99a4 rgya gar skad du/ ma hA kA la tan+t+ra ma ga la kA la nA ma/ bod skad du/ dpal nag po chen po'i rgyud dur khrod nag po zhes bya ba/ dpal kun bzang he ru ka la phyag 'tshal lo// 'di skad bdag gis thos pa'i dus gcig
99a5 na/bcom ldan 'das dur khrod bsil ba'i tshal na/ nag po chen po 'khor ma mo'i tshogs dang bcas pa la chos ston te bzhugs so// de'i tshe bcom ldan 'das la nag pos gsol pa/ bdag gi skye rgyud ji ltar
99a6 lags// khas blangs don ni ji ltar lags// rtags dang mtshan ma ji ltar lags// sgrub pa'i rdzas ni ci la bya// sgrub pa'i dkyil 'khor ji ltar lags// de skad ces smras pa dang// bcom ldan 'das kyis bka'
99b1 stsal pa// ma ni dur khrod pe ta li// pha ni dga' rab dbang phyug la// mas byin phyag na thod khrag 'dzin// phas byin phyag gi gri gug las// thams cad kun la 'tshe bar byed// bcom ldan phyag na
99b2 rdo rje yis// lag tu rdo rje byin nas ni// 'das dang ma byon da ltar gyi// bstan pa bsrung bar zhal gyis bzhes// khyi dang mi nag sa g.yos dang// grib gnon lta bur 'ong ba ni// nag po chen po grub rtags yin// mon sran gre'u 'dzam bu
99b3 ste// shing thog rnam pa sna tshogs dang// me tog rnam pa sna tshogs dang// bdug spos dri mchog ldan pa dang// ba glang sha dang rta sha dang// khyi sha dag dang sha chen dang// glang chen sha dang rnam pa lnga// gla rtsi dri chu tsan+dan
99b4 gnyis// go ro tsa na sbyar ba ni// de dag grub pa'i dam rdzas lags// khru re ba la rim pa gsum// rim bzhin phyag sor gsum pa'i tshad// dbus min par ni nag po ste// de yi rgyar ni zlum po ste// rgyar ni zur
99b5 gsum dmar por bya// rtsibs brgyad phyed cha nag por bya// mu khyud sor gsum dang po dmar// gri gug dmar skya'i phreng dang rim// sgrub pa'i dkyil 'khor de ltar lags// phyag gi thod pa ji ltar lags// bcom
99b6 ldan 'das kyis bka' stsal pa// shin tu zlum la tshang chag gcig/ spyi bo cung zad 'bur ba dang// shing lo gnyis dang zil 'brur ldan// gri gug mtshan nyid ji ltar lags// bcom ldan 'das kyis bka' stsal
100a1 pa// sor bcu rdo rje'i yu ba can// yu ba'i rtsa bar hUM gnas par// so ni zla phyed lta bur bya// thang ka bri ba ji ltar lags// bcom ldan 'das kyis bka' stsal pa// ras chen shin tu gnyan pa la// ro
100a2 yi skra yis thig btab la// 'og tu rdo rje'i brag steng du// dkyil 'khor mthing nag gru gsum bri// de steng zhing gnyis bsnol mar bri// nyi ma'i dkyil 'khor ser por bri// de steng sku tshad khru gang ba// kha dog nag
100a3 po spyan gsum pa// mche ba lhang nger gtsigs pa'o// ral pa nag po gyen du g.yengs// brgya phyed lnga bcu'i do shal byas// thod pa lnga yi dbu rgyan byas// stag gi pags pas smad dkris shing// nag po sbrul gyis yan
100a4 lag brgyan// kha nas khrag 'dzag spyan mig dmar// g.yas kyis gri gug phyar ba dang// thod pa snying gi thad dkar 'dzin// skra ni steng gi phyogs su gzengs// snying gar 'khor lo rtsibs brgyad la// dbus ni gru
100a5 gsum nyi mar bcas// de dbus rdo rje gri gug bri// phur bu'i cho ga ji ltar lags// bcom ldan 'das kyis bka' stsal pa// dur khrod shing ngam seng ldeng la// ma hA kA la'i sku bya'o// rab tu gnas pa
