349b3 rgya gar skad du/ karma ma hA kA la khra dra tan+t+ra/ bod skad du/ nag po chen po las mgon bya rog gdong gi rgyud/ dpal khrag 'thung nag po la phyag 'tshal lo// 'di skad bdag gis thos pa dus gcig na/
349b4 dur khrod chen po bsil ba'i tshal na/ bcom ldan 'das rgyal po chen po bzhi la chos ston pa'i tshe/ rgyal po chen po rnam thos kyi bu nyid ma hA kA la bya rog gdong can du sprul nas/ bcom ldan 'das la 'di skad
349b5 ces gsol to// dus ngan bstan pa 'byung ba'i tshe// sangs rgyas bstan pa 'jig par 'gyur// ma hA kA la nag po che// de yis bstan pa srung bar byed// lha chen dpal 'bar khros pa yi// thugs mgon nag po
349b6 chen po ste// de yi las mgon bya rog gdong// nga yis sangs rgyas bstan pa bsrung// zhes gsol pa dang/ bcom ldan 'das kyis bka' stsal pa/ rnam bzhi'i 'khor rnams bsrung ba dang// dkon mchog dbu
350a1 'phang bstod par gyis// sngags 'chang bstan pa khyod kyis srungs// las kyi mgon po bya rog gdong// dus ngan rtsod pa dar ba'i tshe// sangs rgyas bstan pa rang gis 'jig/ de dus khyod kyi las
350a2 sgrubs shig/ces stsal to// bya rog gdong gis slar zhus pa/ nga yi las mkhan dmar mo rtsa 'jib khrag 'jib ma// 'di yis nga yi las rnams sgrub// 'jigs byed dpa' bo'i bka' las nyan// ces gsol
350a3 to// las kyi mgon po bya rog gdong gis slar bcom ldan 'das la zhus pa/ nga yi las rnams mtshon cha 'dra// zhes gsungs so// las kyi mgon po bya rog gdong gi rgyud las gleng gzhi'i le'u dang
350a4 po'o//// de nas bsgrub bsnyen las kyi rim pa yang/ gsad dang bzlog dang gnan pa dang// bsreg dang gtor ma ting nge 'dzin// gnad la dbab dang gzir ba dang// ltas ngan cho 'phrul tsha ba'i
350a5 rims// yum gyis gsad dang ba liM bzhis gsad dang// phyi nang gsang ba'i rten bca'o// ga'u thod pa'i gzhal yas khang// de ltar rdo rje 'chang la smras so// las kyi mgon po bya rog gdong gi rgyud las le'u
350a6 gnyis pa'o//// de nas bsnyen pa'i rim pa yang// dur khrod sa nag blangs nas ni// rol cha sna tshogs dkrol nas ni// de la maN+Dal bya bar gsungs// gru gsum nag po kha khyer can// khyi mo nag mo'i
350b1 g.yang gzhi dgram par bya// de steng bu mo gtsang ma'i ka pA la// de steng ga'u kha sbyor nang// gri rgod snying la 'ben bya la// de steng gri gug gzhag par bya// steng nas dar nag gur yang phub// phyi nang gsang ba'i
350b2 rten gzug la// sha khrag sna tshogs gtor ma bsham// hUM// las kyi mgon po nag po ni// yan lag thung zhing gel pa yi// khros pa'i mdog can bya rog gdong// g.yas kyis gri gug nag po thogs// g.yon pa
350b3 b+han dmar khrag gis bkang// A+oM ma hA kA la g+hu ni hri da hUM phaT/ bsnyen pa grangs la them par bskyal// bstod pa gtang zhing mchod par bya// las kyi mgon po bya rog gdong gi rgyud las le'u gsum pa'o//// de
350b4 nas gtor ma bya ba ni/sha sna tshogs pa'i gtor ma shar du dgod// khrag sna tshogs pa'i gtor ma lho ru dgod// snying sna tshogs pa'i gtor ma nub tu gzhag/ rus sna tshogs pa'i gtor ma byang du gzhag/ de la
350b5 dmigs pa byin gyis brlab// oM AHhUM/ sbyang dang spel dang bdud rtsir bsgyur// A+oM ma hA kA la badzra/ g+hu na hr-i dang/ gr-ih+Na gr-ih+Na ha na ha na/ da ha da ha/ pa tsa pa tsa/ mA ra ya mA ra ya/ che ge mo'i mAng sa/ rak+ta tsit+ta go
350b6 ro tsa na/ba su ta kha kha khA hi khA hi/ zhes dbul bar bya'o/ las kyi mgon po bya rog gdong gi rgyud las le'u bzhi pa'o//// phyi nang gsang ba'i rten rnams ni// phyi srog lug nag g.yag nag la// snying po
351a1 bris la rten du gzung// nang gi rten ni mda' dang dar nag gsob// snying po sngags dang bcas par bcings// gsang ba'i rten ni gri rgod du// g.yul du shi ba'i snying nang du// srog gi 'khor lo
