CLOSE WINDOW

Gpb029.001
བོད་ཡིག

yum gzungs ma'i dngos grub chen po'i rgyud bzhugs so// rgya gar skad du/ ka ma la de bI sid+d+hi ma hA tan+t+ra/ bod skad du/ yum gzungs ma'i dngos grub chen po'i rgyud/ bcom ldan 'das dpal he ru ka la phyag 'tsha lo// sngon 'das pa'i dus ma byung ba'i sngon rol na/ri rab ri'i rtse lha g.yung drung gi gnas na/ bcom ldan 'das thugs rje chen po dang ldan pa/ dpal he ru kas/ srid pa thams cad yum gyi b+ha ga la shar bar mkhyen nas/yum chen mo nyid bzhi mu kha le'i mkha' bde ba chen po'i klong nas/ thig le chen po'i tshul du bzhengs te/ rdo rje gsang ba'i thugs ka nas/ hUM dkar po zhig las/gsang ba dgyes pa'i 'phro 'du rgyun mi 'chad par bkye ba las/ yum chen mo nyid bzhi mu kha le'i b+ha ga la dgyes pa chen por thim par mdzad do// yum chen mo nyid bzhi mu kha le dgyes pa chen por thim nas// pad+ma'i 'dab ma rgyas par mdzad do// pad+ma'i 'dab ma rgyas par mdzad pas stong gi 'jig rten gyi khams khebs par mdzad do// stong gi 'jig rten gyi khams na/rak+tar chags pa thams cad g.yos par gyur to// des srid pa'i 'jig rten gyi khams na/ rdo rjer gyur pa thams cad rdo rje'i rtsa ba btegs par gyur te/ chags pa'i sems g.yos nas/ shin tu ngo mtshar skyes nas// rdzu 'phrul gyi shugs kyis chags pa'i gzhi mo ga la bder dong ngo// dong nas b+ha ga'i dkyil 'khor chags pa'i nang du phyin te/sdangs ldang yang nas gus pas bskor te phyag 'tshal ba ni/ g.yung drung lha'i gtso bo/ gnod 'dul lha'i rgyal po la sogs pa/ lha g.yung drung gi tshogs dang/ g.yung drung lha'i rgyal mo/srid pa'i phra men rgya mtsho la sogs pa/ ma mo bcu bzhi'i dkyil 'khor dang/ srid pa sman mo'i rigs/ lha mo tshogs kyi rje mo la sogs pa/ sman mo'i tshogs thams cad dang/ gzhan yang pad+ma b+ha ga la sogs pa thams cad chags pa'i mdangs byung nas bskor zhing phyag 'tshal ba dang/bstod pa bgyis pa las yum chen mo nyid bzhi mu kha le'i b+ha ga las/ rtag pa'i rgyal mo rnam snang gsal la sogs te/ ye shes kyi mkha' 'gro ma lnga'i dkyil 'khor thon par gyur to// de nas yum chen mos bcom ldan 'das 'jigs byed chen po la gzigs te/ spyan gyis brda zhig mdzad nas zhal 'dzum pa phyung ba dang/ de nas bcom ldan 'das yum gyi b+ha ga la sku phyed nub tsam du bzhengs te/rnam par thar pa'i dbus gsum du phyung nas/ g.yung drung lha'i rgyal po lha gnod 'dul la gzigs nas/ 'dzum par mdzad pa dang/ de nas bcom ldan 'das kyi byin gyis brlabs kyis/lha gnod 'dul stan la 'dug par 'gyur te/ de nas chags pa'i yid can/ de dag thams cad phyogs phyogs su gnas par gyur to// de nas yum chen mo'i lha gnod 'dul la gzigs nas/ljags kyis brda zhig mdzad pa las/ de nas lha gnod 'dul stan las langs te/ bcom ldan 'das la lan stong du brkyang phyag 'tshal zhing/ bag bzhi sa la brdabs nas gsol pa/'byung lnga la sogs pa yi// me la sogs pa ji ltar 'byung// srid pa'i 'jig rten thams cad na// pho dang mo yi mtshan nyid ni// thabs dang shes rab su las gyis// sems nyid rtag chad ci la bgyi// ye shes lnga nyid gang nas shar// sprul pa mang po gang nas shar// skye med chos dbyings ci la zer// yum gyi mkha' zhes ji lta bu// mngal la sogs pa mi 'tshal na// blang dor med pa gang gis sgrub// srid pa'i bca' gzhi ji snyed kun// rabs rgyud rtsa ba ci ltar lags// dam tshig lung nod mchi ba'i tshe// srog las drang na ji ltar lags// 'jig rten 'dir sgrub ji ltar bskul// dus min 'chi ba gang gis bskang// yang dag rdzogs la bdag nyan 'tshal// de skad gsol pa gsan nas kyang// yang dag rdzogs kyis bka' stsal pa// nyon cig gnod 'dul lha yi gtso// rnal 'byor rnams kyi las dbang mchog/ma mo rnams kyi gtan tshigs su// srid pa kun gyi bca' gzhi rnams// yang dag nyid du bshad par bya'o// de la da ni ma mo bcu bzhi'i rje mo bshad par bya ste// yum chen mo nyid bzhi mu kha le zhes bya ba sku'i khyon da ltar gyi ri rab gling bzhi tsam yod pa/dbu gcig la zhal rnam pa lngar snang ba/ phyag bzhi pa zhabs rnam pa brgyad du bstan pa/ tsit+ta rtsa ba gcig la rtse mo rnam pa lngar 'bar ba/shar phyogs kyi zhabs gnyis kyi bar na gsang ba'i mkha' grang la 'dred pa/ shel gyi b+ha ga la rdo rje'i ge sar can no// lho phyogs kyi zhabs gnyis kyi bar na/ gsang ba'i mkha' dro la 'jam pa/ ke ke ru'i b+ha ga la rin po che'i ge sar can no// nub phyogs kyi zhabs gnyis kyi bar na/ gsang ba'i mkha' gsher la rlan pa/ pad+ma'i b+ha ga la byi ru'i ge sar can no// byang phyogs kyi zhabs gnyis kyi bar na/ gsang ba'i mkha' rtsub la grang ba ste/ge sar gyi dpal can no// de ltar mkha' bzhis sku la brgyan pa/ mkha' bzhis klong sku gting khung du sdud pa ni g.yu'i bde klong la chags pa'i ge sar can no// zangs kyi pad+ma 'dab ma stong dang ldan pa gcig yod de/de la zhal rnam pa lnga la/ shar phyogs kyi zhal dkar la 'tsher ba/ mche ba gtsigs pa'i nang nas/ shel gyi rdo rje rtse dgu 'dzin pas/ 'byung ba sar byin gyis brlabs te/ rdo rje'i rigs su gyur to// lho phyogs kyi zhal sngo la gdangs pa/ mche ba gtsigs pa'i nang nas/ ke ke ru 'bar ba dgu 'dzin pas/ 'byung ba med byin gyis brlabs te/ rin po che'i rigs su gyur to// nub phyogs kyi zhal dmar la gdangs pa/mche ba gtsigs pa'i nang nas/ pad+ma dgu brtsegs bzung bas/ 'byung ba chur byin gyis brlabs pa pad+ma'i rigs su gyur to/ byang phyogs zhal ljang la gdangs pa/ mche ba gtsigs pa'i nang nas/rdo rje rgya gram dgu brtsegs bzung bas/ 'byung ba rlung du byin gyis brlabs te/ las kyi rigs su gyur to/ dkyil gyi zhal cir yang 'gyur ba/ mche ba gtsigs pa'i nang nas/gser gyi 'khor lo rtsibs stong dang ldan pa bzung bas/ nam mkhar byin gyis brlabs te/ de bzhin gshegs pa'i rigs su gyur to/ 'byung ba lnga yang de ltar bskyed do// rigs lnga'i sangs rgyas der byung ngo// zhal so so yin pas na ral pa so so'i rigs dang ldan par snang ngo// tsit+ta gcig la rtse mo lngar snang ba yang/ rtse mo lnga las rigs lnga'i ye shes lnga yang de las shar to// rtsa ba gcig la chos skye ba med pa'i dbyings kyang de las 'dus te/mi nub pa'i rgyal mtshan zhes kyang grags so// rtse mo lngar 'bar ba las srog gis bsdus pa'i kun gzhi la sogs pa'i dran pa thams cad kyang de las byung ba'o// rtsa ba gcig las sems can gyi sems rtag pa chen po yang de las byung ngo// de la mkha' bzhi las shar phyogs kyi gsang ba'i mkha' grang la 'dred pas/ dgun du byin gyis brlabs so// byang phyogs kyi gsang ba'i mkha' rtsub la grang bas/dpyid du byin gyis brlabs so// nub phyogs kyi gsang ba'i mkha' gsher la rlan pas dbyar du byin gyis brlabs so// lho phyogs kyi gsang ba'i mkha' dro la 'jam pa ni/ ston du byin gyis brlabs so// dus bzhi yang de ltar cha bsnyams so// sku stod kyi zhal nas 'byung ba rigs lnga'i sangs rgyas rnams/ sku smad gsang ba'i b+ha ga la/ sbyor ba'i tshul du sku phyed nub tsam du bzhugs pas/ skye ba rigs so so yang der 'dus so/phyag bzhi la g.yas g.yon gyi dang po gnyis kyis khol mo bcu bzhi'i gtso mo srid pa bde 'gro ma dang/ nyi zla thod phreng ma gnyis kyi tsit+ta bzung ba/ g.yas g.yon tha ma gnyis kyis khros pa'i dbang mo che bzhi'i snying nas bzung ba/sbas pa'i phyag gnyis kyis bdud rtsi rnam pa lnga la longs spyod mngon du mdzad pa/ zhabs brgyad kyis dbyings phyug ma bzhi dang/ thugs kyi dgyes sde chen mo bzhi'i snying ga nas brdzis pa/dbus kyi zhal dpral ba'i dbyes nas/ mi gzur gsum pa gcig gis bltas pas/ ma mo bcu bzhi'i khol mo srid pa chags byed ma dang/ shan shan ne'u dang/ e ka tsa ti la sogs pa 'dar lcug lcug byed pa/dkyil gyi zhal nas rkan sgra brdabs pas/ he ru ka snil sogs pa ste/ srid pa'i dman mo la sogs pa'i snying rtsar gyis 'byin pa ste ma mo dbang du yang des sdud do// dbus kyi zhal gyi ni mkha' yel yel bar rdzogs pas/srid pa gsum gyi gtso mo yang der rdzogs so// sku gsang ba'i b+ha ga la// yum gyi mkha' bde ba chen po'i klong zhes bya'o// sku rtag pa chen po g.yung drung du bzhugs pas/ skye shi las 'das pa zhes kyang de la bya'o// de la sdug bsngal mi 'byung bas mya ngan las 'das pa zhes kyang de la bya'o// de la blang dor med pas kun tu bzang mo zhes bya'o// rnam par shes pa thams cad kyi bcud len pas/shes rab kyi pha rol tu phyin ma zhes bya'o// 'byung ba lnga sku la rdzogs pas/ 'byung ba'i rgyal mo zhes kyang bya'o// dus bzhi dbyings las shar bas dus bzhi cha snyoms ma zhes kyang de la bya'o// sku stod nas 'byung ba rigs kyi sangs rgyas rnams/ sku smad gsang ba'i b+ha ga la rdubs bzhugs pas/ rigs kyi yum zhes kyang bya'o// sbas pa'i phyag gnyis nas bdud rtsi rnam pa lnga'i bcud 'dzag pa mngon sum du mdzad pas/bdud rtsi'i rgyal mo zhes kyang bya'o// snang srid thams cad gtan yang chom la 'bebs pas/ srid pa'i rgyal mo zhes kyang bya'o// sku lus gcig la mtshan dgu ma zhes bya'o// de la thugs las drangs pa'i snying po ni/nyid bzhi mu kha le/ kro d+hI shwa rI/ b+ha ga pad+ma r+ya/ bde klong 'dus 'dus na snying dza sha yu ti hUM b+h+yo/ zhes bya'o// de ltar bdag nyid bsgoms pa ni/ dang por de bzhin nyid kyi ting nge 'dzin gsal bar bsgom la thugs ka nas yi ge oM dkar po gcig la/ye shes lnga'i gzhal med khang/ chos kyi dbyings ltar khyab brdal ba'i dbyings su/ bdag nyid bla na med pa'i ting nge 'dzin du zhugs la/ snying gar mu kha le las/ye shes tshogs kyi rje mo bsgom mig g.yas par ha las mkha' 'gro ma rnam snang gsal sgom/ mig g.yon par ha las mkha' 'gro ma 'od gsal 'bar bsgom// rna ba g.yas pa la ha las mkha' 'gro gnyen gsal 'bar ma bsgom/rna ba g.yon pa ha las mkha' 'gro ma yang gsal g.yos bsgom/ sna la ha las mkha' gro ma bkrag gsal mnyam bsgom/ sku mdog phyag mtshan ni 'og gi tshig bshad dang sbyar ro// yang ma mo zhes bya ba ni// ma ni rgyal ba kun gyi yab// mo ni snang srid kun gyis ma// ma ni skye ba med pa'i dbyings// mo ni 'gag pa med pa'i klong// ma ni thabs mchog 'dod med mkha'// mo ni shes rab chags med klong// de lta bu yi yum chen mo// sku stod zhal nas 'byung ba'i sangs rgyas dang/ sku smad kyi b+ha ga sbyor ba mdzad pa'i bu mo lnga yod de/ gcig ni rtag pa'i rgyal mo rnam snang gsal zhes bya ste/ mdog dkar mo la shel gyi ral pa can/ gsang ba'i mkha' shel gyi ga'u 'khyil ba/ ma chags pa'i thabs la rol pa'o// gcig ni rtag pa'i rgyal mo 'od gsal 'bar zhes bya ste/ sku mdog sngon po la rin po che'i ral pa can no// gsang ba'i mkha' la rin po che'i ga'ur 'khyil ba/ mi len pa'i thabs la rol pa'o// gcig ni rtag pa'i rgyal mo gnyen gsal ma zhes bya ste/ sku mdog dmar po byi ru'i lan phran can/ gsang ba'i mkha' byi ru'i ga 'ur bskyil ba/ gnyis su med pa'i thabs la rol pa'o// gcig ni rtag pa'i rgyal mo yang gsang g.yos zhes bya ste/ sku mdog ljang gu la rdo rje'i len phran can no// gsang ba'i mkha' rdo rje'i ga 'ur bskyil ba/ grub pa'i thabs la rol pa'o// gcig ni rtag pa'i rgyal mo bkrag gsal mnyam zhes bya ste/ sku mdog cir yang 'gyur ba la g.yu'i ral pa can no// gsang ba'i mkha' g.yu'i ga 'ur bskyil ba/gnyis med brten pa'i thabs la rol pa'o// 'di lnga ni mkha' bzhi dbyings dang lnga zhes bya ste/ rigs kyi yum lnga zhes bya ba 'di lnga yin/ sems can dus chen po la 'bab yang 'di lngas dbang byed de/tshe'i bdag mo chen mo yang 'di lnga yin no// srog las drangs pa'i snying po ni/ g+hi sa mu ran hUM ha/ tra la pa raM ha/ bi sha san ti ha/ bi yaM yaM ti ha/ ma hA laM te ha/ ma mo rnams kyi gtso mo'i yang gtso mo/gtan tshigs kyi le'u ste dang po'o//// gnod 'dul lha yis yang gsol pa// srid pa'i dkyil 'khor bsgom pa dang// bdag nyid phyag rgyar bskyed bya ba// 'byung dang 'jug pa'i mtshan nyid las// ji ltar bdag gis nan tan bgyi// mngon rdzogs yab la bdag nyan 'tshal// de skad gsol pa gsan nas kyang// mngon rdzogs dpal gyis bka' stsal pa// 'byung dang 'jug pa'i mtshan nyid las// ji ltar dkyil 'khor lha bskyed pa// ngas bstan pa la gdon mi za// nyon cig gdon 'dul lha yi gtso// 'byung ba spro ba'i ngo bo dang// 'jug pa bsdu ba'i mtshan nyid ni// sa bon gyis ni bstan par bya// bdag nyid thig le mnyam sbyar ni// rnam gsum rim gyis ting 'dzin bsgom// dmigs med ting 'dzin rnam dag cing// skye med chos kyi dbyings su thim// dmigs med ma chags sa bon gyis// de bzhin nyid du rnam par grags// snying rje nam mkha'i ngo bo la// blang dor med par snang ba ni// mtshams su sbyor ba'i sa bon gyis// kun tu snang zhes grags pa yin// bdag nyid rlung las gyur pa yi// 'og gi phyogs su sa bon brtan// bdag gi chu las gyur pa yi// de yi steng du sa bon brtan// bdag gi sa las gyur pa yi// sa bon las ni spris mar brtan// bdag gi me las gyur pa yi// sa bon las ni drod du ldan// bdag gi nam mkha'i ngo bo la// sa bon las ni snang srid bsgom// dbyings las 'byung lngas rgyu bskyed de// mkha' la rlung brten 'gro lngar ldan// bdag nyid hUM du gsal ba las// sa bon gyis ni dkyil 'khor bsgom// 'khor lo'i sa bon gyis sbyangs nas// rtsibs brgyad pa ru rnam par gsal// gdan gyi sa bon gyis sbyangs nas// rtsibs brgyad steng du bcu bzhi bskyel// dkyil du rgya mtshor thod phreng gnyis// shar dang nub tu mgo bsnol pa'o// sgrol byed dkar mo mig gcig gnyis// brgya byin phyogs su mgo bsnol pa'o// dbang sdud nag mo ral gcig gnyis// gshin rje'i phyogs su mgo bsnol ba'o// bdud rtsi byed dang ma mo gnyis// chu bdag phyogs su mgo bsnol pa'o// gnas sbrul ser mo las mkhan gnyis// gnod sbyin phyogs su mgo bstan pa'o// rgyan gyi rgyal mo me lha'i phyogs// dbyings phyug ma ni bden bral phyogs/bdag nyid ma ni rlung lha'i phyogs// gcig pu ma ni dbang ldan phyogs// rim gro skye phyir 'khor rnams bsgyel// b+ha ga bcu bzhi'i gdan steng nas// bdag nyid byang chub thig le las// snying po ye shes mngon du shar// byed pa po ni kun tu bzang// rnam par thar pa'i dbur ldan zhing// ye shes drug gi phyag rgya can// mtshan dang dpe byad yang dag ldan// rdzu 'phrul bzhi yi zhabs kyis bzhugs// bdag gi gzugs kyi ngo bo la// rnal 'byor nyid gzhi bde mchog ma// bya ba mo ni chos kyi dbyings// chos nyid rtag pa thugs kyi dkyil// 'od zer lnga po rtse nas 'phro// 'byung ba lnga yi zhal mnga' zhing// ye shes drug gi phyag rgya can// phyogs mtshams gnon pa'i zhabs brgyad kyis// ma gshegs par ni srid par byon// dus bzhi 'char ba'i b+ha ga las// skye ba med pa'i klong du thim// srid pa gsum gyis sku brgyan cing// spyi dpal mchog la 'di skad gsungs// hUM ye shes snying po bla na med// bla med khrag 'thung dpal gyi dpal// 'jigs byed gsang ba'i rdo rje ni// mkha' klong kun gyi gter lags kyi// mkha' klong bde ba'i lam mchog ni// skye 'gro yongs kyi thar pa'i lam// sangs rgyas yongs kyi re skong phyir// thar lam bde ba'i lam mchog ni// 'dzum pa'i mdangs kyis 'bul lags na// dgyes pa'i rdo rje gsor nas kyang// re skong bdud rtsi'i char chen phob// ho// hUM mnyam bzhag ye shes pad+ma'i dbyings// 'byung gnas skye 'gro thar pa'i lam// rin chen dkyil 'jam klong yangs su// spyi dpal rdo rje gsang ba'i gter// re skong bdud rtsi'i char chen phob// ho// hUM b+ha ga pad+ma'i dkyil 'khor 'dir// 'dab brgyad sa yi dkyil 'khor ldan// phyi lcags nang rten sgo 'phar bcas// rin chen dkyil 'jam gdan steng nas// bla med 'phrul gyi lde mig gis// lcags dkrol gdan phye gdan la bzhugs// rin chen brtsegs pa'i ga'u ru// bla med khrag 'thung sku bsil nas// bdud rtsi chen po'i bum pa yis// srid gsum 'gro ba'i bag chags bkrus// hUM mi dmigs pa la dmigs pa che// ma chags pa la chags pa bde// thar lam bde ba b+ha ga'i dbyings// blang dor med pa'i klong yangs su// srid pa'i bag chags bkru ba'i phyir// spyi dpal bla na med pa yis// gsang ba'i don ldan lde mig gis// rnam par thar pa'i sgo phye nas// ye shes chu bos khrus chen mdzod// A+oM thabs las dbyings byung thar pa'i lam// dbyings las thabs bzhengs bla med sku// bla med dbyings dang ye shes sbyor ba na// bdud rtsi chen po'i char chen srid par spro// phyogs bcu'i rgyal ba mnyes pa'i mchod par spro// rnal 'byor mkha' 'gro skong ba'i tshogs su spro// 'gro ba rigs drug sgrib ba sbyong ba'i phyag rgya chen por spro// mu stegs bdud 'dul khro rgyal tshogs su spro// sdug bsngal za byed bdud rtsi'i char chen spro// dbang po gsal byed ye shes sgron mar spro// 'dod chags tshims byed gsang ba'i sems su spro// ho// hUM byang chub sems kyi thig le las// ma bkag lhun gyis rdzogs pa na// thams cad thig le nyid kyi ngang// zhes glengs te// gnyis su med par gyur to// gnyis med sbyor ba'i thig le che// gnyis med sbyor ba'i 'od zer las// 'byung ba lnga yi 'phro 'du byung// bdag gi sa yi ngo bo las// sa bon las ni skur bskyed pa// mkha' 'gro brtan 'bar sems ma'i mchog/ mi 'jigs pa yi dbu gsum gyis// dug gsum dbyings su sgo 'byed cing// pha rol phyin drug phyag rgya las// sbyin pa chen po rtag tu gtong// mtshon du med pa'i sku mdog la// dkar la dang ba'i na bza' gsol// rdzu 'phrul bzhi yi zhabs dag gis// sa bdag gdan la brkyang bskum bzhugs// bdag gi rlung las gyur pa yi// sa bon las ni skur bskyed pa// mkha' 'gro yang gsal sems ma'i mchog/ thogs pa med pa'i dbu gsum gyis// khams gsum thig ler sgo 'byed cing// pha rol phyin drug phyag rgya las// sby-in pa chen po rtag tu gtong// sna tshogs 'gyur ba'i sku mdog la// na bza' ljang gu bai DUr+ya// rdzu 'phrul bzhi yi zhabs dag gis// gnod sby-in gdan la brkyang bskum bzhugs// bdag gi chu las gyur pa yi// sa bon las ni skur bskyed pa// mkha' 'gro gnyen gsal sems ma'i mchog/ rol pa chen po'i dbu gsum gyis// dug gsum dbyings su sgrol byed cing// pha rol phyin drug phyag rgya las/ sbyin pa chen po rtag tu gtong// mtshon du med pa'i sku mdog la// dmar po dbang gi na bzas brgyan// rdzu 'phrul bzhi yi zhabs dag gis// chu bdag gdan la brkyang bskum bzhugs// bdag gi me las gyur pa yi// sa bon las ni skur bskyed pa// mkha' 'gro 'od gsal sems ma'i mchog/ stobs ldan mchog gi dbu gsum gyis// srid gsum thig le'i sgo 'byed cing// pha rol phyin drug phyag rgya las// sbyin pa chen po rtag tu gtong// mtshon du med pa'i sku mdog la// rin chen sngon po'i na bzas brgyan// rdzu 'phrul bzhi yi zhabs dag gis// gshin rje gdan la brkyang bskum bzhugs// bdag gi bsreg las gyur pa yi// sa bon las ni skur bskyed pa// mkha' 'gro bkrag gsal sems ma'i mchog/ mi 'gyur ba yi dbu gsum la// skye 'gro mkha' la sgo 'byed cing// pha rol phyin drug phyag rgya las// mi bzad pa yi sbyin pa gtong// cir yang 'gyur ba'i sku mdog la// btso ma gser gyi na bza' gsol// rdzu 'phrul bzhi yi zhabs dag gis// brgya byin gdan la brkyang bskum bzhugs// bdag gi gsang ba'i thig le las// sa bon las ni skur bskyed pa// bla na med pa'i yab yum gnyis// sbyor ba'i gdan du drug po 'ding// bdag gi 'od chen sna tshogs las// sa bon las ni skur bskyed pa// dpal 'bar khro mo nyid kyi sku// bdag gi dngas ma bzhi po las// sa bon las ni skur bskyed pa// gsang ba'i yum bzhi nyid kyi sku// bdag gi dngas ma brgyad po las// sa bon las ni skur bskyed pa// khams gsum brdar gcod nyid kyi sku// bdag gi bde chen gsang ba las// sa bon las ni skur bskyed pa// dug gsum dbang sdud nyid kyi sku// bdag gi dpag bsam shing bu las// sa bon las ni skur bskyed pa// skye shi rtsad gcod nyid kyi sku// bdag gi zangs kyi sbu gu las// sa bon las ni skur bskyed pa// pad+me shwa rI dbang gi sku// bdag gi srid pa'i mdo bsdus pa'i// sa bon las ni skur bskyed pa// yag sha khro mchog nyid kyi sku// bdag gi dbang mo mdo bsdus las// sa bon las ni skur bskyed pa// rag sha kro tI shwa rI'i sku// g.yas g.yon thabs dang shes rab las// sa bon las ni skur bskyed pa// kro tI shwa rI sa ma ya// bdag gi srid pa 'jug byed pa'i// sa bon las ni skur bskyed pa// g+hu ya kro tI shwa rI'i sku// de ltar rtag tu bsgom pa ni// byed pa po dang bya ba mo// pha ma med pa'i pho mo gnyis// srid pa'i sngon du byung ba yin// sangs rgyas nyid las shin tu bgres// lnga las gyur pa'i bud med lnga// gnyen med skyid pa'i g.yung drung yin// bskyed pa'i khro mo bcu gsum ni// cir mi 'ong gi spun drug ste// rus med spun drug bcu gsum yin// mtshon du med pa'i nam mkha' la// gza' skar mang po shar ba ltar// byang chub sems kyi thig le las// rol pa'i phyag rgya cir yang snang// skye 'gag med pa'i dbyings su thim// gsang chen bde ba'i thig le las// b+ha ga'i steng du ling+ga spro// rtse nas thim zhing dkyila'akhor spro// ngas gsungs pa la the tshom med// dkyil 'khor bskyed pa'i bca' gzhi/sbas pa'i thig le'i le'u ste gnyis pa'o//// gnod 'dul lha yis yang gsol pa// skye 'gro sems can thams cad kun// rnam rtog nad kyi zin pa la// bdud rtsi'i sman chen ji ltar gtong// ngo mtshar lha la bdag nyan 'tshal// de skad gsol pa gsan nas kyang// bla med dpal gyis bka' stsal pa// rtog pa'i nad gzhil sman chen po// ngas gsungs pa la gdon mi za// nyon cig g.yung drung yang dag pa// rgyu gcig dang ni rkyen gnyis las// sa bon las ni rnam sbyangs pa// spro bsdu byas pas dri mchog 'gyur// dug gsum nad kyi gnyen po yin// rgyu gnyis dang ni rkyen gsum las// sa bon gyis ni rnam sbyangs pa// spro bsdu du bar 'thul bas ni// nyon mongs lnga yi nad rnams 'byang// rgyu gsum dang ni rkyen lnga las// sa bon gyis ni yang dag sbyangs// spro bsdu g.yos par 'gyur pa la// rnam shes brgyad ni kun tu rgyu// 'jug pa'i nad rnams zhi bar byed// bdag gi dri ma chen po la// sa bon gyis ni rnam sbyangs pa// zos na yon tan rnam gnyis ldan// dngos grub chen po gti mug yin// bdag gi mAM sa chen po la// sa bon gyis ni rnam sbyangs pas// zos na yon tan rnam gnyis ldan// dngos grub chen po nga rgyal yin// bdag gi khrag las gyur pa yi// sa bon gyis ni rnam sbyangs pa// zos na yon tan rnam gnyis ldan// dngos grub chen po 'dod chags yin// bdag gi dri chu las gyur pa// sa bon gyis ni rnam sbyangs pa// zos na yon tan rnam gnyis ldan// dngos grub chen po phrag dog yin// bdag gi gsang ba'i sa bon la// sa bon gyis ni rnam sbyangs te// zos na yon tan rnam gnyis ldan// dngos grub chen po zhe sdang yin// kun 'dus gcig tu gyur pa dang// phra mo stong dang sbom po brgyad// bsdus la gong bur dril ba las// bsdu ba'i sngags kyis rnam sbyangs te// spro bsdus 'od du 'bar ba ni// thabs dang shes rab phyag rgya yis// zos na dpal chen dngos grub thob// mkha' 'gro ma rnams bkur stir byed// rgyu gsum rkyen lnga'i bdud rtsi chen po ste// snang ba chen po snang srid 'char ba'i rgyu// dus gsum rgyal ba kun gyi 'byung gnas te// mkha' 'gro dam can kun gyi srog gi rgyu// rang byung bdud rtsi chen po'i 'byung gnas yin// rang byung rnam dag nyid kyi sku gsung thugs// bdud rtsi chen po stong pa nyid bzhugs pas// dug gsum rnam rtog gnad kyi gnyen po yin// theg chen sa gzhi chen po las// rtsi mchog mang po kun skyes te// skye 'gro'i gsos su gyur pa ltar// bdag nyid bdud rtsi'i dkyil 'khor las// srog gis bsdus pa'i sems can kun// rnam rtog nad kyi gsos su che// rgyu gsum rkyen lnga'i bdud rtsi ste// ma rig brgyal ba'i dong zhes bya// de skad ces bka' stsal pa dang/ rdo rje sems dpa' dang lha gnod 'dul la sogs pa dang/ 'khor der 'dus pa rnams/ bdud rtsi'i dkyil 'khor gyis gtan du tshim nas/ lang tsho'i dngos grub thob bo// g.yung drung lha yis yang gsol pa// srid pa'i sems can thams cad kun// 'dod chags kyis ni khams gsum 'khor// zhe sdang gis ni ngan song lhung// de las nan tan ji ltar bgyi// nyag gcig yab la bdag nyan 'tshal// de skad gsol pa gsan nas kyang// nyag gcig yab kyis bka' stsal pa// ji ltar chags sdang rnam pa gnyis// dngos grub chen por ngas bshad kyi// nyon cig g.yung drung yang dag pa// zhe sdang chen po'i ting 'dzin gyis// pha dang phu bo mes po dang// lha dang bram ze mu stegs dang// bran dang g.yog po la sogs pa'i// zhing bcu rtag tu ldan pa la// phung po bsad de snying phyung na// dngos grub ya mtshan chen por 'gyur// 'dod chags chen po'i ting 'dzin gyis// ma dang sring mo bu mo dang// lha mo klu mo rigs ngan mo// bran mo g.yog mo la sogs te// gdol pa mo dang phyal ba dang// tshul dgur sbyar na dngos grub thob// ces bka' stsal pa dang/ lha g.yung drung la sogs pa ya mtshan du gyur nas/ dngangs te cang mi smra ba dang/ 'khor gyi gtso bo rdo rje sems dpa' stan las langs te// ye shes bzhi'i brkyang phyag phyogs bzhir btsal nas/ bag bzhi sa la brdabs te/ lus brkyang nas/ rgyal ba rdzogs pa'i zhabs spyi bor blangs te/ dngos grub myur du 'dod pa'i phyir/ phyag rgya bcas nas gsol ba/pha dang nye ba'i zhing bcu dag/ bsad na dngos grub thob pa yi// zhe sdang chen po'i ting 'dzin dang// ma dang nye ba phyal pa dag/ sbyar na dngos grub thob pa yi// 'dod chags chen po'i ting 'dzin gyis// dngos grub chen po bdag 'tshal na// spyi dpal chen pos bshad du gsol// zhes zhus te// lus sa la lan stong du brdabs pa dang// srid pa dus thams cad gcig tu g.yos te// 'khor thams cad dus gcig tu khams 'khrugs nas thams cad bag bzhi sa la rdebs shing ya mtshan no// spyi dpal chen po ya mtshan no// rdo rje sems dpa' ya mtshan no// zhes mgrin gcig tu smras nas/ pad+ma kha 'bus pa ltar sor bcu spyi bo la blangs te/mig mi ldog par mngon rdzogs rgyal po la rtog go/ de nas de lta bu'i spyod pa thugs su gsol nas/ 'khor thams cad la dgyes pa'i ye shes kyi mdangs kyis gzigs te bka' stsal pa// rdo rje'i 'khor gdung ba dang// sems can kun la snying brtse'i phyir// rdo rje sems dpas zhus pa legs// kun kyang dran pa gnas su sdus// srid pa thams cad bde la bkod// ngas kyang bdud rtsi'i snying po sbyin// 'du na sa ma ya lhan s+t+waM// zhes gsung pa las// 'khor thams cad sems rnal du phebs so// srid pa thams cad dus gcig tu bde/ rna ba'i dbangapo blags nas/ rdo rje sems dpa'i phyag rgya'i rjes su zhugs nas 'khor kun nyan to// de nas spyi dpal chen pos bka' stsal pa/ gnyen sdug dang ni zhing bcu la// bsad pa'i phyir na zhe sdang bsgom// sbyang ba gsum gyi sa bon gyis// sbyangs na srid pa'i bag chags 'byang// lnga yi tshom bu'i sa bon gyis// sgo lnga bcad na 'chor ba med// snying brtse ba yi shugs dag gis// bsdus nas rgyal ba'i ril bu sbyin// sgo 'byed pa yi sa bon gyis// b+ho d+hi tsit+ta'i sgo phyes nas// rna brgyud byin pas sems bzhu ste// ma mas yang kyang shar bzlog pa'i sa bon gyis// spros te 'bru bcu'i snying po sbyin// chu dang 'o ma bsres pa bzhin// mya ngan zlo ba'i phyag rgya yis// bcings nas bde skyid g.yung drung sbyin// rkyen lnga'i sgo 'byed sa bon gyis// ri rab chen po'i sgo phye ste// lha mo lnga yi phyag rgya yis// lcags kyu'i phyag rgyas bsdams nas su// rgyu gcig dbyings nas byung nas ni// mtshams su sbyong ba'i sa bon gyis// ye shes g.yung drung brdal ba las// spyi dpal chen pos mtshams sbyar nas// gser dang dngul du bsres pa bzhin// sdig pa byas kyang ye shes 'bar// yang na dkyil 'khor gsal bkram ste// phung po mngon spyod lha la mchod// rtsa ba gsang ba'i b+ha ga la// mtshams su sbyor ba'i sa bon gyis// sras su bskyed na bsod nams mchog/ bskal pa'i me dpung 'bar ba yis// srid pa'i bud shing sreg pa ltar// ye shes me dpung 'bar ba yis// 'gro ba kun gyi bag chags bsreg/ me la shing ni bsnan pa ltar// sdig pa byas kyang ye shes 'bar// ma dang srin mo phyal pa dang// sbyor ba'i phyir ni 'dod chags bsgom// lnga yi sa bon rnam lnga las// gcig la lnga lngar tshom bur sbyor// lam du bde ba'i sa bon gyis// b+ha ga la ni 'dab ma brgyad// gdan du bde ba'i sa bon gyis// klong la 'khor lo rtsibs su bcas// las kyi sa bon g.yas g.yon gyi// dbu la mkha' 'gro lnga po nyid/ dril bu'i sa bon rkang mthil la// zhags pa'i sa bon lag gnyis la'o// bdag nyid snying po'i brtan pa'i sku// gnas lnga ral gri'i sa bon lnga// gcig la mkha' 'gro lnga lngas bskor// 'dren pa'i sa bon sgal tshigs la// dgyes pa'i sa bon g.yas dang g.yon// bstim pa'i sa bon gsang ba la// lcags kyu'i sa bon rkang gnyis la// lcags sgrog sa bon lag gnyis la// bskyod pa'i