CLOSE WINDOW

Gpb032.019
བོད་ཡིག

rgya gar skad du/ rat+no pa de sha A g+ha tra tsakra tan+t+ra nA ma/ bod skad du/ rin po che gdams ngag sna tshogs 'khor lo'i rgyud ces bya ba/ dpal rdo rje sems dpa' la phyag 'tshal lo// 'di skad bdag nyid kyis sems dpa' rdo rje'i don yongs su go ba'i dus nyid na/sprul pa'i skyes bu ston pa dga' rab rdo rje zhes bya ba de yis/ d+ha he na'i 'du khang chen po ru/ rigs khyad par can gdug pa can gyi tshogs dang mkhas pa nyi shu rtsa gcig la sogs pa'i 'khor dpag tu med pa rnams bsdus nas/lhun grub shes pa rang gsal zhes bya ba'i ting nge 'dzin la snyoms par zhugs so// zhugs ma thag tu 'khor thams cad kyi rgyud la rnam par mi rtog pa'i ye shes las zag pa med pa'i chos nyid dus gcig tu shar bar gyur to// de nas 'khor rnams kyi nang nas nyid dang 'dra ba'i sprul pa 'jam dpal bshes gnyen zhes bya ba bzhengs nas/ 'jam dpal bshes gnyen gyis sprul pa'i skyes bu dga' rab rdo rje la 'di skad ces gsol to// e ma ho sprul pa'i skyes bu lags// 'khrul pa 'khor ba'i sems can rnams// rgyu rkyen dngos po ci las 'khrul// sprul pa snang ba'i skye mched kyis// cho 'phrul bstan pa ji ltar lags// 'di 'dra'i rdzu 'phrul ngo mtshar che// dpyang thag chad pa'i 'gro ba la// zab mo'i don tshan bshad du gsol// zhes zhus pas/ dga' rab rdo rjes 'jam dpal bshes gnyen gyi tshig gsan par gyur nas/'jam dpal bshes gnyen la 'di skad ces bka' g+Nal to// e ma rgyu rkyen las las ma byung ba'i// shes pa chos skur gsal ba la// yongs pa'i tshul gyis 'khor bar 'khyams// de la ston pa rnam gsum gyis// lam la so sor bgrod pa yis// bsti gnas btags pa'i sangs rgyas thob// zhen pa gnyis por rang grol phyir// man ngag 'dus pa'i 'khor lo bshad// ces gsungs pas/ 'khor thams cad rtog pa'i bsam pa dang 'dun pa bzang po dus gcig tu skyes par gyur nas/ skyes bu chen pos bshad du gsol// zhes zhus so// gdams ngag sna tshogs 'khor lo'i rgyud las/gleng gzhi zhus pa dang bcas pa'i le'u ste dang po'o//// de nas ston pa dga' rab rdo rje bya ba de yis// 'jam dpal bshes gnyen la sogs pa'i mkhas pa nyi shu rtsa gcig la/ u rgyan gyi skad dam brda yis brgyud de/'di skad ces bka' g+Nal to// kye ma ma nor ma bcos don chen la// rang byung ye shes rig par shar// rnam par mi rtog rtog las 'das// de bzhin nyid la bcos su med// 'on kyang rgyal ba'i dgongs pa'i don// kun bzang dbyings kyi don chen nas// rang byung rig pa'i rtsal shar bas// 'di don rtsa ba dag gis gzung// rtogs dka' rdo rje'i rtsa ba la// rig pa rtsal dang gab mngon phyung// thal byung cog bzhag thug phrad dang// tshol ba rjes med dmigs rjes med/ gtod phur dag gi man ngag gis// gcod byed don gyi 'khor lo bskor// gdams ngag sdong chen brgyad po la// yal ga lo 'dab du mar smin// dper na 'dzam bu prik+Sha bzhin// 'bras bu dgos pa du ma 'byung// de bzhin man ngag re re yis// 'gro ba'i rang rgyud grol ba'i lam// dper na gser 'gyur rtsi bzhin du// dug lnga ye shes chen por 'gyur// sdug bsngal bde ba'i klong du 'gyur// de 'gyur de gsal bdag gis ni// man ngag skad kyis bshad pa'i don// klog dgu bam po nyi khri nas// gdams ngag brgya dang brgyad cu gnyis// mi nub rgyal mtshan don bkrol nas// gsang ba'i don gcod 'khor lo