CLOSE WINDOW

Gpb026.009
བོད་ཡིག

/ rgya gar du/ badzra kI la ya sarba d+harma nir+b+bA Na ma hA tan+t+ra/ bod skad du/ rdo rje phur bu chos thams cad mya ngan las 'das pa'i rgyud chen po/ bcom ldan 'das dpal kun tu bzang po 'jigs byed kyi rgyal po la phyag 'tshal lo// 'di skad bstan pa'i dus na/ bcom ldan 'das sku gsung thugs kyi bdag nyid/ thams cad so so ma yin pa'i rang bzhin te/ mtha' dang dbus med pa 'og min gyi gnas/drag po mthing nag 'bar ba'i gzhal yas/ rgyu rin po che 'bar ba sna tshogs dang/ 'jigs byed drag po'i rgyan mang pos bklubs pa/ rnam pa tha dad cing so so na gsal ba/ngo bo gcig cing ye nas gsal ba na/ bcom ldan 'das dpal kun tu bzang po/ 'jigs byed kyi rgyal po sku gsung thugs bsam gyis khyab pa dang/ ldan pa'i dbu gsum pa/ rdo rje dang/ rin po che dang/ pad+ma dang/ las dang/ 'khor lo la sogs pa'i/ rigs dang grangs dang/ phyag rgya dang/ kha dog la sogs pa'i ngo bor bzhugs so// de yang rigs kyi yab dang yum dang sems dpa' dang/ sems ma dang/ khro bo dang/khro mo dang bcas par bzhugs so// de nas de bzhin gshegs pa btsun mo'i tshogs dang gnyis su med pa'i dkyil 'khor de dag nyid kyi sku gsung thugs las phyung ngo// de bzhin nyid kyi dbyings nyid ni// ye shes chen pos dbang bsgyur zhing// dkyil 'khor thugs rjes 'byung ba'i ngor// rang bzhin ting 'dzin gzugs brnyan dag/ sku gsung thugs kyi ngang las byung// yon tan phrin las de bzhin te// bde chen mchog gi gnas nyid do// zhes gsungs so// phur bu mya ngan las 'das pa'i rgyud chen po las/ gleng gzhi'i le'u ste dang po'o//// de nas kun tu bzang po 'jigs byed kyi rgyal po/ ma lus pa thams cad kyi rang bzhin gyi tshul rdo rjes/ma chags yum gyi dkyil 'khor na gnyis su med par bya ba dang/ gdug pa can thams cad 'dul ba'i phyir/ rab tu drag po mi g.yo ba'i ting nge 'dzin la snyoms par zhugs nas/chos nyid ma g.yos zhes bya'i dbyings// ma bcos rang bzhin bde ba'i yum// rang bzhin ma g.yos dkyil 'khor ni// bdag yin bdag gi spyod yul dang// phyag rgya sna tshogs so sor gsal// bde gshegs rgyal bas sbas pa'i gter// sus kyang dpag par dka' ba de// kun tu bzang po bdag la gsal// zhes brjod pas ma chags yum gyis dkyil 'khor dang/ gnyis su med par gyur to// gyur nas yum gyis 'di skad ces brjod do// chos nyid dbang bsgyur bde chen gtso// bde gshegs rgyal ba kun bzang yid// rang bzhin ye shes drug yin te// kun bzang bde chen nyid kyi brgyan// bde chen thugs kyi rang bzhin no// bde bar gshegs pa'i thugs kyi mchog/ skal med rnams la rang bzhin gsang// sku gsung thugs nas dbang mchog yin// zhes brjod pas/ thams cad gcig gi rang bzhin du dbyer med par gyur pas/nyid kyi ye shes las karma he ru ka'i ngo bor gyur nas zhu ba po'i bdag nyid tu gyur to// des bka'i lung go nas 'di skad ces gsol to// chos nyid ma bcos don 'di la// spros med brjod med ye gnas la// skal med thugs rjes ji ltar gzung// gnyis med sems kyi rang bzhin la// skal med 'byung ba ci lta bu// don 'di mi gnas bdag cag la// gnyis med rgyal pos bshad du gsol// zhes brjod pas/ bka' stsal pa/ ma bcos sems nyid rang bzhin la// ye shes brjod med ye gnas kyang// 'khrul pa'i bag chags phra mo 'dis// gzung 'dzin dngos po gnyis su der// phyin ci log tu gol ba ste// gnyis med don gyi ngo bo las// thabs chen 'bar ba'i rol pa yis// bden pa gnyis kyi ngang du bsgral// zhes gsungs pas/ karma he ru kas khrag 'thung gi rgyal po la 'di skad ces gsol to// ma bcos chos nyid rang bzhin las// rol pa'i sku ni ci ltar byung// yang dag bden pas ci ltar bsgral// dngos su bsgral ba'i yon tan ci// zhes gsol pas/ khrag 'thung rgyal po badzra kI la yas// ye shes med pa ma yin pa'i dbyings nas shin tu drag po mi bzad pa'i sku phyung nas/theg chen gsang ba'i bstan pa 'di// rgya cher grags par gyur pa ni// mya ngan 'da' bar lung bstan te// 'bras bu chub par ston pa ni// rdul bral dri med bstan pa zhig/ mchog gi zhing khams dag pa 'dir// snang ba thob pa'i skal can la// don gyi ngo bor bshad par bya'o// nga ni snang ba 'di nub nas// chos kyi me long dam pa zhig/ nga 'das gling gi 'jig rten 'dir// 'byung ba'i dge slong skal chen la// bstan pa'i char chen bab nas ni// kun dang mthun par grags 'gyur zhing// nga snang mi gnas de rjes na// lo ni brgyad brgya dang bcu gnyis kyang cu rtsa gnyis na// gsang 'dus mya ngan 'das pa 'di// byang chub snying po can zhes pa'i// sa le gser gling bya ba der// las dang thugs rje mthun pa yis// chos kyi mig gcig 'byed 'gyur zhing// rigs ldan kun gyis thob gyur cig/ ces gsungs so// de nas yang bcom ldan 'das badzra kI la yas/ snying rje rol pa'i ting nge 'dzin la zhugs nas/ kye ma ho sangs rgyas mang po'i tshogs// kun tu snang ngo rab tu 'dir// srid pa log pa'i gdug pa can// 'khor ba'i sa bon rtsub mos 'phangs// sdug bsngal chen po yi dwags te// las kyis 'jig rten khams 'dir 'byung// drag po rang gi dka' thub kyis// srid pa gsum gyi bdag por smin// drag po ru dra'i dug dbal gyis// 'gro rnams mthar rlogs 'joms byed 'di// gdul bar bya ba'i 'os mchog ste/ snying rje'i bdag po kun 'dus la// sdug bsngal las kyi rgyun bcad de// bde chen sa la bzhag pa'i rigs// zhes gsol to// phur bu mya ngan las 'das pa'i rgyud chen po las khungs dang gleng bslang ba'i le'u ste gnyis pa'o//// de nas yang bcom ldan 'das badzra kI la yas/nyid kyi ye shes rigs kyi khro bor sprul nas/ mi 'dul bar dgongs nas bka'i bgro ba mdzad do// bcom ldan 'das khrag 'thung snying pos bgros pa/ kye ma'o 'dus pa'i tshogs chen dag/'das pa'i dus nas sngon byung ltar// da lta dus 'dir byung ba ste// de bzhin gshegs pa'i gsung rab las// bdag nyid chen po rtag pa yis/ khro bo'i tshul du sngon byung ba// de tshe sems can thams cad kun// shin tu khro drag gtum par 'gyur// shin tu khro drag gtum pa yis// 'o dod 'bod par ltung bar 'gyur// mi bzad chen pos sdug bsngal te// dug gsum mtha' la mngon zhen pa// ci ltar ba yi thabs kyis gdul// zhes bgros so// bcom ldan 'das gti mug chen po'i tshogs gyis bgros pa/ shin tu gtum pa'i sems can 'di// ci ltar de dag bzhag gyur na// bag chags ngan pa'i chu rlabs kyis// bdud kyi tshogs su mngon 'phel nas// rig pa 'dzin pa'i rgyun gcod cing// bstan pa'i gsung rab 'jig par 'gyur// de tshe las kyi mun pa yis// 'gro ba ma rig 'khor bar 'khyams// dug nad rims nad phra men ma// gnod sbyin gdon dang log 'dren nyid// srid pa gsum po 'jig byed cing// dam tshig gnyan po 'dral byed pa// ci lta ba yi thabs kyis 'dul// zhes bgros so// bcom ldan 'das nga rgyal chen po'i tshogs kyis bgros pa/'das pa'i dus na sngon byung ba// las kyi gdug pa'i rU tra de// rgyal ba 'das pa'i sbyor ba yis// ci ltar khro drag gtum pa ltar// da lta tshe 'dir byung ba yis// dug gsum brtsegs pa'i ri bo 'di// 'bar 'phro 'khrugs pa'i sbyor ba yis// ci ltar 'tshams pa bzhin du 'os// sangs rgyas thams cad 'dus nas kyang// khros pa'i sprin nag gtibs pa yis// mngon spyod rol pa'i thabs chen gyis// 'khor ba bsgral ba'i dus la bab// ces bgros so// bcom ldan 'das chags pa chen pos bgros pa// shin tu gdug cing gtum pa la// zhi bas phan par mi 'gyur te// shes rab thabs kyi ngo bo las/ khro bor de bzhin gshegs kun mdzad/ khro bo'i tshul can khros pas kyang// 'jig rten gsum dag sreg byed na// sangs rgyas thugs rje khros pa yis/ khams gsum ma lus smos ci dgos// zhes bgros so// bcom ldan 'das phrag dog chen po'i tshogs kyis bgros pa/ rang bzhin dag pa'i ngo bo las// log rtog phyin ci log pas bcings// dngos po rang dgar zhen pa yi// gdul dka' ma lus 'dul ba dang// dam tshig la sdang rnams sbyang phyir// dur khrod gar gyi phyag rgyar mdzod// ces bgros so// phur bu mya ngan las 'das pa'i rgyud chen po las/ thugs rje chen po'i phrin las kyi bka'i mol pa mdzad pa'i le'u ste gsum pa'o//// de nas karma he ru kas 'khor mang po 'dus pa'i nang nas/ shin tu yang bcom ldan 'das badzra kI la ya rigs kyi khro bo'i tshogs dang bcas pa la/ 'di skad ces brjod do/khrag 'thung chen po/ dka' thub gyi sems can 'di// rgyu dang rkyen ni ci las byung// 'bras bu smin pa ci ltar smin// rigs dang sde ni gang du gtogs// las skal spyod pa ci zhig byed// ma btul ba yi skyon ni ci// btul na yon tan ci ltar 'thob// ces brjod pas bka' stsal pa// log pa'i sems can chen po de// legs pa'i rgyu rkyen las ma byung// nyes pa'i rgyu rkyen las byung ste// rgyu ni gzung 'dzin rtog las byung// rkyen kyang log par spyad las byung// 'bras bu nyon mongs lnga ru smin// rigs ni 'khor ba'i rigs can te// gdol pa can gyi 'byung por gtogs// las skal chags sdang spyod la zhen// ma btul ba yi skyon bsten na// lha dang mi yi srid pa brlag kha lo log par bsgyur nas su// sangs rgyas zhing khams rab stongs te// 'khor ba ste chad du lus la// sangs rgyas dman rigs su lus nas// don la mi phan skyon yod do// btul na yon tan dpag tu med// dug gsum rtsad gcod 'khor ba dong nas sprug/ 'khor ba chos nyid chen por 'gyur// sangs rgyas zhing khams dag pas na// btul bas yon tan chen po 'thob// ces brjod pas/ karma he ru kas shin tu bskul te/ e ma ho badzra kI la ya// dus la bab pa'i bskal chen 'dir// las la bab pa'i thugs rje yis// rnam par smin pa'i 'byung po 'di// bsgral ba 'ba' zhig thugs rje'i mchog/ ces nye bar bskul bas/ de nas de bzhin gshegs pa kun gyis/ sprul pa'i cho 'phrul mdzad de/ ye shes kyi sprin dmar nag ni dbyar gyi char sprin du gtibs pas/'bar ba'i phyag rgya sna tshogs su bzhengs te/ de bzhin gshegs pa thams cad kyis bden pa'i gzhung gis 'dul bar gzas pa na/ rU tra nag pos se gol lan gsum brdabs te/bdag mi thul bar 'dul bar ngo mtshar skyes te/ go'u ta ma khyod kyis bdag thul ba ma lags te/ khyod rang gi gnas su dka' thub kyi bde ba la gnos shig zer te ma nyan to// de nas khro bo chen po rnams kyis// rdo rje rta mchog gi tshogs su sprul nas// khro bo rta mchog tshogs kyi thul bar bka' bsgo ba las// dpal rta mgrin gyis gsung tshangs pa'i dbyangs lta bus srin po'i ma sring rnams dbang du bsdus nas/'dul ba'i 'khor khrems par byas nas yang khos ma nyan te mthul lo// de nas yang chos kyi dbyings kyi pho brang nas/ ye shes kyi sprin 'go ni nam mkha' sprin bzhin gtibs nas/ gzugs kyi sku rags par bzhengs te/snang srid kyi khams su ye shes kyi spyan rnam par dag pas gzigs nas/ bdud rU tra nag po lta zhig srog chags kyi skyams lings la spyod par gzigs nas/ kun rdzob sgyu ma'i tshul du mthun par spyod dgos te/rnam par rol cing kun tu brten pa'i tshul gyis/ dpa' bo rdo rje rta gdong gi tshogs la bka' bsgo ba/ rdo rje gdong gi tshogs kun song rab tu song la/ 'jig rten gyi khams dag la bdud kyi tshogs kun srog chags kyi skyams lings byed pa la so tshugs shig ces bka' bsgo ba las/rdo rje rta'i rgyal pos 'jig rten gyi khams su cho 'phrul bstan nas/ 'jig rten pa'i ri bo ma la ya gnam lcags yod pa'i rtse mo la so btsugs so// der yum ral gcig ma dang pad+ma b+h+r-i gu ta gnyis bsnyems so// dpal pad+ma gar gyi dbang phyug gis ni/ 'jig rten gyi khams su cho 'phrul gzugs kyi skur mngon par bstan nas/ kun rdzob chos dang mthun par/ 'jig rten khams su cho 'phrul gyi zhabs kyis bcag te/ srin po'i skyams lings ngal gso ba'i bar du/ srin po'i gling khams su gshegs nas/ nyon mongs pa'i 'dam rdzab dang zhe sdang gi rdzong la zhen pa dang/'dod pa'i rgyu mtsho la chags pa'i phyir/ srin po'i gling khams kyi phyi rol na/ khrag gi rgya mtshos bskor ba de dag dpal khrag 'thung 'bar ba'i tshogs kyi rak+ta bdud rtsi sna tshogs su sprul nas zhal du rngubs shing gsol to// mi gtsang ba'i 'dam rdzab kyis bskor ba de dag dri chen las bdud rtsi sna tshogs su sprul nas zhal du rol lo// go ro tsa na dang rkang la sogs pa'i bcud 'khyil pa de dag byang chub sems las bdud rtsi sna tshogs su sprul nas zhal du gsol to// rnag dang chu ser gyi khu ba 'bab pa de dag dri chu las bdud rtsi sna tshogs su sprul nas gsol to// 'bu dang 'bu shin tu che ba dang/lcags kyi sbrang ma la sogs pa kun dang/ bsgral ba'i sha rus thang mar brdal ba de dag/ mAng sa las bdud rtsi sna tshogs su sprul nas gsol to// 'jigs byed 'bar ba'i tshogs su bsgral zhing 'bar ba'i tshogs su bskyed de/srin po'i bu mo'i tshogs dang/ rkun mo dang gtum mo'i tshogs la sogs pa la/ ma chags thabs kyis sbyor ba mdzad pas/ sras 'phags pa'i lus la sems can gyi mgo btags pa mang po byung ste/phag dang stag gi mgo la sogs pa mang po sprul to// de'i gnas keng rus kyi grong khyer thod pa rtsegs pa'i nang na/ srin mo kro d+hI shwa rI nyid ni/ 'khor ba smin pa'i dung phor du/ nyon mongs pa smin pa'i chang gis bkang ste/longs spyod cing gnas pa las/ 'jig byed kyi rgyal po dpal kI la yas/ srin po'i gzugs su sprul nas/ e ma ho// bdag gi gtso bo ni phyin to zhes te/ bam chen gyis khri las bab ste/rje la dung phor gyi mtsho zhal du bstabs pas/ kI la yas rol to// gzhan yang rim par bstabs shing rol to// de nas sang zhogs yid ma ches nas bltas pas rang gi gtso bo bas bzhin bzang zhing mdangs 'bar ba zhig tu mthong ste/e ma ho// bdag gi gtso bo gang lags pa de bas gzi byin che bar gyur zhes pa las/ kI la yas srin skad thengs gsum gsungs pas yid ches par gyur te/ ma chags thabs kyi sbyor ba mdzad pas/srin mo'i rang bzhin 'dod pa'i rgya mtsho las ma thar ro// de nas dpal rta mgrin gyis srin po 'byung ba'i mtshan ma dag gzigs te/ rdo rje bya sgron chen por mdzad par dgongs nas/mdur chen rta'i 'gros rdo rje srin mo'i stabs kyis gshegs nas dgyes pa'i tshul du dgongs te khro bo rdo rje'i mdur glur blangs nas sbran no// de'i dus na dpal kI la yas/ lhag pa'i bya chub sems kyi 'du 'phros/yi ge oM gyi tshogs su sprul nas/ srin mo'i lhums su zla ba'i dkyil 'khor 'khyil zhing gsal bar gyur te/ sras rdo rje srin po 'jigs byed 'bar ba'i cha lugs can zhig tu byin gyis brlabs te/srin mo'i lhums su bzhag go/ de nas dpal kI la ya nyid kyis/ yi ge 'khor lo tshogs chen gyi sa la gshegs te/ dbyings kyi ngang du mi dmigs par gyur to// de nas srin po rang gi gnas su phyin pa dang/rang gi gnas kyi longs spyod kyang mi snang/ 'khor rnams kyang phal cher byer/ sngon ma mthong ba phag dang stag gi mgo can la sogs pas bskor te/ shin tu yid mi dga' zhing/rtog pa chen po skyes nas/ e ma ho// bdag gi gnas 'di lta bu ci zhes pa las/ srin mos mdun bsus nas/ e ma ho sgegs pa dpa' bo de lta bu'i tshig 'khor gyi nang du gsung ngam/ khyod kyi dgongs pa ni bdag gis deng phan chad du bsgrub ste/bdag gi lhums na mi bde ba ni/ dpa' bo khyod kyi rigs mtshon pa gcig lags na/ ci zhig 'khrul zhes smras pas/ srin po'i rang bzhin gyis srin mo'i gzugs mthong bas kyang/mdangs dang bkrag du ldan pas chags pa skyes te/ bdag gi rigs 'dzin pa gcig kyang nges par 'byung ngam snyam nas/ dga' ba 'dod pa'i sbyor ba la zhugs so/ de nas 'dod pa zhi ba'i skabs su/kI la yas srin mo las srin po rU tra skyes pa'i tshul bstan te/ rU tras skad thengs gsum phyung bas/ dpal rngam pa'i skad du gyur nas/ srin po dang srin mo brgyal bar gyur to// brgyal bsangs nas bltas pa na/'jigs byed badzra kI la ya/ dbu dgu phyag bco brgyad pa la/ rdo rje'i gshog pas nam mkha' khebs pa gcig tu gyur nas yab lha'i sprul pa de la/ yum gyi sprul pa bstan pa'i tshul du/ srin mo kro d+hI shwa rIr gyur pas/mtshan yang rdo rje srin mo zhes bya bar gsol to// de nas srin pos kyang rang gi sems bltas nas/ nga rgyal gyi dka' thub skyes nas/ srin po bskul bar byas te/ ru lu ru lu zhes brjod pas/mgo gsum la lag pa drug pa/ rkang pa bzhi pa gcig tu gyur to// badzra kI la ya dbu dgu phyag bco brgyad pa de las/ khro bo dbu gsum phyag drug zhabs zhir gyur pa/ de la sogs pa tsha tshwa dang skar mda' bzhin du spras pas/ngag gi sprul pa 'phrogs te/ bsgral ba'i snying po oM dang hUM gi bar du ru lu bcug nas/ dpal chen po dag gis bzlas pas/ ngag gi dbang po nyams so// de nas yang ngag gi sprul pa byas te/ srin skad brjod pas/ mgo dgu lag bco brgyad pa gcig tu gyur to// de bzhin du ngag gi sprul pa phrogs so// yang srin po'i ngag gi snying po skul te/ ru lu ru lu zhes brjod pas/ mgo lnga yan lag bcu drug par gyur te/de bzhin ngag gi nyes pa phrogs so// yang srin pos nga rgyal gyis che ba bskyed nas/ ngag gis snying po bskul lo// srin skad brjod pas/ mgo nyi shu rtsa gcig la/ lag bzhi bcu rtsa gnyis pa gcig tu gyur te/de bzhin du sprul pa phrogs so// de bzhin du nga rgyal gyi sprul pa bkyes nas/ srin skad brjod pas/ lus che ba bsam gyis mi khyab pa