CLOSE WINDOW

Gpb028.007
བོད་ཡིག

/// rgya gar skad du/ badzra kI la ya dwi da sha tan+t+ra/ bod skad du// rdo rje phur pa bcu gnyis kyi rgyud/ rigs lnga'i bde bar gshegs pa thams cad kyi sras/bcom ldan 'das 'jigs byed chen po la phyag 'tshal lo// 'di skad bdag gis thos pa'i dus gcig na/ bcom ldan 'das 'jigs byed chen po badzra kI la ya dang/ kun gzhi kun tu bzang mo btsun mo yum gyi b+ha ga la yid kun tu bzang po ye shes 'khor dang bcas pa rnams/dbyings ye shes gnyis su med par lhun gyis grub par gnas par bzhugs so// drag po mthing nag 'bar ba'i nang nas/bcom ldan badzra kI la ya bzhengs nas/ chos nyid zhi bas 'dul ba'i skabs la ma bab ste/ mtshan ma med pa dang bral/ mtshan ma can la zhen chags pas/ gdug pa can dregs pa can du smin te sems can thams cad gnod cing 'tshe/sangs rgyas kyi bstan la gnod pa thams cad tshar bcad pa'i phyir mi g.yo ba rab tu drag po'i dpung rnam par zlog pa zhes bya ba'i ting nge 'dzin la snyoms par zhugs te/thabs mkhas pa'i drag po'i phrin las kyis 'dul bar gzigs nas/ sku rab tu khros pa mi bzad pa bstan pa'i phyir/ sku gsung thugs las gsang sngags 'di byung ngo/ oM badzra kI li kI la ya sarba big+h+nAM baM hUM phaT/ces brjod pas thun mong ma yin pa'i gnas nas/ khro bo'i dkyil 'khor du mngon par sprul lo// ci'i phyir zhe na/ lha dang/ klu dang/ lha ma yin dang/ nam mkha' lding dang/ mi'am ci dang/ lto 'phye chen po dang/gnod sbyin dang/ yi dwags dang/ sha za dang/ dri za dang/ 'byung po dang/ skem byed dang/ brjod byed dang/ smyo byed dang/ lha chen po dang/ phyogs skyong ba bcu dang// mkha' 'gro ma la sogs pa rnams thams cad gti mug gi dbang gis las rgyu 'bras kyi don ma rtogs shing/mtshan ma med pa dang bral// mtshan ma can la mngon par chags pas// ngan song gsum du yang bskal pa mang por sdug bsngal zhing/mi bde ba mang po nyams su myong zhing/ las kyi 'bras bus las kyi srin por skyes nas/ rgyu mthun pa'i dbang gis shin tu 'jigs shing rngam pa dang/ mi sdug pa dang/ dri nga ba dang/ dregs pa can la sogs pa'i gzugs su byung nas/sems can thams cad la 'tshe bar bgyid/ mdangs 'phrog par bgyid/ gnod par bgyid/ bred skad 'don par byed/ yid mi bde ba mang por bgyid/ 'khrug par byed/ mya ngan du byed/ srog dang bral bar byed/ 'joms par byed pa rnams la zhi bas phan par mi 'gyur te/ dbu dgu pa/ phyag bco brgyad pa zhabs bgrad// spyan bzlog mche ba gtsigs pa/ sku gsung thugs mi bzad pa gcig tu gyur to// gsang ba'i sngags bcu gnyis phyung nas kyang/ sbyang sgyur ye shes kyi cho 'phrul du gyur to// nyid kyi sku las dIp+ta tsakra zhes 'khor lo rgyas 'deb ma g.yon phyogs su 'thon to/yab yum gnyis su med pa'i byang chub sems las sras mchog rdo rje tho ba lcags kyu thogs pa grangs med pas/ oM badzra kI li kI la ya dza dza hUM hUM phaT phaT/ ti ra baM kI la ya/ sod chom/ gtogs/ thabs shes rab las/cha 'dzin nyi shu byung/ de las cha 'dzin grangs med pa byung ste/ gdug pa can bsgral te/ rtsa ba dbyings dang ye shes las cha 'dzin nyi shu byung/ dbyings dang ye shes gnyis su med pa'i byang chub kyi sems nyi shu byung/de las byang chub kyi sems grangs med bsam gyis mi khyab pa byung ste/ yid la dran pa'i snying po brjod pa tsam gyis/ nyi zer la ser ba 'bab pa bzhin du sprul pa'i sku byung ste/ gdags shing bsgral lo// de nas 'jigs byed dregs pa'i bdag po rgya mtsho tsam zhal du rngubs so// de nas badzra kI la ya'i 'od zer lus la bstim pa la/ bsgral 'bog bcol ba brgyal bsangs te/ dran pa rnyed de badzra kI la ya'i yang dag pa'i bden pa mthong ngo// de'i gdug can dbyings dang ye shes gnyis su med par bcug pa de'i tshe de'i dus su// phyogs bcu'i ye shes kyi khro bo dang/ dbyings dang khro mo las dbyings dang ye shes gnyis su med pa'i byang chub kyi sems/gti mug byang chub kyi sems la sogs pa'i mtshan nyid thob pa'o/ 'jigs byed chen po'i byin rlabs las/ karma shrI he ru ka zhes pas/ khro bo karma he ru ka ljang nag/sku gsung thugs nyid las mi gzhan pa 'thon to// thugs ka nas kyang sras mchog stod zhal gsum phyag drug pa la/ smad lcags phur zur gsum pa grangs med pa thon to// sngon gyi thugs dam gyi dbang gis/phyogs bcu'i sangs rgyas rnams kyang rjes su dran nas gdug pa can tshar bcad de/ de'i tshe 'jigs byed chen po dang/ khro bo rnams kyis lus gdan du phul lo// yid phyi rabs kyi rjes 'jug gi tshogs kyi grogs dang chos skyong ba'i bsrung mar dam bcas te/rgyal po btson du bzung na dmangs cham la phebs te/ dbang med dad pas bsdus pa'i 'khor ro// de bzhin gshegs pa thams cad kyi sku gsung thugs kI la ya bcu gnyis kyi tan+t+ra las/gleng gzhi'i le'u ste dang pa'o//// de nas karma he ru kas bcom ldan 'das 'jigs byed chen po la 'di skad ces gsol to// e ma ho// bcom ldan badzra kI la ya// dpyang thag chad pa'i blo ngan 'khor ba la/ thugs rjes bzung nas cho 'phrul bstan pa 'di lta bu'i rdzu 'phrul ngo mtshar che/ de'i rjes su sgrub pa'i rnal 'byor pas// de ltar de bzhin yang dag don// gsang ba'i bdag pos bstan du gsol// zhes gsol pas// de nas kI la ya'i bdag pos// sku gsung thugs rdo rje lta bu'i ting nge 'dzin la snyoms par zhugs nas/ 'khor gyi de bzhin gshegs pa rnams la/rjes su 'jug pa'i rnal 'byor rnams// yang dag don ni ngas bstan gyi// gsang sngags yang dag don dam ni// theg pa gsum ni rgyab kyis phyogs// skal ba chung ba snod med de// dka' thub bsdams shing dam tshig med// don gyi gsang sngags ming du ming bsgrag cing// nye lam gol te don las 'gyang// e ma ho/ rgyud 'di rtogs par dka'// bsam pa mchog tu gyur pa'o// dbyings nyid rigs pa rgyun mi gcad// rtog pa bor ba'i pha rol na// rtog med btsal bas mi rnyed pas// rtog dang ma rtog gnyis med la// yang dag don gyi snying po ni// bde bar gshegs pas mi gzigs so// kun kyang byang chub snying po pas// sangs rgyas gzhan nas btsal du med// rdo rje khros pas zhe sdang gcod// rnam par shes pa rdo rjer bsgom// de bzhin nyid ni brdal ba'o// stong nyid ye shes dag pa la// gzugs sku rnam gnyis byin rlab can// 'di ni rang bzhin dag pa'o// 'di ni don dam nas bsngags te// don dam blo yi spyod yul min// rang bzhin snod min gsang bas grub// sangs rgyas phyi slad mi re bas// snga ma sbyangs pa'i mkhyen rabs can// rang las sangs rgyas ye shes rtogs// chos nyid bden pa'i byin rlab mthus// thabs mang thabs mkhas thabs myur bas// thabs kyi spyod pas 'gro don du// gsang sngags 'bral sha dIp+ta tha dang// rdo rje khros pa zhes sogs nas// mthar gnas thugs kyi sa bon bar dag gis// rnal 'byor dgongs don slong bar bya// yang dag dbyig gi gter brus la// zhing rab gshin la sa bon gdab// glen pa'i brtul zhugs drag po dang// b+hu su ku yi spyod pa yis// bden rdzun le lo re dogs dang// the tshom med na kun gyis grub// snying rjes bsgral ba'i dam tshig ni// dam tshig chen po'i dus la bab// sku gsung thugs kyi dam tshig ni// re re la yang gsum gsum mo// ma dang bu mo chung ma dang// rab tu brgyan pa dag dang ni// ngag snyan tshig mtshon ma shor ba// snod ngan gsang ba mi spel ba// sems bskyed nga rgyal ma yengs pa// gsang sngags dam las mi 'da' bas// don dam sems bskyed srog dang mi 'bral la// rdzun tshig brlang por smra ba dang// sbyor sgrol ma byin len pa dang// 'dod chags zhe sdang gti mug dang// nga rgyal phrag dog mi spang ngo// dri chen dri chu rak+ta dang// mAM sa zil pas brgyan par bya'o// don dam kun rdzob phyin ci log/ gnang bkag gnyis ni bder gsungs pa// rgyud dang lung dang man ngag dang// rab 'bring gsum du bshad par bya// thugs sku mtshon chen sngon po 'bar ba yis// snang ba ye shes cho 'phrul gsum gyis sbyangs// phyi nang ye shes cho 'phrul gsum gyis sbyangs// phyi nang ye shes rtog pa gzhil bar 'gyur// a hUM raM yaM khaM/ e aM ra suM keM b+han d+ha b+h+rUM/ raM khro bo'i dkyil 'khor du mngon par 'du mdzad pa ni// zhing khams 'bar ba'i klong dkyil na// rdo rje gzhon nu rgyas 'debs mo// hUM kA ra dang sgra 'byin ma// rnam pa brgyal dang rnam snyems ma// dbyug pa sngon po sder mo dang// gshin rje'i gshed po dur khrod ma// mi g.yo mgon po gtun khung ma// rta mgrin rgyal po gtum mo ma// gzhan gyis mi thub mda' snyems ma// bdud rtsi 'khyil brlung 'byin ma// khams gsum rnam rgyal gsod ma dang// stobs po che dang bskyod ma dang// gnyis su med pa'i sprul pa phra men dang// phag mgo g.yag mgo stag mgo dang// sha ba gzigs dang byi la'i mgo/spyang mo'i mgo dang seng ge'i mgo/ dred mo dom gyi mgo ru bstan// smig bu bya rog bya rgod mgo/ 'ug pa khwa ta pu shud mgo/ khra yi mgo dang pha wang mgo/ sre mo'i mgo dang byi ba'i mgo/yang sprul sum sprul grangs med kyis// srid pa rlung yang mi 'chor gtams// de bzhin gshegs pa thams cad kyi sku gsung thugs// kI la ya bcu gnyis kyi tan+t+ra las/ yang dag pa'i don gyi dgongs pa'i le'u ste gnyis pa'o//// de nas bcom ldan 'das 'jigs byed chen pos/ rdo rje gsang sngags drag po'i ting nge 'dzin la snyaums par zhugs nas 'di gsungs so// de bzhin gshegs pa thams cad dang// 'khor gyi byang chub sems dpa' rjes 'jug rnams// e ma ho/ sangs rgyas thams cad kyi// bla na med pa'i byang chub sems// 'da' dka' de bzhin mi shigs pa// 'da' bar mi mdzad dam tshig can// phyogs bcu dus gsum rang bzhin dag/ de bzhin gshegs pa'i ngo bo nyid// rang gi rtog pa phra rgyas kyis// so sor smin cing sdug bsngal ba// grol bar bya phyir bla med rnams// bstan phyir rdzogs longs sprul par mdzad// 'og min btsun mo'i b+ha ga nas// drag po mthing nag 'bar ba bzhengs// mgon po bdag nyid chen po bas// rdo rje gsang sngags 'khor lo bskor// sngags kyi dbang po bkram nas ni// kun gyi don du gsungs pa 'di// de bzhin gshegs pa thams cad dang// 'khor gyi byang chub sems dpa' dang// rnal 'byor rjes 'jug brtan por bzung// nam mkha' mtha' med chos dbyings gzhal yas khang// thigs pa lta bur snang srid dngos med shar// srog sems go ru rdo rje gzhon nur shar// snang srid phung po rdo rjer yang dag gtams// gsang sngags don gyi dang po la// dkyus tshig 'bru tshig don tshig dang// dkyus tshig gnyis dang 'bru tshig dgu// don tshig brgyad dang man ngag ni// rin chen dag la bri bar bya// dang po gnyis med byang chub sems ldan// gnyis pas rigs ni so sor bstan// gsum pas drag po'i badzab dgongs bstan// bzhi pas sku gsung thugs su bstan// don de shes pa'i rnal 'byor pas// bzlas pa'i las la 'jug par bya// oM badzra kI li kI la ya sarba big+h+nAM baM hUM phaT/ oM badzra kro d+ha hUM kA ra hUM/ oM badzra kro d+ha bi dza ya hUM/ oM badzra kro d+ha nI la daN+Da hUM/ oM badzra kro d+ha ya mAn+ta ka hUM/ oM badzra kro d+ha Ar+ya a tsa la hUM/ oM badzra kro d+ha ha ya grI wa hUM/ oM badzra kro d+ha a pa ra dzi ta hUM/ oM badzra kro d+ha a mr-i ta kuN+Da li hUM/oM badzra kro d+ha trai lo kya bi dza ya hUM/ oM badzra kro d+ha ma hA ba la hUM/ oM dIp+ta tsakra ha na ha na hUM phaT/ oM badzra kro d+hI shwa ya byi ti hUM phaT// oM badzra kro d+hI lA s+ya mu kha hUM phaT/ oM badzra kro d+hI dra tre dza hUM phaT/ oM badzra kro d+hI tra na ba ri hUM phaT/oM badzra kro d+hI dza la ri ri hUM phaT/ oM badzra kro d+hI dza ya hi hi hUM phaT/ oM badzra kro d+hI sha ya ti hUM phaT/ oM badzra kro d+hI ba ya be hUM phaT/ oM badzra kro d+hI ma ra na hUM phaT/ oM badzra d+hI tsu na de hUM phaT/ gardza gardza hUM phaT/ ha na ha na hUM phaT/ da ha da ha hUM phaT/ pa tsa pa hUM phaT/ b+han+d+ha b+han+d+ha hUM phaT/ hu lu hu lu hUM phaT/ tiSh+Tha tiSh+Tha hUM phaT/ ts+tshin+d+ha ts+tshin+d+ha hUM phaT bin+d+ha bin+d+ha hUM phaT/ s+pho Ta s+pho Ta hUM phaT/ badzra u ka mu kha he/ badzra byA g+h+ri mu kha he/ badzra tsa te mu kha he/ badzra ha ri mu kha he/ badzra bya ri mu kha he/ badzra tsa la mu kha he/ badzra shwa na mu kha he/ badzra sing ha mu kha he/ badzra sha ta mu kha he// badzra rag+sha mu kha he/ badzra yag+sha mu kha he/ badzra gr-i D+ha mu kha he/badzra kaM kA mu kha he/ badzra hu lu mu kha he/ badzra ba ya ta mu kha he/ badzra bi sha mu kha he/ badzra tsa ra mu kha he/ badzra na ku la mu kha he/ badzra ti ti mu kha he/ badzra ka si ka mu kha he/ sUr+ya tsan+d+ra ye/ in+d+rA ya/ ag+na ye/ ya ma ye/ne r-i ti/ ba ru na/ ba ya be/ ku be ra/ in+d+rA ya/ u ti shan re/ ti ra baM/ oM AHhUM/ a mr-i ta kuN+Da li hUM/ na maHsarba ta thA ga ta pany+tsa a mr-i ta khA hi// oM badzra kI li kI la ya// oM bud d+ha kI li kI la ya/ oM rat+na kI li kI la ya/ oM pad+ma kI li kI la ya/ oM karma kI li kI la ya/ sum+b+ha ni sum+b+ha hUM/ gr-i h+Na gr-i h+Na hUM phaT/ gr-ih+NA pa ya gr-ih+NA pa ya hUM phaT/ b+ha ga bAn bid+ya rA dza ya hUM phaT/ oM badzra kI li kI la ya/ dz+wa la dz+wa la/ pra dz+wa la pra dz+wa la sarba na sa ba ni hUM phaT/oM badzra kI li kI la ya/ sarba duSh+tan bag pri sho d+ha ya hUM phaT/ oM badzra kI li kI la ya/ tshin+d+ha tshin+d+ha hUM phaT/ oM badzra kI li kI la ya sarba duSh+tan hUM phaT/ oM badzra kI li kI la ya pu ru pu ru u tsusma ma hA kro d+hA hUM phaT/oM badzra kI li kI ya bing sid hUM phaT/ oM badzra kI li kI la ya u tsu sha ts+tshin+d+ha tshin+d+ha hUM phaT/ oM badzra kro d+ha kI li kI la ya kro d+ha mu ka mA ra ya hUM phaT/ oM badzra kI li kI la ya na maHsa man+ta pu shud de be ra be ra hUM phaT/oM laM hUM laM s+t+waM b+ha nan/ mo ha g+ha ya b+ha ga bAn/ shi kri bi kri shrI badzra hUM kA ra hUM hUM/ phaT phaT/ badzra kI li kI ya dza hUM phaT/ sarba big+h+nAn/ badzra kI la ya hUM hUM phaT phaT/ badzra hUM kA ra hUM phaT/hUM kA ra a/ hUM pa ra si ta da hUM phaT/ tshin+d+ha tshin+d+ha hUM phaT/ bin+d+ha bin+d+ha hUM phaT/ gr-i h+Na gr-i h+Na hUM phaT/ ha na ha na hUM phaT/ ban+d+ha ban+d+ha hUM phaT/ ta thA ga ta ya hUM phaT/ ha sa ya ra na da ha ta na hUM phaT/ shI g+h+raM A na ya hUM phaT/dz+wa la pa ya dz+wa la pa ya hUM phaT/ A be sha ya A be ya hUM phaT/ bid da ya bid da ya hUM phaT/ oM na maHsa man+ta/ ka ya bAka tsit+ta badzra NAM/ g+hA g+hA g+hA ta ya sarba duSh+tAM phaT/ kI li kI la ya/ sarba pA paM hUM phaT/ hUM hUM badzra kI la ya badzra d+ha ra A' dz+nyA pa ya ti/ sarba big+h+nAM kA yA ya bAka tsit+ta/ badzra kI la ya hUM phaT/ shAn+tiM ku ru swA hA/ puSh+tiM ku ru swA hA/ ba shaM ku ru swA hA/ mA ra ya ku ru swA hA/ DAk+ki raM dz+wa la raM khA hi/ kro d+ha raM dz+wa la kha raM khA hi/ha la raM dz+wa la raM khA hi/ raM raM traM shaM dz+wa la raM khA hi/ yo gi kha raM dz+wa la raM khA hi// e h+ye hi b+ha ga bAn/ ma hA kA ru Ni ka dr-i sh+ya/ sa ma ya ho/ sa ma ya s+t+waM/ oM AHhUM swA hA hUM hUM badzra tsit+ta hUM/ a a badzrI sa man+ta b+ha tri hUM/badzra b+han+d+ha A yu a badzra pra ba sha ya/ A be sha ya a a ha na ha na/ da ha da ha badzra/ pa tsa pa tsa badzra/ ma tha ma tha badzra/ dz+wa la dz+wa la badzra/ su ru su ru badzra/ mu ru mu ru badzra/ ka tang ka ye badzra/ dza ye bi dza ye/ a tsi te/ma ra se na pra mar da ni ye hUM phaT/ hUM ma ma ni ku ma traM bya/ ka ra i nan/ da tri ma ma karma shri kraM ka re ye/ sarba A na ya hUM phaT/ ta thA ya hUM phaT/ kha thaM kha thaM kha thaM/ hUM hUM hUM/ phaT phaT phaT/ badzra yag+sha kro d+ha khA hi khA hi/ha ha ha/ hUM hUM hUM/ phaT phaT phaT/ hUM phaT hUM phaT hUM phaT/ hUM hUM hUM/ phaT phaT phaT/ nga ni bdud kyi bdud bdag gsang sngags 'di// rdo rje 'dzin 'gugs 'bebs pa'i sgrol ba'i mthu// rdo rje 'dzin 'gugs dkyus tshig e ka ni// oM na ma gsang sngags kyis/ phyogs bcu'i bde gshegs thugs kyi gsang sngags kyis// byin rlab chos nyid bden pa'i mthus// rdo rje sder mo'i dkyus tshig gsang sngags kyis// gdug pa'i lus ngag yid gsum snying gar mnan pa'i mthu// rdo rje 'dzin 'gugs dkyus tshig tri yi gsang sngags kyis// gdug pa'i dbang po 'du rten klad pa brgya tshal 'gas pa'i mthu// rdo rje 'dzin 'gugs dkyus tshig tsa ra'i gsang sngags kyis// gdug pa thams cad dbang po rnam shes bsdams shing sgrol ba'i mthu// rdo rje 'dzin 'gugs dkyus tshig pany+tsa'i gsang sngags kyis// gdug pa'i snying nas 'debs par byed pa'i mthu// rdo rje sder mo'i dkyus tshig cha yi gsang sngags kyis// gdug pa thams cad rtsa sbubs btsir zhing khrag skyugs sgrol ba'i mthu// rdo rje 'dzin 'gugs dkyus tshig tsit+ta'i gsang sngags kyis// thugs kyi gsang sngags dbang du bsdus nas gnyis med 'debs pa'i tshul// rdo rje sder mo dkyus tshig tsa yi gsang sngags kyis// tshe dang bsod nams dpal dang gzi brjid thugs kyi dngos grub thob pa'i mthu// rdo rje 'dzin 'gugs dkyus tshig du wa'i gsang sngags kyis// gdug pa thams cad dbang med 'tshir pa'i mthu// rdo rje sder mo'i dkyus tshig shrin dza'i gsang sngags kyis// sku gsung thugs kyi dngos grub thob pa'i mthu// rdo rje sder mo dkyus tshig sprin dza e ka'i gsang sngags kyis// rdo rje phur pa gzi byin bskyed cing dbang du bsdus nas sgrol ba'i mthu// bdud kyi bdud chen bdud kyi yum bzhi'i gsang sngags 'di// phrin las dkyus tshig e ka'i gsang sngags kyis// gdug pa dgas shing yan lag gnon pa'i mthu// phrin las dkyus tshig ra yi gsang sngags kyis// gdug pa'i dbang po bcing zhing gnon pa'i mthu// phrin las dkyus tshig tri yi gsang sngags rnam shes sdom zhing gnon pa'i mthu// phrin las dkyus tshig tsa ra'i gsang sngags kyis// gdug pa'i gzugs phung rdul du brlag cing gnan pa'i mthu// phrin las dkyus tshig pany+tsa'i gsang sngags kyis// bcom ldan 'das bdud bdag bka' bsgo nyan pa'i mthu// phrin las dkyus tshig tsha yi gsang sngags kyis// khro rgyal byin brlab mi g.yo ba yi sngags// dbang du bsdus nas drag tu mnan sgrol mthu// nga ni bdud kyi bdud bdag ste// bdud kun gyi ni bdud chen po// dbu dgu phyag kyang bco brgyad po// g.yas pa dgu ni za byed dgu// g.yon pa dgu ni gsod byed dgu// phra men phyag nas 'od zer 'phro// shin tu mi srun gtum bag can// snang ba'i dug lnga rab tu 'bar// kI la ya yi sgra sgrogs pas// g.yos so rab tu g.yos so// shin tu rab tu g.yos so g.yos par gyur to// 'jig rten gyi dregs pa thams cad brgyal ba sangs nas rab tu skrag par gyur nas/ 'jigs byed chen po'i bdud bdag gi/ zhabs la spyi bos phyag 'tshal nas/ skyabs su gsol te mgrin gcig tu 'di skad ces smras te/rdo rje bdud bdag 'jigs byed kyi// phur pa'i 'od zer rab tu 'bar// khro bo'i me dpung 'bar ba yis// 'jigs tshul 'chang ba'i khyad par can// dbu mangs rtsub pa'i sgra sgrogs shing// phyag mangs 'jigs pa'i mtshon cha bsnams// 'jig rten khams kun nges bkang nas// khro gnyer zhal gdangs ngar skad kyis// 'jig rten khams kun 'brug stong sgrog/ rgod dang gshed dang za byed pa// don dang rtags dang ldan pa yi// 'bar ba'i rgyan cha mtshon cha 'chang// bskal pa zhig pa'i srid rtse 'bar// 'jig rten thal bar rlag mdzad pa// dpa' bo khyod la skyabs su mchi// bdud bdag khyod la skyabs su mchi// khro rgyal khyod la skyabs su mchi// thugs rje chen pos gzung du gsol// nan tan thugs rjes ma bzung na// mgo dang lus kyang gas su bgyi// me lce phreng bas bsreg par bgyid// de phyir bdag cag thugs rjes bzung/ zhes dregs pa can rnams mthun par skyabs su gsol nas/ ma dang sring mo dang chung ma dang bran mo dang/ ril phul re sras su gsol te/ gdan dang grogs skyong ste/chos skyong ba'i srung mar dbang med dad pas bsdus so// snying rjes bsgral ba'i dam tshig ni// gsad cing gnan pa ma yin te// kun la khyab pa ma yin no// srog don bka' dam las kyis nyams// mtshan mas nyams dang 'dod pas nyams// 'di bdun spang ste yang dag don// bsgrub na nges par 'grub pa'o// srog las nyams pa'i mtshan nyid ni// pha dang ma ni slob dpon la// 'gal ba bsgral ba dam par bshad// don las nyams pa'i mtshan nyid ni// gsang ba la sogs smra zhing spel// bka' las nyams pa 'di lta ste// skur 'debs log par 'khrid la sogs// sbyor sgrol la sogs gsang ba rnams// mngon du byed pa dam pa'i bdud// yal ga la sogs sku la bsdau// bdag la mthu dang rtsal 'dod pa// las kyis nyams pa dbang med bsgral// skye ba med pa'i chos bshad kyang// mtshan ma'i chos la zhen pa sogs// mtshan ma nyams te shin tu bsgral// rtag tu zhen chags zas la sogs// 'dod pas nyams te bsgral ba yin// de nas kI la ya'i bdag po la/ 'khor rnams kyis mgrin gcig tu gsol ba/ kI la yi bdag po lags// bsgral ma bsgral gyi skyon yon ji ltar lags// de dag bsgral na rnal 'byor btsun// bdud rnams btul na bstan pa gnyan// med par bsgral na bar chad nyung// ma bsgral skyon ni dmyal khams 'phel// ma btul bar chad bsam mi khyab// chos nyid bden pa gsang sngags byin rlabs dang// thugs rje chen po sangs rgyas mthu yis ni// ab+hi tsAr+ya gnag pa 'di kho na'o// zhes kI la ya bcu gnyis kyi tan+t+ra las/rdo rje gsang sngags drug po'i le'u ste gsum pa'o//// de nas 'jigs byed chen po rdo rje phra mo'i dkyil 'khor chen po'i ting nge 'dzin la snyoms par zhugs nas/ rtags kyi dam pas bka' stsal pa/e ma ho rigs kyi khyad par can// byang chub sems kyi phur pa la// phrin las rnam bzhi'i dkyil 'khor la// 'khor lo bar khyams sgo khyud bcas// shel gyi dkyil 'khor bcas pa la// bdud kyi bdud bdag khro bo rnams// rgyas 'debs la sogs khro mo rnams// stag g.yag la sogs za byed tshogs// gsod byed la sogs phra men tshogs// lcags kyu la sogs dam la btags// gzhal yas khang gi sgor gnas so// lho nub hom lnga yang dgod la// phyi nang gsang ba'i hom shing la// bsreg rdzas rnams dang brnag