CLOSE WINDOW

Gpb033.014
བོད་ཡིག

rten spo ba dang rjes su yi rang ba'i le'u ste dgu pa'o//// sku gdung 'bar ba mchod rten gyi rgyud rdzogs so//// klong gsal 'bar ma nyi ma'i gsang rgyud kyi dbu bzhugs/o rgyan d+hA ki'i skad du/ ma ho b+ha dra shu n+ya tA ti la ka g+hu ya tan+t+ra nA ma/ bsgyur te bod kyi skad du/ kun tu bzang po stong gsal thig le snying po gsang ba'i rgyud ces bya ba/[ xxx ]yang gsang dag pa klong gsal skad du na// ha a oM hUM ki la sa mi khye/ don rgyud rang gsal shar ba'i skad du na// stong gsal mdangs lnga ma skyes mi 'gag pa// ngo bo rang rig ye shes chen po nyid// rtog tshogs rang grol mkha' la nyi shar dang// kun tu bzang mo yangs pa'i klong la phyag 'tshal lo// rgya gar saM skr-i ta yi skad du na/ b+ha dra pha la d+harma a b+hi sUr+ya g+hu ya tan+t+ra/ dgongs te rnam grol bod kyi skad du na/kun tu bzang mo klong gsal 'bar ma nyi ma'i gsang rgyud/ rang byung rang gsal ngang la phyag 'tshal lo// 'di skad klong nas shar ba'i dus gcig na/ khyad par phun sum tshogs pa dag pa'i gnas// chos dbyings spros bral pho brang du// ston pa khyad 'phags phun sum tshogs pa ni// cir yang ma grub ye shes rang gsal yum// 'khor ni khyad 'phags phun sum tshogs pa ste// sku dang ye shes stong gsal ma 'gags pa// dus ni khyad 'phags phun sum tshogs pa ste/ rtag pa rgyun gyi thog mtha' med pa'o// bstan pa khyad 'phags phun sum tshogs pa ni// bde ba chen po lhun gyis grub pa'o// thog mtha' bral ba de nyid dus kyi tshe// kun tu bzang mo rigs bzhi'i mkha' 'gro dang// dbyings dang ye shes gdangs las grub pa yi// d+hA ki grangs las 'das pa'i 'khor tshogs dang// sprul pa yang sprul pho nya mgyogs ma'i tshogs// 'das dang ma 'das 'od lus 'phrul mo che// d+hA ki phrangs las 'das pa thams cad dang// mnyam nyid rol pa chen po'i ngang nyid du// dgongs pa bzhi ldan tshul du rab bzhugs so// de nas stong pa'i ngang las gsal ba'i dbyangs dang bcas// dgu 'gyur khug pa'i gdangs su rang shar ba// tshig brjod rim pa'i gsang rgyud 'di nyid ni// 'khor tshogs rang rang dgongs pa tshig tu gsal// kun tu bzang mo klong gsal nyi ma'i rgyud// sum brgya drug cu bye ba phrag brgya'i skad// tshangs dbyangs nga ro'i skad ky-i yongs grags so// de nas 'khor rnams rjes su yi rang ste// kun tu bzang mo gsang ba'i rang sgra las// mngon par dad ste rab tu dad par bstod// sa ma ya/ rgya rgya rgya/ man tra g+hu ya/ thun mongs ma yin pa'i brjod gzhi las/ gleng gzhi'i le'u ste dang po'o/// de nas chos dbyings gsal ba yi// yum mchog kun tu bzang mo la// ston pa kun tu bzang po dang// rigs bzhi'i DA kis 'di skad gsol// kye ma kye klong kye ma ho// 'di lta bu yi gsang rgyud las// dgongs pa dpag par mi nus pas/rim pa bzhin du gsal du gsol// ma grub thog ma'i ka dag nas// kun khyab ye shes gnas pa las// 'khrul med 'khrul dang gnas pa'i tshul// lam dang 'char sgo yul gang gsal// nyams len gong 'phel grol ba'i rtags// rkyen gyis bar chad ji lta bu/ chos dbyings bzang mos bshad du gsol// de skad ces ni zhus pa'i lan// kun bzang yum gyi gdams ngag la// kye ho 'dus pa'i 'khor tshogs nyon// ma grub thog ma'i ka dag nas// dngos po gshis kyi 'dug tshul ni// ngo bo stong pa rang bzhin gsal// thugs rje kun la snang nus pa// byas pa med par rang gsal ba/ de nyid nas ni rang bzhin gnas// stong pa'i ngos nas rtag mtha' bral// gsal ba'i ngos nas chad mtha' bral// gsal stong ngang nas 'dzin cha bral// thog ma'i ka dag gsal stong khyab// sus kyang byas pa med pa nyid// de ni thog ma'i spyi gzhi'o// zhes rang shar ba'o// a hoH'dus pa'i 'khor tshogs nyon// gzhi gnyis la ni rnam pa gnyis// shes bya'i gzhi dang gnas lugs gzhi// shes bya 'dod gzhung bsam las 'das// gnas lugs gzhi la gsum du ston// thog ma'i gnas pa spyi gzhi dang// de bas ma rig 'khrul gzhi dang// de nyid rtog pa'i grol gzhi'o// thog ma la yang gnyis su ston// ye thog dang po'i gnas lugs dang// rang gi rig pa'i gnas lugs gnyis// ye thog gnas lugs gong dang mthun// stong dang gsal ba khyab pa gsum// dbyer med nyag gcig rang byung ngo// kun khyab ye shes 'di ltar gnas// stong gsal ye shes chen po ni// ye nas rnam pa gsum du gnas// ngo bo ka dag ye shes ni// ma rig rtog pa kun dang bral// rang bzhin lhun grub ye shes ni// stong gsal rang mdangs nyid du gnas// thugs rjes kun khyab ye shes ni// 'gag med snang stong nyid du gnas// chos sku'i ye shes ka dag bsam brjod bral// longs sku'i ye shes 'od lnga ma 'dres gsal// sprul sku'i ye shes sna tshogs zer du shar// lta ba'i ye shes dpyad pa'i yul dang bral// sgom pa'i ye shes dmigs med zang thal lo// spyod pa'i ye shes 'char sgo ma 'gags pa// ma 'gags ye shes chen po nyid// rang gsal phyogs ris 'dzin dang bral// rang byung ye shes rang las byung// de shes ye shes tsam du brjod// ye shes gsum po de dag las// btags pa ming gis bsgribs pa ste// chos dbyings ye shes ngo bos stong// me long ye shes rang bzhin gsal// mnyam nyid ye shes dbye bsal bral// sor rtogs ye shes ma 'dres gsal// bya grub ye shes byas pa med// kun khyab ye shes gnas lugs dang// ye thog gzhi'i gnas lugs gsal bar bstan pa'i le'u ste gnyis pa'o//[xxx]// kye ho 'dusapa 'i 'khor tshogs nyon// ye shes de ltar gnas pa la// 'khrul med 'khrul dang gnas pa'i tshul// legs par bshad kyis gus pas nyon// thog ma nyid ni 'di lta ste// ye med stong pa nam mkha' la// chos sku zhes ni ming du btags// de yi rang bzhin gsal mdangs la// longs sku zhes ni ming du btags// 'od gsal 'khrul pa'i rang gzugs las// sprul sku zhes ni ming du btags// stong gsal mdangs lnga ldan pa las// lhun grub zhes ni ming du btags// stong pa de la ngo bo zer// gsal ba de la rang bzhin zer// 'od snang de la thugs rje zer// ming yang 'khrul pa'i gzhi mar bshad// ye shes rang bzhin gnas pa la// grangs dang ris su bcad pa la/ kha dog rnam dbye byai ba kun// tha snyad tshig phyir 'brangs pa'o// 'khrul pa yin pas don la sgrib// ye shes nyid gsal rig pa 'khrul// ma rig sangs nas ye shes nyid// 'khrul pa dag pa ka dag yin// ka dag zang thal 'gag med la// chos sku'i rig pa ming du btags// gsal mdangs lhun grub kun khyab las// longs sku'i rig pa ming du btags// ma 'gags rang byung shar ba la// sprul sku'i rig par mtshan du gsol// chos sku'i rig pa stong pa yin// longs sku'i rig pa gsal ba yin// sprul sku'i rig pa khyab gsal lo// stong pa'i rig pa gsal ba yin// gsal ba'i rig pa 'od sku yin// 'od sku'i rig pa snang stong yin// gzhi yi rig pa ka dag yin// lam gyi rig pa lhun grub yin// lhun grub rig pa sku dang ye shes yin// sku dang ye shes rig pa lug rgyud yin// rig pa ye shes gnyis su med// gnyis 'dzin 'khrul pa 'di nyid do// srid pa'i rtsa ba bdag 'dzin yin// dang po ma rig drug las byung// rgyu dang rkyen gnyis tshogs pa'o// rgyu yi rkyen las rnam pa gsum// bdag rtog gzhan rtog der 'dzin gsum// rkyen la de bzhin rnam pa gsum// bdag rkyen gzhan rkyen dmigs pa'i rkyen// rtsa ba ma rig mun pas bsgribs// nam mkha'i ngo bo stong gsal dang// nyi ma'i ngo bo sgrib bral gnyis// ma rig thibs pa'i mun pas bsgribs// de la stong gsal rang mdangs las// 'od khyim tshul du gnas pa de// de las 'dzin byed shes pa ni// rta rnga tsam gcig 'gyus pa ste// byung ni 'od khyim rang las byung// stong grogs ye shes rlung rig byas// don la rig pa'i rtsal yin no// ye shes gsal ba'i yul drug las// gnyis 'dzin sems de byung ba'o// 'od khyim kha dog lnga ldan de// dngos po can du 'dug snyam nas// bdag ni pha gi yin nam snyam// pha gi bdag las byung ngam ci// rtogs byed srid pa gsum du 'gyus// de