285a3 rgya gar skad du/ shrI de bI kI lI tsit+ta su d+ha na gu h+ya tan+t+ra/ bod skad du/ dpal lha mo nag mo'i thugs kyi srog sgrub gsang ba'i rgyud/ bcom ldan 'das rdo rje he ru ka la phyag 'tshal lo// 'di skad bdag
285a4 gi thos pa'i dus gcig na// bcom ldan 'das rdo rje 'chang chen po sras dang 'khor du bcas pa rnams btsun mo'i b+ha ga'i klong rnam par dag pa la zhugs so// gzhan yang byang chub sems dpa' sems dpa'
285a5 chen po gsang ba'i bdag po dpal phyag na rdo rje dang gzhan yang bdud kyi ma gshin rje'i sring mo dpal lha mo zhes bya bas/rang bzhin gyi dkyil 'khor mthong zhing/ 'das pa'i de bzhin gshegs pa rnams
285a6 kyi thad du dam bcas pa/da ltar de bzhin gshegs pa shAkya thub pa'i bstan pa bsrung ba'i smon lam btab pa/ dus phyi ma la sangs rgyas kyi sa la smin cing lung bstan pa'i smon lam can dang/ thabs cig tu
285b1 bzhugs so// gzhan yang rang bzhin gyi dkyil 'khor ma mthong ba rnams ni brgya byin dang/ gshin rje dang/ srin po dang/ sha za dang/ gnod sbyin dang/ ma mo nag mo dang/ lto 'phye dang/ grul bum dang/ dri za
285b2 dang/mi'am ci dang/ lha ma yin dang/ mkha' lding dang/ ma mo dang/ mkha' 'gro ma dang/ mkha' 'gro ma'i bdag po dpal nag po chen po dang thabs cig tu bzhugs so// de'i tshe de'i dus na/ gsang ba'i
285b3 bdag po phyag na rdo rje stan las langs nas/rang bzhin gyi dkyil 'khor ma mthong ba rnams la 'di skad du/ brgya byin la sogs pa khyed rnams kyi de bzhin gshegs pa sras dang 'khor du bcas pa rnams la phyag
285b4 'tshal ba dang/mchod pa dang/ skyabs su 'gro ba dang/ rnam par dkar ba'i phyogs la dad par gyis shig ces smras pa dang/ brgya byin la sogs pa rnams kyis phyogs bcu'i sangs rgyas kyi mtshan nas brjod
285b5 cing phyag 'tshal ba dang/skyabs su 'gro ba dang/ dkar po'i phyogs la dad pa dang mos pa bya ste/ thal mo sbyar nas thabs cig tu 'grigs par byas te/ 'di skad du sangs rgyas kyi chos 'jig rten du yung ring
285b6 bar gnas shing/rgyas par bya ba'i slad du bdag cag rnams kyis/ de bzhin gshegs pa rnams la phyag 'tshal ba dang/ mchod pa dang skyabs su 'gro ba dang/ dad pa dang/ mos pa dang/ yid la bya
286a1 ba'i byin rlabs kyis de bzhin gshegs pa sras dang 'khor du bcas pa rnams bdag gi mngon du snang bar gyur cig/ces smon lam btab pa dang/ de'i mod la de bzhin gshegs pa sras dang
286a2 'khor du bcas pa rnams mngon du snang bar gyur to// de nas brgya byin la sogs pa dga' ba dang spro ba skyes nas lha'i me tog man da ra ba la sogs pa rnams kyis mchod cing rgyan gyi char chen po mngon par phab
286a3 bo// de nas gsang ba'i bdag po phyag na rdo rjes 'di skad ces smras so// brgya byin la sogs pa khyed rnams kyis sangs rgyas kyi bstan pa bsrung ba'i phyir/ dpal lha mo nag mo la zhus shing ces smras pa dang/
286a4 brgya byin la sogs pa'i 'jig rten pa'i 'khor rnams kyis dpal lha mo nag mo la mchod pa dang/ bstod pa byas te 'di skad du khyod kyis bstan pa bsrung du gsol/ zhes smras pa dang/ dpal lha mo nag mos
286a5 smras pa bstan pa zhes bya ba ni gang bsrung ba zhes bya ba ni ji lta bu/ma bsrungs na ci skyon zhes smras pa dang/ bstan pa zhes bya ba ni mdo sde 'dul ba mngon pa ste/ rgyal ba'i bka' sde snod du gyur pa mtha' dag
286a6 go/srung ba zhes bya ba ni 'jig rten du yun ring du gnas pa'o// 'chang ba dang nyan pa dang/ sgom pa dang/ 'dzin pa dang/ klog pa dang/ kun chub par byed pa dang/ tshul bzhin du yid la byed pa rnams la/
286b1 gnod pa bsgral zhing tshar gcod pa'o// 'chang ba la sogs pa bsrung zhing bskyab pa dang/ 'khor dang longs spyod 'phel zhing rgyas par bya ba dang/ ma bsrungs na dkon mchog gsum po bka' mi gnyan// mi dang
286b2 mi ma yin pas bar du gcod cing de'i dbang gis/sangs rgyas kyi bstan pa 'jig rten du yun ring du gnas par mi 'gyur ro zhes smras pa dang/ dpal lha mo nag mo rang bzhin gyi stan las langs nas/ bcom
286b3 ldan 'das la lan brgya phrag stong du bskor ba byas te phyag 'tshal nas thal mo snying gar sbyar nas 'di skad ces zhus so// bcom ldan 'das bde bar gshegs pa bdag gis sangs rgyas kyi bstan pa bsrung ba
286b4 dang/dam pa'i chos mnyan par bya ba dang/ yang dag pa'i dge 'dun bsrung zhing bskyab par bgyi ba'i slad du/ bcom ldan 'das kyis bdag la dbang bskur du gsol/ byin gyis brlab tu gsol zhes gsol
286b5 ba dang/bcom ldan 'das kyis sgrol ba'i yum du byin gyis brlabs te/ yang dag pa'i mthu dang ldan par bya ba'i phyir/ zhing chen po'i g.yang gzhi dang/ bdud dang srin po las rgyal bar bya ba'i phyir/ g.yul du
286b6 mtshon gyis bsad pa'i mgo phreng dang thams cad bsgral zhing bsad kyang bag chags kyis mi gos par bya ba'i phyir/re lde nag po'i gos dang/ sman mo thams cad zil gyis gnan pa'i phyir/ snyan cha g.yas pa
287a1 seng ge dang/klu gnad la dbab pa'i phyir/ snyan cha g.yon sbrul gyi gdengs ka dang/ khams gsum gyi sems can thams cad kyi tshe srog dbang du bsdu ba'i phyir/ lag g.yas su kha T+wAM ga rtse gsum/
287a2 'gal ba rtsad nas gcad pa'i phyir/ 'og mar lcags kyi phur pa dang/ srid gsum nyes legs dang rnal 'byor bya ra mdzad pa'i phyir/ 'phrul gyi me long dang dam nyams gnas nas dgug pa'i phyir/ sbrul gyi
