CLOSE WINDOW

Gpb025.009
བོད་ཡིག

/// rgya gar gyi paN+Di ta bi ma la mi tra dang/ bod kyi lots+tsha ba gnyags dz+nyA nas bsgyur ba'o//// #// rgya gar skad du/ sarba a mr-i ta pany+tsa b+ha ba dzA ti dza na ni pha la rat+na pra b+ho ta ma dz+wa la tan+d+ra/bod skad du/ thams cad bdud rtsi lnga'i rang bzhin du 'khrungs shing skye bar byed pa'i 'bras bu rin po che 'od ltar 'bar ba'i rgyud/ bcom ldan 'das gsang ba mchog gi bdag po/rdo rje khros pa'i sku gsung thugs bdud rtsi blang dor med pa'i mdzad spyod de nyid dgongs pa la phyag 'tshal lo// 'di skad thams cad bdud rtsi sman du shes pa'i dus gcig na/ bcom ldan 'das dpal rdo rje gzhon nu/rigs dang ye shes kun gyi bdag po/ phyi dang nang dang mthar thug kun gyis kyang// bdud rtsi sman gyi rang bzhin dngos mdzad pa/ gdul bya gdug pa can dug lda dang nad bzhi brgya rtsa bzhis gzir ba rnams la sman gyi mchog tu bzhugs pa/mtha' dang dbus med pa phyogs dang ris med pa/ thams cad bdud rtsi'i pho brang chen po'i gzhal yas khang na/ zhi ba'i lha tshogs bdud rtsi mchog nyid bdud rtsi'i bdag nyid yum bdud rtsi 'bebs ma/rigs lnga ni bdud rtsi skyil ba/ khro bo bcu ni bdud rtsi srung ba/ lha dang klu dang tshangs pa rnams ni bdud rtsi 'thung ba'i 'khor grangs med pa bsam gyi mi khyab brjod kyi mi lang ba zhing gi rdul tsam gyis bskor ste bzhugs so// de lta bu'i 'khor gyi nang nas dpal phyag na rdo rje rang gi stan las langs nas zhu ba'i spobs pa dang ldan par bzhugs so// bdud rtsi rin po che ji ltar 'khrungs pa'i rgyud ces bya ba las gling gzhi'i le'u ste dang po'o//// de nas yang rdo rje khros pa des sa la gnas pa dang/ sa la spyod pa dang/ lam rim par bsgrub pa dang/ tshangs pa dang/ lha dang/ klu dang/gza' dang skar ma dang/ gnod sbyin dang/ lha dang lha ma srin sde brgyad dang/ nam gru dang/ ro langs dang/ mkha' 'gro ma dang/ mi dang dud 'gro dang/ dmyal ba dang/ yi dwags dang/ 'byung ba lnga dang/ rtsi shing dang/ nags tshal thams cad rdzu 'phrul spyan gyis gzigs nas/ thams cad bdud rtsi'i rang bzhin du mkhyen to// de nas phyag na rdo rje rang gi stan las langs nas/ bcom ldan 'das la lan gsum du bskor zhing brkyang phyag 'tshal nas bskor ba mdzad de/rdo rje khros pa la zhus pa/ thams cad bdud rtsi'i rang bzhin la// dug ces 'byung ba ci yi phyir// skye shi 'byung ba ci yi rgyu// 'di dag gso na ji ltar lags// gdul ba'i thabs ni ji ltar bgyi// zhes zhus pas/ rdo rje khros pas bka' stsal pa/ thams cad ye nas bdud rtsi la// dug ces bya ba ga la yod// rang gi sbyor ba log mod kyi// ha la nag po rma bya'i gsos// chu dang mar sbyar snying rlung sman// dug tu 'dzin pa sbyor ba'i skyon// grang ba can la ga pur rnams// sbyor ba log na 'chi bar nus// chu yis gsos na sman mar dug/ de bzhin bdud rtsi thams cad dang// sbyor ba log na kun kyang dug/ mkhas pas sman du shes gyur na// 'jig rten gsum du grag pa la// dug ces bya ba'i ming yang med// thams cad sman du gyur pa la// mkhas pas sbyor ba rig par bya// skye rga na 'chi'i chu bo la// 'khor ba'i sa bon rtsub mo rnams// sdug bsngal lam gyi rgyun du chags// rtsa ba bdud bzhi ma chod na// skye 'chi 'di las thar dus med// de dag gso ba rnam bzhi ste// skye ba gso na bsod nams tshogs// skye ba rnam bzhi kun dka' yin// na ba gso ba sman gyis gso// de la bzhi brgya rtsa bzhi yin// rgas pa gso na zas kyis gso// yang na rlung rnams zad pa yin// 'chi ba gso na bdud rtsi bsgrub// tshe yi rig 'dzin thob pa yin// gdul ba'i thabs ni sku gsung thugs// cho 'phrul zad mi shes pas 'dul// zhes bka' stsal pas/ yang phyag na rdo rjes zhus pa/ 'jig rten khams ni rab 'byams na// shin tu log pa'i sems can rnams// sman zhes bya ba'i ming med pas// bdud rtsi rnams kyang sgrib pas bsgribs// lus kyang bzhi brgya rtsa bzhis nyen// ngag kyang de yi rjes su 'brel// 'du ba'i dbang po de yis su// sems kyi skye shi thag ma chod// shin tu rmugs pa'i sems can la// gdul thabs sprul pa mdzad par rigs// zhes zhus pas/ rdo rje khros pas dka' stsal pa/ thams cad bdud rtsi'i ting nge 'dzin la snyoms par zhugs te sprul pa mdzad pa/sa bcu'i byang chub sems dpa' la// sku ni rnam par snang mdzad tshul// brgyad pa'i sa la rigs gsum mgon// tshangs rig rnams la lha chen gzugs// lha rnams kun la brgya byin te// lha min rnams la thags bzang ris// gza' skar rnams la khyab 'jug gzugs// klu rnams kun la 'jog po ste// dmyal ba rnams la gshed po ste// sgrib pa rnams la kha 'bar ma// dud 'gro rnams la seng ge'i tshul// mi rnams kun gyi 'jig rten du// shAkya thub pa'i tshul bstan nas// la la khyim pa lta bu'i tshul// la lar khab nas rab tu 'byung// la lar dka' thub dka' ba spyod// la lar byang chub shing dbang drung// la lar bdud bzhi 'dul bar ston// la lar mya ngan 'das tshul ston// la lar sku gdung ring bsrel ston// la lar chos kyi glegs bam ston// zhes thams cad bdud rtsi sman gyi rang bzhin du btul lo// bdud rtsi rin po che 'khrungs pa'i rgyan zhes bya ba las/ gleng slong ba'i le'u ste gnyis pa'o//// de nas yang phyag na rdo rje stan las langs te/ rdo rje khros pa la zhus pa/de tshe 'gro drug sems can rnams// bdud rtsi'i don gyi thul lags te// 'jig rten bkod pa'i sa shed na// rU tra nag po ma thul ba// thugs rje'i bdag pos gdul bar rigs// thugs rje'i bdag po bde gshegs te// rtsa ba sdong po yal ga shun lpags dang// ngar ba lo ma me tog 'bras bur bcas// sems can rnams kyi gsos su byin brlabs pas// khyed kyi bsten pa 'di la gzud// bzhi brgya rtsa bzhi'i nad dang bral// skye 'chi bya ba'i ming yang med// ces bka' stsal pas/ rU tra nag po des se gol lan gcig brdabs nas/ khams gsum srid gsum nga yi yul// 'gro drug sems can nga yi zas// rtsi shing nags tshal nga yi gsos// sa phyogs 'dir ni khyod ci gtogs// zer nas kho ma nyan no// bdud rtsi rin po che ji ltar 'khrungs pa'i rgyan zhes bya ba las ma dad pa gdul ba'i le'u ste gsum pa'o//// de nas rdo rje 'dzin pas zhus pa// log pa'i rU tra chen po de// rgyu dang rkyen ni ci las byung// rigs dang sde ni gang du gtogs// 'bras bu smin pa ci zhig lags// btul na yon tan ji tsam thob// ma btul ba yi skyon ni ci// bka' stsal pa/ rgyu ni gzung 'dzin smon lam rgyu// rkyen ni chags sdang spyod la zhen// rigs ni 'khor ba'i rigs can te// sde ni 'byung po gdol par gtogs// sems la dug gsum rgyun bcangs nas// 'khor ba'i lo 'dab rgyas pa yis// sems can sman du ma shes par// 'jig rten khams kun dug tu spyad// 'bras bu rU tra chen por smin// btul ba'i yon tan dpag las 'das// dug gsum rtsad gcod 'khor dong sprugs// 'khor ba chos nyid chen por 'gyur// sems dang rdo rje sems dpar gnas// khog pa dur khrod brgyad du gyur// phung po bdud rtsi sman du 'khrungs// dug ces bya ba'i ming yang med// srid pa gsum gyi 'jig rten yang// rA' sa ya na sman du 'gyur// thams cad bdud rtsi byang chub sems// ma gtul ba yi skyon bstan pa// lha dang mi yi srid brlag nas// kha lo log par bsgyur nas ni// lus la 'khor ba'i gter chags pas// sman zhes bya ba ming yang med// 'jig rten gsum yang dug tu spyod// de bas mngon par 'du mdzad nas// thugs rje chen pos gzigs par rigs// zhes gsungs so// bdud rtsi rin po che 'khrungs pa'i rgyan zhes bya ba las 'bras bu gtan la phab pa'i le'u ste bzhi pa'o//// de nas yang bka' bgros pa ni/ rdo rje 'dzin pas bka' bgros pa// rang sems bdud rtsi'i rang bzhin la// dug ces bya ba'i ming med de// shin tu 'khrul pa'i dug tu bzung// de bas mngon par 'du mdzad rigs// zhes bgros so// de bzhin gshegs pa'i rigs kyis bgros pa/phung po ye nas bdud rtsi la// dug tu gzung bas skye shi byung// de bas mngon par 'du mdzad rigs// zhes bgros so// rin chen rigs kyis bgros pa/ 'du shes bdud rtsi'i rang bzhin la// sbyor ba 'khrugs pas dug tu 'gyur// de la mngon par 'du mdzad rigs// zhes bgros so// pad+ma rigs kyis bgros pa/ 'du shes bdud rtsi'i rang bzhin la// 'dzin pa log pas dug tu 'khrul// de la mngon par 'du mdzad rigs// zhes bgros so// las kyis rigs kyis bgros pa// 'jig rten gsum gyi rU tra 'di// las kyis 'jig rten khams 'dir byung// drag po rang dag 'thub tshod kyis// srid pa gsum gyi bdag por smin// 'jig rten khams kun 'jig par byed// tshangs pa lha dang klu dang mi// gnod sbyin gza' dang rgyu skar dang// sman gyi drang srong yin mod kyang// kho yi 'khor du bsdus nas ni// srid pa 'jig rten snang srid kun// dug tu spyod pa'i rU trar gyur// lha mo klu mo mkha' 'gro ma// rtsi dang nags tshal sman rnams kyi// ye nas lha mo yin pa la// slas dang byi mo bran mor bsdus// nad dang rims kyi rkyal pa bskur// bzhi brgya rtsa bzhi shin tu 'khrugs// nad kyi bdag mor mnga' yang bskur// gtsang rigs mgon po bdun cu dang// bai shra ba dang dzaM b+ha la// bdud dang gshin rje mu stegs dang// rgyal po btsan dang 'byung po'i tshogs// kha rlangs bsam sbyor dug tu bsgyur// bzhi brgya rtsa bzhi'i nad kyis 'gengs// thams cad bdud rtsi sman chen la// drang srong tsam du bzhag pa yi// gdug pa'i rU tra drag pos sgrol// zhes bgros so// bdud rtsi rin po che 'khrungs pa'i rgyan zhes bya ba las bde bar gshegs pa bka' bgros pa'i le'u ste lnga pa'o//// de ltar bgros nas bde bar gshegs pa thams cad dgongs pa gcig tu bsdus nas/rU tra chen po de'i tshul dang bstun pa'i phyir na/ de bzhin nyid kyi ting nge 'dzin chos thams cad spros pa dang bral bas mtha' dang dbus med par khyab po// kun tu snang ba'i ting nge 'dzin nyon mongs pa dug gsum dang dug lnga dang/bzhi brgya rtsa bzhi'i nyen pa rnams la/ thugs rje nam mkha' lta bu gcig gis khyab par mdzad do// thams cad sems kyi rang bzhin dug lnga 'joms pa'i rang bzhin yi ge hUM du gnas so// de lta bu'i yi ge las 'od 'phros te// e zhes pa'i sgra las nam mkha'i rang bzhin go 'byed pa'i bdud rtsir shar ro// yaM zhes pa las bsgul bskyod thogs med rlung gi bdud rtsir shar ro// raM zhes pa las sreg par byed pa me'i bdud rtsir shar ro// 'ju ba dang smin par byed pa'i rkyen byas so// khaM zhes pa las chu'i bdud rtsi chen po rlan cing gsher ba gcig tu gyur to// kun mkha' bskyed cing sgeg pa'i las byed do// su zhes pas thams cad pa'i bdud rtsir gyur te/ thams cad bskyed pa dang skye ba'i gzhi byed do// laM zhes pas spyir sdud pa'i bdud rtsi shar ro// de ltar 'byung ba lnga shar ba'i bdud rtsi'i rang bzhin gyis shar ba de nam mkha'i bdud rtsis go 'byed/sa yis gzhi stsal/ byang chub sems kyi byin gyi brlabs kyi sa bon btab/ chu yis rlan stsal/ me yis drod stsal/ rlung gis bskyod par byas/ de bzhin du rtsa ba brgyad lo ma dang bcas par smin no// rten 'brel bcu gnyis la brten te 'jig rten gyi/ khams thams cad bdud rtsi chen po'i gzhal yas las dug gi snang ba ming yang med par 'gyur ro// de'i tshe de'i dus na bdud rtsi blang dor med pa la dgongs nas khros pas cho 'phrul mdzad de/'jig rten gyi khams thams cad khro bo 'chol pas mer gyis bkang ngo// tsham rngams drag pos 'dir zhing brdzi ba'i tshul mdzad/ khro mo bcus bdud rtsi 'phro ba'i phrin las mdzad/ khro bo bcus ni ye shes kyi bdud rtsi bsrungs/ rigs kyi yum lngas ni/ ye shes kyi bdud rtsi bskyil/ rigs kyi sras lngas bdud rtsi 'bebs so// mche gshog nyi shus bdud rtsi 'gugs/dbu dgu phyag bco brgyad pa ni bdud rtsi'i ngo bor bzhugs/ dbu la bud+d+ha bzhi bcu rtsa bzhi ni dug bzhi bcu rtsa bzhir bsgyur zhing bdud rtsi'i mchog tu bzhugs so// shin tu brjid che zhing che mchog dbu dgu ru brtsegs te thams cad bdud rtsi'i ngang du shar ro// bdud rtsi'i ngang du shar bas rU tra des lan ldon pa dang spobs pa'i glags ma rnyed do// rus sbal rgyar zhugs pa bzhin gnas so// thugs rje chen po'i lcags kyus gzung ste/ra tri rU tra ra ka sha'i sgra bsgrags pas rU tra nag po de na re ye shes khyod kyis gzung ba la nyam thag pa ma yin te nga'i gnas 'khor gzi brjid la ltos dang zhes zer ro// der dpal chen pos kho'i 'khor la gzigs pas gnas 'khor de'i phyi rol na ma dang chung ma bu mo bran mo'i tshogs bsam gyis mi khyab pa gzigs nas dbang du bsdus te sbyor ba mdzad nas/thams cad dbang du bsdus nas thams cad bdud rtsi sman gyi lha mor bzhag go/gdug pa can gyi chags stag dang dom dang mgo can gyi tshogs bsam gyis mi khyab pa yang dbang du bsdus te bsgral la khad pa tsam du mdzad do// gzhal yas khang gi gnas 'khor phyi rol na/ byang chub sems kyi rang bzhin go ro tsa na dang keM rus bsam gyi mi khyab pa rnams/ gsang ba byang chub sems las bdud rtsir sprul te/ zhal du rol lo// mi gtsang ba'i 'dam rdzabs sna tshogs yod pa de dag ni/dri chen las bdud rtsi sna tshogs su sprul te zhal du rol lo// gnas 'khor de na rnag dang chu ser gyi zham chu bsam gyi mi khyab pa gcig gnas pa de rnams dri chu las bdud rtsi sna tshogs su sprul te rol