yang 'khrul pa'i gzhi mar bshad// ngo bo rang bzhin thugs rje gsum// stong gsal 'gag pa med pa las// dngos po mtshan ma can du bzung// rang rig ye shes zang thal la// bdag dang gzhan du 'dzin pa'i sems// ma rig pa yi rgyu yi rkyen// rgyu las a 'thas dmigs pa'i rkyen// yul snang dag las a 'thas pas// ye shes ma rig yul las bzung// der 'dzin rlung sems 'dus pa las// 'byung ba lnga yi sbubs su tshud// ye shes rang rtsal 'byung ba lnga/ kha dog rim pa lnga ru shar// gong gi rtog byed gsum po las// phra rab rdul gyi cha tsam du// rtog dpyod rnam pa mang du shar// 'od khyim kha dog lnga pa la// ming ris dngos po can du bzung// 'od ljang bya grub ye shes las// der 'dzin zhugs pas rlung gi gzhi// byi ba'i kha rlangs tsam du byung// 'od dkar me long ye shes las// der 'dzin zhugs pas cha yi gzhi// dkar po sran 'bru tsam gcig chags// 'od zer mnyam nyid ye shes las// der 'dzin zhugs pas sa yi gzhi// ser po ra ril tsam gcig grub// 'od dmar sor rtogs ye shes las// 'dzin pa zhugs pas me yi gzhi// dmar po mtheb mo tsam gcig byung// mthing ga chos dbyings ye shes ni// gdod ma nyid nas ye shes dang// mnyam du gnas te 'pho 'gyur med// 'byung lnga'i gzhi ma dpe lnga las// rang 'od ye shes lnga ru gsal// yaM raM khaM gsum e ru shar// 'byung ba lnga po de dag ni// gcig gis gcig bskyed byas pa las// mi mjed 'jig rten khams su chags// de yang rgyu rkyen ma rig nyid// ye shes rang mdangs 'od lnga las// der 'dzin zhugs pas 'byung bzhi grub// de yang 'khrul pa'i gzhi mar bshad// lnga la rlung chags rgya gram tshul// rlung la chu chags rgya mtshor 'khyil// chu las sa chags nga la'i tshul// me ni rlung gi rtsal yin pas// 'byung ba gsum las mnyam par khyab// rlung yang kun gyi grogs yin no// [xxx ]kun tu bzang mo klong gsal nyi ma'i gsang rgyud las ma rig 'khrul pa gtan la dbab pa/ lhun grub kyi sbubs su 'dzin byed kyi shes pa bstan nas/ phyi snod kyi 'ablig rten 'khrul lugs bstan pa'i le'u ste gsum pa'o//[ xxx ]kye ho 'dus pa'i 'khor tshogs nyon// phyi yi snod la brten nas kyang// nang bcud sems can 'di ltar byung// 'byung bzhi 'dus pa'i rang bzhin gyis// 'og gi 'byung ba rlung 'gul bas// rgya gram rlung gi lte ba la// ye shes rang rtsal drod byung bas// steng gi chu 'di sa la phog/ chu la rlangs pa mdung gang byung// des ni sa yi da la chags/ kha gting med par bun ne ba// de las 'byung bzhi mdongs 'od 'bar// ye shes rang 'od shar ba dang// 'od rnams 'dres pa'i 'od skor ni// rba phub tsam pa gsum du byung// gcig ni snang la rang bzhin med// de las 'od gsal lha gnas chags// lha yi 'od zer tshul du ni// gzugs med skye mched mu bzhi byung// de yi rig rtsal cho 'phrul la// gzugs khams gnas rigs bcu bdun byung// gnas rigs de rnams thams cad du// ye shes snang ba gnas gyur kyang// ma rig bdag 'dzin dbang gis na// rigs drug sems can dpag med byung// ma rig 'khrul 'khor 'di la zad med 'phel ba med// de la dug lnga dug gsum byung// de las nyon mongs stong phrag brgyad cu byung// rtsa ba 'dzin byed shes pa bun pa gcig/ de las de skyes 'khrul pa'o// [xxx ]/ kun tu bzang mo klong gsal nyi ma'i gsang rgyud las/nang gi bcud kyi sems can 'khrul lugs bstan pa'i le'u ste bzhi pa'o///// kye ho 'dus pa'i 'khor tshogs nyon// 'di ltar steng du 'od skor gnyis la ni// nyi ma dang ni zla ba byung// de yang nam mkha'i bcud yin pas// 'od tshogs tshul du dbyings la shar// de yang ye shes rtsal yin phyir// kun la gsal bar nus pa'o// rlung mdangs yin pas 'gro bar nus// me mdangs yin pas drod dang ldan// nyi ma me yi dwangs ma yin// zla ba chu yi dwangs ma yin// de yi rtsal las gza' skar shar// 'byung gzhi gcig grogs gcig yin no// 'byung bzhi rgyas dus nyi ma ring// 'byung bzhi snyoms dus nyin mtshan mnyam// 'byung bzhi 'khrugs dus nyi ma thung// drod mdangs thams cad nyi ma'o// 'byung bzhi byer dus nyi ma 'chi/ kha char bu yug thams cad kun// drod byung 'byung ba'i rtsal yin no// dbyar ni 'byung ba rgyas pa'i dus// mdangs las rtsi shing myu gu dang// me tog lo 'bras thams cad smin// ston ni 'byung ba snyoms pa'i dus// 'bras bu thams cad bcud du smin// dgun ni 'byung ba 'khrugs pa ste// rtsi bcud thams cad nyams pa'o// dpyid la 'byung ba byer ba ste// mdangs stobs thams cad nyams pa'o// der yang ma rig rgyu las byung//[xxx ] kun tu bzang mo klong gsal nyi ma'i gsang rgyud las/nyi zla 'byung bzhi 'phel 'grib bstan pa'i le'u ste lnga pa'o////[ xxx ]kye ho 'dus pa'i 'khor tshogs kun// ma yengs dgongs pas legs par nyon// 'khrul lugs rnam pa mang bshad kyang// ye shes lnga yi rtsal nyid yin// rtsal gyis ye shes ngo ma shes// dngos po 'dzin pa can du 'khrul// ye shes lnga las 'byung ba lnga// 'byung ba lnga las skye gnas bzhi// rigs dang sems can dpag med 'byung/ khams gsum 'khor ba'i khang pa ru// rgyud drug sems can re mos 'khor// yid dang gzugs kyi 'dam las chags// rang ngo ma shes rang rgyud 'khrul// 'khrul pa lus kyi grub tshul ni// yang dag pa ni ngas bshad do// lnga 'dus mtshan ma sbyor ba las// nyon mongs lnga dang yid drug dang// ye shes lnga yi bdag nyid do// chos nyid gsal mdangs 'od khyim las// 'od zer tshul du ye shes la/ 'gag pa med pa shar ba de// chos nyid gzhi mdangs yin pas ngo ma shes// der 'dzin dri ma ma rig pas// 'dzin byed shes pa breng pa gcig/ bdag dang gzhan du bzung ba de// bdag dang nyon mongs lnga dang yid drug dang// bsdongs nas shes pa breng ba gcig/ pho mo sbyor ba byed pa la// bde ba gnyis snyoms 'dres pa'i dus// ye shes rang rtsal ma rig pa// gnyis 'dzin sems de mngal du 'thums// pha ma gnyis kyi thig le dang// rgyu rkyen 'di dag rab tu 'dres// mtshal dang zho yi tshul ltar ro// 'byung ba bzhi yi lus su 'ong// zhag ni bdun tshan brgyad dag tu// mer mer nur nur gor gor dang// ltar ltar mkhrang gyur khyab 'jug dang// rus sbal sbal pa lta bu de// rim pa bzhin du lus rgyas so// zhag ni bdun tshan dang po la// 'byung ba chu yis rab bsdus te// mer mer po yi thig le ni// yungs 'bru brgya yi cha tsam chags// 'byung bzhi rlung sems 'dus pa yis// lus po chags pa'i rten sems yin// zhag ni bdun phrag gnyis pa la// 'byung ba sa yi sa rab brten te// yung 'bru bcu yi cha tsam chags// zhag ni bdun phrag gsum pa la// 'byung ba me yis rab smin te// yungs 'bru brgyad cha tsam du chags// zhag ni bdun phrag bzhi pa la// 'byung ba rlung gis rab gtor te// thig le dkar po dngul chu bzhin// yungs 'bru phyed pa gcig tu chags// zhag ni bdun phrag lnga pa la// 'byung ba chu yis rab bsdus te// yungs 'bru gcig gi tshad du chags// zhag ni bdun phrag drug pa la// me rlung gnyis kyis rab smin te// yungs 'bru gnyis kyi cha tsam chags// zhag ni bdun phrag bdun pa la// 'byung bzhi 'dus nas mer mer po// yungs 'bru gsum gyi cha tsam chags// mig gnyis rab tu 'phra bar 'gyur// zhag ni bdun phrag brgyad pa la// 'byung bzhi rab tu 'khrugs pa yi// chus bshigs sas mnan mes bsdus bsregs// rlung gis gtor zhing med par byas// de nas chu yis rab bsdus te// nur nur sran ma bcu cha chags// shar gyi rtsa ni ri bong rdul// stong du btang ba'i cha tsam chags// zhag ni bdun phrag dgu pa la// 'byung ba sa yis sra bar byas// sran ma dgu yi cha tsam dang// lho yi rtsa ni gong ltar chags// zhag ni bdun phrag bcu pa la// me yis drod bskyed brtan par byas// sran ma/ bdun cha tsam pa dang// nub kyi rtsa yang gong ltar chags// zhag ni bdun phrag bcu gcig la// 'byung ba rlung gis rab gtor nas// sran ma lnga cha tsam gcig chags// byang gi rtsa yang gong ltar bskyed// zhag ni bdun phrag bcu gnyis la// lus