CLOSE WINDOW

Gpb026.004
བོད་ཡིག

/// rgya gar skad du/ ta thA ga ta ma hA badzra kI la ya tan+t+ra nA ma/ bod skad du/ de bzhin gshegs pa chen po rdo rje phur pa'i rgyud/ bcom ldan 'das dpal rdo rje gzhon nu la phyag 'tshal lo// kun tu bzang po'i ngang nyid las// bshad pa dri med 'od ldan rgyud// bde gshegs thams cad byin rlabs 'byung// sangs rgyas dang byang chub sems dpa' thams cad kyi bstan pa rin po che/mi mjed 'jig rten gyi khams su sprul pa'i sku/ nyon mongs pa thams cad sel bar byed pa'i bde bar gshegs pa thub pa'i dbang po bya ba bzhugs so// de nas bstan pa thams cad dar zhing drang ba ma lus pa'i don mdzad do// drang ba'i don du theg pa bsam gyis mi khyab pa gcig gsungs so// gsung ngo// gsung bar 'gyur ro// de bzhin du shar phyogs gyi 'jig rten gyi khams dga' ba'i zhing khams na/ sangs rgyas dad pa'i dbang po zhes bya ba bzhugs te/ des ni drang ba nyon mongs pa thams cad rab tu sel bar mdzad do// lho phyogs kyi 'jig rten gyi khams rab tu gsal ba zhes bya ba na/ sangs rgyas ye shes gsal ba zhes bya ba bzhugs te/des ni rab tu gsal ba dang nyon mongs pa thams cad rab tu mdzad do// nub phyogs kyi zhing khams 'jig rten gyi khams pad+ma can zhes bya ba na sangs rgyas sgrib pa thams cad spangs ba sel ba bzhugs te/des ni nyon mongs pa thams cad rab tu spangs te/ dri ma bral ba dri ma spangs pa dri ma med pa'o// byang phyogs kyi zhing khams rab tu grub pa zhes bya ba na/ sangs rgyas kyi phrin las thams cad lhun gyis grub pa zhes bya ba bzhugs te/des ni phrin las thams cad lhun gyis grub cing/ don thams cad mthar phyin cing grub par mdzad do// de bzhin du 'dzam bu gling bye ba phrag brgyar ston pa yang de bzhin du 'byung bar 'gyur ro// rnam pa gsum gyi don rab tu gsal ba nyid du ston pa yin te/ 'dul ba'i dbang gis shin tu gdul bar bskul ba dang rab tu 'dul ba'i don mdzad par gyur to// de nas yang 'dul ba'i dbang du bstan pa yid 'ong kun gyi lha zhes bya ba gsungs te/ rigs gsum phyag na rdo rje dang rnam par snang mdzad rdo rje dbyings chen po dang/ dag pa kun gyi mchog tu gyur pa'o// longs spyod rdzogs pa nyid kyi sku bsam gyis mi khyab pa nyid du 'gyur ro// bden pa gsum dang khyad par gsum gyi don ston pa ste/ rnam pa gsum rigs sam nges par 'byung ba ste/ rnam pa lnga bde gshegs nyid du shes pa ste/srung ba yang rnam pa lnga kho na ste de nyid don la nges par rtogs pa nyid du bya'o// cig char 'jug pa gang yin pa de nyid du 'jug pa'o// tshad du phyin pa kun 'bras bu ste/ sa rnams mtha' ru skyol ba nyid do// lam rnam rim pas bgrod pa nyid do// theg pa thams cad phyogs 'dzin che/ 'dzin pa nyid du rnam par bltas// de nyid bde ba 'dzin pa'i dbang// rin chen gser gyi sa gzhi la// thams cad 'degs pa'i stobs yod kyang// yang dag don gyi theg pa min// snying po yang dag don las 'byung// rgyu dang 'bras bu mi phyed ste// rgyu 'bras gnyis med nges pa'i don// rgyu las btsal ba'i 'bras bu gcig/dus mtha' nyid du yongs mi rnyed// rgyu nyid 'bras bu'i mchog yin phyir// chos nyid ye nas spros bral la// 'dzin pa phyogs can gang nas grub// gzung bas phyogs su 'dzin pa yin// stong pa'i ngo bo gang yin pa// snang ba nyid du 'gag pa med// snang ba dngos med spros dang bral// snang stong gnyis med 'dzin dang bral// bral bas 'dzin pa nyid du 'gyur// des na 'dzin pa rang zhi ba// rang bzhin nyid du gsal ba las// thams cad nam mkha'i rang bzhin 'dra// dam dang 'dzin pa kun dang bral// shes rab gsal ba ma rtogs na// bsam gtan mthar thug 'bras bu med// thob med rgyu las 'bras bu med// bgrod med sa la rim pa med// sbyang med lam la sbyang du med// chos nyid zhi ba'i rang bzhin la// zhi ba nyid kyang spros dang bral// rigs kyi bu de bzhin gshegs pa yang/ rdo rje dang ni de bzhin rigs// rin chen pad+ma las kyi rigs// thugs ni rdo rje'i rigs kyi bdag sku ni de bzhin gshegs pa'i rigs// gsung ni pad+ma rigs kyi bdag/ yon tan rin chen lnga yin te// phrin las las kyi rigs su bshad// rigs kyi rgyal ba rnam lnga yang// ye shes lnga yi ngo bo ste// ye shes bsam med brjod dang bral// ye shes brjod pa'i tshigs las 'das// ye shes bsam pa'i dmigs dang bral// ye shes re ba'i 'bras bu med// de nyid rang rig ye shes yin// khams gsum gnas pa'i sems can yang// rang byung ye shes rang gnas yin// rang byung gzhan la rag ma lus// de phyir rgyu 'bras dbye ru med// rgyu nyid 'bras bu'i mchog tu bstan// sangs rgyas stong pa la sangs rgyas// dus rnams kun las nga sngar byung// che ba yongs las nga cher byung// ma btang gsal ba'i sgron mar byung// kun gyi snying po 'bras bu'i gter// re ba med pas dogs mi 'cha'// dogs pa med pas nyam nga med// kun kyang de bzhin re dogs med// chos nyid dbyings kyi rang bzhin las// chos can tha dad snang ba ni// bar snang 'ja' mtshon chu zla 'dra// 'dzin pa brtas pa gse ltar mkhregs// re dogs 'bras bu nyam nga spyod// gnyis 'byung tha snyad the tshom za// nges par gtan la ma phebs phyir// yang dag nyid du gang rtogs pa// de nyid gang rtogs sangs rgyas rgyu// de nyid rgyu 'bras bde ba'i don// snying po dam pa de la bya// de ni 'khor 'das gnyis kyi gzhi// bde bar gshegs pa'i snying po yin// thams cad kun gyi 'byung gnas yin// don dam phur pa dbyings la sgrol// bdag 'dzin pa yi phur pa ni// 'khor ba'i sdug bsngal 'dzin pa'i rgyu// don dam chos nyid phur pas 'joms// bde bar 'dzin pa'i shes pa ni// 'dzin pa'i don la khyad par med// spang blang med pa'i phur pa yis// gang 'dzin 'dzin pa rnam par grol// 'dzin pa med par don rtogs na// mtshams med sbyang yang byang chub thob// ye nas gnas pa'i phur pa yin// dang por 'khor bar 'dzin pa ni// ma rtogs pa las ma rig byung// de yis bag chags kun gzhir gyur// de las kun gzhi'i rnam shes byung// de las gzhi byung rnam pa gnyis// gcig las snang ba tha dad pas// 'khor 'das bsam med brjod las 'das// nyi ma'i zer ltar rnam par byung// thig le snang zhing yod pa las// rang rgyud dngos po gzhi la med// 'dra gzhi kun las rnam par 'khrul// med par 'khrul pa mi 'byung bas// mi srid rnam pa'i don rtags 'byung// yod pas 'khrul par gyur pa ni// gzhi la rang rgyud yod pas na// 'khor ba rang rgyud sangs mi rgya// gzhi las btags pa'i gzhi nyid ni// bag chags sogs pa'i gzhir gnas kyang// btags pas gzhi nyid der mi gnas// mi gnas bag chags gzhi dang bral// des na nyon mongs gos pa med// rdo rje phur pa kun gyi gzhi// 'khor ni rnam shes mang pos bskor// 'joms ni 'dzin byed phyogs char 'joms// thob ni skye med rang bzhin thob// de nyid ye nas phur pa yin// don dam chos nyid phur pa ni// kun la gnas pas khyab pa'i dbyings// che bar gnas pa'i ye shes lnga// 'dzin pas ma bslad mya ngan 'das// ngar 'dzin brtas pas 'khor ba'i rgyu// gzhi ni ma bcos dbyings nyid las// 'khor ba'i snang gzhi me long 'dra// mya ngan 'das pa rtogs pa'i dbyings// dag dang ma dag chos rnams kun// chos nyid phur pa rtogs pa'i ngang// ye shes lnga yi phur pa la// nyon mongs lnga ni dbyings nas sgrol// sku gsung thugs kyi phur pa yis// dug gsum sku gsung thugs la sbyor// yang dag don nyid phur pa ni// ma spangs ma bsgrubs btsal ba med// ma bslad ma bcos bsgyur du med// de nyid rtogs na phur pa'i don// nges pa'i don gyi phur pa yang// nges par gdeng su ma gyur pa// lta ba phyogs 'dzin rang rgyud kyis// spyod pa rnam gnyis rang gar sbyor// 'bras bu ngan song sdug bsngal myong// de la bde gshegs byin rlabs kyis// thugs rje'i phur pas gdug pa 'dul// byang chub sems kyi phur pa yis// mkha' dbyings nyon mongs dbyings la sdud// 'dus byas phur pa rnam bzhi yis// zhing bcu gtan nas stong par byed// rol pa sna tshogs cir yang snang// chos nyid phur pa'i rol pa yin// rdo rje phur pa'i rang bzhin ni// ci ste chos nyid phur pa 'di// ci ste ye nas phur pa yin// ci ste 'khor ba ci ltar 'byung// ci ste mya ngan ci ltar 'das// ci ste 'khor 'das ci ltar mnyam// ci ste phur pa ci yi phyir// ci ste phur pa gang la gdab// ci ste rol pa ci ltar snang// ci ste sras su ci ltar bskyed// ci ste phur pa'i don nyid gang// ye nas phur pa'i rol pa las// ci ste lung dang 'gal mi 'gyur// rang la rang chas gnas pa yin// ma rig pa las kun gzhi 'byung// phra rags rtogs pa so sor smin// dag pa nyid du de rtogs pas// rang byung ye shes de las 'byung// gnyis su med pas mnyam pa ste// mnyam pa'i dus na bzang ngan med// ma bcos don nyid phur pa'i rgyu// chos nyid phur pa thugs rjes bsgral// rnam pa bzhi ru nges par gdab// zhi dang khro yang de bzhin 'byung// dus gsum bde gshegs byin rlabs las// gzhi yis don rnams ma lus 'grub// chos nyid ye nas phur pa la// gang ltar bstan pa de ltar te// 'khor 'das la shan dbye ba'i phyir// yi ge rtog med spros dang bral// don nyid phur pa'i dbyings la spros// don yang de las g.yos pa med// yang dag nyid kyi phur pa las// sangs rgyas sems can gnyis med pas// de nyid snang ba rnam gnyis gzhi// lta ba don dam phur pa las// rol pa cir yang 'gag pa med// de nyid ma spangs phur pa'i dbyings// phyogs med spros bral phur pa'i dbyings// de nyid phyogs su gang 'dzin pa// don nyid spros bral phur pa med// 'dzin pa med pa'i phur pa 'di// btsal ba med par lhun gyis grub// phyogs bral sems pa lhun gyis grub// ye nas spros bral phur pa 'di// phra zhing zab pa gting dpag dka'// gtan la mi phebs phyogs 'dzin che// de yi don du bstan par bya// brtan pa rin chen rigs pa'i gter// zad pa med par sna tshogs 'byung// ye nas chos nyid phur pa la// sangs rgyas sems can gnyis med de// gang du 'dzin pa smin pa'i rgyu// rgyu gcig 'bras bu bzang ngan gnyis// rtogs pa'i rim pa de ltar snang// kun tu bzang po'i ngang nyid las// stong gsum rgyal ba'i skus gang yang// de bzhin nyid las nyams pa med// 'khor ba'i rgya mtsho klong rdol yang// 'khrul pa'i gzhi la zad pa med// 'khrul par gzung ba dam pa ste// dam pa'i shes pa rang 'dzin rgyu// rgyal ba 'byung ba bstan pa'i gzhi// bstan pa dar bar rgyal bas gsungs// rgyal ba grangs med brjod las 'das// zad pa med cing 'phel ba med// de phyir chos dbyings gting dpag dka'// 'khor ba 'byung ba 'khrul pa ste// 'khrul pa ma rig shes pa'o// ma rig pa nyid ye shes te// snang ba btegs pas mun pa bzhin// dag pa nyid du de bzhin 'gyur// de bzhin ma rig ma shes pas// rtogs na rang byung ye shes te// nyi ma shar ba'i ba mo 'dra// bsal pa med par rang dngas 'gyur// dag pa nyid la bsal ba med// dag dang ma dag gnyis med pas// nyon mongs lnga ni ye shes te// nyon mongs rtogs na ye shes rgyas// nyon mongs nyid kyang ngos bzung bral// bde ba gnyis kyang 'dzin pa rgyas// byang chub sems las thams cad byung// ma rig ma rtogs 'khor ba 'byung// de nyid rtogs na bde gshegs rgyu// 'khor ba spangs pa'i pha rol na// sangs rgyas bya ba btags pa yin// de phyir 'khor ba mya ngan 'das// 'khos 'das tha dad so sor med// gzhi gcig 'bras bu so sor smin// smin pas 'khor 'das so so ste// 'khor ba drug tu rnam par smin// la lar dga' bde longs spyod 'byung// la lar nyon mongs rtsod pa 'byung// la lar ngar 'dzin kun gyi gzhi// la lar gti mug byol song gnas// la lar ser sna'i yi dwags te// la lar zhe sdang dmyal ba'i gnas// ma rtogs nyon mongs gzhi las byung// dug lnga rang ga 'khor bar smin// 'khor ba bsam med brjod las 'das// 'khor ba rtogs pa mya ngan 'das// la lar mngon par 'gog par 'jug/ la lar stong nyid lugs 'byung bkag/ la lar rnal 'byor rnam gnyis spyod// la lar dag pa phyogs dang bral// la lar bde gshegs rigs lnga rgyas// la lar rim pa khad kyis bsgom// la lar rdzogs pa'i ngang du gnas// sa lam rim pa nyid du gnas// gcig la 'bras bu so sor smin// bde ba 'dod pas chags pa ste// lta ba phyogs su blta ba dang// bsgom pa dmigs gtad bcas pa dang// spyod pa spyad du yod pa dang// sa lam bgrod du yod pa dang// 'bras bu re dogs yod pa yis// phyogs su bltas pas rim par 'byung// theg pa'i rim pa bsam yas kyang// nges par theg pa gcig las med// 'bras bu re dogs grangs med kyang// nges par 'bras bu gcig las med// lam gyi rim pa bsam yas kyang// nges pa'i lam mchog gcig las med// sa lam bgrod pa bsam yas kyang// nges pa'i sa thob gcig las med// bsgom pa'i rim pa grangs med kyang// nges pa bsgom pa gcig las med// ye shes khyad par bsam yas kyang// don dam ye shes gcig las med// bstan pa'i rim pa bsam yas kyang// nges pa'i bstan pa gcig las med// sangs rgyas grangs med brjod 'das kyang// nges pa'i sangs rgyas gcig las med// de phyir rtogs pa rab tu gces// rtogs pa'i don nyid ma ldan na// bsgom pa rtogs pa'i dra ba ste// dra bar 'dzin pas don mi 'grub// byams pa lnga ni dug lnga ste// dug lnga rtogs pas sangs rgyas rgyu// sangs rgyas rang la gnas pa la// pha rol gzhan nas ci ste btsal// btsal nas 'bras bu thob mi srid// rang rig 'bras bu'i ye shes ste// gzhan nas 'byung ba ga la srid// 'byung bar 'gyur ba rang byung min// bstan pa rin chen sgrol ma 'di'i// pha rol phyin pa don gyi mchog/ shes rab pha rol phyin gyur na// bsam gtan pha rol rang bzhin 'byung// brtson 'grus pha rol ma phyin na// shes rab pha rol rtogs mi srid// shes rab pha rol phyin pa las// pha rol phyin lnga zhor la 'byung// de phyir shes rab rtogs pa gces// shes rab ye shes mi bo ches// nyon mongs gtan nas skems par byed// 'dzin gzhi gtan nas stongs par byed// sa lam bgrod pa'i grol sa stongs// re dogs 'bras bus dogs pa med// re ba med phyir dogs mi 'cha'// ye shes mtshon chen 'bar ba yis// sa lam bsgom pa'i gol sa gcod// 'dzin pa rang rgyud rtsa ba 'byin// kun tu bzang po'i rol ba las// bde bar gshegs pa thams cad 'byung// sems can kun la smad slad du// gtan la dbab pa'i ye shes la// phab pas nges par 'dzin pa med// ngos bzung bral ba'i ye shes la// phyogs su gzung du ga la yod// bgrod du med pa'i sa lam la// rim pas bgrod du ga la yod// re dogs med pa'i 'bras bu la// thob par sems pa ga la yod// 'bras bu re dogs gnyis dang bral// rgyu 'bras gnyis med de ltar byung// rgyu nyid 'bras bu'i mchog nyid pas// rgyu las spangs pa'i 'bras bu med// rgyu de nyid du 'bras bu snang// thams cad mkhyen pa ye shes ni// spyi nyid chos nyid nges bzung bral// rang nyid 'dzin pa ga la yod// 'dzin pas ma bzung nges bzung bral// 'khor 'das ma nges zhen pa med// thams cad mkhyen pa de yi phyir// ston pas thams cad mkhyen pa gzigs// 'khor yang de las gzhan pa med// gtso 'khor gnyis med thams cad mkhyen// rgyu dang lam dang 'bras bu dang// sku gsung 'dul ba'i don bstan pas// gang la gang 'dul de bzhin bstan// kun tu bzang po kun gyi gzhi// thams cad kun gyi 'byung gnas yin// sa dang lam lngar bgrod pa yang// rtsol ba'i rim pa du ma 'byung// tha dad 'bras bu khyad par can// thob par 'dod pa'i re dogs can// rgyu dang 'bras bu sku gsung don// thams cad ma lus gcig kyang med// 'dul ba sdom pa dam tshig dang// zhi dang khro yang rnam par 'byung// rgyud dang lung dang man ngag dang// bstan pa rgyas dang zhi ba dang// 'dul ba'i lha dang rgyan dang bcas// rdzas dang spyod pa mngon du bstan// brgyad dang bcu gsum lnga gsum dang// mang zhing tshang ste rnam par 'khrugs// gsal dag nges pa'i dri ma med// gsum dang ldan zhing the tshom med// tshad ma gsum ni man ngag yin// gtan la phebs par 'gyur ba med// grangs med brjod kyis mi lang dang// 'dul ba'i don du brjod las 'das// rigs lnga bde gshegs rgyal ba lnga// 'khor tshogs bsam gyis mi khyab 'byung// khro bo byang chub sems las 'byung// gcig dang gnyis su med par 'byung// dur khrod rgyan ni rnam par brgyan// gcig dang du mas kun la tshang// dam rdzas lnga ni mngon du spyod// hU~M hU~M phaT phaT sgra 'byin cing// tsham rngams stangs stabs phyogs bcur 'gyed// khro bo khro mo sprul pa dang// stong gsum bkang dang ri rab tsam// nyungs 'bru'i grangs tsam rnam par 'phro// nges pa yang dag bshad par bstan// dgongs pa byin rlabs kun la snang// nyi ma'i 'od 'dra snyoms par gsal// mun pa gsal ba'i 'od po che// dug gsum sgrol ba'i sgrol bdag yin// dug lnga rtsad gcod gnyen gcig yin// chos nyid ye nas phyogs bral yang// 'dzin pa'i dbang gis sdug bsngal 'byung// bsgom pa'i dbang gis sa lam 'graud// re ba'i dbang gis dogs dang bcas// dogs pa'i dbang gis gnyis su snang// rdo rje rin chen pad+ma dang// las dang de bzhin gshegs pa'i rigs// thugs nyid gsal la rtogs pa med// dper na rgya mtsho nyid dang 'dra// yon tan gter nyid zad pa med// zad pa med pa thams cad 'byung// dper na yid bzhin nor bu 'dra// gsung mchog tshangs pa'i sgra dbyangs te// dper ni brag cha'i rang bzhin 'dra// phrin las mthar phyin sna tshogs spyod// dper na gar mkhan nyid dang 'dra// sku mchog gsal la rtog pa med// dper na me long gzugs brnyan 'dra// rang byung ye shes stobs po che// ri rab rdul dang thigs pa dang// stong gsum tshad du gzhal ba dang// khams gsum dbang du bsdu ba dang// sangs rgyas grangs med 'byung ba dang// 'khor ba rgyu drug kha 'khor dang// ri rab tshog por 'phen pa dang// rgya mtsho gting nas skems pa dang// thams cad rang byung stobs las byung// rang byung ye shes ma rtogs pas// yin pa'i don nyid ngo ma shes// lhan cig skyes pa'i ma rig pas// de nyid gzhi byas kun gzhi byung// dge dang mi dge'i bag chags kun// me long g.ya' bzhin rnam par snang// rig pas bsam pas 'khor bar grub// bde ba'i 'bras bu'i thad tsam med// dper na shing rta'i 'phang lo 'dra// thar pa'i dus med sdug bsngal che// rang nyid rang gis sdug bsngal las// 'bras bu mi mthun so sor smin// rtogs pas dge ba bsod nams las// bsgom dang bsgrub pa'i rim pa yis// mtha' thug 'bras bu mi thob ste// gnas skabs bde ba'i sa lam 'byung// des na kun gzhi gnyis kyi gzhi// gnyis 'dzin bsags pas sangs rgyas med// rang byung ye shes rang byung bas// ma rig rang byung tha dad med// rang byung ye shes ma rig dngas// de nyid rang byung ye shes yin// lhan gcig ma rig rang byung ste// 'khor 'das gnyis kyi bsag gzhi med// dper na nam mkha' stong pa 'dra// kun rtags ma rigs gzhi med pas// 'khor 'das gnyis su brtag tu med// ma brtags de bzhin nam mkha' 'dra// de la kun gzhi ming dang bral// de nyid rjod pa'i tshig las 'das// mi bgrod pa yi sa nyid yin// stong pa chen po'i chos nyid las// stong pa rtog med spros dang bral// stong pa dri med 'od dang ldan// stong pa byed pa kun gyi dpal// stong pa ye shes snang ba can// stong pa khams gsum kun gyi bdag/ stong pa yi ge kun gyi gnas// stong pa zhi ba 'od kyi zhal// stong pa 'dus pa drag po'i sku// stong pa snang stong gnyis su snang// stong pa yod pa kun dang bral// stong pa don dam bcud kyi rgyan// stong pa rol pa 'gag pa med// stong pa rigs kyi rgyal ba 'byung// stong pa'i stong pa dri ma med// stong pa'i snang ba lha yi sku// stong pa'i log rtog log par 'khyams// stong pa'i 'bras bu snang ba nyid// stong pa'i rgyu nyid snang bas gzhig/ stong pa bcu dgu'i rang bzhin ni// stong pa'i snang ba rnam par gsal// snang ba sna tshogs lhun gyis grub// gnyis med gnyis su 'dzin dang bral// snang ba'i rigs lnga rgyal ba'i sku// snang ba bdud 'dul khro bo'i sku// snang ba rol pa 'dzin pa med// snang ba bya spyod gnyis su med// snang ba don dam bcud kyi rgyan// snang ba snang la rang bzhin med// snang ba bzhugs gnas gzhal yas khang// snang ba mtshon byed yi ge med// snang ba dri med 'dzin pa bral// snang ba sems nyid 'byung ba med// snang ba bcud kyi stong pa gsal// snang stong gnyis su med pa la// snang zhes mtshan mar ga la 'dzin// stong zhes mtshan mar ga la blta// med pa ma yin snying po'i don// yod pa mtshan ma kun dang bral// des na gnyis med re dogs bral// yod med gnyis kyi mtha' las 'das/ khams gsum kun gyi byed pa po// ye shes snang ba shar ba'o// ma rig mun pa 'joms pa'o// thams cad rgyan du snang ba'o// gdug pa chen po 'dul ba'i gnas// mtshams med lnga ni bde ldan gnas// nyon mongs lnga ni ye shes lnga// rigs lnga bde gshegs phung po lnga// sems dpa' sems ma rnam shes rnams// phyin ci log bzhi khro bo bzhi// nyon mongs drug ni thub pa drug/thams cad lha yi rang bzhin la// gzhal yas b+han+d+ha brjid chen las// bzhugs pa'i don gyis de ru bzhugs// lha rnams don gyis de na bzhugs// rang bzhin lha dang mchod pa dang// 'dzab bsnyen bstod pa tshogs pa dang// kun kyang rgyas par rab tu bya// rim pas 'jug cing 'bras bu smin// tshad du phyin pa yang dag nyid// rnam bzhi'i 'bras bu rim par 'jug/ yang nas yang du rnam par rtog/phung po he ru rnam lnga ru// 'byung ba lnga dang ye shes lnga// rnam shes badzra kau rI ma// yul brgyad phra men seng ha brgyad// log rtog sgo ma rta gdong ma// yid ni 'jug byed dbang phyug ma// rang bzhin lha dang rim pa dang// mchod pa dang ni bsnyen bstod mchod// las rnams ma lus kun kyang rdzogs// grangs dang tshad du phyin pa dang// rim pa bzhi la skabs dang sbyor// grangs kyi rim pa yang dag nyid// de nyid grub pa sku gsung la// gang gis rtogs nas rim par 'jug/ de ma rtogs par sgrib pa gsum// bral ba nyid du yongs mi 'gyur// rtogs na longs sku'i byin rlabs yin// de thos sgrib pa gsum dang bral// che chung gnyis med yang dag bral// sa rnams rab tu mnan pa'o// lam rnams mtha' ru skyol ba'o// rim pa gnas su 'byor ba'o// dgra rnams tshad gcad 'joms pa'o// stong pa chen po'i chos nyid las// snang stong gnyis su med pa ste// snang ba thams cad rdzogs pa'o// rim par 'byung zhing rnam par gnas// phyi nang med par kun tu gsal// rim pa nyid kyis gdan steng du// dregs pa phyogs skyong chen po 'dul ba'i lha// yab yum sras dang bcas pa rnams// gsal la rtog med lha yi sku// dregs pa 'dul ba'i lha chen sku// nyid las mi gzhan thugs las sprul// gtso mchog rgyal po bdud dpung 'joms// bde bar gshegs pa'i byin rlabs yin// thams cad 'dus nas dbang bskur bas// sras kyi dam pa lha yi sku// snang la rang bzhin med pa'i dbyings// de yi 'khor tshogs 'dul ba'i lha// gdug pa'i khro bo khro mo tshogs// yang sprul bsam gyis mi khyab pa// gdug pa can rnams 'dul ba'i phyir// rang bzhin dag pa'i dbyings na bzhugs// 'jig rten dregs pa gdul ba yi// khams gsum bdag por dbang bskur te// kun tu bzang po'i byin rlab yin// dbyings nas bzhengs kyang g.yos pa med// snang srid dregs pa dbang du sdud// gang 'dul sprul pa bsam mi khyab// 'gro ba kun la cir yang ston// zhi dang khro yang de bzhin 'byung// rgyas pa chen po dbang yang 'byung// gang bsgrub nyid du rnam par 'byung// spyan drangs rim pa ma lus kun// drang ba'i don du yang dag gsungs// byang chub sems las khyad par med// de bzhin rim pa bsam las 'das// brjod kyis mi lang lha bsgoms kyang// thams cad rig pa byang chub sems// las kyi khro bo 'dul pa'i lha// yang dag min phyir gdul byar grags// sems can kun la rnam par 'tshe// dngos po bzhi la 'byol nyog spyod// nges par gdeng du ma phyin par// 'jig rten 'dul ba'i gdug pa can// nga ro 'don cing che bas bsgyings// 'khor rnams bsdus shing dmag dpung 'joms// ye shes rang rgyud gzung las 'byung// rdo rje sems dpa'i don ma rtogs// kun bzang nam mkha'i lta ba med// rang la rang gi rnam smin tshang// grang dang bkres pa de bzhin te// rnam smin zad par ma gyur pas// thugs rje chen po'i byin rlab 'byung// byang chub sems kyi rang bzhin las// ston pa nyid kyang rnam par 'dul// 'khor gyi rdo rje sems dpa' yis// chos rnams thams cad sdud pa po// 'brel pa yod pas sdud par 'byung// gzhi nyid rang las mi gzhan te// brjod kyis mi lang theg pa 'byung// skye med don la dgod pa'i phyir// theg pa yang dag de ru bstan// sa dang lam la gnas pa ni// mthar phyin sa thob theg pa min// lam lnga mthar phyin yang dag min// skabs kyi sa la de bzhin gnas// nyon mongs sbyong zhing rim par gnas// shes bya nyid du 'dzin pa gnas// sangs rgyas nyid du de shes par// sangs rgyas che ba'i rnam sems kyis// shes byas grol ba de nyid min// stong pa nyid du gang 'dzin pa// phyogs su 'dzin pa bltas pa yis// phyogs med don nyid rtogs mi 'gyur// zhen pa med par grol mi 'gyur// stong pa rig pa rang byung la// gnyis su 'dzin pa rang bltas pas// gzhi rtsa med pa'i don mi 'byung// stong pa nyid du skye ba med// skye ba'i chos rnams snang gzhi med// ci yang med pa'i chos nyid las// cir yang snang ba'i snang gzhi med// gsal la rtog med chos nyid la// rtog pa yang med snang gzhi med// snang la rang bzhin med pa la// snang ba med pa'i snang gzhi med// dag pa chos nyid lta ba la// ma dag pa yi snang gzhi med// bden pa gsum gyi snang gzhi la// thams cad kun gyi snang gzhi med// yod med bden par la dor la// rang bzhin snang ba'i snang gzhi med// lha sgom phyogs su bral ba la// gnyis su med pa'i snang gzhi med// ma rig pa yi rim par 'byung ba la// chos nyid ngos bzung snang gzhi med// rtag chad gnyis su blta ba la// chos nyid brjod bral snang gzhi med// phyogs su bltas pa'i theg pa yin// rdo rje phur pa'i chos nyid la// snang dang stong pa'i tha snyad med// med pa ma yin cir yang snang// chos nyid snang gzhi yod pa las// rdo rje phur pa rnam bzhir grags// chos nyid phur pa kun gyi gzhi// thugs rje'i phur pas gdug pa 'dul// gsang ba'i phur pas 'dod chags spyod// 'dus byas phur pa rnam bzhi yis// ngar 'dzin nyon mongs bzhi bcu sgrol// tha dad phur pa bsam mi khyab// 'dul ba'i dbang du cir yang snang// la lar gdug pa srin po'i gzugs// la lar lha chen tshangs pa'i gzugs// la lar drang srong bram ze'i gzugs// la lar sku che ri rab tsam// la lar grangs mang nyung 'bru tsam// la lar me dpung nyon mongs bsreg/ la lar sbyong byed ye shes chu// la lar sgrol byed ral gri 'dzin// la lar 'joms byed tho ba 'dzin// la lar 'dzin byed lcags kyu 'dzin// la lar 'phen byed mda' gzhu bsnams// la lar rdeg byed tri shUl bsnams// la lar za byed mi mgo bsnams// la lar gcod byed spu gri bsnams// la lar gnon byed rgya gram bsnams// la lar mtshon byed kha T+wAM bsnams// la lar ri rab tshog por 'phen// la lar rgya mtsho gting nas skems// la lar 'jig rten mngon du 'gyur// la lar nyi ma zla ba'i gzugs// de bzhin gdul bya'i ngo la snang// 'dul ba drag po las kyi mchog/ las rnams grub pa'i khro bo 'byung// dus la bab pa'i phrin las 'byung// skal pa stong gi zhi ba las// drag po'i sngags sgra de ri ri// nyon mongs bsreg pa'i ye shes 'byung// sbyong ba'i chu bo thams cad 'byung// drag po 'dul ba'i lha yi/ sku// sku yi sku ste sku yi mchog/ sku bdag chen po thams cad 'dus// dper na nam mkha'i cho 'phrul 'dra// zhes gsungs so// rdo rje phur pa chen po bshad pa'i rgyud las/ chos thams cad kyi gzhi dang gleng bslang ba'i le'u ste dang po'o//// de nas bcomaldan 'das dgyes pa chen pos kun tu dga' ba'i ting nge 'dzin la snyoms par zhugs nas/sems dpa' chen po'i chos thams cad de ltar bas na/ chos thams cad kun 'byung zhing 'dul bar snang ste/ yang dag don la ma rtogs na// bstan pa'i don nyid 'di lta ste// khams gsum thams cad rgyal ba'i zhing// snyigs ma lnga nyid bde ldan gnas// phung po lnga nyid rdzogs sangs rgyas// 'byung ba lnga nyid dbyings su thim// khams kyi skye mched thams cad kun// bde ba chen po'i klong du thim// thams cad skye med bde ldan gnas// e ma 'di ltar ngo mtshar che// bstan pa'i don rab 'di lta bu// kun gyi 'byung gnas ngo mtshar che// thams cad 'dul ba ya mtshan che'o// e ma byang chub sems nyid ni// kun la 'byung zhing dmigs dang bral// brjod du med cing kun la snang// snang ba nyid la nges gzung med// e ma rab tu gsang ba'i chos// rdo rje phur pa'i rang bzhin las// ji ltar bstan pa de bzhin 'byung// byung yang ye shes dbyings su thim// e ma sangs rgyas thams cad ni// rigs las 'byung zhing rigs la 'du// rigs rnams 'byung ba yang dag dbyings// 'dus byas de bzhin dbyings su thim// dbyings las dbyings su ngo mtshar che// ngo mtshar chen po thams cad 'byung// rig pa phyi nang med pa la// gnyis su snang ba ngo mtshar che// don dam gcig las med pa la// snang ba tha dad ngo mtshar che// chos nyid kun gyi rang bzhin las// dngos por lta ba rnam par 'khrul// 'dzin pa med pa'i chos nyid la// 'dzin pa rang rgyud rnam par 'khrul// e ma kun tu bzang po ni// thams cad kun gyi rang bzhin te// dper na me long gzug brnyan 'dra// kun tu bzang po'i chod nyid ni// chos nyid phur pa kun gyi gzhi// rang rgyud snang ba'i gzhi med kyang// snang zhing rang bzhin lhun gyis grub// de nyid byin rlab chen po ni// thugs rje'i phur pa chen po yang// bde gshegs thams cad byin rlab yin// gang la gang 'dul ngo gang la// rnam gnyis rgyu dang 'bras bu bcas// khro bo rngam chen longs spyod sku// dbang bskur khams gsum gdug pa 'dul// de yi dbang bskur 'gro don du// las rnams ma lus rdzogs par 'gyur// sprul sku rnam gnyis thugs kyi mchog/ nyid las mi gzhan rnam par 'byung// de yis 'dul ba'i gdug pa can// yab yum sras dang bcas pa kun// gdul bya'i gnyen por 'byung bar zad// byang chub sems kyi phur pa 'di// gsang ba chen po gsang ba'i bdag/ gsang ba bas kyang ches gsang ba// mkha' dbyings gnyis su med pa las// mkha' ni rig pa'i ye shes lnga// rdo rje phur pa drag po'i dbyibs// rwa lnga ye shes lnga yi bdag/ yig 'bru lnga ru 'byung ba yin// rol pa 'byung phyir rnam par gnas// dbyings ni shes rab chos dbyings te// drag pos sgrol ba e yi dbyibs// thams cad bskyed phyir ma yi mtshan// ma ni sangs rgyas thams cad bskyed// yab kyi rang bzhin mnyes mdzad pa// 'byung ba lnga yi rang bzhin yin// yab yum gnyis su med pa la// sbyor bas thams cad mnyes par mdzad// bde bar gshegs pa mnyes mdzad de// khams gsum sems can nyon mongs sbyong// bdud dang srin po log lta 'dul// thams cad byang chub sems kyi khrus// sbyor sgrol yang dag de ru 'byung// 'dus byas rdzas kyi phur pa 'di// rnam pa bzhi ru yang dag 'byung// gtso 'khor 'dul ba'i ngo gang la// bzhi ru bstan te rang rang gis// gdul bya'i las rnams yang dag mdzad// e ma ho// byang chub sems kyi rang bzhin la// rnam pa bzhi ru rnam par bstan// sems nyid nam mkha'i rang bzhin las// cho 'phrul sna tshogs 'byung ba bzhin// chos nyid phur pa'i rang bzhin las// rol pa chen po cir yang snang// 'dul ba'i rim pa bsam mi khyab// me ste sreg par byed pa dang// sa ste gnon par byed pa dang// rlung ste 'phen par byed pa dang// 'byung po sgrol bar byed pa dang// mi 'gyur dbus su gnon cing sgrol// de yang byin rlab chen po yin// 'dul ba'i ngo la de ltar snang// snang ba'i gzhi la rol pa 'byung// de yang sgrol ba chen po 'byung// e ma 'di ltar ngo mtshar che// gsad pa dang ni gso ba dang// dbab pa dang ni gcad pa dang// bsrung bya'i rim pa bsam yas kun// lo dang zla ba dus tshod dang// zhag rnams dang ni nyi ma dang// bla chen dang ni 'byung 'jug dang// khams rnams dang ni gnan thabs dang// bsnyen bya dang ni bsgrub bya dang// gcad bya dang ni gsad bya dang// 'khor lo dang ni mtshon sna dang// gtor ma dang ni drag po dang// bskyed pa dang ni spyan drangs dang// mchod pa dang ni bstod pa dang// las rnams ma lus rdzogs pa rnams// thugs rje chen po'i rol pa yin// chos rnams phur pa'i rol pa las// 'gro ba'i don la de ltar snang// rdo rje sems dpa' thugs kyi mchog/ yang dag don nyid gtan la 'bebs// chos nyid phur pa'i rang bzhin yin// byang chub sems kyi rang bzhin las// lha yang med la 'dre yang med// sangs rgyas med cing sems can med// 'phel ba med cing 'grib pa med// zad pa med cing stong pa med// de bzhin rol pa phyogs med la// lta ba tha dad sna tshogs blta// sgom pa las kyi rim par bsgom// spyod pa mi mnyam tha dad pas// 'bras bu mi mthun tha dad 'byung// de phyir chos nyid brtag dka' bas// snying po don la ma phebs na// tshig tsam bstan pas don mi 'grub// dper na yi ge mkhas pas kyang// nges par gdeng du ma gyur par// bri bar nus pa yongs mi 'gyur// skyes bu rtsal dang mi ldan pas// pha rol thub par nus pa med// de bzhin byang chub sems nyid kyang// gzhi rtsa med par ma shes na// sems nyid gtan la phebs pa med// lha nyid bsgom dang spyan drangs yang// gzhi rtsa med par ma shes na// lha nyid brtags par log rtog nyid// gzhi rtsa med par lha bsgom pas// chos nyid don dam rtogs pa dang// log pa'i chos can 'dul ba dang// 'gro ba tha dad drangs ba dang// bdud dang srin po dbang du sdud// dper na me long snang gzhi la// gzhi rtsa med par thams cad snang// ma bltas stong la rnam par snang// yod med gnyis kyi snang gzhi 'byung// snang dang mi snang rang rgyud med// de phyir gzugs brnyan gzhi rtsa bral// lha sgom rim pa de bzhin te// sems nyid kun gyi snang gzhi la// 'dul ba'i don du cir yang snang// sems la lha nyid gzhi rtsa bral// kun la snang gzhi rtsa ba bral// rang rgyud bzung ba lha yang min// phyogs su bzung ba rol pa tsam// lta ba ma nges gzhi rtsa bral// de bzhin rim pa ma lus kun// rtsa ba byang chub sems nyid la// nges par mi 'dzin gzhi dang bral// bsgom pa'i lha yang de bzhin te// rtsa ba sems nyid snang gzhi la// lha yi rol pa cir yang snang// rol pa rang rgyud bzung bas na// lha yang rang rgyud dag pas skyes// bem po tho yor ril po dang// nga bdag gzung 'dzin ther zug dang// stong pa bdag med mi dmigs phyal ba dang// gnyis med ngang dngas mnyam nyid ting 'dzin slad// yod dang med pa'i mthar 'dzin rang rgyud dang// rang rang phyogs su 'dzin cing rang gar gtong// ma rig ma shes yin pas 'phyal par gtong// yod dang med pa'i mtha' ni ma nges te// yod na yod du bas te kun gyi snang gzhir yod// med na med du bas te 'khor 'das rang rgyud med// rang rgyud 'dzin pa'i shes pa yis// mya ngan 'das pa 'dzin pa'i rgyu// byang chub sems kyi rang bzhin las// 'khor ba nyid kyang gzhi rtsa bral// 'khor ba ma nges nges zung bral// dam pa'i 'dzin pas ma gzung na// 'khor ba nyid kyang mya ngan 'das// khams gsum 'khor ba'i sems can rnams// dus gsum bzhugs pa'i rgyal ba kun// byang chub sems kyi rang bzhin las// che chung med par lhun gyis grub// rang byung 'dzin pa ma skyes na// ji ltar byas pa rol pa yin// rol pa phyogs med kun la shar// de nyid sangs rgyas byang chub sems// yang dag don nyid de ru rtogs// bstan pa rgya mtsho de las 'byung// sku gnyis 'gro ba'i don rnams mdzod// de nyid snang ba'i gzhi las 'byung// snang gzhi dper na me long 'dra// sna tshogs snang la nges bzung 'dra// don gnyis 'dzin pa rang rgyud grol// che ba'i don nyid gang 'dod pa// de nyid phyogs 'dzin chung ba'i rgyu// theg pa mthon po gang rtogs nas// rnam pa grangs su bzung ba ni// theg pa skabs la gnas pa yin// stong pa nyid du cher 'dzin pa// rim pa gnyis su 'byung ba yin// e ma ho// rdo rje phur pa'i snang ba la// thams cad thams cad snang bar 'gyur// snang ba'i chos rnams kun 'byung yang// rang rgyud grub pa ye nas med// rol pa rnam gnyis lha yi sku// lha nyid nges par bzung du med// nges zung bral ba'i lha nyid ni// cir yang 'gyur zhing cir yang snang// de phyir rang rgyud gzhi las med// 'dzin pa sems dang ma bral na// ci ltar spyad kyang 'ching ba'i rgyu// phyogs su bltas pa'i shes pa yis// ngan pa'i las la rnam par smin// yang dang yang du bstan pa yis// yang dag don la go bar gyis// e ma ho// med par stong pa'i chos nyid la// chos nyid phur par ci ste btags// chos nyid phur pa'i rang bzhin la// sna tshogs snang ba 'byung mi 'gyur// khams gsum nyon mongs dbyings mi 'byongs// log lta gdar sha chod mi 'gyur// e ma ho// med pa ma skyes stong pa la// thugs rjes nam mkha'i sprin dang 'dra// sprin dang nam mkha' tha dad min// chos nyid phur pa'i rang bzhin la// thams cad snang ba'i gzhi yod pas// thams cad 'byung zhing rnam par 'du// snang stong gnyis su med pa las// gnyis su bzung du ga la yod// nyon mongs mi spong dgos pa med// log pa'i chos can kun kyang sgrol// rang bzhin dag pa'i ngo bo la// sangs rgyas med pas sems can med// 'khor ba med pas myang 'das med// kun 'byung snang ba nges bzung bral// yod dang med pa'i dmigs dang bral// yod pa'i chos nyid dbyings las nyal// med par dngos po rang rgyud med// ci yang med la cir yang snang// snang ba nyid ni brjod du med// mtshon pa'i don la brjod par bya// de phyir smra brjod gnyis dang bral// brjod bya brjod byed mtshon pa tsam// rab tu brjod cing brjod dang bral// bral ba'i don nyid dbyings na nyal// kha dog lnga yi ngo bo la// nges pa gcig tu bstan par dka'// 'khor 'das gnyis kyi rang bzhin la// 'di zhes gcig tu bstan par dka'// e ma 'di ltar ngo mtshar che// sems nyid kun tu bzang po la// thams cad 'byung zhing rnam par 'du// rdo rje phur pa mang shar zhing// gdug pa 'dul zhing las rnams myur// bstan pa rgyas shing 'gro ba 'dren// don du 'byung zhing tshig tu rgyas// sngags rnams thams cad ston par byed// don gyi bcud phyung snying po yin// 'khor ba'i las ngan steng nas skems// dbang bsgyur rgyal ba'i ting 'dzin las// gsad dang gcad dang dbab pa dang// gso dang srung dang bsgrub pa dang// 'khor ba nyid kyang bde bar gshegs// chos nyid phur pa'i don rtogs na// snying po'i don las 'da' mi srid// 'khor ba kun kyang mya ngan 'das// don gyi snying po khams gsum khrus// zhes nyid las mi gzhan pa nyid du gsungs so// rdo rje phur pa chen pos bshad pa'i rgyud las/ chos thams cad 'byung bar gleng bslang ba'i le'u ste gnyis pa'o//// de nas bcom ldan 'das gdug pa thams cad 'dul ba'i ting nge 'dzin la snyoms par zhugs te/ma rtogs golaba'i sems can la// dus gsum rgyal ba'i byin rlabs kyis// thugs rje'i phur pas gdug pa 'dul// sras kyi dam par dbang bskur nas// srin po gdug pa ma lus 'dul// zhing bcu steng nas stong par byed// khams gsum thams cad bsgral ba'i phyir// stong gsum thams cad gnad la 'god// snyigs ma lnga nyid thar pa'i lam// ye shes nyi ma gcig shar bas// stong gsum thams cad 'khyags pa zhu// dro ba nyid nas thams cad dro// de nyid yang dag bstan pa'i mchog/ bsgral ba'i rim pa 'di lta ste// stong gsum log lta rang rgyud bsgral// zhe sdang dmyal chags me ltar 'bar// log pa'i lta ba mun ltar tshubs// log pa'i nga rgyal ser ltar mkhregs// phrag dog zur rno log pa'i tshogs// rang rgyud 'dod chags spyin ltar 'dzin// yod med dngos por rang rgyud 'dzin// nga ro 'don cing don ma rtogs// don med tshig la mod pa dang// rdzas dang lag cha mngon par ston// hU~M dang b+h+yo yi sna 'dren cing// 'di rnams bsad bcad thogs med nga la yod// shin tu nga rgyal nyon mongs gnas// 'di rnams bsgral ba'i rim pa yin// ri rab snyigs ma lnga brgyar gnas// don ma rtogs par sangs rgyas 'dod// med par bzung bas snang mi srid// snang bas stong pa'i don mtshon pa'i// snang ba can du gang la 'gyur// gnyis med 'dzin pa rang rgyud las// sna tshogs ngo bo ga la 'byung// lta bas bzung ba'i chos nyid ni// gzung bas chos nyid phyogs can te// 'dzin med sems dang mthun mi srid// sgom pa bsgom du yod la ni// sgom med don dang mthun mi 'gyur// sgom pa bsgom du med par ni// cir yang med pa'i rang bzhin te// sgom pa'i don dang ldan mi 'gyur// yod dang med pa'i ngo bo la// cir snang ngo bo cir mi 'dzin// 'dzin pa'i ngo bo gang yin pa// de nyid dam pa'i ngo bo yin// dam pa nyid du gang 'dzin pa// de nyid 'dzin pa dam pa yin// snang la rang bzhin med pa la// de nyid 'dzin par dam pa ste// 'dzin pa'i don nyid gang 'dzin pa// khro bo rang rgyud rU tra ste// rU tra rang rgyud khams gsum 'khor// sems can thams cad 'dul bar 'gyur// rgyal khams nag po mun ltar gtibs// sems can chen po de dag kun/ khams gsum 'khor ba de dag yang// rang nyid rang la rab tu gdug/ gdug pa'i 'bras bu rab tu smin// smin pa'i 'bras bu chen por 'gyur// rlag byed ting 'dzin chen po yis// khams gsum gdug pa brlab par 'gyur// rlag byed sems can chen po yis// khams gsum gdug pa brlag par 'gyur// yang dag don la yang dag dgod// de phyir bstan pa rgya mtsho skems// nyi ma'i 'od dang rgya mtsho 'dra// gzugs brnyan dpe dang 'ja' mtshon 'dra// nges par bstan pa de nyid yin// gdug pa za byed rnam par bsgyur// mthar phyin 'bras bu bstan pa byung// bstan pa rgya mtsho'i gting ltar zab// nyi ma'i zer dang rgya mtsho'i rlabs// thams cad 'byung zhing 'gro ba 'dren// snying po'i don la yang dag dgod// sems can chen po'i rim pa bzhin// rtogs pas nges pa'i 'bras bu shar// don dam bcud kyi 'bras bur rgyas// 'dzin pa grol ba'i lta ba rtogs// lha nyid rol pa phyogs med shar// gzhi la snang gzhi lhun gyis grub// rang rang 'dzin pa rang rgyud yin// kun kyang bde gshegs snying por rtogs// bde bar gshegs pa'i snying po 'dis// kun la khyab cing phyogs dang bral// phyogs bral skyes bu chen po des// spang med bsgrub med 'dzin dang bral// bral ba med pa kun tu shar// shar ba nyid na nub pa med// shar nub med pa'i snying po 'di// kun tu bzang po'i byin rlabs yin// chos nyid phur pa'i nges don gnas// yod dam med pa'i tshig las 'das// yang dag nyid las yang dag 'byung// thams cad bdud rtsir chen por 'gyur// gnan dang 'phang dang gsad pa dang// sreg pa'i mchog dang dbye ba dang// bsam gyis mi khyab sna tshogs 'byung// ji ltar 'dul ba'i don rnams 'byung// zad pa med pa'i gter nyid 'byung// stongs pa med pa'i chu rgyun 'byung// zad pa med cing 'phel ba med// lha dang gnyis su med pa la// gzung 'dzin can gyi lha mi bsgom// bsgom na 'dzin pa nyid du 'gyur// lha dang gnyis su med pa'i phyir// che ba'i lha mchog gsal ba'i 'od// sku lnga dbang bsgyur thugs la dbang// gsung lnga nyid la rnam par gsal// dam pa sku nyid kun kyang gsal// rim pa bsgom pas rnam par gsal// snang stong gnyis med rnam par dbye// bsgrubs pas sa la rnam par gnas// rnam par thos pas 'dzin pa grol// rdzogs pa'i sa la yang dag phyir// mthar thug 'bras bu chos sku las// sprul sku rnam gnyis 'gro don mdzad// la lar mdzes byed rin chen rgyan// la lar gdug byed srin po'i gzugs// la lar snyan byed lha yi gsung// me yi 'od 'dra rdzu 'phrul can// thugs rje'i byin rlab sna tshogs 'byung// sku yi sku ste sku yi bdag/ gsung gi gsung ste gsung gi bdag/ thugs kyi thugs te thugs kyi bdag/ yon tan phrin las thams cad kun// byin rlab cho 'phrul nam mkha' 'dra// cir yang 'gyur zhing cir yang snang// snang ba nyid na dmigs dang bral// dmigs pa snang ba bsam mi khyab// 'dul ba'i dbang du sna tshogs 'byung// hU~M dang phaT