pa'o// shar lhor phrin las zor dkyil 'khor// mda' bcu ltas ngan sgro bzhi la// khro bcu'i snying po gsal bris la// thun khung phur bdun skyer mda' gzhu// nub byang thod pa'i mnan dkyil 'khor// gdab phur brgya ni rtsa brgyad de// gru gsum e la thun du dbab// byang shar rnag pa bsgral dkyil 'khor// gru gsum bang rim gnyis pa brus// brnag pa'i rnam shes dgug bstim bya'o// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// chos skyong dam can dus la bab// bran dang pho nya de bzhin bskul// sngon du bsgral ba nyams pa bdun// sngags dang ting 'dzin phrin las gsum// dkyus dang sbyar la gdab par bya// rab 'bring gsum gyi rtags byung na// dam tshig drug gi dus la bab// byang chub mchog tu sems bskyed cing// dus gsum rgyal ba'i gdung sob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang// dngos grub 'phrog cing 'tshe ba bsnams// khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul bzhin bshig nas kyang// sdug bsngal nyams su myong bar mdzod// dkar nag mtshams kyi gnad chen la// so sor gdab dang dril la gdab// dgug cing gdab dang bsreg pa'o// zhi rgyas dbang dang mngon spyod dang// dri dang sa yi cho ga'o// zlog dang re re drug drug ga/ zlum po'i dkyil 'khor rtsibs brgyad la// lha rnams 'khor bcas spyan drangs te// mchod rdzas thams cad dkar por bya// sngags dang ting 'dzin phrin las rnams// bsgom na thams cad zhi bar 'gyur// thog med bsags pa'i sdig sgrib dang// gdug pa can gyi dgra bgegs rnams// thams cad ma lus zhi bar 'gyur// 'di ni zhi ba'i las zhes bya// dkyil 'khor hom khung zlum po la// rdo rje pad+mos brgyan par bya'o// bsreg rdzas dkar po mchod byas nas// lha rnams 'khor bcas zhi bar 'gyur// chos nyid bden pa'i byin rlabs mthus// rnam rtog sems 'khrug zhi bar 'gyur// 'di ni zhi ba'i hom zhes bya// dngul lam dkar po'i shing rnams la// mgo bo rgya mdud rtse zur zlum// khong seng byang sems gzhal yas khang// logs la zhi ba'i lha bsgoms la// btab pas thams cad zhi bar 'gyur// zhi bar ma gyur gang yang med// zhi mdzad lha la phyag 'tshal lo// ting 'dzin sngags dang zhi ba gsum// chos nyid bden pa'i byin brlabs mthus// thams cad ma lus zhi bar 'gyur// zhi ba'i phur gdab ces bya'o// dngul dang 'bras chan 'o ma zho// gtor ma dkar po rgyan dkar po// sngags dang ting 'dzin phrin las gsum// chos nyid bden pa'i byin rlabs mthus// zhi bar bsgom zhing gtor byas na// dgra bgegs dngos lta zhi bar 'gyur// lha dang pho nya zhi bar 'gyur// zhi ba'i gtor ma zhes bya'o// lha yi dkyil 'khor chen po ru// lha yi bsnyen pa rdzogs bsgoms la// lha rnams gsang sngags zhi bar sbyor// 'bras chen 'o ma zho mar gnyis// tsan+dan rgya shug sol tog dkar// bal tog me tog sna tshogs dkar// re re gsang sngags rtsa brgyad sbyor// sbyor ba'i lha grangs re re la// sdig sgrib sdig pa zhi bar 'gyur// de ltar de bzhin smon lam gdab// de ni gsang sngags sbyor ba'i las// rjes su 'jug pa'i rnal 'byor pas// zhi ba'i sbyin sreg rtsa brgyad kyi// lha rnams zhi zhing shis pa dang// rgol bar sems dpa' zhi ba dang// gdug pas zin pa zhi ba dang// slad kyi bar chad bya sems zhi// 'di dang gzhan du de mchog thob// sbyin bsreg sbyin pa'i pha rol phyin// tshogs chen tshogs gnyis rdzogs par 'gyur// zhi ba grub pa'i yon tan no// gru bzhi'i dkyil 'khor rtsibs brgyad pa// lha rnams 'khor bcas spyan drangs te// mchod rdzas ser po me tog ser// chas gos thams cad ser por bgos// lha rnams thams cad ser por bsgom// bdag nyid nga rgyal rdo rje bsgom// kun tu bzang mo'i chos dbyings la// kun tu bzang po'i gzi brjid kyis// bdag nyid lha rnams gnyis med bsgom// de ni rgyas ba'i las zhes bya'o// hom khung gru bzhi 'bar ba la// rdo rje 'khor los brgyan par bya// hom shing ser po'i shing rnams la// gser gyi thag pas bcings byas la// lha rnams bskyed dang spyan drangs la// de ru byin mchod bsreg par bya// rgyas pa'i dkyil 'khor hom zhes bya// gser ram ser po'i shing rnams la// mgo bo rgya mdud rtse zur bzhi// khong seng byang sems gzhal yas khang// logs la rgyas pa'i lha bsgoms la// btab pas thams cad rgyas par 'gyur// rgyas par ma gyur gang yang med// rgyas mdzad lha la phyag 'tshal lo// ting 'dzin sngags dang phrin las gsum// chos nyid bden pa'i byin rlabs mthus// thams cad ma lus rgyas par thebs// rgyas pa'i phur pa gdab ces bya'o// gser ram ser po'i phye ma dag/ me tog ser po sna tshogs phye// ser po'i 'bru sna mang sbyar la// rgyas par gyur pa'i gtor ma ste// gtor bas thams cad rgyas par 'gyur// rgyas par ma gyur gang yang med// 'di ni rgyas pa'i gtor ma'o// rgyas pa'i dkyil 'khor chen po ru// lha rnams dkyil 'khor bsnyen rdzogs nas// lha rnams gsang sngags rgyas par sbyor// nyung dkar me tog sdong shing ser// re re gsang sngags rtsa brgyad sbyor// bsreg rdzas hom du bsreg pa na// thams cad ma lus rgyas par 'gyur// rgyas pa'i gsang sngags sbyor ba las// rjes su 'jug pa'i rnam 'byor pas// rgyas pa'i sbyin bsreg rtsa brgyad kyis// chos nyid bden pa'i gsang sngags byin rlabs mthus// lha dang rnal 'byor gzi byin byin rlabs rgyas// dpal dang tshe dang bsod nams rgyas// don dam kun rdzob longs spyod rgyas// rgyu dang 'bras bu bsod nams tshogs chen rgyas// 'di ni rgyas pa'i yon tan no// zla gam dkyil 'khor rtsibs brgyad par// lha bskyed dkyil 'khor spyan drangs nas// mchod pa la sogs gzhung bzhin bya// lha rnams go rim dmar por bsgom// chas gos dmar po rnam pa lnga// khro bo chen po'i byin rlabs kyis// rdo rje phra men ma mngags nas// ma dang bu la byams pa'i tshul// thams cad dbang du bsdus nas 'grub// 'di ni dbang gi las zhes bya'o// hom gyi dkyil 'khor zla gam la// rdo rje zhags pas brgyan par bya// seng ldeng mdzo mo glang 'khal ba// gzhan yang shing rtsi dmar po rnams// hom shing thag dmar bkyigs pa ni// rnam rtog gnag pa gnyis bsreg na// ci bsgo bka' nyan dbang du 'dus// 'di ni dbang gi hom zhes bya'o// zangs sam dmar po'i shing rnams la// mgo bo rgya mdud rtse zur gnyis// khong seng byang sems gzhal yas khang// logs la dbang gi lha bsgoms la// btab pas thams cad dbang du 'dus// dbang du ma 'dus gang yang med// dbang mdzad lha la phyag 'tshal lo// 'di ni dbang gi phur pa gdab pa'i las so// zangs phye shing dmar gong dmar phye// 'bras chen dmar po me tog dmar po'i phye// bu ram chu yis sbyar la gtor// khro bo chen po'i byin rlab kyis// phra men tshogs kyis bkug nas ni// ci bsgo bka' nyan dbang du 'du// dbang gi gtor ma'i las zhes bya'o// dbang gi dkyil 'khor chen po ru// lha dbang dkyil 'khor bsnyen rdzogs nas// lha rnams gsang sngags dbang du sbyor// zangs me seng ldeng mdzo mo me// nyung dmar kha dog dmar po'i 'bru// re re gsang sngags rtsa brgyad sbyor// bsreg rdzas hom du phul bsreg na// chos nyid bden pa'i byin rlabs sangs rgyas mthus// gnyis su med pa'i byin rlabs kyis// srid gsum khams gsum dbang du 'dus// mi mthun rtog sgrib dbang du 'dus// bdag dang gzhan gyi tha mi dad// kun bzang yab yum gnyis med kyis// thams cad dbang gi rang bzhin ni// dbang gi grub pa'i yon tan no// dkyil 'khor 'khor lo rtsibs brgyad la// de la gru gsum re re'o// bar khyams sgo khyud ldan par bya// lha rnams dkyil 'khor bskyed spyan drangs// gnyis su med par bstim byas la// sha khrag dmar gyi mchod byas la// bsnyen bsgrub rdzogs par bskyal bar bya// phur pa bzhi bcu rtsa drug la// rang rang snying po bris la ni// dkyil 'khor go nas dgod par bya// sngags dang ting 'dzin phrin las kyis// phra men tshogs ni rbad par bya// de yis las rnams 'grub par 'gyur// 'di ni drag po'i las zhes bya'o// hom khung gru gsum gnyis brtsegs la// thod pa me ris brgyan par bya// gsang ba'i rdzas ni shag pa yang bcu gsum dang// gdug pa can gyi tsher dug shing// lcags thag bsdams la gzug par bya// phur pa brgya ni rtsa ba rgya brgyad kyis// mtha' ma bskor la dgod par bya// ming byang yugs sa mo yi skrar// brgyus la mtha' ma bskor la bzhag/ mi rta khyi spyang glang dred spre'u// bse zho dug dung sna tshogs dang// lan tshwa tsha mar nyung nag dang// skye tshe ldong ros gu gul dang// lcags phye zangs phye rdo phye dang// btsos pa'i sha dang bsreg pa'i gsur// dri yi tshil dang skye ba'i rgyu// rdo rje glu yi dbyangs blangs nas// lan grangs brgya dang stong du dbul bar bya'o// lha rnams gsang sngags ma 'grub par// gnag pa them par bcug pa ni// gzugs dang ming rus bsreg par bya// dug gsum 'byung po sha khrag bkang// gsol te thams cad rgyas par mdzod// hom du bsreg na mod la 'chi// 'di ni drag po'i hom gyi las so// lcags sam nag po'i shing rnams la// mgo bo rgya mdud rtse zur gsum// khong seng byang sems gzhal yas khang// logs la drag po'i lha bsgoms la// btab pas thams cad rlag par 'gyur// rlag par ma 'gyur gang yang med// rlag mdzad lha la phyag 'tshal lo// khro bo khro mo phra men tshogs// gnag pa'i gzugs dang ming rus la// drag tu bskul la gdab par bya// gnad gcod srog dang phral bar 'gyur// 'di ni drag po'i phur pa gdab pa'i las so// sna tshogs dug gi phye ma dang// nyung nag ske tshe til nag dang// gdug pa'i tsher ma phye ma dang// sran chan bra chan lcags phye dang// sha khrag gtor mar bsregs pa ni// rdo nag phyi ru bsres la gtor// khro bo chen po'i byin rlab kyis// phra men tshogs kyis bkug nas ni// gdug pa can rnam rlag par byed// drag po'i gtor ma'i las zhes bya'o// drag po'i dkyil 'khor chen po ru// lha yi dkyil 'khor bsnyen rdzogs nas// lha rnams gsang sngags drag por sbyor// lcags phye dug phye nyung nag gi// re re gsang sngags rtsa brgyad sbyor// gzas par them par bcug la bsreg/ rdo rje me dbal snying bsreg go// chos nyid bden pa'i byin rlabs kyis// gzas pa'i rnam shes tshe rten ni// bya sgro me yis bsreg bzhin tshig/ 'di ni drag po'i sbyor ba'i las zhes bya// rjes su 'jug pa'i rnal 'byor pas// drag po'i sbyin bsreg rtsa brgyad kyis// chos nyid bden pa'i byin rlabs mthus// bar chod bgegs rnams rlag pa dang// gnag pa tsha ba'i nad kyis 'chi// smyo 'bog brgyal nad bgegs rnams thar// gzas pa'i gnad bdun tshe rten bsreg/ rnal 'byor gyur shog dngos grub thob// drag po 'grub pa'i yon tan no// phrin las rnam bzhi'i dkyil 'khor la// hom lnga yang dog rtse mor brtsigs// kha dog rig dang mthun par brtsig/ gdug pa can gyi hom shing la// lcags thag gi ni bskor la gzugs// tI la ya ni nyi shu gcig/snying po nyi shu gcig gis bsdus// lan grangs nyi shu gcig tu ni// g.yas bskor g.yon bskor phur bskor la// phur pa'i 'od zer stong khams khengs// gsang sngags 'brug stong sgrogs par bsgom// mgyogs byed ye shes pho nya 'gyed// bran dang pho nya bka' nyan