1a1 sku dang ye shes thams cad 'dus pa'i sangs rgyas mdud pa zhes bya ba bzhugs so//
1b1 rgya gar skad du/ nA ma kA ya dz+nyA na sarba bud+d+ha d+hI ya/ bod skad du/ sku dang ye shes thams cad 'dus pa'i sangs rgyas mdud pa zhes bya ba/ dpal bde ba'i mchog la phyag 'tshal
1b2 lo// 'di skad bdag gis thos pa dus gcig na/ bcom ldan 'das bde ba'i snying po thams cad mkhyen pa'i ye shes kyi snying po chen po/ pad+ma stongadang ldan pa'i ge sar gyi snying po
1b3 chen po'i 'bur gyi lcog la bzhugs te/sangs rgyas dang/ sangs rgyas ma dang byang chub sems dpa' yab yum du bcas pa'i sems dpa' chen po rang bzhin gyi gnas la bzhugs
1b4 pa rnams dang thabs cig go// de nas yang de bzhin gshegs pa'i bdag po de/ 'bur gyi lcog las bzhengs te/ mu tig dkar po'i gzugs la zhal dang/ phyag
2a1 dang/zhabs dang rgyan la sogs par bzhengs nas yang pad+ma stong dang ldan pa'i gzhal yas khang/ sgo bzhi yang pad+ma'i sgo dang/ rta babs dang/ them skas dang/ rgyan
2a2 la sogs pas brgyan pa na/nyid las mi gzhan pa'i 'khor rnams dang/ mu tig gi rang bzhin dkar la 'tsher ba dang/ byang chub sems kyi rang bzhin sku dang phyag mtshan du rdzogs
2a3 pa'i rigs lnga yab yum du bcas pa/sems dpa' dang sems ma sgeg pa'i tshogs su bcas pa/ 'byung ba bzhi'i sgo bar bcas pa dang/ thabs cig tu zhugs so// de nas byang
2a4 chub thig les// kun tu bltas sam gzigs pas/ dug lngas gdung bar gzigs te/ thugs rje'i dbang gis mnyam pa'i ngang la bzhugs so// de las sangs rgyas spyan dang/ mA ma
2b1 kI dang/na bza' dkar mo dang/ dam tshig sgrol ma dang/ kun tu bzang mo rnams kyis 'di skad ces gsol ba btab bo// kye gzu mkhan gzu bo chen po ston pa'i dpal/ khams gsum zug rngus zin pa'i nad
2b2 pa la/thugs rje'i spyan gyis yang dag gzigs gyur la// 'tsho ba'i sman gyis nad pa'i sman pa mdzod// ces gsol to// de nas bcom ldan 'das dga' ba'i mchog de mnyam par bzhag pa las bzhengs nas/
2b3 'di skad ces bka' stsal to// bdag ni ye nas mngon sangs rgyas// 'phral la rgyas pa ma yin te// ngas bstan lung 'di nyan 'dod na// nyan pa po yi blo la rtogs// zhes bka' stsal to// de nas rdo rje sems
2b4 dpa' nyid kyis 'di skad ces gsol to// e ma ho bcom ldan mngon sangs rgyas/ khams gsum thugs rjes drongs mdzod la// mdzad pa'i don gyis thams cad sgrol// de ltar mdzad na dam tshig yin// zhes
2b5 gsol to// de nas dgyes pa chen pos 'di skad ces bka' stsal to// 'das pa'i sangs rgyas thams cad dang// da ltar nga yi bstan pa 'di// rgyal ba sangs rgyas thams cad dang// slad kyis byon pa'i sangs
2b6 rgyas rnams// 'gro don smon lam btab pa yis// 'gro ba'i don ni 'di ltar mdzad// snying rjes bsgral ba'i dam tshig ni// gsad cing gnan pa ma yin te// phung po rdo rjes gtam byas nas// rnam par shes pa rdo
3a1 rjer bsgom// oM badzra kI li kI la ya sarba big+h+nAn baM hUM phaT ces gsungs so// de bzhin gshegs pa thams cad kyi sku dang gsung dang thugs ye shes thams cad 'dus pa'i sangs rgyas mdud pa'i
3a2 rgyud las/gleng gzhi'i le'u ste dang po'o//// de nas yang rdo rje sems dpas de bzhin gshegs pa dgyes pa chen po la 'di skad ces gsol to// zhi dang rgyas dang dbang dang drag/ dgyes pa chen po'i phrin
3a3 las te// gang zhig gdung ba'i nad kyis zin// gso ba'i sman pa khyod nyid de// nad rnams kun gyi sman pa mdzod// ces gsol to/ de nas yang byang chub sems kyi thig le dgyes pa chen po des/ phrin las la
3a4 mngon par dad ste/zhu ba po'i don gyi zhu ba brod pa skyed pa'i phyir/ 'di skad ces bka' stsal to// rdo rje sems dpa' sems dpa' che// rdo rje sems dpa' kun gyi rgyan// rdo rje sems dpa' sems dpa' gtso/
3a5 khyod kyi zhus pa ya mtshan che// zhes bka' stsal to// de nas rdo rje sems dpa' nyid// bcom ldan 'das la yi rang ba dang dga' ba dang ngom pa bskyed de/ yang 'di skad zhus so// kye ma ho rin chen phung po
3a6 khyod// 'gro ba kun bskyed yid bzhin tshul// chos rnams phung po bshad du gsol// de nas bcom ldan 'das nyid rdo rje lta bu'i ting nge 'dzin la mnyam par bzhag nas/ thig le byang chub kyi sems kyis 'di skad
3b1 ces bka' stsal to// sems can bsam pa'i dbang gis na// phyi dang nang dang gsang ba dang// mthar thug rang bzhin don dam mo// phyi yi rlung dang nang gi rlung// gsang ba'i rlung dang
3b2 mthar thug rlung// de rnams dngos po thar pa'i rlung// zhi dang rgyas dang dbang gi rlung// drag po mthar byas blta ba'i mchog/ lta stangs chen po bcu drug ste// rus sbal 'gros dang seng ge'i blta// stag gi
3b3 mchongs pa pho rog sogs// dal dang 'grel ba'i rlung rnams dgog/ rlung zhes bya ba'i las rnams ni// nam mkha' dang ba'i khug rna'am// rlan phog pa yi rlangs pa'am/ drod phog pa yi chu thigs
3b4 bzhin// gang la gang zhig gnas pa de// nyi khri chig stong drug brgya'o// de nyid dal bar gyur pa yis// nam mkha' nyid la nam mkha' thim// dal ba'i rlung rnams dgag pa'i thabs// bltas pas mthong ba ma
3b5 yin te// sems kyis sems la blta ba'o// de ltar mthong ba gang yin pa// mthong ba med na mthong ba'i mchog/ de ni lta ba'i blta ba de// ltas pa de nyid lta ba'i mchog/ shes pa chen po'i rang bzhin no// de
3b6 bzhin shes rab snying rjes ni// theg pa chen po kun gyi rgyan yang yin// blta ba kun gyi mchog kyang yin// chos rnams kun gyi snying po yin// zhes gsungs nas// bden pa gnyis kyi mtha' la bzhugs so// de
4a1 nas rdo rje sems dpas yang/bcom ldan 'das byang sems kyi thig le la bzhus pa/ kye bcom ldan 'das dgyes pa chen po// rlung zhes bya ba'i rgyu dang rkyen// thabs dang rang bzhin 'brel ba
4a2 rnams// gang lags bcom ldan 'das kyi bka' stsol dang// grangs dang gnas dang rten pa rnams// 'byung ba'i khungs dang 'dug pa rnams// gang lags bcom ldan bka' stsol dang// zhes gsol pas/
