CLOSE WINDOW

Gpb032.002
བོད་ཡིག

rgya gar skad du/ de ba ya tre san tri shu pa ti ba ya du ya ma hA tan+t+ra/ bod skad du/ lha 'dre stong gi dra ba'i rgyud chen po// bcom ldan 'das gsang ba'i bdag po 'khor dang bcas pa la phyag 'tshal lo// 'di skad bdag gis thos pa dus gcig na// 'og min gyi gnas na/ bcom ldan 'das gsang ba'i bdag po de la/ 'khor dpag tu med pas skor ba'i tshul gyis bskor te bzhugs so// de nas lha'i dbang po brgya byin gyis/bcom ldan 'das la lha'i me tog man da ra ba la sogs pa du mas mchod cing/ bskor ba lan gsum byas nas/ kye bcom ldan 'das thugs rje chen po'i mnga' bdag/ 'jig rten gyi khams 'di ni/rab tu snying rje ste// lha ma srin ni 'khrugs/ nad dang mu ge'i bskal pa mang po ni btang/ mtshon gyi char pa ni phab/ 'jig rten gyi mi rnams ni shin tu nyen/ shin tu sdug bsngal te/ 'di rnams la bcom ldan 'das kyis thugs rjes gzung du gsol// zhes zhus so// de nas bcom ldan 'das kyis bka' stsal pa/ brgya byin nyon cig/ yid la zung zhig/ khyed kyis zhu bar spobs pa 'di legs so// ngas gnang ba'i skabs dbye'o// zhes gsungs so// lha 'dre stong gi dra ba'i rgyud chen po las/ zhu ba spobs pa dang/ gleng gzhi'i le'u dang po'o//// de nas bcom ldan 'das kyis thams cad dbang du bsdu ba zhes bya ba'i ting nge 'dzin la snyoms par zhugs so// zhugs ma thag tu dregs pa can thams cad bcom ldan 'das kyi spyan sngar 'ub kyis 'dus nas/ la la ni brgyal/ la la ni rang skra rang 'bal/ la la ni khrag tu skyugs/la la ni kha bub/ la la ni gan rkyal du 'gyel nas 'dug pa las/ de nas yang bcom ldan 'das kyis thams cad gso ba zhes bya ba'i ting nge 'dzin la snyoms par zhugs pas/ zhugs ma thag tu dregs pa can thams cad brgyal ba sangs nas/bcom ldan 'das la bskor zhing phyag 'tshal nas rang rang gi snying po srog pa rtsa dang bcas pa phul nas/ bdag cag rnams kyis bcom ldan 'das kyi bstan pa bsrung bar bgyi'o// ji ltar bsgo ba bzhin du las bgyi'o// zhes smras so// de nas bcom ldan 'das kyis bka' stsal pa/ khyed rnams kyis nga yi bstan pa srungs shig/ dkon mchog gsum dang phyi rabs pa rnams kyi 'khor yang srungs shig ces bsgo'o// de nas dregs pa can rnams kyis rang rang gi srog snying spyir dril ba/ ya du tri gam pa ni ba ra ti sang ge tsa tsa bam sa pa ri rag sha yag sha kro d+hi ram pa gram pi du sad/ces pa de dag phul lo// lha 'dre stong gi dra ba'i rgyud chen po las/ bcom ldan 'das kyis spyan sngar dbang du bsdu ba dang/ dregs pa rnams kyis dam bcas shing snying po phul ba'i le'u gnyis pa'o//// de nas bcom ldan 'das kyi spyan sngar dregs pa rnams kyi gtso bo bdud mes rgyal ba rA tsa dang/ skos kyi bdag po dang/ mang ge ched po dang/ gar gyi bdag po dang/ btsan pa ting rje dang/ srid pa skos kyi ang mi ster dang// kha bzhi mig brgyad dang/ 'byung po'i bdag po dang// du ra tse kun dang/ rgyal rje 'od dkar dang/ skya 'dram chen po dang/ rA tsa ag sha dang/ srid pa'i bdag po srog bdag dkar po dang/dbang phyug chen po dang/ mgon po chen po dang/ bdud mo rgyal byin dang/ nag po khram thogs dang/ the brang ha stang dang/ klu rgyal chen po dang/ sa bdag bse dang/ khyab 'jug chen po dang/phung byed dbyug byed ja la ma'i sde dang/ de rnams kyis bcom ldan 'das kyi spyan sngar bskor zhing phyag 'tshal nas rang rang gi gdug pa'i mtshon yo phul te/ rang rang gi las ba stan pa gnyen po bsrung ba 'di dag smras te/srog 'di dag phul lo// gsad pa dang ni gso ba dang// 'bod pa dang ni rbad pa dang// dbab pa dang ni gcad pa dang// gnan pa dang ni gzir ba dang// dbug dang ltas ngan gtang ba dang// bskrad pa dang ni zhi ba dang// las kyi rim pa gsang ba'i sngags 'di dag smras so// A+oM ya tri kram yer ya yag sha treg ka la rag sha dun ya rag sha sa ma ya tri krog ya/ ya tri sen yam 'og na rag sha rbad sham yer ya/kri ri ti sang te yaM rje yaM pa rbad/ tring tring la ma ni byo/ tri yer ya/ ya tri kra ma trag tu yer ya kha la ru tri thuM pa ni rbad yaM/ tri khaM ru pa na rbad bu 'dar liM ya/ kar pa 'dre ni yaM tri ku ru yaM/ nag po kha la har hur shaM ya/ta le yaM tri ga re du na ye/ u pa ri sad yaM/ nag po kA la 'ur chom le rung ya tri ya/ ma mus ma yo te pu ru ti ya/ ma re du tse khraM ya ting pi li/ mu ti ma/ kun ti thun/ pri te ma/ dri ma ku ru ya/ ma la sa ma bde sad/ ba li si da ma/ kar ne ya/ khya le tu le/ hi li mi li/ mu hab hab/ heb du ma ya/ sa do ya/ be do thun ti ma ku lu ma/ ru tri ma/ ba le saM pa ri yaM/ muM ti yaM ba/ der sha tsit+ta ma la te kun/ phe phu se la nA ka hu be ya/gaM pa na ge dung sar ya/ dung phyur ya dung phyur ya/ nA ga ke nA ga le/ ka tra ma ma ni ya/ rgo da ba ni/ na ra te/ saM pa re ya/ nA ga rA dza pa li sa ma ya/ phu ling phu ti ya/ si bi sa pa la gu ru ya/ nA ga ra ni pa ri te la mam/ nA ga ga tse pa ra ku ra te/ kar sha ya a ti bu li ya ya/ si ma pa to ya/ s-i ta/ oM ku ta la sha ya/ bri tri ni ya/ ho na be ta li/ hur sing ya ba tsa be ta ya/ tang saM pa tang yer yer/ ru ne thuM pa re be ya/ho ni sa to ya/ be ta sne la yaM/ ke ra ta ba la ya/ hor ma me ta sha/ ra sha ni ra sha ni/ rtse na yaM te yaM/ bi ku la sa ma ya/ si l-i ru tri yaM yaM/ ma te ye ta tang laM te yaM/ ma le sad ku ni ya/ gur ti ba la yag sha si dam/bi bar sha ya/ yag sha kA la rub pa ya la/ mar tse mar du ne ya/ gaM shaM ba ni/ ra yaM ka de ra rje rbad yaM/ si li ki taM me le ni/ yag sha se ta ka na de yang/ si bi ba ru tsu ru hUM phaT/ sho re sha ra pa ra ya/sho ba ti kar sha ya si ba ra rbad/ shag thuM ri li li ya/ rA hu la ya ma ti srog la rbad/ ba to so trag rag sha kha la hur hur/ sa ma ya ba ra bi ta ya/ shaM pa ri/ dam ba ni ya/ nam ting ya/ kur tri traM b+h+yo// nir ti ra ya/ ba ru si ya/ sa ma traM ya/ dzaM ba la si bi ra ra ya/ Ar+ya dzaMb+ha la dza len dra ye swA hA/ Ar+ya dzaM b+ha la sid+d+hi ku ni dza/ Ar+ya dzaM b+ha la ni dza ba te saM ya/ de mo ka li rad na dzaM ba ni dza/ nA ga te ra ya/ra tsa ba li traM ya ya/ sa ma ti yer ya gaM shaM taM saM ya/ khu 'dze ta ya/ pra te ma yaM/ srog bi ni yaM/ sa ma ni ya/ e ka ni dzA ti rag sha yag sha ma ma ru ru rbad shag ya/ ding pi sa ra ba sha sha ya/ bi bir taM laM shaM ba ri/mu ne kar be yag sha rbad ya/ ti ri yaM te shar/ sa ma ti laM pa ni ya/ lha 'dre stong gi dra ba'i rgyud chen po las/ dregs pa thams cad kyis rang rang gi srog gi snying po phul ba'i le'u gsum pa'o//// de nas bcom ldan 'das kyi spyan sngar/ dregs pa 'khor dang bcas pas rang rang gi bcos ka 'di dag smras so// bdag cag rnams ni 'chos pa ni// la la de ba lha yi rigs te srid pa'i nor 'dzin byed// la la zhe sdang bdud kyi rigs te gsod dang gcod la dga'// la la phrag dog btsan gyi rigs te sro gcod las la dga'// la la rgyal po chen po'i bu ste srog dang dbugs la dga'// la la ma yams bdud mo'i bu ste nad dang 'khrug rims gtong// la la sa bdag klu yi rigs te gdug pa che la nad rnams gtong// la la the'u brang ja la ma yi rigs te 'jig rten phung khrol byed// la la gnod sbyin bdud sde'i rigs te sha dang khrag la dang// de phyir spyi dang bye brag bcos// sngags bdag ting 'dzin ldan pa des// 'bru sna bcu gsum ngar phye la// rin chen phye mar byin gyis brlabs// de la ri rab chen po ste// kha dog 'dra 'bag rigs dang bstun// smyug ma tshigs dgu byung rgyas la// kha dog tshang pa nam mkha'i gur// dar gyi rnam pas brgyan par bya// gnam la 'phur dang sa la 'dzul// gzugs ni rim pa de yis bskor// bshos bu bcu gsum byang shar bcas// mda' bkra bcu gsum bshos bu la/ nam mkha' bcu gsum ri rab la// mo 'phang bcu gsum 'brang rgyas la// gso bdar rgyal mtshan de bzhin bsag/ phud dang gser kha spyan gzigs bcas// de ltar tshogs nas bsngo bar bya// lha 'dre stong gi dra ba'i rgyud chen po las/ dregs pa spyi bcos kyi le'u bzhi pa'o//// bdud sham ba li kha la sed rbad yaM/ kaM taM ni yag sha sen tre dro ni yaM yu dril kha la d+haM chum se de yaM/gi pi dar ya ya treng treng ya/ bdud kha la dun tsa pra ma ne yaM/ ya ma rag sha tsit+ta rbud ling ya/ kyi ma nag po hur ma d+h+rim dun ya/ kha ru dri trag yer ya/ nag po snying rtsa sha la dun kar yer ya/gaM pa ni ru tri tra tre ya/ nyung mo thor snying mgo chod tra ya sa ma tri shar/ sen dur tu trid ya ma ya/ ma tra dun tse tra ma ya/ mug mu kha la rbad tog sha/ tring ma dre yaM/ yu ting yu ting dun dun b+h+yo/sa ma ya phring li dkar rtseg ma rbad b+h+yo/ bdud rje nag po dun yag sha rbun ya/ ting ge ma traM ya/ kar shaM rbad dun ya/ A+oM badzra ki li sang/ dun na ba ra thim na hUM/ se na ta ba ra tsa tsa ya/ ki la sarba yaM pa ni/bdud rag sha sa ma yaM/ ye ta ra sa ma thims ya/ ma du ke le thang mu le rbad ya/ ya ma rlag sha ru lu yaM/ nag po snying la thun cig/ ya ma trig sna ya/ sham ru su tri ya/ gaM shaM ya yer yar/ trag ling sa ma ya/be teng ku lu ya/ ya ma rA dza ni tsha 'dus/ ting sna ma ra du 'dus/ tshal pa tshal pa bu ting ya/ sa ma ti yi sad ni yaM// garba sad ni yaM/ rkur ti ri ti ri yaM/ rak+Sha srog rtsa ti rung ya/ sa ma ya badzra gaM la sred ya btsan/staM pa ya/ dur dur tse bang yaM/ za 'gram ni mu 'gram tri yaM/ me le sa ma tsa tsa yaM yaM/ gaM pa ri gaM pa ri rbad tubs ya/ me tsen te ya gra ni suM baM yaM/ ma ra te ra ya sarba ni kuM kuM ya/ mar yang ti sad ka de ya/se ting ye ni ra na ya/ ba de tsa tsa de shad shad/ tshugs ting ku ru ya/ rag sha du ne rbad ya/ ma ra tse tse ya/ ma ru du ma ra tse tse ya sa 'bur ti graM yer yer ya/ sarba ting lang be ta tsa sha ma ra du/ gi ba ra sad nam/yer yer yaM rbad/ mu ke ka ne sum rbad ya/ badzra bong ni bong ni ya/ badzra zhung tri sa ma te shang rbad/ rag sha yag dun dun rtsa la breng/ khro ni khro ni ma laM ba ni/ suM ba ni rbad/ ma ra tse ma ra yaM taM ya/ gur ni chuM ya/ har hur ma hA li rbad ya/ badzra ti ri ti ri ya/ btsan bstab pa ya ni/ grang tse grang tse te staM sta/ sa ma ya kar shaM rbad ya/ dug ne tshe sad rbad ya/ ma be du na chum skor sod// chum 'dril rgyug rtsa la breng rbad ni ra yaM/chub ni sad na yaM/ ma ting saM ba te na yaM yaM/ ki ma tsa ya ma ra tig ya/ tsa tsa sho le baM ba ni sa ma ya rbad shar shaM/ baM ril mus la thibs thibs/ kar ne sad mu buM ru lu yang/ te ni yaM yaM rbad dun ling/sa ter ker na ya/ yag sha 'de shaM rbad ya/ kha la mu he la yaM yaM/ bri gu lu sa ma ting mer ya/ rgyug tsa la greng yang/ ma ti ri ya/ gaM pa ni/ tsa ra ya/ sed ku ru yang/ be te sa ra tsa/ a ti ya/ ma ra ting ling ya ya ma ru ma/sa ma a tang ti rbad ya/ be ba ti ni grang du na thim/ ma ra du se ya/ oM bu ru lu sa ma thibs/ mar ting ya ni sad tu/ kri yer yer/ oM tro ta ni tro ta ni/ ba tra ba tra/ shu la shu la/ d+ha sha gri ba/ ging ka rA dza ti aM yang/ sen te se ya/ kang ka sha ba ya/ g+h+ra he g+ha re gyi la ya/ kyi krid rang khrid snying mgo chod/ khrag la mu sha rbad ting ya/ ra tsa rbad ni/ srog rtsa la thun ya/ ka ka sha la ya baM khro ta baM khro ta baM sha/rmugs tsit+ta bar la ho yang/ mar tan tse yaM yaM/ bram pa yer ting ku ru ya/ ra tsa ti ba ging kar glad pa la phaT te phoT te/ tsit+ta chod ba spu drongs yi ra te ke ya/ mi li mi li ma be yaM/ ba ba ri rbad na yaM/ badzra ging ka ra srog rtsa la/breng breng ya/ sa ma ya taM ka ni thuM ya/ ra tsa a ti shag/ a ti rbad ya/ rgyal po chen po be pur shag b+h+yo/ ti pa ni khraM b+h+yo/ staM b+h+yo naM b+h+yo/ ma ni b+h+yo/ braM b+h+yo/ sring mo b+h+yo/ spu dri b+h+yo/ d+h+ri mu kha la b+h+yo/mu ti ya b+h+yo/ ging ka ra ging ka ra/ pa tra pa tra// to to sho to to she/ mes mes sil sil/ ba ba ring ba ba ri/ sha ba ri sha ba ri/ yu ti yu ti/ snying la dza/ ging ka rA dza/ rgyal po chen po rbud bu ling/ drag ling/ tsan d+ha ling/ tshal pa ling/ kar sha mang du kI la ya/ dun tshal pi kA la ya/ yag+sha s+t+waM b+ha kI la ya/ rag+sha s+t+waM b+ha kI la ya/ ga ba ri ya/ dza dur ya ma re tsa ya/ ma ra dun tshal pa kI la ya/ ma ra tse ma ra tse srog rtsa la har hur ging ka ra tsi tsi ta la phaT te phaT te/ma seM pa ni yaM/ yaM ba ni sad da ya/ oM ra tsa a ti mug ti mu hi srog rtsa la shad de/ shad de/ ra te/ rdza te/ sa ma ya ni ra zung/ tad+ya thA/ ru bo bo dra drag ya/ ni lo rA tsa snying rtsa la 'dus 'dus/ teng teng sa ma ya/ sri ru srog ta shad de rbad/ tsa tsa du ni sad de tsa tsa ra dza baM pa re/ sa ma ya dang staM ba ni/ ma hA kA li yaM ni yaM ti ti sa ma yaM/ ma ra ya te rtse ya/ be sha sha ra/ rbad nam/ be du staM kaM sa ma ya thibs// be ba stis sta rbad ta yaM/ ta ka bi ri mA ra ya/ oM ma ma ruM ruM sa ma ya/ rag sha ma ru lu b+h+yo/ rag mo ting laM sa ma ya/ chu sting yaM de tse ni rbad ya/ drag mo drang ba ni sa ba ri yaM/ yaM rbad/ dza ti muM pa ni gar bu ti yaM yaM ma nu rag sha dun kaM ba ni ya te ma/ khrim ya chur ti ye yaM/ me ma sa ma ya thibs ling ya/ ru ru pre ta ni thang thang ya/ rag sha ru lu ru sa ma ya/ nag mo har hur tur re rtsa cho/ mu ka yi/ bya tsa ye/ traM yer ya rag mo kha ling/ sad ni rbad/ mu si ti yaM/ tsam mo tsam mo/ khrag la rmugs/ dza ya ya ru ti laM ru ru sa ma ya bI tsa sha ma ya dun b+h+yo/ oM khri mun lan shag ti la rbad/ mu ni sad kri la ya kri ni laM/du na sa ra thim ya/ oM be ga ban smin sha ra be pa ta khrid de ru lu sa ma ya/ rag mo tsit+ta la rbad de rbod de shaM yaM pa ni rbad/ be ta ru ti ma ru ya thun ya ru ru ting ya be ta tad+ya su tir byo// shaM ting ne ma le tuM sha baM baM ril ya/oM di pa ra si bi ni shad shad ya/ ka ma la/ ru ti raM ya ting badzra ma yaM pa ni/ ting ku le be ti sti rbad/ sa ma teng kha le yer ru tri ru tre badzra ling/ badzra ya ma tig nan ya/ sa le kun ta tsa yaM/ mar tsen 'dus pri ku ru/yag mo ka pa ru pa zhung ya/ ma teng laM ya/ tang ting ke ta yaM/ sa ma ting dung ka dung dung/ khi ma 'du yo mu to tha 'du ting ri rag mo la la 'dus ya/ chu ti nag mo rbad/ shaM ya ru ru ting la dun b+h+yo// ro ru ro ru sa ma ya/ khang b+h+yo sang pa ri sang/ ting yer muM ma thuM/ drag mo dra pra ma/ nig nig thig thig nig thig/ gcig med/ gnyis drag/ brgyad bcad/ gnam mthongs phye/ lcags sgrog khrol/ ka te re rdza de'u zhub thun ya dam/ra tse sha ya/ sa ma ya/ dum ling tse ya/ sa ma ya/ in trA ya/ rbi pu shag ku ne yaM/ teng sang ya te re sa ma ti kang/ tsem tsem tse le ma na yaM/ gang go lo/ i pa taM yer yer la ya lem/shar tham pa ra shag thun/ a ti pa ta in+ta ya zhung zhung/ rban rba na rbu ne ya/ ti ri saM pa ya naM yaM/ ma pu sid ling tu re tu yang yang ga le ma teng laM/ gung bing sad rbad/ ruM ruM min pa ya/ kha la 'ur 'ur yaM ya/sha ba ri shaM shaM ya/ mu te yer ya/ oM ting yaM sa de rbad na hUM/ ba ba de sad bi da yaM/ taM le sad ya tri yaM/ graM te yaM/ tri mu tra dra ma ya/ zhung zhung war ni ya/ hu ba tsa la zhung zhung/ mu taM pa ni breng breng/ ti muM la te sad/ma ra bi sa shar sham de ba gar pi yaM/ sarba stod saM ya/ mi li kaM te yaM/ pi ting ku ru ya/ ma ma dan tri ma ting ya/ keM dre sad pa ri yang/ mi ru ru bi ta saM/ bi ra sad na la se yaM/ mi ku lu thibs/ bri bu ru lu ya/ga ma tang sa ma ya/ oM bri ku te ya/ ju te ya/ ju te ma thun/ sa ma ti ma/ ka la ru ma ting/ dza sa ma ru ya/ ma ra dun che ya/ lang te shar/ lung ti ma ya/ teng ke le sang/ 'u ni lam ba ya/ 'gar dri pa hUM/ che yang bdud kyis bsad ya chung yang bdud kyis bsad/bdud kyi bu la snying rje