CLOSE WINDOW

Gpb027.008
བོད་ཡིག

/// khro bo rta mgrin gyi rgyud rdzogs so//// rgya gar skad du/ kro d+ha rA dza a pa rA dza ta tan+t+ra/ bod skad du/ khro bo'i rgyal po gzhan gyi mi thub pa'i rgyud/ dpal khrag 'thung 'jigs byed kyi rgyal po la phyag 'tshal lo// 'di skad bdag gis thos pa dus gcig na/ bcom ldan 'das dpal khrag 'thung rngam pa'i rgyal po/ 'og min chos kyi dbyings kyi pho brang na// gsang ba mchog gis dgyes pa'i gnas dur khrod chen po keng rus kyi gzhal yas khang/ ru tra bsnol ba'i gdan stengs na/ yum dang gnyis su med par phyag rgya'i rol pa mdzad de/ karma he ru ka dang/ spyang ki'i mgo can dang/khra'i mgo can dang/ mgo brnyan gyi tshogs mtha' dag gis/ gtso bo la 'di skad ces gsol to// e ma ho/ 'khor bar 'khyams pa'i snying rje ni// thugs rje smon lam mtha' yi dbang// ma bsgribs gsal ba'i ngang nyid las// sku mchog 'bar ba bstan du gsol// zhes rnam par bskul lo// de nas bcom ldan 'das khrag 'thung gi rgyal po des/ cho 'phrul dbang gi snying rje'i ting nge 'dzin la bzhugs te/skad cig la gzugs sku rnam pa gnyis kyi ting nge 'dzin sprul te 'gro ba sems can gyi don la bzhengs so// de nas yang de'i tshe// 'khor rnams kyis 'di skad ces gsol to// e ma ho// thabs kyi sku mchog gsang ba'i ngang/khros pa'i sku mchog bstan du gsol// 'gro ba'i don la rab tu dgongs// zhes gsol to// de nas bcom ldan 'das khrag 'thung gi rgyal pos/ sku gsung thugs su chud de 'od zer gyi ngang las gdug pa thams cad bsgral ba'i ched du/thugs rje'i dbang gis khro bo'i skur sprul nas/ ye shes lngas don mdzad do// de'i tshe gdug pa'i tshogs thams cad rab tu sngangs par gyur to// de nas yang sku khro bo'i rgyal po'i ngang las cho 'phrul gyis dkyil 'khor bstan par gsungs so/ khro bo gzhan gyis mi thub pa'i rgyud las/ gleng gzhi'i le'u ste dang po'o//// de nas yang khrag 'thung gi rgyal po des/gzhan gyis mi thub pa'i dkyil 'khor bstan te/ gzhan gyis mi thub dkyil 'khor ni// las kyi rdo rje'i dkyil 'khor bri// de yi dbus kyi lte ba la// ser nag gru gsum 'od dang bcas// de dbus bsam par bya ba ni// rlung gi phung po'i steng du ni// rang gi sa bon nyi zla'i steng// rang gi sngags 'od de bzlas pas// gzhan gyi mi thub skur gsal gyur// de la dbang byin thams cad kun// rgyas par gzhan bzhin bya ba yin// dur khrod rkang gi phur pa la// rgyus chen dag gis gdags par bya// gsang ba'i yig bkod bzlas pa bya// nyi khrir bzla bar bya ba dang// de las mtshan ma bzang po 'byung// de nas las la sbyar bar bya// dur khrod g.yam pa g.yas phyogs blangs// mtshan ma ming dang bcas pa bri// rgyus chen ske nas btags la bzhag/ de la dgug gzhug bya ba yin/ khug nas las la sbyar bar bya// de yis bsad pa yud kyis ni// mod la nges par 'chi bar 'gyur// de yi dus su bskul bar bya// phur pa dril te phyogs bcur gtad// dus gsum sangs rgyas thams cad kyis// sngon gyi thugs dam zhal bzhes pa// drag po'i las rnams bya ba ni// nyid kyi zhal bzhes ma 'da' bar// gdug can sgrol ba'i dus la bab// de skad bskul bas rang dbang med// drag po'i las kyis bsod par byed// log par bar du gcod pa yis// 'byung po'i gdon rnams bzung bar bya// dur khrod g.yam pa'i nang logs su// bse shing zho can gzugs bris la// rgya gram lam du de mnan na// gdon dang 'byung pos tshugs mi 'gyur// 'di ni las kyi mchog ces bya'o/khro bo gzhan gyi mi thub pa'i rgyud las// dkyil 'khor dbye ba'i le'u ste gnyis pa'o//// de nas khrag 'thung gi rgyal pos/ phyugs kyi gdon bsrung ba gsungs te/ phyugs kyi gdon rnams bsrung ba yang// re'u lcag thar nu zho can thams cad la// gang la gnod pa'i phyugs gzugs bya// ming yang bris la snying gar gzhug/ gdon ni smug nag kham sa'am// thal ba 'am ni gang rung la// gzugs rnams rab tu bya bar gsungs// bsnyen bsgrub tshul bzhin tshogs kyis mchod// gdab las drag po rab tu gsungs// mnan sreg 'phang gsum bka' bzhin bya'o// phan par 'gyur ba the tshom med/khro bo gzhan gyis mi thub pa'i rgyud las/ phan bya'i le'u ste gsum pa'o//// de nas yang bcom ldan 'das khrag 'thung gi rgyal pos cho 'phrul bstan pa'i las gsungs te/ wa dang spyang ki'i gzugs byas la// 'bru sna bdun la bya bar gsungs// don snying gang rnyed khog tu gzhug/ gang yin pa yi spu yis spras// ltas ngan drag po'i sgro bzhi gzug/ bsnyen pa sgrub pa sgrub chen po// gong du bstan pa bsnyen pa'o// dza gad mchod pa skabs kyis sbyar// sgrub pa gnyis pa 'bru dgu gces// dz+wa la pa ya mtha' la gdags// dgra la ltas ngan dbab par bsam// bstod pa'i gzhug la rbad pa'i las// rtags dang mtshan ma bstan pa dang// kI la ya yi dngos grub gsol// dgra phyogs bstan cing smon lam gdab// dgra yi phyogs su kha bstan la// dgra yi khang pa'i rmang du gzhug/ de ma thag tu 'grub par 'gyur// khro bo gzhan gyis mi thub pa'i rgyud las// cho 'phrul ltas ngan bstan pa'i le'u ste bzhi pa'o//// de nas bcom ldan 'das khrag 'thung gi rgyal po de la 'khor rnams kyis 'di skad ces zhus so// e ma ho/ bsgral ba'i don phyir ji ltar lags// dam tshig don rnams ji ltar lags// 'khor ba'i mtshan nyid ji ltar lags// gsang ba'i mtshan nyid ji ltar lags// zhes gsol pas/ bcom ldan 'das khrag 'thung gi rgyal pos/phyag rgya bcings grol gyi gsung gis 'di skad ces bka' stsal to/ e ma ho/ gal te ngan song gsum po nas// thar bar gyur kyang rU trar skyes// sems can 'tshe zhing srog gcod pas// dam tshig blangs te bsgral bar bya'o// las kyi 'khor ba yin par bshad// gsang ba zab mo'i mdo 'di ni// gzhag par bya ba'i snod kyang dkon// zhes gsungs so/ khro bo gzhan gyis mi thub pa'i rgyud las/ rgyud yongs su gtad pa'i le'u ste lnga pa'o/

CLOSE WINDOW