ni sran ma rdog po tsam// nur nur po dang sa thag ltar/ khyad par mig gnyis gsal bar chags// zhag ni bdun phrag bcu gsum la// 'byung bzhi 'khrugs te slar bshig go/ zhag ni bdun phrag bcu bzhi la// rab tu 'dus te mthe bong tsam// rtsa yang shin tu rags pa bskyed// zhag ni bdun phrag bco lnga la// rlung gis phye zhing chu yis bsdus// sa yis bzung zhing me yis smin// lte ba sprul pa'i 'khor lo la// rtsa 'dab drug cu rtsa bzhi chags// rlung sems 'dus pa'i spyan gnyis chags// zhag ni bdun phrag bcu drug la// snying ga chos kyi 'khor lo ste// rtsa 'dab sum bcu rtsa gnyis chags// zhag ni bdun phrag bcu bdun la// mgrin pa longs spyod 'khor lor chags// rtsa 'dab bcu drug spyan gnyis chag/ zhag ni bdun phrag bco brgyad la// spyi bo bde chen 'khor lor ni// rtsa 'dab sum brgya drug cu dang// rlung sems 'dus pa'i spyan gnyis chags// zhag ni bdun phrag bcu dgu la// rlung gis bskyed nas so sor che// chu yis bsdus shing sa yis bzung// me yis smin cing mkhrang bar byas// dbus su rtsa gsum ka ba dang// 'khor lo bzhi la dril te chags// zhag ni bdun phrag nyi shu la// 'byung bzhi'i las kyis mkhrang gyur zhig khyab 'jug nya ltar gyur pa'o// zhag ni bdun phrag nyer gcig la// sas bzung mes smin dbang po dod// zhag ni bdun phrag nyer gnyis la// chus bskyed pas su lus grub ste// rus sbal lta bur khyud gang gyur// zhag ni bdun phrag nyer gsum la// me yis smin cing yan lag skye// zhag ni bdun tshad nyer bzhi la// rlung gis bskyed nas dbu mar tshud// de dus lus kyi 'byung ba snyams// ye shes dag kyang bskyed pa'o// zhag ni bdun phrag nyer lnga la// chu yis smin cing sa yis then// sha dang khrag kyang grub pa'o// lus ni sbal pa lta bu ste/ mtho gang tshad du bskyed pa'o// zhag ni bdun phrag nyer drug la// me yis mig dang shes pa gsal// rlung gis yan lag don snying thams cad dang// rnam shes phung po khams dang skye mched gsal// zhag ni bdun phrag nyer bdun la// zas kyi dwangs ma bcud dril bas// lpags pa ba spu skra rnams bskyed// nyon mongs rlung gis 'phrig 'gul byed// phal cher zla gsum nyer gcig na// 'phrig 'gul byed par bshad pa'o// sa dang chu dang me dang gsum// rlung gis phye shing lus smin no// de nas bdun tshan dgu la ni// rlung gis phul nas phyir 'byon te// gzhug nas thon te sprul pa'i sku// thog mar rig rtsal ye shes lnga// ma rig 'khrul pas byung ba ste// 'byung ba lnga las byung ba'o// des na lus 'di sprul sku dngos// ye shes chen po'i 'byung gnas nyid// lus can kun la bzang ngan med// bde gshegs ngo bo 'gro kun la// til la mar gyis khyab bzhin gnas// ma rig grol tshe 'byung ba'i lus// lhag med ye shes ngang du zlog/lus 'di sku gsum nyid yin no// rtsa khams thams cad lha yi sku// lte ba dag nas rim bzhin nyid// gzung 'dzin srid pa'i sbyor mtshams su// lte ba gru gsum rtsa ru chags// rlung sems thig le rnam par 'phro// mig gi rnam pa lta bu ru// mer nur gor dang rus sbal ltar// lte ba dag nas 'byung bzhi bskyed// rim gnyis bskyed nas sprul sku'i tshul// zla dgu ngo bcu zhag gi grangs// nyis brgya bdun cu dag la 'byon// bdun tshan sum cu rtsa dgu la// lus rdzogs rlung gis phul ba'o/[ xxx ]/ kun tu bzang mo klong gsal nyi ma'i gsang rgyud las/ 'khrul pa lus kyi grub tshul bstan pa'i le'u ste drug pa'o////[xxx ]kye ho 'dus pa'i 'khor tshogs kun// legs par bshad kyi yid la zung zhig nyon// gnas lugs spyi yi gzhi ma las// rnam pa gnyis su ngas bshad do// thog ma'i spyi gzhi gong du bstan// rang rig gnas lugs 'di ltar ro// rig pa ye shes khyab gdal che// 'khor 'das kun gyi srog yin no/ khyad par lus dang sems la khyab// rig pa nyid ni 'di ltar ro// ngo bo rang bzhin thugs rje gsum dang ldan// sems can kun la khyab par gnas// lus can thams cad rig pa'i rtsal// mngal zhugs byang chub lnga ldan te// zla ba dgu ni thig le ste// zla ba bcu ni sa bcu'i tshul// skye gnas rang bzhin sprul pa'i sku// lhun grub sku gsum bdag nyid do// rang byung ye shes 'byung ba'i mdangs// ye shes rang lus ye shes la// da lta 'khrul kyang ye shes rtsal// rang ngo shes na ye shes nyid// sems can rang rgyud rtog tshogs ni// bzhi bcu rtsa gnyis sangs rgyas te// phung po 'byung ba yab yum lnga// gdug lnga ser sna thub pa drug/ tshogs brgyad sems dpa' yab yum brgyad// sgo bzhi sgo ba yab yum bzhi// g.yas g.yon nyi ma zla ba gnyis// rang byung rig pa'i rang rtsal las// sku lnga dang ni ye shes lnga// rig pa 'od lnga rlung gi lnga// shes rab lnga la sogs pa gnas// rig pa ye shes sku lnga ste// rang gi rig rtsal sku lngar shar// rnam snang mi bskyod rin chen 'byung// snang ba mtha' yas don yod grub// rig pa ye shes rten ldan nyid// rig pa'i yon tan 'od lngar shar// rig pa'i rtsal las ye shes gsum// ngo bo stong pa'i ye shes dang// rang bzhin gsal ba'i ye shes dang// thugs rje kun khyab ye shes so// rig pa sku gsum 'od gsum ldan// dmigs su med pa chos sku'i 'od// ma 'gags gsal ba longs sku'i 'od// snang ba sna tshogs sprul sku'i 'od// sku dang ye shes 'od gsum ni// dbyer med sum brtsegs tshul du gnas/ khams gsum sems can thams cad ni// ye shes rig pa'i gnas yin no// lus can kun la khyab par gnas// lus ni rnam pa lnga ru bstan// rang bzhin lhun grub 'od kyi lus// thog med kun khyab yid kyi lus// dwangs snyigs 'byed pa mi yi lus// dmigs pa'i rten byed sems dpa'i lus// sna tshogs 'gyur ba sprul pa'i lus// lus ni ye shes snying po can// rang byung lhun grub rtsal yin no// kun tu bzang mo klong gsal nyi ma'i gsang rgyud las/ gnas lug gzhi las rang gi rig pa gnas pa'i le'u ste bdun pa'o//// kye ho 'dus pa'i 'khor tshogs nyon// phyi rol yul snang thams cad kun// sems la 'di ltar tshang ba'o// rig pa'i rang rtsal rgyas pa las// sems zhes ming du btags pa'o// sems can kun rig dri ma med// phung po 'byung ba yab yum lnga// rtsa khams skye mched sems dpa'i tshogs// srid pa gsum dang lus sems so// sems ni dran sems rig pa'i rtsal// snang shes dag tu gyur tshad kun// rig pa nyid las logs na med/ khyad par rig pa'i ye shes nyid// lus can kun la khyab pa ste/ khyad par 'di ltar nyid du gnas// snying dang rtsa dang dung khang dang// mig dang bzhi yi gzhal med du// ye shes chen po de na gnas// sems can kun gyi lus kyi nang// tsit+ta dung khang rtsa nang sgo// de ni rig pa'i gnas yin no// sems kyang rig pa'i rang rtsal yin// ngo bo sems ni wal po rjes med yin// rang bzhin sems ni gsal rig stong pa yin// thugs rje'i sems ni phra rags thogs pa med// sems ni rtog byed gsal la ngo bo stong// rig pa nyid dang gnyis su med// rin chen lus kyi nang dag na// yongs la khyab pa'i sems gcig po// ngo bo stong gsal sku ru gnas// rang bzhin stong gsal thig le'i 'od// thugs rje snang stong sgron ma 'bar// rang rig ngo bo skur gnas te// gsal la rang bzhin ma grub pas// snying nang zhi ba yab yum tshul// dung khang khro bo'i tshul du gyi gnas// lus la gnas pa'i rig pa yang// phyi ltar khro bo'i rang bzhin la// nang ltar DA ki yab yum mo// gsang ba ltar na yi ge lnga// yang gsang thig le nyag gcig go/ thams cad rang byung ka dag nyid// rig pa sku yi rang mdangs ni// tsit+ta'i nang na thig le dang// 'od zer lta bur gnas pa'o// rig pa ye shes thig le'i sku// stong gsal rang mdangs nyid du gnas// rig pa sku yi rang mdangs nyid// rtsa yi nang du nyi zer bzhin// dbang po'i sgo la ngais thon te// thig le'i sgron ma nam mkha'i dbyings su gsal// rig pa'i sku ni bum sku bzhin// ye shes bum pa'i mar me 'dra// thig le me long dngos ltar gsal/ rtsa yi gtso bo gsum la ni// yan lag grangs las 'das pa gyes// so so'i dbang po'i