CLOSE WINDOW

Gpb031.010
བོད་ཡིག

rgya gar skad du/ e ka dza ti ma hA yo gI shwa rI tan+t+ra/ bod skad du/ rnal 'byor dbang phyug chen mo ral gcig ma'i rgyud/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/bcom ldan 'das de bzhin gshegs pa thams cad rang bzhin gyi gnas/ yum gyi b+ha ga rnam par dag pa'i dbyings na bzhugs so// nyid las mi gzhan pa'i de bzhin gshegs pa dang/mdzes pa'i ma mo chen po kau rI dang/ tsau rI dang/ pra mo dang/ be ta lI dang/ puk+ka sI dang/ g+hasma rI dang/ sma shi nI dang/ tsaN+Da lI la sogs pa dang/ gzhan yang seng ge'i mgo can dang/ de bzhin du stag dang/wa dang/ spyang ki dang/ bya rgod dang/ kang ka'i mgo dang/ bya rog gi mgo dang/ 'ug pa'i mgo can la sogs pa'o/ gzhan yang lcags kyu can dang/ zhags pa dang/ lcags sgrog dang/ dril bu can la sogs pa dang ldan par gyur to// gzhan yang byang chub sems dpa' sems dpa' chen po gsang ba'i bdag po lag na rdo rje la sogs pa'i byang chub sems dpa' rnams dang thabs cig tu bzhugs so// de'i tshe de'i dus na 'di nyid ltar rang bzhin gyi dkyil 'khor gyi yab yum gyi b+ha ga rnam par dag pa ma mthong ba rnams ni// gnod sbyin dang/ gnod sbyin mo dang/ srin po dang srin po dang/ ma mo dang/ mkha' 'gro ma la sogs pa ni/ khrag 'thung ba dang rus pa la sogs pa 'cha' zhing/ srog 'phrog par byed pa dang/ rnam par 'tshe ste/ gzhan gyis ni 'dul ba'i dus la bab par ma gyur pa dang// de'i tshe de'i dus na gsang ba'i bdag po lag na rdo rjes/bcom ldan 'das rdo rje he ru ka la 'di skad ces gsol to// bcom ldan 'das bdag la byin gyis brlab tu gsol// sems can gyis don du dbang bskur ba dang/ dkyil 'khor bstan pa dang/ sbyin bsreg dang/ dam tshig 'bog pa dang/ mchod pa bya ba dang/ mngon par byang chub bstan pa dang/ sems dpa' gsum gyi khyad par bstan pa dang/ bsod nams dang ye shes kyi tshogs bstan pa dang/lta ba bstan pa dang/ spyod pa bstan pa dang/ gsang sngags bstan pa dang/ dngos grub thob pa'i tshul bstan pa dang/ las phra mo rnams bsgrub pa thob par mdzad du gsol/ de nas bcom ldan 'das kyis 'di skad ces gsungs so/phyag na rdo rje dus la bab par shes na/ khyod sbyor ba gnyis dang ldan pa ru/ rgyud yongs su gzung ba'i sbyor ba dang/ dkyil 'khor rnam par 'dzin pa'i bdag po byos shig/de nas gsang ba'i bdag pos tshul gnyis la snyoms par zhugs te/ gcig la ni de bzhin gshegs pa'i thad du thal mo sbyar srin mo'i tshul du sbyor dbang nod par gyur to// gnyis pas ni ston pa la rgyud kyi don dag par dri bar gyur to// de nas de bzhin gshegs pas nyi zla'i steng lha mo bcu drug bzhugs nas ha dang her gyur pa rnams yig 'bru rnam bzung ste spyi bor bzhag pa dang/ sku dang dbu dang phyag mtshan rnams rim par rdzogs te/'ug pa'i mgo la thug pa rnams gsang sngags 'dis byin gyis brlabs so// badzra kau rI tsau rI pra mo ha be ta lI puk+ka sI g+ha sma rI sma sha nI tsaN+Da lI/ sid+hi mu khI/ byA g+h+ra mu khI/ sr-i la mu khI/ shwa na mu khI/ gr-i D+ha mu khI/ kang+ka mu khI/ kA ka mu khI/ u lU ka mu khI/ a b+hi Shiny+tsa hUM/ zhes gsungs pa dang// dam tshig gi lha mo dbu cu bdun phyag sum bcu rtsa gnyis dang ldan par gyur to// gsang ba las gyur 'di nyid la// ye shes rnams kyis dbang bskur ba/ rdzogs pa'i tshul gyis phyag rgya che// byin brlab gnyis med thob par shog/ de nas phyag na rdo rjes gsol pa// bcom ldan 'das de'i dkyil 'khor bstan du gsol/bcom ldan 'das kyis gsungs pa/ lte ba mu khyud dang bcas pa// rnam par dag pa dag nyid kyis// dkyil 'khor lha yang byin gyis brlab// ye shes 'bar ba'i 'khor lo bzhi// dkyil 'khor rnam par dag pa'i gnas// gzhal yas khang gi bar khyams ni// gru chad rtsibs mtshams bcas pa la// yul dang shes pa rnam par dag/ dkyil 'khor lha ni sgo bzhi'o/ 'di lta ste/ dkyil 'khor gyi lte ba dang/ 'khor lo dang/ bar khyams dang/ sgo khyud dang/ lcags ri dang/ rdo rje'i phreng ba dang/ me'i phreng ba dang/ dra ba dang/ dra ba phyed pa dang/ mtsho dang/ bya dang/ shing dang/ gcan gzan dang/ dur khrod la sogs pas phyi rol brgyan pa'i nang na/ma mo dang/ mkha' 'gro dang/ srin po dang/ srin mo la sogs pa rnam par dag pa can ma yin pa/ dkyil 'khor gyi lhar mi rtogs pa rnams kyis bskor ba'o// de'i dbus na dpal ral pa gcig ma dbus kyi lhags rlung 'tshub ma'i nang na/dre'u rkang gsum zhon pa/ mche ba rnam par gtsigs par gyur/ kham nag ral pa gcig tu dril ba re lde dang glang gi ko ba'i sham thabs byas pa/ sbrul gyi rna cha dang/ seng ges brgyan pa// lte ba'i steng du nyi ma dang/ spyi bo'i gtsug nas zla ba 'char la/ spyan gsum dang ldan pa/ lag pa g.yas pa rlung nag gi nang nas ral gri 'byin pa/ lag pa g.yon pa rin po che'i ne'u le 'dzin pa/gzhan yang dur khrod gyi tshangs pa/ mi'i rgyu ma lugs kyis bkang ba zhal du gsol ba/ gzhan yang sgeg pa dang/ dpa' ba dang/ smyo ba dang/ rgod pa dang/ khro ba dang/ 'jigs su rung ba dang/rmad du byung ba dang/ snying rje che ba dang/ zhi ba la sogs pa dang ldan par gyur to/ de ni 'di lta ste/ mthing nag zhal gcig phyag gnyis pa// ral gri ne le yang dag 'dzin// mthing nag kau rI dbyug pa khrag/tsau rI 'brel ba mda' gzhu 'gengs// phra mo g.yas na chu srin 'phyar// be ta nag mo rdo rje 'phyar// puk+ka lag na rgyu zhags 'dren// g+hasma khrag chen 'thung zhing dkrug/ sma sha log rtog byi snying za// tsaN+Da 'khor ba'i mgo lus 'bral// seng ge stag gis phyag bsnol te// khwa yi phyag gis dgra snying ldag/ spyang ki'i mgo yis snying la 'brad// bya rgod spu gri b+han+d+ha 'dzin// kang+ka mgo yis zhing phrag gzar// bya rog mgo yis gri thod 'dzin// 'ug pa'i mgo yi lcags kyu khrag/ smos pa'i phyag na phyag mtshan can// gzhan ni btang snyoms mdzad pa dang// gnyis ka gang smos rdzogs pa'i phyag/ sku ni thams cad dbyings su gcig/dkyil 'khor 'di yis las rnams byed// rnal 'byoradabang phyug chen po ral gcig ma'i rgyud las/ dbang bskur ba dang/ dkyil 'khor bstan pa'i le'u ste dang po'o//// de nas gsang ba'i bdag pos gsol pa/bcom ldan 'das sbyin sreg gi las kyi sbyor ba ji lta bu grub pa bstan du gsol/ bcom ldan 'das kyis gsungs pa// gsang ba'i bdag po 'di lta ste// dkyil 'khor chen po'i shar lho'am// yang na byang shar nyid kyang rung// de bzhin lho dang nub tu yang// gzung 'dzin bdag po zhal bri ste// mdog ngan kham nag ral pa can// shel mig khro gnyer kha zur gsum// tsher ma can gyi shing dag la// dug shing brtsegs pas yam shing byas// gnod pa'i ming rus du ma rnams// re re'i sngon du gsang sngags ldan// bdag nyid 'dod lha'i nga rgyal gyis// rang bzhin gnas nas dgug dang gzhug/ gzhan yang byas te rten 'brel ni// glang chen klad pa mi dbang sha/ bya rog 'ug pa sha tshil dang/ sha khrag ro yi dur khrag sogs// sbyar nas btab pa'i sngags 'di yin// oM tsa pa la a shug me// sarba sha truM a mu kaM da ha da ha/pa tsa pa tsa/ b+ha smiM ku ru ku ru hUM phaT/ me ni sngo nag dmar ba yin// ljang nag dud kha gtsug tu 'khyil// kham pa'i tshub ma lu byed 'dra// tshub ma tsha zhing tsha tsha 'phro// bab pa'i me lce lta bu ni// drag po'i sbyin bsreg lta bu yin// drag po phyi yi zhi gnas la// brten na gang gi sbyin bsreg 'grub// rnal 'byor dbang phyug chen mo ral pa gcig ma'i rgyud las/ sbyin bsreg gi le'u ste gnyis pa'o//// phyag na rdo rjes gsol pa/bcom ldan 'das rnal 'byor chen mo ral gcig ma'i dam tshig ji lta bu lags/ bcom ldan 'das kyis gsungs pa/ gsang ba'i bdag po ral pa gcig pa'i dam tshig ni 'di lta ste/ bden pa la the tshom mi za ba dang/chos nyid la the tshom mi za ba dang/ mngon par dga' ba dang/ srid pa la mngon par chags pa dang/ bla na med pa'i dkon mchog gsum la blang dor mi byed pa dang/ gsang sngags kyi sgra mi gcod pa dang/gsang sngags kyi lta spyod dman pa la mi brjod pa dang/ dkon mchog gi skyabs na 'dug pa la byams pa dang/ gsang ba'i dam chos dang ma bral ba dang/ bla ma slob dpon kyi thugs 'dzin pa la gus pa dang/dam tshig gis 'dres pa rnams la gsang ba'i mtshangs mi 'bru ba dang/ thun mong gi dngos grub kyis mi gdung pa dang/ gzhan dad pa'i tshogs mi gcog pa dang/ sdig pa can dang mdza' bar mi byed pa dang/bud med thams cad dang/ sems can la lhag par 'dzin pa dang/ phyag na rdo rje la khyad par can gyi lhar mi byed pa dang/ phyag na rdo rje'i me'i mtshan 'dzin mi byed pa dang/ phyag na rdo rje'i tsaka li khams la 'debs pa dang/sa ma non par lus ngag gi dge ba mi spang ba dang/ dam chos tshogs par mkha' 'gro 'bod pa dang/ lha dang de bzhin gshegs pa la bzang ngan du 'du shes med pa dang/snying rje'i sems yod pa dang/ dam bcas pa'i dge ba yod pa dang/ 'di ltar dam tshig nyi shu rtsa drug ma yin pa dor te/ yang dag par blang ba dag blangs na/ dkon mchog gsum gyi phyag rgya dpal ral pa gcig ma mnyes nas/dngos grub thams cad dus 'dir 'grub par 'gyur ro/ phyag na rdo rjes gsol pa/ bcom ldan 'das dam tshig nyi shu rtsa drug mnyam par byed pa'i gang zag de'i pho nya bdag gis bgyis te/ ji ltar bdag gis ma bgyis na/ bdag kyang mgo ardza ka yi dog pa bzhin du// tshal pa bdun du 'gas pa dang/ mnar med pa'i dmyal ba chen por rtag tu 'gyur te/ sangs rgyas thams cad bdag gis bslus pa lags so/rnal 'byor dbang phyug chen mo ral pa gcig pa'i rgyud las/ dam tshig bstan pa'i le'u ste gsum pa'o//// de nas phyag na rdo rjes gsol pa// bcom ldan 'das rnal 'byor chen mo ral gcig ma la/mchod pa dbul ba'i thabs dag bstan du gsol/ bcom ldan 'das kyis gsungs pa/ gsang ba'i bdag po 'di dag ni phyag na rdo rje nyid kyi khyad par te/ byang shar gyi ri rab kyi steng yongs 'du'i shing la gnas pa/gnod sbyin mo dam can gyi tshul du gnas pa'i byang chub sems dpa' zhes bya ba 'khor mang po mthu che ba/ de rang bzhin gyi gnas nas bkug la bstim pa dang/ gnyis su med par bya ba ste mchod pa ni/spyan drangs te mchod pa dang/ 'dir gshegs mchod pa dam pa bzhes// sku mdog sngo nag ral pa can// ral pa bsigs pas stong khams g.yo// sku yi rgyan te gnas kyi mchog/ thugs drangs khyab 'gro glog gi bang/yud tsam bsam pas gnas su phyin// dbu yi gtsug nas zla gsal rgyas// ma rig mun pa sel ba'i rtags/ lte ba'i dkyil nas nyi shar bas// shes rab nyi mas sdug bsngal rgya mtsho skems// spyan ni skar chen shar ba 'dra// spyan rtsa dmar la sdang mig can/ phyag g.yas tshub ma bsnams pa ni/ rlung dmar nang nas ral gri 'byin// myur mgyogs rdzu 'phrul 'gro ba'i rtags// g.yon pa'i ne'u le bsnams pa ni/ mi mgo bcad nas sbed pa'i snod// yan lag bzhi ni bsgum pa'i tshul// ma gcig thugs dam zhal zas snod// ma la b+han+d+ha bcud yangs pa'i// 'khor yug bcas pa'i 'jig rten ni// gsol lo rol cig dgyes par mdzod// ma gcig thugs dam zhal zas 'di// bsad pa'i sha dang myos pa'i chang// btsos pa'i sha dang khu ba khrag/ bsregs pa'i gsur dang rlon pa'i sha/glo snying nang rol mkhal mar bcas// rgyu ma rkang dang rus pa dang// dmar gyi ar+g+haM rgya mtsho bskyil// gsol lo rol lo dgyes par mdzod/ ru ru ro ru tsa ba la a shug me// sarba sha truM mAM sa tsit+ta go ro tsa na kha ri khA hi/mi dbang 'bras bu smin pa'i sha chen dang/ shi ka'i mtshal tig dmar po dang/ shing lo rlung khyer sa la ma reg dang/ na chung gzhon pa'i byung tshad khrag/ mthun pa'i mchod pa bzhes par mdzod// de nas gtor ma btang bar 'dod na/rtsa ba'i yi ge las skur bskyed nas// sku gsung thugs su byin gyis brlabs nas/ yaM las rlung dang/ raM las me dang/ a las thod pa'i nang du/ dam tshig gi rdzas kyis bkang nas/de nyid kyis sbyangs te/ gnyis su med pa'i mchod pa rol pa chen po'i tshul gyis dbul bar bya'o/ me tog gi rnam pa dang/ shing thog gi rnam pa dang/ khur ba'i rnam pa dang/ la du'i rnam pa dang/ bdug pa'i rnam pa dang/sha yi rnam grangs dang/ chen po'i rnam grangs dang/ khrag chen po'i rnam pa dang/ 'o ma dang zho yi rnam grangs dang/ de la sogs pa dag dus bzhi'i rgyun du brtson par bya'o// gdul bar bya ba gnod sbyin mo dam can mthu mo yang dag par byed cing// de'i 'khor yang shin du 'dul ba'i las byed pa dang/ rnal 'byor ma gcig pur grub pa yang mnyes par 'gyur ro/ de nas bsgrub pa'o// mchod pa dang gtor mas dngos grub ster bar byed do// rnal 'byor ma gcig pu grub pa'i rgyud las/ mchod pa dang gtor ma btang ba'i le'u ste bzhi pa'o//// de nas phyag na rdo rjes gsol pa/ bcom ldan 'das mngon par byang chub pa'i tshul gyis lha'i dkyil 'khor bskyed par bgyi ba ni gang lags/bcom ldan 'das kyis gsungs pa/ thams cad chos nyid gnyis med stong// de bas stong pa'i byang chub ni// kun rdzob rnams kyi sngon du 'gro// gzugs skus 'gro don bya ba'i phyir// sems nyid zla ba ltar bskyed pa// gdan de gzhi las byang chub yin// gang dag gsung gi gdul bya'i phyir// sa bon rgyu ltar brtag pa ni// mngon par byang chub yi ge yin// dbang po rnon po gdug pa yi// thugs kyi yang dag de sbyor bas// so so'i phyag mtshan de las 'byung// lus ngag yid gsum gdul phyir na// sku gsung thugs su rdzogs pa'i phyag rgya ni// zhi gnas sgrub phyirapa bstan pa yin// de nas phyag na rdo rjes gsol pa// bcom ldan 'das sems dpa' gsum gyi tshul du bsgrub pa ni gang lags/ bcom ldan 'das kyis gsungs pa/ mngon par byang chub rnam lnga yis// gang gis sku gcig rdzogs pa ni// dam tshig nyid la sems dpa' yin// de grub gnas nas de 'dra ba// spyan drangs thugs kar zhugs pa ni// ye shes de la sems dpa' yin// de yi thugs kar ting 'dzin ni// sku gsung thugs kyi gdan steng du// sku gsung thugs kyi rgyal ba ni// gsung gi 'khor lo ting 'dzin sems// rnal 'byor dbang phyug chen mo ral gcig ma'i rgyud las/ brtag pa'i bskyed rim bstan pa'i le'u ste lnga pa'o//// de nas phyag na rdo rjes gsol pa/ bcom ldan 'das bsod nams med pas/ de lta bu'i dkyil 'khor mthong bar dka' ba lags na/ de dag gi don du bsod nams kyi tshogs bsag pa bstan du gsol/bcom ldan 'das kyis gsungs pa/ gsang ba'i bdag po 'di lta ste// ting nge 'dzin gyi 'od zer las// 'phros nas dag pa gnyis byas bkug/ bsod nams kun gyi sna la 'gro// ting nge 'dzin la phyag 'tshal ba// 'di ni bsod nams dang po yin// ye shes 'khor lo de nyid la// ting 'dzin mchod pa yan lag gnyis// bdag gzhan sdig der bshags pa ni// bsod nams de ni gsum pa yin// gzhan gyi dge la phrag dog med// rjes su yi rang dge ba'o// dam tshig de rnams yang dag la// dge ba bskul ba bsod nams yin// mya ngan mi 'da' gsol ba ni// bskal pa bzang po'i smon lam yin// de dag dge ba gang byung yang// ma rig pa la bsngos pa ni// yan lag bdun pa rdzogs pa yin// bsod nams tshogs kyi yan lag ni// slob dpon bla ma dag la bslab// de bas theg pa chen por 'gyur// chos rnams thams cad sems pa yin// sems kyi byed pa med phyir thabs kyi rgya// phyag na rdo rjes gsol pa/ bcom ldan 'das/ bsod nams de bsags pas/ ye shes thob pa bstan du gsol/ bcom ldan 'das kyis gsungs pa// gsang ba'i bdag po 'di lta ste/ phyag 'tshal bas ye shes ni// me long lta bu thob par 'gyur// mchod pa'i bsod nams rgyu las na// 'bras bu mnyam nyid ye shes skyed// bshags pas stong nyid stong pa yi// stong nyid ye shes thob par 'gyur// rjes su yi rang bskul dang gsol// bya ba la yang nan tan gyi// ye shes thob par 'gyur ba yin// gsol ba btab pa'i khyad par gyis// chos kyi rgyal por bdag 'gyur nas// 'jig rten 'gro ba 'dul ba'i zhing// rnal 'byor dbang phyug chen po ral pa gcig pa'i rgyud las// bsod nams dang ye shes kyi bsgrub pa/ rgyu dang 'bras bu bstan pa'i le'u ste drug pa'o//// phyag na rdo rjes gsol pa/ bcom ldan 'das rgyud 'di'i theg pa la brten nas/ lta ba ni gang lags/ bcom ldan 'das kyis gsungs pa/ gsang ba'i bdag po 'di lta ste// phyi rol gyi yul ni 'byung ba dang// 'byung las gyur par mi blta ba dang/ dbyings rnam par dag par blta ba dang/ rang bzhin skye ba med pa la brten nas sgyu ma tsam du yang skye ba med par mi blta ba dang/tshig tsam du yod kyang rtag pa ma yin par shes pa dang/ bdag nyid kyi phung po mi gtsang ba dang/ dman par mi blta ba dang/ bud med shes rab kyi rang bzhin du blta ba dang/ sems can rnams sems can du mi blta ba dang/sems can rnams ma 'ongs pa'i sangs rgyas su blta ba dang/ theg pa 'og ma dang/ dman pa rnams la mi gshe ba dang/ theg pa 'og ma dang/ dman pa rnams la snying rje bar blta ba dang/sangs rgyas rnams gzugs can du mi blta ba dang/ sgyu ma tsam du rang gi sems rtags kyi phyag rgyar blta ba dang/ gnyis su brtags pa rnams sems can ma zad kyi bar du/ sgyu ma tsam du yod par blta ba dang/sems can gyi dug rnam par dag tsam nas/ tha snyad kyang mi gnas par blta ba ni/ thun mong gi lta ba'o// gsang ba'i bdag po 'di'i khyad par gyi blta ba ni/ dpal ral pa gcig pa rnams gnod sbyin mor mi blta ba dang/dpal ral gcig ma gsang ba'i bdag po phyag na rdo rjes blta ba dang/ gsang ba'i bdag po las dpal ral pa gcig ma gud na yod par mi blta ba dang/ dpal ral pa gcig ma rang gi sems de ltar byin gyis brlab par blta ba dang/dpal ral pa gcig ma'i gdul bya dpal ldan bong zhon ma gnod sbyin mor mi blta ba dang/ dpal ldan bong zhon ma sa brgyad pa'i byang chub sems dpar blta ba dang/dpal ldan bong zhon ma'i 'khor dregs pa bsod nams can du blta ba dang/ dpal ldan ral pa gcig ma la brten nas de bzhin gshegs pa'i go 'phang thob par mi blta ba min pa dang/ dpal ral gcig ma la brten nas de bzhin gshegs pa'i go 'phang du blta ba dang/dam rdzas med kyang dam tshig ma nyams la/ sngags dang ting 'dzin yod pas bdag gis grub pa thob par 'gyur bar mi blta ba dang/ ting nge 'dzin dang/ sngags dang dam tshig ma nyams kyang dam rdzas med na dpal ral gcig ma'i gdul bya/ byang shar gyi 'phags ma bong zhon gyi 'khor gdug pa can bsod nams las grub pa rnams bdag la mi dga' bas thun mong gi dngos grub myur du mi 'ong bar blta ba dang/chod 'di lta bu snod rigs kyi mchog/ bram ze'i rigs yin par mi blta ba dang/ gsang ba'i bdag po ni sangs rgyas thams cad kyi mthu phun sum tshogs par blta ba dang/mthus ni nyon mongs pa gsod par blta ba dang/ nyon mongs pa chung na ni thun mong gi mthus nam mkha' la 'gro ba dang/ chu la mi bying ba dang/ gzhan gyi sems shes pa dang/rgan po las gzhon pa nus pa dang/ gzhon pa nyid mi 'gyur ba dang/ tshe ring ba dang/ mi la sogs pa'i sems can gsod par 'gyur ba dang/ mi la sogs pa'i sems can sos par 'gyur ba dang/char pa dbab par nus pa dang/ char la sogs pa gcang bar nus pa dang/ gzhan yang skra dkar med pa dang/ gnyer ma yang nub ste snum pa dang/ shes pa rno ba dang/ gzhan gyis dbang byas pa'i rdzas mthong ba dang/sems can mthu bo che rnams dang 'dril yang mnyam pa las lhag pa'i tshul ston par nus pa la sogs pa yang gang zag cig nyon mongs pa chung ba'i mthu'i shugs kyis song bar gyur te/ 'di ltar blta bar bya'o/rnal 'byor chen mo ral pa gcig ma'i rgyud las/ thun mong dang khyad par gyi lta ba bstan pa ste le'u bdun pa'o//// de nas phyag na rdo rjes gsol pa/ bcom ldan 'das theg pa 'di'i rnal 'byor gyi spyod pa ni/ji ltar spyad par bgyi/ bcom ldan 'das kyis gsungs pa/ gsang ba'i bdag po spyod pa ni 'di lta ste/ dam chos lnga la rdzas lnga yin nam thogs pa med par spyod pa dang/ 'jigs pa med pa dang/dga' ba dang/ rgod pa dang/ rgod pa chen po dang/ sha lnga la longs spyod pa dang/ phyag la mkhas pa dang/ 'jigs pa'i stabs kyis stabs la mkhas pa dang/ dkyil 'khor gyi las la mkhas pa dang/thabs dang shes rab kyi spyod pa la mkhas pa dang/ bro gar la mkhas pa dang/ 'du 'phro la mkhas pa dang/ glu la mkhas pa dang/ gar la mkhas pa dang/ mchod pa la goms pa ni thun mong gi spyod lam mo/ khyad par gyi spyod lam ni/ dur khrod na 'dug pa dang/ sha chen za ba dang/ bong bu la phyin phyogs zhon nus pa dang/ re ba gyon pa dang/ gcer bur byung ba dang/ sa ma ya yi sgra la mkhas pa dang/ mi dbang me mar du bltam te 'gro ba dang/'dug pa dang/ bskor ba dang zhing gi pags pa gyon pa dang/ rma bya'i rgyal mtshan dang ldan pa dang/ dung chen 'bud pa dang/ rus pa'i phreng ba 'dren pa dang/ dpal ral pa gcig ma dang/'phags ma bong zhon ma gnyis su med pas mchod pa la brtson pa dang/ khro bo'i ting nge 'dzin la mkhas pa'i 'khor 'dul la mkhas pa dang/ tshil chen gyi me dmar 'bul ba dang/ sha chen gyi lha bshos 'bul ba dang/khrag chen po'i ar+g+ha 'bul ba dang/ bdud rtsi'i dri chab 'bul ba dang/ sha chen po'i bdug pa 'bul ba dang/ dbang po rnams kyi me tog 'bul ba dang/ zhi ba la zhi ba'i spyod lam shes pa dang/rgyas pa la rgyas pa'i spyod lam shes pa dang/ dbang la dbang gi spyod lam shes pa dang/ 'dug pa'i spyod lam shes pa dang/ nyal ba'i spyod lam shes pa dang/ 'gro ba'i spyod lam shes pa dang/ ngal gso ba'i spyod lam shes pa dang/ gshang gci ba'i spyod lam shes pa dang/ btang ba'i spyod lam la sogs pa ni/ khyad par gyi spyod lam de thams cad lha'i rang bzhin du gyur pa dang/ sems dpa' gsum gyi tshul gyis bsgrub par bya'o/rnal 'byor ma dbang phyug chen mo ral gcig pa'i rgyud las/ spyod lam bstan pa'i le'u ste brgyad pa'o//// bcom ldan 'das dngos grub thams cad 'byung ba mang po dang ldan pa'i de bzhin gshegs pas byin gyis brlabs pas/sngags 'chang dang rig 'dzin rnams kyi skyabs dang rten du gyur la/ byang chub sems dpa' 'das pa'i lam du bsgrub/ bdud dang srin po la sogs pa sreg par byed pa/rang gis sems zhi bar nus pa dang ldan par 'gyur la/ mthu thams cad 'byung ba'i gsang sngags kyi tshig rnams bstan du gsol/ bcom ldan 'das kyis gsungs pa/ gsang ba'i bdag po 'di ni zab pa/rgya che ba/ 'jigs pa/ skrag pa/ mi sdug par blta ba'i mig 'brul bar byed pa/ mi gdung bar nyan par byed pa'i rna ba gcod par byed pa/ mi dga' bar byed pa'i sna subs par byed pa/ mi sdug par byed pa'i lus rengs par byed pa/mi 'os pa brjod pa'i lce chad par byed pa// log par sems pa'i snying 'gas par byed pa// bar du gcod pa thams cad thag ring du bskyod pa// bsod nams gso bar byed pa/ smyon pa rnams dran pa rnyed par byed pa'i mthu chen po// nyon cig rab tu nyon cig yang dag par nyon cig/ shin tu yang dag par nyon cig/ oM ru ru ro ru tsa ba la a shug me hUM b+h+yo dza dzaH/ ye shes lnga dang yang dag ldan// kau rI la sogs brgyad dang ldan/ de yi stobs ni// sa brgyad phyag rgya dpal ldan yin// ma bdun a shug med dang ldan// dkyil 'khor sgo la yang dag tshang// dbang phyug nyi shu brgyad dang ldan// dang pos lha rnams spyan drangs te// gnyis pas bsgrub bya dgug pa yin// bco lnga sngags kyi phreng ba yin// ming chen dang po ye shes dang// mgo la yod pas mgo can yin// rnam par snang mdzad hUM dang ldan// ru ru srin mo'i tshul gyis 'joms// ru ru srin mo khyad par ni// tsa pa la zhes bsgrub bya'i ming// a shug me ni ma bdun dang// hUM ni dkyil 'khor bsdu phyir bsgo// b+h+yo zhes dbang mo las la bskul// de nas dza yis yang dag 'gugs// de nas dzaHyis bsgrub bya dgug/ bco lnga sngags kyi phreng ba ni// rgyal ba rnams kyis byin gyis brlabs/ 'dis ni zhi gnas thob par byed// de bzhin lhag mthong skye bar nus// 'dis ni bsod nams 'phel bar byed// de la ye shes rnams kyang tshang// 'di ni de bzhin rgyu zhes bya// gang zhig 'di la 'bras bu 'dod// de phyir de ni 'bras bu'o// me la brten na las kyang 'grub// phyag na rdo rjes gsol pa// bcom ldan 'das gsang sngags 'di bzlas pa'i thabs kyi sems dpa' gang lags/ bcom ldan 'das kyis gsungs pa/ bdag nyid dam tshig rdzogs pa'i sku// thabs dang shes rab ldan byas la// dbu yi grangs ni bcu bdun nas// yang na dbu gsum phyag drug gam// zhal gcig phyag gnyis rab tu shis// rang bzhin gnas nas dgug dang gzhug/ gnyis med 'dra yang spangs nas kyang// zla dkyil steng na kau rI ma// nyi ma'i steng na ral gri 'bar// mtha' ma sngags kyis bskor ba'o// bzhi 'bum bton na las rnams byed// khri phrag las ni dngos grub 'byung// bye ba dag gis tshad dang ldan// man ngag can gyi sa yang ston// mngon kyang sngon du ston dang lus ston 'gyur// gang zhig dung phyur rdzogs pa ni// phrin las rnam bzhi lhun grub ste// zab mo sbyor ba rdzogs nas kyang// rin chen zhing der song ba yin// rnal 'byor dbang phyug chen mo ral gcig ma'i rgyud las// gsang sngags dngos grub kun gyi 'khor lo bstan pa ste le'u dgu pa'o//// bcom ldan 'das ji ltar na sngags kyi tshul gyis dngos grub thob pa dang ni mi thob pa lags// bcom ldan 'das kyi gsungs pa// gsang ba'i bdag po dngos grub thob pa'i tshul ni/ 'di lta ste/ de bzhin gshegs pa'i bka'i khungs byung ba dang/ slob dpon man ngag can gyi gdams ngag nod pa dang/dam tshig bsrung mtshams yal bar mi dor ba dang/ yid ches pa'i dad pa yod pa dang/ brtson 'grus che ba dang/ gtong phod pa dang/ zab mo'i lta ba shes pa dang/ rgya che ba'i spyod pa shes pa dang/mthun pa'i dam rdzas sam chos dang mi 'bral ba dang/ sngon du 'gro ba'i cho ga rdzogs pa dang/ yid dam gyi lha mi spong ba dang/ snying rje'i sems yod pa dang/ spyod lam gyi ting nge 'dzin mi brjed pa dang/dgon pa la brten pa dang/ sems pa dang/ gsang thub pa dang/ cho ga shes pa dang/ sems can gyi srog mi gcod pa dang/ 'dug pa la dga' ba dang/ 'jigs pa med pa dang/ sangs rgyas la che chung mi 'dzin pa la sogs pa dang ldan na/nam yang dngos grub thob zin pa yin no/ de dag dang mi ldan na nam yang dngos grub thams cad mi thob bo// rnal 'byor dbang phyug chen mo ral gcig ma'i rgyud las/dngos grub thob pa'i tshul bstan pa ste le'u bcu pa'o//// de nas phyag na rdo rjes/ dpal ral gcig ma'i phyag rgya nam gru ma la mngon par bstan pa/ nam gru khyod kyi mtshan nyid ni// cho 'brang bdag gis bshad par bya// nor bu'i rang bzhin khyod kyi lus// rgyab ni 'dzam bu'i chu bo'i gser// khyod kyi gdong ni dngul yin te// lto ba'i phyogs ni rdo rjer 'khregs// ming po mdzad dang mdzod gsungs gnyis// khyod kyi pha ni rlung zhes bya// khyod kyi ma ni kun sgrol ma// skal ldan shing rta khyod kyi lus// ba ra hi sti khyod kyi lus// lha yul dag tu grags pa yin// na moH/ badzra ni s+yA+ai/ dzi li dzi li/ bin+d+ha bin+d+ha/ muny+dza muny+dza/ hi b+ha la/ sha na swA hA/ de nas phyag na rdo rjes gsol pa/ gsang ba'i sngags 'di la brten nas las phra mo'i dngos grub thob pa'i thabs ci lags/ bcom ldan 'das kyis gsungs pa/ phyag na rdo rje 'di lta ste/gsang sngags 'dis zhi ba'i las 'grub par 'don na/ maN+Dal dkar la zlum par bya ste/ me tog dkar po la sogs pas mchod cing/ lha yang dkar mo sprul pa'i pho nya/ zhi ba'i rgyan gyis brgyan par bsgom na/las thams cad zhi bar 'gyur zhing/ zhi ba'i las phra mo 'grub par 'gyur ro// rgyas pa'i las 'grub par 'dod na/ maN+Dal ser po gru bzhi bya ba ste/ me tog ser po la sogs pas mchod cing/ lha yang ser mo chen mo mkha' la bzhad pa/rgyas pa'i rgyan gyis brgyan par bsgom na// las thams cad rgyas par 'gyur zhing/ rgyas pa'i phrin las thams cad 'grub par 'gyur ro/ dbang gi las thams cad 'grub par 'dod na/maN+Dal zla gam dmar por bya ste/ me tog dmar po la sogs pas mchod cing/ lha yang dmar po chen mo dbang chen gtum pa mo/ dbang gi rgyan gyis brgyan par bsgom na/ las thams cad dbang du 'gyur zhing/dbang gi las phra mo 'grub par 'gyur ro/ drag po'i las phra mo 'grub par 'dod na/ maN+Dal nag po zur gsum pa'i 'og tu thod pa gsum dang ldan par 'gyur te/ me tog nag po la sogs pas mchod cing/lha yang nag mo chen mo ral gcig ma drag po'i rgyan gyis brgyan par bsgom na/ las thams cad drag por 'gyur zhing/ drag po'i las phra mo 'grub par 'gyur ro/ de dag gi sngags kyi sham bu ni/ shAn+tiM ku ru/ puSh+tiM ku ru/ pa shaM ku ru/ mA ra ya/ zhes brjod pas gzhan gyi thun mong gi las su bya'o/ gzhan yang dgug par 'dod pas/ che ge mo A kar+sha ya hUM/ zhes bar du bcug ste/ dbang du 'gyur ba'i yan lag go/bskrad par 'dod na rlung gi rnga mo dud kha'i steng du bsgrub bya bskyon nas/ che ge mo dza dza zhes brjod par bya'o/ gnan pa bya bar 'dod na/ rdo leb la ri rab kyi gzugs bris te/ 'og tu bsgrub bya'i ming rus gzugs dang ldan pa/gser gyi sa gzhi steng na bzhag nas/ che ge mo yaM nan/ zhes bsgrub par bya'o/ sbyin bsreg bya bar 'dod na/ drag po'i rdzas la sngags dang mi byang re re ldan par bya ste/ mer por ba dang/ che ge mo mA ra ya khA hi/ zhes brjod par bya'o/ dbye bar 'dod na/ 'ug pa dang bya rog gi khrag gis bsgrub bya'i gzugs byas la/ sgro gnyis la sngags bzlas la/ mA ra ya mA ra ya phaT/ ces bya ba'i sngags kyi sham bu dang ldan par byas te/sgro brdab pas nye ba mkhon cing myur du dbye bar 'gyur te/ yul gzhan du yang 'khyam par 'gyur ro/ smyo 'dul bar 'dod na/ gang gdon gyis zin pa'i skel/ sngags kyi mdud pas btags te bzung la sngags par mi gcod par sbyor ba 'di lta bu dang ldan par gtor na chen po yang du brtan par bya'o/ thog gcad par 'dod na/ yul gang tsam bsrung bar 'dod pa'i thad nas/shing dang me tog blangs te/ yang dang yang du sbyin bsreg byas na/ sbyin bsreg gi rdzas gang nas 'dus pa rnams su ji srid du thog 'byung bar mi 'gyur ro// rnal 'byor dbang phyug chen mo ral gcig ma'i rgyud las/las phra mo 'grub par bya ba'i le'u ste bcu gcig pa'o//// de nas phyag na rdo rjes gsol pa/ bcom ldan 'das lus ngag sems bden pa'i thabs dang/ rlung ni gang lags/ gsang ba'i bdag po 'di lta ste/oM zhes bya ba 'jug pa'i rlung/ AHzhes bya ba gnas pa'i rlung/ hUM zhes bya ba 'byung ba'i rlung/ 'jug pa de ni gang du'o/ de nas gnas pa nang du gnas// de nas 'byung ba phyir yang 'byung// nang gi snying ga'i dkyil na yod// gnas pa de nyid nam mkha' rgyang/ yul 'phro ba ni phyi rol yin// oM zhes bya ba ser po ste// AHni dmar por bshad pa yin// hUM ni dkar por gyur pa'o// AHni nyon mongs gyur pa yin// de ni hUM gi mtshan mar gnas// oM ni de la tshang ba yin// ser po rnam par snang mdzad dang// dmar po snang ba mtha' yas ldan// dkar po mi bskyod yang dag yin// dmar po de 'dra shes rab ste// dkar po yang ni thabs kyi rgya// g.yas kyi rtsa ni la la nA// g.yon gyi gnas pa ra sa nA// a wa d+hu ti dbus na yod// snang mdzad bdag gi lus kyi rgya// snang ba mtha' yas ngag gi rgya// mi skyod de ni sems kyi rgya// sku gsung thugs kyi rgya yin pas// sgyu ma tsam du cir yang snang// gdon byas rnam rtog ma yin te// ye nas gnas pa shes bya yi// dbugs dang rtsa yi sbyor ba las// phra la zhi bar rnam sbyangs nas// rdzogs pa 'dod phyir bskyed pa ste// rnal 'byor cho ga gsum pa yin// rnal 'byor dbang phyug chen mo ral gcig ma'i rgyud las/ rdzogs pa'i rim pa bskyed pa'i le'u ste bcu gnyis pa'o//// de nas phyag na rdo rjes gsol pa// bcom ldan 'das dbang po rnon po rnams kyi don du rdzogs pa'i rim pa bstan du gsol// bcom ldan 'das kyi gsungs pa/ gsang ba'i bdag po 'di lta ste// gang zhig chos ni gang nas btsal// de la btsal ba rdul tsam med// ci phyir 'khrul pas gnyis su snang// don dam can la snang ba med// gang du rdzogs pa bskyed pa dang// bskyed pa la sogs bstan pa ni// dbang po rtul ba gdul phyir du// drang ba'i don gyi zhi gnas yin// 'od gsal snying ga'i dkyil 'khor ni// 'gyur ba med cing nyes pa spangs// d+har mo da la zhes grags pa// nam mkha'i de nyid rang la yod// 'di ltar khyab byed aHzhes bya// yi ge kha dog gzugs can min// ye shes yang dag bzhi la phra// zab mo gcig min du ma min// stong nyid mtshan med smon pa min// chos rnams tsam du snang ba yin// 'dir bsam 'di yin 'di la gnas// 'od gsal 'dir de nyid kho na'o// rnal 'byor dbang phyug chen mo ral gcig ma'i rgyud las/ rdzogs pa'i rim pa'i rnal 'byor dbang phyug chen mo'i rjes su rnal 'byor gyi spyod yul du ma gyur pa/rdzogs pa chen po'i rnal 'byor gyi tshad bstan pa ste le'u bcu gsum pa'o//// e ka tsa ti ral gcig ma'i rgyud las rtsa ba'i rgyud chen mo rdzogs so// de nas phyag na rdo rjes gsol pa// bcom ldan 'das 'od gsal nyid ji ltar lags// snying rje zhes bya ba ji ltar lags// de yi dkyil 'khor ji ltar lags// mi 'gyur ba nyid ji ltar lags// nyes pa med pa ci yi phyir// d+har mo da ma ji ltar lags// nam mkha' zhes bgyi ji ltar lags// khyab med a yang ji ltar lags// yi ge med pa ci yi don// ye shes bgyi ba ci yi don lags// yang dag nyid kyang ji ltar lags// zhi bar ma gyur ji ltar lags// phra mo yang ni ji ltar lags// ji ltar zab mor gsungs pa lags// gcig dang du ma ji ltar lags// stong pa nyid ni ji ltar lags// mtshan ma med pa ji ltar lags// smon pa med pa ji ltar lags// chos rtag bgyi ba ji ltar lags// 'dir bsam 'di nyid gang gi lags// 'di yin gsung pa ji ltar lags// 'di na gnas pa gang dang gang// 'od gsal ba ni ji ltar lags// de nyid gsungs pa ji ltar lags// de kho na yang ji ltar lags// de nas bcom ldan 'das dpal rdo rje he ru kas gsang ba'i bdag po la 'di skad ces gsungs so// rtsol ba med pa'i yi ge ni// rang la snang bas 'od gsal yin// chos rnams brten pa'i dran pa ni// snying rje zhes bya yin par bshad// de yi dbus na rang bzhin stong pa ni// 'gro ba rnams kyis mi shes pa// ci yang med pa'i dkyil 'khor yin// de ni thog ma tha ma'i bar// mi 'gyur gnas pas 'gyur ba med// de la chos can rnam rtog gis// bslad ni nyes pa med pa ni// de nyid nyes pa med pa yin// chos can 'byung ba'i gnas yin pas// d+ha rmo da ya dbyings kyi don// de nyid ngo bo nam mkha' yin// brjod pa rnams la gnas pa yin// brjod med khyab byed a ni gzugs dang mdog/ yi ge rnams dang bral ba ni// don ni skye med stong pa yin// de ni ye nas gnas pa yi// don de shes pas ye shes yin// de phyir de shes shes pa la// yang dag pa zhes btags pa yin// yang dag de yi ngo bo ni// kun tu zhi bar gyur pa yin// don de brtag par dka' phyir dang// phra mo gyur pas phra ba yin// de phyir de la zab ces bya// sems kyi spyod yul yin phyir ro// sems la gcig dang du ma med// de yi phyir na grangs las 'das// gcig dang du ma spangs pa yis// gcig dang du ma rnams spangs pa// stong pa nyid ces de la bya// de la dngos po'i chos med pa// de phyir mtshan ma med pa yin// mtshan ma med pa de nyid la// smon pa mi dgos rang la yod// de phyir smon pa med pa yin// de ni gru gsum rang bzhin te// rnam par thar pa gsum pa yin// chos de mtshon pa'i rtags la ni// de phyir chos rtags phyag rgya yin// dus gsum d+harma de dbus la// 'dir bsam pas na bsam pa che// bsam pa med pa'i phyag rgya yin// de ltar bsam pa de nyid ni// spros dang bral bas de nyid yin// spros dang bral ba de la ni// gnas pa nam mkha'i mtshan nyid de// de bas 'od gsal zhes brjod de// 'gro ba kun gyi rang bzhin gnas// phyin ci log tu rnam brtag kyang// 'gro ba'i rang bzhin de las yin// de yi phyir na rgyal ba dang// 'khrul pa mnyam par de nyid gcig/ de la gang zhig mkhas ldan pa'i// so so rang rig ting 'dzin gyis// nam mkha'i dkyil ltar chos mthong ste// gnyis su med pa de kho na// rdzogs pa'i rdzogs pa mkhas pa'i rgya// rdzogs pa chen po dpal dang ldan// snying gi nam mkha' rang la yod// de nas phyag na rdo rjes gsol pa// bcom ldan 'das chos zab mo yang dag pa'i don// thun mong ma yin pa bdag la bstan pa ngo mtshar to// bdag gis kyang ma 'ongs pa na// thun mongs ma yin pa rnams la bstan par bgyi'o// bcom ldan 'das kyis gsungs pa// gsang ba'i bdag po/ chos chen po 'di 'dzam bu gling du skyes pa// mkha' 'gro ma'i phyag rgya yod pa// tshe la dbang ba'i rig 'dzin thob ste// bram ze mchog sred ces bya ma/lhun gyis grub pa'i sa la 'gro ba/ de'i lag tu 'byung bar 'gyur te/ khyod kyis zung la chongs shig/ snod ma dag pa rnams kyi rgyud byang bar gyis shig/ rnal 'byor dbang phyug chen mo ral gcig ma'i rgyud las/rdzogs pa'i rim pa phyi ma ste le'u bcu bzhi pa'o//// rdzogs so// rgya gar skad du/ lo ka du ta tan+t+ra pra ba sad nA ma/ bod skad du/ srid pa'i bem zhes bya ba/ rgya nag skad du/ bde rod dar mud kha phyed/ bod skad du/ srid pa'i skos chen po zhes bya/ zhang zhung skad du/ mu yi sangs 'du be ta ha 'phyo ya sangs/bod skad du/ srid pa'i has zhes bya/ bcom ldan 'das he ru ka la phyag 'tshal lo/ sngon 'di skad thos pa'i dus gcig na/ rang snang gi dngos po ni rigs lnga/ 'byung ba lnga ni yum lnga ru snang ba las/srid pa'i cham la dbab pa'i skos bdag/ srid pa'i rgyal mo 'khor lo rten cing 'brel bar 'byung ba thams cad sdud pa las/ de'i thugs ka nas skos bdag chen po brgyad sprul nas 'jig rten cham la phab ste gnas pa ni// nag po 'dzum med dang/ thom po yor po gnyis srid pa byang du bskos// skos rje drang dkar dang/ thod pa'i phreng ba gnyis shar gyi skos bdag tu bskos/ yag+sha de wa dang/ yag+sha kro ta gnyis nub kyi skos bdag tu bskos/ 'khor lo bcu gnyis pa dang/ yab rje nag po gnyis byang gi skos bdag tu bskos/ de thams cad kyang badzra he ru ka'i sku la 'khril ba'o// bdud de rnams kyis bskos btab pas/nam mkha' dang gling bzhi ri rab tu bcas pas kun tu gang bas khyab pa ni/ ri rab khri 'phang bzhi pa/ bang rim dang bcas pa ni/ dpag bsam gyi shing la brten pas yar dpag tshad bzhi khri mar dpag tshad bzhi khri ste/brgyad khri ni thams cad 'gro ba rigs drug gi brten pa ste/ 'og gi bzhi khri ni ngan song gi gnas gsum mo/ steng gi bzhi khri ni mtho ris kyi gnas so// gser gyi ri bdun ni rol pa'i mtsho dang 'brel bas nam mkha' la yang mun sel gyi glog 'gyu ba'o/de la 'dzam bu gling bzhi mi bzhi brten te/ gling bzhi'i bya bas mi mthun pa dang/ spyod pa dang bskyed pa dang/ kha dog kyang mi mthun pa yin no/der ni ri rab ni srin pa'i rgyal mo'i lto ba ste/ de la ni rten 'brel bcu gnyis dang/ dus gsum dang/ lha ma yin gyi g.yul ngo 'gyed pa dang/ 'gro ba rigs drug gi mi dang byol song yi dwags dmyal ba'i gnas ni sku la 'char ro/phyag gnyis ni ri rab kyi phrag pa g.yas g.yon gnyis nas 'jus/ zhabs gnyis ni rgya mtsho'i gting du brkyangs nas gnas pa la/ ri rab kyang 'gul/ gling gzhi yang ldeg rgya mtsho yang 'khrugs pa las/'jig rten stongs la khad nas/ badzra he ru ka'i dgongs pa la 'di la ting nge 'dzin gyi gzer gcig ma btab na 'jig rten stongs par dgongs pas zil gnon gyi phyag rgya bcas nas sku lte ba man chad bsnubs te/mo'i b+ha ga la sleb par byas so/ der ri rab kyi zur bzhi'i lcog chen po gnas pa la/ khang pa brtsegs pa bzhin ded dpon chen po bzhi gnas so/ lha'i ded dpon ni 'khor lo bcu gnyis pa ba dan dkar po bsnams pa/shel khrab dang/ shel rmog gsol ba/ chibs su ban glang dkar po gser gyi sna chu la/ dar gyi sna thag can bcibs pa'o// lha bran dang bcas bdun bdun gyi g.yog byas pa'o/lha ma yin gyi ded dpon ni/ bse khrab dang bse rmog gsol ba/ lha ma yin gyi g.yog bdun gyis bskor te ber nag can bdun no/ bdud dang gnod sbyin gyi ded dpon ni zangs kyi 'phar ba la zhon pa/stod zangs la smad lcags kyi khrab dang/ lcags rmog gsol ba/ 'khor mang pos bskor ba 'khor rnams dmar nag 'dug pas bskor ba/ ma mo'i ded dpon ni sku la g.yu khrab dang g.yu rmog gsol ba/dar nag lce lnga pa'i ba dan bsnams pa/ zangs ma mo ske ring la zhon pa byang shar la gnas pas so so nas 'dul lo/ lha ma yin ni ba dan dkar po lce dmar ba'o// bdud dang gnod sbyin ni dar sna lnga'i ba dan no// lcog gi rtse la rgyal mtshan bzhi re gnas te/ stag dang gzig dang bya rgod dang/ rma bya'i rgyal mtshan gnas so/ de na dga' ba'i tshal la sogs pa bzhi ni 'dres pa'i tshal du 'thab ba'o/ de na ni shing yongs 'du sa brtol gnas te/ yon tan sna tshogs dang ldan pa'o// de na ma srid pa'i rgyal mo la/ badzra he ru kas brgyan la gzhal yas khang gser gyi 'khor lo 'od 'bar ba lte ba kha dog sna tshogs pa mdzes pa'i brgyan la mu khyud dkar po dang gru chad ljang gu/bar khyams ni shar dkar po/ lho baiDU ra ya sngon po/ nub rA ga dmar po/ byang in+d+ra nI la ljang gu de'i phyi rim na sgo snam dang/ sgo khyud drag po lcags kyis byas pa/gru gsum sum brtsegs ni nag po dmar po ser po'o// yon tan sna tshogs dang ldan pa gser gyi 'khor los byas so// de rgya ma chad pa nam mkha' dang mnyam pa'o/ thod pa skam rlon gyi rtsigs pas brtan par byas pa/de thams cad khrag gi zham chu 'bab pa/ dur khrod kyi ce spyang mang po khrag la stod cing 'thung ba/ keng rus dang sha khrag mang po ri rab tsam spungs pa/ zhing chen gyi rgyal mtshan dang 'phan gdug dang bla res bres pa/kang ka la sogs te/ dur bya'i tshogs mang po yang lding ba/ gnod sbyin pho mo mang po 'du ba/ nyi zla'i mthongs khung dang/ gza' chen pos brgyad kyi ka zhu dang/ zhing smug po'i ka ba dang/ dar nag gi lda ldi dang/ phel ka che chung dang/ mchog phran gyi gral phyam dang/ rgyan sna tshogs kyis brgyan pa'i gnas na bcom ldan 'das badzra he ru ka dang yum gyi srid pa'i rgyal mo la/ gnod sbyin pho mo mang pos bskor ba ni 'di lta ste/dbyings kyi yum drug la/ bde ba cha snyoms ma yid kyi rtsa las bskyed pa dang/ yid 'ong rgyal mo b+ha ga sems kyi rtsa las bskyed pa dang/ 'khor lo tshims byed ma nyon mongs pa'i rtsa las bskyed pa dang/'gro ba sgrol byed ma mkha' lding gi rtsa las bskyed pa dang/ thos byed kyi rtsa las yid 'phrog ma bskyed pa dang/ snom byed kyi rtsa las chags byed rgyal mo bskyed pa dang/ drug ni dbyings kyi yum drug ces bya'o/yum drug ces pa ni/ ma mo thams cad de drug las bskyed pas yum drug ces bya'o/ srid pa bde 'gro ma bde ba cha snyoms ma'i yid las bskyed pas rtags su 'khor lo dang b+han+d+ha bsnams pa'o/yid 'ong rgyal mo'i sems las rnam snang gsal bskyed pas/ 'byung ba nam mkha' la dbang byed pa'o/ 'khor lo tshims byed ma'i nyon mongs pa'i rtsa las bkrag gsal 'bar bskyed pas/ 'byung ba sa la dbang bsgyur ba dang/'gro ba sgrol byed ma'i mig gi rnam shes las 'od gsal 'bar bskyed pas/ 'byung ba me la dbang bsgyur ba'o/ yid 'phrog ma'i rna ba'i rnam shes las gnyen gsal 'bar bskyed pa las/'byung ba chu la dbang bsgyur ba dang/ chags byed rgyal mo'i sna'i rnam shes las yang gsal g.yos bskyed pas/ 'byung ba rlung la dbang bsgyur ba'o/ de yang dbyings kyi yum drug la dpal chen pos ming gi dbang bskur ba ni/dga' ba'i me tog mdangs ldan ma zhes bde ba cha snyoms ma la dbang ba'o/ yid 'ong ma la rin chen lcug ma zhes bya'o// 'khor lo tshims byed ma la 'bar ma 'od chags ma zhes dbang bskur ro/'gro ba sgrol byed ma la ri rab brjid ldan ma zhes dbang bskur ro/ yid 'phrog ma la 'khor ba chags pas tshim mdzad ma zhes btags/ chags byed ma la rgyal mo kun bskyed ma zhes ming gi dbang bskur ro// dbyings kyi yum drug po de ni dbu gsum gsum ste/ dga' ba'i me tog ma zhal dbus ser g.yas dkar yon ljang nag go/ rin chen lcug ma'i dbus sngo g.yas ser g.yon dmar/ 'bar ba'i 'od chags ma'i zhal dbus rA ga g.yas mthing ga g.yon dmar/ri rab brjid ldan ma ni dbus dkar g.yas ser g.yon dmar/ 'khor ba chags pas tshim mdzad ma ni/ zhal dbus ljang g.yas dmar g.yon dkar/chags byed rgyal mo ni zhal dbus ser g.yas nag g.yon mthing ba'i zhal/ de drug ka'i g.yas dang po drug na b+han+d+ha khrag gis bkang ba bsnams pa'o// g.yon gyi dang po kun na dar nag gi ru mtshon phyar ba'o// bar ma tha ma na sna tshogs kyi mtshon cha phyar ba'o/ rtag pa'i rgyal mo drug kyang dbu gsum gsum mo/ phyag mtshan sku mdog kun gzhung dang mthun/ rtag pa'i rgyal mo drug ni rnam snang gsal ni 'gro ba'i sems la dbang bsgyur/bkrag gsal 'bar ni sha la dbang sgyur/ gnyen gsal 'bar ni 'gro ba'i khrag la dbang bsgyur/ 'od gsal 'bar ni 'gro ba'i drod la dbang bsgyur/ 'phags pa g.yos ni 'gro ba'i dbugs la dbang bsgyur/srid pa bde 'gro ni 'gro ba'i mdangs la dbang bsgyur/ bskyed pa'i khro mo bcu gsum mo// cir mi 'ong ba'i spun drug yin/ zhes gtso mo dang bcu gsum po la bya'o// de rnams ni gtso mo'i 'khor ro// de nas bang rim dang po la ni rnal 'byor ma bzhi khros pa'i ma bzhi phung byed sbas pa'i ma bzhi dang// nyi zla thod phreng dang/ phra men rgya mtsho rnams ni dbu gsum mo// gzhan zhal gcig phyag gnyis so// nyi zla stong gi thod phreng ni zhal dbus dkar g.yon sngo g.yas ser/ phyag drug gi dang po na thod pa khrag gis bkang ba bsnams pa/ bar ma na gser gyi 'khor lo/ tha ma na ga yu'i ga'u/phyag g.yon dang po na nyi zla/ bar ma na ga yu khra/ tha ma na rgyu ma'i zhags pa bsnams pa'o// phra men rgya mtsho dbus sna tshogs kyi zhal g.yas dkar g.yon dmar/ g.yas dang po na puSh+pe dkar po khrag gis bkang ba/bar ma zhing gi ru mtshon/ tha ma ne'u le'i rkyal pa/ g.yon dang po na ti ra'i dbyug pa/ bar ma na sbrul nag gi ru mtshon/ tha ma na lcags kyu bsnams pa'o// de ni rnal 'byor ma bcu bzhi'i 'khor ro// srid pa'i sman mo'i 'khor ni/ ma mo bdun dang/ sring mo bzhi dang/ rgyas 'debs bzhi dang/ dmag gi rgyal mo bzhi dang e ka dza Ti spun drug dang/ gru 'degs bzhi dang/ bya ba mo dang byed pa mo gnyis dang/dbang mo nyi shu rtsa brgyad dang/ de ltar shar gyi dkar mo shel gyi bum thogs ma shel gyi khang pa na gnas pa/ de ni khri 'phang yar 'phags mar nub kyi rtsa la gnas pa'o// lho na sngon mo baiDUr+ya'i bum thogs ma bzhi baiDUr+ya'i khang pa na gnas pa'o// nub na dmar mo bye ru'i bum pa thogs pa bzhi gnas so// byang na ser mo gser gyi bum pa thogs pa bzhi gnas te/ phyogs bzhi'i sring mo bzhi bzhi yin/ tshe'i lha mo bcu drug ces bya'o/ lcags ri mu khyud 'das pa'i pha rol na/ mun pa'i g.yung drung gling bar gyi mun pa'i nang na zor bdag chen mo bzhi ni// dga' mo gnyan gyi zor 'phen ma// ar+g+ha gnyan gyi sman gcig ma// rak+ta gnyan gyi tsa mun tri// dre'u gdong can mgo gcod ma/ zhes thams cad kyi las la shis pa'i ma mo bzhi'o// nam mkha' stong la dbang bsgyur ba'i ma mo ni// bdud kyi bu mo nag mo dung mgrin ma dang/sa bdag dang klu la dbang bsgyur bdag g.yu bye'u can gyi 'khor gyis bskor ba ni ma mo brgya rtsa brgyad kyi khungs nas brgyud pa'o// de las spros na stong rtsa brgyad du 'gyur ro// de yang ma mo rigs bzhir bsdus pa las/dbyings kyi ma mo gtso mo srid pa'i rgyal mo dang/ phung byed sbas pa'i ma bzhi dang/ bskyed pa'i khro mo bcu gsum la sogs pa ni dbyings kyi ma mo'o// bdud mo kun gyi gtso mo ni e ka tsa ti dang/rnal 'byor nyid dbyings bcu bzhi dang/ nag mo dung 'grin la sogs pa ni bdud mo'i rigs so// yang gab ma bzhi dang/ g.yu'i bye'u can dang/ tsha ba mgo ti'i bdag mo mgo dgu ral gcig dang/ro bshal ma dang/ dra mi dra dang/ rma rin chen mo la sogs pa ni sprul pa'i ma mo'i rigs so/ gtso mo gdug byed nag mo dang/ bseb ti'i bdag mo dang/ gdong mo bzhi dang/ dur khrod kyi bdag mo shrI tsa mun tri dang/rgya ri skye ser kha 'bar rkan sgra can la sogs pa ni las byed ma'i rigs so// 'dren cing 'gugs pa'i las byed pa// nyul le nyis brgya lnga bcu gnyis// mngag cing gzhung pa'i las byed pa// pho nya nyis brgya lnga bcu gnyis// gsod cing gcod pa'i las byed pa// bdud mo nyis brgya lnga bcu gnyis// 'gugs shing 'dren pa'i las byed pa// sman phran nyis brgya lnga bcu gnyis// ma mo stong dang brgyad du grags// bsdus na dbyings kyi ma mor 'dus// kun kyang gtso mo yum du 'dus// gtso mo yum yang dkyil 'khor chen por 'dus// dang po bskyed pa'i hUM du 'dus// hUM yang thig le chos skur 'dus// ma ni chos kyi dbyings yin te// mo ni rig pa'i ye shes yin// chos kyi sku ru thams cad rdzogs// zhes gsungs so// ma mo srid pa'i bem las/ gleng gzhi'i skabs te dang po'o//// de nas yang lha g.yung drung gis 'di skad gsol to// yab cig 'jig rten 'joms pa'i lha// skos bdag brgyad po ji ltar lags// srid pa cham la ji ltar dbab// yab cig bdag la bka' stsol cig/ ces gsol pas bka' stsal pa/ skos rje drang dkar la sogs brgyad// srid pa b+h+yo bzlog mdos kyi skos// shar lho nub byang phyogs bzhi nas// 'dod pa'i rdzas rnams skos kyis 'grems// bka' blon sgo ma thams cad byed// ma mo rnams kyi mngag gzhug yin// srid pa cham la dbab pa yis// lha min g.yul ngo bzlog pa ste// srid pa'i ri rab bcas nas ni// steng du srid pa'i rgyal mo'i zhal// gzhung dang mthun par byung bar bya// dbyings kyi yum drug gzhung bzhin bri// yang na gsang phye dag la bya// smug nag sngo nag ljang nag drug/ gzhung dang mthun par bri bar bya// de nas bskang rdzas bsag par ni// gzugs mdzes bri'am 'bur du gtong// mkha' lding rgyal po shang shang drug/rigs dang kha dog mtshungs par bya// khyung chen drug dang mdangs ldan rma bya drug/ de bzhin mdzes pa'i btsun mo drug/ gwa dor drug dang skyes pa drug/ rigs dang mthun par bris pa drug/sna tshogs dar gyis brgyan nas kyang// gtso mo drug ni khyung la bskyon// skyes pa drug ni gwa dor la// stag gzig chas su bcug la bskyon// rgyal po drug ni 'khor dang bcas// 'gying bag bcas te glang chen drug la bskyon// dbyings kyi yum la dbul bar bya// shing ris drug ni sna tshogs mdzes par tshon gyis byug/ rigs dang bstun te mdzes par tshon gyis byug/ gnyis pa ri dwags rgyal po sha ba drug/bud med drug kyang bri bar bya// bya dang sna tshogs che ba'i nyi zla bris// mkhar thabs sgo drung blon po drug kyang bri// khu byug gsung snyan drug dang dpag bsam shing lor ldan// mdzes pa'i rta pho ya tha yin// sna tshogs dar las tshom bu drug pa'i ljang bu drug/ ring thung lus kyi tshad du bya// rma bya'i sgro yi mdongs kyis brgyan// me 'phang rigs dang mthun pa drug/ sna tshogs dar gyis brgyan par bya// gtso mo'i nam mkha' kun tu zhal// drug la khong pa nag po ste// ser po sngon po dkar po dmar// sna tshogs dar gyis brgyan nas kyang// rma bya'i sgro yis brgyan par bya// mdzes pa'i yum la dbul bar bya// 'di la mda' rnams ma gsungs te// 'khor la gnas pa'i ma mo gsum gsum po la nam mkha' nag po gser gyi kha cag can bco brgyad la ras ma sngon dmar dang/ rgod kyi phod kyis brgyan par btang ngo// ma mo kha blon re gung blon re nang blon re'o// nam mkha'i dbyings phyug ma dang/ 'byung ba'i bcud 'byin ma dang/ mkha' la gar ting shags dang/ dus gsum du rgyu ba'i glog phreng can dang/ har ting nag mo dang/ dun ting sngon mo dang/me za brag gyon ma dang/ me tog mdongs kyi rgyal mo dang/ srid pa'i g.yul ngo bzlog ma dang/ 'od ldan rgyal mo dang/ nyi ma'i zer can dang/ 'od chags g.yu'i ral gcig ma dang/ dung thod thig le can dang/rdo rje bya mgo ma dang/ kha na me 'bar ma dang/ ri rab rdor rgyu ma dang/ 'khor lo 'dre zhon ma dang/ e ma 'ur sgra can dang/ bco brgyad po de ni kha blon dang/ gung blon dang/ nang blon dang/ de rnams la ngar glud mdzub gang pa re chas su bcug la dbul bar bya'o// 'phang sna tshogs pa re nam mkha' bzhin brgyan pa dbul bar bya'o// de ni dbyings kyi yum drug gi 'khor dang bcas pa'i chas su 'debs pa'o// de ni rtags pa'i rgyal mo drug la bsngo ba ni/ seng ge g.yu'i ral pa can drug/ ban glang dkar mo gser gyi sna chu can drug la/ skyes pa chas su bcug pa drug bskyon pa dang/ khyung drug la dar snas brgyan pa dang/rta drug la btsun mo go zu can chas su bcug pa drug dang/ mi mo mdzes ma drug la gser g.yus brgyan pa drug po ni kha phyir bltas par bang rim dang po la dgod/ 'bru sna lnga la rin po che sna lnga btang/ spos dang sha ba la btang/ bse mgron bu long btang dung/ zangs ma lcags de rnams la/ ngar glud khru gang ba gcig byas la/ bza' mi du yod pa'i ming 'o ma dang mtshal sbyar la bris la/ rus kyang gzhug mgo la g.yu gdags la lag tu nor phyugs dang/zangs lcags dang 'bru'i bang dang shog bu la bris la ci yod pa'i rdzas bskur/ gos dang rgyan sna tshogs gdags so// de nas shing ris 'phan bzang drug la/rdo rje dang pad+ma rin po che 'khor lo rgya gram ral gri bri/ khyung re re/ rma bya re re/ ne tso gsung snyan re re/ shing lo'i kha nas skad snyan bsgrogs pa re bri/ ba dan lce lnga pa re re bri/ ri dwags rgyal po drug bri/ nyi zla 'og nas 'char ba bri/mda' rigs dang bstun pa drug bri/ nam mkha' kha dog rigs dang bstun la/ mdzes tshon du byas pa drug bri/ 'phang drug gi kha dog mthun/ rma byas kun brgyan dar sna tshogs dang bzang sgros brgyan/khams gsum yum mchog la rgod kyi ldem ru gzug ljang bu drug lus tshad du bya/ dar gyi tshom bu gsum gsum gdags so/ 'bru bya tshang ba ni g.yog mo rnams la bsngo/ ting lo mar gyi bkang ba bco brgyad sdong bu dang bcas pa bya'o/ngar glud chag gang pa drug bya/ gos zu bskon no/ ma chos kyi rgyan gcig ma dang/ thor tshugs gcig ma dang/ keng rus thod phreng can dang/ dbugs bdag ral gcig ma dang/ nag mo mchu 'phyang ma dang/ smug nag mig gsum ma dang/ dkar mo zhi ba'i 'od 'phro ma dang/ nag mo chen mo mgyogs ma glu zhon ma dang/ smug nag chen mo ro rkun ma dang/ dmar mo 'od chags ral gcig ma dang/ser mo sbrul gyi gshog pa can dang/ sa bdag chen mo bse'i ral pa can dang/ bdud rtsi dmar mo dang/ smug nag chen mo mgo dgu dang/ gtum pa chen po mgo dgu ma dang/ khrag 'thung spyan gcig ma dang/re mkhan nag mo dang/ rgya nad gtong ba'i ma mo dred gdong ma dang/ bco brgyad po de ni 'khor 'dul gyi ma mo zhes bya'o/ da ni rnal 'byor ma bcu bzhi'i bskang rdzas bstan te/ gtso mo gnyis la sgos kyi bskang ba'i rdzas rnams ni/khrung khrung dkar mo la dar za 'og gi zu can btsun mo'i chas su bcug pa dang/ phra men rgya mtsho la gzig la skyes pa stag chas bskyon par bya/ gzhan ni spyi'i bskang rdzas te/ stag bcu bzhi/gzig bcu bzhi/ khyi dkar po gser gyi yang chung can bzhi/ khyung bcu bzhi/ rma bya bcu bzhi/ shang shang bcu bzhi/ gzhan yang sa'i 'bras bu ku lan ta/ sha sna tshang ba'i gtor ma bzhi/ stag chas gzig chas dar zab khang bzang gser g.yu go mtshon dang/mi la yod pa'i rdzas kun tshogs tshad du bsog/ de nas mda' gzhung dang mthun pa bcu bzhi/ shing ris lnga/ de yang gtso mo gnyis la re re/ khros pa'i dbang chen bzhi la gcig/thugs kyi dgyes sde mo bzhi la gcig/ phung byed sbas pa'i ma bzhi la gcig/ mda' yang rgyas par byed na bcu bzhi/ bsdu na lnga/ gzhung dang mthun par bcu bzhi bri/ 'phang ni lnga ru bsdu bar bya/nam mkha' ldang bu bcu bzhi'o// nyi zla thod phreng la nam mkha' khong pa dkar po la mdzes pa'i tshon du bris pa'o// phra men gyi rma zangs ma la dar gyi dpyang lag rtse mo gnyis la dgod/ rma bya'i mdongs kyis brgyan par bya/khros pa'i dbang chen bzhi la khong pa nag mo la gser gyi kha chag can bzhi/ dgyes sde bzhi la g.yu'i khong pa la phyi rim gser la kha chag dung/ ma mo bzhi la gcig khong pa gser la phyi rim g.yu/gcig khong pa gnag la phyi rim ser/ gcig khong pa g.yu la phyi rim dung/ gcig khong pa g.yu la phyi rim gnag/ kha chag byi rus byas pa yis// 'phang lnga rgyan dang chas pa yin// de yis 'khor na gnas pa la// bal mtshon ljang khu gsum pa sbyin// kun kyang ring thung lus kyi tshad// nam mkha' ljang bu sna tshogs re re sbyin// sna tshogs ras la sgro yis brgyan// 'khor na gnas pa'i ma mo bzhi bcu rtsa gnyis 'di lta ste/sngon mo khro gnyer sbrul zhags can// ma btsun mthing gi lha mo dang// sgrol byed lcags kyu can dang/ dre'u gdong 'khor lo can dang/ btsan gyi bu mo mdun ting shags dang/ gza'i bu mo thogs 'phen ma dang/bdud ky-i bu mo mig gcig ma dang/ kha la me 'bar ri rab 'phen dang/ tshangs pa gzi chen gyi bu mo gzi brjid 'od ldan ma dang/ mun pa'i bu mo rkang gcig ma dang/ gnod sbyin bu mo rab 'bar sgra mo chen dang/klu'i bu mo 'od de ring mo dang/ rab 'bar sgra bo che dang/ nag mo bya rog gi gdong pa can dang/ thal mdog khro gnyer can dang re ma ti dang/ gser gyi 'bru gcig ma dang/ Ar+ya gnyer gyi ri ma ti dang/keng mu chen mo g.yag mgo can dang/ nag mo sbrul mgo can dang/ nag mo bse gdong mig gcig ma dang/ klu'i bu mo g.yu'i lan tshar can dang/ yid 'ong gi dge ba dang/ mtsho sman gyi rgyal mo sbrul nag gi go zu can dang/ral gcig rgya mtsho dang dpag bsam nam gru ma dang/ bdud 'dul dbang gi lha mo dang/ dpal lha mo nag mo dang/ bya thul can dang/ thugs kyi gzer can dang/ nam mkha'i khams kyi dpal mo btsan dang/sa'i ma mo khrag gnad gtong ba dang/ bar snang khams la smyo 'bogs rgyal nad gtong ma dang/ nam mkha'i mthongs nas mkhris pa sha ya dang/ bal nad 'dar bu gtong ba'o// mtsho sman chen mo dkar mo dbu dgu ma dang/smug mo dbu lnga ma dang/ rak+ta tsa mun ti dang/ nam mkha'i khams kyi dkar mo g.yu'i thod gdeng can dang/ gnam sman dkar po nyi 'od 'bar ba'i sman gcig ma dang srid pa gsum gyi thod gdengs can dang/rma ri rab 'byams rdo rje grag mo rgyal lo// de ltar ma mo bzhi bcu rtsa gnyis ni/ rnal 'byor ma bcu bzhi'i 'khor na gnas pas/ de rnams la mchod par bya'o// de man chad na srid pa'i sman mo lnga bcu rtsa dgu gnas te/ ma mo bdun la ni/ nam mkha' nag mo dung gi kha cag can bdun/ bya spu dang ras ma sna tshogs kyi brgyan te/ 'phang nag mo bdun la gser gyi me long bstsal ba dang/ljang khu bdun no// mda' nag po bdun la gzig rig gnyis/ stag so ris gnyis chu mig ris gnyis/ mkhar thabs zo ba ris ni gtso mo lnga la lnga'o// sring mo bzhi la phyogs dang bstun pa'i nam mkha' bzhi'i kha dog mdzes par dbab par bya'o// mda' ni dkar dmar gser dang sngo/ thig le stag so ldan par bri/ nyi zla sman mo kun gyi gong nas 'char/ ma mo'i grangs ji bzhin ljang bu bya/ shing rigs ma mo bdun la gcig sring mo zhal gcig/'phang yang de bzhin grub tshad bya/ gru 'degs bzhi la shing ris gcig/ dmag gis rgyal mo bzhi la shing ris gcig/ gsang ba yum chen bzhi la shing ris gcig ljang bu re res gcad pa min/gsang ba'i yum bzhi la/ nam mkha' khong pa dkar po 'ja' ris gzhi ka las mdzes pa'i tshon gyis bri bar bya/ mda' yang phyogs kyis bsgyur ba las/ shar du dkar po stag so ris/lho ru sngon mo gzi bri/ nub tu dmar po zo ba kha spraud bri/ byang du ser mo nya mig bri/ dmag gis rgyal mo bzhi la yang/ kha dog nag po bsgyur ba la// dkar po ri bo gsum gsum dang// ser po dmar po gsum pa bri// e ka dza ti spun drug la/ nam mkha' smug po drug la g.yu'i kha chag btang// mda' ni gzhung dang mthun par bri// shing rig gcig la sna tshogs ldan par bya// stag so nyi zla gong du bya// ljang bu shing ris lus kyi tshad/ gru 'degs chen po bzhi po la/ ri'u dang 'bri'u'i nam mkha' dang/ zangs ma dmar mo ser mo bya// stag gzig bris pa'i shing ris bya// bya ba mo dang byed pa gnyis/ thams cad kyi ni bdag nyid yin pas/shing ris lus tshad gnyis bya ste/ gcig la dpag bsam shing bu bri/ yal ga re la bkra shis pa'i bya mdzes skad snyan sna tshogs bri/ nyi zla gnyis ni 'og nas 'char/ gang na kha yal yel dang gsang phya phyo bya ba dang/logs la ni ri dwags rmig bzhin rgyu ba/ tshon sna tshogs kyis mdzes par bris la dar sna mang po'i spyang lag gdags/ gcig la kha yal yol dang gsang bya phyo'i 'og tu khyung kha sprod gnyis/de'i 'og tu btsun mo chas bzang gnyis bri// de'i 'og tu ri dwags grub tshad bri/ de nyid ri rab kyi steng du srid pa'i rgyal mo'i mdun rgyab tu gzug go/ sman mo thams cad la srog chags ni gnam la lding dgu dang/sa la 'dzul bcu'i gzugs grub tshad du bya'o// spyan gzigs kyi gtor ma bzhi phyogs bzhir gzhag go/ srid pa'i bem las le'u ste gnyis pa'o//// de nas yang lha g.yung drung gis 'di skad ces gsol to// kye ma ho// yab cig 'jig rten 'joms mdzad lha/ srid pa'i b+h+yo rdzogs mdos 'di la// ri rab gling bzhi ji ltar bca'// skos bdag brgyad kyi glud ni gang// yab kyis bdag la bka' stsol cig/ ces de nyid na 'khod do// bka' stsal pa/ rgyu ni gtsang phye srang phyed pa// cha gcig ri rab gling bzhi bca'// rin chen sna lnga gtang bar bya// 'o ma spos dang chu gtsang gis// legs par brdzis te khri 'phangs bzhi ru brtsigs// steng du zur bzhi la lcog bzhi'i steng du/ ded dpon bzhi gzhung dang mthun par gzugs su dgod// steng du srid pa'i rgyal mo'i zhal// mngon du gzhung dang mthun par dbyung// gling phran rnams ni legs par bca'// 'dzam bu'i gling ni sngon po la// mi rnams 'dra ba'i gzugs gsum bya// gos dang kha dog 'di 'dra'i chas su bya// shar ni dkar po yin pa ste// mi yi dbyibs kyang zla gam tshul// bongs che kha dog dkar por bya// byang dang lho yang de bzhin te// mi ni gsum gsum kun nas chas kyis mdzes par rgyan// shar gyi gsum po shar gyi skos bdag la// dmar gtor re dang chas te 'bul lo// lho dang nub dang byang yang de bzhin no// dang po dbyings kyi yum drug dgod// de yang gsang phye 'phul bzhi la// yum drug sku ni che bar bya// yang na shog shog la tshon gyis legs par bri// thams cad bang rim dang po la// 'khor dang bcas pa dgod par bya// de nas rtag pa'i rgyal mo drug/ de nas gsang phye bre phyed la// sku gzugs yang ni shog bu las// mdzes pa'i gzugs ldan dbul bar bya// btsun mos mdzes pa drug dang mdzes pa'i rdzas rnams dgod/ gtso mo yum la dar sna lnga yi gur yang dbub// rgyal mo drug la mthing nag gur// yum chen drug la 'ja' tshon khang pa dbub/de nas phra men rgya mtsho dang// nyi zla thod phreng gnyis la che bar bya// rnal 'byor bcu bzhi chung bar bya// gsang phye bre gang dag la bya// yang na shog bu dag la bri// mthun pa'i rdzas kun bsog par bya// bang rim gsum pa dag la dgod// bzhi pa srid pa'i sman mo'i tshogs// sna tshogs mthun rdzas bsog par bya// gzhan yang spyi yi bskang rdzas ni// sha chen gtor ma cha bzhi bsham// phyogs bzhir khrag gis bkang la bzhag/ri rab steng gi rgyal mo bdun la// sna tshogs sha sna'i gtor ma la// phud dang bdud rtsi sman gyis dgang// snang ba'i mar me bltam par bya// rgyal mo nyid kyi thun rdzas yin// rtag pa'i rgyal mo drug la yang// spyan gzigs gtor ma cha gcig dang// phud dang sman gyis mchod par bya// yum chen drug la bskang ba ni// sha chen gtor ma cha gcig dang// sna tshogs snying sna'i phreng ba gdags// 'ja' tshon khang par phud dang mar mer bcas// mthun pa'i rdzas su 'bul bar bya// rnal 'byor chen mo bcu bzhi la// rak+ta gtor ma sman dang phud// sha chen gtor ma tshil chen dang// sbar ma ti'i mchod pa 'bul// sman mo rnams la 'bul ba ni// tshogs dang mar me zhal zas dang// nag smug rdzas kyis thugs dam bskang// spyi yi rdzas rnams bstan pa ni// rdza rdza cang te'u gling bu dang// rnga dang sil snyan sna tshogs dang// 'phan dang gdugs dang dbul bar bya// skam chas thams cad gdags la g.yogs// mda' dang 'phang dang nam mkha' yang// dbyar dgun cha yis rab tu brgyan// shing ris kun kyang dar gyi chas// tshe yi lha mo bcu drug la// tshe yi bum pa bug rdol med pa ru// bdud brtsi 'dza' gad blug nas ni// be rgyal dkar phrom gzhag par bya// snying po lnga yang nang du blugs// de nas phyogs bzhir gdan gyi steng du bzhag/bu mo gtsang ma chas su bcug pa bzhis// mda' dar me long bzhi thogs la// tshe yi snying po 'bod du gzhug/ phyogs bzhir nam mkha' bzhi bzhi dbul// phud gtsang gtor zhing spos me btang// zor bdag chen mo bzhi yi rdzas// nam mkha' nag mo gser gyi kha chag can lho// nam mkha' ser mo mdung gi kha chag can shar// dmar mo g.yu'i kha chag can nub// sngon mo bye ru'i kha chag can byang/ ser lding phur bu shar/mchog phur byang/ skye 'phur lho/ zangs phur nub/ kho rang gi gzugs ci 'dra ba dgod do// lcags ri 'das pa'i pha rol du/ gru gsum bzhi la dgod do// de nas skyes pa chas su bcug pa bzhi 'phar ba'am spyang ki la bskyon la glud du 'bul lo// shog bu la bris na rab// ded dpon bzhi la khong rang ji bzhin dbul// bya bral kha dog so so dang mthun pa bzhi dang/ dmag mi bdun bdun mdzes par bris la dbul bar bya/de nas slob dpon chas gos dang ldan par bya ba ni/ dar nag gi ber gyon/ re ba nag po'i lham gyon thod nag po bcings/ dpral bar rgya long mtheb gang ba gdags/ mdun dang rgyab tu dar dkar gyi snying non dang/me long snying gar gdags so// rta mgrin nam dpal chen po'i ting nge 'dzin du zhugs la gyer gzug go// rtag pa'i gyen mo man chad gyer kun mthun no// skos bdag brgyad dang/ dbyings kyi yum drug dang/ srid pa'i g.yul ngo bzlog pa'i ded dpon bzhi/ skos bdag mo brgyad/ zor bdag mo bzhi skad lugs mi gcig pas/ nan tan rgyal mo nyid la bya'o// gtso mo gtsos na kun kyang bde zhes gsungs so// de bas na gtso bo'i rdzas dang bskyed pa'i ma mo bcu gnyis po'i rdzas ma tshogs na mi rung ngo// ma mo srid pa'i bem po las/ srid pa b+h+yo bzlog gi mdos chen po gtan la phab pa'i le'u ste gsum pa'o//// de nas yang lha g.yung drung gis 'di skad ces gsol to// dpa' bo 'jig rten 'joms pa'i lha// rnal 'byor nad kyis thebs gyur na/ ma mo gang dang gang gi bka' chad lags// 'jig rten 'joms mdzad bka' stsol cig/ ces de nyid na 'khod do// 'jig rten 'joms pas bka' stsal pa// nyon cig g.yung drung lha yi gtso// nga yis 'di ltar bstan pa yin// lci zhing 'thibs nas yi ga 'gags// gtso mo yum gyi bka' chad lags// brgyal zhing so tshig lce ril byed// dbyings kyis yum drug bka' chad lags// ro stod brang du gzer bas snying mi dga'// smug mo lcam dral bka' chad yin// mig ser za 'phrug bzhin ni sngo// yang gab ma gzhi'i bka' chad yin// smad mi bde zhing rkang pa bri sbrid// za lto che zhing skom dad che// rgyal mo lnga yi bka' chad yin// gzhogs phyaid na zhing bzhin ldog pa// kha zas yi gar mi 'ong na// pud byed ma gzhi'i bka' chad yin// mgo zer drag la rmal zhing na// nyi zla thod phreng bcos par bya// 'dar zhing rngam pa drag po 'ong// ma mo bdun la mchod par bya// brang rgyab sbyar na dreg pa chags// yi ga mi bde stong sgregs byed// e ka spun drug gcos par bya// tshig cing smra zhing ngu zhing 'bros// smug mo lcam dral bcos par bya// pho stod lci yang bcos la sha ma skye// sgyings ba ngan la nyal snying 'dod// zas kyang mi zhu mdog kyang gnag/ 'di rnams bcos pa'i ma mo ni// shrI tsa mun ched du bcos// spyir ni bdud mo'i rigs ka bcos// lus po lji la rkang lag 'dar// khong pa sbo 'khrog byed pa na// lha mo nag mo bcos par bya// spyi yang bdud mo'i rigs ka bcos// yar la skyug cing mar la sbyong// so dreg chags zhing dong ka bde// rgya re skye ser bcos par bya// khong pa na zhing gsus pa rdzings// mtsho sman mched lnga bcos par byed// smad tshigs na zhing sked pa 'phyes// bla rkun nag mo bcos par bya// 'bras bu skrangs shing rkang pa na// shin tu sked pa na gyur na// ral gcig rgya mtsho bcos par bya// gtsor btsor na smugs na rgyal po la/ byung ni smug nag rgya srol po la// dar smug pa'i thod bcings pa la grib sel ma gzugs/ gsang ba'i mdos dang bcas la dbul// rkang lag skrangs shing lus mi bde// g.yal zhing sbred la kha zas lto ru zos pa skyug/ dbyings kyi ma mo'i bka' chad yin// skom dad che la snying mi dga'// 'gro snying 'dod la gzhan la khro// dam tshig nyams pa'i chad pa yin// rang gi dam tshig gzhung bzhin bskang// 'bras bu skrangs shing rgyun chu 'gags// ma mo bzhi bcu rtsa gnyis bgegs// rnal 'byor ma ni bcu bzhi bcos// klad pa rdol thabs gser khung 'gags// gnyid mi 'ong zhing gzhan gyis smras pa gnod// sprul pa'i ma mo bcos par bya// rkang pa drag pos 'phral du thebs// lus dang gdong pa skrangs nas ni// skra dang kha spu na ba na// lha mo g.yu yi byi'u can bcos// lkog nad 'bras dang phol byung na// lha mo nag mo ched du bcos// gag pa drag po byung gyur na// gtso mo e ka tsa ti bcos// khrag nad rgyu zer byung gyur na// nag mo spun gsum bcos par bya// 'brum nag drag po byung gyur na// rgyal mo 'khor bcas nyi shu rtsa bzhi bcos// bal nad 'dar bu byung gyur na// sring mo bzhi ni bcos par bya// srid pa'i sman mo rnams la mchod// skrangs nad bem bu byung gyur na// rig ma 'od ldan bka' kyon yin// rgyas 'debs bzhi bde yang la mnyes par mchod// bas ldag shu ba'i nad byung nas// shin tu tsha 'brab che gyur na// rma ri rab 'byams bka' kyon yin// ma mo 'dus pa'i gur mdos bya// rus nad zer bu byung gyur na// rgyal mo bcu gsum bka' bkyon yin// smre sngags drag pos bskang gso bya// gzer ba drag pos thebs gyur nas// brgyal zhing 'bog pa'i tshul ston na// skos rje drang dkar gsang mdos bya// skya rengs dang po shar tsam na// 'bog cing 'phrig 'byil ba yang pa byung gyur na// srog bdag mched lnga'i bka' bkyon yin// dkar po bcu gsum mdos kyis bskang// de nas rgyal po'i gsang bsgrub bsham// gzhung dang mthun par bsgrub par bya// de nas lcam mo e ka tsa ti dang// lha mo nag mo'i lcags ka mdos// mjug la btags na byas gyur na// nad rnams zhi bar gdon mi za// des kyang zhi bar ma gyur na// nag smug gnyis kyi bsgrub pa bya// nga yis nges par bshad pa yin// shin tu kha smra smyo gyur na// gnam sman bcos par shin tu bshad// gnam sman dkar po yang dag dpal// bu mo dam tshig g.yu sgron ma// gcung mo 'od chags g.yu yi ral gcig ma// de yi gcung mo par+Na sha ba ri// de yi gcung mo g.yu yi thod gdengs can// de yi gcung mo nam mkha'i khams ky-i bo d+hi ma// de yi gcung mo nam mkha'i dpal mo btsan// gnam sman mched bdun gzhung bzhin bskang// dkar mo nyi khri bdun 'bum gyi// mched bdun kun gyi gtso mo yin// bya thul can zhes bya ba ni// ci byas ci ru ma btub pas// log tu thugs dam gzhung bzhin bskang// mched bdun 'khor na ye nas gnas// srog bdag bu mo yin pas bcos// nad pa'i sri'u gso ba la// shin tu gdug pas bcos par bya// lha mo smug nag gnyis kyi smyo 'bog ni// shan pa phyo bsod srog pa bzhin// phra zhing kha chu 'ong bar 'gyur// de yi bcos thabs bstan pa ni// nag smug gnyis kyi mdos dang ni// pho mdos mo mdos spel la rgyas par bya// sgrub pa ma mo'i gzhung bzhin bya// de nas nag smug sbyin bsreg bya// de yis nad rnams zhi bar 'gyur/ de yang gdug pa'i klu yi nad rnams ni/ glang thabs spos gri byung gyur na/ rigs ngan gdol pa'i nad rnams yin/ dri dang sna tshogs nad rnams 'byung/sa bdag klu yi nad rnams kyang/ zha grum 'phye'o bzhin ldog na// spyi ru bcos pa yo bcos yin/ de ltar nga yis bcos par bya/ zhes gsungs so/ ma mo srid pa'i bem chen po las/ gdon gyi nad rigs ngos gzung ba'i le'u ste bzhi pa'o//// de nas yang lha g.yung drung gis 'di skad ces gsol to/ kye ma ho 'jig rten 'joms pa'i lha/ ma mo gur mdos chen po la// bskang ba'i rdzas rnams ji ltar lags/zhes gsol te de nyid na 'khod do/ nyon cig nga yis bstan par bya// bskyed pa'i khro mo bcu gsum kun kyang gcig/ rdzas kyang gtso mo mi dgos kun kyang gcig/ b+h+yo bzlog bzhin du bsag par bya// rnal 'byor ma mo bcu bzhi la// nam mkha' snga ma bzhin du bya// mda' ris lnga yang bya ba ste// dkar mo gzi ris mkhar thabs bri// nyi zla gong nas 'char ba bya// nyi zla'i thod phreng can la dbul// stag so chu mig bsgril ma ris// mkhar thabs nyi zla stong la gur// shin tu mdzes pa bri bar bya// phra men rgya mtsho'i phyag tu dbul// dbang chen bzhi la za 'og ris// mkhar thabs nyi zla gong nas 'char// de bzhin dbang chen bzhi la dbul// dgyes sde bzhi yi mda' ris ni/ sngon mo bzhi la nya mig ris// shin tu mdzes pa bri bar bya// mkhar thabs nyi zla rtse nas 'char// dgyes sde bzhi la dbul bar bya// phur byed bzhi la chu mig ris// gdan ni phyogs dang bstan pa dang// mkhar thab nyi zla 'char bar bya/ 'khor na gnas pa'i ma mo stong rtsa brgyad/ grangs kyi gnas pa ma bsdus te/ bzhi bcu rtsa gnyis la gong ma bzhin du mchod par bya// gtor ma bzhi yang phyogs bzhir bzhag/ shing ris bsdus pa snga ma bzhin/ ljang bu dar gyis mtshan pa gsum// gtso mo nyid la dbul bar bya// lnga bcu rtsa bzhi bal tshon la/tshom bu gsum pa bya bar bshad// ring thung kun kyang lus kyi tshad// de yang ma mo 'khor bcas glud// stag gzig la sogs bcu bzhi dang// srog chags tshan pa bcu bzhi tshang// 'bru bya 'bru lug grub tshad rnams// lnga bcu rtsa drug glud du dbul// de yang sna tshogs dar gyis brgyan// de yang srid pa'i sman mo la// 'bru las byas pa'i sems can sna tshogs dang// ljang bu lnga bcu rtsa dgu dang// nam mkha' lnga bcu rtsa dgu dang// ma mo bdun gyi nam mkha' ni// khong pa gnag la kha chag ser// rma bya sgro yi zer gyis brgyan// sring mo bzhi yi nam mkha' ni// phyogs dang bstun pa'i khong pa la// kha chag mdzes tshon gtang bar bya// mda' ni zang yag lcam mkhris btang// phyogs dang mthun pa so so'i mda'/ sring mo bzhi la dbul bar bya// e ka tsa ti spun drug la// gzhung dang mthun par dbul bar bya// gsang ba'i yum bzhi'i nam mkha' dang// sna tshogs rdzas rnams bsag pa kun kyang mthun// de nas ri rab bca' ba ni// sna tshogs 'bru sna'i gsang phye la// ri rab bang rim bzhi pa bya// ljang bu khru re 'phang kyang de bzhin no// ri rab thog tu nas dang 'bru yi bang ba bya// de nas lha rdzas sna tshogs bang ba bya// sha mar gsur dang sha sna sna tshogs bsham// ri rab steng du gzhag par bya/ gser dngul zang lcags rin chen dbyig/ ri rab steng du gzhag par bya// de nas mngar sna tshang bar bzhag/ de yi steng du za 'og gur chen dbub par bya// grwa bzhi dbus su rma bya lnga/ gzhung dang mthun par gzug par bya// de nas bang rim dang po la// mthing nag gur chen dbub par bya// de nas bang rim gnyis pa la// ljang sngon gur chen dbub par bya// de nas bang rim gsum pa la// le brgan gur chen dbub par bya// de nas bang rim bzhi pa la// sna tshogs dar gyi 'ja' ris bya// dar dang ras ma lpags bu rnams// khri rkang bzhi la rim par bskor// de nas gzhung bzhin bskang bar bya/ ma mo srid pa'i bem chen po las/ gur mdos chen po bskang pa'i rdzas bstan pa'i le'u ste lnga pa'o//// de nas yang lha g.yung drung gis 'di skad ces gsol to/ kye ma'o/ yab cig 'jig rten 'joms mdzad lha// sarba rU pa zhes bya ba/ thams cad bskang bzlog chen mo'i mdos// 'di yi bskang rdzas ji ltar lags/ zhes gsol te de nyid na 'khod do// de nas yang nyon cig 'jig rten skos kyi g.yung drung lha// dbyings kyi yum drug rdzas rnams mthun// rgyal mo drug kyang de bzhin no// ye shes rje mo bcu bzhi mthun/ 'khor rnams 'di ru ma gsungs pa/ srid pa'i rgyal mo'i zhal mang phyung/ ljang bu shing ris kun dang mthun/ srid pa'i sman mo rnams la ni/ shing bu ma gsungs ljang bu bya// bskyed pa'i khro mo rnams la ni// ljang bu nam mkha' shing ris rnams// dar gyis sna tshogs brgyan par bya// nam mkha' rma bya'i sgro yis brgyan// rnal 'byor ma mo bcu bzhi yi// gco mo gnyis la dar gyis brgyan par bya// khyung ni sna tshogs dar gyis brgyan par bya// srid pa'i sman mo'i tshogs la ni// nam mkha' bsags pa kun kyang mthun// snang zhing srid pa'i sems can gzugs// sna tshogs ngar sgros brgyan par bya// gtso bor mi gzugs pho mo spel ma yi// phyogs bzhir bdun bdun gzhag par bya// pho chas mo chas mdzes par brgyan// khrag sna mang pos brgyan pa'i phor bu brgyad// phyogs bzhi mtshams bzhir gzhag par bya// rin chen snod mchog dum pa bzhi// bdud rtsi 'dza' gad sman gyis dgang// tshe yi 'brang rgyas bzhi yis kha bcad de/ gtsang ma'i stan bting phyogs bzhir bzhag/ gtsang ma'i mda' bzhi phyogs bzhir bzhag/btsun mo chas bzang bzhi yang phyag gis 'degs pa'i tshul// de nas dang por sna tshogs dar gyi phreng bas bskor// de nas ras ma dkar po'i phreng bas bskor// dmar po ser po sngon po dang// pags pa'i phreng bas brgyun zhing bskor// spyir yang dbyar chas dgun chas dbye// skad snyan bya dang nor bzang lug/ gser g.yu khrab dang zangs dang lcags// dar dang za 'og gos dang rgyan// sna tshogs tshang bar bsags nas ni// gtsang ma'i gnas su dkar nag sbra phub ste// zhag gsum bsnyen pa phul nas ni// slob dpon gsum gyis so so'i las// ting 'dzin gsal te gzhung bzhin bya// slob dpon chos gos rab ldan pas/mdos la dang por spyan drangs shing// bar du byung khungs gdon par bya// tha mar skos kyang gdab par bya/ de nas bskang gso drag tu bya// de nas chad lhag nor ba bshags// de nas gtso mo yum la gyer// de nas yum drug rtag pa'i rgyal mo la// rim gyi tha le gcad par bya// dbyings kyi yum dang rtag pa'i rgyal mo drug/ rje mo bcu bzhi sman mo'i tshogs// kun kyang mdos chen gsum la gcig/dbyings kyi ma mo'i 'khor bcas dang// rgyal mo drug gi 'khor bcas dang// smad mo'i 'khor dang bcas pa rnams// b+h+yo bzlog mdos las gzhan na med// skos bdag brgyad dang tshe'i lha mo bcu drug ni// bar snang sa dang bco brgyad pa'o// gzhung ni gzhan las grags pa med/ zor bdag bzhi ni kun la gces/ tshe yi lha mo bzhi yang dgos/ ded dpon bzhi po gzhan na med/ ces gsungs so// ma mo srid pa'i bem chen po las/skos kyi g.yung drung lnga bstan pa'i le'u ste drug pa'o//// de nas yang lha g.yung drung gis 'di skad ces gsol to// e ma ho 'jig rten 'joms mdzad lha// srid pa'i gto ni kun la shis// de nas rgyal mo bcu gsum mdos/ de yi rdzas rnams ji ltar bsag/ ces gsol te de nyid na 'khod do// de nas bka' stsal pa/ rgyal mo bcu gsum bskang rdzas ni/ mda' chen bya rgod ma bcu gsum la/ me long bcu gsum gyis brgyan pa dang/ nam mkha' bcu gsum la/ rma bya'i mdongs bcu gsum gyis brgyan pa'o// nam mkha' sngon po gser gyi kha chag can gsum/ nag mo dung gi kha chag can gsum/ ser mo g.yu'i kha chag can gsum/dmar mo la nag mo'i kha chag can gsum/ khong nag mo la tshon sogs kyi nam mkha' gcig/ 'phang bcu gsum la me long so sor mdzes tshon btang/ de'i tshe rgyan ni sna tshogs dar snas brgyan pa'o// ngar glud bcu gsum ni ngar chas su bcug la kha dog ni nam mkha' dang mthun pa la gser g.yus brgyan pa'o// gcig ni che ba la dang mthing nag gi go zu gser gyi rdo rjes kha chag byas pa la nyi zla'i phur sgrogs byas pa bskon pa la/mthing gi go lcog la gser g.yu'i rgyan sna tshogs kyis brgyan pa mgo la bskon pa ni rgyal mo la dbul lo/ snying gar me long mtheb gang ba yang gdags so// de yang rgyal mo zhes bya ba ni/ dper na sa bdag rgyal pos 'bangs mnga' 'og bsdus nas bka' bsgo ba nyan pa bzhin/ srid pa cham la 'bebs pa'i gtso mo srid pa'i rgyal mos dbyings kyi yum drug cham la phab nas 'khol te/de yi nang nas chags byed rgyal mo dang/ rin chen 'bar ma 'od kyi rgyal mo dang/ dga' ba ting 'dzin nyul byed kyi rgyal mo dang gsum gyis rtags pa'i rgyal mo 'khol/ srid pa'i bde 'gro rtag pa'i rgyal mo dang/mkha' 'gro'i rgyal mo nam mkha'i dbyings phyug ma dang/ mkha' 'gro bkrag gsal 'od 'bar rgyal mo dang/ de tshos rnal 'byor ma mo bcu bzhi 'khol/ 'dod pa'i rgyal mo phra men thugs kyi gzer chen ma dang/'dod pa'i rgyal mo bdud kyi gtso mo kham thogs ma dang 'dod pa'i rgyal mo rdo rje khros mas ni srid pa'i sman mo rnams 'khol te/ de yi nang nas 'dod pa'i rgyal mo nag mo kha rlan mche ba can dang/'dod pa'i rgyal mo bdud 'dul ral gcig ma dang/ 'dod pa'i rgyal mo dkar mo g.yag thod ma ste/ de ltar rgyal mo bcu gsum po des ni ma mo'i rigs stong rtsa brgyad 'khol lo/ srid pa'i rgyal mos mi 'khol ba ni med do/de nas sngags pa dam tshig nyams na/ snying mun rum du sros nas nyams lci ba la lus ber ba langs nas dran pa ma gsal na bya/ khrag gi phor bu bcu gsum ni/ thams cad 'dus pa'i zor kha bzlog pa'o/tha ma mdos byang shar mtshams su chu la bskyal lo/ gtang ba ni srid pa'i rgyal nyid la gtong ngo/ khrag gi phor bu ru khrag sna yod tshad las shes rab ma'i mtshal med du mi rung bas bskang la bal tshon sna lngas kha bcad la sha chen gyi gtor ma cha gcig dang/dpal gyi gtor ma dang/ phu dang bzhal zas kyi tshogs dang rnga gling dang sba sma ra ma ti dang/ mar me dang/ mchod rdzas rnams dbul bar bya'o/ de nas rnga chen brdung zhing 'di skad gyer ro/ zhes gsungs so/ kye 'dod khams rgyal mo tshur gson cig/ khyod kyi ming dang mtshan gsol ba// rdo rje gar gyi dbang phyug ma// pad+ma gar gyi legs ldan gnyis// dpyid zla ra ba'i nya shed la// gnyis med sbyor ba byas pa las// zla dgu dang ni ngo bcu la// bu tsha ming srid dgu zhig btsas// srid mo chen mo mthu chen rtsal drag nas// sa rim pa dgu'i 'og tu sbas// ming po skos kyi bdag po brgyad// gling bzhi yi ni bdag mor bskos// ming sring de ni dgu ru srid// sa dgu'i steng du sbas pa de// ro langs sku gcig 'gul 'gul byung// 'dzam bu'i gling yang 'gul 'gul 'gul// da ni sku gcig kyang 'gul ni ma mdzad cig/ 'dzam bu'i gling yang ni 'gul zhing ldeg/ sa g.yos 'ong bar nus pa'o/ zhabs gcig 'gul 'gul ni ma mdzad cig/ zhabs gcig 'gul 'gul ni mdzad pa na// sa bdag klu yang brgyal bar nus// zhabs gnyis thur du brgyad tsam na// gcig ni klu yi yul du brgyad// gcig ni sa bdag mgo dgu 'dul// klu yi yul du brkyang ba yi// bde byed klu rgyal gyi thugs kyang dkrugs// 'byung ba klu yi tsha ba snyoms// dbu gcig bteg bteg ma mdzad cig/ dbu ni bar snang khams su 'phyo// lha bran kun kyang 'dar zhing brgyal// spyan gnyis dmar ba'i rtsa bzlog pas// bar snang lha bran kun kyang 'khol// srid gsum la ni mnga' mdzad ma// lo gsar gnyan po'i tshes gcig la// rgyal mo ni sku bzhengs la// mdos kyi ni phud la spyon// spa ra ma ti'i mchod pa bzhes// sha chen gtor ma ni 'di bzhes shig/mdzes pa'i sgra snyan 'di la spyon/ 'od ldan gsal ba'i me long dang// mda' bzang dang ni bya rgod ma// dpal dar ni ru mtshon dang/ za 'og ni lding khang na/ gsal ba'i mar me bltam// ma dud spos bdug spos kyang mchog ni na bun du 'thul/ sems lus nam mkha' bkrag gsal 'bar/ khrag sna'i rba rlab ni chi li li/ mo 'phang mod lang yang si li li/ chas su gsal nas rgyal mo spyan 'dren no/dzaHhUM baM hoH/ ra tsa ma snying kha rag rak+ta ti badzra b+h+yo/ ru lu ru lu hUM b+h+yo hUM/ zhes spyan drangs la dkyil 'khor gyi dbus su/ dpal chen po'i mdun du bzhugs te mdos la byin gyis rlobs par bsam mo// de nas rim gyis spyan drang ba ni/ 'di skad ces brjod do// kye 'dod pa'i ma mo tshur gson cig/ chags byed rgyal mo rin chen 'od 'bar rgyal mo dang// ting 'dzin nyul mdzad rgyal mo'i tshogs// sngon gyi bskal pa dang po la// sangs rgyas ma byung sngon rol du// mnga' mdzad rgyal mo bcu gsum byung// chags byed ma dang rin chen 'od 'bar ma/ dga' ma ting 'dzin nyul byed ma// srid pa'i bde 'gro nam mkha'i dbyings phyug ma// bkrag gsal 'od 'bar gsum// phra men thugs kyi gzer can dang// bdud kyi gtso mo khram thogs rgyal mo dang// 'dod pa'i rgyal mo rdo rje khros ma dang// gtso mo la sogs bcu gsum mo// 'dzam bu gling la dbang sgyur ma// 'jig rten mthu dang dpal mdzad ma// do nub mdos la spyan 'dren no// mnga' bdag rgyal mo gshegs su gsol// ri rab khri 'phang dang po las// chags byed rgyal po rin chen 'bar ba'i 'od kyi rgyal mo dang// dga' bas ting 'dzin drong nyul rgyal mo gsum// 'od chen 'bar ba'i dkyil 'khor nas// kun kyang mi bzad 'bar ba'i sku// gsang ba mdos kyi dkyil 'khor du// sna tshogs rdzas rnams bsog nas ni/ dbyings kyi rgyal mo spyan 'dren no// mdos la byin gyis rlob cing spyon// bskang ba'i rdzas chen mchod pa 'di// gtsang zhing dag par sbyar ba la// bdud rtsi mchog dang nor gyi dbyig/ gos dang rgyan dang mdzes pa'i nor// snyan pa'i sgra mchog 'di 'bul gyi// rnal 'byor mthu dang dpal skyed la// mi mthun skyen chen slar la bzlog/ srid pa'i bde 'gro rtags pa'i rgyal mo dang// nam mkha'i rgyal mo mkha' 'gro'i dbyings phyug ma// mkha' 'gro bkrag gsal rgyal mo gsum// bar rim gnyis la sku bzhugs te// 'od chags mthing ga'i dkyil 'khor nas// gsang ba mdos kyi dkyil 'khor 'dir// mthun pa'i rdzas chen bsog pa las// spyan 'dren mchod kyi gshegs su gsol// kun kyang mthing nag 'bar ba'i sku// mdos la byin gyis rlob cing spyon/ bskang ba'i rdzas chen mchod pa 'di/ gtsang zhing dag par bshams pa la/ bdud rtsi mchog dang nor gyi dbyig/ gos dang rgyan dang mdzes pa'i nor/ snyan pa'i sgra mchog 'di 'bul gyi// rnal 'byor mthu dang dpal skyed cig/mi mthun rkyen chen slar la bzlog/ mnga' thang rkyen du bzhes su gsol/ kye 'dod pa'i ma mo tshur gson cig/ thugs kyi gzer chen 'dod pa'i rgyal mo dang// bdud mo kun gyi gtso mo khram thogs rgyal mo dang// rdo rje khros ma 'dod ma'i rgyal mo rnams// ma mo kun gyi rgyal mos bya// ri rab bang rim gsum pa la zhugs pa// kun kyang khro mo ljang nag sku// gsang ba mdos kyi dkyil 'khor du// sna tshogs mthun pa'i rdzas bsog nas// rnal 'byor rgyal mo spyan 'dren no// mdos la byin gyis rlob cing spyon// gtsang zhing dag par bshams pa la// bdud rtsi mchog dang nor gyi dbyig/ gos dang rgyan dang mdzes pa'i nor// snyan pa'i sgra mchog 'di 'bul gyi// rnal 'byor mthu dang dpal skyed cig/ mi mthun rkyen chen slar la bzlog/ kye 'dod pa'i ma mo tshur gson cig/ nag mo kha rlon mche ba can// 'dod pa'i ma mo bdud 'dul ral gcig ma// 'dod pa'i ma mo dkar mo g.yag thod can// ri rab bang rim tha ma las// khrag mtsho dmar po'i dkyil 'khor nas// kun kyang dmar nag 'bar ba'i sku// gsang ba mdos kyi dkyil 'khor du// sna tshogs mthun pa'i rdzas bsog ste// sman mo'i rgyal mo sbyan 'dren na// mdos la byin gyis rlob cing spyon// bskang ba'i rdzas chen mchod pa 'di// gtsang zhing dag par sbyar ba la// bdud rtsi mchog dang nor gyi dbyig/ gos dang rgyan dang mdzes pa'i nor// snyan