4a3 bcom ldan 'das byang chub sems kyi thig les/ yang 'di skad ces bka' stsal to// rgyud rnams kun gyi nang nyid nas// smras pa bden pa mchog yin te// rgyu ni 'byung ba bzhi yin la// rkyen ni phrin las rnam pa
4a4 bzhi// thabs ni 'byung 'jug gnas dang gsum// 'brel pa dal dang brel ba'i rlung// rlung zhes bya bas las kun byed// ces gsungs so// de nas yang 'di gsungs so// grangs ni rnam pa gang yin pa// nyi khri
4a5 chig stong drug brgya'o// chos dang longs spyod 'khor lo rnams// gnas dang rten pa kho na'o/ khams gsum gnas pa'i 'dug sa'am// rtsa gsum gnas pa'i rang rgyud ni// 'byung ba'i khungs su 'dug
4a6 pa'o// longs spyod skye ba'i 'khor rnams kyis// chos rnams thams cad gtan la 'bebs// zhes gsungs so// de bzhin gshegs pa thams cad kyi sku dang gsung dang thugs ye shes thams cad 'dus pa'i
4b1 sangs rgyas mdud pa'i rgyud las rlung bstan pa'i le'u ste gnyis pa'o//// de nas yang de bzhin gshegs pa'i thig le byang chub kyi sems dgyes pa chen po des/ byang chub rdo rje zhes bya ba'i ting nge 'dzin la
4b2 snyoms par zhugs so// de la rdo rje sems dpas yang zhus pa/ kye ma byang chub rdo rje la// mnyam gzhag ting nge 'dzin la gnas// rtog ge pa yi bsam pa yis// mnyam bzhag chos sku las bzhengs nas// rtsa yi
4b3 las rnams bshad par gsol// zhes gsol to// de nas yang bcom ldan 'das dgyes pa chen pos/ 'di skad ces bka' stsal to// 'phyangs ma dang ni mchong ma dang// spyi khyer ma dang dga' byed ma// rgyan chen
4b4 dang ni sems ma rnams// stong phrag bdun cu rtsa gnyis la// sa rnams chu rnams me rnams dang// rlung dang nam mkha' rten rnams dang// brgya rtsa brgya dang brgyad cu gnyis// sum cu rtsa bzhi bcu drug dang// bdun
4b5 dang gsum du gang gyur pa// mdud pa thams cad srong byed pa// 'khor lo kun gyi drang srong mchog/ ces gsungs so// de rnams dkyil 'khor gang yin la// 'khor lo kun gyi rnam pa ni// ji snyed rnam pa mang po
4b6 yang// bdag po rnam pa bzhi la 'dus// bde ba chen po'i 'khor lo dang// longs spyod rdzogs pa'i 'khor lo dang// bde ba chos kyi 'khor lo dang// sprul pa grags pa'i 'khor lo dang// gtso bo
5a1 rnams kyi 'khor lo bstan// zhes gsungs so// de bzhin gshegs pa thams cad kyi sku dang gsung dang thugs ye shes thams cad 'dus pa sangs rgyas mdud pa'i rgyud las rtsa'i rang bzhin rang
5a2 bzhin bstan pa'i le'u ste gsum pa'o//// de nas yang rdo rje sems dpas bcom ldan 'das dgyes pa chen po la 'di skad ces gsol to// bcom ldan dgyes pa chen po mchog/ sems can dga' ba
5a3 bskyed pa'i phyir// gsang ba mthar thug gtum mo rnams// dgyes pa chen pos bshad du gsol// zhes gsol to// de nas bcom ldan 'das dgyes pa chen po des/ 'khor ba'i skyobs skyabs kyang 'khor yug
5a4 chen po'i ting nge 'dzin la snyoms par zhugs so// de nas snyoms par zhugs ma thag tu/ 'di skad ces bka' stsal to// legs so rdo rje sems dpa'i bdag/ legs so rdo rje sems dpa'i gtso// legs so rdo rje
5a5 sems dpa' che// legs so rdo rje sems dpa' kun// bskyed pa'i rim pa la gnas shing// rdzogs pa'i rim pa 'dod pa rnams// gtum mo gtum mo 'dod pa la// gtum mo'i tshogs rnams bshad par
5a6 bya'o// phyi yi gtum mor gang gsungs pa// kun 'dus 'brel ba'i gtum mo yin// phyi yi mchog tu gang gsungs pa// 'bar 'dzin dang po'i gtum mo yin// nang gi mchog tu gang gsungs pa// 'khor lo srog
5b1 shing gtum mo yin// gsang ba'i mchog tu gang gsungs pa// lhan cig skyes pa'i gtum mo yin// de rnams mchog tu gang gsungs pa// sems rnams chos rnams lta ba yin// zhes gsungs so// de nas yang rdo
5b2 rje sems dpas// dgyes pa chen po la 'di skad ces gsol to// de ltar thams cad lags pa na// bye brag rnam grangs bstan du gsol// zhes zhus te/ phyi yi gtum mo gang lags dang// nang gi gtum mo gang
5b3 lags dang// gsang ba'i gtum mo gang lags dang// mthar thug gtum mo gang lags rnams// bye brag de ltar bshad du gsol// zhes zhus so// de nas yang dgyes pa chen pos/ srog me'i 'khor lo zhes bya
5b4 ba'i ting nge 'dzin la snyoms par zhugs nas/bde ba'i don la mnal lo// de las bzhengs nas 'di skad gsungs so// gang zhig sha dang lus rnams la// 'khor lo'i rnam pa 'di yin te// 'bum phrag khri dang
5b5 'bum stong dang// de dang nyi khri chig stong yod// thams cad pad+ma 'dab ma bzhi// yi ge a yi rang bzhin yin// keng rus tshogs kyi gtum mo yin// sum brgya drug cur bstan pa yin// de yang pad+ma 'dab bzhi
5b6 la// g.yas pa dpa' bo thabs yi ge/ g.yon pa shes rab ma'i yi ge/ dbus su yi ge a rnams so// gsang ba'i gtum mor gang gsungs pa// char yang rlung gi gnas na yod// dbyibs ni phub kyi bdud khu
6a1 ste// yi ge lnga yi byin rlabs kyis/ kha ba lta bu bzhu btul byed// 'dzag pa'i gtum mo gang bar byed// de yis thams cad 'bebs 'gyur te// baM dzra nyA ba Ta A+oM/ g.yas dang g.yon gyi rtsa rnams
6a2 dang// dbus kyi rtsa yi 'gro sa rnams// rgyud pa'i sgo nas g.yas pa de// 'bebs pa'i sgo nas g.yon pa'o// 'dzin pa'i sa ni rnam bzhi ste// rdo rje khros pas zhe sdang gcod// mtshon chen sngon po 'bar ba
6a3 yis// nam mkha'i dkyil nas thigs pa shar// srog gi go ru shar ba dang// snying gi dbus su bsgom par bya'o// gang zhig de ltar rnam phye bas// gtum mo'i tshogs rnams rab tu bshad// ces gsungs so// de
6a4 nas yang 'di gsungs so// bskyed pa'i rdzogs par gsungs pa ni// 'khor lo bzhi yi mtshan nyid de// sprul pa'i 'khor lo drug cu bzhir// sprul pa'i yig 'bru dkar po 'god// oM/ de ltar chos kyi sku yin
6a5 pas// chos kyi 'khor lo 'dab ma brgyad// dbus su thugs kyi snying po ste// chos kyi yig 'bru mthing ga'o// hUM/ phyogs bzhi yab la mtshams bzhi yum// b+h+rUM traM hrI ha/ maM laM pyaM taM/ longs spyod 'khor lo 'dab
6a6 bcu drug/dbus su longs spyod yi ge ser// aM/ 'dab ma'i phyogs bzhir 'byung ba bzhi/ A rA mA bA/ bde chen 'khor lo drug cu gnyis// sa bon kha bltas gnas pa'o// haM/ mi shigs kha ni 'og tu