sgor ston byed// de yis chos su ston par byed/khyad par snying nas 'brel ba yi// dar skud ba man ra 'dra'i kha// dbang po mig la zug pa ste// de ni chos nyid gsal ba'i lam// yid dpyod tshig phyir ma lus pa// mngon sum 'char ba'i sgo ni mig/gzhan la de ltar ma yin no// de yang phyi nang gsang ba gsum// dbang po phyi yul gnas dang gsum// rkyen bral gsum la 'char bar 'gyur// lus ngag yid gsum gnad gzir cing// mngon sum gnad de blta ba'i thabs// bla mas de ltar ngo sprad pas// rgyang zhags la ni sgron ma shar// yul snang rang mdangs nyid du gsal// de nyid shes rab sgron ma yin// nyams kyi snang ba gong 'phel lo// yul du sgron ma dag pa ni// lam snang rig pa lu gu rgyud// lam snang lhun grub rig mdangs lnga// lam snang thugs rjes dbang po gsal// de ltar dbang po mngon sum du// gang gis goms pa sangs rgya'o// kun tu bzang mo klong gsal 'bar ma nyi ma'i gsang rgyud las/phyi rol yul sems la tshang ba dang/ rig pa ye shes gnas lugs dang/ lam dang 'char sgo yul gang gsal legs par gtan la phab pa ste le'u brgyad pa'o////[xxx ]/ kye ho 'dus pa'i 'khor tshogs nyon// rang lus rgyal ba'i dkyil 'khor la// ye nas rnam dag ye shes gnas// de la ngo bo 'di ltar sprod// thos ma'i ka dag ye shes lnga// de la dbyer med sku lnga ste// de gsal 'od lnga de yul lnga// ye shes mkha' 'gro shes rab lnga// kun kyang ye shes rtsal yin no// de ltar lus dang sems la gnas// rang rig dri ma med pa 'di// me long ye shes zang thal yin// rang rig dbye bsal bral ba 'di// mnyam pa nyid kyi ye shes 'di// rang rig gsal stong 'gag med 'di// so sor rtogs pa'i ye shes yin// rang rig sgrub rtsol bral ba 'di// bya ba grub pa'i ye shes yin// rang rig grub pa med pa 'di// chos kyi dbyings kyi ye shes yin// lam lnga dag kyang rang la tshang// rang rig dri med gsal ba 'di// me long ye shes lam nyid do// stong pa phyogs cha bral ba 'di// mnyam nyid ye shes lam du 'dod// rang rig gsal stong so sor shar// so sor rtogs pa'i ye shes lam// rang rig shar grol snang tshul 'di// bya ba grub pa'i ye shes lam// ye nas rang rig bsgom bral 'di// chos dbyings ye shes lam yin no// 'di ltar rang rig ye shes 'di// phyi ltar 'byung ba lnga ru snang// nang ltar phung po lnga yin no// gsang ba ltar na dngas ma lnga// yang gsang ltar na yig 'bru lnga// bla med ltar na mkha' 'gro lnga// rigs rtsal ye shes sems nyid do// rten pa phyi yi lus la brten/ khrag ni yum chen mA ma kI// drod ni yum chen gos dkar mo// sa ni sangs rgyas spyan ma ste// dbugs ni dam tshig sgron ma ste// sems ni nam mkha'i dbyings phyug ma// gzugs phung rdo rje sems dpa' yin// tshor ba'i phung po rin chen 'byung// 'du shes phung po snang mtha' yas// 'du byed phung po don yod grub// rnam shes phung po rnam snang mdzad// thub pa drug kyang rig rtsal dang// nga rgyal lha yi thub pa yin// phrag dog lha min thub pa yin// 'dod chags mi yi thub pa yin// gti mug byol song thub pa yin// ser sna yi dwags thub pa yin// zhe sdang dmyal ba'i thub pa yin// skye mched bcu drug sems dpa' sems ma'i tshogs// chu yi sgo ni lcags kyu yab yum yin// sa yi sgo ni zhags pa yab yum yin// me yi sgo ni lcags sgrog yab yum yin// rlung gi sgo ni dril bu yab yum yin// pha yi sgo ni thig le zla ba yin// ma yi thig le nyi ma yin// rig pa ye shes sku lnga ste// rig pa cir yang snang bas rnam snang yin// rim pa 'gyur ba med pa mi bskyod sku// rig pa thog mtha' med pas snang mtha'i sku// rig pa dgos 'dod 'byung bas rin 'byung sku// rig pa lhun grub yin pas don grub sku// rig pa rang nyid yin par rtogs pas bde gshegs rigs// rang rig 'gyur ba med pas rdo rje'i rigs// rig pa yon tan 'byung ba rin chen rigs// rig pa skyon dang bral ba pad+ma'i rigs// rig rtsal ma 'gags las kyi rigs// rig pa ye shes 'od lnga shar// rig pa dri med rang 'od dkar// rig pa kun 'byung rang 'od zer// rig pa rtsal rdzogs rang 'od dmar// rig pa rang grol rang 'od ljang// rig pa kun khyab rang 'od mthing// yang ni rig pa shes rab ye shes lnga// 'khor 'das gnyis su phye bas na// 'byed pa'i shes rab rig pa yin// thams cad rig pa rang yin pas// bsdus pa'i shes rab rig pa yin// rig pa'i rtsal las thams cad shar// bskyod pa'i shes rab rig pa yin// rig pas 'khor 'das srog gcod pa// sgrol ba'i shes rab rig pa yin// thams cad rig pa nyid yin pas// rang byung shes rab rig pa yin// rlung lnga dag kyang rig pa ste// rig pa ye shes rang drod ldan// me dang mnyam pa'i rlung yang zer// rig pas 'khor 'das srog 'dzin pas// srog 'dzin rlung yang rig pa'o// rig pa 'khor 'das sa mtshams 'byed// 'byed pa'i rlung yang rig pa yin// rig pa 'khor 'das yongs la khyab// kun la khyab byed rlung zhes zer// rig pa 'khor 'das myang 'das sgrol// snying rje med pa'i rlung zhes zer// rig pa ye shes mkha' 'gro ma// rig pa mi 'gyur rang byung sku// rdo rje mkha' 'gro rig pa nyid// rig pa zang thal sna tshogs 'char// rin chen mkha' 'gro rig pa nyid// rig pa skyon bral rig mdangs lnga// pad+ma mkha' 'gro rig pa yin// rig pa thog med kun la khyab// las kyi mkha' 'gro rig pa yin// rig pa rang byung skye gnas bral// sangs rgyas mkha' 'gro rig pa yin// bdag med chos kyi sku gsal stong// rig pa yig 'bru rig lngar gsal// phyi dang nang dang gsang ba'o// phyi ltar oM hUM traM hrI a// nang ltar ha ri ni sa hUM// gsang ba oM dang AHdang hUM// rig pa sku gsum nyid yin te// stong pa 'gag med chos kyi sku// gsal stong 'dzin med longs sku ste// rig rtsal 'gag med sprul pa'i sku// stong gsal 'gag med rig pa'o// rig pa 'gyur ba med pa'i gzhi// rig pa 'gag pa med pa'i lam// rig pa rang rig stong pa ste// 'bras bu zhes su btags pa'o// rig pa lta spyod sgom gsum ste// dmigs su med par lta ba ste// rang bab gnas pa sgom zhes so// ngang la bzhag pa spyod pa'o// rig pa ye shes nyag gcig sku// ma rig phugs ded ye shes dang// dug gsum ngos bzung sku gsum dang// dug lnga phugs ded ye shes lnga// ye nas rang la tshang ba ste// gzhan nas btsal bas ga la rnyed// ye shes rlung de kun la khyab// 'gyu ba dal rten ye shes rlung// rang bab ngang gnas rlung du 'dus// rtsa dang rlung dang thig le dang// sku dang ye shes 'du bral med// ye nas ye shes rtsal nyid do// ye shes rtsal gyis lus grub pas// rtsa grub de la thig les khyab// rgyu yi thig le yi ger gnas// de la sku dang ye shes kyi// thig le dag ni gnas pa'o// kun rdzob rgyu yi thig le ni// 'byung ba lnga yi dngas ma yin// 'khor 'das kun gyi srog 'du'o// thig le nyid kyang ye shes so// ye shes nyid kyang lhun grub bo// lhun grub nyid kyang gsal stong ngo// gsal stong nyid kyang rang rig go/ thams cad rig pa'i rang rtsal yin// rang rig rtsal snang shar ba la// sems zhes ming du btags pa'o// sems zhes ming du btags pas ni// 'di yin med pas gsal stong ste// rtog byed gsal yang mkhan po stong// rtsal snang rlung gi rta la zhon// rlung yang rig pa'i rang rtsal yin// rin chen zur brgyad snying gi dkyil// kun khyab ye shes ngo bo ni// sa bon yi ge'i tshul du gnas// de nyid ngo bo shes pas chog/ gzhi yang ye shes rang las byung// ye shes ma rig 'khrul pa las// 'byung ba'i mdangs dang ye shes 'dres// de 'dzin rkyain gyis sha lus grub// ye shes tsit+ta snying nang du// thig le dag dang mnyam du gnas// rtsa sgor gsal tsam ma yin pa// nang gsal sha khrag rgya yis 'thums// de ltar ye shes gting gsal de// rkyen gyis nyams su sus blangs pa// lhag med dag tu mya ngan 'das// ye shes nyid la ye shes thim// lhun grub nyid kyang sbubs su nub// kun tu bzang mo klong gsal 'bar ma nyi ma'i gsang rgyud las/rang la gnas pa'i