327b1 /// ma mo rab tu gsang ba'i rgyud rdzogs so//// rgya gar skad du/ e gu h+ya tsakra tan tra/ bod skad du/ dbyings gsang ba'i 'khor lo'i rgyud/ bcom ldan 'das
327b2 dpal kun tu bzang po la phyag 'tshal lo// 'di skad bdag gis thos pa dus gcig na/ bcom ldan 'das gsang ba gsum gyi bdag po shin tu 'jigs pa rgyan rnam pa sna tshogs dang ldan pa/ gsang ba'i b+ha ga las
327b3 bzhengs te/drag po e'i gdan la bzhugs pa/ gsang ba rigs kyi 'khor rnams kyis bskor te bzhugs so// de'i nang nas bcom ldan 'das dpal gshin rje'i gshed po gdan las bzhengs te ston pa kun tu
327b4 bzang po la gar gyi mchod pa lan brgya phrag phul te/bcom ldan 'das la 'di skad ces gsol to// kye ma bde gshegs bcom ldan 'das// gong du gsungs pa'i rgyud rgyal der// rten gyi dkyil 'khor gsungs pa
327b5 las// gsang ba'i las de mi 'grub bam// 'grub na gsang sngags ji ltar lags// mA ra ya yi phreng ba las// de la bsnyen pa mi 'tshal lam// gsad pa'i dus tshod ji ltar lags// nya shi dus su bsad pa yi// de
327b6 yi gtan tshigs ji ltar lags// rak+ta'i nges pa ji lta bu// thod pa'i nges pa ji ltar lags// yi ge grangs kyi nges pa ci// 'di la tshad ma mi 'tshal lam// 'khor la zhes bgyi ji lta bu// bcom ldan 'das kyis de
328a1 bshad 'tshal// de nas bcom ldan 'das dpal mngon rdzogs rgyal po gdan las bzhengs te/ sku gsung thugs kyi rdo rje las// sems can nyon mongs sel ba'i sman// dug lnga sel ba'i rtsi mchog
328a2 yin// ma rig sel ba'i sgron me mchog/ de ni bde ba chen po ste// ma 'ongs rnams kyi don du bshad// lus ngag yid gsum gus pas nyon// rten gyi dkyil 'khor gyis bsad pa// 'di la rnam pa bdun du
328a3 gsungs// dang por e yi gnas pa yang// skye med chos dbyings yi ge e// mA ra ya nyid mthar bzhag pa// dzas 'gugs bsnyen pa'i mchog tu gsungs// gnyis pa yi ge yaM yin te// skyod byed yi ge b+h+yo yis
328a4 bskul// gsum pa yi ge raM yin te// raM gnyis bar du mA ra ya// sreg byed me yi 'khor lo bsgom// bzhi pa yi ge baM yin te// baM gnyis bar du mA ra ya// 'dod chags khrag gi dkyil 'khor bsgom// lnga pa yi ge su
328a5 yin te// su gnyis bar du mA ra ya// gti mug sa yi dkyil 'khor bsgom// drug pa yi ge haM yin te// haM gnyis bar du mA ra ya// 'od kyi gong bu lta bur bsgom// bdun pa yi ge phaT yin te// phaT gnyis bar du mA
328a6 ra ya/khro tshogs nam mkha'i skar ltar 'khrugs// yi ge nr-i ni sa bon yin// gsod byed yi ge rbad kyang yin// e bzhag yi ge mA ra ya// tha ma dza yis bsnyen pa ni// mA ra ya yi bsnyen pa yin// re res las re 'grub
328b1 pa'i phyir// sgrub pa chen po bdun du gsungs// dbyings gsang ba'i 'khor lo'i rgyud las/ rten drag sngags kyi sgrub lugs bdun pa'i le'u ste dang po//// de nas 'jam dpal gyis gsol pa// nya zhes bya ba ji
328b2 lta bu// nya yi gtan tshigs da bshad 'tshal// bcom ldan 'das kyis bka' stsal pa// nya gnyen po don gyi mdo bzhin du// rnal 'byor pa bkra shis par stong pa dang/ log par blta ba rnams la mdze nad dang/
328b3 rims nad sna tshogs btang ba dang/ des nya bstan/ stong ni rnal 'byor pa'i sems kyi skye lugs dang/ gzas pa po gsod pa'i thabs ston pa'i phyir na/ stong zhes bya/ rak+ta ni mkha' 'gro kun gyi dam rdzas kyi mchog
