 'jig pa'o// kun 'dul kun sdud kun bsgral ye sangs rgyas// don dam pa yi klung las nyams ba med// ces gsungs so// byang chub kyi sems nam mkha' rgya mtsho chen po'i rgyud las/ brtag cing spyad pa'i le'u ste lnga pa'o//// kye sems dpa' chen po/rdo rje slob dpon smad par mi bya sangs rgyas nyid// 'di ni sa gzhi bzhin te bstan pa'i zhi// dus gsum rgyal ba'ang de la bkur ba nyid// sa pa ci phyir de la bskur mi byed// gzugs sku bum pas lhag pas spyi bor blang// stong dri rin chen gter gyis yongs bkang la// gus pas 'dud cing lus kyang yongs gtong na// 'dus byas rdzas dang nor bu bzhon pa sogs// chung ma bu mo sring mo brgyan pa kun// 'phangs pa med pas rgyal po yab la 'bul// bka' nyan srog kyang 'dor la lus la'ang chags pa med// srog mi 'dod cing gus pas bsgo ba'ang nyan// bskal ba'i sangs rgyas rnams kyi yab yin pas// ma brten 'byung ba nam yang mi srid do// 'dod lnga'i mchod par rab tu bstabs pas na// rgyal ba'i ma lus mchod par 'di 'gyur ro// 'khrul bas sman sbyar dug gi nad kyis zin// mi rtog 'dod pas de la rgyab kyis phyogs// don gyis don btsal rtog pa'i chu bor bying// sems kyis sems btsal sems la gting mtha' med// chos spyod bcu zhes rtog pa'i don nyid kyis// bslad phyir long bas long ba khrid dang mtshungs// ched byas gzung 'dzin don la gang log pa// chu zla 'dzin tshul dam pa'i don ma mthong// rtag chad gnyis kar gang gis blo zhen pa// snga phyi brtags pas btsal zhing slar 'ching ste// rnam g.yeng rtog pa'i rdzong des byang chub lam mi rnyed// rdul phran 'dus byas yin dang ma yin pa// brtags pas nam mkha' sbyin te ngang gis stong// 'on kyang gdul bya'i dbang gis so sor snang// de nyid dam pa'i don la mthong ba med// rten 'brel phyi nang gcig dang tha dad dang// de bzhin nyid du sbyar bas don dang 'gal// byis pas brtags pas yang dag don mi gnas// gzhi rtsa bcad pas mtha' la thug pa med// yul sems snang ba yod med mtha' rtogs pa// nam mkha'i mtha' la rtsod pas thug pa med// gcig dang tha dad gnyis ka mtha' las 'das// blun pos ltas pas gang yang rtogs pa med// sgyu ma mig yor chu zla tshul rtogs pa// bden gnyis 'dod pas tha dad don dang 'gal// don la log pa'i kun rdzob mtha' yi lta// 'bras bu don byed mi nus sgyu ma 'dra// rigs dang 'phrin las la sogs dri 'dod pa// rigs dang grangs su chad pa'i phyogs lta can// spong len mtho dma' ting 'dzin 'du 'dzin pa// dam par mi gcig tha dad gzung 'dzin can// rnal 'byor dri mtha' che dmigs rigs rtsol ba// lha bskyed spyan drangs mchod dang dngos grub rtsol// phyag rgya sngags dbang ting 'dzin rtog pa'i rlung// ji ltar spyad pas mnyam pa'i don mi mthong// rgyu 'bras rigs 'byed gzung 'dzin mtshan ma can// lus sems dka' thub gdungs bas mnyam pa med// slob dpon tshad mar ma phyin spre'u 'dra'i lung// bstan kyang lam nor rtogs pas zin ta ro// rang sems bla ma de med mi 'byung phyir// lam gyi lam mchog 'di ni kun gyi lam// dkon mchog mi bkur spyin gtong su la bsngo// phyag dang bskor ba mi bya lha mi sgom// mchod pa mi dbul bdag nyid bdag la brtag/ mtha' 'das nam mtha'i rlung ni gzhan gyis rnyed par dka'// ma bral ma yengs ma spyad gar mi gnas// 'dzin bral ma spyad don 'di byang chub klong// ma btsal nyi ma'i 'od zer stong 'bar ba// shar med nub med de bzhin nyid kyi ngang// mi mnyam ku 'dus tshig gi la las 'das// mi gnas mi rtogs brjod pa'i lam dang bral// gleng brjod bral phyir bshad dang nyan pa'ang med// sgom med bsam med yeng med yal ba'ang med// 'dug dang 'gro 'ong de bzhin nyid kyi ngang// mtshams med lnga dang mi dge bcu spyad kyang// snying po byang chub ngang las 'gyur ba med// don 'di rtogs shing klong du gyur pa dang// klong du chud nas rab la ston byed pa// gser la nag tshur btang ba'i slob dpon de// brgya byin spyi gtsug rin chen lta bu bas// yo byed lus dang bu nor chung ma dang// dbang po lnga dang snying dang rkang lag gnyis// gzhan yang 'byor pa'i yo byad ci 'tsham pas// rin thang dpag tu med pas rin gyis slu bar 'os// zhes gsungs so// byang chub kyi sems nam mkha' rgya mtsho rgyud chen po las/ sgo dbye ba'i le'u ste drug pa'o//// kye sems dpa' chen po/ 'gyur med klong 'di brjod pa'i tshig las 'das// mtshon cing spyad med gzhal med mkha' ltar mnyam// gang la'ang mi rtag ci la'ang bsam mi bya// mi lta mi rtsol don de nyid yin pas// gzhig cing dbye ba med pas kun tu bzang// log 'gro bsam yas ma lus gcig sdud pas// gcig po ma skyes nyi ma'i snying po 'dra// bdag nyid chen po kun gyi 'byung khungs gter// tshig min ma 'dres yongs rdzogs don gsal na// mkha' la bya lam bzhin de dmigs su med// dmigs med mkha' ltar yangs ba'i cho 'phrul can// ma bsdus ma shis ba yi lto ba ru/ khams dri gsol yang gang gis mthong ba med// mun snang dbyer med bde bsdus dbyings su gcig/sems dang ye shes byang chub nyon mongs gcig/ ma 'dres phyag rgya mkha' la gza' skar bkram// dpag med nam mkha'i dkyil nas nyi shar ba// gzer brgyad 'phros pas yan lag bsam mi khyab// rol pa mtha' yas snang bas dbyings kyi ngang// gser gyi nyi ma nyid kyang dbyings su thim// chos dbyings ma skyes gzhal yas zlum po la// spros pa'i rgyan cha ji snyed rdul dang mnyam// 'jug phyir skas brgyad sgo brgyad 'bras bu brgyad// ma bsdus ma bsams mnyam nyid snying po'i sgo// btsal med nam mkha'i lus te 'bras bu'i mchog/ 'dab chags rim snang mtha' ma mkha' 'gro ltar// smin pa'i ji ltar mos pa'i rim 'jug pa// rim par 'phar zhing sa la rim bgrod pas// mthar phyin bla na med pa'i go 'phang 'grub// ka la ping ka mnga' nas sgo skyes pa// nang nas rtsal rdzogs mkha' la 'gro ba ltar// dam pas ma bcos byang chub snying po la// rtog pa nyid na mkha' la bya lam 'dra// re dogs chags sdang zin pa'i mtha' las 'das// theg mchog btsal med nam mkha'i rgyal po ni// mtha' yas khyab la mthong yang 'gag pa med// kun 'byung kun shong spong len ye nas med// mi 'gyur tshig bral brjod pa'i mtha' las 'das// mi len mi spong chags med ngang gis stong// ma byas mi 'dzin mi rtog cir mi dmigs/khongs su 'du zhing sgros skur rnam bral zhing// de phyir theg mchog 'di ni mkha' la nyi shar 'dra/ khyab dang gnas dang rgyun mi 'chad pa dang// blang gyur pa dang kun gyang shong ba dang// kun 'byung kun rten byed phyir chen po'o// gang la mi bsnyad mi sbyar mnyam par bzhag/ mi