tshogs// khyed kyi thugs dam dus la bab// sngon chad ji ltar dam bcas pa// mngon spyod phrin las myur du mdzod// gsang ba'i yum bzhi'i gsang sngags kyis// lha rnams gsang sngags bsdus te dgug/ sder mo'i sngags kyis dgug cing gzir// bran dang pho nyas dgug cing bstim// de nas btab pa'i las byas la// gnad la dbab ni brgyad dag la// dngos grub bar chad byed pa'i bgegs// gdug cing sdang sems ldan pa rnams// rdungs shig rdo rje 'bar ba'i gtun// bka' las 'da' byed sdig can ni// rdo rje me dbal snying bsreg go/lus ngag rdul phran bzhin du rlog/ chos nyid kyi bden pa'o// gsang sngags kyi byin rlabs so// sangs rgyas kyi mthu'o// ab+hi tsar+ya'i dus la bab bo// brnag pa 'di kho na la'o// rdo rje me dbal gyis snying bsreg cing// skor tshoms re zhing bcu drug dag/ rtsa brgyad dag tu dbul bar bya// gsang sngags gnag pa thems par 'gyur// gnag pa 'dod pa'i bya ba 'grub// ces kI la ya bcu gnyis kyi tan+t+ra las rdo rje phra mo'i dkyil 'khor chen po'i le'u ste bzhi pa'o//// de nas bcom ldan rdo rje 'jigs byed chen po'i mchod pa'i sprin mngon par 'byung ba zhes bya ba'i ting nge 'dzin la snyoms par zhugs te/ rjes 'jug gi don du mchod pa dang/bstod pa'i dkyil 'khor 'di gsungs so// bdag po'i phyag rgya mnyam bzhag la// mi dmigs thugs kyi dkyil 'khor las// lha rnams dkyil 'khor spyan drang ngo// srid pa'i phur bu sgrub pa dang// dbang dang dngos grub blang ba'i phyir// ye shes khro bo gshegs su gsol// ye shes khro bo gshegs nas kyang// rtags dang mtshan ma bstan pa dang// kI li ya yi dngos grub gsol// lha rnams dkyil 'khor thams cad la// spyan drang phyag 'tshal mchod bstod bya// dngos grub rnam gnyis 'thob bya'i phyir// dkyil 'khor thams cad mnyes mchod do// bdag gi thugs ka'i 'od zer las// mchod pa'i lha mo sprin tshogs tsam// nam mkha' khengs pa'i char bzhin bab// bdag la mchod par byad par bsam// gtor ma tshogs mchod rdzas la yang// sbyang ba'i yi ges sbyang bar bya// spel ba'i yi ges spel la ni// thod pa'i snod ni 'jig rten khengs// bdud rtsi chen po'i 'od zer las// ye shes lnga yi 'od zer 'phro// 'dod yon lnga dang lha mo brgyad// nam mkha' khengs pa'i sprin tshogs las// bar snang khengs pa'i char bzhin bab// dkyil 'khor lha tshogs thams cad la// mchod pa'i sngags kyis dbul bar bya// thog mar rtogs gom bdag nyid bsgral// de nas gnyis med blo yis ni// blo ngan sems can yun du 'khor// gnyis su med par bsgral bar bya'o// de bzhin nyid du gnas bcas te// thugs rje chen po 'byung bar byed// 'tsho ba'i zas ni byin brlabs nas// hom gzar hom khung dkyil 'khor mchod// bdag mchod kun 'grangs thams cad mnyes// kun la phan pa'i sman yin pas// thams cad bza' zhing brgyan par bya'o// dkyil 'khor lha rnams mnyes gyur na// nyes pa thams cad rnam par dag/dngos grub rab mchog thob par 'gyur// lha tshogs dkyil 'khor dam tshig can// spyan drangs pa la sbyin par bya// bdud rtsi lnga dang sha lnga la// mchod dang bshags dang dgug bstim dang// bkug nas rdo rje phur pas gdab// khro mo 'bar ba'i gtun khung du// rdo rje tho bas brdung byas nas// lha yang rung ste bsgral bar bya'o// kha tham gyis ni rdul du brlag/ dkyil 'khor lha tshogs thams cad la// sha khrag mtshan ma ming bcas bstab// ha ha dkyil 'khor mnyes par 'gyur// he ru ka yi gnas bcu dang// dur khrod chen po'i gnas brgyad nas// dkyil 'khor 'khor bcas spyan drangs nas// dur khrod mchog gi gnas 'di ru// zhing chen gsar rnying ti rar bcas// dmar gyi ar+g+haM rgya mtshor 'khyil// mkha' 'gro 'bar ba'i tshogs bcas rnams// ma lus gshegs nas bsnam du gsol// mchod pa'i yo byad thams cad ni// nag por byas te dbul bar bya// bran dang pho nya bka' nyan tshogs// dam can tshogs la bstab pa ni// skra bshig gcer bur phyung la ni// thal ba rak+ta zhag gis mtshan// khro bo'i cha lugs bzung nas ni// kha nas khrag dang zhag 'dzag pa// lag par thod khrag thogs nas ni// hi hi dgod cing spyugs pas 'bod// so so rngams kyi ming nas 'bod// gnag pa bos nas zhal du bstab// srin mo rnams ni tshogs kyi bdag/ he ru ka la phyag 'tshal bstod// 'khril ba'i mchod chen mnyam du sbyor bas// mkha' dbyings b+ha ga klong yangs nas// byang chub sems ni mchod par spro// phyogs bcu'i lha rnams sku gsung thugs// mchod pa phul bas mnyes rab mchog/rgyal ba mnyes pas dngos grub thob// stong gsum stong gi 'jig rten na// zhi ba'i dkyil 'khor zlum po la// mkha' klong me dpung gzhal yas khang// kun gzhi kun tu bzang mo'i mkha'// 'di yang nga yi gzhal yas khang// sngags dran ye nas bde gshegs sku// yid ni kun bzang rang la shar// mkha' klong me dpung dbyings nas bzhengs// me yi snying po sku dang phyag rgyar gsal// gnyis med rtogs pa chos sku yin// byang chub sems ni khyab pa'i sku// 'jigs byed rngam pa khro rgyal sku// dpal chen 'jigs byed sku yi mchog/ zhi ba'i sku yi mchod chen yin// mchod pa chen po mchod pa che// 'di yang nga yi sku yi mchog/ bdag gis bdag mchod kun mnyes mchod// stong gsum stong gi 'jig rten na// zhi ba'i dkyil 'khor zlum po la// mkha' klong me dpung 'bar ba'i gzhal yas khang// kun gzhi kun tu bzang mo'i mkha'// 'di yang nga yi gzhal yas khang// sngags dran ye nas bde gshegs gsung// yid ni kun tu bzang po rang la shar// mkha' klong me dpung dbyings nas bzhengs// me dpung gdangs skad dbyings nas sgrogs// rngams pa'i nga ro khro bo'i gsung// snying po 'brug dgu bsnyen pa'i gsung// sprul pa'i brda' tshig ma mo'i gsung// sna tshogs mi las gsung mchog ste// zhi ba'i gsung gi mchod pa yin// mchod pa chen po mchod pa che// 'di yang nga yi gsung gi mchog/ bdag gis bdag mchod kun mnyes mchod// stong gsum stong gi 'jig rten na// zhi ba'i dkyil 'khor zlum po la// mkha' klong me dpung gzhal yas khang// kun gzhi kun tu bzang mo'i mkha'// 'di yang nga yi gzhal yas khang// sngags dran ye nas bde gshegs thugs// yid ni kun tu bzang po rang la shar// mkha' klong me dpung dbyings nas bzhengs// tsit+ta gzhal yas gsum rgyud thugs// phyi dro nang bzhi lha yi thugs la ltos// dbyings dang ye shes gnyis med thugs// kun bzang yab yum rol pas mchod// zhi ba'i thugs kyi mchod pa yin// mchod pa chen po mchod pa che// 'di yang nga yi thugs kyi mchod// bdag gis bdag mchod thams cad mnyes// stong gsum stong gi 'jig rten na// rgyas pa'i dkyil 'khor gru bzhi la// mkha' klong me dpung la sogs nas// dbang dang mngon spyod bar dag gi/ de ltar de bzhin de rjes las// rgyas dbang mngon spyod mchod pa che// sku gsung thugs kyis mchod chen po// de ni khro bo'i dkyil 'khor la// bdag gis bdag la 'di bstod pa// hUM/ skye med rnam dag chos dbyings las// skye ba'i cho 'phrul bstan pa ni// thugs rje chen po thabs mkhas pa// nga ni bdud kyi bdud bdag ste// bdud kun gyi ni bdud chen po// gdug pa 'dul phyir skur sprul pa// phyi nang bdud rnams rnam par 'joms// 'jigs byed chen la phyag 'tshal lo/ he ru ka la phyag 'tshal lo// srid gsum 'joms mdzad lha la phyag 'tshal lo// brjid pa chen po nyid mnyes gyur// sngags kyi spyod pa 'di gsungs so// ji bzhin gsungs pa'i dbang sogs ldan// byang chub spyod pas rnam par sbyor// byang chub sems ni ma spangs shig/rdo rje phyag rgya la sogs pa// dam pa'i chos kyang mi smod cing// mi shes pa'am blun po'am// gsang ba bstan par bya ba ni// nga bdag yongs su spongs pa ni// dka' thub kyis kyang gzir bar byas// rtag tu sdom pa bskyangs pa ste// bdud rtsi lnga dang dkon mchog la gnod bsgral bar bya// gsang sngags bud med 'dod pa rnams// byang chub sems ni blang bar bya// rdzun tshig brlang po gsang don smra// sbyor sgrol mchod pa gzhung du smra// nyams bdun ma btang bsgral bar bya// gsang ba'i mchod pa chen po ni// goms lam ting 'dzin brtan pa thob// gsang sngags thabs chen thabs myur bas// thabs kyi spyod pas 'gro don du// de nas ma traM gying la gtad pa/ nyon mongs 'khor ba'i sems can 'di// bsgral ba chen po'i las su rung// dpal chen zhal du bstab po khA hi// khro bo khro mo'i tshogs la bsngo// sems can 'dul ba'i skal du bzhes// ta na chen po'i zhing du sbyor// gying chen rdo rje'i phyag tu 'bul// ye shes rgya mtshor bzhes su gsol// de nas ma traM sdig can de// dkyil 'khor chen por drangs nas ni// thar pa'i lam byang dkyil 'khor 'dir// dred pa can dag 'ongs pa ltar// sal bar ldan pa'i sems can khyod// bde bar 'ongs so legs so 'ongs// khyod ni bsod nams skal pa ldan// bde gshegs thugs rjes sgrol mkhas pas// blo ngan 'jig rten snying rje re rje// gnyis su maid par bsgral bar snang// thabs dang shes pa rnams kyis kyang// de nas gyi gis bstab par bya// sku gsung thugs kyi dkyil 'khor lha tshogs rnams/e hi e hi tshur byon 'khor dang bcas// dzaHhUM baM hoHspyan 'dren gshegs su gsol// kI li kI la ya dga' ba'i bzhad mos bkang ngo// bde 'gro bde mchog a ho su kha shaM ba ra// ti sha zhes ni slob ma'i tshul cig snang gnang yang bar mdzod// rol cig dgongs shig 'dod pa'i ti ra kha kha khA hi/ sbyin no bskul lo da ra da ra ha ra ha ra/ zo zhig ngo mtshar mchog tu bstab po kha kha khA hi/ zla ba la sogs dmar chen snying po lnga// mAM sa la sogs ro mchog dpa' bo mchog/ ma tsa me tsa rak+ta ru d+hi ra khA hi/ nye ba'i bsgrub pa'i ma lus bsgrub 'tshal gyis// dri med gzi ldan mchog gi mchod pa sbyar ba 'di// ye shes tshogs rnams dgyes shing bzhes su gsol// de nas rnal 'byor gying chen gyis// ma traM la yang sdang mig blta// zhabs bgrad mdzub g.yon gtad de ni// ye shes mkha' lding sder chen gyis// 'khor ba'i byi phrug blang ba ni// bu phrug ma la gzan ster bzhin// 'dus pa chen po'i tshogs kun dgyes// dkyil 'khor chen po'i steng du gzhag/ gnyid med ye shes dkyil 'khor du// 'dus shing tshogs kyi dkyil 'khor bstan// su dag phyin pa phyir mi ldog par nges// sbyangs pa'i sngags kyis sbyang bar bya// khrus lung rnam gsum rdzogs byas las// khro bo phra men pho nya bskul// khyod ni pho nya gying ka ra// ka dar sngon po 'di long la// a b+hi tsar+ya gnas bstod de// dkyil 'khor gsang bar dbang bskul cig/ ye shes rno dbal mtshon cha 'di// nyon mongs sdig gcod ral gri ste// 'khor ba'i rtsa ba drung nas phyung// tsit+ta drangs nas b+han+d+ha'i snod du bstsal// sdig can shes pa yi ge hUM du bsgom// s+pha ra phaT kyis don gnyis byas// ha ra hUM gis thugs kar 'dus// rdo rje thugs su dbang mchog bskur// gsung dang sku nas de bzhin du// dung khang gsang lam rdo rje'i lam// pad+ma las 'phros byang chub sems// lha rnams dkyil 'khor skur rdzogs par// gsang ba'i sngags kyis bskyed par bya'o// lha rnams dkyil 'khor gnas gsum nas// sku gsung thugs kyi 'od zer sprau// dkyil 'khor bde gshegs thams cad mchod// don