CLOSE WINDOW

Gpb033.002
བོད་ཡིག

rgyud thams cad kyi rgyal po/ rgyud kyi khog pa'i le'u ste nyer drug pa'o//// rdzogs so// rgya gar gyi mkhan po shrI sed+ha dang/ bod kyi lots+tsha ba bai ro tsa nas bsgyur ba'o//// ! la zlo gsang ba'i 'khor lo zhes bya ba'i rgyud/de nas sems dpa' chen po la/ byang chub kyi sems kun byed rgyal pos/ chos thams cad la nges pa dang/ dmigs su med par dgongs nas/ la zlo gsang ba'i 'khor lo 'di gsungs so// de yang ji ltar gsungs pa yin zhe na/ ston pa dang ni bstan pa 'khor dus gnas// rang byung chos kyi dbyings su la bzlas pas// rang byung ngo bo mngon du phyung ba la// phun sum tshogs pa rnam pa lnga po yang// rang la rdzogs shing rang la tshang bar ston// rang la dmigs su med pa dbyings su la zlo yin// ston pa'i ston pa kun byed rgyal po lags// rnam lnga rang la ji ltar tshang bar ston// rang la dmigs su med pas la bzla ci yi phyir// zhes zhus so// kye sems dpa' chen po dgongs shig/ mig gi dbang po ston pa'i ngo bor byung// lce yi dbang po bstan pa'i ngo bor byung// rna ba'i dbang po 'khor gyi ngo bor byung// sna yi dbang po dus kyi ngo bor byung// lus kyi dbang po gnas kyi ngo bor byung// ji ltar byung ba'i gtan tshigs bstan pa ni// mig gi dbang pos gzugs rnams cir yang ston// kun byed rgyal po'i sku ru bstan pa yin// de las gzhan pa'i ston pa dmigs su med// de las ston pa rang la tshang zhes gsungs// lces ni snang srid tshig dang yi ger brjod// sgra rnams bsgrags pa ston pa'i gsungs yin pas// bstan pa'i chos zhes kun la grags pa yin// rna bas sgra rnams ji ltar gsan pa yang// kun byed rgyal po'i sgra bsgrags gsan pa las// de las gzhan pa'i sgra ni thos pa med// de thos 'khor gyi dam par byung ba yin// dri rnams sna tshogs ji ltar byung ba yang// sna yi dbang po gcig las ma 'das pas// dbyer med dus gsum gcig tu bstan pa yin// mig dang rna ba sna dang lce la sogs// thams cad lus la gnas pas gnas su bstan// lus gnas pa la kun kyang gnas pa las// lus mi gnas la su yang gnas pa med// de bas lus 'di gnas su bstan pa yin// kye sems dpa' chen po da dgongs shig/thams cad rang la ye nas btsal bas na// ston pa gzhan du rtog par ma byed cig/ gdung rgyud bzang ngan rigs rgyud btsun pa la// sems dpa' rdo rje ltos pa ma 'jog cig/ mig gis mthong ba ston pa'i gzugs mthong yin// de las lhag pa'i lung ni ngas ma bstan// de bzhin pa la gzhan du rtog ma byed// dus dang gnas dang 'khor la sogs pa yang// gzhan du ma rtogs rang du bstan par zad// bden tshig gzhan la rtog par ma byed cig/sgra ni ji bzhin ma yin brjod mi lang// 'khor yang bkrol bas mi khrol dgrol mi lang// dad mos bkur sti can la dmigs ma byed// dus kyang dus bzang 'di zhes dmigs ma byed// ye nas dbyer med dus su tshogs pa yin// gnas kyang gla gab gzhan la ma ltos shig/ ye nas gnas pas gzhan gyi rang bzhin yin// de bas rang la rdzogs par bstan pa yin// rang la dmigs su med par la bzlas yin// kye sems dpa' chen po ji ltar dgongs// ston pa la sogs chos lnga snang ba yang// sems la bsgom par bya ba yod ma yin// bsgoms na gong ltar bsgoms kyang la ma zlos// rang la rang gis dmigs pa med pas na// mi bsgom zhes kyang bzhag pa'i gnas ma yin// bsgoms na gang bsgoms gang gis ji ltar bsgom// mi bsgom gang gis gang la ci mi bsgom// de bas bsgom dang mi bsgom tha snyad ni// rtsis gdab kun las 'das pas gzhan du 'os ma yin// lces smras rna bas thos pas thos pa'i shes rab yin// rna thos yid kyis bsams pas bsam pa'i shes rab yin// yid la dmigs su med pas bsgom pa'i shes rab yin// shes rab rnam gsum sems kyi rang bzhin la// sems la 'di zhes brjod du yod ma yin// ma brjod snyan gyis de la gsan du med// de bzhin yid kyi bsam pa kun dang bral// zhes phun