CLOSE WINDOW

Gpb026.007
བོད་ཡིག

rgya gar skad du/ badzra kI la ya ma hA ba liM ta tan tra nA ma/ bod skad du/ rdo rje phur pa chen po gtor ma'i rgyud ces bya ba/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na// bcom ldan 'das dpal thams cad mkhyen pas/ sku thams cad kun tu gsal zhing mtshan dang dpe byad du ldan nas/ thams cad kun tu ma bsgribs pas/ phyogs thams cad nas gsal bar gyur te/ lhan ne lhang nge ma bsgribs par gsal ba ste/ gsang sngags dam pa 'byung ba'i dus na byin gyis brlabs kyis ston pa nyid du rnam par go bar gyur pa ste// 'og min dam pa'i gnas mtha' dang dbus med pa na/rin po che'i gzhal yas khang phyi dang nang med pa kun tu yang nang du gyur pa na/ byang chub sems dpa'i 'khor mang po dang/ gnyis su med par bzhugs nas mnyam pa'i ngang gis rnam pa gsum gyi tshul du ston par gyur te/thams cad mkhyen pa ma lus pa// yang dag don rnams bstan pa'i phyir// thugs rje rgya mtsho chen po la// thams cad 'byung zhing rnam par 'du// nyon mongs spangs pa'i pha rol na// rgyal ba bya ba rdul tsam med// sems nyid byang chub sems 'di yang// rgyal bar gyur pa'i snying po yin// stong pa'i chos nyid dam pa yin// snang ba ma 'gags lhun gyi grub// gnyis su med pa'i dam pa yin// 'khor ba'i bcud phyung bde gshegs rgyu// 'khor ba'i dri ma rang bzhin dag/ rgyud dang lung dang man ngag gsum// bstan cing go ste shin tu gsal// med pa ma yin snying pa'i don// nam mkha'i snying po mtha' yas mchog/ nges med sems ni sna tshogs te// sna tshogs ngo bo gcig tu snang// snang ba nyid du gzung du med// thams cad mchog gi snying po 'di// gzhan du rgyal bas chos mi btsal// rang rig snying po ma rtogs na// btsal bas rgyal ba'i chos mi rnyed// 'khor ba med cing sangs rgyas med// lha yang med cing 'dre yang med// mtho ris med cing ngan song med// thams cad sems nyid rig pa'i slong// 'di ni gang yin bder gshegs rgyu// de nyid ma spangs lhun gyis grub// ma btsal ma bsgrubs lhun gyis grub// kun tu bzang po thams cad mkhyen// rdo rje sems dpa'i don rnams ston// kun tu bzang po rdo rje sems// gnyis su med pa'i 'dul ba'i don// kun bzang dam pa lha yi lha// tshad ma gsum ni nges bzung nas// nges gzhi don la yang dag 'bebs// gnyis su don rtog gang 'dzin pa// gnyis med ngo bor yongs mi 'grub// drug dang bcu yis ma grub cing// bcu bdun rtsa gcig nges par 'grub// nges gzung med par don rtogs na// thob med 'bras bu sgrub mi dgos// rtsol med lam la bgrod mi dgos// rim pas sa la sbyang mi dgos// yang dag nyid du don rtogs pas// de ma rtogs pas 'bras bu med// bsgom med stsol min snying po'i don// nyams su len pa'i dam pa 'di// nyams med rtog pas bcings pa 'dis// rtog pas 'bras bu gang bltas pa// de nyid rtog pa nyid du 'gyur// rtog pas bltas pa 'khor ba'i rgyu// rtog pa nyid kyang nges bzung bral// nges pa rtogs pa gang du 'dzin// ma nges rtog par gzung ba med// de phyir rtog pa'i nges bzung bral// ma rig rtog pa'i gzung 'dzin bral// rgyu las bskyed par snang mi snang// rgyu las bskyed par gyur pa na// rgyu las bskyed par 'jigs par 'gyur// de la yang dag don mi dgos// gal te rgyu las ma grub na// dper na nam mkha' stong pa la// rgyu med rkyen gyis de mi 'jigs// ma rig rgyu med stong pa la// ji ltar byas kyang ngal ba'i rgyu// dper na nam mkha' stong pa la// rgyu dang rkyen du ma bstan kyang// sprin dang na bun khu rlangs 'byung// de bzhin sems nyid stong pa la// rgyu las bskyed dang ma bskyed pa'i// don nyid yang dag bshad dka' yang// ma rig nam mkha'i sprin dang 'dra// nam mkha' sprin du ma shes shing// sprin nyid nam mkhar ma shes na// sprin dang nam mkha' tha dad med// sems nyid stong pa nam mkha' la// ma rig pa nyid sprin dang 'dra// ma rig ye shes tha dad med// ma rig pa nyid yang dag lam// 'khor ba nyid kyang bde gshegs rgyu// byang chub sems kyi rang bzhin ni// dper na rin chen gser gling 'dra// rin chen gser gling phyin gyur na// dbyibs dang kha dog tha dad kyang// thams cad gser gyi ngo bor gcig/ de bzhin sems kyi mtshan nyid kyang// mtshan ma sna tshogs cir snang yang// thams cad sems kyi ngo bor gcig/ bstan pa'i snying po dam pa 'di// 'di dang 'di ru bstan par ni// bder gshegs nyid kyis brjod par dka'// don dam chos dbyings nam mkha' 'dra// skye med nam mkha'i ngo bo las// skye ba'i cho 'phrul cir yang snang// de bzhin skye med chos dbyings las// skye ba'i cho 'phrul cir yang snang// gleng gzhi byang chub sems nyid yang// dper na nam mkha' nyid dang 'dra// dngos por snang ba'i chos rnams kun// 'byung yang nam mkha' nyid las 'byung// 'dus kyang nam mkha' nyid la 'dus// gleng gzhi byang chub sems nyid la// lta ba sgom pa dkyil 'khor dang// lha dang dam tshig la sogs pa// mchod pa dang ni bstod pa dang// thams cad byang chub sems las 'byung// 'dus kyang byang chub sems la 'dus// yang dag bstan pa'i snying po 'di// sangs rgyas sems can gnyis