100a6 ji ltar lags// bcom ldan 'das kyis bka' stsal pa// a las byung ba'i thod pa lnga// nag po'i phyag gi thod pa bstim// mdun du nag po chen po bskyed// sngags stong bzlas la rab gnas bya// hUM las byung ba'i
100b1 gri gug la// yu ba'i hUM las 'od zer 'phros// slar 'dus nag po'i chen por bskyed// rang bzhin mgon po spyan drang gzhug/ de nas sngags bzlas rab gnas bya// thang ka rab tu gnas pa la// dang po tshad ldan
100b2 dkyil 'khor brtsigs// dam rdzas sna tshogs 'byor ba bsags// nag po bskyed la sngon bsnyen bya// 'bum drug bzlas nas spyan dbye ba// oM ma hA kA la tsak+Shu pa lam hri/ zhes brjod do// de nas rang nyid
100b3 der bskyed do// rang bzhin mgon po bzhugs par bya// de nas zira'am nyung dkar la// 'bum bzlas nas ni rab gnas bya// phur bu rab tu gnas pa la// yi ge hUM las nag por bskyed// rang bzhin mgon
100b4 po spyan drang gzhug/de nas sngags kyis rab gnas bya// oM ma hA kA la kI la ya phaT// stong rtsa brgyad kyis btags pa brjod// dpal nag po chen po'i rgyud dur khrod nag po las/ gleng gzhi dang rten rab tu gnas
100b5 pa'i cho ga bstan pa'i le'u ste dang po'o//// lha bskyed pa ni ji ltar lags// bcom ldan 'das kyis bka' stsal pa// dang po b+h+rUM las gzhan yas khang// zur gsum zur du sgo yod pa// zhing gi ka gdung grab
100b6 dral la// thod pa skam rlon rtsig par ldan// gri gug yu can me ris mtshan// de yi 'og tu rdo rje brag/ mthing nag shin tu gtams pa'i steng// de steng gru gsum zla gam gsum// 'khor lo rtsibs brgyad mthing ga
101a1 la// gri gug mthing ga'i ra bas bskor// de steng ro gnyis bsnol steng du// nyi ma'i dkyil 'khor bsam par bya// bdag nyid thugs kar hUM byung nas// nyi ma'i steng du gnas par bsam// de las gri
101a2 gug hUM gis mtshan// 'od du zhu nas mgon por gyur// mdog nag gzugs thung gzi brjid che// kha nas khrag chen khros tsam na// rang gis yan lag sha gcod byed// khrag gi rgyun yang 'jib par byed// slob dpon
101a3 la smod bstan la sdang// dam tshig la 'chol mtshams med byed// de rnams mgor gnas rnam shes bza'// g.yas na gri gug g.yon thod khrag/ stag lpags rlon pas smad dkris shing// gtum pa spyan gsum
101a4 gsus pa 'phyang// yan lag thams cad sbrul gyis brgyan// mche ba gtsigs shing spyan mig bzlog/ sku la nag po grangs med 'phro// de yi thugs kar dkyil 'khor bsam// de steng nyi steng gri gug las// rdo rje'i rtsa
101a5 bar hUM gnas la// 'od 'phros rang bzhin mgon po dgug/ rdo rje 'chang gi spyan snga ru// ji ltar khas blangs dam bcas pa// byin gyis brlabs pa'i gnas 'di ru// drag po'i las la spyan 'dren bzhugs// zhes
101a6 brjod pas gnyis su med par gyur// gzhan gyi khyad par ji ltar lags// bcom ldan 'das kyis bka' stsal pa// nag po chen po khyod nyon cig/ sngar bshad pa yi dkyil 'khor du// dbus su nag po chen po
101b1 ni// drag byed tshul du bskyed byas nas// rtsibs brgyad la ni go rim bzhin/ gshin rje pho nya ma dang/ gshin rje mche ba mo dang/ gshin rje be con ma dang/ gshin rje dus mtshan mo dang/
101b2 gshin rje lcags kyu mo dang/ gshin rje zhags pa mo dang/ gshin rje lu gu rgyud ma dang/ gshin rje 'bebs pa ma dang/ dur khrod ma mo 'di dag kyang// g.yas na gri gug mtshan ma dang// phyag g.yon na ni thod khrag 'dzin// gzhan ma cha lugs