gcig tu gyur te/ rkang pa mi yi yul du zug pa// mgo bo srid pa'i rtse mor reg pa/nad kyi bskal pa kha nas gtor ba zhig tu gyur nas/ de la kI la yas de bzhin du ngag gi sprul pa phrogs te/ nam mkha'i mtha' dang mnyam pa'i sku phyag rgya cir yang ma nges pa'i gzugs su sprul te/ngag gi dbang po phrogs pas/ skyes bu gang dag lce bcad pa bzhin du dbang po nyams pas/ lan blan zhing spobs pa'i thabs med nas/ 'bros par gzas na kI la yas sa ma ya ho zhes brjod pas/sron po de la dam tshig bskul bas/ sngon gyi dus na bka' nos shing tha tshig gnyen po bsrungs shing dam mnos pa rjes su dran nas/ rang gi srog gi dbang pos ma bzod ste/ mdun gyi phyogs pas cer gyis bltas pa las/badzra kI la yas/ kha T+wAM ga'i phyag rgya bstan pas/ gangs ri rud chad pa bzhin du 'gyel to// de nas rdo rje dbang gi phyag rgyas sked pa nas bzung nas/ zhal du med pas rU tra de sngon gyi dus na gsang ba'i bka' spyad nor ba'i las kyi dbang gis/nyon mongs pa'i thag pas bcings te/ nga rgyal gyi de'u chen po tshogs pa'i rgyus bskyed pa'i bag chags sa gzhi lta bu dus gcig tu sbyangs nas/ chos kyi pho brang mngon du mthong ste/'khor ba dang mya ngan las 'das pa'i chos thams cad ye shes te/ skye ba bye ma snyed kyi grangs dang mnyam par lus blangs shing/ sdig pa spyad pa kun kyang dran zhing/ blta ba dang las log pa kun kyang shes nas/las dge sdig mi bslu ba ni rigs/ sangs rgyas dang byang chub sems dpa' mang po thabs cig tu bgros par gyur pa nyams su myangs/ de nas cung zad cig nas bcom ldan 'das kyis snam du bton pa las/shin tu mi dga' ba'i gdung ba skyes nas ngus te zhus pa/ e ma ho dpa' bo thugs rje chung// shin tu bde ba'i gnas shig nas// snam du bton pa thugs rje chung// 'bangs su mchi yis byin ma chung// gal te bka' las 'das gyur na// bdag cag rnams kyi mgo lus snying// rul myag nas ni 'tshig par gyur// ma dang sring mo bu mo rnams// 'bangs su dbul lo bka' la thogs// dbus su mchis pa'i skal med kyi// nyid kyi dkyil 'khor mtha' la zhog/ phud la 'tshal ba'i skal med kyis// lhag ma kha chus bron la stsol// 'bang la nan tan ma chung zhig/ ces shin tu smreng ste gsol btab pas/dpal chen pos dpal gyi brjid glu tshangs pa'i mgur bzhengs nas/ lung ni bstan/ kha T+wAM ga'i phyag rgya yang bstan/ sa ma ya'i sgra yang bsgrags/ srin po nyid ni slar mi ldog pa'i sa la bkod nas/rdo rje rnam par rol pa'i zhing khams su/ rdo rje rnam par rol pa'i rgyal po zhes bya bar lung bstan nas/ srin po'i 'khor nye gnas mo rnams ni/ slas dang byi mor bzung zhing byin gyis brlabs so// bran pho dang bran mo rnams ni/ bka' la btags te dkyil 'khor gyi mtha' bskor la bzhag go/ 'khor gyi gtso bo nyon mongs pa lnga'i bdag po/ lha chen po ma hA de ba la sogs pa rnams ni/ pho mo byi chings su bsnol nas gdan du bting ste/ lus kyi gdan byas pas/ nyon mongs pa'i sgrib pa byang zhing/ bsod nams kyi tshogs rdzogs par byed la/ rna bas chos thos pas shes pa'i rgyud grol te/ shes bya'i sgrib pa byang zhing ye shes kyi tshogs rdzogs par byed pas/byang chub sems dpa'i sa la bzhag go/ srin po'i 'khor gdug pa can rnams ni stag dang gzig la sogs pa rnams gdan khrir byin gyis brlabs nas bzhag go/srin po'i 'khor rnams spro ba bskyed pa'i phyir ni srin po chen po ji ltar dga' ba de ltar sbyod pa mdzod de/ keng rus kyi ri rab rtse mo la/ thod rus brtsegs pa'i gzhal yas khang gi rgyan du/ sha chen gyi gzhi ma dang/lang ling dang/ khrag gi rgya mtsho thod pa skam rlon gyi phreng chun/ zhing che chung gi khog rang/ b+han d+ha dmar gyis bkang ba/ ba su ta'i rgyu phreng/ thal chen gyi thig le/ zhag gi tshom bu/ khrag gi zo ris/zhing dang rur khrod kyi rgyan la sogs pas sku dang gzhal yas khang brgyan no// 'khor gyis kyang srin po'i 'khor dang mthun par sprul te/ khro bo khro mo mgo brnyan rnams dang/ rdo rje mche gshog can la sogs gdug pa can mang pos bskor bar mdzad do// de ltar de dag gi yon tan bstan pa de 'jig rten du grags so// phur bu mya ngan las 'das pa'i rgyud chen po las/ khro bo rang bzhin ngo bos bdud btul zhing rnam par shes pa mya ngan las bzlas pa'i le'u ste bzhi pa'o//// de nas yang karma he ru kas/ phyi rabs kyi rnal 'byor pa don yod par bya ba'i phyir/ badzra kI la ya la 'di skad ces gsol to// 'khor ba'i rgyu thugs rje dpyang thag chad pa'i sems can ngan pa'i ngang tshul can de la/de lta bu'i rdzu 'phrul dang/ cho 'phrul bstan pa ni ngo mtshar che'o// yang ngo mtshar to zhes dmas nas/ tshigs su bcad nas zhus pa/ de yi rjes su bsgrub pa yi// rnal 'byor gnas ni gang dang gang/ dmigs dang rnal 'byor dgos ched ci// rgyu dang sgom thabs byin rlabs ci// brdeg dus dam tshig blta dmigs ci// yo byad rtags dang dgos ched ci// dbang dang dkyil 'khor phrin las ci// bsgrub na don dam kun rdzob gang// kI la ya yis bshad du gsol// kI la ya yis bka' stsal pa// gnyis med bsal ba'i ngang nyid kyi// rnal 'byor don zhus ya mtshan che'o// gnas kyi dam pa bstan pa la// gzhung ldan bkra shis byin can dang// nyams dga' ba yi gnas dang bzhi'o// drag po'i gnas kyi dam pa ru// dur khrod shing gcig rgya gram dang// gcan gzan mang po rgyu srang dang// gnam ni gri 'dra sa gru gsum// logs la tsher ma can gyi shing// gcan gzan gdug pa sna tshogs rgyu// rtsa bar mi rigs sna tshogs dur// yod pa mkhas pas brtag te brtsam// de ni drag po bsgrub pa'i gnas so// dgongs pa'i don nyid mi gsal zhing// dam tshig nyams dang ting 'dzin g.yel// blta ba log par 'dzin pa des// gnas der bya ba yongs ma gsungs// byas pa nyid na bar chad 'byung// de bas gzhung dang mthun gnas su// yun bsring bsgrub la khe khol med// dam tshig ma nyams gzhung bsrangs shing// ting 'dzin gsal ba'i blo can gyis// gnas kyi dam pa de dag tu// drag po'i las 'di byas gyur na// nges par 'grub ste the tshom med// de lta bu yi gnas dag tu// byin rlabs mtshams bcad ma rungs bskrad// bsgo ba'i tshig rnams bsgo ba dang// gzhung dang mthun par dkyil 'khor brtsig/chag chag gdab cing sa tshon brlab// tshon phye bkye zhing dkyil 'khor bri// tha mar tshon gyi dkyil 'khor la// zhe sdang khro bo rim bzhin dgod// gzhan yang rim par mkhas pas dgod// de dag gnas kyi yon tan ni// myur bar bsgrub dang shug 'byung dang// ngan pa'i don gyis ngan pa bsgrub// don la khyad med nges par ni// ngan pa'i gnas rnams gang ma der// nges par 'grub par yang dag bshad// bkra shis zhi ba'i gnas dag tu// yun bsring bsgrub kyang phung 'tshengs med// don gyi man ngag mdor bstan pas// rtogs pa'i tshad dang ting nge 'dzin// sbyar te bsgrub na chud mi za// myur bar thogs pa med par ni// gong du bstan pa'i gnas su gsungs// de ni brtag pa'i ting 'dzin gnas// zhes gsungs so// phur bu mya ngan las 'das pa'i rgyud chen po las/ rnal 'byor pa'i bsgrub pa'i don zhus pa dang/ bsgrub pa'i gnas bstan pa'i le'u ste lnga pa'o//// de nas yang dmigs bstan pa ni/ 'di skad bka' stsal to// kun las bya bar lung las med// srog don bka' dam las kyi nyams// mtshan mas nyams par gyur pa dang// 'dod par 'gyur ba'i nyams dang bdun// bsgral ba'i dmigs kyi dam par bshad// de yi so so'i mtshan nyid ni// pha ma mkhan po slob ma bsod// rdo rje nang dme byed pa dag/ nams kyang dmyal bar ltung byed pas// bsgral ba'i dmigs ni dam pa yin// srog las nyams pa'i mtshan nyid do// slob dpon bka' bslu ngan dpya sems// sngags dang phyag rgya rgyun gcod dang// gsang ba'i man ngag spel byed na// de yang bsgral ba'i dam pa yin// don las log pa'i mtshan nyid do// rku 'tshang 'dru zhing ya ga 'dogs// skur pa 'debs shing log par 'khrid// rtags kyi don 'di log par 'dzin// de yang bsgral ba'i dam pa yin// bka' las log pa'i mtshan nyid do// bya rung mi rung sna tshogs byed// rdzas dang lag cha mngon par ston// sbyor sgrol phrin las 'chol par spyod// blta ba chos nyid rgyab tu 'dor// log pa'i spyod pa dang du len// nga rgyal gtum khro rang gar gtong// man ngag don bstan log par go/ pha rol don la log chos spyod// don ni phyin ci log la mkhas// bka' gzhung bor nas log par brtsam// spyod pas log pa mtha' dag byed// rU tra dngos ka de yin te// dngos su bsgral yang mi skyon no// dam las nyams pa'i mtshan nyid do// skye gnas gcig dang mi gcig pas// sgrol ba'i mchod pa'i glor 'ongs nas// sngon ni mkhon 'gras med pa ru// brgal ba'i glag la bab mthong nas// nyes med gzhan la gnad du 'dzugs// rgod cing bzhin bzlog zhi tshig smra// rang nor bor nas gzhan la brku/ bdag gis nyes pa ma dran yang// dbrog sa med par bdag las 'phrog/ bdag gis bsgral bar ma bsams kyang// bdag la mthu dang rtsal 'ded pas// dbang med nan gyis bsgral bar bya'o// ya ga gal mi che la 'tshol// phan rgyu med par bdag la 'tshe// las kyis nyams pa'i mtshan nyid do// de lta bu yi nyon mongs de// las kyis 'khor bas sdig med bshad// gnyis med don la phyogs char 'dzin// chos nyid don la sgos khur gcod// thugs dam can gyi thugs las dkrugs// skye ba med pa'i don bshad kyang// mtshan ma can gyi chos bzung nas// lha srin bran du ngas 'khol gyis// mthu dang rtsal 'gran su zhig byed// nyams su dpal dang ma mo byung// nga ni ye nas dpal chen yin// zer zhing gzhan la khro zhing 'tshe// de la bsgral ba lhur yang brtsam// mtshan mas nyams pa'i mtshan nyid de// mnyan pas go zhing rtog med pa// mthu chen mtshan mar 'dod pa yis// las kyi gtso ru mtshan ma spyod// mi thod zhing chen khur gyis thogs// rang gi ngo gdong khrag gis byugs// dmar snod dong bu glo la btags// don gyi spyod pa'i gzhung bor nas// bya ru mi rung las rnams byed// tho cor spyod cing dam mi bsrung// brlang po'i spyod pas bka' gzhung smod// dus gsum sangs rgyas zhabs nas drangs// rnal 'byor sngags kyi ya gar song// 'bar ba'i rgyal po'i thugs dang 'gal// sha zan ma mo'i za tshogs bkram// 'dod pa'i nor gyis snying brus nas// gsod par shes kyang 'dod pas rgyal// gang du phur yang sngags 'chang 'joms// dug tu shes kyang lto ru bza'// gnyan zhing btsun yang thabs kyis smod// thob tu 'dod na gsang sngags rku// bza' ru yod na rnal 'byor gyi// zas dang sgrub pa'i longs spyod rku// de dag bsgral ba'i dmigs yin te// 'dod pas nyams pa'i mtshan nyid do// bsgral na yon tan 'di rnams so// de dag bsgral na rnam 'byor btsun// bdud rnams btul bas bstan pa gnyan// med par bsgral na bar chad nyung// de ni bsgral ba'i yon tan yin// ma bsgral skyon rnams bstan pa la// dmyal khams 'phel zhing mtho ris 'grib// gzhung spyod rnal 'byor sgyid lug nas// gsang sngags theg pa'i chos sgo 'gag/ ces brjod pas// bsgral ba'i don la shin tu dgyes par gyur to// phur bu mya ngan las 'das pa'i rgyud chen po las/ bsgral ba'i dmigs kyi mchog bstan pa'i le'u ste drug pa'o//// de nas yang phyi rabs kyi rnal 'byor pas/ don dang rtags rtogs pas bsgrub dgos pa'i phyir/ don sbyor ba'i ting nge 'dzin la snyoms par zhugs nas/ 'di skad ces brjod do// yang dag don gyi rnal 'byor ni// gnyis med blta ba gdeng du gyur// spyod pa rlabs chen thabs su spyod// phrin las thogs med snying rjer spyod// dam tshig nyon mongs dug lnga sgrol// sgrub pa gnyis med rgyal por bsgrub// shes rab rnam gsum dems su 'dzin// phyi nang bka' rgyud don la gsal// theg pa rim dgu bsgrub pa'i lam// phyogs med blta ba gdeng du 'jog/ yongs su med pa'i bsgom pa la// dam tshig 'jigs pa'i mkhar bzhin no// don gyi man ngag bsgrub la gtong// phyogs med tshul can mkhas pa bstan// rdzas dang lag cha rtags su 'chang// ngang tshul bzang la don gzhung spyod// tan gaN ldem po dag tu ston// phung po lha yi dkyil 'khor du// sgyu ma 'dra ba'i tshul du bsgom// sems ni chos nyid ngang la gnas// las su bya ba'i don la mkhas// 'dzab dang phyag rgya'i ngang la gnas// nges par bsgrubs pas gdon mi za// snod kyi 'jig rten gtor gzhong du// rdzas kyi dngos po gtor mar sbyar// rigs drug sems can dkyil 'khor mgron// ci bgyis bka' nyan sprul pa 'gyed// bkar zhing dgug pa'i dmigs pa ni// drag shul thabs kyi pho nya ni// rdzu 'phrul shugs las thabs kyis 'gyed// rnam rtog mtshan ma thabs kyis 'dul// rgyud la blo zhen bsgrub la brtson// yi dam lha dang gnyis med na// de la bar chad 'byung mi srid// las su bya ba chud mi za// phrin las bye brag rnam par 'byed// mtshan ma'i rnam rtog yid kyis spang// gtsang sme med par don du spyod// blang dor med par don bsgrub na/[ ]/ gang la dmigs pa 'grub ces bshad// de lta bu yi don ldan zhing// tshes brgyad nya shi mar ngo la// drag po'i dus tshod las su shes// drag po'i las la rab brtson na// las su bya ba'i las rnams ni// ma mo mkha' 'gro bka' nyan tshogs// de yis bkol na ci yang byed// bran dang bu bzhin byas pas nyan// de yis mngag na ci yang 'grub// de ltar byas na gzhung bzhin 'grub// 'jig rten 'dir yang tshe longs spyod// legs pa kun rdzogs dngos grub ster// yid la bsam pa bzhin du 'grub// ci 'dod rang las 'byung bar 'gyur// bdag gzhan phan gnod don gnyis 'grub// phan pa'i don ni 'jig rten 'dir// sad ser gcad dang char chu 'beb// mi phyugs nad kyi rgyun yang gcod// gnod pa grub na 'jig rten 'dir// sad ser shwa chu thog gtong dang// mi dang phyug la nad gtang ba// de yi gtan tshigs sus shes pa// rnal 'byor de ni don dang ldan// zhes brjod do// phur bu mya ngan las 'das pa'i rgyud chen po las// ye nas yin pa'i don de la// yang dag pa'i don la sbyor ba'i rnal 'byor pa lta ba'i nges pa bstan pa'i le'u ste bdun pa'o//// de nas yang nyid kyi ye shes sems kyi phur bu bstan pa'i phyir/cho 'phrul rang rtags kyi ting nge 'dzin la snyoms par zhugs nas/ drag po mya ngan las 'das pa'i phur bu'i rgyud 'di dag bka' stsal to// byang chub sems kyi phur bu ni// phur bu kun gyi rgyu ru grags// don gyi phur pa byang chub sems// byang chub sems kyi phur pa yis// 'khor ba ngan song mya ngan bzlog/ sdug bsngal byang chub mya ngan zlo// sems can sangs rgyas mya ngan zlo/ yul ni dbyings su mya ngan zlo// mkha' yi gtun khung dkyil 'khor du// rigs drug sems can mya ngan zlo// byang chub sems kyi phur pa ni// snang srid phur pa'i rgyu ru byung// 'byung ba'i rgyu yang sems yin te// sems las ma byung chos med do// ma rtogs don ni 'di rnams so// lcags sam shing bu mchog dang rkang// gser dngul sba 'phang bya ba sogs// tsher ma can gyi shing dag la// zhi rgyas dbang drag phur pa bya// de yi mtshan nyid gang yin pa// lcags sam nag po'i shing rnams ni// drag po las kyi phur pa'i rgyu// gser ram ser po'i shing rnams ni// yon tan rgyas pa'i phur pa'i rgyu'o// zangs sam dmar po'i shing rnams ni// gsung mchog dbang gi phur pa'i rgyu// dngul lam dkar po'i shing rnams ni// zhi ba chos nyid phur pa'i rgyu'o// de dag so so'i ngo bo ni// gnam lcags sa lcags khro chu gsum// mi rta bsad pa'i mtshon rtse bzhi// phal pa'i lcags dang lnga la bya// gzhan yang shing shing dwa mchog shing ni sba mchog rkang// gdug pa can dang bkra mi shis/ khyo dgu shi ba'i yug sa mo yi 'phang// de la drag po'i phur bu bya'o// skyer pa dbyar ba sri shing dang// skrigs shing la sogs shing bu la// de la rgyas pa'i phur pa bya// 'khar pa ljon dmar seng ldeng dang// mdzo mo gla dkar tsher ma can// de la dbang gi phur pa bya// tsan+da dkar po shug pa 'jag/ gla ba lta bu shing rnams la// de la zhi ba'i phur pa bya'o// dbu la rgya mdud gzhal yas khang// pad+ma 'dab ma bzhi dang ldan// logs la sems ma bzhi bzhi gnas// rigs bzhi re la bzhi bzhi'o// dbus kyi lte ba khro rgyal gnas// khro bo brgyad dang khro mo brgyad// stag g.yag la sogs 'khor rnams dgod// rgya mdud 'og ma'i gzhal yas la// hUM kA ra dang stobs po che// yab yum sprul pa lcam dral dang// go'u rI khro mo brgyad rnams dang// dam bcas bse yi lha mo dgod// drag po'i gnas kyi zur steng du// seng ha brgyad dang lcags kyu dgod// zur gsum logs la sgo ma gsum// dbu dang rtse ni yab yum gnyis// rdo rje gzhon nu bzhugs pa'i gnas// don la gzhal yas khang gi rtags// rgya mdud gnyis su bstan pa yang// thabs dang shes rab gnyis med pa'i// dbyings dang ye shes che ba'i rtags// rtse mo drag po zur gsum ni// ye shes rtse gcig drag por bshad// drag po rgyas pa dbang dang zhi// dbyibs dang kha dog so sor bya// rtse mo zur gsum gru bzhi dang// zla gam zlum po dag tu gzhog/ rab tu mi srun nags dag nas// tsher ma can gyi shing dag la// rtsa ba'i phyogs su rgya mdud bya// rtse mo'i ngos su phrin las ni// so so rang gi gzhung bzhin gzhog kha dog gong gi rigs su sbyar// bde gshegs sa bon lnga rnams kyis// byin gyis brlabs shing dbang yang bskur// gu gul bdug