བོད་ཡིག |
42b1 rgya gar skad du/ krod+ha trai lo kya bi dza ya tan+t+ra/ bod skad du/ khro bo khams gsum rnam par rgyal ba'i rgyud/ dpal khrag 'thung gi rgyal po la phyag 'tshal lo// 'di skad bdag gis thos pa dus gcig na/
42b2 bcom ldan 'das khros pa'i mnga' bdag tu gyur pa'i rgyal po/ 'jigs pa'i sku phyogs bcu'i dus gsum gyi sangs rgyas thams cad kyis dbang bskur nas/ khros pa'i gsung drag po'i gdangs sgras thams cad
42b3 zil gyis gnon pa'i rang bzhin yongs su dag par bzhugs te/'og min gyi gnas zhes bya ba chos kyi dbyings kyi pho brang na/ dur khrod kyi gzhal yas khang na/ rtag tu yum dang lhan cig tu bzhugs te/ 'khor
42b4 karma he ru ka dang/dred mo'i mgo can dang// sre mo'i mgo can dang/ mgo brnyan gyi tshogs kyis 'di skad ces zhus so/ e ma ho// de nyid ma bcos byang chub sems// de nyid gsal ba'i ngang du shar// gdug
42b5 pa'i mi rnams lhan ne'o/khros pa'i bdag po mi gnas pa'i// thams cad don dam byang chub sems// zhes gsol to// de nas yang bcom ldan 'das khrag 'thung gi rgyal pos bskul bar thugs su chud de/ lan
42b6 'di gsungs so// e ma ho// rmad du byung ba gsang ba'i bka'// gsang ba bdag la gos pa med// ga bur dri ldan rgyun mi gcod// ces gsungs so// de'i tshe log pa'i nga rgyal can gyi ma dang bu
43a1 mo'i tshogs thams cad chags pa'i sems skyes par gyur to// de nas khrag 'thung gi rgyal po sbyor sgrol gyi ting nge 'dzin la bzhugs te cho 'phrul gyi dkyil 'khor thugs la bton nas 'gro ba'i don
43a2 mdzad do/khro bo khams gsum rnam par rgyal ba'i rgyud las/ gleng gzhi'i le'u ste dang po'o//// de nas bcom ldan 'das khrag 'thung gi rgyal pos/ phrin las kyi dkyil 'khor 'di gsungs so/ khams
43a3 gsum rnam rgyal dkyil 'khor ni// mthing nag gru gsum mi bzad pa// rab tu 'bar ba'i me yis bskor// sor bzhi nang du brkos gyur pa// de yi nang du bzhag pa'i rdzas// dpag bsam shing lo blangs nas
43a4 ni// rab tu gtub cing sngags mang bzlas// de nas grog mkhar sa dang bsre// bong bu'i bdud rtsi gzugs sbrus te// shing shun ming rus gis bris la// snying gar blan te bzlas pas 'grub// de yi steng du bsam
43a5 pa'i lha// sa bon 'od las de skyes par// mkhas pas shes par bya ba yin// de la thams cad rdzogs par bya// rabs chad rkang gi phur pa la// bzlas pa khri phrag gsum du bya// de nas mtshan ma mthong ba
43a6 dang// gdab pa'i las rnams bya ba ni// de nas gtubs dang bstab brdung la// kun la de bzhin shes par gyis// 'di yis gsad pa nges par 'gyur/ khro bo khams gsum rnam par rgyal ba'i rgyud las/
43b1 dkyil 'khor dbye ba'i le'u ste gnyis pa'o//// de nas yang bcom ldan 'das khrag 'thung gi rgyal po des/ gsad pa'i las rnams 'di gsungs so// zhing chen ras ma'i dum bu la// rtsibs drug 'khor lo
43b2 sngags drug bri// tshil chen dud pas snag tsha bya// lag thur dag gis smyug gu bya// bri ba'i dus ni nyi ma rlungs slu bas byung dang zla ba rta// yang na smin drug sa 'og song// de yi dus su bri bar bya// gro ga shing shun
