CLOSE WINDOW

Gpb027.012
བོད་ཡིག

rgya gar skad du/ badzra kI la ya ma ku ra dI pra k+Shur spar+sha ts+tshe da na tsakrAu0f85ra tan+t+ra/ bod skad du/ dpal rdo rje phur pa me long gsal ba'i spu gri reg gcod 'khor lo rtsibs kyi rgyud/ dpal rdo rje gzhon nu la phyag 'tshal lo// 'di skad bdag gis thos pa'i dus gcig na/ bcom ldan 'das 'og min gsang ba'i b+ha ga na bzhugs so// nyid las mi gzhan pa'i 'khor khro bo dang khro mo rnams dang gdul bya drag po'i khro bo rnams dang yang thabs cig tu bzhugs so// thun mong du gyur pa'i rgyud rnams kyang bshad cing gsal bar spros so// de nas ma 'ongs pa'i gdul bya rnams gdul ba'i phyir/ rdo rje khro bo stobs po ches/bcom ldan 'das la gsang ba'i mchod bstod byas nas/ 'di skad ces gsol to// kye ma bder gshegs bcom ldan 'das// ma 'ongs sems can don phyir du// gdug pa drag po'i gdul bya la// drag shul thabs kyis 'dul thabs gsungs// lnga brgya tha ma'i sems can rnams// gcig la gcig smod drag sngags 'gran// yang dag chos bor log chos sgrub// de tshe chos kyi me long gang// spu gri'i 'khor lo ji ltar bskor// reg gcod drag sngags ji ltar lags// sems can don phyir bshad du gsol// zhes zhus pas/ bcom ldan 'das kyis gdug pa 'dul ba'i ting nge 'dzin la snyoms par zhugs nas/ yi ge 'khor lo'i tshogs spros pas/ 'jig rten shin tu g.yo zhing 'gul ldegs par gyur nas/ dregs pa can rnams shin tu brgyal nas gnas pa rnams dbugs phyung ste gnas pa la/ so so'i 'khor lo dang/ drag sngags gsal ba'i ting nge 'dzin la snyoms par zhugs so// rdo rje phur pa me long gsal ba'i spu gri reg gcod 'khor lo rtsibs rgyud las/ gleng gzhi gleng bslang ba dang/ gsang ba'i 'khor lo zhus pa'i le'u ste dang po'o//// de nas bcom ldan 'das dpal rdo rje gzhon nus 'khor rnams kyi don rtogs par rab tu mkhyen nas/ gsang ba'i 'khor lo rab tu bshad pa/ e ma rdo rje khro bo che// bstan pa tha ma'i sems can rnams// yang dag don bor log chos spyod// dge ba sgrib la sdig pa 'phel// de tshe chos kyi me long bshad// gleng gzhi rnam gsum don gyi khog dbub yin// mtshan nyid bzhi ni rgyud don shan 'byed yin// phur bu rgyu bzhis gang zag bzhi mthar dbyung// sgrub gzhung gsum gyis las kyi gzhung bsrang bya// thams cad 'dus pa'i sngags kyis ye shes lha ni gnad la dbab// ngan sngags thus yig drug gsum bco brgyad kyis// mkha' 'gro ma rnams mngon sum dag tu bkol// srog gi don po gsum gyis dmigs pa'i gnad gsum bkrol// bsgral lugs rnam pa drug gis brnag pa'i las rnams bya// mthar phyin brgyad kyis las kyi kha yang bskang// mtha' brtul gsum gyis phrin las gzhug kyang bsdud// gsal bar bkod pa thugs kyi me long yin// gzhan rnams gcod phyir spu gri nag po ste// myur du chod pas reg gcod nag po yin// rin chen 'bru thus sdebs bcas 'khor lo ste// lhag par gcod cing 'khor bas 'khor lo yin// yig 'bru grangs su gtugs pas rtsibs kyi rgyud// rdo rje phur pa me long gsal ba'i spu gri reg gcod 'khor lo rtsibs rgyud las/thugs kyi me long gi le'u ste gnyis pa'o//// de nas yang dag gsang don me long bshad// gsang sngags mnan bsrung mthu 'phrog la// gsang ba'i man ngag dag gis ma 'grub na// gsang ba khro bo gting rgyur gsang sngags bzlas// sgrub pa'i gsang sngags bzlas pa'i long med na// gsang ba sgrol ba khro mo'i sngags la 'jug/ gsang sngags gcig kyang ma 'grub bgegs gnod na// gsang ba phur pa'i gsang sngags bzlas pa bya// lha sgrub gsang sngags bzlas pa'i long med na// gsang ba gting mnan sa bshig sgrol sngags bzlas// gsang ba shi ci shi ci 'di rnams brda rnying zhig yin nam ma nges sku yi dme phur gyis// ye shes khro phur gnyis kyi nus pa bcings// gsang ba shi ci gsung gi dme phur gyis// ye shes pad+ma gsung gi dasung yang bcings// gsang ba shi ci thugs kyi dme phur gyis// ye shes phyag na rdo rje'i mthu yang phrog/ gsang ba shi ci yon tan phur pa yis// ye shes ma gshin gnyis kyi byad kyang sdom// gsang ba shi ci phrin las phur pa yis// 'jig rten mu stegs dregs pa'i mthu yang dbrog/gsang ba gting 'gyur gsum dang phyag rgya gnyis// gsang ba gzhan gta' bsrul phyir rang rtags so// gsung gi me long spu u0f84gri reg gcod yin// rdo rje phur pa me long gsang b a'i spu gri reg gcod 'khor lo rtsibs kyi rgyud las/gsung gi me long ste le'u gsum pa'o//// de nas yang dag