45a6 / ma mo 'dus pa'i tan+t+ra rdzogs so//// rgya gar skad du/ ma tr-I a lang b+ha ra gu h+ya ti la ka tan+t+ra/ bod skad du/ ma mo srid pa zla gsang thig le'i rgyud/ dpal rdo rje
45b1 sems dpa' la phyag 'tshal lo// 'di skad bdag gis thos pa dus gcig na/ 'og min gyi gnas khyab gdal chen po/ bde ba can dang pad+ma can du grub pa mos pa can du snang bar byed pa na/ de bzhin gshegs
45b2 pa thams cad kyis bcom ldan 'das dpal kun tu bzang po bla med he ru ka de ni/nam mkha' chen po mi gnas pa'i ye shes yongs su rdzogs par byed pa'i rgyal po dang/ gang yang ma 'gags kun snang chen po
45b3 dang/ma gsungs pa gsung ba'i gsung ba chen po mdzad pa dang/ gsang mchog bdag po blang dor med pa'i 'dod pa kun 'byung ba dang/ 'khor ba 'dren pa'i sangs rgyas chen po snang srid ston pa'i sgron ma dang/
45b4 dus gsum so so tha mi dad dbyer med par yum chen mo nyid gzhi mu kha le dang gnyis su med par bzhugs so// de dag yongs su 'dus pa ni/ ye shes nyid las mi gzhan pa/ rtag pa'i rgyal mo chen mo lnga dang/
45b5 rig pa sems las bskyed pa'i khro mo bcu gsum dang/ ye shes 'khor du bsdus pa rje mo bcu bzhi dang/ byin rlab dbang du bsdus pa sman mo nyi shu rtsa bdun dang/ gzhan yang ye shes las grub pa dang/ las las
45b6 grub pa dang/zhing las skyes pa dang/ sngags las skyes pa dang/ dam la gnas pa dang// bka' la btags pa dang/ mos pas 'dul ba du ma dang bcas pa'o// de nas bcom ldan 'das yum gyi b+ha ga las
46a1 sku bzhengs nas zhal 'dzum pa mdzad nas/byang chub sems kyi 'od zer 'phros pas 'khor 'dus pa thams cad kyang la la ni skad cig tu dga' ba bzhi nyams su myong/ la la ni phyi'i gnas bzhir
46a2 dga' ba skyes/la la ni nang gi gnas bzhir dga' ba skyes/ la la ni rnam rtog spang ba'i dga' bas log rtog spangs/ la la ni chos nyid rang gi ngo bo nyams su myong ba'i dga' bas rtogs par shar/ kun kyang
46a3 gsang ba bla na med pa zla gsang thig le'i rgyud don rtogs par gyur pa kho nar spyod cing gnas so// de nas 'khor rnams kyis mchod pa dang rdzas dang phyag rgya bsgyur ba dang/ sngags dang dbyangs brjod pa dang/
46a4 ting nge 'dzin bzang pos bcom ldan 'das la bsngags pa brjod// phre men rgya mtsho mas sna drangs nas mgrin gcig tu 'di skad ces gsol to// e ma ho// gsang ba rmad byung ye shes che// thabs chen zla
46a5 gsang thig le 'di// kye ho rab tu brtag dka' ba// dbang po ji ltar gnas pa spyi// gsang ba ye shes bgrod pa lam// rnam par mngon du gyur pa yi// thig le gsang ba'i theg pa rnams// gsal byed me long
46a6 sgron ma 'di// ji ltar gnas pa kye kye shod// 'dir 'dus ma 'ongs kun don du// bla 'og rang bzhin gnas pa yis// rgyud chen yang dag bshad du gsol// ces gsol to// de nas bcom ldan 'das kyis 'di
46b1 gsungs so// 'khor bcas chos ni sems su 'dus// sems kyi cho 'phrul cir snang yang// sna tshogs sems la bsdu ba'i phyir// skal dang ldan pa thud la nyon// ces gsungs so// ma mo srid pa'i zla gsang thig
46b2 le las/rgyud 'byung ba'i rgyu gleng gzhi dang/ rkyen gling slong ba'i le'u ste dang po'o//// de nas bcom ldan 'das thams cad yongs su 'dus pa las kun 'byung ba zhes bya
46b3 ston pa po// sku gsum rim par snang bas na// thams cad kun gyi ston pa mdzad// ces gsungs so// ston pa po// sku gsum rim par snang bas na// thams cad kun gyi ston pa mdzad// ces gsungs so// ba'i ting
46b4 nge 'dzin la snyoms par zhugs te 'di gsungs so// thams cad chos kyi rang bzhin ni// ye nas sangs rgyas rnam dag cing// ye nas sangs rgyas byang chub sems kyi rdo rje ste// mi 'gyur yongs su grub pa
46b5 yis// ma bcos de bzhin nyid kyi ngang// ye nas lhun gyis grub par gnas// snod kyi chos rnams rang bzhin ni// thams cad mnyam par bkod pa'i gnas// gsang ba bas kyang yang gsang zhing// kun gzhi
46b6 chos kyi pho brang la// gsang chen yum gyi mkha' dag pa// thig le brdal ba chen po'i klong// ye 'byams rmad du grags pa'i gnas// spros pa med pa'i gzhal yas khang// phyogs bcur rgya yongs ma chad
47a1 pa'i// chos dbyings chen po de kho na// de nyid kho na nges pa'i gnas// rgyal ba rnams kyis rab tu gsungs// bcud kyi rang bzhin chos rnams ni// ston pa chos kyi mnga' ba rdzogs// bcom ldan
47a2 'das de bzhin thams cad dpal// che ba'i yon tan thams cad la// dmas pa'i spyod pas spyod pa yis// ye shes de nyid kho na la// kun nas kun tu bzang po yin// thams cad chos skur sangs rgyas so// zhes
47a3 gsungs so// de nas bcom ldan 'das kyis chos thams cad la snang ba'i ye shes mi 'gag par shar ba zhes bya ba'i ting nge 'dzin la snyoms par zhugs nas 'di gsungs so// thams cad ye nas