cing nyung dkar brdeg/ ra khyi'i khrag dang gsur chen gyis// so so'i snying po gdon bzhin byug/ byin brlab dbang bskur shin tu gces// don gyi slad ni dam tshig bsrung// kun gyi rgyu ni byang chub sems// rgyud kyi rgyal po rang bstan pas// rgyu 'bras med par mya ngan 'das// rtogs pa'i don la gnyis med kyang// ma rtogs bsgral ba'i don ched du// dka' las byung ba'i rgyu dag las// tshul dang ldan zhing legs par bya// rang gar byas na bka' las nyams// rnyed btsan byas na byin rlabs chung// ngan dgur shoms na rtog par 'gyur// tshogs par bsog na gzhung dang mthun// bka' bzhin byas na byin rlabs che// mdor na rtogs pa gtso bor bya// rtogs pa'i don rnams mthar phyin na// rnam rtog las 'di bya ba min// de skad ces ni bka' stsal pas// phur pa'i rgyu dang dkyil 'khor gzhal yas khang/yongs su mya ngan las 'das par la bzlas par gyur to// phur bu mya ngan 'das pa'i rgyu chen po las// phur pa'i rgyu dang phur pa la lha dgod par bstan pa'i le'u ste brgyad pa'o//// de nas byin rlabs chos 'phrul gyi ting nge 'dzin la snyoms par zhugs nas/ che ba'i chen po dang dag cing gsal ba'i ngo bo bstan pa'i phyir// 'di skad ces bka' stsal to// khams gsum ye nas phur pa'i ngang// srid gsum ye nas rnam dag cing// phur bu ye nas myang 'das kyang// bden pa gnyis kyi cha la gdags// rang bzhin bcos med don shes shing// che ba'i ye shes don shes na// chos nyid ngo bor byin rlabs pa'o// gzhan yang byin gyis rlob pa ni/ phyi rabs rnal 'byor mched rnams la// gnas lngar dpa' bo 'bru lnga dgod// phyag rgya chen po'i ting 'dzin gyis// 'khor rnams bgegs kyis mi tshugs par// rdo rje gshog pas byin brlab pa'o// yo byad rdzas kyi ngo bo la// raM yaM khaM gi 'bru gsum gyis// bsreg gtor sbyang bya rim pa bzhin// tshogs chen rdzogs pa'i ting 'dzin gyis// 'phel zhing bcud dang ldan pa ru// rin chen sgrom bus byin brlab pa'o// 'bru bcud stong gi dza gad la// yi ge traM gi 'phro 'du las// sku mdog sngo sangs mA ma kI// 'byung ba bcud len ting 'dzin gyis// bsil mngar chab kyi ngo bo ru// dung phor bcud kyi phyag rgyas brlab// bum pa yum gyi ngo bo yi// rin chen 'bar ba'i khang bu lngar// nyon mongs lnga yi ngo bo la// dpa' bo 'bru lnga'i 'phro 'du ni// rtsi gyur sman gyi ting 'dzin gyis// ye shes lnga yi bdud rtsi ru// bdud rtsi thab sbyor phyag rgya yis// snod kyi 'jid rten gtor gzhong du// rtsa brgyad sman gyi gtor ma sbyar// rigs drug sems can gtor 'gron du// cho 'phrul rang snang ting 'dzin gyis// ci ltar mos pa'i rnam pa ru// mchod sbyin 'degs pa'i phyag rgyas brlab// snang ba 'od kyi gzhal yas na// ras chen sum bsgril sdong bu la// ye shes lnga yi 'phro 'du yi// snang ba chen po'i ting 'dzin gyis// ye shes gsal ba'i sgron chen du// A lo ke yi phyag rgyas brlab// 'byor pa tshogs kyi zhal zas la// raM yaM khaM dang 'bru lnga 'god// byin rlabs rdzu 'phrul ting 'dzin gyis// bsreg cing lha yi dkyil 'khor dgod// bdud rtsi lnga yi zhal zas su// rin chen 'bar ba'i phyag rgyas brlab// gzhan yang byin rlabs rim pa ni// ra khyi'i khrag dang gsur chen dang// gu gul sbyar ba'i dud pa dang// go ro tsa na'i dud pas bdug/ bsgrub pa'i nyung dkar rgyal po brdeg/ sku gsung thugs kyi ngo bor brlab// A+oM badzra sngags sor bzhag tsin+da tsa hUM phaT/ A+oM badzra kI li kI la ya b+hi ki pA la ya/ sarba duSh+tAn d+hi shwa rA ya hUM phaT/A+oM badzra kI li kI la ya dz+wa la dz+wa la/ s+phu Ta s+phu Ta sarba na sa ya ni hUM phaT/ A+oM badzra kI li kI la ya/ u tsuSh+ma kro ta ya hUM phaT/ oM badzra kI li kI la ya/ sarba duSh+tAn hUM phaT/ A+oM badzra kI li kI la ya/ b+hin+d+ha b+hin+d+ha hUM phaT/oM badzra kI li kI la ya/ ts+tshin+da ts+tshin+dahUM phaT/ oM badzra kI li kI la ya/ mA ra ya mA ra ya hUM phaT/ na ma u0f7fsa man+ta bi sho d+ha ya bai re bai re hUM phaT/ thugs dang gsung dang sku dang gsum// so so'i sngags dang s byar zhing brlab// gser dang lcags mchog seng ldeng dang// gshog pa zangs dang rwa 'phang rnams// rim pa bzhin du sbyar bar bya'o// A+oM badzra kI li kI la ya da hi ma ma hUM/ oM badzra kI li kI la ya s+t+waM g+h+r-i h+Na tsa tur hUM phaT// de yi rim pa'ang de bzhin no// sku gsung thugs su byin brlabs pa// ma bcos chos nyid dag pa la// rang byung ye shes mngon gsal na// dang por chos skur byin brlab pa'o// dang po'i rgya mdud gzhal yas la// rigs lnga'i sangs rgyas 'khor dang bcas// lte ba rtsibs dang ldan pa la// phyogs mtshams khro bo 'khor dang bcas// rgya mdud 'og ma'i gzhal yas la// steng 'og khro bo 'khor dang bcas// go'u rI brgyad dang bse mor bcas// zur steng seng ha stag gdong bcas// zur gsum log la sgo ma'i tshogs// spyi dang rtse la yab yum gnyis// so so'i snying po dran tsam gyis// gzugs dang gnyis su med par bsam// gnyis su med pa'i mchod pa dang// phyi nang gsang ba'i mchod pas mchod// dam tshig rjes su dran par bskul// gnyis su med par rgyan rdzogs par// longs spyod rdzogs skur byin brlab pa'o// lte ba man chad zur gsum la// ro stod mthing nag zhal gsum po// ral pa kham nag b+h+r-i gu ta// gyen du 'greng zhing srid rtse 'bar// brang gis 'gro dang thod rlon dang// stag dang glang chen zhing lpags kyis// sku dang yan lag shin tu brgyan// zhal bgrad mche gtsigs shin tu rngams// dur khrod rgyan brgyad me dpung na// gru gsum e yi nang du ni// sku smad lcags phur gsum pa'o// sum cha nub nas g.yon la gzigs// phyag g.yas dang po rna ltag gdengs// 'og ma ri rab gnon tshul 'dzin// g.yon gyis rdo rje khwa T+wAM 'khrol// 'og ma phur pa 'debs pa'i tshul// bdud dpung 'joms shing ngan song sbyang// mthu dang rdzu 'phrul gzhan pas che// rtag pa chen por bzhugs par bsam// sprul pa'i sku ru byin brlab pa'o// spyi bor A+oM la sked par hrIH/ rtse mo'i ngos su phaT bsam la// sku gsung thugs su byin gyis brlab// ngos gsum hUM gzhag zur gsum phaT// shin tu gsal zhing 'tsher ba dang// so so'i khro bo thams cad kyis// byin gyis brlabs shing dbang bskur te/ khro bor dkyil 'khor de dag nyid// phyogs bcur 'phros nas slar 'dus te// hUM hUM phaT phaT sgra 'byin cing// sku la bstim zhing dbang rnams sbyin// de nas 'gro ba'i don la gshegs// phyogs bcu'i bde gshegs thams cad kyis// sngon chad stong grogs bya ba ru// zhal gyis bzhes shing dam bcas pas// de yi stongs dang grogs mdzad do// de yang bdag nyid chen po las// phur pa'ang bdag nyid chen po ru// byin brlab dbang rnams bskur ba'i phyir// g.yas g.yon nyi zla'i dkyil 'khor la// hUM dang AHni shin tu gsal// gung mo mthe bong 'dzub srin dang// mthe'u chung la sogs g.yas g.yon la// A+oM hUM traM hr-IHAHla sogs// rim pa bzhin du gsal bkod la// su ra s+t+waM zhes brjod pas/thal mo mnyam par sbyor ro// oM badzra any+dza li hUM/ sor mo cung zad bsnol bar bya/ oM badzra b+han+d+ha hUM/ sor mo rgyab tu bsnol te bsdam/ sa ma ya s+t+waM/ phur bu blangs te chang bar bcang// lag pa'i rting pa kha phyes la// mthe bong gnyis dang srin lag dang// mthe'u chung bar du phur pa gzhug/ mthe bo bsgul la phur pa sgril// A+oM badzra A be sha ya a a/ phyogs bcu bde gshegs sras dang bcas// zhe sdang rjes su dran pa yis// nyung 'bru tsam gyi skur 'thon nas// bar mtshams med par phur pa la// bsdu zhing bstim la byin gyis brlab// sku gsung thugs su dbang bskur nas// sor mo rgyab bsnol gung mo gshib// bsgrengs pa'i bar du phur bu gzung/ A+oM badzra sa twa rA dza hUM/ de nas sor mo phug phug por sug sug kyang byas te rting pas phur bu bzung/ oM b+hUr+b+hub phaT/ de nas sor mo rgyab bsnol te/ mthe bong gshib pa'i chang bar bzhug/A+oM ha na ha na dIb+ta tsakra hUM phaT// drag tu brjod cing dril byas la// bdag nyid sbyor ba'i gzi byin kun// phur pa'i sku la rab zhugs pas// stong khams gang bar me stag 'phro// dmigs pa thams cad nges grub pa'i// byin dang dbang chen ldan gyur te// e yi gdan la bzhugs gsol nas// brdeg cing bdug ste mchod pas mchod do// A+oM badzra yak+sha kro ta tshal pa hUM phaT/ A+oM badzra hUM bai tA lI ha na ha na hUM// sngags dang bcas pas brdeg cing bdug/ yid la brnag pa'i phrin las bcol// lha gsal 'du 'phro zhi ba'i tshogs las bskyed// dbyings nas khro mo mngon phyung hi hi bzhad// dus gsum 'dus ma byas pa'i sras mchog kI la ya// zhe sdang bdud 'dul khro rgyal brjid par ldan// rtsa ba rgya mdud rigs lnga'i sras dang bcas// lte ba khro rgyal yab yum phyogs mtshams brgyad// stag dang bya rgod la sogs 'khor dang bcas// dbus kyi rgya mdud steng 'og khro rgyal dang// yum dang sprul pa bse mo go'u rir ldan// zur steng seng ha brgyad dang lcags kyus brgyan// zur gsum logs la sgo ma 'jigs gzugs ldan// dbu zhabs dpal chen rdo rje gzhon nu yab yum ldan// gnyis med don gyis sems kyi ngo bor snang// yang na ji ltar 'dul ba bzhin// sems kyi rang bzhin cir yang snang// phur bu lha yi dkyil 'khor du// bsgom zhing byin gyis brlab pa ni// mgo dang rtsa ba ma nor ba// rgya mdud gnyis dang zur brgyad dang// zur gsum pa ru rab tu gzhog/ lcags dang gser dang zangs dngul dang// tsher ma can gyi shing dag la// sor yang bco brgyad bcu gnyis dang// brgyad dang lnga dang bzhi dang gcig/ nas gang tshang dang gang rung bar// mkhas pas dkyil 'khor rim par 'god// A+oM badzra kI li kI la ya/hUM ha he phaT/ dza b+h+yo/ khyi ra mAM sa'i dug gis byug/ brdeg cing bdug pa gong ma bzhin// hUM dang dza dang phaT la sogs// spro dang bsdu ba tshul bzhin bya// byin brlab bsam rgyud nges par gzhag/ dbu yi rgya mdud chos kyi sku// gnyis pa longs spyod rdzogs pa ste// rtse mo sprul pa'i sku yin te/ khro rgyal dpal chen yab yum dang/ khro rgyal 'khor bcas rim bzhin spro/ khro rgyal khrag 'thung sngags rnams kyis// phur pa rdzas kyi dkyil 'khor la// yang dag brten pas byin gyis brlab// cho ga gsum gyi sbyor ba yis// nges pa'i snying po 'bru bkod de// de yang tsa na ka tsam dgos// 'phro 'du mang po'i rim pa yis// stong gsum 'jig rten phur pas brlag/snying rjes bsgral ba'i dmigs pa la// raM yaM khaM gis rim par sbyangs// rnam shes snying gi dkyil 'khor du// byang chub sems kyi rtsi btang ste// dkar nag mtshams kyi snying la ni// dge sdig las kyi shan phye ste// rnam par rtog pa'i sdig sbyangs nas// rnam bzhi'i las kyi gdul sbyang gis// nyon mongs dug gsum bcom nas kyang// rnam shes gser zhun lta bu de// yaM gis btegs nas phaT kyis 'phang// hUM gis bsdus pas mkha' la bstim// rigs des sras su nges par bya// oM AHhUM gis byin brlabs te// sku gsung thugs su gsal byas nas// ngan song sgo gsum shin tu gcad// rnam rtog bsgral ba'i zhing bcur brlab// de yi rnam shes chos kyi sku// rnam dag dbyings kyi ngang du bsgom// don du rang sems mya ngan 'das// zhes brjod pas/ ji ltar snang ba lha'i dkyil 'khor sras mchog kI la yar gyur to// phur bu mya ngan las 'das pa'i rgyud chen po las/ phur pa'i rangabazhin dang/ lha bkod cing byin gyis brlab pa dang/ tsha bstan pa'i le'u ste dgu pa'o//// de nas yang rnal 'byor pas byas pa la don yod par bya ba'i phyir/rab tu mi g.yo zhing mi 'da' ba'i ting nge 'dzin la snyoms par zhugs nas/ g.yos shing 'das pa'i skyon dang/ yon tan 'di dag bka' stsal to// ma g.yos rnam pa chos kyi dbyings// de la bdag rol ye shes mchog/gnyis med chos sku bde ba che// che ba'i yon tan bsam yas pas// ma bcos thig le nyid kyi rgyan// longs spyod rdzogs sku mi zad gter// rdzu 'phrul thabs kyi 'od zer gyis// nyes pa 'joms shing legs pa skyobs// yongs la khyab cing dog pa med// bye brag sna tshogs cir yang ston// sprul pa'i sku ste kun la khyab pa'o// de yang dus gsum 'dus ma byas// mi 'gyur mi shigs rdo rje ste// rang bzhin med pas 'dus ma byas// dmigs med brtan pas rdo rje'i sku// g.yos pa med pa'i chos nyid la// rang snang ye nas lhun gyis rdzogs// bcos med thig le chen por gnas// mngon par byang chub sku bstan pa'o// gnyis med sems kyi rang bzhin la// gnyis su med cing phyogs char 'dzin// bya ba med la las rnams byed// nges don bsgrub la log par mthong// srog dam bka' don las kyi nyams// mtshan mas nyams dang 'dod par 'gyur// nyams pa'i mtshan nyid bdun po de// nams kyang ngan song 'gro bas na// de dag don gyis ma bsgral na// nyams pa chen po'i rgyur 'gyur te// phur bu lha yi dkyil 'khor du// phyag rgya chen por grub par bsgral/ don dam spros med thig ler bsgral// don du spyi dang khyad par gnyis// lhag pa'i dam tshig gsum du gsungs// spyi yi dam tshig rtogs par bya// khyad par dam tshig bsrung bar bya// lhag pa'i dam tshig gnas par bya'o// rtsa ba'i dam tshig gsum po dang// yan lag nyi shu rtsa lnga bsrung// don dam gnyis med ston pa'i sgrol ma la// blta log ngan sems rku 'phrog brdeg la sogs// ngan du smra zhing gnod pa dngos mi bgyid// de dag dngos su byas na dmyal bar skye'o// bzlas brjod sngags dang snying po bar mi bcad// gsung gi dam tshig nyams na dmyal bar skye'o// don dam gnyis med gzhan la spel mi bya// rang gsang thabs kyis chod nas mi rtogs pa// thugs kyi dam tshig nyams pas de bzhin no// sbyor sgrol ma byin len dang tshig brlang rdzun// nyon mongs rang gar spyad pas ngan song rgyu'o// dug lnga ye shes lnga yi ngo bo la// ma rig log par mthong nas spang bar byas// mi spang dam tshig nyams par de bzhin no// dri chen dri chu dmar chen mAM sa sems// so so'i rnam par rtog pa ma 'byongs te// nyon mongs lnga la chags pa'i ngo bor spyad// gnyis med don dang 'gal ba de bzhin no// phung po 'byung ba kha dog dbang po yul// gnyis med blta ba ngan pas so sor brtags// ye shes lnga yi don dang ma ldan pas// gnyis med don dang 'gal bas de bzhin no// de bzhin rdo rje'i rigs dang pad+ma las/ rigs kyi khyad par ye shes lngar snang ba// ye shes dmigs med don de ma rtogs pas// grub pa'i 'bras bu med pas dmyal bar bshad// spyi yi dam tshig de dag gzhung bsrangs na// sa gzhi chen po 'dra ste kun gyi rten// yid bzhin nor bu 'dra ste 'dod pa 'byung// gcan gzan seng ge 'dra ste zil gyis gnon// don gyi rtsa bar 'jigs pa'i mkhar bzhin bsrung// 'bras bu yang dag nges par gdon mi za'o// gzhan yang khyad par dam tshig rnam mang yang// mdo dang don du nyi shu'i don dang bstun// gcan gzan rgyal po seng ge gsad mi bya// za ma tog tu ngan pa'i dug mi blug/ rin po che yi lcug ma rtsa mi gcad// gangs kyi zhun chu khol ma yang mi btung// pad+ma rgyas pa'i ze'u 'bru kha mi phye// bug rdol can gyi snod du bcud mi blug/ ma brtags pa yi nor dang zas mi bsre// shel sgong dkar po rdzab tu bsnub mi bya/ snod ngan nang du seng ge'i 'o mi bzho// yid bzhin nor bu thab tu bsreg mi bya// bya yi rgyal po khyung gi gshog mi bcag/ gnam lcags ngur mos sa la brdab mi bya// stag gzig rol pa'i zas kyi lhag mi bza'// rdo rje'i gtams pa'i brag rnams yongs mi bshig/ rdo rje ra bas bskor ba'i go mi hral// mun pa sel ba'i sgron me yang mi bsad// rdo rje chu yi 'ol ka bcad mi bya// rgyal po rtags kyi phyag rgya sbyin mi bya// rdo rje'i mkhar bzang gtams pa'i rmang mi bzlog/ rgyal mtshan rtser btags nor bu rin po che// 'dod par gyur pa'i mtshan mas dpog mi bya'o// gnyis med don gyi mya ngan 'das mod kyang// log par brtags pa'i dbang gis so sor snang/ khyad par bstan pa'i dam tshig don rnams te// dngos su nyams na ljon shing mes tshig bzhin// zur gyis nyams kyang grub pa'i 'bras bur ring// kun tu nyams na brjod pa'i mtha' las 'das// gzhung du bsrungs na rang snang 'bras bur 'char// rgyun du bsrungs na don gyi man ngag 'grub// lhag pa'i dam tshig don gyi gzhi ru sbyar// spyod pa rgyun dang rang bzhin lta ba gnyis// gal mdo nges pa lta ba nyams drod bzhi'o// spyod pa rgyun la dam tshig bzhir gnas so// gnyis kyi dgra spang myos 'gyur dgra gzham mo// gsang ba'i brda bsrung le lo'i dgra spang ngo// rang bzhin lta ba'i dam tshig bzhir snang ngo// srid gsum yongs bsgral khams gsum zhing du lta'o// dug gsum rtsir bsgyur 'khor ba gnas bsgyur blta'o// gal mdo nges pa'i dam tshig gsum du snang// ma khrel tshul dang ma nyams pa yi mdo// mthar phyin pa yi rtags dang gsum du bstan// ma nyams pa yi mdo la bzhi ru snang// rtsa lag zla dang zhar gyis ma nyams pa dang bzhi'o// mthar phyin rtags kyang de bzhin bzhi ru snang// dam can 'du zhing mthu rtsal che ba dang// byin rlabs che zhing rig pa chags pa gnyis// yid 'ong 'byung zhing 'dod pa 'grub pa dang// mang pos bskur zhing grags pa thob pa bzhi'o// lta ba nyams drod dam tshig la bzhi'o// gdal ba chos nyid lta ba yi 'byams su'o// rig pa ye shes lta ba ye gsal du'o// sprul pa phyag rgya'i lta ba yi gnas