med de// gnyis su gzung du ga la yod// nges bzung bral ba'i chos nyid la// dngos por bzung du ga la yod// mtha' dbus med pa'i chos nyid la// phyogs char bzung du ga la yod// snang stong gnyis su med pa la// snang zhes mtshan mar ga la 'dzin// stong zhes chad par ga la blta// de phyir snang stong gnyis su med// kun tu bzang po kun gyi gzhi// zhes bcom ldan 'das dpal kun tu bzang po nyid kyis brjod du med pa'i don bstan to// rdo rje phur pa chen po gtor ma'i rgyud las// gleng gzhi'i le'u ste dang po'o//// de nas mnyam pa'i ngang gis yum gyi b+ha ga la bzhugs nas/ e ma ho mnyam pa nyid kyi ngo bo ni// bstan pa'i snying po don gyis go/ 'di ni sangs rgyas 'byung ba ste// kun bzang nyid du rnam par grags// e ma 'di ltar ngo mtshar che// ya mtshan 'phrul chen rang las byung// mi btsal rang byungango mtshar che// ngo mtshar chen po lha yi sku// ji ltar bltas pas 'grub par 'gyur// 'di ni rab tu ngo mtshar che// e ma 'di ni ngo mtshar che// skye ba med pa'i chos dbyings las// bstan pas go ba ngo mtshar che// don nyid brjod du med pa la// brjod pas go ba ngo mtshar che// mun pa lta bu'i gti mug la// mar me lta bu'i 'od byung nas// gti mug mun sel mar me sgron// mun pa 'joms pa'i shes rab 'od// 'di ltar gdul byed bde gshegs byung// 'dul ba'i ngo la cir yang snang// gnyis su med par mnyam par sbyar// e ma 'di ltar ngo mtshar che// nam mkha' stong pa skye med la// skye ba'i cho 'phrul cir yang ston// de bzhin skye med chos dbyings las// skye ba'i cho 'phrul bsam mi khyab// ston pa 'byung zhing 'khor rnams 'byung// thugs rje 'byung zhing byin rlab 'byung// dkyil 'khor 'byung zhing mchod pa 'byung// thams cad thams cad 'byung ba yin// thugs rje chen po'i byin rlab kyis// bde ba chen po dbab tu gsol// e ma 'di ni gang 'byung ba// thugs rje sprul pa chen po 'byung// 'gro ba 'dul ba bstan pa'i phyir// gang gis 'dul ba de bzhin du// 'dul ba'i ngo la cir yang ston// yab la dgyes shing yum la chags// chags pa'i mdangs kyi dgyes pa na// sems dang sems su 'dres pas na// sems nyid mi 'gyur brtan pa'i mchog/ dgyes pa chen pos dbab tu gsol// e ma mi 'gyur brtan pa la// 'gro ba kun gyi don gyi phyir// yab la 'khyud cing dges pa bskul// 'dod pas g.yos shing rab tu 'dzum// zim bag bcas shing brtse ba skye// mchu 'gul lce 'dril rab tu gdung// rtsa rnams rab tu rgyas mdzad de// pad+ma la ni bde ba dbab// e ma ston pa yum dang bcas// yum ni dges pas yab la 'khyud// yab kyi bde ba chen po 'di// yum gyis dges pas bskang ba'i phyir// gsang ba'i rdo rje bde ba 'bebs// bde ba chen po 'di dag ni// yum la dbab kyi dges par mdzod// yab yum bde ba chen po 'di// dges pa chen pos dbab par mdzod// e ma oM AHhUM phaT/ sa ma ya hoH sa ma ya s+t+waM/ a nu rA ga yA mi/ a nu rA ga ya hUM/ dzaHhUM baM hoH hUM hUM hUM/ gnyis su med par mnyam sbyar nas// bde ba chen po'i byin brlabs las// thams cad dbang bskur sgrib sbyangs nas// nyon mongs sbyangs shing byang sems 'phro// drag po la sogs rnam bzhi yis// ji ltar 'dul ba bzhin spros na// dkar dmar gnag dang ser ba dang// dus rnams kun tu rab sbyar nas// yang dag nyid du rnam par spro// 'di ni sangs rgyas byin brlabs yin// thabs dang shes rab gnyis med par// dus gsum snga phyi med par sbyor/ hUM hUM hUM/ shAn+ting ku ru swA hA/ puSh+ting ku ru swA hA/ ba shang ku ru swA hA/ mA ra ya sa ma ya hUM phaT/ oM badzra kI li kI la ya hUM hUM hUM/ rnam bzhis 'dul ba gang yin pa// de ni sangs rgyas mdzad spyod yin// rngam pa chen po'i lha tshogs ni// 'jigs byed chen po 'di lta bu// drag po rngam pa'i hUM sgra can// de yis stong gsum rab tu g.yos// yab yum sras dang bcas pa rnams// rngam pa'i nga ro drag por sgrogs// hUM badzra kI li kI la ya hUM hUM hUM/ zhes rngam zhing ngo mtshar ba'i khro bo rab tu 'phros nas/ thams cad rab tu 'dus nas snang la rang bzhin med par gyur nas/mnyam pa'i ngang gis bzhugs so// rdo rje phur pa chen po gtor ma'i rgyud las/ gleng bslang ba'i le'u ste gnyis pa'o//// de nas sgrol ba chen po'i ting nge 'dzin la snyoms par zhugs nas/nyon mongs 'khor ba'i sems can rnams// gab sbas lta ba'i don ma rtogs/ khams gsum 'khor zhing sdug bsngal myong// shin tu ma rungs srin por 'gyur// yi dwags srin po ma r ungs pa// nad dang ma rungs sna tshogs 'byung// srin po gdug pa'i byin brlabs las// sems can thams cad gdug par 'gyur// rang la rang nyid rab tu gdug/ rang gi rtog pas bltas pas na// me bzhin tsha bas rab tu gdung// de yang rang rig rnam rtog yin// rang la rang gis 'tshig par byed// chu bzhin grang ba rang las 'byung// rang nyid rang las sdug bsngal 'byung// dmyal khams bco brgyad sdug bsngal kyang// rang gi rnam rtog bltas las byung// yi dwags bkres skom sdug bsngal yang// rang gi rnam rtog bltas las byung// byol song glen lkugs sdug bsngal yang// rang gi rnam rtog bltas las byung// de la sogs pa'i sdug bsngal