bya gang yang med pas bya ba'ang med// ma bcos mi 'gyur ye nas rnam par dag/ gdod nas ma bcos kun 'dus thig le'i don// gsang ba'i gsang ba rtog gis mi shes pa// rig pas mi gzhal gtan la dbab tu'ang med// tshig gis mi mtshon mtha' las 'das pa med// ltar med gcig med tha dad nyid du'ang med// sgom pa'ang med de dus tri kun la snyoms// mi bsam mi spyad kun la rol spyad nas// 'di ni mkha' la spong len med dang mtshungs// gsal dang rang byung spong len med pa dang// gnyis med mi rtog tshul gyi me long 'dra// kun la snang dang bdag 'dus zad pa med// yon tan kun ldan yid bzhin nor bu'i tshul// mtshon med lam la mtshon pas don mi rnyed// e e ma ya mtshan 'byung ba'i gzhi// nges med brjod med grangs med nam mkha'i gsung// kun rig kun gsal ma 'phros thig le'i ngang// ma mdzad kun la snang ba'i rol pa mchog/ don 'di blo la gnas pa'i rnal 'byor pa// phyal bar bzhag cing mnyam par rtag par bya// blo rab rgyal ba rigs 'dzin spyod yul te// dman la bstan pas ldum bu bsngas ltar skam// zhes gsungs so// byang chub kyi sems nam mkha' rgya mtsho chen po'i rgyud las/ nye bar mtshon pa'i le'u ste bdun pa'o//// kye sems dpa' chen po/ gang la'ang mi bzhag gang du'ang gnas mi bya// dgon pa dben pa spong len gang byed pa// mnyam nyid rdzogs chen don las 'gal ba'i phyir// gang la gnas kyang mtshan nyid rtog dang bral// gnas dang yo byad dus dang ting 'dzin dang// sbyor sgrol mchod pas dngos grub sgrub la sogs// ched du byas pas mnyam nyid rlung dang bral// de phyir spong len med na nang dang bral// shin tu gsang ba'i don dam bde chen ni// mtshan mas ma yin mtshan ma med pas min// yod med rtag chad mtha' dbus la sogs pa// spong len bral bas nyi ma'i dkyil ltar gsal// thabs dang shes rab ye shes sems nyid don// rig pa dbyings su phrad pas bde ba'i mchog/ ma chags mi 'dzin mi g.yo mi 'khrug cing// gsal 'grib snyoms la spong len bral ba dang// chags dang bral na gdeng las mi 'di rtags// goms brtan gsal na klung tri bstan pa yi// 'jigs dang bral bas gang la dga' drod med// drod rtags ched 'dzin sems la gnod pa'i nan// srin po mnyam pa lha mo mtshan ldan ma// mthong yang zhe sdang 'dzin dang chags bral na// bdag phyir rtogs pas de nyid sems// klubs su zhugs pas ma yengs 'dres pa'i rtags// bsam pa mi bya mi bsrun ci bder zhog/ lus kyang mi bcos ngag kyang mi bsdam ste// dbang po mi brtul kun tu lhug par gnas// 'gro dang 'dug nyal 'gre du mnyam du gnas// mi snang mi 'gyur nam mkha' lta bu'i don// sku gsung thugs kyis ma khyab med pa'i phyir// yon tan 'phrin las mdzad pa cir yang ston// drang srong dmigs pa'i yul las 'das pa med// sku gcig kun la khyab pa thig le'i sku// ma bdal yongs la gnas pas khyab pa'i gnas// tha snyad mi gnas gnas la gnas pa med// mtha' dbus ma spangs bral bas snying po mchog khyung chen mkha' la 'phur pa'i lam la gnas// ma btsal gnas su phyin pas bya bral lung// ma rnyed nyon mongs bral bas ye shes dben// skal don 'di ldan klong du su zhugs pa// gang ltar bstan kyang shi len le 'dra// dkar lam dngas gsal kun gyi sku mnga' ba// ye shes lnga ldan bcom ldan rdo rje 'chang// gdod nas ma btsal rnam rol de bzhin gshegs// bdud rtsi nyon mongs mtsho mdzad sman pa'i mchog/ bdag mchog gang gis de yi don shes pa// snying po bcud 'dus yang rtse bla na med// zla ltar bsil gsal nyi ltar snyoms mdzad pa// don rnams ma bcos dbyings las mi bskyod de// bya med byas zin bya ba'i yul las 'das// rang byung ye shes btsal med grub pa'i mchog/ yon tan brjod med skyon yon shin tu gcig/ byams dang snying rje dga' dang btang snyoms kyis// ye khyab de ltar mdzad med ye nas zin// dug gsum sku gsung thugs su dngos grub mchog/ dug lnga rnam dag ye shes lnga yi klong// chos sku ma bcos ngang la su gnas pa// de bzhin de bzhin gnas pas bde ba che// log rtog mnyam pa'i tshig las mig gnas shing// 'jig rten blun po'i lam la ma chags na// seng ge lta bur phra mo zil gyis gnon// mi 'jigs gtsang mar gnas pa'i don yin te// gang la'ang gsol ba mi 'debs rang la byung// ci la'ang mi bsam mi bsam pa yang med// gang la mi 'gog yul la'ang rten mi 'cha'// byung tshor 'dzin rtogs 'gags 'brang chags sdang dang// gsal dang mi gsal 'byung 'jug re dogs bral// 'dzin dang yal ba ched byas bying rmugs dang// gnas dang 'gug dang ma yengs don la gtod// ma yengs ma blangs ji bzhin nyid kyi ngang// de ltar mnyam pa'i blo 'ang mi 'dzin par// mkha' ltar gnas pas don la phebs pa'i mchog/ sgo drug mtshan ma 'gag med blang ba'ang med// rgya mtsho 'jings ltar mi 'khrungs ngang gis gnas// zhes gsungs so// byang chub kyi sems nam mkha' rgya mtsho chen po'i rgyud las/mi rtog par bya ba'i le'u ste brgyad pa'o//// kye sems dpa' chen po/ nga ni rgyal ba kun gyi sku// bcos med don ni chos nyid mkha'// chos nyid bdal ba kun 'dus klong// gcig tu 'dus pas lta dang bral// gnas ni nam mkha' mtha' la gnas// snang srid rgya chen sku mnga' zhing// bstan pa mtha' yas kun la bstan// 'dus ni chos kyi dbyings su 'dus// bstan du mtshan ma'i ming dang bral// dmigs su kha dog dbyibs las 'das// gzung du rdzas dang gzugs su med/ theg chen mi rtog mtha' bral dang// chos sku snying po bcud kyis thim// chos kyi dbyings la mtshan med na// su zhig mtshan ma rdzas su 'dod// nam mkha' lta bu'i chos nyid 'di// bdag la phyogs dang ris su med// snang ba 'di ni ye shes gsal// rang byung ye shes rtsal bral ba// mtha' yas lus su bdag snang bas// bdag ni rdzogs chen sku mnga' ba// mnyam nyid rol pa chen po'i klong// yi ge med pa'i rgyud kyi don// ma gsungs pa yi don du brjod// gsung du yul chen yul med pas// brir med kha dog dbyibs las 'das// rgyud chen bde mchog rmad byung ba// sku gsung thugs sogs ye shes kyang// bstan med rig pa nyid kyi mchog/ log 'khrul mnyam pa chen po'i don// nga ni brtag pa chen po ste// 'gyur ba med pa'i thig le'i don// thig le byang chub sems kyi mchog/ bskal pa grangs med sngon rol nas// nga las ma byung gcig kyang med// dkyil 'khor ma bkod lhun gyis rdzogs// mchod pa gzhan la mi dbul te// nga nyid yin phyir bya ba med// bstan pa lus la ma bshad de// gnas kyang gang la'ang bstan pa med// dus ni zag med dbyings kyis dus// 'khor ni rgyal ba'i snying po mchog/stong ba nga nyid gcig pu ste// bsdus pas bdag nyid gcig