lo// gnas 'khor de na rak+ta'i rgya mtsho 'khyil pa rnams pad+ma rak+ta las bdud rtsir zhal du rol lo// der rU tra gzi brjid nyams so// nyams pa de la gdab pa'i sngags drug gi 'khor lo drug rdzogs par bskor nas/mig gnyis bar snang la khams su bskyur bas/ nyi zla gsal ba thob bo// kho'i longs spyod kyi rgyan du dur khrod chas brgyad la sogs pa phyogs der gnas/de yang ye shes kyi phur pas btab nas bsgral lo// ga go thad thed ni zhal du gsol/ bde ba'i lto ru ming de gnas so// yan lag dang ba spu kha cig ni ye shes kyi me dpung gis bsregs nas sku dang gsung du gnas so// lus kyi yan lag rnams bshigs te 'jig rten gyi khams khyab par gtor ro// lam phyin ci ma log par gnas so// snying brgya rtsa brgyad tshangs pa'i gnas su brgyud pas tshangs pa'i tshe dang ldan par gyur to// glo ba lha'i yul du bskyur bas lha longs spyod dang blo tshad du ldan no// lce gnod spyin yul du bskyur bas gnod spyin mthu stobs che bar gyur to// mig gnyis bar snang khams su bskyur bas nyi zla gnyis kyi gsal ba thob bo// rkang pa 'byung po'i yul du bskyur bas 'byung po khyab che'o// mgo srin po'i yul du bskyur bas/ srin po gdon che zhing sha za ba'i las byed do// lag pa g.yas pa shar lho'i gling du bskyur bas bzo mkhas shing sgyu ma'i gling du gnas so// lag pa g.yon pa bdud kyi gling du bskyur bas/ bdud stobs dang ldan no// pho mtshan sgra mi snyan du bskyur bas/ tshe lo stong las mi 'gyur ro// snying 'dzam bu gling gi yul ma ga d+har bskyur bas/sprul sku'i zhabs kyis bcag pa dang/ slad nas byon pa'i snying stobs che/ lte ba klu yi yul du bskyur bas/ srid pa'i ma tha tsam byed pa'i gtan tshigs byung/ slad ma lus kyi bye brag rnams// 'jig rten khams kun khyab pa ru// thams cad bdud rtsi sman du sprul// phyag gis drangs nas btsir nas ni// rU tra chen po snam du bton// shin tu rU tra 'gyod pa skyes// ngu zhing 'gyod pas bshags par byas// bdud rtsi chen po'i don gnyis byas// lhag ma'i lus kyang gdan du phul// sems ni rdo rje sems dpar brtags// 'jig rten khams 'di khyab pa ru// bdag gi rnam shes sman du shog/ces dmod bor bas lus bshig tshad sman du gyur nas/ dpyid rtsa ba'i sman/ dbyar sdong po'i sman/ ston me tog dang 'bras bu snying po'i sman dgun shun lpags dang thang chu nyil ba'i sman/ rang rang gi rtsa ba brgyad la yon tan stong dang ldan zhing 'jig rten khams su sa las gnas so// bdud rtsi rin po che 'khrungs pa'i rgyan zhes bya ba las/ rU tra bsgral nas lus 'jig rten du gyur pa'i le'u ste drug pa'o//// de nas yang rdo rje 'dzin pas rang gi stan langs nas rdo rje khros pa la/ e ma ho rdo rje khros pa'i gtso// sangs rgyas yab gyur dam pa'i bdag/ bdud rtsi nyid la phyag 'tshal bstod// dbu la sangs rgyas bzhi bcus brgyan// bdud rtsi mchog la phyag 'tshal bstod// che mchog dbu ru brtsegs nas bzhugs// bdud rtsi 'bebs la phyag 'tshal bstod// gdug pa slad kyis tshar bcad nas// 'jig rten khams kun bdud rtsir 'khrungs// sman pa'i mchog la phyag 'tshal bstod// thams cad sman du bsgyur ba de// bdag cag 'khor bcas ngo mtshar che// thugs rje chos kyi char sprin gyis// steng dang 'og med 'jig rten gsum// ri rab rtse dang ri sul dang// thams cad khyab pa'i thugs rje yis// bdud rtsi'i char chen dbab tu gsol// zhes zhus pas/ rdo rje khros pa'i rgyal pos bdud rtsi'i drod nam mkha'i rlan bzhin du g.yos// bdud rtsi sbed par byed pa'i sprin mgo ni phyogs ris med par gtibs// bdud rtsi'i skye gnas sa dang gangs dang ri brag klung shong dang// brag sul nam mkha' chu dang ri khyud dang// rtsi thog rang bzhin drod ni g.yo mdzad pa// rang bzhin 'brug dang glog sgra yang// bdud rtsi'i char chen 'bebs pa'i rkyen// thugs rje chos kyi char sprin gyis// phyogs ris med par khyab par babs// me yis bdud rtsi drod phab nas// smin pa 'byung ba 'di lta ste// rtsa ba sdong po yal ga rnams// rU tra'i lus las skyes par mdzad// bdud rtsi rin po che 'khrungs pa'i rgyan zhes bya ba las/ rU tra'i lus bshigs nas bdud rtsi sa bon du btab pa la thugs rje'i char sprin phab pa'i le'u ste bdun pa'o//// de nas rdo rje gzhon nu yi// rU tra chen po bsgral ba'i tshe// srog pa rtsa yi khrag yar bas// rgya mtsho klu yi yul du yar// rtsa ba dmyal ba'i yul du zug/sdug bsngal sel ba'i sman brgyad byung// tsha ba brgyad dang grang ba brgyad// chos kyi rgyal po'i lag na spyod// sdong po klu yi yul du zug/ bdud rtsi shu dag dkar po byung// rtsa rgyus kun la phan pa'i sman// shin tu skrangs pa'i lums la 'jibs// bcangs na klu yi kha rlangs 'jil// klu yi drang srong bcu pos spyod// ngar ba bar snang khams na 'phyo// bdud rtsi chen po thang kar babs// skar ma'i drang srong bcu gnyis spyod// yan lag lha min yul du skyes// stobs dang ldan pa'i bdud rtsi babs// gza' yi drang srong brgyad rnams spyod// 'dab ma gzhong thogs lha la sgrib// zas dang ldan pa'i bdud rtsi 'khrungs// 'bras bu sum cu rtsa gsum kyi// lha yi yul kun khyab par 'khrungs// de yi snying por gyur pa ni// 'bras bu sman mchog a ru ra// lha yi dbang po brgya byin dang// nye dbang sum cu rtsa gnyis ni// sman mchog de la skyod pa yin// sman de zos pa'i nus pa yis// 'chi ba med pa'i g.yung drung thob// lha rnams bsod nams che zhes bya// lha rnams kun kyang ngo mtshar nas// shing la bskor ba lan gsum byas// ngos ngos dag nas ming yang btags// shar gyi lha yis ming btags la// rtsa ba rtse mo tshun chad la// dpag tshad khri tsho bcu bdun bcas// sems can kun la bzhon par 'dug/ ming yang dpag tshad bzhon shing zhes// shar gyi lha rnams kun gyis btags// rtsa ba sdong po yon tan stong// yon tan de bzhin 'byung bas na// byang na gnas pa'i lha rnams kyi// kha le stong 'byams zhes su btags// ri rab chen po'i dkyil brtol nas// nub na gnas pa'i lha rnams kyi// yongs 'du sa brtol zhes su 'dogs// 'dzam bu gling gi dbus shed na// lha rnams kun gyis bkra shis gsol// tshe ring longs spyod 'phel 'gyur bas// 'di ni lha yi bsod nams yin// shing chen byams ldan zhes su btags// shing gi yal ga dum bu kun// byis pa kun gyi rtse rgyur pas// skad cig yud la lus bong rdzogs// shing bu bil ba zhes su grags// bkra shis chos rnams 'byung ba'i rgyu// 'bras bu sman chen a ru ra// 'chi ba med pa a rur btags// med kyang chags pas ra ru btags// rigs ni rnam pa bcu ru gyes// ngo mtshar ldan pa'i a ru ra// snying gi dkyil dang 'dra ba gcig/tshangs pa'i yul du gyes te song// tshangs pa kun grol chen pos zos// tshe yi rig 'dzin chen po thob// tshangs pa'i drang srong brgyad rnams dang// bu dang tsha bo yang tshar bcas// tshangs pa'i drang srong bu rnams kyis// 'chi ba med pa'i dngos grub thob// sman de zos pa'i nus pa yis// tshe lo 'bum dang khri ru 'gyur// gcig ni dga' ldan gnas na spyod// dga' bar ldan pa'i a ru ra// dbyibs ni rin po che ru 'dug/rgyal ba byams pa'i byin gyi brlabs// sbyar na 'chi ba'i nad kun sel// blo rnams rno ba'i yon tan thob// gcig ni lha yi yul du spyod// dpag tu med pa'i a ru ra// che chung tshad ni pi ni kha// stod dang sman dag phra bar 'dug/ sul bu dag kyang med pa la// dkar ser mdog kyang gting na 'tsher// 'jam dpal rnon pos byin gyis brlabs// bzhag pa tsam gyis nad rnams sel// lha rigs lta bu'i mi rnams sam// bsod nams can la sbyar ba las// gzhan gyis de ni thub pa med// gcig ni gnod sbyin yul du 'khrungs// stobs dang ldan zhing gcu thabs can// kha dog dag kyang nag por gnas// che chung tshad ni bca' ca'i stod// rtse mo rdo rje'i dbyibs su 'dug/ phyag na rdo rjes dbang bskur bas// mthu dang stobs su ldan pa yin// bgegs kyis spyod pa'i nad la gtang// gcig ni gza' yi yul du yar// dbyibs ni rwa yi dbyibs su 'dug/ che chung tshad ni sbyangs dang mnyam// baiDUr+ya yis byin gyis brlabs// drag shul spyod pa'i nad la gtang// gza' yi drang srong brgyad rnams spyod// gcig ni ri bdun kha la babs// srid pa gzhom pa'i a ru ra// dbyibs ni zla ba'i dbyibs su 'dug/ ser la dmar ba nyi ma'i mdog/ sul bu phyogs gcig dag nas skye// phra zhing mang bas nyi zer 'dra// 'od kyi rgyal pos byin gyis brlabs// che chung tshad ni ldab dri tsam// grang bas nyan pa rnams la sbyar// gcig ni klu yi yul du babs// 'joms parabyed pa'i a ru ra// sul bu shin tu phra la zhib// sul bu dmar zhing logs rnams dkar// gyen du gas pa'i ser ga can// che chung tshad ni nag pi tsam// spyan ras gzigs kyis byin gyis brlabs// rma mi grang bdun kha ru babs// rlung dang bad kan dkar po'i spran// gcig ni gtsug 'dzin yul du babs// shin tu che zhing pags pa mthug/ ya yo med cing zlum la 'dril// che chung tshad ni di 'bi ta// grub pa'i blo gros byin gyis brlabs// sha rnams rab tu skam pa dang// rlung dang rgas par gyur pa yi// sha tshil me ltar 'bar bar byed// gzhon nur 'gro la the tshom med// gcig ni gtsang ma'i gnas su babs// dbyibs ni sgo nga'i dbyibs su gnas// sul bu med cing yu ba can// che chung lug pho'i long ga tsam// lha mo sgrol mas byin gyis brlabs// 'jam chos kun la rab tu bsngags// de ltar 'jig rten dgu po ru// zos pas tshe lo khri 'bum thub// bsgrubs pas rkyen maid dngos grub thob// bzhi brgya rtsa bzhi'i nad rnams kun// 'jig rten dgu ru ldang ma nus// shin tu ngo mtshar gyur nas ni// 'di ni tshad med shing gi sman// rtsa ba dmyal ba'i yul na yod// rtsa ba bcad pas sdong ma 'gyel// klu yi bsod nams yin par nges// sdong po bcad pas ngar ma chags// lha min gza' skar bsod nams yin// ngar pa bcad pas yal ma bskams// drang srong brgyad kyi bsod nams yin// yal ga bcad pas 'dab ma yongs ma nyil// gzhong thogs lha yis bsod nams yin// lha ma yin gyi ral gri yis// lha rnams kun la zhe sdang langs// 'bras bu 'dab ma'i mtshams su bcad// lha yi bsod nams ma bri bas// 'bras bu bar snang khams su smin// me tog u dum wa ra yang// bdun gyi mtha' ma bskor nas gnas// snga ma bas kyang mdangs dang ldan// me tog u dum wa ra la// lha rnams kun gyis bltas gyur pas// spyan gyi dngos grub chen po thob// rig pas lus kyi nad rnams byang// zos pas tshe yi rig 'dzin thob// lha rnams kun gyi ngo mtshar thob// lhung ba'i dpag bsam ljon shing 'di// lha yi bsod nams las las grub// klu dang dmyal ba gza' skar gyis// bcad de thung bar mi 'gyur la// bzhog ste phra bar ma gyur la// lha ma yin ni zhe sdang gis// lo ma phral yang 'bras bu smin// ya mtshan me tog gting nas skyes// 'di yi ngo mtshar che tshod la// shing la lha gcig mi bdog gam// sman la srung ma mi bdog gam// zhes nam mkha' la bltas te nam mkha' la dmod pa bor ro// de nas cung zhig lon pa dang// lha rnams bsod nams che ba dang// mdun gyi nam mkha' dag las ni// 'di lta bu yi sgra rnams byung// e ma ho// ngo mtshar che ba'i shing dang sman// skyes pa rU tra'i srog rtsa yin// ma chod pa ni rU tra'i mthu// me tog lha yi bsod nams yin// 'bras bu smin pa kun gyi gsos// 'dis ni lha mo rim par 'byung// zhes bya ba'i sgra byung nas/ mdun gyi nam mkha' na srin po kro d+hI shwa rI zhes bya ba bdud dang rU tra'i chung ma de byung nas/ bdag gi gtso bo dpag bsam gyi shing du skyes nas 'dug go/shin tu gdung ba'i sems kyis ni// shing la hril gyi 'khril nas 'dug/ 'od ni dpag tshad gcig dang chas// shing gi lha mo 'od 'chang mar// lha rnams kun gyis ming yang btags// shin tu dung ba'i mchi ma ni// thang la thigs gcig lhung ba las// ga bur dmar rtsa can gcig 'khrungs// byang chub sems kyi skyobs yin te// dkar la dmar rtsa chags pa zhig/bltas na gting rnams shin tu 'tsher// dri yang bro mo dag tu mnam// khrag gis mig rnams long la phan// shin tu chags pa skyes pa las// mngal gyi g.ya' chu thigs gcig 'thigs// lha rnams kun la ngo tsha nas// tsan+dan shing gi sdong bu yis// g.ya' chu blangs te sa la bskyur// 'dzam bu'i gling gi dbus su skyes// bdud rtsi ga pur zhes su grags// de yang shel gyi pog phor dri// mkhregs shing dkar la mdangs ldan// dri yang lha mo'i mngal du mnams// tsha ba'i nad rnams phyogs med la// shin tu bsil ba'i bdud rtsi yin// yab kyi byang sems lhag ma gcig/ shin tu chags pas g.yos pa'i rtsad// lha mos chu gcig gtang ba las// dri chu sna la lug ste byung// lha rnams kun la ngo tsha nas// dung chen skyogs kyi lhums kyis bcus// rgya mtsho'i nang du sib kyis pho// bdud rtsi mu tig dag tu smin// rgya mtsho'i mtha' kun khyab par smin// chu las chu thigs sngon po 'khrungs// mu tig dkar po dri ma med// nyi ma'i 'od bas shin tu 'tsher// zla ba'i bkrag pas shin tu dkar// rus pa chags pa kun gyi gsos// stobs kyang zla ba nya ba bzhin// sems rnams gso bar shin tu shis// byang chub sems kyi gtso bo yin// chu las chu thigs byung ba ni// nyi ma'i zer gyis phogs pa ni// nam mkha'i thigs pa 'thigs pa 'dra// kha dog 'od ni ut+pa la// dri ma med cing bkrag mdangs ldan// skyobs