ni// rang gi rtog pas de ltar snang// zhe sdang dbal chags me ltar 'bar// gti mug khang pa mun ltar 'thibs// phrag dog zur rno rta ltar 'gyes// 'dod chags 'dzin byed ci ltar 'dzin// nga rgyal bden med 'brug brag ltar 'tsher// le lo sgyid snyoms chu ltar 'phyo// nyams med spyod pa rang dgar byed// 'dod 'gro nyams pa'i dbang gyur na// nyes med lnga po rnam par 'chang// don med spyod pa rlung ltar 'phyo// 'di rnams bsgral ba'i zhing bcu ste// bsgral ba'i zhing bcu ma bsgral na// bsgral ba'i dam tshig nyams par gyur// nyams byed lnga ni rab tu bsgral// za byed lnga ni rtod la mnan// mgyogs byed lnga ni zhags pas bcings// sgrib byed lnga ni rta la bskyon// 'khrugs byed lnga ni rab tu gsal// smyo byed lnga ni smyo dang dbral// 'dzin byed lnga ni bcings pas grol// med pa lnga ni gter dang sprad// yod pa lnga ni phyam la bskur// lkug pa lnga ni smra ru gzhug/ bcings pa lnga ni zhags pa khrol// 'phyo byed lnga ni bcings la bzhag/ nyes byed lnga ni rnam par spangs/ yangs// 'dzin pa gsum ni rnams spangs la// nyes byed gnyis ni shes par bya// rtsa ba gcig tu yang dag bsgral// 'dzin pa lnga ru rab 'dzin zhing// mtshang can gsum dang rab tu 'grogs// chen po gcig ni rab shes na// thams cad ma spangs lhun gyis grub// spong byed rnams kyi sbyangs mi dgos// de yis bsgral ba chen por 'gyur// ma bsgral nyams par yang dag bshad// rdo rje phur pa chen po gtor ma'i rgyud las/ gdug pa can 'dul ba'i le'u ste gsum pa'o//// de nas rab tu bsgrub pa'i ting nge 'dzin la snyoms par zhugs te// shin tu gdug pa'i sems can chen po la rab tu bsgral ba bstan te/ dur khrod chen po'i dkyil 'khor du// dkyil 'khor 'dom gang gru bzhi la// thig dang bri bar byas nas su// dus ma nor bar bsgrub par bya// rdzas su bstan pa ma lus kun// gtor ma'i rdzas rnams 'di lta ste// dpal gyi gtor ma chen po ni// sha sna lnga las rab bsham sa nas// dkyil 'khor lhar bskyed spyan drangs nas// mchod pa ma lus dbul ba kun// gtor ma chen po'i las rnams te// oM badzra kI li kI la ya/ ma hA ba liM ta khA hi// dus drug gtor ma dbul byas la// mi 'dzin gtong bas gtor ma ste/ dus rnams kun tu btang ba dang// lo dang zla bar btang ba dang// thams cad kun tu btang ba dang// dam tshig chen po'i dus la bab// byang chub mchog tu sems bskyed pa'i// dus gsum rgyal ba'i gdung 'tshob pa// rigs 'dzin bdag cag rnams la ni// rtags dang mtshan ma bstan pa dang// kI la ya yi dngos grub stsol// oM badzra kI li kI la ya/ sarba big+h+nAM baM hUM phaT/rdo rje khros pas zhe sdang gcod// mtshon chen sngon po 'bar ba yis// nam mkha'i dkyil nas thigs pa shar// srog gi go ru shar ba dang// snying gi go ru bsgom par bya// snying rjes bsgral ba'i dam tshig ni// bsad cing mnan pa ma yin te// phung po rdo rjes gtam byas nas// rnam par shes pa rdo rjer bsgom// me ru 'bar ram 'od du 'byung// 'gul lam ldeg gam 'phyo ba'am// 'di rnams gang byung gtor ma 'grub// oM badzra kI li kI la ya// mA ra ya ba liM ta b+h+yo b+h+yo b+h+yo/ gang yin phyogs su 'phang nas ni// sprug cing gdab ste khrag kyang gtor/ khro bo chen po bcu rnams la// gtor ma chen po 'di lta ste// oM badzra kro d+ha hUM kA ra hUM/ gardza gardza hUM phaT/ steng phyogs khro bo hUM kA ra// yum chen rdo rje sgra 'byin ma// phra men phag dang smrig bur bcas// glang chen sha dang thod khrag dang// go ro tsa na'i gtor ma dbul// oM badzra kro d+ha bi dza ya hUM/ ha na ha na hUM phaT/ shar gyi khro bo rnam par rgyal// yum chen rdo rje mda' snyems ma// phra men stag dang bya rgod bcas// seng ge dkar mo'i sha dag dang/ dri chen bdud rtsi chen po dang// skam pa chen po'i sha gtor dbul// oM badzra kro d+ha nI la daN+Da hUM/ da ha da ha hUM phaT/ shar lho'i khro bo dbyug sngon po// yum chen rdo rje sder mo ma// phra men g.yag dang bya rog bcas// 'dzin byed khra yi sha dag dang// 'dzul byed gcer bu'i sha yi mchod pa 'bul// A+oM badzra kro d+ha ya mAn+ta ka hUM/ pa tsa pa tsa hUM phaT// lho yi khro bo gshin rje gshed// yum chen khro mo dur khrod ma// phra men sha ba 'ug par bcas// gshog med 'phur dang mAM sa dang// chags med sha khrag mchod par 'bul// A+oM badzra kro d+ha Ar+ya a tsa la hUM/ ban+d+hA ban+d+hA hUM phaT/ lho nub khro bo mi g.yo mgon// yum chen rdo rje gtun khung ma// phra men gzig dang khwa ru bcas// sgrol byed srin po'i sha khrag dang// me 'bar shing gi bdag po dang// 'gro byed stabs 'bral sha khrag mchod par 'bul// A+oM badzra kro d+ha ha ya grwa wa hUM/ hu lu hu lu hUM phaT/ nub kyi khro bo rta mgrin rgyal// yum chen rdo rje gtum mo dang// sprul pa byi la pu shud bcas// dus 'dzin pad+ma'i khrag dag dang// 'byong byed sha yi mchod pa 'bul// oM badzra kro d+ha a pa ra dzi ta hUM/ tiSh+Tha tiSh+Tha hUM phaT/ nub byang khro bo gzhan gyi mi thub dang// yum chen rdo rje mda' snyems ma// phra men khra dang spyang kur bcas// sgrib byed sha dang rdeg byed