CLOSE WINDOW

Gpb027.022
བོད་ཡིག

/ de ma thag tu 'grub par 'gyur/ shwa na dkar nag gi rgyud las las kyi bya thabs kyi le'u ste bzhi pa'o// rdzogs so//// rgya gar skad du/ badzra kI la ya/ karma tsakra/ gu h+ya tan+ta rA dza nA ma/bod skad du/ rdo rje phur pa phrin las 'khor lo/ gab pa gsang ba'i rgyud kyi rgyal po zhes bya ba/ zhe sdang gi rgyal po bcom ldan 'das rdo rje 'dzin pa la phyag 'tshal lo// 'di skad bdag gis thos pa'i dus gcig na/bcom ldan 'das zag pa med par mnyam par bzhag pa'i tshe/ bcom ldan 'das rdo rje 'dzin pas bskul te// bde chen zhi ba chos kyi mchog/ ston pa rdo rje chos nyid kyis// e ma 'dul bar gyur ma yin// de nas longs spyod rdzogs pa'i sku// 'jigs byed chen po'i skur bzhengs la// gdug pa'i tshogs rnams 'dul du gsol// zhes bskul bas/ bskul ba'i don thugs su chud nas/bcom ldan 'das 'jigs byed chen po'i skur bzhengs te/ thun mong ma yin pa'i mtshan mchog gis mngon par spras pa'i sku des/ 'og min gyi gnas lcang lo can gyi pho brang du/ 'khor sems dpa' dang sems ma rnams la/dam chos bdud rtsi'i phur pa'i chos rnams sku'i sgo nas 'jal bar bstan te/ 'khor ba'i spong sgrib las rnams mngon par spangs te/ grol ba'i sa la legs par gnas so// thugs rje'i stobs kyis phyag na rdo rje mngon par sprul te/yang snying 'bru dgu'i tshul du thugs kar bstan/ de nas 'khor sems dpa' rdo rje nyid kyis 'dod khams pa rnams kyis mthong ba'i lam du ma gyur pa rnams/ de mngon par rtogs par bya ba'i phyir/phyag na rdo rje la bskul te/ 'dod khams gnas ris nyi shu'i ston par gshegs te/ sum cu rtsa gsum gyi gnas su 'jigs byed chen po'i gzhal yas khang du mngon par sprul te/bcom ldan 'das nyid zhe sdang gi bdag po zhal gsum phyag drug par mngon par sprul te/ 'khor rnams la phem phaT ces mngon par sgra bsgrags te/ de'i tshe las kyi sems dpas 'di skad ces gsol to// sems dpa' chen po sangs rgyas shing 'khor ba las bsgral bar bya ba'i phyir/ rnal 'byor gyi cha rkyen du bzhag pa la don du mchis las kyi sems dpa' nyon cig/ ting 'dzin dkyil 'khor bsgom pa dang// rang bzhin dkyil 'khor sgrub pa dang// phyag rgya che la gnas rnams kyis// 'bras bu sku bzhi thob par 'gyur// rnal 'byor cha rkyen rim pa'o// sems dpa' chen po gzas pa'i cha rkyen du bzhag pa la don du ci mchis bshad du gsol/las kyi sems dpa' nyon cig/ e ma ho// 'jig rten 'di nas pha rol tu bsgral ba mya ngan las 'das pa'i mthar bsgral ba'i rim pa'o//// 'jig rten 'di nas pha rol du bsgral ba la// lam yan lag ci lta bu lags bshad du gsol/ sems dpa' chen po nyon cig/ bsnyen pa bsdus pa'i yan lag dang/ bsgrub pa chen po'i gnas kyi rim pa dang/ drag po'i las la sbyar ba'o// de la dkyil 'khor du zhig mchis/sems dpa' chen po nyon cig dkyil 'khor rnam pa bzhi ste/ bsnyen pas bsdus pa'i dkyil 'khor rtsibs brgyad dang/ sgrub pa ste gru gsum shel gyi dkyil 'khor dang/ sgrub pa chen po ste sngags kyi 'khor lo bskor ba'i dkyil 'khor