sa bon mtshams su ste// spros nas gnyis su med pa'i tshe// spros nas mtshams su spros bstim ste// mchod pa bzhi yi sa bon gyis// stong khams bkang ste mnyes mchod la// rigs drug 'gro ba'i sdig sbyongs nas// 'jug pa'i sa bon chen po yis// bsdus nas kun bzang mkha' la bstim// gting dpag med pa'i rgya mtsho las// chu bran mtha' dag 'du ba ltar// bya byed gnyis kyi klong dkyil du// ma sring la sogs klu mo dang// gdol pa rigs ngan phyal pa la// tshul dgur sbyar na bsod nams mchog/ ces bka' stsal pas/ 'khor thams cad chags sdang gi dngos grub thob// ta na ga Na'i bca' gzhi'o// rdo rje sems dpas yang gsol pa// mngon spyod mchod pa chen po ste// ji ltar bdag gis nan tan bgyi// spyi dpal mchog la bdag nyan 'tshal// de skad gsol pa gsan nas kyang// rgyal po bde bas bka' stsal pa// de phyir nyon cig rdo rje sems// mngon spyod mchod pa sna tshogs te// bdag nyid mkha' 'gro'i dkyil 'khor ldan// rgyan dang bgo ba'i longs spyod la// 'dom gang 'od kyi sa bon gyis// sbyangs na dkyil 'khor mnyes pa yi// bza' dang bca' ba'i longs spyod la// sreg pa'i sa bon mthar bzhag la// bdud rtsi'i sa bon mchod sbyangs te// mnyes shing dgyes pa'i longs spyod kyis// mchod cing zos na dkyil 'khor mnyes// btung bas tshim pa'i longs spyod la// sreg pa'i sa bon gyis sbyangs te// chu yi sa bon chen po yis// sbyangs te 'thung na dkyil 'khor mnyes// phar btab pa dang tshur len pa// pho dang mo yi sa bon gyis// sbyangs na thabs dang shes rab thob// mchod pa 'od kyi sa bon spro// rtags ka dang ni ta to ta lo la/ dang// thabs dang shes rab sa bon gyis// sbyangs na sdig sbyang nyes pa med// 'di ltar byas na 'phags pa mnyes// mngon spyod mchod pa chen po yin/ chos kyi rang bzhin dngos med ste// dngos med yi ge stong pas sbyangs// stong nyid stong pa ye nas dben// spros pa'i snod kyang dngos kyis stong// rnam par smin pa stong pas med// byed pa po dang bya ba mo// gdod nas stong pa'i 'bras bu len// rtogs pas stong pa'i 'bras bu len// legs dang nyes pa gnyis su med// thig le chen po len pa med// gdod nas legs pa'i rgyal po yin// de skad bka' stsal pa dang/ rdo rje sems dpa' la sogs pa 'khor dang bcas pa/ 'khor kun phun sum tshogs pa kun/ stong pa'i 'bras bu la sems mi yengs par rtogs so// de nas lha gdod 'dul stan las langs te/ spyi dpal chen po'i zhabs la 'jus nas/ mos pa chen pos gsol pa/ dgongs shig ye shes bde chen lha// srid pa 'khrug pa'i rtog pa yis// sems kyi 'khrul pa ci mchis pa// zhabs la spyi bos gtug gyur nas// stong pa chen por bzod par gsol// 'bras bu chen por bzod par gsol// byang chub chen por bzod par gsol// thig le chen por bzod par gsol// de nas mi dmigs pa'i tshangs pa chen po thob bo// de nas rdo rje sems dpa' de langs nas sku la sbrul bzhin 'khril te/ mdzes pa chen pos mchod pa byas// phyi dbang chen po bdag la stsol// nang dbang chen po bdag la stsol// gsang dbang chen po bdag la stsol// zhes zhus pa dang/ spyi dpal chen pos bka' stsal pa// phyi dang nang dang gsang ba yi// nga yi gsang rgyud chen po 'di// phyogs bcu sangs rgyas thams cad la/ gsang ba 'di las mi mnga' bas// gsang ba'i gsang chen gsang ba'i gter// gsang ba mchog gi spyod pa 'di// rdo rje sems dpa' khyod la gtad// 'gro ba kun la snying brtse'i phyir// nga yi spyod pa mtha' dag dang// nga yi byin rlabs chen po rnams// rdo rje sems dpa' khyod kyis zung// de nas rdo rje sems dpa' khyod// gsang ba kun gyi byed pa po// gsang ba'i gsang chen gsang ba'i bdag/sku dang gsung dang thugs gsang ba'i// gsang ba'i dpal du dbang bskur ro// sangs rgyas kun gyi dgongs pa ste// rnal 'byor kun la bde sbyin pa// rdo rje sems dpa' khyod kyis zung// g+hu ya ma hA rA dza sa ma ya a la la ho// zhes gnang ba dang/ de nas rdo rje sems dpa' des/ rgyan dang cha lugs kun bkrol te// spyi dpal mchog la mngon par gtor// gsang dbang chen po stsol ba'i phyir// snying dang snying gi grogs mo de// spyi dpal mchog la yon du 'bul// rgyan dang cha lugs mang po kun// gsang dbang gnang nas yon du bzhes// rdo rje sems dpas yang gsol pa// sa ma ya zhes bgyi ba gang// sa ma ya la du zhig mchi// sa ma ya yi don rnams gang// de skad zhus pa gsan nas kyang// nyag gcig yab kyis bka' stsal pa// sa ma ya zhes bya ba ni// 'da' bar dka' ba'i dam tshig go/ dam tshig grangs la bsam mi khyab// bsdu na rnam pa gsum yin no// rdo rje sems dpas yang gsol pa// sa ma ya zhes bka' stsal pa// ji ltar bdag gis nan tan bgyi// nyag gcig yab la bdag nyan 'tshal// de skad zhus pa gsan nas kyang// nyag gcig yab kyis bka' stsal pa// ston pa bde gshegs kun gyi dpal// sku yi phyag rgya mi spang zhing// bsgo ba'i tshig rnams nyan par bya// rdo rje spun la gdung ba bskyed// 'di ni lus kyi sa ma ya// bskyed rdzogs sa bon rgyun mi gcod// rgyal po'i phyag rgya gsal bar bsgom// 'di ni ngag gi sa ma ya// gsang ba'i snying po nges pa'i don// snod ngan rnams la spel ba min// 'di ni tsit+ta'i sa ma ya// ga na ta na'i 'bras bu lnga// spang bar mi bya spyad pa yin// 'di ni yan lag sa ma ya// dmigs med spyod pa mtha' dag kun// 'gro don rdzogs pa'i sa ma ya// sa ma ya ni rdo rje che// 'da' bar ma mdzad rdo rje'i dam// bcol ba'i las rnams byed pa yin// mkha' 'gro rnam gsum sa ma ya// zhes dpal chen pos bshad do// de skad bka' stsal pa dang/ rdo rje sems dpa' dang rigs kyi sangs rgyas rnams ni gsang ba'i bdag por gyur/'khor mang po ni g.yung drung gi dngos grub thob nas/ gsang ba dgyes pa'i dam tshig can du gyur to// rnal 'byor gyi rgyud lung chen po/ ka ma la de bI sid+d+hi ma hA tan tra las/bdud rtsi chen po'i bca' gzhi dang/ ting nge 'dzin phun sum tshogs pa'i bca' gzhi/ rin po che gter gyi le'u ste gsum pa'o//// gnod 'dul lha yis yang gsol pa// 'jig rten dbang chen 'di rnams kun// bskul ba'i cho ga ji ltar lags// mngon rdzogs yab la bdag nyan 'tshal// de skad gsol pa gsan nas kyang// rdzogs sangs rgyas kyis bka' stsal pa// nyon cig g.yung drung yang dag pa// ngas gsungs pa la gdon mi za// 'jig rten dbang chen 'di rnams kun// 'jig rten 'dir bskul 'di skad do// hUM snang srid thams cad yum gyi b+ha ga'i klong// dus gsum bde gshegs 'byung ba lnga yi ngang// skye 'gro ma lus 'byung ba lnga la rdzogs// 'das dang ma byon 'byung ba lnga yi dbyings// 'byung ba lnga nyid yum gyi b+ha ga'i klong// bde chen yum gyi klong la phyag 'tshal lo// hUM khams gsum thams cad yum gyi b+ha ga'i klong/brgyan yang/ snang srid thams cad 'khor lo rtsibs bzhi po// gru chad sgo bzhi b+ha ga'i tshul du brgyan// 'byung ba lnga yi rgyal mo sku bskyod cig/ hUM 'khor lo 'bar ba'i lte dbus su// ya bdud bsgyel ba'i gdan steng du// yum gyi rgyal mo spyan drangs te// bzhi zur zhabs brgyad phyogs mtshams gnon// mkha' bzhi bde klong gcig tu 'khyil// mkha' la dus bzhi'i cha snyoms ma// dbu gcig zhal lnga srid pa gsal// zhal nas 'byung ba lnga 'char ma// phyag drug phyag rgya sna tshogs bsnams// dang po rdo rje dril bu dang// bar ma dril zhags b+han+d+ha dmar// tha ma bdud rtsi g.yang gzhi ldan// sna tshogs 'gyur ba'i sku mdog la// na bza' sna tshogs shin tu 'bar// 'khor lo 'bar ba'i lte ba la// tshogs kyi gtso mor gshegs su gsol// hUM shar phyogs 'khor lo'i rtsibs steng na// sa bdag bsgyel ba'i gdan steng du// shar gyi mkha' 'gro seng+ge'i gdong// rtag pa'i rgyal mo rnam snang gsal// sna tshogs 'gyur ba'i sku mdog la// na bza' dkar po shel ltar dkar// dbu gsum phyag drug zhabs bzhir bgrad/dang po rdo rje b+han+d+ha 'bar// bar ma dgra s+t+wa gtun shing brdeg/ tha ma seng+ge'i mchog chen snyod// 'byung ba sa yi mnga' bdag mo// 'gro ba'i rus la mnga' mdzad ma// rus pa'i bdag mor gshegs su gsol// hUM byang phyogs 'khor lo'i rtsibs steng na// gnod sbyin bsgyel ba'i gdan steng du// byang gi mkha' 'gro khyung chen gdong// rtag pa'i rgyal mo yang gsal g.yos// sna tshogs 'gyur ba'i sku mdog la// na bza' ljang gu shin tu 'bar// dbu gsum phyag drug zhabs bzhir bgrad// dang po b+han+d+ha rgya gram bsnams// bar ma dbyug chen rgyu phreng 'dren// tha ma spyang mo'i zhing chung snyod// 'byung ba rlung la dbang bsgyur zhing// 'gro ba'i dbugs la mnga' mdzad ma// dbugs kyi bdag mor gshegs su gsol// hUM nub phyogs 'khor lo'i rtsibs steng na// chu bdag bsgyel ba'i gdan steng du// nub kyi mkha' 'gro sud ka'i gdong// rtag pa'i rgyal mo gnyan gsal ma// sna tshogs 'gyur ba'i sku mdog la// na bza' dmar mo dbang gis mdzes// dbu gsum phyag drug zhabs bzhir bgrad// dang po pung ka b+han dmar 'bar// bar pa zhags pa tri shU la dril bu yang// tha ma zhing chung ce spyang snyod// 'byung ba chu la dbang sgyur zhing// 'gro ba'i khrag la mnga' mdzad ma// khrag gi bdag mor gshegs su gsol// hUM lho phyogs 'khor lo'i rtsibs steng na// gshin rje bsgyel ba'i gdan steng du// lho yi mkha' 'gro ban glang gdong// rtag pa'i rgyal mo 'od gsal 'bar// sna tshogs 'gyur ba'i sku mdog la// na bza' sngon po baiDUr+ya// dbu gsum phyag drug zhabs bzhir bgrad// dang po rin chen b+han+d+ha dmar// bar ma me sbal dbyug to bsnams// tha ma stag mo'i zhing chung snyod// 'byung ba me la dbang sgyur zhing// 'gro ba'i drod la mnga' mdzad ma// drod kyi bdag mor gshegs su gsol// hUM dkyil 'khor 'khor lo'i lte ba la// brgya byin bsgyel ba'i gdan steng du// nam mkha'i mkha' 'gro rdo rje mchu// rtag pa'i rgyal mo bkrag gsal mnyen// sna tshogs 'gyur ba'i sku mdog la// na bza' ser po btso ma gsol// dbu gsum phyag drug zhabs bzhir bgrad// dang po 'khor lo b+han+d+ha dmar// bar ma rgyal mtshan spu gri bsnams// tha ma 'ug pa'i zhing chung snyod// nam mkha' stong la dbang bsgyur zhing// 'gro ba'i bkrag la mnga' mdzad ma// bkrag gi bdag mor gshegs su gsol// kun kyang ye shes mkha' 'gro ma// mche ba can la gtsigs shing bzhad// 'jigs tshul can la snying rjer ldan// ye shes drug dang ldan pa ste// pha rol phyin pa de bzhin gshegs// sems can kun la thugs brtse'i phyir// 'gro la phan phyir gshegs su gsol// da ni ma mo dbang du bsdu ba dang bkol ba'i thabs 'chad de/nyon cig gnod 'dul lha yi gtso// gtso mo la sogs drug po ni// bdag nyid chen por bsgom par bya// bcu bzhi man chad gdan du gding// bdag nyid che bar bsgom par bya'o// ma ni dgyes chen rtag pa'i mkha'// mo ni bde chen longs spyod rdzogs// ma ni rtag chen g.yung drung mkha'// mo ni shes rab chags med klong// ma ni sku gsung thugs kyi mkha'// mo ni lus ngag yid gsum klong// ma ni rgyal ba kun gyi mkha'// mo ni snang srid kun gyi klong// ma ni skye ba med pa'i mkha'// mo ni 'gag pa med pa'i klong// ma ni thabs mchog 'dod pa'i mkha'// mo ni shes rab chags med klong// ma ni nam mkha'i dbyings nyid mkha'// mo ni sems kyi sems nyid klong// ma ni chos kyi dbyings nyid mkha'// mo ni b+ha ga'i dbyings nyid klong// ma ni kun gzhi bde chen dbyings// mo ni rnam shes hUM chen 'bar// mkha' klong dbyings su bdag bsgom zhing// thig le chen por klong brtan nas// lus la ma mo dbang du bsdu zhes 'byung ste/ de la ma mo dbang du ji ltar bsdu na tshig dang don 'di skad do// ye shes thig le chen po yi// gsang chen bde ba'i lam mchog dang// man ngag rdzogs pa'i dkyil 'khor la// yang gsang ma mo drug po de// chags pa'i gdan du gding bar bya// 'od chen kha dog sna tshogs kyis// srid pa bde 'gro chen mo dang// nyi zla thod phreng gdan du bting// thig le chen po'i rgyan bzhi yis// khros pa'i dbang chen bzhi po dag/ chags pa'i gdan du gding bar bya// srid pa'i dwangs ma brgyad po las// sbas pa'i ma mo bzhi po dang// thugs kyi dgyes sde bzhi rnams dag/ mngon sum gdan du gding bar bya// bde chen gsang ba'i dkyil 'khor gyis// srid pa chags byed spun gnyis ni// mngon sum gdan du gding bar bya// srid pa rang lugs gnyug ma yis// e ka tsa ti spun drug mnan// chags pa'i dbang chen dmar po yis// 'dod khams gtso mo spun gnyis mnan// srid pa spyi yi mdo sdud kyis// nam mkha' rgyal mo spun gnyis mnan// dbang mo spyi yi mdo gsal gyis// srin mo chen mo bdun rnams mnan// g.yas g.yon thabs dang shes rab kyis// dmag gi rgyal mo spun bzhi mnan// srid pa 'jug byed phra mo yis// nyi shu rtsa brgyad gan rkyal mnan// de ltar gdan du gding bya ba// snying 'dren phyag rgya bcas nas su// drag po sngags kyis gnan par bya// hUM muM kha la ha ha ha ha b+ha da nan kro tI shwa rI nan// sur+ya pad+ma kha rag sring 'gro nan nan/ mu ting shan ting dun tri/ dan tri nan/ ta kem ta kem ni la tan tra nan/ ma ma ka b+h+yo hUM nan/ ma ma duSh+tan nan/ ma ma duSh+tan pad+ma rak+ta/ pra bi sha nan phaT/ zhes brjod pa yis/stan gyi rgyu rnams bsgyel nas ni// bdud rtsi dmar chen khar blug go/ A+oM badzra a mr-i ta u Ta/ tsit+ta nan/ tra ta phaT/ de ni srog 'phrog pa'i thabs yin te/ gdan gyi snying khrag zhal du rngub// lce yi steng du gsal bar bzhag/de nas gdan nas bkye nas su// sgrub pa'i las rnams byed par bsgom// che ba'i nga rgyal 'di skad bskyed// hUM nga ni khrag 'thung kun gyi rje// nga ni ma mo kun gyi yab// nga ni srid gsum snying rje'i mchog/nga ni ma mo kun gyi rje// thams cad kun gyi snying khrag bdag/ khyod kyi snying khrag nga la yod// nga yi las bcol khyod kyis sgrubs// dzaHhUM ti maM b+h+yo raM ma mo b+h+yo ru lu ru lu rag mo b+h+yo/ ye shes rtsal 'phang thig le yi// bsgom bya'i ma mo bcu gsum la// drug cu rtsa brgyad dkyil 'khor rdzogs// zhes byung ste/ bdag nyid bla na med pa'i ting nge 'dzin gsal bar byas la/ sems las bskyed pa'i ma mo bcu gsum dang/ma mo drug cu rtsa brgyad kyi srog gi snying po bsdus la 'khor du bzhag go/ de nas rnal 'byor tshogs kyi mchod pa gzhung bzhin bshams la/ sna la ye shes las bskyed pa'i mkha' 'gro rnams mchod/hUM thig le dbyings las bskyed pa'i khro rgyal yum// ye shes thugs las sprul te khro mo'i skur ston pa// gnyis med ha ha bzhad cing rngam pa'i hUM sgra 'byin// mche ba dmar po gtsigs nas snying 'dren rkan sgra can// skye shi rtsa ba bcad nas bde klong dbyings la sdud// sku dang sku mdog khro mor bzhugs shing dbang chen dkyil 'khor rdzogs// phyag nas sprul pa gtong zhing dug gsum dbyings la sbyor// ma tshogs 'khor du bsdus nas b+ha ga'i mnga' mdzad ma// drug cu rtsa brgyad tshogs la yab kyi rngam pa'i sgra phyung zhing// hUM srid gsum 'khor lo rdzogs pa'i thig le la// dgyes pa'i bzhad sgra rol pa'i tshul bzhin mdzad// rgyu las bskyed pa'i bdud rtsi lnga po 'di// rnam rtog gzhom phyir sku la thim par mdzod// hUM ha he ma ma b+h+yo ru lu ru lu hUM ru lu b+h+yo b+h+yo a la la A+oM ha ho// sku las bskyed nas bstod nas su// 'khor gyi drug po spyan drang ngo// hUM ma mo chen mo'i dkyil 'khor nas// kun 'byung dkyil 'khor mnga' bdag mo// bzhi zur zhabs brgyad zhal lnga 'bar// mkha' bzhi bde klong dbyings la gsal// mkha' la srog gi mnga' mdzad ma// dkyil 'khor gtso mor bzhugs su gsol// hUM ma mo chen mo rgyu bdag mo// sna tshogs 'gyur ba'i sku mdog la// zhal gsum shar gyi mkha' 'gro ma// hUM ma mo chen mo dbugs kyi bdag/ sna tshogs 'gyur ba'i sku mdog la// zhal gsum byang gi mkha' 'gro ma// hUM ma mo chen mo rlan bdag mo// sna tshogs 'gyur ba'i sku mdog la// zhal gsum nub kyi mkha' 'gro ma// hUM ma mo chen mo drod bdag mo// sna tshogs 'gyur ba'i sku mdog la// zhal gsum lho yi mkha' 'gro ma// hUM ma mo chen mo bkrag gi bdag/ sna tshogs 'gyur ba'i sku mdog la// zhal gsum nam mkha'i mkha' 'gro ma// yang sbas drug gi dkyil 'khor nas// thugs dam chen po rjes dgongs te// bcol ba'i las rnams 'grub par mdzod// de nas bcu bzhi man chad dang// rang lugs rgyud bzhin bskul bar bya// ma mo dkyil 'khor thams cad dang/ dbang bskur ba dang yang gsang thugs kyi tshogs kyi le'u ste bzhi pa'o//// de nas ma mo phyag rgya rnams// 'bru lnga'i don du ngas bstan gyi// nyon cig gnod 'dul lha yi gtso// a la la ho// sa ma ya hUM ha he s+t+waM/ lag gi 'du byed bsgom pa ni// g.yas g.yon thabs dang shes rab las// rdo rje gar du bsgom pa las// shes rab mchog gi snying gar bstan// sbos mo dbang mo rtse sprad de// thabs kyi phyogs mtshams bskor ba las// ma mo tshogs kyi rgyal mo'i rgya// rdo rje sder mo dam bsnol te// A+oM bsgreng spyi bor rgya bcings pa// ma mo rdo rje rus pa'i rgya// rdo rje khu tshur bcings pa las// hUM dang ha gnyis rtse bsdus nas// 'bru gsum brgyad nas gshog pa'i tshul// na ra ha sar bzung ba ni// ma mo rdo rje dbugs kyi rgya// rdo rje khu tshur bcangs pa la// A+oM dang ha gnyis rgyab bsnol 'khyud// 'bru gsum rtse sprod sku gsung thugs// bzhad pa'i thad kar bzung ba ni// ma mo rdo rje khrag gi rgya// rdo rje khu tshur dam bcings te// ha gnyis rtse sprad gyen du bsgreng// A+oM gnyis rtse sprad thad kar brkyang// swa gnyis rtse sprad thur du brkyang// 'bru gnyis so sor dam bsnol nas// 'gu ya'i thad kar bzung ba ni// ma mo rdo rje me yi rgya// rdo rje khu tshur bcings pa las// oM gnyis rgyab bsnol lu gu rgyud// 'bru gsum so sor rtse mnan te// hUM gnyis drag tu g.yob pa ni// ma mo rdo rje bkrag gi rgya// rdo rje thal mo brkyang ba yi// thabs kyi oM dang ha gnyis las// shes rab hUM gis bsten par bya// shes rab A+oM dang ha gnyis las// thabs kyi hUM gis bsten par bya// shes rab A+oM dang hUM brkyang ba// thabs kyi A+oM dang swa bkan nas// sems kyi dkyil 'khor mnan bkan pa// ma mo ye shes mkha' 'gro yi// rdo rje tshogs chen rdzogs pa yi// phyag rgya yin zhes dpa' bos bshad// gnod 'dul lha yis yang gsol pa// sems nyid 'jig rten zla ba yi// phyag rgya chen po ji ltar lags// dbang phyug gtso la bdag nyan 'tshal// rdzogs pa'i sangs rgyas bka' stsal pa// nyon cig gnod 'dul lha yi gtso// thig le chen po'i phyag rgya ni// rdo rje khu tshur kha sprad de// shes rab mchog gi phyogs gnas su// A+oM aM ha rtse sprad nas// rnam par thar pa'i sgo gsum rgya// thabs mchog spyod pa'i phyogs nas su// A+oM aM ha gsum rtse sprad pa// sku gsung thugs kyi rdo rje'i rgya// thabs kyi hUM gi sgo gsum ni// rang rig ye shes phyag rgya yin// shes rab swa yi sku gsung thugs// thig le byang chub sems kyi rgya// shes rab hUM gi rtse mo ru// thabs gyi swa yi sbyor mnan nas// thabs dang shes rab phyag rgya zhes// yang dag rdzogs kyis nges par bshad// thig le chen po'i rgya bcings nas// ma hA su khar bsdams nas su// bla na med par gsal gyur na// dus gsum nyes dmigs sel bar nges// ngas gsungs pa la the tshom med// dus gsum mgon pos de skad bshad// dkyil 'khor bsgom pa dang/sku mdog phyag mtshan bstan pa dang/ phyag rgya sgrub par bstan pa'i le'u ste lnga pa'o//// gnod 'dul lha yis yang gsol pa// 'jig rten 'di na dbang bgyid pa'i// rim pa gang dang gang lags pa// yang dag rdzogs la bdag nyan 'tshal// yang dag bsgrub pas bka' stsal pa// nyon cig g.yung drung lha yi gtso// 'di ltar 'jig rten gang byed pa// ngas bstan pa la the tshom med// 'byung ba lnga las bskyed pa ni kun tu bzang mo// dbang bsgyur ba ni bu mo spun lnga// cha snyom ma ni srid pa bde 'gro ma/ 'byung ba lnga yi nyul len ma ni chags 'dzin spun gnyis so// dus bzhi rdzogs par byed pa ni kun tu bzang mo/ dus bzhi la dbang byed pa ni bu mo spun lnga dang nyi zla thod phreng can no// cha snyoms ma ni khros pa'i dbang mo chen mo bzhi dang thugs kyi dgyes sde bzhi'o// dus bzhi nyul len ma ni/ phyag ya bdud kyi chung ma'o// ma mo rang rang bkol thabs ni/yum chen mo mkha' la rgyu ba'i ma mo gsum dang/ dbyings las shar ba'i ma mo gsum dang/ yi dam bsgom legs ma dang bdun 'khol lo des srid pa bde 'gro ma 'khol lo// des rdo rje nyi ma khros pa'i dbang mo che 'khol lo// des srid pa chags byed ma 'khol lo// des e ka tsa ti la sogs pa dang ma mo bdun 'khol lo// des 'dod khams lha yi gtso mo dang/ rdo rje gar gyi dbang phyug ma gnyis 'khol lo// des ni nam mkha'i rgyal mo dang gling bzhi spyi phud gnyis 'khol lo// bu mo spun lnga ni srid pa thams cad la dbang byed de/ rtag pa'i rgyal mo bkrag gsal mnyam gyis ni// nyi ma thod phreng can 'khol lo// des ni srid pa cha snyoms ma 'khol lo// des ni sa bdag pad+ma thod phreng ma 'khol lo// des ni e ka tsa ra 'dul lo// 'di rnams ni dbus kyi nyul le ma ste// nam gyi gung la rgyu'o// rtag pa'i rgyal mo rnam snang gsal gyis ni/khams gsum khros pa'i dbang mo che 'dul lo// des ni dkar mo mig gcig ma 'khol lo// des ni rgyan gyi rgyal mo 'khol lo// des ni gru 'degs ma ha ra ting dkar mo 'khol lo// des ni dmag gi rgyal mo mche ba can 'khol lo// des ni sring mo bzhi ste gling bzhi spyi 'gro ma 'khol lo// de rnams ni shar gyi nyul byed ma ste srod la rgyug go/ rtag pa'i rgyal mo 'od gsal mas ni/ srid pa bde sbyor khros pa'i dbang mo che 'khol lo// des ni thugs kyi dgyes sde nag mor ral pa gcig ma 'khol lo// des ni dbang phyug ma 'khol lo// des ni gru 'degs ma dun ting nag mo 'khol lo// des dmag gi rgyal mo nag mo kha yal ma 'khol lo// des sring mo nag mo mkha' la khyung lding ma 'khol lo// 'di rnams ni lho'i nyul byed ma ste/ nam gyi dbyings la rgyug go/ rtag pa'i rgyal mo gnyen gsal mas ni/rdo rje nyi ma khros pa'i dbang mo che 'khol lo// des thugs kyi dgyes sde ma mo dbang bsgyur ma 'khol lo// des bdag nyid ma 'khol lo// des gru 'degs ma shan ting dmar mo 'khol lo// des dmag gi rgyal mo dkar mo mchu 'jib ma 'khol lo// des sring mo dkar mo g.yag thod 'khol lo// 'di rnams ni nub kyi nyul byed ma ste/ nam gung la rgyug go/ rtag pa'i rgyal mo yang gsal g.yos kyis ni/ pad+ma khrag 'thung khros pa'i dbang mo che 'khol lo// des thugs kyi dgyes sde ser mo las mkhan ma 'khol lo// des gcig pu ma 'khol lo// des gru 'degs ma grub ting ser mo 'khol lo// des dmag gi rgyal mo ser mo rkang ldag ma 'khol lo// des sring mo nag mo sder chen ma 'khol lo// 'di rnams ni byang gi rgyug byed ma ste/ nam gyi tho rangs rgyug ga/ yum chen mo ni nyin mtshan med par gzigs te/ phyogs bzhi mtshams brgyad kun la mnga' mdzad do// spyi dpal ni yum chen mo rtag pa'i rgyal mo lnga la sogs pa'o// ma mor grags pa kun la mnga' mdzad do// rtag pa'i rgyal mo lngas ma mo chen mo bdun 'dul lo// des srid pa bde 'gro ma dang nyi ma thod phreng can gnyis 'dul lo// des khros pa'i dbang mo che 'dul lo// des thugs kyi dgyes sde mo bzhi 'dul lo// des sbas pa'i ma mo bzhi 'dul lo// des srid pa chags byed ma dang cha snyoms gnyis 'dul/des srin mo bdun 'dul/ des e ka tsa ti spun drug 'dul// des 'dod khams lha mo'i gtso mo ne mtshan spun bdun 'dul/ des rdo rje gar gyi dbang phyug spun bdun 'dul/ des dmag gi rgyal mo spun bzhi 'dul// des sring mo bzhi 'dul/ de ltar nang 'khrug na yang// tha ma nas ni rim bzhin te// gtso mo bcos na kun kyang bde// dman mo lnga bcu rtsa lnga so so'i dbang tshad do// sems las bskyed pa'i ma mo bcu gsum mnan pa dang/drug cu rtsa brgyad kyi tshogs zhes bya'o// ma mo so so'i dbang gi rim pa ste le'u drug pa'o//// gnod 'dul lha yis yang gsol pa// bcu bzhi zhes bgyi rje dang khol// rabs rgyud rtsa ba ji ltar lags// 'gugs dang 'dren pa'i sngags rnams gang// rnal 'byor mchog la bdag nyan 'tshal// de skad gsol pa gsan nas kyang// rnal 'byor mchog gis bka' stsal pa// nyon cig gnod 'dul lha yi gtso// bcu bzhi la sogs rje khol gyi// rabs rgyud 'gugs 'dren sngags rnams kun// gtan tshigs rtsa ba sbas pa rnams// gtan tshigs rtsa ba gtan la dbab// de la ri rab gling bzhi ni gong du chags pa rang lugs su yod/nyi ma dgu brgya rtsa gcig dang// zla ba dgu brgya rtsa gcig gi/ nyi zla stong dang rtsa gnyis kyis/ ri rab kyi phyi rol gang na gnas pa'i snang srid thams cad ril tshigs nas ci yang mi snang ba las/ri rab kyi nang ring thung du dpag bsam gyi shing yongs 'du sa brtol zhes bya ba yod pa las// shing gi rtse mo ri rab kyi bum pa'i nang na/ yum chen mo srid pa bde 'gro khams gsum yum mchog ma zhes bya ba sku mdog mthing gar bzhugs shing/dbu dang phyag dang spyan cir yang ston pa/ rin po che rnam pa sna tshogs kyis brgyan pa can/ sbas pa'i spyan gnyis nas/ g.yas nas ni khrag gi mchi ma/ g.yon nas bdud rtsi'i mchi ma/ sbas pa'i zhal nas 'bras bu rnam pa lnga'i bcud 'dzag pa/ sbas pa'i phyag gnyis la g.yas pas srid pa thams cad kyi rtse nas 'dzin pa/ g.yon pas 'og gi rdo rje'i gdan 'dzin pa/sbas pa'i zhabs gnyis kyis/ g.yas pas 'jig rten gyi dbang po che thams cad kyi snying brdzis pa/ g.yon pas 'jig rten gyi dbang mo che thams cad kyi snying rtsa mnan pa/ gsang ba'i mkha' ge sar gyi dkyil nas/ snang srid thams cad kyi 'phel 'grib mdzad pa/ ye shes kyi gnas rang las shar ba las ma gtogs pa kun nam mkha'i gting khung du sdud pa/ spyi bo'i gtsug na khrag gi ral pa gcig gis/srid pa'i ma mo thams cad dbang du sdud pa/ ri rab kyi rtse bum pa'i nang na bzhugs so// de'i khol mo srid pa chags byed ma dang/ srid pa cha snyoms ma gnyis shing gi sked par gnas so// yum chen mo 'khol po srid pa zhig 'dzin dang/ srid pa byan byed gnyis/ shing gi rtsa ba na gnas te/ ri rab kyi phyi rol na snang zhing srid pa ril tshigs nas mi snang ba la/ srid pa bde 'gro mas nyi zla dbang du sdud pa'i phyir 'byung ba lnga'i drod las sprul pa'i bu mo mdor dkar la g.yu'i ral pa can dpral ba'i dbyes na mig zur gsum pa gcig yod pa/lcags dang zangs kyi gri zhags la snying brgyus pa'i zhags pa 'phen pa zhig skyes pas/des nyi zla stong thod dang phreng bar bcings nas/ nyi zla zung gcig btang ba las/ gzod srid pa cha snyoms so// de nas yum bde 'gro mas phyi rol gyi snang srid thams cad phyung ngo// de nas dkar mo nyi zla'i thod phreng can de nga nyid ni gsang bar bzung/rab tu gsang zhing sbas pa las/ mu stegs kA la chen po zhes bya ba ri rab kyi 'og rgya mtsho'i gting na gnas pas mthong ste/ byi ba'i lo la yid kyi sbyor ba gcig byas pa las/glang gi lo la bu mo spun bzhi skyes pa dang/ khol mo srid pa cha snyoms mas lte ba bcad de/ bu mo spun bzhi'i ming yang mas btags te/ dbyings phyug ma dang/ rgyan gyi rgyal mo dang/ bdag nyid ma dang/ gcig pu ma dang gzhir btags so// ming yang ches te de bzhis srid pa phung ba dang 'dra ba lan cig byas so// de nas nga nyid ye shes sprul pa dang// srid pa bde 'gro rnam gnyis kyis// yid kyi sprul pa bkye nas su// 'jig rten phung byed de bzhi yi// mngal la sogs pa dbang du bsdus// hUM las sprul pa'i ma mo bzhi// de bzhi las kyis bskyed byas so// de bzhi'i ma srid pa chags byed mas byas so// phyi mo dang mas ming btags te/ rdo rje nyi ma khros pa'i dbang mo che dang/ rdo rje pad+ma phrag 'thung khros pa'i dbang mo che dang/ srid pa bde sbyor khros pa'i dbang mo che dang/ rdo rje khrag gsum tshogs byed khros pa'i dbang mo che dang bzhir btags so// ming legs nas bu mo de bzhi las ma bzhi dbang du bsdus so// de nas srid pa bde ba la bkod do// sprul pa'i bu mo de bzhi dang/ rigs kyi 'byung ba bzhi po ru// dpag bsam shing gi yal ga la// 'brug gi lo la rtsed 'jo ba// mu stegs kA las tshor nas su// sdig chen dmod pa'i mtshon cha yis// mdza' nas rgyug pa khyed cag rnams// nal bu lto ru chud nas su// ngo tsha'i bu yang sbed par shog/ ces dmos pa dang/ dmod pa sdigs te/ sbrul gyi lo la bu mo spun bzhi skyes pa dang/ yang khol mo srid pa chags byed mas lte ba bcad do// de nas ma bzhi ngo tsha nas/ ri rab kyi ngos bzhir bskungs te bzhag pa las/rta'i lo la blta bas mi bra ba'i bud med rdzu 'phrul che zhing mtshan dngaldan pa bzhi dpal chen pos gzigs nas/ thugs kyi dgyes sde gsang ba'i yang phyi mor bzung ngo// dkar mo mig gcig dgyes 'debs ma dang nag mo ral chen rmongs byed ma dang/ dmar mo dbang sgyur za byed ma dang/ ser mo las mkhan tshe 'phel ma/ zhes thugs las mtshan yang btags so// ma mo bcu bzhi'i rabs rgyud kyi le'u ste bdun pa'o//// de nas de rnams kyi khol mo srid pa chags byed ma dang/ khol po srid pa zhig 'dzin gnyis/ khyi'i lo la dpyid zla ra ba'i nya la khyo shug tu 'dus pa dang/ phag