chen bdun gyis rab brgyan nas// chu rnams slags sa kun la phab// sa dang chu ru 'dres pa las// mu man theg rgyu'i rdo ru smin/ kha sngo sa yi mdog tu gnas// snum gyis phog na bkrag kyang gsal// skyobs chen drug gis khrid gyur na// glang rnams na ba'i sman du 'gro// de nas lha rnams mdun mar 'dus// 'u cag bdud rtsi'i rgyal po 'dus// rma rnams byung yang sos gyur bas// lha ma yin la dmag drangs zer// lha yi g.yul ngo chen po bzlog/ lha min rnams la dmag drangs bas// lha yi g.yul ngo rab tu rgyal// shing gi lha mo 'od 'chang ma// zhal nas sman mchog a bar gsol// lho ru bltas te 'dzum gcig shor// sman mchog a ru ra gcig ni// lho yi 'dzam bu'i gling du yar// der skyes rgyal po bsod nams can// dza zhes bya ba'i khang steng du// dro kha gcig la babs te byung// tsit+ta pi ta bya ba'i shing// ya mtshan can la 'khrungs te byung// ming yang rnam par rgyal bar bya// che chung g+ho ra'i b+han+d+ha tsam// dbyibs ni bum pa'i dbyibs su 'dug/ dkar dang ser dang dmar ba'i bkrag/spri yi bar na nag po yod// bdas pa'i shun ni sngon po ldang// zur gyis tsha ba'i nad rnams sel// skyibs kyi grang ba'i nad rnams sel// sha yis rlung gi nad rnams sel// pags pas rma rnams dag kyang 'tsho// dri yis 'dus pa kun kyang sel// bzhi brgya rtsa bzhi'i nad rnams la// btang na mi phan gcig kyang med// sbyor ba kun kyang 'jil ba'i sman// rgyal po dza zhes bya ba des// gsol pas tshe lo khri khrag thub// sul bu brgya dang bco lnga gnas// ro res na ba bzhi bzhi sel// bzhi brgya rtsa bzhi'i gnyen po la// bcu gcig rgas pa gso ba'i sman// lha mo rnams kyis bskor ba bgyis// chos skyong mgon pos srung ma bgyis// shAkya thub pas byin gyis brlabs// byang chub sems dpa' bkra shis gsol// mi rnams kun gyis ngo mtshar brjod// bcom ldan shAkya thub pa yis// bsam gtan mdzad pa'i shar phyogs su// kha ni shar du bltas nas skyes// lha rdzas dge ba a ru ra// lha srid sde brgyad kun gyis ni// bkra shis ngo mtshar kun gyis gsol// gza' chen khyab 'jug skyug pa bdun// lha rdzas de yi mgul du lug/ rigs bdun sa la lhung ste smin// lha rdzas dge ba a ru ra// rigs bdun sa la lhung ba ni// brgya byin bdud rtsi 'thung ba'i tshe// thigs pa bdun ni sa la lhung// rlung gis khyer te sa la skyes// bdud rtsi'i gtso bor rab tu grags// dngos su a ru'i 'bras bu ste// rigs ni rnam pa bdun yod de// rnam par rgyal ba dang/ gsum bsgribs dang/ gsod byed dang/ 'jigs byed dang/ rtsi byed dang/ skyes byed dang/ gser 'dra dang bdun te/ de dag gi yon tan ni/ rlung dang mkhris pa bad kan dang// dus kyi nad dang 'dus pa'i nad// dus min 'chi las thar bar byed// ces smos te/ a ru ra la yang ro rnam pa lngas sel bar byed pa ni/shun lpags bska bas rlung nad sel// rus pa mngar bas mkhris pa sel/ nang tsha bas bad kan sel/ dbus skyur bas chu ser sel/ de kun spyir 'dus pas 'dus nad sel/ rang bzhin nus mthu de 'dra na// man ngag can gyis bsgrub gyur na// byin rlabs ya mtshan chen por 'gyur// tshong dpon bu mo nor bzang ma// nor bu rin chen yon du phul// bkra shis mchog tu 'di brjod do// 'dzam gling rgyal po bsod nams can// ma brlan mkha' las byung ba yi// bzhi brgya rtsa bzhi'i gnyen po 'di// bdag gi dang du blang bar bya// zhes phyag tu bzhes pas/ mi rnams kun gyis 'jig rten du/ sman gyi lha mo nor gyi rgyun zhes su grags// u dum 'bar ba bdun po la// ya mtshan che ba'i bya bdun chags// snying po za ba rma bya byung// sman gyi bya yin dug rnams za// lha mo kun kyang rma bya'i mgrin// nags kyi lha mo zhes su grags// gegs dang kun ta kun ti gdang// bzang mo rma bya bkra shis 'gro// khyung la sogs te lding ba'i bya// sman las gyur pas dug rnams thub// spyir yang mkha' lding bya rnams kun// shin tu tsha ba'i stobs dang ldan// dpag tshad dag gis gar khyab pa// mthu dang drang srong rnams kyis ni// gza' dang skar ma brtsi zhing sbyar// zhes gsungs so// bdud rtsi rin po che 'khrungs pa'i rgyan zhes bya ba las/ rU tra'i srog pa rtsa las dpag bsam gyi shing bu ji ltar skyes pa dang lha mo gsum gyi byung tshul dang a ru ra'i le'u ste brgyad pa'o//// rU tra chen po bsgral ba yi// srog chags bsad pa'i khrag rjes kun// kro d+hI ma yis 'ubs kyis bsdus// thu ba g.yas su bcug gnas khyer// lha rnams rol mo byed par mnyan// yengs pas thu ba'i mgul nas shor// nga yi sgra la nyan pa de// ba yin ma rung zer na brang gcig brdungs// 'dzam bu gling gi nub tu skyes// rtsa rnams 'jam pa'i phyogs su 'khrungs// nub tu kha bltas kun tu skyes// dbyibs ni a ru dang 'dra ste// sul bu med cing ba bco'i mdog/ yu ba can ni nad klong yin// shin tu skyur la kha ba'i ro// ming yang bi tsa gyi rtse bya// zlum zhing 'khyil ba sman gyi mchog/ ro yang skyur zhing mdangs dang ldan// khrag rnams zags pa kun la gtang// 'bras bu gsum du sbyar gyur na// sha rnams skye zhing tshil rnams rgyas// ha cang mang na lci bar byed// mkhas pas sman gyi cha snyoms nas// a ru ra dang gsum sbyar nas// gtsig rkyang gtang ba ma yin no// de yi ming yang skyu ru ra zhes btags// a mr-i ta ni kun la dgod// sman rnams kun gyi nus pa slong// btogs nas zhag gsum bar du ni// gcan gzan spu yis byibs te bzhag// phyi shun rang gis 'byed 'don na// drod tshad dus la babs pa yin// grib ma spangs la me nyer bskam// ha cang tsha bar gyur na ni// nus pa cung zhig 'dzag pa yin// grang sar phyin te bskam par bya// sbyor ba gang dang gang rgyug pa// sum cu tham pa'i cha gcig gtang// bung ni gtso bos mjal ba yin// sman tshad dag tu sbyor gyur na// phul gang phan chad chu yis ni// nyen par byas pa ma yin no// gam phye dag la gtong 'gyur na// ran la mdzes pa'i chang du sbang// drod kyis zhag gcig 'bug la gtang// gal te zangs thal byung ba na// mi tsha de yi cha gcig dang// kha mo phabs la sbyar te gtang// de yis khrag gi zil ba rnams// bdud rtsir ba me men bur skyes// spang rnams rgyas pa'i sa ru 'khrungs// phal cher sa la 'khrungs mod kyang// rtsa ba phra la sdong po 'khyog/ 'dab ma ra yi rna ba 'dra// ngar pa smug la me tog dkar// 'bras bu ske tshe 'dra mod kyang// kha gting med par mngar ba'i ro// bad kan smug po'i gnyen po yin// 'khru dang skyugs pa gcod byed cing// sman rnams kun gyi phabs su 'gyur// kha bsil zhu rjes cung zhig tsha// rig pa can gyi bya rnams za// mi rnams kun gyis zos gyur na// khong gi nad rnams khad kyis 'byang// mnan nas zos na nus pa 'byung// phabs su byas nas kun la 'jug/ gcig ni ki ni pi tses bya// mkha' lding gong mo kun gyis tshor// rtsa ba lo ma ram pu 'dra// 'bras bu 'byung bar mi 'gyur ro// rtsa ba brkos te sman byas na// khong nad rnam pa kun la byams// sbyar nas sman rnams langs pa'i sman// khrag zags ba la rab tu bsngags// rU tra'i so ni yar ba las// shing chen ma gi ta ru skyes// mu le gram shing mgul du skyes// de las sa steng khyab pa la// dpya ru bdud rtsi cu'u gang byung// mdog ni dkar la dri ro med// gro sogs 'dra ste shin tu sgron/ skyes/ shin tu bsil te glo la 'jug/rU tra'i ba spu yar ba las// bdud rtsi chen po ba le ka/ phra mnyen sna lam lag sdogs 'dra// dkar ser mdog dang mdam gyi dri// ston pa rab tu byung sar skyes// kun la rab tu snyoms pa'i sman// rU tra'i lte khrag yar ba las// tsan dan smug po dag tu 'khrungs// shin tu smug cing dri yang ldang// kha bsil gting yang tsha ba bskyed// bgegs rnams kun gyi gnyen po yin// khrag gi nad dang lte ba mgul// pho brang kun la cung zhig phan// rU tra'i skra yi skra tshoms gcig/ sa yi steng du yar ba las// gan+d+ha b+ha dra'i sman du 'khrungs// dbyibs dang gzugs ni ma nges te// shing gi yal ga dag dang 'dra// nad rnams rtsa ru zhugs la phan// mchin khrag de yi steng du yar// bdud rtsi gur gum zhes su grags// sman mchog de yi me tog ni// kha che'i rgyal khams kun tu skyes// ston pas khab ni bzhes pa'i sar// dmar rtsa ldum bu rtsa ru skyes/kha ba'i ro ldan mchin pa'i sman// mig ni rgud pa kun la phan// de las gyes pa'i yal ga yang// sman mchog bdud rtsi a ba bya// rtsub pa brag ri'i sked la 'khrungs// ldum bu smug po rtsa yi dbyibs// rtswi thog mar dang sbyar gyur na// de yi nus pas mig nad sel// rU tra'i rlig 'bras yar ba las// bdud rtsi de yi steng du babs// snga skya'i mdog ste mi mgo'i gzugs// ming ni dza ti pha la bya// dri yang bzang zhing stobs dang ldan// rlung nad kun la rab tu bsngags// gal te 'gyangs par gyur na yang// dri dang stobs kyis nad 'jil nus// sbyor ba dag tu gyur pa na// me dang chu yi nyen mi bya// kun la snyoms pa bdud rtsi yin// snying rlung kun la rab tu bsngags// kha ru tsha dang cha snyoms nas// rtsi thog mar gyis sna khrid na// zos pa tsam gyis snying rlung rnams// nges par ming yang med par 'gyur// rU tra'i mdzub mo yar ba las// kha brag lam gsum mdo chen dang// gas gle brag gi sne la 'khrungs// bdud rtsi chen po ka ko la// 'dab ma rin chen phyir slog 'dra// snying po re'u thul phyir slog 'dra// mgu pa shin tu dra ba la// yan lag shin tu mang bar gnas// 'bras bu rU tra'i mdzub mo 'dra// zhu rjes grang ba kun la snyoms// ston zla 'bring po'i nya la brda// grib ma dag la bskams te gtang// rU tra'i mchan khung dri ma ni// rgya gar bal po'i mtshams su yar// thang ga sa brag gle dag dang// ru rtsub dag gi shing du 'khrungs// bdud rtsi chen po sug smel yin// rtsa ba ngan zhing shin tu phra// snying po phra zhing 'dab ma leb// 'dab rtse zur gsum rtse mo rno// me tog dmar rtsa 'bras bu rtsub// dbyibs kyang gru gsum dkyil du sbom// ston zla tha chung tshes brgyad la// brngas nas zhag gcig ras kyis byib// nyi ma'i 'od la bskams te gtang// tsan+dan me la bsros gyur na// grang ba kun gyi sman du bshad// ma smin pa la brngas gyur na// tsha ba kun gyi sman yin no// dus gsum brngas par gyur na ni// tsha grang kun la snyoms pa yin// rtsa rtse'i khra yis khrid gyur na// drod nad kun gyi snying po yin// ru tra'i mtsher khrag yar ba las// bdud rtsi chen po li shi 'khrungs// khrag gi gzer bu zhes su grags// dro zhing zhi rjes rab tu tsha// mtsher pa'i nad la rab tu bsngags// bdud rtsi rin po che 'khrungs pa'i rgyun zhes bya ba las/ rU tra chen po bsgral ba las yar rjes khrag gi le'u ste dgu pa'o//// bcom ldan rdo rje gzhon nu yis// rU tra chen po bsgral ba'i tshe// de yis mkhris pa yar ba las// thigs pa bdun du rab tu yar// gcig ni sa yi bdud rtsir yar// spar+N+Na zhes pa'i ming du grags// chu bo chen po'i mgul du byung// na bun rmugs pa'i dkyil du gnas// nag mtshur dag gis mdangs phyung na// nyi ma'i 'od dang ldan par 'gyur// rin po che yi gtso bo ste// skye rgyud mi 'phel 'dod pa na// lha rtsa 'tsher pa'i bdud rtsi yin// gcig ni bdud rtsi skyer par 'khrungs// sa phyogs nges pa med par skye// gdug pa'i tsher ma kha lngas brgyan// sa smug mchin pa 'dra ba'i ri// shin tu nag pa'i dkyil na brko// sbyor ba legs par gyur na ni// mig nad rims nad bal nad dang// dug nad kun la rab tu bsngags// steng du 'thon pa drug gcig tsha// sa 'og sdong po bsil ba ste// phyi dang nang la bya ba min// bar shun sor mo dag dang sbyar// dbyar zla gsum la nad rnams slong// ston zla gsum la mkhris pa ldog/ dgun zla 'bring po dag dang ni// dpyid zla 'bring po dag la brko// sha mkhris smin pa'i dus min no// thigs pa gcig ni yar ba las// skyer ni kha 'da' dag tu 'khrungs// lo ma kyog por gnas pa las// ngar ba'i tshogs kyang kyog por gnas// me tog dmar smug gzhu sku'o/ rgyu// pha rgan rtsub mo'i sa la 'khrungs// ston zla dgun zla'i mtshams su skye// grib ma dag la rab tu bskam// shin tu bsil ba'i thang du shis// thigs pa gcig ni yar ba las// bdud rtsi chen po tig ta byung// rtsi shing 'dres pa'i gseb dag dang// rdo bran mang ba'i ri la 'khrungs// 'dab ma pha wang rna ba 'dra// sdong po cung zad phra ba la// ngar pa lcag gu de bzhin phra// me tog zlum zhing bu gu phra// ston zla tha chung mar ngo la// brngas te dbyangs la gdags par bya// snga phyi shor na nus pa med// kha ba'i ro la myong na gdong// nad rnams 'khyogs pa'i go 'byed yin// zas rnams kun gyi lde mig yin// shin tu gdeng ba'i sman zhes bya'o// thigs pa gcig ni yar ba las// ji lta gser gyi shing du skyes// kha dog skyed pa 'dra mod kyang// sro ma bi kar lta bur skye// ri mo mgul klog 'dra ba skyes// pra rtsi gtang ba'i mdog dang ldan// lo ma chung zhing rtsa ba sdom// shin tu dro ba'i brag la 'khrungs// khrag gis sbyar bar gyur ba dang// bal nad dag gi bdud rtsi yin// thigs pa gcig ni yar ba las// bdud rtsi chen po dga' ru skyes// rtsa ba shin tu phra ba las// lo ma ne le'i gshogs pa 'dra// ngar ba sbu gu me tog phra// g.ya' dang gangs kyi mtshams su 'khrungs// ston zla tha chung dus su brnga// lo ma mar dkar tshwa dang bcas// chu dang bsres