pa'i sgra mchog 'di 'bul gyi// rnal 'byor tshe dang dpal skyed la// mi mthun gdug pa'i rkyen chen bzlog/ mnga' bdag rgyal mo bcu gsum yang// gsang ba'i dam rdzas 'di na mthun par bsogs// bzang dgu bsdeb nas sku glud 'bul// rgyal mo bcu gsum thugs dam bskang// ma mo bye ba 'bum phrag 'khor du skyong// 'dir gshegs mchod pa dam pa bzhes// zhes spyan drangs la/ de nas khungs byung tshul nas 'di skad ces brjod do// sngon gyi bskal pa dang po la// mdos byung de ni ji ltar byung// glud byung de ni gang nas byung// rgya gar gyi yul shed du/ mi nad ni chu ltar 'khrugs/ phyugs nad ni rlung ltar 'tshubs/ ci bgyis la ci ma phan/ paN+Di ta mched gsum gyis/ thugs kyis ni smon lam btab/ se na'i phra skor nas/ gsang ba 'bum sde'i nang shed nas/ srid pa'i mdos le'u chen po btus/ pho dang ni mo'i mdos la/ nyin gsum ni tshogs su bsags/ mtshan gsum ni gyer du bgyer/ cha gcig ni ri rab rtse ru bskyal/ cha gcig ni lung gsum mdo ru bskyal/cha gcig ni chab kyi gzhung la bskyal// de nas mdos byung ni gang nas byung// glud byung ni gang nas byung/ bal po'i yul du byung/ bal po ni hUM mdzad kyis/ bal po rgyal po'i don du mdzad/rgyal po bcu gsum gyi glud du phul/ rgyal po'i snyun nad kyang der sangs so// de nas mdos byung gang nas byung/ zhang zhung yul shed du/ zhang zhung gi rgyal po la/ mkhris pa ni sha yas zin/ ci bgyid ni cis ma sman/mun dun shags kyis pra phab pas/ hor ta lcam mo bcu gsum la/ glud dang ni thabs cig phul/ rgyal po'i snyun nad der sangs so// zhang zhung bon po khri mun stong gis ni/ dka' dgu ni bsogs bsogs nas/mthun dgu ni sdebs nas su/ rgyal po bcu gsum la glud du phul/ snyun nad kyang der sangs so// de nas mdos byung ni gang nas byung// glud byung ni gang nas byung/ bod yul gyi dbus su byung// spu rgyal btsan po ni snyun gyis zin/ ci bgyis ni cis ma sman/ rgya gar gyi yul nas su/ grong khyer ni gsal ldan nas/ dza ya se na spyan drangs nas/ pra phab ni phya bskor bas// ma bdud rgyal mos bkyon no skad/rgya bod mkhas pa ni mang pos bskor/ nyin gsum ni bsogs su bsag/ mtshan gsum ni gyer du bgyer/ chag cig ri gsum rtse la bskyal/ cha gcig lung gsum gyi mdor ru bskyal// cha gcig gtsang chabs kyi gzhung la bskyal/rgyal po snyun las der thar ro/ do nub tsam su yi glud/ yon bdag rgyu sbyor glud/ rdo rje slob dpon glud/ mched dang ni lcam dral glud/ rgyal mo bcu gsum la glud du 'bul/mdos bdag ni mdos bzhes shig glud bdag ni glud bzhes shig de nas byung sa gdab pa ni/ ma mchis ni dgu zhig mchis/ dga' dgu ni bsogs nas mchis/ gthun dgu ni sdebs nas mchis/tsho ma ni tsho dgu mchis/ mda' la bya rgod ma bcu gnyis ni// phod sgro ldem ru dang bcu gsum mchis/ dar sna bcu gnyis ni/ dpal dar yug chen dang bcu gsum mchis/ nam mkha' bcu gnyis ni/ 'ja' ris 'od sngon dang bcu gsum mchis/ ljang bu ni bcu gnyis na/ khugs rang byung dang bcu gsum mchis/ rma bya ni bcu gnyis na/ 'dab ldan ser po dang bcu gsum mchis/ mo 'phang ldeng mo ni bcu gnyis na/gser ris 'khor lo dang bcu gsum mchis/ mdzes pa'i me long ni bcu gnyis na/ gzi ldan 'od chags dang bcu gsum mchis/ khrag sna'i phor bu ni bcu gnyis na/ mtshal khrag zag dgu dang bcu gsum mchis/gsang ba'i dkyil 'khor gnyen po ni/ rgyal po bcu gsum spyan snga na/ 'dza' gad bdud rtsi'i bcud bltam nas/ rak+ta rgya mtsho rba rlab ci li li/ gsal ba'i mar me 'od bltam nas/ ma bdud spos chen du thu lu lu/mthing nag gur chen ni ldi ri ri/ sha chen gtor ma ni ci li li/ chu lug rgyal mo ni 'ba' dang di ri ri/ 'bras bu me tog sna tshogs ni bcal du bkram/ zhal zas sna tshogs mchod pa ni ri ltar spungs/ma mo mkha' 'gro dang re spro/ rdza rnga sil snyan skad re snyan/ ma tshogs mkha' 'gro dam la 'du/ do nub ni mdos gyer ro/ lha yang ni skyeng ma snol/ mi yang ni ma gzims shig/ nam mkha' ni ya gi la/ rgod po ni khyung lding yang/ 'greng mi yin ni glud ma lags/ dud phyugs kyi ni skyin ma lags/ ma bdud ni rgyal mo'i bya/ ri logs ni ya gi na/ sha rgod ni rmigs rgyu yang/ 'greng mi yi glud ma lags/ dud phyugs kyi ni skyin ma lags/ma bdud gyi rgyal mo'i dkor/ mtsho mo ni ma gi la/ 'gyur sram ma bu ni skye gzhungs yang/ 'greng mi yi ni glud ma lags/ dud phyugs kyi yang skyin ma lags/ ma bdud rgyal mo'i dkor/ do nub 'greng mi yi ni glud du 'bul/dud phyugs kyi yang skyin gcig gsob/ kye 'dod pa'i rgyal mo tshur gson cig/ chags byed rgyal mo tshur gson cig/ sku ni mthing nag 'bar ba la// mthing gi go lcog dbu la gsol// mthing nag ral pa 'od du 'bar// sku la dar nag go zu gsol/ mi mgo rlon pa'i phreng bas brgyan/ dar nag ru mtshon g.yas na bsnams// g.yon na 'phrul gyi me long bsnams// sngo bsangs ma ni bka' blon mdzad// khro gnyer can ni gung blon mdzad// nang blon mon mo spyi r-ings ma// rgyal mo khyod kyi 'khor bcas la// gsang ba mdos kyi dkyil 'khor 'di 'bul gyis// rgyal mo'i bka' chad da bzlog la// gsang ba mdos 'di phar la song// ljang bu 'phan ring sku yi glud// rgyal mo sku lus 'od ldan pas// dam tshig nyams pa'i bka' chad zhi// rma bya'i mdongs chen 'di phul bas// bkrag dang gzi byin ldan par dbul// sems kyi glud du nam mkha' dbul// tshe yi glud du mo 'phang ljang mo dbul// srog gi lud du mda' bzang bya rgod dbul// gos kyi glud du dar nag sle chen dbul// rnam shes glud du khro lcags mde'u rtse dbul// rgyal mo rnams ni ma rig 'khrul pas bcings// ma rig bag chags sel mdzad pas// snang srid gsal ba'i me long dbul// rgyal mo rnams kyi bka' chad bzlog pa'i phyir// sna tshogs khrag sna mtshal chen zag dgu dbul// rgyal mo'i thugs nad sangs gyur la// bdag cag g.yar dam gso ru gsol// ma dud spos chen 'brang rgyas dang// 'dza' gad bdud rtsi 'di 'bul lo// rgyal mo khyed kyi thugs dam bskang gyur cig/bdag cag g.yar dam gso ru gsol// pre ta gling gi rgyal mo khyod// mdos bdag lags kyi mdos long la// glud bdag lags kyi glud bzhes shig/ mnga' bdag rkyen du bzhes nas kyang// tshe srings dpal skyed dngos grub stsol// mdos bdag chen mo glud bzhes shig/ ces mchod do// de nas 'dza' gad gtong la 'di skad do// kye 'dod pa'i rgyal mo tshur gson cig/ rin chen 'od 'bar rgyal mo ni// sku ni ljang nag 'bar ba la// thugs ni ma g.yos dkyil mo che// g.yas pa thod pa khrag gis bkang ba bsnams// g.yon na sdig pa'i g.yang gzhi 'phyar// srid pa gsum la mnga' mdzad ma// 'dod khams rgyal mo chen mo khyod// khams gsum zhal du rab gdangs nas// stong gsum zhal du rab tu gsol// bzod par dka' ba'i dur khrod chen po na// mi khrag rta khrag mtsho ru bskyil// 'gro ba'i mdangs la mnga' mdzad ma// khyod kyi sngon dmar kha rlangs nas// sna tshogs mi nad phyugs nad gtong// mdos bdag ni mdos bzhes la// glud bdag ni glud bzhes shig/ ces phud gtong// de nas ting nge 'dzin gyi rgyal mo la 'di skad do// kye 'dod pa'i ma mo tshur gson cig/ dga' ma ting 'dzin drod nyul rgyal mo ni// sku mdog sngo bsangs khro mo'i sku// dbu la mu tig ljon tshar gsol// sku la ljang nag go zu la// mu tig phreng bas kha chag gsal// phyag g.yas zhing chen rgyal mtshan bsnams// g.yon na mtshon cha'i 'khor lo bsnams// 'dul ba kha chen drug po 'dul// 'khor ba ma mo brgyad cus bskor// gsol ni sha khrag dmar chen gsol// zas su cang kha bu ri gsol// nor bu 'bar ba'i kha bad thags bzang bsrel// grogs su gnod sbyin stobs ldan nag po brten// 'bar ba me yi 'od dang bcas// mdos bdag ni mdos long la// glud bdag ni glud bzhes shig/ ces phud gtong ngo// kye 'dod pa'i ma mo tshur gson cig/ srid pa'i bde 'gro rtag pa'i rgyal mo ni// sku ni ci yang ma nges te// sku la mthing gi go lcog gsol// rma lo mdzes pa'i lan tshar can// phyag na ba dan b+han d+ha 'khor lo bsnams// 'khor ni rnal 'byor ma mo 'khol// mdos bdag ni mdos long la/ glud bdag ni glud bzhes shig/ kye 'dod pa'i ma mo tshur gson cig/mkha' 'gro rgyal mo nam mkha'i dbyings phyug ma// sna tshogs 'gyur ba'i gzugs 'chang zhing// 'khor lo ral gri phyag na bsnams// mthing nag mdzes pa'i go zu la// ut+pal sngon po'i kha chag can// dbu skra mthing nag thor tshugs can// kha blon gung blon nang blon tshogs dang bcas// 'byung ba nam mkha'i mnga' bdag mo// 'dul ba'i rnal 'byor ma mo 'dul// mdos len ma mdos long la// glud bdag ni glud bzhes shig/ kye 'dod pa'i ma mo tshur gson cig/ mkha' 'gro'i rgyal mo bkrag gsal 'od// sku ni ser nag 'bar ba la// ser nag ral pa thor tshugs can// lag na rin chen b+han+d+ha bsnams// zhal gdangs mche ba gtsigs pa na// nyid kyi 'khor rnams ma lus 'dul// khro gnyer bzhad pas rnal 'byor ma mo 'dul// mdos bdag chen mo mdos bzhes shig/ glud bdag chen mo glud bzhes shig/ces phud gtong ngo// kye 'dod pa'i ma mo tshur gson cig/ phra men thugs kyi gzer can rgyal mo ni// sku ni smug mthing chen mo la// dbu skra rma lo mdzes pas brgyan// me dpung dmar po'i dkyil na bzhugs// sku la phra men go zu gsol// gza' chen brgyad kyi kha chag can// nyi zla shar ba'i go mtshon can// phyag g.yas rin chen ga'u mdzes pa'i chun 'phyang bsnams// ma mo bdun la mnga' mdzad ma// 'dul ni srid pa'i tshogs rnams 'dul// mdos bdag chen mo mdos bzhes la// glud bdag chen mo glud bzhes shig/ kye 'dod pa'i ma mo tshur gson cig/ khram thogs bdud mo gtso mo'i rgyal mo ni// khram kha stong la dbang sgyur ba// dmag gi rgyal mo bzhi la mnga' mdzad ma// 'dul ni srid pa'i ma tshogs 'dul// sku ni mthing nag 'bar ba la// na bza' dar nag go zu gsol// g.yas pa kha T+wAM rtse gsum bsnams// g.yon na spyang mo mgo dgu bsnams// zhal du mi snying 'bum 'bum gsol// bdud kyi dmag dpung 'joms mdzad ma// mdos bdag lags kyi mdos bzhes shig/ glud bdag ni glud bzhes shig/kye 'dod pa'i ma mo tshur gson cig/ rgyal mo chen mo kha rlan mche ba can// sman mo lnga bcu rtsa drug la// mnga' bdag rgyal mo mnga' mdzad drug/ srid pa'i byol kha bzlog mdzad ma// sku mdog nag mo tse re re// thod pa khrag gis bkang ba bsnams// g.yon na mi snying thu lu lu// sdang ba'i las ngan dgra bo la// las kyi thun gcig dbab tu gsol// 'khor 'dul rgyal mo go ting shags// ma mo bdun gyi rgyal mo khyod// mdos bdag ni mdos long la// glud bdag ni glud bzhes shig/ 'dod pa'i ma mo tshur gson cig/ bdud 'dul rgyal mo ral gcig ma// sku mdog bye ru dmar po la// mu men zangs kyi go zu can// phyag g.yas 'od ma'i rgyud bskul zhing// g.yon pas zhags pa dmar po sdog/ nyams pa rnams kyi snying khrag 'thung// mdos bdag ni mdos long la// glud bdag ni glud bzhes shig/ 'dod pa'i ma mo tshur gson cig/'dod pa'i ma mo dkar mo g.yag thod ma// sku mdog shel dkar ldem pa la// rma lo g.yu yi thig le can// dbu la dung gi go lcog gsol// sku la dar dkar go zu la// mi mgo thod pa'i phreng bas brgyan/sri mo bzhi la dbang bsgyur zhing// gsang ba'i ma mo bzhi la mnga' mdzad ma// gru 'degs bzhi ni khyod kyis 'khol// mdos bdag chen mo mdos long la// glud bdag chen mo glud bzhes shig/gsang ba mdos kyi dkyil 'khor 'di 'bul gyi// rgyal mo rnams kyi bka' chad 'dis bzlog la// gsang ba'i mdos 'di phar la long// ljang bu 'phan rings sku yi glud// rgyal mo'i sku lus 'od ldan pas// dam tshig nyams pa'i bka' chad zhi// rma bya mdongs chen 'di 'bul bas// bkrag dang gzi mdangs ldan par dbul// sems kyi glud du nam mkha' dbul// tshe yi glud du mo 'phang ldong mo dbul// srog gi glud du mda' bzang bya rgod dbul// gos kyi glud du dar nag sle'u chen dbul// rnam shes glud du khro lcags mde'u rtse dbul// rgyal mo rnams ni ma rigs 'khrul pas bcings// ma rig bag chags sel mdzad pa// snang srid gsal ba'i me long dbul// rgyal mo rnams kyi bka' chad bzlog pa'i phyir// sna tshogs khrag sna mtshal chen zag dgu dbul// rgyal mo'i thugs nad sangs gyur nas// bdag cag g.yar dam gso ru gsol// ma bdud spos chen 'brang rgyas dang// 'dza' gad bdud rtsi 'di dbul lo// rgyal mo khyed kyi thugs dam bskang gyur cig/ bdag cag g.yar dam gso ru gsol// be ta gling gi rgyal mo khyod// mdos bdag lags kyi mdos long la// glud bdag lags kyi glud bzhes shig/ mnga' thang rkyen du bzhes nas kyang// tshe srings dpal bskyed dngos grub stsol// mdos bdag chen mo glud 'di bzhes// glud bdag lags kyi glud longs shig/ glud thams cad ni pho glud mo glud de/ kun kyang mthun no// de nas rma bya'i mdongs kyis byad sgrib tu bcug la/ pho glud mo glud la 'di skad brjod do// kye rin chen spos kyi mi bo che/ yon bdag ni pho mo'i glud/ rin chen ni sna lnga'i gzugs/ lung thang mig la mgron bu'i so// rus pa dkar po ni mi la mchis/ rus pa'i glud du ni/ dung khang ni bya rus dbul/ mi la ni sha mchis te/ sha yi glud dbul lo// sha bal ni spang skye mchis/ mi la ni khrag mchis so// rgya mtshal ni lcogs la ma/ khrag gi glud dbul lo/ mi la ni snying mchis so// snying gi glud dbul lo// zho sha rtsa bzhi dbul/mi la ni mkhal mchis so// mkha' ma'i glud dbul lo// ma mkhal ni smug po dbul/ mi la ni so mchis te/ so yi ni glud dbul lo// mgron bu ni sul mdas dbul/ mi la mig mchis te/ mig gi glud dbul lo// lung thang ni nag po dbul/ mi la ni sgra mchis te/ skra yi ni glud dbul lo// gzi mo ni byi thur dbul/ mi la ni klad mchis te/ sram gyi klad dbul lo// mi la ni bkrag mchis te/ bkrag gi glud du bse yi lo grom dbul/mi la ni tshe mchis te/ tshe yi glud dbul lo// zangs ma ni gnyan gyi tshe/ srog gi ni glud dbul lo// gnam lcags ni ngur mo dbul/ mi la ni mdangs mchis te/ rma bya'i mdongs chen dbul/rnam shes tshogs brgyad kyi glud du dbul/ rin chen sna lnga dang/ rgya long dang me long dbul// lus la dar zab ni bskon te dbul// mgo la sal sil brgyan te dbul/ g.yas na dar thogs ni pu ru ru/g.yon na me khyer ni lams se lam/ ma bdud rgyal mo'i spyan sngar mchis/ bal mkhal thags 'thag tsam rdo re thog/ phyer thag 'gram skya tsam rdo re thog/ chu 'chu 'gab gsher tsam rdo re thog/ bang chen ring rgyug tsam rdo re thog/rin chen ni ngar gyis 'di skad zhus/ ma bdud rgyal mo ni tshur gson dang/ rje dang 'bangs su ni brje bar zhu/ tshe dang glud du ni brje bar zhu/ ltas ngan sna dgu ni bzlog par zhu/ yas kyi bdud g.yos kyang slar la bzlog/mas kyi sri langs ni slar la bzlog/ de skad ces zhus pa las/ ma bdud rgyal mo'i zhal na re/ smra ba ngag snyan ni tongs se tong/ 'gro na stabs sdug ni lag ma legs/ khyod rje yi glud du mchis pa na/smra ba tshig gsum ni nyan mi nyan/ 'gro ba gom gsum ni mgyogs mi mgyogs// gser dang do gcig bdo mi bdo/ btsan dang kha lta ni phod mi phod/ mi dang glud du rje mi rje/ mi dang glud du ni do bdo na/kha gser kha g.yu yod dam med/ de tsug ni yod pa na/ rje dang ni 'bangs su brje/ de skad ces gsol pa dang/ rin chen ngar gyis mching na re/ ma bdun rgyal mo ni tshur gson cig/ gser dang ni do bdo bas/mi lus ni gser bas brin/ btsan dang ni kha yang lta/ btsan yang mi yis 'khol/ mi dang glud du mi brje ru/ mi bas glud du bzang/ de skad ces gsol pa dang/ mi dang glud du do gcig bdo/kha gser dang kha g.yu bdog/ rje dang 'bangs su mi brje ru/ rje yi glud du 'bangs re bzang/ kye ma bdud rgyal mo ni tshur gson cig/ kye mdos 'di ma bdud rgyal mo'i phyag tu dbul/ dang po ni ma bdud rgyal mo la/bca' bca' ni bsngo bsngo nas/ da g.yang ya bdud rgyal mo la dbul/ smra tshig gsum mkhas te bsgo ba nyan/ 'gro gom gsum mgyogs te bang chen pher/ ma bdud rgyal mo'i bka' stsal nyan/ces ngar gyis smras pas/ rgyal mo thugs dgyes nas glud bzhes pa'o// de nas rgyal mo la mdos gtong ba 'di skad do// kye rgyal mo brgyad cu rtsa lnga glud du 'bul/ rgyal po bcu gsum gyi gtso mo ni/ ma sring pa'i rgyal mos bya/rgyal mo khyod kyi cho dang ni 'brangs smos pa/ sa gzhi ni sku yis brdal/ dog mo ni chu las chags/ mtsho ma pang gi steng shed na/ sku ma nyag gcig ldem pa'i tshe/ dbu ni bar snang khams su 'phyo/ zhabs ni rgya mtsho'i gting du 'khrugs/ phyag ni srin po'i yul du brkyangs/ zhal ni mi yi yul du gdengs/ sku ni ri rab kyi zom la bzhugs/ mche ba rol mtsho'i gting du gtsigs/ spyan ni stong gsum kun tu gzigs/dbu skra sum cu rtsa gsum gnas su slebs/ rgyal mo khyod kyi lto ba nas/ lha dang lha min gyis g.yul ngo 'gyed/ rgyal mo khyod kyi lto ba nas/ rten 'brel ni bcu gnyis 'char/ rgyal mo khyod kyi lto ba nas/ nyon mongs ni dug gsum 'char/ yi dwags dmyal ba ni 'gro drug kyang/ rgyal mo khyod kyi ni sku las 'chad/ dga' ba'i tshal dang ni 'dres pa'i tshal/ ri rab rtse yi tshal bzhi yang/ rgyal mo khyod nyid las kyang byung ba ste/'byung ba kun gyi ni bcud bdag mo/ srid pa cham la ni 'bebs mdzad ma/ ma mo kha rlangs ni 'od du 'khyug/ 'jig rten rims nad gtong mdzad ma/ rgya mtsho'i steng du zhabs brkyang pas/ klu bran 'bum sde ni dbang du sdud/bar snang khams su ni 'phyos pas ni/ lha bran mang po dbang du sdud/ srin po'i yul du ni phyag brkyang bas/ srin po rnams ni grogs su byas/ mi yi yul du zhal gzigs pas/ sngon dmar mi yi yul du khrag nad gtong/ri rab ngos la sku bzhugs pas/ thams cad 'byung ba ma mos byas/ mche ba rol mtsho'i nad gtsigs pas/ srid pa'i ma bdun las la 'khol/ stong gsum kun tu spyan gzigs pas/ 'gro ba'i srog la mnga' mdzad ma/ dbu skra sum cu rtsa gsum gnas su slebs// lha rnams kun yang cham la 'bebs// ma mo ma mo mi bgyi ru// thams cad 'byung ba ma mos byas// chos kyi dbyings dang dbyer med cing// sku ni mthing nag chen mo la// thugs ni ma g.yos dkyil mo che// sna tshogs 'ja' gur ldi ri ri// bzhengs shig chos kyi dbyings nas bzhengs// 'jig rten rngam pa'i sgra byung bas// snang srid thams cad zil gyis gnon// lo gsar gnyen po'i tshes gcig la// rgyal mo sku bzhengs shig/ phyag na mi bre mi srang chen po bsnams// mi brgya khram la thob la rta brgya srang la 'jal// mdos bdag chen mo mdos long la// glud bdag chen mo glud bzhes shig/ dbyings kyi rgyal mor gshegs su gsol// dbyar gyi rgyal mo mdzad pa'i tshe// me tog kun gyi mdangs 'phrog ma// ston gyi rgyal mo mdzad pa'i tshe// lo tog snar mo'i bcud 'byin ma// dgun gyi rgyal mo mdzad pa'i tshe// sgrub pa po yi grogs mdzad ma// rgyal mo lnga bcu rtsa lnga'i gtso mo khyod// mdos bdag lags kyi mdos long la// glud bdag lags kyi glud bzhes shig/rgyal mo bcu gsum khyed rnams kyis// mdos 'di phar song slar ma bzlog/ 'di la phya dang g.yang ma 'bros// zhes sring mo bzhi ni sgo ba ste// shar gyi dkar mo spyan gsum mche ba can// sring mo rdo rje mdos long la// ming po rnal 'byor mdos gtong ngo// lho yi nag mo spyan gsum mche ba can// ming po rnal 'byor mdos gtong gis// sring mo rdo rje mdos longs shig/ nub kyi dmar mo spyan gsum mche ba can// ming po rdo rje'i mdos gtong gis/ sring mo rdo rje'i mdos longs shig/ byang gi sngon mo spyan gsum rnal 'byor ming pos mdos gtong ngo// sring mo rdo rje mdos longs shig/ sgo ba'i las su sgo phye la// 'phrad pa'i las su 'phrang sol cig/ mdos cha gcig ri gsum rtse la bskyal// bdag cag rnal 'byor sgrub pa po// ri bo bas kyang lhun sdug pa// bkra shis dam pa'i mchog gyur cig/ mdos cha gcig gtsang chab gzhung la bskyal// mi mtha' chu yi rgyun bzhin 'gyur// cha gcig lung gsum gyi mdo ru bskyal// longs spyod tshogs rnams 'du gyur cig/ ces mdos bdag bskyal tshe 'gugs khrag gi phor bu zor bdag bzhi la bskul la zor du 'phang ngo// ma mo srid pa'i bem las/ rgyal mo bcu gsum gyi mdaus kyi le'u ste bdun pa'o//// de nas g.yung drung lha yis 'di skad ces gsol to// kye ma'o 'jig rten stobs kyi lha// sna tshogs sdigs pa'i ltas ngan ji ltar bzlog/ sdigs pa'i ltas ngan gang la bgyi// zhes gsol pas/ 'di skad ces bka' stsal pa/ nyon cig khyod kyis dri ba legs// 'khor ba 'dus kyi cha 'di la// dus kyi ltas ngan mi la bab// 'ug pa mkhar la tshad bcas dang// srod la bya skad sgrogs pa ni// ma bdud bya sman las ngan yin// srin bya ro byung zer ba dang// lha bya gong mo khyim du zhugs pa ni// sman dang 'gong po'i ltas ngan yin// bya rgod mkha' la sder badzings pa// ya bdud rgyal po'i ltas ngan yin// yugs sa pho mo'i sder 'dzings pa// 'brog srin spun bdun ltas ngan yin// tag yag mtshe ma byung ba ni// byi ba 'gong po'i ltas ngan yin// mgo rkub log pa'i sems can yang// de yang byi ba 'gong po'i ltas ngan yin// ming sring bsnol dang ba gshor ba// dam sri nag mo'i ltas ngan yin// glang po che yi mche 'dzings pa// brag btsan rgyal po'i ltas ngan yin// sha pho rwa 'dzings bdud kyi ltas ngan yin// mi dang byol song bslad pa ni// gnam sman mched bdun ltas ngan yin// sbal pa khyim du tshang bcas skrog sgra 'don pa ni// sa bdag bzhi yi ltas ngan yin// sbrul gyi gshog sgra 'phur ba mthong// byol song klu yi ltas ngan yin// sre mong byi ro sngon du bskyur// ma bdud rgyal mo'i ltas ngan yin// bya rog 'ug pa deng nas khyim du bab// li byin har gyi ltas ngan yin// bud med lus mi bde gyur la// lus las bu ni mi btsa' bar// sbubs dang chu ru byung ba ni// li byin har gyi ltas ngan yin// de la zlog pa ji ltar bgyi// 'jig rten stobs ldan bka' stsol cig/ nyon cig 'jig rten stobs kyi lha// mi dang byol song bslad pa ni// 'bru bya dkar mo mche dmar bdun// lug dkar mo bdun/ khyi dkar mo bdun/ dngos su med kyang she mig gcig la dar sna tshogs brgyan nas/dar ser pos mgul nas btags la/ de man chad du lug mig dmar gyis sna drangs la bshig/ dar dkar gyi nyag steng na mar brkyang la bzhag go/ ngos gcig na mar bya bshibs la de yang dar dkar gyi nyag brkyang la gzhag go/gling bzhi bca' nas de ru sman bshos bdun bzhi yang byas la ri rab kyi steng du bzhag/ de'i steng du btsun mo go zu can bdun byas la bzhag go/ngar phye la sha ba yu mo bdun byas la dar dmar pos brgyan/ nam mkha' dkar mo g.yu'i gong chung can bdun la ras ma dkar mo dang/ gong mo'i sgro dang sna tshogs kyis brgyan no// 'bang bdun la gser g.yu'i mong lo can sna tshogs kyi brgyan pa gzug go/de nas yas stags ru la ston la/ spos dang me dang 'brang rgyas bdun dang/ phud gtsang mas rin po che'i snod bltams la bzhag/ mda' bya rgod ma la dar dkar gyi sle'u btags la bu mo gtsang mas g.yob tu gzhug go/lag pa g.yon du me long bskur/ spos chus bu mo'i lus bkru/ ras gtsang ma'am phy-ing pa gtsang ma la gser yus phrag pa g.yas g.yon brgyan la bkon no// de na gyer gzugs zin tsam na phud gtor/ bya lug dang yas stags g.ya' ri dang gangs ri la bskyal lo// hUM nam mkha' khams kyi dkyil 'khor nas// gnam sman dkar mo rdo rje yang dag gsal// gnam sman mched bdun spyan 'dren no// dar dkar sle'u g.yab 'dor ro// dri zhim spos kyi na bun gtibs// gsal ba'i me long mda' bzang bya rgod rten// rin chen mdos mchog 'di la spyan 'dren na// gnam sman mche bdun gshegs su gsol// gnam sman dkar mo rdo rje yang dag dpal// sku ni 'od chags sdem pa la// na bza' sprin dkar go zu gsol// mtha' ma gser gyis kha chag can// nyi zla mdzes pa'i go mtshon can// dbu la g.yu yi go lcog gsol// chibs su sman sha yu chung chibs// gser gyi sga srab si li li// g.yu mthur sngon mo brengs se breng// rol du khrung khrung dkar mo khrid// mdos bdag lags kyi mdos long la// thugs nad sangs la bka' chad bri// bya skad snyan te tongs se tong// lug dkar mig dmar 'ba' dang di ri ri// khyi dkar shel mig 'dur dang zhungs se zhung// sman sha yu chung yang dkyus dang brengs se breng// dar dkar nyag thag kyang sku la ring gis 'char/ rnal 'byor bdag gis brten cing khyod mchod do// gring mo dam las ni ma 'da' zhig/ de'i ni gcung mo ba/dam tshig ni g.yu sgron ma/ phra men ni mdzes pa'i sku/ dbu la dar dkar gyi lding zhu gsol/ mu tig mdzes pa'i ljang tshar can// sku la phra men gyi go zu gsol// sku stod g.yu'i na bun ni thu lu lu/ phra men mdzes pa'i gong yag can// chibs su khrung khyung dkar mo bcibs// rol du sman sha yu chung khrid/ g.yas na phra men 'phrul gyi ga'u bsnams// g.yon na dngul dkar gyi me long bsnams// mu tig khu 'phang yang sha ra ra/nor bu gong sreg ni mang po bsrel// sman mkhar rtse la na bun 'thul/ gzed mo grong bdun ni 'khor du 'khol/ mi mthun ltas ngan yang slar la zlog/ mdos bdag ni mdos khongs la// smyo 'bog nang kha yang slar la zlog/bya skad gsung snyan yar di ri ri/ sha dgod kyus dang ni brengs se breng/ sman lug dkar mo yang 'ba' dang di ri ri/ nam mkha' mtho lding yang/ bkrag mdangs sigs se sig/ dung 'phang me long yang/mdzes pa'i chas su bstsal// rma bzang phod sgro yang zer dang phyu ru ru// mdos bdag ni mdos long la/ glud bdag ni glud bzhes shig/ ces phud gtsang gtong ngo// de'i gcung mo la/ 'od chags g.yu'i ral cig ma// sku ni rin chen ldem pa la// rma lo mdzes pa'i na bza' gsol// mu men mdzes pa'i kha chag can// sman sha yu chung ni chibs su bcibs/ rol du dgo ba ru sngon khrid/ g.yas na sha zhag khra bo bsnams/g.yon na g.yu yi khu byug bsnams// gsung snyan ni tongs se tong/ mdos bdag ni mdos longs la/ glud bdag ni glud bzhes shig/ mi la ni than ma tho/ bya la ni snyi ma 'dogs/ sna tshogs ni sdig la zlog/de'i ni gcung mo ba/ par+Na sha ba ri/ sku la ni ci gsol na/ btso ma gser gyi ni go zu la/ phra men mdzes pa'i kha chag can// chibs su sman sha ni yu chung bcibs/ rol du snyan po ni ru sgor khrid/phyag na phra men ni bum pa bsnams/ g.yon na gser gyi ni zor ba zo ba yang bsnams/ nad du smyo nad ni gzer ba gtong/ gsung snyan bya skad kyang tongs se tong/ dmu lug 'ba' skad ni di ri ri/ logs la sha dgo dag kyang brengs se breng/ dri zhim spos kyi na bun kyang thu lu thu/ nam mkha' mtho lding yang bkra dang sigs se sig/ mo 'phang dung dkar yang ni si li li/ mda' bzang bya rgod kyang mkha' la ldems se ldem/sman mkhar stod na g.yu yi na bun 'thul/ mdos bdag ni mdos bzhes la/ glud bdag ni glud bzhes shig/ ces phud gtong ngo// de yi gcung mo ba/ g.yu'i thod gdengs can/ sku ni rin chen 'bar ba la// sku la men dkar gyi go zu gsol/ rma tsho g.yu'i ni gong lag can/ dbu la g.yu yi go lcog gsol/ chibs su khyung chen dar ma bcibs/ sku la rang la lcags kyis bskyod/ rgya long mdzes pa'i mu men can/g.yas na shel gyi bya khra bsnams/ g.yon na g.yu'i seng ge bsnams/ 'od dang ni 'ja' mtshon ris/ lha bya ni gong mo yang/ skad gdangs ni tongs se tong/ bya bzang ni gar byung yang// mkhar gyi ni rtse la lding/rmu sman ni mched kyis bskor/ thags bzang lug dkar la/ mang khyu dang me ri ri/ dri bsung spos kyi na bun thu lu lu/ dar dkar nyag brkyang yang/ 'od dang brengs se breng/ sman phran gshegs kyi shul/dar dkar gyi sle'u chen yang/ sman phran bzhugs kyi gur/ mdo bdag ni mdos bzhes shig glud bdag ni glud bzhes shig/ ces phud gtong ngo// de'i gcung mo ba/ nam mkha'i khams kyi bo de ma/ sku la ni ci gsol na/bya rgod po'i thul ba gsol/ chibs su ni ci bcibs na/ seng ge ni dkar mo bcibs/ rol du ni g.yu yi bya khra khrid/ phyag na bya rgod ldem bu bsnams/ sman bran ni 'bum dang bcas/ mdos bdag ni mdos bzhes shig/glud bdag ni glud bzhes shig/ de'i ni gcung mo ba/ nam mkha' khams kyi dpal mo btsan// sku la dar dkar slag pa gsol// ba ti smug po'i sham bu gdags// phyag na gser gyi zangs gri bsnams// g.yon na ba dan dkar po bsnams// chibs su dgu tshigs skya mo bcibs// skar ma mda' ru 'phen pa'i rtsal mo che// 'khor du sman phran 'bum gyis bskor// mdos bdag ni mdos bzhes shig/glud bdag ni glud bzhes shig/ ces ri gsum rtse la bskyal lo// byol bzlog pa dang/ nyams lci ba dang/ smyo 'bog dang/ brgyal bu dang/ dmu rdos phog pa dang/ glu bro rtse zhing smyo ba dang/ snying mi dga' zhing mi gseb tu 'gro snying mi 'dod pa dag la 'di'i phan pa dang bde bar 'gyur ro// sbal ba tshang 'chas na sa bdag gi yo bcos bya/ klu la klu'i mdos kyis bcos bya/ rgyal po 'gong po spun dgu bzlog/dkar po bcu gsum rab/ shin tu smyo 'bog la phan no// ma bdud kyi ltas ngan rgyal mo bcu gsum mdos kyis bzlog/ sman dang 'gong po'i mtshan ngan la pho mdos mo mdos rgyas par bya/ ya bdud kyi bdud zhal bsgyur bya/yugs sa pho mo'i mtshan ngan la gling bzhi kha lnga'i mdos kyis bzlog/ phyugs nad thams cad de yis bzlog/ bying ba 'gong bo'i mtshan ngan la// srid pa'i rgyal mo'i sgos mdos bya// dam sri nag mo'i mtshan ngan la// lha mo lcags khang mdos kyis bzlog/ brag btsan dmar po'i mtshan ngan la// rgyal po 'gong po spun dgu'i mdos kyis bzlog/ shin tu yam shud dmar po bcos// sha po bdud kyi mtshan ngan la// lcags mda' bcu gsum mdos kyis bzlog/ sro mo ma bdud rgyal mo'i mtshan ngan la// mda' bzhi sgyogs bzhi'i mdos kyis bzlog/ bya rog li byin har gyi mtshan ngan la// de yang yul mkhar mdos kyis bzlog/de yang b+h+yo bzlog mdos kyis kun kyang bzlog/ ces gsungs so// ma mo srid pa'i bem las/ ltas ngan bzlog pa'i le'u ste brgyad pa'o//// de nas g.yung drung lha yis 'di skad ces gsol to// kye ma ho 'jig rten stobs kyi lha// mda' bzhi sgyogs bzhi ji ltar bca'// zor kha chen po ji ltar bzlog/ ces gsol to// yang bka' stsal pa/ nyon cig gnod 'dul g.yung drung lha/ 'khor lo rtsibs bzhi mu khyud la// sgo bzhi sgo rnams ldan par bri// de nas mda' bzhi me long bzhi// dar sna ldan par 'khor lo bzhi la gzug/ 'ug pa pho rog khra dang srin bya bzhi// mkhas pas sgro ni bskyon par bya// mde'u skyer pa'i zur gsum gzhug/ de yang pho rog byang la 'ug pa shar// khra ni lho la srin bya nub// khrag sna'i phor bu phyogs bzhir bzhag/ khyi rgya bo'i snying khrag/ glang rog po'i snying khrag/ sa bdag rgyal po'i snying khrag/bud med kyi dus khrag de rnams med du mi rung ngo// gzhan yang khrag sna yod tshad blugs so// glang gi khrag byang// shar du sa bdag rgyal po'i khrag/ lho ru khyi khrag/ nub tu dus khrag/ de bzhin lcang lo mtshan ldan du// phud gtsang sman dang sbyar la bzhag/ ngar glud 'dzub gang tshad du bya// btsun mo bzhi yi chas su gzhug/ nam mkha' khong khra 'ja' ris ni// khong gis bsgyur la rma bya'i sgro yis brgyan// de bzhin phud byed bzhi la dbul// lha yi cho ga gzhung yang bsrang// nam stod lha 'dzab dbul bar bya// nam smad ma mo'i bsnyen pa dbul// zhag gsum bar du bsnyen pa dbul// sngags 'di ni bzhi snying gcig du dril ba'o// trag rak+sha mu tra ma ma snying kha rag ma ma trag rak+sha ma ma rak+sha/ rag mo snying khrag la ma dun dun/ trag rak+sha snying ma snying he keM ma ma ru lu ru lu b+h+yo/ de nas ma bzhi bu mo bzhi la bstod nas tshe 'gugs/de nas phyogs bzhi mtshan ngan dang zor kha zlog/ khrag gi phor bu re re dang mda' re re bsgrags la/ mde'u dmar kham me byas la bror bdag bzhi la bskur btang ngo/ ma bzhi bu mo bzhi gzhan dang mthun/mda' dang me long dang dar sna dang chas pa na tshe g.yang dgug pa'o// dang po 'khor lo la 'jug tsam na ma bzhir bskyed pas/ sngags bzlas shing mchod la dbang bskur ro// tshe blan/ maN+Dal bsdu/ zor bdag mo'i bskul thun/da ni mda' 'phen su la 'phen// da ni sgyogs 'phen su la 'phen// nyi ma shar phyogs pha ki nas// mtshan ngan 'ug pa gad mo dgod// dur bya srin byas ro byung zer// tho rangs sgo khyi ngu zhing zug/sre mos byi ro 'phang du sgyur// da ni mda' 'phen dai ru 'phen// da ni sgyogs brdeg de ru brdeg/ steng gi lha la mi brdeg go/ 'og gi klu la mi brdeg go/ bar snang lha la mi brdeg go/ bar snang lha yis shul mtshon cig/bla yi bu la mi 'phen no// 'og gi nu la mi 'phen no// bu dang chung ma nor gyi dbyig la mi 'phen no// 'ug pa gad mo dgod cing srin byas ro byung zer// sgo nas khyi ngu sre mong byi ro bskyur// nyi ma shar phyogs pha kir 'phen// shar phyogs rgyal chen bka' bsgyur la// rmi ltas mtshan ngan slar la zlog/ zor kha zlog la sgyogs kha sgyur// shar nas gza' yi bu mo dan ting shags// sgyogs kha sgyur la zor kha zlog/bstan pa 'jig pa de la zlog/ zor kha mda' yi rtse la longs// khrag zor dmar po dgra la sgyur// khrag nad rgyu gzer dgra la thong// da ni mda' 'phen gang du 'phen// nyi ma lho phyogs pha ki nas// 'ug pa gad mo dgod cing srin byas ro byung zer// sre mong byi ro 'phang du bskyur// tho rangs khyi ngu de na ngu// shes rab thabs kyi gzhu bdungs nas// ye shes thabs kyi mda' 'phen gyis// zor kha zlog la sgyogs kha sgyur// khrag zor dmar po dgra la rgyob// lho phyogs rgyal chen bka' sgyur la// mda' ni zor kha dgra la zlog/ sgyogs kyi kha la dal kha b+h+yo// nyi ma lho phyogs pha ki nas// btsan gyi bu mo kha la me 'bar lce dgu ma// sgyogs kha bsgyur la zor ka zlog/ bstan pa 'jig pa de la zlog/ dam nyams dgra bo'i snying la rgyob// khrag zor dmar po dgra la rgyob// las kyi thun gcig dbab tu gsol// da ni mda' 'phen gang du 'phen// da ni sgyogs 'phen gang du 'phen// nyi ma nub phyogs pha ki nas// 'ug pa gad mo dgod cing srin byas ro byung zer// tho rangs sgo khyi ngu zhing sre mong byi ro 'phang du bskyur// da ni mda' 'phen de ru 'phen// da ni sgyogs kha de ru sgyur// mda' yi rtse la zor kha sgyur// sgyogs kyi kha la dal kha zlog/ nyi ma nub phyogs pha ki nas// klu yi bu mo yid 'ong dge/ zor kha bzlog la sgyogs kha sgyur// bstan pa 'jig pa de la zlog/ khrag zor dmar po dgra la rgyob// da ni mda' 'phen gang du 'phen// da ni sgyogs 'phen de ru 'phen// nyi ma byang phyogs pha ki nas// 'ug pa gad mo dgod cing srin byas ro byung zer// thor rangs sgo khyi ngu zhing sre mong byi ro 'phang du bskyur// da ni mda' 'phen de ru 'phen// da ni sgyogs 'phen de ru 'phen// byang phyogs rgyal chen bka' bsgyur ma// zor kha zlog la sgyogs kha sgyur// nyi ma byang phyogs pha ki nas// bdud kyi bu mo mig gcig rkang 'degs ma// zor kha zlog la sgyogs kha sgyur// bstan pa 'jig pa de la zlog/ khrag zor dmar po dgra la sgyur// mde'u'i kha la zor kha long// zhes tshe blan no// ma mo srid pa'i bem las/ mda' bzhi sgyogs bzhi'i mdos kyi le'u ste dgu pa'o//// de nas g.yung drung lha yis 'di skad ces gsol to// kye ma ho 'jig rten stobs kyi lha// mtsho sman mched kyi bskang mdos la// de yi mthun rdzas ji ltar bsog/ dpa' bo chen pos bka' stsol cig/ ces gsol to// yang bka' stsal pa/ mtsho sman mched kyis bskang rdzas ni// mda' ris shing ris ma gsungs te// dang por nam mkha' bsog par bya// gser gyi khong chung btang ba la// rag mo g.yu yi kha chag can// sna tshogs dar dang rma bya'i sgro yis brgyan// smug mo dbu lnga'i phyag tu dbul// nam mkha' sngon po gser gyi kha chag can// mthing nag dar dang rma bya'i sgro yis brgyan// ma btsun mthing gi lha mo'i phyag tu dbul// nam mkha' dung gi khong chung la// gser la g.yu yi kha chag can// dkar mo dbu dgu'i phyag tu dbul// khong pa smug la phyi rim ser// g.yu yi kha chag mdzes par btang// tsa mun tri yi phyag tu dbul// khong pa g.yu la phyi rim dmar// g.yu yi bye'u can phyag tu dbul// nam mkha' sngon po zang yag la// dung gi kha chag gtams pa ni// rgya mtsho gling gi dbang mo che la dbul// khong pa dung la phyi rim dmar// kha chag g.yu la byas pa de// rma ri rab 'byams phyag tu dbul// khong pa gnag la phyi rim dkar// kha chag g.yu yis byas pa ni// 'o de ring mo'i phyag tu dbul// nam mkha' 'ja' ris 'od po che// srid pa'i rgyal mo'i phyag tu dbul// kun kyang dar dang rma bya'i sgro yis brgyan// mtsho sman mched dgu'i bskang rdzas ni// 'phang sngon dgu la mdzes pa'i me long stsal// dar gyi gos sngon chas su gzhug/ bu ram mtsho dang sbrang gi mtsho// mar nag mtsho dang rtsi mar mtsho// 'o ma'i mtsho dang khrag gi mtsho// rtsi sman mtsho dang chu mig mtsho// lding ka mtsho dang 'bab chu mtsho// bya dgu'i kha dog 'phang dang bstun// bud med mdzes ma dgu yi gzugs// mgo la gser g.yu mdzes pas brgyan// mthing nag dar gyi go zu bskon// gsal ba'i mar me dgu yang bltams// gtor ma dgu yang bshams nas ni// slob dpon chas su zhug nas kyang// rta mgrin rgyal por bskyed nas kyang// mtsho sman rgyal mo dgu la gyer// de nas tshe dgug g.yang blan la// bya chu kha'am lug chu kha mgo dar gyis gtums la/ chu dbyings su tha ma mthing gi lha mo la gtad do// de yang 'di skad ces dbul lo// kye do nub mdos gyer ro// do nub ni glud 'bul lo// gnam yang ni ma mnal la// sa yang ni ma gzims shig/ lha yang ma mnal la/ mi yang ma gzims gshig/ phyogs phyogs de ni pha ki na// mtsho ma pang de ni me re re/ gser gyi nya sbrul yang shigs so shig/klu bya pho yang di ri ri/ gnyan bya mchu sngon skad snyan tongs se tong// ngar ngur lcam dral yang dar ma dir/ gnam sngo sa sngo yang sangs se sang/ rma bya gar byed kyang sga ra ra/ de'i ni gnyan mo ba/ ma btsun mthing gi lha mos byas/rgya mtsho chen po'i nang shed na/ g.yu yi sbrang ma bkra la la/ de'i nang shed na/ g.yu mkhar sngon po yang sdems se sdem/ mkhar stod g.yu yi na bun 'thul/ mkhar smad g.yu'i bu yug 'tshub/de'i nang shed na gser gyi khri la g.yu'i gdan steng na/ ma btsun mthing gi lha mo bzhugs/ sku la mthing gi ber chen gsol// dbu la dar zhu nag po gsol// chibs su chu glang sngon po bcibs// phyag na rma bya'i rgyal mtshan bsnams// mkhris pa sha ya'i mnga' bdag mo// 'khor du klu sman 'bum gyis bskor// pho nyar bcu btsan chu tshan yang sngon mo 'gyed// mdos bdag ni mdos bzhes la/ glud bdag ni glud longs shig/g.yu mtsho sngon mo ni me ri ri/ de'i nang shed na/ g.yu mkhar sngon po ni ldems se ldem/ de'i nang shed na/ mkhar gyi bdag mo la/ klu yi pho mo 'od de ring mos byas/ sku la sbrul sngon gyi slag pa gsol/ dbu la mthing gi go lcog gsol/phyag na rus sbal nag po'i par bu bsnams/ g.yon na sbrul zhags ni khra bo bsnams/ chibs su rus sbal nag po bcibs// mdos bdag ni mdos bzhes la/ glud bdag ni glud longs shig/sa bdag klu dang ni ma sdong par/ ming po rnal 'byor gyi mnga' bdag ring 'khor du/ sring mo rnal 'byor dam ma 'da'/ phyogs phyogs de ni pha ki na/ yul bas kyi ma mtha' na/chab bas kyi ma gzhug na/ mtsho ding ding gi nang shed na/ mthing gur sngon mo ni ldi ri ri/ gser gyi re thag ni rgyangs se rgyang/ g.yu yi chon phur ni si li li/ de'i ni nang shed na/ kha bdag chen mos bya/ klu yi bu mo yid 'ong dag/ sku la nya lcibs sngon mo gsol/sbal lcong 'bum gyi ni kha chag can// chibs su chu srin dar ma bcibs/ rol du sbal pa nag po khrid/ mdze nad shu ba'i mnga' bdag mo/ phyag na sbrul gyi rgyal mtshan bsnams/pho nya chu btsan sngon po bgyed/ mdos bdag ni mdos bzhes la/ glud bdag ni glud bzhes shig/ mnga' bdag deng 'khor du/ mtsho sman ni mched dgu la/ glud 'bul khab 'jal lo/ mi bas glud re dga'/rdzas bas khab re dro/ rgya gar yul gyi tshu rol na/ kha che yul gyi ni pha rol na/ gzeb be ta'i gling shed na/ mdze nad bco brgyad gtong ba'i mnga' bdag mo// lha mo g.yu yi bye'u chung can/ sbrul mgo dgu yi go zu can/sbal cong 'bum gyi kha chag can/ rma bya'i la tshom pu ru ru/ klu rgyal 'bum gyi lcam gcig ma/ phyag na sbrul gyi rgyal mtshan bsnams/ mdos bdag ni mdos long la// glud bdag ni glud bzhes shig/dung mtsho dkar mo'i nang shed na/ klu 'od zangs kyi lcam gcig ma/ sku la dar dkar gyi go zu gsol/ dbu dgu'i thor tshugs ni gcig tu bcings/ chibs su gser sbrul ni g.yug shog bcibs/ phyag na dung gi rgod ni legs pa bsnams// kha rlangs sngon dmar 'ja' tshon 'khyug/ ljang sngon drag po'i srin mo ste/ yak+sha nag po'i btsun mo yin/ pho nya ma bdud rgyal mo 'gyed/ mdos bdag ni mdos long la/ glud bdag ni glud bzhes shig/mnga' bdag ni ding 'khor du/ mtsho sman mched dgu la glud 'bul lo/ dog nems nems kyi ni 'og/ mtsho mer gyi nang shed na/ gser mkhar ser po la/ g.yu yi bad btags pas/ gnyan bya ni ding po lding/ rin chen ni sgo bzhi bstsal/ g.yu'i rgyal mtshan ni bkra la la/ de'i nang shed na/ a phyi la kha bdag mo// mtsho sman rgyal mo nyul le ma// sku la mthing nag ber chen gsol// dbu la rma bya'i mthing zhu gsol// rgya long me long ta la la// chibs su chu srin mgo dgu bcibs// rol tu chib rta sngon po khrid// khyi sngon mo shel mig gi mnga' bdag mo// nad du zha grum la za 'phrug gtong/ mdos bdag ni mdos long la/glud bdag ni glud bzhes shig mnga' bdag ni ding 'khor du/ mtsho sman mched la glud 'bul lo/ khrag mtsho dmar po 'khol ba'i nang shed na// dmar mo g.yu yi ral pa can// khyod kyi sku lus mthing bas sngo// g.yu yi ral pa 'od du 'bar// ral pa'i zar bu nyag ma re re la// gser gyi nya sbrul shigs se shig/ khyi dmar po shel mig gi mnga' bdag mo// 'khor du dung 'phen re mkhar nag mo 'khol// za 'phrug gtong ba'i mnga' bdag mo// 'khor du dmar mo 'bum gyis bskor// mdos bdag ni mdos bzhes shig/ glud bdag ni glud bzhes shig/ mnga' bdag ni ding 'khor du/ mtsho sman mched la glud 'bul lo// mchongs khar smug po'i nang shed na// dung gi rgyan ni khra la la// g.yu yi khri la gser gyi gdan steng na// smug nag chen mo dbu lnga mo// sku la le brgan ber chen gsol// rol mtsho g.yu yi kha chag can// dung gi sdom sdig nyi li li// bud med dmar nag 'bum gyis bskor// chibs su chu klang sngon po bcibs// g.yas na dpal dar smug po bsnams// g.yon na mchong gi ga'u bsnams// sku la nyag gcig bskyod tsam na// sku ma ring la thams cad 'du// khyi smug mo shel mig gi mnga' bdag mo// mdos bdag ni mdos bzhes la// glud bdag ni glud bzhes shig/ mnga' bdag ni ding 'khor du// mtsho sman mched la glud 'bul lo// ri rab chen po'i rmang shed na// rgya mtsho chen po'i nang shed na// rma ri rab 'byams lha mo grags mo rgyal// srid pa gsum gyi thod gdengs can// gser dang shel gyi rnga mo la// g.yu yi sga bstad zangs se zang// mu men gur chen khyi li li// mu tig khu 'phang sha ra ra// sku la rma bzangs ber chen gsol// phyag na klu 'brug da ra 'dzin// sus kyang mi bskyod mi shigs yang// rnal 'byor dam tshig can la dgongs// bran glu spyugs pa tse re re// zhabs gcig rgya mtsho'igating du brkyang// klu bran mang po bran du 'khol// zhabs gcig srin po'i yul du brkyang// srin po pho mo bran du 'khol// phyag gcig ri rab brtse la bton// lha ma yin gyi g.yul ngo zlog/ phyag gcig lha yi yul du brkyang// lha bran mang po bran du 'khol// mdos bdag ni mdos long la/ glud bdag ni glud bzhes shig/mnga' bdag ni ding 'khor du// mtsho sman ni mched dgu la// rgyal du glud 'bul lo// mi ma ni rin chen bdun dgu yang/ mdzes pa'i rgyan gyis brgyan/ rnam shes ni dbang po ldan/ mi yi ni glud lags te/mtsho sman ni mched dgu la 'bul/ nam mkha' ni sems kyi glud/ mi yi glud du dbul lo// mo 'phang thang bzangs