287a3 zhags pa rnams kyis dbang bskur ro// de'i tshe 'khor brgya byin la sogs pa rnams 'jigs shing skrag par gyur to// bcom ldan 'das kyis ming gis dbang bskur ba ni/ Ar+ya re ma ti'o// sangs rgyas kyi bstan
287a4 pa srungs shig par gnyer gtad do// dpal chen po'i spyan sngar lha mo re ma tis rang gi snying po phul ba/ trag rak+sha ma hi dun b+h+yo/ ma hA yak+sha mik+Na nag mo dun b+h+yo zhes bsnyen pa'i snying po dang/ gzhan yang ma ma trag
287a5 rak+sha re ma ti snying kha rag tsit+ta tsa pa la a shug me b+h+yo dzaHzhes bya ba rtsa ba'i snying po'o// gzhan yang rag mo rag mo ma ma dun ting/ her ma hed b+h+yo zhes bsgrub pa'i snying po dang/ badzra ku run rbad/ snying khrag tshal pa
287a6 rbad/gtubs tsit+ta rbad/ myogs rmugs rbad/ snying khrag kha la rbad/ tshal bu se na srin du hur srog la ya rbad/ ma ma ra mo che ge mo'i snying la dza dza/ nag mo har hur ma ha cho cho/ u rag me sha ma ra kha kha ha ha tra ta ti
287b1 dza/che ge mo'i snying la b+h+yo/ re ma ti ba sha tsa pa la sha tsa pa la dza dza/ dun dun rak+sha rak+sha/ mu ru lu ru lu ru lu b+h+yo/ che ge mo mA ra ya phaT/ ces las la sbyor ba'i gsad pa'i sngags rnams phul lo// lha mo des sangs
287b2 rgyas kyi bstan pa bsrung bar khas blangs te 'di skad du/bcom ldan 'das bdag gi sangs rgyas kyi bstan pa rin po che lta bu mngon pa la sogs pa'i sde snod gsum la gang zhig mos shing dad pas yid dwangs
287b3 pa'i gang zag de la srung zhing bskyab par bgyi'o// gang zhig 'chad pa dang/ nyan pa dang/ kun chub par byed pa dang/ tshul bzhin yid la byed pa de'i sbyor ba ngan pa bsal bar bgyi'o// gang sgom pa dang sgrub pa
287b4 nyams su len pa de dag gi ging dang pho nya dus rtag tu bgyi'o// de ltar bdag gis dam bcas pa lta ma bgyis na bdag gis da ltar nyid du bcom ldan 'das bslus pa lags so// de'i dbang gis rang gi srog
287b5 gi snying por me 'bar nas lus srog thal ba bzhin du tshig par gyur te// mnar med pa'i sems can dmyal ba chen por gyur cig ces smon lam btab cing mna' bor ro// de nas dpal lha mo nag mo des
287b6 dbang dang byin rlabs thob cing dam tshig can du gyur pa'i tshe brgya byin la sogs pa'i 'khor rnams kyis rang rang gi rgyan dang lag cha phul te/de ltar brgya byin gyis rdo rje phul lo// tshangs pas rma bya'i rgyal mtshan
288a1 phul lo/khyab 'jug gis nyi zla'i rgyal mtshan phul lo// rnam thos kyi bus seng ge'i rgyal mtshan dang/ nam mkha'i lha srin rnams kyis dril bu dang// klu'i rgyal po rnams kyis sbrul gyis gdengs ka
288a2 dang/sa bdag pa ta lis stag gi rgyal mtshan dang/ srin po dang sha za rnams kyis thod pa'i phreng ba dang/ khrag dang zhag gi yo byad dang/ bdud yab rjes khram bam dang/ btsan gyi 'us sho rde dang/ 'khor ma mos
288a3 nad kyi rkyal pa dang/de ltar 'khor rnams kyis rang rang gi rgyan dang yo byad lag cha la sogs pa phul te bstod pa rnams kyis kyang bstod do// lha mo de yang srid pa gsum na 'gran gyi do med par gyur
288a4 to// dpal lha mo tsit+ta gsang ba'i srog rkyal bu'i rgyud las gleng gzhi'i le'u ste dang po'o//// de nas gsang ba'i bdag pos bcom ldan 'das la 'di skad ces gsol to// bcom ldan 'das bde bar
288a5 gshegs pa sangs rgyas kyi bstan pa yun ring du gnas par bya ba'i ched du/dpal lha mo'i ting 'dzin dang/ spyan drang zhing mchod pa'i sngags dang/ de'i rten gzugs brnyan bstan pa dang/ bod pa dang/ rbad pa
288a6 dang/gsad pa dang/ rgyud kyi sngags btu ba dang/ bsgrub pa'i dkyil 'khor dang/ bsgrubs pa'i rdzas dang/ phur pa gdab pa'i sngags dang/ mtshon gyis gtub cing sbyin bsreg bya ba dang/ thun zor 'phang ba
288b1 dang/gnan pa bya ba dang/ ser ba dbab pa'i thabs bstan du gsol ba dang/ bcom ldan 'das kyis bka' stsal pa dang/ gsang ba'i bdag po lha mo'i ting nge 'dzin ni/ yaM s+pha ra Na raM ag+ne dz+wa la raM zhes me
288b2 rlung gi dbus su thod pa'i gzhal yas khang bskyed pa ni/b+h+rUM bi shwa bi shud+d+ha ka pA la hUM/ de'i nang du g+ho ra ti ga ra pa ta hUM zhes pas lcags kyi dre'u rta bskyed do// de'i gong du yi ge ma'i 'phro 'du la oM nag mo
288b3 dun+ting laM dun+ting b+h+yo zhes pas lha mo nag mo ni/sku mdog mthing nag ral pa g.yas nas g.yon du 'khyil ba/ zhal gdangs zhing mche ba gtsigs pa/ spyan rtsa dmar la ldang mig bgrad pa/ zhing chen gyi g.yang gzhi dang/
288b4 stag gi sham bu dang/ sbrul gyi ske rags dang/ thod pa'i phreng ba dang/ phyag g.yas gnyis na kha T+wAM dang phur pa/ g.yon gnyis na me long dang sbrul zhags bsnams pa/ nad kyi rkyal pa mchan na sbed pa/ khram bam
288b5 rgyab tu khur sho rde mdun na 'thor ba/tshon gyi gru gu rkyong zhing 'thul ba/ 'khor nag mo 'bum sde dang bcas pa gsal bar bsgom par bya'o// lha mo tsit+ta srog gsang ba'i rkyal bu las/ sku bskyed pa'i ting nge 'dzin
288b6 gyi le'u ste gnyis pa'o//// de nas yang bcom ldan 'das kyis spyan drang zhing mchod pa'i sngags 'di gsungs so// bdag nyid gdeng dang ldan pa yis// lcags kyu'i phyag rgyas spyan drangs te// bzhugs
289a1 gsol gtor ma bstab par bya'o// oM nag mo dan+ting laM ma ma dun b+h+yo/ dzaHhUM baM hoH nag mo dun b+h+yo b+h+yo/ oM AHhUM sa ma ya e h+ye hi dza/ a ra li hriM hriM/ rak+sha ma hi ku la pad+ma sa ma ya tiSh+Tha lhan/ ma ma
289a2 nag mo sen ta sen ta ku la ku la/ha ha ha/ ma hA mAM sa khA hi/ ma hA rak+ta khA hi/ pany+tsa a mr-i ta kha kha khA hi khA hi/ b+hun dza ho/ pi ba to sa ma ya swA hA/ zhes spyan drangs shing gnyis su med par bstim la gtor ma
