CLOSE WINDOW

Gpb032.013
བོད་ཡིག

/// bstan pa thams cad kyi bu gcig pa rdzogs so//// tha ma skad cig ma gsum la sangs rgya'o// zhes gsungs so// rigs kyi bu 'di lta ste/ rang gi snying gi nang na rigs lnga'i sku mngon sum du bzhugs so// 'char ba mngon sum du 'char ro// kye gsang ba'i bdag po gdams pa bstan pa'i tshe/ sangs rgyas kyi sku me long gi gzugs brnyan bzhin 'char ro// rdo rje sems dpa'i zhal chems tshig gsum po// dga' rab rdo rje'i thugs kyi gter du sbos/ zhes gsungs so// de nas yang sangs rgyas rdo rje sems dpa'i zhal nas/ dga' rab la rigs kyi bu/ ngas 'jig rten khams su rang la lo nyi shu rtsa bzhi lon nas/sprul pa'i skur bzhugs so// sems can gyi lo stong brgyad brgya lon no// zhes phung po lhag med du mngon sangs rgya'o// de na rim par brgyud nas/ lce btsun gyis ma chad pa stag can du sbas so// de nas lce sgom nag pos bton phyi skor dang/nang skor gsang skor gsum po gzhan la yang byin no// gsang ba bla na med pa 'bras bu rin po che'i skor ni shor re skan/ sa ma ya/ na ra kan rdzogs so//// a+thi+-i/ gsang ngo// sba'o// na mo gu ru/ gnad kyi gdams ngag skor gsum/ 'di la gnyis te/ brgyud pa dang man ngag go/ brgyud pa la gsum te/ thun mong phyi ltar 'jam dpal shrI sid+ha bi ma la mi tra de gsum la rgyal ba dgongs pa'i brgyud pa/ rig 'dzin rig pa'i brgyud pa gang zag snyan khung gis brgyud pa'o// brgyud pa/ zab mo rdo rje sems dpa' dga' rab rdo rje yul gsum bla ma brgyud pa/ yi dam lha nas brgyud pa/ DA ki nas brgyud pa la gsum/ shes don ngo shes pa pas brgyud pa la/ rig pa las brgyud pa'o// blo nas brgyud pa tshig tu zin pa/ rig pa las su rung ba/ nang ltar brgyud pa/ gsang ba sbas don ltar brgyud pa'o// gnyis pa man ngag ltar la'ang gsum ste/ da lta nyams su blangs pa'i man ngag dang/ 'chi ba'i lam khyer dang/bar do'i man ngag dang gsum mo// de yang lung las da lta 'chi kha bar do gsum// gdams ngag gdab pa'i zhing sa yin// zhes bshad pas da lta'i man ngag nyams su blangs la gsum ste/ gnas lugs ma'i go ba/'char lugs bu'i go ba/ ma bu sor bzhag dang gsum mo// de la ma ni chos nyid stong pa ci'i ngo bor yang ma grub par gnas lugs stong sang nge ba 'di yin no// bu ni da ltar gyi shes pa'am/rig pa gsal la ma 'gags pas/ sal le hrig ge ba 'di yin te/ ma bu rkang blog 'bebs pa la bshad do// sor bzhag pa ni 'das pa dang/ ma 'ongs lnga ldan zhes bya ste/ ngo bo dri med ka dag gi sku la rtsal gyi 'char gzhi ma 'gags par lhun gyis grub pa'o// de'i 'od 'bri ku ta gnyis la zug ste/ de yang rtsa rin po che gser gyi sbu gu tsam gcig gi rtse mo sum phrag tu gyes te/ gnyis kyi 'bri ku ta zhes bya'o// mig gnyis la zug/gcig tshangs pa'i bu gar shar ro// de nas ye shes rgyu ba'i lam zhes bya ste/ de'i nang na yar rig pa tshud pas mya ngan las 'das pa'i lam du tshud pa yin no// de ni gnas lugs don gyi sangs rgyas zhes bya'o// rang la gnas pa'i chos nyid mngon sum du gtan la phebs pa yin no// sangs