328b4 yin pa dang// gzas pa po gang yin pa bsgral ba'i thabs de las byung ba'i phyir rak+ta bstan to// dbyings gsang ba'i 'khor lo'i rgyud las/ nya stong dang rak+ta bstan pa'i le'u ste gnyis pa'o//// kye ma bde
328b5 gshegs bcom ldan 'das// thod pa rnam pa du ru gsung// thod pa'i nges pa da bshad 'tshal// bcom ldan 'das kyis bka' stsal pa// thod pa'i de nyid bshad bya yis// lus ngag yid gsum gus pas
328b6 nyon// mnan thod dang ni mchod thod dang// 'phang thod de bzhin lding thod dang// spar thod nam mkha' mchod thod dang// zlog thod 'bub thod ma nyams thod// smra thod za thod la sogs pa// thod pa bcu gsum dag
329a1 tu nges// yi ge laM bris ri rab ldan// dbus su nr-i dang ming rus bcug/ bris pa mnan pa'i thod par nges// rdzas dang mnan par nges pa'i rdzas// sbal pa dag gi shun rnams ni// sbrul gyi shun du nges
329a2 pa yin// tshig dang mnan par nges pa'i tshig/ nA ga zhes bya'i bo'ang gzhug/ ting 'dzin dang ldan gshin rje'i sngags// a kro 'bru bdun gnya' non yin// rdo rje'i bzlas pa mi nus pas// mnan na nges par non pa
329a3 yin// dbus su bsgrub bya'i ming rus dang// gnyan dgu dag la gtad par bya// mnan thod mchod na gso bar 'gyur// 'phang na bsgrubs pa 'chor bar nges// klu la ba dmar rwa ru mnan// gzhan yang rta la
329a4 sogs pa yin// gzugs la mnan na nges par phung// gzhan yang mnan pa thod pa'i grangs/ kham sa'i phur pa bcu'am dgu las nyung mi bya// de dag mnan pa grub pa'i rtags// klu las mdze nad bco brgyad
329a5 'byung// btsan las gzer nad drug tu 'byung// sa bdag las ni zha grum ste// yul lhas yul las dbyung la sogs// dmu lhas dmu nad dgu rnams gtong// lha la sogs pa gzhan rnams la// bdun dang lnga dang
329a6 drug dang yang// brgyad dang dgu ru shes par bya// phung byed mnan thod bshad pa'o// mchod thod nal bu dred dang phag/ zhag gsum la sogs gong dang 'dra// yongs su ma nyams thod pa la// dbus su gtso bo'i
329b1 sngags bris la/!!!!!!yi sngags kyis bskor// rak+ta'i rgya mtsho mchod pa'i rdzas// bod pa'i rdzas ni spos chen la// bsnyen pa'i rdzas ni a mr-i ta// dam tshig rdzas ni dam tshig bsre// bsgom dang ting
329b2 'dzin ma 'khrul bas// mkha' 'gro thod pa de la mchod// ye shes gshegs dang 'brel pa bzhin// mchod thod dran te rtag tu mchod// zas kyi phud mchod rtag tu dran// bran dang yul 'khor skyob par byed// ci 'dod
329b3 bsam pa 'grub par byed// mchod thod mnan na mkha' 'gro mnan// stong gsum srid pa'i mkha' 'gro 'khrugs// bdag nyid 'khor du smyo 'bogs gtong// rims nad sna tshogs 'byung bar 'gyur// gzhan yang
329b4 mdze nad sna tshogs gtong// 'phang na las mkhan 'phang ba ste// bod pa'i sngags dang tshig gis kyang// ting 'dzin sbos kyang mi 'khor te// brten dang mchod pa de dang 'dra// 'khor gyi ma mo gzhan du 'phros// lha la
329b5 rgyab kyis phyogs pa'o// yun du bzung ba'i mchod thod dang// rtag par bzhugs dang rjes su dran/ mthun par zhugs kyang gshegs bzhugs med// thod pa bzhi la mchod par gsungs// 'phang thod rabs chad thod
329b6 pa ru// drag sngags bris te de bzhag nas// ting 'dzin dug gi na bun 'thibs// 'phang thod mchod na drag sngags dang/ na bun bdag la ldog parabyed// mnan na na bun lha 'dre yi// gnyan dgu dag la mnan pa