6b1 bltas// de ni 'dzag pa'i gtum mo zhes// smras pa yang dag mchog yin no// de ltar gtum mo'i bye brag ni// grangs su ji snyed brjod pa yang// phyi nang gsang ba gsum du bstan// mthar thug gtum mo gang
6b2 yin pa// de ni rang byung ye shes te// thig le chen po yi ge gtum mo yin// de ltar gtum mo'i bye brag ni// rnal 'byor rnams kyis shes par gyis// zhes gsungs so// de bzhin gshegs pa thams cad kyi// sku
6b3 dang gsung thugs ye shes thams cad 'dus pa sangs rgyas mdud pa'i rgyud las/gtum mo'i tshogs bstan pa'i le'u ste bzhi pa'o//// de nas yang rdo rje sems dpas dgyes pa chen po'i thig le byang chub kyi
6b4 sems rdo rje zhes brjod nas/bcom ldan 'das rdzogs pa nang gi dkyil 'khor gang lags/ zhes zhus so// de nas bcom ldan 'das rdo rje'i ting nge 'dzin zhes bya ba la snyoms par zhugs so// zhugs ma thag
6b5 tu 'di skad ces bka' stsal to// steng dang 'og gi tshul gyis ni// rten dang brten pa'i rang bzhin gyis// rtsa ni bzhi bcu rtsa gcig yod// rtsa yi gtso bo brgyad dang ni// steng dang 'og dang bcu po ni/ khro bo bcu yi
6b6 rang bzhin no// dbus kyi rtsa chen gang yin pa// bcom ldan dbus kyi gtso bo'o// de ltar rnal 'byor pa yi lus// yi ge a ni sdom gnas pa'o// chos nyid rtsa dang ye shes rtsa// rang rgyud rtsa dang yon tan
7a1 rtsa// thabs dang shes rab rtsa rnams ni// hUM chen la sogs khro bo rnams// rim pa bzhin du dgod dang gnas// de ltar rten rnams gang yin la// sgra 'byin la sogs bcu rnams gnas// de ltar
7a2 bcu po gang yin la// phra men pho mo sgo ma gnas// de yi rten la mo rnams so// sgo ba bzhi po gang yin la// pu shud mgo can la sogs pa'o// de ltar rnal 'byor gang shes pa// bskyed pa'i rim pa rdzogs pa
7a3 ste// thabs ldan rnams kyis de shes na/ rdzogs pa nang gi dkyil 'khor yin// zhes gsungs so// de bzhin gshegs pa thams cad kyi sku dang gsung dang thugs ye shes thams cad 'dus pa sangs rgyas mdud
7a4 pa'i rgyud las/rdzogs pa nang gi dkyil 'khor bstan pa'i le'u ste lnga pa'o//// de nas yang rdo rje sems dpas/ dgyes pa chen po la 'di skad zhus so// kye ma'o dpa' bo thugs rje can// sangs rgyas bya ba
7a5 ji lta bu// ye shes bya ba gang la bgyi// mdud pa zhes ni ji lta bu// thams cad ces ni gang la bgyi/ zhes zhus pas/ dgyes pa chen po thig le byang chub kyi sems kyi smras pa/ sems can thams cad bde rgyur
7a6 cing// dga' ba thams cad bskyed par bya'o// thams cad rang bzhin byang chub sems// tshad med bzhi ni sngon du btang// bden pa gnyis kyi bye brag gis// brjod las 'das pa sangs rgyas yin// grangs las
7b1 'das pa gnas gzhan yin// dpe las 'das pa mtshon du med// spros pa nye bar zhi ba ni// sangs rgyas dngos po kho na'o// de na sangs rgyas mdud pa'o// med pa ma yin yod pa min// rtag pa ma yin chad pa
7b2 min// 'ong ba ma yin 'gro ba min// yod pa ma yin med pa'ang min// de ltar rnam pa kun shes na// thams cad thams cad mdud pa yin// bden pa gnyis kyi bye brag la// shes shing rigs pa ye shes
7b3 yin// rig pa mchog gi gnas yin no// de nyid rang byung ye shes te// mdud pa zhes ni de la bya// zhes gsungs so// de nas yang bka' stsal pa/ bye brag sangs rgyas ji snyed pa// bsdus pas sangs rgyas rnam pa
7b4 lnga// de yi mdud pa gang yin pa// sku gsung thugs kyi rdo rje mchog/ bcom ldan rdo rje gzhon nu yin// ye shes mdud pa ji snyed pa// rang byung ye shes mdud pa yin// tha snyad bye brag ji snyed pa// don dam spros
7b5 bral mdud pa yin// de ltar phyi rol de bzhin nang// rlung gi bye brag ji snyed pa// mi shigs thig le'i mdud pa yin// rtsa yi bye brag ji snyed pa// kun 'dar ma yi mdud pa yin// sems nyid bye brag ji snyed
7b6 pa// dga' ba dang po'i mdud pa yin// phung po'i bye brag ji snyed pa// rnam par shes pa mdud pa yin// de la sogs pa mtha' yas mchog/ gang la ci byas mdud pa yin// zhes gsungs so// de nas yang 'di
8a1 gsungs so// dbang gi bye brag ji snyed pa// bzhi pa'i don nyid mdud pa yin// gtum mo'i bye brag ji snyed pa// lhan cig skyes pa'i mdud pa yin// 'khor lo'i bye brag ji snyed pa// chos kyi 'khor
8a2 lo'i mdud pa yin// dam tshig bye brag ji snyed pa// rtsa ba'i dam tshig mdud pa yin// skye ba'i bye brag ji snyed pa// skye ba bdun pa mdud pa yin// bud med shes rab rang bzhin te// de yi bye brag ji snyed
8a3 pa// pad+ma can de mdud pa yin// de bzhin chos rnams thams cad kyi// rtog pa bsal phyir mdud pa yin// chos kyi sku las ma rtogs pa// rtog pa gzhan rnams 'dul ba'i chos// 'khor ba mya ngan 'das pa
8a4 yin// dngos po kun la mi rtog pa// chos kyi sku nyid mdud pa yin// zhes gsungs so// de bzhin gshegs par thams cad kyi sku dang gsung dang thugs ye shes thams cad 'dus pa sangs rgyas mdud pa'i rgyud
8a5 las/sku dang ye shes kyi mdud pa thams cad bkrol ba'i le'u ste drug pa'o//// de nas yang rdo rje sems dpas dgyes pa chen po la/ kye kye sangs rgyas kyi sangs rgyas// sangs rgyas thams cad kyi sangs
8a6 rgyas// rnal 'byor ma 'ongs phan don du// dbang gi rim pa bshad par mdzod// ces zhus pas/ dgyes pa chen po nyid cho 'phrul dbang gi ting nge 'dzin la snyoms pa zhugs so// de nas 'di skad ces bka' stsal
8b1 to// sems can bsam pa'i dbang gis na// rta dang glang po ma he dang// rnga mo ri bong khal rnams bzhin// phan dang nus dang blta dang zhugs// spyi yi dbang dang nang gi dbang// gsang ba'i dbang dang thabs kyi
8b2 dbang// ji ltar gsungs kyang rnam pa bzhi// bum pa'i dbang dang gsang ba'i dang// shes rab ye shes mchog dbang dang// de bzhin bzhi pa'i dbang du gsungs// dang po dbang gi bskur sa ni// sems can
8b3 rtog pa zlog pa'i phyir// dmangs kyi rigs la bum pa bzhag/ bram ze'i rigs la gsang dbang ste// rje yi rigs la shes rab dbang// de bzhin rgyal po bzhi pa ste/ rim pa de bzhin shes par bya// gal te cha