47a4 sangs rgyas kyang// mun pas bsgribs pas de ma shes// sems can rgyu yang sangs rgyas la// sangs rgyas rgyu yang sems can yin// rig pa stong pa chos sku la// ye shes 'od gsal chen po gsal// dbyings dang
47a5 ye shes yab yum sbyor// chos sku 'od gsal gnyis kyi sras// lhan cig skyes pa'i ma rig pa// 'jig rten rgan mo long ma 'dra// kye ho ku ku ra tsa ni// yid kyis kun tu 'tshol ba ni// min pa'i don la yin par
47a6 sems// de la nges par 'jog pa dang// log par yang dag gtan la 'bebs// 'jigs dgras tho la mir 'dzin 'dra// lus ngag yid kyi dge spyod pa// mtho ris gnas su skye ba'i rgyu// de ni mi ldan sdig la
47b1 gzhol// de ni ngan song 'gro zhes bshad// la la lung du ma bstan pa// rang skal tsam du snang ba yin// nyon mongs lnga la zhen spyad pas// snga phyi 'khor ba drug tu skyel// la la 'jig na la lar chags// la la
47b2 stongs na la lar gnas// lhun po gling dang mu khyud bcas// shi ba med pa'i bcud kyang grub// mkha' la 'phyo ba'i gnas kyang gsal// 'og nas brten pa'i gzhi yang grub// stong ni chung ngu zhes bya dang// de
47b3 bzhin stong gnyis bar ma dang// stong gsum gyi ni stong chen po// snod ces bya bar rgyal las bshad// de yang las kyi srid pa las// rdzus dang mngal las skyes pa dang// drod gsher sgo nga sogs pa dang// 'byung
47b4 ba dar gud ma snyoms pas// gcig gi gnyen por gcig me rgas// rlung mkhris bad kan 'dus pa yis// grang dang tsha ba'i zug rngu che// 'byung ba rtag pa'i rgyal mo rnams// thim par
47b5 yum chen ngang du rdzogs// ma rig chen po'i rdzir gyur pa// rnam shes rten dang bral ba yin// de min sdug bsngal gsum brgyad spyod// drug gi las bskal brjod mi lang// de nas bcom ldan 'das kyis thugs
47b6 rje chen po ye shes dag pa'i ting nge 'dzin la snyoms par zhugs te 'di gsungs so// ma bsags tshogs gnyis rab rdzogs pas// dge ba'i stobs la zad 'phel med// ma bsal sgrib gnyis rang dag
48a1 pas// sgrib par gyur pa thams cad dag/ ma sbyangs thams cad mkhyen grol bas// yon tan thams cad lhun grub rdzogs// de ni skye dang 'jig pa med// des na mya ngan 'das pa yin// ngo bo dag pa
48a2 chos kyi sku// rang bzhin longs spyod rdzogs pa che// mdzad pa sprul pa'i skur byung bas// sku gsum 'du 'bral med pa yin// sangs rgyas kun gyi ngo bo nyid// de bzhin gshegs pa'i ston pa yin// rdzogs sangs
48a3 rgyal ba rigs lnga ni// byang chub sems dpa'i 'khor dang ldan// sprul pa grangs med sna tshogs ni// 'gro ba'i bla ma mo srid pa'i rgyud lung zla gsang thig le las 'khor 'das spy-i'i gnas lugs dang/ ma rtogs 'khrul
48a4 pa'i gnas lugs dang/rtogs ldan sangs rgyas kyi gnas lugs bstan pa ste le'u gnyis pa'o//// de nas bcom ldan 'das kyis thugs rje chen po rgyun 'byung ba zhes bya ba'i ting nge 'dzin la snyoms
48a5 par zhugs te/log rtog nyid kyang byang chub sems// sangs rgyas nyid las mi gzhan phyir// dus dang gnas skabs thams cad du// chu bo lta bur chad pa med// thugs rje'i nyi ma kun la snyoms// me shel dag
48a6 la brten nas ni// rten 'brel 'dzom na me du snang// chu shel dag las chu 'byung ba// de bzhin sngon dang de rjes 'jug/ byad dang me long bzhin du gzigs// blang dor med pa'i mdzad spyod ni// yul dang
48b1 yul can kun las grol// gzung 'dzin chos la mi gnas yang// rang sems dag pa'i bsod nams yin// de nas bcom ldan 'das kyis theg pa thams cad rab tu gsal ba zhes bya ba 'di gsungs so//
48b2 nyon mongs stong phrag brgya cu yi// gnyen por chos kyi sgo mo spro// chos dang gang zag bdag gnyis kyang// de la sde snod rnam gsum spro// nyon mongs lnga la zhen pa yang// nyon mongs lam slong gsang
48b3 sngags spro// mos pa chung ngu'i don ched du// sbyangs pa'i yon tan bcu gnyis dang// gang zag chos la bdag blta zhing// rtsa ba yan lag tshul khrims bsrung// lus ngag yid gsum dge
48b4 bcu spyod// bden pa bzhi yi don bsgrubs nas// 'bras bu rnam bzhi bsgrub par 'dod// dmigs pa phra ba 'dul don du// 'brel cing 'byung ba rten 'brel skor// gang zag chos la phyogs gcig rtogs// rang
48b5 goms shugs kyis dka' thub srung// rdzu 'phrul lus kyis 'gro don spyod// dge bshes mi ltos mngon goms bsgrubs// ne tsho bse ru lta bur gnas// zab cing rgya che 'dul ba ni// bden pa gnyis kyi sgor
48b6 zhugs nas// gang zag chos la bdag med cing// byang chub sems ldan bslab pa bsrung// tshad med bsdu ba'i dngos po spyod// pha rol phyin bcu sgrub par ldan// sa bcu bgrod nas sangs rgyas gnas// bya spyod
49a1 'dul ba'i don ched du// goms gyur sgom lugs byin rlabs skor// don rtags byin brlabs rje khol tshul// rang gi rtsa ba yan lag bsrung// phrin las khrus dang gtsang sbra spyod// dag pa gsum
