CLOSE WINDOW

Gpb027.016
བོད་ཡིག

lo ts+tsha ba dpal gyi ye shes kyis bsgyur te/ mnga' bdag khri srong lde'u btsan gyi thugs dam du bzhag pa'o//// rgya gar skad du/ Ar+ya sarba bung+d+ha dz+nyA na shi kha ra ma hA tan+t+ra rA dza/bod skad du/ 'phags pa sangs rgyas thams cad kyi ye shes kyi rtse mo'i rgyud kyi rgyal po chen po/ dpal rdo rje sems dpa' la phyag 'tshal lo// 'di skad bdag gis thos pa dus gcig na/ bcom ldan 'das dpal rdo rje 'jigs byed kyi dbang phyug chen po/de bzhin gshegs pa thams cad kyi sku dang gsung dang thugs rdo rje'i rang bzhin yum gyi b+ha ga la/ brjod kyis kyang mi lang ba'i yang shin tu brjod kyis kyang mi lang ba'i rgyal ba zhing gi rdul phra mo snyed kyi sangs rgyas dang 'khor gyi tshogs sras dang bcas pa dang thabs cig tu rgyal ba mthar phyin pa'i bzhugs yul/pad+ma chen po'i rnam par thar pa'i dbyings na bzhugs pa la 'di lta ste/de bzhin gshegs pa zhe sdang rdo rje rnam par rol pa dang/ de bzhin gshegs pa gti mug rdo rje rnam par rol pa dang/ de bzhin gshegs pa nga rgyal rdo rje rnam par rol pa dang/ de bzhin gshegs pa 'dod chags rdo rje rnam par rol pa dang/de bzhin gshegs pa phrag dog rdo rje rnam par rol pa dang/ de dag la sogs pa nam mkha' dang mnyam pa'i de bzhin gshegs pa ma lus pa rnams dang thabs cig tu bzhugs pa ni/'di lta ste/ dper na til gyi gong du bzhin du sangs rgyas thams cad kyis mkha' dbyings yongs su gtams par gyur to// sangs rgyas kyi zhing gi rdul phra mo snyed kyi sras dang 'khor tshogs du ma dang thabs cig tu zhugs pa ni 'di lta ste/rgyal sras tshe'i rdo rje rnam par rol pa dang/ rgyal sras longs spyod rdo rje rnam par rol pa dang/ rgyal sras tshangs par spyod pa chen po'i rdo rje rnam par rol pa dang/rgyal sras bden pa chen po'i rdo rje rnam par rol pa dang/ rgyal sras bden pa'i tshogs thams cad kyi yongs su phan pa 'grub pa'i rdo rje rnam par rol pa dang/ rgyal sras ngag don yod pa'i rdo rje rnam par rol pa dang/rgyal sras zhi ba'i tshig phun sum tshogs pa'i rdo rje rnam par rol pa dang/ rgyal sras gzung 'dzin rnam par dag pa'i rdo rje rnam par rol pa dang/ rgyal sras bden pa'i bdud rtsi thob pa'i rdo rje rnam par rol pa dang/rgyal sras yang dag pa'i shes rab chen pos kun tu brtas pa'i rdo rje rnam par rol pa'i tshogs te/ de dag ni lus dang ngag dang yid kyi dri ma kun tu dag pa/ sku dang gsung dang thugs kyi rdo rjes kun tu bsgyings pa'o// gzhan yang rdo rje gzhon nu'i sde tshan mang pos rnam par rol pa'i rdo rje'i tshogs dang gzhan yang rnal 'byor dang rnal 'byor ma'i tshogs kyis rdo rje rnam par rol pa'i tshogs dang/'di ltar rig pa 'dzin pa la sogs pa 'khor dang sras btsun mor bcas pa'i sprin gyi tshogs mtha' yas pas rnam par 'khrigs par gyur to// de nas de bzhin gshegs pa thams cad yongs su 'dus nas/bcom ldan 'das 'jigs byed kyi dbang phyug chen po la/ rdo rje'i dam tshig gi mchod pa chen po'i sprin gyis kun tu mchod cing phyag 'tshal nas/ mgrin gcig tu 'di skad ces gsol to// dus gsum sangs rgyas thams cad kyi// ye shes rtse mor gyur pa las// dus gsum zhing du spros pa'i phyir// sangs rgyas rnams kyis rol pa'i tshe// ye shes rtse mo las byung ba'i// bsgral ba'i dam tshig bshad du gsol// de nas bcom ldan 'das dpal 'jigs byed kyi dbang phyug chen po 'dzum pa mdzad par gyur to// de nas de'i tshe de'i dus na/ 'khor der 'dus pa rnams kyi nang nas gsang ba'i bdag po lag na rdo rje thogs pa med zhes bya ba'i nan dang bcas te rang gi stan las langs nas/bcom ldan 'das la g.yas phyogs nas lan du mar bskor te/ mchod pa chen po'i sprin gyis mchod nas/ bla gos phrag pa gcig tu bzar te/pus mo g.yas pa'i lha nga sa la btsugs nas/ thal mo sbyar nas 'di skad ces gsol to// bcom ldan 'das de bzhin gshegs pa rnams ni rgyu dang rkyen ma mchis par 'dzum pa mi mdzad na/ de ring de bzhin gshegs pa 'dzum pa mdzad pa'i don ci lags zhes gsol pa dang/de nas bcom ldan 'das dpal rdo rje 'jigs byed kyi dbang phyug chen pos/ lag na rdo rje chen po la 'di skad ces bka' stsal to// lag na rdo rje 'chang 'di lta ste/ de bzhin gshegs pa thams cad kyi ye shes rtse mo zhes bya ba/ gsang sngags kyi dam tshig chen po'i de kho na nyid 'byung ba zhes bya ba bshad par gsol ba btab ste/ de ni 'das pa'i sangs rgyas rnams kyis kyang rgyas par ma bshad/ma 'ongs pa na yang 'chad par dkon pa'i theg pa chen po 'di bshad na/ sangs rgyas bcom ldan 'das rnams kyang skrag par 'gyur na/ byang chub sems dpa' gzhan rnams dang/ 'khor phal po che lta ci smos/ de'i phyir nga ni ngo mtshar du gyur pa'i phyir/ rgyal ba 'khor dang bcas pa rnams kyang the tshom skye ba dang/ dam pa'i chos 'di nyid kyis gdul bar bya ba'i dus kyi phyir ro// zhes gsungs so// de nas yang de bzhin gshegs pa 'khor dang bcas pas bcom ldan 'das la rdo rje mchod pa chen po'i sprin gyis kun tu mchod nas 'di skad ces gsol to// bcom ldan 'das 'di ni las kyi mchog go/ 'di ni dus la bab pa'o// theg pa 'di ni rdo rje'i theg pa chen po rnams kyi mchog go/ gsang ba 'di ni gsang ba'i yang gsang ba'o// thabs ni 'di ni thabs kyi mchog go/rol pa chen po'i yang rol pa chen po ste/ bdag cag kyang ngo mtshar du gyur pa dang/ rmad du gyur pa dang/ the tshom thams cad dgum pa'i slad nyid du spro bar mchi ste/ bcom ldan 'das kyis de yongs su bshad du gsol/zhes lan gnyis lan gsum du bshad par gsol ba btab bo// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/ dpal rdo rje 'jigs byed chen po zhing rnam par dag pa dang/rnam par sbyong ba zhes bya ba'i ting nge 'dzin la snyoms par zhugs nas/ dus gsum gyi sangs rgyas rnams la rdo rje'i spyan gyi 'od zer gyis reg par mdzad do// 'di ltar de bzhin gshegs pa rnams kyang 'od zer 'phro ba zhes bya ba'i ting nge 'dzin gyis 'gro ba'i ded dpon las mthu mnyam pa brtson par gyur to// de bzhin du byang chub sems dpa' chen po rnams la gzigs nas don gnyis 'byung ba zhes bya ba'i 'od zer gyis reg par mdzad do// de dag kyang thog pa med pa'i rdo rje rnam par rtse ba zhes bya ba'i ting nge 'dzin thob ste/ gsang ba'i rdo rje'i snod du byin gyis brlabs so// de nas sprul pa'i tshogs dang 'khor du bcas pa la gzigs nas/kun tu sgyings pa zhes bya ba'i 'od zer gyis reg par mdzad do// de dag kyang tshar gcod pa zhes bya ba'i ting nge 'dzin thob par gyur to// de nas gti mug gnas kyi theg pa rnams la gzigs nas/theg pa chen po ston pa zhes bya ba'i 'od zer gyis reg par mdzad nas/ de dag thams cad kyang byang chub kyi sems kyi rdo rje zhes bya ba thob par gyur to// de nas 'gro ba drug gi grong khyer pa rnams la gzigs nas/lam gcig pa'i rdo rje zhes bya ba'i 'od zer gyis reg par mdzad pas/ de dag kyang reg na dam pa zhes bya ba'i ting nge 'dzin thob par gyur to// de nas bcom ldan 'das rdo rje'i bdag pos/rdo rje 'phro ba zhes bya ba'i ting nge 'dzin la snyoms par zhugs nas/ zhe sdang gtan du gsod pa'i ye shes 'di nyid kyi sku dang gsung dang thugs rdo rje rnams las byung ngo/hUM de nas bcom ldan 'das rdo rje bdag pos/ 'khor lo 'phro ba zhes bya ba'i ting nge 'dzin la snyoms par zhugs nas/ gti mug gtan du gsod pa'i ye shes 'di nyid kyi sku dang gsung dang thugs rdo rje rnams las phyung ngo// A+oM/ de nas bcom ldan 'das rdo rje'i bdag pos/ rin po che 'phro ba zhes bya ba'i ting nge 'dzin la snyoms par zhugs nas/ nga rgyal gtan du gsod pa'i ye shes 'di nyid kyi sku dang gsung dang thugs rdo rje rnams las phyung ngo// swA/ de nas bcom ldan 'das rdo rje'i bdag pos/ pad+ma rnam par 'phro ba zhes bya ba'i ting nge 'dzin la snyoms par zhugs nas/ 'dod chags gtan du gsod pa'i ye shes 'di nyid kyi sku dang gsung dang thugs rdo rje rnams las phyung ngo// AM/ de nas bcon ldan 'das rdo rje'i bdag pos/ sna tshogs 'phro ba zhes bya ba'i ting nge 'dzin la snyoms par zhugs nas/ phrag dog gtan du gsod pa'i ye shes 'di nyid kyi sku dang gsung dang thugs rdo rje rnams las phyung ngo// hA/ 'di dag gsungs pa tsam gyi mod la/ 'jig rten 'dir sangs rgyas kyi tshogs du ma la/ 'di lta ste/ la la ni zhi ba'i rang bzhin lta bu/la la ni rgyas pa'i rang bzhin lta bu/ la la ni dbang gi rang bzhin lta bu/ la la ni drag po'i rang bzhin lta bu/ la la ni rdo rje'i rigs lta bu/ la la ni rin po che'i rigs lta bu/ la la ni pad+ma'i rigs lta bu/la la ni las kyi rigs lta bu/ la la ni de bzhin gshegs pa'i rigs lta bu/ la la ni yab kyi rang bzhin lta bu/ la la ni yum gyi rang bzhin lta bu/ la la ni sprul pa'i rang bzhin lta bu/ la la ni sras kyi rang bzhin lta bu/la la ni 'khor gyi rang bzhin lta bu/ la la ni dkyil 'khor chen po'i rang bzhin lta bu/ la la ni tshom bu'i dkyil 'khor gyi rang bzhin lta bu/ la la ni sangs rgyas gcig gi rang bzhin lta bu/la la ni legs pa'i blo gros kyi rang bzhin lta bu/ la la ni rdo rje 'phro ba'i rang bzhin lta bu/ la la ni 'khor lo 'phro ba'i rang bzhin lta bu/ la la ni rin po che 'phro ba'i rang bzhin lta bu/ la la ni pad+ma 'phro ba'i rang bzhin lta bu/la la ni rgya gram 'phro ba'i rang bzhin lta bu/ la la ni sku yi rang bzhin lta bu/ la la ni gsung gi rang bzhin lta bu/ la la ni thugs kyi rang bzhin lta bu/ la la ni mchod rten gyi rang bzhin lta bu/la la ni nam mkha'i rang bzhin lta bu/ la la ni thig le'i rang bzhin lta bu/ la la ni 'od zer gyi rang bzhin lta bu/ de ltar thams cad kyi rang bzhin lta bu srid pa gsum yongs su gtams pa ni 'di lta ste/ dper na yungs 'bru mar gyi gang ba'am/ til gyi gang bu bzhin du cho 'phrul chen po des rnam par gtams par gyur/ rgyas par gyur/ yong[¿]sa su khyab par gyur to// de ltar bcom ldan 'das rdo rje bdag pos/'di ltar byin gyis brlabs pa'i mod la 'jig rten thams cad g.yos/ rab tu g.yos/ kun tu rab g.yos/ 'ur 'ur/ rab tu 'ur 'ur/ kun tu rab tu 'ur 'ur/ chem chem/ rab tu chem chem/ kun tu rab tu chem chem/ shig shig rab tu shig shig kun tu rab tu shig shig gtor gtor/ rab tu gtor gtor/ kun tu rab tu gtor ro// de'i mod la 'jig rten gyi khams phyogs bcu'i stong khams nam mkha'i khams na gnas pa dbang phyug che ba/gzi brjid cher 'bar ba/ dregs pas rgyags pa thams cad brgyal bar gyur nas/ 'di ltar myos pa dang/ dngangs pa dang/ skrag pa dang/ spu zing ba dang/ 'gyel ba dang/brgyal ba dang/ mig gdangs pa dang/ sbar mo 'thams pa dang/ dbugs subs nas ma 'thon pa dang/ lus la rdul 'bab pa dang/ lce skams pa dang/ bred pas brgyal ba la sogs pa'i bar du ste/ de dag nyon mongs pa cha phra bar byas nas byin gyis brlabs te dbang thob par byas nas/ rdo rje'i theg pa'i snod du byin gyi brlabs te/ gsang ba'i rdo rje'i ming so sor btags nas rnal 'byor gyi gral du bkod do// de bzhin du 'gro ba drug po ma lus pa yang rdo rje'i theg pa'i snod du byin gyis brlabs pa'i bar du'o// 'di ltar sangs rgyas kyi mthu chen po las/ gsung gi cho 'phrul rdo rje'i rnal 'byor a la la zhes grags pa'i ya mtshan gyi sgra nam mkha'i mthongs na gnas pa'i sems can rnams kyi spyod yul du grags par mdzad do// ngan song gi skye gnas la sogs pa thams cad kyang rnam par grol nas rdo rje'i rnal 'byor gyi gral du 'khod do// de nas de bzhin gshegs pa mtha' yas mu med pa'i sprul pa dang bcas pa rnams chos bzhin du langs nas/ cho ga bzhin du mchod de 'di skad ces gsol to// kye bcom ldan 'das dkyil 'khor kyi sa bon sangs rgyas thams cad kyi rol pa 'di/sangs rgyas rnams kyis thams cad du gsungs kyang/ cho 'phrul chen po dang/ byin rlabs chen po dang/ mthu chen por 'di ltar byin gyis brlabs te/ deng 'dir bcom ldan 'das kyis dkyil 'khor thams cad la 'di ltar cho 'phrul thams cad pa byin gyis brlabs pas/rdo rje dam tshig gis don rgya chen po bgyis so// bdag cag kyang mngon par 'dud do// de nas de bzhin gshegs pa 'khor dang bcas pas 'di skad ces mgrin gcig tu gsol to// e ma ho// sangs rgyas chen po'i sku// thog ma med pa'i 'khor lo yis// tha ma med pa'i 'khor lo gcod// gti mug chen po a la la// e ma ho bde gshegs gsang ba'i gsung// thog ma med pa'i pad+ma yis// tha ma med pa'i pad+ma skem// 'dod chagags chen po a la la// e ma ho bcom ldan rgyal ba'i thugs// thog ma med pa'i rdo rje yis// tha ma med pa'i rdo rje 'joms// zhe sdang chen po a la la// e ma ho sangs rgyas yon tan rdzogs// thog ma med pa'i rin chen gyis// tha ma med pa'i rin chen 'dren// nga rgyal chen po a la la// e ma ho bcom ldan mdzad pa che// thog ma med pa'i sna tshogs kyis// tha ma med pa'i sna tshogs 'joms// phrag dog chen po a la la// byang chub sems kyi rol pa che// thams cad rgyu la phyag 'tshal lo// 'bras bu che la mngon par 'dud// kun bdag dkyil 'khor phyag 'tshal lo// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po las/ rdo rje nam mkha'i blo gros gsang ba rnam par bkod pa zhes bya ba'i le'u ste dang po'o//// de nas bcom ldan 'das dpal rdo rje 'jigs byed kyi dbang phyug chen po de bzhin gshegs pa thams cad kyi sku dang gsung dang thugs kyi bdag po rdo rje khro ba zhes bya ba'i ting nge 'dzin la snyoms par zhugs nas/'di skad ces gsungs so// rdo rje khros pas zhe sdang gcod// mtshon chen sngon po 'bar ba ni// nam mkha'i dkyil nas thigs pa shar// srog gi go ru shar ba dang// snying gi go ru bsgom par bya// de nas bcom ldan 'das rin po che khro ba zhes bya ba'i ting nge 'dzin la snyoms par zhugs nas/ 'di skad ces gsungs so// rin chen khros pas nga rgyal gcod// 'od chen sngon po 'bar ba ni// nam mkha'i dkyil nas thigs pa shar// lte ba'i go ru bsgom par bya// de nas bcom ldan 'das 'khor lo khro ba zhes bya ba'i ting nge 'dzin la snyoms par zhugs nas/'di skad ces gsungs so// 'khor lo khros pas gti mug gcod// 'od chen nag po 'bar ba ni/ nam mkha'i dkyil nas thigs pa shar// klad pa'i go ru bsgom par bya// de nas bcom ldan 'das pad+ma khro ba zhes bya ba'i ting nge 'dzin la snyoms par zhugs nas/'di skad ces gsungs so// pad+ma khros pas 'dod chags gcod// 'od chen dmar po 'bar ba ni// nam mkha'i dkyil nas thigs pa shar// mgrin pa'i go ru bsgom par bya// de nas bcom ldan 'das sna tshogs khro ba zhes bya ba'i ting nge 'dzin la snyoms par zhugs nas 'di skad ces gsungs so// sna tshogs khros pas phrag dog gcod// 'od chen ljang gu 'bar ba ni// nam mkha'i dkyil nas thigs pa shar// rkang pa'i go ru bsgom par bya'o// de nas bcom ldan 'das rnam par grol ba zhes bya ba'i ting nge 'dzin la snyoms par zhugs nas/ 'di skad ces gsungs so// zhe sdang rdo rje'i dam tshig ni// zhe sdang chen po'i ting 'dzin te// rnal 'byor chen po'i rdo rje yis// nyon mongs rdo rje gsad par bya// gti mug rdo rje'i dam tshig ni// gti mug chen po'i ting 'dzin te// rnal 'byor chen po'i 'khor lo yis// gti mug 'khor lo gsad par bya// nga rgyal rdo rje'i dam tshig ni// nga rgyal chen po'i ting 'dzin te// rnal 'byor chen po'i rin chen gyis// nyon mongs nga rgyal gsad par bya// 'dod chags chen po'i ting 'dzin te// 'dod chags rnal 'byor chen po yis// nyon mongs 'dod chags gsad par bya// phrag dog chen po'i dam tshig ni// phrag dog chen po'i ting nge 'dzin te// rnal 'byor rdo rje rgya gram gyis// nyon mongs phrag dog gsad par bya// de nas bcom ldan 'das byams pas bsgral ba zhes bya ba'i ting nge 'dzin la snyoms par zhugs nas/ 'di skad ces gsungs so// byams pas bsgral ba'i dam tshig ni// gsad cing gnan pa ma yin te// phung po rdo rjes gtams byas nas// rnam par shes pa rdo rjer bsgom// de nas bcom ldan 'das snying rjes bsgral ba zhes bya ba'i ting nge 'dzin la snyoms par zhugs nas/'di skad ces gsungs so// snying rjes bsgral ba'i dam tshig ni// gsad cing gnan pa ma yin te// phung po rdo rjes gtams byas nas// rnam par shes pa rdo rjer bsgom// de nas bcom ldan 'das dga' bas bsgral ba zhes bya ba'i ting nge 'dzin la snyoms par zhugs nas/'di skad ces gsungs so// dga' bas bsgral ba'i dam tshig ni// bsad cing mnan pa ma yin te// phung po rdo rjes gtams byas nas// rnam par shes pa rdo rjer bsgom// de nas bcom ldan 'das btang snyoms kyi bsgral ba zhes bya ba'i ting nge 'dzin la snyoms par zhugs nas/ 'di skad ces gsungs so// btang snyoms bsgral ba'i dam tshig ni// gsad cing gnan pa ma yin te// phung po rdo rjes gtams byas nas// rnam par shes pa rdo rjer bsgom// tshad med snying rje skyed pa dang// byang chub sems la dga' ba ni// sngon du 'gro ba'i las yin te// sgrub pa pos ni nan tan bya// de nas de'i tshe de'i dus na/ rdo rje gzhon nu'i rig 'dzin dang// 'khor lo gzhon nu'i rig 'dzin dang// rin chen gzhon nu'i rig 'dzin dang// pad+ma gzhon nu'i rig 'dzin dang// las kyi gzhon nu'i rig 'dzin la sogs pa du ma'i tshogs kyis/ rdo rje'i mig gis de bzhin gshegs pa la bltas te/ rdo rje thal mo sbyar nas 'di skad ces gsol to// de nas rdo rje gzhon nu'i rig 'dzin rnams kyis 'di skad ces gsol to// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag gyur cig/ de nas 'khor lo gzhon nu'i rig 'dzin rnams kyis 'di skad ces gsol to// sangs rgyas kun gyi ye shes sku// ngang nyid 'khor lo'i chos dbyings las// 'bar ba'i khro bo mi bzad pa// sku yi dbyig tu bdag gyur cig/de nas rin po che'i rig 'dzin gzhon nu grangs med pas 'di skad ces gsol to// sangs rgyas kun gyi ye shes sku// ngang nyid rin chen chos dbyings las// rin chen khro bo mi bzad pa'i// sku yi dbyig tu bdag gyur cig/de nas pad+ma gzhon nu'i rig 'dzin bsam gyi mi khyab pas 'di skad ces gsol to// sangs rgyas kun gyi ye shes sku// ngang nyid pad+ma'i chos dbyings las// pad+ma'i khro bo mi bzad pa'i// sku yi dbyig tu bdag gyur cig/de nas ral gri gzhon nu'i rig 'dzin rnams kyis mgrin gcig tu 'di skad ces gsol to// sangs rgyas kun gyis ye shes sku// ngang nyid ral gri'i chos dbyings las// ral gri'i khro bo mi bzad pa'i// sku yi dbyig tu bdag gyur cig/ de nas de'i tshe de'i dus na/ rnal 'byor dbang phyug chen po du ma'i tshogs rang rang gi 'khor du ma dang bcas pa rnams g.yo bar gyur to// de nas rdo rje rnal 'byor gyi tshogs du ma dang bcas pa'i 'khor gyis 'di skad ces gsol to// rdo rje gzhon nu'i rig 'dzin rnams// srid pa rdo rjer grub mdzod cig/ srid pa rdo rje phur pa'i lha// ye shes khro bor 'grub par mdzod// de nas 'khor lo'i rnal 'byor chen po'i tshogs du ma'i 'khor dang bcas pas 'di skad ces gsol to// 'khor lo gzhon nu'i rig 'dzin rnams// srid pa 'khor lor 'grub mdzod cig/ srid pa 'khor lo phur pa'i lha// ye shes khro bor 'grub par mdzod// de nas rin po che'i rigs kyi rnal 'byor chen po'i tshogs du ma'i 'khor dang bcas pas 'di skad ces gsol to// rin chen gzhon nu'i rig 'dzin rnams// srid pa rin chen 'grub mdzod cig/ srid pa rin chen phur pa'i lha// ye shes khro bor 'grub par mdzod// de nas pad+ma'i rnal 'byor chen po'i tshogs du ma'i 'khor gyis mgrin gcig tu 'di skad ces gsol to// pad ma gzhon nu'i rig 'dzin rnams// srid pa pad mar 'grub mdzod cig/ srid pa pad ma phur pa'i lha// ye shes khro bor 'grub par mdzod// de nas ral gri'i rnal 'byor chen po'i tshogs du ma'i 'khor dang bcas pas mgrin gcig tu 'di skad ces gsol to// sna tshogs gzhon nu'i rig 'dzin rnams// srid pa ral grir 'grub mdzod cig/ srid pa ral gri phur pa'i lha// ye shes khro bor 'grub par mdzod// de nas rig 'dzin dang rnal 'byor gyi tshogs la sogs pa thams cad kyis/ de bzhin gshegs pa thams cad kyi sku dang gsung dang thugs kyi bdag po rdo rje de bzhin gshegs pa la 'di skad gsol ba btab bo// thabs kyis spyod pas 'gro don du// byams dang snying rjes gang 'dul ba// sangs rgyas phrin las rdzogs mdzad nas// dbang dang byin rlabs bdag g+Nol cig/ de nas bcom ldan 'das tshar gcod pa zhes bya ba'i ting nge 'dzin la snyoms par zhugs nas 'di skad ces gsungs so// oM in+d+rA ya ti ra baM/ ya mA ya ti ra baM/ ku be rA ya ti ra baM/ ag+na ye ti ra baM/ nit+yA ya ti ra baM/ bA ya be ti ra baM/I sha nA ya ti ra baM/ sUr+ya tsan+d+rA ya ti ra baM/ ur+d+haM a d+hi pa ta ye ti ra baM/ badzra traM traM/ rdo rje brag gis rnam par bkod pa'i spyi zhes bya ba'i ting nge 'dzin to// ma hA de wa ti ra baM/ nga rgyal rnam par bcag pa'i rdo rje zhes bya ba'i ting nge 'dzin to// 'di dag gsungs pa'i mod la ni/ khams gcig gi bdag po dang/ khams gnyis kyi bdag po dang/ khams gsum gyi bdag po chung ma dang bcas pa/ ji ltar thams cad rdo rje'i rlung gis shing bsgyel ba'i dum bu bzhin du phyogs skyong chen po bcu dus gcig tu zhabs drung du bub par gyur to// de nas bcom ldan 'das kyis rdo rje'i sras 'byung ba zhes bya ba'i ting nge 'dzin la snyoms par zhugs nas 'di skad ces gsungs so// A+oM badzra kI la kI la ya sarba big+h+nAn baM hUM hUM phaT/ rigs kyi bdag po zhes bya ba'i ting nge 'dzin to// de nas bcom ldan 'das hUM chen po 'byung ba'i ting nge 'dzin la snyoms par zhugs nas/'di skad ces gsungs so// A+oM badzra kro d+ha hUM kA ra hUM/ gardza gardza hUM phaT/ mos pa chen po'i rdo rje la dpa' ba zhes bya ba'i ting nge 'dzin to// de nas mi pham pa zhes bya ba'i ting nge 'dzin la snyoms par zhugs nas 'di skad ces gsungs so// A+oM badzra kro d+ha bI dza ya hUM/ ha na ha na hUM phaT/ thams cad tshar gcod pa zhes bya ba'i ting nge 'dzin to// de nas bcom ldan 'das dbyug pa sngon po zhes bya ba'i ting nge 'dzin la snyoms par zhugs nas/'di skad ces gsungs so// A+oM badzra kro d+ha nI la daN+Da hUM/ da ha da ha hUM phaT/ rdo rje ye shes la kun tu dbang ba zhes bya ba'i ting nge 'dzin to// de nas bcom ldan 'das 'chi bdag 'joms pa zhes bya ba'i ting nge 'dzin la snyoms par zhugs nas/'di skad ces gsungs so// A+oM badzra kro d+ha ya mAn+ta ka hUM/ pa tsa pa tsa hUM phaT/ rdo rje'i tshe la dbang bsgyur ba zhes bya ba'i ting nge 'dzin to// de nas bcom ldan 'das mi g.yo 'byung ba zhes bya ba'i ting nge 'dzin la snyoms par zhugs nas 'di skad ces gsungs so// A+oM badzra kro d+ha Ar+ya a tsa la hUM/ ban d+ha ban d+ha hUM phaT/ rdo rje skye ba la rnam par dbang ba zhes bya ba'i ting nge 'dzin to// de nas bcom ldan 'das rta skad 'byung ba zhes bya ba'i ting nge 'dzin la snyoms par zhugs nas/ 'di skad ces gsungs so/ A+oM badzra kro d+ha ha ya grI ba hUM/ hu lu hu lu hUM phaT/ rdo rje chos la dbang ba dam pa zhes bya ba'i ting nge 'dzin to// de nas bcom ldan 'das gzhan gyis mi thub pa kun tu 'byung ba zhes bya ba'i ting nge 'dzin la snyoms par zhugs nas/ 'di skad ces gsungs so// A+oM badzra kro d+ha a pa ra dzi ta hUM/ tiSh+Tha tiSh+Tha hUM phaT/ rdo rje longs spyod la dbang ba kun tu thob pa zhes bya ba'i ting nge 'dzin to// de nas bcom ldan 'das bdud rtsi'i thig le 'byung ba zhes bya ba'i ting nge 'dzin la snyoms par zhugs nas 'di skad ces gsungs so// A+oM badzra kro d+ha a mr-i ta kuN+Da li hUM/ ts+tshin da ts+tshin da hUM phaT/ rdo rje las la dbang ba zhes bya ba'i ting nge 'dzin to// de nas bcom ldan 'das khams gsum rnam par rgyal ba'i ye shes 'byung ba zhes bya ba'i ting nge 'dzin la snyoms par zhugs nas/'di skad ces gsungs so// oM badzra kro d+ha trai lo kya bi dza ya hUM/ b+hin da b+hin da hUM phaT/ rdo rje sems smon lam bde ba dam pa la kun tu rol pa chen po zhes bya ba'i ting nge 'dzin to// de nas bcom ldan 'das rdo rje stobs po che'i ye shes kun tu 'byung ba zhes bya ba'i ting nge 'dzin la snyoms par zhugs nas/ 'di skad ces gsungs so// A+oM badzra kro d+ha ma hA ba la hUM/ s+pho Ta s+pho Ta hUM phaT/ rdo rje rdzu 'phrul dam pa la dbang ba zhes bya ba'i ting nge 'dzin to// 'khor lo rdo rje dbus gnas pa// thams cad rang sngags sa bon che// rdo rje mngon spyod mtha' dbus gnas// so so'i las rnams skul ba'i sgra// dus gsum srid pa rdo rje dang// 'khor lo rin chen pad+ma rgya// thams cad kun tu 'byung ba yin// 'bar ba'i khro bo mi bzad pas// gang dag gnas pa yang dag sngags// sregs shig sregs shig myur du sregs// gtogs shig gtogs shig myur du gtogs// rgyob cig rgyob cig myur du rgyob// choms shig choms shig myur du choms// chings shig chings shig myur du chings// gzhungs shig gzhungs shig myur du gzhungs// non cig non cig myur du non// chod cig chod cig myur du chod// drongs shig drongs shig myur du drongs// rdungs shig rdungs shig myur du rdungs// myur du bsregs nas kun tu gtogs// rnam par rgyob la nges par choms// dam du chings la rnam par sgyur// yongs su non cig myur du chod// thams cad drongs la kun tu rdungs// tshogs kyis 'bad pa'i dum bu 'di// phung po snyogs pa'i rjes shul dang// sha khrag pags pa rkang tshil klad// nang rol dron mor gyur pa la// mche ba btab nas za ba dang// brtod cig sbar mos 'dru ba dang// rdo rje 'gros mchongs gyis zhes gsungs// de nas de'i mod la shin tu mthu che ba rnams 'gyel zhing brgyal bar gyur to// bsgral ba'i gnas rnams ni gtan du shi bar gyur to// rig 'dzin la sogs pa rnams kyang 'dar zhing ba spu zing bar 'gyur to// khro bo la sogs pa lnga 'khor dang bcas pa rnams kyang/ rang bzhin gyi gnas nas du ma'i tshogs 'thon nas kyang ngams par gyur to// de nas bcom ldan 'das de bzhin gshegs pa thams cad kyi sku dang gsung dang thugs kyi bdag pos rdo rje gzhon nu mnyes par byed pa zhes bya ba'i ting nge 'dzin la snyoms par zhugs nas/'di skad ces gsungs so// dI ba ta tsakra ru lu ru lu hUM b+h+yo hUM/yum gyi dkyil 'khor 'byung ba zhes bya ba'i ting nge 'dzin to// de nas yang bcom 'das rdo rje hUM chen po mnyes par byed pa zhes bya ba'i ting nge 'dzin la snyoms par zhugs nas/ 'di skad ces gsungs so// badzra kro d+hI dI pa ya ti hUM/ steng gi rdo rje rnam par bkod pa zhes bya ba'i ting nge 'dzin to// de nas yang bcom ldan 'das kyis khro bo chen po dus gsum du rnam par rgyal ba'i rdo rje mnyes par byed pa zhes bya ba'i ting nge 'dzin la snyoms par zhugs nas/'di skad ces gsungs so// badzra kro d+hI lA s+ye ki hUM/ shar gyi rdo rje rnam par bkod pa zhes bya ba'i ting nge 'dzin to// de nas bcom ldan 'das kyis rdo rje'i dbang phyug pa chen po mnyes par byed pa zhes bya ba'i ting nge 'dzin la snyoms par zhugs nas/'di skad ces gsungs so// badzra kro d+hI tA tA hUM/ shar lho'i rdo rje rnam par bkod pa zhes bya ba'i ting nge 'dzin to// de nas bcom ldan 'das kyis gshin rje'i gshed mnyes par byed pa'i rdo rje zhes bya ba'i ting nge 'dzin la snyoms par zhugs nas/'di skad ces gsungs so// badzra kro d+hI sma shA na pa ti hUM/ lho'i rdo rje rnam par bkod pa zhes bya ba'i ting nge 'dzin to// de nas bcom ldan 'das kyis khro bo chen po rdo rje mi g.yo ba mnyes par byed pa'i ting nge 'dzin la snyoms par zhugs nas/ 'di skad ces gsungs so// badzra kro d+hI mu ha la hUM/ lho nub kyi rdo rje rnam par bkod pa zhes bya ba'i ting nge 'dzin to// de nas bcom ldan 'das kyis rta'i rgyal po rdo rje mnyes par byed pa zhes bya ba'i ting nge 'dzin la snyoms par zhugs nas// 'di skad ces gsungs so// badzra kro d+hI dzA ya ti hUM/lho nub kyi rdo rje rnam par bkod pa zhes bya ba'i ting nge 'dzin to// de nas bcom ldan 'das kyis khro bo gzhan gyis mi thub mnyes par byed pa'i rdo rje zhes bya ba'i ting nge 'dzin la snyoms par zhugs nas/'di skad ces gsungs so// badzra kro d+hI sha bya ti hUM/ nub byang gi rdo rje rnam par bkod pa zhes bya ba'i ting nge 'dzin to// de nas bcom ldan 'das kyis khro bo chen po bdud rtsi'i thig le mnyes par byed pa zhes bya ba'i ting nge 'dzin la snyoms par zhugs nas/'di skad ces gsungs so// badzra kro d+hI sa bya mi ta hUM/ byang gi rdo rje rnam par bkod pa zhes bya ba'i ting nge 'dzin to// de nas bcom ldan 'das kyis khro bo chen po khams gsum po las rnam par rgyal ba rdo rje mnyes par byed pa zhes bya ba'i ting nge 'dzin la snyoms par zhugs nas/'di skad ces gsungs so// badzra kro d+hI mA ra Ni hUM/ byang shar gyi rdo rje rnam par bkod pa zhes bya ba'i ting nge 'dzin to// de nas bcom ldan 'das kyis khro bo rdo rje stobs chen po'i rdo rje mnyes par byed pa zhes bya ba'i ting nge 'dzin la snyoms par zhugs nas// 'di skad ces gsungs so// badzra kro d+hI muN+Di na mi hUM/ 'og gi rdo rje rnam par bkod pa zhes bya ba'i ting nge 'dzin to// thabs dang shes rab mnyam par las// sprul pa las kyang sprul pa che// cho ga mkhas par shes pa yis// rnal 'byor chen po rdzogs par 'gyur// de nas yang bcom ldan 'das dpal 'jigs byed kyi dbang phyug chen pos/ sprul pa chen po zhes bya ba'i ting nge 'dzin la snyoms par zhugs nas/ rdo rje phag gi ye shes 'byung ba zhes bya ba'i ting nge 'dzin 'di gsungs so// badzra pU ka ra mu kha dzaHdzaH/ hUM chen po'i gdung 'tshob pa zhes bya ba'i ting nge 'dzin to// de nas bcom ldan stag gi ye shes 'byung ba zhes bya ba'i ting nge 'dzin la snyoms par zhugs nas/'di skad ces gsungs so// badzra byA g+h+ra mu khi dzaHdzaH rdo rje rnam par rgyal ba'i gdung 'tshob pa zhes bya ba'i ting nge 'dzin to// de nas bcom ldan 'das rdo rje g.yag gi mgo can zhes bya ba'i ting nge 'dzin la snyoms par zhugs nas/'di skad ces gsungs so// badzra tsa ma ra mu kha dzaHdzaH rdo rje dbyug pa chen po'i gdung 'tshob pa zhes bya ba'i ting nge 'dzin to// de nas bcom ldan 'das rdo rje sha ba'i ye shes 'byung ba zhes bya ba'i ting nge 'dzin la snyoms par zhugs nas/'di skad ces gsungs so// badzra ha ra Na mu kha dzaHdzaH rdo rje gshin rje gshed kyi gdung 'tshob pa zhes bya ba'i ting nge 'dzin to// de nas bcom ldan rdo rje gzig gi ye shes 'byung ba zhes bya ba'i ting nge 'dzin la snyoms par zhugs nas/'di skad ces gsungs so// badzra Ar+ya mu kha dzaHdzaH rdo rje mi g.yo mgon gyi gdung 'tshob pa zhes bya ba'i ting nge 'dzin to// de nas bcom ldan 'das rdo rje byi la'i ye shes 'byung ba zhes bya ba'i ting nge 'dzin la snyoms par zhugs nas/ 'di skad ces gsungs so// badzra bI ra la mu kha dzaHdzaH/ rdo rje rta'i rgyal po'i gdung 'tshob pa zhes bya ba'i ting nge 'dzin to// de nas bcom ldan 'das rdo rje spyang ka'i ye shes 'byung ba zhes bya ba'i ting nge 'dzin la snyoms par zhugs nas/ 'di skad ces gsungs so// badzra shwa na mu kha dzaHdzaH rdo rje gzhan gyis mi thub pa'i gdung 'tshob pa zhes bya ba'i ting nge 'dzin to// de nas bcom ldan 'das seng ge'i ye shes 'byung ba zhes bya ba'i ting nge 'dzin la snyoms par zhugs nas/ 'di skad ces gsungs so// badzra sid+ha mu kha dzaHdzaH rdo rje khro bo chen po bdud rtsi'i thig le'i gdung 'tshob pa zhes bya ba'i ting nge 'dzin to// de nas bcom ldan 'das rdo rje dom gyi ye shes 'byung ba zhes bya ba'i ting nge 'dzin la snyoms par zhugs nas/'di skad ces gsungs so// badzra r-ik+Sha sa mu kha dzaHdzaH khams gsum las rnam par rgyal ba'i gdung 'tshob pa zhes bya ba'i ting nge 'dzin to// de nas bcom ldan 'das rdo rje dred kyi ye shes 'byung ba zhes bya ba'i ting nge 'dzin la snyoms par zhugs nas/'di skad ces gsungs so// badzra dak+Sha mu kha dzaHdzaH rdo rje stobs po che'i gdung 'tshob pa zhes bya ba'i ting nge 'dzin to// rdo rje chos kyi 'byung gnas su// gang 'dir shes rab mig gis blta// srid pa ma zad bar du ni// rgyal ba'i gdung ni 'chad mi 'gyur/ zhes gsungs so// de nas bcom ldan 'das dpal 'jigs byed kyi dbang phyug chen pos/ phyag brnyan chen mo zhes bya ba'i ting nge 'dzin la bshad par bzhed nas/ rdo rje smig bu zhes bya ba'i ting nge 'dzin la snyoms par zhugs nas/ 'di skad ces gsungs so// badzra kA shi ka mu khI dzaHdzaH rdo rje sgra 'byin ma'i gdung 'tshob pa zhes bya ba'i ting nge 'dzin to// de nas bcom ldan 'das rdo rje bya rgod kyi ye shes 'byung ba zhes bya ba'i ting nge 'dzin la snyoms par zhugs nas/ 'di skad ces gsungs so// badzra g+h+r-i d+h+ra mu khI dzaHdzaH rdo rje snyems ma'i gdung 'tshob pa zhes bya ba'i ting nge 'dzin to// de nas bcom ldan 'das rdo rje bya rog gi ye shes 'byung ba zhes bya ba'i ting nge 'dzin la snyoms par zhugs nas/ 'di skad ces gsungs so// badzra gro Na kA ka mu khI dzaHdzaH rdo rje sder mo'i gdung 'tshob pa zhes bya ba'i ting nge 'dzin to// de nas bcom ldan 'das rdo rje 'ug pa'i ye shes 'byung ba zhes bya ba'i ting nge 'dzin la snyoms par zhugs nas/ 'di skad ces gsungs so// badzra U lu ka mu khI dzaHdzaH rdo rje dur khrod bdag mo'i gdung 'tshob pa zhes bya ba'i ting nge 'dzin to// de nas bcom ldan rdo rje khwa'i mgo can ye shes 'byung ba zhes bya ba'i ting nge 'dzin la snyoms par zhugs nas/'di skad ces gsungs so// badzra pra ta mu khI dzaHdzaH rdo rje gtun khung gi gdung 'tshob pa zhes bya ba'i ting nge 'dzin to// de nas bcom ldan 'das rdo rje pu shud kyi mgo can zhes bya ba'i ting nge 'dzin la snyoms par zhugs nas/'di skad ces gsungs so// badzra pak+Sha ti mu khI dzaHdzaH rdo rje gtum mo'i gdung 'tshob pa zhes bya ba'i ting nge 'dzin to// de nas bcom ldan 'das rdo rje khra'i ye shes 'byung ba zhes bya ba'i ting nge 'dzin la snyoms par zhugs nas/'di skad ces gsungs so// badzra pany+tsa ra Na mu khI dzaHdzaH rdo rje mda' snyems ma'i gdung 'tshob pa zhes bya'i ting nge 'dzin to// de nas bcom ldan 'das rdo rje pha wang gi ye shes 'byung ba