gi lo'i dpyid zla ra ba'i nya la bu khye'u gcig skyes te/ jo mo nyi ma thod phreng gis bskos rje drangs dkar du ming btags te/ blon por bskos so// de nas drang dkar dang srid pa cha snyoms ma sru mtshan gnyis khyo shug tu 'dus te/srid pa cha snyoms so// de gnyis las bu mo spun drug skyes te/ bzhi ni khros pa'i dbang mo che bzhi'i blon po rgyal po chen po bzhi'i chung mar blangs te/ rje mos ri rab kyi gru bzhi nas 'degs su bcug ste/gru 'degs chen mo bzhir ming btags so// bu mo chung spun gnyis la gcig ni srid pa bya mkhan gyi chung mar blangs so// jo mo nyi ma thod phreng gis he ru ka ming btags nas/ srid pa'i bya mkhan mo byan mo yang byed du bcug go/de'i bu mo tha chung e ka tsa ra ni/ dbyings phyug ma spun bzhi yi 'khor na gnas so// de nas rgyal po chen po bzhi las bu mo spun bzhi skyes te/ dkar mo mche ba can/ nag mo kha yal ma/ dmar mo chu 'jib ma/ ser mo rkang ldag ma bzhi skyes te/ de bzh-i thugs kyi dgyes sde mo bzhi'i khol mor thob ste/ dmag gi rgyal mor bskos so// de nas khros pa'i dbang mo che bzhi'i khol mo e ka tsa ti shugs ni blon po/lha chen mo bdun gyi ma/ sring mochen mo bdun gyis 'jig rten du rab tu gnod pa las/ yum chen mo thugs las sprul pa/ dbyings las shar ba'i ma mo gsum dang/ mkha' la rgyu ba'i ma mo gsum dang/gsang ba bsdus pa'i ma mo gcig ste thugs kyi sprul pa'i ma mo bdun gyis/ srin mo bdun btul lo// de nas gtso mo bcu bzhi las/ rgyan gyi rgyal mo 'od can spun bzhi bya ba mngags nas/bu mos ma'i dbang phrogs te/ dbang yang med mthu yang chung ste/ zhe ngan sha stag byed do// de nas rgyan gyi rgyal mo dang/ khol po bya ya bdud gnyis/ byi ba'i lo la byi byas pa'i bu/ glang gi lo la yar la shod kyi skyes to re dang/'dod pa khams kyi gtso mo gnyis mtshe mar skyes so// de nas yar la shod kyi skyes to re dang/ jo mo na yang jo mo/ sru mo na yang sru mo/ bdag nyid ma zhes bya ba gnyis/ shing na byi sa le'i rtse mor/rta'i lo la tshes bco lnga la mdza' na rgyug ste/ nang par so sor gyes nas phyin pas sru mo'i rting pa la khrag thig gcig 'dug pa mthong ste/ mi gtsang ba'i sems skyes nas/ mchil ma gcig bskyur ba dang/ khrag gi steng du song ste/ khrag dang mchil ma 'dres pas bu tsha ming sring gnyis mtshe mar skyes te/ lug gi lo'i tshes bcu bzhi la gnam gying khyi yangadakar po skyes/ tshes bco lnga la sa bdag pad+ma phreng skyes/ de nas yang dbyings phyug ma dang/yar la shod kyi skyes to re dang gnyis spre'u lo la byi ba gyis pa'i bu/ bya'i lo la ming sring gnyis mtshe mar skyes te/ ming po ni shar phyogs kyi shel seng ge sring mo ni pad+ma gar gyi dbang phyug ma yin no// de nas ya bdud dang/ e ka tsa ti khyo shug gnyis las/ bu mo spun gnyis skyes te/ che ba ni 'jig rten srid 'degs zhes bya ba nam mkha'i rgyal mo'o// chung ngu ni gling bzhi spyi phud ma zhes bya ste/ 'jig rten dbang sdud ma'o// srid pa cha snyoms ma ni he ru ka sni ra zhes bya/ srid pa chags byed ma ni lha mo tshogs kyi rje mo zhes bya/ e ka tsa ti ni mi yongs kyi bdag mo che zhes bya/ gru 'degs ma chen mo bzhi ni/ har ting dkar mo dang/ dun ting nag mo dang/ shan ting dmar mo dang/ grub ting ser mo dang bzhi'o// ma mo'i dkyil 'khor chen mo brgyad la/ yum srid pa bde 'gro ma ni/ yongs su rdzogs pa grub ldan mchog gi dkyil 'khor zhes bya'o// dkar mo mig gcig ma ni nyi zla stong gi dkyil 'khor zhes bya'o// khros pa'i dbang mo che bzhi ni/ snying rje byams ma'i dkyil 'khor ro// dkar mo mig gcig ma la sogs pa bzhi ni/gsang ba dgyes pa'i dkyil 'khor ro// dbyings phyug ma bzhi ni/ phung byed sbas pa'i dkyil 'khor ro// yang rnam pa gcig tu yum chen mo bzhi dang/ nyi zla thod phreng can ni yongs su rdzogs pa ting nge 'dzin gyi dkyil 'khor to/dpal chen po dang gnyis su med do// khros pa'i dbang mo che bzhi ni/ skye 'gro yongs su skyong ba'i dkyil 'khor ro/ bdud rtsi bum pa gang dang 'dra'o// thugs kyi dgyes sde chen mo bzhi ni/ge sar yongs kyi dkyil 'khor zhes bya ste/ gsang ba'i chags 'dzin kun gyi bdag mo yin no// de rnams kyi khol mo ma tshogs brgyad de// srid pa chags byed ma ni/ chags 'dzin ma'i tshogs so// srid pa cha snyoms ma ni/ snyoms byed chen mo'i tshogs so// srid pa gru 'degs ma ni gling bzhi spyi 'gro ma'i tshogs so// e ka tsa ti ni pho nya kun gyi tshogs so// dmag gi rgyal mo bzhi ni dri za la sogs pa rigs so so yongs kyi tshogs so// e ka tsa ti dang/ 'dod khams lha'i gtso mo ni/ bud med nag mo'i tshogs so// rdo rje gar gyi dbang phyug ma dang/ rdo rje gar gyi dbang phyug ma gnyis ni/ nyul byed chen mo'i tshogs so// rin chen srid 'degs ma dang/ gling bzhi spyi phud ma gnyis ni/ sman phran kun gyi tshogs so// de la e ka tsa ti'i nu mo e ka tsa ras bsam pas/ jo mo'i nang na yang bdag gi jo mo gud sang dbang chung ste bdag kyang khol mo'i nang na gud pa dbang chung bas/ngan thabs shig bya'o snyam pa las/ jo mo gcig pu mas byi sna byas te/ rgya mtsho'i gting nas chu srin gyi rgyal po/ kum+b+hi ra ma ka ra zhes bya ba bkug nas/ dug shing gdug pa can cig gi phag tu/ stag gi lo la nyal po byed du bcug pa'i bu/ yos bu'i lo la ming sring gnyis skyes te/ ming po dkar po mig gcig pa skyes/ sring mo nag mo khrag 'dzag ma skyes nas/ nad gtong bar 'gyur to// de nas ming pos ma'i gzi mdangs phrogs/ 'jig rten yongs kyi mthu yang rku bar byed pa las/ sru mo e ka tsa tis tshor te/ jo mo khros pa'i dbang mo che bzhi la zhus nas/ rje 'bangs lngas bsgral ba las/lus gcig gi nang nas tsit+ta bcu phyung ba las/ gcig ni snying gi bdag mo la phul dgu las gsum rgyal the'u khra bo dang tri sha kha dang/ rkan thob to gsum ste rgyal po'i srid la gnod/ gsum pas bar the'u smug po dang/legs the'u khra bo dang/ sa the'u nag po dang/ gsum gyi mi yongs la gnod do// gsum phyogs phyogs su gyur te/ brag srin dang/ shing srin dang/ chu srin dang gsum du gyur/ dgu ka'i rkang pa ya re bcag nas/gnam khyi dkar po khol du bcug go/ de nas 'brug gi lo la/ e ka tsa ra ma mngal mi bde bas mnyer btsir ba las/ gdong sog po la/ mig long ba/ lus spyang ki la khog pa la snying gsum yod pa gcig skyes pa las/'di ni su la yang cha med pas dgra'i snying 'byin pa/ byams pa'i lan ldon par 'ongs te/ las su rung ngo snyam nas/ dga' zhing 'dug pa las gtso mo nyi ma thod phreng can gyis tshor te/snying gnyis khar bcug ste/ shel ge la khol por byin te btang ngo// pho rgyud mo rgyud kyi gtan tshigs te le'u brgyad pa'o//// 'gugs shing 'dren pa'i sngags rnams ni// yang dag nyid du ngas bstan gyi// nyon cig g.yung drung yang dag pa// A+oM kro tI shwa rI b+ha ga pad+ma r+ya hUM hUM phaT/ badzra shAn+tiM pad+ma ka ru ti b+h+yo/ A+oM mu tri ni/ a shan tri ni/ ba ga dun tri ni/ khu mud dun tri ni/ A+oM sUr+ya bi to a to ye/badzra pad+ma bit+ya a to ye/ badzra kha rag bi ta a to ye/ badzra sriM 'gro bi ta a to ye/ A+oM badzra keM keM badzra ta keM/ badzra ta keM/ badzra ni la/ badzra lan ta/ badzra lan ta/ badzra za 'gram mu ri sh+tsa/ A+oM badzra kha rag snying kha rag snying/trag rag+sha kha mun ma trag rag+sha/ trag rag+sha mu tra ban// kha mun pa tra ban/ kha mun pa tra pa tra rag+sha/ pra ban pra ka ra tiSh+Tha b+h+yo// pra ban ka ra ti b+h+yo/ pra gi waM gi sha b+h+yo/ b+h+yo hUM ka ri ka/ ba rod da rod/ni la chu ni ta kha T+waM ka da la tsa pa la/ pad ma tsan da/ ma gur rag to/ diM saM daM saM/ e a rA l+li/ nu pi ru lu nu pi ru lu ru lu b+h+yo/ trag rak+sha trag rak+sha/ A+oM i tiM b+h+yo/ bi tiM b+h+yo/ mun ting b+h+yo/ A+oM badzra har tiM b+h+yo/ dun ting b+h+yo/ shan ting b+h+yo/ grub ting b+h+yo/ te baM te wang b+h+yo/ a pa ra gan d+ha b+h+yo b+h+yo/ da la du na b+h+yo/ de ni ma ma yas b+h+yo/ nyi shu rtsa brgyad gzhan dang sbyar// des ni ma mo 'gugs 'dren 'gyur/ de skad dpa' bos yang dag bshad// ma mo gsang sngags kyi le'u ste dgu pa'o//// g.yung drung lha yis yang gsol pa/ srid pa'i dbang chen 'di rnams kun// bsnyen bsgrub brjod na ji ltar bgyi// mngon sangs rgyas la bdag nyan 'tshal/de skad gsol pa gsan nas kyang// yang dag rdzogs kyis bka' stsal pa// bsnyen bsgrub bskul ba'i tshig rnams kun// ngas gsung pa la the tshom med// nyon cig g.yung drung yang dag pa// hUM srid pa bde 'gro khams gsum kun gyi yum mchog ste// phra men rgya mtsho sku bskyod cig/ rnal 'byor chen mo'i sku sprul pa// spyan gnyis khros pa'i tshul mnga' zhing// zhi ba'i sku la snang srid gsal// sprul pa'i sku la zhabs brgyad 'bar// drug ni rgyu drug sgo yang gcod// gcig ni klu yi khams su 'char// gcig ni bdud dang mu stegs gnon// rnam par shes pa'i yul drug las// spyan drug mngon par shar ba ni// spyan gsum gyen du gzigs pas ni// rnam par thar pa'i sgo 'byed cing// sems can skye shi'i lam yang ston// spyan gsum thur du gzigs pa las// srid pa gsum char thal bar rlog/ de nas slar yang skyed par byed// g.yas kyi zhal bzhad thugs rje che// g.yon gyi zhal bzhad dbang du bsdud// dbus kyi zhal bgrad drag shul che// rdo rje'i mche ba gtsigs pa yis// srid pa'i 'gran zla chem chem gsol// rnal 'byor gsang ba'i b+ha ga las// srid pa gsum char 'char bar byed// lha la sogs te mtha' yas mchog/ bdud dang gnod sbyin la sogs te// gshin rje pho mo kun rnams 'dir// rnal 'byor sku yi g.yas phyogs na// las kyi ma mo bcu gsum 'char// pho nya phyag brnyan thabs kyis 'gyed// g.yon gyi phyogs nas 'char ba ni// rnal 'byor sku yi sum cha las// nges pa'i ma mo dgu sbas shing// thams cad kun la chad par brtson// yum gyi zhabs kyi g.yas phyogs nas// 'dod pa'i ma mo brgyad mnan te// 'jig rten kun la sman par mdzad// yum gyi zhabs kyi g.yon phyogs nas// bka' sdod nyi shu rtsa brgyad mnan// rnal 'byor kun gyi las rnams sgrub// srid pa'i ma mo thams cad kun// rnal 'byor sku yi khyon du rdzogs// ma mo'i thugs kyi thig le las// rdo rje kha T+wAM gzhu bdungs shing// shes rab ye shes mde'u rtse las// spros pa'i thig le dgu 'phen ma// nges pa'i bde klong gcig tu 'khyil// he ru hUM sras 'khor du bzhag/ mthing nag 'bar ba'i 'phro 'du yis// thams cad 'grol zhing dbang du sdud// zhi ba'i sku la thugs rje che// ye shes sprul pa'i phyag drug las// g.yas kyi dang po 'khor lo bskor// gsang sngags bka' rna?ms sgrogs pa'i don// g.yon pa rin chen srid dbang sdud bskur// srid pa'i 'jig rten gnas la 'phen// g.yas kyi bar pas g.yang gzhi rdeb// bdud dang mu stegs rdul du rlog/ g.yon pas b+han d+ha dmar bskyil cing// bud med mang po dbang du sdud// g.yas kyi tha ma tshe 'dzin cing// rnal 'byor kun la dngos grub 'bebs// g.yon pas lcags kyu dgu bsnams shing// dam nyams kun dang dgra bgegs dang// bka' las 'da' ba'i snying rtsa 'dren// spyi gtsug sprul pa'i 'phro 'du yis// stong gsum 'jig rten b+h+yo bzlog mdzad// bdag cag ye shes rtsal 'chang gis// nges pa'i dam 'chang rtogs pa'i mthus// man ngag thugs kyi rgyud bskul bas// skad cig yud tsam dbyings nas bzhengs// srid pa gsum dang gling bzhi yang// thang gcig yud la 'jig par mdzad// khyad par ye shes nyi zla'i spyan// g.yas kyi spyan gyis srid pa gsal// g.yon gyi spyan gyis sbyor ba mdzad// rdo rje'i smin ma g.yengs pa yi// mu stegs yag sha'i snying yang 'dren// ma mo khyod kyi mtshan nyid ni// byang chub sems ma zhes su grags// yang dag gsang ba'i mtshan nyid ni// sangs rgyas khros pa'i rgyal mo la// bde klong kun gyis gtso zhes grags// rnal 'byor gsang ba'i dkyil 'khor du// gsang ba thabs kyi 'phro 'du yis// yum gyi thugs dam der bskangs la// sku ni mi bskyod 'dir bzhugs la// 'khor gyi blon mo sku bskyod la// bcol pa'i las rnams 'grub par mdzod// ces tshogs la spyan drang pa ni// ma mo phra men rgya mtsho ma'o// gsang ba'i mchod pa dang ldan par byas te/ bskul ba ni/ hUM lha mo chen mo rnal 'byor ma// kun gzhi yongs kyi dbang phyug ma// snang srid kun la dbang sgyur zhing// skye 'gro yongs kyi dbugs 'phrog ma// dung chen phyag na bsnams shing 'o dod chen pos 'debs// gshin rje bran du 'khol zhing 'jig rten me yis 'gengs// 'gro ba'i tshe dpal 'phrog cing bo d+hi tsi t+ta'i bdag/ sgrol ba don du gnyer zhing dbang phyug kun dang sbyor// srid gsum sprul pas 'gengs shing bdud dpung rdul du rlog/ g.yang gzhi gos su gon nas kha T+wAM g.yab mos 'debs// sku mdog khro mor bzhugs shing khrag dang zhag gis brgyan// spu gri phyag na bsnams shing kun gyi snying 'byin ma// zhing chen gdan la bzhugs shing rnal 'byor grogs mdzad ma// mAng sa zas su za zhing tsit+ta'i zhags pa 'phen// nyi zla thod du bcings nas stong gsum bde la bkod// bdud kyi bu smad 'khol zhing nga rgyal drag shul che// dung chen snod du snying dang khrag tu sbyar ba 'di// khyod kyi sku la bstims pas bcol pa'i las rnams 'grub par mdzod// ces bya ba ni nyi zla thod phreng can no// rgyu bsgral ba kun gyi tsit+ta'i bdag mo yang yin/ thams cad kun gyi sting la yang dbang ngo// hUM rnal 'byor khros pa'i dbang mo che// nyi ma stong gi gzi mdangs can// stong gsum 'jig rten gzi 'phrog ma// srid pa sgrol ma gshegs su gsol// hUM rnal 'byor khros pa'i dbang mo che// pad+ma stong gis dbu brgyan cing// ge sar 'bum gyi khrag 'thung ma// dbang phyug rgyal mo gshegs su gsol// hUM rnal 'byor khros pa'i dbang mo che// khams gsum 'tsho byed 'dud rtsi sbyor// 'jig rten smra mchog kun gyi gsos// bdud rtsi'i rgyal mo gshegs su gsol// hUM rnal 'byor khros pa'i dbang mo che// b+ha ga yongs la mnga' mdzad ma// gnas lam thams cad stongs mdzad ma// thar pa'i lam mchog gshegs su gsol// zhes brjod de rnal 'byor tshogs la mchod pa 'bul ba ni khros pa'i dbang chen bzhi'o// b+ha ga 'bum la mnga' mdzad ma// dbyings phyug rgyal mo gshegs su gsol// 'jig rten yongs kyi rgyan mdzad ma// rgyan gyi rgyal mo gshegs su gsol// bdag nyid lhag lhag bzhad mdzad ma// bdag nyid chen mo gshegs su gsol// stong gsum 'jig rten rgyug 'gro ma// gcig bu yum mchog gshegs su gsol// zhes bskul ba ni sbas pa'i ma bzhi'o// hUM ri rab gling bzhi'i shar phyogs nas// shar gyi dkar mo mig gcig ma// na bza' bya rgod thul pa la// g.yu yi dril bu 'bum gyis brgyan// dung gi lan tshar mche ba la// rin chen shel gyi thod gdengs can// dkar mo sgeg ma 'bum gyis bskor// srid gsum shar la mnga' mdzad ma// 'dir byon dam skong phrin las mdzod// hUM ri rab gling bzhi'i lho phyogs nas// lhoyi nag mo mche ba can// na bza' g.yang gzhi go zu la// gser gyi dril bu 'bum gyis bskor// lcags kyi lan tshar mche ba la// gser g.yu spel ba'i thod gdengs can// nag mo sgeg ma 'bum gyis bskor// srid gsum lho la mnga' mdzad ma// 'dir byon dam skong phrin las mdzod// hUM ri rab gling bzhi'i nub phyogs nas// nub kyi dmar mo dbang sdud ma// na bza' chu srin g.yang gzhi la// sbrul nag 'bum gyi gdengs ka can// g.yu yi lan tshar mche ba la// bye ru dmar po'i thod gdengs can// dmar mo sgeg ma 'bum gyis bskor// srid gsum nub la mnga' mdzad ma// 'dir byon dam skong phrin las mdzod// hUM ri rab gling bzhi'i byang phyogs nas// byang gi ser mo las mkhan ma// na bza' rma bya'i thul pa la// mthing gi go cog ya bas bskor// gser gyi lan tshar mche ba la// thod skam 'bar ba'i thod gdengs can// ljang nag sgeg ma 'bum gyis bskor// srid gsum byang la mnga' mdzad ma// 'dir byon dam skong phrin las mdzod// gling bzhi rgyal mo gsang ba'i gzungs// thu ba g.yas pa dmag gis bkang// rnal 'byor kun gyi dgra 'dul ma// thu ba g.yon pa rin po che// sgrub pa po la rtags 'byin ma// phyag ma g.yas na g.yang bzhi rdeb// khams gsum rdul du brlabs nas su// bdud dang mu stegs snying 'byin ma// phyag ma g.yon na b+han+d+ha bskor// ma mo thams cad dang dbang du sdud// ral pa can gyi 'khor skyong ma// 'dir byon dam skong phrin las mdzod// ces spyan drangs shing 'byor tshogs kyi mchod pa 'bul zhing/ las bsgo zhing brnag pa bcol ba ni thugs kyi dgyes sde gsang ba'i yang phyi mo bzhi'o// 'di bzhi ni ci bcol ba'i las yid bzhin du 'grub la/ lhur yang tshe dang sri'u la mkhas shing dgra la 'jebs shing gsang ba'i 'phral la rno'o// de yan chad ni ma mo bcu bzhi bskul ba'i le'u ste bcu pa'o//// da ni srid pa'i dman mo rnams bskul bar bya ste/ hUM srin mo chen mo sham sham mo// a phyi chen mo mi bzad ma// gos su zhing chen lpags rlon gon// mtha' ma b+han+d+ha stong gis bskor// g.yas na zhing chen sor phreng bgrang// g.yon pas mi mgo'i phor pa ru// snying khrag snying tshil gtub nas su// rang gis rang la thim par stob// g.yang gzhi ru tshon phyar nas su// bdud dang mu stegs thal bar rlag/ 'jig rten thams cad sgrol bar byed// srid pa gsum gyi phud nyul zhing// de nas gtso mo dbyings su mchod// las su bcol na kun kyang 'grub// 'dir byon dam skong phrin las mdzod// ces bskul ba ni a phyi chen mo ste srid pa chags byed ma'o// hUM khyim bdag chen mo'i rnal 'byor ma// rnal 'byor chen mo khang bdag mo// khyim bdag chen mo thig le dgu// ye shes ngang gis rol pa las// phyag na rtse gsum 'bar ba bsnams// khrag 'thung yab yum kun la dbang sgyur zhing// mthu chen rnal 'byor kun la grogs mdzad ma// dung chen khrag gis sku la thim par mdzod/khyod kyi 'khor ni rab tu mi bsgrungs te// sgra snyan yid 'phrog byed pa'i ma mo khyod// 'dod pa lnga la dad cing mthu chen rab tu bskul// khrag gis rlan par 'dod cing thams cad dbang du sdud// drag shul gtum mo rab tu sdang byed ma// kun gyi yid la gnas shing rab tu mthu chen bskul// me yi bskal pa stong zhing snying rje'i lam la sbyor// gsod pa don du gnyer zhing khro bo kun dang sbyor// bdud kyi bu smad 'khor zhing nga rgyal drag shul can// 'o dod chen pos 'debs shing zhal gdangs mche ba gtsigs// dgra snying tshal par 'gems pa ma mo khyod kyi 'khor// dam tshig dus la bab kyi gshegs su gsol// zhes las gnyen po bcol pa ni sbas pa'i ma mo ste srid pa cha snyoms ma'o// hUM rnal 'byor chen mo srid pa'i bdag/ e ka tsa ti ral gcig ma// mig gcig ma la kar sham mdog/ rang chas sprin dkar go zu la// 'ja' tshon 'bar ba'i mtha' chags can// lag na kha T+wAM ga yi mtshon thogs shing// za 'og zhabs ma'i dbu rgyan can// bstan pa tsam gyis khams gsum rmongs byed ma// brdab pa tsam gyis the'u rang 'gong po'i bla gcog ma// 'dir byon dam skong phrin las gnyen po mdzod// ces bya ba ni e ka tsa ti ma'o// da ni ma mo bdun bskul bar bya ste/ hUM rgyal chen bdun gyi chung ma ste// rgya mtsho chen pos dkyil 'khor nas// dpal ldan shugs sgrol gtso mo ste// nag mo chen mo ral pa can// ri rab snyil ba'i rngams stabs can// kha nas me 'bar rgya mtsho skem// rdo rje kun grags gshegs su gsol// hUM khro mo rngams pa'i dkyil 'khor nas// mdzes pa'i tshul gyis 'od 'phro ma// 'jig rten 'chi bdag gzi 'phrog ma// kun tu bzang mo gshegs su gsol// hUM phyag rgya 'bar ba'i dkyil 'khor nas// nam mkha' stong la dbang sgyur zhing// bdud dpung dregs snyems kun 'dul ma// rdo rje grags snyems gshegs su gsol// hUM dam tshig chen mo'i dkyil 'khor nas// pho nya mo ste drug cu'i gtso// sha chen khrag la longs spyod cing// gdug pa ma lus kun 'dul ba// rdo rje chen mo ye shes mchog/ dam tshig tshul bzhin gshegs su gsol// hUM khrag gi rgya mtsho'i dkyil 'khor nas// khro mo gtum byed za byed ma// rdo rje dra ba'i phreng thogs shing// byang phyogs rang gi 'khor 'dul ma// rdo rje 'od tshogs gshegs su gsol// hUM 'od phung 'khrigs pa'i dkyil 'khor nas// zhags pa stong gi gdengs ldan zhing// 'byung po ma lus 'ching mdzad ma// rdo rje gsal 'phro gshegs su gsol// hUM dbang phyug chen po'i dkyil 'khor nas// lcags kyu 'bar ba'i 'phro 'du can// dam tshig nyams rnams sgrol byed cing// bka' las 'das pa'i snying 'byin ma// rdo rje g.yu sgron gshegs su gsol// zhes bya ba ni ma mo chen mo bdun no// hUM lha mo chen mo rnal 'byor ma// rin chen srid 'degs mdzes pa'i za ma tog/ mdog bzang sngon mo ral pa can// rang chas mu tig go zu la// gser dang g.yu yi phra bkye ste// mtha' ma rin chen 'bar bas bskor// g.yas na g.yu yi za ma tog/ g.yon na dung gi zor ba bsnams// khyod ni srid pa'i ma mo ste// tshe g.yang sdus shig rin chen srid 'degs ma// hUM sgrub pa'i ma mo chen mo ste// bdud kyi lcam mo gshin rje ma// mdog bzang nag mo ral pa can// ral pa'i zar bu mun nag gtibs// lcags kyi lus la zangs kyi zhabs ma can// rdzu 'phrul rkang pa mchog dang ldan// g.yas pa gshin rje'i khram bam bsnams// g.yon pas bdud kyi sho rde'u dkar nag 'grems// mchan na nad kyi rkyal pa sbed// khyod kyi 'jig rten byol bzlog mkhan// khram kha phyis la sho rde'u spos// nad kha chings la dal kha sgyur// hUM rnal 'byor 'jig rten dbang phyug ma// mdog bzang dkar mo ral pa can// khyod ni gling bzhi spyi 'gro ste// rang chas dar dkar go zu la// g.yu bran 'bar ba'i mtha' chags can// gser gyi gong leb 'bar ba la// g.yu yi cod pan 'od 'phro ma// rdzu 'phrul rkang pas phyogs bcur phyin// g.yas kyi lag na thogs pa ni// gser gyi lcag g.yu 'bar ba la// g.yu yi lcag 'bras 'gyur ba btags// gnam la bskor bas bdud dpung 'joms// sra la rdab pas dgra bgegs sgrol// gzhan gyis rbad par ma nyan par// bcol pa'i las rnams grub par mdzod// ces nang gi dam rdzas dang ldan par byas la las bcol lo// hUM rdo rje gar gyi dbang phyug ma// dbu brgya ma la spyan stong ma// 'jigs tshul rngams pa'i cha byad can// phrin las 'byung po kun 'dul ma// rdo rje sgeg chen gshegs su gsol// hUM pad+ma gar gyi dbang phyug ma// sa bdag chen mo pad+ma phreng// lag na thod pa khrag gis bkang// grong rnams kun la 'thor byed ma// sa bdag chen mo gshegs su gsol// zhes las bcol pa ni rdo rje gar gyi dbang phyug ma dang pad+ma gar gyi dbang phyug ma'o// da ni rgyal po chen po bzhi yi chung ma dang bu mo yang bskul bar bya ste// hUM ri rab gling bzhi'i gru 'degs ma// har ting dkar mo chen mo ste// byang shar mtshams kyi gru 'degs ma// dun ting nag mo chen mo ste// shar lho mtshams kyi gru 'degs ma// shan ting dmar po chen mo ste// lho nub mtshams kyi gru 'degs ma// grub ting ser mo chen mo ste// nub byang mtshams kyi gru 'degs ma// mtshan ni gru 'degs chen mo ste// rgyal mtshan gzungs mas las mdzod cig/ hUM dmag gi rgyal chen mo ste// shar gyi dkar mo mche gtsigs ma// lho yi nag mo kha yal ma// nub kyi dmar mo mchu 'jib ma// byang gi ser mo rkang ldag ma// rigs bzhi'i dmag dpung 'khor gyis bskor// dmag gi rgyal mo gshegs su gsol// hUM gling bzhi mgyogs ma lha yi sring// shar gyi mgyogs ma gshegs su gsol// mkha' la khyung lding gshin rje'i sring// lho yi mgyogs ma gshegs su gsol// dkar mo g.yag thod klu yi sring// nub kyi mgyogs ma gshegs su gsol// nag mo sder chen gnod sbyin sring// byang gi mgyogs ma gshegs su gsol// zhes bya ba ni las kyi sring mo bzhi'o// 'di yin chad grub pa'i rnal 'byor ma rnams kyi las byang dang/ bskul tshig gi le'u ste bcu gcig pa'o//// g.yung drung lha yis yang gsol pa// 'jig rten dbang chen ji snyed kun// srid pa'i mi la sman slad du// tshul bzhin sgrub pa ji ltar bgyi// rdzas dang mthun pa ci la brten// rtags dang dus tshigs ji ltar 'byung// rdzogs sangs rgyas la bdag nyan 'tshal// rdzogs sangs rgyas kyis bka' stsal pa// nyon cig g.yung drung yang dag pa// dben pa gnyan zhing nyams dga' bar// ci 'byor yo byad gzhung sogs la// pad+ma'i mtshan dang ldan pa yi// rigs su gyur pa'i yum gsum yang// sgrub pa'i don du gzhag par bya// rdzas su gyur pa'i yo byad dag/ tsit+ta bcu gcig yang dag ldan// b+han+d+ha lcang lo ldan pa ru// pad+ma'i rigs su gyur pa yi// mtshan dang ldan pa'i rak+tas bkang// tshil chen mar me khag lngar btang// gsur chen dud pa rgyun mi gcad// gsar rnying zhing gi gshog pa bkram// ci 'byor yo byad phun tshogs la// bdun gsum tshul bzhin bsgrim par bya// rgyan dang chas gos la sogs pa// shun chen ral ka gtso bo la// srid pa spyi blug zhwa bgos te// rtse lnga 'bar ba'i phyag cha bsnams// phreng ba chen po de bzhin bgrang// yum yang g.yang gzhi'i slag pa la// rtse gsum 'bar ba'i g.yab mo thogs// phreng ba chen po gtso dang mthun// dngos grub zhal bu rin chen rigs// dar dkar kha bcad de bzhin bzhag/rdo rje rigs ldan rtags su gsol// bdag nyid man ngag he ru ka/ yum yang srid pa bde 'gro ma// gnyis su med par bsgoms byas te// rak+ta la ni srog snying drangs// badzra shAn+tiM pad+ma ga ru ti b+h+yo/ snying gi dkyil nas drangs nas su// mngon sum 'ong bar bsam pa ni// sku mdog dkar mo la nyi ma zla ba 'bum gyis thod dang phreng bar byas pa/ dpral ba'i dbyes nas mig zur gsum pa gcig yod pa/ gsang ba'i phyag gnyis kyis srid pa'i pad+ma thams cad kyi ge sar bzung ba/lcags dang zangs kyi dril zhags la snying brgyus pa'i phreng ba thogs pa/ mig g.yas nas khrag gi mchi ma 'dzag pas/ thams cad dbang du sdud pa/mig g.yon pa nas bdud rtsi'i chu mig 'dzag pas sems can thams cad kyi gsos byed pa/ mig dbus ma nas rin po che rnam pa sna tshogs kyi rdzi ma 'thor ba/ g.yu yi ral pa can no// bzod pa gsol zhing brten dbyangs snyan pos bskul ba ni/hUM che zhes chen mo gsang ba'i gzung// thig le sbyor ba'i yum gcig ma// dkar mo nyi ma'i thod phreng can// gru gsum 'bar ba'i mig gcig ma// g.yu yi ral pas srid pa sgrol// chags pa'i phyag gis pad+ma 'dzin// rin chen mchi ma skye 'gro'i gsos// tsit+tA'i zhags pas mu stegs sgrol// thig le gsang ba'i yum gcig ma// sngon chad sbyor mdzad ji bzhin du// bdag dang gnyis su med par sbyor// zhes bya zhing gsang ba'i gzungs mar bya'o zhes dam bcas na zhag bdun na zla ba gcig lhung ngo// bcu bzhi na nyi ma gcig lhung ngo// zhag nyi shu rtsa gcig la dngos grub kyi b+han+d+har snying gtubs pa dang/rak+ta bsres pas gang 'ong ngo// de min pa gzhan dag kyang 'ong ngo// ci ltar byung yang mtshan ma spangs/ nyi shu rtsa gcig la sku mngon du 'ong ngo// der bdag nyid ting nge 'dzin gsal bar byas la/ge sar gyi rak+ta dbang du bsdus te/ sbyor ba'i phyag rgya bcings pa dang/ zla gam 'bul zhing sbyor ba'i tshul ston to// bdag chags pa ma skyes pa dang// mo rkang dkris bor nas/ mdzes pa dang chas te sbyor ba 'bul lo// der mngon du sbyar te/ gsang ba'i sems dang dngos grub lngar 'byung ba rnams bsres la/ sna la bdag nyid mchod par bya// de nas sgrub pa'i grogs mo la sbyin/ de nas ma mo gzhan la'ang sbyin/de nas tha tshig dam bsres te gsang ba'i gzungs mar dam lung stsal lo// de nas phrag dog spang ba'i phyir// sgrub zla gsum char sbyar nas su/ sgrub zla so so'i dam bsre'o// de nas slan chad ci bya yang mi 'gal te/bsam dgu 'ong ngo// grub pa'i yon tan ni ma mo gzhan lta ci smos te/ khros pa'i dbang mo che bzhi dang/ thugs gsang ba'i phyi mo yang sring gi tshul du las byed bskul na bran bzhin du bsgo ba nyan no// he ru ka smis sku man chad bskyed pa tsam gyis 'dar lcug lcug rgyug te 'ong ngo// 'jig rten 'di'i bsam pa ni che phra la mi 'grub pa med do// 'di sgrub pa'i dus su/ dang po gtor ma rnam gsum gtang// bshags sbyang bya/ tshe rabs kyi lan chags la gtor ma gtang/ dam bskang bar bgyi/ 'di ni nyi zla thod phreng can gyi sgrub thabs so// srid pa bde 'gro ma'i sgrub thabs ni mya ngan las 'das te/ 'gro ba'i don thugs rje'i 'od kyis mdzad pas/bsgam pa'i ma mo yin no// dben la gnyan pa'i gnas su ni// rigs bzhi'i yum dang ldan byas te// yo byad bzhi yang de bzhin bsham// gsar pa zhing gi mchog ma bsham// rigs bzhi'i b+han+d+ha yang dag ldan// zhing gi dud pa rgyun mi gcad// mchog gi phur bu bzhi yang dril// dung chen phreng ba yang dag bgrang// stag lpags g.yang gzhi gos su gyon// shun chen g.yang gzhi de bzhin gsol// rgyu ma dril pa'i zhags pa sdog/ chu dang ma 'dres dwangs ma'i khrag/ dam rdzas rnam pa sna tshogs pa'o// rtse gsum g.yab mo thogs nas su// bsgrub cing brten pa'i lha mo'o// rdo rje nyi ma khros pa'i dbang mo che ni/rdo rje'i rigs la dbang byed ma// sku mdog dkar mo la g.yu'i ral pa can/ spyan gsum rdo rje'i mche ba gtsigs pa/ gsang ba'i mkha' la rdo rje'i ga 'ur 'khyil ba/ ma chas pa'i sbyor bas srid pa 'khyud pa/phyag g.yas na rdo rje rtse gsum bsnams pa/ g.yon pa na zhing gi g.yab mo bsnams shing/ bdud dang mu stegs dbang du sdud pa/ ma rgyan gyi rgyal mo la khros pa'i tshul ston cing sbyor ba'i mdangs can no// rdo rje khams gsum khros pa'i dbang mo che ni/ rin chen rigs kyi dbang mo che ste/ sku mdog sngon mo la/ nor bu rin po che'i ral pa can/ spyan gsum rin po che'i mche bas gtsigs pas/ 'od zer sngon po phyogs bcur 'phro ba/gsang ba'i mkha' rin po che'i ga'ur bskyil ba/ rgyu ma bsgril ba'i zhags pa 'phen pas/ bdud dang mu stegs 'ching ba/ ma dbyings phyug ma la 'khros pa'i tshul ston cing sbyor ba'i mdangs can de/rin po che rigs kyi bdag mo yin no// rdo rje pad+ma khros pa'i dbang mo che ni/ pad+ma rigs kyi dbang mo ste/ sku mdog dmar mo bse'i lan phran can/ spyan gsum bye ru'i mche ba gtsigs pa/ gsang ba'i mkha' byi ru'i ga 'ur bskyil ba/'od zer dmar po nub phyogs dbang du sdud pa/ khrag gi dngas ma 'thor zhing bdud dang mu stegs kyi snying 'byin pa gnyis su med pa'i sbyor bas srid pa la 'khyud pa/ ma bdag nyid la khros pa'i tshul ston cing sbyor ba'i mdangs can no// rdo rje srid pa'i bde sbyor khros pa'i dbang mo che ni/ las kyi rigs kyi dbang mo che ste/ sku mdog ljang gu la rdo rje dril bu'i ral pa can// spyan gsum rdo rje rgya gram gyi mche ba can/ 'od zer ljang gus byang phyogs dbang du sdud pa/ lag pa na g.yang gzhi rdeb pas// bdud dang mu stegs kyi mgo gcod pa/ gsang ba'i mkha' bse'i ga 'ur bskyil ba/grub pa'i sbyor bas khams gsum dbang du sdud pa/ ma gcig ma la khros pa'i tshul ston cing sbyor ba'i mdangs can no// bzod pa gsol zhing dbyangs snyan pos bskul ba ni/ hUM che zhes khros pa'i dbang mo che// sku mdog dkar mo g.yu yi ral pa can// spyan gsum rdo rje'i mche ba gtsigs// zhing gi g.yab mos mu stegs sgrol// shel gyi ga 'ur gnas rigs 'cha'// gnyis med sbyor bas khams gsum 'khyud// sbyor ba'i mdangs kyis kun la khyab// yum la khro zhing srid pa'i gsos// bdag dang gnyis su med par sbyor// hUM che zhes khros pa'i dbang mo che// sku mdog ser mo rin chen ral pa can// spyan gsum rin chen mche ba gtsigs// rgyu ma mkhal ba'i zhags dril gyis// bdud dang mu stegs thams cad 'ching// rin chen ga 'ur gnas rigs 'cha'// mi len sbyor bas srid pa 'khyud// sbyor ba'i mdangs kyis kun la khyab// yum la khro zhing kun la khyab// bdag dang gnyis su med par sbyor// hUM che zhes khros pa'i dbang mo che// sku mdog dmar mo bse yi ral pa can// spyan gsum byi ru'i mche gtsigs ma// khrag gi dngas mas bdud dpung 'joms// byi ru'i ga 'ur gnas rigs 'cha'// gnyis med sbyor bas khams gsum 'khyud// yum la khro zhing rnal 'byor skyong// bdag dang gnyis su med par sbyor// hUM che zhes khros pa'i dbang mo che// sku mdog ljang gu sgeg ma la// rdo rje dril bu'i ral pa can// spyan gsum mche ba rgya gram gtams// kha T+wAM g.yang gzhis mu stegs sgrol// rdo rje ga 'ur gnas rigs bca'// grub pa'i sbyor bas 'jig rten 'khyud// sbyor ba'i mdangs kyis kun la khyab// yum la khro zhing sems can skyong// bdag dang gnyis su med par sbyor// zhes bskul lo// sgrub pa la zhugs pa dang rgyu gcig bsgral/ zhag gsum nas gcig bsgral/zhag bdun na gcig bsgral/ zhag bcu gcig gi nub mo gsang ba'i yum du dam bca'/ gsum gyi nub mo sgra chen po 'byung zhing/ me chen po 'bar ro// bdun gyi nub mo nam mkha' la sna tshogs pa'i ral pa thibs se 'byung ngo// de lta bu dag byung ba dang/ bdag nyid dpal gyi ting nge 'dzin// dbu dgu phyag ni bco brgyad ste// zhabs brgyad lha la de bzhin brdzis// phyag na mtshon cha sna tshogs bsnams// zhing gi na bza' rlon pa la// sbrul dang thod pas yang dag brgyan// dbang gi ngang las bsnyen pa bya// dgu la mngon du byung ba dang// bdag nyid dpa' bo sgeg pa yi// ting nge 'dzin du gsal ba dang// 'dzum pa'i mdangs kyis pad+ma bsdu// de nas lha mos chags sems kyis// gnyis su med pa'i sbyor ba 'bul// gus pa'i tshig gi snyan sgrogs pa// dpa' bo sgeg pa ye shes sku// rdo rje gsang ba'i dkyil 'khor du// pad+ma gsang ba'i mchod 'bul gyi// dgyes pa chen po'i ngang nyid las// chags pa chen pos byin gyis rlobs// de skad bstod nas sbyor ba 'bul// der ni bdag dang mngon sbyor te// drod kyis byang chub sems nyid dang// rak+ta'i dngas ma bsres nas su// sna la bdag nyid gtso mo mchod// de nas sgrub zla bzhi char sbyin// de nas sgrub pa'i ma mor sbyin// de nas dam bsre mna' bsgag nas// rtog pa'i phrag dog spang ba'i phyir// sgrub zla bzhi dang bdag sbyar te// kun dang dam bsre mna' bsgag go/ gtor ma gzhan ni gong ma bzhin// 'di 'grub na 'jig rten gyi khams bsam pa thams cad yid bzhin du 'grub la// lhur yang tshe dang sri'u la mkhas so// ma mo 'og nas 'byung ba lta smos kyang ci dgos ma mo bzhi yang bran mor 'khol lo// de ni khros pa'i dbang mo che bzhi'i sgrub thabs so// de bzhi'i ma bzhi sgrub tu skyon ci ste// spyir bu mo bzhi bsgrub na bu mos ma 'khol pas/ sgrub lhag par mi dgos so// da ni thugs kyi dgyes ma bzhi'i sgrub pa 'byung ste/ de ni rta'i lo la tshes bdun la bsham// brgyad la 'jug ste// nya'i bar du bsgrub par bya'o// de'i yo byad btsal ba// dkar mo mig gcig b+han+d+ha ni// zlum po pad+ma chags pa dang// 'jam la ri mo nyung ba ste// gtsug tu bu ga byung ba de// dkar mo chen mo'i phyag na bsnams// ljon shing lcang los rab tu brgyan// ljon shing lta bu'i rtsa yod pa// ma mo chen mo'i phyag na bsnams// pad+ma 'dab brgyad rtsar bris pa// a dkar gtsug na yod pa ni// ma mo dbang sgyur phyag na bsnams// dum bu gnyis su 'dug pa la// rdo rje rgya gram rtsar bris pa// ser mo las mkhan phyag na bsnams// gtsug srubs nang du rub pa las// rtsa rnams gtsug tu bcings pa la// hUM chen dgur ni 'bar ba ste// dpal chen nyid kyis phyag na bsnams// zhes 'byung ste// b+han+d+ha de lnga ldan pa dang// shel gyi rgya bzhi yang dag bsogs// gnyan po chas su zhugs pa dang// gzhan yang dam rdzas sna tshogs pa'o// slag pa chen po gtso bo ste// zhwa dkar pos yang dbu brgyan no// 'jig rten gzungs bzhi'i rigs bstan pa// sha mdog dkar la mdog bzang ba// so tshags dam la smin dkyus ring// dkar mo mig gcig tshul du snang// brtson 'grus can la drag shul che// ral pa can la ha ri'i mig/ nag mo ral pa can ltar snang// sha mdog dmar la mdangs sdug pa// smra ba snyan la 'gro ba sdug/ dmar mo dbang sdud tshul du snang// sug bzhi ring la mche ba rno// sha mdog sngo la brtul zhugs che// ser mo las mkhan tshul du snang// yum bzhi'i gzungs dang ldan byas te// yum bzhi'i bsnyen pa so sor bgrang// bdag nyid man ngag sems ldan pas// bzhi char bsnyen pa gcig tu drangs// brtan dbyangs snyan pos bskul ba ni// hUM shar gyi dkar mo mig gcig ma// na bza' tshil chen dud pa la// b+han+d+ha rlon pa'i dril bus brgyan// lan phran zhag gis 'dril ba la// dung gi mche ba gtsigs pa yis// shar phyogs srid gsum phur pas 'debs// dung chen 'bar ba'i thod gdengs can// zhag gi lan phran bsags pa yis// steng du ya bdud btul zhing 'ching// bar du brgya byin phung bar byed// 'og tu dmyal khams stongs par byed// ma g.yel thig le gsang ba'i gzungs// hUM ri rab gling bzhi'i lho phyogs na// nag mo chen po mche ba can// na bza' zhing lpags go zu la// b+han+d+ha skam pa'i dril bus brgyan// rdo rje'i lan phran rin chen brgyan// lcags kyi mche ba gtsigs pa yis// lho phyogs srid gsum phur pas 'debs// shes rab thabs kyi thod gdengs can// dri chen lan phran bsigs pa yis// steng du ma hA de ba 'ching// bar du gshin rje phung bar byed// 'og tu byol song stongs par byed// ma g.yel thig le gsang ba'i gzungs// hUM ri rab gling bzhi'i nub phyogs nas// dmar mo chen mo dbang sgyur ma// na bza' rak+ta'i go zu la// sbrul nag 'khrigs pa'i chun 'phyangs can// pad+ma rak+ta'i lan phran can// mche ba dkar po gtsigs pa yi// nub kyi srid gsum phur pas 'debs// mi khrag 'bar ba'i thod gdengs can// rak+ta'i len phran bsags pa yi// steng du tshangs pa chen po 'chings// bar du klu yi nad rigs 'joms// 'og tu yi dwags stongs par byed// ma g.yel thig le gsang ba'i gzungs// hUM ri rab gling bzhi'i byang phyogs na// ser mo chen mo las mkhan mo// mdzes pa'i na bza' chen mo ni// mAM sa rlon pa'i thul pa la// dri chu khol ma'i ya bas bskor// len phran dra chu 'bar bar 'gyur// gser gyi mche ba gtsigs pa yis// byang phyogs srid gsum phur pas 'debs// mAng sa spungs pa'i thod gdengs can// dri chu'i lan phran bsigs pa yis// steng du tshogs kyi bdag po bcings// bar du gnod sbyin phung bar byed// 'og tu bgegs rigs stongs par byed// ma g.yel thig le gsang ba'i gzungs// gling bzhi gsang ba'i gzungs gcig ma// bdud rtsi rnam lnga dbu la rdzogs// g.yas na g.yang gzhi ru mtshon gyis// thams cad gnam lcags chen pos 'debs// mu stegs nag po'i snying 'byin ma// g.yon na b+han+d+ha khrag 'dzag pas// bud med thams cad dbang du sdud// ral pa can gyi 'khor skyong ma// 'bum phrag yangs pa'i 'khor mnga' zhing// sgrub pa po la brtser dgongs ma// 'dir byon sgrub pa'i rtags phyung shig/ ces bskul ba dang// zhag bzhi'i nub mo dngos grub kyi rtags dang po// rak+ta dang/ tshil chen dang/ mchog gtub pa b+han+d+ha dang bzhi'o// dgu'i nub mo b+han+d+ha pad+ma rak+ta dang/ snang srid sbyor ba'i byang chub sems la sogs pa bdud rtsi rnam pa lnga dang ldan nas yar 'ong ngo// dga' ba ma skyes par myur du longs spyad do// de'i nub mo rgyu bzhi yang der bsgral lo// bdun gyi nub mo bzhi char sku mngon du ston pa ni rgyan dang cha lugs su ldan pa/ shin tu yid gcugs pa dang ldan pa'i lha mo bzhi 'ong ngo// bdag man ngag gi ting nge 'dzin gsal bar bsgom// stegs pa'i mdangs phyung ste/ ge sar gyi rak+ta dbang du sdud la// pad+ma'i nang du rdo rje gsor ba'i phyag rgya bcas la// rim pa bzhin du zla gam 'byed cing sbyor ba 'bul lo// de ltar sbyar te gong ma bzhin du bgyi'o// de nas phyi de nub mo// mchog phran chas su stsal ba bsgral ba dang/ khams gsum bsgral ba'i dngos grub kyang der ster ro// 'di bzhin ni 'go la phrag dog chung// dbang che la gsang ba dam la rub ste// bsam dgu yid bzhin du 'grub pa yin pas// gsang ba'i dgyes sde mor lung stsal te bzhag go/ de man chad ci bya yang mi dgos te// sbyor ba yang dus su 'bul lo// las kyang tshul bzhin du byed do// sgrub pa la 'jug pa'i tshul ni gong ma dang 'dra'o// 'di ni thugs kyi dgyes sde mo gsang ba'i yang phyi mo bzhi'i sgrub thabs so// 'di yan chad kyi ma mo grub na/tshe 'di'i yon tan gyis lta ci smos/ phung po 'jig pa'i dus su yang/ glu dbyangs dang rol mo la sogs pa 'od dang rtags mang pos bsu nas/ bde ba can gyi gnas su sgrub mi dgos par skyel lo// 'di yan chad kyi ma mo grub na/ 'di man chad kyi ma mo thams cad rang bzhin grub pas 'og ma lhag par sgrub mi dgos so// 'di ni ma mo'i gtso mo rnams kyi sgrub pa'i thabs kyi le'u ste bcu gnyis pa'o//// de nas ma bdun sgrub par 'dod na/ gnas dur khrod du song la/ yum rdo rje rigs kyi mtshan dang ldan pa gsum/ dbang rdzogs pa'i slob dpon gnyis dang ging gcig gis bsgrub ste/ b+han+d+ha mtshan dang ldan pa skam po bdun gyi gsum du bdud rtsi rnam pa lnga ma bsgrub pa'i skam po stsal/ gsum du 'jig rten gyi sman sna tshogs pa stsal/ gcig tu byang chub kyi sems dang rak+ta nyid tshe stsal/ b+han+d+ha rin po che mtshan dang ldan pa gcig tu bdud rtsi a mr-i ta stsal/shel lding dkar nag gsum tsa ra nag po gsum/ shel dkar po gcig/ ku ku ra dkar po gcig nam mkha' lding gcig/ mchog chen gyi sman pa ma sbram po gcig/chas gos thams cad nag por bsgyur te/ gsur chen dud pa rgyun mi gcad pa phyung la/ 'dzab drang ba dang/ zhag bdun na sgra chen po 'byung/ der rgyu zung gcig bsgral la mchod pa bya/ma'i tshul du bsnyen/ zhag dgu na mi sdug pa'i cho 'phrul sna tshogs 'ong/ der zung gcig bsgral/ zhag bcu gnyis na nyin mtshan 'byung ste/ der zung gcig bsgral/ sring mo'i tshul du brten/ bco lnga la ma mo bdun char mngon du phyung bdag dam ma nyams na mdzes pa dang ldan par 'ong/nyams na nag mo ral pa can mes tshig tshig byed pa/ mche ba dmar tsar re 'dug par 'ong ste/ bdag man ngag gi ting nge 'dzin gsal na dbang du bsdu/mi gsal na bzod par gsol te/ bskang bar bya/ man ngag dang ldan na dang po mi sdug pa las kyang sdug pa'o// dang po nas sdug na pad+ma dbang du bsdus la/ nga rgyal bskyed de/ sru mo'i tshul du bsten no// der phyag 'tshal zhing 'o na dpon zer zhing 'o byed do// de nas pad+ma'i rak+ta hUM gis rngubs pa dang/ rgyan bor te gzungs ma gsum dang bcur byas te/ mel tshe thun re la gnyis gnyis kyis sbyor ba 'bul/sna la gtso mo dang sbyor/ de nas 'khor dang sbyar ro// de nas yo byad sna tshogs dang/ sbyor ba'i byang chub sems gnyis gnyis kyis 'dod pa bzhin du dam bsres te/ nga yi brnag pa'i las rnams kun// bka' yang sgrub ces pho brang slas// bran mo yin pas mna' ma za// zhes lung stsal lo// de phyin chad bran mo bzhin du las byed do// da ni sbas pa'i ma bzhi bsgrub par bya ste/ yo byad gong ma kun gyi steng du/zhing gi g.yang gzhi/ zhing gi rgyu zhags srid pa spyi blugs kyi zhwa ral pa can/ dung chen dang/ bye ru dang/ gser g.yus brgyan pa/ zhing chen gyi rdza rnga thogs te bsgrubs pa dang/ rtags gong ma dang mthun/ sgrub pa'i thabs gong ma dang tshul gcig/yon tan ni ma bdun man chad kun 'khol lo// des bsam pa 'grub/ lhur yang dgra la rbad pa bzang ngo// da ni e ka tsa ti bsgrub par bya ste/ stegs bu gru bzhi pa gcig gi steng du/gra phying gtsang ma gcig bting la/ dam rdzas rnam pa sna tshogs pa'i dmar gtor gcig gi nang du// sman g+hi haM stsal/ dar dmar po kha gcig gis bcad la kha nub phyogs su bltas te/ zhag bdun du bsnyen pa bgyis la/yum mtshan dang ldan pa la dbab po// bskul ba ni/ hUM srid pa'i byan mo g.yar dam can// skye 'gro ral gcig 'jig rten sgrol// mi gnas khrag 'thor stong khams bsreg/ kha nas me 'bar rgya mtsho skems// ma byung pa yi dus mtha' nas// 'jig rten las kyi dbang bsgyur te// sems can don la rab tu brtson// snying rje byams pa'i dkyil 'khor du// brtse ba'i shugs kyis gshegs su gsol// zhes bskul ba dang/ yum mtshan dang ldan pa la phab ste dris na/ snang srid kyi gtam smra'o// da ni ma mo spun gnyis sgrub pa bstan te/ hUM ma mo chen mo yal gam can// nam mkha'i dbyings kyi dpal mo btsan// gnam phyed gos su gon pa mo// sa phyed gdan du bting ba'i bdag/ 'khor ni gnam sman 'bum gyis bskor// chibs su gser gyi sha ba chibs// mgo la g.yu yi rwa bcu 'bar// phyag na gser gyi dril zhags bsnams// bdud dang mu stegs dbang du sdud// che zhes sring gcig ma g.yel zhig/ da ni nu mo chung ngu bskul lo// hUM ma mo chen mo yal gam can// dun ting g.yu yi go lcog la// gser dang g.yu yi cod paN can// g.yu yi dril zhags 'bum gyis brgyan// chibs su dung sha dkar po bcibs// khas blangs dam bca' bsnyel lam ci// bskul lo ma bzhengs da tshul byon// gser skyems gar bu de yi rten// byes yul gar 'gro yang bsam pa 'grub po// hUM he dun te hUM/ 'di gsum nang du mi bsten bcos dka'// ma mo phyi ma rnams ni zhal nas gsungs pa'i sgrub thab yod na phrag dog che la bcos dka' ste/ blo chung rnams kyi don du mi rung ste 'dir ma gsungs so// sgrub thabs tha ma'i le'u ste bcu gsum pa'o//// da ni ma mo dbang du sdud pa'i le'u 'chad de/ gnod 'dul lha yis yang gsol pa// ye shes rang bzhin sman mo rnams// rtogs pas ji ltar dbang du bsdu// man ngag nges bstan ji ltar lags// rdzogs sangs rgyas kyis bka' stsol cig/ de skad gsol pa gsan nas kyang// nyag gcig yab kyis bka' stsal pa// nyon cig g.yung drung yang dag pa// yul dang dngas ma rtsa rnams las// rigs kyi ma mo la sogs te// gu h+ya gsang ba'i yum bzhi dang// rkyen gyi ma sring bsgom par bya// des ni ma mo dbang du sdud// dbang du sdud pa'i le'u ste bcu bzhi pa'o//// gnod 'dul lha yis yang gsol pa// 'jig rten dbang chen 'di rnams kun// srog chags kun la gnod bgyid pas// bskang ba'i cho ga ji ltar lags// 'jig rten mgon la bdag mnyan 'tshal// de skad gsol pa gsan nas kyang// 'jig rten mgon gyis bka' stsal pa// nyon cig gnod 'dul yang dag pa// sarba rU pas thams cad bskang// bskang bzlog chen po'i las zhes bya// ma hA shan ti mi g.yo rdzogs// zhi rgyas chen po'i las zhes bya// ngas gsungs pa la gdon mi za// de la sarba rU pa'i thabs gnyis te// sna tshogs pa yi 'bru sna la// ngar phye bre gang btag nas su// snang srid gzugs su byas nas ni// dpa' bo 'bru lnga'i byin rlabs kyis// rnam shes tshang bar bsgom byas te// sna tshogs spyan gzigs dkor chas brgyan// khams gsum sems can thams cad la// lus ngag glud du bsngos byin te// tshe dpal pho nyas bkug byed pa// de ni phyi yi cho ga yin// g+hu ma sarba rU pa ni// nyi shu rtsa gcig 'bru sna la// ngar phye bre gsum bcal nas ni// rin chen sna tshogs phye bdar te// sum cha gcig la ri rab gzugs// rigs su mthun pa'i kha dog bya// de nas ngar phye gsum cha la// gcan gzan rgyal po drug gi gzugs// dkar la mdzes dang ldan par bya// rtsal gyi rgyal po drug po la// mdzes ldan g.yeng gyi rgyan gyis brgyan// srog chags gtso bo drug po zhon// shugs kyi rgyal po drug po la// kha dog ldan zhing rgyan chas brgyan// 'dod chags gtso bo drug po zhon// 'dod chags gtso bo drug po la// sna tshogs rgyan gyis brgyan pa'o// sems can rgyal po de dag kun// spyan gzigs dkor chas yang dag ldan// ri rab bar rim dang po la'o// gtso mo drug la dbul bar bya'o// de nas ngar phye sum cha la// glang chen gzugs ni bcu bzhi dang// stag gzigs la sogs bcu bzhi dang// mdangs ldan bya yi gzugs can dang// 'dab chags rgyal po bcu bzhi dang// dkar mo ku ku ra tsa'i gzugs// srog chags gzugs ni de dag kun// ri rab bang rim bar ma la'o// ma mo bcu bzhi'i rdzas yin no// de nas ngar phye sum cha la// snang srid sems can gzugs su byas// sna tshogs kha dog yang dag ldan// ri rab bang rim tha mar bzhag/ sna tshogs zas dang gos su ldan// srid pa chags byed la sogs te// sman mor grags pa kun gyi rdzas// ri rab bum pa'i rtse mo la// sna tshogs dar gyi rgyal mtshan lnga// gru bzhi dbus dang lnga la'o// dkyil du dmar po dar gyi gdugs// gser skyems phra man skyogs lnga ste// dbus su bswe yi bya'o gang// stegs bu gru bzhi dri zhim ldan// rak+ta dza gad maN+Da la// sna tshogs me tog gcal bkram ste// de yi steng du gtor ma bzhag/ de las pags pa'i maN+Dal la// rdzas dang ldan pa'i dmar gtor bsham// dbus su dpal gyi mtshan pa la// mda' dang dar sna rgyu zhags ldan// phud dang rak+ta sman sbyar ba'o// sngags mkhan chas su bya ba ni// dmar po nag po sngon po gzung// zhag gsum bsnyen pa byas nas ni// bla med ting 'dzin gsal bar bya// yang na che mchog he ru ka/ sku mdog mthing nag ral pa can// dbu gsum pa la phyag kyang drug/ dbus mthing g.yas dkar g.yon dmar te// g.yas kyi dang po rdo rje la// bar ma zhing gi dbyug pa la// tha ma sbrul gyi zhags pa yis// khams gsum ma mo dbang du sdud// g.yon gyi dang po b+han+d+ha la// bar ma zhing gi g.yab mo las// ma mo thams cad 'gugs 'dren pa'o// tha ma dung chen ga'u la// gnam lcags gzer gyis gdams pa yis// mi phyugs gnyis ka'i tshe dang g.yang// yi ge hUM du sdud pa ste// yum yang dug gsum dbang sdud ma// rgyan dang cha lugs gtso dang 'dra// gnyis su med par mchod pa 'bul// dpal che mchog he ru ka dang dbang mchog he ru ka yab yum 'dud pa'i mchod pa 'bul bar bsam la/phra men yan chad 'khor du bzhag pa'i bsnyen pa ni/ hUM shrI he ru ka kro tI shwa rI s+t+waM/ ha he phaT/ ma ma yo gI ni ru lu ru lu b+h+yo/ zhag gsum bar du 'bum bzlas shing// de nas bskang bzlog gtor ma gtang// gong du lpags pa'i dmar gtor la// che mchog he ru la sogs pa// dpal gyi 'khor tshogs mchog tu mchod// hUM bcom ldan che mchog he ru ka/ mthing nag 'jigs pa'i cha lugs can// dkar nag dmar pa'i zhal mnga' ba// phyag drug phyag chas skye shi sgrol// sbrul chen zhags pas ma tshogs bkug/ g.yang gzhi g.yang mos thams cad 'dul// dug gsum dbang du sdud pa'o// yum dang gnyis su med pa ste// khro bo'i tshogs kyis mchod pa ste// thugs rjes dbyings nas rol par mdzod// ces bstod pa la sogs pa dang dpal gyi tshogs gzhung bzhin mchod// bshags sbyangs bgyis nas phrin las bcol lo// de nas ma mo rnams kyi srog gi snying po bsdus te// a mr-i ta la bden pa bdar/ bdag nyid che ba'i nga rgyal bskyed// hUM nga ni khrag 'thung chen po ste// khams gsum snying khrag kun gyi bdag/nga ni rus 'cha' chen po ste// khams gsum keng rus dur khrod bdag/ nga ni sha za chen mo ste/ khams gsum mAM sa kun gyi bdag/ nga ni skye 'gro dbugs kyi bdag/ nga ni skye 'gro'i bkrag gi bdag/ma mo kun gyi re gnas yin// ma tshogs bskang bzlog gtor ma long// tshe dang dbang thang mngon par spel// spos rgod dud pa btang nas kyang// gtor ma bsngo ba 'di skad do// hUM ma tshogs ni gnyan mchod phyir// 'bru sna ni mang po dang// rin chen ni sna tshogs las// gling bzhi yi gtor ma la// srog chags ni mang pos bskor// kun kyang ni rin po che'i// rgyan dang ni cha lugs ldan// 'jig rten ni zas kyis bskor// dgon pa yi rdzas kyi brgyan// mu men gyi stegs bu la// rin chen ni gcal bkram ste// by-i ru yi skas btsugs nas// spos kyi ni sa gzhi la// dbang gi ni dkyil 'khor ldan// dar dkar gyi yol bres nas// gsal ba yi me bus nas// rgyal mtshan ni sna tshogs btsugs// le brgan ni gdugs kyis bkab// dud pa ni gnyan phyung zhing// gser gyi ni skyems bltams te// tshe srog gi skyin du 'bul// chus srid kyi glud du 'bul// longs spyod kyi skyin du 'bul// 'dir byon ni glud bzhes shig/ hUM ri rab gling bzhi'i dkyil 'khor nas// 'jig rten yongs kyi mnga' bdag mo// ma mo'i tshogs kyi rgyal mo ste// srid gsum yongs la mnga' mdzad mo// skye 'gro yongs kyi za byed ma// na bza' stong gsum g.yang gzhi la// thod rlon mang po'i phreng ba can// lag na snying gi longs spyod mo// 'dir byon tshe srog glud bzhes shig/mdos bdag chen mo mdos bzhes shig/ rdo rje rigs kyi rgyal mo ste// shar phyogs khams kyi mnga' bdag mo// dkar mo sprin chen go zu la// lag na gser gyi spu gri thogs// srid pa gsum gyi rus 'cha' ma// 'dir byon tshe srog glud bzhes shig/ mdos bdag chen mo mdos bzhes shig/ hUM rin chen rigs kyi rgyal mo ste// lho phyogs sa khams mnga' bdag mo// nag mo g.yu yi go zu can// bskal pa me yi 'od 'bar zhing// phyag na me yi dkyil 'khor thogs// srid pa gsum gyi drod 'bebs te// skye 'gro kun gyi tshe 'phrog ma// 'dir byon tshe srog glud bzhes shig/ mdos bdag chen mo mdos bzhes shig/ hUM pad+ma rigs kyi rgyal mo ste// nub phyogs khams kyi mnga' bdag mo// dmar po khrag gi go zu la// lag na thod pa khrag gis bkang// skye 'gro kun gyi khrag 'thung ma// 'dir byon tshe srog glud bzhes shig/ mdos bdag chen mo mdos zhes shig/hUM las kyi rigs kyi rgyal mo ste// byang phyogs khams kyi mnga' bdag mo// lag na ne'u le'i rkyal pa thogs// ser po rlung gi go zu can// skye 'gro kun gyi dbugs 'phrog ma// 'dir byon tshe srog glud bzhes shig/ mdos bdag chen mo mdos bzhes shig/ hUM nam mkha'i rigs kyi rgyal mo ste// 'jig rten yongs kyi mnga' bdag mo// mthing nag nam mkha'i go zu can// gser gyi dril zhags bsdog cing 'phen// skye 'gro kun gyi bkrag 'phrog ma// 'dir byon tshe srog glud bzhes shig/ mdos bdag chen mo mdos bzhes shig/ hUM ri rab gling bzhi'i zom rtse nas// snang srid srog gi phung sogs bdag/sku mdog mthing ga chen mo la// dbu dang spyan ni cir yang ston// rin chen ral pa sna tshogs kyis// snang srid kha dog gsal mdzad ma// spyan gnyis mdzes pa'i mchi ma yis// g.yas pas snang srid dbang du sdud// g.yon pas skye 'gro'i gsos mdzad ma// lnga bcu rtsa bdun rje mo ste// skye 'gro kun gyi mnga' mdzad ma// ma mo chen mo gshegs nas kyang// mdos bdag chen mo mdos bzhes shig/ glud bdag chen mo glud bzhes shig/hUM che zhes chen mo dkar mo ste// nyi zla stong gi thod phreng can// lcags dang zangs kyi dril zhags la// snying gi zhags pa bsngog cing 'phen// sprul pa chen mo'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM che zhes dkar mo nyi ma'i mdangs// srid pa gsum char sgrol mdzad ma// lag na shel gyi spu gri thogs// khros pa'i rgyal mo'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM che zhes nag mo khrag 'thung ma// srid pa gsum char dbang du sdud// lag na thod pa khrag gis bkang// khros pa'i rgyal mo'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM che zhes dmar mo bdud rtsi'i bdag/ srid pa gsum gyi gsos mdzad ma// lag na bdud rtsi'i bum pa bsnams// khros pa'i rgyal mo'i ming nas phyung// mdos bdag chen mo mdos bzhes zhig/ glud bdag chen mo glud bzhes shig/ hUM che zhes ljang nag gnas nyul ma// srid pa gsum char gsang bar sbyor// lag na zhing lpags rgyal mtshan thogs// khros pa'i rgyal mo'i ming nas phyung// mdos bdag chen mo mdos bzhes shig/ glud bdag chen mo glud bzhes zhig/ hUM mtshan ni srid pa rgyan byed ma// lag na skra yi zhags pa thogs// phung byed nag mo'i ming nas phyung// mdos bdag chen mo mdos bzhes shig/ glud bdag mo chen mo glud bzhes shig/ hUM mtshan ni dbyings phyug chen mo ste// lag na mi yi dbyug pa thogs// phung byed nag mo'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM mtshan ni gcig pu chen mo ste// lag na mi yi g.yang gzhi rdebs// phung byed chen mo'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM gling bzhi mgyogs ma'i dkyil 'khor nas// srid pa shar gyi mnga' bdag mo// dkar mo chen mo mig gcig mo// lag na b+han+d+ha zlum po thogs// skye bar byed pa'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM srid pa lho yi mnga' bdag mo// nag mo chen po mche ba can// lag na b+han+d+ha sul mang thogs// srid par byed pa'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM srid pa nub kyi mnga' bdag mo// dmar mo dbang gi rgyal mo la// lag na b+han+d+ha lcang lo can// 'ching bar byed pa'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM srid pa byang gi mnga' bdag mo// ser mo chen mo las kyi gtso// lag na b+han+d+ha rgya gram thogs// len par byed pa'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ da de'i khol mo la bsngo bar bya ste// hUM srid pa yongs kyi za ba mo// shan shan ne'u le tshogs kyi rje// gos su mi lpags rlon pa gyon// mtha' ma mi mgo steng gis bskor// srid pa kun gyi bdag nyid ma// zangs skongs na tsha'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ huM ha la ha la'i gdong brgya mo// srid pa kun gyi khyim bdag mo// stag lpags g.yang gzhi gos su gyon// he ru ka sni'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM 'jig rten kun gyi byan mkhan mo// sprin dkar mdzes pa'i go zu can// lag na mi yi pags pa thogs// e ka tsa ti ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM cha phyed sngon mo chen mo la// mu tig khu 'phang go zu la// tshe dang g.yang la sku 'phrog byed// nam mkha'i rgyal mo'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM cha byed chen mo dkar mo la// lag na lcags kyu 'bar ba thogs// gling bzhi nyul byed ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM ri rab gling bzhi'i gru 'degs ma// cha byed dkar mo sgegs la// lag na rdo rje kha T+wAM thogs// har ting dkar mo'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM cha byad nag mo sgeg ma la// lag na me yi 'khor lo thogs// dun ting nag mo'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM cha byad dmar mo sgeg ma la// lag na chu yi 'khor lo thogs// shan ting dmar mo'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM cha byed ser mo sgeg ma la// lag na rlung gi 'khor lo thogs// grub ting ser mo'i ming nas phyung// mdos bdag chen mo mdos bzhes shig/glud bdag chen mo glud bzhes shig/ hUM dmag gi rgyal mo chen mo ste// rigs bzhi dmag dpung 'khor gyis bskor// kha rje za kha'i bdag mo ste// mdos bdag chen mo