mi mnga' ste// zhe sdang bdud kyi bu ste srog gcod las rnams byed// bdud kyi mes po chen po ni// spyi mes rA tsa rgyal bas bya// de yi bu ni gnam gyi dig pa chen pos bya// bdud kyi phyi mo sa chu mer bas bya// de yi bu mo mer mer lcam gcig ma// de gnyis thugs kyi sras chen po// sras ni ya bdud bcu gsum byung// spyi mes rA tsa rgyal po de// bdud thod pa'i phreng ba can zhes bya ba ste/ yul ni bdud yul nag po na// bdud mkhar ni ldems se ldem// rtsa ba gser la rtse mo brag/ rtse dgu gnam du zangs se zang// rtse ni mi lpags rlon pas g.yogs// nang na mi khog brungs su gtser// nang na rta khog rtsig par brtsigs// rtsa nas khrag dang chu ser 'dzag/ thod pa skam sngon mkhar du brtsigs// mkhar gyi rtsa ba na/ bdud spyad sngon po 'ur dang yams se yam// bdud bya skyung ka di ri ri// bdud kyi khyi mo 'khang dang di ri ri// de yi nang na bdud chen mes po bzhugs// mi sha ma lags gzhan mi za// rta khrag ma lags gzhan mi 'thung// pho nya mang po sha la 'gyed// mgo brnyan mang po sprul par 'gyed// bdud mes yab yum mdos la spyon// ya bdud bcu gsum de/ nag po bkrag med de/ bdud rta nag po chibs/ zangs nag ber chen gsol/ bdud zhags nag po mda' ltar 'phen// bdud re ldem go yag de/bdud kyi rta nag zhon nas skyes pa khrom la 'debs// khams gsum rdul du rlog pa'i ma le ge shag de/ skye 'gro khram la 'debs pa'i bdud rje mang kug dang// skye 'gro tshe la dbang bsgyur snyal snyoms kyang lde ngag btsan dang// bdud kyi gung blon mched bzhi ste// stag zhum ched bzhi bsad pa'i las la brtson// khyab pa lag ring skye shi rtsa ba gcod// bdud chen 'od de 'bar ba dang// 'od de lkugs pa dang/ 'od de thom po dang/ lkugs pa 'dzum mul mi yi bla rnams 'chang// ral pa spyi bcings sri skye 'gro srid pa'i rgyu 'grul byed// gar bu shan thogs bdud kyi bang chen byed// 'khor lo bcu gnyis srid pa cham la 'bebs// bdud chen rgyal ba dbugs chen len pa ste// thom po thom chung mi la chad pas gcod// bdud rje 'ol po'i tshogs ni mi bu dag la phyags mas 'debs shing 'dzin// phyag brnyan bzhi ni mi bu 'dzin par byed// bdud sil ma stong ni mi la ltas ngan sna tshogs 'bebs// bdud rje bdud sde 'khor bcas kyang// srid pa'i mdos bzhes shig/hUM spyi btsan ni chen po ste// sha khrag bdud la rgol// mthu che ni phya la sku// mi yi lus po la// sprul pa phyogs bzhir 'gyed// yul btsan yul po phu gsum na// btsan mkhar dmar po ldem pa na// btsan mi lus g.yag gi mgo bo can du byung/dpral na kha gcig mig gnyis la// ltag na kha gcig mig gnyis byung// g.yas na kha gcig mi gnyis pa// g.yon na kha gcig mig gnyis pa// bse rta dmar po la/ rmig pa brgyad par byung/ mi bu rims kyis gsod/ sha la gcod sbyin kyang sbyong byed/ spyi btsan chen po bya/ ri rab 'byung ba'i shar phyogs na/ dung gi mi dkar ldem pa gcig/ ri rab lho phyogs na/ gser gyi mi ser ldem pa gcig/ri rab nub phyogs na/ zangs kyi mi dmar gcig/ ri rab byang phyogs na/ g.yu yi mi sngon gcig/ dbus na mchong gi mi pho gcig/ 'byung ba lnga la dbang byed cing/ srid pa gsum la dbang bsgyur ba/de ni 'byung ba'i btsan lnga ste/ srid pa'i mdos bzhes shig/ gnam btsan ding ba dang/ sa btsan yu bu dang/ gangs btsan de se dang/ g.ya' btsan mi rom dang/ brag btsan rom bu dang/ chu btsan sngon po zhung bu rje/klu btsan thor ba dang/ btsan phran stod tshogs kyang/ srid pa'i mdos bzhes shig/ hUM srog bdag chen po ste// gnam gyi ding ba chen po bya// mi dkar po ldem pa gcig/ rta dkar g.yu yi rngog ma can la chibs// glo la shel gyi gri chung btsugs// bzhugs pa gnam gyi dkyil na bzhugs// sprul pa 'dzam bu gling bzhir 'gyed// mi dkar ldem pa la// dbu la ral gri sha ra ra// dpral na mig gcig lhangs se lhang// zhal nas mche gtsigs thams se tham// phyag na skyogs dkar ta la la// gnam ral phyed kyi bdag po yin// sa chu phyed kyi bdag po yin// skyes pa brgya yi srog gi bdag po yin// mdos bdag mdos bzhes shig/ya cho dkar po dang/ yam shud dmar po dang/ khu le lag dgu dang/ srid pa'i mdos bzhes shig/ dkar po ni de se dang/ shor ba skya dgu dang/ rgyal sde chen po nyi pang srad/khyung pa sad/ se pang sab/ sprul pa sad/ srid pa'i mdos bzhes shig/ rgyal phran bcu gnyis/ rgyal sil ma stong ste/ rgyal po chen po sde bzhi/ de ring srid pa'i mdos bzhes shig yul sbas kyi la de na/ stong ma bdud chen mo bzhugs/ mkhar zo ba gzhogs ral gyi nang na/ yul khri 'du stong 'du bya ba na/ bdud mo rgyal byin bya ba des/ dre'u nag rkang gsum chibs nas/ sku la dar nag go zu gsol/ phyag na ba dan rtse gsum 'phyar/spyugs pa'i glu ru len cing ma yams 'dun mar sdud// zhing lpags g.yab chung 'dor zhing bgegs rnams g.yob par byed// khrag mig mdangs su phyung nas rgyal po dkar chen dag la brdeg/mi bu bsad bcad lha 'dre dam la sdud// sha la ral gris gtub cing khrag ni b+han+d+ha stong stong 'thung// bdud mo'i mdun ma gcod cing dregs pa pho rnams dgyes pa skong/ pho bdud g.yas kyi pho bdud ru 'dren mo bdud g.yon gyi ru sna 'dren// srid pa'i g.yul ngo zlog cing bsad dang gcod la dga'// ma bdud ni bcu gsum yang/ la la mdzo mo ru ring zhon nas rgyug/ la la rnga mo rke ring zhon nas rgyug/ la la rtol bu la dkar zhon nas rgyug/la la bdud bod gwa dmar zhon nas rgyug/ la la gsal le grus mo zhon nas rgyug/ la la bong bu nag po zhon nas rgyug/ khrag gi gru char 'bebs shing mi nad phyugs nad gtong/ de ring srid pa'i mdos bzhes shig the'u rang stong sde yang/ gnam la gnas pa'i spun gsum dang// bar la gnas pa'i spun gsum dang// sa la gnas pa'i spun gsum dang// the se kug sem chu ring gsum// dri se ba ni mu dri gsum// gnam lha byang chub gnam rten se rta dang// gnam the'u dkar dang gsum// ba te lag ge te ni gsum// dar dkar dmar dang ser po gsol// srid pa'i the'u rang stong sde yang// de ring srid pa'i mdos bzhes shig/ ja la sum brgya drug cu yang// nyul byed khyab byed mdos bzhes shig/ sa bdag rgyal po ho pa dang// be sna lag chen tsang kun chen po dang// gtsang btsan da la 'khor ba dang// ho ba te te se ba dang// pha ni shi sa ta yin// ma ni ru zan de mo yin// 'byung ba sa la dbang bsgyur te// la la shing lo gos su gyon// la la sa dang rdo la gnas// la la chu dang shing la gnas// byol song mi sdug mgo bo can// la la ri rab de la gnas// sa bdag sil ma stong tshogs kyang// de ring srid pa'i mdos la spyon// klu rgyal ni chen po ste// ri dang mtsho la gnas pa ste// dga' bo dang ni 'jog po dang// mtha' yas dang ni dung skyong dang// pad+ma dang ni chu lha dang// kar ko ta dang ba ru Na// sbrul mgo bdun dang lnga pa dang// gsum pa dang ni rigs bzhi dang// de ring srid pa'i mdos la spyon// klu gzugs sna tshogs dag tu ston// la la gzugs med sgo nga 'dra// la la nam mkha'i 'ja' tshon 'dra// la la 'dod chags bya yi gzugs// la la nga rgyal rtsangs pa'i gzugs// la la nor bu'i tshul du gnas// la la sta ri kha yi gzugs// la la glang dang be lug gzugs// rigs ni bzhi la sde ni stong// srid pa kun la dbang sgyur byed// 'byung ba sa la dbang sgyur ba// de ring mdos bdag mdos bzhes dang// dang po srid pa chags pa'i dpe// de nas 'jig rten nor dang bdun// 'byung ba bskyed pa'i dpag bsam shing byung bas// bskyed pa'i 'bru sna bcu gsum dang// skyems dang bcas pa'i gser gyis mchod// rin chen kha dog sna lngar grub pa'i nam mkha' 'di// nam mkha' 'di ni yul du 'bul// mda' bkra 'di ni mkhar du 'bul// gzugs brnyan 'di ni dkon du 'bul// sgra snyan gsung gi glud du 'bul// me mar sems kyi glud du 'bul// zang zing longs spyod glud du 'bul// lha 'dre stong gi dra ba'i rgyud chen po las// dregs pa spyi bcos kyi le'u lnga pa'o//// de nas yang bcom ldan 'das kyi spyan sngar dmu lcam mched bzhi dang/bdud mo nyis brgya lnga bcu dang/ bdud nyid la nying babs te/ bdud mo rnams la ming po bcu gsum dang/ btsan bdud yor po dang/ bdud chen rnams babs nas/ bdud mo rnams bsnyun gyis zin nas/ bcos thabs 'di skad smras so// lcags kong gcig ni mar gyi bkang// de yi nang na zhun mar bcu gsum gtang nas ni// phud ni gtsang ma rin chen skyogs gang la// rin chen brdar la byin gyis brlabs// mda' dang dar sgra snyan dang bcas// pi wang rdza rnga'am cha lang dril bu'i sgra brdung zhing bsngo bar bya/ lha 'dre stong gi dra ba'i rgyud chen po las/ bdud nyid bcas kyi bsags pa'i le'u drug pa'o//// hUM/ mi la bdud babs srid pas bskos pa ste// bdud la bdud babs srid de na// bdag cag rnams ni bdud mo kun dga' ste// 'jig rten legs dang nyes pa'i stang 'dzin cing// sangs rgyas bstan pa bsrung ba dang// bdud la bdud bab cho re 'phrul// ming po bdud chen rnams ni tshur nyon dang// khyed ni zhe sdang bdud kyi bu yin te// zhe sdang nyid kyang sems nyid do// sems ni ye nas sangs rgyas te// gnyis med don gyi lung la nyon// bdud la bdud babs ming po bdud chen rnams la sdig/ nyes legs stang 'dzin stong gi sde dpon khyod kyis zung// gsal ba'i zhun mar 'di ni sems kyi glud// 'di la kha dog lnga mchis te// phung po lnga yi glud du 'bul// 'di la du ba spu ris ma// dang ba sems kyi glud du 'bul// 'di la 'od zer lnga mchis te// 'byung ba lnga yi glud du 'bul// 'phro ba sems dbugs sems kyi glud du 'bul// bdud kyi zhe sdang da khrol dang// zhe sdang spangs na sems sangs rgyas// srog gcod las 'di spang bar gyis// stong gi sde dpon gyis ni gsungs pa bzhin// sangs rgyas bstan pa srungs la las rnams kyis// de las 'das na bdud chen rnams la sdig/ ces bsngo'o// lha 'dre stong gi dra ba'i rgyud chen po las/ bdud bcos pa'i le'u bdun pa'o//// de nas bcom ldan 'das kyi spyan sngar/ dregs pa can thams cad kyis rang rang gi snang gsal 'od kyi mdos 'di dag smras so// par bu'am kong bu dgu ru/ gsal ba'i zhun mar dgu bltams la/rin po che yi skyogs gcig gi nang du/ phud gcig gser la sogs pa'i rin po che sna lnga brdar la/ de'i rtsar mda' bya rgod ma gcig/ dar dmar sing nge ba gcig btags la/ bdag dbang gi rgyal po'i ting nge 'dzin gsal te rdzas rnams byin gyis brlab la bsngo bar bya/lha 'dre stong gi dra ba'i rgyud chen po las bdud nyid bcos kyi le'u brgyad pa'o//// hUM snang ba gsal ba 'od kyi mongs// snang gsal chen po 'di la kun gson cig/zhe sdang chen po bdud kyi bu// nga rgyal btsan gyi bu// phrag dog rgyal po'i bu/ 'dod chags gnod sbyin ma yi bu// gti mug sa bdag klu yi bu// ser sna yi dwags 'dre bkrin bu// the'u rang ja la la sogs kun// ston pas gsungs pa'i lung la nyon// khyod ni 'dre bkrin yi dwags te// log lta'i sems dang ldan pa yis// las ngan dag gis lus ngan blangs pa ste// mi yi 'jig rten dag na khyed gnas te// tshe srog dbugs la dbang byas pas// mnar med pa yi dmyal chen yin// da ni dag pa'i sems skyed dang// sems las ma gtogs sangs rgyas med// dug lnga nyid kyang sems shes na// de ni sangs rgyas sems chen no// ma bgrod sa la dgod pa yin// lug nyid nyon la gdug pa zhi bar gyis// snang ba gsal ba glud du bsngo// dang po sems kyi glud de bzhes// kha dog phung po khams kyi glud// du ba dbugs kyi glud la gsal ba yul gyi glud// bdud dang btsan dang rgyal po dang// ma bdud ma yams dang// the'u dang ja la dang/ sa bdag klu tshogs gnyan po kun// snang gsal glud 'di bzhes la zhe sdang khrol bar gyis// de ltar bsgo tshig btab/ lha 'dre stong gi dra ba'i rgyud chen po las/ snang gsal gyi le'u dgu pa'o//// de nas bcom ldan 'das kyi spyan sngar/ dregs pa 'khor dang bcas pas bskor zhing phyag 'tshal nas/rang rang gi gtad pa dang khram gyi las 'di dag smras so// kye bcom ldan 'das/ bdag cag rnams kyis bstan pa bsrung ba'i las 'di ltar bgyi ste/ gtad pa dag ni 'chor mi srid// gang la dmigs pa brlag par bgyi'o// ji ltar bsgo ba bzhin du bgyi'o// zhes smras so// de nas bdud kyi spyi mes rA dza rgyal bas/ rang gi gtad pa'i las 'di gsungs so// bstan pa gnyan po bsrung ba ni// mon pa nag po'i thod pa ru// khyi nag khrag gis 'khor lo rtsibs drug bri// dbus su dmigs bya'i yan lag rdzogs par bri// mtha' ma'i 'khor lo drug po la// g.yon gyi phyogs nas bdud kyi sngags kyis bskor// gzas pa du yod ming rus tshang ba ste// dpral bar rus la snying gar ming// ma btang sod ni mtha' ma bskor// ma nyes pa yi dpang yang gzug/ thod pa'i kha ni dar gyis dgab// oM naM pa ra ti sad tri ya/tri khraM staM zhes bris la/ dur chen po'am/ ri'i spyi la mnan la/ steng nas 'dag pas 'thas par bya/ des dmigs bya rlag par 'gyur/ de nas bdud mgo g.yag gis gtad pa'i las 'di dag smras so// khyi nag gser mig thod pa ru// de ru dmigs pa'i ming dang rus// dur khrod ras ma dag la ni// dmigs pa'i gzugs bris ming dang rus// mtha' ma bdud sngags 'di yis bskor// bdud yaM pa ni ra sad praM yer khraM tri/de ni khyi yi thod pa'i nang du gzhug/ ma nyes pa dang 'dis nyes bya// bdud kyi bya ra sa ru mnan// des ni skyugs pa'i nad kyis 'chi// de nas bdud nag po bkrag med kyis rang gi gtad pa'i las 'di dag smras so// gro ga ras sam shog bu la// dmigs pa du yod gzugs bris la// snying gar ming dang dpral bar rus// 'di yis nyes kyis 'di ma btang zhig bya// mtha' ma dme khrag rnam gsum gyis// bdud sngags bris la mtha' ma bskor// nag po du na tse yaM saM khraM yaM/ de ltar bris la glang nag po'i rwa yi nang du bcug la// dur ram ya kha can du sbas na/ dmigs pa glang thabs nad kyis 'chi/ de nas bdud mo le ge shag gis rang gi gtad pa'i las 'di dag smras so// gro ga shog bu dag la ni// de la dmigs pa'i gzugs bris la// ming dang rus ni bcas pa la// mtha' ma bdud kyi sngags rnams bskor// badzra tang sa se ya ma ta khraM te/ spyang ki sngon po'i thod pa ru// ri gsum rtse'am lung gsum mdo// de ru mnan na dmigs pa gri rnams gsum gyis 'chi// bdud rol po bcu gnyis kyis rang gi gtad pa'i las 'di dag smras so// rta yi rgyu shun dag la dmigs pa'i gzugs ni bris nas su/ ming rus bdud sngags spel bris nas// 'phar ba dmar po'i thod par gzhug/ de nas dur gyi 'gab tu sba// taM taM laM laM yak+Sha trag/yak+Sha rbad na hUM/ de ltar byas la ma nyes pa'i dpang gzug/ de nas bdud rje mang khug gis// bcom ldan 'das kyi spyan sngar rang gi las 'di smras te/ rabs chad nag po'i thod pa ru// gro ga shog bu dag la ni// dmigs pa du yod gzugs bris la// ming rus tshang bar byas nas su// tha ma bdud kyi sngags kyis bskor// oM ta ru rag tu rbad la yag te khraM taM/ thod pa de yi nang bcug la// kha ni dur khrod g.yam pas bcad// dur khrod sbas nas ma nyes dbang// de yis dmigs pa smyo 'bog dag gis 'chi bar 'gyur// de nas yang bcom ldan 'das kyi spyan sngar/ bdud stag bzhi mched bzhis 'di dag smras so// bdud bya nag po'i thod pa ru// de yi nang du dmigs pa'i gzugs// tha ma bdud kyi sngags kyis bskor// kha ni mthing nag dar gyis bcad// rmu tri hrim yaM s+t+waM pa na khram/ bdud brag nag po'i rtsa ru sba// des ni las rnams 'grub par 'gyur// de nas yang bcom ldan 'das kyi spyan sngar// ya bdud bcu gsum gyis rang rang gi gtad pa'i las 'di dag smras so// dur khrod ras ma dag la ni// mi rta khyi dang gsum gyi khrag gis ni// 'khor lo rtsibs ni bcu gnyis kyi// dbus su dmigs pa du yod gzugs dang bdud kyi gtso bo'i sngags// ming dang rus su ldan par bya// 'khor lo'i rtsibs la bri ba'i sngags// oM ti li rbad ya/ te pi bi su ru pi bi de/ mu du sha ni/ mung ha ba ni/ rbad tsi pi dang/ mu d+haM bi pa ra/ ru ya ta kraM ya/ dud kraM ya/ mu d+hi ba ya/ spre ta khraM ya/ de ltar 'khor lo dag la g.yon bskor bri// rabs chad nag po'i thod par gzhug/ kha ni