pu 'khyil// nga ni nam mkha'i rgyal po nyid// chos sku nam mkha'i ngo bo sa// gzugs sku nyi ma 'bum brdal pa// mi 'gag thabs chen rol ba'i dbyings// nga ni shes rab bla ma mchog/ sna tshogs phye yang tha dad med// don la gcig dang du ma med// gang zh-ig 'dzin pa rtog pa'i rgyun// nga ni bcud rtsi dam pa mchog/ nyon mongs zug rngu rab tu 'byin// bde chen dbyings su thim par mdzad// don la gdags pa'i tha snyad bral// nga ni nam mkha'i mtha' dang mnyam// dus dang gnas dang mdzad pa dang// phyogs dang rgya yongs ma chad pa// nam mkha'i mtha' dang mnyam pa'i don// nga ni kun tu bzang po ste// cir yang med pa cir yang rol// yon tan kun rdzogs kun tu bzang// ma lus rol pa'i 'byung gnas gter// nga ni gsal ba'i gzi brjid de// ma byas rang sar spong len med// brtag dka' spyod yul thun mong min// dper na nyi ma'i zer bzhin no// gang la'ang mi spyad mi brtag cing// don la'ang gnas par mi bya ste// bsam med ngang la ji bzhin gnas// de la'ang bsam par mi bya'o// gang yang mi spang dor du'ang med// gang zhig dang du blang du'ang med// sems dang byang chub gcig pa la// phyogs dang ris su zhig 'dzin// nyams dang rtag tu ci la rten// yod med gang yang mi gnyer te// de nyid tsam du bsam pa yin// nga la nga yis bsam med na// rig pa'i klong du zhugs pa'i mchog/ bdag nyid chen po ye shes la// 'bras bu ma btsal lhun gyis grub// 'di ni chos dbyings dag pa ste// dag dang ma dag 'khrul pa med// byar med bya bral bde chen klong// chos dbyings nam mkha' dkyil po che// thams cad bdag nyid chen po yin// zhes gsungs so// byang chub kyi sems nam mkha' rgya mtsho chen po'i rgyud las/ zhal gyis bzhes pa'i le'u ste dgu pa'o//// kye sems dpa' chen po/ byang chub sems ni mtha' kun spangs/ kha dog mthing kha bai DUr+Ya// 'gyur ba med phyir de bzhin no// 'di la 'gag par rung ba min// 'di la rgya dang tshad med de// nam mkha'i mtha' dang mnyam pa'i tshad// dus ni ye nas mnyam nyid de// dmyal ba yi dags byol song yang// sems phyir ye nas rgyal ba'i chos// 'di yang byang chub sems kyi lung// stong ba chen po dpag med sku// mkha' gsal ma bcos g.yung drung don// 'khor lo dpe byad mtshan ldan yang// byang chub sems las gzhan ma yin// e ma thig le bde ba'i don// e ma ye shes dpag med pa// e ma ye shes gnyis med byang chub sems// e ma kun gyi mtha' las 'das// e ma tshig gi yul las grol// e ma cir yang 'gyur ba'i sku// e ma brjod med mnyam pa'i gsung// e ma rtog med sa le'i thugs// ye shes thig le bde ba'i klong// 'di ni sangs rgyas thams cad kyi/ 'da' bar dka' ba'i ngo bo nyid// bde gshegs rgyal ba gang zag dang// rigs 'dzin rim par brgyud de grag/ de yang byang chub sems nyid yin// rgya mtsho chen po rang bzhin ltar// mi g.yo mi skye dbyings nas rol// ji ltar snang yang bdag la 'dus// bdag nyid rgya mtsho'i gting ltar gnas// 'gro dang 'greng dang 'dug nyal dang// theg chen don las 'da' ba med// ma yengs klung du zhugs pa dang// 'di ni blo las gsal ba'i tshad// mi 'gyur nam mkha'i rang bzhin las// rnam rtog mtshan ma gtibs spungs pas// mkha' dang sprin ltar ye gnas pas// rang byung rang bzhin ngang du 'dus// de yang nga yi cho 'phrul yin// mi 'gyur mi shigs 'gyur ba med// mi sbro mi 'dug gzhan ma yin// thig le ye nas rdo rje dbyings// 'pho 'gyur med pa'i klong brdal bas// ye nas byang chub gnyis med lung// stong dri brdal chen zhing gnas pa// ye nas sku gsum lhun gyis grub// nyi ma bye ba'i 'od brdal yang// byang chub sems las gzhan pa med// gang ga'i rgyal rigs 'dzin pa yang// dbyings su gcig pas 'du ba med// ji snyed theg pa mtha' yas kyang// de bzhin nyid la gsung ba med// snying po snying po bcud kyi mchog/ theg pa'i theg pa yang dag don// ma bcos ma bslad chos kyi dbyings// byang chub sems de mtha' dbus bral// longs spyod sprul ba phyag rgya'i mchog/'du 'phro bde nas rtog pa kun// mnyam nyid rig pa'i snying po la// mi 'da' 'on kyang don dang 'gal// 'byung med 'jug bral bde ba'i klong// ched byas med pas rang bzhin ngang// ma chags thabs kyis spyod pas na// ma btsal lhun grub ngo mtshar che/ kha dog dbyibs grangs la sogs pa// rtsi las 'das phyir dmigs dang bral// dmigs bral snying po'i don 'don pas// yi ge med pa'i don la lta// brjod pa med pa'i gsung nyid do// rtog bral snying po don la brtag/ e ma ngo mtshar rmad du byung// mi dmigs pa las dmigs pa bral// dmigs dang mi dmigs gnyis ka mtha'// mtha' bral dbus ma de bzhin te// de bzhin nyid du dmigs pa med// 'du shes nyer 'jom bral ba ni// chos kyi rtsa ba nyid yin te// rtsa ba'i rtsa ba rgyu yi rgyu// kun gyi dgongs pa ngo mtshar che// mkha' ldan yang dog gnyis med ldan// rgyal ba'i dgogs pa spros pa med// ma byas gzugs brnyan kun 'byung ba// 'gag med ye shes rang snang ba'o// rdo rje rin chen kun 'dus legs// dpag med thig le rgyas pa legs// chags med mkha' 'dra dag pa legs// don grub rdo rje gsang ba legs// zhes gsungs so// byang chub kyi sems nam mkha' rgya mtsho chen po'i rgyud las/ ye shes kyi tshad bstan pa'i le'u ste bcu pa'o//// kye sems dpa' chen po/ thig ler kun 'dus thig le lung// rtse gcig bsdus pa'i bla na med// chos kyi snying po kun gyi don// ngo bo brjod dpag med pa'i don// bya bral bde klong ji bzhin mchog/ snying rje nam mkha'i yul las 'das// ston pa'i ston pa theg pa'i rtse// thig le mi 'gyur bde chen klong// bstod cing bsngags pa kun las 'das// rang byung rgya mtsho spyod pa'i gzhi// kun 'dus mtshungs pas dam pa'i lam// bya bral bde chen nam mkha'i klong// mi rtog rtog pa'i yul las 'das// rnam grol bya bsam yul med pa// spros med bsam pa'i yul las 'das// dbang po'i spyod yul ma yin zhing// tshig dang yi ge de bzhin min// brtag dka' brjod du rdul tsam med// bsam med bsam pa'i ngang 'jog pa// bde chen rlung nas gol bar 'gyur// ming tshig sgra yi rjes 'brang bas// mi mthong smig sgyu snyeg pa 'dra// yang dag don 'dzin 'khrul pa'i rgyud// ci phyir ye nas mtshon du med// bde sdug mnyam 'dres dag pa'i tshul// rnam pa mi mjed thabs kyis rol// gsal la ma 'dres bsam kun bral// mi g.yo ting 'dzin rgyal por gnas// mthong ba mig med mngon sum yin// mtha' dbus bral ba yangs pa'i spyan// snang brtags rang snang chos kun ni// mi g.yo mi 'dor mnyam par gnas// mi dgongs rol pa thabs kyi sku// thun mong ma yin thabs che