sum tshogs pa lnga rang du la bzla ba'i le'u ste dang po'o//// de nas lta bsgom dam tshig la bzla ba'i dgongs pa 'di gsungs so// kye sems dpa' chen po dgongs shig/sems nyid ngo bo mngon du phyung ba yi// snang srid lta ba'i cho 'phrul shar ba la// yid 'jog sems kyis sgom par ma byed cig/ rang byung sgom pa rdzogs par ma bsgoms na// bsgoms pas snang srid bsgom gyis mi lang zhing// bsgoms dang ma bsgoms yon tan mnyam pa la// 'og ma pa bzhin dmigs pa'i bsgom pa yis// gang bsgoms rtsol ba'i nad kyis zin pa las// chos nyid don du 'gyur ba gcig kyang med// ma bsgoms ngan du song ba'i rgyu med pas// bsgom dang mi bsgom dgongs pa ma len cing// gnas pa gzhi che 'byung ba rgyu phyug pas// sna tshogs mi 'char gang yang med pa yin// ci byung rang shar chos nyid ngo bor snang// gang zag blo yis de la ji ltar bsgom// 'di yin nges pa med pas bsgom du yod ma yin// bsgom du med par 'jog pa'i bdag po yang// rdul tsam yod par kun byed ngas ma gsungs// de bas rtsis med phyogs las 'das pa la// sems dpa' rdo rje lta bu sgom yul ma tshol zhig/ rtogs dang mi rtogs blo yi yul las 'das// bsgom dang mi bsgom dmigs pa'i cha dang bral// sna tshogs snang zhing bdag po ma nges pas// nor dang ma nor sems dpa' ma dgongs shig/ gang la dgongs par bya ba'i sems 'di zhes// sems dpa' rdo rjes gzhan la lung ma bstan// dgongs pa 'di zhes gzhan la lung bstan na// 'khor rnams dgongs pa'i yul la dmigs pa yis// blo chos 'dzin pa'i mtha' las mi grol bas// de bas dgongs su med pa'i dgongs pa ston// kye sems dpa' chen po da dgongs shig/skye med rang bzhin gzhan du ma bsgoms shig/ rang la blta ba'i yul med lta ba'i la yang zlos// dam tshig rang yin gzhan du ma bsrungs shig/ bsrungs pas rang byung chos la phrag dog byas// rang byung chos rnams ci byung ci shar yang// phrag dog med par rang sar rang bzhag nas// bsrung du med pa'i dam tshig kun bsrungs na// bdag med dam tshig med par la yang bzlas// gang gis mtshams med lnga yi las spyad kyang// rang byung gnyis su med pa'i don rtogs nas// zhum pa med pa'i gdeng dang ldan gyur nas// kun byed nga yi dam tshig la bzlas yin// rtsa ba yan lag dam tshig gzhung bsrungs kyang// re dogs 'jigs pa'i sems dang ma bral na// dam tshig la gnas dam tshig la mi zlos// bsrung dang ma bsrungs dam tshig yul las 'das// nyams dang ma nyams blo yis blang ba med// mtshams med bsrung mtshams rtsis gdab kun las 'das// de ltar dgongs shing dgongs pa'i yul med na// dam tshig kun gyi la yang zlos pa yin// lta ba sgom du med cing dam tshig srung du med par la bzla ba'i le'u ste gnyis pa'o//// de nas byang chub kyi sems kun byed rgyal pos/ skye shi las 'das pa'i dgongs pa 'di gsungs so// kye sems dpa' chen po da dgongs shig/ skye shi med pa'i byang chub sems 'di ni// kun la gnas te nges par dgongs par dka'// lus ni 'byung ba bzhi yi rang bzhin te// sha ni sa yi ngo bo 'dzin pa yin// mi 'gyur ba yi rang bzhin bstan pa yin/ khrag ni chu yi ngo bo 'dzin pa yin// rlan zhing sdud pa'i rang bzhin bstan pa yin// drod ni me yi ngo bo 'dzin pa yin// mi 'brul smin pas rang bzhin bstan pa yin// dbugs ni rlung gi ngo bo 'dzin pa yin// yang zhing g.yo ba'i rang bzhin bstan pa yin// de ltar kun 'dus 'byung ba bzhi po yang// rang gi mtshan nyid rang gis 'dzin pas na// lus la skye 'jig yod par yongs ma gsungs// sems ni nam mkha'i mtshan nyid 'dzin pa yin// de yang dmigs med rang bzhin bstan pa yin// dran pa ci skyes rang bzhin nyid du ston// sems la skye 'chi yod par ngas ma gsungs// nga yi lus 'di ma thos gang zag gis// lus kyi kyi rigs byed pas gzung byas nas// 'byung ba'i dar gud skye 'jig byung ba la// skye shi yin zhes myang ngan 'byung ba yin// byang