CLOSE WINDOW

Gpb026.008
བོད་ཡིག

rgya gar skad du/ kI la ya bi ta sa ma ya tri ta tan+t+ra/ bod skad du/ phur bu yak+Sha za byed 'bar ba'i dam tshig gi rgyud/ bcom ldan 'das yak+Sha he ru ka la phyag 'tshal lo// 'di skad bdag gis thos pa'i dus gcig na/'og min gyi gnas mtha' dbus med pa chos kyi dbyings rnam par dag pa na/ rigs lnga'i bde bar gshegs pa'i 'khor nyid las mi gzhan pa bzhis bskor te/ de'i dus su gdul bya'i rgyud gang la gzigs nas chos ston pa ni/bskal pa mnyam par gnas pa zhes bya ba la/ dur khrod chen po rab tu rtsub mo zhes bya bar/ srid pa'i sa bon rtsub mo las bskyed pa'i srin po ma trang ka ru dra zhes bya ba/ yum 'khor ba'i sdug bsngal rgyas byed ces bya ba la/'khor lha srin sde brgyad dang/ lha chen po bcu dang/ zhe sdang gdug pa'i gcan gzan drug dang/ 'dod chags gdug pa'i 'dab chags drug dang/ gti mug gdug pa'i za gsod drug dang/mtshams sbyor gyi mche gshog gnyis dang/ las mdzad kyi srin po lcam dral drug dang/ 'jigs pa'i sgo ma bzhis bskor te/ sems can rnams la sna tshogs kyi gnod pa ni byed/ log pa'i lam la 'jug cing byang chub kyi myu gu skem par byed do/phur bu za byed yak+Sha 'bar ba'i rgyud las/ gleng bzhi'i le'u ste dang po'o//// de nas dus gsum gyi de bzhin gshegs pa rigs lnga'i bde bar gshegs pas/gsang ba'i bdag po lag na rdo rjes 'di skad ces gsol to/ kye badzra kI la ya'i tshogs/ 'khor tshogs gdug pa'i sdug bsngal 'khyams pa la// thugs rje thabs kyis drang bar mdzad du gsol// ces ched du brjod pa las/ dus gsum gyi bde bar gshegs pa rnams bka' bgros te/ rta mchog thub pas btul yang ma thul te// chos nyid zhi ba'i ngang la rtags kyi skur bzhengs te/ des kyang ma thul dam tshig la rbad nas/bcom ldan 'das kyi sku ni khro bor rab tu bzhengs te/ lha srin sde chen po brgyad gdul ba'i phyir/ 'jigs byed kyi sku la dpal gyi chas brgyad kyis brgyan te/ zhe sdang gi bdud thom yor nag po gdul ba'i phyir/thal chen gyi tshom bu dpral ba'i dme ba gsum ni btab/ 'dod chags mdzes pa'i lha bdud dmar mo gdul ba'i phyir/ mkhur ba sna dang gsum la rak+ta'i dme ba brtsegs ma ni btab/gti mug dregs pa'i bdud 'phar ba mgo gsum pa sgyur smug nag gtul ba'i phyir/ zhag gi dme ba gsum brtsegs ni thugs kar btab/ rdo rje gzhon nu dme ba brtsegs pa des/ gza' nyi ma'i bu mo stag gi sham thabs can gdul ba'i phyir/dpa' gtum za byed stag gi sham thabs ni gsol/ klu bdud nag po si sha can gdul ba'i phyir/ rigs bzhi sbrul gyi chun pos ni thod pa dang yan lag brgyan/'byung po tshogs bdag glang sna can gdul ba'i phyir/ theg pa mchog gi glang chen ko rlon ni brgyan/ srin po ma traM ka ru dra bdul ba'i phyir/ zhing chen gyi g.yang gzhi ni gsol/ khams gsum srid gsum gyi bdud dga' rab dbang phyug gdul ba'i phyir/thod pa tshar gsum ni sku la brgyan pas/ yum 'khor ba'i sdug bsngal rgyas byed gdul ba'i phyir/ stong nyid dbyings las sdug bsngal rgyas 'debs pa/ 'khor lo rgyas 'debs sku la 'khril bar byed/'khor lha srin sde brgyad 'dul bas dpal zhes grags/ de'i don rtags sku la brgyan pas na// dpal gyi chas brgyad ces su grags par