289a3 dbul bar bya'o// dpal lha mo tsit+ta gsang ba'i rgyud las/ spyan drangs shing bzhugs su gsol ba dang mchod sngags kyi le'u ste gsum pa'o//// de nas bcom ldan 'das kyis bsnyen pa'i rten gyi gzugs
289a4 brnyan 'di gsungs so// dmigs pa'i rten gyi gzugs brnyan ni// 'dri mkhan gsang thub dam tshig can// dben pa'i gnas su song nas ni// dur khrod ras la ma mo'i sku// tshon gyis legs par bri bar
289a5 bya// mthing nag zhal gcig phyag bzhi pa// zhal bgrad mche gtsigs spyan rtsa dmar// zhing gi go zu stag sham can// sbrul gyi ska rags thod phreng can// rtsa ba'i phyag ni g.yas g.yon na// kha T+wAM me long bsnams
289a6 pa'o// g.yas g.yon gnyis kyi 'og ma na// lcags phur 'dril zhing sbrul zhags 'phen// dre'u'i stan la khros pa'i gzugs// dur khrod chen po'i dbus gnas pa// bris nas dbang bskur mchod pa
289b1 'bul// bsnyen pa'i sngags ni sum 'bum bzlas// zhes gsungs so// dpal lha mo tsit+ta gsang ba'i srog rkyal bu'i rgyud las/ gzugs brnyan bstan pa'i le'u ste bzhi pa'o//// de nas bcom ldan 'das
289b2 rdo rje 'chang chen pos/gsang sngags 'di dag byin gyis brlab cing btu ba mdzad do// thog mar yi ge thams cad ni// dmigs med brjod med bsam dang bral// sgra yi rnam pa ga la yog/ dmigs med gdod
289b3 nas rnam par dag/don dam yi ge a zhes bya// sems can las dang smon lam gyis// stobs las kun rdzob yi ge byung// a A i I u U r-i r-I l-i l-I e ai o au aM aH ka kha ga g+ha nga/ tsa tsha dza dz+ha nya/ Ta Tha
289b4 Da D+ha Na/ta tha da d+ha na/ pha pha ba b+ha ma/ ya ra la wa/ sha Sha sa ha k+Sha/ de las byung ba'i sngags rnams ni// ma nor gsal ba 'di lta ste// dang por bzhi pa'i dang por gzhag/ de la drug pa'i gnyis pas 'og tu
289b5 brgyan// dang po'i gsum pas mdzes par bya'o// de 'og drug pa'i gnyis pa bzhag/ dang po'i sum pa de la sbyin// de 'og bdun pa'i dang po gzhag/ de 'og lnga pa'i lnga pa gzhag/ de 'og bdun pa'i bzhi pa
289b6 gzhag/dbyangs kyi gsum pas steng nas dbab// de 'og bzhi pa'i gsum pa la// dbyangs kyi lnga pas 'og nas brgyan// de la bzhi pa'i lnga pas mdzes// de 'og lnga pa'i bzhi pa gzhag/ de la ya sta brgyan par
290a1 bya// dbyangs kyi bcu gsum gong nas dbab// de 'og lnga pa'i lnga pa gzhag/ de 'og bdun pa'i bzhi pa gzhag/ de la dbyangs kyi gnyis pas brgyan// de 'og drug pa'i dang po gzhag/ dang po'i
290a2 gsum pas mdzes par bya// de 'og bdun pa'i dang po gzhag/ de 'og bzhi pa'i dang po gzhag/ dbyangs kyi gsum pas stong nas dgab// de la dang po'i gsum pas mdzes// de 'og bdun pa'i gsum pa
290a3 gzhag/bzhi pa'i lnga pas 'og tu brgyan// de 'og bzhi pa'i lnga pa gzhag/ dang po'i gsum pa de la sbyin// de 'og lnga pa'i lnga pa gzhag/ dbyangs kyi bcu gsum steng nas dgab// de 'og bzhi pa'i gsum pa
290a4 gzhag/dbyangs kyi lnga pas 'og tu brgyan// de la bzhi pa'i lnga pas mdzes// de la ya stas brgyan par bya// dbyangs kyi bcu bzhis steng du brgyan// mi 'gyur bcu bdun rtsegs dang bcas// snying nas 'dren pa'i
290a5 srog sngags yin// lnga pa'i lnga pa lan gnyis gzhag/ de 'og bzhi pa'i dang po la// drug pa'i gsum pa brgyan ldan zhing// dang po'i gsum pa de ru sbyar// drug pa yi ni gsum pa dang// dang po'i gsum pa sbyar
290a6 nas su// de mthar bdun pa'i dang po gzhag/ drug pa'i gsum pa bcu gcig brgyan// de 'og lnga pa'i lnga pa gzhag/ bzhi pa'i dang po dbyangs gsum brgyan// bdun pa yi ni gsum pa la// gnyis pa'i lnga pas
290b1 brgyan ldan zhing// dbyangs kyi gsum pa'i rgyan gyis mdzes// de 'og dang po'i lnga pa sbyin// de 'og dang po'i gnyis pa gzhag/ drug pa yi ni gsum pa dang// dang po yi ni gsum pa sbyar// gnyis pa'i dang po
290b2 dbyangs gsum brgyan// de mthar bzhi pa'i dang po gzhag/ de mthar gnyis pa'i dang po la// lnga pa'i dang po so sor gzhag/ de 'og drug pa'i bzhi pa gzhag/ de 'og dbyangs kyi dang po nyid// de 'og bdun pa'i
290b3 dang po la// dbyangs kyi lnga pa'i rgyan ldan zhing// dang po'i gsum pa de la sbyin// lnga pa yi ni lnga pa la// dbyangs yig bcu gcig rgyan ldan zhing// lnga pa yi ni bzhi pa la// 'og nas drug pa'i dang pos
290b4 mdzes// dbyangs yig bcu gsum rgyan ldan zhing// gnyis pa yi ni gsum pa la// dbyangs kyi gnyis pa'i rgyan ldan pa// sngags kyi mthar ru gzhag par bya// 'di ni rtsa ba'i snying po ste// rang dbang med par
290b5 srog nas 'dren// de nas rgyud 'di sbas pa'i mthus// tsit+ta gsang ba rgyal bu'i rgyud// sngags 'di 'bum phrag gsum gyis ni// 'dod pa'i las 'di 'grub par 'gyur// dang po drug pa'i gsum pa gzhag/ de la
290b6 dang po'i gsum pas mdzes// de 'og lnga pa'i lnga pa gzhag/ dbyangs kyi bcu gsum steng nas brgyan// de 'og drug pa'i gsum pa gzhag/ dang po'i gsum pas de la mdzes// de 'og lnga pa'i lnga pa ni// tsheg dang
291a1 bcas la gnyis su gzhag/de 'og bzhi pa'i gsum pa gzhag/ dbyangs kyi lnga pas 'og tu brgyan// bzhi pa'i lnga pas de la mdzes// de 'og bzhi pa'i dang po gzhag/ dbyangs kyi bdun pas steng
291a2 nas brgyan// dang po'i lnga pa'i 'gram du mdzes// de 'og bdun pa'i bzhi pa gzhag/ dbyangs kyi bcu gcig steng nas brgyan// drug pa'i gsum pa de la sbyin// de 'og lnga pa'i lnga pa gzhag/ de 'og bdun pa'i