zhes bya ba'i ting nge 'dzin la snyoms par zhugs nas/'di skad ces gsungs so// badzra tI ti la mu khI dzaHdzaH rdo rje rlung 'byin ma'i gdung 'tshob pa zhes bya ba'i ting nge 'dzin to// de nas bcom ldan 'das rdo rje sre mong gi ye shes 'byung ba zhes bya ba'i ting nge 'dzin la snyoms par zhugs nas/ 'di skad ces gsungs so// badzra na ku la mu khI dzaHdzaH rdo rje gsod ma'i gdung 'tshob pa zhes bya ba'i ting nge 'dzin to// de nas bcom ldan 'das rdo rje byi ba'i ye shes 'byung ba zhes bya ba'i ting nge 'dzin la snyoms par zhugs nas/ 'di skad ces gsungs so// badzra dud kA shi ka mu khI dzaHdzaH/ rdo rje bskyod chen mo'i gdung 'tshob pa zhes bya ba'i ting nge 'dzin to// gang 'dir sngon du rnam byung ba'i// de ltar phyis 'asngug rnam gnyis te// rdo rje mthu yi rtsal gyis ni// sprul pa las kyang sprul pa 'phel// ji bzhin dkyil 'khor ma yin pa// thams cad yod par mi srid do// de nas bcom ldan 'das rdo rje ye shes 'phro ba zhes bya ba'i ting nge 'dzin bshad par bzhed nas/ rdo rje 'gugs pa zhes bya ba'i ting nge 'dzin la snyoms par zhugs nas/'di skad ces gsungs so// badzra aM ku sha dzaHdzaH/ rdo rje byams pa chen po'i ting nge 'dzin to// de nas bcom ldan 'das rdo rje bcing ba zhes bya ba'i ting nge 'dzin la snyoms par zhugs nas/'di skad ces gsungs so// badzra pA sha hUM/ rdo rje snying rje chen po zhes bya ba'i ting nge 'dzin to// de nas bcom ldan 'das rdo rje sdom pa zhes bya ba'i ting nge 'dzin la snyoms par zhugs nas/ 'di skad ces gsungs so// badzra s+pho Ta baM/ rdo rje dga' ba chen mo zhes bya ba'i ting nge 'dzin to// de nas bcom ldan 'das rdo rje dbab pa zhes bya ba'i ting nge 'dzin la snyoms par zhugs nas/ 'di skad ces gsungs so// badzra N+De hoH rdo rje btang snyoms chen po zhes bya ba'i ting nge 'dzin to// nam mkha'i dkyil 'khor phan chad nas// nam mkha'i dkyil 'khor tshun chad du// dkyil 'khor kun gyi thun mong ba// cung zad dag gi khyad par gyis// sangs rgyas yul du grags pa yis// gang 'jug pa la thob pa che// de nas de'i tshe de'i dus na/ sangs rgyas kun gyis mthu chen pos nam mkha'i dbyings dang/ rdo rje dang rin po che dang/ pad+ma dang/'khor lo dang/ rgya gram la sogs pas sgra phyung nas tshigs su bcad pas/ 'bar ba'i khro bo rnams la gsol ba btab pa/ srid pa phur bur bsgrub pa dang// dbang dang dngos grub blang ba'i phyir// ye shes khro bo gshegs su gsol// ye shes khro bo gshegs nas kyang/ rtags dang mtshan ma bstan pa dang// kI la ya yi dngos grub stsol// ces bya ba'i sgra chen po byung bas/ rdo rje dang rin po che dang pad+ma dang 'khor lo dang/rgya gram dang phur bu la sogs pa'i mtshan nyid me tog gi char du babs par gyur/ sa'i dkyil 'khor yang g.yo bar gyur to// de nas de'i tshe de'i dus na/ rnal 'byor chen po'i rig 'dzin bsam gyis mi khyab pa thams cad du ma'i tshogs kyis mgrin gcig tu 'bar ba'i khro bo rnams la 'di skad ces gsol ba btab bo// srid pa phur bu bsgrubs pa dang// dbang dang dngos grub blang ba'i phyir// ye shes khro bo gshegs su gsol/khro bo chen po gshegs nas kyang// rtags dang mtshan ma bstan pa dang// kI la ya yi dngos grub stsol// ces brjod pas/ phyogs bcu'i de bzhin gshegs pa rnams/ rang bzhin gyi gnas thabs dang shes rab kyi dngos po dri ma med pa'i ting nge 'dzin bde ba chen po las byung ba'i bdag nyid/rten cing 'brel par 'byung ba'i 'khor lo/ yab sras btsun mo dang bcas pa rnams g.yo bar mdzad par gyur to// de nas de bzhin gshegs pa thams cad kyi sku dang gsung dang thugs kyi bdag po/ dpal rdo rje 'jigs byed kyi dbang phyugs chen po 'dzum pa mdzad par gyur to// de'i tshe 'khor de nas gsang ba'i bdag po rdo rje thogs pa med pa zhes bya ba 'khor de'i nang nas langs te/de bzhin gshegs pa thams cad la rdo rje'i mchod pa chen po byas nas/ 'di skad ces gsol to// bcom ldan 'das de bzhin gshegs pa rnams rgyu dang rkyen ma mchis par 'dzum pa mi mdzad na/de ring bcom ldan 'das 'dzum par mdzad pa'i don ci lags/ zhes gsol pa dang/ de nas bcom ldan 'das kyis 'di skad ces gsungs so// lag na rdo rje 'chang 'di lta ste/ 'di na 'dus pa'i tshogs ni du mu'i 'khor dang bcas pa'i rig 'dzin 'ba' zhig go/ de dag kyang 'di lta ste/ la la ni sku yi rig 'dzin/ la la ni gsung gi rig 'dzin/la la ni thugs kyi rig 'dzin/ la la ni de bzhin gshegs pa'i rig 'dzin/ la la ni da ltar gyi rig 'dzin/ la la ni ma 'ongs pa'i rig 'dzin/ la la ni rdo rje'i rig 'dzin/ la la ni de bzhin gshegs pa'i rig 'dzin/la la ni rin po che'i rig 'dzin/ la la ni pad+ma'i rig 'dzin/ la la ni las kyi rig 'dzin/ la la ni rdo rje gzhon nu'i rig 'dzin/ la la ni rdo rje hUM chen po'i rig 'dzin/ la la ni rdo rje rnam par rgyal ba'i rig 'dzin/la la ni rdo rje dbyug pa sngon po'i rig 'dzin/ la la ni rdo rje gshin rje'i gshed kyi rig 'dzin/ la la ni rdo rje mo g.yo mgon gyi rig 'dzin/ la la ni rdo rje rta skad kyi rig 'dzin/ la la ni rdo rje pha rol gyis mi thub pa'i rig 'dzin/la la ni rdo rje bdud rtsi thig le'i rig 'dzin/ la la ni rdo rje khams gsum las rnam par rgyal ba'i rig 'dzin/ la la ni rdo rje stobs po che'i rig 'dzin no// de nas sangs rgyas kyi mthu chen pos rig 'dzin gyi tshogs kyis/rang rang gi rnal 'byor gyi dam tshig rnams la gsol ba btab bo// de nas rdo rje gzhon nu'i rig 'dzin rnams kyis mgrin gcig tu gsol ba btab pa/rdo rje gzhon nu'i dam tshig gis// srid pa phur bur bsgrub pa dang// dbang dang dngos grub blang ba'i phyir// ye shes khro bo gshegs su gsol/ khro bo chen po gshegs nas kyang// rtags dang mtshan ma bstan pa dang// kI la ya yi dngos grub bstsol// ces gsol ba btab pas/ de nyid kyi mod la srid pa thams cad rdo rje gzhon nu'i ye shes skad cig ma'i bdag nyid du 'di man chad kyi phur bu shar to// de nas hUM chen po'i rig 'dzin rnams kyis mgrin gcig tu 'di skad ces gsol ba btab bo// rdo rje hUM gi dam tshig gis// srid pa phur bur bsgrub pa dang// dbang dang dngos grub blang ba'i phyir// ye shes khro bo gshegs su gsol// khro bo chen po gshegs nas kyang// rtags dang mtshan ma bstan pa dang// kI la ya yi dngos grub stsol// ces gsol ba btab pas// de nyid kyi mod la srid pa thams cad rdo rje hUM chen po'i ye shes skad cig ma'i bdag nyid kyi phur bur shar to// de nas rdo rje rnam par rgyal ba'i rig 'dzin du mas mgrin gcig tu 'di skad ces gsol ba btab bo// rdo rje rnam rgyal dam tshig gis// srid pa phur bur bsgrub pa dang// dbang dang dngos grub blang ba'i phyir// ye shes khro bo gshegs su gsol/ khro bo chen po gshegs nasakyang// rtags dang mtshan ma stan pa dang// kI la ya yi dngos grub stsol// ces brjod pas/de nyid kyi mod la srid pa thams cad rdo rje rnam par rgyal ba'i ye shes skad cig ma'i bdag nyid kyi phur bur shar to// de nas rdo rje dbyug pa chen po'i rig 'dzin rnams kyis mgrin gcig tu 'di skad ces gsol ba btab bo// rdo rje dbyug rgyal dam tshig gis// srid pa phur bur bsgrub pa dang// dbang dang dngos grub blang ba'i phyir// ye shes khro bo gshegs su gsol// khro bo chen po gshegs nas kyang// rtags dang mtshan ma bstan pa dang// kI la ya yi dngos grub stsol// ces brjod pas/ de nyid kyi mod la srid pa thams cad dbyug pa chen po'i ye shes skad cig ma'i bdag nyid kyi phur bur shar to// de nas rdo rje gshin rje'i gshed rgyal gyi rig 'dzin du ma'i tshogs rnams kyis mgrin gcig tu 'di skad ces gsol ba btab bo// rdo rje gshin rgyal dam tshig gis// srid pa phur bur bsgrub pa dang// dbang dang dngos grub blang ba'i phyir// ye shes khro bo gshegs su gsol/ khro bo chen po gshegs nas kyang// rtags dang mtshan ma bstan pa dang// kI la ya yi dngos grub stsol// ces brjod pa dang/ de nyid kyi mod la srid pa thams cad rdo rje gshin rje'i gshed kyi ye shes skad cig ma'i bdag nyid kyi phur bur shar to// de nas rdo rje mi g.yo mgon gyi rig 'dzin du ma'i tshogs kyis mgrin gcig tu 'di skad ces gsol ba btab bo// rdo rje mi g.yo dam tshig gis// srid pa phur bur bsgrub pa dang// dbang dang dngos grub blang ba'i phyir// ye shes khro bo gshegs su gsol/ khro bo chen po gshegs nas kyang// rtags dang mtshan ma bstan pa dang// kI la ya yi dngos grub stsol// ces brjod pas/ de nyid kyi mod la srid pa thams cad rdo rje mi g.yo ba'i ye shes skad cig ma'i bdag nyid kyi phur bur shar to// de nas rdo rje rta skad kyi ye shes skad cig ma'i rig 'dzin gyi tshogs du mas mgrin gcig tu 'di skad ces gsol ba btab bo// rdo rje rta skad dam tshig gis// srid pa phur bur bsgrub pa dang// dbang dang dngos grub blang ba'i phyir// ye shes khro bo gshegs su gsol/khro bo chen po gshegs nas kyang// rtags dang mtshan ma bstan pa dang// kI la ya yi dngos grub stsol// ces brjod pas/ de nyid kyi mod la srid pa thams cad rdo rje rta skad kyi ye shes skad cig ma'i phur bu'i bdag nyid du shar to// de nas rdo rje pha rol gyis mi thub pa'i rig 'dzin gyi tshogs du mas mgrin gcig tu 'di skad ces gsol ba btab bo// rdo rje gzhan rgyal dam tshig gis// srid pa phur bur bsgrub pa dang// dbang dang dngos grub blang ba'i phyir// ye shes khro bo gshegs su gsol// khro bo chen po gshegs nas kyang// rtags dang mtshan ma bstan pa dang// kI la ya yi dngos grub stsol// ces brjod pas/ de nyid kyi mod la srid pa thams cad rdo rje gzhan gyis mi thub pa'i phur pa'i ye shes skad cig ma'i bdag nyid du shar to// de nas rdo rje bdud rtsi'i theg le'i rig 'dzin gyi tshogs du mas mgrin gcig tu 'di skad ces gsol ba btab bo// rdo rje bdud rtsi'i dam tshig gis// srid pa phur bur bsgrub pa dang// dbang dang dngos grub blang ba'i phyir// ye shes khro bo gshegs su gsol// ye shes khro bo gshegs nas kyang// rtags dang mtshan ma bstan pa dang// kI la ya yi dngos grub stsol// ces brjod pas/ de nyid kyi mod la srid pa thams cad rdo rje bdud rtsi'i thig le'i phur pa'i ye shes skad cig ma'i bdag nyid du shar to// de nas rdo rje khams gsum las rnam par rgyal ba'i rig 'dzin gyi tshogs du mas 'di skad ces gsol ba btab bo/ khams gsum rnam rgyal dam tshig gis// srid pa phur bur bsgrub pa dang// dbang dang dngos sgrub blang ba'i phyir// ye shes khro bo gshegs su gsol// ye shes khro bo gshegs nas kyang// rtags dang mtshan ma bstan pa dang// kI la ya yi dngos grub stsol// ces brjod pas// de nyid kyi mod la srid pa thams cad rdo rje khams gsum pa'i bdud rtsi'i phur pa ye shes skad cig ma'i bdag nyid du shar to// de nas rdo rje stobs po che'i rig 'dzin gyi tshogs du mas mgrin gcig tu 'di skad ces gsol ba btab bo// rdo rje stobs kyi dam tshig gis// srid pa phur bur bsgrubs pa dang// dbang dang dngos grub blang ba'i phyir// ye shes khro bo gshegs su gsol/ khro bo chen po gshegs nas kyang// rtags dang mtshan ma bstan pa dang// kI la ya yi dngos grub stsol// ces brjod pas/ de nyid kyi mod la srid pa thams cad rdo rje stobs kyi phur pa'i ye shes skad cig ma'i bdag nyid du shar to// de nas de'i tshe de'i dus na/sa dang nam mkha'i dbus dang bcas pa/ yul dang yul can gyi rang bzhin thams cad kyi srid pa phyogs bcu gcig gi phur pa yongs su shar bas rdo rje sangs rgyas kyi zhing khams su gtan du rnams par dag pa lhun gyis grub pa'o// de nas de'i tshe lag na rdo rje thogs pa med pas 'khor du ma dang bcas te/ bcom ldan 'das la rdo rje'i mchod pa chen pos mchod nas 'di skad ces gsol to// snang srid thams cad phur pa'i rang bzhin las// khams gsum 'khor ba ming yang mi gnas kyang// rgyal ba'i rdzu 'phrul chen po bstan pa'i phyir// rdo rje mngon spyod phrin las mdzad du gsol// zhes gsol ba btab bo// de nas bcom ldan 'das phyogs bcur rdo rje'i spyan gyis gzigs nas/ 'dzum pa mdzad pa dang/ 'od zer gyi tshogs du ma spros te bsgral bar bya ba dag gzung ba dang dgug pa dang dbral ba dang bcing pa dang bsdam pa dang bstab pa la sogs pa'i rdzu 'phrul mdzad do// de nas bcom ldan 'das de bzhin gshegs pa thams cad kyi bdag po sku dang gsung dang thugs kyi bdag nyid/ dpal rdo rje 'jigs byed kyi dbang phyug chen po/thabs dang shes rab rdo rje mngon spyod kyi rnam par rol pa zhes bya ba'i ting nge 'dzin la snyoms par zhugs nas/ rdo rje phur pas rnam par bsgral bar byed pa'i gsang sngags 'di nyid sku dang gsung dang thugs rdo rje rnams las phyung ngo/A+oM laM hUM laM s+t+wam b+ha ya nan/ mo ha g+hA ta ya/ b+ha ga wAn/ shri kri bi kri/ badzra hUM kA ra hUM hUM/ phaT phaT/ badzra kI li kI la yA/dzaHhUM baM hoH/ sarba big+h+nAM badzra kI li kI la ya/ hUM hUM hUM/ phaT phaT phaT/ badzra hUM kA ra hUM phaT/ a hUM ka ra a a/ zhes gsungs pa'i mod la gang dag bsgral bar 'os pa thams cad rdo rje khro bo'i zhabs drung du bub nas/ khrag tu skyug cing 'gyel bar gyur pa la/rdo rje phur bu nub par gyur to// rdo rje phur bu rnam par thar pa zhes bya ba'i ting nge 'dzin to// de nas bcom ldan 'das gnyis su med pa'i rol pa chen po zhes bya ba'i ting nge 'dzin la snyoms par zhugs nas/zhing bcu gtan du gcod pa zhes bya ba'i gsang sngags 'di nyid kyi sku dang gsung dang thugs rdo rje rnams las phyung ngo/ hUM pa ra bi d+hAn+sa ts+tshin+da ts+tshin+da hUM phaT/ b+hin d+ha b+hin d+ha hUM phaT/ gr-ih+Na gr-ih+Na hUM phaT/ha na ha na hUM phaT/ ban d+ha ban d+ha hUM phaT/ ta thA ya ta thA ya hUM phaT/ ha sa ya ra ha sa ya ra hrIHdaN+Da hUM phaT/ bi dA ra na hUM phaT/ shI g+h+raM A na ya hUM phaT/ dz+wa lA pa ya dz+wa lA pa ya hUM phaT/ A be sha ya A be sha ya hUM phaT/bin+d+ha ya bin+d+ha ya hUM phaT/ lus ngag rnam par gsad pa zhes bya ba'i ting nge 'dzin to// de nas bcom ldan 'das rnam par yar ba zhes bya ba'i ting nge 'dzin la snyoms par zhugs nas/ nying lag gtan du gsod pa zhes bya ba'i gsang sngags 'di nyid kyi sku dang gsung dang thugs rdo rje rnams las phyung ngo/ha na ha na badzra/ pa tsa pa za badzra/ ma tha ma tha badzra/ dz+wa la dz+wa la badzra/ su ru su ru badzra/ mu ru mu ru badzra/ ka taM ka ye/dza ye bi dza ye/ a dzi te a pa ra dzi te/ mA ra se na/ pra ma da ni hr-i da ya/ hUM phaT/ sgo gsum nying lag dang bcas pa rdo rje rnam par sbyor ba zhes bya ba'i ting nge 'dzin to// de nas bcom ldan 'das yongs su rdzogs pa zhes bya ba'i ting nge 'dzin la snyoms par zhugs nas/rig pa'i nyon mongs pa dbang du sdud pa zhes bya ba'i gsang sngags 'di nyid kyi sku dang gsung dang thugs rdo rje rnams las phyung ngo// hUM ma ma ba shaM ku ru/ma tang dz+nyA na ka ra big+ha nAn/ d+ha d+hi ma ma shI g+h+raM ka raM phaT/ yongs su rdzogs pa zhes bya ba'i ting 'dzin to// de nas bcom ldan 'das rdzu 'phrul rnam par gnon pa zhes bya ba'i ting nge 'dzin la snyoms par zhugs nas/bar du gcod pa gzhom pa zhes bya ba'i gsang sngags 'di nyid sku dang gsung dang thugs rdo rje rnams las phyung ngo/ sarba A na ya hUM phaT/ ta thA ya ta thA ya hUM phaT/ mthu 'phrog pa zhes bya ba'i ting nge 'dzin to// de nas bcom ldan 'das rdo rje gtun khung bgrad pa dang/ rdo rje tho ba gdengs pa zhes bya ba'i ting nge 'dzin la snyoms par zhugs nas/ ye shes kyi rdul phra rab tu bsgral ba'i gsang sngags 'di nyid kyi sku dang gsung dang thugs rdo rje rnams las phyung ngo/kha taM kha taM kha taM/ hUM hUM hUM/ phaT phaT phaT/ badzra yak+Sha kro d+ha kha kha khA hi khA hi/ ha ha ha/ hUM hUM hUM/ phaT phaT phaT/ lus ngag gtun du rnam par gzhom pa zhes bya ba'i ting nge 'dzin to// de nas bcom ldan 'das thams cad rang bzhin gyi mthu zhes bya ba'i ting nge 'dzin la snyoms par zhugs nas/ brnag pa chen po'i gsang sngags 'di nyid kyi sku dang gsung dang thugs rdo rje rnams las phyung ngo// A+oM badzra kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ kI li kI la ya/ rnam par gzhom pa phun sum tshogs pa zhes bya ba'i ting nge 'dzin to// de nas bcom ldan 'das rdo rje'i don gnyis pa zhes bya ba'i ting nge 'dzin la snyoms par zhugs nas/ spro ba dang bsdu ba'i gsang sngags 'di nyid kyi sku dang gsung dang thugs rdo rje rnams las phyung ngo// hUM hUM hUM/ phaT phaT phaT/ mngon spyod chen pos rnam par bsad pa zhes bya ba'i ting nge 'dzin to// de nas bcom ldan 'das ye shes kyi bdag po rdzogs pa zhes bya ba'i ting nge 'dzin la snyoms par zhugs nas/rdo rje gsum dbab pa zhes bya ba'i gsang sngags 'di nyid kyi sku dang gsung dang thugs rdo rje rnams las phyung ngo// oM AHhUM/ thams cad sku dang gsung thugs rdo rje rnams rang grol ba zhes bya ba'i ting nge 'dzin to// de nas sangs rgyas kyi mthus so so'i rig 'dzin gyi tshogs du ma'i 'khor du bcas pa rnams kyis phyogs bcu gcig gi 'bar ba'i khro bo la mngon spyod kyis gsol ba mgrin gcig tu sangs rgyas thams cad kyi tshogs la gsol ba btab pa'o// byang chub mchog tu sems bskyed cing// dus gsum sangs rgyas gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa'i bgegs// dngos grub 'phrog cing 'tshe ba rnams/ khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du brlag nas kyang// sdug bsngal nyams su myong bar mdzod// de nas so so'i rig 'dzin rnams// rang rang gi rigs du ma dang bcas te/ sangs rgyas kyi mthus gsol ba 'debs so// de nas rdo rje phur bu'i rig 'dzin rnams kyis/ rang gi rigs la 'di skad ces gsol ba btab po// byang chub mchog tu sems bskyed cing// rdo rje phur bu'i gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa yi// dngos grub 'phrog cing 'tshe ba rnams/ khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du brlag nas kyang// sdug bsngal nyams su myong bar mdzod// de nas 'khor lo'i phur bu'i rig 'dzin rnams kyis/ rang gis rigs rnams la 'di skad ces gsol ba btab bo/byang chub mchog tu sems bskyed cing// 'khor lo phur bu'i gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa yi// dngos grub 'phrog cing 'tshe ba rnams/ khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du bshigs nas kyang// sdug bsngal nyams su myong bar mdzod// de nas rin po che'i phur bu'i rig 'dzin rnams kyis// rang gi rigs la 'di skad ces gsol ba btab po// byang chub mchog tu sems bskyed cing// rin chen phur bu'i gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang// dngos grub 'phrog cing 'tshe ba rnams/ khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// de nas pad+ma'i phur bu'i rig 'dzin rnams kyis/rang gi rigs la 'di skad ces gsol ba btab bo// byang chub mchog tu sems bskyed cing// pad+ma phur bu'i gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang// dngos grub 'phrog cing 'tshe ba rnams// khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du brlag nas kyang// sdug bsngal nyams su myong bar mdzod// de nas phrin las phur pa'i rig 'dzin rnams kyis// rang gi rigs la 'di skad ces gsol ba btab bo// byang chub mchog tu sems bskyed cing// phrin las phur bu'i gdung 'tshob rnams// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang// dngos grub 'phrog cing 'tshe ba rnams/khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du brlag nas kyang// sdug bsngal nyams su myong bar mdzod// de nas phyogs bcu'i khro bo'i rig 'dzin rnams kyis/rang rang gi rigs la 'di skad ces mngon spyod kyi gsol ba btab bo// de yang hUM chen po'i rig 'dzin rnams kyis// rang gi rigs la 'di skad ces gsol ba btab po// byang chub sems bskyed cing// rdo rje hUM rgyal gdung 'tsho ba'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa yi// dngos grub 'phrog cing 'tshe ba rnams/khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// de nas rnam par rgyal ba'i rig 'dzin gyi tshogs du ma'i 'khor dang bcas pas/ rang gi rigs kyi lha la 'di skad ces gsol ba btab bo// byang chub mchog tu sems bskyed cing// rdo rje rnam rgyal gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa yi// dngos grub 'phrog cing 'tshe ba rnams/ khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du brlag nas kyang// sdug bsngal nyams su myong bar mdzod// de nas rdo rje dbyug pa chen po'i rig 'dzin du ma'i tshogs kyis/rang gi rigs kyi lha la 'di skad ces gsol ba btab bo// byang chub mchog tu sems bskyed cing// rdo rje dbyug chen gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa yi// dngos grub 'phrog cing 'tshe ba rnams/ khro bo chen po'i byin rlabs kyis// yud tsam gyis ni 'dir khug la// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// de nas rdo rje gshin rje'i rgyal gyis rig 'dzin gyi tshogs du ma dang bcas pas/ rang gi rigs kyi lha la 'di skad ces gsol ba btab po// byang chub mchog tu sems bskyed cing// rdo rje gshin rgyal gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang// dngos grub 'phrog cing 'tshe ba rnams/ khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du bshigs nas kyang// sdug bsngal nyams su myong bar mdzod// de nas rdo rje mi g.yo ba'i rigs kyi tshogs du ma dang bcas pas rang gi rigs kyi lha la 'di skad ces gsol ba btab bo// byang chub mchog tu sems bskyed cing// mi g.yo rdo rje'i gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa yi// dngos grub 'phrog cing 'tshe ba rnams/ khro bo chen po'i byin gyis rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// de nas rdo rje rta skad kyi tshogs du ma dang bcas pas/rang gi rigs kyi lha la 'di skad ces gsol ba btab po// byang chub mchog tu sems bskyed cing/ rdo rje rta skad gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang// dngos grub 'phrog cing 'tshe ba rnams/ khro bo chen po'i byin gyis rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// de nas rdo rje gzhan las rgyal ba'i rig 'dzin gyi tshogs du ma dang bcas pa rnams kyis/ rangagi rigs kyi lha la 'di skad ces gsol ba btab bo/byang chub mchog tu sems bskyed cing// rdo rje mi pham gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa yi// dngos grub 'phrog cing 'tshe ba rnams/ khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// de nas rdo rje bdud rtsi thig le'i rig 'dzin gyi tshogs du ma dang bcas pas/ rang gi rigs kyi lha la 'di skad ces gsol ba btab bo// byang chub mchog tu sems bskyed cing// rdo rje bdud rtsi'i gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa yi// dngos grub 'phrog cing 'tshe ba rnams/ khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// de nas rdo rje khams gsum rnam par rgyal ba'i rig 'dzin gyi tshogs du ma dang bcas pas mgrin gcig tu rang gi rigs kyi lha la 'di skad ces gsol ba btab bo// byang chub mchog tu sems bskyed cing/ khams gsum rnam rgyal gdung 'tshob pa'i// rig 'dzin rnal 'byor bdag cag rnams la ni// gnod cing gdug pa'i dgra dang bgegs// bdud dang bar du gcod pa yi// dngos grub 'phrog cing 'tshe ba rnams/ khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du brlag nas kyang// sdug bsngal nyams su myong bar mdzod// de nas rdo rje stobs po che'i rig 'dzin du ma dang bcas pas/rang gi rigs kyi lha la 'di skad ces gsol ba btab bo// byang chub mchog tu sems bskyed cing// rdo rje stobs chen gdung 'tshob pa'i// rig 'dzin bdag cag rnams la ni// gnod cing sdug pa'i dgra dang bgegs// bdud dang bar du gcod pa yi// dngos grub 'phrog cing 'tshe ba rnams// khro bo chen po'i byin rlabs kyis// yud tsam gyis ni 'dir khug la// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// de nas rig 'dzin gyi tshogs thams cad kyis de skad ces brjod ma thag tu/ gang dang gang dag bsgral bar 'os pa dgra dang bgegs kyi tshogs bdud dang bar du gcod pa'i nag po'i phyogs thams cad yongs su pham par gyur to// 'di ltar lus dang nang khrol dbang por bcas pa thams cad khro bo 'bar ba'i tshogs kyis rnam par gtub pa dang// yongs su gzir ba dang bcing bar byas so// sras mchog stod 'bar ba'i gdong la kun tu rgyu ba'i zhal gdangs shing lce 'dril ba/ mche ba rno la ring ba rnam par btsigs pa/ 'bar ba'i lag cha rnams kyis kyang yongs su 'dzin cing gtub par gyur to// smad 'bar ba'i phur pa gzur gsum par shar bas thams cad yongs su btab par gyur to// 'di 'dra ba'i khro bo dang zhal rnam par bgrad pa la sogs pa 'phags pa thams cad kyi ba spu'i bu ga la sogs pa/sku dang gsung dang thugs kyi rgyud thams cad nas yongs su 'phro bar gyur pas/ 'di ltar nam mkha'i rang bzhin thams cad kun tu gtams par gyur to// 'bar ba'i khro bo dang rig 'dzin la sogs pa thams cad dang/ dkar po'i yul thams cad kun tu rgyal bar gyur nas/ sangs rgyas kyi mthu chen pos lus med pa'i sgra chen pos/ phyogs bcu gcig kun tu grags par gyur pa 'di lta ste sangs rgyas chen po a la la// dam chos chen po a la la// dge 'dun chen po a la la// 'khor lo chen po a la la// rdo rje chen po a la la// rin chen chen po a la la// pad+ma chen po a la la// rgya gram chen po a la la// rdo rje phur bu a la la// rin chen phur bu a la la// pad+ma phur bu a la la// 'khor lo phur bu a la la// phrin las phur bu a la la// rdo rje hUM chen a la la// rdo rje rnam rgyal a la la// rdo rje dbyug chen a la la// rdo rje gshin rgyal a la la// rdo rje mi g.yo a la la// rdo rje rta skad a la la// rdo rje mi pham a la la// rdo rje bdud rtsi a la la// rdo rje srid rgyal a la la// rdo rje stobs chen a la la// rnal 'byor chen mo a la la// dbang phyug chen mo a la la// rdo rje rig 'dzin a la la// rin chen rig 'dzin a la la// pad+ma'i rig 'dzin a la la// phrin las rig 'dzin a la la// 'khor lo'i rig 'dzin a la la// mkha' 'gro 'bar ba a la la// thams cad dkyil 'khor a la la// zhes phyag bya ba'i tshigs su bcad pa dkyil 'khor pa'i spyod yul du gyur par mdzad do// de nas de'i tshe de'i dus na/ lag na rdo rje thog pa med pa zhes bya ba rang gi 'khor lag na rdo rje du ma dang bcas pa rnams kyis dbus nas langs te/ bcom ldan 'das la rdo rje'i mchod pa rgya chen po sbyar nas/bla gos phrag pa gcig tu gzar te pus mo g.yas pa'i lha nga sa la btsugs nas thal mo sbyar te/ bcom ldan 'das la 'di skad ces gsol to// bcom ldan 'das slad ma'i tshe slad ma'i dus na/dngos grub 'phrog cing dngos grub thams cad kyi bar du gcod pa la brtson par mchi ba dang/ phyin nang gi nyon mongs la sogs pa'i bdud dang nyon mongs pa la sogs pa thams cad mngon spyod kyi bsgral bar de ring byin gyis brlabs tu gsol/zhes gsol pa dang/ de nas bcom ldan 'das dpal rdo rje 'jigs byed kyi dbang phyug chen po de/ de bzhin gshegs pa thams cad kyi sku dang gsung dang thugs kyi bdag po mi bzad pa'i khro bo 'bar ba'i phreng bas kun tu 'khrigs pa zhes bya ba'i ting nge 'dzin la snyoms par zhugs nas/nyid kyi sku dang gsung dang thugs rdo rje rnams las bar du gcod pa sgrol bar byed pa zhes bya ba 'di gsungs so// dngos grub bar chad byed pa'i bgegs// gdug cing sdang sems ldan pa rnams// zung zhig rgyob cig rnam par chings// gtogs shig grogs dang bral bar gyis// rengs par khug la smrar chug cig/phob cig rnam par gzir bar byos// nga yi dbang du gyur nas ni// bsgo ba'i bka' 'di nyan par byos// de skad ces gsungs pa'i mod la/ bcom ldan 'das sku rdo rje'i ting nge 'dzin la snyoms par zhugs te/sku rdo rje'i gnas nas/ rdo rje khro bo sa ya drug cu drug cu thon nas/ srid pa'i lus kyi rnam par rtog pa thams cad gtan du zhi bar mdzad do// de nas bcom ldan 'das gsung gi rdo rje'i ting nge 'dzin la snyoms par zhugs te/gsung rdo rje gnas nas/ gsung rdo rje'i khro bo sa ya drug cu drug cu 'thon pas/ srid pa'i ngag gi rnam par rtog pa thams cad gtan du zhi bar mdzad do// de nas bcom ldan 'das thugs rdo rje'i ting nge 'dzin la snyoms par zhugs te/thugs rdo rje'i gnas nas/ thugs rdo rje'i khro bo sa ya drug cu drug cu 'thon pas/ srid pa'i yid kyi rnam par rtog pa thams cad gtan du zhi bar mdzad do// de nas bcom ldan 'das zhe sdang rdo rje'i ting nge 'dzin la snyoms par zhugs nas// zhe sdang rdo rje'i gnas nas// zhe sdang rdo rje'i khro bo sa ya drug cu drug cu 'thon pas// srid pa'i zhe sdang thams cad zhi bar mdzad do// de nas bcom ldan 'das gti mug rdo rje'i ting nge 'dzin la snyoms par zhugs nas/ gti mug rdo rje'i gnas nas/ gti mug rdo rje'i khro bo sa ya drug cu drug cu 'thon pas/ srid pa'i gti mug thams cad gtan du zhi bar mdzad do// de nas bcom ldan 'das nga rgyal rdo rje'i ting nge 'dzin la snyoms par zhugs nas/ nga rgyal rdo rje'i gnas nas/ nga rgyal rdo rje'i khro bo sa ya phrag drug cu drug cu 'thon pas/srid pa'i nga rgyal thams cad gtan du zhi bar mdzad do// de nas bcom ldan 'dod chags rdo rje'i ting nge 'dzin la snyoms par zhugs te/ 'dod chags rdo rje'i gnas nas/ 'dod chags rdo rje khro bo sa ya drug cu drug cu 'thon pas/srid pa'i 'dod chags thams cad gtan du zhi bar mdzad do// de nas bcom ldan 'das phrag dog rdo rje'i ting nge 'dzin la snyoms par zhugs nas/ phrag dog rdo rje'i gnas nas/phrag dog rdo rje'i khro bo sa ya drug cu drug cu 'thon pas/ srid pa'i phrag dog thams cad gtan du zhi bar mdzad do// de nas bcom ldan 'das yul rnam par dag pa zhes bya ba'i ting nge 'dzin la snyoms par zhugs te/yul rnam par dag pa'i gnas nas/ yul rnam par dag pa'i khro bo sa ya drug cu drug cu 'thon pas/ srid pa'i yul thams cad gtan du zhi bar mdzad do// de nas bcom ldan 'das yul can rnam par dag pa zhes bya ba'i ting nge 'dzin la snyoms par zhugs te/yul can rnam par dag pa'i gnas nas/ yul can rnam par dag pa'i khro bo sa ya drug cu drug cu 'thon pas/ srid pa'i yul can thams cad gtan du zhi bar mdzad do// de nas bcom ldan 'das 'dod pa'i khams rnam par dag pa zhes bya ba'i ting nge 'dzin la snyoms par zhugs te/ 'dod pa'i khams rnam par dag pa'i gnas nas/ 'dod pa'i khams rnam par dag pa'i khro bo sa ya drug cu drug cu 'thon pas/srid pa'i 'dod pa'i khams thams cad gtan du zhi bar mdzad do// de nas bcom ldan 'das gzugs kyi khams rnam par dag pa zhes bya ba'i ting nge 'dzin la snyoms par zhugs te/gzugs kyi khams rnam par dag pa zhes bya ba'i gnas nas/ gzugs kyi khams rnam par dag pa zhes bya ba'i khro bo sa ya drug cu drug cu 'thon pas/ srid pa'i gzugs kyi khams thams cad gtan du zhi bar mdzad do// de nas bcom ldan 'das gzugs med kyi khams rnam par dag pa zhes bya ba'i ting nge 'dzin la snyoms par zhugs te/ gzugs med kyi khams rnam par dag pa'i gnas nas/ gzugs med kyi khams rnam par dag pa'i khro bo sa ya drug cu drug cu 'thon te/ gzugs med pa'i khams thams cad gtan du zhi bar mdzad do// de nas bcom ldan 'das lha'i 'jig rten rnam par dag pa'i ting nge 'dzin la snyoms par zhugs nas/lha'i 'jig rten rnam par dag pa zhes bya ba'i gnas nas/ lha'i 'jig rten rnam par sbyong ba zhes bya ba'i khro bo phrag sa ya drug cu drug cu 'thon pas/ lha'i 'jig rten thams cad gtan du zhi bar mdzad do// de nas bcom ldan 'das lha ma yin gyi 'jig rten rnam par sbyong ba zhes bya ba'i ting nge 'dzin snyoms par zhugs te/ lha ma yin gyi 'jig rten rnam par sbyong ba'i gnas nas/ lha ma yin gyi 'jig rten rnam par sbyong ba'i khro bo phrag sa ya drug cu drug cu 'thon pas/lha ma yin gyi 'jig rten thams cad gtan du zhi bar mdzad do// de nas bcom ldan 'das mi yi 'jig rten rnam par gsod pa zhes bya ba'i ting nge 'dzin la snyoms par zhugs nas/mi'i 'jig rten rnam par dag pa'i gnas nas/ mi'i 'jig rten rnam par sbyong ba'i khro bo sa ya phrag drug cu drug cu 'thon pas/ mi'i 'jig rten thams cad zhi bar mdzad do// de nas bcom ldan 'das byol song gi 'jig rten sbyong ba zhes bya'i ting nge 'dzin la snyoms par zhugs te/ byol song gi 'jig rten rnam par dag pa'i gnas nas/ byol song gi 'jig rten rnam par sbyong ba zhes bya ba'i khro bo sa ya phrag drug cu drug cu 'thon pas/byol song gi 'jig rten sarba gtan du zhi bar mdzad do// de nas bcom ldan 'das yi dwags kyi 'jig rten rnam par gsod pa zhes bya ba'i ting nge 'dzin la snyoms par zhugs nas/yi dwags kyi 'jig rten rnam par dag pa'i gnas nas/ yi dwags kyi 'jig rten rnam par gsod pa zhes bya ba'i khro bo sa ya phrag drug cu drug cu 'thon pas/yi dwags kyi 'jig rten thams cad gsod par mdzad do// de nas bcom ldan 'das dmyal ba'i 'jig rten rnam par gso ba zhes bya'i ting nge 'dzin la snyoms par zhugs nas/ dmyal ba'i 'jig rten gso ba'i gnas nas/dmyal ba'i 'jig rten gso ba zhes bya ba'i khro bo sa ya phrag drug cu drug cu 'thon pas/ dmyal ba'i 'jig rten thams cad gtan du zhi bar mdzad do// de nas bcom ldan 'das rnam par smin pa'i phung po gsod pa zhes bya ba'i ting nge 'dzin la snyoms par zhugs te/rnam par smin pa'i phung po rnam par dag pa zhes bya ba'i gnas nas/ rnam par smin pa'i phung po rnam par dag pa gsod pa zhes bya ba'i khro bo sa ya phrag drug cu drug cu 'thon pas/srid pa'i rnam par smin pa'i phung po'i bdud thams cad gtan du shi bar mdzad do// de nas bcom ldan 'das nyon mongs pa gsod pa zhes bya ba'i ting nge 'dzin la snyoms par zhugs nas/nyon mongs pa rnam par dag pa'i gnas nas/ nyon mongs pa rnam par gsod pa zhes bya ba'i khro bo sa ya phrag drug cu drug cu 'thon pas/ srid pa'i nyon mongs pa'i bdud thams cad gtan du shi bar mdzad do// de nas bcom ldan 'das 'chi bdag rnam par gsod pa zhes bya ba'i ting