ni gzug/ gzugs gyi ni glud lags te/ gsal ba'i mar me dgu/ rang rig ni gsal ba'i glud/sems nyid snang ba'i glud du 'bul/ rma bya ni mdongs chen dgu// mdangs dang bkrag gi glud/ bkrag dang mdangs kyi glud du 'bul/ mtsho chen dngas ma dgu/ yul dang ni mkhar gyi glud du 'bul/ dngul dkar me long 'od po che/ dbang po sgo lnga'i glud du 'bul/ dar sna mang po yang/ na bza' mdzes pa'i glud/ gos kyi glud du 'bul/ zangs lcags gser g.yu dang/ bya khyi mdzes par kha dog bsgyur/ nor gyi ni glud du 'bul/spyan gzigs ni zhal zas yang/ zas kyi glud du 'bul// rin chen spos kyi mi bo che// mched lcam sku yi glud du 'bul// sha chen gtor ma rak+ta rnams// gsang ba'i dam rdzas mchod par 'bul// mtsho sman mched dgu mdos long la// tshe dang glud du brje bar zhu// rdzas dang zhabs su brje bar zhu// ma mo'i bka' chad slar la zlog/ mi bas glud bzang 'bul/ zhes mdos 'di skad ces btang ngo// ma tshogs ni gnyan mchod do// mtsho sman ni mched dgu mchod/ mdos ni gang du gtong/ phyogs phyogs ni pha gi na/ mtsho ma pang ni me re re/ bskyod pa'i rba rlabs kyang ci li li/ de'i nang shed na/ mdos kyi bdag mo ba/ ma btsun gyi rgyal mo lags/ ma btsun ma btsun mi bgyi ru/ rma bzangs tha mo'i lcam mo lags/ klu 'od ldan gyi btsun mo lags/ rgyal mo rgyal mo mi bgyi ru/ klu rgyal 'bum gyi lcam mo ste/ mtsho sman mched dgu'i rgyal mo lags// do nub ni glud 'bul lo// do nub ni mdos btang ngo// chu rgya drol sol yang po dar gyis brgyan/ mdos kyi sna drongs la/ ma btsun gyi spyan snga ru/ mu tig gi rtsar bas mdzes/ma btsun gyi spyan snga ru/ srin mi babs kyi bu bas mdzes/ de'i mdos la ni chog cig 'don/ mdos kyi ri rab kyang// rin po che'i rtsigs pa la/ mu tig phreng ba ni rtsar du brgyus/ sku 'phang ni ri rab tsam/ dma' yul gyi ni glud lags so/ mtho khar gyi glud lags so// mtsho sman mched dgu dang mi ru brje ba'i mdos/ de'i sku rgyal du sna tshogs bsags/ mthun dgu ni mtshar du sdebs/ ma btsun rgyal mo'i spyan sngar dbul/kye ma btsun rgyal me ni tshur gson cig/ yul ni klu yul ding ba na/ mkhar klu mkhar ni nya yi mkhar/ stod sdig pa la chu srin gyi gtams/ de'i la nang shed na/ klu yi bu mo ma de lcam gcig ma/ sku la sbal pa'i tshem tshem gsol/zhal lag g.yu bag sngon po gyon/ phyag na sbal lcong gi dong bu thogs/ nad du mdze dang ni phol 'bras kyang gtong/ ma btsun mtsho ni ma 'khrugs par/ mdos ni phar longs ni 'gab ma ngan/tshe ni tshur log ni mna' ma za/ tshe dang ni g.yang ma 'bros/ mdos kyis khyed bskang pas/ mtsho sman mched dgu'i thugs nad sangs/ pho glud g.yas na sga ra ra/ mo glud g.yon na si li li/ mdos 'di phar 'bul gyi/tshe dang g.yang 'di tshul stsol cig/ phywa dang ni dmu yang mdos// lha dang lha min mdos/ btsan dang bdud kyang mdos/ do nub su dang su yi mdos/ mtsho sman mched dgu dang/ yon bdag ni rgyu sbyor mdos/bzlog pa ni mdos kyis bsdu/ dka' dgu ni bsog nas dbul/ mthun dgu sdebs nas dbul/ sku glud ni ring tshad 'jal/ sgo ba la sgo phyes shig/ 'phrang ba la 'phrang sol cig/ sgo ba la btsas su 'bul/'phrang ba la btsas 'bul lo// zhes phud bar ma btang/ lug sna la khrid du bcug/ yas dang ni 'grogs la/ da ni gshegs so sha ra ra/ nyi ma byang phyogs pha gi na// byang gi sngon mo khrog gnyer las mkhan ma// ming po rdo rje mdos btang gis// sring mo rdo rje mdos long la/ tshe dang g.yang gcig tshur la gsol// da ni mdos gtong gang du gtong// nyi ma shar phyogs pha ki na// shar gyi spyan gsum mche ba can// ming po rdo rje mdos gtang gis// sring mo rdo rje mdos long la// tshe dang g.yang gcig tshur la gsol/ da ni mdos gtong gang du gtong// nyi ma lho phyogs pha ki na// lho yi ser mo spyan gcig mche ba can// ming po rdo rje mdos gtong gis// rdo rje sring mo mdos longs shig/ tshe dang g.yang gcig tshur la gsol// da ni mdos gtong gang du gtong/ nyi ma nub phyogs pha ki na// nub kyi dmar mo bye ru'i lan tshar can// ming po rdo rje mdos gtong gis// sring mo rdo rje mdos longs shig/ tshe dang g.yang gcig tshur la gsol// mdos 'di phar song 'gab ma ngan// tshe 'di tshur shog mna' ma za// mdos la phya dang g.yang la 'bros// zhes phyogs bzhir phud gtang/ mdos byang phyogs su bskyal lo// de nas tshe blan bshags pa bya'o// ma mo srid pa'i bem las/ mtsho sman mdos kyi le'u ste bcu pa'o//// de nas g.yung drung lha yis 'di skad ces gsol to// kye ma ho 'jig rten stobs kyi lha// dbang phyug ma yi zor mdos la// rdzas rnams mthun pa ji ltar bsog ces gsol to// yang bka' stsal pa/ rdzas rnams mthun par bsog pa ni// mda' mtho gang ba nyi shu rtsa brgyad/ 'phang bu nyi shu rtsa brgyad/ nam mkha' nyi shu rtsa brgyad/ phyogs dang bstun la gzug/ ting lo nyi shu rtsa brgyad/ zan chang nyi shu rtsa brgyad/ ngar glud nyi shu rtsa brgyad/khrag gi phor bu nyi shu rtsa brgyad/ kha dog phyogs dang mthun/ phyogs bzhi gtor ma bzhi/ ljang bu nyi shu rtsa brgyad// stag pa dang glang ma'i pho dang mo dang nyi shu rtsa brgyad/ gtsang gshos gru gsum nyi shu rtsa brgyad/bya nyi shu rtsa brgyad/ rtsang nyi shu rtsa brgyad/ phyi rim du gzug go/ de nas maN+Dal gru bzhi lham pa la/ zur bzhi cha yis bgos nas ni/ b+h+yo nyi shu rtsa brgyad/ rtse mo bzhi la hUM bzhi/ de ltar bshams la de nas gtor ma bshams la/las kyi cho ga gzhung bsrang/ rak+ta sbrengs shing srin mo smug nag ces drag tu bskul/ de nas tshogs kyis mchod/ lhag ma ye shes kyi dbang phyug ma la byin/ de nas gling bzhi'i rdzas dang yas bgos la/b+h+yo shar gyi ma bdun shar du b+h+yo// lho yi ma bdun lho ru b+h+yo// nub kyi ma bdun nub tu b+h+yo// byang gi ma bdun byang du b+h+yo// zhes byang phyogs su yas stags bskyal lo// ma mo srid pa'i bem las/ dbang phyug ma'i sgos mdos kyi le'u ste bcu gcig pa'o//// de nas g.yung drung lha yis 'di skad ces gsol to// kye ma ho 'jig rten stobs kyi lha// srid pa'i rgyal mo'i sgos mdos dang// mthun pa'i rdzas rnams ji ltar bsog/'jig rten stobs kyis bka' stsol cig/ ces de nyid na 'khod do// yang bka' stsal pa/ rdzas rnams mthun par bsog pa ni// ma trang nag po gru gang la// kha mig dbang po tshang bar dgod// lus po nag po gdong pa dmar// de yi snying gar mo nyid bskyon// ngar gyi phye la khru gang ba// kha mig legs par dod par bya// lus la dar nag go zu bskon// mgo bor mthing gi go lcog bskon// mthing nag ral pa phrag sor sleb par bya// mdun du rma bya'i sgro lnga sbam la gzug/ nam mkha' khong nag po la 'ja' ris byas la/ dar nag dang rma bya'i sgros brgyan la mo'i rgyab tu gzug/ de bzhin khong ser mo la kha chag nag gus byas pa gcig g.yon du gzug khong sngon mo la dmar mos phyi rim byas pa gcig g.yas su 'dzug/nam mkha' khong dkar po la phyi rim sngon po gcig logs g.yon par gzug/khong dmar po la phyi rim dkar pos byas pa gcig logs g.yas par gzug/ khong sngon mo la dar gyis tshom bu lngar brgyan pa'i ljang bu lnga nam mkha'i 'gram du gzug/ dar nag gi gur dbub/ 'ja' tshon sna lnga'i bla re bre/sha chen gyi gtor ma cha gcig bsham/ bya kha dog lngar byas la gzug go/ de nas rim gyis thugs dam bskang ba dbyings kyi yum drug nas/ sman mo yan chad bskang/ lhur ma mo rigs bzhi bskang/sgos dbyings kyi ma mo la bskang/ bskang ba'i rdzas ni mdos dang/ lug nag mo thig le can dang/ phug ron nam kyung kas bskang/ rnga gling dang gtor ma 'dza' gad dang/ zhal zas tshogs dang/ mda' bya rgod ma sgro dang mde'u ma nyams pa dang/me long dang dar yod tshad kyis bskang ngo// de nas mdos bskyal ba dgra phyogs su bskyal/ ma mo'i zhal kha dgra la bsgyur/ thugs kyi gnag pa dgra la mdzod// zhabs kyi rten ma dgra la mdzod// phyag gi sor gdub dgra la 'phangs// bdag cag rnal 'byor sgrub pa pos// dam tshig nyams na gso ru gsol// mdos bdag ni mdos long la// glud bdag ni glud bzhes shig/zhes dang po sa dgu'i gting na bzhugs zhes bstod do// ma mo srid pa'i bem chen po las/ srid pa'i rgyal mo'i mdos sgos bskang chen po'i le'u ste bcu gnyis pa'o//// de nas yang g.yung drung gis 'di skad ces gsol to// kye ma ho 'jig rten stobs kyi lha/ lha mo nag mo thugs dam bskang ba la// lcags khang nag mo'i mdos la/ mthun rdzas ni ji ltar bsog/ ces gsol to// yang bka' stsal pa/ lha mo nag mo'i thugs dam bskang ba la/ mthun rdzas ni lcags las khang pa gzhung bzhin rtsig/ zur bzhi smug la logs bzhin dmar// 'gram bzhi rang khar gzhag par bya// bang bzhi gser la kha bad g.yu/ tshon sna lnga las khong mig dgu ru dbub/ de nas gsang phye phul gang la/ bong nag gzugs byas gzhung bzhin sga yang bstad/ srab dang mthur yang gzhung bzhin gzhug/ lha mo'i sku gzugs bstod pa dang mthun par bya// bong bu la bskyon ming pos khrid// nang du lha mo bzhugs pa la/ bong bu sgo drung gdags par bya/ nam mkha' khong nag po la gser gyi phyi rim bya/ kha chag ni g.yu/ sna tshogs dar dang rma byas brgyan pa dang/'phang nag la gser gyi me long byas la mkhar gyi gdong du gling phran gcig la gzug go/ seng ldeng gi phur pa gcig la/ dar sna lnga btags la de yang gzug/ de nas phud ltir bu gang gi kha ru 'brang rgyas gcig gzhag/bya nag mo gser gyi mgrin pa can nam/ lug nag mo mig gser ma la rten bca'/ dar nag po lce lnga pa'i 'phan gzug/ me dud spos chen gtang rkang gi gling bu 'bud/ rnga chen brdung zhing spyan drangs/khong pa'i nang nas byon nas/ gling phran steng na bzhugs pa la/ ma mo sa ma ya tiSh+Tha lhan/ zhes brjod pas/ phur pa dang gnyis su med par bstim pas tshul dang cha byad ji bzhin gyur pa la/ bdag badzra he ru ka ru bsgom pa'i thugs ka nas trag nag po gcig ma mo'i thugs kar 'phangs pas/ shin tu gzi byin dang ldan par gyur te/ de la srog gi snying po brgya 'am stong rtsa brgyad dbul bar bya'o// oM ru ru ro ru tsa pa la a shug me ba hUM ma b+h+yo dza dza/zhes pa'i yi ge bcu bdun pa/ des srog bsdus nas gzhung dang mthun par mchod pa rim gyis dbul/ me tog mang po bcal du yang dgram mo// de nas bstod pa kun yang gtang/dam bdar phud gtang bskang ba drag tu bya/ bshags pa 'bul ba dang/ de kun thun re re ltar bya zhing/ hUM bdag ni ye nas ma chags byang chub sems// dus gsum rgyal ba'i thugs dang ye nas mnyam// gsang ba'i dkyil 'khor gnyen po 'dir zhugs nas// mi pham lha mo khyod dang mthun sdebs na// dus 'dir mi 'dod dgra langs pas// lha mo khyod kyi mthu dang byin rlab da ma chung// gangs kyi seng ge bzhin du tshang mar dag gis bsgrubs// nags kyi stag gu bzhin du gcig bur bdag gis bsgrubs// brag bar rus sbal bzhin du byang chub sems dang ldan par bsgrubs// bya rgyal khu byug bzhin du dam tshig bdag bsrung na// don med g.yel bar ma gtong ma mo khyod// byams mgon thugs rje bdag la dgongs su gsol// 'di 'dra dus ngan bskal pa'i tha ma la// bde gshegs bka' yi bstan pa bsrung dgongs kyis// khyed rnams ma g.yel thugs dam srungs// grogs so cog kyang grogs min gyi// rnal 'byor grogs mchog bdag ma spangs/ sgrub po cog kyang dam mi bsrung// ri kha ma rgyud dam tshig srungs// khams gsum 'khor ba'i gnas 'di ru// ma mo mkha' la ma 'phyo bar// nam mkha' stong pa ya gi ni// ma mo rten du ma 'cha' dang// de ni ma mo'i chags sa min// de bas gzhal yas 'di ma spangs// chu bo 'khyil ba'i rba klong la// don ma mchis par ma mchod cig/ ma mo rten dang mtsho mi 'gyur// rak+ta'i rba klong 'di ma spangs// dur khrod gnas su ma gshegs shig/ ma bsngos 'tsho ba'i zas ma yin/ de bas dur khrod rdzas chen 'di ma spangs// nags tshal ya gir ma gshegs shig/ gshegs kyang ma mo'i bzhugs sa min// de bas b+han+d+ha lcang lo 'di ma spangs// ri bo ya gi lhun sdug kyang// ma mo'i chags kyi rten ma mchis// de bas bdag gi srid pa'i ri bo 'di ma spangs// ma mo khyod kyi dam 'khor yang// dge ba'i don la mi dgongs kyi// sdang ba'i dgra bo srog dang phrol// 'chi med don gyi lam bstan gyi// skye med byang chub ma spangs shig/srid pa gsum po lam min no// don dam sems nyid ma spangs shig/ de bas rang dam rang gis srungs// ma mo khyod la smreng gsol ba// skye ba 'di dang sngon tshe gong ma nas// ma mo khyod dang mthun sdebs nas/bdag gis bla med byang chub sgrub dgongs pas// las ngan dgra bos ma ster ro// bdag dung dung ni mchi ma bro// kaM kaM brang lag 'thab snying 'tshal// 'di ltar bos shing gdung tsam na// ga'u shod kyi srin mo yang// pha bas byams shing khu bas dungs// lang ka yul gyi srin mo yang// ma bas byams shing sring bas dungs// pu ri yul gyi srin mo yang// phu bas byams la nu bas dungs// sha sha'i srin po pho mo de 'dra na// ma sring rgya mtsho thugs re sra// bdag gi gzugs kyi phung po ni// sdong po rul pa'i rtsa ba 'dra// bdag gi srog gi sbu'u gu ni// ston kha'i sog spugs shar gshir yang ba 'dra// bdag gi rnam par shes pa ni// me stag rlan sar bab pa 'dra// 'di 'dra'i sdug bsngal thugs kyis bzod lags sam/ bdag seng ge brjid dang ma bral cig/ stag gu ris dang ma bral cig/ rus sbal khog pa stongs sa re// bdud rtsi rgyun lam chad da re// rdo rje'i gzong kha snyil la re// khyung chen gshog pa chag ga re// pa ta ri le'i sha ma za// lang pa dbye dang khur ma khur// dbye ba rbab kyis phog ga re// ya ga chen po da ra re// zhes smreng gsol la bskang gso bya tshogs rol/ de nas lid+ga skud pa sngon dmar gyis la yang mi'i snying gar bcings la/ kha byang phyogs su bstan te/ lcags khang gi nang du gzhug lam rgya gram du mnan no// ma mo srid pa'i bem las/ lha mo nag mo'i gsang mdos dam sri dang dgra ma rungs pa mnan cing bzlog pa dang bskang ba'i le'u ste bcu gsum pa'o//// de nas g.yung drung lha yis 'di skad ces gsol to// kye ma ho 'jig rten stobs kyi lha// lha mo'i ma trang mdos 'di la// mthun pa'i rdzas rnams ji ltar bsog/ ces gsol to// de nas yang bka' stsal pa/ ma traM nag mo brkyang khru gang// kha mig legs par btod pa la// lha mo'i cha byad zhal bskyon te// mdangs ldan lnga yis brgyan par bya// dre'u nag mthur dang sga bstad la// phyag tu g.yas nas mthur mda' gtad// nam mkha' 'ja' ris mdangs kyis brgyan// sna tshogs dar gyi dpyang lag btags// nam mkha' dkar mo g.yu yi kha chag can// ras ma sgro yi 'phan lag gtang/ nag mo dung gi kha chag can// rma bya zer dang dpyang spyang yang lag gdags// re ma dza yi phyag tu dbul/ smug mo gser gyi kha chag can// re ma dzu yi phyag tu dbul// 'phang yang de bzhin kha dog mthun// gtso mo dar gyi ljang gu la// gsum la bal tshon ldang bu bya/ shing ris ma mo bdun dang mthun// 'bru bya bzhi yang kha dog snga ma bzhin// lug nag kha rgya smug dgu spyi thig can// de rnams dngos su mdangs kyis bskang// gtso mo'i lag pa g.yas ral gri// g.yon du 'phrul gyi me long bsnams// dar nag go zu mthing nag ral pa bya// spyi gtsug g.yu khrab g.yas na khyung// g.yon na seng ge de bzhin bskur// ngar glud bzhi yang gtang bar bya// me mar kha lnga btang nas kyang// de bzhin spos chen dud pa dang// me tog sna tshogs sha chen gtor ma mi dbang 'bras bu dang// go ro tsa na snying sna'i phye ma rnams// dbang po lnga la mchod par dbul// bstod pa tshul bzhin kun kyang mthun// bskang ba'i mdos rnams 'di yis ni// tha mar dgra bo'i phyogs su bskyal// sngags pa'i dam tshig nyams pa'i tshe// mdos rnams kyis ni skang bar bya// smyo dang 'bog dang rims dang shi ba yang// dam tshig nyams pa'i chad pa yin// mdos rnams 'di yis bskang bar bya// kyung ka gson ma shin tu gces// de yis thugs dam bskang bar gyur// ma mo srid pa'i bem las/ lha mo nag mo'i ma trang gi gzugs mdos thugs dam bskang ba'i le'u ste bcu bzhi pa'o//// de nas g.yung drung lha yis 'di skad ces gsol to/ kye ma ho 'jig rten stobs kyi lha// ma mo'i khrag mdos chen po la// bskang ba'i ma mo gang gang lags// de yi rdzas rnams ji ltar bsog/ces gsol to// yang bka' stsal pa/ bskang ba'i ma mo bstan pa ni// rnal 'byor ma mo bcu bzhi dang// ma mo bdun dang sring mo bzhi// e ka dza Ti spun drug dang// gsang ba'i yul bzhi srid pa'i gru 'degs bzhi// dmag gi rgyal mo bzhi dang ni// ma mo las la grub pa nyi shu brgyad// bya ba mo dang byed pa mo// bskang ba'i ma mo yin par bshad// bskang ba'i rdzas rnams bstan pa ni// med du mi rung khrag sna gsum yod// gzhan yang sna tshogs khrag sna bsog/ ma mo bdun cu don gsum la// rnal 'byor ma mo bcu bzhi la// shing ris gzhung bzhin kun kyang bya// ljang bu bcu bzhi dar las bya// gzhan ni bal tshon sna lnga po// nam mkha' kun kyang gcig pa yin// pho glud mo glud dar zab mdzes par bya// stag dang seng ge dkar po'i khrag/ phyi ba ma'i zil pa skyes pa dar ma'i khrag/ rnal 'byor ma mo bcu bzhi'i rdzas// ba glang khyi dang rta khrag mi khrag rnams// ma mo bdun gyi dam rdzas yin// ri bo nya khrag srin mo bzhi yi dam rdzas yin// dmag gi rgyal mo gsang ba'i yum bzhi dang// gru 'degs bzhi la khrag sna tshang bar bsog/ma mo bcu gnyis dam rdzas yin// e ka dzaTi sbun drug dang// dbang gi lha mo nyi shu brgyad// bya byed ma mo'i dam rdzas rnams// khra dang 'ug pa pho rog rnams// gcig tu dril bas khrag sna bcu gsum yin// ma mo bdun cu rtsa gsum la// mnyes pa'i mchod pa dbul bar bya// gzhan yang ma mo bcu gsum tshan pa la// rnal 'byor ma mo bcu bzhi la// gtso mo gnyis la re re tshan pa gsum re re la lnga/ ma mo bdun dang srig mo bzhi la re re gnyis// bzhi tshan ngar glud bcu gsum bya// de yang gtso mo gnyis la dar gyi go zu bskon// bcu gcig gang mdzes chas su gzhug/ khrag sna'i phor bu bcu gsum bya// so so'i tshan dang ris su dbye// cho ga mdos tshan gsum dang mthun// de nas mdos gtong tsam na ngar glud gsum khrag gi phor bu bcu gsum du bcug la gtang ngo// de nas gling bzhi bca' ba ni// gling bcu gsum bya ba'am/yang na dgu ru bya bar gsungs/ rnal 'byor ma mo bcu bzhi la gcig/ de ltar bya bar mdos bsdus chen po'i nang nas gsungs/ mdos gtang ba'i cho ga kun mthun/ gtang ba ni bya ba mo dang byed pa po gnyis la gtang/tshe blon thugs dam bskang/ sngags pa dam tshig nyams nas khrag nad kyis thebs na bya// bstan pa bsrung ba la byed la rang gang bsgrub la/ mtshan dang ldan pa'i yas lug gi thugs dam bskang// spyir skong la mkha' la lding dgu dang// sa la 'dzul dgu'i mdangs kyis bskang// med na 'bru las grub tshad bya// rnal 'byor ma mo bcu bzhi la// gzhung dang mthun par bsag par bya// zhes gsungs so// ma mo srid pa'i bem las/ ma mo khrag mdos thugs dam bskang ba dang las dang zor du 'phang ba'i le'u ste bco lnga pa'o//// de nas g.yung drung lha yis 'di skad ces gsol to// kye ma ho 'jig rten stobs kyi lha// phyugs nad dal yams babs pa la// de la zlog thabs ji ltar bgyi// 'jig rten stobs kyis bka' stsol cig ces gsol to// de nas yang bka' stsal pa/ dal yams phyugs la babs pa'i tshe// de yi cho ga 'di ltar bya// gling bzhi rdzas dang ldan pa la// mdongs ldan rma bya'i sgro yis brgyan// sna tshogs lha rdzas tshang bar dbul// ras ma sna tshogs dkor chas brgyan// de nas yang phud gtsang ma dbul/srid pa'i rgyal mo dang/ smug mo ral gcig ma dang/ rak+ta tsa mun ti dang ma mo bdun la drag tu cho ga byas la/ phyogs bzhi dbus dang lnga la stsal/ de bzhin du phud gtsang mas mchod nas zhag gcig gi nang par gzhan du 'phos la// sa tshon sna lnga la sbreng/ sngags 'di bgrang nas dal mi chod mi srid do// e 'bur 'bur ma hA sa ma tsi 'bur bya ma nas o to shi mo kro ta hUM hUM phaT swA hA/ zhes brjod na phyugs nad dag don mi za ste/mdos de ni dbyings phyug lha mo lnga'i mdos zhes bya'o// ma mo srid pa'i bem las/ dbyings phyug ma lnga'i mdos kyi le'u ste bcu drug pa'o//// de nas yang g.yung drung lha yis 'di skad ces gsol to// kye ma ho 'jig rten stobs kyi lha// lo tog bsrung ba'i cho ga ji ltar bgyi// 'jig rten 'joms pas bka' stsol cig/ ces gsol to// yang bka' stsal pa/ zhing la ri bong za ba dang 'bu srin za ba dang/gdon rnams bsrung dang so srin bsrung ba dang// mdzer pa bsrung ba rab tu gces// sri'u gso dang lhog pa dang// gag pa bsrung ba ji ltar lags// ser ba bsrung ba dang/ shwa kha zlog pa dang/ling tog rims nad ji ltar bsrung bar bgyi/ zhes gsol to// yang bka' stsal pa/ zhing la ri bong bsrung ba ni/ dkar rtsis zhing gi mtha' ma skor// zhing dkyil du ri bong gi ril ma'i me btang la/ cog trang bud du yen swA hA/com bu gol bu yen swA hA/ thuM thuM ye le swA hA/ thaM thaM swA hA/ des ni ri bong kha chings par 'gyur ro// zhing la 'bu srin za na/ ra rog po'i rwa g.yas par ram bu dang zhing gi ljang rtsa'i nas khu bun dang/'bu mgo dmar po'i rigs dang/ mgo nag po'i rigs dang/ me'i brun skams so// ra ru ru btsal te/ zhing dkyil du sbas la sngags 'dis kha bcing ngo// oM bra bra duM buM kha yel yel be ra be ra/ man 'dar kha thuM ru thuM rbad/ ces kha la chas bcad nas sbas na gdon mi sdug go/ gdon yo byad la gdon na/ snod gang yin pa la/ nyung dkar la sngags 'dis brab la nang du blugs na myur du zhi bar 'gyur ro// so na ba la rigs gsum ste/ khrag srin dang rlung srin dang/ srin bu rang dang gsum las rlung srin ni mi thub ste rtags med na rlung srin yin pas mi thub ste/ khrag srin dang srin bu la sngags 'dis gdab bo// oM g+hu g+hu lhang lhang srin bu ma ru ba ti ma tsa/ bra bo bra bo shig tsit+ta ku la nan log log kas kas swA hA/ des ni myur du zhi bar 'gyur ro// gang na ba'i thad dkar gdab bo// de yang khyi'i rtsib mas dang po mdzer pa gang byung ba la byug cing sngags 'dis gdab par bya'o// oM b+ha ga la b+ha ga la tsi 'dar nan swA hA/ zla ba mar ngo la btab na// phyi ma'i yar ngo la sangs tser 'gro bar 'gyur ro// sri'u gso na rus bu gog mo rdza gsar par bcug la/'bru ngan dang sbang ma de ru blugs/ de nas thal bas kha bcad do// phur bu gcig dpral ba'i dbyes su gdab/ gcig snying la gdab/ gcig gsang sgor gdab/ kha ru spang mdang sol ba thal ba blugs// de nas sngags 'dis brdeg go/ tri kha sha mar yang/ bur dza ni sra sra gang shi ber// oM a kro te ka ya mAn+ta ka ha na ma tha b+hany+dza hUM phaT/ ces them pa'i 'og gam/ mal 'phangs su mnan/rab tu thab kyi dbus su gting bsring la mnan no// lhog pa dang gag pa la gong du bsrung ba dang 'phral du gdab pa gnyis te/ gong du bsrung na// skud pa sna lnga bsgril la/ sngags 'dis gdab/ mdud pa nyi shu rtsa gcig gdab/ de nas dpung pa la bcings/ 'phral du 'debs na gang byung sar gdab bo// oM grang ti trig tig gra dang/ gra shig ta ra ya ta tsa le hUM ka hUM phaT/ de nas 'dis kyang gdab pa/ oM shrI many+dzu ya ma rA tsa ma ma e ka dzA Ti ni dza dza/zhes kyang gdab/ bya khyung gi snying pos kyang gdab bo// de ngos 'dzin na/ byol song la nang khrol smad lnga lan 'ong/ de gang byung sar ba spu ldog/ mkhal ma la byung na rkub 'phrig rkang pa 'tshab/mtsher pa la byung na gung ru zhag bzhi yang gsum gyi steng g.yon du 'ong/ glo ba la byung na gzhu mchog gi sna ru spu ldog/ mchin pa la byung na ni gung ru tha ma la'o// glo ba la byung na sna sgo g.yas g.yon gyi steng du'o// snying la byung na mig rtsa rgod/ brang gi ze ma g.yas g.yon dang bzhag sha 'dar spu ldog pas sngags drag tu gdab/ mi la ngos ma zin na/ dri ma gang du log brtag/ gang du bzlog par gdab/lhog pa dkar po rkang lag dang/ rtse'u chung g.yas g.yon la 'ong/ dang po lus grang shum khyer nas 'ong/ snying mi dga' bar 'ong/ de gang du byung yang sna la spyi gtsug snying ga/ lte ba rkang mthil lag mthil rtse'u chung g.yas g.yon de rnams la gdab/de nas gang byung sar mtha' ma bskor// de bzhi nas zas mi zhim pa dang btung du ma 'dod na/ bros pa yin pas gang du song ba lta'o// ngang la dri ma bsnams des ma tshor na/me long rdul che ba gsal po phyis la blta'o// nad byung ba'i skor gyis zan dron mo 'o ma dang brdzis pas phyi/ der me long gi nang du dmar breng ba yang 'ong/ der gdul dka' bas brtson 'grus bskyed mdos bya/sngags drag tu gdab bo// dkar po byung na chu gtor 'don/ rdo rje rnam 'joms 'don no// sngags gdab dmar po byung du mi rung ngo// ngo gang du bros pa'i ba spu ldog/ de brtag pa na ma byung ba gcig gis phyis la mthun mi mthun pa lta'o// ser ba srung bar 'dod na/ seng ldeng gi phur bu sor bzhi pa la snying po sho chung la bris pa lnga la gang du khri tsho gcig bzlas la/ phyogs bzhi dbus dang lnga ru gzug/tho brtsig yung dkar la sngags mang po bzlas la/ phying khug chung du lnga ru blugs thog gseb tu gzhug go/ de'i snying po ni/ oM 'bur 'bur ma hA pad+ma rde'u 'bur rtsi 'bur phyi ge bi ma na se/ oM ho shi mon kro rta hUM hUM phaT phaT swA hA/des ni ser ba zlog par 'gyur ro// shwa bzlog na rabs chad kyi thod par sngags bris la seng ldeng gi phur pa la btags la thod pa'i nang du bcug la sngags bzlas la/ shwa sgor sbas na shwa bzlog par 'gyur ro/ling thog la ni bya phug ron gyi ding rung g.yas pa la sngags 'di bzlas nas btags na gdon mi za'o// bra bra thuM pa yer yer tog mar bun kha song dmar byung phur na yer yer swA hA/rims nad bsrung na gang du bsrung bar 'dod na mdo gdon tsha tsha dang chu gtor btang/ gling bzhi kha lnga'i mdos btang/ gnod sbyin gyi sngags bzlas/ de yis rims nad thub par 'gyur// zhes gsungs so// ma mo srid pa'i bem las/ 'jig rten phan gdags pa'i le'u ste bcu bdun pa'o//// de nas ma mo rnams ni las la grub pas/ de 'dul ba'i thabs ni ji ltar bgyi/ zhes dgongs nas g.yung drung lha yis 'di skad ces gsol to// kye ma ho 'jig rten 'joms pa'i lha// 'di la nan tan ji ltar bgyi// 'jig rten 'joms mdzad bka' stsol cig/ ces gsol to// yang bka' stsal pa/ ma mo nag mo bya ba la// rnam pa gnyis su shes par bya// ye shes cha las skyes pa dang// 'jigarten las la grub pa'o// ye shes cha las skyes pa ni// dbyings kyi yum drug sbas nas byung// rtag na rtag pa'i rgyal mo drug/ rigs lnga kun bzang phyag mtshan dang// dbu gsum phyag drug rngam par byung// dbyings kyi ye shes ma mo dang// las kyi ma mo'i cha 'dzin pa// dkar mo dbu gsum dbyings kyi cha// phra men rgya mtsho las kyi cha// phra men zhes su bya ba de// bdud po thod pa'i phreng ba dang// srid pa'i bde 'gro 'chos pa las// phra men rgya mtsho mkha' la thon// des na dbyings kyi ma mo dang// bdud chos pas ye shes las su byung// phra men zhes su she la bya// dkar mo zhes su bya ba na// gsang bdag phyag na rdo rje yis// srid pa'i rgyal mo nyid la thugs ye shes kyi mda' gcig 'phangs pas/ mo las sras gcig bltams pa las/ skyon gyis ma gos pa'i rtags su dbu gsum sku ni dkar mo ldem bag tu byung ngo// phyag na rdo rjes nyi zla gnyis thod du bcings nas/ khros pa'i dbang chen bzhi khyod kyis thul cig ces bsgos so// de bzhis phung byed ma bzhi btul lo// des ni dgyes sde mo bzhi btul lo// des na ma bdun man chad ni las la grub pa ste/ 'jig rten pho mo'i mdza' na las byung ba'i ma mo mang po'o// ma mo bdun cu rtsa brgyad sprul pa'i ma mo'o// bya ba mo dang byed pa mo n-i dbyings kyi ma mo'o// gnam sa gnyis kyi ma mo dang/ tshe'i lha mo bcu drug zor bdag mo bzhi ni nyi shu gnyis te bdud mo'i rigs so// las la grub pa rnams ni/ gong ma rnams ni rje bo lta bur blta'o// chos 'di la ni gzhan med de gong ma rnams yod par blta'o// de yis bsgo ba rnams kyang nyon/ de bzhin du rje bo ltar blta ba'i rnal 'byor pas kyang shes par bya'o// sprul pa'i ma mo dang dbyings kyi ma mo dang/las byed ma mo dang bdud mo'i rigs so// ma mo bzhi po de ni ye shes kyi cha dang las kyi cha las bskyed pa ste/ ma ni thabs mchog 'dod med mkha'// mo ni shes rab chags med klong// ma ni nam mkha' dbyings kyi mkha'// mo ni sems kyi sems nyid klong// ma ni chos nyid zab mo'i klong// mo ni rnam shes hUM du 'bar// sems nyid thig le hUM du 'dus// de las ma mo thams cad 'dus// de las dbyings kyi ma mo ni// sems nyid mkha' la dbyings nyid klong// thams cad sems su dag par blta// bdud mo'i rigs kyis 'di ltar blta// gang zag rnams kyi bdag med cing// chos la phyogs gcig yod par blta// sprul pa'i ma mo rnams kyis ni// bdag dang bdag gi byed pa po ru blta/ thams cad de rgyu ngo bor blta'o// gzhan ni yod par mi rtag go/ las byed ma mo rnams ni 'di ltar blta// dang por bag chags brtas pa'i mthus// dpal chen sku ru gang bsgoms pas// de nyid rje bo lta bur blta// chos yod bya ba lta bur blta// de ni ma mo khog non mdor bstan yin// zhes gsungs so// ma mo srid pa'i bem las/ma mo'i las kyi rim pa so sor bstan pa dang lta ba mdor bstan pa'i le'u ste bco brgyad pa'o//// de nas g.yung drung lha yis 'di skad ces gsol to// kye ma ho 'jig rten stobs kyi lha// ma mo rim gyis ji ltar gang zhig gang gis btul// ji ltar 'dul bar bshad du gsol// ces gsol to// yang bka' stsal pa dang/ ye shes thig le chen po dang// gsang chen bde ba'i lam mchog dang// man ngag rdzogs pa'i klong chen las// yang gsang ma mo drug po ste// 'od chen kha dog sna tshogs kyis// srid pa'i rgyal mo chen mo yis// dbyings kyi yum drug bskyed pa las// rtag pa'i rgyal mo drug cu snang// de nas srid pa'i bde 'gro gtso mo yis// nyi zla thod phreng gdan du bting// thig le chen po brgyan brgyad po yang pa yis// khros pa'i dbang chen bzhi po dang// bcas pa bzhi po gding bar bya// srid pa'i rgyal mo bskyod pa yis// sbas pa'i ma mo bzhi po dang// thugs kyi bgyes sde bzhi po yang// mngon sum gdan du gding bar bya// bde chen gsang ba'i dkyil 'khor 'dir// srid pa'i chags byed spun gnyis mnan/srid pa rang lugs smug po yis// e ka dzA Ti spun drug mnan// thabs dang shes rab rang bzhin gyis// chags pa'i dbang byed dmar mo yis// 'dod khams dbang chen spun gnyis mnan// srid pa spyi yi mdo bsdus kyis// nam mkha'i rgyal mo spun gnyis mnan// dbang mo spyi yi mdog gsal gyis// srin mo bdun po gdan du mnan// g.yas g.yon thabs dang shes rab kyis// dmag gi rgyal mo bzhi po mnan// srid pa 'jigs byed pho mo yis// nyi shu rtsa brgyad gan rkyal mnan// de ltar gdan du bting nas kyang// snying 'dren phyag rgya bcings nas kyang// drag po sngags kyis bcing bar bya// hUM mu kha ha le da ha sha ha sha phaT kri ya shan+te nan// sur+ya pa ta ka rag sring 'gro nan/ su ti shin dun ti nan/ ke ma ta ke ma ta ni la ta nan// ma ma hUM b+h+yo nan/ ma ma duSh+tAM nan/ ma ma duSh+tAM phaT/ me ra ga ta pi tha sha nan/ zhes brjod pas/ gdan gyi rgyu rnams bsgyel nas/ de nas bdud rtsi dmar chen kha ru blugs/ oM badzra a mr-i ta a ng+hiSh+Tha/ tsit+ta nan/ ta Ta phaT nan/ nan ti ni nan/ srog 'phrog pa yin te/ bdag gis snying khrag zhal du rngubs// lce yi steng du gsal bar bzhag/ hUM nga ni khrag 'thung kun gyi rje// nga ni khrag 'thung kun gyi yab// nga ni srid gsum snying rje'i bdag/ nga ni ma mo kun gyi rje// thams cad kyi ni snying khrag bdag/khyod rnams snying khrag nga la yod// nga yi las rnams khyed kyis sgrubs// tsa dun tri ma mo b+h+yo/ ru lu ru lu rag mo b+h+yo/ ye shes rtsal 'phang thig le yis// bsgom bya ma mo bcu gsum la// drug cu rtsa brgyad dkyil 'khor rdzogs// bdag nyid bla na med pa yi// ting nge 'dzin du gsal byas la// sems pa dbang po las bskyed pa'i// ma mo chen mo bcu gsum la// ma mo drug cu rtsa brgyad srog gi snying po bsdus// 'khor du ma mo gzhan yang bzhag/de nas 'byor tshogs mchod pa bsham// khro ba'i dkyil 'khor rnams la mchod// hUM thig le'i dbyings las bskyed pa'i khro rgyal yum// gnyis med ha ha bzhad cing rngam pa'i hUM sgra 'byin// mche ba dkar po gtsigs shing snying 'dren rkan sgra rdeb// ma mo'i tshogs rnams 'dul mdzad dkyil 'khor mchog/ ma mo rnams kyi phyag rgya bstan pa ni// rdo rje khu tshur bcings pa las// A+oM dang swA gnyis rgyab bsnol 'khyud// 'bru gsum rtse sprad sku gsung thugs// ma mo rdo rje khrag gi rgya// rdo rje khu tshur dam du bcings// hA gnyis rtse sprad gyen du bsgreng// oM gnyis rtse sprad thad kar bsgreng// swA gnyis rtse sprad thugs kar bkan// 'bru gsum thugs kar dam du bsnol// gu yu thugs kar bzung ba ni/ ma mo rdo rje me yi rgya/ oM gnyis rgyab bsnol lu gu rgyud/ 'bru gsum sor mo rtse bsnol te/ hrI gnyis drag tu g.yab bar ni/ma mo rdo rje khrag gi rgya/ rdo rje thal mo brkyang pa las/ thabs kyi a dang haM gnyis las/ shes rab swA yis mtshon par bya/ shes rab oM dang ha gnyis la/ thabs kyi hUM gis bstan par bya/shes rab hUM dang a brkyang ste/ thabs kyi a dang swa bkan nas/ sems kyi dkyil du brkyang bkan pa/ ma mo ye shes mkha' 'gro'i rgya/ rdo rje rin chen rdzogs pa yi/ phyag rgya bzhi zhes dpa' bos bshad/ ma mo srid pa'i bem las/phyag rgya bstan pa dang lta ba bstan pa dang ma mo 'dul ba bstan pa'i skabs kyi le'u ste bcu dgu pa'o//// de nas g.yung drung lha yis 'di skad ces gsol to/ 'jig rten 'joms mdzad stobs kyi lha/phyag rgya chen po ji ltar lags/ zhes gsol to// yang bka' stsal pa/ thig le chen po'i phyag rgya ni// rdo rje khu tshur kha sprad nas// shes rab mchog gi phyogs nas su// oM A hUMM gsum rtse sprad de// sku gsung thugs kyi rdo rje'i rgya// thabs kyi hUM dang sgo gsum rgya// rang rtags ye shes phyag rgya yin// shes rab swA yis sku gsum 'khril// thig le byang chub sems kyi rgya// shes rab hUM gi rtse mo ru// thabs kyi swA yis sbyar mnan pas// thabs dang shes rab phyag rgya yin// thig le chen po'i phyag rgya bcings nas su// ma hA su khar bsdams gyur na// bla na med par gsal 'gyur bas// dus gsum nyes dmigs sel bar byed// dus gsum mgon pos de skad bshad// dkyil 'khor bsgom dang sku mdog dang/ phyag mtshan bstan pa dang/ skye shi rtsa ba gcod cing bde klong dbyings su sdud/ kun kyang sku mdog khro mor bzhugs shing dbang chen dkyil 'khor rdzogs// phyag nas sprul pa 'gyed cing dug gsum dbyings su sbyor// ma mo 'khor du 'dus shing b+ha ga'i mnga' mdzad ma/ drug cu rtsa brgyad du ni mkhyen par mdzad/ rgyu las bskyed pa'i bdud rtsi chen po 'di/rnam rtog gzhol phyir sku la thim par mdzod/ hUM ha he ma ma b+h+yo ru lu b+h+yo/ a la la ho/ dbyings kyi yum drug bskyed nas su// dkyil 'khor drug po spyan drangs so// hUM ma mo chen mo'i dkyil 'khor nas// kun 'byung dkyil 'khor mnga' bdag mo// bzhi zur zhabs brgyad zhal lngar 'bar// mkha' la bde klong dbyings na gsal// mkha' 'gro srog gi mnga' mdzad ma// dkyil 'khor gtso mor gshegs su gsol// hUM ma mo chen mo rgyud bdag mo// sna tshogs 'gyur ba'i sku mdog la// zhal gsum shar gyi mkha' 'gro ma// hUM ma mo chen mo dbugs kyi bdag/ sna tshogs 'gyur ba'i sku mdog la// zhal gsum nam mkha'i mkha' 'gro ma// yang sbas drug gi dkyil 'khor nas// thugs dam chen po dgyes dgongs la// bcol ba'i las rnams 'grub par mdzod// rnal 'byor ma bcu bzhi bskul/dang por ma mo bskul ba'i thabs dang/ dbang du sdud pa dang gsang ba'i gnas bstan pa ni sngon du bshad zin to// ma mo srid pa'i bem las/ thig le phyag rgya bstan pa'i le'u ste nyi shu pa'o//// de nas 'bru lnga'i don lag gi 'du byed bsgom pa ni/ g.yas g.yon thabs dang shes rab las// rdo rje gar du bskor ba ni// shes rab mchog gi snying gar bstan// sbom po dbang mo rtse sprad de// thabs kyi phyogs mtshams bskor ba ni// ma mo tshogs kyi rgyal mo'i rgya// rdo rje sder mo dam bsnol te/ oM bsgres rtse mo rgya bcings pas// ma mo rdo rje rus pa'i rgya// rdo rje khu tshur bcing pa las// hUM dang ha gnyis rtse bsdus nas/'bru gsum brgyud nas gshog pa'i tshul/ na ra ha zer bzung ba ni/ phyag rgya grub par bstan pa yin/ ma mo srid pa'i them las/ rin po che gter gyi le'u ste nyer gcig pa'o//// g.yung drung lha yis yang gsol pa/ 'jig rten 'joms pa stobs kyi lha/ 'jig rten 'di ltar dbang byed pa// rim pa gang zhig gang gsal ba// yang dag dpa' bos bka' stsol cig/ bka' stsal pa/'jig rten 'di ltar dbang byed pa/ srid pa'i mkha' las bskyed pa'i dbyings kyi yum drug dang/ sri pa'i bde 'gro la sogs dbyung ba lnga las bskyed pa'i bu mo spun drug dang/ 'byung ba lnga'i chags 'dzin spun gnyis dang/dus bzhi rdzogs pa'i gtso mo yum gyi mkha' la gnas/ dus bzhi dbang byed ma ni bu mo spun drug dang/ nyi zla thod phreng ngo/ cha snyoms ma ni khris pa'i dbang mo che bzhi dang/ dgyes sde bzhi'o/dus kyi nyul le ma bzhi ni sring mo bzhi'o/ ma mo rang rang gi bkod thabs ni/ yul chen mo'i mkha' la rgyu ba'i ma mo gsum dang/ dbyings las shar ba'i ma mo gsum dang/ yid la bsgom legs ma dang bdun 'khol lo/ma mo bdun ni rnal 'byor gyi drod nyul bas nam gyi gung la rgyu'o/ yum chen mos nyin mtshan phyed mar nyul zhing gzigs te/ phyogs bzhi mtshams brgyad la mnga' mdzad do/ de nas khros pa'i dbang mo che bzhi yum chen mos gtso byas/rtag pa'i rgyal mo la sogs te/ ma mor grags pa dang srid pa kun la dbang mdzad/ rgyal mo chen mo'i lho nas srid pa thams cad 'char/ bcu bzhi zhes bgyi ba rje dang 'bangs lnga bcu rtsa drug yod/de la ni nang blon dang gung blon dang kha blon dang bar mtshams blon mo zhes kyang bya'o/ nyi ma dgu brgya rtsa gcig/ zla ba dgu brgya rtsa gnyis kyis/ ri rab kyi phyi rol na yod pa'i snang srid thams cad tshig nas ci yang mi srid pa las/ri rab kyi ring thung nas yang dpag bsam gyi shing yongs 'du sa brtol bya ba ni/ shing gi rtse mo ri rab kyi bum pa'i nang na/ yum chen mo srid pa'i rgyal mo de/sku mdog mthing nag 'bar ba las/ dbu dang phyag gcig yang ston pa rin po che sna tshogs kyi ral pa can/ spyan gnyis g.yas nas khrag gi mchi ma 'dzag g.yon nas rin po che sna tshogs kyi mchi ma 'dzag pa/yang na bdud rtsi'i mchis ma zhal nas 'bras bu rnam pa lnga'i bcud 'dzag pa/ sbas pa'i phyag gnyis na/ g.yas srid pa thams cad kyi snying bzung nas ri rab la 'jus pa/ g.yon na rdo rje dang b+han+d+ha gzung nas ri rab la 'jus pa/sbas pa'i zhabs gnyis kyis ni/ g.yas pas 'jig rten na dbang che ba rnams kyi snying rtse brdzis pa/ g.yon pas 'jig rten na dbang che ba thams cad kyi snying rtsa mnan pa/ gsang ba'i mkha' ge sar gyi dbus nas snang srid thams cad 'phel 'grib mdzad pas/ye shes rang rig las ma gtogs pa kun kyang mkha' steng du sdud pa/ spyi bo'i gtsug nas khrag gi ral pa gcig gis srid pa'i ma mo thams cad dbang du sdud pa'o// de nyid kyang badzra he ru kas spyi gtsug tu nub par byin gyis brlabs pa'o// de ni ri rab kyi rtse bum pa'i nang na bzhugs pa'o// de'i mdun rgyab na srid pa chags byed ma dang cha snyoms ma gnyis gnas so// yum chen mo'i khol mo srid pa zhig 'dzin ma dang/ srid pa'i byan byed gnyis shing gi rtsa ba na gnas te/ ri rab kyi phyi rol na snang zhing srid pa skye 'gro thams cad gcig kyang mi snang ba las/yum chen mo'i sku'i sprul pa srid pa'i bde 'gro mas snang srid bsdu ba'i phyir/ 'byung ba lnga'i drod las sprul pa'i bu mo dkar mo la g.yu'i ral pa can/ dbral ba'i dbyes na mig zur gsum pa yod pa gcig/lcags dang zangs kyi mkhar nag la/ snying brgyud pa'i phreng zhags can gcig skyes pa des/ nyi zla stong thod du bcings nas nyi zla zung gcig btang bas/ gdong srid pa cha snyoms mo// de ni nang par nyi ma'i zer la zhon nas ma mo lnga bcu rtsa drug dang bcas nas/dgra srog cham la 'bebs pas/ de'i dus su gtor ma gtang ngo/ de nas nyi zla stong gi thod phreng ma mo nyid gsang gnas/ ri rab kyi rmang du sbas pas/ kA la yak+sha bya'i gdong pa can gyis tshor nas/ byi ba'i lor yid kyis sbyor ba gcig byas pas/ glang gi lo la bu mo spun bzhi skyes pa dang/ khol mo srid pa cha snyoms mas lte ba bcad pa dang/ bu mo de bzhi la so sor ming btags te/dbyings phyug ma dang/ rgyan gyi rgyal mo dang/ bdag nyid ma dang/ gcig pu ma dang bzhir btags so// de bzhis srid pa phung ba gcig byas te bskal pa phra mo gcig tu dbang byas so// de nas nyi zla nyid ye shes pa sprul pa dang/srid pa bde 'gro ma dang gnyis kyis sprul pa bkye nas/ phung byed de bzhi sa ma sros nyi ma ma rgas bar du dgra bo'i mngal thams cad dbang du bsdus so// hUM las sprul pa'i ma mo bzhi/de'i dus su gtor ma gtang ngo// de'i ma srid pa chags byed mas byas so// ming po dang byi pos ming btags pa ni rdo rje nyi ma khros pa'i dbang mo tshe dang/ rdo rje pad+ma khrag 'thung khros pa'i dbang mo che dang/rdo rje srid pa khros pa'i dbang mo che dang/ rdo rje khams gsum tshogs pa'i dbang mo cher ming btags so// bu mo de bzhis ming gi dbang thob nas ma bzhis dbang du bsdus so// sprul pa'i bu mo de bzhi dang/rigs kyi 'byung ba de bzhis shing gi yal ga la 'brug gi lo la rtse zhing mdza' ba dang/ mu stegs kA las tshor nas dman mo bor ba/ mdza' na rgyug pa khyed cag rnams nal bu'i lto ru zhugs pas ngo tsha ba'i bu skye bar shog/ces dmos pa dang dmod mo sdigs te sbrul gyi lo la bu mo spun bzhi skyes te/ yang srid pa chags byed mas lte ba bcad do// de nas ma bzhi ngo tsha nas// ri rab kyi grA bzhir sbas pa rta'i lo la blta yis mi bra ba'i bud med rdzu 'phrul che zhing mtshan dang ldan pa bzhir dpal chen pos gzigs nas thugs kyi dgyes sde gsang ba'i byi mor bzung ngo// dkar mo mig gcig rgyas 'debs ma dang/ nag mo ral can rmongs byed ma dang/ dmar mo dbang sgyur za byed ma dang/ ser mo las mkhan tshe 'phel ma dang bzhir ming btags so// de bzhi ni sa sros nas nyi ma shar gyi bar du rgyu ste thun bzhi ru rgyu'o// nag mo ral can nam gyi gung la dgu tshigs zhon nas rgyu bas de la gtor ma btang/ dmar mo dbang byed srod la gnod sbyin bu 'phrog la zhon nas rgyu bas de la gtor ma btang/ ser mo las mkhan bdud mi kun la zhon nas nam gyi cha smad la rgyu bas de la gtor ma btang/dkar mo mig gcig skya rengs kyi zer la zhon nas rgyu bas de la gtor ma btang/ de rnams kyi khol mo srid pa chags byed ma dang srid pa gzhi 'dzin gnyis/khyi lo dpyid zla ra ba'i ngo la khyo shug tu 'dus pa dang/ phag gi dpyid zla ra ba'i zla ba nya la bu khye'u gcig skyes pa dang/ jo mo nyi ma'i thod phreng can gyis skos rje drang dkar du ming btags te skos bdag tu dbang bskur ro// de nas skos rje drang dkar dang srid pa cha snyoms gnyis khyo shug tu 'dus te srid pa'i skos btab bo// de gnyis las bu mo spun drug skyes te e ka dzA Ti sman drug yin no// kho rang yang bdud/e kadzA Ti yang bdud mo las bu mor ma byas// ming sring du byas te/ jo mo nyi ma'i thod phreng gis bstan pa bsrung du bcug ste sngags srung lcam dral du ming btags so// de nas yang rta'i lo la byi byas pas lug gi lo la bu mo spun drug skyes te/bzhi ni khros pa'i dbang mo che bzhi'o// skos bdag drug gis chung