yugs sa'i skra yis bcad// dur ram dur khrod chen por sba// ma nyes pa yi dpang gzug go/ des ni dmigs pa gtan nas len// de nas yang bcom ldan 'das kyi spyan sngar/bdud sil ma stong gis rang rang gi gtad pa'i las 'di dag smras so// gro ga'am shog bu dag la ni// 'khor lo rtsibs ni brgyad pa la// dbus su dmigs pa'i gzugs ni yan lag rdzogs par bya// ming rus dag dang ldan par bya// mtha' ma bdud kyi sngags kyis bskor/ oM yag+sha graM pa raM ba ri ma du yaM kyang traM ser yaM khraM te bang pa te yang mang/ sang ni suM rdim khro 'dus khram tri// 'khor lo dril la phag pa'i thod par gzhug/dur du sbas la 'dag pas 'thas par brdzi// ma nyes pa dang 'dis nyes byas// des ni bdun rgyud rlag par 'gyur/ lha 'dre stong gi dra ba'i rgyud chen po las/ bdud la gtad pa'i le'u bcu pa'o//// de nas yang bcom ldan 'das kyi spyan sngar/ spyi btsan chen pos rang gi gtad pa'i las 'di dag smras so// gro ga dag la gzugs bris te// 'khor lo rtsibs ni brgyad pa la// dbus su dmigs pa du yod pa'i ming rus bcas// 'khor lo brgyad par btsan gyi sngags// tsa tsa ra te thum/ shu la then po ri sha ka ya ba te khraM bri ya du ya khraM/ glang dmar dag gi rwa ru gzhug/ kha ru 'dzam bu gling bzhi'i gzugs kyis mnan// 'thas par brdzis la brag dmar po'i them pa la mnan no// des ni gzer nad dag gis 'chi bar 'gyur// de nas yang bcom ldan 'das kyi spyan sngar/ 'byung po btsan gyis rang rang gi gtad pa'i las 'di dag smras so// shog bu gtsang ma dag la ni// 'khor lo rtsibs ni lnga pa bris// dbus su dmigs pa ming dang rus// mtha' ma btsan gyi sngags ni 'khor lo la// rA dza sho la khraM/mu tri khraM gzer/ rbad du na si ri khraM/ bri du khra ma yaM na rbad/ de ltar bris la 'khor lo bril// 'phar ba dmar po'i thod pa ru// 'byung ba brag gi them la mnan// des ni brgyal thabs dag gis 'chi// de nas brag btsan dmar pos rang rang gi gtad pa'i las 'di dag smras so// sdang bya 'ug pa'i thod pa ru// dmigs pa kun gyi ming dang rus// brag btsan sngags kyis bskor la bzhag/ tsa tsha baM ri sad de yaM ba bdeng la khram gzer rgyug/brang skor chod chum dril rmugs stobs yang khraM ti/ de ltar bris la 'khor lo gril// thod pa de yi nang du gzhug/ dmar po dar gyis kha bkab pa// brag dmar de yi them la gnan// des ni skems shing rid nas 'chi// de nas skyes bu lung btsan gyis rang gi gtad pa'i las 'di dag smras so// dmigs pa du yod ming dang gzugs// gro ga dag la bris byas la// rwa yi thod par dril la kha yang btsem// de ni dar gyis gril nas su// ming byang mtha' mar btsan gyi sngags// oM then 'u ke ru traM yer ga ti rbad/ de ltar byas la lung gsum mdo ru mnan byas la/ des ni dmigs pa dmyal thag gcod/ de nas yang btsan sil ma stong sdes rang rang gi gtad pa'i las 'di dag smras so// ras dkar dag la 'khor lo ste// rtsibs ni brgyad par bris byas la/ de la btsan gyi sngags kyis bskor// dbus su dmigs pa'i ming rus bcas// 'khor lo ra yi thod par gzhug/ o ta tse gur bi lang ling mu khraM/ yer zhung tsa tsa ta le pad ya khraM te/ zhes bya ba bris la kha dar dmar pos bcad la/ gong gsum du sbas na dmigs bya 'chor mi srid do// lha 'dre stong gi dra ba'i rgyud chen po las btsan la gtad pa'i le'u bcu gcig pa'o//// de nas bcom ldan 'das kyi spyan sngar/ rgyal po chen po srog bdag mched bzhis rang rang gi gtad pa'i las 'di dag smras so// ras dkar dag la 'khor lo rtsibs bzhi bri/ dbus su dmigs pa'i yan lag rdzogs bris la// ming rus de ru bri bar bya// mtha' mar/ 'dis sangs rgyas kyi bstan pa bshigs pas 'di khyed la gtad do// bzhes shig ces bya'o// 'khor lo'i rtsibs la bri ba'i sngags// oM rA tsa a ti rbad shad/ ti muM yer ba a ti pa ya/ a dza khri ti ya/ ma ta taM ti ya rbad/ oM bi bu la gang lo sad in+t+ra ya zhung/zhes pa bris la rta dkar po'i thod par gzhug/ dpral bar mkhar tshul dpral ris mdzod// mig gnyis sna gnyis kha dang ag tse gnyis te brgyad/ dpral bar phug pa dang/ dgu ru tshang bshos dgu gzhug/de nas skor khang ngam mchod rten 'og tu sbas na/ dmigs pa gtan la phebs par the tshom med/ de nas yang rgyal po chen po bzhis gtad pa'i las 'di dag smras so// stag gzig gi thod par ming dang rus bcug la/rgyal po'i sngags kyis bskor/ oM be ba ta ka ru ba tri khraM/ oM baM ru baM raM sad khre/ oM be ru yi pa na khraM/ oM be ta gaM taM khraM ti/ zhes bya ba'i sngags kyis bskor la/ skor khang dag tu gnan par bya'o// des ni dmigs pa 'chor mi srid/ de nas rgyal po sil ma stong gis rang rang gi las 'di dag smras so// lkugs pa lug gi thod pa ru// de ru ming dang rus bcug la// rgyal po dag gi sngags kyis bskor// a ting sad khad ba ru na bri shu shag khraM ste yo ga dbab pa ni seng/ de yis bskor la kha bcad/ mchod rten 'og tu mnan/ des ni las rnams 'grub par bshad// lha 'dre stong gi dra ba'i rgyud chen po las/rgyal po la gtad pa'i le'u bcu gnyis pa'o//// de nas yang bcom ldan 'das kyi spyan sngar/ ma bdud bcu gsum gyis rang rang gi gtad pa'i las 'di dag smras so// dur khrod ras ma dag la ni// 'khor lo rtsibs ni bcu gsum ste// dbus su gru gsum dmigs pa du yod gzugs// yan lag nying lag rdzogs par bri// 'khor lo rnams la bdud mo'i sngags// g.yon bskor du ni khrag gis bri// ru ru rak+sha tsa la khraM ya ma traM pa li/bra tog kha la hu ra ya/ ma ma rak+sha ru lu/ sa ma ya thibs/ thuM thuM rtsal breng breng ya tri sad mu ting ya/ b+h+yo rag mo tsa la 'dus/ tig sna kha yi ma dur tsen yang/ khraM ti dza hur snying la laM/ sa ma ya thibs/ sa ma ya rub zhung thun ya/ bri ma shag laM sad srog la ni myur ya/ de ltar 'khor lo dril la rabs chad nag po'i thod par gzhug/ de nas dur khrod du sba/ des na rims nad mang pos 'chi// lha 'dre stong gi dra ba'i rgyud chen po las/bdud mo la gtad pa'i le'u bcu gsum pa'o//// de nas yang bcom ldan 'das kyi spyan sngar/ gnod sbyin rnams kyis rang rang gi gtad pa'i las 'di dag smras so// rigs bye dmar po'i thod pa ru// dmigs pa'i ming dang rus bcas nas// oM lag+sha ruM ting khram gzer ya/ kha yang dug gis gcad par bya// lung gsum mdo ru mnan sbas na// khrag skyugs nad kyis 'chi bar 'gyur// lha 'dre stong gi dra ba'i rgyud chen po las/ gnod sbyin la gtad pa'i le'u bcu bzhi pa'o//// de nas yang bcom ldan 'das kyi spyan sngar/ the'u rang stong rtsa gcig gis rang rang gi gtad pa'i las 'di dag smras so// bong bu rna ring thod pa ru// gro ga shog bu dag la ni// dmigs pa'i ming dang gzugs rus gzhug/ the'u rang stong gi sngags kyis mtha' yang bskor// oM leM leM gaM gaM tri ni in+d+ra gaM ba rod te sa ma ya rbad gtubs sod ya/pra ku ru sod/ de yis bskor la thod pa'i nang du gzhug/ thod pa shing rkang gcig gam yal ga can du sba// des ni brdab snol bzung gdug dag dang ni// smyo 'bog nad kyis 'chi bar 'gyur// lha 'dre stong gi dra ba'i rgyud chen po las/ the'u rang la gtad pa'i le'u bco lnga pa'o//// de nas yang ja la ma rnams kyis gtad pa'i las 'di dag smras so// snel dri mo ye thod pa ru// 'khor lo rtsibs ni sum cu gnyis// 'khor lo'i rtsibs la bri ba'i sngags// ram pa ni gur na sad ti gaM duM laM shad ser/ sad khram yu to mu ma lam pa ni/ zhes pa de dag bris nas su/dbus su dmigs pa'i ming rus bcas par bya// lung gsum mdo 'am rgya gram lam// mnan pas las rnams 'grub par 'gyur// lha 'dre stong gi dra ba'i rgyud chen po las/ ja la ma la gtad pa'i le'u bcu drug pa'o//// de nas yang bcom ldan las kyi spyan sngar/ sa bdag 'khor dang bcas pas/ rang rang gi gtad pa'i las 'di dag smras so// ra rog po'i thod pa'am glang ru'i nang du/ dmigs pa du yod pa'i ming byang bcug nas su/ming rus mtha' ma sa bdag sngags// the se laM pa guM na yaM/ ma yi ta pa la taM pa na/ de nas rwa de sba ba ni/ sa bdag gnas pa'i gnas g.yas su sba/ des ni zha grum skam pas 'chi bar 'gyur// lha 'dre stong gi dra ba'i rgyud chen po las/ sa bdag la gtad pa'i le'u bcu bdun pa'o//// de nas yang klu rnams kyis rang rang gi gtad pa'i las 'di dag smras so// ras dkar gtsang ma dag la ni// 'khor lo rtsibs brgyad bris nas su// dbus su dmigs pa'i yan lag nying lag rdzogs par bri// 'khor lo rnams la klu yi sngags// nA ga le dum pa le/ sum ba le hu ya khraM ti ya/ dung ya dung dung ya/ bra tad kar ne ye/ phyi phu lu sa ma ti ma ti nA ga ra tsa kyi long yA/ de ni 'khor lo dag la g.yon bskor bri// 'dis nyes 'di la bka' chad phob// klu rnams kyi sku la 'di yis bsngos pa yin pas/'di khyed la gtad do bya'o// chu mig mgo zlum 'og tu mnan// des ni mdze dang phol mig dang// nad sna mang pos dmigs bya 'chor mi srid// lha 'dre stong gi dra ba'i rgyud chen po las/ klu la gtad pa'i le'u bco brgyad pa'o//// de nas klu btsan mched gsum gyis/ rang rang gi gtad pa'i las 'di dag smras so// ming byang gzhug pa gong bzhin te// glang ru'i nang du bsag/ klu btsan sngags ni 'di yin te/tsa tsa ra tsa nA ga dum pa le ya khraM ti ya/ de ni klu yi mig tu mnan// des ni las rnams 'grub par 'gyur// lha 'dre stong gi dra ba'i rgyud chen po las/ klu btsan la gtad pa'i le'u bcu dgu pa'o//// de nas bcom ldan 'das kyi spyan sngar/ the'u rang stong rtsa gcig gis bskor zhing phyag 'tshal nas rang rang gi las 'di dag tshigs su bcad pa smras so// bdag cag rnams ni 'chos pa na// gtsang ma'i gnas ni btsal nas su// gtsang ma'i ris kyi gzhi bting la// 'bru sna rin chen rdzas rnams bsag/ gsang bdag ting 'dzin ldan pa des// 'bru sna bcu gsum ngar phye la// rin chen phye mar byin gyis brlab// ri rab ldem pa brtsigs nas su// kha dog 'gram bag rigs dang bstun// smyug ma gtsang ma nam mkha' tshon rdzogs gur// ri rab de la gzug par bya// rgyal mtshan 'phan gdugs gzug par bya// nam mkha' tshon rdzogs stong rtsa gcig/ mda' bkra de bzhin stong rtsa gcig/ gong thum stong rtsa gcig/ ngar bu stong rtsa gcig/ bya stong rtsa gcig/ 'brang rgyas stong rtsa gcig/ chang bshos stong rtsa gcig/gsob stong rtsa gcig/ shar du bshos bu stong rtsa gcig la/ mda' bkra stong rtsa gcig dgod/ lho ru ngar bu stong la/ nam mkha' stong rtsa gcig/ bya stong rtsa gcig la/ phod stong rtsa gcig/ chang bshos stong rtsa gcig la/gong thum stong rtsa gcig gzug/ glang dang stag dang seng ge la sogs pa'i gzugs shar du bsag/ lug dang bya ni nub tu bsag/ ra dang spyang 'phar ri dwags byang du bsag/ dom dred spyang ki rnga mo bong bu dang// mdzo rtol dwe'u'i gzugs ni mtha' ma bskor// shar du rta thod stong rtsa gcig/ lho ru stag gzig gi thod pa stong rtsa gcig/ nub tu mdzo rtol thod pa stong rtsa gcig/ byangadu bong bu dre'u dang sha zan gyi thod pa stong rtsa gcig/phud dang rin chen dar gyi yol// lcags su lcags zangs gser dngul phye// dung dang bse dang spos chang dang// spyan gzigs dkor cha de bzhin bsogs// lha 'dre stong gi dra ba'i rgyud chen po las/the'u rang stong rtsa gcig gi bsogs pa'i le'u nyi shu pa'o//// hUM/ bdag cag rnams ni the'u rang stong rtsa gcig ste// la la de ba lha yi rigs te srid pa'i nor 'dzin byed// la la 'chi bdag bdud kyi bu ste bsad bcad las la dga'// la la nga rgyal btsan gyi bu ste sha la gcod sbyong byed// la la srid pa rgyal chen rigs te srog gi ging pa mdzad// la la gnod sbyin sde yi rigs te sha dang khrag la dga'// la la ma mo byad ma'i rigs te stong gsum rgyug 'gro byed// la la klu yi rgyal po'i sde ste zhe sdang gdug pa che// la la 'jig rten byad ma byed cing la la tshe len dbugs len byed// stong gsum rgyug 'gro byed pa stong gi rtsa gcig ste// pha ni 'byung ba nam mkha' nas// 'od kyi ming la ya mtshan can/ dkar po mig gcig yin par nges// ma ni 'byung ba nam mkha' nas// srid pa'i bdag mo yin par nges// bu ni the'u rang stong dang rtsa gcig yin// zhe sdang sems dang gti mug sems// nga rgyal sems dang 'dod chags sems// de las dregs pa'i the'u rang stong rtsa gcig/ pha ni srid pa dkar po yin// ma ni sa yi srid pa'i bdag/bu ni the'u rang stong rtsa gcig/ srid pa kun gyi bu yin te// srid pa gsum la dbang yang byed// stong gsum dregs pa thams cad kyang// la la bdag cag rnams kyi pha/ la la bdag cag rnams kyi ma// la la bdag cag rnams kyi bu// la la bdag cag rnams kyi sde// bdag cag rnams la ma gtogs gang yang med// bdag cag rnams kyi srid pa'i rgyud 'gro byed// tshe dang srog ni blang ba la// thang gcig yud la the tshom med// ltos pa kun gyi tshe yang bsring// bstan pa bshig pa rnams ni bsgral bar bya// la la byang chub sems dpa'i sde// sa la gnas pa'i tshul khrims bsrung zhing dge ba byed// sems la zhe sdang mi mnga' ste// 'khor ba srog gcad the'u rang gnas// de ring srid pa'i mdos la spyon// srid pa'i dkar po spyan gcig kyang// 'od kyi mi dkar ldem pa la// 'ja' tshon sna lnga'i na bza' gsol// chibs su zer gsum dag la chibs// g.yas na gser gyi nyi ma dgu// g.yon na shel gyi zla ba dgu// bar na gza' brgyad rgyu skar nyi shu brgyad// 'ja' yi thod pa dung gi ral pa can// khyod ni skyes chen mi bo che// de ring srid pa'i mdos la spyon// lan cig sprul cing 'ong ba'i tshe// g.yu yi mi sngon ldem pa gcig/ chibs su g.yu rta bya gdengs chibs// dbu la 'ja' yi thod du bcings// sku la rma bya'i thul pa gsol// shel gyi bu chung sku gzugs 'bar// dbu la 'ja' thod ma lags te// nad kyi dbu rgyan can/ rma bya'i thul pa ma lags te/ dug gi ri mo can/ bu chung ma lags te/ sgrol ging chen por 'dug/ khyod ni srid pa kun gyi bdag po ste/the'u rang stong gi sprul pa 'gyed// de ring srid pa'i mdos la spyon/ the'u rang ni stong rtsa gcig/ brgya ni byang chub sems dpa'i rigs// brgya ni de ba lha yi rigs// chibs su shwa ba yu mo chibs// lus ni gser mdog ser po la// g.yas pa brgya na lcags kyu 'dzin// g.yon pa brgya na ga'u bsnams// srid pa gsum gyi longs spyod rku zhing bsogs// gser mkhar ser po sgo gcig nang na gnas// bsam pa'i nor dgu dang ni brab pa'i lcags dgu dang// yid bzhin nor bu 'dzin par byed// rin chen sna lnga dag la dbang mdzad cing// lha yi bu mo brgya dang rol// nor dang longs spyod bsam mi khyab// la la dag la phan par byed// la la dag la gnod par byed// de ring srid pa'i mdos la spyon// brgya ni zhe sdang bdud kyi bu yin te// sha dang khrag la longs spyod cing// stong gsum rgyug 'gro byed pa'o// lcags kyi mi chen ldem pa brgya// mgo la sa ti yug re bcings// lag na gdug pa'i mtshon cha thogs// lcags mkhar sgo gcig nang na gnas// 'chi bdag bdud kyi pho nya ste// bcu ni lcags spyang sngon po zhon nas rgyug/g.yas na lcags kyi khram bam bsnams// g.yon na zangs kyi sog le bsnams// skye 'gro lings su 'debs shing sha khrag rlon pa za// sha la 'breng brgya rtse gcig gcod sbyong byed// khrag la hubs kyis 'debs shing spyugs pa'i gad mo bgad// de ring srid pa'i mdos la spyon// drug cu stag dgu ra khra zhon te rgyug/ skyes pa rnams kyi bla yang len// na chung rnams kyi srid kyang 'phrog/g.yas pa lcags kyi s+t+wa re thogs// g.yon pa lcags kyi dra ba thogs// stong gsum khyab par byed pa'o// de ring srid pa'i mdos la spyon// bcu ni dom bu nag gu zhon nas rgyug/ stong gsum khyab par nyul byed pa// g.yas pa brgya ni 'ug pa khra ru thogs// ltas ngan sna tshogs 'bebs par byed// skye 'gro ma lus gsod do zer// de ring srid pa'i mdos la spyon// brgya ni btsan gyi bang chen ni// zangs mkhar dmar po'i nang na gnas// zangs mkhar bse yi sgo gcig ma// nga rgyal btsan gyi bu ste srid gsum rgyug 'gro byed// spyugs pa'i glu ru di ri ri// btsan stan stong gi kha lo byed// drug cu rtsa gcig