te thang du gtang// bad kan nyid kyi bdud rtsi yin// zas su zos na yi ga 'byed// gal te dul bar gyur ba na// bad mkhris bcas te ldog par 'gyur// gdul ba'i thabs ni chu lud de// gla ba sha ba'i ril mas dgab// lo gnyis bar du brngas shing bskyur// lo gsum lon nas 'dab ma brnga// rtsa ba ngar ba ma yin no// lo ma legs par brnga te skam// shin tu zhib par btags nas ni// tshos bar btso ba rab tu gces// zas rnams 'khrem pa'i bdud rtsi yin// 'du ba kun la rab tu byams// thigs pa gcig ni yar ba las// bdud rtsi chen po muny+dzar 'khrungs// 'khrungs pa gangs kyi ltongs su 'khrungs// snying po nag la me tog dkar// lo ma spre'u'i gzhug ma 'dra// dgun zla ra ba'i stod la brnga// zhag gsum bar du sbal la bsub// ngar ba ral ba'i chu yis bran// legs par snod du bsag gyur na// zhu mkhan lta bu'i dri 'byung ste// chu dang mar du sbyar gyur na// tsha ba'i nad rnams kun la phan// bdud rtsi rin po che 'khrungs pa'i rgyan zhes bya ba las/ rU tra chen po bsgral ba las drag bsil mkhris pa'i le'u ste bcu pa'o//// de nas rU tra chen po de'i// bcud kyi chu brgyad byung ba las// sems kyi bcud ni klad pa de// tshan pa bdun du yar te song// klad pa'i phyi rgya yar ba las// man dar rgya dar ldib shor 'khrungs// spang dang na thang mtshams su yang// nyi lcabs tshul du 'khrungs pa yin// btags te snam bur byas gyur na// rma yi chings dang yan lag chings// thun mong sman gyi skyobs su byung// klad khrag thigs gcig yar ba las// smug po sbal rgyab khrag sha'i mdog/ bcag na zur can zhib na 'bol// g.ya' spang byi ba'i rdo ru 'khrungs// kha mo'i chang gis khrid gyur na// klad pa nyams pa'i bdud rtsi yin// kla dkar thigs gcig yar ba las// gangs dang chu 'thabs bar du 'khrungs// mdog dkar mkhregs shing btags na 'jam// phyi nas bi tsis khrid gyur na// rus pa dum bu stong song yang// 'byar bar 'di la the tshom med// klad pa mtha' nas yar ba las// de yang rnam pa gnyis su yar// gcig ni mtsho 'gram pa la yar// shin tu 'bol ba'i sa la yar// bdud rtsi chen po 'brug rus te// che chung pho 'dom gsum gyi tshad// nya phyis lta bu'i kha dog la// srab mo shun lpags brtsegs mar gnas// ma he'i ko ba lta bu'i tshul// zhib btags rtsi dmar dag dang sbyar// nu zho 'thung ba'i byis pa la// rus pa sra mkhregs lcags su 'gyur// ji ltar rgas kyang shed mi 'chor// rgas pa rang yang 'ong ba dka'// klag ste bud med gzhon nu la// btsod kyi khrag dang sbyar te gtad// byis pa bu mo skye mi srid// rkyen gyis rus pa chag gyur na// btang na lta ba 'chor mi srid// yang na na tshas gang zin pa// zhib tu btags te snum dang bsres// bsku mnye byas par gyur na ni// lus zungs dag kyang 'chor mi srid// rU tra'i 'gram pa'i rus pa ni// gcig ni sa la yar ba las// rgya mtsho chen po'i sne las 'khrungs// lteng chu phra mo'i nang du 'khrungs// sems can br-ish+tsi ka ru 'khrungs// btags te zhig dkar brngos gyur te// klad pa rgya dang sbyar gyur nas// mar dkar dag gis khrid gyur na// skra rnams nyal gyis byi gyur la// shin tu 'jam zhing la ba yi// skra rnams skye la the tshom med// ba spu gso ba'i bdud rtsi yin// klad pa'i dkyil nas yar ba las// rgya mtsho'i gting gi dung du 'khrungs// de yang rigs ni gsum du 'khrungs// g.yas su 'khyil ba'i dus byung ba// kau shi kas byin gyis brlabs// pho dung mo dung gnyis byung ba// klu rgyal 'jog pos byin gyis brlabs// btags te seng ge'i zho dang sbyar// skyu ru ra yis phabs byas te// zhag gsum bar du mnan byas te// brgyad cu lon pa'i rgan po yang// so ni gting nas med gyur bar// lo bcu lon pa'i byis pa bzhin// bkrag dang bcas nas so rnams skye// gzhon par 'gro la the tshom med// gal te seng ge'i zho med na// btsod dang kyang yang nam kyungs la sogs pa yi// ri dwags sum cu rtsa gcig zho// rtswa ma zas pa'i rgod kyi bu// de yi glo dang 'bri mar dang// a ru ra dang sbyar gyur na// rgas pa gzhon la the tshom med// klu yi lus dang ldan par 'gyur// klad pa'i khrag rtsa yar ba las// rgya mtsho dngas pa'i gting du 'khrungs// sa yi dngas ma mtshal du 'khrungs// zhag bdun bar du btags byas nas// sgo nga'i rtsa dang cong zhi sbyar// lha ba 'tsho ba'i bdud rtsi yin// klad pa'i rtsa chen yar ba las// rgya shugs 'od zer dag tu skyes// brag med spang med rtsub pa'i ri// gting na grang ba yod la 'khrungs// shun lpags mngar zhing 'bras bu skyur// lo ma thang chu mngar la 'khyil// de yi pags pa bshus gyur nas// chu yi nang du cung zhig sbang// stobs ni du ba bzhin du 'ong// shin tu bsgrubs nas 'thung gyur na// lhu dum rus pa chags pa rnams// tsha ba'i nad rnams langs gyur na// bsil bas rab tu 'jil bar 'gyur// de las gyes pa'i yal ga yang// gcan gzan stag gis khyer de song// nags tshal kun gyi gseb tu skyes// mang yang stag pa dkar po bya// de yi grang thang btang gyur na// bsil bar nus pa'i bdud rtsi yin// bdud rtsi rin po che 'khrungs pa'i rgyan zhes bya ba'i rgyud las/ rU tra chen po bsgral ba las sems bcud klad pa'i le'u ste bcu gcig pa'o//// de nas rdo rje gzhon nu yis// rU tra snams nas bton pa'i tshe// mchi ma gsum ni sa la shor// mig 'bras nag po'i mchi ma las// gnod sbyin rgod ma kha ru skyes// dpyid nas ston gyi bar du ni// g+ho ra rta ru rdzus te sdod// rta yang rang rang gsum tsam na// bdud kyi bud med ral pa can// mi rnams za ba dpal gyi gzis// nam mkha'i mthong nas phyag rgya bsdams// mchi ma sa la brul ba yis// kha ser spang gi steng du skyes// spang gi rgyan du rnam par grags// rtsa ba phra zhing lo ma phra// ut+pa la yi mdog can de// rul lam bam sum ma khyer bar// dgun zla ra ba'i stod la brnga// mig rnams gso ba'i sman du gtang// rU tra'i mig sprin dkar po las// mchi ma thigs gcig sa la yar// spang dang shing gi bar du 'khrungs// spang rgyan dkar po bdud rtsi yin// ka ra dkar dang sbyar byas nas// grangs ba'i thang du 'thung gyur na// dpag tshad gsum du grag pa yi// mgrin pa bde ba'i bdud rtsi yin// mig sprin dmar po'i mchi ma las// nags kyi gseb tu yar ba las// rgya shug glang ma'i mgul du 'khrungs// rtsa ba phra zhing lo ma phra// dar ba'i tshad ni mtho gang skyes// phyi ljang nang dag smug po la// ming yang u mu ta ru grags// mig la rkyen gyis bslad pa la// go snyod dag gis sna khrid nas// mar dkar dag dang cung zhig sbyar// lto ru za bar bya ba'am// rkang mthil lag mthil spyi bo ru// lums kyi thabs su dus byas na// mig ni tsha la sogs pa rnams// 'bras bu zhar bar gyur pa ni// gsal bar 'gyur te the tshom med// bdud rtsi rin po che 'khrungs pa'i rgyud las/ rU tra chen po bsgral ba las mig bcud mchi ma'i le'u ste bcu gnyis pa'o//// de nas rdo rje gzhon nu yis// lha yi snyan dbang 'thob bya'i phyir// rU tra'i rna ba yar ba las// cha ni bcu gcig yar nas song// gcig ni tshangs pa'i yul du yar// ya mtshan 'phrul gyi me tog skyes// sangs rgyas chos rnams 'chad pa thos// gcig ni dga' ldan gnas su yar// u dum wa ra'i me tog 'khrungs// tshangs pa'i gsung dbyangs drug cu thob// gcig ni lha yi yul du yar// byams pa'i bstan bcos kun kyang thos// gcig ni gnod sbyin yul du yar// bai DUr+Ya yi me tog 'khrungs// phyag na rdo rje'i rigs sngags thos// gcig ni ri bdun kha la yar// me tog rgya bye smug por 'khrungs// 'khor lo mtshon cha'i sgra yang thos// gcig ni klu yi yul du yar// rin chen me tog lta bur 'khrungs// lnga ni 'dzam bu gling du yar// gcig ni brag spang bar du 'khrungs// bdud rtsi chen po tshe yi bya// lus rnams rengs par gyur pa dang// rma rnams dengs par 'gyur pa yi// bdud rtsi yin te lums gyi sman// thigs gnyis sa la yar ba las// srin po khros pa'i ri la 'khrungs// bdud rtsi chen po hong len yin// sdong po brul bas rtsa ba chung// lo ma seng ge'i rna ba 'dra// rtsa ba'i sbug la sul bu yod// ro mchog kha bar gyur pa la// kun rgyug bden pa'i bdud rtsi yin// thigs gsum sa la yar ba las// sa phyogs nges med kun tu 'khrungs// rtsa ba phra bar gyur pa la// 'dab ma lug gi rna ba 'dra// snying po gung gang ma sems can bzhin// ming yang rtag gu la dkar skyes// dbyar zla tha chung smad la brngas// mar dang sbyar nas zos na 'tsho// cung zhig tsha sa rkyen gyur na// yi ga 'gags pa'i bdud rtsi yin// bdungs te lums su byas gyur na// rma rnams rengs ba kunakyang 'tsho// thigs bzhi sa la yar ba las// gangs stongs bal po'i mgul du 'khrungs// ldum bu re ral zhes su grags// lo ma phu la yal ga med// khams ser spang ni mi mtho ste// dug nad gso ba'i bdud rtsi yin// thigs lnga sa la yar ba las// mtsho dang g.ya' yi mgul du 'khrungs// bdud rtsi 'ug pa re ral yin// rtsa ba lo ma shin tu ngan// shun pa 'ug pa'i phod dang mtshungs// sha dug gso ba'i bdud rtsi yin// drod rnams bral bar ma gyur na// shi ba sos par the tshom med// bdud rtsi rin po che'i rgyan zhes bya ba'i rgyud las rna bcud rna sbabs kyi le'u ste bcu gsum pa'o//// de nas rdo rje gzhon nu yis// sna yi dngos grub 'thob bya'i phyir// snabs ni gsum du yar ba las// thang gcig brag dang chu la yar// chu la yar bas chu shel 'khrungs// bzung na yod la blta na med// bye ma ka ras sna khrid na// glo ba'i nad kyi bdud rtsi yin// brag la yar bas cong zhi byung// sram gyi mchin pa dag dang sbyar// rang gi lus kyi dri ma rnams// zas la sbyar te btab byas na// bu mo gzhon nu la sogs pa// lha mo klu mo mdangs can rnams// snying sdug shin tu dang chags nas// 'gugs par byed pa'i bdud rtsi yin// gcig ni sa la yar ba las// lce pog dkar po dag tu skyes// rtsa ba phra zhing me tog phra// lo ma de dag de bzhin phra// ro tshor dri yang mi zhim ste// nad log bying ba'i bdud rtsi yin// gcig ni mtsho gting mgul du yar// ston zla dgun zla mtshams su 'khrungs// shel tsha me tsha sman tsha dang// lce myang tsha dang zi ra'i tsha// rgyam tsha shing tsha thal tsha dang// ra tsha dang ni kha ru tsha// nad rnams 'dril bar gyur pa dang// skran rnams rengs dang ma zhu dang// mngar ba'i zas kyis ro 'don zhing// gnas su bstims pa'i bdud rtsi yin// bdud rtsi rin po che 'khrungs pa'i rgyan zhes bya ba'i rgyud las/ rU tra chen po bsgral ba las sna bcud snabs kyi le'u ste bcu bzhi pa'o//// dpal chen rdo rje gzhon nu yis// rU tra chen po bsgral ba'i tshe// smra ba'i seng ges dbang bskur te// lce bcud mchil ma'i bdud rtsir gyur// thigs pa bzhi ru yar ba las// khrag dang mchil mar 'dres pa las// gnod sbyin chen po kha 'bar byung// shAkya thub pa'i gam du phyin// rang gi lce bcad phul ba las// bdud rtsi chen po gser ba byung// mi bde rtsub pa'i sa ru 'khrungs// rtsa ba 'dril zhing ngar pa shar// shing mdog smug la me tog dkar// 'bras bu dmar ba'i mdog tu 'khrungs// rtsa ba skyur la mngar ba'i sman// bad kan la sogs nad rnams la// cung zhig phan par byed mod kyang// bsdus nas khu ba btang gyur na// chu ser gtan nas 'dod pa'i sman// thigs gnyis sa la yar ba las// dpal 'bar chen mo khro mo byung// bcom ldan 'das kyi spyan sngar phyin// lce bcad yon du phul ba las// bdud rtsi chen po dro bar skyes// rtsa ba 'dril la ngar ba sbom// 'dab ma rnga mo'i rna ba 'dra// me tog lce 'dra gser gyi mdog/ mi smra ba kun smra bar byed// dig pa gso ba'i bdud rtsi yin// bad kan dag la cung zad gnod// thigs gcig sa la lhung ba las// yi dwags kha 'bar ma ru byung// shAkya thub pa'i spyan sngar phyin// lce bcad yon du phul ba las// bdud rtsi rma lo kril kril byung// shing phran skyes pa'i ma ru 'khrungs// rtsa ba 'dril zhing ngar ba 'khril// me tog sngo zhing lce yi dbyibs// shin tu bsil ba'i sman yin te// sbyar lag gtang ba ma yin te// zos pa tsam gyis nad rnams 'tsho// thigs gcig lha yi yul du yar// bya ni ngang mo gcig tu skyes// mi yi yul du chags te byung// bu drug bdun tsam skyes pa las// lha yi bya gcig 'dir byung ste// mi rnams kun gyis 'dzi btags// ngang mo lha yi yul du phur// bu brug kun la sman bzhag pa// hag ces gre ba dag nas bton// smu gnag thal ba'i mdog 'dra la// che chung skye tshe'i tshad du byung// ngang mo de yis dmod bor bas// nga yi lha zas 'bru chung 'di// bu rnams kun gyi gsos su shog/ rngo mi dgos te btags mi dgos// ldum bu ljang bu zos pas chog/ btsos na lha yi ldum bu yin// btsos te skams par gyur na ni// sdan la za ba'i bdud rtsi yin// btang na dug gi sbyor ba rnams// mu stegs bus ni tshugs mi 'gyur// 'byung ba kha cig 'ju bar byed// ro mngar zhu rjes med par bstan// bdud rtsi rin po che 'khrungs pa'i rgyan zhes bya ba'i rgyud las/ lce bcud mchil ma'i le'u ste bco lnga pa'o//// bcom ldan rdo rje gzhon bu yis// rU tra chen po bsgral ba'i tshe// shin tu bred nas rngul gcig byung// yar ni thigs pa gsum du yar// skra yi rtse nas rngul byung bas// sa phyogs sa spo dag tu 'khrungs// bdud rtsi chen po rngul dngul lam/ rdo byung// chu mdog dkar sngo'i