CLOSE WINDOW

Gpb031.003
བོད་ཡིག

rgya gar skad du/ shrI ma hA kA la ag ni dzi hwo nA ma tan+t+ra/ bod skad du/ dpal nag po chen po me lce phreng ba zhes bya ba'i rgyud/ bcom ldan 'das dang byang chub sems dpa' 'phags pa spyan ras gzigs dbang phyug/nag po chen po dang thabs cig pa la phyag 'tshal lo// 'di skad bdag gis thos pa'i dus gcig na/ bcom ldan 'das bdag gi rdo rje 'dzin pa'i rgyal po ni/ dur khrod chen po bsil ba'i tshal ri'i tshogs dbus na/'khor byang chub sems dpa' mang po dang/ mkha' 'gro dang/ sha za dang/ lha dang/ klu dang/ gnod sbyin dang/ dri za dang/ gshin rje dang/ srin po'i tshogs dang thabs cig tu bzhugs te/ de'i tshe bcom ldan 'das la dpal nag po chen pos 'di skad ces gsol to// kye ma bcom ldan khro rgyal gtso// bdag gi lo rgyus ji ltar lags// bstan pa bsrung tshul ji ltar lags// phyi rabs rnal 'byor bdun gyis su// rjes su zhugs nas bsgrub na ji ltar lags zhes pas// bcom ldan 'das kyi bka' stsal pa// legs so legs so legs ldan nag po khyod// khyod kyi don ni ngas bshad kyis// legs shing gus pa'i yid kyis nyon// zhes pas/ gleng gzhi gleng bslangs dang bcas pa'i le'u ste dang pa'o//// de nas bcom ldan 'das kyis bka' stsal pa/ khyod sngon dur khrod gtums par grags pa zhes bya ba na/a su ra'i shing gi bdag po dang/ dur khrod kyi bdag po dang/ ro langs dang/ mkha' 'gro ma dang/ 'byung po dang/ yi dwags dang/ sha za dang/ 'dre la sogs la gnas pa'i phyogs de na/ srin po'i rgyal po yag sha ha ri zhes pa/rdzu 'phrul gyi mthu dang ldan cing bzhugs so// srin po'i rgyal po des/ rgyal chen ris bzhi'i lha'i rgyal po'i bu mo gcig brkus nas/ dur khrod der khrid nas rang dbang med par chung ma byas so// dus de nas zla ba bdun lon nas srin po'i rgyal po de tshe'i dus byas nas 'das so// der lha'i bu mo de la sron po'i bu zhugs te/ der lha'i bu mo de srin po'i chung mar gyur pas sus kyang ma 'dod do// der mo gcig pur lus pa las srin po'i phru gu skyes par gyur to// der mo'i bu de snying rje bar tshor nas/ rang gi lus de'i lha'i rgyan phog ste/ nor bu rin po che gcig dang/ gling bar gyi nya pa la nya tshong byas nas gsos so// gling bar gyi rgun 'bru'i sa nas rgun chang byas so// gling bar gyi sgog btsong bsnyabs nas de rnams kyis bu gsos so// de ltar gsos pas bu de yang skye drag la gzugs bzang ba gcig byung ste/ring por ma thogs par tshar bar gyur ro// bu des ma de la smras pa/ ma gcig bdag la pha med dam zhes dris pa dang/ mas smras pa/ pha srin po yin te 'das so// bus smras pa/ de ltar yin na nga cag ma smad sdug pas rten med pa'i gnas 'dir mi sdod// ro langs kyis bsad par 'ongs pas/ dur khrod 'di'i lho phyogs na ri ma la ya mngon par 'phags pa zhes bya ba la/ dge slong bde ldan dpa' bo zhes bya ba/'phags pa 'jam dpal gyi sprul pa yin te/ shin tu nyin mo zhi zhing nyan thos kyi cha lugs su zhugs nas/ chos nyid rnam par dag pa'i mi rtog pa'i don sgom mtshan mo ni lus gcer bur byas nas/ rus pa'i rgyan gyis brgyan nas// dur khrod khrag gi mchod pa bshams nas/ 'khor mkha' 'gro ma'i tshogs bsdus nas glu dang gar du bcas nas/ dpal bde ba chen po'i mdun gyi nam mkhar mchod pa mngon sum du mdzad nas/de'i dngos grub rnam pa sna tshogs la dbang thob/ rdzu 'phrul gyi mthu rnam pa sna tshogs la mnga' brnyes pa zhig bzhugs so// nga cag ma smad de'i drung du 'dong/ de la skyabs su gsol la dngos grub kyis bka' don cig kyang nod/de skad ces smras pa dang/ mas kyang bu la mnyan te/ de'i drung du byon no// der slob dpon chen po de'i spyan sngar 'khod do// lha'i bu mo des rang gi nor bu se mo do phog nas slob dpon de la phul te phyag 'tshal zhabs la spyi bos gtugs nas 'di skad ces smras so// bdag lha'i bu mo lags pas/ las kyi dbang gis srin po chung mar gyur te/ srin po 'das par gyur nas/ bdag la srin po'i bu sbrum par gyur te/sdug bsngal ma zad par spyad nas/ da ltar gyi bu 'di lags so// da bdag cag ma smad la mgon ma mchis pas/ slob dpon chen po khyed la mgon dang skyabs zhu na// dngos grub kyi thugs rje gcig kyang gnang bar zhu/slob dpon gyi thugs kyis gzung bar zhu zhes gsol ba dang/ slob dpon gyi thugs rjes dgongs te/ rdzu 'phrul gyi mthu sna tshogs kyi phyag ces pa ma smad gnyis kyi spyi bor bzhag ste/rdzu 'phrul gyi mthu'i dbang bskur nas/ chos nyid skye ba med pa'i don bshad/ de'i tshe mas ni shes rab kyi pha rol tu phyin pa'i don rtogs/ bus ni sprul pa'i sku'i rdzu 'phrul sna tshogs la dbang bsgyur bas/gdug pa can 'dul ba'i las kyi mnga' brnyes/ phyag mang po dang zhabs dpag tu med par sprul nas/ phyag 'gyur zhing zhabs brdabs pas sa gzhi dang ri rab ldeg par nus so// de nas slob 'bangs 'khor dang bcas pa la dur khrod kyi mkha' 'gro ma rnams kyis nyin dang mtshan du bskor ba dang mchod pa rgyun ma 'chad par mdzad pa las/srin po'i phru gu de la slob dpon gyis gsang ba'i dbang las kyi gnyer gtad do// slob dpon bde ldan dpa' bo'i rgyal tshab tu bzhag go/ slob dpon bde ldan dpa' bo dang/ lha'i bu mo shes rab kyi pha rol tu phyin ma gnyis rdo rje dang dril bur 'gyur te/ chos kyi dbyings kyi ye shes dang/me long lta bu'i ye shes su sangs rgyas nas bcu gsum rdo rje 'dzin pa'i sa la gshegs su gsol/ bde ldan dpa' bos phrin las kyi mdzad spyod mthar phyir nas dbyings kyi ye shes gnyis su med par sangs rgyas pa'i le'u ste gnyis pa'o//// de nas yang slob dpon chen po skal ldan dpa' bo'i dur khrod chen po'i gnas na/ sngon gyi slob dpon gyis mdzad pa'i phrin las sna tshogs thams cad ni mdzad/'dul ba'i phrin las sna tshogs ni 'dul/ mkha' 'gro ma rnams la sngon gyi gdams ngag rjes su dran pa'i sgo nas chos ston cing/ phrin las sna tshogs kyis gdug pa 'dul ba'i don mdzad pa las/mkha' 'gro ma rnams kyis nyin dang mtshan du bskor ba byed cing/ mchod pa byed de bzhugs so// de'i tshe mkha' 'gro rnams dur khrod du zas tshol du gshegs so// slob dpon skal ldan dpa' bo gcig pu nyid dur khrod na bzhugs pa las/rdzu 'phrul gyi mthu mngon par byung ba zhes bya ba sprul pa'i sku'i brtul zhugs mdzad ste/ phyag mang po dang zhabs mang por sprul te// rdzu 'phrul gyis gar mdzad nas ri rab gling bzhi thams cad ldeg par mdzad do// de'i tshe lha'i bu dbang po brgya byin gyis ri rab kyi rtse nas gzigs so// lha'i dbang po nyid skyes bu de'i rdzu 'phrul de la ya mtshan du gyur te 'di snyam du sems so// ma gi ni ngas ri rab kyi kha la spyan drang lha rnams kyi dmag dpon byas la/ lha ma yin dang 'thab pa'i g.yul bzlog na snyam ste/ skyes bu chen po de mkha' 'gro ma rnams kyis 'dul bar gzigs nas/ mkha' 'gro ma rnams ni mi sdug pa'i gzugs can yin/lha'i bu mo ni mdzes la yid du 'ong ba yin/ lha'i bu mo gcig gis brid la dgug go snyam nas/ lha dpal 'chang gar kIrti ka ti ga'i bu mo u ma yang/ dbu ma de ba zhes bya ba gzugs mdzes shing lta na sdug pa gcig yod de/de la lha mo ni rgyan sna tshogs pas brgyan nas/ lha'i dbang po brgya byin gyis de la 'di skad ces bka' bsgo'o// khyod song la ma gi na skye bu dpa' bo rdzu 'phrul can cig yod de khug la shog cig/lha'i dmag dpon byas la lha ma yin gyi g.yul pham par bya'o// ma khugs bar du khyod rang ma 'ong bar sdod la gsol ba thob cig ces bka' bsgo nas btang ngo// de skad byas nas lha'i bu mo de dur khrod kyi gnas su dong ngo// lha'i bu mo des skyes bu de la phyag byas nas zhus pa dang/ mkha' 'gro ma bdag lha'i dbang po brgya byin gyis mngags nas/ skyes bu khyed lha'i mchod gnas su spyan 'dren lags kyis/ ri rab kyi rtse la lha rnams kyi dpon por gshegs su gsol zhes zhus pa dang/ mkha' 'gro ma rnams kyis ma gnang ste/ dpon slob bde ldan dpa' bo'i rgyal tshab tu bzhugs pa yin/nga yang mkha' 'gro ma rnams kyi dpon du gyur pa yin/ dur khrod kyi tshogs bdag yin pas ri rab kyi rtse la gshegs pa min zhes zer nas mkha' 'gro ma rnams kyis ma gnang ngo// der lha'i bu mo de lha'i dbang po brgya byin gyis ma khugs kyi bar du ma 'ong zhig byas pas mo skyes bu chen po de yi rtsar chags so// der mkha' 'gro ma rnams dur khrod du song nas zas tshol ba'i bar du/ rtag tu brid cing mchod par byas so// slob dpon de'i thugs la gcags par gyur te/ lha'i bu mo de chung ma byas so// de yang bu bu mo 'di gnyis skyes so// bu la ni rus pa'i rgyan thod pa'i phreng ba byas te brgyan no// mtshan ni legs ldan thod phreng can du gdags so// bu mo de la dur khrod kyi dung gi khog ma gcig btags te/ ming ni dpal ldan dung skyong mar btags so// bu tsha ming sring gnyis la gling bar gyi nya sha dang/sgog btsong dang/ rgun chang dang/ sha khrag rus pas rkan phab ste gsos so// mos kyang lha'i dka' thub nyams te dur khrod kyi zas ci za ba zos so// der mos yun ring por lon pa dang/ de'i dus na lha ma yin gyis lha'i yul phrogs nas/rin chen sna lnga'i grong khyer sum brtsegs su yod pa dpangs cis kyang gshog thabs med par sgo la sogs pa dam pa des lha'i khang bzang bas dpag tshad gcig gis mtho ba brtsigs te/lha'i yul gtan shor la khad pa las/ lha'i dbang po brgya byin gyis ri rab kyi kha nas pi wang gi brdas bskul te/ lha dang lha ma yin 'thabs pa'i dmag dpon 'gugs su btang na ji srid 'khor ram yul ni gtan shor la khad na/bya bas bskul ba'i brda' byung bas/ mos thos te skal ldan dpa' bo la bskul ba/ shang+kar bde byed stobs po che/ skyes bu dpa' bo khyod la ngas/ ji srid du zhabs tog byas nas da nga'i tshig nyan dgos byas nas/shaM kar bde byed na re/ ji ltar bya zer te/ nga lha'i dbang pos khyod 'gugs su btang ba yin pa la ji srid du ma khugs na/ da ni lha'i gnas su gshegs pa 'tshal zhes zhus pa la/der gnang ste mkha' 'gro ma rnams la gsang ste/ khyo shug gnyis gros byas te zhag bdun na 'bros par bya ste/ lha'i dbang po brgya byin la pi wang gi brda mar btang nas/ zhag bdun na shing rta'i 'khor los spyan drangs par byas so// de nas lha'i dbang pos 'khor lha tshogs mang po dang bcas nas shing rta'i 'khor lo mang po khyer te dur khrod du phyin nas// mkha' 'gro ma rnams dur khrod du zas 'tshol du song ba'i shul du/skal ldan dpa' bo zhes bya ba de ri rab kyi rtse la spyan drangs so// der lha thams cad kyis chos bzang lha'i mdun sar phyag byas so// de nas lha'i dbang po brgya byin gyis rnam par rgyal ba'i khang bzang du mchod pa byas so// de nas lha'i ded dpon nyi shu rtsa brgyad kyis tshal chen po bzhir mchod pa byas so// de nas byang shar du shing yongs 'du sa brtol gyi rtsar lha'i bu mo bye ba khrag khrig gis mchod pa byas so// de nas lho nub tu rdo a mo li'i steng du lha'i bu bye ba khrag khrig gis mchod pa byas so// de yang dang po dur khrod kyi gnas nas yab yum sras dang bcas pa spyan drangs pa ni/ dur khrod gnas na legs ldan thod pa'i phreng ba can/pad ma'i steng du hUM las sku mdog mthing nag zhal gcig phyag gnyis pa/ dar mthing nag gi 'jol ber sku la gsol ba/ gser sked rin chen sku la bcings pa/ dbu skra kham nag ral pa'i thor gtsug gcig tu 'khyil ba/khro gnyer smin mtshams su brjid pa/ spyan gsum sdang mig tu gzigs pa/ zhal bgrad pa/ mche ba gtsigs pa/ sma ra mun ltar gtibs pa/ phyag na par bu nag po bsnams pa/zhabs gnyis brkyang bskum tshul du bzhugs pa/ 'jigs 'jigs rngam rngam 'dra ba la/ rang gi gtso bo rgyan du 'dzin/ pheng pheng gi sgra sgrogs pa/ oM ma hA kA la rak+sha du beM ni dzaH de skad hUM phaT sgra sgrogs shing// 'jigs byed lcam drang dung skyong ma// sku mdog nag mo char sprin la// re ldeg gos gon stag sham glang lpags gon// shan ti mtshon cha 'dzin pa 'jigs tshul can// skal ldan dpa' bo ru mtshon dpa' rtags lnga dang chas// u ma de ba 'jigs su gzi mdangs byams// de 'dra dur khrod gnas na bzhugs pa las// lha dbang brgya byin la sogs lha rnams mdun gyis gsol ba ni/ hUM/ dad pa dang ni dam tshig gis// tshur gshegs tshur gshegs ma hA kA la che// tshur gshegs tshul byon dpal ldan mgon po che// 'dir gshegs lha min g.yul rnams bzlog phyir byon// dbyings nas bzhengs pa mi mkhas yang// sangs rgyas bstan pa bsrung slad du// 'bar ba'i skur ston 'dir gshegs mchod pa bzhes// 'dir gshegs bdag gi longs spyod mchod par bzhes// nag po mi bzad 'dir gshegs mchod pa bzhes// pha rol phyin spyod 'dir gshegs mchod pa bzhes// 'bar ba'i skur ston 'dir gshegs mchod pa bzhes// lha min g.yul bzlog 'dir gshegs mchod pa bzhes// lha dmag dbugs 'byin 'dir gshegs mchod pa bzhes// dad pa dang ni dam tshig gis// tshur gshegs ma hA kA la che// gnas ri rab rtser gshegs bzhugs su gsol// bdag cag gsol 'debs 'dir gshegs mchod pa bzhes// oM shrI ma hA kA la dzaHhUM baM hoHhUM phaT/ ces pas lha rnams kyis gdung ba'i dbyangs blangs pas/ rang dbang med par 'khor bcas bskyod de byon no// de nas rnam par rgyal ba'i khang bzang du lha'i dbang po brgya byin gyis/gdan rin po che nyi zla pad+ma dang ldan pa phul nas/ dar mthing nag gi gur phub nas/ 'di