nge 'dzin la snyoms par zhugs te/ 'chi bdag rnam par gsod pa'i gnas nas/ 'chi bdag rnam par gsod pa zhes bya ba'i khro bo sa ya phrag drug cu drug cu 'thon pas/srid pa'i 'chi bdag thams cad gtan du shi bar mdzad do// de nas bcom ldan 'das lha'i bu rnam par gsod pa zhes bya ba'i ting nge 'dzin la snyoms par zhugs te/lha'i bu rnam par dag pa'i gnas nas/ lha'i bu rnam par gsod pa zhes bya ba'i khro bo sa ya phrag drug cu drug cu 'thon pas/ srid pa'i lha'i bdud thams cad gtan du shi bar mdzad do// de nas bcom ldan 'das gzugs rnam par dag pa gsod pa zhes bya ba'i ting nge 'dzin la snyoms par zhugs te/ gzugs rnam par dag pa zhes bya ba'i gnas nas/ gzugs rnam par dag pa gsod pa'i khro bo sa ya phrag drug cu drug cu 'thon pas/srid pa'i gzugs thams cad gtan du shi bar mdzad do// de nas bcom ldan 'das tshor ba rnam par gsod pa zhes bya ba'i ting nge 'dzin la snyoms par zhugs te/ tshor ba rnam par dag pa'i gnas nas/ tshor ba rnam par gsod pa zhes bya ba'i khro bo sa ya phrag drug cu drug cu 'thon pas/ srid pa'i tshor ba thams cad gtan du shi bar mdzad do// de nas bcom ldan 'das 'du shes rnam par gsod pa zhes bya ba'i ting nge 'dzin la snyoms par zhugs te/'du shes rnam par dag pa'i gnas nas/ 'du shes rnam par gsod pa'i khro bo sa ya phrag drug cu drug cu 'thon pas/ srid pa'i 'du shes thams cad gtan du shi bar mdzad do// de nas bcom ldan 'das 'du byed rnam par gsod pa zhes bya ba'i ting nge 'dzin la snyoms par zhugs te// 'du byed rnam par gsod pa'i gnas nas/ 'du byed rnam par gsod pa'i khro bo sa ya phrag drug cu drug cu 'thon pas/srid pa'i 'du byed thams cad gtan du shi bar mdzad do// de nas bcom ldan 'das rnam par shes pa gsod pa zhes bya ba'i ting nge 'dzin la snyoms par zhugs te/rnam par shes pa gsod pa zhes bya ba'i gnas nas// rnam par shes pa gsod pa zhes bya ba'i khro bo sa ya phrag drug cu drug cu 'thon pas/ srid pa'i rnam par shes pa thams cad gtan du shi bar mdzad do// de nas bcom ldan 'das khams rnam par dag pa zhes bya ba'i ting nge 'dzin la snyoms par zhugs te/ khams rnam par gsod pa'i gnas nas/ khams rnam par gsod pa zhes bya ba'i khro bo sa ya phrag drug cu drug cu 'thon pas/srid pa'i khams thams cad gtan du shi bar mdzad do/ de nas bcom ldan 'das skye mched rnam par gsod pa zhes bya ba'i ting nge 'dzin la snyoms par zhugs te/ skye mched rnam par dag pa'i gnas nas/skye mched rnam par gsod pa zhes bya ba'i khro bo sa ya phrag drug cu drug cu 'thon pas/ srid pa'i skye mched thams cad gtan du shi bar mdzad do// de nas bcom ldan 'das 'khor ba'i rgyud las byung ba rnam par gsod pa zhes bya ba'i ting nge 'dzin la snyoms par zhugs nas/'khor ba'i rgyud rnam par dag pa'i gnas nas/ 'khor ba'i rgyud las byung ba rnam par gsod pa zhes bya ba'i khro bo sa ya phrag drug cu drug cu 'thon pas/srid pa'i 'khor ba'i rgyud las byung ba thams cad gtan du shi bar mdzad do// de nas bcom ldan 'das yan lag dang nying lag rnam par gsod pa zhes bya ba'i ting nge 'dzin la snyoms par zhugs te/yan lag dang nying lag rnam par gsod pa zhes bya ba'i gnas nas/ yan lag dang nying lag rnam par gsod pa zhes bya ba'i khro bo sa ya phrag drug cu drug cu 'thon pas/ srid pa'i yan lag dang nying lag thams cad gtan du shi bar mdzad do// de nas bcom ldan 'das 'khor spro ba zhes bya ba'i ting nge 'dzin la snyoms par zhugs te/ 'khor rnam par gsod pa'i gnas nas/ 'khor rnam par gsod pa zhes bya ba'i khro bo sa ya phrag drug cu drug cu 'thon pas/srid pa'i 'khor thams cad gtan du shi bar mdzad do// de nas lag na rdo rje thogs pa med pa zhes bya bas/ bcom ldan 'das la 'di skad ces gsol to// kye/ bcom ldan 'das 'di lta bu'i tshogs rtsub pa/ khams gsum gsod pa'i rang bzhin mdzad pas/ lus ngag yid gsum la sogs pa bsad pas/ khams gsum pa la sogs pa thams cad shi bar gyur to zhes gsol pa dang/de nas bcom ldan 'das kyis 'di skad ces gsungs so// lag na rdo rje thogs pa med pa 'di lta ste/ de ni sangs rgyas kyi mthu chen po ste/ sems can rnams kyi rnam par rtog pa du ma las byung ba'o// de'i phyir 'di ni yang dag pa'i theg pa chen po'o// de nas bcom ldan 'das kyi mthu chen pos byin gyis brlabs pas/ dngos grub kyi bar du gcod pa la sogs pa dgra dang bgegs kyi tshogs thams cad rnam par chad pa dang/bcad pa dang/ brul ba la sogs pa yang rdul phra rab kyi rang bzhin mi dmigs par gnyis su med pa'i bde ba chen po la rol par gyur te/ 'khor der 'dus par gyur pa thams cad kyis ting nge 'dzin sa ya phrag drug cu drug cu thob nas/rnal 'byor gyi dbang phyug chen po'i thig le chen po thob par gyur to// de nas 'khor lag na rdo rje thogs pa thams cad dang/ dpag bsam gyi shing 'dzin pa dang/bum pa bzang po 'dzin pa dang/ gzhan yang rdo rje rin chen pad ma rgya gram 'khor lo phur pa la sogs pa 'dzin pa'i mkha' 'gro la sogs pa rnams kyis mgrin gcig tu/ bcom ldan 'das la 'di skad ces gsol to// kye ma sangs rgyas mdzad pa che// theg pa che la phyag 'tshal lo// dus gsum rdo rjer dam bcas pa'i// bcom ldan 'das kyis gsungs pa yin// tshig 'bru gcig tsam mos 'dzin na// rtse gcig yid kyis grogs bgyi ste// gzhan du gyur na khus pa lags// de nas rig 'dzin gyi tshogs du ma dang bcas pas rdo rje dbus nas langs te/ rdo rje'i mchod pas rdo rje can la mchod pa ste/ mgrin gcig tu rdo rje gar gyis 'di skad ces gsol pa btab bo// bran dang bka' nyan pho nya'i tshogs/ khyed kyi dam tshigs dus la bab// sngon chad ji ltar dam bcas pa'i// mngon spyod phrin las myur du mdzod// ces brjod pa de nyid kyi mod la gang dag bsgral bar 'os pa thams cad yan lag dang nying lag thams cad dang bral bar gyur to// da ltar mngon spyod chen po'i rol pas yongs su med par gyur to// gsang sngags kyi mthu chen pos rdo rje'i gnam lcags dang/ pad+ma'i gnam lcags dang/ rdo rje las chen po'i gnam lcags dang/ 'khor lo 'bar ba'i gnam lcags la sogs pa yang phyogs bcu gcig tu 'khrugs par gyur to// 'di ltar 'bar ba'i phyag mtshan la sogs pa'i rjes shul gyi na bun las kun tu langs pa'i nang nas/ 'ga' zhig skad ngan 'tsher ba yang mo gsham gyi bu bzhin du mi gnas te/ kun tu zad par byas pa'i mchog tu gyur to// de nas yang rig 'dzin gyi tshogs du ma'i 'khor dang bcas pa rnams kyis mgrin gcig tu bcom ldan 'das la 'di skad ces gsol to// bcom ldan 'das 'khor ba'i rgyun ring bas/phyi rol gyi dus 'ga' zhig nas/ 'di ltar sems can rnams/ gang gi sa bon phra mo tsam las bdag dge ba'i smon lam dam pas gzungs ma byas pa rnams/ mi dge ba'i bshes gnyen gyi dbang du thal bas gal te pha rol gyi nyon mongs pa rgyas pas/sangs rgyas kyi spyan sngar byin gyis brlabs pas ni mthu che ba dag tshar gcad pa'i phyir/ rigs thams cad kyi khro bo la/ de bzhin gshegs pas bsgo ba mdzad du gsol/de skad ces gsol pa dang/ de nas bcom ldan 'das kyi rigs thams cad kyi khro bo nga rgyal bskyed pa zhes bya ba'i ting nge 'dzin la snyoms par zhugs nas/ nyid kyi sku dang gsung dang thugs rdo rje rnams las 'di skad ces gsungs so// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// ces gsungs so// de nas rdo rje'i khro bo thams cad kyis bcom ldan 'das la brkyang bskum gyis btud nas 'di skad ces gsol to// kye ma bcom ldan 'das ji ltar slad ma'i tshe slad ma'i dus na gang dag de bzhin gshegs pa'i bka' las 'da' bar byed pa rnams/bdag cag gis myur du 'bad pa chen pos bsgral bar ma bgyis na/ da lta nyid du bcom ldan 'das la 'khus pa lags so// de nas bcom ldan 'das rin po che'i khro bo mi bzad pa zhes bya ba'i ting nge 'dzin la snyoms par zhugs te/ 'di skad ces gsungs so// rin chen gsang ba'i bka' las ni// sdig chen gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// ces gsungs so// de nas bcom ldan 'das pad+ma'i khro bo mi bzad pa zhes bya ba'i ting nge 'dzin la snyoms par zhugs nas/'di skad ces gsungs so// pad+ma gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// ces gsungs so// de nas bcom ldan 'das phrin las chen po'i khro bo mi bzad pa zhes bya ba'i ting nge 'dzin la snyoms par zhugs nas/'di skad ces gsungs so// las rab gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// ces gsungs so// de nas bcom ldan 'das 'khor lo'i khro bo mi bzad pa zhes bya ba'i ting nge 'dzin la snyoms par zhugs nas/'di skad ces gsungs so// 'khor lo gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// ces gsungs so// de nas rigs thams cad kyi khro bos phyogs thams cad nas/ thams cad dbang du bsdus pa'i tsham rngams chen po'i phyir gsang bsngags kyi nga rgyal chen po skyes par gyur to// de nas de'i tshe de'i dus na/ sangs rgyas kyi mthus rig 'dzin la sogs pa'i tshogs sarba 'di skad gsol to// gdug cing sdang sems ldan pa yi// lha 'am gnod sbyin bdud kyang rung/nga la bar chod byed pa rnams// mthu dang rdzu 'phrul med pa byos// zhes brjod pa'i mod la/ rdo rje khro bo la sogs pa thams cad kyis bsgrub pa'i gzi brjid kyi rgyun du byas so// gzhan ni khang pa stong pa lta bur gyur pa yang/rang bzhin gyi ting nge 'dzin lta bur gyur pas/ thams cad nga rgyal thob par byas so// de nas bcom ldan 'das mkha' gsang rnam par dag pa'i ting nge 'dzin bskul bar bzhed pas/ rdo rje'i mkha' gsang 'bar ba zhes bya ba'i ting nge 'dzin la snyoms par zhugs nas/ rdo rje'i tho ba gdengs pas rnam par snun pa zhes bya ba 'di nyid kyi sku dang gsung dang thugs rdo rje rnams las byung ngo// rdungs shig rdo rje 'bar ba'i gtun// bka' las 'da' byed sdig can rnams// rdo rje me dbal snying bsreg nas// lus ngag rdul phran bzhin du rlogs/ khro mo 'bar ba'i gtun khung du// rdo rje tho bas brdung byas nas// lha yang rung ste brlag par 'gyur// zhes gsungs pas/ zhe sdang gi las rnams ni rdo rje mngon spyod kyi stobs kyis gtan du rgyun bcad pa'o// de nas bcom ldan 'das rin po che'i mkha' gsang rnam par dag pa zhes bya ba'i ting nge 'dzin la snyoms par zhugs te/rin po che'i gtun khung bgrad pa dang// rin po che'i tho ba gdengs pa zhes bya ba 'di nyid kyi sku dang gsung dang thugs rdo rje rnams las byung ngo// rdungs shig rin chen 'bar ba'i gtun// bka' las 'da' byed sdig can rnams// rin chen me dbal snying bsreg nas// lus ngag rdul phran bzhin du rlogs/ khro mo 'bar ba'i gtun khung du// rin chen tho bas brdung byas na// lha yang rung ste brlag par 'gyur// zhes gsungs pa'i mod la/ nga rgyal gyi las rnams rin po che'i mngon spyod kyi stobs kyis gtan du rgyun bcad do// de nas bcom ldan 'das kyis pad ma'i mkha' gsang rnam par dag pa zhes bya ba'i ting nge 'dzin la snyoms par zhugs nas/pad+ma'i gtun khung bgrad pa dang/ pad+ma'i tho ba gdengs pa zhes bya ba 'di nyid kyi sku dang gsung dang thugs rdo rje rnams las byung ngo/rdungs shig pad+ma 'bar ba'i gtun// bka' las 'da' byed sdig can rnams// pad+ma me dbal bsreg nas su// lus ngag rdul phran bzhin du rlogs/ khro mo 'bar ba'i gtun khung du// pad+ma tho bas brdung byas na// lha yang rung ste brlag par 'gyur// zhes gsungs pa'i mod la/ 'dod chags kyi las rnams ni pad+ma'i mngon spyod kyi stobs kyis gtan du rgyun bcad do// de nas bcom ldan 'das phrin las chen po'i mkha' gsang rnam par dag pa zhes bya ba'i ting nge 'dzin la snyoms par zhugs nas/phrin las chen po'i gtun khung bgrad pa dang/ las chen po'i tho ba gdengs pa zhes bya ba 'di nyid kyi sku dang gsung dang thugs rdo rje rnams las byung ngo/rdungs shig las rab 'bar ba'i gtun// bka' las 'das byed sdig can rnams// las rab me dbal snying sreg nas// lus ngag rdul phran bzhin du rlogs/ khro mo 'bar ba'i gtun khung du// las rab tho bas brdung byas na// lha yang rung ste brlag par 'gyur// zhes gsungs pa'i mod la// phrag dog gi las thams cad phrin las mngon spyod kyi stobs kyis gtan du rgyun bcad par gyur to// de nas bcom ldan 'das kyis 'khor lo'i mkha' gsang rnam par dag pa zhes bya ba'i ting nge 'dzin la snyoms par zhugs te/ 'khor lo'i gtun khung bgrad pa dang/ 'khor lo tho ba gdengs pa zhes bya ba 'di nyid kyi sku dang gsungs dang thugs rdo rje rnams las byung ngo// rdungs shig 'khor lo 'bar ba'i gtun// bka' las 'da' byed sdig can rnams// 'khor lo me dbal snying bsreg nas// lus ngag rdul phran bzhin du rlogs/khro mo 'bar ba'i gtun khung du// 'khor lo tho bas brdung byas nas// lha yang rung ste brlag par 'gyur// zhes gsungs pa'i mod la/ gti mug gi las thams cad 'khor lo chen po'i mngon spyod kyis gtan du rgyun bcad par gyur to// de'i tshe de'i dus na/ thams cad gsang sngags kyi mthu chen pos byin gyis brlabs so// de nas bcom ldan 'das kyis rigs yongs su gcig pa zhes bya ba'i ting nge 'dzin la snyoms par zhugs nas/'od zer gyi 'du 'phro mdzad pas/ la la ni rdo rje'i sras nyid do// la la ni rin po che'i sras nyid do// la la ni pad+ma'i sras nyid do// la la ni phrin las kyi sras nyid do// la la ni 'khor lo 'bar ba'i sras nyid do// de nas thams cad dang ldan pa'i 'khor gyis 'di skad ces gsol to// kye bdag cag gis kyang theg pa chen po 'di dus gsum du gzung bar bgyi'o// zhes gsol nas// thams cad kyis rjes su yi rang ba'i spobs pa chen po yongs su bskyed do// de nas bcom ldan 'das yum rdo rje rnam par 'joms pa mi bzad pa'i rgyan bkod pa zhes bya ba'i ting nge 'dzin la snyoms par zhugs nas/'di skad ces gsungs so// rnal 'byor chen po'i dkyil 'khor nas// rdo rje 'du 'phro'i 'od zer gyis// thams cad dkyil 'khor brtag par bya// bcu drug thig gi dbus gnas par// nyi ma'i dkyil 'khor tshad du bya// yum gyi dkyil 'khor pad mo'i mdog/ rdo rje can gyi rgyan gyis mdzes// phyogs dang mtshams kyi 'khor lo la// 'bar ba'i rgyan gyis mdzes pa ste// thun mong gi ni cho ga rnams// tha dad dkyil 'khor drag po'i dbyibs// 'bar ba'i rgyan gyi cho ga ni// phyi dang nang gi cho ga ste// rdo rje can gyis brtag par bya// sems can chen po'i logs su ni// 'bar ba'i gdan khri yang dag gzhug/rdo rje nyi ma dbus gnas su// sa bon 'od kyi rtse mor gzhag khrag 'thung chen po'i rang bzhin ni// rigs kyi cho ga ji bzhin du// thams cad yum dang mtshungs pa'i rgyan// mkhas pas 'bar ba'i dbus su gzhag/gzhan yang mkhas pas brtag pa ni// dbu gsum phyag drug zhabs kyang drug/ rdo rje gshog pa la sogs gdengs// rdo rje brag la sogs pa gnon// 'bar ba'i rgyan gyis rnam par bklubs// sras dang btsun mor bcas pa ni// 'khor ba'i chos las skyes pa ste// sems can gyi ni sras su bya// ji ltar sangs rgyas mthu las byung// lhun gyis grub pa'i cho ga dang// cho ga'i yan lag rdzogs pa ni// mkhas pa sangs rgyas sras yin no// rgyal sras du ma'i tshogs kyis ni// nam mkha' khengs par bya ba dang// du ma gzhan gyi don yin te// mkhas pa'i 'phro 'du theg pa che// zhes gsungs so// de nas bcom ldan 'das bdag gi don phun gsum tshogs pa zhes bya ba'i ting nge 'dzin la snyoms par zhugs nas/'di skad ces gsungs so// rnal 'byor gyi ni cho ga la// mkhas pas mtha' ma'i don bstan bya// bsdu ba dag kyang rnam gnyis te// ji ltar snyoms pa'i cho ga dang// ye shes sgyu ma'i rang bzhin te// rdo rje can gyis nges par brtag/ 'jig rten nam mkha'i khams gnas dang// sprul pa'i dkyil 'khor bsam yas pas// gtso bo yab yum gnyis yin te// g.yon kyang ji ltar g.yas la gnas// dam tshig sems dpa'i rang bzhin yang// ye shes sems dpa'i gnas yin no// ji ltar ye shes sems dpa' yang// ting 'dzin brtan pa'i dbus gnas yin// gsung gi rang bzhin la sogs pa'i// de ltar mthar gyis thig le che// thig le rnam par brtag pa ni// phra zhing zhi ba'i rang bzhin bsgom// rtog pa med pa'i rang bzhin ni// mkhas pas 'bad pa med par bsam// sgyu ma'i ting 'dzin mkhas pas kyang// tha dad lus kyi ba spu la// dkyil 'khor bdag po'i ye shes gzhug/ 'phro ba dag kyang brtag par bya// srid pa'i rtse mo dbus gnas su// steng gi ye shes dgug par bya// mdzod spu yi ni dbus gnas su// shar gyi ye shes dgug par bya// mdun gyi stod dang dbus gnas par// nub kyi ye shes dgug par bya// thabs kyi phyag rgya nyid la ni// byang shar mtshams kyi ye shes dgug/ shes rab phyag rgya nyid la ni// shar lho'i ye shes dgug par bya// chags nang thig le'i dbus su ni// byang gi ye shes dgug par bya// srid pa dbu ma'i dbus gnas su// lho yi ye shes dgug par bya// bskyod pa babs kyi phyag rgya la// nub byang mtshams kyi ye shes dgug/ bskyod pa'i shes rab phyag rgya la// lho dang nub byang ye shes dgug/ gsang ba'i sras su mkhas pas bya// 'og gi ye shes dgug par bya// chung ma dang ni bcas pa yang// cho ga gnyis pa bsdus pa'am// sprul pa'i pho nya thams cad ni// ba spu'i bu ga kun tu dgug/ sring mo 'bar ma la sogs kyang// thams cad gnas su yang dag dgug/ de nas mkhas pas brtag pa ni// dkyil 'khor gyi ni gtso bo ni// kun tu ting 'dzin rab gnas pa// rdo rje can gyi cho ga ste// spyod lam kun tu brtan par bya// lha yi nga rgyal rab gsal ba// brjed pa med pa'i dran pas ni// 'bad pa med pa'i tshogs chen la// mkhas pas rtag tu bsam par bya// bsdu ba gnyis kyi cho ga yis// rnal 'byor cho ga rdzogs pa yin// gang zhig bsdu ba mi shes na// cho ga rdzogs pa ma yin te// lam gyi mos pa de yis ni// sangs rgyas yul du ma bskyal bas// rgyal ba'i sras su song ba med// ces gsungs so// de nas de'i tshe de'i dus na/ rnal 'byor gyi dbang phyug chen po rig 'dzin gyi tshogs du ma'i 'khor dang bcas pa thams cad kyis 'di skad ces gsol to// bcom ldan 'das bdag cag gis ma 'ongs pa'i dus na/ cho ga rdzogs par 'tshal ba'i rnal 'byor pa rnams rin po che bzhin du blta bar bgyi'o// zhes gsol nas/ rdo rje'i lta ba la sogs pas yongs su bltas nas/ rdo rje can gyi thugs kar zhugs par gyur to// 'phags pa de bzhin gshegs pa thams cad kyi ye shes rtse mo'i rgyud kyi rgyal po las/rnam par brtag pa chen po sbyor ba yongs su bkod pa zhes bya ba'i le'u ste dang po'o//// de nas bcom ldan 'das dpal 'jigs byed kyi dbang phyug chen po/de bzhin gshegs pa thams cad kyi sku dang gsung dang thugs kyi bdag pos/ 'bar ba mngon spyod kyi rnam par rol pas 'gyings pa/ mi bzad pa'i 'khor lo rnam par 'phro ba zhes bya ba'i ting nge 'dzin la snyoms par zhugs te/mthun pa'i rnam par bkod pa zhes bya ba 'di nyid kyi sku dang gsung dang thugs rdo rje rnams las byung ngo// shin tu khro zhing gdug pa la// zhi bas phan par mi 'gyur te// shes rab thabs su sbyor ba yis/ khro bor de bzhin gshegs kun mdzad// ces gsungs pas de'i mod la/ sangs rgyas mthus rnal 'byor gyi 'khor thams cad dkyil 'khor gyi rang bzhin du 'bar bar gyur to// ji ltar snang ba'i yul thams cad ni rdo rje 'bar ba'i khro bo sha stag ste/ phyogs dang mtshams rnams 'khrigs par gyur pa dang/ bdud la sogs pa thams cad spa bkong bar gyur pa dang/ de nas rnal 'byor gyi tshogs thams cad kyis mgrin gcig tu bcom ldan 'das rigs thams cad kyi rang bzhin la/so sor gsol ba btab bo// hUM khro la khros pa'i rgyal po yis/ khro bo nye bar zhi mdzad pa// rdo rje khro bo bcom ldan 'das/khro zhi che la phyag 'tshal lo// zhes gsol ba btab bo// de nas rin po che'i khro bo tshogs kyis 'di skad ces gsol to// hUM khro la khros pa'i rgyal po yis/ khro bo nye bar zhi mdzad pa// rin chen khro bo bcom ldan 'das/khro zhi che la phyag 'tshal lo// zhes gsol btab po// de nas pad+ma'i khro bo chen po'i tshogs kyis 'di skad ces gsol to// hUM khro la khros pa'i rgyal po yis/ khro bo nye bar zhi mdzad pa// pad+ma'i khro bo bcom ldan 'das/ khro zhi che la phyag 'tshal lo// zhes gsol to// de nas las chen po'i khro bo'i tshogs kyis 'di skad ces gsol to// hUM khro la khros pa'i rgyal po yis/ khro bo nye bar zhi mdzad pa// phrin las khro bo bcom ldan 'das/ khro zhi che la phyag 'tshal lo// zhes gsol to// de nas sangs rgyas chen po'i rnal 'byor gyis 'di skad ces gsol to// hUM khro la khros pa'i rgyal po yis/ khro bo nye bar zhi mdzad pa// sangs rgyas khro bo bcom ldan 'das/ khro zhi che la phyag 'tshal lo// zhes gsol to// de'i tshe de'i dus na/ sangs rgyas sras dang bcas pa rnams/ rang rang gi 'khor gyis bskor ba dang rgyal ba'i zhing gi bcud gang rnal 'byor chen po bsam gyis mi khyab pa rnams kyang 'dus/rig 'dzin gyi khro bo'i tshogs pad+ma'i 'khor dang bcas pa de rnams kyang kun tu ngom pa la sogs pa thob bo// rdo rje theg pa yongs su skyong bar 'tshal ba'i bdag po/gang dam tshig gis byin gyis ma brlabs pa de dag kyang/ mngon par 'dun pa'i sgo nas mgrin gcig tu/ de bzhin gshegs pa thams cad kyi bdag po la/ rdo rje gar gyis mchod de/'di skad ces gsol to// kye bcom ldan 'das de bzhin gshegs pa thams cad kyi ye shes kyi rtse mo zhes bya ba/ de bzhin gshegs pas 'di bshad du gsol/ zhes gsol ba btab pa dang/ de nas bcom ldan 'das kyis gti mug sel ba zhes bya ba'i ting nge 'dzin la snyoms par zhugs te/rdo rje'i gnas nas thogs pa med pa'i 'od zer kun tu 'phro ba zhes bya ba phyung ste/ dkyil 'khor thams cad rdo rje'i sku gsung thugs su byin gyis brlabs so// de nas yang bcom ldan 'das kyis rin po che'i gnas nas/ rin po che'i 'od zer kun tu mnyam pa zhes bya ba phyung ste/ dkyil 'khor thams cad rin chen chen por byin gyis brlabs so// de nas yang bcom ldan 'das kyis pad+ma chen po'i gnas nas/ pad+ma chen po'i 'od zer kun la chags pa rnam par gcod pa zhes bya ba phyung ste/ dkyil 'khor thams cad pad+ma chen por byin gyis brlabs so// de nas bcom ldan 'das kyis phrin las chen po'i gnas nas/ phrin las chen po'i 'od zer kun la 'jug pa zhes bya ba phyung ste/ dkyil 'khor thams cad phrin las chen po'i bdag nyid du byin gyis brlabs so// de nas bcom ldan 'das kyis 'khor lo chen po'i gnas nas/ 'khor lo'i 'od zer 'phro bas gcod pa zhes bya ba 'di byung ste/ dkyil 'khor thams cad 'khor lo chen po'i bdag nyid du byin gyis brlabs so// de nas bcom ldan 'das ye shes kyi rtse mo kun tu 'phro ba zhes bya ba'i ting nge 'dzin la snyoms par zhugs nas/ 'di skad ces gsungs so/ khrag 'thung thugs la gnas pa yis// ye shes rtse mo mchog nyid do// hUM gsum las ni 'das pa'i phyir// rtse mo med pa'i las su bstan/ zhes gsungs so// de nas 'khor gyi tshogs du ma'i tshogs kyis 'di skad ces gsol to// kye bcom ldan 'das de bzhin gshegs pa thams cad kyi ye shes rtse mo phyogs bcu kun tu 'phro ba zhes bgyi ba/bdag cag gis mngon par bgyi ba'i cho ga/ bcom ldan 'das kyis bstan du gsol zhes gsol pa dang/ de nas bcom ldan 'das kyis las kyi rdo rje rnam par 'phro ba zhes bya ba'i ting nge 'dzin la snyoms par zhugs nas/'di nyid kyi sku dang gsung dang thugs rdo rje rnams las phyung ngo// de nas gzugs dang byin brlabs dang// bzlas brjod dang ni phrin las dang// dus dang gnas dang bdag nyid de// phun gsum tshogs pa bdun po ste// btab na gang 'dod de sbyin no// zhes gsungs so// de nas yang gsang ba'i bdag pos bcom ldan 'das la rdo rje mig gis bltas te/'di skad ces gsol to// kye bcom ldan 'das ma 'ongs pa'i dus na sems can gyi ris 'khor ba'i rgya mtsho chen po sangs rgyas kyi sras su bgyi ba dang/dngos grub kyi bdag pos gtan du gsod pa'i slad du/ deng bcom ldan 'das kyis mngon spyod chen po 'di rnams kyi so sor sbyor ba gang lags pa de/ de bzhin gshegs pas sman gdags pa'i slad du/ bshad du gsol zhes pa dang/ de nas bcom ldan 'das kyis yong [[]yongs []]kun tu rdo rje zhes bya ba'i ting nge 'dzin la snyoms par zhugs te/ 'di nyid kyi sku dang gsung dang thugs rdo rje rnams las phyung n go// 'bar ba'i cho ga tshang ba ni// rnal 'byor chen po'i spyod yul te// mngon spyod chen po bstan par bya// 'bar ba'i phyag rgya nag la rno// gdug pa'i lcags la sogs pa dang// shir shir mde'u la sogs te/ kha zhe gdug rtsub gnag cing rno// tsher ma la sogs mtshan ma tshang// mgo rkang dbyibs ni ma nor bar// bcu gnyis dang ni sor brgyad sogs// ji ltar mkhas pas de bzhin du// rgya mdud sor re tshad dag la// 'bar ba'i ngos ni zur brgyad la// smad ni rngam pa'i zur gsum ste// ri rab lta bur brjid pa dang// nyi ma 'bum bzhin rnam par 'tsher// nam mkha' kun la nges par khyab// zhi ba gnyis kyi dkyil 'khor mdzes// rnam pa brgyad du yang dag rgyas// dbang gsum drag po'i tshad dang ldan// cho ga bzhi yi dbyibs brgyad mdzes// rtse mo rnam par phra ba nyid// rnam par thar pa'i mngon spyod de// sum cu rtsa lnga thun mong gi/cho ga nyid du mkhas pas brtag/ ye shes rtse mo'i bzhi yi ni// ye shes rtse mo'i rnal 'byor tshad// ces gsungs so// de nas bcom ldan 'das rdo rje'i bdag po dbang phyug phun gsum tshogs pa zhes bya ba'i ting nge 'dzin la snyoms par zhugs te/nyid kyi sku dang gsung dang thugs rdo rje las byin gyis rlobs pa 'di phyung ngo// rjes su rnal 'byor chen po yis// bsgom par bya ba 'khrul pa ste// bya dang byed pa spangs pa yis// rnam par mi rtog ting 'dzin ni// mkhas pas 'bad pa med par bya// chos kyi sku mchog bdud rtsi yis// 'gro ba'i rang bzhin med bzhin du// thams cad ma lus gso bar bya// de nas mkhas pas 'bad pa yang// rdo rje rgya mdud gzhal yas su// dbus mnyam pa yi tshad du ni/ khrag 'thung chen po'i gdan la bzhag khams gsum kun las rnam par rgyal// gshin rje'i rgyal mchog nyid dang ni// dpal ldan rta skad bzhad pa dang// rdo rje stobs kyi ye shes rnams// shar lho nub byang dbus gnas su// btsun mo'i tshogs kyis 'khyud pa ste// so so'i snying po dran tsam gyis// hUM las 'khrungs par rnam par brtag/'khor dang bcas pa'i dkyil 'khor la// mchod pa mchog gis yang dag mchod// sngon gyi dam tshig smos pas ni// thugs dam rjes su bskul bar bya// gnyis su med par rol pa dang// rgyan rnams kun tu rdzogs pa ni// bde ba chen po'i sku mchog ste// longs spyod chen po rdzogs pa'i sku// bde ba chen po'i rol pa yis// gnyis su med par spros pa che// rtag pa chen po'i g.yung drung ni// yab kyi cho ga mdzad pa'o// rjes su rnal 'byor chen po yis// mkhas pas dran pa tsam gyis kyang// rnal 'byor rol pa ster ba ste// rtsol ba med pa'i ting 'dzin gyis// thams cad du mar snang ba yin// snang ba med pa'i rang bzhin ni// rnal 'byor chen po'i spyod yul lo// de nas dpal ldan sras kyi mchog/ yang dag byin gyis brlab pa ni// thugs las 'phros pas thugs kyi sras// gsang sngags yang dag bstan pa ni// A+oM badzra kI li kI la ya sa ya hUM dza/'di ni yang dag par snang ba'i sngags so// 'di dag brjod pa tsam gyis ni// 'bar ba'i sras rnams rnam par brtas// sku yi phyed tshal man chod la// 'bar ba'i 'od zer 'khrugs pa dang// mthing nag rngam pa'i rang bzhin can// kun tu thal byung 'bar ba'i sku// 'bar ba'i dbu gsum rnam par brjid// dbu skra kham pa zur gsum dbyibs// srid pa gsum gyi rnal du 'bar// brang gis 'gro ba chen po yis// lus dang yan lag nying lag mdzes// thod pa rnams ni yang dag che/ khro rgyal spyan ni sdang mig bgrad// nyi zla 'bar ba'i spyan gyis mdzes// g.yon gyi phur pa zhe sdang gnon// mche gtsigs rab tu rngam pa'i sku// sku yi phyogs mtshams thams cad du// dur khrod 'bar ba'i me stag 'phro// sku smad 'bar ba'i mngon spyod ni// rnal 'byor mdun gyi mkha' la mdzes// yum gyi mkha' la sum cha nub// 'bar ba'i phyag bzhi mdzes pa ni// s+t+wa re brdeg pa'i stang ka can// g.yas kyi 'og ma rdo rje ni// ri rab phur pa gnon pa'i thabs// g.yon pa'i dang po kha T+wAM ga/ rdo rje sri snyan rnam par mdzes// dregs pa'i khams ni pham par byas// bdud kyi dpung rnams yongs su 'jig/ tha ma phur pa zur gsum pa// rnam par 'debs shing zas pa'i thabs// ngan song gsum ni rnam par 'jig/ phyogs bcu mtha' yas khro bo dang// sku gsung thugs kyi khro bo rnams// du ma gcig tu bsdus pa'o// thams cad che bar gyur pa ste/ khro chen rnam par rgyal gyur pa'i// gzi brjid chen po bsam par bya// rtag pa chen po'i rang bzhin dang// sprul pa las kyang sprul pa 'byung// 'bar ba mthu yi shugs kyis 'phro// dus gsum kun tu snang ba ste// rigs rnams kun la snang ba ni// kun gyi ye shes 'dus pa yin/ khrag 'thung 'bar ba'i sprul pa ni// yang dag kun tu mkhas pas brtag/ nam mkha'i rang bzhin thams cad ni// bar mtshams med pa'i ting 'dzin te// rnal 'byor cho ga bsgrub bya'i mchog/ rnam par snang mdzad che la ni// rnal 'byor nying lag dbus ma ste// ji ltar rdo rje'i pho brang ni// sbom po la yang de bzhin no// nying lag gi ni dang 'og la// rin po che yi 'od zer bzhag/ gang gi za lag de la ni// pad+ma chen po'i rang bzhin bsam// mthar gyis gnas pa'i nying lag ni// zab mo'i yi ge rnam par mdzes// kun kyang chu shel steng na mdzes// 'bar ba bas kyang cher 'bar te// rtag tu mnyam pa'i 'od zer 'byin// 'od zer rtse mor gzhag par bya// de nas snang mdzad dang po ste// su ra ta yi rang bzhin las// s+t+waM zhes brjod pas thal mo sbyar// mnyam pa'i thal mo sbyar nas kyang// rnam par snang mdzad mgor bzhag ste// rdo rje an dza le la ni// hUM gis rnam par mdzes par bya// gnyis su med pa'i sbyor ba ni// sor mo cung zad bsnol ba yin// de 'og sor mo brgyab bsnol ba// rnam par bsdam pa'i rang bzhin la// rnam par snang mdzad mgor bzhag ste// badzra ban d+ha hUM gis sgras// byang chub sems sprin dbang bar bya// de nas mkhas pa'i dam tshig ni// sa ma ya s+t+waM zhes rnam par brjod// thugs dam mnyam par bskang nas kyang// 'bar ba'i phur bu blang bar bya// lag pa'i bar du mnyam gnas pa// lag pa'i rting pa phye nas kyang// mthe bong srin lag mthe chung gis// bar du phur pa yang dag gzhug/ mthe bong gis ni cung zad dril// rnam par snang mdzad mgor bzhag ste// badzra A be sha yi sgra// A as yang dag mdzes par bya// byang chub sems sprin 'phro ba las// phyogs bcu dus gsum bde gshegs las// yab yum sras dang bcas pa kun// mkha' mnyam khro bo 'bar ba'i sku// zhe sdang chen po rjes dran cing// nyungs 'bru tsam gyi khro bo rnams// bar mtshams med pa'i 'phro 'du yis// phur pa'i sku la bsdu zhing bstim// bdag nyid chen po'i rang bzhin la// bar mtshams med par rnam par gnas// de nas phur pa'i bdag nyid la// yang ni sku dang gsung thugs kyis// bdag nyid chen por byin gyis brlab// dbang bskur ba ni brtag par bya// nying lag rgyab bsnol gung mo gshibs// de nas phur pa dam bzung ba// de nas dga' ba'i slob pa la// rigs lngar byin gyis brlab pa bstan// rdo rje dang ni 'khor lo dang// rin chen pad+ma rgya gram mchog/ sa bon mkhas pas brtags nas ni// rang gi gnas su bsam par bya// de yi yon tan chen pos kyang// mkhas pas shin tu 'bar bar bsgom// bsam gyis mi khyab rang bzhin gyis// bsam gyis mi khyab gnas su'o// de nas mkhas pas brtag pa ni// 'bar ba'i sku dang gsung thugs te// spyi bo'i gtsug tu bsam pa ni// dri med sku yi sa bon zhag/ dbu ma'i tshad du mkhas pas bya// rnam dag gsung gi sa bon bzhag/ ye shes rtse mo'i cha nyid la// bla med thugs kyi yi ge bsam// nam mkha'i mtha' dang mnyam pa yi// sangs rgyas chen po sras bcas kyis// sku gsung thugs kyi rang bzhin pas// ji snyed sangs rgyas thams cad kyi// sku gsung thugs kyi bdag nyid kyang// gzhan na yod pa ma yin te// de nyid ye shes kun gyi bdag/ 'bar ba bas kyang cher 'bar bas// rnal 'byor tshogs kyis blta bar bya// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/khro bo'i tshogs byin gyis brlabs shing dbang bskur ba'i le'u ste gnyis pa'o//// de nas yang dag bshad bya ba// thugs kyi ye shes rtse gcig par// de nyid mkhas pas brtag par bya// yi ge bdun gyi cho 'phrul te// hUM phaT a yi rang bzhin ni// ngos dang zur dang rtse mo'i cha// rnam pa gsum gyi gnas su bzhag/ 'bar ba bas kyang ches 'bar ba// dpa' bos rigs kyis brtag par bya// yongs su brtag pa'i ting 'dzin ni// thugs kyi ye shes rtse mo la// rang bzhin gcig gi bdag nyid las// gzhan du 'das pa ma yin no// de nas bshad par bya ba ni// so so rigs kyi khro bo rnams// du mas byin gyis brlab pa'i phyir// de nyid phyogs bcur 'phros pa las// bsam gyis mi khyab don la mkhas// nam mkha' khyab par song nas ni// slar la 'dus pas sgra skad kyang// hUM dang phaT kyi glu len cing// de nyid sku la rnam par bstim// phyogs bcu'i khro bo ma lus pa// bdag nyid chen po de la gnas// de nas 'gro ba'i don brtson pa// chos kyi dbyings nas bzhugs pa yi// lhun gyis grub pa'i sangs rgyas rnams// rnal 'byor bskyang ba'i dam bcas pa'i// lus la 'jug cing grogs mdzad pa// byin rlabs 'phel bar the tshom med// 'bar ba bas kyang cher 'bar ba// bdag nyid khrag 'thung chen por brtag/bdag nyid chen po'i phur pa ni// mkhas pas rtag tu byin gyi brlab// de yi cho ga bstan pa ni// thabs kyi phyag rgya dbus gnas su// ma las nyid kyi hUM gis mdzes// shes rab phyag rgya'i dbus gnas su// a las zla dkyil dbus gnas 'bar// rnam par snang mdzad mgor bzhag nas// de nas mkhas pas brtag pa ni// phur bu hri hUM phaT brjod pas// de nyid bdag nyid chen por snang// de yi 'og tu brtag pa na// lag pa'i sor mo rgyab tu bsnol// mthe bong gshibs pa'i dbus gnas su// phur bu chen po bzhag nas kyang// rnam par snang mdzad de bzhin la// ta na gnyis kyi rang bzhin la// dIp+ta tsakra'i bdag nyid ste// hUM phaT mnyam par sbyor bas 'grub// de nas dril ba'i rang