chub sems la skye shi yod ma myong// dper na nam mkha' skye 'chi med pa bzhin// de bzhin sems la skye 'chi med pa yin// 'byung ba sa chu me rlung bzhi po yang// skye shi'i tha snyad ye nas med pa bzhin// de bzhin lus la skye shi yod ma yin// kye sems dpa' chen po da dgongs shig/ 'di las lhag pa'i chos la ma rtogs shig/brtags na snying po'i don la sgrib pa yin// lus ngag rtsol ba dang du ma len cig/ blangs na rtsol ba'i nad kyis gol ba yin// gol sa sgrib pa rang sar ma 'dzin cig/ gang gis rang sa gzung ba 'di yis ni// lhun grub snying po'i don la la mi zlos// la zlos chos su gsungs pa de la ni// bdag dang gzhan du grub pa gnyis med pas// rtsis med rtsis las 'das par nga yis bstan// rang la lhun gyis grub pas bsgrub mi dgos// dmigs pa'i yul las 'das pas bsgom mi dgos// mtshon pa'i tshig las 'das pas shes mi dgos// yid kyis byas pas kun dang bral bas na// gzhungs pa'i yid kyis de la bsam du med// rgyu med rkyen las byung ba ma yin pas// bsod nams tshogs kun nges par bsag tu med// ye nas nga yis byas pas chos yin pas// 'bras bu dus la ltos pa'i re ba bca' mi dgos// rig stong rtsa ba ye nas med pa la// shi nas skye ba'i dgongs bsam ma byed cig/ rang gi sems 'di skye ba med sems nas// pha rol mi 'byung snyems sems ma 'cha' zhig/ thos dang bsam dang dgongs pa'i chos rnams ni// byis chos rtsed mo tsam du dgongs mdzod la// dmigs med phyogs bral phyogs las 'das par mdzod// phyogs cha bral ba'i gang zag su yang rung// 'khor bar mi gnas mya ngan 'das mi g.yo// lus sems gnyis med dran pa'i rgyu 'grul ni// bdag tu 'dzin pa'i shes rgyud 'chad par nges// skye 'chi la bzla' ba'i le'u ste gsum pa'o//// de nas byang chub kyi sems kun byed rgyal pos/sangs rgyas logs na med par la bzla' ba 'di gsungs so// kye sems dpa' chen po da dgongs shig/ sangs rgyas zhes ni ming du btags pa ni// sku gsum ston pas drang ba'i lung bstan yin// mi shes byis pa lta bu'i 'bri bskol yin// sems nyid skye med dbyings la chos sku gnas// bsgrubs pas nam zhig thob par brod pa bskyed// sems kyi rang bzhin cir yang snang ba la// rnam par snang mdzad ces bya bsam bsgoms pas// longs spyod rdzogs pa'i sku ru bstan pa yang// de bzhin nyid du nam zhig 'gyur ro zhes// de bstan de yang dang ba'i lung bstan yin// nges par 'byung ba smin pa'i shAka thub la// sprul pa'i sku yin tshogs rdzogs las byung zhes// de bzhin nyid du tshogs la 'god pa yang// ma rtogs byis pa lta bu'i drang lung yin// sems dpa' de ltar dgongs par ma byed cig/ chos sku thig le sems las 'das pa yin// re zhig tsam du mtshon par gsungs pa la// bsgrub par bya ba'i dngos po ye nas med// kun gyi gzhi yin grub pa rdul tsam med// ming du btags pa tsam kyang nor ba la// zhe 'dod dmigs pa bcug na shin tu nor// chos sku gti mug chen por la zlos shig/ 'jig rten chags 'jig 'byung ba'i longs spyod rang bzhin las// rnam snang lhag par bsgrubs pas 'grub pa med// kun kyang rnam snang rang bzhin longs spyod yin// sems dpa' de la sgrub par ma sems cig/ rnam snang ming du btags pa'ang nges nor na// nges par gzhan du bsgrubs na shin tu nor// snang srid sprul par ma gyur ye nas med// gzhi med gcig las snang zhing srid pas na// sprul pa yin par sems dpas rtogs par rigs// kun kyang sprul pa'i rang bzhin ma yin na// shAka thub mi bzhugs 'gro don su yis byed// de bas sprul par ma gyur gcig kyang med// sprul pa shAka thub nges par brjod pas nor// kye sems dpa' chen po da dgongs shig/ phyogs cha zhen pa'i mtha' las ma grol na// zhe 'dod bsgrub pa'i 'khor ba'i gting rdo yin// phyogs 'dod nges pa med pa'i don la dgongs// snang ba ma nges ston pa'i dbyings na 'byams// stong pa phyogs bzlog snang ba rang sa 'dzin// sems