291a3 pa'i bzhi gzhag/dbyangs kyi bcu gnyis steng nas dgab// bzhi pa gsum pa de la mdzes// de 'og lnga pa'i bzhi pa gzhag/ ya tas mdzes par brgyan byas la// dbyangs kyi bcu pas steng nas dbab// sgrub
291a4 sngags tsheg bar bcu gnyis pa// yang gsung thugs kyi rgyud las byung// shin tu nub kyi dus su bzlas// dang por lnga pa'i gsum pa gzhag/ de la gnyis pa'i gsum pas mdzes// drug pa'i gsum pa sham du
291a5 mdzes// de 'og dang po'i dang po gzhag/ dbyangs kyi drug pas 'og tu brgyan// de 'og drug pa'i gsum pa la// dbyangs kyi drug pas 'og tu mdzes// de 'og bzhi pa'i lnga pa gzhag/ de 'og drug pa'i gsum pa
291a6 gzhag/'og tu lnga pa'i gsum pa'o// de la bzhi pa'i gsum pas mdzes// rten lnga spyi nas de yis 'joms// de 'og bdun pa'i gsum pa gzhag/ de la gnyis pa'i lnga pas brgyan// dbyangs kyi gsum pas steng
291b1 nas dgab// de la dang po'i lnga pa sbyin// de 'og dang po'i gnyis pa gzhag/ drug pa'i gsum pas 'og tu brgyan// dang po'i gsum pa de la mdzes// de 'og gnyis pa'i gnyis pa gzhag/ de la drug pa'i lnga pa
291b2 mdzes// de 'og lnga pa'i dang po gzhag/ de 'og drug pa'i gsum pa gzhag/ lnga pa'i gsum pas 'og tu brgyan// de la bzhi pa'i gsum pas mdzes// snying khrag rtsad nas de yis 'khrug/ de 'og drug pa'i gsum
291b3 pa gzhag/bzhi yi dang po lus la mdzes// dbyangs kyi lnga pas bsham du brgyan// de la lnga pa'i gsum pa dang// bdun pa yi ni gsum pa bsag/ de 'og gnyis pa'i dang po gzhag/ dbyangs kyi gsum pa'i dang
291b4 po gzhag/dbyangs kyi gsum pas steng nas dgab// de 'og bzhi pa'i dang po gzhag/ de 'og drug pa'i gsum pa gzhag/ lnga pa'i gsum pas 'og tu brgyan// gsum po'i gsum pa de la mdzes// de nyid tsit+ta
291b5 gtub pa'o// dang por lnga pa'i lnga pa gzhag/ de la ya tas mdzes par bya'o// dang po'i gsum dang bdun pa yis// gsum pas de la mdzes par bya// dbyangs kyi bcu gsum steng nas dgab// de 'og drug pa'i
291b6 gsum pa gzhag/'og tu lnga pa'i lnga pas brgyan// dbyangs kyi lnga pas 'og tu brgyan// dang po'i gsum dang bdun pas mdzes// de 'og drug pa'i gsum pa gzhag/ de la lnga pa'i gsum pa sbyin// de la bzhi pa'i
292a1 gsum pas mdzes// myos su gzhug pa'i drag sngags so// de 'og bdun pa'i gsum pa gzhag/ de la gnyis pa'i lnga pas brgyan// de la dang po'i lnga pas mdzes// dbyangs kyi bzhi pas steng nas
292a2 dgab// de 'og dang po'i gnyis pa gzhag/ drug pa'i gsum pas 'og tu brgyan// de la dang po'i gsum pas mdzes// de 'og dang po'i gnyis pa gzhag/ de 'og drug pa'i bzhi pa gzhag/ de 'og drug pa'i
292a3 gsum pa gzhag/de la lnga pa'i gsum pas brgyan// de la bzhi pa'i gsum pas mdzes// srog dang bral ba'i drag sngags so// de 'og gnyis pa'i gnyis pa gzhag/ de la drug pa'i bzhi pas mdzes// de 'og lnga
292a4 pa'i gsum pa gzhag/dbyangs kyi lnga pas 'og tu brgyan// de 'og bdun pa'i gsum pa gzhag/ de la dbyangs kyi bcu gnyis brgyan// de 'og bzhi pa'i lnga pa gzhag/ de 'og bdun pa'i gsum pa
292a5 gzhag/dbyangs kyi gsum pas steng nas dgab// bzhi pa lnga pas de la mdzes// de 'og gsum pa'i gsum pa gzhag/ dbyangs kyi lnga pas 'og tu brgyan// de 'og drug pa'i gsum pa gzhag/ de la lnga pa'i
292a6 gsum pa'i [[]pas []]brgyan// de la gsum pa'i gsum pas mdzes// lus kun gtub pa'i drag sngags so// de 'og drug pa'i dang po gzhag/ dbyangs kyi lnga pas 'og tu brgyan// de la drug pa'i gsum pa
292b1 sbyin// de 'og gsum pa'i gnyis pa gzhag/ dbyangs kyi drug pas 'og tu brgyan// lnga pa yi ni lnga pa dang// bdun pa'i gsum pas brtsegs la mdzes// de 'og bdun pa'i gsum pa gzhag/ drug pa'i gsum pa
292b2 'og tu brgyan// dbyangs kyi bcu gsum steng nas dgab// dang po'i gsum pa de la mdzes// de 'og bzhi pa'i bzhi pa gzhag/ de 'og bzhi pa'i dang po gzhag/ de 'og gsum pa'i gsum pa gzhag/ lnga pa'i
292b3 gsum pas 'og tu brgyan// de la gsum pa'i gsum pas mdzes// mtshon gyis gtub pa'i drag sngags so// lnga pa'i lnga pa lan gnyis brjod// drug pa yin ni gsum pa gzhag/ dang po yi ni gsum pa sbyar// lnga
292b4 pa yi ni lnga pa la// dbyangs yig bcu gsum rgyan gyis mdzes// che ge mo yi snying la ni// gnyis pa'i gsum pa lan gnyis brjod// de la dbyangs yig rgyan gyis brgyan// de 'og bzhi pa'i lnga pa la// dang po yi
292b5 ni gsum pa sbyar// lnga pa yi ni lnga pa la// dbyangs yig bcu gsum rgyan gyis mdzes// bdun pa yi ni bzhi pa la// drug pa yi ni gsum sbyar gnyis// bdun pa'i bzhi pa'i 'og ma la// dbyangs yig lnga yi rgyan
292b6 gyis brgyan// lnga pa'i lnga dang bdun pa'i bzhi// drug pa'i bzhi la so sor gzhag/ cho cho zhes ni rbad par bya// de 'og dbyangs yig lnga pa dang// drug pa yi ni gsum par sbyar// dang po'i dang po de mtha'
293a1 gzhag/de 'og lnga pa'i lnga pa dang// drug pa'i gsum pa so sor gzhag/ dang po'i gnyis pa lan gnyis dang// bdun pa'i bzhi pa lan gnyis brjod// bzhi pa'i dang po lan gsum gzhag/ drug
293a2 pa'i gnyis pas dang por brgyan// tha ma dbyangs yig gsum pas brgyan// gnyis pa yi ni gsum pa la// dbyangs yig gnyis pa'i rgyan gyis mdzes// lan gnyis dag tu brjod par bya// de rjes ming smos snying
293a3 la b+h+yo// 'di ni brjod pa'i snying po yis// 'bum phrag gsum gyis 'grub par 'gyur// drug pa yi ni gsum pa la// dbyangs yig bcu gcig rgyan dang ldan// de 'og lnga pa'i lnga pa gzhag/ bzhi pa'i dang po