kyis khams gsum sgrol// thugs rje chen po'i byin brlab yin// ri rab tsam gyi sku mnga' zhing// tshangs pa lha yi gsung dang ldan// sprul pa bsam gyis mi khyab thugs// yon tan tshad med rin chen gter// phrin las bya ba bsam mi khyab// thugs rje chen po'i byin rlabs yin// byin rlabs chen po'i char chen 'bebs// rgyud dang lung dang man ngag dang// 'brel pa yod phyir rnam par 'byung// rgyud ni ma nor don rtogs ldan// lung ni sgrib med rgyal ba'i gsung// man ngag rtogs pa gdeng dang ldan// nges par gtan la phebs pa ni// tshad ma gsum du yang dag ldan// de nyid byin brlab chen po las// khams gsum dbang sdud dam pa yin// hU~M chen khro bo bcu po 'byung// dregs pa phyogs skyong 'dul ba'i lha// kun kyang srin po'i cha byad can/ gnyen pos 'dul ba'i yum mchog dang// yab yum sprul pas gdul bya 'dul// gdul bya 'dul byed 'dul thabs kyis// lha drug thugs kyi sprul pa ste// gnyen pos 'dul ba'i lha mchog 'byung// nyid la mi gzhan gdug pa'i 'khor// 'dul ba'i ngo la cir yang snang// de bzhin bsam gyis mi khyab pas// ma mo mkha' 'gro dbang du 'du// 'jig rten thams cad 'dar zhing 'jigs// 'ur 'ur rab tu che ba'i sgra// 'jigs pas khams gsum dbang du sdud// ces rdo rje phur pa chen po bshad pa'i rgyud las/ gdug pa can 'dul ba'i le'u ste gsum pa'o//// de nas bcom ldan 'das yang dag don gyi ting nge 'dzin la snyoms par zhugs te/ dbang po gsal la rtog pa med// yang dag don la mthar phyin pa'i// rig 'dzin pa dang byang chub sems// dngos grub myur zhing longs spyod 'phel// rdo rje rigs kyi sgrub pa la// bar chad med cing bsam pa 'grub// gang du stsol ba'i don rnams 'grub// rten pa'i rdzas la rab brten te// rdzas la rnam pa lnga nyid las// rdo rje rigs kyi rdzas su bshad// sngon mo skra bzang sked pa phra// spyi bo rim bzhin stod smad snyoms// smin mtshams bar yang ma chad pa// lag pa rdo rje'i rang bzhin la// rkang pa ran la mdzes pa dang// mig phra mdzes la 'khur sha snyoms// so thags dam la smra ba snyan// snyan bde dag gis nges pa med// smra ba nyan cing spyod pa sdug/ rigs btsun nyes pa'i skyon med pa// khong nas dal shing shong yangs che// 'gro ba'i stabs kyang yid du 'ong// gsal la bde zhing ran par 'dzin// yid la bsam pas mngon du gsal// lha yang mnyes la dngos grub ster// de phyir dngos grub rdzas su bshad// rgyal mtshan rtse la phyar ba dang// shing gi rta la bskyon pa dang// mtshon gyis rtse la brlabs pa dang// gsum gyi nad kyis shi ba dang// rbab dang glo bur drag po dang// 'tshal dang rdibs dang 'gags pa dang// log par bo dang bug pa dang// rta dang glang chen bka' thab dang// pho mo'i 'brel pas shi ba dang// ri dang rlung dang sa gtsang dang// gang byung rim pa'i rdzas de dag/ bsgrub pa'i rdzas mchog yin par bshad// rims dang smyo ba'i nad rnams dang// 'bog pa drag pos nyes pa dang// mdze dang shu ba g.yem pa dang// 'bras dang phol mig rtag tu gnas// dmod pa'i kha zugs nyes pa'i skyon// chu dang me yi skyon med dang// skyon du 'gyur ba'i rdzas de dag/ mi bcangs rab tu spang bar bya// sngo nag bam rul ham pa can// rigs med spyod pa kun kyang byed// kha ngan zlos shing lag ngan byed// 'jur bas bcings la shong yangs med// phra ma dbyen rdzun 'gyur ba mkhan// gnyis kyi don la 'gyur ba che// grub pa med pa kun la 'jug/ skra ngan sha sngo mig phor che// mjing pa thung la sha rtsubs pa// mkhur sha che la gnyer ma mang// so dprad kos ko yu ba thung// nu ma lhong la rab tu che// sked pa spom la cha ma phyed// ma lhu thung la bu lhu ring// tshigs pa che la dreg pa chags// rked pa phra la rus pa spom// mthe bong ring zhing sen mo gyong// mgo bo che la gsus pa 'bur// rna bas mi thos log la dga'// mig kyang mi bde rab rib can// lce yang mi bde dig po smra// gnya' ba dpung mtho mgo bo dma'// rting pa spom la sor mo phra// byin pa spom la brla sha chung// smad phra steng sbom shan ma phyed// mchu 'thug rna 'byar sna zhim dang// mtshogs ma rdib dang gre ba 'dzer// mi bcang rab tu spang ba'i rdzas// gang du gnas pa'i sa de ru// tshe gsum dran byed ting 'dzin gyis// dngos grub chen po rtsol bas btsal// dpa' rtul ting 'dzin ldan pa yis// skongs shing dngos grub yod bsam nas// bton nas gang yin mnan pa'i phyir// seng lding phur bu sor brgyad ni// stobs chen sngags kyis byin brlab la// khro bo bcu yi sngags kyis btab// sar gdab stangs stabs drag po bya// stobs kyi ting 'dzin chen po yis// khur te dngos grub thob bsam nas// re dang dogs pa'i sems mi bca'// dur khrod gnas su sleb pa dang// shar gyi phyogs su bzhag nas ni// ting 'dzin gzhal yas lha bskyed la// dag pa'i khrus kyis bkrus byas nas// stangs stabs rim par sngags kyis bya// lha la bstab cing gsol bar bsam// thig ni lnga ba lnga btab ste// snying nas yan lag bzhi rnams dang// mgo dang lnga ru rnam par btang// rdzas rnams legs par spros pa ste// snying la dum bu lnga ru bya// spyi bo gsang ba'i mig dang sna// dpral ba dpung pa lte ba snying// dpyi dang rkang pa rim bzhin du// yan lag bzhi dang snying dang mgo// glo ba mchin pa mtsher pa dang// mkhal ma rim pa bzhin du dgod// dam rdzas kun la byas pa'am// sha sna kun la rdzas bgos la// mkha' 'gro kun la yang dag dgram// thod pa rangs pa lnga dag dang// tshom bu lha yi grangs dang mnyam// ma 'dres so so'i snod du gzhag/spyan drangs skos la byon pa dang// skos gdab rim pa 'di lta ste// dran byed snying gi dam rdzas ni// sras mchog lnga yi skos yin pas// mchod pa dam pa bzhes su gsol// spyi bo'i sha dang gsang ba dang// sna mig dpral ba dpung pa dang// lte ba snying dpyi rkang pa dag/ khro bo yab yum sras bcas rdzas// mchod pa dam pa bzhes su gsol// glo ba mcher pa mchin pa dang// mkhal ma la sogs don snying ni// gdug byed sras mchog drug gi rdzas// mchod pa dam pa bzhes su gsol// mi dbang 'bras bu sha dag dang// srog rtsa khrag gi sbubs dag dang// bde ba chen po'i klad pa 'di// 'khor gyi mkha' 'gro gdug pa'i rdzas// mchod pa dam pa bzhes su gsol// so so'i rdzas rnams so sor bskos// thod pa dbang dang drag po la// gdan dang snying por bcas pa kun// bri zhing rab gnas bya ba dang// phyin chad bsgrub pa'i rdzas bya'i phyir// shun dang rgyu zhags bcas pa dag/ bsgrub pa'i rdzas yin rab tu sba// de phyir sgrub pa'i rdzas la brten// de ni rdzas kyi dam pa'o// ngan pa'i rdzas la spyad pa dang// brten pa'i rdzas su med pa ni// dngos grub med pa phur pa'i rdzas// dur khrod mi ro mang po dang// dmar dang gnag pa'i ri dwags dang// brag dang dmar nag spang brag dbyibs// shing rtse dmar nag skyes pa'am// gru gsum zla gam sgo yod pa// phug kyang de 'drar gnas pa la// bar snang gru gsum zla gam dbyibs// sa yang de bzhin shes par bya// mdun du chu 'bab skyobs pa'i ri// dngos grub 'byung dang rin chen dbang// 'byung po ma mo srin po dang// rngam pa chen po'i rjes med par// gnyan rdo med cing tsha drag med// zur rdo ra ri'i brag med pa// zur ma zug cing yid du 'ong// nyams su bde zhing nyam mi nga// de 'dra yid 'ong gnas dag tu// sa rin bcal zhing las dag bya// stegs bu 'dam gang brtsig nas su// dur khrod sna tshogs rus pa la// khrag sna lnga yis legs par byug/ dam rdzas lnga yis chag chag gdab// bden pa sngags kyi nus pa dbyung// dur khrod chen po'i rgyus pa la// mtshan ldan yum gyis byin brlab la// g.yas g.yon thabs dang shes rab las// byang chub sems las ye shes kyis// byin rlab chen po 'byung bar 'gyur// rnam pa gnyis su rab shes bya// lnga tshan lnga yi tshon rnams kun// thod pa brtan pa'i rdzas su blug/ byin brlab bya zhing mchod pa 'bul// gru gsum zla gam mu khyud dang// rtsibs bzhi rtsibs brgyad rim pa la// gru gsum gdan dang bcas pa gtad// gru chad bar khyams sgo bzhir bcas// rta babs them skas tshang bar bri// nyi zla pad+ma sum brtsegs dang// rkyang pa zhing ldan rim pa gtad// las kyi lha yi ting 'dzin gyis// bar chad bsal ba'i las rnams bya// rdzas kyi thod par rangs pa lnga// lhar bskyed spyan drangs bstims pa dang// sngags dang bstod pa'i las rnams bya// hUM dbus nas rang byung grub pa'i lha// bcom ldan badzra kI la ya// dur khrod chen po'i gzhal yas su// dug gsum bsgral ba'i gdan stengs su// rU tra bsnol ba'i gdan stengs su// dgyes shing brtan par bzhugs su gsol// dgyes shing brtan par bzhugs nas kyang// kI la la yi dngos grub stsol// chos la dbang ba'i dngos grub stsol// oM badzra kI li kI la ya sarba big+h+nAn baM hUM phaT/ sa ma ya tiSh+Tha lhan/ hUM shar nas rang byung grub pa'i lha// bcom ldan bud+d+ha kI la ya// dur khrod chen po'i dkyil 'khor du// dug gsum bsgral ba'i gnas chen 'dir// brgya byin bsnol pa'i gdan stengs su// dgyes shing brtan par bzhugs su gsol// dgyes shing brtan par bzhugs nas kyang// kI la ya yi dngos grub stsol// chos la dbang ba'i dngos grub stsol// A+oM badzra kI li kI la ya sarba big+h+nAn baM hUM phaT/ sa ma ya tiSh+Tha lhan/ hUM lho nas rang byung grub pa'i lha// bcom ldan rat+na kI la ya// dur khrod chen po'i gnas chen du// dug gsum bsgral ba'i gzhal yas su// gshin rje bsnol ba'i gdan steng du// dgyes shing brtan par bzhugs su gsol// dgyes shing brtan par bzhugs nas kyang// kI la ya yi dngos grub stsol// chos la dbang ba'i dngos grub stsol// A+oM badzra kI li kI la ya sarba big+h+nAn baM hUM phaT/ sa ma ya tiSh+Tha lhan/ hUM nub nas rang byung grub pa'i lha// bcom ldan karma kI la ya// dur khrod chen po'i dkyil 'khor 'dir// dug gsum bsgral ba'i gnas chen 'dir// klu bdud bsnol ba'i gdan steng du// dgyes shing brtan par bzhugs su gsol// dgyes shing brtan par bzhugs nas kyang// kI la ya yi dngos grub stsol// chos la dbang ba'i dngos grub stsol// A+oM badzra kI li kI la la sarba big+h+nAn baM hUM phaT/ sa ma ya tiSh+Tha lhan/ hUM byang nas rang byung grub pa'i lha// bcom ldan karma kI la ya// dur khrod chen po'i dkyil 'khor du// dug gsum bsgral ba'i gnas chen du// gnod sbyin bsnol ba'i gdan steng du// dgyes shing brtan par bzhugs su gsol// dgyes shing brtan par bzhugs nas kyang// kI la ya yi dngos grub stsol// chos la dbang ba'i dngos grub stsol// A+oM badzra kI li kI la ya sarba big+h+nAn baM hUM phaT/ sa ma ya tiSh+Tha lhan/ hUM srid pa phur bu sgrub pa dang// dbang dang dngos grub blang ba'i phyir// phyogs bcur dur khrod gzhal yas nas// khro rgyal 'khor tshogs bzhugs pa ni// dur khrod chen po'i gzhal yas nas// dug gsum bsgral ba'i gnas chen 'dir// phyogs skyong bsnol ba'i gdan steng du// dgyes shing brtan par bzhugs su gsol// dgyes shing brtan par bzhugs nas kyang// kI la ya yi dngos grub stsol// chos la dbang ba'i dngos grub stsol// oM badzra kro d+ha hUM kA ra hUM/ gardza gardza hUM phaT/ oM badzra kro d+ha bi dza ya hUM/ ha na ha na hUM phaT/oM badzra kro d+ha nI la daN+Da hUM/ da ha da ha hUM phaT/ oM badzra kro d+ha ya mAn ta ka hUM/ pa tsa pa tsa hUM phaT/ oM badzra kro d+ha Ar+ya a tsa la hUM/ ban+d+ha ban+d+ha hUM phaT// oM badzra kro d+ha ha ya grI wa hUM/ hu lu hu lu hUM phaT/ oM badzra kro d+ha a pa ra dzi ta hUM/tiSh+Tha tiSh+Tha hUM phaT/ oM badzra kro d+ha a mr-i ta kuN+Da li hUM/ tshin+d+ha tshin+d+ha hUM phaT/ oM badzra kro d+ha tri lo kya bi dza ya hUM/ b+hin+d+ha b+hin+d+ha hUM phaT/ oM badzra kro d+ha ma hA ba la hUM/ s+pho Ta s+pho Ta hUM phaT/ sa ma ya tiSh+Tha lhan// hUM thabs kyi spyod pas 'gro don du// byams dang snying rjes gang 'dul ba// sangs rgyas phrin las rdzogs mdzad nas// dbang dang byin rlabs 'dir stsol cig/ las kyi sras mchog drug rnams ni// dur khrod chen po'i dkyil 'khor du// dug gsum bsgral ba'i gnas chen du// zhing bcu bsgral ba'i gdan steng du// dgyes shing brtan par bzhugs su gsol// dgyes shing brtan par bzhugs nas kyang// kI la ya yi dngos grub stsol// chos la dbang ba'i dngos grub stsol// ha sa ra na ha ra hUM phaT/ A be sha ya A be sha ya hUM phaT/ shI g+h+raM 'ga' zhig tu Da byung A na ya hU~M phaT/ dz+wa la pa ya dz+wa la pa ya hUM phaT/ ta thA ya ta thA ya hUM phaT/ bi da ya bi da ya hUM phaT/ sa ma ya tiSh+Tha lhan/ hUM thugs mchog gsol ba'i byin brlab las// zhe sdang gnas su 'joms pa dang// me long ye shes 'thob bya'i phyir// dkyil 'khor dbus su bzhugs su gsol// dkyil 'khor dbus su bzhugs nas kyang// nyon mongs mun pa bsal du gsol// dz+nyA na dI paM sa ma ya tiSh+Tha lhan/ hUM dam rdzas kun gyi bcud ldan pa'i// thams cad sdud pa rdzas kyi mchog/mkha' 'gro ma chen rnam gsum yang// dur khrod chen po'i dkyil 'khor dang/ dug gsum bsgral ba'i gnas chen du// dam rdzas spungs pa'i gdan steng du// dgyes shing brtan par bzhugs su gsol// dgyes shing brtan par bzhugs nas kyang// kI la ya yi dngos grub stsol// chos la dbang ba'i dngos grub stsol// a dzi te a pa ra dzi te dza ya ka tang ka ye sa ma ya tiSh+Tha lhan/ mtshan ldan dngos grub rdo rje ka pA la// gser dngul lugs su btang ba 'dra// lan gsum gnas gsum spar ba dang// shar phyogs nub dang lho yang rab// byang dang lho nub shar lho 'bring// byang nub byang shar steng 'og tha// dngos grub ster dang dbang yang thob// drag po'i las nyid thob par 'gyur// tshe ring nad med longs spyod 'phel// dad pa med cing bsam pa 'grub// rig 'dzin sa la rnam par 'gro// yon tan ldan pa'i kA pa la// nyes pa spang bar ma gyur na// bar chad 'byung zhing rtog pa skyes// lha nyid bdud du babs pa dang// don med phyal bar 'gro ba yin// re ba stongs shing mya ngan gnon// dngos grub re ba'i yi ge las// dngos grub gnas pa'i rten bshad de// dgos pa'i las rnams de bzhin bya// dur khrod chen po'i g.yang gzhi la// lha yi mtshan mas mtshan cing dgod// zhags pa chen po rim drug ni// gtso sngags gdab cing bskor bar bya// phur pa dar gyi cod pan can// rab gnas bya zhing dgod par bya// bar chad bsal ba'i las bya zhing// nus pa can du bya ba'i phyir// sngon du 'gro ba'i dbang bskur bya// lha yi mtshan mas mtshan par bya// nus pa ldan zhing rab brtan nas// brda yis mtshon te rnam par dbye// phyag ni tshul dang rab tu ldan// skabs dang mi mthun gnyan po bsal// 'on kyang dngos grub re ba skongs// bsgrub pa'i rdzas la rab brtan te// lha re'i grangs kyi snang ba dgram// sha khrag sna tshogs rab bstar la// bar ma chad par snying po 'don// thod pa blang dang snying po 'don// nyul le zlog dang phur kha bstan// lha la bstod cing srung ma bskul// dus drug mchod pa dbul bya zhing// 'jigs dang re ba'i sems mi 'byung// phur pa 'phar dang mtshan mar ston// sgra snyan dri dang bcas pa 'byung// nyams dga' skye ba'i sems mi 'byung// dus dus lha rnams gnad la dbab// rtags rnams byung na las rnams bya// dngos grub rdzas rnams rab tu ster// rdo rje gzhon nu'i rig 'dzin rnams// srid pa rdo rje grub mdzod cig/ srid pa rdo rje phur bu'i lha// ye shes khro bo grub pa mdzod// sangs rgyas kun gyi ye shes sku// ngang nyid rdo rje chos nyid las// 'bar ba'i khro bo mi bzad pa// sku yi dbyig tu bdag skyed cig/ thabs kyi spyod pas 'gro don du// byams dang snying rjes gang 'dul ba// sangs rgyas phrin las rdzogs mdzad nas// dbang dang byin rlab 'dir stsol cig/ dam tshig chen po'i dus la bab// sprul pa chen po'i dus la bab// phyag bsnyan chen po'i dus la bab// shwa na mu kha'i dus la bab// bdag nyid chen mo'i dus la bab// sa bdag rgyal mo'i dus la bab// khyed kyi dam tshig dus la bab// sngon chad ji ltar dam bcas bzhin// mngon spyod phrin las myur du mdzod// hUM skye med chos dbyings dag pa las// yang dag don gyi lha yi sku// thugs rje chen po'i byin brlab yin// oM badzra kI li kI la ya/ byin rlab chen po char ltar phob// hUM thugs rje'i byin brlab cir yang ston// shar gyi sras mchog gdug pa 'dul// oM badzra kI li kI la ya/ byin rlab chen po char ltar phob// hUM lho yi sras mchog gdug pa 'dul// swA badzra kI li kI la ya// byin rlab chen po char ltar phob// hUM nub kyi sras mchog gdug pa 'dul// oM badzra kI li kI la ya/ byin rlab chen po char ltar phob// hUM byang gi sras mchog gdug pa 'dul// ha badzra kI li kI la ya/ byin rlab chen po char ltar phob// hU~M steng gi khro bo tshangs pa 'dul// oM badzra kro d+ha/ byin rlab chen po char ltar phob// hU~M shar gyi khro bo brgya byin 'dul// oM badzra kro d+ha/ byin rlab chen po char ltar phob// hU~M shar lho'i khro bo drang srong 'dul// oM badzra kro d+ha/byin rlab chen po char ltar phob// hU~M lho yi khro bo gshin rje 'dul// oM badzra krod+ha/ byin rlab chen po char ltar phob// hU~M lho nub khro bo srin po 'dul// oM badzra kro d+ha/ byin rlab chen po char ltar phob// hU~M nub kyi khro bo klu bdud 'dul// oM badzra kro d+ha/ byin rlab chen po char ltar phob// hU~M nub byang khro bo rlung lha 'dul// oM badzra kro d+ha/ byin rlab chen po char ltar phob// hUM byang gi khro bo gnod spyin 'dul// oM badzra kro d+ha/ byin rlab chen po char ltar phob// hUM byang shar khro bo dbang ldan 'dul// oM badzra kro d+ha/ byin rlab chen po char ltar phob// hUM 'og gi khro bo sa bdag 'dul// oM badzra kro d+ha/ byin rlab chen po char ltar phob// hUM steng gi sras mchog gdug pa 'dul// oM badzra krod+ha kI la ya// byin rlab chen po char ltar phob// hUM shar gyi sras mchog gdug pa 'dul// oM badzra kI li kI la ya// byin rlab chen po char ltar phob// hUM lho yi sras mchog gdug pa 'dul// oM badzra kI li kI la ya// byin rlab chen po char ltar phob// hUM nub kyi sras mchog gdug pa 'dul// oM badzra kI li kI la ya/ byin rlab chen po char ltar phob// hUM byang gi sras mchog gdul pa 'dul// oM badzra kI li kI la ya/ byin rlab chen po char ltar phob// hUM 'og gi sras mchog gdug pa 'dul// oM badzra kI li kI la ya/ byin rlab chen po char ltar phob// hUM khro bo chen po las kyi mchog/oM badzra kI li kI la ya/ byin rlab chen po char ltar phob// hUM lha rnams gnad la dbab pa dang// bskyed dang spyan drang bstim pa dang// sgo ba bskyed pa'i las rnams bya// mchod pa sngags dang bstod pa dang// sku gsung thugs kyi dngos grub blang// rim pa bzhin du yang dag bstan// phrin las phur pa'i dngos grub dang// gang yin nyid la gdab pa dang// brten pa'i rdzas de kha phye la// hU~M bcom ldan dpal chen rdo rje gzhon nu dang// yum chen 'khor lo rgyas 'debs ma// dngos grub stsol ba'i dus la bab// skya rengs dang po dngos grub dus la bab// kI la ya yi bro brdung bas// dngos grub stsol ba'i dus la bab// dbang bskur dam pa sgrub pa'i mchog/ rim pa bzhin du de shes bya// zhal zas dbang dar thod pa dang// kun kyang rim pa gnyis su bstan// rdo rje tshe yi dbang bskur bas// rtogs pa ye shes me ru 'bar// hUM ye shes sku yi sprul pa ste// rdzu 'phrul ston cing bka' nyan pa'i// dpa' rtul stag gi mgo can la// mi mo stag gi mgo can zhon// bang ni rlung gis bskyod du med// skad ni stong khams khyab par sgrogs// lag pa g.yas na phur bu bsnams// gang la bya ba'i snying la ya// lag pa g.yon na lcags kyu bsnams// gang la bya ba'i snying nas drongs// khams gsum dbang du bsdu ba dang// srid gsum zil gyis gnon pa dang// sgrub la bar chad byed pa rnams// thal ba bzhin du rdul du rlogs// hUM ye shes thugs kyi sprul pa gcig/ stobs kyi rgyal po seng ge la// mi mo seng ge'i mgo can zhon// bang ni rlung gis bskyod du med// skad ni khams gsum khyab par sgrogs// lag pa g.yas na phur pa bsnams// gang la bya ba'i snying la ya// lag pa g.yon na lcags kyu bsnams// gang la bya ba'i snying nas drongs// khams gsum dbang du bsdu ba dang// srid gsum zil gyis gnon pa dang// sgrub la bar chad byed pa'i bgegs// thal ba bzhin du rdul du rlogs// hUM ye shes thugs kyi sprul pa gcig/ dran byed mkha' lding pho rog la// mi mo pho rog mgo can zhon// bang ni rlung gis bskyod du med// skad ni stong khams khyab par sgrogs// lag pa g.yas na phur pa bsnams// gang la bya ba'i snying la ya// lag pa g.yon na lcags kyu bsnams// gang la bya ba'i snying nas drongs// khams gsum dbang du bsdu ba dang// srid gsum zil gyis gnon pa dang// sgrub la bar chad byed pa'i bgegs// thal pa bzhin du rdul du rlogs// hUM ye shes thugs kyi sprul pa gcig/rdzi gnon g.yag gi mgo can la// mi mo g.yag gi mgo can zhon// bang ni rlung gis bskyod du med// skad ni stong khams khyab par sgrogs// lag pa g.yas na phur bu bsnams// gang la bya ba'i snying la ya// lag pa g.yon na lcags kyu bsnams// gang la bya ba'i snying nas drongs/ khams gsum dbang du bsdu ba dang// srid gsum zil gyis gnon pa dang// sgrub la bar chad byed pa'i bgegs// thal ba bzhin du rdul du rlogs// hUM ye shes thabs kyi sprul pa gcig/ gsod byed chen mo dred mo la// mi mo dred mo'i mgo can zhon// bang ni rlung gis bskyod du med// skad ni stong khams khyab par sgrogs// lag pa g.yas na phur bu bsnams// gang la bya ba'i snying la ya// lag pa g.yon na lcags kyu bsnams// gang la bya ba'i snying nas drongs/ khams gsum dbang du bsdu ba dang// srid gsum zil gyis gnon pa dang// sgrub la bar chad byed pa'i bgegs// thal ba bzhin du rdul du rlogs// hUM ye shes thugs kyi sprul pa gcig/ grim byed chen mo gzig mo la// mi mo gzig gi mgo can zhon// bang ni rlung gis bskyod du med// skad ni stong khams khyab par sgrogs// lag pa g.yas na phur bu bsnams// gang la bya ba'i snying la ya// lag pa g.yon na lcags kyu bsnams// gang la bya ba'i snying nas drongs// khams gsum dbang du bsdu ba dang// srid gsum zil gyis gnon pa dang// sgrub la bar chad byed pa'i bgegs// thal ba bzhin du rdul du rlogs// nyams drug rtags drug mi gsal ba'i// ting 'dzin drod nyul chen mo rnams// thams cad ma lus dbang du sdud// nyi ma'i zer la gnod byed pa// 'byung po the'u rang gnod byed lnga// dri dang ngad du bcas pa ldang// rtse la bar chad byed pa'i bgegs// zlog byed stag mo'i ting 'dzin gyis// thal ba bzhin du rdul du rlogs// nyi ma gung la gnod byed pa// sa bdag chen mo lag chen yang// lci zhing nyam chung drod dang bral// gung la bar chad byed pa'i bgegs// zlog byed stobs ldan ting 'dzin gyis// thal ba bzhin du rdul du rlogs// dgong gi dus na gnod byed pa'i// btsan gyi pho nya rkang srin yin// phyad phyod ting 'dzin mi gsal ba// dgongs la bar chad byed ba'i bgegs// dran byed chen mo'i ting 'dzin gyis// thal ba bzhin du rdul du rlogs// srod gyi dus na gnod byed pa// bdud gyi rgyal mo ma rungs pa// grib so nag cing rmug par byed// zlog byed g.yag gi ting 'dzin gyis// thal ba bzhin du rdul du rlogs// nam phyed bar chad byed pa'i bgegs// ma bdud rgyal mo kun tu rgyu// spyugs pa len cing me ru 'bar// nam byed bar chad byed pa'i bgegs// thal ba bzhin du rdul du rlogs// hUM tho rangs bar chad byed pa'i bgegs// tshangs pa chen po'i sprul pa ste// me 'od kun gyi bdag po yis// zlog byed dred kyi ting 'dzin dang// sgrub pa rdzas kyi dam pa yis// tho rangs bar chad byed pa'i bgegs// thal ba bzhin du rdul du rlogs// hUM gdug byed gnod pa'i bar chad rnams// dus ma yin par 'byung bar byed// ting 'dzin mi gsal dran pa nyams// zlog byed gzig gi ting 'dzin gyis// thal ba bzhin du rdul du rlogs// nyams pa'i 'od dang bdud kyi 'od// the'u rang 'od dang rtags kyi 'od// rtags kyi dri dang the'u rang dri// bdud kyi nyams dang dngos grub nyams// spar shang dri dang rdzas kyi dri// bar chad 'od dang ma mo'i rtags// btsan gyi sgra dang rig 'dzin gsung// thams cad dus dang nyams dga' dang// rdo rje kha TAM rnge'u chung dang// nyung dkar phur bu zhing lpags dang// gu gul dud pa btang bas 'byung// rab rib med par rab shes na// de nyid ye shes lha yi rtags// gsal la rtog med nyam mi nga// rab rib mi brtan 'gyur ba can// rtags min dngos grub bar chad byed// de nyid bzlog par rab shes bya// yang na ting 'dzin chen po drug/ gtso bo'i ting 'dzin chen po dang// mtshams dang sras mchog drug rnams kyi// sngags dang tshig dang phur pa yis// dus rnams kun tu bzlog par bya/ yang na sras mchog drug rnams kyis// rim pa bzhin du yang dag bzlog/ yang na khro bo chen po bcus// thams cad kun tu bzlog par bya// oM sku gsum yon tan rdzogs pa'i sngags// phar 'phros lha rnams thugs dam bskul// tshur 'dus ci bsam tshul bzhin sgrub// ye shes lha la mchod pa 'bul// dam can rgya mtsho'i thugs dam bskul// bdud dang srin po rdul du rlogs/ byin rlab chen po char ltar 'bebs// sngags kyi 'bru ni lha yin te// sngags kyi bzlas pa yid 'ong gnas// lha rnams gsal la rtog pa med// nyon mongs dri ma kun kyang 'joms// 'khor ba'i rgya mtsho gting nas skems// dbang dang dngos grub tshul bzhin stsol// 'bru dgu sngags kyi byin brlab las// lha la bstod cing thugs dam bskul// rtogs pa'i don gyi chos sku thob// nyon mongs rgyud sbyong longs sku thob// cir yang 'dul ba sprul sku thob// thams cad lha yi ngo bor gsal// hUM gdug pa 'dul ba'i lha ni cir yang ston// rngam pa chen pos thams cad 'dul ba'i lha/ khams gsum dbang sdud bdud kyi rgyal po 'joms// rdo rje gzhon nu'i sku la phyag 'tshal bstod// hUM yab la dgyes shing rgyal ba'i thugs dam skongs// thabs dang shes rab gnyis su med pa'i yum// nyon mongs chags pa rab tu sbyong mdzad pa// 'khor lo rgyas 'debs sku la phyag 'tshal bstod// hUM tshangs pa 'dul ba'i lha ni sku mdog mthing// 'dul ba'i dbang du yab yub sras 'khor bcas// rngam pa chen po nyi zla 'dul mdzad pa// tshangs pa 'dul du yab yum sras dang bcas// rngam pa chen po gdug pa 'dul ba'i lha// sa bdag 'dul ba'i lha la phyag 'tshal bstod// hUM rdzu 'phrul 'phrog byed lha ni sku mdog mthing// 'dul ba'i dbang du rang rtags gu gul bsnams// mthu 'phrog phrin las mtha' ru dbyung ba'i phyir// mthu rnams 'phrog pa'i lha chen khyod la phyag 'tshal bstod// hUM 'gugs byed chen po'i lha ni sku mdog dkar// 'dul ba'i dbang du rang rtags lcags kyu bsnams// 'gugs pa'i phrin las mtha' ru dbyung ba'i phyir// mthu rnams 'phrog pa'i lha chen khyod la phyag 'tshal bstod// hUM 'chi byed chen po'i lha ni sku mdog sngo// 'dul ba'i dbang du rang rtags zhags pa bsnams// 'ching ba'i phrin las mtha' ru dbyung ba'i phyir// 'ching byed lha chen khyed la phyag 'tshal bstod// hUM smyo byed chen po'i lha ni sku mdog dmar// 'dul ba'i dbang du rang rtags drug rnams bsnams// smyo ba'i phrin las mtha' ru dbyung ba'i phyir// smyo byed lha chen khyod la phyag 'tshal bstod// hUM sgrol byed chen mo'i lha ni sku mdog nag po ste// 'dul ba'i dbang du rang rtags tho ba bsnams// sgrol ba'i phrin las mtha' ru dbyung ba'i phyir// sgrol ba'i lha chen khyod la phyag 'tshal bstod// hUM stobs pa'i lha ni sku mdog ljang sngon te// 'bul ba'i dbang du rang rtags gzas pa bsnams// stobs pa'i phrin las mtha' ru dbyung ba'i phyir// stobs pa'i lha chen khyod la phyag 'tshal bstod// hUM ye shes las la grub pa'i dbang phyug ma// sha khrag dmar la dad cing dam la rub// gang du mngags pa'i las rnams sgrub par byed// las rnams kun gyi bdag mo'i dus la bab// 'jig rten khams kun ma lus khyab pa'i bya ma rta// bdud dang srin po rab tu 'dar byed ma// gang ltar 'dul ba'i lha la phyag 'tshal bstod// hUM brgya byin 'dul ba'i lha ni sku mdog dkar// 'dul ba'i dbang du yab yum sras dang bcas// rngam pa chen po dri za 'dul ba'i lha// brgya byin 'dul ba'i lha la phyag 'tshal bstod// hUM drang srong 'dul ba'i lha ni sku mdog sngo// 'dul ba'i dbang du yab yum sras dang bcas// drang srong 'dul ba'i lha la phyag 'tshal bstod// hUM gshin rje 'dul ba'i lha ni sku mdog sngo// 'dul ba'i dbang du yab yum sras dang bcas// rngam pa chen po gshin rje 'dul ba'i lha// gshin rje 'dul ba'i lha la phyag 'tshal bstod// hUM srin po 'dul ba'i lha ni sku mdog ljang// 'dul ba'i dbang du yab yum sras dang bcas// rngam pa chen po srin po 'dul ba'i lha// srin po 'dul ba'i lha la phyag 'tshal bstod// hUM klu bdud 'dul ba'i lha ni sku mdog dmar// 'dul ba'i dbang du yab yum sras dang bcas// rngam pa chen po ya bdud 'dul ba'i lha// klu bdud 'dul ba'i lha la phyag 'tshal bstod// hUM rlung lha 'dul ba'i lha ni sku mdog dmar skya can// 'dul ba'i dbang du yab yum sras dang bcas// rngam pa chen po 'byung po 'dul ba'i lha// rlung lha 'dul ba'i lha la phyag 'tshal bstod// hUM gnod sbyin 'dul ba'i lha ni sku mdog ljang nag la// 'dul ba'i dbang du yab yum sras dang bcas// rngam pa chen po nor srung 'dul ba'i lha// gnod sbyin 'dul ba'i lha la phyag 'tshal bstod// hUM dbang ldan 'dul ba'i lha ni sku mdog ljang ser la// 'dul ba'i dbang du yab yum sras dang bcas// rngam pa chen po bgegs rnams 'ching ba'i lha// dbang ldan 'dul ba'i lha la phyag 'tshal bstod// hUM sa bdag 'dul ba'i lha ni sku mdog dud kha la// 'dul ba'i dbang la rbad pa de bzhin las byed ma// bstan pa rgyas par mdzad pa'i rgyal mo thugs dam dus la bab// bran dang pho nya las rnams 'grub byed ma'i// bstan pa srung ba'i las la brtson pa'o// 'jig rten dbang du sdud pa'i mthu mo che// sa bdag 'khor tshogs thugs dam dus la bab// hUM yang dag don las sku ni cir yang snang// bdud dang srin po'i nga rgyal ma yin te// 'dul ba'i dbang du rab rngam mche ba gtsigs// hUM dang phaT kyi sgras ni kun kyang bkang// nyon mongs gdug pa 'dul ba'i thugs rje yis// byams mgon rngam pa'i lha la dngos grub nod// dkyil 'khor 'di la byin cig phob// byin rlab ster ba'i lha la phyag 'tshal bstod// 'byor pa can dang rab tshogs nas// ci la thogs med ser sna spangs// spangs pa can du gyur pa na// rtsol bas rab tu 'byor bas ni// lha dang lha yi rang bzhin las// rim pa bzhin du yang dag sbyar// dug gsum rtsad bcad rdzas gsum gyis// 'bar ba me la mchod bya ste// dur khrod shing la me sbar te// bkug cing bstim ste bstab pa'i rdzas// dum bu nyid du rab gtubs la// rtse lnga 'bar ba'i mthil du blug/ hUM 'byung po'i sha ni zan bas zhim// gti mug mchod pa bla na med// bla med mchod pa 'di 'bul gyi// sku yi dngos grub stsal du gsol// 'byung po'i khrag ni chang bas zhim// 'dod chags mchod pa bla na med// bla med mchod pa 'di 'bul gyi// gsung gi dngos grub stsal du gsol// 'byung po'i lha rkang mar bas zhim// zhe sdang mchod pa bla na med// bla med mchod pa 'di 'bul gyi// thugs kyi dngos grub stsal du gsol// dug gsum mchod pa bla na med// bla med mchod pa 'di 'bul gyi// sku gsung thugs kyi dngos grub stsol// hUM me yi rgyal po khro bo'i sku// 'ur 'ur chem chem 'bar ba'i 'od/khams gsum 'khor ba gzhom pa dang// nyon mongs log lta bsreg pa'i phyir// ye shes me chen 'bar ba yis// 'khor ba'i bag chags bsreg pa dang// dngos grub 'tshe ba'i gdug pa can// khro rgyal 'bar ba'i me la bsreg/ rdo rje phur pa chen po bshad pa'i rgyud las/ rdzas sgrub pa'i le'u ste bzhi pa'o//// de nas bcom ldan 'das rdzas thams cad bsgrub par gnas pa'i ting nge 'dzin la snyoms par zhugs te// rdzas rnams bsgrubs nas rab tu bcangs// gang la thob pa de bzhin te// de ni 'grub par gdon mi za// mtshan dang ldan pa'i dur khrod du// maN+Dal thig dang dkyil 'khor bri// gru gsum zla gam 'khor lo bri// gru chad bar khyams sgo dang ldan// las rnams ma lus kun bya ste// bar chad bsal la rdzas rnams dgod// lha lnga rdzas dang mar me dang// steng 'og rdzas rnams de bzhin dgram// rim par bya ba gang yin pa'i// ting 'dzin rab tu gsal bar bya// lha lnga spyan drangs mchod pa dang// bstod dang 'dzabs snyen las rnams bya// rigs lnga khrag 'thung bsgrub pa ste// bar chad bsal zhing mtshan ma brtag/sgrub pa chen po'i las kyi mchog/ dus rnams kun tu bar mi gcad// lha la mchod cing mkha' 'gro bskul// mi 'gyur mtshan ma byung ba dang// dngos grub chen po'i lha lnga la// rim par blang zhing dbang bskur bya// rim par don dang ldan par bya// thams cad kun la rnam par g.yengs// don dang ldan pa'i dur khrod du// maN+Dal bya zhing dkyil 'khor bri// bsrung ba'i rim pa ma lus bya// thod pa mtshan ldan rangs po la// gtso bo yab yum sngags bris la// snying dang bcas pa dbus su dgod// phyi ma'i rdzas rnams rim pas te// mar me ye shes gcig tu 'dus// dngos grub mtshan ldan ka pA lar// yab yum sngags rnams bris nas ni// gang yin gnas su dgod par bya// sku gsung thugs kyi dbang yang dgod// nus pa'i dbang yang sngon du bskur// ting 'dzin rim pa grangs mang yang// thams cad 'dus pa'i yab yum bsgom// spyan drangs rim pa de bzhin du// las nyid grub pa'i snying por 'dus// bya ba thams cad yongs su sbyar// chos dbyings nam mkha'i ngo bo las// cir yang snang ba lha yi sku// gsal ba nyid la bsam du med// thams cad rang rig byang chub sems// dkyil 'khor dbus su bzhugs su gsol// hUM me long ye shes byin brlab las// rang rig ye shes me bo che// ma rig mun pa bsal du med// thams cad rang byung ye shes me// dkyil 'khor dbus su bzhugs su gsol// hUM stong gsum thams cad gzhal yas khang// skye ba med par ye nas grub// 'dzin pa med par rang bzhin grol// dkyil 'khor rgyan du dgram par bya// hUM 'khor ba ma spangs lhun gyis grub// spangs na byang chub sems nyid spangs// thams cad rang rig byang chub sems// rdzas kyang de bzhin rtogs pa'i ngang// dkyil 'khor rgyan du dgram par bya// hUM thams cad thig le ye brdal las// re dang dogs pa'i sems spangs la// rten yang ye brdal ka pA lar// dur khrod rdzas su bzhag nas kyang// dkyil 'khor dbus su bzhugs su gsol// hUM chos dbyings gsal la rtog pa med// nyes pas ma bsgribs gsal ba'i 'od// ting 'dzin chen po'i byin brlab las// rang bzhin lhun gyis grub pa'i dbyings// hUM chos dbyings nam mkha'i rang bzhin la// rol pas 'byung lngar lhun gyis grub// grub kyang rol pa 'dzin pa bral// rten du 'gyur bas rnam par gsal// hUM dur khrod chen po'i gzhal yas khang// rang byung ye shes bzhugs gnas su// ma bsgribs gsal ba'i 'od po che// rig pa rang shar gzhal yas su// thig le cir yang snang ba shar// hUM rang byung ye shes gsal ba'i 'od// rol pa bsam med brjod las 'das// lha nyid gsal la gzhi rtsa bral// bde ba chen po'i klong na bzhugs// hUM chos sku nyag gcig gnyis su med// cir yang snang bas bsam mi khyab// gang du gnas pa'i de bzhin nyid// rang byung chen po'i dbyings na g.yos// hUM gsal la rtog med ye shes te// ye shes chen po phyag rgya che// rnam par grol cing dmigs dang bral// chos dbyings dag pa'i phyag rgya 'byung// thig le byang chub sems nyid las// thams cad dngos grub chen po yin// chos dbyings nor bu rin po che// zad pa med par thams cad 'byung// sku dang ye shes bsam mi khyab// nyon mongs gdung ba sel bar mdzad// zad pa med pa'i dngos grub gter// re ba skong bas thams cad tshim// dga' bar 'gyur bas rtogs pa skye// rang byung lha la dngos grub slong// hUM bsam pas 'grub pa'i rin po che// zad pa med pa'i gter du gnas// thams cad re skong bsam pa 'grub// sku gsum sa thob dngos grub gter// da lta nyid du stsal du gsol// thugs dam chen po rgyud bskul na// gang la thogs med dngos grub stsol// hUM rang byung ye shes lha la dngos grub slong// 'dir gshegs spyan 'dren dbang dang dngos grub stsol// nam mkha' bzhin du re dogs mi mnga' yang// thugs rje'i shugs kyis byin rlabs sprin dang 'dra// bdud rtsi char chen 'bebs pas re ba skong// chos nyid re dogs bral ba'i rang bzhin las// dngos grub stsal dang stsol bar mi dmigs kyang// byin rlab dbang gis dngos grub stsal du gsol// ye shes lha la re dogs ma mchis kyang// dogs pa'i sems dang mi cha re ba skong// bsam pa 'grub pa'i dngos grub stsal du gsol// hUM lha dang gnyis su med par gang gsal ba// re ba'i dngos grub dang po de bas na// lha la lha yis byin brlab nus pa can// bstan pa rgyas pa'i phyir na slod lags kyis// thogs pa med pa'i dngos grub stsal du gsol// hUM dus gsum rgyal ba kun gyi byin brlab las// zhal bu mtshan ldan rdo rje ka pA lar// 'chi med tshe yi g.yung drung ci bsam 'grub// 'dun pa rigs kyi dngos grub mdzad med gter// bdud 'dul lha nye bgegs zhi rab tu bzang// nye ba nyid du bsam pa da re ran// yang dag ldan pa'i dngos grub dam pa 'di// ci bsam 'grub cing re ba skong ba dang// rig 'dzin sa la nges par phyin pa dang/ thogs pa med par ci bsam 'grub pa dang// dngos grub dam pa de nyid stsal du gsol// hUM chos dbyings nam mkha' bsam med brjod las 'das// thams cad 'byung zhing re ba thams cad skong// skong ba nyid na rgyal ba'i dbyings su thim// chos nyid 'gyur ba med pa'i dngos grub stsal du gsol// hUM byin rlabs chen po nam mkha'i sprin dang 'dra// bdud dang srin po 'dul phyir rgyal ba'i rigs su byung// dbang bskur byin brlab nus pa bsam mi khyab// sras kyi dam pa'i dngos grub stsal du gsol// hUM thabs dang shes rab bde ba chen po'i dbyings// yab la chags shing gnyis su med pa'i yum// don dam ngang la rigs kyi yum du bstan// zad pa med pa gter gyi dngos grub stsal du gsol// hUM gdug pa 'dul phyir yab kyi thugs las sprul// dregs pa'i 'khor rnams ma lus 'dul mdzad pa// 'dul ba'i dbang gis sprul pa cir yang ston// gdug pa 'dul ba'i dngos grub stsal du gsol// yab la dgyes shing gnyis su med pa'i yum// dregs pa yum du gyur pa 'dul mdzad pa// re skong bdud 'dul dngos grub stsal du gsol// hUM yab yum gnyis med sras kyi dam pa byung// gdug pa sprul pa'i tshogs rnams 'dul mdzad pa// yab yum rgyun du 'dzin cing las rnams grub// thogs med sgrol ba'i dngos grub stsal du gsol// las kyi bya ba thams cad kun// de bzhin ma nor rim pa bzhin// gnas skabs nyid du yang dag sbyar// kun kyang don la rgyas par bstan// rnam gnyis don la rnam par gtad// yang dag 'dus pa'i dkyil 'khor du// bstan pa'i las nyid kun kyang 'grub// dpal gyi dngos grub chen po ni// dur khrod chen po'i gzhal yas su// maN+Dal mda' gang byas nas su// thig dang bri ba de bzhin bya// phyi nang gsang gsum las kyi mchog/ thod pa dmar nag dbang drag la// snying po gdan dang bcas pa bri// snying dang bcas pa'i rdzas dag la// bskyed dang spyan drang bstim mchod bstod// dbus su dgod cing gsal bar bsam// mar me gsol byang rgyan rnams dgod// mchod pa'i rgyan yang de bzhin te// ting 'dzin chen po'i byin brlab kyis// rim par bsgom zhing gzhal yas khang// gru gsum zla gam mu khyud la// thod pa skom rlon btang bar bsgom// shar sgor bum bzhugs sgo ba'i tshul// gtso bo'i zhal ni yum la gzigs// spyan 'dren bstim dang mchod pa dang// bsnyen pa bstod dang mchod pa dbul// mtshan ma brtan po byung ba dang// thod pa blang zhing mar me gso// bar ma chad par de bzhin bya// lha la bstod cing thugs dam bskul// dngos grub chen po'i las rnams ni// gnad la dbab cing mchod pa dbul// lha la bslang zhing lan gsum bstims// rdzas la blang ba de bzhin te// rim pa bzhin du rab shes bya// tha ma las kyi mtha' rnams rgyas// yi ge 'khor lo'i sa non nas// 'gro ba'i don rnams de bzhin bya// rnam gnyis sku yi 'dul thabs bstan// hUM chos sku bde ba chen po'i ngang nyid las// kun tu bzang po'i rol ba cir yang snang// bdud dang srin po ma lus 'dul ba'i lha// rngam pa chen pos srid gsum 'joms pa'i lha// bdud rgyal dregs pa 'dul zhing dbang du sdud// hUM dang phaT kyi sgra 'byin stong gsum sgrol// ya mtshan rmad du che ba'i lha la phyag 'tshal bstod// hUM dbu gsum phyag drug rdo rje'i gshog pa can// dbu gsum rnam thar gsum gyi dbu// dbus ni mthing gar bstan pa ni// chos kyi sku la 'gyur ba med pa dang// zhe sdang rtsad nas gcod pa dang// chos sku 'gyur ba med pa'i zhal la phyag 'tshal bstod// g.yas ni dkar bar bstan pa ni// chos kyi sku la nyes pa med pa dang// nyon mongs gnas su dag pa'i phyir// nyes pa med pa'i zhal la phyag 'tshal bstod// g.yon ni dmar bar bstan pa ni// thugs rje thabs kyis chags pa dang// 'dod chags rtsad nas gcad pa'i phyir// thugs rje chags pa'i zhal la phyag 'tshal bstod// spyan mig dgu ru bstan pa ni// 'khor ba'i sa dgu 'joms pa dang// theg pa dgu dang ldan pa'i phyir// 'khor ba 'joms pa'i spyan la phyag 'tshal bstod// mche ba bcu gnyis bstan pa ni// skye mched bcu gnyis rtsad nas gcod pa dang// sha za gdug pa'i mche ba dmar ba'i phyir// skye mched rtsad nas gcod pa'i tshems la phyag 'tshal bstod// shangs ni gsum du bstan pa ni// sku gsum lhun gyis grub pa dang// dug gsum rtsad nas gcod pa'i phyir// sku gsum lhun grub shangs la phyag 'tshal bstod// zhal ni gsum du bstan pa ni// dug gsum zhal du gsol ba dang// stong gsum sgra yis gang ba'i phyir// dug gsum gsol ba'i zhal la phyag 'tshal bstod// ri spu gyen du 'khyil bar bstan pa ni/ khams gsum 'khor ba'i gnas nas drang ba dang// sku gsum lhun gyis grub pa'i sa la dgod pa'i phyir/ khams gsum 'dren pa'i ri spu nyid la phyag 'tshal bstod// ral pa kham nag gyen du 'khyil bar bstan pa ni// gdug pa can rnams dbang du bsdu ba dang// srid pa'i rtse mo zil gyis gnon pa dang// gdug pa 'joms pa'i dbu la phyag 'tshal bstod// phyag drug ye shes drug gi rang bzhin te// g.yas kyi dang po rdo rje rtse dgu bsnams pa ni// sa dgu lhun gyis grub pa dang// theg pa dgu dang ldan pa'i phyir// sa dgu gnon pa'i phyag la phyag 'tshal bstod// bar pa rdo rje rtse lnga bsnams pa ni// ye shes lnga dang ldan pa dang// rigs lnga 'gro ba'i don bya'i phyir// ye shes lnga ldan phyag 'tshal bstod// g.yon gyi dang po me dpung bsnams pa ni// ye shes me ru 'bar ba dang// 'khor ba nyon mongs bsreg pa'i phyir// ye shes 'bar ba'i phyag la phyag 'tshal bstod// g.yon gyi bar ma kha T+wAM rtse gsum bsnams par bstan pa ni// dug gsum rtsad nas bcad pa dang// rigs gsum mgon po rnams dang gnyis su med pa'i phyir// dug gsum rtsad gcod phyag la phyag 'tshal bstod// g.yas g.yon tha ma rdo rje ri rab phur bu 'dril bar bstan pa ni// thabs dang shes rab gnyis su med pa ste/khams gsums gdug pa ma lus bsgral ba'i phyir// thabs dang shes rab phyag la phyag 'tshal bstod// dur khrod chas brgyad sku la gsol ba ni// rnam shes tshogs brgyad rtsad nas gcod pa'i rtags// glang chen ko rlon sku la gsol bar bstan pa ni// gti mug rtsad nas bcad nas kyang// thugs rje thabs dang ldan pa'i phyir// gti mug 'joms pa'i rgyan la phyag 'tshal bstod// zhing chen g.yang gzhi sku la gsol bar bstan pa ni// 'dod chags rtsad nas gcod pa dang// thugs rje chags par ldan pa'i phyir// 'dod chags 'joms pa'i rgyan la phyag 'tshal bstod// stag gi sham thabs sku la brgyan pa ni// zhe sdang rtsad nas gcod pa dang// thugs rje thabs dang ldan pa'i phyir// zhe sdang rtsad gcod rgyan la phyag 'tshal bstod// thod pa rlon pas sku la brgyan pa ni// chos kyi sku dang gnyis