CLOSE WINDOW

Gpb026.003
བོད་ཡིག

/ sgra log na rje btsun mas bzod par gsol lo//// rgya gar skad du/ badzra kI li ya gu h+ya mU la ma hA yo ga saM gi ti tan+t+ra nA ma/ bod skad du/ rdo rje phur bu gsang ba'i rtsa ba rnal 'byor chen po yang dag pa'i rgyud ces bya ba/bcom ldan 'das dpal rdo rje gzhon nu khros pa thams cad mkhyen pa la phyag 'tshal lo// 'di skad bdag gis thos pa'i dus gcig na/ bcom ldan 'das badzra kI la ya bde ba chen po des/dbyings rnam par dag pa'i ngang las ye shes ma 'gags par snang ba ni/ sku gsung thugs dang ldan pa/ snang ba yum gyi b+ha ga phyi med nang med kun tu gsal ba'i gzhal yas khang/phyi rin po che 'bar ba'i gzhal yas khang/ nang dur khrod 'jigs pa gru gsum mthing nag 'bar ba'i gzhal yas khang/ rgyan sna tshogs dang ldan pas/ rgya phyogs bcur yongs su ma chad pa/'byung ba yum dang ldan pa'i gzhal yas khang/ 'og min chos kyi dbyings/ thabs dang shes rab ma chags shing nyon mongs pas ma gos pa'i gdan la/ yum 'khor lo rgyas 'debs ma dang gnyis su med par bzhugs so// yab yum thabs shes gnyis su med pa'i byin rlabs las byung ba ye shes lnga las grub pa rdo rje 'dus pa la sogs sras mchog lnga dang/ rol pa'i rnam par shes pa las grub pa'i khro bo bcu dang/yum rnam par dag pa las grub pa'i khro mo bcu dang/ byang chub sems kyi bde ba dkar dmar nyi shu grub pa'i phra men ma nyi shu dang/ gzhan yang sprul pa dang yang sprul sum sprul bsam mi khyab pa dang/khro bo karma he ru ka dang/ gzhan yang sa bcu'i byang chub sem dpa' mang po dang/ de dag la sogs pa 'khor du deng 'dus pa ni/ gsang ba'i rig pa 'dzin pa'i khro bo mang po dang/ 'jig rten pa'i dregs pa can pho mo khro bo'i gzugs 'dzin pa mang po dang thabs cig tu bzhugs so// de nas bcom ldan 'das badzra kI la yas/ dbyings las sku'i ye shes snang ba zhes bya ba'i ting 'dzin la snyoms par zhugs te/ ting nge 'dzin de la snyoms par zhugs ma thag tu sku'i gnas rnam pa lnga nas 'od zer kha dog rnam pa lnga byung ste/ye shes gsal ba zhes bya bar phyogs bcu ma lus mi lus shing/ lus par mi 'gyur ba'i 'jig rten thams cad du khyab par gyur te/'od des 'gro ba rigs drug gi nyon mongs pa thams cad dag par mdzad de/ de dag pas phur pa gnyis med nges pa zhes bya bar gsal bar gyur to// de dag slar 'dus pas sku thams cad shin tu yang dag par rdzogs par mdzad de/ye shes ma 'gogs pa ma 'dres pa yongs su rdzogs par mdzad nas slar nyid kyi thugs kar thim mo// 'khor rnams kyis kyang ye shes gnyis med dag pa phur pa bde ba chen po zhes bya ba'i don rtogs par gyur to// de nas bcom ldan 'das badzra kI la yas/ rang byung gi phur pa'i don ston pa zhes bya ba'i ting nge 'dzin la snyoms par zhugs te/ sems can ma rig pa'i don du nyid kyi sku gsung thugs rdo rje las rdo rje bde ba'i tshig 'di gsungs so// a ho bde ba ye dag pa'i// rang byung phur pa'i nges don 'di// thun mongs ma yin ye dag pa'i// rdo rje gzhon nu bdag la gsal// dbyings dang ye shes phur bu 'di// gnyis su med pa bde ba'i phur// ye nas dag pa'i klong dkyil na// ma 'dres dag las so sor gsal// zhes gsungs so// de nas 'khor rnams kyis rang byung gi phur pa bde ba chen po'i don rab tu rtogs te rang rang gi don go ba chen po rnyed par gyur to// de nas sras mchog rnam pa lngas/ rtogs pa'i don 'di gsungs so// a ho rang byung phur pa ye shes lngar// grub pa'i don shes byang sems 'di// ye nas ye shes lngar gnas phyir// phur pa thams cad 'di ru nges// zhes gsungs so// de nas hU~M kA ra la sogs pa yab yum gyis rtogs pa don go ba 'di gsungs so// a ho gnyis med phur pa chen po'i don// rol pa'i stobs klong phyogs bcur ni// phur pa thams cad 'dir 'dus pas// byang chub sems kyi phur 'dir nges// zhes gsungs so// de nas phag mgo can la sogs pa'i phra men ma rnams kyis rtogs don 'di gsungs so// a ho phur pa ma 'gags chen po'i don// byang chub sems ni nyi shu ru// ma lus 'dus pa chen po'i don// byang sems phur pa 'di nges so// zhes gsungs so// de nas karma he ru kas/ rang gis rtogs pa'i go ba 'di gsungs so// phur pa dag pa chen po rnams// ma lus phrin las mdzad pa yis// byang chub sems su rab 'dus pas// rdo rje phrin las 'di nges pa'o// zhes gsungs so// de nas 'khor dregs pa can mang pos rang byung gi don nges par rig nas/ gzhi ji bzhin pa'i phur bu la/ blo ji bzhin pa'i don gzhag thabs nges par rab tu shes par gyur to// de nas yang gtso bo yab yum la sogs pa rnams/ gsang ba rnam par rol pa zhes bya ba'i ting nge 'dzin la snyoms par gyur te bde ba'i rol pa mdzad nas/ gnyis su med pa'i byang chub sems bde ba chen po'i dga' ba nyams su myong nas/bum pa chus gang ba bzhin du byang chub kyi sems kyis nam mkha' thams cad dkar ltem gyis gang bar gyur to// de dag slar rang rang gi bde ba'i gnas su thim ste/ rang rang gi byang chub sems bde ba 'di gsungs so// e ma ho rang byung bde ba chen po'i don// phur pa byang sems chen po ste// snang ba ma lus thams cad sems// thams cad de las ma g.yos pas// byang chub sems ni nges par 'grub// ces gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las gleng gzhi dang phur bu nges par bkod pa'i le'u ste dang po'o//// de nas phrin las kyi bdag po karma he ru kas/bcom ldan 'das badzra kI li ya la 'di skad ces gsol to// e ma ho// rang byung phur bu'i don bstan pa// 'di ni rab tu nges pa ste// 'di la tha snyad las btags pa'i// phur pa nges pa du ru bshad// ces gsol pa dang/ bcom ldan 'das badzra kI la yas/ phur pa'i rnam grangs rnam par nges pa gsal bar 'byed pa zhes bya ba'i ting nge 'dzin la snyoms par zhugs te/ 'di skad ces bka' stsal to// e ma ho/ nyon cig karma he ru ka/ rang byung phur bu don nges pa'i// rnam grangs dbye ba ngas bshad do// phur pa rang byung nges pa la// dbye na rnam pa bzhi yin te// rang rig ye shes phur pa yis// yul chos dbyings la gdab pa dang// thugs rje chen po'i phur pa yis// khams gsum sems can gdab pa dang// gsang ba byang sems phur pa yis// yum gyi mkha' la gdab pa dang// mtshan rdzogs rdzas kyi phur pa yis// nyams pa bdun la gdab pa'o// de dag rang rang gdab thabs dang// skyon yon thebs tshad shes pa na// phur pa nges par 'grol ba yin// yang na gsum du nges pa yin// dbyings dang ye shes bde ba'i don// gdal ba chos nyid phur pa dang// khyab pa'i ye shes phur pa dang// gnyis med bde ba chen po phur// de yi nges don rtogs shes na// phur pa'i don rnams der ngas bshad// yang na don dam phur pa dang// kun rdzob phur pa gnyis yin te// dmigs med ye shes dag pa dang// snang ba 'khrul par nges pa yis// gnyis su med par kun 'dus te// shes rab gsum ldan mkhas pas dpyad// de la sogs pa'i phur pa ni// tha snyad phyir na nges pa yin// don la phur bu gang yang med// phur pa'i ngo bo nges tshig dang// dbye ba la sogs mang po rnams// kun la rab tu shes par bya// thams cad ma lus phur pa yin// ye nas gnas pas bcos su med// rtog pa med pas bde ba yin// mthun gnyis kun rdzob mi spang ngo// gtan tshigs bsgrub bya nges par bshad// don las sangs rgyas phur bu dang// sems can phur bu gnyis med de// btsal dus khyab bya khyab byed kyis// phur pa nges par rab tu btsal// phur bu'i nges don dag pa yang// lhangs kyis rtogs na thebs pa yin// gnyis su med na sbyor ba yin// mtshan ma bral na brjod du med// nam mkha' chos nyid sems nyid phur// gnyis med phur bu mya ngan 'das// zhes gsungs so// rdo rje phur bu rtsa ba'i rnal 'byor chen po yang dag pa'i rgyud las/ gleng bslang ba dang phur pa'i rnam grangs rnam par bshad pa'i le'u ste gnyis pa'o//// de nas yang karma he ru ka/ bcom ldan 'das badzra kI li ya la 'di skad ces gsol to// kye bcom ldan badzra kI la ya// rdo rje zhes ni gang la bgyi// phur pa zhes ni gang la bgyis// dgongs pa zhes ni gang la bgyi// rgyud kyis bya ba ji lta bu// chen po zhes ni gang la bgyi// de la sogs pa'i nges pa rnams// gtso bos bdag la bshad du gsol// zhes gsol ba dang/ de nas bcom ldan 'das badzra kI la yas/ tha snyad thams cad rnam par nges pa zhes bya ba'i ting 'dzin la snyoms par zhugs te/ 'di skad ces bka' stsal to// e ma ho/ nyon cig karma he ru ka/thugs rje chen po ldan pa yis// khyod kyi 'dod pa ngas bskong ngo// rdo rje gnyis su med pa ste// mi 'gyur chos kyi sku ru bshad// phur pa ye shes gnyis med don// dbyings dang ye shes 'brel bar bshad// gsang ba rnam pa gsum yin te// phyi nang gsang bas gsang ba ste// rgya ru 'debs pa ngas bshad do// dgongs pa sangs rgyas dgongs pa ste// dbyings las gang 'dod skong bar byed// rnal 'byor ma bcos blo la'o// rgyud ni thams cad 'brel bas te// don dam kun rdzob phur bur 'brel// chen po gzhan las khyad par 'phags// lta ba spyod pa phrin las dang// dam tshig ye shes la sogs 'phags// bcom pa gzung 'dzin gnyis bcom ste// ldan pa dbyings dang ye shes ldan// rdo rje gang yang gnyis med de// nges pa'i phur pa kun rtogs rgya'o// zhes gsungs so// rdo rje phur pa gsang ba'i rtsa ba rnal 'byor chen po'i rgyud las/nges tshig bshad pa'i le'u ste gsum pa'o//// de nas 'jig rten pa'i dregs pa chen po rtogs pa rang rgyud pa/ bden pa'i don ma mthong ba/ dug lnga rang gar spyad pa'i nyes pa yis/lus shin tu 'jigs pa rgyu dang rkyen gyis gol ba'i rU tra chen po des/ 'dod khams kyi lha man chad dbang du bsdus nas lam log pa la 'god cing srog gcod par byed do// de'i 'khor dug lnga las grub pa'i lha chen po lnga dang/mi dge ba bcu las grub pa'i phyogs skyong bcu dang/ dam sri dmar po zhes bya ba dang/ gzhan yang dregs pa can phra men gyi gzugs 'dzin pa mang pos/ sems can mang po'i srog gcod cing log pa'i don las bkod cing/rang rang gi gnas su dur khrod lta bu dug lnga'i rten can gnas so// de nas karma he ru kas/ de lta bu'i don log pa mthong nas/ bcom ldan 'das badzra kI la ya la 'di skad ces gsol to// kye kye bcom ldan 'das badzra kI la ya/ 'jig rten log pa'i sems can 'di// rgyu dang rkyen las rang gar 'khrul// dug lnga rtog pa'i las byas pas// rgyu mthun 'bras bu 'jigs pa'i gzugs// shin tu khro gtum gdug pa yis// 'dod pa'i khams sogs dbang bsdus nas// srog gcod log pa la sdud pa// ma btul nyes pa gnyis su 'gyur// btul na yon tan mang po ste// de bzhin gshegs pa mang pokun// ye shes 'khor lo spyan drangs la// gdug pa khro gtum gdul bar bya// zhes gsungs so/ de nas bcom ldan 'das badzra kI li yas/ dregs pa ye shes chen pos 'dul ba zhes bya ba'i ting nge 'dzin la snyoms par zhugs te 'di skad ces bka' stsal to// nyon cig karma he ru ka/ bdag rtog zhe sdang las 'khrul pa// shin tu 'jigs pa'i rU tra 'dis// sngon yang bskal pa re re la// bar chod srin por gyur pa ste// 'di ma btul na sems can dag/ thams cad ma lus dmyal bar 'gro// sangs rgyas kun gyi dpung bzlog la// shes rab thabs sbyor chen po yis// de bzhin gshegs pa khro bo bya'o// ngang nyid pa yi chos dbyings las// sangs rgyas kun gyi ye shes sku// 'gyur med ye shes dag pa ste// ye shes khro bo gshegs gsol nas// 'khor ba'i sku dbyig rab bskyed bya// srid pa rdo rje rab bsgrub ste// srid pa rdo rje phur pa'i lha// ye shes khro bo sgrub par byed// 'bar ba'i khro bo mi bzad pas// rtags dang mtshan ma rab tu bstan// kho la phur pa'i dngos grub sbyin// zhes gsungs te/ zhi ba'i bden pas yang nas yang du btul bas ma thul te/khro bos 'dul bar dgongs nas/ bcom ldan 'das badzra kI la yas/ nam mkha' bkang ba'i de bzhin gshegs pa thams cad rigs lngar bsdus te/ bdag gi lha dang gnyis su med par sbyor bar mdzad de/sku 'jigs pa'i khro bo mang po byung nas/ khro bo 'jigs pa'i gling khams su byon nas/ yum la rol par mdzod do/ 'dod pa'i nyes pa mang po yang gsol nas bzhugs pa las/ru tra log nas rang rang gis gnas khang du phyin pa dang/ rang las lhag pa'i khro bo sngar ma mthong ba 'dug par mthong nas/ shin tu dngangs te nga rgyal skyes so// de nas badzra kI la yas shin tu yang 'jigs pa'i sbyor ba mdzad de gsungs pa/dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// byang chub mchog tu sems bskyed pa'i// dus gsum rgyal ba'i skur sprul pa// rig 'dzin nges pa mang po la// dngos grub 'phrog par byed pa yi// rU tra rtags pa'i rgyal po 'di// khro bo chen po'i byin brlabs kyis// yud tsam gyis ni rab phob la// sdug bsngal nyams su myong bar gyis// zhes gsungs nas// oM badzra kI li kI la ya sarba big+h+nAM baM hU~M rU tra mA ra ya phaT// ces gsungs pas/ kho yang kI la ya'i sbyor bas dpa' bo 'dra ba'i gzugs 'jigs par sprul to// de nas nyid kyis badzra kI la ya he ru ka ma hA badzra zhes gsungs pas/dbu dgu phyag bco brgyad par sprul te/ des phyag mtshan yang phrogs te/ 'di skad ces gsungs so// dngos grub bar gcod rU tra 'dis// gdug cing sdang sems ldan pas na// zung zhig chings shig rnam par chings// gtogs shing grogs dang phral bar gyis// rengs par khug la smrar chug cig/ phob cig rnam par gzir bar gyis// lus ngag rdul du brlag par bya'o// dpa' bo rdo rje'i zhal du rngubs// zhes gsungs te/ sngags drug rim pas gsungs te/ tha mas zhal du rngubs so// rngubs pas kho bde ba'i rgyu rkyen gyis bde ba nyams su myong ba la/ snam nas bton pas gsol pa/dpa' bo thugs rje nges par chung// bdag nyid bde ldan las las zlog/ de ring phan chad 'bangs su mchi// khyod kyi thabs kyi spyod pa yis// sangs rgyas phrin las rdzogs par mdzad// tshad med bzhi yi gang rigs par// bdag la dbang dang byin rlabs stsol// lus po sgrib sbyangs gdan du dbul// zhes gsol pas/ badzra kI la yas/ dam tshig chen po'i phyag rgya bstan te sa ma ya hU~M zhes gsungs te bka' stsal pa/nga yi dbang du gyur nas ni// bsgo ba'i bka' rnams nyan par gyis// snying rjes khyod bsgral dam tshig ni// gsad gnan bya ba ma yin te// phung po rdo rjer gtams byas la// nga yi rnam shes rdo rjer bskyod// ces gsungs nas/ gzugs kyi phung po gdan du byas// phung po lnga lhar bskyed/ rnam par shes pa mya ngan las 'das par mdzad do/ de bzhin du yum gyis kho'i chung ma btul lo// kho'i 'khor lha chen po lnga/sras mchog lngas 'dul ba ni/ gdug cing sdang sems ldan pa yi// lha chen nyi zla la sogs pa// mthu dang rdzu 'phrul med par byos// nyon cig bgegs dang log 'dren tshogs// nged kyi bka' las 'da' ma byed// ces gsungs nas/ rang rang gi sngags kyis phyogs skyong bcu btul lo// de nas karma kI la yas/ dam sri dmar po chos la skur pa 'debs pa'i ngag 'khyal par smra bar byed pa la gsungs pa ni/rdo rje gsang ba'i bka' las ni// sdig can gang zhig 'da' byed pa// khro bo chen po nga yis ni// klad pa tshal pa brgya ru 'gas// zhes gsungs nas/ khro bo stobs chen gyi sngags 'dis bsgral nas/ lus po gzhal yas khang gi rkyen byas nas sems bde ba la bkod do// de nas phra men ma rnams kyis rU tra'i 'khor 'dul bar gsungs pa ni/ gdug cing sdang sems byed pa'i 'khor// bka' las 'da' ba'i log 'dren 'di// rdo rje me dbal snying bsregs nas// lus ngag rdul phran bzhin du brlag/ ces gsungs nas/ rang rang gi sngags kyis mang po btul lo// de dag kun bsgral nas/ byang chub sems sangs rgyas su lung bstan no/de dag gi lus gdan du byas te/ chos kyi dbyings kyi pho brang rnam par 'phrul pa mdzad do// de nas bcom ldan 'das kyi ched du brjod pa 'di gsungs so// e ma ho/ sangs rgyas thams cad bdag las 'khrungs// de ni rmongs dang sdang las 'khrungs// nga rgyal phrag dog bdag las 'khrungs// gnyis med rtogs pas