8b4 rkyen gcig gyur na// gang la dmigs pa de bzhin bya// zhes gsungs so// de nas yang rdo rje sems dpa' 'khor dang bcas pas// bcom ldan 'das la mu tig dkar po'i me tog gis mchod cing/ bskor ba
8b5 lan du mar byas/phyag 'tshal te 'di skad ces gsol to// rnal 'byor gcig gi don byed na// gsang ba dang ni gsang chen dang// ye shes snying po'i don chen dang// de bzhin bzhi pa ji ltar bskur// de nas
8b6 yang dgyes pa chen pos 'di skad ces gsungs so// yan lag lus ni bshan pa ste// dra ba can la bum pa sbyin// ngag gi las ni bram ze ste// 'jig rten can la gsang ba sbyin// sems kyi las ni rje'u ste// lhan
9a1 cig skyes la shes rab dbang// yon tan phrin las rgyal po ste// kun ka tshogs la bzhi pa bskur// zhes gsungs so// de nas yang 'di skad ces ched du brjod pa 'di brjod do// bum pa'i dbang
9a2 zhes bya ba la// bdag po'i dbang dang rnam pa lnga// gsang ba'i dbang zhes bya ba la// lus dang yig 'bru'i sbyor ba dang/ rtsa dang yig 'bru'i sbyor ba dang// rlung dang yig 'bru'i sbyor ba dang// sems dang yig
9a3 'bru'i sbyor ba dang/gang yang gang du gzung bar bya// gsang ba de ni dam pa'o// shes rab ye shes dbang zhes pa// shes rab ma yin mtshan nyid de// lus kyi ri bo dgon pa 'dra// ri bran ca co chu yis
9a4 spras// chu mig bkod ma dgu dang ldan// spros dang ldan pa'i dri dang bcas// rtsi shing nags tshal spos kyis brgyan// lo grangs cu drug bcu gnyis dang// bcu dang nyi shur shes par bya// mig ni dkar nag phyed pa
9a5 dang// smin ma phra la dkyus ring dang// sna rtse drang zhing sked pa phra// ring thung ma yin tshad ma'i lus// smad dang stod ni ldan par mnyam// pad+ma zab la ge sar ring// nu ma sra zhing sha rtsi dkar// ngag ni 'jam la
9a6 gzhon nu 'dra// dad pa che la mang du thos// de lta bu ni yongs su bzung// 'byung ba bzhi yi mtshan nyid kyis// bsdu ba rnam bzhi'i don dang mthun// de la dga' ba lus kyis skye// bde chen 'khor lo'i rang
9b1 bzhin ni// rgyal ba kun phyi byang chub sems// kha ba lta bu'i rang bzhin de// mkhas pas spyan drang gnyis med bstim// dga' bzhi lus kyis bskyed pa yin// mtha' gnyis mi 'gro ba yi dbang// sprul pa'i
9b2 'khor lor phyin pa'i tshe// dga' ba dang po zhes su bshad// rdo rje'i 'chang gzung nang du phyin pa'i tshe// mchog tu dga' ba zhes su bshad// bum pa'i nangadu phyin pa'i tshe// rang bzhin dga' ba zhes bya'o// de las
9b3 'das na bral ba ste// srid pa'i phur bu sgrub pa dang// dbang dang dngos grub blang ba'i phyir// ye shes khro bo gshegs su gsol// ye shes khro bo gshegs nas kyang// rtags dang mtshan ma bstan pa dang// kI la
9b4 la yi dngos grub stsol// zhes gsungs so// de nas yang ched du brjod pa 'di ched du brjod de// bum pa'i dam tshig gang yin pa// bskyed pa'i rim pa brtag pa dang// rmongs pa rnams la mi bya ste// snod kyi lo ka
9b5 gzhal yas khang// bcud kyi 'jig rten lha yi mchog/ de ni bum pa'i dam tshig yin// gang zhig gsang ba ston pa la// gsang ba'i dam tshig 'di yin te// bud med shes rab rang bzhin te// tsaN+Da li la rtag tu
9b6 bsgom// zas lnga rtag tu bza' bar bya// spyad par bya ba'i mchog yin no// ye shes chen po'i dam tshig ni// mo rnams kun la spyad pa dang// dga' ba rtag tu bsten par bya// sems kyang d+hU tir blta bar bya// ye
10a1 shes snying po'i dam tshig go// de lta bu dang mi ldan ni// dbang dang dam tshig kun las 'das// bsgrubs kyang 'grub par mi 'gyur te// sngags pas bya ba gang yang med// sngags pa sngags pa zhes
10a2 bya ba// rtsa ba dang ni yan lag dang/ khyad par dam tshig gang yin dang// shin tu dbang gi dam tshig dang// rtsa dang rlung gi dam tshig dang// byang chub sems kyi gzhag pa rnams/ gang zhig bzhag pa sngags pa
10a3 yin// de la mchog gi dngos grub babs// myur du bla na med pa thob// de ltar bla ma lung ldan la// gser la sogs pa'i yo byad dang// rang gi lus dang nor gyi dbyig/ ma sring mo rnams brgyan pa dang// grong
10a4 dang grong khyer bcas pa rnams// dmigs pa med pa'i sems kyis ni// de dang mnyam pa kho nar dbul// de ltar 'bul byed slob ma la// bla ma lung ldan des kyang ni// bzhi pa'i don nyid sbyin par bya// chos dang
10a5 lam dang thabs rnams dang// rang bzhin dang ni de rnams yul// rnam pa drug po bsgrims la gtad// de ni bsam pa'i khog yin pas// gang zhig de la mi gnas na// dmus long lam mkhan byed pa ste// gyur na
10a6 'bras bu 'byin mi nus// de ltar gang la mi gnas na// sa bon me yis tshig pa bzhin// tA la'i shing ni mgo bcad bzhin// 'bras bu med cing rlag par 'gyur// zhes gsungs so// de bzhin gshegs
10b1 pa thams cad kyi sku dang gsung dang thugs ye shes thams cad 'dus pa// sangs rgyas mdud pa'i rgyud las// dbang gi gleng gzhi dang/ dbang skur ba'i gnas dang dam tshig bstan pa'i le'u ste bdun
10b2 pa'o//// de nas dgyes pa chen po des 'bur lcog las rdo rje'i lam du byon nas/ de nas sprul pa'i 'khor lor bskor ba lan gsum mdzad nas/ de nas thugs kyi 'khor lor phyin te/ bskor ba lan
10b3 gsum mdzad nas de nas longs spyod kyi 'khor lor phyin te/yang bskor ba lan gsum mdzad/ de nas bde ba chen por bskor ba lan gsum mdzad/ de nas 'bar 'dzin dang po nas byang chub kyi sems kyi thig
10b4 le de 'og min rdo rje'i dbyings su 'od zer gyi tshul du gshegs nas/der khro bo'i gar dgu dang bcas nas kI la ya chen po de zhal gsum phyag drug zhabs bzhi dur khrod kyi chags dang ldan par bzhengs te/
10b5 longs spyod kyi 'khor dam pa rigs lnga yab yum la sogs pa la 'di skad ces bka' stsal to// rdzogs pa'i rim pa 'dod pa yis// rnal 'byor thabs ldan rnams kyis ni// bskyed pa'i rim pa rmang nas
10b6 brtsigs// zhes gsungs so// de nas seng ge rnam par blta ba zhes bya ba'i ting nge 'dzin la snyoms par zhugs nas 'di gsungs so// dngos po med las dngos por grags// dngos rnams nyid na dngos med