bzhin dang// gzi byin bsdu ba brtan pa brtag/ bdag nyid chen po'i nga rgyal gyis// rnam par dril zhing bsdu ba ni// 'khor dang bcas pa'i byang chub sems// phur pa chen po'i sku la bsdu// de yi gzi byin chen po ni// nam mkha' khyab pa'i rang bzhin ni// 'bar ba mchog gi zer 'phro zhing// dbang chen dbang 'dus dbang gi mchog/mdun gyi mkha' la mnyam bzhag pa// e yi nang du nges gnas pa// 'bar ba'i gdan la rgyan gyis mdzes// bstan pa chen por yongs su brtag/ de nas yang dag bshad bya ba// mkhas pas nyung dkar rgyal por brtag/bkra shis byin rlabs mthu yis sde/ khro bo'i rang bzhin mtshan pa dang// bya dang byed pa'i dngos po ste// rnal 'byor sems kyi rnal 'byor gyis// dus dang bdud rtsi'i dngos po ltar// don gnyis rnam par snang ba'o// rgyun mi 'chad par mkhas pa yis// sku la rnam par bsnun pa ni// rnal 'byor cho ga dang po yin// de nas dpa' bo'i cho ga ni// gu gul chen po brtag par bya// de bzhin don gnyis 'grub par byed// 'phags pa khro bos ji snyed pa// gzi mdangs phun sum tshogs pa dang// dga' ba chen po 'thob par byed// mchod pa mchog ni mchog la sogs/ khro bo mchod pa mchog yin no// sgrub bya gsad par bya ba ni// rnam par myos pa la sogs te// gsad pa'i mchog ste mchod pa mchog/ brnag pa'i phrin las du ma'i tshogs// thams cad mkhas pas brtag pa ni// 'di ni byin brlab cho ga'o// zhes gsungs so// de nas bcom ldan 'das kyis rnal 'byor du 'jug pa'i lam phun sum tshogs pa zhes bya ba'i ting nge 'dzin la snyoms par zhugs te/ bdag dang gzhan gyi don phun sum tshogs pa 'di nyid kyi sku dang gsung dang thugs rdo rje rnams las phyung ngo// las mchog chen po'i ting 'dzin ni// bdag nyid chen por brtag par bya// snying gar bsam par bya ba ni// nyi ma'i dkyil 'khor dbus gnas par// rdo rje sa bon mthing nag bzhag/snying po brtag par bya ba ni// rnam par snang mdzad mgor bzhag ste// rdo rje phur bu'i rang bzhin brtag/ de nas bsgrub bya'i dang po ste// bsod pa'i cho ga mnyam sbyor bas// hUM phaT yang dag gzhag par bya// de nas sa ya brjod pas ni// bdag nyid chen po kho nar nges// ji ltar khri phrag rnams kyis kyang// 'bar ba'i gzugs brnyan mthong bar 'gyur// 'bum phrag 'bum phrag nges pas ni// 'bar ba'i phyag 'tshal kho nar nges// ji ltar khri phrag nges pas ni// gdug pa'i tshogs rnams 'dul bar 'gyur// stong phrag gcig gis bar byas kyang// thams cad dregs par 'gyur ba yin// ji ltar brgya phrag kho nas kyang// skabs kyi las rnams 'grub par 'gyur// 'di ni 'bum phrag bye ba brjod pas kyang// tshe rabs gzhan gyi rig 'dzin rgyu// gang gis tshig tsam mos pas kyang// de la mkha' 'gro'i tshogs rnams byams// gang gis sa ya bcu yis ni// phyag rgya chen po'i rang bzhin las// rnam pa gzhan du ma nges so// mkhas pas grangs la brtags pas kyang// dgos pa'i rang bzhin thob par bya// de ltar brtag pa'i rang bzhin ni// rgyal chen bzhi pa'i nyin phyed kyis// phyag rgya chen po thob par 'gyur// las rnams kun gyi mtshan nyid kyang// mos pa'i stobs kyang 'gag pa med// mkhas pas brtags ni phyi la bshad// nang gi rang bzhin bstan pa las// phyi yi rtags kyang mthong bar 'gyur// sku dang gsung dang thugs kyi rtags// sprul dang yang sprul 'khor gyi tshogs// phra mo'i las rnams 'grub par 'gyur// rtags dang ldan pa'i sbyor bas ni// mkhas pas las rnams grub par 'gyur// sbyor bar gtong bar 'dod pa yis// bsdu ba'i gnas ni snying ga ste// ji ltar bsdu ba'i cho ga la// sangs rgyas gshegs su gsal ba mkhas// 'di bzlas brjod pa phun sum tshogs// de nas bcom ldan 'das mngon spyod kyi mdzad pa phun sum tshogs pa'i rdo rje zhes bya ba la snyoms par zhugs te/ nyid kyi sku dang gsung thugs rdo rje las 'di phyung ngo/sngags pas sa phyogs gang yin der// bsad pa'i gnas ni bdag gis bya/ khro bo'i sku gsung thugs nyid kyis// thams cad dregs par byas nas ni// phyogs bcu phur pas byin rlabs te// bdag nyid chen po'i nga rgyal gyis// ci rigs pa yi sa mtshams bsrungs// las rnams ltas ni mnyes byas te// de nas zhi ba'i lha mchod cing// grangs kyi cho ga rdzogs pa dang// gru gsum dur khrod rtse mo lho// zhing gi thal ba khrag dang bcas// skye tshe lan tshwa srub ma'i lo/ khre dang ju tshe'i phub ma dang// grog mkhar bong bu'i bdud rtsi sogs// til nag la sogs gang yin te// mkhas pas bdud rnams pham par bya// yang na ri mor gnas pa dang// smug nag gzugs kyi snying khar bslan// dur khrod ras sogs dbus gnas su// hU~M phaT sbyor ba'i dbus gnas su// bsgrub pa'i dus ni rnam par gzhag/ 'bar ba'i 'gram du gan rkyal du// gshin rje la ni thor cog bstan// 'bar ba'i snying gar dza gnas pa// sum b+ha ni la sogs pa yi// mkhas pa'i cho ga dang po yin// dzaHhUM baM hoH A+oM badzra ang ku sha dzaH che ge zhi hUM dzaH 'di ni dran pa tsam gyis kyang// lcags kyu thogs pa'i grangs med gzugs// brgyud mar 'phros pa'i ting 'dzin gyis// bsgrub bya'i snying la gzung bar bya// myur du gnas der 'ong ba dang/ dzaHhUM baM hoH che ge zhig pra be sha ya/pra be sha ya/ hUM hUM hUM/ 'di ni ci nus rab brjod cing// bsgrub bya'i dngos po ji 'dra ba// gzugs brnyan la ni rnam par dbab// dzaHhUM baM hoH'i gsang sngags ni// phyag rgya nges par bsdam par bya// 'bar ba'i nang du gnas pa de// mkha' klong dbus su 'dril bar bsam// de nas gsang ba'i rnal 'byor gyis// las mchog lha yi ting 'dzin dang// snying po la sogs 'bad par brtag/ ji srid ting 'dzin ma brtan tshe// rdo rje sder mo'i gsang sngags kyis// rnam par gsor zhing phur pa dril// snying gi steng du phur pa dril// nas gang tsam gyi tshad gnas pa// ji tsam mi gsal bar du 'bar// de nas khro bo dam bzung zhing/khu tshur la sogs brdeg pa ni// ji ltar rdo rje sder mo'i sngags// gsum mam bdun nam nyi shu gcig/ bzlas shing seng ldeng phur la sogs// sor brgyad pa yi tshad tsam la// lte ba yi ni nang rol te// de bzhin dpung pa'i mgo gnyis so// dpral ba dang ni snying ga ru// mkhas pas rnam par gdab par bya// zhes gsungs te/ de nas bcom ldan 'das rdo rje sder mos rnam par gsod pa zhes bya ba'i ting nge 'dzin la snyoms par zhugs te/'di nyid kyi sku dang gsung dang thugs rdo rje las phyung ngo// oM na mAHsa man+ta bud d+hA nAn/ kA ya bA ka tsit+ta badzrA NA/ A+oM g+ha g+ha g+hA ta ya/ che ge zhig phaT phaT/ badzra kI li kI la ya/ sarba pA paM hUM phaT/hUM hUM hUM/ badzra kI li kI la ya/ badzra d+hA ra A dz+nyA pA ya ti/ badzra kI li kI la ya hUM phaT/ de yi 'og tu mkhas pas kyang// las mchog lha yi gsang sngags dang// phyag rgya'i stobs kyis gnan par bya// A+oM karma badzra krod+ha hUM phaT// shes rab kyi ni phyogs nas kyang// nyi shu gcig gi tshad du bzlas// phur pa rab tu brtan pa dang// mi 'byung sus kyang mi phyin bar// gnas pa chen por gyur pa ni// phur pa'i mgo la lan gsum bzhag/rnam par gtug pa kho na yis// lhag par zug cing thal byung ste// rnam par gzir ba'i 'og tu ni// mkhas pas brtsam par bya ba yin// lag gnyis thal mo sbyar ba yi// phan tshun sor mo rgyab tu bsnol// gung mo bsgreng bas steng du mnan// phur pa'i lha dang dgra bgegs ming// dam tshig 'di las ma mda' zhes// gsang sngags 'di ni gsum du zlas// A+oM badzra sa twa sa ma ya hUM phaT// sems ma'i rdo rje gsang sngags rgyas// dpa' bos gang dang gang bsgo ba'i// dngos po thams cad brtan pa dang// thams cad 'da' ba ma yin zhing// 'bras bu thams cad 'grub par 'gyur// de nas mkhas pas 'bad pa ni// rdo rje stobs kyi phyag rgya yis// bdag gi dbang du gyur nas kyang// bsgo ba nyan cing bran bzhin bya// A+oM badzra ha na ha na/ da ha da ha/ pa tsa pa tsa/ ban d+ha ban d+ha/ ts+tshin+d+ha ts+tshin+d+ha/bin d+ha bin d+ha/ b+ha na b+ha na/ sarba ni hUM hUM phaT/ nyi shu rtsa gcig gsang sngags kyis// las rnams gzi brjid ldan par bsgom// yung dkar dang ni gu gul gyis// yang ni rnam par bsnun pa yin// de nas dpa' bo'i brtag pa ni// nyi ma yi ni dkyil 'khor gyis// lha min rnam par gzir nas kyang// mche ba'i phyag rgya'i sngags 'di brtag/ A+oM badzra kro d+ha yak+Sha kro d+ha ma hA khA khA khA ha ha ha hUM hUM hUM phaT phaT phaT/ rnam par brtag pa chen por bya// de nas dpa' bo'i brtag pa ni// lag gnyis be con gdangs pa'i spyan// rnam par bgrad pa'i rang bzhin brtag/ hUM badzra kro d+ha ma ta pa swA hA/ pa tsa bi d+h+wan sa ya tsa ti laM b+ho da ra/ u tsuSh+ma kro d+ha hUM phaT/brgya rtsa brgyad dam rtsa gcig 'bum// mkhas pas gsal bar brtag par bya// brdeg gdug las bcol gzi brjid bskyed// spyi gtsug hUM dang sum las ni// rgya gram don yod grub par brtag/A+oM badzra su me hUM hUM sa ma ya s+t+waM// ljang gu 'khor lo rgya gram brtag/ yo byed nag por rnam sbyar te// mngon spyod gtor ma bkug ste sbyin// dzaHhUM baM hoH e h+ye hi b+ha ga bAn/ bid+yA yak+sha dza dza badzra b+h+yo b+h+yo ru lu ru lu/hUM mngon spyod dkyil 'khor bod pa'i brtag/ A+oM badzra pra ti bya ba hUM/ gtor ma brtag pa'o// A+oM badzra sa ma ya/ a mr-i ta/ ar+g+haM pra tI ts+tsha hUM/ gdug pa'i 'khor la las bcol ba'i rnam par brtag go/ de nas bcom ldan 'das grub pa'i dus phun sum tshogs pa zhes bya ba'i ting nge 'dzin la snyoms par zhugs te/nyid kyi sku dang gsung dang thugs rdo rje rnams las phyung ngo// zla ba'i smad dang nyin mtshan gung// gza' skar grangs dang dam bcas dus// mtshan las ma g.yos nyi zla nyams// nges par 'grub pa dus kyi mchog/ rnam pa dgu ru bshad pa yin// de nas bcom ldan 'das rdo rje mngon spyod kyi gnas chen po'i phun sum tshogs pa zhes bya ba'i ting nge 'dzin la snyoms par zhugs te/'di skad nyid kyi sku dang gsung dang thugs rdo rje rnams las phyung ngo// ri brag mtsho nang shing dang lam// re'u rul rnying pa 'thab mo'i sa// grub pa'i gnas dang dur khrod ste// gang la mngon spyod cho ga yod// de na gnas pa'i gnas su brtag/ rnam pa dgu ru shes par bya// de nas bcom ldan 'das bdag nyid phun sum tshogs pa zhes bya ba'i ting nge 'dzin la snyoms par zhugs te/nyid kyi sku dang gsung dang thugs rdo rje rnams las phyung ngo// gang dag thams cad mkhyen par gzhol// las la mkhas shing thos pas mdzes// lha rnams mnyes shing dad pas 'bad// brtson 'grus ldog pa'i sems spangs pa// 'bras bu gzhan la re dogs med// dam tshig ldan zhing rnam par dpa'// 'jigs pa med pa'i rang bzhin ni// bdag nyid chen po phun sum tshogs// rnam pa bcu gnyis dag tu nges// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ mngon spyod chen po rnam par rol pa yongs su brtag pa zhes bya ba'i le'u ste gsum pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po dpal rdo rje 'jigs byed kyi dbang phyug chen pos/ nam mkha'i dbang phyug chen po dums rnam par bsgyings pa'i rdo rje mi bzad pa'i bkod pa zhes bya ba'i ting nge 'dzin la snyoms par zhugs te/dkyil 'khor thams cad 'byung ba'i rgyu chen po 'di nyid kyi sku dang gsung dang thugs rdo rje rnams las phyung ngo// A+oM he ru ka ma hA pU dza badzra hUM/ zhe sdang chen po rnam par rol pa zhes bya ba'i ting nge 'dzin to// de nas bcom ldan 'das sgron ma chen po rnam par bskyod pa zhes bya ba'i ting nge 'dzin la snyoms par zhugs te/'gran zla med pa'i bdag nyid chen po 'di nyid kyi sku dang gsung dang thugs rdo rje rnams las phyung ngo// A+oM he ru ka ma hA bud+d+ha hUM/ gti mug chen po rnam par rol pa zhes bya ba'i ting nge 'dzin to// de nas bcom ldan 'das mi bzad pa'i spobs pa phun sum tshogs pa zhes bya ba'i ting nge 'dzin la snyoms par zhugs te/ bde ba chen po'i myu gus tshim par bya ba 'di nyid kyi sku gsung thugs rdo rje rnams las phyung ngo// A+oM he ru ka ma hA rat+na hUM/ nga rgyal chen po rnam par rol pa zhes bya ba'i ting nge 'dzin to// de nas bcom ldan 'das kun tu gdung ba zhes bya ba'i ting nge 'dzin la snyoms par zhugs te/ chags pa chen po yongs su mnyam pa med pa zhes bya ba 'di nyid kyi sku dang gsung dang thugs rdo rje rnams las phyung ngo// A+oM he ru ka ma hA pad+ma hUM/ 'dod chags chen po rnam par rol pa zhes bya ba'i ting nge 'dzin to// de nas bcom ldan 'das mdzad pa rnam par rol pa zhes bya ba'i ting nge 'dzin la snyoms par zhugs te/phrin las thams cad 'byung ba zhes pa 'di nyid kyi sku dang gsung dang thugs rdo rje rnams las phyung ngo// A+oM he ru ka ma hA karmA hUM/phrag dog chen po rnam par rol pa zhes bya ba'i ting nge 'dzin to// sngo nag ting 'dzin rnam par dpa'// rdo rje 'bar ba'i rang bzhin te// thams cad rdo rje'i nga rgyal gyis// zhe sdang gtan du zhi bar bya// smug nag ting 'dzin rnam par rngams// 'khor lo 'bar ba'i rang bzhin te// thams cad 'khor lo'i nga rgyal gyis// gti mug gtan du zhi bar bya// ser nag ting 'dzin rnam par 'jigs// rin chen 'bar ba'i rang bzhin te// thams cad rin chen nga rgyal gyis// nga rgyal gtan du zhi bar bya// dmar nag ting 'dzin rnam par rgod// 'dod chags 'bar ba'i rang bzhin te// thams cad pad+ma'i nga rgyal gyis// 'dod chags gtan du zhi bar bya// ljang nag ting 'dzin rnam par gtsigs// phrag dog 'bar ba'i rang bzhin te// thams cad ral gri'i nga rgyal gyis// phrag dog gtan du zhi bar bya// zhes gsungs so// de nas de'i tshe de'i dus na// 'jig rten gyi khams nam mkha'i gtos dang mnyam pa thams cad ni kun tu 'thor zhing/ 'jig rten na dbang che ba thams cad ba spu 'khrugs pa dang/ mig 'chi mas rgyas pa dang lus dub pa'i gzugs kyis de bzhin gshegs pa khro bo 'bar ba'i sprin phung la zhum pa'i brgyal tshul gyis bu smad dang// 'khor du bcas pas thal mo sbyor ba la sogs pas 'di skad ces gsol to// e ma ho sangs rgyas bcom ldan 'das/ khro la khros pas khro bo che// sna tshogs du ma'i khro bo'i sprin// 'bar ba gcig las rnam par byung// de bzhin gcig la phyag 'tshal lo// sna tshogs du ma'i gzugs mchog ni/khro bo bcu yi rang bzhin che// gcig ni du mar 'phel mdzad pas// du ma rnams la bdag cag mchod// kye ma khro bo'i sprin phung che// mtha' yas sdig pa gsod mdzad pa// mngon spyod sgrol ba'i rang bzhin pas// bdag gi sdig pa gsod par mdzod// e ma ho dpa' bo dpa' bo che// ma lus kun gyi rgyal po nyid// snying rje khros pas khro bo che/ khams gsum rgyal po a la la// e ma ho sdigs pa'i bsdig mdzub can// bsdig pa'i spyod la sogs pas brjid// mngon spyod khyod kyi sku dang mtshams// 'bar ba'i tshogs la bdag cag 'dud// e ma ho dpal chen gdug pa sgrol// 'jig rten phyogs bcu gzhan rnams kyi// dregs pa mtha' dag bsgral slad du// dpa' bos shin tu 'phro bar mdzad// e ma khrag 'thung khrag chen 'thung// bdag cag khrag la rngam pa rnams/ khyod ltar khrag chen 'tshal slad du// dur khrod dgyes phyir gtso bo mdzod// e ma ho ya mtshan rmad kyi sku// gtum pa chen po ji bzhin du// bdag cag brjod pa sogs nas kyang// mtha' yas myur du ma lus so// e ma ho 'jigs byed 'jigs pa che// sangs rgyas chen po rgyas gyur cig/dam chos chen po rgyas gyur cig/ de nas de'i tshe de'i dus na/ gdug pa'i tshogs thams cad ni rang gi 'khor dang bcas par bka' la gnas shing kun kyang dam tshig gi 'khor du rnam par bkod do// de ltar sangs rgyas kyi mthu chen pos spobs par brjod nas/ khro bo'i sprin thams cad dang 'du bar mdzad do// de nas de'i tshe 'khor gyi tshogs du ma la 'di lta ste/ rdo rje rnam par rol pa'i rig 'dzin dang/rdo rje rnam par rol pa'i rnal 'byor dang/ rdo rje rnam par rol pa'i mkha' 'gro ma dang// rdo rje rnam par rol pa'i gdul bya dang/ rdo rje rnam par rol pa'i skyes bu dang/ rdo rje rnam par rol pa'i zhing khams la sogs pa'o// gzhan yang 'khor lo rnam par rol pa'i rig 'dzin dang/ 'khor lo rnam par rol pa'i rnal 'byor dang/ 'khor lo rnam par rol pa'i mkha' 'gro ma dang/ 'khor lo rnam par rol pa'i gdul bya dang/'khor lo rnam par rol pa'i skyes bu dang/ 'khor lo rnam par rol pa'i zhing khams la sogs pa'o// gzhan yang rin po che rnam par rol pa'i rig 'dzin dang/ rin po rnam par rol pa'i rnal 'byor dang/rin po che rnam par rol pa'i mkha' 'gro ma dang/ rin po che rnam par rol pa'i gdul bya dang/ rin po che rnam par rol pa'i skyes bu dang/ rin po che rnam par rol pa'i zhing khams la sogs pa'o// gzhan yang pad ma rnam par rol pa'i rig 'dzin dang/ pad ma rnam par rol pa'i rnal 'byor dang/ pad+ma rnam par rol pa'i mkha' 'gro ma dang/ pad+ma rnam par rol pa'i gdul bya dang/ pad+ma rnam par rol pa'i skyes bu dang/pad+ma rnam par rol pa'i zhing khams la sogs pa'o// gzhan yang phrin las rnam par rol pa'i rig 'dzin dang/ phrin las rnam par rol pa'i rnal 'byor dang/ phrin las rnam par rol pa'i mkha' 'gro ma dang/phrin las rnam par rol pa'i gdul bya dang/ phrin las rnam par rol pa'i skyes bu dang/ phrin las rnam par rol pa'i zhing khams la sogs pa'o// de dag 'dus pa'i tshogs kyis/ rigs du ma'i mngon par brjod pa zhes bya ba'i bstod pa 'di mgrin gcig tu brjod do// de yang rdo rje'i tshogs du mas mgrin gcig tu mngon par brjod pa/ rdo rje rdo rje chen po ste// rdo rje bzang po kun tu rgyal// zhe sdang gsod pa'i rdo rje che// phyag 'tshal rdo rje nyid la'o// rdo rje rdo rje chen po ste// rdo rje 'khor lo bla na med// 'khor lo rdo rje mnyam pa ste// rdo rje 'khor lor phyag 'tshal bstod// rdo rje rdo rje chen po ste// rdo rje rin chen bla na med// rin chen rdo rje mnyam pa che// rdo rje rin chen phyag 'tshal lo// rdo rje rdo rje chen po ste// rdo rje pad+ma bla na med// pad+ma rdo rje mnyam pa che// phyag 'tshal rdo rje pad+ma la'o// rdo rje rdo rje chen po ste// rgya gram rdo rje bla na med// rgya gram rdo rje mnyam pa che// rdo rje rgya gram phyag 'tshal bstod// rdo rje'i rig 'dzin 'chol ba zhes bya ba'i ting nge 'dzin to// de nas 'khor lo'i tshogs du mas mgrin gcig tu mngon par brjod pa/'khor lo bzang po kun tu rgyal// gti mug gsod pa'i 'khor lo che// sangs rgyas kun gyi 'khor lo ste// phyag 'tshal 'khor lo nyid la'o// 'khor lo 'khor lo chen po ste// 'khor lo rdo rje bla na med// rdo rje 'khor lo mnyam pa che// 'khor lo rdo rjer phyag 'tshal bstod// 'khor lo 'khor lo chen po ste// rin chen 'khor lo bla na med// rin chen 'khor lo mnyam pa che// 'khor lo rin chen phyag 'tshal bstod// 'khor lo 'khor lo chen po ste// 'khor lo pad+ma bla na med// pad+ma 'khor lo mnyam pa che// 'khor lo pad+mar phyag 'tshal bstod// 'khor lo 'khor lo chen po ste// 'khor lo rgya gram bla na med/rgya gram 'khor lo mnyam pa che// phyag 'tshal 'khor lo rgya gram la'o// 'khor lo'i rig 'dzin 'chol ba zhes bya ba'i ting nge 'dzin to// de nas rin po che'i tshogs du mas mgrin gcig tu 'di skad ces mngon par brjod pa/rin chen bzang po kun tu rgyal/ nga rgyal gsod pa'i rang bzhin che// sangs rgyas kun gyi rin chen te// phyag 'tshal rin chen khyod la'o// rin chen rin chen chen po ste// rin chen rdo rje bla na med// rdo rje rin chen mnyam pa ste// rin chen rdo rje phyag 'tshal lo// rin chen nor bu chen po ste// rin chen 'khor lo bla na med// 'khor lo rin chen mnyam pa che// rin chen 'khor lor phyag 'tshal bstod// nor bu rin chen chen po ste// rin chen pad+ma bla na med// pad+ma rin chen mnyam pa che// phyag 'tshal pad+ma rin chen la'o// nor bu rin chen chen po ste// rin chen rgya gram bla na med// rgya gram rin chen mnyam pa ste// phyag 'tshal rin chen rgya gram la'o// rin po che'i rigs 'chol ba zhes bya ba'i ting nge 'dzin to// de nas pad+ma'i rigs kyi tshogs du mas mgrin gcig tu 'di skad ces mngon par brjod pa/ pad+ma bzang po kun tu rgyal// 'dod chags gsod pa'i pad+ma che// sangs rgyas kun gyi pad+ma ste// phyag 'tshal pad+ma nyid la'o// pad+ma chen po pad+ma che// rdo rje pad+ma bla na med// rdo rje pad+ma mnyam pa che// pad+ma rdo rjer phyag 'tshal bstod// pad+ma chen po pad+ma che// pad+ma 'khor lo bla na med// 'khor lo pad+ma mnyam pa che// pad+ma 'khor lor phyag 'tshal bstod// pad+ma chen po pad+ma che// pad+ma rin chen bla na med// rin chen pad+ma mnyam pa che// pad+ma rin chen phyag 'tshal bstod// pad+ma chen po pad+ma che// pad+ma rgya gram bla na med// rgya gram pad+ma mnyam pa che// pad+ma rgya gram phyag 'tshal bstod// pad+ma'i rigs 'chol ba zhes bya ba'i ting nge 'dzin to// de nas rgya gram gyi tshogs du mas mgrin gcig tu 'di skad ces mngon par brjod pas// rgya gram bzang po kun tu rgyal// phrag dog gsod pa'i rgya gram ste// sangs rgyas kun gyi rgya gram che// phyag 'tshal rgya gram nyid la'o// rdo rje rgya gram rgya gram che// rgya gram rdo rje bla na med// rdo rje rgya gram mnyam pa che// phyag 'tshal rdo rje rgya gram la'o/// rdo rje rgya gram rgya gram che// rgya gram 'khor lo bla na med// 'khor lo rgya gram mnyam pa che// rgya gram 'khor lor phyag 'tshal bstod// rdo rje rgya gram rgya gram che// rgya gram rin chen bla na med// rin chen rgya gram mnyam pa che// rgya gram rin chen phyag 'tshal bstod// rdo rje rgya gram rgya gram che// rgya gram pad+ma bla na med// pad+ma rgya gram mnyam pa che// rgya gram pad+mar phyag 'tshal bstod// rdo rje rgya gram rigs 'chol ba zhes bya ba'i ting nge 'dzin to// de nas bcom ldan 'das dpal rdo rje 'jigs byed kyi dbang phyug chen pos/nam mkha' rdo rje kun tu 'byung ba zhes bya ba 'di nyid kyi sku dang gsung dang thugs rdo rje rnams las phyung ngo/ A+oM badzra ma hA kro d+hI shwa rI hUM phaT/ rdo rje kun tu 'byung ba zhes bya ba'i ting nge 'dzin to// de nas bcom ldan 'das bde ba chen po'i ro kun tu 'byung ba zhes bya ba'i ting nge 'dzin la snyoms par zhugs nas/sangs rgyas chen po 'byung ba zhes bya ba 'di nyid kyi sku dang gsung dang thugs rdo rje rnams las phyung ngo// A+oM sarba ta thA ga ta bung+d+ha kro d+hI shwa rI hUM/ 'khor lo kun tu 'byung ba zhes bya ba'i ting nge 'dzin to// de nas bcom ldan 'das mnyam pa'i rin po che 'byung ba zhes bya ba'i ting nge 'dzin la snyoms par zhugs nas/ yang dag pa'i rgyal sras 'byung ba 'di nyid kyi sku dang gsung dang thugs rdo rje rnams las phyung ngo// A+oM rat+na ma hA kro d+hI shwa rI hUM phaT/ yon tan chen po kun tu rgyas pa zhes bya ba'i ting nge 'dzin to// de nas bcom ldan 'das chags pa chen po'i rdo rje kun tu bsgyings pa zhes bya ba'i ting nge 'dzin la snyoms par zhugs nas/'gag pa med pa'i rnam par rol pa 'di nyid kyi sku dang gsung dang thugs rdo rje rnams las phyung ngo// A+oM pad+ma kro d+hI shwa rI hUM phaT/ chu skyes kun tu 'byung ba zhes bya ba'i ting nge 'dzin to// de nas bcom ldan 'das phrin las thams cad yongs su grub pa zhes bya ba'i ting nge 'dzin la snyoms par zhugs nas/ las kyi rgyal po 'byung ba zhes bya ba 'di nyid kyi sku dang gsung dang thugs rdo rje rnams las phyung ngo// A+oM a mo g+ha ga karma kro d+hI shwa rI hUM phaT/ las kyi rdo rje kun tu 'byung ba zhes bya ba'i ting nge 'dzin to// dkyil 'khor ma lus kun 'byung ba// rgyal ba'i yum rnams mkhas pas brtag/ yan lag cho ga mkhas pa yis// rtsa ba yi ni dbyibs bzhin du// mkhas pas nan tan 'bad par bya// sngon du bstan pa'i cho ga la// gang dag mkhas pa de yin te// bya dang byed pa bsam mi khyab// rdo rje 'byung ba'i btsun mo ni// mkhas pas rdo rje'i mig gis blta// ji ltar 'khor lo 'byung ba yang// de ltar 'khor lo mig gis blta// gang dag rin chen 'byung ba'i ma// dpa' bo rin chen mig gis blta// pad+ma 'byung ba pad+ma'i yum// sgeg mo pad+ma'i mig gis blta// gang dag las mchog 'byung ba'i yum// sna tshogs las mchog mig gis blta// da nas de'i tshe de'i dus na yang/ sangs rgyas sras chen gyis 'bad pa yongs su grub pa'i byang chub sems dpa' du ma'i tshogs kyi mthus 'di skad ces gsol to// rdo rje rgyal sras bskyed mdzad nas// lhums nas rdo rje rgyal sras gtso// ji srid rdo rje'i sras byung nas// rdo rje yum mchog phyag 'tshal lo// 'khor lo'i rgyal sras bskyed mdzad nas// lhums nas 'khor lo'i rgyal sras gtso// ji srid 'khor lo'i sras byung nas// 'khor lo'i yum mchog phyag 'tshal lo// rin chen rgyal sras bskyed mdzad nas// lhums nas rin chen rgyal sras gtso// ji srid rin chen sras byung nas// rin chen yum mchog phyag 'tshal lo// pad+ma'i rgyal sras bskyed mdzad nas// lhums nas pad+ma'i rgyal sras gtso// ji srid pad ma'i sras byung nas// pad+ma'i yum mchog phyag 'tshal lo// las kyi rgyal sras bskyed mdzad nas// lhums nas las kyi rgyal sras gtso// ji srid las mchog sras byung nas// las mchog yum la phyag 'tshal lo// zhes rdo rje'i glu dang// rin po che dang/ phrin las chen po'i glu blang ba la sogs pas yongs su bstod pa byas so// de nas yum rnams so so rang rang gi lhums nas rgyal sras thogs pa med pa'i rigs rnams bltams par gyur te/'di ltar phyogs bcu'i phyogs kyi phyogs la sogs pa nam mkha'i rang bzhin thams cad gang bar gnas pa ni/khab rtse'i gnas gcig tsam yang med par ji ltar nyungs 'bru mar gyis gtams pa dang/ 'di ltar til gyi gang bu bzhin du sras kyi tshogs du mas rol cing bzhugs te/ 'bar ba'i sras sprin gyi tshogs phyogs bcu kun tu gtibs pa dang/yongs su tshogs par gyur pa dang/ yum rnams kyang rdo rje dang pad+ma la sogs pa'i rnam par rol cing kun tu rtse bar gyur to// de nas bcom ldan 'das rdo rje chen po gsor ba gsum gyis rnam par grol ba zhes bya ba'i ting nge 'dzin la snyoms par zhugs nas/rdo rje snying po bzhugs pa zhes bya ba'i gsang sngags 'di nyid kyi sku dang gsung dang thugs rdo rje rnams las phyung ngo// A+oM sarba ta thA ga ta tsit+ta badzra swa b+hA wa At+ma kou0f85haM/ thugs kyi rdo rje de kho na nyid ces bya ba'i ting nge 'dzin to// de nas bcom ldan 'das 'khor lo chen po yongs su 'dod chags dang rnam par bral ba zhes bya ba'i ting nge 'dzin la snyoms par zhugs nas/rdo rje rnam par brtag pa'i gsang sngags 'di gsungs so// A+oM sarba ta thA ga ta kA ya badzra swa b+hA wa At+ma kou0f85haM// sku rdo rje rnam par brtag pa zhes bya ba'i ting nge 'dzin t o// de nas bcom ldan 'das pad+ma chen po rtog pa zad pa zhes bya ba'i ting nge 'dzin la snyoms par zhugs nas/ 'gag pa med pa'i byin rlabs chen po 'di nyid kyi sku dang gsung dang thugs rdo rje rnam las phyung ngo// A+oM sarba ta thA ga ta bA ka badzra swa b+hA wa At+ma kou0f85haM/ gsung gi rdo rje rnam par brtag par brtag pa zhes bya ba'i ting nge 'dzin to// de nas bcom ldan 'das rin po che shes rab chen po'i rgyal mtshan bkod pa zhes bya ba'i ting nge 'dzin la snyoms par zhugs nas/sangs rgyas thams cad kyi rjes su chags pa'i gsang sngags rdo rje zhes bya ba 'di nyid kyi sku dang gsung dang thugs rdo rje rnams las phyung ngo/ A+oM sarba ta thA ga ta a nu rA ga badzra swa b+hA wa At+ma kou0f85haM/ yum mnyes par byed pa'i rdo rje brtag pa zhes bya ba'i ting nge 'dzin to// de nas bcom ldan 'das rgya gram chen po the tshom med pa'i ye shes rdo rje blo gros zhes bya ba'i ting nge 'dzin la snyoms par zhugs nas/byang chub kyi sems 'phro ba dang/ 'du ba'i gsang sngags 'di nyid kyi sku dang gsung dang thugs rdo rje rnams las phyung ngo// A+oM sarba ta thA ga ta ma hA pU dza badzra swa b+hA ba At+ma kou0f85 haM/bdag nyid rnam par dag pa'i mchod pa chen po brtag pa zhes bya ba'i ting nge 'dzin to// de nas de'i tshe de'i dus na/ de bzhin gshegs pa'i byin gyis rlabs kyis ting nge 'dzin phun sum tshogs pa 'khor rnams kyi spyod yul du mdzad do// de yang 'di lta ste/ byang chub sems dpa' la las ni rnam par brtag pa zhes bya ba'i ting nge 'dzin thob bo// la las ni rnam par mi g.yo ba zhes bya ba'i ting nge 'dzin thob bo// la las ni yang dag par g.yo ba zhes bya ba'i ting nge 'dzin thob bo// la las ni kun tu 'bar ba zhes bya ba'i ting nge 'dzin thob bo// la las ni kun tu sdud pa zhes bya ba'i ting nge 'dzin thob bo// la las ni rnam par rtse gcig pa zhes bya ba'i ting nge 'dzin thob bo// la las ni 'od zer 'gyed pa zhes bya ba'i ting nge 'dzin thob bo// la las ni lung bstan pa zhes bya ba'i ting nge 'dzin thob bo// la las ni rdzu 'phrul chen po'i mthu 'phrog pa zhes bya ba'i ting nge 'dzin thob bo// la las ni rtse mo la rnam par rol pa zhes bya ba'i ting nge 'dzin thob bo// la las ni bdag gi 'bad pa grub pa zhes bya ba'i ting nge 'dzin thob bo// la las ni gzhan rnam par grol ba zhes bya ba'i ting nge 'dzin thob bo// la las ni mthu nyams par byed pa zhes bya ba'i ting nge 'dzin thob bo// la las ni gsang sngags kyi mthu ston pa zhes bya ba'i ting nge 'dzin thob bo// la las ni dug rnam par 'joms pa zhes bya ba'i ting nge 'dzin thob bo// la las ni lam mnan pa zil gyis gnon pa zhes bya ba'i ting nge 'dzin thob bo// la las ni bkod pa chen po zhes bya ba'i ting nge 'dzin thob bo// la las ni mi zad pa'i rgyan zhes bya ba'i ting nge 'dzin thob bo// la las ni sems kyi rin po che zhes bya ba'i ting nge 'dzin thob bo// la las ni phyag rgya ston pa zhes bya ba'i ting nge 'dzin la thob bo// la las ni kun tu rgyal ba'i ye shes zhes bya ba'i ting nge 'dzin thob bo// la las ni kun tu 'gro ba zhes bya ba'i ting nge 'dzin thob bo// la las ni bgrod pa med pa zhes bya ba'i ting nge 'dzin thob bo// la las ni snod bcud rnam par dag pa'i rdo rje zhes bya ba'i ting nge 'dzin thob bo// la las ni rdo rje chen po'i ye shes zhes bya ba'i ting nge 'dzin thob bo// la las ni 'khor lo chen po'i ye shes zhes bya ba'i ting 'dzin thob bo// la las ni rin po che'i ye shes zhes bya ba'i ting nge 'dzin thob bo// la las ni pad+ma chen po'i ye shes zhes bya ba'i ting nge'adzin thob bo// la las ni rgya gram chen po'i ye shes zhes bya ba'i ting nge 'dzin thob bo// la las ni kun tu zhi ba zhes bya ba'i ting nge 'dzin thob bo// la las ni thams cad rgyas pa zhes bya ba'i ting nge 'dzin thob bo// la las ni dbang mchog rdo rje zhes bya ba'i ting nge 'dzin thob bo// la las ni rdo rje mngon spyod rnam par rol pa zhes bya ba'i ting nge 'dzin thob bo// la las ni dpa' bo chen po zhes bya ba'i ting nge 'dzin thob bo// la las ni sgeg pa chen po zhes bya ba'i ting nge 'dzin thob bo// la las ni 'jigs pa chen po zhes bya ba'i ting nge 'dzin thob bo// la las ni rgod pa chen po zhes bya ba'i ting nge 'dzin thob bo// la las ni snying rje chen po zhes bya ba'i ting nge 'dzin thob bo// la las ni rngam pa chen po zhes bya ba'i ting nge 'dzin thob bo// la las ni zhi ba chen po zhes bya ba'i ting nge 'dzin thob bo// la las ni dkyil 'khor chen po zhes bya ba'i ting nge 'dzin thob bo// la las ni dkyil 'khor chung ngu zhes bya ba'i ting nge 'dzin thob bo// la las ni legs pa'i blo gros zhes bya ba'i ting nge 'dzin thob bo// lal las ni dam tshig chen po zhes bya ba'i ting nge 'dzin thob bo// la las ni phyag rgya chen po zhes bya ba'i ting nge 'dzin thob bo// la las ni thams cad rol pa zhes bya ba'i ting nge 'dzin thob bo// la las ni phyogs dang bcas pa zhes bya ba'i ting nge 'dzin thob bo// de ltar de dag gi 'khor rnam par dag pa'i rnal 'byor dang/rnal 'byor gyi dbang phyug chen po dang/ rjes su rnal 'byor la sogs pa'i rig 'dzin dang/ 'khor phal po che'i tshogs rnams kyang thams cad dam pa'i tshogs chen po'i ros tshim zhing myong ba ni sangs rgyas kyi mthu chen po'o// de dag ni de bzhin gshegs pa yab yum tshogs kyi rdo rje la/ rdo rje'i glu la sogs pa dang/ gar la sogs pas kun tu mchod nas/ yang dag pa'i blta ba chen pos bltas so// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/ dpal rdo rje 'jigs byed kyi dbang phyug chen pos/ gzung 'dzin gnyis kyi rdo rje mnyam par sbyor ba zhes bya ba'i ting nge 'dzin la snyoms par zhugs nas/gzung 'dzin mthar byed rnam par gtsigs pa zhes bya ba 'di nyid kyi sku dang gsung dang thugs rdo rje rnams las phyung ngo// ya mAn+ta kr-ita/ gzung 'dzin rnam par spang ba zhes bya ba'i ting nge 'dzin to// de nas bcom ldan 'das rnam par zab pas rol pa zhes bya ba'i ting nge 'dzin la snyoms par zhugs nas/ nyid kyi sku dang gsung dang thugs rdo rje las/ snyems par byed pa'i gsang sngags 'di phyung ngo// pra dz+nyAn+ta kr-ita/ shes rab mthar byed rnam par brtag pa zhes bya ba'i ting nge 'dzin to// de nas bcom ldan 'das 'dod chags chen pos rnam par rol pa 'byung ba'i nga ro zhes bya ba'i ting nge 'dzin la snyoms par zhugs nas/pad+ma chen po'i rigs las byin gyis rlobs pa zhes bya ba 'di nyid kyi sku dang gsung dang thugs rdo rje rnams las phyung ngo// pad+mAn+ta kr-ita/ rta skad kyi rol pa rnam par brtag pa zhes bya ba'i ting nge 'dzin to// de nas bcom ldan 'das thams cad kyi rdo rje 'dus pa'i ting nge 'dzin la snyoms par zhugs nas/ bgegs mthar byed 'byung ba zhes bya ba'i ting nge 'dzin 'di nyid kyi sku dang gsung dang thugs rdo rje rnams las phyung ngo// big+h+nAn ta kr-ita/ las kyi bdud rtsis rnam par myos pa zhes bya ba'i ting nge 'dzin to// de bzhin gshegs pa thams cad kyi sku dang gsung dang thugs kyi tshul mi dmigs pa mnyam pa'i rdo rje ste/thams cad kun gyi sgor gnas pa/ thun mong chen po zhes kyang bya/ de nas byams pa chen po zhes bya ba'i ting nge 'dzin la snyoms par zhugs nas/ nyid kyi sku dang gsung dang thugs rdo rje rnams las dgug pa mngon par grub pa'i ye shes 'di phyung ngo// dza rdo rje