rab shes na// 'di ni chos nyid bden par gsungs// gsang sngags byin rlabs sangs rgyas mthu// 'di dag bsgral ba'i dus yin te// de dag bsgral nas sangs rgyas 'grub// 'di dag rgyal byed dpa' bo ste// lhag mas ro la gsod pa yin// nyams pa'i nang nas nyams pa'i mchog/ 'dis ni nyams pa brgyad yin te// gcig ni cir shes nyams pa bdun// yin par ngas gsungs nges pa yin// 'di yang rnam par 'phrul pa ste// rjes 'jug rnams kyis de bzhin du// nyams su blangs nas sangs rgyas 'grub// ces gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las/ dregs pa btul ba'i le'u ste bzhi pa'o//// de nas 'jig rten gyi khams 'di na/dregs pa can gnas pa ni/ 'di lta ste/ bdud nag po yab yum rol pa'i sras/ lha mo nag mo re wa ti mched bzhi dang/ de'i ming po ma hA kA la ste/ de dag ri rab kyi byang shar na/ mtsho mu le ding gi nang na/ lcags mkhar nag po'i nang du dug lnga'i rten can shin tu dregs par gnas so// gnod sbyin zangs tog gi rgyal po yab yum rol pa'i sras/ bse mo bzhi dang ming po bse'i skyes bu gdug pa can bzhi ni/ ri rab kyi lho nub mtshams na/bse mtsho mer ba'i dbus na bse mkhar smug po dug lnga'i rten can yod do// srid pa phya he le yab yum bshos pa'i sras/ sho na mu kha mched bzhi dang/ ming po shel ging dkar po ste/ ri rab steng na dug mtsho mer ba dang/dung mkhar dkar po'i nang na dug lnga'i rten can yod pa de na/ dregs pa can yang dag par gnas so// gzhan yang 'jig rten gyi ma bdun dang srin mo bzhi dang/ dregs pa can chen po drug dang/'jig rten pa mang po gzhan gyi srog 'phrog cing/ dregs pa'i don dang ldan par gnas so// de nas karma he ru kas don de lta bu gzigs nas/ bcom ldan 'das badzra kI la ya la 'di skad ces gsol to// kye kye bcom ldan badzra kI la ya// dpa' bo chen po thugs rje can// 'jig rten dregs pa chen po rnams// rang rang ches cher gyur dregs pas// sems can ma lus srog gcod cing// dug lngas brgyal nas gnas pa 'di// thugs rjes rab btul las byed chug/ 'di rnams sangs rgyas bstan pa bsrung// dam can rnam gsum nges pa ni// byas la ye shes bde la bkod// ces gsol pa dang/ bcom ldan 'das kyis dam can gnang la rab tu 'bebs pa zhes bya ba'i ting nge 'dzin la snyoms par zhugs te// 'di skad ces gsungs so// nyon cig karma he ru ka/ dregs pa tsho gsum ming sring 'di// bar du thugs rjes gdul bar bya// ma btul dregs pa dmyal bar 'gro// btul la sangs rgyas bstan pa ni// rab tu bsrungs ba'i las byed gzhug/ ces gsungs te/ oM badzra kI li kI la ya/ bi shwa kro d+ha b+ha ta ma ma sarba big+h+nAM baM hU~M phaT/ces pa dang nyid kyi thugs ka nas sras mchog zhal gcig phyag gnyis pa/ phyag na mtshon cha sna tshogs thogs pa mang po thon te/ des dregs pa mang po rang dbang med par bkug ste/ bcom ldan 'das kyi spyan sngar 'ong ba dang/bcom ldan 'das kyis badzra A kar+Sha ya nan/ zhes gsungs pas thams cad zhabs 'og tu bcug nas/ sarba big+h+nAM ma ma hU~M/ zhes gzir bas/ shin tu nyam thag pa'i sgra phyung ste/bcom ldan la 'di skad ces gsol to// e ma ho dpa' bo thugs rje can// thugs rje chung bas bdag cag gzir// rang rang zas skal srog gcod lags// de ring phan chad khyed nyid kyi// 'bangs mchi bdag cag rnams la ni// dpa' bos 'bangs rnams yang dag rtsol/ kho bo cag la 'tshal skal gsol// khyod kyi dgos 'dod bdag cag gis// rab tu yang dag bskang bar bya// zhes zhus pas/ dpa' bos dam tshig gi phyag rgya dang/zil gyi gnon pa'i phyag rgya bstan/ bdud rtsi lce la byin/ rdo rje phur bu lag tu gtad/ ming so sor btags te gsang ba'i dbang bskur/ ngan song gi chos mang po las bzlog pa'i don bstan chos nyid yang dag pa'i ye shes kyang bstan te/de rnams kyis rig pa'i me tog tu srog snying 'bul ba ni 'di lta ste/ nag mos phul ba/ ma tha ma tha badzra trag rak+Sha ma ti he dun b+h+yo/ ma hA yak+Sha tIk+Sh+Nanag mo he dun b+h+yo/ zhes pa dang/ gzhan yang rang rang gi sngags mang po phul lo// bse mos phul ba/ ka tang ka ye dza ye bi dza ye a dzi te/ a pa ra dzi ta su khI b+ha ra b+ha ya tsit+ta yo gI shwa rI ya ma tsit+ta hU~M phaT/ces gzhan yang mang pos phul lo// shwa na mas phul ba/ dz+wa la dz+wa la badzra ma ma mug ta la ye dzA ya du b+hin+d+he shwa ri la phu tsi hU~M b+h+yo hU~M b+h+yo/ zhes pa dang/ gzhan yang mang pos phul lo// mgon pos phul ba/ kA la ma taM/ma hA kA la rati ye kA la rU ba hU~M phaT/ ces phul te/ gzhan yang mang pos phul lo/ bse'i skyes bus phul ba/ mA ra se ni ra sha ni da sha b+hi kun len phu lan hU~M phaT/ ces pa dang gzhan yang mang pos phul lo/rgyal pos phul ba/ kAr ma kA ra ya/ tri tsa pa la tri la thun/ zhes pa dang/ gzhan yang mang pos phul lo/ ma bdun sring bzhis phul ba/ hU~M ma ma pa shaM ku ru ma tang ka ra i nan/ zhes phul lo// gzhan yang 'jigs byed drug la sogs pa mang pos phul ba/d+ha ti ma ma shI g+h+raM karma kA rA ya/ pra marda ni hU~M phaT/ ces gzhan yang mang pos phul lo// thams cad mgrin gcig tu gsol ba/ bcom ldan 'phags pa chen po yis// bdag cag rnams kyis srog don 'di// dpa' bos yang dag bzhes su gsol// sangs rgyas bstan pa bsrung bar bgyi// bdag cag de ltar ma bgyis na// rdo rje yak+Sha'i chad pa yis// klad pa tshal pa brgya ru khos// mgo bo lus po rul myags shog/ bka' las 'das na rdo rje dmyal bar lhung// zhes pa dang/ bcom ldan 'das badzra kI la yas bka' stsal pa/ bran dang pho nya bka' nyan tshogs// khyed kyi dam tshig dus la bab// nga yi spyan sngar khas blangs shing// phyi rabs rnal 'byor phrin las gyis// bstan par dgra 'dre byung ba'i tshe// shwa na mu kha'i dus la bab// bdag nyid chen po'i dus la bab// sa bdag chen po'i dus la bab// dregs pa mang po'i dus la bab// khyed kyi mthu rtsal rab du phyung// sangs rgyas bstan pa bshig pa dang// dkon mchog sku dgra dben tshang 'joms// chos khrims 'dral dang slob dpon dgra// rnam 'byor 'joms pa la sogs pa// gsad dang dbab dang las ngan gyis// ci nas brlag par khyod kyis gyis// de la nga yis dbang bskur ro// gar dgar bsad par byas gyur na// dam tshig nyams te dmyal bar 'gro// rdo rje yak+Sha gnod sbyin gyis// khyed kyi snying khrag zho bzhin 'thung// bsad nas dmyal ba'i gnas su khrid// chos kyi rgyal pos btso sreg byed// nga ni khrag 'thung he ru ka/ khyod kyi snying khrag nga la yod// rdo rje gsang ba'i bka' las ni// khyod kyis 'das par gyur na ni/ khro bo stobs chen he ru kas// mgo bo rdo rjes tshol mar 'gas// de bas bka' las ma 'da' zhig/ khyed la rang rang dam rdzas dang// zas skal nga yis legs par byin// zhes gsungs te/ sa ma ya i dan ti na ra kan/ zhes gsungs pas/ thams cad dam tshig chos shes nas/ ye shes kyi lha nyid dang mnyam par 'gyur to// rdo rje phur pa gsang ba'i rtsa ba rnal 'byor chen po yang dag pa'i rgyud las/dam can dregs pa can rnams btul nas dam la btags pa'i le'u ste lnga pa'o//// de nas karma he ru kas/ bcom ldan 'das badzra kI la ya la 'di skad ces gsol to// bcom ldan 'das badzra kI la ya/ e ma ho ngo mtshar thugs rje can// dregs pa chen po sgrol la mkhas// phur pa lta ba'i dngos po dang// nges pa'i lung rnams bshad du gsol// zhes gsol ba dang// bcom ldan 'das badzra kI la ya don rnam par bkod pa zhes bya ba'i ting nge 'dzin la snyoms par zhugs te/ 'di skad ces bka' stsal to// nyon cig karma he ru ka/ 'dod pa'i don rnams rab tu bshad// phur pa ye nas don chen ni// gsang ba las kyang gsang ba ste// rang byung phur pa'i don de nyid// dbyings kyi phur pa ye gnas pa// sangs rgyas kyis kyang brjod du med// de las ye shes ma 'gags pa// thams cad rab tu nges par bshad// de nyid dbyer med phur bu ste// bde ba chen po'i phur pa yin// blta ru med pa'i phur pa yin// nga yi thugs su gnas pa ni// ye shes rtse mo mchog nyid de// hU~M dus gsum las ni 'das pa'i phyir// rtse mo med pa'i las su bstan// rnam par shes pa ye shes mchog/ srog dang thugs kyi byin rlabs las// byang chub sems kyi phur pa yis// ma btab bzhin du lhun gyi grub// mnyam pa'i rgyal pos thams cad sgrol// sangs rgyas sems can med par nges// thams cad mnyam pa'i phur pa yin// gnyis 'dzin med pa'i phur pa yis// gzung 'dzin rnam rtog gnyis la gdab// shes pa'i gnyis 'dzin rnam par sgrol// de ni gzugs dang byin rlabs dang// bzlas brjod dang ni phrin las dang// dus dang gnas dang bdag nyid do// phun sum tshogs pa bdun po yis// bstan nas ci 'dod sbyin no zhes// dam tshig bdag po ngas gsungs te// 'das nas nga yang brlag pa'i phyir// rang gis bka' la rang mi 'da'/ gang la btab na nges par thebs// ye shes lnga yi phur pa yis// dug lnga 'khrul la rab tu gdab// gnyis su med pa'i phur pa yin// ye shes dag pa'i phur pa yis// 'khor ba'i ma rig la gdab pas// rab tu nges pa'i rig pa 'char// de la sogs pa'i phur pa ni// mang po dag ni rab bshad de// rnal 'byor yon tan ldan pa dang// rtsa ba yan lag dam tshig dang// shes rab gsum dang ldan pa yis// phur pa de dag nges par bsgrub/ rdo rje khros pas zhe sdang gcod// mtshon chen sngon po 'bar ba yis// nam mkha'i dkyil nas thigs pa shar// srog gi go ru shar ba dang// snying gi dkyil du bsgom par bya// snying rje bsgral ba'i dam tshig ni// bsad cing mnan pa ma yin te// phung po rdo rjes gtams byas nas// rnam par shes pa rdo rjer bsgom// oM badzra kI li kI la ya sarba big+h+nAM baM hU~M phaT// rdo rje gzhon nu'i rig 'dzin rnams// srid pa'i rdo rje 'grub mdzod cig/ srid pa rdo rje phur pa'i lha// ye shes khro bo 'grub par mdzod// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag skyed cig/ thabs kyi spyod pas 'gro don du// byams dang snying rjes gang 'dul ba// sangs rgyas phrin las rdzogs mdzad nas// dbang dang byin rlabs 'dir stsol cig/ oM badzra kro d+ha hU~M kA ra hU~M/ gardza gardza hU~M phaT/ rdo rje khro bo hU~M kA ra/ yum rdo rje sgra 'byin dang sprul pa'i phra men ma phag gi mgo dang smig bu'i gsang sngags yin/oM kro d+ha bi dza ya hU~M/ ha na ha na hU~M phaT/ khro bo chen po rnam par rgyal ba dang/ yum rdo rje snyems ma dang/ sprul pa'i phra men stag dang bya rgod gsang sngags yin/oM badzra kro d+ha nI la daN+Da hU~M/ da ha da ha hU~M phaT// khro bo chen po dbyug sngon dang/ yum rdo rje sder mo dang/ sprul pa'i phra men stag dang bya rog gsang sngags yin/ oM badzra kro d+ha ya mAn+ta ka hU~M/pa tsa pa tsa hU~M phaT/ khro bo chen po gshen rje gshed po dang/ yum rdo rje dur khrod ma dang/ sprul pa'i phra men ma sha ba dang 'ug pa'i mgo can gsang sngags yin// oM badzra kro d+ha Ar+ya a tsa la hU~M/ ban+d+ha ban+d+ha hU~M phaT/khro bo chen po mi g.yo mgon po dang/ yum rdo rje gtun khung ma dang/ sprul pa'i phra men gzig dang khwa'i mgo can gsang sngags yin/ oM badzra kro d+ha ha ya grI wa hU~M hu lu hu lu hU~M phaT/ khro bo chen po rta mgrin dang/yum rdo rje gtum mo dang/ sprul pa'i phra men ma byi la dang pu shud mgo can gsang sngags yin/ oM badzra kro d+ha a pa ra dzi ta hU~M/ tiSh+Tha tiSh+Tha hU~M phaT/ khro bo chen po gzhan gyis mi thub pa dang/ yum rdo rje mda' snyems ma dang/sprul pa'i phra men spyang ki dang khra'i mgo can gsang sngags yin/ oM badzra kro d+ha a mr-i ta kuN+Da li hU~M/ ts+tshin+d+ha ts+tshin+d+ha hU~M phaT/ khro bo chen po bdud rtsi 'khyil pa dang/ yum rdo rje rlung 'byin ma dang// sprul pa'i phra men ma seng ge dang pha wang mgo can gsang sngags yin/ oM badzra kro d+ha tra lo kya bi dza ya hU~M/ b+hin+d+hab+hin+d+ha hU~M phaT/ khro bo chen po khams gsum rnam par rgyal ba dang/ yum rdo rje gsod ma dang/ sprul pa'i phra men ma dred dang sre mo'i gsang sngags yin// oM badzra kro d+ha ma hA ba la hU~M/ s+pho Ta s+pho Ta hU~M phaT/ khro bo chen po stobs po che dang/ yum rdo rje skyod byed ma dang/ sprul pa'i phra men ma dom dang byi la'i mgo can gsang sngags yin/dkyil 'khor gtams par shes par bya// srid pa'i phur bu bsgrub pa dang// dbang dang dngos grub blang ba'i phyir/ ye shes khro bo gshegs su gsol// khro bo chen po gshegs nas kyang// rtags dang mtshan ma bstan pa dang// kI la ya yi dngos grub stsol// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// shwa na mu kha'i dus la bab// bdag nyid chen po'i dus la bab// khyed kyi phrin las dus la bab// mthu rtsal dbyung ba'i dus la bab// byang chub mchog tu sems bskyed cing// dus gsum rgyal ba'i gdung gsob pa// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang// dngos grub 'phrog cing 'tshe ba rnams// khro bo chen po'i byin rlabs kyis// yud tsam gyis ni 'dir khug nas// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// oM laM hU~M laM s+t+wam+b+ha ya nan/ mo ha ya/ b+ha ga wAn shI g+h+raM bi gri badzra hU~M kA ra hU~M hU~M phaT phaT/badzra kI li kI la ya dzaHhU~M baM hoH/ badzra bu g+ha nAn baM badzra kI li kI la ya badzra hU~M kA ra hU~M hU~M phaT phaT/ badzra hU~M kA ra A/ dngos grub bar chod byed pa'i bgegs// gdug cing sdang sems ldan pa rnams// zung zhig chings shig rnam pa chings// gtogs shig grogs dang bral bar gyis// rengs par khug la smra ru chug/ phob cig rnam par gzir bar gyis// nga yi dbang du gyur nas kyang// bsgo ba'i bka' rnams nyan par byos// hU~M pa ra bi d+h+wa na sa ya/ ts+tshin+d+ha ts+tshin+d+ha hU~M phaT/ b+hin+d+ha b+hin+d+ha hU~M phaT/ gr-i h+na gr-i h+na hU~M phaT/ ha na ha na hU~M phaT/ ban+d+ha ban+d+hahU~M phaT/ ta thA ya ta thA ya hU~M phaT/ ha sa ya ra hr-i da na hU~M phaT/ shi g+h+raM A na ya hU~M phaT/dz+wa la pa ya dz+wa la pa ya hU~M phaT/ A we sha ya A we sha ya hU~M phaT/ b+hin+d+ha ya b+hin+d+ha ya hU~M phaT/ bran dang bka' nyan pho nya'i tshogs// khyed kyi dam tshig dus la bab// sngon chad ji bzhin dam bcas pa'i// mngon spyod phrin las myur du mdzod// ha na ha na badzra/ da ha da ha badzra/ pa tsa pa tsa badzra/ ma tha ma tha badzra/ dz+wa la dz+wa la badzra/ su ru su ru badzra/ mu ru mu ru badzra/ ka taM ka ye dza ye bi dza ye/ a dzi te a pa ra dzi ti/mA ra se na pra marda na swA hA/ rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// hU~M ma ma pa shaM ku ru ma tang ka ra i dan d+ha te/ ma ma karma shI g+h+raM kA ra ya/ gdug cing sdang sems ldan pa rnams// lha'am 'on te bdud kyang rung// nga la bar gcod byed pa rnams// mthu dang rdzu 'phrul med par byos// sarba A na ya hU~M phaT/ ta thA ya ta thA ya hU~M phaT/ rdungs shig rdo rje 'bar ba'i gtun// bka' las 'da' byed sdig can rnams// rdo rje me dbal snying bsregs nas// lus ngag rdul phran bzhin du rlog/ khro mo 'bar ba'i gtun khung du// rdo rje tho bas brdungs byas na// lha yang rung ste bsgral bar bya// kha thaM kha thaM kha thaM/ hU~M hU~M hU~M/ phaT phaT phaT/ badzra yak+sha kro d+ha khA hi khA hi khA hi// ha ha ha/ hU~M hU~M hU~M/ phaT phaT phaT/ chos nyid kyi bden pa'o// gsang sngags kyi byin gyis rlabs so// sangs rgyas kyi mthu'o/ ab+hi tsar+ya'i dus la bab pa'i brnags pa de kho na'o// kI la ya bco brgyad bzlas dkar nag gi mtshams su'o// kI la ya nyi shu rtsa gcig bzlas so// brnags pa de kho na'o// hU~M hU~M hU~M/ phaT phaT phaT/ de ni rtsa ba 'dus pa ste// gsang sngags las dang bcas pa bshad// yid bzhin nor bu lta bu ste// dgos 'dod nges 'byung phra la zab// rgyud dang lung dang man ngag gi/ man ngag rnam gnyis stod smad do// stod la drug ste de la bcu// gnyis su shes bya ting nge 'dzin no// bdag nyid dkyil 'khor gsum bstan pa// dbab dang gsol btab dbang