su'o// khyab pa snying rje'i lta ba kun khyab pa'o// lhag pa'i dam tshig don la ma gnas na// ci ltar bsnyen cing bsgrubs kyang tshi chad pas// gnyis med don gyi ngo bo rtogs par bya'o// don dam bsgrub pa'i don du ma yeng bsrung// dam tshig ma nyams gzhung yod na// 'di dag 'grub par 'gyur bar ni// dpal chen khro bo'i rgyal pos bshad// nyams par 'gyur bas mi 'grub ste// slar la rang sems brlag par 'gyur// zhes brjod pas/ de bzhin gshegs pa khro bo'i tshogs dang/ sprul pa yang sprul du bcas pa thams cad dam tshig dbye ba med pa/ phur bu mya ngan las 'das pa'i ngang du lhun gyis grub cing gnas par gyur to// phur bu mya ngan las 'das pa'i rgyud chen po las/ spyi dang khyad par lhag pa'i dam tshig bstan pa'i le'u ste bcu'o//// de nas yang 'gro ba ma lus pa dag par bsgral ba dang/phyin ci log tu 'khyams pa rnams thugs rjes gzung ba'i phyir/ zhe sdang 'dul ba'i ting nge 'dzin la snyoms par zhugs nas/ 'di skad bka' stsal to// srog dam bka' don las kyi nyams// mtshan mas nyams dang 'dod gyur nyams// nyams pa'i mtshan nyid bdun po 'di// skye gnas gcig cing rgyu mthun yang// nyon mongs sems kyis log par khrid// bya ru mi rung las la brtson// lta ba gnyen po phyal par btang// spyod pa zab mo tho cor spyad// tan gaN phrin las 'chol bar byas// tshig gi mtshan ma'am rjes su 'brangs// dam tshig gzu lums ras gcod byed// spyi dang lhag pa'i dam las 'das// myur bar mnar med par ltung bas// thugs rjes bsgral ba'i dus la bab// don dam gnyis med ngang du bsgral// phung po yab la 'byung ba yum// mi dge log lta yab yum bcu// yan lag thar pa sgo ba'i ngang// rnam shes dbang po dus dang yul// go'u rI seng ha'i tshogs su bsgral// phung po lha yi dkyil 'khor du// phyag rgyar bsgral ba'i dus la bab// dngos po mtshan ma'i rdzas dang rten// dngos med bsgral ba'i dus la bab/kha dog dbyibs dang grangs dang ming// brjod med bsgral ba'i dus la bab// dbang po yab la yul gzugs yum// mya ngan 'das par shin tu bsgral// dmigs med bsgral ba'i dus la bab// gzhan yang brdeg pa'i dus bstan na// mda' 'phen zla ba mar ngo la// mig dmar phur bu gza' lhag gsum// dar ba'i dus su dus la bab// smra nag yar gyi ngo la 'jug/ gzhung dang mthun pa'i gnas dag tu// phun gsum tshogs pa'i slob dpon gyis// rdzas dang lag cha mngon bsags la// dkyil 'khor rnam gsum gzhung bzhin du// gnas shing bsgoms te bri bar bya'o// bsnyan bsgrub rnam bzhi tshang byas nas// 'dzab grangs bsnyen pa 'bum du 'don// pho nya phyag brnyan thabs kyis bkye// shin tu gsal zhing khugs par bsam// rab kyis mngon du khugs par 'gyur// 'bring gis ling+ga 'gul bar nus// 'phar dang ldeg dang 'tshag dang 'khrol// tha mas nyams dang rtags 'ong ste// de tshe brdeg pa'i dus la bab// de med bar du dus tshod med// cho ga tshang bar gyur pa dang// rtags de mngon du byung ba dang// dus la bab par bshad pa yin// zhes brjod pas/ don gnyis su med pa las/ ma rig pa'i dbang gis/ 'khor ba rnams gnyis su med par bsgral ba dang/ kun rdzob tu yid ches par byas nas/ nges pa'i don gcig tu go bar gyur to// phur bu mya ngan las 'das pa'i rgyud chen po las/ dus dang tshod bstan pa'i le'u ste bcu gcig pa'o//// de nas yang don thams cad gnyis su med cing brjod las 'das par bstan pa'i phyir/thams cad mya ngan las 'das te/ nges pa'i don gzod ma nas ma skyes pa'i dbyings kyi lta ba 'di skad ces gsungs so// rnam par dag pa yum gyi tshul// ma skyes mi 'gag thabs kyi sku// rig pa'i rgyal po rang byung bas// thams cad ma lus dbang du bsdus// thabs kyi bdag por dag gnas pas// 'gro kun bla med gnas su bsgral// chos sku rtsa ba sems yin pas// brtags shing don du rang sems bzang// sems kyi rtsa ba don rtogs shing// 'gyur med klong du don mnyam dang// gsungs shing brjod pas bsnyen pa la// gnyis med don gsal ting 'dzin te// lus kyi bsgul bskyod phyag rgya'o// phur pa byang chub sems kyi rtags// byang chub sems kyi phur pa yis// srid gsum 'gro ba'i gdar sha bcad// byang chub sems kyi phur pa yis// ma gdab bzhin du lhun gyis rdzogs// mnyam pa'i rgyal po rig pas gdab// phur pa chos kyi dbyings kyi rtags// byang chub sems kyi phur pa des// gzhan du gdab pa'i gnas med pas// gnyis med ma bcos chos nyid la// rang rig byang chub sems kyis gdab// phur bu 'dzin chags mya ngan 'das// rnam rtog gzung 'dzin dngos las 'das// dngos po kun bral phur pa yis// dngos po phyin ci log la gdab// don la gnyis med mya ngan 'das// gdab dang mi gdab gnyis las 'das// phur pa skye ba med pa'i don// ma skyes brdal ba'i phur pa yis// dbyings la btab pas rig pa shar// sems la btab pas don dam rtogs/ khyab gdal rang bzhin phur pa yis// snang srid kun la khyab par gdab// de ltar rtogs pas thebs pa yin// mngon du gyur na rtogs pa yin// tshig las 'das pas sangs rgyas yin// grangs las 'das pas brjod du med// rang bzhin phur pa'i don nyid ni// phur pa bla ma chen po'i don// phur pa chos kyi dbyings zhes bya// phur pas rig pa'i ye shes so// phur ni skye ba med pa'i dbyings// pa ni 'gag pa med pa'i don// gnyis su med par mya ngan 'das// thabs kyi rgyal po phur yin la// pa ni shes rab dga' ba'i don// gnyis med mnyam pas rdo rje'i sku// phur pas kun khyab nam mkha' 'dra// phur pas khyab gsal nyi zla 'dra// kun la snyoms pas ngo bor snang// chos kyi chos nyid phur pa yin// nam mkha'i mtshan nyid phur pa yin// sems kyi sems nyid phur pa yin// rgyud kyi rgyal po lung gi bla// man ngag nges pa'i don yang yin// gnyis med gsal bas bskyed pa yin// pho nya mang pos 'jig rten bkang// 'phral la bkang ba ma yin te// ye nyid nas ni gang bar gnas// gsal bar bsgoms pas bkye ba yin// nyams 'og chud na bsgral ba yin// gnyis su med na sbyor ba yin// lhangs kyis rtogs na thebs pa yin// zhes brjod pas/ ci ltar snang zhing srid pas bsdus pa thams cad/ phur pa mya ngan las 'das pa'i ngang du sangs rgyas par gyur to// phur bu mya ngan las 'das pa'i rgyud chen po las 'das lta ba chos nyid mya ngan las 'das pa'i rgyud bstan pa'i le'u ste bcu gnyis pa'o//// de nas yang phyi rabs kyi rnal 'byor pa la bar du gcod pa 'byung srid na/dmigs pa bcas la bsgrub dgos pa'i phyir/ rdzas kyi ngo bo 'di dag bsag par gsungs so// sngags pa rgyan gyi chas kyi rdzas// glang chen ko rlon zhing gi shun// stag gi sham bu sbrul gyi rgyan// thal chen zhag dang rak+tas brgyan// drag po las kyi rdzas bsag pa// gzhung las 'byung ba'i phur bu ni// nag po rigs kyi bya bar shis// dgra bgegs dbang du bsdu phyir ro// bya phur bya rgod gshog tu grags// rgyab brten dpung dang dbral ba'i phyir// skyer phur gnan pa'i phur bur grags// rnam bzhi'i phrin las bya ba'i phyir// mngag pa'i phur bu mchog phur grags// 'dren cing 'gug par byed phyir ro// gdab par sna lnga'i lcags phur grags// nyon mongs mngon du bsgral phyir ro// drag po bsgrub pa'i rdzas su bsag/ dug dang gu gul yungs dkar gsum// gsur chen ra khyi'i khrag dang gsum// phur bu gdug pa'i rdzas su bsag/rabs chad mon gyi thod pa dang// ra khyi dre'u mdzo mon gyi thod// brnag par bya ba'i rdzas su bsag/ grog mkhar sa dang mi phung sa// gangs kyi dum bu ju tshe'i phub// ra thug lug thug gcin gyis spru// ling+ga bya ba'i rdzas su bsag/ shun chen gro ga shog shog gsum// ming rus bri ba'i rdzas su bsag/ sman dang pra ba rtsag cha gsum/ spra ba yin nam/ rkyen bzlog sman gyi rdzas su bsag/ b+han+d+ha gtor ma rak+ta gsum// mchod pa stob pa'i rdzas su bsag/ dza gad tshe dang tshim byed gsum// kun tu rgyu dang gal phyi lnga// ka ta ri la zla tshes bdun// zla phrom zla rgyas mngar gsum rdzas// bsgrub pa tshogs kyi rdzas su bsag/dmar gyi rak+ta zo ba gang// ma mo mkha' 'gro brten pa'i rdzas// shes rab can gyis bsag pa'i rdzas// mtshan ma'i rdzas rnams tshogs pa dang// gzhung dang mthun pa'i gnas dag tu// gnyis med don rtogs sgrub pa pos// bka' bzhin bsgrub la tshul bzhin bya// gzhung las 'byung ba de byas na// rab kyis zla ba gcig gis 'grub// 'bring gis lo gcig bar gyis 'grub// tha mas lo gsum tshun chad kyis// gdon mi za bar 'grub par bshad// yan lag dbang po nyams la sogs// 'brum bu lhog pa rgyu gzer dag/ ci ltar dmigs pa de bzhin 'ong// gzhan yang shwa dang ser ba dang// mi nad phyugs yams de bzhin no// zhes brjod pas/ phyi rabs pa'i rnal 'byor pas las su bya ba'i rdzas dang rtags la mgo ma rmongs zhing las kyi bya ba la rten yod par gyur to// phur bu mya ngan las 'das pa'irgyud chen po las/rdzas dang rtags bstan pa'i le'u ste bcu gsum pa'o//// de nas yang bcom ldan 'das zhe sdang gi rgyal po badzra kI la yas/ rgyal bar dbang byin pa zhes bya ba'i ting nge 'dzin la snyoms par zhugs nas/'di skad ces brjod do// mi 'gyur chos nyid phyag rgya las// ma btsal lhun rdzogs gsal ba'i rgyun/ khro rgyal yab yum rol pa yis// byang chub sems kyi 'phro 'du las// 'dod pa'i spyi bor rgya mtshor 'khyil// spro zhing bsdus la dkyil 'khor bsgyur// 'dod pa'i rna bar gzhal yas khang// rat+na kI la dbus su'o/ khro bo yab yum 'khor gyi bskor/ trAM/ rat+na kI la ya yi tshogs mchog las// rat+na shrI 'khor dang bcas pa spro// bsdus pas don gyi gnas su thim// trAM gsang ba gsang mchog mya ngan 'das// de la sogs pa'i gsang ba kun// don du brtag cing mnyan pa las// kun la bsgrag par bya ba min// 'dod pa'i snying gar de bzhin du// badzra kI la ya yi ngo bo nyid// 'bar ba hUM gi tshogs mchog las// phrag 'thung dkyil 'khor gsal spro bstim// hUM rgyal ba'i gdung 'tshob sras chen po// sku gsung thugs kyi phur pa bzung// 'jigs byed khro rgyal mnyes mchod la// gnyis med khro rgyal kun dang sbyor// 'dod pa'i lag la de bzhin no// karma kI la ya yi ngo bo nyid// ha yi 'bar ba'i tshogs mchog las// karma'i dkyil 'khor gsal spro bstim// ha khyod ni las rab kI la yin// rnam bzhi'i phrin las kun byos shig/ 'dod pa'i lce la de bzhin te// pad+ma khrag 'thung kI la ya// 'bar ba hrIHyi tshogs mchog las// hrIHyi dkyil 'khor gsal 'phro thim// hrIHbye ba brgyad bcu'i sgra dbyangs kyis// gang 'dod skyes bu tshim par gyis// shes rab don gyi dmigs dang sbyar// che chung don gyis so sor bsgrag/ yongs la 'tshal bar bsgrag ma yin// 'dod pa'i yon tan rnam lnga la// 'jigs byed gzhal yas de bzhin te// rigs kyi khro bo'i ngo bo nyid// dpa' bo 'bru lnga'i 'phro 'du las// khrag 'thung lnga dang khro phreng sgom// hUM phyogs bcu'i 'jig rten dus kun tu// sku gsung thugs kyi phur bu bzung// phur bu'i dkyil 'khor bdag nyid che// dkyil 'khor kun gyi byed pa po// thams cad kun la dbang rnams byin// bdud rtsi lnga dang phyag mtshan lnga// zhing chen bla re thal chen dang// rak+ta zhag dang stag gi sham// rim pa bzhin du bskur bar bya'o// ye shes phur pa dbu gsum pos// phyogs mtshams ma lus bgegs 'dul ba'i// ci ltar mtshams pa bzhin du'o// A+oM kro ta bi dza ya a b+hi Shiny+tsa hUM phaT/ hUM kA ra a b+hi Shiny+tsa hUM phaT/ pad+ma ku N+Da li a b+hi Shiny+tsa hUM phaT/ dri za grul bum bden bral dang// chu lha gnod sbyin dbang ldan dang// nyi zla sa bdag phyogs mtshams bcu// ci ltar 'tshams pa bzhin du thul// rta dang ma he khyu mchog dang// gser dngul zangs lcags 'khor lor bcas// slob dpon mnyes byed yon du 'bul// pany+tsa li ka gos kyi mchog/gcan gzan dar men gser dang g.yu// bya rigs zo skyogs gzi dang mchong// yul mkhar bu dang chung ma dang// lus dang srog gis ma chags par// bla ma de la 'bul bar bya'o// gzhan yang dbu rgyan cod pan phreng// go cha rgyal mtshan phyag rgya dang// gdugs dang bza' btung bum pa dang// snying po lnga yis dbang bskur nas// dus 'di phan chad rdo rje'i sras// gnyen por gyur pa'i tshul 'chang bas// nyon mongs ngan song med pa dang// tshe ring bde ba phun gsum tshogs// dpal chen khro rgyal la sogs pa'i// mtho ris thar pa'i bdag por 'gyur// lus sam phung por bcas pa yis// rig 'dzin sa la gnas par 'gyur// rig 'dzin sa la gnas pa yis// bla med khro rgyal chen por 'gyur// 'khor lo rgyas 'des [[]'debs []]la sogs pa'ang// nyid kyi byin gyis brlab par 'gyur// pho nya 'du 'phro mang po kun// dpal c hen bka' bzhin las rnams byed// bla ma mnyes par ma byas sam// dbang gi rim pa ma thob par// nyan cing 'chad cing las byed pa// ngan song gsum du nges par ltung// rang bzhin mya ngan 'das pa'i don// gnyis med don gyi ngo bo la// rang snang lhun rdzogs yi gnas pa'i// thabs kyi rgyal por don rtogs na// dbang gi rgyal por bdag nyid rdzogs// chos rnams mya ngan 'das par rdzogs// gnyis med phur bu byang chub sems// mkha' la de bzhin rol pa'i sku'o// bcos pa med pa'i chos nyid la// g.yos pa med pa'i chos nyid shar// gnyis med rgyal por dbang mchog thob// ces brjod pas/ thams cad dbang gi rgyal por mngon par sangs rgyas par gyur to// phur bu mya ngan las 'das pa'i rgyud chen po las/ dbang sbyin pa'i le'u ste bcu bzhi pa'o//// de nas yang rang bzhin dang lhag pa'i ting nge 'dzin gyi dkyil 'khor gyi don lhun gyis grub pa'i dngos grub thob par bya ba'i phyir/mnyam pa nyid kyi ting nge 'dzin la snyoms par zhugs nas/ 'di skad ces brjod do// dam pa'i don gyi mnyam sbyor phyir// mya ngan 'das pa bsgom par bya// byang chub sems ni mngon sum gnas// mtshon du med pa'i zhing khams la// mnyam rdzogs chen por lhun bsgom zhing// bde chen byang chub brtan par bzung// bya ba myed la las byed pa// mi gnas gnas pa med par bsgom// chos rnams rang bzhin nyid kyis stong// nang dang nang gi phyi rol gyi// rnam rtog sna tshogs 'dzin pa yang// dngos po med dbyings skad cig ma// de nyid rnam par dag pa'i lam// phyin ci log ni yang dag ste// ma rig pa ni ye shes gsal// nyon mongs sdug bsngal byang chub mchog/ thams cad yon tan mchog gi gnas// rgyal ba'i dkyil 'khor ma lus kun// nges pa'i don dgrol bzhi bcu gnyis// bsdus pa'i don nyid yi ge hUM bcur 'dus// hUM gsum AHoM gsum du bsdus// gsum po de yang hUM ste thig ler 'dus// thig le spros med chos dbyings ngang du thim// mi dmigs stong pa nyid kyang brjod las 'das// mi gnas de bzhin gshegs kyang bsam mi khyab// ma skyes chos kyi dbyings kyang brjod las 'das// ma 'gags byang chub sems ni skye 'jig med// 'gro med 'ong med gnas pa yang med do// thugs rje'i byin rlabs rnam par 'phro// dbyings las dbyings byung thabs kyi phyag rgyar gsal// thabs las dbyings byung yum gyi phyag rgyar gsal// dbyings las dbyings kyi ye shes sbyor bas na// byang chub sems tshogs dkyil 'khor brjod mi lang// don dam gcig las ma g.yos kyang// don gyi gzhal yas dkyil 'khor gnyis// don nyid ma go drang bar zad// gzhal yas rang bzhin bzhi ru gsal// chos nyid rang bzhin gzhal yas dang// gnyis med yum gyi gzhal yas dang// yid bzhin lha yi gzhal yas dang// 'jigs byed 'bar ba'i gzhal yas so// ci ltar snang ba'i rdzas la brten// yi ge raM gyi 'phro 'du las// raM gyis bsreg la yaM gis gtor// ye shes 'bar ba'i khaM gis bkrus// rang bzhin chos nyid ngang du dag/ 'byung ba shes rab yum gyi dbyings// rang bzhin dus gsum 'dus ma byas// rang bzhin chos dbyings gzhal yas so// raM yaM khaM/ e ni mi dmigs don gyi khams// yaM las brten pa'i sa bon byung// baMlas chu byung mA ma kIs// suM las rin chen bye ba yas[[]yis []]// laM l as rin chen sna tshogs gling// b+h+rUM las yid bzhin gzhal yas khang// tA la'i skye shing cong cong 'khril// yid bzhin rin chen bkrag gsal 'bar// lnga lnga'i gzha' tshon sprin rum yas// rin chen rgyan gyis shin tu spras// chun 'phyangs dril bu za ra tshags// bla re rgyal mtshan 'phan dang gdugs// rin chen gser gyi khri rkang bzhi// chags med pad+ma kha stong rgyas// dri med 'od gsal nyid zla brdal// mi 'jigs stobs dang rdzu 'phrul dang// phrin las la sogs 'dus ma byas// dkar dmar ser dang ljang gu 'tsher// dbyibs dang kha dog dpag las 'das// phyi dang nang med phyogs dang bral// dmigs par snang yang dmigs su med// gzhal yas yid bzhin lhun gyis grub// yid bzhin lha yi gzhal yas so// e yaM baM suM b+h+rUM bi shwa bi shung+d+he/ mthing nag gru gsum e yi ngang// rlung nag 'tshubs ma rdo rje'i brag/ rak+ta'i rgya mtsho zham chu 'bab// sha chen sa gzhi zhing chen snod// keng rus ri rab khrag zhag chu// b+han+d+ha 'bar bas kha ta li// bi b+h+rUM smug nag shin tu 'bar// dbang po'i gseb nas sbrul nag rgyu// sbrul gyi lce las me chen 'bar// dkar dmar spro ba de bzhin rgyu// mchog chen ka gdung zhing chen phyam// gnam lcags thog gzer rgyan rnams rdzogs// ma he glang rgod stag dang gzig/ gtum pa dom gyis spras pa'o// nyi zla'i 'od kyi brgyan pa ste// 'jigs byed 'bar ba'i gzhal yas