43b3 ras dag la// dgra bo'i ming byang bri bar bya// dpral bar rus la snying gar ming// g.yas su hUM la g.yon du phaT// 'doms su mA ra ya zhes bris// yan lag bzhi la 'byung chen bzhi// tha ma 'bru dgus bskor
43b4 bar bya// 'khor lo'i dbus su bcu gnas ni// mon pa pho mo'i thod pa ru// 'khor lo'i sngags drug gong ma bzhin// thod pa ga'u kha sbyar du// dgra yi ming dang 'khor lo gzhug/ seng ldeng phur pa sor bzhi
43b5 la// ming byang 'khor lo'i dbus su gdab// gru gsum e yi dkyil 'khor du// dbus su ga'u kha sbyar bzhag/ g.yon du 'gugs pa'i dkyil 'khor bri// g.yas su gsang ba'i mA ra ya// lcags kyu can gyis
43b6 dgug byas la// bsnyen phur ngag gis gdab par bya// rtsa sngags las sngags rab tu gces// sngags drug 'phyong gi 'khor lo bskor// mtshan ma bzang po byung ba dang// zla ba bdun gyis 'grub par
44a1 byed// gang la btab kyang thogs pa med// ces gsungs so/ khro bo khams gsum rnam par rgyal ba'i rgyud las/ srog gi 'khor lo'i le'u ste gsum pa'o//// de nas bcom ldan 'das khrag
44a2 'thung gi rgyal pos/bla dang lha 'dre rgyu ba'i don bstan te// sha ba glang ba srod la rgyu// lug dang snyan gnyis nam phyed rgyu// phag gi bla ni tho rangs rgyu// byi ba nyi ma'i rtse la rgyu// rta ni nyi ma phyed na rgyu// ra ni nyi ma
44a3 nub na rgyu// g.yag dang glang ni sa sros rgyu// 'tsho bar byed pa yul lha ste// skyob par byed pa dgra lha'o// 'gegs par byed pa ma sman yin// 'go ba ban bon srung ma yin// srung bar byed pa srog lha'o// tho
44a4 rangs lha 'dre rgyal po rgyu// nyi ma'i rtse la dgra lha rgyu// nyin phyed dros nas dmag dpon rgyu// sa rnams tshab tshub btsan yang rgyu// srod kyi dus su bdud kyang rgyu// nam gyi gung la gshin rje rgyu// nam phyed dus su ma
44a5 mo rgyu// rgyu ba'i dus su drag sngags brdeg/ las sbyor dag ni brtsams par bya/ khro bo khams gsum rnam par rgyal ba'i rgyud las/ lha 'dre dang bla rgyu ba'i le'u ste bzhi pa'o//// de nas bcom ldan 'das
44a6 khrag 'thung gi rgyal po des/drag sngags kyi don 'di bstan to// a ni sku yi snying po ste// lus ni sgrol ba'i drag sngags yin// ka ni gsung gi snying po ste// ngag ni sgrol ba'i drag sngags yin// tsa ni thugs kyi snying
44b1 po ste// yid ni sgrol ba'i drag sngags yin// mA ra bdud kyi bu mo ste// 'di ni sgrol ba'i drag sngags yin// sa ni gza' yi bu mo ste// 'di ni sgrol ba'i drag sngags yin// pra ni btsan gyi bu mo ste// yid ni sgrol
44b2 ba'i drag sngags yin// nA ni klu yi snying po ste// 'di ni sgrol ba'i drag sngags yin// ta ni ming po dag yin te// 'di ni sgrol ba'i drag sngags yin// ru ru ka tang sho na ste// ma mo sgrol ba'i drag sngags yin// ru
44b3 ni rak+sha srin po yin// bdag nyid ma yi drag sngags yin// ya ni bdud kyi drag sngags yin// ka ni rgyal po'i drag sngags yin// hUM ni thams cad dbang du sdud// phaT ni sgrol ba'i drag sngags yin// ma ma nag mo
44b4 dag nyid de// ba ni srog gcod drag sngags yin// ma tang bsen mo dag nyid de// i nan mnan pa drag sngags te// da d+hi sho na bdag nyid de// karma phrin las drag sngags yin// shI g+h+raM gying chen dag yin te// ka