gnyis byas shing tshur 'dus nas// mgal me bzhin du bdag la mchod// thugs nas sku gsung rim bzhin du// gsang ba'i lam byung rdo rje'i lam// byang sems b+ha ga'i dkyil 'khor thim// lha rnams 'od zhu byang sems kyi// byang chub sems kyi theg le ni// tsa na ka yi 'bru tsam la/ kI la ya yi gsang sngags kyis// rdo rje gzhon nu tshon gang ba// b+ha ga'i gzhal yas khang nas ni// phyag rgya bzhi yi spyan drangs nas// 'og tu yaM las rlung dkyil 'khor// btegs nas 'og min gnas su drangs// rigs lnga yab yum lhums su drangs// rdo rje sems ni rlung lta bu// gang dag bsgral nas rdo rje'i tshe// de nyid sras kyi dang po ni// rdo rje sems dpa' khyod nyid 'gyur// thabs la mkhas pas mchod pa ste// ta na ga Na sbyor ba mchod chen po// skra ni kham pa gyen du brdzes// brang thag sma la gsus pa 'bor// tshigs bzhi sdom la rdum pa dang// rkang pa snol phra zheng che zhing// dri dregs ma yin sha dregs chags// mig ni shel la 'bras bu ster// nyams bdun zhing bcu de dang mnyam// lkugs pas byol song ji bzhin te// dkyil 'khor chen por bcugs nas bsgral// gong bzhin de ltar de bzhin bya'o// mchod pa chen pos rgyal ba mnyes// thun mong dngos grub ci 'dod bya// dngos grub yon tan 'di la blang// ta na ga Na mchod chen po// zhes kI la ya bcu gnyis kyi tan+t+ra las/ mchod pa'i sprin mngon par bya ba zhes bya ba'i le'u ste lnga pa'o//// de nas rjes 'jug gi don du dbang bskur ba dam pa zhes bya ba'i ting nge 'dzin la snyoms par zhugs nas 'khor rnams la bka' stsal pa/rdo rje gzhon nu'i rig 'dzin rnams// srid pa'i rdo rje grub mdzod cig/ srid pa rdo rje phur pa'i lha// ye shes khro bo grub par mdzod// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag skyed cig/ thabs kyi spyod pas 'gro don du// byams dang snying rjes gang 'dul ba// sangs rgyas phrin las rdzogs mdzad nas// dbang gsum byin rlabs 'dir gsol cig/ don dam blo yi spyod yul min// brtag par dka' la dpag tu med// 'di ni rang byung bcom ldan 'das// phra mo bzhi yi sbyor ba las// yang dag dbyings nas rol pa las// thabs dang shes rab ldan pas na// stong pa las ni sku ru byung// 'gro ba'i don mdzad bdag po yis// dbang bskur dngos grub ci 'dod 'byung// zhing sa 'dru rlog chu lud rkyen// de las 'bras bu 'byung ba bzhin// lo gsum snod bcud brtags pa la// yang dag dbyig gi gter brus nas// zhing rab gshin las sa bon gdab// nam mkha' sa gzhi pad+ma brgyad// nags tshal me tog gling chags pa// rin chen sna lnga'i lung pa dang// rin po che yi phung po dang// bkra shis pa yi gnas dag tu// sa rin btsal te blang byas la// maN+Dal 'dom gang gru bzhi la// gsang rdzas gsum gyi byin gyis brlab// thabs dang shes rab gnyis med las// byang chub sems kyi thig gdab pa'o// tshon rtsi ye shes lnga dag tu// byin gyis brlab la bri bar bya// zhi rgyas dbang dang mngon spyod dang// bzlog dang so sor bri ba ni// drag nag dbang dmar rgyas ser zhing// dkar po ser po bar khyams ser// sgo bzhi rigs dang gnag pa'o// le'u tshe dgu yi zlum po dkar// sgo rnams zur gtad gru bzhi ser// pad+ma zla gam dmar po dag/ gru gsum 'khor lo nag po la// 'bru tshig so sor dgod pa'o// slob dpon 'khor gnas phun sun tshogs// 'tsho ba zas dang rkyen bzlog sman// sgrub rdzas gsang ba'i dam rdzas so// snod du rung ba'i cho ga bya// dkyil 'khor dam par gzhug phyir du// phyi dbang dus su khrus byas la// de nas dkyil 'khor gzhug phyir du// 'phrin lan gnang nas gzhug yon dbul// dar dkar yol bres phyi rol nas// bskyed rim rdzogs pa'i bla ma la// me tog dag ni 'phang bar bya// me tog gang la phog pa de// bskal pa'i mtha' dang ring ba'i dus// las dang skal bar 'dzoms pa'i lha// sngags dang phyag rgyas sems bskyed do// don dam kun rdzob de bzhin no// mig dbye a mr-i kha ru blud// rgyu 'bras mi bslu dam yang dgag/ bsnyen pa'i gnang ba'i dbang thob nas// mngon shes yi ge 'bru brgyad la// rin chen bstan pa'i gzhung bzhin du// bsgom bsgrub gsal ba ci nus bya// ha cang sgra cher ma yin chung bar gyis// gug skyed klad gor tsheg par ma nyams pa// smra bzhin ma yin ha cang g.yeng ba yin// rnam gsum gcig tu yid la drag gsal ba// bsgom bsgrub gsal ba ci nus bya// ye shes sems dpa'i thugs ka nas// byang chub sems kyi sems dpa' yang// sku gsung thugs kyi gnas gsum nas// dbang bskur gsang lam yab yum gnyis// thabs dang shes rab gnyis su med// gsang lam kha nas sras mchog bton// gzhal yas khang la lan gsum du// bskor ba byas nas lan gsum du// pad+ma dbang sgo sgor zhugs nas// dbang dang dngos grub blang bar bya// dkyil 'khor lha rnams lus la gzhug/ sku gsung thugs kyi dbang thob 'gyur// ka pA la yi dbang bskur bas// dur khrod he ru ka yi dbang thob 'gyur// mAM sa rak+tas dbang bskur bas// dur khrod mkha' 'gro'i tshogs la dbang bskur thob// bdud rtsi chen pos dbang bskur bas// 'chi med srog sbugs dam yang brtan pa thob// byang chub sems kyi mar mes dbang bskur bas// snang ba ye shes rang shar dngos grub thob par 'gyur// rdo rje dril bus dbang bskur bas// thabs dang shes rab gnyis med dbang thob 'gyur// dngos grub rten ni lnga dag ste// bdud rtsi sku gsung thugs kyi dngos grub rten// shar du rdo rje tshe yi dngos grub brtan// zla phrom zla rgyas go ro tsa na'o/ lho ru rin chen 'bar ba'i dngos grub rten// mAM sa me sa zla rgyas mur gong ba su ta// nub tu zla gam dbang gi dngos grub brten// rak+ta rug ti ba su ta// byang du phrin las gru gsum dngos grub rten// 'bru bcud bdud rtsi zla phrom rnams// rigs dang sbyar te phyogs phyogs dgod// zhi rgyas dbang dang mngon spyod kyi// phur pa bzhi yang gdags par bya// rdo rje gzhon nu'i rig 'dzin rnams// dbang dang dngos grub blang bar bya// shes rab ma yi mtshan brtag pa// skra ni ser la li ba dang// mig la sgri ga chags pa dang// rkang pa rgyu ma phra ba dang// lus la dri zhim nad med dang// nu ma chung zhing sked skabs dod// skad kyang ngang pa gzhon pa 'dra// rdo rje lha mor byin brlab nas// e sti nyi ma pad+ma brgyad// zla ba rdo rje rtse lnga la// s+t+waM dang ho yis bskul ba ni// de nas gnyis med sbyar ba bya// pad+mo la ni rdo rje gzhug/ byang chub sems ni pad+mor 'khyil// bde ba gsal zhing mi dmigs pa// byang chub sems chu rab phab nas// gsang ba'i pho brang dbus su ni// bde bar gshegs pa'i sku rnams bskyed// spro bsdus byang sems 'od du zhu// dkar 'tsher byang chub sems su zhu// byang chub sems ni spyan drangs nas// byang chub sems dbang nod pa la// ya rkan ma rkan zla dkyil 'khor// lce dbus pad+ma 'dab brgyad de// dbang bskur dngos grub bstim par bya// dus 'di phan chad rgyal ba'i sras// ngan song gsum du lhung mi srid// lha dang mi yi dbang rgyal bskyed// bskyed rim la ni sems zhugs nas// nus pa'i dbang thob sems zin nas// thar pa'i lam nas zlog mi srid// zab mo'i dbang yang thob gyur nas// rdo rje sems dpa' mtshan yongs su rdzogs pa'i sa non pa'o// zhes kI la ya bcu gnyis kyi tan+t+ra las/ dbang bskur dam pa'i le'u ste drug pa'o//// de nas snang srid lha'i dkyil 'khor la thugs ye shes gcig la ye shes kyi bye brag mtshan nyid rnam par dbye ba zhes bya ba'i ting nge 'dzin la snyoms par zhugs nas rjes 'jug gi don du 'di gsungs so// sems g.yeng sems 'dzin snang ba bsgyur// gting mtha' med par gzhal yas khang// snang srid ye nas sku gsung thugs// 'jigs byed rdo rje ku mA ra// nga ni khams gsum 'khor ba'i yab// srid gsum sgrol mdzad rdo rje thugs// dkar dang dmar dang dud kha'i zhal// dpa' bo sgeg pa 'jigs su rung// rgod dang gshe dang 'jigs par ston// snying rje rngam dang zhi ba la sogs pa// bdud bzhi gdan du bting pas dpa' dpa' 'dra// dur khrod chas brgyad ldan pas sgeg sgeg 'dra// sku che yan lag rags pas 'jigs 'jigs 'dra// zhal g.yas dkar la gzhad pas dgod dgod 'dra// zhal g.yod dmar la gdangs pas gshe gshe 'dra// zhal dbus mthing la gnag pas khro khro 'dra// zhal nas gdub rtsub 'byin pas rngam rngam 'dra// rgyud drug thugs rjes zin pas snying rje 'dra// chos sku mtshan ma med pas zhi zhi 'dra// de 'dra'i khro bo 'jigs pa'i tshul bstan pa// rtags dang mtshan ma bstan pa'i phyir// rdo rje rtse dgus sa dgu'i rtog pa 'joms// rdo rje rtse lngas dug lnga rab tu sgrol// me dpung 'bar bas khams gsum nyon mongs sreg/ kha T+wAM rtse gsum dug gsum rtsad nas gcod// ri rab phur pas khams gsum dbang du sdud// 'khor lo rgyas 'debs chos kyi dbyings// g.yas pa thabs kyi gtso la 'khyud// g.yon pa dung dmar gtso la stob// gtso la 'khril ba'-i tshul du gnas// bskal pa'i me ltar 'bar ba'i klong dkyil nas// gdug pa 'dul mdzad khro bo bcu// hUM kA ra dang rnam par rgyal// dbyug pa sngon po gshin rje'i gshed// mi g.yo mgon po rta mgrin rgyal// gzhan gyis mi thub bdud rtsi 'khyil// khams gsum rnam rgyal stobs po che// zhal gsum phyag drug zhabs bzhi brkyang bskum bgrad// g.yas dkar g.yon dmar dbus sngo zhal// g.yas sngo g.yon ljang dbus dkar zhal// g.yas dkar g.yon dmar dbus sngo zhal// g.yas sngo g.yon ljangs dbus mthing zhal// g.yas sngo g.yon smug dbus ljang gnag/ g.yas dkar g.yon sngo dbus dmar zhal// g.yas ser g.yon dmar dbus ljang zhal// g.yas ser g.yon dud dbus ljang zhal// g.yas dkar g.yon dmar dbus ljang ser// g.yas dkar g.yon dmar dbus dud zhal// 'khor lo mda' gzhu tri shUl lcags kyu dang// me dbal dbyug to dgra s+t+wa be con dang// gshol mda' ral gri sbrul zhags lcag sgrog dang// ba dan rnga yab rgya gram dbyug to dang// tri shUl mda' gzhu tho ba sog mdung rnams// dang po gnyis b+han+d+ha tha ma gnyis phur bu bsnams// don rtags gsum dang lnga dang brgyad// gsum dang gnyis dang don rtags gcig/ dur khrod chen po'i chas kyis brgyan// kun tu bzang po chos kyi dbyings// g.yas pa thabs kyis gtso la 'khyud// g.yon pa dung dmar gtso la stob// gtso la 'khril bar bzhugs pa'o// phra men nyi shu phyag mtshan ni// gtso bo rnams kyi bar ma'o// zhal ni g.yas g.yon rigs dang sbyar// lcags kyu zhags pa lcags sgrog dril// sku mdog rigs dang sbyar ba'o// yang sprul phyag mtshan sgo bzhi yis// 'dod pa'i bya ba don sgrub pa'o// sum sprul stod cing za ba'o// za byed shas cher za ba'o// gsod byed shas cher gsod pa'o// dug gsum bsgral ba'i khog pa la// sgrub pa'i rgyal po'i gzhal yas khang// gzhal yas khang gi phyogs bcu nas// mnyam nyid phyogs nyid rtogs gyur na// bsgul bsigs thams cad phyag rgya yin// thugs dam phrin las mtshon pa'i phyag rgya'o// lag pa thal sbyar gyen du bsgreng// rkang pa bgrad nas brkyang bskum du// gom pa'i stabs kyis gar byed cing// gsang sngags las sngags lan gsum du// drag tu bzla zhing sdang mig blta// phan tshun yas mar sdang mig gis// re re la yang gsum