11a1 pa'o// dngos po'i tshig la dngos po ste// ri rtse gangs phugs g.ya' rtse'am/ brag dang chu 'thab dur khrod dam// sdong gcig shing ngam brag nag gam// yang na nyams dga'i gnas su bya'o// sa yi
11a2 ro rnams med pa ru// sngon gyi las rnams tshang byas te/ maN+Dal 'dom gang gru bzhi brtsigs// skyang nul chag chag go ma ye// tshon dang srad bu byin gyis brlabs// gnam thig sa thig gsher thig gsum// bye brag
11a3 so sor shes par bya// shes rab ma yis thig skud bzung// mtshams dang steng 'og tshul bzhin bya// thig chen rnam pa brgyad du btub// 'khor lo rtsibs brgyad e ru bcas// zla gam gsum dang rtsibs dang
11a4 bcas// bar khyams sgo khyams gnyis su btang// sgo rgyan ya phub rta babs dang// dra ba dra phyed dra ba dang// rgyan gyi rnam pa thams cad bya'o// 'bar ba'i 'khor lo rtsibs brgyad la// rnam par rgyal ba la sogs
11a5 pa// shar nas brtsam ste dgod par bya// dbus kyi e la bdud 'dul te// mdun rgyab g.yas g.yon sta zur bzhi// steng 'og khro bo phra men bzhi// rim pa bzhin du dgod par bya'o// de yi 'khor lo'i gong ras
11a6 las// phra men byin po dgod par bya// zla gam la ni sras mchog gsum/ khyams la ko'u seng spel mar dgod// sgo bzhir srung ma bcu gnyis dgod// lcags ri la ni dbang phyug ma// de ltar dkyil 'khor
11b1 rdzogs pa dang// byin gyis brlabs pa'i phur bu kun// bye brag so sor shes par bya// dang po chos skur byin brlabs dang// de nas sprul skur byin gyis brlabs// de nas longs skur byin brlabs dang// sku
11b2 mchog sprul sku mngon byang chub// de nas byin brlabs dbang bskur bya'o// mtshams kyi phur pa mnga' gsol ba'i// phur pa bcu yang byin gyis brlabs// sgrub pa'i phur pa re re la// dar gyi cod dpan re re
11b3 btags// spyan drang bzhugs gsol gnyis med bstim// byug bdug brdeg pa'i las rnams bya// de nas maN+Dal steng du 'god// 'phro 'du las kyi bsnyen pa yis// yungs kar nyid la sngags bzlas
11b4 la// gzungs thag 'then la bstim par bya// stong tshig mchod pa bar bar bya/ zhes gsungs so// de bzhin gshegs pa thams cad kyi sku dang gsung dang thugs ye shes thams cad 'dus pa sangs rgyas mdud
11b5 pa'i rgyud las/dkyil 'khor bca' gzhi bstan pa'i le'u ste brgyad pa'o//// de nas yang bcom ldan 'das badzra kI la ya chen pos ched du brjod pa 'di ched du brjod do// dbu ma chen po'i rang bzhin
11b6 te// sus kyang mthong bar mi nus te// sangs rgyas kyis kyang mi gzigs pas// rang byung ye shes gnas med snang// de yi phyir na rang bzhin med// med las med pa'i 'bras bu 'byung// yod dam med pa
12a1 gnyis med pas// rtog med dbu ma zhes bya'o// de yi rang bzhin kho na'o// brjod pa'i rang bzhin ci yang med// dbang po'i yul du gang gyur pa// de dag tshad ma ma yin no// chos rnams kun gyi
12a2 chos nyid ni// skye ba med cing 'gag pa med// rtag dang chad pa yod min te// mthong ba'i blos ni bslad pa min// de dag rtogs na 'khor ba rtogs// mya ngan 'das pa rlom sems med// de bzhin nyid la gnas
12a3 bcas na// g.yo dang mi g.yo rnam par dag/ gzung dang 'dzin pa rnam par dag/ spros pa med cing rnam par dag/ brjod med rnam par mi rtog pa'ang// chos rnams kun gyi sgra rnams ni// yi ge med pa'i gsung
12a4 mchog ste// sgra yis rnam par spangs nas ni// sems kyi rgyu ba phra ba 'gag/ de ni rang bzhin lta ba zhes// shes rab blo yis mthong bar gyis// blun po rnams kyis mi mthong ste// mthong ba rnams ni mngon sangs
12a5 rgyas// gang zhig bslab par 'dod pa yis// spros pa'i mtha' la shes par gyis// de ltar mngon par rtogs nas ni// sangs rgyas gud du ma tshol cig/ gal te blun pos tshol byed na// glang po'i rjes ni tshol ba
12a6 ste// glang po rnyed nas glang po tshol// rang la rang byung yod bzhin du// rang byung gzhan du tshol ba ltar// zhes gsungs so// de bzhin gshegs pa thams cad kyi sku dang gsung dang thugs ye shes thams cad
12b1 'dus pa sangs rgyas mdud pa'i rgyud las/spros pa rang bzhin gyis gnas pa'i le'u ste dgu pa'o//// de nas yang snying po sngags kyi rim pas dkyil 'khor gsal bar bskyed pa 'di/ rdzogs par bya ba'i
12b2 phyir ting nge 'dzin gyi dkyil 'khor 'di ched du brjod pa 'di ched du brjod do// de yang sku gsung thugs rdo rje zhes bya ba'i ting nge 'dzin la mnyam par bzhag nas/ don thams cad thugs su chud nas brjod
12b3 pa'o// nam mkha'i khams kyi dkyil 'khor du// sangs rgyas gzhal yas rdzogs pa la// 'khor ba'i lte ba gang yin la// nyi ma zla ba ku ber dang// pad+ma la sogs gdan stengs su// zhe sdang khro bo'i rang bzhin
12b4 ste// 'jigs byed rdo rje gzhon nu ni// zhal gsum pa la phyag drug ste// g.yas pa dkar zhing g.yon pa dmar// rtsa ba'i zhal ni mthing nag la// dang po rtse dgu me dpung 'bar// bar ma rtse lnga kha T+wAM ga/ tha ma ri
12b5 rab phur bu 'dril// sku stod glang chen ko rlon dang// sku smad stag gi sham thabs can// me dpung g.yon pa rig ma 'khyud// dbu la thod phreng skam po dang// thod rlon rnams kyis do shal byas// me yi rus pa'i
12b6 rgyan dang bcas// phyag dang snyan cha la sogs pa// brang gis 'gro ba chen pos brgyan// dom dred pags pas dkris pa dang// mi sdug 'jigs su rung ba nyid// smin ma sma ra mig kyang ser// zhal gdangs mche
13a1 gtsigs ljags kyang 'dril// thod khrag 'thung zhing ha har bzhad// zhing la 'bru tshugs bltas nas ni// zhal nas khrag 'bab hi hi bzhad// zhag gi thig le tshom bur byas// thal ba raka tas
13a2 mtshan pa dang// 'jigs pa'i dpung yang zlog par byed// phyag rgya chen po dngos po las/ khro bo'i dkyil 'khor bsgom par bya// sems dpa' gsum gyi dam tshig las// snying gar ye shes sems dpa'
13a3 gnas// hUM/ de nas 'dod chags chen po yis// gsang ba'i pad+ma rgyas mdzad nas// byang chub sems kyi 'od zer dag/ gsang ba'i dbyings su bstim par bya// byang chub sems kyi sprin dag las/ khro bo'i dkyil