bstan// srin po'i 'khor tshogs de rnams kyang// zas su sha za skom du khrag 'thung las su srog gcod pas// yak+Sha khrag 'thung srin par grags pa'o// chos kyi dbyings las 'jigs byed kyi skur bzhengs nas/ dur khrod kyi chas brgyad kyis ni de ltar brgyan// gdug pa'i mtshon cha bsnams pa ni// g.yas kyi dang por rdo rje rtse dgu bsnams pa ni// srin po gtso 'khor btul bas rgyas byed dpa' rtags so// g.yon gyi b+han d+ha rak+tas bkang ba'i nang na/ me tog mdangs dang ldan pa bsnams pa ni/'khor ba'i 'dod chags kyi khrag zhal du gsol bas/ thabs shes rab bde ba chen pos rgyas 'debs pas/ rig pa rang rtags kyi phyag mtshan no// me dang kha T+wAM ga dang phur pa 'dril ba ni/phrin las don rtags kyi phyag mtshan no// za byed yak+Sha 'bar ba'i rgyud las/ ru dra gtso bo btul ba'i le'u ste gnyis pa'o//// de nas yang gsang ba'i bdag po lag na rdo rjes/kye badzra kI la ya/ sde brgyad lha srin btul nas kyang// phyogs skyong lha chen bcu po rnams// thugs rjes ma lus gdul du gsol// zhes brjod nas/ yab yum gnyis su med pa las khro bo yab yum bcu bton nas btul te/kun gdan du btings te rig pa rang rtags ni/ rdo rje dang b+han+d+ha dmar gyis bkang ba'o// skye med 'dus ma byas ni rdo rje ste// srid rtsa sdug bsngal rak+ta zhal du gsol// zhes brjod nas/ gnyis med bde chen sbyor ba'i lam la bkod/ phyogs skyong bcu btul [(]te [)]phyag mtshan bar mar bsnams// rgyal byed dpa' rtags zhes su de la grags// ri rab phur pa tha mar 'dril ba ni// phrin las don rtags 'byin pa'i phyag mtshan no// srin po lha chen po bcu btul ba'i phyi rol na/ zhe sdang gdug pa'i gcan gzan drug gnas pa ni/ za byed za ba 'gying pa'i stag dang/ rngam pa'i gzig dang/ myur mgyogs kyi byi la dang/gsod la dga' ba'i spyang ki dang/ zil gyis gnon pa'i seng ge dang/ gtum pa'i dom dang drug gnas te/ de drug ni yab gyi zhe sdang las bskyed/ zhe sdang gi snyigs ma rus pa dang/ rus pa mthar rgyas pa mche ba ste/yab las bskyed pa'i za byed mche ba can zhes bya'o// de rnams 'dul ba'i phyir khro bo rnams kyi sprul pa yab kho na bskyed de/ yum drug dang sbyor ba mdzad pas/ pha ye shes kyi khro bo yin pas lus lhar byas/ma gdug pa byol song du byung ste/ sprul pa'i phra men ma zhes grags so// bu de drug la mkhyen pa'i ye shes ni/ stag gis nyon mongs pa'i sdug bsngal dpa' bar 'joms pa dang/ gzig gi mgo can ni/shes bya thog med kyi ye shes gsal ba dang/ byi la'i mgo can ni/ rtsol bsgrub thams cad zil gyis gnon pa dang/ spyang ki'i mgo can ni/ sbyor sgrol dbyings su dag pa'i ye shes dang/ seng ge'i mgo can ni/zhe sdang skyon gyis mi 'jigs pa'i ye shes dang/ dom gyis mgo can ni/ gdug gtum thams cad byams pa'i sbyor ba'i ye shes dang/ khyad par drug gis zhe sdang gnas su dag cing/ khyad par du 'joms par byed pa'o// dkyil 'khor de'i phyir rim la ni/ 'dod chags sdug bsngal 'dab chags brgyad gnas te/ 'jug skam sha zan gyi bya rgod dang/ rmang rtse rol pa'i bya rog dang/ 'jigs byed rtsal mchog 'bar ba'i 'ug pa dang/sgrib g.yogs phag la snyol ba khwa ta dang/ 'jol 'phur rgod nas 'jab kyi pu shud dang/ bya gcan thams cad 'dul ba'i hor khra dang drug gnas te/ de drug ni yum 'dod chags las bsten pa ste/'dod chags kyi snyigs ma khrag khrag mthar rgyas pa gshog pa ste/ yum las gsod byed gshog pa can zhes bya'o// de rnams 'dul ba'i phyir sbyor ba mdzad pas/ thugs kyi sprul pa'i sras drug byung ste/pha ye shes kyi khro yin pas lus lhar byung/ 'dod chags 'dul bya'i byol song yin/ mgo byar byung ba'o// de la ni sprul pa'i phra men ma zhes grags so// bu de drug la mkhyen pa'i ye shes ni/ 'gro ba'i don la thogs pa med pa'i bya rgod mgo can dang/ chos nyid mi 'gyur bya rog mgo can dang/ mi shes mun pa gzigs pa'i 'ug pa'i mgo can dang/ sdug bsngal dbyings su snyol ba'i khwa ta dang// thabs dang shes rab 'brel ba'i pu shud dang// nyon mongs dbyings su bsnol ba'i hor khra dang// ye shes khyad par drug gis 'dod chags gnas su dag khyad par 'dod chags kyi gnyen po'o// dkyil 'khor de'i phyi rim na/gti mug pa'i za gsod drug ste/ gti mug dur phag khra mos sems can thams cad gsod par byed pa nyon mongs gtsor 'dzin gyi mche ba can dang/ gti mug gi dug sha nag po ltas ngan don la 'dzin pa'i mche ba can dang/gti mug gi dug g.yag kham pa ro la rtags pa'i mche ba can dang/ gti mug gi dug bya dmigs su rtags 'dzin thob pa'i gshog pa can dang/ gti mug gi dug sre mo dug tsam che ba'i gshog pa can dang/gti mug gi dug byi ba rku la dga' ba'i las byed gshog pa can dang/ de drug ni gnyis med gti mug las bskyed pa ste/ gti mug gi snyigs ma sha mthar rgyas pa las byed mi shes pa ni/yab dang yum las bskyed pa'o// de rnams 'dul ba'i phyir khro bo rnams kyi thugs las sprul pa mkha' nas bskyed de/ yum drug la sbyor ba mdzad de/ yab lha yin pas lus lha mor byung/ ma byol song yin pas mgo byol song du gnas te/de la sprul pa'i phra men ma zhes grags so// de drug la mkhyen pa'i ye shes ni/ phag ni ye shes gtsang dme med pas rnam rtog 'joms/ g.yag ni chos nyid 'pho 'gyur med pa'i don la 'joms/sha ba ni ye shes rgyas pa'i mtshan ma'i bag chags 'joms/ dmigs bu ni ye shes thogs med 'khor ba'i zhen pa 'joms/ sre mong ni rnam rtog bya rlag skye med dbyings su grol/ byi ba ni cir snang thams cad gzung 'dzin mtha' las grol/ye shes khyad par drug gis gti mug gnas su dag khyad par gti mug gnyenapo'o// dug gsum cha snyoms pa'i dred dang pha wang gnyis ni/ shar dang nub kyi mtha' na gnas te/zhe sdang rus pa'i mtha' la mche ba rgyas// 'dod chags khrag gi mtha' la bya gshog rgyas// gti mug sha'i mtha' las smra mi shes// de'i phyir dug gsum 'joms pa'i dred mo la shes bya ma rmongs rtogs pa'i ye shes mnga' 'o// zhe sdang rus pa'i mtha' la mche ba rtse mo rno/ 'dod chags khrag dgu gzhan la smad du che// gti mug lam stor nyin par rgyu mi shes// dug gsum 'joms mdzad gshog rlabs pha wang la// ma rig mun pa sel ba'i ye shes mnga' 'o// phur pa yak+Sha 'bar ba'i rgyud las/ lha chen po dang gdug pa'i za byed btul ba'i le'u ste gsum pa'o//// de nas yang gsang ba'i bdag po lag na rdo rje yis/badzra kI la ya la 'di skad ces gsol to/ kye badzra kI la ya/ lha chen gdug pa za byed