lag/ myo byed sha yi mchod pa 'bul// oM badzra kro d+ha a mr-i ta kuN+Da li hUM phaT/ ts+tshin+da ts+tshin+da hUM phaT/byang gi khro bo bdud rtsi 'khyil// yum chen rdo rje rlung 'byin ma// phra men seng ge pha wang bcas// skyong/ skyed byed mo dang bran dran byed snying// dri chu sha yi mchod pa 'bul// oM badzra kro d+ha trai lo kya bi dza ya hUM/ bin d+ha bin d+ha hUM phaT/byang shar khro bo khams gsum rgyal// yum chen rdo rje bskyod ma dang// phra men dred dang sre mo'i mgo/ dran byed sha dang 'gro byed rkang// nyal byed sha yi mchod pa 'bul// oM badzra kro d+ha ma hA ba la hUM/s+pho Ta s+pho Ta hUM phaT/ 'og gi khro bo stobs po che// yum chen rdo rje gsod ma dang// phra men dom dang byi ba'i mgo// nyan byed klu dang sdod byed sha/ 'joms byed sha yi mchod pa 'bul// bzhi tshan bcu yi lha yi tshogs// hUM mdzad thog 'bebs smyo 'dul rgyal// sred byed dbyug dang sgrol byed gshed// gnod byed mgon dang dbang sdud rta// 'phen byed gzhan dang gsod byed bdud// 'dzin byed khams dang 'phebs byed stobs// so so'i las rnams sgrub pa dang// so so'i mthu phyin rab tu ster// ta thA ya ta thA ya hUM phaT/ sgrol byed chen mo'i lha mchog ni// sku mdog gnag cing tho ba bsnams// rkang leb sha yi mchod pa 'bul// gang yin sgrol ba'i las la brtson// ha sa ya ra ha da na ya hUM ha sa yan yan ha phaT// 'bral byed chen mo'i lha mchog ni// sku mdog mthing zhing gu gul bsnams// rmig zlum sha yi mchod pa 'bul// gang yin skyob byed lha dang 'bral// A be sha ya A be sha ya hUM phaT/ 'gugs byed chen mo'i lha mchog ni// sku mdog dkar zhing lcags kyu 'dzin// dran byed snying gi mchod pa 'bul// shI g+h+raM A na ya hUM phaT/'ching byed lha mchog chen mo ni// sku mdog sngo zhing zhags pa bsnams// mkhal ma khrag gi gtor ma 'bul// dz+wa la pa ya dz+wa la pa ya hUM phaT// smyo byed lha mchog chen po ni// sku mdog dmar zhing dug rnams bsnams// 'du byed med pa'i mchod pa 'bul// bi da ya bi da ya hUM phaT/ stobs pa'i lha mchog chen po ni// sku mdog ljang sngon gzas pa bsnams// don snying sna lnga'i mchod pa 'bul// lha drug bsgrub pa drug tu bstan// nyams drug rtags drug rab tu gzas// bskyed dang spyan drang mchod pa 'bul// 'dzab bstod la sogs de bzhin bya// bsgrub dang bsgrub pa chen po dang// phrin las rdzogs par shin tu bzang// dam can gsum la rim pa bzhin// nag smug snying dang mkhal ma dang// pad+ma'i khrag dang srin bya'i sha/ gcan gzan sha yi mchod pa 'bul// dza ye bi dza ye// rim pa bzhin du shes par bya// nal bu'i sha dang dbang bo'i sha/nag mo sha yi mchod pa 'bul// ka taM ka ye/ brten pa bran dang 'khor ltar bya// mar dang khrag dang 'o ma dang// sbrang rtsi chu lug lto ser dang// gzhob mgo sna skya mchod pa 'bul// a dzi te a pa ra dzi te// rim pa nyid du de sbyar nas// bskyed dang spyan drang mchod pa dang// 'dzab bstod de bzhin mchod pa 'bul// bsgrub dang bsgrub pa chen po ni// yang dag nyid du de brten bya// hUM ma ma ba shang ku ru ma dam nya ka ra i nan// dad+hi ma ma karma nan ti dza// nyid kyi bka' las 'da' ma byed// bka' nyan gsung sdod dran ltar khol// las bzhi bse mo nyid la 'dus// bse mo'i rtags rnams rab tu brtags// mA ra sai na pra mar d+ha na ye hUM phaT// thams cad las sngags yang dag pa// 'di dag bse mo nyid du bya// gang bsgrub pa yi rim pa la// dam can rnam gsum bka' bzhin nyan// bran dang pho nya bka' nyan tshogs/khyod kyi dam tshig dus la bab// sngon chad ji ltar dam bcas bzhin// mngon spyod phrin las myur du mdzod// dkar po'i snying dang skyes pa'i snying// rta dang 'dras dang gri yi sha/ dkar po'i sha gsum mchod pa 'bul// shI g+h+raM ka ra ya/ drug dang gcig dang bzhi rnams dang// drug la rdzas drug yang dag bshad// de bzhin yang dag shes par bya// de rnams kun gyi las rnams ni// bsad pa'i ling+ga brgyangs la bri// bstab pa'i ying+ga bskum la dri// mnan pa'i ling+ga phyi nang gnyis// gzir ba'i ling+ga nang nas drang// bsad dang bstab pa brkyang ba la// phyi ma gnyis po 'khor lo drug/ bsad pa dag gi sngags rnams bri/ khro bcu'i sngags rnams la sogs pa// thod pa'i phyi rim de bzhin bskor// rno ba'i mtshon gyi lus la gtug/ smug nag thal kha rab tu bya// bkod pa'i rim pa yang dag bstan// rdo rje gzhon nu'i rig 'dzin rnams// srid pa phur bu grub mdzod ma karma nan ti dza// nyid kyi bka' las 'da' ma byed// bka' nyan gsung sdod dran ltar khol// las bzhi bse mo nyid la 'dus// bse mo'i rtags rnams rab tu brtags// mA ra sai na pra mar d+ha na ye hUM phaT// thams cad las sngags yang dag pa// 'di dag bse mo nyid du bya// gang bsgrub pa yi rim pa la// dam can rnam gsum bka' bzhin nyan// bran dang pho nya bka' nyan tshogs/khyod kyi dam tshig dus la bab// sngon chad ji ltar dam bcas bzhin// mngon spyod phrin las myur du mdzod// dkar po'i snying dang skyes pa'i snying// rta dang 'dras dang gri yi sha/ dkar po'i sha gsum mchod pa 'bul// shI