293a4 dbyangs gsum brgyan// lnga pa yi ni dang po la// bdun pa yi ni dang po la// gnyis pa yi ni dang po gsum// rim bzhin so sor gzhag pa ni// lan gnyis dag tu brjod par bya// de 'og lnga pa'i dang
293a5 po dang// drug pa bzhi pa so sor gzhag/ gnyis pa yi ni gsum pa la// dbyangs yig gnyis pa'i rgyan gyis mdzes// lan gnyis dag tu brjod par bya// bzhi pa yi ni gsum pa la// dbyangs yig lnga pa'i rgyan
293a6 ldan zhing// bzhi pa'i lnga pa de ru sbyar// de nyid lan gnyis brjod par bya// drug pa yi ni gsum pa dang// dang po yi ni gsum par sbyar// de 'og bdun pa'i dang po gzhag/ de dag lan gnyis brjod par
293b1 bya// de 'og lnga pa'i lnga pa la// dbyangs lnga rgyan gyis 'og tu legs// bzhi pa yi ni dang po la// drug pa yi ni rgyan gyis mdzes// drug pa'i gsum dang bzhi pa la// dbyangs lnga'i rgyan gyis 'og du spras// de dag
293b2 lan gnyis brjod par bya'o// lnga pa yi ni bzhi pa la// dbyangs yig bcu gsum rgyan gyis mdzes// 'di ni snying po gsang sngags te// de rjes ming smos ral gri me// 'thor byed rlung gi sa bon rje// gsod byed yi
293b3 ge phaT gnyis brjod// 'bum phrag gcig gis gsod par nges// bzhi pa'i dang po gru gsum sgra// de ru dang po'i gsum pa gzhag/ grub gsum dang po gsum sbyar zhes// bdun pa'i dang po gzhag par
293b4 bya// de rjes lnga pa'i lnga pa gzhag/ de rjes dbyangs yig dbyangs gsum brgyan// bzhi gsum dbyangs gsum lnga pa'i brgyan// de la bzhi pa'i lnga pa sbyin// lnga pa yi ni bzhi pa la// dbyangs yig bcu gsum rgyan
293b5 gyis mdzes// 'og nas drug pa'i dang pos brgyan// de 'og lnga pa'i lnga pa gzhag/ de 'og bdun pa'i bzhi pa'o// de 'og drug pa'i dang po la// dang po'i gsum pa sbyar bas mdzes// bdun pa'i dang po gzhag
293b6 par bya// bzhi pa'i dang po dbyangs gsum brgyan// de la dang po'i gsum pa sbyar// bdun pa yi ni gnyis pa la// bzhi pa yi ni lngas pas brgyan// bzhi pa'i lnga pa de nyid la// dang po yi ni gsum pa sbyar// lnga pa
294a1 yi ni lnga pa la// dbyangs yig bcu gsum rgyan gyi mdzes// bzhi gsum dbyangs yig lnga yis brgyan// de la bzhi pa'i lnga pa sbyin// lnga pa yi ni bzhi pa la// 'og tu drug pa dang po sbyin// dbyangs
294a2 yig bcu gsum rgyan ldan pa'o// 'di ni rgyud kyi snying po ste// rtag par bzlas shing gtor ma sbyin// dpal lha mo tsit+ta gsang ba'i srog rkyal bu'i rgyud las snying po sngags kyi btu thabs bstan pa'i le'u ste lnga
294a3 pa'o//// de nas bcom ldan 'das kyis/ sgrub pa'i dkyil 'khor 'di gsungs so// maN+Dal gru bzhi ldan pa la// tshon rtsi ser pos brgyan pa'i tshul// de yi dkyil 'khor gru gsum ni// dur khrod sol
294a4 bas nag por byug/drag po'i dkyil 'khor zhes su 'dod// de yi dkyil du zlum po ni// mu khyud zhi ba'i tshul du dkar// de yi dkyil du gru gsum ni// nag po chos kyi dbyings kyi rtags// zla gam rnam gsum
294a5 dbang gi rtags// de yi bsgrub rdzas bshad bya ba// rje rigs b+han+d+ha mtshan ldan zhing// lcang lo can du gsog pa ni// bdud rtsi rak+ta gi hang dang// ga pur sha chen tshil chen dang// nal bu'i snying dang 'bras bu
294a6 dang// dza gad phud kyi bskang la gzhag/ de dang 'dra ba'i b+han+d+ha la// lha mo'i snying pos brgyan byas te// dkyil 'khor dbus su kha sprad de// rtags dang mtshan ma byung ba dang// dngos grub blang zhing dam tshig
294b1 bsre// sha chen spos dang tshil chen me// dug las byung ba'i me tog dang// rak+ta'i gsang nan phud dang bcas// thod pa ltag sprod rnga chen sgra// b+han+d+ha'i cha lang rkang gi dung// shun chen rgyal mtshan dar nag
294b2 gdugs// mi ro'i lag pa'i g.yab mor bcas// bsgrub pa'i rdzas su bsag par bya/ dpal lha mo tsit+ta gsang ba'i srog rkyal bu'i rgyud las bsgrub pa'i dkyil 'khor bri zhing rdzas dgod pa'i le'u ste drug
294b3 pa'o//// de nas bcom ldan 'das kyis las kyi dkyil 'khor bca' gzhi dang/ dur khrod kyi rdzas gsog pa 'di gsungs so// gru gsum sum brtsegs nang du bru// chos bzangs lta bu'i bang rim
294b4 gyi// nang du dur khrod sol bas byug/ zla gam rnam gsum dmar por bya// mu khyud dkar po gru bzhi ser// mtha' ma me yi phreng bar bcas// gru gsum bang rim dang po la// thod pa yi ni phreng ba
294b5 btags// gnyis par ral gri gsum par mda'// byin gyis brlab cing dgod par bya// nang du yugs sa'i zhabs ma gdings// dri ma drug la dmigs pa'i gzugs// mtshan nyid thams cad yongs su
294b6 rdzogs// tsha ba gsum gyi khu bas byug/ ming dang rus bcas nang du gzhug/ thod pa rab tu mtshan ngan par// ra dang rta dang khyi yi khrag/ phag gi khrag dang spyang dug byug/ lcags phur dug gis byugs pa
295a1 bdun// rtse mo gnam bstan nang du gzug/ me 'bar rtags byung phur bus gdab// rbad pa'i sngags kyis bsgrub par bya'o// gzhan yang dam rdzas tshang ba yi// gtor ma zla gam gcig la
295a2 gzhag/dug dang lan tshwa skye tshe gsum// chang dang mar nag d+ha du ra// rims nad dag gis btab pa'i khrag/ thal chen khrag dang thod par sbyar// zla gam gcig la gzhag par bya/ dpal lha mo tsit+ta gsang ba'i
295a3 srog rkyal bu'i rgyud las rdzas bsag pa'i le'u ste bdun pa'o//// de nas bcom ldan 'das kyis phur pa btab la mtshon gyis gtub cing sbyin bsreg bya ba dang/ thun zor 'phang ba dang/ gnan pa'i las
295a4 'di gsungs so// las kyi dkyil 'khor rdzas rnams la// rbad pa'i sngags kyis bsnun cing bskul// me 'bar rtags mthong phur pas gdab// badzra ku ru na rbad/ snying khrag tshal pa rbad/ gtubs tsit+ta rbad/