su med pa dang// skye ba med pa'i don ni grub pa'i phyir// chos sku gnyis med rgyan la phyag 'tshal bstod// thod pa skam pos sku la brgyan par bstan pa ni// longs spyod sku dang gnyis su med pa dang// thams cad kun tu longs sku bsam mi khyab// longs spyod rdzogs sku'i rgyan la phyag 'tshal bstod// thod pa tshal bus sku la brgyan par bstan pa ni// sprul pa'i sku dang gnyis su med pa dang// sprul sku 'gro ba'i don du cir yang snang// sprul sku gnyis med rgyan la phyag 'tshal bstod// zhag gi zo ris sku la brgyan pa ni// 'das pa'i sangs rgyas rnams dang gnyis su med pa dang// mar me mdzad dang bstan pa gcig pa'i phyir// 'das pa'i sangs rgyas rnams la phyag 'tshal bstod// thal chen tshom bus sku la brgyan pa ni// da ltar sangs rgyas rnams dang gnyis su med pa dang// bcom ldan 'das dang skal pa gcig pa'i phyir// da ltar sangs rgyas rnams la phyag 'tshal bstod// rak+ta'i thig les sku la brgyan par bstan pa ni// ma byon sangs rgyas rnams dang gnyis su med pa dang// rgyal ba byams pa'i bstan pa gcig pa'i phyir// ma byon sangs rgyas rnams la phyag 'tshal bstod// rdo rje'i gshog pa sku la brgyan pa ni// ma mo mkha' 'gro zil gyis gnon pa dang// thams cad kun tu dbang du sdud pa'i phyir// rdo rje gshog pa'i rgyan la phyag 'tshal bstod// sbrul chen rigs bzhis sku la brgyan par bstan pa ni// gdug pa klu rnams rtsad nas gcod pa dang// zhe sdang 'joms pa'i rgyan ni rigs bzhir bstan pa'i phyir// gdug pa chen po'i rgyan la phyag 'tshal bstod// zhabs bzhi mngon par bstan pa ni// rdzu 'phrul bzhi yi rang bzhin te// g.yas gnyis bskum par bstan pa ni// pho gnyis 'gram pa brdzis pa dang// thabs ni shes rab rang bzhin te// pho gnyis brdzis pa'i zhabs la phyag 'tshal bstod// g.yon gnyis brkyang bar bstan pa ni// mo gnyis nu phrag brdzes pa ni// shes rab thabs kyi rang bzhin te// mo gnyis brdzis pa'i zhabs la phyag 'tshal bstod// rdo rje ba spu khro bos gtams par bstan pa ni// 'jigs pa med par dbang du sdud pa dang// thams cad kun tu sprul pas khyab pa dang// 'jigs med khro bo 'dul ba'i lha la phyag 'tshal bstod// sgeg pa dpa' ba 'jigs su rung ba dang// rgod dang gshe dang 'jigs par byed pa dang// rngam brjid chen po rdo rje gzhon nu'i sku// zhe sdang 'joms pa'i lha la phyag 'tshal bstod// zhe sdang tshul yis zhe sdang 'joms mdzad pa// rdo rje gzhon nu'i sku la phyag 'tshal bstod// yab kyi thugs dam gnyen po bskong ba'i yum// 'khor lo rgyas 'debs dgyes pa skong ba'i yum// rdo rje'i rigs kyi gtso mo chen mo ste// dgyes pa skong ba'i yum la phyag 'tshal bstod// zhal gcig phyag gnyis sku mdog mthing// g.yas pa dgyes pas yab la 'khyud// g.yon pa dung dmar gtso la stob// rdo rje rigs kyi yum la phyag 'tshal bstod// sku mdog mthing bar bstan pa ni// 'gyur ba med pa'i rang bzhin te// thams cad chos sku gcig pa dang// don rnams thams cad thugs su chud pa'i phyir// 'gyur ba med pa'i dbu la phyag 'tshal bstod// spyan mig gnyis su bstan pa ni// thabs dang shes rab gnyis su med pa dang// 'khor 'das gnyis su gzigs pa'i phyir// thabs dang shes rab spyan la phyag 'tshal bstod// zhal ni gcig tu bstan pa ni// yab la dgyes par bzhad pa dang// dug lnga zhal du gsol ba'i phyir// yab la dgyes pa'i zhal la phyag 'tshal bstod// mche ba bzhi ru bstan pa ni// skye ba rnam bzhi rtsad nas gcod pa dang// gdug pa'i tshems 'dra rngam pa'i sha za'i phyir// skye shi rtsad gcod tshems la phyag 'tshal bstod// shangs ni gcig tu bstan pa dang// dri yi mchod pas mnyes pa'i phyir// chos nyid gcig pa'i shangs la phyag 'tshal bstod// g.yas pa yab la 'khyud pa ni// shes rab thabs la chags pa dang// dgyes pa chen po bskang ba'i phyir// shes rab thabs la chags pa'i phyag la phyag 'tshal bstod// g.yon na b+han+da rak+ta bsnams pa ni// yum gyi chags pa sel ba dang// 'dod chags rtsad nas gcod pa'i phyir// chags pa sel ba'i phyag la phyag 'tshal bstod// dur khrod chas brgyad sku la gsol ba ni// sdug bsngal brgyad po rtsad nas bcad nas kyang// rnam pa thams cad chos nyid dbyings su sgrol// sdug bsngal 'joms pa'i rgyan la phyag 'tshal bstod// zhabs gnyis mngon par bstan pa ni// rkang gnyis kun la brtse bar dgongs pa dang// bde bar gshegs pa'i thugs dam dgyes skong phyir// rkang gnyis brtse dgongs zhabs la phyag 'tshal bstod// 'dod chags tshul gyis 'dod chags 'joms mdzad pa// 'khor lo rgyas 'debs sku la phyag 'tshal bstod// hUM khro bo chen po hUM kA ra// dbu gsum phyag drug rdo rje'i gshog pa can// 'dul ba'i dbang gis phyag na mda' gzhu bsnams// tshabs pa 'dul ba'i lha chen khyod la phyag 'tshal bstod// steng gi za byed rdo rje sgra 'byin ma// zhal gcig phyag gnyis yab la 'khyud pa'i phyag/'dul ba'i dbang gis tshangs mo'i gdan la bzhugs// tshabs rigs 'bul ba'i yum la phyag 'tshal bstod// phag gi mgo can yab kyi sprul pa ste// tshangs pa po yi 'khor na gdug pa 'dul// 'dul ba'i dbang du phyag na phur pa bsnams// gdug rtsub klu bdud khyod la phyag 'tshal bstod// smig bu'i mgo can yum gyi sprul pa ste// tshangs pa mo yi 'khor na gdug pa 'dul// 'dul ba'i dbang gis phyag na mda' gzhu bsnams// so rno grims bzhed khyod la phyag 'tshal bstod// hUM khro bo chen po rnam par rgyal// dbu gsum phyag drug rdo rje'i gshog pa can// 'dul ba'i dbang gis tri shUl 'khor lo bsnams// brgya byin 'dul ba'i lha chen khyod la phyag 'tshal bstod// shar gyi za byed rdo rje rnam snyems ma// zhal gcig phyag gnyis yab la 'khyud pa'i phyag/ 'dul ba'i dbang gis brgya byin mo yi gdan la bzhugs// brgya byin 'dul ba'i yum la phyag 'tshal bstod// stag gi mgo can yab kyi sprul pa ste// brgya byin pho yi 'khor gyi gdug pa 'dul// 'dul ba'i dbang gis phyag na phur pa bsnams// gdug pa 'dul ba'i lha la phyag 'tshal bstod// bya rgod mgo can yum gyi sprul pa ste// brgya byin mo yi 'khor na gdug pa 'dul// 'dul ba'i dbang gis phyag na lcags kyu bsnams// zhi ba chen po khyod la phyag 'tshal bstod// hUM shar lho'i khro bo dbyug sngon po// dbu gsum phyag drug rdo rje'i gshog pa can// 'dul ba'i dbang gis dbyug to me dpung bsnams// drang srong 'dul ba'i lha la phyag 'tshal bstod// shar lho za byed chen mo rdo rje sder mo la// zhal gcig phyag gnyis yab la 'khyud pa'i phyag/ 'dul ba'i dbang gis drang srong mo yi gdan la bzhugs// drang srong 'dul ba'i yum la phyag 'tshal bstod// g.yag gi mgo can yab kyi sprul pa ste// drang srong pho yi 'khor gyi gdug pa 'dul// 'dul ba'i dbang gis phyag na phur pa bsnams// rdzi rnon brjed med khyod la phyag 'tshal bstod// bya rog mgo can yum gyi sprul pa ste// drang srong mo yi 'khor gyis gdug pa 'dul// 'dul ba'i dbang gis phyag na lcags kyu bsnams// tshe gsum dran byed khyod la phyag 'tshal bstod// hUM lho yi khro bo gshin rje'i gshed// dbu gsum phyag drug rdo rje'i gshog pa can// 'dul ba'i dbang gis mi mgo dgra s+t+wa bsnams// gshin rje 'dul ba'i lha la phyag 'tshal bstod// lho yi za byed dur khrod ma// zhal gcig phyag gnyis yab la 'khyud pa'i phyag/'dul ba'i dbang gis gshin rje mo yi gdan la bzhugs// gshin rje 'dul ba'i yum la phyag 'tshal bstod// sha ba'i mgo can yab kyi sprul pa ste// gshin rje pho yi 'khor gyi gdug pa 'dul// 'dul ba'i dbang gis phyag na phur pa bsnams// smyos par byed pa khyod la phyag 'tshal bstod// 'ug pa'i mgo can yum gyi sprul pa ste// gshin rje mo yi 'khor na gdug pa 'dul// 'dul ba'i dbang gis phyag na phur pa bsnams// rtogs pa skyed byed khyod la phyag 'tshal bstod// hUM lho nub khro bo mi g.yo mgon// dbu gsum phyag drug rdo rje'i gshog pa can// 'dul ba'i dbang gis ral gri zhags pa bsnams// srin po 'dul ba'i lha chen khyod la phyag 'tshal bstod// lho nub za byed rdo rje gtun khung ma// zhal gcig phyag gnyis yab la 'khyud pa'i phyag/ 'dul ba'i dbang gis srin mo'i gdan la bzhugs// srin mo 'dul ba'i lha la phyag 'tshal bstod// gzig gi mgo can yab kyi pho nya ste// srin po'i 'khor na gdug pa 'dul// gdul ba'i dbang gis phyag na phur pa bsnams// dran rtog bang mgyogs khyod la phyag 'tshal bstod// khwa ta'i mgo can sum gyi pho nya ste// srin mo'i 'khor na gdug pa 'dul// 'dul ba'i dbang gis phyag na lcags kyu bsnams// 'dzin cing bsam pas slob pa khyod la phyag 'tshal bstod// hUM nub kyi khro bo rta mgrin dpal// dbu gsum phyag drug rdo rje'i gshog pa can// 'dul ba'i dbang gis zhags pa spu gri bsnams// klu bdud 'dul ba'i lha chen khyod la phyag 'tshal bstod// nub kyi za byed rdo rje gtum mo ni// zhal gcig phyag gnyis yab la 'khyud pa'i phyag/ 'dul ba'i dbang gis klu bdud mo yi gdan la bzhugs// klu bdud 'dul ba'i yum la phyag 'tshal bstod// byi la'i mgo can yab kyi sprul pa ste// klu bdud pho yi 'khor na gdug pa 'dul// 'dul ba'i dbang gi phyag na phur pa bsnams// gdug pa so rnon ci la thogs med khyod la phyag 'tshal bstod// pu shud mgo can yum gyi sprul pa ste// klu bdud mo yi 'khor na gdug pa 'dul// 'dul ba'i dbang gis phyag na lcags kyu bsnams// 'jigs byed glog gcod khyod la phyag 'tshal bstod// hUM nub byang khro bo gzhan gyis mi thub pa// dbu gsum phyag drug rdo rje'i gshog pa can// 'dul ba'i dbang gis rdul g.yab ba dan bsnams// rlung lha 'dul ba'i lha chen khyod la phyag 'tshal bstod// nub byang za byed rdo rje mda' snyems ma// zhal gcig phyag gnyis yab la 'khyud pa'i phyag/'dul ba'i dbang gis rlung lha mo yi gdan la bzhugs// rlung lha 'dul ba'i yum la phyag 'tshal bstod// spyang ki'i mgo can yab kyi pho nya ste// rlung lha pho yi 'khor na gdug pa 'dul// 'dul ba'i dbang gis phyag na phur pa bsnams// gsod par byed pa khyod la phyag 'tshal bstod/ khra yi mgo na yum gyi pho nya ste// rlung lha mo yi 'khor na gdug pa 'dul// 'dul ba'i dbang gis phyag na lcags kyu bsnams// gsod par byed pa khyod la phyag 'tshal bstod// hUM byang gi khro bo bdud rtsi 'khyil// dbu gsum phyag drug rdo rje'i gshog pa can// 'dul ba'i dbang gis phyag na rgya gram bsnams// gnod sbyin 'dul ba'i lha chen khyod la phyag 'tshal bstod// byang gi za byed yum chen rlung 'byin ma// zhal gcig phyag gnyis yab la 'khyud// 'dul ba'i dbang gis gnod sbyin mo yi gdan la bzhugs// gnod sbyin 'dul ba'i yum la phyag 'tshal bstod// seng ge'i mgo can yab kyi sprul pa ste// gnod sbyin pho yi 'khor gyi gdug pa 'dul// 'dul ba'i dbang gis phyag na phur pa bsnams// stobs chen 'gro mgyogs khyod la phyag 'tshal bstod// pha wang mgo can yum gyi sprul pa ste// gnod sbyin mo yi 'khor na gdug pa 'dul// 'dul ba'i dbang gis phyag na lcags kyu bsnams// 'phrul chen thabs mkhas khyod la phyag 'tshal bstod// hUM byang shar khro bo khams gsum rnam par rgyal// dbu gsum phyag drug rdo rje'i gshog pa can// 'dul ba'i dbang gis phyag na rdo rje mda' gzhu bsnams// dbang ldan 'dul ba'i lha chen khyod la phyag 'tshal bstod// byang shar za byed rdo rje gsod byed ma// zhal gcig phyag gnyis yab la 'khyud pa'i phyag/ 'dul ba'i dbang gis dbang ldan mo yi gdan la bzhugs// dbang ldan 'dul ba'i yum la phyag 'tshal bstod// dred kyi mgo can yab kyi sprul pa ste// dbang ldan 'dul ba'i 'khor na gdug pa 'dul// 'dul ba'i dbang gis phyag na phur pa bsnams// 'jigs med shugs chen zhe sdang khyed la phyag 'tshal bstod// sre mo'i mgo can yum gyi sprul pa ste// dbang ldan mo yi 'khor na gdug pa 'dul// 'dul ba'i dbang gis phyag na lcags kyu bsnams// bde mgyogs sha grims 'gugs byed khyod la phyag 'tshal bstod// hUM 'og gi khro bo stobs po che// dbu gsum phyag drug rdo rje'i gshog pa can// 'dul ba'i dbang gis tho ba gtun shing bsnams// sa bdag 'dul ba'i lha chen khyod la phyag 'tshal bstod// 'og gi za byed rdo rje bskyod ma ni// zhal gcig phyag gnyis yab la 'khyud// 'dul ba'i dbang gis sa bdag mo yi gdan la bzhugs// sa bdag 'dul ba'i yum la phyag 'tshal bstod// dom gyi mgo can yab kyi sprul pa ste// sa bdag pho yi 'khor na gdug pa 'dul// 'dus pa'i dbang gis phyag na phur pa bsnams// dmigs dang khraus pa brjed med khyod la phyag 'tshal bstod// byi ba'i mgo can yum gyi sprul pa ste// sa bdag mo yi 'khor na gdug pa 'dul// 'dul ba'i dbang gis phyag na lcags kyu bsnams// 'bigs byed sgrol bar byed pa khyod la phyag 'tshal bstod// rdo rje phur pa chen po bshad pa'i rgyud las/rdzas la brten te sgrub pa'i le'u ste lnga pa'o//// de nas bcom ldan 'das dur khrod kyi bdag po bdud rtsi chen po'i ting nge 'dzin la snyoms par zhugs te/ gnas ni dur khrod gzhal yas su// bar snang dmar dang gnag pa dang// ri yang dmar nag rdo rje'i dbyibs// me tog shing dang lo 'dab rgyas// sman rnams 'khrungs dang sa bzang dang// gong du bstan pa'i nges pa med// rtsa ba lo mar bcas pa skam// yum yang yid du 'ong ba btsal// rigs btsun ngang bzang shongs yangs che// lcang lo'i skra la sked pa phra// smra ba snyan la rna ba gsang// smin mtshams bar ma chad pa dang// so thags dam la shangs kyang mdzes// stod smad snyoms la nu ma 'bur// nyes pa'i skyon rnams med par bya// nyid las mi gzhan mchod pa stobs// nyams pa thogs med spyod nus dang// bar chad sel zhing nyes pa med// mdzes pa'i don la yang dag goms// shes bzhin yid 'ong stobs ldan dang// mthun pa'i gtso 'khor mdzes par 'gyur// dam tshig gtsang ma dam pa bsrungs// smra nyung don chen dngos grub snod// 'dzin pas ma bcings lta ba rtogs// bsam gtan don dang mi 'bral ba'i// snying rje'i sems dang ldan pa yis// 'dam zhing nyes pa bsal bar bya// ston pa chen po'i byin rlabs las// thugs rje nam mkha'i cho 'phrul gyis// thams cad bdud rtsi sa la bab// 'byung ba chen po'i byin rlabs las// thams cad bdud rtsi'i rang bzhin te// phyi nang rtsa ba brgyad po dang// gsang ba nyid du de bzhin sbyar// byang chub sems dang mAM sa dang// dri chen rak+ta dri chu rnams// sder chags sha dang rmig zlum sha/ kha brag sha dang 'dab chags sha/ rkang leb sha yang de bzhin bshams// lan tshwa brag zhun lag pa dang// cong zhi rab tu rnam pa lnga// de bzhin rim las yang dag sbyar// maN+Dal gru bzhi 'dom gang la// dam rdzas lnga yis chag chag gdab// oM hUM bo d+hi tsit+ta maN+Dal hUM// oM ku ku maN+Da la hUM/ oM ma hA mAM sa maN+Da la hUM/ oM rak+ta maN+Da la hUM/ oM g+han d+ha maN+Da la hUM/ lug dang spyang ki'i sog pa la// gtso bo nyid du yang dag bshad// spyan dang bstim la mchod bstod bya// sog pa'i rgyab tu sgo srung bri// hUM rdo rje gzhon nu'i rig 'dzin rnams// srid pa rdo rje phur pa'i lha// ye shes khro bo grub par mdzod// dngos grub bar chad byed pa'i bgegs// gdug cing sdang sems ldan pa rnams// gtogs shing grogs dang bral bar gyis// sgo yi g.yas su gdags par bya/ khyi dang phag gi sog pa la// dam sri bris la las rnams bya// sgo yi g.yon du gdags par bya// 'phags pa mchod dang 'byung po la// dbul zhing dregs pa kun kyang mchod// rdo rje phur pa'i dam sri mnan// gsum pa tshogs bsag sgrib sbyang bya// de nas thig ni gdab par bya// sa thig gnam thig de bzhin sbyar// tshon yang de bzhin shes par bya// bri ba'i rim pa 'di lta ste// gru gsum zla gam mu khyud dang// 'khor lo rtsibs bzhi rtsibs brgyad dang// gru chad bzhi dang lha rnams dang// sgo dang rta babs bcas pa dang// bum pa 'khor lo gdugs dang bcas// gru gsum dmar dang gnag dang bcas// gnag dang yang ni thod pa dkar// rigs dang dmar ba gnag pa dkar// ser dang ljang dang gru chad dmar// ser las rigs dang mthun par bri// rtsigs pa gzhi mar thod pa dkar// gzhi ser lhu dum dmar ba dang// ljang la rgyu zhags dkar ba dang// rin chen lnga yang rnam par gtang// rin chen phreng ba dkar po gtang// lcags ri nag po me ri dmar// 'khor lo dang ni lha gnas su// gru gsum steng du yig 'bru bkod// mtshan dang ldan pa'i b+han+d+ha la// sul med sul 'greng mang ba dang// zla gam rgya gram mtshan dang lnga// rdo rje de bzhin gshegs pa dang// rin chen pad+ma las kyi rigs// de bzhin mtshan ldan thod pa la// rnam pa gsum gyi dris bdug la// byang chub sems dang dri chen dang// sha chen pad+ma rak+ta dang// dri chu lnga ste rim pa bzhin// sder chags sha dang rmig zlum kha brag dang// 'dab chags rkang leb rnam pa lnga// tshwa dang brag bcud lag pa dang/rab tu cong zi rim pa star bu lnga// phyi nang gsang gsum dam rdzas lnga// rim pa bzhin du dgod par bya// phyi nang gsang gsum rtsa ba brgyad// ma nor rim par dgod par bya// mig dang rdo rje'i chu ba dang// sna dang gre ba yang dag ldan// lce dang pad+ma chen po dang// rna ba dang ni tsit+ta rnams// de bzhin nang gi rtsa bar bshad// lug mig thal kar rdo rje dang// sri zhing 'dab ma dbang po lag/ kha 'bar ma dang rgun 'bru dang// zho sha ka sho kA d+ha rnams// phyi yi rim par dgod par bya// yang na 'di ltar bshad par bya// cong zi dang ni lan tshwa dang// ra mo shag dang ram nye ba// brag zhun brag rgya ha'o gnyis// bu ram dang ni dom mkhris gnyis// gsang ba'i rim par de bzhin dgod// yang na gsang ba chen po ni// yab yum bzhi bzhi rnam pa brgyad// yang dag nyid du de shes bya// gzhi yi rnam lnga ma 'khrul na// ji ltar bye yang nges par med/kha dog ro dang dbyibs rnams dang// rigs dang sbyar te de bzhin dbye// lnga la lnga yis dbab bya zhing// lnga yis de bzhin gdags par bya// khro bo drag po'i tsham rngams bya// mtshams gyis nyes pa bsal ba dang// las kyi lha yi ting 'dzin gyis// dbus kyi thod pa stong par 'gyur// 'jigs pa'i stong pa chen po yin// hUM dang rdo rje'i 'phro 'du las// sngags kyi gtso bo nyid du gnas// gnas pa chen po bde ba che// spyan dang bstim dang sngags kyi las// bstod cing thod pa de bzhin blang// hUM dbus kyi b+han+d+ha sul med bya// byang chub sems la sman sbyar nas// rtsa ba yan lag bcad pa rnams// badzra kI la ya ru byin brlabs nas// rang byung bdud rtsi'i sman sbyar nas// rgyal ba rgya mtsho'i thugs dam bskang// dbus su brtan par bzhugs nas kyang// rang byung bdud rtsi'i dngos grub stsol// oM badzra kI li kI la ya sarba big+h+nAM baM hUM phaT/oM a mr-i ta kuN+Da li hUM phaT/ sa ma ya tiSh+Tha lhan/ hUM shar gyi b+han+d+ha sul 'greng du// dri chen mchog la sman sbyar nas// rtsa ba yan lag bcas pa rnams// bud+d+ha kI la ya ru byin brlabs nas// rang byung bdud rtsi'i sman sbyar nas// rgyal ba rgya mtsho'i thugs dam bskang// shar du brtan par bzhugs nas kyang// rang byung bdud rtsi'i dngos grub stsol// hUM bud+d+ha kI li kI la ya sarba big+h+nAM baM hUM phaT/ a mr-i ta kuN+Da li hUM phaT/ sa ma ya tiSh+Tha lhan/ hUM lho yi b+han+d+ha sul mang du// mAM sa mchog la sman sbyar nas// rtsa ba yan lag bcas pa rnams// rat+na kI la ya ru byin brlabs nas// rang byung bdud rtsi'i sman sbyar nas// rgyal ba rgya mtsho'i thugs dam bskang// lho ru brtan par bzhugs nas kyang// rang byung bdud rtsi'i dngos grub stsol// swA badzra kI li kI la ya sarba big+h+nAM baM hUM phaT/ a mr-i ta kuN+Da li hUM paT/ sa ma ya tiSh+Tha lhan/ hU~M nub gyi b+han d+ha zla gam du// rak+ta mchog la sman sbyar nas// rtsa ba yan lag bcas pa rnams// pad+ma kI la ya ru byin brlabs nas// rang byung bdud rtsi'i sman sbyar nas// rgyal ba rgya mtsho'i thugs dam bskang// nub tu brtan par bzhugs nas kyang// rang byung bdud rtsi'i dngos grub stsol// A+oM pad+ma kI li kI la ya sarba big+h+nAM baM hUM phaT/ a mr-i ta kuN+Da li hUM tha/ sa ma ya tiSh+Tha lhan/ hUM byang gi b+han d+ha rgya gram du// dri chu mchog la sman sbyar nas// rtsa ba yan lag bcas pa rnams// karma kI la ya ru byin brlabs nas// rang byung bdud rtsi'i sman sbyar nas// rgyal ba rgya mtsho'i thugs dam bskang// byang du brtan par bzhugs nas kyang// rang byung bdud rtsi'i dngos grub stsol/hA karma kI li kI la ya sarba big+h+nAM baM hUM phaT/ a mr-i ta kuN+Du li hU~M tha/ sa ma ya tiSh+Tha lhan/ rang byung gdod nas rnam par dag/ bdud rtsi lnga dang rtsa ba brgyad// yan lag stong dang rab bsnyams pa'i// 'o ma dang ni chu rnams dang// me tog rin chen mngar rnams dang// 'jig rten 'di ru grags pa rnams// 'khor gyi khro bor byin brlabs nas// rang byung bdud rtsi sman sbyar nas// rgyal ba rgya mtsho'i thugs dam bskang// phyogs mtshams brtan par bzhugs nas kyang// rang byung bdud rtsi'i dngos grub stsol// oM badzra kro d+ha hUM kA ra hUM gardza gardza hUM phaT/ a mr-i ta kuN+Da li hUM tha/ sa ma ya tiSh+Tha lhan/ hUM thugs rje chen po'i ngang nyid las// thugs mchog rab tu gsal ba'i phyir// ma rig mun pa 'joms pa'i 'od// 'khor ba'i bag chags bsal ba'i phyir// dbus su brtan par bzhugs su gsol// dz+nyA nA dI pa sa ma ya tiSh+Tha lhan/hUM thabs kyi spyod pas 'gro don du// byams dang snying rjes gang 'dul ba// sangs rgyas phrin las rdzogs mdzad nas// dbang dang byin rlabs 'dir rtsol cig/ oM badzra kI li kI la ya sa ma ya sarba big+h+nAM baM hUM phaT/sid+d+hi sid+d+hi sa ma ya tiSh+Tha lhan/ hUM dngos grub bar gcod byed pa'i bgegs// gdug cing sdang sems ldan pa rnams// lha'am 'on te bdud kyang rung// nga la bar chad byed rnams// mthu dang rdzu 'phrul med par gyis// las rnams thams cad bsrung ba yi// las sngags thams cad kun bsdus nas// bar du gcod pa'i 'byung po la// gsang ba yang dag mtshams su bshad// phrin las ma lus mthar byung ba// nus pa yod par bya ba'i phyir// sngon du dbang bskur yang dag bshad// bdud rtsi lnga yi thod pa la// byin brlab 'byung zhing bstim pa dang// bsgo dang brda phyag dam sri mnan// 'khor 'das gzhug cing sgo bcad nas// stangs stabs rtags kyi rim pa yis// lha dang don gyis gnyis su med// thod pa'i lha rnams gsal ba la// spyan drangs nam mkhar rab tu bzhugs// sngags kyi bdud rtsi'i chu rgyun 'bab// tha mar rang nyid thim par gyur// bdud rtsi mu tig dri ma med// thams cad de yi rang bzhin no// las kyi bya ba kun byas nas// bdag gzhan gnyis su rnam par gyur// 'phro 'du nyi ma'i zer lta bu// nam mkha' gnas pa'i sbyor ba las// byang sems mu tig rnam par thim// de yang mu tig dri med 'dra// yang nas yang du 'gyur bas na// de nyid bdud rtsi chen po yin// dbus nas gzung te shar dag tu// rim pa lnga ni rang byung lnga// phyogs mtshams ra sA ya na la// de bzhin phyogs mtshams nyid du sbyar// lnga nas bzung zhing yab yum spel// rgyan bstar me long g.yab mo bya// rdo rje rigs kyi yab yum yang// snying po 'di brjod bdud rtsir 'gyur// hUM badzra kI li kI la ya sarba big+h+nAM baM hUM phaT// a mr-i ta kuN+Da li hUM tha// de bzhin gshegs pa yab yum yang// rgyan bstar g.yab cing lha la bstod// dam can bskul zhing dri yis mchod// snying po 'di brjod bdud rtsir 'gyur// oM badzra kI li kI la ya sarba big+h+nAM baM hUM phaT/ a mr-i ta kuN+Da li hUM tha/ rin chen rigs kyi yab yum yang// rgyan bstar g.yab cing lha la bstod// rin chen rigs kyi srung ma bskul// snying po 'di bzlas bdud rtsir 'gyur// swA badzra kI li kI la ya sarba big+h+nAM baM hUM phaT/ a mr-i kuN+Da li hUM tha/ pad+ma rigs kyi yab yum yang// rgyan bstar g.yab cing lha la bstod// pad+ma rigs kyi srung ma bskul// snying po 'di brjod bdud rtsir 'gyur// oM badzra kI li kI la ya sarba big+h+nAM baM hU~M phaT/ a mr-i ta kuN+Da li hU~M tha/ las kyi rigs kyi yab yum yang// rgyan bstar g.yab cing lha la bstod// las kyi rigs kyi srung ma bskul// snying po 'di brjod bdud rtsir 'gyur// hA badzra kI li kI la ya sarba big+h+nAM baM hU~M phaT/ a mr-i ta kuN+Da li hU~M tha/ phyogs mtshams thod pa'i sman rnams la// rim pa bzhin du yang dag bzlas// lha la bstod cing srung ma bskul// mchod pa 'bul zhing bar gcod bsal// lnga'am bdun du de nyid sbyar// dkar ba sngo dang dmar ba dang// ljang dang mthing ba rnam par byung// sha rtsi dkar la sngo bsangs mdog/dmar la cha phra ljang la ldem// mthing ga skra bzang rdo rje'i dbyibs// mngar dang kha ba'i dri dag dang// skyur ba tsha ba yang dag 'byung// ngad pa'i dri rnams de bzhin no// yang ba gsal ba sbyor la dga'// brtul zhugs che zhing shes rab gsal// de bzhin gshegs pa'i rigs dag dang// rin chen pad+ma las kyi rigs// rdo rje'i rigs dang yang dag don// de nyid dus na lnga ru snang// 'khor lo rin chen pad+ma dang// rgya gram rdo rje yang dag 'byung// de bzhin rin chen pad+ma dang// las dang rdo rje'i rigs rnams kyis// khro bo lnga yi dngos grub blang// che ba'i lus dang nag po'i 'od// log pa'i sgra dang gnyis pa'i las// grangs med sprul pa 'gyed pa dang// yi dam lha la mkha' 'gro'i gzugs// dngos grub ster dang snyan pa'i glu// 'bar ba'i me rnams log pa'i lam/ nam mkha'i 'od dang gsal ba'i me// nyi ma'i mdangs dang 'ja' tshon gzugs// byis pa'i sems dang log pa'i rtags// phur pa nyung dkar tho ba dang// dgra s+t+wa ral gri phyag na bsnams// gu gul rnga dang kha T+wAM dang// zhing lpags phyag rgyas yang dag dgab// re dogs med pa'i sems nyid kyis// nyam nga med pa'i sems dang bcas// dpa' brtul spyod pa dus dang sbyar// bden pa'i don dang ma ldan na// bag med spyad pas skyon du 'gyur// yang dag nges pa'i gdeng chud na// bsam pa 'grub cing chud mi gson// sa gzhi don la yang dag sbyor// bsod nams me yi mchod pa 'bul// nyes pa med pa'i rtags la dbab// dngos grub las su shes pa yin// nyi ma shar ba'i dus dag tu// go mtshon stangs stabs bar gcod bsal// zhing chen pad+ma'i gdan steng nas// a las zla ba'i gtan pa la// ma las nyi ma'i tho ba yis// brdungs bas thab dang shes rab kyis// nyes pa brdung ba'i byin rlabs kyis// sman nyid byang sems dri ma med// thams cad bdud rtsi 'khyil pa yang// rnam par rgyal ba nyid kyang rung// sngags nyid gang bsgoms de bzhin sbyar// oM badza kI li kI la ya sarba big+h+nAM baM hUM phaT/a mr-i ta kuN+Da li ha na ha na hUM phaT/ nyon mongs ma lus brdung bar bsam// hUM khro mo 'bar ba'i gtun khung du// rdo rje tho bas brdung byas na// lha yang rung ste brdung bar bya// yab dang yum du bcas pa dang// rgyan dang cha lugs rab tu bstan// byin rlabs brdas bskul byas nas ni// thabs dang shes rab gnyis med par// dri med mu tig 'od bzhin 'tsher// dar tshag yab yum gnyis kyis gzung// rta mgrin dbyug pa sngon po gnyis// gang yin nyid du sngags dang sbyar// oM badzra kI li kI la ya sarba big+h+nAM baM hUM phaT// a mr-i ta kuN+Da li ha na ha na hUM phaT/ gardza ha na da ha pa tsa b+han+d+ha gr-i h+Na tiSh+Tha tshin+d+ha b+hin+d+ha s+pho Ta hUM tha// skam dang rlon pa'i nyes pa med// dar ram za 'og snod du blug/ phur pa bcug la rgya yang gdab// sras mchog rgya yang de bzhin gdab// gdags shing kha sbyar nang du gzhug/tshod la bab pa shes par bya// dkyil 'khor 'khor lo rtsibs bzhi la// gru chad de bzhin bstan par bya// 'phags mchod cing las rnams bya// sbyin sreg gtang zhing bar chad bsal// yab yum bar du bcug byas nas// gu gul du bas de bzhin bdug/ dbus nas rang byung grub pa'i lha// bcom ldan badzra kI la ya// snang srid bdud rtsir byin brlabs nas// rtsa ba brgyad dang yan lag stong// rtsa brgyad stong las sbyar ba'i sman// pho brang chen po'i dbus su skyil// rigs rnams bsdus nas dbus su gzhug/ dbu mang phyag mang gdug pa 'dul// dbus su brtan par bzhugs su gsol// sa ma ya tiSh+Tha lhan/ las kyi bya ba kun kyang bya// til chen me mar rgyun mi gcad// ye shes lnga yi me btang la// rigs gcig bsgrub pa bar mi gcad// mchod pa dus su dbul bya zhing// sbyor ba chen po de dus bya// rgyu mchog mtshan dang ldan pa bsgral// mchod pa dus su me mchod bya// dam tshig zol zog med par bya// lha la bstod cing srung ma bskul// me dang du ba brlangs pa dang// dri dang lha mo mngon du ston// mang du 'phel ba rdzas kyi mchog/ bsgral dang chas pa'i dngos grub dang// lung bstan rdo rje rigs kyi bsgrub// de la ya mtshan yongs mi bya// re bas bar chod dogs pa 'byung// nyams su lon na nyam nga med// nyam nga med na dngos grub myur// dngos grub chen po re dogs bcas// bdud dang cha brtags rab tu gces// bdud kyi spyod pa cir yang ston// yid dam lha dang mkha' 'gro dang// rig 'dzin nam mkha' lung ston 'byung// nges pa med pa'i don rtogs na// dngos grub chen po 'byung ba yin// hUM rdo rje gzhon nu'i rig 'dzin rnams// srid pa rdo rje grub mdzod cig/ srid pa rdo rje phur bu'i lha// ye shes khro bo grub par mdzod// thabs kyis spyod pas 'gro don du// byams dang snying rjes gang 'dul ba// sangs rgyas phrin las rdzogs mdzad nas// dbang dang byin rlabs 'dir stsol cig/ oM badzra kI li kI la ya/ aM ku sha dza/gu h+ya dr-i sh+ya sa ma ya s+t+waM/ ha na ha na hUM phaT/ sid+d+ha sid+d+ha hUM tha hUM hUM/ sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag skyed cig/ rak+ta khA hi/oM badzra kI li kI la ya/ aM ku sha dza/ a b+hi Shiny+tsa hU~M/ khro chen nyi shu rtsa gcig dang// sngags dang dbyangs las 'byung ba ste// rim pas blangs pa kun la sbyar// lha dang rdzas kyi rim pa gnyis// lha la gsum ste ma lus thim// rdzas la brten pa'i bro dang sngags// brgyad dang rgyun gdon par bya// tshe bstim bkra shis las rnams bya// kun tu bzang po'i rol pa las// thams cad bcud ldan rdo rje nyid// 'gro ba'i rig 'dzin 'thob par 'gyur// sa rnams rim par bgrod pa'o// hUM rdo rje bdud rtsi'i dkyil 'khor du// mar me lnga brgyad dag la mdangs phyung nas// rdo rje phur pa dag la dam bcas nas// rdo rje gzhon nu'i thugs kyi byin rlabs las// ye shes me yi 'od chen rab tu 'bar// rtag tu snang ba'i go 'byed mar me bltams// ma rig mun pa bsal ba dang// ngan song 'khor ba'i gnas nas thar bar shog/ hUM phyogs kyi sras mchog bzhi yi thugs kyi byin rlabs las// ye shes me yi 'od chen rab tu 'bar// rtag tu snang ba'i go 'byed mar me bltams// skye ba rnam bzhi'i gnas las thar bar shog/ hUM khro bo bcu yi thugs rje'i byin rlabs las// ye shes me yi 'od chen rab tu gsal// rtag tu snang ba'i go 'byed mar me bltams// ma rig mun pa bsal ba dang// mi dge bcu yi gnas nas thar bar shog/ hUM khro mo bcu yi thugs kyi byin rlabs las// ye shes me yi 'od chen rab tu gsal// rtag tu snang ba'i go 'byed mar me bltams// ma rig mun pa bsal ba dang// 'khor ba'i g.yang sa rnams nas thar bar shog/ hUM phra thabs nyi shu'i thugs kyi byin rlabs las// ye shes me 'od rab tu gsal ba dang// rtag tu snang ba'i go 'byed mar me bltams// ma rig mun pa bsal ba dang// ngan song 'khor ba'i gnas nas 'dren par shog/ hUM sras mchog drug gi thugs kyi byin rlabs las// ye shes me yi 'od chen rab tu gsal ba dang// rtag tu snang ba'i go 'byed mar me bltams// ma rig mun pa bsal ba dang// 'gro ba rigs drug gnas nas thar bar shog/hU~M dam can rnam gsum thugs kyi byin rlabs las// ye shes me yi 'od chen rab tu gsal ba dang// rtag tu snang ba'i go 'byed mar me bltams// ma rig mun pa bsal ba dang// ngan song rgyud gsum gnas nas thar bar shog/hU~M rig 'dzin rgyal po thugs kyi byin rlabs las// ye shes me yi 'od chen rab tu 'bar// rtag tu snang ba'i go 'byed mar me bltams// ma rig mun pa bsal ba dang// rig 'dzin rnam bzhi'i gnas nas 'dren par shog/hUM 'khor ba'i mun pa bsal ba dang// don dam chos dbyings mthong ba dang// chu bo bzhi las brgal ba dang// bla med gnas su 'dren pa'i phyir// mar me gsal ba'i 'od dbyung ngo// hUM rin chen gser gyi sa gzhi la// sa yi lha mo brtan ma ni// btso ma gser gyi kha dog 'dra// bdud rtsi'i bum pa phyag na bsnams// bsnyen bsgrub rnam bzhi mthar byung nas// 'dod yon lha mor byin brlabs pa'i// dam rdzas mang po'i gtor ma 'di// sa yi lha mo'i mkha' dbyings su// skyon med rdzas kyi gter sbas pas// gser gyi sa gzhi'i yon tan dang// sa yi lha mo'i byin rlabs dang// sgrub mchog bdag gi byin rlabs kyis// zad med gter la longs spyod cing// 'dod yon mang po'i dbang thob nas// rin chen lnga la dbang bsgyur shog/ hUM rdo rje phur pa bdud rtsi mchog gi sku// rngam pa chen po'i rigs gcig bsgrub pa'i lha// dbu ni bcu gsum gang la gang 'dul bstan// g.yas dang g.yon du med par thams cad mthing// chos sku 'gyur ba med pa khyed la phyag 'tshal bstod// spyan ni sum cu so dgu byung ba ni// thams cad kun tu khyab pa'i spyan la phyag 'tshal bstod// mche ba lnga bcu rtsa gnyis bsnol ba ni/ khams gsum gdug pa thams cad sgrol bar byed// skye shi'i rtsa ba gcod pa'i tshems la phyag 'tshal bstod// shangs ni rnam pa bcu gsum byung ba ni// dri rnams mchod pas mnyes byed cing// bde bar gshegs pa'i shangs la phyag 'tshal bstod// ral pa gyen du 'khyil bar bstan pa ni// 'khor ba gnas su 'dren byed cing// byams pa'i mgon mdzad khyed la phyag 'tshal bstod// g.yas g.yon dang po hUM mdzad yab yum bsnams pa ni// tshangs pa dbang sdud bdud rtsi'i char chen 'bebs// nyi ma zla ba 'dul ba khyod la bstod// de yi 'og mas rnam rgyal yab yum bsnams// dri za dbang sdud bdud rtsi'i char chen 'bebs// brgya byin 'dul ba'i lha chen khyod la phyag 'tshal bstod// de yi 'og mas dbyug sngon yab yum bsnams// drang srong dbang sdud bdud rtsi'i char chen 'bebs// me lha 'dul ba'i lha la phyag 'tshal bstod// de yi 'og mas gshin rje yab yum bsnams// ma mo dbang sdud bdud rtsi'i char chen 'bebs// gshin rje 'dul ba'i lha chen khyod la phyag 'tshal bstod// de yi 'og mas mi g.yo mgon po yab yum bsnams// bden gral dbang sdud bdud rtsi'i char chen 'bebs// srin po 'dul ba'i lha chen khyod la phyag 'tshal bstod// de yi 'og mas rta mgrin yab yum bsnams// bdud rnams dbang sdud bdud rtsi'i char chen 'bebs// klu rnams 'dul ba'i lha chen khyod la phyag 'tshal bstod// de yi 'og mas gzhan gyis mi thub yab yum bsnams// nor srung dbang sdud bdud rtsi'i char chen 'bebs// rlung lha 'dus pa'i lha chen khyod la phyag 'tshal bstod// de yi 'og mas bdud rtsi 'khyil pa yab yum bsnams// 'chi bdag dbang sdud bdud rtsi'i char chen 'bebs// gnod sbyin 'dul ba'i lha chen khyod la phyag 'tshal bstod// de yi 'og mas khams gsum rnam rgyal yab yum bsnams// bgegs rigs dbang sdud bdud rtsi'i char chen 'bebs// dbang ldan 'dul ba'i lha chen khyod la phyag 'tshal bstod// de yi 'og mas stobs chen yab yum bsnams// klu rnams dbang sdud bdud rtsi'i char chen 'bebs// sa bdag 'dul ba'i lha chen khyod la phyag 'tshal bstod// g.yas g.yon tha mas sras mchog drug bsnams shing// 'gro drug dbang sdud bdud rtsi'i char chen 'bebs// 'jig rten 'dul ba'i lha chen drug la phyag 'tshal bstod// thod pa tshar gsum sku gsum lhun grub rtags// zhag gi zo ris don dam bcud kyi rtags// rak+ta'i thig le thugs rje chags pa'i rtags// thal chen tshom bu thams cad mkhyen pa'i rtags// glang chen ko shun thugs rje stobs kyi rtags// zhing chen g.yang gzhi 'dod chags rtsad nas gcod pa'i rtags// stag gi sham bu dpal rtul zil gyis gnon pa'i rtags// sbrul chen rigs bzhi klu yi rigs rnams dbang du sdud pa'i rtags// rdo rje'i gshog pa 'jig rten zil gyis gnon pa'i rtags// zhabs brgyad phyogs mtshams dregs pa gnon pa'i rtags// 'jig rten dpa' stong thams cad 'dul ba'i lha// rdo rje phur pa bdud rtsi 'bebs mdzad lha// bdud rtsi chen po'i lha la phyag 'tshal bstod// thams cad 'dul ba'i lha chen khyod la bstod// bdud rtsi'i char chen 'bebs la phyag 'tshal bstod// bdud rtsi chen po 'di dag kyang// skyon yon rab tu che bas na// bsrung ba'i rim pa tshul bzhin bya// mtshan ma sha mdangs phyed par gyis// chos nyid blta ba chen po yis// ngan pa thams cad bzang por 'gyur// de phyir rtogs pa rab tu gces// ma rtogs 'khrul pa rtogs pa bsgom// rang rgyud bral ba'i ting 'dzin gyis// bar chad gtan nas 'joms par byed// stong pa chen po'i ting 'dzin la// bsod nams stong pa'i rang bzhin yin// de nyid yang dag don shes na// 'bras bu bdud rtsi 'khyil par byed// 'dzin pas bcings pa'i sems nyid ni// nyam nga 'khu 'phrig rab tu che// rtags kyi bye brag ma phyed par// dngos grub yal bar gtong ba dang// bdud kyi las las grub par byed// rtsi med bdud kyi las su 'gyur// de bzhin cha rtags rab tu gces// sngon gyi bdud kyi rgyal po yang// gab sbas sha mdangs ma phyed par// khams gsum sdug bsngal chen por gyur// thar pa'i dus med thugs rjes bsgral// sbyor dang sgrol ba ma rtogs te// rang dgar bzung ba'i sbyor sgrol gyis// rnam pa gnyis su smin par 'gyur// rdo rje phur pa chen po bshad pa'i rgyud las/sman sgrub pa'i le'u ste drug pa'o//// de nas bcom ldan 'das rdzas thams cad khro bos bsgrub pa'i ting nge 'dzin la snyoms par zhugs te/ dur khrod chen po bstan pa bzhin// maN+Dal bri ba de bzhin te// mang nyung grangs su bshad pa tsam// mtshan ldan lnga ru bshams pa'i rdzas// bstan pa de bzhin mang nyung med// bskyed dang spyan drang bstim pa dang// mchod dang bstod pa rab ldan bya// hUM dbus kyi b+han d+ha sul med du// byang chub sems la sman sbyar nas// rtsa ba yan lag bcas pa rnams// badzra kI la ya ru byin brlabs nas// rang byung bdud rtsi sman sbyar nas// rgyal ba rgya mtsho'i thugs dam bskang// dbus su brtan par bzhugs nas kyang// rang byung bdud rtsi'i dngos grub stsol// oM badzra kI li kI la ya sarba big+h+nAM baM hUM phaT/ a mr-i ta kuN+Da li hUM tha/ sa ma ya tiSh+Tha lhan/hUM shar gyi b+han+d+ha sul 'greng du// dri chen mchog la sman sbyar nas// rtsa ba yan lag bcas pa rnams/ khro bo rnam par rgyal dang byin brlabs nas// rang byung bdud rtsi'i sman sbyar nas// rgyal ba rgya mtsho'i thugs dam bskang// shar du brtan par bzhugs nas kyang// rang byung bdud rtsi'i dngos grub stsol// oM badzra kro d+ha bi dza la hUM ha na ha na hUM phaT/ a mr-i ta kuN+Da li hUM tha/ sa ma ya tiSh+Tha lhan/ hUM lho yi b+han d+ha sul mar du// mAM sa mchog la sman sbyar nas// rtsa ba yan lag bcas pa rnams// khro bo gshin rje'i gshed du byin brlabs nas// rang byung bdud rtsi'i sman sbyar nas// rgyal ba rgya mtsho'i thugs dam bskang// lho ru brtan par bzhugs nas kyang// rang byung bdud rtsi'i dngos grub stsol// oM badzra kro d+ha ya mAn+ta ka hUM/ pa tsa pa tsa hUM phaT/ a mr-i ta kuN+Da li hUM tha/ sa ma ya tiSh+tha lhan/ hUM nub kyi bun d+ha zla gam du// rak+ta mchog la sman sbyar nas// rtsa ba yan lag bcas pa rnams// khro bo rta mgrin dpal du byin brlabs nas// rang byung bdud rtsi'i sman sbyar nas// rgyal ba rgya mtsho'i thugs dam bskang// nub tu brtan par bzhugs nas kyang// rang byung bdud rtsi'i dngos grub stsol// oM badzra kro d+ha ha ya grI wa hUM hu lu hu lu hUM phaT/ oM a mr-i ta kuN+Da li hUM tha/ sa ma ya tiSh+Tha lhan/ hUM byang gi b+han d+ha rgya gram du// dri chu mchog la sman sbyar nas// rtsa ba yan lag bcas pa rnams// khro bo bdud rtsi 'khyil par byin brlabs nas// rang byung bdud rtsi'i sman sbyar nas// rgyal ba rgya mtsho'i thugs dam bskang// byang du brtan par bzhugs nas kyang// rang byung bdud rtsi'i dngos grub stsol/oM badzra kro d+ha a mr-i ta kuN+Da li hUM/ tshin+d+ha tshin+d+ha hUM phaT/ a mr-i ta kuN+Da li hUM tha/ sa ma ya tiSh+Tha lhan/ hUM rang byung gdod nas rnam par dag/ bdud rtsi lnga dang rtsa ba brgyad// yan lag stong dang rab bsnyams pa'i// me tog rin chen lnga rnams dang// 'jig rten 'di ru grags pa rnams// mtshams bzhi steng 'og byin brlabs nas// rang byung bdud rtsi'i sman sbyar nas// rgyal ba rgya mtsho'i thugs dam bskang// mtshams bzhi steng 'og brtan par bzhugs// rang byung bdud rtsi'i dngos grub stsol// hUM badzra kro d+ha hUM kA ra hUM gardza gardza hUM phaT/ a mr-i ta kuN+Da li hUM phaT/ sa ma ya tiSh+Tha lhan/ las rnams ma lus thams cad kun// rim pa gang du bshad pas na// khro bo las kyi bdud rtsi rnams// mi bsre rang rang bsten par bya// rdo rje phur pa chen po bshad pa'i rgyud las/ khro bo bdud rtsi bsgrub pa'i le'u ste bdun pa'o//// de nas bcom ldan 'das sman rigs gcig pa'i ting nge 'dzin la snyoms par zhugs te/ mtshan ldan dur khrod gnas dag tu// srung ba'i las rnams kun byas nas// maN+Dal mda' gang gru bzhi la// las kyi bya ba byas nas kyang// thig dang tshon yang de bzhin bya// bri ba'i las nyid yang dag bshad// gru gsum zla gam sgo dag bcas// zlum po brtsig pa de bzhin bya// shar du sgo yang de bzhin te// rim pas bskor ba'i me ri bya// gdan dang snying po de bzhin brtag/ sgo la yum gyi snying po bkod// phyi nang gsang ba'i lnga gsum dang// rtsa ba brgyad kyang de bzhin du// thams cad bdud rtsi bsgrub bya'i phyir// mtshan ldan thod pa dri yis bdug/sman rnams nang du blug byas la// srung ba'i las nyid yang dag bshad// las kyi ting 'dzin chen po yis// stong pa hUM dang rdo rje dang// brgyad po nyid du yang dag 'gyur// bzhengs dang spyan drangs bstims pa dang// 'phro 'du bstod pa yang dag pa// bstan nas dbus su gzhug byas te// mar me thod pa rgyan rnams dgram// phur pa rgyal por dbang bskur bya// de bzhin dkyil 'khor dbus su gzhug/mchod pa'i rdzas dang bskrad pa'i rdzas// gso ba'i rdzas kyang rim pa bzhin// ting 'dzin chen po'i rim pa bzhin// rgyal por bsgom zhing 'phro 'du bya// 'phro 'du bdud rtsi chen por 'gyur// de bzhin las su rung bar bya// som nyi med pa'i rtags byung na// brdungs te las rnams de nyid yin// phab rnams btab la legs par spel// snod du stsal cing bsrung bar bya// du bas bdug cing rgyal pos bsrung// dkyil 'khor gang du bstan pa'o// bzhugs su gsol ba kun kyang bya// til chen me mar gsal ba btang// rgyan dang cha lugs rab tu bstan// snying po grangs med brjod las 'das// lha la mchod cing srung ma bskul// mchod pa 'bul zhing sbyor bar bya// du ba rlangs pa me 'od dang// snyan pa'i sgra dang zhim pa'i dri// bar ma chad par byung gyur na// dngos grub las la shis pa yin// ngan na dus drug nyul le bzlog/rta ba'i tshad dang ldan par bya// 'on tang dngos grub yin par nges// dngos grub rdzas rnams bstar byas la// bsrung zhing bskrad de las rnams bya// ye shes lha yi dngos grub dang// mtshan ma rdzas kyi dngos grub dang// dbang bskur rim pa de bzhin bya// las kyi bya ba kun kyang rdzogs// rdo rje phur pa chen po bshad pa'i rgyud las/ sman rigs gcig pa bsgrub pa'i le'u ste brgyad pa'o//// de nas bcom ldan 'das bdud rtsi so sor sgrub pa'i ting nge 'dzin la snyoms par zhugs te/rgyu gcig pa dang rkyen gnyis pa// byang chub sems dang sder chags sha/ lan tshwa nyid du rkyen du 'gyur// 'byung ba stong pa'i rang bzhin las// bdud rtsi'i lha nyid rnam par gsal// ye shes rdo rje chen po yis// thams cad 'dus pa'i rang bzhin te// 'bru gsum sngags dang lha rnams dang// bdud rtsi'i sngags kyis rnam par spar// ma grub bar du sngags rnams bzlas// thod pa 'gul dang du ba dang// me dang 'od rnams rnam par 'byung// me long ye shes dngos grub thob// 'bras bu rdo