bskur dang// spyan dang mchod pa la sogs te// man ngag rnal 'byor don du bshad// smad ni gzas pa po yi las// de nyid bdag gis lam bya ste// stod dang smad dang bar gsum mo// stod la gsum du shes par bya// bar la de bzhin smad la gsum// ting 'dzin sngags dang phrin las dang// dgongs pa nges pa'i phur pa 'di// gab pa'i sdom pa gzung ba dang// gzir gnon drag pos bsdu ba dang// snying po drag tu bzlas pa dang// dam can gnad la dbab pa dang// rtsa ba khams gsum bsgral ba dang// bsgral nas mchod pa bstan pa dang// bkrag mdangs phrogs nas tshe lung bstan// 'di ni bsgral ba'i las mchog ste// thams cad ma lus 'dus par bshad// gnyis med phur pa shes pa dang// yon tan ldan pa'i sngags pa yis// 'dis ni gzhan bsgral byang chub thob// rtogs pas bdag gnyid bsgral ba dang// thugs rjes gzhan bsgral shes par bya// rgyu dang lam dang 'bras bu gsum// rU tra rab tu shes par bya// nyams pa bdun la gtogs pa ni// rjes 'jug thabs kyis 'di bsgral na// sangs rgyas bstan pa gnyan par bshad// theg pa chen po smod pa dang// rdo rje slob dpon smod pa rnams// man ngag 'di yi nges pa yin// rab tu dben pa'i gnas dag tu// nan tan byas te gsod par bya'o// yang na gnas na mi snang bya// 'di yis byang chub mchog dang ni// phur pa'i dngos grub 'thob par 'gyur// dper na me la shing bsnan shing// de nyid nges par 'thob par bshad// kun la byas na dmyal bar 'gro// kun la ma byas dam tshig nyams// ye shes gnyis su med pa'i tshul// mi gnas mya ngan 'das par gnas// thog ma tha ma zhes gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las/blta ba'i don dang thams cad bdus pa'i rtsa ba bstan pa'i le'u ste drug pa'o//// de nas yang dag karma he ru kas/ badzra kI la ya la 'di skad ces gsol to// phur pa thams cad 'dus pa yi// rtsa ba'i don sgrub rnal 'byor pas// kha mi skong ba'i dbang rnams ni// nges par dag la bshad du gsol// de skad ces ni gsol ba dang// bcom ldan 'das badzra kI la ya rin chen sbyin pa zhes bya ba'i ting 'dzin la snyoms par zhugs nas/gsung ni 'di skad ces bka' stsal to// nyon cig karma he ru ka/ rnal 'byor skal ldan de yi phyir// dbang gi rim par bshad par bya// 'khor ba dag las byang chub tu// sems bskyed smin par bya ba ste// dbang rnams thob par ma byas na// gang yang 'bras bu med par 'gyur// kha skong dbang ni gong du bshad// mi skong dbang rnams 'di lta ste// dang po zhus pa de yi phyir// phur pa'i bsnyen pa yang dag bya// de nas dkyil 'khor mngon bzhengs la// lnga'am gsum mam gang byed la// rdzas rnams legs par tshogs par bya// phur pa la sogs legs par dgram// de nas mig dgab phyi rol tu// bzhag la gang byed dri bar bya// sems bskyed bshad dang sdom pa ni// smad stod dang po tshig gsum dang// stod kyi bar pa'i tshig gsum mo// rta dang glang po 'byor pa'i nor// bu dang chung ma nor gyi dbyig/ shin tu gces dang yid 'thad dbul// bdag lus srog la phongs med bya// me tog dkyil 'khor yi dam zhu// de yang srid pa rdo rjes so// rtsa ba yan lag dam tshig ni// snying rjes bsgral ba'i bar du bstan// mig dbye dkyil 'khor don rtags rab tu bstan// lus bkru gos ni rab tu phud// slob dpon sta gon gnas pa la// slob ma lha dang bum pa rnams// sta gon gnas pa shes par bya// rgyal mchog rnam gsum ldan par bya// phur bu'i kun byas rig pa 'jug/ bstod dang dkyus tshig bzhi pa yis// ye shes phab la dam tshig bstan// stod par tshig gnyis dbang dang bcas// bum pas gnas su dbang bskur bas// dbang ni snod dang ldan par bshad// rig dbang bzhi pa rim bzhin no// snying rjes bsgral ba'i tshig bzhi dang// dang po gsum gyi 'og gi tshig gnyis kyis// rtsa ba'i maN+Dal dbang bskur te// rgyan dang ye shes sems dpa' dang// dbu rgyan rims pas bskur nas ni// gu h+ya man+t+ra dang po la// dbang gi gsang sngags sbyar bar bya// dang po'i tshig dang don gnyis kyis// phyogs bcu khro bo rdzogs par bskur// gu h+ya man+t+ra bcu yis ni// rang rang gnas su phur pas bstims// dang po'i tshig dang de 'og gnyis// sras mchog lnga yi phur pa ni// smad stod bar dang gsang sngags kyis// rang rang gnas su rab tu bskur// dam can la sogs rim bzhin du// rang rang phur bu'i rdzas yin te// de rnams 'jug par shes par bya// dbang dang ldan par nges pa'o// rigs dang las su gang 'tshams par// dkyil 'khor dbang bskur shes par bya// gsang ba'i tshig gsum sngags dang bcas// gsang sngags bskur te don yang bstan// 'di ni gnod pa gang 'byed pa// dang po tshig des gcig pa ni// lta ba'i mthar thug dbang yang bstan// de ltar rdzogs par nges thob nas// bla ma mig gi 'bras bu ltar// ku sha'i rtse rnams don gyis sbyar// dus la bab na drug po dang// de la sogs pa'i tshig rnams kyis// lung bstan gnang ba legs par bzung// theg chen smod pa la sogs pa// ci nas bsad par nges pa yin// pha dang rigs kyi skyes pa rnams// bsad pas sangs rgyas rigs su nges// slob dpon slob ma bsad nges na// rdo rje rigs su nges pa yin// zhang po dmag pa bsad nges na// rin chen rigs su nges pa yin// ma sring bu mo mo chags la// chags par byas pas pad+ma can// thams cad gsod cing las byed pa// las kyi rigs su nges par te// de ltar dgongs pa'i rtogs pa yin// rgyal po yul 'khor gzhom par bya// bram ze btson bzung rje'u rigs bsad// dmangs rigs las bkol dug la spyad// mi dge dang blang sbyor sgrol bya// 'di ni sangs rgyas spyod pa ste// dug lnga las ni thams cad 'grub// dbang gi ngo bo nges tshig dang// dbye ba la sogs shes pa yis// gang bya mngon sangs rgyas par bshad// sems nyid rtogs na dbang yin te// thams cad rang rig phur bu yin// de ni lung gi tshad mar bshad// ces gsungs pas/ 'khor rnams dbang dang ldan par gyur to// rdo rje phur pa gsang ba'i rtsa ba rnal 'byor chen po yang dag pa'i rgyud las/'dus pa dbang bshad pa'i le'u ste bdun pa'o//// de nas karma he ru kas/ bcom ldan 'das la 'di skad ces gsol to// kye kye bcom ldan badzra he ru ku// rtsa ba 'dus pa'i nges pa las// rnal 'byor rjes su 'jug pa yi// phyi nang gsang ba'i bsgrub pa las// de la dgu ru phye ba yis// nyams su blang bya bshad du gsol// de skad ces ni gsol pa dang// bcom ldan badzra kI la yas/don gsum du 'byed pa zhes bya ba'i ting nge 'dzin la snyoms par zhugs te/ gsung ni 'di skad ces bka' stsal to// nyon cig karma he ru ka/ thams cad 'dus pa'i rtsa ba la// phyi nang gsang ba nga yis bshad// phyi nang dkyil 'khor bcas pa ste// phun sum tshogs pa lnga ldan pas// nyi ma chad du zhugs pa dang// nyams pa bdun po bsgral ba'i phyir// tshad med snying rjes bskyod pa dang// byang chub sems dpa' dga' ba ni// sngon du 'gro ba'i las mchog ste// man ngag rnam pa drug dag gis// 'di yis bsgrub pa gtan la dbab// dkyil 'khor legs par brtsigs la ni// chag chag thig byas gru gsum ni// bcu gcig ldan par bri bar bya// phur pa bco brgyad legs par dgod// rmad du byung ba'i rdzas rnams bsham// de nas ting 'dzin rnam gsum ni// ma hA yo ga'i tshul du bya// dkyil 'khor rnam gsum tshul du bskyed// dbang bskur spyan drangs mchod pa 'bul// rigs tshogs byas la smon lam gdab// stod kyi gsang sngags 'bru dgu la// chos nyid dag tu shes pa dang// yi ge phreng ba'i sku phyag rgya// bzlas pa lugs gsum bya ba dang// 'khor dang dam bca' de bzhin du// rdzogs par byas pas phyi nang gi/ rtags dang dngos grub rnam gnyis thob// rnal 'byor brod pa skye ba'i phyir// rtags 'don pa yi man ngag bya// bzlas pa don yod bya ba'i phyir// dngos grub shes pas dngos grub blang// de nas gsad pa'i las bya ba// dkyil 'khor dbus su gru gsum gru// dbus su dam can phur pa dgod// de yi phyi rim lha rnams so// dam can rnam gsum mthun pa'i rdzas// thod pa bcu gnyis yang na gsum// de ru thun gyi sbyor ba bya// gtor ma la sogs nges pas bsag/ ling+ga byas pa dag la ni// lha dbral dgug bstim las byas la// dkar nag thag pas khas bkod pa'i// 'khor ba'i zhe bcad la sogs bya// dgug pa la sogs gab pa yis// bsdam pa man ngag shes par bya// de nas ting 'dzin rdzogs tshul du// thams cad mthing nag 'bar ba la// sku smad phur pa zur gsum gyis// nyams pa thal byung rnam par bsam// de 'dras spyan drang mchod pa ni// gong 'og nus pas shes par bya// drag po'i las kyi pho nya btang// gsang sngags dang po gtso bo dang// ming rus dngos dang 'dus pa dang// ming po'i sngags bcas bzlas par bya// dam can la sogs lha rnams kyis// rnam par bsad pa'i dgongs pa bya// skabs su thun sngags bcu gnyis kyis// thun phab nges par bzhad par bsam// thams cad 'dus pas gnad la dbab// dpa' bo gcig pas dgra 'dzab bya// ma mo 'dus pas dam can ma// bcun la dbab par shes par bya// ngan sngags 'dus pa'i las rnams ni// khang dgrar btang dang mgo mjug gdags// bsgrub pa'i stegs bu bya ba dang// ngan sngags 'khor lo bskor ba yis// rab tu nges par gsad par bya// de la rtags dang mtshan tshang na// rdul du brlag par phur pas gdab// sna la sras mchog gcig gis ni// tshe lung khrus lung rdzogs par bya// kun bzhi rtsad nas gcod pa'o// de nas sras mchog bzhi yis ni// kha skong can gyi sngags kyis su// spyi bo la sogs gnas lngar gdab// de nas phur pa bcu yis ni// las sngags dag gis gnas gnas su// legs par btab la lha la bstan// bsreg dang gnan dang 'phang pa yis// las kyi mtha' brtul shes par bya// de yis grub par ma gyur na// bse lcags dung gis spog par bya// de yis ma grub shi sa bstan// 'dis ni phur pa'i man ngag drug/ yang dag par ni nges par bshad// phur pa phyi yi nges pa yang// lha la sogs pa'i phyir bskyed pas// nges na de yang rab bshad do// dam can ngo bo nges tshig dang// dbye ba shis na las rnams myur// dpyang thag chad pa thugs rje yis// bzung na nges pa bstan pa ni// nyams dang bdun las gzhan du min// zhes gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las/ phur pa phyi ltar bshad pa'i le'u ste brgyad pa'o//// de nas yang ni bshad bya ba// nga la rab tu gus pas nyon// gnyis med don shes rnal 'byor pas// nyams pa bsgral na mngon sangs rgyas// de la nang du gnas pa ni// nges pa phun sum tshogs pa lnga'o// rtags dang drod zin rnal 'byor pas// dag pa'i gnas su 'dug nas ni// dkyil 'khor rten bca'i rim pa yang// yal ga med pa'i b+han+da ni// thod pa rab tu legs pa la// yug sa mo yi mngal khrag gis// gru gsum me 'od 'bar ba la// phrin las bzhi yi dbyibs bya'o// de la dgra bgegs ming byang gzhug/ bsnyen pa'i phur pas gzir la gzhag/ gtor ma sman dang rak+ta bcas// rtsa ba de las byung ba'i rigs// ting 'dzin rnam gsum rim bzhin bsgom// gzhal yas gdan dang bcas par bsam// de dbus rtsa ba'i bdag nyid sku bskyed pa// lus la dkyil 'khor rdzogs pa'o// gzhan yang thod pa'i gzhal yas su// sras bcas dam can bcas pa bsam// dbang bskur byin rlabs legs par bya// rang bzhin dkyil 'khor spyan drang bstim// phyag 'tshal mchod pa byas la ni// bzlas pa dpa' bo gcig pa'i sngags// dang po bcom ldan phur pa'i rdzas// thams cad 'dus dang ri rab dang// mnan pa khro bo 'dus pa dang// gong bzhin dam can 'dus pa dang// thabs dang shes rab ging mchog dang// rtogs pa las kyi sngags bcas pa// rnam bzhi tshang ba bzhi snying ste// dpa' bo gcig la ngal ba med par bzlas// lha la bstod cing srung ma bskul// de ni bsnyen pa'i dus su ste// rtags tshang gnyis med dngos grub blang// drag po gsang ba'i las bya ba// nya nag mar gyi ngo la ni// drag po las kyi rim par bya// gab sngags drug gi las byas la// dam can sngags dang bcas pa dang// bzhi snying sngags la ming btags la// bzlas byas tshe lung khrus lung gis// phur btab rdul du brlag par bya// zhal du bstab cing gtor ma gtang// las gsum nges pas las mtha' brtul// de la rtags mtshan med pa na// yi dam nar ma gzhung du bya'o// las kyi rim pa rdzogs byas pas// gang la dmigs pa gdon mi za// 'di ni nang du nges pa ste// lus rtsa gser gyi bu ga ru// dkyil 'khor tshang bar bskyed pa las// thod pa'i gzhal yas nang du'o// zhes gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las/ phur pa nang ltar bshad pa'i le'u ste dgu pa'o//// de nas 'gro la phan gdag phyir// gsang ba'i nges par rab tu bshad// nges gsum gdeng gsum ldan pa yis// phur pa gsang ba rab tu bsgrub// de yang rnam pa drug yin te// chos nyid bden pa bstan pa dang// sngags kyi byin brlab bstan pa dang// a b+hi tsar+ya'i brnags pa dang// de yi shes pa dgug pa dang// sangs rgyas mthu nyid bstan pa dang// ma nor tshul du bsgrub par nges// dang por maN+Dal bri ba ni// gru gsum rgya mdud dkyil 'khor du// phyi nang gsang ba'i rdzas rnams bsag/phur pa la sogs rim bzhin dgod// yang na dkyil 'khor mi dgos te// gsang ba'i las su bshad pa yin// dang po ting 'dzin rnam gsum gyis// hU~M nyid srog gi gor shar bas// gru gsum gzhal yas bcas par bsam// yang na phung po'i gzhal yas su// de la lha rnams gsang sngags kyis// rdzogs pa'i tshul du bskyed pa dang// rnam par shes pa'i tshogs las gyur// rang bzhin spyan drang de la bstim// mchod pa sbyor sgrol khams gsum sgrol// khro bo lnga yis dug lnga 'dul// de yang bdud rtsi'i las la'o// bstod dang smon lam nges par bya'o// kI la ya yi gsang sngags kyis// rtogs dang ma rtogs mtshams su'o// chos nyid don dam shes pa yis// sras dang spro bsdu legs par bya// drag sngags bdun pa'i tshul du'o// yang na kho na shes pa yis// man ngag nyi shu rtsa gcig gis// legs par stod smad sbyar bar bya'o// rtags byung dngos grub shes byas pas// nus pa 'thob 'gyur nges pa ste// don dam nges pa ston pas na// chos nyid bden pa'i phur pa yin// de nas drag po'i las 'jug pa// maN+Dal gong la sgo bzhir ni// nyams pa bsgral ba'i yan lag dang// mgo bcas nyams pa'i gzhal yas khang bya'o// ling+ga nges byas phur pas gzir// bse lcags dung gi rdzas rnams bsag/ de nas ting 'dzin rnam gsum gyis// thams cad mthing nag phur pa'i lha// me ri smug nag nang na bzhugs// nyams pa bsgral ba'i rnam shes la// rengs pa skad cig rdzogs tshul du'o// rang bzhin spyan drang mchod pa dbul// sbyor sgrol mchod pa gong 'og bsnor// nyams pa bsgral ba'i rak+ta ni// dug lnga lha lnga'i spyan sngar dbul// drag po'i tshul du gsal gdab bstod// khro bo'i tshul du spyan yang drangs// dang po gtso bo gsang sngags dang// phyag rgya bzhi dang ming rus dang// ma mo 'dus dang thams cad 'dus// bzhi snying dril ba drag tu bzlas// hU~M kA ra yi yi ge bdun// thams cad grags pa gsung gi sngags// bdag nyid gtso bo'i yi ge lngas// gzugs su bskyed pa sku yi sngags// bdud rtsi 'khyil pa yi ge drug/ dran par snang ba thugs kyi sngags// de rnams gong gi bar du'o// sku gsung thugs la gtso chen bya// drag sngags drug pa dam can dang// bzlas sngags thams cad gong gi bar// man ngag rim par shes pa yis// bzlas pa byas pas bla khugs 'gyur// ting nge 'dzin gyis gzir bar bya'o// bsgrub pa nges par gnas pa yis// gsang sngags byin rlabs shes par bya// rgyu yi rU tras 'bras bu dang// lam gyi rU tras bdag nyid phung// dug lnga'i nges pa rab shes bya// lam gyi rU tra brnag pa yi// skye bo nyams pa can de spyi// dam tshig gcig pa phyi dang nang// gsang ba'i brnag pa yin pa ste// de la ling+ga'i man ngag dang// thabs dang sbyor ba gzhom pa dang// kha sbyor dbye ba gsum byas la// bsgral ba rnam gnyis shes par bya// de ni mi 'gyur brnag pa yin// de yi shes pa dgug pa dang// drag sngags bzhi'i sbyor ba bya// pho nya sngags dang ting 'dzin gsum// bran