lcags kyu rnam par brtag pa zhes bya ba'i ting nge 'dzin to// de nas bcom ldan 'das snying rje rnam par rol pa zhes bya ba'i ting nge 'dzin la snyoms par zhugs nas/nyid kyi sku dang gsung dang thugs rdo rje rnams las gzhug pa mngon par grub pa'i ye shes 'di phyung ngo// hUM/ rin po che bcings pa'i rnam par brtag pa zhes bya ba'i ting nge 'dzin to// de nas bcom ldan 'das dga' bas rnam par rol pa zhes bya ba'i ting nge 'dzin la snyoms par zhugs nas/ pad+ma'i bsdam pa mngon par grub pa zhes bya ba 'di nyid kyi sku dang gsung dang thugs rdo rje rnams phyung ngo// baM/ pad+ma lcags sgrog rnam par brtag pa zhes bya ba'i ting nge 'dzin to// de nas bcom ldan 'das btang snyoms chen pos rnam par rol pa zhes bya ba'i ting nge 'dzin la snyoms par zhugs nas/las chen po'i dril bu mngon par grub pa 'di nyid kyi sku dang gsung dang thugs rdo rje rnams las phyung ngo// hoH/ btang snyoms chen po'i dril bu rnam par brtag pa zhes bya ba'i ting nge 'dzin to// de nas sangs rgyas kyi mthus 'jig rten chen po de 'gyur bas dkyil 'khor chen por snang ngo/ gtso bo dang 'khor dang bcas pa thams cad 'khor lo bzhi'i dkyil 'khor rang gi btsun mo dang mnyam du 'khril te/shin tu 'o byed cing snyoms par zhugs so// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/ dpal rdo rje 'jigs byed dbang phyug chen po mi zad pa'i rgyan gyis rdo rje dkyil 'khor rnam par 'byung ba zhes bya ba'i ting nge 'dzin la snyoms par zhugs nas/'bar ba chen po'i zhing khams phun sum tshogs pa 'di nyid kyi sku dang gsung dang thugs rdo rje las phyung ngo// dkyil 'khor dpa' bos rab tu bya// mdzes pa'i thig skud mkhas pas bya// sor mo nyis brgya rtsa bcu brgyad// mkhas pas dkyil 'khor tshad du bya// ngo bo bzhi dang zur bzhi dang// sgo bzhi dang ni 'khor lo bzhi// lha yang bzhi pa'i tshad du 'gyur// dbus mnyam pa ni zlum po che// de dbus 'khor lo bri bar bya// las la lung thob gang yin pas// phyag rgya dgod pa brtsam par bya// dbus ma mnyam pa ni rdo rje// mig sman gyi ni mdog dang 'dra// gtso bo'i grangs dang mnyam pa yi// rtse ba 'phro ba dbus su gzhag/ rtsibs brgyad pa ni 'bar ba ste// mdun du yang dag gnas par bya// rdo rje mdzes pa de ltar ro// 'od zer du ma rin po che// rang gi gnas su gzhag par bya// de bzhin pad+ma ral gri che// pad+ma rA ga rang gi mdog/ thams cad rang gi rgyan gyis gzhag par bya// be con tho ba pad rgya gram// ji ltar phyogs phyogs de bzhin no// de dag cha lugs rdzogs pa ni// dkyil 'khor 'di ni rab bshad pa// dkyil 'khor 'byung ba rnam gnyis te// gang dag spyi yi don dang sgos// gnas pa de yis so so yin// 'di ni spyi yi dkyil 'khor te// dkyil 'khor thams cad 'byung ba'o// 'di ni zhi rgyas dbang mngon spyod// 'di ni 'di ltar kun tu 'gyur// mkhas pas gang la gang mos pa// lhag par 'jug pa'i dkyil 'khor brtag/ shes rab can gyis sngar bsgyur zhing// mkhas pas glang chen lcags kyu ltar// gang la gang nges rigs su brtag/ 'das dang ma 'ongs lha rnams kyi// rigs ni nges par sems kyis bsgyur// 'di ni gtso bo'i las chen te// gnang ba thob par bya ba yang// rang mos dkyil 'khor brtag par bya// phyogs bcu dus gsum bder gshegs kyi// dkyil 'khor kun gyi rgyu yin te// 'bras bu rnams la nan tan bya// lha dang gtso bo sngags kyi sgra// lhag par mos pa'i sgra yis brjod// gang 'di mngon spyod cher gnas zhes// mkhas pas zhen pa spang bar bya// rdo rje 'khor lo rin chen dang// pad+ma rgya gram dbus gnas par// gnas dang phyag rgya 'khor gyi tshogs// mkhas pas spyi yi rigs ltar brtag/ 'khor gyi dam pa sems las bskyed// gal te spyod dang mi gnas par// 'khor ba la sogs snam bu la// ci rigs pa yi phyogs su dgod// gal te gtso bo gcig la yang// mkhas pas du ma'i 'khor du gzhag/ 'bar ba'i gtso bo rnam gzhag pa// phra mo'i las la mkhas pa yis// 'khor las gtso bo brtag par bya// tha na tha ma'i las la yang// 'bar ba'i cod pan mdzes par bya// 'di ni 'phro ba'i dkyil 'khor te// dkyil 'khor thams cad 'di las 'phros// 'di ni 'du ba'i dkyil 'khor te// dkyil 'khor thams cad 'di la 'du// 'di ni gnas pa'i dkyil 'khor te// dkyil 'khor thams cad 'di la gnas// rang bzhin dkyil 'khor brtag pa zhes bya ba'i ting nge 'dzin to// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las de bzhin gshegs pa thams cad kyi sku dang gsung dang thugs rdo rje'i rang bzhin gyi rnam par bkod pa chen po zhes bya ba'i le'u ste bzhi pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/dpal rdo rje 'jigs byed kyi dbang phyug chen po so sor rtog pa'i shes rab chen po dri ma med pa'i stobs kyis bdud sreg par byed pa'i ting nge 'dzin la snyoms par zhugs nas/rnam par mnal bar gyur to// de nas de'i tshe de'i dus na/ rig 'dzin chen po 'khor dang bcas pa rnams/ rang rang gi 'khor dang bcas pas bcom ldan 'das la mngon par blta zhing tshigs su bcad pa'i dbyangs kyis gsol ba btab pa/kye ma sangs rgyas mdzad pa che// cho 'phrul chen po ston pa po// bde ba chen po'i myu gu las// 'bras bu gya nom bshad du gsol// sprul pa las kyang sprul pa che// sras kyi dam pa khro bo mchog/ gdug pa mche ba rnon po can// 'bar ba'i sprin phung bshad du gsol// gdug pa bsreg par bgyi ba dang// slob dpon smod pa gsod pa dang// sangs rgyas bstan pa'i slad bzhin du// myur du khro chen bshad du gsol// zhes gsol pas/ de nas bcom ldan 'das de bzhin gshegs pa sarba kun gyi sku dang gsung dang thugs kyi bdag pos/ rang bzhin gyis 'bar ba'i kun tu gnon pa zhes bya ba'i ting nge 'dzin la snyoms par zhugs nas/myur du sreg pa zhes bya ba'i rnam par 'phrul pa'i gsang sngags 'di bshad do// na maHsa man+ta kA ya bAg tsit+ta badzrA NAM/ A+oM kha kha khA hi khA hi/ sarba duSh+ta na sa twa da ma ka a si mu sa la pa ra shu pA sha hasta/ tsa tur mu kha tur b+hU dza Sha Tatsa ra Na/ A gats+tsha A gats+tsha/ sarba duSh+tAn pra NA a pa hA ri Ni/ ma hA big+hA na bi g+h+rA ta ka/ bi kr-i tA nAn/sarba b+hU ta b+ha yaM ka ra/ aT+Ta aT+Ta ha sa nA di ni/ byA g+h+ra tsarma ni ba sa na ku ru ku ru/ sarba karmA Ni ts+tshin+da ts+tshin+da/ sarba man trA na b+hin da b+hin da/ pa ra mu trAr+Sha na A karaSha ya/ A karaSha ya/ sarba b+hU tA' na ma tha ma tha/nirma tha nirma tha sarba duSh+tan na pra be sha ya/ pra be sha ya/ maN+Da la a D+h+ya/ bai ba sra ta dzI bi tA' na ta ka ra ku ra ku ru/ ma ma sarba kAr+YaM/ da ha da ha/ pa tsa pa tsa/ mA bi lam+ba/ mA bi lam+ba/ sa ma ya ma nu sma ra hUM hUM phaT phaT/s+pho Ta ya s+pho Ta ya/ sarba nA sha ya/ ka ra ka ra big+h+nAn/ sarbA sha pa ri pU ra ka he he b+ha ga bAn/ kiny+tsa rA ya si/ ma ma sarba Ar+tha sA d+ha ya swA hA/ 'di dag gsungs pa'i mod la ni// rdo rje mthu ldan sangs rgyas kyis// ma lus 'khor dang bcas pa kun// thams cad 'jigs shing 'jigs pa che// myur du sregs shing shin tu brgyal// ba spu gzings par gyur pa dang// mig ni mchi mas rab tu 'khrugs// byang chub sems dpa' rnams dran cing// 'bar ba'i tshe la gnod pa tsam/ khro bo'i nang nas khros pa gtso// mig sman mdog bzhin kun tu 'tsher// 'chi bdag gsod mdzad gshin rje'i rgyal// gtum pa che la mngon par gus// zhes gsungs so// de yi mod la 'jigs pa'i gzugs// nam mkha' rdo rje dbus gnas su// nyi ma la ni zhabs bskyed ste// rang gi pha bas rnam par brgyan// ri rab brtsigs pa'i 'od bzhin du// mig dmar bzlog pas gtan du 'jigs// mche ba rno la ring ba gtsigs// sku yi rdo rjes cod pan rgyan// ral gri la sogs mtshon bsnams shing// 'bar ba dur khrod dbus na 'jigs// 'jigs pa'i 'khor gyis kun tu bskor// dur khrod sems can 'du zhing 'khrug/ dpa' bos kun tu spyad pa ni// rdo rje can dag nyid du sbyar// 'bar ba drag po'i dkyil 'khor la// thal ba chen pos bgos pa'i gzugs// thod pa srubs med rigs can la// mnan nam bsad pa'i cho ga yin// gsang sngags rjes su dran byas nas// gsum mam bdun ni brjod nas ni// bdud ni kun tu rtsir 'gyur bstan// gal te dpa' bo'i las rnams la// myur du zhi bar 'dod na yang// yum ni zhi ba'i gsang sngags dang// ting nge 'dzin gyis grol bar bya// g.yas pa yi ni phan tshun te// sor mo bsdus pa'i dbus gnas pa// kun tu bsdus pa brdeg pa'i stabs// gzhan ni yum gyi ngos bzhag ste// dbu ma'i tshad du 'gying pa ste// dpa' bo rngam pa'i phyag rgya yin// gshin rje'i gshed kyi ye shes snang ba brtag pa zhes bya ba'i ting nge 'dzin to// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/gshin rje'i gshed 'byung ba rnam par brtag pa zhes bya ba'i le'u ste lnga pa'o//// de nas bcom ldan 'das brtan pa'i rdo rje dam tshig rnam par 'phro ba zhes bya ba'i ting nge 'dzinal snyoms par zhugs nas/bdud rtsi'i thig le'i dam tshig gi rdo rje 'di nyid kyi sku dang gsung dang thugs rdo rje rnams las phyung ngo/ na maHsa man+ta kA ya bAg tsit+ta badzra NAM/na mo badzra kro d+ha ya/ mahA daM Sh+tot+ka Ta b+hai ra bA ya/ a si mu sa la par shu pA sha hastA ya/ oM a mr-i ta kuN+Da li/ kha kha khA hi khA hi/ tiSh+Tha tiSh+Tha/ ban d+ha ban d+ha/ ha na ha na/ da ha da ha/ pa tsa pa tsa/gardza gardza/ s+pho Ta ya s+pho Ta ya/ sarba big+h+nAn/ bi nA ya kA na/ ma hA ga Na pa ti dzI bi ta an ta ka rA ya swA hA/ 'di ni gsungs ma thag tu yang// mthu dang ldan pa'i bde gshegs rnams// shin tu 'dar zhing dngangs par gyur// rab tu 'jigs pa skyes nas kyang// 'bar ba che la bstod par byed// mi 'chi nga yi g.yung drung ste// zag pa med pa'i bdud rtsi che// skrod cing 'jigs pa cher 'gyur ba// bgegs rgyal 'joms la phyag 'tshal bstod// gnag la gsus pa 'phyang ba ni// mi bskyod rdo rje'i cod pan can// 'phro dang 'du ba'i sprin rnams 'khrugs// mi yi rkang la phur pa bya// rdo rje can yang skrod 'gyur bas// dngos po gzhan la the tshom med// lag gnyis rdo rje dbus bstan te// rkang gnyis gshibs te drag tu mchongs// 'jigs pa'i rang bzhin rnam brtag ste// bdud rtsi rgyal gyi phyag rgya yin// las rnams thams cad bsam pas 'grub// dug zhi bar byed pa zhes bya ba'i ting nge 'dzin to// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ bdud rtsi 'byung ba brtag pa zhes bya ba'i le'u ste drug pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po mnyam pa nyid kyi rdo rje 'phro ba zhes bya ba'i ting nge 'dzin la snyoms par zhugs te/khro bo rdo rje gzhan gyis mi thub pa zhes bya ba'i gsang sngags 'di nyid kyi sku dang gsung dang thugs rdo rje rnams las phyung ngo/ namaHsan+ta kA ya bA ga tsit+ta badzra NAM/ A+oM hUM dzin ri Ti T+Ta hUM hUM phaT phaT swA hA/ 'di nyid gsungs pa'i mod la ni// sangs rgyas dbang phyug chen po rnams// 'jigs shing rab tu 'jigs gyur nas// bstod pa sna tshogs rtsom pa yin// bgegs kyi mthu rnams zlog byed cing// sangs rgyas rnams kyis dbang bskur ba// gzhan gyis mi thub gzhan las rgyal// rdo rje las mdzad phyag 'tshal lo// nyi ma 'bar ba zhabs kyis mnan// nam mkha' rdo rje dbus gnas bde// sbrul gyi rgyan can 'jigs par blta// rA ga'i mdog bzhin kun tu 'tsher// rdo rje thugs kyi cod pan can// drag po'i sgra 'byin 'bar ba 'phro// thabs kyi phyogs ni srid du brgyang// shes rab phyogs ni phyogs bcur phyag/ gzhan las rgyal gyi phyag rgya yin// dpa' bos gsang ba'i gnas su 'bad// 'byung po che rnams sreg par byed// dpa' bo phra mo the tshom med// 'di la dpag par mi bya'o// rnam par bsdigs pa chen po'i brtag pa zhes bya ba'i ting nge 'dzin to// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ gzhan gyis mi thub pa zhes bya ba'i le'u ste bdun pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/dpal rdo rje 'jigs byed chen po/ 'dod chags rdo rje rnam par 'byung ba zhes bya ba'i ting nge 'dzin la snyoms par zhugs nas/rta skad kyi rnam par 'phrul pa chen po 'di nyid kyi sku dang gsung dang thugs rnams las phyung ngo// A+oM hUM hUM hUM/ ta ru la bi ru la/ sarba bi Sha g+hA ta ka ba/ dz+wa li ta/ bis+phu/ ling+ga/ aT+Ta aT+Ta hA sa/ ke sa ris To Tas/badzra khu ra nir+g+hA ta na/ tsa li to/ ba su d+hA ta la/ ni shwA sa mA ru tad k+Shi ba ta/ d+ha ra NI d+ha ra/ b+hi Sha Na aT+Ta aT+Ta hA sa a pa ri mi ta/ ba la sa tA kra ma/ Ar+ya ga Na b+hI ta b+hU ta ga NA d+h+ya Shi ta/ bud+h+ya bud+h+ya/ ha ya grI ba/khA da khA da/ pa ra sa na trI/ ts+tshin+da ts+tshin+da/ ba ta ba ta/ sing+d+hi m+me di sha/ A be sha ya/ sarba dz+wa ra pi shA tsA na/ sarba gra he ShA pra ti ha ti b+ha ba badzra daMSh+tA kany+tsi rA ya si/ i daM duSh+ta sarbaM wA/ d+hu na d+hu na/ ma tha ma tha/ pA Ta pA Ta/pA Ti ya pA Ta ya/ ma Ta ma Ta/ ban d+ha ban d+ha/ bud+d+ha d+harma saM g+hA nu/ dz+nyA na karma ku ru shI g+h+raM/ ha ya grI ba ya phaT/ badzra ya phaT/ badzra gA trA ya tra phaT/ badzra na trA ya phaT/ badzra daMSh+tA ya phaT/ badzra khu rA ya phaT/ badzra khur nir+g+hA ta nA ya phaT/ ba ra man tra bi nA sha nA ya phaT/ trA+ai lo kya b+ha yi ka rA ya phaT/ sarba karma ShA pra ti ha tA ya phaT/ badzra ku la san+t+rA sa nA ya phaT/ hUM hUM hUM phaT phaT phaT swA hA/ gsang sngags gsungs pa'i mod la ni// rdo rje rgya mtsho'i sangs rgyas rnams// shin tu 'jigs pa'i sems skyes nas// rdo rje chos la bstod pa byed// 'dod chags chen po rmad byung sku// dran pas khams gsum dug 'joms pa// mi bzad 'jigs chen bdag phyag 'tshal// nam mkha' rdo rje dbus nas su// nyi ma'i dkyil 'khor brtag bya ste// rdo rje rta yi dam tshig brtag/ 'od zer mang po 'du long byed// dmar po 'od dpag gcod pan can// thal mo mnyam du sbyar byas nas// gung mos 'du byed bsgrub par bya// mthe bong dpral ba'i steng du bzhag/ rta yi rgyal po gdengs pa'i rgya/ khams gsum dug rnams zhi bar byed// mkhas pas thams cad las kyang 'grub// sdug bsngal chen po zhi bar byed pa zhes bya ba'i ting nge 'dzin to// 'phags pa de bzhin gsheg pa thams cad kyi ye shes kyi rtse mo zhes bya ba'i rgyud kyi rgyal po che po las/ rdo rje rta'i rgyal po rnam par brtag pa 'byung ba zhes bya ba'i le'u ste brgyad pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/ dpal rdo rje 'jigs byed kyi dbang phyug chen po las chen po'i nying lag gi 'od 'phros pa zhes bya ba'i ting nge 'dzin la snyoms par zhugs nas// rdo rje dbyug pa chen po'i gsang sngags 'di nyid kyi sku dang gsung dang thugs rdo rje rnams las phyung ngo// na maHsan+ta kA ya bA ga tsit+ta badzrA NAM/ A+oM e h+ye hi b+ha ga wAn/ ni la badzra daN+Da/ tu ru tu ru/ hu lu hu lu swA hA/ gu lu gu lu/ gu lA pa ya gu lA pa ya/ kra ma kra ma b+ha ga bAn/ bA yu be ge na/ b+hU tAn shI g+h+raM/ da ha da ha/ da ra da ra/ ha na ha na/ pa tsa pa tsa/ bi ta bi ta phaT phaT/ pA ta ya pA ta ya/ ma Ta ma Ta/ mo TA pa ya mo TA pa ya/ sarba karkA Ni/ ts+tshin+da ts+tshin+da/ b+hAk+Sha ya b+hAk+Sha ya/ a s+thi mi daM ad+ya/ ru d+hi ra ma dza ba/ mi daM bi shA ma dz+dza ru d+hi ra/pri ya e h+ye hi b+ha ga bAn/ sarba big+h+nA naM/ sarba bid+ya ni/ sarba man+t+ra Ni/ sarba mU la karma NI/ sarba kri tri na Ni/ bi Sha di ni sarba gra hA' na/ ha na ha na b+hany+dza b+hany+dza/ marda marda i daM me/ kAr+yaM sA d+ha ya hUM/ nI la ya nI la ya/nI la badzra daN+Da ya/ tu ru tu ru/ big+h+nAM bi nA ya kaM nA sha ya nA sha ya/ tu ru tu ru/ dIp+ta tsaN+Da ya/ sarba ga trUM NAM hr-i da ya ni/ bI Ta ya/ ts+tshin+da ts+tshin+da/ pa ra bid+ya nI/ ts+tshe da ka hUM/ bid+yA nAM/ shiSh+ti ka sa ma ya ma nu sma ra ya/badzra d+ha ra pa tsa nAM/ tsa mA ra ma Ni/ ni krin ta hUM/ ha na ha na/ da ha da ha/ pa tsa pa tsa/ tu ru tu ru/ ku ru ku ru/ phaT phaT hUM hUM/ kr-i tAn tA ya/ de ba ri Shi/ bi drA ba kA ya/ ha na badzra daN+De na swA hA/ de bzhin 'di ni gsungs pas kyang// sangs rgyas grags chen stobs bzang ba// rnam par bred cing dngangs par 'gyur// dbyug pa che la bstod pa 'bad// las las byung ba las kyi lha/ khro chen dbyug pa'i gdeng ka can// 'jigs byed 'jigs pa'i rgyan gyi brgyan// phyag 'tshal gsod bdag khyod la 'dud// gnag la skams pa'i khro bo ni// 'bar ba'i phreng bas 'khrug par byas// thugs kyi rdo rje cod pan can// las rnams kun la gsod par brtson// thabs kyi tsam po tha ma'i cha// de yi dbus gnas srid du brkyang// rdo rje dbyug pa'i rgya chen yin// myur du shi bar bya ba rnam par brtag pa zhes bya ba'i ting nge 'dzin to// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/'phags pa rdo rje dbyug pa 'byung ba'i rnam par brtag pa zhes bya ba'i le'u ste dgu pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/dpal rdo rje 'jigs byed kyi dbang phyug chen po ye shes 'phro ba chen po phung po bkod pa zhes bya ba'i ting nge 'dzin la snyoms par zhugs nas/rdo rje stobs kyi gsang sngags 'di nyid kyi sku dang gsung dang thugs rdo rje rnams las phyung ngo// na maHsa man+ta bung+d+hA nAM kA ya bAg tsit+ta badzrA NAM/ oM hUM hUM hUM/ phaT phaT phaT/ oM u gra shU la pA Ni/hUM hUM hUM/ phaT phaT phaT/ oM dz+yo ti ni ra da nA/ hUM hUM hUM/ phaT phaT phaT/ A+oM ma hA ba lA ya swA hA/ 'di ni gsungs ma thag tu yang// sangs rgyas tshogs chen 'jigs gyur nas// rab tu 'dar bas bstod par byed// rdo rje rdo rje stobs kyi mchog/ gang gis dran na klu rnams 'jigs// de phyir char gyi rgyun 'bebs shing// bzlas la mdzad stobs la bstod do// mkhas pas nam mkha' rdo rje'i dbus// nyi ma'i dkyil dbus rnam bsam bya// 'bar ba'i 'du 'phro sku la 'bar// thugs kyi rdo rje cod pan byas// las kyi rgyal por brtag par bya// thur du rkang mthil mnyam gnas shing// lag pa so sor gar la brtson// stobs chen 'chang ba'i nga rgyal ni// rdo rje stobs kyi phyag rgya yin// mnyam gnas mkhas pas 'bad par bya// phyi rol gyi las brtag pa zhes bya ba'i ting nge 'dzin to// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/rdo rje stobs kyi rnam par 'phrul pa'i ye shes brtag pa zhes bya ba'i le'u ste bcu pa'o//// de nas bcom ldan de bzhin gshegs pa thams cad kyi sku dang gsung dang thugs rdo rje'i 'brug sgras thos par sgrogs pa zhes bya ba'i ting nge 'dzin la snyoms par zhugs nas/nyid kyi sku dang gsung dang thugs rdo rje rnams las ta kI rgyal po'i gsang sngags 'di phyung ngo// na maHsa ma n+ta kA yabA ga tsit+ta badzra NAM/ TA' k+ki hUM dzaH/ 'di ni gsungs pa'i mod la ni// dbang phyug chen po mtha' yas rnams// 'jigs pa chen po skyes nas 'dud/ khro bo'i rgyal po 'gugs chen po// rgyan rnams rdzogs pa'i rang bzhin ni// nyi ma bye ba brgya yi 'od// thugs kyi rdo rje cod pan 'dud// ling+ga rkang pas mnan nas kyang// lha chen rang bzhin 'dus par bya// thal mo mnyam gnas dbus su yang// gsang ba'i dbang po ltab na 'ong// rnam par dag pa chen po'i brtag pa rdo rje zhes bya ba'i ting nge 'dzin to// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/khro bo'i rgyal po chen po ta kI rgyal po'i rnam par 'phrul pa'i brtag pa rdo rje zhes bya ba'i le'u ste bcu gcig pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po rdo rje 'jigs byed kyi dbang phyug chen po/rdo rje 'bar ba'i stobs kyis kun tu 'bar ba 'phro ba mang pos bya ba'i ting nge 'dzin la snyoms par zhugs nas/ mi g.yo ba'i rdo rje 'byung ba zhes bya ba'i gsang sngags 'di nyid kyi sku dang gsung dang thugs rdo rje rnams las phyung ngo// na maHsa man+ta kA ya bAg tsit+ta badzra NAM/ a tsa la ka Na tsaN+Da na Ta na Ta ta/ moT+Ta moT+Ta/ po ta po ta/ ha ta ha ta/mo ha ya mo ha ya/ ha sa ha sa/ ha na ha na/ tiSh+Tha tiSh+Tha/ A bi sha A bi sha ma hA man+TA pA la ka ti Ni ti Ni/ khad khad/ big+h+nAM/ mA ra ya mA ra ya/ duSh+tAn b+hak+Sha b+hak+Sha/ sarbAM ku ru ku ru/ ki ri ki ri/ ma hA bi Sha ma/ badzra s+pho Ta ya s+pho Ta ya/ hUM hUM hUM/ tri ba li ta raM ga narta ka aM aM aM haM haM haM/ a tsa la tsi Ta/ s+pho Ta ya s+pho Ta ya hUM hUM/ a sa man+ta kA TA/ ma hA ba la sha ta ya/ pa ra mAn+t+raM/ AM AM/ hAM hAM maM shud+h+yen tu lo ka tu sh+YaM tu/ badzrAM na mo t+ya ku a pra ha ta/ba le b+h+yaHdz+wa la ya trAT/ a sa ha na saHswA hA/ 'di dag gsungs pa'i mod la ni// dpa' bo rnams kyang 'dar zhing bstod// kye ma'o bde gshegs spyod yul las// mi g.yo rdo rje rnam par 'jig/'jig rten sreg par mdzad pa ste// spyan zur ral gri bsnams la 'dud// nam mkha' rdo rje dbus gnas su/ khro chen 'jigs shing 'tsheg pa brtag/ thugs kyi rdo rje cod pan brgyan// shes rab kyis ni bsgrub bya 'dzin// thabs kyis cod pan gdengs par byed// rnam par brtag pa chen po 'di// mi g.yo rgyal gyi rgya chen yin// dpa' bos bsgom na las rnams 'grub// thogs pa med par bsgrub pa zhes bya ba'i ting nge 'dzin to// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ 'phags pa mi g.yo bar rnam par 'phrul pa'i ye shes 'byung ba brtag pa zhes bya ba'i le'u ste bcu gnyis pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/ dpal rdo rje 'jigs byed kyi dbang phyug chen po/ rdo rje dgongs pa rnam par 'grub pa zhes bya ba'i ting nge 'dzin la snyoms par zhugs nas/khro bo gnod mdzes rnam par 'byung ba'i gsang sngags 'di nyid kyi sku dang gsung dang thugs rdo rje rnams las phyung ngo// sum b+ha ni sum b+ha ni hUM/gr-i h+Na gr-i h+Na hUM/ gr-i h+NA pa ya/ gr-i h+NA pa ya hUM/ A na ya ho b+ha ga bAn bid+h+ya rA dza hUM phaT/ 'di ni gsungs pa'i mod la ni// 'bar ba rnams kyang bstod par byed// dpa' bo me lcer rab 'bar sku// rdo rje'i 'du 'phro sprin 'khrugs pa// gnon cing 'gugs pa'i las sogs che// thugs kyi cod pan phyag 'tshal lo// nam mkha' rdo rje'i dbus gnas su// rdo rje stobs kyis 'dug nas kyang// rab tu brtson par byed pa yis// mkhas pas gang yang 'grub par nges// gzhan du rnam par dpyad mi dgos// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ 'phags pa sum b+ha rnam par 'phrul pa'i ye shes 'byung ba'i brtag pa zhes bya ba'i le'u ste bcu gsum pa'o//// de nas bcom ldan de bzhin gshegs pa thams cad kyi sku dang gsung dang thugs kyi bdag po/ dpal rdo rje 'jigs byed kyi dbang phyug chen pos/ zab mo rnam par bkod pa'i rdo rje rnam par spangs pa zhes bya ba'i ting nge 'dzin la snyoms par zhugs nas/ hUM chen po rnam par brtag pa zhes bya ba'i gsang sngags 'di nyid kyi sku dang gsung dang thugs rdo rje rnams las phyung ngo// A+oM badzra ma hA kro hUM kA ra oM AHhUM/ 'di dag gsungs pa'i mod la ni// grags pa chen po mtha' yas kyis// rnam par bstod pa spros pa yin/rdo rje hUM ste hUM gi mchog/ hUM gi rang bzhin mkha' dang mnyam// gdug pa'i rgyan gyis rnam par 'bar// rdo rje hUM la phyag 'tshal lo// mkha' dbus lag mthil sbyar te bsgreng// rkang pa brkyang bskum dor thabs 'dor// rdo rje'i stangs stabs gar nyid kyis// goms pa legs par 'jog byed pa// rdo rje hUM gi phyag rgya yin// nam mkha' rdo rje dbus gnas su// nyi ma'i steng du mkhas pas brtag/ thams cad las rnams grub par 'gyur// rtog pa med pa'i mkhas pas 'bad// nam mkha'i rdo rje rnam par brtag pa zhes bya ba'i ting nge 'dzin to// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/'phags pa hUM chen po'i rnam par 'phrul pa'i ye shes 'byung ba'i rnam par brtag pa zhes bya ba'i le'u ste bcu bzhi pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/dpal rdo rje 'jigs byed kyi dbang phyug chen po rnam par dkar ba zhes bya ba'i ting nge 'dzin la snyoms par zhugs nas/ rnam par rgyal ba 'byung ba zhes bya ba'i gsang sngags 'di gsungs so// A+oM badzra ma hA kro d+ha bi dza ya/ ma hA sa ma ya/ oM AHhUM hUM hUM/ 'di ni gsungs pa'i mod la ni// dpa' bo rnams kyang 'dar zhing sngangs// rab tu 'dud pa'i bstod pa byas// rnam par rgyal ba kun las rgyal// 'bar ba'i khro chen gdug pa 'dul// nges pa'i cho ga rdzogs pa'i phyir// dpa' mtshan che la phyag 'tshal bstod// shes rab kyi ni rkang pa yis// thabs la rnam par 'khyud pas ni// lag gi rdo rje gar byed cing// rdo rje thal mo brdab pa ni// rnam par rgyal ba'i phyag rgya yin// nyi ma'i dkyil 'khor dbus gnas pa// 'bar ba'i zhabs kyis mnan nas kyang// gom pa'i dbang du sbyar bar bya// bskal pa chen po'i las rnams kyang/ khro bos mi 'grub gang yang med// mkhas pas rang sems brtan par bya// 'phags pa rnam par rgyal ba'i 'khor lo brtag pa zhes bya ba'i ting nge 'dzin to// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen pa las/ 'phags pa rnam par rgyal ba 'phrul pa'i ye shes kyi rtse mo 'byung ba brtag pa zhes bya ba'i le'u ste bco lnga pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/ dpal rdo rje 'jigs byed dbang phyug chen po/ yang dag pa'i rdo rje 'jigs pa med pa'i kun tu bsgyengs pa zhes bya ba'i ting nge 'dzin la snyoms par zhugs nas/bgegs 'jigs par byed pa'i khro bo khams gsum las rnam par rgyal ba'i gsang sngags kyi 'byung ba brtag pa 'di nyid kyi sku dang gsung dang thugs rdo rje rnams las phyung ngo/oM badzra ma hA kro d+ha trai lo kya hUM sa ma ya s+t+waM/ oM AHhUM hUM hUM/ 'di dag gsungs pa'i mod la ni// dpa' bo rnams kyi tshogs dang bcas// thams cad gus bcas bstod par sbyar// 'jig rten 'dir ni 'jigs pa rnams// thams cad 'jigs par mdzad pa'o// sangs rgyas chen po khros pa'i gzugs// bdag cag khams gsum rgyal la skyabs// nam mkha' rdo rje dbus gnas su// 'bar ba nyid kyi steng na 'gying// rdo rje 'jigs pa'i rgyan gyis bzhag/ dpa' bo the tshom med pa'i rgyu// blo yi rnam par brtag par bya// las rnams 'grub par the tshom med// zhal gsum phyag drug zhabs bzhi'am/yang na gnyis pa brtag pa'o// rgyan ni kun gyis sku la brgyan// lus dang ngag dang yid kyis kyang// rtag tu mnyam sbyor mkhas pas 'grub// gang dang thun mong song ba dang// spyi yi las rnams 'grub par 'gyur// dkyil 'khor 'di ni dkyil 'khor che// rgyud rnams kun gyi cho ga'o// rgyud rnams kun gyi cho gar bsgrub// 'phags pa khams gsum las rnam par rgyal ba'i stobs kyi 'byung ba brtag pa zhes bya ba'i ting nge 'dzin to// 'phags pa de bzhin gshegs pa thams cad kyi ye shes kyi rtse mo zhes bya'i rgyud kyi rgyal po chen po las/ 'phags pa khams gsum las rnam par rgyal ba 'phrul pa'i brtag pa zhes bya ba'i le'u ste bcu drug pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/ dpal rdo rje 'jigs byed kyi dbang phyug chen po ye shes kyi rtse mo 'phro ba zhes bya ba'i ting nge 'dzin la snyoms par zhugs so// de nas 'khor de'i nang nas/ gsang ba'i bdag po lag na rdo rje thogs pa med pa zhes bya ba rang gi 'khor du ma dang bcas pas/ brda' dang mgrin gcig tu rdo rje'i mchod pa chen po 'bar bar byas te/tshigs su bcad pa'i dbyangs kyis de bzhin gshegs pa la gsol ba btab bo// theg pa'i theg mchog gsang ba bla med che// 'bras bu kun bzang rdo rje'i stobs rdzogs pa// ye shes rtse mo bla med kun 'byung nyid// sangs rgyas kun gyi phrin las bshad du gsol// bla med rdo rje zab mo'i rtog spangs te// zhi dang srid pa'i dngos po tha mi dad// gang la blang dor med kyang bdud gzhom phyir// ye shes phur pa'i rtse mo bshad du gsol// de nas bcomaldan 'das rnam par 'phro ba 'jug pa zhes bya ba'i ting nge 'dzin la snyoms par zhugs nas/ phrin las du ma la 'jug pa'i phun sum tshogs pa 'di nyid kyi sku dang gsung dang thugs rdo rje rnams las phyung ngo// A+oM rdo rje rin chen pad+ma dang// las rab mchog dang 'khor lo che// sras mchog phur pa'i rang bzhin ni// 'bar ba'i khro bo la sogs pa// bcu drug las kyi dbye ba yis// rnam pa bdun du bshad bya ste// zhi rgyas dbang dang mngon spyod ni// mkhas pas 'bad par bya ba yin// gang la dngos grub blang ba'i dus// ngan sngags gcad dang phyag rgya gcad// bgegs bskrad rang gi rig pa gso// lnga ni yan lag cho ga shes// bsgrub bya gsad phyir dgug pa dang// nyams par bya ste gsad pa dang// 'bar ba 'bod cing rbod pa dang// bsdu ba byang chub sems nyid dang// brdeg nas gnan par bya ba dang// bdun gyis gsad pa'i las la sbyar// de nas bcom ldan 'das rdo rje'i phur pa kun tu 'phro ba'i 'byung ba zhes bya ba'i ting nge 'dzin la snyoms par zhugs nas/ rdo rje khro bo brtag pa 'di nyid kyi sku dang gsung dang thugs rdo rje rnams las phyung ngo// A+oM badzra kI li kI la ya sarba big+h+nAn baM hUM hUM phaT/ shIn+taM ku ru hUM swA hA/ rdo rje zhi ba'i rnam par brtag pa zhes bya ba'i ting nge 'dzin to/ A+oM badzra kI li kI la ya sarba big+h+nAn baM hUM hUM phaT/ puSh+tiM ku ru swA hA/ rdo rje rgyas pa rnam par brtag pa zhes bya ba'i ting nge 'dzin to// A+oM badzra kI li kI la ya sarba big+h+nAn baM hUM hUM phaT/ ba shang ku ru ku ru swA hA/ rdo rje dbang gi rnam par brtag pa zhes bya ba'i ting nge 'dzin to// A+oM badzra kI li kI la ya sarba big+h+nAn baM hUM hUM phaT/ mA ra ya hUM phaT/ rdo rje mngon spyod kyi rnam par brtag pa zhes bya ba'i ting nge 'dzin to// de nas bcom ldan 'das sangs rgyas chen po'i phur pa kun 'byung ba zhes bya ba'i ting nge 'dzin la snyoms par zhugs nas/'khor lo'i khro bo brtag pa 'di nyid kyis sku dang gsung dang thugs rdo rje rnams las phyung ngo// oM bud d+ha kI li kI li la ya sarba big+h+nA baM hUM phaT/shIn+taM ku ru swA hA/ 'khor lo'i zhi ba rnam par brtag pa zhes bya ba'i ting nge 'dzin to// A+oM bud d+ha kI li kI la ya sarba big+h+nAn baM hUM hUM phaT/ puSh+tiM ku ru ku ru swA hA/ 'khor lo rgyas pa rnam par brtag pa zhes bya ba'i ting nge 'dzin to// A+oM bud d+ha kI li kI la ya sarba big+h+nAn baM hUM hUM phaT/ pa shaM ku ru ku ru swA hA/ 'khor lo'i dbang du bya ba zhes bya ba'i ting nge 'dzin to// A+oM bud d+ha kI li kI la ya sarba big+h+nAn baM hUM hUM phaT/mA ra ya hUM phaT/ 'khor lo mngon spyod kyi rnam par 'byung ba zhes bya ba'i ting nge 'dzin to// de nas bcom ldan 'das rin po che'i phur bu kun tu 'byung ba'i 'od zer zhes bya ba'i ting nge 'dzin la snyoms par zhugs nas/rin po che'i khro bo brtag pa 'di nyid kyi sku dang gsung dang thugs rdo rje rnams las phyung ngo// A+oM rat+na kI li kI la ya/ sarba big+h+nAn baM hUM hUM phaT/ shAn+tiMku ru swA hA/ rin po che zhi ba'i rnam par brtag pa zhes bya ba'i ting nge 'dzin to// A+oM rat+na kI li kI la ya/ sarba big+h+nAn baM hUM hUM phaT/ puSh+tiM ku ru swA hA/ rin po rgyas pa'i rnam par brtag pa zhes bya ba'i ting nge 'dzin to// A+oM rat+na kI li kI la ya/sarba big+h+nAn baM hUM hUM phaT/ ba shang ku ru swA hA/ rin po che'i dbang gi rnam par brtag pa zhes bya ba'i ting nge 'dzin to// A+oM rat+na kI li kI la ya/ sarba big+h+nAn baM hUM hUM phaT/ mA ra ya hUM phaT/ rin po che'i mngon spyod kyi brtag pa zhes bya ba'i ting nge 'dzin to// de nas yang bcom ldan 'das pad+ma'i phur bu kun tu 'byung ba'i 'od zer 'phro ba zhes bya ba'i ting nge 'dzin la snyoms par zhugs nas/ pad+ma khro bo brtag pa 'di nyid kyi sku dang gsung dang thugs rdo rje rnams las phyung ngo// A+oM pad+ma kI li kI la ya/ sarba big+h+nAn baM hUM hUM phaT/ shAn+tiM ku ru swA hA/ pad+ma'i zhi ba rnam par brtag pa zhes bya ba'i ting nge 'dzin to// A+oM pad+ma kI li kA la ya/sarba big+h+nAn baM hUM hUM phaT/ puSh+tiM ku ru swA hA/ pad+ma rgyas pa rnam par brtag pa zhes bya ba'i ting nge 'dzin to// A+oM pad+ma kI li kI la ya/ sarba big+h+nAn baM hUM hUM phaT/ ba shang ku ru ku ru swA hA/ pad+ma dbang rnam par brtag pa zhes bya ba'i ting nge 'dzin to// A+oM pad+ma kI li kI la ya/ sarba big+h+nAn baM hUM hUM phaT/ mA ra ya hUM phaT/ pad+ma mngon spyod brtag pa zhes bya ba'i ting nge 'dzin to// de nas yang bcom ldan 'das las kyi phur pa kun tu 'byung ba'i 'od zer 'phro ba zhes bya ba'i ting nge 'dzin la snyoms par zhugs nas/las kyi khro bo brtag pa zhes bya ba 'di nyid kyi sku dang gsung dang thugs rdo rje rnams las phyung ngo// A+oM karma kI li kI la ya sarba big+h+nAn baM hUM hUM phaT/shIn+taM ku ru swA hA/ las kyi zhi ba rnam par brtag pa zhes bya ba'i ting nge 'dzin to// A+oM karma kI li kI la ya/ sarba big+h+nAn baM hUM hUM phaT/ puSh+tiM ku ru swA hA/ las kyi rgyas pa rnam par brtag pa zhes bya ba'i ting nge 'dzin to// A+oM karma kI li kI la ya sarba big+h+nAn baM hUM hUM phaT/ ba shang ku ru swA hA/ las kyi dbang rnam par brtag pa zhes bya ting nge 'dzin to// A+oM karma kI li kI la ya/ sarba big+h+nAn baM hUM hUM phaT/ mA ra ya hUM phaT/ las kyi mngon spyod rnam par brtag pa zhes bya ba'i ting nge 'dzin to// de nas bcom ldan 'das rdo rje thogs pa med pa zhes bya ba'i ting nge 'dzin la snyoms par zhugs nas/ rdo rje dgug pa'i cho ga 'di nyid kyi sku dang gsung dang thugs rdo rje rnams las phyung ngo// oM badzra kI li kI la ya/ sarba big+h+nAn baM hUM hUM phaT/ A kar Sha ya A kar Sha ya hUM phaT/ rdo rje dgug pa'i rnam par brtag pa zhes bya ba'i ting nge 'dzin to// oM bung+d+ha kI li kI la ya sarba big+h+nAn baM hUM hUM phaT/ A kar Sha A kar ya hUM phaT/ 'khor lo'i dgug pa rnam par brtag pa zhes bya ba'i ting nge 'dzin to// A+oM rat+na kI la kI la ya sarba big+h+nAn baM hUM hUM phaT/A kar Sha ya A kar Sha ya/ rin po ches dgug pa rnam par brtag pa zhes bya ba'i ting nge 'dzin to// A+oM pad+ma kI li kI la ya sarba big+h+nAn baM hUM hUM phaT/ A ka ra Sha ya A ka ra Sha ya hUM phaT/ pad+mas rnam par dgug pa zhes bya ba'i ting nge 