49a2 dang ldan par bsgrubs// rigs gsum mgon po'i sa la 'gro// mnyam pas 'dul ba'i don khyed du// 'jug pa'i sgo tshul spyod pa ni// bya ba'i rgyud dang mthun par byed// lta ba sgrub thabs 'bras bu ni// rnal
49a3 'byor rgyud kyi rjes su bsgrubs// gnyi ga'i rgyud ces grags par bshad// rigs bzhi rdo rje 'chang sar gnas// zab mos 'dul ba'i don ched du// mngon par byang chub lnga yi sgor// don rtogs kun rdzob
49a4 grogs por blta// spyi dang khyad par dam tshig bsrung// phrin las bzhi la ting nges spyod// phyag rgya bzhi dang ldan par bsgrubs// rigs lnga'i sangs rgyas 'grub par 'dod// tshogs kyi sgrub pas 'dul don
49a5 du// ting 'dzin rnam gsum sgor zhugs nas// dbyer med skye 'gag med par blta// rtsa ba lnga sogs yan lag bcas// sgrol dang sbyor la rab tu brtson// thabs shes gnyis med bsnyen bsgrub bzhi// yi ge
49a6 'khor lo tshogs chen po// mnyam pa'i spyod pas 'dul don du// yongs rdzogs ting 'dzin sgor zhugs nas// dbyings dang ye shes yab sras lha// spyi dang khyad par lhag pa bsrung// mtshan ma spyod med snod bcud
49b1 med// ma skyes brjod pa'i tshul du bsgrubs// pad+ma can gyi sa la 'gro// zhes gsungs so// ma mo'i rgyud lung zla gsang thig le'i rgyud las/ thugs rjes gzigs pa dang theg pa so so'i gnas tshul bstan pa'i
49b2 le'u ste gsum pa'o//// de nas bcom ldan 'das kyis chos thams cad yum gyi mkha' las shar ba'i ting nge 'dzin la snyoms par zhugs te 'di skad ces gsungs so// yang dag ye shes de nyid
49b3 ldan// mtshan dang dpe byad rgyan 'od ldan// 'gro kun don mthun byed pa'o// de ni sku gsum zhes su bshad// kun gzhi sbyang dang nyon yid sbyang// sgo lnga sbyang dang rnam pa yin// de ni de rgyu gyur zhes bya// rang
49b4 bzhin dag dang ye shes dag/ting nge 'dzin dang gsum yin no// de ni dag pa zhes su bya// las sgrib byang ba sprul pa ste// nyon mongs sgrib byang longs spyod rdzogs// shes bya dag pa chos kyi sku// de ni sgrib pa byang
49b5 ba'i rim// dang po ma nor yang dag sku// sku gnyis kyi ni gzhi yin no// sku gnyis btags pa tsam yin te// de nyid min pa'i sku med do// chos kyi sku yi gzugs brnyan yin// dper na me long chu zla bzhin// sku
49b6 gsum lhun grub ces kyang bya// de nas bcom ldan 'das kyis chos thams cad yum gyi mkha' la gsal ba zhes bya ba'i ting nge 'dzin la snyoms par zhugs nas 'di gsungs so// kun gzhi rin chen gzhong pa
50a1 ru// nyon mongs goms pa'i yid byung ba// gos pa med pa'i yid gnas te// 'dzin pa brda' sbyor sgo lnga las// chos dbyings me long mnyam pa nyid// so sor bya grub ye shes lnga// yum gyi mkha' la
50a2 sku shar bas// zhal gyi nang du gzugs su grub// thugs la ye shes rnam lnga shar// de phyir yum du bshad pa mdzad// ces gsungs so// ma mo rgyud lung zla gsang thig le'i rgyud las sku gsum dang ye shes lnga
50a3 bstan pa ste le'u bzhi pa'o//// de nas bcom ldan 'das kyis chos thams cad kyi lam yongs su gsal ba'i ting nge 'dzin la gnas te 'di gsungs so// phun sum tshogs pa zhes bya ba// bkra shis yid
50a4 'thad gzhung mthun par// ston pa 'khor dang yo byad rdzas// dus dang bcas pa ldan nas ni// sa yi bya ba kun tu zin// dkyil 'khor bzhed dang chag chag gdab// thig dang tshon dang bri ba rnams// cho ga yan
50a5 lag tshang ba dang// rgyal chen bzhi dang khro bo yis// phyogs mtshams phur pas gdab pa dang// mgon po mchod dang phyogs gtor btang// bgegs la sogs pa zhi ba dang// swats+tsha mdo 'don srog skyob
50a6 cing// bskang bshags dam sri sgo byang rnams// tshogs kyi lam du bshad pa yin// dkyil 'khor steng du dam rdzas dgod// gnas khang rnal 'byor mchod pa'i rdzas// byin brlab nang mtshams bcad pa
50b1 dang// ting 'dzin gsum dang 'byung ba rim// gzhal yas gdan dang bcas pa la// rje mo bcu bzhi bting ba ni// sbyor ba'i lam zhes bshad pa yin// cho ga gsum las yab yum sku// brdas bskul mkha'
50b2 brlab sbyor ba bya// byang sems spro bsdus rgyal mo lnga// sku bskyed spyan drang bstim pa dang// sprul pa'i khro mos sman mo dgug/ dam btags mna' bor dal du bkod// phrin las bcol ba'i gnyer gtad
50b3 pa// bsgom pa'i lam du bshad pa yin// tshogs kyi phud kyis ma mo mchod// lhag ma sman mo'i tshogs la dbul// tshogs dang lhag ma la sogs te// lhag phud bsres la phrin las bcol// ting 'dzin bsar la
50b4 bzlas pa bya// rtags dang mtshan ma mthong ba dang// bzlas pa them par gyur pa ni// mthong ba'i lam du bshad pa yin// bsnyen pa them par gyur pa dang// rang gi 'dod pa'i dngos grub blang// slob ma'i tshogs