gsum du// rkan sgra ljags 'dril lan gsum gyis// dngos grub thob dang zil gyis gnon// rU tra bsgral ba'i khog pa la// bsgrub pa'i rgyal po'i gzhal yas khang// gzhal yas khang gi pho brang phyogs bcu ru// de ltar de bzhin gsang sngags so// bya ba des kyang 'grub pa'o// ting 'dzin zhan na gzhung du bya'o// zhes kI la ya bcu gnyis kyi tan tra las/mtshan nyid rnam par dbye ba'i le'u ste bdun pa'o//// de nas bcom ldan 'das rdo rje gzhon nu dpal khrag 'thung rngams pa chen pos gdug pa can bsgral ba'i phyir/bsad pa las kyi dkyil 'khor gyi ting nge 'dzin la snyoms par zhugs te phrin las phun sum tshogs pa 'di gsungs so// khro bo rol pa'i cha byad dang// lung pa gru gsum zla gam dbyibs// nags ri tsher ma can gyi shing// dur khrod chen po'i gling yod par// sgrub pa'i dkyil 'khor bri bar bya// khro bo'i dkyil 'khor bsgom la ni// phur pa byin gyis brlab par bya// nang gi byang sems gzhal yas khang// gzhal yas khang ni gsum brtsegs la// steng 'og sked pa'i gnas nas su// bzhi bcu rtsa drug gsal bsgoms la// bskyed la bde gshegs gzhugs par bya// kI la ya ni nyi shu gcig/ grangs 'dzin nyi shu gcig gis ni// phur pa bskyed cing gzi byin bskyed// nyi shu gcig gis 'od zer 'phro// mgar gyi tshwa tshwa rno myur chas// yungs kar rgyal pos brdeg par bya// gu gul tshil chen bdug phyug la// rak+tas byug la e yis gdab// brgya mtshams bstod mtshams mchod pa 'bul// bstod dang bstim dang phan gnod smon lam gdab// byang shar mtshams kyi dkyil 'khor la// gru gsum mthur du brus pa yi// brnag pa de kho na gzhug par bya// brgya brgyad gzugs ni de yi nang// mgo ni lho nub mthur du bstan// dbral snying rus dang ming gzhug la// snying ga'i nr-i ste dza bzhag la// 'od zer lcags kyus drangs nas ni// brnag pa'i gzugs la bstim par bya// dbab pa'i sngags kyis bstim byas la// phyag rgya bzhi yi rang bzhin gyis/ dgug cing gdab brdeg yang nas yang// phrin las drug dang sngags drug dang// bdag nyid las kyi lhar zhugs nas// lus ni sum brgyud 'bru dgu las// phur pa'i khro bo sku phyung nas// bde gshegs 'jigs tshogs yan chad du// gser gyi bar thag gzings pa yis// rdo rje phur pa'i lhar thim bya// 'bum phrag gcig gam sa ya 'am// bye ba bzlas te dbang bskur nas// ting 'dzin bsnyen pa rdzogs byas te// gyur shog dngos grub thob par 'gyur// drag po'i phrin las 'jug pa yis// 'bru dgu'i phur pa skur phyung la// phyogs bcu dag tu khyab pa'i sku// khro sku lcags phur zur gsum po// mgar gyi tshwa tshwa rno myur chas// nyi zer ser ba babs pa bzhin// gnag pa'i steng du babs par bsam// phyag rgya bzhi yis bkug bstim bya// gsang sngags drag sngags yang nas yang// dam tshig chen po'i dus la bab// mgyogs byed ye shes pho nya yis// de ltar de bzhin dgug bstim bya// sprul pa chen po'i dus la bab// thugs rje sprul pa'i pho nya'o// phyag brnyan chen po'i dus la bab// za byed gsod byed pho nya'o// shwa na mu kha'i dus la bab// shwa na bzhi yi pho nya'o// bdag nyid chen po'i dus la bab// re ti mched bzhi'i pho nya'o// sa bdag chen mo'i dus la bab// tsha ba'i ma mo bzhi yi pho nya'o// yang nas yang du dgug bstim bya// so so'i drag sngags bstim par bya// khrag zor dug zor nyung zor brdeg/dug gi gtor ma za ru gzhug/ phra men rnams dang mgyogs ma rnams// blo snying za zhing dbang po 'thog/ bstod cing dbab pa'i ting 'dzin bsar// dngos grub bar du gcod pa'i bgegs// gdug cing ldang sems byed pa rnams// zung zhig rgyob cig rnam par chings// gtogs shig grogs dang bral bar gyis// rengs par khug la smrar chug cig/ phob cig rnam par gzir bar gyis// nga yi dbang du gyur nas ni// bsgo ba'i bka' rnams nyan par gyis// mthu dbrog gu gul grogs dang bral// mngag gzhug bsnyen phur dbab pa dang// dbang du bsdu ba sngon dmar bcings// sdig phur kha tham tho bas brdung// zil gnon d+ha mda' dug kyang du lug mig smra// rtags phyin drag po'i dam rdzas bsgo ba'i bka' nyan byed// gab sras glang gi rus sbal yan lag 'dra// gdab pa'i rin chen dag la bri// rtags phyin drag po'i phur pa yis// tshe yi dwangs ma'i rten phral nas// gti mug rtsad nas gcod pa'i mthu// mthu dbrog phur pa sras mchog gis// khrag gi dwangs ma gnad sleb nas// 'dod chags rtsad nas gcod pa'i mthu// mngags pa'i sras mchog phur pa yis// dbugs kyi dwangs ma'i rta phral nas// phrag dog rtsad nas gcod pa'i mthu// bsdig pa'i phur pa sras mchog gis// 'od dang mdangs kyang sems kyi gnas skabs nas// nga rgyal rtsad nas gcod pa'i mthu// zil gnon sras mchog phur pa yis// rtsa dang kun gzhi'i rten phral nas// zhe sdang rtsad nas gcod pa'i mthu// dbang gi sras mchog phur pa yis// rgyu bzhi gnad nas bsreg pa'i mthu// bsnyen pa'i sras mchog phur pa yis// 'byung ba kun gyi rten 'brel bsreg pa'i mthu// a shog pa yi rgya deb brtsegs 'dra la// gnad bdun gcig tu dril ba las// so mal lcags mda' sra rno yis// skad cig ma yis drangs yod kyis// dus gcig thog rdzas glang phag rlang phab gnad sleb pas// kun gyi dran bral tshe lung rnam pa gnyis// brnag pa'i tshe lung 'og min gnas gsum mo// bran dang pho nya bka' nyan tshogs// khyed kyi thugs dam dus la bab/ sngon chad ji bzhin dam bcas pa// mngon spyod phrin las myur du mdzod// rdo rje gsang ba'i bka' las ni// sdig can gang zhig 'da' byed pa// stobs chen khro bo'i byin rlab kyis// yud tsam gyis ni 'dir bkug nas// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// gdug cing sdang sems ldan pa rnams// lha'am 'on te bdud kyang rung// nga la bar chad byed pa rnams// mthu dang rdzu 'phrul med par gyis// khro mo 'bar ba'i gtun khung du// rdo rje tho bas brdung byas na// lha yang rung ste bsgral bar bya'o// zhes kI la ya bcu gnyis kyi tan tra las/ gsad pa las kyi dkyil 'khor gyi le'u ste brgyad pa'o//// de nas bcom ldan 'das bdud bdag chen pos sgrol ba/ zhes bya ba'i ting nge 'dzin la snyoms par zhugs nas sngags kyi sbyor ba'i las 'di gsungs so// rjes 'jug rgyud 'di nan tan du// sa gzhi legs par brtag byas la// 'bar ba'i ting 'dzin bsar la bsgom// bdag nyid ting 'dzin dam tshig sdom pa chags// dngos grub bar chod dgra bgegs rnams// snying rjes bsgral ba'i dam tshig ni// gsad cing mnan pa ma yin te// phra mo'i sbyor ba ting 'dzin bsgom// bdag dang khro bo phur pa rdzas// sku gsung thugs kyi gnas rnams su// skye med mtshon pa'i ting 'dzin bsgom// rnam gsum dag la skye med mtshon// de gsum skye med mtshon 'phros pas// srid pa gsum du gsal 'tsher nas// nyes byas gsum po bsreg pa ni// 'di ni byang chub sems kyi brus// phrin las gsang sngags sgrol ba'i khrus// e ka ra dang mthar gnas so// e ka ra yi e ka ra// e ka ra yis dbus ma gnas// e ka ra yi mthar gnas so// e ka'i don tshigs e ka'i gsang sngags kyis// chos nyid bden pa'i gsang sngags sgrol ba'i mthus// sku yi byang chub sems kyis lus ni rnam dag khrus// e ka ra yi don tshig tsa yi gsang sngags kyis// lus ngag yid gsum byang chub sems kyis khrus// e ka ra yi don tshig ra yi gsang sngags kyis// thugs kyi byang chub sems ni yid ni rnam dag khrus// e ka ra yi don tshig pany+tsa'i gsang sngags kyis// bcom ldan 'das bka' dri ma dag pa'i khrus// e ka ra yi don tshig tri yi gsang sngags kyis// gsung gi byang chub sems ni ngag gi rnam dag khrus// e ka ra yi don tshig tsha yi gsang sngags kyis// bag chags thabs ni byang chub sems kyi khrus// e ka ra yi don tshig ta yi gsang sngags kyis// shes rab dmigs med byang chub sems kyi khrus// e ka ra yi don tshig de wa'i gsang sngags kyis// phur pa byang chub sems kyi gnad bdun dri ma'i khrus// e ka ra yi don tshig rtsa brgya'i gsang sngags kyis// thugs kyi phrin las byang sems rnam gsum khrus// e ka ra yi don tshig sprin dza'i gsang sngags kyis// tshad med sgo ma gsang yum byang sems khrus// e ka ra yi sprin don tshig e ka'i gsang sngags kyis// rdo rje phur pa dgra yi bag chags byang sems khrus// e ka ra yi sprin rin don tshig gsang sngags kyis// dgra bgegs mnan gzir thams cad byang chub sems kyi khrus// e ka ra yi sprin tri'i don tshig gis// rdo rje phur pa thugs kyi byang sems kyis// srid gsum bsgral ba'i drag tu byang sems khrus// e ka ra yi sprin tsa ra yi don tshig gis// rdo rje gzhon nu thugs kyi phrin las kyis// chags pa dbang du bsdus nas sgrol ba'i byang sems khrus// e ka sprin gyi pany+tsa'i don tshig gsang sngags kyis// thugs kyi thugs ni phrin las chags pa yis// chos rnams thams cad skye ba med pa'i khrus// e ka ra yi don tshig e ka ra yi gsang sngags kyis// chos nyid bden pa'i gsang sngags byin rlab mthus// brnag pa'i ri bo ye shes lnga yi mnan// tsa ra'i don tshig gsang sngags kyis// rtsa brgyad phur pas brnag pa mnan// nga yi don tshig gsang sngags kyis// ri bo'i 'og tu thugs ni byang chub sems kyis mnan// pany+tsa'i don tshig gsang sngags kyis// bdud bdag bcom ldan 'jigs byed kyis// bran dang lha 'dre gdug pa bka' bsgo nyan// tri yi don tshig gsang sngags kyis// gdug pa can la gtad mnan pa'o// sad dang tsa yi don tshig gnyis kyi gsang sngags kyis// gnag pa thabs dang shes rab gnyis med mnan// tsar+ya'i don tshig gsang sngags kyis// rdo rje khro bo'i phur pa yis// phrin las chags pas dbang du bskul nas btab// bskal par mi 'byung mnan pa'i gsang sngags so// de ba'i don tshig gsang sngags kyis// mnan phur gso zhing gzi byin bskyed// e ka'i sprin gyi don tshig gsang sngags kyis// gzung zhing bsdam brdeg mnan pa'i gsang sngags kyi mthu'o// sprin ra'i don tshig gi gsang sngags kyis// khro bo phur pas thugs dbang drag tu bsgral zhing mnan// sprin tri'i don tshig gsang sngags kyis// dkyil 'khor rnam gsum thugs ni yang dag gis// phrin las chags pas dbang bsdus drag bskul mnan// sprin dag pany+tsa don tshig gsang sngags kyis// thugs kyi phrin las chags pas dbang sdud skye ba med par mnan// e ka'i don tshig gsang sngags kyis// yid dang zhe sdang ma rig gnas su bsgral ba'i mthu// tsa ra'i don tshig gsang sngags kyis// gnag pa'i tshe rten 'khor ba rtsad gcod mthu// ra yi don tshig gsang sngags kyis// nyon mongs yid kyi bag chags 'dod chags rtsad nas gcad// tri yi don tshig gsang sngags kyis// bag chags so bzhi gti mug rtsad nas gcad// pany+tsa'i don tshig gsang sngags kyis// bcom ldan bdud bdag sku ni myur bskul mthu// tsha yi don tshig gsang sngags kyis// dpal chen rdo rje khro bo thabs dang shes rab dang/ hU~M gis phrin las dbang sdud tshe rten rnam shes bsreg/ sa ta'i sap+ta yang don tshig gsang sngags kyis// sku stod sku smad khro bo lcags phur la// rno myur chas pa'i bar snang ser babs bzhin// rtsa brgya'i don tshig gsang sngags kyis// gsang ba yum bzhi bzung