dpa' rdo rje de la ji ltar dgongs// chos sku'i mchog ni gti mug chen pos gsungs// dus gsum sangs rgyas na rag gnas na 'byams// dmyal khams bco brgyad skye med btsan sa zin// yi dwags bkres skom bdud rtsi'i klong na byed// ngan skyugs mthong na lha rnams bdud rtsi gsol// mnar med dmyal ba'i tshe la dpag med kyang// se gol gtogs pa tsam gyi yun la rdzogs// ston gsum chen po'i klong yangs khog pa na// sems can phra mo 'gyur ldog byas pa med// bskal par bsgoms pa'i bsgom chen gnas ngan len// dug lnga grogs su rnyed pa'i shes bya yul spangs nas// bsgom chen rnams la snying rje lhug par bskyed// rtag tu byams pa bsgoms pas tha ma bdud kyi 'khor// zhe sdang lhug par skyes pas mtshan ma rang sar grol// e ma ho khe bel lta bu'i dgongs pa 'di// sems dpa' rdo rje da ni dgongs lags sam// sangs rgyas logs nas ma tshol zhig/rang la yod pa bltar mi kham// ma tshol ma lta sgom ma byed// ma spyod ma bsgrubs 'dzin med lhug par zhog/ sangs rgyas logs na med par la bzla' ba'i le'u ste bzhi pa'o//// de nas byang chub kyi sems kun byed rgyal pos/rgyu rkyen med par la bzla' ba'i dgongs pa 'di gsungs so// kye sems dpa' chen po da dgongs shig/ byang chub sems la rgyu ma mchis pas na// de bzhin rkyen yang yod pa ma yin pas// rgyu rkyen byas pa'i chos la ma dgongs shig/ byang chub sems la rgyu rkyen med pas na// sa chu me rlung byang chub rang bzhin te// sa la rgyu rkyen med par rang byung bas// de bzhin byang chub sems la rgyu rkyen med// chu la me dang rlung la rgyu med par// 'byung ba ma 'gags cir yang 'char ba ltar// byang chub sems kyang byas pa med par grub// tshogs bsags las kyi don la sbyar ba med// ma mthong gang la gang gis ji ltar bsgom// ye nas don du gcig pas bar chad yongs kyis med// lam lnga rgyu ru byas nas gang bsgom pa// 'bras bu sprul sku thob par 'dod pa'i chos// rgyu 'bras gnyis med sems su la zlos shig/sa lam 'og ma rgyu yi chos byas nas// gong ma gong ma 'bras bur 'dod pa yang// sems la gong 'og med pas rgyu 'bras med// don la snga phyi med pas rgyu 'bras med// rgyu 'bras gnyis su med par la zlos shig/phyi pa thub pa'i rgyud du gsungs pa yi// lha la grogs po jo bo sogs mthong nas// dngos grub rab bsgrubs bzhin du 'dod pa yang// sgrub pa rgyu las grub pa 'bras bu 'dod pa na// rgyu 'bras gnyis med rtogs pa'i lta ba min// sgrub dang grub pa don la dbyer med pas// gnyis 'dzin rtog pa med par la zlos shig/ nad pa thabs la mkhas pa'i rnal 'byor kyang// ting 'dzin rnam gsum bsgom pa'i yan lag gis// thabs dang shes rab gnyis med don bltas nas// rdo rje 'chang gi 'bras bu sgrub pa yang// rgyu 'bras gnyis su med pa'i lta ba min// thabs dang shes rab ting 'dzin rnam gsum yang// skye med byang chub sems la dbyer med pas// gnyis med rgyu 'bras 'das par la zlos shig/ bskyed pa a nu yo ga'i dgongs pa ni// dbyings ni rgyu la ye shes 'bras bur 'dod// yul sems bsam pa'i mtha' dang ma bral bas// rgyu 'bras gnyis su med pa'i lta ba min// dbyings dang ye shes thig ler dbyer med pas// bdag med thig le'i ngang du la zlos shig/ a ti'i chos la phyogs cha ma mchis pas// phyogs med gang ltar spyad kyang 'gal ba med// 'dod yon lnga la spyad kyang byang chub lam// gal med yal bar bsdad kyang yengs pa med// sangs rgyas bsgrub pa med kyang skye med dbyings// kye sems dpa' chen po da dgongs shig/ gang la 'dris par ma byed yengs par bzhugs// kun gyi sgrub gnas skye med chos la yang// sems dpa' rdo rjes 'dris par ma byed cig/ 'dris na gang la 'dris kyang la mi zlos// la bzla'i chos ni 'dris pa kun las 'das// skye med chos la'ang 'dris par mi byed na// dngos po'i chos kun 'dris par lta ci smos// gang la 'dris med srog dang bral bas chog/ 'dris med bag