50b5 la dbang bskur ba// bya ba'i las rnams grub pa ni// mthar phyin pa yi lam du bshad// de yi don rnams yongs rdzogs pa// rig 'dzin sa la bgrod pa'am// yang na sangs rgyas sa la 'gro// bcu gsum sa la
50b6 gnas pa'o// zhes gsungs so// ma mo'i rgyud lung gsang ba'i thig le las/ lam lnga mthar phyin par bstan pa'i le'u ste lnga pa'o//// de nas bcom ldan 'das 'khor ba rnam par dag par sbyong ba zhes bya
51a1 ba'i ting nge 'dzin la snyoms par zhugs te 'di gsungs so// 'byung ba sa yi dwangs ma ni// rdo rje rigs kyi mkha' 'gro ma// rnam snang gsal du mya ngan 'das// sa zhes rtag tsam ming gis
51a2 stong// chu ni pad+ma'i rigs yin te// gnyen gsal myang 'das ming gis stong// me ni rin chen rigs su bshad// mya ngan 'das stong 'od gsal 'bar// rlung ni las kyi ma mo che// yang gsal 'das stong rtag
51a3 tsam bral// nam mkha' kun gyi gnas gyur ma// bde gshegs yum chen bkrag gsal mnyam// 'byung lnga'i mkha' 'gro 'di lnga yang// ming ni rtag pa'i rgyal mo lnga// dbang ni 'byung ba lnga la mdzad// las ni
51a4 'khor dang thams cad 'grub// sems can thams cad skyes par mdzad// sangs rgyas thams cad bzhugs par mdzad// theg chen sa ni ngang gis dag/ zhi gnas chu ni ting nge 'dzin// lhag mthong me ni nges shes
51a5 skye// g.yo 'dzin rlung ni las kun byed// ye shes nam mkha' rgas gud stongs// 'byung ba lnga dang stong pa nyid// nam mkha' dbyings kyi dkyil gnas par// rdo rje mkha' 'gro bsgom par bya// rde rje 'khrigs pa'i
51a6 'od zer gyis// zhe sdang dmyal khams bco brgyad sbyangs// nam mkha'i dbyings kyi dkyil gnas par// rin chen mkha' 'gro bsgom par bya// rin chen 'bar ba'i 'phro 'du yis// yi dwags sgrib pa sbyang bar
51b1 bya// nam mkha' dbyings kyi dkyil gnas par// pad+ma'i mkha' 'gro bsgom par bya// pad+ma 'bar ba'i 'od zer gyis// 'dod chags mi yi gnas rnams sbyangs// nam mkha' dbyings kyi dkyil gnas pa// las
51b2 kyi mkha' 'gro bsgom par bya// rdo rje rgya gram 'phro 'du yis// nga rgyal phrag dog lha min sbyangs// nam mkha' dbyings kyi dbus gnas par// de bzhin mkha' 'gro bsgom par bya// 'khor lo'i 'od zer 'bar
51b3 'phros pas// gti mug byol song rigs rnams sbyangs// lha klu mi las skyes pa yi// bu mo rab tu mdzes pa ni// pad can dung can glang sna can// ri dwags can dang ri mo can// byin brlab dbang bskur mnyam
51b4 'dod pas// rlung dang shes pa ting 'dzin gyis// bde ba chen po skyed byed pa// bcu drug dwangs shes ting 'dzin gyis// bde ba chen po skyed byed pa// bcu drug dga' ba myong bar bya// yon tan nam mkha'i mtha'
51b5 dang mnyam// bud med rigs kyi dngos grub 'dis// mkha' 'gro spyod pa'i gnas su 'gro// gsang sngags gsang ba'i mdzad spyod ni// thabs chen zla gsang thig le yin// ma mo srid pa'i zla gsang thig le'i
51b6 rgyud las/ma mo'i rang bzhin dbyings su bstan dang 'phro mo'i ting nges 'gro drug sbyang ba dang/ chags pa'i dga' bas sangs rgyas par 'gro ba ste le'u drug pa'o//// de nas bcom ldan 'das kyis rgyud
52a1 kyi don yongs su bsdu ba'i ting nge 'dzin la snyoms par zhugs pa 'di gsungs so// snang ba ngo bo nyid kyis stong// stong zhing gsal ba'i rig pa nyid// rang rig ma mo'i ngang du grol// de ni chos kyi sku
52a2 ru 'dod// de ltar rtogs na ma mo yin// dman pa'i spyod pa yongs mi spong// yang dag don la smad pa min// lus ngag spyod pa mtho dman rnams// ji ltar mthun par spyod pa yin// rang bzhin dkyil 'khor
52a3 chen po nas// gzugs brnyan dal du spyan 'dren cing// dkyil 'khor ting 'dzin sgrub pa ni// de ni ma mo'i dkyil 'khor yin// bum dbang rdul tshon dal du bskur// rig pa'i dbang lnga rdzogs par bya// gsang
52a4 dang shes rab bde chen po// rdzogs par bskur ba ma mo'i dbang// yan lag nyi shu rtsa lnga pa// skyon med bsrung dang nyams na bshags// rang gi srog ltar mi gtong ba// de ni ma mo'i dam tshig yin// zhi rgyas
52a5 dbang drag bdag gzhan don// de spyod ma mo'i phrin las yin// bsnyen pas ye shes ma mo la// bsgrub pas las kyi ma mo 'khol// mchog tu thun mong thob pa ni// de ni ma mo'i sgrub pa yin// ces gsungs
52a6 so// ma mo srid pa'i rgyud lung zla gsang thig le'i rgyud las// rgyud kyi dngos po bdun gyi le'u ste bdun pa'o//// de nas bcom ldan 'das kyis bgrod pa thams cad yongs su gsal ba'i ting nge 'dzin la
52b1 snyoms par zhugs nas 'di gsungs so// 'char nub rnam rtog rnal 'byor rtsa// skye 'gag ye shes dngos grub gnas// rgyu ni yid las byung ba las// de yi bdag po bsal bar bya// mdun du yul la dmigs
52b2 pa ni// bag chags de ma thag pa 'dres// rtsa nang lha mo rab tu sad// snang mched thob pas nyer gnas pas// yul drug la ni rnam par spyod// ye shes snang ba 'char ba'o// nub pa de dag zhan pa la// 'od zer