skad ces gsol to// hUM/ ye shes mkha' 'gro sngon po'i mdog tu gyur// sku mdog sngo nag dbyar gyi sprin lta bu// dug gsum ma lus mun khams 'joms mdzad pa'i// ma hA kA la khyed nyid dgyes shing brtan par bzhugs// 'dir gshegs gdan la bzhugs nas kyang// 'jig rten pa dang mthun 'jug phyir// phyag dang zhabs gnyis bsil bar mdzod// oM shrI ma hA kA la rU pa hUM/ sa ma ya tiSh+Tha lhan/ A pe sha ya a/ zhes bzhugs su gsol nas/ lha rnams kyis phyag byas pa/ hUM/ mnyam nyid mthu mnga' gtum chen me ltar 'bar// ma rungs 'jom mdzad lha min dbang du sdud// mthar byed gzhon nu 'jigs pa'i gad rgyangs can// skal ldan dpa' bo khyod la phyag 'tshal lo// lha min dmag tshogs g.yul bzlog gtso// lha dmag dkar po dbugs 'byin pa// rdo rje dur khrod 'khor bcas la// dang ba'i sems kyi phyag 'tshal lo// bsod nams gzi byin khyod la phyag 'tshal lo// drag shul mthu chen 'phags la phyag 'tshal lo// ye shes tshogs rdzogs khyed la phyag 'tshal lo// sgrib gnyis spangs pa khyod la phyag 'tshal lo// lung bstan thob rdzogs khyod la phyag 'tshal lo// 'jig rten 'di na gang zhig gis// khyod kyis mtshan nas brjod bsgrubs na// dngos grub myur du ster mdzad pa// mi bsnyems byams pa khyed la phyag 'tshal lo// ma hA kA la khyed la phyag 'tshal lo// legs ldan nag po khyed la phyag 'tshal lo// oM shrI ma hA kA la rU pa hUM phaT/a ti pu ho/ na mo ya/ zhes lha rnams kyis phyag byas pa'o// de nas lha'i dbang po dang lha'i ded dpon chen po nyi shu rtsa brgyad kyis dga' ba'i tshul du phyi'i mchod pa phul ba/ me tog phreng ba la sogs rin chen dbyig/mar me mun sel dri zhim spos kyi mchog/ bdud rtsi yon chab 'o ma kun gyi gsos// sgrib sel bshos gtsang dam pa bdud rtsi sbyar// drang srong shaM kar sku la mchod pa 'bul// lha mo u ma'i sku la mchod pa 'bum// legs ldan nag po'i sku la mchod pa 'bul// ma hA kA la'i sku la mchod pa 'bul// lha mo dung skyong sku la mchod pa 'bul// oM ma hA kA la rak+sha du beM beM ni dza pU dza me g+ha sa mu dra s+pha ra Na/ a d+hU pe/puSh+pe/ A lo ke/ g+han+d+he/ nai bid+ya/ shap+ta rat+na pU dza me g+ha sa mu dra s+pha ra Na sa ma ye A hUM/ zhes brjod pas mchod do// nya sha la sogs pa'i tshul du dam rdzas kyi mchod pa phul ba ni/ lcags bar gyi nang du dkar gsum dang/mngar gsum dang/ la du dang/ la phug dang/ sgog btsong dang/ rgun 'brum dang/ 'bru thug dang/ 'bras chan dang/ khur ba dang/ shing thog sna tshogs dang/ de rnams lcags bar gyi nang du bsags nas/dar mthing nag gis kha bcad de/ 'di skad ces lha rnams kyis bskul/ me tog phreng ba la sogs rin chen dbyig/ la du la phug la sogs yod pa ni// rang sbyin 'bras bu'i zas la sogs// phyogs bcu'i chu skyes thang skyes me tog longs spyod rgyan// ris su ma bcad longs spyod rgyas par 'bul// dkyil 'khor dam pa mdzes pa dang// bshos gtsang mar me spos sna tshogs// rgun chang la sogs btung ba'i mchog/sbrang rtsi la sogs mngar ba'i dbyig/ sna tshogs mchod pa 'di dag bzhes// dngos su 'byor dang yid kyis sprul// gzugs dang sgra dang dri ro reg/ chos la sogs pa'i mchod pa kun// mgon po 'khor bcas sku la 'bul// zhes pas phul lo// rtsub 'gyur tshal du chang gi mchod pa dang// nang gi mchod pa phul ba ni// g.yu dri myos byed chang/ skye 'gro'i 'bru bcud/ bdud rtsi bcud kyi zas/ skyems 'phangs phud kyi mchog/ skal ldan dpa' bo gsol/ drang srong shaM kar gsol/ legs ldan nag po gsol/ lha'i gnod sbyin gsol/ skal ldan rin chen gsol/ dar nag ral ga can gsol/ rig 'dzin srog shing gsol/dus gsum sman pa gsol/ skyes bu chen po gsol/ lha mo nag mo gsol/ 'dod khams dbang sdud gsol/ zhes mchod pas mnyes par gyur to// 'di'i tshal du mtshon pas dge ba'i mchod pa phul lo// yongs 'dus kyi rtsar lha'i bu mo rnams kyis mchod pa/ hUM gshegs shig gshegs shig gnas 'dir gshegs// bu yi gnas mchog dam pa na// khyod kyi mthun pa'i dam rdzas ni// 'byor par tshogs so thugs dam can// rgyu shug la sogs spos lnga thu lu lu// ga pur la sogs sman lnga si li li// 'bru bcud chang gi phud ni brengs se breng// rak+ta dmar gyi ar+g+ha kyi li li// b+han+d+ha rus pa'i tshogs ni khra la la// bdud rtsi rnam lnga'i tshogs ni chi li li// sha chen mAM sa'i tshogs ni tshangs se tshang// mthun pa'i dam rdzas tshogs so gnas 'dir byon// dam rdzas gtor ma 'di long la// lha min dmag sna bzlog tu gsol// bdag cag rnams la skyabs chen mdzod// oM ma hA kA la rak+sha du bo ni dza/ ma hA kA la rU pa ma hA mAr sa khA hi ho// mA hA rak+ta/ ma hA tsit+ta/ mA hA du tri khA hi/ zhes mchod do// de nas a mo li ka'i rdo steng du lha'i bu rnams kyis mchod pa dam rdzas bdud rtsi gtor ma dam rdzas tshang ba la/'dod pa'i yon tan lnga yis rab brgyan cing// ye shes lnga yi 'od zer rnam par 'phro// dbang po drug gi spyod yul 'gyed// dri chen dri chu'i tshogs ni rba rlabs 'khrugs// rak+ta dmar gyi rang bzhin rgya mtshor 'khyil// ma hA sha yi rang bzhin sprin ltar spungs// ke rus rus pa'i rang bzhin ri ltar spungs// dpal ldan legs ldan yab sras yum dang bcas// gtso dang 'khor dang bcas pa'i thugs dam bskang// zhes lha'i bu rnams kyis mchod do// de nas chos bzang lha'i mdun sar lha rnams kyis dmag dpon du mnga' gsol te/ legs ldan nag po lha'i bu rnams kyis dmag dpon du mnga' gsol ba'i phyir/dar nag gi 'jol ber chen po bkon/ a ka ru nag po'i dud pas bdug/ phyag mang por sbrul gyis gdub bur byas/ tsan+dan gyi bing chen phyag tu bskur/mtshon cha dang ru mtshon mang po thogs te/ lha rnams kyi dmag dpon byas so// bu mos ni lha'i bu mo rnams kyi dmag dpon byas so// ma mos ni lha mo rnams kyi dmag dpon byas so// skar ma rgyal gyi nyin par rtsub 'gyur tshal du 'dus nas/lha rnams kyi dmag dpon skal ldan dpa' bo rdzu 'phrul grub pa'i sras/ mgon po legs ldan nag po thod phreng can la dmag dpon du mnga' gsol ba// hUM/ dus gsum bder gshegs thams cad kyis// ma hA kA lar mnga' gsol bas// dpral ba'i khro gnyer gsum dang ldan// dkon mchog gsum gyi mnga' gsol bas// khrims kyi cha lugs gsum dang ldan// rigs gsum mgon pos mnga' gsol bas// zhal gyi cha lugs gsum dang ldan// rigs gsum khro bos mnga' gsol bas// zhal gyi khro gnyer gsum dang ldan// lha srin rnams kyis mnga' gsol bas// dbu skra kham nag ral pa can// rgyu skar rnams kyis mnga' gsol bas// sku smad me lce'i lcags kyus rgyan// srid pa gsum la dbang bsgyur bas// sku yi lte ba zur gsum zab// klu chen brgyad kyis mnga' gsol bas// yan lag sbrul gyi chun pos brgyan// sa bdag rnams kyis mnga' gsol bas// na bza' zab ber mthing nag gsol// 'chi bdag bdud kyis mnga' gsol bas// phyag na tsan dan bing chen bsnams// lha rnams kun gyi mnga' gsol bas// bso sgra chen po gsum dang ldan// lha min g.yul las rgyal mdzad phyir// cha sgra chen po gsum dang ldan// byol song kun gyi mnga' gsol bas// mun pa'i g.yu rung sku la gsol// yi dwags rnams kyis mnga' gsol bas// rin chen 'bar ba'i do shal can// dmyal ba rnams kyis mnga' gsol bas// spyan nas bskal pa'i me chen 'bar// shangs nas bskal ba'i rlung nag 'tshubs// zhal nas bskal pa'i chu chen 'khrugs// lha yi dmag dpon mnga' gsol lo// chos skyong chen por mnga' gsol lo// mgon po chen por mnga' gsol lo// dkar po'i dbugs 'byin mnga' gsol lo// zhes mnga' gsol lo// der rgyal ba'i bka' bden par brjod do// dkon mchog gsum la mnyes pa'i dpang gzug ste// 'di skad brjod do// hUM/ ma nyes ma mo gzu dang dpang// dkon mchog gsum po gzu dang dpang// dus gsum sangs rgyas gzu dang dpang// dam chos bdud rtsi gzu dang dpang// phyogs bcu'i dge 'dun gzu dang dpang// dkyil 'khor lha tshogs gzu dang dpang// chos skyong lcam dral gzu dang dpang// phyogs skyong bcu po gzu dang dpang// lha srin sde brgyad gzu dang dpang// klu chen brgyad po gzu dang dpang// rigs gzhi'i klu rgyal gzu dpang// klu bran 'bum sde gzu dang dpang// gnyan chen 'khor bcas gzu dang dpang// rigs bzhi'i sa bdag gzu dang dpang// snang srid lha 'dre gzu dang dpang// bgegs rigs stong phrag brgyad cu gzu dang dpang// rgyal po btsan dang bdud du bcas// gzu dang dpang por khyod rnams bzhugs// nged kyis ma lan khong gis lan// nged kyis ma nyes khong gis nyes// legs nyes gnyis kyis stangs chod la// yo gal gnyis kyi thig thob cig/lha min 'di la las mdzod cig/ ces lha rnams kyis bro brdungs/ mchi ma bton 'o dod bos so// zhes pa me lce phreng ba'i rgyud las/ lha min 'dus pa'i mdun du lha rnams kyis legs ldan nag po spyan drangs mnyes par byas nas/dmag dpon du mnga' gsol ba'i le'u ste gsum pa'o//// de nas oM ma hA kA la rak+sha du biM ni dza/ oM shrI ma hA kA rU pa hUM phaT/ ces lha rnams kyis gnad nas bskul bas/legs ldan nag po thod phreng can ni byang phyogs kyi gnod sbyin chen po brgyad ni lcags kyi bya khra brgyad du sprul nas sngon du 'gro zhing// dam tshig nyams pa'i klad pa rtol cing lha min rnams kyi gnyen po mdzad pa/lho phyogs gshin rje'i gshed po brgyad ni/ stag gzig dom dred spyang ki brgyad du sprul nas phyir 'brang zhing lha min brlag par mdzad do// de lta bu'i dpa' bo de lha rnams kyis bskul ba/ dang po lha'i dbang po brgya byin gyis bskul ba ni/ hUM/ bcom ldan phyag na rdo rjes ni// khyod kyi gsang ba'i mtshan btags pa// rdo rje ro langs dur khrod bdag/ dur khrod gnas par rab tu mos// gsang ba'i mtshan nas 'bod do lha min g.yul rnams bzlog/'jam dpal dbyangs kyis mtshan btags pa// nag po mna' zan rnams ky-i gshed// sha khrag za la rab tu mos// gsang ba'i mtshan nas 'bod do lha min g.yul rnams bzlog/bcol lo bcol lo las bcol lo// rdo rje sems dpas mtshan btags pa// mthu chen log gnon rnams kyi gshed// log pa'i gang zag 'dul la brtson// gsang ba'i mtshan nas 'bod do lha min g.yul rnams bzlog/bcol lo bcol ba'i las rnams bcol// dge bsnyen srung ma las mdzod cig/ lha rnams gnod pa bzlog pa'i las mdzod cig/ lha dmag ma hA kA la'i tshogs ni sprin ltar gtibs la gshegs// las ni lha min gnon pa'i dus la bab// sdig can lha min sgrol ba'i dus la bab// dkon mchog dbu 'phang smod pa 'di// sangs rgyas bstan pa lha min khong gi bshigs// dge 'dun 'du ba'i sgo yang khong gi phrog/ dbang po'i sku la bsdo ba 'di// sdig can 'di'i su ci ma byas// las ngan sdig can 'dis su ci ma byas// las ngan sdig can 'khor ba'i sems can 'di// lha min dmag dpung bsgral ba'i zhing bcu yin pas na// shAkya thub pa'i bstan pa la// las ngan bsgral bar dam bcas pa'i// sdig can bsgral bar dam bcas pa// nag po chen po mthu bo che// skom du mi khrag mngar mo 'thung// zas su mi sha bshul mo za// gos su mi lpags rlon pa gon// 'khor du dur khrod ma mos bskor// las ngan lha min da sgrol cig/ rnam shes gzhan du sgyur la thong// srog dmar hub kyis thob la thong// lcags kyi bya khra chen por sku sprul la// sdig can 'di yi klad pa'i spyi rtol la// klad khrag dron mo gzhib pa'i dus la bab// lcags kyi sha spyang chen por sku sprul la// las ngan lha min srog pa'i rtsar zhugs la// srog rtsa drod mo gzhib pa'i dus la bab// nag po chen por sku sprul nas// sdig can gsod pa'i dus la bab// tshe mchog gsol ba'i rus la bab// dkon mchog gsum la skyabs 'gro bas// gtor ma phul nas 'di zhus pas// sems can rnams la gnod byed pa// mgon po nag po khyod kyis gsol// lha min sha ni gcod par gyis// khrag ni bcus te btung bar gyis// yang na de yi phyi nang gi/til tsam dag tu sha chod cig/ dkar po'i srung ma las mdzod cig/ bzlog cig lha min g.yul bzlog cig/ lha min gdug pa gsad pa'i las mdzod cig/ da nas bzung nas skyes bu yis// lha rnams srungs shing bskyab tu gsol// lha rgyal gdan nas bskyod da re// lha bran mtha' nas brags pa re// pho brang ngo mangs 'gyur ra re// bsgrub la bar chad sho ra re// log 'dren lha min dbang du song ra re// legs ldan nag po mthu bo che// mgon po nag po thugs dam can// lnga brgya dus kyi tha ma la// shAkya thub pa'i bstan pa la// bstan pa bsrung bar zhal bzhes pa// dge la sbyor ba'i grogs bya zhes// nyid kyis khas blangs dam bcas pa// bdag cag lha yi rigs rnams la// mthu dpung 'byin pa'i dus la bab// hUM/ bde chen 'du 'bral med pa'i klong dkyil nas// yang dag sku gcig byung ba ni// mthing nag mi srun 'jigs pa'i sku// nyid kyi sku mdog 'jig shing mthing nag chen po las// dbu skra kham nag thor tshugs gcig tu 'khyil// smin ma nag po khro gnyer brjid pa'i zhal// spyan bzlog zhal gdangs mche ba rno gtsigs nas// dam nyams dgra bgegs rnams kyi snying rtsa gcod// shangs nas me dang dug gi tshubs ma gtong// phyag gnyis thabs dang shes rab zung du 'brel// g.yas kyi phyag na tsan+dan bing chen bsnams// gsor zhing gsor zhing klad pa'i rgyas su rgyob// tsan+dan bing gi stod shed nas// sprul pa'ipho nya 'bum bkye bas// steng gi lha bdud dbang du sdud// tsan dan bing gi zhabs shed nas// sprul pa'i pho nya 'bum bkye bas// 'og gi srin tshan drung nas 'byin// tsan dan bing gi bar shed