zangs kyi 'phar ba dmar po re re zhon nas rgyug/sha yi brdal du byed cing rnag khrag mtsho ltar 'khyil// de ring srid pa'i mdos la spyon// sum cu zangs kyi mi reng khres khur can// zangs kyi lba ba khur tsam re// lag na zangs 'khar dmar po thogs// kha ni dkar gyi thog nyab po// skyur gyi drungs 'byin no// phyugs la shan dmar byed// de ring srid pa'i mdos la spyon// dgu ni zangs kyi bya dmar dgu la zhon// mgo la dar dmar thod du bcings// zangs zhags dmar po mda' ltar 'phen// de ring srid pa'i mdos la spyon// sum brgya rgyal po'i bka' nyan de// dung gi mi chen re res rta dkar phrum dmar zhon nas rgyug/ la la ban glang dkar po zhon nas rgyug/la la khyi dkar zhon nas srid pa kun la dbang byed pa// mi dkar ldem pa gcig/ phyag na lpags dkar rgyal mtshan 'phyar// ral pa'i lpags dkar lde tshon g.yab pa'i tshe// srid pa'i the'u rang stong sde 'dar zhing rgyug/de ring srid pa'i mdos bzhes shig/ dung gi mi dkar ldem pa brgya// lus la dar dkar ral ga gsol// dbu la nor bu'i rgyan spras pa// phyag na shel gyi mkhar ba bsnams// srid pa kun la dbang byed pa// stong gsum rgyug 'gro byed cing rgyal po'i dmag tshogs g.yob// bdud dang ma yams g.yob cing rims nad mang po gtong// lcags gri lag na thogs nas rgyal po'i ging ba mdzad// mi la nad du gtong zhing phyugs la god bdag mdzad// srid pa kun tu rgyug cing phung khrol las byed pa// de ring srid pa'i mdos bzhes dang// zangs kyi mi chen mche ba rgya zor 'dra// mgo la zangs kyi 'ob log can// ba skya yu mo zhon nas rgyug/ mna' dang gzu yi dpang po mdzad// lha 'dre kun gyi sna 'dren pa'o// gcig ni bse yi mi chen la// lus la sles khra gos su gon// mgo la 'phying ser yib zhu can// lag na 'om mkhar dmar po thogs// khros chen khur zhing skyi ser mchan na sdig/ srid dang kha rje kha ru 'jug/ mdos bdag mdos bzhes dang/ gcig ni skya ral thul pa can// lag na zangs nag thogs byed cing// dkar dang dmar dang sngo thab gsum// thab sna gsum gyi sna yang drangs// bdud btsan rgyal po ma yams dang// sa bdag klu gnyan g.yob 'dren byed// de yang srid pa'i mdos bzhes dang// gcig ni bong bu dmar khra zhon nas rgyug/ ba dan rtse gsum phyag na bsnams// 'jig rten dregs pa dbang du sdud cing gum gcod las la dga'// de ring srid pa'i mdos la spyon// nyi shu rtsa gcig g.yu yi mi sngon la// dar gyi gos la 'ja' yi thod// ske na dung gi lba ba khur tsam skyes// de srid dra ba zhon zhing rgyug/ ltas ngan sna tshogs 'bebs byed cing// srid gsum skye 'gro ma lus kun// bsad de bcad do zer zhing rgyug/dkar po spyan gcig ging ba mdzad// de ring srid pa'i mdos bzhes dang/ sprul pa brgya ni 'dzam bu'i gling du 'gyed// brgyad cu srid pa'i gzu dpang mdzad// legs nyes zhal lce gcod cing bka' yi bang chen mdzod// sum cu rtsa gnyis dpal gyi lhag ma sdud cing 'jig rten byol zlog byed/ srid pa'i the'u rang rgyal gyi tshogs// de ring srid pa'i mdos bzhes shig/ brgya ni 'jig rten phung khrol byed cing srid pa chen po'i skos// la la rngam pa stag gi mgo ste gang la babs pa len par byed// la la lkugs pa lug gi dbu ste gang la bab pa myos par byed// la la smyon pa dom gyi mgo ste smyo 'bog nad rnams gtong// la la mi lus dred kyi mgo ste thams cad brgyal bar byed cing dngangs par byed// la la spyi ring yib zhu can// la la 'greng khur mi reng po// la la dud 'gro sna tshogs zhon// la la glog dang 'od la chibs// la la 'bog dang brgyal thabs gtong// la la srid pa'i bang phyin byed// la la cho len dbugs len byed// la la stabs bsnol zungs rmugs gtong// la la yod pa med par byed// la la gang ba stongs par byed// la la dag la phan par byed// longs spyod ma lus 'phel bar byed// de ring srid pa'i mdos bzhes dang// nyis brgya 'dzam gling tshe srog dbugs kyi bang chen pa/ mang ba tshes mtho re/spyi ring len to re/ 'dus pa se to re/ mkhar gsum dag la gnas kyang bcas// bse mkhar sgo gcig dung mkhar sgo gcig dang// lcags mkhar sgo gcig nang na gnas// 'khor yang the'u rang stong sde 'gyed// lha yi bu mo chung ma yin// yid bzhin nor bu 'tsho bar byed// lha la phung khrol mang bas gsang bdag thugs khros pas// des kyang dam la btags pa de ring srid pa'i mdos bzhes dang/ the'u rang la sogs la la ri rab rtse skor byed// la la 'byung ba dbang bsgyur ba/ sa the'u ser po dang/ chu the'u sngon po dang/ bar the'u khra chen dang/ the'u rang 'byung lnga la/ de ring srid pa'i mdos 'bul lo// la la mi ni in+d+ra zhes bya ste// rgyal 'gong chen po drug cu gcig/ ngan 'gong ni sum cu lnga/ byur 'gong nyi shu gcig/ mi lus spre'u mgo can// kha ser so ser lce ser gsum// nyin bzhin grogs po phug rdug nyal// mtshan zhing grong khyer khyab par nyul/byur 'gong lba ba can/ mi rang 'greng khur can/ 'khar skya so skya lag na thogs/ phung 'gong ra slag can/ zangs kyi lba ba khur tsam skyes/ brgyad cu sa bdag klu gnyan dag dang bsdongs// skrangs dang 'bur gyi nad du byed// de ring srid pa'i mdos bzhes shig/ rtsa gcig 'dus kyi 'debs byed ma// lha 'dre kun gyi sna 'dren mo// rtsa gcig ni the rang la/ bcu gcig srid pa'i nor dang longs spyod dang// dkor khang gnyan po srung bar byed// nor dang longs spyod bsrung ma ste// de ring srid pa'i mdos bzhes dang// dgu ni srid pa'i 'gong po ste// gnam la gnas pa spun gsum byung// gnam the'u dkar po dang/ gnam lha byang chub dang/ gnam lha dkar po gsum// dar dkar ser dkar lpags dkar gon// dung mkhar shel mkhar spa mkhar gsum// rgyal mtshan gsum ni phyag na bsnams// bya rgod seng ge khyi dkar gsum la bcibs// gnam khyi dkar po mched gsum yang// de ring srid pa'i mdos bzhes dang// bar na gnas pa'i spun gsum la// dri bse ba bse lag bse gsum// khri gcig dre si pa ti'i thod// lcags mkhar 'od 'bar bsnams/ stag dang gzig dang bya rgod rgyal mtshan bsnams// sa la gnas pa'i the rang spun gsum yang// the sem chu ring gsum/ chu dang me dar sa dar gon// rgyal mtshan gsum ni lag na thogs// zo skya 'khar skya rgyal mtshan 'dzin// srid pa'i the rang spun gsum yang// de ring srid pa'i mdos bzhes dang// the rang stong dang rtsa gcig kyang// zhe sdang dag ni da khrol la// dang ba'i sems kyis glud 'di longs// stong gi sde dpon gyis gsungs bzhin// bka' las ma 'da' glud 'di bzhes// 'byung ba ri rab brten pa'i glud// nam mkha' 'di rnams yul du 'bul// rin chen nam mkha' gzhal yas khang// mda' bkra 'di rnams mkhar du 'bul// rin chen rgyu las grub pa'i mkhar// rin chen 'di rnams gter du bsngo// zad med gter la longs spyod cing// gzugs brnyan 'di rnams gter du bsngo// dkor gyi longs spyod chen por bsngo// sgra snyan 'di ni gsung gi glud// gzugs brnyan 'di ni sku yi glud// snang gsal 'di ni sems kyi glud// dang po srid pa'i dpe/ de nas 'jig rten nor bdun dang// spyan gzigs dkor cha zas su bsngo// the brang sde sde mang po dang// sngon gyi lan chags ded pa'am// zas nor 'dod phyir rgyu ba yang// mthun pa'i las su bshams/sha chang rgyu ru 'don/ bden pa'i tshig gis bkrol/ mdog bzang dag par byin gyis brlab// ji ltar 'dod pa bzhin du mchod// da ni the rang stong phrag brgyad// ltos pa rnams la grogs kyang mdzad// zhe sdang ngan pa zhi bar gyis// da ni gshegs so gnas su gshegs// dang po byung ba'i gnas su gshegs// rigs dang sde ni snyog nas gshegs/ ri rab kha la gshegs/ stong phrag dag ni gnas su gshegs// rin chen sna lnga'i 'khor du gshegs// gdug pa thams cad zhi bar gyis// zhes bsngo'o// lha 'dre stong gi dra ba'i rgyud chen po las/ the rang stong rtsa gcig bcos pa'i le'u nyi shu gcig pa'o//// de nas yang bcom ldan 'das kyi spyan sngar/ rgyal po srog bdag mched bzhis/ rang rang gi bcos pa'i thabs tshigs su bcad pa 'di dag smras so// gra phying gtsang ma'i gzhi steng du// 'bru sna tshang ba'i ngar phye la// dbang gi ting 'dzin ldan pa des// rin chen phye mar byin gyis brlab// de la ri rab chen po brtsig par bya// kha dog ni rigs dang bstun// smyug ma gtsang ma nam mkha'i gur// dar dang me long dag gis brgyan// rta thod dang ni bong thod dang// ba dan dang ni 'phan gyis brgyan// rin chen khri ni mdzes pa ru// bshos bu ldem pa bzhi ni bzhag/ dkar po gnyis dang rtsa dmar dang// phrag pa can dang bzhi po la// mda' mkhar thabs ma dang chu ris mig/ rmog mgo mkhar thabs chu 'babs bzhi ni de la gzug par bya// nam mkha' dkar po dang ni dmar po dang// rin chen tshang dang brgyan pa bzhi// bshos bu dag la gzug par bya// bya dang khyi dang rta yi gzugs// g.yag dang ra dang lug gi gzugs// spre'u dang ni glang gi gzugs// bse phor mtshan ldan nang du ni// phud dang spyan gzigs bsham par bya// srid pa'i 'gong po la bshos bu dgu brgya dang// mda' bkra lpags bu'i thod kyis brgyan pa bsog/ lha 'dre stong gi dra ba'i rgyud chen po las/ rgyal po spyi bcos bsogs kyi le'u nyi shu gnyis pa'o//// hUM/ phyogs phyogs dag kyang pha gi na// nyi ma shar phyogs pha gi na// shel yul dkar po pha gi na// shel mkhar dkar po gnam du zangs se zang// dung gi sgo mo thabs se thab// de yi nang shed na/ya cho dkar po bzhugs/ mi gcig po la ming gsum po// rgya gar chos kyi skad du ni// shar lha chen po zhes kyang bya// yi dwags bon gyi g.yung drung mon nam skad du ni// btsan 'gong rgyal po zhes kyang bya// dam pa chos kyi skad du ni// rdo rje legs mchog zhes kyang bya// khyod kyi pha smos pa/ yar lha bshos kyi skyes gcig pa zhes kyang bya/ yang yar lha shod kyi skyes to re zhes kyang bya/ ma ni srid pa'i bdag mo yin// de nyid thugs kyi sprul pa las// sras ni lcam dral gnyis byung ste// ming po ya cho dkar po yin// sring mo ma btsun u chos g.yar mo sil// ming po bcos su gsol/ ya cho dkar po de/ mi dkar bla na 'phyo// rta dkar 'og na 'phyo// skyogs dkar ta la la/ dang po li'i yul nas babs pas/ li yi phyag tu glud phul bas/ li pa sad kyi rgyal por btags// de nas yang le shod du byon// yang le'i phyag tu glud phul bas// yang pa sad kyi rgyal por btags// de nas mi nyag yul du babs// mi nyag gis phyag tu glud phul bas// lteng ro sad kyi rgyal por bya// de nas zhang zhung yul du babs// zhang zhung gi phyag tu glud phul bas/spyan mig g.yas pa shel du 'dug pas shel dkar btags// sku la dar dkar mdzes pa'i na bza' gsol// seng ge dkar mo'i thod pa can// phyag na gdug pa'i mtshon cha thogs// 'gong po rnams kyi bdag po byed// glud la rnam pa gsum byung ste// dang po g.yag dkar dang mdzo dkar dang/ ra dkar gnya' nag dang gsum zhig byung/ bar yang se dang lug se dang bya se dang gsum zhig byung/ tha ma bshas su chag gang dang/skyems 'phang smyug ma tshigs dgu'i bdag po lags// mdos bdag mdos bzhes shig/ gnam rim pa bcu gsum yar steng na// mkhar nye brtsegs pa'i yang steng na// srog bdag dkar po spyan gcig bzhugs/khyed kyi pha smos pa/ rgya mtsho chen po'i gting shed na// chu srin chen po ma tang ga/ khyod kyi ma smos pa/ srid pa'i rgyal mo yin/ gnas pa bar snang dag la gnas// de nyid thugs kyi sprul pa las// ming po dkar po spyan gcig yin// sring mo e ka ral gcig ma// ming po de ni bcos su gsol// srog bdag dkar po de spyan gcig pa// dbu la ral gcig sha ra ra// dpral nas mig gcig lhangs se lhang// zhal nas tshems gcig thabs se thab// gzi mig khra bo chi li li// sma ra nag po phya ra ra// phyag sor nag po shad de shad// 'bar ba'i rnga chung glo la btags// khang pa kun kyang 'od kyis khengs// srog bdag dkar po 'od po che// gnam ral phyed kyi bdag po lags// sa chu phyed kyi bdag po lags// mi dkar bla na ldem/ rta dkar 'og na 'phyo/ phyag na sba dkar ta la la/ skyes pa pho brgya'i srog gi bdag po yin// sku la zhing lpags g.yang gzhi gsol// phyag na lcags gri rnon po bsnams/ glud kyi dang po ni/ g.yag dkar lug dkar dang/ mdzo dkar ru dmar dang/ rta dkar phrum dmar gyi bdag po lags/bar pa lug dkar po bya nag dang/ khyi dkar sna dmar dang/ bya dkar ze dmar gyi bdag po yin/ tha ma bshos bu ldem pa dang// skyems 'phang dar 'phen dang/ smyug ma tshigs dgu'i bdag po yin/glud bdag glud bzhes dang/ byang phyogs pha gi na/ yam shud dmar po bzhugs/ byang ri dmar po'i kha la bzhugs/ rtse la gnod sbyin stobs chen gnas// zur la yam shud dmar po bzhugs// rtsa na btsan btsun phyag brnyan 'khrul// zangs mkhar dmar po ldems se ldem// zangs mkhar dmar po ldem pa la// logs rim bse yi sgo mo gsal// mthing shun sngon po'i ri bzhi la// byu ru dmar po'i g.yag shing la// zangs khri dmar po'i gdan steng na// yam shud dmar po bzhugs pa lcags zhul khug gsol/ phyag na zangs kyi zhags pa 'dom dgu brgya dgu bcu bsnams// zam mo brgya'i srog gi bdag po yin// sku la zangs khrab dmar po gsol// glud kyi dang po ba dmar glang gi bdag po yin// bar pa bya dmar gro dang/ lpags bu gro se'i bdag po yin// tha ma smyug ma tshigs dgu dang// bshos mchog skyems 'phang bdag po lags// mdos bdag mdos bzhes shig/ yul khu le khu stod na/ shar lho mtshams shed na/ blon po khu le lag dgu bzhugs// khyod kyi pha smos pa/ lcags kyi sdig pa kha dgu yin// gnas pa ri rab zom la gnas// khyod kyi ma smos pa/ gser gyi grog ma kha med gcig/ de gnyis sprul pa'i sras/ mi gcig po la lag dgu byung// lag gcig ste 'dzom gnam du snyab/ lag gcig ste 'dzom sa la snyab/lag gcig bdud kyi gnas su gtong// lag gcig btsan gyi nang du gtong// lag gcig ston gyi lo thog snyab// lag gcig na chung srid la snyab// lag gnyis dkar dang skyur gyi thog kyang 'bab// sku la gser khrab ser po gsol// rgod ma rte'u med 'bri g.yag sham gyi bdag/ chung srid thams cad kyi bdag po yin// bshos bu phrag pa can dang/ mda' bkra spyan gzigs kyis mchod// phyag brnyan the rang chen po ste// de ring glud bzhes shig/ mdos bdag ni mdos bzhes shig/ dang po srid pa chags pa'i dpes// ri rab dpag bsam bcas pa'o// nam mkha' yul du 'bul lo// mda' ni mkhar du 'bul lo// sems can gzugs brnyan dkor du 'bul// spyan gzigs dkor cha skyems kha gser// sbu ron khungs dag sha chang rgyus su 'don// da ni gnas su gshegs/ mkhar chen bzhi ni slebs te gshegs/lha 'dre stong gi dra ba'i rgyud chen po las/ rgyal po mched bzhi bcos pa'i le'u nyi shu gsum pa'o//// de nas bcom ldan 'das kyi spyan sngar/ btsan thams cad kyis rang rang gi bcos pa'i tshigs su bcad pa 'di dag smras so// sa gtsang dben pa'i gnas su btsal nas su// gsang bdag ting 'dzin ldan pa des// 'bru sna tshang ba'i gsang phye la// byin gyis brlab pa tshul bzhin bya// ri rab de ni brtsig par bya/ kha dog rigs dang smyug ma nam mkha'i gur// nam mkha'i kha dog rigs dang sbyar// dkar po drug dang ser po lnga// sngon po lnga dang dmar po lnga// nyi shu rtsa gcig bya/ dar dang spyan gzigs dkor cha bya// phud dang rin chen de dag bsog/ lha 'dre stong gi dra ba'i rgyud chen po las/ btsan gyi bcos kyi le'u nyi shu bzhi pa'o//// hUM yul dang btsan yul pha gi na// btsan yul pho gsum pha gi na// btsan mkhar dmar po gnam du thongs pa pha gi na// bse yi byan lag lings se ling// bse yi khyi mo kangs se kang// bse rta dmar po tse re re// de na btsan gyi rgyal po bzhugs// kha drag bdud la rgol// mthu che phya la 'khu/ 'gran tshol rgyal la tshol// mi lus g.yag gi mgo/ dpral na kha gcig mig gnyis po// ltag na kha gcig mig gnyis po// g.yas na kha gcig mig gnyis po// g.yon na kha gcig mig gnyis po/kha bzhi mig brgyad byung/ rta gcig lus po la// rmig pa brgyad par byung// lag rmig bzhi dang rkang rmig bzhi// mgyogs pa sde brgyad yin// lag na bse yi gzhu mo dang// bse