101b3 gtso dang mtshungs// de yi phyi rim brgyad po la// gdan gyi steng du bsam bya ba// las kyi gshin rje brgyad po ni// shar phyogs su ni ya ba te// lho phyogs su ni rgyal po'o// nub phyogs su ni til pa ste// byang gi phyogs
101b4 su glang mgo can// byang shar ral pa tshar dgu ste// nub byang gshin rje smig pa bsam// lho nub gshin rje phya sangs bskyed// shar lho mtshams su mig dmar dgod// de dag kha dog sngo skya la// gri dang thod pa thogs
101b5 pa'o// spyan drang cho ga gong dang mtshungs// nag po chen po'i rgyud dur khrod nag po las lha bskyed pa'i le'u ste gnyis pa'o//// dbang bskur cho ga ji ltar lags// bcom ldan 'das kyis bshad du
101b6 gsol// bcom ldan 'das kyis bka' stsal pa// sngar bshad pa yi dkyil 'khor du// tshogs kyi 'khor lo bshams byas la// nag po chen po spyan drangs la// de yi mdun du bsnyen pa ni/ 'bum du byas nas spyan phye
102a1 la// sngar bshad pa yi bris sku rten// de la gri gug thod pa dang// thang kas dbang bskur tshogs la bshad/ nag po chen po'i rgyud dur khrod nag po las dbang bskur ba'i le'u ste gsum
102a2 pa'o//// nag po'i lha rgyud ji ltar lags// bcom ldan 'das kyis bka' stsal pa// sku dang gsung dang thugs kyi ni// lha rgyud bstan gyis mnyan par gyis// hUM srin po'i gzugs kyi gdug pa can// tshar
102a3 gcod byang chub sems dpa' ste// grong khyer sum brtsegs 'jigs byed bdag/ gtum po khyod la bdag bstod do// hUM mdog nag gzugs thung gzi brjid che// gdug pa tshar gcod gri gug g.yas// g.yon
102a4 na thod pa khrag bkang snod// thod phreng can la bdag bstod do// hUM khros pa'i zhabs brdabs sa gzhi g.yos// 'jigs pa'i gad mos ri rab bsgyil// dam tshig nyams pa'i snying 'bying pa// dam tshig can la bdag
102a5 bstod do// nag po chen po'i rgyud dur khrod nag po las/ lha rgyud bstan pa'i le'u ste bzhi pa'o//// gtor ma'i cho ga ji ltar lags// bcom ldan 'das kyis bshad du gsol// bcom ldan 'das kyis
102a6 bka' stsal pa// lha ni mnyes par byed pa dang// bar chad zhi bar bya ba'i phyir// gtor ma bshad kyis mnyan par gyis// a las byung ba'i thod pa yi// nang du sngar bshad rdzas rnams bsam// 'og tu yaM las rlung
102b1 bsam la// de steng raM las me 'bar bas// gtor ma'i steng du nyi ma bsam// de steng hUM las gri gug bsam// de las 'od zer gnyis su 'phros// 'og mas gtor ma bdud rtsir bsgyur// rlung gis me spar thod pa
102b2 bsros// sngo dang dmar dang dkar por bsgyur// de nas steng gi 'od zer gyis// rang bzhin grub pa'i bdud rtsir gyur// gri gug nyi bcas 'od du zhu// de nas sngags 'di brjod par bya// oM ma hA kA la yA dz+nyA na a mr-i
102b3 ta oM AHhUM hUM ma/de nas sngags kyis dbul bar bya// nag po chen po'i rgyud dur khrod nag po las// gtor ma cho ga bstan pa'i le'u ste lnga pa'o//// sngags rnams thams cad bshad du gsol// bcom ldan
102b4 'das kyis bka' stsal pa// las rnams thams cad 'grub par byed pa/ drag byed thams cad gnon par byed pa/ bgegs thams cad rlag par byed pa/ gdon thams cad sgrol bar byed pa/ ser ba thams
102b5 cad gcod par byed pa dang/char pa dbab pa dang/ bcad pa dang/ yi dwags skrod pa dang/ ma mo dang 'byung po thams cad dbang du sdud pa dang/ rig sngags rbod gtong gcod pa dang/ nag po chen po'i snying po dang