g+h+raM ka ra ya/ drug dang gcig dang bzhi rnams dang// drug la rdzas drug yang dag bshad// de bzhin yang dag shes par bya// de rnams kun gyi las rnams ni// bsad pa'i ling+ga brgyangs la bri// bstab pa'i ying+ga bskum la dri// mnan pa'i ling+ga phyi nang gnyis// gzir ba'i ling+ga nang nas drang// bsad dang bstab pa brkyang ba la// phyi ma gnyis po 'khor lo drug/ bsad pa dag gi sngags rnams bri/ khro bcu'i sngags rnams la sogs pa// thod pa'i phyi rim de bzhin bskor// rno ba'i mtshon gyi lus la gtug/ smug nag thal kha rab tu bya// bkod pa'i rim pa yang dag bstan// rdo rje gzhon nu'i rig 'dzin rnams// srid pa phur bu grub mdzod nas kyang// sdug bsngal nyams su myong bar mdzod// oM laM hUM laM s+t+waM b+ha nan/ mo ha g+ha ya/ b+ha ga bAn/ hrIHSh+t+r-IHbi kri// badzra hUM kA ra hUM hUM/ phaT phaT/ oM badzra kI li kI la ya dzaHhUM baM hoH sarba big+h+nAM badzra kI li kI la ya/hUM hUM phaT phaT/ oM badzra kro d+ha hUM kA ra hUM phaT/ hUM kA ra hUM a a/ dngos grub bar chad byed pa'i bgegs// gdug cing sdang sems ldan pa rnams// zung zhig chings shig rnam par sdoms// gtogs shig grogs dang bral bar gyis// ring par khug la smrar chug cig/ phob cig rnam par gzir bar gyis// nga yi dbang du gyur nas kyang// bsgo ba'i bka' rnams nyan par gyis// pa ra bid+yAn hUM phaT/ tshin d+ha tshin d+ha hUM phaT/ bin d+ha bin d+ha hUM phaT/ gr-i h+Na gr-i h+Na hUM phaT/ ha na ha na hUM phaT/ ban d+ha ban d+ha hUM phaT/ da ha da ha badzra/ pa tsa pa tsa hUM phaT/ ma tha ma tha badzra/ su ru su ru badzra/ mu ru mu ru badzra/dz+wa la dz+wa la badzra/ las kyi sngags rnams dril dril nas// snying dang dbang po rnam shes la// rim pa bzhin du phur pa thob// spyi mthun kun tu ma lus gdab// stong pa kho nar yang dag sbyor// chos nyid kyi bden pa'o// gsang sngags kyi byin gyis brlabs so// sangs rgyas kyi mthu'o// a b+hi tser+ya'i dus la bab// gnag pa de kho na la'o// dkar nag mtshams su'o// nag po gru gsum gtor ma la// mtshon rtse gnyis dang dbyig dug zangs// gzhan gyi dngos po mtshon rnams la// bsgrub pa tshul bzhin byas nas ni// mtshan ma brtan po byung ba dang// dgra bgegs dbang po mngon sum bsgral// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// las sngags mtshon du bcas pas gdab// dum bu nyid du de bzhin 'gyur// drag po gru gsum gtor ma la// d+ha du ra yi rtsa ba dang// lug mig grib skams byas pa dang// rtsa ba lo ma 'bras bu dang// thams cad dug tu gyur pa kun// nag po dag tu yang dag bya// bsnyen bsgrub tshul du byas nas ni// me 'bar 'od du 'byung rtags ni// rim pa bzhin du yang dag sbyar// gdug cing sdang sems ldan pa rnams// lha'am 'on te bdud kyang rung// nga la bar chad byed pa rnams// mthu dang rdzu 'phrul med par byos// las sngags dag la yang dag sbyar// nyon mongs 'khor ba gzhom pa'i phyir// gtan gtun mkha' dbyings yang dag bsam// rdungs shig rdo rje 'bar ba'i gtun// bka' las 'da' byed sdig can rnams// rdo rje me dbal snying bsregs nas/ khro mo 'bar ba'i gtun khung du// rdo rje tho bas brdung byas nas// lha yang rung ste brlag par byos// kha thaM kha thaM kha thaM/ hUM hUM hUM/ phaT phaT phaT/ hUM hUM phaT phaT phaT/ khyad par chen po'i gtor ma ni// sha chen dam rdzas mchod pa dang// snying khrag dron mo ma lus dang// nyon mongs lnga po rtsad bcad cing// 'joms byed nad la gzhom byed phyir// sna lnga tshon gyis 'dab mas dgab// bsnyen pa nyid du yang dag ldan// klong drug sngags drug lha drug dang// rdzas drug las rnams ma lus bya// bsnyen bsgrub drod du gyur pa dang// nad rnams ma lus dbab par bya// des ni 'khor ba gting nas skems// nyon mongs 'joms par yang dag bshad// las rnams ma lus grub bya'i phyir// sreg pa'i klong drug yang dag bstan// phrin las las rnams bya ba'i klong// 'dzab tshogs gnyis ni drag po'i klong// bsreg cing mchod de bstab pa'i klong// dgug cing bstim dang gdab ste brdung ba'i klong// mnyes byed mchod pa 'bul ba'i klong// gzir gnon khro bo'i stangs stabs klong// bsreg pa'i klong drug nyon mongs dag par bsreg/ thugs rje me yi byin brlabs yin// gdug pa me la rab tu bsngags// drag po me yi las bya'i phyir// klong drug las 'di rnam par bstan// phrin las bya ba las kyi klong// 'dzab dang tshogs gnyis drag po'i klong// drag po sgrol ba dus kyi klong// tshig bshad drag po gyer gyi klong// drag po'i sngags rnams 'phang ba'i klong// dmod pa bral ba'i klong dang drug/ klong drug drag po 'phang ba'i klong// lam bstan zor gyi klong drug yin// lam rnams yang dag 'grub par 'gyur// nyon mongs 'khor ba gnan pa'i phyir// gnan pa'i klong drug 'di lta ste// phrin las bya ba las kyi klong// 'dzab dang tshogs gnyis drag po'i klong// brgya dang brgyad ni gdab pa'i klong/ khyad par bal tshon byad kyi klong// bskyed dang spyan drang gtad pa'i klong// pho brang stangs stabs gnan pa'i klong// klong drug gnan pa las kyi mchog/ las gsum phrin las