rje'i rigs su 'gyur// sul 'greng thod pa mtshan ldan la// rgyu gcig pa dang rkyen gnyis pa// rgyu ni byang chub dri chen la// rmig zlum sha dang brag zhun dang// rim pa bya ba de bzhin du// de bzhin nyid kyi lha nyid gsal// chos nyid ye shes chen po yis// thams cad 'dus pa dri ma med// sngags gsum de bzhin yang dag sbyar// sgrub pa chen po las kyi mchog/ zhim pa'i ngad dang sna tshogs dri// stong pa chen po'i dngos grub thob// 'bras bu de bzhin gshegs par 'gyur// sul mang thod pa mtshan ldan la// rgyu gcig pa dang rkyen gnyis pa// mAM sa chen po yang dag 'byung/ kha brag sha dang dbang po lag/ bsgom pa'i lha yang de bzhin te// gsal la rtog pa med pa dang// mnyam pa'i ye shes chen po yis// thams cad 'byung bas zag pa med// sngags la sbyor ba'i rim pa med// bsgrub pa'i 'bras bu don gyi mchog/ 'od dang bar snang 'ja' rnams 'byung// mnyam pa'i ye shes dngos grub 'byung// zla gam thod pa mtshan ldan la// rgyu gcig pa dang rkyen gnyis pa// rak+ta chen po dngos 'byung min// 'dab chags sha dang ram bu dang// bsgom pas gsal la rtog pa med// rang gsal ba nyid de bzhin no// rtog pa med pa'i ye shes kyis// gsal la gdangs pa pad+ma'i dri// sngags la rim pa'i grangs dang sbyar// bsgrub pa'i 'bras bu dogs pa med// yi dam lha dang mkha' 'gro'i gzugs// so sor rtog pa'i dngos grub thob// 'bras bu pad+ma'i rigs su 'gyur// rgya gram thod pa mtshan ldan du// rgyu gcig pa dang rkyen gnyis pa// dri chu byang chub sems dpa' dang// rkang leb sha dang cong zhi dang// bsgoms pas phrin las thams cad 'grub// grub pas don rnams 'byung bar 'gyur// thams cad 'grub par 'byung ba yin// gdug pa 'dul bas drag por 'grub// sngags las gsum gyis don du sbyar// thams cad 'byung bas re ba skong// don rnams bstan dang yid du 'ong// me ltar 'bar dang chu ltar 'babs// bya ba grub pa'i ye shes thob// 'bras bu las kyi rigs su 'gyur// stong pa hUM dang rdo rje dang// lha nyid bsgom pa'i rim pa yis// gang yin lha la dngos grub 'byung// rim pa lnga yi 'bras bu ni// rig 'dzin sa la de yis sleb// kun tu bzang po'i byin rlabs yin// de la nyes pa gang yang med// khams gsum nyon mong 'dren pa'i lam// rgyu de rkyen gnyis 'bras bur smin// ye shes lnga yi ngo bo las// 'bras bu rigs lngar yang dag 'byung// snang la rang bzhin med pa'i lha// des na 'bras bu gdon mi za// ye shes chen po'i rang bzhin las// rnam pa lnga yi ngo bo 'byung// me long ye shes ngo bor gsal// rdo rje phur pa chen po bshad pa'i rgyud las/ bdud rtsi lnga bsgrub pa'i le'u ste dgu pa'o//// de nas bcom ldan 'das snang ba chen po'i ting nge 'dzin la snyoms par zhugs te/snang ba ye shes rab gsal ba// don dam gsal ba'i ye shes 'byung// brten pa gsal ba'i chos nyid 'byung// khams gsum gsal ba'i sgron me 'byung// rang gsal nyi ma'i dkyil 'khor 'byung// thams cad ma bsgribs gsal bar 'byung// yod med gnyis su med par gsal/ khams gsum bde bas gsal ba 'byung// rang rig ston pa'i sgron me 'byung// ye shes nyi ma'i dkyil 'khor rab tu gsal// snang ba nyi 'od thams cad ston// ma bsgribs gsal ba'i 'od de thams cad ston// nyi ma rang gsal don rnams thams cad ston// dbang po gsal ba'i 'od de don rnams ston/ 'od gsal kun dang mthun pa yongs kyis min// rang byung ye shes cir yang gsal ba'i 'od// khams gsum gsal ba'i sgron ma 'byung// stong pa gsal ba'i sgron ma rab tu gsal// nyi ma'i 'od bzhin thams cad snyoms par 'byung// 'di ni yang dag gsal ba'i sgron mar gsal// rang byung gsal ba'i dbyings las ma nyams par// stong khams yongs la snyoms pa'i thugs rje 'byung// yangs pa chen po'i don las ma g.yos par// bde ba chen po'i don rnams ston pa'i mchog/ bstan pas gsal ba chen po'i ngang// thig le chen po cir yang snang ba las// rol pa phyogs med don dam bcud kyi dbyings// dus gsum kun tu 'gyur ba med pa'i ngang// de nyid rol pa cir yang snang ba'i phyir// sgron ma gsal ba'i don rnams 'dir bstan pas// rtogs pas gsal ba'i don rnams yongs kyis gsal// bde ba'i don la cir yang gsal ba'i 'od// rang byung rang shar ma bsgribs sa ler gsal// tshul khrims sdom pa kun kyang rab tu bsrung// 'dzin pas mi 'ching bde ba'i ngang gis gsal// dbang dang dam tshig kun kyang mi spang rab tu bsrungs// lha la mi chags rang bzhin ngang gis stong// stong pa nyid la mi gnas rol pa cir yang snang// rol pa rang rgyud mi bzung yan par btang// mkhas pa chen po ston pa'i sgron mar gsal// gsal la 'dzin pa med pa'i ngang nyid las// dus gsum kun tu ma bsgribs rab tu gsal// 'byung ba chen po'i dbyings las mi zhen pa// ma yengs don la ci yang sa le mkhyen// gang la bstan pa de las gzhan la bstan du med// nyi ma'i snying po 'gyur ba med pa ltar// rang byung byang chub sems la 'gyur ba med// bde ba'i myu gu bstan pa'i sgron me gsal// don du bstan kyang nges pa de las med// bstan pa nyid la 'di zhes brjod dang bral// bral zhing spang du ci yang med par rtogs// phyogs dang bral zhing phyogs la 'dzin pa med// brdal ba chen po'i ngang las ma g.yos par// gang gi don du de yi bstan par 'byung// don dam bcud kyi snying po ngang gis gsal// yod pa'i ngo bo cir yang snang ba'i 'od// legs pa'i 'bras bu thob tu med pa'i dbyings// don gyi snying po bde ba 'di las med// bde ba nyid kyang gsal ba'i nyi ma 'dra// dper na chu yi zla ba bzhin te rang bzhin gsal// gang gis bstan pa de yis go bar bstan// de ma rtogs pa'i byang chub snying po ni// gsal ba mi 'dzin rang bzhin 'od kyis gsal// stong pa kun bzang dus gsum 'gyur ba med// rak+sha srin po bde ba'i myu gu brtags// rang rang bag chags brtas pas sdug bsngal 'byung// mi spang mi 'dor yang dag snying po bral// snying po nyid la 'di zhes bstan du med// snying po nyid kyang don gyis brjod dang bral// snying po 'di la ma 'dus gang yang med// snying po 'di las rol pa cir yang snang// snying po 'di las sems can sangs rgyas 'byung// snying po 'di las sku dang ye shes 'byung// snying po 'di las thams cad mkhyen pa 'byung// snying po 'di las gsal ba'i ye shes 'byung// snying po 'di las rigs kyi sangs rgyas 'byung// snying po 'di las yang dag 'bras bu 'byung// snying po 'di las bstan pa rgya mtsho 'byung// snying po 'di las mi bde sna tshogs 'byung// snying po 'di las sa dang lam du 'byung// snying po 'di las sa rnams rim par bgrod// snying po ma spangs rang bzhin lhun gyis grub// snying po 'di las don rnams yang dag 'byung// snying po 'di las nges med nges par gzung du med// snying po 'di las byin rlabs thams cad 'byung// snying po 'di las btsal ba med par gsal// snying po 'di las dbang rnams ma bskur 'thob// snying po 'di las phrin las lhun gyis grub// snying po 'di las zhi khro gnyis su snang// snying po 'di las bya rtsol med par grub// snying po 'di las snang dang stong par snang// snying po 'di las byin rlabs shugs kyis 'byung// snying po 'di las gang bstan thams cad 'grub// snying po 'di las gtso dang 'khor du snang// snying po 'di las btsal du med par 'grub// snying po 'di las dkyil 'khor thams cad 'byung// snying po 'di las thams cad kun tu gsal// snying po 'di las yongs su brdal ba'i ngang// snying po 'di las rtsal dang thugs rjer 'brel// snying po 'di las thams cad gzhi dang bral// snying po 'di la bsag pa'i gzhi dang bral// snying po 'di la brten pa'i sa dang bral// snying po 'di la brten pa'i don dang bral// snying po 'di la brjod pa'i tshig dang bral// snying po 'di la lta ba'i yul dang bral// snying po 'di la bsgom pa'i dmigs dang bral// snying po 'di la spyod pa'i dmigs dang bral// snying po 'di la re ba'i 'bras bu bral// snying po 'di la nga dang bdag tu bral// snying po 'di la brten pa'i dmigs dang bral// thams cad gzung ba'i yul med re ba med// snying po nyid kyang bstan pa'i dmigs dang bral// spang ba med de rang bzhin ngang gi gsal// gsal ba nyid kyang dmigs pa kun dang bral// gsal ba nyid na 'di zhes bstan du med// med pa ma yin kun gyi snying por gsal// snying po nyid na bde ba chen por gnas// bde bas mi 'dzin rang bzhin cir yang snang// snang ba kun kyang dmigs pa'i brten pa med// yod dang med pa'i mthar ni cir yang snang// thams cad nga yin de la nga ma grub// grub pa med de de nyid rab tu bzang// nga la nga zhes bstan pas rab tu 'khrul// byang chub nyid la 'khrul dang ma 'khrul med// 'khrul pa nyid kyang byang chub chen po'i lam// lam rnams ma bgrod thams cad lhun gyis grub// sa rnams ma sbyangs thams cad grub pa'i sa// sa mchog 'di ni ma btsal lhun gyis grub// sa la brten te sbyang ba'i dmigs dang bral// ye shes chen po lhun gyis grub pa'i sa// bde ba chen po rang bzhin rtogs pa'i sa// sa la rnam pa gsum du nges pa med// theg chen sa ni sa gcig kun gyi dus// de nyid ngang las sa rnams lhun gyis grub// thams cad 'byung ba'i sa ste bde ba'i ngang// lam mchog nyid kyang ma bgrod kun kyang bstan// lam gyi snying po de yis lam rnams thams cad 'grub// lam lnga bgrod pas lam mchog yongs mi thob// bgrod du med pa'i lam chen nga yis bstan// sa dang lam la nges pa de nyid yin// bskal par 'dzom yang de nyid 'dres pa med// g.yeng ba mang po'i don rnams yal bar dor// phyogs su 'dzin cing nga yi rang bzhin can// 'dzin pa nyid kyang sdig pa'i snod dang bral// nyi ma shar ba'i rang bzhin byas pa min// ma byas pa yang min te thams cad de ltar snang// sku gsung thugs kyang nga ru bstan du med// brjod pa gsum dang bral phyir de bzhin no// brjod pa nyid la brjod pa'i dmigs dang bral// dang po ma byung tha ma gar mi 'gro// de bzhin dus gsum kun tu 'di la gnas// kun tu bzang po nyid kyang de nyid do// snang ba tsam du rang bzhin gsal ba la// stong pa nyid la tha dad de bzhin 'gyur// rdo rje phur pa chen po bshad pa'i rgyud las/ snying po snang bar bstan pa'i le'u ste bcu pa'o//// de nas bcom ldan 'das rol pa chen po'i ting nge 'dzin la snyoms par zhugs te/ ye shes bzhi dang rnam pa lnga// me long ye shes kun gyi mchog/ thams cad 'di yi ngo bo gsal// stong pa'i ye shes snang ba med// stong pa chen po chos kyi mchog/ mnyam nyid ye shes rin po che// snang stong gnyis la khyad par med// so sor rtog pa shes rab yin// rab tu 'byed pa'i ngo bor gnas// bya ba grub pas las rnams ston// thams cad sprul pas stong gsum 'gengs// don rnams ma lus 'grub par byed// ye shes lnga yi rang bzhin las// rang bzhin gsal ba'i ye shes te// rigs su phye bas lnga ru bshad// rol pa'i don la khyad par med// gcig ni chos sku don gyis mtshon// gnyis ni longs sku 'gro ba 'dul// gcig ni sprul pa bstan pa bsrung// don gyi khyad par yang dag pa// lnga pa'i nges par gsal bar 'gyur// don dam ye shes rdzogs pa yis// rol pa chen po'i rigs lngar 'byung// rdo rje rigs kyi sangs rgyas dang// grub pa'i 'bras bu gang bstan pa// sa dang lam lnga rab bgrod kyang// me long ye shes chen po yis// snang ba'i don la cir yang ston// de bzhin rigs kyi sangs rgyas dang// grub pa'i 'bras bu khyad par can// sa dang lam la ring bas na// stong pa chen po'i dbyings su thim// rin chen rigs kyi sangs rgyas ni// grub pa'i 'bras bu rin chen yang// gzhi yi don gyis las mi 'grub// skabs kyi 'bras bu rang sar grol// mnyam pa'i ngang du yang dag ston// pad+ma rigs kyi sangs rgyas kyang// bde ba'i 'bras bu don gyis gsal// rim pa grangs la bstan na yang// bzhi dang lnga ru bstan du med// so sor rtogs pas rtogs pa'i ngang// las kyi rigs kyi sangs rgyas kyang// grub pa can du bstan pa ste// sa dang lam la bstan par zad// grub pa'i 'bras bu gzhi mi dgos// thams cad gcig pas mi 'byung phyir// bya ba grub pa'i rang bzhin can// sku lnga ye shes rnam lnga yang// don dam gcig las bstan pa la// de nyid ngo bor 'byung bas na// rig pa can du gang la 'gyur// med par byungaba'i don du yang// brjod pa'i tshig tsam yang dag min// rang rig gsal ba'i ngo bo las// stong pa'i rig par 'gyur ba med// rig pa thams cad kun gyi gzhi// rig pa sna tshogs byung bas na// rig pa'i ngo bos gzhi rtsa bral/ med pa'i rang bzhin gzhi rtsa bral/gnyis su med par gzhi rtsa bral// chos nyid phur par gzhi rtsa bral// thugs rje phur par gzhi rtsa bral// byang sems phur par gzhi rtsa bral// 'dus byas phur par gzhi rtsa bral// de bzhin nyid du gzhi rtsa bral// lha yi gzhal yas gzhi rtsa bral// lha nyid bsgom par gzhi rtsa bral// spyan dang mchod dang bstod pa dang// thams cad rang bzhin gzhi rtsa bral// gzhi dang rtsa ba nges gzung med// gzhi rtsa bral ba'i chos nyid ni// cir yang med la cir yang snang// snang ba nyid kyang gzhi rtsa bral// cir yang med pas ngos gzung med// lha dang lha ru bsgom pa yang// lha gnyis rang bzhin khyad par med// drang ba'i don du cir yang ston// drang ba nyid du bstan pa ni// nges par brtags pas de bzhin yin// nges pa nyid dang gnyis su med// nges med rang bzhin thams cad ston// spangs pa'i chos nyid thig ltar phra// phra bas dmigs dang bral bar bshad// phra ba'i rang bzhin brtag dka' ba// phra ba'i don nyid cir yang ston// de yis don rnams ston par byed// yang dag nyid du de bstan na// nges pa nyid du 'bras bur bcas// re ba med par don rtogs nas// yang dag bstan pa'i phur pa 'gyur// lha nyid gzhi rtsa ma bral na// yang dag don gyi phur pa min// 'dzin pas bcings pa'i lha nyid ni// gzhi dang rtsa ba bcas pa ste// nges pa can du gyur par na// bya rtsol med pa'i ye shes min// don gyi phur pa gzhi rtsa bral// nges par phur pa brjod pa bral// snang ba tsam du bstan pa ste// rang rang rgyud du 'dzin pa med// 'dzin pa rang bzhin dngos po ste// de yis bstan pa'i 'bras bu ni// sa dang lam la rim par bstan// rtogs pa med pa'i lha nyid ni// 'bras bu srid pa nyid du brtas// shes pa'i rtog pa rang sar grol// rang grol 'bras bu btsal mi dgos// sangs rgyas sa la rnam pa lnga// rang rig ye shes rtogs pa'i sa// 'dzin pa phyogs su bral ba'i sa// ye shes rgyun mi 'chad pa'i sa// rgyu 'bras gnyis med rtogs pa'i sa// thams cad lhun gyis grub pa'i sa// lnga yis rang byung sa lnga rtogs// 'byung ba lnga yi rang bzhin la// sangs rgyas zhing khams thams cad rtogs// nam mkha' ston pas rab bstan pa// nges par bstan du med par rtogs// ston pas chu yi don bstan pa// 'khor ba'i bag chags sbyong bar rtogs// ston pas sa yi don bstan pa// 'gro ba tshims byed gsos su rtogs// ston pas me yi don bstan pa// 'khor ba'i rnam rtog bsreg pa dang// ye shes me chen 'bar ba'i rtags// ston pa lnga yis rab bstan pa// 'khor ba lnga ni mya ngan 'das// re dogs med par mya ngan 'das// yang dag ston pa'i snying po 'di// chos nyid phur pa'i ngo bo ste// sems can drag pos sgrol ba yang// drag po nyid kyang dmigs dang bral// ye shes me yi khro bo ni// sreg pa'i lha ste 'tshig par byed// khams gsum 'khru byed ye shes chu// 'khor ba 'khrud byed ngan song 'joms// rdo rje phur pa chen po bshad pa'i rgyud las/ rol pa chen po'i le'u ste bcu gcig pa'o//// de nas bcom ldan 'das rab tu byams pa chen po'i ting nge 'dzin la snyoms par zhugs te/ rdo rje phur pa'i chos nyid las// kun tu bzang po'i rol pa yis// dus gsum bde gshegs dgongs pa 'dus// shes pa'i khyad par bsam 'das pa// rol pa'i theg pa bsam las 'das// yin dang ma yin brtag dka' bas// rtog pa'i lta ba bsam las 'das// ma rigs ma shes drang ba las// zag pa med pa'i chos rnams la// rnam pa grangs su rab bstan te// don dam gnyis su bstan par snang// sil bu gong bu snyoms par 'jug/lnga ru 'jug cing sa rnams bgrod// sa gnyis rab tu non pa yang// don dang mthun pa yang dag sa// byams pa chen po'i rol pa las// chos nyid phur pa cir yang snang// rang rang rtogs pa'i khyad par las// spang pa dang ni bsgrub pa dang// spang na stong pa nam mkha' 'dra// ma spangs sa la rnam pa gsum// nyon mongs las dang sdug bsngal gsum// rtogs dang ma rtogs khyad par las// byams pa chen po'i byin rlabs las// chos nyid phur pa cir yang snang// phyi nang rten cing 'brel par gnas// rnal 'byor rnam gnyis rang bzhin las// snang ba'i rtog pa bcad pa yis// med pa nyid du gyur pa yin/ snang la rang bzhin med pas na// bcas pa nyid du gyur pa yin// gsal la mi rtog mar me 'dra// shel sgong lta bu rnam par dag/ don dam kun rdzob rang bzhin las// bsal bya sel bar byung ba dang// bsal med snang ba rang bzhin med/sa la gnas pa'i 'bras bu gter// byams pa chen po'i byin rlabs las// chos nyid phur pa cir yang snang// dag pa chen po'i chos nyid las// rnam pa gsum gyi ngo bo ste// rim pa gnyis su brtan pa dang// dag pa can du gyur pas na// sa la rab tu gnas pa'o// byams pa chen po'i byin rlabs las// chos nyid phur pa cir yang snang// rigs lnga snang ba rang bzhin med// dag pas gtsang ste dri ma med// rim par gyur te ngo mtshar che// sa la rab tu gnas pa ste// byams pa chen po'i byin rlabs las// chos nyid phur pa cir yang snang// snang la rang bzhin med pa'i lha// rim pa ma yin gnyis su snang// mnyam par mchod pa ngo mtshar te// yang dag sa la gnas pa'o// byams pa chen po'i byin rlabs las// chos nyid phur pa cir yang snang// lha dang lha mo'i rang bzhin la// spros dang bral ba'i chos nyid la// gnyis su med pa'i rtogs pa che// ting 'dzin sa yi rim pa yin// byams pa chen po'i byin rlabs las// chos nyid phur pa cir yang snang// kun bzang yab yum rol pa las// bde ba chen por yang dag 'byung// gnas pa chen po'i ting 'dzin gyis// sa rnams rab tu rdzogs pa'o// byams pa chen po'i byin rlabs las// chos nyid phur pa cir yang snang// rdo rje phur pa'i ngo bo ste// gdug pa 'dul ba byams par snang// khams gsum rgyud sbyor byams par snang// log par sgrol ba byams par snang// yang dag bstan pa'i phur pa 'di// dus gsum kun tu 'gyur ba med// thig le phur pa'i rang bzhin las// 'dul ba'i dbang du cir yang snang// shes pa'i khyad par rnam dgu yang// drang ba'i lung ste nyon mongs sbyong// rang rig rang gsal blta ba'i don// bzhi yis bstan te lnga yang rung// tshad med snying rje'i rig pa dang// mnyam nyid rig pa'i theg pa dang// lhun grub spang med theg pa gang// rdo rje phur pa'i chos nyid yin// bde ba chen po'i ngang nyid las// yongs la dbang bsgyur rin chen mdzod// rtog pa nam mkha'i rang bzhin las// skye ba med par thams cad skye// sprin dang na bun khu rlangs dang// nyi ma zla ba skar ma dang// 'brug dang glog dang thug chom dang// sreg par byed dang 'phang bar byed// thams cad thams cad 'byung bar byed// res 'ga' sna tshogs nam mkha' la// res 'ga' nam mkha' stong par 'gyur// de 'dra nam mkha'i mtshan nyid ni// cir yang med la cir yang snang// de bas nam mkha' dmigs dang bral// de bzhin byang chub sems nyid ni// skyid par byed dang sdug par byed// sangs rgyas 'byung zhing sems can 'byung// lha yang 'byung la 'dre yang 'byung// mtho ris 'byung zhing ngan song 'byung// yod par 'byung zhing med par 'byung// res 'ga' sna tshogs kun tu 'byung// res 'ga' sna tshogs dbyings su thim// yod dang med pa'i ngos gzung med// ston pa'i 'khor du bcas pa yang// byang chub sems nyid rang bzhin 'byung// go dang gsal ba'i sems nyid la// rmugs dang 'thibs par byed pa 'byung// khro dang gtum pa'i sems nyid la// zhi dang nges pa byed pa 'byung// 'dzin dang chags par byed pa 'byung// 'dzin med stong pa'i sems nyid 'byung// bsad dang bcad pa'i sems nyid la// byams pa chen po'i sems nyid 'byung// nyon mongs sdug bsngal sems nyid la// bde skyed yangs pa'i sems nyid 'byung// sems nyid yangs pa'i dbyings nyid du// 'khor 'das bsam gyis mi khyab shongs// de phyir sems nyid yangs pa nas// thams cad thams cad 'byung ba yin// rang rgyud dngos por ma grub phyir// thams cad kun la 'grub par bstan// snang ba tsam du bstan par zad// snang ba'i rang bzhin yod pa'i phyir// thams cad 'byung ba sems las 'byung// de phyir thams cad kun yi gzhi// bstan par dka' ba'i rang bzhin te// nges par bstan pa'i chos nyid la// dngos por bstan du med la yod// stong pas stong pa mtshon pa la// stong pa'i rang bzhin brtag dka' bas// stong pa 'di zhes bstan du med// rdo rje phur pa'i chos nyid las// thams cad 'byung ba de yi phyir// nges pa med pas nges par bstan// byams pa chen po'i ting nge 'dzin// rdo rje phur pa bshad pa'i rgyud las/ byams pa chen po'i le'u ste bcu gnyis pa'o//// de nas bcom ldan 'das dbang gi ting nge 'dzin la snyoms par zhugs te/ ye nas dag pa'i chos nyid las// rtogs pa chen po dbang gi mchog/ ma rtogs nan dbang chen po yis// tshul bzhin bskur bas ngan song 'joms// nges bzung bral ba'i dbang thob na// spyad du med de sa rnams non// chos nyid phur pa'i dbang rtogs na// thugs rje chen po'i dbang rnams zhor la 'byung// ye klong chen po'i dbang rnams rtogs gyur na// byams pa tshad med dbang rnams zhor la 'byung// rig pa gsal ba'i dbang rnams rtogs gyur na// mkhas pa chen po'i dbang rnams zhor la 'byung// rig pa gsal ba'i dbang rnams rtogs gyur na// mkhas pa chen po'i dbang rnams zhor la 'byung// ston pa gsal ba'i dbang rnams rtogs gyur na// phan dang nus pa'i dbang rnams zhor la 'byung// ma rig mun pa sel ba'i dbang rtogs na// sku gsung thugs kyi dbang rnams zhor la 'byung// ye 'byams byang chub sems kyi dbang rtogs na// dur khrod rdzas kyi dbang rnams zhor la 'byung// don dam chos nyid phur pa'i dbang rtogs na// gdug pa 'dul ba'i dbang rnams bskur mi dgos// thams cad snang ba bzhi yi don rtogs na// rang rgyud dngos po'i dbang rnams bskur mi dgos// rang byung chen po'i dbang rnams rtogs gyur na// dad pa dbang gi stobs rnams bskur mi dgos// stong pa chen po'i dbang rnams rab rtogs na// snang ba rdzas kyi dbang rnams bskur mi dgos// sdig pa'i gzhi dang bral ba'i dbang rtogs na// bsod nams chen po'i dbang rnams bskur mi dgos// bsag pa'i gzhi dang bral ba'i don rtogs na// dge bcu bsod nams dbang rnams bskur mi dgos// bzang ngan brtag tu med par dbang thob na// nan gyis brtags pa'i dbang rnams bskur mi dgos// thig le rang bzhin gnas pa'i dbang thob na// rim pa grangs kyis bskur ba'i dbang mi dgos// rang byung ye shes rang dbang ye rtogs na// mar me ye shes dbang rnams bskur mi dgos// rang byung rtsal med chen po'i dbang rtogs na// bsnyen bsgrub rim par phye ba'i dbang mi dgos// chos nyid ye dbang chen po'i dbang rtogs na// ye shes rim par phye ba'i dbang mi dgos// ye 'byams byang chub sems pa'i dbang rtogs na// maN+Dal dkyil 'khor bya ba'i dbang mi dgos// sangs rgyas rang la yod pa'i dbang rtogs na// sangs rgyas byang chub pa yi dbang mi dgos// thig le sku gsung thugs kyi dbang rtogs na// bsgom bya sku gsung thugs kyi dbang mi dgos// ma btsal ma bsgrubs ye shes dbang rtogs na// bstan pa rgya mtsho'i dbang rnams bskur mi dgos// thugs rje phur pa rol pa don rtogs na// khro bo drag po'i dbang rnams bskur mi dgos// thabs dang shes rab gsal ba'i don rtogs na// gsang ba byang chub sems dbang bskur mi dgos// mkhas pa rang gsal nges med don rtogs na// grangs dang rim pas bskur ba'i dbang mi dgos// thams cad rang las byung ba don rtogs na// gzhan nas btsal ba'i dbang rnams bskur mi dgos// chos nyid gsal ba'i sgron ma'i don rtogs na// gsal byed bkra ba'i dbang rnams bskur mi dgos// ston pa rang las byung ba'i don rtogs na// ston pa rdo rje sems dpa'i dbang mi dgos// 'khor rnams rang las byung ba'i don rtogs na// phyag na rdo rje'i dbang rnams bskur mi dgos// 'khor 'das gnyis su med pa'i don rtogs na// lha rdzas rim par bskur ba'i dbang mi dgos// chos nyid phur pa rang byung don rtogs na// rang byung lha rnams bskur ba'i dbang mi dgos// dur khrod chen po'i gnas dag tu// dbang dang drag por ldan pa la// nam mkha'i khams kyang de bzhin te// sa dang ri la rab tu brtag/ nges pa med pa'i sa nyid la// maN+Dal 'dom gang gru bzhi la// dur khrod sna tshogs phye ma gdab// dam rdzas lnga yis chag chag gdab// thig le rnam pa gnyis su bshad// sa thig gnam thig gnyis su bstan// lnga dang gsum gyi sbyor ba la// gdab pa'i rim pa de bzhin bya// tshon sna lnga yi rim pa la// bstan pa'i don du de bzhin bya// gru gsum zla gam mu khyud dang// 'khor lo gru chad lha rnams bcas// sgo dang rta babs de bzhin te// mdzes pa'i rgyan dang mtshon pa brtag/bsrung bya'i rim pa yang dag byang// dam sri mnan dang ma trang bsgyel// sgo la rim pa de bzhin sbyar// rdzas rnams dgod pa yang dag ste// sku yi dbang dang gsung gi dbang// thugs la sogs pa de bzhin no// rdzas kyi dbang dang phur pa'i dbang// phan pa'i dbang dang nus pa'i dbang// dam can dbang dang las bzhi'i dbang// de la sogs pa'i dbang rnams ni// rim pa bzhin du dgod par bya// ting 'dzin chen po'i byin rlabs kyis// bsnyen pa nam mkhar 'grub pa yang// nus pa yod phyir rab tu bya// bum pa nam mkhar lding pa dang// phur pa 'phar zhing 'khrog pa dang// sku gzugs bzhad cing 'gul ba dang// dam can mngon du lung ston dang// shing bal bzhin du yang ba dang// ci la thogs pa med pa dang// nad rnams thams cad sel ba dang// sman pa'i mchog tu gyur pa dang// rig pa khong dngas shar ba dang// snying rje chen po 'byung ba dang// 'gro ba rim pas 'dul ba dang// bar chad sel ba'i rtags byung na// bsnyen pa las su rung zhes bya// las su rung bar gyur pa dang// bsgrub pa bya ba'i rim pa yang// yang dag nyid du bsten par bya// chen po las kyi rim pa ni// srog lus rdzas kyi 'bul ba yis// bla ma mnyes par bya ba'i phyir// mnyes pa'i yon tan chen po ni// bsam pa thams cad 'grub par 'gyur// rig 'dzin sa la 'gro ba dang// byang chub sems dpa'i sa la gnas// 'gro ba'i don rnams ma lus nus// bstan pa kun la thogs pa med// de phyir dbang bskur gsol ba gdab// byin rlabs chen po char ltar 'byung// 'gro ba tshims byed gsos bzhin du// dbang gi byin rlabs de bzhin du// 'gro ba gnyis kyi don byed nus// dag pa khrus kyis bkru bya zhing// lhar bskyed spyan drang bstim pa dang// mchod pa ma lus rdzogs par bya// gtso bo'i dbang du dur khrod dang// phan dang nus pa rab tu sbyin// sku gsung thugs la rdzogs pa'i dbang// re re nyid la de bzhin bskur// dur khrod dbang yang de bzhin te// kun la rdzogs par rim par bskur// drag pos 'dul ba'i las bya zhing// drag po'i dbang yang rim par bskur// drag po 'dul ba'i dbang thob nas// phyin chad 'gro ba'i don rnams nus// gtso bo nyid kyi dbang thob na// ci bsam las rnams 'grub par 'gyur// hUM mdzad chen po'i dbang thob na// thog dang ser ba'i las rnams 'grub// rnam par rgyal ba'i dbang thob na// smyo 'bog gdon rnams thul bar 'gyur// dbyug sngon can gyi dbang thob na// nyon mongs me ni bsreg par 'gyur// gshin rje gshed pa'i dbang thob na// sgrol ba chen po'i dbang yang thob// mi g.yo mgon po'i dbang thob na// zhe sdang rang rgyud gnon par 'gyur// rta mgrin rgyal po'i dbang thob na/ khams gsum dbang du sdud par 'gyur// gzhan gyis mi thub dbang thob na// nyon mongs sha mdangs phyed par 'gyur// bdud rtsi 'khyil pa'i dbang thob na/ khams gsum gdug pa gsod par 'gyur/ khams gsum rnam rgyal dbang thob na// gang yin dngos por 'dzin par 'gyur// stobs po che yi dbang thob na// 'dul ba chen po'i dbang thob 'gyur// sras mchog drug gi dbang thob na// 'jig rten dregs pa 'dul bar 'gyur// dur khrod rdzas kyi dbang thob na// bdud kyi rgyal po 'dul bar 'gyur// sku gsung thugs kyi dbang thob na// khams gsum sprul pas 'gengs par 'gyur// rdo rje phur pa'i dbang thob na// dregs pa can rnams 'dul bar 'gyur// bkra shis dam pa'i rdzas la brten// dam pa de nyid thob gyur na// legs pa'i yon tan brjod las 'das// rdo rje tshe yi dbang thob na// tshe yi rdo rje nyid du 'gyur// longs spyod gter gyi dbang thob na// zad med 'phel ba'i dbang dang ldan// dbang la yon tan brjod las 'das// dbang rnams rdzogs par ma gyur na// rdza byas be'ur lus pa 'dra// dbang rnams thob par ma gyur na// nyi khri chig stong ston nus kyang// rgyal po dmangs su bab pa 'dra// shing la btsugs 'bru byas pa 'dra// de phyir dbang la nan tan bya// rdo rje phur pa chen po bshad pa'i rgyud las/ dbang bstan pa'i le'u ste bcu gsum pa'o//// de nas bcom ldan 'das dam tshig la snyoms par 'jug pa'i ting nge 'dzin la snyoms par zhugs te/ston pa chen po dam tshig la// rdo rje rab tu sa ma ya// mi 'da' badzra kI la ya// mi 'da' dam tshig rnam pa lnga// gnas pa'i dam tshig gsum rnams dang// yod pa'i dam tshig chen po dang// bsrung ba'i dam tshig 'gyur ba med// ting 'dzin dam tshig bsrung ba'i mchog/ rtsa ba yan lag dam tshig las// mi spang rab tu bsrung bar bya// spyod pa'i dam tshig chen po dang// bsdam par bya ba'i dam tshig rnams// zol zog med par bsrung bar bya// rdo rje slob dpon dpal du che// 'dren pa'i slob dpon chen po dang// rtsa ba'i slob dpon chen po dang// dam tshig dbang gi slob dpon dang// man ngag lung gi slob dpon dang// shes rgyud grol ba'i slob dpon dang// bsrung ba grangs kyi shes par gyis// rtsa ba chad par ma gyur na// bla ma rtag tu bskur ba dang// khe dang grags pa ma yin pa// de yang bsrung ba'i rim pa yin// pha ltar bkur te brtse ba dang// tshig tsam phyal pa ma yin pa/ khong nas gdung ba bskyed pa ni// de yang bsrung ba'i rim pa yin// dbang po'i mig ltar brtse ba dang// dran pa rgyun du sems pa dang// lus la mi phongs srog mi phongs// de yang bsrung ba'i rim pa yin// dbu yi gtsug gi rin chen ltar// skyo ba med par khur byed pa// de yang bsrung ba'i rim pa yin// snying dang 'dra zhing 'dral mi phod// ji ltar khro gtum gsod byed kyang// de la ngan pa'i sems mi dbyung// de yang bsrung ba'i rim pa yin// dam tshig rgyu med shel sgong 'dra// dkyil 'khor gnyen po mi 'dral zhing// dam chos gnyen por byed pa dang// dam rdzas gnyen por gtsor len na// de yang bsrung ba'i rim pa yin// dpag tshad rgyang grags dur khrod du// rtags rnams mngon du 'don pa dag/ de yang bsrung ba'i rim pa yin// le lo sgyid snyoms ma yin par// brtson 'grus drag pos sgrub byed pa// de yang bsrung ba'i rim pa yin// rdzas rnams mngon du mi 'don pa// gsang zhing rtags rnams 'don pa yang// de yang bsrung ba'i rim pa yin// rtogs pa'i lta ba gdeng ldan zhing// spyod pa dman par spyod pa ni// de yang bsrung ba'i rim pa yin/ khams gsum sems can thams cad la// snying rje gdung sems mi chad pa// de yang bsrung ba'i rim pa yin// sha khrag dam rdzas tshang ba yis// mkha' 'gro dus su mchod byed pa// de yang bsrung ba'i rim pa yin// mkhas shing tshul bsrung spyod pa dal// 'di yang bsrung ba'i rim pa yin// nyin dang mtshan du dus med par// skyo ba'i sems dang mi ldan na// 'di yang bsrung ba'i rim pa yin// rnga sgra drag po b+h+yos 'debs dang// ag tsar kha yis ngom byed min// 'di yang bsrung ba'i rim pa yin// don la ma yengs bde ba dang// rtogs pa mngon du gtong ba yang// 'di yang bsrung ba'i dam tshig yin// mtshan dang ldan pa'i gzungs ma la// thabs dang shes rab sbyor ba yang// 'di yang bsrung ba'i dam tshig yin// brtse bas dus gsum mi 'gyur ba// 'di yang bsrung ba'i dam tshig yin// don dam pa yi ngang nyid las// phyogs ris bdag gzhan mi 'byed na// 'di yang bsrung ba'i rim pa yin// bsrung ba'i rim pa gang yin pa// mi spang rab tu bsrung bar bya// dam tshig gnyen po nyams pa yang// lha spangs nyams pa chen po dang// sngags dang phyag rgyas nyams te nyams pa dang// dran rtog lha ru ma rtogs nyams pa dang// gsal la 'dzin med ma bsgoms nyams pa dang// gnyan pa'i rim pa ma khur spangs pa dang// brtse ba'i rim pa rgyun bcad spangs pa dang// gzungs ma mtshan ldan spangs pa dang// 'di rnams nyams pa'i rang bzhin yin// rtsa ba'i dam tshig nyams pa na// rdo rje dmyal bar skye bar 'gyur// 'dir yang nyes pa sna bcu 'ong// byas pa mi 'grub mya ngan non// de yang nyams pa'i snga rtags yin// rtsa ba nyams pa'i snga rtags ni// sna nas khrag phyung ngo byug nas// rnga sgra drag pos b+h+yos 'debs shing// nga ni thams cad che ba'i lha// dbang du sdud pa nga las med// nga yis mi 'dul gang yang med// thams cad kun la nga che 'byung// lha srin sde brgyad nga yi bran// nga yi nyams su chos sku 'byung// me long ye shes lung yang bstan// 'di yang nyams pa'i snga rtags yin// nam mkha' khengs pa'i lha rnams kyang// gzhan yang nga che lung yang dag gyur// gdug pa thabs dang shes rab gnyis// brdabs pas byang sems mkha' la babs// de nyid gtso sngags brjod byas la// ye shes lnga yi ngo bor gyur// stong khams khyab pa'i sku byung yang// snang la rang bzhin med par gyur// dgongs pa dag pas byas gyur na// sku gsum rim gyis don byas nas// bskyed dang bstim dang spyan drang dang// bstod pa bya dang mchod pa bya// rin chen sna lngas rab mtshon te// thams cad gtso bo'i sngags las byung// mchod pa'i sngags kyang de bzhin te// yang dang yang du byas pa ni// rab gnas chen po zhes kyang bya// kun la bya bar de ma gsungs// thal ba chen po bsgrub par bya// rnal 'byor chen po thal ba la// phyi nang gsang ba'i dam rdzas la// gnyis su med par sbyar bar bya// zhun chen khu ba mang du btang// stong pa hUM dang rdo rje yi// sngags kyis longs spyod rdzogs par gyur// 'phro 'dus de bzhin thim par gyur// thim pas de nyid 'od du zhu// ci bsam 'byung ba'i rin po che// mang zhing zad pa med par gyur// snod ni b+h+rUM las de bzhin du// bskyed pas dpal gyi skur bzhengs gyur// snod du bcug pas sku ru gyur// brdabs pas thabs dang shes rab 'byung// byang chub sems kyi rang bzhin las// 'gro ba'i don byed sku ru gyur// de yi byin rlabs nus pa can// bskyed dang spyan drang bstim pa dang// mchod dang bstod dang de bzhin bya// phyin chad 'gro ba'i don bya'i phyir// 'gro ba'i don la bskul bar bya// rgyal po dmangs su mi dbab par// sku gdung chen po de bzhin bzhengs// blon po ded dpon chen po la// sman lnga spos lnga rab sbyar la// rnam par snang mdzad rdo rje sems// rnam pa gsum las yang dag byung// rdzas ni rin chen rnam lnga la// snod ni bde gshegs pho brang ste// brdabs pas longs sku yang dag 'byung// phyung bas sprul sku bsam mi khyab// rab gnas chen po de bzhin te// 'gro ba ma lus thal ba la// pa yi rnam lnga rab sbyar ba// sa la de bzhin rab sbyar te// dus gsum bde gshegs bzhengs par bsam// me tog la sogs lnga yis mchod// rgyal ba skul ba'i gsol ba gdab// brdabs pas 'gro ba'i don nyid du// nyon mongs ma lus dag par 'gyur// gang byed 'brel pa yod par bya// 'brel pa med par byed pa ni// rgyal po dmangs su yongs mi rung// nor bus rgyal sa zin mi 'gyur// rdo rje phur pa chen po bshad pa'i rgyud las/ thal ba chen po sgrub pa'i le'u ste bco lnga pa'o//// de nas bcom ldan 'das drag po'i ting nge 'dzin la snyoms par zhugs te/rdo rje phur pas gdug pa 'dul// dur khrod chen po'i gnas dag tu// maN+Dal mda' gang gru bzhi la// thig dang tshon yang de bzhin te// rdzas rnams ma lus tshogs par bsag/bya ba'i rim pa ma lus pa// yang dag nyid du der bstan nas// sngon du de bzhin rdzogs byas la// lha rnams rab tu gnas pa yin// las kyi lha yi ting 'dzin gyis// gong du bstan pa de bzhin bya// gdug pa bsgral ba'i rdzas rnams bshams// bsreg dang mnan dang 'phang ba dang// bsgral ba gnan pa yang dag bya// ting 'dzin chen po'i byin rlabs las// lha rnams bskyed pa de bzhin bya// rdo rje khros pas zhe sdang gcod// mtshon cha sngon po 'bar ba yis// nam mkha'i dkyil nas thigs par shar// srog gi go ru shar ba dang// snying gi dkyil du bsgom par bya// phung po rdo rjer gtams byas nas// rnam par shes pa rdo rjer bsgom/ khro bo khro mo rngams pa'i tshogs// bskyed pa'i sngags kyis de bzhin bya// gdug pa 'dul ba'i sras rnams bskyed// srid pa'i phur bu bsgrub pa dang// dbang dang dngos grub blang ba'i phyir// yeshes khro bo'i gshegs su gsol// khro bo chen po gshegs nas kyang// rtags dang mtshan ma bstan pa dang// kI la ya yi dngos grub stsol// mchod pa 'bul zhing dngos grub dang// las bzhis bsdam dang bcing ba dang// gcig gis gdab dang mtshon dang dug/ brdung dang bstab pa sngags kyis bya// bskul zhing lha la bsnyen mchod 'bul// lha rnams mchod phyir gdug pa bsgral// de dang mthun par rab bstan nas// rtags dang sbyar ba de bzhin te// gsal rkyen 'khrul pa med par bzlas// rig 'dzin sa la de bzhin 'gro// dbugs dang sbyar zhing 'phro 'du bya// ring thung tshad dang ldan pa dang// brtan pa'i tshad dang ldan par bya// brtan pa'i nyams ni rnam pa gsum// grub pa'i tshad ni rnam pa lnga// de bzhin las su rung ba yis// 'gro ba'i don rnams nus par 'gyur// rnam pa gnyis kyi don byas nas// yang dag 'bras bu chud mi za// drag po sgrol ba'i dus nyid du// las rnams de bzhin yang dag bya// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// shwa na mu kha'i dus la bab// bdag nyid chen po'i dus la bab// sa bdag rgyal mo'i dus la bab// khyod kyi dam tshig dus la bab// sngon chad ji ltar dam bcas bzhin// mngon spyod phrin las myur du mdzod// byang chub mchog tu sems bskyed cing// dus gsum rgyal ba'i gdung 'tshob pa'i// rig 'dzin bdag cag rnams la yang// gnod cing gdug pa'i dgra dang bgegs// bdud dang bar du gcod pa yis// dngos grub 'phrog cing 'tshe ba rnams// khro bo chen po'i byin rlabs kyis// yud tsam gyis ni 'dir bkug ste// mngon spyod tshul bzhin bsgral ba dang// lus ngag rdul du bshigs nas kyang// sdug bsngal nyams su myong bar mdzod// oM laM hUM laM s+t+wam b+ha ya nan mo ha ya g+hA ta ya/ b+ha ga bAn/ hrIHSh+t-IHbi kr-i badzra hUM kA ra hUM hUM phaT phaT/ oM badzra kI li kI la ya dzaHhUM baM hoH/ badzra kI li kI la ya hUM hUM phaT phaT/ oM badzra hUM kA ra hUM phaT/ badzra hUM kA ra hUM/ a A/ khams gsum 'khor ba bsgral ba'i phyir// stong pa nyid du yang dag sgrol// don dam de las 'da' mi byed// stong pa chen po'i chos kyi mchog/ des ni yang dag don rnams rtogs// dngos grub bar chad byed pa'i bgegs// gdug cing sdang sems ldan pa rnams// zung zhig rgyob cig rnam par chings// gtogs shig grogs dang bral bar gyis// rengs par khug la smrar chug cig/ phob cig rnam par gzir bar gyis// nga yi dbang du gyur nas kyang// bsgo ba'i bka' rnams nyan par gyis// bran dang pho nya bka' nyan tshogs// khyed kyi dam tshig dus la bab// sngon chad ji ltar dam bcas bzhin// mngon spyod phrin las myur du mdzod// hUM pa ra bi d+h+wa na sa hUM phaT/ ts+tshin+d+ha ts+tshin+d+ha hUM phaT/ b+hin+d+ha b+hin+d+ha hUM phaT/ gr-i h+Na gr-i h+Na hUM phaT/ ha na ha na hUM phaT/ ban+d+ha ban+d+ha hU phaT/ ta thA ya ta thA ya hUM phaT/ ha sa ra na ha sa ra na ya hUM phaT/shI g+h+raM A na ya hUM phaT/ A be sha ya A be sha ya hUM phaT/ b+hin+da ya b+hin+da ya hUM phaT/ ha na ha na badzra/ da ha da ha badzra/ pa tsa pa tsa badzra/ ma tha ma tha badzra/ dz+wa la dz+wa la dzra/ su ru su ru badzra/ mu ru mu ru badzra/ ka taM kaye/dza ye bi dza ye/ a dzi te a pa ra dzi te/ mA ra sai ni pra marda ni hUM phaT/ rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// hUM ma ma pa shang ku ru/ ma taM nya ka ra i dan/ d+ha d+hi ma ma kar ma/ shI g+h+raM kA ra ya hUM phaT/ gdug cing sdang sems ldan pa rnams// lha'am 'on te bdud kyang rung// nga la bar chad byed pa rnams// mthu dang rdzu 'phrul med par gyis// sarba A na ya hUM phaT/ ta thA ya ta thA ya hUM phaT/ rdungs shig rdo rje 'bar ba'i gtun// bka' las 'da' byed sdig can rnams// rdo rje me dbal snying bsregs nas// lus ngag rdul phran bzhin du rlogs// khro mo 'bar ba'i gtun khung du// rdo rje tho bas brdungs byas na// lha yang rung ste rlag par 'gyur/ kha tham kha tham kha tham/hUM hUM hUM/ phaT phaT phaT/ badzra yak+sha kro d+ha khA hi khA hi/ ha ha/ bsgral ba yang dag don bstan pa// gtso bo lha sogs sngags rnams la// gnad sngags sgrol sngags gnyis su 'gyur// kun la de bzhin shes par bya// gdab pa'i las de bya ba dang// 'khor gyi sngags rnams de bzhin te// thun dang bden pa'i byin rlabs dang// mtshon dang dug dang de bzhin te// brdung dang sdug bsngal bskyed pa dang// bstab dang byang chub sems su bstan// chos nyid kyi bden pa'o// gsang sngags kyi byin gyis rlabs so// sangs rgyas kyi mthu'o// a b+hi tsar+ya'i dus la bab pa'i brnags pa de kho na la'o// ting 'dzin chen po'i byin rlabs kyis// gnas skabs bsgyur cing shes par bya'o// cho 'phrul bstan pa kun kyang 'dul// sreg pa me yi las la sbyar// mnan pa sa yang de bzhin te// 'phang pa zor du de bzhin bstan// nyams pa ma lus gnan bya'i phyir// tshe bstim rim pa'i las rnams bya// 'gro ba ma lus 'dul bar 'gyur// dper na rgyud kyi rang bzhin ni// phug ron ske dang rma bya'i mdongs// mang ba ma tshang 'khrugs pa dang// rgyud rnams rang rang don dang bstun/ nges pa med pa'i rgyud byung yang// dper na dmus long mar bzhin 'gyur// mang bas skongs la 'khrugs pa sdebs// gab pa gsal ba brdar bstan dgrol// des na breng chags rgyud du 'byung// rgyud rnams don dang ma ldan na// sa dang chu 'dres rnyog ma can// sman dang dug tu rnam par 'dres// sbyin dang mar dang chu 'dra ste// de yis bya ba'i don mi nus// de gnyis don nyams gang yang med// de bzhin rgyud kyi rang bzhin yang// gtan la mi phebs phyogs 'dzin can// de yis bstan pa'i rgyud de ni// yang dag min te de phyir bstes// dper na chu la mar 'dod bzhin// gtan la mi phebs rgyud nyid la// bya btsal med pa'i don mi 'byung// srin bu bal du gtums pa 'dra// grol ba'i don rnams yongs mi 'byung// rgyud kyi rang bzhin mang ba ste// tshang bar byed de 'khrugs par 'byung// yod par 'byung ste rang rgyud med// med pa lta bu chad pa med// kun tu bzang po'i ngang nyid las// rgyud rnams thams cad ston par byed// grangs med brjod kyis mi lang ba'i// gsal la rtog med rgyud rnams 'byung// lha dang rgyud du chags pa la// bstan pa don med yal bar 'gyur// rgyud kyi shes pa 'dzin pa grol// lhas kyang de bzhin sa nyid bral// lha nyid ma nges ngos bzung bral// rang rgyud 'dzin pa'i lha rnams ni// dper na me long gzugs brnyan te// nges pa can du gyur pas na// gang gis blta ba de mi mthong// de bzhin lha yi rang bzhin yang// nges pa can du gyur pas na// gcig las gnyis su bsgom mi nus// bsgoms pas rang rgyud grol mi nus// mchod pa rang grol ma shes na// gsol dang mi gsol ngos bzung bral// mchod pa rgya mtsho rgya chen yang// ting 'dzin chen po'i cho 'phrul yin// spyan drangs don yang de bzhin der// gshegs la byon pa'i rang bzhin yang// nges par gzung zhing rang rgyud min// ston