dang pho nya bka' nyan gyis// shes pa nges par dgug par bya// ming po srin mo'i dgug sngags sam// yang na ming po'i drag sngags so// ting 'dzin ri dwags sha bkye bzhin// ma khugs bar du nges par sbyar// khug nas gdab pa'i las bya'o// 'di yis nges par khug pa yin// gong du bsal bas gdab mi dgos// yang na gdab par bya ba ni// dbus kyi sras mchog snying la ni// oM laM sngags kyis gdab bya ste// tshe lung khrus lung legs par bya// sku gsung thugs kyi phur pa yis// lus ngag yid la nges par sbyar// khro bo bcu yi phur pa yis// spyi bo la sogs gnas bcur gdab// dam can ming sring phur pa drug/ sngags kyis gnas su gdab par bya// btab nas bstab pa'i las rnams bya// des ni nges par gsod 'gyur bas// sangs rgyas mthu ru rnam par bshad// las kyi mtha' brtul nges par yang// gab sngags drug gi 'khor lo ni// de yang srog la 'khor lo bskor// nub lngar nges shing gong bzhin gdab// hom la bsreg pa'i sbyor ba yis// rdo rje me dbal gyis bsreg nas// thod par 'phang ba'i las bya'o// gnon pa nges par gnan pa yis// nyams pa 'chir 'gyur nges pa yin// 'dis ni nyams pa bsad pa yi// de kho na nyid ma nor tshul bzhin bsgrub pa'o// 'di dag lam du byas pa ste// bdag dang phur pa gzas pa gsum// gcig tu rtogs na thebs pa'o// lha rnams rang gis shes 'gyur bas// 'di ni gsang ba'i rim pa'o// zhes gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las// gsang ba bshad pa'i rim pa'i le'u ste bcu pa'o//// de nas dpa' bo chen po yis// sems can dbang po rab 'bring pas// blo yi rab 'bring mang yod pas// de yi phyir na rim pa dag/ dgu ru nam par ngas bshad do// de la phur pa phyi yi phyi'i// man ngag 'di ltar shes par bya// yon tan ldan pa'i sngags pa yis// nyams pa bsgral ba'i las byas pas// de nyid lam du nges pa yin// gnas mchog gzhung ltar nges pa ste// yan lag bdun bcas sngon 'gro bya// phyi mtshams la sogs nges byas te// tshogs gnyis legs par bsags pa yi// maN+Dal rim pa legs par bya// gru gsum bcu gcig legs bris la// de la rdzas rnams dgod pa ni// bdud rtsi sman dang rak+ta dang// rmad du byung ba'i rdzas rnams dang// dregs pa rten pa'i rdzas rnams dgod// bsnyen phur la sogs nyi shu gcig/ dbus la sogs pa'i rim par dgod// de nas yan lag bdun pa dang// tshad med 'gro don shes par bya// dang po'i tshig la ting 'dzin gsum// legs par bskyed pa de 'og la// gdan bcas gzhal yas bskyed par bya// de 'og gnyis pa'i tshig bzhis ni// gtso bo'i 'khor rnams bskyed byas la// bdag dang khro bo phur pa rdzas// rdzogs par dkyil du shes par bya// de 'og tshig gsum nges pa yis// gsol ba gdab par shes par bya// yang na gong gi tshig bzhi yis// phur pa rdzas su shes par bya// de 'og tshig bzhis gdab par bya// de 'og bzhi yis dbang bskur ro// de 'og gsum pas spyan drangs te// bzhi pas dngos grub shes par bya// mchod byas bstod pa smon lam gdab// 'bru dgu ma nor bdun khri bzlas// 'khor la de yi phyed phyed do// de la rab 'bring rtags tshang na// dngos grub blang ba shes par bya// de nas drag po'i las bya ba/ dkyil 'khor 'khor lo rtsibs drug pa// phur pa drug bcas rab bkod de// ling+ga thun rdzas drag po'i rdzas// gsang sngags rdzas su shes par bya// dang po lha dbral gnyis pa dbab// gsum pas byad gzhung bzhi pas smyo// lnga pas rdul brlag drug pas bstab// de ltar man ngag rim par sbyar// dang po ting 'dzin rnam gsum nas// rdzogs par mthing nag 'bar ba ste// de ltar mchod bstod rdzogs par bya// 'khor lo drug la dregs pa drug/ khyams la ma bdun srung ma gsum// rim par rdzogs tshul shes par bya// mchod pa bstod pa yan chad bya// dang po gtso bo'i gsang sngags dang// ming rus bcas pa'i nges pa dang// ha sa ya ra'i yi ge dgu// sum brgya drug cu'i gtso bo ste// dgra bla'i rgyal po'i snying po yin// dang po'i zhag gcig lha dang dbral// de nas srung ma ma bdun sngags// thun du bcas pas gsad par bya// rtsa bas dam can gnad la dbab// A we sha yi yi ge bcu// klu yi rgyal po'i gsang sngags yin// nub gnyis gzugs la dbab pa'o// shi kri A na ya yi yi ge bdun// phyogs bzhi dag tu legs par dgod// de nas ting 'dzin rnam gsum nas// rim par rdzogs tshul bskyed pa ni// gtso bo rdzogs tshul bskyed pa yang// sras mchog phur pa rnams la ni// rang rang zhal gcig phyag bzhi pa// s+t+wa re kha T+wAM phur bu 'dril// mthing nag 'bar ba'i tshul gnas so// dam can ma ni 'di lta ste// nag mo nag la bse mo dmar// shwa na dkar ldem ming po ser// zhal gcig phyag gnyis lcags kyu phur/ drag po min nam// rangs pa rnams la chibs med do// rtsa ba sku gsung thugs su brlag/ rang bzhin spyan 'dren mchod pa dbul// bsdod pa yan lag rdzogs par bya// gtso bo gsang sngags nges pa dang// kha skong sras mchog sngags drug gam// yang na mi skong bdun du nges// dam can rang rang gsang sngags bcas// rim par gang rigs rdzogs par bya// phar mchod gus pas bdag la bstim// de yis nges par bstan pa yin// de nas skabs su thun du bya// lcags phur sngags kyis snying la gdab// skyer phur mchog phur seng lding phur// bya phur tsan+dan sher shing rnams// rang rang sngags kyis gnas gnas gdab// kun la gsang sngags 'bru dgu'o// dam can gsum po rang sngags kyis// dgra bo'i gnas su gdab par bya// ming po'i phur pa 'dus pa yis// sngags kyis gdab par shes par bya// las gsum las mthar nges par bcul// shi nas nges par gnas spar ro// 'di ni nyams pa bsgral ba ste// sangs rgyas bstan pa bsrung phyir bshad// ces gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las/ phyi'i dbye ba rnam gsum bshad pa ste le'u bcu gcig pa'o//// de nas nang gi dbye ba rnams// yang dag par ni bka' stsal te// gnyis med phur pa'i don shes dang// shes gsum gdengs gsum ldan pa yi// yon tan ldan pa'i rnal 'byor gyis// nang gi phyi yi bsgrub pa bya// sngon 'gro la sogs rim pa las// maN+Dal drag po dri bar bya// phur pa bco brgyad legs par dgod// nang gi rdzas rnams tshang ba dang// thod pa chen po'i thun dang bcas// dbus gzhag sngags drug thun kyang bca'// de nas mtshams bcad byin dbab bshags// rdzas rnams legs par byin brlab bo// de yang mi skong shes par bya// de nas ting 'dzin 'jug pa ni// dang po'i tshig gsum ting 'dzin bsgom// gzhal yas gdan dang bcas pa bskyed// rdo rje'i tshig ni bzhi pa yis// bdag nyid yab yum rdzogs tshul la// ye shes sems dpa' bcas par bsam// rdo rje'i tshig ni gsum pa dang// gu h+ya man+t+ra bcu yis ni// hU~M kAr la sogs phyogs bcu yi// phra thabs yang sprul bcas par bskyed// rdo rje'i tshig gnyis sngags bcas pas// sras lnga dbus dang sgo ma bskyed// byin brlab dkyus tshig bzhi pa dang// sngags bcas srog la dbang bskur ro// stod smad tshig bzhis spyan drangs la// gnyis med bstim la mchod pa ni// rang rang sngags dang stobs bcas pas// rnam lnga'i mchod pa rdzogs par bya// smon lam bcas te sbyor ba yis// mchod pa rnam par dbul bar bya// rdo rje'i tshig gsum sngags bcas pas// sman gyi dngos grub legs par blang// de 'og gsum gyis 'dzab bstod de// lha rnams sku mdog kham nag ste// zhabs ni ri rab phur bu'o// dam can mgron thabs spyan drangs bsam// bar bar phrin las bcol bar bya// gsang sngags bzlas pa rab tu bya// gtso 'khor rim par shes pas ni// rtag mtshan rab tu 'byung bar nges// dngos grub blang ba'i rim pa yang// 'brang rgyas zla gam dkar dmar gnyis// gzhan yang zhal zas mang po dang// bcas pa thod pa'i nang bzhag la// lha rnams sngags la gong 'dus sngags// btags pa bzlas dang ting 'dzin bya// rdo rje'i tshig ni gsum pa yis// zhal zas phur pa gnas nas bstim// 'dis ni sku gsung thugs 'thob ste// de yang nam mkha' rdo rje'i dbus// snying po gsum bsam zos pa yis// de yis gong bzhin nges par thob// dang po gtso bo'i gsang sngags dang// ming rus bcas pa'i nges tshig dang// ha sa ra yi yi ge bcu// dgra bla'i rgyal po'i snying po ste// dang po lha dang phral ba'o// a we sha yi yi ge bcu// klu yi rgyal po'i gsang sngags yin// gnyis pa gzugs la dbab pa'o// shI g+h+raM A na'i yi ge bcu// khu le lag dgu'i gsang sngags yin// gsum pa byad du gzhug pa'o// dz+wa la pa yi yi ge bcu// rgyal po spyan gcig snying po ste// bzhi pa smyo ru gzhug pa'i sngags// ta thA ya yi yi ge brgyad// btsan 'gong dmar po'i snying po ste// lnga pa rdul du brlag pa yin// b+hin d+ha ya yi yi ge bcu// re ma ti ye sngags yin te// drug pa zhal du bstab pa'i sngags// nub drug dam rdzas pho nya dang// sprul pa'i thun rnams sbyar ba yis// rlung nad mdze dang byad 'ching dang// smyo dang 'bog dang rims nad kyis// nges par dag tu 'chi bar bshad// drug rdzogs phur pa gdab pa dang// bsnyen phur btab la tshe lung bya// de nas bdag gi phur pa dang/ khro bo bcu yi phur pa dang// sras mchog bzhi yi phur pa dang// dam can gsum gyi phur pa dang// phra thabs sprul pa'i phur pa rnams// rang rang sngags kyis gdab par bya// de yang de yi gnas dus su// bsreg 'phang gnan pas mtha' brtul lo// spyir na gab sngags ma nges te// 'di drug 'jig rten pa ru grags// lha rnams spyi 'dus snying po'am// phra men yin par ngas bshad pa// rtsa ba dkyus dang dkyus la gdab// 'di ni spyi yi phyi nyid do// dregs pa spyi ru bsgrub pa yin// des na de yi nang sgrub ni// dang po gong bzhin dkyil 'khor bri// phrin las bzhi yi dkyil 'khor ldan// rdzas rnams legs par tshogs pa dang// phur pa bzhi rnams phrin las la// rang rang gnas su bzhugs su gsol// thod pa chen po mtshan ldan bar// khrag sna tshogs par dug dang sbyar// thun gyi rdzas rnams rab bsog la// gab pa'i rdzas rnams de bzhin du// dang po bsnyen pa nye bsnyen pa// bsgrub dang bsgrub pa chen po dang// bsad pa'i thun dang lnga rnams so// chos nyid bden pa'i gsang sngags kyis// byin rlabs gsang sngags mthu bsnyen dang// a b+he tsar+ya'i dus la bab// brnag pa kho na'i las rnams te// sbyar ba thabs kyis shes par bya// dang po rim par lha bskyed nas// mchod pa yan chad rdzogs tshul lo// dang po bdag nyid gtso bo'i sngags// rdzogs par brjod pa bsnyen pa yin// sku gsung thugs kyi gsang sngags la// thim par gzhug pa khro bo'i sngags// de la nye bsnyen yang dag bya// rtags mtshan byung na dngos grub ni// rab tu blang ba shes par bya// de nas gdab pa'i las bya ba// dbus su 'brub khung thur du bru// de nas thod pa ling+ga bca'// man ngag rim pas las bya'o// man ngag rnam gsum 'dus pa ni// bsgrub pa chen po mchog yin te// dgra bo'i bla 'gugs shes par bya// gab sngags ming rus thims sngags can// ngan sngags 'dus pas bsgrub chen no// gsad par bya ba'i rim pa yin// rangs pa thod par rdzogs brab pa// bsad pa thun gyi dmod mo yin// gab sngags thabs dang shes rab dang// thun dang ngan sngags khang khrol btang// de yi man ngag shes pa yis// ngan lngar rab tu shes par bya// sras mchog 'dus pa'i snying la gdab// khro bo 'dus pa mgo la gdab// ma mo'i phur pa mgrin par gdab// ngan sngags phur pa lte bar gdab// de ltar dgongs pa rdzogs ldan pas// nyams pa 'chi 'gyur nges pa yin// shi nas gnas spar nges par bya// de la de yi gsang ba ni// gsang ba'i gnas rnams nges par ni// 'jigs pa med par bsgrub par bya// dkyil 'khor chen po bzhengs pa'am// yang na gru gsum drug tu brtsig/ dbus dang mdun du shes par bya// dam can gnas pa'i gru gsum bzhi// phyogs bzhi dag tu nges pa yin// re re thod chen re re la// ling+gar bcas pa nges bcug la// rdzas rnams nges par tshogs par gsag/ lcags phur dbus su dgod par bya// mi bzad phur bu drug rnams ni// gru gsum drug la shes par bya// dam can ma gsum phur pa dang// ming po gsum 'dus phur pa gcig/ de nyid lam byas sangs rgya 'gyur// de nas nyams pa bsgral bya na// dbus su gru gsum legs par brtsig/ der yang gzas po'i gzugs la'o// dri ma'i ling+ga thod pa'i nang// phur pa 'brub khung kha la'o// bsnyen pa'i phur pas gzir la gzhag/ drag po bya ba'i las rnams ni// nyi shu rtsa gcig kho na'o// dang po dgug pa'i las bya ba// dus las bab pa drug po ste// gang la yang ni shes par bya// dngos grub bar gcod tshig bzhi dang// sngags dang rdzas su bcas pa yin// nyams pa 'gugs pa'i las yin no// de bzhin rdo rje'i tshig bzhi dang// sngags dang rdzas su bcas pa yis// nyams pa lha dang bral ba'i las yin no// gong bzhin tshig drug sngags dang rdzas// nyams pa'i shes pa 'bebs pa yin// de bzhin tshig dang sngags dang rdzas// nyams dang smyo ru gzhug pa yin// de bzhin tshig dang sngags dang rdzas// nyams pa rdul du brlag pa yis// de bzhin rab tu tshang ba yis// nyams pa zhal du bstab par bya// gab pa'i sngags drug sbas pa'i tshig/rdzas drug pho nya phur pa drug/ dus drug kun la shes par bya// 'khor lo nges par bri ba dang// mnan pa'i 'khor lo thod pa la'o// bsgrub pa'i dus kyi gsang sngags ni// ma mo 'dus par nges pa ste// lha rnams mthing nag dag tu bsgom// yan lag mang po'i bsnyen pa bzhin// ting 'dzin mang po bsgyur ba'o// bar bar skabs su thun dbab pa// nyung kar la sogs bzhi po la// bse mo'i sngags dang ting 'dzin dang// tshig bzhi nges pas thun dbab pa// bse mo'i thun du nges pa'o// rims kyi phyi mo la sogs bzhi// bdag nyid ma yi sngags dang ni// ting 'dzin bzhi yi thun dbab pa// bdag nyid ma yi thun nag yin// lcags phye la sogs rdzas bzhi la// shwa na mu kha'i sngags dang ting 'dzin dang// tshig bzhis thun dbab shwa na'i thun// de yis sod pa'i rtags byung na// gdab pa'i las la nges par 'jug/ dang po tshig bzhis bden pa bdar// de nas rim par shes par bya// bsnyen pa'i phur gdab dgongs pa ni// snying po drug ldan khrus lung ni// smad stod tshig ni bcu gcig dang// gu h+ya man+t+ra'i ming dang bcas// tshe lung khrus lung sngags bcas pas// bdag nyid bstab pas tshe lung shes par bya// 'di ni tshe lung khrus byas pas// de nas dam can phur pas gdab// byin brlab dmigs pa kun la'o// de yi tshig ni brgyad dang ni// sngags kyis snying la shwa na gdab// de bzhin tshig tshang sngags bcas pas// bdag nyid ma ni spyi bor gdab// de 'dras sngags bcas bse mo yis// lce la phur pas rab tu gdab// dgongs pa man ngag klong dang sbyar// de 'og tshig bdun sngags dang bcas// sras mchog bzhi yis gnas bzhir gdab// gong gi bsnyen phur yang blang la// rdo rje'i tshig bzhi sngags bcas pas// bdag nyid yab yum lte bar gdab// rdo rje'i tshig ni drug bcas pas// hU~M kA ra yi gsang sngags kyis// spyi bo dag la nges par gdab// gong gi rdo rje'i tshig dang ni// rnam par rgyal ba la sogs sngags// dpral ba lce dang dpung pa g.yas// snying dang gsang ba dpyi g.yas dang// dpung g.yon dpyi ni g.yon pa dang// rkang pa'i mthil du rab tu gdab// de dag rang rang dgongs pa dang// thabs ni rab tu shes byas la/ kho yi shes pa dag la dbul// 'di ni phur pa gdab pa'i las// de ltar btab pa'i ga go la// bsnyen pa'i phur pas bro brdungs pa// thabs ni yang na g.yas su ste// yum gyi mkhar bsam bro brdung ngo// smad kyi rdo rje'i tshig lnga dang// gsang ba'i sngags ni lan gsum gyis// yum gyi mkha' las bsgral bar bya// mchod pa gnyis gsum dbul bar bya// de nas gso ba'i rim pa yang// byang chub rnam gsum bdag bstim pas// bdag nyid bkrag mdangs bskyed pa ste// sngags bcas bdag nyid gso ba'o// phur pa bton la klad la bskor// kI la bco brgyad nges pa yin// 'khor lo gsal ba nyi zla bcas// thams cad phur pa'i rgyan gyur pa// 'di ni phur pa gso ba'o// de nas nyams pa bsgral ba yi// dam tshig gnas pa chen po ste// bdag las