nas// sprul pa'i pho nya 'bum bkye bas// bar gyi gra bgegs rdul du rlogs// sdig can lha min rdul du rlogs// g.yon ni lcags par sku la brten// dar ser sngo bkra sku la gsol// gser ka rin chen sku la bcings// spyan gsum sdang mig gyen du bgrad pa yis// steng gi lha yang 'dar sha sha/ spyan gsum sdang mig thur du bgrad pa yis// 'og gi klu yang zil gyis gnon// spyan gsum phred la phar bgrad pas// phyogs bzhi mtshams brgyad kun nas ni// gnas pa thams cad pho nya 'gyed// zhabs gnyis brkyang bskum tshul gyis 'byung po gnon// kye/ mgon po nag po'i bstan pa la// 'khrugs pa can la 'di yin pas// gal te rings par drang bas na// gdug pa'i dgra bo 'di nyid ni// zung zung sod sod khyer khyer chings// sregs sregs gtor gtor sgrol sgrol chings// skad cig gcig gis med par gyis// lha min dmag gi dpung shig cig/ oM ma hA kA la rak+sha sa du beng nr-i dza/ oM shrI ma hA kA la rU pa hUM phaT/ b+h+yo b+h+yo b+h+yo/ zhes mngags te rbad pas// lha min dang 'dres pa'i tshal du 'thabs pas/ lha ma yin rnams kyi g.yul bzlog nas/ grong khyer sum brtsegs kyi nang gi rtser bros so// der grong khyer sum brtsegs de ni shin tu brtan la khyab 'jug kho'i mthu brtan pas thabs ma rnyed de/yab skal ldan dpa' bo zhes bya ba dang/ shaM ka ra bde byed ces bya ba de la/ ci tsug byas na shig dris pas/ yab na re/ phyi'i rgya mtsho nas phar 'das pa'i lcags ri la rdo rje pha lam yod/de dang rgya mtsho'i lbu ba dang rdo sol tshos brgyab na shig ste 'ong zer nas/ der legs ldan gyis da ste zhag bdun na ngas khyod kyi grong khyer sum brtsegs 'jig go khyod rang zon gyis shig ces khyab 'jug la 'phrin bskur// der lha min rnams ni sdug[¿¿¿] bsngal dpag tu med pas 'jigs nas yod tsa na/ legs ldan gyis rdzas de rnams rdzu 'phrul gyis blangs nas// kha T+wAM ga'i rtse mo la phyar nas khang pa la brgyab pas ril le ma zhig pas/kha T+wAM ga brgyab pas thams cad rdol zhing song ngo// der yang de ni de 'dra ba min pa'i ril le 'jig pa'i mtshon yod de/ da dung ngas bza' ltas pa tsam yin byas nas/ da ni zhag bdun na 'jig go byas pas/der zhag bdun gyi nang par khyab 'jug na re kho'i mtshon cha de ya cha ba gcig 'dug pas/ kho yin yang do shi/ da de bas kyang drag pa yod zer bas ma byung ba la ngas sngun bsu la kho dang 'thabs kyis/'on tang khos nga ni mi thub/ nga la ral gri bas ma chod yod/ 'khor lo phog 'chi yod/ dung srid pa gsum du thos pa yod// mda' go cha cis kyang mi thub pa ri bo mchog rab kyang phigs pa yod/ mdung shugs dang ldan pa yod de/lag cha 'di tsam pa kho la med pas pham mi srid cing/ brgya la 'pham na dung len gsum 'bud kyis de tsam na grong khyer sum brtsegs 'u cag gis shig cig/ khong gis bshig na de rang snying mi dga' 'o zer nas/dpa' rtags lnga dang g.yas su 'khor lo khyer/ g.yon du dung thog phyin tsam na/ khyab 'jug gis phyin pa'i lam du legs ldan gyis// brag shin tu sra ba rgya che ba 'phang mtho ba sul dang ser ga med pa skor thebs med pa gcig gi rtsar/chu shin tu che ba rab med pa rba dog pa skor sa med pa ste rgyun ring ba gcig gi bar du lam phra mo bred de gcig las med pa zhig tu sprul nas/ de'i bar du rgan mo rna bas mi thos mig gis mi gsal ba gcig tu sprul nas bsdad tsam na/khyab 'jug byung nas rgan mo phar zur zer ba la/ rgan mos khyod su yin byas pas/ nga khyab 'jug yin 'jig rten gyi khams na nga ma thos pa yang yod dam zer/khyab 'jug yin na kho la dpa' rtags kyi phyag rgya rnam pa lnga yod de/ nga la cha yod pa yin te/ khyod la cang yod dam khyod khyab 'jug cang yin nam byas pas/ khyab 'jug na re/ dpa' rtags kyi phyag rgya lnga nga la yod zer/yod na dung bus dang byas pas/ khyab 'jug gis dung bus pas/ rgan mos ngas ma thos byas pas/ der khyab 'jug kho khros nas drag po gcig pus pas/ legs ldan rgan mor sprul pa na re/khyod la 'dug ste 'dug ste khyab 'jug gi dung min nam/ khyab 'jug gi dung yin na kho'i dung shin tu skad che ba yin/ 'jig rten srid pa gsum du thos pa yin byas pas/ khyab 'jug kho chus mchu sdog gyin yin nam/sdog skyes dad pa log nas rna la gtad nas drag po gcig bus pas/ der dung skad lan gsum song nas/ der khos phyin tsa na legs ldan yab sras mi 'dug nas log phyin tsam na/ lha min gzhan chos dung lan gsum byung bas 'pham snyam nas/grong khyer sum brtsegs bshig nas dud pa long de byas 'dug/ thal ba phung nge la song bshig nas 'dug ste/ der lha min rnams la brten sa med nas bros te/ ri rab kyi khong gseng la thon nas rgya mtsho'i nang du klu la skyabs tshol te/ der lha min phung zhing brlag par mdzad do// der lha thams cad dga' ste/ rnam par rgyal ba'i khang bzang du tshogs nas// skyes bu chen po skal ldan dpa' bo zhes kyang bya/shaM ka ra bde byed ces bya ba de dang/ mgon po nag po ma hA kA lA zhes kyang bya/ legs ldan nag po thod phreng can zhes bya ba de yab sras 'khor bcas la/ lha rnams kyi lha ma yin gyi g.yul bzlog pa'i gtang rag ni mchod pa chen po byas te/sras legs ldan la yab skal ldan dpa' bo mgu ste bstod pa/ grong khyer sum brtsegs thabs kyi 'jom pa yi// mgon po khyod la bdag bstod do// lha min g.yul tshogs 'pham par byed/lha dmag dkar po dbugs 'byin pa// rdzu 'phrul sna tshogs bsam mi khyab// mgon po khyod la bdag bstod do// lha ma yin gyi g.yul chen bcom// lha yi brtul zhugs la gnas te// bgegs rigs stong phrag brgyad bcu btul// bi nA ya ka'i klad khrag 'thung// lha min g.yul las rab rgyal ba// mgon po khyod la bdag bstod do// zhes yab kyis bstod do// lha rnams kyis bstod pa yang yod do// de skad bstod pas mgu bar byas so// gus par byas so// 'dun par byas so// phu dud du byas so// zhes me lce phreng ba'i rgyud las/ lha min dpung bzlog pa'i le'u ste bzhi pa'o//// rgya gar skad du/ma hA de ba ga na pa ti/ bod skad du/ lha chen po tshogs kyi bdag po/ lha'i ded dpon zhes bya bar lha rnams kyis bsgrags so// de yang lha rnams kyi yab lha chen por gyur nas/ lha'i dka' thub la gnas par gyur te/dur khrod kyi skal ldan ri rab kyi rtse la spyan drangs nas// lha ma yin thams cad btul te/ lha'i ded dpon chen po mnga' gsol ba'i dum bu ste dang po'o//// de'i tshe lha'i bu legs ldan nag po des/ sring mo dpal ldan dung skyong ma dang gnyis/ lha'i dka' thub kyi zas dkar gsum za ba la mi dga' zhing/ sngon gyis pha mas rkan phab pa'i dur khrod kyi sha khrag dang/ rgun chang dang/ sgog btsong la yid chags nas ming sring gnyis gros byas nas dur khrod du bros so// der lha rnams kyis pi wang gi brda' snyan po dang/ rol mo dang dbyangs snyan posaspyan drangs shing mchod pa las/ nya stong dus drug la sogs phog re 'byon par zhal gyis bzhes te bzhugs su ma gnang ngo// sngon gyi yab la mchod pa ci byed pa de bzhin du bkur sti dang rim gro byed do// de'i tshe sring mo lha mo dung skyong ma khrag rul 'dod nas/ khral rul gyi dri bsnams pas de'i phyogs thams cad du phyin pas srin po lang ka pu rangs kyi phug tu phyin no// der srin po lang ka mgrin bcu khrag rul ba zangs gang bskol ba dang 'phrad pas/ mos khrag bslangs pas khrag phor gang byin no// de 'thungs pas mos khrag gis myos te mig dmar por gyur to// mo myos ti gnyid log pa las srin pos rkang pa lcags sgrog tu bcug ste chags pa spyad do// der mo gnyid sad tsam na nga'i chung ma bya'i 'dir 'dug zer nas/kho sha khrag gi zas 'tshol du song ngo// der mo kho la snying na nas rkang pa lcags sgrog tu bcugs pas bros pa'i thabs ni med nas/ gdos 'gros byed kyin kho'i khyim du phyin pas/ kho'i bu srin phrug lnga brgya nyin mo zhing shin tu rtse brgyar bsnyal nas 'dug/nub mo srin phrug lnga brgya mi'i gzugs su 'jug pa mthong/ srin zangs khal brgya chus 'gengs pa yang mthong/ srin gyi zangs ma bsgro nas 'dug pa yang mthong/srin gyi bong bu dmar po rtswa za ba yang mthong/ der mos srin gyi ral gri blangs te/ rkang pa'i lcags sgrog gi bar du brgyab nas bcad/ srin zangs kyi chu bskol te srin phrug rnams der blugs nas bsad/ bong bu gwa dmar la zhon ral gri khyer nas bris pas/ srin po byung ngam ma byung phyi mig bltas pas byung ste myur du bros pas mos ming po'i gam du rdol ba dang/ srin po srin glang dmar por brdzus te rdol ba dang/ srin pos ming po la ne'u le brgyab pas/legs ldan nag pos ne'u le'i ltag pa bcag/ sring mo lha mo dung skyong ma'i ral gri ming pos blangs nas srin glang gi mgo bo bcad do// srin po lang ka pu rangs kyi grong khyer gtan nas brlag par byas// der sring mo lha mo dung skyong mas/ ming po legs ldan thod phreng can la bstod pa/ hUM/ srin yul lang ka pur rangs dag tu byon// srin gyi grong khyer brlag par mdzad/ lang ka mgrin bcu'i mgo bcad nas/dpa' bo nyid kyi rgyan du byas/ mgon po khyod kyi sku la phyag 'tshal lo// zhes bstod nas srin po'i ya gal snga ru byas/ srin po'i ma gal phyi ru byas/ pags pas sga g.yogs byas/ rgyu mas gang thag gong rmad byas/ne'u le nor gyi rkyal bu byas// ral gri sring mo'i phyag mtshan du byas so// me lce phreng ba'i rgyud las/ nag po chen po lcam dral gyis srin po kang ka mgrin bcu btul ba'i le'u ste lnga pa'o//// yang de'i tshe tshogs kyi bdag po lcam dral gnyis/ dur khrod kyi mkha' 'gro ma rnams kyis dur khrod kyi sha khrag gis nyin mtshan du mchod pas dur khrod kyi ro thams cad zad par 'gyur pa dang/ rgya gar gyi yul grong khyer sum brtsegs pa'i mi rnams la mkha' 'gro ma rnams kyis kha rlangs kyi dug btang bas/ mi thams cad rims nad kyis shi bar gyur nas de dag gi ro thams cad kyis nag po chen po lcam dral la mchod pa byas so// de'i tshe grong khyer sum brtsegs kyi rgyal po tshangs pas byin gyis gnas nas pho brang gi sgo gar phyir gshegs te/ bya rgod phung po'i ri la gshegs te/ bcom ldan 'das shAkya thub pa la/grong khyer du nam mkha'i nad dbab pa de bcad par zhu ba phul bas/ bcom ldan 'das kyi dbu'i gtsug nas/ gtsug tor gdugs dkar mo can bton te/ dbu dang phyag zhabs nam mkha'i 'od zer dkar mo dang bcas pas/oM ta thA ga toSh+NI Sha si tA ta pa dre hUM hUM/ zhes bya ba'i sgra dang bcas pas nag po chen po'i thad du rdo rje 'chang chen po mngon par sprul to// de'i tshe nag po chen pos gzi byin ma bzod de/ bcom ldan 'das kyi thad du 'ong nas zhabs la phyag 'tshal te/'khor mang po dang bcas pa phyogs gcig tu 'khod nas/ bcom ldan 'das la gsol pa/ bcom ldan 'das bdag cag rnams la bskyab tu gsol lo// bdag la mgon po mchis pas na/ de bzhin gshegs pas thugs rjes gzung du gsol/ bdag kyang lha dang mi'i 'jig rten bde bar bgyi ba dang/ bcom ldan 'das kyi bstan pa yun ring du gnas par bgyid pa'i slad du bdag gi rig pa 'di 'bul na bzhes su gsol/oM shr-I ma hA kA la ga na pa ti badzra yag+sha de ba hUM dza zhes phul nas bstan pa bsrung bar dam bcas so// gtsug tor gdugs dkar mo can yang de bzhin gshegs pa'i spyi bor nub par gyur to// grong khyer sum brtsegs pa'i mi thams cad kyang rims nad chad par gyur to// dpal nag po chen po la/ bcom ldan 'das kyis bstan pa bsrung ba'i gnang ba byin pa'o// me lce phreng ba'i rgyud las bcom ldan 'das kyis dpa' mgon po nag po btul zhing dam la btags pa'i le'u ste drug pa'o//// me lce phreng ba'i rgyud las/ dpal mgon po nag po lcam dral gyis srin po btul zhing sangs rgyas kyi bstan pa bsrung bar khas blangs pa'i dum bu ste gnyis pa'o// nag po chen po'i rgyud kyis gnas te dang po'o// gzhan yang yang dag bshad bya ba// khyod kyi lo rgyus de ltar de// bstan pa bsrung tshul 'di ltar lags// sangs rgyas chos dang dge 'dun gsum// smod par byed pa rlag par byed// sa dang lam la gnas pa yi// byang chub sems dpa' srung skyabs shing// dam tshig ldan pa can de srung// gzhan yang dben pa'i sgo 'phrog chos sgor smod// bstan pa spyi dgra gyur pa dang// dam tshig can gyi rnal 'byor la// sgos kyi dgra bo byed pa dang// log lam zhugs pa kun kyang sgrol// legs nyes stang gzung dam tshig rjes gcod cing// srid pa'i rtse nas so tshugs bya ra gyis// zhes pas legs ldan nag po me lce phreng ba'i rgyud las/ bstan pa bsrung tshul gyi le'u ste bdun pa'o//// dum bu gsum pa gnyis pa'o// de nas yang dag bshad bya ba// phyi rabs rnal 'byor rjes zhugs nas// bsgrub na don ni gsum du bshad// spyi gzhung phrin las man ngag dang// log non man ngag rim pa dang// las tshogs khol bu rim pa gsum// phyi rabs mgon po bkol bar bya// phrin las spyi gzhung don bcu ste// zhes pas me lce phreng ba'i rgyud las/ spyi sdom tshig gi le'u ste brgyad pa'o//// de nas yang dag bshad bya ba// dang po kho nar gnas btsal pa// dur khrod ri bo tsan dan tshal// brag dmar zla gam dmar nag gam// lha khang la sogs sa phyogs su// sa ni brtag cing bslang ba dang// gzung dang spang dang phur gdab sogs// sa yi las rnams tshang bar bya// de nas gzhan yang dkyil 'khor ni// mda' gang gru bzhi bcas pa la// dbus su pad+ma 'dab ma bzhi// nag por byas pa de la yang// mu khyud ser