yang// kun gyis yangs pa'i nyon mongs rnams// mtshams med la sogs spyod pas kyang// don dam gnyis med bde ba grub// 'dod chags la sogs de bzhin no// lung rigs thun mong don mtshon nas// rnam tri ting 'dzin rim bsgoms pas// rtsol bral mnyam pa'i don las gol// bya bral nam mkha'i mtha' la gnas// rang byung ye shes snyad dang bral// zin pa'i bdud rtsis rtsol ba 'joms// bya bral yul la ye nas gnas// thams cad thig le skye med pas// bsdu 'phro dmigs pa'i lam las 'das// dngos med skye 'gag bral ba'ang med// mtshan ma med pas cir mi gnas// bya bral bde ba'i snying po 'di// nam mkha'i mtha' bzhin ye gnas pas// rtogs pa'i smra bsam yul las 'das// gang yang gnas pa'i don nyid la// ma bcos don la blo gnas na// ma bcos ma yengs khong ngal bas// ji bzhin don la gnas pa mchog/ gang yang ma yin snying po'ang min// yod med sgro bral bde ba'i lam// ma bsams ma yengs ji bzhin gnas// btsal du med pa'i chos nyid la// ji bzhin nyid du ma shes na// ched byas rtsol bas don mi rnyed// de phyir bgrod rtsol lam las 'das// phyogs dang kha dog dbyibs bral la// dkyil 'khor la sogs gang byas pa// byas pa rtog 'dzin chen po ste// de nyid dam par gyur ma yin// ma brtags ma bsams mnyam pa nyid// dag pa'i don la der gnas pa// ma bcos rnam dag rgya mtsho'i gling// yon tan dpag med dbyer med klong// ji bzhin don chen mnyam pa la// gang yang med de sna tshogs 'byung// klong yangs chu bo rgya mtsho sbyin// cir yang snang la gcig tu 'dus// e ma dpag med rgyas pa'i mtha'// nam mkha'i mtha' dang mnyam sbyor zhing// 'da' bar dka' ba'i dam tshig mchog/mnyam la mnyam par rab sbyor zhing// mnyam pa nyid las 'da' mi rung// gal te 'das na 'tshig 'gyur zhing// rdo rje sems dpa' nyid kyang ldang// 'jigs pa chen po da la 'ong// bdud dang gnod sbyin srin po dang// mkha' 'gro yi dags sha za sogs// ma rtogs don phyir de la ldang// 'on kyang dug dang bdud rtsi ltar// gcig las du mar snang ba'i phyir// ngo bo brtags mtha' dang bral// gang yang yod pa ma yin yod// yod med mtha' las ma 'das na// dam pa'i don de rnyed mi 'gyur// gang yang 'di la ma gnas na// ma bcos don la gnas pa'i mchog/ 'du 'bral med pa don gyi gzungs// mkha' 'gro la gsang thig le mchog/mkha' ltar gnas pa'i don go bas// gtso ba'i chu bo mtha' las 'das// gang yang dang blang dor ba med// gnas dmigs 'gro 'ong las grol ba// dam pa'i don chen nam mkha' 'dra// don la de ltar gnas pa gces// zhes gsungs so// byang chub kyi sems nam mkha' rgya mtsho chen po'i rgyud las/ thig le don la mi 'da' ba'i le'u ste bcu gcig pa'o//// kye sems dpa' chen po/dbyings dang 'du 'bral med pa'i sku// bde chen thams cad mkhyen pa'i thugs// ma bsgrags go ba'i gsung mchog ste// rnam dag bde chen ngang la gnas// mnyam nyid kun bzang nyid kyi dbyings// bde gshegs gsung sgra kun la sogs// mkha' ltar gnas pas a rab bde// rdzogs chen ma bgrod phyin pa'i lam// byar med bde chen lhun rdzogs dbyings// theg pa tha dad rim snang ba// ma 'dres yongs rdzogs bde ba'i lam// rgyal thabs spyi blugs kun gyi rtog/ shes bya'i shes bya kun gyi gzhi// kun gzhi rdzogs chen mnyam pa'i mkha'i// rnam shes nam mkha'i mtha' dang mnyam// bde chen rnam dag byang chub dbyings// bla med 'byed pa med pa'i sa// kun bzang rang byung bcom ldan 'das// gcig bu rgyal pa'i rje btsun mchog/ sku gsung thugs kyi phyag rgya'i mchog/ bla na med pa'i mchog la gnas// chos dbyings ma skyes kun 'byung bas// rig pa rgya mtsho lhun gyis grub// lhun rdzogs byang chub sems kyi dbyings// mi gnas 'bras bu'i ngo bor gnas// zla rgyas lta bur 'phel 'grib med// ye nas rgya mtsho dbyings dang mtshungs// spro bsdu ye nas ji bzhin ngang// bsod nams ye shes dus gcig rdzogs// lta ba nam mkha' lta bur brtag/ btang snyoms lhun rdzogs chos kyi dbyings// mi gnas nam mkha'i rang bzhin la// thugs rje'i cho 'phrul ya mtshan che/ khyung chen mkha' la 'phyo ba bzhin// chu klung ngam 'grogs nyam mi nga// bar snang stong pa lam du bde// gang du dmigs pa dus gcig gcog/ de nyid ye sbyang rnal 'byor thugs// byang chub snying po nyid rtogs pa// sangs rgyas ye nas grub pa'i ngang// da gdod btsal du ga la yod// re dogs mtha' las rnam par 'das// de rtogs yon tan bsam las 'das// bdag gzhan don kun lhun rdzogs pa// spyod pa rgya mtsho bder spyad kyang// mi gos dogs med pad+ma bzhin// chos nyid chags med rtog gyur na// spyad pas gang spyad nyams pa med// thugs rjes spyod pa mtha' yangs pa// thabs kyi spyod pa de bzhin spyod// rnam rtog sbros bral 'dzin mi mnga'// mkha' mnyam rgyal po re ba bskang// ci spyad ci smra gang 'byung ba// skye med dbyings kyi cho 'phrul rnams// byang chub sems kyi dbyings nas 'phro// mkha' dbyings rnam dag yangs pa na// lhun grub rin chen gzhal yas khang// de las rgya mtsho bsam las 'das// rang la rang nyid skur ston pa// rdo rje dbyings kyi dkyil 'khor rnams// 'gro don dkyil 'khor snang ba'i phyir// sna tshogs sku gsung thugs su 'phro// sprin med mkha' la gza' skar ltar// rgyal tshogs bsam 'das cir yang snang// ma spangs rol mdzad longs spyod ldan// rdo rje sems dpa' dpal sbyor ba// shes rab dbyings las phyag rgyar gsal// sa le mnyam la ma 'dres pa/ khyad par ye shes sgyu ma'i tshogs// kun tu bzang po rang byung ba// gcig pu mnyam nyid chos kyi sku// sku gsung lhun rdzogs phyag rgya che// ye nas lhun grub byang chub mchog/ bla med mchog la zhugs pa yin// bdag gzhan mi rtog ma 'dres gsal// rdo rje nyi ma shar ba bzhin// lhan ne gsal ba'i 'od dang ldan// rnam thar dbu tri phyag shong ste// ye shes drug ldan chos kyi dbyings// skar tshogs bsam yas mkhar 'dus ltar// bsam yas dkyil 'khor chos kyi dbyings// nyi ma gza' skar zil gnon ltar// theg dman zil gnon ye sangs rgyas// kun bzang rdo rje sems dpa' mchog/ nyi ma'i 'od stong 'bar bas mdzes// rgyal ba kun stong ngo bo ste// dkyil 'khor 'od lnga kun gyi bdag/ kun gzhi rnam dag ye shes klong// rang byung ye shes btsal med ngang// stong khams kun snyoms thugs rje mchog/ 'gro ba'i don mdzad kun tu bzang// dbye gsal blang dor gnyis med don// gcig dang du ma rdzun pa'i phyir// rnam dag chos dbyings dag pa'i ngang// zhes gsungs so// byang chub kyi sems nam mkha' rgya mtsho chen po'i rgyud las/ 'byed pa med pa'i le'u ste bcu gnyis pa'o//// kye sems dpa' chen