mdangs dang ldan// a ru ra yi snan sbyar rnams// khong du bza' bar byed pa'i dus// lus kyi dri ma bkrus gyur te// phyi yi yul du byugs gyur na// phung po mi 'jigs bdud rtsi yin// shi ba'i ro la bkrus gyur na// sems de khug par mi 'gyur kyang// lus kyi gzi byin mi 'chor bar// bskal pa ma zhig bar du ni// phung po brtan pa'i bdud rtsi yin// mchan khung spu yi rngul gcig ni// shing chen shug pa'i steng du yar// shing gi 'bras bur gyur ba la// 'dab ma dbyar skyes dgun ni skams// 'bru yi zan la mnan gyur na// phabs su gyur pa'i bdud rtsi yin// nad la bdud rtsi'i bcud bton na// sems kyi rtsal shugs bskyed pa dang// rlung nad kun gyi bdud rtsi yin// shing chen de yi 'bras bu yang// lo gcig ba spu'i tshul du 'khrungs// lums su bgyis na nad rnams 'tsho// lo gnyis ma smin sgo ril 'dra// gsher dug kun gyi sna 'dren yin// lo gsum lon nas smin pa yang// rU tra'i rngul nag 'dra ba gcig/ro mngar thang chu'i bag dang ldan// brdungs te chu la sbyar gyur na// chu ba rengs dang yan lag rengs// rlung dang chu ser bsdongs la phan// pho mtshan spu las rngul byung ba// bye ma mu tra'i sgang la yar// bdud rtsi g+ha na pa tir 'khrungs// rtsa ba rtsub rtsing 'dab ma rtsub// 'bras bu rtsub ste ra mgo 'dra// cung zhig ma smin pa la brda// yang na dus de nyid du'am// nyi mas legs par bskams la ni// gdus pa'i khu bar gyur na ni// rlung dang chu ser kun gyi sman// bdud rtsi rin po che 'khrungs pa'i rgyan zhes bya ba'i rgyud las/ ba spu'i bcud rngul gyi le'u ste bcu drug pa'o//// dpal chen rdo rje gzhon nu yis// rU tra chen po bsgral ba'i tshe// khrag gi bcud ni mchin pa las// thigs pa bdun du yar gnas song// gcig ni rin chen zangs rdor 'khrungs// shin tu brdar bar gyur na yang// dud 'gro ra lug rnga mo yi// mig la ling thog byung ba'i sman// thigs gnyis sa la yar ba las// bdud rtsi g+ha na a mr-i ta// brag dmar mo mtshan 'dra ba'i shod// sa phyogs shin tu 'jam par 'khrungs// rtsa ba'i ring zhing dar ba shar// grangs med me tog ser la smug/ 'bras bu khrag gi thigs pa bzhin// mo nad gso ba'i bdud rtsi yin// thigs gsum sa la yar ba las// ga ru Ta yi shing du 'khrungs// thang chu dmar ser kha ba'i ro// de yang mo nad gso ba'i sman// thigs pa bzhi ru yar ba las// smug ldem a gad ba ru'i shing// 'bras bu che zhing snying po bsil// smug skya zil bur gyur pa de// nad rnams kun la byams par 'khrungs// mchin pa'i nad la rab tu bsngags// thigs lnga rdo la yar ba las// bdud rtsi chen po mug chen byung// g.ya' dang bye ma 'dres sar 'khrungs// rma rnams kun gyi rtsi ru 'khrungs// mchin pa'i rtsa g.yas yar ba las// bdud rtsi chen po la rtog ni// snyi la 'bol ba'i sa ru 'khrungs// lo ma 'bad cing rtsa ba ring// skyur la mngar ba'i ro dang ldan// kha dog dmar zhing lcug phran 'dra// rtsa nad tsha bas zin pa dang// glo dang mchin la tshad zhugs na// gtan nas 'byin pa'i bdud rtsi yin// mchin pa'i rtsa g.yon yar ba las// bdud rtsi chen po ma nur skyes// rtsa ba dmar zhing 'dab ma lteb// rtse la spu yi tsher ma yod// me tog smug la thur du gug/ de yang rtsa yi sman yin no// bdud rtsi rin po che chen po 'khrungs pa'i rgyud las/ khrag bcud mchin pa'i le'u ste bcu bdun pa'o//// bcom ldan rdo rje gzhon nu yis// rU tra chen po bsgral ba'i tshe// rtsa bcud chu ba yar ba las// de yang thigs pa bzhi ru yar// gcig ni gangs kyi stongs su yar// bdud rtsi chen po la chu ba// mngar la zhim pa'i ro dang ldan// rtsa ba ser zhing rtsa mtshams dkar// dar ba smug cing 'dab ma shog/ snying po 'bras bu med pa'i rtsi// btsos te zas su zos gyur na// bad kan gnyis ka ming yang med// thigs pa lung pa'i srol du babs// bdud rtsi chen po chu chung ba// rdza mo lung pa'i dkyil du 'khrungs// 'dab ma chung zhing dar ba smug/ 'bras bu bra po'i zan bcangs 'dra// ro ni skyur la cung zhig 'phrigs// bcos ste zos par gyur na yang// ban kan smug po gtan nas len// thigs gcig sa la yar ba las// sra brtan brag gi sked la 'khrungs// 'dab ma ngar ba gong bzhin te// snying po pi wang lta bu ste// ro ni skyur la gdang bar ston// btsos ste zos par gyur na yang// bad kan dkar po ming yang med// sol bur zos par gyur na yang// bad kan dag la cung zhig phaT// gong gi ro dang mi ldan zhing// sa phyogs dro sar skyes gyur na// de la bdud rtsi sman mi 'byung// thigs gcig sa la yar ba las// ri klung chen po'i 'dabs su skyes// bdud rtsi chen po ldum bu skyes// dbyibs rnams chu ba 'dra mod kyang// ro ni cung zhig sbre la kha// pho la dgos pa ma yin te// mo rnams kun la nal ba'i sman// bdud rtsi rin po che 'khrungs pa'i rgyud las/ rtsa bcud chu ba'i le'u ste bco brgyad pa'o//// bcom ldan rdo rje khros pa yis// rU tra chen po bsgral ba'i tshe// de yi glo ba bshegs pa las// thigs brgyad sa la yar ba las// tsan+dan dkar po'i bdud rtsi yin// 'khrungs ni nags tshal dbyibs su 'khrungs// rtsa ba zab cing ngar ba bshan// 'dab ma dag kyang sprin bzhin gyi// dkar zhing mdog ste chung zhing sob// de yang rigs ni gsum du gnas// gdang ba'i dri dang mngar ba'i dri// cung zhig tsha ba'i dri dang gsum// gdang ba'i dri ni gsher la 'khrungs// tsha ba'i dri ni shing dag zad pa'i ze la 'khrungs// rkyen gyis ral dang lcugs kyis lteb// ci rigs rim pa dang sbyar nas// glo rnams gso ba'i bdud rtsi yin// mngar la gyur ba'i tsan+dan la// 'dab chags bya yi tshang bcas na// bsil bar 'gyur te byar mi 'gyur// gal te bya yis mi 'tshal nas// mnyam 'dra shing dang mtshungs pa la// bsil ba'i chu yis bran nas ni// gzhan gyi zil pa zhu gyur kyang// de yi zil pa zhu mi srid// gal te mi yis tshol gyur na// mnyam 'dre'i shing gnyis bsreg pa rab// 'tshig dang mi 'tshig shin tu gsal// thigs gcig sa la yar ba las// mtshan pa gsum du gyes te song// shing chu gtong dang ltengs ka'i mtshams// sa ma brag gi gseb tu yar// shing gi chu las byung ba ni// ka ra smug po'i rgyu ru 'khrungs// rlung gis btab pa'i glo la phan// ltengs ka'i bar nas byung ba ni// ka ra dkar po'i rgyu ru byung// dug gis zin pa la sogs dang// tsha ba'i nad rnams kun la btang// tsha ba'i glo la rab tu phan// sa ma brag la yar ba ni// shin tu dkar la rtsub par 'khrungs// bye ma ka ra zhes su grags// de la rigs kyang gsum yod de// brag ting sa ting shel ting gsum// brag ting kha ba bzhin du sob// sa ting mdog kyang cung zhig smug/ shel ting zla ba nya ba bzhin// brag ting rus pa tsha la gtang// sa ting sha rnams tsha la gtang// shel ting bya ba'i bsil ba de// ga pur lta bus thob pa min// skyobs kyis khrid na tsha mi nus// ston ka'i zla ba nya dang mtshungs// shel ting btsal ba'i thabs bstan pa// chu rnams rab tu bskor ba la// shel ting btab par gyur na ni// khol shi chu grang tshad du 'gyur// chu yis btsal ba'i man ngag yin// me yi blta bar gyur na ni// ji tsam brngos kyang mdog mi ldog/ rlung gis blta bar gyur na ni// lcags kyi rdo dang bsres te 'phyar// snyigs mar las na shel ting yin// mnyam par 'dug na brag ting yin// sna la khyer na sa ting yin// thigs pa gcig ni yar ba las// g.ya' dang gangs kyi ltongs su 'khrungs// g.ya' yi bdud rtsi zla ba'i 'od// sro lo phung po bdun gyis bskor// ri rnams gzhan yang mtshan gyis 'gengs// lung mdo sru ba yi sa bcad// lha shing sur bu'i zur du skyes// skad 'don chu yi ral pa bzhin// brtag la la chu ba yis bskor// brag dang 'khan pa sngo yang 'khrungs// mthong ba'i ri rnams shin tu 'jam// rtsa ba dag kyang bdun du gyes// rtsa ba'i lcugs pa cung zhig dmar// lo 'dab sro lo dkar dang 'dra// me tog ti pas dkar ser 'byung// zhag bdun bar la skye mi 'khrungs// tshan dang sro lo gzhan rnams kyis// khru gang pa la nye mi nus// ston zla 'bring po'i smad na btsal// cung zhig me tog ma rnyed na// me dang chu yis gong bzhin btsal// gal te cis kyang ma rnyed na// rkyang bu sha ba'i gdos su gzhug/ glo la gri brgyab su bar btang// sems can de yis rnyed par 'gyur// yang na 'di yis btsal bar bya// rgod kyi bye phrug snyi la bzung// gtod de glo la thur ma brdeg/ pha dang ma yis btsal ba blta// de yis rnyed par gyur nas ni// rtsa ba brko ba ma yin te// lo ma dag gis lo brgya 'tsho// thigs gcig sa la yar ba las// srib ri'i logs dang brag la 'khrungs// bdud rtsi chen po bal bu bya// rtsa ba 'dril zhing ngar ba shar// 'dab ma cung zhig gzhung bu can// dri yang zhim zhing ro yang bskyur// 'dab ma 'dril zhing ngar ba bsnyoms// sdong po rab tu bsil ba de// tshan dang sbyar ba glo yi sman// 'di yang tshan zhes yongs su grags// thigs gcig sa la yar ba las// spang nags gnyis kyi bar du 'khrungs// rtsa ba 'dril zhing 'dab ma leb// bdud rtsi chen po si lu kha// kha mngar zas dang sbyar byas nas// de yang cung zhig glo la phan// thigs gcig sa la yar ba las// klung shod nye ba'i sa ru 'khrungs// bdud rtsi chen po 'bri mog yin// rtsa ba 'dril la 'dab ma khrad// dpyid zla tha chung smad la brko// mar dkar ka ra dag dang sbyar// de yang glo yi sman du bshad// thigs gcig sa la yar ba las// 'bru rnams skye ba'i sa ru 'khrungs// bdud rtsi ba thag ces kyang bya// de yang rigs gnyis dag tu 'khrungs// gsher sar 'khrungs dang skam sar 'khrungs// gsher sar 'khrungs dag ljibs rjib dag yin// skam sar 'khrungs dag skyabs dag yin// btsos te rtag tu zos gyur na// glo nad phyis kyang mi 'byung la// bad kan dag gi gnyen po yin// glo yis ol gong yar ba las// sra brtan brag gi sked dag dang// sa la yang ni de bzhin 'khrungs// ra sgog g.ya' sgog dag tu 'khrungs// g.ya' sgog ces su bstan pa la// shin tu ring la snum pa gcig/ ro yang shin tu mngar zhing zhim// glo nad tsha grang thams cad kyi// sngon du 'gro ba'i sman yin te// ston zla ra ba 'bring po gnyis// rtag tu lto ru zos byas na// lo bcu lon pa tshun chad du// glo nad bya ba 'byung mi srid// bdud rtsi rin po che 'khrungs pa'i rgyud las/ bdud rtsi glo ba'i le'u ste bcu dgu pa'o//// de nas khrag 'thung rgyal po yis// rU tra chen po bsgral ba'i tshe// snying lpags shun pa bshus yar bas// ming ni pa tsi shing du byung// brag ldebs 'dra ba'i sa la 'khrungs// rtsa ba khrad cig snying po ring// 'bras bu gong mo'i snying 'dra 'khrungs// ro lce cung zhig yang ba las// tsit+ta zla khrom zhes su grags// rtsi mar dag dang sbyar gyur na// sems mi dga' ba'i sman du gsungs// rU tra'i mkhal ma yar ba las// ri min thang min 'dabs su 'khrungs// 'dzin med ye ni shing du skyes// rtsa ba bzang la ngar pa rags// lo ma rgyas shing me tog dmar// snying po dag kyang zlum zhing che// ma sha dmigs mi zhes su grags// khang gi nad rnams 'khrugs pa dang// mkhal ma'i rtsa rnams kun la phan// rU tra'i chu ni yar ba las// brag dang spang gi bar du 'khrungs// phal cher bye ma'i grog las skyes// shing dang kha ri dmar po 'khrungs// 'dab ma phra zhing ngar pa 'khyog/kha ni sho sha zhes su grags// mchu nad phal pa dbal po kun la phan// rU'u tra'i rmen bu yar ba las// ri min thang min rtsub par 'khrungs// rtsa ba ngar pa shin tu rgyas// lo ma chu shing me tog smug/gla gor zho sha zhes su grags// snod rnams 'gying zhing na pa'i sman// rU tra'i mcher pa yar ba las// thigs pa gsum du yar ba ni// rdo yi phyogs su 'khrungs pa las// gcig ni pha lam cho lo ris// bgegs chen gzir ba'i stobs dang ldan// rdo sman dag tu cung zhig khro 'gro yang// gcig ni khab len ljang gur 'khrungs// lcags 'du pa yis stobs dang ldan// mcher khrag 'khrugs pa'i bdud rtsi yin// gcig ni bal po'i yul du 'khrungs// mnyen la snum pa'i rdo ru 'khrungs// rgyal ba rnams kyi sku yi rgyu// kha ru tsha dang sbyar gyur na// sbo ba dag la cung zhig phan// btags nas dug tu byas gyur na// khrag ro rnying pa 'byin par byed// gsar pa dag la cung zhig gnod// bsregs te shing kun gtang gyur na// so yi srin bu 'don par nus// btags te phye mar byas gyur na// me cho dag gis cung dben nas// brngos te dugs su bdug gyur na// mkhal ma mkhres pa gtan nas 'don// bdud rtsi rin po che 'khrungs pa'i rgyud las/ snod phra lgang pa'i le'u ste nyi shu pa'o//// bcom ldan rdo rje gzhon nu yis// rU tra chen po bsgral ba'i tshe// de yis gsang mdzod yar ba las// thigs pa bcu gcig sa la lhung// thigs gcig sa la yar ba las// bdud rtsi kun tu rgyug tu gyur// 'ji chung gi ni mgul dag dang// mu zi nag po yod sar 'khrungs// kun rnams 'ju ba'i bdud rtsi ste// khyad par glo ba'i nad la bsngags// thigs pa sa la yar ba las// mtsho rjib ma yi mgul du 'khrungs// bdud rtsi chen po 'bri mi ta// nu zho skams pa kun gyi sman// thigs gsum sa la yar ba las// chu 'bab pa yi mgul du 'khrungs// shing chung ki na yod pa yis// bdud rtsi chen po thal tshas bya// mes tshig kun gyi sman du gsungs// thigs bzhi sa la yar ba las// gangs dang mtsho yi mtshams su 