dang/las la sbyar ba te ma ra ya bsad pa'i dkyil 'khor dang bzhi'o// sems dpa' chen po de lta bu'i dkyil 'khor 'di gang zag ji lta bu zhig gis gzung zhing bsgrub par bgyi/nyon cig gang zag rnam pa lnga ste/ theg pa chen po'i rigs can dang/ theg pa chung ngu'i rigs can dang/ gang zag rigs chad pa dang/ rigs ma nges pa dang/ gang zag zhe sdang rdo rje'i rigs can no// 'dir ni gang zag zhe sdang rdo rje'i rigs can gyis bsgrub par bya'o// sems dpa' chen po/ 'di'i thig skud kyi rgyu rnams ji ltar lags/ bsnyen pa bsdus pa'i dus ras bal gyi bkal pa dang/bsgrub pa'i dus su ni kha ral ma'i rgyud mas so// drag po'i dus su bram ze'i srog pa rtsas so// mA ra ya bsad pa'i dus su rgyus chen gyis so// 'di'i tshon gyi mtshan nyid ci lta bu lags/ bsnyen pa la ni rin chen sna lngas bri/ bsgrub pa'i dus su 'bras la sogs pa kha dog bsgyur la bri'o// drag po la tshon sna lngas so// bsad pa la lcags sol nag po yin/ tshon gyi mtshan nyid de ltar yin na/ bris pa'i dus ji ltar lags/bsnyen pa la nyi ma shar nas so// bsgrub pa la nam phyed nas so// drag po la nyin phyed nas so// bsad pa dgongs ka'i dus su'o// dkyil 'khor chen po de nyid du// phur bu'i mtshan nyid dgod pa ji ltar lags// nyon cig las kyi sems dpa'/ bsnyen pa'i dus su rin chen sna lnga'i phur pa sor bcu drug pa bya la dgod/ bsgrub pa'i dus su gdug pa can gyi shing la sor bcu gnyis par byas la dgod/drag po'i dus su rkang chen gyis phur bu sor brgyad pa'i tshad du byas la dgod/ mA ra ya bsad pa'i dus su lcags sna lnga las byas pa'i phur pa sor bzhi pa'i tshad du byas la dgod/ e ma ho// sems dpa' chen po de ltar gyur pa lags na/de'i cha rkyen ji ltar lags/ bsnyen pa la mchod rdzas dang cho ga rdzogs pa'o// bsgrub pa la sngags kyi 'khor lo che// drag po la bde gshegs bka' nyan bskul ba'o// bsad pa la zangs phye lcags phye'o// de ni cha rkyen mchog yin te// dkyil 'khor chen po'i rkyen du bshad// gleng gzhi dang gleng bslang ba dang/ gzhal yas khang gi le'u ste dang po'o//// bcom ldan 'das 'jigs byed chen po'i dkyil 'khor mA ra yas bsad pa la don du mchis bshad du gsol/e ma ho/ las kyi sems dpa' nyon cig mA ra ya bsad pa la dkyil 'khor gsum ste/ me'i dkyil 'khor dang/bstab pa'i dkyil 'khor dang// mA ra ya bsad pa'i dkyil 'khor dang gsum mo// de la me'i dkyil 'khor ni/ shar lho mtshams su rgyar gru gang zabs su khru phyed do/ kha khyer gsum la rgyar sor bzhi pa'o// dpangs su sor bzhi pa'o// de yang ma tri chen po'i snying gar bri'o// tshon bri ba ni/ nang du mda' gzhu bkang ba gsum/ zur gsum la za byed kyi zhal gsum/ bang rim bar ma la mtshon cha lnga mdzes pa'i tshul du bri/bang rim tha ma la me ri smug nag tu btang bar bya'o// der gdug pa can gyi shing rnams la/ khar la ma'i skras bcings te/ dug shing sna tshogs pa la/ snying dang glo bas brgyan pa ni// drag po me yi dkyil 'khor ro// bstab pa'i dkyil 'khor ni byang shar mtshams su'o// dpangs