mda' dmar po thogs// sku la bse khrab zhul khung gsol// dbu ni srid pa'i khams su gsig/ de ring srid pa'i mdos la byon// 'byung ba ni lnga yi btsan// shar phyogs pha gi na// sa bdag dngul gyi bu// dung mkhar skya mo la// g.yu yi kha bad can// mthing gi re bzhi la// g.yu yi sgo mo can// de yi nang shed na// mi dkar ldem pa gcig/ rta dkar phrum dmar gcig/ dung phub sku la gsol// btsan mda' btsan gzhu bsnams// dri za stong la dbang bsgyur ba// mdos bdag mdos bzhes shig/ lho phyogs pha gi na// 'byung ba chu yi bu// mi sngo rta sngo ste// lcags mkhar sngon po'i nang na gnas// btsan mda' btsan gzhu phyag na bsnams// mdos bdag mdos bzhes shig/ nub phyogs pha gi na// zangs mkhar dmar po'i nang shed na// me dang drod kyi bu// mi dmar rta ru dmar// btsan mda' btsan gzhu bsnams// mdos bdag mdos bzhes dang// nyi ma byang gi btsan// rlung dang ngad kyi bu// mi ser rta ru ser// gser mkhar ser po'i nang na gnas// btsan mda' btsan gzhu phyag na bsnams// byang btsan stong la dbang sgyur cing// mdos bdag mdos bzhes shig/ dbus btsan mi smug rta ru smug/ mchod mkhar smug po'i nang na gnas// dbus btsan stong la dbang sgyur ba// mdos bdag mdos bzhes shig/ gnam btsan ding ba de// 'byung ba nam mkha'i dbang sgyur byed// g.yas dkar ldong rum ni// mi dkar rta dkar btsan// gangs btsan stong la dbang sgyur byed// g.ya' btsan mi sngon de// g.ya' btsan stong la dbang sgyur byed// spang btsan mi ser rta ser ba// spang btsan kun la dbang sgyur byed// nags btsan mi nag rta nag de// nags btsan steng la dbang sgyur ba// g.ya' btsan mi bkra rta bkra btsan// de ring srid pa'i mdos bzhes shig/brag btsan mi dmar rta dmar de// brag gi thabs la gnas/ mi dmar mdung tsam mo// dbu la ral pa me ltar 'bar/ phyag na mdung gi srin mo'i rkang// mi gnas skar chen char ltar 'bebs// chibs su brag gi rtsangs pa chibs// rol du srin bya'i bu mo rol// brag gi wa mo kha nag zhon// brag bya 'ug pa khra ru thogs// gos su brag gi dreg pa gon// zas su brag rgya ha 'o za// skom du brag chu'i thigs pa 'thung// brag btsan 'bum gyi kha lo sgyur// de ring srid pa'i mdos 'di bzhes// btsan yul pha gi na/ btsan mkhar ldem pa ya gi na// skyi ma lung gsum ya gi na// skyes bu lung btsan bzhugs// skyes bu'i lus la ci gsol na// dmar po dar gyi ral ga gsol// chibs su btsan rta ser po chibs// stag ral g.yas la gzig shub g.yon// lan 'ga' zhags pa mda' ltar 'phen// btsan gyi ral gri skya 'byam btags/bse zhu dmar po la/ phod dkar ldems se ldem/ kha drag bdud la rgol/ bdud la do yang bsngo// cho long 'thab gsum btab/ 'thab kyis pham ma myong/ lung btsan stong gis kha lo sgyur// mdos bdag mdos bzhes shig/ glud bdag glud bzhes shig/ yul dang btsan yul pha gi na// mi lus glang gi mgo bo can// lag na shing ris rgyan mkhar thogs/ kha nas khrag gzer mda' ltar 'phen// mi la gzer ba'i nad du mdzad// btsan mi yi lus la rta yi mgo bo can// lag na bse phor dmar po thogs// mig nas me dang 'od du gtong// kha nas gdug pa'i nang du gtong// sna nas rlung dang bu yug gtong// lag na btsan zhags mda' ltar 'phen// mi la bdud du byed cing phyugs la sha bdal gtong// mdos bdag mdos bzhes shig glud bdag glud bzhes shig/ btsan mi lus shwa ba'i mgo bo can// lag na gdug pa'i mtshon thogs la// kha nas gdug pa'i skyugs pa gtong// sho rde'u dmar po mi la 'debs// mdos bdag mdos bzhes shig/ btsan ni ya ba rkya bdun te/ btsan rta dmar po zhon nas btsan zhags mda' ltar 'phen// skyes pa'i bdud gcod na chung srid kyang rku// ya ma skya rnga dang ni skya gsum dang// ya ma skya gcig 'khor dang bcas// btsan rta dmar po zhon nas btsan zhags mda' ltar 'phen// gang la bab pa brgyal bar byed// mdos bdag mdos bzhes shig/ btsan phran stong sde yang/ la la brag dang chu la gnas// brag bu skya re la/ btsan bran skya re gnas/ la la shing dang rdo la gnas// la la mtsho dang rten la gnas// la la mkhar dang rdzong la gnas// brag btsan stong sde yang/ btsan rta ni re re chibs/ la la rgyan gyis mdzes pa ste/ nad du gzer nad gtong// mdos bdag mdos bzhes shig/dur btsan ni mi smug te/ rta smug tse re re/ se btsan ni mi nag ste/ rta nag ni tse re re/ skye btsan ni chen po la/ mi dkar rta dkar btsan/ klu btsan mched de gsum/ mched po klu btsan nag po lags/chibs su sbal pa nag po chibs// nya nag sbrul nag thul pa gsol// se bdud se btsan sprul par gtong// chu mig nag po dag la gnas// klu btsan ser po ste/ sbal pa ser po chibs/ nya chen rtsa mo'i thul pa gsol// brag btsan 'bum dang bcas/ klu btsan dmar po ste/ glang dmar ru dkar chibs/ sku la spyang mo'i thul pa gsol// brag btsan ni sprul par gtong/ mdos bdag mdos bzhes dang// dri btsan khran dang rje/mdos bdag mdos bzhes shig/ 'jig rten dpe mchis so// bden pa'i tshig mchis so// nor dang dkor mchis so// gsol ba'i zas mchis so// mdos bdag mdos bzhes shig/mda' ni nam mkha' la/ nam mkha' yul du 'bul/ zas kyis mchod la nor gyi gter// btsan po gnyan mchod na/ mdos bdag mdos bzhes shig/ lha 'dre stong gi dra ba'i rgyud chen po las/ btsan bcos pa'i le'u nyi shu lnga pa'o//// de nas yang bcom ldan 'das kyi spyan sngar/ ya bdud bcu gsum phyag brnyan dang bcas pas rang rang gi las 'di dag smras so// 'bru sna tshang ba'i dar phye la// dar nag rgyan dang bcas pa gnyis// dar nag gcig la mda' bcu gsum// kha dog rigs dang bstun par bya// bshos bu bcu gsum rtse nag bya// lug nag bya nag de bzhin bsag/ phud dang mda' dang rin chen bsag/lha 'dre stong gi dra ba'i rgyud chen po las/ ya bdud bcu gsum la yas bsag pa'i le'u nyi shu drug pa'o//// yul de bdud yul nag po pha gi na// lcags mkhar gnam du zangs se zang// rtsa ba gser la rtse mo g.yu// rtse dgu gnam du zangs se zang/ de na bdud kyi rgyal po bzhugs// gnam bdud thod pa'i phreng ba can// me ni sa chu me dang sbrul// ya bdud bcu gsum byung// sring mo bcu gsum byung// che yang bdud kyis bsad/ chung yang bdud kyis bsad/ bdud las gnyan ma mchis/ bdud kyi rgyal po ba/ re ste mgo yag de/ rta nag ri tsam chibs/ zhags nag mda' ltar 'phen/ mi bu zas su za/dud 'gro bshas su bsha'/ de ring srid pa'i mdos bzhes shig/ bdud nag po bkrag med de/ rta nag ri tsam chibs/ zhags pa mda' ltar 'phen/ kha rlangs nag po thu lu lu// sma ra nag po phya ra ra// phyag sor nag po shad de shad/ bdud sde dang btsan de/ gser gyi mdo bo chibs/ gser zhags mda' ltar 'phen// mche ba rgya zor bkug pa 'dra// lag pa g.yas na khram bam bsnams// lag pa g.yon na sho rde 'grem// bdud bran 'bum ni sprul par 'gyed// mi bu rnams kyi bdud gcod pa// mdos bdag mdos bzhes dang/ glud bdag glud bzhes dang/ bdud ya le ge shag de/ sku la dung khrab dkar po gsol// chibs su lkugs pa lug la chibs// lag na lcags kyi sog le bsnams// mi'u ris su gsod/ dud 'gro bshas su byed/ mdos bdag mdos bzhes shig/ bdud ma le ge shag ni/ chibs su stag gu ris bkra chibs// sku la zangs khrab dmar po gsol// phyag na zangs kyi sog le thogs// mdos bdag mdos bzhes shig/ bdud skos kyi bdag po drang dkar de// gnas pa dpag bsam shing gi sked pa dag la gnas// sku la mdzes pa'i na bza' gsol// skye 'gro kun gyi tshe len byed// mdos bdag mdos bzhes shig/ bdud pad+ma gar gyi dbang phyug de// chibs su chu glang nag po chibs// sku la chu dar ral ga gsol// phyag na bdud kyi zhags pa thogs// bdud phran 'bum ni pho nyar 'gyed// srid pa gsum la dbang sgyur byed// tshe len dbugs len bdag po yin// mdos bdag mdos bzhes shig/ bdud rje mang khug de// chibs su gzig ris sa le chibs// lus la zangs nag ber chen gsol// g.yas pa lcags kyi s+t+wa re thogs// g.yon pa lcags kyi gtan pa thogs// mi bdud 'phrang khar gcod par byed// bya bdud shing khar gcod// rta bdud srab dkar gcod// kha nas so gcig pa/ dpral nas mig gcig pa/ bya mig bzhin du ma sa yar 'gebs// rta so bzhin du khong nas gcod// de ring srid pa'i mdos bzhes dang// bdud ni stag zhu mched bzhi ste// sku la stag lpags zhul khug gsol// dbu la stag zhu rol po gsol// phyag na zangs kyi mkhar ba bsnams// mi gnas me 'bar kha nas khrag gi gru char 'bebs// de ring srid pa'i mdos la byon// bdud lkugs pa 'dzum med bya ba de// chibs su lkugs pa lug la chibs// lus la ba bal nag po gon// kha mi smra la srog la rgol// bdud bran 'bum ni phyag brnyan 'gyed// mdos bdag mdos bzhes shig/ bdud khyab pa lag ring de// chibs su bya dmar 'dab bzang chibs// lag na gdug pa'i mtshon cha ste// bse yi mdung thung gsor zhing brdeg/ mdos bdag mdos bzhes shig/bdud thom pa thom chung bya ba de// sku la zangs ma'i ral kha gsol// chibs su bdud kyi rnga mo chibs// thom ra thom lug bdag po yin// bdud ni 'khor lo bcu gnyis pa// srid pa kun la dbang byed pa'o// mdos bdag mdos bzhes dang// shar ba phreng thogs dang/ nyan pa rna gsang dang/ snyab pa lag ring dang/ lta ba mig rnon dang/ bdud kyi phyag brnyan bzhi/ mi yi bdud ma bcad/ dud 'gro gnya' ma bzung/bdud lkugs pa lug mgo dang/ rmang rje spyang mgo dang/ gnyis pa dom mgo dang/ gsod pa stag mgo dang/ bdud rje khyed rnams kyang// mthun pa'i yas bzhes shig/ bdud rol po skya dgu dang/rol po skya gsum dang/ rol po skya gcig rnams/ de ring srid pa'i mdos shig 'bul// lha bdud gang bu dang/ gnam bdud med pa dang/ bdud rje skol po dang/ bdud ral pa spyi bcings dang/ 'od de 'bar ba dang/'od de smyon pa dang/ 'od de thom po dang/ 'od de lkugs pa dang/ mdos bdag mdos bzhes shig/ bdud phran stong sde de/ phyag na khram shing re re bsnams// sog le re re phyag na bsnams// bdud kyi rta ni re re chibs// bdud zhags mda' ltar 'phen/ mi phyugs khram la 'debs/ khams gsum khyab par rgyug/ sha la longs su spyod/ khrag la hub tu 'jal/ srid gsum rgyug 'gong byed/ mi bu bsad do zer/ dud 'gro la shan dmar bya'o zer/ mi yi bdud du ma bab dang// rin chen dar gyi mi chen 'bul// mda' dang nam mkha' mang po 'bul// nor dang dkor cha mang po 'bul// zhes bsngos la btang ngo// lha 'dre stong gi dra ba'i rgyud chen po las/ bdud bcos pa'i le'u nyi shu bdun pa'o//// de nas yang bcom ldan 'das kyi spyan sngar/ ma bdud bcu gsum gyis rang rang gi bcos pa'i las 'di dag smras so// maN+Dal gtsang ma'i steng du ni// rmang rnams dag ni bting nas su// 'bru sna chang ba'i bshos bu la// byin gyis brlab pa tshul bzhin bya// dar nag che ba gcig byas la// tha ma ngar bu stong gis bskor// yang na bcu gnyis dag gis bskor// nam mkha'i grangs kyang de bzhin du// byas la ngar phye dag la gzug/ mo 'phang g.yu lo bcu gsum ni// dar bu bcu gnyis dag la gzug/ lug dang khyi dang bya dang mdzo// rtol dang rnga mo bong dre'u rta// bya sna tshogs dang so bya'i gsob dang ni// skyung ka'i gsob dang me long dar sna dang// gseb g.yu 'brang rgyas bcu gnyis bya bcu gnyis// spyan gzigs sha khrag stag gzig ras ros bsham/lha 'dre stong gi dra ba'i rgyud chen po las/ ma bdud gsog pa'i le'u nyi shu brgyad pa'o//// hUM/ srid pa skos kyi bdag mo ste// nyi ma shar phyogs pha gi na// gnyan yul bya ba'i gong thang na// khrag mtsho mer ba'i rtsa shed na// bdud kyi skyung ka di ri ri// bdud kyi khyi mo 'drel dang zhungs se zhung// bdud bya nag mo diri ri// ce spyang kang ka di ri ri// ma mo khri 'du stong ni 'du ba'i gnas// mkhar ze ba gzhog ral ba// bdud mo brgya byin kun dga' mo// nag mo ral gcig srid gsum rgyug/ de na ma bdud bcu gsum bzhugs// bdud mo stong sde yang de ru 'du// 'dun stangs gcod cing sha khrag za// khri gnyer bya ba'i blon mo che// bdud kyi rgyal mo glu la byon// me mkhar de ni nang shed na// mi sha rta sha brums su gtser// mi khrag rta khrag mtsho ltar bskyil// thod pa skam rlon rtsig par brtsigs// de yi ni mnga' bdag mo// nag mo ral gcig srid pa khyab par rgyug/ bdud bong rkang gsum zhon nas skye 'gro ma lus sgrol// sha za khrag 'thung ral pa can// ral nag bsigs pas mun nag khyi li li// khri za khri sgrol bdud mo kun gyi gtso// sha khrag rlon la za zhing spyugs pa glu len ma// mtshon gyi dru gu rkyong zhing nad kyi rkyal pa 'bud// bal nad mang po gtong bar byed// mi phyugs gnyis ni khyod kyis khram la 'debs// byang dmar dkyus la 'debs shing sho rde dkar nag 'grems/ mi rnams bsad cing mi lpags gos su gon// mgo bcad lag na sgong du rtse bar byed// dmag dpung skyed cing bdud kyi g.yul ngo zlog/skye 'gro srang la 'debs shing srid pa nyal thag gcod// bdud mo mi zan mdos longs shig/ de yi gcung mo mi zan ma// nag mo 'ug mgo bya ba yin// chibs su mdzo mo rog mo chibs// nad kyi rkyal pa khal du 'gel// lag na b+han+d+ha khrag gis bkang ba thogs// srid gsum rgyug pa'i mthu mo che// lus la la ba nag po gon// lag na sho rde'u dkar nag 'grems// mdos bdag chen mo mdos bzhes dang// de yi gcung mo khrag mig ma// bya mo nag mo zhon nas ni// sku la rma bya'i thul pa gsol// lag na par bu dug gis bkang// srid pa kun tu khyab par byed// mdos bdag chen mo mdos long dang// de yi nu mo gcung mo de// sku la khrag gi re lde gsol// chibs su chu glang nag po chibs// mi gnas me 'bar khrag gi skyin thang 'bebs// mdos bdag chen mo mdos bzhes dang// de yi gcung mo bdud mo ni// bud med ral nag mun ltar gtibs// lus la zhing gi g.yang gzhi gsol// chibs su rtol bu rwa yon chibs// lag na mtshon gyi dru gu bsdog/ chibs su ru yon bskyod pa'i tshe// khams gsum rgyu zhing ma yams 'dun mar sdud// rdo rje glo ma srin du grags pa yin// mdos bdag chen mo mdos long dang// de yi nu mo gcung mo ni// chibs su dre'u nag rkang gsum chibs// lus la mthing nag gnam gyi gos su gsol// mig nas khrag 'dzag thu lu lu// lag na g.yu yi zor ba thogs// lag nas thod pa mda' ltar 'phen// bdud mo chen mo go ti ma// chibs su chu rta gzhung chen la// gru dang gzings kyi sga bstad nas// dar spra sngon po gur du phub// chu bdud stong gi 'dun mar sdud// mdos bdag mdos bzhes dang// de yi nu mo nag mo kha mchu ma// bud med lus la khA yi mchu// phyag na sle chen g.yab 'dor ma// mdos bdag chen mo mdos long dang// de yi nu mo gcung mo de// dur khrod kun gyi 'jo le ma// mi mo dred mo yu 'jol ma// lag na lcags mda' lcags gzhu thogs// gang nas gang du rbad pa'i tshe// lcags kyi tshub nag slong zhing 'gro// mdos bdag chen mo mdos bzhes dang// ma bdud de yi gcung mo ni// g.yu mtsho sngon mo'i gting rum na// bud med g.yu yi go lcog can// gdug pa'i nad rnams 'bebs par byed// srid pa kun tu rgyug byed cing// kha nas dug gi kha chu 'bebs// lag pas spar gdengs nad gtong ma// gcig ni bdud mo khrol thogs ma// srid pa kun la dbang sgyur ma// bdud mo chen mo mdos long dang// gcig ni bud med nag mo la// lag na khrag gi phor thogs ma// dur khrod kun tu rgyug par byed// chibs su rtol bu ra dkar chibs// spyugs pa'i brda yis ma mo g.yob// mdos bdag chen mo mdos longs shig/bdud mo chen mo bcu gsum dang// 'khor du bdud mo stong tshogs dang// bdud mo khram zan nad gtong ma// de ring srid pa'i mdos bzhes shig/ mthun pa'i yas ni 'di bzhes shig/ mthun pa'i dkor nor mang po bzhes// lha 'dre stong gi dra ba'i rgyud chen po las ma bdud bcu gsum bcos pa'i le'u nyi shu dgu pa'o//// de nas yang bcom ldan 'das kyi spyan sngar/ ja lam sum brgya drug cus rang rang gi bcos pa'i las 'di dag smras so// bdag cag rnasam ni srid pa nyul le ste// gnas sam sa ni brtags pa der// rmang rnams dag gi gzhi steng du// dbang gi rgyal po'i ting 'dzin ldan pa des// nas dmar dang ni ram bu dag/ skye tshe dang ni gro dang