zhing bsdam rten mthu// de ba'i don tshig gsang sngags kyis// brnag pa mnan cing rab gzir te// rdo rje phur pas dbang sdud bskul sgrol mthu// sprin dza'i don tshig gsang sngags kyis// rdo rje khro bo phrin las kyi// chags pas dbang du bsdus nas drag tu bsgral// sprin dza'i e ka'i don tshig gsang sngags kyis// chos rnams thams cad skye med ngang du sgrol ba'i mthu// dkyus tshig don tshig 'phel 'grib ni// re re la yang gdam par bya// e ka'i dam tshig gsang sngags kyis// chos nyid bden pa'i byin brlabs mthus// yan lag bcings pa'i gnad brdeg gzer// ra yi don tshig gsang sngags kyis// sems dran myos byed gnad bsdig zor// pany+tsa'i don tshig gsang sngags kyis// bcom ldan bdud bdag gang gdon bka' bsgo gnad brdeg go/ tri ya'i don tshig gsang sngags kyis// dbang po rnam shes bsdam brdeg zor gyi mthu// tsha yi don tshig gsang sngags kyis// thabs dang shes rab rab tu lus bshig gnad brdeg zor// tsa ra'i don tshig gsang sngags kyis// gnag pa'i snying khrag gtso bo'i gnad brdeg zor// pa ra'i don tshig gsang sngags kyis// dpal chen rdo rje khro bo'i thugs kyi phrin las kyi// chags pas dbang sdud bskul bsgral tshe rten gnad brdeg zor// de wa'i don tshig gsang sngags kyis// gzung zhing bsdam brdeg gnad brdeg gzor// rtsa brgya'i don tshig gsang sngags kyis// bcu gcig mda' phur gnad bdun rtsa brgyad zor// sprin dza don tshig gsang sngags kyis// gnag pa mnan brdeg gnang brdeg zor// rdo rje phur pas khrag rbal ni khrag zor// sprin dza e yi don tshig gsang sngags kyis// rdo rje khro bo thugs kyi phrin las kyis// bag chags phung po skye med ngang du bsgral ba'i phyir// e ka e ka'i don tshig gsang sngags kyis// chos nyid bden pa'i byin rlabs mthu// brnag pa'i lus dang gti mug bsres// rnal 'byor sku yi dngos grub thob pa'i mthus// ra yi don tshig gsang sngags kyis// brnag pa'i yid dang tsha grang bsreg/ rnal 'byor thugs kyi dngos grub thob// pany+tsa'i don tshig gsang sngags kyis// bdain pa'i byin rlab sangs rgyas mthu yis ni// bka' bsgo myur du bsreg cing gnag pa'i ni rbal bsreg pa'i mthu// ra tsa'i don tshig gsang sngags kyis// rnam shes bcu dang tshe yi rten bsreg mthu// dri yi don tshig gsang sngags kyi/ gnag pa'i ngag dang bkres skom bsreg/ rnal 'byor gsung gi dngos grub thob pa'i mthu// tsha yi don tshig gsang sngags kyis// khro mo 'bar ba'i gtun khung du// rdo rje ye shes me 'bar bas// rdo rje me dbal snying bsreg mthu// pa ra'i don tshig gsang sngags kyis// dpal chen khro bo thugs kyi phrin las kyis// chags pa mi gtong dbang sdud rtag tu bsreg/de wa'i don tshig gsang sngags kyis// gzung zhing bsdam btag rdo rje'i me dbal snying bsreg mthu// rtsa brgya'i don tshig gsang sngags kyis// rdo rje phur pa'i me bskal zhig/me dpung dug sdong bsreg pa'i mthu// sprin dza'i don tshig gsang sngags kyis// gnag pa mnan gzir rdo rje ye shes me yis bsreg/ sprin dza'i e ka'i don tshig gsang sngags kyis// rdo rje phur pa'i me dbal snying khrag bsreg/sprin dza ra yi don tshig gsang sngags kyis// thugs kyi phrin las chags pa'i dbang sdud bsreg/ sprin dza tri yi don tshig gsang sngags kyis// mi rtog ye shes me yis rtog pa'i dug sdong bsreg/e ka ra la 'bru tshig gnyis gnyis so// dri la don tshig gnyis dang 'bru tshig lnga// tsa ril 'bru tshig lnga dang don tshig gnyis// pany+tsa'i 'bru tshig bzhi dang don tshig gcig/ tsha yi ba ra don tshig gnyis dang 'bru tshig gnyis gnyis so// rtsa brgyad 'bru tshig bcu gsum don tshig dgu// di bal don tshig gsum dang 'bru tshig dgu// sprin dza la ni 'bru tshig bzhi// sprin dza e ka la don tshig gnyis dang 'bru tshig drug/sprin ra don tshig gnyis dang 'bru tshig lnga// sprin tri don tshig gnyis dang 'bru tshig drug/ mthar gnas sprin dza tsa ra'i don tshig lnga dang 'bru tshig bcu gsum mo// rdo rje thugs kyi phrin las gsang sngags kyis// khyab pa'i drag sngags sbyor ba la// btsan dug sbyor ba me dang 'dra// gnag pa'i sbyor ba dug sdong tshe rten bsreg/ gdams pa rin chen dag la bris// e ka'i dbus ma ni dkyus ni skor tshoms la// e ka'i dkyus tshig gsang sngags ni// khyab pa'i sbyor ba chen po'i don// pha rol phyin pa grol ba'o// ra yi dkyus tshig gsang sngags kyis// chos nyid bden pa'i byin rlabs mthu// zhe sdang sgo la tshe la gnad gcod mthu// tri yi dkyus tshig gsang sngags kyis// phrag dog sgo la tshe gnad 'brel// tsa ra'i dkyus tshig gsang sngags kyis// nga rgyal che la tshe gnad 'brel// tshe yis dkyus tshig gsang sngags kyis// gti mug sgo dag tshe gnad 'brel// pany+tsa'i dkyus tshig gsang sngags kyis// gti mug sgo dag tshe gnad 'brel// pany+tsa'i dkyus tshig gsang sngags kyis// 'dod chags sgo dag tshe yi gnad gcod 'brel// skor tshoms dkyus tshig rtsa brgyad la// don gyi dkyus tshig e ka'i sa// e ka'i gsang sngags skor tshoms gsang sngags kyis// sbyor ba e kar sbyar byas nas// grogs bral khrag dang me dbal khrag dkyug gnad// chos nyid bden pa'i byin rlabs mthu// 'dod pa'i bya ba don 'grub pa'o// ra yi dkyus tshig gsang sngags kyis// dbab pa'i snying gzer dbyug gdangs me dbal snying gzer gnad// 'dod pa'i bya ba don 'grub bo// tri yi dkyus tshig gsang sngags kyis// tsa dang yan lag me dbal bcing ba'i gnad// skor tshoms e ka'i dkyus tshig gsang sngags kyis// gzir gnon sems dang me dbal snying khrag sbyo ba'i gnad// tsi ri'i dkyus tshig gsang sngags kyis// smyo dang me dbal rnam shes sdoms pa'i gnad// tsha ba'i dkyus tshig gsang sngags kyis// stobs byed tshe brten me dbal srog rtsa gcod pa'i gnad// yang snying bdun gyi don bzhi re re drug/ thun 'phang me dbal gnad bdun dgug bstim la// dgug thul bsdams gzer smyos brgyal sha rus rul// gnag pa me dpal 'byung lnga rim bzhin bgegs pa'i mthu// e ka'i mthar gnas e ka'i dkyus tshig gsang sngags kyis// tshor byed rnam shes rten la dbab// yum bzhi 'dzin byed gsang sngags kyis// sbyor ba bco lnga gnad re'o// ra yi dkyus tshig gsang sngags kyis// mthong shes rnam shes rten la dbab// tri yi dkyus tshig gsang sngags kyis// thos byed rnam shes rten la dbab// tsa ra'i dkyus tshig gsang sngags kyis// rten byed rnam shes rten la gdab// pany+tsa'i dkyus tshig gsang sngags kyis// myong byed rnam shes rten la dbab// tsha yi dkyus tshig gsang sngags kyis// 'khor rgyu rnam shes rten la gdab// pa ta'i dkyus tshig gsang sngags dang// sprin dza'i gsang sngags bar gyis ni// bran dang pho nya sbyor ba'o// mthar gnas dbus ma na yi gsang sngags kyis// mthu dbrog zil gyis gnon par byed// mthar gnas dkyus ni skor gsum gyis// rdo rje me dbal gzir gnon sgrol mchod dang// skur ston byang sems rin chen rnam gsum don// bco brgyad nyi shu gcig dang gnad bdun pa// mnan pa'i rgyu dang sku mchog phan gnod smon lam mo// zhes kI la ya bcu gnyis kyi tan tra las/ sngags kyi sbyor ba'i le'u ste dgu pa'o//// de nas yang bcom ldan 'das badzra kI la yas rjes 'jug gi don du tshig dang yi ge sgra'i ting nge 'dzin la snyoms par bzhugs te// ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha b+ha ma/ ya ra la wa/ sha Sha sa ha/ k+Sha/ a A/ i I/ u u/ r-i r-I/ l-i l-I/ e ai/ o au/ aM a/ 'khum par byed dang sdud pa dang/khong du 'gro dang sbyor ba'o// lhag ma gnyis dang rwa bo gnyis// zla tshes thig le ngag yid dang// ring dang thung dang drag gzhan dang// rtse mo sked pa rtsa ba dang/ sgra yig sgra yig bod cing drang bar bya'o// yi med dwa po skabs dang sbyar// sgra yi sa bon sgra yi bod/ don ni sgra las byung ba ste// sgra don phyi mo de las drangs// zla tshes thig le gdags yig dang// zhes kI la ya bcu gnyis kyi tan tra las/tshig dang yi ge sngags kyi sgra'i le'u stebacu pa'o//// de nas yang bcom ldan 'das chos nyid kyi bden pa'i byin rlabs kyis ting nge 'dzin la snyoms par zhugs te/ sangs rgyas kyi phrin las rdzogs par mdzad pas/thabs kyi spyod pas 'gro ba'i don 'di gsungs so// snang ba thams cad yul yin te// yul gyi rnam pa sems yin pas// sems las ma gtogs gang yang med// sems ni yang gsang thugs kyi dkyil 'khor yin// rnam rtog skye ba'i gzhi med par// rnam rtog nyid kyang yang gsang thugs// 'khor ba mya ngan 'das pa'i chos// thams cad kun gyi dngos gzhi ste// gnyis su 'byung ba gang zhe na// rtogs dang ma rtogs byung bas na// sems can sangs rgyas gnyis med la// 'khor ba snga'am myang 'das snga// myang 'das snga na 'khor ba min// 'on te 'khor ba snga gyur na// rang rdol byung ngam tha dad byung// nyi ma grib so'i rang bzhin nam// mo gsham bu dang ri bong rwa// me dang du ba de bzhin pas// de ltar de bzhin rtsod gzhi rtogs// dka' spyad theg chen rigs can gyis// rgyu dang goms dang 'bras bu 'byung// ci phyir 'khor ba yul la shor// sangs rgyas sems can de bzhin pas// nyi ma'i ngo la mun pa'i gzhi med ltar// 'khor 'das byang chub sems kyi rang bzhin no// 'khor 'das byang sems rang byung gzhan la med// rin chen gling du phyin pas gzhan la btsal mi dgos// rig pa khong nas shar bas sangs rgyas da lta nyid// sems rtogs ye bsgom bsgom med yengs su med// yengs su med pas 'breng thag skyon// bsgom med yengs dang ma yengs med nyid na// da lta nyid na thams cad mkhyen pa'i rigs// nus pa thob pas bsgom dang mi bsgom gnyis// de ltar de gzhin gdams pa rin chen dag la bri// nang rtogs na nang sangs rgyas nub rtogs na nub sangs rgyas// sangs rgyas gzhan nas btsal mi dgos// bsgom med dgos 'dod rnam rtog spang du med// bden pa'i byin rlabs mthu ste gzhan nas 'byung ba med// bden pa'i byin rlabs yang dag bstan bsrung mthu// thabs kyi phrin las 'gro don rdzogs mdzad mthu// sangs rgyas dngos grub bar chod bsgral bar bya'o// stag dang stag phrug gnyis char rtsal ma shor// dgug gdab mnan 'phang bsreg pa'i mthu// dkyil 'khor gru gsumazla gam 'khor lo dang// gru chad zla gam bar khyams sgo khyud dang// thod pa'i thun dang rtsa ba'i lha sngags bran dang pho nya'i sngags// khrag zor yungs zor dug zor dang// gtor zor rting la phur zor dang// thun zor mthu dbrog zil gnan dang// khams gsum bsgral ba'i mchod pa bya'o// mda' gzhu thal chen khrag chen byug/thod khrag thun ni phyar bar bya// dam tshig brgyad kyi dus la bab// las kyi mnar ba'i byur ngan las zad 'di// drag po'i phrin las shugs kyis mi bsgral du// bstan pa 'jigs pa'i chos 'khor rlog/drag por gyur pa'i khrag zor 'di// snying khrag spyos shig gu lu na// rnam shes sdoms shig sha na ram// srog rtsa chod cig pu tri ram// phog par rgyob cig snying gi dkyil// gnad du rgyob cing srog pa rtsa// gnag pa'i khong du khrag thun khrag zor spyos// mthing nag gru gsum 'bar ba'i dkyil 'khor nas/ bdud bdag 'jigs byed chen po dang// yum