po gru chad dmar// sgo bzhi dag dang ldan par bya// dbus su mgon po'i sku mtshan dgon// shar du bing chen dbang bskur bzhag/ lho ru rgya spos dud pa btang// nub tu lcags par gtor blugs bzhag/ byang du rabs chad thod pa ru// thun sna tshang bar blug la bzhag/ dkyil 'khor dbus ma nag po la// zla gam dkyus su khru gang la// dpangs su khru gang yod pa la// yar phye mar phyed bar dag tu// mgon po nag po'i dam rdzas ni// mis ma tshor ba sbas la bzhag/rabs chad gri bo'i thod pa ni// dum bu gcig gam yang na bzhi// gang rnyed pa yi thod pa ru// 'gro mchog tsit+ta rtsa lag tshang// srog rtsa gsum du gtad gsum bya// chang phud a mr-i ta dang khrag/nya sha sgog btsong la phug dang// dkar gsum mngar gsum blug pa ni// mthing nag srog 'khor can gyis bcad// mi mthong sba ba mchog tu bsngags// dkyil 'khor mda' gang gru bzhi la// 'phang du sor brgyad byas nas ni// dbus su khru gang zlum por bskor// de la thod pa'i phreng ba btang// dbus su gru gsum byas nas ni// nang ni rgya sol nag pos byug/ zla gam dbus ni dkar po bya// tha mar tshon rtsi nag por btang// de yi tha mar rtsang gis bskor// gdug pa'i shing gi phur bu la// tshon rtsi nag po byug byas la// gzungs thag thabs kyi srin lag la// btags te bzhag pa mchog tu gsungs// yid gzhungs la ni zhe gnag pa// khrims gtsang ma yi lag tu 'jug/ phyi ma rnams kyang 'dren med bzlas// chu rgyun lta bu bzlas pa bya// ling+ga pha rol tshu rol sa// mdo gsum phung sa rlung khyer sa// tsha ba gsum dang dug ske tshe// bsregs te de la gzugs byas la// snying gar bsags la gan rkyal bzhag/ ces pas dkyil 'khor bcos shing rdzas bsags pa'i le'u ste dgu pa'o//// de nas mtshams bcad pa'i rim pa ni/ bden pa bdar te nga ro yis// bgegs rnams 'di na mi gnas bya// bdag nyid rdo rje 'dzin rgyal bskyed// bdag nyid 'od zer gnas nas su// spyan drang rang la bstim par bya// de nas gsang nas sngags brjod pas// sngags las 'od zer 'phros pa las// bdud rtsi 'khyil pa dpag med kyis// bgegs rnams ma lus bskrad par bya// oM badzra pA Ni hUM// zhes pa'i sngags kyis bsdigs pa ni// sdigs mdzub byas te nyung dkar gtor// de nas bden pa'i bka' bsgo bya// zhes pas me lce phreng ba'i rgyud las/ mtshams bcad pa'i le'u ste bcu pa'o//// de nas ting nge 'dzin la zhugs// stong pa nyid la yun ring bsgom// ye stong thog ma med nas stong// de ma rtogs la snying rje bskyed// de las skad cig ting 'dzin gyis// badzra pA Nir langs pa las// pad+ma maN+Da la zhes brjod// pad+ma'i gdan du gyur te hUM// skar mda' bzhin du bab par bsam// hUM s+pha ra Na phaT// ces brjod pas/ hUM las 'od 'phros don gnyis byas// tshur 'dus tsan dan ping du gyur// dzaHhUM baM ho// ma hA kA la rak+sha du bing ni dza ho/ hUM zhes mgon po'i sku bskyed pa// nyi shu rtsa gcig brjod pa yi// ma hA kA la nyid kyi sku// lhag gis byung ba kho na ste// sku mdog mthing nag zhal gcig pa// phyag gnyis gser ka'i sku rags can// dbu skra kham nag ral pa thor gtsug gyen du 'khyil// khro gnyer smin mtshams bar du brjid// spyan ni sdang mig zhal bgrad pa// mche gtsigs sma ras gtibs pa la// phyag g.yas tsan dan bing chen bsnams// g.yos pa bar bu sku la brten// zhabs gnyis brkyang bskum tshul gyis bzhugs// 'jigs 'jigs rngams rngam 'dra ba yi// mgon po nag po de bsgom bya// zhes pas ting nge 'dzin gyi le'u ste bcu gcig pa'o//// de nas spyan drang ba 'di skad do// hUM/ dad pa dang ni dam tshig gis// tshur gshegs tshur gshegs ma hA kA la che// tshur gshegs tshur spyon dpal ldan mgon po che// 'dir gshegs gdugs pa'i dgra bgegs 'dul phyir byon// dbyings nas bzhengs pa mi mnga' yang// sangs rgyas bstan pa srung slad du// 'bar ba'i skur ston 'dir gshegs mchod pa bzhes// 'dir gshegs bdag gi longs spyod mchod pa bzhes// nag po mi zan 'dir gshegs mchod pa bzhes// pha rol phyin spyod 'dir gshegs mchod pa bzhes// rig 'dzin srung ma 'dir gshegs mchod pa bzhes// ded dpon chen po 'dir gshegs mchod pa bzhes// lha min g.yul bzlog 'dir gshegs mchod pa bzhes// lha dmag dbugs 'byin 'dir gshegs mchod pa bzhes// dad pa dang ni dam tshig gis// tshur gshegs ma hA kA la che// dkyil 'khor gsang ba'i gnas 'dir gshegs su gsol// bdag cag gsol 'debs gdug pa'i dgra bgegs sgrol// oM shrI ma hA kA la dzaHhUM baM ho hUM phaT/ ces pas spyan drangs pa'i le'u bcu ste bcu gnyis pa'o//// de nas nyams myong brtag bya la// rang dbang med par skyi zing zhing// 'jigs dang ya nga yong bar byed// de tshe dar gyi gur khang phub// spos dang gu gul bsregs byas pas// bgegs rnams yin na bros nas 'gro// mgon po yin na dam tshig la// nye bar dgongs nas byon par byed// phyag rgya bstan cing dam tshig bsre// cho 'phrul cir yang ston nus so// nyams rtags brtags pa'i le'u ste bcu gsum pa'o//// de nas yang dag bshad bya ba// phyag gi rim pa 'di gsungs pa// hUM/ mnyam med mthu mnga' gtum chen me ltar 'bar// ma rungs 'jom mdzad dgra bshegs thal bar rlog/ mtha' byed gzhon nu 'jigs pa'i gad rgyangs can// skal ldan dpa' bo khyod la phyag 'tshal lo// lha min dmag tshogs g.yul bzlog cing// lha dmag dkar po dbugs 'byin pa// rdo rje dur khrod 'khor bcas la// dad pas sems kyis phyag 'tshal lo// bsod nams gzi byin khyod la phyag 'tshal lo// drag shul mthu chen 'phags la phyag 'tshal lo// ye shes tshogs rdzogs khyod la phyag 'tshal lo// sgrib gnyis spangs pa khyod la phyag 'tshal lo// lung bstan thob rdzogs khyod la phyag 'tshal lo// 'jig rten 'di na gang zhig gis// khyod kyi mtshan nas brjod bsgrub na// dngos grub myur du ster mdzad pa'i// mi bsnyems byams la phyag 'tshal lo// legs ldan nag po khyed la phyag 'tshal lo// oM ma hA kA la hUM baM hUM phaT/ a ti pu ho/pra ti dza ho// sa ma ya ho/ na mo sha ya/ zhes pa me lce phreng ba'i rgyud las/ phyag 'tshal ba'i le'u ste bcu bzhi pa'o//// de nas bzhugs su gsol ba 'di gsungs so// hUM/ ye shes mkha' 'gro sngon po'i mdog tu gyur// sku mdog sngo nag dbyar gyi sprin lta bu// dug gsum mun khams ma lus 'joms mdzad pa'i// ma hA kA la khyod nyid dgyes shing brtan par bzhugs// 'dir gshegs gdan la bzhugs nas kyang// 'jig rten pa dang mthun 'jug phyir// phyag dang zhabs gnyis bsil bar mdzod// oM shrI ma hA kA la rU pa hUM/ sa ma ya tiSh+Tha lhan A be sha ya a/ zhes pa me lce phreng ba'i rgyud las/ brtan par bzhugs su gsol ba'i le'u ste bco lnga pa'o//// de nas yang dag bshad bya ba// gshegs shig gshegs shig gnas 'dir gshegs// bu yi gnas mchog dam pa na// khyod kyi mthun pa'i dam rdzas ni// 'byor pa tshogs so thugs dam rdzas// rgya shug la sogs spos lnga thu lu lu// ga pur la sogs sman lnga ci li li// 'bru bcud chang gi phud ni brengs se breng// rak+ta dmar gyi rgya mtsho ky-i li li/ b+han+d+ha rus pa'i tshogs ni khra la la// sha chen bdud rtsi'i tshogs ni tshangs se tshang// mthun pa'i dam rdzas tshogs so gnas 'dir byon// rgyan gyi gtor ma 'di long la// bcol ba'i las rnams grub pa mdzod// de nas mchod pa dang gtor ma bshad par bya'o// phyi yi mchod pa 'bul ba ni// me tog phreng ba la sogs rin chen dbyig/ mar me mun sel dri zhim spos kyi mchog/ bdud rtsi yon chab 'o ma kun gyi gsos// sgrib sel bshos gtsang dam pa bdud rtsi bcas// drang srong shaM kar sku la mchod pa 'bul// u ma'i sku la mchod pa 'bul// legs ldan nag po'i sku la mchod pa 'bul// ma hA kA la'i sku la mchod pa 'bul// lha mo dung skyong sku la mchod pa 'bul// oM ma hA kA la rak+sha du beM shri dza/ pU dza me g+ha s+pha ra Na ar+g+haM/ d+hUpe/ puSh+pe/ A lo ke g+han+d+he/ ne wi d+ya/ shap+ta rat+na pU dza me g+ha sa mu dra s+pha ra Na sa ma ye/ oM AHhUM/ zhes mchod do// dam rdzas kyi mchod pa 'bul ba ni/ lcags bar gyi nang du dkar gsum dang/ mngar gsum dang/ la du dang/ sgog btsong dang/ rgun 'brum dang/ 'bru thug dang/ 'bras chan dang/ khur ba dang/ shing thogs sna tshogs rnams blugs pa/ dar mthing nag gis kha bcad/de skad bskul lo// hUM/ me tog phreng ba la sogs rin chen dbyig/ la du la phug la sogs yid bzhin 'bras bu'i zas// phyogs bcu'i chu skyes me tog longs spyod rgyan// ris su ma chad longs spyod rgyas par 'bul// dkyil 'khor mdzes pa dam pa dang// bshos gtsang me tog mar me spos sna tshogs// rgun chang la sogs btung ba'i mchog/ sbrang rtsi la sogs mngar ba'i dbyig/ sna tshogs mchod pa 'di dag bzhes// dngos 'byor dang ni yid kyis sprul// gzugs dang sgra dang dri ro reg/ chos la sogs pa'i mchod pa kun// mgon po 'khor bcas sku la 'bul// zhes pas dbul lo// nang gi mchod pa dbul ba ni// g.yu dri myos byed chang/ skye 'gro 'bru'i bcud/ bdud rtsi bcud kyi zas/ skyems 'phang phud kyis mchod/ skal ldan dpa' bo gsol/ drang srong shaM kar gsol/ legs ldan dpa' bo gsol/ lha'i gnod sbyin gsol/gser ka rin chen gsol/ dar nag ral can gsol/ rig 'dzin srog shing gsol/ dug gsum sman pa gsol/ skyes bu chen po gsol/ lha mo dung skyong gsol/ 'dod khams dbang du gsol/ zhes mchod pas mnyes par 'gyur ro// de nas bdud rtsi'i mchod pa 'bul ba ni/ hUM/ gshegs shig gshegs shig gnas 'dir gshegs// bu yi gnas mchog dam pa nas// khyod kyi mthun pa'i dam rdzas ni// 'byor pa tshogs so thugs dam can// rgya shug la sogs spos lnga thu lu lu// ga pur la sogs sman lnga si li li// 'bru bcud chang gi phud ni brengs se breng// rak+ta dmar gyi ar+g+haM kyi li li// b+han+d+ha rus pa'i tshogs ni khra la la// bdud rtsi rnam lnga'i tshogs ni tshangs se tshang// sha chen mAng sa'i tshogs ni spungs se spung// mthun pa'i dam rdzas tshogs so gnas 'dir byon// dam rdzas gtor ma 'di bzhes la// sdig can dgra bo 'dul du gsol// bdag cag rnams la skyabs chen mdzod// oM ma hA kA la rak+sha du bed nr-i dza// ma hA' mAM sa khA hi/ ma hA rak+ta khA hi/ ma hA ru ti khA hi/ ma hA tsit+ta khA hi/ zhes mchod do// dam rdzas bdud rtsi dam rdzas tshang ba la// 'dod pa'i yon tan lnga yis rab brgyan cing// ye shes lnga yis 'od zer rnam par 'phro// dbang po drug gi spyod yul 'gyed// dri chen dri chu'i tshogs ni rba rlabs 'khrug/ rak+ta dmar gyi rang bzhin rgya mtsho 'khyil// mAM sa sha yi rang bzhin ri ltar spungs// keng rus rus pa'i rang bzhin ri ltar spungs// dpal ldan legs ldan yab sras yum dang bcas// gtso dang 'khor du bcas pa'i thugs dam bskang// zhes mchod do// de nas las la mnga' gsol ba ni/ hUM/ dus gsum sangs rgyas thams cad kyis// ma hA kA lar mnga' gsol bas// dpral ba khro gnyer gsum dang ldan// dkon mchog gsum gyis mnga' gsol bas// khrims kyi cha lugs gsum dang ldan// rigs gsum mgon pos mnga' gsol bas// zhal gyi cha lugs gsum dang ldan// rigs gsum khro bos mnga' gsol bas// zhal gyi khro gnyer gsum dang ldan// lha srin rnams kyis mnga' gsol bas// dbu skra kham nag ral pa can// rgyu skar rnams kyis mnga' gsol bas// sku smad me yi lcags kyus brgyan// srid pa gsum la dbang bskur bas// sku yi lte ba zur gsum zab// klu chen brgyad kyis mnga' gsol bas// yan lag sbrul gyi chun pos brgyan// sa bdag rnams gyis mnga' gsol bas// na bza' za ber mthing nag gsol// 'chi bdag bdud kyis mnga' gsol bas// phyag na tsan dan bing chen bsnams// lha rnams kun gyis mnga' gsol bas// bswo sgra chen po gsum dang ldan// lha min g.yul las rgyal mdzad phyir// cha sgra chen po gsum dang ldan// byol song kun gyis mnga' gsol bas// mun pa'i g.yung drung sku la gsol// yi dwags rnams kyis mnga' gsol bas// rin chen 'bar ba'i do shal can// dmyal ba rnams kyis mnga' gsol bas// sku la bskal pa'i me chen 'bar// zhal nas bskal pa'i chu chen 'brub// lha yi dmag dpon mnga' gsol lo// chos skyong chen por mnga' gsol lo// mgon po chen por mnga' gsol lo// dkar po'i bstan pa srung bar mnga' gsol lo// zhes pas mnga' gsol lo// deng rgyal ba'i bka' bden pa brjod do// dkon mchog gsum la ma nyes pa'i dpang gzug ste 'di skad brjod do// hUM/ ma nyes ma g.yo gzu dang dpang// dkon mchog gsum po gzu dang dpang// dus gsum sangs rgyas gzu dang dpang// phyogs bcu'i dge 'dun gzu dang dpang// dam chos bdud rtsi gzu dang dpang// dkyil 'khor lha tshogs gzu dang dpang// chos skyong lcam dral gzu dang dpang// phyogs skyong bcu po gzu dang dpang// lha srin sde brgyad gzu dang dpang// klu chen brgyad po gzu dang dpang// rigs bzhi'i klu rgyal gzu dang dpang// klu bran 'bum sde gzu dang dpang// gnyan chen 'khor bcas gzu dang dpang// rigs bzhi'i sa bdag gzu dang dpang// snang srid lha 'dre gzu dang dpang/ bgegs rigs stong phrag brgyad cu gzu dang dpang// rA dza btsan dang bdud du bcas// gzu dang dpang por khyed rnams bzhugs// nga yis ma len kho yis len// nga yis ma nyes kho yis nyes// legs nyes gnyis kyis thig thob cig/ dgra bo gsod pa'i las mdzod cig/ces me lce phreng ba'i rgyud las/ gtor ma dang mchod pa la sogs pa'i le'u ste bcu drug pa'o//// de nas bskul ba bstan par bya ste// 'di skad bskul lo// hUM/ bcom ldan phyag na rdo rje yis// khyod