rgyas kyi dgongs pa rang chas su gnas pa de/ thabs bla ma'i gdams ngag la brten nas/ gnas lugs don gyi ye shes/ngos tser gyis zin pa de ka yin no// de ngo shes pas sangs rgya'o// de'i phyir sems can thams cad rang gis ngo shes pas sangs rgyas dka' thub dang bral lo// 'dod pa'i don rin po che grub pa yin no// de ltar yin pa la yin par ngo ma shes ma rtogs pa'i sems can rnams ni/ 'gyu byed dbugs kyi rta pho la/ dngos po dang rdzas su ma grub pa'o// bya byed spre'u'i rig pa zhon nas/ gzung 'dzin dang chags sdang gi dbang gis 'khor bar lhung ba'o// 'chi kha ma'i man ngag lam du khyer ba la gsum ste/ 'chi ltas bstan pa dang/ bslu ba bstan pa dang/ ma slus na 'pho ba bstan pa dang gsum mo// ltas la gnyis te/ rtags dang ltas so// de la gsum gsum ste drug go/ de la rtags gsum ni lus rtag pa rdo rje sems dpa'i mo ngan na 'chi bas te/ dgra yin rkyen gyi kun blangs nyon mongs skyes na/ dgra yin chags sems drag po skyes na dgra yin/lag pa'i sor mo rnams rtse sprad de/ bsgrengs la gung mo gnyis nang du bskum pa/ kha bral ma bcug par srin lag tshig gnyis chad na bla tshe 'gros pas/ gnyis kha phyed dam blta/ phyed na 'chi ma grol bar 'dug na yid chi'o bla tshe 'bros pa yin no// 'chi kha'i dgra gsum ni 'chi khar gdams ngag med pas dmyal bar song na/ ngag gi da ltar la mi bsam rig pa so mar bzhag/ ces pas/ dus gsum gyis mi snyegs par/ gnas lugs kyi steng du shes pa rang lugs phyam gyis bzhag te/de'i rig pa mig la gtad/ mig bar snang stong pa la gtad nas bzhag pas/ ma bu sor bzhag steng mi dgongs pa gnas lugs ngo bo ma stongs par rig pa'i rang bzhin gsal la ma 'gags par/mtshan nyid de yang lus las chos nyid stong pa la rang rig ye shes su/ ma bu sor bzhag mnyam nyid dgongs pa'o// zhes so// stong gsal dbyer med kyi dgongs pa shes pa gsal bya dang bcas pa/ nyams gzung 'dzin dang bral ba/ rig pa gsal la 'dzin med du 'char ro// de'i gdangs tsit+ta rin po che'i nang na/ 'od kha dog lnga'i rang bzhin du/ tshom bu lnga'i dkyil 'khor dang bcas pa bzhugs so// yang tsit+ta rin po che zur brgyad pa/gur phub pa'i nang na rtsa bzhi gsungs so// de la kun gzhi'i rgyu rnam shes chos nyid dang rang byung gi rtsa mthing ga nyon mongs can gyi yid rgyu// ye shes kyi ser po/ yid kyi rnam shes rgyu rang rgyud kyi rtsa dmar po/sgo lnga'i rnam shes rgyu yon tan gyi rtsa ljang gu'o// de ba thag khug pa'i tshul du yod/ de bzhi'i rtse mo gcig tu 'dus pa las/ rtsa'i dwangs ma dar dkar lus sha rus bskyed gyi skud pa tsam gcig/ de la khrag gi dwangs ma mtshal cog la ma lta bur gnas ste/de la drod kyi dwangs ma me long ngos la nyi ma shar ba tsam gcig gnas so// de rlung rtsal dang stobs bskyed/ gi dwangs ma gser sa 'og tu bcug pa'i rlangs pa tsam gcig gnas so// de bzhi'i dkyil na 'od kyi dwangs ma tshon gyi gru gu bsgril ba lta bu gnas so// de'i dkyil na rig pa shes byed kyi gzhi dran pa'i rten/ srog mi shigs pa'i thig le/ a