'dzin to// A+oM karma kI li kI la ya sarba big+h+nAn baM hUM hUM phaT/ A kar Sha ya A kar Sha ya hUM phaT/ rdo rje las kyi rnam par dgug pa zhes bya'i ting nge 'dzin to// de nas bcom ldan 'das rdo rje gzi brjid chen po zhes bya ba'i ting nge 'dzin la snyoms par zhugs nas/bsgrub bya nyams par bya ba'i rig pa 'di nyid kyi sku dang gsung dang thugs rdo rje rnams las phyung ngo// A+oM badzra kI li kI la ya sarba big+h+nAn baM hUM hUM phaT/dzi bi tAn ta kA' ra ya hUM phaT/ rdo rje'i rdzu'aphrul chen pos nyams par bya ba'i ting nge 'dzin to// oM bud d+ha kI li kI la ya sarba big+h+nAn baM hUM hUM phaT/ dzi bi tAn ta kA ra ya hUM phaT/ sangs rgyas chen po'i rdzu 'phrul gyis nyams par bya ba'i ting nge 'dzin to// A+oM rat+na kI li kI la sarba big+h+nAn baM hUM hUM phaT/ dzi bi tAn ta kA ra ya hUM phaT/ rin po che'i rdzu 'phrul gyis nyams par bya ba'i ting nge 'dzin to// A+oM pad+ma kI li kI la ya sarba big+h+nAn baM hUM hUM phaT/dzi bi tAn ta kA ra ya hUM phaT/ pad+ma chen po'i rdzu 'phrul gyis nyams par bya ba'i ting nge 'dzin to// A+oM karma kI li kI la ya sarba big+h+nAn baM hUM hUM phaT/ dzi bi tAn ta kA ra ya hUM phaT/rdo rje las kyi rdzu 'phrul chen pos nyams par bya ba zhes bya ba'i ting nge 'dzin to// de nas bcom ldan 'das rdo rje zab chen po zhes bya ba'i ting nge 'dzin la snyoms par zhugs nas/ myur du shi bar byed pa'i cho ga 'di nyid kyi sku dang gsung dang thugs rdo rje rnams las phyung ngo// A+oM badzra kI li kI la ya sarba big+h+nAn baM hUM hUM phaT/ che ge mo mA ra ya mA ra ya/ moT+Ta moT+Ta/ s+pho Ta s+pho Ta/ tA Ta tA Ta/ badzra tsakra hUM/ rdo rje gsod pa'i rnam par brtag pa'i ting nge 'dzin to// A+oM b+hung+d+ha kI li kI la ya sarba big+h+nAn baM hUM hUM phaT/ che ge mo mA ra ya mA ra ya/ moT+Ta moT+Ta/ s+pho Ta s+pho Ta/ tA Ta tA Ta/ badzra tsakra hUM/ 'khor los gsod pa'i rnam par brtag pa'i ting nge 'dzin to// A+oM rat+na kI li kI la ya sarba big+h+nAn baM hUM hUM phaT/ che ge mo mA ra ya mA ra ya/ moT+Ta moT+Ta/ s+pho Ta s+pho Ta/ tA Ta tA Ta/ badzra tsakra hUM/ rin po ches gsod pa'i rnam par brtag pa zhes bya ba'i ting nge 'dzin to// A+oM pad+ma kI li kI la ya sarba big+h+nAn baM hUM hUM phaT/ che ge mo mA ra ya mA ra ya/ moT+Ta moT+Ta/ s+pho Ta s+pho Ta/ tA Ta tA Ta/ badzra tsakra hUM/ pad+mas gsod pa rnam par brtag pa zhes bya ba'i ting nge 'dzin to// A+oM karma kI li kI la ya sarba big+h+nAn baM hUM hUM phaT/ che ge mo mA ra ya mA ra ya/ moT+Ta moT+Ta/ s+pho Ta s+pho Ta/ tA Ta tA Ta/ badzra tsakra hUM/ rdo rje las kyis gsod pa rnam par brtag pa'i ting nge 'dzin to// de nas bcom ldan 'das rdo rje rol pas mnyes par byed pa'i ting nge 'dzin la snyoms par zhugs nas/rdo rje'i 'khor tshims par byed pa 'di nyid kyi sku dang gsung dang thugs rdo rje rnams las phyung ngo// A+oM badzra kI li kI la ya sarba big+h+nAn baM hUM phaT/mesta ka mAM s+ya/ ru d+hi ra/ he h+ye hi/ oM kha kha khA hi khA hi/ rdo rje longs spyod rnam par brtag pa zhes bya ba'i ting nge 'dzin to// oM bung+d+ha kI li kI la ya sarba big+h+nAn baM hUM hUM phaT/ me sta ka mAM s+ya/ ru d+hi ra/ e h+ye hi/ A+oM kha kha khA hi khA hi/ 'khor lo'i longs spyod rnam par brtag pa zhes bya ba'i ting nge 'dzin to// A+oM rat+na kI li kI la ya sarba big+h+nAn baM hUM hUM phaT/ mesta ka mAM s+ya/ ru d+hi ra/ e h+ye hi/ A+oM kha kha khA hi khA hi/rin po che'i longs spyod rnam par brtag pa'i ting nge 'dzin to// A+oM pad+ma kI li kI la ya sarba big+h+nAn baM hUM hUM phaT/ mesta ka mAM s+ya/ ru d+hi ra/ e h+ye hi/ A+oM kha kha khA hi khA hi/ pad+ma chen po'i longs spyod kun tu brtag pa zhes bya ba'i ting nge 'dzin to// A+oM karma kI li kI la ya/ sarba big+h+nAn baM hUM hUM phaT/ baM hUM hUM phaT/ mesta ka mAM s+ya/ ru d+hi ra/ e h+ye hi/ A+oM kha kha khA' hi khA hi/ rdo rje las kyi rnam par brtag pa zhes bya ba'i ting nge 'dzin to// de nas bcom ldan 'das rnam par bkod pa yongs su gcig pa zhes bya ba'i ting nge 'dzin la snyoms par zhugs nas/ byang chub kyi sems yang dag par bsdu ba zhes bya ba 'di nyid kyi sku dang gsung dang thugs rdo rje rnams las phyung ngo/A+oM badzra kI li kI la ya/ sarba big+h+nAn baM hUM hUM phaT/ hUM hUM hUM/ phaT phaT phaT/ byang chub kyi sems rdo rje bsdu ba zhes bya ba'i rnam par brtag pa'i ting nge 'dzin to// A+oM bung+d+ha kI li kI la ya/sarba big+h+nAn baM hUM hUM phaT/ hUM hUM hUM/ phaT phaT phaT/ byang chub kyi sems 'khor lo bsdu ba zhes bya ba'i rnam par brtag pa'i ting nge 'dzin to// oM rat+na kI li kI la ya/ sarba big+h+nAn baM hUM hUM phaT/ hUM hUM hUM/ phaT phaT phaT/ byang chub kyi sems rin po che bsdu ba zhes bya ba'i ting nge 'dzin to// A+oM pad+ma kI li kI la ya/ sarba big+h+nAn baM hUM hUM hUM phaT/ hUM hUM hUM/ phaT phaT phaT/ byang chub kyi sems pad+ma bsdu ba zhes bya ba'i ting nge 'dzin to// A+oM karma kI li kI la ya/ sarba big+h+nAn baM hUM hUM phaT/ hUM hUM hUM/ phaT phaT phaT/ byang chub kyi sems rdo rje las kyi bsdu ba zhes bya ba'i ting nge 'dzin to// de nas bcom ldan 'das mi bzad pa'i kun tu 'khyil pa zhes bya ba'i ting nge 'dzin la snyoms par zhugs nas/'bar ba chen po 'byung ba zhes bya ba 'di nyid kyi sku dang gsung dang thugs rdo rje rnams las phyung ngo// A+oM badzra kI li kI la ya/ sarba big+h+nAn baM hUM hUM phaT/A+oM badzra ag ni dz+wa la s+pha ra Na ma hA pU dza khA hi hUM hUM phaT/ rdo rje'i me kun tu brtag pa zhes bya ba'i ting nge 'dzin to// A+oM bud d+ha kI li kI la ya/ sarba big+h+nAn baM hUM hUM phaT/ A+oM bud d+ha ag+ni dz+wa la s+pha ra Na ma hA pu dza khA hi hUM hUM phaT/'khor lo'i me kun tu brtag pa zhes bya ba'i ting nge 'dzin to// A+oM rat+na kI li kI la ya/ sarba big+h+nAn baM hUM hUM phaT/ A+oM rat+na ag+ni dz+wa la s+pha ra Na ma hA pU dza khA hi hUM hUM phaT/ rin po che'i me kun tu brtag pa zhes bya ba'i ting nge 'dzin to// A+oM pad+ma kI li kI la ya/ sarba big+h+nAn baM hUM hUM phaT/ A+oM pad+ma ag+ni dz+wa la s+pha ra Na ma hA pU dza hi hUM phaT/ pad+ma'i me kun tu brtag pa zhes bya ba'i ting nge 'dzin to// A+oM karma kI li kI la ya/ sarba big+h+nAn baM hUM hUM phaT/ A+oM karma ag+n-i dz+wa la s+pha ra Na ma hA pU dza khA hi hUM phaT/ rdo rje las kyi me kun tu brtag pa zhes bya ba'i ting nge 'dzin to// de nas bcom ldan 'das rnam par brtag pa chen po kun tu mtha' yas pa zhes bya ba'i ting nge 'dzin la snyoms par zhugs nas/bsgrub bya gnon pa rnam par 'byung ba 'di nyid kyi sku dang gsung dang thugs rdo rje rnams las phyung ngo// A+oM badzra kI li kI la ya/sarba big+h+nAn baM hUM hUM phaT/ sarba sha truM che ge mo a mu kaM badzra rU pa che ge mo rU pa s+t+waM b+ha ya hUM hUM hUM hUM/ rdo rje gnon pa'i rnam par brtag pa zhes bya ba'i ting nge 'dzin to// A+oM bud d+ha kI li kI la ya/ sarba big+h+nAn baM hUM hUM phaT/sarba sha truM che ge mo a mu kaM tsakra rU pa che ge mo rU pa s+t+waM b+ha ma ya oM oM oM oM/ 'khor los gnon pa rnam par brtag pa zhes bya ba'i ting nge 'dzin to// A+oM rat+na kI li kI la ya sarba big+h+nAn baM hUM hUM phaT/sarba sha truM che ge mo a mu kaM rat+na rU pa che ge mo s+t+waM b+ha ya/ traM traM traM traM/ rin po che'i gnon pa rnam par brtag pa zhes bya ba'i ting nge 'dzin to// A+oM pad+ma kI li kI la ya/ sarba big+h+nAn baM hUM hUM phaT/ sarba sha truM che ge mo a mU ka pad+ma rU pa che ge mo rU pa s+t+waM b+ha ya/a a a a/ pad+ma'i gnon pa rnam par brtag pa zhes bya ba'i ting nge 'dzin to// A+oM karma kI li kI la ya/ sarba big+h+nAn baM hUM hUM phaT/ sarba sha truM che ge mo a mu kaM karma rU pa che ge mo s+t+waM b+ha ya hA hA hA hA/rdo rje'i las chen pos gnon pa zhes bya ba'i ting nge 'dzin to// de nas bcom ldan 'das rin po che 'bar ba'i sgron mas kun tu snang ba zhes bya ba'i ting nge 'dzin la snyoms par zhugs nas/rigs thams cad kyi dngos grub dbab pa zhes bya ba 'di nyid kyi sku dang gsung dang thugs rdo rje rnams las phyung ngo// oM badzra kI li kI la ya/ sarba big+h+nAn baM hUM hUM phaT/ badzra kA ya wA ka tsit+ta sarba sing+d+hi hUM hUM hUM/rdo rje'i dngos grub rnam par brtag pa zhes bya ba'i ting nge 'dzin to// A+oM bud d+ha kI li kI la ya/ sarba big+h+nA baM hUM hUM phaT/ oM bud d+ha kA ya wAg tsit+ta sarba sing+d+hi oM oM oM/ 'khor lo rin po che'i dngos grub rnam par brtag pa zhes bya ba'i ting nge 'dzin to// oM rat+na kI li kI la ya/ sarba big+h+nAn baM hUM hUM phaT/ A+oM rat+na kA ya wAka tsit+ta sarba sid+d+hi traM traM traM/ rin po che'i dngos grub brtag pa zhes bya ba'i ting nge 'dzin to// oM pad+ma kI li kI la ya/ sarba big+h+nAn baM hUM hUM phaT/ A+oM pad+ma kA ya wAka tsit+ta sarba sid+d+hi hri hri hri/ pad+ma chen po'i dngos grub brtag pa zhes bya ba'i ting nge 'dzin to// A+oM karma kI li kI la ya/ sarba big+h+nAn baM hUM hUM phaT/oM karma kA ya wAka tsit+ta sarba sid+d+hi ha ha ha/ rdo rje'i las chen po'i dngos grub brtag pa zhes bya ba'i ting nge 'dzin to// de nas bcom ldan 'das rdo rjes kun gcod pa thogs pa med par 'bar ba zhes bya ba'i ting nge 'dzin la snyoms par zhugs nas/rig sngags ngan pa thams cad gcod pa 'di nyid kyi sku dang gsung dang thugs rdo rje rnams las phyung ngo// A+oM badzra kI li kI la ya/ sarba big+h+nAn baM hUM hUM hUM phaT/ sarba bid+yAn/sarba mU la kar mA Ni/ ts+tshin da ts+tshin da/ man tra suM b+ha ni/ bi nA sha nA ya/ bid+ya nAM/ ts+tshe da ka hUM/ rdo rje'i mthu chen pos pha rol gyi rig pa ngan pa rnam par skrod pa zhes bya ba'i ting nge 'dzin to// oM bung+d+ha kI li kI la ya/sarba big+h+nAn baM hUM hUM phaT/ sarba bid+yAn/ sarba man trA Ni/ sarba mU la kar mA Ni/ ts+tshin+da ts+tshin+da/ man trA Ni/ bi nA sha nA ya phaT/ bid+yAn/ ts+tshe da ka hUM/ 'khor lo mthu chen pos pha rol gyi rig pa ngan pa rnam par skrod pa zhes bya ba'i ting nge 'dzin to// A+oM rat+na kI li kI la ya/ sarba big+h+nAn baM hUM hUM phaT/ sarba bid+yAn/ sarba man trA Ni/ sarba mU la kar mA Ni/ ts+tshin da ts+tshin da/ sarba man trA Ni/ bi nA sha nA ya phaT/ bid+yAn/ ts+tshe da ka hUM/ rin po che'i mthu chen pos pha rol gyi rig pa ngan pa rnam par skrod pa zhes bya ba'i ting nge 'dzin to// oM pad+ma kI li kI la ya/ sarba big+h+nAn baM hUM hUM phaT/ sarba bid+yAn/ sarba man trA Ni/ sarba mU la karma Ni/ ts+tshin da ts+tshin da/sarba man trA Ni/ bi nA sha nA ya phaT/ bid+yA nAM/ ts+tshe da ka hUM/ pad+ma chen po'i mthus pha rol gyi rig pa ngan pa rnam par skrod pa zhes bya ba'i ting nge 'dzin to// A+oM karma kI li kI la ya/ sarba big+h+nAn baM hUM hUM phaT/ sarba bid+yAn/sarba man trA Ni/ sarba mU la karma Ni/ ts+tshin da ts+tshin da/ man trA sum b+ha ni/ bi nA sha nA ya phaT/ bid+yA nAM/ ts+tshe da ka hUM/ rdo rje las chen po'i mthus pha rol gyi rig pa ngan pa rnam par skrod pa zhes bya ba'i ting nge 'dzin to// de nas bcom ldan 'das ye shes kyi rang bzhin rnam par brtag pa zhes bya ba'i ting nge 'dzin la snyoms par zhugs nas/ pha rol gyi phyag rgya rnam par gcod pa 'di nyid kyi sku dang gsung dang thugs rdo rje rnams las phyung ngo/oM badzra kI li kI la ya/ sarba big+h+nAn baM hUM hUM phaT/ pa ra mu drA na/ ts+tshin da ts+tshin da hUM phaT/ rdo rje'i mthu chen pos pha rol gyi phyag rgya ngan pa gzhig pa rnam par brtag pa zhes bya ba'i ting nge 'dzin to// A+oM bud+d+ha kI li kI la ya/ sarba big+h+nAn baM hUM hUM phaT/ pa ra mu drA na/ ts+tshin da ts+tshin da hUM phaT/ 'khor lo'i mthu chen pos pha rol gyi phyag rgya ngan pa gzhig pa rnam par brtag pa zhes bya ba'i ting nge 'dzin to// A+oM rat+na kI li kI la ya/ sarba big+h+nAn baM hUM hUM phaT/ pa ra mu drA na/ ts+tshin da ts+tshin da hUM phaT/ rdo rje rin po che'i mthus pha rol gyi phyag rgya ngan pa gzhig pa'i brtag pa zhes bya ba'i ting nge 'dzin to// A+oM pad+ma kI li kI la ya/sarba big+h+nAn baM hUM hUM phaT/ pa ra mu drA na/ ts+tshin da ts+tshin da hUM phaT/ pad+ma chen po'i mthus pha rol gyi phyag rgya ngan pa gzhig pa'i rnam par brtag pa zhes bya ba'i ting nge 'dzin to// oM karma kI li kI la ya/ sarba big+h+nAn baM hUM hUM phaT/ pa ra mu drA na/ ts+tshin da ts+tshi da hUM phaT/ rdo rje las chen po'i mthus pha rol gyi phyag rgya ngan pa gzhig pa rnam par brtag pa zhes bya ba'i ting nge 'dzin to// de nas bcom ldan 'das dpal 'byung ba phun sum tshogs pa zhes bya ba'i ting nge 'dzin la snyoms par zhugs nas/rang gi rig pa gso ba 'di nyid kyi sku dang gsung dang thugs rdo rje rnams las phyung ngo// A+oM badzra kI li kI la ya/ sarba big+h+nAn baM hUM hUM phaT/ma ma bid+yA nAM/ shiSh+ta ka ma nu sma ra ya/ rdo rje'i bde bas bdag gi rig pa bskyed pa'i rnam par brtag pa zhes bya ba'i ting nge 'dzin to// oM bung+d+ha kI li kI la ya/ sarba big+h+nAn baM hUM hUM phaT/ ma ma bid+yA nAM shiSh+ta ka ma nu sma ra ya/'khor lo'i bde bas bdag gi rig pa bskyed pa rnam par brtag pa zhes bya ba'i ting nge 'dzin to// oM rat+na kI li kI la ya/ sarba big+h+nAn baM hUM hUM phaT/ ma ma bid+yA nAM shiSh+ta ka ma nu sma ra ya/ rin po che'i bde bas bdag gi rig pa bskyed pa rnam par brtag pa zhes bya ba'i ting nge 'dzin to// oM pad+ma kI li kI la ya/ sarba big+h+nAn baM hUM hUM phaT/ ma ma bid+yA nAM shiSh+ta ka ma nu sma ra ya/ pad+ma bde ba chen pos bdag gi rig pa bskyed pa rnam par brtag pa zhes bya ba'i ting nge 'dzin to// oM karma kI li kI la ya/ sarba big+h+nAn baM hUM hUM phaT/ ma ma bid+yA nAM shiSh+ta ka ma nu sma ra ya/ rdo rje'i las chen po'i bde bas bdag gi rig pa bskyed pa rnam par brtag pa zhes bya ba'i ting nge 'dzin to// de nas bcom ldan 'das 'jig rten skrag par byed pa'i 'khor lo rnam par gnon pa zhes bya ba'i ting nge 'dzin la snyoms par zhugs nas/ 'byung po 'dul ba'i brtag pa 'di nyid kyi sku dang gsung dang thugs rdo rje rnams las phyung ngo/oM badzra kI li kI la ya/ sarba big+h+nAn baM hUM hUM phaT/ sarba b+hu ta b+ha yaM ka ra/ sarba gra he Sh+wa pra ti ha to b+ha ba badzra sarba big+h+nAn/ rdo rje'i tshogs rnam par brtag pa zhes bya ba'i ting nge 'dzin to// oM bung+d+ha kI li kI la ya/ sarba big+h+nAn baM hUM hUM phaT/ sarba b+hU ta b+ha ya ka ra sarba gra he Sh+wa pra ti ha to b+ha ba badzra sarba big+h+nAn/ 'khor lo'i mtshon pas rnam par brtag pa zhes bya ba'i ting nge 'dzin to// oM rat+na kI li kI la ya/ sarba big+h+nAn baM hUM hUM phaT/ sarba b+hU ta b+ha yaM ka ra/ sarba gra he Sh+wa pra ti ha to b+ha ba badzra sarba big+h+nAn/ rin po che'i mtshon pas rnam par gzhom pa rnam par brtag pa zhes bya ba'i ting nge 'dzin to// oM pad+ma kI li kI la ya/ sarba big+h+nAn baM hUM hUM phaT/ sarba b+hU ta b+ha yaM ka ra/ sarba gra he Sh+wa pra ti ha ho b+ha ba badzra sarba big+h+nAn/ pad+ma mtshon pas rnam par gzhom pa brtag pa zhes bya ba'i ting nge 'dzin to// oM karma kI li kI la ya/ sarba big+h+nAn baM hUM hUM phaT/ sarba b+hU ta b+ha yaM ka ra sarba gra he Sh+wa pra ti ha to b+ha ba badzra sarba big+h+nAM/ rdo rje las kyi rnam par gzhom pa brtag pa zhes bya ba'i ting nge 'dzin to// rnam par dag pa'i cho ga yis// sbyor ba thams cad 'grub par 'gyur// bdag dang gzhan don sbyor ba yis// mkhas pa'i las rnams 'grub par 'gyur// 'jig rten pa yi du ma ste// du ma'i las la rnam par 'grub// bdag med pa yi du ma spangs// du ma mo gsham bu bzhin brtag/ du mas gdul phyir bsam mi khyab// tha dad las rnams rigs yin te// rnam pa lnga ru mkhas pas bshad// spro dang bsdu ba'i sbyor ba yis// mkhas pas las rnams shes par bya// rdo rje dang ni 'khor lo dang// rin chen pad+ma rgya gram brtag/ 'bar ba dbu gsum phyag drug gam// dbu dgu bco brgyad yang na gcig/ mkhas pas sems dang rigs su brtag/gang la mos pa'i las rnams kyis// las rnams thogs pa med par 'gyur// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/rigs lnga'i phur pa yongs su bshad pa'i le'u ste bcu bdun pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/ dpal 'jigs byed kyi dbang phyug chen po/rdo rje khro bo'i tshogs thogs pa med par las kyi 'khor lo 'byung ba zhes bya ba'i ting nge 'dzin la snyoms par zhugs nas/ khro bo chen po rnams kyi rig pa dang ting nge 'dzin 'byung ba 'di nyid kyi sku dang gsung dang thugs rdo rje rnams las phyung ngo/A+oM badzra kro d+ha bi dza ya hUM// oM badzra kro d+ha nI la daNA hUM/ oM badzra kro d+ha ya mAn ta ka hUM/ oM badzra kro d+ha Ar+ya a tsa la hUM/ oM badzra kro d+ha ha ya grI ba hUM/ oM badzra a pa rA dzi ta hUM/oM badzra kro d+ha a mr-i ta kuN+Da li hUM/ oM badzra kro d+ha trai lo kya bi dza ya hUM/ oM badzra kro d+ha hUM kA ra hUM/ oM badzra kro d+ha ma hA ba la ya hUM/ shAn+tiM ku ru swA hA/ puSh+ting ku ru swA hA/ ba shang ku ru swA hA/ mA ra ya hUM phaT/A kar Sha ya hUM phaT/ dzi bi tA na ta ka ra ya hUM phaT/ mA ra mA ra moT+Ta moT+Ta/ s+pho Ta s+pho Ta/ tA Ta tA Ta/ badzra tsakra hUM masta ka mAM sa/ ru d+hi ra me ga ta/ e h+ye hi b+ha ga bAn/ oM kha kha khA hi khA hi/ hUM hUM hUM/ phaT phaT phaT/oM badzra bu mo hUM sa ma ya s+t+waM/ sarba big+h+nAM/ sarba bid+yA ni/ sarba man trA Ni/ sarba mU la kar mA Ni/ ts+tshin da ts+tshin da/ man trA Ni/ bi nA sha nA ya phaT/ bid+yAn/ ts+tshe da ka hUM/ pa ra mu drA na/ ts+tshin da ts+tshin da/ hUM phaT/ ma ma bid+yA nAM/shiSh+ta ka ma nu sma ra ya/ sarba gra he ShA pra ti ha to b+ha ba badzra sarba big+h+nAM/ rdo rje khro bo'i rig pa thams cad kyi 'khor ba zhes bya'i ting nge 'dzin to// de nas bcom ldan 'das khro bo 'bar ba'i me lce kun tu 'khyil pa zhes bya ba'i ting nge 'dzin la snyoms par zhugs nas/khro bo chen po rnams kyi phyag rgya brtag pa 'di nyid kyi sku dang gsung dang thugs rdo rje rnams las phyung ngo// rnam par rgyal ba rnam par dkar// dbus dkar g.yas sngo ljang ser g.yon// dang po rdo rje dung chen te// bar ma rtse gsum 'khor lo 'chang// ti ra bya rgod tha mar 'dzin// brag gi steng na brgya byin gnon// dbu gsum phyag drug zhabs kyang drug/ rdo rje'i gshog pa rnam par gdengs// 'bar ba 'khyil pa la sogs te// rdo rje rgyan rnams rnam par rdzogs par brtag/ dbyug pa sngon po sngo skya ste// g.yas dkar g.yon ni dmar skya ste// rdo rje dung chen dbyug pa me// ti ra'i dbyug pa khwa yis mdzes// 'bar ba zhabs drug drang srong gnon// rgyan rnams rdzogs par brtag par bya// gshin rje'i rgyal ni sngon po ste// sngo skya ljang nag g.yon gyi dbu// dung khrag thod dbyug dgra s+t+wa bsnams// ti ra bya rog tha mar mdzes// 'jigs bdag steng na 'jigs par bstan// mi g.yo ljang sngon 'bar ba'i sku// sngon po smug nag g.yon gyi dbu// dung khrag ral gri zhags pas brgyan// ti ra 'ug pas rnam par mdzes// bden bral btsir bar mdzad pa ste// rgyan rnams rdzogs par yang dag bstan// rta skad dmar po g.yas dkar po// g.yon ni sngon po rnam par mdzes// dung khrag zhags pa spu gri can// ti ra mkha' lding tha mar mdzes// dug gi steng na zhabs brkyang 'gying// rdo rje rta yi rgyal por brtag/ gzhan las rgyal ba dmar skya ste// ser po ljang gu g.yon gyi zhal// dung khrag dpag mda' rnga yab can// ti ra skye ga yang dag 'dzin// rlung gi steng du zhabs brtags de// 'bar ba'i rgyan rnams tshang bar brtag bdud rtsi 'khyil pa ljang nag mdog/ ser po dud kha g.yon gyi zhal// dung khrag dbyug to rgya gram ste// ti ra dbyug pa pu shud can// gsus pa 'phyang ba rnam par brdzis// 'bar ba chen po rnam par brtag khams gsum kun las rgyal ba ni// gser gyi mdog 'dra g.yas dkar te// g.yon gyi dbu ni ljang gu'o// de bzhin phyag rgya gzhig cing dgrol// dpa' bos nan tan bya ba yin// gang dag rang gi rig pa nyams// gso zhing bskyed par bya ba'i las// rig pa 'dzin pas myur du 'bad/ khams gsum pa yi 'byung po rnams// gang dag myur du gtses pa rnams// dpa' bo chen pos myur du sgrol/ yan lag gi ni cho ga la// mkhas pas snying rje'i stobs kyis gsol// slob dpon smod par byed pa dang// gang gi bstan pa sgrib byed dang// sems can du mar 'tshe ba la// shes rab snying rjer ldan pa yi// mthu yis myur du nyams par bya// bsgrub dang gang dang gang yin te// rang bzhin gnas nas dgug pa dang// dgug nas nyams dang rang gnas su// gang 'di sngon du 'gro ba yin/ rdo rje gsod pa'i stobs mchog gis// gsad pa du ma tha dad la// gang la gang yin mkhas pas bya// des ni kun tu 'grub par 'gyur// gang dag gsang ba'i dum bu dang// phung po skams pa'i rjen shun dang// sha khrag drod dang bcas pa la// 'bar ba 'khor bcas bod par bya// myur du zos te zad par bsam// ngag ni rtog pa'i rgyun bcad cing// gang gi dus ni dag par bstabs// sems ni mkhas pas rdzogs pa yi// byang chub sems su bsdu bar bya// gzugs brnyan rten du sbyor ba ni// dum bu dang ni tshal pa dang// ji bzhin pa yi gzugs rnams ni// rtsa dang shing la gnas pa dang// bong ba sngo bas gos pa'am// gang dag bsreg par 'os pa yi// shing leb la sogs bris pa'i gzugs// mkhas pas 'bad ste bsraig par bya// zur gsum thabs kyi grwa gsum du// rdo rje mda' gzhu ldan byas te// 'bar ba'i khro bos brgyan par bsam// phur pa la ni drag pos dkris// tsher ma'i shing la me spar te// 'bar ba 'khor bcas spyan drangs nas// tsha ba'i mar dang lan tshwa dang// skye tshe dug dang khrag sna dang// lcags phye ldong ros dam rdzas dang// sol phyes bgos pa'i dam rdzas rnams// gsang sngags bzlas par rab 'bad ste// gang gi gzugs ming rus bsreg na// myur du las rnams 'grub par 'gyur// de nas mkhas pas 'bad pa yang// bsregs pa'i thal ba la sogs pa// thams cad gnan par bya ba ni// las rnams ma grub bar du bzhag/ las rnams grub pa'i mod la ni// myur du zhi ba'i las la 'bad// 'di ni las rnams thams cad kyi// 'khor los sgyur ba'i rgyal po'o// gang dag the tshom dmigs pa ni// ji ltar ri bong rwa bzhin du// 'di yi 'bras bu de bzhin te// 'di la rnam par dpyad mi dgos// gang la the tshom med pa'i blo// rgyal po rang la smod pa bzhin// thams cad 'grub par byas pa yin// 'di ni sgrub pa thams cad kyi// mkhas pas mig dang snying du bshad// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/phyogs bcu khro bo las kyi 'khor lo rnam par brtag pa zhes bya ba'i le'u ste bco brgyad pa'o//// de nas de'i tshe de'i dus na/'khor de'i nang na bcom ldan 'das kyis mthu stobs kyi bdag nyid du byin gyis brlabs pa'i/ dpal phyag na rdo rje thogs pa med pa zhes bya ba 'khor de'i nang nas langs te/ rang gi 'khor du ma sde dang bcas pas/bcom ldan 'das la lan du mar g.yas phyogs nas bskor te mchod pa'i tshogs kyis yang dag par mchod nas/ 'di skad ces gsol to// kye bcom ldan 'das 'di ltar nga rgyal mchis pa'i rang gi mthus snyems pas sangs rgyas kyi mdzad pa dang/rnam par thar pa la yongs su gnod cing/ sku du ma la yang gtse bas log par 'da' ba'i sa bon 'phel bar bgyis pa dang/ 'ga' ni sangs rgyas kyi bstan pa la gnas bzhin du yang yid mi ches pas kun tu 'khrugs nas/slob dpon la smod pa dag bgyid pa rnams dang/ 'di ltar gnod pa bgyi ba'i spobs pa mchog pa'i bdud dang/ mu stegs la sogs pas bstan pa nyams par bgyid pa dang/'gro ba kun tu 'khyams par bgyid pa'i mi dge ba'i gnyen po rnams/ myur du gsad pa'i las kho na lags pas/ de bzhin gshegs pas gsang sngags kyi mthu chen po bshad du gsol zhes brjod nas/lan brgya phrag stong du/ bcom ldan 'das la bskor nas rang gi stan la 'khod par gyur to// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/dpal 'jigs byed kyi dbang phyug chen pos 'di skad ces gsungs so// gsang ba'i bdag po 'di lta ste/ sems can rnams ni thabs mkhas pa dang 'tshams pas 'dul ba yin na/ 'dir sngags kyi mthu chen pos kun tu 'khrugs na/ 'di ni byang chub sems dpa' las dang po pa rnams dang/ rig 'dzin gzhon nu dag kyang kun tu sdang ba sogs pa 'byung bas/ da rung ni sngags kyi mthu chen pos gsod par mi bya yis cung zhig sdod cig ces gsungs so/de nas yang lag na rdo rje thogs pa med pas/ bcom ldan 'das la 'di skad ces gsol to// kye bcom ldan 'das 'di ni sngon gyi sangs rgyas kyis kyang yongs su ma bshad/ma 'ongs pa na de bzhin gshegs pa rnams kyis gsung par mi 'gyur ba lags so// de ci'i slad du zhe na/ sems can nyon mongs pa 'phel ba'i slad du ste/ gang na gdul bya mchis par ni/sangs rgyas kyi theg pa rnams 'byung ste/ de ci'i slad du zhe na/ de bzhin gshegs pa rnams kyi snying rje chen po'i stobs yongs su rdzogs pa'i slad du'o// 'di da lta'i dus na/ sems can rnams sangs rgyas kyi theg pa la gnas pa nyung ba dang/nag po'i rigs mthu mngon par rgyas pa'i dbang gis na/ kye bcom ldan 'das dus la bab bo/ las 'di ni las kyi mchog ste/ 'dir bcom ldan kyi byin gyis ma brlabs na/slad ma'i tshe slad ma'i dus na/ nor bu lon pa'i mi rgya mtsho las thar du nye ba na gru zhig pa bzhin mchis te/ kye bcom ldan ljon shing gi sdong po mes tshig pa bzhin du gnas par gyur pa lags so// de nas bcom ldan 'das kyis lag na rdo rje la 'di skad ces gsungs so// lag na rdo rje 'di ltar khyod de'i dus la bab par shes na/ 'dir 'dus pa rnams kyi rna lam du/ khyod kyis thogs pa med par 'byung ba'i rdo rje go cha rnam par sra ba zhes bya ba la snyoms par zhugs nas/sangs rgyas kyi mthu chen pos ting nge 'dzin de thob par byin gyis brlabs kyis/ khyod spobs pa skyed cig/ de nas lag na rdo rjes 'khor rnams la 'di skad du bsgo zhing/rang gi rdo rje thogs pa med par kun tu 'phen zhing// bcom ldan 'das la 'di skad ces gsol ba btab bo// kye bcom ldan 'das/ kye ma sangs rgyas ya mtshan che// sngags kyi mthu rnams bstan du gsol// gdug pa myur du gsod pa dang// nyon mongs 'khor ba gtan du 'chi 'gyur ba// bcom ldan 'das kyis bshad du gsol// 'di na khro ba lnga mchis pas// sangs rgyas thugs rje lnga ru snang// zhi bas 'dul bar 'gyur ba na/ khro bas khro ba zhi bar mdzad/ khros pas rang bzhin gsod mdzad pa'i/ khro bo'i phyag rgya gdengs nas kyang// thugs rje'i sbar mos 'dzin pa dang// ye shes mche bas gcod pa'i slad// shes rab chen po'i rang bzhin la// gnyis med rtag tu gsod pa'i phyir// sangs rgyas chen pos bshad du gsol// zhes gsol ba btab pa'o// de nas bcom ldan 'das rdo rje dang 'khor lo dang/rin po che pad+ma dang/ rgya gram la sogs pa'i dkyil 'khor mngon par mdzad de/ rdo rje mtshon cha'i bu yug kun tu thogs pa med pa 'bab pa zhes bya ba'i ting nge 'dzin la snyoms par zhugs nas/sder mo 'byung ba zhes bya ba'i gsang sngags 'di gsungs so/ na maHsa man+ta kA ya bA ka tsit+ta badzrA nan/ A+oM g+ha g+ha g+hA ta ya g+hA ta ya/ lhas sbyin pa sarba duSh+tAn phaT/ badzra kI li kI la ya/ sarba pA paM phaT/ hUM hUM hUM/ badzra kI li kI la ya/ badzra d+ha ra A dz+nyA pa ya ti/ kA ya bAg tsit+ta badzra kI la ya hUM phaT/ rdo rje sder mos kun tu gcod pa zhes bya ba'i ting nge 'dzin to// 'di dag gsungs pa'i mod la ni// phyogs bcu'i 'jig rten bsam gyis mi khyab pa'i rang bzhin pas/rdo rje mtshon pa'i 'tshub ma phyogs kun nas langs te/ bdud la sogs pa gang dag gsad par 'os pa thams cad/ ma bkug pa bzhin du rdo rje'i 'tshub mas bub cing ardza ka'i dog pa bzhin du rnam par 'gas te/rdo rje'i mtshon pa sna tshogs pa dang/ sprul pa bsam gyis mi khyab pa rnams kyis/ mngon spyod chen pos bsgrub par bya ba'i phung po chu rdul bzhin du/ skad cig ma de nyid la zad par byas so// dpal phyag na rdo rje la sogs pa rnams kyang/ lus bub nas brgyal zhing khrag tu skyugs par gyur to// de nas lag na rdo rjes bcom ldan 'das la 'di skad ces gsol to// kye bcom ldan 'das bdag ni khams gsum na mthu che ba/ de bzhin gshegs pas kyang bdag la mthu phun sum tshogs par byin gyis brlab pa lags na/ 'di ltar bdag kyang shin tu skrag par bgyid na gzhan lta ci smos te thams cad myur du shi bar 'gyur bas/deng 'dir bcom ldan 'das kyis sngags kyi mthu chen po bshad pa ngo mtshar to// e ma ho shin tu ngo mtshar to// sangs rgyas kyi mthu thams cad yongs su bgyid pa dang/bstan pa chen po 'di mi nub pa'i slad du/ gsang sngags 'di ni mi nub pa'i rgyal mtshan gyi rtse mo zhes bgyi bar 'tshal lo// slad ma'i tshe slad ma'i dus na/ gsang sngags chen po 'di gang zhig 'dzin pa'i dgongs pa yongs su bsgrub par bgyi'o// 'di ltar na ma nor bar bshad pa'i gang zag de yang bdag cag gis mchod rten du gzung bar bgyi'o// tha dad pa med par bgyi'o// gsang sngags kyi tshig 'di dag tshig dang yi ge'i sgo nas e baM la gnas pa'i sa phyogs kyang bdag cag gis mchod rten du gzung bar bgyi'o// de nas yang bcom ldan 'das 'khor lo 'bar ba'i ba yug kun tu 'byung bar 'bab pa zhes ba'i ting nge 'dzin la snyoms par zhugs nas/'khor lo 'bar ba'i sder mos kun tu 'joms pa'i gsang sngags 'di nyid kyi sku dang gsung dang thugs rdo rje rnams las phyung ngo// na maHsa man+ta kA ya bAka tsit+ta badzrA nan/oM g+ha g+ha g+hA ta ya g+hA ta ya/ lhas sbyin sarba duSh+tAn phaT/ bud d+ha kI li kI la ya/ sarba pA paM phaT/ hUM hUM hUM/ bud+ha kI li kI la ya/ badzra d+ha ra A dz+nyA pa ya ti/ kA ya bAka tsit+ta bung+d+ha kI li kI la ya hUM hUM phaT/ 'khor lo'i sder mos kun tu gcod pa zhes bya ba'i ting nge 'dzin to// de bzhin du 'khor lo'i 'tshub ma phyogs bcu nas langs pa la sogs pa snga ma bzhin du sbyar ro// de nas bcom ldan 'das rin po che 'bar ba'i bu yug kun tu 'bar ba zhes bya ba'i ting nge 'dzin la snyoms par zhugs nas/rin po che 'bar ba'i sder mos kun tu 'joms pa'i gsang sngags 'di nyid kyi sku dang gsung dang thugs rdo rje rnams las phyung ngo/na maHsa man+ta kA ya bA ka tsit+ta badzra nAn/ oM g+ha g+ha g+hA ta ya g+hA ta ya/ lhas sbyin sarba duSh+tAn phaT/ rat+na kI li kI la ya/ sarba pA paM phaT/ hUM hUM hUM/ rat+na kI li kI la ya/ badzra d+ha ra A dz+nyA pa ya ti ka ya bak tsit+ta rat+na kI la ya hUM hUM phaT/rin po che'i sder mos kun tu gcod pa zhes bya ba'i ting nge 'dzin to// de bzhin du phyogs thams cad nas rin po che 'bar ba'i mtshon pa'i bu yug kun tu 'byung bar 'bab pa la sogs pa snga ma bzhin no// de nas bcom ldan 'das pad+ma'i mtshon bu yug kun tu 'bab pa zhes bya ba'i ting nge 'dzin la snyoms par zhugs nas/ pad+ma chen po 'bar ba'i sde mos kun tu 'joms pa'i gsang sngags 'di nyid kyi sku dang gsung dang thugs rdo rje rnams las phyung ngo/na maHsa man+ta kA ya bA ga tsit+ta badzrA nAn/ oM g+ha g+ha g+hA ta ya g+hA ta ya/ sarba pA paM/ lhas sbyin sarba duSh+tAn phaT/ pad+ma kI la ya/ sarba pA paM phaT/ hUM hUM hUM/pad+ma kI li kI la ya/ badzra d+ha ra A dz+nyA pa ya ti kA ya bA ka tsit+ta/ pad+ma kI li kI la ya hUM hUM phaT/ pad+ma 'joms pas kun tu gsod pa zhes bya ba'i ting nge 'dzin to// de bzhin du phyogs kun nas pad+ma chen po'i mtshon pa'i 'tshub ma langs pa la sogs pa la snga ma bzhin du sbyar ro// de nas bcom ldan 'das rdo rje las kyi mtshon pa'i bu yug kun tu 'bab pa zhes bya ba'i ting nge 'dzin la snyoms par zhugs nas/ rdo rje las kyi sder mos kun tu 'joms pa'i gsang sngags 'di nyid kyi sku dang gsung dang thugs rdo rje rnams las phyung ngo/na maHsa man ta kA ya bAka tsit+ta badzrA nAn/ oM g+ha g+ha g+hA ta ya g+hA ta ya/ lhas sbyin sarba duSh+tAn phaT/karma kI li kI la ya/ sarba pA paM phaT/ hUM hUM hUM/ karma kI li kI la ya/ badzra d+ha ra Adz+nyA pa ya ti/ kA ya bA ka tsit+ta/ karma kI li kI la ya hUM hUM phaT/ rdo rje las kyi sder mos kun tu gcod pa zhes bya ba'i ting nge 'dzin to// de ltar phyogs kun nas mtshon cha'i 'tshub ma la sogs pa'i sngon bzhin du sbyar ro// de nas 'khor der 'dus pa'i sems dpa' chen po dang/ rig 'dzin la sogs pa thams cad kyis/ rdo rje'i ting nge 'dzin dang/rdo rje'i stabs dang/ rdo rje'i klu rnams kyis yongs su bstod pa/ dpa' brtan rdo rje mi 'jigs pa// thogs pa med pa'i mtshan cha ste// rab 'jigs rdo rje sder mo ste// rdo rje mthu la phyag 'tshal lo// de nas yang 'khor lo'i ting nge 'dzin gyis 'di skad ces gsol to// bla med 'khor lo bskor ba'i tshe// srid pa'i 'khor lo rgyun bcad pa'i// thogs pa med pa 'khor lo'i sder mo yis// 'khor ba'i mthu la phyag 'tshal lo// de nas yang rin po che'i rigs kyi ting nge 'dzin gyis 'di skad ces bstod pa/ yon tan dpal 'byung mthu yi mthu// grags pa chen po'i rin po che// nga rgyal rtsad nas gcod pa'i mtshon// rin chen sder mo phyag 'tshal lo// de nas yang pad+ma'i rig 'dzin gyis 'di skad ces bstod pa/ chags med pad mas chags pa gcod// chags pa mngon du snyems par mdzad// 'dod chags pad+ma'i sder mo ste// 'bar ba'i gsung la phyag 'tshal lo// de nas yang rdo rje las kyi ting nge 'dzin gyis 'di skad ces bstod pa/ rdo rje las rab las kyi mchog/ las kyi dra bas yongs su gcod// rdo rje las kyi sder mo yis// mngon du gsod la phyag 'tshal lo// de nas bskul ba'i ting nge 'dzin gyis 'di skad ces gsol to// thogs med las kyi sder mo yang// 'byung po'i zhe sdang bzung nas sod// 'jigs byed 'khor lo'i sder mo yis// 'byung po'i gti mug zung la sod// mthu mchog rin chen sder mo yis// 'byung po'i