kyi gsang ba'i mtshan btags pa// rdo rje ro langs dur khrod bdag/ dur khrod gnas par rab tu mos// gsang ba'i mtshan nas 'bod do dgra bo da sgrol cig/ 'jam pa'i dbyangs kyis mtshan btags pa// nag po mnal zan rnams kyi gshed// sha khrag za la rab tu mos// gsang ba'i mtshan nas 'bod do dgra bo da sgrol cig/ rdo rje sems dpas mtshan btags pa// mthu chen log 'dren rnams kyis gshed// log pa'i gang zag 'dul la brtson// gsang ba'i mtshan nas 'bod do da tshur byon// bcol lo bcol lo las bcol lo// dge bsnyen srung ma las mdzod cig/ sdig can dgra bo sgrol ba'i las mdzod cig/ ma hA ka la'i tshogs ni sprin ltar gtibs la gshegs// las ngan dgra bo mnan pa'i dus la bab// sdig can dgra bo bsgral ba'i dus la bab// dkon mchog dbu 'phang dam nyams 'di yi smad// sangs rgyas bstan pa dam nyams 'di yis bshig/dge 'dun dkor yang dam nyams 'di yis phrogs// slob dpon sku la 'di yis bsdos// sdig can 'di yis ci ma byas// las ngan sdig can 'khor ba'i sems can 'di// bsgral ba'i zhing bcu yin pas na// shAkya thub pa'i bstan pa la// las ngan bsgral bar dam bcas pa// sdig can bsgral bar dam bcas pa// nag po chen po mthu bo che// skom du mi khrag mngar mo 'thung// zas su mi sha bshul mo za// gos su mi lpags rlon pa gon// 'khor du dur khrod ma mos bskor// las ngan dgra bo da sgrol cig/ rnam shes gzhan du sgyur la thong// srog la hub kyis thob la shog/ lcags kyi bya khra chen por sku sprul la// sdig can 'di yi klad pa'i spyi rtol la// klad khrag dron mo gzhib pa'i dus la bab// lcags kyi sha spyang chen por sku sprul la// las ngan dgra bo'i srog pa rtsar zhugs la// srog rtsa dron mo gzhib pa'i dus la bab// nag po chen por sku sprul la// las ngan gsod pa'i dus la bab// sdig can gsol ba'i dus la bab// dkon mchog gsum la skyabs 'gro rnams// gtor ma phul nas 'di zhus pas// sems can rnams la gnod byed pa// mgon po nag po khyod kyi gsol// dgra bo'i sha ni ma nongs par gyis// khrag ni bcus te btung bar gyis// yang na de yi phyi nang gi/ til tsam dag tu sha chod cig/ dkar po'i srung ma las mdzod cig/gdug pa'i dgra bo 'dul ba'i las mdzod cig/ bzlog cig dgra bo da bzlog cig/ deng nas bzung nas skyes bu yis// bdag cag bsrung zhing bskyab tu gsol// slob dpon gdan nas bskyod da re// slob ma mtha' nas zags pa re// pho brang ngo mangs 'gyur ra re// sgrub la bar chod shor ra re// legs ldan nag po mthu bo che// mgon po nag po thugs dam can// lnga brgya dus kyi tha ma la// bdag cag rnal 'byor tshogs rnams la// mthu nus 'byin pa'i dus la bab// hUM/ bde chen 'du 'bral med pa'i klong dkyil nas// yang dag sku gcig byung ba ni// mthing nag mi srun 'jigs pa'i sku// nyid kyi sku la dar nag ber chen gsol// dbu skra kham nag thor tshugs gcig tu 'khyil// smin ma nag po khro gnyer brjid pa'i zhal// spyan bzlog zhal gdangs mche ba rno gtsigs nas// dam nyams dgra bgegs rnams kyi snying rtsa gcod// shangs nas me dang dug gi 'tshub ma gtong// phyag gnyis thabs dang shes rab zung du 'brel// g.yas kyi phyag na tsan dan bing chen bsnams// gsor zhing klad pa'i rgyas su rdeg/ tsan dan beng gi stod shed nas// sprul pa'i pho nya 'bum bkye bas// steng gi lha bdud dbang du sdud// tsan dan bing gi zhabs shed nas// sprul pa'i pho nya 'bum bkye bas// 'og gi sri btsan drungs nas 'byin// tsan dan beng gi bar shed nas// sprul pa'i pho nya 'bum bkye bas// bar gyi dgra bgegs rdul du rlogs// g.yon na lcags par sku la brten// dar ser sngo khra sku la gsol// gser ka rin chen sku la bcings// spyan gsum sdang mig gyed du bgrad pa yis// steng gi lha yang 'dar sha sha/ spyan gsum sdang mig zur du bgrad pa yis// 'og gi klu yang zil gyis gnon// spyan gsum phreng la phar bgrad pas// phyogs bzhi mtshams brgyad mdun na ni// gnas pa thams cad pho nyar 'gyed// zhabs gnyis brkyang bskum tshul gyis 'byung po gnan// kye/ mgon po nag po'i bstan pa la// 'khrugs pa can ni 'di yin pas// gal te ring bar drang bas na// gdug pa'i dgra bo 'di nyid ni// bzung bzung sod sod khyer khyer chings// sreg sreg gtor gtor sgrol sgrol chings// skad cig gcig gis med par gyis// gdug pa'i dmag gi dpung shig cing// oM ma hA kA la rak+sha du beng nr-i dza// oM shrI ma hA kA la rU pa phaT/ hUM b+h+yo b+h+yo b+h+yo/ dad pa dang ni dam tshig gis// tshur gshegs tshur gshegs lha chen po// srog bdud chen po ma rungs pa// mngon shes rdzu 'phrul sna tshogs ston// mngon shes rdzu 'phrul thabs gtso bas// rngam pa'i zhal gdangs gtum pa'i sku// mthing nag mun pa'i g.yung drung na bza' gsol// zhal gdangs dug gi ngan skyugs char du 'bebs// srog bdud dbugs la mnga' mdzad pas// bdag la sdang ba'i dgra bgegs kyi// srog dang dbugs la kha raM khA hi// srog bdud chen po'i thugs dam dus la bab// mtshan ni ma hA kA la ste// lha chen dpa' 'bar bdud kyi gtso// srog gi snying pos gnas nas spyan 'dren gyis// bcol ba'i phrin las 'di la rtags phyung cig/ hUM// lha chen mgon po nag po ni// mngon shes rdzu 'phrul thabs dang ldan// rig pa'i rgyal po thabs kyi gtso// phyag na bdud kyi khram bam bsnams// bdud sde stong gi gtso bo ste// khram thogs rgyal po gshegs su gsol// dred mo dag gi slag pa la// seng ge sngon mo'i gong lag can// lag na snying dang khram thogs shing// rtag tu srog dang dbugs la rngams// bdud mo ma rung pa yis ni// dgra bo'i srog dbugs so sor 'bral// lha chen mgon po nag po ni// gnas 'dir ma lus gshegs su gsol// hUM/ lha chen bzhugs pa'i sku mkhar ni// thod pa 'bar ba'i sku mkhar la// rin chen gser gyi sgo mo gsal// mthing nag g.yu yi skas btsugs shing// lha chen mgon po gshegs pa yi// dam tshig can gyi grogs la byon// dam nyams dgra bo rab rgyud chod// mgo la rngams shing da tshur byon// bdud mo yum dang gnyis su med// ma chags thabs kyis rol pa mdzad// lha chen la sogs 'khor bcas kyis// bcol ba'i las rnams dus la bab// lha chen mgon po da tshur byon// bdud po bdud mo ma rungs pa// 'khor dang bcas pa da tshur byon// rin chen gser gyi khri steng na// mi ro rta ro'i khri steng na// lha chen bdud po 'khor dang bcas// zhal nas mi sha rta sha tsa ra ra// chibs su dpa' ba'i stag mo bcibs// bdud kyi zhags pa nag po dgra la 'phen// dgra bo'i g.yul so ru 'joms pa// dpa' bo khyod la phrin las bcol// bcol ba'i phrin las 'grub par mdzod// ces me lce phreng ba'i rgyud las/phrin las bcol bskul gyi le'u ste bcu bdun pa'o//// phrin las kyi dum bu ste bzhi pa'o// gnas gsum pa'o// de nas bsad pa'i rim pa ni// beng ngam phur bas bsad pa dang// thun gyis bsad dang sbyin sreg bsad// zor gyis bsad dang mnan pas bsad// drag po'i sbyor ba lnga ru bshad// de la gdab kas bsad pa ni// dkyil 'khor bsad khang nag po ru// phur pa dug shing seng ldeng ngam// gla ba skyer pa tsher ma can// kha dog nag po sor brgyad bdun// beng dang bcas pa gsor zhing gdab// thog lcags mi bsad lcags dag la// mgar ba mon nam yugs sas brdungs// rnal 'byor khrims ldan gtsang mas su// gzungs dang bcas pa de bzhin bya// dam tshig gtsang ma chos spyod brtson// sgom rgyud ldan pas bcang byas la// sha thod nad nas ling+ga ga don// dgug pa gzhug pa drag po bya// gu gul dud pas bdug byas la// bdag nyid mgon po'i skur bsgoms te// ber nag gon la skra brdzes la// ngo la khrag gis sre mog byug/ zhing lpags gon la phreng chen bgrang// thod pa nag po rgyan du gon// drag po'i brtul zhugs spyod pa yis// bdag gi snying ga dag nas 'od// 'phros pa'i kho la phog nas su// kho yi ye shes 'khor lo phyung// bdag la bstim ste 'od du zhu// bdag ni gzi mdangs ldan par bsam// yang ni 'od 'phros khong du gnas// ling+ga dag la bstim byas la// bdag gis 'bod rbad bsad gsum sbrel// rgyun ma chad par drag par bzlas// yang song kho yi khong du song// rdo rje byung nas khar song myos par bsam// yang brjod khro bo dpag med kyis// phur pa'i char phab bsad par bsam// de nas beng dang phur pa dril// drag po'i spyod pas gnas bdun gdab// oM ma hA kA la rak+sha du beng na dza// oM shrI ma hA kA la rU pa hUM phaT// che ge mo 'di ya sod sod/ nag po chen po sha rgyud snying 'di thon thon// bdud po dgra'i srog la dza dzaH nag po dgra'i bla rtsa la ya ya/ nag po dgra'i klad pa'i rtsa la ya ya// nag po dgra'i snying rgyud dbugs la ya ya/zhes phur pas gdab bo// phur khur gru bzhi rmas sa ru// nyung dkar la sogs dug khrag gis// rdzas rnams phur pa'i shul du gdab// de ltar phur pa gdab pa yang// mgon pos dngos su gdab par dmigs// nges par 'khor la 'tshe bar the tshom med// yang na phur pa'i las kha yang// phur dpal bya pho 'tsha' lu yi// khrag gis zhu lug byug byas la// rus sbal mgo la dgra gzugs bri// phur gsang dmigs te btab pas na// mgo la thog 'bab the tshom med// yang na phag pa'i mtshul pa la// dgra bo'i gzugs bris phur btab na// brgyal dang rengs te 'chi bar 'gyur// phur pa gdab pa'i le'u ste bco brgyad pa'o//// thun gyis bsad pa 'di lta ste// thod pa dum bu gsum pa ru// khrag sna tshogs tshad bsag byas la// mi rta khyi gsum med mi rung// dug sna tshogs tshad de bzhin du// mtshe dang skye tshe gri khrag dang// zir lcags dang rdo phye dang// tsha ba gsum bsag sngags 'di bzlas// oM shrI ma hA kA la dbugs nri hUM dza/ b+hin d+ha badzra pa ni ti ru pa na/ khug la hUM pas gcig/ srog ku ru tsam mA ru ya dza// de skad ling+ga dag la brab// khang pa'i rtsa ru gru gsum bru// de ru thod pa sba bar bya// kha ru dur khrod g.yam pa la// rdo rje rgya gram bris pas mnan// bdag nyid mgon po'i ting 'dzin gyis// snying ga'i hUM las 'od 'phros nas// kho yi lha bkug bdag la bstim// dpal gzi ldan pas 'od zer 'phros// kho rang bkug ste thun brab pas// mtshon cha'i char gyis bsad par bsam// zhes me lce phreng ba'i rgyud las/ thun gyi bsad pa'i le'u ste bcu dgu pa'o//// de nas gzhan yang zor gyis bsad// dkyil 'khor mda' gang gru bzhi la// gru gsum mthing nag gnyis brtsegs la// phyi rim zla gam dmar po ste// mu khyud thod phreng dkar por ldan// phyi ma lcags ri nag pos bskor// de dbus lug dang mi snying sbyang// sbrul nag snying sogs der blugs la// zur gsum dbus su gzhag par bya// sha ba'i mgo la ltas ngan gyi// sgro spu sna tshogs brgyan pa dang// bal mtshon sna tshogs brgyan pa dang// de yi nang du ling+ga gzhug/ dgra yi rgyu las phyer btags te// yugs sa mo yi dri chus sbrus// gzugs byas snying gar ming rus gzhug/ mang du byas te thod par stsal// dkyil 'khor dbus kyi zur la bzhag/ gru gsum nang ma phur pa drug/ dbus su phur pa gzugs par bya// zlum po rtsang gis bskor bya ba// nyi shu rtsa gcig bsnol mar gzug/ sha thod ling+ga gcig phyung la// dbus su rabs chad thod par bstsal// gu gul dud pa btang la bzhag/ bdag nyid mgon po'i skur bsgom la// dbye dang dgug pa gong bzhin bya// mtshon cha'i char gyis bsad par bsam// thugs dam drag tu bskul bar bya// zor gyi drag sngags 'dis bya'o// oM ma hA kA la yaM// lag ni tshal pa tri ba laM dza dzaH/ ma hA kA la thuM laM thuM laM thuM ril rbad phung snying la trag rak+sha la thuM rbad dza dzaH/ ces pas zor ni phang bar bya// de la brgya rtsa brgyad bzlas pas// de nas dpang gzugs zor 'phang ngo// drag po'i gdangs skad pa bton te bskul// de nas gong bzhin khrag sna la// drag sngags de dag bzlas byas nas// brgya rtsa brgyad kyis gdab las bya// zhes pas me lce phreng ba'i rgyud las/ zor gyi las te le'u nyi shu pa'o//// de nas yang dag bshad bya ba// sbyin sreg bsad pa 'di lta ste// dang po thab kyi bya thabs ni// gru gsum sum brtsegs byas nas su// nang du raM ni dmar ser te// me yi sa bon bri bar bya// kha khyer 'od ma rdo rje bri// bar ma thod pa'i phreng ba bri// steng ma dag la me ri bri// de yi ling+ga bri ba ni// gro ga ras sam shing shun la// rab ni khri la 'bring ni stong// tha ma brgya ru dgod par bya// de yi rdzas ni sran ma dang// bra yos nas dang nyung nag dang// til nag mu zi mi khrag khyi khrag dang// gdug pa can gyi shing gi 'bras bu dang// tsha ba gsum dang bcas pa ni// phye mar btags te yugs sa yi// dri chus sbrus te ril bu bya// ling+ga'i grangs dang mnyam par bsag/ de nas thab khung dag tu ni// skyer pa gla ba shir shing dang// se ba la sogs gdug shing brtsig/mi ro bsregs pa'i mgal dum dang// dug shing tshogs rnams bsreg par bya// dbus su hom sbugs tha mar btsir// de nas me chen spar ba ni// rigs ngan shan pas me bus te// dbus su me lha mgon po bskyed// zhal gcig phyag gnyis bing dang par bu 'dzin// 'gying dang khros dang rngam par bzhugs// me lha dmar ser zhal gcig pa// phyag gnyis me dang dbyug pa 'dzin// ra skyes gdan la brjid pa dang// dmar nag de ltar 'dzin pa dang// dkar nag de ltar 'dzin pa gsum// zur gsum du ni bsgom par bya// sngon gyi thugs dam gnad nas bskul// spyan drang ba dang phyag 'tshal ba// bzhugs su gsol dang mchod pa dang// bstod dang phrin las rdzogs