ye shes ngo sprad pa'i le'u ste dgu pa'o//[ xxx ]/ a ho 'dus pa'i 'khor tshogs kun// ma yengs dgongs pas legs par nyon// ma grub thog ma'i 'og dag tu// kun khyab ye shes gnas pa la// 'khrul med 'khrul dang gnas pa'i tshul// lam dang 'char sgo yul gang gsal// legs par dgongs nas rim bzhin bstan// nga ni 'di ltar bshad par bya// nyams len gong 'phel grol ba'i rtags// rkyen gyi bar chad ji lta bu// dris pa'i len du ngas bshad do// thog ma'i ka dag stong gsal las// 'od khy-im kha dog lnga ldan las// gsal 'tsher lhun sdug 'od zer 'phro// de yang ye shes rtsal nyid do// rang byung ye shes rang las byung// de shes ye shes rtsal du brjod// ye shes lnga las 'byung bar 'khrul// 'byung bzhi'i dwangs ma sems can grub// sems can sangs rgyas gnyis med kyang// ma rig rtog pa'i rgya yi 'thums// rtog pa'i dri ma bsal dka' bas// rim bzhin nyams su len pa gces// sems la ye shes gnas gyur kyang// ma sbyangs bar du gsal mi 'gyur// til 'bru 'am ni yungs 'bru la// mar ni ye nas khyab gyur kyang// ma btsir bar du mar mi 'byung// 'o ma mar gyi rang bzhin te// ma bsrubs pa la mar mi 'byung// sa gzhi sa bon ldan gyur kyang// so nam rim bzhin ma byas na// 'bras bu smin par ga la 'gyur// de bzhin chos rnams thams cad kun// sems can kun gyi rgyud la gnas// ye nas sangs rgyas rgyu yin kyang// bsgom bya sgom byed thabs kyis bsgom// rim bzhin nyams su ma blangs na// 'bras bu ka dag ga la thob// ye shes rang ngor gnas gyur kyang// 'khrul 'khor rim par ma gcun na// yul snang bzhi la 'char mi nus// de ltar shar ba'i ye shes de// ngo bo rig thog don 'phrod na// gang shar sbrul mdud bzhin du grol// shar grol dus mnyam 'dzin pa bral// rig pa rtog tshe 'dzin pa grol// kun 'byung srid rtsa rtogs pas grol// shes pa klod pas gnad rnams grol// gnas lugs bcun pas rang ngo shes// kye ma kye ma rig mchog rnams// kun tu bzang mo klong gsal gyi// gsang ba yang gsang bla med kyi// dgongs pa mtha' ru phyin pa'i phyir// sangs rgyas gnad rnams gcig tu dril// zab mo dgongs pa'i yang bcud 'di// nyams su 'di ltar rang bzhin longs// bla ma mtshan nyid ldan pa ni// blo tshe khog yangs rang rgyud dul// brtse ba'i sems ldan rang snang dag/gnas lugs rtogs pa khong du chud// shes rab rgyud smin dbang po dngas// yo byad rdzas 'dzom snang ba 'gyur// de lta bu yi bla ma yis// mtshan nyid ldan pa'i slob ma la// dbang khrid dam pa rim bzhin dbog/mtshan nyid ldan pa'i slob ma ni// legs pa 'di ltar brtag par bya// gsang sngags snying po'i don 'di ston pa la// snod kyi dam pa bstan pa mchog tu gces// snod kyi mtshan nyid 'di lta ste// dam tshig gtsang ldan dag snang che// dug lnga'i shugs chung blo khog yangs// dad ldan snying rje gtong phod che// rgyud dal sdig 'dzem dbang po rno// gsang thub nyams len brtul zhugs che// skyo shas sdug sran snying rus ldan// rang rgyud dul zhing snying rjer ldan// de lta bu yi slob grogs mched// gsang jags snying po'i snod du rung// 'gro ba 'dren pa'i gru chen mchog/ snod dang mi ldan slob ma ni// shes chung kha song stong skad che/kha mkhas lag dam g.yo zog che// ja ma'i gsung gcog drin du rtsod// yon tan mi mthong skyon rnams 'dogs// ja ma dman nas rang la bstod// don dam tshig dang nyams len 'chal// slob ma ma brtags slob dpon dgra// nyams su mi len gang zag la// rdzogs pa chen po 'di dag ni// don dam gdams pa bstan mi bya// snod ngan rnams su jug pa la// snod chag bcud 'bo dmyal bar ltung// snod ngan rnams la don 'di sbos// sa ma ya/ rgya rgya rgya/ kun tu bzang mo klong gsal nyi ma'i gsang rgyud las/ gdams pa nyams su blangs pa gal che bas/ ja ma mtshan nyid dang ldan pa yis/ slob ma snod dang ldan mi ldan brtag pa'i le'u ste bcu pa'o/// [xxx ]/ kye ho 'dus pa'i 'khor tshogs nyon// snod bcud ldan pa'i dpon slob rnams// gdams pa nyams su len pa la// gnas kyi khyad par gal che bas// legs par mtshan nyid brtag pa gces// bkra shis byin chags yon tan 'byung ba'i sa// grub thob gong ma rnams kyi zhabs kyis bcags pa yi// gangs khrod ri rtse dur khrod dam// shin tu dben la dwangs shing mtho ba'i sar// skal ldan skyes bus nyams su len pa'i gnas// yo byad 'dzom zhing mi rgod gtse ba med// de lta bu yi gnas nyid bsten par bya// kun tu bzang mo klong gsal 'bar ba nyi ma'i gsang rgyudu las// gnas brtag pa'i le'u ste bcu gcig pa'o//// oM AHhUta?/ rgya rgya rgya/ kye ho 'dus pa'i 'khor tshogs nyon// gsang sngags snying po nyams su len pa la// dus kyi mtshan nyid rim pa bstan par bya// bdag gzhan gnas rkyen 'dzom pa dang// dus tshod tshes grangs yar ngo la// tshes brgyad bco lnga stong gi dus/ khyad par thod rgal dbang khrid ngo sprod ni// dbyar ma ston dang dgun chung dpyid kyi dus// zer gnyis dus ni mchog tu bshad pa yin// de sgo yul bdag gzhan rkyen bral ba'i dus// gsang ba yang gsang nyams su len pa'i dus// yang gsang don 'di nyams su len pa la// gsang jags dbang la ma brten 'grub par ga la 'gyur// dper na gnyen pa lag skya med pa ltar// gru yis pha rol bgrod par ga la 'gyur// spros bcas phyi yi bum dbang dang// spros med nang gi gsang dbang dang// rab tu spros med shes rab ye shes dbang// shin tu spros med tshig dbang rin po che// snod ldan bu la bskur phyir rim par bstan// dbang dang dus kyi le'u ste bcu gnyis pa'o////[xxx ]/ kye ho 'dus pa'i 'khor tshogs nyon// gsang ba yang gsang snying po'i bcud nyid ste// nor 'khrul med pa nyams su len pa la// yo byad phun sum tshogs pa shin tu gces// snga ma mtshan nyid ldan zhing rgyu drug tshang// slob grogs snod ldan rgyud drug ldan pa la// gnas dus yul rkyen bral ba dang// me tog dbang yon gtor tshogs dang// nyams len dus su khams kyi rten gsong g+Nal// dbang rdzas rol mo sgra snyan yid 'ong bcas// de ltar yo byad thams cad tshogs gyur na// bsam gtan 'phel zhing brtan pa myur du thob// mtshan ldan rdzas bral rkyen dbang nyid du gyur// ces so// yo byad kyi rdzas bstan pa'i le'u ste bcu gsum pa'o////[xxx ]/ kye ho 'dus pa'i 'khor tshogs nyon// gsang sngags phyi nang bar gsum dang// yang gsang thig le nyag gcig tu// thams cad dril nas snying po'i bcud// nyams su 'di ltar len par bya// yon tan 'byung ba'i gnas nyid du// nang tshangs can gyi stan la ni// mnyam bzhag skyil mo krung du bya// lus ngag yid gsum sngon 'gro ni// mi rtag snying rje byams sems sgom// stong nyid snying rje'i ngang can des// sems can kun la brtse bar bya// yang yang sems sbyang mi rtag bsgom// de yang jon du 'gro ba gces// nyams len nyid kyi rtsa ba ni// gdams pa sbyor dngos mjug gsum mo// sbyor ba gong du bstan nas kyang// dngos gzhi 'di ltar bshad par bya// lus ni ma rig rgyus bskyed phyir// rigs drug sa bon nyid du gnas// spyi bo mgrin pa snying ga dang// lte ba gsang gnas rkang mthil drug/a tri nr-i su pre du drug gnas so/ kha dog dkar mthing ljang gu dang// ser po dmar nag dud kha dug/ sa bon drug po ma dag pas// rgyun du rigs drug 'khor ba 'khyams// sa bon de drug sbyang slad du// rig pa sku gsum dngos yin phyir// sku gsum yi ge gsum du gnas// yi ge rtsal sbyang ru shan dbye// dbye ba dngos ni 'di ltar ro// bdag nyid tha mal pa yi lus// gnas drug yig drug gsal bar bsgom// bdag nyid spyi gtsug oM dkar bsgom// mgrin par AHdmar snying gar hU[¿] mthing bsgom// yi ge gsum la ye shes me// dkar dmar mthing ga gsum 'bar bas// rigs drug sa bon drug po dang// lus ngag yid gsum sdig sgrib dang// ma rig pa yi bag chags rnams// gzhob tu thul du bsreg par bsgom// oM AHhUM gsum bdun 'bum bzlas// de ltar su yis byas pa'i mi// lus ngag yid gsum ru shan