13a4 'khor thams cad ni// thugs ka nas ni phyung gyur te/ khros pa'i dkyil 'khor nyid du bzhugs// A+oM badzra ku mA ra ma hA kro d+ha hUM phaT/ oM AHhUM oM badzra kro d+ha hUM kA ra hUM/ gardza gardza hUM phaT/ A+oM badzra kro d+ha bI dza ya hUM/
13a5 ha na ha na hUM phaT/ oM badzra kro d+ha ya mAn+ta ta ka hUM/ pa tsa pa tsa hUM phaT/ oM badzra kro d+ha ha ya grI wa hUM/ hu lu hu lu hUM phaT/ oM badzra kro d+ha a mr-i ta kuN+Da li hUM/ ts+tshin+d+ha ts+tshin+d+ha hUM phaT/ oM badzra kro d+ha nI la daN+Da hUM/ da ha da ha hUM
13a6 phaT/oM badzra kro d+ha ar+ya a tsa la hUM/ ban d+ha ban d+ha hUM phaT/ oM badzra kro d+ha a pa ra dzi te hU~M/ tiSh+Tha tiSh+Tha hUM phaT/ oM badzra kro d+ha trai lo kya bi dza ya hUM/ bin d+ha bin d+ha hUM phaT/ oM badzra kro d+ha ma hA ba la hUM/ s+pho Ta s+pho Ta hUM
13b1 phaT/sarba yo gi nI ha ha a phaT swA hA/ de nas yang 'di skad ces ched du brjod pa 'di brjod do// steng phyogs hUM mdzad kA ra ni// zhal g.yas ser zhing g.yon pa dmar// dbus zhal sku ni dkar ba'o// dang po
13b2 gnyis ni rig ma 'khyud// 'khor lo ral gri g.yas pa ste// rin chen pad+ma g.yon pa'o// 'og tu stobs chen bzhag pa ni// g.yas dkar g.yon dmar dbus sku nag/ dang po rig ma 'khyud pa la// g.yas pa tri
13b3 shUl ral gri gdan// g.yon pas rin chen pad+ma bsnams// rnam par rgyal ba dkar ba ste// g.yas g.yon gnag cing dmar po'i mdog/ rang gi rig ma dang pos 'khyud// dbyug pa dkar po ral gri
13b4 g.yas// rin chen pad+ma g.yon na 'dzin// shar gyi rtsibs su gzhag par bya// lho phyogs gshin rje 'joms pa ni// zhal g.yas gnag cing g.yon pa dmar// rtsa zhal dbus ni ser po nyid// phyag g.yas rang gi
13b5 rig ma 'khyud// g.yas pa thod pa ral gri la// g.yon pa rin chen pad+ma'o// nub phyogs rta mgrin dbus kyi zhal// dmar ba g.yas dkar sngo ba g.yon// phyag gnyis g.yas pa rig ma la// pad+ma dang ni ral gri
13b6 g.yas// 'khor lo rin chen g.yon na ni// bdud rtsi 'khyil pa zhal dbus ljang// g.yas dang g.yon ni dkar dang dmar// dang po gnyis ni rig ma la// 'khyud cing rgya gram ral gri 'dzin// rin chen pad+ma
14a1 g.yon pa ste// byang du brkyang bskum tshul gyi gnas// me yi phyogs su dbyug sngon can// zhal g.yas dkar zhing g.yon pa dmar// sku zhal dbus ma dkar la ser// dang po gnyis ni rig ma
14a2 'khyud// g.yas na dbyug pa ral gri ste// g.yon gnyis rin chen pad+ma'o// mi g.yo mgon po bden bral phyogs// g.yas dkar g.yon dmar dbus ser zhal// dang po gnyis ni rig ma 'khyud// 'khor lo ral
14a3 gri g.yas pa na// rin chen pad+ma g.yon pas 'dzin// dpal ldan gzhan gyis mi thub pa// g.yas pa dkar la g.yon pa dmar// dmar ljang dang po rig ma 'khyud// rdo rje ral gri g.yas dang g.yon// rin chen
14a4 pad+ma 'dzin pa ste// rlung gi mtshams su yang dag gnas// dbang po'i grar ni gzhag bya ba/ khams gsum rgyal ba zhal gsum pa// zhal g.yas dkar la g.yon pa dmar// sku dang dbus ni ljang skya yin// phyag
14a5 gnyis rig ma 'khyud pa la// lcags kyu ral gri rin chen pad// g.yas dang g.yon gyi phyag tu bsnams/ khro bo chen po thams cad kyang// rgyan cha rdo rje 'jigs byed 'du// khro mo rnams kyang rigs dang
14a6 mdog/rang rang lag cha 'dzin par byed// phra men rnams kyi mdog dang rgyan// cir yang 'gyur zhing sna tshogs thogs/ khro rgyal ye nas yin pas na// de bzhin nyid kyi dbyings nas ni/ khro bo'i dkyil 'khor rnam
14b1 spros te// nam mkha'i dkyil du brten par gnas// de nas dpal chen khro bo'i rigs// bskul bar bya phyir sngags 'di brjod// oM badzra sa ma ya s+t+waM/ oM badzra sa ma ya hUM/ oM badzra sa ma ya ho/ zhes gsungs
14b2 so// de nas yang 'di gsungs so// bdag dang rgyal ba gnyis med pa'i// rigs kyi rgyal mtshan mi nub phyir// bdag gi sras dang gzhan gyi sras// byang chub sems kyi thig le de// ho gnyis bar du gzhag bya
14b3 ste// chos sku byang chub sems su gnas// sgyu ma'i phyag rgya 'od 'bar te// thabs dang shes rab ldan byas pa// bsnyen pa dang ni nye bar sgrub// sgrub pa sgrub pa chen po yis// gsang ba'i phyag rgya rgyas mdzad
14b4 de// rjes su sbyor ba brtsam par bya// de nas dkyil 'khor thams cad ni// nam mkha'i dbyings su brtan par gnas// de yis ye shes brtan par gnas// gsang ba'i bum pa las byung ba'i// 'khor lo bzhi la
14b5 rab tu dmigs// gang zhig 'di la mos 'gyur ba// rdo rje rig pa 'dzin pa ste// bla na med pa 'thob par byed// rgyab kyis phyogs shing 'dun pa med// blun pos mi shes log par blta// gshis ngan du ni shi gyur
14b6 nas// 'o dod 'bod cing ltung bar 'gyur// de bas thabs la yid ches bya// zhes gsungs so// de bzhin gshegs pa thams cad kyi sku dang gsung dang thugs ye shes thams cad 'dus pa sangs rgyas mdud pa'i
15a1 rgyud las/ting nge 'dzin gyi dkyil 'khor dang/ snying po sngags kyi rim pa bstan pa'i le'u ste bcu pa'o//// de nas bcom ldan 'das dpal badzra kI la ya la gsang ba'i bdag pos 'di
15a2 skad ces gsol to// kye kye sangs rgyas bcom ldan 'das// sems can rnams la phan don du// mya ngan mi 'da' thugs rje'i ngang// mchod pa'i rnam pa bshad du gsol// de nas badzra kI la yas mchod pa'i cho
15a3 'phrul smin zhes bya ba'i ting nge 'dzin la snyoms par zhugs te/sems dpal chen po legs so legs so// dus gsum bder gshegs mchod pa dang// sems can rnams la phan don du// phyi dang nang dang
15a4 gsang ba dang// de bzhin dbyings kyi mchod pa dang// snang srid phyag rgya'i mchod pa dang// rin chen sna bdun mchod pa dang// kun tu bzang po'i mchod pa dang// lha mo bzhi yi mchod pa dang// mchod pa'i phyir
15a5 na spyan drang dang// phyag rgya chen por gnas bcas la// nam mkha'i dbyings kyi dkyil 'khor nas// dkyil 'khor thams cad spyan drang ngo// yang sprul sum sprul skar ltar 'khrugs// gcig la gsum gsum
15a6 drug cur sprul// sprul pa rnams kyang spyan drang ngo// e h+ye hi b+ha ga wAn/ oM badzra kro d+ha shrI he ru ka ma hA badzra/ A gad ta ya/ A gad ta ya/ pra be sha ya/ pra be sha ya/ ban d+ha ya/ ban d+ha ya/ to sha ya/ to sha ya/