bskor// re res 'gro ba'i rang rgyud 'grol// rig pa'i mdzod 'dzin khu byug la// klong dgu bam po nyi khri nas// zab mo'i gdams ngag bcu gnyis ston// rig pa rtsad gcod 'khor lo bskor// re res 'gro ba'i rang rgyud 'grol// rtsal chen don gyi gzhi ma la// klong dgu bam po nyi khri nas// zab mo'i gdams ngag bco lnga yis// pad+ma rtsad gcod 'khor lo bskor// re res 'gro ba'i rang rgyud 'grol/ khyung chen spros bsdu'i rtsol med la// klong dgu bam po nyi khri nas// gdams ngag bdun cu rtsa brgyad kyis// bsam gtan rtsad gcod 'khor lor skor// re res 'gro ba'i rang rgyud 'grol// sems bsgom theg pa'i dmig sel la// klong dgu bam po nyi khri nas// gdams ngag dgu bcu rtsa brgyad kyis// tshad ma rtsad gcod 'khor lo bskor// re res 'gro ba'i rang rgyud 'grol// byang sems klong gi rtsa ba la// klong dgu bam po nyi khri nas// zab mo'i gdams ngag bco brgyad kyis// rtog pa rtsad gcod 'khor lo bskor// mthar thug thig le drug pa la// klong dgu bam po nyi khri nas// gdams ngag nyi shu rtsa brgyad kyis// yang dag rtsad gcod 'khor lo bskor// spyi gcod theg pa'i yang rtse la// klong dgu bam po nyi khri nas// zab mo'i gdams ngag bco lnga yis// dge sdig rtsad gcod 'khor lo bskor// rje btsan theg pa'i rgyal po la// klong dgu bam po nyi khri nas// gnas lugs don gyi man ngag bcus// rdo rje rtsad gcod 'khor lo bskor// 'dod 'byung yid bzhin nor bu la/klong dgu bam po nyi khri nas// zabamo'i gdams ngag bcu drug gis// bsti gnas zhen gcod 'khor lo bskor// 'phang mtho nam mkha' rgyal po la// klong dgu bam po khri nas// gdams ngag bdun cu rtsa gnyis kyis// gzung 'dzin rtsad gcod 'khor lo bskor// thog tu 'bebs pa'i tig chen la// klong dgu bam po nyi khri nas// zab mo'i gdams ngag tshig gsum gyis// rtsol sgrub rtsad gcod 'khor lo bskor// phra bkod gser mig g.yus spras la// klong dgu bam po nyi khri nas// gdams ngag bzhi bcu rtsa lnga yis// yi ge rtsad gcod 'khor lo bskor// yongs 'dus srog gi 'khor lo la// klong dgu bam po nyi khri nas// zab mo'i gdams ngag bcu drug gis// gsang chen rtsad gcod 'khor lo bskor// bde 'jam yangs dog med pa la// klong dgu bam po nyi khri nas// zab mo'i gdams ngag rtsa bdun gyis// sdug bsngal rtsad gcod 'khor lo bskor// thob med rtse mo rgyung rgyal la// klong dgu bam po nyi khri nas// gdams ngag dgu bcu rtsa drug gis// bdud rtsi rtsad gcod 'khor lo bskor// kun 'dus kun gyi rtsa ba la// klong dgu bam po nyi khri nas// zab mo'i gdams ngag nyi shu yis// bdag 'dzin rtsad gcod 'khor lo bskor// spyi bcings don gyi che ba la// klong dgu bam po nyi khri nas// gdams ngag nyi shu rtsa gnyis kyis/rtag chad rtsad gcod 'khor lo bskor// ma rig 'khrul pa tshar gcod cing// yang dag don la dgod pa'i phyir// rdo rje lta bu'i rtsa ba la// sdong chen brgyad kyi 'khor lo bskor// bdun brgyad rtsa bdun sprul pa 'gyed// bdag gzhan zhen pa rang sar grol// rig pa rtsal gyi sdong po la// cir snang rig pa'i go ba skye// gab pa mngon 'byung sdong po la// chos sku rang gsal rtogs pa 'char// ye shes zang thal sdong po la// rang byung min pa ka nas med// chos sku thug phrad sdong po la// cir snang chos skur ye shes skye// chos nyid cog bzhag sdong po la// cir snang chos nyid byas zin 