par bya// de nas rdzas rnams 'bul ba ni// dgra yi ling+ga re re dang// ri lu re re dbul bar bya// mi rkang thod tshol gzar bu yis// til mar nyung dkar nyung nag dang// mi tshil de bzhin dbul bar bya// de tshe drag sngags 'di bzlas so// oM ma hA kA la rak+sha du bir nr-i dza/ baM shrI kA la rU pa hUM/ ma hA kA la rbad shA hUM rU pa hUM/ da ha da ha pa tsa pa tsa di na me ke na hUM phaT/che ge mo'i mAM sa la khA hi// che ge mo'i gzugs phung lnga rab tu 'ubs khA' hi khA hi// zhes pas 'bul lo// de nas me lha bstod pa dang// mgon po bstod dang phrin las bcol// ting nge 'dzin dang dgug gzhug gong bzhin bya// dmigs bya me yis thul bsregs pas// rdul phran tsam yang med par bsam// de nas lhag chad bskang ba'i phyir// mgon po la sogs dam can dang// mgon po bdun cu gnyis la 'bul// de nas thal ba cha gsum bgo/ cha gcig dur khrod lam du mnan// cha gcig rlung la phyar bar bya// cha gcig chu chen gzhung la bskur// zhes pa mgon po me lce phreng ba'i rgyud las/ sbyin sreg gi le'u ste nyer gcig pa'o//// de nas yang dag bshad bya ba// shing gcig drung ngam rgya gram lam// lha khang them rtsa la sogs dang// mgon po nyid kyi zhabs 'og gam// mchod rten nag po la sogs pa// klu gnas nges pa'i chu mig gam// mkhar chen rlad la sogs pa ru// gru gsum kri do brus pa la// dur khrod sol bas nag por byug/ de nang dom nag mgo bo dang// spyang ki'i mgo dang sre mo'i mgo/ phag pa nag po'i mgo bo rnams// de rnams dag gi mche bas ni// ling+ga de la btab byas la// rabs chad gri thod nang du gzhug/ mdze pho'i thod pas kha bcad la// phyogs bzhir lcags kyi gzer bzhi gdab// skud pa sngo dmar shi skras bkyigs// gru gsum dbus su traM bris la// de ru bcug la bstim ste bzhag/ de steng dur khrod g.yam pa la// de dkyil rdo rje rgya gram bri// rjes su mnal gzhag par bya// de'i steng dur khrod ro ras la// 'khor lo rtsibs brgyad bris byas la// lte ba mgon po'i gzhal yas khang// legs par bsam ste rtsibs brgyad la// mkha' 'gro gshin rje ma brgyad bskyed// phyi rim rtsibs bzhi phyogs skyong bcu// de yi 'khor du dpal mgon ni// bdun cu rtsa gnyis bskyed par bya// 'khor lo de yi phyogs bzhi dang// mtshams bzhir laM las ri rab bskyed// des rkyang mngon du mnan par bsam// chos skyong bdun cur chang phud gtor// gtor ma btang zhing 'o dod 'bod// brang brdung g.yab mos gdab par bya// de nas khro bo'i stangs stabs kyis// bcags shing gnan par bya ba'o// de nas drag sngags de dag bzlas// oM s+t+wa b+ha rak+sha nan/ pA shaM ku ru nan/ puSh+tiM ku ru nan/ shAn ting ku ru nan/ che ge mo nan A be sha mA ra ya phaT/ oM shrI sti hrI:Sh+t-I:nan/ kA la rU pa/ shrI rak+sha ye tsakra tri nan/ ru ru pas nan/ de skad mnan gtad bcol gtam bya// zhes pas mgon po me lce phreng ba'i rgyud las/ mnan pas bsad pa'i le'u ste nyer gnyis pa'o//// bsad las lnga'i le'u dum bu de lnga pa'o//// gnas bzhi pa'o//// de nas yang dag bshad bya ba// log gnon man ngag rim pa ni// log dang rdugs dang skyangs pa dang// 'byams dang las ma btub pa dang// mgon po rbad pa nang 'dom na// de tshe man ngag 'di ltar bya// mgon po log par 'gyur ba na// ro ras dag la mgon po bri// snying gar tsa kra rtsibs brgyad la// yig 'bru dgu pa bri bar bya// gri khrag dme po'i khrag dang ni// dug dang ro sol snags tshas bri// mu khyud nad ma'i yig 'bru bcu// tha ma yig ge bcu pa bri// ma yo ma 'khyog ma nor bri// de'i mthar me'i rdo rjes bskor// rab gnas byas te mdun du bzhag/ dbus nas gzungs thag sna lngas gdags// rang gis gzung nas ting 'dzin ni// bdag nyid cho gas phyag rdor te// shin tu gzi brjid ldan par bskyed// mdun du gdan steng hUM nag las// las kyi mgon po tshul bzhin bskyed// de yi spyi gtsug ye shes kyi// mgon po gri gug bsnams pa bskyed// 'od 'phros gnas nas spyan drangs nas// bskyed pa de la bstim par bya// de nas bdag las 'od 'phros nas// don gnyis byas te slar 'dus pas// rdo rje'i gur dang ra ba dang// rdo rje mig mangs ris su gyur// de yi phyi rim mtshon cha ni// dpal yang phyir bstan mtshon cha 'phro// de yi phyi rim me lce 'phro// 'bar dang 'tshub pas gdon bzlog bsam// mdun du mgon po'i snying ga na// hUM nag gnas pa lcags kyu ni// bdag gi snying ga nas 'phros bzung// de nas mtshon chas mu khyud bskor// de nas bar ma de nas dbus// rim pas drag min bul min bskor// dmigs pa gtad pa nyin gcig bya// de nas bcu pa zlog gsham la// dgu pa bcu pa bzlog pa drug/ dag par byas la chu rgyun bzhin// bar ma chad par rab dmigs la// mgon po drag tu 'khor bar bsam// bar snang mkha' nyi shar bzhin// mgon po chen dang bdag nyid ni// phyag na rdo rje 'od zer bskyil te bkyigs// de nas yun mi rung bar bskor// de nas mchod pa las la btang// zhes pa me lce phreng ba'i rgyud las// log gnon yang bzlog tu btang ba'i le'u ste nyer gsum pa'o//// de nas mgon po rdugs nas su// ji ltar byas kyang cang med na// dkrug pa'i rim pa de ltar bya// bdag nyid phyag na rdo rje yis// bsad pa sngon drang rbad par bya// 'bod pa tha mar bzlas shing drang// gos rnams mgo mjug bzlog la gon// beng bzlog khyer la 'khor lo ni// gong ltar bris la rab gnas can// sngo dmar cing sked klad la bskor// dgra gzugs dgu byas dang mas dbugs// tsakra'i steng du gzhag par bya// dgra bos mgon la sngo bar bsam// de nas bskul ba che ge mo// khyod la bsngos so 'di sor bya// ces pas mgon po rngugs na bsad pa'i le'u ste nyer bzhi pa'o//// mgon po khongs su srung ba byas// de tshe skyengs par gyur pa na// rang gis gos nag gon nas su// skra rnams thor tshugs bcings nas su// gdong la khrag gis byug nas su// dgra bo'i yul phyogs kha bltas nas// chang phud rak+ta gtor bzhin du// drag sngags 'di dag bzlas par bya// oM shrI ma hA kA la yak+sha ka kha khA hi khA hI// phud de tsa ho/ badzra yak+sha/ ma lA be tA lI/ kha kha khA hi khA hi/ oM ma hA kA la shrI phur shan ting phur phur ti phur/ma hA kA la badzra ni phur/ da ha da ha phur swA hA/ de skad ces pas gtor ma btang// de nas gsol ba gdab par bya// zhes pas me lce phreng ba'i rgyud las/ mgon po skyengs na ngar gdags pa'i le'u ste nyer lnga pa'o//// de nas mgon po 'byams par gyur pa na// khro chu'am ni ze hi ma// bla rdo byas pa de dag ni// beng la btags te 'bod pa bzlas// ting 'dzin bsam par byas nas su// gdung ba'i dbyangs kyis 'bod par bya// srog gi 'khor lo lus la bcangs// yang na bing dang bcas nas su// rang gi mal sar gzug par bya// mgon po'i za lam bstan par bya// oM shrI ma hA kA la rak+sha du beng nra dza/dzaHhUM baM hoH/ che ge mo la dmigs pa gtad// ces pa'i me lce phreng ba'i rgyud las/ 'byams na brtod pa'i le'u ste nyer drug pa'o//// las ma btub na shi sa bstan// dkyil 'khor khru do sor bzhi bya// dbus su zlum por bskor byas la// phyi rol sgo bzhi dgod par bya// dbus su pad+ma 'dab bzhi la// yig 'bru bcu pa dgod par bya// de la mgon po'i sku bzhi dgod// rdzas rnams kun yang tshang bar dgod// de nas ting 'dzin gsal ba yis// spyan drang phyag bya mchod pa dbul// de nas bstod pa tshar byas nas// dbus kyi gru gsum dag la ni// mgon po nag po rab dmigs la// e h+ye hi dzaHhUM baM hoH// de nas bskul ba 'di btang ngo// hUM las kyi rigs mchog dpa' ldan gos sngon can// mgon po 'dul phyir sku mdog 'jigs tshul can// de yi stobs kyis mgon po 'dul mdzad pa// las kyi rigs mchog thugs dam dus la bab// ces pas lag g.yon rta mgrin la// g.yas pas phyag na rdo rje bsgom// thal mo'i bar du srog 'khor ni// mag bzlog bcug ste bsdams bzhin du// drag sngags 'di dag srog sngags ni// go bzlog pa la gdags par bya// oM ni yaM sa raM ngaM raM badzra pra marta ya ma hA kA la shi yo yo ni na/ tad+ya thA lA+e gi s+t+waM b+ha ni nan swA hA/ zhes pas rta mgrin dang phyag na rdo rjes gzer bar bsam/ de ltar sbyor ba spogs byas pas// mgon po dkyil 'khor 'jug par mkhyen// 'khor rnams shi sa bstan mthong ste// rang rang nus pas las byed do// me lce phreng ba'i rgyud las/ mgon po shi sa bstan pa'i le'u ste nyer bdun pa'o//// de nas gzhan yang nang 'gras nas// mgon po thams so thams kyang cad byung nas su// mgon po nang rbad kha 'dom na// khyi thod ra thod wa thod spyang thod bzhir// khyi thod pho lha'i dbral sngags dang// kho yi ming rus gro gar bris// nang du bstsal he gu gul bdug/ drag po'i sngags 'di bzla bar bya// oM ma hA shin+taM/ sha ra'i ti gu sa ra na/ ma hA kA la/ che ge mo dang pho lhar phye/ snying dang glo ba'i rtags thong/rus pa'i khab kyis glo snying rtsa ba mar khug/ ces rus pa'i khab kyis dkrug cing// pho lha dgra lha dang bral bar bsgom/ wa thod du kho'i yul lha dang dbral ba'i sngags/ kho'i ming byang dag sprel te gzhug/drag sngags 'di yis brab par bya/ de'i khA las kra b+hid tsi na kaM nag po nang mi dang yul lhar phye/ de skad gu gul dud pas bdug/ yul lha dag dang bral bar bsam// ra thod nang du rgya shog la// che ge mo yi gzugs bris la/ma hA kA la dag dang bral bar bsam la sngags/ lha mchog nag po tha ma sngags kyis bskor bar/ ra thod nang du bing gzugs bcas te gzhug/ drag sngags 'di dag bzlas ba bya/ oM shrI ma hA kA la rak+sha du pe tsa le le mu le karga gi karma ma hA kA la hUM phaT/de skad ma hA kA la dang dbye/ che ge mo mA ra ya rbad/ thuM ri li li/ sarba karma tsa ra ma ya rbad/ dum ni snying rtsa rbud/ du ma ne tsit+ta mA ra ya/ srog srog shaM shaM/ khyer khyer ma hA kA la ga ta bi ti rbad/ che ge mo dang lha srungs su 'byed/ dun ting pa tra ma hA kA la hUM phaT// de skad ma hA kA la dang dbye// spyang thod du ni rang gi lha// kun gyi snying po bris te gzhug/dril ba 'di dag gzhug par bya// oM b+han+da ba su da/ de ba aM ka bum pa pra tra mu khi raM dza ti tsit+ta ma rgyud/ ma hA kA la rak+sha/ sha trUM ni mA ra ya rbad// de skad thod pa dang du gril// rang gi sgrub khang nang du bzung// rang gi lus la bla rdor bzung// sngags ni thams cad bzlas par bya// bsrungs pa de bzhin gdags par bya// mig sngar lha 'dre byung na bden pa bdar// phud gtor gtor ma sbyin par bya// des kyang thub par ma byung na// ting 'dzin gsal la sngags 'di bzlas// oM ma hA kA la sarba duSh+tAn sarba ga sa dra ta na phaT/ h+ya h+ya h+ya/ badzra pA Ni hUM phaT/ a kro sha rbud/ ro ta rtag thum ril/ bdag la gnod par byed pa mA ra la rbud hUM phaT/de skad bzlas la lam rgya gram du song la/ gru gsum dong du brus byas la// dbus su rdo rje rgya gram bri// de nas thod pa rim gyis gzhug/ de nas sngags rnams bzlas shing mnan// de yi steng du thun yang brdeg/dug gsum dag gis kha bcad do// de nas dug gsum ro g.yam la// ri rab rdo rje rgya gram bris la mnan// de'i steng rdo rje'i bros rgyas gdab// ces pas mgon po me lce phreng ba'i rgyud las/ mgon po log na mnan pa'i le'u ste nyer brgyad pa'o//// log non gyi dum bu ste drug pa'o// gnas lnga pa'o//// de nas las tshogs rim pa bzhin// gtor ma'i man ngag dam pa ni// b+han+d+ha'am ni rin chen snod// brgya'am lnga bcu'i bar du ni// zhi rgyas dbang drag gtor ma bya// zlum dang zla gam gru bzhi dang// gru gsum nang du bshos bu bya// de mthar leb bu de 'dras bskor// sha chen lnga dang la phug chang// khrag dang sgog pa nya sha dang// dkar gsum dang ni mngar gsum dang// gtor ma byas te dbul ba'i phyir// mdun du bzhag la byin brlab bya// bskyed rim gzhung du bya ba ni// mdun du yaM las rlung gi dbus// yaM yig mtshan te dar gyis sbar// de steng raM las me dpung ste// raM yaM khaM gis bsreg sbyang gtor// de nas a las thod nang du// bdud rtsi'i lnga dang sha lnga bsam// rlung g.yos me spar thod pa khol// beng gis dkrugs te sbyangs pa las// oM AHhUM gis byin gyis brlabs// sku gsung thugs kyi rang bzhin la// kun kyang tshim par byed pa dang// oM tsan+Da ma hA kA la badzra shrI ni// i dam ba ling gr-ih+Na grih+Na swA hA/ yang yang 'bum sngags bzlas kyis bar// pad+ma'i lag par gyen du bstab// tshim ste dgra yi gnas su mngag/ ces pas mgon po me lce phreng ba'i rgyud las/ gtor ma'i las tshogs bstan pa'i le'u ste nyer dgu pa'o//// de nas yang dag bshad bya ba// las kyi bsad pa'i man ngag ni// dur khrod la sogs gnas dag tu// bdag nyid yi dam ting 'dzin gyis// dur khrod ras ni drang ba la// oM ma hA kA la che ge mo ma ya/gr-ih+Na gr-ih+Na/ b+han+da b+han+da hUM hUM phaT phaT/ de skad ces ni dug chus bri// gzugs sor bcu drug byas nas su// de yi snying gar gzhug par bya// de nyid mi grir shi ba yi// thod pa gnyis kyi bar du gzhug/ skud pa nag pos rgya gram dkri// gru gsum dong nang ro sol byug/ de ru se phur gsum btsug la// de nas thod pa btsug byas nas// rigs ngan khyim mam bshan pa'i khyim nas me blangs la// dri yi tsher can me bus la// rlangs phyin par ni lan gsum bsro// de rang nyid du dam du sba// tshangs pa'i tshe dang ldan yang 'chi// zhes mgon po me lce phreng ba'i rgyud las/ las tshogs las kyis bsad