su sor bzhi la/ snying po nr-i tri dang bcas pa'o// der bsgral ba'i ling+ga ni/ ra dang khyi dang mi'i sog pa la bris la mchod pa chen po'i dus su bstab bo// mA ra ya bsad pa'i dkyil 'khor ni/ lho nub mtshams su hom khung rgyar gru gang ba/ zabs su khru do/ logs gsum du mda' gzhu bkang ba gsum bris la/ zur gsum la za byed kyi zhal dang bcas pa bri/bang rim bar ma la rtsang drug cu rtsa gnyis srin mo 'gros su 'khor bar gzug/ bang rim tha ma la mtshon cha lnga dgod pa'o// bcom ldan 'das dkyil 'khor de ltar lags na/de bsgral ba'i ling+ga'i rgyu gang lags bshad du gsol/ sems dpa' chen po nyon cig/ de dri ba legs so// rgyu ni khri dang ju tse'i phub ma dang// gangs kyis reg pa'i sa rnams dang// 'byung ba chu yi thal ba dang// til nag po la gzhi blang ste// gzugs ni yang dag rdzogs par bya'o// dug gi chu yi byug pa yis// mdog ni smug nag pa ru bya// de ni rnam shes rten yin te// tshe dang phung po sdud pa'o// de ni 'pho ba'i ling+ga ste// sngags kyi 'khor lo ci ltar bya// sems dpa' chen pos bshad du gsol// nyon cig las kyi sems dpa' che// sngags kyi 'khor lo 'god pa ni// dpral ba klad rgyas 'khor lo ni// lha rnams bsrungs pa'i 'khor lo ste// mdog nag zla ba kham pa la// lha dang dpral ba'i snying po dgod pa'o// khrag chen 'khor lo rtsibs bzhi bri// smyu gu rkang chen mchog gis bri// snag tsha nim pa ka yi khu bas bya// ha sa ya ra dgod pa yin// de la skyob pa'i lta dang 'bral// dbyen spyo pa yi yi ge yis// lha dang dbral bar bshad pa yin// gzugs la snying po bsdu bar bshad pa ni// lcum gzhog lta bu'i zur brgyad la// rtsa yis dngas ma bzhi gnas te/ kun gzhi'i rnam shes rten yin pas// gzugs la dbab pa'i snying po dgod// A be sha yi sngags dgod pas// gzugs la dbab pa'i las su 'gyur// nya yi dbyibs 'dra bzhi po la// dar dkar skud pa lnga yod de// dbyibs ni pad+ma rgyas 'dra la// shI gran A na ya yi sngags bkod pas// byad du gzhug pa'i las su 'gyur// dar lce bkug pa'i dbyibs 'dra dang// rin chen pad+ma bzhi po la// smra byed snying po'i mtshan bkod cing// dz+wa la pa yi sngags dgod pas// smyo bar gzhug pa'i las su 'gyur// gro ga gcus pa 'dra ba dang// zangs kyi mo khab 'dra ba dang// zar ma'i me tog dbyibs 'dra dang// tshes gcig zla ba'i dbyibs 'dra la// tA tha ya yi sngags bkod pas// rdul du rlog pa'i las su 'gyur// rdo rje'i dbyibs 'dra'i 'khor lo la// byang chub sems kyi rgyu srang la// b+hin+da ya yi sngags bkod pas// zhal du stob pa'i las su 'gyur// sems dpa' chen po sngags kyi 'khor lo bkod pa de ltar lags na// gang zag ji lta bu zhig gis bri bar bgyi// zhe sdang rdo rje'i rigs kyis bri bar bya'o// de'i kha dog dang dbyibs ni nag la skra gyen du 'khyil ba// mig sprin dmar ba/ smin ma'i dbus na khro gnyer gsum yod pa/ mche ba gtsigs pa/ lag pa chu bya lag tu 'dug pa// thig pa mchog la dad pa/mngon par shes pa des bri bar bya'o// sngags kyi 'khor lo bri ba'i dus gang