CLOSE WINDOW

Gpb032.010
བོད་ཡིག

/ zhes gsungs so// kun tu bzang po ye shes gsal bar ston pa'i rgyud phyi ma'i phyi ma las le'u ste bzhi pa'o//// mthar thug pa'i rgyud ces bya ba rdzogs so//// rgya gar skad du/san ti ma hA sa man+ta b+ha dra bi ta gu h+ya nA ma tan+t+ra/ bod skad du/ rdzogs pa chen po kun tu bzang po ye shes gsal bar ston pa phyi ma gsang ba'i rgyud ces bya ba/ dpal rdo rje sems dpa' la phyag 'tshal lo// de nas dpal kun tu bzang pos yang bka' stsal pa/ nyon cig dpal rdo rje sems dpa'/ stong gsal rig pa chos skur rtogs par 'dod na/ dang po sems 'dzin byas la/ de nas lam du blang ba ni/ sgom yod thabs la brten pa zhes bya'o// sgom med shes rab la brten pa ni/ de nas thams cad rig pa stong gsal du shes pa'o// de gnyis dbyer med ces bya ba ste/ de lta bu yi ma bral bar shes par bya'o// zhes bka' stsal to// rgyud phyi ma las le'u ste dang po'o//// de nas gzhan yang bka' stsal pa/ snang srid 'di nges pa med pa'i phyir na sems so// de ci'i phyir zhe na/ snang ba nges pa med pa ni/ dper na chu nyas khang khyim du mthong/yi dwags kyis rnag khrag tu mthong/ mis chu ru mthong ste/ des na nges pa med do// des na snang ba 'di rang gi sems kyi 'khrul snang ngo// sems rang byung ye shes stong gsal du snang ba'o// zhes gsungs so// rgyud phyi ma las le'u ste gnyis pa'o//// de nas yang bka' stsal pa/ snang ba ye nas med rang bzhin du snang ba yin te/ min pa la yin par gzung bas 'khrul te/ nga bdag tu gzung nas de las nyon mongs pa 'byung ste/des 'khor bar 'khyams pa yin te/ rig pa stong gsal rtogs pas/ nang nyams phyir shar bas snang ba la 'khrul snang du mthong ba'o// na bun lta bur bun ne lang nge mthong tsam na/nyon mongs pa las log nas/ shin tu chos nyid dam par 'gyur te/ rnal 'byor gyi dbang phyug dam pa'o// zhes gsungs so// rgyud phyi ma las le'u ste gsum pa'o//// de nas dpal kun tu bzang pos bka' stsal pa/de ltar rdo rje sems dpas de yi don rnams su blang zhing/ bla med ye shes gsal ba'i rgyud 'di gzung bar bya'o// zhes bka' stsal pas 'khor rnams thams cad yi rang bar gyur to// zhes gsungs so// rdzogs pa chen po kun tu bzang po ye shes gsal bar ston pa'i rgyud phyi ma las le'u ste bzhi pa rdzogs so//// rgya gar gyi mkhan po gu ru shrI sid+ha dang/ lots+tsha ba rdo rje yang dbang gter gyis bsgyur ba'o////

CLOSE WINDOW