byams sems tshur bton la// nyi zlar bcas pa'i gdan steng du// rnam gsum bzhag la a yaM phaT// de yis 'og min gnas mchog tu// yab yum sbyor mtshams dag tu 'phang// de yang rdo rje'i tshig bzhi po// smad ni tshig bzhis smon lam gdab// byang chub sems su dbang bskur ro// sngags kyis lhar bskyed spyi gtsug tu// rnal rgyal snying ga bdud rtsi 'khyil// nyon mongs ye shes phung po lha// de ltar gnas su spar ba yang// kho yang mi 'pham rgyal ngo shes// 'khor bar mi ltung ngas bshad do// 'dis ni gzas pa gso ba ste// gso ba'i las su rnam par grags// 'di yang smad du shes par bya// dang por phur btab mtshon gtubs pa// ral gri rdo rje'i tshig lnga dang// sngags dang ting 'dzin ldan pa yis// phur pas ma lus rdul du brlag/gtubs pa'i bka' bsgo bstab pa ni// rdo rje'i tshig ni lnga rnams dang// sngags dang ting 'dzin bcas pa yis// bdag nyid khro bo yab yum dang// phur pa sras dang dam can gsum// rang rang sngags dang ting 'dzin gyis// phung po lhag med zhal du gsol// 'di ni bstab par shes par bya// bstab pa'i lhag ma ga go dang// rdzas dang ling+ga gdab pa gsar ba kun// gru gsum nang du bsreg bya ba// tsher shing chag gang lcags thag bsdam// gru gsum nang du shes par bya// dgang gzar blug gzar thod pas brgyan// bdag nyid lha dang me lha ni// sku mdog dmar por rab bskyed do// shar lho mtshams nas me lha dang// rdo rje'i tshig gis lha rnams ni// spyan drangs bskyed pa la bstim mo// smad stod drug las gab drug dang// de 'og tshig ni bcu gcig gis// kun la yang dag sbyar bar bya// lha rnams tshan bzhi'i bskor tshom la// smad stod dang po'i tshig ni gsum// rang rang sngags las srog sngags dang// ting nge 'dzin gyis dbul bar bya// smon lam gdab cing shes pa dgug/ 'di ni bsreg pa'i rim pa ste// bsreg pa'i thal ba ling+ga dang// drag po rdzas kyi rnam pa dang// de ltar gong gi thun khrag dang// dgra bo'i gnas la brdeg par yang// tshig drug bcu gcig bcas pa dang// dam can gnad la dbab pa dang// bar ma'i gab pa'i tshig gcig dang// sngags dang ting 'dzin bcas pa yis// 'phang na nyams pa nges par 'chi// gang gi ling+ga'i ngo bo yang// thod pa'i 'khor lo rab bcug la// gzir ba'i phur pa dang bcas pas// gnan sa nges pa'i sar song la// gru gsum brus la kha yang bcad// de ru lha rnams kun bsam la// don yod grub pas gnan par bsam// dang po dkyus tshig lnga pa dang// gab pa'i tshig gcig sngags bcas pas// ting nge 'dzin gyis nges par mnan// des ni bskal pa brgyar mi 'tshor// 'di ni las kyi mtha' brtul te// kun la yang dag shes par bya'o// kha mi skong ba'i las yin te// nyi shu rtsa gcig nges pa'i don// kun la don gyis shes par bya'o// 'di ni man ngag yang dag ste// kun la yang dag gsang bar bya'o// gzhi ni snying rjes gzung ba dang// rtsa ba byang sems rtogs pa dang// thag ni lta bas bcad pa dang// la ni spyod pas dor ba dang// dbang ni dam tshig sgrol bas te// ngo bo nges tshig dbye shes na// gang byas sangs rgyas 'grub par nges// phyi nang kun la tshogs bsags pa// rgyu nyid bsod nams tshogs gnyis te// gang la gang gis tshogs gsog pa// 'byor pa'i yo byad mang po rnams// rin po che yi snod nang du// bsangs la 'bru gsum dag pa dang// bdud rtsi 'khyil ba'i sngags kyis brlag/stod smad tshig gsum spyan drangs la// bskor tshogs gsum gyis nges par ni// sngags dang ting 'dzin bcas pa yis// lha la rim par dbul bar bya// rdo rje'i tshig ni gsum po dang// sngags dang bcas pas dang por 'bul// bar pa bshags pas nges par 'bul// tha mar bstab pa'i las bya ba// ling+ga bcas la shes pa dgug/ rdo rje'i tshig ni bzhi pa yis// stob pa'i sngags bcas 'bul ba yang// rang rang sngags las shes par bya// sman dang rak+ta de bzhin 'bul// ting nge 'dzin gyis gsol bar bsam// don gnyis 'gro ba shes par bya// de nas lhag bsdus lhan du bya// kha chus bran la phyag rgyar bcas// rdo rje'i tshig brgyad tshig bzhi yis// sngags dang ting 'dzin bcas pa yis// lhag ma dam can gsum la 'bul// smon lam btab ste phrin las bcol// 'di ni kun la bya ba ste// dus drug dag tu shes par bya// de dang ldan na rnal 'byor yin// kun las tshogs ni gnyis yin te// rang rang thabs kyis shes par bya// de la nang gi nang sgrub ni// drag po thun gyi bsgrub pa ste// sngon du bsnyen pa tshang ba yis// gru gsum chag gang thur du bru// bcu gnyis gsum dang drug tu 'dus// man ngag rim pas shes par bya// thod pa drug gam bcu gnyis sam// gsum mam gcig gam gang yang rung// 'brub khung nang du legs bcug la// thun rdzas bcu gnyis yang na drug/ gsum mam gcig tu nges par bstan// thun khrag mang pos ling+ga yang// sngags dang bcas pa legs par bya// rdzogs pa'i lha rnams drag por bskyed// thams cad ma lus khyab pa ni// ting nge 'dzin gyis bsam par bya// thod pa lcags mkhar sgo med du// dgra bo nges par gsal mi gsal// gab pa'i las rnams rdzogs par bya// dam can bcu gnyis drag sngags sam// sngags drug khro bo la sogs gsum// gcig ni dpa' bo gcig pa ste// gnyis ni gong bzhin rab tu gzhug/ drag po'i rdzas rnams thun phab pas// sprul pa mang pos bsad par bsam// 'di ni man ngag nges pa ste// tha ma zor du 'phang ba'o// nang gi nang du shes par bya// de la nang gi gsang ba ni// gong bzhin bsnyen pa tshang ba yis// rab tu dben pa'i gnas dag tu// maN+Dal gru gsum legs par bya// zur la rtsang gsum dgod par bya// dur khrod ro ras 'jigs pa la// dgra bo'i gzugs la 'khor lo drug/ spyi bor oM laM kI la ya// g.yas su hU~M la g.yon du phaT// dpral bar rus la snying gar ming// 'doms su mi 'gyur nges pa'o// rtsibs la sngags drug 'phyang dang bcas// lte bar dam can mang po'i sngags// tha mar dpa' bo gcig par ni// dug khrag dri ma bsras par bri// thod pa mtshan ngan nang du ni// ling+ga khrag tu bcas pa gzhug/ sras mchog phur pa ltar gzir gzhag/ 'brub khung nang du gzhug par bya// 'khor lo rtsang gi kha la brgyangs// drag po'i rdzas ni mang po rnams// thod pa tshal bu'i nang du bsag/gong bzhin lha rnams rdzogs tshul bstan// mthing nag phyag na 'khor lo bsnams// phur pa dag las rab rdzogs pa// sras ni gong du bshad pa bzhin// gru gsum nang du lha rnams bskyed// 'khor lo dgra bo'i lto bar dmigs// de ltar gsal ba gsum ldan pas// gab pa'i sngags kyis dgug gzhug bya// gab sngags them par bcas pa la// mA ra ya bcug bzlas par bya// lcags kyi 'khor lo rab bskor bas// dgra bo'i srog rtsa gcad par bsam// lha yi phyag mtshan de bzhin no// bar bar dpa' bo gcig pa dang// dam can sngags kyis thun phab pas// nges par bsad pa'i ting 'dzin bya// rtsa ba rangs pa drag pos bskul// 'khor lo g.yas su nges par bskor// de ltar rab tu byas pa yis// nyams pa gsod pa'i rtags bstan pa// nyams pa khugs dang ri dwags bsad// bla shing bcad dang brag gshag dang// sems can mang po bsad pa ste// 'di ni kun la shes par bya// de nas dpa' bo gcig pa yis// 'khor lo ling+ga bcas pa rnams// bstab la don rnams nges par bya// khrag 'phang thod pa 'khor lo dang// ling+ga phur pa dal 'og mnan// 'dis ni nyams pa bdun sgrol te// de yang lam du shes par bya// gnyis med rtogs pa'i rnal 'byor pas// nyams pa bsgral na mngon sangs rgyas// thams cad ldan na rnal 'byor yin// spyir na gsang sngags nges pa la// ting 'dzin gsum bskyed bsnyen pa yin// bdag nyid lhar bskyed nye bsnyen yin// yum bskyed bsgrub par shes par bya// gzhan rnams bsgrub pa chen po yin// 'di ni gsang ba'i rim pa ste// 'gro ba'i don du bshad pa yin// zhes gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las/ nang gi dbye ba gsum bshad pa'i le'u ste bcu gnyis pa'o//// de nas yang ni bshad bya ba// gsang ba'i don gsum phye ba rnams// yang dag par ni bka' stsal to// gsang ba'i don rnams shes pa dang// chos can dngos por snang ba rnams// phur pa'i don gyis gtan phebs pa// yang dag phur pa'i don bsgrub pa'i// gsang ba'i phyi ni 'di lta ste// rab tu dben pa'i gnas dag tu// phur pa ngan sngags dril la bsgrub// sa la gru gsum legs byas la// nag po byugs pa de yi nang// rabs chad nges pa'i thod pa la// khrus byas gzhal yas khang par bya// khrag dang dug ni sna tshogs blug/ dri ma dag las ling+ga ni// thod pa'i nang du bcir bar bya// lcags sna lnga tshang sras mchog gcig/ sngags bris dbang bskur byin brlab gzug/ bdag nyid rdzogs par dkyil 'khor gsal// de nas sras mchog gzas pa dgug/ ma lus khyab pa mthing nag sku// sku gsung thugs kyi snang ba ste// ye nas yin par shes par bya// yang na bskyed pa med par ro// bsnyen pa mi bya rangs pa dril// dang po bdag nyid 'bru bdun dang// de 'og phyag rgya gnon yid gsum// ming rus yi ge gzas par bya// shwa na'i yi ge bcu drug dang// re ma ti yi rtsa sngags dang// bse mo'i snying po bcu bdun dang// 'khor ba rtsad gcod yi ge dgu// thams cad tshang ba'i yi ge bdun// dril te rab tu bzlas pa yis// lha gsum dam can bcas pa dang// sprul pa yang sprul bcas pa yis// rab tu drangs te gzugs la bstim// sras mchog phur pas gzir bar bya/ khrag dug nad du gyur pa yis// dgra bo rims nad thebs pa bzhin// mdangs dang bral bar rab tu bsam// drag po'i rdzas rnams thun phab pas// khro bor gyur pas bsad par bsam// de yang bar bar phyag rgya can// 'phros pas dgug pa'i las bya'o// de nas phur gdab khrag zor 'phang// 'di ni yang dag man ngag ste// mgo mjug dril ba'i ngan sngags te// 'dis ni nyams pa gdon mi za// thugs rjes gzung la gnas spar ro// de nas gsang ba'i nang bsgrub ni// drag po ldog med mkhas pas dpyad// rdzas dang dkyil 'khor 'di ma yin// phyi yi snod kyi 'jig rten ni// ye nas gru gsum 'bar ba ste// dur khrod klong bcas rab tu gnas// nang gi bcud kyi sems can ni// ma lus snang ba lha yi sku// ye nas yin par shes par bya// dngos su snang ba mthing nag 'bar ba'i sku// sgrar grag srin po ngur sgra yin// rang bzhin snang ba thugs su bshad// ye nas snang bas 'phral bskyed min// sprul pa mang pos 'jig rten gang// 'phral la bkang ba ma yin te// ye nas thams cad sprul par bshad// de ltar gnas pa'i don rtogs na// nyam par gyur pa dgra gzugs de// gang du bros pa'i gnas nas dgug/ sprul pa mang po'i tshogs chen gyis// shig shig 'gul 'gul gnas pa ni// dper na grog tshang sbrul tshang bzhin// gnas pa'i zhabs kyi phur pa yis// sdong po bsgyur bzhin zhabs 'og na// mdangs bral gnas pa'i sbyor ba bya// 'bru dgu'i sngags la mA ra ya// drag po btags te gong bzhin bsam// bzlas pas drag sngags 'od zer gyis// gong gi ting 'dzin nges pa'o// bskyed pa mi dgos gsal gdab ming// drod tshad skabs la bab pa dang// gong gi sngags la ming rus bcas// bzlas pa gong bzhin byas pa yis// drag po bsad pa'i ting 'dzin bya// sngags rnams kun la mA ra ya// btags pa sbyar ba gsum dang bcas// ye shes mtshon chen phur pa ni// nam mkha'i thog ltar brgyab pa yis// thog brdzis glang thabs gnan gleb dang// 'gyur med nges pas gsad par bya// 'dis ni yang dag drag po ste// nyams pa 'chir 'gyur mA ra ya// s+t+wa res gcod pa sti'u'i don// ma rtogs pa la dkyil 'khor dang// rdzas dang bskyed dang gsol gdab pa// dgongs pa yin te rtogs pa la// ye nas drag po yin shes na// dngos su bya ba gang yang med// spyir na phur pa mang bshad kyang// gsum du 'dus par nges pa yin// bsgrub lugs thun dang drag po ste// de don rnam par shes par bya// gnyis su med par shes pa dang// bde chen rtogs pa'i rnal 'byor pas// nyams pa bsgral na bla med 'grub// de la gsang ba'i gsang ba ni// chags lam nges par rab bshad do// gsang sngags spyod pa'i rnal 'byor pas// dug lnga lam du shes pa dang// de nyid ma spangs shes par bya// dper na dri mas dri ma 'khrud pa bzhin// de nyid lam byas mngon sangs rgyas// bdag nyid thabs la brten pa'i phur// gzhan lus shes rab brten pa'i phur// dbyer med phyag rgya chen po yis// phyag rgya chen po'i 'og sgor shes// steng 'og 'gro lam byang sems phur// mkha' dbyings gtun khung bde gshegs gnas// gting dpag med pa'i dbyings nyid du// byang sems phur pas ma lus thebs// khro bo 'bar ba'i gtun khung du// rdo rje gsang ba'i tho ba yis// brdungs nas ma lus yang dag bsgral// bskyed dang rdzogs pa gnyis yin te// de la gnyis gnyis shes par bya// ting 'dzin rnam gsum rim pa nas// gzhal yas lha bcas bskyed pa yang// snang stong dbyer med sku ldan la// nyams su yang ma blang pa yis// rtags ni rim pa bcu yin te// khams gsum sa bcu las 'das pa'o// bskyed pa'i don rnams dam tshig rgya// yang na rang bzhin gnas pa la// khro mos rdo rjes glus skul bas// bskyed pa lta bur lha rnams bskyed// gong bzhin nges pa de 'drar bshad// 'di yang chos kyi phyag rgya'o// yang na bskyed pa las kyi rgya// yum bskyed dam tshig phyag rgya yin// lha yi don shes chos kyi rgya// phur pa dbyer med phyag rgya chen po'o// rdzogs pa'i rim pa bshad pa ni// bdag nyid lha ru gnas pa la// rtsa yi rnam pa mang yod de// thabs dang shes rab gnyis med pa// A li kA li a d+hU tI// gzhan ma thams cad khyab pa ni// mang po yod par gnas pa yin// gnas pa rtsa la g.yo ba rlung// mi shigs byang chub sems su bstan// lus la 'khor lo lnga yod de// ye nas gnas par nges pa yin// rnal 'byor pa yis yang dag bsam// klad rgyas bde chen 'khor lo la// rtsa 'dab sum cu rtsa bzhi gnas// mgrin pa longs spyod 'khor lo la// rtsa 'dab drug cu dag tu gnas// snying ga chos kyi 'khor lo ni// rtsa yi 'dab ma brgyad du gnas// lte ba sprul pa'i 'khor lo ni// rtsa 'dab drug cu rtsa bzhi ste// me rlung 'khor lo gzhu gru gsum// gnas pa rtsa ba'i dbyibs su'o// 'khor lo rin chen pad+ma dang// rgya gram dbyibs su nges gnas pa// sgo mo'i don rnams shes par bya// oM dang AM dang hU~M dang ni// e dang yaM dang raM gnas pa// ston pa byang sems rim pas gnas// rtsa gsum rangs pa 'brel ba'o// dang po gsal byed yi ge ste// gnyis pa dbyangs yig dag dang sbyar// gsum pa rang gi 'bru dgu'o// bzhi par oM laM hU~M laM ni// gnas par nges par shes par bya// dang por byang sems gnyis pa ni// mchod pa'i sems dpa' yab yum dang// gsum pa khro bcu 'khor bcas so// bzhi pa phra thabs yang sprul lo// de ltar shes pa'i rim pa yis// khro mo'i phur pa rab 'bar bas// steng nas byang sems dbab par bya// rlung gis me sbar gyen la ni// sprul pa'i gnas nas yi ge rnams// lus zhu mgo ni ma yin te// gyen la de bzhin gnas gsum du// spar la shes rab rtsa nas dengs// phyir 'phros ma lus mchod par byas// thams cad byang sems rab bsdus te// phur pa thebs nas nges pa yin// byang chub sems ni dkar tsher ba// rab phab mgrin pa la sogs pa'i// lha la mchod par shes par bya'o// chos kyi 'khor lo'i gnas su gzung// der ma gnas na sprul par dbab// de yang ma gnas gyen la sbar// de la rab tu goms pa yis// rtags la sogs pa gong ma bzhin// rlung lha'i nges par ma thub na// de yi man ngag shes bya ba// 'dis ni phyag rgya chen po mtshon// phyi yi man ngag thabs dang ldan// yang na bshang sgo rlung 'khor lo// snying po gnas la 'byung ba bzhin// de yi gong bzhin dbab pa ni// nang gi nges pa dag tu bshad// de yang rab tu ma gyur na// shes rab rig ma 'khor lo can// pad+ma rin chen glang po can// rigs nas mtshan ldan nges pa la// nu ma mnye zhing pad+ma ni// rgyas pa'i rim pa rab byas la// de nyid yum du nges bsam pa'i// b+ha ga pad+ma 'dab ma brgyad// snying po nges ldan sna rtse ni// de la thugs ldan nges par bsam// bdag nyid gsang ba rtse lnga pa// snying po lnga ldan rtsa