gsang ba'i spu gri'i me long bshad// gsang ba'i bsnyen pa bsgrub la gnas pa yis// mchog gi rnal 'byor gzhung dang ldan pa yis// gsang sngags rtsa ba'i bsnyen pa gsum du bya// las byed 'khor gyis bsnyen pa bzhi ru bya// ye shes bsnyen pa nye bsnyen gnas pa la// gsang ba'i bsgrub pa bsgrub chen gnas pa'i sa// bdag gi phyag cha gnod par btang ba dang// gzhan gyi gnod bya phan par btang ba dang// gzhan gyi sbyor ba kun dang bsdeb pa dang// dus ngan rnal 'byor nang 'thab byed pa'i tshe// rang gi shi ci zlog phur shes par bya// gsang ba'i 'khor lo bcu dang dug lnga dang// bla thun drag po thun du 'debs pa dang// 'phyong brgyad las bzhi kun gyi gzhug la gdags// i tsa rdzas te shugs sgrol ging du btang// ye shes lha nyid ging du gtong ba dang// dam can rdzas dang yo byad tshogs par bya// las gzhi'i sbyor ba'i 'khor lo'i rdzas rnams bsag/ sku yi me long spu gri reg gcod yin// rdo rje phur pa me long gsal ba spu gri reg gcod 'khor lo'i rtsibs rgyud las/sku'i me long gi le'u ste bzhi pa'o//// de nas yang dag don rnams bshad// ar gtad 'khrul dang thems rnams rang rkyang ba// drag sngags tshad ma nyi shu rtsa bzhi ste// gsang ba bsnyen bsgrub rnam pa bzhi dag gis// 'dus pa bzhi yi gtso 'khor bsnyen cing bsgrub// ye shes bcus bsdus dwangs ma'i 'dus pa bzhi// dgra bgegs bsgrub bya'i phung po dbyings su sdud// kun gyi rnam shes srog 'phrog 'khor lo bzhis// mu stegs log lta'i rnam shes 'phrog par byed// ging dang dam can snying phrog d+ha d+hi bzhis// dgra bgegs nyams pa'i snying khrag mngon du skyug/drag po ngan sngags 'dus pa'i phreng ba bzhis// rnam shes pa rnams thob dang sgrol bar byed// drag po'i sngags sde nyi shu rtsa brgyad ni// gsang ba'i ye ge 'khor lo srog gi 'khor lo dang// gsang sngags srog gi chan pa srog gi yang tig dang// d+ha d+hi rab dang 'bring dang ba ma bsil bu dang// gsang ba'i sngags la las kyi phrin las bzhis// thams cad 'dus dang khro bo 'dus pa dang// ma mo 'dus pa ging rnams ngan sngags 'dus// bskyed dang bzlas dang gdab pa bcu gcig 'gyur// ye shes bzlas brjod dngos grub sgrol dang bzhis// chos nyid yi ge phyag rgya ngan sngags tshul// gdab dang mnan dang bsreg dang 'phang ba dang// ngan sngags sdom yig bzhi bcu rtsa bzhi ste// 'di yi gsang sngags phur pa'i las rnams rdzogs// dbang dang byin rlabs rtags dang mtshan ma dang// gsang ba chen po'i yan lag shes byas na// gang bsgrub las kyi 'bras bu myur bar nges// rdo rje phur pa me long gsang ba'i spu gri reg gcod 'khor lo'i rtsibs rgyud las/ drag sngags kyi sdom gyi le'u ste lnga pa'o//// de nas gsang ba spyi gnad dgrol bshad bya// gsang ba sku bsgrub drag po bstan pa dang// gsang ba gsung bsgrub drag po bstan pa dang// gsang ba thugs bsgrub drag po bstan pa dang// 'khrul 'khor las dang drag po sngags bsgrub dang// rnal ma dgug dang drag sngags bzlog pa dang// bse byang sngags drug pho mo mtha' brtul bcas// bse byang rab 'bring tha ma'i sngags rnams dang// dbab dang sbal pa mdze nad 'khor lo dang// mdze bsrung ser ba gcod dang gter bsgrub dang// las rnams gang bstan bsdu na gnyis su 'du// thun mong las dang mchog dang mtha' ru dbyung// 'dir ni sdom dang man ngag gsang ba 'dus// las gzhan thun mong rgyud rnams kun na gsal// blta spyod dkyil 'khor dbang dang dam tshig dang// sgrub pa phrin las rim pa gsang ba dang// sa dang lam rnams 'dir ni rgyas ma bshad// de dag thun mong rgyud du shes par bya// rdo rje phur pa me long gsal ba spu gri reg gcod 'khor lo rtsibs rgyud las/ man ngag spyi bshad sdom gyi le'u ste drug pa'o//// de nas rgyud 'di bzung byas sba ba ste// dad dang shes rab snying rje brtson 'grus ldan// bla ma la gus dang ldan brtson 'grus che// snying rje dang ldan lta ba rang la rdzogs// wa dang seng ge lta bur gcig pur gnas// de las ldog la rgyud don rab tu gsang// yon tan kun ldan rgyud 'di rab tu gsang// zhes gsungs pas 'khor rnams rab tu yi rang ste/ dga' bas bcom ldan 'das la bstod de/ gsungs pa la mngon par rab tu bstod do// rdo rje phur pa me long gsal ba'i spu gri reg gcod 'khor lo'i rtsibs rgyud las/yongs su gtad pa'i le'u ste bdun pa'o//// phur pa me long gsang ba'i spu gri reg gcod 'khor lo rtsibs rgyud chen po rdzogs so////

CLOSE WINDOW