btul nas kyang// gdug pa'i sri can rnam gsum 'khrugs pa las// thugs rje chen pos ma lus gdul du gsol/zhes brjod pas/ rab tu rtsub pa'i tshogs kyi dur khrod na// phung sri khyi mo 'dod chags dmar lcam ni// sems can rnams kyi srog za zhang [[]la za zhing[]]'gugs// dam sri lte phur nag mo ni/sems can rnams kyi mdangs 'phrog cing skem/ rgyas sri dun+ting nag mo ni/ sems can rnams la nad gtong zhing srog gcod par byed pa la/ de gsum ni dug gsum gyi mthar rgyas kyi sri can gsum yin te/bcom ldan 'das badzra kI la yas/ thugs kyi yi ge 'bru gsum khar bcug pas/ shwa na ma bzhi dang bdag nyid ma bzhi dang/ rgyal mo bzhi 'khrungs te/ bu mo bcu gnyis pos kyang rang rtags srog gi snying po phul te/mkhyen pa'i ye shes ni/ shwa na mas thugs rje nyi ma'i 'od rgyas pa lta bu mkhyen/ bdag nyid mas sbyor ba lcags kyi tsha tshwa lta bu mkhyen/ bse'i lha mos srog gi spu gri'i so lta bu mkhyen/ de rnams kyis kyang/ dur khrod rab rtsub ma ru tse'i sgo 'gram der/ mA ra se na/ pra mar+d+ha na ya hUM phaT/ ces rang rtags srog gi snying po rnams phul te/ bka' 'khor bsrung bar rang dam rang gis bcas so// dpal chen pos gsang mtshan btags pa/shwa na mu kha dang/ shwa na ma sring ba dang/ shwa na ma rag dang/ shwa na ma las mkhan no// bdag nyid ma/ re ma te dang/ re ma de dang/ re ma dza dang/ re ma dzu'o/ bse dun+ti nag mo dang/ bse ba ti nag mo dang/bse dun+ti nag mo dang/ tsha ba ko ti nag mor btags so// phur pa yak+sha 'bar ba'i rgyud las/ gdug pa sri can btul ba dang/ thul ba'i bu mo dam la btags pa'i le'u ste bzhi pa'o//// de nas yang gsang ba'i bdag po lag na rdo rje yis/badzra kI la ya la 'di skad ces gsol to// kye badzra kI la ya/ gdug pa'i sri can de ltar btul nas kyang// srin po'i tshogs bdag btul ba'i bka' 'khor rnams// phyi rab grub pa'i dngos grub ster 'gyur ba// thugs rje thabs kyi mdzad srol bstan du gsol// zhes brjod pas/ bar chad bsrung ba mtshams kyi las// rten du rung ba tshogs gsog lha// byin gyis brlab pa dam rdzas gsum// sku gsum sangs rgyas ting 'dzin bsgom// dpal chen yum lnga gzhal yas khang// dkyil 'khor rnam gsum brten pa'i lha// dam can bco lnga bsgrub pa'i grogs// rgyal po'i las bzhi cho ga'i khrigs// 'di brgyad stong khog yin gyi byang chub lam// che ba'i yon tan kun gyi 'byung gnas sa// lha rnams bdud rtsis mchod pa dang// thugs dam bskang dang tshogs mtshams gcad cing bshags// dngos grub 'bru gsum blangs la mchod pa sbreng// dngos grub tshogs kyi mchod pa phul ba yang// dri ma dag pa lha la dri ba dang// slob mas gsol ba btab ste de la brlab// lha tshogs rnams ni gsal bar bskyed// spyan drangs te dbul bskang sogs rdzas rnams btegs la bya/ phung po bshig ste mchod pa rnam gsum dbul// dngos grub blangs nas bcu gsum las tshogs rdzogs// nyi shu grub la mkhas na dngos grub las// dkyil 'khor bri dang mchod rdzas bkram// lhag ma byin brlab mgron spyan drangs// las dang dbang bsdus kha chu btab// thugs dam bdar dang mchod mtshon bshags pa las// phrin las bcol la phur pas gdab// tha ma smon lam bro brdung kha bzhir bsdu// las