15b1 sarba DA ki nI hri da ya hUM phaT/ de bzhin mchod pa sna tshogs pa// ka niSh+ka la sogs pa 'bul// de bzhin mchod pa bla na med// sangs rgyas dngos grub thob bya'i phyir/ rgyal ba thams cad mchod par bya// bdug pa
15b2 me tog mar me dang// dri chab shos gtsang yi gar 'ong// tsha ba gsum dang sbyang ba yis// a ka ru yi dog pa rnams// dkyil 'khor kun la mchod par bya// de nas nang gi mchod pa 'bul// de nas gsang ba'i
15b3 mchod pa ste// oM AHhUM ma hA sa ma ya/ ar+g+haM pra tIts+tsha hUM/ stong pa nyid kyi rang bzhin gyis// gdol pa'i khang pa mes bsregs nas// dkar po gangs kyi rnam pa yang// ci 'dod las rnams 'dod pa 'grub// de
15b4 bzhin las rnams thams cad do// thugs rje chen po 'byung bar byed// bdag dang sems can bsgral ba'i phyir// rig mar sbyar ba'i mchod pa yis// sbyor sgrol thams cad mchod par 'bul// de nas dmar
15b5 gyi ar+g+has mchod// he ru ka yi gnas bcu dang// dur khrod chen po'i gnas brgyad nas/ dpal chen 'khor bcas spyan drangs te/ dur khrod mchog gi gnas 'di ru// zhing chen gsang rnying ti rar
15b6 bcas// dmar gyi ar+g+ha rgya mtshor bskyil// mkha' 'gro 'bar ba'i tshogs la 'bul// ma lus gshegs nas bsnams su gsol// rnal 'byor mgon po bdag nyid kyang// chas kyang rab tu gdags byas te// mchod
16a1 pa thams cad nag por dbul// de yis dngos grub las rnams 'grub// ces bya'o/ de bzhin gshegs pa thams cad kyi sku dang gsung dang thugs ye shes thams cad 'dus pa/ sangs rgyas mdud
16a2 pa'i rgyud las mchod pa'i sprin rnam par rol pa zhes bya ba'i le'u ste bcu gcig pa'o//// de nas yang de bzhin gshegs pa dpal kI la ya/ bdag nyid chen po'i ting nge 'dzin la snyoms par zhugs te/
16a3 'khor rnams la 'di skad ces bka' stsal to// bdag dang gnas dang dus dag dang// bzlas pa dang ni gzugs rnams dang// de ltar rdzas kyi rnam pa dang// bsnyen pa dang ni nye bsnyen dang// de bzhin sgrub dang
16a4 sgrub pa che// bdag don dang ni gzhan don dang// rnal 'byor mkhas pa'i phrin las so// gzhan yang yang dag 'di bstan bya// nyes pa'i don gnyer rnal 'byor la// tshe srog bar du gcod byed la// gdab pa'i
16a5 gnas ni gang yin pa// spyi bo mgrin pa snying ga dang// lte ba'i dkyil du gdab par bya// sku gsung thugs kyi sras mchog dang// de bzhin dpal gyi phur pas gdab// gang la bya ba'i gzugs brnyan la// zhing gi
16a6 ras sam gro ga'i shun// ra yi khrag gis ming bris la// gzugs kyi snying ga dag tu bslan// shar lho mtshams su 'brub khung rgya/ kha khyer rnam pa gsum dang ldan// til nag po la gzhi byas la// gan rkyal dag tu
16b1 gzhag par bya// lho nub mgo la byang shar rkang/ khar nag sgril ma'i byad du gzhug/ drag po'i phur pa dag la brtod// mngag gzhug las rnams gzhol ba'i phyir// ma mo mkha' 'gro srung ma la// mchod pa rdzogs
16b2 dang ba liM gso// dgug pa gsum gyis rab tu dgug/ gdab pa gsum gyi mos pa bya/ khro bo hUM bzhi'i sbyor ba yis// snying gar nyi ma'i dkyil 'khor la// yi ge dza ni kha brgyad pa// 'od zer lcags kyu'i tshul du
16b3 bzhag/de yis drangs sam bkug nas ni// gzugs sam ri mo de la bstim// phyag rgya bzhi dang sngags bzhi yis// dgug pa dang ni bsdam pa dang// de bzhin bcing dang dga' dag bya// dzaHhUM baM hoH badzra aM
16b4 ku sha dza dza dzaH dzaHhUM baM hoH pra be sha ya hUM/A be sha ya a A/ yang na gzugs brnyan 'di ltar bya// thal ba skye tshe lan tshwa dang/ khre dang ju tshe srub ma'i lo// phug ma grog mkhar sa rnams la// rak+ta bdud rtsis
16b5 sprus nas kyang/smug nag snying gar ming rus gdags// bkug nas phebs par gyur pa dang// gu gul tshil chen bdug pa dang// phye ma gsum gyi sbyor ba bya// nag po dug las byas pa yis// gtor ma rnams
16b6 kyang za ru gzhug/phra men dang ni mgyogs ma la// ba liM byin la las rnams bcol// kun tu mgyogs par song nas ni// glo snying 'dren cing dbang bo thogs// myos tsam du du rab byas
17a1 nas// bstod pa byas la gnyis med bstim// de nas gsad pa'i bzlas pa bya// bdag gi las kyi ting 'dzin zhugs// snying gar nyi ma'i dkyil 'khor bsam// de nas bzlas pa'i snying po
17a2 bsam// hUM yig rnam par bsam nas ni// phur pa khro bo ci 'dra bas// phyogs bcu dag tu don byas nas// 'gro don dam rnams rdzogs mdzad de// slar 'dus phur pa nyid la thim// 'bum phrag cig gam sa
17a3 ya'am// brgya rtsa brgyad dam stong rtsa brgyad// bzlas te stong tshig mchod pa bya// de nas sprul pa rab tu dgye// gnyis med 'dres pa'i ling+ga la// dgug dang rab tu gzir bar bya// dpang gzug ra mda' bzlog
17a4 par bya// oM laM hUM laM s+t+waM b+ha nan/ mo ha g+ha ya/ g+ha ga bAn/ shrI badzra hUM kA ra phaT/ badzra kI li kI la ya/ dzaHhUM baM hoH sarba big+h+nAn/ kA ya bAk+ka tsit+ta badzra kI li kI la ya hUM phaT/ hUM kA ra hUM/ a a a/ dzaHhUM baM hoH A
17a5 bai sha ya a/khro bos mngon smod rab bya ste khro bos ske nas bzung nas ni// g.yas pa'i tho bas brdeg byas te// mngon spyod phur pa rab tu btab// sngags ni 'di skad brjod par bya'o// oM na maHsa man ta kA ya
17a6 bA ka tsit+ta badzrA NAM/g+ha g+ha g+hA ta ya g+hA ta ya/ sarba du Sh+tAn phaT/ kI la ya/ kI la ya/ sarba pA paM phaT/ hUM hUM badzra kI la ya/ badzra d+ha rod Adz+nya pA ya ta/ sarba big+ha nAn/ kA ya bA ka tsit+ta/ badzra kI la ya hUM phaT/ a ko Ta ya
17b1 mung+ga ra hUM phaT/oM badzra kro ta yak+sha na kha kha khA hi khA hi/ de nas gzugs brnyan gtub par bya/ A+oM hrIHSh+t+r-IHshI g+h+raM A na ya hUM phaT/ bi kri ta nan hUM phaT/ de nas las rnams tshang bya'i phyir// hom khung gru gsum sgo can
17b2 du// raM zhes bya ba'i me spar te// me lha bos la las rnams bya// gso ba gsum dang gsal ba gsum// rin po che yi dgongs pa dang// grub pa'i mtha' ni bstan par bya// zhes gsungs so/ de bzhin gshegs