'khrungs// bdud rtsi chen po rgyam tshas bya// chu nad gso ba'i bdud rtsi yin// thigs drug sa la yar ba las// rgya mtsho rus bus 'gram dag tu 'khrungs// sdig pa ka ka ri tu byung// de yang chu nad gso ba'i sman// gzugs ni sdig pa'i dbyibs 'dra la/ kha dog dkar zhing sha srul med// ro ni sgre zhing cung zhig 'dam// shin tu legs par skams gyur na// yan lag nad dang chu yi sman// thigs pa bdun pa yar ba las// dbyar chu dgun skams lteng kar 'khrungs// sa phyogs dro zhing sa dri can// dbyibs ni zhing mnga' 'dra mod kyang// kha dog gong ma de dang mtshungs// ro ni kha la ro gzhug mngar// srid gis stod pa 'dug pa dang// chu la bran pa gong bzhin no// thigs brgyad sa la yar ba las// bal bu ta la'i mgul du 'khrungs// ming yang ma gi ta zhes bya// spos kyi glang po zhes kyang bya// che chung tshad ni lug tsam la// ske ring rna ba shin tu srab// rmig pa rno zhing rkang lag bzhi// dus gcig mchong zhing 'gro bar byed// mo la mi gnas pho la 'khrungs// lte skor chu yi mtshams nas byung// phyi ni 'dril zhing nang na sob// che chung skyes pa dar ma'i lce// dri le 'di zhes bya ba ni// dpag gis mi lang yon tan 'byung// ro gyang pa yi thabs kyi med// shin tu 'khris nas mi zhim mo// rtsi zhes bya ba'i ming yang 'dogs// rU tra'i sbre ni mthar thug las// byang chub sems dpa'i sbre yin pas// dri yis 'phags pa mchod gyur na// yi dam lha yi lung ston 'gyur// man ngag can gyi bsgrub gyur na// lha mo'i gzugs kyang ston par gyur// 'dzam gling dri yis 'gengs par ni// the tshom rdul tsam mi za'o// rU'u tra chen po'i sbre yin pas// dri chu rnams kyi mchog tu gsungs// lus la bcangs par gyur na ni// rU tra chen po'i dri snams nas// klu chen brgyad kyi sbyor ba yang// yud tsam gcig kyang rtsom mi nus// gdug pa can gyi mthu yin pas// sbrul dang sbrang bu tre ma dang// trai ma bu ga la sogs kyis// mi rnams za ru 'ong mod kyang// mnam pa tsam gyis mgo 'gas shing// tshor ba tsam gyis ldan par 'gyur// gzhan yang lus la bcangs gyur na// rU tra chen po'i dri mnam nas// ma mo mkha' 'gro rnams kyang ni// bsgrub pa bzhin du dri la 'khor// bzhi brgya rtsa bzhi'i nad la yang// stobs kyi mthu rnams yod mod kyang// lhag par dri chu bsdams pa dang// lgang pa rdo yis 'gags pa rnams// chu sman bcu yis skyobs byas na// sol ba'i sdong po dri ba la// lcags kyi tho bas brgyab par bzhin// gzhan yang yon tan sna tshogs dang// 'di ru brjod par mi lang kyang// dri chen brgyad pa'i nang nas bshad// thigs pa dgu pa yar ba las// tsan+dan nags tshal dbyings su 'khrungs// shing ni pi la la zhes bya// tsan+dan 'od dang 'dzom pa 'byung// ming yang ma ta la bya'o// de yang dkar nag gnyis su byung// dkar po la yi thang chu 'dra// nag po rtsa rtse'i 'dab ma 'dra// mnam pa'i dri yang zhim pa la// bsreg pa'i dri yang shin tu gdang// de yi yon tan brgya dang ldan// ye shes lha yi thugs dam rgyud bskul zhing// sras mchog kI la ya ni brnag pa'i las la 'dzud// dam can mkha' 'gro ma ni mngag pa'i las la 'dzud// dgra bo sdang ba lha dang nye thag bcad// bgegs kyi grong khyer cho nges chen po 'debs// spos dang du ba kun gyi mchog chen byed// ma mo'i rims nad bal yams thams cad dang// bgegs las phyung ba'i nad dang 'byung pos rkyen pa la// du ba gtang ba tsam gyi 'jil bar byed// bzhi brgya rtsa bzhi rnams kyi nad la rgyug mod kyang// lhag par chu ser nag po gtan nas 'don// lums su byas na spangs shing 'bur ba 'jil// thigs pa bcu pa yar ba las// sda sdo ko mo'i shing du 'khrungs// chu yi phur mo lta bur gnas// chu bur lta bur brtsegs pa ste// stan gyi ki zhe sa su grags// lum pa'i rtsa dang sbyar gyur na// mi'am dud gro gang rung gi/ chad nas has pa'i bdud rtsi yin// gal te mnam nas za ma nus// bu ram dkar po dag dang sbyar// 'phong nas bcug pa'i 'tsho bar 'gyur// chu nad can gyis rtag tu bza'// thigs pa bcu gcig yar ba las// rgya mtsho chab kyi nang du 'khrungs// chu yi nang nas skyes pa yi// tse na rtsa mo dag tu 'khrungs// rtag tu zas su zos gyur na// chu rdo bshig pa'i bdud rtsi yin// glang po'i rtsa las gyur pa yin// dbyibs kyang pho mtshan tshul du gnas// 'jam zhing snying yang mgo la yod// nyal rdo chu yi nang du sdod// de zos chu rdo 'jig par 'gyur// bdud rtsi'i rgyal por ngas bshad do// bdud rtsi rin po che 'khrungs pa'i rgyud las/ chu snod lgang ba'i le'u ste nyer gcig pa'o//// dpal chen rdo rje gzhon nu yis// rU tra chen po bsgral ba'i tshe// de yi pho mtshan yar ba las// be ta gsang mtshan gsang mdzad de// be ta'i 'bras bu bzhi ru yar// gcig ni byi tshe shing gi mgul du 'khrungs// lo ma rtsub cing dar ba mkhrang// sha ba'i rlig pa 'dra mod kyang// spu can khong stong snying po med// bdud rtsi chen po a 'bras yin// chu dang mkhal ma rlig pa skrang// rtsa rnams cung zhig 'khrugs pa dang// 'gags pa gso ba'i bdud rtsi yin// thig pa gnyis pa yar ba las// 'jam byed byis pa'i shing du 'khrungs// pags pa rlon zhing 'dab ma rlog/ snying po spu gu can du 'khrungs// 'bras bu g.yu sgong lta bu la// nus pa gong dang 'dra bar bshad// bdud rtsi chen po 'jam 'bras yin// gsum pa sa la yar ba las// nags tshal thag chen gling du 'khrungs// tsu ta'i shing las skyes pas na// bdud rtsi chen po sa 'bras yin// gnag la 'dril zhing ze mo kyong// nus pa gong dang de bzhin 'dra// bzhi pa sa la yar ba las// brag bar sa 'jam gling la 'khrungs// rtsa ba ldem la ngar ba ldem// spu bu can la 'dab ma srab// byin po mkhregs la kha tshe gsum// bdud rtsi po ni so 'cha' yin// skyug pa 'dren pa kun gyi sman// de yi gsang mtshan yar ba las// tshan pa lnga ru gyes te song// gnyis ni snang ldan shing la babs// gcig ni dog mo'i sa la babs// snang ldan shing la babs pa ni// mtshan ma'i pags pa yar ba yin// pags pa'i phyi shun yar ba las// lte ba rgyun gcad ces su byung// tshar chung yod pa'i sa ru 'khrungs// shing tshad gzhan gyi tho lus su// sngo dang bcas te skye mi nus// rtse mo khrad cing rtsa ba gyad// 'dab ma dag kyang cung zhig skyur// sems can bya ma byi yang za// gcig ni sngo med gram pa'i gling// sngo rnams skye ba'i mi 'gyur zhing// sa phyogs rtsub pa'i gnas su 'khrungs// de ni rabs chad nag po'i shing// nag la khrad cing 'bras bu nag/shing ni de ltar gnyis dang ni// bya ma byi yi spu dang gsum// rin chen gser dang bzhi sbyar na// sems can mos pa mi mthun pas// skye ba mngal gyi sgo 'gegs yin// bdud rtsi chen po yin par bshad// pho mtshan phyi shun yar ba'i rtags// 'bras bu med pa de ltar 'byung// pho mtshan nang shun yar ba las// mchi la pang byid de la babs// nam mkha'i bdud rtsi za ba'i phyir// gangs kyi ltongs na de bzhin gnas// nam mkha'i bdud rtsi thigs gsum byung// da byid kyis ni 'thungs pa las// khar tshad 'thungs pa'i de ring sbyar// bcu drug nyin mo mi la bsnun// de nas rtsi thog ma rgyas par// mo yi lus la gnas par nges// bdud rtsi thigs gsum babs pa de// gzhan gyis tshor bar mi 'gyur te// mchil pa dag dad de bzhin 'thungs// da byid mchil pa de nyid sha/ sems can skyes rgyud 'phel ba yi// pho mtshan nang sha yin pa'i rtags// chu ba 'greng dang 'bras bu'i gsos// sems can 'khor bar chags pa la// skye rgyud 'phel ba'i bdud rtsi yin// dog mo sa la babs pa de// snyi sa klung shod dag tu 'khrungs// rtsa ba pho mtshan shi ba'i tshul// lo ma gcin gyi rjes 'dra ste// dri yang mje yi sbre ru mnam// ro yang mngar la sbre ru kha// bdud rtsi chen po lca ba bya// rlung dang chu ser 'dul ba'i sman// de yi gsang mdzod yar ba las// de yang thigs pa gsum du yar// thigs gcig sa la yar ba las// bsil lam gling gi steng du 'khrungs// mdog smug tshor ma phra ba las// me tog dkar dang ser pos brgyan// klu yi bdud rtsi gra ma bya// klu rnams kun gyi sman gyi mchog/'dre nad kun gyi sman gyi mchog/ dbang bskur byed na so shing bya// sbyin sreg byed na shing bu bya// lums su byed na pags pa bzhar// sman du byed na me tog la// gsang mdzod rkub rlig bar gyi chu ba yar// bsod nams can gyi khang rtsar 'khrungs// rtsa ba snyi zhing ngar pa smug/ btab na skye zhing 'bras bu ngan// bdud rtsi chen po gur shing byung// de yang pho mo gnyis su srid// pho skyes ser la mo skyes smug/ dus su bzhu bar gyur na yang// pho skyes steng la mo skyes 'og/ pho ni lu gu'i tshan bu 'dra// mo ni grang chang skyo ma bzhin// sbyin sreg byed na mchod pa'i rdzas// bzhi brgya rtsa bzhi'i nad la yang// pho skyes phyogs dag kun du rgyug/ mo skyes cung zhig tsha bar gnas// nad rnams kun la cung zhig 'gyengs// pho skyes 'ju ba'i bdud rtsi yin// gtso bo yin par ngas ma bshad// snam log g.yas g.yon yar ba las// rgyal po'i khang bzang lta bu 'khrungs// bdud rtsi chen po shing kun yin// shing yang tshan che lu ma bzhir// lte lta nu yi skyugs pa bzhag/ dri yang 'tshub cing dri gzhug kha// pho skyes dkar la mo skyes nag/ri bong gla ba'i ril ma 'dra// ya ma dkar nag gnyis dang ni// tsha rlung grang rlung gnyis kyi bskal pa las// pho mtshan yar bas de ltar byung// bdud rtsi rin po che 'khrungs pa'i rgyud las/ gsang mdzod pho mtshan gyi le'u ste rtsa gnyis pa'o//// bcom ldan rdo rje gzhon nu yis// rU tra chen po bsgral ba las// de yi lce chung yar ba las// 'dzam bu gling gi byang du 'khrungs// mu le drung shing zhes pa byung// yan lag nying lag shin tu rgyas// de la 'bras bu lnga byung ste// gcig ni mkha' lding bya rgod za// grang nad 'ju ba'i bdud rtsi yod// gcig ni gshog rgyas ne les za// slo yis dug rnams byas gyur na// shing gis phog pa'i rma rnams 'tsho// shing gi nyes pa 'tsho bar 'gyur// gcig ni mkha' lding bgegs la babs// spun rnams 'ju ba'i bdud rtsi yod// gcig ni rtsal chen glag la babs// khrag skran 'ju ba'i bdud rtsi yod// kun la 'ju sman yod mod kyang// klad pa gre ba glo ba dang// mkhal ma mchin pa dag la bshad// lag pa'i rtsa chen yar ba las// de yang g.yas g.yon gnyis su yar// bdud rtsi chen po seng lding shing// smug po rtsa smug phyi nas yar// de yang pho mo gnyis su gnas// pho skyes sro ma ka ru la// sro ma thur la bstan te byung// mdangs dang gting nas dum gcig nag/ mo skyes sro ma sbu gu la// kha dog mdangs kyang cung zhig gser// kha yang gyen la bstan nas byung// pho skyes snying lung snying po yin// mo skyes chu ser tshos mdze'i sman// bla rtsa g.yas g.yon yar ba las// stag pa dkar po'i slags su 'khrungs// stag pa shun lpags bsil ba'i sman// slag ni khrag zags pa la gtang// klad pa'i rtsa gnyis yar ba las// shug pa glang ma pho mor 'khrungs// shug pa dag gi 'dab ma yang// dug dang bdud rtsi kun la rgyug/glang ma lcang ma ngar ba yang// skyobs dang byang bu 'jam pa'i rtsi// chag dang tshigs byung 'jam pa'i rtsi// bzo dbyibs legs par thon na ni// rkyen gyis chags pa'i bdud rtsi yin// mchan rtsa g.yas g.yon yar ba las// phu dang mda' yi phyogs su 'khrungs// phu skyes pho yi gya rta bya// mda' skyes mo yi 'om bu bya// yun gcig nus gcig ro yang gcig/ dmar shal 'brum pa can gyi shing// ro mgo kha la ro rtsa mngar// chu ser bad kan smug po'i sman// mkhal ma'i rtsa gnyis yar ba las// brag dang ri sul khyab par 'khrungs// bdud rtsi chen po smyug ma 'khrungs// de yang pho mo gnyis byung ste// pho ni sbom zhing tshigs thag ring// mo ni phral zeg tshigs thag nye// 'dab ma zo ba'i tshul du gnas// pho ni pho yi mkhal gyi sman// mo ni mo nad kun la gtang// ol gong rtsa chen yar ba las// byin gyi brlabs pa'i sa ru babs// rtsa ba cung zhig spog pa dang// 'dab ma'i spu yang cung zhig spun// mo yi ra gnyer 'dra mod kyang// bungs dang chas te skye mod kyang// sha rnams lci bar gyur pa la// yar bar gyur te gdon mi za// sman rnams nad la 'dred gyur kyang// 'di yis khrid na phigs par 'gyur// kha ru tshwa dang sbyar gyur na// rlung rnams ming yang med par 'gyur// 'o ma dag dang sbyar gyur na// rlung gis gtogs pa'i nad la phan// re tsha mur na gdang zhing tsha// zhu rjes skyobs pa'i phyogs su 'grab// rU tra ol gong pa yi shing// rlig rtsa g.yas g.yon yar ba las// rtsa gcig chu yis mgul du 'khrungs// bdud rtsi shing rtsa pho mor byung// chung zhing khrad de spa ma'i tshul// pho skyes sa kha mo skyes smug/ kun la 'jug pa'i bdud rtsi bshad// rna rtsa g.yas g.yon yar ba las// rna rtsa pho mo gnyis su skyes// rna ba lta bu'i ri la 'khrungs// sku ma pho yi shing du 'khrungs// lo ma ngar pa'i mtshams na ni// rnying pa'i ldum bu dmar rtsa gcig/ shin tu bsil bar gyur pa yin// smin ma'i rtsa gnyis yar ba las// rtsa med brag med bye sar 'khrungs// 'dab ma grog ma'i sked 'dra la/me tog ser po bkrag med 'byung// snying po ug chos g.yag gi tshul// lug gi rwa bzhin skyes pa de// 'gyang na ro ni tsha ru bro// ra tsha zhes su grags pa yin// chu ba 'ju ba'i bdud rtsi yin// bdud