ba d+hU tI zhes bya ba/ dran rig gi ngo bo/dngos po dang rdzas su ma grub pa/ rig pa dang snang ba med pa/ ngo bo dang don du ni yod de/ ye shes kyi dbang po lnga dang bcas pa/ gdangs 'od kha dog lnga shar ba'i klong nas rgyal ba rigs lnga'i sku tshom bu dkyil 'khor dang bcas nas bzhugs pa/de mi stong pa ye shes gsang lam nas 'pho ba ni/ phyi 'bring gi 'od gsal la 'pho ting nge 'dzin ni/ snying gi rtse mo gyen la lhag bzlog la/ rtsa rin po che gser gyi sbu gu tsam gcig snying nang nas tshangs pa'i bu gar 'jug go/de'i nang nas yar 'od kha dog lnga ldan phra mo rta snying gi rtse mo nas yar la rtsa rin po che gser gyi rnam dag ces bya ba/ gser gyi sbu gu can rtsa gsum drag tu gyes te/ mig gnyis la gcig rtsa bu ru zug yod pas de'i nang nas yar rig pa tshud pas mya ngan las 'das pa'i lam du tshud pa yin no// rnga tsam gcig bsam la/ de la a dkar po nyi shu rtsa gcig star la brgyus pa ltar dkar khrig ge bsgom la/ a a zhes dbugs kyis thub tshad bzlas pas/a gcig la gcig thim nas tshangs pa'i bu ga nas/ rig pa a'i phyir rgyang rtser 'thon pas snang ba thams cad rang gi rig pa'i rang mdangs/ 'od gsal gyi klong du gyur pa la/ rig pa gtad la dbugs thub tshad bsdam mo// de'i ngang la phrag dog gis 'gro'o// gseb lam nas 'pho ba ni/ rig pa mig la gtad/ mig bar snang la gtad/ yid 'od gsal la gtad la 'pho'o// gsang blo mtha' ma mtshan bcas su 'pho/lam la 'pho ba ni/ sna sgo nas rig pa dbugs dang 'grogs nas hUM du 'thon hUM dkar po bdun gyi nam mkha' la bla ma dang yi dam gsal ba'i thugs kar yang dang yang du bstim mo// 'pho ba'i dus de rnams su skyel ma gsum sngar nyams su blangs pa'i skyel ma nyams gdeng du chud pas 'chi khar gsal thebs pa'i skyel ma'o// sun ma gsum ni sku'i bsun ma snang srid thams cad 'od kha dog lnga ru 'char ro// gsung gi bsun ma sgra ru 'char ro// thugs kyi bsun ma zer du 'char ro// de rnams sku gsung thugs su ngo shes par bya'o// rig pa rang 'od gnyis su med par thim pa// dper na chu dang 'o ma 'dres tsa na chu yang 'o ma'i rang bzhin du 'gyur bas/ de ltar rig pa 'od gsal du thim mo// dang ldan par byas te/sun ma gsum ni steng du 'pho'o// de ni rang gi rig pa'i 'od gsal gnyis su med par thim nas/ skye med chos kyi skur sangs rgya'o// gsum pa bar do'i man ngag ngos gzung ba la gsum ste/ chos nyid bar do dang/srid pa longs sku dbang po 'bring/ bar do dang/ rmi lam sprul sku dbang po tha ma/ ngo bo ni dge sdig 'khor 'das kyis phyogs kyang da rung ma smin pa ste/ gzhi ngo bo nyid kyi gnas lugs mi 'gyur ba'o// bar do dang gsum mo// chos nyid bar do la gnyis te/snang ba de la 'dris shing goms pa dang/ de la 'dug go/ snang ba gsum dang 'od rig pa'i rang gdangs/ zer dang shes pa'i dud 'phro/ sgra dang gsum mo// dang po'i mtshams sbyor gsum na/ 'od kyi sngon la ma 'gro zhes bya ste 'od dngas so// rang kha ma yin lta zhing dga' brod mi bya'o// 'od kyi gdengs la mi gtad/ zhes bya ste 