po/ mi gnas mi spyod yongs kyi lam// ma rtog rtog par byed pa med// thug med dbyings la bri ba med// skye med dbyings las skye ba'i mchog/ gang yang ma yin chos kyi dbyings/ khams gsum rnam dag skye med dbyings// dbus mtha' mi dmigs rtogs las 'das// rtog pa'i gnyan por mi rtog sgom// mi rtog sgom pa rtog pa'i nad// chos dbyings rtog pa las 'das pa// rtog dang mi rtog gnyis ka mtha'// spros med byang chub snying po ni// kun gzhi rnam dag ye shes zhing// chos dbyings dam tshig lha dang bdag/ lta spyod la sogs tha snyad rnams// 'du na ye shes bde ba'i zhing// bud+d+ha sems can ye gcig pa// dbyings dang ye shes tha snyad tsam// ngo bo chos sku snying po'i tshul// sa la bgrod rtsol lam dang bral// ting 'dzin bskyed cing dmigs pa med// dam tshig bsrung ba'i tshul du med// rgyu 'bras 'du na don gcig la// mkhyen ldan mun sel byang chub sems// dkyil 'khor byang chub sems las byung// skye 'gag med pa'i ngo bo la// dmigs pa'i cho 'phrul rgyun mi 'chad// mthun 'jug spyod pa kun mdzad kyang// snying po don la g.yo ba med// bdag gzhan don kun 'grub 'gyur yang// thugs rje 'gro don kun la bdal// mig tshig sgrol mas don mtshon pa// rnam grangs bsam yas blo la gnas// de bzhin mnyam nyid nges pa'i don// mi tshogs bsam yas gcig tu 'dus// yod med rtag chad ma yin la// bdag dang mtshan mar 'dzin pa med// phyi nang gzung 'dzin mtha' dang bral// gang zhig de ltar rtog byed pa// mi mkhas blun po phyi rol pa// snang yang med par gang smra ba// mu stegs chad pa'i lam yin no// de nyid don la blo zhan pa// snying po don dang 'gal bar 'gyur// gang yang ma yin sna tshogs pa// 'byung phyir ye shes chos dbyings mchog/snying po byang chub bcom med lam// 'du na don rtogs rdzogs chen pa// rnam dag grub pa rtog med mkha'// re dogs med pas dbyings nyid gsal// 'bras bu btsal bas grub mtha' med// kun gzhi ye shes chos kyi dbyings// ye nas sarba bud+ha la// gang nas su la gsol ba 'debs// nyam thag btsal bas grub pa med// chos nyid chos 'tshol ga la rnyed// bud+ha nyid la bud+ha tshol// rgya mtsho dbyings nas smig sgyu rnyed// btsal bas mi rnyed ngal don chung// ye nas byang chub snying po las// btsal zhing don mtha' sems la thug/ ting 'dzin byang chub sems la gsal// brtags na bdag nyid bud+ha dbyings// mnyam nyid chos sku mchog nyid gter// gsang ba'i dkyil 'khor rmad byung ba// snying po don mchog dbyings la 'dus// bsod nams ye shes lhun rdzogs pa// mtshan dang dpe byad ye shes 'das// chos nyid khyab bdal snyoms pa'i mgon// ye nas byang chub snying po'i don// rgyal ba nyid dang dgongs ba gcig/ mnyes ldan dngos grub brjod mi lang// 'jig rten nyi mas gsal byed ltar// ma lus snang byed theg pa'i mchog/ rgya mtsho u dum wa ra bzhin// byang chub sems ldan don rtogs na// mi gtong ting 'dzin goms pa 'grub// chags sdang blang dor blo skyes te// 'khrul sems rkyen gyis 'khros 'gyur na// byang chub don las 'gal ba'i phyir// skad cig grub pa'i rgyu nyid la// log rtog gso zhug 'khros pas brlag/ 'bad thag chad 'gyur 'grub mi 'gyur// blo ldan 'gyod pa skyes gyur na// rang sems dpang btsugs ma gtong bas// byang chub sems mchog blo la shar// bskal par bsags pa'i mun nag nyid// rig pa'i rgyal po nyi zer gyis// skad cig nyid kyis sel bar 'gyur// blun rmongs sems rgyud tha dad pa// bdag gzhan pa yi sems rgyud kun// rgyal ba'i sku ru gcig pa la// 'khrul pas so sor brtags mthong nor// ye shes sgyu ma rgyal ba dang// log rtog 'khor ba'i sems can 'du// brtags pas tha dad snang ba yang// don dam dbyings su yongs kyis mnyam// zhes gsungs so// byang chub kyi sems nam mkha' rgya mtsho chen po'i rgyud las/ sgom zhing bsam du med pa'i le'u ste bcu gsum pa'o//// kye sems dpa' chen po/ gang la mi gnas mya ngan 'das// ye nas byang chub snying po la// rang sems bud+ha mngon sum pa// gzhan du btsal ba rdul yang med// 'gro ba skal ldan rnams don du// mi sgrub gzhag pa nyid du'ang med// chos dbyings dam pa'i don rig na// kun la khyab pa'i thugs rje 'byung// sgyu ma thabs mkhas ting 'dzin gyis// 'gro don spyod pa sna tshogs ston// bdag gzhan spyod pa mi 'byed phyir// 'du na don gcig d+harma'i sku// d+harma kA ya skye na rtog pa yis// skye ba'i cho 'phrul cir yang bstan// mdzad pa bcu gnyis don ston pa// cir yang 'gyur ba med pa sprul pa'i sku// thugs rje cho 'phrul cir yang gsal// thugs rjes gdul bya kun 'dul ba// sgyu ma'i rlom sems kun dang bral// rgya ba'i dgongs pa ji snyed pa// rang bzhin ma bcos de bzhin nyid// d+harma sarba sgyu ma lta bu'i phyir// ting 'dzin sgyu ma sna tshogs rnams// gang du'ang mi dmigs nyes pa med// rang byung rmad grags snying po ni// gang ltar bstan kyang 'gyur med ngang// phyi nang ma lus gzugs rnams ni// sku mchog brgyan gyi 'khor lor rdzogs// sgra skad bsam yas ma lus pa// ye nas spros med gsung gi mchog/thams cad dbyings su ro gcig pa// thugs mchog mi zad rgyan gyi mchog/ srid dri mnyam sbyor mi g.yo ba// chos sku snying po byang chub mchog/ gsang sngags dbang phyug go 'phang ldan// man ngag gsang ba'i don med par// dregs ldan nga rgyal che ba'i sa// rang gi lta ba mthong 'dod pas// gti mug 'thibs pa zon med pas// yas bzhag btsan thabs drigs pa yis// bla med gzhal yas 'phags 'dod pas// brnyas sems mnyam las 'gal ba'i phyir// lta spyod bdud kyi las su 'gyur// mtho dman rlom sems mnyam pa'i bcugs// mkhas pa don gyi lung bzhin du// skyon ldan dge rtsa khyad par 'phags// tshig la mkhas pa nyid yin kyang// phyal 'gyur byang chub sems spang na// rdo rje lta bur grub 'dod pa// log 'dren gsog can bden smras kyang// 'khrul sems log 'dren dbang du 'gyur// gsang sngags rgya mtsho sgo yangs zhes// rgyal ba'i sku bslus slar log pa// bdud rtsi dug tu 'gyur ba de// lus sems rdul du gyur pa yis// dmyal bar nges 'gro snying re rje// de bas dam pa'i lung bstan pas// nges pa'i don la rtse gcig pas// mnyam pa'i gdang las ma g.yos pa// byang chub chen po'i rlung la gnas// bde btsal med pa'i don gsal zhing// tshad med don ldan rnal 'byor pas// don gzhi ma btsal grub 'dod pa// bya bral lhun grub ngang la gnas// gang la mi chags mi snang zhing// mnyam pa nyid las mi 'da' ba// rgyal ba'i sras po ngo mtshar che// rig pa 'dzin pa'i don la gnas// de yis sems kyi don bltas pas// mthong ba med pa'i don