pa rang byung rang la gnas// sdud pa rang byung rang la gnas// 'khor rnams rang byung rang la gnas// bstan pa rang byung rang la gnas// sangs rgyas rang byung rang la gnas// sems can rang byung rang la gnas// sdug bsngal rang byung rang la gnas// zhe sdang rang byung rang la gnas// ser sna rang byung rang la gnas// gti mug rang byung rang la gnas// 'dod chags rang byung rang la gnas// phrag dog rang byung rang la gnas// le lo rang byung rang la gnas// rtsa ba byang chub sems nyid la// 'bras bu mi mthun so sor snang// e ma ya mtshan cho 'phrul can// gcig las grangs med brjod las 'das// rdo rje phur pa chen po bshad pa'i rgyud las/ drag po las kyi rim pa'i le'u ste bcu drug pa'o//// de nas bcom ldan 'das drag po sgrol ba'i ting nge 'dzin la snyoms par zhugs te/ ston pa chen po'i byin rlabs las// byin rlabs cho 'phrul 'di lta ste// ji ltar sgrol ba'i gnas chen du// maN+Dal mda' gang gru bzhi la// dam rdzas 'di lngas las bya zhing// 'khor lo rtsibs drug dkyil 'khor bri// lha yi gnas su e re bri// shar gyi lha yi sgo bsrung bya// mu khyud thod pa'i brtsig pa bya// rin po che yi 'od dang bcas// dbye ba'i rdzas dang 'gugs pa'i rdzas// bcing ba'i rdzas dang smyo ba'i rdzas// bsgral ba'i rdzas dang bstab pa'i rdzas// rdzas drug drag po las kyi rdzas// seng ldeng phur bu sor bcu gnyis// nyung dkar nyid du bcas pa dang// dar gyi cod pan lnga btag pa// gtso bo nyid la de bzhin bsham// lha drug phur bu thugs kyi mchog/ lha ru dbang sdud las la 'gyed// seng ldeng phur bu sor brgyad ni// rdzu 'phrul ston cing nus pa can// de yis lha dbral las rnams byed// bya rgod gshog phur zhi ba ste// gdug pa klu rnams zhi bar byed// gser ram ser po rgyas pa ste// tshe dang dbang thang rgyas par byed// zangs sam ljon dmar mchog phur yang/ khams gsum dbang du sdud pas na// lcags sam ljon shing sgrol ma'i rdzas// tsan+dan rgya shug gzi byin myur du sdud pa'i rdzas// rdzas drug de bzhin las rnams bya// bar chad bsal ba'i las rnams bya// dang po stong pa'i rang bzhin las// hUM dang rdo rje sngags kyis bskyed// snyan gsan spyan drangs bstim par bya// mchod pa bstod pa ma lus kun// yang dag nyid du de bzhin sbyar// dbus su seng ldeng phur pa dgod// steng du 'dul ba nam mkha' ste// steng la sogs pa phur bu drug/ rim pa bzhin du dgod par bya// steng du gu gul rdzas rnams gzhag/ shar du lcags kyu nyung dkar bzhag/lho ru zhags pa sngon dmar gzhag/ nub tu dug rdzas mang du gzhag/ byang du ral gri tho ba gzhag/ 'og tu ming dang rus su bcas// ting 'dzin rim pa bsgom pas ste// dbus su dpal gyi gtor ma gzhag/steng du snying sna bzhi la bya// shar du klu sman de bzhin bya// lho ru dkar po lnga la bya// nub tu ra dang khyi la bya// byang du nag po gsum la bya// 'og tu ra dmar gtor ma bya// ting 'dzin dpal du bsgom byas nas// rang rang sngags kyis 'khor rnams bskyed// snyan gsan spyan drang bstim pa dang// mchod pa 'bul dang dngos grub dang// sbyor ba'i bar du sgrol ba rnams// bstab pa chen po de bzhin bya// bsnyen pa ye shes lha nyid la// gdug pa drug gi sngags bzlas pa// bstod pa de bzhin rim pas 'byung// tshogs pa sbyor ba de bzhin te// pho nya las bzhi'i phur pa gdang// de bzhin bsnyen pa'i las rnams bya// sa ya drug 'bum mang du bskyal// mngon du 'od dang nyams su 'ong// mtshan ma tsam du 'byung ba dang// 'od dang me dang du ba dang// mi ring nam mkha' gang ba dang// rta dang khyi dang sbrul dang bya// rtags la bab pa rab tu brtag/ nges par gdeng du gyur pa dang// bsgrub pa'i las ni shes par bya// lha dang rdzas kyi bye brag dang// sngags dang bskul ba de bzhin te// gtso bo gsal ba'i byin rlabs kyis// 'khor rnams gsal bar gyur pa dang// thams cad sngags la rab tu 'dus// sngags rnams 'grub pa rab tu gces// ye shes lnga yi sngags rnams la// dregs pa'i sngags nyid rab tu gdags// rkyang par mi bya dril ba dang// nag po'i rtags rnams 'byung bar 'dod// thun gyi phur pa drug gam gcig/ gcig la rdzas drug rang rang brab// gcig la rdzas rnams dril ba ste/ khrag dang snying du bcas pa la// so sor rang rang dam rdzas brab// gang yin nyams pa bsgral bar bya// thun nyid khol dang lud pa dang// mang ba tsam du gyur pa na// nyung dkar nyung nag skye tshe dang// d+ha ru ra yi rtsa ba yis// nyin dang mtshan du dus med par// yang nas yang du bab par bya// de yis thun kyang rab tu khol// nan du dkar po sngags la sbyar// nag po de bzhin rab tu mnan// rtags de brtan par byung ba dang// drag po'i las la sbyar bar bya// bdud kyi nyi ma bkra mi shis// ngan pa'i las rnams bya bar 'byung// nyi nag mar gyi do dag gam// 'byung zhing 'jug pa'i nyi ma la// dur du 'jug dang rgyu ba dang// mngon du byung dang khugs pa dang// drag po'i bsam pa skyes pa dang// me yi 'od du byung ba na// de yis las nyid myur bar 'grub// klong du bstan pa'i las bya ste// spyir yang 'di nyid klong drug ste// gtso bo pho nya gong bzhin sbyar// sgrol ba gnas su bcas pas gdab// thun kyang rab tu de bzhin bya// 'khor lo klong drug rang rang ste// dang po bral ba'i klong nyid la// rang gis klong dang sngags su bcas// sngags gsum sbrel te las rnams bya// thun kyang de bzhin shes par bya// phyi ma lnga yang de bzhin te// rang rang pho nya sngags rnams dang// rang rang thun dang rdzas rnams dang// gsum du sbrel ba'i sngags nyid la// phur pa rang rang de bzhin gdab// gtso bos snying la de bzhin te// 'khor rnams yan lag rnams la gdab// yang na snying la de bzhin sbyar// mtshon dang dug kyang de bzhin te// gdung ba drag pos btab pa dang// byang chub sems dpa' rab bstan te// byad dang me dang gnan pa dang// tshe bstim rim pa sngags kyi bya// las rnams ma lus rdzogs par 'gyur// rdo rje phur pa chen po bshad pa'i rgyud las/ drag po'i las bstan pa'i le'u ste bcu bdun pa'o//// de nas bcom ldan 'das gdug pa lha dang dbye ba'i ting nge 'dzin la snyoms par zhugs te/ drag po las kyi don bsnyan pa// dbye ba'i las rnams ma byas na// gdug pa'i las rnams rdugs par 'gyur// dur khrod dmar la mtho ba la// shar gyi phyogs su sgo bstan pa// nyi ma'i zer ma nang du 'char// de lta'i gnas dang ldan pa dang// maN+Dal mda' gang byas nas su// mi yi de bzhin rus pas gdab// dmar chen khrag gnyis rab tu byug/ gru gsum zla gam mu khyud bri// mu khyud dur khrod brtsig pa la// shar du bstan pa'i sgo gnas pa'o// de yi phyi rim zlum po la// dmar po byas te gzugs kyang bri// dbus su dpal gyi gtor ma ste// khyad par nyid du gyur pa'o// shar gyi mu ran zlum po la// 'jig rten dregs pa'i gtor ma gzhag/ rten du bcas pa ma lus kun// yang dag nyid du brjod par bya// dbus su bsnyen pa'i phur pa la// mthing nag dar gyi cod pan gdags// shar du seng ldeng phur pa la// snying po bris la yang dag dgod// dbus su snying chen ma nyams gzhag/ shar du ra snying de bzhin gzhag/dbus su ming byang rus su bcug/ shar du ra yi snying khrag gam// yang na ra sog g.yas pa la// ming byang bris la de bzhin gzhag/ yang na ra mgor ming byang bcug/ rtsang gis btsug la sngo dmar bcings// dregs pa'i snying po de bzhin bri// rim pas bsnyen pa de bzhin du// ting 'dzin rim pas yang dag 'byung// dur khrod chen po'i gzhal yas su// dbus su bsnyen pa'i phur pa dgod// shar sgor sras mchog phur pa dgod// phyi rol dregs pa'i rdzas rnams dgod// bsgom pa'i rim pa de bzhin te// spyan drangs bstim pa de bzhin te// bsnyen pa ye shes lha la dbul// 'jig rten dregs pa zhor la 'byung// bstod cing bskul te las rnams bcol// hUM mthing nag gru gsum 'bar ba'i dkyil 'khor na// yab gcig rdo rje gzhon nu ni// sku ni ri rab nyi zla'i gzugs// rngam pa chen po'i tshems brdar zhing// gdug pa can rnams zhabs kyis gnon// phyag gi phur pas nyon mongs spyod// zhabs bzhi rdzu 'phrul bzhi dang ldan// spyan mig gru gsum dug gsum 'dul// ya mtshan chen po 'phrul gyi lha// gdug pa 'dul ba'i lha la phyag 'tshal bstod// nyon mongs 'joms pa'i lha la phyag 'tshal bstod// me dpung chen po'i 'od la phyag 'tshal bstod// hUM thugs kyi sprul pa cir yang ston// ya mtshan chen po lha yi lha// khams gsum gdug pa 'dul ba'i dpal// stong gsum rngams pa drag pa'i sgra// ye shes lha yi sprul pa ste// ma bskul dbyings nas bzhengs pa'i lha// mthing ga 'jigs pa'i sku mdog la// nyon mongs 'joms pa'i phur pa bsnams// rang rtags 'brel pa'i gu gul dang// khams gsum gdar gcod phur pa 'dzin// stod ni zhal gsum phyag drug pa// smad ni zur gsum dbal dang ldan// 'jig rten dregs pa 'dul ba'i lha// thugs dam chen po'i dbyings nas bskul// 'jig rten dregs pa las la 'dzud// las rnams ma lus 'grub pa dang// lha yi las byas dregs pa 'dul// dregs pa sngags kyi sbyor ba yis// ran dang mdzes par rab sbyar la// mchod pa'i dus su phur pa gdab// dum bur gtum cing mchod par dbul// bstod cing bskul ba yang nas yang// thun rnams ra thod nang du sbyar// snying dang khrag dang de bzhin sbyar// de nyid las su rung ba dang// gdab pa'i las nyid 'di lta ste// gu gul du bas bdug byas te// dbral ba'i sngags dang tshig tu bcas// yang nas yang du de bzhin bya// pho nya las rnams de bzhin te// gdab pa'i sngags gnyis snying la gdab// thun dang de bzhin 'dzom par byas// mtshon dang dug dang brdung ba dang// gdab dang byang sems sngags kyis bya// me la bsregs te phye ma dang// sol bas g.yogs pa'i ming byang rnams// sngon dmar dag gis rab dkris la// ra yi thod pa'i nang du gzhug/ la btsas dag la rab tu sba// gtor ma tshe bstim bkra shis dang// de bzhin las rdzogs rdzogs par bya/rdo rje phur pa chen po bshad pa'i rgyud las/ lha dang dbral ba'i le'u ste bco brgyad pa'o//// de nas bcom ldan 'das drag po 'gugs pa'i ting nge 'dzin la snyoms par zhugs te/ dur khrod chen po gangs dang shel lta bu// rgyal po'i pho brang gnas dag dang// de bzhin mchod pa'i sa yod par// sgo yi phyogs kyang shar du bltas// rta dang bya yi gzugs yod par// maN+Dal mda' gang byas nas su// dkar po gsum gyi khrag gis byugs// gru gsum zla gam mu khyud bri// mu khyud de bzhin bstan pa la// dkar po'i mu ran yang gcig bsnan// dbus su dpal gyi snying po bri// shar du 'gugs pa'i snying po bri// bsten phur de bzhin bstan pa yang// sras mchog bya rgod gshog thur la// dar gyi cod pan de bzhin gdags// bar chad bsal ba'i las byas la// dbus su bsnyen pa'i phur pa la// gtso bo'i phur pa dbus su dgod// shar gyi phur pa de bzhin bya// dbus su dpal gyi gtor ma ni// khyad par rmad du byung bar bya// gdug pa'i gtor ma snying sna gsum// bse phor bshams te shar du gzhag/ rten yang de bzhin shar du gzhag/ming rus dbus dang shar du gzhag/ drag po'i rtsang gis bskor bar bya// ting 'dzin rim pa bstan par bya// gzhal yas gdan dang bcas pa ru// dbus su gtso bo rab bskyed la// shar du 'gugs pa'i lha mchog bskyed// spyan drang rim pa de bzhin te// bstim dang mchod pa ma lus bya// ye shes lha la bsnyen pa bya// shar gyi de bzhin shes par gyis// bskul zhing bstod pa 'di lta ste// hUM gdug pa 'dul ba drag po'i sku// stod ni zhal gsum phyag drug la// smad ni zur gsum dpal dang ldan// dkar ba'i zhal la drag po'i dbyibs// gdug pa 'dul ba'i phur pa bsnams// lcags kyu'i stangs stabs phyag rgya can// khams gsum gdar gcod phur pa bsnams// gdug pa klu yi 'khor rnams 'dul// mang du sprul cing las la gus// gang yin 'gugs pa'i las mdzod cig/ snying khrag rnam gsum sbreng byed cing// mchod pa'i dus su bkug cing bstim/ bsnyen pa'i rtags rnams 'di lta ste// 'od du 'khyil lam me ru 'bar// dngos su byung ngam nyams su byung// de ni bsnyen pa'i rtags su bstan// ran dang mdzes pa'i lha sngags la// drag po'i sngags kyi gnad du bstan// nyin dang mtshan du rab bstan nas// lha la mchod cing dregs pa bskul// klu yis bzung ba'i thod pa ru// snying po bri zhing thum po bya// gdug pa sbrul gyi snying la gzhug/sbal pa pho mo'i gzugs bris la// dkar po'i snying dang sbal pa dang/ khrag dang bsres pa de bzhin bya// bsnol mtshams brtan pa rab tu gces// thun sngags bzlas shing de la brab// thun de las su rung ba dang// gdug pa dngos su ston pa dang// de nyid dngos su 'khol bar 'gyur// yang nas yang du de bzhin bya// drag po bsgral ba'i ngo bo ni// lan gsum mnan te pho nyas dgug/ dbang po mngon gsum gsal bar 'gyur// gdab pa rnam pa gnyis su bstan// thun yang de bzhin yang dag sbyar// mtshon la sogs pa de bzhin 'byung// tha ma bsreg ste gnan pa bya// 'phang dang bsregs pa'i lhag ma de// bsam pa nyid kyis gsos byas la// byang du kha bltas 'gram du mnan// de yis 'og ma de bzhin 'byung// rdo rje phur pa chen po bshad pa'i rgyud las/ drag po 'gugs pa'i le'u ste bcu dgu pa'o//// de nas bcom ldan 'das drag po bcing ba'i ting nge 'dzin la snyoms par zhugs te/ dur khrod sngo la 'od chags su// klu yi pho brang yod pa ru// maN+Dal de bzhin yang dag sbyar// gser ram ser po'i phur pa la// dar yi cod pan de bzhin bya// tsham rngams drag pos bgegs bskrad la// 'god pa de bzhin yang dag bstan// gtor ma dbus dang shar du dgod// shar du dgod pa'i gtor ma la// rtsi sman sna tshogs dgod par bya// rten yang rab tu de bzhin gzhag/ ming byang rtsang dang bcas pa yang// de bzhin brten te rab tu dgod// ting 'dzin rim pa de bzhin te// gtso dang 'khor yang de bzhin bskyed// spyan drang rim pa grangs dang sbyar// mchod pa bsnyen pa bstod pa dang// bsnyen pa ye shes lha la 'bul// ran pa nyid du de bzhin sbyar// hUM gdug pa 'dul ba drag po'i sku// stod ni zhal gsum phyag drug pa// smad ni zur gsum dbal dang ldan// sngo ba'i zhal ni 'gyur ba med// gdug pa 'dul ba'i phur pa bsnams// zhags pa rang rtags phyag rgya can// khams gsum gdar gcod phur pa bsnams// gdug pa shar gyi 'khor lo bcas// sprul pa gang yin nyams pa 'ching// gang yin bcing ba'i las mdzod cig/ dam rdzas nyid kyis de bzhin mchod// mchod pa'i dus su rab tu 'ching bar bstan// bsnyen pa'i rtags ni 'di lta ste// sbrul dang sbal pa la sogs pa// dngos su byung ba ma nyams su byung// sngon du byung ba'i 'od bzhin du// bsnyen pa'i rtags ni de ltar 'byung// lha sngags bstan pas de nyid tsam// drag po'i sngags la nan tan bya// nyin dang mtshan du grangs med bzlas// bstod dang bskul pa de bzhin bya// dkar po gsum gyi thod pa ru// sngags bris thun gyi rdzas rnams bsham// dkar po gsum gyi snying yang gzhug/gzugs bris khrag tu de bzhin bcas// don gyi sbyar ba de bzhin bya// mang du de bzhin thun yang brab// de nyid las su rung ba dang// cha byad ston cing thun nyid khol// rtags ma byung bar de bzhin bya// drag pos bcings pa'i rim pa ni// yang dang yang du rab tu bsdam// yan lag dngos su bcings par 'gyur// gdab pa'i thun yang de bzhin bstan// las rnams ma lus rdzogs par bya// sreg dang 'phang ba de bzhin du// yang gcig mnan te pho brang sba// rdo rje phur pa chen po bshad pa'i rgyud las/ drag po bcings pa'i le'u ste nyi shu pa'o//// de nas bcom ldan 'das drag po smyo ba'i ting nge 'dzin la snyoms par zhugs te/dur khrod chen po zad zed can// mi ring 'gro dang khyi rgyug 'dra// the'u rang gnas pa'i sa yod par// sgo ni shar lho mtshams su bltas// maN+Dal mda' gang byas nas su// rnam pa gsum gyis rab tu byug/ gru gsum de bzhin rim pas bya// ser po mu ran yang gcig bsnan// snying po bri ba de bzhin bya// shar du smyo ba'i snying po bri// bsnyen phur smyo ba'i snying po yang// dar gyi cod pan de bzhin gdags// nyes pa med phyir bsrung ba bya// gtso 'khor phur pa byin brlabs la// rang rang gnas su de bzhin dgod// dpal gyi gtor ma khyad par can// snying sna gsum la de bzhin bya// dkar po sna dmar thod par bya// rten yang de bzhin yang dag gzhag/ rtsang gis de bzhin rab tu bskor// ting 'dzin rim pa'i khyad par las// dur khrod gzhal yas gdan yang bcas// dbus dang shar du lha nyid bskyed// rim pa bzhin du yang dag sbyar// bstim dang mchod pa ma lus bya// bsnyen pa rdzogs pa rab tu gces// rim pa bzhin du de ltar bya// bskul pa dang ni bstod pa bya// hUM gdug pa 'dul ba drag po'i sku// stod ni zhal gsum phyag drug la// smad ni zur gsum dpal dang ldan// dmar pa'i zhal la dbang du sdud// gdug pa 'dul ba phur pa bsnams// drag po'i dug gtor rang rtags can/ khams gsum gdar gcod phur pa bsnams// gdug pa yam shud 'khor dang bcas// sprul pas nyams pa smyo bar mdzod// mchod pa 'bul ba'i las nyid bya// mchod pa'i dus su smyo ru gzhug/ bsnyen pa'i rtags rnams rab tu 'byung// dkar ser 'od kyi rnam pa dang// btsun pa ban+de bong bu dang// de ltar rtags rnams byung ba dang// bsnyen sngags sgrub sngags sha thang dbye// drag po nyid du de bzhin bya// mang po'i byin rlab shugs kyis 'byung// bstod cing bskul ba'i las nyid bya// bong bu dag gi thod pa ru// sngags bris thun rnams rab tu blug/ ming dang khrag tu bcas pa bya// rgyu ba'i dus su yang dag bya// nan tan drag po'i thun la bya// las rnams 'grub par gdon mi za// gzugs ston rtags gnyis rab tu 'byung// smyo ba drag po'i las bya ste// mang du de bzhin nan tan bya// dbang po nyams pas smyo bar 'gyur// gdab ste las ni mtha' ru dbyung// 'phang dang bsreg pa de bzhin te// dug gis brdeg cing sa der mnan// tshe dang bkra shis de bzhin bya// rdo rje phur pa chen po bshad pa'i rgyud las/ drag po smyo ba'i le'u ste nyi shu gcig pa'o//// de nas bcom ldan 'das sgrol ba'i ting nge 'dzin la snyoms par zhugs te/ dur khrod brag nag nub sgo can// maN+Dal mda' gang byas nas su// nag po gsum gyi khrag gis byug/ rim pa bzhin du bris pa dang// nag po'i mu ran yang gcig mnan// rang rang gnas su snying po bri// bsnyen phur sgrol ba'i phur pa yang// cod pan rigs dang yang dag sbyar// bskrad pa'i las rnams de bzhin bya// rnam pa gnyis su byin brlabs nas// gang yin gnas su de bzhin dgod// rnam gnyis gtor ma de bzhin du// nag po'i thod par de bzhin bsham// bdud lug nag po rten du bcas// dmigs pa'i rten du de bzhin te// rim pas bskor te de nyid dngos// ting 'dzin gsal ba'i khyad par las// gru gsum e yi dkyil 'khor bsam// yab yum dbus dang gdug pa shar// spyan drang byon dang bstim pa dang// lha la 'bul zhing shags kyis dbye// bskul bas las rnams byed par 'gyur// hUM gdug pa 'dul ba drag po'i sku// stod ni zhal gsum phyag drug la// smad ni zur gsum dbal dang ldan// gnag pa'i zhal la khro gnyer can// gdug pa 'dul ba phur pa bsnams// tho ba phur pa rang rtags can/ khams gsum gdar gcod phur pa bsnams// gdug pa bdud kyi 'khor rnams 'dul// bdud kyi sprul pa bsam mi khyab// gang yin sgrol pa'i las rnams mdzod// nag po gsum gyi khrag gis mchod// mchod pa'i dus su bsgral bar bya// bsnyen pa'i rtags rnams rab tu 'byung// sgra dang nag po'i 'od dag dang// 'tshub nag 'khyil pa'i me stag 'phro// dngos dang nyams su 'byung ba'o// bsnyen pa'i rtags rnams rab tu gces// lha dang dregs pa sgrol ba'i sngags// gang yin sha thang dbye bar bya// drag po nyid du de bzhin bya// smyo ba med par las rnams bya// mchod cing drag pos rab tu bskul// bdud rta nag po'i thod pa ru// sngags dang thun sngags rab tu bcas// gang yin rgyu dus dag tu bzlas// drag po thugs nyid las kyi mchog/ mang du 'byung zhing dngos su ston// gang yin bsgral ba las kyi mchog/ gdab dang las rnams rdzogs par bya// lam po che yi rgya gram mnan// bkra shis tshe yi las rnams bya// rdo rje phur pa chen po bshad pa'i rgyud las/drag po bsgral ba'i le'u ste nyi shu gnyis pa'o//// de nas bcom ldan 'das drag po bstab pa'i ting nge 'dzin la snyoms par zhugs te/ dur khrod shing rtsi chu mig can// klu shing sna dgu yod pa'i sar// sa yang ljang sngon de bzhin 'byung// maN+Dal mda' gang gru bzhi la// nag po bzhin du rim pas bri// ljang gu'i mu ran yang gcig bsnan// snying po mnan pa de bzhin bri// rnam pa gnyis kyi phur pa yang// cod pan gdags pa de bzhin bya// srung ba'i mtshams kyis rab tu bsrung// rnam pa gnyis su byin brlab bya// gnas gnyis nyid du de bzhin dgod// thun rdzas rnam gnyis de bzhin bsham// rus sbal thod par yang dag bya// chu lug sngo bkra rten du bcas// rus dang ming yang de bzhin bri// rim pa grangs su de bzhin bstan// ting 'dzin sgrol ba'i grangs dang sbyor// mthing nag gru gsum dkyil 'khor bsgom// lha gnyis rang rang gnas su bsgom// bzhengs dang spyan drang bstim mchod dang// bskul ba nyid du lha nyid gsal// hUM gdug pa 'dul ba drag po'i sku// stod ni zhal gsum phyag drug la// smad ni zur gsum dbal dang ldan// ljang ba'i zhal la phrin las rdzogs// gdug pa 'dul ba phur pa bsnams// rang rtags gang yin phur pa bsnams/ khams gsum gdar gcod phur pa bsnams// gdug pa btsan gyi 'khor rnams 'dul// btsan gyi sprul pa bsam mi khyab// gang yin bstab pa'i las rnams mdzod// gang yin snying khrag dag gi mchod// mchod pa'i dus su bstab pa bya// bsnyen pa'i rtags rnams 'byung ba yang// dmar ba'i 'od la 'tshub ma dmar// rta dang ra dang sha ba dang// glang bu la sogs dngos sam nyams// bsnyen pa'i rtags rnams rab tu gces// lha dang dregs pa stob pa'i sngags// de nyid bstan par go bar bya// drag po nyid du de bzhin bya// byin rlabs nus pa mang bas 'byung// bstod cing bskul ba'i las rnams bya// btsan rta dmar po'i thod pa ru// sngags bris thun rnams rab tu bsham// snying dang khrag tu bcas pa blugs// gang yin rgyu ba'i dus su sbyar// drag po nan tan thun la bya// de yis las nyid 'grub par 'gyur// dngos sam nyams sam mang ba dang// khol pa dag kyang rab tu bzang// bstab pa drag po las bya'i phyir// yang nas yang du de bzhin bya// rang dbang med de stob par 'gyur// gdab pa'i las nyid 'di lta ste// snying dang yan lag de bzhin gdab// mtshon dang dug dang brdung ba dang// bstab pa byas te sreg dang 'phang// tshe bstim bkra shis de ltar bya// ma lus rdzogs pa'i las kyi mchog/ bsnyen pa ye shes lha la 'bul// bsgrub pa dregs pa drug la 'bul// mchod pa'i dus su las drug 'byung// bri ba de bzhin dbyings su mthun// bsags pa'i rdzas drug rang rang ste// phur pa drug yang de bzhin du// thod pa drug yang rab tu bstan// rtags drug mi mthun rang rang ste// bstod pa gcig la bskul pa drug/lha sngags gcig la gcig par drug/ lha yi gcig la las sna drug/ thun yang de bzhin shes par bya/ rdo rje phur pa chen po bshad pa'i rgyud las/ drag po bstab pa zhes bya ba'i le'u ste nyi shu gsum pa'o//// de nas bcom ldan 'das drag sngags bstan pa'i ting nge 'dzin la snyoms par zhugs te// bstan pa gnyan por 'tshe byed dang// sgrol ba'i zhing du gyur pa la// drag po dregs pa'i man ngag bstan// dregs pa'i rgyal po bco lnga la// thod pa mtshan ldan sna gnyis su// snying khrag lnga yi gtor ma bya// yang na thod pa bco lnga ste// nag po lnga la dkar po lnga// dmar dang sngo dang zhur ba dang// ser ba kham pa sna lnga yang// de bzhin snying khrag gtor ma bya// yang na thod pa gcig tu bya// snying sna khrag sna mang du brdar// mtshan ma ngan pa'i thod pa la// med du mi rung snying po bri// gnyis su bcad pa'i dum bu la// lus kyi phyogs su bdud po bri// spyi bor gdug pa 'khor lo bri// drug dang brgyad du rab skor la// drag sngags drug la bri bar bya// brgyad la dregs pa'i snying po bri// mu khyud mu bran las sngags bri// de bzhin phyi mar rtsa sngags bri// rtsibs mchan rnams la ming byang bri// lus kyi phyogs su bdud pho bri/ kha gdangs mche ba gtsigs pa bri// bar du ming byang gzhug par bya// thod pa ngan pa'i mtshan ldan la// khrag sna mang du blugs byas la// thun du 'phang ba'i rdzas du bya// gru gsum khru gang brkos pa la// de rnams bcug ste kha bcad la// rdo rje rgya gram ldong ros kyis// g.yam pa dag la bri ba dang// mi mngon legs par gcad par bya// nyung dkar nyung nag ske tshe dang// dug dang snying sna'i phye ma la// skyes pa dar ma'i mchog phur dang// sa ser dngos po'i phye ma rnams// thun gyi rdzas su de bzhin gsham// rus pa brdung ba'i phye ma rnams// thun gyi rdzas su bzhag kyang rung// rus byang thob pa'i kha la bzhag/ ye shes lha yi skur bsgom la// gnas rnams bsrung zhing snying po bzlas// mdzes pa tsam du rab tu bzlas// dregs pa can gyis las bya'i phyir// pho mo sngags kyi bye brag las// na yar bsgyur bas gang bsgrub 'grub// mo la pho ru na yas bsgyur// mo yi bdud mo pho las 'byung// pho yi bdud mo de bzhin no// srog snying pho ru bsgyur ba 'di// pho la bco lnga spyi sngags dang// thun rdzas rnams la mang du bzlas// mchog gi phur pas yang dag gdab// bstan pa bsrung ba'i las kyang bcol// hU~M gdug pa 'dul ba dregs pa'i lha// dregs pa rngam pa'i ral pa can// mche ba gtsigs shing tshems brdar ba// sku la zhing lpags rlon pa gsol// ral pa bcings pa'i thor tshugs can// g.yas pas dgra snying sbar gyis 'debs// g.yon pa bdud kyi khram bam bsnams// rngam pa'i tshems brdar spu gri'i so// mche ba lcags kyi spu gri can// spu gri shad shad snying la shad// bstan pa gnyan por mi byed pa'i// nyams pa gang yin snying la shad// hU~M bdud kyi rgyal po ma rungs pa// mun pa nag po'i kha dog la// sku la dar nag ber mthing gsol// ral pa nag po spyi bcings can// lag na gcod pa'i s+t+wa re thogs// dgra s+t+wa sdang ba'i dgra la thob// mche ba dung gi spu gri gtams// spu gri shad shad snying la shad// dam nyams gang yin snying la ya// hU~M 'jigs par byed pa'i bdud pho ni// mon pa nag po rna cha can// sku la stag lpags g.yang gzhi gsol// ral pa nag po mun ltar gtibs// lag na 'brel pa'i zor ba bsnams// zor kha sdang ba'i dgra la ya// mche ba lcags kyi spu gri gtams// spu gri shad shad snying la shad// nyams pa gang yin snying la ya// hU~M sgrol byed bdud kyi bshan pa ni// mon pa nag po'i kha dog la// sku la zhing gi g.yang gzhi la// ral po nag po gyen la 'greng// lag na 'ching ba'i zhags pa thogs// dam nyams gang yin 'ching bar byed/ mche ba zangs kyi spu gri gtams// spu gri shad shad snying la bshad// nyams pa gang yin snying la ya// hU~M sha za khrag 'thung bdud kyi bu// mon pa nag po me tri can// sku la dred kyi pags pa la// ral pa kham pa ya leb can// lag na bsreg pa'i me dpung thogs// nyams pa gang yin sreg par byed// mche ba bse yi spu gri gtams// spu gri shad shad snying la bshad// nyams pa gang yin snying la ya// dregs pa bdud kyi rgyal po la// 'khor ni bdud nag stong gis bskor// zhing lpags rlon pa'i stod thul can// spyi bcings bdud kyi rigs rnams kyang// mche ba lcags kyi spu gri gtams// spu gri shad shad snying la shad// bstan pa 'jig pa'i nyams pa la// srog rtsa dmar po chod la shog khong khrag kha ru rngub par gyis// chos shig rang gi dmag dpung chos// phyor cig ru mtshon nag po phyor// thob cig bdud kyi khram la thob// 'thungs shig snying khrag dron mo 'thung// zo zhig nyams pa'i sha la zo// 'cho zhig nyams pa'i snying rus 'cho// hU~M bdud kyi dmag dpung chi li li// bdud kyi dmag sna da drongs shig/ dam nyams dgra bo gang yin pa/ khram la thob cig bdud kyi tshogs// hU~M ya bdud tshogs gyi gtso bo ni// shel gyi mi pho dkar po la// sku la bya rgod thul pa gsol// phyag na shel gyi 'gying 'khar thogs// nyi ma zla ba'i gdong pa can// gser gyi so brdar khrigs se khrig/mche ba gser gyi spu gri gtams// spu gri shad shad snying la shad// dam nyams kun gyi snying la shad// chibs su dung gi rta pho chibs// phum phum dmar po dar ltar 'phyar// dkar po kun gyi gtso bo ste// dkar po 'bum la mnga' mdzad cing// 'od dkar lam gyi bdag po ste// nyams pa 'di la rtags phyung zhig/ hU~M shar phyogs srid pa'i rgyal po ni// shel gyi 'od dkar lams se lam// sku la bse khrab smug po gsol// phyag na bse yi dung dmar bsnams// mche ba dung gi spu gri gtams// spu gri shad shad snying la shad// smyo 'bog lhog rgod dus la bab// hU~M lho phyogs srid pa'i rgyal po ste// lcags kyi 'od 'phro lams se lam// sku la lcags kyi tshem khrab gsol// phyag na lcags kyi srin mo rkang// mche ba lcags kyi spu gri gtams// spu gri shad shad snying la bshad// pho log nad kyi dus la bab// hU~M nub phyogs srid pa'i rgyal po ste// zangs kyi 'od 'phros lams se lam// sku la zangs kyi tshem khrab gsol// phyag na zangs kyi mdung dmar bsnams// mche ba zangs kyi spu gri gtams// spu gri shad shad snying la shad// gzer nad nad kyi thun phob cig/ hU~M byang phyogs srid pa'i rgyal po ste// bse yi 'od 'phro lams se lam// sku la bse yi tshem khrab gsol// phyag na bse yi mdung dmar bsnams// mche ba bse yi spu gri gtams// spu gri shad shad snying la shad// lhog rgal nad kyi thun phob cig/ srid pa'i mnga' bdag kun la dbang// skar chen dmar po rta ru zhon// srid pa'i rgyal po 'bum gyi bskor// khams gsum dbang sdud srog la dbang// srog bdag chen pos dmag sna drongs// dmag dpung ru mtshon dkar po phyor// dmag dpung bsdu ba'i dus la bab// srid pa'i rgyal pos dmag sna drongs// hU~M shar phyogs btsan gyi rgyal po ste// rta dkar shel mdog chibs su chibs// sku la dar dkar ral ga gsol// phyag na zhags pa dkar po bsnams// dri za'i dmag dpung 'bum gyis bskor// shar phyogs btsan gyi dmag sna drongs// pho log nad kyi thun phob cig/ hU~M lho phyogs srid pa'i yul rtse nas// srid pa btsan gyi rgyal po ste// sngon po 'ja' dgu chibs su chibs// sku la ber chen sngo bkra gsol// phyag na zhags pa sngon po thogs// gshin rje'i dmag dpung 'bum gyis bskor// lho phyogs btsan gyi dmag sna drongs// gzer nad nad kyi thun phob cig/ hU~M nub kyi srid pa'i yul rtse nas// srid pa'i btsan gyi rgyal po ste// dmar po zangs mdog chibs su chibs// le brgan dmar po'i char chen gsol// phyag na zhags pa dmar po thogs// klu bdud dmag dpung 'bum gyis bskor// nub phyogs btsan gyi dmag sna drongs// glang thabs nad kyi thun phob cig/hUM byang phyogs srid pa'i yul rtse nas// srid pa btsan gyi rgyal po de// ljang gu spun dmar chibs su chibs// na bza' ljang gu ber chen gsol// phyag na zhags pa ljang gu thogs// gnod sbyin dmag dpung 'bum gyis bskor// byang phyogs btsan gyi dmag sna drongs// lhog rgal nad kyi thun phob cig/ 'byung ba'i bdud bcom btsan chen yang// srog rtsa gcod cing sha la ya// snying rtsa gcod cing snying khrag 'thung// bkrag dang mdangs la dbang bsgyur ba'i// nad kha dbab pa'i dus la bab// bstan pa bsrung ba'i dus la bab// hUM stong gsum rnam dag dmag gi sna 'dren pa// dge bsnyen srung ma btsan gyi tshogs// dus kyi 'khrug pa slong byed cing// mtshon gyi bskal pa 'bebs byed pa// sku la za 'og ber chen gsol// phyag na shel gyi rdo rje bsnams// rol bas dbang bskur rang la dbang// chibs su seng ge dkar mo chibs// rol du stong gsum 'khor gyis bskor// rdo rje drag po dmag dpung 'joms// gang du rbad par dmag sna 'dren// bdud kyi dmag sna mun ltar 'dren// btsan gyi dmag sna me ltar 'phro// rgyal po'i dmag sna skar ltar 'khrug/ ba dan ru mtshon me ltar 'bar// ma bdud mang po mun ltar gtibs// sha za mang po khra ltar lding/ khrag 'thung mang po mcho ltar rlob// gang du rbad pa'i dmag sna 'dren// shar gyi phyogs su dmag 'dren na// ba dan dkar po rdzi la phyar// lho yi phyogs su dmag 'dren na// ba dan sngon po gnam ltar sngo// nub kyi phyogs su dmag 'dren na// ba dan dmar po me ltar 'bar// byang gi phyogs su dmag 'dren na// ba dan ljang gu chu ltar 'brub// ru mtshon phyor zhing dmag sna drongs// gang du bsam pa'i chibs bskyod la// bdud kyi mun pa char ltar phob// btsan gyi sha bdal khrag tu skyugs// rgyal po'i 'od zer skar ltar 'khrug/ de yang dge bsnyen gnyan gyi grogs// me ltar 'bar zhing dmag sna drongs// chu ltar 'brub cing dmag sna drongs// b+h+yo b+h+yo gang yin las la thun phob cig/thun gyi las nyid drag por sbyar// rgyu dus bzhi ru thun rnams brab// ming byang gsal bar gyur pa dang// me ru 'bar ba'i 'od du 'byung// thod pa lud dang phur pa 'phar// gtor ma me ru 'bar ba dang// bzhi po mngon du byung ba dang// drag sngags drag po'i thun gyis brab// phur pa gdab cing mtshon gyis gtub// thod pa 'phang zhing gtor ma gtang// gas dang 'gyel ba de bzhin 'byung// nad rnams de bzhin shes par bya// rdo rje phur pa chen po bshad pa'i rgyud las/ drag po dregs pa bsgrub pa'i le'u ste nyi shu bzhi pa'o//// de nas bcom ldan 'das dregs pa bsdus pa'i ting nge 'dzin la snyoms par zhugs te// dregs pa bsdus te gdug pa 'dul// mtshan ngan rdzas kyi nang du yang// gtor ma ming byang bcug byas nas// yi dam dam pa bsgom par bya// gcig la mtha' bzhi spel ba'i sngags// rang rang gang byed sngags su dbye// yang na sngags kyi bye brag las// dngos dang 'greng bu gi gu dang// na ro khyad par dbye bar bya// rdzas kyi de bzhin rim par dbye// thun yang de bzhin bstan par bya// rang rang thun la rang rang sngags// grangs dang rtags dang dus dag dang// gang yin las su rung bar bya// bskul zhing rbad pa de bzhin te// rang rang rdzas la brten par bya// phyogs su 'phang pa'i las nyid bya// de yis las rnams 'grub par 'gyur// gal te gnad du ma skyol na// nag po spyi dkar thod pa ru// de nyid snying dang khrag du bcas// mon pa nag po'i snying yang rung// de yi nang du ming byang gzhug/ re ba'i khug mar bcug kyang rung// gsal ba'i lha yi nga rgyal gyis// gang yin dmigs pa gsal ba las// dkar nag mtshams su drag sngags brdeg/ de yi rtags la las sngags bya// grangs su bstan pa'i las nyid de// srog med rdo yang 'gas par 'gyur// dkar po phrum dmar thod pa ru// snying sna lnga la de bzhin bya// ming dang rus yang bri bar bya// thun rdzas sna tshogs mang du bltar// gsal ba'i ting 'dzin dgongs pa yis// rang bsrung gnad la dbab par bya// thun rnams dus su brab par bya// rtags nyid myur du byung ba dang// gang yin de la thod pa brdeg/ de ni sa ru rtags byung na// bsam pa'i 'bras bu chud mi za// gang byas las la the tshom med// mon pa nag po'i thod pa ru// gang yin snying dang khrag blugs nas// thun rnams rab tu brab byas te// de nyid khol dang me ru 'bar// 'od dang mngon du 'bar ba 'byung// de byung gang yin yul du brdeg/de yi bstan pa bsrung bar 'gyur// sha ba dag gi thod pa ru// gla ba lug dang bya rnams kyi// snying dang khrag tu bcas pa blug/ dam rdzas kun kyang tshang gyur na// ya mtshan 'phrul gyi sngags 'bru la// rim pa sngags kyi bya bar shes// de yis don 'di 'grub par 'gyur// wa 'am spyang ki'i thod pa ru// rim gyis shi ba'i khrag blugs la// dug dang sbang mas brlan par bya// zangs kyi dug rnams yang dag bstan// sbyor ba sngags kyi na ya la// gnad la dbab pa rab brdeg la// nam gyi 'jing la thun yang brdeg/ rtags rnams 'byung bar gdon mi za/ khams gsum gdug pa sgrol ba'i las// gang du btab pa 'grub par byed// bdud dang srin po gnod sbyin yang// bsgrub pa'i 'bras bu thob par 'gyur// yang dag min te gdug pa 'dul// de yis drag po'i 'bras bur 'gyur// las kyi srin po gdug pa'i mthus// dam pa min te byin rlab 'byung// rtogs na yang dag nyid du 'gyur// des na rtogs pa rab tu gces// bden pa'i stobs la rab brten na// nges bzung bral bas gang yang rung// nges par 'dzin pas gang yang 'ching// 'ching med rab tu dgrol bar bya// de ni sangs rgyas lag bcangs yin// kun tu bzang po'i rol pa las// bdud dang srin po thams cad btul// rang rgyud ma yin rol par snang// rdo rje phur pa chen po bshad pa'i rgyud las/dregs pa bsdus te bsgrub pa'i le'u ste nyi shu lnga pa'o//// de nas bcom ldan 'das mkha' 'gro gdug byed ma sgrub pa'i ting nge 'dzin la snyoms par zhugs te/ bstan pa gnyan po bsrung ba'i phyir// gdug byed srin mo rab tu sgrub// de ni bstan pa bsrung ba'i phyir// ya mtshan can du gyur pas na// srid pa'i dbang chen rnam gsum yin// dur khrod chen po gsar rnying can// mang por spungs pa phung po can// gdug pa'i sems can mang po gnas// rngam pa'i sgra dang bcas pa'i gnas// dur khrod srung dang dbang byed dang// sha za khrag 'thung mche ba dmar// sha za mchu gug tshang yod dang// sa phyogs 'jigs pa'i gdug chen dang// de lta bu dang ldan pa ru// mkha' 'gro gdug byed rab tu bsgrub// maN+Dal mda' gang gru bzhi la// rak+ta rnam gsum chag chag gdab// dmar la 'od dang chas par bya// dam rdzas lnga la de bzhin bya// thig yang byin brlab rim pa ste// hUM las ye shes lnga bsams te// de nyid rigs kyi lha lngar byung// spyan drang mchod pa byas nas su// nam mkha' dag gi dkyil 'khor bsam// sa la rim pa ma nor gdab// tshon yang de bzhin rab tu brlab// gru gsum zla gam mu khyud dang// 'khor lo rtsibs bzhi gru chad 'bar// snam bu sgo dang bcas pa la// phyogs bzhir dur khrod chen po'i tshal// mi ro mang po spungs pa bri// mthing nag dmar dang dkar ba dang// gdan yang thod pa dmar por btang// 'khor lo phyogs dang mtshams su ser// mi ro'i steng du mtshan ma bkod// mu khyud nag cing thod pa dkar// gru chad ljang zhing snam bu ser// sgo ni rigs dang mthun pa dang// gzhi dmar thod pa dkar po btang// gzhi ser lhu dum dkar por btang// gzhi ljang rgyu zhags dkar por btang// rin chen sna lnga'i brtsig pa la// rin chen sna lnga'i phreng ba btang// lcags ri nag la me ri dmar// de bzhin ma nor rim pa bri// dbus su hUM dang gdan du bcas// phyogs bzhir rtsibs la ru bzhi dgod// mtshams bzhi rtsibs la dza bzhi dgod// sgo bzhir ya bzhir dgod par bya// gcan gzan sha dang snying du bcas// nag smug snying yang de bzhin te// thod pa mtshan ldan bzhi ru bsham// mi dbang 'bras bu sha khrag dang// mtshan ma tshol ba'i sha khrag dang// nag po'i snying dang sha khrag dang// mtshan ldan bzhi ru bsham par bya// mtsho chen bzhi dang sha khrag dang// snying sna bzhi dang sha sna bzhi// gru skyog bzhi ru yang dag bsham// dbyings su sha khrag mang bstar nas// dmar chen mtsho ltar bskyil ba bsham// snying sna re dang rtsang rer bcas// rang rang gdan steng dgod par bya// ting 'dzin chen pos byin rlabs nas// sngon du las rnams grub par bya// dpal gyi gtor ma dbus su gzhag/ phyi ma rang rang gnas su dgod// yang na sder bu bzhi ru bya// ling+ga dbul dang bstab pa dang// las rnams bstan pa'i gzhi yin pas// rim pa ma nor grangs kyis bya// dbus su dpal gyi sku bskyed nas// yid 'bru rnams la ma mo bskyed// spyan drang bstim dang mchod pa dang// phur pas gdab dang dbul bar bya// bskul pa'i snying po'i las rnams bya// bsnyen pa rkyang par dgra yis sdeb// bag tsam zur tsam nor mi bya// rkyang pa rim pa'i grangs gsum ste// gsum dang gnyis dang gcig tu sdeb// de yis gnad la dbab par 'gyur// rang gi thun la ma lus bzlas// thun phor bcu gnyis rang rang snod// yang na bzhi dang gsum kyang rung// yang na thams cad 'dus pa'i thun// bse phor kha sbyar nang du bya// thun gsum sgor sgor byed kyang rung// bstod cing bskul te las rnams bcol// 'byor pa'i rdzas la mchod pa 'bul// bskang ba drag po de dus bya// nyin dang mtshan du rab tu bskang// de bzhin las su rung ba dang// sgrub pa drag po las la 'dzud// snying po dril bas drag por 'gyur// snying po bzhi las yang dag gcig/ rbad pa nyid du de 'gro bas// de yi dus su thun la brab// gzugs la dus dus phur pa gdab// thun yang khol dang mang bar 'byung// 'od dang du ba sgra snyan dang// spyugs pa glu dang me ru 'byung// sgra dang tshub ma kha ba dang// sems can dngos dang gzugs su 'byung// lung ston nges pa'i gdeng dang ldan// rtags gnyis de ltar rab tu 'byung// de bzhin gtan la phebs pa dang// dbus kyi phur pa gdab bya zhing// mchog phur bcu gnyis gdab pa ste// rang rang dus sngags bcas pas gdab// thun yang de bzhin sngags kyis gdab// lhag lhog bsregs te thun la blug/thun 'phang gtor ma bkra shis las// yangs pa nyid du yang dag bstan// dpal gyi pho nya'i dus la bab// ya mtshan 'phrul gyi spyang mo ni// lcags kyi spyang mo mgo dgu ma/ kha dgu gdangs shing shangs dgu snom// spyan mig mtshal chu khol ma 'dra// snyan ni srid pa gsum na nyan// sgrol byed chibs kyi dus la bab// phyogs bzhir rgyug cing cho nges 'debs// zas su sems can 'bum za ma// rgyug byed chibs kyi dus la bab// nang yang sems can 'bum la za// nub kyang sems can 'bum za ma// rtag tu sha dang khrag la rngam// za byed chibs kyi dus la bab// le brgan dmar po'i ljags brkyangs pas// nyams pa'i snying 'byin zangs kyi lce// stong gsum dbang sgyur zangs kyi lce// smra byed chibs kyi dus la bab// bskyod pas rlung bas rab tu mgyogs// mnos shing bsam pas yud kyis phyin// stong gsum yud kyis sleb par mdzad// bsams slebs chibs kyi dus la bab// de 'dra'i lcags kyi spyang mo la// lcags kyi mi mo bzang mo zhon// shar gyi phyogs su rgyug pa'i tshe// dri za'i dmag dpung dbang du sdud// brgya byin 'khor bcas rdul du rlogs// sha rus za ba'i dus la bab// lho yi phyogs su rgyug pa'i tshe// gshin rje'i dmag dpung dbang du sdud// me mo 'khor bcas rdul du rlogs// bkrag mdangs drod dang da khrol cig/nub kyi phyogs su rgyug pa'i tshe// klu yi dmag dpung dbang du sdud// ya bdud 'khor bcas rdul du rlogs/ khrag 'thung bcud 'phrog dus la bab// byang gi phyogs su rgyug pa'i tshe// gnod sbyin dmag dpung dbang du sdud// nor srung 'khor bcas rdul du rlogs// dbugs 'phrog srog gcod dus la bab// steng gi phyogs su rgyug pa'i tshe// tshangs pa'i dmag dpung dbang du sdud// nyi zla 'khor bcas rdul du rlogs// rnam shes dbral ba'i dus la bab// 'og gi phyogs su rgyug pa'i tshe// sa bdag dmag dpung dbang du sdud// sa yi lha mo rdul du rlogs// sha rus dbral ba'i dus la bab// sha la za zhing da tshur byon/ khrag la 'thung zhing da tshur byon// rnam shes 'phrog la da tshur byon// bdud kyi spyang mo'i dus la bab// hUM dpal gyi pho nya chen mo ni// lcags kyi khyi mo rkang gsum ma// stong gsum kun la dbang sgyur zhing// srid pa gsum la mnga' mdzad ma// dbang byed chen mo'i dus la bab// srin mo 'bum la mnga' mdzad ma// gnod sbyin 'byung po thal bar rlogs// bdud 'dul khyi mo'i dus la bab// zas su sha gsum so brdar khrig/ skom du khrag 'thung mchil za khrung// lha rkang za ba'i so brdar khrigs// dug gsum rtsad gcod khyi mo'i dus la bab// de 'dra'i lcags kyi khyi mo la// lcags kyi mi mo bzang mo zhon// 'jigs pa'i gzugs la khro gnyer can// dpa' byed chen mo'i dus la bab// phyogs bzhi'i rgyal po dbang du sdud// rgyal phran mang po rdul du rlogs// sum cu rtsa gsum mnga' mdzad ma// dbang sdud chen mo'i dus la bab// dbu la g.yag mgo thod du bcings// rdzi rno srid gsum dbang du sdud// dran pa'i gzungs ma nyams par 'dzin// ngo mtshar thod kyi dus la bab// spyan nas me 'bar lams se