'od rang 'od du shes par byas la 'jigs par mi bya'o// 'od kyi logs la mi 'grim zhes bya ste/ 'od btang snyoms su ma bzhags par dran par zin par bya'o// 'od ni/ dbugs chad pa'i dus su/ snang srid thams cad kha dog lnga ru zhag lnga 'char te/ bsam gtan gyi zhag gsum gnas so// 'od kyi zer ni gdams ngag ma bstan pa la zer/ mtshon char snang/ btab pa/ chos mdzad la/rdo rje bu ga khong seng du 'ong ngo// skad ring po gcig/ skad 'bring po gcig/ skad thung ngu gcig/ gsum gyi bar zhag gsum zer ro// sgra ni phal pa la 'jigs pa'i sgra thos/ rnal 'byor pa chos nyid kyi sgrar thos/ de ltar sbyar na 'od kyi phyi'i 'od lnga po de nyid dbang po lnga'i rtsa la zug cing shar te 'od mthing ga mig la zug go/'od dkar po rna ba'i rtsa la zug go/ 'od ser po sna'i rtsa la zug go/ 'od dmar po lce'i rtsa la zug go/ 'od ljang gu lus la zug cing shar ro// de ltar shar bas mig gis gzugs mthong bas thams cad gsal lo// rna bas sgra thos pas thams cad dran stong// snas dri tshor na thams cad tshor stong/ lces ro myong ba thams cad ro stong lus kyis reg bya thams cad reg stong 'od lnga'i rtsal dbang po lnga la shar/ dbang po lnga'i rtsal 'byung ba lngar snang bas yin pas don la phyi 'byung ba lnga po 'di thams cad chos nyid 'od gsal du go dgos so// yul du 'byung ba ltar snang la/ zer ni tshogs drug 'gag med do// nyon cig ma yengs nyon cig/ rigs kyi bu gang zhig phung po lhag ma med par sangs rgya bar 'dod pas yid 'di ltar shes par bya'o// rang gi snying nang na 'od kha dog lnga'i dkyil na sangs rgyas rgyal ba rigs lnga'i sku tshom bu'i dkyil 'khor bcas pa sku nyung 'bru la spyan phul thag tsam sna tshogs gcer bur bzhugs so// sku de yang ngo bo gsal ba zang thal ba 'dzin rtog dang bral ba'i ye shes su bzhugs so// de ltar rang gi snying gi nang na sangs rgyas kyi sku yungs 'bru tsam bzhugs shing 'khrul snang 'gags pa'i dus su sku chen po nam mkha'i mtha' dang mnyam pa/'bring po ri rab tsam gyis khengs nas rang 'char ro// de la ma 'jigs shig/ de ngo shes pas chog go/ kye gsang ba'i bdag po legs par zung zhig/rang 'chi khar chos nyid rang snang gi nam mkha' la/ sangs rgyas kyi sku mngon sum du 'char ro// de ngo shes pas chog go/ rang gi rig pa 'od lnga dang 'du 'bral med par 'grogs pa yin no// ma nu/ sarba/ bud+d+ha/ dz+nyA na/ kA ya/ pany+tsa/ rigs kyi bu rang la sangs rgyas kyi sku rang la yod pas gzhan du ma 'tshol cig/ sangs rgyas 'od lnga'i lus su bzhugs nas gsal 'grib dang bral lo// sangs rgyas kyi sku la 'gyur ba med pas skye 'chi dang bral lo// sangs rgyas thams cad rang ngo shes pas sangs rgyas pa'i dka' thub dang bral lo// sangs rgyas 'od kyi sku gsal la rtog pa med pas/ rang la rang bzhin med pa bde ba rgyun chad med par rang gi snying gi nang na bzhugs so// bstan pa thams cad kyi bu gcig bu'i rgyud las/ sangs rgyas sku gsum bstan pa'i le'u ste gsum pa'o//// a+ya spang thob med pa rtsa dar dkar gyi skud pa