chen bcu gsum rdzogs pa lhag ma'i las// bdun la mkhas na tha ma mthu chen 'gyur// bcu bzhi he ru las kyi bzlas pa ste// sgrub pa'i las tshogs zhes ni ston pa'o// phur pa za byed yak+Sha 'bar ba'i rgyud las/ 'khor tshogs byang chub lam la sgrub pa'i le'u ste lnga pa'o//// de nas gsang ba'i bdag po lag na rdo rje yis/badzra kI la ya la 'di skad ces gsol to// kye badzra kI la ya/ 'khor tshogs byang chub bsgrub pa de lags na// mtshams sbrul dkyil 'khor tshogs bsags mi 'tshal lam// zhes brjod pas/ bcom ldan 'das yak+Sha he ru kas 'di skad ces bka' stsal te/phun sum tshogs ldan mnyam nyid du// phyi nang gsang ba'i mtshams kyang bcad// phyi ni rgyal chen phyogs skyong gi// bcu bzhi mtho yis gcad par bya// nang ni las kyi mtshams gsum bcad// gsang ba sgo gsum dam sri ma traM mnan// bar mtshams las bcu rgyas pa'i go rim ni// lus ngag bsrung ba bdag nyid bsgom pa'i mtshams// bden pa bdar la bsgom pa las kyi mtshams// gnas bsrung ba ni gzhal yas khang gi mtshams// de yang mi shigs mtshon cha'i gur dang sa bzhi la// dmar nag dmar smug me yi 'du 'phro 'khyil// ye shes khro bo bcu yang dbyings nas bzhengs/khrag 'thung rol pa'i lha ni nang na bzhugs// mtshams kyi dkyil 'khor ma lus lhun gyis grub// mtshams kyi khang pa'i nang du ni// nyi zla pad+ma'i gdan bshams te// sku gsung thugs yon phrin las lnga'i// zhi khro lha rnams sngags kyis sprul// mchod rdzas byin gyis brlab pa yang// gtor ma las rab kun gyi mchog/ las rnams kun gyi sna la 'gro// gzhong pa b+hUM las gzhal yas khang// rdzas rnams lha yi rang bzhin las// rdo rje rgya gram kha bcad de// rwa la gsang ba'i yum bzhi gnas// gsang bdag dpal gyi zhabs kyis sbyang// thugs kyi 'od kyis lha rnams bskul// snyoms par zhugs pa'i byang chub sems// rta yi spyir zhugs yum gyi mkha'// gtor mar thim pas dbyer med zhu// sngags 'dis bskul la byin gyis brlab// te dzo ba liM ta te dzo ba la ti gu ya sa ma ya/ bco brgyad nyi shu rtsa gcig byin brlab sngags// dbul ba'i sngags ni 'jug ma ched du brjod// bdud rtsi ye shes lnga ldan pa// byin brlab gzhung nas byung ba'i rdzas// phul na dam skong las gnyis rdzogs// byin brlab bya ba'i sngags 'di bzlas// oM sar+b+ba pany+tsa a mr-i ta hUM hrIHthA/ dgug pa nyi shu rtsa gcig tu// byin gyis brlabs te dbul ba yin// rak+ta chags pa'i rang bzhin ni// dbang du 'dus shing las rnams byed// rmad byung dam rdzas kun gyi mchog/sngags 'di bzlas la byin gyis brlab// ra rA ga ti pad+ma sa ma ya s+t+waM// bcu pas byin brlab dbul bar bya// gtor ma lha yi maN+Dal la// bdud rtsi dkar pos te// rag+ta chags shing dmar la dwangs// byin brlab phul la gshegs pa'i las// bskyed dang mchod dang bsgom bzlas rnams// mtshan ma dus dang grangs su bya// phur pa za byed yak+Sha 'bar ba'i rgyud las/ mtshams bsrung tshogs bsags pa'i dkyil 'khor dang// bsnyen pa bskyal ba'i le'u ste drug pa'o//// de nas yang gsang ba'i bdag po lag na rdo rjes/ badzra kI la ya la 'di skad ces gsol to// kye badzra kI la ya/ bsnyen pa skyel ba'i rim pa de lags na/gzugs brnyan dkyil 'khor sgrub pa