CLOSE WINDOW

Gpb032.006
བོད་ཡིག

de bzhin gshegs pa lnga'i bkra shis kyi tshigs su bcad pa rdzogs so//// dam pa tog dkar dga' ldan pho brang dam po ru// mi pham mgon la rgyal tshab dam par dbang bskur zhing// 'dzam gling nyid du glang chen thal kar ltar gshegs gang// bkra shis dam pa des kyang deng 'dir bde legs shog/ rgyal po'i khab kyi grong khyer dam par zas gtsang sras// bud med skyon bral g.yo sgyu spangs pa lha mdzes yum// lhums su zla bcur blo gros ldan pa shAkya'i rigs// bkra shis dam pa des kyang deng 'dir bde legs shog/ lum pa'i tshal ni dben zhing nyams dga' ba la sha'i// yal ga nas bzung bltams gyur tshangs dang brgya byin 'dud// mkha' la gshegs te phyogs bcur pad ma byung gyur gang// bkra shis dam pa des kyang deng 'dir bde legs shog/ gzhal med khang mdzes drang srong dam pa'i mdun bzhag nas// mtshan ltas shis pa brjod de ston pa 'byung gyur pa// shAka rigs bud med 'khor ldan kun 'dus brgyan btags gang// bkra shis dam pa des kyang deng 'dir bde legs shog/ gzhon nu'i stobs ni sgyu rtsal yig rtsis 'phong las ni// kun las mthar byung lha mi la sogs kun pas mchog/ shAkya'i rigs 'khrungs log rtog bsal phyir btsun mo'i 'khor// bkra shis dam pa des kyang deng 'dir bde legs shog/pho brang nas byung rga nad 'chi ba las byung gzigs// mi rnams rmongs mdzad lha yi mdun bdar mkha' la ni// srid gsum dag las brgal phyir mthon mthing dbu skra bregs// bkra shis dam pa des kyang deng 'dir bde legs shog/lha rnams rdzu 'phrul gyis lhags ngur smrigs gos rnams phul// na ra dza ra'i chu bor dka' thub ma lus rdzogs// thub pa bsam gtan nas bzhengs bkra shis 'o thug gsol// bkra shis dam pa des kyang deng 'dir bde legs shog/ bang mo las byung khyu mchog byang chub shing drung du// skyil mo krung bcas mi g.yo mchog gis bdud btul nas// tho rangs bdud rtsi mi 'gyur phun tshogs sangs rgyas pa// bkra shis dam pa des kyang deng 'dir bde legs shog/ ba ra NA sIr chos kyi 'khor lo mgon pos bskor// kun shes la sogs bden bzhi lnga sde bzang la bstan// lha klu lha min la sogs mi min bdud gyur gang// bkra shis dam pa des kyang deng 'dir bde legs shog/ nga rgyal bsnyems par ldan pa'i ston pa drug btul zhing// glang chen rab myos mi bzad lhas byin gyis rbad btul// drang srong mchog la spre'u rgyal cang shes sbrang rtsis mchod// bkra shis dam pa des kyang deng 'dir bde legs shog/ pad+mo gzhon nu lta lta'i mtshan ldan shAkya'i rigs// zas gtsang sras su rgyal rigs 'khor los sgyur rgyal bltams// bltams pa nas bzung sA la'i tshal du ma lus rdzogs// bkra shis dam pa des kyang deng 'dir bde legs shog/ byams pa'i stobs kyis 'gro ba ma lus sgrol mdzad cing// sems can mtha' yas zhi bde'i lam la rab bkod nas// grong khyer rtswa mchog dam par dgongs pa yongs rdzogs gang// bkra shis dam pa des kyang deng 'dir bde legs shog/// bcom ldan rnam par gzigs ni rgyal rigs gzi brjid can// tshe lo brgyad khri'i dus na grong khyer nye ldan du// pa to la'i shing drung mngon par sangs rgyas pa// deng 'dir bde gshegs bkra shis phun sum tshogs gyur cig/bde gshegs gtsug tor mnga' ba rgyal rigs rdzu 'phrul can// tshe lo bdun khri'i dus na ka ni'i grong khyer du// shing mchog sin 'di'i shing drung mngon par