330a1 ste// gnyen dgu'i rims nad bdag la ldog/ mchal yang 'chang chen kha'am byang ri khar// 'phang na dgra yi yul khams su// nad kyi na bun 'thibs pa dang// mtshon gyi skal pa 'khrugs pa
330a2 dang// dug gi na bun nges par 'thibs// byang ri kha nas 'phang par nges// dbyings gsang ba'i 'khor lo'i rgyud las/ thod pa bshad pa'i le'u ste gsum pa'o//// de nas 'jam dpal gshed pos bcom ldan
330a3 'das la 'di skad ces gsol to// kye ma bde gshegs bcom ldan 'das// yi ge rtsis ni ji ltar lags// bcom ldan 'das kyis da bshad 'tshal// zhes gsol pas/ de nas bcom ldan 'das kyis bka' stsal
330a4 pa/nyon cig 'jam dpal gshin rje gshed// sngags kyi de nyid rnam pa lnga// yang dag nyid du bshad bya yi// bsnyen sngags bsgrub sngags gsad pa'i sngags// sngags kyi phreng ba dum dum 'brel/ A+oM ni rigs lnga
330a5 sangs rgyas te// mA ra ya yi rigs pa drang// tha mar yi ge dza bzhag pa// rten gyi ni bsnyen pa'o// e ni chos kyi dbyings nyid de// yi ge dza yis dgug byas nas// yi ge bzhi yis rigs pa drang// rten 'brel bsgrub
330a6 pa'i bsnyen pa yin// mthar byed lnga ni yi ge oM/ a ni yum lnga'i snying po ste// kro ni phyogs bcu'i khro bo yin// te ni sras bcas snying po ste// ka ni gzugs sku'i snying po yin// hUM gis thams cad dbang du
330b1 sdud// phaTaHkyis lha tshogs spro ba ste// 'jam dpal rtsa ba'i bsnyen pa yin// snang ba shes pa dngos po ste// rang la yod pas grub pa yin// yi ge b+h+yo ni sgrub sngags te// rbad ni gsad pa'i sngags yin te// laM ni
330b2 mnan pa'i sngags yin no// mA ni gshed ma'i rgyu yin te// ra ni gshed mar byed pa yin// ya ni gshed ma'i rkyen yin te// gshed ma'i tshogs spro yi ge phaT// sngags kyi phreng ba dum dum 'brel// ye shes lnga dang lhun
330b3 gyis grub// ye shes phreng ba dum dum 'brel// las dang 'jig rten 'jig rten 'das// las mkhan phreng ba dum dum 'brel// 'bras bu dang ni tshogs dang gsum// lam gyi phreng ba dum dum 'brel// phreng ba yang
330b4 dag rnam pa gsum// de nyid ma 'khrul spyad gyur na// las mkhan ma lus dbang du 'du// rgyud ni rnam pa gsum yin te// las kyi rgyud ni dregs pa can// 'bras bu'i rgyud ni bde gshegs sku// lam gyi rgyud ni gsang
330b5 sngags kyi// yi ge 'bru lnga de nyid yin// rten dang rten can rnam gnyis kyi// srog gi snying po ma nor bar// drang bas rten dang bcas par 'gugs// bsnyen sngags ma nor bde ba skyed// sgrub sngags ma nor ni drag
330b6 sngags khyad par can bstan pa ste/dbyings gsang ba'i 'khor lo'i rgyud las/ mnan pa las kyi bye brag bstan pa'i le'u ste lnga pa'o//// de nas 'jam dpal stan las bzhengs te/ bcom ldan 'das la phyag
331a1 las la 'dzud// bsad sngags ma nor mtshon du dbab// e yis bsnyen pa bgrangs pa yis// sku gsum thob kyang mchi bar nges// yaM gyi bsnyen pa bgrangs pa yis// rig pa rnyed kyang gnas nas
331a2 'gugs// raM gyi bsnyen pa bgrangs nas ni// drod lnga thob kyang lus sems 'bral// baM gyi bsnyen pa bgrangs pas ni// sku lnga thob kyang sdug bsngal myong// su yi bsnyen pa bgrangs nas ni// sa rnams thob kyang