ni// so ba dang ni 'bru mar dang// de las sbrus pa'i bshos bu la// dbus su ri rab bang rim gcig pa'i ri rab la// nam mkha' sum brgya drug cu gzug/kha dog dang ni rigs dang bstun// smyug ma gtsang ma nam mkha'i gur// ri rab de la gzug par bya// ra bu sum brgya drug cu bya// khyi dang bya dang sems can gzugs// de yi grangs su shes par bya// ri rab de ye tha ma bskor// 'brang rgyas sum brgya drug cu dang// mo 'phang g.yu lo sum brgya drug cu bskor la gzug/ rams skyems tshwa bal bul tog dang// lho rdzas la ras kun kyang gsog/ 'bru sna rin po che dang sha sna mang po dgram par bya// lha 'dre stong gi dra ba'i rgyud chen po las/ ja la ma bsog pa'i le'u sum cu pa'o//// hUM stong gi sde dpon bka' 'og na// dregs pa'i 'khor tshogs bsam yas kyang// stong gsum kun tu rgyug 'gro byed pa bdag cag ja la ma// 'jig rtain 'di yi bang chen rnams ni bdag cag ste// gtso mo e ka ma ni srid pa kun gyi bdag/ ma tshogs kun gyi bdag mo e ka ma// skye med chos kyi dbyings kyi ngang las sku bzhengs srid pa kun gyi bdag/byang chub sems la skyon gyis ma gos kyang// de yi 'khor na bdud mo stong tshogs gnas// de ring srid pa'i mdos bzhes shig/ skye 'gro ral gcig ma ni sems can kun gyi tshe srog bdag/nag mo bong bu zhon nas nad khrag mang po gtong// ma yams 'dun mar sdud cing srid pa'i bdag mo khyod// mi lpags g.yab dar spyugs pa'i glu len nas// pho bdud las la gtong zhing ma mo bran du 'khol// ral nag mun ltar gtibs shing sdigs pa'i gad mo dgod// de ring srid pa'i mdos bzhes shig/ ja la sum brgya drug cu ni// la la bka' yi bang chen byed// la la ltas ngan sna tshogs 'bebs// la la bdud btsan bang chen byed// la la khams gsum kun gyi phung khrol byed// la la brdab snol gzud rmugs byed// la la dag la phan par byed// la la dag la grogs kyang byed// 'jig rten nor la zad 'phel byed// mi la nad du byed cing phyugs la bshan mar byed// nad sna mang po gtong bar byed// brgya ni bdud dang btsan gyi bu yi rigs yin te// bsad bcad las la dga' zhing dmag dang dpung la dga'/brgya ni sha za mo yi rigs te nad yams mu ge 'khrug pa gtong// brgya ni rgyal po the rang rigs te 'jig rten phung khrol byed cing tshe len byed// rtsa dgu srid pa'i lhag ma sdud byed cing// nyi shu rtsa gcig gnod sbyin rnams ky-i bang chen mdzad de sha dang khrag la dga'// ja la sum brgya drug cu rnams// drug cu srid pa kun la dbang byed ma// lus la lwa ba nag po gyon// mgo la sle nag go lcog gcan// mdzo mo rog mo drug cu zhon nas rgyug/ srid pa'i tshe la rgyug par byed// byis pa kun gyi chung dur 'bebs// la la mdung thogs dmag sna 'dren// la la phyugs kyi rdzi bo byed// la la rnga mo ske ring zhon nas byis pa'i tshe la rgyug/ la la dom bu nag gu zhon nas na chung tshe la rgyug/ la la bud med nag mo la// ral pa'i zar bu g.yas nas g.yon du 'khyil// dred mo lag dkar zhon nas na chung tshe la rgyug/la la bdud shwa nag po zhon nas rgyug/ la la bud med dmar mo la/ bzang btsan spre'u la zhon cing khram gyi shing bu 'bar zhing rgyug/ la la dur bong kha skya zhon nas rgyug/ zangs kyi bud med ral can brgya// zangs kyi ral pa mda' tsam sha ra ra/ lag na zangs kyi sog le re re thogs// zangs kyi 'phar ba dmar po zhon nas rgyug/ la la lcags kyi bud med ral can brgya// lcags kyi ral pa mda' tsam sha ra ra// lag na lcags kyi sog le thogs// lcags spyang brgya la zhon nas rgyug/ la la khrag gi bud med ral pa can// khrag gi phor thogs gnam gyi tha ma bskor// 'byung po dbang du bsdus nas ni// thams cad kun gyi nyul le byed// mdos bdag chen mo mdos bzhes dang// la la ba skya yu mo zhon nas ni// la ba nag po lus la gon// chu dar sngon po g.yab 'debs byed// la la srid pa'i nyul le byed// kha nas khrag skyugs khrag gi gru char 'bebs// la la bdud kyi bang chen te// bong bu nag po zhon te srid pa skor bar byed// la la me yi thul pa gon pa mo// la la bud med nag mo go zu can// wa mo kha nag zhon nas rgyug/la la srid pa'i bang chen te// bdud rta nag po zhon nas bdud kyi zhogs nag mda' ltar 'phen// la la nad kyi rkyal pa khur zhing grong khyer skor bar byed// la la nad khrag 'thor zhing srid pa'i phung khrol byed// la la phag pa rog po zhon nas rgyug/ la la rtol bu kha dkar zhon cing dar gyi g.yab mo 'debs// la la thab g.yag rog po zhon nas su// lus la re nag gon par byed cing khrag gi phor thogs srid par rgyug/la la khrag 'thung dur khrod nyid phugs rgyu// la la srid pa'i lha 'dre g.yab cing ma yams las la gtod// the rang stong sde las la gtong zhing kho rang rgyug 'gro byed// mi phyugs gnyis ka gsod par byed pa ste// srid pa'i ja la ma ni sum brgya drug cu yang// de ring srid pa'i mdos 'di bzhes// mthun pa'i yas ni mang bsog 'di bzhes la// nad ka thams cad slar la sgyur// lha 'dre stong gi dra ba'i rgyud chen po las/bla la ma bcos pa'i le'u so gcig pa'o//// de nas yang bcom ldan 'das kyi spyan sngar/ mtsho sman dkar mo'i tshogs dang klu nad sa bdag 'khor dang bcas pas rang rang gi bcos pa'i las 'di dag smras so// bdag cag rnams ni 'chos pa na// glud bdag ting 'dzin ldan pa des// 'bru sna tshang bar bsags nas ni// dben pa'i sa'am gtsang ma'i gnas ni btsal nas su// ras dkar dag ni gzhi mar bting nas su// rdzas kyi rim pa de ru bsag/ byin gyis brlab pa tshul bzhin bya// dbus su ri rab chen po de// kha dog dag ni rigs dang bstun// rin po che yi ngar gcig bya// smyug ma gtsang ma'i nam mkha'i gur// gtor ma dgu ni bya ba'o// nam mkha' nyi shu rtsa gcig la// gtso mo dkar la gzhan ma'i rigs// ri rab de la gzug par bya// smyug ma gtsang ma dgu la ni// de la gsang ba'i bum bu bya// mtha' ma nam mkha' brgya ni rtsa brgyad bya// ri rab de la gzug par bya// rin po che yi skyogs brgyad du// shar du dkar gtor mar dang bcas pa bzhag/ lho ru 'bru sna tshogs pa'i gtor ma la/nub tu me tog sna tshogs pa'i gtor ma/ byang du sman sna tshogs pa'i gtor ma/ shar lhor 'o ma sna tshogs pa'i gtor ma/ lho nub tu klu sman sna tshogs pa'i gtor ma/ nub byang du tshan spos sna tshogs pa'i gtor ma/byang shar du chu sna tshogs pa'i gtor ma/ nub byang du sha sna khrag sna'i gtor ma bzhag/ dbus su dpal gyi gtor ma gzhung bzhin gyi steng du sha khrag gi gtor ma'o// bya gsob sna tshogs/ lug smug nag bya dkar bsag/thod pa brgya rtsa brgyad/ dar sna rtsa brgyad/ klu yi gzugs dang bya dang ngar bu dang ra khyi'i gzugs brgya rtsa brgyad/ mda' dang me long brgya rtsa brgyad/ ngar mo brgya rtsa brgyad/ dar gyi lding khang gur lnga bya/shar du yang dkar po/ lhor sngon po'i gur bya/ nub tu dmar po'i gur bya// byang du ljang gu'i gur bya/ rdzas de rnams bsag la shin tu gtsang bar byas la bsngo// lha 'dre stong gi dra ba'i rgyud chen po las/mtsho sman gyi gur mdos bsag pa'i le'u so gnyis pa'o//// hUM/ chos rnams stong pa'i ngo bo la// stong pa'i ngang las cho 'phrul byung// byung ba nyid las dngos po med// thams cad sems kyi rang bzhin te// sems nyid yi ge hUM du gsal// yi ge hUM ni sems kyi rang bzhin te// chags pa'i skyon bral pad+ma rA ga'i mdog/ nges pa'i hUM las dbang gi sku ru gsal/ d+hi hUM e yaM baM su raM b+h+rUM/ b+h+rUM las dag pa'i gzhal yas khang// ma ni zla gam gsang ba'i gnas// de las thams cad bskyed pa'o// ru ru rag mo kar te ma ka laM b+h+yo// rak+sha mdung dung/ rag sha ru ma ka la/ dang pa rag mo/ sha ba ma ti kar ma/ de las dkar mo dbu dgu bsam// dbang gi rgyal mo bzhi ni phyogs bzhir re// phye phu de la sa bdag klu tshogs kun// 'dab brgyad zla gam gsang ba'i gzhal yas su// srid pa'i dkar mo sku ru gsal// de nas dbang gi rgyal mo ste// mtsho sman stong sdes bskor ba'o// hUM/ dbang gi rgyal mo'i gzhal yas su// dkar mo dbu dgu tshogs bcas gshegs su gsol// dad pa dang ni dam tshig gis// tshur gshegs dbang gi rgyal mo'i tshogs// hUM/ pad+ma ge sar gdan mchog bshams pa 'dir// dkar mo dbu dgu mtsho sman 'khor bcas bzhugs su gsol// oM badzra yag mo ru ru sa a ti pu ho// de nas dbang gi rgyal po pad+ma shwa ri ma// rnam dag srid pa'i dbang bsgyur dkar mo yum// mtsho sman 'bum sde 'khor bcas la// rnam dag bdud rtsi'i mchod pa 'bul// de nas bstod cing smon lam gdab po// de nas bsngo bar bya'o// hUM/ e ka ma ni srid pa'i bdag mo ste// rgya mtsho'i gting na gnas pa yi// dbang gi rgyal mo gsang ba'i yum// srid pa'i ma mo dag la dbang byed ma// de ring srid pa'i mdos cig bzhes// skye 'gro ral gcig ma ni khams gsum khyab pa'i bdag/srid par nad khrag spyo zhing gsang ba'i las mdzad ma// rims nad 'khrug par gtong zhing spyugs pa'i glu len ma// 'dzam bu gling bzhi bskor zhing sdigs pa'i gad mo dgod// khrag gi phor thogs dpag tshad brgyad khrir rgyug/ dmag dpon byed cing ru mdung 'phyar// srid pa gsum gyi b+h+yo bzlog byed// de ring sha khrag dmar gyi mchod pa bzhes// dal ka chod la nad kha sgyur/ hUM/ srid pa'i dkar mo dbu dgu ma// sku lus dkar sham ldem pa la// dar dkar ral ga sku la gsol// dbu la rin chen thor cog can// gza' chen brgyad ni ske rags byas// rgyu skar sked nas 'chang bar byed// gza' rgod mig dmar char du 'bebs// gnas pa rgya mtsho'i gting na gnas// rgyu ni bar snang khams su rgyu// nyi ma zla ba sked nas 'char// zhabs ni rgya mtsho'i gting na ste// klu chen brgyad yang gzir bar byed// dbang gi rgyal mo bzhi ni phyogs bzhi na// gcig ni nyid kyi thugs ka nas// rgya mtsho chen po'i gting rum gung dkyil na// dar dkar gur gyi nang shed na// nya chen rtsa mo gur du phub// sbal pa nag po za ra tshags// de yi ni nang shed na// pad+ma 'dab brgyad gdan steng na// dkar mo dbu dgu de na bzhugs// mtsho sman 'bum ni 'khor dang bcas// lan 'ga' 'gul nas bskyod pa'i tshe// shwa ba yu mo chibs su chibs// stong khams ma lus khyab par rgyu// srog dbugs kun la mnga' mdzad ma// nad yams kun gyi bdag mo khyed// lha srin kun yang dran du 'khol// dur khrod ma mo kun yang g.yob// sa bdag klu gnyan kun yang pho nyar 'gyed// klu chen kun dang bsdongs nas ni// mdze dang g.yan pa gtong bar byed// sa bdag gnyan dang bsdongs nas ni// skrang 'bur zha grum skem pa gtong// dkar mo ni dbu dgu ma// dbu dgu ye shes dgu yi don rtogs rtags// ye shes spyan gyis srid pa sa ler gzigs// 'bar byed thugs ni chos nyid klong na bzhugs// stong gi lha bran rnams dang rol// rgyal chen bzhi yi gzus sam mdzad// 'dzam gling kun gyi kha lo sgyur// mdzes shing dag pas sku lus dkar la mnyen// zhabs kyis ma bgrod sa la gnas pa'i tshul// rgyal mo'i tshul gyi dbang gi rgyal mos bskor// kun gyi gtso mo mdzad pas mtsho sman 'bum gyis bskor// gur gyi nang na gnas tsam na// lan 'ga' chu srin pir la chibs// gur chen de yi gru bzhi na// chu srin sram gyi rgyal mtshan bzhi// gzhal yas de yi nang shed na// srid pa'i dkar mo chen mo khyod// sbal pa nag po'i thod pa ru// khrag sna stong gi sbyar nas gsol// nag mo stong ni dam la sdud// lan 'ga' rin chen sna lnga'i thod pa ru// 'o ma sna tshogs 'dus pa dang// mar dang me tog sman kyang gsol// sman mo 'bum ni dam la sdud// lan 'ga' b+han+d+har rak+ta mang po gsol// gnod sbyin 'bum ni dam la sdud// rin chen gser gyi phor pa ru// bdud rtsi chu ni bcus gyin gsol// ser mo 'bum ni dam la sdud// dar gur de yi nang shed na// dung dang gser dang byu ru dang// g.yu dang lcags las grub pa yi// rin chen 'bar ba'i gzhal yas khang// der ni srid pa'i bdag mo bzhugs// de ring srid pa'i mdos 'di bzhes// sha sna khrag sna 'o ma dang// me tog chu sna 'bru sna mchod// tshan spos chang dang rtsi sman mang pos mchod// gzugs brnyan mang pos thugs dam bskang// klu yi gdug rtsub zhi bar gyis// sa bdag gdug rtsub zhi bar gyis// ma mo'i nad rnams slar la dul// shar phyogs dar dkar gur gyi nang shed na// nya chen rtse mo gur du phub// pad+ma dkar po gdan du bting// rin chen dung gi gzhal yas khang// srid pa yongs la dbang sgyur ma// dkar mos mche gtsigs srid pa'i bdag/ sman mo 'bum sde gshegs su gsol// de ring srid pa'i mdos bzhes dang// lho phyogs gur sngon nang shed na// chu srin 'bar ba'i za ra tshags// sbal pa ser po gur du phub// rin chen gser gyi gzhal yas khang// de nas dbang gi rgyal mo bzhugs// sman mo stong la dbang sgyur ma// de ring srid pa'i mdos 'di bzhes// gtor ma sna dgu dag gis mchod// gsob bshas mang pos thugs dam bskang// nub phyogs dar dmar gur gyi nang shed na// sbrul dmar mang po gur du phub// nya chen mkhar ba'i rtsar du byas// byu ru dmar po'i gzhal yas su// pad+ma 'bar ba'i gdan steng du// dbang gi rgyal mo chen mo bzhugs// dmar mo byu ru'i ral pa can// sbal pa dmar po'i thod pa ru// khrag sna mang po sbyar zhing gsol// bdud rtsi 'bar ba'i mchod pa dang// gtor ma dgu yi mchod pa bzhes// dmangs rigs sa bdag klu yi gdug pa zhi bar gyis// de ring srid pa'i mdos 'di bzhes// byang phyogs ljang khu dar gyi gur nang du/ g.yu sbal gshog pa'i gur du byas// lcong mo gshibs pa'i rtsar du byas// rin chen g.yu yi gzhal yas su// de na dbang gi rgyal mo bzhugs// lag na g.yu sbal thod pa ru// bdud rtsi khrag sna sbyor zhing gsol// ma mo 'bum ni las la 'gyed// de ring srid pa'i mdos la spyon// rgyal mo chen mo bzhi po yang// me tog sna tshogs dang/ 'bru sna mang po dang/ bdud rtsi chu sna mang po dang/ rtsi sman 'o ma mang po dang/ dkar gtor dmar gtor sha sna tshogs dang bcas// gsang ba'i ma mo mched bzhi yang// nam mkha' yul du 'dul// gsob bshas thugs dam bskang// lug smug thugs dam bskang// bya dkar thugs dam bskang// mdos bdag mdos bzhes shig/ dus bzhi ma mo kha sgyur ma// de ring srid pa'i mdos bzhes dang// dkar mo'i tshogs dang ser mo'i tshogs// dmar mo'i tshogs dang smug mo'i tshogs// sngon mo'i tshogs la sogs pa yi// srid pa'i ma mo 'khor bcas kyang// mdos bdag chen mo mdos bzhes dang// glud bdag chen mo glud bzhes dang// 'jog po mtsho yi bar mtshams na// rgya mtsho de yi nang shed na// dung gi lbu ba gur tsam gcig/ de yi ni nang shed na// sman mo ni 'bum sde gnas// dkar mo'i lus la ldem bag can// dar dkar le'u sku la gsol// phyag na bdud rtsi'i bum pa thogs// mtsho sman rgyal mo chen mo bya// de ring srid pa'i mdos bzhes dang// g.yu yi lbu ba gur can nang shed na// de na mtsho sman 'bum sde gnas// bud med sngon mo g.yu yi lan tshar can// g.yu bran gzhibs pa'i cha ga can/ lag na bdud rtsi bum pa 'dzin// kha nas gdug pa'i nad yams gtor// de ring srid pa'i mdos bzhes dang// zangs kyi lbu ba gur tsam nang shed na// zangs kyi bud med dmar mo la// zangs kyi ral pa mda' tsam gsig/zangs kyi mche ba rgya zor bkug pa 'dra// klu sman 'bum sde las la 'gyed// de ring srid pa'i mdos bzhes dang// gser gyi lbu ba gur tsam nang shed na// gser gyi bud med lan tshar can// lag na gser gyi bum pa 'dzin// sman mo 'bum ni las la gtong// de ring srid pa'i mdos bzhes dang// lcags kyi lbu ba gur tsam nang shed na// lcags kyi bud med la ba can// srin mo sha za 'bum ni las la gtong// de ring srid pa'i mdos bzhes dang// mchong gi lbu ba gur tsam nang shed na// gdug pa'i bu mo mche gtsigs ma// srid pa kun tu khyab par byed// mdos bdag mdos bzhes shig/ gzi yi lbu ba gur tsam nang shed na// srid pa'i mtsho sman chen mo gnas// lus ni khra mo ya mtshan can// phyag na gzi yi bum pa 'dzin// de ring srid pa'i mdos bzhes dang// byi ru'i lbu ba gur tsam nang shed na// byi ru'i bud med dmar mo ral bsig ma// gzer ba nad kyi bdag mo ste// de ring srid pa'i