lags bshad du gsol/ las kyi sems dpa' nyon cig/ dus ni gsum ste/ smyug gu btsal ba'i dus dang/ bri ba'i dus dang/ snag tsha btsal ba'i dus dang gsum mo// bri ba'i dus ni nya nag dmar gyi dus so// smyu gu btsal ba'i dus ni/ smin drug sa 'og tu song ba'i dus so// snag tsha btsal ba'i dus ni/ dpyid zla 'bring po lha mo u ma de wI gsang ba'i mkhar 'char ba'i dus so// bcom ldan 'das smyu gu dang 'khor lo de ltar lags na/ 'khor lo chen po bca' ba'i dus gang lags/ dus ni bsnyen pa rdzogs pa'o// las ni sgrub pa'o// rgyu ni gro ga'am shog shog ste/'pho ba'i yan lag rdzogs par bri/ mdog ni smug nag dag tu bya'o// drag po'i las la 'khor lo nag/ dbyibs ni zla ba kham pa la// mdog ni nag po lce bzhir bcas// dbus su oM badzra kI li kI la ya// dbus su che ge mo mA ra ya dgod// lce bzhir hA sa ya ra bzhi dgod/ dbus kyi badzra kI li kI la ya dang pos ni// bdag nyid phyag rgya chen por gsal ba'o// kI la ya 'og mas lha tshogs su gsal lo// che ge mo yis dmigs pa gsal/ ha sa ya ra na bzlas pa'i mchog/ dbral ba'i 'khor lo 'di bskur ro// dbab pa'i 'khor lo'i dbyings rnams ni// lcum gzhog 'dra ba'i zur brgyad la// steng ma pad+ma 'dab brgyad mdzes/'og ni rin chen zur brgyad do// steng gi pad+ma'i lte ba la// dbus su oM badzra kI li kI la ya che ge mo mA ra ya zhes pa bri/ 'khor lo'i 'dab ma'i cha rnams la// A be sha ya zhes pa'i snying po bri// gzugs la dbab pa'i 'khor lo'i rim pa'o// nya yis gzugs 'dra bzhi po la// 'khor lo'i 'dab ma re re la// dbus su oMbadzra kI li kI la ya che ge mo mA ra ya zhes pa bri// nya 'dra ba bzhi po la/ shI g+h+raM A na ya yi snying po bri// 'dis ni 'ching bar 'gyur ba'o// byad du gzhug pa'i 'khor lo'i rim pa'o// dar lce khug pa 'dra ba dang// rin chen pad+ma'i sdong po 'dra ba la// dbus su oM badzra kI li kI la ya/ che ge mo mA ra ya zhes pa bri/mtha' ma rnams la/ dz+wa la pa ya'i sngags bkod pas// thams cad myos shing smra bar 'gyur// smyo ba'i 'khor lo bca' ba'i rim pa'o// dbyibs ni gro ga bcus 'dra dang// zangs kyi mo khab dbyibs 'dra dang// zar ma'i me tog khaphye ba// zla ba tshes pa'i rnam pa 'dra// re re 'khor lo ldeb re yin// dbus su oM kI li kI la ya// che ge mo zhes pa bri// khor lo'i 'dab ma'i cha rnams la// tA tha ya yi sngags rnams bri// rdul du rlog pa'i las su 'gyur ro// rdul du rlog pa'i 'khor lo'i rim pa'o// rdo rje'i dbyibs 'dra'i 'khor lo la// dbus su oM kI li kI la ya che ge mo zhes pa bri// 'khor lo 'dab ma'i cha rnams la/ b+hin+da ya yi sngags bkod pas// zhal du stob pa'i las su 'gyur// zhal du bstab pa'i 'khor lo'i rim pa'o// mA ra ya bsad pa'i 'khor lo'i rim pa bstan pa dang/ 'khor lo bca' ba'i rim pa'i le'u ste gnyis pa'o//// sems dpa' chen po 'khor lo bri ba dang/ mA ra ya bsad pa'i dkyil 'khor de ltar lags na gzas pa po 'jig rten 'di nas pha rol du bsgral ba la sngags kyi don du mchis sems dpa' chen po bshad du gsol/las kyi sems dpa' legs