chen 'khor lo rgyas 'debs la// gnyis su med pa'i byin rlabs las// gdug pa 'dul mdzad khro bo khro mo byung// khro bo khro mo'i byin rlab las// sprul pa'i mgo brnyan rnams byung ba// da ni zor gyi las mdzod cig/ phyogs bcu'i zor la mnga' mdzad pas// phyogs bcu'i khro bo'i phyag brnyan te// bud med 'di ltar ya mtshan can// bud med lus la khra thabs mgo/ khra thabs mgo can byang sems phyag rgya mo// phra men mgo can ma ni byang sems phra men ma// g.yas pa rang rtags zhing mchog gzhu// g.yon pa ltas ngan mde'u phur// g.yon bdungs g.yas drangs thugs kar bkang// gnag pa'i gnad la thun zor ya// de ltar de rjes de bzhin no// bden pa'i byin rlabs zor gyi mthu// gu lus khrag skyug rgyu gzer mthu// shwa ram gyis ni smyo 'bog skyugs pa'i mthu// pu tri ram gyis srog dang bral ba'i mthu// 'ba' lis snying ni zhags par byed pa'i mthu// ki lis gnad 'dus tshe brten bdun rgyud gcad pa'i mthu// mthu dbrog zil gnon rig pa'i rgyud gcod mthu// khams gsum bsgral chod dkyus don bcu gcig mthu// stag dang stag phrug rtsal ma shor ba'i mthu// lta spyod brlang po spyad na tshogs su 'gyur// gsang ba'i dkyil 'khor rnam gsum dang// sku mchog rgyun gyi spyod pa rnam bzhi yis// shes pa'i rgyud dang gom pa'i lam// kha tshar kha nyid da lta'i shes pa bzhin// 'chad dang nyan dang bsgom dang 'don// me yi gzhal yas khang na gnas kyang de ltar de bzhin no// shes pa'i bag chags goms pas gang ltar byas pa'i mthu// mda' mde'u gzhu dang skyes bu'i mthu// gang ltar byas pa'i 'dod pa de bzhin du// dbus ma'i drag po drug gi sbyor ba'i phrin las kyis// chos nyid bden pa'i byin rlabs mthu// gang la bya ba 'dod pa'i don grub pa'o// skor tshoms lnga lnga'i mtshan nyid gsang sngags dang// bran dang pho nya gang la dmigs pa'i sngags// bdun 'bum bsnyen pa thon nas 'dod pa'i bya ba 'grub// e ka dbus ma gnas pa'i gsang sngags drug/e ka'i gsang sngags sbyor ba'i mthu// bde bar gshegs pa'i zor gyi mthu// skor tshoms lnga yis gsang sngags la// bran dang pho nya'i gsang sngags 'dus// e ka'i gsang sngags drag po'i bsdus la gdab// gnad sa re re phur pa bdun tsho la// phur pa re la gzir gnon re// 'dzin cing 'gugs pa'i sngags kyis gzir cing gdab// yum bzhi'i sngags dang phyag rgyas mnan// gnad rer de ltar bdun bdun gyis// 'dzin 'gugs gsang sngags dam pa ni// bde gshegs thugs kyi gsang sngags yang zhun mthu// bco brgyad gnad rer bdun gyis gnag pa tshe rten 'bral par byed// e ka'i dbus ma ni e ka'i gsang sngags ni// thugs kyi gsang sngags e ka'i gsang sngags dang// 'dzin cing 'gugs pa'i rdo rje yum bzhi'i sngags// sbyor ba bzhi yi gnag pa'i sngags// zhe sdang nyams dang snying yang 'gas nas 'chi// e ka dbu ma ra yi gsang sngags la// thogs ma thugs kyi 'dzin 'gugs rdo rje yum bzhi'i sngags// sbyor bzhis gnag pa phrag dog rkang bskum 'chi// e ka dbus ma tri yi gsang sngags la// thogs ma thugs kyi 'dzin 'gugs rdo rje yum bzhi'i sngags// sbyor bzhis gnag pa nga rgyal lag bskum 'chi// e ka'i dbus ma'i tsa ra'i gsang sngags la// thog ma thugs kyi gsang sngags 'dzin 'gug rdo rje yum bzhi'i sngags// sbyor bzhis gnag pa 'dod chags chu 'gag 'chi// e ka'i dbus ma pany+tsa gsang sngags la// e ka dbus ma na yi gsang sngags dang// thog ma thugs kyi 'dzin 'gugs rdo rje yum bzhi'i sngags// sbyor bzhis gti mug klad 'khor mgo 'gas 'chi// e ka'i mthar gnas e ka'i gsang sngags la// e ka'i e ka'i kar ma'i gsang sngags dang// thugs kyi 'dzin 'gugs rdo rje yum bzhi'i sngags// gnag pa'i dri 'gags tsha ba'i nad kyis 'chi// e ka'i mthar gnas ra yi gsang sngags la// e ka'i e ka'i kar ma'i gsang sngags dang// thugs kyi 'dzin 'gugs rdo rje yum bzhi'i sngags// gnag pa'i gzugs 'gas mkhris nad nad kyis 'chi bar 'gyur// e ka'i mthar gnas tri yi gsang sngags la// e ka'i e ka'i kar ma'i gsang sngags dang// thog ma thugs kyi 'dzin 'gugs 'debs pa'i rdo rje yum bzhi'i sngags// dgra bgegs rna gzer nad kyi 'chi bar 'gyur// e ka'i mthar gnas tsa tra ra'i gsang sngags la// e ka'i e ka'i kar ma'i gsang sngags dang// thog ma thugs kyi 'dzin 'dugs 'debs pa rdo rje yum bzhi'i sngags// lus 'dzing lus 'jig rlung 'gag nad kyis 'chi bar gyur// e ka'i pany+tsa mthar gnas gsang sngags la// e ka'i e ka'i kar ma'i gsang sngags dang// thog ma thugs kyi gsang sngags 'dzin 'gugs yum bzhi'i sngags// smyo 'bog brgyal nad lkugs nas 'chi bar 'gyur// e ka'i mthar gnas tsha yi gsang sngags la// e ka'i e ka'i kar ma'i gsang sngags dang// thugs kyi 'dzin 'gugs 'debs pa'i rdo rje yum bzhi'i sngags// skye ba'i rgyun bcad chu 'gag nad kyis 'chi bar 'gyur// mthar gnas e ka'i gsang sngags la// e ka'i e ka'i gsang sngags dang// thugs kyi 'dzin 'gugs 'debs pa'i rdo rje phur pa yis// dbang po rten mgo klad pa 'gags nas 'chi// mthar gnas uSh+ma Na yi gsang sngags la// e ka'i e ka'i kar ma'i gsang sngags dang// thugs kyi 'dzin 'gugs 'debs pa'i rdo rje yum bzhi'i sngags// che sri chung sri god sri dang// lha 'dre gdug pa can gyis rigs rgyud rtsad bcad na// de yi mthu 'phrog zil gnon bslang mi srid// mthar gnas e mthar dbus ma nas// gsang sngags gsum la dkyil 'khor gsum// e ka'i e ka'i kar ma'i gsang sngags dang// thugs kyi 'dzin 'gugs 'debs pa'i rdo rje yum bzhi'i sngags// phur pa bcu gcig snying po bris sngags btab// thog dang ser ba chu chen zlog par 'gyur// rgyal po'i pho brang mkhar btab 'jig par 'gyur// gang la dmigs pa'i ri 'gyel brag grum 'gyur// chos nyid bden pa'i gsang sngags byin rlabs mthu// gang la gtab kyang thogs med thebs pa'i mthu// zhes kI la ya bcu gnyis kyi tan tra las/ chos nyid bden pa'i gsang sngags dang phrin las rdzogs pa'i le'u ste bcu gcig pa'o//// de nas yang bcom ldan 'das bdud bdag chen pos bdud rnam par bcom nas 'bras bu mthar thug pa'i ting nge 'dzin la snyoms par bzhugs nas/ 'bras bu tan tra yongs su gtad pa la ched du bzung ba 'di gsungs te// rdzogs pa'i sangs rgyas kun gyi gsang// bde gshegs dngos gzhi ma gzigs so// rang bzhin sbas pa gab pa dang// rgyud lung man ngag gsang phyir gcus// rin chen dag la bri bar bya// rtog ge pa yi spyod yul min// kun gyis dngos gzhi rtogs par shor// gzugs sogs 'byung ba bzhi po yang// nye bar len pa len byed lnga// 'phen par byed pa las yin pas// smin pa'i 'bras bu rgyu drug tu// rten cing 'brel ba'i 'khor lo bskor// de las bzlog thabs yang dag don// bskyed pa'i rim pa yang dag don// de ltar de bzhin dkyil 'khor lha// gnyis su 'byor pa gcig tu gsal// nus 'jugs skyes pa ltas thob pa// oM AHhU~M gis gzungs la sogs// nyon mongs sgrib pa byi gzung yul las 'das// oM dang aM dang hU~M gi ngo bo las// 'dzin pa shes bya'i sbrib pa don ma longs// chos rnams thams cad sems yin te// sems kyi rnam pa lha yi sku// bde gshegs gnyis su 'dzin pa'i rig pa gsal// de nyid sangs rgyas dgongs ma longs// phung po khams dang skye mched dang// bde gshegs dkyil 'khor klong du'o// lus ngag yid gsum phur pa'am// dkyil 'khor gsum gyi klong dkyil 'khor// snang la rang bzhin med pa'i 'ja' lta bu// kha mig rna ba yan lag gzung 'dzin gnyis// rang bzhin med par 'dzin pa yang gsang min// mar me'i 'od kyis mun pa gsal 'gyur te// phyogs gcig mun pa sel mi 'gyur// 'od chung mun pa sel mi gyur// bcu drug 'od kyis mun pa sel// tha dad rin chen rnyed gyur tsam// dang po de ltar de bzhin no// rin chen rang la rtogs pa rnyed// mun pa'i smag ni mtsho nag bzhin// sprin gyis bsgribs pa'i nyi ma ltar// rin chen tha dad de bzhin no// sprin med nyi ma shar ba'i 'od// nyi zer dro gsal bde 'bras 'byung// rang la rin chen rnyed gyur te// sangs rgyas kun gyi ye shes sku// ngang nyid rdo rje chos dbyings las// gzugs sku rnam gnyis 'byung ba'o// dag dang ma dag 'gro don ni// skad cig ma ni phrin las bzhi// sku gnyis 'gro don byin rlab snang// 'gro ba rnams la bde 'bras snang// rgya mtsho'i kha dang rgya mtsho'i gting// rkyen gyis de ltar de bzhin du// tha dad pa dang tha dad min// rin chen rnyed pa de bzhin no// yang gsang thugs kyi dkyil 'khor ni// chos rnams thams cad sems yin no// sems nyid rnam par shes pa rdo rjer bsgom// chos can chos nyid gnyis su med// chos rnams thams cad 'khor ba la// 'khor ba nyid kyang sems yin pas// sems nyid rnam par shes pa rdo rjer bsgom// 'khor 'das kun rdzob sems nyid pas// don dam kun rdzob gnyis su med// sangs rgyas sems can de bzhin no// gsang ba cher gsang yang gsang thugs// gnyis la gdams ngag re re ni// 'od kyis mun pa sel mi sel// tha dad pa dang tha m-i dad// rim bzhin rin chen gdams ngag 'byung// chos rnams thams cad skye med la// rtog pa'i dbang gis sdug bsngal smin// de dag 'grol bar bya ba'i phyir// 'og min gtso mo'i b+ha ga nas// drag po 'jigs byed bdud bdag bzhengs// mgon po bdag nyid chen po ngas// thams cad rgyud kyi rgyud brtag dka'// ljags kyi dbang po bkram nas ni// kun gyi don du gsungs pa yin// rjes 'jug rnams kyis brtan por zung// 'gro ba las ni dang po yis// rdo rje'i rgyud 'di bris gyur nas// klog dang kha ton byed pa rnams// sgra med gnas su mi skye bar// dkon mchog sgra sgrogs gnas su skye// skye ba ngan pa len pa bor// rim par 'grod nas byang chub thob// rdo rje rgyud 'di thos bsam na// rjes 'jug thogs med shes rab 'gyur// rdo rje rgyud 'di bshad gyur na// skye ba mang brgyud gnas lnga la// 'di yis 'bras bu 'phel bar 'gyur// rdo rje rgyud la bsgom gyur na// tshe 'di nyid la phyir mi ldog/ mngon shes drug ni 'char bar 'gyur// yid bzhin nor bu rin chen la// ci 'dod don ni 'byung bar 'gyur// kI la ya sprin dza tan+t+ra ka pa tsa// snga rabs da lta slad kyis 'byon// sangs rgyas 'di las byung ba yin// rgyud kun gyi ni gsang sngags sgron gsal 'di// rjes 'jug las ni dang po yis// mthong zhing thos na rtogs par 'gyur// 'di la ma yengs dam tshig che// rdo rje thugs skyes las kyi rtogs gyur na// thugs kyi sku dang thugs kyi gsung// bde bar gshegs pas rab bsngags pas// yon tan thams cad 'di las 'byung// dngos por blta ba'i gsang sngags kyang// 'di nyid gzung zhing gsang spyad na// dam pa rnams kyi dam pa'i mchog/ dngos po sgyu ma na bun mthong// longs spyod rdzogs pa'i sku dang gsung thugs rdo rje la zhugs nas gnyis su med par ting nge 'dzin las bzhengs te/sdud pa po thugs rdo rje la gnyis su med par zhugs te/ gcig par rang bzhin du mnyam zhing dbyer med par gyur de mi snang bar gyur to// de bzhin gshegs pa thams cad kyi sku gsung thugs kyi gsang ba kI la ya bcu gnyis kyi tan+t+ra las/ 'bras bu mthar thug par yongs su gtad pa'i le'u ste bcu gnyis pa'o//// ma mo srid pa'i rdzongs lung chen mo//

CLOSE WINDOW