mtshon pa'i phyir// 'di nyid drag po'i phrin las yang dag bstan// bya ba gsum du yang dag bstan// rnal 'byor gang zhig gtsor 'dzin pa// gzhung dang ldan pa'i gtor ma la// stong pa chen po chos kyi mchog/ hUM las sngags kyis gtso bor bsam// hUM gnyis 'khor gnyis rab tu bsam mo// dzaHhUM baM hoHsa spyan drangs nas/hUM gsum bstim pa'i las rnams bya// gtor ma hUM gsum lha mo drug/ rtsa sngags gzhugs la bstab sngags gdags// nyi shu rtsa gcig sngags kyis bstab// phrin las bcol ba'i las rnams bya// de bzhin du byas rdzas kyis mchod// byang chub sems kyi rang bzhin ni// chags pa med pas zhe 'dod med// mnyam pa nyid du bzhag pas na// thams cad ye grub gtor ma yin// 'bras bu ye shes tshogs su 'gyur// tshogs bsag rim pa rnam pa gnyis// yang dag nyid du rnam par bshad// rdo rje phur pa chen po gtor ma'i rgyud las// drag po gtor mas gdug pa btul ba'i le'u ste bzhi pa'o//// de nas bcom ldan 'das las thams cad pa'i ting nge 'dzin la snyoms par zhugs nas// las kyi don bstan pa 'di lta bu// dang po byang chub sems bskyed de// bum pa kha rgyan mgul chings bcas// sman lnga 'bru lnga rin chen lnga// spos lnga snying po lnga dag dang// bgegs bskrad dri yis yang dag gdug/ lha rnams bskyed pa'i rim pa yang dag bya// spyan drangs dbang bskur mchod par bsam// bskul dang 'dzab dang rim pa ni// nyi shu rtsa gcig sngags rnams la// gdab pa'i sngags kyis yang dag bsgrubs// gnyis pa bsdus shing bum par thim// mtshan ma brtan po byung ba dang// bum pa sku gsung thugs dbang bskur// nyi shu rtsa gcig sngags rnams kyis// cis kyang mi tshugs tshe dbang bskur// 'chi med tshe yi dbang dang ldan// rab tu brtan 'gyur dbang dang ldan// bdud po pad+ma dbang phyug dang// bdud mo gar gyi dbang phyug gnyis// dpag bsam shing gi sked pa la// 'dus byas bu ni bcu gcig byung// gnod sbyin bcu gcig rab tu grub// 'gro ba kun gyi don bya'i phyir// thod pa bcu gcig mnan pa'i rdzas// gnad du bstan pa'i sa rnams ni// mi 'gyur gtan du gnan pa'i sa// dbus su snying po tri rnams bri// 'khor lo drug la sngags drug bri// gnad pa'i ling+gar shes par bya// spyi ltar shes pa rab tu gces// sngon dmar dkri shing re bas gtum// bya ba'i las rnams byas pa dang// gang yin gnan pa dag tu gnan// don rnams ma lus 'grub par 'gyur// de yis 'gro ba rab tu mos// gdug pa can gyi zin pa la// 'bum mam lha sngags mang bzlas te// gang yin bstan pa'i sa de la// rtsa gsum lce yi sngags bzlas la// ldag cing nad rnams zhi bar 'gyur// 'dag pa chu dag gang yang rung// mang du bzlas pas nad la bslan// nad rnams thams cad zhi bar 'gyur// phan pa'i sman la sngags btab la// gang yin nad la glan par bya// nang nub dus gsum dag tu gdab// rdo rje'i lce yi nad rnams zhi// lha yi ting 'dzin rab tu gsal// des ni gnod pa'i nad rnams bzhi// nad rnams ma lus zhi gyur na// gnas lnga bsrungs la bgegs rnams bskrad// bsrung ba'i rim pa rab tu 'byung// nyung dkar thal chen la bsngags te// sor bzhi ba yi glang ma la// 'bru dgu gsum sngags rnams bri bya ste// gdug pa can gyi shing dag la// phur pa sor bzhi nyung dkar gdags// sa ya drug 'bum mang du bzlas// dus rnams kun tu srung ma bskul// dregs pa mchod cing chang phud gtor// mtho bskor rdzas rnams rab tu sba// nyung dkar thal chen de bzhin sba// bzlas nyung sbreng zhing mtha' ma bskor// de bzhin rab tu brjod par bya// byang chub sems ni rab tu ston// sangs rgyas rnams kyi dgongs pa yang// 'khor ba rtogs las yang dag byung// dus gsum byang chub sems las 'byung// bskal pa stong du rab btsal kyang// sems nyid byang chub rnyed mi 'gyur// gal te sems de rnyed 'gyur na// dngos po stong par ga la 'gyur// yang dag bstan pa'i snying po 'di// bstan pa'i snying po dam pa 'di// sangs rgyas kun gyi rnyed mi 'gyur// rnyed par kun bzang yongs ma gsungs// kun tu bzang po'i ngang nyid las// bstan pa 'di dag brjod las 'das// de nyid brjod par sus gsungs pa// de ni brjod par bstan pa min// 'di dang 'di ru bstan pa ni// gsung pa'i ngo bor brjod pa med// sus kyang ga la bcing ba med// rang rig rnam rtog bdag tu 'dzin// de yis bcings pa rab tu dam// skye med chos dbyings dam pa las// rtsa ba'i dkyil 'khor dam pa dang/ khro bcu'i dkyil 'khor dam pa dang// sras mchog dkyil 'khor dam pa dang// spyan drang mchod pa'i dkyil 'khor dang// 'dzab dang tshogs kyi dkyil 'khor dang// drag po las kyi dkyil 'khor dang// bsregs pa me yi dkyil 'khor dang// mnan pa sa yi dkyil 'khor dang// 'phang ba zor gyi dkyil 'khor dang// dbye ba rdzas kyi dkyil 'khor dang// phyag rgya mnan pa'i dkyil 'khor dang// bsrung bya bzlog pa'i dkyil 'khor dang// 'chi med tshe yi dkyil 'khor dang// dkyil 'khor bcu bzhi yang dag bstan// hUM/ gru gsum 'bar ba'i dkyil 'khor du// yab yum dgyes pa'i sku bskyed nas/ gdug pa 'dul zhing rngam pa'i zhal// ye shes drug gi phyag rgya can// zhabs bzhi rdzu 'phrul bzhi yi zhabs// yum dang