phyed// rigs drug 'khor ba'i skye sgo chod// thun mong mchog la sbyor bar nus// sa ma ya/ klong gsal 'bar ma nyi ma'i gsang rgyud las/ oM AHhUta? rtsal sbyang ba'i le'u ste bcu bzhi pa'o//// a ho 'dus pa'i 'khor tshogs nyon// dngos gzhi zag med ye shes 'di// rgyud la brten cing lta 'dod na// nyan thos zhi ba'i lta stangs kyis// lus ngag yid gsum rnal du dbab// lus ni rnam snang chos bdun rten// phyag rgya mnyam bzhag skyil krung bcas// gzhung bsrang mgrin dgug mjing pa dgye// bsgul bskyod mi bya lhan ner gnas// ngag ni smra ba rgyun bcad nas// sgra skad gang yang mi bya'o// sems ni dran gsal mi spro zhing// mig gnyis sna yi rtse la gtad// sna yang sems kyi rtse la gtad// gcig tu dril la mnyam par gzhag/ de ltar nyan thos zhi ba yi// lta stangs nyid kyis lus ngag yid// rnal du phab ste bsgom pa'i thabs// yang dag pa ni de ltar ro// [xxx ]yang gcig 'dus pa'i 'khor tshogs nyon/ khro bo nyid kyi lta stangs kyis// lus ngag yid gsum rnal dbab cing// rnam pa gsum du shes par bya// sus kyang g.yo 'gul med par 'gying// ri bo lta bur brtan par bya// nam mkha' lta bur khyab par bya// rgya mtsho lta bur gang bar bya// ngag ni khro bo'i gad rgyangs tshul// ha ha hi hi hUM dang bcas// phaT dang bcas pa brjod par bya// sems ni mig gi nang du gtad// mig gnyis bar snang dbyings su bgrad// mi 'gul bar ni mdung tshugs gtad// rnam rtog thams cad zil gyis gnon// gsal stong chen po'i nyams snang 'char// thun mong mchog la sbyor par 'gyur// sa ma ya/ rgya rgya rgya// a ho 'dus pa'i 'khor tshogs nyon// nyan thos nyid kyi lta stangs kyis// lus ngag yid gsum rnal dbab cing/ khregs chod nyid kyi dngos gzhi'o// lus ni mi 'gul dal bar bya// ngag ni mi smra rang sar bzhag/ sems ni mi spro rang sar klod// mig gnyis zim bu sems la gtad/kha ni yud tsam gdangs pa la// so yi bar du nas thar tsam// sgo gsum rlung gis dal ba la// yid tsam phyir la 'dur ba'o// de ltar yun du yang yang sbyangs// de nas rtog pa rtsad gcod pa// rnam rtog bla phyi dbus gsum ni// gzugs dang kha dog ji ltar 'dug/ dang po byung sa gang nas byung// bar du gnas sa gang na gnas// tha mar 'gro sa gang du 'gro// skyon dang yon tan ci 'dra 'dug/legs par brtag cing yang yang bsgom// de ltar bsgom pas rnam rtog kun// thams cad lus dang sems las byung sa ru// legs par thag bcad sems su dril// lus 'di ma rig rgyus bskyed pas// sems kyi gnas sa rtsal du 'dod// sems med lus 'di ci 'dra brtag/ bems po 'dra bar thag kyang bcad// sems stong thog mtha' sems dang sbyar// lus med sems 'di ci 'dra brtag/ rlung dang nam mkha' ngos yang bzung// sems su thag bcad tshar rjes su// rnam rtog thams cad sems la sbyar// sems dang rnam rtog gcig tu dril// de nas sems kyi byung sa dang// gnas sa 'gro sa 'gro mkhan dang// gzugs dang kha dog dngos po dang// skyon dang yon tan ci 'dug brtag/ yang yang dmigs pa gtad cing bsgom// sems la byung sa ma rnyed na// sems nyid stong par thag kyang bcad// stong pa ngos bzung bral ba de// chos kyi sku ru ngo yang sprad// rgyun du de la gnas par bya// de nas sems la gnas pa ni// yod dam byas na dngos po stong// med dam byas na rtog byed gsal// stong gsal ngos bzung bral ba de// longs spyod rdzogs pa'i sku ru ni// stong gsal 'gag med ngo yang sprad// rgyun tu de nyid ngang gnas bya// de nas sems kyi 'gro sa ni// med do byas na yod pa sems// dge bcu spyad pas thar pa thob// mi dge spyad pas ngan song lhung// de ltar legs nyes las rnams kun// sems kyis byas pa gang du 'grub// de nas sprul pa'i sku dang 'dra// da lta'i shes pa skad cig la// sems dang dran bsam dpag med 'char// sems kyis sems la phar bltas pas// thogs med dngos por ma grub pas// 'gyu ba dwangs sangs bser bu 'dra// de bzhin sems kyi ming dang gzugs/ kha dog skyes mched bcas pa ni// 'gro bya 'gro byed mkhan po med// des na sems nyid skye 'gag med// sprul pa'i sku dang ngo yang sprad// de ltar sku gsum sems la 'char// sems la ngos gzung med pa de// ngo bo stong pa chos kyi sku// sems kyi rtog byed gsal bas na// rang bzhin gsal ba longs spyod rdzogs// sems kyi rtsal snang thogs med 'gyu// thugs rje kun khyab sprul pa'i sku// sku gsum rang bzhin byang chub sems nyid yin// gsal stong 'gag med ngang du ni// bcos bslad med par lhan ne ba// g.yo 'gul med pa wa le ba// bo zag med pa me re ba// gsal stong med par 'khyil le ba// lhan ne khyab be me re ba// sa le sing nge hrig ge ba// tha le khyug ge khrol le ba// 'bol le shig ge ngang la gnas// de ltar byas pa med pa de// rang byung rang shar rang grol nyid// rnam rtog sems su ngo sprad pas// sems kyi ngo bo stong par rtogs// stong pa gsal ba ngo sprad nas// stong gsal gnyis med don kyang rtogs// gnyis med rang grol ngo sprod pas// thams cad 'dzin pa med par rtogs// dug lnga nyid kyang rang sar grol// tshogs drug nyid kyang rang sar grol// phyi nang kun rtog ye stong grol// rang grol yin pas gnyen po med// ye grol yin pas dpyad gzhi med// gcer grol yin pas mthong sar yal// yang grol yin pas 'bad rtsol zad// rang ngo shes pas rang sar grol// sna tshogs rig pa'i rtsal yin phyir// rig pa nyid kyang rang sar grol// stong pa thig le nyag gcig yin// nyag gcig 'khor 'das kun gyi gzhi// gzhi yang gsal stong ngang du grol// gsal stong chos rnams kun gyi gzhi// gzhi yang phyogs ris 'dzin pa bral// ngang nyid 'di la rgyun du gnas// zhes so// klong gsal 'bar ma nyi ma'i gsang rgyud las/ gzhi khregs chos kyi le'u ste bco lnga pa'o///// a ho 'dus pa'i 'khor tshogs nyon// gong ltar jaun 'gro'i rim pa nas// gzigs stangs gsum gyis rnal dbab nas// dngos gzhi khregs chod nyid la ni// gnas sa rten sa grol sa gsum// lus ngag yid gsum gdeng thob nas// thod rgal nyid du 'jug pa ste// phyi nang bya ba kun btang la// 'di ltar rim bzhin bslab par bya// lus ni sku gsum lus yin pas// 'khrul 'khor gsum dang 'bral mi bya// dang po chos sku'i 'khrul 'khor ni// seng ge khyi tshug 'dug pa ltar// yan lag mthil bzhi sa la btsugs// sgal pa bsrang la dpung gnyis brgyang// masnging pa'i ljid ni rgyab tu bor// mig gnyis smin phrag mkha' la gtad// 'gyur ldog med par ha re bgrad// lus ngag yid gsum gcig tu dril// de ltar byas pa'i yon tan ni// 'khrul snang 'jigs pa kun bral nas// dbyings rig 'du 'bral med pa'i nyams// mngon sum rang thog phebs par 'gyur// sa ma ya/ rgya rgya rgya//// gzhung bya[ xxx ]/ da ni longs sku'i 'khrul 'khor ni// glang chen nyal ba lta bu ste// gzhogs g.yas sa la zil phab ste// pus mo gnyis pa brang la sbyar// lag mthil gnyis po 'gram la sbyar// gru mo gnyis po sa la btsugs// rkang sor thams cad phyir la phul// mig gnyis che chung 'gyur ldog med// g.yas dang g.yon du gzigs shing blta// sems ni smin phrag mkha' la gtad// lus ngag yid gsum gcig tu dril// de ltar byas pa'i yon tan ni// gnas lugs gtan la phebs nas su// chos nyid rnams la longs spyod rdzogs// rigs mdangs lug rgyud mthong bar 'gyur// da ni sprul sku'i 'khrul 'khor ni// drang srong tsog pu lta bu ste// mgrin dgug gzhung bsrang tsog pur gtad// pus gnyis brang sbyar phyag rgya gdab// mig gnyis zim bus sUr+ya blta// shar gyi rgya skar bzhin du gsal// g.yas dang g.yon du khrid pa gces// de ltar byas pa'i yon tan ni// sna tshogs rnam par rang sprul te// sku dang thig le'i zhing khams ni// dbang po'i yul du gsal bar 'gyur// sa ma ya// de ltar lus kyi 'khrul 'khor bzhugs stangs gsum// ngag ni lkugs pa lta bu ste// sems ni smin phrag dbyings la gtad// mig ni lta stangs gsum dang ldan// rlung ni shin tu dal ba las// phyi la zur tsam 'du bar