rtsi rin po che 'khrungs pa'i rgyud las/rtsa ba shing gi le'u ste nyi shu gsum pa'o//// bcom ldan rdo rje gzhon nu yis// rU tra chen po bsgral ba'i tshe// rU tra rus pa'i mchi ma dang/ kha chu sna chu pho mtshan chu// bzhi char dus gcig brubs pa las// gcig ni bdud rtsi sman chur 'khrungs// sa rtsub brag gi mgul du 'khrungs// dri yang chung zhing 'dab pa las// mnyam gnyis gzhan las cung zhig lci// 'thungs na bad kan 'joms pa'i sman// pho mtshan chu chen yar ba las// gting 'khyil ma dros mtsho ru 'khyil// de yi dkyil du dug pa'i ri// pho mtshan lta bu'i dbyibs 'dra la// dzam bu br-i k+Sha'i shing du 'khrungs// rU tra dregs pas ngar chu lug/bar du bya yi chu ru lug/ sgong nga dgu yi thang du lug/ kyi ni thang chung gsang ba dang// mo ni thang chung rno ba yis// gtan tshigs dang po de nas byung// rwa gnyis gyen du btegs pa ni// lha yi bdud rtsi chen po yin// sa la 'byung bas lug rur 'khrungs// lums su byas na lci ba'i nad// zhag gsum lon nas sel bar byed// mo ru byas na rmug pa babs// nad pa sman pa bzhi bdag la// lha yis 'go ba spyod mi spyod// rig pa de ru shar du byung// rwa de cung zhig bsregs byas nas// ha cang tshig min grang ba min// kha ru tsha dang sbyar gyur na// pho log na bar gyur na yang// skad cig ma yis 'tsho bar 'gyur// de yi bal dgun tha chung brnga// de yang gsum du gsungs pa las// gcig la ju thig thi gu'i mo// dgra dang grogs dang gnyen stobs rnams// rig pa de las 'byung zhing babs// gcig ni gos su byas gyur ram// stan du bting nas mal g.yogs na// bal spus chen po zhes bya ste// grang ba'i nad med nyams bder 'gyur// shing bal be'u 'phrug dar zab rnams// dro bar gyur yang nad skyed dug/ de yi skyobs su 'gro bar yang// 'dab chags sgro dang gcan gzan spu// stag spu dom spu ma gtogs pa// thams cad de yi skyobs su bshad// dom spu mig gi sman yin te// stag spu de bzhin chu ser sman// grang bas na ba ma gtogs ni// gzhan dag rnams la bkag pa med// gcig ni bar phying dkar por bsling// de yang gsum du gnas pa las// zhwa ru byas te gyon gyur na// tsha ba can rnams grang bar nus// grang ba can la phyi drod bskyed// de yang snyoms pa'i bdud rtsi yin// chu ser lug pa'i rna rnams la// chur bcug de yis dkri bar bya// chu ser nag po 'jil ba dang// dum bu phyed de snum du btso// rlung nad rnams kyi rtsa sgo bsrung// des na lus kyi bdud rtsi yin// dbyibs la nges pa med par gtub// sgo nga bag phye dag dang sprad// gong du skrangs la bcings gyur na// 'bur ba'i nad rnams 'phags mi nus// de yang bal gyi bdud rtsi yin// mgo yi lce dang klad pa dang// 'bri mar dag dang sbyar gyur na// brgyungs pa dag kyang de bzhin gtad// kha ru tshwa yis kha tshar gdab// klad pa legs par chos nas ni// chu skams 'o mas bslad cing btso// srog pa rtsa la nad zhugs dang// mgo 'khor lus kyi cha 'khyom na// zhag bdun zos na 'tsho ba'i sman// chu 'thung ra sha zos gyur na// de la nus pa mi 'byung ngo// de yi glo dang rtsa yi khrag/ rma gsar dag pa glan 'gyur zhing// de yi pags rlon dag gis dkris// re 'jam bdud rtsi zhes kyang bya// bdud rtsi lnga yi skyobs btang na// reg pa kun kyang 'tsho bar 'gyur// de yi klad pa cung zad dang// rgya dar bsregs pa'i thal ba rnams// khrag med khrag tu 'gugs pa yin// de yi sogs pa g.yas g.yon ni// rU tra'i 'khor gyis byin gyis brlabs// nad pa'i khang sa dur sa dang// 'tsho dang mi 'tsho'i mngon shes 'byung// dung skyong ma yi byin rlabs kyis// me sman spra bas bsregs gyur na// nad pa bgegs kyis bskyod ma bskyod// nyi ma'i 'od bas gsal bar 'gyur// sog pa ltas kyis sha yin pas// sman pa bzang bar bshad pa las// de yi lag 'og rtsibs ma yang// nad pas zos na nad rnams kyang// gcan gzan zos pa'i sha byung na// rtsibs ma bdud kyi thag pa yin// gcig kyang za bar mi bya'o// mchin sog lha yi mchin pa yin// bzang ngan ltas kun de la blta// sha bcud snying dang rus bcud rkang// khrag bcud mchin dang rgyu bcud zhag/ lha mo'i 'phrin byed dbang thun bskyel// rig pa'i ltas kun babs pa las// bdud rtsi gcig kyang ma babs so// nad pa 'tsho dang snga phyi rnams// rig pa snod can de la dri// mkhas te shes par gyur na ni// rtsa chu gnyis kyi do yang min// nad pa klad pa chag gyur na// de bzhin lug gi mgo la yang// rus pa steng 'og de la brtag/ de bzhin snod la nyen langs na// snod kyi mtshan nyid phyes te brtags// rig pa'i gnas gzhi brtag gyur na// la phyi bzang ngan kun kyang mthong// phyi ma sha rnams kun kyang rgyu// glo long bdud rtsi yin mod kyi// ril ma phan chad sman yin no// sha yi sbyor ba gong dang mtshungs// gal te rlung nad che ba la// gsar du gtang dang rnying du gtang// sbyar la gtang dang gsum du 'dus// gsar du gtong bar gyur na yang// sha dang rus pa khrag dang gsum// tshil dang mar rnying dag gis bsres// mi tsha drod kyi de bzhin brgyan// nas rjen phye yis kha blangs nas// grod pa dag tu blugs gyur nas// g.yam sngon pa yi steng du gzhag/ rdza ma du ba med pa'i bar// 'od kyi kha ring tshos par btso// nar phyin char yang gtang gin bzang// shes pa rgyal po'i thugs ka nas// tshangs pa lha bya dkar po byung// gshin rje nag po'i thugs ka nas// sha zan mchu dmar nag po'i bya// khros nas sgo nga dgu ru byung// sgong gsum gnam la 'dril te song// gnam la bdud rtsi thigs gsum ni// pho rog bya rog khwa dang gsum// snying rje ldan pa'i rtags yin te// bsad pa'i sha rnams mi za bar// ser bu shin tu rdzud par yod// de yi snying dang mdza' ba'i sman// bsil ba'i skyobs ni bdun yod na// shin tu brjod pa mi yong zhing// snying rlung dag gi gnyen po yin// tshe gsum dran byed the tshom med// pho rog srog gcod shin tu tsho// srog pa rtsa yi khrag dang ni// 'bru gsum a ru ra dang sbyar// rtsi mar dag gis sna khrid na// bar gcod cis kyang mi tshugs so// lo stong thub la the tshom med// khwa ta nag rung skad kyang che// sha dang rus pa a bar sbyar// mig 'bras klad pas tsho byas te// mar dkar dag gis sna khrid na// mig sman kun gyi gtso bo yin// sa yi 'og tu sbas pa yi// gter mthong ba la the tshom med// sgong gsum bar du yar ba las// khra dang 'ug pa hor pa gsum// 'ug pa'i sha yis kun kyang 'jigs// hor pa'i sha yis kun kyang 'ju/khra yis drod rnams kun kyang snyoms// 'ug pa'i klad pa hor pa'i brang/ khra yi bshul sha dag la yod// sgong gsum sa la yar ba las// gcig ni kha ru ma rdol zhabs su lug/ lug pas shin tu sleb par lug/lug ces bya ba'i sems can 'byung// sgo nga drod ni ma yal bar// dro la lug pas drod kyi sman// de yang phyi yi mngon pa drug/ sha yi gdeng yib shin tu dro// thong tsher grang ba'i sgo rnams sel// tshe sug kun kyang de dang mtshungs// khrag dang nang khrol dag la yang// 'tsho bar byed pa'i sman med do// cung zhig 'bras kyi phub ma ru// zla ba gnyis su bcud blangs na// kha gting med par drod tu 'gyur// rlung nad can gyi gnyen po ste// rma can dag gis cung mi thub// shing gi sgrom bur bzhag gyur na// dug ro can gyi de med pa// rma can rnams la sol bu brdzangs// de yang gang zhig rlon gyur na// chu ser skye ba'i rgyu yin no// ha cang tshos par mi bya zhing// zhag po bgrangs te btang bar 'byung// phyi skams nang ma g.yos la gtang// btsos bsgral gnyis po de bzhin no// bsgral ba'i dus dang dgun zla gsum// ston zla bsgral na khrag nad skyed// dpyid zla gsum la bad kan slong// dbyar zla mkhris pa de bzhin te// tshil bu rgyas pa'i dus su ni// nad rnams gzhan gyi ro mi ldang// de phyin tsho na nam yang bzang// sgo nga gcig ni zur la yar// ra zhes bya ba'i sems can byung// ngad pas spu yang cung zhig rtsub// khengs pas rwa yi gnyer ma mang// zur dang brag la 'dzegs pa dga'// rtsa rtse 'thog cing rtse yang g.yab// shin tu bsil ba'i bdud rtsi yang// glo ba klad pa mchin par yod// 'o ma ka ras mchin brgyangs na// me yi rtse yang 'chi bar bshad// chu grang dag la mchin bgrang na// mi tshangs mngal ba bkub nas ni// gab pa la sogs tsha ba'i nad// dus der mod la 'jil bar nus// klad pa dag ni btsos gyur nas// mar dkar dag dang sbyar gyur na// tsha ba'i rlung rnams rab tu 'jil// mar rnying dag la rlung ldang na// dus der mig rtsa 'debs par byed// sgong gcig sa yi phag tu yib// zhag gcig lon nas gzod gcig rnyed// ming yang phag pa zhes su btags// sa dang 'dres pa'i mtshan nyid kyis// zhes kha gtsang sme rab tu chung// phag na 'dug pa'i gtan tshigs kyis// sa yi khron dag sna yis rog/ shin tu grang ba'i spu yang rtsub// mche ba can te rma yang 'jig/ sha rnams gzhun te rlung mi thub// mgo dang sna yang lhog pa'i sman// klad pa skrangs nad kun gyi lums// spu yi gzhob dang slo yi lums// nya dang sbrul dang sbal pa dang// sa bdag gzugs su ston pa yang// kho yi zas su byed pa'i phyir// sna yis skrangs nad kun kyang thub// mche bas lhog pa'i gnyen po 'ong// 'bu dang grogs ma sbur ba za// lhog pa de 'dra brdzus te 'byung// de phyir mgo bcu klad pa yang// sha rus tshil dang bcas te gtang// ru lu za za'i skad 'don nas// ma mo gnyen gyi lhog pa thub// kho rang sngags pa yin pa'i phyir// spu yi lcags kyi thur ma yis// bdud dang gshin rje'i lhog pa thub// mig ni dpral ba'i 'dzin sa lte// 'byung po bgegs kyi lhog pa thub// de phyir sha rgod sman gyi mchog/ shin tu skrangs nas byung ba'i 'jibs// phyi sha bad kan gtan nas 'don// nang khrol kun dang khrag tshil gyis// mkhris pa khrag gi ming yang med// rnam rtog 'joms pa'i bdud rtsi pa// gang gis skyobs pa ma yin te// gcig pus thub pa'i sman yin no// khrag zags pa dang rgas pa dang// rims nad drag la gtang mi bya// dar la babs pa'i mi rnams la// gang la gtang yang nyes pa med// lus zhes bya ba'i ming yang btags// de yang rnam pa gsum yin te// rlung nad kun la mchog tu bsngags// rnying par gtang ba'i mtshan nyid ni// sha dang rus pa mgo bo rnams// bcud blangs shing gi sgrom du gzhug/lo gcig lon nas sha gtang na// sha rlug rlog pa'i rlung la phan// lo gnyis lon nas rus pa gtang// ltag mig lhog pa'i rlung la gtang// rlung dang srin bu bsdongs la phan// lo bzhi lon nas mgo gtang na// ya ma dkar nag 'joms par nus// lo lnga lon par gyur nas ni// smyo ba'i rlung nad kun la phan// lo drug lon nas 'thibs pa sel// lo bdun lon nas shed chung ba// che bar 'gyur te the tshom med// brgyad nas nus pa zad ces bya// sha yi sbyor bar 'gyur na ni// bud med sha dang bsres te btso// mdze nad dag la rab tu bsngags// lo brgyad 'das kyi mar ni rnying pa dang// ma phrad gzhon gyi sha dang rus par bcas// lug gi mjug rus med pa de bzhin brdung// lug gi pags pas grol te zla gcig bsnyal du gzhug/ shin tu tshos par byas te khu ba de la bstim// chang gsar thigs gcig blugs te btsos gyur na// spod de kha ru tshwa yis rab brgyan na// snying rlung brjed byed smyo byed rtsa ba gting nas 'don// phag pa'i sha tshil dag dang sbyar gyur zhing// dong gra dag gi spod byas gsar par gyur na bad kan sman// rnga bran sha dang gnyis su med par brdung// ka ra dkar po'i spod kyis brgyan par gyur// shin tu btsos dang mdzo zho mngal dang sprad// rma rnams tshad skyes rnag rnams gcod pa'i sman// lo gsum lon pa'i lug ru dang// rgod g.yag sar gyi sha tshil shin tu tsho// lug gi khog par blugs te bkab byas te// tsha ba gsum gyi spod dang kha ru tshwa// 'bri mar cung zhig dag dang sbyar/ kha ches lums su byas te chang gis btso// nar phyin chang gis btung chu byas gyur na// lcags kyi rdo rnams khong na yod kyang 'ju// gal te sman mar dag gi gsos byed na// grang ba dag la sbyar na sha rnying gtang// dpyid dang dbyar ston sha de gtang ba min// snyoms par 'dod na 'phral sha gtang// dpyid dang dbyar gyi sha yang gsar mi gtang// dpyid dang dbyar ni rnga bran sha yis gso// lug gi sha ni zla drug yin te zla drug bzang po min// mig chu sna chu gnyis po yang// gong du 'khrungs pa de dang mtshungs// bdud rtsi rin po che 'khrungs pa'i rgyud las/ rU tra chen po bsgral ba'i chu bzhi 'drub pa las/ pho mtshan dri chu'i le'u ste nyi shu rtsa bzhi pa'o//// bcom ldan rdo rje gzhon nu'i sa// rU tra chen po bsgral ba'i tshe// de yis dreg pa yar ba las// byang gi rtsa mar 'khrungs so// rwa la gzhu byung drang srong thogs// mi rnams 'jig rten mda' yis su// sha las drod byung grang ba 'joms// ston zla tha chung dpyid zla chung// dus ni pho la yod mod kyang// brgal nas mo la bdud rtsi 'byung// pho mo 'khor bar gnas mod kyang// ded sha dag la sman mi 'byung// 'dril na nams kyang legs par bshad// rU tra chen po'i dregs yin pas// de nas rdul gyis phyis gyur na// dreg pa zhu bzhin rtul bas yal// 'dril bas dreg pa zhu 'gyur te// rkang dpyi gnyis kyi bar nas ni// grang ba 'joms pa'i sman yod de// dpral ba'i ka ba dag la yang// me ro rnying dang 'da' sman dang// tshig pa