tsam 'di'i nang gang na yar ye shes 'gyu'o// sh+ya yangs pa chen po chos kyi gnas lugs yin/ bA mtha' rnam par grol ba/ ba las kyi mtha' ma bsgribs pas/ A bde ba chen po// a 'ub chub pa/ hwa ye shes nyi ma rang la snang ba'o// n+ya sa le ba/ makastong nge ba/ d+ya me re ba/ s+ya sangs rgyas mthong ba'o// mad+ya gong na gzhan med pa'o// dra NA bsgom pa/ kyaM lta ba mi g.yo bar bris/ hritwaM 'od lnga gsal lam mi g.yo bar/ chu bo rgyud kyi ting 'dzin/ dwa spyod pa mi g.yo ba/ daladag pa chos sku'i gnas lugs 'gyur ba med cing gsal sgrib med/sha 'bras bu mi 'gyur ba spang thob med/ ma ma wa drag po med pas 'gyur ba med cing sgrib med/ A gsung gi gnas lugs smra bsam brjod bral yin/ saT sku gnas lugs 'od lnga'i dus su yod/ 'od lnga la gsal 'grib med do// gsal la ma 'gags pas 'od lngar gsal lo/nyas thugs kyi gnas lugs rnam rtog bral ba yin/ maMM skye ba med pa 'gyur ba med pa yin/ sangs rgyas thams cad mes po rang la yod/ 'di'i nang na ye shes rgyu'o// rtsa dar dkar gyi skud pa tsam 'di'i nang na yar la ye shes 'gyu'o// ngo bo stong par bzhugs/ yul gyi ye shes klong brtol te/ dpal be'u'i ye shes lnga yin/ lhag mthong gi ye shes kyis ma rig pa gdar sha gcod/ rig pa chos kyi sku yin/ A+oM bdag tu rtog pa'i sngo dang bral ba'i ye shes chen po'i ngang la bzhag go/a rnam rtog dang bral ba yin/ rang sangs nges pa yin/ a+a rang snang gi dgongs pa la gnas pa yin// m+ma bsgom pa'i dpe mar me rlung gis ma bskyod pa lta bu/ dang po'i nyi ma yin no// yon tan gyi dpe nor bu chu dngas ltar yin/ a+aM dpal rtog med yon tan 'gyur ba/hUM snying rjes btang snyoms zin pas 'brel ba stong nyid snying rje'i snying po can rang gi rgyud la shar ba yin pas 'khor ba la rang bzhin yod ma myong/ k+ka ye shes rol ba 'gags pa med pas shag gis 'char ro// t+r+t+ra ma bcos pa'i spyod pa lhug par bzhag bun ni long ba yin/ib chos nyid stong pa nyid ngo bor ma grub pa'o// ye shes la rtog pa med do// sku ngo bor btubs pas sangs rgyas kyi yin/ ga/: 'bras bus 'di ste btubs pas sku lnga ye shes lnga yin no/ ma rig pa rnam rtog thams cad spang bya yin no/ngo sprod gsum gyi sangs rgyas kyi lam yin/ sangs rgyas dang sems can rgyu gcig yin/ de ngo shes na sangs rgyas ma shes na 'khor ba yin/ bud+d+ha/ samati/ ro ma ha rang chas su yod/ ka la 'od lnga zhugs/ b+h+yid t+ya rig pa ye shes 'od 'phro ba bzhugs/ dz+nyA na/ ye shes rtog med/ tsit+ta snying gi nang nas sangs rgyas bzhugs/ bud+d+ha/ badzra ma hA/ rdo rje'i sku yin no// tsak+Shu ye shes spyan la gsal 'brib med pa yin/b+h+yidat+ya ma rig pa rang ngo la 'khrul pa med pa yin/ a mal skye ba med pa mnyam pa nyid/ ma hA/ pany+tsa sangs rgyas skye 'chi med pa chen po yin/ kA ya d+harma la/ mnyam pa nyid yin/ a skye ba med do/ gsungs nas cang med do// gsal la 'tsher ba med pa yin/ rang ngo shes na 'khor ba'i sdug bsngal dang bral ba'i snang ba 'di rmi lam dang khyad med de yod ma myong 