lam// srid pa gsum po sreg par byed// nyams pa thabs kyis 'tshig par byed// sreg byed spyan gyi dus la bab// sna nas dud pa thu lu lu// ye shes lha la mchod pa 'bul// nyams pa gang yin 'thib par byed// bdud 'dul shangs kyi dus la bab// lag pa g.yas na phur pa bsnams// rdo rje phur pa'i srung ma ste// nyams pa gang yin sgrol bar byed// phur pa'i srung ma'i dus la bab// nyi ma'i zer la rgyug byed cing// zla ba'i zer la dbang du sdud// srid pa gsum po phung bar byed// rgyug byed wa mo'i dus la bab// rag sha srin po'i sha za zhing// srin mo'i don snying sbar gyis 'debs// phung po rjes shul med par za// srin po 'dul byed wa mo'i dus la bab// de 'dra'i zangs kyi wa mo la// zangs kyi mi mo bzang mo zhon// sku ni zangs gzhung 'dril ba 'dra// ngo mtshar can rnams dbang du sdud// ya mtshan che ba de 'drar snang// rdo rje sku yi dus la bab// sku la ber chen dmar nag gsol// dbang dang drag po'i tshad bzung nas// dbang du sdud cing sgrol bar byed// drag po bdud 'dul dus la bab// lag pa g.yas na phur pa bsnams// rdo rje phur pa'i srung ma ste// nyams pa gang yin sgrol bar byed// phur pa'i srung ma'i dus la bab// lag pa g.yon na lcags kyu bsnams// 'dzin pa mi 'chor dbang du sdud// gang yin nyams pa 'dzin par byed// 'dzin byed phyag gi dus la bab// zas su sha dang khrag la dga'// nyams pa'i sha khrag rgya mtsho la// lhag ma med par za byed cing// sha rus za ba'i dus la bab// zangs kyi wa mo'i dus la bab// hUM dpal gyi pho nya chen mo ni// zangs kyi wa mo rkang gsum ma// dur khrod kun tu rgyu byed cing// sha rus za zhing khrag la rngam// dus ma yin par gsod byed cing// sha rus za ba'i dus la bab// lag pa g.yon na rdo rje bsnams// ri rab kun kyang rtse nas bsnyil// rgya mtsho kun kyang gting nas skems// snyil byed phyag gi dus la bab// wa mo rgyug cing 'bral ba'i tshe// nyams pa gang yin dmigs la 'dzin// mi 'chor gang tu 'bros pa 'dzin// 'dzin byed chen po'i dus la bab// wa mo'i chibs kyi snga long la// nyams pa gang yin 'gel bar byed// so brdar mche gtsigs ro la rngam// rngam byed chen mo'i dus la bab// nyi ma zla ba dbang du sdud// thun dmar 'bebs shing las rnams sgrub// tsha grang gnyis kyi nad 'bebs shing// dbang sdud chen mo'i dus la bab// gang yin nyams pa sgrol ba'i tshe// the tshom med par dbang du sdud// nyam nga med par sgrol bar byed// sgrol byed chen mo'i dus la bab// dur khrod sha la rngams pa'i tshe// wa skad 'don cir dbang du sdud// khyod kyis mi sgrol gcig kyang med// rngam byed chen mo'i dus la bab// hUM dpal gyi pho nya chen po ni// gser gyi 'phar ba lce brgyad ni// shar gyi phyogs su lce brkyangs pas// rdo rje rtse gsum drag po'i lce// rdo rje rigs la dbang sgyur zhing// rdo rje drag po'i dus la bab// lho yi phyogs su lce brkyangs pas// rin chen rtse gsum yid bzhin lce// rin chen rigs la dbang sgyur zhing// bsam 'grub rin chen dus la bab// nub kyi phyogs su lce brkyangs pas// dbang phyug pad+ma 'dab brgyad lce// pad+ma rigs la dbang sgyur zhing// dbang sdud pad+ma'i dus la bab// byang gi phyogs su lce brkyangs pas// mthar phyin rdo rje rgya gram lce// las kyi rigs la dbang sgyur zhing// mthar phyin 'phrin las dus la bab// shar lho mtshams su lce brkyangs pas// sreg byed drag po me yi lce// me lha drang srong dbang sgyur cing// sreg byed me yi dus la bab// lho nub mtshams su lce brkyangs pas// gsod byed drag po ral gri'i lce// bden bral srin po dbang sgyur zhing// gsod byed ral gri'i dus la bab// nub byang mtshams su lce brkyangs pas// 'bigs byed drag po mdung gi lce// rlung lha phra ma dbang sgyur cing// 'bigs byed mdung gi dus la bab// byang shar mtshams su lce brkyangs pas// thogs med drag po mda' yi lce// dbang ldan bgegs la dbang sgyur cing// thogs med mda' yi dus la bab// gser gyi 'phar ba lce brgyad ma// gser gyi mi mo chen mo zhon// shar gyi phyogs su khus btab nas// dri za'i tshe la ngu zhing zug/ shar phyogs rgyal po dbang du sdud// brgya byin 'khor bcas rdul du rlogs// dpal gyi srung ma chen mo bzhi// dam la rub pa'i las mdzod cig/ stong gsum dbang du shwa na ma// dam nyams gang yin dbang du sdud// srid gsum mnga' mdzad shwa na ma// srid pa gsum gyi nyams pa sgrol// hUM shwa na las kyi bshan pa mo// yang sprul chen mo'i dus la bab// lcags kyi spyang mo mgo dgu ni// shin tu sprul cing 'gyed pa'i tshe// lcags kyi spyang mos stong gsum bkang// g.yas pa sgrol byed phur pa bsnams// nyams pa gang yin sgrol la shog/ g.yon na gri thogs bshan pa mo// dam nyams gang yin shos la shog/ hUM shwa na las kyi bshan pa mo// yang sprul chen mo'i dus la bab// zangs kyi wa mo rkang gsum ma// shin tu sprul cing 'gyed pa'i tshe// zangs kyi wa mos stong gsum bkang// g.yas pa sgrol byed phur pa bsnams// nyams pa gang yin sgrol la shog/ g.yon na gri thogs shan pa mo// dam nyams gang yin shos la shog/hUM shwa na las kyi bshan pa mo// yang sprul chen mo'i dus la bab// gser gyi 'phar ba lce brgyad ma// shin tu sprul cing 'gyed pa'i tshe// gser gyi 'phar bas stong gsum bkang// g.yas pa sgrol byed phur pa bsnams// nyams pa gang yin sgrol la shog/ g.yon na gri thogs bshan pa mo// dam nyams dgra bo shos la shog/ bshan pa chen mo'i dus la bab// stong gsum dam nyams dgra bgegs la// bshan pa chen mo'i dus la bab// hUM bdud kyi yum chen gshin rje'i lcam gcig ma// 'jig rten khams kyi bya ma rta// khams gsum nad kyi bdag mo ste// ma bdud chen mo'i dus la bab// chibs su dril rta rkang gsum chibs// gang du bsam par yud kyis phyin// mtshan mo gcig la khyab par nyul// mgyogs byed dre'u rta yi dus la bab// srin po'i ya mkhal snga ru byas// srin mo'i ma mkhal phyi ru byas// zhing chen g.yang gzhi stan du btab// gdug byed rgyan pa'i dre'u rta'i dus la bab// gong thag gong rmed sprul gyis brgyan// khal du nad kyi rkyal pa bkal// tshon gyi gru gu 'phong la bkal// nad kyi bdag mo'i dus la bab// mdun na shwa rde'u dkar nag 'grems// nag mo gang byung khrams par byed// nyams pa kun la shod nag khrams// 'bebs byed chen mo'i dus la bab// drel rta'i chibs kyi dpral ba na// me long rgya long ta la la// srid pa gsum car gsal bar 'char// gsal byed chen mo'i dus la bab// dpal ldan nag mo re ma ti// sku mdog nag mo ral pa can// rngam pa'i sgra yis stong gsum 'gengs// dpal gyi sku mnyes thugs dam dus la bab// zhal ni dmar la gdangs pa la// dus gsum ma lus dbang du sdud// mche ba dkar po skye shi rtsa ba gcod// zhal bgrad mche gtsigs rngam pa'i dus la bab// dur khrod chas brgyad sku la gsol ba yis// mi mthun gnyen po'i stobs la mnga' brnyes nas/ khams gsum gdug pa ma lus 'dul ba ste// dpa' gtum chen mo'i thugs dam dus la bab// g.yas na dug gi phur pa bsnams pa ni// srid pa gsum la gdar sha bcad nas kyang// gdug pa can rnams dbang du bsdus nas su// rdo rje phur pa'i thugs dam dus la bab// g.yon pa bdud kyi khram bam bsnams pa ni// zhing bcu rim gyis khram la btab nas kyang// bstan pa gnyen po bsrung zhing nyams pa sgrol// khram bdag chen mo'i thugs dam dus la bab// ral pa nag po me stag rab tu 'phro// stong gsum 'gul zhing nyams pa sreg par byed// rang dbang med par tsha ba'-i nad bdag mo// ral pas gdug pa 'dul ba'i dus la bab// khyod kyi srid pa'i lte ba la// lha dang lha min g.yul 'gyed pa'i// dmag dpung 'joms pa'i mthu mo che// dmag bdag chen mo'i dus la bab// ral pa'i cod pan re re la// byi ru dmar po'i rgyan bkod pa// srid pa dbang sdud rgyan cha ste// srid pa gsum la dbang sgyur zhing// dbang bdag chen mo'i dus la bab/khams gsum nad kyi bdag mo khyod// dam nyams dgra la nad ka phob// bcol ba'i phrin las grub par mdzod// hUM dpal ldan nag mo re ma ti// chibs su bya rgyal khyung la chibs/ khams gsum thogs pa med par khyab// khyung la mnga' mdzad myur ba'i dus la bab// khyung sder mang po gdengs pa yis// srid pa gsum yang sder mos bsdus// nyams pa'i snying phyung zhal du stob// sder mos dbang sdud dus la bab// g.yu ru gnam du ldem pa yis// srid pa'i rtse mo dbang du sdud// log pa'i chos can zil gyis gnon// srid gsum dbang sdud dus la bab// khyung sder sa la 'brad pas yang// gdug pa klu la dbang sgyur zhing// rgya mtsho kun kyang gting nas 'khrugs// klu bdud dbang sdud dus la bab// spyan mig zangs su dmar bas kyang// gdug byed chu srin dbang du sdud// ma rungs 'byung po zil gyis gnon// dbang du sdud pa'i dus la bab// mig sprin gser du byung ba ni// klu bdud dbang sdud rgyas pa'i phrin las mdzod// khyung gis gdug pa 'dul ba'i rtags// khyung rgyal rtsal rnams rgyas mdzad dus la bab// smin ma rdo rje byung ba yis// yak+sha gnod sbyin dbang du sdud mdzad cing// ma rungs 'byung po thal bar rlog mdzad pa'i// rdo rje chen po'i thugs dam dus la bab// nag mo khram thogs re ma ti// nag mos bdud 'dul srid pa sgrol// drag pos bgegs rigs 'joms mdzad pa// nag mo bdud 'dul dus la bab// khrag gi thig les sku la rab brgyan pas// ma bdud nag mo dbang du sdud pa dang// srid pa khrag gi rgya mtsho skem pa dang// chags pa dbang sdud phrin las dus la bab// phyag g.yas mchog gi phur pa 'dril ba dang// rdo rje phur bus nyams pa sgrol ba'i rtags// gdug pa can rnams thabs kyis bsgral nas kyang// rdo rje phur bu'i thugs dam dus la bab// g.yon pa 'dzin byed lcags kyu bsnams pa ni// rgyud drug gnas su 'dren pa dang// 'byung po mang po 'dzin par byed// 'dzin byed chen mo'i dus la bab// zhabs gnyis brkyang bskum tshul du bzhugs nas kyang// dregs pa can rnams thabs kyis 'dul ba'i rtags// gnod byed gdug pa zhabs kyis btsir bar 'gyur// gdug byed chen mo'i thugs dam dus la bab// zhal gdangs mche ba gtsigs pa yang// gdug pa zhal du gsol ba dang// mche ba dmar pos sgrol ba dang// gdug pa chen po'i zhal gyi dus la bab// thugs dam chen mo'i dus la bab// hUM dpal ldan nag mo re ma dza// chibs su sha ba yu mo chibs// sha ba'i chibs kyi snga long la// mi nad lang dgu'i rkyal pa bkal// stong khams nad kyis khengs byed cing// nad bdag chen mo'i dus la bab// sha ba'i chibs kyi phyi long la// tshon gyi gru gu sngo dmar bkal// tshon nad khrag du skyug byed cing// tshon bdag chen mo'i dus la bab// kha rlangs gnam du bstan pa yis// nam mkha'i sprin du khengs byed cing// nad do cog gi sna 'dren cing// nad bdag chen mo'i dus la bab// rmig bzhi sa la brdab pas kyang// klu bdud mang po dbang du sdud// klu bran 'bum yang dmyal thag gcod// klu bdud chen mo'i dus la bab// spyan mig bar snang gzigs pa yis// bar snang lha bran dbang du sdud// gdug byed mang po zil gyis gnon// gdug byed spyan gyi dus la bab// rna bas legs nyes shan thangs 'byed// gdug byed mang po dbang du sdud// legs nyes stangs 'dzin srid gsum sgrol// sgrol byed chen mo'i dus la bab// ba spu chu gris gtams pa yang// bdud dang srin po'i 'khor rnams 'dul// nyi ma'i zer bzhin srid par gsal// gnod sbyin mtshon gyi dus la bab// dpal ldan nag mo re ma dza// sku la zhing lpags rlon pa'i g.yang gzhi gsol// gdug pa rtsad gcod srin mo'i chas// gdug byed chas kyi dus la bab// dbu skra thor tshugs bcings pa yang// srid pa'i rtse mo zil gyis gnon// lha srin sde brgyad dbang du sdud// gdug byed dbu skra'i dus la bab// spyan mig stong gsum gzigs pa yang// legs nyes gnyis kyi stangs 'dzin cing// nyams pa sgrol ba'i dus la bab// mche ba dmar po gtsigs pa yis// nyon mongs skye shi rtsa ba gcod// sha za tshems brdar khrigs se khrig/ rtsad gcod tshems kyi dus la bab// phyag ma g.yas na seng gdeng phur pa bsnams// spyan mig gdug pas sems can bsgral ba dang// phur pa'i srung ma thug dam can// gdug pa 'dul ba'i dus la bab// phyag ma g.yon na khram bam bsnams// stong gsum khram la 'debs pa'i rtags// gdug byed chen mo khram gyi bdag/ nyams pa khram la gdab pa'i dus la bab// zhabs kyis gdug pa pho mo gnon/ khams gsum dbang sdud gdug pa'i zhabs// 'chi bdag bdud kyang gnon par byed// gnon byed zhabs kyi dus la bab// sprul pa rlung nag 'tshub par byed// gang du bsams par yud kyis phyin// legs nyes gnyis kyi stangs 'dzin cing// stangs 'dzin chen po'i dus la bab// sprul pa chu rlung 'gyed byed cing// gdug byed me ltar 'bar ba gsod// 'chi bdag bdud kyang gsod par nus// gsod byed chen mo'i dus la bab// rlung ltar 'tshub cing da tshur byon// me ltar 'bar zhing da tshur byon// chu ltar 'brub cing da tshur byon// 'byung ba'i bdag mo'i dus la bab// hUM dpal ldan nag mo re ma dzu// chibs su chu glang sngon po chibs// rmig bzhi thur du bstan pa yang// nyon mongs gdug pa gnon byed cing// gdug pa rlung yang gnon par byed// 'dul byed zhabs kyi dus la bab// dung du gnam du sleb pa yang// nyi ma zla ba dbang du sdud// bar snang 'byung po zil gyis gnon// dbang sdud chen mo'i dus la bab/kha rlangs gnam du 'byung ba yang// nyi ma zla ba'i 'od mnan nas// smug zil sngon po'i kha dog can/ kha rlangs nag po'i dus la bab// gzhug ma lan gsum g.yab pa yang// ma bdud nag mo'i dpung bsdus nas// nad do cog gi sna 'dren cing// nad bdag chen mo'i dus la bab// spu rtsa dngul du byung ba ni/ khams gsum 'khrug byed sdug bsngal sel// yang dag lam du bstan pa'i don// ngan song 'joms par byed pa'i dus la bab// spu rtse lcags su byung ba ni// gdug pa can rnams 'joms byed cing// ci la'ang thogs med gdug pa sgrol// gdug byed mtshon rtse'i dus la bab// dpal ldan nag mo re ma dzu// sku mdog nag mo 'jigs pa la// drag po sgrol byed dbang du sdud// rak+sha gdug byed dus la bab// zhal bgrad mche ba gtsigs pa yis// khro mo 'bar ba'i cha lugs las// gdug byed gang yin chems chems gsol/khro bdag chen mo'i dus la bab// spyan mig zangs su byung ba ni// srid pa gsum yang dbang du sdud// rak+sha srin po phung bar byed// gang du bltas pa me ru 'bar// gdug pa can gyi dus la bab// ral pas stong khams bkang ba yis// srid gsum dbang du sdud nas kyang// 'jig pa med pa drag por ston// dbang sdud dbu skra'i dus la bab// sku la me dpung 'bar ba yis// stong khams thams cad sreg byed cing// stong khams 'od kyis gsal bar byed// sku la me 'bar dus la bab// phyag g.yas lcags kyi phur pa bsnams// sgrol byed chen mo'i dus la bab// dam nyams dgra bo sgrol bar byed// srid pa'i gdar sha gcod pa'i rtags// nyams pa sgrol byed dus la bab// g.yon pa 'dzin pa'i lcags kyu bsnams// gang du 'bros par dbang med par// gzung zhing rab tu 'chor mi srid// 'dzin byed chen mo'i dus la bab// zhabs kyis gdug pa'i klu rnams gnon// gnon pa'i stabs kyi gar byed cing// rab tu mchong zhing 'jigs pa'i 'gros// gdug byed zhabs kyi dus la bab// ngo mtshar chas kyis rab brgyan nas// stong gsum sprul pa nag mos 'gengs// gcig tu ma bab stong khams sgrol// ngo mtshar lha yi dus la bab// hUM nag mo stong gi dkyil 'khor nas// rab tu sprul cing bkye ba'i tshe// gang du rbad pa'i sa phyogs su// thogs pa med de me ltar 'bar// shar phyogs dri za'i mnga' bdag mo// nag mo chen mo ral pa can// chibs su rlung nag 'tshubs ma chibs// gang du bsams par yud kyis phyin// mthing nag skra la lcags kyi so// mche ba lcags kyi spu gri gtams// spu gri shad shad snying la shad// nyams pa gang yin snying la shad// g.yas na gri thogs bshan pa mo// dam nyams bsha' ba'i dus la bab// g.yon na khrag 'thor rngam pa mo// gang yin ro la rngams shing spyon// rkang pa mchong stabs gdug pas brkyang// g.yas pa bsha' na s+t+wa re'i zhabs// dam nyams dgra bo shos la shog/ g.yon na gcod byed khyo ba'i zhabs// dam nyams gang yin snying rtsa brog/bskul zhing rbad de rab tu bskul// bcol pa'i las rnams grub par mdzod// lho phyogs gshin rje'i mnga' bdag mo// ser nag chen mo ral pa can// chibs su gsod byed spyang ki chibs// gang du bsams par yud kyis phyin// ser nag skra la lcags kyi so// mche ba lcags kyi spu gri gtams// spu gri shad shad snying la shad// nyams pa gang yin snying la ya// g.yas na gri thogs bshan pa mo// nyams pa bsha' ba'i dus la bab// g.yon na me 'bud sreg pa mo// nyams pa gang yin sreg par byed// rkang pa mchong stabs rngams pas brkyang// g.yas pa dgra s+t+wa bshan pa'i zhabs// nyams pa gang yin shos la shog/ g.yon pa gcod byed 'khor lo'i zhabs// nyams pa gang yin snying rtsa chod// bskul zhing rbad de rab tu bskul// bcol ba'i las rnams grub par mdzod// hUM nub phyogs klu yi mnga' bdag mo// dmar nag chen mo ral pa can// chibs su stag mo grus ma chibs// gang du bsams par yud kyi phyin// dmar nag skra la zangs kyi so// mche ba zangs kyi spu gri gtams// spu gri shad shad snying la shad// nyams pa gang yin snying la shad// g.yas na gri thogs bshan pa mo// dam nyams bsha' ba'i dus la bab// g.yon na chu 'thor char 'bebs ma// shwa dang ser ba 'bebs byed ma// rkang pa mchong stabs gdug pa rkyong// g.yas pa bshan pa mdung gi zhabs// dam nyams dgra bo shos la shog/ g.yon pa gcod byed spu gri'i zhabs// nyams pa gang yin snying rtsa gcod// bskul zhing rbad de rab tu myur// bcol pa'i las rnams grub par mdzod// byang phyog gnod sbyin bshan pa mo// ljang nag chen mo'i ral pa can// chibs su chu srin rgyal po chibs// gang du bsams par yud kyis phyin// ljang nag skra la dung gi so// mche ba dung gi spu gri gtams// spu gri shad shad snying la shad// nyams pa gang yin snying la ya// g.yas na gri thogs bshan pa mo// nyams pa bsha' ba'i dus la bab// g.yon na s+t+wa thogs 'gems pa mo// nyams pa 'gems pa'i dus la bab// rkang pa mchong stabs rngams pas kyang// g.yas pa gzhom byed s+t+we'u'i zhabs// nyams pa gang yin snying rtsa gzhogs// g.yon pa gcod byed ral gri'i zhags// nyams pa gang yin snying rtsa gcod// bskul cing rbad de rab tu myur// bcol ba'i las rnams grub par mdzod// bshan pa chen po bzhi rnams kyang// rab tu rbad cing bskul ba'i tshe// gang du 'gro ba'i sa phyogs su// bang ni rlung gis bskyod du med// gzugs ni cir yang sprul pa'o// nyams pa bsha' ba'i dus byung na// gri thogs bshan pas rab tu sgrol// dam nyams bsha' ba'i dus la bab// snying rtsa breg pa'i dus la bab// hUM bdud yul nag po'i btsan brag na// 'chi bdag bdud kyi bu mo ni// chibs su bdud rta nag po bcibs// bdud rta nag po zhags pas brgyan// phyogs bcur 'phen cing bdud rta rgyug/nyams pa bcing ba'i dus la bab// sbrul nag stong gis rab tu brgyan// gdug pa gdol ba'i klu rnams 'dul// drag po sgrol cing dbang du sdud// bdud 'dul sbrul nag dus la bab// bdud bya nag po lding ba bzhin// 'chi bdag bdud du bab pa'i bya// bdud bya nag po grib so 'dra// bdud 'dul bya nag dus la bab// mthing nag dar gyi stan bstad pas// srid pa'i bgegs rigs stan du bting// bdud 'dul stan gyi dus la bab// bdud sga nag po bstad pa yang// bdud po nag po'i ya mgal dang// bdud mo nag mo'i ma mgal la// bdud 'dul sga nag dus la bab// snga long nad kyi rkyal ba bkal bas kyang// srid pa gsum gyi nad 'bebs shing// bskal pa stong du nad 'bebs shing// nad bdag chen mo'i dus la bab// phyi long tshon gyi gru gu bkal nas kyang// nyams pa tshon nad khrag du skyug/stong gsum tshon gyi nad gtong ba// tshon nad gtong ba'i dus la bab// gser dang g.yu yi gong rmed kyi// rin chen char ltar 'bebs pa dang// tshon gyi rgyal po'i char phab nas// tshon bdag chen mo'i dus la bab// gser khrab sil gyis bkrab pas kyang// rin chen gser 'bab lci pa dang// rin thang gser du gcig pa dang// gser bdag chen mo'i dus la bab// ya byin bdud kyi bu mo yang// sku la mthing nag ber chen gsol// mthing nag bdud kyis 'gran zla med// bdud 'dul chen mo'i dus la bab// sku mdog nag mor bzhugs pas kyang// phrin las drag pos bdud btul nas// gdug pa bdud pas rab tu che// bdud 'dul chen mo'i dus la bab// mthing nag ral pas brgyan pas kyang// 'jig rten mun par 'gyur ba dang// klu bdud bstan gyi dus la bab// klu sga sngon po bstad pa yang// klu bdud khol po'i ya mkhal dang// klu sga sngo bkra'i dus la bab// snga long nad kyi rkyal pa sngo bkra bkal bas kyang// srid pa gsum du nad 'bebs shing// bskal pa stong gi nad gtang ba'o// nad bdag chen mo'i dus la bab// phyi long tshon gyi gru gu bkal ba yang// nyams pa tshon nas khrag tu skyug/ stong gsum tshon gyi nad gtong ma// tshon nad gtong ba'i dus la bab// zangs dang lcags kyi gong rmed kyi// rin chen char ltar 'bebs pa dang// tshon gyi rgyal po'i char phab nas// tshon bdag chen mo'i dus la bab// zangs srab dmar po srabs pas kyang// thams cad dbang du sdud nas kyang// snang srid bltas sdud zangs kyi srab// dbang sgyur chen mo'i dus la bab// phag byin klu yi bu mo yang// sku la ljang nag ber chen gsol// ljang nag klu yis 'gran zla med// klu bdud chen mo'i dus la bab// sku mdog ljang khur bzhugs pa yang// phrin las mtha' ru dbyung ba dang// gdug pa 'dul bas rab tu che// klu bdud chen mo'i dus la bab// ljang nag ral pas brgyan pa yang// 'jig rten las ngan gcod pa dang// klu yi rigs rnams zil gyis gnon// klu bdud chen mo'i dus la bab// gser gyi rna cha 'byung ba yang// snyan pa gser bas lhag pa'i rtags// drag po'i sgrub bdag snyems pa'i rtags// drag po klu 'dul dus la bab// ba spu lcags kyu 'dzings pa yang// nyams pa gang yin 'dzin par byed// rab tu 'byung bas 'chor mi srid// 'dzin pa klu 'dul dus la bab// dar nag cod pan 'phur bas kyang// chos kyi rgyal mtshan 'dzug pa dang// klu 'dul sngon mo'i dus la bab// 'phur byed klu 'dul dus la bab// ljang nag ral pas brgyan pa yang// klu bdud 'khor bcas zil gyis gnon// 'jig rten khams rnams spa bkong phyir// klu 'dul ral pa'i dus la bab// phyag g.yas phur pa bsnams pa yang// gang yin snying la phur pa 'debs// rdo rje phur pa'i srung ma ste// phur srung klu 'dul dus la bab// g.yon pa lcags kyu bsnams pa yang// nyams pa gang yin 'gugs par byed// lcags kyus zung la phur pas thob/ 'dzin byed chen mo'i dus la bab// hUM 'jig rten dbang sdud bshan pa mo// bdud kyi bud med nag mo la// lus la mthing nag ber chen gsol// mthing nag ral pa sha ra ra// ral pa re la phur pa re// phur pa'i lan phran khra la la/ kha rlangs nad gtong thu lu lu// bud med nag mos stong khams khengs// snying rje med par sgrol bar byed// g.yas kyi gri thogs bshan pa mo// nyams pa bsha' ba'i dus la bab// g.yon na mi snying nang khrol thogs// mi snying mgo nas gcod cing za// mche ba lcags kyi spu gri gtams// spu gri shad shad snying la shad// dam nyams kun gyi snying la shad// bshan pa chen mo'i dus la bab// hUM 'jig rte dbang sdud shan pa mo// gza' yi bud med ser mo la// lus la ser nag ber chen gsol// ser nag ral pa sha ra ra// ral pa re la phur pa re// phur bu'i lan phran khra la la/ kha rlangs nad gtong thu lu lu// bud med ser mos stong khams khengs// snying rje med par sgrol bar byed// g.yas na gri thogs bshan pa mo// nyams pa bsha' ba'i dus la bab// g.yon na mi snying nang khrol thogs// mi snying mgo nas gcod cing za// mche ba gser gyi spu gri gtams// spu gri shad shad snying la shad// nyams pa kun gyi snying la shad// bshan pa chen mo'i dus la bab// 'jig rten dbang sdud shan pa mo// btsan gyi bud med dmar mo la// lus la dmar nag ber chen gsol// dmar nag ral pa sha ra ra// ral pa re la phur pa re// phur pa'i lan phran khra la la// kha rlangs nad gtong thu lu lu// bud med dmar mos stong khams khengs// snying rje med par sgrol bar byed// g.yas pa gri thogs bshan pa mo// nyams pa bsha' ba'i dus la bab// g.yon pa mi snying nang rol thogs// mi snying mgo nas gcod cing za// mche ba zangs kyi spu gri gtams// spu gri shad shad snying la shad// nyams pa kun gyi snying la shad// bshan pa chen mo'i dus la bab// hUM 'jig rten dbang sdud bshan pa mo// klu yi bud med nag mo la// lus la ber chen ljang nag gsol// ljang nag ral pa sha ra ra// ral pa re la phur pa re// phur pa'i lan phran khra la la// kha rlangs nad gtong thu lu lu// bud med sngon mos stong khams khengs// snying rje med par sgrol bar byed// g.yas na gri thogs bshan pa mo// nyams pa bsha' ba'i dus la bab// g.yon pa mi snying nang rol thogs// mi snying mgo nas gcod cing za// mche ba g.yu yi spu gri gtams// spu gri shad shad snying la shad// nyams pa kun gyi snying la shad// bshan pa chen mo'i dus la bab// hUM srog gcod bshan pa lag ring ni// sku la zhing lpags rlon pa gsol// ral pa nag pos rab tu brgyan// me stag 'bar ba'i cha ga can// skye na gser gyi dril bu btags// phyag g.yas bdud kyi zhags pa bsnams// nyams pa bcing ba'i dus la bab// g.yon na bdud kyi gri nag bsnams// nyams pa gang yin srog rtsa gcod// dam nyams snying la sa ma ya// bdud kyi khram bam rgyab na bsnams// gang la rbad pa khram la 'debs// lcags kyi so brdar khrigs se khrig/ mche ba zangs kyi spu gri gtams// spu gri shad shad snying la shad// nyams pa kun gyi snying la shad// gri ni mon gri chi li li// spyug pa glu len kyu ru ru// bdud ky-i bshan pas dmag dpung sdus// bdud kyi bshan pa'i stong khams khengs// g.yas na s+t+wa thogs chems se chem// dam nyams mgo lus tshal bar khos// g.yon na gri thogs bshan pa'i rigs// nyams pa'i lhu dang dum bur phrol// glo snying nang rol kha ru rdzong// nyams pa'i nang khrol kha ru rdzong/kha nas me 'bar lams se lam// sna nas dud pa thu lu lu// bshan pa khyed kyi dus la bab// srog zan khyed kyi dus la bab// hUM srog gcod bshan pa lag rings ni// 'byung po ser po sna yon po// sku la shing gos gro ga gsol// ral pa ser pos rab tu brgyan// me stag 'bar ba'i cha ga can// skye na dbang gi dril bu btags// phyag g.yas zhags pa ser po bsnams// nyams pa bcing ba'i dus la bab// g.yon na 'byung po'i ral gri bsnams// nyams pa gang yin srog rtsa gcod// nyams pa'i snying la sa ma ya// 'byung po'i khram bam phyag na bsnams// gang la rbad pa khram la 'debs// zangs kyi so brdar khrig se khrig/mche ba zangs kyi spu gri gtams// spu gri shad shad snying la shad// dam nyams kun gyi snying la shad// gri ni mon gri chi li li// spyug pa glu len kyu ru ru// 'byung po bshan pa'i dmag dpung sdus// 'byung po bshan pas stong khams khengs// g.yas na s+t+wa thogs chems se chem// dam nyams mgo lus tshal bar khos// g.yon gyi gri thogs shan pa'i rigs// nyams pa'i lhu dang dum bu phrol// glo snying nang khrol kha ru rdzong/ kha nas me 'bar lams se lam// sna nas dud pa thu lu lu// bshan pa khyed kyi dus la bab// hUM srog gcod bshan pa lag ring ni// sku mdog rab dmar ber chen gsol// ral pa dmar pos rab tu brgyan// me stag 'bar ba'i cha ga can// skye na g.yu yi dril bu btags// phyag g.yas zhags pa dmar po thogs// nyams pa bcing ba'i dus la bab// g.yon na sku mchog phur pa bsnams// nyams pa'i snying la sa ma ya// sku mchog khram bam rgyab na thogs// dung gi so brdar khrigs se khrig/ mche ba dung gi spu gri gtams// spu gri shad shad snying la shad// dam nyams kun gyi snying la shad// gri ni mon gri chi li li// spyug pa glu chen kyu ru ru// sku mdog dmar po dbang du sdud// sku mchog bshan pas stong khams khengs// bdud kyi rigs rnams dbang sdud nas// bdud 'dul chen mo'i dus la bab// gser gyi rna char byung ba yang// snyan pa gser las lhag pa'i rtags// rgyas pa sgrub thabs snyems pa'i rtags// rgyas pa bdud 'dul dus la bab// ba spu lcags kyu bcings pa yang// nyams pa gang yin 'dzin pa dang// rab tu gzung nas 'chor mi srid// 'dzin byed bdud 'dul dus la bab// dar nag cod pan 'phur bas kyang// chos kyi rgyal mtshan 'dzug pa dang// ma bdud mang po'i dpung bsdus nas// 'phur byed bdud 'dul dus la bab// mthing nag ral pas brgyan pa yang// bdud dpung zil gyis gnon pa dang// 'jig rten khams kun spa bkong phyir// bdud 'dul sngags pa'i dus la bab// phyag g.yas phur pa bsnams pa yang// rdo rje phur pa'i srung ma ste// gang yin snying la phur pa 'debs// phur srung bdud 'dul dus la bab// g.yon pa lcags kyu bsnams pa yang// nyams pa gang yin 'gugs par byed// lcags kyus zung la phur bus thob// 'dzin byed chen mo'i dus la bab// hUM gza' yul zla 'od rlung steng nas// 'chi bdag gza' yi bu mo ste// chibs su gza' rta 'ur pa chibs// gza' rta 'ur pa zhags pas brgyan// phyogs bcur 'dren cing gza' rta rgyug/ nyams pa bcing ba'i dus la bab// ser khra sbrul gyis rab tu brgyan// gdug pa dmangs rigs klu rnams 'dul// rgyas par sgrol cing dbang du sdud// gza' 'dul ser khra'i dus la bab// gza' bya nag po lding pa yang// gza' bdud bdud du bab pa'i bya// gza' bya khra bo gser ltar 'bar// gza' 'dul bya khra'i dus la bab// ser nag dar gyi stan bstad nas// srid pa'i bgegs rigs stan du bting// ki kang dmar po stan du bting// gza' 'dul stan gyi dus la bab// gza' sga ser po bstad pas kyang// gza' bdud khra bo'i ya mkhal la// gza' bdud mo yi ma mkhal can// gza' sga ser bkra'i dus la bab// snga long nad kyi rkyal ba ser bkra bkal ba dang// srid pa gsum gyi nad 'bebs shing// bskal pa stong tu nad 'bebs pa'i// nad bdag chen mo'i dus la bab// phyi long tshon gyi gru gu bkal bas kyang// nyams pa tshon nad khrag tu skyug/ stong gsum tshon gyis nad gtong ma// tshon nad gtong ba'i dus la bab// zangs dang lcags kyi gang rmed can// rin chen char ltar 'bebs pa dang// tshon gyi rgyal po'i char phab nas// tshon bdag chen mo'i dus la bab// g.yu srab sngon po srabs pas kyang// rin chen g.yu bas che ba'i phyir// rin thang g.yu ru gcig pa dang// g.yu srab bdag mo'i dus la bab// de phyin gza' yi bu mo yang// sku la ser nag ber nag gsol// ser nag gza' yi 'gran zla ste// gza' bdud chen mo'i dus la bab// sku mdog ser mor bzhugs pa yang// phrin las rgyas pas thams cad 'dul// gdug pa 'dul bas rab tu che// gza' bdud chen mo'i dus la bab// ser nag ral pas brgyan pa yang// 'jig rten gnas la 'bebs pa dang// gza' yi rigs rnams dbang bsdus nas// gza' bdud chen mo'i dus la bab// gser gyi rna char byung ba yang// snyan pa gser bas lhag pa'i rtags// rgyas pa'i sgrub bdag snyems pa'i rtags// rgyas pa gza' 'dul dus la bab// ba spu lcags kyu 'dzings pa yang// nyams pa gang yin 'dzin par byed// rab tu bzung bas 'chor mi srid// 'dzin byed gza' 'dul dus la bab// dar nag cod pan 'phur bas kyang// chos kyi rgyal mtshan 'dzug pa dang// gza' bdud mang po'i dpung bsdus nas// 'phung byed gza' 'dul dus la bab// ser nag ral pas brgyan pas kyang// gza' 'dul king ka zil gyis gnon pa yang// 'jig rten khams rnams spa bkong phyir// gza' bdud ral pa'i dus la bab// phyag g.yas phur pa bsnams pa yang// rdo rje phur pa'i srung ma ste// gang yin snying la phur pa 'debs// phur srung gza' 'dul dus la bab// g.yon pas lcags kyu bsnams pa yang// nyams pa gang yin 'gugs par byed// lcags kyus zung la phur pas thob// 'dzin byed chen mo'i dus la bab// hUM btsan yul khrom mkhar bzhi steng na// 'chi bdag btsan gyi bu mo ste// chibs su btsan rta dmar po chibs// btsan rta dmar po zhags pas brgyan// phyogs bcur 'phen cing btsan rta rgyug/ nyams pa bcing ba'i dus la bab// dmar khra sbrul gyis rab tu brgyan// gdug pa rje'u rigs klu rnams 'dul// dbang du sdud cing sgrol bar byed// btsan 'dul dmar khra'i dus la bab// btsan bya dmar po lding ba yang// btsan bdud bdud du bab pa'i bya// btsan bya dmar po khrag ltar lud// btsan 'dul bya dmar dus la bab// dmar nag dar gyi stan bstad pas// srid pa'i bgegs rigs stan du bting// dge bsnyen dmar po stan du bting// btsan 'dul stan gyi dus la bab// btsan sga dmar po bstad pa yang// btsan 'dul dmar po'i ya mgal dang// btsan 'dul dmar po'i ma mgal dang// btsan sga dmar bkra'i dus la bab// snga long nad kyi rkyal ba dmar khra bkal ba yang// srid pa gsum gyi nad 'bebs shing// bskal pa stong du nad 'bebs pa// nad bdag chen mo'i dus la bab// phyi long tshon gyi gru gu bkal ba yang// nyams pa tshon nad khrag tu skyug/ stong gsum mtshon gyi nad gtong ma// tshon nad gtong ba'i dus la bab// g.yu dang gser gyi gang rmed can// rin chen char ltar 'bebs pa dang// tshon gyi rgyal mo'i char phab nas// tshon bdag chen mo'i dus la bab// gser khrab ser pos brgyan pas kyang// thams cad rin chen rgyan bstar nas// snang srid gser du dbang sgyur rtags// dbang sgyur chen mo'i dus la bab// bse byin btsan gyi bu mo yang// sku la dmar nag ber chen gsol// dmar nag btsan gyi 'gran zla ste// btsan 'dul chen mo'i dus la bab// sku mdog dmar mor bzhugs pa yang// thams cad dbang du bsdu ba dang// gdug pa 'dul ba rab tu che// btsan 'dul chen mo'i dus la bab// dmar nag ral pas brgyan pa yang// 'jig rten dbang du sdud pa dang// btsan gyi rigs rnams zil gyis gnon// btsan 'dul chen mo'i dus la bab// gser gyi snyan cha byung ba yang// snyan pa gser bas lhag pa'i rtags// rgyas pa'i sgrub rtags bsnyen pa'i rtags// rgyas pa btsan 'dul dus la bab// ba spu lcags kyu 'dzin pa yang// nyams pa gang yin 'dzings par byed// rab tu bzung bas 'chor mi srid// 'dzin byed btsan 'dul dus la bab// dar nag cod pan 'phur pas kyang// chos kyi rgyal mtshan 'dzug pa dang// btsan 'dul dmar po'i dpung bsdus nas// 'phur byed btsan 'dul dus la bab// dmar nag ral pas brgyan pa yang// dge bsnyen 'khor bcas zil gyis gnon pa dang// 'jig rten khams rnams spa bkong phyir// btsan 'dul ral pa'i dus la bab// phyag g.yas phur pa bsnams pa yang// gang yin snying la phur pa 'debs// phur srung btsan 'dul dus la bab// g.yon pa lcags kyu bsnams pa yang// nyams pa gang yin 'gugs par byed// lcags kyus zung la phur bus thob// 'dzin byed chen mo'i dus la bab// hUM pho brang klu 'dul gdug pa 'dul// 'chi bdag klu yi bu mo ni// chibs su klu rta ljang sngon chibs// klu rta sngon po sbrul gyis brgyan// phyogs bcur 'phen cing klu rta rgyug/ nyams pa bcing ba'i dus la bab// sngo khra sbrul gyis rab tu brgyan// gdug pa rgyal rigs klu rnams 'dul// phrin las mthar phyin nyes pa med// klu 'dul sngo bkra'i dus la bab// klu bya sngon po lding bas kyang// klu bdud bdud du bab pa'i bya// klu bya ljang sngon chu ltar 'brub// klu bya sngo bkra'i dus la bab// ljang sngon dar gyi stan bstad pas// srid pa'i bgegs rigs gdan du bting// klu srin sngon po gdan du bting// g.yas pa s+t+wa thogs chems se chem// dam nyams mgo lus tshal par khos// g.yon pa gri thogs bshan pa'i rigs// nyams pa'i lhu dang dum bur phrol// glo snying nang rol kha ru rdzog/ kha nas me 'bar lams se lam// sna nas dud pa thu lu lu// bshan pa khyed kyi dus la bab// srog zan khyed kyi dus la bab// sku mchog rab tu mi bsgrubs kyang// rngam pa chen po'i sku bskyod cing// ha hos stong khams nga ros 'gengs// bdud dpung rab tu 'jigs par byed// ya mtshan can gyi lha mchog kyang// che bas 'gran pa'i zla dang bral// mi snying nang rol 'di gsol la// gang yin snying rtsa chod la shog/ bcol pa'i phrin las grub par mdzod// rdo rje phur pa chen po bshad pa'i rgyud las/ gdug byed ma mo sgrub pa'i le'u ste nyi shu rtsa drug pa'o//// de nas bcom ldan 'das mtshon byed yi ge'i ting nge 'dzin la snyoms par zhugs so// yi ge mtshon byed rang bzhin te// med las cir yang snang ba ste// thams cad mtshon byed rang bzhin te// gang du bstan pa mtshon par byed// yod par bstan dang med par byed// yod med gnyis dang rab tu mtshon// lha dang mkha' 'gro dregs pa can// las rnams thams cad 'grub par byed/ ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya wa ra la/ sha Sha sa ha/ a A/ i I/ u U/ e ai/ o au/ r-i r-I/ l-i l-I/ yi ge'i rang bzhin kun kyang ston// dngos med mtshon pa'i rang bzhin las// lnga tshan bzhi dang bzhi tshan gnyis// na sa bsdus pa'i yi ge drug/ sil ma bcu gnyis nges par 'byung// 'thor ba'i yi ge rnam pa bzhi// sil ma na ya drug tu 'gyur// bsdus pa nyid las bzhi bcur 'gyur// yi ge dwa po dwa mo la// bcu pa yi ni stod nas sdebs// bzhi pa yi ni lnga pa dang// na ya 'byung pas yang dag sbyar// bzhi pa yi ni gsum pa dang// gnyis pa yi ni de nyid dang// lnga pa yi ni gsum pa'o// dang po yi ni de nyid dang// bdun pa yi ni de bzhin no// bcu gcig pa yi gnyis pa la// bdun pa'i na yang de bzhin no// dang po yi ni de nyid la// bdun po de nyid na ya'o// gnyis pa yi ni de nyid dang// lnga pa yi ni gsum pa'o// dang po yi ni de nyid dang// bdun pa'i na ya de bzhin no// bcu gcig pa yi gnyis pa la// bdun pa'i na ya de bzhin no// dang po yi ni de nyid la// bdun pa'i de nyid na ya'o// bcu gcig pa yi gnyis pa dang// lnga pa yi ni 'dod ma'o// yi ge dwa po dang po dang// gnyis pa yi ni de nyid dang// bdun pa yi ni na yar bcas// gsum pa yi ni dang po la// dgu pa yi ni na yar sdebs// yi ge dwa po dang mo la// bzhi pa yi ni dwa mo'o// lnga pa yi ni gsum pa'o// gnyis pa yi ni de nyid dang// bdun pa yi ni na yar bcas// gsum pa yi ni de nyid yin// gsum pa yi ni dang po la// dgu pa yi ni na yar sbyar// drug pa yi ni ma tha la// brgyad pa yi ni na yar sbyar// dang po yi ni tha ma dang// rim pa grangs dang de bzhin sbyar// bzhi pa yi ni tha ma rnam gnyis la// bzhi pa yi ni dang mo la// drug pa yi ni dang po la// bdun pa'i na yang de bzhin sbyar// dang po yi ni de nyid dang// brgyad pa'i de nyid de bzhin sbyar// lnga pa yi ni gsum pa dang// brgyad pa yi ni na yar sbyar// bzhi pa yi ni tha ma dang// drug pa yi ni gsum pa dang// gsum pa yi ni tha ma dang// bzhi pa yi ni dang mo la// lnga pa yi ni gsum par sbyar// lnga pa yi ni gsum pa la// gsum pa yi ni dang por sbyar// gsum pa yi ni tha ma la// bdun pa yi ni na yar sbyar// drug pa yi ni tha ma dang// brgyad pa yi ni na yar sbyar// rim pa'i na ya de bzhin sbyar// bzhi pa yi ni gsum pa dang// gsum pa yi ni dang po sbyar// drug pa yi ni gsum pa dang// lnga pa yi ni gsum pa la// bzhi pa yi ni gsum par sbyar// bzhi pa yi ni gsum pa la// bdun pa yi ni na yar sbyar// dang po yi ni gsum pa gzhag/ gsum pa'i tha ma gnyis po dang// bzhi pa yi ni gsum pa la// de nyid kyi ni tha mar gzhag/drug pa yi ni tha ma la// brgyad pa yi ni na yar sbyar// bcu pa yi ni de bzhin du// bzhi pa yi ni tha mar gzhag/ rim par sbyar ba de bzhin bya// bzhi pa yi ni gnyis pa dang// gsum pa yi ni dang por gzhag/ye shes lha la mkha' 'gro ni// yang dag nyid du de bzhin bsgrub// yang na pho mo rnam gnyis te// rab tu sbyor phyir 'di ltar bya// drug pa yi ni dang po la// bdun pa yi ni na yar sbyar// dang po yi ni de nyid dang// lnga pa yi ni gsum pa dang// dang po yi ni tha mar sbyar// dang po yi ni de nyid dang// lnga pa yi ni gsum par sbyar// dang po yi ni de nyid la// dang po yi ni tha mar sbyar// dang po yi ni de nyid dang// lnga pa yi ni gsum par sbyar// gnyis pa yi ni tha ma la// dgu pa yi ni na yar sbyar// lnga pa yi ni dang mo la// dgu pa yi ni na yar sbyar// de nyid dngos su byas kyang rung// drug pa yi ni tha ma la// brgyad pa yi ni na yar sbyar// dang mo yi ni dang mo dang// rim ma'i na ya yang dag sbyar// bzhi pa yi ni gnyis pa dang// gsum pa yi ni dang po sbyar// pho mo gnyis su sgyur pas na// las sngags rtsa sngags mtshams su sbrel// gcig dang bzhi dang drug rnams la// rim pas pho drug bsgrubs kyang rung// dmar mo las su rung bya'i phyir// rkyang pa dag tu gnad la dbab// de yis ngo mtshar rtags rnams 'byung// dngos su bstan pa de bzhin bya// gnyis pa yi ni gsum pa dang// lnga pa yi ni dang po la// dgu pa yi ni na yar sbyar// bzhi pa yi ni gsum pa dang// bdun pa yi ni na yar sbyar// gnyis pa yi ni gsum pa dang// lnga pa yi ni dang po la// dgu pa yi ni na yar sbyar// bzhi pa yi ni tha ma dang// gsum pa yi ni dang po la// bzhi pa yi ni tha ma sbyang// gnyis pa yi ni tha ma dang// dang po yi ni de nyid dang// lnga pa yi ni gsum pa dang// yi ge dwa po dwa mo la// bdun pa yi ni na yar sbyar// gsum ga'i tha ma rnam gnyis yin// lha sngags las sngags rnam gnyis dang// dregs pa pho mo'i drag sngags nyid// gong du ston pa de bzhin sbyar// shwa na'i las rnams bsgrub bya'i phyir// rkyang pa dag tu bstan pa yis// ngo mtshar rtags rnams 'byung bar 'gyur// dang po yi ni de nyid dang// gsum pa yi ni dang po la// dang po yi ni tha mar sbyar// dang po yi ni de nyid dang// gsum pa yi ni dang po la// dgu pa yi ni na yar sbyar// lnga pa yi ni dang mo la// dgu pa yi ni na yar sbyar// bzhi pa yi ni tha ma dang// gsum pa yi ni de nyid sbyar// gsum pa yi ni dang mo la// bdun pa yi ni na yar sbyar// bzhi pa'i tha ma rnam gnyis dang// dang po yi ni de nyid la// lnga pa yi ni gsum par sbyar// bzhi pa yi ni tha ma'o// lha sngags las sngags rnam gnyis dang// dregs pa po bdun drag sngags gsum// gong du bstan pa de bzhin te// ma nor rim par sbrel bar bya// nag mos las rnams bsgrub bya'i phyir// rkyang ma gnad la dbab pa ste// de yis ngo mtshar rtags rnams 'byung// mkha' 'gro rnam gsum sngags dag ni// rkyang pas rab tu bsnyen pa'o// rdo rje phur pa chen po bshad pa'i rgyud las/ mkha' 'gro ma rkyang pa nye bar bsnyen pa'i sngags btu ba'i le'u ste nyi shu rtsa bdun pa'o//// de nas bcom ldan 'das dregs pa pho mo'i sngags thams cad gcig tu dril ba'i ting nge 'dzin la snyoms par zhugs te// yi ge dwa po dwa mo la// bcu pa yi ni na yar sbyar// bzhi pa yi ni tha mar sbyar// rim par sbyar ba de bzhin no// bzhi pa yi ni gsum pa dang// gnyis pa yi ni gsum pa dang// lnga pa yi ni gsum pa sbyar// dang po yi ni de nyid dang// bdun pa yi ni na yar sbyar// lnga pa yi ni tha ma dang// lnga pa yi ni dang po'o// gnyis pa yi ni dang po la// bdun pa yi ni na ya dang// gsum pa yi ni tha mar sbyar// gsum pa yi ni de nyid dang// gnyis pa yi ni dang po la// bdun pa yi ni na ya dang// gsum pa yi ni na yar sbyar// gsum pa yi ni dang mo la// drug pa yi ni tha ma dang// brgyad pa yi ni na ya dang// bzhi pa yi ni tha mar sbyar// rim par sbyar ba de nyid do// bzhi pa yi ni gnyis pa dang// gsum pa yi ni dang mor sbyar// bzhi pa yi ni dang mo la// lnga pa yi ni gsum pa dang// bzhi pa yi ni dang mo la// bdun pa yi ni na yar sbyar// gsum pa yi ni de nyid sbyar// gsum pa yi ni dang mo la// gsum pa yi ni tha mar sbyar// yi ge drug pa'i tha ma la// brgyad pa yi ni na ya dang// dang po yi ni tha ma sbyar// bzhi pa yi ni gnyis pa la// gsum pa yi ni dang por sbyar// yi ge dwa po dwa mo la// gnyis pa yi ni dang mo la// bdun pa yi ni na ya dang// gsum pa yi ni de nyid sbyar// gsum pa yi ni dang po la// dgu pa yi ni na yar sbyar// yi ge dwa po dwa mo la// bzhi pa yi ni dang mo dang// lnga pa yi ni gsum pa