bya// so yi bar du nas thar tsam/ kha yang cung tsam gdangs par bya// rkyen bral nam mkha' dwangs pa la// zim bu tshag gis blta bar bya// nub mo tsan+d+ra blta bar bya// skabs su bar snang rkyen bral blta// 'khrul pa thams cad zhing khams su// bkrag dang gzi mdangs ldan par 'char// phyi nang dbyings rig sgron ma rnams// dbang pos mngon du mthong bar 'gyur// rig pa rang mdangs gnas lugs ni// rkyen bral gsum la gsal bar 'gyur// phyi nang dbyings rig dkyil 'khor ni// rang rig lug rgyud 'di bzhin gsal// ye shes lnga ldan 'od kyi lus// sku dang thig le thig phran gsal// stong mangs 'gag med lu gu rgyud// gsal te snang rig stong pa nyid// dbyer med gsal la ma 'dres snang// de ltar shar ba'i gsal mdangs de// ma yengs rgyun du brtan par bya// lus ni ri bo lta bur bya// ngag ni lkugs pa lta bu ste// sems nyid dbying la gtad pa'o// rig gnas lug rgyud btson du gzung// sngon gnad dal ba nyid du ston/ khyad par rlung gnad dal ba gces// de ltar su yis byas pa'i mi// thog ma'i kun tu bzang mo dang// skal ba nyid ni mnyam pa'o// sa ma ya// mjug gi don la 'di lta ste// snang ba bzhi yi 'char lugs ni// chos nyid mngon sum snang ba dang// nyams snang gong 'phel snang ba dang// rig pa tshad med phebs snang ba dang// chos nyid zad pa'i snang ba bzhi// snang ba bzhi yi 'char tshul ma shes na// sa zin med pa'i skyon nyid 'byung// snang ba bzhi ru shes par bya// chos nyid mngon gsum snang ba ni// yid dpyod tshig phyir ma 'brangs par// skyon bral nam mkha' lta bu yi// gzigs stangs bcu bzhi ngo sprad pas// dbang po'i sgo la sgron ma 'di// 'ja' 'am rma bya'i mdongs lta bu// thig le lug rgyud 'brel pa las// 'gul 'phrig rgyu ba'i rnam pa rgyu// ye shes lnga ldan 'od kyi sku// stong gsal mdangs dang ldan par mngon// de ltar gsal ba'i dbyings rig ni// nyi ma'i 'od kyi tshul du gnas// de yang ngo bo ka dag la// rang bzhin lhun grub nyid du ste// thugs rje kun la khyab pa nyid// tsit+ta dag nas rtsa la shar// ngo bo mngon sum sgo la gsal// chos nyid mngon sum zhes su brjod// yid dpyod rnams dang bral ba'o// de ltar mthong ba'i yon tan ni// rig pa mngon sum mthong ba ni// bden pa mthong ba'i gnad kyis su/ khams gsum zlog pa ma yin no// mngon sum rig pa ma mthong na// chos nyid yid dpyod mun las mtha' 'khor nas// 'khor ba nyid du rnam par rgyu// gnyis pa nyams snang gong 'phel ni// shes nyams snang nyams gnyis yin te// shes nyams blo yi 'dzin cha ste// gtad sa med de mi rtog go/ blo ni kun rdzob 'khrul par bshad// blo can mya ngan 'da' don du// 'di ni snang nyams stong par bya// snang nyams rig pa mngon sum ste// ngo bo rjen par rim bzhin 'char// 'khrul 'khor drang srong tsog pu ltar// gzigs ltangs zim bus sUr+ya yi// g.yas dang g.yon du khrid cing blta// dbyings rig gsal dang mi gsal 'char// de yang nyams su blangs pa'i mis// thig le smin mtshams bral ba ste// thig le sran ma tsam pa las// ye shes lnga ldan 'od zer 'bar// dum bur snang dang gyes 'greng dang// rtsib shar dang ni mdung rtse dang// za 'og gur khyim re lde dang// mig tshags lta bu'i 'od skor dang// rnam pa sna tshogs nyid du 'char// de yang nyams su blangs pa yis// 'od lnga mdun rgyab khyab pa dang// thig le me long tsam du 'char// rig pa 'dab chags 'phur ba tsam// de yang nyams su blangs pa yis// dbyings kyi snang ba de dag ni// rin po che yi dra ba dang// 'od kyi dra ba phyed ma dang// mig mangs ris dang mtshon cha dang// nyi zla pad+ma mkhar thabs ris// rin chen 'bar ba phyed pa dang// me phye nya mig phu bskor dang// rma bya'i mdongs dang sna tshogs sku// rim pa bzhin du 'char bar 'gyur// 'od snang rang gi gnas yul dang/ khyab cing bem snang mi mthong ngo// thig le kham phor tsam du 'gyur// rig pa ri dwags rgyug pa tsam// de yang nyams su blangs pa yis// 'od phung yul khams gang bar 'char// thig le bse phub tsam du 'gro// rig pa bung ba bcud lding tsam// de yang nyams su blangs pa yis// 'od phung stong gsum gang ba tsam// dbyings rig nyin mtshan med pa dang// thig le'i nang du sku yang re// phyed sku dang ni sku phran dang// lnga ldan tshom bu ris su 'char// rig pa 'gul 'phrig med par sdod// rig pa snang ba'i yul la gsal// de ltar shar ba'i dus tshod der// bar do'i snang ba tshe 'dir rdzogs// phyi mar bar do med pa ru// mngon par rdzogs par sangs rgya'o// gsum pa rig pa tshad phebs ni// gong gi thig le re re'i nang// rigs lnga yab yum lnga lngar 'char// de dag grangs las 'das pa ste// 'gyur ba med do tshad la phebs// de ltar shar ba'i dus tshod du// nyams su len kyang mi dgos te// longs sku'i snang ba rang chas so// rig pa tshad phebs snang ba yin// longs sku'i mtshan dpe gsal ba des/kha dog ma nges 'asnga' ltar gsal// rigs lnga yab dang yum du bcas// de nas lnga lnga zung du bcas// rab tu gsal ba thig le 'brel// yab yum sku yi snang ba can// 'khrul snang zad nas zhing khams rgyas// 'byung lnga rang sar dag nas su// rdos bcas lus kyang 'od skur grol// bzhi pa chos nyid zad pa yis// snang ba zhes ni 'di ltar ro// gong gi nyams snang de dag gi/ 'phel ba nyid ni zad pa ste// nyams zad gsal stong ngang la zad// lus zad dbang po'i yul yang zad// rtog tshogs gnyis 'dzin 'khrul pa zad// brjod pa'i tshig kyang zad pa'o// nyams rtags thams cad rdzogs pa ste// de yi 'dzin pa rang sar grol// chos nyid zad pa'i snang ba ni// tha snyad ming gi bla dgas so// don la thog ma'i gzhi dag tu// ngo bo rang sar zlog pa'o// rang gi lus kyang med pa ru// chos sku nyid du mngon sangs rgyas// thams cad brjod gzhi bral ba ste// stong gsal nyid du rang log go/ de ltar zad sar ma 'khyol na// 'khor ba nyid du 'khyams pa'o// kun tu bzang mo klong gsal nyi ma'i gsang rgyud las/ dngos gzhi zag pa med pa'i ye shes de// rgyud la rten cing nyams su len pa ste// lam thod rgal du 'ablug pa'i le'u ste bcu drug pa'o//// zab rgya/ gnyan rgya/ gter rgya/ sbas rgya// kye ho 'dus pa'i 'khor tshogs nyon// gong gi khregs chod thod rgal gyi// mtha' rten rgyab brten 'di yin te// man ngag bzhin du shes par bya// mi 'gul gsum la gzhi byas la// rlung sems gnad du phebs par 'gyur// lus ni 'khrul 'khor bzhugs stangs gsum// mig gi gzigs stangs gsum dang ldan// sems ni mngon sum dbyings la gtad// lus mi 'gul bas rtsa mi 'gul// rtsa mi 'gul bas mig mi 'gul// mig mi 'gul bas rlung mi 'gul// rlung mi 'gul bas sems mi 'gyu// sems mi 'gul bas rnam rtog chad// rnam rtog chad pas dbyings rig dang// de ltar gsum po mi 'gul gsum du bstan// kye ho 'dus pa'i 'khor tshogs nyon// de nas sdod pa tshad bzung ba// mi 'gul gsum la gzhi bcas shing// dbyings rig gnyis la yun du gnas// rig pa gar gtad 'dug pa dang// lus kyang 'gul ba med par sdod// rlung sems gnyis la mi 'gyur sdod// de ltar sdod pa gsum byung nas// tshad ni rmi lam dag gis bzung// rtag ni lus ngag yid la 'byung// rab ni rmi lam dbyings su thim// 'bring ni rmi lam 'od gsal du// rmi lam rmi lam ngang du shes// tha ma rmi lam bzang rtog 'char// de ltar tshad ni rmi lam nyid kyis gzung// rtags tshad lus ngag yid la 'char// snang ba bzhi po re re la// rtags ni gsum gsum nyid du 'char// de la dang po chos nyid mngon sum gyi// rtags ni rnam pa gsum 'char te// lus ni bya byed med pa ru// rus sbal 'khar gzhong bcug pa 'dra// ngag ni smra snying mi 'dod de// lkugs pa lta bu gyur pa'o// sems ni 'dab chags snyi zin 'dra// rnam rtog 'phro yang gar gtad 'dug/ de ni chos nyid mngon sum rtags gsum yin/// da ni nyams snang gong 'phel gyi// snang ba thob pa'i rtags gsum ni// lus la gces long med pa ste// skyes