byed pa'i sman yod do// rU tra'i ba spu yar ba las// rkyang dang rngas dang gtsos su 'khrungs// rkyang zhes bya ba'i sman rnams ni// zho la rtsal rdzogs sa la bro// bya yi zos pas dus tshod mkhas// gtsos zhes bya ba'i snying khrag la// srid tshol ba yi bdud rtsi babs// bu mor skye ba'i bud med dang// sha ma ma byin pa la gtang// rngas zhes bya ba'i spun mo de// klad pa 'gyur ba'i tshil bu la// mgo srin sel pa'i sman yod do// rU tra'i rkang sor yar ba las// rta rkyang rnga mo ba men sha/ mdzo dang bong bu gnyan dang ni// gna' dgo gnyis te bcu byung ngo// rta ni chu ser tshabs re'i sman// mchin pa dag la yod pa yin// tsho na brang gi ldebs la gnas// rkyang ni chu ser skrangs pa'i sman// rnga mo dreg la sman pa'i sha/ba men sha 'u gso ba'i sman// rme sha la dug gso ba'i sman// mdzo ni shin tu snyoms pa ste// bong bu tshabs ro dag la phan// rnga mo kun la snyoms pa'i sman// gnyan sha gna' dgo snyoms par gsungs// rU tra'i rkang sor yin pa'i phyir// rta mgyogs rkyang grims rnga mo ske// ba men rwa dang rme sha'i gzugs// mdzo yi rtsal dang bong bu'i skad// gnyan gyi bang dang gna' ba'i 'dzegs// khyad par spyod pa'i yon tan ri// rU tra'i rkang pa yin pas byung// rU tra'i lce las gyes pa ni// kom pa'i ko ba rgya yi sha/ shin tu 'jam zhing snyoms pa'i sman// rU tra de yi mthu las ni// lhag pa'i yon tan re re yod// rgya yi dar ni rin po che// dgo ba'i thul ba chu bas mnyen// kom pa'i gnya' bas sa gzhi rlog/ de ltar mi rnams don du byung// rU tra'i mche ba bcu bzhi la// mche ba re re bton pa las// smad dang ngan skyugs bcas nas byung// 'o ma bsil la tshil bu drod// sha rus sris rnams cha snyoms phan// de yi ngan skyug chu srin yin// mi dreg phyugs dreg dom dang gsum// sha tshil grang ba'i gnyen po la// skrangs dang rengs pa thams cad 'ju// mkhris pa de bzhin rma yi sman// dom gyi brang ze snying la yod// de rtags spu ni ka rur 'byung// mi dreg nu ma'i dkyil na yod// de rtags nu ma spus mi 'gegs// phyugs dreg brla yi sul na yod// de phyir brla la sro mi chags// spra dang spre dang byi la gsum// de ltar gsum ni ngan skyugs yin// stag dang gzig dang gung dang gsum// bad kan 'joms pa'i sman yin no// lhog rgal skran dang mes tshig dang// gzhan ma cis kyang mi 'tsho ba'i// ma rnying dag la mkhris pas phan// sram dang gyi sram chu byi gsum// de ltar gsum ni ngan skyugs yin// stag gi 'gram pa dag la yod// de rtags 'jum phran dag tu byung// gzig gi spu sul dag na yod// de rtags spu yang thig ler byung// gung gi bshul sha dag la yod// de rtags mjug ma'i spu yang 'tsher// spyang ki 'phar ba wa dang khyi// spyang ki bshul sha dro ba'i sman// 'phar ba snga dro gsod na rkang pa g.yas// dgongs mo gsod na dmigs la babs// nub mo snying la de bzhin te// bdud rtsi 'phar bas 'phar ma yin// rma rnams dros par gyur pa dang// mo tshad langs par gyur pa'i sman// khyi yi lce yang rma yi sman// wa yang glo la phan pa'i sman// sa byas spo dkar bra ba byi// de ltar bzhi ni ngan skyugs yin// spra dang spre dang byi la gsum// grang ba 'joms pa'i bdud rtsi yin// g.yi yi rna ba gsa' yi mjug/spre yi nu ma gsum la ni// ma dgug pa yi sman yang yod// chu lug chu rta ra rgod gsum// de ltar gsum ni ngan skyugs yin// ra rgod bsil te rma rnams 'joms// sog brag dag la ce spyang byung// khrag rengs kun kyang 'ju bar bshad// de yi ngan skyugs kha sha yin// rU tra'i lag sor gyes pa las// gcig ni mo rnams kun la babs// ma phrad zhon gyi sha rus rnams// rlung gi bdud rtsi yin par bshad// 'phyi ba'i tshil bu dgun zla gsum// rlung dang mig gi bdud rtsi yin// rtsangs pa'i sha yang dreg la phan// sbal pa de bzhin lkog ma'i sman// de rnams lag pa g.yon pa yin// g.yas pa 'jig rten mkha' la skyur// gcig la babs pa yod ma yin// gzhan yang sems can tha dad pa'i// mthun pa'i bdud rtsi yod mod kyang// rU tra'i bdud rtsi babs pa med// shar re sman re smos pa yang// rang re'i sha dang stobs kyi sha/bsil ba'i skyabs kyang bsil bas bya// tsha ba'i skyabs kyang debazhin bya// snyoms pa ci rigs pa yis bya// gal te 'khrugs par gyur na ni// rU tra'i babs lugs nor ba yis// kho yi mthu dpal byin rlabs kyis// nad rnams rengs nas 'khrugs par 'gyur// dpon med tho cho sgra la brten// shes rgyud med pa'i khong dregs mkhan// nad rnams 'khrugs pa'i dka' ba med// gdams med dug tu sbyor ba de// rgyus med mthong ba'i skyon yin pas// rdo rje dmyal bar de 'gro ste// nad rnams 'khrugs pas mi chog ste// rU tra chen po'i bka' chad 'byung// sha sman de dag kun kyang ni// rU tra'i sprul pa ma yin te// kho yi bdud rtsi babs pa yin// nor bas log pa'i lam du 'gro// rdo rje phur pa bdud rtsi ji ltar 'khrungs pa'i rgyud las/ rU tra'i lus bshig sha sman gyi le'u ste nyi shu rtsa lnga pa'o//// de nas rU tra'i dpag bsam shing// shing gi dkyil du srin gcig byung// srin bu de yi kha chu las// srin de zhag tu khyil gyis chags// de yang dngul sgor dkar po smin// de las dngul sha ru bcu byung// skyo nas shing gi kha la rtse// bdud kyi byol kha log pa yin// skyo nas bdud rtsi thigs pa 'thungs// mtho ris gnas bcu'i bdud rtsi'i rtags// rwa bcu gnam la 'gengs pa yang// mi yi tshe srog gcod pa 'dzin// ltogs na shing gi 'bras bu za// mi yi yul du 'khor ba'i rtags// rwa bcu dung gi ka ra yod// lha yi sprul pas don byed rtags// dbyar zla 'go pa rwa bcu skyur// lha yis byin gyis brlabs pa'i rtags// pags pa gnyen la mtshon rtse drug/bdud kyis dbang bsgyur byas pa'i rtags// sa la rdung na phyi ba 'gum// sha la bdud rtsi babs pa'i rtags// rlubs su rul dang dug tu yod// mo la byin gyis ma brlabs pas// rwa med yul mo sman med do// srin gyi bu las skyes pa'i phyir// mjug ma'i steng na srin sman yod// ston zla tha chung nyi shu bdun// lhag pa'i bdud rtsi gsum yod do// dgun zla byung nas mo la 'jug/ mo yi mngal du zhag bdun gnas// dpyid zla tha chung nyi shu bdun// 'dzi klad gnyis kyi bar na gnas// de nas gzhung pa dag la zhen// zhag grangs rtsi yin nu bar zhes// dang po shing gi srin rgod yin// de ltar rang mig yin pa la// srin la ma phan ci yang med// byung ba'i dus na phyir la log/ rwa ni lha yi srin sman byed// lha yis gzung bas gzung rtags su// ru bcu yod de brdung mi shes// rwa gsum gdus pa'i khu ba de// rgyal ba dge 'dun dge bshes sman// rmig pa lce ni bdud kyi sman// bdud kyis khyer ba'i khyer rtags su// tshil bu rgyas pa'i dus na du// drag shul srin log kun la gtang// mkhris pa klu yi sman du khyer// klu yi khyer ba'i rtags su ni// mkhris pa gzugs med rgyu mar zug/ mkhris rten khrag gi mchin pa ni// ston zla tha chung dgun zla la// zas kyi srin log rnams la gtad// de nas lha mo phrin las mdzad// char ni zim zim dus su babs// gangs kyi ltongs su babs pa las// ltog pas g.ya' sman zla tsher zis// g.ya' sman skyugs sdang kha chu las// sro lo phung po bdun du byung// skyes pa'i 'dab ma la sogs pa// gangs sman de dang 'dra mod kyang// cung zhig klad pa me tog med// yon tan gangs sman sum gnyis dang// bsil ba'i sgo nas 'dra bar bshad/ bal bu sur bu'i tsha ru gshegs// kha chu bcad dang thigs pa yar// tsha bsil bdud rtsi'i sman byung ste// de yang yon tan bzhi ru shes// co do tsha la sdong po bsil// ru bas lha min phrin las skyong// ngar bas dgra lha'i bla shing byed// sur bu shin tu tsha gyur te// lha dang klu yi bdud rtsi yin// rtsa ba lo ma med par tsha// de nas brag gi sked la gshegs// brag sman mkhan bu ne le chu// de yang bsil te glo yi sman// de nas lung gi mdo ru gshegs// chu ngan thigs gcig yar ba las// sru sru sru 'dra mkhan dmar gsum// grang ba tsha ba skyed pa'i sman// de yang mi yul skyi ting byon// kha chu gnam la yar ba las// lums kyi bdud rtsi chen por babs// she'u pho la sman mi 'khrungs// sge'u'i dus na bad kan skye// skom bu snga res snyoms pa'i sman/kha ru gnyis la sman yod de// phongs nas sha brun bdun du yar// gnyis ni a ba du ru ka/ gnyis ni spang spos g.ya' spos gnyis// gnyis ni brag spos rgod spos gnyis// blug la rgya spos bre gang byung// de dang lta mi phrin lam 'byor// de yi rjes ni bdun du bor// mi yul rjes las sa gro byung// nags kyi rjes las spa ma byung// na yi rjes las thul pa byung// g.ya' yis rjes las ro thang byung// brag gi rjes las glang po byung// spang gi rjes las byang ba byung// chu ru nyal bas sha bal byung// shing srin sha ba'i le'u ste nyi shu rtsa drug pa'o//// de ltar rU tra chen po de'i lus sman du bshigs nas 'jig rten gyi khams su khengs pa de nyid/sems rdo rje sems dpar gnas thob cing sangs rgyas/ 'khor rnams phyi rabs kyi tshogs kyang ngo// yang 'khor rnams sangs rgyas kyi bstan pa bsrung ngo// 'jig rten gyi khams na sman min pa'i ming yang mi grag go/ de nas 'jam dpal rnon pos rang gi stan las langs te/ bskor ba lan stong byas nas kyang/ phyag lan stong 'tshal nas mchod pa du mas mchod nas 'di skad ces bstod do// e ma bde gshegs kun gyi sku// grags tshad rmad byung ngo mtshar che// e ma bde gshegs kun gyi gsung// sman gyi sbyor ba ngo mtshar che// e ma bde gshegs kun gyi thugs// sgrub pa'i lta spyod ngo mtshar che// e ma bde gshegs yon tan che// drang srong rig pa bco brgyad mkhyen// e ma bde gshegs phrin las che// rU tra'i mthu dpal sman du che// rU tra sman du gyur pa bzhin// bdag cag rnams kyang sman du gyur// rU tra sangs rgyas sa thob bzhin// bdag cag rnams kyang sa la zhog/ ces 'khor na gnas pa'i byang chub sems dpa' rnams dang/ drang srong rnams kyis gsol ba btab pas/ der bcom ldan 'das kyi gsol ba btab pa mkhyen nas/'jam dpal gyi phyag g.yas su log rtog thams cad 'joms pa'i ral gri gcig gtad de/ sems spar te bdud rtsi sman du gyur par dbang bskur ro// de nas bcom ldan 'das kyi dbang thob nas 'jam dpal gyis rang lus bshigs nas bdud rtsi sman du sprul/de nas lha'i gnas thams cad bdud rtsi sman gyi gang ngo// de nas brgya byin la babs/ de nas ded dpon la babs/de nas gzhon nu sred la babs/ de nas li tsA bi dri ma med pa la babs so// de nas 'jam dpal kyi ral gri phyag na rdo rje la gtad do// yang lus gong bzhin bsgral te/ gnod sbyin gyi yul thams cad bdud rtsis bkang ngo// de nas gnod sbyin lag na rdo rje la babs so// de nas nab so skyes la babs so// de la sogs pa drang srong bco lnga la babs so// mi'i gnas su pha khol la babs so// de nas 'jam dpal gyi ral gri de/ spyan ras gzigs la gtad nas las bshigs nas/ klu'i yul du sman dang bdud rtsis bkang ngo// de nas dga' bo la sogs pa// drang srong bcu gsum la babs so// mi'i gnas su klu sgrub snying po la babs so// de bzhin du lha dang klu dang/ tshangs pa dang/ gza' dang/ skar ma dang/ gnod sbyin dang/ lha ma srin sde brgyad dang/ nam gru dang/ mkha' 'gro dang/ro langs dang/ mi dang dud 'gro dang/ dmyal ba dang/ yi dwags la sogs pa kun la ral gri de gtad de/ lus bshigs nas/ 'tsho ba rnams mchod par phul te sman du mdzad de 'di skad ces dmod bor ro// bdag cag rnams ni bdud rtsi'i mchog ma nor pa yis bsgrubs lags na/ gal te dam log blta nor na/ rU tra gcig tu skyes bar shog/ dpal gyi thugs rje 'byung bar shog/ bdag cag rnams ni bsgral bar shog/bsgral nas dpal chen gsol bar shog/ yan lag sman du 'khrungs bar shog khog pa gdan du 'ding bar shog/ sems ni rdo rje sems dpar shog ces dmod bor zhing lhan ne lhang nger kun kyang bsgrub cing gnas so// drang srong rnams kyi yul na/ tsa ra ka bam po 'bum sde gcig bzhugs pa las/ rU tra sman gyi le'u brtul zhugs drag po'i bam po drug pa las/ drang srong phyis 'byung gi le'u ste nyi shu rtsa bdun pa'o//// de ltar 'og min chos dbyings kyi pho brang nas/ don phyin ci ma log par grags so// mdzad spyod spa bkod pa'i bam po dang/ khyad par srog rtsa'i bam po dang/ snang bcud brgyad kyi bam po dang/ dngas pa rtsa'i bam po dang/ dngas ma snod kyi bam po dang/ yan lag sha'i bam po dang/ lam ring drang srong gi bam po dang bdun no// 'og min chos kyi dbyings kyi pho brang du/ dpal chen rdo rje gzhon nus mdzad spyod brgyad las/zhi ba'i mdzad spyod sems can 'dul// khro bo'i mdzad spyod rU tra 'dul// ta na skye shi med pas gnas lung ston// ga Na bcing grol med pas mo rnams sbyor// mthun 'jug chos kyi sgo mo brgyad khri bzhi stong ston// mi 'gyur chos nyid rol pa'i lta ba ston// thugs rje'i gsos kyi thams cad sman du 'khrungs pa las// 'og min thugs rje'i gsos kyis mdzad pa las/ bdud rtsi rin po che 'khrungs pa'i rgyan zhes bya ba 'og min du grags pa rdzogs so//// lha yul du grags par yang 'gro'o// mi yul du grags par yang rgyud kha cig bzhugs so// rgya gar gyi mkhan po bi ma la mi tra dang/ gnyags dz+nyA nas bsgyur ba'o//// rgya gar skad du a mr-i ta karma sa mu dra tan+t+ra nA ma/

CLOSE WINDOW