102b6 'bod rbad bsad gsum gyi snying po dang/'khor lo'i sngags brjod par bya yis nyon cig/ oM shrI ma hA kA la hUM phaT/ oM ma hA kA la shA' sa na u pa kA ri ni/ e ShA pash+tsi ma ma kA lo u0f85 ya mi daM rat+na tra yA ya u ba ha ri Ni ya t
103a1 i pradz+nyA/smA ra si ta dA/ i daM duSh+taM kha kha khA hi khA hi// mA ra mA ra/ gr-ih+Na gr-ih+Na/ b+han+d+ha b+han+d+ha/ da ha da ha/ pa tsa pa tsa/ di na me ke na hUM phaT/ oM ya ma rA dza sa dwa me ya/ ya me do ru/ Na yo da ya/ ya da yo ni/ ra
103a2 yak+She ya yak+Sha yats+tsha ni ra ma ya hUM phaT/oM hrIHSh+t+rU+-iHwa kr-i tA nan hUM phaT/ oM ya mAn+ta ka ha na hUM phaT/ nag po chen po rgyud dur khrod nag po las/ sngags kyi le'u ste drug pa'o//// thugs dam bskul ba ji ltar
103a3 lags// bcom ldan 'das kyis bka' stsal pa// nag po chen po las la bskul ba ni// nga yis bshad kyi khyod kyis nyon// 'das dang ma byon da ltar gyi// bstan pa srung bar skyed byed pa// nag po chen po khyod ni
103a4 yin pa ste// gdug pa tshar gcod 'jigs pa'i gzugs// ral pa nag po gyen du g.yeng// steng gi lta tshangs 'jigs par byed// spyan bgrad ljags 'dril bar gyi lhag don bsdig/ g.yas pa gri gug gnod
103a5 sems can la sdang// g.yon pa thod khrag gnod sems khrag gang gsol// zhabs brdab gnod sems can gyi las la nyed// gang gi dkon mchog gsum khro dang// bla ma brnyas byed sems can 'tshe// bdag gis
103a6 da sgos kun khug la// ling+ga 'di la myur du chug/ 'di yi sha zo khrag 'thung la// rus pa klad pa nang rol zo// rigs rgyud rtsad nas chod la shog/ mdza' bo kun dang phrol la thong// bdag gis bsgo ba ma nyan
103b1 na// nag po khyod ni nyams par 'gyur// zhes bskul lo// dpal nag po chen po'i rgyud dur khrod nag po las/ bskul bstan pa'i le'u ste bdun pa'o//// ling+ga bca' ba ji ltar lags// bcom ldan
103b2 'das kyis bka' stsal pa// 'bru nag sna tshogs phye ma la// tsha ba gsum gyis gzugs brnyan bya// dug dang ske tshe lan tshwa dang// rgya tshwa kha tshwa rtsabs ru tshwa// sngags dang dgra ming spel la bri// shi kA'i khrag dang myos byed
103b3 kyis// khyad par du yang dgra ming bri// 'khor lo rtsibs brgyad bris nas ni// rtsibs dang rtsi bar rnams la ni// snying po dgra ming spel la bri// mu khyud 'khor bar sngags ring dang// bsad bcas sngags dang dgra
103b4 ming spel// dril nas snying gar gzhug par bya// de nas 'bod rbad bsad gsum ni// stong rtsa brgyad kyi bar du brjod// de nas nag po grangs med 'phros// gri gug gis ni lus bkug nas// sngags kyi ling+ga dag la
103b5 gzhug/snying po'i sngags kyi 'od zer gyis// sems bkug nas ni snying gar gzhug/ de nas sngar bstan bskul bar bya// nag po las ni nag po'am// yang na dngos po song bas ni// phung po lhag ma de bkug
103b6 nas// snga ma 'khrul 'khor de la gzhug/ sngags dang dgra ming spel la bri// sngar bshad pa yi dkyil 'khor du// dur khrod shing dang phub ma la// pad+ma 'dzag pa'i rak+ta dang// tshil chen gu gul nag po dang// d+ha du ra
104a1 yi 'bras bu bsregs/gdung la tsher mas tshigs rnams dgang// nag po chen po'i rgyud dur khrod nag po las/ ling+ga bca' ba dang kha sbyor gyi cho ga bstan pa'i le'u ste brgyad pa'o//// sbyin
104a2 bsreg cho ga ji ltar lags// bcom ldan 'das kyis bka' stsal pa// sngar bshad pa yi thab khung du// gnag cing rtsub pa'i shing brdzangs nas// ling+ga g.yas su bca' bar bya// 'bras bu rnam pa sna tshogs