'khrul snang rmi lam dang 'dra bas bden par ma 'dzin/ dga' rab rdo rjes 'di skad ces smras so// kye kye sangs rgyas thugs rje can/ sems can gyi sdug bsngal bsal du gsol/ces zhus so// de nas bcom ldan 'das kyis bka' stsal pa/ gsang ba'i bdag po sangs rgyas rang la yod do// zhes gsungs so// bstan pa thams cad kyi bu gcig pu'i rgyud las/sangs rgyas kyi gdams ngag bstan pa'i le'u ste bzhi pa'o//// b+h+yid t+ya A ta thA ga ta/ ku la pany+tsa pa ni bud+d+ha ku la tsit+ta pa ni bud+d+ha kA ya ha ma sa a si/ gsungs nas dgongs pa la gshegs so// nam mkha'i dkyil ni chos kyi dbyings yin no/nam mkha'i dkyil na nyi zla'i nyi zla ni ye shes lnga yin no/ khang pa rin khang pa ni rang gi lus yin 'od lnga ni kha dog lnga yin no// po che 'od/ de nas gsang ba'i bdag pos 'di skad ces zhus so// kye kye sangs rgyas rdo rje 'chang/sangs rgyas kyi bzhugs tshul gsum gsung du gsol// ces zhus so// bcom ldan 'das kyis bka' stsal pa/ phyag na rdo rje khyod ma yengs par nyon cig/ rang gi snying gi nang na sangs rgyas 'od lnga'i phung por bzhugs so// rang gi snying gi dkyil na sangs rgyas kyi sku nyung 'bru tsam la spyan phul thag gang bzhugs so// rang gi snying gi nang na 'od kha dog lnga'i dkyil nas/ sangs rgyas rgyal ba rigs lnga 'khor dang bcas pa thams cad seng ge dang/glang po che dang/ rta dang/ rma bya dang/ shang shang gi gdan dang/ sku kha dog lnga dang ldan pa/ phyag mtshan rdo rje rtse lnga bsnams pa/ nor bu rin po che dang/pad+ma 'dab ma brgyad pa dang/ rdo rje rgya gram dang/ 'khor lo rtsibs brgyad pa rnams bsnams nas/ rin po che 'od 'bar ba'i sku dang/ rang gi snying gi nang na da lta bzhugs so// rang gi klad pa'i nang na/ sangs rgyas khro bo'i sku badzra he ru ka dang/ bud+d+ha he ru ka dang/ rat+na he ru ka dang/ pad+ma he ru ka dang/ karma he ru ka dang/ khrag 'thung gi lha tshogs thams cad mngon sum du bzhugs so// kye gsang ba'i bdag po rang gi klad pa'i nang na khrag 'thung gi lha tshogs sna tshogs gcer grol du bzhugs so// rang gi lus 'di la sangs rgyas kyi grong khyer nyi khri dang chig stong yod do// grong khyer de dag thams cad na sangs rgyas kyi sku thams cad na sangs rgyas kyi sku thams cad kyis khyab nas yod do// rang gi rtsa'i nang thams cad bde bar gshegs pa'i skus khengs nas yod do// kye gsang ba'i bdag po legs par nyon la yid la zung zhig/gangs sam g.ya' las byung ba'i man shel dri ma med pa nyi ma las phyar bas/ 'od kha dog lnga lhug par 'char ro// de yang 'di lta ste/ kha dog mthing ga dang/ dkar po dang/ ser po dang/ dmar po dang/ ljang gu'o// de bzhin du rang gi snying gi dkyil na bzhugs so// rang 'chi ba'i dus su 'od lnga gsal la 'tsher ba/ rang bzhin gyis bkrag la nyam nga ba/ sos ka'i byang thang chen po la/ smig rgyu rgyu ba bzhin mer mer 'ong ngo// de la ma 'jigs shig/ 'od zer mtshon cha'i char pa babs pa 'dra ba 'ong ngo// de la ma skrag cig/ 'od kyi nang thams cad nas chos