pa'i le'u ste sum cu pa'o//// de nas yang dag bshad bya ba// gnod byed dgra bo lha dang dbye// lha la rnam pa lnga bshad de// 'tsho bar byed pa yul lha la// gu gul nag pos bsreg par bya// skyob par byed pa dgra lha ste// rta bon sa yi dud pas bdug/grogs byed pa ni ma lha ste// khyi lud dag gis bskrad par bya// bsrung ba'i lha ni srog lha ste// sha chen dag gis skrod par byed// 'go bar byed pa zhang lha ste// bud med dor rtas bskrad par bya// ces pas me lce phreng ba'i rgyud las/ lha dang dbye ba'i le'u ste so gcig pa'o//// gzhan yang dbye ba'i cho ga ni// mi dang lha ru dbye ba yang/ pho dang mo ru dbye yang rung// bya rog dag gi pags pa la// sman gyis lha yi ming byang bri// 'ug pa'i pags pa dag la yang// dug chus mi gzugs ming byang bri// bya rog pho rog rkang gis te// 'ug pa 'ug pa'i rkang gis sgros// de bzhin smyug gu byas nas ni// rjes dang sa gtsang dag la yang// bya rog 'ug pa byas nas su// gong gi de dag de ru gzhug/ bya rog spyang ki dag la bskyon// 'ug pa lug la bskyon byas la// mgo la pho rog 'ug sgro gzugs// dbye ba'i drag sngags thun bya ba// khro bo gnyis ni bskul byas nas// ri dwags rgyab sprad dag la yang// drag po'i khang pa khru re'i tshad// nang du dug khrag ro sol byug/ de ru gnyis po so sor phral// kha sbub dag tu rgya gram mnan// gang yin ming rus ngan mtshang can// phyir phyogs pas yid 'khrug par 'gyur// 'thabs te dbye bar 'gyur ba yin// rta lpags dag la rtsibs brgyad pa// dbye ba sol bas ming spel bri// rta lpags dag dang skye sha dang// kham sa dag la rtag gzugs bri// snying gar 'khor lo bcug byas la// ma he'i pags par ma he'i gzugs// lta bar dbye sngags phyogs phyogs bskor// ma he'i lci ba kham sa la// ma he zal po'i gzugs byas te// 'khor lo snying gar bcug byas te// ting 'dzin mi dang dbye ba'am// lha dang dbye ba bsam nas su// dbye sngags thun gyis drag po yis// khang par bcug ste brab par bya// seng ldeng phur bu dag la dbye sngags ni// nang du bskor te phyi ru rta yi yang// sog pa'i phrag tu gdab par bya// lcags phur dbye sngags phyin phyogs bskor// ma he dag gi sog phrag gdab// g.yas pas bcad cing phyi la bor// g.yon pas dbye zhing phyi la bskyur// mi 'phrad dbye 'gyur the tsom med// ces pas mgon po me lce phreng ba'i rgyud las/ dbye las kyi rim pa'i le'u ste so gnyis pa'o//// gzhan yang bskrad par bya ba ni// gnod byed bskrad dang gzhan yang bskrad// rnga mo dag gi pags pa la// dam tshig ldan la brnag thub bzo// ngang ring brtan pa'i dad pa yis// ldong ros dag gis rtsibs bcu gnyis// bskrad pa'i sngags kyis brgyan pa la// dbus su kho nyid skrod phreng mdzad// rnga mo'i steng du de bzhin bskyon// de bzhin legs par bris nas su// bdag gis grogs byed mgon po ni// khro bo rdo rje bzhin du bsgom// kun gyi mchog dang rab gyur pa// rnga mo'i steng du btsan dkyil du// brjid pa'i 'gying bar rab bzhugs te// 'dogs par byed pa dbyug tor bcas// thogs te bskrad pa'i sbyor ba byas// phyi rol phyogs shing bltas pa la// myur du bskrad pa'i drag sngags bzlas// des ni myur du gzhan du 'gro// gang gnod pa'am gang gnas kyi// yul du mnan pas 'grub par 'gyur// zhes pas me lce phreng ba'i rgyud las/ bskrad pa las tshogs kyi le'u ste so gsum pa'o//// de nas dbab pa'i rim pa ni// bus pa gtsang ma khrus byas la// dar dmar gur khang thog tu bzhag/ mar me'i phreng bas mtha' bskor la// mgon po'i ting 'dzin gsal ba yis// stong pa'i klong du gzhu rgyud gang// rkang btsugs shes pa bsgrims byas la// oM ma hA kA la rak+sha du ber ni dzaHhUM baM hoH// hoM maM tiSh+Tha lhan lhan/ ces lcags kyu'i phyag rgyas dgug cing bstim// 'dar dang sngangs dang rgod pa 'byung// ri dwags tsho nag A tsa ra// mthong na nges par phebs par 'gyur// a ka ru yi dud pa btang// gtor ma chang dang zas phud de bzhin bya// zhes pas mgon po me lce phreng ba'i rgyud las/ dbab pa las tshogs kyi le'u ste so bzhi pa'o//// de nas beng gi bcas dag ni// tsan+dan seng lding shir shing dang// seng lding mdzo mo gla ba dang// rgya shug dag la 'dom gang ngam// mda' gang tshad du byas pa la// logs brgyad chang zung rgya mdud gnyis ldan pa// mgo bor nor bu me 'bar ba// rdo rje rtse mo phur pa'i dpal// kha dog smug po yang na gnag/ phyogs brgyad lha srin sde brgyad kyi// srog snying drag sngags bcas pa gzhug/dar dmar cod pan rta mgrin dang// phyag na rdo rje'i sngags dang bcas pa gdags// rgya mdud gong mar 'bod pa bris// 'og ma rbad pa de bzhin te// rtse mo dbal la bsad pa'o// nang du long stong brus pa ru// khro chu ze hi dag la yang// hUM bris ha dang bcas pa yang// srog can dar du gril bar bya// khong seng nang na de bzhin gzhug/ lcags phur dag kyang de bzhin te// dbang bskur byin brlab ldan par bya// yang na mi 'bral lus la bcang// yang na beng gi khong seng nang// le brgan srog 'khor can du bri// de nang snga rdor bcas pa bya// bsgrub dus btsugs te gzungs thag gdags// rbad dus dgra la dbal bstan dril// bsad dus dril zhing gsor zhing gdab// 'gyang nag zir cing mnan cing bsgril// log na zlog cing bskor zhing zlog/ 'byams na bskor cing g.yab bcing 'bod// rdugs na bdud rtsis bkru zhing gdab// 'dzin tshul bskor tshul phyag rgya yang// de bzhin mkhas pas shes par bya// gsor tshul de bzhin rtogs par bya// zhes pas me lce phreng ba'i rgyud las/ rdzas kyi gtso bo beng gi bca' gzhi'i le'u ste so lnga pa'o//// de nas lcags par rim pa ni// bkra mi shis pa'i rdzas lcags sam// mi bsad mtshon gyi lcags dag la// gru gsum bre phyed bre gang ba// gang grub tshad du byas nas su// nang du 'bod rbad bsad gsum po// gzong ris dag tu byas pa'am// yang na rta yi khrag gis bri// dbang dang byin gyis brlabs pa dang// sgrub pa'i dus su snga dang bcad// dam rdzas blug pa de bzhin bya// 'bod pa'i dus su stobs dang bskang// dbul ba'i snod du ma chags ma gas pa// de bzhin bsad tshe gsad par bya/ log tshe 'phyar te bskor zhing bzlog/ rdugs na sbub cing du bas gzir// 'byams na tsan+dan la sogs dang// gdug pa can gyi me bus la// nang du mi khrag mi sha dang// ling+ga blug ste bskol zhing gdu// mi rkang dag gis 'phyar zhing dkrug/ beng yang de bzhin 'phyar byas te// yun ring bar ni sngags bzlog bzlas// des kyang 'grub par ma gyur na// gong gi rlangs pas sku gzugs dang// srog gi 'khor lo bdug par bya// sngags bzlog 'chol bas ldog byung na// bdag nyid yi dam ting 'dzin gyis// mgon po mdun du bkugs byas nas// dpag med dam tshig bsgrags nas su// ci bgyi bka' nyan las byed bsam// des dus ting 'dzin drag por bsar// ces pas/ mgon po me lce phreng ba'i rgyud las/ lcags par nag po bca' bzhi'i le'u ste so drug pa'o//// de nas rtags kyi rim pa ni// nyams dga' ba dang spro ba dang// glu len pa dang gar byed dang// dar 'phyar ba dang 'phan 'phyar dang// me lce chen po lhob pa dang// grogs po dang ni rdo mon a tsar dang// dom stag spyang ki 'phar ba dang// bya khra 'jums shing skad 'don dang// 'khor lo bskor dang sgra grag dang// 'thib dang zil dang skyi zing byed// me 'bar ba dang 'ur sgra dang// du ba 'thul dang dmag tshogs lhags// bud med mang po lhags pas ni// ha ha hi hi gad mo rgod// bswo sgra cha sgra kur sgra sgrogs// 'di dag bod pa grub pa'i rtags// btsad po mkhan po pha khu mes// gtso bo zhang blon slob dpon dang// thog dang ser ba 'brug sgra dang// paN+Di ta dang bdag la yang// bka' nan gsol dang bya chen lding// 'di dag dbang du ma 'dus pa'o// bod pa'i dus su cang med cing// dgra yis gnas su sna tshogs ston// dmag chen phar la chas pa dang// dom stag phang la 'phyo ba dang// dur bya pha rol 'ug pa rgod// go bo khA dang kang ka dang// skyung ka la sogs sha zan bya// 'phur lding kho yi yul du byed// bshan pa gtum po 'jigs tshul can// ging pho dgra la 'gro ba dang// 'phar spyang dgra la 'jab cing ngu ba dang// dpa' dar sgo khar btsug pa dang// 'od lam phar la sod pa dang// khang rmang bshig cing dmag sna btsugs// g.yab mo 'debs dang g.yul bskor byed// 'di dag rbad pa grub pa'i rtags// mun pa 'thibs dang dar shing chag/ ri dang pha bong nag po dang// brag la sogs pa dag la rdugs// dmag brangs dka' dang log pa dang// mtshon cha chag dang thun rnams 'thor// thun khrag rul dang sbyin sreg me// gso dka' 'chi bar sla ba dang// rang la 'khor cing pha rol tu// ci yang med cing tshubs tshogs che// de dag rdugs pa'i rtags su bstan// dmag sna tshur zur dag la brdeg/ thog ser tshur la dbab pa dang// bya gcan tshur la ldeg pa dang// me lce mtshon rtse tshur la log pa dang// bka' chad bdag la gsol ba dag/ mgon po log par shes par bya// ci yang med par phya sangs khyer// snying mi dga' zhing ngu snying 'dod// sngar ma mthong ba'i yul du phyin// dgra yi bla rtags ci yang med// tshubs ma nag po gzhan la 'tshubs// chu bo chen po gzhan na 'phrug/gnyid kyis 'thibs shing bying rmugs che// de dag 'khyams pa'i rtags su bstan// bsad pa'i dus kyi rtags dag ni// dngos su bkug cing khrid pa dang// mda' dang mtshon cha brgyab pa dang// snying phyung ba dang dum bur byas// lings byed ra lug la sogs pa// bla yi rnam pa dngos su khugs// 'khun dang reng dang rjes dag dang// bzung dang bcom dang brgyal ba dang// mgon med bkug pa sgrub pa'i rtags// ting 'dzin mi gsal bying rmugs 'gro// srog lha dag gis bsrungs pa yin// g.yag dkar bya rgod bsrungs pa ni// yul lha dag gis bsrungs pa yin// zhang blon dag gis skyob byed na// pho lha dag gis bsrungs pa yin// khra dang spyang kis 'gegs pa de// dgra lha dag gis bsrungs pa yin// bud med sha bas 'gegs pa na// mo lha ma sman bsrungs pa yin// ci yang med na mgon po yin// gnod pa bya ba ma 'grub na// khyad sbyor ye shes sems dpas bsrungs// de dag lha bsrungs rtags su bstan// spyir na 'bod rbad bsad gsum la// rtags kyang rab 'bring tha ma gsum// rab ni mngon sum dag tu ston// 'bring ni sgra ru 'ong bar byed// tha ma rmi lam dag tu 'ong// 'di dag nges par 'byung bar 'gyur// spro ba bskyed cing gzengs bstod la// ting 'dzin gsal zhing sngags kun bgrang// 'grub 'gyur 'di la the tshom med// ces mgon po me lce phreng ba'i rgyud las/rtags su bstan pa'i le'u ste so bdun ste bdun pa'o//// de nas yang dag bshad bya ba// grub ste dbang du ma 'dus na// btsan po byung na ltag gnon btang// mkhan po byung na spyi mchod 'bul// pha khu mes po ar la gtad// gtso bo dang blon gzir bar bya// slob dpon byung na gsol ba gdab// thog ser byung na srog 'khor bskor// mi 'jigs cho ga'i ting 'dzin bya// paN+Di ta la bskang ba bya// bya chen lding na srog 'khor bskor// rbod dus mun pa 'thibs pa na// mgon po nag po 'khrugs pa yin// 'khrugs chen mdos chen gtang bar bya// dar shing chag na dngos grub nyams// ri nag bstan na bcol bskul bya// brag la rdugs na zor yang brdeg/ dmag drang dka' na bskang gso bya// log na rbad mnan te rbad// mtshon cha chag na dam tshig nyams// bskang zhing bshags pa drag po bya// thun rnams 'thor na ting 'dzin nyams// dmigs pa drag po gsal bar bskyed// thun khrag rul na de bzhin du// dam tshig dag la sel byung ngo// bskang bshags drag po bya bar bshad// ma dag gang la dka' ba na// da rung bzlas pa bskyar bar bya// tshur la 'tshub ni che ba na// rdugs pa sna sel mdos btang zhing// bskang bshags drag po rgya cher bya// bdag la brdeg na bzlog bsrung bya// thog ser 'khrugs na 'khrugs sel bya// bya gcan log na rdzas ma tshogs// da rung rdzas rnams tshang bar bya// me lce mtshon rtse tshur byung na// srung bzlog drag po bya bar gces// bka' chad bdag la gsol ba na// yang bzlog gnas dag bdag la bya// phya sangs khyer na byin chen dbab// snying mi dga' na bzlas 'od dang// snga mar ma mthong yul phyin na// snying rje chen po khong nas bskyed// bla rtags med na bcud gsum bya// tshub nag 'tshub na dam pa bod// chu chen 'khrugs na za lam bstan// gnyid kyis 'thibs par gyur pa na// rdo rje spyugs glu blang zhing gzengs bstod la// mgon po beng chen gang yang bya// bsang ba dag gi dus dag tu// srog lhas bsrungs na gu gul sbyar mas bdug/yul lha bud med dor rtas bdug/ dgra lha glang rog rA bsreg 'bros// dgra lha gsur chen dud pas 'bros// ma lha rta bon bsregs pas 'bros// kha sbyor mkhas pas dbye bar bya// lcags kyus blangs pa bdag la bstim// ci yang med na gdams ngag 'chug/ yang na rang gi dam tshig nyams// yang na srog gi snying po chad// gting nas bsgrub pa bsgral bar bya// zhes mgon po me lce phreng ba'i rgyud las/log gnon spaugs pa bstan pa'i le'u ste sum bcu so brgyad pa'o//// gzhan yang lta ba'i rim pa ni// phyi nang chos kun ngos gzung bral// yod dang med pa'i phyogs bral cing// gnyis ka gnyis med mtha' dang bral// dbus chen bya bar mi rtog byed// kun kyang bla dgas dngos med pa// mtshan ma med pa gdod nas stong// spang med kun chub yi dag pa// spros pa med pa 