104a3 dang// dug gi rim pa ci 'byor dang// lcags sam thod par blugs nas ni// mchod pa'i rdzas dang g.yon du dgram// mgo las byas pa'i dgang blugs dang// tshil chen zhun mar mdun du dgram// de nas sngags
104a4 pas mnyam gzhag pas// sngar bshad pa yi cho ga yis// dgra bgegs bkug la gzugs la bcug/ de nas phyag gi gri gug gis// sngags brjod nas ni gtub par bya// de nas thab khung de nyid du// yaM las rlung
104a5 dang nyi ma dang// de steng raM gyis bzhu nas ni// gri gug hUM gis mtshan par gyur// de la me lha bsgom pa ni// mdog nag gdong bzhi lag pa bzhi// g.yas kyi dang po gri gug la// g.yon pa na ni thod pa
104a6 bsnams// 'og gnyis be con ril pa'o// snying gar hUM dang lce la raM// snying gar hUM las 'od zer 'phros// rang bzhin gnas nas spyan drang bzhugs// de nas me spar rim bzhin mchod// oM ag+na ye che ge mo mA ra
104b1 ya hUM phaT/de yi thugs kar nag po bsam// mchod pa phul te sreg pa'i sngags// sngags dang ling+ga re re ldan// oM ma hA kA la che ge mo sarba sha trUM tu/ da ha da ha/ pa tsa pa tsa/ di na me ke na/ yang na sngar bstan sngags
104b2 kyis dbul/nag po chen po'i rgyud dur khrod nag po las/ sbyin sreg gi le'u ste dgu pa'o//// nag po chen pos gsol pa/ mnan pa'i cho ga ji ltar lags// bcom ldan 'das kyis bka' stsal
104b3 pa// mnan pa'i cho ga bshad par bya// thig bzhi pa la re mig dgu// thig skor gnyis kyis bskor ba bri// de nas yi ge bris nas ni// rtsa ba'i sngags ni dbus su bri// bar ma'i cha la snying po bri// tha mar nye ba'i snying
104b4 po bri// 'khor lo rtsibs brgyad bris nas ni// 'bod rbad gnyis ni rtsibs par dgod// yi ge gzhi dang snying po ni// ming dang spel nas nang tsha la// bsad pa brgyad ni thad ka ste// thig les de dag 'khor bar
104b5 bya// rabs chad thod pa g.yas g.yon la// bris nas de nang ling+ga gzhug/ de nas nyi ma bdun gyi bar// sbyor ba bzhi yi cho ga brtsam// de nas nyi ma dang po la// oM ya ma rA dzas do me ya/ ya me do ru che ge mo pra mo yaM
104b6 ku ru hUM phaT/nyi ma gsum pa la/ ya da yo ni ra ya k+She ya che ge mo rak+ta tsa ra ya sa ya hUM phaT/ nyi ma bzhi pa la/ yak+Sha yats+tsha ni ra ma che ge mo mA ra ya hUM phaT/ ya ba ti dang phywa sangs dang// gshin rje 'bebs pa ma rnams
105a1 ni// bsgrub bya'i 'khor du bcug pa'o// glang mgo can dang/ smig pa gshin rje pho nya mo// gshin rje mche ba mo rnams ni// bsgrub bya bsnyo ru bcug pa'o// gshin rje ral pa dang chos kyi rgyal po
105a2 dang// gshin rje lcags kyu ma dang// gshin rje zhags pa mo rnams ni// bsgrub bya khrag tu skyug pa'o// ral pa tshar dgu dang/ mig dmar dang/ gshin rje mtshan mo nag mo dang/ dus mtshan nag mo rnams ni gsod
105a3 pa'i las byed/nyi ma lnga pa yi ge bcu pa'o// nyi ma drug pa la yi ge bdun pa'o// de dag ni bsad pa'i las la sbyar ba'o// nyi ma bdun pa la nag po chen po'i sngags brjod nas dur du sba ba'am/ yang na nyi ma bzhir
105a4 byas nas dur du sbas nas rgyud mi lus par 'gyur ro// 'khor lo rtsibs brgyad byas nas ni// klu brgyad bris nas bar du bcug/ klu yod gnas su sbas gyur na// de ni lo las mi 'da' bar// gang la bya ba 'chi bar