nyid rang sgra 'brug stong ldir ba ltar drag la che ba 'ong/ de la ma dngangs shig/de gsum la mi 'jigs mi dngangs mi bred pa de ni sangs rgyas yin no// de gsum la bred 'jigs skrag pa de ni rdzogs ldan mun pa nag po'i rgyal khams zhes bya ba/ nyin mo nyi ma'i snang ba med/nub mo zla ba'i snang ba med/ nang nub me'i snang ba med pa/ rlung dang char dang mun pa nag po'i gseb na/ shin tu sdug bsngal la/ 'khor ba srin gyi kha chu dang 'dra bas 'khor zhing 'khyams so// des na gdams pa 'di gnad che'o// 'di ma shes na phan med do// zhes gsungs so// bstan pa thams cad bu gcig pu'i rgyud las/ sangs rgyas kyi bzhugs tshul bstan pa'i le'u ste lnga pa'o//// de nas gsang ba'i bdag pos 'di skad ces zhus so// kye kye bcom ldan rdo rje 'chang/ sangs rgyas kyi mngon rtags gsum gsung du gsol/ ces zhus so// bcom ldan 'das kyis bka' stsal pa/ phyag na rdo rje khyod nyon cig/sangs rgyas la gnyis mngon par rdzogs par sangs rgya ba dang/ yang dag par rdzogs par sangs rgya ba'o// mngon par rdzogs par sangs rgya ba de la/ 'od dang sgra dang/ gdung dang/ sku 'ong ngo// 'od gyen la 'grengs nas/ spras pa'i skas kyi yin nam tshul du 'ong ngo// dbugs chad pa dang/ sangs mi rgya bar zhag lnga nas sangs rgya'o// 'od khang khy-im gyi tshul du byung na/ zhag lnga nas brtan pa thob nas sangs mi rgya bar/dbugs chad pa dang sangs rgya'o// sgra la gnyis te sgra'ur zer na zhag lnga nas sangs rgyas so// sgra thugs zer na zhag bdun nas sangs rgya'o// gdung lnga dkar po byung na/ rdo rje sems dpa'i zhing khams su skye'o// skyes nas mngon par rdzogs par sangs rgya'o// ser po byung na/ rin chen 'byung ldan gyi zhing khams su skyes nas mngon par sangs rgya'o// gdung kha dog dmar po byung na/ snang ba mtha' yas kyi zhing khams su mngon par rdzogs par sangs rgya'o// gdung kha dog ljang khu byung na/ don yod grub pa'i zhing khams su skye'o/ kha dog mthing ga byung na/ rnam par snang mdzad kyi zhing khams su sangs rgya ba yin no// sku la gnyis te zhi ba'i sku byung na snang ba 'di 'gags pa dang sangs rgya'o/ khro bo'i sku byung na zhag lnga nas sangs rgya'o// de bzhin du 'od dang/ sgra dang/ gdung dang/ sku 'byung ngo// zhes gsungs so// bstan pa thams cad kyi bu gcig pu'i rgyud las/mngon rtags bstan pa'i le'u ste drug pa'o//// de nas yang gsang ba'i bdag pos 'di skad ces zhus so// kye kye bcom ldan rdo rje 'chang// sku lnga'i gnas lugs gsung du gsol// ces zhus so// de nas bcom ldan 'das kyis bka' stsal pa/ gsang ba'i bdag pos zhus pa legs so// rang gi snying gi dkyil na/ dbus rnam par snang mdzad sku mdog mthing ga yab yum 'khor dang bcas pa bzhugs so// rang gi snying gi nub na snang ba mtha' yas yab yum 'khor dang bcas pa bzhugs so// rang gi byang na don yod grub pa yab yum 'khor dang bcas pa bzhugs so// rang gi klad pa'i nang na sangs rgyas khro bo'i skus khengs nas yod do// rang gi rig pa ma 'gags par gsal ba 'di chos sku yin