chags bral bas sangs rgyas sa la gnas// rgyu rkyen med par la bzla' ba'i le'u ste lnga pa'o//// de nas byang chub kyi sems kun byed rgyal pos/ bcos su med par la bzla' ba'i dgongs pa 'di gsungs so// chos nyid dbyings su rang bzhin skyed byed pas// 'das dang ma 'ongs da ltar sangs rgyas kyis// sngar yang ma bcos da lta 'chos pa med// phyis kyang 'chos par mi 'gyur bcos med dbyings// mig la gzugs su shar ba'i snang ba yang// ming yang ched du gzung ba med pa'i ngang// ma gzung snang ba ci shar kun byed sku// rna bar sgra ru grag pa'i chos rnams kyang// snyan dang mi snyan byung tshor ci byung yang// ma bcos mi bcos bcos pa med par bzhag/ rang la lhun gyis gnas pas bcos mi dgos// bcos na bcos pas 'dzin pa'i la mi zlos// dri dang ro dang reg bya la sogs pa// gang la bcos par mi bya mi bcos par yang min// gang la gnyen po ma zhugs bcos med mchog/ bsam pa ci skyes rang byung ye shes la// de las lhag pa 'dod na rtsol ba'i nad// rang shar 'dod med chos kyi la bzlas na// 'di la 'dod par mi bya dor mi bya// phyi mar 'dod par mi bya dus gsum 'dod dang bral// 'dod dang bral na bcos med dbyings na gnas// chos kyi dbyings la snga phyi 'gyur ba med// gang zag blo yis de la bcos su med// 'khor bas lus ngag yid ni bcos pa la// la bzla' ba ni rang byung shar bas bzlas// lus la ma bcos sku yi la bzla' yin// ngag ma bcos pa gsung gi la bzla' yin// dran pa ma bcos thugs kyi la bzla' yin// sangs rgyas 'dod bral sangs rgyas la bzla' yin// dngos po spang med stong pa'i la bzla' yin// sdug bsngal dor med bde ba'i la bzla' yin// chos nyid yul las 'das pa lta bu'i la bzla' yin// dmigs su rdul tsam med pas bsgom pa'i la bzla' yin// lus ngag rtsol ba med pas spyod pa'i la bzla' yin// sangs la rgya ba med pas 'bras bu la bzla' yin// gzhan du btsal du med pas lam gyi la bzla' yin// bcos su med par sems dpas dgongs par gyis// bcos su med par la bzla' ba'i le'u ste drug pa'o//// de nas byang chub kyi sems kun byed rgyal pos/ dgongs pa nam mkha' ltar kun la khyab pa 'di gsungs so// kye sems dpa' chen po da dgongs shig/ chos nyid byang chub sems ni nam mkha' 'dra// nam mkha' kun khyab bdag tu 'dzin pa med// chos nyid byang chub sems kyang kun gyi rang bzhin te// bdag dang bdag tu grub pa rdul tsam min// nam mkha'i ngang na sna tshogs kun khyab gnas// 'khor dang myang 'das chos nyid dbyer mi phyed// sna tshogs ji ltar shar yang nam mkha'i ngang du rdzogs// dran rtog bde dang sdug bsngal chos rnams kyang// sems nyid skye med dbyings su ma rdzogs med// sangs rgyas rang la rdzogs pas sangs rgyas sa// sangs rgyas 'dod sgrub med pas la bzla rang du bzla// 'khor ba rang la rdzaugs pas ltung ba'i g.yang sa med// bde sdug sems su rdzogs pas la bzla rang du bzla// gnyis med rang la rdzogs pas tha dad 'du shes bral// nyag gcig sems su rdzogs pas la bzla rang du bzla// theg pa rang du rdzogs pas grub mtha'i kha 'dzin bral// lta sgom sems su rdzogs pas la bzla rang du bzla// kye sems dpa' chen po da dgongs shig/ nam mkha' mtha' dbus dmigs su ma mchis pas// don la dmigs su med par la zlos shig/ nam mkha' kun la gtsang sme ma mchis pas// gtsang sme med par sems dpas la zlos shig/ nam mkha'i ngang la nyin mtshan ma mchis pas// nyin mtshan gsal 'grib med par la zlos shig/ nam mkha' dag la skye 'chi ma mchis pas// skye shi'i 'du shes med par la zlos shig/ nam mkha' dag la sangs rgyas ma mchis pas// sangs rgyas 'du shes med par la zlos shig/ nam mkha' dag la sems can ma mchis pas// sems can 'du shes med par la zlos shig/ nam mkha' dag la re dogs ma mchis pas// re dogs 'du shes med par la zlos shig/nam mkha' dag la mtho dman ma mchis pas// mtho dma' gnyis su med