la gnas// gang zhig dad ldan stong pa de// theg mchog rigs su nges pa dang// ma rmongs lhag pa'i don shes las// gzhan du brjod na tshig par 'gyur// zhes gsungs so// byang chub kyi sems nam mkha' rgya mtsho chen po'i rgyud las/ don dang mtshan ma bstan pa'i le'u ste bcu bzhi pa'o//// kye sems dpa' chen po/ ma bcos ma byas dag pa la// gdod med rtsol ba ye nas med// med pa'i rgyud las yod gsal ba// ma mthong 'dres pa'i dkyil 'khor mchog/ dang po med pa'i rgyu yin na// de la rtog pa'i rdzas ci yod// de bas dam pa'i lung nyid la// rtog ges spyad par mi 'grub ste// rang gi don yang nyams gyur phyir// brtag cing spyad par mi bya'o// yod med dag la rab brtags pas// stong pas don la mjal 'dod pa// zho 'dod rwa la 'jo ba bzhin// 'grub par mi 'gyur rang rgyud rlag/ ji ltar nyi ma'i 'od zer la// mig gis brtag par mi nus kyis// de nyid mun pa snang ba ltar// e ma rab tu gsang ba yis// bdag gi pad+ma rdo rje 'di// ma yin de nyid bdag gi bu// rigs 'di ma bcos de lta bu// gsang sngags rgya mtsho chen po 'di// lung dang rig pa rtog pa dang// dpe dang tshad ma gtan tshigs dang// rjes su dpags pa'i shes rab kyis// rtog par nus pa ma yin te// dngos grub rlabs chen 'khrigs pa can// bsam yas gting ni dpag dka' ba// lung dang man ngag theb pas grub// dman pas mi 'grub ngal 'gyur te// don med mtshan ma g.yeng ba'i rgyu// rtog med blo ngan phung bar 'gyur// de phyir kun gyi spyod yul min// rdo rje rigs pa 'dzin pa'i sras// lhun gyis grub pa'i spyod yul te// ji ltar nor bu rin chen dang// nam mkha'i rgyal po 'dra ba'o// e ma rab tu gsang ba yi// dam pa'i spyod yul zab cing phra// gzung du med la brjod dang bral// 'di zhes bstan du ga la yod// e ma bya btsal med pa la// btsal bas chu bos 'bogs byed pa// rab tu bcings pas dam bcings pa// rtsol ba don med ngal ba'i rgyu// e ma ho lhun grub snying po la/ khrus dang gtsang spra bya mi dgos// dka' thub spyad pa'ang mi dgos te// don dam bde chen lhun grub ngang// e ma nyi ma'i snying po la// ye nas mun pa ma grub phyir// btsal med bde chen snying po la// mtha' yi mun pa ye nas med// e ma ho don gyis don btsal bas// don la brtag med de bzhin nyid// de phyir rnyed pa'i gnas med de// mkha' la 'dud ltar gting dpag dka'// e ma'o bde chen snying po la// sgro skur ched byas don gyis tshol// btsal bas ma rnyed rang la thug/ rang yang de bzhin nyid kyis zhi// e maho rgyal ba'i spyod yul 'di// sus kyang ma sbas rang bzhin gsang// nam mkha'i mtha' ltar dbyer med par// nyi ma sgrib med ji bzhin no// e maho ngo mtshar rmad kyis chos// kun la gnas la rang bzhin gsang// mnyam nyid rig pa'i spyod yul te// skyes bu blo btsal rab kyis rtogs// e maho nam mkha' dag pa'i mtha'// mkha' ltar nyi snang kun la khyab// spros med nyi ma'i snying po la// rnam rtog mun pas ga la 'grib// e maho stong nyid byang chub sems// ma bcos kun gzhi gzhal yas su// nyi ma stong gi dkyil 'khor shar// kun la khyab cing yongs su snubs// ma bcos spros med thig le las// 'dod pa'i yon tan rol 'byung ba// cir yang snang la gang du'ang med// byang chub g.yung drung 'gyur ba med// snying po'i snying po theg pa'i rtse// mi 'gyur mi shigs rdo rje'i don// dpa' bo g.yul las bzlog pa'i mchog/ mi rnams nam mkha'i mtha' dang bral// yangs shing che ba'i chos chen po// chung ngu rnams kyi gnyen po mchog/ ji ltar gcan gzan rgyal po lta// chung ngu zil gnon stobs po che// 'khrul pas sna tshogs brtag pa yang// drang ba'i don las ma rtogs pa// nges pa'i don du gcig las med// gcig po mtha' bral nam mkha'i ngang// 'gyur med ma chags pad+ma 'dra// snying po de la 'da' ba med// ces gsungs so// byang chub kyi sems nam mkha' rgya mtsho chen po'i rgyud las/khyad par chen po'i le'u ste bco lnga pa'o//// kye sems dpa' chen po/ chos sku skye med mya ngan 'das// 'khor ba spong len mtha' las 'das// nga med bdag bral mnyam pa'i thugs// rin chen gter 'dus rgyal ba'i sku// ma spangs ma bsgrubs mkha' ltar gnas/ khams tri brtags pas sems kyi dbyings// sna tshogs rang bzhin dbye ba med// rgya mtsho'i rlabs ltar g.yo ba 'byung// chos dbyings skye med yul gyi ngang// phyag rgya skye ba'i cho 'phrul can// 'khor ba bcos med dgongs pa'i phyir// rang byung dbyings las ma g.yos kyang// yongs la khyab pa'i thugs 'byung// nga med bdag dang 'du 'bral med// don dam dbyings nyid rdzogs pa che// snying po nyi ma 'od kyi mchog/ sku gsung thugs kyi 'khor lo can// thams cad dbyer med rgya mtsho 'dra// 'du 'bral med pa'i zhing mchog na// cho 'phrul mtshan ma'i 'khor lo can// brtags pas bdag nyid rol pa'i ngang// 'chi med bdud rtsi sman gyi mchog/ rang la rdzogs pas btsal mi dgos// rgyu gcig chos dbyings mnyam pa'i ngang// rang bzhin sems nyid gsal ba'i dbyings// snang srid 'khrul 'khor rgyal ba'i yab// zhen med sems nyid yum gyi mchog/ 'du na nga la mi gnas pas// thabs dang shes rab 'brel bar gnas// phyag rgya'i rol pa bsam mi khyab// rang bzhin med las cir yang snang// byang chub ngang du kun 'dus pa// mkha' dbyings rnam dag rgya mtsho 'dra// 'byung ba'i skar tshogs bsam mi khyab// mkha' mnyam dbang phyug rgyal po'i thugs// yon tan rgyal chog kun gyi ngang// bdag med phyogs bral chos dbyings mkha'// sems can rnams la mi gnyis kyang// thugs rjes 'gro drug gnas nas sgrol// mtho dman med par yongs la bdal// chos nyid nam mkha' dri med klong// srid gsum 'gran zla med pa'i mchog/ gang la'ang mi g.yo 'gyur ba med// gang la'ang bsam pa kun dang bral// 'di zhes bsam pa'i rigs dang bral// gcig la gcig pa'i mtha' dang bral// rigs dang phyogs su gzung du med// mnyam rdzogs lhun gyi sku mnga' zhing// rigs med bdag nyid chen po mchog/ mnyam nyid mkha' la rol ba'i sku// mi gnas bde chen mnyam nyid rlung// 'di la rtag dang chad pa med// yod med phyogs ris gzung med cing// 'dzin pa med de de bzhin nyid// chos brgyad snyoms par don gsal ba// ye nas mnyam pa'i don rig pa'o// gsang sngags rdo rje nam mkha' che// kun gyi spyod yul ma yin te// gsang chen brtag dka' thun mong min// rdo rje sems dpa'i spyod yul te// gnas ni nam mkha'i dbyings la gnas/khyab ni snang srid kun la khyab// yod ni rdul yang med pa ste// bstan ni kun la mthun par bstan// 'bras bu btsal ba med par thug/ sku ni snying po byang chub ste// gsung ni ngo bo