mar blangs so// shar gyi skos bdag gcig ni bar snang gi ma mo dang 'dus so// srid pa gru 'degs mar ming btags so// gcig ni e ka tsa ra mar ming btags so// thugs kyi dgyes sde mo bzhi'i khol mor yang thob bo// yang lug gi lo tshes brgyad kyi nub mo byi byas pas// spre'u lo khyi zla ba'i tshes bcu gsum dpyid zla ra ba bdud kyi nyi ma la btsas pas ci byed ci ru ma btub bo// dgyes sde'i khol mo bzhi'i ming ni/ dkar mo chen mo mche ba can dang/ ser mo rkang ldag ma dang/ nag mo kha glal ma dang// dmar mo mchu 'jib ma dang bzhi'o// de bzhi'i ring la ni/ pha skos rje drang dkar gnod sbyin gyis lcags thag la brgyus/ ma yugs kyi gson mor las nas der skye ba'i rgyud chad/ gnod sbyin gyis kho'i mgo yang bsgyur nas seng ge'i mgo byin pas lus nag por bsgyur nas bstan pa srung du bcug/'khor du 'gong po spun bdun btang ngo// de na lug dang spre'u gnyis gnyen bya ru mi rung ngo// lug dang spre'u gnyen byas na rabs chad kyi lo bya ba yin no// phag dang byi ba gnyen byas na pho'i sa ru rabs chad kyi ro dur 'debs/ glang dang 'brug gnyis gnyen bya mi rung ngo// kha smras dang sgo khyi yang mi chags/ bar du lha mi chags te/ri bsnyil sa ltung gi lo bya ba yin/ stag dang sbrul gnyen mi bya/ khang rdibs dgra khang khyim la zhugs pa'i lo yin/ stag dang phag gnyen mi bya/ srog shi lus gtor gyi lo bya ba yin/ bya dang sbrul du 'dus la kha yan gyi lo bya ba yin te bya yug sa byed pa bya ba yin/bya dang spre'u gnyen byas na/ pho g.yas stongs/ mo g.yon stongs bya ba yin// khyi dang yos bu gnyen byas nas ram shing chad kyi lo bya ba yin te/ stag dang lug tu byas nas shi shing zad bya ba yin/ de ni rang kha zug bya ba yin no// ma mo srid pa'i bem las// skye rgyud ma sring gi lo'i mtshan nyid mdo tsam bstan pa'i le'u ste nyer gnyis pa'o//// de nas yang lha g.yung drung gis 'di skad ces gsol to// lha chen po bdun gyi chung ma srin mo chen mo bdun 'jig rten du rab tu gnod pa las/ yum chen mo'i thugs kyi sprul pa dbyings kyi yum drug gi sprul pa nang blon drug/gsang ba bsdus pa'i ma mo de ltar btul nas nang gi blon mor byas so// gsang ba bsdus pas ni nyi zla 'od phreng can no// de nas rgyan gyi rgyal mo dang ya bdud rgyal mo gnyis byi ba'i lo nal byas pa las/ phag gi lo bu btsas pa las/ lo yang nur ba las/ yar la shod kyi skyes to re dang/ 'dod khams lha'i gtso mo gnyis mtshe mar skyes pa las/ de nas yar la shod kyi skyes to re zhes pa dang/ bdag nyid ma gnyis shing nal byis la'i rtse mor lug gi lo la mdza' na brgyugs pas/bdag nyid ma'i rting pa la khrag tsa re 'dug pa mthong ste/ skyug bro nas mchil ma gcig khrag la bor bas/ khrag dang mchil ma 'dres pa'i bu ming sring gnyis skyes pas spre'u'i lo la gnam khyi dkar po skyes so// srid mo sa bdag pad+ma'i phreng yin te// ma spyugs/ pha ri ma la yar bros pas/ bu ming sring ni dam sri dang rgyal por gyur to// yar la shod kyi skyes to re snying na gnas long na ba lug dang spre'u'i lo byi byas pas/ lug gi lo la ming po shel ging dkar po skyes so// sring mo ni pad+ma gar gyi dbyings phyug ma/ de nas shel ging dang pad+ma gar gyi dbang phyug ma gnyis ming sring nal byas pas/bu 'gong po spun dgu skyes so// des na mi rung ba yin no// de nas e ka dzA Ti'i ming ni ma mo yongs kyi tshogs bdag mo zhes bya'o// gru 'degs ma bzhi ni har ting dkar mo dang/dun ting nag mo dang/ shan+tiM dmar mo dang/ grub ting ser mo dang bzhi ni nyi ma phyed na rgyu ste/ de'i dus su gtor ma gtang ngo// spyir ma mo'i dkyil 'khor brgyad yod de/ yum chen mo'i dkyil 'khor ni snang srid rdzogs ldan mchog gi dkyil 'khor zhes bya'o// dkar mo mig gcig ma ni nyi zla 'od ldan gyi dkyil 'khor zhes bya'o// khros pa'i dbang chen bzhi ni snying rje byams ldan gyi dkyil 'khor ro// dkar mo mig gcig la sogs bzhi ni gsang ba dgyes pa'i dkyil 'khor ro// dbyings phyug ma ni phung byed sbas pa'i dkyil 'khor ro// khros pa'i dbang mo che bzhi ni skye 'gro yongs su skyong ba'i dkyil 'khor ro// de ni bdud rtsi bum pa dang 'dra'o// thugs kyi dgyes sde ma bzhi ni ge sar yongs kyi dkyil 'khor zhes bya'o// srid pa cha snyoms ni mnyam byed chen mo'i tshogs so// srid pa'i gru 'degs ni gling bzhi spyi'i tshogs so// e ka dzA Ti ni pho nya kun gyi tshogs so// dmag gi rgyal mo bzhi ni dri za la sogs pa'i rigs so so'i tshogs so// 'dod khams lha'i gtso mo ni bud med nag mo'i tshogs so// rdo rje gar gyi dbang phyug ma dang pad+ma gar gyi dbang phyug ma gnyis nyul byed chen mo'i tshogs so// rin chen srid 'degs ma dang gling bzhi spyi phud ma ni sman phran gtso mo'i tshogs so// e ka dzA Ti'i bu mo/ e ka dzA ra bsam nas/jo mo kun gyi nang na bdag gi jo mo bzhi khud par dbang chung bas/ khol mo'i nang na bdag cag dbang chung bas nang 'thab cig bya snyam pa las bu mo gcig pu mas byi sna byas te rgya mtsho gting nas chu srin gyi rgyal po ku be ra ma ka ra ba bkug ste/dug shing gdug pa can gcig gi gam du nyal po byed du bcug pa'i bu/ 'brug gi lo la bu dkar po mig gcig pa bya ba skyes te/ srin mo nag mo khrag 'dzag ma bya ba skyes// nad gtong bas ming ni lha mo nag mo zhes bya'o// de nas ming pos ma'i mthu dang gzi byin phrogs te 'jig rten yongs kyi mthu yang rku bar bgyis pas sru mo e ka dzA Tis tshor te jo mo khros pa'i dbang mo che la zhus nas/rjes 'bangs la bsgral ba'i las byas pas mi gcig gi khong nas tsit+ta bcu byung ba las/ gcig snying gi bdag po la sbyin/ dgu la gsum rgyal the'u khra bo dang/ tri shang ka ra dang/ gnod gtor dang gsum ste rgyal po'i rigs la gnod de/ gsum la bar the'u smug po dang/ legs the'u khra bo dang/ sa the'u nag po gsum ste yongs kyi mi la gnod do// gsum gyi phyogs bcur gyur te brag srin dang shing srin dang chu srin gsum du gyur to// dgu car rkang pa ya re bcag nas/ gnam khyi dkar po 'khol du bcug go/ de nas e ka dzA Ti 'brug gi lo la lus ma bde nas mnyes btsir ba las/ bu gdong sog po mig long ba la/lus spyang ki la khog pa na snying gsum yod pa gcig skyes pa las/ de ni su la yang cha med pa las/ dgra bo'i snyinga'abyin pa byams pa la lan ldon pa zhig song snyam nas/ su la yang med pa rung snyam nas dga' zhing 'dug pa las/jo mo nyi ma'i 'od phreng gis tshor nas shel gel khol por byin nas gtang ngo// ma mo srid pa'i bem las/ srid pa pho dang mo rgyud kyi le'u ste nyer gsum pa'o//// g.yung drung lha yis 'di skad ces gsol to// kye ma ho 'jig rten 'joms pa'i lha// 'dren cing 'gugs pa'i sngags rnams ji ltar lags// zhes gsol to// yang bka' stsal pa/ hUM hUM badzra nan ti phaT/ ma ga dun ting b+h+yo/oM mu ting b+h+yo/ ba shan tri nig mu dun ti ni/ oM a sUr+ya bi to a to ye pad+ma byi to a to ye/ kha rag byi to a to ye// srid 'gro byi to a to ye// oM badzra ke ma ke ma/ oM badzra ta kem ta kem/ badzra nI la/ badzra na la/ badzra da la/ badzra man+da/ oM badzra gram bu la/ mur shing/ oM badzra snying kha rag kha ran snying/ trag rak+sha mur tsag sha/ trag rak+sha mu tra baM/ khung mu ta ma/ trag rak+sha/ bra ban ka ra/ ka tiSh+Tha b+h+yo/ phra sha b+h+yo/ phra shi shang gyi sha b+h+yo/hUM ka ri ka ma ro/ nam la tshur mi ta kha tong ta/ da la tsa da la tsa la/ pad+ma tsaN+Da b+h+yo/ gu mu rak+to/ ting saM dang saM/ e a ra li bu byi ru ru lu ru lu/ b+h+yo b+h+yo b+h+yo ru rak+sha/ oM a mr-i ta b+h+yo/ ting b+h+yo ting b+h+yo/ pra ting b+h+yo/ mu ting b+h+yo/ shan ting b+h+yo/ dun ting b+h+yo/ rak+ting b+h+yo/ har ting b+h+yo/ grub ting b+h+yo/ te e ting ta b+h+yo/ a par b+h+yo/ da la dun b+h+yo/ ni la ma ma ka sar ma b+h+yo/ dbang phyug ma bskyed pa ni b+h+yo nyi shu rtsa brgyad do// de ni ma mo'i 'gugs 'dren yin// zhes gsungs so// ma mo srid pa'i bem las/ 'gugs 'dren sngags kyi le'u ste nyer bzhi pa'o//// de nas g.yung drung lha yis 'di skad ces gsol to// 'jig rten 'joms pa'i stobs kyi lha// srid pa'i dbang chen 'di dag kun// bsnyen bsgrub bcol na ji ltar bgyi// zhes gsol to// yang bka' stsal pa/ bsnyen bsgrub bskul ba'i tshigs rnams kun// ngas gsungs kun grags the tshom med// hUM srid pa'i rgyal mo sku bzhengs shing// dbu ni dpag bsam shing gi bum pa la// sku ni ri rab gtos yin te// ma mo khyod kyi mtshan nyid ni// 'byung ba lnga las grub pa mo// khyod kyi sku yi dkyil 'khor nas// 'gro ba rigs drug khyod las 'char// khyod kyi sku stod g.yas g.yon nas// lha dang lha min g.yul ngo 'gyed// mtshon cha go cha'i na bun la// lha dang lha min 'thab mo 'gyed// lha rnams rgyal te lha min pham// do nub mi dang 'dre ru 'thab// lha yi mthu dpung ma chung zhig/ ma mo khyod kyi lte ba nas// dug gsum 'khor ba gti mug phag/ mun ltar gtibs pa'i na bun las// 'khor ba'i sdug bsngal nyams su myong// de yang ma mo khyod kyi lto// gti mug las kyis ma rtogs nas// 'dod pa'i ma mo thugs dang 'gal// srid gsum nad rnams b+h+yo zhing bzlog/ b+h+yo bzlog chen pos kha sgyur la// rde'u thabs cig kyang der bzlog cig/ ma mo khyod kyi lte ba nas// zhe sdang chen po me ltar 'bar// me ltar 'bar bas snying po tshigs// ma rtogs 'khrul pa'i zhe sdang mes// 'dod pa'i ma mos bka' bkyon skad// srid gsum nad kyis sdug bsngal 'bar// nad rnams bzlog la zor kha byol// ma mo khyod kyi sku yi lte ba nas// 'dod chags 'khor ba chu ltar 'khrugs// 'dod chags gzugs su bya byung ste// ma rtogs 'khrul pas rtsa ba'i dam tshig nyams// 'dod pa'i ma mo thugs dang 'gal// srid gsum nad rnams da bzlog cig/ zor kha bzlog la byol kha sgyur// dmyal ba rnams kyang srog la chags// ma mo dam la mi chags sam// yi dwags rnams kyang gza' btung gos la chags// ma mo rdzas la mi dgongs sam// ske le mi yang 'dod pa'i rdzas la chags// ma mo mdos dang yas la mi dgongs sam// lha ma yin yang go mtshon drug la chags// ma mo mdos dang yas la mi chags sam// lha yang longs spyod rdzas la chags// ma mo mdos la mi dgongs sam// 'dod pa'i ma mo tshur gson cig/ bde ba cha snyoms tshur gson cig/dbu gsum phyag kyang drug pa ste// g.yas na b+han+d+ha lcang lo bsnams// g.yon na ru dar rtse la 'phyar// sku la mu men shel gyi go zu gsol// yid las sprul pa'i ma mo'i tshogs// dbyings kyi yum chen mdangs ldan ma// khams gsum 'khor ba'i zhen chags thong// mdos bdag chen mo bde ba'i cha snyoms ma// de yang rgyal mo khyod lags mod// mdos bdag ni mdos long la/ glud bdag ni glud bzhes shig/'dod pa'i ma mo tshur gson cig/ yid 'ong rgyal mo srid pa skye 'gro'i bdag/ sku mdog g.yas ser g.yon dmar dbu sngo zhing// na bza' rma lo mdzes pa gsol// g.yas na b+han+d+ha lcang lo bsnams// g.yon na b+han+d+ha smug po bsnams// de yang rgyal mo khyod lags mod// mdos bdag ni mdos long la// glud bdag ni glud bzhes shig/ 'dod pa'i ma mo tshur gson cig/ 'khor lo tshims byed 'dod chags ma// sku ni rin chen in+d+ra nI// g.yas sngo g.yon dmar dbus dkar zhal// phyag na b+han+d+ha lcang lo bsnams// g.yon na ba dan dmar po 'phyar// rgyal ba rnams kyi thugs dam bskul// de yang rgyal mo khyod lags mod// mdos bdag chen mo mdos long la// glud bdag ni glud bzhes shig/ mdos bdag chen mo tshudzutshur gson cig/ 'gro ba sgrol byed mkha' 'gro ma// g.yas ser g.yon dmar dbus dkar zhal// na bza' chu srin g.yang gzhi gsol// g.yas pa b+han+d+ha lcang lo bsnams// g.yon na dar nag ru mtshon 'phyar// 'di yang rgyal mo nyid lags mod// mdos bdag ni mdos long la/ glud bdag ni glud bzhes shig/'dod pa'i ma mo tshur gson cig/ 'khor ba chags pas tshim mdzad ma// sku la zhing chen g.yang gzhi gsol// kun kyang mi bzad 'bar ba'i sku// g.yas dmar g.yon dkar dbus ljang zhal// khrag chen 'bar ba'i ral pa can// g.yas na b+han+d+ha lcang lo bsnams// g.yon pa ba dan ljang nag 'phyar// de yang rgyal mo khyod lags mod// mdos bdag ni mdos long la// glud bdag ni glud bzhes shig/ 'dod pa'i ma mo tshur gson cig/sku ni mi bzad mthing nag sku// na bza' zhing chen g.yang gzhi gsol// g.yas nag g.yon mthing dbus ser zhal// g.yas na b+han+d+ha lcang lo bsnams// g.yon na ba dan khra bo bsnams// ma mo chen mo drug po yang// gdan du zhing chen bsnol ma bting// kun kyang me ri smug nag nang na bzhugs// rgyal mo'i thugs las sprul pa mo// kun kyang rgyal mo nyid lags te// 'khor ba rngam pa'i mdangs kyis 'khod// dbyings kyi rgyal mo drug po la// 'dab chags rgyal mo mkha' lding drug/ gar dang bcas te rgyal mo drug la 'bul// gshog chags rgyal mo khyung chen drug po la// mdzes pa'i btsun mo drug zhon pa// rgyal mo drug la glud du 'bul// gcan gzan rgyal po gwa dor drug po la// skyes pa chas bzang drug zhon la// rgyal mo drug la glud du 'bul// lha yi sprul pa rgyal po drug/ 'khor dang g.yog bcas glang chen drug zhon pa// rgyal mo drug la glud du 'bul// shing ris kyi 'phan bzangs la// mdzes pa'i ri dwags rgyal po drug/ sna tshogs dar snas mdzes par brgyan// blon po drug dang bcas pa las// nyi zla mdzes pa bkra yal yal// bya lding ni nam mkha' la 'phyo// shad shad ni gar bsgyur ba// bya skad ni di ri ri/ logs la sha dgo rmig bzhi rgyu// ya mtshan rmad kyi dkor cha 'di// rgyal mo drug la glud du 'bul// mdos bdag ni mdos long la// glud bdag ni glud bzhes shig/ rgyal mo chen mo khyed drug kyang// mnga' bdag jo mo'i spyan sngar dam bcas nas// 'dod pa'i gter la spyod do skad// srid pa'i byol bzlog mdos 'di bzhes// dang po dmu dang phya ru 'thabs// der yang rgyal po 'od lha yis// dmu yi g.yul ngo der bzlog go/ de nas lha dang lha min 'thabs// lha ma yin gyi g.yul ngo der bzlog go/ de nas mi dang 'dre ru 'thabs pa las// mi kha lhas bzung 'dre srin pham// do nub 'dre yi g.yul ngo bzlog/ zhe sdang rtsad nas gcad pa'i phyir// zhe sdang sbrul gyis thugs dam bskang// 'dod chags rtsad nas bcad pa'i phyir// 'dod chags bya yis thugs dam bskang// gti mug rtsad nas bcad pa'i phyir// gti mug phag gis thugs dam bskang// nga rgyal rtsad nas bcad pa'i phyir// rgyal mo drug gis thugs dam bskang// phrag dog rtsad nas bcad pa'i phyir// 'gro drug gzugs kyis thugs dam bskang// nyon mongs dug lnga me ru 'bar// 'di yang rgyal mo khyod kyi dug/ rgyal mo rnams kyi dug nad 'di// gsangs so dug lnga'i nad sos nas// rgyal mo yang dag don dang ldan par bskang// mdos bdag ni mdos long la// glud bdag ni glud bzhes shig/ sku'i glud 'bul lo// rang gi tshang 'jal lo// ma mo srid pa'i bem las/ rgyal mo drug gi bskang ba'i le'u ste nyer lnga pa'o//// de nas yang g.yung drung lha yis 'di skad ces gsol to// rgyal mo'i 'khor gyi blon mo rnams// de la nan tan ji ltar bgyi// zhes gsol to// yang bka' stsal pa/mi srun ma mo chen mo rnams la ni drag tu nan tan bskyed cing/ de rnams ni shin tu gdug pa'i ma mo yin no// zhes gsungs so// hUM 'dod pa'i ma mo tshur gson cig/ dbang bsgyur nang blon chen mo drug/de ring ming pos mdos gting gis// srin mo nang blon mdos longs shig/ nam mkha' khams kyi dbyings phyug ma// sngon mo khro gnyer ral pa can// mi mgo thod pa'i phreng bas brgyan// na bza' sdig pa'i g.yang gzhi gsol// ngar nag ru mtshon phyag na bsnams// bdud kyi yul nas phyag brnyan gtong// nang blon chen mo dbyings phyug ma// chibs su glog mo gya gyu bcibs// mdos bdag ni mdos long la// glud bdag ni glud bzhes shig/ 'dod pa'i ma mo tshur gson cig/ 'byung ba lnga yi ni bcud 'byin ma// na bza' mthing ber ni mdzes pa la// mu men shel gi ni kha chag can// phyag na zhing chen rgyal mtshan 'phyar// chibs su rtsangs pa mgo dgu bcibs// mdos bdag ni mdos long la// glud bdag ni glud bzhes shig/ 'dod pa'i ma mo tshur gson cig/ ma mo chen mo kar ting shags// sku dkar mo ni tse re re// g.yu yi lan tshar ni ske sor slebs// na bza' dar dkar gyi go zu la// gser gyi rdo rje'i kha chag can// me tog mdzes pa'i ga sha can// chibs su bya rgyal khyung la bcibs// mdos bdag ni mdos long la// glud bdag ni glud bzhes shig/ 'dod pa'i ma mo tshur gson cig/ dus gsum mi 'gyur glog phreng can// sku mdog cir yang ma nges te// na bza' chu srin g.yang gzhi gsol// phyag na mgo bo'i rgyud mangs bsnams// gsang ba'i spyugs glu tse re re// las su sems can srog la rgol// bdud dang srin po mu stegs 'dul// mdos bdag ni mdos long la// glud bdag ni glud bzhes shig/ 'dod pa'i ma mo tshur gson cig/nyul le chen mo har ting shags// sha khrag dmar la mnga' mdzad ma// na bza' mi lpags g.yang gzhi gsol// phyag na be con dgra s+t+wa bsnams// chibs su ma keng cang shes bcibs// mdos bdag ni mdos long la// glud bdag ni glud bzhes shig/ ding ting sngon mo gzi brjid 'od gsal ba// sku mdog dmar nag 'bar ba la// na bza' mchog gi g.yang gzhi gsol// chibs su zangs kyi ke'u le bcibs// las su bdud kyi kha dpon mdzad// khol du srin mo mgo dgu 'gyed// phyag na gsod byed 'khor lo bsnams// sdig pa nag po'i ltas ngan gtong// mdos bdag ni mdos long la// glud bdag ni glud bzhes shig/lha mo mi za brag gyon ma// gung blon chen mo mdos longs shig/ me tog mdangs kyi rgyal mo ni// srin mo yi ni srog rkun mo// mdos bdag ni mdos long la// glud bdag ni glud bzhes shig/srid pa'i g.yul zlog ma mo gung blon ma// mdos bdag ni mdos long la// glud bdag ni glud bzhes shig/ 'od ldan rgyal mo srid pa'i mnga' bdag mo// mdos bdag ni mdos long la// glud bdag ni glud bzhes shig/nang blaun gung blon ma mo bdun cu rtsa brgyad po// kun gyi ming nas byung zhing mdos bdag ces kun la 'gres so// ma mo spyi kun kyang ma mo brgya rtsa brgyad du ma gtogs med do// ma mo srid pa'i bem las/mdos bsngo ba'i le'u ste nyer drug pa'o//// de nas g.yung drung lha yis 'di skad ces gsol to// kye ma ho 'jig rten 'joms pa'i lha// rtag pa'i rgyal mo drug po la// mdos kyi bskang ba ji ltar brjod// ces gsol to// yang bka' stsal pa/ rtag pa'i rgyal mo drug po la// tshe dang dbang thang skyed pa'i phyir// tshig gis bskul ba 'di skad brjod// ces gsungs so// hUM srid pa'i bde 'gro khams gsum yum mchog ma// phra men rgya mtsho sku bskyod cig/ yum chen nyid las sku sprul ma// dbu gsum phyag kyang drug pa ste// spyan ni khros pa'i tshul mnga' zhing// zhi ba'i sku la snang srid 'char// sprul pa'i sku las zhabs brgyad 'char// drug gis rgyud drug sgo yang gcod// gcig ni klu yi khams su 'char// gcig ni bdud dang mu stegs 'joms// rnal 'byor shes pa'i yul drug las// spyan drug mngon par shar ba ni// spyan gsum gyen du gzigs pa yis// rnam par thar pa'i sgo yang 'byed// sems can skye shi'i lam yang ston// spyan gsum thur du shar ba yis// srid pa gsum yang thal bar rlog/ g.yas kyi zhal bzhad thugs rje ston// g.yon gyi zhal bzhad khams gsum dbang du sdud// dbus kyi zhal bzhad drag shul che// rdo rje mche ba gtsigs pa yis// srid pa'i 'gran zla chem chem gsol// ma mo gsang ba'i b+ha ga las// srid pa gsum ka shar bar mdzad// lha dang bdud dang gnod sbyin dang// gshin rje srin po kun kyang 'dar// ma mo sku yi g.yas phyogs nas// las byed ma mo bcu gsum 'char// pho nya phyag brnyan thams cad 'gyed// g.yon gyi phyogs nas shar ba ni// ma mo sku yi sum cha las// nges pa'i ma mo dgu sbas shing// thams cad kun la khyad par brtson// yum gyi zhabs kyi g.yas phyogs nas// bka' sdod nyi shu rtsa brgyad 'char// rnal 'byor kun gyi las rnams sgrub// srid pa'i ma mo thams cad kun// ma mo sku yi rgyan du rdzogs// ma mo thugs kyi thig le las// rdo rje kha T+wAM gzhu bdungs nas// shes rab ye shes mde'u rtse las// spros pa'i ma mo dgu 'phen ma// nges pa'i bde klong gcig tu 'khyil// shr-I hUM sras 'khor du brtag/ mthing nag 'bar ba'i 'phro 'du yis// thams cad sgrol zhing dbang du sdud// zhi ba'i sku la thugs rje che// ye shes sprul pa'i phyag drug las// g.yas kyi dang po 'khor lo bsgyur// gsang sngags bka' rnams sgrogs pa'i don// g.yon na rin chen dbang bsgyur zhing// srid pa'i 'jig rten gnad la 'phen// g.yas kyi bar ma g.yang gzhi rdebs// bdud dang srin po dbang du sdud// g.yon na b+han+d+ha dmar bskyil zhing// bud med ma mo dbang du sdud// g.yas kyi tha ma tshe srog 'dzin// rnal 'byor kun la dngos grub ster// g.yon gyi tha ma lcags kyu dgu bsnams shing// dam tshig nyams pa rnams dang ni// bka' las 'das pa'i snying nas 'dren// spyi gtsug sprul pa'i 'phro 'du yis// stong gsum 'jig rten b+h+yo bzlog mdzad// bdag nyid ye shes rtsal 'chang zhing// nges pa'i dbang dang rtogs pa'i mthu// man ngag thugs kyi rgyud bskul zhing// skad cig yud tsam dbyings nas bzhengs// srid pa gsum dang gling bzhi yang// thang gcig yud kyis 'jig par mdzad// khyad par ye shes nyi zla'i spyan// g.yas kyi spyan gyis srid gsum gsal// g.yon gyi spyan gyis sbyor ba mdzad// rdo rje smin ma gdengs pa yis// mu stegs yak+sha'i snying yang 'gems// ma mo khyod kyi mtshan nyid ni// byang chub sems ma zhes kyang grags// yang dag gsang ba'i mtshan nyid ni// sangs rgyas khros pa'i rgyal mo la// bde klong kun gyi gtso mor grags// rnal 'byor gsang ba'i dkyil 'khor du// gsang ba thabs kyi 'phro 'du yis// yum gyi thugs dam 'dis skongs la// sku ni mi bskyod 'dir bzhugs shig/ 'khor gyi blon mo kun bskyod do// bcol ba'i las rnams 'grub par mdzod// mdos bdag chen mo mdos longs shig/ glud bdag chen mo glud bzhes shig/ hUM lha mo chen mo rnal 'byor ma// kun gzhi yongs kyi dbang phyug ma// snang srid kun la dbang bsgyur zhing// skye 'gro kun gyi dbugs 'phrog ma// dung chen phyag na bsnams shing 'o dod chen mo sgrogs// gshin rje bran du 'khol zhing 'jig rten me yis bsreg/ 'gro ba'i tshe dpal 'phrog cing byang chub sems kyi bdag/sgrol ba don du gnyer zhing dbang phyug kun dang sbyor// srid gsum sprul pas 'gengs shing ya bdud dbang du sdud// g.yang gzhi gos su gon zhing kha T+wAM g.yab mos 'debs// sku mdog khro mor bzhugs shing rnal 'byor grogs mdzad ma// khrag dang zhag gis brgyan cing spu gri phyag na bsnams// dam nyams dgra bo'i don snying 'byin cing snying khrag 'thung// mAng sa zas su za zhing tsit+ta'i zhags pa 'phen// nyi zla thod du bcings nas stong gsum bde la 'god// dung chen snod du dmar chen khrag dang snying sna sbyar ba 'di// ma mo khyed rnams kun gyi thugs dam bskang// mdos bdag ni mdos long la// glud bdag ni glud bzhes shig/ma mo srid pa'i bem las/ dbyings kyi yum drug bskang ba'i le'u ste nyer bdun pa'o//// hUM rnal 'byor khros pa'i dbang mo che// nyi ma stong gi gzi mdangs can// stong gsum 'jig rten 'od 'phro ma// srid pa sgrol byed gshegs su gsol// hUM rnal 'byor khros pa'i dbang mo che// pad+ma stong gi dbu rgyan can// ge sar 'bum dang bcas nas su// 'jig rten myos pa'i khrag 'thung ma// dbang phyug rgyal mo gshegs su gsol// hUM rnal 'byor khros pa'i dbang mo che// khams gsum gsod byed bdud rtsi sbyor// bdud rtsi sman mchog kun gyi gsos// bdud rtsi rgyal mo gshegs su gsol// hUM rnal 'byor khros pa'i dbang mo che// b+ha ga yongs la mnga' mdzad ma// gnas lam thams cad ston mdzad ma// thar pa'i lam tshol gshegs su gsol// khros pa'i dbang chen bzhi rnams kyang// mdos bdag chen mo mdos long la// glud bdag chen mo glud bzhes shig/ ma mo srid pa'i bem las/ khros pa'i dbang mo che bzhi'i le'u ste nyer brgyad pa'o//// hUM b+ha ga 'bum la mnga' mdzad ma// dbyings kyi rgyal mo gshegs su gsol// 'jig rten yongs kyi byin mdzad ma// rgyan gyi rgyal mo gshegs su gsol// bdag nyid lhag lhag bzhad mdzad ma// bdag nyid chen mo gshegs su gsol// stong gsum thams cad rgyug mdzad ma// gcig pu yum mchog gshegs su gsol// sbas pa'i ma mo bzhi rnams kyang// mdos bdag lags kyi mdos long la// glud bdag lags kyi glud bzhes shig/ ma mo srid pa'i bem las/sbas pa'i ma bzhi'i le'u ste nyer dgu pa'o//// hUM ri rab gling bzhi'i shar phyogs na// shar gyi dkar mo mig gcig ma// na bza' bya rgod thul pa la// g.yu yi dril bu 'bum gyis brgyan// dung gi lan tshar mche ba can// rin chen shel gyi thod gdengs can// dkar mo sgeg ma 'bum gyis bskor// srid gsum shar la mnga' mdzad ma// 'dir byon mdos bdag mdos long la// bdag gis las bcol 'grub par mdzod// hUM ri rab gling bzhi'i lho phyogs na// lha mo nag mo mche ba can// gser g.yu brtsegs pa'i thod gdengs can// nag mo sgeg mo 'bum gyis bskor// srid gsum lho la mnga' mdzad ma// 'dir spyon mdos bdag mdos longs shig/ hUM ri rab gling bzhi'i nub phyogs na// nub kyi dmar mo dbang bsgyur ma// na bza' chu srin g.yang gzhi la// sbrul nag bdun gyi gdengs ka can// g.yu yi lan tshar mche ba can// byi ru 'bar ba'i thod gdengs can// dmar mo sgeg ma 'bum gyis bskor// srid gsum nub la mnga' mdzad ma// 'dir gshegs mdos bdag mdos long la// rnal 'byor phrin las 'grub par mdzod// hUM ri rab gling bzhi'i byang phyogs na// byang gi ser mo las mkhan ma// sku la rma bya'i thul pa gsol// mthing gi go lcog ya bas bskor// gser gyi lan tshar mche ba can// thod skam 'bar ba'i thod gdengs can// ljang nag sgeg mo 'bum gyis bskor// srid gsum byang la mnga' mdzad ma// 'dir gshegs mdos bdag mdos longs shig/ hUM gling bzhi rgyal mo gsang ba'i gzungs// thu ba g.yas la dmag gis bkang// rnal 'byor kun gyi dgra 'dul ma// thu ba g.yon pa rin po che// rnal 'byor tshe dang dbang thang skyed// phyag g.yas zhing chen g.yang gzhi rdebs// khams gsum rdul du brlags nas kyang// bdud dang srin po dbang du sdud// phyag mtshan g.yon na b+han+d+ha bskor// ma mo thams cad dbang du sdud// ral pa can gyi 'khor skyod la// 'dir spyon mdos bdag mdos longs shig/ ma mo srid pa'i bem las/thugs kyi dgyes sde mo bzhi'i le'u ste sum cu pa'o//// hUM srin mo chen mo sham sham mo// a phyi chen mo mi bzad ma// na bza' zhing chen lpags rlon la// mtha' ma b+han+d+ha rlon pas bskor// lag pa g.yas na zhing gi sor phreng bgrang// g.yon na mi mgo phor pa thogs// rang gis rang la tshim par stob// g.yang gzhi ru mtshon phyar nas su// bdud dang srin po thal bar rlogs// 'jig rten thams cad sgrol bar byed// 'dir gshegs mdos bdag mdos long la// bdag gi phrin las 'grub par mdzod// hUM khyab bdag chen mo rnal 'byor ma// khyab bdag chen mo thig le dgu// ye shes ngang gi rol pa las// phyag na rtse gsum 'bar ba bsnams// khrag 'thung chen mo kun la dbang bsgyur ma// mchod pa dam pa bsngos pa dang// mdos bdag chen mo mdos long la// khyed kyi 'khor rnams rab tu mi bsgrubs te// sgra skad yid 'phrog byed pa ma mo khyod kyi 'khor// 'dod pa lnga la rab dad pas// me yi bskal pa gtong zhing snying rje lam du gtong// gsod pa don du gnyer zhing khro bo kun dang sbyor// bdud kyi bu mo 'khol zhing nga rgyal drag shul che// 'o dod chen po 'bod cing zhal gdangs mche ba gtsigs// dgra snying tshal par 'gems pa ma mo khyod kyi 'khor// mdos bdag chen mo mdos longs shig/ hUM ma mo chen mo srin pa'i bdag/e ka dzA Ti ral gcig ma// mig gcig ma la dkar sham mdog/ rang chas sprin dkar go zu la// 'ja' tshon 'bar ba'i kha chag can// lag na kha T+wAM mtshon cha thogs// za 'og zhabs ma'i dbu rgyan can// bsam pas khams gsum myos byed ma// mdos bdag chen mo mdos long la// glud bdag chen mo glud bzhes shig/ hUM ma mo chen mo tshur gson cig/ rin chen srid 'degs chen mo khyod// mdog bzangs sngon mo ral pa can// rang chas mu tig go zu la// gser dang g.yu yi kha chag can// mtha' ma rin chen 'bar bas bskor// g.yas na rin chen za ma tog/ g.yon na g.yu yi zo ba thogs// khyod ni srid pa'i ma mo ste// tshe bdud dbang chen ma mo khyod// mdos bdag chen mo mdos long la// glud bdag chen mo glud bzhes shig/ hUM 'dod pa'i ma mo chen mo ni// bdud kyi srin mo gshin rje'i lcam// mdog bzangs ma mo ral pa can// ral pa'i zar bu mun nag gtibs// lcags kyi lus la zangs kyi zhabs ma can// lag pa g.yas na gshin rje'i khram bam can// g.yon na sho rde'u dkar nag 'grem// mtshan na nad kyi rkyal pa sbed// khyod ni 'jig rten b+h+yo bzlog mkhan// khram bam phyis la sho rde'u gtor// nad kha phyis la dal kha sgyur// mdos bdag chen mo mdos long la// glud bdag chen mo glud bzhes shig/ rims nad phyis la dal kha zlog/rnal 'byor ma mo dbang bsgyur ma// mdog bzang dkar mo ral pa can// khyod ni gling bzhi spyir 'gro ste// rang chas dar dkar go zu la// g.yu bran 'bar ba'i kha chag can// gser gyi gang leb 'bar ba la// g.yu yi cod pan 'od 'phro ma// rdzu 'phrul rkang pas phyogs bcur 'gro// g.yas kyi phyag na thogs pa ni// gser gyi lcam bu 'bar ba la// g.yu yi lcag 'bras 'bar ba btags// klad la bskor bas bdud dpung 'joms// sa la brdabs pas dgra bgegs sgrol// gzhan gyis rbad kyang mi nyan par// bcol ba'i las rnams 'grub par mdzod// mdos bdag ni mdos long la// glud bdag ni glud bzhes shig/ rdo rje gar gyi dbang phyug ma// dbu brgya ma la spyan stong ma// 'jigs tshul rngam pa'i cha byad can// phrin las dgra bgegs kun 'dul la// rdo rje sgeg mo mdos longs shig/hUM pad+ma las kyi dbang phyug ma// sa bdag chen mo pad+ma phreng// lag na thod pa khrag gis bkang ba thogs// grong khyer kun tu 'thor byed ma// mdos bdag ni mdos long la// glud bdag ni glud bzhes shig/ma mo srid pa'i bem las/ ma mo bskul ba dang bskang ba'i le'u ste so gcig pa'o//// hUM ri rab gling bzhi gru 'degs ma// har ting dkar mo chen mo ste// byang shar mtshams kyi gru 'degs ma// hUM dun ting nag mo chen mo ste// shar lho mtshams kyi gru 'degs ma// hUM shan ting dmar mo chen mo ste// lho nub mtshams kyi gru 'degs ma// hUM grub ting ljang ser chen mo ste// nub byang mtshams gyi gru 'degs ma// mtshan ni gru 'degs chen mo ste// rgyal chen gzungs ma mdos longs shig/ hUM dmag gi rgyal mo chen mo bzhi// shar gyi dkar mo mche ba can// lho yi nag mo kha rlangs ma// nub kyi dmar mo mchu 'jib ma// byang gi ser mo rkang ldag ma// rigs bzhi'i dmag dpung 'khor gyis bskor// 'dir spyon mdos bdag mdos long la// bdag gi bsam pa 'grub par mdzod// hUM gling bzhi'i mgyogs ma lha yi sring// shar gyi mgyogs ma gshegs su gsol// hUM mkha' la khyung lding gshin rje'i sring// lho yi mgyogs ma gshegs su gsol// hUM dmar mo g.yag thod klu yi sring// nub kyi mgyogs ma gshegs su gsol// hUM nag mo sder chen gnod sbyin sring// byang gi mgyogs ma gshegs su gsol// sring mo chen mo khyod bzhi yang// mdos bdag ni mdos longs shig/ ces bstod la mdos dbul lo// ma mo srid pa'i bem las/bskang ba dang ma mo ming grangs kyi le'u ste so gnyis pa'o//// de nas g.yung drung lha yis 'di skad ces gsol to// kye ma ho 'jig rten 'joms pa'i lha// mi srin 'jigs pa'i mgon can rnams// bsgrub cing phrin las bcol ba la// rdzas rnams mthun par ji ltar bsog/ rtags dang dus tshig gtor ma ji ltar gtang// gtor ma'i maN+Dal ji ltar brtsig/ 'jig rten 'joms pas bka' stsal cig/ces gsol to// bka' stsal pa/ nyams dga' bkra shis bzhugs gnas su// gzhung dang mthun par dkyil 'khor bri// pad+ma'i rigs la mtshan dang ldan// shin tu sgeg ma gzhag par bya// tsit+ta rak+ta zhing chen lcang lo yang// rdzas su dur khrod ro rdzas bzhag/ mi yi zil pa ched du blang// rak+ta tsit+ta tshogs tshad bsog/ tshil chen me mar kha lnga gtang// gsur chen dud pa rgyun mi 'chad// ci 'byor zhal zas tshogs kyis bskang// rnal 'byor shun chen gon la phreng ba chen po bgrang// srid pa spyi blugs zha gyon la// rtse gsum 'bar ba'i g.yab mo thogs// dngos grub blang ba'i zhal bu yang// bkra shis rdzas su blang bar bya// de nas dang por lha yi bsnyen pa bya// yum dang gnyis med sbyor ba yis// ka ni ka yi mchod pa dbul// bdag nyid badzra he ru ka/ yum srid pa'i rgyal mo nyid du byin gyis brlab// gnyis su med par de bzhin bsgom// de nas snying po dbul bar bya// nying bzhi mu kha le kro d+hI shwa rI ma hA/ pad+ma b+ha ga bde klong 'dus 'dus/ snying dza da sha yu ti hUM b+h+yo/ de nas zhag nyi shu rtsa gcig na/ ha zhes spyugs pa phyung zer nas gam du 'ong ngo// de nas dang po sbyor ba byas pa la// kar ni kas mchod pa dbul lo// de nas yum ston la rnal 'byor ma gsum mam lnga tshun chod gang byed kyang ched du gang byed pa'i snying po la dril la so sor rang re bzlas so// de nas yum chen mo mchod pa'i sbyor ba la 'ong ste/ de ni dngos grub tshur ster ba yin pas rab tu bzang ngo// sngar yum dang lhan cig sbyor ba'i mchod pa dbul bas/ yum la 'gran mi rgyu/ phyis ma ston na dngos grub mi ster ro// gsang ba'i gzungs ma ni// nyi zla stong gi thod phreng can no// sbyor ba la byung nas bstod pa ni// hUM che zhes mon mo gsang ba'i yum// thig le sbyor ba'i yum gcig ma// dkar mo nyi zla stong gi thod phreng can// gru gsum 'bar ba'i spyan gcig ma// g.yu yi ral pas srid pa sgrol// chags pa'i spyan gyis pad+ma 'dzin// rin chen mchi ma skye 'gro'i gso// tsit+ta'i zhags pas dgra bo sgrol// sngon gyi sbyor mchod ji bzhin du// bdag dang gnyis su med par sbyor// zhes bstod do// sgrub pa de thon nas/ gang sgrub pa la 'jug go/ gtor ma'i maN+Dal brtsig pa ni/ dbyings kyi ma mo ni rgyar khru byed dang ngo// dpangs su 'dom gang khru gang bar brtsig/ mdog smug nag tu bya khru gang gi 'og tu maN+Dal zhing ras la bris la bzhag/ 'khor lo rtsibs bzhi par bya/ dbus su gru gsum la gtso mo spyi'i snying po bri/ 'khor lo bzhi la phung byed ma la sogs pa gang byed pa'i snying po bri/ gtor ma btang/ dun ting nag mo nang par nyi ma'i zer la zhon nas rgyu ba de'i gtor ma btang ngo// mis mi mthong bar ming rus 'khor lo'i 'og tu bzhag go/bdud mo rigs kyi gru gsum du brtsig/ dpangs dang rgya kun gcig/ maN+Dal dur khrod kyi ras la gru gsum bsnol mar bri/ tshangs pa gzi can gyi bu mo nam mkha'i mtha' la rgyu bas/nam lang ba la btang/ las byed ma mo rnams kyis gru gsum la kha khyer bar gsum brtseg la khang seng du rtsig/ 'gram du ling+ga bskur/ bdud yak+sha me sreg gi bu mo nag mo rkang gcig skar mda' la zhon nas rgyu bas// nam gyi cha smad la btang ngo// sprul pa'i ma mo'i gtor ma ni/ nyi ma gung la zla ba'i sras mo rta la zhon nas rgyu bas de'i dus su btang ngo// bdud khyab pa lag rings kyi bu mo nam gung la rgyu ste/ 'dod pa ro zan khrag 'thung spyan gcig yin pas/ der yang btang ngo// stegs ni gru bzhi la mdog ser nag tu bya/ 'khor lo ro ras la ma mo'i snying po gang byed kyis mtha' ma bskor la/ dbus su ming rus bris rtags ma thon par gzhug gtor ma de'i steng du spungs/de ni gtor ma'i las so// ma mo srid pa'i bem las/ gtor ma btang ba dang spyi yi bsgrub pa'i le'u ste so gsum pa'o//// da ni bu mo bzhi la las dag po bkol ba la/tshes bcu bzhi la gnas dben par bsham/ de nas yo byad brtsam/ dkar mo mig gcig ma la b+han+d+ha zlum la pad+ma chags pa dang/ 'jam la ri mo nyung ba btsal/ dkar mo mche ba'i phyag na bsnams// 'chong ris smug pos rab tu brgyan// ljon shing ri mo yod pa ni// nag mo chen mo'i phyag na bsnams// pad+ma 'dab brgyad yod pa la// dkar la 'tsher bar gyur pa ni// dmar mo dbang bsgyur phyag na bsnams// dum bu gnyis pa yod pa'am// rdo rje rgya gram rtser 'dug pa// ser mo las mkhan phyag na bsnams// de rnams rten du bcas pa la// ri mo med na tshon gyis bri// rigs ni mtshan ngan 'dir mi gtogs// b+han+d+ha de bzhin ldan pa la// shel gyi rgyu bzhi yang dag rdzogs// gzhan yang dam rdzas ma bzhi bsog/ de nas ma bzhi'i dbang bskur ba'i ngan sngags bod pa/ 'bod rbad gsod pa gsum du dril la bzlas/dang por bzlas pa ma ma snying kha raka/ ma ma rak+sha ma ma rak+sha/ rak+mo snying khrag la ma ma dun dun/ trag rak+sha ma snying he kem ma ma ru lu ru lu b+h+yo/ rbad pa dril ba/ khog sbub rol gcig ma ma snying khrag la sa ma ya s+t+waM/dza dza snying rtsa phyung zhig/ ma ma snying tsit+ta la thun/ snying khrag ma ma dun dun/ shaM tiSh+Tha ma snying la ya ma ma b+h+yo/ bsad pa dril ba la/ mA mA sha sha ma ma hring hring/ dgra bo ma ma sa ma ya/ dgra bo'i tsit+ta ma dz+wa la mA ra ya dz+wa/tsit+ta tsal rol chuM thuM ri li li/ ma las myur du mdzod cig/ ces drag tu bskul lo// hUM shar gyi dkar mo mig gcig ma// na bza' shun chen rlon pa gsol// b+han+d+ha rlon pa'i dril bus brgyan// ral phran zhag gi thigs pa la// dung chen mche ba gtsigs pa yis// shar phyogs srid gsum phur pas 'debs// rin chen shel gyi thod gdengs can// zhag gi lan phran bsigs pa yis// steng du ya bdud rdungs shig chem// bar du dgra bgegs thal bar rlogs// hUM ri rab gling bzhi'i lho phyogs na/ nag mo chen mo mche ba can// mi lpags rlon pa'i go zu can// b+han+d+ha skam po'i dril bus brgyan// rdo rje lan phran dril chen 'khrol// lcags kyi mche ba gtsigs pa yis// lho phyogs dgra bgegs phur pas 'debs// gser g.yu spel ba'i thod gdengs can// dril chen ral pa gsigs pa yis// steng du lha chen 'ching bar byed// bar du dgra bgegs phung bar byed// 'og tu byol song stongs par byed// ma g.yel thig le gsang ba'i gzungs// hUM ri rab gling bzhi'i nub phyogs na// dmar mo chen mo dbang sgyur ma// na bza' khrag gi go zu la// sbrul nag 'khril ba'i chun 'khor can// pad+ma rak+ta'i thig phran can// mche ba dmar po gtsigs pa yis// nub phyogs dgra bgegs phung bar byed// mi khrag rlon pa'i thod gdengs can// khrag gi lan phran bsigs pa yis// steng du tshangs chen 'jigs par byed// bar du dgra bgegs phung bar byed// 'og tu byol song gnas ris 'joms// ma g.yel thig le gsang ba'i gzungs// hUM ri rab gling bzhi'i byang phyogs na// ser mo las mkhan chen mo la// mdzes pa'i na bza' sku la gsol// mAM sa rlon pa'i thul pa la// dri chu khol ma'i ya ba bskor// lan phran dril bu 'bar ba 'byung// gser gyi mche ba gtsigs pa yis// byang phyogs srid gsum rlag par byed// mAM sa rlon pa'i thod gdengs can// dri chu'i lan phran bsigs pa yis// steng du tshogs kyi bdag po 'ching// bar du dgra bgegs thal bar rlog/'og tu bgegs rigs stongs par byed// ma g.yel thig le gsang ba'i gzungs// thig le gsang ba'i gzungs gcig ma// bdud rtsi rnam lnga dbu la rdzogs// g.yas na g.yang gzhi'i thor tshugs kyis// mu stegs nag mo'i snying 'byin ma// g.yon na thod pa khrag 'dzag bsnams// bud med thams cad dbang du sdud// ral pa can gyi 'khor skyong ma// sgrub pa po la brtse dgongs te// 'dir spyon bdag gi las mdzod cig/ces bskul lo/ mchod rten rnying pa'i phyogs bzhir thod par stsal la bzhag/ zhag nyi shu rtsa gcig tu bsgrub nas mnan na ba gdon mi za'o// ma mo srid pa'i bem las/ srin mo bu mo bzhi bsgrub pa'i le'u ste so bzhi pa'o//// de nas ma mo e ka dzA Ti bsgrub pa 'di ltar byas na gang 'dod kyi gtam smra ru 'ong ngo// stegs bu gru bzhi pa gcig gi steng du/ grwa phying gtsang ma gcig bting la/ dam rdzas sna lnga stsal ba'i dmar gtor gyi nang du sman dang/ phud gtsang ma stsal te/ dar dmar kha tshon gang gis kha bcad la/ kha nub tu bltas la zhag bdun du bsgrub pa byas te/ bud med mtshan dang ldan pa la pra phab ste/hUM srid pa'i byan mo yal gam can// skye 'gro ral gcig 'jig rten sgrol// mig nas khrag 'dzag snying khrag bsreg/ kha nas me 'bar rgya mtsho skems// ma byung ba yi dus mtha' nas// 'jig rten las kyi dbang bsgyur ma// sems can don la rab brtson te// snying rje byams pa'i dkyil 'khor du// brtse ba'i thugs kyis gshegs su gsol// yum las bab nas snang srid ston// de la med du mi rung ba ni snel gri mo'i snying dang thod pa yin no// ma mo srid pa'i bem las/ e ka dzA Ti pra phab pa'i le'u ste so lnga pa'o//// de nas g.yung drung lha yis 'di skad ces gsol to// 'jig rten 'joms pa stobs kyi lha// mdos la ma tshogs ji ltar bskul// ces gsol to// de nas yang bka' stsal pa/ dang po hUM gis lha mchog gtso bo bstod// de nas rigs kyis ma tshogs mchod// hUM bcom ldan che mchog he ru ka/ mthing nag 'jigs pa'i cha byad can// dkar nag 'bar ba'i zhal mnga' ba// phyag drug phyag mtshan skye 'gro sgrol// sbrul chen zhags pas ma tshogs 'gugs// g.yang gzhi g.yabs pas thams cad 'dul// yum dang gnyis su med pa ste// sbyor ba tshogs kyi mchod pa 'dis// thugs rje dbyings nas rol par mdzod// bstod pa kun mthun/ de nas ma mo'i snying po kun thun gcig bzlas/ a mr-i ta'i dam chu la/ he ru ka'i nga rgyal bskyed la/hUM nga ni khams gsum snying khrag bdag/ da ni sha rus 'cha' ba ste// nga ni za byed chen po ste// khams gsum mAM sa za ba'i bdag/ ma mo kun gyi re gnas kyis// ma mo bskang zlog gtor ma longs// zhes dam bsres la/ de nas yang/ hUM 'dod pa'i ma mo tshur gson cig/ do nub ma tshogs gnyen mchod do// 'bru sna ni mang po dang/ rin chen ni sna tshogs dang/ gling bzhi'i gtor ma dang/ sna tshogs ni rdzas bsags nas/srog chags ni mang pos bskor/ kun kyang rin chen brgyan/ 'jig rten ni nor gyis bskor/ dkon pa'i ni zas bsogs nas/ mu men ni stegs bu la/ rin chen ni bcal bkram nas/ spos kyi ni sa gzhi bting/ dbang gi ni dkyil 'khor ldan// dar dkar gyis yol ba bres/ gsal ba'i mar me btang/ rgyal mtshan ni sna tshogs btsugs/ le brgan ni gdugs kyis bkab/ ma bdud ni gnyan byung nas/gse bgyi ni skyems 'phang bltam/ srog chags kyi skyin du 'bul/ chus srid kyi mnga' thang bzhes/ longs spyod ni rkyen du bzhes// hUM ri rab gling bzhi'i dkyil 'khor nas// 'jig rten yongs kyi mnga' mdzad mo// ma mo tshogs kyi bdag mo ste// srid gsum yongs la mnga' bdag mo// skye 'gro yongs kyi za byed ma// na bza' zhing gi g.yang gzhi la// thod pa rlon pa'i phreng ba can// lag na snying gi longs spyod ma// 'dir gshegs mdos bdag mdos longs shig/ rdo rje rigs kyi rgyal mo ste// shar phyogs rigs kyi mnga' bdag mo// dkar mo sprin chen go zu la// lag na gser gyi spu gri thogs// srid pa kun gyi rus 'cha' ma// mdos bdag chen mo mdos bzhes shig/ hUM rin chen rigs kyi rgyal mo ste// lho phyogs khams kyi mnga' bdag mo// nag mo g.yu yi go zu la// bskal pa'i me dpung 'od 'bar zhing// srid pa gsum gyi drod 'bebs ma// skye 'gro kun gyi tshe 'phrog ma// mdos bdag chen mo mdos longs shig/ pad+ma'i rigs kyi rgyal mo ste// nub phyogs khams kyi rgyal mo ste// dmar mo khrag gi go zu la// lag na thod pa khrag gis bkang// skye 'gro kun gyi khrag 'thung ma// 'dir spyon mdos bdag mdos longs shig/ las kyi rigs kyi rgyal mo ste// byang phyogs khams kyi mnga' bdag mo// ser mo gser gyi go zu la// skye 'gro kun gyi dbugs bdag mo// mdos bdag chen mo mdos longs shig/ nam mkha'i rigs kyi rgyal mo ste// 'jig rten rigs kyi mdos kyi bdag/ mthing nag nam mkha'i go zu la// gser gyi zhags pa bsdogs