351a2 bris byas la// dar nag gril la lus la bcings// de yis lus dang grib mar 'gyur/ las kyi mgon po bya rog gdong gi rgyud las le'u lnga pa'o//// de nas gsad par bya ba ni// tsha ba gsum dang nim
351a3 pa khrag/yungs kar yungs nag dug dang khrag/ ske tshe ba yi rdzas dang phu brgod rnams// skyer pa'i shing la me spar nas// las kyi mgon po'i gsad pa bya// ting nge 'dzin dang gtor ma yang// rnal 'byor pa yis
351a4 rab tu 'bad// yugs sa'i khyim nas me blangs la// sngags 'di bzlas pas bsreg par bya// oM ma hA kA la g+hu na hri da hUM phaT/ gr-ih+Na gr-ih+Na/ ha na ha na/ da ha da ha/ pa tsa pa tsa/ mA ra ya mA ra ya/ che ge mo dom dra rmi
351a5 dang ku ru hUM phaT/ces pas bsreg par bya'o// las kyi mgon po bya rog gi rgyud las le'u drug pa'o//// hUM las kyi mgon po bya rog gdong// gri gug thod khrag lag tu thogs// dmigs pa'i nang khrol
351a6 'drad cing za// de yi rgyu ma 'dren par byed// rkang dang rus pa stob cing 'cha'// yum ni gsod byed khrag 'jib ma// phyag bzhis rkang dang snying dang khrag/ ma mo rnams kyis sha la rol// dur khrod che sbyar len 'du
351b1 rnams// dbang po rnams dang nang khrol 'dren// 'byung po rnams kyis sha la spyod// mchod pa bstod pa sngags rnams drang// las kyi mgon po bya rog gdong gi rgyud las le'u bdun pa'o//// de nas ngag ni
351b2 mnan pa ni// sa nag dur khrod sol ba la// dug dang khrag gis byug par bya// mar nag byug la 'bi 'bi bya// skol phor nang du bcug nas ni// ma phyung skyer pa'i phur pas ni// bum pa slebs par phug byas
351b3 na// de khung ling+ga gzhug par bya// oM ma hA kA la dom dra drag sha/ king ka ra/ stam ba laM ku ru laM/ rgyug rgyug/ breng breng/ thum thum/ b+h+yo b+h+yo/ khrag la lcib lcib/ chod chod/ thum thum s+t+wam+b+ha nan/ las kyi mgon po
351b4 bya rog gdong gi rgyud las le'u brgyad pa'o//// oM ma hA kA la gr-ih+Na gr-ih+Na che ge mo'i mAng sa la kha kha khA hi khA hi/ oM ma hA kA la ha na ha na che ge mo'i rak+ta la kha kha khA hi khA hi/ oM ma hA kA la da ha da ha che ge
351b5 mo'i tsit+ta la kha kha khA hi khA hi/oM ma hA kA la pa tsa pa tsa che ge mo'i ko ro tsa na la kha kha khA hi khA hi/ oM ma hA kA la mA ra ya che ge mo'i ba su ta la kha kha khA hi khA hi/ las kyi mgon po bya rog gdong gi rgyud las
351b6 le'u dgu pa'o//// de nas zlog par 'dod gyur na// dug dang khrag dang ske tshe dang/ yungs kar nyung nag bra bo dang// sran ma sha ni gtor chen bya// las mkhan yab yum kha sbyar nas// dam tshig mgon po
352a1 bskyed nas ni// ye shes mgon po bstim par bya// 'jig rten mgon po mchod par bya// las kyi mgon po rbad par bya// ma hA kA la drag sha/ dom tra trag ling/ ma ma ling ling/ lcib lcib/ chod
352a2 chod/thum thum mA ra ya bzlog/ gtsur tor 'og tu sba/ las kyi mgon po bya rog gdong gi rgyud las le'u bcu pa'o//// de nas las byed ma 'dod na// rang nyid dam tshig mgon por bsgom// ye shes
352a3 mgon po spyan drangs la// 'jig rten mgon la ba liM 'bul// las kyi mgon po dkrug par bya// phaT hUM ta hri na g+hu la kA hA ma oM/ drag shad ma ma lcib lcib chod chod thum thum ging ka ra// thun rdzas mgon po'i
352a4 gzugs la brdeg cing ling+ga la brab po// yul la rbad do// des rang dbang med par las byed do// las kyi mgon po bya rog gdong gi rgyud las le'u bcu gcig pa'o//// de nas thun gyi bsgrub pa
352a5 yang// yungs kar nyung nag dudang khrag/ lug nag snying dang g.yag nag snying// pho rog mi pho'i snying dag dang// khrag skam bre gang g.yag rur blug/ yang na su b+hi nang dag tu// rabs chad pho mo'i thod nang
352a6 du// ser ba'i thun rnams sbreng bar bya// yul mi srog dang yul srung mi// thun gyi nang du bcug par bya// rang nyid ye shes mgon por bskyed// 'jig rten mgon po rnams/ lha ma srin sde brgyad ste// gser gyi ri