17b3 pa thams cad kyi sku dang gsung dang thugs ye shes thams cad 'dus pa/sangs rgyas mdud pa'i rgyud las/ phrin las phun sum tshogs pa'i le'u ste bcu gnyis pa'o//// de nas badzra kI la ya chen po de/
17b4 mnyam pa nyid ces bya ba'i ting nge 'dzin la snyoms par zhugs nas/ gzhi yi ting nge 'dzin 'di gsungs so// lam lnga dag la tshul bstun nas// sa rnams mtha' ru dbyung ba'i phyir// shes rab rnam gsum sbyor ba
17b5 yis// dang po rgyu yi tshogs bsgom ste// yan lag bdun dang gnas bzhi bya// de nas gzhung bzhin las rnams bya// dang po ting 'dzin rnam gsum nas// sbyor ba dang po'i ting 'dzin bya// de nas dkyil 'khor
17b6 rgyal ba mchog/de la las kyi rgyal ba mchog/ gzhi yi dkyil 'khor zhes bya ste// cho ga rdzogs par byas nas ni// bsgrub pa chen po mtha' ru dbyung// zhes gsungs so// de nas yang 'di gsungs
18a1 so// de ltar las rnams zin gyur nas// phra mo'i thig le bsgom par bya// sna rtse rnam pa bzhi rnams su// so so'i yi ge bsam par bya// de ni gzhi yi phra mo yin// de rnams yongs su gyur pa
18a2 las// mnyam pa nyid du gyur pa ni// thig le zhes su bshad pa yin// de yi phra ba gang yin pa// nA da zhes ni bya ba yin// yid kyi smar khung kha phye nas// sems kyis sems la blta bar bya// chos nyid rtsa dang ye
18a3 shes rtsa// rang rgyud rtsa dang yon tan rtsa// gang gis yongs su shes pa la// phra mo'i thig le nA dar 'dzag/ ces gsungs so// de bzhin gshegs pa thams cad kyi sku dang gsung dang thugs ye shes thams cad
18a4 'dus pa/sangs rgyas mdud pa'i rgyud las// gzhi'i ting nge 'dzin dang/ phra thig bstan pa'i le'u ste bcu gsum pa'o//// de nas badzra kI la ya chen po des// mnyam pa nyid ces bya ba'i ting nge 'dzin la
18a5 snyoms par bzhugs nas yang ched du brjod pa 'di ched du brjod do// zhi ba blang dor med pa'i chos// rang bzhin med pa'i chos yin te// brtag par dka' bar bstan pa yin// brjod pa'i tha snyad rnams dang
18a6 bral// 'dus ma byas pa'i rang bzhin te// skye shi med pa'i yul du snang// dus gsum 'dus ma byas pa ste// kun tu 'od kyi sa yin no// 'di zhes bya ba'i dpe yang med// ngas kyang mthong bar ma nus na// mngon
18b1 sum mi gnas kun la khyab// gzugs sku rnam gnyis 'byung bas na// zad mi shes pa'i gter du gyur// chos rnams kun gyi rang bzhin ni// stong pa nyid la tha mi dad// 'khor ba mya ngan 'das pa gnyis// bye
18b2 brag dbye ba gcig kyang med// de dag nyid kyi khyad par ni// ci yang yod par ma gsungs so// phung po khams dang skye mched rnams// rten cing 'brel par 'byung ba tsam// stong pa nyid las ma rtogs
18b3 par// brjod pa thams cad tha snyad yin// de bas chos rnams stong pa la// blun po rnams kyis de mi mthong// de phyir chos rnams rang bzhin med// de bzhin gshegs pas mi gzigs so// chos rnams bde bar
18b4 gshegs pa 'dra// btsal bas rnyed pa ma yin te// yang dag nyid du gang blta bas// yang dag mthong bar mi nus te// 'ga' yang mthong ba med pas na// de nyid mthong ba chen po yin// mya ngan 'das pa sangs
18b5 rgyas sa// gang gis mthong bar mi nus te// pad+ma can gyi ye shes kyis// skad cig gcig la mngon byang chub// chos rnams dngos po gcig yin pas// rnam pa tha dad du mar yang// rmongs pa rnams kyis log
18b6 par mthong// 'gro ba 'khrul bar rgyar chud 'dra// gang gis gang rtogs sems la ni// 'byung ba lnga yang bcom ldan 'das// gcig par gnas pas bcom ldan 'das// kun la yod pa bcom
19a1 ldan 'das// sangs rgyas kun gyi rgyu yin pas// 'khor ba rang byung gzhan las smin// de bas sems can thams cad ni// sangs rgyas snying po can zhes bya// ma rig pa yi sems can gyis// 'khor
19a2 ba'i sdug bsngal myong bar 'gyur// sems can kun gyi rang bzhin ni// chos kyi dbyings kyi rang bzhin te// kun la khyab pa'i nam mkha'o// de ma mthong bas de mi mthong// snying po chos kyi don la ni// rtog ge pa
19a3 yis mi rnyed de// 'ga' yang btsal bas mi rnyed do// zhes gsungs so// de bzhin gshegs pa thams cad kyi sku dang gsung dang thugs ye shes thams cad 'dus pa sangs rgyas mdud pa'i rgyud las/ rang bzhin
19a4 lta ba'i le'u ste bcu bzhi pa'o//// de nas de bzhin gshegs pa badzra kI la yas 'khor rnams la spyan rgyas par gzigs te/ 'di skad ces bka' stsal to/ khyod rnams la ma 'ongs pa'i rnal 'byor pa rnams
19a5 dang/sems can dbugs dbyung ba dang/ 'das pa dang/ ma 'ongs pa dang/ da ltar gyi sangs rgyas kyi gdung 'dzin pa'i phyir// rtag pa dang po 'di khyed kyis yang dag par chongs shig dad pa dang ldan pa rnams
19a6 la byos shig skye bo mchod pa la dga' ba/'dod chags che ba rnams la/ tshul bzhin du bshad pa'i dbang skur la bshad pa byos shig ces gsungs so// de nas 'khor rnams kyis/ ston pas gsungs pa la
19b1 mngon par yi rang ba dang dga' ba skyes te/rin po che sna lnga la sogs pa mi tog sil mas mchod de/ mgrin gcig dbyangs gcig gis/ lan brgya stong du mar bskor ba dang/ lha rnams kyis phyag btsal nas/
19b2 kye kye sangs rgyas bcom ldan 'das// sangs rgyas thugs rje rin po che// sems can rnams la thugs brtse'i phyir// rtog pa dang po 'di bka' stsal// thugs rje yi ni rgyun chen po// bka' stsal gsung ston thugs
19b3 rje che// bdag cag rnams kyi bcang bar bya// 'gro ba rnams la phan gdags bgyi// skye bo rnams la dbang bskur bgyi// grong dang grong khyer grong rdal la// nyin re bzhin du bskor bar bgyi// zhes gsol bas/
19b4 bcom ldan 'das 'khor rnams la yang dag par gzigs nas/ ci yang mi gsung bar de bzhin nyid du mnal lo// mi snang bar gyur to// de nas 'khor rnams kyang nyid la nyid gzigs nas/ mi snang bar gyur
19b5 to// de bzhin gshegs pa thams cad kyi sku dang gsung dang thugs ye shes thams cad 'dus pa/ sangs rgyas mdud pa'i rgyud las/ 'chang ba dang yongs su gtad pa'i le'u ste bco lnga pa'o//// brtag pa
dang po yongs su rdzogs so/

CLOSE WINDOW