nam mkha'i gsung// thugs ni stong chen mkha' ltar bdal// yon tan nam mkha'i gter ltar che// 'phrin las 'khor dus gcig bcom// thugs rje 'khor ba khyab par gzigs// skyon bral nyag gcig dbyings kyi gter// dbyings dang ye shes tha snyad pas// mi gnas gnas la gnas pa med// thugs mtha' med pa'i klong chen mtsho// spros bral mnyam nyid ji bzhin gter// mkha' ltar gnas so khyab pa'i sku// 'di ltar rin chen gser gling 'dra// thams cad snying po byang chub sku// zad med 'phel med 'grib pa med// rang the ji ltar 'dul ba bzhin// snang bas ngo mtshar rmad du byung// zab mo bya bral rdzogs pa'i lung// bya bral lung dang zin pa'i lung// spros med lung dang kun 'dus lung// sbyor sgrol mnyam rtog ma bcings lung// mnyam nyid rig pa gter gyi lung// sku gsung thugs sogs chos kun gyi// thob zin mthong zin sbyangs pa zin// mchod dang zhugs dang dbang thob pas// btsal med ye nas byas pa'i lung// mi bya med de kun bkag cing// spyod pas lhun grub mnyam nyid gter// ye shes zang ma'i bdag nyid de// 'di ni bud+d+ha sarba yi// lhun grub bya bral rdzogs pa'i lung// zhes gsungs so// byang chub kyi sems nam mkha' rgya mtsho chen po'i rgyud las/ tshe 'phrul btsal med bya bral lung gi le'u ste bcu drug pa'o//// de nas rab tu bshad bya ba// sems dpa' chen po mkha' mnyam sku// mtha' dbus don bral snying po don// nges don nges pa bshad bya'i phyir// nges pa rtag dang mi rtag pa// brtag dka' nyi zer lta bu'i don// gang zhig nges par 'grub pa na// de la brtag bya ma grub pa// yod dang med ces ci byar yod// snying po'i snying po kun 'dus pa// de la mtha' dbus bdag gzhan med// gang zhig gang gis mthong mi rung// rtag pa dag dang mi rtag pa// de yang mtshan ma'i tha snyad tsam// nor bu rin chen 'dod dgu'i mdzod// cir yang med la cir yang snang// snying po'i don las gang 'da' ba// rgyal ba'ang than pas brlag 'gyur na// sa sbyong sems dpa' smos ci dgos// kye sems dpa' chen po/ gcig dang tha dad gang brtags pa// mdo dang dma' ba 'du 'dzin phyir// grol dang bcings min bden min dang// grub min ngo bo gcig pa la// ltos pa'i rtog pas rab tu phye// gcig dang tha dad las grol te// 'du ru snang yang mtha' dang bral// zhen pa med na bde ba che// bde ba che zhing nor che la// 'jig rten dbang po khams gsum mchog/gsum phyir gsum snang gsum gyi ngang// dgu ste gcig 'dus thig le'i ngang// gcig pas spong len bya dang bral// stong pas mnyam brtags las 'das pa// dmigs las 'das pas brtag tu med// tshig las 'das pas brjod dang bral// gad+gA klung gi rgyal ba yang// stong nyid mnyam pa rol mdzad cing// ji ltar zla brnyan 'char ba ltar// cir yang snang zhing gcig gi ngang// mtshe dang ldang ldeng lu ma dang// 'bab chu la sogs mtha' yas pa// rgya mtsho 'du ba ji bzhin du// dus gsum rgyal ba gcig gi ngang// sprin dang zla ba gza' skar dang// cho 'phrul nam mkha'i rang bzhin ltar// sems can ngan song mtha' yas kun// snying po byang chub gser dpe bzhin// rtsa dang 'bru dang lo tog dang// sman dang dug tu snang ba yang// nus mthu kha dog dbyibs mtha' yas// sa gzhi la ni tha dad med// de bzhin bde sdug nyon mongs dang// kun byed dbyings nyid byang chub sems// ngam 'grogs chu dang g.yang sa dang// med dang sprul dang gcan gzan dug/ mi dang srin po shan pa yang// bya la ya nga g.yang sa med// de bzhin bde sdug rtsol mi rtsol// lam drug thabs dgu 'bras bu dgu// bde sdug btang snyoms la sogs pa// snang yang rdzogs chen yang nga bral// ji ltar kha zas tha dad pa/ kha dog dbyibs ldan mdzes gyur pa// ro med tshim pa ma yin ltar// rdzogs mchog med pa'i sman pa rnams// btsal yang long bas long ba khrid// ro med kha zas de bzhin no// de phyir mnyam nyid snying po la// btud de don la bltas gsal ba// gang la'ang ma yin de bzhin no// bstan pas rdo rje ri zom bzhin// zab pas rgya mtsho chen po bzhin// yangs pas nam mkha'i mtha' sbyin te// bsgyur byed sman dang dug bzhin no// mnyam pas rig pa'i skyes bu bzhin// mi 'chi bzhin du kun gyis gsos// re skong yid bzhin nor bu sbyin// mi 'gyur brtan pas gser bzhin te// shel ltar dag pa'i thig le can// bud+d+ha kun dang mnyam sbyor bas// dam tshig 'di las 'da' bar dka'// 'das pas rgyal ba nyid kyang brlag/ gang la 'di las mi 'da' zhing// thugs rje ldan pa'i dgongs pa can// dmyal tshogs me yi 'khor lo yang// rgyal ba'i zhing khams rmad du byung// 'di la bde dang sdug bsngal gang yang med// 'du na gcig ste kun gyi ngang// kun snang brtags pa'i dmigs dang bral// dge med sdig tu ga la yod// yod 'dzin med 'dzin rtog pa'i klong// de nyid tha dad gyur na ni// grub pa min phyir gcig tu blta// zhes gsungs so// byang chub kyi sems nam mkha' rgya mtsho chen po'i rgyud las/ dbus mtha' mi dbye ba'i le'u ste bcu bdun pa'o//// de nas rab tu bshad bya ba// mnyam par rig pa'i gdeng chen te// shes par bya phyir bshad par bya// 'di ni 'da' bar dka' ba'o// gang la ma chags mi g.yo zhing// mi 'khu mi ldang skye ba med// re dogs chags sdang med par ni// lta ba chen po'i spyi khyab gdeng// gtsang sme blang dor mi lta zhing// kun la dbang gzhag kun snang ste// spong len med pas spyod pa'i gdeng// gdeng la bcos pa'i kha na med// med dang phyal ba gcig po dang// lhun gyis grub pa'i dam tshig ni// bsrung dang mi bsrung cha las 'das// kun kyang mi 'da' mnyam par bsrung// spyi dang khyad par lhag pa yi// dam tshig bsrung ba med thub pa// dam tshig chen po ye bsrungs gdeng// sku dang gsung thugs rmad byung ba// nam mkha'i mtha' ltar khyab pa'i don// ma lus gsung du ye shar nas// 'da' ba med pa'i rdo rje gsung// mdzad pa'i rol pa bsam mi khyab// yon tan 'phrin las lhun gyis rdzogs// ye nas shar ba dal gyi gdeng// dbang bskur rgyal po bcom ldan 'das/ ma lus bdag las gzhan ma yin// de phyir nyid la nyid dbang sgyur// de ni bdag nyid chen po'i dbang// ma bskur ye nas thob pa'i dbang// ma btsal lhun gyi grub pa'i dbang// 'das dang ma byon da ltar gyi// rgyal ba kun gyi spyi yi dbang// kun 'dus rgyal po dbang gi gdeng// zhi dang rgyas dang dbang rtags kyang// ma byon grub pas btsal ba med// ma skyes mi 'gag mi g.yo zhing// bdag nyid sems la 'das pa med// byas pa med par thams cad chub// bsrung ba med par kun 'dus pa// mnyam nyid rgyal ba'i spyod yul bas// 'phrin las bya btsal med pa'i gdeng// sku dang gsung