dang// gnyis pa yi ni dang po la// bdun pa yi ni na ya dang// gsum pa yi ni de nyid sbyar// gsum pa yi ni dang mo la// dgu pa yi ni na yar sbyar// lnga pa yi ni dang po'o// gnyis pa yi ni gsum pa dang// lnga pa yi ni dang po la// dgu pa yi ni na yar sbyar// bzhi pa yi ni gsum pa la// bdun pa yi ni na yar sbyar// gnyis pa yi ni gsum pa dang// lnga pa yi ni dang po la// dgu pa yi ni na yar sbyar// lnga pa yi ni dang po'o// dang po yi ni de nyid dang// gsum pa yi ni dang po la// dang po yi ni tha mar sbyar// dang po yi ni de nyid dang// gsum pa yi ni de nyid la// dgu pa yi ni na yar btags// lnga pa yi ni dang po la// dgu pa yi ni na yar sbyang// lnga pa yi ni dang po'o// drug pa yi ni tha mar sbyar// brgyad pa yi ni na ya dang// dang po yi ni na yar sbyar// bzhi pa'i tha ma rnam gnyis dang// bzhi pa yi ni dang mo dang// drug pa yi ni dang mo la// bdun pa yi ni na yar sbyar// dang po yi ni de nyid dang// brgyad pa yi ni na yar sbyar// lnga pa yi ni gsum pa la// brgyad pa yi ni na yar sbyar// bzhi pa yi ni tha ma la// gsum pa yi ni dang po la// bzhi pa yi ni tha mar sbyar// gnyis pa yi ni tha ma dang// dang po yi ni de nyid dang// lnga pa yi ni gsum pa dang// yi ge dwa po dwa mo yang// bdun pa yi ni na yar sbyar// gsum pa'i tha ma rnam gnyis pa'o// bzhi pa yi ni tha ma dang// gsum pa yi ni de nyid sbyar// bzhi pa yi ni tha ma rnam gnyis dang// dang po yi ge de nyid la// lnga pa yi ni gsum par sbyar// bzhi pa yi ni tha ma'o// drug pa yi ni dang po la// bdun pa yi ni na yar sbyar// dang po yi ni de nyid la// lnga pa yi ni gsum pa dang// dang po yi ni tha mar sbyar// dang po yi ni de nyid la// dang po yi ni tha ma sbyar// dang po yi ni de nyid la// lnga pa yi ni gsum par sbyar// gnyis pa yi ni tha ma la// dgu pa yi ni na yar sbyar// lnga pa yi ni dang po la// dgu pa yi ni na yar sbyar// drug pa yi ni tha ma la// brgyad pa yi ni dang mo la// bzhi pa yi ni na yar sbyar// bzhi pa yi ni gnyis pa dang// gsum pa yi ni dang por sbyar// drug pa yi ni tha ma dang// drug pa yi ni gsum pa dang// lnga pa yi ni gsum pa dang// gsum pa yi ni tha ma dang// drug pa yi ni tha ma dang// gsum pa yi ni dang po dang// gsum pa yi ni tha ma dang// yi ge dwa po dwa mo la// bcu pa yi ni na ya dang// dang po yi ni tha ma sbyar// bzhi pa yi ni gnyis pa dang// gsum pa yi ni dang por sbyar// bzhi pa yi ni tha mar sbyar// lnga pa yi ni gsum pa dang// drug pa yi ni gsum pa dang// gsum pa yi ni tha ma dang// bzhi pa yi ni dang po la// lnga pa yi ni gsum pa sbyar// bzhi pa yi ni tha ma la// lnga pa yi ni gsum par sbyar// lnga pa yi ni gsum pa la// gsum pa yi ni dang po sbyor// gsum pa yi ni tha ma la// bdun pa yi ni na yar sbyar// yi ge drug pa'i tha ma la// brgyad pa yi ni na ya dang// dang po yi ni tha mar sbyar// bzhi pa yi ni gnyis pa dang// gsum pa yi ni tha mar sbyar// drug pa yi ni gsum pa dang// lnga pa yi ni gsum pa la// bzhi pa yi ni gsum par sbyar// bdun pa yi ni na yar sbyar// gsum pa'i tha ma rnam gnyis dang// bzhi pa yi ni gsum pa la// dang po yin ni tha mar sbyar// drug pa yi ni tha ma la// brgyad pa yi ni na ya dang// dang po yi ni tha mar sbyar// bzhi pa yi ni gnyis pa la// gsum pa yi ni dang por sbyar// de bzhin drug po'i sngags 'di dag/ ye shes lnga yi sngags dag dang// 'gugs byed ma mo'i sngags dag dang// sgrol byed ging gi sngags dag dang// 'chi bdag bdud dang rnam pa bzhi// gcig tu dril ba'i drag sngags yin// pho drug rim pas yang dag sbyar// yang na dregs pa gcig la gtad// de yis ngo mtshar rtags rnams ston// ngo mtshar can du gyur pa dang// de yis bya ba'i las rnams 'grub// gong du bstan pa'i las nyid la// ngo mtshar rtags rnams ma byung na// 'di yang de bzhin 'byung mi 'gyur// de phyir gong du bstan pa'i rjes// gong du bstan pa'i sngags nyid la// 'gugs dang gsod dang pha rol sgrol// na ya 'bu yi bye brag bstan// de nyid rab tu bsgrub sngags la// dregs pa can drug rim par sbyar// rdo rje phur pa chen po bshad pa'i rgyud las/ dregs pa can drag sngags bzhi'i snying po ste nyi shu rtsa brgyad pa'o//// de nas bcom ldan 'das sku gsung thugs rab tu bye ba'i ting nge 'dzin la snyoms par zhugs te/yi ge dwa po dwa mo dang// gnyis pa yi ni dang po la// bdun pa yi ni na ya dang// gsum pa yi ni de nyid sbyar// gsum pa yi ni dang po la// dgu pa yi ni na yar sbyar// drag po sku yi sngags su bshad// yi ge dwa po dwa mo dang// bzhi pa yi ni gsum pa dang// gnyis pa yi ni dang po la// bdun pa yi ni na yar sbyar// gsum pa yi ni dang po dang// dgu pa yi ni na yar sbyar// drag po gsung gi sngags su bshad// drug pa yi ni tha ma la// brgyad pa yi ni na ya dang// dang po yi ni tha mar sbyar// bzhi pa tha ma rnam gnyis so// drag po thugs kyi sngags su bshad// bzhi pa yi ni dang po dang// drug pa yi ni dang po la// bdun pa yi ni na yar sbyar// dang po yi ni de nyid dang// brgyad pa yi ni na yar sbyar// lnga pa yi ni gsum pa la// brgyad pa yi ni na yar sbyar// drag po yon tan sngags su bshad// gzhi pa yi ni tha ma la// lnga pa yi ni gsum pa dang// gsum pa yi ni tha ma dang// bzhi pa yi ni dang mo la// lnga pa yi ni gsum par sbyar// lnga pa yi ni gsum pa la// gsum pa yi ni dang por sbyar// gsum pa yi ni tha ma la// bdun pa yi ni na yar sbyar// drug pa yi ni tha ma la// bdun pa yi ni na yar sbyar// drug pa yi ni tha ma la// brgyad pa yi ni na ya dang// dang po yi ni tha mar sbyar// bzhi pa yi ni gnyis pa dang// gsum pa yi ni dang por sbyar// drag po'i phrin las sngags yin te// 'gugs byed bse mo'i sngags su bshad// gnyis pa yi ni gsum pa dang// lnga pa yi ni dang po'o// dgu pa yi ni na yar sbyar// drag po thugs kyi sngags su bshad// bzhi pa yi ni gsum pa dang// bdun pa yi ni na yar sbyar// gnyis pa yi ni gsum pa dang// lnga pa yi ni dang po la// dgu pa yi ni na yar sbyar// drag po gsung gi sngags su bshad// bzhi pa yi ni tha ma dang// gsum pa yi ni dang po la// bzhi pa'i yang ni tha mar sbyar// gnyis pa yi ni tha ma'o// drag po sku yi sngags su bshad// dang po yi ni de nyid dang// lnga pa yi ni gsum pa'o// drag po yon tan sngags su bshad// yi ge dwa po dwa mo la// bdun pa yi ni na yar sbyar// gsum pa'i tha ma rnam gnyis so// drag po phrin las sngags su bshad// shwa na las kyi drag sngags 'di// sku gsung thugs dang rab ldan pa'o// dang po yi ni de nyid dang// gsum pa yi ni dang mo la// dang po yi ni tha mar sbyar// drag po gsung gi sngags su bshad// dang po yi ni de nyid dang// gsum pa yi ni dang po la// dgu pa yi ni na yar sbyar// lnga pa yi ni dang po la// dgu pa yi ni na yar sbyar// drag po sku yi sngags su bshad// bzhi pa yi ni tha ma la// gsum pa yi ni de nyid sbyar// gsum pa yi ni dang po la// bdun pa yi ni na yar sbyar// drag po thugs kyi sngags su bshad// bzhi pa yi ni rnam gnyis ni// drag po yon tan sngags su bshad// dang po yi ni de nyid la// lnga pa yi ni gsum par sbyar// bzhi pa yi ni tha ma'o// drag po'i phrin las sngags su bshad// sku gsung thugs kyi snying po 'di// don gyis bstan pas go bar bya// spyi ru 'di ltar bstan pa ste// ye shes lha yi sngags nyid ni// thams cad kun gyi sku ru bshad// rang rang rtsa ba'i snying po 'di// thams cad kun gyi thugs su bshad// rang rang snying po 'bru re ni// thams cad kun gyi gsung du bshad// rang rang phyi skor snying po ni// thams cad kun gyi yon tan bshad// dam can bse mo'i las sngags ni// thams cad phrin las sngags su bshad// de ni dril ba'i snying po yin// tha ma yi ni gsum pa la// brgyad pa yi ni na yar sbyar// lnga pa yi ni gsum pa la// brgyad pa yi ni na yar sbyar// de nyid de bzhin byas pa dang// bzhi pa yi ni gsum pa la// gnyis pa yi ni gsum pa la// lnga pa yi ni gsum par sbyar// shwa na las kyi thun du bshad// bzhi pa'i tha ma rnam gnyis la// brgyad pa yi ni na yar sbyar// lnga pa yi ni gsum pa la// brgyad pa yi ni na yar sbyar// de nyid rim par yang dag 'byung// bzhi pa yi ni gsum pa dang// gnyis pa yi ni gsum pa la// lnga pa yi ni gsum pa sbyar// nag po las kyi thun du bshad// rang rang rtsa bzhi snying po dang// thun dang drag sngags drag po la// bse mo'i las sngags rab tu sbrel// rim pa grangs su bstan pa ni// rnam pa gnyis kyi thun sngags dang// bse mo drag mo'i las sngags dang// ye shes lha dang rnam pa bzhi// bzlas sngags thun sngags kun kyang bya// rang rang snying po phyogs su sdebs// ye shes lha dang rnam gnyis la// gang yang bsgrub pa'i rang sngags bya// rang rang sngags la thun du bya// snying po drag sngags 'di dag ni// the tshom yid gnyis med pa ru// yang dag nyid du bsgrub par bya// rdo rje phur pa chen po bshad pa'i rgyud las/ sku gsung thugs yon tan phrin las kyi yi ge btu ba'i le'u ste rtsa dgu pa'o//// de nas bcom ldan 'das dregs pa can gyi srog snying btu ba'i ting nge 'dzin la snyoms par zhugs te/ gsum pa yi ni dang po dang// gsum pa yi ni gnyis pa dang// lnga pa yi ni dang po dang// de bzhin yang gcig 'byung ba dang// drug pa yi ni tha ma la// brgyad pa yi ni na ya dang// dang po yi ni tha mar sbyar// bzhi pa yi ni gnyis pa la// gsum pa yi ni dang por sbyar// shi bkram gong du bstan pa dang// drug pa yi ni tha ma dang// de nyid kyi ni gsum pa dang// lnga pa yi ni gsum pa dang// gsum pa yi ni tha ma dang// drug pa yi ni tha ma dang// gsum pa yi ni dang po dang// gsum pa yi ni tha ma dang// drug pa yi ni tha ma dang// brgyad pa yi ni na ya dang// dang po yi ni tha mar sbyar// bzhi pa yi ni gnyis pa dang// gsum pa yi ni dang por sbyar// ye shes lha la sbrel mi dgos// de nyid gong gi las rnams 'grub// dregs pa can rnams 'grub par 'gyur// rkyang pa gsum du bsgrubs kyang rung// rang rang rdzas la brten par bya// nyam nga med par sgrub 'dod la// ye shes lha yi sngags nyid las// de nyid gsum gyi sngags sbrel la// bse mo nyid kyang las sngags gdags// de nyid nyam nga med par bsgrub// rang rang rdzas la brten pa'o// drag po drug gi sngags nyid ni// btu mi dgos te rang rang gsal// lha dang dregs pa ma mo gsum// gcig tu bsdus nas nyam nga med// drug tu bsgrubs kyang de bzhin nam// rang rang sngags dang rdzas bcas pas// the tshom som nyi med par 'grub// de yis don nyid 'grub par 'gyur// rdo rje phur pa chen po yis// bka' dang dam la btags pa yis// mkha' 'gro sgo sgor bsgrub pa ni// gong du rkyang par bstan pa'o// khro bcu lha tshogs rang sngags tshang// mang nyung bsnan dang dbri ru med// 'khrugs shing sdeb tu med par bshad// yi ge dwa po dwa mo la// bcu pa yi ni na ya dang// bzhi pa yi ni tha mar sbyar// ye shes lha dang mnyam sbyor nas// yi ge lha ru 'gyur ba yin// lnga pa yi ni tha ma la// dang po yi ni tha mar sbyar// shes rab thabs kyi sngags su bshad// drug pa yi ni tha ma la// brgyad pa yi ni na ya dang// dang po yi ni tha mar sbyar// lnga pa yi ni tha ma la// dang po yi ni tha mar sbyar// shes rab yum gyi sngags su bshad// drug pa yi ni tha ma dang// gsum pa yi ni dang po la// bzhi pa yi ni tha ma sbyar// bzhi pa yi ni gsum pa dang// bzhi pa yi ni tha ma rnam gnyis so// thabs dang shes rab gnyis med pa'i// yab yum 'dzoms pa'i sngags su bshad// bzhi pa yi ni tha ma dang// drug pa yi ni tha ma'o// mtshon pa yi ni sngags su bshad// bzhi pa yi ni tha ma dang// dang po yi ni gsum par sbyar// lnga pa yi ni dang po'o// mtshon byed rus kyi sngags su bshad// bzhi pa yi ni gsum pa ni// dang po yi ni gsum pa dang// bzhi pa yi ni gsum pa dang// gsum pa yi ni tha mar sbyar// pha rol phyin pa bcom ldan 'das// bde bar gshegs pa'i sngags su bshad// drug pa yi ni dang po la// bdun pa yi ni na yar sbyar// dang po yi ni de nyid dang// bdun pa yi ni na ya dang// lnga pa yi ni gsum par sbyar// thabs kyi rang bzhin bcings pa'i sngags// yab las byin rlabs 'byung bar bshad// bzhi pa yi ni gsum pa dang// bdun pa yi ni na yar sbyar// dang po yi ni de nyid dang// bdun pa yi ni na ya dang// lnga pa yi ni gsum par sbyar// shes rab rang bzhin bcings pas na// yum las byin gyis brlabs par bshad// bzhi pa yi ni gsum pa dang// gnyis pa yi ni gsum pa la// lnga pa yi ni gsum par sbyar// thams cad rdo rje khro bor 'gyur// rdo rje rigs las 'byung bar bshad// drug pa yi ni tha ma la// brgyad pa yi ni na ya dang// dang po yi ni tha mar sbyar// dang po yi ni de nyid dang// lnga pa yi ni gsum pa dang// drug pa yi ni tha ma dang// brgyad pa yi ni na ya dang// dang po yi ni tha mar sbyar// yang gcig de bzhin 'byung bar 'gyur// bzhi pa yi ni gnyis pa la// gsum pa yi ni dang por sbyar// yang gcig de bzhin 'byung ba 'gyur// khro bo thams cad 'dus pa ste// drag pos dbang du bsdu ba dang// sgrol ba'i las nyid byed par 'gyur// yi ge dwa po dwa mo la// bcu pa yi ni na ya dang// bzhi pa yi ni tha mar sbyar// ye shes lnga yi ngo bor 'gyur// thams cad rtsa ba'i sngags su bshad// bzhi pa yi ni gsum pa dang// gnyis pa yi ni gsum pa la// lnga pa yi ni gsum par sbyar// rdo rje khro bor 'byung bar 'gyur// yi ge dwa po dwa mo la// bcu pa yi ni na ya dang// drag po nyid du bstan par bshad// dang po yi ni de nyid la// bdun pa yi ni na yar sbyar// lnga pa yi ni tha ma la// bdun pa yi ni na yar sbyar// thugs rje sprul pa rab tu 'byung// gong gi byin rlabs yin par bshad// dang po yi ni de nyid la// bdun pa yi ni na yar sbyar// lnga pa yi ni tha ma'o// srid pa gsum char phur pa ste// thams cad khro bos gang bar bshad// drug pa yi ni dang po ste// dregs pa thams cad snying po ste// 'jig par byed pa'i las su bshad// gnyis pa yi ni gsum pa dang// drug pa yi ni tha ma la// brgyad pa yi ni na ya la// dang po yi ni tha mar sbyar// drug pa yi ni tha ma la// bcu pa yi ni tha ma la// bcu pa yi ni na yar sbyar// thams cad rdo rje lcags kyu bsnams// de bzhin 'ching byed zhags pa dang// sdom par byed pa'i lcags sgrog dang// rdeg par byed pa'i dril bu yis// dbang med rab tu sdom par byed// las kyi phyag rgya bzhi ru bshad// drug pa yi ni gsum pa dang// lnga pa yi ni gsum pa la// bzhi pa yi ni gsum par sbyar// bzhi pa yi ni gsum pa la// bdun pa yi ni na ya dang// dang po yi ni gsum par sbyar// gsum pa yi ni tha ma rnam gnyis so// lha yi las sngags drag po ste// dregs pa can gyi sngags su bshad// bzhi pa yi ni gsum pa la// gnyis pa yi ni gsum pa la// lnga pa yi ni gsum pa sbyar bar bya// nyid las mi g.yo thugs kyi sras// sras kyi dam pa rdo rje'i sku// rnam pa drug tu 'byung ba'i rtags// dang po yi ni de nyid la// bdun pa yi ni na yar sbyar// lnga pa yi ni tha ma la// lnga pa yi ni dang po'o// thugs las sprul pa'i sras mchog ste// nyid las mi gzhan 'byung ba'i rtags// dregs pa 'dul ba'i lha ru bshad// drug pa yi ni tha ma ya// brgyad pa yi ni na ya dang// dang po yi ni tha mar sbyar// yang gcig de bzhin 'byung bar 'gyur// bzhi pa yi ni gnyis pa la// gsum pa yi ni dang por sbyar// yang gcig de bzhin 'byung bar 'gyur// drag po'i lha ni rab tu khros// stong gsum sprul pas gang bar bshad// yi ge dwa po dwa mo la// bcu pa yi ni na yar dang// bzhi pa yi ni tha mar sbyar// drug pa yi ni tha ma la// brgyad pa yi ni na ya dang// dang po yi ni tha mar sbyar// ye shes lnga dang rigs lnga las// ci ltar 'dul ba'i 'byung ba'i rtags// dang po yi ni de nyid dang// lnga pa yi ni gsum pa dang// drug pa yi ni tha ma la// brgyad pa yi ni na ya dang// dang po yi ni tha mar sbyar// bzhi pa yi ni gnyis pa la// gsum pa yi ni dang por sbyar// drag po'i las kyi khro bo yis// dngos por rang gar 'dzin pa sgrol// 'khor ba 'dzin pa sgrol ba'i rtags// bzhi pa yi ni gsum pa dang// gnyis pa yi ni gsum pa la// lnga pa yi ni gsum par sbyar// rdo rje las kyi khro bo yis// don dam dbyings su dgod par bya// drug pa la ni tha ma la// brgyad pa yi ni na ya dang// dang po yi ni tha mar sbyar// dang po yi ni de nyid dang// lnga pa yi ni gsum pa dang// drug pa yi ni tha ma la// brgyad pa yi ni na ya dang// dang po yi ni tha mar sbyar// 'khor ba'i rnam rtog kun bsdus nas// rtsa mchog bzhin du sreg par bshad// yi ge dwa po gnyis po yang// stong pa nyid kyi yi ge ste// 'dzin pa stong pa bsgral bar bshad// de yis yang dag don rtogs 'gyur// dngos po 'dzin par rang rang sngags// stong par sgrol ba de nyid do// sngags ni 'khrugs pa sdeb par bstan// oM lam hUM las yab dang yum// kI li gong dang hUM kA ra// gdug pa 'khor bcas sngags su bshad// kI li 'og ma phig dang bcas// gdug byed sras mchog drug tu bshad// s+t+wam b+ha thabs dang shes rab sngags// gnyis med sbyor bas nyon mongs sbyong// drag po yab yum sgrol bar bshad// mo ha ming la g+ha ya rus// rten la dbab pa'i las su bshad// dzaHhUM baM hos phyag rgya bzhi// rten dang gnyis su med par bshad// yaM dang hUM gis bsdus pa'i sngags// nyon mongs rang dbang med par bshad// b+ha ga bAn ni bcom ldan 'das// sgrol ba'i gtso bo min par bshad// shri kri yab dang bi kri yum// gnyis med yab yum byang du bshad// badzra hUM dang ar bcas pa// yang dag don gyi 'bras bu ste// stong pa chen por sgrol bar bshad// rang rang 'dzin pa kun bcom nas// dngos med nam mkha'i rang bzhin gnas// cho 'phrul sna tshogs 'gro don mdzad// rdo rje phur pa chen po bshad pa'i rgyud las/ dregs pa chen po dang stong par bsgral ba'i yi ge'i sngags btu ba'i le'u ste sum cu pa'o//// de nas bcom ldan 'das drag po gdab pa'i sngags btu ba'i ting nge 'dzin la snyoms par zhugs te// drug pa yi ni tha ma la// brgyad pa yi ni na ya dang// dang po yi ni tha mar sbyar// bzhi pa yi ni dang po la// lnga pa yi ni gsum pa dang// bzhi pa yi ni dang po la// bdun pa yi ni na yar sbyar// gsum pa yi ni de nyid sbyar// gsum pa yi ni dang po la// lnga pa yi ni gnyis pa dang// gsum pa yi ni tha mar sbyar// drug pa yi ni tha ma la// brgyad pa yi ni na yar dang// dang po yi ni tha mar sbyar// bzhi pa yi ni gnyis pa dang// gsum pa yi ni dang po sbyar// de bzhin de yis shes par bya// bcom ldan 'das su gsungs pa ste// pha rol sgrol ba'i gsang sngags yin// drug pa yi ni gsum pa dang// lnga pa yi ni gsum pa la// bzhi pa yi ni gsum par sbyar// yi ge dwa po dwa mo dang// gsum pa yi ni tha ma dang// lnga pa yi ni dang po'o// sngags gzhug gong du bstan pa gang// tshangs pa dbang sdud gdug pa can// rang rgyud dngos por sgrol bar bshad// drug po yi ni tha ma dang// gsum pa yi ni tha ma dang// yang gcig de bzhin 'byung ba dang// badzra hUM dang phaT du bsgyur// brgya byin dbang sdud gdug pa can// rang rgyud dngos por sgrol bar bshad// gsum pa yi ni de nyid dang// bzhi pa nyid du byas kyang rung// drug pa yi ni tha ma dang// yang gcig de bzhin 'byung ba dang// drang srong dbang sdud gdug pa can// rang rgyud dngos por grol bar bshad// bzhi pa yi ni dang po dang// gnyis pa yi ni dang po dang// yang gcig 'byung ba de bzhin du// gshin rje dbang sdud gdug pa can// rang rgyud dngos por sgrol bar bshad// bzhi pa yi ni de nyid dang// gsum pa yi ni tha mar sbyar// gsum pa yi ni bzhi pa dang// yang gcig de bzhin 'byung bar 'gyur// srin po dbang sdud gdug pa can// rang rgyud dngos por 'dzin pa sgrol// sgra yig dang po na ya dang// dang po yi ni gsum pa la// lnga pa yi ni gsum pa dang// bdun pa yi ni na yar sbyar// bzhi pa yi ni tha ma'o// yang gcig 'byung ba de bzhin du// klu bdud dbang sdud gdug pa 'dul// rang rgyud dngos por 'dzin pa sgrol// bzhi pa yi na tha ma dang// gsum pa yi ni dang po dang// yang gcig 'byung ba de bzhin du// rlung lha dbang sdud gdug pa 'dul// rang rgyud dngos por 'dzin pa grol// gnyis pa yi ni dang po la// bdun pa yi ni na ya dang// gsum pa yi ni tha mar sbyar// gsum pa yi ni bzhi pa'o// yang gcig 'byung ba de bzhin du// gnod sbyin dbang sdud gdug pa 'dul// rang rgyud dngos por 'dzin pa sgrol// bzhi pa yi ni gsum pa dang// bdun pa yi ni na ya dang// gsum pa yi ni tha mar sbyar// gsum pa yi ni bzhi pa dang// yang gcig 'byung ba de bzhin du// dbang ldan dbang sdud gdug pa 'dul// rang rgyud dngos por 'dzin pa sgrol// gsum pa yi ni dang po dang// de nyid kyi ni gnyis pa dang// lnga pa yi ni dang po'o// yang gcig 'byung ba de bzhin du// sa bdag dbang sdud gdug pa 'dul// rang rgyud dngos por 'dzin pa sgrol// khro bo chen po'i byin rlabs kyis// 'dul ba'i gnyen po las kyi mchog/ drag po nyid du yang dag bshad// gnyis pa yi ni gsum pa la// bzhi pa yi ni gsum par sbyar// lnga pa yi ni tha ma'o// yang gcig 'byung ba de bzhin du// bzhi pa yi ni gsum pa la// gnyis pa yi ni gsum pa dang// lnga pa yi ni de bzhin sbyar// ye shes lha la de nyid dang// bse mo nyid kyi las sngags gsum// drag po mo yi sngags su bshad// bzhi pa yi ni gsum pa dang// gnyis pa yi ni gsum pa la// lnga pa yi ni na yar sbyar// lnga pa yi ni dang po la// dang po yi ni gsum par sbyar// drug pa yin ni dang po la// dang po yi ni gnyis pa la// lnga pa yi ni gsum pa dang// bcu pa yi ni na yar sbyar// gsum pa yi ni bzhi pa dang// dang po yi ni gnyis pa dang// drug pa yi ni tha ma la// bdun pa yi ni na yar sbyar// phyis kyang gnyis te gsum du 'gyur// nyi shu rtsa gcig gzhug la gdags// bstab cing zhal du gsol ba'i sngags// drug pa yi ni tha ma rnam gnyis la// mnyes pas rab tu dgyes par 'gyur// de yis bde ba chen por 'gyur// bco lnga bdud pho mo yi sngags nyid ni// mo sngags pho ru bsgyur ba'i phyir// bco lnga yang dag rnam par ldan// rang rang rdzas su bstan par zad// gang bstan pa yang rab tu bsgyur// rdo rje phur pa chen po bshad pa'i rgyud las/ drag po sgrol ba'i sngags btu ba'i le'u ste so gcig pa'o//// de nas bcom ldan 'das drag sngags drag po'i ting nge 'dzin la snyoms par zhugs te/yi ge dwa po dwa mo la// bcu pa yi ni na ya dang// bzhi pa yi ni tha mar sbyar// lnga pa yi ni dang po la// dang po yi ni na yar sbyar// drug pa yi ni dang po'o// drug pa yi ni dang po dang// yi ge dwa po na ya dang// dang po yi ni gsum pa la// lnga pa yi ni gsum pa dang// bdun pa yi ni na yar sbyar// lnga pa yi ni gnyis pa'o// bzhi pa yi ni tha ma dang// lnga pa yi ni gsum pa dang// lnga pa yi ni dang po'o// lnga pa yi ni gsum pa la// bzhi pa yi ni gsum pa la// gsum pa yi ni de nyid sbyar// dang po yi ni gsum pa dang// bdun pa yi ni na ya dang// dang po yi ni tha mar sbyar// bzhi pa yi ni tha ma la// bdun pa yi ni na yar sbyar// drug pa yi ni gsum pa dang// gnyis pa yi ni tha ma la// bdun pa yi ni na yar sbyar// dang po yi ni tha ma'o// dang po yi ni gnyis pa dang// lnga pa yi ni gsum pa la// dang po yi ni gsum par sbyar// lnga pa yi ni gsum pa la// bzhi pa yi ni gsum par sbyar// gsum pa yi ni de nyid yin// gsum pa yi ni dang po la// lnga pa 'di ni gsum pa la// bdun pa yi ni na yar sbyar// gsum pa yi ni dang po dang// bzhi pa yi ni tha ma la// lnga pa yi ni na yar sbyar// yang gcig 'byung ba de bzhin no// bzhi pa yi ni dang po la// lnga pa yi ni gsum pa dang// bdun pa yi ni na yar sbyar// gsum pa yi ni dang po la// bdun pa yi ni na yar sbyar// yang gcig 'byung ba de bzhin no// drug pa yi ni dang po la// brgyad pa yi ni na yar sbyar// lnga pa yi ni tha mar sbyar// yang gcig 'byung ba de bzhin ni// bzhi pa yi ni tha ma dang// gsum pa yi ni de bzhin sbyar// drug pa yi ni de nyid dang// yi ge dwa po'i na ya dang// dang po yi ni gsum pa la// lnga pa yi ni gsum pa la// bdun pa yi ni na yar sbyar// lnga pa yi ni gnyis pa'o// drug pa yi ni tha ma la// brgyad pa yi ni na ya dang// dang po yi ni gsum par sbyar// bzhi pa yi ni gnyis pa la// gsum pa yi ni dang por sbyar// mthing nag gru gsum dkyil 'khor du// gang yin nyams pa sgrol bar byed// the tshom med pa rab tu 'grub// the tshom zos pa nyid na ni// nyam nga byas pas don mi 'grub// sa bon me yis tshig pa 'dra// tA la'i mgo bo bcad pa bzhin// nyam nga can gyis sgrubs mi dgos// nyam nga med pa'i sems kyis spyod// srog gi 'khor lo'i las nyid ni// ye shes sems dpa'i thugs ka ru// rdo rje lte ba'i bum pa la// 'khor lo'i rtsibs brgyad ser po la// oM ni bum pa'i nang na gnas// mkha' 'gro rnam gsum snying po mang// bklag pa'i phyogs su de la bskor// phyi ma'i yi ge na ya ni// shar lho'i 'khor lo'i rtsibs nyid la// badzra rdo rje mtshon byed gnas// de bzhin rim par yang dag 'byung// ting nge 'dzin pa'i byin brlabs la// mkha' 'gro rnam gsum snying por thim// gong dang 'dra ba'i 'khor lo la// bdun pa 'bru dgus bskor bar brtags// sngags gsum 'khor lor bcas pa la// de nyid lus la thugs kar thim// rang dbang med de yang nas yang// the tshom med par chod par 'gyur// las kyi bya thabs phyi mar bshad// gnad la dbab pa'i tshig brjod cing// rdo rje tho bas rab tu brdung// zhabs 'og dag tu bcug kyang rung// de yis 'gro ba'i las rnams byed// rkyang pa re la drag sngags re// ye shes lha yi sngags nyid la// dmar po sku sngags las sngags bcas// ma mo phyi ma de bzhin ston// rgyal ba gcig bsgrubs kun kyang 'grub// dur khrod chen po'i gnas dag tu// maN+Dal mda' gang byas nas su// rnam pa lnga yi chag chag gdab// thig dang tshon rnams rim pa ste// gru gsum zla gam mu khyud la// thod pa skam rlon brtsig pa btang// dbus su mtshan ma'i yi ge dgod// shar du sgo btod rim pa gsum// dang por lhu dum bcad sor kha// gnyis pa rgyu zhags btang ba'o// gsum pa lcags la me ri btang// dang por bde gshegs rab mchod la// bsrung bar bya la yang dag bshad// gsum las byin brlabs snyan gsan dang// spyan drang bstim dang dbang bskur dang// phur pa bskor zhing gzhug pa dang/ kha bcad rdzas gsum mchod par dbul// gong du sngags dang tshig sbyar la// gzhug pa sngags tshig gnyis su bstan// gtun dang rdo rje tho ba dang// gang yin rdzas rnams yang dag dgram// brten pa las bzhi'i las bya zhing// dbul dang gzir ba sngags kyis bya// khyad par can dang drag po dang// khyad par gtor ma la sogs rdzas// rim pas yang dag dgod par bya// ting 'dzin chen po'i byin rlabs las// gtso bo bskyod dang bstod pa dang// snyan gsan spyan drang bstim pa dang// mchod pa sgrol byed rnam gnyis dang// bskul dang sngags tshig bstod pa dang// tshig la las bzhi gdab pa dang// bstab pa la sogs de bzhin bya// mtshan ma brtan po byung ba dang// bye brag tu ni shes par bya// bsnyen bsgrub sngags kyi khyad par ni// dmar mo las sngags gcig gis bstan// de yis mtshan ma byung ba dang// drag po nyid kyi pho nya btang// lha nyid sgrol sngags las sngags bcas// dngos por 'dzin pa'i bag chags sgrol// stong pa'i don ston sngags kyi gnas// rang bzhin don gyi bden pa bdar// mi 'khor thun rnams de bzhin bya// me la bsregs dang bkra shis dang// tshe bstim rim pa ma nor bya// las rnams ma lus rdzogs par 'gyur// hUM sku mdog dug mdog nag po la// bar bar stang zil bcag pa 'dra// mthing nag rngam pa'i mdangs dang bcas// zhal gsum nag por 'gyur ba med// bsgrub pa chen po las kyi mchog/ dang por chos nyid stong pa'i dbyings// bar du thugs rje byin rlabs 'byung// tha mar gdug pa thabs kyis 'dul// bdud kyi dmag dpung rab tu 'joms// za byed rngams pas rab tu za// ha ha ha yi gdangs kyis kyang// nyon mongs gdug pa zil gyis gnon// hUM hUM hUM gis sgra phyung bas// srid gsum gdug pa dbang du sdud// phaT phaT nga ro drag po yis// gdug pa can rnams sgrol bar byed// khro bo rngam chen ye shes sku// lha mchog chen po bdud kyi chas// 'dul ba'i phyir na bdud chas gsol// gang du 'dul ba bdud bzhin du// khros pa'i mdog tu rnam par gnag/ thugs rjes rab tu khros pas kyang// stod ni zhal gsum phyag drug pa// sngo nag rab tu 'jigs pa la// za byed rngam pa'i zhal gdangs shing// dbyings dang ye shes dbyer med las// rdo rje rtse dgu rol pa'i phyag/ rtse lnga ye shes lnga yi phyag/ gdug byed me yis sreg pa'i phyag/ kha T+wAM dug gsum rtsad gcod phyag/ dbyings dang ye shes gnyis med las/ khams gsum gdug pa rtsad gcod rtags// smad ni zur gsum dbal dang ldan// dug gsum gnas su sgrol ba'i zhabs// me dpung 'bar ba'i nang du bzhugs// ser nag me dpung rgyas pa'i rtags// stong gsum dbang sdud 'jigs pa yis// bdud dpung dbang sdud 'jigs dang bral// srid pa gsum yang thal bar rlog/ ya mtshan rmad du che ba'i lha// bskul ni byin rlabs chen pos bskul// 'byung ni bdud dang srin mo 'byung// za ni mi sha gdangs su za// 'thung ni mi khrag mngar du 'thung// thugs dam gnyen po dbyings nas bskul// kI la ya yi dngos grub stsol// hUM drag po sgrol ba'i lha mchog ni// dmar po sku mdog dbang du sdud// zhal gcig phyag gnyis srid gsum sgrol// stod ni zhal gcig phyag gnyis la// gdangs pa'i zhal gcig gdug pa gsol// mche ba gtsigs bsnol srid gsum sgrol// gdug pa rtsad gcod spyan mig gsum// dbyings su sdud pa'i shangs dang ldan// gdug pa 'joms pa'i snyan dang ldan// ral pa kham nag srid pa 'joms// spu ris ngan song gnas nas 'dren// phyag gnyis rdo rje phur pa yis// gdug byed bdud kyi rgyal po 'joms// smad ni zur gsum dbal dang ldan// dbang dang drag po'i cha bzung nas// dbang gis khams gsum dbang du sdud// drag pos ngan song gdar sha gcod// dbang dang drag pos rab tu sgrol// le brgan dmar po'i mdog 'dra bas/khams gsum dbang du sdud pa dang// 'dod chags rtsad nas gcod pa'i rtags// stong gsum mnga' mdzad lha yi lha// gdug pa sgrol ba drag po'i zhal// dbang du sdud pa dmar po'i sku// 'khor ba gdar gcod phur pa'i phyag/ 'jigs byed spa bkong dur khrod chas// zur gsum dbal ldan drag po'i zhabs// gru gsum e yi maN+Dal nas// gdug byed bsnol ba'i gdan steng nas// rdo rje rab tu kI la ya// 'khor ba sgrol cig kI la ya// bdud dpung 'joms shig kI la ya// 'khor rnams sdus shig kI la ya// zhing bcu sgrol cig kI la ya// 'khor ba sgrol cig kI la ya// rol pa chen po'i sku la phyag 'tshal bstod// ye shes chen po'i sku la phyag 'tshal bstod// gdug byed srin po'i sku la phyag 'tshal bstod// 'joms byed chen po'i sku la phyag 'tshal bstod// ma mo mnga' mdzad lha chen khyod la phyag 'tshal bstod// me dpung 'bar ba'i dkyil 'khor nang na bzhugs// ljang nag me yi phrin las mtha' ru phyin// rdo rje phur pa gcig btab pas// dus gsum bde gshegs thams cad kyang// byin rlabs chen po char ltar phob// zhing bcu 'khor ba gtan nas skoms// khros pa'i lha mchog dus la bab// snying gi dkyil du phur pa thob// sku mchog rab tu kI la ya// sgrol ba'i las nyid grub par mdzod// rdo rje phur pa chen po bshad pa'i rgyud las/ dregs pa can gyi yi ge btu ba dang/ drag po'i lha la bstod pa'i le'u ste so gnyis pa'o//// de nas bcom ldan 'das mkha' 'gro ma rab tu mchod pa'i ting nge 'dzin la snyoms par zhugs te/mkha' 'gro rnam gsum mchod pa yang// gling gsum pa yi b+han d+ha ru// snying dang dngas ma 'bras bu dang// mi dbang 'bras bu'i sha dag dang// gzhob mgo sna skam lto ser dang// chu lug smug nag gang yang rung// dam rdzas tshang ba'i gtor ma dang// sman dang rak+ta bcas pa la// dang po dngos med stong pa las// dpal yi sku bskyed bsrung ba bya// byin rlabs gzhung du de bzhin bya// ting 'dzin chen po'i byin rlabs las// dpa' bo chen po'i sku bskyed pa// snying po brgya dang stong du gdon// mkha' 'gro rnam gsum sngags kyis bskyed// spyan drang rang rang sngags rnams la// spyan drang sngags nyid btags pa dang// mdun gyi nam mkhar byon par gyur// bstim mam de bzhin mchod kyang rung// bstim pa hUM gis gnyis su med// rnam pa gsum gyis mchod byas te// gang yin rtsa ba'i sngags nyid la// btags pa'i sngags kyis mchod pa dbul// rnam gsum rim pa gsum du dbul// mkha' 'gro rnam gsum phyag rgya yang// gtso bo nas bzung rim pa ste// rdo rje drag po gar las 'byung// rdo rje 'phyar dang dung dmar 'thung// snying gar gar du bskor bar bya// snang la rang bzhin med pa'i lha// gzugs brnyan 'ja' tshon chu zla dang// snying po bar ma chad pa bya// bstod pa bya zhing rab tu bskul// dus drug mchod pa yang dag bya// bya ba'i rim pa gong bzhin no// yang nas yang du rab tu bya// tha ma 'khor gyi blon mo mchod// yang na mkha' 'gro dbang phyug mchod// yang de mkha' 'gro dngos la dbul// yang na lang ka'i tshogs la dbul// yang na dmar mo nyid la dbul// yang na skyes bu nyid la dbul// gang dbul thob pa'i las nyid bya// zin nas dpa' bo nyid la bsdu// ngal med yun du bzlas pa bya// dngos po'i rdzas yang sgyu ma ste// lha yang de bzhin dngos dang bral// med pa ma yin snying po'i don// snying po nam mkha'i mtha' yas ltar// rang byung ye shes chen po'i don// dang po gang nas ma byung bas// tha ma gar yang 'gro ba med// snang srid gtor ma'i rang bzhin la// zad pa med cing 'phel ba med// thams cad bdud rtsi'i rang bzhin la// spang zhing blang ba gang yang med// thams cad dam rdzas rnam lnga ni// ye shes lnga yi rang bzhin te// thams cad rtsa ba lnga ru smin// sman du mi 'gyur gang yang med// lha yang dngos med gzhi rtsa bral// rdzas kyang dngos med gzhi rtsa bral// bem po ril po tho yor dang// rang rgyud 'dzin pa gting nas grol// dngos por bzung du ga la yod// 'gro ba zhen pa bral ba dang// nyon mongs ser sna sbyang ba dang// drang ba'i don du bzung bar zad// rgyal ba bgres rgud mi mnga' zhing// sgrib dang bser ba gang yang med// de phyir mchod pa nges don med// thams cad rang rig byang sems la// lha la 'bul zhing tshogs bsags pa// zag par bcas pa'i mchod pa bzhin// 'dzin med dmigs pa nga bdag med// len byed 'dzin pa mi dmigs shing// rnam pa gsum char mi dmigs na// 'bras bu ye shes tshogs sogs 'gyur// rdo rje phur pa chen po bshad pa'i rgyud las/ mkha' 'gro ma'i gtor ma btang ba'i le'u ste so gsum pa'o//// de nas bcom ldan 'das dbang rnams bskur ba'i ting nge 'dzin la snyoms par zhugs te/ rdo rje rigs kyi dbang mchog ste// dbang rnams thob par ma byas na// las rnams 'bras bu med par 'gyur// dper na nor bu rin chen yang// phyi dor mchod pa ma byas shing// rgyal mtshan rtse la ma 'phyar na// rdzas rnams 'byung bar ga la 'gyur// de bzhin dbang rnams ma rdzogs par// sna tshogs shes pa mu med kyang// 'bras bu ye shes ga la thob/ dbang mchog thob par ma byas shing// bla ma mnyes par ma thogs na// rdza byas be'ur lus pa 'dra// rdza la tshon gyis byug pa bzhin// yang dag don dang ldan mi 'gyur// hUM 'khor ba byang chub thob bya'i phyir// 'dod pa'i stobs su gyur pa yis// bde bar gshegs pa'i mtshon pa 'dis// 'khor ba'i dug 'joms dbang thob shog/ hUM rtogs pa'i khyad par mtshon byed pa'i// gab pas rmongs pa sel byed pa'i// las shan 'byed pa'i phyag shing 'dis// rtogs shing shes pa'i dbang thob shog/ hUM thabs dang shes rab gnyis med pa'i// rin chen gser bas lhag pas na// yab yum gnyis su med pa ste// gnyis med sgra dbyangs dbang thob shog/ hUM chos rnams thugs su chud pa dang// thams cad rdo rje sems dpa' ste// 'gro ba kun la khyab par gnas// bde gshegs snying po'i dbang thob shog/hUM chos sku lhun grub thams cad thob// 'khor ba'i bag chags sbyong mdzad pa// bum pa rgyan ldan 'khor ba sol// chos rnams lhun grub dbang thob shog/ hUM rigs lnga nyon mongs dug lnga 'joms// ye shes lnga ru mnyam sbyar nas// mtshon pas rang bzhin dbu la bzhugs// ye shes lnga yi dbang thob shog/ hUM cod pan chos rnams mtshon pa ste// snang srid chos kyi dar po che// bde gshegs kun kyang mnyam sbyar bas// cod pan dam pa'i dbang thob shog/ hUM rigs lnga rgyal bas don mdzad pa'i// rigs lnga mtshon phyed dam pa dang// gang 'dul bsan pa rgyas mdzad pa'i// rigs kyi mtshan ma'i dbang thob shog/hUM yi ge 'bru lnga ye shes lnga// mtshon byed don gyi snying po ste// snying po dam pa lha yi sku// 'bru lnga snying po'i dbang thob shog/ hUM gdug pa 'joms shing ye shes gsal// sku lnga mtshon byed phyag mtshan lnga// rgyal ba 'byung ba'i rang rtags te// phyag mtshan lnga yi dbang thob shog/ hUM dug lnga'i mtshon gyis mi tshugs pa'i// gser gyi rdo rje rab tu mtshon// dpa' rtul stag gi rgyan cha can// 'joms byed go cha'i dbang thob shog/hUM dus gsum 'phags pa mchod mdzad pa'i// rin chen mdzes su sdug pa yis// dang ba'i stobs kyis mchod pa yi// me tog dam pa'i dbang thob shog/ hUM dus gsum rgyal ba'i sku yi rgyan// 'khor rnams rab tu mnyes mdzad pa// nyes pas ma gos dbu la bskor// rgyal mtshan gdugs kyi dbang thob shog/ ro mchog lnga ldan zhal zas la// dbul zhing phongs pa sel mdzad pa// 'bru bcud rgyan dang ldan pa 'di// zhal zas mod la dbang thob shog/ hUM kun tu bzang po'i rol pa las// thugs rjes khams gsum gdug pa 'dul// gnyen po las su rung mdzad pa'i// 'jigs byed gnyen po'i dbang thob shog/hUM gsung gi rang bzhin mtshon byed pa'i// le brgan 'bar ba'i kha dog la// snying po nus pa'i don dang ldan// nus pa can gyi dbang thob shog/ hUM tsit+ta smug po'i gzhal yas na// khams gsum dbang gi bdag po ste// brkyang bskum rab tu gdengs pa yis// gdug pa 'joms pa'i dbang thob shog/ hUM thugs ka rin chen zur brgyad las// phrin las sna tshogs lhun gyis grub// thams cad kun la rang bzhin gnas// ye shes sems dpa'i dbang thob shog/ hUM steng gi phyogs la mnga' mdzad pa'i// gdug pa tshangs pa ma lus 'dul// ye shes chen po'i byin rlabs yin// gdug pa 'dul ba'i dbang thob shog/hUM steng gi yum chen za byed ma// tshangs pa mo yi gdug pa 'dul// rang byung ye shes byin rlabs yin// steng gi yum chen dbang thob shog/ hUM gdug pa tshangs pa'i 'khor 'joms pa// phag gi mgo can gdug pa sgrol// za byed chen mo mche ba can// phag gi mgo can dbang thob shog/ hUM tshangs pa chen po'i 'khor 'joms pa// gdug byed chen mo rab tu 'joms// gdug pa rtsad gcod bsam sleb ma// gshog pa can gyi dbang thob shog/ hUM rang byung rgyal po dam rdzas lnga// bdud rtsi chen po'i rang bzhin te// rtogs na rang byung sangs rgyas lnga// bdud rtsi lnga yi dbang thob shog/ hUM khyad par dpal gyi gtor ma 'di// 'dod pa'i lha mo chu zla 'dra// snang srid gtor ma'i rang bzhin te// khyad par gtor ma'i dbang thob shog/ hUM rang byung rgyal po lha yi rgyan// mdzes pas rab tu brgyan pa ste// lha la rab tu mdzes pas brgyan// dbu rgyan cod pan dbang thob shog/ hUM rnam thar dgu dang rab ldan pa'i// theg pa dgu yi sgo gnas nas// khyad par chen po ngan song 'joms// sa dgu gnon pa'i dbang thob shog/ hUM ye shes lnga dang rab ldan pa'i// rdo rje rtse lnga ye shes lnga// 'gro ba lnga ni rab tu 'dren// dug lnga 'joms pa'i dbang thob shog/ hUM ye shes me dpung 'bar ba ste// thugs mchog rab tu 'bar ba'i rtags// 'khor ba'i sdug bsngal thams cad sreg/nyon mongs sreg pa'i dbang thob shog/ hUM mtshon gyi rgyal pos rU tra sgrol// sku gsum lhun grub rtse mos mtshan// ngan song gsum po rtag tu sgrol// dug gsum rtsad gcod dbang thob shog/hUM thugs rje'i phur pas gdug pa 'dul// bgegs kyi rgyal po sgrol mdzad pa// 'khor ba bdar gcod dbyings su sgrol// gdug pa 'dul ba'i dbang thob shog/ hUM zhag gi zo ris dam rdzas bcud kyi rgyan// thal chen tshom bu 'khor ba 'joms pa'i rtags// rak+ta'i thig le thugs rje chags pa'i rtags// mtshan ma rnam pa gsum gyi dbang thob shog/ hUM thod pa rlon pa chos kyi sku yi rtags// thod pa skam po longs spyod rdzogs pa'i rtags// thod pa tshal bu sprul pa sku yi rtags// sku gsum mtshon byed thod pa'i dbang thob shog/ hUM rigs bzhi klu rnams ma lus 'dul ba'i rtags// gdug pa sbrul ni rigs bzhis sku la brgyan// zhe sdang chen po gnas su 'joms mdzad pa// gdug pa chas kyi dbang rnams thob par shog/ hUM ye shes me dpung 'khor ba sreg pa'i rtags// ye shes me ri ljang ser dmar po'i 'od// mdor na ye shes lnga yi rang bzhin te// dug lnga sreg pa'i dbang rnams thob par shog/ hUM kham nag ral pa kun gyi rgyan du bcings// srid pa'i rtse mo zil gyis gnon pa'i rtags// gti mug chen po rtsad nas bcad nas kyang// dbu skra ral pa'i dbang mchog thob par shog/ hUM tshon gang sku yi ba spu'i bu ga rnams// thugs rje chen po'i byin rlabs cir yang snang// rdo rje phur pa rab tu kI la ya// gdug pa 'joms pa'i lha rnams dbang thob shog/hUM ye shes rdo rje rab tu 'bar ba yis// rdo rje gshog pas khams gsum zil gyis gnon// gdug byed rang dbyung med par gnon mdzad par// rdo rje gshog pa'i dbang mchog thob par shog/hUM zhing chen g.yang gzhis 'dod chags rtsad nas gcod// glang chen ko rlon thugs rje stobs kyi bdag/ stag sham phrin las thams cad rgyas pa'i rtags// bdud chas dpa' bo'i dbang rnams thob par shog/hUM rdo rje thod khrag rab tu gsol ba yis/ khams gsum chags pa rab tu zhi bar mdzad// 'dod chags rtsad nas gcod byed thod pa'i khrag/ rak+ta chen po'i dbang mchog thob par shog/ hUM cod pan dmar sngo rab tu 'phur byed pa'i// thabs dang shes rab sna gnyis tshon du ldan// 'khor ba dbyings su 'dren pa'i mtshan ma ste// rab tu brgyan pa'i dbang mchog thob par shog/ hUM dus gsum rgyal ba ma lus mnyes mdzad pa/khams gsum 'khor ba'i bag chags spyod mdzad pa'i// lha mo lnga dang ldan pa'i mchod pa yis// mchod pa rgya cher mchod pa'i dbang thob shog/ hUM dngos med sku la rgyal bar bzhengs mdzad pa'i// bzlas brjod grangs kyi snying po rab tu 'bul// thugs dam chen po bsnyen pa 'bul ba'i rten// bzlas brjod bsnyen pa'i dbang rnams thob par shog/ hUM 'jig rten khams rnams dbang du sdud pa yi// lcags kyi spyang mo khams gsum dbang du sdud// mngags pas pho nya'i tshul te rngam pa'i gdangs// dbang sdud dam can dbang mchog thob par shog/ khyi mo ral bas khams gsum dngangs pa'i bdag/khams gsum zas su za ba'i rkan sgra can// srid gsum skom du 'thung ba'i hub sgra can// dam can mkha' 'gro'i dbang mchog thob par shog/ hUM 'phar ba lce brgyad snang srid sil bur 'don// khams gsum kun tu phyogs bzhi'i dmag dpung 'joms// nga ro chen po phyogs bcu kun tu sgrogs// mkha' 'gro rgyas pa'i dbang mchog thob par shog/ hUM zangs kyi wa mos snang srid gdug pa 'dul// ri rab rtse nas snyil ba'i dbang mo che// tsit+ta don snying za ba'i rkan sgra can// dbang sdud mkha' 'gro'i dbang mchog thob par shog/ hUM khams gsum nad kyi bdag mo dbang sgyur ma// 'jig rten khams kun khyab pa'i bya ma rta// mi phyugs kun la mnga' mdzad dbang mo che// gdug pa ma mo'i dbang rnams thob par shog/ hUM dus gsum kun tu rgyal ba'i sku brnyes pa// bstan pa rgyas pa'i slad du phrin las mdzad// ser nag chen mo khams gsum kun gyi bdag/mkha' 'gro dbang sdud dbang rnams thob par shog/ hUM las su sha khrag ro la rngam