mi 'tshal lam// zhes brjod pas/ bcom ldan 'das kyis 'di skad ces bka' stsal to// dang po sa brtag bslang zhing sbyang ba dang// byin gyis brlabs te bzung ba der// sta gon mchod pa rgyas shes pas// dkyil 'khor bri ba'i las la 'jug/ mthing nag gru gsum nag po la// zla gam dmar po dbang gis sbras// zlum po zhi ba dkar pos bskor// 'khor lo rtsibs brgyad mthing nag la// gong ras dmar la 'od skor dkar// thod pa khra bos brgyan pa bri// rgyas pa'i gru chad ser po la// bar khyams phyogs mtshams sgo bzhi rigs// bcu drug cha las bgos pa yis// sgo yang brgyad kyi tshad du bya// sgo khyud ra ba bcu drug tshad// zhing gi ka ba de yi phyed// rtsigs pa tri dang pany+tsa e// yang na che ba'i yon tan rgyas// rin po che yi phung por bya// dur khrod chen po'i gzhal yas khang// dbang drag thod pa'i khol mas brgyan pa bri// ye shes spros dang bral bas na// e ni rA ga rkyang pas te// ra ba thod skam pha gu rlon// rdo rje phreng ba me 'od dmar// badzra yak+Sha maN+Da la/tsa ka tri ti sa ma yA// thal mo drug bsnol bzhi sbyar la// blang zhing nam mkhar btegs par bya// pho brang rdo rje rwa brgyad la// rin chen lte ba phrin las bzhi// 'khor lo'i rtse mor ka ba brgyad// zhing chen 'dus pa'i rgyan gyis spras// mchog chen dral btab zhing chen 'phan// glang chen chu srin nyi zlar bcas// steng gi ji ltar gnas gud par// 'og kyang der ltar gsal bar bri// pho brang mtho la phyi rol dma'// ka stegs lta bur gnas pa bri// gtso bo'i gdan dang bse mo'i thugs// thad kar gnas pa tsam du bsgom// nang gi dur khrod gzhal yas la// phyi ni rin chen gzhal yas khang// gsal ba rang bzhin med par bsgom// phur bu za byed 'bar ba'i rgyud las// gzugs brnyan gyi dkyil 'khor bstan pa'i le'u ste bdun pa'o//// de nas yang gsang ba'i bdag po lag na rdo rjes/ badzra kI la ya la 'di skad ces gsol to// kye badzra kI la ya/ dkyil 'khor bri ba de lags na// lha rnams dgod pa mi 'tshal lam// zhes brjod pas/ bcom ldan 'das yak+Sha he ru kas 'di skad ces gsungs so// skye med byang chub sems nyid las// ru dra lha chen gdan stengs su// rig pa hUM las khro bor bskyed// yum dang 'khril bas longs spyod rdzogs// phra thabs sprul pa dug gsum 'joms// bar khyams shwa na bdag nyid skyed// hUM trAM hrI A bzhi las bskyed// sgo bzhir gsang ba'i bse mo bzhi// yi ge hUM phaT ta las bskyed// bos la mchod pa'i las rnams bya// dbang dang byin brlab byas nas kyang// bsgom bzlas bsgrub pa rdzogs pa dang// pho nya rnam gsum 'gugs par bya// thugs rje sprul pa'i pho nya la// gzhi dang dngos po ngo bo phrin las gsum// mgyogs byed ye shes pho nya la// gzhi dang ngo bo phrin las dang// bka' nyan phrin las pho nya la// gzhi dngos phrin las dgur ldan na// 'gugs pa'i las la bsgrub par bya// de la gdab pa'i las brgyad bya// rig pa sems kyi phur pa de// skye med chos kyi dbyings la gdab// byang chub sems kyi phur pa de// yum gyi mkha' la gdab pa yin// tshad med snying rje'i phur pa de/ khams gsum sdug bsngal rgyud la gdab// rdzas kyi phur pa dgra dang bgegs la gdab// dang po tshe gso khrus kyang bya// gnyis