52b3 dang ni 'od 'phel dang// gzi brjid ma ni gsal ba dang// 'bar ma 'od can dmigs sogs rten// mun sel dang ni 'od ma dang// snang ba ma dang gsal mdzes ma// gsal byed ma dang 'od 'du ma// nyi mar
52b4 gsal drug gzugs sogs spyod// bcu gnyis yul la zhen pa log/ yid la byed pa rang la zhen// dbang po snying dkyil hUM ring la// sangs rgyas nyi ma'i grong khyer du// gzung 'dzin bral ba'i rang
52b5 rig nyid// ngang gis ma bcos ye gnas phyir// yongs kyi 'od kyis rab tu gsal// nyi ma'i snying po ltar gyur pas// 'char nub ye shes chen po ste// dbyings dang ye shes gnyis med pas// snang srid rnam
52b6 dag ngang du shes// phyi nang gzung 'dzin bgegs yin pas// pags pa rdo rje ba spu me// lus ngag yid kyis las byas pas// sgrib pa byang ba bshags bdag sems// thams cad
53a1 rten 'brel che bar gnas// de phyir bdud rtsi rak+ta bsham// chos rnams stong pa nyid las byung// de phyir dang po de bzhin nyid// nang du stong pa'i rtsis zin na// phyi rol snying rje yongs la
53a2 'char// don mdzad rang sems snang ba ste// de phyir rgyu yi yi ge gsal// sbyang bya snod kyi 'jig rten pas// sbyong byed rim pa 'byung bar brtsegs// bzhugs gnas chos kyi dbyings yin pas// ma
53a3 bsgrubs pho brang gzhal yas bskyed// bag chags sgrib sbyong dbang sdud phyir// mkha' 'gro bcu bzhi gdan du gding// rgyud dang dkyil 'khor kun byed pas// bla med mu ka yab yum rol// thams cad
53a4 chags pas rang bskyed pas// dga' dang rab dga' bral ba'i dga'// lhan cig skyes pas 'khor 'das kun// sgrib sbyangs thugs bskul mkha' 'gro'i rgyu// thig le 'bar ba'i sa bon las// rang rig
53a5 'byung ba nyid du skye// nam mkha'i mkha' 'gro bkrag gsal mnyam// sa yi mkha' 'gro rnam snang gsal// me yi mkha' 'gro 'od gsal 'bar// chu yi mkha' 'gro gnyen gsal ma// rlung gi mkha' 'gro yang
53a6 gsal g.yos// skye 'gro rtsi shing nags tshal dang// 'byung ba lnga las 'khor 'das grub// sku gsum dbang mdzad rgyal po lnga// spyan drang mchod bstod bzlas pa yis// thugs las sprul pa'i khro mo ni// bcu
53b1 gsum 'phros pas ma mo bkug/dbang bsdus dam btags dkyil 'khor du// nyi shu rtsa bdun las la 'gyed// drod dang rtags dang mtshan ma yis// thun mong mchog gi dngos grub kun// sku gsung thugs
53b2 la thim gyur na// bum pa rnam snang chu yi dbang// cod pan 'od gsal mnyam pa nyid// rdo rje gnyen gsal 'dod chags dag/ dril bu yang gsal rlung gi rgyu// rdo rje ming ni bkrag gsal dran// kun 'dus
53b3 mu ka bla med skyed// 'dir sbyang bar ma dor dran pas// rig pa 'dzin nam gang mos sam// sangs rgyas thams cad thob pa yin// grol ba'i lam du brjod pa ste// rnal 'byor kun gyis bsgom
53b4 par bya// chags pas chags pa grol byed pa// lus kyi g.yas g.yon dbus gnas pa// gzung 'dzin med pa'i dngos po ste// 'dod chags zhe sdang gti mug dang// rlung dang mkhris pa bad kan dang// nyin mo
53b5 mtshan mo mtshams kyi cha// 'dod gzugs med pa'i khams gsum dang// rgyu lam 'bras bu'i rnal 'byor gsum// sangs rgyas chos dang dge 'dun dang// stong nyid ye shes rdo rje kun// pha las byung ba'i ga pur
53b6 pho// ma yis byin pa'i sa bla mo// rang gi skyed pa chang du yang chags su bshad// srog gi rnam pa 'di gsum du// 'khor dang mya ngan 'das pa grub// bcu tshan gsum dang de steng gnyis// rus mtsho klad pa de la
54a1 yod// rkang gnyis la ni skad rnams 'byung// de la zas kyi longs spyod gsol// bzhi gnyis rang gi snying yin te// de la 'khor 'das chos gnas so// bcu tshan drug dang de steng bzhi// ma ste bu ste
54a2 'brel bar sprul// me dang rlung gi gnas ni 'og/ de yang gru gsum 'od ma'i gzhu// g.yas kyi nyi ma dmar zhing gdangs// g.yon gyi zla ba dkar la gsal// dbus kyi ka ba bstan pa ni// pad+ma'i snal ma lta bur
54a3 phra// chu shing snying po 'dra bar drangs [[]drang []]// til gyi mar me lta bur gsal// rgya skyegs me tog bzhin du dmar// spyi bo gdugs kyi rnam pa la// mgrin pa sbrul chun gcus pa ste// snying ga gru gu bsgril ba '
54a4 dra// lte zur gnyis ni ljon shing skyes// tshigs chen bcu gnyis skra shad 'dzings// stong phrag la sogs ba thag brgyangs// 'bar ba gzhung ring 'khor lo gsum// me chu mtshal gyi dbang pos mthong// mtshams
54a5 la g.yal byung mkhal mar mig/rngam byed ma ni ro la spyod// mkhal ma'i nang gnyis nyam nga byed// kun tu rgyal ba dri la spyod// rang gsal sgrogs ma sgra yin te// byed pa chen po thams cad dgyes// rkang lag