gsum can// oM dang phaT gyis bu gar nges// de ltar gnas pa mkha' gsang sbyar// 'byung ldan nges par sbyor bas ni// rab tu dbab par nges par ro// de las 'das ni rin chen phug/ rtsa la nges par sems gzung ngo// gong bzhin bde ba phab la ni// sprul pa'i gnas su sleb pa dang// bar dang bum pa de las byung// dga' ba bzhin du nges par sbyar// gnyis gsum rtag chad yin pas te// bar la bde gzung gnyis med do// ma zin de las bzlog par bya// ma 'khyil gcig shor gnyis shor na// de yi man ngag shes par bya// 'di ni gsang ba'i dbab pa ste// gzhan lus shes rab la brten pas// gong bzhin nges par 'byung ba ste// yang dang yang du nyams blangs na// phyag rgya chen po nges par mthong// mtshon bya mtshon byed tshul bzhin no// phur bu'i nges don gnyis med pas// de ni phyag rgya chen por bshad// de ltar rtogs pa'i rnal 'byor pas// bla na med pa'i sangs rgyas 'grub// phur pa phyi nang gsang ba gsum// lha la phyi nang gsang ba gsum// khro bo phyi nang gsang ba gsum// nyon mongs phyi nang gsang ba gsum// sngags la phyi nang gsang ba gsum// rdzas la phyi nang gsang ba gsum// dkyil 'khor phyi nang gsang ba gsum// gnas la phyi nang gsang ba gsum// dgra la phyi nang gsang ba gsum// rtags la phyi nang gsang ba gsum// dngos grub phyi nang gsang ba gsum// rgyu la phyi nang gsang ba gsum// tshad la phyi nang gsang ba gsum// ting 'dzin phyi nang gsang ba gsum// sprul pa phyi nang gsang ba gsum// gdab pa phyi nang gsang ba gsum// mchod pa phyi nang gsang ba gsum// dgongs pa phyi nang gsang ba gsum// gnas pa phyi nang gsang ba gsum// bsreg pa phyi nang gsang ba gsum// gnan pa phyi nang gsang ba gsum// 'phang pa phyi nang gsang ba gsum// bsgral pa phyi nang gsang ba gsum// bsgom pa phyi nang gsang ba gsum// rnal 'byor phyi nang gsang ba gsum// dam can phyi nang gsang ba gsum// bskyed rdzogs phyi nang gsang ba gsum// bsgrub pa phyi nang gsang ba gsum// thams cad ma lus gnas pa'i don// gtan tshigs bsgrub bya nges pa dang// ngo bo nges tshig dbye ba yis// phyi nang gsang ba gsum shes na// des ni phur pa'i thebs pa thob// gsang sngags tshogs gnyis myur rdzogs dang// nyon mongs dug lnga mi spang dang// 'bras bu byas pas khyad par 'phags// 'og ma'i chos la brten pa ni// snang ba 'di la mi brtag go/ 'og ma las kyang 'da' bar bya// dbyer med gnas pa'i rnal 'byor pas// 'dis ni phur pa'i theg chen mthong// lta ba dbyings dang ye shes yin// rtags ni thabs dang shes rab yin// spyod pa blang dor med pa yin// phrin las gang la thogs med yin// dam tshig rtsa ba yan lag yin// de ltar shes na phyi ma la// mi 'gyur phur bu'i nges bshad do// 'og mas 'bras bu ngo ma shes// rgyu la ye shes 'dod pas te// tshogs gnyis ldan pa bskal pa yang// mang po bgrod par 'bras bu thob// gang zhig rgyu las lam byas pa'o// gsang sngags 'di ni thabs chen po// 'bras bu las ni 'bras bur nges// gang yang 'bras bu nges pa ste// lha las lha yi 'bras bu dang// lha las lha yi lta ba ste// gang zhig 'bras bu lam byas pas// tshe gcig dag la sangs rgyas 'grub// 'di ni rdzogs pa'i rjes su ste// nyal dang 'dug dang 'gro ba dang// smra dang za dang bkol pa dang// 'grengs sogs spyod pa la bsgoms pas// lha yi rnal 'byor rab gnas pas// tshogs gnyis rdzogs te sa gnyis non// 'di ni rgyun gyi ting 'dzin te// lta ba spyod pa phrin las dang// dam tshig bskyed pa tshogs mchod dang// lhag ma bsdu ba dbang tshang na// 'di ni phur pa'i rnal 'byor yin// lta ba dbyings nyid don rtogs kyang// srog chags phra mo gsad mi bya// nyams pa bdun ni ma gtogs so// theg pa chen po'i mdzad spyod kyang// phra ba'i chos la nan tan bya// brtul zhugs la sogs bya ba yang// rnal 'byor gsum gyi rim par spyad// phra mo thig le theg chen ni// gang rigs spyad pas sangs rgyas 'gyur// zhes gsungs so// rdo rje phur pa gsang ba'i rtsa ba rnal 'byor chen po yang dag par rig pa'i rgyud las/gsang ba'i dbye ba gsum bstan pa ste le'u bcu gsum pa'o//// de nas karma he ru kas// phyi nang mchod pa rab mchod de// bcom ldan 'das la 'di skad gsol// kye bcom ldan badzra kI la ya// e ma ho ngo mtshar chen po gsung// dam can ming sring bsgrub pa dang// gtso bo la sogs sgrub thabs gsungs// de skad gsol gsan gtso bo ni// rab tu bsgrub pa zhes bya ba'i// ting nge 'dzin la snyoms zhugs te// yang dag par ni bka' stsal to// nyon cig karma he ru ka/ rnal 'byor phyi rabs 'jug pa yi// de yi phyir na ngas bshad do// dus la bab na bdun po la// sgrub thabs re re ngas gsungs so// dang po nag mo bsgrub bya ba// kha skong mi skong shes par bya// rnal 'byor yon tan ldan pa dang// phur pa'i don rnams shes pa yis// rab tu dben par legs bsgrub po// 'khor lo rtsibs bzhi ldan pa yi// dbus su bsnyen phur phyogs bzhir phur// nag mo bzhi yi phur pa dgod// thod pa bzhi la thun dang bcas// khyi yi lte khrag nal bu'i sha/ bud med mnga' khrag sbal pa'i mgo/ rams kyi phye mo rdo sol dang// khrag chen mu zi gtor ma sman// gzhan yang rdzas rnams mang po bsog/ rdo rje khros pa la sogs pas// dbus su bdag nyid dpal chen bskyed// 'khor lo bzhi la spun bzhi ste// re ma ti dang re ma dza// re ma dzi dang re ma dzu// sku mdog rang rang rigs dang bstun// chibs dang yang na rkyang pa ste// rang rang phyag mtshan phur bu bsnams// rgyan dang ldan pa rab tu bskyed// rang bzhin spyan drang mchod pa 'bul// bstod dang smon lam legs par bya// de nas bdag nyid sngags dang ni// mched bzhi'i gsang sngags swA hA can// bar bcug rab bzlas srog kyang dbrog/ nus pa dag dang ldan par bya// bar bar mchod bstod gnad la dbab// rang rang dam rdzas legs par bstab// de la rtags rnams nges pa ni// bud med nag mor dbang bskur dang// bdag la phyag byed mar 'od pa// 'di ni grub ste dngos grub blang// de nas gsad pa'i las bya ba// 'brub khung lnga ru nges par bya// de nas thod pa ling+ga dang// drag po'i rdzas rnams legs par bya// gab pa'i las kyi las bya'o// ming po'i 'gugs sngags shes par bya// rab bskyed mthing nag 'bar ba yis// nyams pa dgug pa'i las bya'o// sngags la bsad pa'i sngags btags so// bsad pa la sogs dgongs pa yin// nyams pa nges par gsad par bya// dang po dus la bab drug dang// de 'og bcu gcig dmod pa yis// rdo rje tshig bzhis gnad la dbab// thun la sogs pa'i sbyor ba bya// rtags byung phur btab bsreg 'phang gnan// ma grub dus na shi sa bstan// 'di ni ming po las yin te// nyams pa bsad pa'i mchog yin no// kha skong las ni mchog bsgrub pa// gzhan du gsungs pa nges pa yin// shwa na mu kha'i sgrub pa ni// gong bzhin yon tan ldan par bya// shwa na bsgrub pa'i gnas su nges// dkyil 'khor mched bzh-i'i tshul du la// gru gsum bcas pa legs par bri// bsnyen phur shwa na'i phur pa bzhi// dbus la sogs par rab tu dgod// thod chen 'bar spyang lnga rnams dgod// rang rang snying dang khrag chen dang// lcags phye zangs phye gser bye dang// rdo phye gtor ma lnga rnams dgram// de nas gong bzhin bskyed pa yang// lcags sbyang 'phar ba wa mo dang// khyi mo rang rang gang rigs bya// mche ba can ni bzhir nges par// chibs sam yan na rkyang pa ste// rang rang cod pan phur pa bsnams// khros pa'i chul ngu rab tu brtag/ spyan drangs la sogs gong bzhin no// gsang sngags gong bzhin bcas pa la// bar du shwa na'i sngags bcas pa// legs par bzlas la gong bzhin bya// des ni rtags dang nus pa ni// 'phar spyang mang po 'dus pa dang// mgo brnyan tshogs la dbang byed pa'o// nus thob dngos grub blang bar bya// de nas gsod pa'i las bya ba// gong bzhin 'brub khung bcas pa'o// ling+ga legs bcas las rnams bya// shwa na'i ting 'dzin mang po yis// 'gugs pa dag tu nges pa yin// ming pos yang ni de bzhin no// gsang sngags mA ra ya bcas sam// bzlas pas shwa na'i tshogs bcas pas// stod cing za ba'i ting 'dzin bya// bar bar thun rnams brab pa yis// rdzas rnams sprul pa yang sprul gyis// nges par gsod pa'i ting 'dzin bya// smad stod dkyus tshig lnga bcas pa// de 'og bcu gcig mtha' bsgyur ro// stod smad tha ma'i bzhi bcas pas// thugs dam gnad la dbab par bya// sems can bsad pa'i rtags byung na// rtsa ba phur gdab bsreg dang 'phang// gnan pa'i las rnams bya ba yis// nyams pa'i nges par 'chi ba yin// kha skong gzhan du nges par gsungs// sa bdag chen mo bsgrub pa ni// gong bzhin yon tan ldan pa yis// bse mo bsgrub pa'i gnas su bya// maN+Dal zla gam bcu drug gam// yang na bzhi 'am 'brub khung bcas// rang rang rigs dang mthun nam gcig/ wa thod bzhi la rtsa sngags bcas// mchog phur lcags phur lnga rnams so// mar khu zhag dang sbrang rtsi dang// 'o ma la sogs skyogs bzhi dang// yungs kar yungs nag zi ra dang// skye tshe la sogs thun rdzas bsag/ gzhan yang sman raka gtor ma lnga// legs par mkhas pas gsog pa yin// de nas ting 'dzin bcas pa ni// dpa' bo dpa' mo bsam pa ste// rang rang rigs mthun sku mdog la// bse khrab rgyan chas phyag na yang// zhags pa phur bu bsnams pa ni// chibs sam yang na rkyang pa ste// blon po yang blon bcas pa bskyed// spyan drang la sogs gong bzhin no// dpa' bo'i gsangasngags bcas pa dang// bar du bse sngags swA hA bcas// bzlas pa gong bzhin nus pa dbrog/ bar du mchod bstod gnad la dbab// bal mo la sogs rtags byung na// dngos grub blang la nus pa thob// de nas gsang ba'i las bya ba// 'brub khung ling+gar bcas pa'o// khros pas las bya bse mo dgug/ de yang ming po'i bla 'gugs sngags// des ni nges par dgug pa yin// gsang sngags mA ra ya bcas la// bzlas pas yang sprul sum sprul gyis// nges par bsad pa'i ting 'dzin bya// gong bzhin drug dang bcu gcig dang// bzhi bcas gnad la dbab par bya// thun phab dgongs pa gong bzhin no// phur gdab bsreg 'phang gnan byas na// nyams pa 'chi 'gyur mA ra ya// spog dang shi sa'i man ngag ni// ma byung mkhas pas rab tu sbyar// kha skong man ngag gzhan du gsungs// 'di ni man ngag nang na mchog/ phur bu'i srung ma mthu chen yin// a b+hi tsar+ya'i dus zhes pa// lta ba byin brlab brten pa dang// drag sngags rtogs dbang mthu yin te// dpe don nges gsum shes pa yis// mthu rnams rab tu bsgrub pa yin// dgongs pa sngags dang phrin las dang// nus pa gsang ba bsad shes pa'i// nges par dpe don shes na 'grub// don gsum nges par rnam par grol// zhes gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las/ dam can gsum sgrub pa'i le'u ste bcu bzhi pa'o//// de nas karma he ru kas// kI la ya la 'di skad gsol// kye bcom ldan badzra kI la ya// dam can sde gsum ming po dang// rangs pa dril pa'i bsgrub pa ni// legs par bdag la bshad du gsol// de skad gsol bar bka' stsal pa// nyon cig karma he ru ka/ srung ma rnam gsum ming po dang// spyi dril bsgrub pa ngas bshad do// gus par nyon la yid la zung// yon tan ldan pa'i sngags pa yis// rgyal po bsgrub pa'i gnas su ni// sngon 'gro bcas pa legs par bsgrub// maN+Dal gru gsum mkhar dang bcas// dung gi mdog can legs par bri// thod pa bam ril phur pa gnyis// lug dkar snying dang dkar tshogs snying// bshos bu spyan gzigs mthun rdzas bcas// smyug ma rten dang bcas pa'o// ting 'dzin bskyed par rab byas la// rgyal po dkar po gying dkar phur// rnam pa rgyan bcas bskyed par bya// spyan drang mchod 'bul bstod smon lam// de dag legs byas sngags bzlas la// ka ra karma ya na ni// kha skong sngags bcas rab tu gzhug/ gong ltar bzlas pas nus pa'i rtags// skya shar mon pa dkar po la// dbang bskur nges par 'grub pa yin// bar bar bshos bu spyan gzigs bstab// dngos grub blangs la gsad las bya// ling+ga bcas pa'i man ngag bya// khros pa'i dgug bya rgyal pos so// bsad pa'i sngags ni bcas pas bzlas// gong bzhin mi 'gyur gnad la dbab// thun phab ting 'dzin bcas pa yis// gsod 'gyur gong bzhin las bya'o// tri tsa pa la sa shu ga me swA hA/tri kha thun kha kha thun ni ra rbad/ a tri tsa pa la mA ra ya rbad/ dgu dang rtsa bdun bsad sngags nges// bla rdo'i man ngag shes gyur na// rgyal po rta ltar gdags pa dang// btson bzung khyi ltar bkri ba 'grub// bla 'gugs gsang sngags shes par bya// 'di ni dung gi sgrub thabs te// nyams pa 'chir 'gyur gdon mi za// de nas mgon po'i sgrub pa yang// rab tu mkhas pas spyad par bya// mgon po nges bsgrub gnas su ni// maN+Dal gru gsum zlum po gnag/ mdun du nges par bri bar bya// dri'u nag thod pa mdab nag dang// dar nag lug nag snying dang ni// de bzhin nag tshogs snying phrag bcas// rta nag rmig pa g.yas pa la// thun dang gtor ma nag po dang// bsnyen phur phur pa nag po ste// de dag legs par dgod par bya// de nas gong bzhin bsam pa yis// ma hA kA la mdog nag ste// be con phur bu rgyan dang ldan// khros pa rab tu sbyor ba bya// spyan drang la sogs gong bzhin no// gsang sngags ma taM yang na ni// 'og nas 'byung ba bzlas pa yi// gong bzhin nus pa thob par nges// bar du mchod bya bstabs byas so// mon po nag po khyi phag ni// dbang du 'dus pa'i rtags byung na// dngos grub blangs la gsad las bya// 'brub khung ling+ga bcas pa'o// 'og nas 'byung ba'i gsang sngags kyis// dgug pa'i las bya gsum pas gsod// 'khor dang bcas pas bsad par bsam// gong bzhin mi 'gyur gnad la dbab// thun phab sbyor bas bsad par bsam// rtags byung phur btab las mtha' brtul// oM ma hA kA la yak+sha tri yang dzaH ma hA kA la/tri chum shig baM ril mA ra ya phaT/ dgu dang bcu gcig gsang sngags ni// dbang phyug mgon po'i gsang sngags te// bla rdo'i man ngag shes pa yis// chos skyong ba rnams srung 'gyur ro// 'di ni lcags kyi bsgrub pa ste// nyams pa nges par gsod pa yi// ye shes mgon po'i bsgrub pa yin// de nas bse yi ging sgrub ni// 'grub nges gnas su nges pa yis// maN+Dal gru gsum bse mkhar bzhi// bsnyen phur bse yi phur pa bzhi// bse mda' bse phor bzhi rnams so// khyi dmar snying khrag dmar sna tshogs// de bzhin shes bya thun rdzas ni// zangs ma'i khab dang thig dmar bcas// gtor ma bzhi yang nges par bsag/gong bzhin ting 'dzin dag pa yis// gtso rdzogs bse yi skyes bu ni// dmar po 'jigs pa phyag gnyis na// bse mda' bse gzhu phur pa 'bril// chibs sam yang na rkyang pa ste// de bsam gong bzhin legs par bya// gsang sngags ma ra se na te// yang na log nas 'byung ba bzlas// de bzhin nus pa nges thob rtags// mon pa dmar po khyi dmar po// dbang bsgyur nges par 'grub pa yin// bar bar mchod dbab legs par bya// nus thob bsad pa'i las kyang bya// phor pa'i nang du ling+ga bcas// gsang sngags rab tu bzlas pa yis// bse yi skyes bu sprul pa dang// yang sprul sum sprul mon pa yis// bka' 'das nyams par rab bkug nas// nang du bsad pa'i sbyor ba bya// de yang bla 'gugs sngags kyis so// thun dbab gong bzhin gnad la dbab// phur btab mda' 'phang bsreg 'phang gnan// oM ra shI nA ra shi na/ ku lan shu na lan ma ho ra ga hU~M phaT/ kro d+ha tsit+ta mA ra Ni shu ru shu ru/ shu la shu la/ tsi ba ra shu la ha mA ra ya rbad/ bco lnga rtsa drug rtsa sngags ni// bse yi ging gi sngags yin no// 'di ni bse yi skyes bu'i bsgrub pa ste// bla rdo man ngag shes gyur na// gang bcol nyan la srog gcod byed// zor la shis te rab tu gsang// denas dam can ma gsum dang// ming po lngar bcas bsgrub pa ni// stod kyi sngags drug byin med na// de yang rbad pa'i las bya ba// sngags drug dag gi las bya'o// las kyi thun sngags bsad pa dang// rtags 'byin lhag pa lha yi dmod// srog gi chan pa thun gyi sngags// sngags drug byin yod bya ba'i phyir/khong