mdos bzhes shig/glud bdag chen mo glud bzhes shig/ hUM dngos po cha byed nag mo la// 'jigs su rung ba'i ral pa can// sku stod stag lpags g.yang gzhi la// sku smad zangs kyi zhabs ma can// mi phyugs gsod pa'i khram bam thogs// khyod ni 'dod khams gtso mo ste// gshin rje ma chen ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM lha chen brgyad kyi ma chen mo// srin po chen mo rkam mo dang// srin mo rab tu bskul ma dang// srin mo chen mo phor thogs ma// srin mo chen mo dri 'dod dang// srin mo chen mo g.yang gzhi ma// srin mo chen mo gsod byed ma// srin mo chen mo sha za mo// 'jig rten khams gsum 'khrug byed cing// srog chags kun la gnod byed la// mkhal ma snying dang nang khrol gyis// snyim pa shin tu bkang nas su// rang gi rang la thim par ston// za zhing rnam pa kun tu rgyug/ma bdud chen mo'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM shar phyogs khams nas kun tu rgyug/ mi mgo'i phor pa khrag gis bkang// grang sgor 'thor zhing nad 'bebs ma// ma bdud chen mo'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM gling bzhi kun tu rgyug 'gro ste// sa 'og kun nas snom byed ma// 'jig rten mi bzad za ba mo// sa bdag chen mo'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM nag mo chen mo hal hal mo// thab dang gzhob kyi bsdong zla mo// ma yams chen mo'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM gling bzhi kun gyi rgyug 'gro ma// phyogs bzhi dag na sring mor grags// sring mo chen mo pho nya'i tshul// pho nya chen mo ming nas phyung// mdos bdag chen mo mdos bzhes shig/ glud bdag chen mo glud bzhes shig/ hUM gzhan yang dbang phyug ma dang brtan ma yang brjod// gtor ma yang gtong// 'khar rnga rdung ste/ glu snyan po'i dbyangs kyang blangs nas su/ dur khrod dang ni ri rtser bskyal// man ngag ldan pas tshe dpal drangs// des ni bsam pa yid bzhin 'grub// de skad ces ni bka' stsal nas// lha rnams 'chi bas 'jigs 'gyur te// rab tu dngas nas skrag gyur nas// gnod 'dul lha yis 'di skad gsol// lha la srog ni mchis gyur na// 'di bsten cho ga'i phan yon dang// 'jig rten mi la ji ltar bsgrags// yang dag rdzogs kyis bka' stsal pa// 'di bsten phan yon bsam mi khyab// 'jig rten mi la sgrogs pa ni// lha mo yongs 'khyud bde ba'i skal// lha rnams khyed kyis bsgrags mi dgos// gling bzhi spyi mdos chen mo'i le'u ste bco lnga pa'o//// gnod 'dul lha yis yang gsol pa// cho ga 'di bsten phan yon gang// yang dag rdzogs kyis bshad du gsol// yang dag rdzogs kyis bka' stsal pa// nyon cig gnod 'dul lha yi gtso// lha rnams srog ni 'jig gyur na// srog chags gzhan lta smos ci dgos// srid gsum dbang chen 'di bskangs na// dus min 'chi ba bzlog para'agyur// dus la bab pa'ang bsnur bar nges// 'jig rten longs spyod brtan par 'gyur// rabs rgyud chad pa'i lha dang mi// cho ga 'di la rten byed na// spun bzhi bu mis 'du bar nges// cho ga di la rten byed na// 'chi bdag zhags pas zin nges na// zhags pa nag po chad nas su// smyo 'bog nyid kyang rnam par 'jig/ tshe ring bde ba phun sum tshogs// 'jig rten 'di na bde skyid de// rig 'dzin sa la de bzhin gnas// cho ga 'di la rten byed na// bran g.yog 'gab rnams 'phel bar 'gyur// gzhan ma rnams kyis bkur sti zhing// rgyal po lta bur che bar 'gyur// cho ga 'di la rten byed pa// dbul po nor phyugs 'phel ba dang// skyid pa rtag cing bsam pa 'grub// dbyig la sogs pa rtag tu rnyed// dmangs pos phyogs bzhir yul yang zin// des na mya ngan sdug bsngal med// pha rol dmag dpung rnam par 'jigs// lo phyugs rtag tu legs par 'gyur// cho ga 'di la rten byed na// 'jig rten dbang chen thams cad kyis// byang chub sems ltar bkur sti zhing// tshe dang chus srid 'phel ba dang// bsgo ba'i tshig rnams bran bzhin nyan// 'di yi yon tan bsod nams kyis// phyi ma'i dngos grub mchog yin te// bsod nams nyid du gong na med// 'di la yon tan brjod mi lang// de skad gsungs pas lha rnams dga'o// mdos kyi phan yon gyi le'u ste bcu drug pa'o//// gnod 'dul lha yis yang gsol pa// dbang chen mo rnams bskang ba yis// dbang byed pho la mi 'tshal lam// rdzogs sangs rgyas kyis bka' stsal pa// 'dod chags nga rgyal che ba yi// zhe sdang byed la dbang mo che// srid pa'i mo yis 'jig rten bskyed// 'di bskang bskang bzlog cho ga rdzogs// de nas pho rigs bcos 'dod na// stegs bu gong 'phang mtho dman byed// cho ga'i rdzas ni 'di ltar ro// 'bru sna bcu gsum dang phye la// rin chen sna brgyad bdar nas kyang// rgyal po chen po'i gzugs su bya// dbang po yan lag rin po che// gsal byed brgyad kyang de bzhin bzhag/sna lnga dar gyi tshom bu lnga// lus dang yan lag yang dag brgyan// bdud dang drang dkar chen po dang// de ba nor gyi bdag po ste// gshin rje ru dra'i rdzas yin te// skyes to re la'ang de bzhin no// bre cha gsang phye bre bzhi la// mkhar thabs mda' yis rnam par brgyan// sle'u dar dkar dgu yi rkyen// de bzhin sha dang rin chen chang// dkar glud rkyen dang chas pa 'di// dkar po de la de bzhin no// bre cha gsang phye zla gam la// za 'og mda' yis rnam par brgyan// le brgan leb bzang mda' yis brgyan// de bzhin rin chen sha dang chang// bse glud rgyan dang chas pa 'di// byang shar mtshams su de bzhin no// nas dang yungs kar don gyi rgyan// srid pa kun la de bzhin te// 'byung po phal la rme gtor byed// de tshe 'di skad brjod par bya// kye dpag bsam shing gi sked pa na// gser mkhar de ni ser po la// gser sgo de ni thibs se thib// g.yu bad ni sngon pos bskor// de yi ni bdag po ste// skos rje ni drang dkar la// skos mkhan ni ming nas phyung// mdos bdag chen mo mdos bzhes shig/ glud bdag chen mo glud bzhes shig/gser mkhar ni dbu rtse nas// rin chen ni stegs bu la// lcags kyi ni mu khyud can// de yi steng na ni// srid pa ni drang dkar ba// zhig 'dzin ni ming nas phyung// mdos bdag chen mo mdos bzhes zhig/glud bdag chen mo glud bzhes shig/ rim pa ni bcu gsum la// gnam gyi ni steng shed na// lcags mkhar ni sngon po la// gser gyi ni mtha' bskor zhing// zangs kyi ni sgo gsal ba// de yi ni bdag po ste// dbang phyug ni chen po ste// ma hA ni shwa ri'i dag/ nag po ni chen po ste// ya bdud ni ming nas phyung// mdos bdag chen mo mdos bzhes shig/ glud bdag chen mo glud bzhes shig/de yi ni gling phran la// yar gyi ni yar la shod// bdud pas ni thabs mkhas te// bdud pas ni shugs drag ste// 'gro ba ni kun gyi bdud// 'gro ba yi tshe dpal 'phrog/ skyes bu ni skyes to re// ya bdud rgyal the'u ming nas phyung// mdos bdag chen mo mdos bzhes shig/ glud bdag chen mo glud bzhes shig/ kye lho phyogs gling na gnas pa ste// rus mkhar gling dgu'i bdag po ste// 'chi bdag kun gyi khram 'debs ma// gshin rje'i rgyal po'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ gnam gyi mthongs na gnas pa ste// 'dzam bu'i gling gi nor gyi bdag/ ma hA de ba lha chen po// btsun mo u ma de bI bcas// nor lha chen po'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ byang phyogs gnam gyi mthongs na gnas pa ste// dung mkhar de ni dkar po la// g.yu yi ni mtha' bskor te// bse yi sgo bstsal ba// de yi ni bdag po ste// khyab 'jug dung gi thor tshugs can// gnam lha dkar po'i ming nas phyung// mdos bdag chen mo mdos bzhes shig/glud bdag chen mo glud bzhes shig/ byang shar gyi mtshams shed nas// bse mkhar ni gling dgu na// dngul gyis ni mtha' bskor zhing// lcags kyi ni sgo bstsal ba// de yi ni bdag po ste// shar phyogs gnam sa phyed kyi bdag/ tshangs thur lus la thor tshugs can// btsan 'gong rgyal po'i ming nas phyung// mdos bdag chen mo mdos bzhes shig/ glud bdag chen mo glud bzhes shig/ sa btsan rol pa skya rol po// mdos bdag chen mo mdos bzhes shig/ glud bdag chen mo glud bzhes shig/ btsan la sogs pa de bzhin no// da ni ma hA shan ting gi cho ga bshad par bya ste// gtsang phye khal phyed la// ji ltar 'dod pa'i gzugs byas te// dkor cha spyan gzigs yang dag ldan// de ni phyi rgyud shan+tiM ngo// de la 'jig rten shas bskangs te// dmar gtor dam rdzas ldan pa ni// shan+tiM gsang ba'i cho ga'o// bsnyen pa'i gnas ni dben sa ru// gru bzhi spos chu'i maN+Dal la// zas kyis steng du gang ba ste// bsngos nas de bzhin gzhag par bya// ming rgyud mthun te dkar po'i gos// gsang ba mthun te gnyis kar 'dra// 'di brtsam bsam pa ma grub na// 'jig rten dbang chen phung bar 'gyur// las rnams kun kyi brnag pa ste// cho ga rdzogs lung chen po ste// gang gis rtogs pa dngos grub ste// ngas gsungs pa la the tshom med// de skad ces ni bka' stsal pas// 'jig rten dbang chen mngon par dga'// lha rnams thams cad mthu skyes nas// sems can kun la phan par bsgrubs// dam tshig mtha' la gnas par 'gyur// pho mdos kyi le'u ste bcu bdun pa'o//// gnod 'dul lha yis yang gsol pa// 'gugs dang 'dren pa'i las rnams de// pho nya'i las rnams bdag nyan 'tshal// yang dag rdzogs kyis bka' stsal pa// nyon cig g.yung drung yang dag pa// srid gsum btul ba'i pho nya ni// bdag nyid man ngag ldan byas te// sems kyi dkyil nas bskul ba ni// hUM dpal gyi pho nya bka' sdod ma// khyung gi khra chen lding ba la// lcags kyi mi mo khyung mo zhon// mgo bo gsum la lag drug ma// g.yas na rdo rje kha T+wAM ga/ bar ma spu gris srid gsum sgrol// tha ma dril zhags mu stegs 'ching// g.yon pa b+han+d+ha rak+ta 'bar// bar ma 'khor lo bskal pa'i me// tha ma lcags kyu'i 'du 'phro can// gnas ni dur khrod dkyil na bcas// bskungs ni thugs kyi dbus na bskungs// bton ni ljags kyi rtse nas bton// 'gyed ni dam nyams dgra la 'gyed// dbang ni srid pa gsum la dbang// za ni skye 'gro yongs la za// nyul ni gling bzhi kun la nyul// bang ni glog pas nges par mgyogs// rbad ni dngos po gcig la rbad// rgyal po chen pos bdud dpung 'joms// tsham rngams chen pos dgra bgegs sgrol// nga rgyal chen pos mu stegs 'dul// rdzu 'phrul chen pos ri rab bsnyil// khyod ni srid gsum sgrol byed ma// lan 'ga' drag tu bskul ba'i tshe// gang la bya ba sgrol bar byos// de yi pho nya bka' sdod ma// dkar mo nyi ma'i thod phreng can// phyag drug gru gsum spyan mig la// mgo la tshil gyi yib zhu gyon// mtshan ni sprin dkar go lcog can// phyag gnyis pad+ma stong bzung zhing// mtshan ni 'jig rten dbang sdud ma// g.yas na mi yi rgyu zhags 'phen// bdud dang mu stegs bcings mdzad ma// mtshan ni sbrul chen zhags pa can// g.yon gyi dang po bsnams pa ni// mi mgo rlon pa'i thod pa ru// mi khrag dron mos bkang nas su// rnam lnga'i bcud dang bsres nas 'thor// sgrub pa po la dngos grub 'bebs// mtshan ni bdud rtsi longs spyod ma// g.yas kyi bar mas bsnams pa ni// mi yi rus pa'i phur bu 'dril// dgra bgegs gnon pa'i las la brtson// mtshan ni gsang ba'i mchog phur can// g.yon gyi tha mar bsnams pa ni// lcags dang zangs kyi dril zhags la// mi snying brgyus pa'i zhags pa yis// srid pa gsum car 'ching mdzad ma// mtshan ni gser gyi dril zhags can// sprul pa'i phyag brnyan rdeb pa yis// mi lcags rlon pa'i g.yab mo yis// khams gsum rdul du brlag mdzad ma// mtshan ni g.yang gzhi ru mtshon can// sku la mi lpags rlon pa gsol// stong khams thams cad myos mdzad ma// mtshan ni zhing ni na bza' can// kha nas mi khrag rlon pa 'thor// stong khams thams cad sreg mdzad de// mtshan ni kha nas me 'bar ma// sku la mi mgo se ral kha// skye 'gro thams cad bskangs mdzad ma// mtshan ni me tog chun 'phyang can// 'bar ba gtum chen khro bo 'dul// khro rgyal chen mo gshin rje'i gshed// bka' yi pho nya mgyogs ma ste// nga rgyal can rnams dbang du bsdud// gang la bya ba rdul du rlog/ 'di ni pho nya'i gtso mo ste// bcol pa'i las rnams grub par mdzod// ngas gsungs pa la the tshom med// pho nya chen mo'i le'u ste bco brgyad pa'o//// gnod 'dul lha yis yang gsol pa// srid pa'i dbang chen 'di rnams kun// srog gis bskang na ji ltar skong// nyag gcig yab la bdag nyan 'tshal// de skad gsol pa gsan nas kyang// nyag gcig yab kyis bka' stsal pa// nyon cig g.yung drung yang dag pa// srid pa'i dbang chen 'di rnams kun// srog gis bskang ba 'di skad do// hUM gtso mo yum gyi mngon spyod ma// spyi gtsug g.yu yi rdo rje rtse dgu 'bar// g.yu yi ral bas stong gsum khyab// g.yas kyi phyag na rigs lnga'i sangs rgyas bsnams// g.yon gyi phyag na bdud rtsi lnga yi longs spyod 'byed// ye shes rol pa'i spyan gyis kun tu gzigs// khams gsum srid pa gsum la mnga' mdzad ma// rtag tu dbang phyug chen mo grogs mdzod cig/ bltas pa mi mthong gcig kyang med// bskang ngo bskal pa'i thugs dam bskang// shar gyi phyogs kyi mnga' bdag mo// 'byung ba sa la dbang sgyur zhing// 'gro ba'i rus la mnga' mdzad ma// 'di yis rus pas thugs dam bskang// mthun pa'i rdzas chen 'di 'bul gyi// bcol pa'i las rnams 'grub par dzod// lho yi phyogs kyi mnga' bdag mo// 'byung ba chu la dbang sgyur zhing// 'gro ba'i khrag la mnga' mdzad ma// 'di yi khrag gis bskang byas na// mthun pa'i rdzas chen ngas 'bul gyi// bcol pa'i las rnams 'grub par mdzod// nub kyi phyogs kyi mnga' bdag mo// 'byung ba me la dbang sgyur zhing// 'gro ba'i drod la mnga' mdzad ma// 'di yi drod kyis bskang byas na// mthun pa'i rdzas chen ngas 'bul gyi/ bcol pa'i las rnam 'grub par mdzod// byang phyogs khams kyi mnga' bdag mo// 'byung ba rlung la dbang sgyur zhing// 'gro ba'i dbugs la mnga' mdzad ma// 'di yi dbugs kyis bskang byas na// mthun pa'i rdzas chen ngas 'bul gyi// bcol pa'i las rnams 'grub par mdzod// nam mkha'i rigs kyi rgyal mo ste// nam mkha' stong la dbang sgyur zhing// 'gro ba'i bkrag la mnga' mdzad ma// 'di yi bkrag gis bskang byas na// mthun pa'i rdzas chen ngas 'bul gyi// bcol pa'i las rnams 'grub par mdzod// rgyu bsgral ba'i phung po yis ye shes kyi mkha' 'gro ma lnga dang gtso bo yab yum bskang ngo// da ni mdos bdag gi ma mo rnams bskang ba ni/ srid pa bde 'gro khams gsum kun gyi yum mchog ste// sku mdog mthing ga chen mo la// dbu dang zhal gyis stong khams khengs// rin chen ral pas snang srid gsal// khyod ni 'dod khams gtso mo ste// phud kyi bdag mo'i thugs dam bskang// ye shes tshogs kyi rjai mo ste// gnyis su med par phud kyi bdag/bcol pa'i las rnams 'grub par mdzod// dpag bsam shing gi yal ga la// dkar mo g.yag thod ral gcig ma// nyi zla stong gi thod phreng can// dpag tshad brgyad khri bzhi stong nas// khrag gi dri snoms dmar gyi ro myong ma// ral pa'i zar bu g.yon nas gcig tu 'khyil// srid pa'i sa gzhi g.yo zhing khengs mdzad ma// g.yas na lcags dang zangs kyi dril zhags la// snying gi zhags pa bsngog cing 'phen// g.yon na b+han+d+ha mgo bcad khrag 'dzag ma// tshangs pa la sogs lha chen brgyad kyi mgo bcad ma// nyi zla stong gi dbu la brgyan cing klubs// snang srid snying gi bdag mo ste// 'di yi snying gi bskang byas la// mthun pa'i rdzas chen ngas 'bul gyi// nga yis las bcol 'grub par mdzod// che zhe dkar mo nyi ma'i mdangs// dkar mo ral gcig thugs dam bskang// che zhe nyi ma khros pa'i dbang mo che// khams gsum thams cad gsal mdzad ma// bskang ngo bskal pa'i thugs dam bskang// che zhe khams gsum khros pa'i dbang mo che// khams gsum gsang bar thams cad sbyor// bskang ngo bskal pa'i thugs dam bskang// srid pa bde sbyor khros pa'i dbang mo che// srid pa thams cad bde la sbyor/ che zhe khams gsum khros pa'i dbang mo che// khams gsum thams cad dbang du sdud// che zhe bde sbyor khros pa'i dbang mo che// srid pa thams cad bde la sbyor// bskang ngo bskal pa'i thugs dam bskang// snang srid kun gyi rgyan mdzad ma// rgyan gyi rgyal mo'i thugs dam bskang// mtshan ni dbyings phyug rgyal mo ste// dbyings phyug rgyal mo'i thugs dam bskang// bdag nyid lhag lhag bzhad mdzad ma// bdag nyid chen mo'i thugs dam bskang// mtshan ni gcig pu chen mo ste// lag na zhing gi g.yang zhi thogs// bskang ngo bskal pa'i thugs dam bskang// da ni thugs kyi dgyes sde mo/ 'grub pa'i rtags phyung/ rtag tu dbang phyug chen mo'i grogs// sring gcig shar gyi mnga' bdag mo// dkar mo mig gcig ral pa can// 'khor ni dkar mo 'bum sdes bskor// bskang ngo bskal pa'i thugs dam bskang// srid pa lho yi mnga' bdag mo// nag mo chen mo ral pa can// 'khor ni nag mo 'bum sder bcas// bskang ngo bskal pa'i thugs dam bskang// srid pa nub kyi mnga' bdag mo// dmar mo dbang gi rgyal mo ste// 'khor ni dmar mo 'bum sder bcas// bskang ngo bskal pa'i thugs dam bskang// srid pa byang gi bdag mo ste// ser mo chen mo las kyi gtso// 'khor ni ser mo 'bum sder bcas// thugs dam gnyen po bdag bskang gi/ bskangs la 'bras bu mchis par mdzod// de yan chad ni ma mo bcu bzhi'i skong thabs so//// skabs 'dir a phyi chen mo yang mchod par 'byung ba'i don gyis sbyar ro// da ni de'i khol mo rnams sha khrag dmar dang a mr-i tas bskang bar byas te/ srid pa kun gyi khyim bdag mo// he ru kas sni'i thugs dam bskang// har ting dkar mo'i thugs dam bskang// dun ting nag mo'i thugs dam bskang// shan ting dmar mo'i thugs dam bskang// grub ting ser mo'i thugs dam bskang// srid pa'i gru 'degs chen mo bzhi// bcol ba'i las rnams 'grub par mdzod// dmag gi rgyal mo chen mo bzhi// shar gyi dkar mo mche gtsigs ma// bskang ngo bskal pa'i thugs dam bskang// lho yi nag mo kha rlan ma// nub kyi dkar mo bchu 'jib ma// byang gi ser mo rkang ldag ma// rigs bzhi dmag dpung 'khor gyis bskor// thugs dam gnyen po bdag skongs shig/ bcol pa'i las rnams 'grub par mdzod// e ka dza Ti dpal gyi yum// lcags kyi so la zangs kyi skra// sna tshogs zhal la zhing sgrol ma// thugs dam gnyen po bdag gis bskang// bcol pa'i las rnams 'grub par mdzod// e ka dza ti'i thugs dam bskang// srid pa'i ma mo bzhi yi thugs dam bskang// sring mo chen mo yum gyi thugs dam bskang// ma mor grags pa kun gyi thugs dam bskang// de ltar nang gi dam rdzas dang ldan par byas te/ shel smug po'am nam mkha' lding la sogs pa rgyu gang bsgral yang rung ste/'byung ba chen po lnga yis ye shes kyi khro mo lnga dang gtso mo bskang ngo// sha khrag dmar dang ting nge 'dzin gyis/ 'khor gyi ma mo'i thugs dam bskang ngo// sgrub pa po yi bsam pa yid bzhin du 'grub par nges so// ngas gsungs pa la the tshom med ces he ru kas bshad do// le'u ste bcu dgu pa'o//// gnod 'dul lha yis yang gsol pa// bstan pa gnyen po 'jig byed cing// lu gu rgyud la 'gal byed cing// sems can kun la gnod bgyid pa'i// rtag tu gdug pa'i sems gyur la// nan tur las rnams ji ltar 'tshal// rdzogs sangs rgyas la bdag nyan 'tshal// de skad gsol pa gsan nas kyang// ngo mtshar lha yis bka' stsal pa// rtag tu gdug pa'i sems gyur te// sems can kun la gnod pa la// nan tur las rnams ngas bstan gyis// nyon cig g.yung drung yang dag pa// ji ltar yid 'thad gnas su ni// dkyil 'khor mtshan dang ldan pa dang// dbang gi dkyil 'khor kha sprod la// dbus su kun tu bzang mo'i mkha'// mdzub gsum pa la drag por bris// ze ba sor bzhi cha snyoms la// 'gugs dang spar 'phang sngags kyis brgyan// dbang gi dkyil 'khor kha ran la// gnan dang 'phang ba'i sngags kyis bskor// de nas kha ran gru bzhi ni// sor brgyad pa yi tshad du bya// rdo rje pad+ma spel mar bri// de nas maN+Dal brgyad po la// 'od phung thod pa'i phreng bas brgyan// sgo bzhi mkha' bzhis brgyan par bsam// de nas rdzas kyi ngo bo ni// rgyu yi gtso bo dgu bsogs te// grub pa'i rnal 'byor dgu rbad pa// gnyis la chags 'dzin spun gnyis bri// bdun la ma bdun sngags bris la// drag po'i kha ran bskor ba bzhag/ dbang dang drag por ldan pa yi// lcags zangs shing bu gang yang rung// dbang drag phur pa dgu po la// mgo la mkha' 'gro lnga lnga bzhag/ ngos la rnal 'byor bcu bzhi bsgaum// sked par chags 'dzin la sogs bsam// rtse mor ma bdun bsam nas su// dmigs pa'i dngos po gang yang rung// dkar nag dkyil du brgyab nas su// dge sdig las kyi mtshams phye nas// dngas ma'i dngos po thams cad kun// gtub nas ma mos zos par bsam// de ltar brgyab na lha yang 'chi// dang po bdag nyid bsgom bya ba// phra men rgya mtsho nyid kyi sku// dbang drag sku mdog nag mo la// dbu gcig zhal lnga 'jigs pa'i sku// dbu la mkha' 'gro lnga bsgoms shing// mche ba can la gtsigs shing bzhad// ma mo thams cad dbyings nas 'gyed// phyag na dbang drag phur pa 'dril// 'dren dang mnan dang spar 'phang ba'i// sngags rnams drag tu bzlas nas su// rnal 'byor ma rnams rbad nas su// gang la bya ba'i dngos po de// dbang drag dkyil du bzung nas ni// rnam shes dbyings su brgyab pa dang// dge sdig las rnams sbyangs nas su// lhu gzugs phral te zos bsam na// rdo rje'i brag kyang 'jigs par 'gyur// ngas gsungs pa la the tshom med// ces bka' stsal pa dang// de nas rigs lnga'i sangs rgyas rnams dang// 'khor de na gnas pa rnams kyi gtso bo rdo rje sems dpa' stan las langs te gar gyi brda phyag 'tshal nas/'di skadaces gsol to// dbang drag dkyil 'khor byin brlabs dang// dbang drag phur pa'i cho 'phrul dang// 'dren gnon 'phang ba sngags kyi mthu// mgon po chen pos bstan du gsol// de skad gsol pa gsan nas kyang// ci yang mi gsung bar dbang drag gi ting nge 'dzin la snyoms par zhugs so// ting nge 'dzin la zhugs bzhin// badzra bo d+hi dz+wa la maN+Da la ba ga rU tra b+ha ga tra ta/ kro ta bam kI la ya dza hUM/nan s+pha ra na yaM/ phaT tsit+ta su khaM/ zhes gsungs pas/ khams gsum thams cad mkha' gru gsum gdengs pa'i dkyil 'khor// gting dpag med pa'i gzhal yas khang/ dbang drag gi dkyil 'khor gyur nas/dbang drag gi phur bu ye shes kyi mkha' 'gro rnams kyis brgyab pas/ steng nas char du 'bebs pas// dbang drag bde ba'i gting khung du// rdo rje sems dpa' la sogs te/ rigs lnga'i sangs rgyas dang// lha gnod 'dul kha spub tu brgyal/ dbang drag gi dkyil 'khor gyi gdengs dkar/ srid pa'i dbang chen mang po ni gan rkyal du brgyal te snying dkar nag gi mtshams su phur bu phog ste/ dge sdig gi shan phyes nas/sems kyi ye shes su byin gyis brlabs so// de ltar thams cad brgyal ba sangs pa dang// 'di skad ces ni glu blangs so// dbang drag dkyil 'khor yum gyi mkha'// mkha' yi dkyil 'khor bde gshegs gnas// gting dpag med pa'i gzhal yas su// dbyings nas dbang drag phur bu yis// rdo rje sems dpa' la sogs kun// rang rgyud snying nas drangs nas su// dbang drag mkha' la bzhag nas kyang// slan chad gsang ba'i dbyings su sbyor// gu h+ya b+ha ga sa ma ya s+t+waM laM maM ma hA tsit+ta ho// zhes gsungs pa dang/ brgyal ba thams cad dran pa slar rnyed nas/ dbang drag gi dkyil 'khor na/ 'dar yed yed 'dug pa rang rang gis tshor/de nas rdo rje sems dpa' la sogs pas gsol pa// dkyil 'khor chen po a la la// dbang drag dkyil 'khor bde ba'i mchog/ gsang sngags chen po a la la// 'dre gnon spar 'phang cho 'phrul che// mtshon cha chen po a la la// dbang drag phur bus dge sdig sbyongs// khrag 'thung chen po a la la// bla med khrag 'thung che btsan mchog mkha' 'gro chen po a la la// ye shes mkha' 'gro sprul pa'i mchog/ces smras so// rdo rje sems dpas yang gsol pa// rdzu 'phrul thams cad kyi mchog/ mu stegs thams cad kyi gnyen po bdag nyid lags te/ bdag gi ming yang rdo rje sems dpa' btags pa lags na bla med bcom ldan 'das kyi spyan sngar/dbang drag gi dkyil 'khor chen po ru chu 'phrul gyis/ bdag kyang brgyal bar gyur na/ mi mthun gzhan smos kyang ci 'tshal// dbang drag dkyil 'khor chen po 'di// dus gsum dag tu mi 'gyur bar// bsten pa nyid du bdag nyid bgyid// gsang ba mchog kyang de bzhin 'dzin// zhes gsol to// de nas dbang drag gi dkyil 'khor chen po'i cho 'phrul gyis/mu stegs kA la chen po gdan du bting bar gyur to// sgrub pa'i bar du gcod cing rnal 'byor gyi dgra bgegs gnon pa'i le'u ste nyi shu pa'o//// g.yung drung lha yis yang gsol pa// rdo rje rgyal pos bka' stsal ba'i// rgyud lung chen po 'di dag la// skye bo gang zhig yid rang ste// mos pas dngos grub ci ltar 'gyur// gang zhig 'di la ma dad pa'i// skur pa 'debs pa'i skye bo la// rnam smin chad pa ji lta bu// ngo mtshar lha la bdag nyan 'tshal// de skad gsol pa gsan nas kyang// yang dag rdzogs kyis bka' stsal pa// nyon cig g.yung drung yang dag pa// ngas gsungs pa yi lung 'di la// skye bo gang zhig brtson 'grus pa// lus 'di nyid kyis srid pa brje// tshe 'di nyid la dgongs pa rdzogs// rgyal po bzhin du che bar nges// ngas gsungs pa yi don 'di la// rnal 'byor gang zhig dad mos pa// srid gsum dbang chen thams cad la// shes rab mig gis bltas pa'i tshe// srid gsum dkyil 'khor rdzogs par mthong// de la rim gro mchod par byed// bsgo ba'i tshig rnams bran bzhin nyan// ngas gsungs pa yi lung 'di la// gang zhig skur pa 'debs pa de// dam sri dmar por skye bar nges// dbang chen kun gyis sdig mthong nas// tshe 'di nyid la smyo 'bog cing// dus min ba ru srog zad nges// ngas gsungs pa yi lung 'di la// don med phyal par sgrogs pa de// dmyal ba rdo rjer lhung nas kyang// thar pa'i dus med 'o dod 'bod// slan chad sdom zhes smra bar nges// ngas gsungs pa yi lung 'di la// mi dad spangs pa'i sems can la// gshin rje'i zhags pas bzung nas su// nyes dmigs khram la btab nas su// tshogs kyi bdag la phul nas kyang// lhu gzugs thams cad 'brel par nges// ngas gsungs pa yi lung 'di la// skye bo gang zhig dad mos pa// 'jig rten 'di yi yon tan yang// yid bzhin nor bu 'bar ba bzhin// 'jig rten phyi ma'i dngos grub dang// thar pa bde ba'i 'bras bu yis// rig 'dzin sa la gdon mi za// skye 'gag med pa'i dngos grub kyis// mi 'gyur rdo rje'i dngos grub thob// ngas gsungs pa la the tshom med// de skad ces bka' stsal pa dang// rdo rje sems dpa' la sogs te/ rigs lnga'i sangs rgyas dang/srid pa phra men rgya mtsho la sogs te/ ma mo stong gi tshogs dang/ lha chen po gnod 'dul la sogs te/ lha g.yung drung gi rigs mang po dang/ rdo rje gzhon nu mo la sogs te/ rig 'dzin gyi bud med rab tu mang po dang/he ru ka sni la sogs te/ 'jig rten gyi ma mo dbang mo che mang po dang/ 'jig rten dbang chen rab tu mang po rnams kyang/ gus pas yi rangs te/ thar pa bde ba chen po thob nas/ a la la'i sgra byung ste/rig 'dzin gyi dam tshig can du gyur to// 'jigs byed dpal gyi zhal snga nas/ dmod btsug pa'i le'u ste nyi shu pa'o//// srid pa'i rdzong lung chen mo rdzogs so// cho ga lung bstan rdzogs pa 'di// gang gis rnyed pa dngos grub ste// ma nyams dag na bsam pa 'grub// dam tshig gtsang na rnyed par 'gyur// srid pa gsang ba'i rdzong lung 'di// 'gro ba'i don la dga' ba dang// theg pa chen por gtsor len cing// rdo rje slob dpon mchod byed cing// lu gu rgyud la brtse sdom pa'i// skal ldan de dang 'phrad par shog/ rgyud gtad pa'i le'u ste nyi shu rtsa gcig pa'o//// gnod 'dul lha yis yang gsol pa// 'gro ba'i tshe mchog bsdu ba dang// rnal 'byor rnams la phan gdags phyir// mngon rdzogs yab la bdag nyan 'tshal// mngon rdzogs yab kyis bka' stsal pa// nyon cig gnod 'dul lha yi gtso// rnal 'byor pa yi tshe mchog ni// yang dag nyid du ngas bshad do// de la tshe lung rnam pa mang mchis kyang// lung las man ngag tu bsgrub pas/ mi 'phrogs pa rdo rje nges pa'i tshe/ 'phel 'grib rten gyi tshe dang gnyis so// de la mi 'phrogs pa rdo rje nges pa'i tshe la/ sgrub pa chen po'i dus la bab ma bab bstan pa dang/ dus la bab na rigs lnga gang du 'gro// yang sgrub pa'i thabs dang/ yon bdag la rgyas par bya ba dang/ bsgrub nas gtams pa'i sa dang/ sngags mkhan nyid la sgrub pa dang lnga'o// de la bsgrub pa chen po'i dus la bab ma bab brtag pa ni/ lus gar lan gnas gang du 'gro ba sgoms pas thag bcad/ dus la bab na sgrub pa'i thabs ni/bdag A yu dz+nyA na bin+du a yi thugs gsal ba dang/ tshe yi rigs A yur dz+nyA na dza ra gsal ba gnyis/ bin+du ya'i thugs gsang ba byang chub sems dkar la 'tsher ba dang/ bin du dza ta'i thugs gsang byang chub kyi sems dmar la dngas pa bskyed pa'i byang chub kyi sems 'phro 'du las/gser dngul bsres pa zhun byas pa'i kha dog 'dra ba'i/ 'od zer gyis rigs lnga'i gnas su khyab par byas te/rigs lnga thams cad chags pa'i sems bskyed