nga rgyal zung la sod// chags pa med pa'i sder mo yis// 'byung po'i 'dod chags zung la sod// rdo rje'i las mchog sder mo yis// 'byung po'i phrag dog zung la sod// thogs pa med par 'phro zhing 'du// thog ma tha ma bar du yang// yul ni gzung bya mi gtor ba'i// gtan du shi bar mdzad pa yis// 'bar ba'i sder mo zhes grags yin/'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ sder mo 'byung ba zhes bya ba'i le'u ste bcu dgu pa'o//// de nas bcom ldan 'das rdo rje'i 'od zer gyis thogs pa med par gcod pa zhes bya ba'i ting nge 'dzin la snyoms par zhugs nas/rdo rje nyung dkar kyi rgyal po 'byung ba zhes bya ba'i rnam par brtag pa 'di nyid kyi sku dang gsung dang thugs rdo rje rnams las phyung ngo// gang dag mkhas pas brtag pa ni// de ni rnal 'byor can gyi ste// mkhas pas 'bad par bya ba ni// nyung dkar rgyal po bskyed par bya// rang gi 'dod lha mnyes par byed// bsgrub bya 'chi bar gyur pa dang// de yi lha ni sgrag par byed// rigs ni rnam pa drug tu ste// mkhas pas rdo rje'i rang bzhin no// thod pa rdo rje'i rigs can la// bug pa ci yang mdzes pa la// myu gu'i sgo nas rdo rje yis// myur du phug pa'i dbyibs su'o// rdo rje phur pa'i gsang sngags dang// rdo rje sder mo'i rang bzhin gyis// phyi nang dug dang khrag gis bris// bar du 'bar ba'i rdo rje yang// mthing ga mdzes pa'i rtse lnga dgod// rdo rje phur pa'i steng du yang// dur khrod ras sam shing leb bam// g.yam pa dag la gnas pa yi// rdo rje'i phyag rgya tshang ba ru// bris te sa yi gting du'o// de steng mkhas pas sa mtshon ni// shar gyi phyogs nas mthing ga blang// rdo rje'i rigs kyi bu mos ni// dri chus yang dag bri ba yin// de steng thod pa dbus gnas pa'i// rdo rje can gyi dbus su yin// rnal 'byor rdo rje can la blta// bar chod bsrung dang gtor ma dang// bsgrub dang byin brlab dbab par bya// ji ltar 'bras bu smin pa'i tshe// cho ga mkhas pas 'bras bu blang// dgon pa'i sa'am phug dag tu// rdo rje'i ting 'dzin rnam par brtag/mkhas pas nan tan bya ba yin// de las de ltar yang bskyed pa// rdo rje 'dzin pa nyid kyi dngos// gzhan du rnam par spyad par bya// sbyor ba gcig gi dngos pos kyang// mtha' dang mnyam pa nam mkha' ltar// thogs pa med pa'i las rnams 'grub// gzugs dang kha dog spyi dang mthun// bcud dang gzi brjid grangs dang tshad// dngos po gzhan las spags pas na// grangs kyi dngos po ji bzhin du// gzugs la sogs pa du ma 'phel// tha mal pa yi mngon sum mo// dang po'i sa bon gang yin de// rdo rje rigs kyi dngos por brtag/ grangs dang tshad kyang de bzhin du// phrin las la sogs mkhas pas brtag/ rdo rje nyung dkar rgyal po brtag pa'i dam tshig ces bya ba'i ting nge 'dzin to// de nas bcom ldan 'das 'khor lo'i nyung dkar rgyal po 'byung ba zhes bya ba'i ting nge 'dzin la snyoms par zhugs nas/ 'khor lo'i nyug dkar rgyal po 'di gsungs so// dum bu brgyad pa'i thod pa ni// dpa' bos de bzhin blang bar bya// smug nag dbu ma'i sa la ni// sangs rgyas btsun mo bstan par bya// 'khor lo ser po rtsibs brgyad ni// sngon gyi rdzas ni bris te sba// sa yi gting du thod pa'am// mkhas pas ci dran gzhag par bya// gti mug rdo rje phur pa dang// de bzhin ma mo la sogs pa'i// phyag rgya tshang bar bri bar bya// 'khor lo'i rigs kyi nyung dkar ni// mkhas pas grangs tshad dbyibs su brtag/ 'khor lo'i dus su yang dag shis// de bzhin 'bras bu dus bzhin bya// gti mug rdo rje mnyes pa'i mchog/ gzhan na yod pa ma yin no// gti mug can rnams bsad pa la// gzhan las yon tan 'ga' bya ste// 'phel ba dang ni dngos nyid kyis// rnal 'byor 'khor lo'i rigs su nges// 'khor lo chen po'i nyung dkar gyi rgyal po brtag pa'i dam tshig ces bya ba'i ting nge 'dzin to// de nas bcom ldan rin po che'i nyung dkar gyi rgyal po 'byung ba zhes bya ba'i ting nge 'dzin la snyoms par zhugs nas/ rin po che 'bar ba'i nyung dkar gyi rgyal po brtag pa zhes bya ba'i 'di gsungs so// mkhas pas rin chen mnyes 'dod cing// nga rgyal myur du zad 'dod pas// rin chen rgyal po brtag par bya// thod pa tshal pa bzhi pa la// gnas pa'i sgo nas zur drug ste// dri chu thal ba rak+ta dang// rin chen btsun mos bslan par bya// de bzhin zhabs kyang phyag rgya ste// rin chen 'bar bas mdzes par bya// rin chen phur pa'i rin chen gter// mkhas pas phyi nang phyag rgyar bcas// rin chen phyogs cu rang gi dus// 'jug dang 'byung ba'i dus nyid do// gser gyi mdog gis gso bar bya// rnal 'byor cho ga mkhas pa yis// rin po che la brtag par byas// rin po che'i nyung dkar rgyal po brtag pa'i dam tshig ces bya ba'i ting nge 'dzin to// de nas bcom ldan 'das pad+ma chen po'i nyung dkar gyi rgyal po brtag pa zhes bya ba'i ting nge 'dzin la snyoms par zhugs nas/ pad+ma chen po'i nyung dkar brtag pa 'di gsungs so// pad+ma'i rgyal po mnyes pa'i phyir// 'bad de pad pa'i nyung dkar bsgom// rabs chad mtshan ma ngan pa yi// yang na pad ma'i rigs nyid la// mkhas pas pad+ma 'dab brgyad bri// pad+ma'i phyogs nas pad+ma'i sa// ci rigs gzhag pa'i steng du gzhag/ steng nas de bzhin rang gi yang// dang po pad+ma'i dri chu shis// gnyis pa thabs kyi dri chu dang// gal te blangs pas las rnams 'grub// dus ni rnam gnyis dus kyi mchog/sngags dang phyag rgya sngon de bzhin// mkhas pas 'bad de brtag par bya// pad+mo'i las rnams 'grub par 'gyur// pad+ma chen po'i nyung dkar gyi rgyal po brtag pa zhes bya ba'i ting nge 'dzin to// de nas bcom ldan 'das rdo rje las kyi nyung dkar gyi rgyal po 'byung ba zhes bya ba'i ting nge 'dzin la snyoms par zhugs nas/rdo rje las kyi nyung dkar rgyal po 'di gsungs so// nyung dkar las kyi rgyal po rnams// dpa' bos mnyam par bya ba dang// bsgrub bya gsad par bya ba las// rdo rje las kyi thod pa la// de bzhin sngags dang phyag rgya tshang// sna tshogs rdo rje'i dkyil 'khor bri// de bzhin rang gi btsun mo bskyed// rdo rje phur pa'i sder mo ni// rim pa dang ni mnyam du'o// thogs pa med pa'i las rnams 'grub// rdo rje las kyi rgyal po dam tshig brtag pa zhes bya ba'i ting nge 'dzin to// de nas bcom ldan 'das rdo rje sna tshogs pa'i nyung dkar gyi rgyal po 'byung ba zhes bya ba'i ting nge 'dzin la snyoms par zhugs nas/rdo rje las thams cad kyi nyung dkar gyi rgyal po 'di gsungs so// thams cad las rnams 'dod pa yi// kun gyi sbyor ba gcig la shes/thams cad las bzhin sngon ltar bshad// rin chen spyi yi cho ga yis// thams cad de ltar bya bar shis// rdo rje phur pa thams cad dang// sder mo'i gsang sngags gzhan gyis 'grub// gal te rigs na 'ga' yang rung// thams cad ma lus las rnams 'grub// lan gsum gyis ni sku gsum 'grub// sna tshogs kyi nyung dkar gyi rgyal po'i dam tshig brtag pa zhes bya ba'i ting nge 'dzin to// de nas bcom ldan 'das rdo rje sna tshogs pa'i 'od zer gyis nyung dkar gyi rgyal po rnam par byin gyis brlabs pa 'di nyid kyi sku dang gsung dang thugs rdo rje rnams las phyung ngo// rnal 'byor cho ga chen po ni// nyung dkar rgyal po 'ba' zhig gi/byin rlabs sngags kyis bsgrub par bya// gang zhig nyung dkar mthu 'dod pas// de yi dgos pa 'grub mi 'gyur// 'di ni bsgrub par bshad pa ste// dang por rnam par brtag par bya// tha ma la ni sa bon la// dang po gya nom bsdu bar bya/ khyad par tshang ba'i sa bon rnams// pad+ma rdo rje'i dbus gnas su// sngags kyis thag pa gzung bar bya// rang nyid 'dod lha'i nga rgyal gyis// bye ba drug 'bum bgrang bar bya// sngags kyi mtshan ma tshang ba dang// mkhas pas ting nge 'dzin bsgral bar bya// de ni dang po'i sbyor ba ste// gal te bskyed pa ma yin kyang// dngos po 'di yis phra mo'i las// 'grub par 'gyur bar the tshom spangs// yang ni bsgrub pa bshad bya ba// mkhas pas gu gul sbyar mas 'dug/ tshang ba'i sngags ni grangs su bya// rang nyid 'dod lha'i nga rgyal gyis// bye ba drug 'bum brjod par bya// 'di ni gnyis pa bstan pa yin// sbyor ba'i dang po zung gis kyang// phra mo'i las rnams 'grub par 'gyur// de nas yang dag bshad bya ste// dug gi khu bas gos pa la// 'dod lha'i bye ba drug 'bum brjod// sbyor ba rnam pa 'di yis kyang// de bzhin phra mo'i las rnams 'grub// rdo rje brtag pa gsum pa yin// de nas gzhan yang bshad bya ste/ khrag ni khrag chen la sogs te// rnam par bsam pa khrag gi chus// de bzhin bye ba drug 'bum mo// rang nyid 'dod lha'i nga rgyal gyis// pad ma'i snod du bsgrub par bya// 'dis ni dngos po kun 'grub na// rgyal po'i sbyor bas ci zhig smos// thams cad 'grub par 'gyur bas na// bzhi pa yis ni mngon du bstan// de nas brtag pa lnga bshad de// mkhas pas pad ma'i dri chu las// bye ba drug 'bum brjod par shes// 'dod lha'i nga rgyal rdzogs par bya// cho ga gzhan rnams tshang bar ro// de nas dpa' bos rnam brtag pa// mngon du ji ltar grags pa ste// mkhas pas thod pa sa la sba// rang nyid 'dod lha'i nga rgyal te// bye ba drug 'bum la sogs brjod// 'bras bu rdzogs pa'i dus dag tu// gu gul la sogs cho ga brtsam// 'di ni mkhas pa'i brtag pa drug/ de nas yang dag bshad bya ba// dpa' bos dngos grub thob pa'i phyir// ga 'u srub med chu thub par// rgya mtsho'i nang ngam 'bab chu'i ngogs// rdo rje'i thag pa btags nas kyang// de bzhin bye ba drug 'bum brjod// 'di dag brtag pa bdun par bshad// de nas yang dag bshad bya ba// mkhas pas me yi nang du ni// ha cang tshig pa ma yin pa// dur khrod tsher ma'i shing gis sreg/'dod lha'i ting 'dzin rab brtan pas// bye ba drug 'bum brjod pa yin// des ni ji ltar tsha ba'i me// rlung gis bslangs pa ji bzhin du// 'di ni rim pa brgyad par bshad// de nas dpa' bos rnam bshad pa// thabs kyi rdo rje bsgrub par bya// gsang ba dbang po'i rdo rje ni// rgyu ni ji bzhin stong par brgyangs// dpa' bos bye ba drug 'bum yin// cho ga thams cad tshang bar bya// 'di ni brtag pa dgu pa'o// de nas dpa' bos rnam brtag pa// pad+ma'i dbyibs ni zur gsum gdong// ji bzhin snyoms pa'i snod nang du// dam chos bye ba drug 'bum brjod// 'dod lha'i ting 'dzin 'bad pa yis// don rnams ma lus sgrub par byed// 'di ni bcu pa'i brtag pa yin// de nas yang dag bshad pa ni/ khye'u dang ni bu mo la sogs pas// dngos po dag pa'i rang bzhin las// byang chub sems ni blang bya ste// gnyis su med par 'dres pa yi// dbus mnyam pa ni nyung dkar te// rdo rje pad+ma'i dbus gnas te// mkhas pas nyi ma dbab pa'i sngags// g.yas g.yon steng 'og ma nor bar// dam du sbyar ba'i dbus gnas nas// rdo rje'i thag pas gdag par bya// mnyam pa'i rdo rje'i ting nge 'dzin ni// dpa' bos rtog pa med par bya// rab 'bar gsang sngags bye ba dang// drug 'bum bye ba kho na'o// de ltar brtag pa bcu gcig go/ yang ni zhib tu rnam bshad pa// rma med myur du shi ba yi// gzhon pa gsar pa'i mtshan nyid pa// dpa' bos myur du blangs nas kyang// snying ni myur du blangs nas ni// zur gsum gdengs pa'i dbus gnas su// nyung kar rgyal po blug par bya// rab 'bar gru gsum dkyil gnas pa// mkhas pas nan tan bya ba yin// ji ltar ting 'dzin dpa' ba dang// sngags kyi cho ga mkhas pa yis// 'dod lha'i nga rgyal brtan par bya// byang chub sems rnams dbab par 'gyur// dngos grub chen po thogs med yin// bcu gnyis brtag pa nges par 'grub// bcu gsum brtag pa 'dir bshad bya// dkyil 'khor chen po'i sbyor ba dang// chung ngu lha yi sbyor ba rnams// rdo rje phur pa la sogs pa// nges par 'grub pa 'dod pa yin// rgya mdud snod du gnas pa'am// yang na gsang ba'i cho ga dang// gdags pa'i gnas rnams shes pa yis// bye ba drug 'bum brjod na 'grub// de yi ting 'dzin mkhas pas brtag/ yang na mkhas pas drang pa'i don// A li dang ni kA li yi// dbus mnyam pa yi gnas su bzhag/ A+oM a A/ i I/ u U/ r-i r-I/ l-i l-I/ e ai/ o au/ aM A/ ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa sha Sha sa ha k+Sha/ rang sngags skyes bu'i ting 'dzin dang// bye ba drug 'bum rnam par brjod// mkhas pas brtag don bcu bzhi pa'o// de nas gzhan yang bshad bya ste// sangs rgyas lnga rnams skyes pa'i rgyu// sa bon kun gyi dang po ste// mkhas pas 'bad par bya ba yin// 'dis ni brtag pa bco lngar 'gyur// de nas yang dag sngags pa ni// mkhas pas rdo rje can la yin// de bzhin gshegs pa'i rdo rje'o// gsang ba'i sngags kyi byin gyis brlabs// A+oM badzra sa twa sa ma ya/ ma nu pA la ya/ badzra sa twa twe no pa tiSh+Tha/ dr-i D+ho me b+ha ba/ su toSh+yo me b+ha ba/ su poSh+yo me b+ha ba/ a nu rak+to me b+ha ba/ sarba sing+d+hi me pra ya ts+tsha/ sarba karma su tsa me/ tsit+taM shrer yaM ku ru hUM/ ha ha ha ha ho/ b+ha ga wAn/ sarba tA tha ga ta/ badzra mA me muny+tsa badzrI b+ha ba/ma hA sa ma sa twa A/ 'di ni mkhas pas 'bad par bya// mtshan ma la sogs rnam par brtag/ mkhas pas don rnams rdzogs par 'gyur// brtag pa chen po bcu drug gis// las rnams zla rgyas bzhin du 'brel// 'di ni rnam par dpyad mi dgos// de nas dpa' bos 'bad pa ni// gnam lcags lhung ba'i dngos po la// 'ongs sam gnas der phyin nas kyang// gsang sngags bye ba drag 'bum brjod// 'dod lha'i nga rgyal rab 'bad pas// dngos po thams cad zil gyis gnan// bcu bdun las su rnam brtag 'grub// de nas 'bad par nges bshad pa// sku gdung tshad du bsgrub bya ste// sku gdung mnyam sngags rdo rje'i snod// yang dag gnas pa'i 'dod lha brtag/ bye ba drug 'bum rab brjod na// gang gi las rnams ma lus par// sangs rgyas nyid kyi mdzad par 'gyur// A+oM ye d+harmA he tu pra b+ha bA/ he tun te ShAn+ta thA ga to/h+ya ba data te shAny+tsa yo ni ro d+ha e baM bA dI ma hA shra ma Na/ 'di ni chos nyid 'bring po ste// mkhas pas sku gdung lta bur bsgrubs// dpa' bos ring bsrel 'dzin par 'gyur// yon tan rgyal bas brjod mi nus// 'di ni brtag pa bco brgyad do// de nas dpa' bos rnam brtag pa// dur khrod chen por song nas kyang// 'dod lha'i bye ba drug 'bum brjod// bcu dgu pa yi brtag pa yin// de nas rab tu bshad pa ni// gang dag gnas kyi khyad par gyis// mkhas pas bsgrub pa bshad par bya// de bzhin gshegs dang byang chub sems// 'phags pa rang rgyal dgra bcom rnams// 'das par gang dag bzhugs pa rnams// dpa' bos 'bad de song nas ni// bsgrims te rab tu 'bad par bya// der yang mkhas pas brtag pa ni// lhag par mos pa'i ting 'dzin bsgom// de yi gzi brjid chen po yis// gsang sngags bye ba drug 'bum brjod// de las grub pa'i mtshan ma'am// gal te bdud kyi bar chod la// rnal 'byor 'jigs par mi bya'o// 'jigs na myur du gsod par 'gyur// de nyid 'jigs pa gang gis byas// dpa' bos las rnams ma lus 'grub// rnam pa nyi shu 'di brtag ste// mkhas pas the tshom med par bya// yang ni brtag par bya ba ni// shing gi rtsa bar sgrub bya ste// shing ni bram ze'i ri bskal na// yang na 'gag gis bkyig ste shi// gcig bur gnas pa'i shing dag gam// gang dag skam po'i shing rtse la/ kham sa'i gab rtse rlung gi rigs// dam du gnas pa lce la gdags// mkhas pas 'dod lha'i ting 'dzin gyis// bye ba drug 'bum brjod na 'grub// 'di la rnam par dpyad mi dgos// rnam pa rtsa gcig brtag pa yin// de nas yang dag bshad bya ba// mkhas pas ri bo'i rtse la song// rab tu 'bad de bya bar shis// 'dod lha'i nga rgyal rab brtan pas// bye ba drug 'bum brjod par bya// 'di ni nyi shu rtsa gnyis kyis// brtag pa kho nar bshad pa yin// de nas yang dag bshad bya ba// gang dag dpa' bos du ma rdzogs// rim pa bzhin du bsgrub pa ni// mkhas pas cho ga chen po yis// nyung dkar rgyal po ma bsgrubs kyang// gdos pa'i dngos po sbyar ba rnams// du ma'am ni yang na gcig/ 'bad pas don rnams ma lus 'grub// gal te rdzogs par du ma tshang// de bzhin du ma'i rim pa gsum// gang dag de yin mkhas pa'i mchog/ bla med rdo rje'i rang bzhin can// 'bad pa gzhan la ltos pa med// thogs med las rnams ma lus 'grub// sangs rgyas nyid kyi rang bzhin pas// gzhan du brtag par mi bya'o// de yi rkang rjes ma dag kyang// de ni sa phyogs gang dag gi/ mchod rten chen po de yin no// rgyal sras sprul pa mtha' yas rnams// de yi mngag gzhug byed du rung// sngon tshe rdo rje dmod pa bor// 'di la rnam par dpyad mi dgos// gal te rdzogs par ma byas kyang// lan 'ga' 'ga' zhig du mar sbyar// des ni las rnams ches 'grub par// thogs pa med par nga yis bshad// 'di ni rnal 'byor rnams kyi gzhi// mkhas pas 'bad par bya ba yin// rnam pa gzhan la mi dpyod cing// yon tan rdo rje can du 'gyur// 'ga' zhig 'di dag ma yin par/khyad par kun la yod par 'dzin// de ni nyams pa chen po ste// sdig pa can dag 'grog par 'dod// de dang phyogs kyang spang bar bya// mchod pa chen po cher grags dang// gang du rnam par grags pa ni// sangs rgyas rnams kyi bstan pa la'o// rdo rje can gyi mthu rnams ni// thams cad 'di las 'byung ba'i phyir// mkhas pas yang dag 'bad par bya// sku dang gsung dang thugs kyi rgyud// mnyes par byed pa rdo rje'i 'chog/phyogs bcu rgyal ba'i sras rnams ni// bsam pa tsam gyis myur du byon// gang dag las kyi tshogs rnams ni// bden par khas blangs dam bcas pa'i// 'khor du gtogs pa'i rgya mtsho rnams// thams cad ma lus las rnams byed// 'di dang pha rol gnyis ka yong// don rnams dran par byed pa'i phyir// rtag tu sangs rgyas bsngags pa mdzad// nyung dkar gyi rgyal po chen po'i sbyor ba mngon du brtag pa las byin gyis brlabs pa du ma cher bsgrubs pa'i ting nge 'dzin to// de nas yang bcom ldan 'das kyis/ nyung dkar gyi rgyal po zhes bya ba'i bsgrub pa'i las phun sum tshogs pa 'di gsungs so// mkhas pa rnams ni rdo rje'isnod// de la rgyal bas sras dgongs te// byin gyis brlabs pa mdzad pa yin// de la rdo rje las rnams bshas// gang du dang po mkhas pa yis// rdo rje pad+ma'i dbus gnas par// nyung dkar rgyal po bzhag ste bsgrub// zla ba gzas zin tshe na ni// lag pas yang dag gnan par bya// 'phar dang 'gul dang 'od dang dri// ro dang sgra dang 'phel ba dang// 'bras bu phun sum tshogs pa 'grub// de tshe mkhas pas sgra byung na// 'jig rten stong gi tshig rnams kyang// dag dang ma dag thos par 'gyur// gang dag dri rnams byung ba yis// 'od dpag med pa'i mdun sa bzhin// bdag la dri mchog thob par 'gyur// de la ro rnams byung ba ni// nyung dkar rgyal po blang nas ni// yang dag zos par gyur pas ni// rdo rje chos kyi lce thob 'gyur// 'od zer 'bar ba gang gis 'thob// de yi gzi brjid rgyas par 'gyur// skra dkar gnyer ma zad pa dang// gzhon nu bye ba drug bcur gnas// bskal pa dang ni lo rnams te// 'dod na nam mkha'i tshe dang mnyam// gang dag bkru bar 'gyur ba ni// rkang mgyogs la sogs thob par 'gyur// rdo rje'i pho nya 'dra bar 'gyur// ji ltar 'phar bar 'gyur ba na// sangs rgyas zhing du 'gro ba yi// rdo rje'i rkang pa thob par 'gyur// dngos grub du mar 'phel ba dang// du ma rgyas pa 'phel bar 'gyur// bsams pas don rnams 'grub par 'gyur// thogs pa med pa'i las rnams ni// 'bad pa med par 'byung bar 'gyur// du ba byung ba mig bskus te// 'jig rten bskyang ba'i pha rol na// gnas pa cung zad ma lus pa// nam mkha'i skabs na bzhugs pa yi// sangs rgyas sras dang bcas pa mthong// gzhan yang thogs med 'grub par 'gyur// nyung dkar gyi rgyal po mthu sgrub pa zhes bya ba'i rnam par brtag pa'i ting nge 'dzin to// de nas gzhan yang bshad bya ba// rma med myur du shi ba yi// gzhon pa gsar bar ldan pa ni// blangs te bsgrub par bya ba ni// gang la mig gis nang du yang// 'bras bu gcig gzhag bsgrubs pa yis// ci ste mig 'bras 'gul ba dang// blangs te bdag gi mig la bstim// gnyis ka yang ni gcig pa yis// mig ni lha yi mig tu 'gyur// mnyam du gnas pa'i lce stengs su// 'bras bu gcig ni mngon par gzhag/ gang gi lce de brkyang ba'i ngang// so yis bcad de 'chos na yang// rdo rje'i lce ni thob par 'gyur// gang gis rna ba'i dbang po yi// nang du de bzhin sa bon gnas// gang la rna ba 'gul ba ni// bcad de rna ba'i dbus gnas su// de ni bstim par bya ba yin// rdo rje'i snyan mchog thob par 'gyur// gang gi lus kyi dbang po la// de bzhin sa bon bzhag par shes// ji ltar 'gul ba'i dus dag tu// de bzhin bstim pas rdo rje thob// gang gi snying la sa bon gzhag/ bsgrub pas dus su de bzhin te// rdo rje chos mchog thob par 'gyur// thams cad zla ba'i dus dang sbyar// nyung dkar gyi rgyal po brtag pa gzhan la rig pa 'dzin pa zhes bya ba'i ting nge 'dzin to// de nas yang dag bshad bya ba// dngos grub phan pa'i ting nge 'dzin gyis// bdag dang gzhan las dgos par 'gyur// nyung dkar rgyal po gcig tsam yang// grong gi 'og na chu klung ste// thams cad phyag rgya bstan pa ru// chu rnams nang du mi tshor bar// brtan par gzhag na yul khams kyi// grags pa 'bar ba legs pa ste// rims dang nad rnams mi 'byung zhing// 'gro ba bkra shis kho na yin// yang na mkhas pas brtag bya ba// yul gyi phur ni mchod rten can// bcu pa la ni sa bon gnas// 'gro ba'i bkra shis skyed pa'i phyir// rgyal khams legs pas 'bad pa yin// yang ni bshad par bya ba ni// bzhi mdo dang ni sum mdo dang// rgyal po yi ni lam ka dang// rdo rje rigs la brtag nas kyang// mang khu chen pos bsgrubs nas ni// gang gis mthong ba zhi bar 'gyur// de nas yang dag bshad bya ba// 'gro ba gang zhig 'tshe ba dang// 'chi ka shi bar gyur pa yi// lus dang ngag las ming dang phyogs// gang dag sngags gcig bgrang ba yang// sdig pa med de byang chub nges// dud 'gro gang dag 'thab pa la// thal ba chen pos byugs nas kyang// sa bon 'phangs pas myur du zhi// mi rnams rtsod pa chen po'i tshe// rtsod pa'i phyogs su 'bar ba yi// 'dod lha'i phyag rgyas gnas pa'i dbus// sa bon dag kyang gnas pa yis// 'thab pa myur du zhi bar byed// gang la ser ba 'bab pa yi// sa phyogs dag na gang nges par// 'dod lha'i phyag rgya dbus gnas su// sa bon gnas pa gzhag par bya// theg pa chen po byung ba'i tshe// klu yi khyim du me bor na// ha cang ches na sa bon gcig/ tsan dan me la bsreg na chad// gnam lcags lhung bar dogs pa dang// nam mkha' lding gi gzugs byas te// rab tu 'bad pas sa bon che// mkhas pas ri dang sa phyogs dang// yang na khyim dang dgon pa'am// gtsug lag khang gi steng du gzhag/ du mar dogs pa zhes kyang bya// gnam lcags lhung bar mi 'gyur ro// grong la sogs pa mes tshig na// mkhas pas chu la bsgrubs nas kyang// sa phyogs dag tu 'phang bar bya// dpa' bos byin gyis brlabs pa la// nam du yang ni the tshom spangs// gang dag gdon gyis btab pa la// bsngags pa'i chu yis btab pa'am// nad pa'i mgul du btags byas na// de yi mod la zhi ba dang// phyis kyang ma gnod phan par sems// de nas yang dag bshad par bya// sgo lcags dbye bar 'dod pa yis// gcig bsnun pas ni las rnams byed// 'di la rnam par dpyod mi dgos// nyi ma gcan gyis zin pa la// mkhas pas dung dang rnga la gdags// sgra ni drag por brjod pas kyang// lha min dbang po myur du sreg/ zla ba gcan gyis zin pa la// rdo rje dri chu dwangs pa'i snod// gzugs brnyan gnas pa'i dngos po la// sa bon du ma bsnun pas ni// lha min ras dang bcas pa 'bros// dkar po rnam par rgyal bar 'gyur// dus ma yin par grong dag gam// dus kyi rang bzhin 'bad pas ni// mkhas pas sa bon bsregs pa yi// du ba shes pa bdug par bya// dgos pa phun sum thob par 'gyur// 'di ni bdag gis spyin bsreg byas// bdag la sogs pa'i gnod pa la// ser po shing gi bsreg byas na// 'jig rten pa la phan 'gyur te// thang gcig bde ba skyed par byed// yang ni bshad par bya ba yod// yul khams nad kyis 'tshes pa dang// 'byung po mang po gnod pa'i tshe// mkhas pas chu la bsngags pa'am// lus la btab nas bsnun pas zhi// 'jig rten mgon po'i spyan sngar ni// mchod pa legs par sbyar bas ni// 'gro ba nad las thar bar 'gyur// de nas yang dag bshad bya ba// rdo rje blo yi cho ga ste// nyi ma 'di ni rtse mo la// 'jam dpal dbyangs kyi spyan snga ru// gtsang ma yi ni chu rnams la// sa bon legs par bsngags pa ste// rdo rje'i chu ni 'thung bar bya// rdo rje nyung dkar blo yi mchog/ rdo rje blo gros 'phel bar 'gyur// yang ni mkhas pas 'bad pa ni// bud med gang dag bu med pa// chu ni sa bon tshang ba dang// rtag tu mkhas pas blud par bya// mo gsham dang ni 'dra ba yang// rigs rgyud 'phel bar yang dag 'gyur// mkhas pas chu dang tsher ma la// sngags ni ma lus ma yin te// spra tshil gyis ni bsgrub bya la// sa bon mig tu gnas pa la// tsher ma dkar pos mig gtubs nas// ma ru rtse yi spyan snga ru// mkhas pas nan tan byas nas ni// chom rkun thams cad ldengs par 'gyur// gshin rje'i rgyal gyis yi dwags bskrad// rdo rje thod dbyug sbyor bas su// hUM mdzad kyi ni phyag 'tshal gyis// sa bon bcas par 'gyur ba la// lha dang lha min bsdigs par byed// rdo rje sgrol ba'i spyan sngar ni// 'jig rten dbang du bya ba brtsam// sa bon bcas pa mkhas pas 'grub// rdo rje lha mo skul byed mas// yi dwags dbab par bya ba yi// sa bon cho ga rung du 'bab// 'phags pa nor gyi rgyud 'phel gyis// mdzad pa la ni spyan snga ru// sa bon bcas par mkhas pa yis// gter gyi cho ga brtsam par bya// sa yi lha mo'i drung du ni// sa bon bcas pa'i cho ga yis// sa bzhi bkra shis gtsang mar sbyar// sbyin sreg byed pa'i dus rnams la// drang srong la sogs dkyil 'khor la// thams cad mchod par bya ba la// bgegs rnams kyang ni myur du sreg/ rnam par nyon mongs 'gyur ba yi// gang dag 'jigs pa cher g.yos na// bya khyung rgyal po'i drung du ni// mkhas pas sa bon sngags dang bcas// mkhas pa'i cho ga rdzogs pa dang// sa bon gdags bya'i gnas su gdags// dug rnams bdud rtsir snang bar byed// 'di la rnam par dpyad mi dgos// mkhas pas tsan+dan la sogs pa// me dpung thal ba'i gzugs kyis ni// gang dag gnod par snang ba la// mche ba'am ni gzugs bstan la// sa bon chen pos bsnun pa dang// phyogs rnams su yang bsnun pa yis// gnod pa thams cad zhi bar 'gyur// thams cad lo tog gnod la sogs// bya dang bye'u la sogs pa// gzugs brnyan rdo rgyus dag gis te// sa bon bcas pas 'ching bar 'gyur// 'di la rnam par dpyad mi dgos// mkhas pas rdo rje'i chu rnams ni// chu yi snod du gnas pa las// sa bon sngags dang bcas pa yis// chu ni rdo rje 'drar 'gyur te// brtan par gyur na mkhas pa yis// chu bo rkang pas gnon te 'gro// mnan yang thogs pa med par 'gyur// sa bon sngags dang bcas pa rnams// gtsang ma'i chu ni dri dang ldan// mkhas pas sa bon bsnun pa la// pa rna sha ra'i drung du 'khod// byol song bde ba bskyed par bya// dbang phyug chen po'i ling+ga yi// mtshan ma gcig par rab song nas// chung ma'i gnas la sa bon gnas// ji tsam dbang du chud pa dang// las rnams dmigs kyis bsgo ba 'grub// 'di la rnam par dpyad mi dgos// gzhan du nams kyang ma yin no// 'phags pa nyung dkar gyi rgyal po rnam par brtag pa las/ phan pa'i rnam par bshad pa'i dam tshig brtag pa zhes bya ba'i ting nge 'dzin to// de nas yang dag bshad bya ba// slob dpon smod par byed pa dang// sdig pas yongs la 'khu ba dang// dam tshig las rnams nyams pa dang// mkhas pas bskrad dam bcings pa'am// rengs dang brgyal zhing myos pa dang// smyo ba la sogs bstan pa yin// gal te phra mo'i las kyis kyang// thams cad 'dul bar ma 'gyur na// nges par gsod pa rtsom par bya// 'di ltar slob dpon smod pa la// dug gi rtsa ba'i 'og nas ni// sa la de yi lce byas na// sa bon bcas pa'i sbyor ba yis// gang dag 'khrul pa brjod pa de// lce ni rnam par rengs par byed// zhi bar 'dod na 'o mas bkru// de nas gzhan yang rnam bshad pa// skye bo yongs la gnod pa de// gzugs ni lam gyi sa la sogs// dur khrod tsher mas rkang pa la// rnam par btab pas 'khum par 'gyur// zhi bar 'dod na a ru ra// bsregs pas 'dug pa phan pa yin// sa bon thams cad gdon mi za// dkon mchog smod par byed pa de// 'jig rten gzhan du bskrad par bya// dud ka rnga mo'i gzugs brnyan ni// dur khrod shing la bris pa ste// bsgrub bya'i gzugs brnyan gnas pa la// sa bon bsregs pa'i dud pa yis// 'jig rten dang ni yul gzhan du// nyams nas 'khyams par 'gyur ba yin// zhi bar 'dod na dung gis ni// btags te sa dang mnyam bsres na// bsgrub bya sa yi mig 'bras can// 'bras bu gnas su sa bon che// bsngags par 'dod na mchog 'dzin no// zhi bar 'dod na sa bon dbyung// yang dag gnon pa 'dir bshad bya// ri rab ri dang bcas pas mnan// sa bon gzugs dang bcas pas kyang// zhi bar 'dod na brag gi chus// thams cad bkru bar bya ba yin// yang ni gnon pa'i las yod de// glang po che dang seng ge dang// ri dang ri rab mtsho dang bcas// shing dang brag dang sa bzhi dang// 'dir gnas pa yi 'byung po'o// sangs rgyas sras dang bcas pa dang// de bzhin 'byung po'i cho 'phrul te// dngos po gang dang gang dag gis// bsgrub bya gnan par bya ba ni// sa dang rdo dang shing dang lcags// dngos po rnams kyi gzugs byas te// mkhas pas brtsegs dang bri ba dang// legs par bsam pa'i rang bzhin la// sa bon bcas pa dang po'i tshad// mkhas pas ci ran 'bad par bya// de ni de yis gnon pa ste// mkhas pa'i las rnams chud mi za// zhi bar 'dod na zho dang ni// thang chu'i khu bas bkru bar bya// mkhas pas dbang du bya ba ni// pad+ma'i yum mchog rA ga'i mdog/ b+ha ga legs par gnas pa la// zangs ma'i khab kyis gtsag pa yi// shul du sa bon gzhag par bya// 'dis ni dngos po thams cad dang// mi yi gtso bo dbang du 'gyur// zhi bar 'dod na pad ma ni// dmar po bsreg pas zhi bar bshad// lha yi bu mo 'gugs 'dod pas// mkhas pas pad+ma'i rtsa ba la/ khab kyis phug pa'i shul du ni// sa bon gnas pa bsregs na'o// de nas yang dag bshad pa ni// skra dang rjes kyi dum bu la// gang gi gzugs ni legs byas te// nyung dkar rgyal po brtags pas ni// rnam par 'chi ba kho na yin// de nas yang dag bshad bya ba// thod pa mang po'i nang du ni// dug dang khrag la sogs pa yi// dbus na gnas pa'i gzugs yin te// sa bon chen pos rnam par 'phang// thams cad dgug dang btab pa dang// mtshan ma tshang na 'phang bar bya// myur du shi bar the tshom med// gzhan yang mkhas pas 'bad pa ni// 'ug pa dang ni srin bya dang// gdug pa'i bya rnams sgrogs pa'i sa// gnas ni rnam par ltas pa dang// gdags pa yang ni shes pa ste// gnam lcags lta bu'i mde 'us ni// dpa' bos dgra bo'i yul du 'phang// byol song rnam par 'thab pa dang// shi ba nyid du the tshom med// yang ni mkhas pas 'bad par bshad// ri rab ri ru bcas pa la// mkhas pas kun tu bskor ba yis// tshad dang ldan pa'i tshul du ni// mkhas pas mnan pa'i las rnams la// rnam par 'phang ba sa bon che// yang ni mkhas pas 'bad pa ni// bra dang byi ba phyi ba yis// brkos pa'i sa ni du mar bsres// gzugs dang bcas pa legs byas te// mkhas pas sa bon cher gnas pa'i// rwa can kun gyi thod pa ru// legs par gnas pa 'bad par ni// bsgrub bya byol song rwa yis gsod// de nas brtag pa bya ba ni// dpa' bos rnam par dpyad mi dgos// dur khrod kyi ni sol ba la// bsgrub pa'i gzugs su bsres te bya// tsher ma'i dbus na gnas pa la// dur khrod nang du song nas ni// dur khrod me la 'bad par bya// bsgrub bya me yis tshig pa dang// rnam par bros te 'chi bar 'gyur// de nas dpa' bos legs 'bad pa// kun tu mtha' yas sngags kyi mthus// dpa' bos legs par gsad pa ni// ro ni gsar pa legs spyad pa// yan lag rnam par bskyabs pa la/kha ni kun tu gdangs pa ste// dur khrod ras dang shing dag la// gang gi gzugs ni legs gnas pa// de yi khar ni kun tu gzhug/ yi dwags kyi ni me dang bcas// gdug pa'i thag pas phug nas ni// yang ni dpa' bos dam du gzung// rnal 'byor gcer bur gnas pa ni// gdug pa'i rdzas kyis byugs nas kyang// sa bon chen po 'phang bar bya// skabs su dpa' bo 'khor bcas kyis// thor lcog brkyang zhing yan lag gnas// phyogs bzhir thag pas mkha' la g.yeng// rnam par bstab pa bya ba yin// mkha' 'gro 'ongs te sbyin pa dang// 'dod lha'i nga rgyal brtan par bya// 'di la rnam par dpyad mi dgos// de nas yang dag bshad bya ba// 'dod lha'i phur pa yang dag dang// dur khrod ras la bris pa yi// gzugs brnyan la sogs mkhas pas gso// gru gsum dbus na gnas pa yi// lho nub byang shar mgo rkang bstan// bstan pa'i steng du sa bon te// mkhas pas yang dag 'bad par bya// rdo rje thag pas btags nas kyang// gdug pa'i mtshon cha du ma yis// yang dang yang du gdab par bya// 'bad pas chen po'i gzugs brnyan yang// bsreg dang mnan pa la sogs te// gang du bsngags pa'i las la sbyar// rang gi mgo bo rdeb byed cing// myur du zhi bar the tshom med// nyung dkar gyi rgyal po chen po'i rnam par brtag pa las// gang dag gnod pa nges par gsod pa'i las kyi sbyor ba chen po zhes bya ba'i ting nge 'dzin to// de nas yang bcom ldan 'das kyis rnam par 'grol ba zhes bya ba las/ kun tu 'jug pa zhes bya ba 'di gsungs so// dang pos las rnams 'bad par bya// thogs pa med pa'i las rnams bya// the tshom med par bya ba yin// las rnams so so'i dngos po la// bskul ba'i sgra dang ldan par bya// spyi dang khyad par sngags dang rgya// mkhas pas rdo rje bla ma brten// las rnams kun la brtag pa ni// rdo rje nyung dkar yin par bshad// sangs rgyas mnyes par byed pa dang// dgra rnams nyams par byed pas na// rnal 'byor dngos grub dam pa yi// thams cad bsgrubs pa'i sngon du ni// dngos po du mas ci zhig bya// 'bad pa gzhan la rtsol bas ni// nam yang 'grub par mi 'gyur ro// rnam pa 'di yis thams cad du// 'di dang gzhan gyi dngos po la// bdag gzhan sbyor