52a5 / ye sangs rgyas pas chos kyi sku// rje btsun dam pa rdzogs so// rgya gar skad du/ sarba a ta/ bod skad du/ kun 'dus/ spros med chos las phyag 'tshal lo// sna
52a6 tshogs gcig tu 'dus pa'i ngang// 'byung ba bzhi nyid nam mkhar 'dus// nam mkha' dper bstan byang chub sems// rig pa rang la rdzogs pas na// kun 'dus rgyal por nga smras so// lta ba'i klong tshogs a
52b1 ti la// theg brgyad so so'i don brjod nas// grub pa gcig tu nges par 'dus// yid la ma yengs brjod med bzhag/ ma lus sangs rgyas sems su 'dus// rtsa ba bral ba'i sems nyid de// sus kyang ma byas
52b2 ye nas gnas// mi 'gyur lhun gyis grub pa yi// yang dag chos nyid dbyings kyi bla// rgyu la rag ma las pa'i sems// bde chen 'du 'bral med pa'i sems// 'bras bu rang la rdzogs pas su// snang srid thams
52b3 cad ye sangs rgyas// bdag dang bral bas 'khor ba chod// dpal ldan sku gsum rang byung bde// sangs rgyas ma lus dbyings su gcig/ skye med don la thabs kyis 'dus// ma bcos ngang du 'gro bas
52b4 na// thams cad thugs rje thabs kyis btul// gcig la med pa'i rin chen 'di// gzung 'dzin zad pas mnyam pa'i rgyal// ye shes rol pas gcig tu gsal// snying rje med pas gsod pa dang// lta ba med
52b5 pas za ba ni// 'gro drug ye nas sangs rgyas te// thams cad lhag ma med par bsgral// ji ltar snang ba kun tu khyab// ye nas gcig gi ngang du 'dus// byas na 'ching ba'i lam yin la// ma bsgrubs 'du 'bral
52b6 med par bstan// ye nas yin pa'i bde chen de// gnas la chags pa med pas na// 'dus las ma byas snang ba de// kun la khyab pas spro bsdu med// gang yang ma 'gags so sor gsal// ma lus 'dus pa'i
53a1 rgyan du che// rag ma lus pa'i rgya mdud de// gzhan gyis bcos su ye med pas// sprul pa'i rgya mtsho thams cad kun// gzhi rtsa med pa'i ngang du gzhag/ sus kyang ma byas nyid la 'dus// kun 'dus
rdzogs so/

CLOSE WINDOW