pa rnam rtog sgo lnga dgag/tshogs brgyad dang po byin gyis brlabs// rten gnyis bcad dang 'khor rtsibs bcad// phur pa za byed yak+Sha 'bar ba'i rgyud las/ gdab pa'i phrin las bstan pa'i le'u ste brgyad pa'o//// de nas gsang ba'i bdag po lag na rdo rjes/badzra kI la ya la 'di skad ces gsol to// kye badzra kI la ya/ lha dgod pa'i phrin las de lags na/ gdab pa'i dgongs pa mthar phyin bstan du gsol/ zhes brjod pa las/bcom ldan 'das yak+Sha he ru kas/ 'di skad ces bstsal to// a b+hi tsar+ya'i dus la bab// brnag pa'i las ni 'di nyid la'o// a ni chos dbyings skye ba med// sgyu ma dngos med kyi bden pa'o// b+hi ni gsang sngags byin gyis brlabs// thugs rje 'gag med kyi phur pa shar// brten te 'khor ba'i sgo yang dgag/ tsar ni gnyis su med pa ste// bdag dang phur pa gzas pa'o// rig pa rtsa bcud sha khrag drug/gnyis med gcig pas sangs rgyas mthu// ya ni sku gsum rgya ma chad// byang chub sems ni rin po che// phyi ni kun gzhi nyon mongs yin// yid kyi rnam shes gsum du shar// nang ni he ru ka'i sku gsung thugs// gsang ba yab yum byang chub sems// dkar dmar gnyis su med dang gsum// rgya ma chad na sgrib gsum byang// rtog pa bral na sems zhes bya// nyams su lon na rin po che// mtshon drug gong bu gyur pa la// mi blta don du bden bzhi bdar// da ltar bya ba'i dus la bab// lus kyi brnag pa rdeb pa yin// ngag gi brnag pa sngags bzlas bya/ yid kyi brnag pa rnam gsum po// dwangs ma rnam gsum sbyang ba dang// dkar nag dri ma bkru ba dang// sems nyid rig pa'i dbyings 'byang 'byung na// brnag pa mtha' ru phyin pa'o// thugs rje gzhan du mi spro'i don// 'di nyid kho na'i dus la bab// phur pa yak+Sha 'bar ba'i rgyud las/gdab pa mthar phyin pa'i dgongs pa'i le'u ste dgu pa'o//// de nas yang gsang ba'i bdag po lag na rdo rjes/ badzra kI la ya la 'di skad ces gsol to// kye badzra kI la ya gdab pa'i dgongs pa mthar phyin pa de lags na/dbang dang dngos grub blang ba mi 'tshal lam/ dngos grub blang ba'i don rnams bka' stsal pa/ ye shes lha yi dngos grub de// don gyi gnas pa'i tshul du blang// rdo rje 'khor lo rin po che// pad+ma phrin las rgya gram de// gang la gnas pa de la blang// dam can rgya mtsho'i dngos grub de// thob pa'i dus la brten te blang// rtse lnga me ri 'bar rtse dang// ti se'i gangs la nyi shar dang// 'dzam bu'i gling du nyi ma brdal// mthing nag sgrib rtse nyil dus su// sku gsung thugs dang yon tan dang// phrin las lnga yi dngos grub blang// ting 'dzin lam pa'i dngos grub de// thob pa'i tshul la brten te blang// 'tsho ba zas kyi dngos grub de// thams cad rdzogs pa'i tshul du blang// de la dbang bskur bya ba yang// phyi ni bum pa'i dbang bskur te// bkra shis rdzas brgyad dag gis bya// gsang ba a mr-i ta dang rdo rje tshe'o// phyi ni shes dbang ye shes ni/ lhag pa'i byang chub sems so// nang gi bum pa'i dbang des lus dag pa ste/ lha'i sku snang la rang bzhin med par bsgom// nang gi gsang ba ni ngag dag par byed pa ste/lce la dbang bskur sngags bklag pa'o// nang gi shes rab ye shes sa yid dag par byed pa ste/ sems las su rung