331a3 gsod par byed// haM gi bsnyen pa bgrangs pas ni// sku lnga rtogs kyang 'jig par 'gyur// phaT kyi bsnyen pa bgrangs pas ni// che bas che ba'i mthu dpung 'joms// 'di rnams gcig las gang byas kyang// las
331a4 rnams 'grub pa gdon mi za// dbyings gsang ba'i 'khor lo'i rgyud las/ sngags kyi rtsis dang mtshan ma bshad pa'i le'u ste bzhi pa'o//// de nas 'jam dpal gshin rje'i gshed gdan las bzhengs te// kye
331a5 ma bde gshegs bcom ldan 'das// gong du gsungs pa'i mnan gtad la// las kyi bye brag ji ltar bgyi// bcom ldan 'das la bka' 'dri zhu// de skad gsol pa gsan nas kyang// bcom ldan 'das kyis
331a6 bka' stsal pa// nga ni 'gro la thugs brtse'i phyir// las kyi bye brag thams cad kun// 'gro la brtse phyir ngas bshad kyi// lus ngag yid gsum gus pas nyon// e ni chos kyi dbyings nyid yin pa ste// gru gsum nam
331b1 mkha'i snying po yin// nA ga klu yi snying nas 'dren// tshal gyis klu rnams so sor 'byed// thum gyis rigs bzhi las la 'dzud// ril gyis so sor 'dzin par byed// nam gyis mgo lus dbang du bsdus// phug gis
331b2 las rnams gdon mi za// e nag tshal thum ril naM phug/ lcags kyi phur bu sor brgyad pa gcig gis brdeg cing yi ge haM bsam la/ mdze nad sna tshogs pa'i rims kyis btab nas dang/ mtshon grir 'chi bar
331b3 'gyur ro// rmugs kyis gzas pa srog nas 'dren// tshal gyis las mkhan gshed mar bgyed// tshal pa nges par gsod pa yin// dum dkrug gnyis brjod mnan pa'i don// mgo chag pa dang rkang lag chag pa
331b4 dang// ra rus chag pas 'chi bar 'gyur ro// rmugs tshal tshal pa duM dkrug/ duM dkrug/ zangs kyi phur pa sor brgyad gcig brdeg cing// gyo mo la 'khor lo bris la gtums na/ gong ma'i nad rnams kyis btab
331b5 nas 'chi bar 'gyur ro// nA ga zhes byas klu rnams 'gugs// he he btab pa'i sngags yin te// di di ri ris gshed mar ldang// rmugs gshar gshed ma bskul ba'i sngags// nA ga he he di di ri ri rmugs
331b6 bshar// brgya rtsa brgyad brgyab na/ dgra bo mdzes 'dzin par 'gyur ro// de dag byas te// kye ma bde gshegs bcom ldan 'das/ ma 'ongs pa yi rnal 'byor la// thun mong sngags rnams mi 'tshal lam// de la nan
332a1 tur mi 'tshal lam// bcom ldan 'das kyi da bshad 'tshal// bcom ldan 'das kyis bka' stsal pa// sngags rnams spu gri 'dra ba la// shin tu bshad par mi spobs kyang// ma 'ongs rnams kyi don
332a2 phyir bshad// da ra rnam shes sngags yin te// thum byer gyis ni gsod par byed// da ra thum byer mnan pa yin// da ra thum byer ngar thum byer/ khyi khrag ra khrag mon pa'i khrag/ gnag gi kha spu glo ba slo rnams
332a3 la// sngags btab bkol na gnag rnams phung// bsnyen bsgrub sngags ni 'bum du bzlas// zla skar be'u rdzi yin te nyi ma dros la bya// rbad thum 'khrugs pa'i snying po ste// de ni rnam shes
332a4 snying por gsungs// ci ri gnyis 'gyur brjod par bya// ri ri sreg pa'i sbyor ba yin// spa ra na gram bsad sngags te// thug lum gnyis brjod bsad sngags yin// bar du mug byer gnyis bzhag pa// rab tu bsad pa'i gsad sngags
332a5 so// rbad thuM rtsi ri rtsi ri ri spa ra na gri thug luM thug luM mugs byer/ gzhan yang oM ni kun gyi mgo yin te/ bres 'di bus zhes rbad pa dang// thum bu kri ta bsad pa'i sngags// dur gri ta dung bstab pa'o// 'jibs ni