bu nad kyis gdungs pa lta bur 'char// ngag ni smyon pa lta bu ste// gtam la don tig med par 'char// sems ni 'khor bar mi ltung thag chod de// skyes bu dug gis thebs pa lta bur 'gyur// rig pa tshad phebs rtags gsum ni// lus ni 'byung ba lnga po la// thogs pa med pa zang thal 'gro// glang chen 'dam du bying ba 'dra// ngag ni ji ltar smras pa bzhin// gzhan rnams nyan cing nus pa 'byung// dpe ni grul bum bu tsha 'dra// sems ni 'khor bar mi ltung bar// don thag chod pas nyag gcig rtogs// skyes bu 'brum nad byang ba 'dra// chos nyid zad pa'i snang ba ni// gdeng tshad grol ba'i rtags su ni// lus ni dur khraud mi ro 'dra// nyam nga med par rang grol lo// ngag ni brag cha lta bu ste// gtam gyi zung zad gzhan len smra// sems ni na bun lta bu ste// skad cig mi 'dug rang yal lo// bag chags phung po rang yal lo/// da ni thob pa gsum gyi gzer gdab pa ni// skye 'jug rlung sems dbang thob ste// zag bcas phung po med pa ru// yang dag mngon par sangs rgyas so// dang po skye pa dbang thob pas// rdos bcas lus 'di med pa'i dus// sems can gzhan gyi don 'dod na// rang gi lag pa'i sor mo la// shes pa bkug nas bltas pa yis// snang ba 'dzin pa rang log ste// bems pos 'byung ba'i sgra thos shing// mi'am sems can gang rung la// rig pa bcug pas de nyid dang// dbyer med yid de gcig tu 'dres// gzhan don gang bsam 'grub pa'o// 'di ltar rang dbang thob dus su// bems po kun la rig pa bcug/ gang bcug de yang 'gul ba dang// sgra skad sna tshogs 'byin par nus// mtshams med lnga spyad gcig la yang// rig pa bcug pas de nyid kyang// rang byung ye shes gnas pas na// las la bzang ngan med pa ru// 'byung bzhi dag nas mngon sangs rgyas// gzhan don dpag med 'byung bar 'gyur/// da ni gzhi yi klong du ni// 'jug pa dag la dbang thob pa// rang gi lag pa'i sor mo la// rig pa gtan nas rang lugs gzhag/ de nyid zag bcas mi snang bar// lhun grub sbubs su rang nub bo/// da ni rlung sems gnyis la dbang thob pas// rlung sems las su rung bas na// rlung sems yon tan thams cad 'byung// sems can gang dag tshe 'phos pa// de dag rnams la rig pa bcug/ rig pa gang la gtad pa rnams// sngon gyi mtshams med lnga spyad kyang// las la bzang ngan med pa ru// rang dang mnyam por sangs rgya'o// mngon par shes pa thogs med cing// ri rab rnams la zang thal rgyu// 'byung bzhi'i gnod pas tshugs mi 'gyur// de ni thob pa gsum gyi gzer gsum yin// sa ma ya/ gter rgya/ sbas rgya/ zab rgya// de ltar nyams su sngangs pa yis// rtags dang tshad dang gdeng bzhi nyid// ji ltar rtags tshad bsam 'das kyang// mi 'gyur gdeng chen bzhi ru 'dus// mi rtog ye shes tshad bzung ba// yar mar gdeng chen bzhi ru 'dus// dang po yar gyi gdeng gnyis ni// dkon mchog gsum gyi yon tan bsam mi khyab// dpag med thob kyang dga' brod mi skyed do// yar gyi sangs rgyas thams cad la// re ba med de rang rig gdeng// mar gyi 'gro ba rigs drug gi/ sdug bsngal mthong yang 'jigs pa med// rig pa 'khrul pa med pa'i gdeng// mar gyi ngan song gsum po la// lhung gi dogs pa med pa ste// mkhan po ma grub rang byung ste// rgya rgya rgya// gdeng chen bzhi yi mthar thug ni// yang dag rdzogs pa'i sangs rgyas dang// mngon par rdzogs pa'i sangs rgyas gnyis// yang dag rdzogs pa'i sangs rgyas ni// phung po lhag ma med par rgyas// mngon par rdzogs pa'i sangs rgyas ni// 'od dang sku dang sgra dang gdung// sa g.yos la sogs 'chi rtags 'byung// mngon par ston te sangs rgya'o// kun tu bzang mo klong gsal 'bar ma'i rgyud las/ thod rgal nyid kyi rgyab skyor mtha' bstan pa'i le'u ste bcu bdun pa'o//// sa ma ya/ gter rgya/ sbas rgya// kye ho 'dus pa'i 'khor tshogs nyon// gong ltar nyams su blangs pa yis// yon tan 'bras bu 'di ltar thob// rgyas su med pa'i sangs rgyas dang// 'da' ru med pa'i mya ngan 'das// yang dag sangs rgyas mngon sangs rgyas// mngon sangs rgyas pa der sangs rgyas// sprul pa po rnams yang sangs rgyas// rig rtsal ye shes ngang la thim// 'od lnga stong gsal ngang la thim// stong gsal ma 'gags rang rang rdzogs// yon tan 'bras bu'i thob tshul lo// kun tu bzang mo klong gsal 'bar ma nyi ma'i gsang rgyud las// yon tan dang 'bras bu thob tshul bstan pa'i le'u ste bco brgyad pa'o//// sa ma ya/ rgya rgya rgya// kye ho 'dus pa'i 'khor tshogs nyon// gang zhig rnal 'byor dad ldan ni// gal te rkyen gyis bar chad nas// tshe 'di 'du byed byung gyur na// gsang sngags rgyud 'di thob pa'am// bris sam 'chang ngam mngon sum brten// ye shes rang bzhin yin pa ru// rig dang mngon sum snang ba mthong// 'ja' 'od zer gsum rang smras te// ma rig rig na rig pa yin// rig pa ye shes logs na med// mngon sum mthong na lta ba yin// de la gnas na sgom pa yin// de ltar spyod na spyod pa yin// ngang las ma g.yos 'bras bu yin// de ltar mngon sum sus shes pa// 'od lnga'i snang ba bar do 'char// de nyid ngo shes zung du 'brel// rig pa rdo rje lu gu rgyud// mthong ba tsam gyis shes pa dang// shes pa tsam gyis grol bar 'gyur// su yis mthong kyang ngan song du// rdogs pas phul yang 'gro mi srid// bar do'i 'jigs pa gang shar ba// sngar 'dris mi dang 'phrad pa bzhin// rang snang ngo bo shes pas bar dor grol// des na 'di nyid mthong bas chog/ a ti klong gsal snying tig 'di// theg pa brgyad kyis do zla min// ces stong gsal ma 'gags pa'i klong nas shar te/ ston pa kun tu bzang mo dang/ dbyings dang ye shes las grub pa'i mkha' 'gro sde lnga la sogs pa rnams su yi rangs te/chos nyid kun tu bzang mo la mngon par bstod pa'i le'u ste bcu dgu pa'o//// sa ma ya/ gtad rgya/ sbas rgya/ zab rgya// 'di ltar shar ba'i gsang rgyud las// mon yul spa gro'i lung gsum du/khyad par stag tshang seng phug tu// o rgyan pad+ma'i gsungs bzhin lhag chad med pa ru// mtsho rgyal bdag gis yi ger bris pa rdzogs//// sa ma ya// rgya rgya rgya/// bdag 'dra pad+ma 'byung gnas ngas// phyi rabs don du shog bu'i logs la btab// skal ldan las can snying gi bu dang 'phrad par shog/ klong gsal nyi ma'i gsang rgyud ma rgyud la// rgyud kyi dpe tshar gsum du phye nas kyang// ma rgyud le'u brgya dang sum cu yod// las rgyud le'u bcu gsum de phyi rgyud// don rgyud le'u bco brgyad 'di nyid las// 'di ni snying po'i gsang ba don rgyud yin// 'di ni gsang gter gsum du sbas te bzhag/ pad+ma bdag gi thugs bcud dam pa 'di// 'di 'dra'i rgyud mchog rgya bod gnyis na dkon// 'phang tshad mig la gces tshad snying dang 'dra// ma rgyud lus 'dra las rgyud snying 'dra zhing// 'di ni yang gces srog gi dwangs ma 'dra// 'di las yang zab bdag 'dra pad+mas kyang// rgya nas bod du bsgyur ba yod re skan// 'di ni chig brgyud ma gtogs spel mi rung// man ngag nor phyir 'tshong ba ma yin kyang// gser srang re yi maN+Dal med pa ru// 'di nyid byin na gsang gtam nyams pa yin// pad+ma 'byung gnas rnga yab gling 'gro yang// thugs bcud snying po'i rgyud don 'di 'dra bzhag/ e ma sku drin sems mdzod rjes 'asngug rnams// rgyud don 'di la dum bu rim gsum phye// ngais don snying gi gsang rgyud 'di kho na// ma 'ongs dus su rgyud gsum dus 'dzom yang// phyogs sdeb ma byed rang rgyud so sor zhog/ 'di nyid bka' lung bu la bstod pa'i dus// tshogs skongs brgya rtsa sngon du ma song nas// mkha' 'gro'i bka' chad rang srog nges par chod// bka' bzhin sgrub mdzod nga yi rjes 'jug rnams// ma 'ongs rtsub 'gyur dus kyi tha ma la// rat+na'i ming can las can skyes bu gcig/nges par 'byung gi de dang 'di 'phrad shog/ sa ma ya/ kha tham/ g+hu ya/ rgya rgya rgya/[ xxx ]sprang po rat+na gling pa ngas// gung thang mkhar nas brton pa yin// them yig med pa'i gsang rgyud yin/

CLOSE WINDOW