295a5 myags rmugs rbad/ snying khrag kha la rbad/ tshal bu sa sin du rbad/ hur thums srog la ya rbad/ de nas mtshon gyis gtub par bya// las kyi dkyil 'khor dbus nyid du// dug shing gdug pa'i shing bu la// rigs
295a6 ngan khyim nas blangs pa'i mes// spar la ling+ga sreg pa ni// dur khrod shing la yam shing ni// zur gsum logs la khrag chen pos// ming rus bris pa re re dang// ling+ga dum bu re re dang// dug dang skye tshe la sogs
295b1 rdzas// sngags shing sreg pa'i las byas na// myur du rims kyis 'debs par 'gyur// ma ma sarba sha truM mA ra ya/ a mu kaM da ha da ha/ pa tsa pa tsa b+haSh+mi ku ru/ hUM hUM/ phaT phaT/ swA hA/ brgya rtsa brgyad kyis 'grub
295b2 par 'gyur// de nas bsreg pa'i thal ba dang// ming byang lhan cig zhabs mas gril// dur khrod dbus su gnan cing gtad// mtshan ngan b+han+d+ha'i khrag dug dang// thun sngags bzlas shing zor du 'phang// rag
295b3 mo thang mu le thang/mu le rbad/ rtsa thang rtsa thang// mu le rbad rbad/ muM sni muM sni nan na Na/ rag mo ni rig mo ni kha lo rbad rbad/ dug sni rbad rbad rbad/ khyi kha lo khyi kha lo rbad rbad/ tsit+ta tsit+ta rbad rbad/ nirti nirti/
295b4 mugs mugs/ thum thum sum tri ha rbad/ thum thum rbad/ mog mog rbad/ che ge mo ling rbad/ sa ma ya dza dza zhes pas thun 'phang// grangs ni stong rtsa brgyad do// dpal lha mo tsit+ta gsang ba'i srog rkyal bu'i rgyud
295b5 las drag po sgrub pa'i le'u ste brgyad pa'o//// de nas yang bcom ldan 'das kyis ser ba dbab pa'i las 'di gsungs so// sha sna khrag sna snying sna dang// nal bu'i snying dang lo zla'i ming// nal bu'i thod
295b6 par sngags kyis grub// ma ma ru lu ru lu sa ma ya s+t+waM/ dza lang dum du/ a ka sha ya/ trag rak+sha phrom/ sum 'bum rdzogs dang las la sbyor// gtor ma gtang zhing sngags kyis bskul// thun rdzas gsum du bgos
296a1 nas su// gcig gi yul sa'i rten la gnan// gcig ni thabs bya zor du 'phang// gcig ni phyis kyi gta' dmar gzhug/ drag po rgyu ba'i dus chen la// shun chen brdab cing 'o dod 'bod// des
296a2 ni las rnams chud mi za'o// zhes gsungs pa dang/ 'khor thams cad rab tu dga' nas/ bcom ldan 'das kyis gsungs pa la mngon par bstod do// dpal lha mo tsit+ta gsang ba'i srog rkyal bu'i rgyud las/
296a3 ser ba dbab ba'i le'u ste dgu pa'o//// de nas yang bcom ldan 'das kyi lha mo'i phrin las 'di gsungs so// snang med dbyings kyi rang bzhin ni// dmigs med dbyings kyi ngang du gsal/ khyab gdal
296a4 'od chen rdzogs par ldan// ma hA shU n+ya tA maN+Dal hUM/ rig pa ye shes bde chen mkha'// kun snang snang srid khyab par gsal// gnyis med lhun gyis grub pa'i mchog/ d+harma d+hA tu maN+Dal hUM// gnyis su med pa'i
296a5 mkha' dbyings las// byang chub sems kyi sprin tshogs gtibs// bde mchog yid bzhin char du 'bebs// thams cad ma lus bskyed pa'i rgyu// trAMH/ rin chen 'bar ba'i 'od zer las// dbang chen dkyil
296a6 'khor 'byung ba'i rgyu// e yaM raM suM laM b+h+rUM/ gru gsum mthing nag 'bar ba'i nam mkha' la// 'thor byed rlung nag tshogs ni rgya gram gtams// chags pa rak+ta'i tshogs ni rba klong 'khyil// zhing chen gtams pa'i
296b1 tshogs ni mtha' dbus brdal// keng rus 'bar ba'i ri rab mi bzad pa// de steng rdo rje rgya gram gcal bkram ste// sna tshogs dag pa'i snang ba 'di brjod do// b+h+rUM b+han+d+ha tsakra ha la ha la hUM/ mi bzad mthing nag
296b2 'bar ba'i gzhal yas ni// chu srin bye ba sa ya'i thod pa la// mi bzad dur khrod 'bar ba'i rtsig rmang byas// thod skam dgu yi rtsig pa mkhar du brtsig/ gnam lcags urmo 'bar ba'i gzer gyis btab// rin
296b3 chen mchog gi zur bzhi mdzes par brgyan// g.yu 'od sngon po 'bar ba'i kha bad can// mu khyud gnam lcags 'bar ba'i ri yis bskor// sum ba sum ba b+han+d+ha rak+sha ti ra baM// mthing nag 'bar ba'i dkyil
296b4 'khor na// zhing chen zhing chung bcal du bkram// mchog chen mchog phran gdan du gting// the brag dgu brgya'i gab tse la// lha srin kun kyang gdan du bting// nr-i sti ra baM/ yak+Sha sti ra baM/ de ba ti ta baM/ ru dra
296b5 maN+Dal hUM/dpal lha mo tsit+ta gsang ba'i srog rkyal bu'i rgyud las/ gzhal yas khang gdan dang bcas pa bsgom pa'i le'u ste bcu pa'o//// de nas yang bcom ldan 'das kyi lha mo sku bskyed cing spyan drangs pa
296b6 'di gsungs so// oM nag mo ti ling ma ma dun ting b+h+yo/ hUM b+h+yo/ yi ge ma las bskyed pa'i lha mo ni// mthing nag zhal gcig phyag bzhi srin mo'i tshul// ral pa'i thor tshugs gser dang bye rus brgyan// dus
297a1 bzhi'i ma mo bzhi la sku las 'char// zhing chen g.yang gzhi stag lpags sbrul gyis brgyan// 'khor du mi bzad nag mo stong gis bskor// mthing nag dre'u zhon 'jigs pa'i sku mdog gsal// hUM b+h+yo/
297a2 dur khrod gsang ba dbyings kyi dkyil 'khor nas// lha mo chen mo mthu mo che// dad pa dang ni dam tshig gis// tshur gshegs tshul spyon 'khor dang bcas// rnal 'byor dam la gdung ba'i tshe// mchi ma thul thul da
297a3 tshur spyon// nyi ma byang shar pha ki na// brag dang chu 'thabs mar 'das na// mtsho mu le gting gi nang shed nas// ma gcig dpal ldan re ma ti// nag mo stong gi 'khor dang bcas// thugs dam dbang gis spyan