so// e karma rak+Sha rak+ta dz+wa la/ baM tIk+Sh+Na dz+wa la/ keng ni ri ti dz+wa/ baM kha ta li b+hi b+hUM/ raM a mr-i ta d+hi/ ti ra baM/ 'byung chen lnga nyid yum lnga'i ngang// rang bzhin 'dus ma byas pa yum gyi klong// sa chu me rlung nam mkha'i rang bzhin lnga// yum chen lnga dang rang bzhin gnyis su med// gnyis med yum gyi rang bzhin brjod las 'das// des ni rang bzhin ting 'dzin dang// lhag pa'i ting 'dzin dkyil 'khor bstan// rang bzhin dkyil 'khor gdod nas dag/ yid bzhin dkyil 'khor dbu la gsal// 'jigs byed dkyil 'khor gzhal yas khang// yum gyi dkyil 'khor gnyis su med// yang nang dkyil 'khor dngos su ste// ma rig rmongs la bstan phyir te// sems nyid drag po'i dkyil 'khor te// phyag rgya chen po'i phyag mthil du// mtho gang sor bzhi gang rung tshad// byas la dam rdzas chag chag gdab// tshon rtse brlab cing srid bus gdab// bri zhing phur bu rim bzhin dgos// yang na sa gzhi snyems pa la// 'bar ba'i dkyil 'khor chen po ste// sor bzhi 'dom gang tshad du bya// byin brlab thig gdab de bzhin te// so so'i gzhung dang mthun par bri/ gru gsum mthing nag zla gam dmar pos bskor// tha ma rdo rje brag dang 'khor los bskor// bar khyams gnyis dang sgo khyud ldan par bri// phur bu b+han d+ha gsal byed gtor mar bcas// so so'i gzhung dang mthun par dgod/ hUM gru gsum mthing nag gzhal yas khang// zla gam dmar po dbang gi tshul// zlum po gru bzhi rgyas pa ste// 'bar ba'i 'khor lo rtsibs brgyad 'khrug/dmar ser dbang rgyas mngon par bstan// sgo rigs mthing nag mi 'gyur rtags// zhes brjod pas/ thams cad nyid kyi gzhal yas khang du sangs rgyas te/ mya ngan las 'das par gyur to// phur bu mya ngan las 'das pa'i rgyud chen po las/ dkyil 'khor drug gi don nges par bstan pa'i le'u ste bco lnga pa'o//// de nas yang dpal kI la yas/ tshe mtha' yas su sprul nas/ 'di skad ces brjod do// mya ngan las la rtag bsdus te// tshe dbang chen po'i gnas dag ni// 'khor lo gnam la pad+ma'i sa// dbyibs 'dra'i sa gzhi rab tu brtag/ ri bo chen po rab dben pa// yid 'ong me tog rgyas par bsgrub// yang na sdong gcig me reg dang// lung gsum mdo dang dur khrod gnas// 'bab chu chen po'i ngos su bsgrub// lha rnams nye bar bya ba dang// gdon rnams zhi bar bya ba dang// srid rtse'i nyes dmigs bsal ba'i phyir// phyi yi gtor ma btang nas ni// rab tu gsang ste dam rdzas bsag/ dur khrod bdag po ma traM ni// brjid pa'i stabs kyis gnan par bya// b+ha ga e yi dkyil 'khor la// rdo rje'i brag gis rab tu gtams// zla gam bzhi dang 'khor lo brgyad// gru bzhi sgo khyud ldan par bya// mchog chen phur pa rab bsngags te// sgo bzhi dag tu re re gzug khro bo'i phur pa mang po kun// grwa yi phyogs su spungs la bzhag/yang na rdzas dang phur pa kun// snang ba'i 'od dang bcas par 'god// ting 'dzin ye shes gsal bya'i phyir// dmigs pa'i rten yang mngon par bzhag/ gzhan yang 'bru lnga snying po lnga// mngar gsum skyur gsum nyung dkar [[]sogs[]]// rin chen bum par bsags te bzhag/ blta ba spyod pa mthar phyin cing// lung dang man ngag tshad mas brgyan// dad pa mi ldog dam tshig gnas// byang chub sems la rab gzhol te// byams dang snying rje ldan pas bsgrub// stong pa chen po'i ye shes ni// rnam par mi rtog las las 'das// de ni mi 'gyur byang chub sems// mkha' la de bzhin rol mo'i sku// e yi dkyil 'khor la gnas pa'i// bdag nyid chen po he ru ka/ che ba'i ye shes khyad par las// pad+ma badzra bung+d+ha'i 'khor// rat+na karma 'khor dang bcas// gzhal yas bum pa'i nang du bskyed// pad+ma kI la ya AM/ badzra kI la ya hUM/bung+d+ha kI la ya A+oM/ rat+na kI la ya swA/ karma kI la ya hA/ gzhan gyis mi thub gshin rje gshed// ha ya grI ba 'dod pa'i rgyal// bdud rtsi 'khyil dang stobs po che// mi g.yo mgon dang rnam par rgyal// hUM mdzad khams gsum rgyal bar bstan// hUM badzra kI li kI la ya sarba big+h+nAn baM hUM/ phaT/ dIp+ta tsakra ha na ha na hUM phaT/ A+oM badzra kro d+ha hUM kA ra gardza gardza hUM phaT/ bi dza ya ha na ha na hUM phaT/ nI la daN+Da da ha da ha hUM phaT/ ya mAn+ta ka pa tsa pa tsa hUM phaT/ Ar+Ya a tsa la b+han+d+ha b+han+d+ha hUM phaT/ ha ya grI ba hu lu hu lu hUM phaT/ a pa ra dzi ta tiSh+Tha tiSh+Tha hUM phaT/ a mr-i ta kuN+Da li ts+tshin+d+ha ts+tshin+d+ha hUM phaT/ trai lo kya bi dza ya b+hin+d+ha d+hin+d+ha hUM phaT/ ma hA ba la s+pho Ta s+pho Ta hUM phaT/e ka tsa ti gsang ba'i yum// ya mtshan byin rlabs chen po las// snyems ma stag dang bya rgod mgo/ ma lus 'khor bcas 'bar bar gyur// sku gsung thugs kyi byin brlabs las// pho nya dpung tshogs nyi shu ni// gcig la yang gsum gsum drug cur bstan// thams cad 'dzin cing len par byed// de ni rab tu mngag bya ba'o// sme ba can gyi mthu chen te// bu mo lo grangs nyi shu la// phyag rgya'i dkyil 'khor gsal bkod nas// rnam gsum dag tu nan tan bya// rin chen sna lnga'i bum pa la// dzaHhUM baM hoHbzhis bkug la// sku gsung thugs kyi snying po mchog/ lus ngag yid la bstim par bya// nr-i nyid dngos sam yid bzhin mdzod// bum pa'i mchog ni bzang po yis// tshe bzhag gnas ni de yin te// yang nas yang du bkug byas na// mngon sum smin par gyur pa dang// dbyings su yang na sba bar bya'o// rdo rje'i go cha bsrung ba yis// brtan zhing 'khor los gdab par bya// snying po 'bru lnga'i nang du bstim// sangs rgyas ma lus thams cad kun// rgyal po tshe dpag med par bsgom// sku mchog gangs ri 'tsher ba la// rgyan phreng sna tshogs rnams kyis brgyan// yid bzhin rin chen phreng ba dang// za ma tog dang rin chen rgyal// bum pa bzang la sogs pa yis// gzhan la 'gro ba'i don bya ba// bsam gyis mi khyab mtha' yas mchog/bgegs kyis nr-i rnams mi ster na// tshe dpag med kyang khro bo ste// phyogs bcu nam mkha'i khams bkang nas// sgra skad drag po bton nas ni// thams cad ma lus thul bar bya// tshe dpag med pa'i dbang du bsgrub// tshe bsnyen dang ni nye bsnyen dang// tshe sgrub dang ni bsgrub chen po// thabs dang shes rab sbyor ba yis// ci 'dod las rnams 'grub par 'gyur// tshe yi dbang mo rgyud 'phel ma// dkar mo'i mdog la 'od 'phror gyur// phyag na rin chen gang ba yi// phyag rgya sna tshogs cir yang 'gyur// 'jig rten drug gi phyogs bcu na// gnas pa'i 'gro drug ma lus la// phan pa'i tshe dbang 'di sbyin no// de las phan pa'i nus mthu med// yi ge bzlas pa'i 'phrul chen ni// rnam gsum tshul gyis ma 'khrugs par// sngags bzlas cho ga bar mi gcad// 'dris gsal brtan pa'i mchog gis bya/ oM oM oMoMoM/ hUM hUM hUM hUM hUM/ swA swA swA swA swA/ AM AM AM AM AM/ hAM hAM hAM hAM hAM/ b+h+rUM b+h+rUM b+h+rUM b+h+rUM b+h+rUM/ ba ba ba ba ba/ dzra dzra dzra dzra dzra/ A A A A A/ yu yu yu yu yu/ She She She She She/ hUM hUM hUM hUM hUM/ a a a a a/ A+oM tshe rnams dbang du ma gyur na// bde gshegs lnga yang tshe dpag med// sku gsung thugs kyi gzugs kyis ni// phyogs bcu nam mkha'i khams bkang nas// phyag rgya mtshon cha sna tshogs kyis// 'jig rten phyogs bcu'i bdud bcom nas// 'gro lnga'i tshe rnams dbang du sdud// gshol dang gtun shing phyag rgya yis// 'og gi 'jig rten khams dkrug nas// gshin rje'i gnas nas tshe bkug ste// snying po lnga la bstim par bya// phyag rgya'i 'khor lo chen po yis// steng gi 'jig rten khams dkrug ste// dbang phyug lha chen la sogs dang// bar snang bgegs rnams rgyu ba la// nr-i tshe rab tu dgugs par bya// 'khor lo'i 'bru la bstims nas ni// de nas yi ge 'bru lnga ste// nr-i y-i gnas lngar bstim par bya'o// A+oM badzra kA bA tsa badzra rak+Sha hUM/ A+oM sarba ta thA ga ta hr-i da ya a d+hi tiSh+Tha badzra swA hA/ phyag rgya srung ba'i cho ga ste// 'bru lnga yi ge 'bru gcig ste// 'bru gcig mi dmigs dbyings su thim/a/ yid bzhin bum pa rin po che// rgyan dang rin chen phreng bas brgyan// rin chen lnga dang sman lnga dang// 'bru lnga spos lnga rin chen lnga// sngags mkhan rab ldan blo brtan pas// yan lag ma nyams sngags bzlas bsgom// rgyan cha lnga dang ldan byas nas// dkyil 'khor thams cad 'grub par 'gyur// de nas rigs kyi bu mchog des// yo byad ma lus ldan byas nas// mchod yon rnam pa sna tshogs kyis// mnyes mchod dngos grub thob par 'gyur// gdod nas snying po byang chub la// rnam rtog las kyis 'khor ba rnams// rnal 'byor dbang phyug thabs mkhas pas// 'khor ba'i dra ba bkrol nas ni// yab yum gnyis med mkha' la bsgral// sgrub pa po yi las su ni// brtul zhugs bskyod de sbyor sgrol brtsam// de dag sngags kyi dam tshig ste// ming gis mi bya mi rung ngo// gal te byas na ltung bar 'gyur// ma byas na yang ltung bar 'gyur// rab brtags bsgoms te bya bar gsungs// rab bskyed spyan drang mchod byas nas// bsnyen pa gzhung bzhin brtson par bya'o// bdun nam bdun 'bum bzlas na ni// ma btab bzhin du las rnams 'grub// nyin mtshan gung la rab mngags nas// gzugs la phab ste bcings la bzhag/ bsgrub pa'i zhag grangs tshang ba dang// mtshan ma bzang po byung ba na// ting 'dzin bsar te rab tu gdab// mgo dang tsit+ta lte ba dang// gsang gnas yan lag bzhi la gdab// bden pa dar nas yang dang yang// gru gsum e yi dkyil 'khor du// bcu gcig dang ni rtsa gcig gis// mnan cing gzir ba'ang de bzhin no// de nas rab tu dngos grub blang/ gtor ma tsho gsum gnas su dgye// bsdu dang bsrung ba de bzhin te// rigs mi nub par bskyed par bya'o// zhes gsungs pas/ bsgral bas rtag chad gnyis su med pa'i ngang du sangs rgyas nas mya ngan las 'das te/ skye med tshe'i ngo bor gyur to// phur bu mya ngan las 'das pa'i rgyud chen po las/ tshe bsgrub cing don bsgral ba'i le'u ste bcu drug pa'o//// de nas khro bo'i rgyal po chen po bstan pa la khro bo rngam pa'i tshig tu bsgrags nas/ 'di skad ces brjod do// mya ngan las 'das snying po 'di// mtshan mas btsal ba ma yin gyis// dag pa rnam gsum ma nor zhing// rang rig rgyal po goms pa yis// mya ngan 'das 'di rnyed par 'gyur// drag po gtum po bsgrub pa ni// gnon gdug rnam gnyis bsgral ba'i phyir// gzhung dang mthun pa'i gnas dag tu// phun sum tshogs pa'i slob dpon gyis// byams dang snying rje sngon btang nas// srid pa'i phur bu bsgrub par bya'o// gong gi phur bu'i rgyu dag la// ring thung mgo mjug tshad mnyam ste// sked pa rgya mdud drag po la// rtse mo chu srin kha nas dbyung/ bcu gcig bdun gsum rtsa gcig pos/ mkhas pas byin gyis brlab par bya'o// gong ma de dang tshad gcig ste// mi 'jig gzungs la gdags par bya// drag po'i bsnyen pa dbul bar bya'o// dkyil 'khor yum gyi dbyings 'dra la// zla gam gsum gyis mtha' bskor te// rdzas la sogs pa dgram par bya'o// dbang drag 'dres pa'i gzugs can la// byin brlab dbang bskur gzi bskyed la// gdan la bzhugs su gsol ba gdab// nye bar bya phyir bsnyen pa 'bul// mi rtog kun snang rgyu bsgoms te// sems kyi dkyil 'khor chags gyur pas// mthing nag hUM gi 'phro 'du las// gsang ba'i sngags kyis bskyed nas ni// mi bzad 'bar ba rdo rje'i sku// phur bu khro bo'i 'khor gyis bskor// b+ha ga la ni ling+ga bzhag/ mtshan ma ming du bcas par bya'o/ khro bo'i zhal ni gang yang rung// lan gsum lan bdun rtog bsgom zhing// mngon du byung ba'i rgya 'bar te// bdag nyid dkyil 'khor lha gyur te// mi bskyod dbyings las ma g.yos kyang/ khams gsum gdug pa bsgral ba'i phyir// mthing nag 'bar ba'i dkyil 'khor nas// zhe sdang rdo rje'i sku phyung nas// ma traM la sogs bsgral bar bya'o// rdo rje ba spu nyag re las// khro bo bye ba 'bum phyung nas// zhal nas drag po'i 'dzab kyang zlos// phyag na dbang drag phur bu dril// zhabs kyang drag po'i tshul du bzhugs// pho nya phyag brnyan bka' nyan tshogs// yang sprul mang po mngag par 'gyogs// rol pas dgra bgegs dbang du sdud// de ni dpal gyi pho nya ste// sku la bsdo zhing rigs la bsnyegs// rgyal khams phung bar byed pa dang// gnod sems log par lta ba rnams// bdun rgyud gcod par the tshom med// hUM gis bsdus shing phaT kyis 'phang// zhal gyi rang sngags khri 'bum du// rnam gsum tshul gyis bzlas nas su// 'gro lnga'i sems can thams cad kun// dbang med zhal du thim par 'gyur// sa ma ya ni lhag par 'dzin// sku mdog dud ka la sogs dang// mche gtsigs khro gnyer glog stong 'khyug/zhal bgrad phyag rgya 'bar ba dang// gong la goms pa bsgom par bya'o// bdag nyid 'dzin pa phyag rgya ste// mtshan ma bzung nas rang sngags 'don// mngon sum dbang pos bltar yod par// ril por ril lung byung bsdus nas dbyings su mchod// the tshom med par 'grub par nges// dam pa'i chos 'jig ma rungs pa// dpa' bos dogs pa yod pa'i phyir// kun la phan par bya bar shes// drag po las kyi dkyil 'khor 'dir// dzaHyis drangs shing phaT kyis bstim// drod tshad rtags la phebs pa dang// mtshan ma ldan pa'i gtum po yis// rig pa'i ting 'dzin bsar byas nas// drag po'i phyag rgya bcas nas ni// bdun gsum bcad pa'i rtsa gcig pos// sked nas bskor zhing gnas su bdab/ khro rgyal mang pos pho brang btab// gzugs kyi phung po lhag ma la// ma mo pho nyas sgrol zhing rol// sprul pa'i phra men za zhing ldag/lhu gzugs phral te zos bsams nas// mtshan ma ming du bsdus pa yang// ci ltar sngon gyi de bzhin du// smon pa'i byang chub lam du bzhug/ mtshan ma'i bag chags der sbyangs so// dbyings la spro zhing a la bstim// ho/ zhes brjod pas/ thams cad khro bo'i rang bzhin du gyur pas/ gdug pa can thams cad mya ngan las 'das par gyur to// phur bu mya ngan las 'das pa'i rgyud chen po las/khro bo gsang ba nye bar bsgrub pa'i le'u ste bdun pa'o//// de nas yang kI la yas/ lta ba byang chub sems kyi chos nyid/ byang chub sems kyi phur bu mya ngan las 'das shing/ rang bzhin byang chub sems su bsgrub par bya ba'i phyir// 'di skad brjod do// gnyis med sems kyi rang bzhin te// rgyu 'bras gnyis las mya ngan 'das// 'dzin rtog med pa'i phur pa la// dbyibs dang kha dog mi gnas na// gzugs dang kha dog so sor grags// log rtog phyin ci log bzhis bcings// gnyis med don du byang chub sems// 'pho 'gyur med pa phur pa'i don// mi dmigs nam mkha'i klong du bsgrub// ma bcos ma nor dbyings las byung// de ni rang bzhin lhun grub pas// de las sems kyi 'bras bu ni// rgyu mchog 'bras bu yi ge hUM// gnyis med don gyi lam bzang po// srid pa gsum nas bsdus nas ni/ khams gsum kun las 'das par bsam// de nas bdag gi byang chub sems// srid pa gsum la dbang bsgyur zhing// bcom ldan 'das dang skal ba gcig/ byang chub sems ni mngon du bstan// thog mar gzhal yas byang chub sems// de ni rgyu 'bras ma bkag chos// bsgrub pa'i ye shes tshon gang ba'o// gsang ba'i sngags kyis bskyed nas ni// sku dang ldan par rab brgyan cing/ khams gsum khro bos gang bar mdzad// gnyis ldan sku gsung thugs su ldan// sku yi tshogs kyis rab brgyan te// thugs la 'bar ba'i srog kyang zhugs// dbu la rdzogs pa'i sangs rgyas bsrungs// khro bo mang pos gzir byas nas// yul ni rnam par sgrol ba'i thugs// srid pa'i phur bu rtogs pa'i ngang// srid pa gsum yang thebs zhes bya'o// de las phur bu byang chub sems// rang byung gzugs med kun la khyab// rgyu 'bras gnyis med mya ngan 'das/ khams gsum ye shes bskyed nas ni// rang byung ye shes gsal ba'i rtags// phur bu ye shes khro bo la// nyi zla ri rab phur bu'i rgyan// shin tu 'jigs pa'i ye shes kyis// mkha' gting med pa'i phur bu la/ khro bo'i tshogs kyis rab brgyan cing// rab byung ye shes shar ba'i phyir/ khams gsum dbang du yang dag grub// khams gsum gdug pa bsgral ba'i phyir// dag pa'i dbyings las ma g.yos par// tsham rngams gzi brjid glog ltar 'bar/ khams gsum rtsa thag gcad pa'i phyir// me dpung gsum gyis khams bsregs shing// lhun gyis grub pa'i dkyil 'khor nas// spyan drang bzhugs gsol dbyer med bstim// nyes byed gsum gyi khams bsreg nas// ye shes 'bar ba'i phrin las bskul// khams gsum dus gcig dbang bskur bas// rang byung sku ru rnam dag cing// rab tu srog gi gor shar nas// gnyis ldan sku gsung thugs su ldan// mya ngan 'das pa'i dbyings su gsol// dus gcig le brgan 'bar bar smin// snying ga lce steng spyi bo nas// spyan drang bzhugs gsol dbyer med bstim// ye ge 'bru gsum 'phro 'du las// sku gsung thugs su byin rlab bskur// hUM AM oM/ rnam par shes pa'i ye shes mchog/ rang byung phur bu mya ngan 'das// srog dang dbugs kyi byin rlabs ni// nam mkha' lta bu'i ngang nyid las// gnyis med don gyi sku phyung ba// byang chub sems kyi phur bu yis// snang srid chos kyi dbyings nyid du// ma btab bzhin du lhun gyis grub// snang srid phur bur shar ba'i phyir// bdag dang lag pa'i mchog rnams la// gnyis med dbyings su sbyor ba'i phyir// yum gzhi'i phyag rgyar byin brlabs te// lag tu blangs nas dril nas kyang/ khams gsum snang ba'i dug rnams