sangs rgyas pa// deng 'dir bde gshegs bkra shis phun sum tshogs gyur cig/rgyal ba thams cad skyob pa rgyal rigs blo gros can// tshe lo drug khri'i dus na grong khyer mnyam med du// shing mchog sA la'i shing drung mngon par sangs rgyas pa// deng 'dir bde gshegs bkra shis phun sum tshogs gyur cig/thub pa 'khor ba 'jig ni stobs ldan bram ze'i rigs// tshe lo bzhi khri'i dus na grong khyer bde ldan du// shi ri sha yi shing drung mngon par sangs rgyas pa// deng 'dir bde gshegs bkra shis phun sum tshogs gyur cig/'dren pa gser thub bslab pa mchog ldan bram ze'i rigs// tshe lo sum khri'i dus na grong khyer mdzes ldan du// u dum 'bar ba'i shing drung mngon par sangs rgyas pa// deng 'dir bde gshegs bkra shis phun sum tshogs gyur cig/ skyobs pa 'od srungs rgyal rigs bla med yon tan can// tshe lo nyi khri'i dus na grong khyer ba ra NA sI ru// n+ya gro d+ha yi shing drung mngon par sangs rgyas pa// deng 'dir bde gshegs bkra shis phun sum tshogs gyur cig/ 'gro mgon shAkya thub pa rgyal rigs brtson 'grus can// tshe lo brgya pa'i dus na ser skya'i grong khyer du// a sho ta yi shing drung mngon par sangs rgyas pa// deng 'dir bde gshegs bkra shis phun sum tshogs gyur cig/// phun sum tshogs pa mnga' ba gser gyi ri bo 'dra// 'jig rten gsum gyi mgon po dri ma gsum spangs pa// sangs rgyas pad+ma rgyas pa'i 'dab 'dra'i spyan mnga' ba// bkra shis des ni skye dgu'i zhi byed dang po'o// de yis nye bar bstan pa'i mchog rab mi g.yo ba// 'jig rten gsum na grags shing lha dang mis mchod pa// chos mchog dam pa skye dgu rnams la zhi byed pa// 'di ni 'jig rten dge ba'i bkra shis gnyis pa'o// dge 'dun dam pa'i chos ldan thos pa'i bkra shis phyug/ mi dang lha dang lha ma yin gyis mchod pa'i gnas// tshogs kyi mchog rab ngo tsha shes dang dpal gyi zhing// 'di ni 'jig rten dge ba'i bkra shis gsum pa'o// che ba'i che mchog ston mchog bla na med// chos rje nyi ma rgyal ba'i byin rlabs kyis// bgegs dang bdud rigs gnod pa'i dgra zhi ste// rtag tu dpal gnas nyin mtshan bkra shis shog/ chos nyid ldan pa'i chos mchog bla na med// dam chos bdud rtsi'i bden pa'i byin rlabs kyis// nyon mongs sdug bsngal gdung ba'i dgra zhi ste// rtag tu dpal gnas nyin mtshan bkra shis shog/ dge 'dun yon tan rin chen dpal 'bar ba// rgyal sras phan mdzad bden pa'i byin rlabs kyis// nyes pa'i skyon zhi dge tshogs rnam par 'phel// rtag tu dpal gnas nyin mtshan bkra shis shog/ tshangs dang lha dbang srung ma'i byin rlabs kyis// phan mdzad lha yi bkra shis gnas gyur te// bde legs bsam pa yid bzhin grub pa dang// tshe ring nad med bde skyid ldan par shog/// oM swa sti/ bkra shis par gyur cig/ sangs rgyas gtso la yon tan mchog mnga' zhing// che dgus mchod cing smon lam sprin tshogs 'dus// go 'phang ston pa chos kyi char 'bebs pa// bkra shis des kyang skye dgu rnams la zhi byed shog/ skyob pa'i chos la legs pa'i tshogs mnga' zhing// shin tu phan dang bde dang nges gsungs pa// 'khor ba rtag bde mya ngan med 'thob pa'i// bkra shis des kyang skye dgu rnams la zhi byed shog/ dge 'dun che la mthu rtsal rmad mnga' zhing// bslab gzhi legs bcas brtson pa'i rnal 'byor can// bdag gzhan don chen sgrub pa'i lam zhugs pa/

CLOSE WINDOW