54a6 mthe bong mya ngan 'das// de bzhin srin lag gdon dang 'dre// gsang ba rdo rje pad+ma 'dra// b+ha ga bde ba chen po longs spyod a// hUM mi shigs thig le chen po la// oM dkar sku ste A dmar gsung// swa ser yon
54b1 tan las ni ha// des shing zhi ba'i dkar po a// thabs dang ldan pa sngon po nr-i/ khro zhing gtum pa ser po suM// bkres shing skom pa'i dmar po pre// glen zhing lkugs pa smug nag tri// tsha grang du nag gnas rnams
54b2 sbyang// a raM yaM ni 'og tu bshad// kun la a li ka li sogs/ khyab par 'dres dang so sor gnas// b+ha ga yangs pa'i sdong po la// bsam gtan oM dkar shes rab A// dmar zhing zung 'jug mthing
54b3 ga hUM// snying po dbyibs kyi a dkar las// drag po phaT dmar hUM nag stobs// lha srin dbyibs nang srog dmar k+Sha/ khrag gi thigs pa bcu gnyis lhung/ khams kyi dri chen rnam snang la// chu yi thig le gnyen
54b4 gsal ma// ma ni khrag ste 'og gsal 'bar// rlung ni bsil ba byang sems yang// kun 'dus rtag pa'i mu kha le// ha gnas rdo rje rgya gram las// yang gsal g.yos ni rab tu 'bar// pad mdung ma lang ral
54b5 gri bzhi// phra rno gcod gsal chen po las// 'byung 'jug gnas pa'i las kyis bskyod// 'od gsal 'bar ni rab tu khros// nam langs nyi shar zla ba ltar// zhi ldan rnam snang gsal yang bskul// bkrag
54b6 gsal bde ba'i ros gang ba// dang po rang nyid sbyang bar bya// bud med 'dod pa'i chags pas blta// rnam pa sna tshogs dga' ba la// pad+ma ling+ga mnyam sbyar bas// shin tu chags mes thig
55a1 le dbab// mi mkhas thig le myur du nyams// rus sbal 'gros kyis mkhas par bya// rnam par smin pa mchog tu dga'// 'bogs phyir thig le 'bar ba'i drod// bsrubs pas mi rtog bde 'bar
55a2 ba// rnam par 'joms pa bral dga' yis// g.yos pa'i drod la thig le gzung// mi mkhas bde ba yun thung bas// lus ngag 'gyur ba'i las rnams bya// rtags byung thig le zin pa na// pad+ma ling+ga kha sbyar
55a3 bas// bde ba g.yo ba brtan par sbyor// rgya mtsho ri rab ngos la sbyar// gling bzhi rang gi gnas su bsdu// ro 'dzin rang gi gnas la sbyor// dbang mchog nyi ma'i steng du bzhag hUM ring hUM phaT mda' gzhu bya// ske
55a4 rags bcang zhing zhags pa 'phang// bu chung spyod lam rab tu bya// mtshan nyid bral ba'i lhan cig skyes// bzlog pa ma shes chu dang bsdad// de phyir dud 'gro'i 'gyur ba bya// 'grims pa ma byas nad yin
55a5 pas// de phyir rnam grol phyag rgya bya// lus kyi khol bu phar cher ram// thams cad snang dngos bde ba phyi// nang gnas spyi mgrin lte snying gsang// bdag yum gzung 'dzin rtog gsum 'gog/ de phyir spang bya dral
55a6 ba yin// bde ba chung che mi rtog ngang// bde stong de yang lhan cig skyes// skra dkar bral dang stobs rdzogs gsal// mtshan dpe tshang zhing 'chi med pas// yid bzhin sprin gyi bdag po ste// tshe yi rig 'dzin thob
55b1 pa'o// zhes gsungs so// ma mo rgyud lung zla gsang thig le las/ lam gyi rim pa ste le'u brgyad pa'o//// de nas bcom ldan 'das kyis lha'i ngo bor gyur pa 'di gsungs so// kun gzhi ma skyes mu kha
55b2 le// dbu lnga phyag drug zhabs brgyad la// 'khor bcas snod bcud ma lus kun// rang gi sku la bsdus la bsgom// oM nyid gzhi mu kha le kro tI shwa rI b+ha ga pad+ma bde klong 'dus na snying dz+nyA sha yu to hUM b+h+yo/ spyi gtsug
55b3 'khor lo rtsibs brgyad steng// bkrag gsal mnyam gyi ngo bo nyid// zhal gsum phyag drug rgyan dang bcas// bkrag gi rgyal mo chen mor bzhugs// mgrin pa pad+mar gnyen gsal ma// gsung gi mkha' 'gro rab
55b4 tu bsgom// snying ga dpal be'u rnam snang gsal// rdo rje mkha' 'gro 'khor dang bcas// lte ba zur brgyad 'od gsal 'bar// yon tan mkha' 'gro rin po che// gsang ba rgya gram yang gsal g.yos// las kyi
55b5 mkha' 'gro rab tu bsgom// kun kyang zhal gsum phyag drug ste// nyon mongs 'byung ba ye shes dang// rnam pa rang bzhin mtshan nyid ldan/ ma hA lam te ha/ b+hi sha san+ti ha/ gri ba mu hUM ha/ dz+wa la ba raM ha/ b+hi yang
55b6 yang te ha// mkha' 'gro chen mo rtag pa mo// 'byung lnga'i ma mo rnams las sprul// skyed pa'i khro mo bcu gsum rnams// 'od chen dwangs bzhi dwangs ma brgyad// dpag bsam byang chub sbu gu'i zangs// srid pa dbang
56a1 po'i mdo sdud gnyis// thabs shes srid pa 'jug byed las/ khros pa'i tshul du rang byung ba// dpal 'bar khro bo gsang yum bzhi/ khams gsum rtsad gcod skye shi gcod// dug gsum dbang sdud
56a2 pad+ma dbang// gnod sbyin srin po dam tshig khro// gsang ba'i khro mo dpal 'bar khro// ka ma le shwa rI ha d+ha d+hig ces gsungs so// ma mo srid pa'i rgyud lung zla gsang las ye shes kyi gtso mo sprul pa dang bcas pa
56a3 ste le'u dgu pa'o//// de nas bcom ldan 'das kyis lha'i rgyal po rnams kyi dgongs pa 'di gsungs so// rnal 'byor lus kyi ri rab la// srid pa bde 'gro chen mo dang// de sprul nyi zla 'od phreng dang// ri