par la zlos shig/ nam mkha' dag la rtsis gdab ma mchis pas// rtsis gdab 'du shes med par la zlos shig/nam mkha' dag la shes rtog ma mchis pas// shes rtog 'du shes med par la zlos shig/ nam mkha' dag la rlom sems ma mchis pas// gang la'ang rlom sems med par la bzla'o// ji mi snyam du dgongs pa dgongs su med pa ni// kun byed nga yi dgongs pa blang ba yin// dgongs gzhi kun dang bral ba'i dgongs pa ni// dus gsum sangs rgyas kun gyi ldem dgongs yin// 'khor ba spang du med pa'i dgongs pa ni// myang 'das gzhan na med pa'i ldem dgongs yin// byang chub bsgrub tu med pa'i dgongs pa ni// skye med rang la gnas pa'i ldem dgongs yin// bran snang dgag tu med pa'i dgongs pa ni// de nyid rang grol yin pa'i ldem dgongs yin// rtog med bsgom du med pa'i dgongs pa ni// chos nyid 'du 'bral med pa'i ldem dgongs so// tshogs gnyis bsag tu med pa'i dgongs pa ni// chos nyid rgyu rkyen med pa'i ldem dgongs so// cir yang nges pa med pa'i dgongs pa ni// 'dzin med chos sku yin pa'i ldem dgongs yin// kye sems dpa' chen po da nyon cig/ nges med phyogs log dgongs pa ma lon na// ji ltar bsgoms kyang 'ching la ma bsgoms na yang 'ching// ldem dgongs bstan yang dgongs pa zhe bzhag na// ldem po nyid kyis sems dpa' 'ching bar 'gyur// ji mi dgongs kyi rtogs pa ma shar na// 'khor ba'i sgrogs las grol bar mi 'gyur ro// dgongs pa nam mkha' ltar la bzla ba'i le'u ste bdun pa'o//// byang chub sems dpa' kun byed rgyal pos/ rgya mtsho lta bu'i dgongs pa 'di gsungs so// kye sems dpa' chen po da nyon cig/ chos nyid rgya mtsho lta bur gting dpag dka' ba'i chos// sus kyang 'di la dgongs pa rdul tsam med pa ste// rgya mtsho chen po'i chu la kha gting dbye ru yod ma yin// de bzhin chos nyid byang chub sems la sgo phug med// rba dang rlabs dang chu bur rgya mtsho chen por gcig/ de bzhin 'khor dang myang 'das rtog dang mi rtog yang// chos dbyings klong na dbyer med gcig tu rdzogs pa yin// phyogs bzhi mtshams brgyad chu bran thams cad 'byung ba yang// rgya mtsho nyid las byung zhing rgya mtsho nyid du 'du ba ltar// brgya khri bzhi stong chos rnams thams cad 'byung ba yang// chos nyid dbyings las byung zhing chos nyid dbyings su gcig/rgya mtsho'i 'jing la g.yo 'gul ye nas med pa bzhin// skye med don la dus gsum 'pho dang 'gyur ba med// rba dang rlabs la 'gag pa med pa bzhin// skyon dang yon tan mi 'gag cing yang 'char bar nges// shar yang skye med dbyings las ma 'das dgongs mdzod la// ma rtogs sems can gzhan la legs par lung ston zhig/ kye ma 'khor dang myang 'das dbyer med dbyings su stor// snang stong dbyer med rtsa bral phyogs las 'das pa yin// srog dang ma bral 'byung ba rang rang rang sa 'dzin// skye med byang chub sems la dmigs pa nyid dang bral// zhe 'dod re dogs mtha' ni nges pa med par grol// sems can nyid ni ye nas sangs rgyas dgongs pa 'dzin// chos nyid byang chub sems ni rang bzhin skye med de// 'byung ba lnga ru grol bas bar do'i 'du shes bral// theg gcig byang chub sems la kun kyang gnas pa yin// rang byung ye shes rtogs la ring ba nam yang med// ma rig 'khrul pa rnams kyang skye med dbyings la 'byams// zug rngu byung ba chos nyid rang ma tshor// mi srid srid par shar ba sems dpas ji ltar dgongs// chos nyid don gyi gnas lugs skye med bde chen de// yongs la rdzogs par shes nas smon pa su la 'bul// rgya mtsho'i chu yis chu la smon pa med pa bzhin// byang chub sems kyis sems la smon du med pa yin// smon pa gzhan du 'bul na rang gi don rtogs min// de bzhin dogs pa byed pa'ang de dang mtshungs pa yin// yul la dmigs pa bcug na re dogs nam yang 'byung// sems kyi rang bzhin skye med yin pas dgongs nas ni// re dogs dmigs pa rdul tsam med par shi bas chog/ kun