332a6 bsad pa'i sngags yin te// rta la sogs pa'i rmi zlum rnams// yongs la brdeg par bstan pa yin// oM bre 'di bus thuM spu gri ta dung 'jibs// dgra bo yul tshan dang 'gras na// gla ba'i chu la chu blugs la/ ngan
332b1 sngags 'di btab na phu chu skam mo// he he dum bu hUM ya nA ga dung zhes brjod nas/ chu la rgyab na chu mig thal bar thor gyis 'gro'o// nA gas klu yi srog nas 'dren// thum bu dmos pa'i sngags yin te// hUM ya bstab
332b2 pa'i sngags su gsungs// nA ga thuM bu hu ya/ sbas pa'i gsob khrag sna tshogs kyis bskang ba la/ bag zan gyi sbal lcong brgyad kyis mtha' bskor la/ skar ma sgyed yang g.yed gsum la bsnyen pa bzlas/ skar ma
332b3 khrums smad la gtad/phag pa'i thod pas phag pa'i sog pa mnan/ dgra bo pho rgyud mtha' phung bar nges so// oM ni rnam par snang mdzad de// rje khram btsan gyi srog snying ste// wa khram btsan sring srog snying yin// rta
332b4 khram bum sri'i srog snying yin// oM rje khram wa khram rta khram/ rabs chad kyi ni thod pa dang/ rta thod du bcug la skar ma bi rdzi la gtad nas/ gong gsum du bcug na/ dgra bo mo rgyud mtha' phung bar 'gyur
332b5 ro// dbyings gsang ba 'khor lo'i rgyud las/ las thun mong gi sngags bstan pa ste le'u ste drug pa'o//// de nas de dag thams cad kyi// spyi nyid bshad pa la zhugs te// mnyam pa nyid la gnas pa
332b6 las// bcom ldan 'das la 'jam dpal gyis zhus pa/ spyi dang rang gi mtshan nyid las// sngags la nges pa du zhig mchis// bcom ldan 'das la bka' 'dri zhu// bcom ldan 'das kyis bka' stsal pa// ma 'ongs
333a1 rnams la phan 'dags phyir// sngags kyi de nyid bshad par bya// sngags kyi mgo bo oM yin te// bsnyen pa bsgrub na 'byung bar nges// rnam par snang mdzad yin pa'i phyir// drag po'i las la 'dul mi
333a2 'gyur// mgo med yi ge hUM gzhug bya// ye shes lnga dang ldan mod kyang// thugs nyid rdo rje yin pa'i phyir/ khros pa drag pos 'dul ba bstan// 'dug sa gong 'og spo ba yin// ye shes rang sngags gong du'o// las
333a3 mkhan srog snying 'og du ste// bsnyen pa'i dus nyid 'gugs par byed// yi ge dza yis kun tu 'gugs// nyin srib gnyis su dbye ba yang// zhi rgyas gnyis ni nyin yin te// gso ba'i las la shis pas so// dbang
333a4 drag gnyis ni sribs yin te// drag po'i las la shes pas sribs// las mkhan sna tshogs las byung ba// phra men dge ba zhes su gsungs// dz+wa la raM zhes 'byung ba dang/ 'dus te hrIs zhes bya bas ni// thog dang tsha
333a5 ba'i las rnams 'grub par byed// 'di la ma 'dres rbad 'byung la// bsad pa'i las la shes pa yin// gnyis gong phroM dang hril bzhag pa/ dbab pa'i las la shis pa yin// rang rang las rnams sna tshogs
333a6 las// sngags mthar 'bru re gang 'byung ba// mtha' rten gzhug ces de la brjod// ji snyed lha yi grangs byung yang// rnam shes snying po re res mtshon// mang po gcig tu sbom zhes bya// dam tshig rjes dran ji snyed
333b1 las// snying po re res gcig tu dril// chol bu kun nas btus zhes brjod// las gsum gcig tu gang bzlog pa/ 'ur ba gcig tu dril zhes brjod// 'byung ba tsha grangs gang 'khrugs pa// me chu 'gal ba sogs
333b2 zhes bshad// dbyings gsang ba'i rgyud las rtsis chad bshad pa'i le'u ste bdun pa'o//// e ma'o bcom ldan gsang chen bdag/ thams cad mkhyen rdzogs phyag 'tshal lo// kun khyab bde chen gsang s