gnyis su med par bzhug/ hUM mdzad sgra 'byin phag dang smig bu'i mgo/ rnam rgyal snyems ma stag dang bya rgod mgo/ dbyug sngon sder mo g.yag dang bya rog mgo// gshin rje dur khrod sha ba 'ug pa'i mgo/ mi g.yo gtun khung gzig dang khwa yi mgo/ rta mgrin gtum mo byi la pu shud mgo/ gzhan min mda' snyems spyang mo khra yi mgo/bdud rtsi rlung 'byin seng ge pha wang mgo khams gsum gsod byed dred dang sre mo'i mgo/ stobs chen bskyed ma dom dang byi ba'i mgo/ thugs dam gnyan po'i dus la bab/ hUM/ sras kyi dam par dbang bskur ba'i// mthing ga dkar ba sngo dang dmar// nag dang ljang sngon sku mdog can// phur pa gu gul lcags kyu 'dzin// zhags pa dug gtor tho ba 'dzin// gang yin nyams pa phyag na bsnams// sku stod khro bo chen po la// sku smad lcags phur dbal dang ldan// gru gsum e yi dkyil 'khor na// rtse mo lta bur rnam par bsam// ye shes dbyings kyi phyag rgya dang// rig pa rang rtags phyag rgya dang// brgya byin dpa' rtags phyag rgya dang// 'dzin byed pho nya'i phyag rgya dang// ting 'dzin mnyam pa'i phyag rgya dang// rdung byed tho ba'i phyag rgya dang// rdeg byed mtshon gyi phyag rgya dang// gnon byed ri rab phyag rgya dang// sreg byed me yi phyag rgya dang// 'phen byed zor gyi phyag rgya dang// phyag rgya bcu yi rab bstan nas// skye med chos dbyings phyag rgyar 'dus// ka la sogs pa'i yi ge rnams// yi ge kun gyi rtsa ba ste// yi ge thams cad 'byung bar byed// mtshon byed yi ge'i mtshan nyid las// skye med chos dbyings rnam par dag/ skye ba med las thams cad skye// 'di ni sangs rgyas phyag rgya yin// las rnams thams cad ma lus kun// yang dag nyid du bstan par byas// rdo rje phur pa chen po gtor ma'i rgyud las// las thams cad pa'i le'u ste lnga pa'o//// de nas bcom ldan 'das thams cad 'dus pa'i ting nge 'dzin la snyoms par zhugs te// gnas ni rab tu bstan pa'i phyir// dur khrod ma mo tshogs pa'i sar// bdag po gang yin sa rin bcal// maN+Dal 'dom gang grub bzhi la// dur khrod rus pa'i phye mas gdab// dam rdzas sna lngas chag chag gdab// mtshams bcad rim pa ma nor bya// thig ni hUM las yab yum bskyed// sa mA dza dang phyag rgya bzhis// spyan drang bstim par byas nas ni// rtsa ba'i sngags kyis mchod pa 'bul// sa thig gnam thig gnyis su gdab// tshon la hUM las nyid du bsam// rim pa gong bzhin shes par bya// gru gsum zla gam mu khyud dang// gru chad snam bu sgo bzhir bcas// dur khrod sna tshogs khrol ma btags// rdzas rnams ma lus rim par yang// dam can gsum gyi mthun rdzas bsags// ting 'dzin chen po'i byin brlabs pas// gtso bo bskyed dam ma mo ni// gang byed rang sngags 'khor bskyed nas// thams cad sngags kyis bya bar 'dus// lha la mchod cing bsnyen pa drang// phyi nang gsang gsum gang byed par// sngags kyi rim pa de bzhin bya// drod rtags brtan po byung ba dang// bsgrub pa dag kyang de bzhin bya// de yis gong 'dra de byung na// phur pa lnga ni gdab bya ste// snying dang yan lag bzhi rnams dang// rang rang thun du bcas pa yi// las rnams ma lus rdzogs pa dang// gang yin me la bsreg byas nas// lha la rtsa ba'i sngags kyis 'bul// gang byas nyid la gtor ma 'bul// tshe bstims rim pa lha lngas byas// dbab pa de bzhin shes par gyis// rkyang pa bcu gnyis sgrub pa yang// gtso bo re dang las byed pa// sngags kyi bye brag yang dag ldan// tha ma snying po rab tu bstan// dregs pa dbang sdud yang dag pa// dkar po gsum gyi snying khrag la// brten pa'i rdzas su yang dag bstan// gtso bo nyid ni yang dag bsam// 'bru dgu sngags kyi bsnyen pa drang// bsgrub bya dregs pa'i lha la gtad// snying dang dbang po lnga la gdab// tha ma las bstan yang dag bshad// drug dang bzhi yis bsgrub pa la// sngags drug rdzas drug lha drug dang// gtso bo nyid la rab tu bskor// bzhi yi las su bstan pa ni// dbye dang bstab pa dor byas la// bzhi yi las kyi dmag dpon bsam// rim pa bzhin du shes bya ste// drug gi yan lag lnga rnams dang/ snying dang dwangs ma bzhi la gdab// de bzhin rim pa grangs kyis sbyar// rtags thon bsgrub par yang dag bstan// nus pa rten 'brel yang dag ni// sha yi bya ba yang dag dang// zho dang 'o ma zangs byed dang// mal 'og dag tu zhag gsum mnan// d+ha du ra dang ka na si yis// 'tsher byed shing dang slong byed gzhi// lnga gsum gcig tu mnan par bya// gdug pa'i mgo dang dug rnams dang// rdzas rnams bsres pa'i phyi ma la// gang yin zhabs 'og nyid du mnan// chu grang dag la sngags btab la// tshes brgyad nam langs dag la btung// 'dzin pa'i sha dang dmar byed phrag/ chang dang mthun par rab bsnyams la// me la bsros la rab tu sbyin// dkar po gsum dang mar rnying dang// dkar po phum dmar snying dag dang// de la sogs pa'i dkar po lnga// srog snying dam par rab bsgrags te// gang yin lha rten dag tu sba// nag po spyi dkar snying dag dang// mon pa nag po'i snying khrag gnyis// srog snying nyid du bcas pa gsum// gang yin sa la mnan par bya// tsa ra'i snying dang