khrag btang bas las myur bshad// don rnams nges pa'i rnal 'byor pas// bden pa lung la nges gnas so// nyams pa bdun po bsgral ba'i phyir// drag po'i dus gzung yo byad bsog/rtsa ba'i maN+Dal lho nub du// bse byang sbrag ma'i maN+Dal ni// dbus su gru gsum thur du bru// de yi phyi rim mu khyud bcas// 'khor lo drug te nges pa'o// de yi phyi rim gru chad bzhi// gru gsum mthing nag re re bya// dbus su phyogs bzhir phur pa re// lha rnams tshang ba'i phur pa dgod// rtsang bzhi'i kha la snying bzhi dang// gong du bshad pa'i dam rdzas dgram// thun rdzas mang po thod par bsag/ thod chen bzhi ru thun khrag go/de la bca' ba'i rim pa yang// shing shun ro ras dag la ni// ling+ga bsad pa'i 'khor lo ni// dur khrod smyu gu khrag chen gyis// zhe sdang bcas pa'i sems kyi bri// 'khor lo rtsibs drug bcas pa la// spyi bor oM dang kI la ya// snying gar ming dang dpral bar rus// g.yas su hU~M la g.yon du phaT// mA ra ya ni 'doms su ste// drug la sngags drug bcas pa'o// srog la 'dren pa'i snying po rnams// mtshams la mchod drug nges pa yin// thams cad 'dus pas mtha' ma bskor// sba 'khar tshigs gsum dag la yang// bse byang snying po bcas pa gdags// bse byang nag po snying por bcas// de 'og gnyis la gdags par bya// bse byang dkar po snying por bcas// de yi 'og tu shes par bya// de 'og mon mo nag mo dang// shwa na'i sku dang snying por bcas// sba yang tshigs gsum dag la'o// tha mar ling+ga skud par gdags// maN+Dal nang du sba 'khar gyis// ling+ga 'khor lor bcas pa gzir// khyad par mchod pa gsum dang bcas// dang por sngon 'gro shes par bya// dang por rtsa ba'i lha gsum ni// gzhug bzhin legs par bskyed pa yin// dbang bskur byin dbab spyan drang bya// mchod cing bstod de smon lam gdab// dam can ming sring gong bzhin du// shin tu khros pas yang dag brtag/ gong bzhin mchod byas gnad la dbab// drug dang bcu gcig tshig bzhi pos// dmar chen sbreng la dam can bskul// gab pa'i sngags kyis bar byas la// dam can mang pos dgra bo dgug/ ming po'i bla 'gugs sngags kyis so// shes pa bstims la yang yang ngo// gong bzhin bsnyen pa rdzogs par bya// phyi nas drangs te rgyun mi gcad// nang du mchod bya gnad la dbab// lha bsgrub pa ni de ltar ro// de ltar byas pa'i rtags bstan pa// rab gyis phur pa mchongs par 'gyur// gnyis pa 'bring la me stag 'phro// tha mas nyams dang rtags su bshad// de byung dngos grub nges par blang// drag po'i las dag bya ba ni// lha rnams drag por nges bsam mo// yang sprul gsum sprul mang po yis// shes pa ling+ga la gzhug bsad// bar bar thal mo dmon pa bya// las kyi thun drug sngags la yang// nyon mongs gtor la nub mo dril// gang bab dus su shes par bya// rtags 'gyur srog gcod la sogs pa// bar du thun rnams brab pa yang// thod chen nang du nges par yang// las kyi thun drug sngags kyi brab// dam can mang pos bsad par bsam// stod cing rtab cing za bar brtag/dus drug phur pa brdeg bya ba// gsang ba gsum ldan bsgral mdzad bcas// tshe lung khrus lung dgongs pa bsrang// bsnyen pa'i phur pa snying la gdab// dam can phur pa rangs pa la// sngags la su ru mu rur bcas// rang re'i gnas su nges par gdab// wa thod nang du bse byang ni// dmar po bcug la phur pas mnan// khyi thod kha la me 'bar te// rdzas rnams sbyin bsreg bya ba dang// klong yangs 'khyil ba'i hom du'o// spyang thod kha la ling+ga dang// gtor ma lha la bstab pa bya// 'phar ba'i thod par dam rdzas dang// khrag bcas gnas pa zor du 'phang// mnan pa lung gsum mdo ru nges// de ltar rab tu byas pa yis// rdo rje'i brag kyang 'jig gyur na// gzugs can la ni smos ci dgos// gsang ba'i sngags ni 'di rnams so// oM badzra kro d+ha tsit+ta ma hA li shu ra shu ra/ khyi ra khrid/ g+ha d+ha ra Ni shu la rtsi pA' ra shu par Ni yo ga shu d+ha tsit+ta ma ra li/kro d+ha yo ga nI badzra/ dza lan+d+ha ri/ sha Sha Ni dza dza/ yi ge lnga bcu nga gsum ni// dam can spyi yi srog snying ngo// oM badzra kI li kI la ya/ ku lan shu lan/ rtsa mun kAM kA snying kha rag ma b+h+yo/rU tra tra ka rak+Sha rbad/ ma ma snying tsit+ta rbad/ kha ruM tsi tra mA ra ya b+h+yo/ ba la phur ma ma dun rbad/ raka mo snying rtsa ru ru yaM tsit+ta yaM nr-i tri hU~M hU~M phaT phaT/ tsi pi rI tsa kra ya/ nA ga mA ra ya tshal pa shu shu rak+sha tshal pa/a we shu tshal pa/ nr-i tri mA ra ya/ badzra shu tri d+ha ra tsi ra ya hU~M phaT/ rbad su rbad su/ kha duM kha duM/ ma ma yaM rak+sha rak+sha tshal pa tshal pa/ tshal b+h+yo tshal b+h+yo/ phur bu phur bu hU~M phaT/ dgu bcu go drug gsang sngags ni/thun gyi gsang sngags dmod pa ste// thams cad dril ba'i sngags su'am// bse yi skyes bu 'khor bcas sngags// oM badzra kI li kI la ya/ tsin+ta tsin+ta yang byung/ tso tra tso tra dzaHhU~M baM hoH/ A we sha ya A we sha ya hU~M phaT/ d+ha ti ma ma shI g+h+raM karma kA ra ya/ mA ra se na pra marda na hU~M phaT/ dzaHhU~M baM hoH/ shI g+h+raM a na ya hU~M phaT/ ma ma ba shaM ku ru mA ra se na pra marda na hU~M phaT/ dzaHhU~M baM hoH/ ta thA ya ta thA ya hU~M phaT/ ma ra se na pra marda na sa ma ya hU~M phaT/yi ge brgyad cu gya drug ni// lhag pa lha yi dmod pa ste// bdag nyid ma mo'i gsang sngags yin// yang na spyi ru shes par bya// oM badzra kI li kI la ya ho la sha khyung kha mur sha yo gi nI/ rog na na mo mu rtsa ya khri du b+ha ya she ya/ro la khrag 'thung kang kang keng keng ya/ tsit+ta mur sha ya/ ga she du ya ma ni dza Ni phaT phaT sod sod rbad rbad/ yi ge lnga bcu rtsa drug ni// thun gyi dmod mo'i gsang sngags te// shwa na ma yi drag sngags yin// yang na gong bzhin shes par bya// oM badzra kI li kI la ya dzaHhU~M baM hoH/ ha sa ya ra b+hi do b+hi do pA rA phaT/ ra sha ni ri sha ni phaT/ shu la tshal pa ni tshal pa ni/ thuM thuM/ a nr-i tri mA ra ya dza dza/ thuM thuM/ nA ga mA ra ya tshal pa thuM/rbad su tsit+ta ya dzaHhU~M baM hoH/ rU tra ma ma dun b+h+yo dzaHhU~M baM hoH/ ti sha snying la dun dun/ ma hA rak+sha hU~M phaT/ yi ge bdun cu don brgyad ni// bsad pa srog gi shan pa ste// rgyal po shel ging gsang sngags yin// yang na spyi ru shes par bya// oM badzra kI li kI la ya/ ste na stai se hU~M phaT/ sarba big+ha nAn baM hU~M phaT/ raka mo yag mo kA la rU pa/ snying za sa ma ya/ snying srog la ya rbad/ A+oM A+oM A+oM khrag la myur/ mA ra se na sra marda na ye hU~M phaT/tsit+ta phril phril/ srog yaM yaM/ chuM ta thA ya hU~M phaT/ snying za ba tsit+ta/ ma sha la hU~M phaT/ d+ha na ru snying khrag sha la kha thuM ril shaM khyer b+h+yo/ phril pa kar la shaM khyer b+h+yo/ yi ge dgu bcu go lnga ni// bsad pa las kyi dmod sngags te// mgon po'i gsang sngags yin par shes// yang na gong bzhin shes par bya// oM badzra kI li kI la ya/ kro d+ha si ta na li/ shu ra shu ra/ ra gA ra gA/ shu ru rak+sha tshal pa/ A we sha ya A we sha ya/kang kang kA+eng kA+eng/ mA ra tsit+ta ro la tsit+ta phaT/ kyi khrid ra khrid mA ra ya/ shu la tsit+ta le bu so ra dun dun sha ya/ kreng kreng mA ra ya mun/ kre mun te ta ya hU~M phaT/ yi ge bdun cu rtsa bdun ni// mgyogs pa las kyi rtags 'byin te// sa bdag chen mo'i gsang sngags yin// yang na gong ltar shes par bya// shu shur rak+sha tshal pa A we sha shu la ka keng mA ra ya phaT/ stam b+ha nan/ yi ge nyi shu tham pa ni// thams cad dril ba'i mnan pa'i sngags// shu laM bu laM da d+hi dzaHni yo gI shwa rI ni ya ma tsit+ta su tri ya ma tsit+ta su tri badzra ya mA ra ya phaT/ raM raM khA hi hi ho ho/ yi ge sum cu tham pa ni// thams cad dril ba'i sbyin sreg sngags// shu shu tshal la nr-i thuM thuM/ a nr-i tri ma ra Na/ badzra badzra thuM thuM/ nA ga rak+sha mA ra ya thuM tshal pa li thuM ril khA hi/ yi ge sum cu so gsum ni// thams cad dril ba bstabs pa'i sngags// 'bu ling 'bu li khaM badzra shi b+ha ni ri sha ni khyi khrid snying za ba tsit+taM ta pa to b+h+yo b+h+yo thun ya/yi ge nyi shu rtsa lnga ni// thams cad dril ba zor 'phang sngags// gsang sngags ma nor nges pa yis// don dang ldan pa'i mkhas pas spyad// rab tu gsang ba'i nges don la// gab pa'i gdams pa gzung ba dang// tshe lung khrus lung bstan pa dang// btab pas khams gsum sgrol ba dang// dam can gnad dbab thun dbab dang// gzir mnan drag pos btul ba dang// sbyor bar mchod nas bstab pa'o// gtor ma btang ste dkyil 'khor bsdu// rgyun gyis nges pas spyod lam bya// 'di ni rangs par dril ba ste// rtsa ba gang la byin med na// 'di ni spog pa'i kha skong yin// bstan pa 'jig pa'i nyams pa bdun// 'dis ni nges par gsod 'gyur ro// zhes gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las/ ming po'i bsgrub pa dang spyir dril ba mnan pa ste le'u bcu lnga pa'o//// de nas phyi rabs kyi rnal 'byor pa'i las byed du ma 'dod par thugs phyung na/ badzra kI la yas/ dam can gnad la 'bebs pa zhes bya ba'i ting 'dzin la snyoms par zhugs nas/dam can gyi gtan tshig dang shi sa 'di gsungs so// nyon cig karma he ru ka/ dam can gtan tshigs shi sa bstan// phyi rabs don du rab bshad do// dang po rU'u tra zhes bya ba// bskal pa brgyad khri'i sngon rol du// dge slong thub dka' gzhon nu la// thar pa dan phag 'khor bcas kyis// gsang sngags theg chen dam nos pas// gcig gi legs par go gyur te// thar pa nag pos log par go/de yi rnam smin nyes pa yis// khro bo'i gzugs can rU trar skyes// bstan pa re la re re byung// de yi 'khor rnams 'di yin te// gsang sngags de dus log par go/ tha ma brgya byin bu mor skyes// srin po lang ka mgrin bcu la// chung mar byin pas kho shi ste// phyir la bros te mtshor gnas pa// pha ni brgya byin dmod pa yin// de yi ming po 'gong po'o// yab ni zangs tog rgyal po dang// yum ni zangs mgrin bsdebs pa'i sras// bas mo bse yi skyes bu ni// g.yog gi 'khor rnams bsam mi khyab// srid pa'i khus 'debs rgyal po ni// tshangs pa dung gi thor tshugs can// e ka dza ti gnyis kyi sras// shwa na spyan gcig ming sring ste// 'di rnams rU tra'i 'khor yin no// gsang sngags log par spyad pa yis// gnod sbyin srin po'i lus su skyes// de ni ngas btul phan chad du// sangs rgyas sa la nges pa yin// 'di rnams gtan tshigs shes gyur na// las rnams ma lus myur ba yin// gal te dam 'das las mi byed// phur pa'i las la mi 'gro ste// phur bu'i don shes rnal 'byor pas// de la shi sa bstan par bya'o// maN+Dal gru bzhi mngon bzhengs la// ma traM bzhi bsnol dal dbus su// 'brub khung dag la mtshon char bcas// me ri 'bar bas brgyan par bya// zur du rigs gsum phur pa dang// sras mchog nyi shu rtsa gcig dgod// ma traM gzhi la dam rdzas dang// bdud rtsi gtor mar bcas pa gzhag/ 'brub khung nang du rang rang gzugs// yang na snying por bcas pa'o// mthing ga dar gyis gur phub po// rnal 'byor ku mA rar zhugs la// rtsa ba'i bsnyen pa legs par bsnyen// bsnyen bris phur pa g.yon pas gzung// chas rnams rab tu ldan pa gces// kI la ya yi 'od zer gyis// dam can pho mo dbang bsdus te// mar thim rang rang legs par bsam// bsnyen pa las sngags bcas pa'i bar// dam can sngags bcug rab bzlas pas// ting 'dzin mdangs bcas yang dag bya// de yis las rnams byed par 'gyur// gsum dang bcu gcig bzhi bcas pa'i// man ngag gis ni gnad la dbab// des kyang byed par ma gyur na// gong bzhin sngags rnams rab bzlog ste// mjug la stam+b+ha nan zhes gdags// khro bos dbus mnan mdangs phral bsam// drug pa'i 'og tu shes bya ba// de 'og tshig gnyis rab bskul bas// des kyang las rnams byed par 'gyur// ma thub gong bzhin phur pa la// tshe lung khrus lung yi ge dang// mA ra ya zhes btags bzlas pas// dam can sras mchog chen po yis// phur pa mgo nas gzhugs 'gengs sam// gong bzhin tshig bzhi tshig lnga dang// gong gi tshig bdun nges pa yis// gnad la phab ste thun rnams bya// bar bar dam rdzas rab tu bstab// des ni las rnams byed par 'gyur// des kyang byed par ma gyur na// sku gsung thugs kyi phur pa dang// sras mchog phur btab sngags kyis ni// btab la lus la sbyin sreg bya// shi dang brdung dang ro sbed dang// nyam thag khas len byung ba na// kI la ya yi bdud rtsis gso// bden pa brdar la dam rdzas bstab// rtsa ba'i las kyis las la gdags// 'dis ni las rab 'grub pa ste// stobs ldan nus pa tshang ba bya// de min byas na srog zad nyams// thams cad 'gyongs na bya bar bshad// kha skong shi sa mang po ni// man ngag stobs kyi gzhan du gsum// zhes gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las/ shi sa bstan pa'i le'u ste bcu drug pa'o//// de nas yang ni bshad bya ba// phur pa'i don shes rnal 'byor gyis// yang dag don phyir ngas bshad do// dam tshig chen po'i dus shes pa// dpa' bo de nyid bsgrub pa ste// yon tan ldan pa'i gnas rab du// gru gsum legs pa'i maN+Dal bya// lcags sna lnga bcas phur pa dgod// gtor ma sman rag de bzhin bsag/ ting 'dzin rim pas bdag bskyed de// yum dang bcas rnams legs bskyed de// spyan drang rtsa ba mchod pa dbul// de yang sbyor sgrol khams gsum ni// yongs su bsgral bas mchod pa 'bul// kI la ya yi sngags bzlas pa// de yang 'bru dgu'i tshul du'o// bsnyen pas nus thob bar bar du// rtsa ba nges par bskul bstod bya// dngos grub blang zhing brtan pa bya'o// de nas nyams pa gsad 'dod pas// ling+ga'i phur pa 'og tu'o// gab pa'i las kyis thun dbab bo// de yang las sngags ming du bcas// gzas pa gsad pa'i dgongs pa bya// phur btab lan gsum mtha' brtul na// nyams pa 'chi 'gyur nges pa'o// 'di ni rtsa ba'i lha bsgrub yin// de nas khro bo'i bsgrub pa yang// sprul pa chen po'i dus zhes bya// maN+Dal gru gsum bcu gcig la// gong bzhin phur pa bcu gcig bcas// dbus la khyad par rdzas rnams bsgrub// gong bzhin rtsa ba'i rim pa yis// khro bo yab yum bskyed par bya// rang bzhin spyan drangs mchod de bstim// bstod phyag 'tshal ba la sogs bya// khro bo bcu yi gsang sngags ni// bzlas bya bar bar mchod bstod do// rtags byung gong bzhin rdzogs par bya// nyams par bsgral ba gong bzhin bya// bsad dang phur pas gdab pa yang// khro bo bcu yi las sngags so// gnan dang bsreg dang 'phang ba yis// dam nyams nges par bsgral ba yin// 'di ni khro bo'i bsgrub pa'o// de nas sras mchog bsgrub pa yang// sprul pa zhes pa'i sgra yis ni// sras mchog lnga ni bsgrub pa ste// 'brub khung lnga dang phur pa lnga// rdzas rnams tshogs par bya ba'o// rtsa ba nges pa'i rim pa yis// lha chen lnga yi gdan la ni// sangs rgyas 'dus pa rdo rje dang// rin chen pad+ma las rab 'dus// mthing ga ser nag dkar nag dang// dmar nag ljang nag sku smad phur// phyag bzhi rdo rje kha T+wAM dang// ri rab phur 'dril 'jigs par bskyed// rgyan lngan rang bzhin gong bzhin brtag/ mchod pa la sogs rab byas la// gsang sngags gong gi 'bru dgu dang// yon tan rdzogs par rab tu bzlas// ting 'dzin bar bar mchod pa bya// nub thog gong bzhin shes par bya// bsad pa'i ling+ga gong bzhin bya// gab las byas pa'i ting nge 'dzin// drag po'i mthing nag rdzogs pa la// rak+ta mchod pa la sogs bya// sngags la mA ra ya btags te// bzlas pas bsad pa'i las rdzogs bya// phur gdab las mtha' de bzhin brtul// 'dis ni nyams pa sgrol ba ste// rigs 'dus lnga yi bsgrub pa yin// de nas phra men bsgrub pa yang// phyag brnyan chen po'i dus shes ni// 'brub khung yang na nyi shu gnyis// dam rdzas tshang ba'i rdzas rnams dgram// rtsa bas bskyed pa gong bzhin du// phra thabs pho mo rdzogs pa yang// sku dang phyag g.yas rang rang gtso// g.yon pa