so sngags 'di'i don rtogs par dka' bas zhus pa legs so// nyon cig de la yang bzhi ste/ kI la ya sngags kyi phreng ba dang/kI li kI la ya sngags kyi 'khor lo dang/ kI la ya lha'i sku phyag rgya chen po'i rim pa dang/ kI la ya chos nyid la gnas pa'i rim pa'o// sems dpa' chen po sngags kyi phreng ba la don du mchis/ las kyi sems dpa' nyon cig de la gnyis te/'dren par byed pa dang/ zil gyis gnon pa'o// 'dren par byed pa ni/ sems dpa' chen po sngags kyi sems dpa'i thugs ka nas tsit+ta rin chen zur brgyad/ de'i lte ba la zag pa med pa'i gzugs brnyan du gyur pa'i rdo rje rtse dgu pa/de'i lte bar A+oM/ zur brgyad la kI la ya 'bru brgyad/ de'i sngags kyi bdag pos/ oM badzra kI la ya dzaHhUM baM hoH/ zhes brjod pas/ lcags kyu dang/zhags pa dang/ lcags sgrog dang/ dril bu bzhi byung ste/ gzas pa po'i gnas mal du/ yaM las rlung gi dal du gyur te/ gnas mal dang gzas pa por bcas pa lcags kyus bkug zhags pas bcing/ lcags sgrog gis bsdam/ dril bus dgyes par byas pa ni/ 'dren par byed pa'i rim pa'o// zil gyi gnon pa'i sngags kyi rim pa ni// A+oM laM hUM laM/ zhes brjod pas/ gzas pa po'i glad rgyas su/ ye shes kyi ri rab rtse mo brgyad pa gcig tu gyur te/s+t+waM b+ha ya nan zhes pas gnon pa'o// mo hA g+ha ya ni ming dang rus su bcas pa'o// hrIHsh+t-IHwi tri ni thabs dang shes rab zung du 'brel ba'o// las kyi sems dpa' de ru khrus lung ji ltar lags/ nyon cig khrus lung gi rim pa la yang rnam pa gnyis te/ snying po sngags kyi khrus lung dang/ sku phyag rgya chen po'i khrus lung ngo/ /snying po sngags kyi khrus lung ni/ las kyi sems dpa'i dbur zla ba'i dkyil 'khor gyis steng du//yi ge a yi phrang ba gsang ba'i mgul du btab pa'o/ /sngags kyi bdag po la yang der ltar ro/ /sgrol ba'i sras mchog ste/ thugs ye shes rtse gcig pa'i rtse mo la a bkod ste/las kyi sems dpas dril bas/ 'od du zhu ste 'od zer chu rgyun du byung bas/ sgrol ba'i bdag po la thim pas/ slar gzas pa po öa thim pas/ kun bzhi la yod pa'i bag chags bsreg pa ni/ snying po sngags kyi khrus lung ngo/ /sku phyag rgya chen po'i khrus lung ni/ bde bar gshegs pa rnams kyi dgongs pa la gsal bar 'gyur gyi/ phal pa rnams kyi spyod yul ma yin no/ /sems dpa' chen po ngan sngags kyi 'khor lo rang shes par bya ba la/don du mchos bshad du gsol/ las kyi sems dpa' nyon cig de la rnam pa drug ste/ dang po 'khor lo lha dang phral ba dang/ 'khor lo gnyis as gzugs la dbab pa dang/'khor lo gsum pas byad du bcug pa dang/ 'khor lo bhi pas smyo ru bzhug pa dang/ 'khor lo lnga pas rdul du brlag pa dang/ 'khor lo drug pas zhal du bstan pa'o// 'di ni ngan sngags su shes pa'i rim pa'o// sems dpa' chen po sku phyag rgya chen por shes par bya ba la/ don du mchos bshad du gsol/ las kyi sems dpa' nyon gcig don de rtogs par dka' zhing go bar dka' bas zhus ba legs so//kI la ya lha'i sku phyag rgya chen por shies par bya ba ni/ phygs bcu du dus gsum gyi