44b5 ra sgrol ba'i drag sngags yin// ya ni 'chi bdag bdud yin te// hUM phaT sgrol ba'i drag sngags yin// oM dang badzra kI la ya// sku gsung thugs kyi sngags su bstan// yang na 'chi bdag bdud kyi sngags// sarba
44b6 sgrol byed ging g-i sngags// big nan 'gugs byed ma mo'i sngags// baM ni 'brub khung las kyi sngags// oM ni thams cad dbang du sdud// phaT ni thams cad sgrol ba'i sngags// sngags drug ye shes lha drug
45a1 pos// las sbyor dag tu sngags drug pos// 'jig rten drug tu dgye bar gsungs// dang po mgo nas a ru gnas// dbu ma na ro zhabs su bstan// dang po ha ru rab ldan te// dbu zhabs bskyed
45a2 pa'i tshul du gnas// i ang thig le a ru bstan// dbu ma mtha' ru rab ldan zhing// dbu dang zhabs skyed ha he bsdu// rtsa sngags las sngags bsdu zhing bsdu// bskyed pa rgyun gyi sngags su bsgom/ bskul ba rbad
45a3 dang bzlas dang gsum// don gyi yi ge bsdu ba'o/ khro bo khams gsum rnam par rgyal ba'i rgyud las/ drag sngags kyi le'u ste lnga pa'o//// de nas yang bcom ldan 'das khrag 'thung gi rgyal po des/ bu mo
45a4 dgug pa'i las bstan te/gnas khang tshul dang ldan pa ru// dkyil 'khor rtsibs brgyad bris byas la// rdzas dgram phur pa dgod nas ni// bsnyen phur dag la zhag bdun bzlas// rang gi smin dbrag dag tu
45a5 ni// tsan+dan lde gus 'khor lo drug kyang bri/ 'khor lo drug la sngags drug bri// dbus kyi lte bar 'bru dgu bri// mtha' ma khro bcur shes par bya'o// rnal 'byor rang nyid bsgom pa'i dus// lag pa g.yas pa bri
45a6 bar gsungs// rang nyid khams gsum rnam rgyal bsgom// bsgrub pa thon pa'i nang bar de/ kha ru spo ni so cha mur// mya ngan med kyi grib ma la// rtsa sngags gzhug la sngags drug bzlas// 'bru dgu don gyi mgo la
45b1 dril// lha dang klu yi bu mo dang// 'khor lo mthong tshad gam du 'ong// gsang ba'i dbang bskur spyod pa brtsam// phyag rgya chen po thob par 'gyur// lhun gyis grub pa'i sa la gnas/ khro bo khams gsum rnam par
45b2 rgyal ba'i rgyud las/bu mo dkug pa'i le'u ste drug pa'o//// de nas bcom ldan 'das khrag 'thung gi rgyal po de la/ karma he ru ka dang/ dred kyi mgo can dang/ sre mo'i mgo can dang/ mgo brnyan gyi tshogs
45b3 dgyes nas gsungs gcig tu 'di skad ces gsol to// kye ji ltar khrag 'thung rgyal po lags// ji ltar khro bo'i rgyal po lags// ji ltar dus gsum rgyal po lags// ji ltar chos nyid rgyal po lags// zhes
45b4 gsol pas/'khor rnams la khrag 'thung gi rgyal pos 'di skad ces bka' stsal to// nga ni 'khor ba zhal du rngub// nga ni dus gsum rtsad nas gcod// nga ni log rtog tshar gcod cing// nga ni dus gsum 'gyur
45b5 ba med// ces gsungs pas 'khor rnams dges nas legs so zhes bya ba byin nas/ slar mnyam pa'i ngang la thim mo/ khro bo khams gsum rnam par rgyal ba'i rgyud las/ rgyud yongs su gtad pa'i le'u ste bdun
45b6 pa'o// khro bo khams gsum rnam par rgyal ba'i rgyud rdzogs so////
CLOSE WINDOW