pa 'phen// skye 'gro kun gyi bkrag bdag mo// 'dir spyon mdos bdag mdos longs shig/ hUM 'dod pa'i ma mo tshur gson cig/ ri rab gling bzhi'i rtse mo la// snang srid kun gyi phug srog mo// sku mdog mthing nag chen mo la// dbu dang zhal ni cir yang ston// rin chen ral pa sna tshogs kyis// snang srid kha dog gsal mdzad ma// spyan gnyis mdzes pa'i mchi ma yis// g.yas la snang srid dbang du sdud// g.yon pa skye 'gro gsos mdzad ma// lnga bcu rtsa bdun jo mo ste// skye 'gro kun gyi mnga' bdag mo// ma mo chen mo gshegs su gsol// mdos bdag chen mo mdos longs shig/ ma mo srid pa'i bem las/rtag pa'i rgyal mo drug la mdos bsngo ba'i le'u ste so drug pa'o//// hUM che zhes chen po dkar mo ste// nyi zla stong gi thod phreng can// lcags dang zangs kyi dril zhags can// snying gi zhags pa bsdogs shing 'phen// dkar mo chen mo ming nas phyung// mdos bdag chen mo mdos longs shig/ che zhes dkar mo nyi ma'i mdangs ldan ma// srid pa gsum char sgrol mdzad ma// lag na shel gi spu gri thogs// khros pa'i rgyal mo ming nas phyung// mdos bdag chen mo mdos longs shig/ hUM che zhes chen mo khrag 'thung ma// srid pa gsum char dbang du sdud// lag na thod pa khrag gis bkang ba bsnams// khros pa'i rgyal mo ming nas phyung// mdos bdag chen mo mdos longs shig/ che zhes dmar mo bdud rtsi bdag/ srid pa gsum ka gsos mdzad ma// lag na bdud rtsi bum pa thogs// srid pa'i rgyal mo'i ming nas phyung// mdos bdag chen mo mdos longs shig/ che zhes ljang nag gnas 'dul ma// srid pa gsum char zad par 'gyur// lag na zhing lpags rgyal mtshan bsnams// khros pa'i rgyal mo ming nas phyung// mdos bdag chen mo mdos longs shig/ che zhes chen mo srid pa'i rgyan byed ma// lag na skra yi zhags pa thogs// phung byed chen mo'i ming nas phyung// mdos bdag chen mo mdos longs shig/ mtshan ni gcig pu chen mo la// lag na mi yi g.yang gzhi rdebs// b+ha ga chen mo phung byed ma// mdos bdag chen mo mdos longs shig/ mtshan ni rgyug byed chen mo ste// lag na mi mgo'i rgyug pa thogs// phung byed chen mo'i ming nas phyung// mdos bdag chen mo mdos longs shig/ mtshan ni bdag nyid chen mo ste// lag na zhing gi rgyug pa 'phen// phung byed chen mo'i ming nas phyung// mdos bdag chen mo mdos longs shig/ hUM ri rab lhun po'i dkyil 'khor nas// srid pa shar gyi bdag mo ste// dkar mo chen mo'i ming nas phyung// mdos bdag chen mo mdos longs shig/ srid pa lho yi bdag mo ste// nag mo chen mo'i ming nas phyung// mdos bdag chen mo mdos longs shig/ lag na b+han+d+ha lcang lo thogs// 'ching bar byed pa'i ming nas phyung// mdos bdag chen mo mdos longs shig/ srid pa nub kyi mnga' bdag mo// dmar mo dbang gi rgyal mo ste// lag na b+han+d+ha lcang lo bsnams// 'ching bar byed pa'i ming nas phyung// srid pa byang gi bdag mo ste// ser mo chen mo las kyi gtso// lag na thod pa rgya gram thogs// len par byed pa'i ming nas phyung// mdos bdag chen mo mdos longs shig/ ma mo srid pa'i bem las/ bskang ba'i le'u ste so bdun pa'o//// khol mo rnams la bsngo bar bya ste/ srid pa yongs kyi sha za mo// shang shang de'u la sogs pa bzhi// ri rab gling bzhi bcas pa la// ma tshogs 'bum gyis bskor ba la// rje dang 'bangs dang khol mo dang// g.yog dang bran la sogs pa dang// nang blon kha blon gung blon dang// ma tshogs 'khor dang bcas pa ni// mdos bdag chen mo mdos longs shig/ ri rab bang rim bzhi pa la// shar phyogs dung mkhar dkar po la// g.yu yi sgo mo stsal// gser gyi sgo lcags kra la la// de'i khab bdag pa/ dbang phyug ni sgrol byed lags/sgo ba ni sgo phye zhig/ mdos bdag ni mdos longs shig/ glud bdag ni glud longs shig ri rab lho phyogs na/ lcags mkhar sngon po'i nang shed khyab 'jug chen po yin/ gnam lha dkar po'i ming phyung nas/ mdos bdag ni mdos bzhes shig/ 'dzam gling ni byang phyogs nas// mdos kyi ni bdag po ba/ ma hA de ba lha chen po/ btsun mo u ma de ba 'khor dang bcas// nor lha chen po'i ming nas phyung// mdos bdag ni mngos longs shig/ byang shar mtshams shed na// bse mkhar ni khra bo la/ dngul gyi ni bad kyis bskor/ lcags kyi ni sgo stsal bas/ btsan ni yam shud dmar po'i mkhar// btsan gyi rgyal po'i ming nas phyung// mdos bdag ni mdos longs shig/ mdos 'di phar song 'gab ma ngan// tshe 'di tshur mchis mna' ma za// phya dang g.yang ma 'bros/ zhes bskang ngo// ma mo srid pa'i bem las/mdos bskyal ba'i le'u ste so brgyad pa'o//// de nas rtag pa'i rgyal mo la bstod pa/ hUM snang srid thams cad yum gyi b+ha ga'i klong// dus gsum bde gshegs 'byung ba lnga yi yum// skye 'gro ma lus 'byung ba lnga la rdzogs// 'das dang ma byon 'byung ba lnga yi dbyings// 'byung ba lnga nyid b+ha ga yum gyi klong// bde chen yum gyi klong la phyag 'tshal lo// hUM khams gsum thams cad yum gyi b+ha ga'i rgyan// snang srid thams cad 'khor lo rtsibs bzhi la/ gru chad bzhi yis b+ha ga'i tshul gyis brgyan// 'byung ba lnga yi rgyal mo sku bskyod cig/ hUM 'khor lo 'bar ba'i lte dbus su// ma bdud bsgyel ba'i gdan steng du// yum gyi rgyal mo sku bzhengs te// bzhi zur zhabs brgyad phyogs mtshams gnon// mkha' bzhi bde klong gcig tu 'khyil// mkha' la dus bzhi cha snyoms ma// dbu gcig zhal lnga srid pa gsal// zhabs las 'byung ba lnga 'char ma// phyag drug phyag na sna tshogs bsnams// dang po rdo rje dril bu dang// b+han+d+ha lcang lo kha bad 'phyar// sna tshogs 'gyur ba'i sku mdog la// na bza' sna tshogs shin tu 'bar// 'khor lo 'bar ba'i rtse mo can// tshogs kyi bdag mo gshegs su gsol// shar phyogs 'khor lo'i rtsibs steng na// dri za bsgyel ba'i gdan steng du// shar gyi mkha' 'gro seng ge'i gdong// rtag pa'i rgyal mo rnam snang gsal// sna tshogs 'gyur ba'i sku mdog la// na bza' dkar mo shel ltar dag/ dbu gsum phyag drug zhabs bzhir bgrad// dang po rdo rje b+han+d+ha 'bar// bar ma dgra s+t+wa gtun shing 'bar// tha ma seng ge'i mchog chen stobs// 'byung ba sa yi mnga' bdag mo// 'gro ba'i sha la mnga' mdzad ma// rus pa'i bdag mor gshegs su gsol// hUM byang phyogs 'khor lo'i rtsibs steng du// gnod sbyin bsgyel ba'i gdan steng du// byang gi mkha' 'gro khyung chen gdong// rtag pa'i rgyal mo yang gsal g.yos// sna tshogs 'gyur ba'i sku mdog la// na bza' ljang nag shin tu 'bar// dbu gsum phyag drug zhabs bzhir bgrad// dang po rdo rje rgya gram 'bar// bar ma khyung chen rgyu zhags 'dren// tha ma spyang mo zhing chung snyod// 'byung ba rlung la dbang bsgyur zhing// 'gro ba'i dbugs la mnga' mdzad ma// dbugs kyi bdag mor gshegs su gsol// hUM nub phyogs 'khor lo'i rtsibs steng du// chu bdag bsgyel ba'i gdan steng du// nub phyogs mkha' 'gro dur bya'i gdong// rtag pa'i rgyal mo gnyan gsal ma// sna tshogs 'gyur ba'i sku mdog la// spyan ni dmar po'i mdangs kyis mdzes// dbu gsum phyag drug zhabs bzhir bgrad// dang po dung khrag g+han+d+ha dmar// bar ma zhags pa dril bu la// tha ma ce spyang zhing chung snyod// 'byung ba chu la dbang bsgyur ma// 'gro ba'i khrag la mnga' mdzad cing// khrag gi bdag mor gshegs su gsol// hUM lho phyogs 'khor lo'i rtsibs steng na// gshin rje bsgyel ba'i gdan steng du// lho yi mkha' 'gro ban glang gdong// rtag pa'i rgyal mo 'od gsal 'bar// sna tshogs 'gyur ba'i sku mdog la// na bza' sngon po bai DUr+ya// dbu gsum phyag drug zhabs bzhir bgrad/ dang po rin chen b+han+d+ha 'bar// bar ma me 'bar chu spyang bsnams// tha ma stag mo zhing chung za// 'byung ba me la dbang bsgyur ma// 'gro ba'i drod la mnga' mdzad cing// drod kyi bdag mo gshegs su gsol// dkyil 'khor mtshams kyi 'khor lo'i steng// lha chen bsgyel ba'i gdan steng du// nam mkha'i mkha' 'gro rdo rje'i mchu// sna tshogs 'gyur ba'i sku mdog la// na bza' ser po btso ma gser// dbu gsum phyag drug zhabs bzhir bgrad// dang po rin chen b+han+d+ha 'bar// bar ma rgyal mtshan spu gri bsnams// tha ma 'ug pa'i zhing chung snyod// nam mkha'i stong la dbang sgyur zhing// 'gro ba'i bkrag la mnga' mdzad ma// bkrag gi bdag mo gshegs su gsol// kun kyang ye shes mkha' 'gro ma// sems can don la brtse zhing dung// 'jigs tshul che zhing snying rjer ldan// ye shes drug ldan rgyal mo drug/ mdos bdag chen mo mdos longs shog/ glud bdag ni glud longs shig/ ma mo srid pa'i bem las/rgyal mo drug gi bskang ba'i le'u ste so dgu pa'o//// g.yung drung lha yis 'di skad ces gsol to// kye ma ho 'jig rten stobs kyi lha// pho rnams thugs dam ji ltar bskang// mthun pa'i rdzas rnams ji ltar bsog/ces gsol to// de nas bka' stsal pa/ mo kha bas ni pho kha drag/ sna la sngon du pha rnams mchod// mo kha pho ni sla ba yin// de yi mthun rdzas bsog pa ni// dkar po bcu gsum rdzas bstan pa// lug dang bya dang sprel dang khyi// bcu gsum cho bzhir bsag par bya// bshos bu lha bshos mar me dang// mkhar thabs bcu gsum cho bzhi'o// mda' dang nam mkha' ngar glud dang// spyan gzigs gtor ma bcu gsum tsho bzhi'o// zhal zas bzang pos sna drangs bcu gsum mo// tshogs tshad zhal rnams bris na rab// shing ris ljang bu gzhung bzhin bya// mchod dang bstod pa kun kyang gcig/'gong po spun dgu'i bsag thabs la// dang po 'gong po spun brgyad la// gzugs dang mthun par 'dra 'bag brgyad// mgo la bya dkar sgro btsugs la// phyogs bzhi mtshams brgyad phyi bstan kha// nam mkha' mtheb gang mkhar thabs brgyad du bsham// mda' brgyad mtho re dkar po la// mdzes pa'i tshon gyis bskor ba'i ri mo gsum// blon po gdan bag dbus su ni// mda' ris mkhar thabs za 'og go zu ris// nam mkha' g.yu ris dar dkar mtshan pa'i ljang bu bya// zhal zas sna tshogs mdzes par bsag/ shing ris mthun par bsag par bya// de nas phyogs bzhi mtshams brgyad du// yas stags bskyal la gtang// rgyal po'i gsang mdos dbul ba ni// kho rang sku gzugs mdzes par bya// shog bu'i lag 'phan bdun gyis brgyan// spyi bor gdugs kyis dgab par bya// yi ge bcu pa'i 'khor lo snying gar bzhag/de nas smyug ma khru gang la// khram gyi bu ga bsnol mar nam mkha' gzug par bya// lha la gtso bo'i nam mkha' gzug/ g.yu yi khong ba phyi rim dkar// gser gyi kha chag gtang bar bya// de nas khong pa gser la kha chag g.yu yi phyi rim dkar// gcig ni dkar po che ba'i g.yu dang bye ru gser// gnyis ni dkar la g.yu dang gser gyi kha chag yin// bzhi ni dkar po zang ma la// mtho gang tshad du gzug par bya// sna tshogs dkar po'i rgyan gyis mtshan// 'ja' ris btod la rim gyis gzug/ de nas mkhar thabs dkyil du gzug/ spyan gzigs gtor ma phud gtsang dbul// rkang 'dom nyi shu rtsa gcig tu// gting ring yas stags gnan par bya// zhes gsungs so// de nas yang srid pa'i rgyal mo sgos mdos bsham// mkhar thabs gzhung bzhin bshams nas kyang// nam mkha' dgu po gsang ba'i mdos dang gcig/ lha bshos bre cha'i steng du ting lo lnga'i mar me btang// smyug ring sna tshogs rgyan gyis brgyan// mda' ris gzhung dang mthun par bya// spyan gzigs phud gtsang dbul bar bya// zhes gsungs so// de nas yang rgyal po mched lnga la// lha bshos bre cha lnga byas te/ dbus su ting la ri mo mar gyis bltams la// smyug ring mda' ris nam mkha' kun mthun/ spyan gzigs cha lnga/ gser dngul gyi snod du phud gtsang mas bkang la dbul lo// de ni pho'i bskang ba yin no// ma mo'i mdos kun gyis sna la bskang ngo// ma mo srid pa'i bem las/ pho bskang ba'i le'u ste bzhi bcu pa'o//// de nas yang sa bdag yo bcos kyi mdos 'di gsungs so// dang po gtsang ma'i gnas nyid du// klu yi dkyil 'khor bsham par bya// de nas gtsang phye bre gang la// sa bdag bcu drug gzugs byas te// dang po gtso bo bzhi yi gzugs// shar du sa bdag hal khyi la// lho ru hang 'phen dgod par bya// nub tu sa bdag the se la// byang du tsang kun dgod par bya// shar du mi yi lus po la// stag dang yos bu'i mgo can yin// lho ru mi yi lus po la// sbrul dang rta yi mgo can yin// nub tu mi yi lus po la// bya dang spre'u'i mgo can yin// byang du mi yi lus po la// phag dang byi ba'i mgo can yin// nub byang mi yi lus po khyi'i mgo can yin// byang shar glang gi mgo can yin// shar lho 'brug gi mgo can yin// lho nub lug gi mgo can yin// gzhung dang mthun par rdzas rnams bsag pa ni// sna tshogs shing sna tshang ba dang// ljang bu bcu gnyis shing ris bzhi// sna tshogs 'bru dang mar dang 'o ma dang// khur ba dkar gsum gtor ma bzhi// gtso bo bzhi la dbul bar bya// 'khor gyi sa bdag bcu gnyis la// gtor ma cha gsum bsham pa ni// nas dang gro dang 'bras chan gsum gyi gtor ma gsum// dang po gcig ni mar dang 'o mas dgang// gcig ni sna tshogs rtsi sman blugs// gcig ni sran chang bra phye nas dang sbal gcong gtor mas dgang/ nam mkha' khra bo chen po bzhi// gtso bo bzhi la dbul bar bya// shar du dkar po gser gyi kha chag can dang gnyis// lho ru ser po g.yu yi kha chag can dang gnyis// nub tu dmar po dung gi kha chag can dang gnyis// byang du sngon po byu ru'i kha cag can dang gnyis// mtshams bzhir gser g.yu'i kha cag can ni bzhi// mda' ris bzhi ni gzhung dang mthun pa la// bcu gnyis nam mkha'i kha dog bzhin// phyogs mtshams gzhung dang mthun par bris// de bzhin sa bdag phag mo la// dmar gtor cha gcig bshams nas ni// bal tshon sna lngas kha bcad la// de bzhin sna la mchod par bya// de bzhin ma mo srin mo'i rdzas// bal nag tshal po byas nas ni// 'bru mar chang gi spang ma blugs// gzugs ni mtho gang tshad yin te// mdos bdag kun gyi nang du yang// mo yi rdzas ni bsag par shis// zhes gsungs so// ma mo srid pa'i bem las/ sa bdag yo bcos kyi skabs so//// de nas yang klu'i mdos kyi skabs 'di gsungs so// rigs bzhi klu'i gzugs brnyan ngar phye la dgos par bya'o// nag po mgo dgu la bya spu sna tshogs kyis brgyan pa bzhag/ rtsi sman sna tshogs dang/ mtshal li khri dung dang dmar po'i gdugs/ shing rtsi tshang ba 'o ma dang 'bras la sogs pa'i 'bru chan sna tshogs dang/ mngar sna tshang ba bsag par bya'o// rgyal rigs la nam mkha' sngon po la sna tshogs tshon gyis bris pa la/dar sna tshang bas brgyan pa'o// bram ze'i rigs la khong dmar po'o// sna tshogs tshon gyis bris pa gcig dbul lo// rje'u rigs la khong nag po la/ sna tshogs tshon gyis bris pa gcig dbul lo// dmangs rigs la khong nag po la/ sna tshogs tshon gyis bris pa la/ sna tshogs chu bya'i sgro dang ras ma sna tshogs pas brgyan pa dbul lo// gtor ma cha gcig la 'bras chan dang nas kyi rus chan dang// zho dang khur ba btab pa ni/ rgyal rigs la dbul lo// bram ze'i rigs la nas kyi rus chan dang// khur ba mar dang zho dang bcas pa dbul lo// rje'u rigs la nas chan dang/ sna tshogs lha rdzas kyi 'bru sna'i gtor ma gtang ngo// dmangs rigs la sna tshogs pa'i gtor ma sbyin no// 'o ma la sman sna tshogs dang/ mngar sna tshogs pas bran pa ni/ rigs bzhi kun la gtor ma dbul/ shing ris dang mda' dar gzhung bzhin byas la/sna tshogs shing sna la nam mkha' dang bcas las gzug go/ nam mkha' ni 'dra ba gnyis rgyal rigs la/ bram ze'i rigs la 'dra ba bzhi/ rje'u rigs la 'dra ba gnyis dang dmangs rigs 'dra ba bdun no/maN+Dal la ba yi rnam lnga dang/ spos chus byi dor legs par byas la/ gzugs lnga dgod do// gtor ma cha bzhi dgod la bzhag go/ 'o ma'i phor bu bzhi yang bzhag go/ sna tshogs spos chus nad pa bkrus la/kha shar du bstan la g.yas phyogs su/ nas dkar mo gsog med pa bre gang bzhag de ni glud de tshe'i skyin pa'o// g.yon du sran ma nag po gsog med pa bre gang bzhag/ de ni glud dang 'khrun bcad pa'o// mdun du zhal zas sna tshogs dang/ 'brang rgyas dang phud bltams la bzhag/ de ni bkra shis gsol ba'o// lag pa g.yas par mtshal li khri bskur/ de ni bkrag dang gzi mdangs skyed pa'o// g.yon du dung bskur/ de ni rus nad gso zhing tshe brtan par byas pa'o// de gnyis nas gtor dum re blugs/ lhag ma'i snying gar gdags so// de nas klu mchod la chu sngo bzang po can du yas stags bskyal lo// nag po rkang gcig ni bya khyung dang/ phyag na rdo rje'i sngags kyis rma bya'i sgros brab cing gtubs la/ nad pa'i mal 'og tu mnan// sgro nad pa'i lag tu thogs// bya khyung snying po zlos su gzhug go/ ma mo srin pa'i bem las/klu mdos kyi skabs so//// de nas yang rnal 'byor las su rung zhing/ bkra shis par bya ba'i phyir ma mo rigs bzhi'i dbang bskur ba 'di gsungs so// de yang dang por gnas bkra shis pa'i sar maN+Dal gzhung dang mthun par brtsig/spyi sgrub dpe chung dang mthun par bris/ zhing chen gyi 'phan gdugs dang/ rgyan sna tshogs dang dur khrod kyi rdzas rnam pa sna tshogs dgram/ de nas mchod pa la sogs pa bshams la/ slob dpon la dar mthing nag gam/ lcags kha'i thod bcings la/ gnyen po stobs kyi lha'i ting nge 'dzin du zhugs te/ ma mo rigs bzhi la mchod bstod bya/ zhag lnga'am bdun du/yang na gsum yang rung bas/ spyir bsnyen pa dbul/ de nas dbang bskur ba ni/ dbang gi lha mo spyan drangs te/ lcags kyu'i phyag rgya bcas te/ badzra re'u tri sa ma ya dza zhes spyan drangs te/ 'di skad ces bstod do// hUM dkar mo khyung thogs rdo rje'i gshog pa can// mkha' la yid bzhin sprul pa'i char 'bebs ma// a la la yi dngos grub gsol mdzad ma// ma gcig gtsug gi rgyan 'byams ma// yid bzhin sprul pas mkha' la bdud rtsi'i char 'bebs ma// do nub dbang dang dngos grub stsol// zhes byon par bsams la slob ma nub sgor bzhag go/ de nas slob dpon gyi sa 'di skad ces brjod do// nyon cig skal ldan rigs kyi bu// khyod ni skal mchog rab tu ldan// yang gsang thugs kyi dkyil 'khor du// 'jug pa'i skal bar ldan pa ni// de ni skal ldan rnal 'byor te// lus ngag yid gsum dang bas 'dud par gyis// langs stabs thal mo spyi bor rdebs// 'di nas bzung ste dam par gyis// zhes brjod pas/ rig pa'i me tog thogs nas/ rigs kyi bu des 'di skad ces zhu'o// bla ma ye shes dam pa kun gyi bdag/ sku gsum bder gnas dngos grub dag/ma nor mtshan ma'i lam ston pa// bdag ni dkyil 'khor 'dir 'jug kyi// bdag la dngos grub bstan du gsol// zhes rin po che'i me tog gtor nas de nyid na 'khod do// de nas yang gu rus 'di skad ces gsungs so// nyon cig skal ldan rigs kyi bu// dad pa'i mchog ni nyer bzhag nas// bla ma la mos dad pa skyed// dbul ba'i mchog tu de 'gro yis// bsgo ba'i bka' rnams nyan par gyis// zhes gsungs so// de nas yang 'di skad ces zhu'o// rin po che'i me tog thogs la/ ho dgongs su gsol// lan gsum brjod nas/ bdag ni dad pa'i shugs bskyed nas// bla ma rdo rje'i slob dpon la// lus ngag yid gsum dad pa yis// bdag ni skyabs su gsol lags kyi// dkyil 'khor lha la skyabs su mchi// ma mo rigs bzhi'i dkyil 'khor du// bdag ni 'jug par 'tshal lags kyi// bdag la gsan cing dkyil 'khor ston// zhes me tog dor nas/ de nyid du long bu dang thal mo sbyar nas 'khod do// de nas yang gu rus 'di skad ces gsungs so// nyon cig skal ldan rigs kyi bu// rigs bzhi ma mo'i dkyil 'khor 'dir// dad pa'i yid kyis khyod 'jug na// slob dpon nga la dad pa skyed// 'khor dang yul dang bu smad tshogs// dad pa'i mchog tu dbul bar gyis// gus pas thong na dbul bar bya// gal te dad pa'i stobs med na// dam tshig nyams pa'i rgyu yin pas// bstan par bya ba ma yin no// zhes gsungs so// de nas yang rigs kyi bu des/ bdag ni dad pa'i shugs dang ldan// bla ma snying rje rab ldan na// bdag kyang dam tshig gtso lags kyi// rdzu 'phrul mthu yi dngos grub bdag la stsol// bdag la dbang mchog dam pa gsol// de nas yang gu rus 'di skad ces gsungs so// nyon cig skal ldan rigs kyi gtso// khyod ni dam pa'i tshul 'dzin na// rigs bzhi ma mo'i dkyil 'khor du// khyod ni nga yis gzhug par bya// sdom pa gsum la gnas par gyis// nyams pa gnyis la 'dzem par gyis// bla ma la ni gus par gyis// gang ltar dam bca' byas pa la// dor bar bya ba ma yin no// sgrub pa'i dam rdzas dang du blang bar gyis// des ni thun mong dngos grub thob// de nas yang ni rigs kyi bu des 'di skad ces zhu'o// sdom pa gsum la gnas par bgyid// bla ma la yang gus par bgyid// yi dam lha la mthun rdzas dbul// yang bla mas gsang bar 'os dang 'da' dka' bsrung// srog las nyams pa mi bsgo zhing// chos kyi dam tshig nyams pa dang// bla ma mched lcam la 'khus pa// 'di ni nyams pa chen po yin// de yang yi ge phyed mi 'dri// chos dam 'dres pa dam tshig nyams// chos skad gcig 'dres bu 'khor srog dang bral// dam can chags na de ltar yin// gal te chos nyid don 'chol na// rdo rje dmyal bar gdon mi za// bu khyod dam tshig bsrung bar gyis// de nas yang 'di skad ces gdams so// ma mo srog gi 'khor lo ni// thams cad srog gi rgyun 'chang bas// bden pa dor bar ma byed par// rtag tu srog gi snying po thon// 'on tang bu gcig ma byams 'dra// zhes pas ro rdzas bskams la khrom// dbang mchog 'di la dad pa skyed// de nas rigs kyi bus 'di skad ces zhus so// khyod ni dam pa kun gyi gtso// bdag ni rig pa mchog lags kyi// dang du blangs pa'i dam rdzas rnams// dang du de ring bdag len gyi// ging chen rnams kyi dbang mchog stsol// b+han+d+ha lcang lo kha bad can// 'dza' gad bdud rtsi sman gyis bkang// dngos grub 'phel ba'i rdzas mchog 'di'i// de ring bdag la dbang mchod stsol// mchog chen g.yang gzhi ru mtshon 'di// ma mo mkha' 'gro g.yab mo bas// thams cad 'du ba'i rdzas mchog 'dis// de ring bdag la dbang mchog stsol// tsit+ta rin chen 'bar ba 'di// ma mo rnams kyi rten yin te// ma mo mkha' 'gro 'du ba'i dbang mchog stsol// rtsis mchog khram bam bdud las rgyal// lha srin sde brgyad bdud las rgyal// dgra dpung 'joms pa'i dbang mchog stsol// kha T+wAM rtse gsum 'bar ba 'di// drag po mtshon cha rno dbal te// ye shes mtshon chas kun 'dul bas// dgra bgegs 'joms pa'i rdzas mchog 'dis// dgra bgegs 'joms pa'i dbang mchog stsol// dam rdzas bdud rtsi rnam lnga 'di// kun gyi zas mchog dam pa ste// dngos grub 'phel ba'i dam rdzas 'dis// de ring bdag la dbang mchog stsol// mthing nag dar gyi cod pan 'dis// thams cad skyob pa'i mthu dpal te// mi nub rgyal mtshan chen po pa// kun gyi dpal du gyur pa bas// de ring bdag la dbang mchog stsol// lha mir bcas pa'i 'jig rten na// phreng ba rin chen me tog ldan// tshangs pa gtsug phud chen po bas// de ring bkra shis me tog phreng ba 'dis// de ring bdag la dbang mchog stsol// lha mir bcas pa'i 'jig rten na// kun kyang 'tsho ba'i rdzas la brten// zhal zas ro mchog sna tshogs 'dis// dngos grub 'phel ba'i rdzas mchog ste// de ring dngos grub spel ba'i dbang mchog stsol// ming nas btags nas chags pa ste// 'jig rten 'dir ni mi nub phyir// ming gi grags pa'i rgyu yin pas// lha mir bcas pa'i dbang mchog stsol// de yang dang po dkyil 'khor 'jug pa'i dus na/ gdong g.yogs la sogs pas dkrig la/ me tog dor ba ni kun dang mthun/ de nas slob dpon la yon phul la/ gdams ngag nod do// de yang rdzas chad cing dad pa snying nas ma rdzogs na/dbang mi thob ste/ shin tu brtson 'grus bskyed par bya ste/ de yang slob dpon man ngag dang ldan zhing dad pa che la snying rje che ba ni slob dpon dam pa ste/ de ni yid bzhin gi nor bu dang 'dra'o// de la ni dbang 'di nod par bya la/ slob ma yang smras pa btsan te chad pa ltar byed cing gsang ba'i gtam thub na dbang bskur bya'o// ma mo srid pa'i bem las/ dbang sbyin pa'i skabs so//// de nas yang dam tshig gi skabs 'di gsungs so// sgrub par 'dod pa'i rnal 'byor pas// ma mo rnams kyi dam tshig bsrung bar bya// sngags dang 'khor dang nyams dang 'dres// 'di dag dam tshig bsrung ba gces// sngags kyi dam tshig bsrung ba ni// dang po srog gi snying po ma nor bar// bod yig drug gi sel zhugs nas// yin pa min par gso ba na// de ni dam tshig chen po'i 'khon yin no// chad dang nor dang lhag par yang// de yang dam tshig sngags kyi 'khon// de ni sngags kyi 'khon nag ste// ma mo'i 'khon nag bsrung ba ni// dam tshig gcig pa 'khon pa dang// srog las nyams pa dag po'i 'khon// nyams pa chen po chos las dam nyams te// khrims med dam tshig nyams pa dang// dam pa chos kyis skad mi 'dre// 'di dag ma mo'i dam tshig ste// bsrung na shin tu dam can te// rang gi dam tshig thub par bsrung// 'di ni chos khrims dam tshig ste// mkhas pa rnams kyis bsrung bar bya// sku gsung thugs kyi dam tshig ni// kha la mi bsrung sems la bsrung// sku yi dam tshig bsrung ba ni// bla ma rnams kyi sku mi smad// grib ma 'gong ba ma yin te// rkang brkyang phyogs char gom pa dor ba min// steng phyogs yongs su 'gro mi bya// ming nas 'bod pa ma yin te// yul gyi phyogs nas 'bod par bya// bka' rnams bcag pa ma yin te// ra ro ba snying myos pa'am// sman rnams mi gsol bka' bcag min// gzhan ni nam yang bcag pa min// de ni sku yi dam tshig go/ thugs kyi dam tshig bsrung ba ni// gang yin bstan pa'i yi dam lha// gsal bar bsgom zhing dam par bzung// gsung gi dam tshig bsrung ba ni// gang la byed pa bzlas pa'i sngags// mi tshig bar ma chod par bzlas// sel rnams ma shor shin tu gces// dam tshig rtsa ba gsum po ni// gang bsgrub pa yi srog yin no// de nas yan lag dam tshig ni// dam can sgrub par 'dod pa rnams// dam can brten pa'i dam rdzas rnams// shin tu dka' yang btsal bar bya// sgrub pa'i dam rdzas ma tshogs na// nye bar byed kyang dam mi skong// drag po'i rdzas rnams ma tshogs na// las rnams myur du 'grub pa min// shin tu nyams pa rnams la 'jom// de ni ma mo'i dam tshig ste// srog las gces par dam tshig gzung// ma mo srid pa'i bem la/ dbang dang dam tshig gi skabs so//// de nas sa bdag gi bstod pa 'di gsungs so// shar gyi sa bdag hal khyi ni// sku mdog dkar po gangs ri 'dra// sku ni rin chen 'bar ba la// 'od zer dmar po stong gsum 'phro// phyag na gser gyi mda' gzhu bsnams// shar gyi sa bdag dam shing la// gtsang ma mdos kyi mchod pa 'bul// lho yi sa bdag hang phan ni// sku ni rin chen 'bar ba la// sku mdog mthing ga 'od zer 'bar// phyag na sbud pa nag po bsnams// dam shing sprul pa'i 'khor gyis bskor// lho yi sa bdag dam shing la// gtsang ma mdos kyi mchod pa 'bul// nub kyi sa bdag dam shing ni// sku ni rin chen 'bar ba la// sku mdog dmar la 'od zer 'bar// phyag na sbrul gyi zhags pa bsnams// nub kyi sa bdag 'khor bcas la// gtsang ma mdos kyi mchod pa 'bul// byang gi sa bdag gtam shing ni// sku mdog rin chen 'bar ba la// rin chen thor tshugs mdzes pas brgyan// sku mdog ljang gu 'od zer 'bar// phyag na rtsang dang phur bu 'dril// byang gi sa bdag 'khor bcas la// gtsang ma mdos kyi mchod pa 'bul// sa bdag chen po khyed bzhi yang// phyag na rdo rje'i bka' bzhin du// sngon gyi thugs dam rjes dgongs te// bcol ba'i las kyi 'bras bu mchis par mdzod// rje rigs bco brgyad slar la bzlog/ sa bdag khyed kyi thugs dang 'gal ba bskang bar bya// khyod kyis bka' chad bral bar mdzod// shar gyi sa bdag 'khor skyong ba// stag mgo can dang yos mgo can// shar phyogs shing la mnga' mdzad cing// sku mdog dkar po 'od zer 'bar// phyag na khram dang rin chen bar bu bsnams// de la gtsang ma mdos kyis bskang// lho yi sa bdag 'khor skyong ba// mi lus rta dang sbrul gyi mgo// lho yi phyogs na mnga' mdzad ma// sku mdog sngo sangs 'bar ma la// phyag na zor ba dgu khram bsnams// me ri 'bar ba'i phung po 'phro// gtsang ma mdos kyis thugs dam bskang// lho phyogs sa bdag ma bkyon cig/ nub phyogs sa bdag 'khor skyong ba// mi yi lus la bya dang spre'u'i mgo/ nub kyi phyogs la mnga' mdzad cing// sku mdog dmar la 'od zer 'bar// phyag na sdig pa nag po dang// zangs kyi sog le kha brgya bsnams// gtsang ma mdos kyis thugs dam bskang// nub phyogs sa bdag ma bkyon cig/ byang gi sa bdag 'khor skyong ba// mi lus phag dang byi ba'i mgo/ byang phyogs chu la mnga' mdzad cing// sku mdog ljang gu 'od zer 'bar// phyag na ral gri so mangs bsnams// rin chen 'bar ba'i dbyug to bsnams// gtsang ma'i mdos kyis thugs dam bskang// byang gi sa bdag ma bkyon cig/shar lho'i mtshams kyi sa bdag ni// mi lus 'brug gi mgo bo can// sku dmog mthing ga 'od zer 'bar// phyag na rin chen mchod rten bsnams// gtsang ma mdos kyis thugs dam bskang// lho nub mtshams kyi sa bdag ni// mi yi lus la lug gi mgo/ sku mdog sngo bsangs 'od zer 'bar// phyag na rin chen dbyung to bsnams// gtsang ma mdos kyis thugs dam bskang// nub byang mtshams kyi sa bdag ni// mi yi lus la khyi yi mgo/ sku mdog ljang gu 'od zer 'bar// phyag na ga'u ser po bsnams// gtsang ma mdos kyis thugs dam bskang// byang shar sa bdag chen po la// mi lus glang gi mgo bo can// sku mdog dud ka 'od zer 'bar// phyag na dgra s+t+wa 'bar ba bsnams// gtsang ma mdos kyis thugs dam bskang// mtshams na gnas pa'i sa bdag bzhi// 'byung ba sa la mnga' mdzad cing// mi yi gnas su gnod ma sbyor// sa bdag yul nas ma 'degs shig/ yul bdag mtha' nas ma 'khrug cig/ sa la gnas pa'i sa srin yang// brag la gnas pa'i brag srin rnams// thang skam pha bong la brten pa// sa bdag 'khor bcas khyed rnams kyang// gtsang ma'i mdos bde phar long la// sngon chad gnod pa slar la rtul// phyin chad gnod pa ma byed cig/ shing la gnas pa'i shing srin dang// sa la gnas pa'i sa bdag gis// mchod pa dam pa 'di bzhes la// mthu dang rdzu 'phrul med par mdzod// nyon cig sdig chen las ngan khyod// nga yi bka' las 'da' ma byed// gal te bka' las 'das pa na// na raka dmyal ba'i gnas su skye// zhes gzhung bzhin bya'o// de nas rdzas rnams bskyal bar bya'o// ma mo srid pa'i bem las/ sa bdag yo bcos kyi skabs te dang po'o//// de nas klu rnams kyi bstod pa 'di gsungs so// gzhung dang mthun par bsogs nas ni// 'di skad ces gsol to// shar phyogs klu rgyal dung skyong ni// sku mdog dkar gsal 'od zer 'phros// sbrul mgo gsum gyi gdengs ka can// chibs su dung gi sbal pa bcibs// phyag na dung sbal lcong mo bsnams// rigs ni bram ze'i rigs su gtogs// bram ze'i rigs kyi 'khor gyis bskor// kun kyang nad kyi rkyal ba thogs// kha rlangs sngo dmar 'od du 'khyug/khrag nad chu ser char ltar 'bebs// mdos bdag mdos long la// glud bdag glud bzhes shig/ nA ga yu yu nA ba ba de ba u swA hA/ mdar gsum mchod pa 'o mas mchod// gdung ba'i mchod pa dbyangs kyis mchod// bla med mchod pa gtor mas mchod// gus pa'i mchod pa sna tshogs sman gyis mchod// dkar gsum dang ni mdar gsum dang// rtsi sman sna tshogs spos kyi mchod pa yis// klu chen rnams kyi pho brang du// spos kyi sprin lding bdud rtsi'i char bab nas// zha grum nad rnams sos gyur cig/ de bzhin yon bdag 'khor bcas kyi// klu nad thams cad bsal gyur cig/ hUM lho phogs klu rgyal rgya mtsho ni// sku ni rin chen 'bar ba la// sbrul mgo lnga yi gdengs ka can// sku mdog mthing nag 'od zer 'phro// phyag na lcags sbal lcong mo'i rgyal mtshan bsnams// chibs su chu glang sngon po bcibs// rigs ni rgyal po'i rigs su gtogs// rgyal rigs gtsang ma'i 'khor gyis bskor// kun kyang lag cha sbal pa'i rkyal pa thogs// gdung ba'i las kyi mdze nad bco brgyad gtong// mdos bdag mdos long la// glud bdag glud bzhes shig/hUM nA ga rA dza de ba yu yu sbur lce swA hA/ mngar gsum mchod pa 'o mas mchod// gdung ba'i mchod pa dbyangs kyis mchod// bla med mchod pa gtor mas mchod// gus pa'i mchod pa sna tshogs sman gyis mchod// dkar gsum dang ni mngar gsum dang// rtsi sman sna tshogs spos kyi mchod pa yis// klu chen rnams kyi pho brang du// spos kyi sprin lding bdud rtsi'i char bab nas// zha grum nad rnams so gyur cig/de bzhin yon bdag 'khor bcas kyi// klu nad thams cad bsal gyur cig/ hUM nub kyi klu rgyal gzi brjid ni// sku ni rA ga 'bar ba la// sbrul nag bdun gyi gdengs ka can// sku mdog dmar ser 'od zer 'bar// phyag na dung gi sdig pa bsnams// chibs su zangs kyi chu srin bcibs// rigs ni rje'u rigs su gtogs// rje rigs gtum pa'i 'khor gyis bskor// kun kyang zangs kyi sdom sdig nyi li li// mdze nad bco brgyad char pa 'bebs// mdos bdag mdos long la// glud bdag glud bzhes shig/ hUM nA ga ra b+ha lin kha hU ya hU ya swA hA/ mngar gsum mchod pa 'o mas mchod// gdung ba'i mchod pa dbyangs kyis mchod// bla med mchod pa gtor mas mchod// gus pa'i mchod pa sna tshogs sman gyis mchod// dkar gsum dang ni mngar gsum dang// rtsi sman sna tshogs spos kyi mchod pa yis// klu chen rnams kyi pho brang du// spos kyi sprin lding bdud rtsi'i char bab nas// zha grum nad rnams sos gyur cig/ de bzhin yon bdag 'khor bcas kyi// klu nad thams cad bsal gyur cig/ hUM byang gi klu rgyal mtha' yas ni// sku ni rin chen ljang gu la// sbrul mgo dgu yi gdengs ka can// sku mdog ljang gu 'od zer 'bar// rigs ni dmangs kyi rigs su gtogs// phyag na g.yu yi sdom sdig bsnams// g.yu sbal lcam mo tha ra ra// chibs su glang bu dmar po bcibs// 'khor du dmangs rigs klu yis bskor// kun kyang sbal nag thod pa phor ba yang bsnams// pho lhog glang thabs char du 'bebs// mdos bdag mdos long la// glud bdag glud bzhes shig/ hUM na ga nA ga 'be ri 'be ra ga ba ling dung swA hA/ mngar gsum mchod pa 'o mas mchod// gdung ba'i mchod pa dbyangs kyis mchod// bla med mchod pa gtor mas mchod// gus pa'i mchod pa sna tshogs sman gyis mchod// dkar gsum dang ni mngar gsum dang// rtsi sman sna tshogs spos kyi mchod pa yis// klu chen rnams kyi pho brang du// spos kyi sprin lding bdud rtsi'i char bab nas// zha grum nad rnams sos gyur cig/ de bzhin yon bdag 'khor bcas kyi// klu nad thams cad bsal gyur cig/ byang shar klu rgyal 'jog po ni// sku ni mi bzad 'bar ba la// sbrul mgo gnyis kyi gdengs ka can// sku mdog dkar ser 'od zer 'bar// phyag na yid bzhin bum pa bsnams// rigs ni bram ze'i rigs su gtogs// mdos bdag mdos long la// glud bdag glud bzhes shig/ nA ga ba ru Na na be swA hA/mngar gsum mchod pa 'o mas mchod// gdung ba'i mchod pa dbyangs kyis mchod// bla med mchod pa gtor mas mchod// gus pa'i mchod pa sna tshogs sman gyis mchod// dkar gsum dang ni mngar gsum dang// rtsi sman sna tshogs spos kyi mchod pa yis// klu chen rnams kyi pho brang du// spos kyi sprin lding bdud rtsi'i char bab nas// zha grum nad rnams sos gyur cig/ de bzhin yon bdag 'khor bcas kyi// klu nad thams cad bsal gyur cig/ shar lho klu rgyal dga' bo ni// sku ni baiDUr+ya sngon po la// sbrul mgo gnyis kyi gdengs ka can// gtsug na yid bzhin nor bus brgyan// sku mdog mthing nag 'od zer 'bar// phyag na g.yu yi bum pa bsnams// rigs ni rgyal rigs dra mar gtogs// mdos bdag mdos long la// glud bdag glud bzhes shig/ nA ga yu yu nA ga rA dza b+ha li swA hA/ mngar gsum mchod pa 'o mas mchod// gdung ba'i mchod pa dbyangs kyis mchod// bla med mchod pa gtor mas mchod// gus pa'i mchod pa sna tshogs sman gyis mchod// dkar gsum dang ni mngar gsum dang// rtsi sman sna tshogs spos kyi mchod pa yis// klu chen rnams kyi pho brang du// spos kyi sprin lding bdud rtsi'i char bab nas// zha grum nad rnams sos gyur cig/ de bzhin yon bdag 'khor bcas kyi// klu nad thams cad bsal gyur cig/lho nub klu rgyal rigs ldan ni// sku ni pad ma rA ga'i dbyibs// sku mdog dmar ser 'od zer 'bar// phyag na sbal nag rgyal mtshan bsnams// sbrul mgo bdun gyi gdengs ka can// rigs ni rje'u'i rigs su gtogs// mdos bdag mdos long la// glud bdag glud bzhes shig/ nA ga be nA ga b+ha li nA ga hUM ya hUM ya swA hA/ mngar gsum mchod pa 'o mas mchod// gdung ba'i mchod pa dbyangs kyis mchod// bla med mchod pa gtor mas mchod// gus pa'i mchod pa sna tshogs sman gyis mchod// dkar gsum dang ni mngar gsum dang// rtsi sman sna tshogs spos kyi mchod pa yis// klu chen rnams kyi pho brang du// spos kyi sprin lding bdud rtsi'i char bab nas// zha grum nad rnams sos gyur cig/ de bzhin yon bdag 'khor bcas kyi// klu nad thams cad bsal gyur cig/ nub byang klu rgyal nor rgyas ni// sku mdog ljang zhu 'od zer 'bar// sbrul mgo dgu yi gdengs ka can// phyag na sbrul zhags khra bo bsnams// rigs ni dmangs kyi rigs su gtogs// nag thal can gyi 'khor gyis bskor// pho log glang thabs khros nad gtong// mdos bdag mdos long la// glud bdag glud bzhes shig/ nA ga be nA ga be nA ga su pra ste swA hA/ mngar gsum mchod pa 'o mas mchod// gdung ba'i mchod pa dbyangs kyis mchod// bla med mchod pa gtor mas mchod// gus pa'i mchod pa sna tshogs sman gyis mchod// dkar gsum dang ni mngar gsum dang// rtsi sman sna tshogs spos kyi mchod pa yis// klu chen rnams kyi pho brang du// spos kyi sprin lding bdud rtsi'i char bab nas// zha grum nad rnams sos gyur cig/ de bzhin yon bdag 'khor bcas kyi// klu nad thams cad bsal gyur cig/ de nas klu mo bzhi la mchod cing bstod la// hUM nub phyogs rgya mtsho'i pho brang nas// ngo mtshar chu bo bzhi 'bab pa// 'dam bu me tog tshal gyi gling// pad+ma rA ga'i dkyil 'khor nas// rje rigs bu mo pad+ma can// sku mdog dmar mo pad+ma mdzes// zangs sprul 'khyil pa'i nang na bzhugs// phyag na dar dpyang dmar po bsnams// rin chen gser gyi cod pan can// mngar gyi mchod pa 'o mas mchod// gdung ba'i mchod pa dbyangs kyis mchod// bla med mchod pa gtor ma bzhes// gus pa'i mchod pa sna tshogs sman gyis mchod// dkar gsum dang ni mngar gsum dang// rtsi sman dang ni sna tshogs spos kyis mchod// sha bkra phol mig 'bras dang rkong pa rnams// 'jig rten gnas na zhi bar mdzod// mdos bdag mdos long la// glud bdag glud bzhes shig/ lho phyogs rgya mtsho'i pho brang ni// ngo mtshar chu bo bzhi 'babs pa// pad+ma brtsegs pa'i dkyil 'khor nas// rgyal po'i rigs kyi bu mo ste// sku mdog mthing nag 'bar ba la// baiDUr sngon po 'od du 'bar// sbrul mgo lnga yi gdengs ka can// rtag tu sbrul sngon dkyil na bzhugs// phyag na gser gyi nya mo bsnams// rin chen g.yu yi cod pan can// 'khor du sman phran 'bum gyis bskor// mngar gyi mchod pa 'o mas mchod// gdung ba'i mchod pa dbyangs kyis mchod// bla med mchod pa gtor ma bzhes// gus pa'i mchod pa sna tshogs sman gyis mchod// dkar gsum dang ni mngar gsum dang// rtsi sman dang ni sna tshogs spos kyis mchod// sha bkra phol mig 'bras dang rkong pa rnams// 'jig rten gnas na zhi bar mdzod// mdos bdag mdos long ma// glud bdag glud bzhes shig/ shar phyogs rgya mtsho'i pho brang du// don mtshar chu bo bzhi 'babs pa// 'dam bu me tog skyed mos tshal// bram ze'i rigs kyi bu mo ste// klu yi bu mo dung skyong ma// sku mdog shel dkar 'od zer 'bar// sbrul mgo gsum gyi thod gdengs can// phyag na dung chen 'khyil ba bsnams// rtag tu sbrul 'khril nang na bzhugs// dung gi cod pan thod gdengs can// 'khor du klu sman 'bam gyis bskor// mngar gyi mchod pa 'o mas mchod// gdung ba'i mchod pa dbyangs kyis mchod// bla med mchod pa gtor ma bzhes// gus pa'i mchod pa sna tshogs sman gyis mchod// dkar gsum dang ni mngar gsum dang// rtsi sman dang ni sna tshogs spos kyis mchod// sha bkra phol mig 'bras dang rkong pa rnams// 'jig rten gnas na zhi bar mdzod// mdos bdag mdos long la// glud bdag glud bzhes shig/ byang phyogs rgya mtsho'i pho brang chur// ngo mtshar chu bo bzhi 'babs pa// me tog mdangs ldan dga' ba'i tshal// pad+ma brtsegs pa'i dkyil 'khor nas// klu yi bu mo gzi brjid can// sbrul mgo dgu yi gdengs ka can// phyag na sbrul nag rgyal mtshan bsnams// sbrul nag 'khyil ba'i nang na bzhugs// dmangs rigs kyi ni bu mo ste// 'khor du klu bran 'bum gyis bskor// mngar gyi mchod pa 'o mas mchod// gdung ba'i mchod pa dbyangs kyis mchod// bla med mchod pa gtor ma bzhes// gus pa'i mchod pa sna tshogs sman gyis mchod// dkar gsum dang ni mngar gsum dang// rtsi sman dang ni sna tshogs spos kyis mchod// sha bkra phol mig 'bras dang rkong ba rnams// 'jig rten gnas na zhi bar mdzod// mdos bdag mdos long la// glud bdag glud bzhes shig/ de nas srin la 'di skad brjod do// nyon cig gdug pa klu yi bu// a pha klu dang a ma stag/ srin mo ni tshogs pa'i bu// khyod ni brag srin khra bo ste// mgo la sbal nag rmog zhu gsol// lus la sbrul nag phrag pa ma slog pa gsol// lag na rgya zor khug pa thogs// khyod ni rab tu mi bsgrungs te// glang thabs smyo 'bog khyod kyis gtong// rdo rje 'chang gi bka' nyon la// gnod pa'i sbyor ba rgyun chod cig/ chu la gnas pa'i chu srin dang// brag la gnas pa'i brag srin dang// shing la gnas pa'i shing srin dang// sa la gnas pa'i sa srin dang// de ring rngan dgas 'di long la// sngar byas gnod pa slar la rtul// da slan chad gnod pa ma byed cig/ ces nad pa'i lus zan gyis dril la/gzugs mgo dgu pa'i khra bo gcig byas la/ 'bru yi gtor ma btang/ sran ma la phyogs bzhir bya khyung gi snying po bzlas la gtor ro// de ni byad 'grol ba'o// nas dkar mo ni nad pa'i gos la dril la mchan du gzhug/bsnyen pa'i snying po bris la mgul du gdags so// mdos chu mig tu bskyal lo// de nas bkra shis gsol/ nad pa rung nas zan bya/ mi la byin mi rung ngo// ma mo srid pa'i bem las/ klu mdos kyi skabs so//// de nas srid pa pho rgyud las/ mchod pa 'di gsungs so// phud ma nyams par rin chen brdar la 'di skad ces brjod do// kye phyogs phyogs de ni pha ki na// nyi ma shar phyogs pha ki na// shar gyi dkar po spyan gcig pa// khyod kyi pha dang ma smos pa// gnam khyi dkar po spyan gcig lags// ma ni srid pa'i byan mo ste// sku ni dkar po mu tig la// bzhugs ni nyi ma'i dkyil na bzhugs// sprul pa zla ba'i zer la 'gyed// 'gro ba mi la gnya' zung byed// chibs su dkar po 'od la chibs// chibs kyi snga khong la/ shel gyi sgro ba btags// chibs kyi phyi long la/ rtsis kyi khram bam na/ gser bkal// skye 'gro kun gyi bdag po ste// srog bdag chen po da tshur byon// 'khor du 'gong po spun brgyad 'khol// mdos bdag mdos la byon// khyod kyi thugs dam dgyes sde mo// shar gyi dkar mo spyan gcig ma// chibs su shwa ba dkar mo chibs// sku la dar gyi la'u gsol// mu tig mdzes pa'i lan phran can// g.yu yi lan phran tse re re// nyi zla brtsegs pa'i khri la bzhugs// mdos kyi phud la da tshur byon// g.yon nas sbrul smad 'khyug cing byon// srod la byol zhing tho rangs nyul// shar gyi dkar mo spyan gcig ma// sngon ni bdag dang thugs dam gcig/ da lta khyod la mchod pa 'bul// khyod kyi thugs kyi sbrul pa ni// 'gong po spun dgu'i phyag brnyan 'gyed// chibs su nyi zer zla zer bcibs// 'od kyi zhags pa rkyong zhing sdud// btsan bdud sde bzhi'i phyag brnyan 'gyed// de ring mdos bdag mdos la byon// rgyal po dpon g.yog 'khor dang bcas// mdos bdag mdos la byon// spos dud btang la dar dkar gyi g.yab mos g.yab cing/ hUM gnam rim pa bcu gsum gyi yar steng na// gnam gyi ya cho dkar po