105a5 'gyur// khri 'phang brgyad pa'i mchod rten du// ling+ga log nas bcug byas te// rtsa ba'i sngags kyang gzhug byas na// de yang gong dang 'dra bar 'gyur// gang 'dod yul gyi lha rten gnas// nag po bskyed la gtor ma
105a6 sbyin// sngon bshad bsnyen pa tshang bar bya// yul 'dir ser ba myur du phob// bsgos na ser ba 'bebs par byed// der ni gtor ma gter du sbas// yul lha'i snying gar phur bus gdab// des ni the tshom som nyi
105b1 med// sngon bsnyen gong du song ba yis// mang po spu can dkyil 'khor sngags// stong ngam khri phrag bsnyen pa bya// de nas ra ru g.yas pa ru// 'bum phrag bzlas nas nyung dkar bsags// kha gcod nas ni gnas su
105b2 sba// oM kri li shag ser dril b+h+yo/ oM dza ti She shar po dril b+h+yo// oM phra ma ya kar kri phib b+h+yo// de nas mi rkang sgyed pu'i steng du mnol thod btsug de yi nang du 'o ma dang/ sngo khu dang/ dug khrag sna tshogs bskol/
105b3 rabs chad thod pas kha bcad/ 'og tu dug me 'bud/ oM bor ma'i sngags bya/ ra gsob gdab/ skyer phur lnga la 'og dang logs la oM lnga bris la bsrungs su btsug rbad bskul bya/ khyi yi thod pa la snga ma'i sbyor ba
105b4 byas la khang smad du sbas na gang bsgo ba 'grub bo// thal ba'i nyul dkar la bzlas te gter na ser ba chad par 'gyur ro// de nas dur khrod shing ras la// dug dang snga ma'i rdzas rnams kyis// 'khor lo rtsibs
105b5 brgyad gnyis bris la// rtsibs la ma gshin bcu drug bri// dbus su dgra yi ming rus sbrul nag po mgo bdun yod pas dkris/ de'i khang ni yi ge kha/ de rgyab sngar bshad sngags kyis bskor// de nas ling+ga'i bar
105b6 bcug la// kha sbyar byas la thod par gzhug/ dug gis byug la sngags kyis gdab// sbrul dang sbal pa lcong mo'i sha/ dug la bsreg cing bdug par bya// phur bus btab nas klu'am ni// sa bdag mgul bskyed
106a1 gsum pa yi// bar du sbas nas rims kyis 'dzin// mdzes 'dzin pa la the tshom med// spog pa'i cho ga ni// snga ma'i rdzas rnams la ling+ga byas te/ snying gar ming rus bcug nas/ dur khrod kyi me la
106a2 bdug cing/sngags zlog nas bzlas na nges par 'gyur ro// nag po chen po'i rgyud dur khrod nag po las/ las sbyor bstan pa'i le'u ste bcu pa'o//// sngags rnams btu ba ji ltar lags// bcom ldan
106a3 'das kyis bka' stsal pa// sngags rnams btu ba ma byas na// don rnams log par 'gro bar 'gyur// sngags rnams spro bar ma byas na// dngos grub 'grub par yongs mi 'gyur// sngags rnams bsre bar ma byas
106a4 na// rang dgar 'jug pa nyid du 'gyur// des na sngags rnams ngas btu yis// nag po chen po nyan par gyis// drug pa'i dang po dang/ lnga pa'i lnga pa dang/ drug pa'i gnyis pa dang// dbyangs yig gnyis pa dang
106a5 sbyar ba dang/gnyis pa'i gsum pa la// dbyangs yig gnyis pa sbyar ba dang/ bdun pa'i gsum pa dang/ bzhi pa'i gsum pa la/ dbyangs yig bcu gsum pa sbyar ba dang/ lnga pa'i lnga pa la/ dbyangs yig bcu
106a6 gcig pa sbyar ba'o// drug pa'i dang po gnyis su bgrang ba dang/ lnga pa'i lnga pa la/ dbyangs yig bcu gcig pa gnan pa'o// bzhi pa'i gsum pa la/ dbyangs yig bcu gsum pa dang ldan pa dang/ drug pa'i gnyis
106b1 pa la// dbyangs yig lnga dang ldan pa dang/ gsum pa'i lnga pa dang/ de nas rlung gi sa bon sbyin// dbyangs yig bcu gsum pa sbyor ba dang/ bzhi pa'i gsum pa la/ de nas rlung gi sa bon sbyin/ drug pa'i dang po dang/