'dus ma byas// phyogs cha kun dang ye nas bral// de ltar ye nas lta ba yin// ye nas de ltar gnas bzhin du// de ltar ma rtogs log brtags pas// gnyis bzung mthar rtag log shes la// bstan pa rnams gsum rgyas mdzad nas// 'gro ba 'dul cing don byed la// bstan pa 'jig par byed pa yi// bgegs dang 'byung po dgra yi rigs// 'dul phyir sprul pa khro tshul can// sangs rgyas bstan pa'i mgon mdzad cing// bdud kyi rigs la sdang bas nag/de phyir bstan pa bsrungs pas legs// bsrungs tshul legs par ldan pas ldan// nyon mongs ris la gnod pas nag/ de phyir mgon nag leg ldan nag/ nag por sprul nas don rdzogs spyod// ces mgon po me lce phreng ba'i rgyud las/ lta sgom spyod pa gcig tu dril ba'i le'u ste so dgu pa'o//// de nas yang dag bshad bya ba// kun gyi don rnams 'grub byed pa'i// snying po sngags rnams bstan par bya// bskyed pa rkyen gyi sngags rnams dang// ma nor rtsa ba rgyu yi sngags// bzlas pa las kyi sngags su bshad// bskyed pa rkyen sngags yi ge hUM// thugs srog ma nor gnas pa yin// ma nor rtsa ba rgyu'i sngags ni// oM ma hA kA la rak+sha du bid ni dza/ oM shrI ma hA kA la rU pa dza/ dzaHhUM baM hoHhUM phaT/ ma nor rtsa ba rgyu yi sngags so// bzlas pa las kyi sngags la ni// spyan drang phyag dag gdan 'bul ba// bzhugs gsol bstim dang dbang bskur dang// mchod dang gtor ma btang ba dang// rbad dang bsad pa rnams su bstan// dzaHhUM baM hoHspyan drangs pa// tiSh+Tha lhan dang A be shA/ gzhug dang bstim par shes par bya// a ti pu ho/ pra ti pu ho/sa ma ya pu ho/ phyag bya ba'i sngags su bstan// oM ma hA kA la rak+sha du beng ni dza/ pU dza me g+ha sa ma ye s+pha ra Na a ta d+hu pe/ puSh+pe A lo ke g+han+d+he nai bid+ya/ shap+ta pU dza me g+ha sa mu dra s+pha ra Na sa ma ye/ oM AHhUM/ma hA mAM sa khA hi/ ma hA rak+ta khA hi/ ma hA tsit+ta khA hi/ ma hA ru d+hi khA hi/ sha lnga bdud rtsi lnga dang bcas pa'i mchod pa sna tshogs de yis dbul// oM ma hA kA la e a ra li ho// dzaHhUM baM hoH/ badzra b+ha gi nI brda ma/ yo gi nI shwa rI sa ma ya s+t+waM/ dr-i sh+ya ho/ oM kha kha khA hi/ a kA ro mu khaM/ sarba b+harma NaM Ad+ya nuta pan na tata swA hA/ gtor ma 'bul ba'i sngags su bstan// oM ta thA ga toSh+NI Sha si ta pa tre shrI hUM/ mgon po gnad la dbab par bya// che ge mo 'di mA ra ya sod sod/ nag po dgra bo'i sha rus snying 'go thon thon/ bdud pho dgra bo'i srog la dza dza/ nag po dgra bo'i glo ba la dza dza/ nag po dgra bo'i klad pa la dza dza/ nag po dgra bo'i snying dbugs la dza dza/phur pas bsad pa'i sngags su bshad// oM ma hA kA la sbugs d+h+ri hUM dza/ bi na da ma badzra pA Ni/ shrI hUM yan khugs la gtubs/ srog ku ru s+t+wam mA ra ya dza// thun gyis bsad pa'i sngags su bstan/ oM ma hA ka la yaM/lag ni tshal pa traM yang dza dza/ ma hA kA la thuM laM/ thuM ril rbad pu hrI dza dza/ snying la ya trag k+sha la thuM rbad dza dza/ zor gyis bsad pa'i sngags su bshad/ ma hA kA la ya shad hUM rU pa hUM/ da ha da ha/ pa tsa pa tsa/ di na mi ke na hUM phaT/che ge mo mAM sa la khA hi kha hi/ che go mo'i gzugs phung lnga la rim 'bus// ram 'ubs khA hi khA hi/ de ni sbyin sreg gi sngags su bshad/ oM s+t+waM b+ha ya rak+sha nan/ wa shang ku ru nan/ puSh+tiM ku ru nan/ shAn+ting ku ru nan/che ge mo mA ra ya nan/ a bi shrI ma hA ra ya nan/ phaT phaT/ kA la rU pa shrI ru pa rak+sha ye nan/ tsakra kri nan// da ru bas nan/ gnan pa bya ba'i sngags su bstan/ oM shrI ma hA kA la rak+sha kha kha khA hI khA hi/ badzra yak+sha de ba/ma hA bed+ta khA hi khA hi kha kha kha/ oM ma hA kA la shrI phung shan ting/ spur spur ting phur/ ma hA kA la badzra ni phur/ da ha da ha phur swA hA/ de skad drag tu bstab pa'i stags su bstan/ oM ma hA kA la rak+sha du pes d+h+ri dzaHhUM baM hoH/'byams na ston pa'i sngags su bstan/ oM nI laM b+ha ra/ badzra yak+sha ma hA kA la shrI yo na/ yo yo ni dan tad+ya thA/ oM hi li hi li ki s+t+waM b+ha nan swA hA/ mgon po gzir ba'i sngags su bshad/ oM ma hA kA la shAn+tiM/ shar ti ku ra sa na ma hA kA la/ mi che ge mo dang thang lhar phye/ glo dang glo ba'i rtags thon/ rus pa'i khab kyis glo snying zang mar phug/ lha dang phye ba'i sngags su bshad/ r+g+ri r+g+ri shaM yak+sha de baM kA la ba kra/ grib bin tsan ka ma bag si na mi dang yul lhar phyi/oM shrI ma hA kA lA raka be tsa le mu la rka rka ging ka ra ma hA kA la hUM phaT/ che ge mo mA ra ya hUM phaT/ thuM ri li li sarba kA ma ra tsa ya mA ra ya rbad/ du mi tsa la mA ra ya sreg sreg shig shig khyer khyer/ma hA kA la si ti rbad/ che ge mo dang su phye/ dun// sgri pra dra ma hA kA la hUM phaT/ oM b+han d+ha ba su dang/ de bas yi ga rbud/ sarba brad tra mu tri raM dza ta la rbud/ ma hA kA li rak+sha sha ku ru pa ni mA ra ya rbad/oM ma hA kA la sarba duSh+tAn/ sarba gas tro tra na phaT/ h+ya h+ya h+ya badzra pA Ni hUM phaT/ oM tri sha dru ro tra ti/ thuM ril bdag la gnon par byed pa mA ra ya hUM hUM phaT/ de ni mgon po nang 'gras na pha rol dang dbye bas sngags so// oM ma hA kA la ya/ che ge mo mA ra ya gr-ih+Na gr-ih+Na/ b+han+d+ha b+han+d+ha hUM hUM phaT phaT/ las kyis gsod pa'i sngags su bstan pa'o// oM tsaN+Da ma hA kA la shrI snying i daM gr-ih+Na swA hA/ zhi tshul gtor ma dbul ba'o// de ltar gsang sngags rim pa kun// grangs su bzlas dang dus su bzlas// rtags dang sbyar zhing bzlas par bya// drag dang shin tu drag pa dang// ring dang thung bar bzlas par bya// bor dang gdags dang gzhug pa dang// sngags kyi mtha' bsgyur mkhas par spyod// bzhag dang blang dor gdags pa dang// dril dang gtor dang dgab pa dang// zlaug dang ngar rnams gdags pa dang// de bzhin mkhas pas ched mar dbang// 'gro 'ong sngags kyi tshad ma yis// sngags rnams ma nor gtan la dbab// bzlog dang dkrug dang 'khor lo bskor// 'bru mi gzhal cing the tshom bsgral// ces pas me lce phreng ba'i rgyud las/ mgon po sngags kyi le'u ste bzhi bcu tham pa'o//// de nas yang dag bshad bya ba// dam mi bkral cing dpon slob bkur// mched la brtse bya bde gshegs bka'// khyad du mig sad 'da' mi bya// sems can kun la byams sems bskyed// byang chub sems ni mi spang zhing// chos rnams kun la smad mi bya// ma smin pa yi gang zag la// mgon po'i gsang ba mi bsgrag cing// phung po lha la brnyas mi byed// chos nyid som nyi mi za zhing// gdug pa can la byams mi bya// ming med chos la mi brtag cing// sems can dad dang ldan pa yi// sems kyi sun ni mi dbyung zhing// mdor na sems chos rnams kyis lang// dam tshig rim pa gang yin pa// ma nyams bsrung ba mchog tu bsngags// shes rab mi smad de bzhin du// drang dang shes par bsgrub bya zhing// mi g.yel mi bshug dmigs pa min// 'khor bar bsngags bsam mi bya zhing// rtag pa'i bsam pa kun tu spang// zhe sdang mi bskyed sems mi dkrug/ 'khor bar sgyu mar rab dmigs pas// chags pa med pas gdug pa bsgral// snying rje chen pos kun blang zhing// sdang ba med pas gdug pa bsgral// snang srid lha ru rab dmigs te// yengs pa med pas gdug pa bsgral// bstan pa bsrung bar rab dmigs te// rang 'dod med pas gdug pa bsgral// 'od gsal chen por rab dmigs te// gti mug med bas gdug pa bsgral// khams gsum skyon du rab dmigs te// nga rgyal med pas gdug pa bsgral// 'gro ba 'khrul bar rab dmigs te// phrag dog med par gdug pa bsgral// thig le chen por rab dmigs te// spros pa med med par gdug pa bsgral// rdzas rnams tshang mar tshogs bya zhing// sngags rnams nor du mi rung ngo// 'khor lo 'khrugs par mi bya zhing// las rnams nor du mi rung ste// rang re gzhan la mngon mi bya// dam tshig gcig la sngags mi bzlas// khe drag 'phyar ka spangs byas la// gsang spyod brten te bsgrub par bya// ces pas me lce phreng ba'i rgyud las/ bsrung ba man ngag gi le'u ste zhe gcig pa'o//// de nas yang dag bshad bya ba// mgon po sgrub pa'i mi rnams kyi// dam tshig thub par ma bsrungs na// gdon dang log 'dren sna tshogs byung// tshe thung nad mang nor yal nas// phyi ma ngan 'gro dmyal bar 'gro// tshe 'dir mi mthun 'byung po ni// mtshon 'khrug nang dme tsha ba'i nad// dug dang thog dang lce 'bab dang// rims dang mdze dang sha ya dang// 'brum bu shu ba bal nad dang// ser ba mtsho nyams gzi chung zhing// longs spyod la sogs nyams pa dang// dgra dang bgegs rnams langs pa dang// mi mthun bar chod sna tshogs 'byung// gzhan yang 'khor ba yun ring gnas// mi bde sdug bsngal rab tu 'phel// de phyir dam la gnas par bya// zhes pas me lce phreng ba'i rgyud las/ dam tshig dang mi ldan pa'i rgyud bcangs nas bsgrub na/ nyes mig bstan pa'i le'u ste zhe gnyis pa'o//// de nas yang dag bshad bya ba// rgyud 'di bcangs pa'i yon tan gyis// tshe ring dgra rnams rgyun chod de// zor gyi las kyis dgra rnams ni// gzer nang glang thabs smyo 'bog dang// ro rgyab 'gas shing 'chi bar 'gyur// phur pa dag gis btab pas ni// thog 'thab klad gzer mgo 'gas dang// ro rgyab 'gas shing 'chi bar 'gyur// gzer dang rengs pas rlag par byed// brgyab pas nad kyang de bzhin no// bsregs pas bsad dang thab kyis ni// rims nad tsha ba'i nad kyis 'chi// mnan pas bsad pa'i las kyis ni// bying dang rmugs pas myos te 'chi// de bzhin brgyal dang lkugs par byed// thun gyis tshe dbang srog dang bral// de bzhin mi mthun sbyor ba yis// bgegs dang dgra rnams tshar gcod nas// bde spyod dge sbyor spel bar byed// phyi mar rig 'dzin gral du 'gro// tshe dang bkra shis gzi brjid ldan// nus dang ldan zhing bde ba thob// thal ba'i dbang dang mthu mnyam zhing// brtul zhugs drag pos bstan pa skyong// 'gro ba dkar po'i mgon du yod// ces pas mgon po me lce phreng ba'i rgyud las/ dam tshig ldan pa'i rgyud 'di bcangs pa'i yon tan brjod pa'i le'u ste zhe gsum pa'o//// de nas dpal mgon po nag pos bcom ldan 'das la 'di skad ces gsol to// kye kye bcom ldan sangs rgyas gtso// legs so legs so bcom ldan 'das// bden pa nyid la dgongs nas ni// kun rdzob bstan pa srung don du// phyi rabs don du nga yi rgyud// bshad pa bcom ldan khyod legs so// ngas kyang dam la gnas nas ni// rnal 'byor dam ldan grogs bya'o// khyed kyi bka' las mi 'da' bar// bdag gis bcol ba'i las sgrub bo// gal te dam la 'das pa na// sgrub bo nyid kyang rlag par byed// de phyir dam las ma 'da' zhig/ ces pas me lce phreng ba'i rgyud las/ phyi rabs la gtad pa dang// yi rang ba'i le'u ste zhe bzhi pa'o//// bcom ldan gtso bos bka' stsal pa// rgyud 'di mtshan ni smos te spyad// skyes bu khyod kyi mthu rtsal dang// nus pa rgyud la yod pa ldan// skyes bu khyod kyi mthu rtsal ni// srid pa gsum la b+h+yos 'debs shing// khams gsum dbang du sdud par byed// 'dod khams 'khrug cing zil gyis gnon// stong gsum gzhan du 'phen par byed// 'byung po kun gyi rgyun lam gcod// rgya mtsho chen po hub kyi 'debs// ri bo lto ru za bar byed// dgra bgegs 'byung po tshar gcod cing// khyod kyis gad mo bdag pa ni// gshe ba'i gad mos lha rnams brgyal// bdud dang mu stegs dngangs par byed// shi la thug par brgyal bar 'gyur// ngo mtshar gad mos dbang du sdud// ma mo'i tshogs rnams yid kyang 'phrog/ hUM sgras khams gsum dbang du sdud// phaT kyis stong gsum dus gcig sgrol// pheM pheM pheM gyis 'jig rten g.yo// g.yo ba thams cad dbang du sdud// beng gi stobs ni glog dang 'dra// stong gsum dus gcig khyab par 'gro// mngon shes lnga dang rab ldan zhing// rdzu 'phrul sna tshogs rab bstan nas// 'gro ba log rtog sgrol bar byed// mkha' 'gro bdun gyi gtso bo ste// dur khrod bdun gyi bdag po yin// lha chen tshogs kyi bdag po ste// zhing skyong dpa' bo'i dmag dpon byed// gshin rje kun gyi rje bo mdzad// gnod sbyin kun kyang bran du 'khol// de ltar ldan pa'i saded dpon khyed// 'khol zhing sgrub par byed pa yi// rgyud kyi don ni me lce phreng// me lce 'dra phyir kun sreg cing// dam nyams srog rnams tshig par byed// srid gsum nyon mongs sreg byed cing// de don de 'dra dug dang 'dra// mtshon 'dra phyir na khro bo ste// 'jigs byed me 'bar nag po ni// gsang zhing brjod dang mi bstan no// spa zhing bcangs shing spyad par bya// rang nyid dam la gnas par bya// rang gi srog ltar bya ba ste// rang nyid chos dang mi ldan na// slar la sbrang bu mer mchong 'dra// rang srog 'chad par the tshom med// slob dpon sku dgra chos 'khor 'jig/ de 'dra'i yul la ma gtogs pa// gzhan srog 'chad par the tshom med// slob dpon sku dgra chos 'khor 'jig/ de 'dra'i yul la ma gtogs pa// gzhan du byas na dam tshig nyams// zhes pas me lce phreng ba'i rgyud las/rgyud yongs su gtad pa'i le'u ste zhe lnga pa'o//// de skad ces bka' stsal pa dang/ 'khor rnams rjes su yi rangs te bstod pa phul nas/ gus pas gzhan du dengs so// mgon po me lce phreng ba zhes bya ba nag po chen po dur khrod bdag po'i rgyud rdzogs so//// rgya gar gyi mkhan po d+ha na saM skr-i ta dang/ lots+tsha ba gor bai ro tsa nas bsgyur ba'o////

CLOSE WINDOW