la// nyi 'phang sad kyi 'grul po che// sku la shel gyi slag pa la// mu men gser gyi kha chag can// dbu la dung gi thod tshugs bcings// sku ni cir yang ma nges te// thugs ni cir yang sprul pa 'gyed// thams cad mkhyen pa'i bdag/mi brdzu ni dgu ru brdzu/ nang gi dro la babs tsa na// bu chung ni rol por brdzu// nub kyi bzhug la babs tsa na// rang thod rgyal por brdzu/ sbrid dang sha ra ra/ mi brdzu dgu ru brdzu// rgyal po'i rdzu 'phrul dam pa mdzad// smyo 'bog brgyal nang sho ra re// mdos bdag mdos long la// glud bdag glud bzhes shig/ dam las ma 'da' sdig ma byed// dus la bab po sa ma ya// kro d+ha kro d+ha ging ka ra ging ka ra/ sha ba ri sha ba ri/ging ka ra b+h+yo/ hUM srog bdag rgyal po nyi 'phang sad// rgyal po chen po li byin har// khyod kyi thugs dam nyams shed 'gal shor re// nyes par gyur pa ci mchis pa// dkar po bcu gsum mdos kyis bskang// hUM nam mkha'i dkyil yangs nas// sa gzhi rgya re che// ri rab lhun re sdug/ rtsi shing grangs re mang// phyogs phyogs ni pha ki na// nyi zla 'od re gsal/ de'i 'og shed na/ mkhar gcig gnam du zings se zing/dung mkhar dkar po la/ logs bzhi dung la byas/ dkar mdangs chad de chad/ 'gram bzhi lcags la byas/ lcags 'gram khyugs se khyug/ zur bzhi mchong la byas/ mchod mkhar smug po ldems se ldem/ka ba gzi la byas/ gdung bzhi gser la byas// kha bad g.yu la byas/ rin chen gral phyam bkram/ nyi zla gnyis kyi mthongs khung btong/ de 'dra'i mkhar gyi mthongs khung na/ shel gyi byi la 'od mdangs ya la la/de yi nang shed na/ khri khri gcig gnam du zengs se zeng/ dung khri dkar po bya ba la/ de'i steng shed na/ stag gdan khra bo nems se nem/ de yi thog shed ni/ rta dkar dkyus dang brengs se breng/de'i steng shed na/ mi pho dkar po la/ g.yu yi smin ma can/ bse yi sen mo zengs se zeng/ mtshal gyi thig le can/ dung gi so thags can/ sku la ci gsol na/ dar dkar ras ka gsol/ phyed ka gser gyi slag pa gsol// dbu la ci bcings na/ dar dkar 'gying thod bcings/ mtshal gyi thig les brgyan/ stag ral g.yas na bkra// gzig shubs g.yon na 'khyug/ phyag mtshan g.yas pa na// sba lcag dkar po la/g.yu yi lcag 'bras btags/ gnam la bskor zhing sa la rdeb// phyag ni g.yon pa na/ shel gyi zangs gri bsnams/ res 'ga' drag tu khros pa'i tshe// lcags kyi mi pho chen po la// sku la ci gsol na/ rgya byi stod kyi slag pa la/'bum gyi smad kyi sham bu btags// sku ma ring la bsnams// dbu la rmog zhu gangs ri gsol// phyag ni g.yas pa zangs gri bsnams// g.yon pa lcags kyi rnge'u chung bsnams// btsan bdud 'gong po pho nyar 'gyed// mchod do gser skyems dngas pa mchod// rin chen gser gyis mchod bskang ngo// dkar po bcu gsum gyi// mdos kyis khyed bskang ngo// 'khor na gnas pa'i rgyal po ni// khu le shod kyi lag dgu dang// ag ni dang ni ug ge dang// drang se dang ni gyi bad btags pa/ dung gi sgo mo gsal/ bse'i rgyan ldan kra la la/ de'i bdag po dbang phyug chen po lags/ ma he ni shwa ra hA/ ya bdud ni ming nas phyung/mdos bdag ni mdos longs shig/ glud bdag ni glud bzhes shig/ 'dzam gling ni nub phyogs na/ nor gyi ni bdag po la/ zangs mkhar dmar po la/ g.yu yi bad btags nas/ gser gyi sgo gsal bas/ g.yu yi rgyan ldan kra la la// ma hA de ba lha chen po// btsun mo u ma de bI lags// nor lha chen po'i ming nas phyung/ mdos bdag mdos longs shig byang phyogs pha ki na/ gser mkhar gru bzhi la/kha bad g.yu yis bgyis/ dung gi rgyan ldan kra la la/ de'i bdag po ba/ tshangs pa dung gi thor tshugs can/ mdos bdag ni mdos longs shig/ gung gi yar steng na/ dung mkhar dkar po la/ gser gyi kha bad can/ g.yu'i rgyan ldan kra la la/ de'i bdag po ba/ shang se dang// de khod dang ni ni khod dang// nyi zla 'khor dang bcas pa ni// brgyad kyi bdun na zhungs se zhung// logs la sha rkyang brengs se breng// rgyab tu sbra sbre 'du ru ru// steng na thang dkar 'phyo zhing lding// mchod ni 'bru chang rin chen gser gyis mchod// bskang ni dkar po bcu gsum mdos kyis bskang// rgyal po dpon g.yog 'khor bcas kyis// rmongs po bu med bu gsol cig/ dbul po nor med nor gsol cig/ nor dang srid rnams 'phel bar mdzod// rgyal po'i sku ni rin chen sku// rin chen skus ni re 'dod 'byung// rgyal po'i thugs ni mar khu'i thugs// mar khu'i thugs kyis bsam pa 'grub// lha ru mchod do dpal mdzod cig/ g.yu ru mchod do dung du 'bud// dar du 'phel lo mgon skyabs mdzod// gnod pa'i bsam sbyor ma mdzad par// bdag cag bsam pa mtha' ru phyung// dka' bar bsogs pa'i mdos chen dang// gsal bar bltams pa'i mar me dang// gser sgong g.yu sgong nyi sgong dang// rgyal po'i mnga' thang skyems phud dang// bda' bar bya ba'i zhal zas rnams// khyod la 'bul lags bzhes su gsol// sri'u gsos la rigs rgyud spel// nor phyugs spel cig nyi 'phang sad// zla ba sad kyi dus mdzod cig/ shos pa sad dang nyi 'phang sad// ma hA rA dza li byin har/ ma hA shAn ting ku ru swA hA/ dkar po shel ldan dkar po 'dis// bskang ngo bskal pa'i thugs dam bskang// rgyu mchog shel ldan dkar po 'dis// rgyal po shel ldan ru tsho la// ma ni sang ste rgyu ru yang dkar gnyis// bshos shing yid kyis sprul pa'i sras// dung gi sgo nga gcig tu byung// lo gcig 'khyud skor len pa dang// kha ru ma rdol zhabs su lug/ de nas lug tu btags pa yin// ru gnyis gyen du 'khyil ba yis// gnam lha dkar po gyen du 'degs// mig gnyis 'phred la tshig tshig blta// ma rig mun pa'i skyon la blta// thams cad gsal bar go 'byed do// sgra rnams dag par rab tu nyan// rna ba'i dbang po krong nge krong// kha mthar ro la lce myong bas// ro mchog brgya ldan gsang ba'i dbyings// sna yi dbang pos dri ma snom// lcags kyi rmig bzhi sa la 'khrab// bdud bzhi ma lus zil gyis gnon// spu ni dud lo 'khyil ba 'dis// sems can kun gyi gsos su byed// drod dang dbang po 'khor bcas pas// lha srin sde brgyad dgyes par skongs// nang cha rgyu ma gnye ma tshil// sha khrag chu rgyus pho mtshan bcas// mkhris pa glo ba mchin pa snying// mkhal la pho ba grod pa dang// sul mangs shan shan glo khrag bcas pa rnams// srog bdag 'khor dang bcas pa la// lhag ma med par 'bul lags kyi// bzung ba thong la brtsams pa shol// dkar po bya gag gsung snyan 'dis// bskang ngo rgyal po mched la bskang// bya gag 'di yi rjes shul dang// tshe lug ne seg 'khor bcas rnams// 'khor gyi srog bdag brgyad la 'bul// khyod kyi thugs dam bskang gyur cig/ mthu rtsal ldan pa'i skyes bu khyod// thugs dang 'thad pa'i mkha' lding 'dis// bskang ngo khyed kyi thugs dam bskang// bya yi pho smos pa/ gser bya ra ba tha le lags/a ma g.yu yi bya mo gung ma ro ne lags/ de gnyis bshos pa'i sras/ sgo nga gsum du byung ba ste/ gser sgong khra bo de/ dma' yang mi dma' ste/ bar snang khams gsum gsos// sha zan mchu gug byung/zangs sgong dmar po ste/ mtho yang mi mtho ste/ rgya mtsho'i steng du rtol/ 'dam zan mchu le ba byung/ dung sgong dkar po de/ mi mtho mi dma' ste// ri rab kha ru brtol/ sgum thun mchu lhum byung/sgum thun brgya ni mi dang chad ma byas/ bdud dang btsan gyis bskor// sman dang gzed kyis bskor/ bar snang khams la 'phyos te song/ mi bu rigs la phan/ res phan res mi phan// de yi nang shed na/ ze bza' bya yi rigs/rig pa gsal dngas pas/ nyin mtshan shan yang 'byed/ dbyar dgun drod yang 'dzin// de yis mi dang chad byas so// mi yis bya gsos pas/ bya yis mi yi glud du chad/ de yi nang shed nas/ bya dkar ze dmar 'di// rin chen dung gi kha dog ldan// dang por rgyal po shel gyi bu// rtags dang btab pa yin/ zangs kyi gtsug phud do shal 'dis// srog bdag rgyal po 'khor bcas la// bskang na dgyes pa'i rkyen cha yin// bya mig mas yar bkab pa 'di// srid pa mas yar chags pa yin// bya mig dmar la dngas pa 'di// srid pa'i skye 'gro khrag gis bskyed pa yin// bya lus bum par 'dug pa 'di// ri rab lus la rdzogs pa yin// mjug ma rgya sor 'dug pa 'di// dpag bsam shing gi yal ga yin// spu nyag dkar la 'tsher ba 'di// srog chags thugs ni mar ltar bzhun// bya mchu ser la gug pa ni// bskang na gser du 'gyur ba yin// rgyal po rgyu ba'i dus tshod du// skad snyan tang tang sgrogs pa ni// lha dang skad sbyor byed pa yin// de lta bu yi mkha' lding du/ mdos 'dis thugs dam bskang ngo dgyes bar mdzod// mtshan ldan shel mdog ra dkar 'dis// rgyal po dpon g.yog 'khor bcas la// thugs dam bskang ngo gshegs su gsol// ra yi pha smos pa/ pha ni gshan ra ru ring yin// ma ni skyi ra 'gram ring yin/ bshos dang gnam gyi sras/ra bu srin ra kham pa dang// myang ra ldan dmar gnyis su byung// bu ni dkar po gnam ru skyes// mi yi glud dang khams su 'bul// ra ru dkar la dngas ma 'dis// rgyal po'i thugs la skye shi med// mi 'gyur brtan pas skyon dang bral// ru gnyis dkar la ldem pa la// dar tshon sna lngas brgyan pa 'di// rgyal po'i ru mtshon yin par bshad// kha nas bla sgra sgrogs pa ni// don rnams 'grub par byed pa yin// lcags kyi mi bo sngon po bzhi// phyogs bzhi rgyal pos mngags pa'i rtags// spu nyag rtsub la ring ba ni// rgyal po'i bka' 'khor las la 'gyed phyir lags// ag tsom bungs dang ldan pa 'di// thabs kyis 'gro ba 'dul ba'i rtags// sha tshil bams su che ba 'di// 'khor rnams bran du 'khol ba'i rtags// g.yas dang g.yon du snom byed cing// phri sgra drag po sgrogs pa ni// che ba'i mchil la skyug par skyugs// drag tu kha nas bla sgra sgrogs// sha ni khrag dang bsres nas gsol// bskang ngo bsgral lo srog bdag 'khor dang bcas pa mnyes par mdzod// mdos bdag mdos long la// glud bdag slud bzhes shig/de yang dang por mdos la spyan drangs shing snyan gsan dbab pa 'di skad do// gtsang mar sbyar ba'i bskang rdzas mang po la/ 'dir spyan drang ba ni/ phyogs bzhi 'tshams brgyad so so'i mnga' mdzad pa ni// shel ging chen po srog gi mnga' mdzad pa// khu le lag dgu dang/ ag ge dang/ ug ge dang/ drang seng dang/ shang se dang/ de khod dang ni ni khod dang// nyi zla la sogs srog bdag chen po brgyad// rang rang gi 'khor g.yog mang po'i tshogs dang bcas te/bdag cag gi bsam pa 'grub cing/ khyed kyi thugs dam bskang ba'i phyir/ spyan 'dren mchod pa 'bul gyi gshegs su gsol// 'khor na gnas pa'i tshogs bcas kun// spyan 'dren mchod pa 'bul gyi gshegs su gsol// e h+ye hi ma hA rA dza ra tri tri sha sa mA ya s+t+waM/ badzra sa mA dza/ badzra aM ku sha dzaH/ badzra pA sha hUM/ badzra s+pho Ta baM/ badzra g+haN+De hoH/ rgyal po dpon g.yog 'khor dang bcas pa rnams/mngon sum du byon par bsam mo// de nas slob dpon dang/ yon bdag 'khor bcas kyis phyag gus par 'tshal ba ni// na mo stong khams khyab par sems can don la dgongs// nga dang bdag med srid 'phrog srog la dga'// na bza' dar dkar 'jol ber gsol// khyod la dang ba'i yid kyis phyag 'tshal lo// kun la khyab pas nga dang bdag tu med// zhe sdang gdug pas srog la bar chad byed// sems can kun kyang khyod la rab tu mchod// srog bdag sri rgyun khyod la phyag 'tshal lo// 'khor skyong bstan pa'i don la rab tu mos// khams gsum sems can rnams la sna tshogs gnod pa byed// skyur dang khrag gi dri tshor dpag tshad brgya khrir rgyug/ tshogs dang 'khor na gnas pa rnams la phyag 'tshal lo// gdan la gzhugs su gsol ba ni// dar dkar beg tsho dgu rim la/ za 'og bla brnyan nems se nem// de 'dra'i brjid chen gdan steng du// rgyal po bgyes par bzhugs su gsol// dung dang gser spras khri yi steng// rab mdzes srog bdag 'khor bcas bzhugs su gsol// badzra tiSh+Tha lhan/ de nas zhabs bsil ba ni/ gtsang mas sbyar ba'i chab gtsang 'di// phyag dang zhabs gnyis bsil bar mdzod// swa b+hA wa bi shud+d+ho u0f85haM/ de nas pur gtsang thogs la 'di skad do// hUM 'bru bcud dam pa'i skyems 'phang 'di// kha dang mdang dang skyur ba'i ro// skyems 'phang dam pa 'di drangs pas// ljags kyi dbang po tshim par byed// 'byung ba'i bcud bsdus rin chen sna lnga'o// longs spyod lnga dag rkyen du che// 'di 'dra'i gser skyems dam pa 'di// bzhes shig srog bdag 'khor bcas bzhes// oM ma ma pUr kha hA rA dza swA hA/ khA hi khA hi/ rgyal po chen po bdag dang yon bdag 'khor dang bcas pas/ mdos dang phud du bcas pa'i tshogs ma lus pa phul ba 'di bzhes la/bdag cag la mthu dang skyabs dang rgyun mi 'chad pa'i rgyud spel du gsol// de nas 'di bstod do// gnam sngon po ya gi chad de chad// rin chen gser gyi nyi zla ta la la// gza' dang rgyu skar mang po sigs se sig/ lha srin na bun khu rlangs thibs se thib// kha dog sna lnga'i 'ja' tshon khyugs se khyug/ dung dkar gyi khu 'phang sha ra ra// thams cad smin pa'i char pa si li li// gtum po 'brug gi sgra chen di ri ri// 'bar ba glog gi 'od chen khyugs se khyug/ rab tu mdzes pa'i me tog sna tshogs skyes// dri bsung spos me mang po rgyun mi 'chad// ro mchog ldan pa'i zhal zas sna tshogs bkram// rnga dang rnga chen dung dang 'khar ba yi// sil snyan sgra dang pi wang sgra// glu gar rtse 'jo rol mo rnams// bla dre 'phan gdugs na bza' mdzes pa dang// nor dang bang mchod dkar po bcu gsum mdos chen dang// sna tshogs bskang ba'i rdzas rnams kun// dga' dang gus pas 'bul lags kyi// dpon g.yog 'khor dang bcas pa bzhes su gsol// dri ma med pas shel ltar dag/ thugs rje chu bo rgyun ltar 'bab// nga dang bdag 'dra'i gzung 'dzin spangs// sa la gnas pa'i byang chub sems dpa' ste// thugs rje dbang gis 'gro kun yongs la skyobs// sku la dar dkar ral ga gsol// phyag na gdug pa'i dbyug pas 'joms// chibs su dar dkar mdog ser bcibs// rin chen lta bur dgos 'dod skongs// smod cing 'phya bar gang byed pa// de la nad rnams sku 'dren cing// dar gcig tsam la phung bar byed// de 'dra'i rgyal po khyod la bstod// rin chen gshog pa gdengs pa yis// klu rnams 'dul la phyag 'tshal bstod// rma bya rab tu mdzes pa'i thul pas brgyan// 'gro ba ma lus phung po nying mtshams sbyor// dar dkar rab tu mdzes pa'i go zu la// g.yu phran mdzes pa'i sham thabs can// bya thul can la phyag 'tshal bstod// 'khor na gnas pa srog bdag brgyad// shel dang dung ltar rab tu dkar ba'i sku// srog bdag dkar po brgyad la bstod// stong phrag brgyad cu'i bgegs rnams mang po yang// rang rang nus pas rgyal po'i bran du byas// sprin ltar gtibs pa de ring yas dang stags la byon// mdos bdag mdos long la// glud bdag glud bzhes shig/ hUM nyi ma shar phyogs pha ki na// mkhar gcig rin chen dung gi mkhar// 'gram ni lcags 'gram sngon po legs// sgo ni rin chen bse yi sgo// bye ru 'bar ba'i gtan pa rtsal// bad ni g.yu bad sngon po la// mthongs ni nyi zla gnyis kyi mthongs// zur ni mchod zur smug po la/ baiDUr+ya g.yu yi zil pa chags// sku mkhar phyogs bzhi'i bla 'og na// mtho bar bya dkar rgod mi lding// dma' bar sa yi byi mi 'dzul// bar du mnyen po sbrul mi 'khril// logs la gzar po sprel mi 'dzeg/ de 'dra'i mkhar la mtshan gsol ba// srog mkhar she le ru 'dzod lags// nang na khri gcig khri bzang po// dung khri dkar po bya ba lags// bse yi rkang bzhi bar te bar// dar dkar klang bsten nems se nem// g.yas na rta skad lhang lhang ba// ngang dkar gser mdog bya ba lags// srab ni gser la mthur ni g.yu// stan ni za 'og dngul stan can// sha thag g.yas la tshon drub btags// sha thag g.yon na nad kyis rkyal pa btags// g.yon na khyi zug dar ma dir// nyi mig seng spar bya ba lags// shel gyi khyi la g.yu ral can// mche ba dung gi phur pa bzhis// skye 'gro thams cad rtsad nas gcod// so ni lcags kyi phur pa bzhin// zangs kyi spar shad gdengs pa yis// skad cig tsam gyis phyogs bcur phyin// mjug ma dung gi zhags pa yis// brdabs pas lha srin thams cad brgyal// ske la gser gyi a long btags// g.yu yi dril bu 'bum gyis brgyan// dkrol bas phyogs bcu'i rgyal ba mnyes// kha nas ngu zug gsum bsgrags te// dang pos tshangs pa'i 'jig rten 'jig/ bar pas rgyal chen rigs bzhi brlag/ tha mas sa bdag gdung zhing 'bod// spu ni nyag ma re re la// sna tshogs 'od chen 'phro bar byed// dbus kyi dung khri dkar po la// srog bdag shel ging dkar po bzhugs// sku ni gangs ri chags pa 'dra// g.yu yi smin ma khyugs se khyug/ bse yi sen mo shad de shad// dung gi so bdar thems se them// sku la dar dkar ral ga gsol// dbu la brjid ldan 'gying thod bcings// rtsal chen seng ge'i kha chag can// dpa' rtsal stag gi thod ka can// rkang la g.yu ris chags 'u la// gyi men dngul gyi sgrog bu can// gser gyi sga chen mdzes pa la// rin chen g.yu yi tshar tshar can// sku la ring la lcibs shing bzhugs// stag ral g.yas la gzig shubs g.yon// spa lcag dkar po g.yu 'bras can// gnam la bskor zhing chibs la bskyod// thugs ni me ru lam mer 'bar// sku ni khro gtum drag rtsal can// mdos bdag mdos long la// glud bdag glud bzhes shig/ tshangs pa dung gi thor tshugs can// sku la sprin dkar slag pa gsol// phyag na rdo rje be con bsnams// rgya gar chos kyi mtshan gsol ba// tshangs pa dung gi thor tshugs can// phyag na rdo rje rtse dgu bsnams// rgya nag dag gis mtshan gsol ba// rgyal po chen po li dun shan gyi bya// za 'og 'phar chen slag pa gsol// bse yi mdung chen dbal ring bsnams// sum b+ha'i yul du mtshan gsol ba// sum ru 'gro than bgyi ba lags// pags bu dkar po'i slag pa gsol// phyag na dngul gyi byi la bsnams// zhang zhung yul du mtshan gsol ba// de yang srog bdag shel ging lags// sku la man tri ral ga gsol// phyag na tsan+dan be con bsnams// gtsug lag bon gyis mtshan du gsol// nyi phang sad kyi mtshan gsol ba// sku la dngul dkar ras ka gsol// phyag na tsan+dan dbyug pa bsnams// skye bo yongs kyis mtshan gsol ba// kar te yam pa spyan gcig pa// sku ni ma bcos dkrus mar bzhugs// phyag na ral gri stobs chen bsnams// li yi yul du mtshan gsol ba// a ka d+ha ra skyes gcig po// sku la dar dkar thul pa gsol// phyag na gshog pa'i sog le bsnams// hor gyi yul du mtshan gsol ba// ga gon gser slag can zhes bya// sku la ma ting shel gyi slag pa gsol// phyag na sbrul gyi zhags pa bsnams// mon gyi yul du mtshan gsol ba// bdud kyi rgyal po sa mun rje/ dgong kha nyi ma'i zer la rgyug/phyag na nyi zer zhags pa bsnams// mdos bdag mdos long la// glud bdag glud bzhes shig/ de nas lcam mo bskul te/ hUM/ rgyal po thugs kyi dgyes sde mo// gsang ba thugs kyi yum gcig ma// sku lus shel la smin ma g.yu// so thags dung la nor bu mchong// ngag gi gsung snyan tongs se tong// gser gyi rna cha wangs se wang// mu men gur chen chi li li// zangs kyi sgrom bu khyugs se khyug/bse yi sen mo zangs se zang/ sku la bya rgod thul pa la// rma bya 'bum gyi mdongs kyis brgyan// gser gyi skar mda'i mtha' bskor can// 'ja' tshon 'bar ba'i kha chag can// na bza' mdzes pa de gsol nas// sems can kun gyi srog la dga'// phyag g.yas shel gyi bum pa ru// bdud rtsi dam pa'i bcud blugs nas// gtso bo mnyes byed rnal 'byor tshe 'phel ma// phyag g.yon gser gyi zangs gri bsnams// dgra bo'i bdun rgyud rtsad nas chod// zhal gyi rlangs pa dug tu thul// mi nad sna tshogs char du 'bebs// mdos bdag chen mo mdos longs shig/ glud bdag chen mo glud longs shig/ ces gser skyems gtong ngo// de nas 'khor srog bdag brgyad kyang zer/ 'gong po spun dgu la 'di skad bskul lo// shar gyi phyogs nas gshegs pa ni// rgyal po chen po khu le shong// gser gyi mi pho chen po la// lag dgus rgyal khams yongs la khyab// la las srid dang mngal la rku// la las yul mkhar rtse nas 'bebs// la las srog gi shan pa byed// la las dbang gi lha dang 'bral// la las sgo yi lha dang 'bral// la las sgo yi nor dang 'brel// la las nyin gyi hor pa byed// la las srog gi 'jab bu byed// la las na chung skye rgyun gcod// sku la sha ba'i slag pa gsol// mdos bdag chen mo mdos longs shig/glud bdag chen mo glud longs shig/ lho yi phyogs nas gshegs pa ni// rgyal po chen po ag ge yang// sku ni g.yu yi 'tsher bag can// za 'og sngo khra'i ber chen gsol// sngon po dar gyi 'gying thod bcings// phyag na brdeg pa'i mda' gzhu bsnams// sha la dga' zhing khrag la mos// mdos bdag chen mo mdos longs shig/ glud bdag chen mo glud bzhes shig/ nub kyi phyogs nas gshegs pa ni// rgyal po chen po u ge ni// sku ni zangs mdog dmar khra la// za 'og dmar khra'i ber chen gsol// dmar po le brgan 'gying thod bcings// phyag na lcags kyu mda' gzhu bsnams// sha dang khrag la dad re che// mdos bdag chen mo mdos longs shig/ glud bdag chen mo glud bzhes shig/ byang gi phyogs nas gshegs pa ni// rgyal po chen po brang se ni// sku ni mthing nag ljang gu la// zab slag khra bo sku la gsol// ljang gu dar gyi 'gying thod bcings// mda' gzhu zhags pa phyag na bsnams// mdos bdag chen mo mdos longs shig/ glud bdag chen mo glud bzhes shig/ shar lho'i rgyal po shang se ni// sku ni ra gan 'bar ba la// sku la gu ling ber chen gsol// thang dkar rgod kyi bya thul brtsegs// dpral na rgya long ta la la// mda' gzhu dril chung phyag na bsnams// dbu la rgod kyi dpa' mtshan can// mdos bdag chen mo mdos longs shig/glud bdag chen mo glud bzhes shig/ lho nub rgyal po da khod ni// mu men 'khrul gyi mi bo la// dpral ba'i dbyes na spyan gcig gzigs// sngon po g.yu yi ber chen gsol// dbu la stag gi rmo gzhu gsol// phyag na mda' gzhu sta gri bsnams// sha dang khrag gi gri tshor na// dar cig tsam gyis stong gsum bgrod// mdos bdag chen mo mdos longs shig/ glud bdag chen mo glud bzhes shig/nub byang rgyal po ni khod ni// bye ru dmar po'i mi pho la// men gri dmar po'i ral ka gsol// zangs kyi rmo gzhu dbu la gsol// rgod kyi ldem sgro dbu la btsugs// phyag na mda' gzhu 'tshag pa'i khol ma bsnams// hab kyis skye 'gro'i sha la za// hub kyis skye 'gro'i khrag la 'thung// mdos bdag chen mo mdos longs shig/ glud bdag chen mo glud bzhes shig/ byang shar rgyal po nyi zla ni// dung la dkar po'i thod nan can// phyag na mda' gzhu lcags kyu bsnams// dar tsam sha dang khrag med na// rang la rang yang 'tshig cing 'khro// mdos bdag chen mo mdos bzhes shig/ glud bdag chen mo glud bzhes shig/srog bdag brgyad kyi btsun mo yang// sku ni dar sham mdzes pa la// rin chen dung gi lan phran can// 'ja' tshon 'bar ba'i thul pa gsol// phyag na mda' gzhu bdud rtsi'i bum pa bsnams// mdos bdag chen mo mdos longs shig/ glud bdag chen mo glud bzhes shig/ bka' 'khor mngag pa'i las byed pa// la la blon po 'gying bag can// la la skyes pa mtshon gyis 'debs// la la byis pa kyal kha byed// la la longs spyod nor rnams rku// la la thob shor dos la byed// la la bdud btsan do zla byed// la la phyogs log srog la rgol// da ni gdug pa'i skyes bu rnams// ya sangs skyes gcig man chad nas// the'u rang grong rgyu yan chad du// mdos bdag mdos long la// glud bdag glud bzhes shig 'greng mi'i glud du 'bul// dud phyugs kyi glud 'bul lo// zhes kun gyi mgo la rgod kyi ldem ru 'dzugs so// ma mo srid pa'i bem las/ pho mdos man chad kyis bskang ba'i skabs te/ dkar po bcu gsum gsang mdos la sogs pa'i skabs so//// de nas yang skos bdag dang bcas te g.yul ngo bzlog pa 'di gsungs so// kye skos bdag chen po brgyad// mdos kyi skos la byon// shar phyogs lus 'phags po// dung ltar dang ni dkar ba la// zla gam ni dbyibs 'dra zhing// yul dang ni mi ru 'dra// che yang ni mi che ste// chung yang ni mi chung ste// gling bzhi ni kun las 'phags// dung ltar dang ni dkar ba la// shel gyi ni zil pa can// rin chen ni dung la byon// thams cad ni spyan gcig pa// 'bru dang bang ba ni rkang 'gros rnams// mdzes par brgyan pa ni 'di bzhes la// shar gyi skos bdag ni skos mdzod cig/ shar phyogs rgyal chen gyi bka' bsgyur la/ shar phyogs lha ma yin gyi g.yul ngo bzlog/ shar phyogs skos bdag gi mdos longs shig/rgyal po'i bka' chad bzlog/ de nas srid mo zor bdag mo bskul te/ hUM gling bzhi gling mchog shar gyi lus 'phags po// lcags ri mu khyud 'das pa'i pha rol na// mun pa'i g.yung drung gling bar nang shed na// byol song nying sha nying gis za ba'i gtso mo ni// dga' mo gnyan gyi zor 'phen ma// sku la mi lpags rlon pa'i g.yang gzhi gsol// mu med sngon tshar si li li// lag pa g.yas na thod pa khrag gis bkang ba bsnams// g.yon na mchog gi phur bu 'dril// khyod ni zor gyi bdag mo ste// zor dang thun gyi las la brtson// sdang ba'i dgra dang gnod pa'i bgegs// khyod kyis lha min g.yul ngo zlog/phog par rgyob cig myos byed ma// mdos 'di phar song dgab ma ngan// tshe 'di tshur mchis mna' ma za// shar phyogs rgyal chen bka' sgyur cig/ ces phud gtong ngo// gling bzhi gling mchog lho yi 'dzam bu gling// lcags ri mu khyud 'das pa'i pha rol na// mun pa g.yung drung gling bar nang shed na// byol song nying sha nying gis za ba'i gtso mo ni// arga gnyan gyi sman gcig ma// sku la sbrul nag go zu gsol// mu tig phreng ba'i ljon tshar can// phyag g.yas b+han+d+ha lcang lo bsnams// g.yon pa ri rab phur pa 'dril// lho phyogs lha ma yin gyi g.yul ngo bzlog/ phog par rgyob cig myos byed ma// mdos 'di phar song 'gab ma ngan// tshe 'di tshur log mna' ma za// lho phyogs rgyal chen bka' sgyur cig/ lho phyogs 'dzam gling sog kha na// bai DUr g.yu yi zil pa chags// 'dzam bu gling na gnas pa ni// che yang ni mi che ste// chung yang ni mi chung ste/ sog kha ni gru bzhi po// mdzes pa'i chas kyis brgyan/ gling mchog ni rgyan dang bcas/ lho yi skos bdag mdos longs shig/ lho phyogs rgyal chen bka' sgyur cig/ hUM gling bzhi gling mchog nub kyi ba lang spyod// lcags ri mu khyud 'das pa'i pha rol na// mun pa g.yung drung gling bar nang shed na// byol song nying sha nying za'i gtso mo ni// rak+ta gnyan gyi tsa mun tri// sku la g.yag lpags rlon pa gsol// ba glang dmar po'i ya bas bskor// phyag g.yas b+han+d+ha dmar po khrag gis bkang ba bsnams// khyod ni zor gyi bdag mo ste// nub phyogs rgyal chen bka' sgyur la// nub phyogs lha ma yin gyi g.yul ngo zlog/phog par rgyob cig myos byed ma// mdos 'di phar song 'gab ma ngan// tshe 'di tshur log mna' ma za// nub phyogs rgyal chen bka' sgyur cig/ nub phyogs gling ni zlum po ste// rA ga dmar po'i zil pa chags// ban glang zhon pa 'khor dang bcas// ban glang spyod ni rgyab dang bcas// nub kyi skos bdag gnyis la 'bul// skos bdag ni mdos long la// nub phyogs rgyal chen bka' sgyur cig/ hUM gling bzhi'i gling mchog byang gi sgra mi snyan// lcags ri mu khyud 'das pa'i pha rol na// mun pa'i g.yung drung gling bar nang shed na// byol song nying sha nying gis za ba'i gtso mo ni// dre'u gdong chen mo gzer mgo bcad// sku la zhing ras khros ma gsol// bya rog lus la dred kyi mgo// bskyod na lha min kun kyang g.yo// rdo rje stangs stabs bro brdung nas// zor dang thun gyi las la brtson// lag na rtsad dang phur bu thogs// khyod ni zor gyi bdag mo ste// byang phyogs lha ma yin gyi g.yul ngo bzlog/ byang phyog rgyal chen bka' sgyur cig/ phog par rgyob cig myos byed ma// mdos 'di phar song 'gab ma ngan// tshe 'di tshur log mna' ma za// byang phyogs rgyal chen bka' sgyur cig/byang phyogs gling ni gru bzhi ste// brdzus nas skye zhing sgra yis 'chi// mdzes pa'i shing lo mang pos brgyan// byang gi skos bdag gnyis la 'bul// skos bdag ni mdos long la// byang phyogs rgyal chen bka' sgyur cig/ byang phyogs lha min g.yul ngo zlog/ ma mo srid pa'i bem las/ skos bdag brgyad dang zor bdag ma bzhi'i skabs so//// de nas yang tshal bzhi dar chas can bdun dang bcas pas/g.yul ngo bzlog pa'i bstod pa 'di gsungs so// hUM ri rab chen po lcog bzhi la/ ded dpon chen po bzhi bzhugs pa// mi 'gyur tshal dang dga' ba'i tshal// rtsub 'gyur tshal dang 'dres pa'i tshal// byang shar mtshams 'di lha yi tshal// 'khor lo chen po bcu gnyis so// sku la dung khrab dkar po gsol// dbu la shel rmog dkar po gsol// chibs su ba lang dkar po bcibs// phyag na ba dan dkar po rtse lnga bsnams// lha bran dar chas can ni bdun gyis bskor// phyag gnyis 'khor lo ral gri bsnams// chos shig lha yi ded dpon tshogs// mdos bdag mdos longs shig/glud bdag glud bzhes shig/ lha ma yin gyi g.yul ngo zlog/ lha rnams rgyal la lha min pham gyur cig/ do nub rnal 'byor bdag rgyal la// gnod sems sdang bar byed pa pham gyur cig/ lha ma yin gyi ded dpon ni// sku la bse khrab bse rmog gsol// chibs su bse ru ru gcig bcibs// phyag na dar dmar ba dan bsnams// lha min mang po'i 'khor gyis bskor// bdud dang gnod sbyin g.yul ngo bzlog/ bdud dang gnod sbyin der pham mo// de ring rnal 'byor bdag rgyal te// sdang ba dgra dang gnod pa bgegs// de rnams de ring pham gyur cig/ de ring rnal 'byor bdag rgyal lo// bdud dang gnod sbyin ded dpon ni// sku la ci gsol na// 'bum byed stod kyi zangs khrab la// gnam lcags smad kyi sham thabs can// dbu la zangs rmog dmar po gsol// chibs su zangs kyi 'phar ba chibs// sna tshogs dar gyi ba dan bsnams// bdud dang gnod sbyin mang pos bskor// ma mo rnams dang bka' zla gcig/ ma mo rnams kyi g.yul ngo zlog/ der yang ma mo pham gyur cig/ do nub rnal 'byor bdag rgyal lo// gnod pa'i bgegs dang sdang ba'i dgra// 'di rnams do nub pham gyur cig/ der yang rnal 'byor bdag rgyal lo// ma mo rnams kyi ded dpon ni// sku la g.yu khrab sngon po gsol// chibs su zangs kyi mi pho skya ring chibs// ba dan nag po phyag na bsnams// ma mo dmar nag mang pos bskor// ya gi bdud dang gnod sbyin man chad nas// ma gi dam sri yan chad kyi// de ring ma mo'i chad pa zlog/ der ni ma tshogs dbang phyug rgyal// do nub rnal 'byor bdag rgyal lo// mdos bdag ma mo mdos longs shig/ ces ma mo srid pa'i bem las/ ded dpon chen po bzhi dang/ tshal chen po bzhi nas g.yul ngo 'gyed pa'i skabs so//// de nas rnal 'byor pa'i las byed du ma btub na/ ma mo rnams la thugs dam bskang ba 'di gsungs so// de la ma mo spyi'i rdzas la 'di rnams so// 'phan dang gdugs dang rgyal mtshan dang dur khrod kyi sha khrag dang/b+han+d+ha lcang lo'i tshogs dang/ zhal zas dang chang phud dang/ rak+ta'i rgya mtsho dang/ zhun chen gyi mar me dang/ spa ra ma ti dang/ rdza rnga dang cang te'u dang/ pi wang dang gling bu sogs 'bud pa dang brdung bar bya// gang brten pa'i sgo rnams gtsor bya/ de nas 'di skad ces spyan drang/ hUM sngon gyi bskal pa dang po la// rgya gar yul gyi a g+ha ma g+ha na// dur khrod chen po so sa gling// bang so dmar po'i gzhal yas su// ji ltar khas blangs dam bcas pa'i// dkar mo nyi khri bdun 'bum gcig/ chos kyi sku dang rab ldan cing// 'gro ba'i don la gshegs su gsol// nag mo nyi khri bdun 'bum gcig/ chos kyi sku dang rab ldan cing// 'gro ba'i don la gshegs su gsol// smug mo nyi khri bdun 'bum gcig/ chos kyi sku dang rab ldan zhing// 'gro ba'i don la gshegs su gsol// dam can de yi bka' 'khor na// las la 'du ba'i ma mo rnams// thugs dam bskang phyir gshegs su gsol// rdza rnga cang te'u skad snyan khro lo lo// mi rkang mchog gi gling bu di ri ri// me dud spos chen du ba rgyun mi 'chad// zhing chen 'phan gdugs mang po sprin ltar gtibs// dur khrod sha khrag mang po ri ltar spungs// b+han+d+ha lcang lo mang po nags ltar gtibs// gsal ba'i mar me mang po mdangs kyang phyung// rak+ta dmar po rba rlabs chi li li// zhal zas ro mchog mang po mchod par btags// ma mo dbang phyug tshogs kyi thugs dam bskang// hUM gtso mo srid pa'i rgyal mo'i thugs dam bskang// dbyings kyi yum drug thugs dam bskang// rtag pa'i rgyal mo drug gi thugs dam bskang// ye shes rje mo bcu bzhi'i thugs dam bskang// sman mo lnga bcu rtsa brgyad thugs dam bskang// dbyings kyi ma mo'i thugs dam bskang// gtso mo srid pa'i rgyal mo'i thugs dam bskang// phung byed sbas pa'i ma bzhi'i thugs dam bskang// theg chen sa yi dbang mo che'i thugs dam bskang// ri rab gling bzhi'i dbang mo che yi thugs dam bskang// rgya mtsho gling bzhi'i dbang mo che yi thugs dam bskang// khram kha stong gi dbang mo che yi thugs dam bskang// 'khor na gnas pa'i ma mo'i tshogs kyi thugs dam bskang// nyul le nyis brgya lnga bcu gnyis kyi thugs dam bskang// pho nya nyis brgya lnga bcu gnyis kyi thugs dam bskang// sman phran nyis brgya lnga bcu bzhi yi thugs dam bskang// bdud mo nyis brgya lnga bcu gnyis kyi thugs dam bskang// khyed kyi thugs dam bskang gyur cig/ bdag cag g.yar dam gso ru gsol// dbyings kyi ma tshogs thugs dam bskang gyur cig/ bskang ngo bdud mo rigs kyi thugs dam bskang// gtso mo e ka dza Ti'i thugs dam bskang// bal mo kun grags thugs dam bskang// ral gcig rgyal mo'i thugs dam bskang// ma mo dung mgrin ma yi thugs dam bskang// gnam gyi ye rdar ma yi thugs dam bskang// sa yi phung byed ma yi thugs dam bskang// bar gyi glog ma srin gyi thugs dam bskang// bdud kyi bu mo nag mo phung gsum dang// nag mo bkrag med ma yi thugs dam bskang// kun khyab nag mo'i thugs dam bskang// bdud mo lha mo'i tshogs kyi thugs dam bskang// bdud mo ma tshogs dbang phyugs tshogs kyi thugs dam bskang gyur cig/nag mo 'bum gyi thugs dam bskangs nas kyang// bdag cag g.yar dam gso ru gsol// bskang ngo sprul pa'i ma mo'i thugs dam bskang// gtso mo srin mo mgo dbu ral gcig ma'i thugs dam bskang// 'dra mi 'dra yi thugs dam bskang// ro shal nag mo'i thugs dam bskang// yang gab ma bzh-i'i thugs dam bskang// dkar mo dbu dgu ma yi thugs dam bskang// smug mo dbu lnga ma yi thugs dam bskang// rak+ta tsa mun tri yi thugs dam bskang// mtsho sman rgyal mo'i thugs dam bskang// sprul pa'i ma tshogs thugs dam bskang gyur cig/ bdag cag g.yar dam gso ru gsol// bskang ngo las byed ma yi thugs dam bskang// gtso mo gdung byed nag mo'i thugs dam bskang// gnam gshags zor ba gdong gi thugs dam bskang// gdong mo bzhi yi thugs dam bskang// dam can bse yi lha mo bzhi yi thugs dam bskang// las byed ma bzhi'i thugs dam bskang// ma mo dmar nag mang po sprin ltar gtibs// ma mo gnyen gyi thugs dam bskang// bskang ba'i gnas lnga yum gyi mkha' la bskang// bskang ba'i gnas lnga bskangs nas kyang// bshags pa'i gnas gsum tshad gyur cig/ bya ba'i las rnams 'grub gyur cig/ skong ni nyid bzhi'i mkha' la skong// dngos grub ma mo rigs bzhis stsol// ma mo srid pa'i bem chen po las/ ma mo rigs bzhi'i bskang ba'i skabs so//// de nas yang ma mo rnams las mi byed cing dam la 'du ru ma btub na/ dam rdzas gsang ba a mr-i ta bltams la/ smreng gsol zhing bshags pa 'di gsungs so// hUM ye shes lha tshogs gsan cing dgongs su gsol// ma mo mkha' 'gro gsan cing dgongs su gsol// bdag gi srid pa'i ri bo ni// de ni nyid bzhi bde mchog lags// bdag gi dpag bsam shing bu ni// de ni ma mo'i rgyu gnas lags// bdag gi srid pa'i mdo sdud ni// de ni ma mo'i 'chags sa lags// bdag gi dbang po'i mdo sdud ni// de ni ma mo'i spyod yul lags// bdag gi dngas ma bzhi po 'di// de ni ma mo'i dam rdzas lags// bdag gi dbang po lnga po ni// 'byung ba lnga dang gnyis med yin// bskang ba'i gnas lnga de ru bskang// 'khor gyi ma mo dam tshig can// srid pa'i ma mo las mkhan ma// 'jig rten ma mo grogs kyi mchog/ srid pas bsdus pa'i dam can ma// gnyis su med pa'i las bcol 'tshal// dam tshig tshul bzhin bsrungs nas kyang// gzhan gyi dring la ma bzhes par// bdag gi las 'di 'grub par mdzod// ma bcos dbyings kyi pho brang du// ma mo rigs bzhi'i thugs dam bskang dgongs pas// sdang ba'i dgra bos ma ster ro// mnyam pa nyid kyi zhing khams su// khyod kyi spyod yul bgyi dgongs pas// bar chod rkyen gyis ma ster ro// 'gyur ba med pa'i pho brang du// gnyis su med par bskang dgongs na// bstan pa 'jig pas ma ster ro// byang chub chen po'i gshegs lam du// g.yel ba med par gshegs dgongs par// sdang ba'i dgra bos ma ster ro// bka' dang gzhung bzhin rngo ma thogs// lha la bar chod ma mchis la// dam la 'khu rngog ma mchis na// dam la gnas pa'i dam can ma// sngon gyi man ngag phog pa u0f84bzhin// las la bab po mthu ma chung// dus la bab bo g.yel ma mdzad// srog la bab po thugs ma ring// bcol ba'i las 'di ma mdzad na// dgung la shar ba'i nyi ma la// lho sprin smug pos sgrib la khad// klung du 'dril ba'i chu bo la// klung 'dor sgyogs kyis bcus la khang// rgyun du 'ong ba'i chu bo la// mi gtsang dug gis bslad la khad// dus su skyes pa'i ha lo la// rkyen gyi sad kyis bsad la khad// rdo rje brtan pa'i ri bo la// gti mug gzong gis btab la khad// shes rab gsal ba'i nyi ma la// bag chags grib mas sgrib la khad// don dang ldan pa'i skyes bu la// ma nongs stabs la bcad de mchi// tshe rabs snga ma'i las 'phro dang// 'jig rten 'di yi dam tshig gnyis// mthun na bdag gi las 'di mdzod// mi mthun zhe sdang phyir ma g.yel// bsten pa thams cad bsgrubs pa lags// smreng ba thams cad bos pa lags// mchod skyon yang pa thams cad bcol ba lags// srin po gdug kyang smreng na gdung// srin mo gdug kyang bos na 'ong// skye shi'i lam yang bzlog na zlog/sra ba'i brag kyang brkos na phed// rba drag klung yang bcad na chod// 'khor ba'i lam yang bkag na khegs// rdo rje'i sku yang bshig na shig/ tshegs la ma gzigs las 'di brjod// bskang chags pa med par bu lon gnyer/bsad pa med par srog la rgol// 'khor ba'i lugs las kho yis bzlog/ phyag rgya'i dkyil 'khor kho yis bshig/ rgyal ba'i pho brang kho yis bshig/ byang chub rgyun lam kho yis bcad// bdag gi gzugs kyi phung po 'di// sol ba'i sdong po 'gyel pa 'dra// bdag gi rnam par rig pa ni// me stag babs te shi kha 'dra// bdag gi dbang po lnga po ni// ston kha'i me tog rnying pa 'dra// sdug gi bu gcig 'dir 'bod do// 'phong gi bu gcig 'dir smreng ngo// pham 'phang yang pa'i ming po 'dir snyeg go/ dmangs kyi bu gcig 'dir sgron no// ngas ni ma nyes yogs ka myur du chod// pham pa'i stag ma myur du zung// sing ge brjod dang ma bral cig/ rgod po gshog pa ma bcag cig/ stag gu ris dang ma bral cig/ bdud rtsi rgyun lam ma gcod cig/ rdo rje gzong kha ma snyil cig/ bstan pa dbu 'phang ma smad cig/me tog sad kyis ma gsod cig/ gsang ba'i gnas lnga ma spangs shig/ rgyal ba'i bka' rgyud ma bcad cig/ bstan pa 'dzin pa'i ma sring tsho// nyid kyi che ba ma smad par// bstan pa gnyen po myur du srungs// don dang ldan pa'i skyes bu ni// bdag dang 'ga' las ma gtogs pa// rnal 'byor kun kyang dam mi bsrung// phred thogs yongs kyang srog mi 'dzin// sngon gyi zhal bzhes gang lags pa// rang srog bsrung phyir rang dam srungs// rba klong 'khyil pa'i chu bo la// don ma mchis par ma 'chongs shig/ nam mkha' ye nas stong pa la// don ma mchis par ma gshegs shig/ ched la ma bab las 'chol la// srog la babs kyang ma gshegs shig/ gnad ma shes par stong 'bod kyang// ched mi cha bar ma bzhud cig/ shis ngan rgyu mtshan mi shes phyir// gzhung tshugs go rim mi shes par// rang nyid tom tom dkrug pa la// brtul zhugs phrin las ma mdzad par// don dang ldan pa'i skyes bu la// skong ni mkha' bzhin dbyings la skong// 'gegs ni shes shi sa'i 'brub khung kyang pa'i 'khrul khungs 'gegs// gcod ni 'khor ba'i rgyun lam gcod// snying srog brtan pas las 'di mdzod// ma mo srid pa'i bem las/ smre ngag mdongs gsol gyi skabs so//// hUM mi skye mi 'gag chos kyi dbyings// skyon gyis ma gos gzugs kyi sku// skyon dang nyon mongs mi mnga' yang// rna 'byor dam tshig bsrung ba'i phyir// sku la gshegs bzhugs mi mnga' yang// sprul pas 'gro don mthar phyung zhig/ lus ngag bskang du gyur pa rnams// khyed kyi 'dul skal de lags kyis// phrin las myur du mdzad du gsol// chu bo klong chen 'byung ba la// lam du re nas ma gshegs shig/ gshegs dus lags kyang phyag tu gshegs te mchis// nam mkha' stong pa'i bar snang la// yul du re nas ma gnas shig/ gnas kyang ma mo'i gzhal las min// gangs ri 'grims pa'i ma mo yang// g.ya' lo spang la ma gshegs shig/ gshegs kyang rten du mi 'gyur ro// dam la gnas pa'i skyes bu yang// dmigs pa med par mi sgrub kyi// 'dzam bu gling bzhi yul min gyi// kun gzhi gnas mchog ma spangs shig/ srid pa thams cad rkyen min gyi// dbang po lnga rkyen ma spangs shig/srid pa gsum po las min gyi// skyo med byang chub ma spangs shig/ 'khrug go cog kyang rkyen min gyi// rak+ta'i rba klong ma spangs shig/ 'grogs so cog kyang grogs min gyi// ming po grogs mchog ma spangs shig/'phyo ba'i nya mo ma bsad la// lding ba'i bya rgod ma bzung na// sbas pa'i sems nyid ma btsal na// brjid pa'i seng ge ma bsad la// mgyogs pa'i pho nya ma bzlog na// re ba'i bu gcig sun ma phyung// 'khor ba'i ming po thag ma bcad// bsgrub pa'i ming po sma ma dbab// stang mar 'dzin na bdud kyang rung// bcol na nyan na dgra yang rung// bsgrub pas 'grub na 'dre yang rung// dam la gnas na gnyen kyang rung// dmigs shing bsngos pa ma mchis kyi// srid pa gsum la gnas pa dang// 'jig rten gsum gyi skos byed rnams// gang gi mdzad kyang ma tshig ste// 'di dang phyi ma gnyis char gyi// grogs kyi mchog tu khyed bsngo yis// dmigs pa'i las 'di 'grub par mdzod// brnag pa'i las 'di mthar byung zhig/ bdag gi gnad la ma bab na// ma mo gnad la ci ste bor// bdag gi srog la ma bab na// sdig pa'i dmod mo ci ste bor// bdag gi yid la ma bab na// lus sems 'ben du ci la 'dzugs// bdag gi ngag la ma bab na// khro bo'i nga ro ci ste sgrogs// bdag gi dam la ma bab na// shi srog gnad la ci ste bor// de ltar yin nam min pa ni// bdag gi lus las tshur ltos dang// lus ni zla zhing rnying pa 'dra// bdag gi bkrag la tshur ltos dang// bkrag ni mun pa'i grib ma 'dra// bdag gi mdangs la tshur ltos dang// mdangs ni me tog rnying pa 'dra// bdag gi sems ni me stag shi kha 'dra// kun gzhi rgya mtsho gting 'khrugs 'dra// dbugs ni mi rgan shi kha 'dra// de ltar lags sam ma lags pa// bden tshigs lags kyi srog la ltos// shar na bzhugs pa'i dam tshig can// gzigs sam ma mo bdud mo'i tshogs// ma tshogs bdud mo spyan ma brtul// gsan nas snying sran ma che zhig/ dam srog gzung phyir rdzas la byon// ltar ma gzung phyir phrin las mdzod// lho nas bzhugs pa'i sprul pa'i ma mo'i tshogs// ral pa sngon po gsigs tsam na// lho sprin smug po gtibs pa bzhin// rtsal dang ldan par las la byon// nub na bzhugs pa'i las byed ma mo zangs mdog ma// zangs kyi ral pa bsigs pa dang// thams cad 'dus pas khrag nad dgra la gtong// rtsal dang ldan par las la byon// byang na bzhugs pa'i ma mo ni// dbyings kyi ma mo srid pa'i byol bzlog las la brtson// thams cad 'dus pa stong dang rtsa brgyad de// sa dgu'i gting na 'khor 'dus la// srid pa gting nas zhig la