tu bzang po'i rang bzhin nyid du de 'gyur ro// bdag dang bcas pa'i yul la 'jug pa'i rgyu ma mchis// bdag med sku gsung thugs kyi 'gro don rdzogs par byed// rtag dang chad pa'i rtsis gdab blo yis ma len cig/ blos blangs thams cad re dogs mthar lhung 'ching ba'i rgyu// rtogs pa'i sems la bcing bya 'ching byed gnyis las grol// snang ba tsam ma lam me 'di yis lhag pa med// dbang po 'gags na der 'dzin snang ba grol bar 'gyur// sems nyid byang chub sems la 'pho 'gyur ye nas med// sems dpa' chen pos de ltar dgongs pa long mdzod cig/ chos nyid rgya mtsho ltar la bzla ba'i le'u ste brgyad pa'o//// byang chub sems kun byed rgyal pos/ khyung chen rtsal rdzogs lta bu'i dgongs pa 'di gsungs so// kye sems dpa' chen po da dgongs shig khyung chen rtsal rdzogs mkha' la lding bas spro bsdu med// sems nyid skye med ye nas rtsal rdzogs bya btsal bral// mi spro mi bsdu rang bzhin bzhag pas lhun gyis grub// mya ngan 'das pa mi spro 'khor ba las mi bsdu// yon tan sems su mnyam pas spro bsdu bya mi dgos// rnal 'byor chos la mi spro rnam rtog bsdu mi bya// kye sems dpa' chen po da dgongs shig khyung phrug sgo nga'i rgya las grol bas ma dang mnyam// rtsal dang gshog rdzogs mkha' la dbang sgyur ltar// byang chub sems kyi rgya ni rnam pa gsum yin te// snang ba kho nar 'dzin pa'i rgya dang lus rgya dang// bdag tu 'dzin pa'i rgya yis yongs su zin pa gsum// rnal 'byor rgya ru gsungs pa nga yis smras// snang ba nges med dbang po 'gags pas snang ba grol// 'byung bzhi rang sar dengs pas rnal 'byor lus rgya grol// yul med dran pa 'gags pas bdag 'dzin rgya las grol// snang ba nges med rtogs pas snang ba'i sgong rgya chag/ 'byung ba rang sa zin pas lus kyi sgong rgya chag/ dmigs pa rdul tsam med pas bdag 'dzin sgong rgya chag/sgo nga rnam gsum chag pas gnas lugs ma bu mjal// gnas lugs gzhi nas snang srid kha lo sgyur bar byed// bsgyur yang bdag 'dzin mi gnas rtsal gyi 'char lugs yin// de ni kun bzang sku yi ngo bo la bzla yin// ma bu dbyer med kun la gnas pa yin// dpe ni nyi zla kha sbyor dgongs pas bstan pa yin// nyi ma ma la zla ba bu yi tshul du byung ba yin// de bzhin skye med ma la ye shes bu yi tshul du bstan pa yin// skye med nyi ma'i klong du zla ba lta bu'i ye shes zil gyis mnan// nyi ma phyed na zla ba gsal dang mi gsal rtsis gdab med// skye med dbyings na gnas pa rtogs dang ma rtogs med// zla ba gsal la nyi ma nye ba ma yin de dgongs sam// 'du shes gsal la skye med nye ba ma yin ring// skye med ye shes nyid kyis ye shes rgyang du 'phang// 'du shes dran pa'i chos la dgongs pa ma len zhig/ 'du byed nga yi chos la 'du shes ma 'jug cig/byang chub sems kyi ro la myong bar ma byed cig/ dmigs su med pa'i chos la dmigs pa ma 'jug cig/ bla dgas tsam gyi chos la rtsol bas ma bsgrubs shig/chos nyid byang chub sems kyi rang bzhin chen po la// nges med rtsol bral sngon nas kun la khyab par shar// nga lung thos pas nges med dgongs pa da lta shar// phung po bor bas zhi ba mchog la phyin par 'gyur// lta ba khyung chen ldings pa'i dgongs pa la bzla' ba'i le'u ste dgu pa'o//// byang chub sems kun byed rgyal pos/ khams gsum yongs grol gyi dgongs pa 'di gsungs so// 'dod khams gzugs khams gzugs med khams su bstan pa yang// chos nyid byang chub sems kyi ngo bor byung ba yin// gzugs med khams la gzung du ma mchis ngo bos stong// 'dzin med chos kyi sku ru ye nas bzhugs pa yin// 'dod pa'i khams ni longs spyod sku ru bzhugs pa yin// nyid kyis nyid la longs spyod sems dpas dgongs lags sam// sems kyi longs spyod min pa ye nas yod mi srid// snga ma'i rgyags zad phyi ma'i rgyags la longs spyod bzhin// snga ma grol zhing phyi ma'i 'dod yon longs spyod yin// des 'dod