352b1 bdun nas/gser gyi zor ba thogs// me tog 'joms par byed/ oM ma hA kA la dom tra trag shad/ bdud khrom/ ma hA la ser phrem/ shun ting smin phrom/ shar shar drag tu phog/ nal nal chem chem/ phrom phrom/
352b2 shar shar nag nag bdud phrom g+hu na hrI da trag shad/ ling ling 'ur 'ur/ lhogs lhogs/ 'khug ma lam/ phu phu nA ga bur thums/ chem chem phrom nal phrom nal/ sarba sha trUM a mu ka'i lo tog sna tshogs ma hA kA la
352b3 du pe sha sha shu shu ging ka ra/ma ru tse mar gu lam/ phrom phrom/ na ga shu bo ho lam/ ma ma rag mo dza dza phob/ ces rtags la thug gi bar du bzlas so// gza' bdud rA hu la dang sbyar ro// thun 'od 'byung glog
352b4 gis bar snang khengs/'brug gis sa gzhi g.yos/ thun la ser ba dngos su 'ong/ las kyi mgon po bya rog gdong gi rgyud las le'u bcu gnyis pa'o//// ye shes mgon po ni sa bcu'i byang chub sems
352b5 dpa'o// 'jig rten mgon po ni lha ma srin sde brgyad do// las kyi mgon po ni bya rog gdong can yin// ma mo rtsa srog khrag 'jib mas las byed do// chos 'khor bsrung na kho la gnyer gtad do// nor bsrung na
352b6 rten gsum rtag tu bcad/gang 'dod rbod na gsang rten lus la 'chang/ mi snying bsgul na gtor ma dus gsum gtang/ dngos grub 'dod na mchod pa rtag tu 'bar ro// dang po bsnyen pa'i las ni shin tu
353a1 gces// bya nag mi nag g.yag nag dang// ma mo glu len gar byed dang// rtsam tsam rang yang lnga dang shwa 'ud dang// grangs dang ser ba dngos su 'byung// thog dang 'ur sgra chen po dang// dar
353a2 nag thogs dang dung dkar 'bud// lce la me tog skyes pa dang// rgyal po'i tshul du dbang bskur ba'o// lung bstan 'byung dang skad snyan 'bod// rmi ltas gsal bor ston pa ni// las mgon bya rog gdong gi
353a3 ltas// dngos su byung na ma mo'i rtags// des las gang yang thogs pa med do// las kyi mgon po bya rog gdong gi rgyud las le'u bcu gsum pa'o//// mdze thod skya bo sha med la// las kyi mgon po yab
353a4 yum sbyar// dug dang tsha ba ske tshe dang// nya sbrul sbal pa lcong mo'i sha/ ling+ga gtub nas sbal pa'i gzugs// 'o ma mar dang sbrang rtsis mchod// oM ma hA kA la ya/ nA ga mA ra na trag shad/ thum thum chod chod/ rtsa
353a5 khrol nA ga gung ling ling/'jib 'jib/ trag rag sha mA ra ya nA ga rtsad nas chod/ trag shad che ge mo'i tsit+ta hur thum rbad sod/ ces thun du brab bo// bskyed cing bstim pa dang/ mchod cing bcing pa'o// las
353a6 kyi mgon po bya rog gdong gi rgyud las le'u bcu bzhi pa'o//// 'bras dang zho dang 'o ma dang/ til dang khre dang sran ma'i chan// de la gtor chen rab tu bya// chang gis bkang la mar me bltam// rol cha
353b1 dkrol zhing dung yang 'bud// dge 'dun rnams kyis sna drangs la// dmod dang bcol ba'i las rnams la// bskor ba bya zhing las mgon rbad// yul khams bskor zhing gtsang sar skyol// rims dang 'khrug pa
353b2 zhi bar 'gyur// las kyi mgon po bya rog gdong de/ rgyal po rnam thos kyi thugs kar thim mo// rnam thos sras kyis slar bcom ldan 'das la gsol pa/ lnga brgya dus kyi snyigs ma'i tshe// dge 'dun mi btsun
353b3 chos mi dar// dus ngan sde 'khrugs mtshon gyis gsod// ser chags rnams ni mtshon gyis gsod// skye bo rnams ni dug gis gsod// gsang sngags rgyud sde nub nas ni// mu stegs log chos dar ba'i dus// de
353b4 dus bstan pa 'di yis srung// zhes gsol to// bcom ldan 'das kyis bka' stsal pa/ rnam thos kyi bu gnod sbyin gdug pa can/ nga'i 'khor rnam bzhi khyod kyis skyongs shig/ dge bdun gyi bstan pa khyod
353b5 la gtad do// bya rog gdong can khyod kyis zung// sbas pa yum gyis rgyun du zung// gsang bar sbas so rgyun du zung// bcom ldan 'das kyis de skad ces gsungs pa la rgyal po rnam thos rjes su yi rang
353b6 ngo// las kyi mgon po bya rog gdong gi rgyud las/ yongs su bzung ba'i le'u ste bco lnga pa'o//// las kyi mgon po bya rog gdong gi rgyud rdzogs so// sna nam gyi 'gyur////


CLOSE WINDOW