khad// ma btsun thugs kyis bzod lags sam// bdud mo dang ni nyul le ma// pho nya dang ni sman phran dang// phung byed chen mo khyed rnams kyis// byang gi las mkhan lcags sgrog ma// ral pa lcags la phur bu'i so// rtsal dang ldan par gshegs su gsol// de ltar dam la ma gshegs na// gnod sbyin stobs ldan nag po yis// bskal pa gting nas dkrug par mchi// rgya mtsho gting nas skam ste mchi// de ltar ma mos dam tshig srungs// rang dam rang gis ma bsrungs na// nyi zla gnyis kyang thang la lhung// seng ge brjid dang ma bral cig/ dkon mchog dbu 'phang ma smad cig/ stag gu ris dang ma bral cig/ ming po bdag gi ltar ma zung// brag bar rus sbal bzhin du bdag bsgrub kyi// rdo rje 'dam bu bying du re// byang chub sems dang bdag ldan gyi// bskal pa mgo mjug ma ldog cig/ dgra bo dam nyams ma thul na// bdag ni mtha' 'khob yul du 'khyams// phrin las bcol ba chud ma gsan// thugs dam ma tshogs dbang phyug bskang// trag rak+sha ma b+h+yo/ ru lu ru lu snying kha raka mo b+h+yo/ trag rak+sha mu tra mA ra ya/ phye thum ril kha thuM/ rmugs dgra bo khams rmugs/ ma ma snying kha raka ma ma rak+sha// ma ma raka mo dun b+h+yo/ ma mo srid pa'i bem las/ smreng gsol ba dang smreng bshags pa dang smreng ga bton te bskang ba'i cho ga'i skabs so//// de nas ma mo rnams las la 'du ru nges kyang ma btub na// ma mo srid pa'i gting nas dkrug pa ni/ phrin las kun gyi gnya' non no// de yang dur khrod nas pho mo gang yang rung ba la/ mtshan dang ldan pa'i ro btsal la/ ro de'i snying gar/ gang byed pa'i snying po shing shun la bris la gdags/de ltar gnod sbyin gyi sku yi dkyil 'khor ro la bris/ ma mo'i snying po la gnod sbyin gyi snying po gzhug tu btags la/ stong rtsa brgyad bzlas na thugs dam la 'byon par 'gyur ro// de nas dkyil 'khor ma sub par ro bshas la/ rdzas rnams mchod par 'bul/ snying gi nang du ma mo'i srog snying bcug la// gnod sbyin gyi thugs kar gdags/ gnod sbyin dang ma mo gnyis ka la mchod pa drag tu dbul/des bsam pa yid bzhin 'grub par 'gyur ro// ma mo srid pa'i bem las/ gnad la ma mo gnod sbyin gyi sku yi dkyil 'khor du dbab pa'i skabs so//// de nas ma mo rigs bzhi la bstod pa 'di gsungs so// hUM dbyings kyi ma mo'i gtso mo ni// srid pa yongs kyi mnga' bdag mo// srid pa cham la 'bebs mdzad ma// bzhugs ni sa dgu'i steng na bzhugs// sa dgu'i steng na bzhugs tsam na// klu rgyal 'bum la zhal bskos mdzad// spyan ni bar snang mkha' la 'phyo// zhal ni rnal 'byor yongs la gzigs// thugs ni dam tshig can la dgongs// dung dung spyugs pa'i brda glu len// srid pa cham la 'bebs mdzad ma// sku la rma bya'i thul ba gsol// phyag na mi srang chen po bsnams// grogs su gnod sbyin mang po brten// las su srid pa khram la 'debs// srog chags mang po srang la 'jal// keng rus sha khrag mang po lto ru gsol// nga dang bdag tu blta bas 'jig rten las la 'bul// 'khor 'dul chen mo gshegs su gsol// zhes thugs dam bskang ngo// hUM khram kha stong gi dbang mo che// sku ni mi bzad 'bar ba la/ phyag na bdud kyi khram shings bsnams// mthing nag ber chen sku la gsol// rak+ta chags byed thig le spyan// bdud mo nyis brgya lnga bcu gnyis kyis bskor// mgyogs byed bka' yi pho nya mo// mthun pa'i rdzas kyis thugs dam bskang// ri rab gling bzhi'i dbang mo che// sku mdog mthing nag 'bar ba la// zhe sdang ral pas sa gzhi khebs// ser nag 'bar ba'i na bza' la// g.yu bran mdzes pa'i kha chag can// phyag na zhing chen rgyal mtshan bsnams// 'khor lo mtshon chas dgra sdang 'joms// bdud 'dul chen mo 'jigs byed sku// 'khor du pho nya nyis brgya lnga bcu gnyis kyis bskor// mthun pa'i rdzas kyis thugs dam bskang// theg chen sa yi dbang mo che// sku mdog ser nag 'bar ba la// na bza' rin chen btso ma gsol// mu men mdzes pa'i kha chag can// g.yas na dar nag ru mtshon bsnams// g.yon na thod pa khrag gis bkang ba bsnams// sman phran nyis brgya lnga bcu gnyis kyi bskor// mthun pa'i rdzas kyis thugs dam bskang// rgya mtsho gling gi dbang mo che// sku ni ljang nag 'bar ba la// g.yu yi lan phran thor tshugs can// g.yas na sbrul nag ru mtshon 'phyar// g.yon na sdig pa mgo dgu bsnams// nyul le nyis brgya lnga bcu gnyis kyis bskor// ma mo dmar nag mang pos gtams// gdug pa 'dul mdzad ma mo mang pos bskor// mthun pa'i rdzas kyis thugs dam bskang// dbyings kyi ma mo'i thugs dam bskang// ma tshogs dbang phyug thugs dam bskang// mi mthun gdug pa'i dgra bgegs rdul du rlog/hUM bdud mo kun gyi gtso mo ni// e ka dza Ti gu ya gsang ba'i yum gcig ma// ma tshogs bdud kyi lcam mo ste// dbu yi ral pa thor tshugs gcig tu 'khyil// mi bzad dug gis kun bskul te// mthing nag ral pas sa gzhi yongs su khebs// bse yi sen mo zangs se zang// dung gi mche gtsigs thams se tham// mthing nag go zu sku la gsol// chibs su bdud rta nag po chibs// g.yas na tsit+ta'i phreng ba bsnams// g.yon na ltas ngan spyang mo bsnams// bdud mo mang po 'o dod cho nge rdung// bskal pa'i khrag mtsho khol ma'i rba klong 'khrug/ dur khrod gnas na shin tu mi bsgrungs te// mi khrag rta khrag mang po'i mtsho rnams chi li li// rnal 'byor dam tshig can gyis gdung nas bskul ba'i tshe// mchi ma khrag tu 'dzag cing sdang dgra 'dul// mthun pa'i dam rdzas mang pos thugs dam bskang// srin po'i thod pa bam ril mkhar du brtsig/ sha khrag dmar gyi ar+g+ha mtsho ltar 'khyil// 'khor ba chags pa gnas nas stongs par byed// ma mo kun gyi gtso mo bdud mo'i tshogs// bskang ngo mthun pa'i rdzas kyis thugs dam bskang// dpal ldan nag mo re ma ti// sku ni ser nag chen mo la// mthing nag ral pas sa gzhi yongs su khebs// chibs su cang shes bong bu chibs// sku la dar nag ber chen gsol// g.yas na bdud kyi khram bam bsnams// g.yon na sho rde'u dkar nag 'grems// sngo dmar nad kyi rkyal pa g.yon na btags// g.yas na sna tshogs tshon gyi gru gu btags// ris su bcad cing bdud mo dam la sdud// 'khor ba'i rgya mtsho gting du skems// bdud 'dul lha mo khyod kyi thugs dam bskang// hUM mi bzad lha mo tshogs kyi gtso mo ste// ral gcig rgya mtsho bskal pa'i me 'bar ma// lha chen tshangs pa brgyad kyi mgo bcad nas// nyi zlar sprul nas dbu yi rgyan du bcings// shri yang shwa ri ma tshogs dbang phyug ma// rgyal mo brgyad cu rtsa lnga'i gtso mo ste// srid pa yongs kyi mnga' bdag mo// mi srun gdug pa 'dul ba'i bud med khyod// khrag mtsho dmar po'i nang na bzhugs// shrI yang shwa ri dpal gyi yum gcig ma// kha mig dgu ni rgya mtsho'i gting du bstan// mon mo gdug pa'i tshogs kyi bka' blon mdzad// srin po pho mo mang po grogs mdzod cing// bdud kyi yum gcig kha 'bar ral pa bsigs// khrag mtsho'i klong nas me za brag gyon ma// rgya ri skye ser rdo rje kha 'bar rkan sgra can// le bdud shar gyi mthu mo che// dkar le shags kyi bshan pa mo// smug nag chen mo rdo rje sman// tsha ba shod kyi rgyal khams rgyal mo ste// dpag tshad brgyad khri bzhi stong na// rak+ta dkar gyi dri snom ma// dpag bsam shing la mnga' mdzad lha mo nam gru ma// smug nag ma mo mang po'i 'khor gyis bskor// mthun pa'i rdzas kyis thugs dam bskang// bal mo gdug pa'i ma tshogs ni// sku ni mthing nag chen mo la// thod pa'i phreng bas dbu la brgyan// mi lpags g.yang gzhi go zu la// sbrul nag stong gi gar sha la// stag gi sham thabs dkris pa las// thal chen khrag dang zhag gi zo ris can// seng ldeng phur bus skye shi rtsad nas gcod// gnam sa bar snang gsum nas phrin las myur mdzad ma// gnam gyi ye 'dar chen mo ste// chibs su sol ba'i bya khyung chibs// ral pa mun nag sprin ltar gtibs// sol ba'i bud med 'bum gyis bskor// che zhe bar ma'i glog ma srin// ser nag gdug byed las brgya ma// chibs su lcags kyi kang ka mgo dgu chibs// rol du dug sbrul nag po khrid// kha nas dug gi skyog mda' 'phen// ser nag ma mo'i dbus nas 'gying// 'dir byon rnal 'byor las mdzod cig/che zhe sa yi phung byed pa// khrag gi bud med ral pa can// mi mgo rlon pas sku la brgyan// mi bzad dbugs kyi mnga' mdzad ma// chibs su zangs kyi ske le chibs// dmar nag ma mo 'bum gyis bskor// bdud mo tshogs kyi thugs dam bskang// bskang ba'i mthun rdzas mang po ni// brjod kyis mi lang mtha' yas mchog/ ma tshogs bdud mo'i thugs dam bskang// hUM sprul pa'i ma mo'i gtso mo ste// srin mo chen mo mgo 'phyangs ma// sku ni ser nag chen mo la// khrag gi ral pas sked sor sleb// spyan gnyis nyi zla shar bzhin ta la la// yas kyi mche gtsigs brang gi sle'ur zug/ mas kyi mche gtsigs smin ma'i dkyus su zug/g.yas kyi nu ma g.yon gyi 'phrag la gzed// zhing chen tsit+ta zhal du gsol// dur khrod ro shun gos su gyon// chibs su dur khrod ce spyang chibs// rtag tu dur khrod dkyil na bzhugs// srin mo 'bum gyi 'khor gyis bskor// sha dang khrag tu bsres nas skom du 'thung// srin mo gdug pa'i tshogs kyi thugs dam bskang// ma mo chen mo dkar mo dbu dgu ma// sku la dar dkar la'u gsol// gser gyi sbal lcong mdzes pa'i kha cag can// rin chen thod gdengs thor tshugs can// phyag na gser sbrul gdug pa bsnams// klu sman 'bum gyi tshogs kyis bskor// ma mo chen mo smug nag dbu lnga ma/dbu lnga phyogs bzhir gzigs shing khams gsum sgrol// klu rgyal yul du nam gyi gung la gshegs// klu srin gdug pa mang po 'khor du 'khol// 'dir byon rnal 'byor las mdzod cig/ ma mo chen mo shrI tsa mun tri// dpal chen he rus mngag pa'i pho nya ma// grub pa'i ma mo dmar nag spyan gsum khro gnyer can// bzhugs ni khrag mtsho mang po'i dkyil na bzhugs// sha chen khrag la longs spyod cing// sbal pa nag po'i spa ru bsnams// sngon mo gru gus dgra bos yan lag 'ching// tshe srog snying 'byin ma mo bye ba 'bum// dur khrod sha khrag gsol zhing rkang gi gling bu 'bud// khrag gi ral pa bsig pas glu bran mang po bran du khol// dur khrod ma mo shrI tsa mun tri la bskang// srog med mdangs bzhis thugs dam bskang// mtsho sman rgyal mo chen mo ni// sku ni mthing nag chen mo la// sku la sbrul nag thul pa gsol// sngon mo khro gnyer ral pa can// yang na rma bya'i thul pa gsol// gsal byed dngul gyi me long ta la la// g.yas na sbrul zhags khra bo bsnams// g.yon na g.yu yi sdig pa mgo dgu bsnams/ klu rgyal 'bum gyi lcam gcig ma// bskal pa'i khrag mtsho khol ma yis// sdang ba'i dam nyams dgra bo la// klu nad zha grum mdze nad thong// bskang ngo srog med mdangs bzhis thugs dam bskang// de nas gdong mo bzhi dang/ bse ba ti'i bdag mo bzhi la sogs/gsang ba'i ma mo rnams la bskang ngo// ma mo srid pa'i bem las/ ma mo rigs bzhi bskang ba'i skabs so//// de nas yang bka' stsal pa/ ma mo rnams kyi rang rang gi las dang/gnas dang mthun rdzas dang/ de rnams kyi srog gi snying po bstan pa 'di gsungs so// dbyings kyi yum drug gi gnas ni ri rab kyi rtse shing yongs 'du sa brtol bya ba'i nang du bzhugs so// sprul pa byed pa ni sa bcu pa'i byang chub sems dpa'i sprul pa bzhin no// ma mo de rnams kyi blta ba ni/ snang ba rang bzhin gyis stong par blta/ kun rdzob tu bem pa'i shes par blta/ phrin las ni srid pa mo 'khor du bsdus nas 'khol te/de bzhin ma mo drug ka ste/ de'i phyir dbu gsum gsum du byung ba'o// de'i mthun rdzas ni dpe chung dang mthun/ dam rdzas ni b+han+d+ha lcang lo dang/ tsit+ta'i phreng ba dang/ zhing gi 'phan gdugs dang/ sha khrag gi gtor ma mang po dang/dar sna tshogs pa brtsegs pa'i gur ro// de rnams kyi dam tshig ni// sngags kyi 'khon dang/ dam tshig nyasam pa rnams la bka' chad kyis gcod cing/ dam tshig pa rnams la srung skyob byed pa'o// kho rang gi ngo bo nyid ni 'ja' tshon lta bu'i sku'o// rtag pa'i rgyal mo rnams kyang/ sangs rgyas rigs lnga'am 'byung ba lnga las grub pa skad zer kyang/ de ltar ni ma yin te/ 'byung ba lnga'i rtags su sku mdog sngon po ste/de ci'i phyir zhe na/ phyi nang snod bcud 'byung ba lnga las grub pas// de'i rtags su bstan pas na rtag pa'i rgyal mo zhes bya'o// de rnams kyi ngo bo ni/ sku me long nang du gzugs brnyan bzhin gnas so// ye shes kyi rje mo bcu bzhi ni// de rnams kyi blta ba ni rje ltar gong ma rnams la blta/ rang gi rig pa ye shes kyi sems kun gzhi'i rgyun dngos po rig pa tsam du brtags nas/ zhing ni 'byung ba lnga las grub pa'o// de rnams ni gong ma la rje mo ltar blta'o// de yang bcu bzhi'i nang na/ nyi zla stong gi thod phreng gis srid pa 'cham la 'bebs pas/ 'dod chags kyi rgyal mo des srid pa pho mo skye ba'i rgyun cham la phab bo// phra men rgya mtshos skos btab ste// ma mo bcu bzhi gtso mor dbang bskur bas/ de ni jo mo'i yang jo mo/ dbyings kyi yum drug gis kyang dbang bskur bas/ rtag pa'i rgyal mo dang khyad med de/dbyings kyi yum drug la jo mor blta'o// las skal du ni ma mo kun 'khol ba'o// mthun rdzas ni dpe chung dang mthun no// gsang ba'i dam rdzas ni sna tshogs snying sna dang/ dur khrod kyi re rdzas kun mthun no// blta ba'i mtshan ma 'dul ba'i gnyen po kun/ dbu gsum phyag drug khro bo rdul snyed kyi bka' nyan par blta'o// srid pa cham la 'bebs pa bka' bsgo ba bzhin nyan pas/ ma mo nyi shu yongs dus mtha' nas kyang dus mkha' nas bsrung mtshams kyis bskal ba 'di 'das na/dmyal ba mi yi dwags su 'gyur te/ de ni tshe tshad med do// dam tshig ni bstan pa bsrung bar dam bcas pa'o// sman mo rnams ni mi'i rgyu ma dang nang khrol rnams la dga' ste de ni dam rdzas so/mthun pa'i bskang rdzas ni/ gnam la lding ba dang/ sa la 'dzul ba'o// gnas ni ri rab kyi rmang na gnas so// lta ba ni dpal chen po lta bu gcig la dbang byed kyi rje bo lta bu gcig tu bltas nas/bka' bsgo ba nyan no// dam tshig ni mchod cing brten la dam tshig tshul bzhin du bsrung ba'i rnal 'byor gyi bka' byed pa'o// las skal ni nyin mtshan med par sha khrag la dga' ba dang/gnod pa sna tshogs byed pas gnod sbyin mo zhes bya'o// de yang bya ba mo dang byed pa po gnyis kyis/ de rnams gdug pa can 'dul dka' bar gzigs nas/ ye shes lha'i tshogs la gsol ba btab pa/rngam khro gtum pa drug cu rtsa brgyad 'bar ba'i dkyil 'khor tshogs// ha ha zhes sgrogs gdug pa thabs kyis 'dul mdzad pa// drug cu rtsa brgyad dkyil 'khor tshogs kyi dus la bab kyi rngam pa'i sgra phyung zhig/'bar ba'i 'khor lo rngam pa'i mtshon cha yis// bka' las 'das pa rnams kyi snying bsreg mgo lus phraul// zhes gsol ba btab pas/ des 'dul bar dam bcas so// ma mo srid pa'i bem las/ ma mo dang rang gi dam tshig dang/lta ba so sor bstan pa'i skabs so//// de nas ma mo rnams kyi bskang ba'i le'u las/ gsang ba thugs kyi bskang ba dang/ sku yi thugs dam bskang ba ni/ spyir bskang ba dang sger sgos bskang ba 'di gsungs so// spyir bskang ba la yang rnam pa bdun te/ gsang ba mdos kyis thugs dam bskang ba dang/ ma mo spyi bsgrub chen pos thugs dam bskang ba dang/ rta chen po sgo bzhis thugs dam bskang ba dang/bam mtshan dang ldan pa la/ spos chu dang gur gum gyi chu gtsang mas bkrus te/ gos dang rgyan gser g.yu la sogs pas brgyan pas bskang ba dang/ mdangs bzhis skong ba ni/ me long gi mdangs dang/rma bya'i sgro mdongs dang/ chu mig dngas ma'i mdangs dang/ me dmar gyi mdangs bzhis bskang ba dang/ rnal 'byor pas yum mtshan dang ldan pa la sbyar ba'i byang chub sems kyis bskang ba dang/dngas ma lnga yis bskang ba ni/ me yi dngas ma me shel dang/ chu'i dngas ma chu shel dang/ khrag gi dngas ma bud med kyi mtshal chen dang/ sems kyi dngas ma khu ba dang/ sbu gu spu skra'i dngas ma dang/za 'og ber gyis bskang ba'o// de ni ma mo spyir bskang ba'o// kun kyang de bdun gyis mi bskang ba ni med do// ma mo srid pa'i bem las/ ma mo spyir bskang ba'i skabs so//// de nas yang ma mo rigs bzhi'i sgos bskang la/der ma 'dus pa med pas/ de yi bskang ba'i rdzas mdos bstan pa 'di gsungs so// dang por dbyings kyi ma mo'i bskang rdzas bstan pa ni/ rma bya'i rgyal mtshan dang/ dar mthing nag gi 'phan ring dang/bse phor mtshan ldan du khrag sna tshang ba dang/ sna tshogs snying sna'i phye ma dang/ rA ga'am mthing ga'i lcang lor phud gtsang ma dang/ ma bdud sha chen gyi lang ling dang/ lug nag rgya sol po dang/lug smug rgya sros pos thugs dam bskang ngo// dar sna tshogs kyis brgyan pa'i ljang bu/ lus tshad brgya rtsa brgyad kyis thugs dam bskang ngo// de ni dbyings kyi ma mo'i bskang rdzas so// bdud mo'i rigs kyi bskang rdzas ni/b+han+d+ha lcang lo mtshan ldan dang/ tsit+ta dang ni rak+ta dang/ snel gri'i snying dang thod pa dang/ klad pa dang/ shun chen gdugs dang/ sha chen gtor ma dang/ ngang pa'i sha dang/ dug sna tshang ba dang/ 'ug pa'i snying dang mig 'bras/phag pa'i snying/ skyes pa dar ma grir shi ba'i thod pa dang/ bud med mtshal chen gzhag par bya// nal bu'i sha khrag 'bras bu dang/ me dud spos chen dar nag ru mtshon dang/ khrag gi rgya mtsho 'khrug cing keng rus sha khrag ri ltar spungs nas zas su za bas bskang ngo// ma mo srid pa'i bem las/ bdud mo rigs kyi bskang rdzas so//// sprul pa'i ma mo'i bskang rdzas ni// spang yang ra sha smug gu shel mig dang// sngon mo lto ser shel mig dang// dkar po shel mig smin g.yu dang// nag mo lto dkar shel mig dang// u pa ta yang de dang mtshungs// gsal ba'i me long smos pa'i snying sna dang// rak+ta phud gtsang na chung dar ma'i zhing g.yab dang// byi tri pu tra lo lnga pa yi sny-ing// bskang ba'i rdzas de bsog par bya// ma mo srid pa'i bem las/ sprul pa'i ma mo'i bskang rdzas so//// las byed ma mo rnams kyi kun kyang mthun zhing 'di'i khongs su 'gro// ma mo srid pa'i bem chen po las rigs bzhi'i ma mo bskang rdzas bstan pa'i skabs so//// de nas ma mo rnams la mchod bstod bskul ba 'di gsungs so// hUM ma bcos dbyings nas lhun gyis rdzogs pa'i sku// gsal ba'i dbyings phyug gsang ba'i yum// ma bcos lhun rdzogs gsal ba'i sku// rang bzhin 'od gsal ye med gsal// khams gsum rdzogs pa'i mkha' dbyings nas// skye ba med par sku 'khrungs ma// rang bzhin gsal ba'i dbyings phyug ma// rdo rje thogs 'chang 'phrul mo che// rims nad kun gyi mnga' bdag mo// sa lcam spel dbyings kyi rgyal mo'i thugs dam bskang// khrag skyugs nad kyi mnga' bdag mo// rims nad tsha ba khyod kyis 'phri// sku ni 'ja' tshon lnga yi sku// ye shes lnga ldan dbyings phyug ma// dur khrod tsha chen skar ma'i klong nas grub// gling bzhi'i rgyal mo rab 'phags ma// 'ja' tshon lnga yi khang pa na// 'gram bzhi me la logs bzhi chu// khang mig gcig la skar khung bzhi// thabs chen shes rab rdzogs pa'i rtags// mi 'gyur sa gzhi'i steng du brtsigs// sprin gyi bral la nam mkha'i phub// 'byung ba lnga yi khang chen na// 'ja' tshon 'bar ba'i sku ni ldem bag 'phrul gyi sku// phyag na rdo rje'i thog chen 'bebs// thog la mnga' mdzad 'phrul mo che// yid bzhin nor bu gtsug na 'bar// gser gyi gtsug phud 'phrag la bkal// dpral ba'i dbyes na nyi zla gsal// bskang ba'i mthun rdzas khyod la 'bul// dpal 'bar nyi zla stong gis gzigs pa'i sku// mkha' la 'phyo zhing dbyings na gsal// mkha' 'phyo dbyings gsal bdud 'joms ma// chibs su bdud rta zangs lag chibs// gser gyi zhags pa phyag na bsnams// gser mkhar zhags pa 'debs yang 'bebs su byon// dza pa pe mi ta mri ta mri ta d+h+ri hUM ma ma dza/ che zhe chen mo g.yu yi lan phran can// mkha' dbyings bde chen yangs pa nas// rang bzhin med pa'i rang bzhin can// ye shes dbyings nas sku 'khrungs te// rtog dang bral ba'i dbyings phyug ma// lhun grub rgyal mo bde bar gshegs pa'i sku// thugs dam dbang gis gshegs su gsol// ma g.yel 'od phung 'khyil ba na// shes rab 'bar ba'i dbyings phyug bzhugs// snang ba thams cad 'khrul pa ste// 'khrul pa med par ye shes gsal// 'khrul pa nyid ni ye shes te// mi dmigs 'khrul par mi rtog na// 'khrul pa ye med sangs rgyas te// rnam dag mkha' dbyings gsal dkyil na// 'od phung mi dmigs ye shes gsal// 'khrul pa ye nas mi dmigs pas// mi dmigs pa ni chos kyi dbyings// chos nyid mi 'gyur skye ba med// g.yu yi lan phran skye med 'khrungs// skye ba med par sku 'khrungs kyang// sems can las kyis thugs dam bskang// dam tshig mi mda' brda dang bcas// thugs dam gnyen po brda yis bskang// rims nad gtong ba'i dbang mo che// za byed kri sna'i gling shed na// glo blo yang sub nad kyi mnga' bdag mo// nad ni glo blo yang sub za byed gtong// sku mdog dkar mo spyan mig dmar// dbu la thor tshugs mang pos brgyan// sku lus gcig la spyan mig gsum// sku gsum lhun rdzogs mi 'gyur rtags// g.yu yi lan phran zar bur 'dzag/ zar bu'i gseb nas tsha tsha 'khrug/ mkha' lding dkar mo'i rdzas kyis thugs dam bskang// dmigs kyis thugs dam mi bskang du// me tog kun rgyas gling shed nas// rgyal po rdo rje ston po la// glo blo yang sub zad byed nad kyis btab// dga' rab dpal gyi brtsig pa yis// dkar mo'i mig brgya'i thugs dam bskang// nad dang dal kha sgyur cing dengs// ma mo srid pa'i bem las/ thugs dam bskang ba ni/ dkar mo g.yu yi lan tshar can la mnyes mchod 'bul ba'i skabs so//// de nas las byed thigs pa rab zags la bskang ba'o// mkha' la gsal ba'i 'od dkyil nas/ nyag gcig mi pham sku bzhugs te 'od phung dkyil na nyag gcig bzhugs// phyag la lcags kyi 'khor los gtams// shangs la zla ba brgya yis gtams// sku la khrag gi na bun 'thul// dkar mo brgya yi las byed ma// srid pa rnams kyi yang steng na// nyi zla 'bar ba'i gzhal yas khang na bzhugs// sku yi bongs la dpag tshad brgyad// spyan nas khrag dang zhags chu 'babs// zhabs la 'khor lo stong gis gtams// 'khor lo'i stengs nas skar mda' gtang// spyan gyi dkyil nas 'brug chen 'gyu// dar nag gur chen 'og dkyil na// dkar mo brgya yi las byed mdzad// bdud rtsi'i thigs pa phyag las 'dzag/ bzhogs phyed nad dang dreg nad gtong// dreg nad gtong ba'i dbang mo che// khra hor rtsal pos thug dam bskang// pha yis rtsal byin mchu gug zlum// ma yis rtsal byin brang rus rno// zhang pos rtsas byin gsod la dga'// sder mo zangs sder mig rtsa dmar// mngag pa'i las la thogs chags med// thigs pa rab zags thugs dam bskang// thugs dam sku la mi bskang du// rgyal po 'ba' la bsnyung ba la// 'bar ba brgyad kyi thugs dam bskang// gzhogs phyed rims nad dal kha sgyur// mu sa dza hUM se shu dza/ ma mo srid pa'i bem las/ las byed ma mo thigs pa rab zags ma'i skabs so//// mu men g.yu'i go lcog can la bskang ba 'di gsungs so// kha la rab 'bar mthu mo che// mu men g.yu yi go lcog can// ye nas kha rgyal khyab pa'i sku// gsang ba gsum gyi dbang phyug ma// gser gyi thod gdengs thor tshugs can// g.yu mkhar ldem pa'i nang shed na// rin chen 'bar ba'i sgo mo gsal// 'gram bzhi chu las bgyis// logs bzhi rlung las bgyis// yang thog ni g.yu yis phub// dmar nag me yi gdan steng nas// rin chen ral pa thor tshugs bcings// sku ni 'khril zhing ldem bag can// chibs su sbrul chen dkar khra chibs// phyag gnyis gser gyi 'khor lo bsnams// zhabs gnyis rol mtsho'i gting du brkyang// dbu gsum zhabs bzhi go lcog can// g.yu yi gtsug phud phrag la bkal// gser gyi skad sgrogs bzung ba bgyis// bdud rje rgyal po'i mtha' ma can// mAM sa za zhing rgyud drug sgrol// mig bzlog kha yal snying 'chu'i nad// g.yu yi go lcog can gyis gtong// dkar mo lto rgyas thugs dam bskang// khyed nyid thugs dam mi bskang du// mtshal chen dkar mo'i gling chen gyi// rgyal po b+ha ra d+h+wa dza bsnyun// slob dpon shrI seng ha yis// sku la dkar mo lto brgyas bskang// mig bzlog nad chen khyod kyis bcad// lus ni rin chen lnga yi lus// rin chen rkang bzhi nor gyi mchog/dpag bsam shing gi lus po can// dbang po brgyad ni rin chen gter// rin chen sna lngas thugs dam bskang// rin chen gzugs kyis khyod nyid bskang// nad rnams gdug pa khyod kyis bzlog/ mu tre mu tre dza/ma mo srid pa'i bem las// kar mo rgyal mo las byed ma'i bskang ba mdor bstan pa'i skabs so//// smug rgya srol po'i mnga' bdag mo// rmig pa khra bos mchod cing bskang// b+ha ga skye med mkha' klong dag pa nas// bde chen 'du 'bral med pa'i sku 'khrungs te// ye med stong pa rab tu gsal ba nas// bde chen 'du 'bral med pa spyan drangs nas// bal nad 'dar bu'i dal ka bcad pa'i phyir// lha mo khyod la thugs dam bskang// srid pa hor lcam rkang mgyogs ma// gnas ni ri rab rtse la bzhugs// sku mdog nag mo lcags kyi ral pa can// dbyings kyi ma mo rgan byed ma// stag mkhar dgu khri dgu thogs na// ma mo chen mo sku bzhugs te// khang mig gcig la skar khung brgya// logs la mda' khung brgya btod de// rnam shes tshogs brgyad dus gcig gzigs// lha mo chen mo dri za 'dul// shar gyi phyogs kyi nyi zer la// dri za bdul ba'i gnyan po mdzad// dri 'dul gsang ba'i yum gcig ma// hor lcam rkang mgyogs gsang ba'i yum gcig ma// phung byed sbas pa'i ma bzhi ma// hor lcam rkang mgyogs bran du 'khol// sku lus gcig la spyan mig brgya// khang mig gcig la sgo mo brgya// steng du spyan mig gzigs pa yis// steng gi lha bran dus gcig 'dar// sman mo'i tshogs ni skrag par byed// lha mo khyod kyi sku nyid ni// ma mo stong gi pho nya byed// phyogs bzhir gom pas phyin pa'i rkang mgyogs ma// zhang po ya bdud hor lha bag pas gdug pa'i lcam// skye shi med par rkag mgyogs ma// ma ni srid pa'i bde 'gro ma// sku ni nag mo lcags kyi ral pa can// ral pa'i gseb nas tsha tsha 'khrugs// dung gi khri la g.yu yi gdan steng nas// phyag na skye 'gro khram la 'debs pa'i me long gzigs// gser gyi tsong tsong brag la 'phyong// nyi ma byang phyogs pha ki na// gnod sbyin gdug pa 'dul mdzad ma// spyugs pa'i brda la bcings mdzad ma// dgra la phur pa 'debs pa mo// srid pa'i hor lcam rkang mgyogs ma// phyag na gser gyi 'khor lo 'dril// lcags kyu rtse dgu phyag na bsnams// gdug byed rnams kyi snying nas 'dren// sku las me lce dpag tshad stong// dus tshod 'dzin pa'i dbang mo che// mig nas nyi ma'i 'od zer 'char// zhal nas bdud rtsi'i thigs pa 'dzag/phra men gsang ba'i dbang phyug ma// dar dkar gur chen yol 'og nas// nyid kyi sku ni 'khril zhing ldem// mAM sa za zhing rgyu drug sgrol// stong gsum byol bzlog mdzad pa'o// chibs su stong pa sprin gyi rta// dbu la thor tshugs bcu drug bcings// bal yul tsha ba rong du hor lcam sku sprul te// bal nad gtong ba'i dbang mo che// u rgyan slob dpon 'bab legs kyis// gsang ba'i mtshan btags hor lcam rkang mgyogs ma/bskang ngo grub pa'i lcam gcig ma// bskang ngo smug rgya srol pos bskang// ye med stong pa'i rgyal po ni// mi skye dbyings nas sku 'khrungs te// skye med stong pas thugs dam bskang// dbang phyug gsang ba'i yum gcig ma// bskang rdzas smug rgya srol pos bskang// stong pas stong pa bsgral ba la// bsgral zhes bya ba'i tha snyad med// b+ho na la pa hUM le tre tre shag tre sha hUM b+h+yo/ ma mo srid pa'i bem las/ma mo smug mo'i blon mo bskang ba'i skabs so//// mnga' bdag chen mo gtsug phud can// gag pa dang lhog pa'i mnga' bdag de bskang ba ni/ sngo rgya srol po gla ba dang bya nag mo zho thig can des bskang ngo// hUM mkha' dbyings bde chen 'du 'bral med pa na// pha med ma med blon mo skye shi med// las kyi rgyal mo chen mo las mkhan mo// dbang phyug gsang ba'i yum gcig bde spyod ma// skye med b+ha ga'i dbyings nas sku 'khrungs nas// skye shi zlog par byed pa'i mnga' bdag mo// skye shi las la mnga' mdzad mnga' bdag mo// skye shi las la mnga' mdzad mnga' bdag gtsug phud can// bskang ba'i mthun rdzas 'di yis thugs dam bskang// dbang phyug gsang ba'i yum gcig las mdzad ma// gnam sa'i bar la mnga' mdzad dbang mo che// tir ya rgya yi yul du grub// rgya nag nang du sku bzhugs tshe// lhogs pa skrangs pa'i mnga' bdag mo// bar snang nam mkha'i phyi mthongs nas// srid pa gnam gyi ya ba bskor// smug nag chen mo rab gsal 'phags// khyod ni skye med dbyings nas 'khyungs// byang chub sems la skye shi med// sems la skye ba med la 'gag pa med// mnga' bdag chen mo gtsug phud can// rgya gar nya mig khang pa na// gser mkhar gru gsum g.yu bad can// chos nyid skye med dbyings phyug ma// ye shes zhi ba'i ngang nyid can// rab 'bar rgya mtsho ye shes gsal// mkha' dbyings bde chen gsal ba nas// pho brang mtshan mo rgyu ba'i mig stong ma// dur khrod bsil ba'i tshal gyi mnga' bdag mo// las su rnal 'byor grogs mdzad ma// 'bar ma nyi ma'i bang bas mgyogs// bdag nyid zangs ma'i sbu gu las// sa bon las ni skur gyur nas// 'byung ba lnga dang dbyer med pa'i// mnga' bdag chen mo sems las byung// sems nyid skye med byang chub sems// byang chub sems las ma nyid byung// ma zhes bya ba dngos po med// pha mas bskyed kyang bdag la byung// bdag gi kun bzang byang chub sems// byang chub sems las ma mo byung// ma ni chos nyid dbyings yin te// mo ni rig pa'i ye shes yin// ye shes rang rig dbang sgyur ma// lta ba mya ngan ye nas 'das// spyod pa mya ngan yongs ma 'das// las la dbang sgyur sprul pa'i sku// bdag ni ye nas byang chub sems// byang chub sems ni spros dang bral// spros bral skye med b+ha ga nas// dbang phyug las mkhan mnga' bdag skyed// rig pa'i spyod yul las kyis 'khol// de nas gnas su shi sa bstan// de ltar sems las khyod bskyed kyang// sems can las kyis mtshon du yang// khyod kyi mtshon pa'i pha ma ni// nyi ma shar phyogs pha ki na// dri 'dul dri za'i rgyal mo ste// dung gi khong seng bcu drug la// ma yi dum bu rum du yang bu la brgyan// gnam gyi rgyal po gtsug phud can// ma ni lte mtshon rje steng ste// rdo rje khros pa'i dbang mo che// dpag bsam bum par mtshon pa'i sras// bcud kyi rgyal mo ltang 'dzin ma// rgya gar nang na sku bzhugs nas// las su lhog pa dkar nag gtong// rgya yi rgyal mo sha sa le// b+ha ga hri ti rgan byed ma// gnod sbyin 'dul ba'i dbang mo che// sngo skya srol pos thugs dam bskang// bskang ngo dam can rgyal mo bskang// srog med mdangs kyis thugs dam bskang// lha med gzugs kyis thugs dam bskang// byon pa na le sha mi sang sang he he ke mu khu lo b+h+yo/ ma mo srid pa'i bem las/ mnga' bdag chen mo gtsug phud can bskang ba'i le'u'i skabs so//// de nas mtsho sman chen mo sgrub pa la// bskang ba'i skabs 'di gsungs so// lug chu kha dang khyi sngon mo shel mig sbrul de rnams kyis bskang ba'o// hUM skye med b+ha ga klong chen nas// skyed par med par sku 'khrungs te// rigs pa'i lha mo dpal gyi lcam// mtsho sman chen mo ltang 'dzin ma// gser gyi khri la g.yu yi gdan steng nas// phyag na 'phrul gyi me long bsnams// sku ni ma bskyed brtan par bzhugs// shel mig mdangs la thugs re 'thad// sku mdog sngon mo zhags pa can// sku la nya lcibs go zu gsol// bzhugs ni rgya mtsho'i gting na bzhugs// chibs su sbrul chen khra bo chibs// mdze 'bras gtong ba'i dbang mo che// sku yi go zu nya lcibs 'bar// gser gyi sgrog zungs mig mang ris// mtsho yi gting nas me 'bar te// kha 'bar mas ni 'bud par byed// byang shar mtshams na sku bzhugs nas// gser gyi nyag thag skyong mdzad ma// thugs kyis khams gsum gsal bar gzigs// 'bar ma me yi zhags pa can// 'bar ba nyi ma'i mig gcig ma// 'bar ma glog gi lce 'byin ma// mtsho sman chen mo khyod kyi ma// ma dros klu ni khyod kyi pha// mtsho sman chen mo ltang 'dzin ma// gser gyi sku mkhar ldem pa na// za 'og nya mig gur phub nas// klu mo kun gyi 'khor gyis bskor// dam nyams dgra bo phung bar byed// sbas pa'i ma mo sru mor bzung// shel gyi thod gdengs dbu la bcings// g.yu yi chags bu zhabs la gsol// gser gyi lan phran dbu la tshar// mtsho sman chen mo mi bzad ma// khyaud kyi sku ni 'jigs pa'i gzugs// sbrul phran brgya yi phyag gdub can// chu srin stong gis snyan cha byas// sku lus gcig la lag pa stong// mtsho la rlob cing rba la 'khrug/ srin mo za byed khol mor 'khol// 'bar ma gnyis dang spun drung gnyis// cir mi 'ongs pa'i spun drung bzhi// pha med ma med yid kyi bu// khyod nyid byang chub sems las byung// nu ma'i dkyil nas nyi ma 'char// smug mo stong gi kha blon mdzad// bskang ngo mthun pa'i rdzas kyi thugs dam bskang// ma mo srid pa'i bem las/ mtsho sman bskang ba'i skabs so//// kha rgya srol po dang/ khyi rgya bo dang/ bya nag mo dang/ dar mthing nag yug gcig gis thugs dam bskang ba ni// rdzong mo dka' bzlog ma ste/ hUM mkha' dbyings rnam par dag pa nas// dpal gyi dbang phyug dka' bzlog ma// 'jig rten khams kyi mthu mo che// las la dbang bsgyur gsang ba'i yum// thugs rje rgyud bskul khro mo 'bar ma'i mngag gzhug mdzad// lte ba'i phyogs nas drang srong chen po gza' brgyad 'char// khyod kyi thugs las nyi zla 'char// khyod kyi zhabs kyi mthe bong nas// rgyu skar nyi shu rtsa brgyad 'char// khru gang tsam gyis gnam ma sleb// chag gang tsam gyi sa ma sleb// bdag nyid gzugs kyi phung po las// rdzong mo dpal gyi dbang phyugs skyed// sems las gzugs kyi phung po byung// sems nyid skye med byang chub sems// 'du 'bral med pa'i sku 'khrungs te// dpal gyi dbang phyug dka' bzlog ma// ske rags bcings shing lag na mdung zhags thogs// ral gri thogs nas khrag gis myos// rin chen ral pa gyen la bsgreng// srid pa gsum la mnga' mdzad ma// khyod kyi sku ni gnya' shing 'dzin gyi kha na bzhugs// sku la me ri phung po 'bar// zhal nas bdud rtsi'i chu rgyun 'bebs// khyod kyi sku la spyan mig bzhi// g.yas kyi spyan gyis dri za 'dul// g.yon gyi spyan gyis gshin rje 'tsho// gshin rje 'dul zhing mi snying za// g.yas kyi spyan gyis gnod sbyin 'dul// g.yon gyi spyan gyis dgra bgegs 'dul// bskang ngo dam can rgyal mo bskang// ma mo srid pa'i bem las/ rdzong mo bskang ba'i le'u'i skabs so//// ma mo kha 'bar kong sgra can bskang ba ste/ btsun mo bzhi bcas te// hUM mkha' dbyings klong nas skur bzhengs pa'i// srid pa gsum la dbang byed pa'i// mnga' bdag chos kyi dbyings nas bzhengs// srid gsum b+h+yo bzlog mdzad pa'i dbang mo che// rtog pa med pa'i khang pa nas// rtog pa med pa'i nyag gcig bzhugs// cir mi 'ongs pa'i spun drung bzhi// gsang ba'i dbyings nas sku bskyod nas// lcags mkhar gru bzhi khyams brgyad na// g.yu yi bad la gser sgo btsal// blon mo chen mo khyod bzhugs te// 'gran zla med pa'i kha blon mdzad// skye ba med pa'i b+ha ga nas// skye ba med pa'i sku 'khrungs te// las ni sna tshogs rnam bzhi mdzad// bltar med sku ni ri rab tsam// 'byung ba lnga ni sku bskyed de// 'byung ba nam mkha' stong pa ste// lcags mkhar gru bzhi stong pa'i ngang// stong pa'i ngang las sku 'khrungs pas// stong pa stong pa'i thugs dam bskang// ye med stong pa dbyings phyug ma// dus bzhi cha snyoms rgyal mo bzhi// sgra ling be sna'i klong chen nas// bskyed pa med par sku 'khrungs nas// kha blon chen mo kha 'bar ma// skrangs dang skyug pa'i nad rnams gtong// bskang ngo bltar med mdangs kyis bskang// bskang ngo bltar med gzugs kyis bskang// skrangs pa bye ta'i gling chen nas// kha 'bar chen mo kong sgra can// lcags mkhar gru bzhi khyams brgyad nas// gser stan dar dkar yol 'og na// blon mo chen mo kong sgra can// sman mo stong gi zhus thag gcod// kha blon brgya yi dbus na 'gying// zhal nas thog dang ser ba 'bebs// rlung rta ser bu chibs mdzad ma// rlung zhags khra bo phyag na bsnams// dgra sdang rlung la skur du byon// zhabs kyis bar snang lha chen gnon// srid gsum sgra sgrogs mthu mo che// spyan nas bdud rtsi'i zham chu 'bab// bdud kyi khams kun phung bar mdzad// zhal gyi tshems bar so gnyis nas// thu lum chen mo rab 'bar 'don// bdud kyi bya rgod chen mo brgyad// ltag pa'i dbyes nas 'phur zhing lhag/ zangs kyi khyi mo chen mo bzhi// dpral ba'i dbyes nas 'khang zhing zug/ skrangs pa bye ta'i gling shed nas// skye med rgyal mo khyod bzhugs te// le brgan ral pa gnam la bsgrengs// dbu gsum ye shes 'bar ba'i klong// lcags las byas pa'i 'khor lo yis// bdud kyi khams kun sreg par mdzad// gser gyi 'khor lo rtsibs brgyad kyis// srid pa'i gtso mo rdul du rlog/ bar snang khams kyi lha bran brgyal// lha mo rdo rje rtsal rab rtsal// skrangs lkugs gtong ba'i dbang mo che// chibs su lkugs rta snga sna chibs// rol du bar snang glog chen khrid// 'gran zla med par shug thag gcod// ngag lkugs gtong ba'i dbang mo che// kr-iSh+Na sA ras thugs dam bskang// blon mo chen mo 'bar ba ma// btsun mo ba les thugs dam bskang// bsgral ba med par tshim gyur cig/ ta sha na yi thugs dam bskang// khyod ni btsun mo gnyis la dgyes// btsun mo gnyis kyi thugs dam bskang// thu lum rab 'bar gsal ba mo// gsang ba'i yum gcig sgra mo che// bskang ngo dam can rgyal mo bskang// sems 'di ni 'byung bas skyed// 'byung ba ye med stong pa ste// 'byung ba lnga la skye shi med// byang chub sems la skye shi med// skye shi med pa'i dbyings phyug ma// bskang rdzas chen po 'dis bskang gis// khyod kyi thugs dam bskang gyur cig/ lha mo rdo rje rtsal rab 'bar gyi thugs dam bskang// rgyal mo khyod kyi thugs dam bskang gyur cig/ shes rab gsal ba'i dbyings chen nas// rgan byed chen mo rdo rje kha 'bar kong sgra can// dus bzhi snyoms pa'i rgyal mo la// bskang ngo shes rab dbyings kyis bskang// b+h+yo pa tsa du la ba te sha na mu sa ru tsa hUM b+h+yo// ma mo srid pa'i bem las/ma mo kha 'bar kong sgra can gyi thugs dam bskang ba'i skabs so//// hUM gsang ba'i dbang phyug las kyi phra men ma// mkha' klong rnam par dag pa'i dkyil 'khor nas// 'bar ba mi bzad khrag chen 'khrugs pa mo// rnam dag zhing la bstod pa'i tshul ston pas// bskyed pa med par sku 'khrungs b+ha ga gsal// shes rab dbyings chen yum chen gsang ba mo// rab 'bar sgraba'i dam tshig bdag skyong gis// nyams pa'i chad pa sgos bskos pa yang na chod// dus la ma g.yel myur la mdzod// bdag gi gzugs kyi phung po la// snang ba med pa'i gos gyon cing// mthong ba med pa'i rkyen yod na// sdang ba'i dgra bo las ngan pos// nyes pa med par stabs la bcad// chen ma mo mi bzad ma// srid gsum 'gran zla med pa'i rgyal mo khyod// zhabs gnyis 'khor los rab brgyan te// gling bzhi kun tu khyab par nyul// khyod ni stong pa'i ngang las 'khrungs// stong pa bltar med ye nas mtshon du med// ye nas mtshon du med pa'i rgyal mo khyod// 'jig rten khyab par 'gro ba'i dbang phyug ma// rab 'bar sgra can dung gi thor tshugs can// don du dbyings kyi yum drug kha blon mdzad// gser mkhar zo ba rdzong gi nang shed na// zhal bsgos rtag pa'i rgyal mo lnga la mdzad// nyin mtshan med par mkhar gyi rtse la bzhugs// kha bdag chen mo rab 'bar ma// nag mo tshogs kyi kha blon mdzad// ye shes 'byung ba'i ngang las byung// sems nyid ye med mtshon du med// mtshon du med pa'i ngang las sku 'khrungs te// sems can las kyis khyod kyi sku la mtshon// stong gsum dbang bsgyur rab 'bar mthu mo che// sems can las kyis khyed kyi sku mtshon te// rtog med khang par rtog med khyod bzhugs pa// smyo ba be ta'i klong be ha'i gling chen ye lud nas// sku mdog smug gu g.yu yi lan phran can// zhabs la gser gyi 'khor los btegs// 'dzam bu'i gling bzhi khyab par nyul// las su smyo 'bog nad chen btang// sngags pa dam nyams 'khor du nad chen gtong ba'i dbang mo che// sngon tshe dur khrod bsil tshal du// gsang ba'i mtshan btags rdo rje kha ral can// gser mkhar zor ba gdong gi nang shed na// las kyi rgyal mo sku bzhugs te// gser gyi nyag thag brtsegs pa la// g.yu yi bad btags ya la la// ma mo'i nang na 'khu ldog che// gnyan mo mi pham khyod kyis kyang// smyo ba be ta'i gling chen nas// sngags pa'i 'khor du smyo 'bog gtong// nyams pa rnams la chad pa chod// dam tshig nyams pa'i gnyen du che// spyan rdzi ba spu nyag re la// gza' skar rgyug cing rgyu skar 'gyed// smyog 'bog gtong ba'i dbang mo che// bskang rdzas sa pa sha nas bskang// bsgral ba med par tshim gyur cig/sems can 'di yi mdangs chen 'dis// nam mkha' stong pa'i ngang dang mnyam// bya yi dge bsnyen 'di yis thugs dam bskang// sems can 'di la dbugs yod de// gzung du med pas rlung dang mnyam// gzugs med dbugs kyis thugs dam bskang// sems can 'di la gzugs yod pas// kha ral rdo rje rtsal gyi thugs dam bskang// smyo 'bog gtong ba'i rgyal mo la// mtshon du med pa'i gzugs kyis bskang// smyo ba be ha'i gling chen du// dam tshig nyams pa'i sngags pa la// smyo 'bog gtong ba rgyal mo khyod kyis gtong// khyod kyi thugs dam g.yu ske ma yis bskang// bskang bas tshim ste bsgral ba med// stong pas stong pa bsgral ba la// bsgral zhes bya ba'i gdags gzhi med// bsgral ba med par tshim gyur cig/ b+h+yo ba na she tre ma tre te ma gu se hUM ha he b+h+yo/ ma mo de ni phu ron gyis bskang ba ste/ nag mo nan ltar khros na/bya phu ron gtsor byas la dbyings kyi yum drug nas mar rdzas tshogs tshad kyis bskang ba'o// 'di ma mo bskang ba'i le'u chen mo ste/ sgo nas gnas kyi cho ga nyi shu rtsa gnyis po dang/ yang sgos skong yod do/de yang sgos skong ni/ dkar mo nag mo smug mo gsum du phye na/ ze tshe kol ni sgos skongs so// srid pa'i b+h+yo bzlog gis bskang ba ni/ ma mo spyi'i skongs so// gling bzhi dang gur yang spyir bskang ba'o// rigs bzhi bsdus te bskang na/ spyi bsgrub chen pos bskang ste// sngags pa dam tshig nyams nas 'khor du ma btub pa dang/ rang nad kyis gdung ba la/ spyi sgrub la spyi bskang gang 'grub pa btags nas drag tu bskang zhing/slob dpon la dbang nos nas 'gyod pa skyes nas bshags na 'di dang phyi ma gnyis kar mi sgrib par 'gyur ro// ma mo srid pa'i bem las/ ma mo bsdus pa brgya rtsa brgyad dang stong rtsa brgyad kyis bskang ba dang/pho 'dus pa dang sa bdag dang/ klu'i bskang ba le'u chen po'i skabs so//// ma mo srid pa'i bem las/ gu ru dpal bzhad pa rtsal gyis mdzad pa rdzogs so//// slad kyi gu ru 'phrul bag gi thugs kyi dgongs pa'i bem zhes bya ba 'di/gu ru 'phrul gyi gshog rgod rtsal dang ban chung yang dbang gter gyis bsgyur ba'o//// bdag 'dra ban chung sangs rgyas kyis// 'dzam gling sems can rtog can la// lung chen bskang ba le'u chen po 'di// shog ril dpe chung nyi shu rtsa bzhir spel// shog bu lnga ni lo yi bcos thabs yin// dgos pa de yis tshang bar 'gyur// 'dzam gling sems can grol gyur cig/pha tshogs ma tshogs mkha' 'gro ma// thugs dam bskang ba 'di bsgyur bas// bdag la rtag tu skyob gyur cig/ ma mo srid pa'i bem chen 'di// mthu chen byin rlabs bkra shis shog/ ma mo rnams kyang 'du bar shog/dbyings kyi ma mo 'di mchod pas// tshogs gnyis rdzogs te sgrib gnyis byang// tshe 'dir bar chad thams cad bzlog///

CLOSE WINDOW