mdos bzhes dang// shel gyi lbu ba gur tsam nang shed na// shel gyi bud med dkar mo gnas// srid pa kun tu khyab byed ma// mdos bdag chen mo mdos bzhes dang// dkar gsum mngar gsum rtsi sman sna tshogs mchod// srid pa yongs kyi bdag mo ste// dkar mo mche gtsigs srid pa'i bdag/ 'khor ni sman phran 'bum gyis bskor// srid pa yongs la dbang byed cing// nad du mdze dang skem pa dang// zha grum mang po gtong ba'i bdag/ dkar mo chen mo de yi 'khor// klu bdud stong yang 'khor na gnas// de ring dkar gsum mngar gsum mchod// mdos bdag chen mo mdos bzhes dang// sman mo dbang gi rgyal mo ste// sman mo chen mo tsa mun+ti// klu mo dkar mo tsa mun+ti// klu gdug stong la dbang byed cing// 'khor ni sman mo 'bum gyis bskor// gnas pa rgya mtsho'i gru la gnas// dmag ni srid pa'i ma mo dang// klu gdug the rang mang po rbad// nad ni stong gi bdag mo ste// rgya mtsho'i gting nas ma mo bskyod pa'i tshe// g.ya' sman spang sman mang po yang// dar dkar g.yab kyis 'debs shing stong gsum khu yis 'debs// klu gdug rnams kyang zhe sdang me ltar 'bar// srid pa'i bu mo kun yang 'dar dang gam dang gum// de ring mthun pa'i yas kyis mchod// sa bdag tsang kun ho pho the se yang// be sna lag chen tshang tsang rnams// shar nas stag ni skya bo mtsho// lho nas rus sbal nag po 'gying// nub nas 'brug sngon 'gyu ba na// byang nas bya dmar 'phur pa'i tshul// srin mo lha mo brtan ma ste// shing lo gos su gon// gdug pa'i nad rnams mang po gtong// 'byung ba lnga la gnas pa ste// sa dang rten ni so sor bzung// gze re che dang gdug pa che// gnyan chen mang po gnas pa'o// de ring ni 'bru dang gnyer// gtor ma dgu dang rtsi sman dang// me tog sha sna mang pos mchod// de ring glud dang mi ru phye// nad dang mi ru phye// gdug pa klu yi bu// dga' bo 'jog po mtha' yas dung skyong dang// pad+ma chu lha kar ko ba ru dang// sbrul mgo bdun dang dgu pa dang// lnga pa dang ni gsum pa dang// gzugs med pa dang pad+ma dang// nam mkha'i 'ja' 'dra sgo nga 'dra ba dang// rta dang rtsangs pa sdig pa dang// nya sbal lcong mo sdom sdig dang// mi sdug gzugs kyi klu rnams dang// rgya mtsho dag la gnas pa dang// ri rab dag la gnas pa dang// 'byung ba dag la gnas pa yi// klu gdug klu bran 'khor dang bcas// de ring srid pa'i mdos bzhes dang// me tog sna dgu mang po dang// tshan spos klu sman sna tshogs dang// gsob sha chu sna mang po dang// 'di rnams 'bul lo mdos bzhes dang// nam mkha' yul du 'bul bas bzhes// 'byung ba'i rten dang 'jig rten nor gyis mchod// srid pa'i ma mo sa bdag klu gdug tshogs// de ring srid pa'i mdos bzhes dang// nad rnams thams cad sos par gyis// zhes bsngo'o// lha 'dre stong gi dra ba'i rgyud chen po las/ mcho sman gyi mdos kyi le'u so gsum pa'o//// de nas yang bcom ldan 'das kyi spyan sngar// bdud nag po bkrag med dang/ phyi btsan kha bzhi dang/ rgyal po spyan gcig dbang phyug chen po dang// klu 'jog po dang/ gza' yi ti pa dang/ the rang rdo rje legs pa dang// bdud mo ral gcig rnams kyis/ ser ba dbab pa'i rang rang gi las 'di smras so// drag las 'bebs pa'i gnas dag btsal nas ni// maN+Dal 'khor lo rtsibs brgyad bri// de yi dbus su rabs chad thod pa gcig/ thod pa de la 'khor lo rtsibs brgyad bri// dbus ni zlum po dkyil gru gsum// dbus su klu bdag dang ni ling+ga gzir// shar gyi 'khor lo dag nas bskor// shar du rgyal po lho ru btsan// nub tu klu la byang du bdud// shar lhor gza' la/ lho nub tu dbang phyug ste/ nub byang du the rang/byang shar du bdud mo'o// sngags kyi rim pa de ltar dgod// dbus su dmigs pa'i ming rus yul dang rdzas bcas/ seng ldeng phur pa gcig ni klu yi bdag nyid du gsal ba de yis bzhag/ de la bsgrub cing tha ma brda yang de yang de yis bya/gang du sbas pa de ni 'joms pa'i gta' ma'o// gang du sbas pa de ru nges par 'babs par 'gyur/ lha 'dre stong gi dra ba'i rgyud chen po las/ ser ba dbab pa'i le'u so bzhi pa'o//// oM bdud ya tri maM maM/ sad du drag tu pu ta phob ya/ oM btsun shu tri tsa tsa dri phob ya/ de nas yang dregs pa rnams kyis mi rnams la ltas ngan btang ba'i las 'di smras so// gtang bar 'dod pas thod pa'i nang// ras sam shog bu dag la ni// 'khor lo rtsibs drug bris nas su// de la lha 'dre'i sngags bris te/ thod pa'i nang du gzhug/ de la lha 'dre'i snying po ltas ngan gtong ba'i sngags 'di bri'o// oM ra sad de hu le phreM// shar kol thabs sad 'u mi si se mang lang ling ler/ khu dz+wa hi ha/ zhes bris nas de la bzlas nas/ gar 'bebs pa'i phyogs su btab na phebs par 'gyur ro// gang ji ltar 'dod pa 'bebs so// lha 'dre stong gi dra ba'i rgyud chen po las/ ltas ngan btang ba'i le'u so lnga pa'o//// de nas dregs pa rnams kyis ltas ngan babs pa de'i rtags dang bzlog thabs smras so// shul la byung na dregs pa'i gnas btab pa'o// than g.yo ba dang bzlog pa dang// rgyas 'debs pa'o// bya mi snyan pa byung na bang chen pa ste/ than bsgyur ba'am zor bzlog bya'o// ri dwags babs na gnam lcam zhes bya ba ste gto bsgyur ro// sems can mtshe ma byung na mi sdug pa ste/ de rang gis bzlog pa bya'o// snying mi dga' ba ni nyams sad pa ste/ tshe chog bya'o/ lha la skyabs su bya'o// rmi ltas log na lha 'dre babs pa ste/srid bsgyur gtong ngo// lug la ro khal dang khyi la rtsed pa byung na/ de rang gis bzlog go/ bya 'bras byung na dmu sngo yin te khram phyi bar bya'o// de rnams kyi ltas ngan rangs pa bzlog na/ khyi nag po'i thod pa'i nang du 'khor lo rtsibs brgyad kyi nang la/de la sngags 'di bris te/ phaT te ra sad khu le phyo ni khu le dri sha dri ni b+h+yo/ zhes pa de bris la/ dbus su gsang bdag sngags bris la/ dar mthing nag gis kha bcad la/sngags de bzlas shing/ thod pa de lung gsum mdo'am/ lam rgya gram mam/ ri gsum rtser bskyal te mnan na ltas ngan gang babs kyag zlog par 'gyur ro// lha 'dre stong gi dra ba'i rgyud chen po las/ltas ngan bzlog pa'i le'u so drug pa'o//// de rnams kyi rang rang gi rgyu lugs dang ki kang rgyu ba bstan cing smras pa ste/ bdag cag rnams ni dregs pa 'khor bcas te/ rgyu ba'i dus ni 'di lta ste/srod la bdud rgyu/ srod chung la btsan rgyu/ gung stod la bdud rgyu/ gung smad la rgyal po rgyu// tho rangs the rang rgyu/ skya rengs la the rang rgyu/ nam langs la sman rgyu/ nyi rtse la klu rgyu/ dros la sa bdag rgyu/ de ltar rgyu ba lags te/gang dang 'phrad pa de ni phung bar 'gyur ro// lha 'dre stong gi dra ba'i rgyud chen po las/ dregs pa rgyu ba'i dus bstan pa'i le'u so bdun pa'o//// de nas bcom ldan 'das kyi spyan sngar/ dkor gyi bdag po be dkar gyis rang rang gi bcos pa'i las 'di dag smras so// bdag cag rnams ni srid pa'i dkor gyi bdag po yin/ bdag ni srid pa las byung ba lags te/ lha bshos ldem pa dang ting lor bcas// me mar kha lnga spyan gzigs bcas// nam mkha' dkar po dag dang ni// bshos bu rgyas pa de la gzug/ smyug ma gtsang ma tshigs mang dang// rin chen mkhar ni sum sgrog bri// lha bshos de la gzug par bya// 'dab chags bya dang gcan gzan dang// ma he rta dang glang dkar dang// 'br-i dkar gsob dang las dag bya// khyung gi sgo nga zangs kyi khyi// sbrul gyi bla med lcags kyi khyi// dkor nor dang ni spyan gzigs dang// dkor bdag de ni mchod par bya// lha 'dre stong gi dra ba'i rgyud chen po las/ be kar bsag pa'i le'u so brgyad pa'o//// hUM/ srid pa dang po las byung ste// dang po byang chub sems dpa' ste// sa pa la ni gnas pa'i tshul// de las tshul dang sdom pa nyams// sa la babs nas nam mkha' gnas// de nas lha yi yul du babs// mi dkar ldem pa la// 'od dkar lam se se lam// dbu la 'dzam bu gling bzhi'i dpe// zla gam dang ni sog kha dang// zlum po gru bzhi dbu la tshang bar 'dug/ lha rnams kyi lha bshos dang/ me tog sna dgu dang/ rin chen sna lnga dang// mthun pa'i las 'di 'bul// lha yi rgyal po'i zhal na re// 'u cag lha yi bu mo khab tu 'dod pa/ 'di ni srid pa'i bu gcig yin par nges/ dbu la 'dzam bu gling bzhi tshang bar 'dug pas/ be kar rgyal po bya ba yin gsungs nas/ be kar rgyal por btags/'di ni dbu la ze 'bru yang 'dug pas/ byang chub sa las chad pa yin/ gnam las byung bas 'di ni gnam lha byang chub bya bar yang btags so// de nas srid pa yongs la gnod do// 'dzam bu gling bzhir babs/ b+ha ta hor gyi yul du babs// de na dkor gyi longs spyod bsam mi khyab// da lta bod yul yongs la gnod pa byed// srid pa'i rgyal po mdos bzhes shig/ me tog sna dgus mchod// lha bshos ri rab kyis mchod// snang gsal 'od kyis mchod// nam mkha' yul du 'bul// mda' ni mkhar du 'bul// rin chen sna lnga gter du 'bul// spyan gzigs dkor cha mang po 'bul// zhes bsngo'o// lha 'dre stong gi dra ba'i rgyud chen po las/ dkor gyi bdag po be kar bcos pa'i le'u so dgu pa'o//// de nas yang bcom ldan 'das gyi spyan sngar/ rgyal po srog bdag spyan gcig dang// sad bzhis rang rang gi bcos pa'i thabs dang las 'di dag smras so// sa gzhi de ni brtag pa dang// gsang bdag ting 'dzin ldan pa des// 'bru sna tshang ba'i ngar phye la// byin gyis brlab pa tshul bzhin bya// ri rab de ni chen po la// rtse la me mar kha bzhi btang// gla ba spos dang rkang dang tshil// mar dang mkhris dang gla bas brgyan// za 'og gur dang nam mkha' bzhi// seng ge g.yu ral can dang nyi ma zer mdangs rgyas pa dang// g.yu sbrul sngon mo dang ni khyung chen rgyas pa dang// gzhan yang mkhar dang pho brang dang// g.yag dang lug dang ba glang dang// rta dang bya dang mthun pa'i yas stags bsag/ de yis mchod cing las 'di bya// lha 'dre stong gi dra ba'i rgyud chen po las/ rgyal po gsog pa'i le'u bzhi bcu pa'o//// hUM/ rgyal po byang chub sems dpa' lags par cha ma mchis// rgyal po byang chub sems dpa' lags par cha mchis na// g.ya' ba la ni pha yi rgyu// dma' ba la ni ma yi rkyen// nya lcibs mtsho yi gos// mi mtshams brda ru mtshams// mtshams rje yag pa gcig/ mi yi mi sngon lags// lag pa brgyad du 'dug/lag pa brgyad po yang/ g.yu dang mu man lags// glo dang snying ga 'debs// sku la rma bya'i mdongs kyi thul pa gsol/ dbu la 'ja' yi thod/ 'ja' thod ma lags te/ nad kyi dbu rgyan bya/ rma bya'i thul pa ma lags te// dug gi ri mo can// g.yu rta bya gdong chibs su chibs// zhol zhol sgra yi gzugs// khol brgyad rje dang dgu// sngar yang ma mchod de// da yang mchod mi 'tshal// mi 'tshal ba yi dbang ma mchis/g.yas na stag smad 'phyang// g.yon na srung smad 'khyug/ thugs ka'i thal gyis bu chung sku gzugs 'bar// rgyal po cir brdzun// shel gyi nyi ma dang// g.yu yi nyi ma dgu ru brdzus/ rgyal po nyi pad sad// shel gyi zla ba dgu ru brdzus// zla ba phyag 'tshal na// bdud du ma bab cig/ gshed du ma bab cig/ rgyal po gza' ru brdzus// lha dkar po bsangs// rgyal po seng ger brdzus// gcan gzan stong tshogs kyang// seng las gnyan ma mchis gangs ri seng bang sad// rgyal po khyud pad sad// rgyal po nyi pad sad// khong mtsho dgu sde sad// g.yu sbrul sngon por brdzus// klu bran stong gis bskor// klu rje sprul pad sad// rgyal po ni chen po ste// 'bog pa'i nad du mdzad// smyo ba'i nad du mdzad// brlam pa'i nad du ma mdzad dang// rgyal po chen po khyod// mgo 'khor bar ma mdzad// mi bas glud re che// ri rab chen po dang// gsal ba'i mar me dang// spyan gzigs dkor chas mchod// mthun pa'i yas ni 'bul// gla ba spos kyis mchod// mkhris dang mar gyis mchod// mthun pa'i yas kyis mchod// lha 'dre stong gi dra ba'i rgyud chen po las// rgyal po bcos pa'i le'u bzhi bcu gcig pa'o//// de nas bcom ldan 'das kyi spyan sngar/ btsan sil ma stong gis rang rang gi bcos pa'i las 'di dag smras so// 'bru sna tshang ba'i gsang phye la// ri rab dang ni dpag bsam shing// nam mkha'i gur dang sil ma'i rkyen// sa la 'dzul dang gnam la 'phur// gzugs ni mang pos bskor bar bya// nam mkha'i rigs tshogs nyi shu gcig/mda' dmar grangs kyang de bzhin bya// btsan bshos zur gsum nyi shu gcig/ bya dang ngar bu grangs kyang de bzhin bya// rta pa phub can grangs kyang de bzhin bya// spyan gzigs dkor cha phud kyis mchod// lha 'dre stong gi dra ba'i rgyud chen po las/ btsan sil ma bsag pa'i le'u bzhi bcu gnyis pa'o//// hUM/ phyi btsan chen po ste// kha bzhi mig brgyad po// nga rgyal chen po'i gtso// btsan phran ni kha lo bsgyur// srid pa gsum gyi srog dbugs bdag/ skye 'gro ma lus bdag/ mi yi bdud dang phyugs kyi nad// mdos mdag mdos bzhes dang// 'byung ba lnga yi btsan// mi dkar rta dkar dri za'i 'khor// lho btsan mi sngo rta sngo de// gshin rje'i gdon tshogs 'khor// nub btsan mi dmar rta dmar te// klu btsan 'khor dang bcas// mdos bdag mdos bzhes dang// byang phyogs gnod sbyin btsan// mi ljang rta ljang ste// gnod sbyin gdon tshogs 'khor dang bcas// mdos bdag mdos bzhes dang// btsan ni stong sdai yang// sde ni dmangs rigs sde ru gtogs// 'byung ba lnga la gnas bcas nas// nga rgyal khengs pas srid pa'i mi la gnod// btsan gyi stong sde las// khyed srid pa ni khyab par gnas// 'phan po btsan gyi bu// gzer dang khrag skyug nad du mdzad// la la 'byung ba nam mkha' dag la gnas// skar chen gzhan dang dgu tshigs gnas// nyi zer zla zer dag la gnas// mi bu gsod par mdzad// dud 'gro shan dmar byed// gnam lcags mda' ltar 'phen// mdos bdag mdos bzhes dang// la la 'byung ba sa la gnas// sa dang rlan gyi bu// mi bkra rta bkra 'byung// zhags pa mda' ltar 'phen// btsan dmag g.yob cing rgyug/ mdos bdag mdos bzhes dang// la la shing dang sa la gnas// mi dkar rta dkar dang// shing lo gos su bsog/ thang chu skom du 'thung// shing 'bras zas su za// srid pa kun tu rgyug/ gnas pa shing la gnas// gnod pa mi la gnod// rgyab tu klu chen g.yob// mdos bdag mdos bzhes dang// la la 'byung ba brag la gnas// la la brag dmar rtse la gnas// la la brag nag ngos la gnas// la la brag ser ngos la gnas// la la brag dkar zur la gnas// 'byung ba'i mi de rta la zhon// la la mi dkar rta dkar rgyug/ la la mi dmar rta dmar te// la la mi ser rta ser 'byung// la la mi nag rta nag can// la la shing gi ri mo can// la la rin chen sna lngas brgyan// la la dar dang nam mkha' gsol// gnas pa brag la gnas shing rgyu ba'i rtse lung gsum rgyu// gnod pa 'dzam bu gling gi mi la mdzad// mdos bdag mdos bzhes dang// glud bdag glud bzhes dang// brag bu skya re la// btsan bu skya re gnas/ lung pa sul re la// btsan pho skya re gnas// mkhar dang rdzong re la// btsan po skya re gnas// mdos dang yas bzhes dang// sma btsan sngon dang rje// se btsan spun dgu dang// dur btsan dgu po kha// brag btsan shor ba rje// gnam btsan 'phrul bu rje// sa btsan ldon de na// chu btsan sngon dang rje// gangs btsan rom bu rje// g.ya' btsan dar btsan rje// spang btsan gang bu rje// nags btsan mun dang rje// g.ye btsan khrin du rje// mdos bdag mdos bzhes dang// glud bdag glud bzhes dang// btsan bran stong sde dang// 'byung ba khyab par gnas// skye 'gro kun la gnod// mdos bdag mdos bzhes dang// zhes bsngos la gtang ngo// lha 'dre stong gi dra ba'i rgyud chen po las/ btsan bcos pa'i le'u bzhi bcu gsum pa'o//// de nas yang ston pa'i spyan sngar/klu btsan mched gsum gyis rang rang gi las 'di dag smras so// glud bdag ting 'dzin ldan pa des// dar dkar ras dkar gdan steng du// 'bru sna gsum mam tshang ba la// btsan bshos zur gsum byas nas ni// dmar dang ser dang nag por bya// mda' ni ltong dmar ltong ser dang// ltong nag gsum ni gzug par bya// glang dmar dang ni lug dang ra dang gsum// bya dang bcas pa bsag pa'o// sbal lcong