297a4 'dren na// sgrub mchog bskyab phyir gshegs su gsol// sngon tshe dpal chen he ru ka'i// spyan sngar ji ltar dam bcas pa// ma ru tse yi sgo 'gram du/ khas blangs dam bcas bdag bskul gyis// dam tshig bzhin
297a5 du gshegs su gsol// oM nag mo ting la ma ma dun b+h+yo dzaHhUM baM hoH nag mo dun b+h+yo/ dpal lha mo tsit+ta srog rkyal bu'i rgyud las/ sku bskyed dang spyan drang ba'i le'u ste bcu gcig pa'o//// de nas yang bcom
297a6 ldan 'das kyis/lha mo nag mo la phyag 'tshal zhing brtan par bzhugs pa 'di gsungs so// mi mngon mkha' dbyings dag pa nas// yang dag sku gcig byung ba ni// sku gcig ma las sprul pa drug/ sprul drug ma
297b1 la bka' nyan stong// bka' nyan re la phyag brnyan 'bum// snang srid bdag la phyag 'tshal lo// de phyir zhing kun drod 'bebs ma// 'tshums ma kun gyi sna 'dren cing// chu bo kun gyi gzhung byed ma// nag mo
297b2 gtso la phyag 'tshal lo// dbyar zhing nam mkha'i khams nas rgyu// 'brug dang glog gi bdag mo mdzad// thog dang bu yug 'phebs mdzad ma// glog ma srin la phyag 'tshal lo// ston zhing 'bras bu smin mdzad
297b3 cing// spang po de ni kha ser la// 'bras bu lo thog bcud len ma// mi rnams kun gyi dpal 'phrog ma// klong dgu ma la phyag 'tshal lo// dgun zhing rgya mtsho'i gting na bzhugs/ khams gsum kun la rgyas
297b4 'debs ma// klu bran kun gyi dgyes sde mo// glog 'gyu ma la phyag 'tshal lo// rag mo rag mo ma dun+ting na ma hA ya hi/ dpal ldan lha mo re ma ti// mi bzad nag mo 'khor dang bcas// byang shar mtshams
297b5 nas spyan 'dren gyis// phrin las mdzad cing brtan par bzhugs// rak+sha ma hi ku la pad+ma sa ma ya tiSh+Tha lhan/ dpal lha mo tsit+ta gsang ba'i srog las kyi rkyal bu'i rgyud las/ phyag 'tshal ba dang/ brtan par
297b6 bzhugs su gsol ba'i le'u ste bcu gnyis pa'o//// yang bcom ldan 'das kyi dpal lha mo la/ gar dang thugs dam bskang ba'i las 'di gsungs so// g.yas g.yon thabs dang shes rab ste// lha
298a1 mo nyid kyi phyag rgya ni// zhal gcig phyag bzhi 'jigs pa'i gzugs// g.yas gnyis kha T+wAM phur bus 'debs// g.yon gnyis me long sbrul zhags bsnams// phyag rgya gar gyi mchod pa
298a2 bzhes// dgra bgegs dbang sdud dam skong phrin las mdzod// ma mo stong gi phyag rgya ni// kun kyang mi bzad nag mo'i tshogs// g.yas pa khrag gi zor 'phen cing// g.yon pa zhing gi g.yab mo thogs// phyag rgya
298a3 gar gyi mchod pa bzhes// dgra bgegs dbang sdud thugs dam dngos grub stsol// rag mo ma hA mu dra ho/ rang byung gdod nas dag pa'i dam rdzas lnga// gdod nas dag pa'i dam rdzas bdud rtsi mchog/ rtsa ba
298a4 brgyad la lo ma stong// sangs rgyas stong gi dngos grub len// dmar chen mtsho dang mAM sa dri// ga bur shel kyi spos phor dri// sangs rgyas stong gi thugs dam ste// rnal 'byor yongs kyi dam tshig go/ dam tshig sbyin
298a5 pa chen po 'di// sbyin no bstab bo gsol lo bskul// gdung ba'i lha mo mthu mo che// dus la rub cing dam la 'phreng// dbang phyug chen mo kun gyi srid// rnal 'byor yongs kyi ma gcig ma// mtshan bzang nag mo
298a6 re ma ti// rnam dag bdud rtsi dam rdzas mchod pa 'bul// thugs rje che dgongs dbang dang dngos grub stsol// ma hA pany+tsa a mr-i ta kha raM khA hi/ dam rdzas bdud rtsi 'bar ba'i mchod pa 'di// ma tshogs nag mo stong
298b1 gi 'khor bcas la// rnam dag bdud rtsi dam rdzas mnyes mchod 'bul// thugs rje che dgongs dbang dang dngos grub stsol// rdo rje dri chu bdud rtsi mchog/ pany+tsa sha mr-i ta dang sbyar// dam tshig snying gi khrag chen
298b2 po// bsre ba'i mchog ste srog gi snying// snying dang snying gi grogs mor bya'o// ma hA ku ru sa ma ya/ ma hA pany+tsa sa ma ya/ ma hA a mr-i ta sa ma ya/ dpal lha mo tsit+ta gsang ba'i srog rkyal bu'i rgyud las/ gar
298b3 dang thugs dam bskang ba'i le'u ste bcu gsum pa'o//// de nas yang bcom ldan 'das kyis dpal lha mo la dug gsum sha khrag gi mchod pa 'di gsungs so// mthing nag 'jigs pa'i rgyal mo gshegs su
298b4 gsol// nag mo mi bzad rgyal mo gshegs su gsol// phyag brnyan grub 'dzin rgyal mo gshegs su gsol// mdog bzang nag mo mthu chen rgyal mo gshegs su gsol// e h+ye hi tshur gshegs 'khor dang
298b5 bcas// dzaHhUM baM hoHspyan 'dren gshegs su gsol// ma gcig chen mo 'dir spyon sha la spyon// dgra bgegs 'byung po'i sha 'di zan pas zhim// ma gcig chen mo 'dir spyon khrag la spyon// dgra bgegs
298b6 'byung po'i khrag 'di chang bas zhim// ma gcig chen mo 'dir spyon rus la spyon// dgra bgegs 'byung po'i rus pa mar bas zhim// 'byung po'i sha khrag rus pa 'di gsol la// bdag gis mngags pa'i las
299a1 'di mthar phyung zhig/gsur chen sha la rol te gshegs su gsol// dmar chen khrag la rol te mchod par bzhes// rus chen rkang la rol te mchod par bzhes// sha rus dam rdzas bdud rtsi 'di
299a2 gsol la// bdag gis mngags pa'i las 'di grub par mdzod// da ni bu gcig spu gu ma nyams sems// 'bras bu mi dbang smin pa'i mtshal thig 'di// ma la 'bul lo zo 'o ma gcig ma// ma dag bstan pa'i
299a3 dam rdzas 'di gsol la// da lta nyid du dgra la rtags phyung zhig/ ma ma nag mo pe ta li/ ku lu ku lu ha ta/ sa ma ya khA hi rak+ta khA hi/ pany+tsa a mr-i ta khA hi/ dpal lha mo tsit+ta gsang ba'i srog rkyal bu'i rgyud las/ sha
299a4 khrag gi mchod pa'i le'u ste bcu bzhi pa'o//// de nas yang bcom ldan 'das kyis dpal lha mo la phrin las bcol ba'i las 'di gsungs so// hUM ho sngon yung po ma lon pa'i dus la/ dur khrod ro thang nag