do// gsang ba dgyes pa bskyed nas bde ba'i mchod pa phul lo// rigs lnga zhes bya ba ni mkha' bzhi dbyings dang lnga ste/ dung can gyi mkha' dang/ban glang can gyi mkha' dang/ pad+ma can gyi mkha' dang/ ri mo can gyi mkha' dang bzhi'o// dbyings ni gsang ba bde ba'i yum grogs mo'i rgyal mo'i// dus chen mo la bab kyang 'di lnga'i mkhar 'gro ba las ma gtogs pa gzhan med pas 'di lnga la gsang ba bde ba'i mchod pa phul te/thugs dam bskang la/ ye shes kyi 'phro 'du bsnur ba ni// sgrub bsnur ba'i thabs so// de la bskul ba'i tshig 'di skad do// a ni ma skyes sku nyid las// gsang ba bde ba'i don byung ba// rdo rje la gnas pad+mo bskyil// ma chags mi ldan 'phro 'du yis// yum gyi thugs dam des bskangs la// 'gro ba'i tshe dang brtan par mdzod// bde ba rgyas 'debs tshe ni rdo rje brtan// bde ba rmongs byed tshe 'di pad+mar bsten// bde ba za byed tshe 'di nges par spel// bde ba tshe 'phel 'gro ba'i re ba skong// bde klong yang pa srid pa kun gyi yum// gang 'dir dus la bab kyang mkhas pas slar sgyur cig/de la nyams bsnur la gdags pa'i sar ni slar mkha' dbyings dang lnga nyid gsang ba'i 'phro 'du dbang gi dkyil 'khor bskyed la gdams so// de la bskul tshig ni/ shar phyogs bde klong pho brang nas// nges pa'i tshe la dbang bskur zhing// sku mdog dkar mo sgeg ma la// spyan gsum dung gi lan tshar can// 'od zer dkar po phyogs bcur 'phro// ma chags thabs la mngon par rol// gsang ba'i mkha' la shel gyi ga'u bskyil// g.yas kyi phyag na rdo rje rtse dgu bsnams// g.yon gyi phyag ni ga'u nyid la brten// rdo rje rtse gsum shar phyogs dbang du sdud// shel gyi ga 'ur nges pa'i tshe gdams so// lho phyogs bde klong pho brang nas// nges pa'i tshe la dbang sgyur ma// sku mdog sngon mo sgeg ma la// nor bu rin chen lan phran can// spyan gsum mche ba gtsigs mdzad ma// 'od zer sngon po phyogs bcur 'phro// gnyis su med pa'i thabs la rol// gsang ba'i mkha' la rin chen ga'u bskyil// g.yas kyi phyag na nor bu rin chen ke ke ru// g.yon pa ga'u nyid la brten// nor bu rin chen ke ke ru// lho phyogs 'dzam gling dbang du sdud// rin chen ga'ur nges pa'i tshe gdams so// nub phyogs bde klong pho brang nas// nges pa'i tshe la dbang sgyur ma// sku mdog dmar po bsgyings pa la// spyan gsum byi ru'i lan phran can// 'od zer dmar po phyogs bcur 'phro// mi len thabs la mngon par rol// gsang ba'i mkha' la byi ru'i ga'ur bskyil// g.yas kyi phyag na pad+ma'i ga'u brtsegs pa bsnams// g.yon gyi phyag na ga'u nyid la brten// pad+ma gu brtsegs nub phyogs dbang du sdud// byu ru'i ga'ur nges pa'i tshe gdams so// byang phyogs bde klong pho brang nas// nges pa'i tshe la dbang bsgyur zhing// sku mdog ljang gu sgeg ma la// spyan gsum rdo rje'i lan phran can// 'od zer ljang gu phyogs bcur 'phro// grub pa'i thabs la mngon par rol// gsang ba'i mkha' la rdo rje'i ga'u bskyil// g.yas kyi phyag na rdo rje bsnams// g.yon pa ga'u nyid la brten// rdo rje rgya gram byang phyogs dbang du sdud// rdo rje'i ga'ur nges pa'i tshe gdams so// steng 'og bde klong pho brang nas// nges pa'i tshe la mnga' mdzad ma// cir yang 'gyur ba'i sku mdog la// spyan gsum lan phran cir yang 'phro// ched 'ga' g.yu yi ral pa can// 'od zer sna tshogs gling bzhir 'phro// gnyis med brten pa'i thabs la nges par rol// gsang ba'i mkha' la g.yu yi ga'u bskyil// g.yas kyi phyag na ru mtshon shing bsnams shing// g.yon pa b+han+d+ha rak+tas bkang nas ga'u nyid la brten// ru mdung zhing gi g.yang gzhis snang srid thams cad dbang du sdud// g.yu yi ga 'ur nges pa'i tshe gdams so// de nas pad+ma dbang du bsdud la// snying po'i ga'u phyes te/ nges pa'i byang chub sems la gdams so// dngos grub ni gsang bar nod do// de ni tshe gdams pa'o// tshe yon bdag la rgyas par bya ba ni/ pho la a dkar po/ mo la aM dmar skyas byin gyis brlabs la/ thabs dang shes rab kyi 'phro 'du lce la dbab/ de nas tshe rtags mngon par bstim// der bstim nas rtags dang mtshan ma sna tshogs su snang// der snang zhing gsal ba'i ngo bor 'byung/ de la 'khor kyang de bzhin te// yi ge brgyad kyang 'khor bar bzhag/ las kyi bum par stim par byed// des ni phung po yang dag rgyas// gzugs ni rdo rje ri rab pas// che bar byin gyis brlabs nas su// cis kyang mi 'jigs brtan par bsgom// de ni rgyas par bya ba'o// tshe sngags mkhan la bsku ba ni// bdag nyid che ba'i lhar bsam ste// 'od kyi 'phro 'du yang bsam la// rgyun mi 'chad par gyes pa yis// dbyings la sogs pa'i thugs dam bskang// nges pa nyid du gnyis su gsal ba las// a dang e gnyis rgyun mi 'chad par gyes pas/ mkha' bzhi dbyings dang lnga yi thugs dam bskang// gcig nas gcig tu gnas gyur te// 'dren pa'i phyag rgyas gsal bar drangs// gsang ba nyid du 'du bar bsgoms// bdag nyid rin chen dkyil 'khor du// thugs ka'i ngo bo gsal bsgom ste// shes rab dbang gi mchod pa 'bul// dngas ma'i lam du byung nas ni// ye shes sras su bzhag nas ni// ye shes sbas pa'i tshe zhes bya// tshig tu yang/ khro bo'i thugs las bskyed pa'i 'phro 'du ni// A yur+dz+nyA na bin du a ni thabs kyi sku// A yur+dz+nyA na bin du dza ni shes rab gsal// thabs kyi rang bzhin sku mdog dkar ba la// yum gyi tshom du 'od lam lam// g.yas na rdo rje thugs kar gsor// g.yon pa mkha' la chags pa'i g.yab mo 'dor// yum gyi sku mdog le brgan la// dgyes pa'i rtags su gser gyi 'od zor 'phro// phyag g.yon rdo rje ga'u bsnams// g.yas na le brgyan g.yab mo 'dor/srid pa dbang sdud yab kyi thugs kar stims shig bin du dza/ de ltar thugs la mchod pa phul nas/ dpal gyi 'khor tshogs kyis bskor te bzhag 'phel 'grib brtan pa'i tshe la don la rnam pa lnga ste/ brtan pa'i tshe nyams ma nyams pa brtag pa dang/ nyams na dgug pa'i thabs/ khugs nas bskur ba dang rgyas par bya ba dang brtan par bya ba'o// de la tshe nyams ma nyams brtag pa ni// pra dang mtshan ma ltas dang mo phywa yan chad kyis brtag go/nyams na 'gugs pa'i thabs ni bdag nyid dbang gi he ru kar bsgom la thugs kar ye shes kyi 'od zer spros la/ tshe yi ma mo rnams bskul te dgug go/ dgug pa'i dngos po ni yi ge nr-i las hUM du dmigs te/lcags kyu'i phyag rgyas drang ngo// hUM shar phyogs b+ha ga'i klong yangs su// 'byung ba'i lag tu tshe nyams pa// dri za'i lag tu dpal nyams pa// de yi pho nya skyod mdzad de// sku mdog gser skya spyan gsum ral pa can// phyag ma g.yas na lcags kyu dgus gtams shing// g.yon pa gar stabs g.yab 'dor ma// 'byung po'i lag nas tshe drongs la// dri za'i lag nas dpal skyobs shig/lho phyogs b+ha ga'i klong yangs su// gshin rje'i lag tu tshe nyams pa// srin po'i lag tu dpal phrogs kyang// de yi pho nya bskyod mdzad de// sku mdog sngon mo spyan gsum ral pa can// g.yas kyi phyag na lcags kyu dgus gtams shing// g.yon pa gar thabs g.yab 'dor ma// gshin rje'i lag nas tshe drongs la// srin po'i lag nas dpal skyobs shig/ nub phyogs b+ha ga klong yangs su// klu yi lag tu tshe nyams pa// yi dwags lag tu dpal phrogs na// de yi pho nya bskyod mdzad de// sku mdog mtshal du spyan gsum ral pa can// g.yas kyi phyag na lcags kyu dgus gtams shing// g.yon pa gar stabs g.yab 'dor ma// klu yi lag nas tshe drongs la// yi dwags lag nas dpal skyobs shig/ byang phyogs b+ha ga'i klong yongs su// gnod sbyin lag tu tshe nyams pa// bgegs kyi lag tu dpal phrogs na// de yi pho nya bskyod mdzad ma// sku mdog ljang gu spyan gsum ral pa can// g.yas kyi phyag na dril bu dgus gtams shing// g.yon pa gar thasas g.yab 'dor ma// gnod sbyin lag nas tshe drongs la// bgegs kyi lag nas dpal skyobs shig/steng gi b+ha ga klong yongs su// ya bdud lag nas tshe nyams pa// rgyal 'gong lag tu dpal phrogs na// de yi pho nya bskyod mdzad de// sku mdog dmar po khrag gi ral pa can// nyi zla spyan du mdzad pa'i mthu mo che// g.yas kyi phyag na zhing gi g.yang gzhi bsnams// g.yon na tshangs pa'i mgo bcad khrag 'dzag bsnams// ya bdud lag nas tshe drongs la// bgegs kyi lag nas dpal skyobs shig/'og phyogs b+ha ga'i klong yangs su// sa bdag la ni tshe nyams pa// ma bdud lag tu dpal phrogs kyang// de yi pho nya bskyod mdzad ma// nag mo chen mo ral pa can// g.yas kyi phyag na tri shUl ru mdung bsnams// g.yon pas b+han+d+ha rak+tas bkang ba bsnams// sa bdag lag nas tshe drongs la// ma bdud lag nas dpal skyobs shig/ mtshams bzhi b+ha ga zur bzhi la// btsan 'gong gnas nas tshe nyams pa// 'brog srin lag tu dpal phrogs kyang// de yi pho nya bskyod mdzad ma// rin chen srid 'degs mdzes pa'i za ma tog/ g.yon na dung gi zo ba thogs// g.yon na g.yu yi za ma tog/ btsan 'gong lag nas tshe drongs la// 'brog srin lag nas dpal skyobs shig/ oM badzra yak+sha b+han+d+ha rak+ta badzra phaT/ hUM nr-i hUM nr-i hUM hUM nr-i dza phaT/ de nas nyams dang sbyar te khugs pa dang/ tshe brtan par bya ste/ 'phel 'grib gyi tshe rten la bsdus te// tshe rten ci yang rung ba gcig la bstim/ de nas badzra shing gi gi ri gi ri zhes brjod do// tshe rdo rje'i gur du gyur pas bsgom mo// de yi nang du tshe hUM mthing skyar dmigs te/ khro bo ha ya grI was bsrung bar bsgom/gur gyi phyi rol du mgo brnyan ma brgyad bsgoms la/ rgyas gdab pa'i tshig bshad byas la rgyas gdab bo// tshig tu yang/ srid pa rgyas 'debs dbang phyug nga yi rgya// de nas gnyis med rol pa'i bde mchog yum gyi rgya// de nas mkha' 'gro grub pa'i rgya// rang byung rgyas gdeb las mkhan rgyas thob shig/ ces brjod la las mkhan mos rgyas gdab bo// rgyas par bya ba ni tshe dpa' bo 'bru lngar dmigs la phung po lnga la bsdus te/de nas rgya gram gyis go bgo// de nas rdo rje rkyang pas bka' nan bya/ de'i sngags ni/ sarba mai tri tri kA pA tsi na baM/ dung pur te ro ta rag hUM hUM/ bskul ba ni nges pa'i tshe dang mthun no// rdo rje tshe'i le'u ste nyi shu rtsa gnyis pa'o//// gnod 'dul lha yis yang gsol pa// srid pa'i dbang chen thabs kyi ni// dgra bgegs thun la dbab pa'i las// mngon rdzogs yab la bdag nyan 'tshal// rdzogs sangs rgyas kyis bka' stsal pa// nyon cig g.yung drung yang dag pa// dgra bgegs thun zor dbab pa dang// de yi bskul tshig 'di skad do// hUM gser gyi nam mkha' ser po phyung dkyil na// gser mtsho ye mo phyung de byang zhig nas// gser mkhar ser po phyung dkyil nas// mnga' dag rje mo su bzhugs na// gnam gyi gtso mo gser gyi rgyal mo bzhugs// phyag na gser phur ser po bsnams// nan tur dgra la 'phen pa'i tshe// gser gyi phung bu bdun bdun 'phen// gcig ni dpral ba'i mtshams su brdeg/ tshe dang srog gi rten phral ma// gcig ni mig gi dkyil du brdeg/ lta ba kun gyi bcud 'phrog ma// gcig ni lce yi dkyil du brdeg/ smra ba ngag gi dbang sdud ma// gcig ni dpung mgo gnyis la brdeg/ stobs chen kun gyi rtsal 'phrog ma// gcig ni snying gi dkyil du bsdeg/ tshe srog gnyis kyi dbang sdud ma// gcig ni pho mtshan dkyil du brdeg/ skye shi gnyis kyi rabs gcod ma// gcig ni pus mo'i dkyil du brdeg/ 'gro ba kun gyi dbang sdud ma// g.yu yi nam mkha' sngon po phyang nge phyang// mnga' bdag rje mo su bzhugs na// nam mkha' g.yu yi g.yu sku bzhugs// phyag na g.yu yi zor ba sngon po bsnams// dngul gyi nam mkha' dkar po phyang nge phyang// mnga' bdag rje mo su bzhugs na// dngul gyi btsun mo ma bla bzhugs// phyag na dngul zor dkar mo bsnams// zangs kyi nam mkha' dmar po phyang nge phyang// mnga' bdag rje mo su bzhugs na// zangs kyi rdo rje dmar po bzhugs// phyag na zangs zor dmar po bsnams// lcags kyi nam mkha' sngon po phyang dkyil na// dug mtsho nag po phyang dkyil na// mnga' bdag rje mo su bzhugs na// srog gi bdud mo chen mo bzhugs// sder mchu mang pos rtsa rgyus 'dren// snying gi rtsa chen dkrug cing za// ma mo mkha' 'gro las kyi dus// stag gi mgo can ma mo ni// rus mgo sum brgya drug cu 'dral// 'thog cing 'gyed pa'i ma mo yin// las mkhan chen mo las mdzod cig/ rgyud bdag chen mos rgyud bskul cig/ma mo zor mkhan chen mo ni// tsin+da ma ni'i sngags zlo zhing// mu stegs phung po bshig byed ma// 'joms ma chen mo yid 'phrog yin// 'dod chags khrag gi dkyil 'khor nas// ma mo zor mkhan stong gis bskor// nan tar g.yos pa'i dus byung na// ya bla bdud kyang mi che'o// ma bla bdud mo mi che'o// btsan la kha bzhi ga la che// mgyogs ma sde brgyad ga la che// gnam the'u dkar po ga la che// gri bo gri mo ga la che// ma mo mkha' 'gro las kyi dus// rus pa'i phur bu bdun bdun 'phen// ya bla bdud kyang mi che'o// 'thab bral gnas nas zhags thogs ma// sum brgya sprul pas 'gyed pa yi// pho nya sum brgya drug bcu la// mngag pa rdo rje las mdzod cig/ gzhan 'phrul dbang byed gnas su 'phen// rnal 'byor dam sri dam bral gyi// ya bla bdud kyang mi che'o// ma bla bdud kyang mi che'o// gnam zor chen mo bcu gsum gyis// bgegs kyi khong khrag dkyug cing za// sa zor chen ma bcu gsum gyis// dgra bo'i snying khrag dkrug cing 'thung// de ltar zor gyi bdag mo dang// mi nad rims kyi bdag mo dang// rta yi khrag dang bong bu'i khrag/ ra yi khrag dang gser brdar pa'i// g.yu brdar 'chang dang phud kyi nas// nyung dkar blangs la sngags 'di bzlas// hUM snying b+h+yo// snying ngan pa ru taM/ khong khrag tu bi ra rta sarba na swA hA// yang brgya bdun bzlas// yang na nyi shu rtsa bdun bzlas// yang na bcu bdun bzlas par bya// cho ga 'di bsten phan yon gang// srid pa gsum yang thal bar rlag/ lha rnams kun kyang 'dar zhing g.yo// bdud dang srin po thal rlag na// ma lus dgra bgegs smos ci dgos// ma mo gser zor gyi le'u ste nyi shu rtsa gsum pa'o//// gnod 'dul lha yis yang gsol pa// sgrub la bar chad byed pa dang// bstan pa gnyen po bshigs pa dang// dge ba'i bshes gnyen sku dgra la// ma mo'i khrag zor btang ba ni// mngon rdzogs yab la bdag nyan 'tshal// rdzogs sangs rgyas kyis bka' stsal pa// nyon cig gnod 'dul lha yi gtso// bstan pa 'jig dang bar chod la// sku dgra gyur pa bsgral ba ni// yang dag nyid du ngas bshad do// de la dang po khrag zor ji ltar btang ba ni// dngul skyogs dkar por sha rus sbyar ba bzhag/g.yu skyogs sngon por dbugs dang dri chu bzhag/ zangs skyogs dmar por rak+ta sna lnga sbyar la bzhag/ lcags skyogs sngon por drod dang mAng sa dri dang bzhag/ gser skyogs ser por bkrag dang mdangs dang sha chen bzhag/skye tshe dang lan tshwa dang/ nyung nag la sogs pa gang bya ba smod cing stsal lo// de la bskul ba'i tshig 'di skad do// hUM dngul skyogs dkar po ru// bdud rtsi skyems sbyar nas// dmar chen khrag blugs shing// zor mo shar du zor// 'phang ngo shar du 'phang// ma mo shar gyi mnga' bdag mo// shar bdud choms shig rnam snang gsal// btsan la sgyur cig rdo rje dbang mo che// dgra bo choms shig sbas pa'i ma mo'i tshogs// g.yu skyogs sngon po ru// bdud rtsi chu sbyar cing// dmar chen khrag blugs te// zor ro byang du zor// 'phang ngo byang du 'phang// byang gi ma mo b+h+yo// byang bdud choms shig yang gsal g.yol// btsan kha sgyur cig las kyi dbang mo che// dgra bo choms shig sbas pa'i ma mo tshogs// zangs skyogs dmar po ru// bdud rtsi rak+ta sbyar// dmar chen khrag blugs shing// zor ro nub tu zor// 'phang ngo nub tu 'phang// ma mo nub kyi ma mo b+h+yo// nub bdud choms shig gnyen gsal ma// btsan kha sgyur cig pad+ma dbang mo che// dgra bo choms shig sbas pa'i ma mo'i tshogs// lcags skyogs nag po ru// bdud rtsi mAM sa sbyar// dmar chen khrag blugs te// zor ro lho ru zor// 'phang ngo lho ru 'phang// ma mo lho yi ma mo b+h+yo// lho bdud choms shig 'od gsal 'bar// btsan kha sgyur cig rin chen dbang mo che// dgra bo choms shig sbas pa'i ma mo'i tshogs// gser skyogs ser po ru// bdud rtsi chen po sbyor// dmar chen khrag blugs te// zor ro 'og dang steng du zor// 'phang ngo steng dang 'og tu 'phang// ma mo steng 'og ma mo b+h+yo// ya bdud choms shig bkrags gsal mnyam// ma bdud choms shig rgya mtsho ma// btsan kha sgyur cig nyi zla thod phreng can// dgra bgegs choms shig rtsa brgyad ma// shar du zor btang rgyal rigs dgra bo bsad// byang du zor btang rje rigs dgra bo bsad// nub tu zor btang dmangs rigs dgra bo bsad// lho ru zor btang gdol pa'i dgra bo bsad// steng du zor btang mu stegs dgra bo bsad// gzhan yang ma mor grags pa kun bskul lo// dug sna tshogs dang sbyar ba rims nad du 'gyur ro// dmar dang sbyar na dmar nad sna tshogs su 'gyur ro// 'jig rten dbang che ba mthu che ba yang sgrol bar nges na/ma lus dgra bgegs la smos kyang ci dgos/ ma mo khrag zor gyi le'u ste nyi shu rtsa bzhi pa'o//// da ni ma mo'i thun zor byung ste// dkyil 'khor le'u tshe dgu ru byas la/ de la 'khor lo rtsibs brgyad bri'o// phur bu bcu gcig rdzas su 'god do// lcags phur bzhi yang 'god do// de la khrag chen dgu yi nang du zan zur gsum pa bcu gsum byas la/ zan gyi tshad ni sor gnyis par byas la/ de la rtse mor nyung nag rtse mo ma nyams pa re re gzug go/de nas bse khabs kyi nang du shing tsan+dan gyi rigs ni ngos su bzhag shug pa'i rigs kyi shun pa la// dgra bo'i rus sam gzugs bcas la/ bse khabs kyi nang du stsal/de'i nang du byi'i snying klad pa dang/ khra'i mchu bse khabs kyi nang du bstsal lo// de'i nang du ra dug ba dang sbyang tsher ba yang bstsal lo// dug sbrul dang g.yab mo mgo sba kun kyang blugs so// bdag nyid che mchog he ru kar bsgom/sku la thod pa skam rlon se ral khar brgyan pa/ zhabs stong bgrad pa stag lpags kyi sham thams can/ sbrul nag stong gis lhu tshigs brgyan pa/ phyag stong gdengs pa/ dbu skra kham nag gyen du 'khyil ba/mche ba gtsigs pa rkan sgra rdeb pa/ ljags 'dril ba/ gtum gtum rngam rngam 'dra ba gcig tu rang bsgom mo// de bskul tshig 'di skad do// hUM khro mchog yab kyi rgyal po ni// thod phreng 'bar ba'i sre ral can// zhabs ni rgya mtsho'i gting du bgrad// brgya tshar cig gis tshangs pa pho mo gnon// brgya tshar gcig gis lha chen pho mo gnon// brgya tshar gcig gis gnod sbyin pho mo gnon// brgya tshar gcig ni khyab 'jug pho mo gnon// brgya tshar gcig ni brgya byin pho mo gnon// brgya tshar gcig ni srin po pho mo gnon// brgya tshar gcig ni brtan ma pho mo gnon// brgya tshar gcig ni dbang ldan pho mo gnon// brgya tshar gcig ni gri srid pho mo gnon// brgya tshar gcig ni tshar ba'i pho mo gnon// brgya tshar gcig ni lcags kyu thogs// brgya tshar gcig ni ral gri thogs// brgya tshar gcig ni tshon gyi rgyal po 'khor lo thogs// brgya tshar gcig ni rdo rje phur pa 'dril// brgya tshar gcig ni lcags sna lnga'i phur pa 'dril// brgya tshar gcig ni b+han+d+ha bsnams// brgya tshar gcig ni rak+ta lcang lo bsnams// brgya tshar gcig ni sha chen zhal du bstab// brgya tshar gcig ni rdo rje mgo phur dril// brgya tshar gcig ni tsan+dan bing chen gsor// de la dmar gyi ar+g+ha sbreng zhing stsal la/ snying po 'di skad brjod do/ ma ma ru ru trag shig ma ma ru ru b+h+yo/ru ru ma gur len b+h+yo/ ma mo'i snying po de skad brgya rtsa brgyad bzlas/ zhal brgya nas sngags bzlas pa ni/ gnam rmugs na sa yang rmugs/ zhal brgya nas sngags bzlas pa ni/ kun tu 'ur 'ur chem chem rab tu chem/bse khab rang gi rdog pas mnan la/ zhabs stong du bsam la mnan no/ dkar dmar g.yab 'dor ras khab la bkal la/ brten cing bskul lo/ bud med kha ral ma'i skras drang zhing bsgul lo/pha?T pha?T pha?T pha?T/ pha?T pha?T pha?T pha?T/ pha?T pha?T pha?T pha?T/ A+oM A+oM A+oM A+oM/ A+oM A+oM A+oM A+oM/ A+oM A+oM A+oM A+oM/ A+oM b+h+yo ri oM b+h+yo ri/ a'u a'u a'u/ a'u a'u a'u/ A+oM bi ra sha hoM/ oM bi ra sha ho/ oM bi ra sha ho/ oM bi ra sha ho/ oM bi ra sha ho/ oM bi ra sha ho/ oM bi ra sha ho/ oM snar ni/ oM snar ni/ oM snar ni/ oM snar ni/ oM snar ni/ oM snar ni/ oM snar ni/ oM pra la ni/ oM pra la ni/ oM pra la ni/ oM pra la ni/ oM pra la ni/ oM pra lani/ oM pra la ni/ oM pra la ni/ oM pra la ni/ pra mo kha/ pra mo kha/ pra mo kha/ hab hab hab/ hab hab hab/ hab hab/ hub hub hub/ hub hub hub/ hub hub/ tshal tshal tshal/ tshal tshal tshal/ shi khram shi khram shi khram shi khram shi khram/kur sha kur sha phrom rgyal na/ phrom brgyal na/ phrom rgyal na/ phrom brgyal na/ gzer na/ gzer na/ gzer na/ a na yod/ a na yod/ a na yod/ a na yod/ du ban tsa du/ du ban tsa du/du ban tsa du/ a su pu ru/ a su pu ru/ a bun ta/ a bun ta/ a bun ta/ a bun ta/ a bun ta/ ga sa'i mchu/ ga sa'i mchu/ ga sa'i mchu/ phag mo'i mche ba can/ phag mo'i mche ba can/ skyung ka'i mchu can ma/skyung ka'i mchu can ma/ ma mo'i thun zor gyi le'u ste nyi shu rtsa lnga pa'o//// gnod 'dul lha yis yang gsol pa// bstan pa gnyen po bshigs pa dang// dge ba'i bshes gnyen sku dgra la// bsgral ba'i las rnams ma bstan pa// sangs rgyas bka' 'di mi btsan zhing// mu stegs log pa mthu dar bas// rnal 'byor sgrub po dman par nges// 'di dag rnams la phan gdags phyir// dgra bo bsgral ba'i las bya na// dang po lha dang ji ltar 'bral// mngon rdzogs yab la bdag nyan 'tshal// yang dag rdzogs pas bka' stsol cig/ de skad gsol pa gsan nas kyang// mngon rdzogs rgyal pos bka' s tsal pa// sgrub la bar chod byed pa dang// rnal 'byor dgra dang dam 'dral la// dgra bo lha dbral ngas bstan gyi// nyon cig g.yung drung yang dag pa// drag po'i las 'di ma bstan na// log pa'i lam la blo 'jug pas// don dam nyid du ngas bstan gyi// dang po dbang bskur bka' 'thob cing// lung 'di nyan zhing bsgom bsgrub ste// 'di yi rtags dang dngos grub dang// las la bya ba dbang thob nas// thugs rje'i dpyang thag chad pa dang// ngan song gnas su skye nges la// cho ga'i las 'di bya thabs ni// bya rog dang ru g.yas pa dang// 'ug pa'i dang ru g.yon pa la// shog bu gru bzhi tshon gang gnyis// gcig la dgra bo'i ming rus bri// gcig la dgra bo'i pho lha bri// dang ru gnyis la gro gas glan// bya rog sgro yi rtse la gdags// dgra bo nang 'thab tu gzhug pa ni// sngags ming rnams ni bri la bzhag/ dgra bo'i ming 'og 'ug pas gnon// bya rog gis ni pho lha gnon// shog shog tshon gang gru bzhi la// 'og nas 'byung ba'i sngags bris la// bya rog 'ug pa'i bar du gzhug/ tshon skud sna lngas bcing nas ni// shing ring rtse la btags nas ni// rlung po che la 'thab tu gzhug/ bdag nyid che mchog skur bsgom la// khar ni sngags ni ci mang bzlas// ma ma trag ra ma ra khyed ma trag ra ma ra ya/ yungs kar skye tshe til nag la// sngags brgya rtsa brgyad bzlas nas ni// sgro gnyis kyi ni steng du gtor// de la bskul tshig 'di skad do// kha kha mu kha mthu mo che// mthing nag chen mo ral pa can// rtag par zas su sha za zhing// rol cig khug gcig phra men ma// nyin gyi las mdzad bya rog ma// b+han+d+ha gri thod rol rngam ma// phrin las myur mgyogs drag shul che// gzhan gyis mi tshugs sku mdog gnag/ nyin gyi las mdzad rnal 'byor ma// nyin gyi tshe yi phung po choms// dam nyams dgra bo 'di dag gi/phrag pa g.yas kyi pho lha phrol// mtshan gyi las mdzad 'ug pa ma// snying 'byin gri thogs gsod la rngams// phrin las myur mdzad drag shul che// yon tan mtha' rgyas sku mdog ser// phrin las bdud 'dul gnas rigs stong// mtshan gyi las mdzad rnal 'byor ma// mtshan gyi tshe yi phung po choms// dam nyams dgra bo 'di dag gi/ phrag pa g.yon pa'i pho lha phrol// rtsangs pa 'thab pa'i gyod bar la// chu yi nya rnams gtor ba bzhin// thugs rje'i tsham rngams drag shul gyis// 'dzin rtog ngang las 'thab bar du// dgra bo'i lus kyi pho lha gtor// gcig la gcig gshed de gshed gnyis/gshed kyis gshed rgyob kha kha ma// gnyen por rtags phyung hu lu ma// gnyis med 'thab pa'i sprul pa las// ha ha'i nga rgyal bdud dpung bsgral// rgyob rgyob tsham rngams lha chen brgyal// srid pa mes sregs dam tshig nyams pa 'di// ma 'da' las kyis sgrol cig bya rog ma// stong gsum chus bkrus bka' las 'da' byed 'di// ma btang pho lha phrol cig 'ug pa ma// rlung nag rdzu 'phrul stobs kyis thugs dam bskul// phra men mkha' 'gro 'thab pa'i 'gyod bar du// rab tu dgra bgegs gtan nas rlogs// phung po dur khrod brgyad kyi snum rtsi mdzod// nang grol mthar byed yum gyi nan bzhugs gyis// pho lha gnam du 'phongs la thugs su 'pho// tshe dpal rtag ru sdus la dngos grub blangs// zhing lpags rtags su gsol la dpa' mtshan mdzod// ma tshogs 'bar ba kun kyang ches 'dar nas// dang po zhi bas 'dul ba'i gtam smras pa// dam nyams dgra bo srung ba'i pho lha gang// ye shes lha zhig yin na 'di bsgral dgos// 'di la bsgral ba'i las rnams ma byas na// dam tshig nyams pas rdo rje dmyal bar 'gro// dam nyams dgra bo bsrung ba'i pho lha gang// 'jig rten dregs pa yin na shin tu legs// 'di la chags shing bsrungs na gnyis ka bsgral/ ma ma trag tra/ kha kha kha khA hi la/ sa ma ya daMSh+ta/ sa ma ya daMSh+ta/ zhes brjod cing rang bzhin gyi ma mo'i bskul tshigs brjod do/rngams pa dang/ mchongs pa dang/ brang brdung ba dang/ yan lag brdab pa la sogs pa byas na dgra bo lha dang phral bar 'gyur ro// dgra bo nang 'thab gzhug na yang de dag 'dra'o// de las yang mtha' phur du zhug na/ lha 'dre gang mi srun pa gcig gi ming shog shog tshon gang ba gcig la bris la bya rog dang ru la gdags/ dgra bo'i ming rus shog shog tshon gang ba gcig la bris la/'ug pa'i dang ru la gdags/ dang ru de gnyis shing rings la btags la 'thabs su gzhugs pa'i sngags dang/ cho ga gong ma bzhin du byas na mtha' phung du mdzud do// sngags grwa zur chag tu mi rung ngo// dgra bo lha dang 'bral ba'i las kyi le'u ste nyi shu rtsa drug pa'o//// yang ma mo'i thun rnam pa mang po'i le'u las/ g.ya' ma sngon po chags gang la/ dgra bo'i ming dang gzugs bris la// pho nya gtong zhing der bstims la// 'brug shing dag gam lcags la ni// ma mo rdo rje phung sgrol la// sku mdog nag mo chen mo la// chibs su se ru zhon pa gcig/ ting nge 'dzin gyis gsal bar bsgom// 'og nas 'byung ba'i sngags bzlas shing// dgra bo'i gzugs la brdeg nas ni// bsnyen pa bzhag bdun btsugs nas ni// bskul tshig gzhung bzhin bskul nas ni// rtags kyang zhag bdun nyid kyis so// snying po rak+ta las ni drangs// trag rak+ta mu tra myur b+h+yo// ru lu ru lu hUM b+h+yo zhes de bzlas te/ de ni srog gi snying po'o// srog shing mo yi dam rdzas yin// sngags zur ma chags par bzlas na// mtha' phung ste 'ong ngo// de yi bskul tshig 'di skad do// mthing nag chen mo ral pa can// za byed chen mo lce 'bebs ma// rlung dang bu yug chibs su bcibs// sku gcig mi bzad ral pa can// zas su sems can gson za ma// che zhe chen mo sku gcig ma// nang yang sems can 'bum za ma// srid pa za bar byed pa skye ba'i rgyun gcod ma// khams gsum sgrol mdzad stong khams rabs gcod ma// gang la dmigs pa'i dgra bo la// ma mo las kyi thun cig dbab tu gsol// ma mo'i thun gyi le'u ste nyi shu rtsa bdun pa'o//// yang ma mo'i thun le'u gsum pa las/ chu gtsang ma dang khrag bsres la// mon nam rabs chad kyi thod par blugs la/rang bud med nag po ral pa can du bsgom/ bag phye dang khrag bsres pas de'i kha bcad la/ tshon skud kyis kha bcings la/ snying po 'di brgya rtsa brgyad bzla zhing/ zhag bdun du bsnyen pa btsugs te/ trag raka sha mu tra snying kha rag b+h+yo// ru lu zhes bya ste/ dgra bo'i mkhar gyi spe'u dang// khyim la gtor na zhag gsum gyis 'jig/ gang la dmigs pa'i yul phyogs su gtor na mthar phung ste 'gro'o// de'i bskul tshig 'di skad do// lcags khang chen mo kha 'bar ma// lcags kyi ral pa bsig pa yis// mtshams kyi 'byung po kun 'dul ma// dbu ni phra men 'bar ba'i dbu// de yi sgra skad chen mo la// mi snyan sgra yi nga ro 'byin// dpral ba g.yas nas dbu byung ba// me shing bskal pa ri bo'i dbu// gung mo g.yas nas dbu byung ba// rdzu 'phrul stong gis gtams pa'i dbu// ltag pa'i bdud sgor dbu byung ba// chu bo klong chen 'dril ba'i dbu// gung mo g.yon nas dbu byung ba// ro stod rlung gi dbu la ro smad me yi dbu// nu ma g.yas nas dbu byung ba// lcags kyi spyang mo kha gdangs ma// nu ma g.yon nas dbu byung ba// rngam pa'i seng ge stabs mchongs can// lcags kyi dred mo nga ro gdong// lcags kyi 'brug ni mche ba gtsigs// re 'ga' 'brug kyang tshal tshal