nya dang ni// sbrul dang rtsangs pa rta dang phug ron dang// sdig pa ba glang bcas pa bsag/ ngar bu bya dang gzugs kyang bsag/ 'o ma sna tshogs rtsi sman bcas// me tog 'bru sna mang po dang// nam mkha' gsum ni rigs dang bstun// 'brang rgyas gsum la gzug par bya// dkyil du spyi yi bshos bu khru gang bzhag/ phud dang 'byor pa tshang bar bsag/ lha 'dre stong gi dra ba'i rgyud chen po las/ klu btsan bsag pa'i le'u bzhi bcu bzhi pa'o//// de nas yang bsngo ba ni/ hUM/ srid pa kun gyi bdag/ klu btsan ni mched de gsum// nad dang sna tshogs gtong// gdug pa che zhing lha 'dre kun gyi rgyab mdzad pa// pha ni btsan la ma ni klu yi lcam mo de// klu btsan tshogs pa'i drag shul can// pha ni 'gro steng rgyal ba yin// ma ni btsun bza' lcam gcig ma// bu ni spun gsum byung ba la// phu bo klu btsan nag po gcig/ mi nag mdung tsam gcig/dar nag ral ka gsol// sbrul nag za ra tshags// sbal nag cha ga can// rta nag chen po chibs// g.yas na se btsan stong gi dmag sna 'dren// g.yon na brag btsan stong gi sna yang 'dren// rgyab na gdug pa klu yi bu// sna ni the rang chen pos 'dren// mdos bdag mdos bzhes dang// klu btsan dmar po de// mi dmar mdung tsam gcig/ glang dmar ru dmag chibs// dar dmar ral ga la// sbrul dmar gdengs ral can// sbal pa dmar po'i cha ga can// sdom sdig sna nas 'thor// 'brum bu nag dang nad khrag mang po 'thor// btsan phran 'bum ni sna yang 'dren// gdug pa klu yi rgyab mdzad pa// mdos bdag mdos bzhes dang// klu btsan mched gsum khyod// ston pa stong gi sde dpon lung la nyon// dregs pa kun gyi rgyab mdzad pa// yi dwags 'dre bkran ma 'dren sna ma mdzad// ces bsngo'o// lha 'dre stong gi dra ba'i rgyud chen po las// klu btsan bsngo ba'i le'u bzhi bcu lnga pa'o//// de nas yang bcom ldan 'das kyi spyan sngar/ brtan ma bcu gnyis kyis rang rang gi bcos pa'i thabs tshigs su bcad pa 'di dag smras so// gsang bdag ting 'dzin ldan pa des// 'bru sna tshang ba'i phye ma la// byin gyis brlab cing sbrus nas su// ri rab kha dog rigs dang bstun// dpag bsam shing dang nam mkha' tshon sna lnga'i gur// dar dang rgya long brgyan par bya// ra dang lug dang bya dkar mo dang/ smug mo dang dmar mo dang sngon mo dang bcas pa mang du bsag go/ shwa ba dang rta dang glang dang mdzo rtol dang/ so bya dang 'bri dang bcas pas ri rab bskor/'brang rgyas bcu gnyis ri rab dkyil du che ba gcig bya/ de la nam mkha' dmar po bzhi/ dkar po bzhi/ nag po bzhi byas la 'brang rgyas la gzug/ 'phang gi grangs kyang de bzhin gzug/lha rdzas lho rdzas byang rdzas bsag/ sha khrag gtor ma dkor cha rin chen phud rnams bsag/ lha 'dre stong gi dra ba'i rgyud chen po las/ brtan ma bsag pa'i le'u bzhi bcu drug pa'o//// hUM/ brtan ma ni bcu gnyis te// skyong ma dang ni bcu gsum ni// dbang phyug dang ni dregs pa'i bu// dregs pa chen po'i bu mo ste// la la drag cing mthu rtsal khyad par mi bzad de// ri rab rtse bsnyil rgya mtsho'i gzhung yang skem// gnam gyi mtha' bskor srid pa'i rlung bas mgyogs// khram shing sho rde dkar nag byang dmar dkyus// tshon gyi gru gu nad kyi rkyal pa rdebs// brgyal dang khrag skyug gzer ba'i nad rnams gtong// 'dir spyon srid pa'i mdos la spyan 'dren na// pha ni gnam gyi rdzi rgan de// ma ni nag mo khro gnyer can// bu mo bdud mo chen mo bzhi// bdag nyid rdo rje kun grags ma// bdud rta nag po zhon nas srid pa khyab byed ma// dar nag lus la gon zhing khram nag phyag na bsnams// dpal ldan rdo rje g.ya' ma skyong// gsal le grus mo zhon nas stong khams khyab par nyul// bdud dar nag po gon zhing khram la mda' ltar 'phen// gangs kyi yum chen rdo rje kun tu bzang// rnga mo ske ring zhon nas srid pa kun tu 'gro// mthing nag le'u gon nas rin chen rgyan chas spras shing khrag gi gru char 'debs// 'brog chen 'khor 'dul rdo rje bgegs kyi gtso// dril nag zhon nas dar gyi la'u gyon zhing ru mtshon 'phyar// me mig 'phro zhing srid par rgyug/ bdud mo chen mo bzhi yang mdos bzhes dang// pha ni zangs mgrin chen po ste// ma ni dmar mo mche gtsigs ma// bu ni gnod sbyin chen mo bzhi// gangs kyi yum chen rdo rje g.yu bun ma ni dkar mo mdzes ma la// gser g.yu mdzes pa'i rgyan gyis spras// sman sha yu chung zhon nas rgyug/ gser chen mkha' la lding ba rdo rje klung chen ma// rin chen sna lngas brgyan nas rkyang bu zhon nas rgyug/ rma ri rab 'byams rdo rje grags mo rgyal// rmar snam mdzes pa gsol nas rin chen cha ga can// kha rag khyung btsun srid pa kun gyi yum// dmar mo rin chen rgyan dang dar gyi na bza' gsol// gnod sbyin chen mo bzhi ni mdos bzhes dang// pha ni lha chen po ste// ma ni dkar mo bzhin bzang ma// bu mo sman mo chen mo bzhi// kong btsun de mo rdo rje bod khams skyong// dkar mo'i lus la rin chen go lcog can// chibs su sha ba yu mo zhon nas rgyug cing rmen nad gzer ba gtong// ma btsun ug chos rdo rje g.yar mo bsil// chibs su rnga mo chibs nas mdzes pa'i rin chen gsol// btsan la rol lo rdo rje sman gcig ma// na bza' rin chen sna lngas brgyan// sman mo bzhi yang srid pa'i mdos bzhes dang// ma btsun brtan ma bcu gnyis po// gsang bdag ston pa'i spyan snga ru// bstan pa bsrung bar dam bcas pa// rgyu ni srid pa khyab par rgyu// mthu rtsal chen po'i khyad par ni// bdag cag brtan ma bcu gnyis te// bstan pa gnyan po bsrung ba na// bstan pa gnyan po 'jig pa ni// sngags kyi yang dben 'jig pa na// lcags thog zangs thog rdo thog dbab byas la// de ru bcad cing gsad par bya// zhal gyi ngad bdag las ni// dung ser dkar po der phab la// 'bru sna rtsi thog skem zhing sems can rlag par byed// tshon gyi gru gu der brkyangs la// sna lnga'i nad kyis bcing bar bya// nad kyi rkyal pa der brdabs la// sems can dmyal thag gcad par bya// gzer nad khrag skyug gtang bar bya// byang dmar dkyus la gdab par bya// khram la gdab cing shod la dgram// sangs rgyas bstan pa der srung ngo// dus ngan tha ma lan cig byung ba'i tshe// bdag cag rnams kyi bstan pa 'byung// ltos na yon tan tshe srog bsring// ming po bgegs can rnams dang nad sna mang po bsrung// 'bru rnams 'khrungs shing sku tshe bskyab par bya// bod khams skyong ba'i brtan ma rnams// ri rab nam mkha' skye 'gro'i gzugs// 'bru bcud skyems dang sha sna khrag sna dang// spyan gzigs dkor cha mthun pa'i yas rnams 'bul// de ring srid pa'i mdos bzhes dang// nad kha sgyur la god kha sdoms// zhes bsngo'o// lha 'dre stong gi dra ba'i rgyud chen po las/ brtan ma bcos pa'i le'u bzhi bcu bdun pa'o//// de nas yang bcom ldan 'das kyi spyan sngar/ dregs pa thams cad kyis smras pa/ bdag cag rnams ni tshe dang srog la dbang byed pa ste/ 'dzam bu'i gling gi mi rnams kyi tshe dang srog la dbang byed pa ste/ tshe srog gi bdag po'ang bdag cag lags te/ mi de'i srog dang glud brje bar 'dod na/ lug gam tsa ra gang yang rung// gsang bdag ting 'dzin ldan pa des// dbang bskur bar du byin gyis brlab byas nas// de la mi yi zhwa dang gos dang lham ni bkon// mtshal thig gdab cing gser g.yus brgyan// phud gtsang dang ni chas kyis bsham// de ltar bshams nas sngon bzhin phul na/ de yis mi des glud du brje ste nad rnams sos la 'chi ba bzlog/ ces gsungs so// hUM/ srid pas bskos pa'i phung po bskos pa zhes// srid pa'i bya mkhan nad khrol sha la byon mdzod cig/ ru bdud chen po ru la brten// bdud kyi spyi mes chen po khyod// tsa ra rgyal ba 'di yi bcud bzhes shig/ lhu ni bcu gnyis mgo dang bcu gsum la// ya bdud bcu gsum glud bzhes dang// ya mkhal ya bdud chen po rnams la 'bul// ma mkhal ma bdud chen po dag la 'bul// sha la kham re khrag la thigs re dang// spu la nyag re bdud bran bzhes// nam tshong lha bdud gang du bzhes// gshar kha dur bdud dur btsan bzhes// gnye ma gnyis bdud gnyis ma kham bdud bzhes// gzhung bu spyi btsan chen po ste// phung po lnga ni 'byung ba'i btsan// mchin pa brag btsan rje btsan bzhes// sul mang btsan bran stong sdes bzhes// snying dang srog rtsa srog bdag 'khor dang bcas pas bzhes// glo ba sil ma stong sde bzhes// shan sman smen bu rgyal the'u rang spun dgus bzhes// srog bdag g.yas g.yon nang khrol tshogs dang bcas// bdud mo 'khor dang bcas la 'bul// sha khrag rlon pa the rang stong sde bzhes// pho ba rmang kha ja la ma rnams bzhes// grod pa sa bdag klu gnyan bzhes// sha khrag rus pa'i phung po yi dwags 'dre bkren bzhes// sgo bzhi 'phrang ba bzhes/ mi dang sha ru brjes/ mi dang khrag tu brjes/ mi dang srog tu brjes/ srog pa'i mdos bzhes dang/ zhes bsngo'o// lha 'dre stong gi dra ba'i rgyud chen po las/ mi dang glud brje ba'i le'u bzhi bcu brgyad pa'o//// de nas yang bcom ldan 'das kyi spyan sngar/ lha yi dbang po brgya byin gyis 'di skad ces gsol to// bgegs chen de dag kun rnams ni// mchod na ting 'dzin ji ltar bgyi// bsgrub na dbang du ji ltar bsdu// dus ni gang dang gang la 'jug/ drag po'i las ni gang la bya// mnan dang gtad pa byed na ting 'dzin ji ltar bya// gnyen po stobs kyi lha ni gang// bri ba snag tsha'i rgyu ni gang// dus tshod gnan pa gang la bya// zhes zhus pas/ bcom ldan 'das kyis bka' stsal pa// brgya byin nyon cig/ mchod na rnal 'byor lha yi gdeng du 'jug/mgron thabs spyan drang mchod pa sprul pas bkye la btang// slar log tshe bstim bkra shis gsol// bsgrub na ting 'dzin gsal bas zla stod dag la 'jug pa ste// gza' dang skar ma shis pa dag la 'jug/nya nas mar te drag po'i las rnams brtsam// bdag ni ting 'dzin gsal ba la// bgegs rnams dbang sdud bran gyi tshul du las byed pa'o// sems la khu 'phrig med la blta ba bsar// de yis las rnams 'grub par 'gyur// gtad pa'i las ni 'di dag ste// gsang bdag klu bdag 'jam dpal ting 'dzin ldan pa des// phyi dro'i dus su bri zhing nam gyi gung du srod la mnan// snag tsha snag tsha chen po ste// mi dang khyi dang ra yi khrag gis bri// de yis las rnams 'grub par 'gyur// zhes gsungs so// de nas yang brgya byin gyis bcom ldan 'das kyi spyan sngar 'di skad ces gsol pa dang/ston pas bka' stsal pa/ lta ba zhes bya 'di ltar blta// thams cad byang chub sems chen te// sems las ma gtogs sangs rgyas med// bdag ni skye med byang chub sems su blta// skye ba med pa'i ngang las thams cad byung ba ste// byung ba nyid las dngos po med// nam mkha' stong med dngas pa la// sprin dang khu rlangs ci byung yang// nam mkha'i ngang las byung ba la// zhi yang nam mkha'i ngang du zhi// de bzhin skye med byang chub sems de yis// skye ba'i cho 'phrul ji ltar byung yang sems nyid ngang du zhi// de la skyon gyis gos pa med// de ltar rtogs na de la nyes pa'i skyon mi gos// zhes stsal to// lha 'dre stong gi dra ba'i rgyud chen po las/lha bskyed dang dus dang snag tsha bstan pa dang dbang du bya ba dang/ lta ba bstan pa'i le'u bzhi bcu dgu pa'o//// de nas yang bcom ldan 'das kyi spyan sngar/ brgya byin gyis smras pa/bcom ldan 'das 'jig rten 'di yi dkor dang gtsug lag khang rnams kyi mnga' bdag gang gis bgyi zhes zhus pa dang/ ston pas bka' stsal pa/ 'jig rten 'di na mthu che ba/ lha chen ma hA kA la zhes bya ba yod de/de yi sring mo bdud mo phung byed khram thogs bya ba yod// de gnyis kyis bsrung bar bgyi'o zhes bka' stsal pa dang/ bcom ldan 'das kyis dbang du bsdus te/ ming sring gnyis bcom ldan 'das kyi drung du byung nas/gtsug lag khang ngam dur khrod lha rten du/ bdag cag ming sring gi sku bris nas su/ sngags kyis 'don cing gang ltos pa/ ji ltar 'dod pa'i mthu ni dngos grub 'byung ngo// las rnams thams cad grub par bya'o// dmod pa'i mtshon cha gang la smos pa dmyal thag gcod do// zhes gsungs so// oM ma hA kA la yag shaM pri ma rbad shag ya/ kA la ha la ni 'gyo myags rub thum ya/ oM ru ru rag mo ha la tsa la hur hur/baM shag rbad/ ru lu sa ma ya thibs/ pi shag tsa tsa ra tsa ya b+h+yo thun/ rbad bu rbad bu yag mo ru ru snying rtsa la shad de shad de/ zhes phul ma thag tu byin gyis brlabs kyis/ ma hA kA la zhes bya ba dang/sring mor bcas 'ongs nas/ bdag cag gis bcom ldan 'das kyi bstan pa bsrung bar bgyi/ dkor khang yang bsrung bar bgyi/ dben gnas bsrung bar bgyi'o// zhes gsungs nas/ ming sring gnyis kyis smras pa/ dus ngan tha ma byung ba'i tshe// chos 'khor gnyen po bshig pa na// nga cag bstan pa der 'byung ngo// bdag cag ming sring gnyis bsgrub na// dmod pa 'di yis las rnams 'grub pa ste// gsang ba'i bdag po ting 'dzin ldan pa yis// nyung dkar nyung nag thod par blug nas su// de la khrag sna bstsal la dmod pa de skad gdab// de yis las rnams 'grub par 'gyur// lha 'dre stong gi dra ba'i rgyud chen po las/ma hA kA la ming sring gi le'u lnga bcu pa'o//// de nas yang bcom ldan 'das la brgya byin gyis gsol pa/ dregs pa de dag rnams sgrub pa na// dam tshig ji ltar bsrung bar bgyi/ zhes zhus pa dang// gsang ba'i bdag pos bka' stsal pa// mi rta khyi dang gsum la smad mi bya// srog gcod sdig pa dag la spyad mi bya// bud med dag la bag bsdam sems mi 'chor// 'gro nyal 'dug sdod gang la yang// lta ba dag las yengs mi bya// nyams pa med cing brtul zhugs bskyed// sha khrag dag la spyad par bya// zhes bka' stsal to// lha 'dre stong gi dra ba'i rgyud chen po las/ spyod pa dang dam tshig bsrung ba'i le'u lnga bcu nga gcig pa'o//// de nas yang bcom ldan 'das kyi spyan sngar/ brgya byin gyis 'di skad ces gsol to// kye bcom ldan 'das/ dregs pa chen po 'di rnams ni// bcos na yon tan ji tsam 'byung// ma bcos pa yi skyon ni gang// zhes gsol pas/ gsang ba'i bdag pos bka' stsal pa// dregs pa bcos pa'i yon tan ni// lo legs 'bru 'khrungs mi rnams dar// nad dang mu ge'i bskal pa chad// tshe ring nad med bkra shis pa'o// de ltar gyur na 'jig rten bde// de yis bcos pa rab tu gces// ma bcos pa yi skyon bstan pa// ma bcos 'jig rten lha 'dre 'khrug/ nad dang mu ge'i bskal pa dang// sad dang ser ba mi bde sna tshogs dang// dus kyi 'khrug pa langs shed bsod nams chung// mi rnams tshe thung longs spyod chung bar 'gyur// de ltar gyur na mi rnams phung// de bas bcos par rab tu gsungs// lha 'dre stong gi dra ba'i rgyud chen po las/ dregs pa bcos pa'i yon tan dang/ ma bcos pa'i skyon bstan pa'i le'u lnga bcu nga gnyis pa'o//// de nas brgya byin la sogs pa'i 'khor rnams kyis/bcom ldan 'das la bstod pa/ e ma ho sangs rgyas bcom ldan 'das/ thams cad kun gyi ston pa'o// mi dang lha rnams kun gyi ston pa/ e ma ho// thams cad kun mkhyen 'gro ba'i don mdzad pa// dgos 'dod re ba skong ba'i yid bzhin rin po che// phongs pa rnams kyi bdud rtsi'i char 'bebs pa// 'gro ba'i dpal gyur ston pa dam pa khyod la bstod// ces bstod do// 'khor de dag bcom ldan 'das kyis gsungs pa la rjes su yi rangs nas bstod pa'i le'u'o// lha 'dre stong gi dra ba'i rgyud chen po las/ dregs pa rnams rjes su yi rangs nas bstod pa'i le'u lnga bcu gsum pa'o//// de nas bcom ldan 'das kyis brgya byin la sogs pa'i 'khor rnams la 'di skad ces gsungs so// nga'i rgyud 'di 'khor khyed rnams kyis// mig gi 'bras bu ltar chongs shig/ rin chen srog ltar chongs shig/'di kun tu zung shig/ dar zhing rgyas par gyis shig/ rim gror gyis shig/ stong tshogs pas stong gi dra ba zhes bya bar zung zhig/ thams cad gso bar byed pas gso byed kyi rgyal po'i rgyud ces bya'o// thams cad cham la 'bebs shing gsod par byed pas 'jig rten dregs pa'i phung rgyud ces bya bar zung zhig/ lha 'dre stong gi dra ba'i rgyud chen po las/ yongs su bzung zhing gtad pa'i le'u lnga bcu bzhi pa'o/

CLOSE WINDOW