299a5 po'i grong khyer ma ru tse yi sgo 'gram du// gshin rje'i yum gcig bdud kyi lcam mo re ma ti yum chen e ka dza Ti'i dngos grub bsgrubs nas zhabs la spyi bos phyag 'tshal te/ lha'i ngag snyan pa dang tshig bden pa
299a6 dang/nyid kyi srog gi snying po mdongs gsol du phul nas phyi rabs sngags 'chang gi srung mar zhal gyis bzhes te// bdag la bstod pa dang/ mchod pa dang/ yi dam du byed pa rnams kyi rkyen bzlog pa dang/ sku
299b1 dgra gdul ba dang/de yis bka' ci stsol ba'i dngos grub sbyin no zhes/ khas blangs dam bcas pa'i dam tshig las mi 'da' bar bya ba dang/ khyod kyi sku yi khyad par bstan pa dang/ khyod kyi sku gsung thugs kyi
299b2 dngos grub stsal du gsol/khyad par du yang bdag gi dgra bo che ge mo 'di/ sngon las kyi rnam par smin pa la ma gzhag gzhan gyis gnod pa'i sbyor ba la ma ltos/ dus da lta nyid du rtags rnam pa sna tshogs bstan
299b3 du gsol// hUM ho/ dpal lha mo khyed la brnag pa'i las bcol ba ni/ dkon mchog gsum gyi spyi dgra rnal 'byor gyi sgos dgra/ sangs rgyas kyi bstan pa bshig pa/ dkon mchog gi dbu 'phang smod pa/ chos
299b4 'khor rtse nas 'joms pa mi thub thub zer ba/mi chod chod zer ba/ kha drag smra ba/ bstan pa gshig pa/ ya ga zer ba/ dkor la rlom pa byang dmar la btab pa'i dgra bo che ge mo 'di las kyi rlung dmar gyis
299b5 rgyab nas phul cig 'jigs pa'i mun pas mdun nas sus shig mi bzod pa'i 'o dod 'bod du chug cig rtags dang mtshan ma myur du ston cig kha nas khrag skyug tu chug cig/sna nas chu ser 'dzag tu chug cig
299b6 lus la tsha ba'i me 'bar tu chug cig lus ngag thal ba'i rdul du rlog par mdzad du gsol// hUM ho// dpal lha mo tsit+ta gsang ba'i srog rkyal bu'i rgyud las phrin las bcol ba'i le'u ste bco lnga pa'o//// de
300a1 nas yang bcom ldan 'das kyi bsgrub pa'i byin rlabs bskyed pa'i phyir/dbang gi rim pa 'di gsungs so// hUM zhes yi dam lha ru sgrub pa po bskyed la/ slob dpon gyis lha mo'i sku lag tu blangs la/
300a2 skad cig mas lha mor bskyed la/ hUM gru gsum 'degs pa'i dkyil 'khor du// 'dzab spogs bsnyen tshad dus nyid du// lha mo'i sku yi dbang bskur bas// mi nyams pa yis las 'di la// brtsams nas thams
300a3 cad mthar phyir shog/byin rlabs dbang mchog thob par shog/ ma ma rag mo a b+hi Shiny+tsa hUM a/ rigs kyi bu khyod la bsnyen bsgrub kyi dbang bskur bas/ sangs rgyas kyi bstan pa bsrung zhing mthu rtsal mchog dang
300a4 ldan zhing/dgra 'dul zhing bgegs 'joms pa'i dbang thob par shog cig yang gu rus thod rnga thogs la// srid pa gsum du sgrogs pa yi// mdzub ngo gnyis pa'i thod rnga 'dis// rigs ldan khyod la dbang
300a5 bskur bas// gsung dbyangs yan lag drug cu yi// lha mo'i gsung dbyangs thob par shog/ gi rti a b+hi Shiny+tsa hUM a/ rigs kyi bu khyod la rnga chung gi dbang thob par gyur cig/ gu rus lcags phur thogs la/ ting
300a6 'dzin hUM du byin gyis rlabs pa yis// grol byed lcags phur dpal ldan 'di// sku gsung thugs las rab sprul pa'i// rigs ldan khyod la dbang bskur bas// dam nyams sgrol ging byed par shog/ badzra kI li kI
300b1 la ya a b+hi Shiny+tsa hUM a/rigs ldan khyod la lcags phur gyi dbang bskur bas// dam nyams myur du bsgral ba'i dbang thob par gyur cig gu rus thod phreng thogs la/ zur gsum 'debs pa'i dkyil 'khor
300b2 du// sku gsum rgyan ni ma nyams pa'i// thod pa'i phreng bas dbang bskur bas// mi brjed gzungs ni thob par shog/ badzra mA le a b+hi Shiny+tsa a/ rigs kyi bu khyod la thod phreng gi dbang bskur bas// nus
300b3 pa'i dbang thob par gyur cig gu rus yungs kar thogs la// sgrub pa'i rdzas su byin brlabs pa'i// sgrol ba khro bo'i bsgrub pa ste// yungs kar rgyal pos dbang bskur bas// dgra bgegs sgrol ba'i dbang thob
300b4 shog/badzra kro d+ha a b+hi Shiny+tsa hUM/ rigs kyi bu khyod la yungs dkar rgyal po'i dbang bskur bas/ dgra bgegs sgrol bar byed pa'i dbang thob par gyur cig 'dod yon lnga ldan khyad par gtor ma 'di// rigs
300b5 ldan khyod la dbang bskur bas// rang byung dpal gyi lha mo yis// nus pa rdzogs pa'i dbang thob shog/ ba liM ta a b+hi Shiny+tsa hUM a/ dpal lha mo tsit+ta gsang ba'i srog rkyal bu'i rgyud las nus pa dbang gi le'u
300b6 ste bcu drug pa'o//// des nas yang bcom ldan 'das kyis/ zor drug thun dang bdun po 'di gsungs so// snying zor lug nag snying la ni// yungs dkar brab cing de phyogs 'phang// thod zor rabs
301a1 chad thod pa ru/khrag sna blugs la de phyogs 'phang// bya zor bya nag lug la mngags// brab cing de phyogs phur bar bya// mda' zor 'ug pa pho rog sgros bsgron la// dug shing mde'u bcug la
301a2 'phang// sgong zor bya nag sgo nga bu// thun brab de phyogs 'phang bar bya// thun ni yungs kar sna tshogs thun snas brab par bya'o// lha mo tsit+ta gsang ba'i srog rkyal bu'i rgyud las thun zor gyi le'u ste bcu bdun
301a3 pa'o//// de nas 'khor na gnas pa'i lha mo dang// klu mo dang/ bdud mo dang/ srin mo dang/ bdud dang/ mgon po dang/ gnod sbyin dang/ gza' dang/ sgrol ging rnams kyis bstan pa bsrung bar
301a4 dam bcas nas/bcom ldan 'das kyis gzhag pa'i gnas su 'dug nas sgrol ba'i ging du khas blangs so// tsit+ta gsang ba'i srog rkyal bu'i rgyud las dam bcas pa'i le'u ste bco brgyad pa'o//// tsit+ta
gsang ba'i rgyud rdzogs so/

CLOSE WINDOW