byed// gang du mngags par rgyug ste 'gro// yid la brnag pa'i dgra bo la// las kyi thun cig da bya yis// snying gi dkyil du thod mda' ya// nor gyi dbyig tu thod mda' ya// yul mkhar khyim la thod mda' ya// zhes brjod la sngags gong ma yang bzlas so// ma mo'i thod thun gyi le'u ste nyi shu rtsa brgyad pa'o//// yang ma mo thun gyi le'u bzhi pa las// bdag nyid che mchog he ru ka pad+ma he ru ka khro bo gang yang rung ba gcig tu bsgom la/ mi mgo skam po gcig gi nang du gtor ma blugs la/ dpyid bya nag mo'i mig dang khrag bsres la gtor ma bya/ dbyar me tog dang khrag bsres la gtor ma bya/ ston 'bru sna tshogs dang khrag bsres la gtor ma bya/ dgun shing zi ri'i mar me dang khrag bsres la gtor ma bya/de la bskul tshig 'di skad do// hUM dpyid kyi rgyal mor gshegs pa'i tshe// ga sha de ba'i dur khrod gnas nyul ma// dbyar gyi rgyal mor gshegs pa'i tshe// b+ha ga hri ti mkha' la char 'bebs ma// ston gyi rgyal mor gshegs pa'i tshe// e ka tsa ti ral gcig ma// phyag na gser gyi zor ba bsnams// 'bras bu lo thog bcud len ma// dgun gyi rgyal mor gshegs pa'i tshe// me za brag gyon rgya mtsho gting skems ma// khams gsum ma lus dbang du bsdud// dgra bgegs lus dmyal thag gcod// gang la bya ba rtags phyung la// dkyil 'khor gnyen po 'di bstan gyis// 'gal byed dgra bgegs rdul du rlog/ ces byas la dus su bskul zhing bsgrub ste// zhing lpags la dgra bo'i ming dang gzugs bris gtor ma'i nang du dkrug cing bcug la// sha rus za ba'i snying po 'di bzlas so// snying za'i tshe la ma sha ro la khrag 'thung ka shi gi sha sha kri khring ro la khrag 'thung/kang thing kang sha ya/ yaM tar bar haM sha la kye kyang/ khra he khra he/ ru lu ru lu b+h+yo/ 'di sha rus za ba'i snying po'i sngags so// grwa zur ma chag par bzlas la/ rang gi srin lag g.yon pa la khrag byung ste dpral ba'i dbyes su byugs la/dgra bo'i gzugs kyang gtor mar bsres shing nyi ma nub khar btang na rgyud la 'chad do// ma mo'i thun le'u ste nyi shu rtsa dgu pa'o//// yang thun le'u lnga pa las/bdag khro bo chen po'i bdag nyid du bsgom la/ byi la bra ba'i mjug spu dang/ dgra bo'i ming byang ra rog po'i rwa ru blugs la/ khrag sna tshogs dang bsres bzhin re ma ti la gnyer du gtad do// de la sngags ni/re ma ti rak+ta b+h+yo ru lu ru lu zhes mang du bzlas la/ sngags 'di grwa zur ma chag par bzlas la/ bskul tshig 'di skad brjod do// hUM srid pa gsum gyi rtse mo nas/ 'khor lo chen po dred gdong ma// chibs su sems can gang bcibs na// lcags kyi dre'u rta rkang gsum bcibs// spu ni lcags kyu bsgril mar gtib// lus po gcig la dred mgo dgu// swo ni ral gri brgya brgya 'bar// brang ni chu gri gzhibs pas gtams// gang la mngags par rgyug cing 'gro// steng gi phyogs su mngags pa'i tshe// gnam gyi steng gi lha bran kyang// gcig kyang ma lus dmyal thag gcod// dre'u skad thang gcig gnam du bton pas ni// srid pa'i mes po tshangs pa yang// thal ba bzhin du dpyad khong med// dre'u skad thang gcig sa la bton pa ni// rgya mtsho kun kyang gting nas skems// dre'u rngog thang gsum sa la brdab pa ni// srid pa gsum yang rtse nas bsnyil// ri rab kun kyang rming nas 'jil// khyod ni dpal gyi pho nya ste// rdungs shig lhogs shig rdul du rlog/ ces brjod la nyid kyang che ba'i nga rgyal bskyed la/ zhe sdang drag pos snying rje ma bskyed par zhag grangs mang du bsnyen pa btsugs na/las myur bar 'grub bo// ma mo'i thun le'u ste sum cu pa'o//// yang ma mo'i thun la le'u drug pa las/ 'bru nag po la sbrul gyi gzugs byas la dgra bo gang yin pa'i snying po dang/klu nag po'i snying po gnyis bsres la/ sbrul gyi khog par bcug la/ de dgra bo'i pha myes kyi thod pa'i nang du bcug la/ klu nag po gnas pa'i chu mig tu bskyal na/dgra bo mtha' rlag ste 'gro'o// snying po ni/ nA ga be ni/ nA ga be ni/ nA ga rA dza tsha ha ha hUM phaT/ bdag nyid kyang sngags bzlas shing lus bsrung/ mon nam rabs chad kyi thod par dgra bo'i dur du zhug dgra bo'i pha myes kyi ro rnyed na mgo bo chu mig klu nag po gnas pa'i sa ru bskyal/rje ngar gnyis kyang smad kyi sha rus gcig sdebs la rlung chen po'i sar phyar na legs/ de min na der sbas na rabs chad par nges so// de la bskul tshig 'di skad do// zhabs kyi 'khor lo las ni gser gyi rgyal mo ste// g.yu yi me tog nal nal 'phro// rta bro dang ni chem sgra dang// gnam gyi mthongs kun sgra yis gang// phyogs bcu'i 'jig rten kun kyang khyab// snying po dung dang ha yin te// 'di lta bu yi sku byung ste// las ma grub par kun kyang rgyug/ klu rgyal kun gyi gshed bzhi ma// sku la na bza' ci gsol na// klu rgyal 'brug gi slag pa gsol// chu srin 'bum gyi sham thabs gsol// phyag na lcags kyu 'bar ba bsnams// klu rgyal kun gyi snying nas 'dren// zas su klu yi sha la za// skom du klu yi khrag la 'thung// gos su klu yi lpags pa gon// gal te las 'di ma byas na// klu rnams kun kyang thal bar rlogs// snying po// a tsa la b+h+yo ru lu hUM/ zhes brjod lag pa'i sor mo gdengs la/ bya bzhin 'dab ma can du byas nas/ lung pa kha byang drang por bltas pa la chu mig kyang kha byang drang por bltas par chu mdog nag la gting ring bar rkang pa gnyis bcug ste/kha bya'i mchu skyes pa bzhin du byas la/ gong nas 'byung ba bzhin du thod pa kha ru bzung la lag pas ma reg par chu mig tu bor na las ldog mi srid do// nad ni 'dzin nad kyis 'dzin to// ma mo'i thun le'u ste sum cu gcig pa'o//// yang ma mo thun le'u bdun pa las/ gro ga'am shing shun la dgra bo'i ming byang bris la// bdag nyid kyang khro bo chen po'i skur bsgoms la klu srin gnas pa'i sa ru bcug la/ rkang pas mnan la/ sngags ni// gong du ma b+h+yo rA tsa ta ru lu ru ru lu zhes brjod la/ grangs mang du bzlas la/ tshig tu yang dam nyams pa 'di'i mchan gyi bu phrogs shig yan lag skums shig ces brjod la bskul tshig 'di brjod do// g.yu yi 'khor lo'i rtsibs steng nas/ mi bzad 'bar ba'i sku byung ba// srid pa chen mo rgya mtsho bzhin// de la zhabs ni dgod par byed// de yi sku rgyan bshad pa ni// ba sbu nyag ma re re la// sku yi dkyil 'khor yin par bshad// spyan gyi rdzi ma re re las// ma mo'i sprul pa 'bum 'bum 'gyed// zhabs kyis lha srin kun mnan te// phyag dang zhabs kyi sprul pa las// ral gri dmar po re re byung// phyogs bcu ma lus thams cad ni// rin chen gter gyis kun bkang ste// srid pa'i sems can pa lus pa// thams cad kun gyi snying nas 'dren// de nas byang chub lam chen po// bcol pa'i las der 'gro bar nges// gang la bya ba grub par byas// ma mo'i thun le'u ste sum cu gnyis pa'o//// yang ma mo'i thun le'u brgyad pa las/ cho ga 'di'i dpyad la 'bras chang gro chang chu chang dang/ sa la skyes pa'i dug sna tshogs/ glang po chen po'i mtshan ma dang// 'di rnams chang gi nang du blug/bse gzhong kha bcad kyi nang du blugs la/ yi ge brgya rtsa brgyad bris la blugs la/ de'i nang du rtsi sman sbyar ba sna tshogs blugs la// zhag gsum bsnyen pa btsugs la// dgra bo dngos yod na khang pa la phog par bya/thag ring na yul phyogs su gtor la btang/ snying po/ sha ra ma pe sha ru so paM sha hUM phaT/ ces rjod cing grangs mang du bzlas la/ bskul tshig 'di skad do// nag mo gsum mig rdo rje gdong// g.yang gzhi gos su gon pa'i rdzu 'phrul can// mche gtsigs rkan sgras srid gsum za// nad kyi rkyal pa g.yas na thogs// tshon gyi gru gu g.yon na thogs// ma tshogs rngam pas srid gsum 'jig/thams cad ma lus rlag par mdzod// ces brjod na las nus so// las 'di lan gcig ma bkrol na// rang rgyud med par 'ong ngo// ma mo'i thun le'u ste sum cu gsum mo//// yang ma mo thun le'u dgu pa las/dgra bo bsad pa'i cho ga rnam pa gcig la/ dong chag gang gru gsum pa gcig brkos la/ nang du rgya sol gyis dgang/ spyang tsher ba la dgra bo'i ming dang gzugs bris la// mi shi ba'i lag pa g.yas pa'i nang du bcug la dong gi nang du gzhug/sha rus za ba'i sngags tshig ni/ ma sha bya ba bzlas la nyung dkar la zhag gsum bsnyen pa btsugs/ bskul tshig 'di brjod par bya ste/ srin mo lcags kyi dre'u rta rkang gsum mam// rtsub cing gtum la gtum khro che// dbu gsum gtsug phud gcig tu bsdus// g.yu yi 'khor lo rtsibs stong 'byung// de yi sku rgyan yod pa ni// gser gyi go zu g.yu yi thigs gdab pas// ba spu nyag ma re res zad mdzad de// lcags kyi mche ba thags bzangs can// gser gyi phur pa la sogs pas// zhabs ni rgya mtsho'i gting du bskyod// phyag kun spyi bo'i gtsug tu 'byung// zhabs ni re re 'byung ba yang// lcags kyi dre'u rta rkang gsum po// rkang pa gsum pos srid gsum gnon// phyag char srin po'i thags bzangs thogs// rgyan du mi yi pags pas brgyan// zas su dam nyams sha la za// skom du dam nyams khrag la 'thung// dam nyams dgra bo rgyan du byas// ban de bshes gnyen dge bsnyen dang/ bud med phreng thogs gang yang rung// bdag la dgra bya dmyal thag gcod// ces bskul na las chud mi za'o// ma mo'i thun le'u ste sum cu rtsa bzhi pa'o//// da ni ma mo khrag skems kyi cho ga bshad par bya ste/ yo byad la bya sha zan sna tshogs kyi mgo bo dang sder mo/ gcan gzan sna tshogs kyi mgo bo dang sder mo/skam la gnas pa dang/ gsher la gnas pa'i khrag sna tshogs tshang ba// mi grir shi ba'i bam tshogs tshags byas la// dang po gnas brtag par bya ste// dur khrod gnas dang shing gcig drung// brag nag rmog mgo mgul chad dang// chu bo'i 'gram mam rol mtsho'i ngogs// bya rgod 'ug pa pho rog dang// sha zan bya yi tshang yod par/ kang ka dur khrod bya gnas par// gnas khang bzang po yod na legs// med na khang bzangs sbra phub la// gzhung nas 'byung ba'i dkyil 'khor brtsig/ dur khrod 'bar ba'-i thig gdab la// kha dog sna lnga'i tshon rtsi bkye// dkyil 'khor gru gsum sum brtsegs la// dbus kyi mthing nag gru gsum la// ma mo bsnol ba'i gdan steng na// che mchog yab yum brtsegs mar 'god// mtha' ma he ru ma bdun 'god// thod pa'i phreng bas mtha' ma bskor// rgyan dang chas gos nag por bsgyur// dur khrod rgyan dang b+han+d+ha bkram// yum yang mthing ga mdangs mdog phyed// gnyer ma gyen 'greng yod pa btsal// snod kyang 'khar gzhong zangs gzhong dang// lcags la sogs pa gang yod par// 'bru khal gcig la gtor ma bya// nang du dbang po rnam lnga dang// ba su ta yis mtha' ma bskor// khrag sna tshogs pa der blugs la// ngar phye gcig zan la sogs par// dam nyams dgra bo'i gzugs byas la// ming rus snying gar bslan nas kyang// gtor ma'i dbus su gzhag par bya// de nas dkyil 'khor 'khor lo yi// phyogs su rang gzhan gnas byas nas// rdzas rgod sman brlabs gzhan bzhin bya// sgrub pa nang la bzhugs nas kyang// bdag nyid dkyil 'khor gsal bsgoms te// las kyi gzhung bsrang 'dzab bzlas nas// mchod pa dus drug dbul bar bya// thugs dam shel dang bya yis bskang// tsa ra rog pos smon btsugs te// ku ku ra la dbang thang bsgral// bskul cing pho nya btang nas ni// shes pa dgug cing gzugs la bstim// ma mo mkha' 'gro dbang phyug ma// ci bgyi bka' nyan la sogs pas// de yi sha khrag zos par bsgom// g.yab nag brdab cing sle 'us brdab// dmar gyi ar+g+ha rgyun med sbreng// bcol dang bshags pa nus tshad bya// 'dzab dang bsnyen pa tshang bar bzlas// nyes pa med pa'i 'o dod 'bod// sha lag za ba'i sngags kyang bzlas// yang na dus gsum rub par bzlas// bcol cing bskul ba gong ma bzhin// pho nya btang ba gong bzhin bya// dgug cing 'gugs 'dren sngags kyis bya// de bzhin lan grangs ci mang du// zla ba phyed du las byas na// 'bab 'gyur 'di la gdon mi za// gtor ma chu dang me la btang// zhi nas dam tshig gzhung du bsrung// 'dis ni sha khrag skaim par byed// ma mo sha khrag skem par byed pa'i le'u ste sum cu rtsa lnga pa'o//// rims nad btang ba'i cho ga la/ dang po gnas brtag par bya ste/ ri'i rtse mo byung rgyal du yod pa/ ri'i kha nas bltas na kun mthong ba/ stod ral pa brnyil pa 'dra ba/bar stag ris btod pa 'dra ba/ zhol gyi brag mtshon cha thogs pa 'dra ba/ chu mtshams nas bab na yang legs so// zhabs na yi dwags kyi gnas yod pa// de lta bur song la yum skra lcang lor yod pa/yid tsam ser pa/ mdog dmar ba swo rno ba/ bltas pas byang chub kyi sems rig pa/ gzugs brjid bag tu 'gro ba zhig khrid la/ dkyil 'khor gzhung nas 'byung ba bzhin du brtsegs la/ bdag nyid che mchog tu bsgoms la/ las dang cho ga tshang bar byas la/ ma mo dbang tshad rim par skul zhing rims nad thong cig par bsgos na nad sna tshogs pa 'byung ngo// yang na bdag che mchog gis ye shes kyi ma mo bskul// ye shes kyi ma mos rang bzhin gyi ma mo bskul/ rang bzhin gyi ma mos srid pa'i ma mo bskul/ srid pa'i ma mos e ka tsa ti rbad de/ e ka tsa tis nag mo re ma ti bskul nas/ e kar sha nag mo rag mo yak+sha b+h+yo// ru lu ru lu b+h+yo/ ma mo trag rak+sha mu tra ma tra ma b+h+yo// zhes grangs mang du bzlas pas gling bzhi'i yul gang yin par glang rims dang/ 'khru bag gi rims sna tshogs yod do// de nas yang bdud kyi bu mo dmar skya skem byed mig gcig ma rbad de/ral nag bsigs shig de ring lha mo u ma/ de ring sa ma ya b+h+yo/ snying za ba tsi la ma sha ro la khrag 'thung kang ka sha ya/ tar bar la ho/ sha la ka la ka king grang de ru lu b+h+yo/zhes rbad pas// mi yul gling bzhi gang yin par 'khru bag gi nad dang glang thabs kyi nad sna tshogs 'ong ngo// de nas phyugs nad sna tshogs btang ba ni/ ral gcig mar bsgoms la/lha mo nam gru ma rbad cing bskul tshig 'di skad do// nam gru khyod kyi cho dang 'brang// mtshan ni yang dag bshad bya ba// nor bu'i rang bzhin khyod kyi lus/ rgyab ni 'dzam bu chu bo'i gser// khyod kyi gdong pa dngul yin te// lto ba'i ngos ni rdo rje mkhregs// ming ni mdzod dang mdzod srung byed// khyod kyi ma ni kun tu 'gro// khyod kyi pha ni rlung zhes bya// b+ha ga hri tri nad kyis bdag/ lha yul dag tu 'khrungs pa yin// na mo badzra pA Ne ni si// tsi li tsi li// b+hin d+hi b+hin d+hi/ mun tsa mun tsa// hi pa la te na swA hA/ zhes brjod cing bskul na phyugs nad sna tshogs 'ong ngo// de nas pha rol po'i gnod tshul la nad sna bcad par byed na// badzra pA Ni rad na pa ya ti swA hA// de ba sa man+ta ba ya ti swA hA/ shi sha ya sa man ta ba ya ti swA hA/ zhes brjod cing nam gru'i mtshan dang cho 'brang nod cing/ gro ga la bris nas dgra bo la btab na/ yul der zhi ba dang bkra shis par 'gyur ro// mi nad phyugs nad la sogs te/ nad thams cad mi 'ong ngo/ de nas kyang badzra he ru kar bsgoms la// e ka dza ti ral gcig ma rbad de// trag rag sha kha mun tra dza tig sna sa ma ya b+h+yo/bam ril shan shog dun b+h+yo// snying kha rag snying kha rag ram srog bam ril b+h+yo rbad pas dgra bo brgyal nad kyis 'debs par 'gyur ro// yang khro bo de bsgom la/ ri rab gling bzhir dbang bsgyur ba/badzra dur kha ti gling bzhi ma rbad de// gru ma gum bu'i baM ba ri bur pa go hri/ 'u shig dgra dgrud 'di ling pra shing glo snying phyung/ krum la kang ka rang phyod rnol thim/ pra ling tsa tshar bu shing rdum bu bcad par bya'o// zhes gro ga'am shing la ri mo bris kyang rung ste/ dur khrod kyi sa la gzugs smug nag tu byas la rbad na/ dgra bo la rims nad kyi klad gzer dang yan lag bcings par 'gyur ro// de nas yang khro bo bsgoms te// rdzong gi lha mo ral pa dgu ba rbad do// krong krong ba ti bar klong khu khu tha ta tha ta/ kha kha dur dur dur/ mo khaM khaM khaM ru khaM/ bdud kyis khaM la ru ru/ dam dam sha/ bdud kyi srog le ya raM ya raM zhes rbad pas/bdud nyid kyang 'chi bar 'gyur na dgra lta ci smos/ de nas yang khro bor bsgoms nas/ gangs ri'i bu mo spyan gcig ma rbad na/ a li du du na ki ru ka ling dbugs long/ phyung shig shig/ srog baM pa ti baM zhes rbad pas/dgra bo'i yul phyogs su nad btang ngo// yang khro bo bsgoms la/ rdo rje shugs sgrol ma rbad do// nA nA nA shun rtsi na 'du shed shed tis tu rbad dam b+h+rUM ril ril/ li li b+h+yo ru lu ru lu hUM b+h+yo hUM/dgra bo nad sna tshogs kyis 'chi bar 'gyur ro// man ngag de dang ldan pa yang// ma yengs bsgoms pas sgrub brtson pa// dam tshig ma nyams yo byad ldan// dam rdzas mchog dang gzhung bcug pas// rims dang nad rnams ci gar gtong// stong gsum nyams pa phung bar 'gyur// bskul tshig gzhung na yod pa btang// rims nad btang ba'i le'u ste sum cu rtsa drug pa'o//// gnod 'dul lha yis yang gsol pa// las rnams drag po 'di brtsam pa// kun la bya ba 'byung lags sam// mngon rdzogs yab la bdag nyan 'tshal// mngon rdzogs yab kyis bka' stsol cig/ de skad gsol pa gsan nas kyang// ngo mtshar lha yis bka' stsal pa// las rnams brtsams pa'i dmigs bstan pa// yang dag nyid du ngas bstan gyi// nyon cig g.yung drung yang dag pa// bsgral ba'i las 'di brtsams pa yang// kun la bya bar ma gsungs te// mtshan dang ldan pa'i skyes bu yang// gzhung dang ldan pa'i skyes bu dang// don dang ldan pa'i dge 'dun dang// lung dang ldan pa'i mkhan slob dang// chos dang ldan pa'i rgyal po dang// khrims dang ldan pa'i bram ze dang// rtags dang ldan pa'i bud med la// las 'di brtsam par yongs ma gsungs// brtsams kyang mo grub bdag nyid phung// gzhan gyi don ni gnyer ba dang// rogs 'brel don du brtsam pa dang// rang nor rang gis blang ba dang// rings par za bar bskos pa dang// nyam thag phongs par gyur pa dang// ma rtogs glen pa'i mtshan nyid la// las 'di brtsams par ngas ma gsungs// brtsams kyang sdig sgrib che bar 'gyur// len pa rang gis che ba dang// mkhan 'khon phran tshegs yod pa dang// kha snyad chags pa phra mo dang// chad dbang gdon bslus bka' stsal par// las 'di brtsam par ngas ma gsungs// brtsams kyang sdig sgrib che bar 'gyur// len pa rang gis che ba la// brtsams na ngan song gsum du lhung// 'di dag brtsams pa'i mtshan nyid ni// mtshams med lnga po byed pa dang// theg pa chen po smod pa dang// bstan pa gnyen po bshigs pa dang// snga rabs tshad ma'i sku dgra dang// bka' rkun 'gal bar byed pa dang// cha yod bzhin du 'joms che dang// rang chog yod kyang gzhan la 'phrog/ma nyes yongs kyi gnya' ba gnon// nyam thag kun la snying rje med// sdig pa'i phyogs bstod dge ba smod// yon tan can dang mkhas pa gsod// rnal 'byor bar chod rku 'phrog byed// phud dang sgrub pa'i longs spyod za// snying nas za bar shoms pa dang// khrel 'dzem ngo tsha bral ba dang// rgyal khams nag por byed pa dang// bdag dang yongs la 'dzugs pa dang// zhi bar smas kyang mi nyan pa// bden par bkrol kyang mi go ba// 'di dag bsgral ba'i rgyu yin pas// phrin las dus la bab pa yis// bsgral ba'i zhing bcur gyur pa ste// zhe sdang me ltar 'bar te gcig/ phrag dog rlung ltar 'tshubs te gnyis// 'dod chags chu ltar gtams te gsum// gti mug ri ltar spungs te bzhi// nga rgyal bse ltar khengs te lnga// ser sna rtsi ltar 'byar te drug/ gtum khro khro chu 'dra ste bdun// gsod gcod srin po 'dra ste brgyad// 'phrog rlom srin po 'dra ste dgu/ chos log kha dpon byed dang bcu// 'di dag bsgral ba'i dmigs yin te// 'di dag bsgral bar ma brtsams na// snying rje'i dam tshig nyams par 'gyur// ngan song skye zhing dmyal bar 'gyur// bla med thar lam stongs par 'gyur// 'di dag bsgral ba'i las brtsams na// rnal 'byor mthu stobs mthu dpung btsan// sgrub la bar chad byed pa med// las ngan 'phro bcad dmyal yun thung// bla med thar pa'i bde sgo phyed// ngan song 'khor ba gting nas sbyangs// bstan pa srungs shing gang zag btsun// nges par legs pa'i dgongs pa 'grub// bsgral ba'i dmigs bstan pa'i le'u ste sum cu rtsa brgyad pa'o//// gnod 'dul lha yis yang gsol pa// bsgral ba'i las rnams brtsams pa yang// rnal 'byor mtha' dag gang zag gi/ kun gyis brtsams na 'grub mi 'gyur// mngon rdzogs yab la bdag nyan 'tshal// yang dag rdzogs kyis bka' stsal cig/ de skad gsol pa gsan nas kyang// nyag gcig yab kyis bka' stsal pa// rnal 'byor gang zag mtha' dag gis// bsgral ba'i las rnams 'grub mi 'gyur// nges pa nyid du ngas bstan gyi// nyon cig g.yung drung yang dag pa// rnal 'byor gang zag sna dgu dang// kun gyis brtsams par ma gsungs te// thos pa chung la man ngag med// 'dzin rtog che dang blo sngar bas// las 'di brtsams kyang mi 'grub pas// rtog pa'i nad kyis rang la 'jug/ dam tshig nyams dang bka' gcog pas// sdig pa can dang bcas pa yis// 'grub pa med pas mi bsgrub pas// des ni pha rol mi song ste// yi mug chos la dad mi skye// dam rdzas ma tshogs rdzas dang bral/ bsgoms la mi brtson ras chod byed// klong du ma gyur bsnyon thabs byed// las 'di brtsams kyang mi 'grub ste// rang gi 'bras bu rlag par byed// chos nyid blo la ma zhugs shing// blta ba chung bas 'khu 'phrig zos// bka' rtags phyag rgya ma byin zhing// dbang bskur gnang ba ma thob pas// las 'di brtsams kyang mi 'grub pas// tshe dang srog gi bar chad 'ong// nyams dang sdig la mi 'dzem pas// snying rje'i lam dang bral ba yis// brtsams kyang 'bras bu thob mi gyur// dad pa chung dang theg pa dman// slob dpon med dang bka' brton pa// des ni gdon rtol med pa tsam// 'khu 'phrig che dang tshor rkyen dang// skyo rkyen sun rkyen sur lud kyis// las 'di brtsams kyang mi 'grub ste// slar yang log chos yin zhes 'dogs// gting nas thag bcad mi 'grub pas// 'phyor dang sgra 'od che 'dod pas// las 'di brtsams kyang mi 'grub ste// slar la skyon can yod zhes bskur// bsgom dang sgrub pa yun thung zhing// zhag grangs lo zlar mi bsring pas// bsnyen dang 'dzab kyi grangs nyung bas// byas kyang las 'di mi 'grub ste// slar yang skyo sems skye bar 'gyur// phud dang mchod pa mi 'bul zhing// dam rdzas gtso ru mi len pas// byas kyang las 'di mi 'grub ste// slar yang sman mo'i bka' chad 'ong// cho ga'i las 'di rtsams pa yang// thos pa che dang man ngag thob// 'dzin rtog chung dang blo stobs che// brtul zhugs chen por ldan pa yis// las 'di brtsams na 'grub 'gyur te// rtog pa'i gang gis mi tshogs te// dam tshig ma nyams bka' brtan dang// sdig can ma yin grims 'byin dang// bcang tsam ma yin shugs byung na// rtsol zhing brtsams pa 'grub par 'gyur// spyad cing bkol bas nyan par 'gyur// des ni bsgral ba'i las 'grub cing// yid rang chos la dad pa skyed// dam rdzas bdud rtsi sman tshogs dang// rdzas dag lag cha ma bral zhing// bsgom la brtson pa ngang ring zhing// ras chod thug thub ma yin par// yid ches lag len don 'brengs la// chos nyid mnyam pa'i klong gyur te// las dang brtsams pa go 'byed pas// de ni brtsams kyang 'grub par 'gyur// rang gi 'bras bu mi sgrib cing// bsgral ba des kyang mtho ris thob// chos nyid zab mor blo zhugs shing// lta ba mthon pos sa chod ste// sems kyi 'khu 'phrig ma tshor zhing// rdo rje slob dpon blo ldan la// chos la dad pas lung thob bo// bka' rtags phyag rgya byin pa dang// dbang bskur gnang ba thob pa yis// las 'di brtsams na 'grub 'gyur te// tshe srog bar chad mi 'ong ste// pha rol dmigs te bsgral bar nges// nyams dang ma 'dres dam tshig gtsang// sdig chen rnams dang mi 'grogs shing/ snying rje'i lam dang ma bral bas// brtsams na 'bras bu thob pa yin/ dad pa che dang theg pa mtho/ slob dpon rim pas gnyan pa dang// de nas 'grub par the tshom med// sems kyi 'khu 'phrig chung ba dang// tshor rkyen skyo rkyen mi byed cing// sun skyen sur lud med pa yi// brag la phur pa btab 'dra bas// las 'di brtson na 'grub 'gyur te// tshe srog bar chod mi 'ong ste// man ngag yin zhes 'di la bsngags// gting nas thag bcad sgrub pa dang// 'phyor dang sgra ru mi gtong bas// che 'byin khengs pa spangs nas ni// gsang zhing sgrub la brtson pa dang// ma yengs mdzab bzlas brtson pa yis// las 'di brtsams na 'grub 'gyur te// rnal 'byor kun kyang btsun par byed// bsgom dang sgrub pa yun ring zhing// zhag grangs lo zla grangs mang bar// bsnyen dang 'dzab bzlas grangs mang ba// byas na las 'di 'grub 'gyur te// 'gyod sems med cing btsun par 'gyur// phud dang gtsang ma'i chod phul nas// so so'i dam rdzas gtsor len pas// byas na las 'di 'grub par 'gyur// dman mo'i chad pa mi 'ong zhing// gang yin bka' bsgo bran bzhin nyan// skyon yon gnyis ka'i don 'di yin// kun la bstan par mi bya zhing// sna dgus bya bar ngas ma gsungs// rnal 'byor skyon yon gyi le'u ste sum cu rtsa dgu pa'o//// gnod 'dul lha yis yang gsol pa// gtso ru dam tshig bstan pa dang// dam tshig nyams pa'i skyon rnams dang// dam tshig bsrung ba'i yon tan dang// dam tshig bsrung ba'i rim pa rnams// de yi phan yon bstan pa rnams// mngon rdzogs yab la bdag nyan 'tshal// yang dag rdzogs kyis bka' stsol cig/ mngon rdzogs rgyal pos bshad du gsol// de skad gsol pa gsan nas su// nyag gcig yab kyis bka' stsal pa// dam tshig mchog tu bstan pa dang// bsrung nyams rims pa ngas bstan gyi// nyon cig g.yung drung yang dag pa// dam tshig 'di ni mchog tu bstan// dam tshig dam tshig 'di dag la// snga rabs 'das pa'i sangs rgyas kyang// dam tshig 'di la brten nas 'grub// da ltar bzhugs pa'i sangs rgyas kyang// dam tshig 'di la rten nas 'grub// slad kyis 'byon pa'i sangs rgyas kyang// dam tshig 'di la brten nas 'grub// de phyir dam tshig theg chen 'di// phyi rabs sngags 'chang nges par bsrungs// dam tshig 'di ni sa gzhi 'dra// sa la skye 'khrungs kun skye ltar// dam tshig sa gzhi dam pa la// sku dang ye shes skyed par byed// rtsa ba'i dam tshig gsum po dang// yan lag dam tshig lnga rnams la// ma 'das bsrung na sangs rgyas yin// de las 'da' na sems can yin// dam tshig gzhung bzhin bsrung ba la// ma mo rnams kyang bsgo ba nyan// gal te bsgo ba mi nyan na// ma mo nyid kyang rlag par nges// lha yang 'da' na rmongs 'gyur na// rnal 'byor 'das pa smos ci dgos// dam tshig 'di ni gtso yin zhes// kun bzang lha yis yang dag bshad// 'da' bar dka' ba'i dam tshig gi/ dam tshig bstan pa'i le'u ste bzhi bcu pa'o//// 'di dag nyams pa'i skyon bstan pa// dam tshig nyams pa'i snga rtags ni// bya ru mi rung sna tshogs byed// slob dpon bka' bslu smod byed dang// lu gu rgyud la dbyen btang ba// 'di dag nyams pa'i snga rtags yin// sngags dang phyag rgya rgyun bcad nas// gzhan nas dngos grub thob 'dod pa// 'di yang nyams pa'i snga rtags yin// lung dang gsang ba'i man ngag rnams// thos nas yid la ma 'grogs shing// blo la 'dug pa'i yul med pas// yod ma thag tu ston cing 'chad// 'di yang nyams pa'i snga stags yin// zang zing nor gyi mthong 'dod kyi// snod med kun la spel byas na// 'di yang nyams pa'i snga rtags yin// rdzas dang lag cha mngon thogs nas// pha rol gzhan la sdig byed na// de yang nyams pa'i snga rtags yin// sha khrag gtor ma mngon sum du// mi nag mang po'i sar bskyod na// 'di yang nyams pa'i snga rtags yin// dur khrod dben sar mi bsgrub par// grong khyer nang dang ri ngos su// rnga sgra b+h+yo yi sgra 'don na// 'di yang nyams pa'i snga rtags yin// man ngag gting nas ma thon zhing// rtags dang mtshan ma ma byin par// ag tshar kha yis ngoms skyen na// 'di yang nyams pa'i snga rtags yin// dus su byung ba ma gtogs pa// sna la khrag phyung ngor byugs nas// mi nag dkyil du brang brdung ba// 'di yang nyams pa'i snga rtags yin// rig pa'i thabs dang mi ldan par// kha nas lha srin gnyen po 'bod// 'di yang nyams pa'i snga rtags yin// mtshan dang ldan pa'i gzungs ma la// 'phrad nas sbyor ba ma brtsams na// 'di yang nyams pa'i snga rtags yin// las ngan skyon can mtshangs phogs nas// bsgral ba'i zhing bcu ma bsgral na// 'di yang nyams pa'i snga rtags yin// dam tshig nyams pa'i skyon rnams yin// rtsa ba'i dam tshig gsum nyams na// rdo rje dmyal bar skye bar 'gyur// de la sdug bsngal bzod glag med// mchod pa dus drug ma phul te// las kyi phyag rgya ma bsrungs na// 'di yang nyams pa'i snga rtags yin// de nas bskal pa 'dod mi srid// yan lag dam tshig lnga nyams na// 'dir yang nyes pa sna bcu 'ong// phyis kyang na rag dmyal bar skye// mgo nas tho ba thogs pas brdung// logs nas s+t+wa re thogs pas gcod// zhabs nas mtshon dang ral gri thogs// spyod pa'i dam tshig nyams pa 'di// 'dir yang nad dang sdug bsngal che// mdze dang nad ngan sna tshogs 'ong// ma tshogs stong gis snying khrag