phur pa 'dril nges pa'o// gong bzhin rdzogs par byas nas ni// khro bo'i las sngags yang na gnyis// smad kyi gnyis pa bzlas pa yang// rim pa la sogs gong bzhin du// bsad pa mthig nag 'bar ba ste// mchod pa gong 'og bsnur bar bya// sngags la mA ra ya bcas pas// gong bzhin rdzogs byas phur pas gdab// las mtha' brtul ba'ang de bzhin no// 'di ni phra men bsgrub pa ste// nyams pa bsgral bar nges pa yin// stobs chen khro bo'i bsgrub pa ni// khyed kyi dus la bab ces pa'am// yang na stobs chen zhes pa ste// 'brub khung ldan pa 'bur can bzhi// khyams dang bcas pa'i dkyil 'khor la// dbus su stobs chen phur pa dgod// mthar ni ma bdun sring bzhi yi// phur pa rab tu dgod par bya// rtsa ba'i rim pa yang dag pas// khro bo karma he ru ka/ ljang nag phyag bzhi rdo rje dang// kha T+wAM phur 'dril 'jigs stabs can// dam sri'i gdan la bskyed par bya// ma bdun sku mdog dmar nag la// rdo rje phur 'dril chas dang ldan// sring bzhi smug nag thod khrag dang// phur 'dril rgyan rnams rdzogs par bskyed// spyan drangs mchod pa gong bzhin no// sngags ni 'di la yang dag pa// dmod par gsang sngags bzlas pa yis// nus pa ldan par byas pa ste// rim pa gong bzhin shes par bya// bsad pa'i rim pa gong bzhin du// phur pa mgo la sogs par gdab// las mtha' brtul te byas pas ni// nyams pa sgrol bar nges pa yin// 'di ni stobs chen 'khor bcas te// khrag gi rgya mo dral ba bzhin// mthu dang rdzu 'phrul dbrog pa dang// ling+ga phur pa rnam gnyis dang// gu gul lug mig bcas pa rnams// 'brub khung nang du nges par gzhag/ rtsa bas steng 'og khro bo bskyed// de yi rim pa rdzogs byas la// bzlas pas khro bo rnam gnyis kyis// mthu dang rdzu 'phrul 'phrog par bsam// bar du rdzas kyis de bzhin bya// phur pa gnyis kyis gnas su gdab// de yang tshig dang bcas pa'o// 'dis ni dregs pa gang yang rung// mthu dang rdzu 'phrul med par byed// nyams pa dag la smos ci dgos// sbyor sgrol mchod pa kun la ni// man ngag shes pas shes par bya// dang po bcu gcig gtso bo gdab// gnyis pa brgyad de khro bo yin// gsum pa dam can bzhi pa yang// stobs chen gdab pa shes par bya// lnga pa phra men/ phrin las gdab par bya// bdun pa kun sgrol brgyad pa yang// kun la grol bar shes par bya// tshe lung khrus lung nges par sbyar// sras mchog phur pa dam tshig ni// kun la bstan par mi bya'o// mthu yi dpe don bzhi shes bya// 'dus pa gsum ni nges pa yin// 'di la sogs pa'i rim pa rnams// rnal 'byor don ldan mkhas pa yis// nyams pa bsgral na mngon sangs rgyas// kun la byas na dmyal bar ltung// zhes gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las/rtsa ba'i lha bsgrub pa bstan pa ste le'u bcu bdun pa'o//// de nas karma he ru kas// kI la ya la 'di skad gsol// e ma ngo mtshar chen po des// dus ngan tha ma dus kyi tshe// rnal 'byor nang 'gras 'byung 'gyur na// sbyor ba gzhom dang kha sbyor dbye// bzlog dang bsrung ba bshad du gsol// de skad gsol par bka' stsal pa// nyon cig karma he ru ka/ dus ngan tha ma byung ba la// rnal 'byor nges pa'i don de'i phyir// de dag ngas ni rab bshad do// phyi nang b+han+d+h+rA'i rim pa bzhin// shes bya bsad pa'i rim pa yang// 'brub khung gsum brtseg ldan pa la// rtsa dang phur pas rab tu bskor// rabs chad thod pa kha sbyar la// man ngag rim par sbyar ba dang// ling+ga sngags bcas rab dgod de// thun khrag bcas pa'i skud pas bkyig/ 'brub khung kha la rtsang gis brgyan// thun rdzas dam rdzas bcas pa'o// gab pa'i las rnams rdzogs par bya// kha sbyor dbye ba gsum byas la// rtsa ba'i rim pas bdag nyid ni// dbu dgu phyag kyang bcwa brgyad de// rgyan ldan 'jigs par bskyed par bya// g.yas na phra thabs g.yon phur pa// khro bo la sogs de bzhin no// de lta bu yi ting 'dzin gyis// kho yi lha nyid sbyar bar gzhom// snying khrag la sogs 'thung bar brtag/ spyan drangs la sogs gong bzhin no// sngags rnams kun la gzhom pa yi// bzlas pas kho nyid sbyor ba gzhom// ri rab rgya gram bar du'o// bar bar kha dbye thun dbab bo// snying la khrag gnas khro bo ni// yak+sha me dbal bsam pa yi// kho nyid lus po bsreg par bya// phyi dang nang gi nyams pa ni// man ngag rim pas sbyor gzhom bsad// yang na mas zlog shes par bya// yang na dgug par shes par bya// kho yis gang byed yi dam ni// lha yis nges par gsad par bya// phur pa btab ste gsad par bya// zor 'phang thod pa mal 'og tu'o// 'di ni sbyor ba gzhom pa ste// dam mnyam nges par bsgral bar bya// bdag nyid bsrung ba byad bzlog pa// 'brub khung gong bzhin mchod rten bcas// dam rdzas tshang bar nges pa yis// lha phur rangs pa kun la yang// sngags pas srung bzlog brtags la bri// bum pa dag la dgod par bya// 'og tu gsad pa'i rim par bya// 'khor lo phur pa bcas pa'o// steng du srung ba'i rim pa yang// 'khor lo rim pa gsum byas la// srung bzlog sngags bris gzhag par bya// mal 'og man ngag shes par bya// phrin las phur zor de bzhin no// bskyed pa la sogs de bzhin bya// srung bar bzlog pa'i rtsa sngags bzlas// ting nge 'dzin gyi bsrung bzlog bsam// bar bar thun gyi rim pa bya// phur pa'i zor yang 'phang bar bya// de dag skabs su shes pa'o// rtsa bas bskul te byad bzlog pas// kho nyid bzlas te gsad par bya// phur pa dbang bskur byin brlabs pas// mkhas pas yang dag sbyar bar bya// gang byung man ngag rim bzhin bzlog/ srung ba'i 'khor lo mgul du gdags// kho nyid gsang 'dod phur pa gdab// zor 'phang bsreg la las rnams bya// mnan pa'i rim pa rdzogs byas nas// bdag bsrung mthu bzlog kho nyid 'chi// 'di ni phur pa'i man ngag ste// kun la gsang bar ngas bshad do// sems can gzhan yang bsrung ba na// gang mtshams dbang dang bskur bar bya// srung ba'i 'khor lo phur pa dang// bca' thabs gong bzhin shes par bya// srung ba'i sngags ni rab tu bzlas// ma mo gnod na ma mo bsrung// sa bdag gnod na sa bdag bsrung// klu dang rgyal po la sogs pa// srung ba'i man ngag legs par bya// rims nad la sogs bsrung ba yang// khyad par man ngag gis shes bya// ser ba bsrung ba'i rim bzhin no// 'khor lo phur pa rdzas rnams ni// kun la dgos par ngas bshad do// thugs rje ldan pa'i sngags pa des// phur pas thams cad bsrung bar bshad// de bzhin nyid ni ma bcos pa// kun tu snang ba'i snang ba gsal// rgyu ni kun gyi rgyu ru bshad// dus dang gnas skabs shes pa yi// gang byas mngon sangs rgyas par bshad// ces gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las/ man ngag mtha' brtul bstan pa ste le'u bco brgyad pa'o//// de nas yang karma he ru kas/ kI la ya la 'di skad ces gsol to// e ma ho 'jigs byed thugs rje can// nges tshigs rnam par nges pa dang// bshad pa'i don rnams yang dag pa// phyi rabs rnal 'byor don phyir gsungs// de skad gsol pas kI la yas// gsan te rab tu bka' stsal pa// nyon cig karma he ru ka/ rnal 'byor chen po rigs can gyi// de yi phyir na ngas bshad do// dang po tshigs su bcad pa gsum// ting 'dzin rnam gsum rim pa bzhin// sku gsum lta ba yin zhes bya// de 'og yi ge tshigs bcad gsum// gzhal yas khang na ye shes sems// de 'og tshigs su bcad pa bzhi// rtsa ba bskyed pa yang na ni// gnas spar tshigs su shes par bya// de 'og sngags ni rtsa ba ste// rtsa bas don bzhir shes par bya// de 'og 'khrugs bcas rim gsum ni// khro bo bskyed par shes par bya// 'khrugs bcas tshigs gsum phur pa rdzas// de 'og tshigs gsum gsol btab pa// de 'og tshigs bzhi dbang bskur bas// srog gnyis ye shes bsgyur bar shes// slob ma dbang bskur rim shes bya// de 'og gsang sngags tshan bcu gcig/ phyogs bcu khro bo'i gsang sngags yin// de 'og rdo rje'i tshig gsum ni// rang bzhin dkyil 'khor spyan drangs bzhin// de 'og gsum ni dngos grub dang// rtags dang mtshan ma'i don yin no// de 'og dus la bab brgyad ni// gnad la dbab pa'i klong drug dang// sgrub thabs drug tu shes par bya// de 'og dkyus tshig bcu gcig pa// sbyor ba'i mchod pa dbul bar bya// sngags ni yab yum bcas pa dang// bsdu dang spro dang mchod pa'o// gnad dbab tshe lung khrus lung ngo// de 'og sngags ni yon tan dag/ nyi shu rtsa gcig brjod par bya// de 'og dkyus tshig brgyad pa ni// sbas pa drug ste mchod yin no// de 'og gsang sngags lnga pa ni// khro bo dag dang mtshams lnga'i lnga// de 'og drug ni gab sngags yin// de 'og dkyus tshig bzhi pa ni// dam can gnad la dbab pa'o// gsang sngags gsum ni khro bo'i sngags// de 'og bdag nyid ma yi sngags// de 'og shwa na ma yi sngags// de 'og bse mo bzhi yi sngags// 'khor ba rtsad gcod mdo sngags yin// de 'og dkyus tshig drug pa ni// stobs chen las rnams 'grub par byed// sngags ni stobs chen ma mor bcas// las gnyer gtad pa yin par shes// de 'og bzhi ni mthu rdzu 'phrul// med par byed pa'i tshig yin no// sngags ni steng 'og khro bo yin// de 'og lnga ni gnan bsreg 'phang// de 'og mchod du shes par bya// de 'og dkyus tshig gsum pa ni// sbyar ba'i mchod pa dbul bar bya// sngags ni yab yum bcas pa dang// bsdu dang spros dang mchod pa dang// dbye dang byang sems rnam gsum dang// gzas pa'i shes pa gnas spar ro// de 'og dkyus tshig lnga pa ni// bden pa bdar dang gnas spar dang// kun la smon lam de shes bya// dus gsum bde gshegs snying po ni// rdo rje phur bu gzhon nur bshad// thams cad phur par rtogs gyur na// des ni nges par theg chen shes// gtso bo las ni the tshom med// rdo rje chos dbyings mi 'gyur bar// gzhon nu gzugs sku rnam gnyis so// yum ni dbyings las shes par bya// sras ni yab yum las bskyed de// mchog ni thogs pa med pa'o// khro bo dbyings las ye shes kyis// nyon mongs pa dag khro bar byed// de don gsum du shes par bya// khro mo shes rab dbyings yin no// phra men gang dang 'brel pa ste// mgo brnyan dag tu shes par bya// dang por dam la gnas par bya// phyis nas las rnams byed pa ni// don dang ldan pas dam can yin// phur pa'i don ni nges par bshad// bsnyen pas lha nyid nye ba ste// bsgrub pas don gyis 'bras bu stsal// bsad pas mA ra gdon mi za// bsreg pas nyon mongs bsreg pa yin// zor ni dam can rbod pa'o// mnan pas phur lnga mnan pas so// nyon mongs ma lus mnan pa'o// nyon mongs ye shes gnas pa'o// gnas pa med par bshad pa yin// 'dis ni nges rnams 'chad pa'o// dkyil ni ye shes phur bu la// 'khor ni yon tan kun yin no// rtsa ba kun 'dus yin pas te// bdag ni thams cad dbang du 'gyur// phyogs ni rol pa'i cha la nges// khro bo 'dul bar byed pa'o// phur pa mtshon par byed pa ste// rdzas ni mtshan mar nges pa'o// dkyil ni rang rang gtso bo la// 'khor ni kun la shes par bya// dbang bskur che bar byed pa'o// spyan drangs don dang ldan pa ste// mchod pa mnyes par shes par bya// de la sogs pa'i nges pa ni// rnal 'byor yang dag ldan pas spyad// 'debs pa la sogs nges pa ni// rdo rje srin po'i nam ni langs la gdab// rdo rje bdun ni nam gung dag la gdab// rdo rje ma mo srod la shes par bya// rdo rje srin po nyi ma gung la'o// de min yang na dus la bab// gar dgar btab pas sngags pa phung// de bas dus tshod rab shes pas// gang byas 'bras bu nyid du gyur// 'jig rten lha srin bran du 'khol// dngos grub rnam gnyis 'thob 'gyur te// rig 'dzin nyid du nges pa yin// yang dag rtogs na kun kyang phur// ma rtogs pa la las 'di bshad// ces gsungs so// rdo rje phur pa gsang ba'i rtsa ba rnal 'byor chen po yang dag pa'i rgyud las/ the tshom rnam par gcod pa ste le'u bcu dgu pa'o//// de nas 'khor byang chub sems dpa' mang po dang/ dam can dregs pa can mang po'i tshogs mang pos gtso bo la sogs pa la bstod pa/ hU~M chos nyid ngang las skur bzhengs khro bo chen po// rang byung phur bus thams cad ma lus mkhyen par mdzod// tsham rngams gad sgra zhabs dregs bsgrol bar mdzad// yab yum gnyis med sku la phyag 'tshal bstod// rang byung phur bu ye shes lnga ldan dug lnga 'joms// phrin las lnga yis dregs pa sgrol mdzad yang dag dgod// thogs pa med pa'i las mdzad 'dus pa lnga// sras mchog lnga yi sku la gus pas phyag 'tshal bstod// ye shes rol pa'i stobs bcus mi dge 'joms// sku gsung thugs kyis gdug pa ma lus sgrol bar mdzad// yang dag don gyis log pa rnam par 'dren mdzad pa// khro bo yab yum sku la phyag 'tshal bstod// byang chub sems dpa' sprul pa'i pho nya mo// ye shes don las phra thabs gzugs 'dzin cing// dregs pa'i tshogs rnams ma lus 'dul mdzad pa// phra men pho nya'i tshogs la phyag 'tshal bstod// ye shes las kyi don rnams ma lus rdzogs par mdzad// dbyings las nges pas the tshom gcod par rab mkhas pas// 'khor ba ma lus sems can lus ngag yid gsum tshims par byed// karma he ru ka la dang bas phyag 'tshal bstod// ces lan mang por bstod pa dang/mchod pa mang pos mnyes par byas so// de nas badzra kI la yas gar gyi cha lugs sogs bstan pa/ rdo rje srin po'i gsung dang rdo rje rnam par gsor nas 'khor rnams la gdams pa rnam par bshad pa 'di gsungs so// nyon cig gsang bdag la sogs nyon// rdo rje phur pa'i tshogs kun la// khyed la sogs pa'i 'khor rnams kun// shin tu dang ba nges par zhog/ phyi rabs dug lnga smin pa yi// sems can rnams la snang bar gyis// mkhas shing ngang tshul bzang ba dang// rigs ldan dam tshig ldan pa yis// gang bsgrub las rnams 'grub nges pa// de la rab tu snang bar gyis// bstan pa'i snying po gang gnas par// dam can yongs kyang gnas 'gyur te// der ni legs pa mang po 'byung// khyed kyis de yis grogs mchog gyis// gsang sngags shin tu rnal 'byor 'di// sangs rabs bdun gyis ma gsungs te// sems can ngang bzang las med yin// phyis ni gnyis su mi 'byung ste// de yang gong bzhin shes par bya// 'dir ni las rnams tha dad pa// nyon mongs rags kyang las skal can// mi mjed 'di ru snang ba yin// de phyir de yis don de shes// gzhung dang mi ldan rnal 'byor pas// 'di bcangs de yis de srog gcod// 'di ni khyed kyis mi snang byos// de bas nga yi lung chen la// tshig 'ga' thos na sangs rgyas nges// 'di ni ko sa la yi gling// der ni rigs can de la 'bab// sprul pa 'jig rten mi gnas tshe// khyed kyi sprul pa pad ma'i rgyal// de yi nus pas don byed 'gyur// des na 'di ni gsang ba'i tshe// rnal 'byor nges par khyed kyis zung// kun 'byung gyur pa shes pa yis// des na 'di ni phur par gzung// rlag par byed dang 'dul bar byed// gnyis su med pa'i rgyud du zung// the tshom ma lus gcod pas na// phyi ma zhes par rab tu zung// nyon mongs brgya stong phrag mang yang// kun gyi rtsa ba ma yin pa// theg pa brgya stong phrag mang yang// nges par theg pa gcig tu bshad// yang na gnyis te de 'dir 'dus// srid pa brgya stong phrag mang yang// yang dag rtsa bar 'gro ba'i lam// dus gsum sangs rgyas thams cad kyang// de la de brten des sangs rgyas// mya ngan 'das pa'i thig las med// ces gsungs so// 'khor rnams dam tshig can du gyur nas/ don khas blangs te mchod pa mang pos mchod nas/ phyir rang rang gi gnas su dong ngo// bcom ldan badzra kI la ya la sogs pa rnams kyang/ sku snang ba dang stong pa'i dbyings ye shes la gnyis su med par gyur to// rdo rje phur pa gsang ba'i rtsa ba rnal 'byor chen po yang dag pa'i rgyud las/ bstod pa dang rgyud gtad pa ste le'u nyi shu pa'o//// rdo rje phur pa gsang ba'i rtsa ba rnal 'byor chen po yang dag pa'i rgyud/rtogs pa'i rgyal po'i rgyud phyi ma zhes bya ba rdzogs so//// rgya gar gyi mkhan po pad+ma sam b+ha wa dang/ bod kyi lots+tsha ba chen po brang ti dza ya rak+shi tas bsgyur cing zhus te gtan la phab pa'o/

CLOSE WINDOW