bde bar gshegs pa'i thugs kyi dpal be'u las snying po 'bru dgu'i tshul du gnas pa n i/ sngags kyi sems dap'o// de las kyi sems dpa' zhal gsum phyag drug pa/smad lcags kyi phur pa zug gsum par byung nas/ phyogs bcu dus gsum gyi de bzhin gshegs pa'i spyan snga na bka' nod pa'i tshul du gnas pa la phyogs bcu dus gsum gyi de bzhin gshegs pa rnams kyis lag tu thugs ye shes rtse gcig pa byin nas dbang bskur nas/e ma ho/ las kyi sems dpa' chen po ma 'ongs pa'i dus ngan gdul dka' ba'i gang zag gis zhing khams su rnams su bsgral ba'i don gyis shig/khyod ni phyogs bcu dus gsum gyo de bzhin gshegs pa rnams kyi gdung 'tshob pa yin gyis/ gang zhi bas mi 'dul ba de la mngon spyod kyi phrin las byos m issing m issing m issing m issing m issing m issing m issing m issing m issing m issing m issing m issing m issing m issing gnas pa yin/ / rnam par snang mdzad bzhugs pa'i gnas// byol song sgo dngagati mug 'joms// me long ye shes spyan dang ldan// de ni gsang ba'i dkyil 'khor ro// sbas pa'i dkyil 'khor dbyug pa la// gsang ba rdo rje bum pa ni// rtsa bran 'khor lo'i ga bu'i dkyil// b+ha ga'i 'khor lor rak+ta'i dkyil// gsang ba byang chub sems 'khor ro// 'dab ma sum cu rtsa gnyis pa// las kyi rigs de don grub nas// yi dwags phrag dog sgo yang 'gegs// dam tshig sgrol ma nan tan ldan// rtag tu de spyod de bsgom pa// rnal 'byor pa zhes bya ba yin// de dag 'khor du gang 'thad dgod// so so'i snying po rang sngags bzla// snying sgo dbang gi 'khor lo la// rta mgrin yab yum sgo mas bskor// mdzod spu rgya mtsho'i dkyil 'khor du// gsang ba'i yum bzhi'i 'khor dang ldan// brag dang rtsa yi mtshams nyid du// gtsug gtor cho ga'i dkyil 'khor gyi// mtshon cha rnam lngas brgyan par bya// 'di ni gab pa'i gsang ba'o// rang rang 'khor du rigs lnga 'bar// dbu la rdzogs pa'i rigs lngas bsrung// thugs la 'bar ba'i srog yang bzhugs// gnyis ldan sku dang gsung thugs ldan// rab tu srog gi gor shar ba'o// de la rtsa rlung gyes pa ni// rtsa gyes pa ru rlung yang gyes// mig dang rna ba sna dang lce// dbang po bzhi la gyes pa'i rtsar// rgyu ba la sogs rlung bzhi gnas// lus la rtsa bran stong phrag lhag khyad par gnas te rlung yang khyab// rus mgo gsum brgya drug cu la// rtsa yi khams su de tsam re/ khyab byed rlung du de yang grags// de ru 'od kyi thig le re// de las gyur ba gsung rdo rje// de ni gsung gi rdo rje 'bar// de las gyur ba rdo rjer gnas// de ni thugs kyi rdo rje 'bar// mkhas pas spro bsdu byas pa yis// phar 'phros pas ni dgra bgegs 'dul// slar 'dus rang gi bag chags bsreg/ de ni las kyi rdo rje 'bar// phung po rdo rjes gtams byas nas// rnam par shes pa rdo rjer bsgoms// rtag tu de ltar de gnas pa// sku yi rdo rje 'bar ba yin// de la dbang dang byin brlabs pas// yon tan rdo rje 'bar ba'o// sku gsung thugs dang yon tan las// rigs kyi bdag po yab yum dang// de ltar rdzogs pa'i ku ma ra// kun gzhi'i rnam shes