162b6 / de bas snying po'i don la spyod// ye shes 'bar ba chos kyi dbyings// rdo rje sems dpas gsungs pa'o// rdzogs so//// rgya gar skad du/ dz+nyA na d+harba e d+harmA// bod skad du// ye shes sa
163a1 gcig chos kyi dbyings// dpal rdo rje sems dpa' la phyag 'tshal lo// skye med blo las 'das pa'i skabs// gdod nas skye med don gyi a// thob bsgrub kun gyi yul las 'das// re dogs blo
163a2 las rnam par grol// skye med brjod med de kho na nyid// mtha' bral gnyis med don dam klong// dgag bya bsgrub bya rnam par dag/ ma skyes rdo rje gnyis med ngang// yid la mi byed bya btsal bral// bya med rtsol
163a3 ba bral ba'i skabs// ma bcos spros med chos nyid klong// cir yang mi dmigs rang bzhin dag/ 'di ni khyab brdal chen po'i sa// bgrod du med par lhun gyis grub// skye med gnyis med spros dang bral// sku
163a4 lnga ye shes lnga yi ngang// mtha' bral mi 'gyur bde ba che// dmigs med ye shes rang snang ngang/ khyab brdal yangs pas nam mkha'i klong// spros med byang chub snying po'i dbyings// sku bzhi tshig chos chen po'i
163a5 skabs//// rtog med mnyam nyid chos kyi sku// cir yang ma 'gag sprul ba'i sku// gnyis su med pas rdzogs pa'i sku// sku gsum rdzogs pas thig ler gcig/ bsam 'das brjod med rang sar
163a6 grol// kun bzang dbyer med skye med sogs// bgrod med ye shes rdzogs pa'i skabs//// thob sgrub med par thams cad rdzogs// snang srid byang chub sems su rdzogs// 'khor 'das chos kyi dbyings su
163b1 rdzogs// sku gsung thig le gcig tu rdzogs// lhag ma med par yongs su rdzogs// mi 'gyur mnyam nyid dpe dang bral// dpe bral ye shes mtshon du med// ci phyir bsam brjod dmigs pa med// dmigs
163b2 med ye shes rang gsal klong// mi skye mi 'gag cir mi dgongs// go ba'i yul na bgrod du med// bgrod du med pas sa lam rdzogs// rtogs ldan chen po mchog gi skabs//// gnyis med rdzogs pas
163b3 mtha' bral rdzong// dmigs med ma skyes de nyid ngang// 'gag med A li kA lir rol// dbyer med ma btsal lhun gyis grub// smra bsam brjod med tshig las 'das// mngon sum mi snang kun la khyab/ khyab
163b4 brdal ma bcos ye sangs rgyas// rang bzhin 'od gsal rnam par dag/ de nyid shes kyin rtogs na grol// rgyal sras bzhin du re dogs med// dgag sgrub med pa'i ye shes ni// rgyu yis ma bskyed rkyen dang
163b5 bral// stong gsal dbyer med ye shes can// skye 'gag med par rnam par dag khyab brdal dri med rang bzhin dbyings// gnyis med mi 'gyur chos sku'i rdzong// ye brdal byang chub sems kyi klong// kun rdzogs
163b6 mtha' bral gnyis med chos// gnyis med yang dag bla na med// theg pa kun gyi gtso bo ste// sa rnams kun gyi ngo bo'o// de nyid dpe don tshig gsum skabs// khyab brdal chen po'i sa chen 'di// nam
164a1 mkha' chen po'i klong chen bzhin/khyab brdal mi 'gyur yangs pa'i klong// ma ki ta yi rgya mtsho bzhin// bde chen gnyis med kun rdzogs grol// nyi ma sprin med snying po bzhin// dus gsum 'grib
164a2 med de bzhin nyid// brgya byin gtsug gi nor bu bzhin// 'dod dgu 'byung la 'gran zla med// skye med rtog med lhun gyis grub// 'gyur med rang gsal rnam par dag/ mtha' bral rang grol mtshon du
164a3 med// gdul bya drang ba don gyi skabs//// tshig gsum don gyi 'bras bu la// lta ba'i rgyal pos rgyab sha bcad// bsgoms pas nang gi dras thag bcad// ro snyoms spyod pas gtan la dbab// rang snang
164a4 mi dgag thabs su shar// gnyug ma'i dbang po lam las grol/ khyab brdal sa chen non pa'o// rgyal po btson du bzung ba dang// bdud rtsi thigs pa lce la gzhag/ gangs ri rtse nas bsnyil ba ste// shing rta'i
164a5 gzer mgo gcad par bya// thugs rje ye shes gdams pa'i skabs//// ye shes sa gcig chos kyi dbyings// 'di yi don la mi 'dud par// mi chos g.yeng ba'i las byed cing// snang ba rang ka tha mal
164a6 lus// bka' la ras chod yig sna 'tshong// gsang ba'i chos rnams phyi ru smra// 'khrul ba'i chos la yang dag 'dzin// don dang mthun par ngas ma bshad// e ma nges pa'i don la 'thud// ye shes sa gcig chos
kyi dbyings/

CLOSE WINDOW