ba'o// gsang ba'i bum pa'i dbang ni/ 'khril te 'khyud cing bsrub pa'o// gsang ba'i gsang ba ni bde ba rtse la smin pa'o// gsang ba'i shes rab ye shes ni// gnyis shor gnyis mnyam pa'o// phyag rgya ma yi rgyu 'khrungs na// rdo rje slob dpon bka' 'byung na// yi ge na yang sked par chod// bla mas pad+ma mtshan ldan de// bu la gtad de sbyor bar bskul// bde ba'i ye shes byang chub sems// mkha' nas blangs te rang brten nas// dbang dang dngos grub kha ru btung// de nas blangs te bu la bskur// mkhas dang gtsang sme med rtog na// grol zhing mi ldog bla ma yin// bu mo'am chung ma mdza' bde mo// 'phangs pa bla ma de la dbul// dngos grub yon tan dam par 'gyur// dkyil 'khor 'gram du longs spyod kyang// nyam nga bag tsha med par bya// ma byin brkus na dmyal bar lhung// sems kyi thongs nas sbyin pa'i mchog/ bla ma ye shes gter zhes bya// phur pa yak+Sha 'bar ba'i rgyud las/ dbang dang dngos grub bstan pa'i le'u ste bcu pa'o//// de nas yang gsang ba'i bdag po lag na rdo rjes/ badzra kI la ya la 'di skad ces gsol to// kye badzra kI la ya dbang dang dngos grub bstan pa de lags na// rgyud dang dgongs pa'i khyad par bye brag rnams// phra mor byas te bstan par mi 'tshal lam// bye brag so sor bstan pa bka' stsal pa// rgya shug tsan+dan dkar po dang// skyer pa yang na gla ba dang// seng ldeng mdzo mo dmar mo dang// shir shing nag po tsher ma can// 'di brgyad phur pa'i rgyu yin te// yang na shing gi rgyu bstan pa// zhi rtsi rgyas pa rtsa ba dbang// drag po sa yi gting la bya// dur khrod rus pa'i rgyud bstan pa// bya phur dkar po 'gugs byed pa// mgyogs pas zhi ba'i phur par bshad// glang chen bzhon pa ser po la// dngos grub rgyas pa'i phur par bshad// bya rgod mchog gi phur pa de// dbang sdud las kyis phur par bshad// gcan gzan rkang gi phur pa de// drag po las kyi phur par bshad// dngul la zhi ba rgyas pa gser// dbang sdud dmar thabs zangs yin te// lnga bdun tshogs na drag po lcags// phur pa'i rgyu chen bco brgyad po// mkhas pas bye brag shes par bya// rgyu la don gyi tshad bstan pa// skye ba rnam bzhi'i sgo bkag pa// tshad ni sor bzhi bstan pa yin// rnam shes brgyad kyi sgo bkag pas// rten 'brel bcu gnyis rgyun bcad phyir// 'bring tshad sor ni bcu gnyis bstan/ khams chen bco brgyad rtsad bcad phyir// sor ni bco brgyad ring tshad ldan// rnam lnga'i dgongs ldan bar bar par par bya// phur ni rig pa'i ye shes te// pa ni sna tshogs dngos po'o// sna tshogs sems kyi cho 'phrul tu// rtogs na phur pa zhes su grags// dbyibs ni zlum po'i zhi ba la// rgyas pa rtse mo gru bzhi pa// dbang ni zla gam gsum du bshad// rgya mdud bcum gzhogs brgyad dang ldan// de yi byin rlabs 'di bzhin no// sngags dang rdzas dang ting 'dzin dang// lag pa'i 'du byed thabs shes rab// grub pas byin gyis brlab par bya// rig pa'i ye shes byang chub sems// tshad med snying rjes gdab par bya// sgo bzhi don gyi tshad ma'o// phur pa yak+Sha 'bar ba'i rgyud las/ rgyud don dgongs pa'i bye brag bstan pa'i le'u ste bcu gcig pa'o//// phur pa yak+Sha 'bar ba'i rgyud rdzogs so/

CLOSE WINDOW