56a4 rab phyogs bzhi'i dgyes sde bzhi// rnal 'byor khros pa'i dbang mo bzhi// phung byed sas pa'i ma mo bzhi// gnyis ni srid pa yongs kyi dpal// bzhi ni dpal gyi gzungs ma mdzad// bzhi ni rnal 'byor chung ma
56a5 ste// 'jig rten skyed byed che mo bzhi// de dag dam tshig brjod pa 'di'o// oM badzra kro tI shwa rI ba ga pad+ma r+ya hUM hUM/ oM badzra shan+tiM pad+ma ga ru ti b+h+yo/ oM mu tri ni/ a g+han+t+ri ni/ ba ga dun+t+ri ni/ kha mun dan tri ni/ oM badzra
56a6 sur+ya byi rta ma to ye/badzra pad+ma byi ta ma to ye// badzra kha rag byi ta ma to ye/ badzra sring 'gro byi ta ma to ye/ oM badzra kem badzra kem/ badzra ta kem badzra ta kem/ badzra ni la badzra ni la/ badzra lan+d+ha badzra lan+d+ha/ ma mo thams
56b1 cad chags pa che// a b+hi She ka tsa ri las// lus kyi rtsa rnams bum pa ste// sngags ni gsang ba zhes su bshad/ khams kyi bdud rtsi shes rab shes// snying po g.yo byed bde ba che// bum pa sa drug rdzogs
56b2 pa las// sa bzhi gsang ba'i dbang zhes bya// shes rab ye shes sa gnyis gcod// bde chen bzhi las byad du bgrod// dang po bskyed pa'i rim pa la// gnyis pa bdag nyid byin gyis brlabs// gsum pa las
56b3 kyi 'khor lo ste// bzhi pa rdo rje'i rba rlabs bstan// dang por sprul sku'i zhing khams dbang// gnyis par longs sku'i zhing khams la// gsum par de bzhin chos sku las// bzhi par ngo bo nyid sku thob// dang por
56b4 lus kyi dkyil 'khor mthong// gnyis par b+ha ga'i dkyil 'khor yin// gsum par byang chub bdud rtsi sems// bzhi par dus gsum bde gshegs bcud// dang por 'khor 'das dbyer med pa// gnyis par
56b5 ma 'dres yongs su rdzogs// gsum bzhir bde stong chung dang che// de dag mthong sbyor lam gnyis kyis// rgyud rtags 'bras bur bsdus pa las// nye dgu dbang dang lam gnyis las/ phyi nang rten 'brel rnam
56b6 gnyis dang// thig le rlung dang de kho na// phyi nang sems kyi rtags zhes bya// yang dag mya ngan 'das pa thob// de phyir ye shes rje mo yin// shes rab ye shes zhes bya ba// haM 'dus mgrin par dga' ba ni// nyon
57a1 mongs pa dang ma bzhi las// mos pa chung ba'i lam chod nas/ snying gar mchog tu dga' ba ni// gnyis gsum bzhi cha zhi ma yin// dmigs pa phra ba'i lam yang chod// gnyis pos
57a2 bde ba longs spyod sku// lte bar mi rtog zung chud brgyan// dga' bral kun gzhi byang chub lam// bag la nyal dang mi rtog pa// spros pa zhi ba chos sku ste// gsang ba'i gnas su sprul pa'i sku// rtogs pa'i ngo la
57a3 'khor 'das dag/de nyid me long ye shes che// de bzhin mnyam pa nyid rtogs byed// kun+da mi rtog chos rnams rtogs// thams cad gnyis med ye shes grub// mi rtog don gyi chos kyi dbyings// ye shes rnam pa lnga
57a4 rdzogs byed// ye shes rnam lnga'i chu bo yin// bram ze mo dang g.yung mo dang// gar mkhan ma dang tshos ma dang// gtum mo lnga ni phyag rgya nyid// rigs ngan bud med lnga rdzogs byed// 'dod yon dam tshig ye shes
57a5 dang// ming don bla med he ru ka'i// ming bris bcu gnyis rdzogs pa dang// lha dang dkyil 'khor phyag rgya sngags// de nyid bzhi dang ldan gyur na// shes rab ye shes lam gyi mchog/ gsang dang bde ba bzhi
57a6 mthar phyin// shin tu rnam dag spros bral thob// ces gsungs so// ma mo srid pa'i zla gsang las// ye shes kyi rje mo thugs dgyes sde'i man ngag ste le'u bcu pa'o//// de nas bcom ldan 'das kyis srid
57b1 pa'i ma mo rnams yongs su grub pa 'di gsungs so// ma mo srid pa chags byed ma// sbas pa'i bu mo cha snyoms ma// ral gcig ma dang ma mo bdun// rin chen srid 'degs re ma ti// gling bzhi spyi 'gro chen
57b2 mo dang// 'dod khams rdo rje pad+mo dang// rgyal chen chung ma gru 'degs bzhi// rgyal mo bzhi dang sring mo bzhi// gsang sngags rab tu bshad kyis nyon// oM badzra za 'gram mu raM shwa za 'gram mu raM shwa/ oM badzra
57b3 kha rag snying kha rag trag rag sha trag rag sha trag rag sha mu tra b+han/kha mun tra pa tra tra ga rag sha spra ba na kha rag tiSh+ta b+h+yo/ pra g+h+ri wa g+hi shwa b+h+yo/ hUM b+h+yo ka ri ka ba dor ba dor/ ni la chu mi d+ha/ kha T+wAM ga la da la tsa
57b4 la/pad+ma tsan+t+ra ma gu ra ga do/ ding paM ding paM/ e A ra li de wI ru lu b+h+yo/ trag rag sha A+oM a ti b+h+yo/ b+h+yi di b+h+yo/ bu ti b+h+yo/ A+oM badzra shan+tiM b+h+yo/ dun+ti b+h+yo/ ha ra ti b+h+yo/ grub ting b+h+yo/ te pa b+h+yo/ a pa ra da la b+h+yo/ da la
57b5 rgyun b+h+yo/d+hi na ma ma g.yas b+h+yo/ gang gis 'chi bar byed pa la// mchod dang tshogs rnams kun bsags nas// rang gi sgrib pa sbyang bar bya// las ngan snang ba lta