te// dag pa'i dbyings su bsgral ba'i phyir// dpa' bo 'bru lnga'i 'phro 'du yis// phur bu ri rab phyag rgya che// rdo rje gzhon nu'i sku gsung thugs// rang byung phur bur byin gyis brlab// rab tu sdug bsngal bsal bar 'gyur// rdo rje rab tu kI la ya// dngos po dbyings su bsgral ba'i phyir// drag tu gsor te dril nas kyang// chos kun ye nas shar ba'i phyir// sems kyi yul ni rnam bsgral te// ye shes sku yis khyab gdal gnas// de ni de bzhin gshegs pa'i mthu// snang srid phur bur shar bas na// mkha' la de bzhin rol pa'i sku// chos dbyings thig ler gsal ba'i phyir// ma lus phur pa thebs zhes bya'o// gnyis med don gyi ngo bo la/ rdzogs nas duHkha gsal phyir ro// byang chub sems kyi khyad par gyis// nyon mongs dug lnga bsgral ba'i phyir/ khams gsum gsor bas bsgral bar bya'o// nyon mongs ye shes gnas 'gyur zhing// srid gsum dbyibs su bkru ba'i phyir// de nas a las rnam dag pas// srid pa gsum du gsal 'tshair nas// bdag dang phur bu byang chub sems// sems can lus la bstims byas te// spro zhing bsdus pas khrus byas nas// 'khor ba gsum ni mya ngan 'das// des na yul sems gnyis su med// gnyis med don gyi nges pa las// bskyod pa med pa'i ri rab gyis// dmigs su med pa'i chos dbyings la// mkha' yi gtun khung bder gshegs gnas// gting dpag med pa'i dbyings dkyil du// g.yos pa med pa'i ye shes kyis// lha yang rung ste bsgral byas na// srid gsum phur pa thebs zhes bya'o// snang srid skye 'gro phur pa'i gzugs// mthong dman gcig tu gyur pas nas// hoHzhes rab tu dga' ba yis// shin tu snying po 'di brjod do// hUM rang byung mchog sems gsal phyir du// mnyam nyid rtsal las bdag nyid bsgral// de bzhin hUM gis drangs nas kyang// phur bu gzi ldan thob gyur cig/ gnyis med chos skur gcig pa'i phyir// yul de'i sems ni hUM du snang// 'od dang 'od zer phur bu las// bdag la 'dus pas tshe ru thim// gnyis med don gyis bsgral ba'i phyir// bdag gi rnam shes tshogs brgyad nas// gang zhig mnan pa'i mchog rnams la// rdo rje phur pa mang shar bas// de yi tshogs brgyad dag par sbyang/khams gsum chos nyid gdar bcad phyir/ khro mo 'bar ba'i gtun khung du/ khro bo 'bar ba'i gtun tshogs kyis/ rdo rje tho bas brdung byas nas/ khams gsum ma lus bsgral bar 'gyur// rtog 'dzin med pa'i dbang phyug des// mnyam pa'i rgyal pos spags par bsgral// shin tu gsal nas dgyes bstar bas// za byed kun la bstab par mdzod// ha ha bgyis pas dgyes par rol// hUM hUM bgyis pas dbang du bsdus/kha kha bgyis pas lhag ma bzhes// bdag dang gsum du ldan nas kyang// byang chub sems kyi dbang spros pas// phung po rdul du bshis nas kyang// sha khrag khams gsum gang bar dmigs// oM gis rab tu nam mkha' gang// phaT kyis kun tu gtor byas te// rdo rje ye shes tshon gang gis/ khams gsum rab tu gang nas 'dus/ khams gsum byang chub sems bskyed de// 'gro ba ma lus don bya'i phyir// ljang gu las kyi sa bon te// dmar po hUM srog gi bon yin// mthing nag he ru ka yi thugs// spros pas thig les nam mkha' gang// thams cad 'dus pas shin tu brjid// grub nas sems kyi phur pa tshol/khams gsum dur khrod khrag yin te// thugs rje chags pas bsgral ba'i phyir// srid pa gdar sha bcad nas kyang// spyod pa rnam pa bcu dang ldan// byang chub sems kyi gol sa bcad// grub mtha' 'di la 'jigs mtha' med// de ni mi 'gyur byang chub sems// mya ngan 'das na rtag pa'o// sgrib pa med pas mthar phyin te// btsal du med pas ye nas grub// snang srid dang ni 'dzin rtog rnams// bsam pa las ni mya ngan 'das// 'jig rten kun las 'das pas na// 'dzin dang rtog pa rnam spang ba'i// byang chub sems ni skad cig ma// lhan ne por yang bdag nyid sbyor// 'jig rten kun las grub pa'i rgyan// mi nub pa yi rtag kyang yin// rdo rje sems dpa'i mkha' la nub// nub mtha' med par shin tu spags// yid ni chos nyid mya ngan 'das// rnam shes hUM du mya ngan 'das// hUM nyid byang chub sems kyi gzhi// byang chub sems kyi phur pa ru// srid gsum ma lus mya ngan 'das// zhes brjod pas/ snang zhing srid pas bsdus pa'i chos thams cad/ ye nas phur bu byang chub kyi sems su lhun gyis grub cing mya ngan las 'das par gyur to// phur bu mya ngan las 'das pa'i rgyud chen po las/ phur bu byang chub sems su bsgrub pa'i le'u ste bco brgyad pa'o//// de nas badzra kI la yas bsgrub pa'i don yod par bya ba'i phyir/ mngags pa las kyi pho nya 'di dag gsungs so// dbu dgu khrag 'thung za byed pa// drag po las kyi dkyil 'khor du// dgug dang bcing dang sdom la brtson// nyid kyi thugs kyi sprul pa las// ci bgyis bka' nyan pho nya'i tshogs// gang la mngags pa grub par byed// dbyings nas bkug nas mkha' la bstims// hUM gis bsdus nas mkha' la bzhag/ yaM gis btegs la phaT kyi 'phang// de yang dpal gyi pho nya ste// thugs kyi yon tan bsam yas kyang// don gyi pho nya dbyings las 'gyed// thabs kyi pho nya yum las 'gyed// sprul pa'i pho nya las la 'gyed// de yang bskul tshig drag po yis// gnyis med don gyis mngags par bya'o// hUM chen sgra 'byin phag dang smig bur bcas// rnam rgyal snyems ma stag dang bya rgod mgo/ dbyug sngon sber [[]sder []]mo g.yag dang bya rog bcas// gshin rje dur khrod sha ba 'ug par b cad// mi g.yo gtun khung gzig dang khwa ta'i mgo// rta mgrin gtum mo byi la pu shud bcas// gzhan gyis mi thub mda' snyems spyang ku khra mgor bcas// bdud rtsi rlung 'byin seng ge pha wang bcas/ khams gsum gsod ma dred dang sre mo bcas// ma hA ba la bskyod ma dom dang byi bar bcas// nyes byed ma lus mkha' la bton// gti mug mun khung gtan nas bcom// zhe sdang rtse mo rtul du sod// 'dod chags rgya mtsho gting nas bskoms// phrag dog 'tshubs ma gtan rgyun chod// lcags kyi gzi ma rkang gsum gyis// bskal pa brgya khrir me spar te// stong khams rngam pa'i zhal gdangs nas// dug gsum bsgral mdzad phrin las kyis// gdug pa'i tshogs dang gnod sbyin cha lugs can// rdo rje srid pa'i zhal gyis mtshan ma'i dngos po kun// dbang po kun 'byung don snying zhal du 'dren// 'gal byed tshogs kyi snying la rngam pa'i phyir// drag po'i phrin las btang snyoms yal bar mi gtang ngo// drag pos bdud dpung 'joms shing tshar gcod dang// bdud dang mu stegs gtan nas brlag pa dang// gang zhig log par blta ba'i dgra bo dang// gnod byed 'byung po gtan nas tshar gcad phyir// log par sems dang rnam par 'tshe ba rnams// phrin las drag po'i thugs rjes gtang mi bya'o// bdag nyid zhe sdang khro bo'i rgyal po'i sku// zhal gsum phyag drug zhabs bzhi brkyang bskum tshul// me dpung 'bar ba'i nang na brjid par bzhugs// mthing nag gcer bu ral pa 'bar ba can// zhal mdog phyogs bzhir gzigs pa'i thugs ka nas// hUM hUM hUM zhes sgra sgrogs rab 'phros pas// lcags kyi gzi ma rkang gsum rab bsgom ste// de yi thugs rje rdo rje drag po des// dgra bgegs de yi lus dang byad bzhin rnams// mngon sum sa ler gsal bar dmigs pa yi// rkang pa'i mthil du yi ge tri nag bsam// lcags kyi gze ma rkang pa'i mthil btsugs pas// mkhal ma mcher pa glo ba snying brgyud nas// spyi bo'i gtsug tu thal gyis byung bar bsam// lcags kyi gze ma rkang gsum gyis// ngos gsum du ni hUM gsum bzhag/ zur gsum du ni phaT gsum gzhag/ rtse mo gsum la dri gsum bzhag/ rtse gsum rim par 'dzug par bsam// dgra bgegs zil gyis mnan nas kyang// dug gsum rtsad nas gcad par bsam// lcags kyi gze ma rkang gsum de/ sku gsung thugs kyi khro bo de// sku ni b+hud+d+ha he ru ka/ gsung ni pad+ma he ru ka/ thugs ni badzra he ru ka/ gze ma'i dbus su dur khrod kyi// gzhal yas khang gcig bsam par bya'o// de yi dbus su dgra bo'i gzugs// bcas te sa le gsal bsam la// lcags kyi gze ma rkang gsum las// re re la'ang gsum gsum dgus// 'chor dogs med par dgug par bsam// hUM// lcags kyi gze ma mgo dgu pa// mgo dgu rkang gsum stong gsum gang// shin tu mi bzad 'jigs su rung// 'khrugs byed 'bar ba'i nga ro sgrogs// zhal mdog gcig tu ma nges te/ khro rgyal 'jigs byed hUM sgra can// phyag mtshan 'jigs pa'i char phab nas// ha la phaT kyi sgra 'byin cing/ khams gsum gdug pa ma lus bsreg/ gnod byed dgra bgegs 'ching bar byed// dgra dang 'byung po sreg pa'i mchog/ sku gsung thugs kyi ngo bo las// lcags kyi gze ma mgo dgur sprul// phyogs bzhi mtshams bzhi steng 'og nas// dmigs pa bzhin du dgra bgegs khug/dam bcas bzhin du dgra bo sgrol// bcol ba bzhin du thod khrag spyos// rdul phran bzhin du rlog gyur cig/ dang por gnod pa'i dgra bo de// ming dang rus dang gzugs bris la// rtsigs pa'i logs la dgram par bya'o// lha phyag stong btsal dgra bo yi// ming nas phyung nas btsal lo ces// byas la phyag gis gnad bskur ro// de nas dril la ngas ci nyes// tshig gis dpang yang gzugs par bya'o// gzug kyi tha ma hUM gis bskor// mal 'og zhag gsum gzhag par bya'o// sngags ni ming nas phyung la gdon// kI la ya dang sum b+ha ni// bzlas nas brdungs na rmi lam dang// ltas ngan bzlog cing phebs par 'gyur// gzugs dang ming rus de phyung la// dgra bo de yi gshang gci'am// bub sam rkang rjes bor ba'i sar// brdab na stabs bsnol 'byung bar 'gyur// yang na de las sa blangs la// ra khyi'i khrag gis sbrus pa la// dgra yi gzugs bya ming rus bri// gzugs gnyis byas la lto sbyar te// tshon gyis bcings la rabs chad dang// mdze can dag gi thod nang du// dug dang khyi lud gu gul dang// nyung dkar ske tshe mu zis bdug/de nas srog gi snying po dang// dgra bo'i ming gnyis bsres la gdon// dgra bo nr-i mA ra yaM/ nr-i sha ku ru yaM/ kha so dbang dril yaM/ thod khrag spyos shig tsit+ta gu gul mnan// snying khrag spyos shig tsakra kha kha raM// rnam shes spyos shig sho na ma// 'dod chags spyos shig su tri kha raM// gzugs phung shig cig su ni tri// yan lag chings shig dza ni tri dz+waM// de skad brjod la gzugs la bsdu// de nas ma nyes dpang btsug la// bsgral ba'i zhing bcu zhe gcod do// ngan song gtan srid 'khyams pa'i sdug bsngal tshogs// thog ma'i dus nas ngan song 'khor bar ltung// mi dge sdig pa'i las la rmongs pa'i phyir// shes ldan ye shes rtsal gnas yongs ma 'gyur// mnyam nyid ngang las g.yo ba med pa ru// dug gsum rmongs pa'i log rtog rang las byung// sgyu med thabs la mkhas pa'i sangs rgyas dang// thugs rjes rjes su ston pa'i slob dpon dang// gsang ba'i tshig gis bsdus pa'i dam tshig can// bsam pa mthun pa'i sngags 'chang dam tshig gis// rjes su spobs pa'i smon lam mthu stobs kyis// sku gsung thugs su lus ngag bstan pa'i phyir// shed las skyes pa'i shed bu rigs ngan khyod// gtan srid nges pa'i rtsa ba gcig pu la// ma rig rang sems bdag tu bzung bas nongs// srid par phan 'dogs khyod gyi dpal mgon du// thar pa'i lam sna 'dren pa nga yin pas// dga' dang gus pa'i sems kyis gus byos la// gnod sems snga phyi yod pa spong gyis la// tshe srog lus bor da ltar so sor sgom// rnam shes nyes pa yod par dran byos la// nyes pa gtsor zhog gdung ba'i mchi ma ngus// sbyin pa'i thabs ldan mnga' bar bcad pa'i bka'// dur khrod chen po'i gnas su bsgral ba'i phyir/ khyod kyi ma rig dur sa btsal ba ni// zhe sdang dbang gis chags pa'i skyon spangs kyang// gzung 'dzin rnam par thar pa'i lam ma rnyed// btsal bas rnyed med yon tan rmongs pa'i dur// zhe sdang dbang gis bdag gzhan gnyis su mthong// bdag med bla med thar lam ma rnyed de// tsha grangs dmyal ba'i gnas su zab pa'i phyir// thar bar mi 'gyur zhes te khyod rang nyes// ngan song gsum por khyod kyang mi gtong gis// lus sems gnyis 'brel 'di la chags ma shig/ lha dang mgon btsan kun dang dbral ba'i phyir// gu gul nyung dkar mu zi ldong ros dang// sha chen snum chen ga pur dud btang la// sdig chen ma rtogs kha 'khor nyon mongs pa// sngon gyi las ngan mi zad de bcad pas// dus zad tshe 'phos de la ma chags par// sdug bsngal mi zad nyon mongs shes par byos// khro rgyal mi bzad rgyal po hUM sgra can// gdug pa'i mtshon cha char ltar phab pa yis// rang dbang med par rab tu 'jig par 'gyur// de bas sdig can 'di la ma 'khor bar// ngas smras skyes bu nga yi tshig nyon la// rang gi gnas tshol bag dang ldan par byos// de ltar rten dang dbral nas kyang// mda' 'phen zla ba mar ngo la// nag po'i chas su rab zhugs nas// sngar shi'i ro gos khrag can la// chas gos bya ba'i rgyu ru shis// nag po'i rgyan chas lnga gon la// byang chub sems ni sngon btang ste// drag po'i phrin las nub bdun bstud// de nas lcags kyi gze ma nyid// snga nas don dang mthun pa ru// mi rta gsad pa'i mtshon rtse la// phur bu so brgyad gcig byas la// gong bzhin byin gyis brlab par byos// gzhan yang phur bu sna tshogs la// snying po so sor bzlas shing dril// bsnyen pa rdzogs nas 'gug 'dren bya// ming rus gzugs la sngags bzlas so// lcags kyi gze ma rkang gsum gyi// sngags 'dir rab tu drag tu bzlas// swArtsA hUM ka he pu ra bste swA hA/ sre Na Na rA tsa na Na/ he ru me mo ka ri swA hA/ te ru sri spu ka spya mi skye swA hA/ A+oM swAM rtswAM hUM ka de pu ra pa de swA hA/ phI nan rtsa ra nan/ he ru me myo ku ka ra ri swA hA/ he ru sran yu ka spya mi skye swA hA/e lig shi ka shig he ru hid pa ma me shan he re lig shan/ li sha shi b+h+yo thuM re leg swA hA/ shi shi b+h+yo thuM/ sngags de re re btab pas su// lcags kyi gze ma rkang gsum de// gcig ni mi phyin slar mi phyin// rtse gcig sems kyi rang bzhin no// brgyad kyis rnam shes tshogs brgyad dag/ dbang po yul dus gnyis med don// mya ngan 'das pa'i dbyings su bsgral// byang chub ma bkag yan du khye// don mthun pa yi dkyil 'khor du// rigs dang ldan pa'i skye bu yis// skal dang ldan pa'i sems can la// dbang po lnga yi gnas lnga ru// dpa' bo 'bru lnga'i 'phro 'du yis// nyon mongs lnga yi ngo bo la// ye shes lnga yi phra bkod pas// gnyis med dbyings kyi mkha' la nub// don gyi 'bras bu thig ler gsal// log rtog rgyu 'bras thal bar brlags// chags sdang dngos po gtan nas brlags// gzung 'dzin gnyis ni 'chor med bzung// phyogs ris sa mtshams dbyings su dag/ pho nya mang pos stong gsum bkang// ma spros sems su ye nas dag/ 'gugs byed mang po gcig tu dril// 'gyur med dbyings kyi ngang du 'dres// zhes brjod pas/pho nya'i tshogs de dag mya ngan las 'das pa'i ngang du/ ye nas gnas pa'i don de bzhin du mya ngan las 'das so// phur bu mya ngan las 'das pa'i rgyud chen po las/ pho nyas rnam shes ye shes su sbyongs shing/mngags par bya ba'i thabs bstan pa'i le'u ste bcu dgu pa'o//// de nas yang badzra kI la yas/ don chos nyid zhi ba'i ngang las ma g.yos par/ sku yang shin tu drag po mi bzad pa'i skur thon nas/dregs pa gdon gdug can drag po'i phrin las kyis bsgral la/ phung po 'dod pa'i longs spyod du sgrub pa'i phyir/ rtsa ba byang chub kyi sems sngon du btang nas/ 'di skad ces brjod do// skye med sems kyi rang bzhin ni// rang bzhin med pas bsgral ba'i zhing// mtshan ma med pas bsad pa'i rigs// dngos po med pas gtub pa'i rdzas// rang bzhin don la bcos med bzhag/ dngos po gzung 'dzin 'dres pa bsgral// mtshan ma'i rnam rtog raM gyis bsreg/ gti mug mun khams e yis sbyangs// 'dod chags bse rtse khaM gis bkru// nga rgyal brag ri laM gyis gzhig/ phrag dog 'tshub ma yaM gyis bud// dngos gzhi dug gsum rtsad nas bcad// gong du bstan pa'i gnas dag tu// rdzas dang gtor me de bzhin du// phyi mtshams bcad cing las rnams bcol// dkyil 'khor 'dom gang gru bzhi la// chag chag gdab cing sa tshon brlabs// thig gdab bri zhing tshon rtsi bkye// dkyil 'khor yum gyis dbyings 'dra la// dbus su mthing nag gru gsum la// tha ma zla gam dmar pos bskor// rdo rje brag gis yongs su bskor// phyi rim 'khor lo rtsibs brgyad la// bskal pa'i me 'od 'bar bas bskor// de yi phyi rim thod pa'i mkhar// gru chad bzhi dang bar 'khyams gnyis// sgo khyud bzhi dang nag pos bskor// rgyan gyi bye brag tshang bas brgyan// lcags sam gdug pa'i shing rnams la// phur bu tshad dang ldan pa rnams// de bzhin byin gyis brlab par bya// bdug brdeg byug cing cod pan gdags// b+han+d+ha dum bu gsum pa la// yum chen rgyas 'debs bzhugs gnas bshams// sprul pa'i phur bu mang po kun// dbus nas dgod cing gra ru spungs// rdzas rnams tshogs nas rim bzhin bgod// hUM dbus nas dpal chen 'bar ba'i sku// zhal gsum phyag drug 'jigs pa'i gzugs// 'khor lo rgyas 'debs sku la 'khril// bde chen sangs rgyas dbu la brgyan/ khrag 'thung rol pa'i thugs las sprul// sprul pa'i phra men phyogs bcur 'gyed// phyogs kyi gdon rnams zhabs kyis gnon// nyon mongs gdug pa mkha' la sgrol// drag po'i phrin las dus la bab// 'bar ba'i gdan la rim bzhin bzhugs// hUM hUM hUM hUM hUM hUM hUM hUM hUM hUM hUM hUM/ ha ha ha ha ha ha ha ha/ he he he he he he he he/phaT phaT phaT phaT/ de bzhin rdzas kyi ngo bo dgod// chos rnams dag pa'i rang bzhin yang// ting 'dzin sbyang phyir rnam gsum bsgom// chos rnams ma bcos rangabazhin dang// mi dmigs don dam byang chub sems// don dam gnyis med rtog las 'das// brjod med spros bral chos kyi dbyings// ma bcos rang las ma g.yos kyang// dpag med ye shes chen po ni// mkha' la 'ja' tshon snang ba ltar// rang bzhin klong du sa ler gsal// nam mkha'i rang bzhin dwangs pa la// yon tan khyad par snang ba ltar// nam mkha'i dkyil nas thigs pa shar// sems kyi rang bzhin hUM du bsgom// e karma rak+ta/ baM keM ha raM/ b+h+rUM kha ta li d+hi b+h+rUM ma ya d+hi/a ma hri yang/ dzi sti ra baM/ hUM badzra kI li kI la ya/ sarba big+h+nAn dIp+ta tsakra ha na ha na hUM phaT/ A+oM gru gsum mthing nag 'bar ba'i dkyil 'khor nas// rdo rje rlung nag rak+ta'i rgya mtsho dang// sha chen sa gzhi keng rus ri rab steng// 'byung chen lnga las grub pa'i gzhal yas ni// dbyibs dang mtshan nyid so sor ma 'dres kyang// ye nas ma bcos yum chen lnga yi ngang// brjod med spros bral 'khor lo rgyas 'debs klong// mkha' mnyam rin chen 'bar ba'i gzhal yas ni// nam mkha'i mtha' ltar kun tu khyab// ye shes 'bar ba'i gzhal yas ni// phyogs bcu rgya yongs ma chad pa'i// phyi dang nang med kun tu snang// dur khrod 'bar ba'i gzhal yas ni// zhing chen gcal bkram rmang du byas// b+han+d+ha 'bar ba'i gzhal yas ni// gnam lcags gzer btab rgyan rnams rdzogs// gru gsum 'bar ba'i gzhal yas khang// zla gam dmar po dbang gi tshul// zlum po gru bzhi rgyas pa ste// 'od zer dmar smug stong phrag gang// 'bar ba'i dkyil 'khor chen po ru// ma hA de wa sni bsnol khar// dri za gru bum klu gdon dang// gnod sbyin la sogs phyogs skyong bcu// 'jigs byed gdan du sni bsnol khar/ A+oM badzra kro ta hUM kA ra hUM/ gardza gardza hUM phaT/ oM badzra kro d+hI dI pa ya ti hUM phaT/ badzra mU ka ra mu kha he/ badzra a Shu sa mu khA he/A+oM badzra kro ta bi dza ya hUM/ ha na ha na ha na hUM phaT/ A+oM badzra kro tI lA se kI hUM phaT/ A+oM badzra byA g+h+ra mu kha he/ A+oM badzra gr-iD+ha mu khI he/ A+oM badzra kro ta nI la daN+Da hUM/ da ha da ha da ha hUM phaT/ A+oM badzra kro tI tA tA hUM phaT/badzra tsa ma ra mu kha he/ badzra dro Na mu khI he/ A+oM badzra kro ta ya mAn+ta ka hUM/ pa tsa pa tsa pa tsa hUM phaT/ A+oM badzra kro d+hI sh+ma shA na pa tI hUM phaT/ badzra ha ri Na mu kha he/ badzra u lU ka mu khI he/ A+oM badzra kro ta Ar+ya a tsa la hUM/b+han+da b+han+da b+han+da hUM phaT/ A+oM badzra kro tI mu sa lI hUM phaT/ badzra di pI mu kha he/ badzra kA ka mu khI he/ A+oM badzra kro ta ha ya grI wa hUM/ hu lu hu lu hu lu hUM phaT/ oM badzra kro tI tsaN+Da lI hUM phaT/ badzra pi DA la mu kha he/ badzra bak+Sha ti mu khI he/A+oM badzra a pa ra dzi ta hUM/ tiSh+Tha tiSh+Tha hUM phaT/ A+oM badzra kro tI sa byA ti hUM phaT/ badzra shwa na mu kha he/ badzra sa tri mu khI he/ A+oM badzra kro ta a mr-i ta kuN+Da li hUM phaT/ ts+tshin+da ts+tshin+da ts+tshin+da hUM phaT/ A+oM badzra kro tI sa byaM mi ti hUM phaT/badzra sing ha mu kha he/ badzra ti tI la mu khI he/ A+oM badzra kro ta trai lo kya bi dza ya hUM phaT/ b+hin+d+ha b+hin+d+ha b+hin+d+ha hUM phaT/ A+oM badzra kro d+hI mA ra Na hUM phaT/ badzra ta k+Shu mu kha he/ badzra na ku la mu khI he/ A+oM badzra kro ta ma hA ba la hUM/s+pho Ta s+pho Ta s+pho Ta hUM phaT/ A+oM badzra kro tI tsun+da ya/ ti hUM phaT/ badzra r-ik+Sha mu kha he/ badzra mU Shi ka mu khI he/ A+oM badzra kI li kI la ya/ oM AHhUM/ srog gi go ru shar ba dang// snying gi go ru bsgom par bya'o// 'bru gsum ngo bos byin rlobs la// ye shes lnga yis dbang bskur ro// A+oM badzra yak+Shi NI hUM phaT/ badzra b+hai ra be hUM phaT/ badzra a mr-i ta hUM phaT/ badzra mA ra NI hUM phaT/ dbang bskur byin brlabs de bzhin no// ma bcos gdod nas dag pa'i dbyings nyid las// ma g.yos rang bzhin gsal ba'i ye shes shar// gnyis med khyad par che bas sku ru bstan// dus gsum skye shi med pas rdo rje ste// dus gsum 'dus ma byas shing skye shi med// de nyid spros med 'khor lo rgyas 'debs klong// gnyis med byang chub thugs kyi sa bon las// sgril ma hUM gi 'od zer tshogs bcas rnams// yum gyi mkha' la spros ging 'dus pa las// phyag mtshan rdo rjer gyur cing hUM brjod pas// sku gsung thugs kyi khro bos phyogs mtshams gang// yab yum sprul par bcas te de bzhin no// hUM chen dbu gsum dkar dmar sngo ba'i zhal// rdo rje tho ba mda' gzhu spu gri bsnams// rnam rgyal dbu gsum sngo ser dkar ba'i zhal// rdo rje tri shUl dung chen 'khor lo bsnams// dbyug sngon dbu gsum ljang dmar sngo ba'i zhal// rdo rje dbyug to rin chen ti ra bsnams// gshin rje dbu gsum ljag nag sngo ba'i zhal// thod dbyug 'khor lo rdo rje ti ra bsnams// mi g.yo dbu gsum ljang sngon smug pa'i zhal// rdo rje zhags pa gshol dang gtun shing snams// rta mgrin dbu gsum dkar sngo dmar ba'i zhal// sbrul nag rdo rje spu gri ti ra bsnams// gzhan gyis mi thub dkar dmar ser ba'i zhal// rdo rje ti ra b+han d+ha rnga yab bsnams// bdud rtsi dbu gsum dkar sngo smug pa'i zhal// rdo rje rgya gram dbyug to spu gri bsnams/ khams gsum rnam rgyal dbu gsum dkar sngo zhal// rdo rje mda' gzhu dung dmar ti ra bsnams// stobs chen dbu gsum dmar nag dud kha'i zhal// rdo rje zhags pa gshol dang gtun shing bsnams// sgra 'byin mda' snyems rdo rje sder mo gsum// dur khrod gtun khung rdo rje sder mo drug/ mda' snyems rlung 'byin rdo rje gsod byed dgu/ skyod byed la sogs rgyan rnams de bzhin ste// zhal mdog de bzhin g.yas na dril bu bsnams// g.yon gyis de bzhin dung chen stob par mdzad// phag dang smig bu stag dang bya rgod dang// g.yag dang bya rog sha ba 'ug pa dang// gzig dang khwa ta byi la pu shud dang// spyang mo khra dang seng ge pha wang dang// dred dang sre mo dom dang byi bar bcas// rgyan dang mdog ni yab kyi ngo bo ste// phyag mtshan yab kyis nyid kyi rtags su ste// sprul pa'i don gyis rtags kyi ngo bor bsnams// gtso bo thugs kyi ye shes rnam bzhi yis// ma rig rmongs pas bcings pa'i sems can rnams// don dam gnyis med ngang du bsgral ba dang// skye shi rtsad nas gcod phyir hUM kA ra// 'khor lo rgyas 'debs rang bzhin 'dus ma byas// dus gsum 'dus ma byas pa'i rang bzhin las// gnyis med che ba'i khyad par bstan pa'i phyir// skyi shi med pa'i don 'byin sgra 'byin ma// spyod pa'i ye shes sa rnams dus gcig gcod// thugs rje'i shugs kyis 'gro ba gnas nas spor// thabs dang shes rab spyod pas mtha' gnyis spangs// de phyir hUM mdzad gnyis mdzad shwa bya tI// hUM chen yab yum gnyis med byang chub las// sprul pa yang sprul tshogs bcas de bzhin no// lhag mthong ye shes chos dbyings rlan gyis brgyan// thugs rje smon lam 'khor ba gdug sgrol rmongs// rtog 'joms rdzas la gtsang sme med par rol// de phyir myos byed phra men sU kar he// 'jug pa rang dbang med par nyid gyur nas// bsam dang mi mthun log lta myos byed cing// bstan pa'i chos sgrog log lta myos byed pa// thams cad myos byed phra men i Shu mus kha he/khro rgyal ye shes me long lta bu yis// chos rnams rang bzhin med par ye nas rtogs// mtha' gnyis ma spangs rgyal ba'i rgyal mtshan btsugs// de dag don las rgyal bas rnam par rgyal// ye shes thugs rjes zin pas bsam mi khyab// thugs rje shes pas zin pas srid las 'das// gnyis la mi gnas mtha' bral dbu mar bstan// 'dod pa'i rgyal po mnyes byed lA se ki/ thugs rjes sdug bsngal mi bzod las 'das pas// yal bar mi gtong brtson 'grus shugs kyi brtun// gdod nas don mdzad 'khor ba mtha' gtug sgrol// de phyir dpa' brtul za byed byA g+h+ra ma// yid g.yo las can sems kyi 'gyur ba ni// ye shes dbang gis 'gro la thugs rje g.yo// don mdzad ye shes 'od 'byung dbyings su mkhyen// de phyir tshul khrims ldan ma'i gr-ing+d+ha ma/ khro bdag thugs kyi ye shes chen po des// 'khor ba'i bag chags nyer len 'joms par byed// nga rgyal dregs las zhen pa'i nyon mongs de// 'gyur med ngang las g.yos pa med pas na// de phyir ye shes dbyer med dbyug sngon can// rig pa'i sder chen chos kyi dbyings nyid zin// thugs rje lcags kyus 'khor bar mi gtong zhing// shes rab thabs ldan lcags kyus 'dzin par byed// gtso bo dbyug sngon mnyes byed tA tA bI// sdang mig thugs rjes mi 'gyur zhe la gnon// mthu rtsal rngom brjid 'gyur med mthu dpung 'joms// tsham rngams ral bsigs gdangs sgras 'jig rten 'gengs// de phyir 'gyur med phra men tsa ma ra// bsam pa'i dngos pos 'dod la 'dun pa 'dzin// dbyings nyid mnyam pas ye shes mkhyen pas gzigs// thugs rje 'dun pas 'khor ba'i bag chags za// de phyir za byed tro Na mu kha he/ khro bdag ye shes mnyam pa'i rgyal po yis// 'chi bdag bdud dang gshin rje tshar gcod cing// de yi rang bzhin de nyid yin pa'i phyir// de phyir khro bo'i rgyal po gshin rje gshed// ye shes mtshan sdug thugs rje khro 'byung zhing// sprul pas 'gro sgrol sku dang ye shes 'byung// shes snying ma skyes dbu mar rig pa ste/ khro rgyal gshin rje mnyes mdzad sta na sa// rtog pa'i dgra spangs drag po'i dgongs par gnas// 'khrul skyon dri ma shes bya'i rdzis tshor yang// 'gro don dus la bab na thugs rjes 'jug/de phyir 'jug byed ha riN mu kha he// dmigs pa sems 'dzin yid la byed par 'gyur// ye shes dbyings rtogs 'grangs pas nyin mo nyal// 'gro ldang rmongs la thugs rjes mtshan mo ldang// ye shes thugs rjes 'grangs pa'i u lU ma/ khro bdag thugs kyi ye shes mthar mi g.yo// de yi rang bzhin gang yin dbyer med pa// dngos por ma spros rang bzhin don gyis khyab// kun la khyab pa'i phyir na mi g.yo mgon// mtshan ma thabs kyi tho bas dbyings su brdungs// thugs rjes sems can phrin las mtshan ma 'joms// rmongs pa ye shes snying rjes mi gtong bas// mi g.yo mgon po mnyes mdzad mu sa la// chos dbyings gnas la rtogs pa'i skyon sel cing// thugs rjes spu gris sprul pa bsam mi khyab// dug gsum zad phyir sha rus khrag la rol// sel byed sprul pas don mdzad byA g+h+ra ma// brnag pa'i dngos la ting 'dzin rtse gcig sgyur// mnyam nyid mthu rtsal dbyings la ma g.yos pas// rtog pa'i spyod yul bral bas mi mthong ste// de phyir phra men mgyogs byed pre ta lI// khro bdag rnam par mi stong ye shes kyis// mya ngan 'das dang 'khor ba'i chos thams cad// de yi rang bzhin ma 'dres par 'dus pas// de phyir khro bo'i rgyal po rta mchog dpal// rdo rje gtum mos mtshan ma'i dngos po 'joms// ye shes rngam tshul srid pa thal bar rlog/de nyid mi rtog mtha' bral dbu mar brjid// ha ya grI wa mnyes byed dza ya ti// yang pa gzon chags 'gro don thabs dang ldan// mi 'dul zil thub btang snyoms chen por bzhugs// dus la mi 'da' brtson 'grus shugs dang ldan// de phyir mkhas brtson mdzad pa'i pi DI li// las 'bras bden la yid ches dad par 'gyur// mnyam nyid dbyings su ye shes thugs kyis mgyogs// zhi gnas don gyis lhag mthong gto tshegs chud// de phyir mgyogs byed phra men bak+Shi tI// khro bdag thugs kyi ye shes tshad med las// dbyings kyi don la mtshan mas yongs mi thub// thugs rjes 'gro don rnam par mdzad pa la// bdud dang srin pos shin tu thub dka' ste// rang bzhin gang yin gzhan gyis mi thub pa'o// phra bas dbyings nyid 'bigs pa'i ye shes 'phen// dbyings la ye shes thugs rjes gtan du rdeg/ma rmongs dbu ma chen po'i don ston pa'i// gzhan gyis mi thub mnyes mdzad sa byA tI// dbyings la ye shes zhugs pas shes bya za// dbyings nyid shes pa zhugs pas nyon mongs za// gnyis med ye shes thugs rjes 'khor ba za// de phyir za byed shwa na mu kha he// ye shes thugs rjes chos kyi dbyings la 'dzin// lhag mthong ye shes dbyings la mnyam 'gyur 'dzin// zhi gnas che bas 'dzin pas mi 'phrog ste// de phyir 'dzin pa'i mtshan nyid pany+dzi ra/ khro bdag thugs kyi ye shes ye nas grub// bya ba grub pa'i ye shes chos dbyings su// 'khor ba'i chos can bdud dang 'dra ba la// ye shes thugs rje sman gyi rtsi btang zhing// ye shes kun la khyab pa'i dbyings su 'khyil// de phyir khro bo'i rgyal po bdud rtsi 'khyil// mtshan ma med pa'i dbyings nyid rig pa'i sgra// dbyings rig ye shes gnyis la nyan pa'i sgra// de las bstan pa gsung gi sgra 'byin ma// bdud rtsi 'khyil pa mnyes mdzad sa byA mi ta// rigs btsun gnyen por gyur pas thams cad 'dul// phrin las rtsal gyis bdud dpung thams cad 'joms// stong nyid sgra sgrogs mu stegs wa tshogs 'joms// de phyir rtsal 'phags 'joms byed sed+ha ma// 'dris pa'i dngos po mi brjed dran par 'gyur// dbyings dang ye shes mnyam nyid mi brjed dran// ting 'dzin 'bum phrag lhag mthong so sor gsal// de phyir sgra 'byin phra men ti tI la/ khro rgyal thugs kyi ye shes chen po des// dus gsum mi 'gyur sems kyi rang bzhin ni// gnyis med chos kyi dbyings su rab rtogs pas/ khams gsum mya ngan 'das pa'i ngang du rgyal// de phyir khams gsum rnam par rgyal bar bstan// bdag tu blta ba'i mtshan ma kun 'joms shing// za byed mche bas skye shi rtsad nas gcod// sku dang ye shes ma skyes mi dmigs pas/khams gsum rnam rgyal mnyes mdzad ma ra NI// dbyings la ye shes shar zhing thugs rje rmi// mthing nag chen pos drag po'i skur ston pa// thugs rje'i mnga' bdag ma mgyogs 'khyog kyang dbyings su mkhyen// de phyir rmi byed phra men tak+Shu mu kha he// chos rnams dbye ba med par gyur pa ni// mnyam dang mi mthun log lta myos byed cing// rig pa skyed phyir sems nyid the tshom gcod// de phyir gsod byed phra men na ku la/khro bdag ye shes thugs de rnam dag pas// thams cad dbyer med dbyings kyi ngang du stobs// mtha' gnyis zil gyis gnon pas brjod du med// gnyis med don gyis ngo bo stobs po che// thugs dam dbang gis rnam dag dbyings nas bskul// thugs rje'i shugs kyis 'gro ba gnas nas 'dren// gnyis med mchod 'bul dbu ma'i dgyes pa stobs// ma hA ba la mnyes mdzad tsun+da ya hUM// lhag mthong ye shes stobs kyis mtha' gnyis gnon// tsham rngams ral bsigs gdangs sgras stong gsum 'gengs// las su ci mdzad brtson 'grus stob dang ldan// de phyir stobs ldan phra men r-ik+Sha ka/ gsum 'dus bcas pa rig pa gyur pa ni// phrin las bye brag mang po ci mdzad kyang// phyag rgya bzhi ni ma bskyed dbyings su mkhyen// de phyir 'phrog byed phra men mU Shi ka/ 'khor ba rdo rjes gcod pas mya ngan 'das// chos sku rdo rje brjod pas mya ngan 'das// brjod med brjod bral don gyi tshig dang bral// de phyir brjod med badzra yak+Sha NI// chos nyid rdo rjes mtshan ma'i dngos po 'joms// ye shes rdo rjes gzung 'dzin rtog pa bsregs// phyag mtshan rdo rje drag pos lha bdud 'joms// de phyir don la brjod med b+hai ra be// 'chi med bdud rtsis yul sems skye 'gag med// de nyid don de ye shes thugs rje 'byung// gnyis med bdud rtsi'i 'gro ba'i sdug bsngal sel// de phyir bdud rtsi mchog gi ye shes a mr-i ta// ye shes spros med yon tan rgya mtsho 'grub// thugs rjes 'phrog cing 'jig rten dbang du sdud// ye shes thugs rjes mnyam nyid dbyings su sdud// de phyir phra men rlag byed mA ra NI// cho ga rnam gsum las kyi 'phro 'du las// sku bskyed gsal gdab byin brlabs dbang bskur nas// don gyi dkyil 'khor nyid kyi dbyings su bstan// snang srid don gyi ngang du rang gnas pas// snang srid las kyi dkyil 'khor bdag gis bskyed// ces brjod pas/ ci ltar snang zhing srid pa thams cad dpal khrag 'thung gi rang bzhin du mya ngan las 'das so// phur bu mya ngan las 'das pa'i rgyud chen po las/ drag po las kyi dkyil 'khor bskyed cing che ba'i yon tan bstan pa'i le'u ste nyi shu pa'o//// de nas dpal khrag 'thung gi rgyal pos las kyi dkyil 'khor du bdag bya ba'i phyir/drag po'i phrin las su bdag bya zhing/ dngos grub nod pa dang/ tshad med pa bzhis 'gro ba ma rig pa'i don du/ drag po gtum po'i phrin las kyi ting nge 'dzin la snyoms par bzhugs nas/'di skad ces brjod do// rdo rje gzhon nu'i rig 'dzin rnams// srid pa rdo rje grub mdzod cig/ srid pa rdo rje phur bu'i lta[[]lha[]]// ye shes khro bo grub par mdzod// sangs rgyas kun gyi ye shes sk u// ngang nyid rdo rje chos dbyings la// 'bar ba'i khro bo mi bzad par// sku yi dbyig tu bdag gyur cig/ ye shes rgyal po sku gsung thugs// yon tan phrin las rmad po che// nga nyid du ni bdag gyur cig/ phyag rgya'i rgyal por bdag bskyod cig/'gro rnams ji ltar 'dul ba la// thabs kyi spyod pas 'gro don du// byams dang snying rjes gang 'dul ba// sangs rgyas phrin las rdzogs mdzad nas// dbang dang byin rlab 'dir stsol cig/srid pa gsum gyi bsdus pa kun// thugs kyi ye shes phur bu yis// khams gsum gdar sha bcad pa dang// srid pa'i phur bu sgrub pa dang// dbang dang dngos grub blang ba'i phyir// ma bcos thig le chos