snying po dang// thod pa snying shun dag tu sbas byas la// ra yi thod pa'i nang du mnan// klu yis bzung ba'i thod pa ru// gdug pa can gyi snying bcug la// ming rus bcug pa yang dag mnan// de nas phung ba'i rdzas de ni// gdug pa klu yi gnas su sba// smyon pa dag gi thod pa ru// gang yin ming byang bcug byas la// dkar po gsum gyi snying shun tu// dkar po nyid kyi sngags bcug la// dregs pa'i snying po kun bris la// gu gul dud pa btang byas la// sme ba'i rdzas rnams lha rten sba// thod pa gang yin gnas su sba// rims kyis shi ba'i thod pa ru// de nyid khrag dang zangs phye dang// dug rnams ma lus blugs byas la// gnan pa chen po rab tu bya// sre mong dag gi thod pa ru// gcan gzan sna tshogs snying bcug la// drag po sngags kyis bskor byas la// sgo gsum 'dus pa'i mdo ru sba// rdo rje phur pa chen po gtor ma'i rgyud las/ thams cad bsdus pa'i le'u ste drug pa'o//// de nas bcom 'das dam tshig sngags kyi ting nge 'dzin la snyoms par zhugs te/dam tshig gnyen po ngas bstan gyis// bstan pa go bar rab tu gces// snying po mchog rnams dam tshig ste// 'di ni sangs rgyas bstan pa ste// bstan pa'i dam tshig 'di dag ni// sa gzhi lta bur rab tu bstan// yi dam dam pa mi spang zhing// nyi ma re la lan gsum du// dran pa nyid du rab tu bzung// sngags dang phyag rgya snying po dang// 'di dag rab tu bstan pa yin// nyams pa lnga ni gzhi nas bstan// gsum dang gcig gis rtsa ba nyams// sgrub pa bzhin du ma shes na// ming dang mkhan khams kyang rnams rab brgyud de// rang gar bzung ba ngar 'dzin te// ngo bo zhes pa nyams pa'i rgyu// yi dam lha dang snying po'i don// sngags dang phyag rgya la sogs dang// rdo rje slob dpon mched lcam dang// bsrung ba'i rim pa de bzhin bya// sngags kyi las rnams 'di lta ste// 'bru dgu ye shes lha mchog ste// 'khor gyi dregs pa rang bzhin 'du// sku gsung thugs kyi sngags rnams la// bdud dang ma mo sgrol ba'i ging// las kyi drag po nyid du sgrol// g.yas pa thabs la g.yon pa yum// ma dang a yi byin rlabs las// hUM dang ma yi byin rlabs 'byung// hUM lnga yab lnga ma lnga yum// sngags kyi rnam par bsam par bya// yab yum sku ru gyur pa las// g.yas dang g.yon gyi mkhrig ma las// sngags kyis rab tu bskor byas la// bdag nyid yi dam lhar bsam la// snod ni a dang bcud ni hUM// 'og tu raM dang yaM bsgom la// bde ba sngags kyi byin rlabs kyis// rlung bskyor raM gyis me spar nas// a dang hUM dang bcas pa zhu// bdud rtsi chen po nyid du gyur// g.yas dang g.yon du bsam pa yi// hUM dang a yi byin rlabs las// mkhrig ma sngags kyi 'khor lo las// yab yum sbyor ba mdzad pa las// bdud rtsi chen po nyid du gyur// de bzhin gtor ma nyid la yang// snod dang bcud zhu lha mo drug/ yab ni bdud rtsi nyid du gyur// rak+ta thod pa nyid la bsam/ snod dang bcud du gyur pa las// rba klong 'khrug cing mtsho ltar 'khyil// yab yum sngags las thams cad 'byung// khro bo hasti'i las rnams ni// rnam par rgyal bar yang dag bshad// dang po rdzas rnams tshogs gyur na// stong pa nyid las rnam gsum gyis// hasti rab tu bsgom byas la// gtso bo'i dbu yi gtsug tu bsam// sngags kyi phrin las thams cad rdzogs// sngags rnams rab tu de shes pa// oM badzra kro d+ha bi dza ya hUM phaT/ ha na ha na hUM phaT/ sngags stong hasti yab kyi sngags// hUM ni hasti yum gyi sngags// ha na hasti yab kyi sngags// ha na hasti yum gyi sngags// hUM phaT thams cad las kyis sngags// bskyed pa dang ni spyan drangs la// mchod pa dang ni bstod pa dang// thams cad sngags su shes par bya// mkha' 'gro lnga la las lnga ni// yang dag nyid du 'bru nyid sgrub// mkha' 'gro gsum ni mchod bya ste// rim pa don gyis gong du bstan// yi dam lha la rab mchod nas// mkha' 'gro rnam gsum spyan drangs la// thod pa'i phyag rgya rab tu bstan// rang rang rtsa sngags gang yin la// ba liM ta yis gtor ma 'bul// gshegs su gsol dang phrin las bcol// yum gyi mkha' 'gro mchod pa ni// gang yin thod par rdzas blugs la// yab yum gnyis med bskyed bya la// sngags kyi bya ba kun kyang bya// gtor ma a las byin brlab nas// mkha' 'gro rnam gsum sngags kyis mchod// phrin las bcol la las gnyer gtad// nyi ma re la lan gsum btang// ci bsam las rnams grub par 'gyur// rdo rje phur pa chen po gtor ma'i rgyud las/ dam tshig sngags kyi le'u ste bdun pa'o//// de nas rgyud gtad pa rab tu gsung te/sangs rgyas kun gyis spyi mes ni// kun tu bzang po nga yin te// so sor ston pas gsungs pa bzhin// sdud po rnams kyis rab bsdus nas// sangs rgyas kun gyi spyi mes ngas// rig can skyes bu khyod la gtad// gsang sngags brda' yis go bar gyis// las dang skal bar ldan pa dang// sbyangs dang las 'phror ldan na ni// shes pa rno la thos pa che// thogs pa med par rtsol ba des// des ni rgyud 'di rtogs par 'gyur// rdo rje phur pa chen po gtong ma'i rgyud las rgyud gtad pa'i le'u ste brgyad pa'o//// rdo rje phur pa chen po gtor ma'i rgyud rdzogs so////

CLOSE WINDOW