no// sangs rgyas rgyal ba rigs lnga rang gi snying gi nang na bzhugs pa longs sku yin no// rang gi klad pa'i dung khang dkar po'i nang na yod pa de sprul pa'i sku yin no// rang gi klad pa'i nang gi dbus 'od kha dog lnga yod do// 'od lnga'i nang na sangs rgyas kyi sku bzhugs so// rang gi gzhungs pa'i nang na sangs rgyas kyi sku bzhugs so// rang gi lus rtsa'i dra bar yod do// rtsa'i nang na sangs rgyas kyi grong khyer yod do// 'od lnga sangs rgyas kyi rang lus su shes na sangs rgya'o/ khug pa lnga shes na dbugs ma chad pa la sangs rgya'o// zhes gsungs so// de nas rdo rje sems dpa'i zhal nas/ slob dpon dga' rab rdo rje la/ rigs kyi bu ngas 'jig rten gyi khams su rang lo nyi shu rtsa bzhir sprul pa'i sku ru bzhugs so// sems can gyi lo stong brgyad brgya lon no// zhes gsungs so// nam mkha' 'od kyis bkang nas phung po lhag ma med par sangs rgyas so// de dga' rab rdo rje brgyal nas/ kye kye kyi hud zer nas skad phyogs bcur bos pas/de brgyal ba sangs tsam na sangs rgyas rdo rje sems dpa' chos nyid rang snang gi nam mkha' la ye shes sgyu ma lta bu'i skus byon nas/ phyag g.yas pa'i sor mo brkyang nas/ d+harma rat+na sid+d+ha ma ya/zhes pa'i sgra byung nas rin po che g.yu'i za ma tog sen gang ba cig dbu'i thog tu babs so// de kha phye nas gzigs pas gser gyi shog bu la g.yu'i yi ge bris pa gcig 'dug nas/ de bltas pas sangs rgyas rdo rje sems dpa'i zhal chems tshig gsum pa zhes bya ba phung po lhag ma med par sangs rgya ba 'di 'dug go/der dga' rab rdo rjes bltas pas/ dga' rab rdo rje phung po lhag ma med par sangs rgyas so// bstan pa thams cad kyi bu gcig pu'i rgyud kyi sku lnga bshad pa'i le'u ste bdun pa'o//// rdzogs so// dbang po rab rtogs pa'i khyad par can la skad cig ma gsum mam/ lnga la sangs rgyas rgyal/ dang po 'khor ba dong nas sprugs/gnyis pa la/ bden pa mthong/ gsum pa la rdo rje lta bu'i ting nge 'dzin thob/ bzhi pa chos thams cad kyi de bzhin nyid mkhyen/ gsal rig pa thugs rdo rje 'byung ngo// tha ma skad cig gsum la sangs rgya'o// zhes gsungs so// rigs kyi bu 'di lta ste/ snying gi nang na rigs lnga'i sku mngon sum bzhugs so// 'char ba mngon sum du 'char ro// kye gsang ba'i bdag po gdams pa bstan pa'i tshe/sangs rgyas kyi sku me long gi gzugs brnyan bzhin 'char ro// rdo rje sems dpa'i zhal chems tshig gsum pa'o// dga' rab rdo rjes thugs kyi dkyil du sbos// zhes gsungs so// de nas yang rdo rje sems dpa'i zhal nas/dga' rab rdo rje ngas 'jig rten gyi khams su/ lo nyi shu lon nas sprul pa'i skur bzhugs so// sems can gyi lo stong brgyad brgya lon no// zhes phung po lhag med du sangs rgyas so// de nas rim par brgyud nas/lce btsun gyis 'chad pa stag can du sbas so// de nas lce sgom nag por bton nas/ phyi skor nang skor gsang skor gsum byon no// gsang skor bla na med pa 'bras bu rin po che'i skor 'di mi la byin re skan/sa ma yA/ na ra kan rdzogs so//// rgya rgya rgya/ a+thi+-i/

CLOSE WINDOW