333b3 ngags don// ji ltar gsungs pa'i bka' lung de// lung gi yi ge ma 'dres gsal// rang bzhin rgyud las tshig gi rgyud// rten 'brel yi ge sgra rtags so// bdag gis bsdus la gnas par bgyi// 'di don ma lus
333b4 gsung ba rnams// 'chad pa'i rnal 'byor dam pa ste// gsang bdag nyid du gnas par bgyi// ji ltar ji lta'i sems can rnams// de lta de lta'i don rnams la// gnas shing dad par bgyi lags so// 'di spyod rnal
333b5 'byor gang dag kyang// rgya rtags zhes ni gzung bar bgyi// de la rgol dang bar gcod dang// gzhan gyi sde pas mi tshugs bgyi'o// bcom ldan 'das dgongs pa mthar phyin nas/ bde ba chen po'i ngang la bzhugs
333b6 so// dbyings gsang ba'i 'khor lo'i rgyud las/ ji snyed pa gtad pa'i le'u ste brgyad pa'o//// de nas 'jam dpal gshin rje'i gshed gdan las bzhengs te/ bcom ldan 'das la phyag 'tshal te// 'di skad
334a1 ces gsol to// kye ma bde gshegs bcom ldan 'das// 'khor lo'i nges pa ji lta bu// de yi dgos pa ji lta bu// yang dgos ji lta bu ru bzhed// bcom ldan bdag la bka' drin gsung// bcom
334a2 ldan 'das kyis bka' stsal pa// nga ni dus gsum cha snyoms 'byung// dus gsum cha yang de bzhin de// nga las hUM gi sgra 'byung bas// ha hi mtshon cha'i tshul du 'byung// oM gi khong nas e 'byung bas// dkar po gru
334a3 gsum chos dbyings su// gru gsum mA ra ya re dgod// dkyil du rnam shes snying po dgod// de steng yi ge dza bzhag pa// cha mnyam pa yi 'khor lo yi// sa der yi ge rbad bzhag pa// gsod byed drag po'i 'khor lo
334a4 yin// sa der yi ge b+h+yo bzhag pa// bsgrub pa'i 'khor lo chen po yin// kun la de bzhin shes par bya// hUM gi khong nas haM byung bas// dwangs ma'i 'khor lo chen po ste// dwangs ma lnga la yig 'bru lnga// skye ba med pa'i
334a5 byang chub sems// 'gag pa med pas 'chi ba med// mdor na rgyu med rang bzhin bskor// lhag pa byang sems 'khor lo ste// skye 'gag gnyis med gzung 'dzin bral// thabs dang shes rab gnyis ldan pa// lnga dang
334a6 bcu yi rang bzhin bskor// zhes brjod do// 'di ni rdzogs pa'i 'khor lo chen po yin// haM gi khongs nas yaM byung bas// mchog ma gnyis dang chang rtsa gnyis// 'chang ba'i dkyil du 'bru la dgod// 'di ni 'byung ba
334b1 rlung gi 'khor lo yin// me yi 'khor lo gru gsum la// yi ge lnga dang rab tu ldan// chu yi 'khor lo zlum po ste// yi ge lnga dang rab tu ldan// sa yi 'khor lo gru bzhi la// yi ge lnga dang ldan pa ste// thams cad gong
334b2 bzhin shes par bya// yi ge 'od du ldan par bsgom// phaT kyis sems kyi ro bsad de// ta ni sreg par byed pa yin// rbad ni bde ba'i ro bsad de// chos kyi dbyings su rtag par bya'o// 'khor dang myang 'das
334b3 chos thams cad// byang chub sems kyi 'khrul 'khor bskor// yongs su byang nas snang bar 'gyur// 'dus byas rdzas kyi 'khor lo bskor ba mu stegs 'khrul pa'i lam// dper na mtshon rtse gcig pas btab na
334b4 'chor med bzhin// snang la rang bzhin med pa rtse gcig bsgom// dbyings gsang ba 'khor lo'i rgyud las/ 'khor lo rnam pa gsum bshad pa'i le'u ste dgu pa'o//// gsang sngags thams cad kyi spyi rgya chen po
rgyud phyi ma'i rim par gsungs pa rdzogs so/

CLOSE WINDOW