ba mi 'gyur ba'i// dngos po gcig kyang gnas pa med// de phyir nyung dkar rgyal po'o// rig 'dzin mkhas pas bsgrub par bya// spyi yi cho ga mkhas pa yis// dang po'i gtsug lag rdzogs par 'gyur// shes rab dang ni snying rje la// gang zhig sbyor ba'i rnal 'byor gyis// gsang sngags brjod par bya ba dang// brjod pa med pa'i las la mkhas// lus dang yan lag phyag rgya yis// mkhas pas gang gis don rnams 'grub// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ nyung dkar gyi rgyal po dam tshig rnam par brtag pa zhes bya ba'i le'u ste nyi shu pa'o//// de nas bcom ldan 'das las kyi sbyor ba rnam par dag pa zhes bya ba'i ting nge 'dzin la snyoms par zhugs nas/ phur pa thams cad kyi rang bzhin phur bu bcu gnyis rnam par bskyed pa zhes bya ba 'di nyid kyi sku dang gsung dang thugs rdo rje rnams las phyung ngo// sku dang gsung dang thugs kyi rgyud// yongs su brtag pa du ma las// 'bad pa mngon du bton pa dang// khyad par thabs kyis gang yang 'grub// 'di ltar phur pa'i rang bzhin brtag pa ni// mkhas pa rnams kyi spyod yul te// seng ldeng dag ni tsan+dan dang/ tsher ma can dang/ rma shing dang/ shug pa dang/ arga dang/ gzhan yang las bzhi'i mtshan nyid can rnam pa brtag ste/de yang dang por shing bskyed par bya ste/ thams cad kyi rang bzhin brtag pa la/ 'di ltar mkhas pas brtag pa na// sa gzhi dkar las skyes pa ni// bkra shis zhi ba tshang ba'i shing// rim par rgyas dang de yi mtshan// yul dang shing las dbang du brtag/ de bzhin drag po la sogs brtag/ rgyu yi shing rnams mkhas pa yis// skye ba'i shing ni sa bon brtag/ de dag yongs su bsdus nas kyang// rin chen snod du gnas pa las// mkhas pas mnyam pa'i phyag rgya yis// gsang sngags 'di yis byin gyis brlab// oM swA b+hA wa bi shud d+hou0f85 haM/ 'dis ni dngos po dag par bya// de nas gnas der gnas pa na// shing gi bdag rnams zhi bar bya// oM swa b+hA ba shud d+ha a bde ba shAn+ting ku ru swA hA/ shing gi lha rnams gdon rnams la// gtor ma la sogs bsgo bar bya// de nas mkhas pas yang dag bcad// las rnams gang gi las byed pa// sa la phur pa dang por shes// oM badzra kI li ya sarba ta thA ga ta shAn+ting ku ru puSh+ting ku ru/ ba shang ku ru mA ra ya phaT phaT swA hA/ gcod pa'i sngags ni yang dag bsam/oM badzra kro d+ha ha ya grI ba badzra shak+ti mU la ts+tshin+da ts+tshin+da kI la ya phaT/ rta skad bzhad pa'i ting 'dzin gyis// mkhas pas shar nas phyogs bcur brgyab// dum bu bzhi ru gnas pa yi// shing ni las bzhir brtag par bya// de bzhin du ni so sor bskyed// gang gi nang gi mdun du ni// yi ge brgya pa brjod pa dang// dri yis bsangs dang gtor bar bya// de nas sa bon kha la ni// hUM ma hA ba la s+t+waM/ kI la ya mU la a mr-i te/ oM AHhUM/'og gi cha la gzhag par bya/ oM hUM kA ra kI la yag+sha ka ra/ oM AHhUM/ 'di ni rtse mo'i cha la shis// gzhan yang phyogs ni ma nor bar// thams cad 'bar ba'i khro bo dgod// las kyi rigs dang mthun pa yi// rtsa ba'i dbyibs ni bzhi ru bya// de nas dpa' bos bshad pa ni// bskyed dang bsdu dang gdul ba dang// bsgrub dang gtor ma'i las sogs bya// dbus su nye bar bsgrub par 'gyur// so so'i gsang sngags brjod par bya// de yis bsgrub pa byas pa ste// 'og tu phreng ba blang bas 'grub// de nas bshad par bya ba ni// gcig la'ang rnam pa bzhi yin te// rtse mo la ni zhi ba ste// rtsa ba mngon spyod kho na ste// dbus ma'i cha la rgyas pa dang// dbu ma dang ni swA hA yi// dbus nas dbang gi phur pa blang// de yi las rnams gang la yang// so so'i las la gang bsngags pa/ khro bos yang dag dbyibs su bya// sngags dang phyag rgyas yongs su bsgrub// 'di ni dam tshig chen po yi// phur pa nyid du rnam par bshad// de nas ye shes chen po yi// phur pa rang bzhin gnas nas dgug/ gzhug dang bstim zhing gnas pa yi// dbang bskur rab gnas 'bad par bya// oM sarba ta thA ga ta kA ya kI la ya/ a b+hi Shiny+tsa oM/ sku rnam par brtag pa'o// oM sarba ta thA ga ta bAka kI la ya/ oM b+hi Shiny+tsa AH gsung rnam par brtag pa'o// oM sarba ta thA ga ta tsit+ta kI la ya a b+hi Shiny+tsa hUM/thugs rnam par brtag pa'o// A+oM sarba ta thA ga ta kI la ya/ shAn+ting ku ru/ a b+hi Shiny+tsa hUM/ zhi ba chen po rnam par brtag pa'o// oM sarba ta thA ta kI la ya/ puSh+ting ku ru a b+hi Shiny+tsa hUM/ rgyas pa chen po rnam par brtag pa'o// A+oM sarba ta thA ga ta kI la ya/ ba shang ku ru a b+hi Shiny+tsa hUM/ dbang chen po'i rnam par brtag pa'o// oM sarba ta thA ga ta kI la ya mA ra ya a b+hi Shiny+tsa hUM/ mngon spyod chen po rnam par brtag pa'o// 'di dag 'bad pa med par dgos pa ru 'byung ba'i phyir/ mkhas pa la ni bshad pa'o// de dag gzung dang mthong ba dang// thos dang bsam pa la sogs kyis// gal te bsgrub pa ma byas kyang// du ma'i yon tan rdzogs par 'gyur// lcags dang zangs dag mi rus dang// glang po'i so la sogs pa'am// dngul dang gser la sogs pa yi// dngos po gzhan gyi rgyud la yang// shing ni bskyed pa ma gtogs pa// cho ga mthun par bya ba yin// de nas yang dag bshad bya ni// ser po'i chu la dpa' bos 'bad// rin chen la sogs snod nang du// rigs dang mthun par byas pa la// so so'i r-igs ltar bsgrub par bya// oM sarba badzra kro d+ha ya/oM AHhUM swA hA/ rdo rje chu'i rnam par rtag pa'o// thabs kyi rdo rje thabs kyi cha// sa bon dkar po'i steng du bsgrub// oM ma hA bod+hi tsit+ta sa ma ya ki la ya/ badzra hUM/ rdo rje thabs kyi rnam par brtag pa'o// pad+ma'i nang du pad+ma'i mdangs// pad+ma'i dngos por byin gyis brlab// oM ma hA rak+ta bod+hi tsit+ta kI la ya sa ma ya AH pad+ma chen po'i rnam par brtag pa'o// de nas A li kA li yi// dbus mnyam pa yi dkyil 'khor du// mkhas pas yang dag bsgrub par bya// oM kI la ya/ sa ma ya ma hA sUr+ya a tsan+d+ra ma hA' maN+Da la/ oM AHhUM/ nyi ma dang zla ba'i rnam par brtag pa'o// de nas yang dag bshad pa ni// phyi rol gyi ni grub pa'i rdzas// byin gyis brlab pa gsum yin te// rtsa ba mgo rnams ma nor bar// phur pa legs par byas pa yi// steng du rgya mdud dbus gnas su// sangs rgyas gdung mchog gzhag par bya// dbus sam gnas kyi rgya mdud la// rin chen gzhag par bya ba ste// ye shes rtse mo mkhas pa yis// lug rus 'jigs pa gzhag par bya// chos kyi dbyings kyi snying po yis// steng gi dbus gnas byin gyis brlab// dkon mchog gsum gyi gsang sngags kyis// dbus kyi gnas su byin gyis brlab// rdo rje khro bo du ma'i sngags// rtse mo dbus gnas byin gyis brlab// de nas mkhas pas mchod pa dang// bstod dang gsol ba la sogs te// mchod rten chen por gzhag par bya// bskal pa ji srid stongs na yang// sa dang nam mkha' phyogs rnams kyang// mchod rten chen po kho nar nges// 'di la rnam par dpyad mi dgos// gang gis bsgrub pa ma gsungs kyang// de la 'bad pa mi dgos par// 'bras bu gya noms phun sum tshogs// gang gis phur pa byin gyis brlab// sngon du 'gro ba ma rdzogs par// 'phan pa gzhan la 'jug pa ni// bye ma la ni gser du 'dod// nam yang grol bar mi 'gyur ro// shing ni bskyed par ma byas kyang// byin rlab du ma tshang gyur na// mkhas pa'i cho ga gnyis pa yin// sgrub pa 'bad pas mi byed kyang// dbyibs dang mthun pa'i snod dag tu// gtsang ma'i gnas su bzhugs nas kyang// dgab dang bdug dang bskor ba yin// mchod dang gdugs kyi cho ga bya// de dag la sogs cho ga yi// mkhas pas rab tu gnas pa yi// cho ga mkhas par mi shes par// gang gis bsgrub par byed pa de// ljon shing rul ba'i dum bu las// yal ga 'phan par 'dod pa ltar// de ni mi mthun spang bya yin// zhes gsungs so// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po las/phur pa rab tu gnas pa bstan pa zhes bya ba'i le'u ste nyi shu rtsa gnyis pa'o//// de nas bcom ldan 'das de bzhin gshegs pa thams cad kyi sku gsung thugs kyi bdag po dpal rdo rje 'jigs byed kyi dbang phyug chen po rnam par 'byung ba zhes bya ba'i ting nge 'dzin la snyoms par zhugs nas/phur pa thams cad byin gyis brlab pa'i cho ga 'di nyid kyi sku dang gsung dang thugs rdo rje rnams las phyung ngo// oM dang hri dang phaT kyis ni// phur pa byin brlab 'bad byas te// mkhas pas 'dod lha'i nga rgyal gyis// phur pa yongs su dril ba'i tshe// ma las nyi dkyil g.yas par brtag/dmar po'i hUM sgra dbus gnas tshe// a las zla ba'i g.yon par te// rdo rje thig le 'phel ba'i rang bzhin bsam// dbus gnas pa ni tha yi gzugs// yum gyi rangabazhin gzung bar bya// de bzhin nying lag lnga rnams kyang// ma las nyid dkyil lnga yin te// g.yas kyi sor mo rnams la mdzes// a las zla ba de bzhin lnga// nying lag g.yon pa de bzhin 'dzin// 'bar ba 'phro ba'i tshogs dang ldan// dbu ma las ni snang mdzad nyid// mi bskyod mdun 'og yang dag go/ tha ltag rin chen 'byung ldan yin// mtha' la snang mtha' yas pa bzhag/ don yod pa ni gtso bo la'o// thabs dang shes rab rang bzhin ni// dbyings dang shes rab rang bzhin las// 'bar ba'i 'od kyi rtse mo bzhag/ byang chub sems kyi 'phro 'du yis// bdag dang gzhan don bsgrub par bya// dpa' bos drag tu dril bas ni// yab yum rlung gis byang chub sems// rnam par rol par mdzad pa yi// 'od zer rtse la rnam par 'phro// zhi ba dkar ser dmar nag sogs// phyogs bcur 'khrigs pa rnam par brtag/ rtse la 'ur 'ur thog thog dang// chem chem la sogs du mar grags// mkhas pas nyid kyang bkrag par brtag/ steng nas kyang ni 'phro ba brtag/ yongs su gsal bar 'bad pa ni// dpa' bos brtag pa'i las yin no// 'di ni gang gis nges brtag pa/khams gsum pa ni dus gcig tu// 'khor ba ming yang mi grags par// thams cad bskal par the tshom med// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/rdo rje nying lag byin gyis brlab pa zhes bya ba'i le'u ste nyi shu rtsa gsum pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/dpal rdo rje 'jigs byed kyi dbang phyug chen pos/ rnam par bkod pa zhes bya ba'i ting nge 'dzin la snyoms par zhugs nas/ seng ldeng gi phur pa'i khyad par gyi las rnams bstan pa zhes bya ba 'di nyid kyi sku dang gsung dang thugs rdo rje rnams las phyung ngo// sbom po dang ni sor brgyad pa// seng ldeng legs par gzung byas nas// nam mkha' rdo rje'idabus gnas su// zhi ba'i dkyil 'khor bsam par bya// rdzas kyi sbyor ba gnyis kyis kyang// phur pa'i cho ga byas pa ni// phyag rgya bzhi yis dgug pa'i sngags// rnam par brtag pa 'dir bshad pa// dzaHhUM baM hoH che ge mo zhig pra be sha hUM hUM/ bsgrub bya dgug pa rnam par brtag pa'o// oM badzra mud ga ra a kro Ta ya/ tho ba rnam par brtag pa'o// 'od zer 'phro ba lta bu'i phyag rgya bcas te/ oM karma kro d+ha hUM/ nyi shu rtsa gcig rdo rje las kyi phyag rgya rnam par brtag pa'o// dung lta bu'i phyag rgya bcas la/oM sa twa badzra hUM/ kro d+ha sa ma ya hUM/ lan bdun du rdo rje tshig gi phyag rgya rnam par dag pa'o// sngo skya can gyis zhi gtor bya// klu zhi ba'i rnam par brtag pa zhes bya ba'i ting nge 'dzin to// de nas yang dag bshad bya ba// gru bzhi ser po brtag par bya// bsgrub bya byang du mgo bstan pa/ kha dog dmar skya bsam par bya// hUM che ge mo zhig hUM swA hA/ snying gar brtag pa'o// rdzas kyi cho ga gnyis kyis ni// phur pa gru bzhi brtan zhing 'phang// phur pa dril ba la sogs te// sngags dang phyag rgya thun mong du// de bzhin rgyas par rnam par brtag pa zhes bya ba'i ting nge 'dzin to// de nas yang dag bshad bya ba// nam mkha' rdo rje'i dbus gnas su// hUM gi dbus na gnas pa ni// zla gam dmar po bsam par bya/ ma hA ba li'i sngags kyi gzir// gzhan ni lugs dang mthun par bya// hUM gi dbus na gnas pa yi// nub tu mgo bsnyen snying la bzhag/dkyil 'khor du ma bstan pa yis// dbang gi rnam par brtag pa zhes bya ba'i ting nge 'dzin to// de nas yang dag bshad bya ba// nam mkha' rdo rje dbus gnas su// rtse mo lhor blta zur gsum brtsam// gdug pa'i rdzas la byas pa yi// hUM phaT dbus na bsgrub bya'i ming// sngon po'i mdog tu lhor bstan la// A+oM badzra kro d+ha kI la ya/ mA ra ya hUM phaT/ rtsa ba'i gsang sngags rnams brtag pa'o// thun mong gi ni cho ga rnams// mkhas pas lugs dang mthun par bya// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las seng ldeng gi phur pa'i khyad par gyi las rnam par brtag pa zhes bya ba'i le'u ste nyi shu rtsa bzhi pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/ dpal rdo rje 'jigs byed kyi dbang phyug chen pos rnam par thar pa chen po zhes bya ba'i ting nge 'dzin la snyoms par zhugs nas/gnam lcags kyi phur pa rnam par brtag pa 'di nyid kyi sku dang gsung dang thugs rdo rje rnams las phyung ngo// hUM dang hri dang phaT kyi gzugs// spyi bo sked pa rtse mo la// rnam par brtag pa'i phur pa ni// sbom po brgyad kyi tshad du bya// thun mong gi ni cho ga rnams// bzlas pa'i rim par spyi la dgod// gang gi gzugs la sogs pa dag/mdun du bshad pa'i rang bzhin ltar// mkhas pas de ltar shes par bya// rdzas kyi sbyor ba gnyis byas te// dpral bar blang ba gnyis yin te// mdun du sngags dang phyag rgya ltar// dpa' bos 'dir ni nan tan bya// pad+ma can la gnas pa yin// rgyab kyi 'phar ba rtse bar bya// zla ba tshes gsum gnyis kyis ni// steng gi dkyil 'khor g.yas g.yon brgyan// du ma'i gzi brjid tshang bar bya// oM badzra kro d+ha yak+Sha kro d+ha kha kha kha hUM hUM hUM phaT phaT phaT/rdo rje gnod sbyin rnam par brtag pa zhes bya ba'i ting nge 'dzin to// lag gnyis be con byas nas kyang// rab tu gsang zhing tshar gcod pa// oM badzra kro d+ha ma hA ba la/ ha na ha na pa bi d+hAn sa ya/uts+tshuSh+ma kro d+ha hUM phaT/ grangs ni tshom bu gsum du 'bad// mar gyi bcu bdun phyed gnyis kyis// zhag kyang tshom bu gsum gyis ni// gtor ma non par gtad byas nas// oM badzra a mr-i ta hUM phaT swA hA/bdud rtsi thig le rnam par brtag pa'o// oM badzra kuN+Da li ban+d+ha ban+d+ha hUM hUM phaT phaT/ rdo rje'i yum rnam par brtag pa'o// oM dzi na dzig swA hA/ de bzhin gshegs pa'i rigs rnam par brtag pa'o// oM A ro lig swA hA/pad+ma'i rigs rnam par brtag pa'o// oM badzra d+h+r-ig swA hA/ rdo rje'i rigs rnam par brtag pa'o// oM shrI tasta oM badzra mu/ rdo rje 'byung ba zhes bya ba'i ting nge 'dzin to// de nas bkru ba gnyis la sogs par bya ste/zhi ba spyi'i gtor ma chen po gtang bar bya'o/ khang pa la sogs steng btab pas srin dang rlung la sogs mi ldang ngo/ bsgrub bya'i zhing la btab pas ni// 'bru rnams du ma skye ba med// gnod bya la sogs sgor btang na// bdag gi bsam pa lta bur 'gyur// ri bo rnams la btab na snyil// 'bab chu la sogs stongs par 'gyur// grong khyer sgor btab 'jig pa'o// rgyal po'i sgor ni dmag sdes 'jig/nad kyis zin nas nyam thag 'bod// dur khrod du ni rnam par gdab// 'di yis las rnams byed par 'gyur// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/lcags kyi phur pa sor brgyad pa rnam par brtag pa ste le'u nyi shu rtsa lnga pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/dpal rdo rje 'jigs byed kyi dbang phyug chen pos/ bden pa rnam par 'joms pa zhes bya ba'i ting nge 'dzin la snyoms par zhugs nas/ lha yi dbang po dbang du bya ba 'di nyid kyi sku dang gsung dang thugs rdo rje rnams las phyung ngo// sbom po tshad ni bcu gnyis pa// tsan+dan shing las brtag par bya// spyi yi cho ga shes pa yis// zug rngu'i sems dang bral ba des/ oM hi na hUM swA hA// snying gar rnam par bsam pa'o// lha khang du ni btab pa yis// 'khor bcas dbang byin la sogs yin// tsan+dan gyi phur pa'i las brtag pa'o// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/tsan+dan gyi phur pa rnam par brtag pa zhes bya ba'i le'u ste nyi shu rtsa drug pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag po/ dpal rdo rje 'jigs byed kyi dbang phyug chen pos/phun sum tshogs pa mi zad pa zhes bya ba'i ting nge 'dzin la snyoms par zhugs nas/ longs spyod rnam par brtag pa zhes bya ba 'di gsungs so// tsher ma las ni sbom po'i tshad// drug tu 'bad pa'i rang bzhin brtag/ spyi yi cho ga shes pa yis// hUM gnyis dbus na ming gnas pa// kI la ya btab gang zhig kyang// nor las 'dod pa dbang du 'gyur// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/tsher ma shing gi phur pa rnam par brtag pa zhes bya ba'i le'u ste nyi shu rtsa bdun pa'o//// de nas bcom ldan 'das de bzhin gshegs pa thams cad kyis mi 'gyur bkod pa chen po zhes bya ba'i ting nge 'dzin la snyoms par zhugs nas/nor la sogs pa bsdu ba'i cho ga 'di gsungs so// sbom po la ni bzhir sbyar te// spyi yi cho ga mkhas pa yis// lnga brgya'i bar du sngags nas kyang// oM dang hUM gi dbus gnas ming// bsgrub pa'i phur pa 'ong la tsher yang sogs// btab na de las skye bar 'gyur// mi rgod rkang 'gros la sogs 'phel// zhing dang ldum ra la sogs la// zad pa med pa'i cho gar 'gyur// sgo ru btab pa'i rang bzhin gyis// bsrung ba chen po byas par 'gyur// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/rma shing gi phur pa rnam par brtag pa zhes bya ba'i le'u ste nyi shu rtsa brgyad pa'o//// de nas bcom ldan 'das rab tu bstan pa chen po zhes bya ba'i ting nge 'dzin la snyoms par zhugs nas/mi rgod rnam par gnon pa zhes bya ba 'di gsungs so// sbom po'i tshad ni drug yin te// spyi yi cho ga shes pa yis// mtshan ni grangs ltar brtag pa nas// g.yon can rnam par chad par 'gyur/'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ thang shing gi phur pa rnam par brtag pa zhes bya ba'i le'u ste nyi shu rtsa dgu pa'o//// de nas bcom ldan 'das mi g.yo ba chen po zhes bya ba'i ting nge 'dzin la snyoms par zhugs nas/zhi ba'i tshul gyis bstan pa 'di gsungs so// shug pa'i shing las bdun pa bsgom// nyi shu bdun du sngags pa yis// grong gi sgor ni btab pa yis// thams cad gnyid kyis non par 'gyur// 'di la rnam par dpyad mi dgos// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/rgya shug gi phur pa brtag pa zhes bya ba'i le'u ste sum bcu pa'o//// de nas bcom ldan 'das bsdu ba phun sum tshogs pa zhes bya ba'i ting nge 'dzin la snyoms par zhugs nas/ gnas pa'i dbus su rnam par gdab pa zhes bya ba 'di gsungs so// sbom po'i tshad du tar ga las// drug pa de bzhin brtags nas kyang// bzlas pa stong du yongs grags pas// spyi yi cho ga shes par bya// rgyal rigs la sogs dbus btab na// thams cad bdag gi dbang du 'gyur// nor yang mi snang mi nus te// nor gyi sgo yang 'byed par 'gyur// dzaHyis bkug pa la sogs kyang// mkhas pas sngon dang mthun par bya// dbang gi ting 'dzin gtor ma yang// mkhas pas rtag tu 'bad par bya// ci rigs pa yi las rnams la// thogs pa med par 'grub par 'gyur// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/tar ga'i phur pa rnam par brtag pa zhes bya ba'i le'u ste sum bcu rtsa gcig pa'o//// de nas bcom ldan 'das rnam par gsal ba zhes bya ba'i ting nge 'dzin la snyoms par zhugs nas/mi snang ba la sogs pa bcing ba'i cho ga 'di gsungs so// zangs la sogs pa nyi shu gcig/ tshon sna lnga yis dkris pa brtag/ gshin rje'i rgyal gyi ting 'dzin dang// stobs po che yi phyag rgyas mnan// dbang gi gtor ma btang ba dang// spyi yi las la mkhas pa yis// 'bad pas thams cad nges par 'grub// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/zangs kyi phur pa rnam par brtag pa zhes bya ba'i le'u ste sum bcu rtsa gnyis pa'o//// de nas bcom ldan 'das dpal 'byung ba 'bab pa zhes bya ba'i ting nge 'dzin la snyoms par zhugs nas/ngal ba bso ba'i nor blang ba 'di gsungs so// gser dngul zangs lcags 'khar ba rnams// sbom po brgyad la bcur sngags pa// ring mo la sogs drung du gdab// oM ku ru hUM swA hA/ chung mar bcas pa brtag nas ni// 'bad pa thams cad 'grub par 'gyur// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ lcags lnga'i phur pa rnam par brtag pa zhes bya ba'i le'u ste sum cu gsum pa'o//// de nas bcom ldan 'das sdom pa phun sum tshogs pa zhes bya ba'i ting nge 'dzin la snyoms par zhugs nas/ bi nA ya ka la sogs pa bgegs rnams rnam par bcing ba 'di gsungs so// mi yi rus pa sbom po la// mkhas pas lnga brgya brjod na ni// zho gnas pa yi shing dag la// mkhas pas btab na bcings par 'gyur// dgug dang spyi yi las su sbyar// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ mi rus kyi phur bu rnam par brtag pa zhes bya'i le'u ste so bzhi pa'o//// de nas bcom ldan 'das rdo rje'i stobs snang par 'bar ba zhes bya ba'i ting nge 'dzin la snyoms par zhugs nas/ gnod sbyin dang sha za la sogs pa bcing ba'i cho ga 'di gsungs so// glang po'i so las sbom po yi// bcu gnyis pa yi tshad du bya// lan grangs stong du tshang ba dang/ dur khrod rnam gsum btab byas na// bgegs kyi rdzu 'phrul bcings par 'gyur// dbyung na zhi ba'i gtor ma btang// stobs po che yi phyag rgyas mnan// 'di ni stobs chen gsang sngags te// oM badzra kro d+ha ma hA ba la/ ha na ha na/ da ha da ha/ pa tsa pa tsa/ bin+d+ha bin+d+ha/ ts+tshin+da ts+tshin+da/ rba na rba na/ hUM hUM phaT phaT/ stobs po che yi gsang sngags te// stobs chen brtan pa la sogs te// 'bad las zhi ba'i gtor ma sogs// mkhas pas spyi yi las su bya// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/glang po che'i so las byas pa'i phur pa rnam par brtag pa zhes bya ba'i le'u ste so lnga pa'o//// de nas bcom ldan 'das thogs pa med pa'i rdo rje zhes bya ba'i ting nge 'dzin la snyoms par zhugs nas/ dgug pa chen po'i rnam par brtag pa 'di gsungs so// mkhas pas spyi yi las rnams shes// glang po'i lcags kyu bsgrub na ni// mkhas pas bzo bo tshim par bya// sbom po'i tshad ni brgyad yin te// brgya rtsa brgyad du sngags pa yis// hUM gnyis dbus gnas ming snying la// mkhas pas btab na gang yang 'ong// oM kI la ya ang ku sha ya dzaH/ A kar Sha ya hUM phaT/ 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/glang po'i lcags kyu las byas pa'i phur pa rnam par brtag pa zhes bya ba'i le'u ste so drug pa'o//// de nas bcom ldan 'das snang ba chen po zhes bya ba'i ting nge 'dzin la snyoms par zhugs nas/rdo rje bcing ba zhes bya ba 'di gsungs so// zhags pa'i mthar gnas long bu yi// lcags la sogs pa dpa' bos brtag/ sbom po brgyad la brgya rtsa brgyad// hUM gnyis dbus gnas ming snying la// btab pas las rnams 'grub par 'gyur// thun mong gi ni cho ga brtag/ thams cad bcings par byas par 'gyur// oM kI la ya sarba pA sha hUM/ 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/rdo rje bcing ba'i zhags pa'i phur pa rnam par brtag pa zhes bya ba'i le'u ste so bdun pa'o//// de nas bcom ldan 'das g.yo ba chen po zhes bya ba'i ting nge 'dzin la snyoms par zhugs nas/brtan pa'i ting nge 'dzin 'di gsungs so// yang dag dpa' bos 'bad pa ni// mkhas pas rdo rje'i las su bya// spyi yi cho ga byas nas kyang// lcags sgrog rnying pa'i phur pas 'bad// sbom po bcu gnyis stong du 'bad// hUM gnyis dbus gnas mi snying dang// btab na thams cad gnas par gyur/ oM kI la ya badzra s+pho Ta baM phaT/ 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/lcags sgrog las byas pa'i phur pa rnam par brtag pa'i le'u ste so brgyad pa'o//// de nas bcom ldan 'das mi 'da' ba chen po zhes bya ba'i ting nge 'dzin la snyoms par zhugs nas/rdo rje brdung ba'i phur pa 'di gsungs so// gong gi las rnams rdzogs pa dang// 'bad pa chen pos 'di brtag pa'o// mgrin pa bcad pa la sogs kyi// lcags las phur pa rnam par brtag/ sor ni nyi shu bzhi yin te// stong rtsa brgyad du dpa' bos 'bad// hUM gnyis dbus gnas ming snying la// las rnams ji ltar 'dod par gdab// oM kI li kI la ya badzra g+haN+Da/sarba b+hu ta sha truM mA ra ya hUM phaT/ 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ mgrin pa bcad pa'i lcags las byas pa'i phur pa rnam par brtag pa'i le'u ste so dgu pa'o//// de nas bcom ldan 'das yon tan chen po kun tu 'bar ba zhes bya ba'i ting nge 'dzin la snyoms par zhugs nas/ bcud yod par bya ba'i cho ga 'di gsungs so// rgyal rigs lag nas 'ongs pa yi// lcags ni rnam par bsgos nas kyang// sor ni bcu drug yod pa la// brgya rtsa brgyad du sngags pa yis// 'o ma can gyi shing bsregs dang// hUM gnyis dbus gnas ming snying la// btab na bcud rnams mi zad cing// 'phel ba chen po byed par nges// oM kI la ya sarba a mr-i ta hUMphaT/ spyi yi cho gas las rnams bya'o// bsgrub dang las kyi cho ga dbye// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ rgyal rigs kyi lcags las byas pa'i phur pa rnam par brtag pa'i le'u ste bzhi bcu pa'o//// de nas bcom ldan 'das brtag pa chen po zhes bya ba'i ting nge 'dzin la snyoms par zhugs nas/ bu mo dgug pa'i cho ga 'di gsungs so// dpa' bos kun tu spyad pa ni// sngags kyi bde ba yod pa'i phyir// lcags ni bom po bcu gnyis dang// brgya dang lnga bcu'i sngags ni// hUM gnyis dbus nas ming snying ni// spyi yi cho ga mkhas pas bsam// oM kI li kI la ya sarba karma la/ s+t+rI A kar sha ya hUM phaT/ 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ rje'u rigs kyi lcags las byas pa'i phur pa rnam par brtag pa zhes bya ba'i le'u ste zhe gcig pa'o//// de nas bcom ldan 'das dag pa'i snang ba zhes bya ba'i ting nge 'dzin la snyoms par zhugs nas/ rgyud bcad pa'i cho ga 'di gsungs so// bram ze'i lag nas 'ongs pa yi// mkhas pas sbom po brgyad yin te// brgya rtsa brgyad du brjod pa yis// skye rgyud rnam par chad par 'gyur// hUM gnyis dbus gnas ming snying la// rdo rje pad+ma'i steng gnas pa'i// thams cad cho ga mkhas pas 'grub// A+oM kI la ya sarba ku mA ra ts+tshin+da ts+tshin+da hUM phaT/'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ bram ze'i lcags las byas pa'i phur pa rnam par brtag pa'i le'u ste zhe gnyis pa'o//// de nas bcom ldan 'das rdo rje gar gyi 'khor lo zhes bya ba'i ting nge 'dzin la snyoms par zhugs nas/ smyo bar bya ba'i cho ga 'di gsungs so// hUM gnyis dbus gnas ming snying ni// phag pa'i gnas la de bzhin te// dmangs rigs lag nas 'ongs pa yi// lcags ni sor mo nyi shu'i tshad// spyi yi cho ga mkhas pa yis// gang gis lag ni rdzogs par 'gyur// stong du brjod par rigs bya yis// myur du smyo bar gdon mi za// oM kI la ya sarba bung+d+ha b+hu ta 'dra dza dza/ che ge mo bung+d+ha kha kha/ 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ dmangs rigs kyi lcags las byas pa'i phur pa rnam par brtag pa'i le'u ste zhe gsum pa'o//// de nas bcom ldan 'das rnam par dam pa zhes bya ba'i ting nge 'dzin la snyoms par zhugs nas/ myur du gsad pa'i cho ga 'di gsungs so// mtshon cha rnying pa'i gsang ba can// du ma las ni sor bcu gnyis// hUM gnyis dbus gnas ming snying ni// bong bu'i bdud rtsi la sogs gzugs// brgya rtsa brgyad du brjod pa yis// spyi yi cho ga rdzogs pa dang// mkhas pas las rnams chud mi za// myur du 'chi ba la sogs yin// oM kI la ya mA ra ya/ sarba sha truM a da ka mA ra ya hUM/ 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/mtshon cha'i lcags du ma las byas pa'i phur pa rnam par brtag pa zhes bya ba'i le'u ste zhe bzhi pa'o//// de nas bcom ldan 'das mun pa skrag par byed pa zhes bya ba'i ba'i ting nge 'dzin la snyoms par zhugs nas/bkra shis pa'i cho ga chen po 'di gsungs so// mkhas pas dang po'i lcags rnams la// las gang 'dod pa'i dbyibs su byas// sbom po bcu gnyis stong yin te// gang la btab pa de bzhin du// sangs rgyas rgan pa tshun chad du// 'gyur ba med pa'i bde bar 'gyur// hUM gnyis dbus gnas ming snying la// oM kI la dza ya swa sti hUM/ 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/dang po'i lcags las byas pa'i phur pa bkra shis pa rnam par brtag pa zhes bya ba'i le'u ste zhe lnga pa'o//// de nas bcom ldan 'das zhi ba bkod pa phun sum tshogs pa zhes bya ba'i ting nge 'dzin la snyoms par zhugs nas/'dod pa myur du sgrub pa'i cho ga 'di gsungs so// de nas yang dag bshad bya ba// gser dngul la sogs gang yang rung// drang srong lag nas 'ongs pa yi// phur pa sbom po brgyad yin te// gsang sngags nyis brgya gnas pa yin// gang gis dgos pa de bzhin du// ji ltar brjod pa'i rang bzhin las// thams cad mi nyams zag med 'dra// nam mkha' rdo rje'i dbus gnas su// bsgrub bya rnam par bsam par bya// oM kI la ya sarba sid d+hi ma hA sa ma ya hUM phaT/ rtsa ba'i gsang sngags rab rdzogs nas// las dang bskul tshig ldan par bya// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ drang srong gi phur pa rnam par brtag pa zhes bya ba'i le'u ste zhe drug pa'o//// de nas bcom ldan 'das nam mkha' rol pa rnam par 'byung ba zhes bya ba'i ting nge 'dzin la snyoms par zhugs nas/phur pa gsar pa zhes bya ba'i cho ga 'di gsungs so// mkhas pas spyi yi las rnams rdzogs/ khyad par can gyi sbyor ba bstan// gser dang dngul dang 'khar ba sogs// sems can gzhan gyi ma spyad pa// dang por sa las rnyed pa yi// phur pa bzo bos legs byas pa// sbom po brgyad pa stong yin te// shar phyogs nas kyi drang srong mchog/ lam gnyis phyogs mtshams gnas dus su// mkhas pas lam gnyis yul gyi dbyibs// nam mkha' rdo rje'i dbus gnas su// dpa' bos las rnams thams cad la// lam gnyis pa ni bde ba'i mchog/ oM kI ka ya sarba kI la ya ma nu sarba kI la ya duHkha ts+tshed ma hA su kha oM A hUM/ 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/dang po'i phur pa las byas pa'i phur pa rnam brtag pa zhes bya ba'i le'u ste zhe bdun pa'o//// de nas bcom ldan 'das rdo rje tsho ba chen po'i rol pa zhes bya ba'i ting nge 'dzin la snyoms par zhugs nas/longs spyod phun sum tshogs par bsdu ba zhes bya ba 'di gsungs so// zla ba rgyas pa'i gnas 'dra ba// rdo rje zla rgyas dbus su bsam// gser las sor mo brgyad 'bar ba// gnod pa gnyis ni rkang 'gro rnams// ban glang steng du mkhas pas brtag/ brgya rtsa brgyad kyi tshad yin no// oM kI la ya sarba hi ti dza bu zhes ma yo oM A phaT/ 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/gser gyi phur pa rnam par brtag pa zhes bya ba'i le'u ste zhe brgyad pa'o//// de nas bcom ldan 'das mi zad pa'i rdo rje kun tu 'byung ba zhes bya ba'i ting nge 'dzin la snyoms par zhugs nas/btang snyoms rnam par bzhag pa'i cho ga 'di gsungs so// dpa' bos spyi yi las rnams shes// mkhas pas dang po 'bad pa ni// nam mkha' rdo rje dbus gnas su// bde ba gnyis pa'i gnas bzhag ste// bsgrub bya hUM gnyis ming snying gnas// dngul ni sbom po brgyad la brgya// brjod nas btab pas gang zhig kyang// zug rngu btang snyoms nyid du 'gyur// oM kI la ya sarba ma nu sarba bu ng+d+ha/ shAn+ting ku ru puSh+tiM ba shang mA ra ya hUM phaT/ 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ dngul gyi phur pa rnam par brtag pa zhes bya ba'i le'u ste zhe dgu pa'o//// de nas bcom ldan 'das 'bad pa bla na yod pa'i rdo rje zhes bya ba'i ting nge 'dzin la snyoms par zhugs nas/ gnam lcags yongs su bcad pa'i go cha 'di gsungs so// nam mkha' rdo rje dbus gnas su// gnam lcags 'bab pa'i yul bzhag ste// ra gan bzang po dag la ni// mkhas pas sbom po brgyad yin te// bsgrub bya'i ming snying dbus gnas hUM// gnyis nas 'byi ba'i las byas te// mkhas pas nyi shu rtsa gcig brjod// kha yang brgyad kyi phyogs su blta// gang la gnam lcags 'khor lo rnams// nam mkha' mkhas pa'i bar du med// oM kI la ya sarba ma hA kI la ya/ ru pa a ba sa ma ya shAn+tiM hUM phaT/'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/ ra gan gyi phur pa rnam par brtag pa zhes bya ba'i le'u ste lnga bcu tham pa'o//// de nas bcom ldan 'das spyod yul snang ba bsam gyis mi khyab pa zhes bya ba'i ting nge 'dzin la snyoms par zhugs nas/btang snyoms rnam par bzhag pa'i cho ga 'di gsungs so// dpa' bos spyi yi las rnams bya// myur du gsod pa'i cho ga 'di// dpa' bos yang dag 'bad pa ni// 'khor ba shel dang 'dra ba las// sbom po bcu gnyis brtag par bya// nam mkhar rdo rje'i dbus gnas su// nyi ma'i dkyil 'khor bsam par bya// zlum po mnyam pa'i dbyibs 'dra ba// rnam par bsam pa'i 'og tu yang// dngos po sngags kyis bkug nas kyang// rdo rje'i dam tshig sbyin pa dang// dge 'dun chen po 'phel bya'i phyir// rnam par smin pa don yod bya// gsang sngags stong gi rang bzhin yin// thogs pa med par myur du nges// oM kI la ya sarba sha truM che ge mo a mu kaM/ ma hA kI la ya/ mA ra ya hUM phaT/ 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/'khar ba dang shel lta bu'i phur pa rnam par brtag pa zhes bya ba'i le'u ste nga gcig pa'o//// de nas bcom ldan 'das rnam par bkod pa lhun gyis grub par bsgyings pa zhes bya ba'i ting nge 'dzin la snyoms par zhugs nas/bu mo yongs su dgug pa zhes bya ba'i cho ga dang bcas pa 'di gsungs so// pad+ma rA ga lta bu yi// 'khor ba mkhas pas btsal nas kyang// nam mkha' rdo rje'idabus gnas su// hUM gnyis dbus gnas ming snying ste// skye gnas lta bu'i sgor btags nas// sbom po brgyad pa bcu yin te// mkhas pa'i don rnams myur du'o// oM kI la ya pad+ma kA ma rU pi/pad+ma kI la ya hUM dza/ bskul pa dang bcas las kyi sngags// mkhas pas brtag pas don rnams 'grub// 'di la rnam par dpyad mi dgos// 'phags pa de bzhin gshegs pa thams cad kyi ye shes kyi rtse mo zhes bya ba'i rgyud kyi rgyal po chen po las/

CLOSE WINDOW