106b2 bzhi pa'i gsum pa dang/ de nas rlung gi sa bon sbyin// dbyangs yig bcu gsum sbyin pa dang/ bzhi pa'i lnga pa la/ dbyangs yig gsum pa sbyar ba dang// de nas me yi sa bon sbyin// rlung gi sa bon de bzhin no// de
106b3 nas yig ge tha ma sbyin// dbyangs yig bcu gcig pa dang sbyar// de nas rlung gi sa bon mchog/ drug pa'i dang po mchog/ de nas yi ge tha ma sbyin// dbyangs yig bcu gcig pa dang sbyin// de nas rlung gi sa bon la/
106b4 gnyis pa'i dang po gnyis gcig tu bgrang ba dang/ bzhi pa'i lnga pa la/ dbyangs yig gsum las dbye ba'o// de nas me yis sa bon la// dbyangs yig gnyis pa dang sbyar ba'o// lnga pa la yang lnga pa la/ de nas rlung
106b5 gi sa bon sbyin// dang po rnam par snang mdzad bzhag lnga pa'i gnyis pa la/ gsum pa'i dang po lan gnyis brjod par bya'o/ sems kyi sa bon bar du rtsa ba'i sngags btu ba'o// bdun pa'i bzhi pa la/ dbyangs yig
106b6 bzhi pa sbyar ba dang// me yi sa bon 'og tu sbyin// de nas bcu drug tha ma'o// bdun pa'i gnyis pa la// bzhi pa'i dbyangs yig gis sbyar te// gsum pa'i dang po la/ me yi sa bon 'og tu gdags par bya'o// de nas
107a1 drug pa'i mthar gdags par bya'o// drug pa'i bzhi la/ dbyangs yig bzhi pa sbyar/ dang po'i dang po la/ dbyangs yig bdun pa sbyar/ bzhi pa'i dang po dang/ dbyangs yig gnyis pa sbyar/ bzhi pa'i lnga
107a2 pa la ni/blo dang ldan pas lan gnyis brjod// ye shes lnga ldan dang por bzhag/ ya ma brgyad kyi sa bon la// dbyangs yig drug pa dang ldan pa// spyi bo ru ni thig les brgyan// lnga pa'i gnyis pa dang/ gsum pa'i
107a3 dang po'o// snying po'i sngags btu ba'o// drug pa'i dang po dang// lnga pa'i lnga pa la/ dbyangs yig gnyis pas dbye ba'o// bzhi pa'i dang po de nyid las lnga pa'i dang po dgod do// dang po'i dang po dang/ thog mar rnam
107a4 snang sa bon sbyin// dran pa de bzhin mthar sbyin na// drag po'i mthar gdags// ye shes lnga ldan dang por dgod/ bdun pa'i dang po 'og du me yi sa bon sbyin// dbyangs yig gsum pas gnan par bya/ lnga pa'i lnga
107a5 pa dang/mthar gnas pa yi bzhi pa dang/ dang po'i dang po dang/ an+tas+tha'i gsum pa dang/ dran pa'i mthar ni gsod byed gdags/ snying po'i sngags btu ba'o// rnam snang sa bon dang por sbyin/ lnga pa'i lnga pa dang/
107a6 mthar gnas pa'i bzhi pa dang/ dang po'i dang po dang/ An+tas+tha'i gsum pa dang/ an+tas+tha'i dang po dang/ mthar gnas pa yi dang po dang/ mthar gnas pa yi gsum pa dang/ gsum pa'i bzhi pa'i mtha' ma gnyis/
107b1 lnga pa'i dang po dang/ mthar gnas pa yi bzhi pa dang// ma ning bzhi yi dang po dang// bzhi pa'i mtha' ma la dbyangs yig bcu gcig pa sbyar ba dang/ dbyangs yig bcu gcig mtha' ma la// mthar gnas pa yi
107b2 gnyis pa la// gsum pa'i dang po 'og tu gdags// dbyangs yig gsum pas mnan pa dang// yang na yi ge bzhi pa'i sgra// drug pa dang po dang/ lnga pa'i tha ma dang/ dbyangs yig gsum pas mnan pa dang/ bzhi
107b3 pa'i gnyis pa la/bzhi pa'i dang po gdags pa dang/ bzhi pa'i dang po la/ 'og tu me'i sa bon sbyin/ de nas bzhi pa'i dang po la// bzhi pa'i mtha' ma gzhag par bya// yang na bzhi pa'i dang po la// 'og tu me yis sa