'grub// tshor ba rjes med sdong po la// brtags snang mi bden yid ches skye// dmigs pa brjed med sdong po la// dran med nyams snang shugs las 'byung// 'dzin med rtod phur sdong po la// 'dzin med ye shes shugs la 'char// ces pa bco brgyad kyi don nan tan dang bcas pa gsungs so// gdams ngag sna tshogs 'khor lo'i rgyud nas/ 'khor lo bco brgyad kyi gdams ngag gnang ba'i le'u ste gnyis pa'o//// de nas yang sprul pa'i skyes bu chen po des/'jam dpal bshes gnyen la sogs pa'i 'khor rnams la 'di skad ces bka' g+Nal to// sems nyid ye nas sangs rgyas pas// bya btsal med par lhun gyis grub// 'di ltar snang bas sangs rgyas nyid// rang byung ye shes 'phel 'grib med// 'khor 'das lam pa'i chos rnams kun// gang yang blang dor mi bya zhing// zag pa med pa'i ngang la bstim// ma bstims bzung yang 'gal rgyu med// kun dngos lhun grub rang shar la// 'gal dang mi 'gal ga la yod/ chos sku mnyam nyid chen po ltar// mnyam par lta yang gnas rgyu med// rang byung ye shes 'gag med la// mnyam dang mi mnyam ga la yod// 'byung 'jug 'dzin med stong par blta// stong nyid yul la gnas pa med// rig pa rang byung ye shes la// stong dang rig pa dbyer med phye// spros med rang byung bde chen la// bgrod med rtsol bral rlung lam shar// 'di la bsgom rgyu ci yang med// 'bad pa rtsol ba'i nad yin te// rnam rtog rkun por ldang ba la// sdong chen brgyad pos zil gyis gnon// zil gnon rtogs pa rang sar grol// mkha' la nyi ma shar ba bzhin// snang srid 'khor 'das rig par shar// de la spang rgyu gang yang med// dmus long chu bur mig phyed bzhin// bla ma dang ldan man ngag grub// rig pa chos skur gsal ba la// 'di la grub pa gang yang med// glang chen smyon pa ji bzhin du// sems kyi 'du 'phro nges med la/ 'di rtag bstan cing spyad du med// ngo shes mi dang phrad pa bzhin// cir rgyud ye shes thug phrad la// 'di la zhen cing blang du med// rgya mtshor snang srid gsal ba bzhin// lhun 'grub dbyings su kun gsal ba// 'di la bdag gzhan tha dad bral/ khyi rkun khang stong tshol bzhin du// chos nyid cir yang ma rnyed pas// gzhan nas btsal du ci yang med// mig nad can gyi rgyang mig ltar// sems la snang rgyu ma rnyed pas// 'di la dmigs gtad bca' ru med/ khyi gsar stong las bkrol ba bzhin// gang yang gzung du ma rnyed pas// dran pa'i thag pas gdags su med// ces gsungs so// gdams ngag sna tshogs 'khor lo'i rgyud las/ mthar thug don gyi le'u ste gsum pa'o//// de nas sprul pa'i skyes bu dga' rab rdo rjes 'jam dpal bshes gnyen la rgyud gtad pa 'di gsungs so// kye kye 'jam dpal bshes gnyen rgyud 'di zung/ khyod nyid 'phags pa'i sprul pa stai/ khyod nyid nga yi rang bzhin yin// gsang ba'i gdams ngag rgyud chen 'di// mi nub yongs kyi btsas su zhog/rin chen gter bzhin dgos pa 'grub// bya btsal med pa'i rgyud chen 'di// kun gyi thun mong ma yin te// snod ldan bskal par sbyangs sbyangs pa// las 'phro can la myur du byin// ces gsungs so// 'jam dpal bshes gnyen la sogs pa'i 'khor thams cad dga' mgu yi rangs te/ dga' rab rdo rje la mngon par bstod do// rin po che gdams ngag sna tshogs 'khor lo'i rgyud las/gtad gnyer gyi le'u ste bzhi pa'o//// rin po che gdams ngag sna tshogs 'khor lo'i rgyud rdzogs so////

CLOSE WINDOW