57b6 sgom dor// lha dang bdag gi shes pa sbyar// snang ba bsgyur na rig 'dzin thob// brgya dang brgya yi tshul zhes bya// sngon 'gro byas nas yul gnad bcad// snying ga mthe bong 'od byung bas// bshang lci lte ba kha sna
58a1 dang// mig dang rna ba mdzod spu dang// lte bar zla ba mthing nag hUM// stobs kyi hUM drag nyi shu yis// rim gyis drangs nas tshangs pa'i sgo// yi dam lha yi thugs kar 'gro// 'khrul 'khor tshogs
58a2 rdzogs rnal 'byor pa// yi ge'i sbyor bas sgo rnams dgag/ rlung lha hUM hig drangs nas ni// rig 'dzin sgyegs dang 'khrul 'khor bzhin// bum pa thob pa'i rnal 'byor mchog/ 'od gsal rlung gis bskyed pa
58a3 las// lus ngag yid gsum zhugs pa yis// bar do med par grub mtha' rtogs// rig pa 'dzin pa'i gtso bor 'gyur// gsang dbang mchog gi ston par byed// rtsa mdud bral nas bcud sems 'dres// dbu
58a4 ma'i nang du tshud pa yis// bde stong 'dres pa'i rdo rje pad// shes rab ye shes thob pa yang// yang gsal g.yos ni 'dris par bya// khug pa bcu bdun thun bzhi yis// nyer gcig tha mar so bdun bya// phri nas
58a5 phrin las nyer gcig tshang gyur te// bzhi bcu rtsa gnyis gyur pa na// yang gsal gsal dang nges pa 'byung// sbyangs pa thabs kyi phyag rgya'o// lus gnad h-ig sgra nyer gcig gis// thun bzhir ngal bso zhag
58a6 bdun sbyangs// sgo rnams sngags kyis yig 'brus dgag/ phyi yi snang ba dgag par bya// 'khor lo bzhi la tsaN+Da li// dkar dmar bcu drug gyen log blta// yang gsal phyi nang yas dang mar// thun bzhi zhag
58b1 bdun nges pa yin// rang nyid gang 'dod sgo de dbye// mi 'dod sgo rnams sngags kyis dgag/ rlung zla hUM sems sgra yis drangs// bde 'gro la ni sbyor bar byed// rma med na tshod mthun pa'i ro// bsangs dang
58b2 bgegs bskrad lhar bskyed lhar// dang por gnas srung bsrung 'khor bsgom// rten la gnas mchog mnyes par bya// sna nas gzhugs shing sbyang ba ni// rtags dang nges par ldan pa na// mi sems gcig la
58b3 lus gnyis par// na sa g.yas g.yon snying gang zhugs// gang du bcug pa'i gnas der song// gzhan gyi grong la zhugs zhes bya// sgo rnams yang ni dgag pa dang// tshangs pa stong par dbye ba dang// snying gar
58b4 hUM mthing drangs pa dang// drod gsher mngal sgo bde gnas su// mda' 'am sgyogs kyi 'khrul 'khor 'dra// yang gsal g.yos ni phyi dang nang// haM zhes bya bas rim par ni// nyi ma zla ba rA hu la// gza' yis
58b5 zin par gyur pa na// phyag rgya chen po'i rig 'dzin thob// ces gsungs so// ma mo'i rgyud lung zla gsang thig le'i rgyud las/ rnal 'byor 'chi kha'i lam ye shes su rol pa ste le'u bcu gcig pa'o//// de
58b6 nas bcom ldan 'das dgyes nas 'khor rnams kyis bstod pa/e ma ho// rab tu bzang ba'i ye shes ni// dngos po kun la rab tu gnas// dngos por 'dzin pa log pa ste// log par shes pa skyon dang
59a1 bral// rdo rje lus kyi dra ba las// sprul pa'i sku byung ngo mtshar che// de nas sngags kyi yi ge ni// longs spyod rdzogs pa rmad byung chos// sems can lus bcud khams kyi bde// de nyid mi rtog chos sku
59a2 gnas// yang gsal rang bzhin snying po med// de nyid ngo bo nyid du dag/ sku bzhi'i snying por rang shar bas// rdo rje theg pa sku lnga'i bdag/ gsang sngags gsang ba'i rgyud las byung// sangs rgyas kun gyi ye shes
59a3 gang// sems can kun gyi snying la gnas// bud med rgyud kyi don rnams ni// 'byung ba lnga yi rgyud las grub// gsang ba'i dbang phyug dpa' bo la// rig pa'i ye shes ngang du 'dus// de nyid bcom ldan rnal
59a4 'byor che// he ru ka la 'dud phyag bstod// ces gsungs so// de nas ston pas rgyud yongs su gtad pa 'di gsungs so// gang gis 'byung ba nam mkha' 'dzin// de ni bkrag gsal mnyam du gnas// sa ni
59a5 rnam snang gsal du bstan// me ni 'od gsal 'bar ba las// chu ni gnyen gsal ma yin te// rlung zhes bya ba yang gsal g.yos// 'byung ba lnga dag mu kha le// chos kyi dbyings kyi rgyud 'di yi// bud med stong pa
59a6 nyid du gnas// de mtshon thabs kyi phyag rgya che// dra ba'i nges pa rgyud 'di long/ thabs kyi sbyor ba'i stong nyid 'di// bde byad bud med lag tu byin// de zla gsang ba'i thig le nyid// mig ldan dbang phyug sgrom du
59b1 sbos// ye shes gsang ba'i rdo rje 'di// rnal 'byor dbang phyug chen po dang// ye shes ma mo mkha' 'gro dang// sku gsung thugs kyi mi zad rgyan// 'khor lo gsang ba'i ngang la bzhugs// zhes gsungs so// de
59b2 nas 'khor rnams dgyes te rjes su yi rang bar gyur to// ma mo srid pa'i rgyud lung zla gsang thig le bud med kyi rgyud las/ rjes su bzung ba'i le'u ste bcu gnyis pa'o//// ma mo zla gsang thig le'i rgyud
ces bya ba rdzogs so/

CLOSE WINDOW