thugs la sogs pa// sgrub cing sgrub rtsol las 'das pa// gzhan nas sgrub pa ci yang med// ji ltar nyi ma'i 'od bzhin te// byed mkhan gang yang yon ma yin// de ltar ye nas grub pa'i phyir// bsgrub tu med pa'i gdeng du gces// dngos grub ma bsgrubs mkha' ltar gnas// mi bya mi bsam brtag las 'das// gsum dang lnga dang bcu gnyis lnga// ma btsal ye nas grub pa'i ngang// ji ltar 'dod pas rang byung bas// dngos grub ye nas grub pa'i gdeng// mchog gis de ltar shes par bya// mkha' yi ngo bo khyab pa'i bdag/ rtog ge'i spyod yul ma yin pa// mkha' ltar mnyam pa'i snying po mchog/ chos sku 'dus pa gdeng du che// ma spangs rol pa pad+ma 'dra// ma gos ma chags dag pa'i sku// ma gsungs rgya cher bsgrags pa'i gsung// ma bsgribs mkhyen gsal mnga' ba'i thugs// longs spyod rdzogs pa bdag po gdeng// cir yang don byed nus pa'i tshul// ngo bo mtha' 'das chu zla 'dra// skyes bu'i mdun bzhin de bzhin pa// sprul pa chen po don nus gdeng// gsal la rtog pa mi 'jug cing// 'du shes yul las ma skyes la// gang la'ang ched du mi gnyer ba// rten 'cha' lus sems bcos pa med// ting 'dzin rig pa mchog gi sku// gang gi spyod yul ma yin pa// skyes bu mchog gi spyod yul bas// ting 'dzin re dogs med pa'i gdeng// 'dod chags zhe sdang gti mug kyang// nga rgyal phrag dog rten 'phro dang// sdud dmigs ched btsal bzhag bsal ba// bying rmugs la sogs mnyam pa'i phyir// 'di ni gsal med mnyam pa'i gdeng// mchog tu gsang ba'i don chen 'di// kun gyis spyod yul ma yin pas// sa sbyong sems dpas brtag tu med// so so skye bos smos ci dgos// de ni gdeng chen don gyi mchog/ ces gsungs so// byang chub sems nam mkha' rgya mtsho chen po'i rgyud las/ gdeng chen po'i le'u ste bco brgyad pa'o//// de nas byang chub sems dpa' chen po nam mkha' lta bu'i lus can mtshan mar rtog pa 'joms pa nam mkha'i snying po des/bcom ldan 'das la pad+ma rgyas pa'i spyan phye nas/ legs so bde bar gshegs pa/ a la la ho zhes bstod nas/rig pa'i mchod pa bsam gyis mi khyab pas/ rgyal ba gad+gA'i klung gi bye ma snyed la/ dus gcig la nam mkha' gang ba'i mchod pa byas nas// bskor te gcig tu 'du nas 'di skad ces smras so// kye rgyal po bo d+hi tsit+ta sa ma ya gu h+ya gar+b+ha aM traM hUM hri swA hA/a la la ho/ bsdu ba gtan la dbab pa bshad du gsol/ zhes gsol pa las/ kye sems dpa' nam mkha'i snying po mchog/ rtsa ba sems las gzhan ma yin// bskal pa 'bum gyi bud+ha yang// byang chub sems las gzhan du men// sku gsung yon tan 'phrin las thugs// sems las gzhan pa yongs kyi med// rgyu 'bras sems dpa' sems kyi mchog/ ston pa gnas su ston pa 'khor// sems nyid ma yin min par bshad// dus gsum rgyal ba thams cad kyi// sku yi sku ste sku nyid che// gsung ni ma lus ngo bo gsung// ma lus bsdus pas kun gyi mchog/ chos kun 'dus pas bltas pa med// lta spyod dkyil 'khor dbang rnams dang// sgrub pa 'bras bu la sogs dang// sems las ma rtogs ye nas med// ma lus bdag las gzhan min la// bdag kyang nam mkha' lta bu ste// de la mtshon pa'i mtha' las 'das// de la brtag cing dpyad du med// de la gzung 'dzin phyi nang med// nam mkha' lta bu'i mtshan nyid de// lung dang man ngag rtogs pas 'grub// chos rtags phyag rgya rnams ldan pas// 'di la phyogs tsam shes 'gyur gyis// gang dag mtshan ma rtogs sgom zhing// ched byas 'dzin rtog la gnas pa// bskal pa bye ba brgya phrag tu// dpyad kyang shes par mi 'gyur ro// de phyir gsang ba dam pa 'di// gang gi yul du mi 'gyur bas// bslad pas bslad de slar bcings pa// 'dzin pa'i phur pa chen por 'gyur// 'dzin med nam mkha' lta bu'i lus// mi dmigs mkha' ltar rnam par grol// mi gnas mi rtog mtha' las 'das// nam mkha'i mtha' dang mnyam sbyor bas// phyogs mtshams kun la khyab par gnas// 'on kyang nam mkha'i rgyud las grol// zhes gsungs so// byang chub kyi sems nam mkha' rgya mtsho chen po'i rgyud las/bsdus pa gtan la phab pa'i le'u ste bcu dgu pa'o//// de nas 'khor gyi byang chub sems dpa' chen po rdo rje rin chen la sogs pa phyogs bcu 'jig rten gad+gA'i klung gi bye ma snyed nas 'dus pa thams cad kyis/rgyud kyi bdag po rgyud nyid bsdu ba po mdzad pa'i tshul rig pas mgrin gcig tu bstod pa/ e ma snyoms mdzad byams pa'i char chen 'bebs// bdag nyid ma mdzad kun bsgral 'khor ba dus gcig skems mdzad pa// me ltar sreg mdzad rlung ltar sel mdzad cing// brten mdzad stong mdzad kun gyi bshes gnyen gtso/ khyod kyi rang bzhin mkha' ltar khyab gnas rgyun mi 'chad// kun gyi don mdzad kun la bu gcig 'dra bar sems// kun tu sku dang gsung thugs yod tan 'phrin las kyis// ji ltar 'dul ba ston pa ye shes bdag po khyod la phyag 'tshal bstod// ston pa'i bka' sdod rgyud kyi don la sems// rgol ba bdud 'joms mu stegs ngan 'jigs byed// bstod bskul gsol 'debs chos kyi don gsung ba// nam mkha'i snying po rang byung bcom ldan 'das// 'gyur med rdzogs pa chen po'i ngang la gnas// gsang bdag sdud pa'i mchog la phyag 'tshal bstod// mtho dma' spong len med pas kun tu bzang// nam mkha'i mtha' ltar gnas pas dpag par dka'// rgya mtsho'i gting ltar gnas pas thug pa med// 'gro ba'i re ba bskong zhing sgrib pa 'joms// ma rig mun pa sel ba'i gcong 'byin pa// sman gyi rgyal po kun gyi lam po che// thabs chen sgo yangs tshegs med don po che// ma btsal bde ba chen po'i ngang nyid can// gser gyi gling ltar 'gyur med de bzhin nyid// 'gro ba sgrol byed sgro skur kun las 'das// don dam rgyal ba'i sku la phyag 'tshal bstod// ces bstod do// rgyal ba thams cad byang chub sems dpa' bye ba phrag dgu bcu rtsa dgu/bud+d+ha gad+gA'i klung gi bye ma snyed sras dang bcas pa nyid kyi thugs la bsdus te// thugs snying po byang chub la dgongs nas// de bzhin nyid du dmigs te cang mi gsung bar gyur te// 'khor rdul snyed kyis bcom ldan 'das la mngon par bstod de/ de nyid rjes su yi rang zhing bcom ldan 'das la bsngags te/ rgyal ba ma lus pa thams cad kyang mngon par dgyes par gyur to// byang chub kyi sems nam mkha' rgya mtsho chen po'i rgyud las/ rjes su yi rang ba'i le'u ste nyi shu ba'o//// byang chub kyi sems rdzogs pa chen po klong chen rab 'byams/ rgyal ba gad+gA'i klung gi bye ma snyed/ nam mkha' rgya mtsho rol pa chen po'i snang ba chen po'i rgyud kyi rgyal po rdzogs so// rgyas btab pa'o//// srog gi 'byung ba rgyud kyi rgyal po chen po zhes bya ba bzhugs so/ /

CLOSE WINDOW