107b4 bon gdags// an+tas+tha'i dang po dang/ lnga pa'o dang po dang/ mthar gnas pa yi bzhi pa dang/ ma ning bzhi pa'i gnyis pa dang/ gsum pa'i mtha' ma la/ lnga pa'i mtha' ma bzhag/ an+tas+tha'i dang po dang// bzhi pa'i
107b5 dang po la// dbyangs yig gsum pa bzhag pa'o// lnga pa'i dang po la 'og tu me'i sa bon gdags/ bzhi pa'i dang po la/ dbyangs yig gsum pa bzhag pa dang// de nas gnyis pa'i gsum pa brjod// mthar gnas
107b6 pa yi gsum pa la// lnga pa'i tha ma 'og tu gdags pa dang// an+tas+tha'-i gnyis pa dang// mthar gnas pa yi gsum pa la// dbyangs yig gsum pa sbyar ba dang/ gsum pa'i dang po la/ de yi mtha' mar ldan pa dang/
108a1 de nas dbyangs yig gsum pa dang/ gsum pa'i gsum pa la/ lnga pa'i lnga pas mtshan pa dang/ bzhi pa'i gsum pa la/ dbyangs yig lnga pa sbyar ba dang/ mthar gnas pa'i dang po la/ dang po'i gnyis
108a2 pa lan gnyis brjod pa dang/de nas dang po'i gnyis pa lan gnyis brjod pa dang/ mtha' gnas pa'i bzhi pa la/ dbyangs yig gsum pas mtshan pa gnyis dang spel bar bya'o// sde tshan lnga pa'i lnga pa dang/ drug
108a3 pa'i gnyis pa dang/dbyangs yig gnyis pa'i tha ma dang/ sde tshan dang po'i gsum pa la/ me yi sa bon 'og tu sbyin// dbyangs yig gsum pas brgyan par bya// gsum pa'i tha ma ring por bya/ de nas lnga pa'i bzhi pa
108a4 dang/gsum pa'i gsum pa ring por bya/ bzhi pa'i gsum pa dang/ mthar gnas pa yi bzhi pa dang/ lnga pa'i dang po dang/ gnyis pa'i dang po dang/ de dag gnyis gnyis spel te brjod/ bzhi pa'i gsum pa la/
108a5 dbyangs yig gsum pa sbyar ba dang/ gsum pa'i tha ma dang/ lnga pa'i tha ma dang/ dbyangs yig bcu gcig pa sbyar ba dang/ dang po'i dang po la/ dbyangs yig bcu gcig pa dang bcu gnyis pa sbyar ba dang/ de
108a6 bzhin bzhi pa'i tha ma bzhag/sems kyi sa bon skrod ba mthar// 'bod rbad bsad gsum sngags btu pa'o// rang byung sngags la btu ba med/ nag po chen po'i rgyud dur khrod nag po la/ sngags btu ba'i le'u ste bcu gcig
108b1 pa'o//// de nas nag po chen pos gsol pa/ nag po chen po'i dam tshig ji ltar lags// bcom ldan 'das kyis bka' stsal pa// sgrub pa po la phan gdags phyir// dam tshig bshad kyis nyan par
108b2 gyis// nag po chen po'i dkyil 'khor du// dbang ma bskur bas mi sgrub cing// gri gug dang ni thod pa dang// phur bu dang ni thang ka dang// su la bstan par mi bya ste// rdo rje slob dpon mi smad cing// gsang ba las
108b3 ni brnyas mi bya// nag po'i rgyud dang dam rdzas ni// snod min pa la bstan mi bya// nag po'i grub rtags byung gyur na// las la sbyar ba ma byas na// nag po'i dam tshig nyams gyur te// sngags pa de ni 'chi bar
108b4 'gyur// bsgral ba'i zhing du ma gyur pa'i// skye bo rnams la byas gyur na// nag po'i dam tshig nyams gyur te// sgrub pa po rang gnod par 'gyur// bcom ldan 'das kyis de skad ces bka' stsal to// nag po chen
108b5 po'i rgyud dur khrod nag po las// dam tshig bsrung pa'i le'u ste bcu gnyis pa'o//// bcom ldan 'das kyis de skad ces stsal pa dang/ nag po chen po 'khor dang rje dang bcas pa rjes su yi rangs te/ bcom
108b6 ldan 'das kyis gsungs pa la mngon par bstod do//// nag po chen po'i rgyud rtogs pa bcu gnyis pa zhes bya ba rdzogs so//// bla ma nag po ro 'dzin dang/ gyi ljang bu dkar gyis bsgyur
109a1 cing zhus te gtan la phab pa'o////


CLOSE WINDOW