pa'i yum/ khrag 'thung dmar nag srid gsum dbang du sdud// stong khams dge sdig bya ra byed pa'i yum// dad pa stobs ldan mkha' 'gro'i dbang thob shog/ hUM phrin las sna tshogs mthar phyin grub pa mo// rgya mtsho'i gting gi klu rnams 'khrug byed ma// ljang nag chen mo'i phrin las mthar phyin ma// mkha' 'gro mthu yi dbang rnams thob par shog/ hUM bdud kyi rigs rnams dbang du sdud mdzad ma// mthing nag bdud kyi chas su rab tu zhugs/ khams gsum bdud dpung 'joms pa'i dbang mo che// gdug pa bdud 'dul dbang rnams thob par shog/ hUM 'jig rten gnod byed rab tu 'dul mdzad ma// ser bas rgyas pa'i rang bzhin mtshon mdzad ma// ki kang las kyis bskal par 'dul mdzad ma// mkha' 'gro mthu byin dbang rnams thob par shog/ hUM khams gsum gang 'dul dbang gi bdag mo ste// rak+sha srin po za byed dbang du sdud// dpal gyi bka' nyan khrag gi dri snom ma// dbang phyug chen mo'i dbang rnams thob par shog/ hUM gdug pa klu rnams rab tu 'dul mdzad ma// nad ngan phrin las dbang gi bdag mo ste// klu la mnga' mdzad nad kyi bdag mo yang// las rnams mthar phyin dbang rnams thob par shog/hUM 'jig rten dregs pa 'dul ba'i las mdzad ma// grangs dang ldan pa ma nor rim par ldan// rnam bzhi rtogs pa'i khyad par ston mdzad pa// yang dag don dang ldan pa'i dbang thob shog/ hUM thugs mchog rang byung ye shes 'od dang ldan// 'khor ba'i mun pa ma lus sel mdzad pa// rgyal ba'i thugs la nyon mongs nyes pa med// snang ba mar me'i dbang rnams thob par shog/ hUM gdug pa chen po thabs kyis 'dul mdzad pa// mthing nag drag pos thams cad 'joms pa'i sku// zhal gsum phyag drug zur gsum dbal dang ldan// sgrub pa drag po'i dbang rnams thob par shog/ hUM nyung dkar rgyal pos thams cad sgrol ba'i dbang// khro bo'i rgyal po 'bum phrag bsam las 'das// stong gsum khro bos dus gcig khengs mdzad pa// nyung dkar rgyal po sgrol ba'i dbang rnams thob par shog/ hUM gu gul sbyar ba'i rdzas kyi dam pa ste// ye shes lnga brnyes nyes byed rten dang 'bral// rab tu bsgrubs pas 'od dang du bar ldan// drag po rdzas kyi dbang rnams thob par shog/ hUM dur khrod chen po'i gzhal yas lhun gyis grub// rang bzhin ye shes lha rnams bzhugs pa'i rten// mthing nag gru gsum pho brang dbus gsal ba'i// pho brang chen po'i dbang rnams thob par shog/ hUM 'khor ba nyon mongs ma lus sreg pa ste// me yi rgyal po drang srong rab tu 'bar// thams cad sreg par byed pa me yi dbang// nyon mongs rang rgyud sreg pa'i dbang rnams thob par shog/ hUM thabs dang shes rab zung du 'brel pa'i rtags// drag po hom la rab tu mchod par byed// sreg byed drang srong mnyes pa'i mchod pa 'bul// mchod 'bul dgang blug dbang rnams thob par shog/ hUM zhe sdang chen po rab tu gnon mdzad pa// rdo rje rgya gram phrin las mthar phyin pa// gang la bya ba'i las nyid gdon mi za// gnon byed rgya gram dbang rnams thob par shog/ hUM gzas pa bsgral ba'i zhing bcur gyur pa la// rten dang phral ba'i phra mar rab tu bsngags// rang gi rdzas la dbye ba'i dbang dang ldan// zhing bcu dbye ba'i dbang rnams thob par shog/ hUM phye nas rab tu bsgral ba'i don mdzad pa// nga rgyal rang khar 'dzin pa sgrol mdzad pa// zhe sdang rang rgyud ngan song gnas su ltung// stong pa chen por sgrol ba'i dbang thob shog/hUM gti mug sha yi mchod pa ri rab tsam// 'dod chags khrag gi rgya mtsho kyi li li// zhe sdang rus pa'i mchod pa khra la la// dug gsum zhal du gsol ba'i dbang thob shog/ hUM khams gsum dbang du sdud mdzad sgrol byed sku// nyon mongs thang gcig yud la sgrol mdzad pa// rdo rje phur pa zhing bcu sgrol ba'i lha/ khams gsum dbyings su sgrol ba'i dbang thob shog/ rdo rje phur pa rab tu kI la ya// zhing bcu sgrol mdzad badzra kI la ya// rU tra gnas su sgrol mdzad badzra kI la ya// nyon mongs dbyings su sgrol ba'i dbang thob shog/ hUM 'khor ba rang rgyud ngan song dbyings su 'khyams// 'dzin pa sgrol phyir mtshon gyi rgyal po dang// mkha' 'gro gdug byed phyag chas dbyings su sgrol// 'joms byed mtshon gyi dbang mchog thob par shog/ hUM drag po mtshon gyi rgyal po gtor ma la// ngar 'dzin rab tu brtas pas gcod par byed// thabs dang shes rab ldan pa'i zangs dang lcags// gcod byed ral gri'i dbang rnams thob par shog/ hUM nyon mongs dug lnga drug gis 'thibs par byed// rul cing myags pas 'khor ba gting nas skems// gnyen po'i dbang du thabs las de ltar snang// nyon mongs zhen pa sgrol ba'i dbang thob shog/ hUM khyad par chen po 'bar bas zhen pa gcod// sna lngas mtshon las nad lngas 'khor ba nyen// de nyid rgyal bas byin rlabs rab tu gsungs// zhen pa gcod pa'i dbang rnams thob par shog/ hUM gtun khung gru gsum yum gyi mkha' dbyings su// rig pa ye shes yab kyi rdo rje 'di// thabs dang shes rab gnyis su med pa'i rtags// rdo rje tho ba'i dbang rnams thob par shog/ hUM khams gsum gdug pa ma lus 'dul ba'i phyir// 'brel pa'i lha mchog badzra kI la ya// gang yin stong byed mthu 'phrog badzra kI la ya// gdug byed stobs dang bral ba'i dbang thob shog/ hUM khams gsum nyon mongs gnas su drang ba'i phyir// rab tu 'gugs byed badzra kI la ya// nyon mongs zhing bcu gnas su 'dren mdzad pa// nyon mongs gdug pa'i dbang rnams thob par shog/hUM nyon mongs rang gar mi gtang bcing ba'i phyir// rab tu 'ching byed badzra kI la ya// zhing bcu 'ching byed badzra kI la ya// nyon mongs 'ching ba'i dbang rnams thob par shog/hUM gdug pa can rnams rab tu 'dul ba'i phyir// smyo byed chen po badzra kI la ya// nyon mongs 'joms phyir badzra kI la ya// smyo byed chen po'i dbang rnams thob par shog/ hUM gdug pa thabs kyis sgrol ba 'jigs pa'i sku// nyon mongs sgrol byed badzra kI la ya// zhen pa'i dngos po rab tu gcod byed pa'i// sgrol ba chen po'i dbang rnams thob par shog/ hUM gdos pa'i dngos po brlag par bya ba'i phyir// stob byed chen mo badzra kI la ya// gdangs pa'i zhal du nyon mongs stob byed pa// stob byed chen po'i dbang rnams thob par shog/ dngos grub dam pa lha yi lha// dur khrod chen po'i gzhal yas dam pa 'dir// dur khrod rdzas la brten te bsgrubs lags na// snang srid byams pa'i dngos grub stsal du gsol// ye shes lha ni nam mkha'i rang bzhin la// dngos grub stsal dang stsol bar mi dmigs kyang// gdug pa chen po thabs kyis 'dul ba'i phyir// drag pos 'dren pa'i dngos grub stsal du gsol// hUM chos nyid kun tu bzang mo'i byin rlabs las// dregs pa 'dul ba'i thugs rje'i byin rlabs 'byung// bdud kyi rgyal pos rU tra 'dul ba ltar// bdud rgyal dregs pa 'dul ba'i dngos grub stsal du gsol// hUM bdud dpung choms nas chos nyid don mthong bas// bdud rgyal rU tras chos nyid don rtogs nas// thugs rje'i byin rlabs bdud la snang ba ltar// nyon mongs dbyings su bsgral ba'i dngos grub stsol// hUM 'khor gyis gdug pa ma lus bsgral ba'i phyir// steng phyogs khro rgyal yab yum 'khor dang bcas// tshangs pa 'khor bcas rab tu btul ba ltar// 'jig rten dregs pa btul ba'i dngos grub stsol// hUM rol pa chen po steng gi sras mchog yang// zhing bcu stobs dang rab tu 'bral mdzad pa// bdud rgyal rU tra grogs dang bral ba bzhin// zhing bcu stobs dang 'bral ba'i dngos grub stsol// sprul pas stong khams rab tu bkang nas kyang// 'dul ba'i dbang gis gang la ci 'dul ston// rgyal bas stong gsum sprul pas bkang ba ltar// sprul pa khams gsum 'gengs pa'i dngos grub stsol// hUM dpal gyi bka' nyan las la brtson pa mo// 'jig rten dregs pa ma lus 'dul mdzad pa// 'jig rten dbang du sdud pa'i las byas ltar// dam las mi 'da' bka' nyan dngos grub stsol// hUM 'jig rten khams la dbang sgyur mthu mo che// las ngan zhing bcu ma lus sgrol mdzad pa// bcol cing rbad na las su pho nya mdzad pa ltar// gang du mngags pa'i las rnams 'grub pa'i dngos grub stsol// hUM dregs pa sde bzhi rab tu 'dul mdzad pa// nad kyi bdag po bka' nyan gsung sdod ma// bran dang pho nya las rnams 'grub byed ltar// gang la bya ba'i las rnams myur 'grub dngos grub stsol// hUM rol pa chen po'i byin rlabs cir yang snang// 'dul thabs drag po bdud kyi chas 'dra yang// snying rje byang chub sems las nyams pa med// drag po byams pa'i dngos grub stsal du gsol// hUM thugs rje byams pas 'gro la snying brtse'i phyir// la lar zhi dang la lar khro bar snang// 'dul thabs drag pos 'gro ba 'dul lags na// nyon mongs gnas su 'dren pa'i dngos grub stsol// bdud dang srin po 'dul ba'i dngos grub stsol// don dam chos nyid rtogs pa'i dngos grub stsol// sangs rgyas sa la 'gro ba'i dngos grub stsol// 'khor ba ngan song sbyong ba'i dngos grub stsol/ rdo rje phur pa chen po bshad pa'i rgyud las/dbang dam pa bskur ba dang bkra shis dngos grub kyi le'u ste so bzhi pa'o//// de nas bcom ldan 'das drag po me'i ting nge 'dzin la snyoms par zhugs te/ kun bzang rol pa cir yang snang// la lar bcom ldan bstan pa'i bdag/ la lar 'jigs byed he ru ka/ la lar sbyong byed khrus kyi chu// la lar gnon byed ri rab gzugs// la lar gsod byed shan pa 'dra// la lar dge sbyong dam pa'i mgon// la lar sha za srin po'i gzugs// la lar 'jigs pa bdud kyi chas// la lar sreg byed me yi 'od// me yi rgyal po khro bos kyang// stong gsum nyon mongs sreg par byed// 'khor ba'i zhen pa gting nas skem// zhing bcu log lta sreg par byed// de phyir rab tu bsreg par bya// me lha chen po sreg pa'i sar// gru gsum sum rim grangs su bya// nag dang ser la dmar ba'i 'od// rang rang yig 'bru bkod kyang rung// drag po'i shing la legs par bya// rab tu rdzas kyi dam pa ni// dam pa gsum gyi rdzas dag dang// chan dang me tog sngon po dang// nag po'i 'bru dang nyung nag dang// drag po'i shing dang ming byang dang// rab tu de la bskor la bzhag/ dug dang drag po'i rdzas rnams ni// ma lus de la bskor te gzhag/ drag po'i lha dang mnyam pa'i rtsang// dmar po byas te de la bskor// rim pas 'byung ba de bzhin du// hom thab nang du lha rnams bskyed// spyan drang rim pa yang dag bya// bzlas brjod me dang 'dra ba yis// nyon mongs rtsa mchog 'dra ba bsreg/ bstod pa bya zhing rab tu mchod// ting 'dzin rtsal gyi khyad par la// drod rnams 'byung bar gdon mi za// gang yin me nyid rab tu sbyar// me yi lha nyid de bzhin sbyar// hUM me lha drang srong nyon mongs sreg/ 'bar ba me lha spyan 'dren na// 'bar ba me yi dbyings na bzhugs// drang srong chen po me yi lha// mchod 'bul mnyes pa 'di bzhes la// 'khor ba'i sdug bsngal tshig par mdzod// hUM gru gsum me yi dkyil 'khor nas// drang srong chen po me yi lha// chibs su ra skyes kham bu chibs// sku la me yi slag pa gsol// g+hun d+he bgrang phreng phyag na bsnams// rdo rje phur pa'i zhabs dang ldan// dus gsum rgyal ba'i sku mnyes pa// gdug byed drag po me yi lha// gdug pa'i tshogs kun sreg par byed// gang yin zhing bcu tshig par mdzod// rnam gsum mchod pa lha la 'bul// mnyes pas lha yi dngos grub ster// lha yang drag po me yi chas// rab tu 'bar ba'i nang na bzhugs// hUM phyogs skyong rgyal po me yi lha// steng phyogs 'bar ba me yi lha// phyag g.yas mda' gzhu rang 'gengs bsnams// g.yon pa me yi phung po 'bar// dkar ba'i zhal ni gting nas mthing// bus shig bus shig me bus shig/rgya mtsho'i gting nas me long la// ri rab rtse nas me bus shig/ nyams pa gang yin sreg par mdzod// 'byung po gang yin tshig par mdzod// hUM phyogs skyong rgyal po me yi lha// shar phyogs 'bar ba me yi lha// phyag g.yas 'khor lo dkar po bsnams// g.yon pa me yi phung po bsnams// sku mdog dkar po shin tu gsal// bus shig bus shig me bus shig/ rgya mtsho'i gting nas me long la// ri rab rtse nas me bus shig/nyams pa gang yin sreg par mdzod// hUM phyogs skyong rgyal po me yi lha// shar lho 'bar ba me yi lha// phyag g.yas dgra s+t+wa rab tu 'debs// g.yon pa me yi phung po bsnams// dmar sngon sku mdog rab tu gsal// bus shig bus shig me bus shig/ rgya mtsho'i gting nas me long la// ri rab rtse nas me bus shig/ nyams pa gang yin sreg par mdzod// 'byung po gang yin tshig par mdzod// hUM phyogs skyong rgyal po me yi lha// lho phyogs 'bar ba me yi lha// phyag g.yas dgra s+t+wa rab tu 'debs// g.yon pa me yi phung po bsnams// sku mdog sngon po shin tu gsal// bus shig bus shig me bus shig/rgya mtsho'i gting nas me long la// ri rab rtse nas me bus shig/ nyams pa gang yin sreg par mdzod// 'byung po gang yin tshig par mdzod// hUM lho nub phyogs skyong me yi lha// lho nub 'bar ba me yi lha// phyag g.yas ral gri rab tu 'debs// g.yon pas me yi phung po bsnams// ljang sngon rab tu gsal ba'i sku// bus shig bus shig me bus shig/ rgya mtsho'i gting nas me long la// ri rab rtse nas me bus shig/nyams pa gang yin sreg par byed// 'byung po gang yin tshig par mdzod// hUM nub kyi phyogs skyong me yi lha// nub phyogs 'bar ba me yi lha// g.yas pa spu gris rab tu gcod// g.yon pa me yi phung po bsnams// sku mdog dmar po rab tu gsal// bus shig bus shig me bus shig/ rgya mtsho'i gting nas me bus shig/ ri rab rtse nas me bus shig/ nyams pa gang yin sreg par byed// 'byung po gang yin tshig par mdzod// hUM nub byang phyogs skyong me yi lha// nub byang 'bar ba me yi lha// phyag g.yas rdul g.yab ba dan bsnams// g.yon pa me yi phung po bsnams// dmar skya sku mdog shin tu gsal// bus shig bus shig me bus shig/ rgya mtsho'i gting nas me long la// ri rab rtse la me bus shig/ nyams pa gang yin sreg par byed// 'byung po gang yin tshig par mdzod// hUM phyogs skyong rgyal po me yi lha// byang phyogs 'bar ba me yi lha// phyag g.yas rgya gram rab tu 'dzin// g.yon pas me yi phung po bsnams// ljang nag shin tu gsal ba'i sku// bus shig bus shig me bus shig/ rgya mtsho'i gting nas me long la// ri rab rtse nas me bus shig/ nyams pa gang yin sreg par byed// 'byung po gang yin tshig par mdzod// hUM phyogs skyong rgyal po me yi lha// byang shar 'bar ba me yi lha// g.yas pas kha T+wAM rtse gsum bsnams// g.yon pas me yi phung po bsnams// ljang ser shin tu gsal ba'i sku// bus shig bus shig me bus shig/ rgya mtsho'i gting nas me long la// ri rab rtse nas me bus shig/ nyams pa gang yin sreg par mdzod// 'byung po gang yin tshig par mdzod// hUM phyogs skyong rgyal po me yi lha// 'og phyogs 'bar ba me yi lha// phyag g.yas tho ba gtun shing bsnams// g.yon pa me yi phung po bsnams// dud kha shin tu gsal ba'i sku// bus shig bus shig me bus shig/ rgya mtsho'i gting nas me long la/ ri rab rtse nas me bus shig/ nyams pa gang yin sreg par byed// 'byung po gang yin tshig par mdzod// steng nas dngul gyi sbud pa can// shar nas shel gyi sbud pa can// shar lhor mchong gi sbud pa can// lho nas rin chen sbud pa can// lho nub g.yu yi sbud pa can// nub nas byi ru'i sbud pa can// nub byang zangs kyi sbud pa can// byang nas mthing gi sbud pa can// byang shar gser gyi sbud pa can// 'og nas sna tshogs sbud pa can// tshangs pa 'khor tshogs me bus shig/ brgya byin 'khor tshogs me bus shig/ drang srong 'khor tshogs me bus shig/gshin rje'i 'khor tshogs me bus shig/ srin po'i 'khor tshogs me bus shig/ klu bdud 'khor tshogs me bus shig/ rlung lha'i 'khor tshogs me bus shig/ gnod sbyin 'khor tshogs me bus shig/dbang ldan 'khor tshogs me bus shig/ sa bdag 'khor tshogs me bus shig/ hUM/ mthing nag 'bar ba'i 'khor tshogs nas// dpal chen rdo rje gzhon nu yang/ khro rngam rab tu gdug pa'i bro// thugs rje chen po bro la gshegs// dgra ni thal ba rlog pa'i bro// bdud ni phye mar 'thag pa'i bro// rngam pa chen po bro la gshegs// hUM mthing nag gru gsum 'bar ba'i dkyil 'khor nas// tshangs pa 'dul ba gdug pa'i lha// hUM mdzad yab yum bro la gshegs// khro bo mthing ga sprin ltar gtibs/ khro chung tshon gang skar ltar 'khrugs// bdud dang srin po 'dul ba'i bro// dgra ni thal bar rlag pa'i bro// bdud ni phye mar 'thag pa'i bro// ngan song 'khor ba 'joms pa'i bro// bla med byang chub thob pa'i bro// phung po rdul du bshigs pa'i bro// rnam shes dbyings su 'dren pa'i bro// ta kr-ita chen po bro la gshegs// hUM gdug pa phag dang smig bu'i mgo/ tshangs pa pho mo 'khor bcas 'dul// la la lding zhing la la 'dral// gshog pa can gyis mtha' nas sdud// mche ba can gyis gsod par byed// tsham rngams drag pos bdud dpung 'joms// dpal rtul drag pos tshangs rigs 'dul// 'jigs pa'i khro bdag sprin ltar gtibs// khro chung tshon gang skar ltar 'khrugs// bdud dang srin po 'dul ba'i bro// hUM khro bos gdug pa grogs dang bral// thugs las sprul cing las rnams byed// sras mchog mthing ga sprin ltar gtibs/ khro chung tshon gang skar ltar 'khrugs// bdud dang srin po 'dul ba'i bro// hUM mkha' 'gro ma chen gdug pa'i bro// ma mo'i rta bro si li li// sngon dmar byad thag rgyangs se rgyang// sha khrag dmar po mkha' 'gro'i zas// sha la rol cig mkha' 'gro'i tshogs/ khrag la 'thung zhig mkha' 'gro'i tshogs// rus la 'cho zhig mkha' 'gro'i tshogs// mkha' 'gro rngam byed ro la rngam// g.yas su bltas nas g.yon du 'khyud// rngam pa'i tshems gtsigs mdun du blta// nyams pa gang yin spyan gyis gzigs// so brdar mche gtsigs ha sgra can// stong gsum ro za khrag 'thung yang// ma 'grangs ma ngoms so brdar khrig/ mkha' 'gro ma chen sprin ltar gtibs// pho nya phyag brnyan skar ltar 'khrugs// bdud dang srin po 'dul ba'i bro// hUM snying gi dkyil du bro brdung bas// ye shes lnga po mnyes par byed// dran pa gnas su dag pa'i bro// mig gi steng du bro brdung bas// gzugs kyi lha mo mnyes pa'i bro// rna ba'i steng du bro brdung pas// sgra yi lha mo mnyes pa'i bro// sna yi steng du bro brdung pas// dri yi lha mo mnyes pa'i bro// lce yi steng du bro brdung pas// ro yi lha mo mnyes pa'i bro// lus kyi steng du bro brdung bas// reg bya'i lha mo mnyes pa'i bro// snying gi dkyil du bro brdung bas// chos kyi lha mo mnyes pa'i bro// mdzes byed lha mo sprin ltar gtibs// phyi nang lha mo skar ltar 'khrugs// bdud dang srin po 'dul ba'i bro// rdo rje phur pa chen po bshad pa'i rgyud las/ drag po me'i las dang bro'i rim pa'i le'u ste so lnga pa'o//// de nas bcom ldan 'das zor gyi ting nge 'dzin la snyoms par zhugs te/ mthing nag gru gsum rim pa la// drug par byung ba ngan pa'i thod pa ru// rtsibs drug rang sngags zor du bcas// snying dang khrag sna mang du blugs// rim pa grangs kyi bshams nas su// drag po sngags kyi rim pa yis// gang yin dngos po sgrol bar nus// bsnyen sgrub bzhi po mtha' ru phyin// me nyes gzu dang dpang du gzug/ bsnyen pa'i lha yan da rung bsnyen// bden pa'i byin rlabs de bzhin bya// hUM mthing nag gru gsum dkyil 'khor nas// dpal chen rdo rje gzhon nu yang// g.yas na khrag zor mda' zor 'phen// g.yon pa nyung zor rbab ltar 'dril// khrag zor dmar po mtsho ltar rlobs// mda' zor drag po skar ltar 'khrugs// drag po nyung zor rbab ltar 'dril// mtshe zor rnon po mdung ltar 'debs// drag po'i phur zor snying la 'debs// do nub zor gyi las mdzod cig/ hUM yum gcig 'khor lo rgyas 'debs ma// g.yas pa khrag zor mda' ltar 'phen// g.yon nas nyung zor rbab ltar drag/b+h+yo// steng phyogs tshangs pa 'dul ba'i lha/ khro bo chen po hUM kA ra// tshangs pa 'dul ba'i mthu bo che// g.yas pa khrag zor mda' ltar 'phen// g.yon pa nyung zor rbab ltar drag/ b+h+yo// yum chen rdo rje sgra 'byin ma// steng phyogs mo rigs 'dul ba'i mthu mo che// g.yas pa khrag zor mtsho ltar rlobs// g.yon pa nyung zor rbab ltar 'bril// steng phyogs gdug pa phag gi mgo/ g.yas pa drag po phur zor bsnams// g.yon pa khrag zor mtsho ltar rlobs// steng phyogs 'gugs byed smig bu'i mgo/ g.yas pa 'dzin byed lcags kyu bsnams// g.yon pa khrag zor mtsho ltar rlobs// hUM steng phyogs 'bral byed sras mchog ni// stod ni zhal gsum phyag drug la// sku smad lcags phur dbal dang ldan// g.yas pa 'bral byed gri gug bsnams// g.yon pa khrag zor mtsho ltar rlobs// khrag mda' khrag phur chi li li// khrag mda' bu yug char ltar phob// dgra bo'i khong du dug mda' g.yos// b+h+yo/ shwa na las kyi mkha' 'gro ma// lcags kyi spyang mo mgo dgu ma// las su sha za khrag 'thung ma// g.yas su phur zor mda' ltar 'phen// g.yon du khrag zor mtsho ltar rlobs// nyid kyi dam tshig khrag mda' 'di// da ni 'phen pa'i dus la bab// khrag mda' khrag phur chi li li// khrag mda' bu yug char ltar phob// dgra bo'i khong du dug mda' rgyob// las kyi mkha' 'gro rnam gsum yang// khrag zor dmar po'i sna drongs la/ khrag zor me ltar mched nas kyang// dam nyams dgra bo 'tshig par byed// khrag zor chu ltar brub nas kyang// dam nyams dgra bo khyer bar byed/khrag zor gnyen po'i sna drongs shig/ zor 'phang slar la ma log cig/ gnyen byas dgra ru ma sdang zhig/ zas sbyar dug tu ma g.yo zhig/ dam nyams gang yin yul mkhar sgyel// mi nad me ltar mched nas kyang// gang yin nyams pa 'phung bar byed// dmag sna drong shig drag po zor gyi lha// b+h+yo b+h+yo/ drag po zor gyi thun phob cig/ rdo rje phur pa chen po bshad pa'i rgyud las/ drag po zor gyi le'u ste so drug pa'o//// de nas bcom ldan 'das rab tu dbye ba dang bsgral ba'i ting nge 'dzin la snyoms par zhugs te/ dbye ba'i sa phyogs gang yin par// rim pa gsum gyi gru gsum la// dpangs su khru gang pa gcig brtsig/gu gul chu yis legs par byug/ rnam gnyis las su bstan pa'i phyir// lho ru sgo re yang dag bsham// dme ba'i rdzas lnga de bzhin bya// tshon skud gnyis kyis rtsa ba bsdam// zhing gi rgyus pa'i thag pas gdags// yi ge gnyis kyi bar dag tu// dbye ba'i lha nyid gzhug par bya// dbye ba'i snying po rgyab tu bri// rnam gsum rdzas kyis mchod pa'i phyir// de nyid gsum yang rab tu gdams// ting 'dzin rim pas bsgom bya ste// dpal du bskyed dang las mkhan bsgom// spyan drang bstim dang mchod pa dang// dbye ba'i sngags nyid mang du bzlas// bstod cing bskul te mchod pa 'bul// dbye ba'i rtags nyid byung ba dang// thun rnams brab cing rab tu rbad// sgro gnyis las kyi rlung la phyar// las kyi lung gis khyer bar 'gyur// hUM nye 'byed las kyi phra ma mkhan// rlung lha'i bu la srin po'i tsha// pha ni rlung lha kha skyes raM pa yin// ma ni srin mo kha 'bar ma// gnyis med bu gcig byung ba ni// nye 'byed chen mo phra ma mkhan// sku mdog dud kha chen mo la// 'jigs pa'i khro gnyer mang pos brgyan// g.yas kyi dang po bya rog gong ru bsnams// nyams pa spyan gyis gzigs par byed// g.yon gyi dang po 'ug pa'i gong du bsnams// mi 'chor rtog pa rab tu gsal// g.yas 'og lcags kyu s+t+wa re bsnams// nyams pa mgo lus 'bral ba'i rtags// g.yon gyi 'og ma rlung gi rkyal pa bsnams// nyams pa rlung la skur ba'i rtags// khyod kyi phrag pa g.yas pa na// lcags kyi bya khra g.yu mig can// snang srid mi mthong gcig kyang med// dam nyams phrag pa g.yas kyi pho lha phrol/khyod kyi phrag pa g.yon pa na// zangs kyi bya khra gser mig can// srid pa gsum yang dus gcig gzigs// phrag pa g.yon gyi mo lha phrol/ khyod kyi spyi bo'i gtsug rum na// shel gyi bya khyung g.yu mig can// dge sdig gnyis kyi las kyang gzigs// 'go bar byed pa'i lha dang phrol/ khyod kyi rgyab kyi sog pa la// stag dang spyang ki rngam zhing rgyug/ nyams pa zas su za bar byed// nyams pa'i rgyab kyi dgra lha phrol/khyod kyi mdun gyi lhe sna la// seng ge dkar mo 'gying zhing 'phyo// snang srid dbang du sdud par byed// dam nyams mdun gyi srog lha phrol/ khyod ni stong gsum phra ma mkhan// rlung lha'i bu la srin bu'i tsha// mchu ni lcags kyi gzong bas rno// dam nyams mi dang lha yi bar du dbyen chug cig/ khyod kyis mi byed gang yang med// lha dang lha min g.yul 'gyed kyang// 'byed par khyod kyis nus par byed// tshe gsum dran byed pho rog ma// khyod kyis mi dran ci yang med// bstan pa gnyen la gnod pa yi// dam nyams bsgral ba'i zhing bcu 'di// 'go bar byed pa'i lha dang phrol// stongs par byed pa'i gnyen dang phrol// hu lu mun mthong 'ug pa mo// khyod kyis mi mthong gang yang med// bstan pa gnyen la gnod byed pa'i// dam nyams bsgral ba'i zhing bcu 'di// khyod kyis bsgral ba'i phrin las mdzod// ces so so'i sgro gnyis las kyi rlung la phyar ro// rdo rje phur pa chen po bshad pa'i rgyud las/ zhing bcu lha dang dbye ba'i le'u ste so bdun pa'o//// de nas bcom ldan 'das gnod sbyin sgrub pa'i ting nge 'dzin la snyoms par zhugs te/dur khrod chen po'i gnas dag tu// dkyil 'khor gru gsum byas nas su// steng du sol me rab tu btang// thal chen sol bas nang byugs la// zhabs ma dmar po'i gdan bting la// ling+ga bya ba'i rgyud nyid la// ling+ga rab tu bzos byas la// ske nas sngo dmar rab tu gdags// drag po rtsang la bstod par bya// nag po skra yis skye gnas btags// phur pa nyid la bstod par bya// rtsa gnyis kyi ni khrag gis byugs// thod pa mtshan dang ldan pa ru// dmar po gnyis kyi snying khrag la// de bzhin bsre ba'i rdzas rnams dang// de bzhin zur la rab tu gzhag/ bse phor mtshan ldan nang dag tu// chang dang rin chen sna lnga dang// 'bru la sogs te zur du gzhag/ tsa ra khrag gis byugs pa yi// phur pa'i rtse mo gnam du bstan// rab tu zur la dgod par bya// de la sogs pa'i rdzas rnams ni// snying sna khrag sna mang du bsags// lha nyid gsal la gnas rnams bsrung// de nyid las su rung ba dang// dregs pa can gyi sngags la 'jug/ gong du bstan pa de bzhin du// nur ba med pa rab tu bzlas// ci bgyi bka' nyan bran ltar khol// the tshom som nyi ma yin par// dregs pa'i srog snying mang du bzlas// hUM bstan pa gnyen po bsrung bar zhal bzhes pa'i// rdo rje phur pa'i srung ma dam tshig can// khas blangs dam bcas srog gi snying po phul// bstan pa rgyas pa'i slad du don mdzad pa'i// mthing nag gru gsum 'bar ba'i dkyil 'khor nas// dregs pa'i mnga' mdzad gnod sbyin me ru tse/ khrag mdog dmar po bse yi ral pa can// spyan mig nyi ma'i 'od zer skar ltar 'khrugs// smin ma glog 'gyu bar snang go skabs 'byed// shangs nas bu yug rdo rje thog chen 'bebs// zhal bgrad tshems ni spu gri 'bum gyis gtams// rngam pa'i ljags 'dril bskal pa'i me ltar 'bar// ag tshom dmar ser dug gsum rtsad nas bsreg/ snyan nas 'brug stong sgra skad ldi ri ri// sen mo lcags kyu'i rtse ltar 'dzin zhing 'gugs// ba spu'i nang nas gnam lcags zhun chu 'brub// spyan mig dmar pos snang srid gsal bar mdzad// lcags kyus snang srid dbang du sdud pa'i rtags// smin ma 'dzings pas me stag rab tu 'phro// yak+sha gnod sbyin 'jigs pas rab tu rngam// chu ltar 'brub cing me ltar sreg par byed// zhabs kyis gang du bsams par yud kyis phyin// na bza' dmar po sprin gyi g.yang gzhi gsol// nyams pa'i snying 'byin chad par bcug nas gsol// rdo rje phur pa'i las rnams khyed kyis sgrubs// bcol pa'i las rnams ma lus 'grub par mdzod// hUM gnod sbyin me ru tse yi thugs dam dgyes skul ma// yum gcig rdo rje gar gyi dbang phyug ma// khros pa'i sku mdog khrag gi thigs pa 'dra// mi bzad rdo rje lcags kyi phur pas gtams// rdo rje'i ral pa si li li/ khrag gi mchi ma phru lu lu// snying rje mi mnga' dam nyams sgrol bar byed// phyag na rdo rje phur pa 'dril zhing 'debs// dus la bab bo gar kyi dbang phyug ma// gru bzhi srin mo sbrul 'dra ma// yab yum rtags dang gdug pa can// bya ba ma yin rab tu gzem// rta dang byis pa mug pa'am// tsag tsog mang po byung ba dang// khug pas rab tu gdab bya ste// phur pa blangs shing rab tu 'dril// drod dang tshangs pa'i mgo la gdab// sa ti yam shud rkang pa la// shu la khu le lag pa la// da sha grI ba gsang ba la// rtsa gnyis yab yum sngags kyis gdab// yab snying yum lte rnam pa gnyis// rab tu gdab pa de bzhin bya// gyad kyi sku mdog bzhir bsgom la// phur pa gdab cing las rnams bya// gtor ma lag tu thogs byas la// srod la zla ba'i 'od la bskul// tho rangs skar chen shar nas bskul// dgong mo grib so chags la bskul// nang par nyi ma'i rtse la bskul// rang bzhin rtags ni byung ba dang// gang yin phyogs su gtor ma 'phangs// de yi las rnams 'grub par 'gyur// rdo rje phur pa chen po bshad pa'i rgyud las/ gnod sbyin dregs pa can sgrub pa'i le'u ste so brgyad pa'o//// de nas bcom ldan 'das yon tan bstan pa'i ting nge 'dzin la snyoms par zhugs te/bstan pa thams cad 'phel ba dang// chos nyid zhi bas 'dul ba dang// ma rig rig par 'gyur pa dang// ston pa rang las byung ba dang// 'bras bu gzhan la med rtogs na// rgyud gnyis yongs su rtogs las byung// zhi ba chen por rtogs pa dang// ma rig mun pa bsal ba dang// rig pa'i ye shes gsal ba dang// rtogs pas 'bras bur gyur pa dang// dri med 'od ldan gsal ba dag/rgyud 'di yongs su rtogs las byung// kun bzang don nyid ston pa dang// de nyid gzhi ru gyur pa dang// rnam pa thams cad mkhyen pa dang// de yis thams cad chos ston dang// rgyud 'di yongs su rtogs las byung// chos nyid phur pa kun gyi gzhi// bstan pa dar dang 'dul ba'i don// gang du bstan par 'byung bar byed// rang bzhin 'dul ba'i don bstan pa// rgyud 'di yongs su rtogs las byung// ye nas gnas pa'i chos nyid 'di// chos nyid rig pa kun gyi gzhi// rdo rje yang dag skye ba med// spros med don rnams rtogs byed pa// rgyud 'di yongs su rtogs las byung// thugs rje nam mkha'i byin rlabs las// 'dul ba'i don la cir yang ston// gdug pa 'dul ba'i khro bo 'byung// thams cad ma lus 'dul ba yang// rgyud 'di yongs su rtogs las byung// kun tu bzang po'i ngang nyid las// gdug pa 'dul ba'i khro bo yang// hUM hUM phaT phaT sgra sgrogs pa// yongs su 'dul ba bstan pa yang// rgyud 'di yongs su rtogs las byung// bde bar gshegs pa'i byin rlabs las// bdud dang srin po 'dul ba'i lha// rngam pa'i sgra yis kun bkang nas// nyon mongs sreg par byed pa'i me// rgyud 'di yongs su rtogs las byung// thabs dang shes rab 'brel pa yang// 'gro ba 'dul ba don gyi phyir// byang chub sems kyi bde ba yang// bde gshegs dgongs pa'i byin rlabs te// rgyud 'di yongs su rtogs las byung// 'dod chags sbyong zhing byang chub thob// chags pa rang rgyud sdug bsngal sel// zhen pa rang rgyud grol bar byed// 'dzin pa med cing zhen pa gcod// rgyud 'di yongs su rtogs las byung// mkha' la bya ltar 'phur pa dang// chu la mi 'bying mes mi tshig/ thogs pa med par 'gro ba dang// mngon shes rab tu mi slu dang// bden pa don dang ldan pa 'di// rgyud 'di yongs su rtogs las byung// log pa'i chos can 'dul ba dang// dngos grub bar chad byed pa dang// bsgral ba'i zhing bcur gyur pa dang// ngan song sdug bsngal mkha' 'gror bcas// thugs rje'i byin rlabs 'byung bar ni// rgyud 'di yongs su rtogs las byung// 'gro ba 'dul ba'i don slad du// zhi dang khro dang 'dul ba'i don// 'dul ba'i dbang du de las byung// drang don nges don rnam pa gnyis// 'gro ba 'dul ba'i don du 'byung// rgyud 'di yongs su rtogs las byung// rang rgyud dngos por 'joms pa dang// stong pa'i don la dgod pa dang// bden pa'i dbyings las 'dul ba dang// mi 'khor don la 'god pa dang// zhing bcu'i don rnams mthong ba dang// rgyud 'di yongs su rtogs las byung// nyi ma'i 'od bzhin gsal ba dang// gsal la 'gyur med brtan pa dang// nyes pa med par rtogs pa dang// bgrod du med par mthar phyin pa// rgyud 'di yongs su rtogs las byung// skabs dang rim par gyur pa la// sa dang lam la de bzhin te// rim par nus pa'i byin rlabs dang// 'bras bu'i rim pa de bzhin te// rgyud 'di yongs su rtogs las byung// bsam gtan ting 'dzin rim pa ni// ting 'dzin rtsal gyi rim pa yis// sa la rnam pa gnyis yod de// 'khor 'das gnyis su de bzhin 'byung// mya ngan 'das pa'i sa lam yang// rgyud 'di yongs su rtogs las byung// bstan pa'i snying po dam pa yang// gang yin rtogs las de bzhin 'byung// ma nges 'dzin pa de bzhin bral// 'dzin pa med pa gzhi rtsa bral// rgyud 'di yongs su rtogs las byung// bshad pa dri med 'od ldan 'di// bstan pa yongs kyi 'byung gnas yin// bde bar gshegs pa'i snying po yin// thams cad 'byung ba'i gnas chen yin// mun pa sel ba'i sgron me yin// rtogs par byed pa'i shes rab yin// sgom par byed pa'i bsam gtan yin// shes par byed pa'i spyod pa yin// thob par byed pa'i 'bras bu yin// nges par 'grub pa'i dngos grub yin// zhi bar byed pa'i chos nyid yin// 'jom par byed pa'i khro bo yin// sgrol bar byed pa'i phur pa yin// gtub par byed pa'i mtshon cha yin// gsal bar byed pa'i mar me yin// rdo rje phur pa chen po bshad pa'i rgyud las/ rgyud 'byung ba'i don bstan pa'i le'u ste so dgu pa'o//// de nas bcom ldan 'das drag po nyid sgrub pa'i ting nge 'dzin la snyoms par zhugs te/ dur khrod chen po'i gnas dag tu// drag po gru gsum rim pa bzhin// dur khrod rus pa'i phye ma la// khrag gis sbrus te rab tu byug/ rim pa bzhin du byas kyang rung// rdzas rnams gong du bstan pa bzhin// tshang par bsags shing las rnams bya// bar chad bsrung zhing byin brlab bya// phur pa sngags kyi byin brlab bya// brjod kyis rim pas gzhug par bya// rnam lnga las kyi ling+ga 'bul// gtso bo sngags kyis gzir la gzhag/sngags kyi las bya ting 'dzin bsgom// rnam gsum bskyed dang mchod pa 'bul// las bzhi brdung ba'i sbyor sgrol bya// bstab pa'i sngags kyis de bzhin 'bul// snying po dril zhing las rnams bya// tshogs mchod gong du bstan pa bzhin// de yis rtags rnams byung ba dang// rab tu dril zhing drag por bstan// gong du bstan pa de min dgos// drag po'i las su bstan pa yin// mtshan ma brtan po byung ba dang// pho nya dkyus su bcas pa dang// rang rang drag po bsgral ba'i sngags// mtha' yis brten cing gdab par bya// dngos por 'dzin pa sgrol ba yi// drag po khro bo'i byin rlabs yin// dngos po stong par sgrol ba dang// de yi don las mi 'da' dang// 'khor bar mi 'khor 'or gcig bya// mtshon dang dug dang brdung ba dang// bstab dang gnas pa'i rim pa yang// 'dus pa chen po rang rang yin// gnas gsum las nyid gang byed kyang// rang rang sngags kyis de bzhin bya// tshe dang bkra shis dngos grub kyang// thams cad 'dus pa'i sngags tshig yin// rdo rje phur pa chen po bshad pa'i rgyud las/ drag po bsgrub pa'i le'u ste bzhi bcu pa'o//// de nas bcom ldan 'das sras mchog sgrub pa'i ting nge 'dzin la snyoms par zhugs te// dur khrod chen po'i gnas dag tu// gru gsum mthing nag 'bar ba bri// dur khrod rus pa'i phye ma gdab// sngags kyis bsrung zhing phur pa dgod// byin brlabs dgod pa sngags nyid yin// de nyid bskyed dang spyan drang dang// mchod dang las bzhi'i brdung ba dang// gdab cing bskul zhing snying po bzlas// bstod bzhin gong bzhin tshogs mchod byas// rtags rnams rab tu byung ba dang// bsgrub pa drag po sngags la 'jug/ bsnyen bsgrub sha mdangs phyed par bya// brdung ba'i las ni dus dus bya// de yis rtags nyid byung ba dang// pho nya dkyus dang yang dag sbyar// sgrol ba'i sngags kyis bsgral bar bya// phyi ma'i las nyid gong du bstan// drag po sgrol ba'i las nyid yin// rdo rje phur pa chen po bshad pa'i rgyud las/ sras mchog nyid du sgrub pa'i le'u ste zhe gcig pa'o//// de nas bcom ldan 'das las mkhan dgu bcu sgrub pa'i ting nge 'dzin la snyoms par zhugs te// dur khrod me ri spungs pa'i sar// gru gsum mthing nag 'bar ba bri// sngon du bya ba'i rim pa'i sa// gsum dang bzhi bzhi gcig kyang rung// rim pas de bzhin gang yin sbyar// so so'i rdzas rnams so sor bsag/ thun yang de bzhin rim par bya// ting 'dzin rim pa'i byin rlabs las// phur pa dar gyi cod pan can// mnga' gsol rim pa bzhin du bya// mdun du las mkhan de nyid bskyed// spyan drang bstim dang mchod pa bya// snying po drag po sngags su sbrel// lha gsal gang yin las sngags byed// bsnyen bsgrub mi dbye gcig tu dril// drag por sbrel cing rak+ta sbreng// dus dus rbad cing rab tu khro// rtags rnams dbyung ba'i phur pa'i las// thun yang de bzhin 'phang bar bya// thun la me ru 'bar ba dang// 'od dang skad dang du ba dang// rtags de mngon du 'ong bar bshad// bsnyen sngags gdab sngags thun sngags dang// mi dbye de nyid gcig pa yin// dril ba'i sngags kyis las rnams 'grub// ting 'dzin rim pa so so yin// rdzas kyang mi mthun so so yin// bye brag tu ni shes par bya// gtso bo gcig la las mkhan ni// rkyang pa bcu dgu'i rim pa ste// de rnams gang byed las mkhan yin// bcu dgu pho mo gnyis su 'dus// gang byed ye shes lha la gdags// dril bas sngags su gong bzhin 'gro// na ya bye brag rigs dang sbyar// las kyi pho mo rnam gnyis so// gang yin rtags dang sbyar bar bya// rdo rje phur pa chen po bshad pa'i rgyud las/ las mkhan bcu dgu'i sgrub pa bstan pa'i le'u ste zhe gnyis pa'o//// de nas bcom ldan 'das yon tan gyi ting nge 'dzin la snyoms par zhugs te/byin rlabs nam mkha'i ngo bo las// thugs rje chen po'i byin rlabs 'du// 'dul ba'i don du cir yang ston// thabs mkhas rgyal ba'i byin rlabs kyis// 'dul ba rnam gnyis gang 'dul ba// yang dag don la khyad par med// bstan pa'i snying po dam pa 'di// 'dul ba'i don du cir yang ston// snying po dam pa lha yi sku/ khams gsum sems can de bzhin 'byung// rtogs dang ma rtogs khyad par med// rnam pa gnyis kyi 'bras bu 'byung// gcig las gnyis su de bzhin snang// snying po'i don la bzang ngan med// med pa ma yin cir yang snang// rgyal ba thams cad 'byung bar byed/ khams gsum sems can 'byung bar byed// 'bras bu bzang ngan gnyis su smin// rgyal ba'i byin rlabs rnam par 'byung// rgyal ba grangs mang bsam 'das kyang// don dam snying po nyid las byung// rgyud rnams thams cad 'byung ba yang// don dam snying po dbyings las byung// ston pa thams cad 'byung ba yang// don dam snying po dbyings las byung// 'khor rnams thams cad byung ba yang// don dam snying po dbyings las byung// sdud pa thams cad 'byung ba yang// don dam snying po dbyings las byung// theg pa thams cad 'byung ba yang// don dam snying po dbyings las byung// bstan pa thams cad 'byung ba yang// don dam snying po dbyings las byung// rigs rnams thams cad 'byung ba yang// don dam snying po dbyings las byung// lta ba bsgom pa rtogs pa yang// don dam snying po dbyings las byung// 'bras bu mtha' ru phyin pa yang// don dam snying po dbyings las byung// 'gro ba'i don la spyod pa yang// don dam snying po dbyings las byung// don rnams thams cad 'grub pa yang// don dam snying po dbyings las byung// gtan la dbab par bya ba dang// gtan la 'bebs par byed pa yang// don dam snying po dbyings las byung// don dam snying po ci yang med// ci yang med la cir yang snang// snang ba'i dngos po dmigs dang bral// snang ba dngos med stong pa'i dbyings// snang ba rang bzhin med pa'i ngang// snang ba rang bzhin ci yang med// stong pa cir yang snang ba'i stong// stong pa thams cad kun kyang 'byung// stong pa ye shes lnga yi ngang// stong pa rigs lnga bder gshegs byung// stong pa stong pas chad pa med// stong pa stong pas thams cad 'byung// stong pa stong pas dbyings su thim// stong pa'i stong pa ye shes mchog/ snang stong gnyis med bde ba'i mchog/gnyis su med pa gnyis med dbyings// gnyis su med par bden pa'i dbyings// gnyis su med par bstan pa'i gzhi// gnyis su med pa snying po'i dngos// gnyis su med pa 'bras bu'i mchog/gnyis su med pa don dam lam// gnyis su med pa bde ba'i mchog/ gnyis su med pa mnyam pa'i dbyings// mnyam nyid rig pa'i klong brdal bas// snang stong gnyis su med pa yang// thams cad rang rig byang chub sems// bde ba chen po dbyings la gsal// rig dang ma rig khyad par las// 'khor ba mya ngan 'das pa byung// 'khor ba bsam med brjod las 'das// rtog pa brtas la so sor smin// rang rang bcings pa grol ba med// bcing bya 'ching byed gnyis su med// rtog pa brtas la de ltar snang// rtog pa brtas la me ltar tsha// rtog pa'i dbang du de nyid ltar// sdug bsngal ngan song 'bras bu las// grangs dang brjod las 'das pa ru// sdug bsngal sna tshogs thar pa med// log par brtas pas de bzhin byung// 'gro ba'i dus med ngan song 'khyams// thugs rje'i byin rlabs rab tu dkon// 'bras bu rlag par gyur pa yin// rtog pa'i rim pa khyad par gyis// grangs dang brjod las 'das pa byung// theg pa'i rim pa bsam 'das kyang// nges par bstan pa gcig las med// sangs rgyas grangs mang brjod 'das kyang// nges par bstan pa gcig las med// 'bras bu grangs mang brjod 'das kyang// nges pa'i 'bras bu gcig las med// de bzhin thams cad 'byung ba yang// nges par ma rtogs rim par bgrod// gtan la phebs pa gcig las med// rtogs pa'i khyad par gnyis la 'byung// de yang snang ba rnam gnyis yin// lta ba thams cad de la 'dus// sgom pa thams cad de la 'dus// spyod pa thams cad de la 'dus// 'bras bu thams cad de la 'dus// dkyil 'khor thams cad de la 'dus// zhi dang khro yang de la 'dus// lam dang rim pa de la 'dus// rgyud rnams thams cad de la 'dus// ston pa thams cad de la 'dus// 'khor rnams thams cad de la 'dus// bstan pa'i snying po rin po che// rgyud rnams thams cad 'byung ba yang// de la zad cing stongs pa med// de phyir zad med rig pa'i gter// rin chen dbang gi rgyal por bshad// bdud dang srin po 'dul ba yang// snying po don dam dbyings las byung// dper na chos nyid nam mkha' 'dra// cir yang med de kun gyi gzhi// thams cad thams cad 'byung bar byed// de yis rgyud kyi rang bzhin 'byung// 'dul ba'i don du rgyud 'byung ba// rnam pa gnyis su nges par 'byung// byung yang don dam dbyings las byung// 'dus kyang don dam dbyings la 'du// de phyir kun gyi gzhi yin pas// gzhi la rgyud rnams so sor 'byung// gzhi de nyid las ma g.yos par// thams cad de bzhin 'byung ba yang// 'dus kyang gzhi de nyid du 'dus// bdud dang srin po 'dul ba yi// khro bos stong gsum kun bkang nas// khro bo byang chub sems las byung// byang chub sems kyi rang bzhin las// thams cad 'byung ba'i chos rnams ni// rtogs ma rtogs kyi khyad par yin// bstan pa'i snying po de la bya// rdo rje'i snying po kun gyi gzhi// rdo rje phur pa chen po bshad pa'i rgyud las/ rgyud gtan la dbab pa'i le'u ste bzhi bcu zhe gsum pa'o//// de nas bcom ldan 'das rgyud gtad pa'i ting nge 'dzin la snyoms par zhugs te/dus gsum skye shi mi mnga' ba'i// rig pa gsal ba 'dun pa'i don// rgyud rnams thams cad sdud par byed// rdo rje rigs la mnga' brnyes pa'i// dam pa'i rigs can khyod kyis zung// las dang skal bar ldan pa dang// tshe rabs sngon du sbyangs pa dang// byang chub sems dang ldan pa dang// snying rje che zhing shes rab gsal// 'gro ba'i don la mos pa la// rgyud 'di yongs su 'byung bar 'gyur// rdo rje phur pa chen po bshad pa'i rgyud las/ rgyud yongs su gtad pa'i le'u ste bzhi bcu zhe bzhi pa'oo// //rdo rje phur pa chen po bshad pa'i rgyud dri med 'od ldan zhes bya ba rdzogs so////

CLOSE WINDOW