nyid du 'dod// de yang rgyu yi hUM las bsgyur// de yul don gyis rgyas 'debs ma// gnyis su med pa rtsa ba'i dkyil// de yi khyad par byin brlabs las// 'dod chags zhe sdang gti mug dang// nga rgyal phrag dog ser sna dang// sgrib pa lung du ma bstan bzhi// de ltar mi dge bcu pa ni// hUM ring bcu yis sa bon las// so so'i rang sngags rten stobs kyis// brjod pas khro bo bcu ru gyur// de yi cha 'dzin shes pa bcu// hUM la brten pa snga ma bzhin// rnam shes lnga dang dbang po lnga// dza la brten nas gnas bsgyur ba// gsod pa'i za byed pa bcur sprul// yul dang dus kyi cha 'dzin lnga// gsod ma bcu ru snga ma bzhin/ khams dang skye mched de ltar ba// phyogs bcu'i khro bo yin par gsungs// phyag gi mchod pa yang bshad pa// rigs lnga yab yum sor mo rnams// byas pa'i bar du phur pa bcug/ gnyis su med pa'i byang chub sems// de la bstims pas sras gyur pa// phur pa rdzas su rnam par bshad// de nas 'khor gyis yang zhus pa// 'dzab dang bzlas pa'i don ni gang// dkyil 'khor don ni ji ltar bsdu// gsang ba'i bdag pos bka' stsal 'tshal// 'dzab bzlas rnam pa du ma yang// phyi nang gsang ba gsum du 'dus// phyi yi bsgrub bya bsnyen pa dang// nang gi rang sems sbyang ba dang// gsang ba'i dngos grub blang ba ni/ khyad par 'gro ste bsdus pa'i don// de yi bye brag rnam bshad pa// dkyil 'khor gsum la tha dad re// dgug dang gsad dang gzhom pa'o// kI la ya hUM phaT bar du// gzhug pa'i snying po tha dad do// dgug pa dzaHhUM baM hoHbzhi// yang na dza las gyur pa bya'o// gsad pa mA ra ya gsum las// gzhom zhing brdeg pa a ko Ta// gcig gis gcig bskul 'od zer ni// glog 'brug char gyi tshul du'o// de la bsdus pa'i don bshad pa// rgyal ba'i dkyil 'khor ma lus ni// sku gsung thugs yon las lngar 'dus// rigs lngar snang ba ye shes dngos// de yi byin rlabs sprul pa ni// ji ltar 'dod pa yid bzhin tshul// khro bo khro mo rnam sprul yang// gud na med de de las sprul// sprul pa rnams ni rgyu las 'dus// rgyu ni rang bzhin byang chub sems// sems nyid yi ge ar snang ba// a mthong chos kyi dbyings kyang mthong// ma g.yos lta ba'i rgyas btab na// dkyil 'khor thams cad bsgom pa yin// de skad ces ni bka' stsal pa/ khyed la gtad kyis nan tan zung// gzung dang bcangs dang bstan dang bsgrags// legs par gyis la sems la gnos/ zhes gtad do// de nas 'khor rnams kyis bstod// legs so legs so bdag po'i mchog/ legs so legs so don gyi gtso// legs so legs so don dang 'tshal// kun gyi bdag la phyag 'tshal 'dud// ces thams cad dbyings nyid du mi snang bar gyur to// dpal rdo rje 'bar ba man ngag gi kalpa pa dum bu'i rgyud chung/ 'khor la gtad pa rdzogs so//// rgya gar gyi mkhan po dz+nyA na gar b+ha dang/ bod kyi mkhas pa chen po bai ro tsA nas bsgyur ba'o// bka' rgyud 'di yi rgyal po ste// rgya che rab zab chos kyi don// 'di yi gzhung gnas rgyas par 'byung// las 'phro can dang 'phrad na smin// 'di don gab cing sbas par 'byung/

CLOSE WINDOW