len// sha zan stong gis sha rus 'bral// rang bzhin ma mo bcu bzhi yang// dam tshig nyams pa'i bdud du babs// ma mo kun kyang gshed du 'ong// tshe dang srog gi bar chad 'ong// 'chi 'pho dmyal ba'i gnas su skye// dam tshig 'di la ma gnas na// brtsam pa mi 'grub mya ngan snon// bsgrubs kyang dngos grub rtags mi 'ong// bka' gsang dam tshig gzhung bor nas/ phyi nang sde snod mtha' dag dang// rgyud dang tan tra ci bshad kyang// de yis 'grub par ngas ma gsungs// lhar yang rang sems brlag ta re// dam tshig nyams pa'i skyon bstan pa'i le'u ste bzhi bcu rtsa gcig pa'o//// dam tshig bsrung ba'i yon tan ni// ci bsam las rnams 'grub gyur te// mkha' la 'gro na bya bzhin 'phur// chu la 'dzul na nya bzhin 'phyo// sngags kyi dngos grub ci 'dod ster// rig 'dzin rnam gsum gang bsgrub 'grub// rang bzhin ma mo rang bzhin byams// srid pa'i ma mo bran bzhin nyan// ci bgyis bka' nyan 'khor bzhin 'khol// mkha' 'gro ma chen 'khor bzhin 'du// dngos grub rnam gsum rim bzhin thob// tshe dpal dbang thang bsod nams 'phel// 'byor pa kun tshogs longs spyod ldan// ma sring kun kyang rje bzhin khur// dgra bgegs kun kyang gzhob bzhin 'dul// bstan pa kun kyang rang bzhin rgyas// dam tshig 'di dag gtsor len pas// 'grub par 'gyur ba gdon mi za// kun tu bzang po yang dag bzhin// sangs rgyas kun gyi gtso chen yin// rgyal ba kun gyi lam yin zhes// kun tu bzang pos yang dag bshad// dam tshig bsrung ba'i yon tan bstan pa'i le'u bzhi bcu rtsa gnyis pa'o//// dam tshig bsrung ba'i rim pa ni// rdo rje slob dpon bka' nyan zhing// man ngag ston pa khur byed cing// rdo rje rgyal po pha ltar khur// yum gyi dbang mo ma ltar bkur// rgyal thebs karma bu ltar bkur// mched dang lcam dral bu ltar bkur// bstan pa don bzhin gzhung snyogs na// 'di yang bsrung ba'i rim pa yin// nyin dang mtshan du dus med par// sngags dang phyag rgya rgyun med par// ma yengs gsang ba'i don brtson na// 'di yang bsrung ba'i rim pa yin// gsang thub man ngag 'tsho mkhas dang// yun du brten pa nges che ba// 'di yang bsrung ba'i rim pa yin// nyan bsam thos pa rgya bskyed nas// 'du 'dzi'i dbang du mi gtong bar// rtag tu sgrub la brtson byed na// 'di yang bsrung ba'i rim pa yin// gab pa'i gsang ba gting phyin cing// sbas pa'i gsang ba'i gzhung thub na// 'di yang bsrung ba'i rim pa yin// slob dpon mnyes pa phul byas na// dbang rnams rim par nod byed pa// 'di yang bsrung ba'i rim pa yin// dam rdzas yo byad tshogs byas nas// gzhung bzhin ma nor sgrub byed na// 'di yang bsrung ba'i rim pa yin// pha rol dam nyams dgra bo la// kha chos smon 'jug mi zer bar// gsang zhing 'dug nas las brtsam pa// 'di yang bsrung ba'i rim pa yin// dkyil 'khor brtson 'grus shugs phyung nas// mi nag bca' mkhar mi gtong na// 'di yang bsrung ba'i rim pa yin// mtshan dang ldan pa'i gzungs ma la// byin rlabs sbyor ba rtsom byed na// 'di yang bsrung ba'i rim pa yin// bsgral ba'i zhing bcur gyur pa la// dpyang thag chad pa bsgral ba ni// 'di yang bsrung ba'i rim pa yin// mchod pa dus drug rnams su 'bul// las kyi phyag rgya gzhung bsrang na// 'di yang bsrung ba'i rim pa yin// dur khrod dben sar sgrub byed cing// rtags dang mtshan ma mngon sum du// ma phyin bar du mi gtong na// 'di yang bsrung ba'i rim pa yin// gzhan la phyar 'tshong mi byed cing// gcom bskyungs yon tan tshogs sbed na// 'di yang bsrung ba'i rim pa yin// gzhan yang yon tan 'tha' dag pa// gzhung nas bstan pa kun spyod na// 'di yang bsrung pa'i rim pa yin/dam tshig bsrung ba'i le'u ste bzhi bcu rtsa gsum pa'o//// gnod 'dul lha yis yang gsol pa// ma mo'i sbyin sreg ji ltar 'bul// nyag gcig yab la bdag nyan 'tshal// yang dag rdzogs kyis bka' stsol cig/ de skad gsol pa gsan nas kyang// ngo mtshar lha yi bka' stsal pa// nyon cig gnod 'dul lha yi gtso// dang po phun sum tshogs ldan nas// rdzas dang yo byad tshogs byas te// zhi rgyas dbang dang mngon spyod dang// phrin las rnam bzhi gang byed pa// rdzas dang kha dog de bzhin bsgyur// hom khung yum gyi gzhal yas su// hom shing yab kyi mkha' brdzangs te// gnyis su med par me spar nas// ye shes rang bzhin dman mo rnams// cho ga gong nas 'byung ba bzhin// me dpung 'bar ba'i gzhal yas su// spyan drang phyag 'tshal bzhugs su gsol// rdzas dang yo byad kun thogs la// mchod pa 'bul ba 'di skad do// hUM kun tu bzang mo yum gyi mkha' dbyings su// kun tu bzang po yab kyi shing brdzangs nas// gnyis med byang chub sems kyi me spar la// che mchog he ru spyan drangs gdan la bzhengs// 'bar ba me yi gzhal yas nang du bzhugs// dam rdzas bdud rtsi 'bar ba'i mchod pa 'bul/ skye med byang chub sems kyi mchod pa bzhes// yab yum gnyis su med pa'i me spar la// yum gyi rgyal mo spyan drangs gdan la bzhengs// bzhi zur zhabs brgyad 'bar bas phyogs mtshams gnon// ye shes klong yangs 'khyil pa'i hom khung du// rgyud lnga bag chags ma lus kun sbyangs te// dam rdzas bdud rtsi sman gyi mchod pa 'bul// dam nyams dam bskangs mthu dang dngos grub stsal// 'bar ba me yi gzhal yas nang du bzhugs// sman dang bdud rtsi dam rdzas mchod pa bzhes// skye med chos kyi dbyings kyi dngos grub stsol// ye shes klong yangs khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod pa bzhes// dam nyams dam bskang mthu dang dngos grub stsol// yab yum gnyis med sems kyi me spar te// rtag pa'i rgyal mo 'dir gshegs gdan la bzhengs// sha rus bdag mo rnam snang gsal// 'bar ba me yi gzhal yas nang du bzhugs// sman dang bdud rtsi dam rdzas mchod pa bzhes// 'byung ba sa yi dngos grub stsal du gsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod pa bzhes// dam nyams dam bskangs mthu dang dngos grub stsol// yab yum gnyis med sems kyi me spar te// rtag pa'i rgyal mo 'dir gshegs gdan la bzhengs// dbugs kyi bdag mo ma mo yang gsal gsol// 'bar ba me yi gzhal yas nang du bzhugs// sman dang dam rdzas bdud rtsi mchod pa bzhes// 'byung ba rlung gi dngos grub stsal du gsol// ye shes klong yangs 'khyil ba'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod pa bzhes// dam nyams dam bskangs mthu dang dngos grub stsol// yab yum gnyis med sems kyi me spar te// rtag pa'i rgyal mo spyan 'dren gdan la bzhengs// khrag gi bdag mo ma mo gnyen gsal 'bar// 'bar ba me yi gzhal yas nang du bzhugs// sman dang bdud rtsi dam rdzas mchod pa 'bul// 'byung ba chu yi dngos grub stsal du gsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum gnyis med sems kyi me spar la// rtag pa'i rgyal mo spyan 'dren gdan la bzhengs// drod kyi bdag mo ma mo 'od gsal 'bar// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// 'byung ba me yi dngos grub stsal du gsol// ye shes klong yangs 'khyil ba'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum gnyis med sems kyi me spar la// srid pa'i rgyal mo spyan 'dren gdan la bzhugs// bkrag dang mdangs kyi bdag mo bkrag gsal mnyam// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// 'byung ba nam mkha'i bkrag mdangs dongs grub stsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum gnyis med mkha' dbyings 'bar ba'i hom// gnyis med byang chub sems kyi me spar te// rang bzhin ma mo spyan 'dren gdan la bzhengs// yongs kyi ma mo phra men rgya mtsho ma// 'bar ba mi yi gzhal yas nang du bzhugs// sman dang bdud rtsi dam rdzas mchod 'bul gyi// srid pa'i dbang sgyur dngos grub stsal du gsol// ye she klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum mkha' dbyings 'brel ba 'bar ba'i hom// gnyis med byang chub sems kyi me spar te// rang bzhin ma mo spyan 'dren gdan la bzhugs// dbang bsgyur spyan 'dren gdan la bzhengs// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// gling bzhi dbang sgyur dngos grub stsal du gsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum mkha' dbyings 'brel ba'i hom khung du// gnyis med byang chub sems kyi me spar te// khros pa'i rgyal mau spyan 'dren gdan la bzhengs// rdo rje nyi ma khros pa'i dbang mo che// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// ma bzhi dbang sgyur dngos grub stsal du gsol// ye shes klong yang 'khyil ba'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// pad+ma khrag 'thung khros pa'i dbang mo che// rdo rje pad+ma khros pa'i dbang mo che// rdo rje khams gsum khros pa'i dbang mo che// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// ma bzhi dbang sgyur dngos grub stsal du gsol// ye shes klong yang 'khyil ba'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum mkha' dbyings 'brel pa'i hom khung du// gnyis med byang chub sems kyi me spar te// phung byed ma bzhi spyan 'dren gdan la bzhengs// phra men sbas pa'i ma mo dbyings phyug ma// phung byed sbas pa'i ma mo gcig pu ma// phung byed sbas pa'i ma mo rgyan gyi rgyal// phung byed sbas pa'i ma mo bdag nyid ma// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum dbyings dang 'brel ba 'bar ba'i hom// gnyis med byang chub sems kyi me spar te// gsang ba'i dgyes sde spyan 'dren gdan la bzhugs// dkar mo mig gcig rgyas 'debs ma// nag mo ral gcig rmongs mdzad ma// nub kyi dmar mo phung byed ma// byang gi ser mo las mkhan ma// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// byang chub sems kyi dngos grub stsal du gsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskang mthu dang dngos grub stsol// yab yum mkha' dbyings 'brel ba'i hom khung du// srid pa'i rgyal mo spyan 'dren gdan la bzhugs// a phyi chen mo srid pa chags byed ma// srid pa cha snyoms ma mo sham sham mo// srid pa chags byed e ka dza ti ma// nam mkha' dbyings kyi rdo rje dpal mo btsan// sring gcig chen mo ma mo 'phrul mo che// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// khams gsum srid pa gsum gyi dngos grub stsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum mkha' dbyings 'brel ba'i hom khung du// gnyis med byang chub sems kyi me spar te// dman mo ma bdun spyan 'dren gdan la bzhugs// rdo rje kun grags spyan 'dren gshegs su gsol// kun tu bzang mo spyan 'dren gshegs su gsol// rdo rje kun gsal spyan 'dren gshegs su gsol// rdo rje ye shes mchog ma spyan 'dren gshegs su gsol// rdo rje 'od chags spyan 'dren gshegs su gsol// rdo rje gsal 'phro spyan 'dren gshegs su gsol// rdo rje g.yu sgron spyan 'dren gshegs su gsol// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// srid pa dman mo spyan 'dren gdan la bzhengs// rin chen srid 'degs ma mo mthu mo che// nag mo khrag 'dzag ma mo mthu mo che// gling bzhi spyi 'gro ma mo mthu mo che// rdo rje sgeg mo mthu mo che// pad+ma gar gyi dbang phyug mthu chen ma// sa bdag chen mo pad+ma phreng// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// ye shes klong yangs khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum gnyis med 'brel ba 'bar ba'i hom// gnyis med byang chub sems kyi me spar te// gru 'degs bzhi rnams spyan 'dren gdan la bzhugs// byang shar shan ting dkar mo gshegs su gsol// shar lho dun ting nag mo gshegs su gsol// lho nub har ting dmar mo gshegs su gsol// nub byang grub ting ser ljang gshegs su gsol// 'bar ba me yi gzhal yas nang du bzhugs su gsol// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum mkha' dbyings 'brel ba 'bar ba'i hom// gnyis med byang chub sems kyi me spar te// dmag gi rgyal mo spyan 'dren gdan la bzhengs// shar gyi dkar mo mig gcig ma// lho yi nag mo kha yal ma// nub kyi dmar mo mchu 'jib ma// byang gi ser mo rkang ldag ma// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te/ sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// sring mo bzhi rnams spyan 'dren gdan la bzhengs// gling bzhi mgyogs ma lha yi sring mo dang// mkha' la khyung lding gshin rje'i sring mo dang// dmar mo g.yag thod klu yi sring mo dang// nag mo sder chen gnod sbyin sring mo dang// 'bar ba me yi gzhal yas nang du bzhugs// sman dang bdud rtsi dam rdzas mchod pa 'bul gyi// dam nyams dam bskang mthu dang dngos grub stsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// nyi shu rtsa brgyad kyi mchod pa gzhan dang mthun no// sbyin sreg mchod pa'i le'u ste bzhi cu rtsa bzhi pa'o//// gnod 'dul lha yis yang gsol pa// ma mo sgrub pa'i gzungs ma la// ga Na'i sbyor ba ji ltar bgy-i// mngon rdzogs yab la bdag nyan 'tshal// yang dag rdzogs kyis bka' stsal cig/de skad gsol pa gsan nas kyang// yang dag rdzogs kyis bka' stsal pa// gzungs ma sbyor ba'i mtshan nyid ni// yang dag nyid du ngas bshad kyi// nyon cig g.yung drung yang dag pa// gang bsgrub gzungs ma'i mtshan nyid la// so so'i mtshan yod rnyed nas ni// dgon pa chen por brtsam par bya// cho ga'i las rnams rdzogs nas kyang// sbyor ba'i las rnams brtsam pa ni// g.yon phyogs dag tu yum bzhag la// dang po spyan dang zhal gyi brda// mig btsum mchu smed brda byas la// gzhan yang brda' skad sna tshogs smas// de nas yum gyi spyan srings nas// yab la chags pa'i snyom bag bya// de nas yab kyis gsol pa bskyed// nu ma mnye zhing mchan khung brdeg/ yum gyi chags pas yid g.yos nas// yab yum mkha' dbyings byin gyis rlab// yum gyi gnas lnga dag tu ni// tshom bu nyi shu rtsa lnga dgod// dzaHzhes dpung nas gzung bar bya// hUM zhes gnya' nas 'khyud par bya// baM zhes stod smad bsdam par bya// hoHyis yab yum bsgul bskyod nas// badzra d+h+rig gis phul nas kyang// hUM gis byang chub sems bskyed de// dgyes pa'i ro rnams btang nas ni// dkar dmar 'dres pa'i sems dag la// dkyil 'khor lha la gsal mchod cing// bdag nyid dngos grub dam par blang// 'di ni sbyor ba'i lung zhes bstan// ga Na sbyor ba'i le'u ste bzhi bcu rtsa lnga pa'o//// gnod 'dul lha yis yang gsol pa// thugs dam bskang pa'i rgyu rnams la// bsgral ba'i las rnams ci ltar bgyi// mngon rdzogs yab la bdag nyan 'tshal// yang dag rdzogs kyis bka' stsol cig/ de skad gsol pa gsan nas kyang// ngo ma tshar lha yis bka' stsal pa// thugs dam bskang ba'i sems can la// ta na bsgral ba ngas bstan gyi// nyon cig g.yung drung yang dag pa// khams gsum 'khor ba'i sems can 'di// ma skyes phyir na bsad mi rigs// sems can 'khor ba phung por 'khor// dmyal bar 'khyams pa rtog pas 'khyams// phung po chos kyi dbyings su bsgral// chos kyi dbyings la ma zhes bya// rtog pa ye shes mchog bya bsgral// ye shes mchog la mo zhes bya// ma mo'i dkyil 'khor gsal bkod nas// bsgral na skyon med bde chen thob// mtha' yas sems can thams cad ni// skyes kyang yum lnga'i mkha' la skyes// gnas kyang 'byung lnga'i mkha' la gnas// 'chi yang 'byung lnga'i mkha' la 'chi// don la bsgral dang ma bsgral med// bsgral bar bstan pa rol pa yin// rol par bstan pa phrin las yin// phrin las 'byung po tshar bcad nas// skye med chos sku'i dngos grub len// des na bsgral ba gtso zhes bsngags// dang por sems can gang bsgral ba// 'khor bar zhe bcad rgyas gdab bya// rgyas gdab byas nas rnam rtog khral// rnam rtog bral na chos nyid rtogs// des na lus la dkyil 'khor dgod// dkyil 'khor bkod na bde chen thob// de nas ma mo'i thugs dam bskangs// thugs dam bskangs na dgyes pa bskyed// dgyes pa bskyed na mnyam nyid thob// de nas yongs la bstab pa bya// bstabs pas bdud dang dgra bgegs bcom// bdud bgegs bcom nas bsam pa 'grub// des na rgyu drug srog rtsa gcod// srog rtsa bcad nas 'khor ba stongs// de nas tsit+ta sems blangs nas// sangs rgyas sras su yaM gis 'phang// sngags kyis ngan song sgo bcad nas// byin rlabs dbang bskur sras su bskyed// 'di ni bsgral ba'i lung zhes bshad// ta na bsgral ba'i le'u ste bzhi bcu rtsa drug pa'o/// gnod 'dul lha yis yang gsol pa// ye shes rang bzhin dman mo la// za byed bstab pa ci ltar bgyi// ngo mtshar lha la bdag nyan 'tshal// yang dag rdzogs kyis bka' stsol cig/ de skad gsol pa gsan nas kyang// mngon rdzogs rgyal pos bka' stsal pa// ye shes rang bzhin dman mo la// za byed bstab pa ngas bstan gyi// nyon cig g.yung drung yang dag pa// rnam rtog dgra bgegs bstab pa'i phyir// de yi bskul tshig 'di skad do// hUM ye shes ma mo zhal phyes shig/ rnal 'byor tshogs kyi rje mo la// yum gyi rgyal mo mu kha le// 'gro ba yongs kyi skye gnas yin// thams cad yongs kyi tshe srog bdag/ bzhi zur zhabs brgyad phyogs mtshams gnon// dbu gcig zhal lnga gdengs pa la// rnal 'byor dgra bgegs zhal du bstab// dug gsum ma lus stong par mdzod// rtag pa'i rgyal mo zhal phyes shig/ sha rus bdag mo rnam snang gsal// dgra bgegs sha rus 'di bzhes la// rnal 'byor sha rus skyed par mdzod// rtag pa'i rgyal mo zhal phyes shig/ dbugs kyi bdag mo zhal phyes shig/ dgra bgegs srog dbugs 'di bzhes la// rnal 'byor srog dbugs brtan par mdzod// rtag pa'i rgyal mo zhal phyes shig/khrag gi bdag mo gnyan gsal ma// dgra bgegs khrag rnams 'di bzhes la// rnal 'byor khrag rnams 'phel bar mdzod// drod kyi bdag mo 'od gsal 'bar// dgra bgegs rnams kyi drod bzhes la// bdag gi drod rnams 'phel bar mdzod// rtag pa'i rgyal mo zhal phyes shig/ bkrag gsal bdag mo bkrag gsal 'bar// dgra bgegs bkrag mdangs 'di bzhes la// rnal 'byor bkrag mdangs 'phel bar mdzod// rang bzhin ma mo zhal phyes shig/ phra men rgya mtsho zhal phyes shig/ dgra bgegs phung po zhal du bstab// bdag gi phung po nad med mdzod// rang bzhin ma mo zhal phyes shig/ nyi zla thod phreng zhal phyes shig/dbang phyug ma mo zhal phyes shig/ dgra bgegs rnam shes zhal du bstab// bdag gi rnam shes gsal bar mdzod// rang bzhin ma mo zhal phyes shig/ phung byed ma bzhi zhal phyes shig/dbyings phyug ma mo zhal phyes shig/ rgyan gyi rgyal mo zhal phyes shig/ bdag nyid ma mo zhal phyes shig/ gcig pu ma mo zhal phyes shig/ dgra bgegs yan lag zhal du bstab// bdag gi yan lag bde bar mdzod// rang bzhin ma mo zhal phyes shig/ khros pa'i ma mo zhal phyes shig/ rdo rje nyi ma zhal phyes shig/ pad+ma khrag 'thung zhal phyes shig/ rdo rje srid gsum zhal phyes shig/ rdo rje khams 'tshogs zhal phyes shig/khros pa'i rgyal mo bzhi yi zhal du bstab// dgra bgegs gzugs bzhi zhal du bstab// bdag gi gzugs bzhi bde bar mdzod// rang bzhin ma mo zhal phyes shig/ thugs kyi dgyes sde zhal phyes shig/dkar mo mig gzhal phyes shig/ nag mo ral gcig zhal phyes shig/ dmar mo dbang sdud zhal phyes shig/ ser mo las mkhan zhal phyes shig/ dgra bgegs yul gzhi zhal du bstab// bdag gi yul gzhi bde bar mdzod// srid pa'i sman ma zhal phyes shig/ srid pa chags snyoms zhal phyes shig/ e ka dza ti zhal phyes shig/ ma mo spun gnyis zhal phyes shig/ ma mo bdun rnams zhal phyes shig/ rdo rje kun grags zhal phyes shig/rdo rje kun gsal zhal phyes shig/ kun tu bzang mo zhal phyes shig/ rdo rje kun gsal zhal phyes shig/ rdo rje ye shes zhal phyes shig/ rdo rje 'od chags zhal phyes shig/ rdo rje 'od 'phro zhal phyes shig/rdo rje g.yu sgrol zhal phyes shig/ rin chen srid 'degs zhal phyes shig/ nag mo khrag 'dzag zhal phyes shig gling bzhi spyi 'gro zhal phyes shig/ rdo rje sgeg mo zhal phyes shig/ pad+ma dbang phyug zhal phyes shig/sa bdag chen mo zhal phyes shig/ har ting dkar mo zhal phyes shig/ dun ting nag mo zhal phyes shig/ shan ting dmar mo zhal phyes shig/ gru bting ser mo zhal phyes shig/ gru 'degs rgyal mo zhal phyes shig/dkar mo mche gtsig zhal phyes shig/ nag mo kha hal zhal phyes shig/ dmar mo chu 'jib zhal phyes shig/ ser mo rkang ldag zhal phyes shig/ dmag gi rgyal mo zhal phyes shig/ lha yi sring mo zhal phyes shig/gshin rje'i sring mo zhal phyes shig/ klu yi sring mo zhal phyes shig/ gnod sbyin sring mo zhal phyes shig/ sring mo chen mo bzhi rnams zhal phyes shig/ nyi shu rtsa brgyad zhal phyes shig/ 'di dag zhal phye gzhan dang mthun// sman mo lnga bcu rtsa brgyad la// dgra bgegs nang rol sgal tshigs rnams// sman mo'i tshogs kyi zhal du bstab// bdag gi phyi nang bde bar mdzod// rol cig sprul cig ma mo'i tshogs// chings shig sdoms shig ma mo'i tshogs// dz+wA dz+wA dz+wA yis dam du sdus// phaT phaT phaT kyis rol par mdzod/ kha kha khA yis zhal du bzhes// khams gsum dgra bgegs stongs par mdzod// sgrub la bar chad byed pa rnams// thal ba bzhin du med par gyis// sa ma ya mA ra ya khA hi zhes brjod do// za byed bstab pa'i le'u ste bzhi bcu rtsa bdun pa'o//// de nas yab mngon rdzogs kyi rgyal pos/ lta ba'i man ngag gi le'u 'di bshad do// phung po khams dang skye mched kyang// ye nas sangs rgyas yin pa'i phyir// kun rdzob tsam gyi mtshan ma ru// chos sku mtshan mar brtags pa ste// ye shes rang gnas rol pa yin// phyi nang snod bcud ma lus kyang// kun tu bzang mo'i dbyings kyi rgyan// kun tu bzang po'i thugs kyi rgyan// kun bzang yab yum rol pa las// phyi nang ma lus thams cad sangs rgyas so// mtha' la thug pa med pas dbyings la bri ba med// dbyings la g.yo ba med pas chos sku 'gyur ba med// don dam dbyings su bltas pas ltas dgu de dag gsal// thams cad sems su rtogs pas gang bsgrub lhun gyis grub// rnam rtog ming yang med pas gang bsgral gcig mi ltas// thabs mkhas rol pa yin pas 'khor ba'i skyon ma gos// thugs rje byang chub yin pas thar pa bde chen thob// kun gyi bdag nyid yin pas ma mo'i rang bzhin 'khor// bde chen rgyal po yin pas 'khor gyi jo bo yin// thams cad bdag la byung bas kun gyi bdag po yin// nga rgyal gdeng du che bas 'gro drug thabs kyis 'dul// thugs mchog thugs sgras khams gsum yongs su ldir// thugs rje'i byams ldan nyi ma'i 'od bzhin shar// mi rtogs gnyen po thabs kyi rgyal po 'byung// 'khor ba'i gnyan po rang byung sangs rgyas te// bdag dang sems can thams cad chos kyi bya ba'i sku ru gcig/mi rtog thabs kyis gnyen po 'di yi don rtogs na// ma mos gdul bar bya ba gzhan na med// 'khor ba mya ngan 'das pa'i don rtogs na// dgra bgegs bsgral zhing tshar bcad bya mi dgos// ye 'byams mtshan med klong gi dbang rdzogs na// rgyal byed rtags kyi phyag rgya sgrub mi dgos// phrin las bya btsal klong yangs ye nas 'das// bsgom bsgrub dkyil 'khor bya ba ci yang med// 'di ltar man ngag rtogs pa gdeng gyur na// bsgrubs kyang skyon med ma bsgrubs 'gal ba med// bsgom kyang skyon med ma 'gal ba med// bsgral kyang skyon med ma bsgral 'gal ba med// bsam du med de chos sku nam mkha' 'dra// sgom du med de rang byung klong nas shar// bde 'byams dbyings phyug yum gyi rgyal mo yin// ma bkag ci bder yan bkye yab kyi mkha'// sems la gang yang me tog rang byung sku// thabs las gang yang ma 'gags ma bcos sku// don la gang yang mi rtog chos kyi sku// chos kyi sku la skye shi g.yos pa med// 'pho 'gyur med pa'i klong la btsal zhing bsgrub du med// ye shes byang chub sems su bdag rtogs na// 'du 'dzi byis pa'i rtse mos ci zhig bya// mi 'da' klong gi dam tshig srung byed na// nyon mongs bde sdug mya ngan ci la spyad// thabs mkhas rol pa'i ting 'dzin shar ba las// phung po 'bad rtsol rtsol bsgrub ci la bya// phyi nang snod bcud thig ler sangs rgyas na// gzhan nas btsal zhing smin du gcig kyang med// lta ba man ngag gi le'u ste bzhi bcu rtsa brgyad pa'o//// de nas yab mngon rdzogs rgyal pos/bde chen byang chub sems kyi le'u 'di bshad do// 'di skad ces gsungs so// snod kyi 'jig rten ma bkag yum gyi dbyings// bcud kyi 'jig rten ma bkag yab kyi mkha'// yab yum mkha' dbyings ye nas rol pa las// bde chen byang chub sems su ye nas sangs rgyas so// phung po khams dang skye mched ma lus pa// ma mo'i tshogs kyi dkyil 'khor ye nas yin// yon pa'i don la rig pa gsal dgod na// bde chen byang chub sems su ye nas sangs rgyas so// sems dang ye shes dus gcig sangs rgyas na// rtag pa'i ye shes sems kyi sangs rgyas kun rtogs na// bde chen byang chub sems su sangs rgyas so// 'khor ba'i rgyu nyid thar pa'i lam gyi skas// sdug bsngal rgyu nyid chos nyid byang chub sems// ma spangs lhun gyis grub pa'i don rtogs na// bde chen byang chub sems su sangs rgyas so// chos nyid kun tu bzang po'i rig pa la// 'khor dang ni mya ngan 'das pa mnyam// sangs rgyas sems can sems nyid gcig tu mnyam// rtogs dang ma rtogs sgyu ma'i ngang du mnyam// rig dang ma rig chos kyi sku dang mnyam// mnyam nyid rgyal po'i don la ma yengs na// bde chen byang chub sems su sangs rgyas so// nyon mongs dug lnga ye shes lnga ru snang// 'byung ba lnga po chos kyi dbyings su mnyam// dbyings dang ye shes 'brel ba'i don rtogs na// bde chen byang chub sems su sangs rgyas so// ye shes ma mo bzhin ma mo dang// sman mo la sogs mang po'i tshogs brjod kyang// bdag gis byin rlabs ma mor snang ba las// gzhan nas ma mer grub pa ci yang med// bdag snang gzhan 'khel kun tu bdag yin te// bdag nyid g.yos na phyi nang snod bcud g.yos// kun gyi che btsan 'gran gyis do med pas// yang la thogs med bde 'byams rgyal po la// bde chen byang chub sems su sangs rgyas so// bde chen ngang la 'dzin rtog brjod du med// bde chen byang chub sems su sangs rgyas pa'i le'u ste bzhi bcu rtsa dgu pa'o//// de nas yab mngon rdzogs rgyal pos/rgyud yongs su bzung ba 'di bshad de/ 'di skad ces gsungs so// gsang thub bka' brtan nges pa dang// bden par smra zhing yid mi 'gyur// des ni rgyud 'di gzung bar bya// brtags shing rgyud 'chang brtson 'grus che// drang la sems byams g.yo sgyu chung// des ni rgyud 'di gzung bar bya// mdzangs la shes pa gsal ba dang// brtags shing bya ba ma nor ba// des ni rgyud 'di gzung bar bya// gzung thub drags thub khongs yangs shing// le lo bar chad skyon spangs la// des ni rgyud 'di gzung bar bya// gzhung bla ma dang tshig 'jom pa'i don gyis// spyod pa thogs chags med pa dang// dam tshig spangs len med pa yis// rgyud 'di yongs su gzung bar bya// nyan cing bsgrub la brtson pa dang// 'du 'dzi'i dbang du mi gtong bas// brnag thub bzod che nges pa dang// yongs la mi gnod tshul sun pas// rgyud 'di yongs su gzung bar bya// lung med pas kyang mi gtong zhing// slob dpon rig pa steng 'du ba// des ni yongs su gzung bar bya// rang shes mu cor mi byed cing// brtags shing las rnams brtson byed pa// des ni rgyud 'di gzung bar bya// rnal 'byor sman dang mi 'bral zhing// rdzas dang lag cha ma thegs pa// rgyud 'di yongs su gzung bar bya// dad pa skyo ngal med pa dang// skyo med dub pa med pa yis// rgyu 'di yongs su gzung bar bya// dbang bskur gnang ba lung thob cing// rtogs shing shes pa phyogs 'byams pas// rgyud 'di yongs su gzung bar bya// brtags na bla ma'i lung yod cing// bsnyen na nus pa'i mthu yod pas// rgyud 'di yongs su gzung bar bya// rgyud yongs gzung ba'i le'u ste lnga bcu pa'o//// de nas lha gnod 'dul gyis gsol pa// yab gcig lags// snod de dang mi ldan pas// bzung du rung lags sam/ zhes gsol pas/ mngon rdzogs rgyal pos bka' stsal pa// snod de dang mi ldan pa// d+harmA snang 'tshong byed pa dang// chos dpe'i tshong pa byed pa dang// man ngag zang thal du smra ba dang// lta ba'i gdeng med pa dang// spyod pas ma zin pa dang// sgrub pa gzhung ma tshugs pas// rgyud 'di bcangs kyang seng ge'i 'o ma dang 'dra ste// bdag phung gzhan rlag gnyis ka 'gal// mdze dang rims kyi bskal pa 'byung// bya ru mi rung sna dgu byed// 'bras bu mnar med par skye bas// des na ma mo srid pa'i rgyud lung 'di// kun gyi thun mong ma yin te// snod med rnams kyi bcangs gyur na// bdag dang 'gro ba gzhan kun brlag/ des na 'di ni gsang ba'i rgyud/ ces bstan to// de nas lha gnod 'dul gyis gsol pa// ma mo'i dkyil 'khor ji ltar bsdu/ zhes gsol pa dang/ yab mngon rdzogs kyi rgyal pos bka' stsal pa// ma mo'i dkyil 'khor bsdu ba ni// dang po bskyed pa'i rim pa bzhin// rim bzhin rim pas gtso la bsdu// zhes bka' stsal to// rgyud 'di snod med la bstan pa'i skyon dang/dkyil 'khor bsdu ba'i le'u ste lnga bcu gcig pa'o//// de nas mngon rdzogs kyi rgyal pos// lha gnod 'dul la bka' stsal pa// bstan pa'i snying po dam pa 'di// rgyud dang lung dang man ngag dang/

CLOSE WINDOW