dbyings las// 'gyur med sku gcig gnas pa de// ye shes khro bor gshegs su gsol// drag po'i las kyi dkyil 'khor 'dir// nyon mongs gdug pa bsgral ba'i phyir// ye shes khro bo gshegs nas kyang// bsnyen pa dang ni nye bsnyen dang// sgrub pa dang ni sgrub chen gyi// 'phro 'du las kyi dkyil 'khor 'dir// rtags dang mtshan ma bstan pa dang// nyon mongs phung po bsgral ba dang// rnam shes hUM du gdon pa'i phyir// kI la ya yi dngos grub stsol// drag po las kyi dkyil 'khor 'dir// gnod gdug rnam gnyis bsgral ba'i phyir// gang gi pho nya mang po des// phyogs bcu nam mkha'i khams bkang nas// gang dmigs gnas nas 'gugs par bsam// dpal chen kI la ya yi spyan snga ru// rnal 'byor kun gyi las bya zhes/ khas blangs dam bcas ji bzhin du// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// mthu rtsal phyung ba'i dus la bab// byang chub mchog tu sems bskyed cing// gnyis med don du bsgrub pa ni/ khams gsum rgyal ba'i gdung 'tshob pa'i// rig 'dzin rnal 'byor rnams la ni// gnod cing gdug pa'i dgra dang bgegs// bdud dang bar du gcod pa rnams/ khro bo pho nya'i byin rlabs las// lcags kyi gze rgod skar ltar 'khrugs// sprul pa'i phyag brnyan glog bzhin 'gyu// ma mo mkha' 'gro khra ltar 'jum/ khro bo mang po thog ltar 'bab// rngam pa'i nga ro 'brug stong ldir/ khro tshogs 'bar ba'i byin rlabs kyis// yud tsam gyi ni 'dir khug la// mngon spyod tshul bzhin bsgral ba dang// lus ngag rdul du bshigs nas kyang// rnam shes hUM du rab bskyed kyis// sdug bsngal nyams su myong bar mdzod// pho nya mang po'i 'phro 'du yis// gnas nas khug la zil gyis gnon// oM laM/ hUM laM/ s+t+waM b+ha ya nan/ mo ha g+ha ya/ hrIHSh+t-IHbi kr-i/ snying po sngags kyis bkug pa de// ri rab 'og tu zil gyis mnan// ming dang mtshan mar bcas pa de/ khrag 'thung yab yum zhal du bstab// gnyis med sbyor ba'i byin rlab las// hUM chen po dang sras mchog bskyed// de yis ri rab rming nas mnan// sdug bsngal nyams su myong bar 'gyur// badzra hUM ka ra hUM/ badzra kI li kI la ya/ phyag rgya chen po rnam bzhi yis// dgug cing bcings la dam du sdom// sems ma 'khrugs par dbang du bsdu/ hUM gis bsdus la phaT kyis gtor// hUM kA ra dang kI la ya// dkyil 'khor gnyis kyi dbus bsdus la// chos nyid a yi ngang du spar/ dzaHhUM baM hoH sarba big+h+nAn/ badzra kI la ya/ hUM phaT/ badzra hUM kA ra hUM/ khro bo'i tshogs kyis dkyil 'khor de// phaT kyis spros pas dgra la bstim// gzi bkrag dbang rnams mngon du phrog/tsar gyi byung ste ya la bsdu// bdag gi thugs kar dbang bskur bas// skye med tshe yi dngos grub thob// phaT aH/ de ni ting 'dzin phur pa ste// rtse gcig ma yengs 'grub pa'i rtags// ting 'dzin lta ba ma khrol na// dngos su bsgral bas don mi 'grub// don gyi 'bras bu ngan song rgyu// don nyid gnyis med dbyings su bsgral// ting 'dzin gsal ba'i phur pas gdab// ces brjod pas/ 'jigs byed khro bo'i tshogs kyis thams cad dmigs su med par mya ngan las bsgral lo// phur bu mya ngan las 'das pa'i rgyud chen po las/ bdag nyid che ba'i nga rgyal bskyed de/ dbang nod pa dang/ ting nge 'dzin gyi phur pa gdab pa'i le'u ste nyer gcig pa'o//// de nas yang khrag 'thung gi rgyal pos/ drag po'i phrin las kyis dmigs pa'i dgra de mngon sum du bsgral ba'i phyir// nyon mongs pa'i gzugs la// pho nyas dbang po mngon sum du bsdu ba 'di skad ces brjod do// skal ngan las kyis mnar ba de// rnal 'byor don la bar gcod byas// gnyis med bsgral bas mi 'dul bas// mngon spyod bsgral ba'i las byas la// gang gis gzugs la ming rus bris// gshin rje'i phyogs su las rnams bya/ khru gang brkos la rgya sol gdab// thod pa mda' gzhu zhags pa dang// rtsang dang dug rdzas tshang bas bskor// ma nyes zhal lce kun la bcol// bsnyen pa rdzogs nas las 'di bya'o// bdag nyid dbang gi rgyan gyis brgyan// dam can bsnyen nas pho nya bkye// gzugs bsdu ba yi las bsdu ba// dam tshig chen po'i dus la bab// rnal 'byor don sgrub dkyil 'khor la// dngos grub bar chad byed pa'i bgegs// gdug cing sdang sems ldan pa rnams// pho nya phyag brnyan tshogs bcas kyis// zung zhig chings shig rnam par sdoms// gtogs shig grogs dang phral bar gyis// rig par khug la smyor chug cig/ phob cig rnam par gzir bar gyis// las kyi pho nya mang po kun// gzugs la bsdu ba'i las byung gis// sngon chad dam bcas ci bzhin du// nga yi dbang du gyur nas kyang// bsgo ba'i bka' rnams nyan par gyis// rnam shes dbang po gzugs la bsdus// lcags kyu zhags pa lcags sgrog dang// dril bu phyag rgya bzhi bcas la// bsdu ba'i dngos po 'di brjod cing// dbang pos mngon sum mthong bar bsam// shI g+h+raM A na ya hUM phaT/ ta thA ya ta thA ya hUM phaT/ ha sa ya na ha ra na hUM phaT/ dz+wa la pa ya dz+wa la pa ya hUM phaT/ A be sha ya A be sha ya hUM phaT/b+hin+d+ha b+hin+d+ha hUM phaT/ ces brjod pas/ khrag 'thung khro bo'i tshogs kyis/ nyon mongs pa'i sems gzugs la bsdus pas// bdag po dbang pos mngon sum du mthong nas rnam par shes pa'i sems/ mya ngan las 'das par bya ba'i phyir ro// phur bu mya ngan las 'das pa'i rgyud chen po las/ gzugs la rnam shes dbab cing bsdu ba'i le'u ste nyer gnyis pa'o//// de nas yang kI la yas/ de drag po sngags dang khro tshogs kyis phur pas gdab cing bsgral ba'i phyir/sdang ba zhe la bzhag thugs rjes nyon mongs pa'i zhe sdang gting nas g.yos nas/ shin tu gtum pa'i nga ro dang/ gdangs skad drag po'i phrin las kyis gtum tshig 'di skad brjod do// hUM drag po 'bar ba'i dkyil 'khor 'dir// gtum rngam 'khrugs pa'i ngo bo las// pho nya phyag brnyan tshogs rnams kyis// rnam shes gzugs la bsdus pa de// nyon mongs 'bras bu 'phel byed pas// thabs kyis 'dul ba'i skabs med kyis// dmigs kyis mngon sum bsgral bar bya// mthing nag cod pan phur pa la/ khro bo'i tshogs su de bzhin de// bdug brdeg byug la brlabs shing bskur// glad la lan gsum sku gsung thugs/ khams gsum phur pas dus gcig bsgral// ngang la pho nya'i phur pas gdab// de nas sngags dang ting nge 'dzin// thabs dang dgos ched lnga ru yod// dam tshig chen po'i dus la bab// sprul pa chen po'i dus la bab// phyag brnyan chen po'i de bzhin te// dbus nas phur pa bzhi blang la/ khro bdag yab yum hUM ka ra// sgra 'byin ma ste yab yum bzhis// drag po'i gnas su rim bzhin gdab// shin tu mi bzad hUM sgra can// gdug pa'i tshogs bcas ma lus kyis// dngos su btab nas zhig par bsam// don gyi btab pas mkha' la bton// yum gyi gser zhun lta bu'i sems// hUM gis bsdus pas bdag la bstim// lus ngag yid gsum sku gsung thugs// dus gsum 'gyur med tshe yi dngos// che ba'i yon tan mthar phyin bsam/ khams gsum sgrol ba'i dbang thob pas// don gyi gnas kyang theb par bsam// dran pa'i gzhi la des btab nas// nyon mongs rtsa thag nges gcod nas// sems nyid ye shes chen por bskyed// dbang po'i yul la des btab pas// dran pa nyams nas dbang po 'phrog/rnam shes mi gnas gnas su bsgral// don dam gnyis med mkha' la bsgral// bstod cing phrin las drag po rol// rdo rje khros pas zhe sdang gcod// srog gi go ru shar ba de// dmigs par bya ba'i don rnams la// snying gi go ru kI la ya// hUM tsit+ta tsit+ta hUM phaT/ a dzi te a pa ra dzi ta hUM phaT/ taM ga te hUM phaT/ dza ye bi dza ye hUM phaT/ bran dang bka' nyan pho nya'i tshogs/ khyed kyi phrin las dus la bab// sngon chad ji bzhin dam bcas bzhin// mngon spyod phrin las myur du mdzod// gr-ih+Na gr-ih+Na badzra/ b+han+da b+han+da badzra/ ma tha ma tha badzra/ ha na ha na badzra/ dz+wa la dz+wa la badzra/ ma ra pra marda na ye hUM phaT// pa ra bid+yA na mu ru mu ru hUM phaT/ gr-ih+Na pA ya gr-ih+NA pA ya hUM phaT/ su ru su ru badzra/ b+hin+d+ha bin+d+ha badzra/ pa tsa pa tsa badzra/ rim gyi 'jug la de bzhin te// gnyis med mkha' la bsgral ba yin// zhes brjod pas/thams cad ma lus par thebs nas/ phung po dngos su bsgral te rnam par shes pa mya ngan las 'das par gyur to// phur bu mya ngan las 'das pa'i rgyud chen po las/ phur pa dngos su gdab cing rnam shes mya ngan las bzlas pa'i le'u ste nyer gsum pa'o//// de nas yang drag po'i phrin las mtshon gyis brdeg cing gtub pa'i phyir/ 'di skad do// hUM rnam shes bsgral ba'i phung po la// sprul pa phyag brnyan las bya'o// 'di yang pho nya'i ting 'dzin dang// sngags dang thabs dang dgos ched do// hUM zhing bcu bsgral ba'i phung po la// pho nya rol pa'i las bya bas// dam tshig chen po'i dus la bab// rdo rje gsang ba'i bka' las ni// sdig chen gang zhig 'da' byed pa// stobs chen khro bo chen po dang// mtshon chen sngon po 'bar ba yis// klad pa tshal pa brgya ru khos// nga yi bka' las 'da' ma byed// de ni pho nyas gtub pa dang// bka' rnams nyan par byed pa'o/ khro bo gdug pa'i mtshon dbal gyis// nyon mongs mnan pa'i phung po de// rdo rje 'khor lo ral gris gtub// mgo snying lhu gzugs ma lus rnams// dngos gzhi med par brlag par bsam// gtub dang bka' nyan snying po dang// de dang der ni de bzhin no// ma ma ba shaM ku ru ma thA ma/ dz+nyA na ka ra i daM/ da d+hi ma ma shig+h+raM karma kA ra ya/ rdo rje ral gri 'khor lo yis// g.yon gyis mnan la g.yas kyis so// spyi bo ske dang phung po rnams// de la de yis de bzhin gtub// ma rig nyon mongs rgya dral nas// yang dag gnas la des bkod na// 'gyur med sku thob de dgongs nas// ming gis mi byar mi gtub bo// zhes brjod pas// nyon mongs pa lnga ye shes lnga'i ngang du mya ngan las 'das so// phur bu mya ngan las 'das pa'i rgyud chen po las/ mtshon gyi gtub pa'i las bstan pa'i le'u ste nyer bzhi pa'o//// de nas yang kI la yas/ de'i mthu dang rdzu 'phrul phyir mi 'byung bar bya ba'i phyir 'di skad brjod do// de yang pho nya'i ting nge 'dzin dang/ sngags dang thabs dang dgos ched do// phung po lhag ma ga go la// mthu dang rdzu 'phrul gnyis med par/ khro tshogs 'bar ba'i dus la bab// yang dag don spyod rnal 'byor la// gdug cing sdang sems ldan pa rnams// lha yang rung ste bdud kyang rung// nga la bar chod byed pa rnams// mthu dang rdzu 'phrul med par gyis// yab kyi pho nya rgyu byed kyis// de yi mthu rnams 'phrog par bsam// yum gyi pho nya 'jigs byed kyis// de yi rdzu 'phrul 'phrog par rol// sa bsal na ya hUM phaT// ta thA ya ta thA ya hUM phaT/ de yi 'od zer bsam yas pas// de yi mthu dang rdzu 'phrul rnams// phaT kyis gtor la hUM gis bsdus// bdag la de yi 'od 'dus pas// mthu dang rdzu 'phrul ldan pa'i thabs// thabs kyi 'phro 'du mang po las// bdag la thabs kyi rgyu yod pas// de'i mthu dang rdzu 'phrul rnams// ston mi nus pa'i dogs pa'o// zhes brjod pas gdon gyi rigs de dag gis mthu dang rdzu 'phrul ston mi nus par gyur to// phur bu mya ngan las 'das pa'i rgyud chen po las// mthu dang rdzu 'phrul phrogs nas phyis ston mi nus par bya ba'i le'u ste nyer lnga pa'o//// de nas yang kI la yas// drag po phrin las kyis// gtum tshogs 'bar ba'i bar du// nyon mongs dug lnga'i gzhi zhe sdang 'bar bar smin pa'i phung po'i thed rol de mi gnas par bsgral te/ gnas su stob pa'i phyir 'di skad brjod do// hUM gru gsum mthing nag 'bar ba'i klong// bcos med yum gyi mkha' klong du// yab kyi ye shes tho tshogs kyis// nyon mongs ma lus rten 'pho ba'i// lhag ma ma lus skur bton gyis// dam tshig chen po'i dus la bab// pho nya mang pos gtun du brdung// brdung dang bstab dang dbyings su bsgral// snying po rim bzhin sngags bzlas pas// gnyis med mkha' la gdon par bya'o// rdungs shig rdo rje 'bar ba'i gtun/ khro bdag dpal chen 'bar ba yi// bka' las 'das pa'i sdig chen rnams/ khas blangs dam bcas mna' bor bas// rang gi gshed mar rang gyur te// rdo rje me dbal snying bsregs nas// lus ngag rdul phran bzhin du rlogs/khro mo 'bar ba'i gtun khung du// rdo rje tho bas brdung byas te// lha yang rung ste bsgral bar bya'o/ khA thaM khA thaM khA thaM/ hUM hUM hUM phaT phaT phaT/ badzra rak+sha kro ta khA hi khA hi/ ha ha ha/ don nyid mi dmigs dbyings su bsgral// dkar nag mtshams nas sku bskyed la// nyi shu rtsa gcig kI la yas// snang srid phur bu'i skur gyur te// gzung 'dzin rnam rtog rtsad gcod pa'i// skye med byang chub sems su bstan// zhes brjod do// chos nyid don gyi byin brlabs so// gsang sngags che ba'i byin brlabs so// sangs rgyas kyis ni nus mthu yis// a b+hi tsar+ya'i dus la bab pa'o// gnag pa de kho na la'o// badzra kI li kI li/gnag pa de kho na la'o// kI li kI li zhes bco brgyad dkar nag gi mtshams su'o// phur bu mya ngan las 'das pa'i rgyud chen po las/ drag po phrin las kyis gtun tshogs su brdungs shing/ chos nyid bden pa'i don gyi phur pas/nyon mongs pa rtsad nas bcad nas/ byang chub kyi sems phur bu'i rang bzhin du mya ngan las bzla ba'i le'u ste nyi shu rtsa drug pa'o//// de nas yang kI la yas bsgral ba de dag don yod par bya ba'i phyir/dgos ched sku mchog shin tu legs par bstan cing/ bsgral ba'i gnas kyi man ngag 'di skad brjod do// de dag bsgrub pa'i dam pa ni// kun gyi bya ba ma yin te// gnyis med don ldan skyes bu des// gnod gdug rnam gnyis ma bsgral na// nges par ngan song 'khor bar ltung// ci phyir nges pa'i las la sgrib// nges pa'i don bor log par gol// blta ba ngan pas ras chod byas// spyod pa rtsing bas tho cor byas// dam tshig nyams pas gzu lums byas// gzhung las gol bas dkyil 'khor dral// ma nyes pa ni drag par 'joms// rang las mkhas la skur pa 'debs// de la drag po'i las byas na// mya ngan 'das pa'i yon tan thob// ma mo mkha' 'gro bran bzhin 'khol// tshe ring bde ba phun sum tshogs// dgra dang 'byung po rdul du rlog/ mthu chen lha srin de bzhin te// ci bgyis bka' nyan bsgo ba nyan// 'di dang pha rol gnyis su yang// bsam pa 'grub cing mtho ris thob// bdag dang gnyis med byang chub sems// gnyis med chos skur dbyer med pas// ngan song gsum po sgo bkag nas// gnyis med mkha' la de bsgral na// don dang mthun pas dam tshig skong// sdig chen bsgrol na las ngan chad// dam nyams bsgral na bka' gzhung btsan// log rtog bsgral na dkyil 'khor gnyan// gnod gdug bsgral na bar chad nyung// gzhan yang yon tan brjod las 'das// 'bras bu nges par chud mi za/ khro bdag chen po thabs mkhas pas// bsgral ba'i las rnams bya bar bshad// dang po snying rjes gzhi bzung la// tshad med rnam bzhi sngon du gtong// de nas bsgral ba'i phung po de// gnyis med lha yi dkyil 'khor du// yang dag don gyi sbyang bar bya// nam mkha' lta bur skye ba med// rnam dag phung po lnga yis bsdus// snying rjes bsgral ba'i dam tshig ni// bsad cing mnan pa ma yin te// phung po rdo rje gtam byas nas// rnam par shes pa rdo rjer bsgom// bsgral ba'i rnam shes hUM du gsal// de nyid byang chub sems kyi rtags// dpal chen rdo rje nyid kyi sku// ma lus dbyer med 'dus ma byas// gnyis med don gyi de bzhin no// A+oM badzra kI li kI la ya sarba big+h+nAn baM hUM phaT/ sku gsung thugs kyi 'bru gsum po// hUM gis bsdus la phaT kyis 'phang// mkha' la bton la rdo rjer ro// rtse lnga 'bar ba'i sku ru gsal// mi 'gyur sku yi ngo bor gyur// hUM hUM hUM/ phaT phaT phaT/ hUM hUM/ phaT phaT/ tiSh+Tha badzra ces brjod pas// thams cad mya ngan las 'das nas sku mchog de shin tu mi 'gyur bar gyur to// phur bu mya ngan las 'das pa'i rgyud chen po las/ gso zhing byang chub kyi sems gcig gi rang bzhin du bstan pa'i le'u ste nyer bdun pa'o//// de nas yang ni kI la yas/ karma kI la ya nyid kyi thugs kar bsdus shing/ yongs su bzung ba 'di gsungs so// e ma ho/ phyogs bcu dus gsum cir yang snang// byang chub rdo rje nyid kyi sku// spros med thig ler gnas pa las// gzung 'dzin las kyis rnam par zin// chos kyi sgo mo bsam yas kyang// mya ngan 'da' bar 'gro ba'i lam// nyon mongs dug lnga thabs kyis btul// don dam mya ngan 'da' bar bsgral// don gyi man ngag nges par bshad// 'jigs byed dpal chen thams cad kyis// phyag rgya chen por mya ngan 'da'// don de rtogs nas sus brjod pa// nges par yang gsang dbang chen rdzogs/khrag 'thung rgyal po 'khor bcas la// mya ngan 'das las gzhan mi mnga'// mya ngan 'das pa'i rgyu rgyal 'di// nyid de nges don thugs las byung// de ni nges par lung bstan te// thugs las skyes pa'i he ru ka/ mi 'gyur byang chub sems la gnas// zhes brjod pas/ dpal khrag 'thung 'khor dang bcas pa thasam cad dbyer med par shin tu dgyes nas/ sku gsung thugs kyi rgyan gyis thams cad ma lus par mya ngan las 'das par gyur te/karma he ru ka yang nyid kyi thugs kar bsdus te thim par gyur to// phur bu 'bum sde rtsa ba'i rgyud chen po mya ngan las 'das pa'i rgyud chen po las/ yongs su gtad pa'i le'u ste nyer brgyad pa'o//// phur bu mya ngan las 'das pa'i rgyud chen po rdzogs so////

CLOSE WINDOW