khams longs spyod sku ru bstan pa yin// snang srid gzugs su shar ba byang chub sems kyi gzugs// gzugs la nges pa med pa sna tshogs sprul pa'i sku// sems nyid skye med gcig las sna tshogs 'byung bas na// med bzhin sna tshogs 'byung bas sprul sku yin pas gsungs// sprul sku yin min dran pa brtag par rigs so ang// 'khor dang myang 'das gnyis ka sprul pa 'dra ba la// 'og ma rnams ni myang 'das sprul pas gsungs pa yin// skye med rtogs na sprul pa yon tan mnyam par gsungs// de bas khams gsum sku gsum dbyings su grol ba yin// gcig la ma yin kun la grol bas yongs grol yin// yongs na nam mkha'i khams su sprin dang na bun grol ba bzhin// skye med dbyings su khams gsum ngang gis grol ba yin// pha shi bu skye pha la bu yis rtsis med bzhin// snga grol phyis srid snga mas phyi ma'i gnyer sus byed// de bas srid gsum rnam dag mtshan ma rang sar dag/ snga phyi re dogs mi byed kun bka' la gnas// 'dod chags zhe sdang gti mug gtan nas brlag/ yul la 'das par go na yul snang ngang du rdzogs// dgongs pa'i mthar thug dgongs pa kun las 'das pa yin// yongs grol du la bzla' ba'i le'u ste bcu pa'o//// byang chub kyi sems kun byed rgyal pos/ blo thag bcad cing bstan pa gtan pa 'di gsungs so// kye sems dpa' chen po da nyon cig/ chos nyid byang chub sems kyi rang bzhin spros pa bcad pa ni/byang chub sems ni blo yis bsam pa min// bsams shing brtags pa'i chos ni rig byed ye shes yin// rang byung ye shes rang shar de la med pa na// blo yis bsams shing bsgoms pa'i chos la re ma 'jog/chos rnams kun gyi thag ni byang chub sems su bcad// ma bltas ma bsgoms bsam pa med pas thag chod na// de la rang byung ye shes shar bas thag der bcad// chos sku dmigs su med par sems dpas blo thag chod// 'dod yon longs sku yin par sems dpas blo thag chod// sems sprul sku yin par sems dpas blo thag chod// snang ba rang sems yin par sems dpas blo thag chod// sems la gnyis su med par bag chags sbyang du med// yul med rang gsal yin par sems dpas blo thag chod// thig le nyag gcig sems kyi rang bzhin yin mod kyang// nyag gcig cir yang 'byung bas spang dang bsgrub ma byed// kun kyang yon tan mnyam par sems dpas blo thag chod// da ltar snang ba'i sgyu lus 'di kun sems dpas ji ltar dgongs// 'byung ba'i cho 'phrul tsam du sems dpas dgongs mdzod la// sems ni bla med nam mkha' lta bur blo thag chod// kye sems dpa' chen po da dgongs shig/ rtsa rgyud le'u lnga bcu rtsa bdun gsungs pa yang// rang byung ye shes tshig tu bstan pa'i mdo lung yin// sems las rang byung ye shes gcig tu la zlos shig/ phyi ma le'u bcu dang gnyis su gsungs pa yang// rang byung ye shes bsam pas brtags pa yin// de yang rang byung gcig tu sems dpas la zlos shig/phyi ma'i phyi ma le'u bcu dang lnga ru gsungs pa yang// rang byung ye shes rnal du 'jog par dgongs pa yin// sems dpa' rang byung ye shes gcig tu la zlos shig/ thos pas ston pa'i lde mig dang// bsams pas grol ba'i lde mig dang// bsgoms pas 'byin pa'i lde mig gis// nges par gtan la phab pas na// sems dpas legs par thag chod cig/ kye sems dpa' chen po da dgongs shig/ la zlo gsang ba'i 'khor lo 'khor ba'i srog gcod 'di// sems dpa' rdo rje khyod la 'di gtad do// blo ldan skal ba can la 'di gsungs shig/ dam med gsang sdom chur skyur gdungs pa dang// srin po raka sha 'dre brdung mthu ngom dang// rtag tu grong kha yugs sa'i glang rgan la// rdzogs ldan 'di 'dra'i dgongs pa mi bstan no// rgyud chen la zlo gsang ba'i 'khor lo zhes bya ba/ dgongs pa klong nas shar ba'i mun sel rdzogs so//// 'di thos sangs rgyas dgongs pa yin// 'di bsgoms sangs rgyas dgongs pa thob// 'di bsgoms sangs rgyas dgongs la gnas// e ma ho// bsam dgongs med par la bzla ba'o//

CLOSE WINDOW